ضربو للراس وهزو خبطو مع لطبلة وبقا عليه بضرب سربايه مجمعين وتا حد فيهم ماقدر يوقفو والناس هربو من الريسطو بلا ميخلصو ..وتا وحدة من البنات ماقدرات تهضر ولا تمشي توقفو عارفينو اش كيسوى ..كيولي وحش من يضارب مكيشوف قدامو كااااع...مخلوعين وايمان كتقفقف اما ميرا هي شاده الكرسي مشبتة به من شافتو هكاك...مي من شافتو دور يد بييع للور باغي يهرسها ليه مشات تتجري تتدفعو يحيد عليه وهو غا مزايد فييه...
ميرا: جوووووود صافي خليييه جووود غتقتلو..😨
.اما هو تتجي قدامو وتيدفعها بيد وحدة وطير وتجي مرة اخرى تتحيدو علييه تا فكراتو..
ميرا: جود تهدن غتقلتو صافي ..تهدن..
جود: حيدي نعاود لمو تربية...
ميرا: صافي تهدن خلااااااص. براكا...😯
جود:(كيضور كي شي الحمق ويمسح على راسو وينهج عرقان وشعرو ترون وهابط على جبهتو لي عروقها بارزين...جلس على الكرسي تيقاد الكرفاط ...
قربات ميرا لعندو فيدها كأس الماء مداتو ليه وشرب... اما بيبغ هزو سرباية معطين لاسعاف.. تهدن شويه وناض جيهة ايمان وضياء لا مصقلين من كثر كا ركباتهم الخعة... هز سوارتو وبورطابلو وشاف فيهم بنظرة حادة..
جود: ونتوما حسابي معاكم من بعد(شاف ميرا) ونتي قدامي.. كانت تتشرب هي قاليها يلاه ووحل ليها الما تمشي معاه وهو بهذ الحالة خايفه منو ..
ميرا: غ غنجي م مع ضياء.😮..
جود(بنفاذ الصبر) تحركيييي😡😠
ناضت هزا الصاك ويدها تترعد تتجر فرجليها مكرهاتش تهرب..كيبان ليها وحش صافي...تبعاتو وطلع للاوطو وطلعات حداه كسيراا باقصى سرعة وهي شاده الكوسان مغمضه عنيها ماهي غير دقائق تا وصلو....
جود: هبطي..
ميرا: ا ب م معنديش س سوارت. ..
جود: غتلقاي خالتي امينة وبنتها...
#هبطات وكسيرا هو ..تمات غدا للدار دقات وهي تحل ليها بنت غتكون عندها ديك 18 عام غليضة وبيضة ولابسة صايه طويلة فالماغون وتريكو فالحمر واسع وهابطة على الصايه ومطلعه كمامها..وقفات تتشوف فميرا وميرا تتسنى تحيد ليها من طريق باش دخل..
امينة(من لداخل) شكوووون دق..
. سعدية: واهيا هذي خلود لي عند منتصر.....(فيلم متنسانيش) ميرا(نفاجرات بالضحك )..
تدفعو باش تمشي تطفي العافيه وتهز العلبة لي باقي مشدات فيها ..وهو كيحصرها وتضرب فيه لصدرو ...تتحاول تنثر منو مي حاكمها.. تا تحرق اخر ذكرى لها من عند عمر وولا رماد. تتشوف ذكرياتها لي هما الحوايج الوحيدة لي بقاو ليها تيمشيو قدام عنيها تا تحرقو كامل عاد حيد وخلاها تتجري وتطفي العافيه بيديها لي محسوش بالحريق....
تطفي العافيه وتبكي ولكن للسوء لحظ كلشي تحرق ومبقا هي رماد محساتش بيديها لي تحرقو كثر ما تحرق قلبها ضارت لعندو تتاهمو بعنيها لي عامرين دموع ولسانها ماقادرش ينطق..هي تتشوف فيه وتشوف فرماد ...وهو كيشوف الألم والتمزق فعينها معقول هذ الاشياء تتعني ليها لهذ الدرجة....
جود: عارف غتعصبي مني..ولكن انا درت هذشي باش نعاونك ..
ميرا: ت تعاوني..تعاوني بحرق الذكرى الوحيدة لي بقات ليا منو ..الذكريات لي مخليني لحد اليوم عايشه...تعاوني اهئ اهئ😭😭
جود: كان خاص تخلصي من اي حاجه كتفكرك فيه اميرا..
ميرا: نتخلص منها..(قربات منو كثر) اذن قتل هذ القلب قتلو اجوود قتلو را ملكو راه ديالو كينبض بسميتو وعايش على قبلووو...نتا معارفش اش كيعنيو دوك لي كاضو..عندك نت مجرد اشياء قديمة ورخاااص ولكن عندي انا منبيعهمش بمال دنيا كلها...ونت اش درتي اهئ اهئ اهئ حرقتي كلشي ببساطة ..مابقا ليا تا حاجة منو مابقا لي والووو اهئ اهئ اهئ😭😭
جود: شوف اميرا...انا حرقتهم ماشي حيت مستهان بهم ولكن باش نخلصك من داك الماضي لي كيعذبك نعتقك من داك الألم لي كيقتلك كل نهار..حرقتهم باش ميفكروكش بايامك معاه وتعيشي هي باش تفكريهم...عيشي ايام جديدة باش تنسيك فذوك لايام تي كتقضي على راسك هكا..
ميرا: بالنسبة ليك ساهلة تنسى سحاب ليك بلي هذ الاشياء هي الوحيدة لي كتربطني به وتخليني نتفكرو ..ولكن...كلشي كيفكرني فيه تا الهوا لي كنتنفسو كيفكرني فييه تا دقات قلبي اهئ اهئ اهئ 😢
جود: كلشي ساهل اميرا..النسيان نعمة هي خاصك الارادة..
هز قطن تينظف ليها يدها لي ولات كامل حمرا...وفيها بلايص منفوخين...وعاد دهن ليها بمرهم..وهي عاد توجعاات..
جود: مافهمتش كيفاش تحرقتي وماحسيتيش بيدك..
ميرا: مجوبتوش ولتزمات الصمت ودموعها على خدها( وتتقول في راسها لي خسرات شرفها وتغتصبات وضيعات حبيبها وزوجوها وتحرق قلبها تدمرات حياتها..كيفاش غتحس بالم بسيط ديال الحرق وهو جزء بسيط من وجعها ..يمكن حيت ولفات الالم داكشي ماحسااتش بهم...)
جود: ها حنا سالينا...نضمدوها دبا...
بدا تيضمدها ولف الفاصمة عليها...
جود: كضرك؟ ..
ميرا: ماشي مهم...
جود(زلق لسانو) الى مامهمش عندك مهم عندي انا...
شافت فيه بمعنى علاش وهو عاد عاق اش قال..
جود: حيت بسبابي طرا ليك هكااا...
ميرا: انا طالعه...
جود: واخا..
طلعات ودخلات لبيت بغا تكا بغات تقدا لغطا مي يديها ملفوفين بالفاصمة سوطات بقلة حيلة يلاه بغات تمشي تطلب المساعدة من امينه وهي تشوفو واقف... على الباب...جا جيهتها وقاد الفراش
جود: تكاي باش نغطييك...
ميرا: شكرا.. تكات وقاد ليها المخدة وغطاها...
جود: ممقلقاش مني يااك؟..
شافت فيه وحدرات عنيها وسكتات. ..
جود: اممم بمعنى مقلقة.. اممم وشنو نديرو باش نرضيوك؟...
ميرا: بغيت نعس.
قلبات الجنب وعطاتو بالظهر ... تنهد وناض للبالكون تيهدن اعصابو ويتفكر كيفاش كانت تتبكي قبيلة فحال الى لحمها لي تحرق..لا انما كثر حيت تحرقو يديها ومحساتش بهم..غريب امر هذ البنت تكون معاها تحس بحزنها وبرائتها..ولكن من تتفكر هضرة عمر متكرهش تخنقها بيديك...تيتحمل اي حاجه...تكون كيما بغاات خايبة يقبلها. هبيلة يقبلها .مجرمة يقبلها .سارقه يقبلها .الى الزانية مايقدرش يقبلها ...وخصوصا هي معقول تديرها وتكون هكاك اش ناقصها..من اش مخصوصة باش تبيع جسدها بأي مبرر غتبرر هذشي.. معندهاش تا ضرف واحد يجبرها دير داكشي.. ساط بجهد قتلوه ديك الافكار وسوسها من راسو ضار وشافيها لقاها ناعسه مغمضة عنيها قرب يخطواات بطيئة باش ميفيقهاش وقف قدامها كيتأملها...تحنى جالس كيتحقق من ملامحها وكيشوف فدموع باقي فخدها يعني من ضارت كانت تتبكي قبل ماتنعس. مد يدو مسح خدودها وهي طيح دمعة خرى سخونة على خدها حاصرها بصبعو...معقول تا فاحلامها تتبكي لهذ الدرجة .. عرفها فايقة وغير كتضاهر بالنوم..
حس بها منعساش وقال.
جود: حتى ونت ناعسة كدمعي..
حلات عنيها ببطئ شافت فيه.
ميرا: راك ممخلنيش نعس...
جود: ممزيانش تنعسي فهذ الوقت قرب المغرب...اش بان لك تخرجي تشمي الهوا...
ميرا: فيا نعاس...
جود: نوضي ...
حيد عليها لغطا ونوضها من ذراعها .
ميرا: وا مبغااش خليني...
جود: خلاص اميرا نوضي.
ناضت تتسوط ولاح عليها الكاب وتم خارج ضار ولقى الكاب مليوح فالارض ويديها ملفوفين بالفاصمة..
بقا ماد الكاش ليها وهي تتشوف فيه مره وفالكاس مرة قربات فمها شربات شويه..
ميرا: شكرا ..
جود: العفو...
بقا كل شويه يمد ليها تشرب تا تكرعات...
حشمات منو اما هو تيضحك
جود: ياك ما جاك البرد؟....
ميرا: لا ابدا...
جود: نمشيو...؟!!
ميرا: اوكي.
خرجو وركبو فالاوطو حيت بدا الجو تيبرد وصلو للدار طلعو لبيت هو دخل دوش وهي بقاات تشوف كي دير تبدل حوايجها..هبطات وعيطات على سعديه تعاونها ..دخلو للحمام وعونتها تلبس عاد خرجو ميرا: تاصل باقي
ضياء: عرفاك مقلقه مني..وتا جود مقلق مني كنتاصل به مكيجاوبش..
ميرا: يقدر يكون مشغول..
ضياء: المهم انا كنعتذر على البارح..
ميرا: هانية...
ضياء: يعني ممقلقاش مني..
ميرا: لا عادي..
ضياء: ولكن جود باقي مقلق مني بزااف...
ميرا: هذشي بيناتكم....
ضياء: ع عفاك بغيتك تخليه يسامحني..انا والله مادرتها بلعاني كلشي من ديك ايمان مبغيتش وقتها نفضحها...
ميرا: را قلت لك هانية...وجود من يجي دوي معاه وصالحيه.. ناضت غاذا تا قالت..
ضياء: شكرا..
مشات ومجوبتهاش دخلات للكوزينة عوناتهم فالغدا تا سلاو عاد طلعات لبيتها دوشات باش تحيد منها ريحة طياب ولبسات تيشورت فجون هابط من جيخة الكثف وسروال كحل ..هبطات لقاات جود يلاه دخل للدار.. مشا جيهة الصالون لقا ضياء لي هي شافتو ناضت وقفات وعلامات الاسف على وجهها جا خارج وهي توقفو
ضياء: جود عفااااك 😢😢
وقف وضار لعندها..
جود: نعم...
قربات لعندو وعنيها عامرين دموع..
ضياء: نت مقلق مني ياك..عندك الحق تقلق انا كنعتذر منك...مانويتش فيها هكاك هي كنا ضاحكين...
جود: ساليتي.
. ضياء: جود اهئ اهئ اهئ الله يخلييك متعاملنيش هكا..
جود: تقدري تمشي اضياء. جا غادي وهي توقفو ميرا..وجات قدامو..
ميرا: متشدش فقلبك..الموضوع ميتستاهلش تقلق من بنت عمك لوحيدة...
جود: لي كيغلط اميرا...خصو يتعاقب.
ميرا :ماشي لهذ الدرجة اجود...سامحها..
شافيها مطولا وضار لعند ضياء لي لقاها غارقه فدموع..
جود: حيث ميرا سمحاتك تانا غنسمحك على قبلها..ولكن خطأ بسيط باقي مانشوفش وجهك قدامي..
. ضياء: انا حشمانة منك بزااف..عارفاك غتكرهيني من بعد هذ الهضرة وغت..
ميرا: عمر الحب مكان عييب..شكون فينا يقدر يتحكم فقلبو كلنا بغيينا وباقي كنبغيو..
ميرا: كتبغببه بزاااف( قصدات جود)
ميرا: اه بزااف.. ..
ضياء: تقبلي نكونو صحابات😊
ميرا : مرحبا ..المهم انا طالعه لبيتي...
#جات تخرج وهي تشوف جود واقف كيتصنط عليهم شافت فيه وطلعات
دخلات لبيتها جلسات شادة قلبها لي بغا يخرج وعنيها غرغرو بدموع..فكراتها فجرح عمر فكراتها فوجع كاع ما نساتو مي كان حال ورجع وسعاتو.. يدخل جود ومسحات دموعها بالخف ..حيد الكوستيم وجلس تيشوفيها..
جود: كيفاش عرفتي..
ميرا: م مفهمتش..
جود: قلتي ليها عارفه بلي كتبغي..
ميرا: (تنهدات )كان باين من تصرفاتها..
تنهد تيمسح على لحيتو..
جود: مكانش خاص تجوبيها هكاك..غتشك..
ميرا: منقدرش نجرحها..
سكت شويه وكل واحد فيهم تيشوف فجهة..تا قال...
جود: مبغتيش تعرفي شعوري من جيهتا..
ميرا: معنديش الحق نسولك..نت حر...زواجنا غير اتفاق ماشي بزاف هذي باش بدا ومبقا ليه بزااف يسالي....
ميرا: منضنش غتلقى حسن من ضياء...من عائلتك وكتبغييك...
جود: انا وضياء غير خوت..مكاينش كثر من هذشي..
ميرا: بالنسبة لي خوت ولكن هي لا...
كيمسح على عنقو من للور بقلة حيلة هو من شحال هذي عارف بلي كتبغييه ولكن هي بالنسبة ليه غير اخت وصافي ومبغيش يجرحها.... ناض ساوط بجهد دخل لدرسينغ بدل حوايجو وهبط للجردة كيسقي شي ورداات ويزرع خرين... وهي هزات مجلة كتقرا فيها تا وصل وقت الغدا...هبطو وتلقاو على السفرة.... ضياء هي تتهدر على الحفلة ديال اليل بمناسبة الشراكة الجديدة ديال شركة جود مع شركة اجنبية...الوقت كامل تضحك وتخطط..وجود مرة يجاوبها ومرة يتجاهلها... سالاو الغدا وطلع جود لبيتو اما ميرا وضياء بقاو.
جات غدا وهو يجرها من دموعها.. تقابل وجهو مع وجهها وعينو مع عنيها لي عمرو بدمووع..
. جود: حاولي تجي اميرا..انا غنتسنااااك...
ميرا: (نثرات منو يدي وبعدات)قلت لك انا عيانه
خرجات ومشات لبيتها سداااتو سندات على الباب مزيره على فمها باش ميطلعش صوت البكا تتشهق وتنهد...سمعاتو جاي ريحتو وصلات قبل منو وخطواتو الرجولية تتقرب .. قرب حدى الباب وقف ودق بشويه...
جود: ميرا..انا مشيت..
مجوبتوش..ومشا خارج هو وضياء وهي تكات تتبكي ودقات عليها امينة... امينة: بنتي يلاه تعشاي ناضت حلات ليها ..وكان وجها مشحوب وصفر وعنيها منفوخين...
امينة: بنتي..مال وجهك...
ميرا: هي عيانة شويه...
امينة: نت لباس ابنتي...
ميرا: اه انا بخير..فين راها سعدية..
امينة: مشات طل على باباها..
ميرا: اه واخا اخالتي
امينة: اه حكا ..علاش مامشيتي للحفله..
ميرا: عيانه
امينة: اه واخا ابنتي...
دخلات لبيتها مقابلة مع المرايا بقا فيها راسها. وجها ولا صفر وضعيف وشعرها عامر ليبوان من تحت..عنيها متورمين وتحتهم كحال...هبطو دموع الشفقة ورجعات لبيتها دخلات لدرسينغ تتشوف الحوايج لي معلقين تماك تتشوفهم ..حيدات كسوة فالبيض طويلة ومشبكة من جيهة الصدر وهابطة من لكثاف...هزاتها وحطاتها على الناموسية تتشوف فيها..
حطات المايك-اب حدا الكسوة.. ومشات للدوش دوشات وخرجات هزات المايك-اب تتمكيي ركزات على العنين دارت ريسي ولايلينر وعكر غوج خبات ديك نفوخية لي تحت عيونها..وجات كييويت ..لبسات الكسوة وجمعات شعرها الفوق وصنادل فالكحل وصاك وهبطات تتقرقب بداك الطالون.. خرجات ولقات لكارد حدا الباب.. ميرا: وصلني للحفلة.. حل ليها الباب وطلعات..هزات المرايه تتشوف فيها وتدرب كيف تبتاسم حيت بينها وبين الابتسامة وجع... وصلها لاوطيل كبييير هبطات هزا الكسو بيد ويد هزا به الصاك تتبان فحال شي اميرة بديك الكسوة البيضة.. دخلات وهي كتقرقب بالطالون وقفات للحظات تتقلب على جود بعنيها تا رمقاتو واقف مع شي رجال بديك الوقفه الرجوليه لي تتزيدو هبة كثر وكثر بديك الابتسامة المصحوبة بتخنزبرة... وعاود قلبات على ضياء كانت واقفه مع واحد الشاب..نقلات عنيها ليه مرة اخرى وهو يشوفها سحاب ليه هي حلم حيت بغاها تجي .رمش فيها عاد حقق حس بقلبو تغلغل من لداخل ترعد و ابتاسم مشا جيهتها بلا تا ميستأذن من لي واقف معاهم ..حدرات راسها تتفكر اش تقوليه من يسولها علاش تراجعات فقرارها وجات...وقف عليها بالحس مبتاسم..هزات عنيها بتوثر شافت فيه وبدلاتو نفس الابتسامة مي بزز..
جود: فرحتيني من جيتي...
شد يدها وتماو غادين وكلشي تيشوف فيهم ردات البال بلي الكل حاضيها حشمات وتلبكات وزيرات على يدو...وصلو لحدى طبلة و وقفو بوحدهم تيشوف فيها باعجاب...
ميرا: احم..ف فين هي ضياء...
جود: غتكون هي هنا..
ميرا: غنمشي عندها..
جود: لا غير بقاي...
بقا شاد فيدها و كيسلمو عليهم الناس وكل العوينات علييها
جود: اجي نعرفك على شي ناس..
ميرا: ش شكون..
مشا جارها وعرفها على صحابو كامل وهو هي ساهي فيها ببرائتها وكيفاش حشمانة ويصيرو خدودها يحمارو... .
.دازت ساعاات بداات تتحس بالعيا..وتحل عنيها بزز..
ميرا: جود ب بغيت نمشي..
جود: نت لباس.. عيانة..؟..
ميرا: اه...
جود: اوكي.. اذن نمشسو بجوج..
ميرا: ل لا الحفله باقي مسلاتش..هي خلييك نتا...غيوصلني شوفير..
جود: على خاطرك...
بغات تمشي وهو باقي شاد يدها ناسي تا شارت لبه بعنبه زعما طلق يدي..عاد نتابه وطلقها.. مشات وهو تابعها بعنيه تا غبرات..وصلها شوفير للدار بدلات حوايجها وتكات...مبغاش نعاس يديها من الخوف تضور فالبيت وطل فشرجم باقي مجاش ونعاس كيدها وترجع تفيق مخلوعه وتشوف جنابها.. جا ولقاها باقا فايقة...
. ميرا: مااااالك علاش تعطلتي...
بقا هي تيشوف فيها مفاهمش.
ميرا: م ك كنت خايفه...
جود: هاني جيت...نعسي دابا..
دخل دوش ورجع لقاها ناعسة...قرب منها شد يدها باسها كيتمعن فحروف وجهها... تكى حداها ساهي فيها تا داه نعاس ...
#صبح الحال فاق هو لي الاول عاد هي لقاتو خارج من الدوش.
كملات فطورها وطلعات لبيت عاد ناض تاهو دخل لدسينغ لبس كوستيم خرج تيسد فضيايف القميجة...
جود: انا غادي للمكتب..
. سكتات مجوبتوش..تم غادي وهي تعيط عليه..
ميرا: اطط..
ضار بمعنى شنوو..جات لعندو وهزات لو ذراعو وسدات صدفة لي نساها.
ميرا: نستيها....☺
جود: شكرا.....😊
خرج للشركة وهي هبطات لتحت عند امينة مجمعين.تا دخلات ضياء.
ميرا: ضياء..
ضياء: حبيبه لباس.
ميرا: الحمدلله ونتي.
ضياء: بخير..شفتك البارح فالحفله مع جود..
ميرا: اه بصاح..مليت وقلت نجي..
ضياء: اه مزيان..بغيتك فموضوع.
ميرا: خبار الخير. .
ضياء: المهم انا دايره نتلاقا بواحد اليوم ناوي المعقول..
ميرا: اه ..الله يكمل بخيير ..
ضياء: وبغييتك تمشي معايا
ميرا: ا انا..و ولكن اش غندير معاكم...
ضياء: غير غتجلسي معايا...خفت نبقى معاه بوحدي..
ميرا: ل لا منقدرش اضياء..حشومة .
ضياء: عفاك عاونيني اميرا..هذا الحل الوحيد باش نسى جود ..
ميرا: و ولكن ج جود م..
ضياء: ماغيعرف والو...غنجيو قبل منو..
ميرا: فين غتلقاو. واش بعييد من هنا. .
ضياء: لا الكافي قرييب من هنا.
ميرا: نص ساعة ونجيو..
ضياء: صافي....لبسي هاني مشيت نوجد راسي ..
طلعو وكل وحدة مشات لبيتها صوبات شعرها وهزاك الصاك وخرجات..لقاتها تاهي واجدة..هبطو وطلعو فالاوطو ديال ضياء ..ووقفو حدا الكافي..
هبطو من لاوطو ومشاو جلسو..ديموندات ضياء بناشي وميرا عصير ...رمقات ميرا واحد الشاب جاي مبتاسم وهو تيقرب وعنيها تيتحلو كلما زاد قرب
ميرا:( بصدمة) و واش ماشي هذا لي ضربو جود😨😨
ضياء: تهدني غير بغا يعتذر منك..
وقف عليهم مبتاسم 😀😀
ضياء: هيلوو..
بيبغ: صافا. .(شاف فميرا) مدام ميرا لباس..
شافت فيه بغضب وجات تمشي وهي تشدها ضياء..
ضياء: ميرا...الله يهديك هو غير بغا يعتذر منك.. جلسي عفاااك..
ميرا: ن نتي كذبتي عليا و و..
ضياء: ميرا عفاااك هي تهدني غير يعتذر منك نمشيو..
جلساتها بزز وجلس تاهو تيشوف فميرا..
بيبغ: سمحي ليا امدام...مكنتش عارفك مرات موسيو جود...ايمان كذبات عليبنا..
ضياء: حيت تانا سباب فداكشي..قلت نصالحكم.
ميرا: وشنو بناتنا باش تصالحينا اضياء. الى عرف جود هذشي مغيعجبوش الحال...
ضياء: مغديش يعرف. اميرا...
ميرا: خلينا نمشيو..
. ضياء: تسنايني..غنمشي لحمام ونرجع دغيا..
مشات ضياء وميرا مضورا وجهها لهيه كتفادى تشوف فييه..حسات بيد شاده يدها...ضورات عنيها لقاتو هو لي شاد يدها تصدمات تا من يدها ماقدراتش تحركها جمدات ..ماحسات تا طار بييغ وطارت يدو على يدها تتشوف فبيبغ مليوح لارض..علات راسها ما شافت هي جود تيشوف فيها بغضب وجامع يدو قبضة..ناضت تترعد هجم على بييغ بالكروشي وركيل وهي تتشوف هنا ولهيه تتقلب على ضياء مخلوعه...طاارت من بلاصتها حيت جرها بجهد مخرجها من الكافي ودخلها للوطو وكسيرا من كثر ما خافت منو مقدرات تا تشرح ليه...وهو طريق كامل مره يضرب الفولون مره يشوفيها بغضب ويكسيري بجهد...كثر من الاول. وصلو للدار وهبط هبطها جارها لبيت وسدو دفعها تا طاحت على الناموسية...وجبد سمطة..شافتها وخرجو عنيها.
جرها للحمام طلق علبها الما سخون وهي كتغوت لربي لي خلقها..مغمض عنييه باش ميشوفهاش هكاك حيت عارف غيضعاااف...وباش يقوا تيتفكر من شد يدها وهي تتشوف فيها.... غواتها صمكو تا هدات ومبقات تتحرك عاد طلقها...حل عنيه تيشوف فيها كانت غايبة...خرجو عنيه طلق الما البارد كيفيق فيها والو وتقول واش بغاات تفيق...هزها للناموسية حيد ليها الجيب وبقات بشورت كيشوف ياك ما تحرقات نشفها ليها ورجع كيفيقها بزز باش فاقت ..تتحل عنيها ببطئ. خرج بزربة يلاه تدارك اشنو عمل..هبط عيط لامينة وعطاها دوا تديرو ليها وخرج كسييرا بالاوطو ديالو
#تتحل عنيها ولحمها كيتشوط متحرقاتش حيت كانت لابسة مي حمار لحمها دخلات امينه نتشوف فيها مفزوعه.
امينة: الله ابنيتي الله اش وقع ليييك...
نوضتها بشويه وحيدا لها حوايج ودهنات لها باش يبرد الحريق لبساتها وبدات تتنشف ليها شعرها وميرا شبة غايبة...تتفكر شنو طاري بتديج تاوصلات فين مدخلها للحمام طلق عليها ماء سخون( ماشي طايب .هي شويه تيحرق)..شهقات تيهبطو دموعنا وامينة كتسول فيها كيفاش طرا ليها هكااااك مكتجوبهاش...
#اما هو كسيرا للشركة طلع للمكتب تيتفكرها كيفاش كانت مغيبة طايحة بلا حركة. فحال ريشة بيضاء مليوحة فالارض...كيفاش دار ليها هكاك بلا رحمة بلا شفقة كيفاش تعدا على امانة فوق رقبتو..ناض شاد راسو تيضور فالبيرو....تفكر بييغ من كان شاد يدها تيشوف فيها وتشوف فيه..جن جنونو كيفاش مراتو جالسة مع واحد وشاد يدها واحد كان فرشخو بسبابها..رجعات لعندو تمعشق معاه..كيفاش شمتاتو كيفاااش هو جود العمري عمر ماقدر حد يتجاوز حدودو معاه ولكن هي تجوزات مرحلة تفكيير كاع وطبقات..ركبوه لاعصاب بدا يهرس لي جات قدامو يعني صدقات هضرة عمر بصااح بعني هي من بنات زناقي...كلشي قالو بصاح كيفاش قدرات تضحك عليييه وتدوزها عليييه كييفاااش ماعارفش... هز جاكيطو وطلع يمكن ناوي على خزيت تاصل تليفون وشويه وصلو ميساج...وصل للواحد البلاصة وقف بجهد وهبط..
هبط وطلع فالاسانسير. وقف قدام الدار دق وهو يتحل الباب وطار بييغ لارض تيضرب فيييه بوحشية....كلما يتفكر كيفاش كان شاد يدها يزيد فقوة ضرباتو ويتفكر كيفاش كان مرمية فالجاكوزي سخفانة وكيفاش كانت حالتها يزيد يجعر...
جود: دوييي از.. شنو بينك وبيييننا دوي ولا نقتلك دوي😠😠
بييغ: ك كانت فالحمام..وقالت لي ت تقرب منها كح كح كح..
جود: ياك اضياء ياك(كيمشي ويجي كيمسح على راسو ويركل طبلة ويهرس ) ومن بعد دوييي...
بيبغ: ت تا ميرا م معرفاش واش انا ج جاي..من شافتني ت تعصبات وب بغات تمشي و ولكن م مخلتهاش...
هجم عليه تيضربو ويضرب يدو لي كان شاد بيها يد ميرا لارض تا عمرات بدم.. عاد مشا خارج هابط كي شي حمق كيضرب فلاوطو ويشد راسو..
جود: ااااش غنقوليها دابااااا...اش..اش غندير .ياربي تسمحلي منها..سمحي لي سمحيلي اميرا ظلمتك..حرقتك...كيفاش غتسمحي لي كيفاااااااش ..اااخ امييرا اااااااخ ااااااااخ..
طلع لاوطو ورجع للدار..
#اما هي مدة وهي ساهية يمكن ماقدراتش تقبل كيفاش جود لي تتعرفو يتصرف بهد الوحشية لي كيهتم بها ويداوي ليها جروحها يخفف عليها هو دابا لي تسبب ليها فجرح كبييير ...شهقات وسط دموعها لي فحال الواد تتفكر كيفاش تا وصلات لهنا لهذ الموقف بالضبط لهذ جروح بالضبط كيفاش مشات لديك الحفلة..كيفاش تغتصبات وخسرات شرفها..كيفاش خلات عمر..كيفاش تزوجات بجود..كيفاش كان يعاملها...كيفاش قدرات ضياء ضحك عليها كيفاش تا متيقهاش هو..كيفاش جرها من شعرها ودخلها لدوش طالق عليها ماسخون..كيفاش وكيفاش كيقتلوها من لداخل تتحصر على لي فات .. نقص الحريق شوية ومسحات دموعها فوقت هو لي دخل للدار جلس فالصالون مقدرش يدخل لعندها..
امينة: ولدي جيتي..
جود: خالتي امينة كي بقاات ميرا..
امينة: دابا لباس..اولدي..انا طالعه نشوفها..
طلعات لعندها وطلع تابعها ماقدرش يدخل يشوف وجها مايقدر يشوفها فديك الحاله وهو لي وصلها ليها..بقا هي حدا الباب. ..
امنية: بنتي شويه دابا...
ميرا: ش شويه اخالتي...
امينة: كيفاش وقع لك هذشي. هي حفظك الله ابنيتي...
ميرا: هي ك كنت عيانه ا اخالتي وق قلت ندوش و ط طلقت عليا الما سخون..
امينة: على سلامتك..سي جود جا ..راهو تحت.
هي سمعات سميتو شهقات وبداو عنيها يدمعو اما جود سمع اش قالت لامينة عاد مازاد بقا فيه الحال كثر....وهبط بزربة..كيتاصل بضياء ياويلها اليوم يشويها اضعاف مادار لميرا..... بقا الفوق غادي جاي ماقدرش يطلع لعندها ويشوفها مسكينة ظلمها عذبها وما دارت والو..وزاد قالت لامينة را كانت تدوش وتحرقات ماعترفاتش ليهاح بتا حاجنه نفذ صبرو وطلع لفوق ودخل لعندها خي شافتو شهقات وناضت تهرب تتبكي..
ميرا: م مادرت والو اهئ اهئ اهئ .ك كن حلف ليك م ه هو اهئ اهئ اهئ😭😭
كيغمض عنيه ويعصرهم ..قرب منها بشويه وهي حاضنة راسها بيديها..زاد قرب منها كثر هز يدو وهي تغمض عنيها مزيره علييهم تتسنى الدقه فين غتجيها..جرها وعنقها مزير عليها محوطها بيديه..وعنيه غرغرو بدموع انفاسو سخونين تيضربو فشعرها ويطيروه وهي تتحاول تنثر منو مي مزير علييها...
ميرا: ع عفاك ب بعد مني اهئ اهئ...انا مادرت والو...
جود: عارف عارف اميرا..(هز وجها تيشوف فيها باسف بندم باحتقار لراسو) ولكن من شفتو شاد يدك قربت نحماق سحابلي ن ن..يا الله..
ميرا: ط طلقني 😦
جود( تصدم من ديك الكلمة ..سحابلو هي سمع غلط) ش شنو😨
. ميرا: ط طلقني اجود...
جود: اووف ميرا..تهدني.. جا يقرب منها وهي تدفعو ..
ميرا: (تتبكي وتدوي بهستيرية) بعد مني انا كنركهك ...كنكرهك الله ياخد فيك الحق..كلكم غدااريييييييييين الله ياخد فيكم الحق..هذاك دمرني خدا مني اعز ماعنديييي ونت حرقتيييينيييييي ..غدااااار غداااااااار بداااات تهرس لي جات قدامها وهو مصدوم منها ومن كلماتها..
جود: ميرا تهدني...(كيقرب منها)
ميرا: بعد منيييي ماتقربش...را قلت لك بعد(هزات تلفونها ضرباتو بيه لصدر...محس ولا تزعزع.
جود: ميرا..يهديك الله..هي تهدني...
هزات تاني لفاز وشيرات عليييه جاهو لجبهة نيشان تضرب وسال الدم...وقف للحظة مطلع يدو لجبهتو قاس الدم..وهي تتشوف فيه ىاهةن غظسسءءممؤسمممم ولاصقة مع الحيط من شافت الدم قالت صافي هذي هي نهايتي اليوم يقتلني...
جود: م متخافيش..بربي مغناذيكش اميرا...
ميرا: ب بعد مني اهئ اهئ خ خليني😭...
جود: ميرا هي سمعيني الله يخليك..ورب الكعبة كانت لعبة..وانا من شفتو شاد يدك ماتحمتلش ..حماقيت سحابلي غلطي وتلاقيتي معاه..
ميرا: اهئ الغلط الوحيد لي اهئ اهئ درت اني قبلت هذ زواج اهئ اهئ ..
عصر عنيه مزير على جرحة لي كانت تنزف.
جود: سمحيليا اميرا..
ميرا:(شارت ليه بالنفي..لا)
جود: شنو ممكن ندير باش تسامحيني..عارف راسي غالط ولكن بربي لي كان سباب غندمو..
ميرا: ط طلقني...خ خليني نمشي فحالي..
جود: (ركل طبلة تا لصقها مع الحيط تبعثر الجاج فالبيت...وبقا يضور تيمسح على راسو معصب من كلشي بدا يعرق وجبهتو لي عامرة بالدم وعروقها بارزين
ميرا: ع عفاااك😭😭 اهئ اهئ طلقني...
جود: مستحيل اميرا مستحيل...
ميرا: خ خليني نمشي فحالي اهئ اهئ..هذ الاتفاق مابقى عندو معنى ولا يمكن يولي تا صداقة..
. جود: كلشي غيتصلح..
ميرا: ص صلح ديك طبله المهرسة...
جود: نصلحها؟؟..
ميرا: متقدرش تصلحها حيت مهرسة وولات اشلاء..وتا الاحترام لي كان بيناتنا نت قتلتو مستحيل يرجع..
جود: ميييرا..
ميرا: خ خرج من هنا...سير..
مشات هاربه للدوش طرقاتو وجلسات تتبكي...اما هو جلس على الناموسية كيمسح على وجهو بقلة حيلة...كيسمع هي صوت شهيق والبكا من مور الباب... تنهد ومشا خارج...عاد خرجات تاهي مشات لبيت لاخر وسدات البيت بقات ليل كااااامل سهرانة امينه تدق علييها مكتجوبهاش... وهو بايت على براااا جالس فالاوطو ولكارد موراه ليل كامل تيفكر ويتفكر حالتها ..معارفش كيفاش يرجعها عمرها غتسامحو ..ضاعت خلاص..امانة ماقدرش يحافظ علييييها...
دخل لبيت وهي بقات مسمرة بلاصتها جرات فاليزتها لبيت لاخر وجلسات مغمضة عنييها وهو دوش ولبس حوايجو وخرج للشركة...هبطات لتحت وفطرات هي وامينة وخرجات للجردة تشم لهوا تتحس برئتها مبقاتش قاده تدخل الهوا تخنقات وسندات على الكرسي مغمضة عنيها تا داها نعاس حيت منعساتش لليل كامل...
#دازو ساعات رجع من الشركة طلع لبيت ملقهاش.. عيط علييها مي والو مشا لبيت لاخر مكيناش..هبط سول امينه كانت فالكوزينه قالت ليه خلاتها تتفطر ومبقا شافتها.... علا راسو للفوق كيتنفس بجهد غتكون مشاات ورجعات للمغرب...مشا غادي جيهة الباب وهو يرمقها فشرجم لي حال على جردة كانت ناعسة مغطية وجهها بشعر...عاد رجعات فيه الروح وخرج للجردة كيقرب منها كانت ناعسه فشمش حيد شعر على وججها بشويه مفاقتش..ناض وهزها فحال الريشه طلعها لفوق ونعسها فالبيت مباغيش يفيقها حيت عارفها منعساتش بالليل غطاها وخرج .. مشا لبيت لاخر هز البيسي تيخدم وعقلو كامل معاها...عيا وخرج غادي لبيت كانت مزال ناعسه..قرب لعندها ساهي فملامحها لي خيمات عليها الحزن هز يدو تيمسح على شعرها قاسها فجبهتها وكانت سخونة بزاف...قاس جبهتو لقاها عاديه مقارنة معاها لي سخونة...عاود قاسها وبدا يفيق فيها تتحل عنيها لي تقالو عليها شافت فيه وعاود غمضات عنيها..ناض بزربة هازها دخلها للجود طلق عليها ماء البارد وهي عاد بدات تصح شويه ومرخية هزها ولفها بالفوطة..حطها على الناموسيه خرج وعيط على امنة تبدل ليها وهو يعيط لطبيب.. بدلات لها امينة وميرا تترجف من البرد جا طبيب داخل بزربه مع جود..قاسها فجبهتها ودك ليها برا..وعطها دوا..عاد مشا..
طبيب: مصابة بحمة ولكن غدا غتكون بخير ان شاء الله... جود: شكرا ادكتور...
طبيب: العفو اسيدي...
خرج وبقات امينة تتحط كمادات على جبهتها..
. امينة: انا غنقابلها...هي سير اولدي رتاح...
جود: لا اخالتي هي سيري تنعسي انا غنبقى معاها..
امينة: واخا اولدي..
خرجات امينة وهو رجع جلس حداها شاد يديها لعندو ويبدل ليها لكمادات يغمسهم فالخل ويرجع يديرهم ليها...لليل كامل فايق وجالس حداها يقيس حرارتها تا هبطات..اول مره يسهر على شي حد مريض وخايف علييه ..بعد الحاجة...
كيحس بظميرو كيأنبو والندم كياكل فيه من لداخل ..ظلمها وتصرف معاها خايب ساء الظن بها وحرقها خايف لتموت قبل ماتسامحو الا الظلم مكيحملوش ولا يبزز على بنادم شي حاجه كذلك مكيمحلوش..مقابل مع وجهها وهي ناعسة وجها عيان وشاحب... #صبح الحال فاقت تتحل عنيها كيحرقوها وثقالين عليها وتا من راسها ضارها وملفوف شي حاجه.. حسات بيد على يدها نقلات عنيها لجنب شافتو كان جالس على ركابيه حاط راسو على الناموسيه وشاد يدها...سهات فيه تا عاقت براسها ونثرات يدها من يدو..ناضت بشويه وهبطات للتحت لقات امينة تتشقا..
امينة: مييرا..كي بقيتي ابنتي شويه دابا...
ميرا: اه اخالتي دابا لباس مي راسي عاطيني الحريق..
امينة: اااه لابد مايحرقك را كنت ناعسة فشمش هي سي جود لي داك لبيت...
ميرا: م محسيتش تا داني نعااس..
امينة: كانت سخانة طالعه ليك عطا الله سي جود طل عليك لقاك طايبة ودوش ليك عاد عيط لطبيب و وصف لك شي دواء وبقا مسكين لليل كامل ساهر كيقيس فالحرارة تا هبطات...
ميرا: ا اه ه هو ناعس..
امينة: نعس دابا حيت مع ديك 7 من كنت طالعه لعندك كان باقي فايق...
ميرا: اه....
طلعات لبيتها لقاتو باقي ناعس كيما خلاتو .مشات جيهتو بغات تفيقو هي عيطات عليه فاق تيحل عنييه شاف فيها وشاف فناموسية.
جود: ميرا. علاش نضتي من بلاصتك..رجعي نعسي راك باقا عيانة..
ميرا: لا انا بخييير..نعس نت غتكون عييتي من سهير.
ناض تيرد شعرو للور شاف الساعة لقا 10..
جود: اففف نعست بزااف...كي بقيتي نتي شويه دابا...
(قرب باش يقيس جبهتها وهي تبعد منو خنزر فيها وجرها لعندو قاس جبهتها )
جود: امم الحرارة هبطات...فطرتي؟...
ميرا: ما فياش الجوع...
جود: اوا وشكون يشرب دوا انا...
مشا خارج وهي دخلات دوشات وبدلات حوايجها.. رجع ومعاه بلاطو د الماكلة حطو فوق طبله وجرها لحدى الناموسيه..
جود: فطري...باش تشربي دواك...
مشا هز البيسي تيشرب قهوتو وهي جات تبعد طبله وهو يخرج فيها عيينو...
جود: دوييينا..لا...
جات نايضه وهو يحبسها.. شاف فشعرها لي باقي كيقطر بالماء...
جود: ومانشفتيش شعرك من الفوق باش ترجعي تمرضي...افف...
مشا هز الفوطة وبغا ينشف ليها شعرها...
ميرا: لا...
جود: هاكي( ماد ليها الفوطه) نشفيه...
ميرا: الى كنت كدير هذشي باش نسامحك فراك غالط..
جود: كندير هذشي باش من نرجع لامانة لدارهم تكون كيما عطاوها ليا...ودابا نشفي شعرك وجلسي فطري وشربي دواااك...
رجع لبلاصتو تيخدم وهي هزات الفوطة باش تنشف شعرها ضارت وهي ترشو بالما...
جود: مالكي عوراااا...نشفي شعكاكتك وهنينا..
خنزران فيه وجلسات تتفطر سلات وجات تنوض وهو يحاصرها رجل طبلة وطيح...
. دخل للدوش دوش ولبس عاد دخلات تاهي لبسات سروال دجينر فالبيج وقميجة فالبلو مارين..وصاك .خبات عنيها المنفوخين ووجهها المشحوب بالمايك_اب وهبطات.... لقاتو للتحت تيدوي مع ليكارد وسبقاتو لاوطو عاد لحق عليها وطلع مكسيري كيما العادة طاير..وهما ساكتين هو مركز مع طريق وهي راده وجهها للزاج تتمنظر تا وصلو لفيلا ديال عمو... هبط وهبطات موراه غادي حل ليهم الكارد باب الفيلا ودخل وهي تستقبلو الحاجة معنقاه بينما سلمات اسيا على ميرا.. عاد تعنقات هي والحاجه..
حفيظة: بنتي نت لباس وجهك صفر..
ميرا: غير مع الجو اخالتي..ونت لباس علييك ..
حفيظة: بخير ابنيتي هي موحشااكم...
جلسو كيتكلمو وميرا تتسولها على دارهم وعنيها مغرغرين بدموع وتتحاول مايهبطوش وجود مركز معاها كيفاش تتسول بشوق وبحب تتسول بحنان وخصوصا كبرات فعينو من لقاها تتخبي اي حاجه طاريه بيناتهم من سولاتها امينة من تحرقات هبات وقالت كنت عيانة ومشيت ندوش ونا نتحرق ودابا من سولاتها قالت الجو...تفكر الحاجه من قالت ليه صبارة ومرا ديال زواج... تقوس فمها للتحت وهبطو دموعها من الاشتياق كانت حصراهم ولكن فاضو..شافها هكاك وشاف لجهة اخرى شار بيدو...
بقا في حضنها تيتبكاو والحاجه تتبكي معاهم تا من اسيا دمعو عنيها وجود مبتاسم وفرح حيت قدر يفرحها شويه...طلقاتها ومبرا تتبوس راسها وتبوس يديها وترجع تعنقها وفضيله هي تتبكي.. ف
ضيلة: توحشتك بزااف ابنيتي.. توحشت صوتك فالدار توحشت هضرتك ..توحشت تنعسي ونفيقك بنكير..توحشت تفلتي من غسيل المواعن ونتبعك بعصا شطابة ولا صنداله..توحشت نطيب ونتي تاكلي.. توحشت من تنعسي نطل عليك واش تغطيتي ..توحشت نخرجو انا واياك ونتي تبغي تشري الحوايج وانا نجرك ونقولك راك كليتي رزقي فشراوط.. توحشت تهرسيلي طباسل وتخباي فطواليط.. توحشت نشوفك تضحكي ونفرح.. توحشت تكوني خارجة ونتنسى فييك تجي ونعيط لك كل جوج دقايق.. توحشت ابنتي نشوفك قدام عينيا كل نهار وعشية ..توحشت نحيد الحاجه لراسي ونقوليك را شريتها لك .توحشت كلشي ابنيتي كلشي...خواات الدار بلا بيك خليتي بلاصتك فقلوبنا فذكرياتنا فايامنا..وليت نفيق ونعس على صوتك فوذنيا وصورتك بين عينيا وليت نعس ففراشك باش نشم ريحة الحبيبه ديالي اهئ اهئ😭😭😭
فضيلة: اه ابنتي جيت معاها بفضل سي جود هو لي قاد كلشي وجيت. ...
ميرا(بصدمة) جوود؟...
نقلات عنيها ليه لقاتو مبتاسم بهدوء ليها وخطات لجيهتو وقفات مقابله معاه رمشات وهبطو جوج دمعات على خدها وترمات بين يديه معنقاه تتبكي هو ترفع الى وسولتوه على سميتو يقوليكم بوشعيبب وعمرو سمع بسمية جود ..لاول مرة تعنقو هي لاول مرة ترما بين يديه بارادتها. مقدرش يطلع يديه يبادلها العناق من الصدمة والفرحة ولا هي كيحاول يستوعب اش كيطرا معاه فهذ اللحظة قلبو كيرفرف باغي يخرج حاس بسخونية طالعه معاه وراسو تنفخ احساس غرييب بزاااف رتابو ورتابك...شحال وهي معنقاه وهو باقي مدار تا ردة فعل مستمتع فرحان طاير وهي بين يديه ومخشيه فيييه ..
. فضيلة والحاجة هي كيتغامزو ويضحكو وهي حسات به كاع معنقها تاهو حشمات وجات طلق منو هي جات تبعد منو وهو يردها بيد وحوطها بيديه مزير عليها تيشكرها على ديك تعنيقه باسلوبو مغمض عنيه فحال اول مرة يعنقها او لاخر مرة غيعنقها.. تاهي ابتاسمات وردات يديها عاد تفكو..
فضيلة: الله يخليكم لبعضياتكم..
ميرا( هزات عنيها لوجهو) شكرا بزااف..فرحتيني...
جود: العفو😊...
فضيلة: اجي ابنتي اجي راني توحشتك...
مشات ميرا تتعنقها وجلسو تيتكلمو وياكلو وجود مرمز معاها اول مره تبان ليه فرحانة من قلبها.. تضحك من قلبها ساهي فبرائتها عفوية تصرفاتها الخالية من التكبر والتصنع والبرتكول... شويه دخلات ضياء تتحيد لي لونتي علات عنيها وشافتهم خرجو من بلاصتهم ...مشات تتقرب سلمات على الحاجة وفضيلة ومها وجات تسلم على ميرا وهي تضور لعند مها وخلاتها بلاكة عاد جلسات مهزاتش عينيها فجود ولا قربات ليه وهو كيتسنى هي الفرصة يتحاسب معاها كيشوفيها بغضب كن كانو عنيه قرطاس كان تيرا فييها..
. اسيا: ختي فضيلة..هذي ضياء بنتي...
فضيلة: تبارك الله وصلى على نبي..الله يحجبك..
الحاجة: كي دايره اضياء مع شي قراية...
ضياء: صافا...
جود: ميرا جيبي ضياء واجيو للجردة..محتاجكم...
ناض خرج وضياء زراقت وصفارت هي تتشوف فميرا لي باست مها وناضت ..مقداتش هي تنوض فشلو عليها ركبيها مبقاوش هزوها..بزز باش ناضت خرجات للجردة وميرا دخلات الكوزينة .. لقات جود جالس على فوطوي تيتسناها توصل وهي تتخطو خطوة فعام...قربها كيزدح ويردخ ...قربات لعندو....وقفات وهو مادواش لا هز فيها عنيه فحال الى مكيناش كاع...هو منفرد بتصرفاتو...
ضياء: ج جود ا انا..
جود: ولا حرف....
بلعات ريقها ساكته وعنيها دمعو من الخوف .. جات ميرا بخطوات متناقله كيف العادة هادئة تا فمشيتها متبعها بعنيه تاوصلات شافت فيه ونقلات عنيها لضياء خنزرات فيها بغضب.... عاد ناض وقف....وقال: ميرا دابا حسبيها كي بغيتي...
ومشا وهما كيشوفو فييه ضياء رتاحت نوعا ما حيت جود لي خايفه منو مشا.. اما ميرا فرحات حيت مبغاتش جود يحضر لهذشي لي غدير ناويه على خزيت... بدات ميرا تتقرب منها شويه بشويه وبفمها ابتسامة تتفكر كل قطرة ماء سخونة حرقاتها فلحمها وشحال ألماتها كتفكر داك الحريق وتزيد تصعر...وضياء متوثرة... وقفات ميرا قريب منها وعلات يدها تا الفوق وصرفقاتها.
ضياء تصدمات وشاده حنكها ركبوها جنون جات تهضر وهي تعاودها بكف اخر لاخرى من كثر الحر والصدمة بقات هي شاده حنكها لاخر طارت عليها ميرا بضرب ونتيف والعضان مجتهاش لوجه باش متخليش ليطراس تتنتف هي فشعر وتعض فالجنب وتقرص فالكرش والاخرى تتغوت وميرا تتجعر وتزيييد..
وجود حاضيها من شرجم تيضحك كيفاش تتضربها تيتفرج بدم بارد حيت تستاحق تربى ...
جود: ههههه مسعورة..هكاك عضي كثر عطي لمها عطي...
#بردات جنونها وناضت تتقاد حوايجها ودخلات تلقات مع جود فالباب باغي يخرج وهي تحبسو باش ميشوفهاش...
جود: اممم تفاهمتو...سمحتي ليها...!!
ميرا: اه ههه الله ياودي مسامحة ليها علاه شحال من ضياء عدنا ههه
ميرا: لالا اش هدير عندما شوف باين علييك عيان دخل دخل ترتاح..
يلاه بغا يهضر وهي تشدو من يدو جراه وهو كيموت بالضحك..فرحاتو من شدات فيدو واخا هي باش ميشوفش حالة ضياء ولكن بالنسبة ليه معجزة... دخلاتو للصالون عاد طلقات من يدو جلسو معاهم وميرا هي تتشوف هنا ولهيه لتجي ضياء ويشوفوها فديك الحالة اش غتقول. وجود تيشوف فيها مبتاسم ..
جود: انا خصني نمشي...
الحاجة: ولواه اوليدي جلس معانا اليوم..
جود: عندي شي خدمة....ميرا تمشي؟
ميرا: ااا ل لا غنبقى..
فضيلة: لا ابنيتي هي سيري ديري خاطر لراجلك...
الحاجة: حنا شويه ونجيو للدار...
ميرا :امم صافي واخا..
ناضو وسلمو علييهم وخرجو ..
جود: شنو بان ليك تنشي معايا للشركة..
ميرا: وشنو غندير انا تماك...
جود: امم ماعرفت شوفيها ويمكن تنفعييني فشي حاجه..
ميرا: اوك..
طلعو ومشاو للشركة ..وصلو وعنيها تيبرقو من جمال المبنى لي كاين على شارع كبير ومباني راقية كولو زاج وطوابق...
جود: تفضلي..
مشاو غادين وصلو للمكتب ديالو حل ليها الباب ودخلات تتسقي عويناتها مكتب كبييير باللون لاسود والابيض وداخل فيه الكري...
جود: تشربي شي حاجة..
. ميرا: لا شكرا...
جلس فبلاصتو وهي تتمنضر هنا ولهيه وطل فشرجم ..
جود: ضياء عتذرات منك..
ميرا: هاااااا...اه عتذرات مسكينة...
جود: اممم شنو قالت...
ميرا: سمحي ليا وديك الهضرة تا بدات تبكي مسكينة..
جود: اممم باين مخليتي فيها عضم صحيح تا بكات..
ميرا: هااااا😨😨 عظم....
جود: هههههه ياك ماوجعوك يديك من القريص...
ميرا(حمارت وولات ه ترمش وتشوفيه وتتعض فضفارها)
جود: الصراحة عجبتيني فيها..ماعندي مايتسالك..
ميرا: و اش بغتيني ندير مثلا نصفق ليها...
جود: لا الكعس تستاهل...
ميرا: اه تستاهل حيت كن ما كانت هكاك كن كاع مابت ليل كامل ولحمي كيحرقني...
فكراتو وهو كيحاول يتخلص من تانيب الضمير وينسى ظلمو ليها وزير على ورقه لي كانت فيديه مكمشها...
(جبد الكرسي حداه وحط الملف وسط جلسات وبداو يراجع فالملف.. مركز فملامحها كثر ماهو مركز فالملف...عنيها لي كيرمشو كل تانية وفشايفها لي كتعض من تلقا حساب صحيح وتبسم..كيفاش مركزة مع الملف باهتمام ساهي فادق تفاصيلها ولا مدمن يشوف فيها بتخبيه رجع فحال مراهق عمرو حس بهذ الاحساس... مكملات تا سالو عنيها بدموع...
#اما هو تعصب من تصرفاتو رجع فحال مراهق مرضاش قدامها اول وحده تصرف معاه هكاك . وترفضو اول وحدة تعامل معاه هكا ومع ذلك باقي كيحتارمها ويسكت ليها اما هي كتصدو وتقمعو وتدير لي عجبها..عارف بلي هذ التعلق ماغيزيدو هي مشاكل كثررر ومستحيل تنسى لاخر.. لهذشي قرر يحط حد لكلشي ..ويقنع راسو بلي هذ الاتفاق غيسالي شي نهار وتمشي مبغاش يتعلق بها وتغبر. ....
.طلعات تبدل حوايجها وشافتو متكي ساهي اول مرة تشوفو هكاك...
ميرا: جود فيك شي حاجه...
جود: ااا..لا انا بخير..
دخلات بدلات حوايجها وخرجات لقاتو مكاينش..هبطات لتحت تعشاو وهو مكاينش معرفاتوش فين مشا تشطنات عليييه بلا متحس.....
طلع غادي للبيت وطلعات موراه دخل بدل حويجو ونعس على الفوطوي بلا ميدويها.. ومشات تاهي نعسات..
#صبح الحال فاقت لاولى ناضت تتحك عنيها وتجمع شعرها لقاتو باقي ناعس هزات مخده ومشات لجيهتو هزات راسو ودارت المخدة فوق لاخرى وغطاتو..دخلات للدوش وهو حل عنييه مبتاسم من تصرفها.. دوشات وخرجات لقاتو فايق .
ميرا: فقتي..
جود: صباح الخير..
ميرا: صباح النوور..
ناض للدوش دوش وهي لبسات حوايجها وهبطات لقات الحاجة وفضيلى فايقين وجالسين فالصالون.. سلمات عليهم ودازت تفطر اما جود سلم علييهم وجا خارج...تبعاتو..
ميرا: ماغتفطرش...
جود: لا عندي شي خدمة..
ميرا: اوك..
طلع فالاوطو ديالو وهي رجعات كملات فطورها وجلسات معاهم..
الحاجه: بنتي واش جود خارج...
ميرا: اه اخالتي قال عندو شي خدمة...
الحاجة: شبان ليك نخرجو اليوم وتتغداو على برا..
ميرا: اهاا فكرة زوينه هذي...
الحاجة: اوا نوضو نمشيو..
طلعات ميرا لبيت لبسات سروال ايلاستيك فالكحل وبودي فالبيض وكاب هابط فالكحل مع الصاك وكونفيرسه وخرجو هنا واميينة.. غادين كيضحكو رجعو باريس حماام عيالات ونميمة والضحك...كيخرجو من هذ المول ويدخلو لاخر.. صونا تليفونها ولقاات جود..
ميرا: الو جود...
جود: مييرا فيين توما..
ميرا: فالمول..
جود: امم اوك..تقدري دوزي عندي للشركة..
ميرا: ااب علاش.. ؟
جود: محتاجك فشي خدمة..انا نصيفط لك شوفير..
ميرا: واخا.. خبراتهم بلي غاده ومشات للمكتب ...
جود: اااه ميرااا اجييي..
قربات لعندو وحط ليها شي ورااق وقلم..
جود: سيني...
بقات هي تتشوف فيه وتشوف فالاوراق وهي معرفاهمش ديال اش زعما يمكن يكون طلاق.....
حسات بسخونية طالعه معاها يدها مدات يدها لي كترعد وهزات الورقة حسات بالخوف والتوثر معرفات كيفاش ترجم داك الشعور هو باغيهم يطلقو يعني يكون مقلق منها ولا عارف شي حاجه بخصوص ديك ليله ..قاطع جود افكارها ..
جود: نخلييك تفكري وعاد سيني.. نقلات عنيها للورقة هزاتها تتقرا عاد حسات راسها لباس..ورجعات فيها الروح..
ميرا: ك كيفاش..ز زعما انا نخدم م معااك..
جود: وعلاش لا..نتي ذكية وموهوبة....
ميرا: ههه م عرفتش و ولكن...
جود: غتعلمي الخدمة شويه بشويه تا تولايها كامله..
ميرا: فصراحة فاجئتيني ...
جود: يعني موافقة..تفضلي سيني..
عطاها القلم وسينات فرحانة..
جود: مبروك..دابا وليتي المساعدة ديالي..
ميرا: ههه شكرا...
جود: اوا على هذ المناسبة انا عارض علييك للغدا..
ميرا: و خالتي ..ماما...
جود: هما عارفيينك معايا..تفضلي ..والحاجة عندها موعد مع طبيبها ..
ميرا: غتولي لباس ياااك....
جود: الورم فالمراحل البدائيه..وان شاء الله هي بدوا وتولي بخير...يلاه خلينا نمشيو....
حل ليها الباب وخرج وخرجات موراه مشاو للريسطو جلسو ديمونداو الغدا... وجود كيشرح ليها طبيعة العمل وكيفاش تخدم الملفات وهي كتصنط ليه باهتمام.. جابو ليهم الغدا جلسو كيتغدااو ومرة مرة كيدويو....رمق الراحة فعيونها والارتياح فوجهها فرح من شافها هكاك وضعها بدا كيتسحن شويه بشويه ويمكن شادة طريق النسيان ...
كملو غداهم وخرجو تيضورو فالمدينة ومن بلاصة لاخرى وهي فينما تعجبها شي حاجه يبرقو عنيها لكحال وتبتاسم تا يتسدو عويناتها وتبان سنينات مستفين..ديك الابتسامة بالضبط لي كتدغدع قلبو وتفرحو...دوزوه نهار كامل فالدوران تا طاح ظلام تعشاو ورجعو للدار عيات بزااف ونعسات فطريق وصلو للدار هزها وسلم على فضيلة والحاجه ومشا طلعها لبيت نعسها وحيد ليها الكاب و صندال وغطاها.. وهو مشا دوش وبدل حوايجو وتكا على الفوطوي تيشوف فييها ويتفكر اليوم شحال كانت فرحانة..ناض للناموسيه بدون شعور تكا حداها ويحفظ ملامحها عويناتها للمرمشين ونيفها صغييور .فمها المنفوخ حميمر وخدود موردة..تحركات فنعاس وحلات فمها وهو مبتاسم مد يدو وسدو ليها بجوج صباع وهي تعاود تحلو وحكات راسها وعاود سدو ليها ومعوداتش حلاتو وهو كيمووت بالضحك عفويتها هبلاتو سطاتو..
جرها لعندو عنقها محوطها بيديه فحال شي حاجه تتخصو بوحدو وخايفها تهرب منو .حط راسو على شعرها الناعم وباسها متصورش غيفرح بهذ التصرف البسيط واخا مخفي مي مقدرش يمنع راسو كان محتاج يعنقها ويكون قريب ليها هكا..نوى ينوض ولكن مقدرش وقرر يزيد شي دقايق ويرجع لبلاصتو مي غدراتو عيينو ونعس وهو باقي معنقها..
#صبح الحال فاقت مغمضه عين وحلا لاخرى تتحس بشي حاجه محاصرها..حلات عيين خرى تتحك فيبهم باش توضح ليها الصورة....وهي تشوف جود معانقها خرجو عنيها تتشوف فيه بصدمة وتشوف فيديه لي محوطينها وهو ناعس بهدوء.. بغات تنووض مقدراتش...عاود حولات والو تا تحرك..
جود: شششششش...
زاد كمل علييها بديك ششششش هانيه عندو...
ميرا: وانووووووض اسيييي راك خنقتيني...
بدا يحل عنيه مخنزر...شعرها طايح على وجهها ويديها معانقهم تتشوف فيه مخنرزة..
ميرا: راك خنقتيني بعد خليييني نوووض....
حيد يدييه وطلقها حشم كيمسح على عنقو للور هذ الحركة كيديرها من يزبلها ...تيفكر هي الى سولاتو على هذشي باش غيجاوبها...
ناضت تتخنزر فييه ودخلات للدوش سداتو وهي تبتاسم وخبات وجهها الله يستر حماقيت مافيهاش...
دوشات ولبسات .... اما هو ناض لدرسينغ كيضحك جبد حوايجو سيرفيت فالكري وهز فوطة وخرج لصال.. خرجات من الدوش وهبطات للتحت فطرو مع بعضياتهم.... شويه صونا تليفون جوبات الحاجة...
فضيلة: لا ابنيتي هي سيري غدا واجي..اليوم غتكوني عييتي..
ميرا: ياك افضيلة كتجري عليا. .
الكل : ههههه..
جود: خلينا ليكم الراحة....
سلمو عليهم وخرجو غادين فين مخليو للاوطو وميرا كانت تتسد صاكها مع ضوره رمق هو عمر ونوال شادين فيدين بعضياتهم زير يدو قبضة .. مابغيش تشوفهم وهي يلاه بدات تبسم وتعيش كيف الناس الى شافتهم غترجع كيف للاول البكا والسهير.. يلاه بغا يوقفها يبدلو الجهة ..وهو يشوف وجها صفر وعنيها خرجو وسايلين بدموع مبقاوش كيرمشو شنايفها كيترعدو ..تتشوف فيهم وهما تيضحكو شادين فيدين بعضياتهم تا وصلو لاوطو ديال عمر حل ليها الباب وطلعات...
ميرا: ع ع م مر...
جود: ميرا خليينا نمشييو...اجي...
ميرا: ك كيشبهو ي ياك م ماشي هو ي ياك اهئ اهئ😢 لا ماشي هو....
صفية: شوفي اهذ بنت الحراااام كنقسم لك بربي نهار نشوفك كضوري بهم غنشوه والدييييك...
ميرا: اهئ اهئ...
صفية: دابا سيري من هناااا ومبقايش تورينا كمااارتك ياك نت لي خلتيييه اوا خليييه يعيش حياتو كيما بغا...وبعدي عليينا..
ميرا: نو نوال واش...
صفية: صدقات حسن منك بسبابك كان ولدي غيحماق كن ما هذ البنت لي وقفات معاه كتستاهلو كثر منك (شداتها من يدها بعنف )عندك تفكري ديري شي حاجه تفرقييهم والله تا ندمك.. وقف علييها جود كيشوفيها مخنزر...
جود: قلنا الهضرة ماشي مشكل ولكن تمدي يديك بزااف ..
ميرا: علااااااش داروووو فيا هكااااا علااااش اربي علاااااااااااش الله ياخد فيييهم الحق الله ينتقم منهم غداااريييييييييييييييين اااااااااااااااااااااااااااااااااااااع .. حضنها تيمسح على شعرها بحسرة وهي تتزيد فوثيرة بكاهااا قلبها كيتقطع من لدااخل اما هو مابقا فاهم احساسو تخربق همو الوحيد دابا هي ترتاح.. رتاحت نسبيا وشربها وتتنفس بصعوبة...
جود: كلشي غيفوت خلييك قوية..
ميرا: اهئ مضنيتهاش هكااا مضنيتهاش اتغدرني وتزوج به اهئ اهئ...
جود: محيهم من ذاكرتك نسايهم...
ميرا: كاع مغنقدر اهئ اهئ...
جود: غتقدري اميرا غتقدري...وعديني مغتبقايش تشوفيه ولا تلقاي به واعديني تنساييه...
مد يدو كيتسنى تقطع لييه وعد النسيان وهي تتشوف فيدو مترددة وكتبكي هزات يدها بتناقل حطاتها على يدو واليد الاخرى سدات بها فمها باش متغوتش من الوجع والالم...جبدها من يدها لصدرو معنقها...رتاح من عطاتو وعد..وطلقها تيسمح دموعها...
جود: نتي قوييية غتقدري تيقيني غتقدري...
ميرا: ماعرفت كيفاش نشكرك على وقوفك معايا...
جود: غنبقى واقف معاك تا وقفي على رجليك...
ميرا: شكرا☺...
طلعو ومشاو للدار..
جود: طلعي نيشان لبييت بلا ميشوفوك بهذ الحالة ويبقاو علييك بكثر الاسئلة...
ميرا: و واخا...
طلعات لبيتهم ولاحت الصاك طاحت على الناموسية تبكي وتفكرهم من كانو شادين فديين بعضياتهم شحال كانو فرحانين ..تتفكر هضرة صفية وكرهها ليها...بقات ناعسة على كرشها تا داها نعاااس دخل جود بعد ما سلم على الحاجة وطمأن على ماماه لقاها ناعسه هكاك هزها قاد ليها الفراش وغطاها ودخل دوش ونعس...
#صبح صباااااح ناضت على شي حد تيضربها المخاد(مخاد ديال الريش ماشي ديالنا الى ضربتي بيهم الكافر يسلم فالبلاصة😅) جلسات تتحك عنيها وهي تفركع اية بالضحك...
اية: نوضي الخانزة نوضي را 10 هذي...
ميرا: نتي😨..شنو كديري هنا....
اية: زعما غير مرحبش بييا😕....
ميرا: لا الحمقة مرحبا...
دخلات للدوش دوشات وخرجات لعندها..لقاتها مجبدة على الناموسية
اية: ناري لي ينعس على هذ الفرااش واش غيفيق..الله على راحة😊
ميرا: البارح شفت عمر ونوال مع بعضياتهم...
اية(ناضت) اوااه فيين...
ميرا: مخطوبين ا اية...
اية: ويلييي واش راك تقولي😣..
ميرا: هذشي لي قالت خالتي صفية ..قريب غيتزوجو...
اية: وايني بنت الحراام تفوو...
ميرا: كانو راكبين فالاوطو ودخلو لدارهم من شافتني لاخرى جات لعندي مخلات فالمعيور غير لي نسات..لدرجة قالت لجود انا شيطانة وبنت زنقة...
اية: اويلي كان جود تماااك😨.
ميرا: اه سمع كلشي...
اية: ب بغبيت نسولك...
ميرا: ااش..
اية: عاودتي الجود على داكشي...
ميرا: ا اش كتقولي واش حماقيتي..
#كان جود طالع لعند ميرا يشوفها كي بقات وهو يسمع اية من قالت "عاودتي الجود على داكشي".. وقف حدا الباب يعرف شنو لي مخبيه علييه ميرا...
اية: ما خصوش يعرف...
ميرا: الى عرف غيكرهني ا اية...
اية: نتمنى نوال ماتصدقش غدارة كثر وتفضحك...
ميرا: ماعرفتش اختي ماعرفتش..ولكن الى مشا تا عرف حقيقتي منضمنش لييك شنو غتكون ردة الفعل ديالو...
اية: كنتمنى مايعرفش😕...واخا هذ زواج هي على الورق ولكن كيتسمى خبيتي علييه وغدرتييه..
#داز هذ الحوار كامل تحت مسمع جود مزير على سوارت تا سالو يديه بالدم وجامع لاخرى قبضة ضحكات علييه وصدقات مكتسواش وكيما قالت صفية بنت زنقة تمنى يدخل دابا يفرشخها ..مشا هابط كينهج وعنييه حمارو بالاعصاب والصدمة والغضب طلع فالاوطو كسيرا صاييك مكيشوف قدامو تيتكرر كلامهم فوذنو وقف حدا الشركة وطلع لي سلم علييه فطريق كيدفعو ومشا لبيرو ديالو دخل كيهرس لي جات قدامو ويضرب الكراسي ويشتت الوراق...كرهها فهذ اللحظة وشمئز منها متيقش هضرة عمر باش ميظلمهاش تصدى كاع الشكوك وهو كيشوف فوجهها الملائكي المقنع بالبراءة والحياء..قدرات تمثل عليه مزيان قدرات تغدرو طلعات خبيثة زانية منقياش... كلما يتفكر كلامهم يشد راسو بيديه بجوج كيضور تمنى لو كان حلم تمنى لو مجاش فذيك الوقيته ياريثو ماوقفش حدا داك الباب كلما يتفكر وجهها تغمرو الفرحة تغمرو السعادة ويذوب فبرائتها وهمات انها ملاك وصدقات شيطانة...الكره والحقد غرقو عنييه جيهتها....
#اما هما جلسو باقي شويه ومن بعد مشات اية لدارهم هبطات ميرا لعند الحاجة لقاتها جالسة تتفرج جلسات معاها كيهضرو شويه..تا جات نجاة..
الحاجة: دابا لباس...
نجاة: شويه شويه هي باقا فيا الدوخة..
ميرا: سلامتك...
نجاة: الحاجة اليوم ختي هند عارضة عليينا العشا...
الحاجة: كن هي خلاتها تا تولي بخير...
نجاة: انا لباس..هند عزيز علييها جود وبغات تعرض علييه هي وهذي😑 ..
ناضو تغداو وطلعات لميرا لبيتها تكات وهزات تيلي دخلات لفيسبوك نيشان لباج ديال عمر لقاتو داير فيونسي دو نوال شاكر..طاحو جوج دمعات من عنييها ومسحات لكونفيرساسيون ديالهم بلا متقراها ...دوزات العشية هي فبيتها مرة تخرج للبالكون مرة تكا مرة تضور فالبيت..
#اما جود غرق راسو فالخدمة وتفكيير تا وصلات ديك 7 عاد رجع للفيلا طلع لقاها تتتسرح شعرها مدوهاش دخل لدرسينغ بدل حوايجو طاح ليخا العجب مولفاتوش هكا..دخل لدوش وهي بدلات حوايجها لبسات كسوة فالكري غامق..وسرحات شعرها على طولو وطلقاتو هكاك... مشات تهز بواط د المكياج وهو يخرج من الدوش..
ميرا: جود فييك شي حاجة..
مدوهاش تمنى متزيد دوي معاه باش ميحطش عليها يدو..
ميرا: مقلقاك شي حاجة...
جود: واش متقدريش تسكتينا...
ضربات طم تتشوف فيه بشك زعما مالو تكون طارية شي حاجة... هزات مايك-اب ديالها قدات حالتها وهبطات لقاتهم كيتسناوهم وهبط جود تاهو خرجو كامليين طلعات مع جود والحاجة كيصوك ساهي ومخنزر مفهمات مالو طريق كامل تتفكر هي فكيفاش دواها هكاااك..
. وصلو وهبطو لدار هند خرجات تترحب بهم هي ومحمد تتشوف فجود لي كيسلم عليهم ببرود معرفاتش فين طارت ديك الابتسامة لي كانت مولفها منو... دخلو غاديين جيهة الصالون وهي تجبدها عمة نوال من ذراعها..
كريمة: ميرا هذي نتي...
ميرا: خالتي كريمة اش كديري هنا...
كريمة: انا خدامة هنا...كيدايره لباس علييك...
يلاه جات ميرا تهضر وهي تقطعها نجاة..
نجاة: معدناش عيالات كيشدو جماعة مع الخدامات...
هند: كريمة شوفي شغلك.
. مشات كريمة وجلسات ميرا حدى الحاجة..شادين جماعة وهي تتحس براسها ضايعه وحيدة بيناتهم تا من جود تشوف فيه يخنزر فيها وكيهضر مع محمد.. شويه دخلات نوال حطات الحلوى والعصير هي شافت ميرا كانت غطيحهم كن ما هند لي نبهاتها اما ميرا خرجو عنييها عاد تفكرات بلي من بغاو يمشيو لديك الحفلة البائسة قالت ليها را الحفلة كاينة عند شي ناس خدامة عندهم عمتها شهقات حاطة يدها على قلبها يعني لي غتصبها غيكون من معارف هذ العائلة ناضت استأذنات منهم تبعات نوال الكوزينه جراتها من يدها وخرجاتها للجردة..
نوال: طلقي مني راك قصحتيني...
ميرا: دابا غتشرحي ليا شنو كتحاولي ديري..
نوال: نتي لي شنو كديري هنا..وفين كتعرفي هذ العائلة...
ميرا: ماشي شغلك..دوي يلاه شنو باغا من عمر وشنو قصة داااك زوااج...ها؟ ..
نوال: ماشي شغلك هذيك حياتنا وحنا حريين فيها...
ميرا: شوفي حسن لييك تبعدي علييه ولا بربي لندمك😡
نوال: نتي شنو باغا منا اه ياك نتي لي خلتييه ااه..شنو باغا مزال...دابا طلقي من يدي ولا نفضحك قدام كلشي .
نوال: طلقي😡
طلقاتها مكرزة على سنانها وهي كترعد بالاعصاب وتنهج...
ميرا: سمعيني مزيان الى حليتي فمك بكلمة كنقسم لك غندمرك😬.
نوال: اوا هي الى بعدتي على طريقي...
ميرا: ن قاطعهم جود لي واقف علييهم كي رعدة.
جود: يمكن نعرف شنو واقع هنا؟...
ميرا: ج جو د و والو...
نوال: نتا😨..وا واش هذا راجلك...
جود: اه راجلها كاين شي مشكل...
نوال: ويني راك مسهلاش تا لي فحالك ولاو يتزوجو بهذ الزين..
ميرا: نوااال لزمي حدودك😡..
جود: خليها تكمل..دوي...
نوال: مالي اشنو قلت اميرا هي سحاب لي واش هو من دوك لي كليان ديالك...
ميرا: ك كيفاش😨...
جود: بمعنى؟...
نوال: ههه يمكن مراتك المحترمة معودات ليك والو على ماضيها...
. طلعها للوطو لاحها وكسيرا طريق كامل هي تبغي تدوي يضرب الفولون تا تنقز وتسكت.. وصلو لبرطمون ديالو هبطها بنفس الطريقة طاحت لارض ويهزها بشعرها بدون رحمة..دخلها ولاحها على الارض وكيحيك فالفيست صدرو كيطلع ويهبط وعنييه
جود: ياااك الق...سحاب لييك درتيها بياا...
ميرا: ك كذوب م متيقهاش اهئ اهئ اهئ ك كذوب...
جود: وباقي عندك الوجه باش تنكري...انا سمعتك سمعتك بوذني سمعتك😠😠😡...
حيد صمطة د سروال ونزل علييها بالضرب وهي كتغوت فين ماتجيها صمطة يتجمد ويكون فحال قطعتييه بمالموس ..تا طاحت لارض سخفانة.. جرها من يدها لاحها فوق الناموسية وبقا غادي جاي فالبيت شاد راسو كي الحمق ويتفكر هضرتها... #داز عندو لليل كاملو هكاك ساهر غادي جاي كلما يشوفيها يغمض عنييه ويعصرهم قرب جلس حداها علاش امييرا علاش درتي هكا .علاش دمرتي راسك علاش شديتي داك طريق شنو دفعك ليه .باش فاذك علاش دمرتي راسك وسمعتك شرفك. علاش قضيتي على برائتك على حيائك وعلى دينك وحياتك ااخ منك امييرا اخخخخ شنو ستفدتي من هذشي هي قولي..قرب لعندها كثر كيحس بانفاسها بغا يشد يدها وتفكر بلي هذ اليد موسخة عاف وناض بعييد عليها.. بقا هكا تا بدا الحال كيصباح خرج للبرا عييان ومكسور... بدات كتفيق وكتكح بغات نوض مقداتش كلشي فلحمها كيحرقها هزات يدها تتشوفها حمرا خطوط صمطة واضحين منفوخين وحمرين وشي بلايص سايلين بالدم..بدات تبكي من جروح قلبها وجروح لحمها من جهة متوقعاتش من جود يدير هكا جود لي كان مهتم بها وواقف معاها تصرف معاها بهذ الهمجية مخلهاش تا تشرح ليه وتيق هضرت نوال و ونوال لي حساباتها صاحبتها لي ضحكو وبكاو مع بعضياتهم ودوزو ايام وسنين غدراتها و فضحات سرها وكثثثر فترات عليها... وناضت تتجر فرجليها وتسند على الحيط تا وصلاا للدوش تقبلات مع المراية وطلعات الكسوة تتشوف ظهرها وجنابها حالتهم بحاله شي منفوخ شي حمر شي زراك وشي طرطق بالدم طاحت تتبكي على حياتها على زهرها على قلبها لي كيتقطع وروحها المكسورة..طلقات الماء فالجاكوزي باش يعمر وتكمد عظامها لي تهرسو.
نصف عذراء بين أحضان الوحش الجزء الثالث
محتوى القصة
التنقل بين الأجزاء