ميرا: هضر نيشان..انا ماشي لعبة باش تجرب فيها و وانا مترددة فهذ الموضوع😑.
جود:(قرب منها ) وشكون ضربك على يدك وقالك وافقي هااا؟
ميرا: عارفك كدير هذشي باش ترد صرف ياك😧
جود: الصرف مكنرضوش هكا الالة..وباش ميمشي بال حضرت جنابك بعيد ..الحاجه لي ختارتك لسوء الحظ ودابا نت حرة وافقي ولا رفضي..وانا كنتمنى تديري التانية..
ميرا: ونت زعما ماعندك رأي..ماتقدرش تختار لراسك؟؟😬
جود: لزمي حدودك ونتي كتدوي معايا..
ميرا: والى مالزمتوش.اش غدير هااااا؟؟
جود: متصرعنيش وتلاحي من قدامي خلاااص..
ميرا: انا مموافقاش...نموت وما نتزوج بواحد فحالك (سرعاتو ديال بصاح وتعصب بالبيان قرب منها شدها من ذراعها كيكرز على سنانو وقال) اوا غير موتي..حيث دابا بدلت رأيي وغنتزوجو..😆 نثرات منو يدها تتخنزر فيه
. ميرا: حلم..😡 مشات وخلاتو مبتاسم بمكر تيشوفو فيها تا غبرات عاد ركب الاوطو ديالو ومشا للشركة اما هي غير بعدات علييه وقفات شاده راسها بداو عنيها يغرغرو بدموع هزات تيلي عيطات على نوال خبراتها بلي طرا وطلباتها تمشي تشوف عمر .. ومشات هي للدار نيشان دخلات تتردخ فالبواب.. اية: ماكي يااك لباس..دويتي معاه؟ ميرا: ولد الحرام الله ياخد فيه الحق..الله ياخد فيه الحق😧😢 اية: موافق ياك... ميرا: امممم...اهئ اهئ اش غندير دابا..كاع لبيبان مسدودين على وجهي شنو الحل شنو غندير اختي اهئ لهئ. اية: الحل لوحيد نقولو لعمتي لي وقع معاك.. ميرا(خرجات فيها عنيها ) حماقيتي😬 اية: هذا الحل الوحيد باش تخلى على فكرة ديال زواج. ميرا: لهئ اهئ اهئ😭😭 علاش اربي كيوقع معايا هكا علاش اهئ اهئ😭. اية: ابتلاء...الله يدير تاويل الخير وصافي 😢 كلسات تتبكي وتندب تتحس بنهايتها قربات ..دنيا كحالت دخلات فطريق مالوش مخرج ..طريق مسدودة اما توافق على زواج اما تخسر ماماها بعد ماخسرات شرفها...
#اما جود رجع للشركة معصب ماقدرش يكمل خدمتو من كتر تفكير مشتت بزاف معصب منها تخطات حدودها وتجاوزاتو معاه.. كيفاش قدرات تقول ديك الهضرة..اول مرة يسمعها من بنت بعد ماكان هو يقولها لاي وحدة بغاتو..عمر شي بنت رفضاتو بل كانو يموتو على تراب لي كيمشي عليه..صرفقاتو تحداتو اش بقا مزال...جعراتو وقرر يرد ليها الصرف غالي...عارفها مبغاش هذ زواج شي لي متقبلوش كيفاش بنت ترفضو هو.. عمر خداو للوبيطال كانت جروح خفيفه نظفوها ليه وخرج تلقاتو نوال حدا للوبيطال. نوال: عمر عمر..شكون دار فيك الحاله. عمر: شكون قالها لك هي ياك😡.. نوال: ماشي مهم..نت لباس كضرك شي حاجه😣
عمر: علاش ماقلتي لي ميرا تخطبات ااااه😈
نوال: ش شنو ..شنو كتقول..تخطبات...واش بصاح؟؟
عمر: اه تخطبات واليوم شفتها مع داك الراجل ..كلاب😠
نوال: عمر صافي نساها اش بغيتي فيها..شوفها راها تخطبات وغتزوج..شوف تا نت حياتك😕
زاد مشا وهي تبعاه واخيرا تحقق مرادها هاهي دابا غتزوج وتبعد من طريقها ومن عمر بصفة نهائية...(ولكن كن عرفات بلي جود هو لي خطبها غتولي فرحتها قرحة)..داز نهار هكاك ميرا فدوامة البكا وتخمام كيفاش غتزوج بواحد مكتحمل منو شعرة كيفاش غتنسى عمر...والاكثر مصيبة الشرف اكيد مغيقلبهاش غيلقاها فرصة ويصفيها ليها..مافيهاش..
اما الحاجة حفيظة مقداها فرحة هي كتوجد وتخطط بوحدها حددات نهار الخطوبة والعرس وفين غيدوزو شهر العسل قداات كلشي ومنين يدخل جود تقولها ليه .. دخل جود كيما العادة مغوبش تلاقا الحاجة وفك غوباشتو وبتاسم ليها. حفيظة: على سلامتك اوليدي😘😘 جود: الله يسلمك الحنانة.. حفيظة: كيداز نهار عندك ..كلشي لباب😊 جود: الحمدلله كلشي غادي مزيان هذ الساعة. حفيظة: مشفتيش ميرا اليوم. جود: امم شفتها . حفيظة: هه بصااااح😁 اوا را خصنا اوليدي نديرو الخطوبة باش متبقاوش تلقاو هكاك مبغيتش هضرة الناس..راك عارف. جود: ان شاء الله الحاجة😑 حفيظة: الله الله كن تشوف اوليدي شحال انا فرحانة..شحال بيني وبين الفرحة..احياني... جود: الله يدومها علييك😚😚 هاني مشيت نرتاح. حفيظة: واخا اوليدي سير ترتاح .غتهبط تعشى ولا طلعو ليك سهام.. جود: فحال فحال😊 مشا دخل لبيت لاح جاكيط وجلس كيسترجع هضرة ميرا فصباح وفرحة الحاجة لي مخلات مدارت على قبلو ضحات ببزاف د الحوايج معاه باش يوصل لفين هو دابا .سهرات معاه وخففات عليه بكات وفرحات معاه..فحين مو لي تابعه غير صحباتها والموضا والنادي والجمعيات مكانتش كتهتم بهم بزاف..وكتخلي كلشي على الحاجة والمربية ...دخل دوش وخرج لبس حوايجو وخدا لبيسي كيخدم تا طلعات لبه سهام العشا.. #وميرا كلما تحاول مها تهضر معاها تنوض وتخليها كلسو هي واية كيفكر فشي حل لهذ الحريرة.. اية: لقييتها😁 ميرا: قووولي. اية: نقلبو على شي وحدة كتبغييه 😀 ميرا: مافهمتش😕 اية: دابا هو راجل معروف وبوكو حبة وبوكوص ضروري ماتكون شي وحدة فحياتو..غنقلبو على نمرتها ونقولو ليها را حبيبك ناوي يتزوج .. ميرا: افففف ومن بعد غتجي تغوت علييه وتبكي ويتفارقو وفالاخر يدير لي فراسو😕 اية: افففف..وشنو الحل فنظرك😕 ميرا: غدا غنمشي لعندو للشركة ونحاول نهضر معاه. اية: اوا على الله يقتنع هذ المره. ميرا: نتي عارفه هذ زواج غيفضحني وزايد منقدرش😣 اية' نعسي دابا ورتاحي وغدا يحن الله😕 نعسو البنات وخلاوها فيد الله وميرا معوله تمشي لعندو للشركة.. #صبح صباح..ناضت ميرا دوشات ونوضات معاها اية فطرات ولبسات كسوة فالبيج حدى ركبة وفيست فالحكل صنادل مشبكين فالبيج وصاك كحل دارت غير ايكخون ومشاو..دازو على لفاك حطو شي فوطو كوبي ..عاد شدات ني طاكسي للشركة...وكلها أمل يبدل رأيو ويرفض هذ زواج... وصلات للشركة هبطاات طلعات راسها وشافت قدامها مبنى راقي وكبيير كولو بزاج تنفساات كتهظن راسها بلي كلشي غيكون مزيان ..دخلات وسولات سكرتيرة ميرا: بونجوع..فين نقدر نلقا البيرو ديال جود.. اا سي جود. السكرتيرة: كاين فالطابق الثالث ضوري على اليمن غتلقاي سكرتيره ديالو😊 ميرا: اوكي..ميغسي. طلعات فالاسانسير وقفاات فالطابق الثالث..ومشات عند سكرتيره. ميرا: سلام بغييت نشوف سي جود. السكرتيرة: (طلعاتها وهبطاتها)عندو اجتماع دابا.. ميرا: ايمتا غيسالي؟؟ السكرتيرة: عندو اليوم كامل عامر..تقدري تاخد غونضيفو😑 ميرا( اويلي على رونديفي وهي معندها وقت) معنديش الوقت لغونديفو..كلميه ليا دابا... السكرتيرة: ميمكنش..😕 ميرا: انا خطيبتو.. السكرتيرة: (خرجو عنيها وحلا فمها على طولو) خ خطيبتو؟؟ !!! ميرا: كلمييه ليا.. سكرتيرة: و واش نقولو... ميرا: مييرا.... هزات تيلي .. السكرتيرة: موسيو جود خطيبتك هنا واش ندخلها؟!! جود: خطيبتي!!! السكرتيرة: مادموزيل ميرااا. جود( بتاسم) اه ميرا. وي وي دخلييها...
ناض قاد الكوستيم ديالو مبتاسم ومستغرب علاش جايه لعندو..وعلاش قالت للسكرتيره خطييتو😁 #حلات الباب ودخلات...لقات جود واقف مبتاسم كيشوف فيها. جود: مرحبا بخطيبتي...😀 ميرا(خنزرات فيه) لوااه زمر😡 جود: اوووه ياك يلاه فلتيها للسكرتيرة. ميرا: قلت لها هكاك غير باش دخلني. جود: اممم واخا..تفضلي تشربي شي حاجة😊 ميرا: سسسسم😠 جود: امم ديزولي معدناش..مي قريب غتذوقيه هههه😅 ميرا: ندخل فالموضوع نيشان. جود: ما دخلي ماتخرجي...خلينا ندويو على العرس كيف بغتييه ميرا( ناضت معصبة) اااش كتخور. واش خرج لك العقل.. جود: (خنزر فيها) ترصاااي..كلسي بلاصتك😬 ميرا: انا مقبلاش ومبغاش هذ زواج...واش غتبزز عليا اه؟ جود: تا انا مبغيهش فحالك😕 ميرا: مزيان اوا خلينا نرفضو... جود: منقدرش ..الحاجة غتقلق ..وانا عمري قلقتها ولي حاول يكون سباب..ياويلو ياويلو.. ميرا: حتافظ يتهديداتك لراسك...انا مموفقاش..كيفاش باغي تزوج ببنت مكتبغييكش ااااه؟ جود: ليكون تيسحاب لييك بلي زواجنا غيكون حقيقي ؟ ميرا: انا مبغاش هذ زواج فهم خلااص مبغااااش..😡 جود: للاسف دوينا معاك بالخاطر مي يمكن مكتفهيش به..لابد ما نبدلو لاسلوب😠 وهذ زواج غيتم.... ميرا: كيفاش غتزوج بوحدة مكتبغيكش لا وكتكرهك ..ترضى لراسك هذشي..ترضى تزوج بوحدة كتبغي واحد اخر و.. مزال ماكملات هضرتها تا لقاتو قداامها شدها من فكها مزير علييه. جود: هذشي مكيعنينش انا الحب وزبل خلييه عندك ميرا :ط طل ق مني ..😣 جود:(طلقها وبعد مخنزر) يسحاب ليك بلي انا باغيك ومستعد نتزوج بك اه؟..انا را غير داير لخاطر للحاجة..وزواج غيكون على الوراق وصافي..متحلميش بكثر😠 ميرا:(شدات راسها دايخة وكلسات بمهل على الكرسي تتنفس بصعوبة ..مشا هز قرعة د الما وحطها قدامها ) جود: متافقين...!!؟ ميرا: سير الله ياخد فييك الحق. جود: المهم بعد غدا غنجيو نخطبوك رسميا..وكما قلنا..زواج على الورق وكل واحد يشوف حياتو.. #ناضت تمات خارجة تتسمح دموعها ..تلقات مع راجل وقف تيشوف فيها باستغراب . جود: جمع رااااسك😑 محمد: ههه شكون هذي اصاحبي جود: ماسوقكش ..جببتي الوراق.. محمد: اه ها هما..( عطاه الوراق وجلس جود كيقرا فيهم) محمد: هه بلا ماتقرا راك مامركزش اصاحبي☺ جود: سكتنا😕( وعينو باقي على الوراق) محمد: شكون هذيك وعلاش خرجات تتبكي... جود: معندك مايدار ياك😑.. محمد: ياك ما من دوك المعجبات عرفاتك غتزوج وجاات...😕 جود:(كيشوف فيه بمعنى منين عرفتي بموضوع زواج حيت هو مكيهضرش فعلاقاتو الخاصة مع تا واحد ومحمد ولد خالتو) محمد: خالتي نجاة قالت لي خطبات ليك الحاجة.. جود: اممم. محمد: مموافقش ياك... جود: راك عارف منقدرش نخسر ليها الخاطر😑 محمد: الى متفاهم مع البنت وعجباتك...توكل غلى الله. جود: عارفني ماكنحملش نهضر فهذشي ... محمد: باين عليك كاعي..واش ممفاهمنيش؟..خايبة؟ جود:(اشر ليه بالنفي) محمد: وشكون هذي لي خارجة تتبكي؟؟ جود: هي😑 محمد: اوااااه داك الزين كامل ومامفهنييينش😨 جود: محمد😠 محمد: واخا صافي. وعلاش اش وقع..دوي اصاحبي متخبيش فقلبك.. جود: هي مبغااش..كتبغي واحد اخر😠 محمد: اوااااه مصيبة هذي ..اوا؟؟ جود: ماشي بزاف هذي باش فسخو خطوبتهم.. محمد: ياك ما نت سباب؟ جود: اش كتخربق..مالي كافر نفرق جوج كيبغيو بعضياتهم😠 محمد: ودابا؟ جود: غيكون هي زواج على الورق..منقدرش نتزوج بوحدة قلبها مع اخر...ولكن الحاجه ..الله يهديها وخلاص😑 محمد: يكوون خير😑 #خرجات من الشركة حالتها حالة تتبكي وتتقطع شوارع ممسوقاش مرفوعة تماما...شدات طاكسي وصلاتها للدار ودخلات. فضيلة: ميراا بنتي.. ميرا: بغييت نعس عيانة.. زادت لبيتها سداتها وكلسات لارض مجمعه رجليها لعندها كتبكي ..تدق الباب كانت اية..حلات ليها.. اية: مييرا...امضرا ؟؟ ميرا: اهئ اهئ لا اهئ اهئ 😭 اية: اجي عاودي لي.. جلسو على طرف الناموسية ميرا: اهئ اهئ هو مصر ا اية على زواج اهئ اهئ اش غندير ااه اش غندير اهئ اهئ😭😭 اية: ولد الحرااام😕 ميرا: قاليا بلي زواج غيكون غير على الوراق. وتا حاجة مغتربطنا ببعضياتنا.. اية: وااش بصاااااح..اوا را هذشؤ مزيان اختي
ميرا: اش من مزيان تا نتي..غتسماي مزوجة صافي وامكانية نكون مع عمر شي نهار استحالت😭 اية: ميرا..هو قاليك هي على الوراق ..يعني مغتكونوش مزوجين ديال بصاح غير غتمتلو قدام عائلتو وكاع مغيقيسك ولا يجيب خبارك..ونت غتربحي هكا غضبري على راسك الراجل لباس علييه.. ميرا: اهئ اهئ..اش غندير ياربي اهئ اهئ اش😭 اية: الحل بين يديك اختي..دابا من قاليك هكا را كلشي فمصلاحتك..وحتى غتقدري تلقاي لي تسبب لك فكاع هذشي وتنتاقمي منو.. @شافت فيها ميرا بمعني اش بغيتي تقولي.. اية: هانتي شوفي فهد الدنيا الى عندك الفلوس راك تقدر على كلشي...من غتزوجي غتقدري تقلبي عليه وتقلبي على الحقيقة لي غتكلفك بزااف مي وقتها غيكون عند باش..و وقتها غتنتاقمي لراسك . #متفرقات معاها اية تا قنعاتها بالخصوص بموضوع الانتقام دخل ليها الراس..بقاو مجمعين تا سمعو صوت شي مرا.. خرجو لقاوها الحاجة حلفيظة سلمو عليها وكلسو كيدويو تافقو على موضوع الخطوبة وكلشي من مشات ناضت ميرا لبسات حوايجها وخرجات تشوف جود من كانت غادية تلقات بنوال ميرا: نوال☺ نوال: ياك الغدارة هذي هي صحبة..غتزوجي وانا مافراسي ماؤتعاود😢 ميرا: تيقني را هذشي جا بزربة ..هي سمحيليا😕 نوال: المهم مبروك..مي شكون هذا؟ ميرا: شوفو نتلقاو من بعد ونعاود ليك كلشي..دابا زربانة شويه...تالمن بعد... مشات وتصلات بجود دارت معاه تلقاه حدى الشركة مبغاش تدخل..شدات طاكسي ومشات لقاتو تيساين فيها... جود: ياك لباس؟؟ ميرا: موافقة. جود: اممم برافو هانتي درتي عقلك. ميرا: مي كيما قلتي..على الورق وصافي..كل واحد حر فحياتو..قدام الناس مزوجين وبيناتنا كل واحد الله يعاونو ... جود: تماما.. نكونو اصدقاء لاغير😊 مد ليها يدو جود: أصدقاء؟؟،!!! ميرا(بقات شحال تتشوف فيدو وتفكر واش توافق ولا لا تا مدات يدها وصفحاتو) اصدقاء😑 جود: مزيااان..تتكوني زوينة من تكوني بعقلك😅 ميرا: خلينا زونين😑 جات تمشي وحبسها.. جود: اول نهار شفتك فيه كنتي كتبكي..وكل نهار منت نشوفك كانو ديما دموع معمرين عنيك عمري شفتك كضحكي..علاش؟؟ ميرا: هذشي ماكيعنيكش ..سوقك فيا؟؟ جود: الى كنت كتبغييه علاش خلتييه؟ ميرا( لمجرد فكرها غرغرو عنيها بدموع ضورات وجها تتسمحهم) جود: يا لطيف دموعك على سبة..فحال biga(ممثل كوميدي امازيغي ).. ميرا: (تفكرات مواففو المضحكة وبتاسمات ..وجود ساهي كانت اول مرة يشوفها تتبتسم واخا غير لثانية) جود: اممم على اي شنو بان لك نشريو شي حاجه. ميرا: لا شكرا..خصني نمشي😑 جود: امم واخا... زادت تمشي وهو يقول: ابتسامتك غزاله..😀 خنزرات فيه وكملات طريقها ومشات اما هو ركب الاوطو ديالو وبقا تابعها.. بقات غادة تتمشى طاح في بالها تمشي لفين خدام عمر هي تشوفو من بعييد وطمأن يكفيها.... وصلات للمحال ديالو لقاتو ساد تمات غدا لقدامو تتشوف فكاع البلايص وتفكر كل دقيقة وهي معاه هبطو دموعها وجات تمشي قبل مايشوفها شي حد وهي ترمق علبة حمراء فالبركاصة ...تمات جالسه هزاتها حلاتها ولقات ساعة لي كانت خدات ليه فعيد ميلادو قلبات بقات كتجبد كاع لي كاضو ديالها وصور مع بعضياتهم محروقين هبطو دموع كواي تيطيحو على الهدايا وتلمسهم بيدها وتحسر حرق كلشي ولاحو خرجهم من حياتو وتخلى عليهم ياترى لاحها تاهي من قلبو..ياترى حرق لحظاتو معاها كيف ما حرق هذ الهدايا غيكون نساها .غيكون حقد عليها وكرهها..ونسى كاع لحظاتهم زوينه اصلا اللحظات الجميلة ماكتكون غير ذكريات مؤلمة من بعد..تتشوف فالهدايا لي كانت هزاتهم واحد نهار وهي فرحانة واليوم هزاهم حزينة مقهورة متألمة..محرقش هي دوك الاشياء حرق تا قلبها معاهم وولا رماد كيطير به الريح من بلاصة لبلاصة..تسندات على الباب حاسه براسها غطيح ديك القوة لي عندها تلاشت علات راسها للسما حاطه يدها على قلبها لي ولات غصاتو كثر من دقاتة مغمضة عنيها تتعصرهم من الالم من لداخل.
مسحات عنيها لي ملصقين فلي كاضو.. #فحين كان جود واقف بسيارتو من بعيد تيشوف فيها ...يلاه جا يهبط لعندها وهو يتلقاها غدا فحالها هازة دوك لي كاضو.. جود: اااخخخ نموت ونعرف سر لي خلاك تخلييه ونتي كتبغيه ..اشنو مخبيه وراك اميرا اشنو مخبيه مور داك الوجه البريء شنو سباب ديك دموع..... زاد فحالو راجع للشركة وهي مشات للدار ...حلات ليها جميلة.. جميلة: مييرا..مالكي؟ ميرا: و والو.. دخلات لبيتها بدلات حوايجها وتكات ... #دازت سيمانة كامله مره تتمشي للفاك مره تجلس فالدار والحرقة لي فقلبها كل ماهي تتزيد فضيلة تتوجد للخطوبة هي وجميلة واية ديما مع ميرا و هبة سافرات مع راجلها فحين جود بين الخدمة للدار وسهير مرة مرة مع صحابو.. دازت سيمانة واليوم فليل الخطوبة فاقت صباح مغوبشه كيف ديما دوشات ومشات تفطر..شويه تدق الباب.. كان شيفور ديال جود عاصم: السلام امدام...سي جود صيفطني ناخد للاله ميرا 😊 فضيلة: اه واخا اوليدي.. دخلات فضيلة للصالون.. فضيلة: بنتي جود صيفط لك الشيفور ؟ ميرا: وعلاش..شنو بغا؟؟ فضيلة: منين غنعرف انا..فطري وسيري.. ساطت وناضت مبقات كملات لا فطور لا تاوزة .. ناضت لبيت هزات تيلي لقات جود كيتاصل..وجوبات.. جود: صباح الخير.. ميرا: شنو باغي..لاش مصيفط الشيفور؟؟؟ جود: ماعندكش صباح الخير فالقاموس😑.. ميرا: قول شنو بغيتي... جود: اجي مع الشيفور.. ميرا: وعلااش؟ جود: على اساس اليوم الخطوبه ديالنا منوياش تختاري خاتم ليييك. ميرا: مكاين لاش.. جود: مييرا...خلينا زونين واجي.. قطع وهي تكركر لبسات حوايجها عبارة على سروال فالكحل وقميجة فالبيج طويلة من اللور وقصيرة من الخدام مع سمطة وبالكمام...سرحات شعرها وهزات صاك ومشات مع الشيفور. وصلو للشركة خنزرات هبطات..ومشات لعندو لبيرو هذ المرة مامنعتهاش السكرتيرة هي شافتها جايه سلمات عليها دخلات عند جود لقات عندو محمد.. جود: تفضلي امييرا.. قربات لعندهم.. جود: هذا ولد خالتي محمد.. محمد: تشرفت بيك. ميرا: شكرا.. جود: هانتي ختاري اينا خاتم عجبك..(حط ليها اشكال و انواع خواتم د ذهب ) محمد: المهم هاني مشيت..نشوفك من بعد.. جود: ان شاء الله خرج محمد وضارت ميرا لعند جود ميرا: مكاين لاش لهذشي كامل😑 جود: ماشي مشكل..(كلس وخدام فالبيسي) ميرا: جود. جود: اممم ميرا: ا انا جود: (شافيها بعد ما كان مركز مع البيسي) كملي نتي اش؟ ميرا: ما بغيتش العرس😑 جود: و علاش؟ ميرا: حنا بجوج عارفين بلي هذشي غير شكليات وصافي..لهذشي مكاين لاش من العرس.. جود: وباذ غتبرري لعائلتك هذشي؟ ميرا: مغنلقاش مشكل..ونت؟ جود: بصراحة الحاجة غتقلق...وتا من ناحية الاعلام.. ميرا: متدخلنيش فحياتك المهنية..مبغيتش لا صحافة لا تاحد يعرف بلي حنا مزوجين😕 جود: مالنا كنسرقو..عادي ميرا: ياريث تبعدني على حياتك المهنية ومبيتش لا عرس لا اشهار لا والو جود: بصراحة هذشي لي كيخليني نحتار فييك..كن كانت شي وحدة بلاصتك غتبغي عرس اسطوري وصحافة والاعلام ويعرف كلشي .. ميرا:هذشي كيديرو لي تزوجو برضاهم وعن حب.. جود: كن تزوجتي بعمر كنت غديري هذشي..مزالك مؤمنة باساطير الحب لحد دابا.. العجب... طاحو جوج دمعات من عنيها ياريثها كن قدرات ياريث ضورات وجهها كتحاول تحبسهم مقدرااتش قرب جود لعندها بخطوات متناقلة طلع يدو ومسح دوك جوج دمعات بحنان وهي تتشوف فيه باستغراب وزاد قرب وباسها فخدها..شهقات وبعدات عليييه مخلوعة حمارت وصفارت..ولات هي تقفقف ..وجود حشم ضار للجهة خرى كيمسح فلحيتو..عاد ضار.. جود: احم احم ميرا: ااا اااب انا غنمشي ب بسلامة..... جود: امم احم واخا و والخاتم..مزال مختاريتي والو.... ميرا: تقدر تختار بلاصتي....خرجات من البيرو تتقيس بلاصت البوسه فلاخر مسحاتها وهبطات...
جات هابطه تتجري وتتمسح بلاصة البوسه محملاتوش يبوسها. تحدى حدودو وباسها كيفاش قدر يديرها...شدات طاكسي ومشات للدار. اما هو بقا غادي جاي فالبيرو كلما يتفكر ديك للحظة يبتاسم ويحشم مع انه مولف من هب ودب كيبوسها الا ان ميرا من نهار عرفها عمرها تخطات حدودها معاه فالهضرة واخا قاصحة وعمرخا لتجأت للاغراء ولا تبوحط علييه فحال البقية هي قاصحة وعبوسه ديما مغوبشه وكتبكي شي لي خلاه يكتاشف شخصية جديدة فالبنات...ولكن كيفاش مخليا خطيبها واخا كتبغيه معرفش كيفاش يفسرها ولا يعرف السبب..ماشي صعيب عليه يعرف عندو طرقو الخاصة ولكن مبغبش يدخل فحياة البنت ويكتاشف اسرارها وهما زواجهم غير على الاوراق .. قاطع افكارها تيلي لي كيصوني كانت الحاجة...وجاوب حفيظة: جود ولدي..فينك مزال مجيتيش ؟😕 جود: وي الحاجة انا جاي😊 حفيظة: واخا اوليدي...متعطلش..بسلامة😚 قطعات وناض يختار اينا خاتم غياخد ليها .حتار بيناتهم كيبانو لي كامل زوينين مكرهش ياخدهم ليها كاملين مي عارفها مامسوقاش. لهذشي كتفى بخاتم سامبل ذهب كتوسط حجرة الماسة ... ووصا يرجعو البقية...دارو في البواط وحطو فجيبو وخرج خدا الاوطو ديالو ومشا .. #اما ميرا طريق كامل متصرطاتش ليها يبوسها (كانت كتسنى يرجع ليها داك الكف ساعه رجعو ليخا ببوسة) وصلات للدار دخلات ولقاتها عامرة بالجيران..مشات للبيت بدلات حوايجها وتكات عيات بزااف..تا دخلات مها فضيلة: بنتي نوضي تغداي تمشي للحمام ودوزي على الكوافور ..ماشي وقت نعاس هذا. ميرا: عيانة بغييت نرتاح. فضيلة: واخا كيما بيتي .. خرجات فضيلة تيوجدو وميرا غفات داخا نعاس تا 6 د العشية عاد فاقت..حلات عنيها شافت شي حوايج محطوطين قبالتها ناضت بتناقل حطا يدها على راسها عاطيها الحريق هزات الحوايج لقات قفطان فالبيض مرصع بالحجر من صدر ومعاه صنادل فالبيض فنفس اللون...لاحتهم وراها ودخلات للدوش دوشات وخرجات لاويه الفوطة وكتنشف شعرها بالاخرى...لقات مها واقفه هازة القفطان. فضيلة: جبنا ليك القفطان باش تلبسيه ساعه لقيناه مليوح فالارض ومكمش.. ميرا: ماما بلا متزيدي علي خي الله..خطيني علييك. سوطات فضيلة بجهد وخرجات اما هي جلسات مقابلة مع المراية تفكرات واحد القفطان خيطاتو باش تلبسو نهار خطوبتها هي وعمر مشات جبداتو وشي حوايج خرين عنقاتهم تتفكر لايام تشم رحية الايام السعيدة فيهم وتبكي حطاتهم وهزات مقص وبدات تقطع وتنتف وتضرب وتبكي بهستيرية رجعاتهم شراوط مليوحين على الارض..وطاحت معاهم ناعسه على كرشها تتبكي😭😭...فرغات طاقتها السلبية وناضت تتشهق دخلات للدوش غسلات وجها وخرجات دخلات فضيلة تتشوف وجهها كيف ولا كولو حمر ومنفوخ فضيلة: بتتي..واش نتي بخير😣 ميرا: بخير. فضيلة: الكوافورة جاية شي 5 دقايق وتكون هنا.. ميرا: مكاين لاش غنصايب لراسي.. فضيلة: (قربات لعندها) بنتي انا اصريت على هذشي حيت متأكدة جود غيسعدك وغتعيشي مخيرا معاه.. ميرا: بغيت نبدل حوايجي..سدي معاك الباب. ترسمات على وجه فضيلة علامات الاسف وخرجات.. وهي هزات تتلبس تا دخلات الكوافوره لعندها مكانتش باغا فالاول تدير تا نقطة د المكياج ولكن اصرو عليها ودارت حاجه خفيفة لبسات القفطان مع صندالو ودارت مشيطة لشعرها جمعاتو الفوق بطريقة زوينة فحالا ظفراتو...جات زوينة.. كلسات تتسوط وتحاول تجاهد مع دموعها ميهبطوش تا سمعات صوت وصداع على برا.. جاو ضياف ماشي بزاف هي الحاجة ونجاة وايمان خت جود ومحمد وماماه جايبين معاهم الورد وشكلاط ولي كادو ديال كل واحد من العائلة ولي كادو ديالها هي طبعا هذشي كامل من عند الحاجة.. دخلوهم الشوفير استقبالتهم فضيلة وجميلة وسعيد فرحانين دخلو كلسو فالصالون... خرجات فضيلة لبيت عند ميرا. فضيلة: الكبيدة يلاه را جاو؟ ميرا: شكون!! جنازتي؟؟ فضيلة: يهديك الله ابنتي ديري عقلك .يلاه اجي..😕 ناضت ورجليها تيترعدو قلبها تيزدح اخر حاجة تمناتها هي تزوج بواحد من غير عمر خرجات بخطوات بطيئة عطاتها مها البلاطو د اتاي ومشات وهو كيترعد بين يديها تتنفس بصعوبة تتحاول تشد راسها بزز باش متغوتش باش متفضحش راسها ..هزات رجلها ودخلات شافت فيهم واحد بواحد.. حفيظة: تبارك الله وصلى على نبي😊😊 فضيلة: اراي لي داك البلاطو ابنتي.. قربات وعطاتها وسلمات عليهم حادرة راسها وتتلعب بصابعها متوثرة.. #جود تيسرق شوفات فيها مبتاسم تيدوي مع سعيد. ومحمد هي كيفرنس لاية لي مدتهاش فيه...فحين نجاة وايمان كيطلعو ويهبطو فميرا مبغيينش..
حفيظة: كي دايره ابنتي ميرا لباس ...
ميرا: ل لباس اخالتي الحمدلله☺
هند(اخت نجاة) مبروك عليكم ابنتي😀
فضيلة: بارك الله فيك😊 بقاو داوين شادين جماعة... ميرا(فوذن اية) نفس كيتقطع لي😣
اية: كالم كالم...كلشي غيولي بخير..
ميرا: بزز باش حابسه واحد الغوته تطلع تا توصل حلاقمي وترجع وتعذب فيا للداخل😢
اية: غير تهدني هانتي مكاين لاش تخافي.. كلسا على نار هي حادرة راسها من دخلات مشافتش فجود ولا حتى حشاتها ليه تتعصر من لداخل وتحبس دموع بزز.... حفيظة: نجاة اراي ليا دوك الخواتم😊
نجاة:(هزات صاكها جبدات جوج بواطاط ) هاكي اخالتي.. شداتهم الحاجة وفمها قرب لوذنيها: بنتي ميرا اشي جلسي حدى راجلك.. صفارت لاخرى وخضارت وديك راجلك زعزاتها من لداخل.. ناضت مصبرة راسها قربات لعندهم وكلسات حداه تتبلع ريقها بزز ومتوثرة وجود عرفها ماحملات الموقف..حطات حفيظة الخواتم على طبلة..وهز جود خاتم شد يدها لي محطوطه على ركبتها بلا حركة..ولبسو ليها...شاف فيها شحال عاد هزات خاتم تاهي تترعد كان غيطيح ليها كن ماشدوش ليها ابتاسم ليها بحنان بمعنى تهدني دارتو ليه وباسها فجبهتها..زغرتات جميلة تا صمكاتهم وناضو كيسلمو عليهم ويباركو ليهم ويباركو لبعضياتهم شهقاات بجهد وهبطو دموعها كي الجمرة حرقوها ضورات وجهها باش ميشفوهاش جود..شد يدها مزير عليها ضارت تتشوف فيه قرب لوذنها
جود: ششش غتفضحينا...واش بغتيني تانا نبدا نبكي را تا انا مبغيش وينزلوني فصفحة الاولي جود العمري يبكي ليلة خطوبته ههه😂
ضحكها ورسمات ابتسامة على شفايفها وسط ديك دموع بانت ليه ابتسامتها فحال قمر فظلمات لليل...نور وسط ظلام وهي ابتسامة وسط دموع..ساهي فيها باعجاب وهي باقي مبتاسمة شويه تقوس فمها وعظات على شفايفها وهبطو دموع قلب وجهو بقات فيه وتنهد وهما باقي كيباركو لبعضياتهم جات فضيلة باستها فرحانة. جود: نقدر ناخد منكم ميرا واحد جوج دقايق😊
فضيلة: ههه اكيد اولدي😀😁
الحاجة: ههه غتاخدها العمر كامل وتتسولنا نعطيوك دقيقة هه😂😂
الكل:😂😂 ههه
شدها من يدها تتمشى موراه ..بقا جارها بلا متكلم تاخرج لبرا.
طلقات شعرها لي خنقها وتنهدات...تمشات بخطوات مخلياه للور تتبكي وهو موراها تيشوف فيها .. جود: متبكيش بالخفا...بكي غوتي خرجي لي فقلبك.. ضارت تتشوف فيه😯😯
جود: كل واحد فينا عندو هموم.. تاحد ممرتاح من غير لي خلقنا😕
طلقات العنان لدموعها تتبكي وتشهق مخبيه وجهها بين يديها صغيورين وشعرها كيطيرو الريح وجود حاظيها للور ساند على الاوطو وجامع يديه.. رجعات بها ذاكرتها للور وكل لحظة معاه .شحال بغاتو شحال تمناتو وغدا معاه بالنية عمرها فكرات تخونو مبقات شافت فغيرو..ولكن مكتابش تكون ليه حيت ببساطة خسرات حاجه عزيزه عليييها...تفكرات ليلة لحفلة وشنو وقع ليها..ماحسات تا غوتاااااااااااات بحر من جهدها وشادة راسها.... #كان ساهي فيها تا فيقاتو ديك الغوتة ناض مشا لعندها تيطبطب على ضهرها .. جود: ششش تهدني....
ميرا: انا كنمووووووووووووووووووووووووووت اهئ اهئ😭😭(شداه من كول القميجة تتهز فيه) رجعو ليا اهئ اهئ قولو كنبغيييه مانقدرش بلا به قولو مايكرهنيش اهئ اهئ اهئ كنبغييييييه اهئ اهئ كنبغيييييييييييييييييييييييييييييه اااااااااااااه😭😭😭 لاحت راسها على صدرو وباقي تترد كنبغييييه اما هو تيمسح على لحيتو حتار تلفاتو...زادت فوثيرة بكاها كانت فحال بنت صغيرة ضايعه. جرها لعندو كثر وخشاها فحضنو محوطها بين يديه وهي على حالها. تتبان كيف ذبانة فحضن الفيل..
حس بها تهدنات عاد حيد يديه وبعدات علييه وعرفات اش كيضور ضارت تتمسح فدموع ويهبطو خرين...
جود: رتاحيتي شويه؟؟
ميرا: مقهووورة مخنوووقة موجوووعة قلبي ضارني ودموعي قهراتني فحياتي وكرهاتني.. كي ندير نسا كي ندير نعيش اهئ اهئ منقدرش بلا به اجود اهئ اهئ منقدرش.. انا كنموت من لداخل انا كنتحرق كارهة راسي كارهة دنيا لي شايفه راسها عليا.. كارهة كلشي كلشي اهئ اهئ😭😭
.."دعني ابكي اليوم كي يشبع قلبي..
. دعني اصرخ لعله ينتهي عذابي...
هل انا من اذنب ام نصيبي...
هل سيأتي يوم يغفر فيه ذنبي...
#تقطع قلبو علييها ماقدرش يصبر ماقدرش كيشوفيها وهي فحالة يرثى لها اول مرة يتأثر هكا..وسؤال واحد كيضور في بالو علاش خلاتو وهي كتبغيه لهذ الدرجة.. ساط وقرب لعندها. جود: علاش خلتيه اميرا؟؟...
دخلات للبيت ما جوباتهمش..سدات عليها البيت تتبكي بدلات حوايجها..ومشات تكات دخلات اية لي يلاه تفكات من ماعن الكوزينه..دارت راسها ناعسه حيت بصاح عيانه ومبغاش تدوي مع حد ولا تسمع حسو كاع...طفات اية الضو ونعسات وهي حلات عنيها وهما سايلين دموع .. #اما ففيلات العمري دخلات الحاجه فرحانه ونجاة هي تتسوط وتافف محمالاتش ميرا .. رجع جود للدار...دخل لبيتو بلا ميشوف فحد لاح جاكيط وكلس على الفوطوي تيتفكرها كيفاش كانت تتبكي كيفاش كانت تتشوف فيه بألم بوجع كيفاش ترمات بين ذراعو وكتبكي على راجل اخر..كيفاش عنقها تيسكت فيها وتهدنات .علاش خلات هذاك مادام كتبغيه لهذ الدرجة..كيفاش غيتزوج ببنت قلبها ملكو راجل اخر غير غتعذب وتكرفص.. مايقدرش يفرق بين جوج كيبغيو بعضياتهم....واخا زواج هي على الاوراق مي كتسمى مراتو قدام الله وقدام القانون وغتولي امانة على رقبتو....لابد مايشوف شي حل ويجمعهم ..داك الملاك ميستاهلش يتعذب دوك العنين ميستهلوش يبكيو.مانكرش انها دخلا ليه لخاطرو .. ناض للدوش دوش عاد رجع تكى مبغاش نعاس يديه #صبح الحال فاقت ميرا مي مقدراتش تنوض من بلاصتها راسها عاطيها الحريق من كثر ماشبعات لبكا..بزز باش ناضت دوشات ورجعات تكات تا دخلات ليها جميلة للفطور لبيت نقبات شويه وحطاتهم فالكوزينه ورجعات لبيتها .
اما جود هي صبح الحال امر رجالو يجيبو ليه عمر للشركة باش يدخل كوسيط يصلح بيناتهم ويصالحهم ويتسد الموضوع بمرة..دوش وخرج..مشا للمكتب راجع شي وراق وهو يتدق الباب دخل واحد من رجالو .. .....: جبناه اسيدي..واش ندخلو؟ جود: دخلو... خرج لكارد ودخلو معاه عمر هي شاف جود خرجو عنيه وتيشوف فيه بكره..
جود: سمع الى كتبغيو بعضياتكم توكلو على الله وجمعو شمل...
عمر: ههه نجمع شمل بقح... من نيتك ههه...
جود( خرجو عنيه وناض قاجو) عرف اش كتقول😠
عمر: مقالتهاش ليك ياك...اكيد مغتفضحش راسها ههه..
جود: دوي نيشان ولى كذبتي فكلمة ماتلوم غير راسك😠
عمر: هانا غندوي..كنا غنتزوجو وبخير كنت كنبغيها من قلبي ولكن اش دااارت مشات مع واحد اخر وضحك علييها وكل ليله فين شداها...من خافت تفضح فسخات الخطوبة ولصقات فيك نت 😠
جود:(ضار كيمسح على وجهو )
عمر: تصدمتي يااااك..تانا تصدمت فحالك متيقتش متقبلتش تعصبت لدرجة تهجمت عليها ..ميرا وحدة غدارة ..موسخة..
جود(ضار لعندو مطلع يدو باش يضربو) هصصصصصص😠
عمر: الى منتيقش سول صاحبتها اما هي موحال تعتارف ليك😬
جود: خرج من هنا..خرررررج😠
مشا خرج وخلا جود كيضور فحال شي حمق غادي جاي فالبيرو كلس شاد راسو مقدرش يتقبل بلي نيرا وحدوة من هذوك لي كيدوز بهم الوقت كيفاش معاق بها كيفاش قدرات تمثل علييه وتكذب ..كيفاش... ياويلك منو اميرا ياويلك..
#دازت يوماين عمرو تاصل بها ولا تصلات هي بدا كيكرهها كيحقد علييها وهي على حالتها...كلشي كيوجد للحفلة لي غيديرو فالاكط بحكم انها مبغاتش العرس وفضيلة وجميلة كيشريو دهازها ويخيطو ليها وهي ولا على بالها #وصل نهار لاكط فاقت مغوبشه دموعها على طرف عنيها دوشات ولبساتها مها فراشة فالبيض مع مكياج يخبي تورم عنيها المنفوخين بوكلات شعرها جمعاتو الفوق ..جا الشيفور داهم للفيلا ديال العمري..وصلو وكلسو فالصالون كيتسناو فجود يهبط ..فضيلة وجميلة حالين فمهم فالفيلا والاثات الفاخر
#اما جود جالس كاره ينزل ويشوفها اكيد غيفقد اعصابو ويدير شي حاجه كره هذ زواج كاع مي على قبل الحاجة صابر..ناض لبس حوايجو عبارة عن كوستيم فالكحل ..مخسر سيفتو .. هبط لعندهم كانت اول وحدة شافتها عنيه جمع يدو على شكل قبظة وزاد لعندهم سلف معاهم وجلس حدا العدول بداو فالاجراءات عطاه يسيني سينا فحال ورقه من الخدمة ممسوق وكاره..عاد عطاو ليها تسيني هزات ستيلو ويدها تترعد..وسينات ناض الكل كيبارك ليهم وهما وتقول واش قربو من بعضياتهم.
حفيظة: مبروووووك عليكم اوليدي😘😘
فضيلة: الله يكمل عليكم بخير...
جود: لهلا يخطيك اخالتي☺
كلسو شادين الهضرة وكياكلو وجود هي معصب كلما يشوف فيها كيبغي غير يتلاح عليها بالضرب والكروشي..اما هي هي حادرة راسها تتدعي الله يدير ليها تاويل د الخير.
فضيلة: اوا الحاجه خلينا ليكم الراحة تا الغدا ان شاء الله
الحاجة: باقي الحال بقاو وباثو عدنا كاع.
جميلة: ماكرهناش ولكن منقدروش بارك الله فييك😊
الحاجة: اوا على خاطركم ..ميرا نتي بقاي ابنتي تشوفي الدار وتشوفي بيتك وتعاونيني فتوجاد .
يلاه بغات ميرا تهضر وهي تقاطعها..
فضيلة: اييه علاش لا. را ولات بنتكم الحاجه...
خنزرات فيها ميرا وناضو مشاو.. بقات غير هي جالسة اما جود هي سلم عليهم طلع للبيتو الحاجة: ميرا..يلاه تشوفي بييتك😊
ناضت وتبعاتها الاخرى طلعو للفوق ودقات الحاجة عاد حلات الباب لقات جود خداام فالبيسي..
الحاجة: شنو كدير اوليدي😆؟
جود: كيما كتشوفي خداام😕
مشات الحاجة خدات ليه البيسي وطفاتو .
. الحاجة: اليوم عطلة مكيناش للخدمة 😑
. جات تخرج وهي توقف مبتاسمة لي ساهية فالبيت قدو قد دارهم واسع وعجبها تصميم والالوان..
جلسات على الفوطوي كترد شعرها للور..ناض قرب لعندها وكلس مقابل معاها.
جود: ميرا ميرا( طلعات عنيها شافت فيه)
جود: كاينه شي حاجه بغيتي تقوليها لي؟.
. ميرا: ب بحال اش؟؟..
جود: مانعرف اي حاجه..دوي انا كنسمعك خلينا نبداو هذ العلاقة على الصدق. واخا مستحيل تحول شي نهار لزواج حقيقي مي على الاقل تكون صداقة..
. ميرا: م مافهمتش؟؟..
جود: يعني معندك ماتقولي لي ياك؟؟.
ميرا( اشرات براسها بالنفي)
ناض بلا ميقول والو جلس رجع شعل لبيسي داير راسو خدام علاش كلما كيشوفها كتسحرو ببرائتها كتسحرو بدوك العنين المدمعين لي مكيحملش يشوفهم كيبكيو..رجع مشكك فالموضوع مايمكنش وحدة مكتقدرش تا تهز فيك عنيها يخرج منها هذشي كامل..رجع فنضرتو ليها شيءا مل وخفاف داك الكره والحقد
اما هي غير تتشوف فيه مفهماتش مالو وشنو باغي تعاود ليه ياك ماعرف اش طرى معها لالا وكيفاش غيعرف هو موحال..غير تترمش فيه وتهدن فراسها مي قلبها ممهنيهاش....ناضت وقالت بصوت بالكاد غتسمعو هي
ابتسمات ليه وعاود شكراتو..قرب لعندها كثر تيشوف فعنيها داير ابتسامة لي تتسحر كل من بتاسم ليه.. باسها حدا فمها وغير تترمش قلبها كيزدح .عمر شي حد باسها تا من عمر كانت تتصرف معاه في حدود.. بغات تهرب مي حصرها بيدو...
ميرا:(حمارو خدودها من الخوف والصدمة) ج جود ببعد😣
بعد عليها بشويه وابتسام بهدوء ...
جود: احم ..بالمناسبة جيتي زوينه...
مجوبتوش وهزات الفوقاتي ديال تكشيطة ودخلات لدرسينغ سدات الباب شادة قلبها "اويلي هذا دغيا زعم عليا ولا كيتجاوز حدودو معايا .هذي المرة التانيه .اليوم بوسه وغدا يطلب شي حاجه خرى لا لا هذ زواج غير على الوراق وصافي خصني مرة خرى نوقفو عند حدودو...نهار الاول يموت المش . سمعات الباب تسد وخرجات ملقاتوش فالبيت هزات كتكمل لبسها لبسات صندال وقدات راسها وجلسات بزز باش كتنفس.. دخلات نجاة وهند..
.بقاو غادين وتحل باب الفيلا على جردة.. وطبالي وكراسا كلشي باللون الاحمر وكرسي للعرسان تاهو بنفس الالوان وناس كثار رجال وعيالات وكاميرات ..خرجو عنيها تاقربو يطيحو زيرات على يد جود حيث مبغاش هذشي كامل همس فوذنها: ماعنديش دخل الحاجة لي وقفاات على توجاد... داير ابتسامة وهي باقي مصدومة وكلشي كيصور فيهم
جود: متبينش...
عاد ردات البال ودارت ضحكة صفرة تيتمشاو على زربيه فالحمر تا وصلو فين غيجلسو والناس متبعيهنم بعيينهم البنات غيكلوها نظرات الحقد عامره عيونهم ... جلسات هي الاولى عاد جلس باقي شاد فيدها لي عرقات ..جات فضيلة لابسه قفطان فالبلو سييل وشال معاه باستها وسلمات على جود وجات تاهي جميلة سلمات عليهم لابسه تكشيطة فالبيج وشال..واصدقاء اخرين....بداو كيتصورو مع الموسيقي وشي كيشطح وشي كيضحك.. جات الحاجة (لابسه قفطان فالكرونة وفولار ونضاضر )وهمسات فوذن جود وهو باقي متصنع الابتسامة شاف فميرا لي متقدرش تحدد نظراتها ووجها مكيتفسرش باقي مبتاسمة ولكن الالم غتقدر تقراه من وجهها..وايه واقفه حداها بكسوه فالحمر معريه من صدر ومحمد كيخضر عويناتو وتتخنزر فيه جميلة...قرب جود حدا ودنها وقال..
ناضو ونكافات وراهم بصلاه وسلام دخلات لبيت تبدل جددو ليها المكياج كيتماشا مع اللبسة لي غتلبسها دابا...كملو وهزو ليها تكشيطة اخر فالاخضر الملكي..رجعات بدلات شحال من مرة ..وكل مره يتبهر فيها جود كثر وكثر من الاخر.. و من قربات الحفلة تسالي غتلبس الغوب حاسات براسها عيانة من كثر خيطي بيطي...هي هذيك لبسوها الغوب والاكسسورات وجددوها ليها المكياج تاني وخرجو وهي تتسنى فجود يجي..جلسات تتمسح يديها من العرق طلعات عنيها بانت ليها كارط بونكي هزاتها تتشوف فيها لقات فيها سميتها...جود كان حطها تماك... تحل الباب ودخل كانت ضايره للجهة الاخرى تتشوف فالكارط...
جود: واجدة..
ضارت لعندو هزا لكارط تسولو اما هو سحراتو بديك للغوب تتبان فحال شي ملاك والعلامات الاعجاب فوجهو ..عاقت به...
ميرا: د ديال اش ه هذي؟؟ ...
جود: (وهو باقي تيشوف فيها) د ديال اش؟...
ميرا: سولتك...
جود: ا اب هذي ديال لبونك ..بسميتك..
ميرا: مم و ولكن م كاين لاش...
جود: كنت عارف مغتقبليش شي حاجه فصداق لهذشي حليت لك كونط فلبونك وصداقك فيه...
ميرا: مكانش خاص تدير هذشي😑..
جود: يالله كيتسناو ..
شد فيدها ثاني وهبطو..خرجو وكلشي كيصفق الموسيقى والمشروباات..واطباق الاكل..كان كلشي راقي وعلى حقو وطريقو.. وصلات 8 د الليل وكلشي باقي ناشط من غير هي شاعل بركان لداخل ديالها...مبتاسمة كيما امرها وكلشي كيبكي فالداخلها..كلشي تيضحك وهي تتبكي جاب ليها الله فحال كيضحكو عليها وتدعي عليهم يهجروه...
#الناس استمرو فالسهرة وجود حس بها عيانة حلا عنيها هي بزز...
جود: نمشيو؟؟ ...
شارت ليه براسها زعما اه..
ناضو وهو شاد يديها و كلشي كيسلم عليهم ويصور فيهم سلمات على عائلتها بالبكا....معانقا ماماها لاصقه فيها كيجروها ولكن والو فحال حسات بلي اخر مرة غتشوفها وعمرها غتعنقها باقي...هبطو الخدامه لي فاليز وجا جود حيدها بالحيل من حضن ماماها بزز فحال لاصقين بالكولا وفضيلة كتبكي ...ضورها لعندو كيمسح دموعها..
جود: ششش متبكييش غير شي ايامات ونرجعو..
ميرا: اهئ اهئ اهئ م مبغيتش نمشي😭😭
جود: تا انا مبغيش مي الحاجه وجدات كلشي...مي كنواعدك منتعطلوش ومن تجي تبقاي عند ماماك شحال ما بيتي واخا.. سلمات عليهم كامل وداها عونها طلع للور وطلع تاهو حداها ومشاو..طريق كامل تتنوح وتبكي وتشهق وهو كيمد ليها الكلنيكس مور اخر..وصلو للبارطمون ديالو دخلو وكلس فالصالون وهي واقفه شافيها وقال: غتكوني عيتي رتاحي..(اشر ليها للبيت.)
ميرا: تصبح على خير...
جود: وانت بخير دخلات للبيت وسدات الباب من موراها حيدات لغوب وجلسات على طرف الناموسيه تتمسح دموعها..ناضت دوشات وخرجات تكاات...حولات يديها نعاس مي والو مقدراتش وخصوصا خايفه عمرها نعسات بوحدها من وهي صغيرة ودابا خلاص كلما تشوف ظلام تفكر ديك لليله ..لليل كامل مانعساتش والضو شاعل عليها.
@وهو مشا للبيت لاخر دوش وخرج صاوب للقهوة لراسو ودخل لبيتو جلس فالبالكون تيشوف جيهو بيتها...مشا تكى تيفكر فهضرة عمر وتصرفاتها هي تا داه نعاس...
#صبح صباح ناضت من فراشها دوشات ولبسات سرول فالبيض وتيشورت فلبيج وفيست بيضه سرحات شعرها وخرجات لقاتو يلاه خرج من لصال..عرقان وعريان هربات عنيها وجلسات على السفرة بلا ماتنطق بكلمة كان باين عليها سهير والعيا..تاهو دخل لبيت دوش ولبس وخرج شرب القهوة وخرجو للمطار طريق كامل تتحس براسها عيانه ودايخة وجهها رجع صفر..لاحظها جود..
جود: نت لباس؟؟...
ميرا: ل لباس...وصلو..وعاونها تا هبطات شادة راسها وهو مسندها ومحوط خصرها بيد اخرى...
طلع نيشان للطائرة خاصة كبيره جلسات على فطوي وجلس مقابل معاها..
جود: تبغي تاكلي شي حاجه..
ميرا( تتمسح دموع وترد شعرها للور) ل لا مفياش جوع..شكرا..
ركبها ليها ورجع لبلاصتو مقابل مع البيسي وهي تتنفس بخوف وتبلع ريقها وتتشوف فيه... بدات الطيارة تطلع وهي شاده الكرسي مزيره عليه تتغمض فعنيها من الخلعه حس بها وطلع عنيه بتاسم ليها بهدوء وقال: متخافيش...
ورجع جلس حطو ليه قهوتو وكيخدم فالبيسي.. تعلات الطيارة فسما وهي تطل وتتشوف فسحاب والارض صغارت عجبها النظر وسرحات بالها تا غفاات حيت بقات لليل كامل سهرانة.. #اما هو مركز مع البيسي خدام تا سالا عاد طلع عنيه شاف فيها لقاها ناعسة ابتاسم وناض هز جاكيطو وغطاها جلس تيشوف فيها تيتحقق من ملامحها فم صغيور حميمر وعنين مشفرين نيف صغيور خدود موردة ..طلع يديه بتناقل حيد خصلة من شعرها وردها للور كان رطب بزاف فحال الحرير.. دوز عنيه ليدها البيضة وصغيورة دايره خاتم لي ختارو ليها..هزها تيتلمس فيها رطيبه بزاف تتبان مقارنة مع يدو فحال نجمة فسما تشعش... معرف علاش ساهي فيها كيحفظ ملامحها يمكن حيت غيجي نهار غيطلقو وكل واحد فيهم غيمشي فحالو..ماعرف شنو جذبو وجبدو فيها مع انه شابع الزين واشكال انواع فالنسا يمكن هذي مختلفه عليهم باسلوبها يمكن هي اول وحدة ميقدرش يوصل ليها حيث قلبها ملكو واحد.. يمكن حيت هي اول وحدة تشوفو وما تعبرو..اول وحدة ماتهتنش لتبوكيصة ديالو ووسامتو معاملتو وابتسامتو ويمكن حتى شهرتو وثروتو. علاش هي مختلفة بزاف واش يمكن حيت شابعه اشكال انواع من رجال الى كانت كيف ما قال عمر ..معقول هذ اليد صغيورة البيضة تكون موسخة...!! قرب لفمها ناوي يخطف بوسه مي هجمات فكرة انه يمكن هذ الفم دازو عليه كاع شفاه لعالم ...عاف وبعد منها مخنزر تيشوف فيها بغضب بالخصوص انها كتجبذبو مرضاش يتصرف هكاك...
رجع وجلس بلاصتو سارح افكارو بعيد وتيفكر فهضرة عمر واش غتكون بصاح هو اكيد معندوش الحق يتدخل فحياتها ولا ينبش بماضيها ولكن الفضور ولخوف من يكون داكشي صحيح تياكل فيه... وصل وهبطات الطائرة فمطار اوغلي بفرنسا ناض ومشا يفيقها عيط لها شحال من مره والو مفاقتش مد يدو حركها فكتفها وهي ديك الحركة مكتحملهاش..ناضت قافزة مفزوعه تتشوف فين هي..
جود: م متخافيش...نوضي را وصلنا..
ناضت تبعاه...خرجو وتلقاهم ليكارد تيمشي وهما تبعينو حل ليه واحد منهم الاوطو من نوع MBW وطلع ..حلو ليها الباب تاهي وطلعات حداه غادين تتطل فشرجم وتستمع بالمناظر والمباني العاليه والراقيه جو معتدل وجرادي نقية... وصلو لفيلا وقف وهي حلات فمها على طولو تتشوف فيها باعجاب.. هبط وهبطات تاهي
جود: تفضلي...
تبعاتو غادين تحل الباب وخرجاات مرا فالاربعينيات هكاك طويلة وبيضه (ثلاجة😂) ملامحها باين عربيه واخا شقراء..جات بابتسامة عريضه وتلاحت على جود معنقاه
جود: واخا الالة😊(شاف فميرا لي غير واقفة تتشوف فالدار) ميرا طلعي رتاحي غتكوني عييتي.. طلعات ووراتها الخدامه البيت كانت واسعه فالبيض والكحل .
. دخلو ليكارد ليفاليز جبدات حوايجها ودخلات تدوش باش تحيد العيا خارجات لاويه عليها الفوطة.. تحل الباب وهو يدخل جود خرجو عنيه بغا يمشي مي تلصقو عنيه فيها بزربه جلسات تتخبي جسمها المنحوث وتحمار وترعد.. وهو حال فمو..تا فهم راسو رجع خرج.. وهي مشات تتجري سدات الباب وسوراتو..
تنهدات بارتياح ملي خرج هزات فاليزتها تتقلب على شنو تلبس..جبدات بيجامة عادية كاع ممسوقاش..لبساتها وتكات.. .اما جود هبط للصالون كيخرج نفس بزز من داكشي لي شاف قبيلة..واش يحشم ولا يضحك ماعرفش تخلطو عليه..جات ضياء لعندو شادات فيدو وهو عاد رد ليها البال..
ضياء: مالك ساهي..
جود: لا والو..غنمشي نبدل حوايجي ونرتاح..
ضياء: مغنخرجوش😕
جود: اممم عندي مايدار..تا لغداا. .
خلاها وطلع لبيت دق وحلاتح ليه مركات مشات بزربة لناموسية تتحك فراسها بثوتر حشمات. اما هو دخل هز حوايجو ودخل للدوش خرج لابس شورت وفالحكل وتيشورت بيضة وكينشف شعرو نتابه ليها هزا تليفون تتخربق فيه...ومشا جلس على الفوطوي...
جود: ا انا ك كنعتذر على قبيلة ..مكنش عارف ت ت...
ضربات طم مجوبتوش حشمات..
جود: ياك ماسبب ليك وجود ضياء شي ازعاج...
ميرا: لا ابدا..عادي...
جود: امم مزيان منها نيت تونسك ..
ميرا: امتى غنرجعو؟؟؟..
جود: يلاه جينا..غير نسالي شي خدمة ونرجعو...
سكتات شويه تتشوف لجهة الاخرى وهو جبد تيلي تيهضر مع شي حد...
ميرا: و واش غنبقاو فنفس الغرفة؟..
جود: ماحد ضياء هنا ماعدنا غير هذ الحل..باش منتفضحوش.. ..ناض خرج وهبط للتحت لقا ضياء تتفرج وكلس تيتفرج معاها هي عنيه لي تيشوفو اما بالو محاضرش.. وصل لليل وهي باقا فبيتها عيطو لها تعشا وهبطات تتعشى معاهم..
خرج وهي سدات الباب من موراه وحيدات بيجمتها بقات هي بديباردو وشورت قصير ومشات تنعس ..كلما تطفي الضو تخيل شي حد غيشدها من ذراعها وترجع تشعلو ومتقدرش تنعس..هي كتضور من هنا لهييه والو قلبها تيضربها بجهد... استعاذت بالله وتكات تيديها نعاس تا غفاات.... اما جود مشا لبيت لاخر حيد تيشورت وكلس يكمل خدمتو...
#فاقت عطشانة وهي تلقا الظلام تفكرات بلي بوحدها فالبيت ..مدات يدها وهي تترعد تشعل الضو مبغاش يتشعل لييها...ركباتها الخلعة كثر تتغمض عنيها وتحلهم تيبان ليها غير ظلام. ناضت بسيف باغا تخرج وهي تقيسها الخامية غوتات مخلوعه جوووووووووووووووووووووود
#كان باقي منعسش جالس مابه ماعليه تا سمع شي حد غوت بسميتو ناض بزربة خرج من البيت مي ماعرفش اينا بيت واش الصوت تسمع عند ضياء ولا ميرا...شعل الضو واقف..مبغيش يدخل ويفيقهم خاف ليكون هي متخيل كيف ديما حيت من ديك لليلة تيفيقو صوت ميرا وهي كتغوت من نعاس نعل الشيطان..وتم غادي وهي رمقات الضو تشعل ناضت بزربة تتجري خايفه ليشدها شي حد ويدخلها للظلام تاني. خرجات بحالتها هكاك بان ليها يلاه غادي وهي تطير معنقاه تتبكي..ماعرف باش تبلا خلعاتو من شافها هكاك مالها وعلاش معنقاه شنو مفيقها فهذ الوقت...تيحس بانفاسها سخونه تضرب فصدرو وقمشاه تتشهق.. هز يدو وحطو على ظهرها وحوطها باليد الاخرى معنقها وكيمسح على راسها كيهدنها
جود: ميرا مالكي...واش شفتي كابوس؟؟
ميرا: اهئ اهئ كان حقيقة ..اهئ اهئ هو قاسني هنا هنا(تتنعت فكتفها) ه هو تماك اهئ اهئ😀😭 هو مافهم فيها والو ..
جود: ما فهمتش...؟؟
بغات تهدر ولكن مقدراتش من كتر الخلعه هي تتنوح
جود: اجي...
شدها من ذراعها..غادي بيها للبيت وهي تغوت راجعه للور..
ميرا: ل لا مدخلش اهئ اهئ هو تماااك ق قاسني اهئ لهئ😭😭
مفهمش دوخاتو شكون كاين تماك وعلاش خايفه هكا واش حلمات واش تفكرات شي حاجه مفاهمش معارفش ..مسندة على الحيط بديك الحوايج المقزبة لي كاع مرد ليهم البال وهو كيشوفها فديك الحاله دموعها شلال وشفايفها كيرجفو و شاده على قلبها بخوف..
جود: واخا الى مبغتيش هذ البيت اجي لاخرى..
خداها لبيت لي كان فيه عاونها تا تكات وغطاها ..عطاها كاس الما مدات يدها تترجف باش تشدو..جلس حداها وعطاها تشرب ومسح فمها لي كيرجف من الخوف جود تهدني دابا ماوقع والو...
ميرا: ا انا خ خايفه😭😭...
جود: ماتخافيش انا هنا..نعسي رتاحي..
جا يخرج وهي تنوض من بلاصتها....
ميرا: م بقا هنا ع عفاك😢(بنظرات كلخا خوف وترجي)
جود: ولكن...واخا..يلاه رجعي تكاي...
رجعات جلسات فبلاصتها جامعة رجليها لعندها وحاضنة راسها بيديها... جلس حداها كيمسح على شعرها ويرجع خصلات للور وهي باقا كتنوح...
جود: من اش خايفه اميرا..شنو سباب هذ الخوف تاهو ..شكون كيلاحقك تا فاحلامك؟؟ ...
(خبات وجهها بين يديها صغيورين وباقا تتبكي هذ الحركة قتلاتو تتبان لبه بنوتة صغيرة خايفه من ظلام ومن الكوابيس وتتستنجد شي حد يمسح دموعها يحضنها ويهدن من روعها ويحسسها بالامان بدون شعور جرها لعندو وعنقها خاشيها بين ظلاعو تا مبقات كتبان ..كانت محتاجه لحضن يدفيها فوسط جليد احزانها...ترخات بين يديه وعيونها شبه سادين غلبها نعاس ..رجعها لبلاصتها كي شي ريشه بيضة تكاها وغطاها تيمسح على راسها كيف ما كانت الكاجه تدير ليه من كان صغير تيشوف فيها يريئة لواحد الدرجة...ابتاسم ورجع تكا حداها مي مبعد عليها شويه فجميع الاحوال ميقدرش يخون الوعد ويمد يديه لشي حاجه مالهاش ديالو ...ماعقل ايمتا داتو عيينو... #صبح صباح فاقت ديك القملة ديال ضياء هي الاولى جات تهبط وهي تشوف بيتهم حال وخاوي..هبطات لتحت تتقلب عليهم ملقاتهمش ..طلعات تاني تتعيط جود جود فيينكم ..حلات باب شومبر بجهد وهي تقفز ميرا مخلوعة وهو حل عنيه مخنزر..
ضياء: س سمحو ليا م م(سدات الباب ومشات)..
ميرا طلعات الغطا عليها جات تنوض وهي تشوفو حداها
ميرا(خرجو عنيها تتشوف فيه) نتااااا..اش كدير هم😨😨
جود: كنبيع القزبور..اش غندير فنظرك ناعس..
ميرا: ناضت بزربة من حداه وهي تشوف حوايجها المقزبين غوتات بصدمة جات تجلس على الناموسية تخبى وهي طيح لارض جات منشورة.. ناض غادي لعندها تخلع..بانت ليه كيف منشورة وهو يضحك خنررات فيه عاد جمع ضحكة...
جود: احم احم..(مد ليها يدو )نوضي ...
ميرا: سير بعد مني😡
وهو باقي ماد يدو شداتها وجبداتو طاح وخوات ليه وجا فالارض.. عاد ناضت هي جبدات لغطاا غطات راسها وهي تبدا تضحك عليه
ميرا: ههههههههههه😂😂😂
ناض جلس وكيشوف فيها اول مرة تضحك هكا ويتحل فمها مع دوك سنينات المستفين ..كيشوف فيها باعجاب خنزرات فيه ومشات جرا معاها الغطا تتمشى كي البطريق وتتحك عنيها تا دخلات فضياء غوتات مخلوعه تتقفقف
ضياء: اففف هذي نتي خلعتيني😯 ...
ميرا: صوري..
مشات دخلات لبيتها وسدات الباب ..هزات حوايجها ودخلات تدوش وتفكر شوهتها ديال البارح فضلات متجبدهاش ليه باش ميسولهاش على ديك الهضرة لي قالت.. خرجات ولبسات حوايجها سروال كحل فنيلو وواسع وقميجة فالصومو خشاتها فييه..وهبطات تفطر..بعد ماخرجات عاد دخل هو لبس حوايجو بعد ما دوش فحمام البيت لاخر..
وهبط هو وضياء حاطه يدها على كتفو لقاها تتسناهم...جلسو تيفطرو وهي غير ساكته حادرة راسها حشمانة منو وهو كيشوفيها مرة مرة ويبتاسم..وهو وضياء كيهضرو.. سلات فطورها وستأذنات منهم هزات القهوة وخرجات لجردة جلسات تتشوف فالورد..مشات تتشم فيهم وحدة بوحدة وتبتاسم ديك الريحة دخلات ليها لقلبها وريحاتها شيءا ما..وهو مراقبها من بعيد .خرجات ضياء لعندها...
ناضت وطلعات لبيت دخلات لدرسينغ هزات كسوة فالبلو وفوق فيست فالكحل. وصندال فالكحل لبسات وسرحات شعرها عادي..مدارت تا نقطة ديال المكياج دخل تاهو لبس سروال فالحكل وجاكيط ... خرج وخرجات تاهي...تماو هابطين تا...
جود :اووه نسيت سوارتي. تقدري تجيبيهم ليا.
ميرا :اوكي..
دخلات تتقلب على سوارت لقاتهم وخرجات وهي تجي نيشان مع ضياء يلاه كانت خارجة من بيتها لابسة كسوة قصيرة فوق ركبة فالحمر معرية من ليدين وضهر ونص صدرها بابن..وجامعه شعرها فجنب...قربات لعندو بابتسامة مغرية وباستو فحنكو وهو مفاهمش لاش هذ التصرف.. خنزرات فيها وزادت.. ميرا: هاهما سوارت..
جود: شكرا.
مشات وهبط تاهو عاد تبعاتهم تا هي كتعوج وتميل.. طلعو فالاوطو سبق وحل الباب وشر لميرا تركب وضياء مزال موصلاتش ترددات فالاول ولكن هي شافتها جايه وهي طلع..اما جود حابس الضحكة وضياء مرضاتش تركب للور ركبات بالتفخة..غادين وليكارد من للور تبعينهم تا وصلو لريسطو هبطو ودخلو جيهة فين جالسه ايمان.. ايمان: خويا حبيبي😍😍
منى(مدات ليها يدها تصافحو)فرحانه من تعرفت عليكم ا موسيو..
جود: ميغسي..
ربيكا: سمعنا بلي تزوجتي مؤخرا..مبروك😊😊
جود: شكرا ...
منى: ايمان فين هي مرات خوك ...
ايمان: ها هي..
#كانت ميرا حادرة راسها سمعات سؤال هذيك طلعات راسها تعرف على البنت وهي تصدم ايمان مكانتش كتشير لميرا شارت لضياء....تصدمات وجود خلاص.... منى: (سلمات على ضياء .) مبروك عليكم..
ضياء: ميغسي..
بييغ: و مادموزيل (شار لميرا)...
ايمان: المساعدة ديال مدام ضياء..
جا جود يوقف وهي تشدو ميرا من يدو بمعني رولاكس..
بييغ: اممم مكرهتش نتعارف ليك الى جاات على خاطرك.. هاهو نيميرو ديالي( مد ليها كارط فيسيت) ميرا تتشوف فيه وعنيها مغرغرين بدموع بصدمة باحتقار.. وتتزير علي يد جود لي كان كثر منها . نثر يدو من يدها وناض ساعر جيهت بيييغ هاجم عليه..
نصف عذراء بين أحضان الوحش الجزء الثاني
محتوى القصة
التنقل بين الأجزاء