سيد القلعة الجزء الثالث

من تأليف حياة جمالي
2018

محتوى القصة

رواية سيد القلعة

افرا:الأرض بغات تاكلني بحال أول نهار في القلعة عندك
عنقها رافائيل صافي سمحي ليا صافي انا جيت شوفي جيت كيف عيطي ليا ما كاين خوف
كارلوس:بصوت مرتعش ر..رافا شوف شوف وهو كيشير لشجر 
هز راسو رافائيل كان الشجر كيرجع للحياة و الأرض كيختفي منها تشقق و طيور كترجع و الحيوانات كتحيى 
رافائيل شاف في ركبت افرا وفي الدنيا لي رجعات للحياة
كارلوس:لالا ما تقولش ليا هذي
شاف فيه رافائيل بنظرات زعما سكوت وهو يسكت
افرا:بصدمة كيفاش هذشي واش العجوز رجعات للحياة
رافائيل:صافي ما تسوليش وهو كيبوس راسها المهم شوفي دنيا رجعات زوينة
افرا:واش دمي سبب
رافائيل:سمعي هذشي ما خاصوش يعرفو حتى حد واعدني 
كارلوس:اه هذشي لمصلاحتك
افرا:بدموع أنتما كتخلعوني عنقها رافائيل صافي واش كتيقي فيا
افرا:علاش نثيق في شخص جرا عليا بلا سبب وهو كان قبل معنقني و كيقول ليا عمري نخليك 
رافائيل:معنقها سمحي ليا وفعلا عمري نخليك رآه اي وقت نكون جنبك
افرا:بعداتو عليها ما تقربش ليا وهي كتبعد منو
رافائيل:افرا حبيبة سمحي ليا والله انا ما يمكنش ليا نبعد عليك وهو كيقرب ليها حتى كيتدفع لور و يتخبط مع الأرض وقف في رمشة عين و هو مبتاسم
افرا:بصدمة و خوف ماشي انا لي دفعتك والله ناري اش كيوقع ليا
رافائيل:اخيرا تواصلتي مع ولدك هههههههه طلع هو في صف ماماه حتى على باباه ولكن قوي بزاف 
افرا:اشنو قصدك
رافائيل:ولدنا بدا كيلعب مع باباه هو ما بغاش نقرب لك غضبان مني حيت جريت عليكم فرحت من أخيرا تقبلتيه
افرا'سمع خليك بعيد مني ومن ولدي هذا كان طلب تاعك
رافائيل:في أحلامك و مستحيلة بقى لك غير ال واقع شوفتي انتي تاااااعي
افرا:بابتسامة حلم و شدات كرشها ولدي حبيبي رجعني فين كنت بقات كتسنى والو شاف فيها رافائيل و نفجر بالضحك
رافائيل:ايوا قولي لولدك حبيبك يسمع الهضرة
كارلوس:رافا واش هذي هي
رافائيل:سكوت ازمر 
افرا:هي شكون علاش كتسكتو رافائيل:سيري لدارك حتى نلحق عليك
افرا:لا خليني بغيت نفهم
رافائيل:شاف في كرشها ياله سير انت و ماماك وهي تختفي افرا
كارلوس: رآه خاصها تعرف ناري دمها نقي حتى لهذ ذرجة رافائيل:نبقاو غير نصدموها صدمة على ختها ولكن كيفاش دمها نقي وهي كانت وسط العالم الأسود 
كارلوس:خاصك تحميها إلى مشات ليليا حتى عرفات الشخص لي كيقلب عليه الشيطان هي هذي مشات فيها
رافائيل:ما عند ليليا فين توصل ليها
كارلوس:راك غالط رآه 
رافائيل:قاطعو عرف اش كان غادي يقول لا بنت الحرام علاش ما قلتيهاش ليا من الأول و هو كيدفع فيه و ختفى 
ظهرات افرا في دارها خرجات مشات عند انخيل تسولو شكون ليليا و علاش خاف منها الجنين و هربها ياله وصلات دار انخيل ياله جات دق لقات الباب مفتوح دفعاتو
افرا:انخيل انت هنا ولكن والو لا صوت من غير حركة غريبة شداتها الخلعة ولكن دخلات وهي مازال كتعيط باسمو انخيل فينك سمعات الصوت جاي من الكوزينة تجهات لمكان صوت و رجليها ثقيلة عليها ما عرفات علاش احساس خايب شادها
حتى كتشوف رجلين ورا الطابلة صباط انخيل 
افرا:انخيييل وهي كتجري الصدمة كانت قوية بزاف شافت رافائيل فاتح صدر انخيل كياكل في قلبو
افرا:لالا رافائييييييييل لالا رجليها فشلو عليها طاحت الأرض دار عندها رافائيل و فمو كلو دم بدات كتشد في رجلين الطابلة وقفات بصعوبة
افرا:بعد بعد علاااااش علاااااش اش دار لك الوحش وهي كتبكي نقز عليها شدها من عنقها
رافائيل:غادي تبعيه دابا وهو كيلحس وجهها بلسانو طيحها الأرض وهي كتبكي و كتحاول تقاوم خرجو من ايديه مخالب بحال الأسد
افرا: رافائيل لا بعد مني هىء هىء
رافائيل:غادي تموتي وهو كينزل ظفارو لصدرها دازو على البودي تاعها شروطوه بحال الموس ياله جات تغوت حتى كتشوف رافائيل تضرب بعيد بقوة و الجنين لفي كرشها كيقول بعد من ماما ما عندهاش وقت تفكر ولا تسترجع أنفاسها وقفات و هي كتعكل خرجات برا بالجرا فتحات الباب تاع دارها و سدات وهي متكية على الباب كتنفس بسرعة حتى كتصدم بصوت من وراها طيحها الأرض بالخلعة
رافائيل:فين كنتي مالكي شكلك هكذا
دارت افرا بالعرض البطيء و كتمنى تكون كتحلم شافت رافائيل ولكن كان بلبس مغير ما عندهاش الوقت تفكر امتى بدل
افرا:بعد مني بعد هىء هىء هىء وهي كتفتح الباب و تهرب بحال شي حمقا كتجري و تغوت حتى لقات قدامها ليليا دخلات فيها
ليليا:مالكي مالكي
افرا:هىء هىء انخييييل انخييييل كتهضر بهستيرية من شافت رافائيل بان قدامهم
حسات بيه ليليا و دارت عندو وهي معنقة افرا
رافائيل:شاف في ليليا بكره بعدي منها قتلتيه ياك الحقيرة
ليليا:علاش كتهضر ما فهمت بابتسامة
رافائيل:نسيتي كنعرف اش في رأس كل واحد شاف في افرا تعالي عندي بعدي منها 
افرا:كتعنق ليليا عفاك ما تخلينيش رآه هو ماشي بشر خاصنا نهربو هو ماشي بشري هىء هىء هىء

رافائيل:افرا بعدي من تما هديك ماشي إنسانة براسها 
افرا:هىء هىء كذاااااب علاش قتلتيه علاااااش هذاك كان خويا خوووووياااا وهي كطيح في الأرض و كتبكي 
رافائيل:ليليااا علاش درتيها الكلبة قتلتي أمك و دابا هذا علاش كان كيهضر حتى حس بشي حاجة جاية من لور نقز بسرعة البرق و طار في السما حتى كيشوف دافيد كان بغا يضربو لظهر
رافائيل:اهلا اهلا بأولاد الشيطاااان صافي بعتي روحك الكلب
دافيد:غادي ندمك على خويا لي قتلتي
رافائيل:هههههههههه والله قتلتني ضحك بغيتي تنتاقم لخوك رآها قدامك لي قتلاتو وهو كيشير ليليا
ليليا:دافيد ما تصدقوش مستحيل نديرها 
افرا بقات غير كتشوف في دافيد لي صدمها بقوتو لي جاي طاير بيها قالت في راسها واش هذو كلهم وحوش دابا مع من تمشي شكون تصدق رافائيل قرا أفكارها 
رافائيل:تعالي عندي افرا تعالي 
ليليا:لا بقاي معنا 
دافيد:افرا هداك الكلب قتل خويا جمس و دابا قتل انخيل هو واحد خطير ما تقربيش ليه
افرا:بالصدمة ورا ورا أخرى ما بقات عارفة ما دير غير كدور راسها بحال الهبيلة
رافائيل:تعالو مكان آخر نتحاسبو و هو كيصفط ايديه ليهم ختفات ليليا و دافيد بقا هو و افرا لي بدورو ختفى معها من بعد برمشة عين لقات افرا راسها جنب رافائيل في مكان كلو جبال و رجليها بحال تشللو ليها بغات تبعد من حداه ولكن والو 
رافائيل:بلا ما تحاولي شاف في دافيد و ليليا دابا نتحاسبو طار لسما كيف الصقر و تاجه في رمشة عين عند ليليا ياله بغات تبدل الاتجاه ولكن كان أسرع منها ضربها حتى طاحت دخلات وسط جبل حتى طقباتو بقوة الضربة و ما بقات بانت
دافيد:بصدمة ليلياااا 
رافائيل:بلا ما تبقى فيك قريب تتبعها وهو كيطير شدو من شعر راسو هزو لسما طار بيه بزااااف و رجع بيه الأرض بقوى رماه جا لاصق الأرض
افرا:هىء هىء قتلتيه الوحش انت ما عندكش القلب 
رافائيل:سووووكتي هما قتلو العجوز بسبابها العالم تخرب كيف لقيتيه هما قتلو انخيل و هذيك قتلات جمس
افرا:بهستيرية شكووون شكووون هما شكون انا انا عيت عيت 
سمعو صوت ليليا من وراهم
ليليا:ياله قول ليها شكون حنا 
هزات افرا راسها شافت ليليا طايرة و وقفات قريبة منهم 
افرا:ش..شكون انتي
ليليا:ايوا نقول ليها ولا تقول انت ا..
رافائيل:قاطعها حيت كانت بغات تقول ا راجلي العزيز سوووكتي غادي نقطع لسانك
افرا:بعصبية خليها تهضر علاش تسكوتها 
وقف دافيد بابتسامة شر و قال هذي مراطو 
افرا:بضحكة تاع الصدمة هههه كيفاش وهي كتشوف في ليليا كتسنى تنفي ليها الخبر الصاعقة حيت رافائيل وقف بلا اي كلمة
ليليا:اه انا مراطو من قرووون ولكن تغلب عليه الجانب المظلم رجع كيقتل ناس من انا وقفت في جانب الخير سد على روحي بالدم تاعو انا و أصحابي الاخيار في لوحات مرسومة
افرا:بصدمة من تفكرات أنها كانت شافتها في لوحة من سرقات لوحات اه تفكرت كنتي في لوحة
رافائيل:افرا ما تصدقيهاش رآه هي لي باعت روحها لشيطان انا ما كناكلش القلوب الصافية 
افرا:شادة راسها لالا هذشي بزاااااف بزااااف 
ليليا:هو كان كيستغلك حيت دم تاعك هو لي رجعو الحياة قتل انخيل و جمس حيت قلوبهم صافية وانتي غبية كنت بغيت نقول لك هربي منو من طلبت نتكلم معك على انفراد ساعة هربتي انا بغيت لك الخير طلع حملك باش ياخد ولدك و ياكل قلبو اكيد قلب طفل مولود أنقى قلب
رافائيل:كذابة انا هذشي درتو على حسابك افرا اه كنت خايب في الأول ولكن عمري عمري كليت قلب شي حد ما نحتاجش قوة قوي بوحدي ولكن بسبابك رجعت ضعيف انتي نقطة ضاعفي و ولدي انا كنبغيه وهو عارف 
افرا:كتشوف فيه بغات تحماق هي شافتو بعينيها كيفتارس في انخيل
رافائيل:حتى هي عندها القدرة تتسيف 
ليليا:صافي براكة من تمثيل قول ليها الأهم من هذشي كلو
افرا:بصدمة مازال شي حاجة أخرى لالا مابقيتش قادرة 
ليليا:باقي الأهم لي رافا خوفو تعرفيه و غادي تعرفي علاش رافا قربك ليه غير باش ينتقم منك
رافائيل:طار لعند ليليا سوووكتي شدها بايديه كيخنقها حتى كيحس افرا في خطر دار وراه لقى دافيد شاد عنق افرا بايديه 
دافيد :طلقها انا مستاعد لوي ليها عنقها ياك قلتي نقطة ضعفك بغينا نعرفو هدشي
افرا:دافيد هىء هىء علاش هكذا انا اش درت لك
دافيد:ما عنديش مشكل معك واخا دمك ريحتو كتشهي ولكن قولي ليه يطلقها
رافائيل حس أنو تلوى من الايد لي كتوجعو طلقها حتى طاحت الأرض وهو مكره راسو
رافائيل:ياله طلقها
دافيد:حتى تكمل ليليا كلامها بغيت حتى انا نعرف السر لي خايف منو عمييي الغوووول 
ليليا:وهي شادة في عنقها و كتشوف فيها انتي ماشي اسمك افرا اسمك شافت في رافائيل اشنو اسمها ما قلتيهش ليا
افرا:لالا هذشي كذوب انا دابا شكون واش انا بحالكم
ليليا:مسكينة ضعيفة بحالك كيفاش تكون بحالنا رافا مسح ليك كل داكرتك و سرقك من داركم عاقلة على عمي خوان عمو خوان

افرا:شادة في راسها لا لا و تفكرات من رافائيل كان كيقول ليها شي كلام بحال كيعرفها 
ليليا:مسكينة تربيتي في ميتم و رافا غير اسمك عرفتي معني اسمكAFRA هو حروف اسم رافا مقلوبة من صغرك طبعك ليه
دافيد:بصدمة اواه هذشي كلشي طلعتي عمي الغول فعلا
رافائيل:افرا نشرح لك كلشي من رجعو انا رآه حميتك كانت غادي تقتلك داك نهار يمكن كان عندك3سنين او أقل من شوفتك انتي نفس البنت لي فيقاتني من القبر هذي 670سنة
افرا:سكووووت الكلب الوحش حرمتني من اهلي من حياتي لعبتي بيا حملتني وانت متزوج هذشي كلشي و بغيتي نصدقك اشنو سميتي اشنو سميتي و طاحت كتبكي
رافائيل:جوليا جووووووليا قالها بغضب حتى طلعو ليه ودنيه و خرجو ليه ورا ظهرو جناح افرا ترعبات من شكلو أما ليليا و دافيد شافوه زاد قوة و هربو اختفاو

شاف فيها رافائيل بنظرات غير مفهومة وهي راجعة بلور خايفة من شكلو رجع تنين ولا خفاش ولا اشنو 
افرا:ما تقربش مني هىء هىء ولكن هو ما دهاش في كلامها طار بجناحو ل عندها 
افرا:هىء هىء عفاااك ما تقتلنيش ما تقتلنيش خليني نمشي 
تحنى بركبتو لأرض و هبط راسو حطو على ركبتها بحال دري صغير وهو مهبط جناحو حسات بيه بحال كيبكي ما عرفات ما دير قال ليها عقلها غير تسايرو حتى تلقى كيف تهرب منو حطات ايديها على شعرو و بدات كتلعب ليه في شعرو وهو بقى على حالتو ما قال والو و حتى هي خافت تقول شي حاجة يطيرها بعد دقائق بدا يرجع لشكلو العادي شافتو فرحات حيت شكل تاعو خلعها كان بحال شيطان
افرا:بغيت رجع فحالي
رافائيل:وهو هاز راسو بغيتي تهربي مني ياك
افرا:انا بغيت نهرب من كلشي حتى من رأسي انت درتني بحال لعبة ضحكتي عليا كان خاصك تقول ليا هذشي علاش لعبتي بيا درتي كلشي كيف بغيتي
رافائيل:افرا انا درت كلشي باش نحميك حيت انتي رجعتي جزء مني من ليها ايديه يمسها ولكن هي بعدات عليه وجهها شاف فيها بنظرات انكسار كتكرهني ياك
افرا:على بغيتي نبوس لك راسك انا صافي ما بقيت بغيت منك والو سمع حتى الولد من يتولد خدو و بعدو مني

رافائيل:صافي كرهتنا خليني غير نمسك رجع لك ذكرياتك غادي تعرفي أن ليليا كانت بغات تقتلك انا حميتك هربتك غيرت لك الاسم باش ما تلقاكش و خفيت ذاكرتك من داك نهار رجعنا في مشاكل قولي عرفت وجه الحقيقي تاع ليليا وأنها باعت روحها لشيطان هي بغاتني نكون معها انا رفضت هي بدات كتقتل ناس لي قلبهم صافي حيت كتاخد قوة بالصفاء حيت هي من الجانب المظلم قلبات عليك كانت بغاتك بزاف انا شوفتك بنت عادية ما عرفت علاش انتي في كل مكان انا كنقسم لك من رجعت هكذا انتي لي فيقتني وانتي لي طلبتي مني نسميك والله صدقني عارف صعيب تفهمي ولكن خاصك تصدقي انا ضحيت براسي باش تسد على ليليا قصدي روح ليليا في لوحة و سديت على أرواح بزاف الوحوش الشريرة علقتهم في القلعةحيت حتى انسان ما كيدخل فقدت دم كلو و دخلت غيبوبة انا ضحيت براسي خفت عليك بسباب أني نحميك و حتى دابا مستاعد نديرها باش نحميك عرفت ليليا بغات دم عذريتك كلفات دافيد ينعس معك وأنا نتحلت شخصيتو ولكن كلشي باش نحميك
افرا:تحميني حيت إلى مت حتى انت تموت ياك 
رافائيل:انا ما بقاتش حياااتي كتهمني رآني عشت بزااااااف عشت كتر من القياس إلى مت عادي ولكن انتي ما خاصكش تموتي مازال صغيرة و غادي يكون عندك ولد
افرا:ولد لانت خططي ليه بلا موافقتي حيت بغيتي قلبو
رافائيل:واش تصدقي كلام وحدة شيطانة هذا ولدي نخاف عليه و عليك كتر من رأسي
افرا:انا ما بقيتش بغيت نشوفك
رافائيل:انا رآه كنبغيك كنبغيييييك اه واحد ممسوووخ كيبغي نقية الدم دمك كيرجع لحياة اي وحش وأرض الوحوش و رجع ليا الحياة قلبي شد وجهها شوفي فيا رآه إنتي الوحيدة لي دق ليها قلبي
افرا:اه و مراطك المصونة نسيتيها 
رافائيل:سمعي هذيك شيطانة قتلات حتى أمها و سلماتها قربان لشيطان انا تزوجتها رغبة في العجوز أمها 
افرا:واش كتعرف دارنا فين دار أهلي وهي كدمع 
شاف فيها رافائيل بصدمة نزل عينيه التحت داركم نفس الدار لي وقع ليا فيا تحولي لممسوخ 
افرا:اشنو كتقصد انت خويا
رافائيل:كيفاش خوك رآني أكبر منك بقروون ما غاديش تصدقي إلى قلت لك الرجل لي حولني هكذا هو باك
افرا:انت أكبر كذاب ضربات على ايديه من وجهها و وقفات كيفاش بابا دابا بابا عايش670سنة واش انت حمق انت كتكذب
رافائيل:انا كنهضر معك بصاح داكشي كلو باك لي قادر يجاوب عليه باك كان إنسان ساعتها شاف فيها سمعي انا براسي ما عارف
افرا:بدموع ياك قتلتيه قتلتي بابا
رافائيل:اه قتلتو قالها وضرب ايديه في الأرض و ما ندمتش يستاااهل ولكن هو كنحس بيه كاين ما ماتش آخر مرة تأكدت أنو عايش ليلة لي دخلت داركم كانت نفس الغرفة رجعات و السحارة و الوحوش محبوسين ولكن كان شخص آخر ماشي داك الكلب تاع باك اسمو جون كان خدام في المختبر من رغمناه يتكلم قال هو خدام عند ريكاردو و ريكاردو هو اسم باك قال أن بنتو لي هي انتي كاينة قتلناه ساعتها خرجتي لينا انتي

افرا:هذشي صعيب يدخل العقل كل قصتك كدوب انت أكبر كذاب و حقير حطيتني في الميتم بحال يتيمة حرفتني من عائلتي دمعو عينيها انت واحد ما تستاهلش تعيش انا غادي نقتل راسي باش البشر ترتاح من ممسوووووخ بحالك الكلب شافت في التحت الجبل لكانو فيه هو فهمها اش بغات دير طار شدها من خصرها و نزل بيها الأرض وهي كتفركل
افرا:طلق مني طلق حتى الموت صعيب نديرها بغييييت نموت واش شغلك
رافائيل:قرب ليها خليني رجع لك داكرة و ساعتها تعرفي الحقيقة
افرا:انت بغتي تلعب في أفكاري ولا بغيتي تنومني مغناطسيا
رافائيل:شاف فيها بصدمة رآه انا مستحيل ناديك
افرا:وااااا بعد مني سمع تقرب مني مرة أخرى وعد نقتل راسي
رافائيل:لهذ درجة انا عندك والو
افرا:و كتر انت عندي غير ممسوخ 
شاف فيها بانكسار كلمة ممسوخ كتجرحو بزاف البنت لي حب و كيحمي كتعاير فيه في وجهو هز صبعو اتجاهها و ختفات طار في السما من بعد ما ختفات غوت غوتة كبيرة خلات الجبال تهزو 

عند دافيد و ليليا جلسو في القصر فرحانين بالانتصار خصوصا ليليا
دافيد:بقات فيا افرا كان علينا نجيبوها معنا
ليليا:خليها ما تخافش هي براسها غادي تجي عندنا صعيب تلقى حياتك كلها كذبة
دافيد:اشنو بان لك ترجع معنا 
ليليا:هذيك لي كتقول ترجع بحالنا رآه أرض السحارة بقطرة دمها رجعاتها للحياة 
دافيد:كيفاش زعما
ليليا:هذ كيفاش خاصني نسول الشيطان عليها 

لقات راسها في دارها طاحت الأرض كتبكي هي كتغوت بأعلى صوتها ما بقاتش عارفة والو لقات راسها بحال في قصة و حتى القصة عندها بداية و نهاية أما هي ياله كتقول دابا لقيت طريق كتلقى راسها في متاهة حتى من رافائيل لي تقبلاتو كيف ما هو حسات معه بالأمان لي تحرمات منو في صغرها لقاتو هو جلادها حتى اسمها طلع ماشي اسمها صعيبة بزاف بزاف كانت كتبكي حتى كتسمع صوت الجنين 
ماما براك من البكى كنواعدك كلشي غادي يكون مزيان غادي نعيشو غير انا وانتي بوحدنا بسعادة
بتسمات افرا بحسرة وهي خايفة كيفاش غادي يخرج هذا الجنين من شافت تحول رافائيل خافت بزاف يطلع شي حاجة شكلها خايب
افرا:سمح ليا اولدي عارفة ما كنعرفش نتواصل معك عارفة انا خايبة معك ولكن رآه هذشي بزاف عليا بزاااااف غمضات عينيها و نعسات
عند رافائيل وصل واحد نهر غمض عينيه و عيط بأعلى صوتو ليليااااااااا حتى كتظهر ليليا قدامو
ليليا:توحشتني ا راجلي العزيز
رافائيل:غادي ندم أمك قالها بعصبية
ليليا: رد بالك دافيد كاين قدام دار افرا ناري سيد القلعة رجعات نقطة ضعفو بشرية هاهاها 
رافائيل:سمعي يوقع ليها شي حاجة نحيك في دقيقة راكي عارفة 
ليليا:كنت كنخاف منك من ما كانت عندك حتى نقطة ضعف ولكن دابا صافي لعب بالمكشوف 
رافائيل:اشنو بغيتي باش تبعدي منها
ليليا:قربات عندو بحركة دلع بغيتك انت توحشتك انا مراطك بغيتك ترجع ليا
رافائيل:بلا تردد واخا قابل ولكن عندي شرط واحد
ليليا:كتلمس في وجهو طلباتك اوامر حبيبي توحشتك بزاف قربات بغات تبوسو هو بعد وجهو عليها 
رافائيل:سمعي الشرط تاعي بعدا
أصبحنا وأصبح الملك لله فتحات افرا عينيها كانت في سرير و غرفة غريبة عليها تصدمات كيفاش وصلات هنا و شكون بدل ليها حوايجها ما بقاتش كتخاف مع هدشي كلشي لي عاشت فيه الخوف صافي هرب منها وقفات بخطوات سريعة خرجات من الغرفة حتى كتلقى مع رافائيل لابس غير شورط عريان من الفوق
افرا:بغضب علاش جبتني لهنا واش ما كتفهمش راسك قلت لك بعد مننننني
شاف فيها رافائيل بنظرات شكون داها فيك حتى كتسمع وراه صوت ليليا
ليليا:صباح الخير حياتي و قربات ليه باستو من فمو
افرا عينيها خرجو من المنظر وقلبها بدا كيضرب ما مصدقاش اش واقع قدامها كانت ليليا لابسة تريكو تاع رافائيل لالا غير كتحلم هكذا قالت دار عندها رافائيل بابتسامة زعما لالا بصاح 
رافائيل:صباح الخير حبي 
ليليا:شافت في افرا مزيان من فقتي وجدي ليا الفطور و جيبه لبيتنا
افرا:بصمة اشنوووو 
رافائيل:رآه سمعتي نبغي قهوة كحلة عندك 5 دقائق ولا نفرشخ مك راكي غير خدامتنا عنق ليليا وهي كضحك ضحكة نصر و خرجو خلاو افرا كضرب في خدودها بقى فيها الحال غارت اه غارت بزاف من شافتهم هكذا يعني صافي رجع لمراطو وهي كركبها ياك قالت ليليا هو شرير لصقات على الحيط وهي كتبكي هذا غير حلم اكيد حلم و دموعها نازلة دابا رجعات خدامتهم كيفاش رافائيل قالها ياك قال كيبغيها جلسات كتبكي من تفكرات عندها 5دقائق وقفات و دموعها في عينيها كتوجد لعرسان الفطور

هزات البلاطو من بعد ما وجدات ليهم الفطور و تجهات الغرفة لي كانت نعسات فيها مع رافائيل ودابا سخرية داخل فيها هو و ليليا حتى كتسمع صوت ضحك و ليليا كتقول لالا رافائيل هههههه اه هكذا ما توقفش 
حسات بدوخة كانت بغات ترجع ولكن تشجعات و دقات وهي كلها كترعد فتحات ليليا لابسة لبس خفيف شافت فيها بكره
ليليا:ياله حطي هذشي و خرجي رآه مشغولين
دخلات بخطوات ثقال شافت رافائيل جالس في كرسي لابس غي سروال و شعرو مخبل بطريقة واعرة ما بغاتش تفكر في جمالو حيت خافت يقرا أفكارها حطات الفطور و شافت فيه بغيت نمشي فحالي
رافائيل:ما عندك فين تمشي
افرا:انا قلت لك بعد مني و عمرك توريني وجهك
قربات ليه ليليا عنقاتو 
ليليا:أولا راجلي ماشي معشاق فيك يوريك وجهو رآه انتي هنا حتى تولدي
افرا:انا هضرت معه هو ماشي معك
رافائيل:سمعي لي قالت مراطي يكون وأنا وهي واحد
افرا:بصدمة اه واخا ولكن بغيت نمشي فحالي
رافائيل:من تولدي و ناخد ولدي ساعتها غبري وجهك عليا كان غلط كبير مني أني حملتك
افرا:كيفاااش تاخد ولدك رآه ولدي حتى انا و عمري نخليه لك
رافائيل:ما كنتسناش رأي تاعك انتي ما عندك حتى كلمة
ليليا:انتي دخلتي عالمنا كانت غلطة و دابا حبي وهي كدخل فيه غادي يصحح غلاطو وغادي نولدو ولد آخر أخ ولدك قربات ليها بغات تمس كرشها حتى تخبطان لسما طار عندها رافائيل بخوف
رافائيل:حبيبتي واش انتي بخير واقع لك شي حاجة 
ليليا:ولدك ولدك قوي بزاف قالتها بخوف
افرا تصدمات من خوف رافائيل على ليليا كيفاش ليليا رجعات ليه ياك قالت هو شرير ياك هو كان حابس روحها كيفاش هو رجع ليها ياك غي البارح كان كيقول ليها كنبغيك و غادي نعيشو مع ولدنا وانتي وانا شخص واحد 
رافائيل:هز عينيه فيها اش مازال كديري هنا غبري تق***
شافت فيه افرا بصدمة لفيها عينيها غرغرو ولكن جلسات الدموع قالت في راسها سير الله ينعل الكلب لي ولدك الممسوووووخ و عارفة غادي تسمعني ينعل أمك كنكرهك شافت فيه نظرات كره وهو كيشوف فيها كيتسنى تكمل هضرتها الداخلية حتى هزات البلاطو رماتو تجاهو برمشة عين ختفى و شدها من عنقها 
ليليا:قتلها الحقيرة بغات ضربك
رافائيل:تعاودي تجربيها والله نفصلك
افرا:ههههههااااا هزات عنقها ياله فصلني شوفتي انا الخوف كاع ما بقيت كنحسو معكم بكترة ما خفت تصاحبت معه و شافت فيه نظرات عادم خوف
شاف فيها بابتسامة و نظرات بحال نظراتو ليها ديما العامرة بالحب حتى قاطعاتهم ليليا
ليليا:سيري غبري عندك زهر ولدك في كرشك ولكن ما تفرحيش بيه رآه الجنين نص حياتو كيكون ناعس ههههه
رماها رافائيل بقوة حتى تخبطات الأرض بنظرات كره ياله غبري علينا وانتي هنا خدامة تاعنا نوضي جمعي الكوزينة كلها اه بغيت نفطور عندك3 دقائق القهوة توجد ولا غادي نتفاهم معك و نوريك الخوف تاع بصاح
شافت فيه الصدمة غلباتها حتى كيزعزعها صوتو ياااااااله وقفات بخوف و خرجات دخلات الكوزينة كتبكي علاش هذشي كيوقع ليها علاش غير هي
مشات جهزات ليه تاني القهوة دقات عليهم بلا ما تهز عينيها فيهم 
رافائيل :حطيها و خرجي فحالك
ليليا:حرام عليك بيبي رآها حاملة عاملها بلطف ههههه
رافائيل:رآه من مازال ما فصلتها عندها زهر 
افرا'محتاجين شي حاجة مازال
ليليا :والو الخدامة مزيان من عرفتي إنك مجرد خدامة حقيرة هزات راسها في ممتلكاتي ياله برا الحقيرة 
خرجت افرا برا وهي كتبكي من نهار شافت رافائيل وهي كتلقى غير دموع و لكن دابا كتبكي على المعاملة لي رافائيل كيتصرف بيها تغير في رمشة عين ندمات على نهار دخولها القلعة ولكن ندم ما عندو فين ينفعها و رافائيل رجع بين احضان ليليا في وجهها قلبها كيوجعها بزاف ما عرفات علاش الغيرة شادها بغات تمشي تقول رافائيل علاش ما بقيتيش معيا ولكن هي لي طلبات منو يبعد عليها اه من حقها طلب يبعد منها وهو مغير ليها كل حياتها مغير ليها من اسمها لداكرتها و هي خاصها تكرهو تكرهو ماشي تغير عليه هو قتل ليها خوها انخيل و جمس هو مجرد غول تجهات برا في الجردة لكلها ورد أول مرة دخلات ليها كانت كلها ميتة ما هتماتش الورد ولا لجمال الطبيعة لي فيها شافت في السور تحنات و نقزات عالي طلعات فوق منو بغات تشوف اش جنب القلعة حتى كتصدم أنها وسط بحر كيفاش تهرب من هنا والبحر داير بيها حتى كتسمع صوتو من لور

رافائيل:ما عندك فين تهربي غير نزلي
افرا:شافت فيه بكره ولكن نقدر نتاحر و نديك معيا الجحيم رافائيل:علاش روحك رخيصة عندك و نزيدك انا نموت ولا نبقى عايش كاع ما كيهمني 
شافت فيه بكره و نزلات تجاهو 
افرا:علاش كتصرف معيا هكذا بحال الخدامة 

رافائيل:رآه انتي خدامة فعلا
افرا:انا عمري كنت خدامة انت كيفاش رجعتني لعبة شافت فيه بكره ولا حيت انا بنت الرجل لي رجعك واحد ممسوخ ههههه
رافائيل:ردي بالك انا بدات فاش نتعصب حتى أثار ما يلقاوه فيك
افرا:بسخرية اووووه خفت خفت بزاف علاش كلمة ممسوخ كتوجعك رآه ما بقاتش في شكل أشارت ليه على قلبو راك ممسوخ في القلب و المشكلة باينة ممسوخ من الأول مازال شكل رآه عندك الف وجه تتخبى بيه أما القلب صعيب صعيب اه لا نسيت سيدي الغول رآه كياكل القلوب النقية وانا علاش ما تاخد قلبي لا نسيييييت اه على غبية انا ماشي ناقية القلب انا غير ناقية 
قبل ما تقول كلمة نزل عليها بضربة لوجه حتى طاحت الأرض و خرج ليها دم من نيفها حسات بمخها تزعزع بقات تواني كتستجمع عقلها شكون هي وجهها لصقات فيه علامة ايديه من قوة الضربة هزات راسها فيه بعيون دامعة وهو شاد في ايديه و عيونو بيضا كلها معصب معصب يحرق العالم بعصبية لفيه دابا
رافائيل:ديك الهضرة عمرك تخرجيها مع فمك واش مفهووووووم 
افرا:وقفات بدموع نازلة انت واحد حقير هىء هىء عمري نسامحك الممسوخ 

رافائيل:بعصبية سووووكتي هز ايديه بغا يعاودها تانية وهي غطات على وجهها بايديها بخوف في آخر لحظة وقف ايديه شاف فيها
رافائيل:شكون بغاك تسامحي ليه واش تسحابي راسك انتي شي حاجة عندي انتي شاف فيها بعيونو المرعبة انتي واااااالو لالا انتي بشرية حقيرة
افرا:الحقير هو باك لي رماك في الميتم أما انا انت لي رميتني من دارنا في الميتم عطاتو بالظهر وهي كتمشى وتقول هنا تجيني ضربة هنا تجيني ضربة حتى دخلات و سدات عليها في بيتها 
من مشات افرا خرجات ليليا لكانت كتسمع كلشي من ورا شجرة طارت العندو 
ليليا:هي ناقية اش علاش ما خليتيهاش تهضر
رافائيل:كنتي كنتي كتسمعي لينا انتي كيف ديما عمركي تتغيري 
ليليا:انا على حسابك نتغير حبيبي رافائيل وهي كتقرب ليه عنقاتو من ظهرو من لور
رافائيل:شوفتك نغمستي في دور وهو كيدفعها حتى طاحت و دار عندها كان شرطي ما تمسينيش ما تقربيش مني اه قبلت تمتلي قدام افرا الحب و الغرام و أننا نعسنا مع بعضنا ولكن دابا ما كايناش يعني تكمشي 
ليليا:واش كتبغيها علاش شرطي عليا نخليها معنا حتى تولد اكيد كترسم شي خطة
رافائيل:انا ماشي بحالك انا كلعب على المكشوف أما انتي عاهرة الشيطان و نزيدك شاف فيها بحقد عاهرة دافيد و عاهرة الف واحد أما افرا انا الوحيد لي مسها و نغامس معها في عالم الشهوة
ليليا:بغضب انت دابا كتقارني الانسانة حقيرة شافت فيه و قالت في راسها قريب نتهنى منها
رافائيل:بعصبية جربي توقع ليها شي حاجة رآه انا عمري ما هامنيش والله نحرقك شروطي انتي وافقتي عليهم بخاطرك 
عند افرا جلسات على سرير بدموع و وجهها و فكها كيوجعها شدات في كرشها عارفة ما كتعرفش تواصل مع الجنين ولكن دابا هو الوحيد ليقدر يبعدها من هنا
افرا:ولدي عفاك خرجني من هنا انا عيت بزاف عفاك ديني شي مكان عمر باك يلقانا مكان رتاح فيه هىء هىء هىء عفاك اولدي ولكن والو لا رد ولا جواب وقفات معصبة 
افرا:انت بحالك بحال باباك اشرار كيف قالتها لقات راسها في غابة كلها خضورية و شجر عرفات راسها في عالم السحارة 
افرا:لالا علاش هنا رآه مكان عارفو باك حرام عليك هىء هىء تلفتات وهي كتسمع صوت حركات كان كارلوس بشكل بشري ماشي أسد
كارلوس:ايوا توحشتني بزربا هههه
افرا:واش كاين غي انت في هذا العالم فين جيت لقاك
كارلوس:يمكن هذا الحب كيتكون بنا
افرا:ما عنديش خاطر لضحك كيفاش نخرج من هنا
كارلوس:لي جابك يرجعك ولا رافا يرجعك شي حاجة تالتة ما كيناش 
افرا:كيفاش و مسات كرشها ولدي حبيب ماماه رجعني لداري داري ماشي شي حاجة أخرى كتسنى والو
كارلوس:رآه ناعس جنين باش يجيبك هنا خاص ينعس من وراها يوم كامل
افرا:كيفااااش
كارلوس:تعالي تعالي تبعيني نوريك جمال طبيعة حتى يفيق ولدك حبيبك هههه ياله وهو كيمشى 
افرا:وا تسنى انت واش كتمشى ولا كتجري
دار عندها و تحول الأسد
افرا:ههههيي غي كنضحك معك
كارلوس:ركبي فوق ظهري الخوافة 
افرا:اشنووو لالا
كارلوس:ما تخافيش ياله وهو كينزل الأرض طلعات افرا فوق ظهرو 

كارلوس:شدي فيا مزيان و ما تخافيش
افرا:ما بقيتش كنخاف شدات في شعر لي مدور على عنقو و هو بدا كيجري وينقز وهي عجبها الحال تقول راكبة حمار ماشي أسد كتشوف الفراشات بكل ألوان و الورد رجع ثاج و تحط على راسها اي مكان دارت فيه كيسلم عليها
افرا:مال الشجر رجع ضريف معيا 
كارلوس:حيت انتي لي رجعتيه للحياة انتي الأميرة هنا ما يمكنش اي واحد ياديك 
افرا:الأميرة يااااي انا اميرة سيدة عجبها الحال شوية كتسمع صوت ما قريب منهم كارلوس اشنو هذا الصوت
كارلوس:شلال أروع ما غادي تشوفي ياله استعداد نقز في السما 
افرا:يييوووووبي هههههه
كان كارلوس كينزل الأرض حتى شاف رافائيل جالس حدا الشلال و رجل على رجل باينة معصب بالخلعة تحول من الاسد لبشر جاو طايحين الأرض 
افرا:اييييي وهي كتحك مؤخرتها انت علاش درتي هكذا اييييي هرستيني
رافائيل:على سلامة العصافير 
افرا شافت في مكان صوت كان رافائيل قدامها مغمض عينيه و ايد على ايد كارلوس غير شاف شكلو و سمع كلامو عرفو معصب بزاف ختفى و خلى افرا كتبلع في ريقها

رافائيل:رجعتي كطلعي في ظهور لكان فتح عينيه مباشرة فيها كانت حمرة بحال الدم
افرا:وانت شغلك (الصنطيحة و الخلعة شادها)
رافائيل:تحل لك الفم بزاف يمكن نسيتي شكون انا
افرا:اش تكون كاع اه نسيت واحد ممسوخ 
رافائيل:بابتسامة اه ممسوخ لي خلاك تبكي عليه و دموعك تنشق
افرا:شوفتي انت غير واحد الحقير ربي ما مسخك حتى عرفك اصلا ممسوخ من الأول رآه ربي ما كيعذب العبد حتى يكون اصلا هو عذاب أما كارلوس زين و ضرافة و الصواب ما نعاودش لك من ركبت ظهرو اش وقع ليا حطات صبعها على فمها و تنهدات بطريقة مثيرة اااااح يوجعك خاطرك إلى عرفتي اش كينبض فيا دابا كنحس بزوج قلوب فيا دابا واحد الفوق واحد التحت
رافائيل: بغضب غوت بحال البركان افراااااااااااااااااااا حتى الطيور تهزو من شجر و الفراشات هربو أما ختنا في الله افرا رجليها فشلو عليها قلبها يضرب 180دراجة من شافت رافائيل رجع كلو شاعل بالعافية كانت غادي تغوت و تمشي تحاول تطفي ليه العافية ترميه في الما لي وراه ولكن من شافتو متقدم تجاهها و هضر رآه سيدة طلقاتها في سروالها فعلا
رافائيل:داك الفم عندك خاصو الحريق غادي نحرق أمك هذ زينك لي عجبك غادي نحرقوووو 
افرا:هههههييي رافائيل غير كنت كنضحك معك عرفتي انا غير هبيلة انا خاص مي الهرس خاص لساني يتقطع
رافائيل:داكشي لي غادي ندير فعلا قالها بعصبية بحال تنين رجع 
افرا ما عندها غير تستخدم الوسيلة الوحيدة لي كتعرف ومن نهار شافت الأمير النائم وهي كتقنها وهي الهروووب واخا رافائيل مستحيل تهرب منو ولكن من كتشوف راسك قدام الموت كيوقف عقلك من تفكير كتجرب اي حاجة باش تفلت من الموت بدات بالجري كتجري و تقول ما جرات 
افرا:فيق المسخوط فيق عتق أمك بعدني من هنا اليوم رجعو كباب اليوم نتشوطو وهي كضرب كرشها فيق لالا انت باينة غادي تخرج شي مسخوووط كتر من باك

رافائيل بقى واقف بلاصتو ما تبعهاش دار و تقلب دخل وسط الما ربما يطفي العافية لي شاعلة فيه قبل ما يحرق الأخضر و اليابس هنا
افرا كتجري و تجري حتى خرجات في كارلوس
افرا:عتقني عتقني العااافية رافائيل بدات غير كتخرج ودخل في الهضرة 
كارلوس:اش واقع مالكي كتمتمي عليا 
افرا:تحنات على ركبتها كتسترجع الأنفاس تاعها غادي يحرقني. .اا رجع عافية
كارلوس:و جاية عندي سيري بعدي مني وهو يختفى تاني
افرا:كارلوس هىء هىء عفاك ما تخلينيش بدات كتجري تاني حتى كتشوف رافائيل قدامها 
افرا:لااااااا لااااا طاحت الأرض كتنفس 
رافائيل:والله صراحة كضحكني انا خليتك تجري و تعياي تسحابي دابا تجري و تغلبيني نسيتي يمكن انا شكون
افرا:رافائيل صافي والله عيت
رافائيل:اووووه صافي القوة تاعك هذا جهدها وبدا يختفي و يظهر في جنبها و يختفي و يظهر في جنبها تاني و وراها و قدامها 
افرا:صاااافي وقف وقفففف علاش علااااااش كدير ليا هكذا واش بغيتي نحماق صافي انا فعلا بديت كنحماق 
رافائيل:اشنو كندير انا ما كندير والو
افرا:نفجرات بدموع قول ما خليتي والو ما درتيه انا عيت رجعت كنفظل نموت علاش هدشي كلشي كنت عايشة بخير جيتي انت حررتي فيا العيشة
رافائيل:رآه انتي لي جيتي شاف فيها بكره جيتي قبل ما تولدي وانتي لي قلتي ليا نغير لك اسمك انتي لي قلبتي عليا انتي فين ما مشيت لقاك
افرا:صااافي ياك دليتني حطمتني لعبتي بحياتي كيف بغيتي رجعتني خدامة عندك و عند مراطك المصونة صافي خليني بغيت نعيش عااااادي عااااااادي قتلتي صديقي قتلتي خويا 
رافائيل:انتي غبية غبية بزااااااف انا ما قتلت حتى حد انتي غبية الحقيقة باااااينة ولكن انتي عقلك واقف 
افرا:اه فعلا عقلي وقف من نهار كنشوف هذا المخالق الغريبة غير متلا انت بقات في زين و الطولة و العظلات وانت كل مرة تتسيف علينا بشكل انا بغيت نفهم واحد الحاجة 
رافائيل:اشنو هي
افرا:ياك انت كتقرا الأفكار ولا صافي 
رافائيل:بابتسامة بغيت نسمعها منك
افرا:واخا ممكن حيت صعيب عليك الجواب ولا كتهرب منو انا بغيت نعرف شكلك الحقيقي من هدو كلشي فين هو بغيت نشوف وجهك الحقيقي 
رافائيل:بغيتي تشوفي وجهي الحقيقي
افرا:اه بغيت نشوفو
رافائيل:ممكن وجهي الحقيقي غادي تموتي غير بالخوف إلى شوفتيه ما نصحكش تشوفيه حتى شخص ماشاف وجهي الحقيقي وانا ما بغيتش نكون سباب موت ولدي أما انتي غير مشية بلا رجعة 
افرا:ما تخافش غير فجاءني بهد الوجه الحقيقي تاع الغول
رافائيل:بنظرات حادة واخا ولكن تحملي العواقب و تفكري انتي لي طلبتيها مني

افرا:وصافي اش غادي توريني كاع الأشكال والانواع شوفتها فيك
رافائيل:واخا المهم انتي أول واخر وحدة غادي تشوف وجهي الحقيقي 
دار العجاج عليه و تشكل لعاصفة افرا قلبها بدا كيضرب كيضرب بزاف شوية بدا العجاج كيمشي و كيبان ليها قرون طوال حتى خرجو عينيها و رجعات بلور لسانها ثقال ثقااال عليها كان جدي خروف شي حاجة مرعبة شعرو طويل بيض و في جبهتو دوائر 
افرا:لااا لاااا وهي كطلقها في سروالها 
شاف فيها رافائيل لي رجع جديا ولا خروفا الله أعلم وبتسم
رافائيل:انتي لي بغيتي تشوفي وجهي الحقيقي نزل عينيه لسروالها كيشوفو كاع مفزك عرفها دارتها بالخوف و كمل لاااا ما تقوليهاش البوالة عندك ديري حاجة أخرى 
افرا:.ب..بعد مني لااا لاااا انا دابا نعست مع مخلوق هكذا داير
رافائيل:اه و ولدك غادي يكون هكذا مالكي خايفة المهم امكن ليا نرجع باي وجه بغيت و قرب ليها هي غير شافتو قرب بدات ترجع بلور
رافائيل:افرا افريتا مالكي خايفة من عمو الغول هههههه
افرا:بقى بعيد مني الله يخليك
ولكن شكون سمعها قرب ليها اكتر وهو كيشوف بيها بوجهو لي كيخلع و عينيه فيها صافي فشلات بدات كتحس بالدوخة عرفات غادي تسخف ولكن ما بغاتش تسخف حداه تكات على شجرة وهي كتبكي فعلا كان غول فين الجمال و القامة اش داها طلب منو تشوف شكلو بدات عينيها كتغيب وهي كطيح الأرض ما عقلات غير عليه كيشدها من كتافها ليه شدها مس وجهها لقاها باردة تغير و رجع شكلو البشري شاف في سروالها المبلول حيد جاكيت لي لابس غطاها بيها و هزها ختفى
كانت ليليا كتهضر مع دافيد في الصالة حتى بان حداهم رافائيل هاز افرا دافيد شافها و وقف 
دافيد:اش درتي ليها 
رافائيل:ما تحاولش تقرب عندي نقسم لك غادي نفجرك شاف في ليليا اش كيدير هذا في قلعتي 
ليليا:والو غير جا يهضر معيا ما تعصبش دابا غادي يمشي
رافائيل:زو***تاعك ما يدخلوش عندي
دافيد:حترم راسك رآه مازال عندي حساب معك حتى يجي وقتو 
رافائيل:إلى بغيتي دابا نيت مرحبا انا نيت طلع ليا هذا الزبل راسي 
ليليا:شادة دافيد و كتشوف في رافائيل صافي براك و مال هذي سخفانة شافت غول متلا
رافائيل:دخلي سوق راسك
ليليا:انا مراطك إلى نسيتي نفكرك 
رافائيل:يمكن انتي لي نسيتي لي مازال تنوعي ليا في ز***ة سمعو انا معصب بزاااف احسن فوتوني و ختفى دخل لبيت افرا يدوش ليها
دافيد:مال هذا وانتي علاش كتمنعيني نتحاسب معه انتي عارفة رجعت هكذا على حساب الانتقام بغيت نتاقم لموت جمس 
ليليا:عارفة ولكن ماشي وقتو هذا خاصنا نتفكو من افرا في أقرب وقت وهو لاصق فيها بحال العلقم خاصني شي حل
دافيد:علاش بغيتي تتخلصي منها ديك البنت انا دخلتها لهذا العالم بزز منها
ليليا:انت ما عارفش أنو هو كتزيد قوتو وهي حداه خاصنا نفرقوهم ولكن رافائيل مستحيل تزهق منو شي حاجة حتى إلى كان ناعس مستحيل دار بيه
دافيد:لهذ درجة قوي
ليليا:اه قوي بزاااف حيت هو ماشي مصاص دماء ولا مستذب ولا ساحر ولا جن ولا عفريت هو كلهم هو مخلط هو الغول 
دافيد:غول ولا ضيع بغيت نتاقم
ليليا:قريب حبي نتاقمو حتى انا بغيت ندمو حيت حبس روحي وهي كتعنقو قريب نتخلصو منهم
دافيد:غادي نمشي نشوف شي روح نقية واخا روح نقية كنحس بيها قريبة هنا قالها و ختفى
ليليا:بضحكة شر قريب بزاف نتخلص منك الغبي انت وافرا و نبقى غير انا و رافا و نكسبو عندي خاصني نحمل منو ضروري باش بزز منو يرجع في صف الشيطان غادي ندير المستحيل ولكن قبل خاصني نتفك من هذ البشرية وعندي الحل لي يفكني منها هههههه

عند افرا فاقت لقات راسها في سرير و الغرفة لي كان دخلها فيها رافائيل شافت لقات حوايجها مبدلة و شعرها مبلل اكيد شي حد دوش ليها بقات كتفكر شكل رافائيل كيفاش تحول و كلامو أنها غادي نولد واحد بحال داك شكل خوفها بدات كتبكي بصوت عالي حتى تفتح الباب كانت ليليا
ليليا:مالنا اش كاين
افرا:هىء هىء بغيت رجع لحياتي بغيت نسى كلشي علاش انا علاااااش
ليليا:هههههههههه البشر الأغبياء حتى زعزعهم صوتو من لور
رافائيل:مالنا شاف في ليليا علاش انتي هنا
ليليا:سمعتها كتغوت و شوفت مالها
شاف فيها بغضب تهزي وقفي من تما شوفتك والفتي ياك ما بغيتي نخدموك حنا 
افرا:بخوف ما قدراش نوقف هىء هىء
رافائيل:انا نساعدك وهو كيقرب ليها بغا يدفعها وهي وقفات بزربا بالخوف
افرا:صافي صافي انا نوقف خليك غي بعيد
ليليا:هو بعيد منك انتي لب بقاي بعيدة وهي كتعنقو 
رافائيل:سيري كولي شي حاجة هذا الأيام ما بقيتيش كتاكلي شاف فيها ماشي خايف عليك رآه خايف على ولدي
افرا:مافياش..
رافائيل:كيقاطعها ما نبغيش نعاود كلامي ولا راكي عارفة 
افرا:بخوف وهي ما قدراش تشوف فيه واخا اسيدي

دخلات الكوزينة لقات رافائيل حاط ليها الماكلة في الطبلة عارفها و كالة حط ليها بزاف و كاع الأصناف و الأنواع جلسات كتاكل بزز منها حيت فعلا من نهار هذا الكابوس لي سميتو رافائيل دخل لحياتها باقات كتعقل امتى كالت وامتى نعسات كتاكل و كدمع حتى دخل عليها كابوسها شافتو حطات الماكلة و وقفات
رافائيل:كولي 
افرا:شبعت 
رافائيل:قلت لك كولي
افرا:قسم شبعت وهي غادية بغات غير تهرب حتى لقاتو قدامها شدها من خصرها و لصقها في الحيط 
افرا:طلق مني عفاك هىء هىء
رافائيل:صافي جهدك غي الدموع براكة ما تبكي وهو كيمد ايديه لوجهها بغا يمسح ليها دموعها حتى طار تخبط مع الحيط لقدامها عرفات ولدها لب خبطو هربات بجرا تجهات مباشرة السور والله ما لقاها مع الحوت و القرش ولا الغوال طلعات السور وهي كتشوف في المسافة العالية بين الما و السور غمضات عينيها و ترمات صافي موتها أحسن من حياتها حتى حسات بشي حاجة شداها و طارت بيها فتحات عينيها كان رافائيل
افرا:طلق مني طلق واش حتى الموت تقرر في بلاصتي جرها عندو وعنقها بقوة بلا كلمة طار بيها الغرفة تاعها حطها وهو كيشوف فيها نظرات خوف من بعد نطق
رافائيل:عندك عقاب يومين ما تحرك باش تتعلم ضرب باك قالها وحط ايديه على كرشها
افرا:بخوف اشنو درتي قتلتيه المجرم
رافائيل:واش عرفتي اش كنتي غادي ديري لو تعطلت شوية كنتي غادي تموتي قالها بعصبية و بغوات حتى القلعة كتهز 
افرا:هىء هىء عيت بغيت نموت

رافائيل:هذشي لي كندير كلشي على من من بغيتي تموتي علاش انا هنا جالس نمتل كنكرهك انا نقتلك حط عليها صباعو و جات طايحة فوق سرير بعنف
افرا:اي هىء هىء حرام عليك
رافائيل:ياك بغيتي تموتي انا نفد لك رغبتك طار عندها و شدها من شعرها وقفها عندو وهي كتتالم 
افرا:رافائيل راك كضرني 
رافائيل:وانا تسحابي ما كتوجعينيش تسحابي غير انتي لعندك قلب تجرحي وقت بغيتي رمها في سرير بعنف و ترمى عليها خانقها انا ما قتلت حد انا ما يمكنش ليا نقتل على حساب القلوب صافية حيت انا ماشي من خدام شيطان انا حطيتك في الميتم حميتك من ليليا طلق من عنقها و طاحت كتنفس و ترجع أنفاسها انا دابا نيت حاميك دابا انا حاميك باش انتي تموتي عمر شي حد قدر يهزمني لي قلب عليا يلقاني حتى رجعت كنتلوى بسبابك علاش حيت كتبغييييك علاش هذشي كلشي حيت خايف عليك ما كتهمنيش حياتي كتهمني انتي انا هنا و حاطك قدام عيني واخا كنعاملك خايب ولكن خايف عليك طار عندها و شاف فيها بعيون لامعة يمكن دموع يمكن حزن و ترمى عنقها و كمل توحشتك توحشتك بزاف سمعي انا وانتي مكتاب علينا نبقاو مع بعضنا مكتاب علينا نتلاقاو في الماضي و الحاضر و حتى في المستقبل نوعدك تهربي لقاك 
افرا:بعد مني تسحاب من شوفت وجهك الحقيقي مازال نهضر معك
هز راسو فيها و ضحك ضحك بزاف ضحك من قلبو
رافائيل:والله حتى انتي هبيلة وانا كنموت على هبالك عرفتي من شوفتي شكلي كيف رجعتي ومن سروالك تبلل مت ضحك بقات في سنطيحة 
افرا:عفاك بعد مني عرفتي ليليا رآه تجي معك انا غير بشرية ما نقدرش عليك 
رافائيل: واش انتي حمقا انا رآه كنت بشري و حتى دابا بشري رآه قلت لك من كل فصيلة عندي شوية مالي نكون بداك شكل المعزة على تولدت هكذاك هذا شكلي الحقيقي الغبية 
افرا:لا انت كذاب
رافائيل:بابتسامة ياك ما عجبك داك الجدي رجع على حسابك جدي
افرا:لالا عفاك وهي كتشد في ايديه بخوف
رافائيل:عارف راسي بوكوص قتال هذا شكلي انا ماشي تولدت جدي رآه تولدت من أب و ام بشرية 
افرا:و علاش درتي هكاك 
رافائيل:علاش انا محق نفوت الاستمتاع بالغباء تاعك
افرا:اه و ليليا لي رجعتي ليها واسمي و عائلتي 
رافائيل:سمعي ليليا عارفة انتي نقطة ضعفي خايف عليك غادي لقى حل لي قتل ماماه قادر يقتل اي حاجة هي كتبغيني خاصني نستاغل هذشي خاصني حل إلى دمك انتي كيحي انا دمي كيقتل شوفتي اش قلت لك حنا مكتابين وانا ما قتلت حتى حد
افرا:اه كتمتل و جالس ليا شابع معها رومانسية 
رافائيل:هههه مغيارة
افرا:شكون داها فيك الحريرة نهار العيد
رافائيل:كذابة ااااح شحال كنتي كتحرقي هذشي بعدا خلاني نعرف أني ماشي أي واحد عندك
افرا:حيد حيد مني دابا دخل مراطك المحترمة
رافائيل:قولي مراطك الكلبة لا مشات عندها تقوس شيطانية شي روح جديدة غادي يجيبوها رماها على سرير و طلع فوقها زعما ما توحشتنيش 
افرا:لا ولكن في راسها بزاف ما عرفت علاش فرحانة

رافائيل:ههههه والله قلت لك غبية رآه كنسمع كلشي سمعي انا قسم ما نعست مع ليليا هي كدير لك هكذاك باش تقتلك غيرة شوفتي البنت لكانت تقول لك بعدي مني انا شيطان وانتي الغبية صدقتيها برمشة عين جات عندي باش تعرفي انك صدقتي الجبهة الغلط سمعيني افرا انا عمري ناديك رآه كنبغيك صبري عليا لقى حل و نعيش معك بغيت نعيش معك اه ضربتك اليوم عرفتي علاش ضربتك حيت ليليا كانت مراقبنا كانت كتسمع كلامنا وانتي الغبية كنتي غادي تفضحي راسك أنك ناقية الدم ما كانش عندي خيار غير نسد فمك بضربة حيت خايف عليك انتي رجعتي الخوف تاعي الوحيد والأخير 
افرا ما لقات ما تقول غير كتشوف فيه بصدمة و فرحة كل المشاعر تخلطو عليها تحنى لفمها باسها بوسة طووويلة هز راسو فيها وهو شاد وجهها بايديه خليني رجع لك داكرة كاين بزاف الأسئلة انتي لي تقدري تجاوبي عليهم ومنها تعرفي انا ما كذبتش خليني إلى ما وافقتيش ما نقدرش رجعها لك 
افرا:خايفة بزاف
رافائيل:ما تخافيش انا معك خاصك تعرفي كلشي باش ما تبقايش تقولي انا شيطان انا دابا كنطلبك خليني رجع ليك داكرة حيت حتى انا بغيت نعرف اشنو الصلتك بيا كنت خايف في الأول رجع ليك ذاكرة تهربي مني ولكن دابا انا بغيت رجعها لك باش تبقاي معيا شاف في عينيها بنظرات حب افرا ثيقي فيا وافقي وهو كيبوس جبهتها
افرا:شافت فيه بعد صمت واخا موافقة

رافائيل:بابتسامة واخا سمعي انا وانتي غادي ندخلو داكرتك من أول يوم تولدي اي حاجة توقع ما تخافيش واخا تبان لك حقيقية ولكن رآه غير ذكريات والأهم غادي نكون معك
افرا:والي دخلات ليليا 
رافائيل:مازال ما تجي حتى الطلوع شمس طلع فوقها بابتسامة 
افرا:اشنو كدير واش غادي ترجع دكرياتي ولا ت***
رافائيل:والله ما كرهت ولكن خليها لمن بعد باسها شاف فيها سمعي يوقع لي يوقع انا كنبغيك صافي
افرا:حتى انا
رافائيل:حتى انتي اشنو بابتسامة فرح
افرا:راك عارف بخدود حمرا
رافائيل:بغيت نسمعها منك واش ماشي من حقي نسمعها
افرا:كنبغيك 
بتسم ليها وانا كتر منك البشرية الغبية باسها وسط عينيها ياله غمضي عينيك دار رجليه وسط رجليها و حط ايديه فوق راسها
افرا:ما غادي يوقع والو خايب ياك 
رافائيل:لا ما غاديش نسمح أي حاجة توقع ليكم انتي و ولدي واخا نضحي براسي ياله ثقي فيا غمضي عينيك
افرا:واخا وهي كتغمض عينيها
رافائيل:حط ايديه على راسها و ايد على قلبها و غمض عينيه حتى هو
دخلو في ممر مظلم و كيسمعو صوت مرأة و رجل كيضحكو تمشاو حتى وصلوهم 
الرجل:انا فرحان بزاف اخيرا غادي تكون عندنا أسرة وهو كيمس كرشها تاليا انا كنبغيك
تاليا:حتى انا كنبغيك بزاف رافائيل 
شافت افرا في رافائيل واش هدو ولديك 
رافائيل:لا هذو ولديك انتي ولكن هذا ماشي ريكاردو لي كان مربيك 
افرا:اشنو كتقصد وعلاش سميتو بحال اسمك
رافائيل:ما عرفتش ما يمكنش ليا نقرا عقول ناس ما بقاتش شاف في ماماها ماماك كتشبهك بزاف زوينة بحالك
افرا:انا فرحانة إني شوفت اهلي بعيون دامعة عنقها رافائيل ماتبكيش
شوية تحولو لدار لا قصر كان انيق بزاف و والديين افرا جالسين
تاليا:خاصني نعرف فينو هذاك رآه ولدي حتى لامتى غادي نبقى منعسة جوليا في كرشي رافائيل:غادي لقاوه داك الحقير سرقو منا ولكن قريب رجعوه انا عرفت فين مخبيه وهز صورة كيبكي و يشوف فيها الصدمة الكبرى كانت صورة رافائيل 
افرا:بصدمة وهي شادة في فمها لالا ما يمكنش انت خويا لا ما يمكنش اشنو هذشي
رافائيل كان اكتر منها صدمة كيفاش هذي ختو واش فعلا هذشي 
رافائيل:تهدني ممكن يكون شي حاجة ماشي حتى لهيه 
افرا:واش ما كتشوفش اسم بابا بحال اسمك و صورتك الله ياربي انا نعست مع خويا و حاملة من خويا وهي كطيح الأرض و كتبكي
نزل شدها من كتافها بغضب
سمعي انتي ماشي ختييي ماشي ختيييي سوكتي ولا رجعو دابا
افرا:هىء هىء ما بغيتش تكون انت خويا انا كنبغيك وهي كتشوف فيه بدموع 
عنقها بقوة وهو اكتر منها كيتمنى يكون شي غلاط 
رافائيل:واخا سوكتي سمعي انتي كنتي خاصك تولدي من اعواااام سمعتي ماماك قالت نعساتك ولكن علاش و مناش خايفين عليك
افرا:واش انا ماشي بشرية يعني
رافائيل:لا انتي بشرية يمكن ستعملو سحر باش يوقفو نمو تاعك ياله نشوفو الحذاث التالي
دخلو في ممر مظلم و هما كيشوفو واحد عجوز شادة في كرش تاليا و تقرأ شي تعويدات من بعد كملات و شافت في تاليا
العجوز:عندك بنت غادي تتسمى زوج المرات غادي تشوف غرائب و عجائب دمها صافي بزاف دم المنتظر
تاليا:كيفاش الدم المنتظر واش غادي يوقع ليها شي حاجة
العجوز:غادي تفيق الأمير النائم غادي تفيقو 4 مرات 
تاليا:انتي عارفة ما خاصهاش تولد دابا رآه خايفين يوقع ليها لي وقع لولدي رافائيل و نفجرات بدموع 
العجوز:لا ما غاديش تخرج دابا ولكن رآه خرجات و رجعات
تاليا:كيفاش خرجات اش كتخربقي 
العجوز:مشات عند المكتاب تاعها شخص كان محتجز ساعداتو داك شخص هو ولدك 
تاليا:بصدمة اش كتقولي كيفاش ولدي كضحكي عليا شداتها عفاك رافائيل فين كاين فين كاين 
العجوز:هو غادي يجي عندك مازال و ختفات العجوز
شافت افرا في رافائيل بصدمة و دموعها نازلة انت خويا هذشي بزاف
رافائيل:ما تفكريش في هذشي دابا كيفاش غادي تفيقيني 4مرات انتي فيقتني غير 2مرات و اصلا عندك حق تفيقيني غير 3 مرات
افرا:شافت فيه كيفاش واش قصدك غادي تموت قالتها بدموع
رافائيل شاف فيها و سكت هو براسو قال غادي يموت ماشي خايف من الموت خايف يخلي افرا قبل ما يعيشها بسلام هو و ولدو لي يمكن يكون ولدو وخالو في نفس الوقت
شوية خرجو من الممر المظلم كان الغوات و البكى العافية خافت افرا و شدات في ايد رافائيل حتى كتشوف باها رافائيل مشدود بسلاسل و ايديه وسطهم مسمار و عينيه متقوبين كلو دم و مجرور من عنقو بطريقة وحشية 
افرا:رافائيل عفاك ساعدو هىء هىء
عنقها رافائيل ما يمكنش هذشي من الماضي شاف الرجل لي جارو من عنقو تصدم
افرا:هىء هىء بابا لالا هذشي بزاف بغات تمشي تجري عندهم شدها رافائيل 
رافائيل :هذشي غير خيال هذشي وقع هذاك لي جار باك هو ريكاردو 
افرا:شكون ريكاردو هىء هىء 
رافائيل:شخص لطول حياتي كنسحابو باك

افرا يعني انت ما قتلتيش بابا كيف كنت كظن 
رافائيل:باك صافي هنا غادي يموت وهو كيعنقها
شافو في بات افرا رماوه في حفرة ومن بعد خرج هازو واحد التنين وهو كيغوت و ريكاردو كيضحك بنظرات شر
دخلو الممر المظلم خرجو في واحد الحبس كانت مشدودة فيه تاليا ام افرا وهي كتبكي حتى جا عندها ريكاردو شاف فيها بابتسامة
ريكاردو:مازال كتبكي عليه باش هو حسن مني حتى ترفضيني و تتزوجيه 
تاليا:هو قلبو صافي ماشي بحالك شيطان بصفة إنسان
ريكاردو:ههههههاااااا ضحكة شر شيطان غادي يحرقك معه تزوجت ختك باش نكون قريب منك دوزت عليها العذااااااب
تاليا:ياك الكلب انت لي قتلتها 
ريكاردو:وهو كيمس وجهها اه وقتلت حتى راجلك الحبيب
تاليا:الحمار تفوووو عليك 
ريكاردو:ويلي عيب الملكة تاليا كتنطق بألفاظ شوارع ههههه شدها من شعرها و باسها بزز منها وهي كتحاول تفلت ولكن كان أقوى منها بعد منها وهو كيضحك واو ملاك مع شيطان اااح الحب تاعي غادي ناخدك بزز منك قالها وهو كيبتسم و يخرج و خلاها كتبكي هزات راسها قالت شي كلمات و بانت العجوز الساحرة
الساحرة:بنتي كيفاش نساعدك 
تاليا:انا صافي وقتي قريب يسالي خدي جوليا هربيها من هنا ربيها 
ساحرة:واخا نعسي غادي جيك الوجع حاولي ما تغوتيش باش ما يعرفونيش هنا
تاليا:واخا نعسات على ظهرها
رافائيل:شاف في افرا ياله نمشيو
افرا:خلينا نشوفو ولادتي
رافائيل:واش انتي حمقا نجلس نقابل أمك كتولد دور وجهو لور ياله شوفي
بدات العجوز كتولد في تاليا وهي عاضة على ايديها باش ما تغوت حتى تولدات جوليا لواتها العجوز بلحاف 
افرا:شوف شوف كيف كنت 
دار رافائيل شاف بنيتة صغيورة بعيون خضر مايلين لزرق عنق افرا زوينة من الأول هكذا غادي يكونو ولادنا 
افرا:ولكن حنا 
قاطعها رافائيل سمعي حنا ماشي خوت وغادي تكون عندنا بنت زوينة بحال هذي وهو كيشوف في البنوتة
تاليا:خدي خليها عندك ردي بالك عليها 
الساحرة:غادي نحميها لآخر عرق عندي عهد تاليا
تاليا:سمعي بنتي انا كنبغيك بزاف ولد خالتك رافائيل غادي يحميك إلى لقيتيه قولي ليه كنا كنعتابروه بحال ولدنا حتى تسرق لينا من طرف باها و باه هو لي قتل ماماه لي هي أختي قلبنا عليه بزاف انا عارفة مازال عايش هزات دمعة من عينيها و حطاتها ليها ورا عنقها و خرج نور عمى العيون
افرا:بفرحة انت ولد خالتي انت ولد خالتي ماشي خويا وهي كتعنقو دورها رافائيل على ظهرها و هز ليها شعرها لي مغطي عنقها
افرا:اشنو كدير
رافائيل:كيف توقعتها 
افرا:اشنو كاين
رافائيل:مك حماتك بنقطة من دموعها باش حتى حد ما يعرفك انتي لي كيقلب عليك شيطان
افرا:شكون شيطان واش كتخربق اش كاين ورا عنقي عمري شوفت شي حاجة 
رافائيل:نقطة الشفاء نقطة الحياة نقطة الأمل نقطة الصفاء هو كيبوس عنقها انتي أصفى من لكنت كنظن شد ايديها ياله ا بنت خالتي وهو كيبتسم ليها 
افرا:تسنى إلى انت ولد خالتي هذاك هو باك لي قتل مك انا كان مربيني باك 
رافائيل:بغضب كلشي قريب يبان الأهم عرفت اشنو الصلة بيني وبينك و الأهم انتي ماشي ختي كنت غادي نموت لو انتي أختي
دخلو الممر المظلم و خرجو وسط الغابة كان عالم السحارة سمعو الغوات و العجوز كانت شادة في المولودة جوليا وهي كتبكي و ريكاردو كيضربها 
الساحرة:ما غاديش نعطيها لك على جثة تاعي
ريكاردو:طلبتي الموجود هز سيف من الفضة و دخلو في قلبها فتح صدرها و هز قلبها كالو 
افرا عنقات رافائيل بخوف من المنظر البشع أما هو تصدم دابا هو ولد الشيطان و الشيطان طلع هو ريكاردو لي ليليا من الخدم تاعو 
ريكاردو هز جوليا شاف فيها بنت بشرية عادية علاش حماتك بروحها هزها و خرج بيها
دخلو الممر المظلم و خرجو في بيت كان بين نعاس كانت فيه تاليا كيجهزوها بنات وهي كتبكي بحرقة حتى دخل عليها ريكاردو هاز جوليا و ابتسامة النصر على شفافو 
تاليا:لا بنتي بعد منها 
ريكاردو:غادي يكون مصيرها بحال ولدي ولد ختك عرفتي فين هو دابا 
تاليا:فين هو انا حاسة بيه باقي عايش بدموع حرام عليك ريكاردو
ريكاردو:هذشي كلشي بسبابك لو كنتي تزوجتي بيا علاش ما حبيتنيش بتسم بشر ولدي رافائيل رآه في الميتم هااااهاا ولكن بنتك غادي ربيها معك ا عروستي الحبيبة هذي بنتنا ياك 
تاليا:هذي بنتي وبنت رافائيل بزاف عليك تكون اب
ريكاردو:اليوم نحمل أمك و رجع أب حط جوليا على الأرض وهو متاجه عند تاليا 
تاليا:ما تحاولش تقرب مني وهي كترجع بلور
ريكاردو:ما عندك فين تهربي الحبيبة اخيرا غادي نتغرس فيك عرفتي بسبابك رجعت شيطان عرفتي شحال قتلت بابا ماما باك مك حيت رفضو يزوجوك ليا و زوجوني أختك الغابية ريبيكا جابت ليا ولد حقير بحالها ولكن قلبها كان لذيذ زيادة على قلوب أهلك 
تاليا:لالا ما يمكنش انت ماشي بشر
ريكاردو:شكون قال لك انا بشر انا الشيطاااان قالها وهو كيرجع كلو حمر و قرون كبيرة عملاقة خارجة من راسو كان شكلو كيخوف بزاف 
تاليا:لالا ما يمكنش وهي كتبكي
ريكاردو:من غادي تبقاي معيا طول العمر خاصك تعرفي حقيقتي وهكذا غادي نعس معك كول ليلة
تاليا:لا مستحيل وهي كتشوف وراها شافت شرجم محلول جرات بالجرا تجاهو و طاحت و ريكاردو كيغوت لااااااا لاااااا تاليا حبيبة قلبي حتى تزعزع القصر بغواتو 
رافائيل عنق افرا لي مصدومة و جوليا كتغوت بالخوف حداه حتى دخل شخص هزها شافت فيه افرا
افرا:هذا كنعرفو كنعرفو هذا عمي جون
رافائيل:اه هو خادم الشيطان

افرا:هذشي بزاف وجعني راسي
رافائيل:واش بغيتي رجعو صافي ياله رجعو 
افرا:لا خلينا نشوفو شوية مازال ولكن هذشي صعيب والديا ماتو انا بين ايد لي قتلهم 
رافائيل:انتي دابا معيا ما يقدر ياديك حتى حد شوفي انا لي بابا قتل أمي و رماني في الميتم ومن بعد جا رباني زعما دار فيا الخير ولكن حتى لقاه 
افرا:ياك مات قتلتيه
رافائيل:واخا يموت يحيى بفضل روح الأبرياء 
دخلو الممر المظلم و خرجو كانت دار لي تربات فيها افرا كانت كتحبو حتى وصلات عند جون وهو يهز رجليه حتى السما و ركلها
جون:الحقيرة امتى تكبري باش نتخلص منك جلس يضحك من شافها طاحت بلا حركة 
شوية دخل ريكاردو شاف فيه بغضب
خويا إلى ماتت دابا فاش تنفعني قريب نتهناو منها كيف تخلصت من الحقير رافا سممتو و دفنتو هي غادي ناخدو قلبها خاص تنجح تجربة هذي هي فأر التجارب الأخير قتلت بزاف وحوش و سحارة خديت دمهم جربت الحقير ولدي ولكن كان ضعيف بحال مو قلبو وقف الغبي ضيع ليا عرمة تاع دم لي فيه مليار و قوة بلا حدووود ولكن هذي باينة قوية شوف كيف ضربتيها و مازال عايشة خاصها تنحج باش نحقق حلمي 
شاف فيها رافائيل و تبسم ليها بحب
رافائيل:نقدتني من القبر انتي بفظلك انا هنا
افرا:غادي نقدك 4مرات
رافائيل:لا 4 ما غاديش نكون
افرا:بخوف اشنو قصدك
رافائيل:قصدي كنبغيك وعنقها اه خايف خايف بزاف ماشي حيت غادي يموت لا هو ديما كيقول عاش بزاف ولكن خايف يخليها و هو مازال ما وصل لشيطان خايف يموت يخليها بين النار شاف فيها بحب ياله مشينا
افرا:اه ياله 
دخلو تاني في الممر المظلم و خرجو نفس دار لكن كانت كبرات كان جنبها جون و ريكاردو كيهضرو 
ريكاردو:ليلة الموعودة اكتمال القمر اليوم نسلمو روحها باش ترجع لينا روح لي بغينا 
جون:اه اخيرا نتخلصو من هذ الحقيرة شاف فيها ناعسة هزها البيتها و خرج عند خوه حتى كيسمعو الأرض كتهز
ريكاردو:شكون جاي هذشي قوي بزاااف غمض عينيه بصدمة لا رافائيل مازال عااايش
جون:شكون بات جوليا كيفاش عايش 
ريكاردو:لا ولدي خاصني نهرب شعلات النار و دخل وسطها و ختفى وجون كيقفقف البخوف من بان قدامو رافائيل و ليليا طاح الأرض
رافائيل:فين ريكاردو فين داك الحقير 
جون:ه..هرب هرب انا بوحدي انا و بنت صغيرة
ليليا:فين مشى
جون:و..و.والله ما عرفت شاف فيها انتي انتي مع
ماجا فين يكمل هضرتو حتى دخلات فيه المخالب تاعها و طاح الأرض 
رافائيل:علاش قتلتيه خليه يكمل هضرتو
ليليا:داكشي لي غادي نسمعو سمعناه حتى كيسمعو صوت جوليا عمو جون وهي كتبكي
خرج رافائيل في ظلام حتى حس بيها لصقات في رجليه
جوليا:عمو جون انا خايفة شعل الضو بليز
شعل رافائيل الضو شاف فيها تصدم من عرفها البنت لي فيقاتو من القبر
جات ليليا بغات تقتلها بالمخلب الحديدي وهي تخبات بين رجلين رافائيل و كتبكي نزل المستواى تاعها عنقها شاف في ليليا بغضب
نزلي سلاح تاعك واش هبلتي شوفي رآه مجرد طفلة
ليليا:انا ماشي مستعدة نغامر براسي بعد منها رافا حيد خاصها تموت
رافائيل:صافي وقفي انا نتكفل بيهاغبري من قدامي لا تقتلك هز جوليا و ختفى
ليليا:تفووو كان خاصها تموت ليلة ليلة اكتمال القمر المعلم غادي يعاقبني 
شافت افرا في رافائيل بصدمة شاف فيها نظرات زعما سمعتي
رافائيل:انا عرفتها في الوقت لي قتلات جون أنها خادمة شيطان حيت قتلاتو متأخرة سمعت افكارو و عرفتهم بغاوك وقررت نغبرك و نغير لك الاسم 
افرا:شدات فيه سمح ليا رافائيل شكيت فيك و نزلو دموعها والله حشمانة منك 
عنقها بعطف صافي المهم عرفتي الحقيقة
دخلو الممر المظلم خرجو حدا الكنيسة
رافائيل:اشنو سميتك
جوليا:هىء هىء جو..جوليا 
رافائيل:جوليا من دابا اسمك افرا
جوليا:كتشوف فيه بدهشة لا خاايب ما مفهومش 
رافائيل:اه ما مفهومش و ما عند حتى وحدة غيرك ياله غمضي عينيك باش نعطيك شوكولا
افرا:بفرحة و عيون لامعة اوك عمو غمضات عينيها
دارت افرا عند رافائيل 
افرا:عيب عليك فين شوكولا الكذاب
رافائيل:لا عطيتها لك الغبية صافي صدقتي انا ما نقدرش نقتل حتى حد من تقتل جمس انا كنت معك من تقتل انخيل ماشي انا تعالي تشوفي دخلو الممر و خرجو في دار انخيل بانت ليهم ليليا تحولات لصورة رافائيل كان معها دافيد و طيحو انخيل الأرض
افرا:لالا هذشي بزاف دافيد حتى هو 
من بعد سمعو صوت افرا ختفى دافيد و بقات ليليا بصورة رافائيل 
افرا:صافي عفاك هذشي بزاف سمح ليا رافائيل سمح ليا وهي كتعنقو
رافائيل:ما تبقايش تقولي سمح ليا رآه هذشي اي واحد صعيب يدخل لعقلو البشرية الحقيرة تحنى باسها حتى كيشد في راسو بحال دايخ 
افرا:انت لباس فيك شي حاجة
رافائيل:بلسان ثقيل افراا افرااا ليليا رجعات ضربات ليا برا يمكن منوم افرا سمحي ليا
افرا:لالا رافائيل فيق ما يمكنش لك تخليني هنا 
رافائيل:افرااا وهو كيقاوم نعاس وكيحاول يحل عينيه افراا حاولي تهربي من تفتحي عينيك و طاح الأرض

افرا:لا لا رافائيل وهي كتحس راسها بعيدة بحال شي حد كيسحبها و رافائيل طايح الأرض بلا حركة
افرا:رافائييييييييييل فتحات عينيها وهي كتنقز كان رافائيل فوق منها بلا حركة
افرا: رافائيل فيق فيق عفاك هىء هىء
ليليا:الله على طيور الحب قاطعتكم كنت عارفة غادي يخليني نخرج و يجي عندك قالتها و بانت قدامها
افرا:اش درتي ليه المجرمة وهي كتهز فيه باش يفيق والو
ليليا:ما تحاوليش ما غاديش يفيق على سنة
افرا:كيفاش لمدة سنة الا حرام عليك اش دار لك هو هىء هىء عفاك رجعيه شدات في كرشها ولدي عفاك رجع باباك ولكن تفكرات أن رافائيل عطاه عقوبة يجمد يومين حيت ضربو نفجرات بالبكا وهي كتهضر في ودنيه رافائيل عفاك فيق ما تخلينيش عفاك انا محتاجة لك
ليليا:بسخرية هىء هىء قطعتي قلبي هذاك رآه راجلي انا انا لي عندي حق يمسني و نمسو دابا شوفي لي عتقك مني وهي كتقرب ليها خرجو مخاليبها و افرا بخوف مكمشة في رافائيل 
افرا:بعدي مني على انا اش درت لك
ليليا:انتي خديتي مني حب حياااتي 
افرا:واخا تقتليني عمرو يبغيك 
ليليا:بعصبية المهم نقتل قلبو لي حيتيه ليه 
افرا:هىء هىء لا عفاااك غير رجعيه يفيق انا كنواعدك نمشي فحالي
ليليا:اه غادي تمشي بلا ما تواعديني انا نتكفل بهدشي قربات ليها و شداتها من شعرها بعنف حتى رجع راسها لور وهي مازال معنقة رافائيل هزات ليليا ايديها لي رجعات بحال السيف حتى السما نيشان في عنق افرا لي غمضات عينيها بخوف حتى كتسمع ليليا كتغوت 
ليليا:دافيد علاش علاااااش
كان دافيد شد ايديها و رماها بعيد
دافيد:علااش بغيتي تقتليها إلى تقتلي قتلي الحقير هذا وهو كيقرب ل رافائيل وشدو من شعرو
افرا:كتعنق رافائيل بعد منوووو هىء هىء
دافيد:علاش كدفعي عليه ياك هو سبابك في هذشي
افرا:بدموع كنبغيييييه كنبغييييه ماشي هو لي قتل جمس لي قتل جمس هي هذيك ليليااا 
ليليا:بغيتي يصدقك وانتي ميتة حب في راجلي 
دافيد:شاف في ليليا تعالي نهضرو على برا
ليليا:واش صدقتيها انت حمق شوف كيف كدافع على عشيقها
دافيد:ليليا تعالي برا نهضرو قالها بعصبية و ختفى
شافت فيها ليليا بكره غادي ندفعك ثمن بلا ما تحاولي تهربي وهي كتخفي الباب رجع غير حيط و شراجم و ختفات اصلا افرا مستحيل تهرب و رافائيل هنا ما يمكنش ليها تخليه واخا تحرق معه
افرا:حطات رافائيل في سرير وهي كتبكي رافائيل حياتي فيق انا محتاجاك محتاجك حتى ولدك عفاك وهي كتعنقو عفااااك فيق فيق تحنات باستو في خدو في عينيه وهي كتهمس فيق فيق الأمير تاعي تحنات باستو في فمو حسات بفمو دافي بدات كتبوس فيه و تمص شفافو و لسانها وسط فمو بحال كتودعو آخر وداع

عند دافيد و ليليا خرجو على برا في الجردة
ليليا:اشنو صدقتيها انا عطيتك القوة باش تكون معيا ماشي ضدي
دافيد:سمعي عارف مزيان انتي كتبغي رافا و ما بغيتيش يموت
ليليا:اه انا درت هذشي كلشي على حسابو 
دافيد:وعلاش بغيتي تقتليها
ليليا:اش جاب الغبية افرا ل رافا 
دافيد:انتي حمقا انتي الغبية افرا إلى ماتت يموت رافا رآه هما صلة وحدة
ليليا:شافت فيه بكره هذ الغبية عندها زهر ولكن انا غادي نصفطها لمكان عمرها تخرج منو هاهاهاها
دافيد:سمعي خليها عليك
ليليا:كتبغيها هااا 
دافيد:اش كتخربقي ولكن البنت بسبابي هي هنا
ليليا:ياله رجعو عندهم
دافيد:ياله 
ختفى هو وياها و ظهرو عند افرا لكانت كتبوس رافائيل 
ليليا:بعصبية بعدي منو وهي كترميها من فوقو
افرا:بدموع خليني معه عفاااك لي بغيتي نديرها 
ليليا:قربات ليها غادي نصفطك الجحيم هزات ايديها بطريقة دائرية و ختفات افرا
دافيد:بعصبية فين صفطيها فين
ليليا:تسحابني حمقا نقول لك
دافيد:هذشي ما تفقناش عليه الحقيرة 
ليليا:اه حقيرة ياله نخليك شوية ورجع رد بالك دير شي حاجة لراجلي نادي افرا هههههه وهي كتختفي 
قرب دافيد عند رافائيل ركلو تفووو عليك الحقير قرب لوجهو شدو من شعرو 
دافيد:غادي نقتلك مازال المومياء 
فجأة فتح رافائيل عينيه كانت حمرة بحال الدم تصدم دافيد بخوف ما خلاش ليه رافائيل الوقت نقز و شدو من عنقو
دافيد:لاا ما يمكنش انت كان عليك تنعس سنة و اكتر
رافائيل:واش كتعرف قصة الأميرة النائمة لي فاقت ببوسة من فم فارس أحلامها ههه نفس القصة ولكن انا الأمير النائم فقت لمك غادي تندم وهو كيغوت بحال التنين 
دافيد:طلق مني طلق 
رافائيل:دور ايديه على جسد دافيد لي جمد في البلاصة 
دافيد:اشنو اشنو درتي ليا
رافائيل:حركة الأفعى السامة غادي تموت دابا ولكن قبل حط ايديه على راسو و كمل شوف شكون قتل خوك شاف دافيد ليليا و تصدم 
دافيد:لااالااا ليلياااا 
رافائيل:انت حمار دابا ستعد للموت طلع رافائيل في الهواء و تحول لتنين هز دافيد راسو بخوف
دافيد:لاااا لااا ما بغيتش نموت عفاك س
ما جا فين يكملها حتى التنين حل فمو و ساط عليه النار كانت نار بكل الألوان دخلات وسط فم دافيد و برمشة عين تحول التنين ل رافائيل في السما هز ايديه مباشرة فوق راس دافيد و قسم جسد تاعو لزوج نصاص كيف تحط رافائيل الأرض نفجر دافيد و ختفى

رافائيل:لهى يرد أمك الحقير و ختفى ظهر في عالم السحارة حدا كارلوس مباشرة
كارلوس:ياربي اش فكرك فيا 
رافائيل:محتاجك تظهر بصورتي 
كارلوس:شاف فيه واش انت حمق لا علاش نظهر بصورتك 
رافائيل:سمع تزيد تنطق حرف ناكل عينيك بغيتك تظهر أنك انا ما تخافش غادي غي تمتل أنك ناعس ورد بالك تنعس فعلا تصدق مشوهنا 
كارلوس:واخا غادي نتبعك و ياربي السترة 
رافائيل:ياله زيد ما عنديش الوقت وهو كيختفي و تبعو كارلوس ظهرو في نفس الغرفة
رافائيل:نعس في سرير انا غادي نجمدك باش ما تغلطش عارفك مفضيح 
كارلوس:لالا بلاش
شاف فيه رافائيل و تهز كارلوس للسرير وهو كيطلبو يوقف
كارلوس:رافا صاحبي نزلني بليز
رافائيل:بقى ساكت حطو السرير و كمل باله تحول تحول كارلوس لشكل رافائيل شاف فيه رافائيل بمكر و كمل نعس بسلام و مباشرة نعس 
كيف نعس كارلوس تحول رافائيل لدافيد و خرج الصالة كيتسنى بفارغ الصبر ليليا تجي باش يعرف فين صفطات افرا حتى حس بيها قربات جلس بصمت وهي كظهر قدامو
ليليا:مزيان ما درتي والو شوفتي شحال انت مطيع وهي كتجلس فوق رجليه
دافيد:فين خديتي افرا 
ليليا:اووووه صافي نساها اكيد دابا تكون ميتة
دافيد:كون ميتة كون مات راجلك وهو كيشدها من رجليها
ليليا:على ا زين تاعي علاش انا وقفت قلبو غير باش ما يموتش 
دافيد:شاف فيها بابتسامة الأهم انتي معيا ا شركتي
ليليا:اه انا معك و هي عمرها ترجع و قالت في راسها (حيت صفطها المصاصين الدماء) وانت دورك دابا غادي تموت و نتهنى منك و نبقى مع حبيبي بوحدنا
بتسم ليها بشر وهو معنقها 
ليليا:لقيت واحد ضاحية ناقية القلب و دم وجبت لك حقك اش بان لك تشرب (غادي يكون آخر كاس لك دم الشيطان )
دافيد:اه فيا الموت تاع العطش
وقفات ليليا ختفات و ظهرات هازة زوج كيسان عامرين دم عطاتو كاس شدو
دافيد:يخليك ليا انتي الوحيدة لي كتفهميني
ليليا:غادي نبقى ديما نفهم ياله شرب وهي هازة كاسها كتشرب منو باش ما يشك في والو
بتسم دافيد وشد منها الكاس وهي تصدمات من شافتو
ليليا'مالك
دافيد:تعالي نشطحو 
ليليا:ههه ايوا شرب كاسك و نرقصو 
هز دافيد كاسو دار بحال شرب خدعها وهي كتبتسم وقفات تعالى رقصو وقف بابتسامة اه ياله بداو كيرقصو وهي عاطية الكيسان بظهرها عمل إشارة بصبعو و تبدلو الكيسان بتسم ابتسامة نصر شوية بدا كيشد قلبو
دافيد:اييي قلبي قلبي و جبهتو كتعراق اش درتي ليا الغدارة وهو كيطيح الأرض 
ليليا:ههههههههه انت فعلا أغبى مخلوق كان غلط كبير مني أني رضيتك خادم الشيطان تمشات تجاه كاسها و هزاتو الغبي 
دافيد:كيخرج دم من فمو ل..ليليااا اش د.درتي
ليليا:حنا الغبي كنشربو غير دم النقي انت شربتي دم شيطان اكيد قلبك كيوجعك بزااااف اه وانت كتموت دابا نقول لك سر شدات الكأس شرباتو في دقة وحدة انا لي قتلت خوك هههههههههه 
دافيد:ههههههههههه و بدا يضحك بهستيرية 
ليليا:دخلها شك في راسها كيفاش هذا كيموت وهو كيضحك اشنوو مالك
دافيد:فعلا انتي اغبى مخلوق ما كدبوش لي قالو من كتحب المرأة كترجع غبية قالها ووقف مسح فمو شاف فيها مباشرة بعيون لامعة
ليليا:لالا وهي كتشد قلبها رافائيل لا مستحيل انا وقفت قلبك
تحول رافائيل لشكلو العادي هههههههههه انا رآه الغول عمركي تتخلصي مني إلى في حالة وحدة قرب ليها الموووووت
ليليا:و شكون هذاك لي تما ناعس ما تقولش دافيد وهي كطيح شادة قلبها
رافائيل:عشيقك سبقك هو الأول رآه كيتسناك هذاك كارلوس حرك ايديه على شكل دائرة وظهر كارلوس قدامها
شدات في رجليه وهي تنزف من نيفها و فمها و عينيها 
ليليا:عف..ال..ك عفاك عتقني و نقول لك فين...ا..ا
رافائيل:الغبية عارفها فين كاينة انتي دابا غادي تنزفي من أي فتحة فيك حتى الموت شوفتي و حرك راسو يمين يسار خسارة الدم لي سنواااات تشربي فيها ها هي قتلاتك غادي تموتي أبشع موتة
ليليا:ل...ا..لا وهي كتنزف كلها طاحت الأرض و رافائيل كيتفرج فيها بابتسامة ما حنش فيها ولا حركات قلبو
كارلوس:موتي القتالة 
بقات كتنزف قدامهم حتى ختافات 
كارلوس:واش صافي متأكد ماتت هذي سبع رواح 
رافائيل:عمرك تشوفها بابتسامة خاصني نمشي عند افرا رآها في خطر
كارلوس:نمشي معاك

فجأة لقات افرا راسها في مكان كلو شجار و جبال طاحت على الأرض وهي كتبكي من كتفكر أن رافائيل بقى مع ليليا وهي ما عندها كيف دير ما عندها حتى قوة ولا تقدر على ليليا حتى كتحس بشي حاجة كتحرك بسرعة عندها وقفات وهي خايفة اشنو غادي يخرج ليها واشنو هذا المكان لي صفطاتها ليه ليليا اكيد ماشي الجنة 
افرا:شكون ش..كون هنا هىء هىء
حتى ظهرو فجأة شباب لابسين لبس جلدي كيبتسمو ليها بشر
افرا:ششكون نتما 
شخص:واااااو بشرية اش كدير هنا 
شخص2:اكيد جات دير سياحة عندنا ههههااا
افرا:شكون نتما قصدي اش من صنف نتما
شخص3:حنا هما حنا و هو كيكشر على نيابو خرجو نياب طويلة و رجعو عينيه حمر و حتى باقي الشباب رجعو بحالو
افرا عرفاتهم مصاصي دمام يعني في عالم مصاصي دماء 
افرا:ما تقربوش ليا بغيت نخرج من هنا هىء هىء
نفجرو بضحك على حالتها وكيفاش كتقول ترجع فحالها و اي شخص يدخل هنا مستحيل يخرج حي بداو كيقربو ليها وهي كتبعد حتى سمعو صوت من وراهم زعزعهم و وقفو 
الشخص:اش واقع هنا
الشخص1:بشرية هنا شي حد صفطها لينا هذية وهو كيخوي ليه طريق باش يقرب يشوفها حتى كتفتح افرا عينيها بقوة الصدمة 
افرا:لالا مستحيل انت 
الشخص:شاف فيها بنظرات جافة شكون جابك هنا نطقي
الشخص2:شوف كيف كتشوف فيك ما تكونش ح*** ختها ههههههه
الشخص:نطقي شكون انتي
افرا:بفرحة و سعادة وهي كتقرب ليه و تعنقو بدموع هىء هىء كنت كنسحابك ميت هىء هىء فرحت من انت بخير شافت فيه وهي كتمس ايديه ناااري رجعو ايديك باردين مالك كانو حاطينك في القطب الجنوبي هههههههههه 
شخص1:ناري اصاحبي غير سير تموت شوهتي مصاصين الدماء حتى بشرية ما خافت منك وهو كيشد في راسو
الشخص2:يمكن شبه ليها في حبيبها شوف كيف كتبوس فيه شوهة ناس تشوفنا تبول في سروالها هذي جالسة تعنق فينا وهو كيضرب ايد على ايد صافي حنا غادي نقاردو حسن
افرا:توحشتك توحششششششتك الحبيب تاعي انت حياتي انت العمر وهي كتشعبط فيه و تعنق و تبوس وهو كيحاول يبعدها منو
الشخص:و زمرررر طلقي طلقي شاف في صحابو وا شدوها اولاد العبد أما افرا دارت فيه شدات العمى في الظلمة
ظهر رافائيل هو و كارلوس حدا جبال 
كارلوس:صاحبي انا رآه غير ساحر ماشي مصاص دماء و كلشي بحالك
رافائيل:انت لي بغيتي تجي معيا دابا تحمل مسؤوليتك 
كارلوس:عارفك ما تخلينيش ههههه وهو كيضحك ضحكة غبية شاف فيه رافائيل زعما من نيتك كتهضر شوية حس رافائيل ان شي حد مراقبهم من ريحتها عرفها بنت
رافائيل:امكن لك تخرجي عارفك مراقبنا 
كارلوس:شكون هنا رد ليا البال لا يهجمو عليا من لور 
رافائيل:رآه غير بنت وحدة و قال بصوت عالي خرجي نحسب 3 نفرق راسك على جنازتك من فوق ديك شجرة وهو كيهز عينيه بحال الصقر لمعو مباشرة عندها
البنت:واو كيفاش درتي ليها وهي كتنقز من فوق شجرة عالية و جات نازلة قدامو
رافائيل:سااهلة وهو كيشوف فيها جات شي بشرية هنا 
البنت:البشري لكنشوف هو انت و هذا ساحر 
كارلوس:اهلا زين انا كارلوس صراحة انتي مصاصة دماء زوينة 
شافت فيه بعيون لامعة حتى انت زوين شافت مباشرة في عينيه زويين بزاف
كارلوس:تنوم مغناطسيا من طرفها تعالي نهضرو بوحدنا
البنت:اه ياله بابتسامة وهي ما تحيدش من عينيه 
رافائيل:هيه لعبي بعيد الغبية ضرب كارلوس على راسو حتى طاح
كارلوس:اييي فين انا اش واقع وهو كيوقف
رافائيل:بقى غير مترع عينيك الغبي نوماتك باش تقتلك وانت كتفكر ليا غي في ز*** والله حتى تقطعو ليك من جدر
كارلوس:لااا لاا اصاحبي صافي عمري نشوف فشي مصاصة دماء ولا مصاصة زبل 
رافائيل:شاف في البنت اشنو اسمك
البنت:ماشي شغلك
رافائيل:سمعي ريحانة اه اسم زوين بنسبة لعجوز بحالك 
ريحانة:بعصبية انت شكون كيفاش تقرا أفكاري
رافائيل:انا الملك دابا بغيت تديني بلا كترة الهضرة لزعيمكم بلا ما تحاولي ديري شي حاجة إلى باقي بغيتي تعيشي 
ريحانة:زعم غادي يقتلك ههههه اوك ياله تبعوني 
كارلوس:علاش انت ما عارفش فين كاينة افرا ياك بينكم صلة الجنين
رافائيل:جمدتو يمكن أكبر غلط هذا ياله سربي خاصنا نتسابقو مع الوقت مصاصين الدماء اكتر مخلوقات متعطشة لدماء
ريحانة:هيييي واش غادي نباتو هنا 
شافو فيها و تبعوها

افرا:شوف فيا واش ما عرفتنيش 
الشخص:دفعها جات طايحة الأرض لا شكون انتي بسلامة
شخص2:حشومة تنسى حبيبتك هههههااا كريست ولكن زوينة ياك
افرا:كيفاش كريست رآه سميتو انخيل شوف مزيان انخيل انا افرا اواه صافي زيانتي و درتي العظلات و هي كتشدو من شعرو علاش صبغتي شعرك ناري ناري على تيتيز تاعي
كريست:انا الق*** ماشي انخيل واش انتي لباس 
الشخص:حولها لمصاصة دماء و تزوج بيها ماشي مشكل نغيرو لك اسمك
كريست:سكتونا حتى نتما بقى ليا غير هذي
افرا:انخيل واش فقدتي داكرة غادي نشوف رافائيل يرجعها لك تفكرات رافائيل و نفجرات بدموع و الشباب كيشوفو فيها بصدمة ياله كانت كضحك رجعات تبكي
كريست:لالا هذي اكيد حمقا هزوها عليا القلعة نشوفو اش عندها حتى حد ما يقرب عليها سدو عليها في زنزانة منفردة اي واحد يدخل عندها يقرب ليها غادي نرجعو رماد

وصل رافائيل قلعة الزعيم دخلو و كارلوس غي منزل عينيه رجع خايف يتنوم مرة أخرى حتى ظهر شخص في ظلام
الشخص:الغول اش جابك عندي 
رافائيل:بغيت مراطي و ولدي هما في الأرض تاعك
الزعيم:انت عارف لي دخل هنا مستحيل يخرج علاش جات مراطك
رافائيل:تبعتات من طرف خدام شيطان 
الزعيم:اشنو خدام الشيطان و جاي انت هنا بغيتي تنوض ليا في الأرض الحرب الخراب
رافائيل:بابتسامة وهو واقف ما تحركش سمع أولا ما تهزش صوتك عليا تانيا الخراب غادي نوضو انا قبل ما يسبق شي حد إلى ما جات قدامي دابا مراطي
الزعيم:بعصبية كتهددني في الأرض تاعي
كارلوس:لالا اش جابنا شي تهديد غير نتفاهمو بالعقل
رافائيل:لا ماشي تهديد كلام قادر نفدو انا ماشي بحالك كنهضر نيشان بوجهي مكشوف عكسك انت كتبان في الظلام عاطي ظهرك
الزعيم:خرج عليا من الأرض تاعي قبل ما نقول ليهم يشربو كل نقطة من دمك
رافائيل:لشرب دمي عمرو يشوف نور ياله زيد وهو كيختفي و ظهر وراه مباشرة هز رجليه لسما نزل عليه العنق حتى طاح الأرض على وجهو كارلوس دار حركة و تشعلو الانوار
الزعيم:وهو كيحاول يوقف كيفاش تجراتي 
تحنى عليه رافائيل شدو من قميجتو بعصبية لصقو على الحيط
رافائيل:قول ليهم مراطي تكون عندي دابا ما عنديش صبر وحسن لك رفع ايديه منزلها على وجهو قبل ما تجي فيه هز الزعيم وجهو تصدم رافائيل نزل ايديه بقوة الصدمة قبل ما تجي في وجهو
رافائيل:انت كيفاش انا شوفتك ميت وهو كيطلق منو
الزعيم ما كانش أقل منو صدمة بقى كيشوف فيه بعيون مصدومة و دامعة
الزعيم:رافائيل هذا انت وهو كيقرب يشد وجهو بايديه
رافائيل:كيفاش هذشي 
الزعيم:قصة طوووويلة انت كيفاش باقي عاقل عليا هىء هىء ولدي وهو كيعنقو بحب
أول مرة رافائيل يحس بحظن دافء خلينا من حظن الحبيبة افرا هذا حظن شخص بحال باه لا حسن من باه قاطعهم غي كارلوس
كارلوس:هييوو نسيتوني شكون هذا رافا 
رافائيل:هذا بات افرا سميتو رافائيل كان مربيني حتى كان في عمري 6سنين و تخطفت 
الزعيم:ولدي انت عاقل على كلشي ولكن شكون افرا ما عنديش بنت سميتها افرا
رافائيل:انا كان شيطان حدف ذاكرتي ولكن بفظل بنتك افرا رجعات شوفتك و شوفت تاليا كيفاش ماتت افرا هي جوليا
الزعيم:جوليا بنتي مازال عايشة قالها بفرح و دموع نازالة 
رافائيل:جوليا هي مرطي لي تبعتات هنا خاصك ترجعها ليا قبل ما يفوت الموت
الزعيم:لالا ما خاصش يوقع ليها والو من الحياة رجعاتها ليا تاني شوية جلس يبكي هز راسو فيه ما غاديش تتقبل باها يكون مصاص دماء قالها بحزن
كارلوس:وحتى انت ا عمي تقبلات كاع الغول بالف وجه بقى غير مصاص دماء واحد
شاف فيه رافائيل زعما سكوت وهو يبلع لسانو
شوية دخل واحد و هو ظاهر عليه الخوف
الشخص:سيدي الزعيم فرق من الجن و العفاريت و سحارة و المستذبين و زومبي في طريقهم لممر البوابة
الزعيم:بخوف لااا صافي نهاية عالم مصاصين الدماء
الشخص:بغاو ولد الغول و البنت ناقية الدم ولا يدخلو الممر البوابة إلى دخلو غادي نتدمرو نصيحة مني نعطيهم اش بغاو كيف قالها طار عليه رافائيل بعصبية دخل ايديه لصدور حتى خرجات من ظهر ختفى الشخص وهو كيتحرق بقى قلبو في ايد رافائيل لحرقو حتى هو وهو معصب من فكرة شي حد يسلم افرا للشيطان خاصهم يقتلوه أولا

عند افرا دخلوها القلعة سدو عليها في زلزالة كانت كتبكي حتى سمعات صوت متاجه ليها سكتات وهي مكمشة بخوف تفتح باب الزلزالية كان كريست
كريست:إذن انتي هي
افرا:انخيل عفاك خليني نمشي غير رجعتي مصاص دماء تحجر قلبك
كرست:و البشر انا ماشي انخيل تاعك انا رآه ميت هذي 980سنة 
افرا:بضحكة غباء هههه الكذاب
شاف فيها كرست زعما تجمعي لا ندمك و كمل كلشي بغاوك غادي تكون الحرب عليك خاصني نشوف هذا الدم النقي لي كلشي متلهف عليه وهو كيتحول عينيه حمر و نيابو طالعة وهو كيقرب ليها
افرا:لالا عفاك بعد
كرست:دمك رجع أغلى حاجة في العالم خاصني نعرف السبب طيحها و طلع فوقها وهي كتحاول تقاوم ولكن كان أقوى منها شد عنقها و تبتها و فمو مفتوح و ترمى على عنقها

ياله غيدخل نيابو وهو يسمع حركة وراه هز راسو لور أما افرا رآه صافي سخفات كان واحد مصاص دماء آخر
كريست:اش كاين 
الشخص:باك قال لك جيب الرهينة بغاها ضروري وإلى وقع ليها شي حاجة غادي يفنيك
كريست:فاااك شاف فيه ياله غبر دابا و ختفى الشخص شاف كريست في افرا السخفانة بقى كيفيق فيها فيقي فيقي دابا اش نقول ليهم هزها بين دراعو و ختفى بيها 
كان رافائيل و كارلوس و بات افرا جالسين كيتسناو افرا بفارغ الصبر حتى بان قدامهم كريست هاز افرا حس بيه رافائيل دور وجهو و طار لعندو
رافائيل:افرا حبيبتي شاف فيه وهو كياخدها منو اش درتي ليها الكلب هضر 
كريست:بخوف والو شافت شكلي و سخفات 
رافائيل اكيد ما غاديش يصدق الكذبة هذي حيت افرا شافت أشكال مخلوقات ولا سخفات و تاني حاجة قرا افكارو شدو من عنقو و ختفى بيه في مكان خاوي وهما طايرين في السما
كريست:طلق مني ما كنتش عارف هي كتخصك 
رافائيل:ياك الكلب تحاول تشرب دمها انا غادي نشربك دم تاع بصاح هز ايديه عطاه 👊🏻 لصدرو جا طايح بحال المدفع في الأرض لصق فيها بقوة الضربة تكونات حفرة تحول تاني رافائيل لتنين ناري و تاجه جيهتو بقوة حتى كيظهر فجأة الزعيم واقف في طريق حول رافائيل الاتجاه بسرعة قبل ما يدخل في أب افرا و وقف تحول لشكلو العادي 
رافائيل :واش حمق علاش دخل الوسط كون قتلتك 
الزعيم:رآه ولدي هذا خو جوليا
نزل رافائيل الأرض بغضب وهو كيضرب في الأرض حتى كيتهزو الجبال و عينيه حمرة بقوة الغضب 
رافائيل:إلى ولدك هضر معه والله لي قرب لافرا نحيييييه يكون خوها ولا باااها إلى مشتاق في دم يجرب دميييي 
الزعيم:صافي اولدي هو ما عارفش رآه ختو تلفت عند ولدو المرمي بلا حركة هزو وشاف فيه
الزعيم:عندك زهر وصلتو قبل الوقت هذيك رآها ختك
كريست:ما يمكنش بشرية أختي وهو شاد في راسو كيشوف في رافائيل لي كيشوف فيه بكره فجأة ظهر كارلوس 
رافائيل:معمن خليتي افرا
كارلوس:مع الخدم رآه دخلوها البيت ترتاح
رافائيل:تفووو على أغبياء انا دايرين بيا غي دحوشة ختفى ظهر في القلعة لكانت كلها صامتة شم ريحت الموت طار بزربا لغرفة لفيها ريحت افرا حتى كيتصدم بالفراش خاوي و رسالة مكتوبة بالدم شكرا على الهدية السهلة غوت غوتة لي كلشي سمعو فيها ظهر كارلوس و الأب و كريست
رافائيل:شد كارلوس صافي الحقير خدوها العفاريت حيت انا مخدم معيا غي ز**انا حمار عولت عليك
كارلوس:كيفاش غادي نعرف غادي يجيو ليها 
رافائيل:علاش ما تحط تر*** على الأرض لاش تابعني
الاب:لالا بنتي كاع ما فرحت فيها خدوها خاصنا نلقاوها ضروري
كريست:انا سبب دابا غادي يحطوها قربان لشيطان انا سبب
رافائيل:سكتووووو كلكم تحنى على الأرض ضرب تلاتة ضربات
كارلوس:لالا اصاحبي ما تقولش غادي دخل تما 
رافائيل:عندك شي خيار آخر خاصني نوصل قبل شمس ما تشرق
الاب:نمشي معك اولدي انا ما قدرت نحميها وانا بشري ممكن نحميها وانا مصاص دماء
رافائيل:حتى حد ما يمشي معيا نتما فصيلة وحدة و ما تقدروش على العوالم الباقية أما انا رآه فيا العفريت 
كارلوس:ولكن انت عمرك دخلتي تما 
رافائيل:و دابا جا الوقت ندخل بعدو كلكم سرح ايديه تجاههم و خرجات ريح لصقاتهم في الحيط كل واحد كيقول ليه ما يديرهاش خايفين إلى دخل العالم العفاريت يرجع طول عمرو عفريت و عمرو يرجع لعالمهم ما تهمش ليهم وقف و ضرب تلات ضربات في الأرض وقال أيها العالم السفلي أفتح مباشرة فتح عينيه تفتحات الأرض بحال حفرة مظلمة بزاف شاف فيهم آخر نظرة و ترمى في الحفرة لغير ترمى فيها تسدات و طاحو الأرض هما

فاقت افرا في سرير اشمن سرير حجرة فيها زيف حتى كيدخل عليها شاب زوين زوين بزاف شاف فيها بابتسامة
الشاب:اهلا انا جامجوم وانتي
افرا:بدهشة كيفاش جامروق 
جامحوم:لا جامحوم
افرا: اش هذ الاسم انا افرا فين انا وهي كتفكر في كريست لكان غادي يعضها و شدات عنقها سحابات راسها في الجنة من شافت الزين ما في خبارهاش هي فين حتى ما لقات حتى عظة فرحات
جامجوم:بغيتي تاكلي فيك جوع
افرا:اه اه بزاف 
صفق جامجوم بايديه و بان واحد شخص دخم بحال المارد ولابس لبس فضفاض كان كحل بزاااف و عينيه بيضين بحال البولاط هز بلاطو حطو فوق حجرة قدامها و ختفي افرا غير كتشوف و ترمش عينيها اشنو هذشي تاني 
جامجوم:بنظرات اعجاب كولي انا شوية و نجي وهو كيختفي دورات وجهها كان كلشي من الحجر ستغربات وقالت يمكن عزيز عليه البساطة هزات البلاطو كان دجاج مع روز هزات تاكل جاها مسوووس ما فيه حتى شوية الملحة 
افرا:مال هذو مرتفع ليهم ضغط دم ولكن واخا هكذاك كالت حيت ميتة جوع 
عند جامجوم ظهر عند واحد رجل كبير بزاف و شعرو كلو بيض و طويل و لحية طويلة واصلة الأرض و حواجبو طوال حد ودنيه عندو ظفار كبار
جامجوم:البشرية زوينة بزاف انا تغرمت بيها
العجوز:انت كل سنة كتحب ليا بشرية 
جامجوم:انا رآه جن عاشق يمكن ولكن هذي بغيتها نتزوج بيها
العجوز:هذي رآه خاصنا نديوها الشيطان باش نتهناو منو
جامجوم:جدي انا بغيتها قالها بعصبية و ختفى 
بقى رافائيل نازل نااااازل و الحد ما بغاش يتحد ليه في التحت مباشرة كانت جماعة عفاريت مجموعين 
العفريت1:خاصنا نزوجو بنتنا قنديشة ولكن بغينا شاب يكون مختلف 
قنديشة:بابا انا بغيت راجلي يكون ما كاين بحالو هنا
الام:ايوا تسناي ينزل عليك من السما 
كيف كملات جملة ينزل عليك من السما نزل رافائيل وهو شاد في الأرض حداهم
قنديشة:ماما ماما هاااهو هاااهو نزل نزل 
زعزوع الاب:شاف فيه مرحبا بك انت انس ولا جن 
هز راسو رافائيل في الفوق لقى سما الفوق ما بقاتش الحرفة يعنى نزل العالم العفاريت و الجن ولكن كيفاش يرجع ما عارفش شاف فيهم كانو كيخلعو يعني اي واحد بلاصتو يهرب ولكن هو متعود و رجليهم بحال البقر
رافائيل:انا كلشي
قنديشة:جرات عندو شداتو من ايديه راجلي حبيبي فرحانة من نزلتي اخيرا 
رافائيل:بصدمة كيفااااش راجلك 
زعزوع:اه حنا دابا غادي نتناسبو كنا كنهضرو على زواج نزلتي انت و شكون بحالك قنديشة بنتي زين و الجمال
شاف فيها رافائيل بصدمة شكلها يشوفها زين ينتحر اه زووووينة شكون بحالي الله أودي
قنديشة:ناري حبيبي تيتيز
رافائيل:حتى نتما كتعرفو تيتيز مزيان 
زعزوع :جلس جلس معنا النسيب تاكل نشركو الماكلة
رافائيل:فيها الملحة
الكل:لااا ما تقولش الملحة ما تقولش الملحة
شاف فيهم رافائيل هذا العالم عمرو دخل ليه ولا عارف كيفاش كيعيشو ولا يفكرو و هو غير واحد و المحمية تغلب السبع شاف فيهم بعبيصة و مصيبة كبيرة مع هذا فراقش بقر علال جلس حداهم و هو كيقلب على مخرج و قنديشة غير مخشية فيه و تبتسم ريحة فمها تقول غي جيفة
زعزوع:خد راحتك النسيب اش سميتك بعدا 
رافائيل:سميتي كار (لي دخل فيك إنشاء الله)
زعزوع:من تكبر بنتي ميرا نجيبها هنا يطيح عليها عريس 
قنديشة:حبي انا زوينة ياك
رافائيل:ما تصوريش شحال زوينة انا غير شوفتك خواو ليا ركابي الهضرة هربات ليا سبحاااان من خلقك وهو كيضرب ايد في ايد
الام :خاصنا نديرو عرس كبير نعميو عيون الحسادة 
زعزوع:اه المهاوشة ضروري و ضرب على كتاف رافائيل ياك ا نسيب
رافائيل:لي درتو أعمي انا معكم
زعزوع:هذا هو نسيب عندنا زهر جمجوم غادي يتزوج بواحد البشرية نشاركو معهم العرس
رافائيل غير سمع البشرية عرفها افرا فرح أنها مازال هنا ولكن قضية يتزوجها جن عاشق بغا ينفاجر دابا هي بين ايدين جن عاشق 
عند افرا كانت ناعسة حتى كتحس بشي حاجة ثقيلة على صدرها ما قدراتش تتحرك بحال حجرة كبيرة فوق راسها فتحات عينيها و يا ريت ما فتحاتها كان فوق صدرها مخلوق غريب عجيب مخييف غوتات بصوت عالي واااااااااااااااااااااااااو و نقزات من بلاصتها و بسرعة ختفى المخلوق فجأة دخل جمجوم وهو باين عليه الخوف عليها
جمجوم:اشنو اشنو واقع
افرا:برعب و هي كترعد و تبكي جن جن وهي كتعض في ظفارها بالخوف
جمجوم:ما كاين والو صافي صافي قرب عنقها وهي كلها كترعد بالخوف

جامحوم:صافي غي نعسي انا نبقى حداك حتى الصباح
افرا:لا خايفة يرجع داك العجب فين انا اشنو هذا المكان
جامجوم:انتي في مكان غادي تكوني فيه بأمان معيا وهو شاد ايديها ايديك زوينة
افرا:شكرا وهي كتزول ايديها كانت ايديه سخونة تقول مساتها العافية و كملات انا غادي نحاول نعس ياك غادي نبقى حدايا
جامجوم:اه ديما حداك
نعسات و عطاتو بظهر كيف عطاتو بظهر تحول لنفس المخلوق لي كان فوق صدرها و بقى مراقبها 
افرا غمضات عينيها وهي كتفكر في رافائيل شدات في قلبها ندمات على كاع الوقت لي بعداتو عليها لو كان جنبها كانت مستحيل يوقع ليها شي حاجة رجعات خايفة من أي لحظة كدوز عليها هي حاسة رافائيل ما رحلش هو واعدها غادي يحميها ديما خاصو يجي يوفي بوعدو ما فخبارهاش رآه واحب مع عائلة الفراقش هو براسو غمضات عينيها و دمعات بصمت لي مصبرها أنها حاملة بطرف منو ولكن خاصها حل باش تخرج من هنا و ترجع عند رافائيل للقلعة براسها ما عارفاها فين جات ولكن عارفة في البحر المسحور ولكن من تخرج من هنا غادي تلقاه مهما كلفها الأمر و باين هذا جامجوم ضريف غادي يعاونها تخرج من هنا ستسلمات لنعاس لكان كلو كوابيس جن عفاريت 
عند رافائيل كان جالس مع الأسرة الجديدة تاعو بطبيعة الحال ما كينعسوش رآهم صحاب ليل و حنا صحاب نهار
زعزوع:عندك شي عائلة تعرض عليها 
رافائيل: كون كنت عارف غادي نتلقى بوجوهكم الجميل والله كنت نجيب معيا كارلوس زوجوه لبنتكم ميرا
قنديشة:ماشي مشكل وهي شادة في دراعو و مخشية فيه غير قول لينا فين كاين حنا نحظروه دابا
رافائيل:ايوا بعدي مني بعدا رآه باك حدانا حشومة هو رآه غير كاره تشدو أما وجهو مقزدر كون افرا يجبدها قدام جدها كاع 
المهاوشة:وقفات كتجدب و تركز بفراقشها فرحي سعدي بولدي محتراااااام و شدات بنتها قلت لك الخفة تاعك نقصيها 
قنديشة:رآه زوووين بزاف خايفة يهرب
رافائيل:بابتسامة علاش نهرب كاين ليهرب من هذ زين قسم ما نهرب حتى نهرب معيا مراطي هو كيهضر على افرا العفاريت سحابوه على بنتهم وقفو كلهم كيجدبو هو من نوع لي صبرو قليييل كان بغا يوقف يجمدهم و يرتاح ولكن لا هذشي خاصو العقل خاصو يعرف المخرج حيت هذ القوم كاع ما كيفكر كيهضر نيشان
زعزوع:وقف وقف اولدي تجدب معنا هو كيجر فيه 
رافائيل:لالا أعمي غير بالصحة
قنديشة:إلى ما جدبتي معناه ما باغيش تتزوج بيا 
وقف رافائيل على وعدو و سعدو كيجدب معهم و هما كينبحو بحال الكلاب وهو تابعهم و كاره راسو شكر الله أن حتى حد ماشافو كون هيبة الغول طاحت
أصبحنا و أصبح الملك لله
فتحات افرا عينيها كان جامحوم واقف فوق راسها مراقبها بعيون جامدة حتى قفزات
افرا:اوووف خلعتني 
جامجوم: نعستي مزيان
افرا:باينة كنحلم بجنون و العفاريت هذا المكان خايب
جامجوم:رآه قلت لك انتي معيا ما يوقع لك والو
افرا:بغيت رجع فحالي انت باينة ظريف و ولد ناس غادي تعاوني
جامجوم:علاش بغيتي ترجعي بقاي معيا
افرا:خاصني رجع واحد شخص مهم لي بلا بيه انا والو
جامجوم:واخا غادي نعاونك ولكن الليلة عندنا حفل زواج وحدة من قبيلتنا غادي تتزوج و حتى انا
افرا:مبروك عليك فرحت لك فين العروس نبارك ليها 
جامجوم:اه تشوفيها في الحفل المهم غادي تمشي معيا العرس بصفتك شاهدة و توقعي شاهدة العقد
افرا:اه بكل سرور وهي فرحانة
بتسم جامجوم بحب ليها 
عند رافائيل كانت جالسة حداه قنديشة حدا واحد الواد 
قنديشة:كار قول ليا واش نصبغ ظفراني أحمر ولا اكحل 
رافائيل:لي عجبك هضر وهو طالع ليه دم رأس كيتسنى غير ليلة باش يشوف افرا
قنديشة:و ظفران رجلي باش نصبغهم
رافائيل:قولي فراقش على انتي عندك ظفران 
قنديشة:بعصبية اشنووو
رافائيل:عاد نتبه اش قال دار عندها ويلي الحب غي نتمازح معك ديري الخضر باش تبقاي ضوي في ليل نشوفك شاعلة 
قنديشة:تحلات واخا الحب ايوا من ضحك ضحك و تمازح العمر
رافائيل:قولي ليا ا قنديشتي كيفاش كتواصلو مع العوالم الآخرة
قنديشة:ههه علاش ا كار تاعي وهي كضرب على ايديه بحشمة
رافائيل:بغيت نجيب لك واحد الهدية انتي العمر تاعي خاصني نفرح بك ولكن خلي الموضوع سر بيني و بينك دابا حنا غادي نتزوجو خاص كلامنا يبقى بينا 
قنديشة:هدية ليا الحب اه كلامنا هنا يبقى
رافائيل:اه هذية لك ا حبيبتي على شحال عندي منك عنقها مكروووه و كمل ياله قولي كيفاش نخرج نجيب لك الهدية و رجع ا عروستي الحب الفنون نموت انا عليك

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.