نور:(حاطة يدعا على قلبها و عينيها خارجين)عرفتي باقي كايضرب لدابا!!
ريم(تاعيا كاتشوف قدامها و ساهية كاتفكر اللقطة لي كان تايشوف فيها بعينيه...تنهدات):ااوداااااي(شافت فيها بنضرة تساؤل)ماعرفت نبغيه ماعرفت نكرهو
نور(شافت فيها و هي هازا حجبانها و و ملامحها كايوحيو للشر):بغيه غير بغيه...غير هو حتى تمرمديه و تندميه على الهضرة لي قال ورى ضهرك
ريم:(بنضرة شر )اممممه داك الشي لي باغا ندير اطط نبدى الانتقام من دبا ندير داكشي الساعل(حلات صاكها و جبدات تيليفونها و هي محتافضة بنضرات الشر على وجهها)
نور(بتساؤل و ابتسامة شريرة على شفتيها):علاش ناوية؟
ريم:تفرجي😈
جبدات الطوف لي داير فالواتساب و سكريناتها..و دخلات لأفيتو ( avito ) و حطات التصويرة و كتبات عليها: عمر.. عازب يبحث عن اي وحدة عجبتها بسمالله...هانمرتي (و حطات نمرتو)
نور(كاتجاوب مها لي كاتعيط عليها ):ريم بايب سوري ماما كاتعيط نخليك دابا مواح
ريم(سيفطات بوسة فالهواء):بااي كبيدة..
قطعو البنات على بعضياتهوم و هبطات نور تكلمات لمها لي دعاتها للعشاء...
غيتة(امها):جلسي ابنتي
جلسات نور مع عائلتها...و بداو تايدويو فمواضيع مختلفة...
غيتة:كيغادا ا احمد الاوضاع فالشركةح
احمد:(كاوي بوجه ضاحك و هو تاياكل)نشاء الله غانعقدو واحد الصفقة مع واحاد الشركة...هادشي غايدخل لينا نشاء الله بزاف ديال الفلوس و غاتشهر شركتنا
غيتة:ان شاء الله هي الاوضاع غاظا مزيان ايوا الله يسهل عليك و يوفقك
نور:(كادوي بغنج)بابا غاتشري طوموبيل ياك😇
احمد(ضحك بجهد و هو تايندغ):وا ماغانشريش ليك غير طوموبيل راه لا مشات الامور كيما بغيت راه ندرو نشريو الفيلا لي كنتي شفتيها اغيتة(شاف فغيتة لي فرخات ما ان سمعات الخبر)
نهال(بفرحة حتى هي):ياااه بابا حتى انا غايكون عندي بيتي كبير واووو
الكل ضحك بسعادة و فرحة عارمة...
🌅في صباح الغد🌅
اليوم السبت ...السبت المعهود الذي ننتضره من شحال هادي...
استيقضات ريم بكل نشاط و هي كاتكسل بسعادة..
بعدما دارت روتينها الصباحي..مشات عند مها لي كانت حاطة الفطور(بس: باها مسافر للخارج على قبل الخدمة)..
صفية:(كاتهضر مع ريم جلسات فالكرسي و بدات تاتاكل بابتسامة) ريم بنتي اليوم خالتك و عمر جايين
ريم(تقادات فالجلسة و هي دايرة ابتسامة خجولة و كابسل فعينيها):هممم مزيان
ريم(هزات حاحبها و هي محتافضة بنفس الابتسامة):وا راه فراسي
صفية(بنفس النضرة تاع قبيلة):باش عرفتيها
ريم(ماتاكل و كادوي بغنج):كالتها ليا نور نسيتي بلي كنتو كادويو حداها ههه
صفية(حطات صبعها على ذقنها):واللهيلا كنت غت باغا نديرها ليك مفاجأة خفتك ماتبغيش...و لكن على بان ليا راك باغا
ريم(عوجات فمها و علات عينيها الفوق و هي تاتفكر )امممم لاااا ماباغاش..ولا امم خاصني نفكر..تانشوفو بعدا و ندويو..و ايلا كان هو ماباغيش؟
صفية: واراه خالتك ماغاتجيش دوي معايا غا هاكاك
ريم(ناضت و تمات خارجة ..و رجعات دارت شافت فمها):للغدى ولا العشى؟؟؟
صفية:جايين للعشى و لكن سيري عند الكوافورة دور بيك شوية(جبدات 3زرقالافات من جيبها و مداتهم ليها)هاكي هادي و صوني على نور تمشي معاك انا عندي شلا مايدار...و غانعيط على فاطة تعاوني(واحاد المرى تاتجي مرة مرة تعاونعا فالشقى)
شدات ريم من عندها الفلوي بسعادة و سيفطات ليها بوسة فالهوى...و مشات تادردك لبيتها بدلات حوايجها...
⭐⭐⭐⭐⭐
اياد:( جالس فبيروه هو و عمر)هههه ما عندك ماظير
عمر(حاط يدو على راسو و كايدوي باسى):تفو مابغيت كاع نمشي..انا و لكن الوتليدة قاتليك غادي غير نزوروهم و ايلا ماعجباتنيش مانقولو والو..وا انا قلت لييييها ماعاجبانيش اصلا و لكن حلفات عليا
اياد:ههههه حياتك عذاب اصاحبي (خبط كتفو ) الله يحسن العوان
عمر:(كايلعب بلحيتو):شعرها عينيها شفايفها ....ههههه لا لا طحت انا اصاحبي فريم
ريم(كاتشوف فالكسوة باعجاب):اححح هاديييي هاي لي غانشري صافييي
مور(كاتشوف حتى هي باعجاب):وااااع وااااعرة بجهد!!!!
....بعد دقائق خرجات ريم هازة الكسوة فكيس و خارجة فرحانة...
ريم(بحماس):ااااااه حمقاااتني حتى هو غانحمقو حتى هو هههه
نور:نيهاهاها....شوفي يالاه نمشيو دابا نشريو شي اكسسوارات و يالاه معايا للدار انا نصاوبليك مايكاب حسن ماتخسري الفلوس هههه...
ريم:اهاه يالاه...
مشاو البنات لمحل الاكسسوارات و من بعد شدو طاكسي و تمشاو لدار نور...
⭐⭐⭐⭐⭐
عمر:وا دابا غير قولي ليا علاش غانديو الشكلاط و الورد ياك قلتي غادي غير نزوروهوم...راه ماغاتعجبنيش الواليدة
نادية:غاتعجبك غاتعجبك اولدي و الله ختى زوينة و ضريفة راه وراتني مها التصويرة ديك النهار مابقاتش كيف كانت
عمر(تنهد بعصبية):لاااا حول ولا قوة الا بالله!!!!
نادبة(دوزات بديها على وجهو بحنان):وا سير سير اوليدي لبس شي كومبلي يكون مشيك و دير ديك الربحة الزوينة...راه شوية و نمشيو الربعة دالعشية هادي ..انا طالعة ندوش!
بدى تابركم عمر و طلع لبيتو ...
⭐⭐وصلات السبعة ديال العشية بالزربة⭐⭐
نور كملات لريم الميكاب جاها زوين بزاف ولات فنة... عطاتها نور نضاضر كوحل ديال الشمس و عيطات على طاكسي باش يهزها من قدام الباب....و داك الشي لي طرى وصلات ريم لدارهوم..طلعات عند مها للكوزينة لقاتها مشغوووولة هي و فاطمة...و الروايح كايشهييو ما لذ و طاب محطوط ..
صفية:جيتي؟؟!مالك دايرة نضاضر
حيداتهوم ريم و شافت فيها..
صفية:تباركالله عليك ابنتي يالاه سيري طلعي بدلي حوايجك ...حتى انا شوية و نطلع..نبدل راه مابقالهم والو و يجيو..!
ريم(كادوي بحماس و هي متاجهة لبيتها ):واخا اماما راه شريت كسوة وااعرة!!!
تاجهات ريمم لبيتها و مشات دغيا لبسات الكسوة ...و طلقات شعرها و دارت دوك الاكسسوارات لي شرات...و شافت راسها فالمراية باعجاب..
ريم(بابتسامة شريرة):اححح عيا و صافي و اجي اسي عمر تشوف المشعكة😂😈
(السونيط فالباب)
طلات ريم من البااكون كايبان ليها غير من الفوق بكوستيم زرق هو و مو كان هاز فيديه الورد
ريم(جمعات يديها و بظات تاتشوووف قدامها بحماس)...
مشات جهة الظروج و بدات تاطل بلاما تبان..
كان باوسم خلة داخل بابتسامة عريضة باينة مسطنعة مد الورد لامها هو و الشكلاط لي كانت هازة امو... و طلعات لقات ريم فالدروج..
صفية(كادوي بحماس):الله ابنتي سعداتك غاظي راجل و اشمن راجل راه تايهبل
بتاسمات ريم و عضات على شفايفها ردات شعرها للوراء بعجرفة و خدات نفس عميييييييق و تمات هابطة فالدروج حاطة يدها على الحديد لي فالدروج بلباقة...و و كاتسمع (طرق طرق ديال الطالون)من الصالون ...و ناظية كالسة كاتساين بترقب
بتاسمات ريم و عضات على شفايفها ردات شعرها للوراء بعجرفة و خدات نفس عميييييييق و تمات هابطة فالدروج حاطة يدها على الحديد لي فالدروج بلباقة...و و كاتسمع (طرق طرق ديال الطالون)من الصالون ...و نادية كالسة كاتساين بترقب...دخلات عليهوم ريم للصالون و سلمات على خالتها لي فمها وساع بابتسامة اعجاب...عمر بافي حال فمو و ماعقل حتى مدات يدها ..هز فيها راسو و شاف بحاجب طالع وحاجب نازل..مد يدو بعدم فهم...و ريم مشات جلسات و حطات رجل على رجل و حطات يظيها على فخضها بلباقة و رسمات ابتسامة ساحرة على شفتيها و وجهات نضرها لعمر لي كان مازال تايشوف بنضرة واحد مافاهم والو..و مصدوم..و كايشوووف فعينيها و تايحاول يدوي معاها عبرهم
نطقات نادية باعجاب : ماشاء الله ماشاء الله..(شافت فولدها
.لي هاد الاخير كانو عينيه كايهضرو مع تينين ريم لي باقة دايرة نفس النضرة):ولدي عمر هاهي ريم بنت خالتك اولدي
عمر(شاف فيها بابتسامة متقطعة و سولها ببلاهة):ههه..هه واش هادي؟؟(شير بصبعو ليها)..
شافت صفية فنادية و نادية شافت فصفية و هادو بزوج دارو شافو فريم لي كانت باقة كاتشوف فعمر 😂
صفية(حكات حكةصغراء لتغطية الامور):هيهي بطبيعة الحال اولدي شفتي ماشاء الله شحال زوينة
عمر(وساعو عينيه من جديد و دار شاف ريم لي غير لمحات عينها عينو غمزاتو و هنا السيد شعل و قال لمو بصوت مرتافع)::موافق الواليدة
ضحكات صفية تابانت لبها ضرسة العقل و نطقات:ايوا اختي ماشاء الله زين يولد غا الزين(تبسمات صفية بفخر)..ايوا اختي كيداير راجلك مع الغربة...
بداو الخواتات كايدويو فمواضيع مختلفة(مزال الحال باش يهضرو على الموضوع الليل طويل😉)....في حين كانو الخواتات تايدويو...هز عمر تيليفونو و رسل لريم ميساج...هز فيها عينيه و لمح ليها باش تقرى الميساج...
دارت ريم ابتسامة ماكرة و هزاتو و قرات ما مفاده..
عمر:رييييم!!!ماتصوريش الصدمة لي انا حاس بيها دبا واش كنتي عارفة
ريم:(كاتكتب)اه اولد خالتي لعزيز..نسى عليك هاد ربم و خليك عاقل على ريم..نسخة تشر سنين 😉 ديك المشعكة لي كنتي تاضحك عليها ديك النهار و نفسها لي بغات تزوجك مك بيها بزز ياك عاقل بعدا؟(هزات راسها لقاتو تايشوف فيها و غمزاتو)..
قرى عمر الميساج و دار فيها نضرة تفاجئ و حط يدو على جبهتو بشمتة
عمر(كتب ليها):ريم ريم ...راه مايسحابليش نتي و الله...شتي انا من نهار شفتك لصقتي ليا فدماغي و قلبي دق ليك يعني ايلا دويت عليك و انا ماعارفكش اصلا بديك الكريقة عدريني حيت قلبي تعلق بيك ...اوففف دخت موهيم نساي اريم عليك هادشي ماكايهمش شن قلت او شنو درت ملي ماكنتش عارفك...انا راه كنت تانعتابر بنت خالتي بنت انسانة مجهولة و كون كانت كيما بغات تكون كنت غانختارك نتي...دبا كانحس براسي دايخ ملي عرفت ان البنت لي دق ليعا قلبي هي فعلا بنت خالتي المجهولة...
سمخي ليا ايلا خربقت فالهضرة و لكن راه قلت لي فقلبي...
قرات ريم داكشي بتمعن و قلبها بدى تيرفرف من لداخل...و خدات نفس عميق ردات ابتسامتها تقادات فجلستها و حطات التيليفون و حولات نضرها جهة مها و خالتها و بدات تاتشاركهم الحديث...
حط عمر يدو على جبهتو حس براسو مخربق😂
⭐⭐⭐⭐
عند نور..
بعظما مشات ريم و هبطات للكوزينة لقات مها غااارقة حتى للفم و حتى هي لقات فالكوزينة مالذ و طاب..و الريحة تاضرب على بعد امياااال...سولات مها على سبب الروينة .و خبراتها انه جايين شي ناس من الخدمة عند باها للعشاء..و ظوك الناس هوما نفسهم لي غايعقد معاهوم الصفقة...و طلبات منها انها تعاونها و فعلا داكشي لي دارت و من ديك الساعو و هي مخشية فالكوزينة تاتعاون مها ماخلاو حتى خاجة و ماطيبوهاش...لحم..دجاج...بساطل...كوووولشي!!
احمد(دخل عندهم للكوزينة):سربيو سربيو الناس راهوم من الصباح و هوما جالسين واش هاد العشى مازال ما طاب!!
غيتة:واخا واخا ...غير سير طلع جلس مع الناس انا غانوجد السال امونجي و نفيبيك...
احمد: يالاه نعول عليك!
غيتة:صافي غير سير...(عيطات)بلاتي بلاتي شحال من واحد كاين؟؟!
احمد(كايدوي بسرعة و هو خارج):زوج زوج و انا هو تالت
غيتة:وا راه عيطت على المرى لي موالفة تعاوني و لكن مامسالياش
نفخات نور بتنمر عاوتاني ...و هزات و مها الطباسل و طلعو للفوق(الناس كانو جالسين فالصالون و بالضبط لداخل...و السال امونجي كانت برى فالمراح..و الطواليط كانت من جهة الاخرى ...دبا الصالة فيها زوج بيبان..باب تايخرج للمرح و باب تايخرج للطوليط ...و لكن بزوجهوم البيبان كايأديو للدروج..)بداو تايستفو الطباسل فوق الطبلة و تايرجعو للكوزينة يهزو عاوتاني...
خرجات نور من لمراح و تاجهات للدروج و مع تمات طالعة لمحات عينهامالم تتوقعه و لم يطح في بالها ولا في بالكوم(على ما اعتقد)
بعدما تعشاو ريم و مها وخالتها و ولد خالتها عمر...نطقات صفية و وجهات كلامها لريم..
طلعات ريم للكوزينة لقاتها خااااوية... و هنا قررات تدير الخطة التانية😂...جبدات التحلية ..لي كانت بيضاء من لتحت فيها الحمورية من الفوق....حلات التلاجة لقات فيها شطة مكسيكية حاااااااارة بزاااف...و شداتها و دارتها فوق من ديك الحمورية و دلساتها بالمعيلقة باش ماتبانش..و علمات الكاس و تمات هابكة بخطى تقيلة بعدما شافت راسها فالمراية..و تأكدات بان كلشي على ما يرام...
دخلات للصالون و خطات البلاطو فوق الطبلة و مدات لكل واحد كاسو و شدات كاسها و رجعات لبلاصها و تقادات فالجلسة و بظات تاتراقب عمر بصمت😈
نادية:تبارك الله عليك ابنتي...زين و تباتة و الحداكة
ريم(بتاسمات ليها ابتسامة من القلب):ربي يخليك اخالتي عويناتك لي زوينين و تايشوفو كلشي زوين
نادية:(زادت فالتبسيمة بعض سنتيمترات)ماشاء الله و حتى الصواب و الأداب(عنر غير تايسمع و مبتاسم)...(شتفت نادية فختعا صفية)صفية...تباركالله عليك احبيبة...ربيتي و عرفتي اش ربيتي!! بنتك دغيا تادخل للقلب و الخاطر و بصراحة و لي نطولوه نقصروه تشهيتها لولدي عمر..
ريم واخا كانت عارفاها غاتقول هاظ العضرة جاتها غريبة و تبسمات لا اراديا و تزادت وتيرة خفقان قلبها ..
اما عمر فمكان ليه الا يبتاسم و يلاحظ تحركتها...بتاسم ملي لاحظ الخجل على وجهها..و رتاح نسبيا
صفية(تبسمات لختها و شافت فبنتها):مرحبا...حتى انا مانلقاش حسن من بنت ميمتي..هاعيا قدامك اختي ايلا بغات مانزيدك غير الخير و البركة
نادية(شافت فريم بابتسامة...و لي هاد الاخيرة كانت جالبرجليها معوجين لليمين و يديها بزوج محطوطين فوق السداري لنغس الجهة لي مايلين رجليها و كان راسها محني بخجل):ايوا ابنيتي اش بان ليك تقبلي نكون عكوزتك هههه
ريم(تبسمات و دوات و هي على نفس الوضعية):همم ..و الله اخالتي حتى نتي علىالراس و العين....و نديرك فوق رلسي...و لكن...
كلشي شاف فيها باهتمام...هزات راسها فخالتها كملات..
و لكن اخالتي ولدك مازال ماكانعرفوش...يعني مانقظرش نكون اون غولاسيون مع شي واحد ماشفتو من شحاااااال هادي
نادية(محاقضة على نفس الابتسامة):كلامك معقوووووول ابنتي...و تاحنا مامزروبيييينش...هاعو قدامك خوظي نمرتو و ياخد نمرتك و خوظو وقتكم و تعارفو على بعضكم واخا راكم ملي كنتو صغار ماكنتوش تفارقو..هههه
ريم(بنفس الوضع):ههه ..لي بان ليك اخالتي(رجعات حنات راسها)
تبسنات صفية و نطقات بسعادة:هههههه نشاء الله غاتفااااهمو مع بعضكم اصلا تواتيتو...(الكل تبسم خصوصا عمر لي كانت هضرتو قليلة فهاد اللقاء و عيونو كانت مركزة غير على ريم..بنفس الملامح نطقات صفية)ايوا تفضلو حليو باش توليو هاها...
كلشي خشى معيلقتو فالتحلية...الا ريم لي حااااااضية عمر..لي خشى المعلقة وسط الكاس و جبدها عاااامرة و غير خشاعا ففمو...كايبان ليك السيد تبلوكا نقولو تبلونطا تزنك و حناكو دغيا حمارو...و بدون سابق انظار نزلات دمعة من عينو😂...ريم تبسمات بشر وهزات تاهيا معلقة بدات كاتبنن اما عمر فحط الكاس و بدى تاينفخ على فمو و هو تاينهش و تايقول...:الما الما!!!
صفية(مدات ليه الما و هي كاتفتف مخلوعة):امالك اولديي مااالك(شافت فنادية لي تاهيا مخلوعة و مافاهما والو)مالو انادية؟؟
نادية:ماعرفتش ماعرفتش!!!
عمر(شرب لما و هو مازال تاينش على لسانو...و تايشير جهة الكاس):حار حار!!!(حول عينو لجهة ريم بتغوبيشة اما هي فكانت حابسة ضحكة و غمزاتو)
صفية(شافت فريم و ملامح غاضبة):ريييم؟؟؟! واش درتي شي حاجة فيه؟!!!😡
ريم(شافت فيها بملامح بملامح بريئة و شيرات لجهتها و قالت)انا؟!!!(بنفس ملامح البرائة)حرام علبك اماما(هزات صبعها السبابة بدات تاتحركو )انا كلشي كلشي الا الباطل!!..غالبا ماغاتكون تخوات عليه شي حاجة حارة ملي كان فالتلاجة
خنزرات فيها و طلعات للكوزينة تاتجري...اما عمر فواقفة عليه مو و هو وجهو حمر و عينيه حوووومر ..هبطات صفية هازا كاس ديال اللبن ...
خنزر عمر و شدو من يديها و شرب منو شوية و حطو...هز راسو فريم لقاها باقا مبتاسمة بسخربة و حمر فيها مزياااااان و خنزر فيها..و تقاد فالجلسة
صفية: ولظي دبا مزيان؟؟
عمر(تبسم ليها بلباقة):صافا صافا اخالتي
صفية:(بملامح قلقة)والله غير سمح لينا اولظي ماعرفتش كيفاش
عمر:(بنفس اللباقة)هانية اخالتي(حول نضرو لريم و كمل فيها التخنزيرة)
حنات ريم راسها ملي شافتو كتر من التخنزير و بدات غير تاتشوف فالارض...ولفاتو غاتايضحك و جاتها غريبة يخنزر...
بعدما شافت نور
شخص ماعمرو كان يطيح فتوقاعتها متاجه للطواليط.. بالرغم انها شافتو غير من ضهرو و لكن عاظشي مامنعش انها تعرف عليه بالزربة...جلسات فكرسي فالكوزينة و بدات تاتربط الاحداث...
نور(مع نفسها تاظوي و تاتحرك يديها يمين شمال كانها تاتربط الاحداث):اوف بلاتي بالشوية...دبا بابا قال بلي غايجي مول الشركة لي غايعقد معاهوم الصفقة...و هادا لي شفت انا اياد ياك..!..دبا هاد الشي تايعني ان اياد مول الشركة لي بغى يعقد بابا معاها الصفقة!!! ...و لكن(هزات راسها الفوق و بدات تاتفكر بفمها محلول و حاجب طالع و لاخور هابط) دبا هاظ الشي تايعني ان اياد عندو شركة؟!!!
غيتة:نور (قفزاتها و جمعات الوقفة) نوضي هزي معايا شتك كلستي
نور(هزات فيها راسها):اا نسيت...
ناضت كملات مع مها الحطان و غير سالات دخلات لبيتها و شدات تيليفونها و صونات على ريم...
⭐⭐⭐⭐⭐
نادية:ايييوا اختي جلسناااا معاكوم خاصنا نمشيو
صفية:باتي معايا اختي توحشتك و مازال بغيت نجلس معاك
نادية:(تبسمات ليها)لا لا احبيبة مااازااال نجي عندك و اصلا نشاء الله من هنا القدام غايكترو الزيترات بيناتنا. 😉😊..
صفية(تبسمات ليها):ههه نشاء الله اختي مرحبا بيك فكل وقت
ناضت نادية و سلمات على ختها و جات ريم سلمات عليها..
نادية:خودي نمرة عمر و بداو تهضرو مع بعضياتكوم ابنتي ماتنسايش
تبسمات ليها ريم و وقفات حدى عمر و مدات ليه تيليفونها زعما باش يقيد النمرة غير بالعاني...هز فيها عينيه بملامح غاضبة شووية...و شد التيليفون و دخل للميساجات و كتب ليها ....(شي حاجة) و مد ليها التيليفون غير شداتو بحالا تخوى عليها سطل تاع الما بارد ...
سلم عمر على خالتو لي رافقاتهوم للباب حتى خرجو...
ريم بقات واقفة فبلاصتها بملامح مصدومة و مقلقة..وقفات عليها صفية مخنزرة..
صفية(زادت فالتخنزيرة):الله يمسخك الحمارة(ضرباتها لفخضها)دبا لا بقى خطبك ها وجهي يا لمكلخة..(هربات ريم)عربي هربي يالحمارة مامقرصاش لمك غا بلاتي عليك شوهتيني مع خني و ولدها...
...
طلعات ريم تاتجري و دهلات لبيتها و شدات تيليفونها لقات بزاف الاتصالات من نور..و صونات ليها و هي تاتلعب بصباعها بقلق و البكية محبوسة فعينيها ماقادراش تخرجها..
نور:الو ريم فين كنتي؟؟!
ريم:اوففف نور ماغاتيقيش شنو وقع
نور:اوففف واتانا ماغاتيقيش شنو شفت!!!
نور(بقلق): قولي نتي اللولة 😟
ريم حنات راسها ودوات بقلق و هي تاتلعلب بصباعها و عاودات ليها كلشي لي طرى من طاق طاق حتال السلام عليكم بدون ذكر الميساج لي خلى ليها..
نور:😂😂عبرتي عليه ديك السودانية تهليه عمرو باقي يفكر يقول عليك شي حاجة
ريم:(تادوي بقلق و تاتعبر بيديها)😞😟 وا راه ماعجبوش الحال و بدى تايدير فيا شي شوفات ديال القتيل!!
نور:اويليييي القتيل كاع؟؟؟!
ريم:وا غير مجاز ازمر ...راه زدت فيه واقيلا ملي كان خارج خلى ليا ميساج !!
ريم:(دارت ابتسامة جانبية):وا دابا كولي نتي اشنو وقع ليك؟؟
نور:اوفففف اياد!!!
ريم:مالو تاهوا؟!!!
نور:وا جى عندنا للدار!!!
ريم:😲😲شنو؟؟!!!
عاودات ليها من اللول من موضوع الصفقة حتى لملي شافتو ..
ريم:دابا هو ماشافكش؟!!!
نور: 😒😕😕وا لااا وا راه دابا جاتني فشكل حيت ماكانش تايسحابلي عندو شركة
ريم:وا تاناااا جاتني غريييبة!!
نور:بففف دابا شنو نكولها ليه؟!
ريم:الاااا ماكاين لاش!! هلي حتى يعرف بوحدو ديري رتسك ماعارفة والو...
نور(سرحاات..ودارت ابتسامة جانبية):عرفتي قبايلة فكرت...لقيت انه بلا مانديرو حتى شي خطة كانت الاقدار غاتلاقيني غاتلاقيني باياد..اول مرة فالبيتزيريا...تاني مرة فالقهوة...ثالت مرة عنظنا فالدار...و حتى كون ماوقعش هاظشي كولوووو كنا غانتلاقاو ماظام ان عمر صاحبو
ريم(تبسمات تاهيا):هاظشي تايدل على انه مكتاب ليك.!!
نور(رفرف قلبها و حسات بالسعادة):اححح ظبا انا لاياد و اياد الي ههههههه
ريم:هههههه اححح اختي سعداااااتك و الله انا داك الصكع موحال يقبل عليا على الشوهة لي درت ليه
نور:وا تانتيييي ماظيري كاااع فبالك راك غير رديتي الصرف و صافي
ريم:اوفف صافي دبا رتاحيت شكرا حبوشتييي
نور:باقا تكولي شكرا نخرج لمك من تيليفون😂
ريم:😂😂😂صافي صافي انا سكتت وا سيري تنعسي تالغدا و نتلاقاو
نور: هههه سايني سايني ..
ريم:ههه شنو؟؟!!
نور:دبا عاد عرفت علاش اياد اياد ماكايدويش معايا بزاف..قول هو رجل اعمال أد الدنيا😂😂
ريم:ههههه واشتي😂
نور:وا يالاه تصبحي عل خير!
ريم:بونوي بب..
قطعو البنات على بعضهم..و ريم مشات حيدات الميكاب و بظلات حوايجها..و شدات تيليفون تاتساين ميساج من عند عمر و لكن والو ماسيفطش
اما نور فمشات تخشات فبلاصتهل و هي كاتفكر الاحداث لي جمعوها باياد و تاتبسم حتى داها النعاس...
🌅اليوم الحد (11:00)🌅
انه يوم الاحد اليوم لي تايرتاحو فيه عمر و اياد من الخدمة...!
نايضة نور بكريييي...عاونات مها و رجعات طلعات لبيتها كاتجمع فيه حتى صونا ليها التيليفون..هزاتو بعدم اهتمام حتى كاتفاجئ بلي اياد لي مصوني..حطات داكشي لي فيديها و هزات التيليفون بحماس حنحنات و جاوبات..
نور:الوووو؟؟
اياد:الوو نور لاباس عليك
نور:لاااباس الحمدالله
اياد:الحمدالله..بغيت نسولك
نور(كاتنش على راسها و الحماس شادها من جدر صبعها الصغير😂):اهاه سول
اياد: واش نقدرو نتلاقاو اليوم و نهضرو على الرقصة
نور(حكات راسها و هي تاتفكر):م..ماعرفتش! واش دبا؟
اياد:وي ايلا بغيتي طبعا
نور:....
نور :اممم فين بالضبط؟
اياد:فالكافي لي تلاقينا فيها ديك النهار
نور:معاش
اياد:مور ساعة؟؟
نور:اوكااي ان شاء الله
اياد:نشاللله يالاه بسلامة سي يو
نور قطعات التيليفون و حطاتو على قلبها لي كانت تايشطح على انغام الساعة..عاود شدات التيليفون و صونات لريم..
ريم عاد خارجة من الطواليط هزات التيليفون و جاوبات..
قطعات عليها ريم و مشات لبسات كسوة موردة اوف شولدرز ...و نزلات تاتجري خبرات مها لي ماخلاتها تاشبعاتها نكير...شدات طاكسي و تاجهات لعند نور...
هاد الاخيرة لي لبسات حوايجها و حاولات ما امكن تبان انيقة هزات ساكادو هزات فيه حاجياتها...دارت ايلاينار و عكار خفييف و طلقات شعرها المجعد و هبطات تساين ريم بعدما قالتها لمها...وصلات ريم و صونات لنور باش تخرج عندها لراس الزنقة
..و داك الشي لي دارت..
ريم:شنو قالبك بالضبط؟؟!
نور:قاليا اجي ندويو على الرقصة
ريم:و امتى و فين دايرين تلاقاو
نور:وا دابااا فديك الكافي ديال ديك النهار..
ريم(شافت فيها بجدية):شوفي ايلا بغيتيني مانجيش نعاك بلاش و الله
ريم(خشات يدها فيد نور):هههه صافي يالاه زيدي ...ياااااا ربي يكون حتى عمر
نور(دورات راسها و شافت فيها):ياكما باغا طلبي منو سماحة!!
ريم:😞 والاااا وا غير بغيت نشوفو و صافي!
نور:(تنهدات)احياااااااني..
⭐⭐⭐⭐⭐
عمر:وا راه البارح كنت معصب بزاف و قلت ليها طلعتي
برهوشة
اياد:(خرج فيه عينيه)لااا لاا صراحة عيييب دبا باشمن وجه غاتشوف فيها..و ايلا جات مع نور و هادي راه باااينة
عمر(مخنزر):راه صاحبي لبارح تعصبت بزااااف
اياد:و مالها هي ماتعصبات ملي كنتي كالس تاتضحك عليها قدامنا...ههه بقات كاتجع ليك فيهوم 😂بيناتنا تستاهل
خنزر فيه عمر و بدى تايشوف فجنابو حتى بانو ليه جايين...
نور:سالااام
وقفو الدراري و مدو يديهوم سلمو على البنات و بداو اياد و نور تايدويو على الرقصة...اما عمر فتايلعب بساشيات ديال سكر و مرة مرة تايهز عينو فريم تايلقاها متبعة مع نور و اياد باهتمام...هادشي لي كايبان اما فالحقيقة...
ريم(فنفسها):اوففف دبا شنو واش ندوي معاه ولا نخليه هو يدوي...يا ربي يدوي معايا يا ربي يدوي معايا!
نطق عمر بشكل عادي كايبين انه ما واقع والو...
عمر:بنت خالتي(هزات ريم راسها و شافت فيه بشوق كدليل على انها كانت كاتساينو يدوي...بتاسم عمر و كمل)كيدايرة خابتي؟
ريم(فنفسها:احححح و اخييرا دوى..و لكن التعفار التعفار خاصني نتعفر):(دارت ابتسامة بزز)لاباس اولد خالتي و خالتي لاباس؟؟
عمر(بوجه بشوش):لاباس و كاتسلم عليك
ريم: يسلم عليها الخير
اياد:هههه ايوا اريم صدق ولد خالتك
ريم(شافت فاياد بوجه بشوش):ههههه واييه
عمر:(موجه كلامو لاياد)وايييه طلعات هي ريم لي كنت نضحك عليها(دار شاف فريم باستفزاز)وا تبدلااااات
تقرصات ريم و دارت شافت فيه بتخنزيرة..ضحك عمر و بتاسم..
عمر:للافضل! زيانت ههه كنت واخد علبها نضرة خايبة و لكن تناظم معايا الحال
ضحكات ريم فخاطرها و شداتها الهرة كتافات بابتسامة خجولة حرصات على انها ماتبانش..و غطاتها بشعرها...ابتاسم عمر و هو تايشوف فيها باعجاب...
كانت نور مشغولة كاتشوف فيهوم بزوج...حتى قاطعها اياد..
اياد:نور مستعدة نمشيو ندربو؟؟
نور(حكات ورا راسها بخجل):احم..فين بضبط؟؟
دار اياد ابتسامة جانبية: هه ماتخافيش غانمشيو غير لكاراج فين تاندرب انا
ترردات نور و شافت ريم لي حتى هي كانت مترددة..نطق عمر باش يحيد هاد الشكوك..
عمر:(بابتسامة تبعت الارتياح)ناتخافوش البنات اصلا ريم بنت خالتي و ان صح القول خطيبتي و نتي انور بحال ختي..
ابتاسمات ريم ابتسامة حاولات ماتبينهاش اما هو فحاضيييها..
جملة كانت قادرة تمحي لنور اي فكرة كانت فبالها على انه تايحس بشي حاجة من جهتها...حسات بنوع من الالم و لكن خلاتو فقلبها...و حركات راسها بايجاب الشي لي خلاهوم ينوضو...كانو الشباب متقدمين و البنات اللور...لاحظات ريم تقليقة لي فنور و دوزات على دراعها بلطف...
ريم:وا عااادي كوووولهم تايكولو ختي فاللول و لكن من بعد تايوليو يكولو تانبغيك غا صبري
نور(تبسمات بامل):اه تانا غانقصح قلبي شوية و نخليه هو لي يبغيني
ريم:شوفي حاولي تكوني صديقتو دبا تقربي منو على تساس بيست فرند و خلي داك الشي يجي بوحدو..
ابتاسنات نور ابتسامة عريضة و تاجهات لطوموبيلة اياد..لي تاهو ركب و ديمارا...و بقات ريم واقفة تاتشوف بعجرفة...فالاخير حلات البلب و طلعات..ضحك عنر على تصرفاتها و ركب تاهو و ديمارا...
نور(حاطة يدها الشرجم و كاتشووف فالطريق بابتسامة جانبية تحمل الكثييير):عندك الصح..ههه
اياد(دار شاف فيها بابتسامة جانبية مامفارقاش فمو و دور دغيا راسو شاف الطريق):ههه عجباتني فيه ريم كاتبان ضريفة ساعة صدقات ماساهلاش
نور(ابتاسمات و شافت فالطريق قدامها ):ههههه باش تعلمو يضحك على عيباد الله و يستهزئ منهوم
اياد:هه بصح..
سكتو لبرهة ثم عاود جبد اياد الهضرة على الموسيقى و الرقص و داكشي...
⭐⭐⭐
غاديين فالطريق ساكتين كل زاحد فيهوم تايساين لاخور يدوي ...حتى دواو قد قد..
عمر:ريم!
ريم:عمر!
شافو فبعضياتهوم و بتاسمو و دوى عمر..
عمر:مالك دافعة عليا كبير ياكما باقة مقلقة
دورات ريم راسها للشرجم و ماحاوباتش..
نطق عاوتاني عمر:ما بردوش جنونك البارح ملي وكلتيني الحار حتى كنت غانتفركع ..بغيتي ديري الباسر؟؟؟
..حبساتعا تاعيات ولكن خرجات ليها الضحكة بالجهد و بدات تاضحك من نيتها و هي شادة كرشها ...شاف فيها عمر و ضحك تاهو...
ريم(شافت فيه باستهزاء):دبا نتا كابر ففرانسا😂😂؟!
عمر(ضحك و جاوبها بفتخار و غمق عليها بالفرونسي):با ويييي..مي ج باغل داغيجة ميو كو طوا بيبي(دار غمزها)
بتاسمات ريم ...و عاوددوى عمر..
عمر(و هو تايحؤك يديه و تايدوي بثقة فالنفس):صا في بزاف عام ما دخولت لموغريب ماكاندويش لادرة تاعكوم...(دار شاف فيها لقاها حاطة يدها على فمها و كاضحك و دوى)ههههه خاصني حتى نقول هاد الهضرة عاد نتسمى عاد داخل من فرانسا...اودي الداريجة تاتجري ليا فالدم و زايدون اغلب صحابي ففرانسا كانو مغاربا دونك كنت توجوغ تاندوي بالداريجة
اياد(بابتسامة جانبية و هو تايحك ورى راسو):امم مرة مرة ههه
ريم(مشات للبيانو و بدات تاتقيس فيه بحماس):واااااو حلمي كان هو نقيس هاد البيانو...واش نقدر نجربو؟؟
اياد:هههه طبعا!!
ريم طرطقات صباععا..و دوات:ههههه ديرو فبالكم انها اول تجربة!!و لكن من ديما تانحس براسي كانعرف ليه😂😂(حطات يديها على المفاتيح و و بدات تاتورك بحماس و كاضحك بحال شي طفلة)😂😂ههههههه و الله تا واعر..
كلشي بدى تايضحك عليها..و عمر عينيه تايشوفو باعجاب
نور:هههه صافي صافي فنانة غانوضي
ريم:هههه وا ماتحكرونيش😂
اياد:هههههه ايلا بغيتي تالشي مرة و نعلمك شوية من داك الشي لي كانعرف طبعا ايلا كنتي مهتمة..
ريم(بعفوية):ههه نشاء الله...
اياد(تبسم لريم و نقل نضرو لنور لي كانت خاشية يديها فجيابها اللورانيين و تاتشوف....
اياد:يالاه زيدي نبداو الانسة هه ..
نور(بخجل):ههه واخا...
طلقو اغنية(me gente )..و بداو كل واحد تا يدير رقصة فشكل على حسب عرفو...و الكوبل لاخرين تايتفرجو باعجاب...
همس عمر لريم:شووووفيي المواهب..نتي عندك شي موهبة ولا والو
ريم(ببرود):كانطيب
عمر(فرح):واااااايلي شنو اكثر خاجة كاتعرفي طيبيها؟؟
ريم:(بنفس البرود)القلب!
عمر:ههههههه جوابك على طرف لسانك الله يعطينا وجهك...
سكتات ريم و بدات تاتصفق على الشباب بعدما كملو...
ريم:براافو عليكم...تباركالله عليك أ إياد اول مرة تانحضر ليك لايف فغيمون محترف!!(شافت فنور )و نتي بلا ماندوي عليك راك عارفة ههه
تبسمو ليهوم بزوج
عمر:ختي نور و الله تا كاتصرعي الفري ستايل!! واناري عييت نانحاول نتعلم او والو
نور:ههه تانا ماكنتش كانعرف و لكن مع الاصرار و العزيمة كلشي ممكن
اياد:(شاف فيها)بصح اي حاجة بغيتيها...تقدر توصل ليها بالعزيمة و شوية ديال الخدمة و ضرووووري من الصبر حيت حتى حاجة ماتقد توقع بين نهار و ليلة!
نور(حسات نور بحالا تايدوي عليها و قالت فنفسها:عندك الصح ....و لكن اسيدي راه نتا هي لي الحاجة لي باغا نوصل ليها نتا كنتي بالنسبة ليا حلم و بدى كايتحقق بالشوية بالشوية! الا كان غير على العزيمة كاااينة ! الصبر انا وراك وراك و الزمن طويل و بالمهل كايتكال...امم شي حاجة! نسيت الموعيم بالمهل كاتكال شي حاجة😅):بصح
...
كملو نور و اياد التدريب و قدر اياد يصمم الرقصة لي غايديروها..و بداو تايدربو عليها تحت تشجيعات عمر و ريم لي مرة مرة تايضحكو بيناتهوم ههه...
عمر:براااافو صااافي هاد المرة صرعتوها!!!!!
نور(بحماس):بصح ؟!!
ريم:و الله(دارت ابتسامة اعجاب)نااااري شحال جيتو كيوت لي شافكم يقول كوبل
حنات نور راسها بحشمة و بدات تاتحلف على ريم من تحت سنانها..اما اياد فاكتفى بابتسامة و وجه كلامو لنور..لي غير سمعات صوت تزنكات
اياد:اجيو نصورو الفيديو دبا علاش غانساينو حتال مرة اخرى؟؟!
نور(هزات كتافها بموافقة):اهاه بصح انا مستعدة!!
عمر:(ناض وقف و هز الكاميرا)ههههه يالاه سيرو على الله التصوير على حسابي!!
ريم(ناضت حتاهيا و قفات و حطات يدها على كتف عمر بعفوية):و انا مساعدة المصور!!
دار شاف فيها عمر و شاف فيديها لي محطوطة على كتفو...حشمات و حيداتها دغيا..
ضحكو اياد و نور على تصرفهم ....
استاعدو نور و اياد ثم بدا تايرقصو و عمر تايصور و مركززز و ريم مقابلاهوم و كاتشوف ميفاش بيناتهوم واحاد الانسجام زوين💕
داز نص نهار و هوما فالكاراج تايصورو...
اياد(تايتفرجو فالفيديو لي صاوبو):وااااو و الله حتى احسن فيديو صاوبتو (شاف فنور لي كانت فرحانة و عاضة على شفايفها)
نور:(بابتسامة حماسية)عجبني واعر و الله(هزات يديها بزوج و شافت فاياد لي تاهو مدهوم و تراشقو)
ريم:عطيوني انا نصاوب ليكم المؤثرات و داكشي
عمر:(شاف فيها)كاتعرفي؟!!
ريم(شافت فيه ربع شوفة و دوات ببرود):بيان سيييغ مالك حكرتيني؟!
عمر:لا لااا حاشااا..
اياد:صافي مشات!!....يالاه شنو بان ليكم نمشيو لشي بلاصة نتغداو..
ريم:بيتزا!!!
نور(نطقات تاهيا بحماس):اه اه..
ضحكو الدراري بزوج عليهوم...
خرجو الشباب من الكاراج و ركبو فالطوموبيلات بحال فاللول و تاجهو للبيتزيريا هضرو فمواضيع مختلفة فالطريق...و لكن عادية وصلو للبيتزيريا...و كانت البيتزيريا تاع داك النهار...دخلو شدو مقاعدهوم و بدى عمر تايضحك...
اياد:اه مشينا انا و محمد(خدام معاهوم فالشركة) هضرنا على الصفقة..و تعشينا..الراجل كريم ماخلاو ماحطو تبارالله(تبسمات نور و مابينات والو)
عمر:مزيان مزيان...كنت باااغي نمشي و لكن دوماااج مشيت نخطب 😂
اياد:ههههه ايوا اسيدي الخطوبة حسن ليك كون مشيتي كان غايجيك الملل عااارفك ماعندكش مع الهضرة على الخدمة بزاف
عمر:ههههه علاه مايسحاب ليك البارح ماجانيش الملل؟!...سول ريم ملي دخلت و انا شاد التيليفون كانتلاهى بيه...هههه ماعنديش مع هضرة العيالات
ريم(بتخنزيرة):ايااااه ايوا كون ماجيتيش حسن😒
شاف فيها عمر و طنش..
تحطات البيتزا و كلشي بدى تاياكل ...حتى نطقات نور..
نور:دبا واش نتوما خدامين فشي شركة؟
اياد:ههه لا حنا عندنا شركة خاصة بمواد التجميل و داكشي
عمر:(شير لاياد)شركاء
نور(بعلامات تعجب هلى وجهها):معروف على رجال الاعمال تايكونو معقدين و مهتمين غير بالخدمة و لكن نتوما على ماكيبان ليا العكس!!مابايناااش عليكوم كااااع خصوصا اياد..حيت كاتشارك فالانسطا الرقصات دياولك و داكشي جاتني(كاتهضر بخجل)فشكل تكون رجل اعمال!
اياد(دار ابتسامة جانبية): ماشي حيت عندي شركة نسجن راسي فالخدمة و نكبت مواهبي...فهاد الحياة نقدرو نديرو كلشي..خاصنا غير نعرفو كيفاش نوازنو بين كل حاجة..و انا تانضن عرفت كيفاش نوازن بين مواهبي و خدمتي...الحمد الله ناااجح فحياتي العملية...و هادشي كولو حيت منضم كلشي فحياتي!
فكل كلمة كان تايكولها...نور كان ابتسامتها تاتزيد توساع و ؛رجعاتها داكرتها لليلة لي كانت جالسة مع ريم ..
""ممكن ملي تلاقايه و تعرفي على شخصيتو...مايبقاش عاجبك !!حيت الشخصية اهم حااااااجة
نور(ابتاسمات و هي مازالة حانية راسها و يديها كايلعبو فالمخدة):ههه عندك الصح(سهات للتانية و هزات راسها)هههه كانتخيل شخصيتو ايلا كانت زوينة زائد وسامتو شنو غايعطيو! وااا راجل متكاااااامل!!!!
ريم(شافت بحماس):هههههه تماااما !!!..."""
قالت نور فنفسها: احححح طلع راجل متكاااامل!!!!!
رسمات على فمها ابتسامة الاعجاب لي ماقدراتش تخبيه و نطقات:وااو ماشاء الله عليك قليييل لي تايفكر بحالك...
ابتاسم اياد و عض هضيضة من طرف البيتزا ديالو..
عمر:نتوما ززز اشنو ناويين نديرو غاتبقاو غير فلافاك؟؟ ماناويينش تخدمو؟!
دارو شافو البنات فبعضياتهوم...
نور:هههه ماعارفينش بصراحة ...امم انا كانضن غانخدم مع بابا فالشركة..
عمر:اوو باباك عندو شركة؟؟
نور(سرطات ريقها):ا..اه عندو
اياد(باهتمام):ديالاش
كلشي بدى تايشوف فيها و ريم عرفاتها فورطة حيت ماكنتش باغاه يعرف انها بنت احمد...
نور:اا..ب..بحالكوم
اياد:(باهتمام اكبر)بصح؟!!...شنو سميت باباك؟؟
نور(بتوتر):احم...احمد...شمسي
شافو الدراري فبعضياتهوم ..و عاودو شافو فيها..
اياد(بملامح مفاجئة واضحة):اذن نتي بنتو!!..باباك هو مول الشركة لي عقدنا معاها الصفقة!!
نور(زادو دقات قلبها و جاوبات بتوتر):اه..واش بصاح اذن نتوما لي زرتونا البارح!
اياد(بملامح صدمة):هاها يعني جيت حتى لداركوم بلا مانعيق!!..
دارت ابتسامة توتر و حركات نور راسها بالايجاب...
دار شاف فصاخبو و ضحك :وااا شوووف الصدفة!! سبحان الله!
ريم(سدات الباب و تبعاتو كاتجري):هيييي ساين سااااين!!!(ستاطعات تسبقو و بدات تاتهضر بجهد)مامااااا
صفية(من الصالون تاتفرج فالتلفازة):اشنوووو
ريم(بتوتر):م..ماما عمر جا معايا!!
صفية( خرجات عينيها):عمر؟!!
عمر:(دخل عندها بابتسامة عريضة)خالتي!
صفية(تبسمات ليه تاهيا ):عمر اهلاااا!
ريم كانت واقفة تاشوف فمها بابتسامة خوف 😂😁
بعدما تمشاو شوية جلسو اياد و نور فالكراسى لي كانو محطوطين تما...
نور:(ستنشقات و هزات كتافها كدليل على انها مرتاحة)الله على هوى شحال نقي
اياد:(تايشوف قدامو)حتى انا كايعجبني هوى البحر
نور(حطات يدها على وجهها و شافت فيه..بعدما قالت فنفسها: خاصني نستاغل كل فرصة تاحت ليا باش نجدبو ليا و كيما كالت ريم نبداو بالصداقة و داكشي لاخور ايجي بوحدو):اممم كانظن بيناتنا غير تعارف سطحي تعارف لا يليق بالفيرندز اولا؟
اياد(رسم ابتسامة جانبية و هو تايشوف فعينيها):و شنو بغيتي تعرفي
نور توترات من نضراتو و لكن تداركات الوضع و بدات تاتشوف فجنبو و كاتفكر...
نور:اممم مثلا شنو كاظير فوقت فراغك من غير الرقص؟
اياد:نرسم
نور(بوجه بشوش):هادي عااارفاها شي وحدة اخرى!
اياد:هههم عزيز عليا نقرى الروايات!
نور(خصرات وجهها):امم ماعزيزش عليا الكتوبة بزاف تايفكروني بالقراية...ههه اكثر حاجة كانكرهها
اياد:هههه و لكن راه كاين فرق!..قرائة الروايت و الكتب كاتقفك و كاتخليك تكتاشفي حوايج جداد
نةر(بنفس الملامح تاع قبيلة):امم لا لا ماعنديش مع هادشي!!
اياد(خنزر فيها غير بالضحك):خاص يولي عندك معاهوم ههه غا بلاتي ايلا ما بليتكش بيهم ماتسمينيش اياد
نور:ههههه صافي
اياد:و نتي شنو تاديري فوقت فراغك من غير الرقص؟!
نور:تانرسم حتى انا
اياد:اواااه!!هههه بيناتنا بزاف د النقاط مشتركة
نور:(فنفسها:اححححح بدى تايلاحظ)ههه اه بصح !
تبسمو بزوج و بقاو تايشوفو فالامواج..
⭐⭐⭐⭐
جالسين فالصالون..و تايدويو..
صفية:(كادوي بشوية)ايوا اولظي تفاهمتو شوية؟
عمر(ابتاسم ابتسامتو الساحرة):الصراحة اخالتي بنتك ضريفة بزاااف و شابهة ليك فالجمال..تصلا لي شافكم بزوج يقول خواتات!
صفية(اعجبت بكلانو و تبسمات)الله يحفضك اوليدي ههه
دخلات ريم هازة الصينية تاع اتاي و داخلة شافت فمها لقاتها مبتاسمة شافت فعمر لقات داير ابتسامة مستفزة و غمزها...
صفية:ايوا ابنتي شفتي ولد خالتك شحال ضريف و مصواب ما شاء الله
ريم(بابتسامة بزز):امممم مصواااب بزااااف امااامااا
عمر:(ضحك ليها):رلي يخليك ابنت خالتي...
سكتو لثواتي و نطقات ريم..
ريم:شرب اتاي شرب هاد المرة ماغايكون فيه والو ههههه
خرجات فيها صفية عينيها و هزات كتافها...اما عمر فابتاسم و هز الكاس داتاي و خدا منو رشفو و تبننو عاد شرب جغمة ديال بصح...
عمر:اححح و الصراحة سعداتي
شافو فيه باهتمام لما سيقوله
عمر:ههه حيت نشاء الله فالمستقبل غانولي نشرب هاد اتاي بزااف..
ضحكات صفية اما ريم فحنات راسها زعما حشمانة😅
⭐⭐⭐⭐
اياد:ههههه كاتبان فيك ضريفة و حدودية مايسحابليش ضحوكية بحال هاكا
نور(تاضحك بشكل طفولي):ههههه مازال ماشتي والو😂
اياد:هههه هادشي تايعني ان صاحبي عمر غابتزوج بحمقة
نور:(ضرباتو لكتفو بالضحك)ماضحكش على صاحبتي هههه
اياد:غا سكتي نتي يحسان عوان لي غايتزوج بيك
نور(تزنكات و قالت فنفسها:شنو زعما يكون تايحشي لهدرة؟!!...احم لا لا هاظشي ماتايجيش فسيمانة مااازال مازال):هههههههه
اياد:هههه شكرا انور
نور:هه علاش شكرا؟!
اياد:حيت ضحكتيني...قليييل فاش تانضحك بحال هاكا من قلبي
اياد(شاف فيها شوفة عميقة غير مفهومة...و من بعد ناض ):ن..نوضي نمشيو ماتعطلتيش؟
نور(ناضت ):اهاه يالاه!
ناضو و تمشاو شوية في صمت حتى لجهة الباركينغ...
نور كان قلبها باغي يرفرف من بلاصتو حسات باحاسيس مخلطة تجاهو...حسات بالفرحة و بالحب و بانها تاتعرفو من شحال هادي...حيت من شحاال هادي كانت متابعاه فالصغيرة و الكبيرة...هاد الانسان كانت ادا دكرات لصديقاتها اعجابها بيه تايضحكو عليها...و لكن اليوم تلاقاو و ضحكو و هضرو و تعرفو على بعضهم كتر...
كانو غاديين بييخير حتى لمحات نور شخص مألوف ...حاولات تخبى باش ماتبانش ليه و لكن!
عمر:ايوا مشينا اريم؟!
ريم(شافت فيه بتساؤل)
صفية:غي اولدي
عمر:انا تلاقيت مع ريم غير صدفة حدى الدار و وصلتها...و فالطريق طلبت منها نمشيو نتعشاو و قالت ليا بلي ماتقدرش الا ماشاوراتكش داكشي علاش
ناضت ريم بعدما خنزرات فعمر...و غير فاتت باب الصالة طلقات ضحكة كانت حابساها...
دخلات لبيتها و حلات الماريو جبدات كسوة فالكحل طويلة و ديال السهرة صاوبا ايلاينر و دارت عكر حمر و لكن خفيف شوية و لبسات طالون كحل فيه شوية الفضي و دارت اكسسوارات فضيين...اما شعرها فجمعاتو على شكل سبولة ..
خرجات من غرفتها و تاجهات للصالة لقات عنر مجمع مع مها...و هز فيها راسو طلع فيها و هبط باعجاب...و دار ضاف فخالتو..
عمر:خااالتي و الله حتى تباركالله عليك
صفية:ههه ربي يخليك اولدي علاش
عمر:حيت ولدتي هاد الجمال كامل
صفية(ابتاسمات ابتسامة عريضة ):سير اولدي الله يرضي عليك ماشاء الله تباركالله الصواب !
عمر(وقف):ربي يخليك اخالتي الحبيبة...يالاه هاحنا مشينا...هبطات ريم مع الدروج و هو تابعها..باعجاب ....ديمارا اللوطو و ركبات حداه و جمعات يديها عندها ....
عنر:فين تبغي تعشاي
ريم:انا اصلا ماكلت ليك والو (شافت فيه بابتسامة جانبية و صغرات عينيها)طلعتي قواااالبي كتر مني
حط يدو على يدها مما سبب ليها فتوتر و تبوريشة حيت اول مرة يحط تتلاقى يدها الصغيرو مع يدو العملاقة..
عمر:ههه نتفاهمو انا وياك ابب
دورات وجهها جهة الشرجم و جمعات يدها عندها و بظات تاتبسم بالتخبية...
بقاو ساكتين طوال الطريق حتى وصلو للمطعم لي ماكانش بعيد بزاف...دخلو شدو مقاعدهم ...و شدو الموني...
عمر:شنو طلبي؟؟!
ريم(دات الموني و و بدات كاتشوف فداكشي غاااالي.)احم بغيت غير سالاد نييسواز
عمر تبسم ابتسامة جانبية و عيط على النادل..و طلب زوج اطباق ديال الحوت و ديسير ديال الشكلاط و حب ملوك..و مانساش السالاد نيسواز.
ريم(خرجات فيه عينيها):تلاش اعمر بزاااف !!!
شاف فيها نضررة تبعت الراحة في النفوس و قال:ماتخافيش انا عارض عليك غير ضحكي و فرحي و ماتفكري فوالو!!
ريم(تبسمات ابتسامة خجولة و درات ضفيرتها اللور و هزات فيه عينيها العسليتين):عمر.....!
عمر:نعام(بنصف ابتسامة و عينيه موجهين لعينيها)
ريم:(حشمات و نزلات عينيها):والو صافي!
عمر:(ضحك عليها بسخرية)وينوووو على لي ولات كاتحشم مني صافي دخلاتك الزعطة😂
طلعات ريم عينيها بتخنزيرة الفوق و ابتسامة يا دوب تبان لتحت
⭐⭐⭐⭐⭐
واقفة نور مصدومة كايبان ليها جاي باتجاهها شاف فيها اياد بتساؤل بحيث وقفات حتى وقف عليها...
الشخص:نور؟!!!
نور: أ...أ.....
سامي:(مخنزر فيها)نور اش تاظيري هنا و شكون هدا؟؟!(طلع و هبط فيه)
نور:(تخربقو ليها لي سونتيمون و ماعرفات واش تضحك و لا تخنزر ....فالاخير خرجات ليها ضحكة ديال بزز مخلطة مع شزية العصاب..و دوات و هي سادة سنانها)سامي!!! اش تادير هنا؟!
سامي:(بنفس التخنزيرة)نتي لي اش تاديري هنا و مع دري(طلع فيه و هبط و عاود شاف فيها باحتقار)طوالو ليك الرجلين وليتي تسلكطي مع دراري
خنزر اياد و جمع قبضة يدو تدخل:هي هي هي شكون نتا وباشمن حق تادوي معاها هاكا؟!!!
سامي(حمر فيه مزيان و نطق بغضب):ولد عمها انا و تقدر تكول خطيبها!
شاف اياد فنور لي ملامحها كانو كايوحيو للصدمة ...خنزرات فسامي و نطقات:أ؟!!من نيتك ...(هزات صبعها السبابة بتهديد)شوف بلاما نزيد معاك الهضرة بزاف! بعد مني و ديها فراسك شوية نخرج معامن ما بغيت !
سامي:(خنزر فاياد لي كان تاهو تيخنزر فيه و شدها من يدها):زيدي قدامي نوصلك للدار و نتفاهمو نوريك دخل سوق راسك كيدايرة!
اياد دفعو لصدرو بجهد حتى طلق من يدها...و شاف فنور لي حطات يدها على فمها ...جمع سامي قبضة يدو و ضرب اياد ضربات خفيفة لصدرو بملامح غاضبة:سمع نتااا مابغيتش نحط يدي عليك ...خليك فالتيقار ..هادي امور عائلية بلاما تدخل!!!😤😡
تدخلات نور بعدما شافت التوتر لي بين هاد الزوج...:اياد!!!!! صافي صافي تهدنو(شدات فيد اياد و هزات عينها فيه لقاتو مخنزر)اياد صافي غير سير حتى نعيط ليك واخا!!
حرك اياد راسو بالايجاب و حمر فداك سامي و زاد فحالو....
سامي(شدها بعنف من يدها):يالاه زيدي قدامي!!
خنزرات فيه نور بعدما شافت باسى فاياد لي مشى بلانا يتلفت:شوففف نتاااا راه قبلت نجي معاك غير باش ماتنوضش شي مدابزة اما ولاهما نزيد معاك خطوة!!!
خنزر فيها سامي مزيااان:بقى غيك تلحال حيت ماكملتوش الدوران ماخليتكومش ترومانساو على خاطركم(شاف فيها باحتقار)طلعتي ماساااهلاش!!!!
نور(حيدات يدو لي كان شاد بيها يديها و شافت فيه بملامح غاضبة و صوت عالي و هي هازا صبعها السبابة لي كان تايترعد بتهديد ):شوف اااخر مرة تبقى دير ليا هاكا نتا ماخويا ما با باش تحكم فيا سمعتي!!!
سامي(شد درعانها بحنان هاد المرة و نقص من حدة التخنزيرة):ولكن انور راك عارفاني تانبغيك!
نور(حطات يديها على جبهتها بنفاذ صبر و غوتات عليه بجهد):واش ماكاتفهمش (ضربات قلبها و هي كاتشوف فيه بنضرات تحدي)ماكايبغيكش ماكايبغكش شحال قدني نقولها ليك؟!!!!
شاف فيها سامي بغضب و دار شاف فالناس لي كانو تايشوفةفيه و حمر فيها مزياااان و نقص من صوتو:الناس تايتفرجو غينا زيدي للطموبيل و ندويو!
شافت فيه نور باشمئزاز ...و زادت خلاتو واقف بلاكة...
⭐⭐⭐⭐⭐
مخشعين كاياكلو في صمت حتى دوى عمر
عمر:عجباتك الماكلة(بابتسامة جانبية و لسانو تايلعب داخل فمو)
هزات فيه عينيها و رسمات ابتسامة جانبية:اه زوين
عمر:ايوا هي نبقى نجيبك ليه ديما؟!
ريم(هزات راسها و شافت فيه بوجه طفولي):لاائح خاصك ديني لبلايص خرين ماشي كل مرة نبداة نمشيو لنفس البلاصة
عمر(صغر فيها عينيه):هااا حصلتك هي باغا تبقاي تخرجي معايا!!!
ريم:(ضحكات بطلاقة)ايوا ما حدك لاصقني راه غانبقاو نخرجو!
عمر(ربع يديه و حط وحدا منهوم ودار فيها ديك الشوفة لي الا مادارهاش فيك بوركابي غاردي الزمر لماليه😅):ريم بغيت نتعرف عليك متر هضري ليا عليك!
ريم:(تسارعو دقات قلبها و حشمات من شوفاتو)سول نجاوبك!
عمر:(هز عينيه الفوق تايفكر و رجع دار فيها ديك الشوفة)تانعجبك؟!
ريم(خرجات فيه عينيها و توترات ماعرفات باش تجاوب غفلها ولد الحرام و خرج ليها طايطاي...ترددات فالاول و لكن نطقات):حتى تجاوب نتا اللول!!
عمر:علاياش؟!
ريم:اش عجبك فيا؟!
عمر:هههه يعني عارفة راسك تاتعجبيني
ريم(ضحكات و هزات فيه عينيها بلا ماتشوف فعينيه):تايقة فراسي!
عمر(ضحك عليها):هههه ياك بعدا و اتا تايعجبوني البنات لي واتقات فراسهوم و و لي عينيهوم عسليين و شعرهوم قهوي و فمهم غوزي (مع كانتايدوي كانو خدودها تايتزنكو و تاتشوف فجنب و لسانها تايلعب ف فمها كنوع من كتم الابتسامة) و لي حنيكاتهم تايتزنكو ملي شي حد تايقول ليهوم شي هضرة زوينة ....هاد شي كلو جدبني ليك من اول لقاء !!
ريم:(عضات على شفتها السفلية و ضحكات ضحكة خفيفة بريئة و هزات تاتي فيه عينيها بلا مايتلاقاو بعينيه)هههه سعداتي !
عمر(صغر تاني عينيه و دار ابتسامة شر على فمو): هاااا حصلتي يعني حتى نتي معجبة بيا و مخبياها عليا!
ريم:(عينيها تايشوفو فكل مكان كانوع من التوتر...حيت من الداخل قلبها باغي يطير )لا لا انا؟! ههه ماشي بهاد السهول..
قاطعها...
عمر:(باقي على نفس الوضعية و داير الشوفة المعروفة هه)شوفي فعينيها
هزات فيه عينيها بلاما تنطق حتى حرف ! و هاد المرة شافت فعينيه ....و طرى داكشي لي تفاداتو طوال مدة لقائهوم !
سهاو فعينين بعضياتهوم و كانو شوفاتهوم تايقولو شلااا كلام لفم ماقدرش يعبر عليه ولا ينطقو اساسا! كانت ريم تاتشوف واحد من احسن المناظر ...عينيه!!.....لي وسط منهوم بحر عميييييق ...! ما فوتات حتى ثانية و ستاغلات فرصة الغرق فهاد البحر 🌊!...بؤبؤ عينيها كان تايفحص عينيه من كل النواحي ...!..بحالا تايصورهوم! باش عمر عقلها ينساهوم!!!...
استمر التحديق ديالهوم لمدة دقيقة ...حتى عقلات ريم على راسها و حنات عينيها..
ريم(بتوتر):احم...الط..واليط !
ناضت ريم مدعورة تلفات ليها المشية و شداتها الدوخة 😂...
عمر(دار ابتسامة جانبية بعدما خدى جغمة من عصيرو):كلشي واضح!!ههه😌😏
..
⭐⭐⭐⭐⭐
وصلات نور للدار بطاكسي نزلات حاااقدة على الوضعية...وقفات تحل الباب بالساروت و هي تسمع التبسبيس...دارت لقات واحاد المخلوق حاط رجل فالارض و رجل مكالي بيها الحيط لايطيح.. داير ليزيات فودن و الودن الاخرى مخليها بلاش...لابس توني ديال لاكوسط و سندالة ديال اديداس مع تقاشر خوضر(الخضر ديال اراك من بعيد ..)داير تحسينة صهيب راجل خديجة😂(لي ماعرفاتوش تكولها ليا فالتعاليق نوريه ليها....موهيم عرفتو هاظ النوع ههه نتمنى نكون وصفتو ليكوم مزيان😂)...
المخلوق:(مخصر وجهو و داير تلضحكة ديال بوزبال)مال تيتيز مكشر!
بغات طنش بحال كي تادير ديما حيت ماشي اول مرة تايتبسل عليها.. و لكن مع كانت طالعة القردة تادردك فوق القعدة فراسها ....بردات فيه جنونها:(طلعات و نزلات فيه باحتقار) حيت مازال كاينين بحال هاد البشر!!!!سير ضبر ليك على مايدار ماتبقاش حاضي لغادة و جايا! بحالك هوما لي وسخو الكرة الارضية ...يخ على كمامر كيدايرين(لاحظات علامات الدهول على وجهو ...و شافت فعيباد الله تايتفرجو فيهوم و كملات باحتقار)شنو؟!!هها غايساحب ليك غانسكت ليك!المرة جايا جمع راسك راه سكت ليك بزاف !دير العز لراسك!..
دورات الساروت و طلعات لدارهوم..و يديها تايترعدو بالعصب!..
اما داك المخلوق فجمع شتات نفسو و مشى فحالاتو كاااره و مخنزر
⭐⭐⭐
دخلات ريم للطواليط و طلقات العنان لضحكاتها لي كانو مسجونين و بدات تاتنش على راسها بحماس محاولة ان تقلل من احمرار وجنتيها! وقفات قدام المراية و بدات تاتشوف فراسها حتى ....😲
وقفات قدام المراية و بدات تاتشوف فراسها حتى ...
شافت منضر نساها فعينين عمر و فالبحر 🌊و فكلشي😂...خرجو عينيها و دارت بالعرض البطيء و حتى الشخص دار و تصدمو بزوج غوتو غوتة وحدة😂....ريم عيناها السافلتان زغبهوم الله و شااااافو داك الفار لي فداك ال غار ... حطات يديها على عينيها و لكن بعد فوات الاوان!!!
خرجات من الطواليط تاتجري هزات راسها تاتبان لبها ديال الرجال...ايوا وهي تبدى طرش فراسها و تعاير غابوحدها ..كملاتها بجرية تالطبلة لي كانت جالسة فيها هي و عمر و هزات صاكها و فرتحات...بدون ولا كلمة عمر بقى مصدوم واحاد الثانية مافهم والو عاد دار يمين شمال كاتبان ليه قاصدة باب لخروج....بالدعقة جبد الفلوس زايدة بزااااف على المطلوب و تبعها تايجري(هاد ريم ديما رازية عيباد الله ففلوسهم😂😂) ...
عمر:(و هو تايجري)ريييييم رييييييم!
فيناااهيا ريم!! هههه تاتجرييي و ماعلا بالهاش ...ودنيها تايصفرو و عينيها عليهوم الجلالة ماكرهاتش كون غسلاتهوم بالصابون بعدما شافت داك المنظر 😖🍌.....في غفلة من امرها و بلاما تحس...وصلات للشانطي...و تبلوكات بعدما فيقها صوت طوموبيل جايا من بعيد و تاتكلاكصوني ...ماعرفات مادير داز شريط حياتها كلو قدامها و تخيلات راسها ملي غاتموت اش غايوقع و تاترااات نسااااات راسها....حتى جراتها يد بالزربة...بعدما كان بينها و بين الطوموبيل خطوة!....بفعل الجرة القوية تلاحت عليه ريم حتى طاحو بزوج فالارض ....(عمر طبعا)تلاقاو تاني عينيهوم و يديها كانو محطوطين على صدرو مما سمح ليها تحس بدقات قلبو السريعة....ثم بدأ المسلسل المسكيكي😂
🍍😂a few moments later😂🍍
بعد ثواني تداركات ريم الوضع و ناضت من فوق منو بتوتر و مسحات كسوتها من التراب و بدات تاتفكر شنو وقع...
ناض عمر حتى هو و مسح حوايجو و لقى الناس تايشوفو فيهم..ماتسوق لحد و شدها من دراعها و بدى تايغوت...
عمر:واش نتي حمقة!!! كانت غاضربك طوموبيل
ريم(تحلو عينيها و تفكرات ملي كانت وسط شانطي و حطات يديها على فمها بصدمة و شههقات):اييييييي اويليي!!!
عمر(بملامح معصبة):فين كان عقلك اا؟!!! و زايدون علاش خرجتي بحال هاكاك!!!!...
ريم ماكانت كاتسمع تاحاجة من عاد الشي لي كال عقلها تايفكر فقط فاللقطة لي جرها بعدما كانت كاتفصلها خطوة على الموت...هزات فيه عينيها و تلاقاو مع عينيه مما خلى ملامحو تفرد رويدا رويدا و صوتو تاينقص حتى سكت...بحيت نضراتها كانو قويين و بحالا تايضربو عمر بالقرطاس فقلبو...
ترسمات على فمها ابتسامة عريييضة و تلاحت عليه عنقاتو...خلاتو مصدوم و يديه مكتفين و قلبو تايدق ...نطقات ريم :عتقتي حياتي!!
ناكان لعمر الا ان يهز يدو و يبلها العناق حتى هو ...وسط بنادم لي غادي و جاي ...شي تايشوف فيهوم باعجاب و شي تايعاير فيهوم!..
اما هوما مامسوقين لتا حد عاااايشين اللحظة معانقين تعنيقة ديال القلب..هاد التعنيقة ماتواصلوش فيها العيون انما تواصلو بها القلوب قلوبهوم لي كانو تايتكلمو ....سمحو لهاد التعنيقة دوم لمدة زوج دقايق كاااملة و عاد عاقت ريم براسها و طلقات منو لقاتو داير ابتسامة عريييييييييضة ماعرفاتها واش ديال استهزاء ولا شنو ماقدراتش تفسرها...بقات غير ساكتة ختى زاد و تبعاتو من اللور للطوموبيل..
⭐⭐⭐⭐⭐
طلعات نور لبيتها و بدلات حوايجها و جبدات التيليفون صونات على ريم و لكن ماجاوباتهاش...و خارت ماعرفاتش ولش تصوني لاياد ولا لا ...
نور(تادوي مع راسها):اوفففف نصوني ولا مانصونيش؟! اووووففف باينة ماغايكونش عجبو الحال(خرجو عينيها)ناااااري عااك يكون تاق بلي هداك خطيبي!!!! اميييمتي ! سير يا سامي الله يعطيك ماعرت شنووو تفوووو على زمر كيداير بنادم تاتنخليه و تقمعيه يبقى تابعك تفو😑...(بحيرة)اووووووف نصوتي ولا لا؟!!!!!....امممم اندير القرعة!..
ناضت هزات زوج وراق وحدة زرقة(هي تصوني) و وحدة حمرة(هي ماتصونيش) و غمضات عينيها و هربقاتهوم....و هزات وحدة...
مازال ماكملاتش هضرتها حتى صونا التيليفون...و كان اياد!...
نور(غوتات بحماس):ااااااااا حتى هو كان تايفكر فيا احححح (نشات على راسها و جاوبات)..
نور:الووو اياد!
اياد:نور لابلس واش وصلتي لدار؟
نور:اه اه وصلت
اياد:شكوناهو داك الحيوان؟!!!
نور:اوففف هاداك واحاد ولد عمي داير فيها بطل
اياد:واش بصح خطيبك
نور:(خرجات عينيها)لا لا اويلييي راه غير تايدوي انا منخلاه و هو تابعني
اياد:اممممه ...باك بيخير وصلتي مادار ليك والو؟!
نور:اه اه لا بلاما تخاف(كادوي و كاتعض ضفارها بغنج و هي دايرة ابتسامة خجولة)هه
اياد:هههه يالاه بسلاما دبا شوية و ندويو فالواتس
نور:واخا بسلامة...
قطعات نور و ناضت كاتنقز فوق الناموسية...
نور:اححخ صونا صونا صونا!!!!! ااااي مامتيقاش !! هادشي (و هي معنقة تيليفونها) تايعني انه مهتم بيا و مخصص من وقتو باش يفكر فيا😍😍
سمعات نور صوت مها تاتعيط ليها و نزلات من الناموسية جمعات شعرها على شكل سفنجة و هبطات لقات باها واقف فالكوزينة و تايدوي مع غيتة بعصبية...دار عند نور و شاف فيها بملامح غاضبة...
حلم الراقصة الصغيرة الجزء الثاني
محتوى القصة
التنقل بين الأجزاء