حلم الراقصة الصغيرة الجزء الثالث

من تأليف Salma Err
2018

محتوى القصة

رواية حلم الراقصة الصغيرة

نور خرجات فيه عينيها و بدات تادورو هاد الاخيرين..
احمد:(بنفس العصبية)معامن كنتب خارجة (حمر فيها)دوي!!
نور(تزنكات و حنات راسها و ماعرفات ماتقول...باها احمد ماشي من النوع المتفتح..ماكايبغيش بنتو تخرج مع الدراري..):ك..كنت مع ريم..
احمد:(بالغوات)ماتكدبيش ماكنتيش مع ريم!!!!كنتي خارجة مع شي دري!!! شكون هو و اش كنتي خارجة ظيري معاه!!!
نور(هزات فيه راسها و بدات تاتمسكن):لا لا اباباا!!! ماتفهمش غالاط علاه ماتاتعرفنيش!!!دبا انا خرجت مع ريم و تلاقينا بخطيبها (خنزر باها)غييير بالصدفة !!!كان هو و صاحبو.... ياك ابابا!! دراري ضريفين رجال ماشي براهش !!! بقينا تانتمشاو فالكورنيش و دوينا و جبدنا الهضرة على الخدمة و داكشي و قالو لينا بلي هما شركاء عندهوم شركة ديال مواد التجميل و داكشي....قلت ليهوم حتى بابا!...و سوليني على سميتك....و عرفتي شكون صدقو!
احمد(كان فهاد الفترة كاملة عاقد غوباشتو):شكون
نور:هوما مالين الشركة لي بغيتي تعقد معاهوم الصفقة!!
احمد:كيفااش!!😮
نور(كاتمسكن و تحلف):و الله ابابا مانكدب عليك هداك لي لقاني معاه سامي هو اياد ! كان مسكين ناوي غير يوصلني حتى لباب الدار ملي عرفني بنتك و الله ساعا جى داك سامي و بدى تايعاير فيه و فيا و بغى يجرني بززز يركبني معاه عصبني و شديت طاكسي و رجعت لدلرنا....و الله ابابا ماكدبت عليك
احمد(باقي مخنزر):عاد اياد هو لي شاعندنا لبارح! و لكن نتوما اش لاقاكوم بيهوم!!!
نور:واااا كلت ليك ابابا هاظاك شريكو ...عمر ولد خالت ريم و خطيبها و تلاقيناهوم غير صدفة!
احمد:(مابقاش معصب)و لكن داك سامي جا عندي للشركة و بدى تايخربق عليا حقا هارجة مع شي دري و بدى تايقول شي هضرة ماهياش
نور:(خنزرات)والله ابابا هاداك واحاد الغراااااق مارضاش ملي قمعتو! بابا كوليه يبعد مني و يفوتني عليه 
احمد:(خنزر فيها)وا صافي صافي ماضسريش!
نور:(حنات راسها)وا سمح ليا ابابا!
احمد:احم...صافي صافي طلعي لبيتك!
ماعاوظاتش نعاه الهضرة و طلعات لبيتها و هي مخصرة وجهها و تادعي فخاطرها على سامي..ماكانتش باغا تعاود ليه كااااع على اياد او بلي انها تاتعرفو ...!قررات تقولها لاياد باش ختى ايلا جبد معاه باها الهضرة يكون عارف مايقول
طلعات لبيتها و هزات التيلي لقات اياد مسيف
ط ميساج فالواتس...فيه سلام نور.
نور(دارت اوديو):سلام اياد!...امم بغيت نقوليك شي حاجة!
ماكاملاش دقيقة رد عليها اياد:اهاه قولي
نور:عرفتي داك ولد عمي جى عند بابا و قاليه بلي كنت خارجة معاك...و بابا باش مايمشيش بالو لشي حاجة عاودت ليه غليك و قلت ليه بلي راك كاتعرفو
اياد(دار اوديو):مزيان ملي كلتيها ليه! باش حتى ايلا شي مرة بغيتي تهرجي معايا يعرف انك فالامان..
نور:اممم اياد...عافاك ماتقولش ليه على الرقصة ولا شي حاجة
اياد:عارف عارف ماتخافيش!

بعدما وصلو قدام دار عندها عمر و شد في يديها و هي حانية راسها..
عمر:ريم نساي عليك كلشي و خلينا نعيشو بحال زوج مخطوبين و نحيدو هاد الحاجز لي بيناتنا !!
ريم:عمر نهضرو من بعد عافاك بسلامة
...كانت خارجة و جرعا من يديها حتى جلسات و قربرليها باس خدها ...و طلق منها خرجات خلاها مصدومة و شادا حنكها لي تزنك...
طلعات تاجري لقات مها واقفة عليها كي الجادارمي...
صفية:(حبساتها)اجي اجي اجي!
ريم:اه شنو اماما؟؟
صفية:فين مشيتو و فاش دويتو؟؟
ريم:(ربعات يديها)مشينا للريسطو و كلينا الحوت...و تعارفنا شوية على بعضياتنا صافي و جينا!
صفية(صغرات فيها عينيها):صافي؟؟؟
ريم:و الله العضيم اماما مالي غانكدب
صفية(ردات ليها ضفيرتها للوراق و قاست وجهها بحنان):اييييه البنية لي معمرة عليا الدار قربات تمشي😭
ريم:وا ماماااا وا ماتقوليش هاكا انا عمرني نخليك و الله!!!
صفية:(مسحات دميعاتها )لا لا ابنتي...احم موهيم سيري بدلي حوايجك و هبطي تعشاي الا بغيتي..
ريم:واخا اماماتي هانا جايا...
مشات ريم لبيتها و لاخت الصاك فجيه و الطالون فجيه و تلاحت فوق الناموسية و بدات تاتفكر كلشي لقطة بلقطة...من النضرات لي كان تايدير فيها...للنضرات لي دارت فيه....و ملي عتقها و ملي تعانقو و ملي باسها!!!
حطات يدها على خدها:😍😍😍اه باسنييي ااااااا انا مامتيقاش(تاتفر كل برجليها)اوفففف قلبي كايطييييييير!!!
كانت بيييخير فرحانة و قلبها تايرفرف تا طاح فبالها داك المنضر لي شافت فالطواليط😂 و هي تكحل بالعمى ناضت دغيا و تاجهات للطواليط و بدات تغسل فوجهها...

Ett ouiiii ...
داز شهر ...
شهر يحمل معه مستجدات كثيييييييرة ....
و عندي ليكوم زوج اخبار....واحد زوين او واحد خايب!(مازال عاد غاتعرفوه نتوما و نور دقة وحدة)
الخبر او الخبااااار الزوينة كالتالي!:
الرباعي ديالنا علاقتهم تطورات بشكل كبيييييييير...! ولاو تايتلاقاو ديما ...تايخرجو مجموعين !!...
غاتسولو واش ريم و عمر تصالحو غانقولكم ايييه و من داك النهار...
قررات ريم بعدما استاشرت مع الاء تصالح معاه و تعطيه فرصة لانهم بزوج تايتبادلو مشاعر اعجاب (ماشي الحب حيت عاد اللخير تايجي مع العشرة)..
نور و اياد😶🤐 امممم....(تنهدت)طراااااو بيناتهوم حوايج زوينين(مرة مرة غانتفكروهم فالفلاض باك)و علاقتهون ولات قوية ...كاصدقاء فقط..! ولا تايدوي معاها وقتما لقى شي وقت خاوي و هي كذلك...تايرتاح ليها و تاترتاح ليه....كتاشفات فيه حوايج خلاوها تزيد تعجب بيه..ولكن مابغاتش تقنع عقلها انها كاتبغيه...ديما كاتقول انها كاتعتابرو مجرد صديق لكن واخا هاكاك منجادبة ليه بزااااف!....اياد ماكدبش عليها و بصح حببها فالرويات...و فعلا عجبوها....ولكن باقي ماريضيش عليها خيت تاتقراهوم فالتيليفون و مازال ماهداها الله تقرى الروايات فالكتوبة ... و لكن اكثر حاجة خلاتو يكبر فعينيها هي نهار قال ليها...

⏳فلاش باك⌛

كانو جالسين فمطعم متواضع حدى البحر تايدويو فمواضيع مختلفة و تايضحكو بطلاقة ..
نور:(بطلاقة...شافت فيه و هي حاطة يد على حنكها و يد فوق الطبلة...و دارت واحاد الابتسامة مع عينين مصغرين)عاود ليا!!
اياد(مربع يديه و تايشوف فيها بنفس الطريقة):ههه شنو نعاود؟!💁
نور(بنفس الطريقة لي كان تادوي بيها فاللول):ههه (عضات على شفتيها بعفوية و هي تاضحك و عوجات راسها )الحب اللول 😉
اياد(رجع اللوى و و دار ابتسامة جانبية و شاف الفوق بحالا تايفكر...شوية ضحك و شاف فيها):هههه ماكاينش و عمرو ماكان...عمري حسيت براسي تانحب...بالنسبة ليا داكشي غاتخربيق...و كاين غير فالافلام و الروايات...نقدر نقوليك انني ماكانآمنش بيه ! 
نور(مع كان تايدوي كانو عينيها تايتحلو):واااايلي(رجعات اللور و شافت فيه بملامح صدمة و هزات صبعها)بلاتي....هادشي تايعني انك عمرك تصاحبتي و داكشي....(هزات حجبانها تاتلمح لداكشي😂)
اياد:(ضحك حتى بانو سنانو)ههههه داكشي؟؟!!!لا لا 😂...(رجع شاف فيها بجدية)بغيتي الصراحة؟!!
نور(شافت فيه بتشكيك):اه اه عتارف!....(هزات حاجب و هبطات لاخور)اصلا ماكانضنش كاين شي ولد عمرو دار...داكشي!😞😶
اياد:هههه بالك مشى بعيييد!...هههه الصراحة...هو انني..امم ماعنديش مع البنات..هه..ماعر..
قاطعاتو نور حالة فمهاو مخنزة بصدمة:لاااا!!....ماتكولهاش

اياد:(شاف فيها بتساؤل)شنو؟!!(عاد طلعات معاه)اويلييي!!! ولا ناااري عقلك ماشاء الله تايمشي غير للافات
نور:(حشمات)احم احم زدت فيه كمل..(تحت سنانها)اوفف الحمدلله
اياد:ههههه ...دبا انا تانشوف ان البنات كلهم..(هز حجبانو و شاف فيها فبراءة)احم ماتانعممش...تقريبا😅..اممم همهم الوحيد هو الخروج و التفلية!..طايشااات(هز كتافو)و صعيييب تلقى انسانة عاقلة و فشكل فعقليتها....و بصراحة و بلا مانكدب عليك...عدد البنات لي عارفهوم فحياتي كصديقات محدوود...و حتى وحدة فيهوم ماكنت كانحسبها سبيشال...كانو كلهم بحال بحال كلهم باغيين الفلوس...و همهم هو يلبسو حوايج غاليين يديرو داك الماكياج...كانحس بعقلهوم خاوي...! هههه تانضن ان هادشي علاش عمرني حسيت داكالشعور ديال الحب!! و ماعرفوش كيداير!!.
نور(ملي بدى الهضرة و هي تاتشوففيه على امل يقول عليها شي حاجة زوينة و لكن حطم امالها خصوصا بعد الجملة الاخيرة...بعد حديث طويل مع نفسها قررات تسولو)اممم(كادوي وهي كادور فعينيها و باينة عليها من نبرة صوتها الخجل)يعني تا انا!!! تاتعتابرني...
اياد(دغيا جمع التخنزيرة و جر يديها شدهوم فيديه مما سرع دقات قلبها):لا لا ...و الله ماعليك بالله نتي و الله حتى ....ماعرفتش! نتي عزيزة عليا بزاااف! و تانحس بيك مختالفة على هاد الشي لي ذكرت كلو!...انسانة عااادية طبيعية ماتاتصرفيش بطلاقة ...و بعفوية!! ماعزيزش عليك تمشي لبلايص غاليين....بصراحة نتي انسانة فشكل و انسانة محقق فيك كاع داكشي لي كنت كانضنو منقارض فالبنات!
نور(كاد ان يسكت قلبها😂 بعد هاظ الهضرة لي ماعرفات باش تفسرها..واش كتلميح لاعجابو بيها او..او..او..عقلها مابغاش يبدى يفكر بزاف كتافات ب)اياد هاد الهضرة كاتعني ليا بزااااف شكرا بزااااف
اياد(رسم ابتسامتو البريئة على فمو):و الله حتى غير الحقيقة انور نتي انسانة نادرة!..

⭐⭐⭐⭐

ومن داك النهار لليوم...! و هي تاتساين على امل يعتارف ليها بحبو!!!...و لحد الان هضرتهوم منحاصرة فمواضيع صداقة و صافي....
اليوم...يوم ماشي عادي بالنسبة لبطلتنا!...اليوم عيد ميلادها..فاقت متحمسة بزااااااف متشوقة للحفلة لي غايديرو ليها صحابها...هبطات عند مها للكوزينة بعدما لبسات حوابج للخروج...اصلا فاقت معطلة حيت ليوما الحد...
نور(بحماس):ماماااااتييييي!(وقفات قدامها ببراءة)
غيتة(ضحكات و قرصات حناكها):هههههه عيد ميلاد سعيد بنوتيييييي الشارفة(باستها)ايييييه بديتي تكبري يالخوينزة
نور:ههههههه و مالي بغيت نبقى برهوشة؟! باراكة عليك غير نهال و صداعها😂
غيتة:ههههه وا جلسي تفطري...شفتك لابسة
نور(كاتمسكن):وا ماااما ليوم عبد ميلادي خليني نخرج مع ريم !! نتساراو و نعيشو لا فيدا
غيتة(صغرات فيها عينيها):لا فيدا!!!احياااااتي سيري نتي راه خاصك تحولي لدار ريم راك كاعما بقبتي كاتعمري معانا!!!
هربات نور قبل ماتكتر عليها النقير..😅

وصلات نور عند ريم ...و صونات ليعا فالتيليفون باش تخرج حيت دايرين يخرجو يتساراو...
ريم:(جايا من بعيد ناتغوت)نوووووووور عيد ميلاد الليلة مين
نور:عيد ميلاد النونة
ريم:هانفرح ست الحلوين
نور:و نشلها فعيونا!!
عنقاتها ...حتى ولات كاطلب الشرع.😂😂
نور:فين غانمشيو؟؟
ريم(بملامح قلقة):اوووفففف عارفاني ....عارفة بلي انا هي الفرشة بوان كوم...او فمي تاياملني
نور(سدات ودنيها و سبقاتها تاتجري):ماتكوليش!!! العاااار الا كانت شي مفاجئة خليها مفاجئة
ريم(غمضات عينيها و دوات ملي كانت نور سادة ودنيها ولكن حالة عينيها):قررت انا و عمر و حتى اياد..نديرو ليك حفلة عيد ميلاد فالكاراج لي كادربو فيه نتي و اياد..

💕على ذكر الكاراج....رقصات اياد و نور ماكبسوش غير عند هديك الرقصة فالمتابعين طلبو المزيد..الشيء لي خلاهوم يوليو كل سيمانا يديو رقصة دبا وصلو لربعة الرقصات..!⭐

حطات نور يدها على جبهتها بعصبية:فهمت شنو قلتي!!!
ريم:اوووووف قريتي حركات فمي تاني!!!
نور:اوفففف صافي بعدي مني !!
زادت و خلاتها تابعاها حتى شداتها....
ريم(شاداها من دراعها و تاتحزر)شوفي غير يالاه و ديري راسك ماقلت لبك والو و تفاجئي
نور خنزرات فيها و شدو طاكسي...
ريم(باقة شادة فدراعها):وا صافييييي وا ضحكي يااااااه ماعرفتي السي اياد اش جايب فالكادو ناتعرفيه يطلب يدك متلا؟!!!!
نور(ابتاسمات ربع ابتسامة):اممم هه
ريم:هااااا هانتي ضحكتي!...
بداو البنات تايضحكو....و بعد دقائق وصلو للكاراج خلصو الشيفور و نزلو..زادت نور قدام ريم...و هاد الاخيرة صيفطات ميساج لعمر و خبراتو بوصولهم بلا ماتبين لنور...(واخا فرشات كلشي فاللول😂)
ماهي الا ثواني حتى تحل الكاراج على غفلة و شعلو الضواو باتجاه نور و الجميع نطق...
🎊🎉Happy birthdaaaaaaay🎉🎊
حطات نور يديها على فمها بتفاجئ و عينيها تايلمعو...
نور(دخلات بخطوات بطيئة للداخل ):اووووو شكرا شكرا بزاااااااف!!! و الله حتى فرحتوني!!!
تقدمو التيتيز حداها و سلمو عليها بلابيز..و باركو ليها...
عمر:عيد ميلاد سعييييد الله يبارك فيك...تعيدي و تعاودب 😅
ضحكات ريم و حركات راسها يمين شمال تاضحك على هضرتو..و نطقات:ههههخ عدريه انور ماهندوش مع داك الشي ديال الصواب
ضحكات نور بحماس:هااااانية اخويا عمر وصل لميساج ديالك
تبسم اياد و شد يديها بحنان: نور هابي بيرذدااااي عقبال لسنين الجاية ان شاء الله😍
نور(فرحات لطريقة لي شد بيها يدها و دوى معاها ..و هادشي كان باين من ملامحها المتحمسين و الضحكة الواسعة لي ضاهرة على فمها):شكرا شكرا بزاااااااف اياد!!!!
طلقات الموسيقى...و بداو اصدقاء نور (اغلبهم تايقراو معاها فلافاك ) تايباركو ليها....ملي سلمات على كلشي مشات جلسات رفقة الشلة فواحاد الطبلة ...و بداو تايهضرو....
نور:الدراري و الله فغيمون ميغسي حيت تفكرتوني ....ناتصوروش شحال فرحانة !!!!
اياد(ابتاسم ليها):مابيناتناش انور دبا راه ولينا صحاب و مابقاوش بيناتنا كلمات الشكر..!
ضحكات ليه نور بامتنان...
ابتاسم عمر و جبد بواطة من جيب الفيست لي لابس...
عمر:هادي هدية بسيطة!! نتمنى تعجبك انور!!
شداتها نور من عندو بحماس!!...حلاتها لقات مكانة راقية الشكل ....
نور(بملامح تفاجئ):اوووو عمر شكرا بزاااااااف ...ماكنتيش تعدم راسك!!!
عمر(بوجه بشوش):هااااانية انسيبتي مابيناتناش!!!
ضحكات نور:ههههههه ربي يخليك 
ريم(جبدات بواة و بدات تاتلعب بيها بيديها):تارااااا ختى انا مانسيتكش
شداتها نور من عندها بحماس...خلاتها لقاتها عامرة باوات الرسم...
نور:😮😍😍😍😍😀اححححححح شكرا حبييييبتيي !!!
ريم:ههههه عرفتك من شحال عاظي و نتي باغا تشريهم غير مالقيتيش الوقت..قلت نجيبهم ليك..!
نور:شكرا حبييييبتي و الله تا عجبوني بزااااف😍😍😍
عنقاتها ريم و بداو تايضحكو....عاد جبد اياد كارطونة شوية ...و ضحك بحماس...
اياد:ههههه و هاهو كادويا انا نتمنى يعجبك هههههه
شداتو ريم بيدين مرتجفتين و وجه متحمس....حيت كادو اياد ماشي بحال اي كادو ...اياد بلاصتو بووووووحدها...انسان كاتبغيه ....فحاجة عادية انها تحمس لكادو ديالو كتر من اي واحد ....

حلات البواط و كاتلقى عرااااام ديال الكتوبة بمختلف الاحجام و الاشكال..
اياد(بحماس):هانا جبت ليك الكتوبة و الروايات لي مابغيتيش تشريهم ههههه دابا غاتقرايهم بزز منك ماعندكش عذر
ضحكات نور حتى بانو ضراسها :هههه شكرا ا اياد بزاااااف دبا غانولي نقراهوم من الكتوبة
اياد:ههههه وا هاكاك...!
بقاو تايدويو فمختلف المواضيع و تايضحكو...و كان اياد كل شوية يصوني تيليفونو و تايقطع بعصبية..و تايحطو بعدم اهتمام...
ريم:اياااااد!!! شنو بان ليك تنوض تعزف فالبيانو؟؟؟!
نور تحمسات للفكرة: اه اه ا ايااااد!!!! 
عمر:قولو ليها تغني راها مرة مرة تاتغني ليا ملي تانكونو بوحدنا...صوتها واعر!!!
قرصاتو ريم من يدو بلا مايلاحظ حد و جاوبات بتوتر:لا لا ماتسمعوش ليه صوتي عذاب!!!!
نور:(نوضاتها )و و الله و مانضتي غنيتي تانتخاصم معاك...وا عيد ميلادي هادا زعما!!!!
ريم ناضت بنفاذ صبر :اوففف غير باش ندير ليك خاطرك و صافي(قربات لودنها)غانغني اغنية ديال حشيان الهضرة..!
ناض اياد رفقة ريم لجهة البيانو ...و شدات ريم الميكرو...
ريم:درااارييي البناالت...مرحبا بيكوم فعيدميلاد ختي و صاحبتيييي...(شاف فيها كلشي باهتمام)قررت انا و اياد..نصدعوكم ههههه..هو غايعزف و انا غانغني....نتمنى تعجبكوم....
قربات ريم لوظن اياد اياد و قالت ليه على الاغنية باش يعرف كيفاش يعزف....
وقفات نور هي و عمر تايشوفو فيهوم بحماس...و نور عينيها على ريم تاتساينها شنو غاتغني...و اشمن نوع ديال حشياان الهضرة قصدات.....
بدى اياد العزف🎹....و بدات ريم الغناء🎤(اغنية: عمبتعلق فيك_نانسي عجرم)

🎵عَمْبِتْعَلّق فِيك شْوَيِّ شْوَيِّ🎵 وْ عاَمْ حِسّْ بْحِنِّيِّي🎵🎵

ولا مرة حَسَّيْتا بْعُمْرِي...🎵لي عِشْتُو اناااااا!!

🎶🎶إِلِّي اِنّكْ حَاسِسْ فِيّيِ ..🎵 وْعاَرِفْ شُو بْيَحْكُو

عَيِنَيِّي..🎵لَمَّا تِمْرُؤ حَدِّي وْ بِيرْجُفْ جَنْبَكْ

اَناااااااااا🎵🎵 اَناَ عَمْ بَلِّش حِبَّكْ.. اَنَا لَمّا بْشُوووفَكْ

بِتْلَبَّكْ ...مَعَ اِنَّكْ بِضَّلَكْ سَاااااكِتْ..🎵أَلْبِي عَمْ يِسْمَعَكْ

🎵🎵اأَنا عَمْ حِبَّكْ هَلأَّ اَنَا بِعْيُوووونَكْ عَمْ بِتْعَلأ !!!!

بقات نور متبعة معاهااااا و تاتشوف فإياد لي تايعزف بتركيز...اما ريم فكانت كاتشوف فعمر و تاتقصد كل كلمة تاتقولها...كملو الاخنية و كلشي بدى تايصفق....رجعو طلقو اغاني ديال الحفلة و نضمو لنور و عمر....
عمر:كنتي تاتغني عليا؟!!
ريم(دارت ضحكة ديال الحشمة):شوية و صافي😂
اياد:هههه صوتك الحقيقة زوين اريم...
نور فنفسها:تفووو بالك غالصوت ماحسيتي بوالو ملي سمعتي الاغنية!!!!
ريم:شكرا ا اياد حتى نتا تاتعرف تعزف مزياااان 
بقاو عاوتاني تايدويو حتى صونا لاياد التيليفون للمرة الالف و ستادن منهوم و مشى يجاوب...

ريم(لعمر):مال اياد؟؟!
عمر(عوج فمو بقلق):اممم تالمن بعد و نقولك...
شافت فيه نور محاولة تسمع شنو قالو لكن مافهمات والو و دورات وجهها بملامح قلقة تاتشوف فاياد تابدوي و تايحرك يدو بعصبية ...فالنهاية قطع و تقدم لعند الشلة..
اياد(موجه كلامو لنور):نور...ماكاتمانعيش ايلا حضرات واحاد الضيفة معانا للحفلة؟!!
نور(دورات عينيها و بدا قلبها تايضرب بجهد و عقلها تايحلل ديك كلمة بنت لي كال و شكون غاتكون..نطقات بتساؤل)شكون هادي؟!
اياد(دار ابتسامة جانبية)غاتجي و تعرفيها...
نور(حيدات كاع الافكار السلبية من راسها و اكتيفات مود.:التفاؤل):اممم اوك واخا..
مشى اياد و تاجه لباب الخروج...و حل الباب....اما نور فدارت شافت ريم لي كانت حتى هي تاتسائل و ما فاهمة والو...
حتى كايتحل باب الكاراج و كادخل فتاة جميلة ذات شعر اسود..و ملامح جميلة لابسة كسوة كحلة قصيرة بزاااف...و طالون اسود كذلك...هازة صاك فضي و داخلا تاتلعب بشعرها...
غير دخلات تلاحت على اياد سلمات عليه بلابيز بزز و كان باين عليه التهرب...
البنت:(بحماس)اياااااد!!!
اياد(بابتسامة ديال بزز)دخلي...
دخلات البنت تادور فراسها ...حتى جا عندها اياد...
البنت:اياد ماقلتيش ليا عارضين على هاد الناس كلهم!!!
اياد(بضحكة ديال بزز عاوتاني):رااه ماشي عيد ميلادي انا ا مروة راه عيد ميلاد صديقة ديالي و صافي...
مروة(من تحت سنانها و هي تاتمشى بتمايل بحالا تاتشطح ماشي تاتمشي)اممممه صديقة و دايرو ليها فالكاراج ديال دارك!!!
وقفو مروة و اياد على الشلة لي كانو اصلا تايشوفو فيهوم بملامح غير مفهومة ....
اياد:تاتقدم ليكوم مروة..!
سكت للحظة...و عاود نطق...:خطيبتي..!
😨😨😨
كانت الجملة كفيلة باش تهبط لنور المورال ديال النهار كااااااامل... كانت جملة كفيلة باش تهرس قلبها....كانت كفيلة باش تخليها مصدومة و بلا حراك....كانت كفيلة باش تخلي تنفسها يتخربق...حسات بالغدر و الخيانة واخا مابيناتهوم والو...فديك اللحظة ماكرهاتش تهرب ولا تهرس كلشي...بزاااااف ظالسيناريوهات دازو قدامها فديك اللحظة....شافت فيها ريم باسف و رجعات شافت فاياد اي كان تايدوز يديه على فمو مع تخنزيرة ...اما عمر فحتى هو مكانش عاجبو الحال و كان هاد باين من ملامحو..
نطقات مروة و مدات يديها لنور هي الاولى...و بدات تادوي بصوت مبعكك:سالااااام باينة نتي هي مولات العيد ميلاد 
شافت فيها نور بنضرة برود و خلاتها بلاكة...
شافت نور فكلشي و قالت:س...سمحو ليل....الطواليط...غانمشي للطواليط!(و مشات تاتجري للطواليط)
نطقات مروة من جديد باستهزاء و هي تاتشوف فالجميع:هههه هادي مالها😂
خنزر فيها اياد و مشات جلسات حداه...

نور(واقفة تاتشوف فالمراية بملامح جامدة و تادوي مع راسها):ماتبكيش! ماتبكيش! نور ! شووووت !! صافي ما وقع والو (باوعينيها تايتغرغرو)اممم والو!! (نزلات دمعة... و هنا نهارت و بدات تاتبكي بحرقة)والو والو ئهئهئهئهئهئهئهئه حشومة علءهييييييييك!!!!(كاتبكي و كاتشهق)ئهئهئه بعد كاااااع هاد التلميحات!!!! يقول ليا خطيبتو!!!!
دخلات عليها ريم و عنقاتها...
ريم:اوفففف صافي انور تهدني شوية!!!!
نور(خنزرات فيها بيديها تايترعدو و الدموع شلال من عينيها)كيفاش !!ك...كيفاش نتهدن و هو عاظ دبا شوية قدم ليا خطيبتو عرفتي شناعيا خطيبتو!!!!!!😭😭😭😭😭لا لا مايمكنش!!!!! هو كال ليا انه ماكايبغيش اي وحدة (شهقات)كال ليا اني انا الوحيدة لي لقاني متميزة!!!! ريم!!! هو راه لمح.....ئهئه لمح بلي باغيني
ريم(شداتها من دراعها و غوتات):هيييييه ديري عقلك انور تاحد مايستاهل تبكي عليه بهاد الطريقة!!!غسلي وجهك و نتي دغيا خناينك دايزة!!!!! (شافت فيها نور بغضب) وا حنززي فيا كلت ليك غسلي وجهك و جمعي خنونتك!!!!
حنات نور راسها و جمعات شعرها لي كان مطلوق و بدات تاتغسل فوجهها ....نفدات اوامر ريم بحالا دارت ليها التنويم المغناطيسي!!!! و سالات مسحات نيفها و شافت فريم لي جبدات البودرة من ساكها..دارتها ليها و عاودات قادات ليها الميكاب بحلا عمرها ما بكات ....و هزات ليها راسها و حمرات فيها ...!
ريم:شوفي فيا غاتخرجي و غاضحكي!!بحلا ماوقع والو....(ضحكات باستهزاء)ههه كلناها غير بالضحك ساعا صدق ولد الحرام!

⌛فلاش باك⌛

كانو ريم و نور جالسين فبيت نور مجمعين تايضحكو....هادشي كان بعد لقاء نور باياد لي هضر فيه ليها على الحب....
ريم(بحماس):يااااااي يعني دبا هو يقدر يكون تايبغيك و لكن ماحاسش براسو!!
نور(كادوي بحماس و كاتعبر بيديها):ياااااي تايبغيني(تلاحت عليها عنقاتها)اياد كمال....الحلم المستحيل....وا كايتحقق (طلقات منها و شافت فصبعها)اححححح امتى يتخشى فهاد الصبع الخاتم!!! و نولي تا انا نتفايش بيه ماشي غير حيت مخطوبة!!!!
خيت مخطوبة باياد كمال هههههههه
ريم(ضحكات ليها شوية و رجعات شافت بتكيك):شوفي هاه واخا هاكاك ماتفرحيش بزااااف
نور:😶😮 كيفاش؟!!
ريم:شتي ماحدو ماجاكش طاي طاي و كال ليك نور اتا كانبغيك....ماتيقيش ...بحال والو السيد شي نهار يجيب وحدة و يقوليك سلام هادي خطيبتي ولا مراتي كاع😂😂😂
نور:هههههههه من نيتك تانكول ليك السيد قال ليا انا متميزة متميزة!!!!!
ريم(هزات حاجب و نزلات لاخور):نفتارضو دارها!!!
نور(حنات راسها و دوات باسى):غانبكي و غايبقى فيا الحال(هزات راسها و ضحكات)و لكن ايادو ديالي مايديرهاش😂😂
ريم(شافت فيها باستهزاء):غاتبكي من نيتك؟!!!!.....وا راه بالعكس الا وقعات شي حاجة بحال هاكا....خاصك تكوني قوية!! و تدفعي الصنطيحة و تبيني انك مامسوقاش و غير ماتزيدي تبيني ليه انه ماماينش بحالك ديك الساعة غايندم!!!...
نور:هههههههه لن يحصل شيء كهدا(غمزاتها و خشات شكلاطة ففمها)

⌛نهاية الفلاش باك⌛

ريم:عقلتي شنو قلت ليك ديك النهار؟!!!
حركات نور راسها بالايجاب و وجهها باقي مقلق...
ريم:(هراتها)ضحكي يالاه ضحكي هههععع
ضحكات نور بزز منها....
نور(بوجه مبحوح حيت شبعات بكى):ر..ريم شنو ندير
ريم......

خرجات نور رفقة ريم من الطواليط براسها مرفوع و هي مصطانعة ضحكة وااااسعة...تاجهات للطبلة لي فيها الشلة...بانت ليها الاخت حاطة رجل على رجل و تادوي مع اياد و هو ماداير حتى رد فعل...و الواعرة هي انها جالسة فبلاصتها....خدات نفس عميق و زادت وسعات ضحكتها...و جلسات فكرسي معزول على الفوتوي لي كانو كالسين فوق منو كلهم...
نور:ايواااا(شافت فاياد و صغرات عينيها و هزات صبعها السبابة تاتحاسبو)اياد!! خاطب و ماقلتيهاش ليا واخا عليك ما صداقة هادي ما والو (ضحكات)
اياد(بانو على ملامحو لي كانو باردين فاللول شيء من التفاجئ و نطق بتردد)اا..ا ..كلشي جا مزر..وب
ضحكات مروة بمياعة و شافت فاياد: حبي ماقدرش يساين!!!(تكات على صدرو)
تقرصات نور و شعلات فداخلها نار (انها نار الغيرة) كتمات هاد المشاعر كلها و ضحكات تاني..
نور(موجهة كلامها لمروة):هههه و لكن ما شاء الله واتيتو بعضياتكوم....مبروك عليكم....الدوام نشاء الله!
ضحكات ليها مروة :ربي يخليك احبيبة ديالي
ريم كانت كاتشوف فيها بفخر كبير و كاتشجعها بعينيها...
ناض عمر نساحب عليهوم بهدوء ...
نور:عادي ابب مابيناتناش .!!(وجهات نضرها لاياد و هي تاضحك)مبروك خويا اياد فرحت ليك!!!
تقرص اياد من جديد و كتافى بابتسامة صفراء:ش..شكرا! نور!.
ماهي الا دقائق عم فيها الصمت بينهوم....حتى كايدخل عمر رفقة زوج شباب جارين طبالي فيهوم الحلوى و بعض المرافقات...و تبدلات الموسيقى الى اغاني عيد ميلاد...كلشي دار تايشوف فيه و وجد الطبالي للطبلة لي كانت فيها نور...هاد الاخيرة ضحكات بفرح و وقفات هي و البقية....
نور:ااوووو شكرا بزاااااااف!!!!!
عمر(ابتاسم و مد ليها الموس ):عيدميلادك هدا ا نور ههههه هاكي قطعي الكاطو...
شدات نور الموس من عندو بحماس و بدات تاتقطع(كان كاطو كبيييير و فيه خمسة الطبقات)...قطعات و تكلفو باقي الشباب بالتقطيع و جميع المدعوين تجمعو..
ولي عطى الكادو لنور عطاه و لي وجهو قاصح كال الحلوة و تساخور اللور...
فرحات نور و بدات تاتصرف عادي بحالا ما واقع والو...كلشي شد الكبك ديابو و جلسو تايدويو...
مروة(بمياعة و عي تاتعوج):الضاهر ليا انك عزيزة على اياد حيت ماشي اي واحد تايدير معاه هادشي !

نور(شافت فيها بعفوية و بدات تادوي بطلاقة...هادشي من الخارج اما فالداخل ماكرهاتش تريشها):هههه انا و اياد و عمر و ختي ريم اصدقاء ...و العلاقة لي بيني و بين اياد ...صداقة قوية ...هو تايعتابرني ختو الصغير
ة و انا تانعتابرو خويا الكبير...!
مروة:(حطات يدها على يد اياد لي غامخنزر و ماعاجبو حال)اذن نتي لوستي دابا هههه !!
نور(خشات الفورشيط بقوة كادل على عصبيتها فالكايك و بتاسمات بزز):ههههه اممم بصح....!!!
مروة:(بغنج)حبيبّااا سمحييييي ليا مع التلفة نسيييت ماجبتش ليك الكاضو ...مي كاتساليني!!!
نور:😁امممه نشاء الله(وجهات كلامها لعمرو ريم)يالاه نقولو للديجي يزيد فصوت الموسيقى...!!ابخفلة غاتولي مملة الا ماشطحناش!!..
ريم:(بحماس ناضت)اه اه يالاه(شدات فيد عمر و توضاتو يمشي معاهوم و مشاو للدجي لي زاد فصوت الموسيقى..)
كلشي تجمع و بدى تايشطح....عمر..و.ريم..عاااايشين الحياة و نور تاهيا زاقفة حداهوم تاتنقز و طاتشطح بحماس
مروة(كاتشوف فيهوم):حبيبي نوض حتى حنا نشطحو!!!
اياد(خنزر فيها):مروة ماعنديش كانة الشطيح هاد الساعة!!!
مروة(وقفات تاتجرو):اويلييي اياد كمال ماينوضش يشطح!!!
اياد(غوت بعصبية):صافي كلت لا هي لاااااا ماتعصبينيش
مروة(تغرغرو عينيها):ي..يااااك ا اياد!!! تاتغوت...(شيرات لراسها)ع..عليا!! ولا هادي هي...!!! اصلا كنت عارفة!!!!!عارفاك هادشي ماديروش مع اي واحد!!!!(خنزرات)ياك هي البنت لي كاترقص معاك فالفيديوات!!!! اه؟!!! هي!!! و نتا كاتقول ليا هاديك غير بنت صغيرة تانعلمها الرقص!!!! ....قول هي هادي لي تلفاتك و دوخاتك عليا!!!!
اياد(زير على سنانو حتى العروق لي فراسو بانو):مروة....بلا ماتعصبيني!!!! و بلا ماتبقاي تجيبي حوايج من راسك....بغيتي تكوني خطيبتي؟!!!!هانتي وليتي بلاما تبقاي تكولي شي حوايج ماكاينينش و لي غادين يخليوني نرتاكب فيك شي جريمة!!!
سكتات مروة بعدما لاحظات العصبية على وجهو....اما هو فسدرو بدى تايطلع و يهبط و عينيه مركزين على نور...
هاد الاخيرة لي كانت تاضحك و كاتبين انها فرحانة و ماعلابالهاش....و لكن هي غير كاتلف و كاتبع هضرة ريم....لي قالت ليها ""ضحكي و شطحي و ماتسوقيش!! عامليه عادي و قولي ليه مبروك خليه هو لي يتعدب ماشي نتي لي تعدبي !!! """
تعمقات نور مع الموسيقى و نسات راسها حتى بدات تاتشطح الفي ستايل امام الحاضرين كلهم و لي لفتاتهم طريقة رقصنا المحترف...! ريم و عمر كانو تايشطحو و عاااايشين الرومانسية و ماعلابالهمش....

فطبلة اللور ...كانو واقفين زوج بنات تايبرككو..
البنت١:شوووووووفي يا ختي الناس لي عندهوم الزهر اياد كمال اختي التيتيز لي كانضلو نحلمو بيه صدقات تاتعرفو ....و بحال والو يكونو مصاحبين!!!
البنت٢:الاااا اصاحبتي شوفي كي لاصقة عليه ديك الزعرة كي الكرادة😂
البنت١: واللهيلا هنن و لكن اختي سعدااااتها كاتعرفو بغيت غانتصور معاه حشمت يقمعني!!
البنت:٢:وا كلسي اللرض كالاك(شافت فنور)ضربي ليا على الشيخة كاتعرف تشطح ماساهلاش تاهيا!!!
البنت١: واللعيلا(حطات يديها على فمها)هداي هداي عليا!!!
البنت٢(مصغرة عينيها بتشكيك):ااااااااااااه واش ماتفكري فاش كانفكر!!!؟؟
البنت١:(جبدات التيليفون و دخلات للانسطا ديال اياد و جبدات الفيديو لي كان تايشطح فيه مع نور)نفس الطاي نفس الشعر!!!!!(شهقات)كيفاش ماشكيناش!!!!!!! هاهي كاتشطح دبا باحترافية و الله حتى هي!
البنت٢:ناااااري كون ماشفتش دبا اياد بعينيا حاضر للحفلة ماكنتش نتيق!!!!!
البنت١:شوووفي بنت الحرااااام دبا كلشي ضارو راسو و باغي يعرفها!!!
البنت٢:اكيييييد الا تعرفات هادشي غايسبب ليها مشكل!!!!
البنت١:اممممه(جبدات التيليفون و بدات كاتصور فيها)ختييييي مانصبرش غانصورها و نسيفطها لشي باج فالانسطا تشوهها!!! و نلوحو الفيديو فيوتيوب....باينة غايجيب الفيوز بزااااف و غاندخلو انا وياك مصيريف
البنت٢:(بقلق)و ماحشوماش؟؟؟
البنت١:سيري تخراي حشومة راه مرض الشيطان!!! ...و زايدون كون ماكانتش باغا لي يصورها كاعما تشطح قدامنا شوهات راسها براسها!!!!
****
شطحات نور حتى عيات و رجعات جلسات فين جالس اياد و مروة و بدات تاتنش على راسها ....
نور:اوووووف عييت
مروة(بتشكيك):تباركالله عليك كاتعرفي تشطحي!!!
نور:(بابتسامة بالزز)ه..ههه ..هه شمرا الرقص تانهوي فيه الطاقة السلبية و تاترجع فيا الروح
مروة(بنفس ابتسامة نور):هه..هه..هه شبهتي ليا غير ف....
قاطعها اياد بعصبية:مرروة!!!😬
شافت نور بعدم فهم و حركات راسها بشكل تايعني انها مافهماتش...
مروة(بتشكيك و هي هازة حاجب و مهبطة لاخور):ماتكونيش نتي هي البنت لي كادير الفيديوهات مع اياد هاد الايام؟!!!
نور غير سمعاتها طاح ليها الما فالركابي و ماعرفات ماتكول ...شافت فاياد لي كان مخنزر فمروة و نطق باش يعتقها...
اياد(بعصبية):مروة!!!!! هضرت معاك ماشي هي !!! 
مروة:(عوجات فمها)انا غير دويت°°°!!!!
سرطات نور ريقها و شافت فمروة:لا..لا...غير تخايلتي!
حولات نظرها للناس لي تايشطحو...
نور(فنفسها):افففف الا كانت هاد الكلبة لاحظات اذن غايكونو هادو تاهوما لاحظو!!!!.....ياااا ربي مايكون تاحد لاحظ اووووففففف
حنات راسها و هي تاتفكر....
نطق اياد ب بشاشة و لكن علامات القلق كذلك مرسومين على وجهو....:ن..نور اش بان ليك بعد الحفلة نمشيو كلنا لشي ريسطو نتعشاو!
مازال تاماكمل هضرتو قاطعاتو مروة و حطات يدها على سدرو و بدات تادوي بمياعة:و لكن ا حبيبي مواعدني غانخرجو انا وياك!!!
خنزر فيها اياد بعدم فهم..و كملات...
مروة:غاتخرج مع صاحبتها و عمر....
نور تخيلات بزاف دالحوايج فديك اللقطة.....تخيلات تنوض تريشهاااا...تخيلات تنوض تخشي ليها وجهها فما تبقى من الكيك....تخيلات تصرفقها....هادشي كلو كتماتو و لكن كان واضح انها تعصبات ...!

رجعو ريم و عمر نضمو ليهوم...
ريم:اوووف عييت
عمر:هههههه تانا....(وجه كلامو لنور)الله يفاجيها عليك انور النفسية كانت محتاجة بحال هاد الحفلة!!!
ريم:ههههه...و الله العظيم (شافت عمر)ماتخافش واححاد السيمانة و غاتشطح حتى تبرد غدايدك!!!(نهار خطوبتهم)
عمر:احخخخخ متشوق!!!
ضحكات عليه ريم و بداو تاني تايدويو...
كان اياد شارد التفكير ماكان داير حتى رد فعل جالس على اعصابو!!!اما نور فكانت مشاركة فالحديث مع ريم و عمر...و على ماكايبان انها كاعما مسوقة لاياد ولا لخطيبتو العقروشة لي حاطة رجل على رجل و تادور فعينيها حيت مامحاشيه ليها حدو مرة مرة تبدى تلمس فاياد بلا حشمة بلاحياء....
ولكن نور من الداخل ماكرهاتش تنوض تجفف بديك ال**** الارض و تبرد فيها جنونها....اما اياد فمابقاتش كاع بغات تشوف فيه عيات تفكر و تحاول تفهم ...و لكن ماعندها حتى معنى.....عاد كان قاليها انا ماكانتعجبش باي بنت و ماعرت شنو و جالس تايكول ليها ااصفات لي تايكره فالبنات....و هادوك تلصفات الخايبين كلهم صدقو فهاد مروة....!....اش عجبو فيها كااااع!! حتى من جمالها مصطنع تحيد ليها الماكياج تولي كي المش القرع...(غانخلي ليكوم صورتها و لكن نتوما تخيلوها كيما بغيتو...و لكن تخيلوها شي حد ماكاتحملوهش)...
..
وصلات الستة دالعشية و سالات الحفلة و الناس بداو تايمشيو...
ريم:نور فين بغيتي نمشيو دبا؟!!
نور(ضحكات):ههههه فين غانمشي متلا؟!!!غانمشي للدار ماشي غا حيت اليوم عيد ميلادي نتسيب على ربعة...خاصني نمشي للدار ماتعرف حتى هوما يكونو دايرين ليا شي عيد ميلاد!!! و زايدون راك عارفة بابا ماكايبغينيش نبقى ندور حتى كايضلام الحال!
نقزات مروة و بدات تادوي باستفزاز:باينة واليديك من القرون الوسطى هاهاها شكن باقي تايقول لولادو هاد الهضرة!!! سمحي ليا احبيبة و لكن هاد الشي تايدل على التخلف!!
خنزرات فيها ريم مزييياااااان او واخا ماوجهاتش ليها الكلام جاوبات حيت هضرتها كانت مستفزة بزاااااف!!!.
ريم:التخلف احبيبة ديالي هي ماتكون عندك نغس و تخشي حمارتك فاسبوع الفرس واخا تاحاد ماحاشاها ليك
هزات مروة حاجب و هبطات لاخور و هضرات بنفس النبرة المستفزة:اصلا انا مادويتش معاك نتي!!! او ماحاشيتهاش ليك من اللول!!! دويت مع نور! دبا شكون لي خاشي راسو اه؟!!
جاوبات نور بعصبية و هي كاطلع و تهبط فيها:سمعي ا...! (شافت فاياد بنظرة تساؤل و هي كاطلع صبعها و تنزلو عليها)اش سميتها بعدا!!!....اه مروة! زين حنا مامولفينش تزحويق و طولان الرجلين بحالك!!! حنا الالة مربيات و الا كانو واليدينا من القرون الوسطى ولا حتى من كوطب زحل مفتااااااخرين بيهوم!! حيت الحمدالله مارباوناش على التلصاق و التعناق فالدراري بحالا عمرنا شفناهوم....و الحمدالله زارعين فينا النفس لي ماتخليناش نبقاو جالسين وسط شي مجمع مامحاشيه لينا فيه حد!!
تبسمات ريم بنصر و شافت فنور لي تاهي كانت دايرة نفس الابتسامة....و عمر حاط يدو على فمو حابس الضحكة....اما اياد فنقصات حدة تخنزيرتو و ضهرات علامات البشاشة على وجهو دليل على اعجابو بتصرف نور..و نور تحت هاد النضرات كلها حسات بالفخر و كانها دارت انجاز عظيم....اما لالة المقموعة فكون لقات الارض تنشق و تبلعها!...كتافات بتحنزيرة كبها كره شافت فاياد لي ماحاولش حتى يدافع عليها و هزات ساكها و زادت..
تندهد اياد و هز راسو الفوق بنفاد صبر و وجه كلامو لنور بملامح قلقة بعد ما وقف:نور هابي بيرذداي تو يو اكاين و سوري على لي وقع !!!
هز جاكيطتو و تبعها تايجري....نور ماعجبهاش لحال و بدات تاتحرك فكها السفلي بعصبية...
ريم(موجهة كلامها لعمر):عمر!!! شكون هادي و من امتى و هي و اياد مخطوبين و علاش ماقال لينا والو؟!!!

شاف فيها عمر بتوتر واضح....و نطق: الصراحة ماعارفش...
صغرات فيه ريم تينيها و ريم عرفاتو ما بغاش يكول...
نور:(ابتاسمات ابتسامة امتنان لعمر)خوبا عمر شكراااا ليك بزاف و وصل شكري حتى لاياد لي مشى(حنحنات)ريم...ايوا يالاه...بنادم كولو مشى!!
ريم:واخا احبيبة غايوصلنا عمر
عمر(وقف):اه طبعا علاه انا غانخليكوم تمشيو بوحدكم؟؟؟!
نور:(ضحكات معاه)هههه لا لا نتا ماشي بحال اياد..!
ابتاسم عمر ابتسامة صفراء و زادو البنات قدامو بعدما هزو الكادوات و تبعهوم عمر من اللور بعدما طفى الانوار و يد الكاراج بالسوارت...ركبو فالطوموبيل و زادو في صمت عمر مركز فالطريق و ريم تاتشوف فالطريق و تاتخمم...
اما نور فكانت جالسة اللور بوحدها و حاطة رايها على الشرجم و هي شااااردة تاتفكر الدكريات الحلوة لي دوزاتها مع اياد و لي كانت تاتبين ليها عكس لي شافت اليوم....

⏳فلاش باك⌛

كانو جالسين فمطعم متواضع عاوتاتي و تاياكلو فقط سندويشات و عصير....و تايهضرو فمواضيع مختلفة..
نور(كاتاكل بحماس و هي كاتبنن و تاتعض عضات كبار):(تادوي و فمعا عامر بالماكلة)اممممممممم شحال تانحماق على هاد السندويش!!بنييين بزاااااف
ضحك اياد على عفويتها و نطق و هو تايشوف فيها بنضرة عميقة: كيفاش قدرتي تبقاي هاكا؟؟
نور(حطات السندويش و بدات تاتاكل بالزربة باش تدوي):اممم.مممم ...كيفاش؟؟(شافت بتساؤل)
اياد(بنفس النضرة العميقة فعينبه و الابتسامة المائلة ففمو):كيفاش قدرتي تبقاي عفوية بهاد الشكل....!!(ضحك و هز حجبانو)حيت بصراحة شحال مابقيت شفت شي بنت بحالك!!! تاتاكل بهاد الطريقة العااااادية و تاضحك هاكا!!!(صغر فيها عينيه و ضحك)فشكل نتي و الله
نور(خرجو فيه عينيها و عقلها حار واش يصنف هاد الهضرة للمعنى السلبي ديالها ام الايجابي...فالخير نطقات بتردد):و..واش مانتصرفش بحال هاكا؟؟واش هادشي ماتايعجبكش!؟؟(بتساؤل)
اياد(خرج عينيه و بدى تايحرك يديه يمين شمال بمعنى لا):لا لاااا هههه بقاي على طبيعتك...بالعكس قصدت بنتي فشكل...بانك متميزة و قليل يتلقى بحالك فهاد العصر لي كلشي فيه حاضي غا الريجيم و البروتوكولات التافهة!!!
ضحكات ريم بخجل و عضات عضة صغيرة من سندويشها...قلبها كان غايخرج من بلاصتو مور هادشي و رجليها كانو تايلعبو بتوتر تحت من الطابلة...
ضحك اياد و خنزر فيها غير بالضحك :وا ماكلتش ليك هاكا باش تحشمي و تولي تاكلي بشوية!!! هههه معايا انا خودي راحتك و عمرك تحشمي 
رتاحت نور بعد هاد الجملة ...بحالا كانت غير كاتسناه يقولها...ضحكات ابتسامة عرييييييضة كاتعكس المشاعر لي فقلبها...و رجعات تاتصرف عاظي و تاضحك و هو كذلك تايضحك معاها و تايضحك على نكتها التافهين و تايسمع ليها بعناية...

⏳نهاية الفلاش باك⌛

خنزرات نور و هضرات بالجهد:تفووو حمقة انا!!!!حمقة!!
دارت ريم لقاتها مخنزة ..
ريم:مالكي شكون حمقة؟؟
نور:واااالو والو غاتفكرت شي حاجة هههه 
دارت ريم و هي ميقنة انها كانت تاتفكر فاياد...كملو طريقهم....و وصل عمر نور هي الاولى....طلعات لدارها مدكدكة...سلمات على مها...و طلعات بدلات حوايجها و غسلات وجهها و لبسات لباس ديال الدار....هبطات لقات بابها حتى هو كتين سلمات عليه...
احمد:ايوا انور كيف دازت الحفلة؟؟؟
نور:ز..زوينة! واش قال ليك اياد؟!
احمد(ببشاشة):اه قتارح عليا الفكرة و وافقت ياك كلشي داز مزيان
نور(ضحكات):ههههه اه ابابا كلشي داز مزيان(فنفسها:حيد غا ديك العوجة ديال صاحبتو)مزيان مزيان!...
ابتاسم باها و شاف جهة الباب كانت داخلة مها هازا حلوة كبيرة و بنتها الصغيرة(نهال)هازة صينية ديال الكيسان..
غيتة:(كاتغني)هابي بيييييرداي تو يوووووووو ....هابي بيييييرداااااي تو يوووووووو هابي بيرداااااااي هابي بييييييرداي هابي بييييييييرداي تو يوووووووووو!!!!
فرحات نور و ضحكات بجهد و ناضت طفات الشمع و عجاوها باباها و ماماها الكادوات...
نور(مخنزرة فنهال):و نتي البعيليكة ماتشريش لختك الكبيرة كادو؟؟؟؟؟
نهال:(ضحكات و هي تاتاكل):انا اختي ما عليا غاناكل ليكوم الحلوة و صافي🙄
عضات نور على شفايفها حابسة الضحكة و سكتات...

في صباح اليوم التالي⬅⬅
فاقت نور و دارت روتينها اليومي و هبطات لعند مها لقاتها جالسة تاتفرج...قالت ليها بلي الفطور فوق الطبلة....وداكشي لي دارت مشات لقات البتي بان و الحليب فوق الطبلة...و حلات الكونجيلاتور و و خشات يديها لدااااااخل و جبدات الكنز لي خباتو عن كل مخلوق بشري و خصوصا ختها نهال....جبدات طاسة فيها طرفها ديال الحلوة لي ماكملاتوش لبارح😂....
حطاتو فطبسيل و جلسات تاتاكل....عاد تفكرات بلي تيليفونها ملي جات لبلرح ماهزاتو....طلعات تاتجري تجيبو .....رجعات لقات نهال ضربااااااات ليها الطرف ديال الحلوة خلات ليها غالطبسيل و البرد😂...
نور:حمااااارة....واش مهاوشة؟!!!!عمرك شتي الحلوة تفووووو على مخلوقة
نهال(كاتلحس صباعها و كاتقلي ليها فالسم):اااااااه و ماسوقش يالاه
نور:اوففف سيري سيري ....الله يستر بغيتي غالحلوة نبقى نشريها ليك و ماديريش هاد الحالة!
خنزرات فيها نهال و زادت....اما هي هزات التيليفون كاتلقاه بغى يتفكع بلميساجات و لي ابيل لقات ربعة لي ابيل من عند اياد فالتيليفون و خمسة من عند ريم....و عاد الواتساب لي خمسين ميساج غير من عند ريم بوحدها و عاد ميساج واحد من عند اياد و ابيل وحدة..و عاد شي ميساجات خريت تافهين ماعندها بيهوم غاراض....
دهلات لميساجت ريم لقاتها كل كلمة مسيفطاها فميساج....و كاتسول عليها ...."نور....وا فينك ....المسخووووووطة....وا خلعتيني!!!!....عانداك تكوني تاتبكي عليه.....جاوبي.....بغيت ليك بوكلييييب!!!"
ضحكات نور و سيفطات ليها اوديو...
نور:هههههه وا ريم كالما كالما راه غا حيت ملي جيت لقيتهوم دايرين ليا مفاجأة و تشغلت معاهوم....و طلعت نعست مدكدكة و عاد تفمرت التيليفون....ههههه ماتخافيش ختك ماعما مسوقة..!ولكن لقيتو مسوني ربعة المرات و عاد مسيفط ميساج فالواتس مازال كاعما قريتو ماقديتش نقراه....!
ماكاملاش حتى دقيقة باش سيفطاتو سيفطات ليها ريم ميساج...:اووووف خلعتيني الخرى!!! وا هو ملي مصوني ليك يعني بغى يقول شي حاجة...!!!وا قراي الميساج ديالو!! راه ضرووووووري و قولي ليا اش كال ليك!!!
تنهدات نةر و دخلات عند اياد لي قال ليها...:
سلام نور سمحي ليا بزاااااااف بزاااااااف على قبيلة ماكانش خاصني نجيب مروة معايا و لكن اصرات و مابغيت نقوليها والو باش ماتعصبش عاوتاني..!!! عافاك ادا شقتي الميساج جاوبيني بغيت نشرح ليك شحال من حاجة!!!

هزات نور حاحب و هبطات لاخور بتساؤل و سكرينات لريم و سيفطات ليها...
ريم:ولد الحراااااااااااام مابغاش يعصبها قاليك!!!
نور خنزرات :تفو على زمر يمشي يخرى و الله تا تعصبت...نااااااري بكل وقاحة تايقول هاظ الهضرة!!! و لكن الحق ماشي فيه هو ما قاليا والو انا لي بنيت احلام غا بوحدي تفو شحال حمارة انا تفوووووو!!!...غانخلي ليه vu
ريم:وا لاااااا لااااا عانداك ناتخليش فu جاوبيه ازمر قولي ليه ok ....و سمعيني راه ماخاصكش تستسلمي هاكا....انا حاسة بلي هاد البلان موراه شي حاجة !!! اياد انا متأكدة كيحس بشي حاجة من جهتك ...راه ماشي غير بحدي لي تانقول هاد الهضرة....راه حتى عمر لاحظها و قاليا نضراتو ليك فشكل...ولكن نلي سولتو لبارح ما بغى يقولي والو
نور:بففففففف ماعرفتش!!! انا و الله حتى يمكن فت مرحلة الاعجاب خصوصا بعدما ولى تايلمح ليا!!! واخا كنت تانقنع راسي اننا just friends و لكن قلبي كانت تايقول العكس...!!!شنو ندير؟؟؟
ريم:سمعي نتي غاتبقاي تصرفي عادي...بيني انك مامسوقاش و الا كان هو بصح تايكن ليك شي مشاعر فهاد الشي غايبان...!!! 
نور(تنهدات):اوفففف اوووووك الموهيم انا غانجاوبو ...
جاوباتو نور باوك...و تنهدات تاتفكر بينها و بين راسها...فشنو غاتقوليه و كيفاش غاتصرف و شحال من حاجة....
تاصلات بيها ريم و بداو تايدويو....قالت ليها باش تخليه يحس بالغيرة...تبين ليه بحالا كاتبغي شي حد ولا شي حاجة بحال هاكا !!! و الا كان فعلا تايبغيها غايبين ليها غيرتو.....النوهيم قتانعات نور بهاد الهضرة و ولات عارفة كفاش تعامل معاه الا دواو..!
داز نهار دوزاتو نور غا فالدار و الشقى و التخمام ....عارفة اياد ماغايجاوبها حتال ليل حيت خدام...لذلك ماهزاتش التيليفون بزاف حتى سمعاتو صونا....
هزاتو لقات لابيل من عند اياد قلبها رفرف و ترددات باش تجاوب و شنو غاتقول....هزات التيليفون و جاوبات...
اياد:الوووو نور!
نور:الو
اياد:لاباس
نور:بيخير
اياد(كايدوي معاها و هو تايلجغ فواحاد الكورة تاتحيد التوتر):نور...احمم كنت بغيت نتلاقى معاك باش نشرح ليك شي حاجة...
نور(هزات عينيها لفوق بقلق):اممم كيفاش واش دابا(شافت فالساعة لقاتها الستة دالعشية)
اياد:اه دبا الا ماكان عندك مشكل!!
نور:(تفكرات هضرة ريم لي قالت ليها تعفري عليه و دفعي كبير):اه عندي مشكل مانقدرش نخرج دابا سمح ليا...
اياد:امممم الموهيم نور سمحي ليا على البارح عندي بزاااااف مانشرح ليك!! خاصك تكوني قدامي هادشي ماتايتقالش فالتيليفون!
نور(عينيها تحلو و عقلها بدى تايفكر باي حاجة تاتقال مباشرة و ماشي فالتيليفون....و قلبها بدى تايضرب بجهد ):ا..ا كيفاش؟
اياد(حك ورى راسو بتوتر):امم...من الاحسن تانتلاقاو...نور ...!
نور:(بقلب تايضرب بجخد و صوت يكاد يسمع)ش..شنو؟!
اياد:بس...سلامة....تاليل و ندويو!
قطعات نور و حطات يدها على قلبها و بدات تاتلتاقط انغاسها...!
نور:ش....شنو بغى يقصد ...سيفطات ميساج لنور و شرحات ليها شنو وقع..و ماهي الا ثواني حتى جاوبات...
ريم:(شهقات)اييي بلاتي !!! قلت ليك كاين شي بلان هنا!!! سمعي فهاد الحالة كبخاصك تلاقاي معاه !!! انا متفاااااائلة انه غاتكون شي حاجة مور هاظ اللقاء!!!
نور:اوفففف اوك صافي ....تانا ماعرفتش علاش قلبي رفرف ملي يمعتو قاليا"شي حاجة خاصها تقال مباشرة ماشي فالتيلفون"احححححح نااااري قلبي غايسكت!!
ريم:هههههه و الله تانا متفائلة!!! و بزاف السيناريوات فراسي و كلهم زوينين....و لكن نوصيك ماتأمليش بزااااف ..اوك؟ توقعي شوية السيء باش لا وقع ماتفاجئيش
قرات نور ميساجها و حطات تيلفونعا...
و عقلها بدى تايصنف هضرة اياد قبيلة لكل ما هو سيء..غرقات فهاد التساؤلات مع راسعا و تلاحت فوق الناموسية ...حتى صونى تيليفونها من جديد....كانت ريم عاوتاني...
ريم:(بصوت متوتر )ن...نور!!!وقعات شي حاجة خ...خايبة بزاف
نور طاح لبها الما فالركابي و قلبها بدى تايضرب ف 180 :(حاطة يدها على قلبها)ش...ضنو شنو وقع خلعتيني!!!!
ريم:ل....

ريم:لا...حو اليوم شي حاجة حاجة !!!
نور:ك..كيفاش
ريم:شي حد صورك منين كنتي تاتشطحي ..و لاخو الفيديو فالانسطا و فاليوتيب و دابا كلشي تايقارن بين البنت المجهولة لي كانت تاتشطح مع اياد و بينك....من اللخر كلشي عرف انك نتي و الفيديو راه نتاشر بحال الفايروس ...!
نور:(عينيها توقفو على الترماش و قلبها تسارعو دقاتو )ك
..كيفاش!!!! مايمكنش!!!!!!!!
ريم:اوفففف نور خاصنا نديرو شي حاجة هاد الفيديو تبارطاجا بزااااااف و مايمكنش نوقفوه!!!
نور:اوففففف(عينيها غرغرو)كلشي مشى!!! شنو غاندير ايلا وصل الفيديو لبابا!!
ريم:اوففف صافي تفائلي المرض!!!طردي الافكار الخايبة من راسك
نور:اوفففففف كيغاندير الزمر اوففففف نااااري ....نصوني على اياد؟!
ريم:اوففف..هاد الشي لي بان ليا!!
نور:ه..هانا غانشوف اش غاندير قطعي قطعي..!!!
قطعات عليها و اول حاجة دارتها دخلات للانستقرام كاتلقى بزاف ديال الصفحات لي كاتهتم باخبتر المشاهير بارطاجات الفيديو....!
خرجات من تما و دوزات لابيل لاياد....و هي تاضرب ففخضها بتوتر بغاتو يجاوب بالزربة...الساعا والو ماكايجاوبش
نور:اوفففف ملي حتاجيتك مالقيتكش!!...اوفف باينة غايكون خدام!!!
لاحت التيليفون فوق الناموسية بجهد حتى تهز زوج مرات و طاح فالضس على وجهو ...غوتات نور بعصبية و نتفات راسها ...و تحنات تهزو و هي مخصرة وجهها....هزاتو بشوية حتى كايبان ليها تشخشخات ليه لافيشور...حاولات تشعلو بدا تايشعل فيه الضو بجميع الالوان حتى طفى كاع بخطرة....لاحتو تلاويحة خرى بالعصاب
نور(بعصبية):تفووووووو نتا لي كنتي باقي(خبطات المجر برجلها لي خفيانة و تصادف قنت المجر مع صبعها الصغير و تعانقو😂😂)اااااااااااو(غوتات بجهد)وااااااااع ماشي تالهاد الدرجه (غوتات غوتة دبال التعصاب)عييييييييي تفو على نهار يخخخخخخ
..
غيتة(تاتغوت من لتحت):نووووووور اش داكشي
نور:واااااالو اماما غاطحت!!
...
حلات الماريو جبدات كسوة طويلة لبسات معاها جاكيط ديال الجينز و جمعات شعرها الكيرلي ..على شكل كودشوفال ديال الزربة لبسات كلاكيطتها و هزات تيليفونها المشخشخ... و هبطات تاتجري.....
نور(كاتجري جهة مها):ماما ماما!!!
غيتة(خلعاتها و شافت فيها بقلق)اشنووو مالكي؟؟؟
نور:ماما ...خاصني نمشي عند ريم دبا ضروري وقعات ليها شي حاجة ..!
غيتة:كيفةش ياك لاباس!!!
نور:راها مريضة و بغاتني نعاونعا عافاك خليني نمشي عندها
غيتة(خنزرات):وشنو غاتباتي؟!!!
نور:وا اااه امانا مالكي واش اول مرة!!!!
غيتة:يالاه سيري و ملي توصلي صوني عليا!!!
نور:واخا اماما...
تمات خارجة كاتجري و فجأة طاحت فبالها واحاد اللقطة:

" °•• 
نور:واخا ابابا (بدات تاكل)امممم بنينة هاد كيكة!!
ختها(نهال)شادا طابليط ديالها و كاتفرج شوية قالت:ختي ختي اجي تشوفي واحاد الفيديو ديال واحاد البنت كاتشطح بحالك واااو
نور كانت كاتاكل فرحاااانة حتى سمعات ختها قالت هاد الكلمات الاخيرين و هي تصفار و تخضار😂😫. ..و عينيها خرجو و شداتها الرعدة و التبوريشة و التزنيكة
(مقتطف من الجزء الاول)"°•••

نور(خرجو عينيها و غوتات بصوت سمعاتو غير هي):نهااااال😨😨😨

رجعات تادردك طلعات لبيت نهال حلاتو على غفلة لقاتها شادة طابليط ديالها و هازة رجليها الفوووووق تاتفرج فالروسوم..
نور(بشوية):ختي زوينة؟! فاش تاتفرجي؟؟
نهال هزات فيها عينيها و رجعات شافت قدامها و جاوبات ببرود:فالروسوووووم
نور:(قربات ليها و حتى جلسات حداها و سلات ليها الطابليط من يديها و هزاتو الفوق حيااااااات ماتنقز نهال مازصلاتش....هربات نور تاتدردك فالدروج و خرجات للزنقة و سورتات الباب و خلاتها تاتغوت 😂

نور :(تنفسات الصعداء و هي غادة تاتجري)اووووففف الحمدالله الفراشة ديال الدار حلينا مشكلتها ...! دابا دارنا ماعندهوم منين يعرفو دابا اوففف....
شدات اول طاكسي جا قدامها و تاجهات لعند لريم..غير وصلات مشات تاتصوني عليها...هبطات عندها تاتجري...
ريم:نور!!! ماكلتيش ليا غاتجي (خرجات عينيها) ياكما جراو عليك من الدار!!
نور:ههه اوف ضحكتيني واخا مفيا لي يضحك...تي راه واخا يشوفو لفيديو نيت مايديروهاش!!!
ريم:طلعي طلعي...
دخلات نور و سلمات على ام ريم و دخلات لبيتها...
نور(جبدات تيليفونها و دوراتو لربم):ها النحس شتي يخ على نهار(تنهدات بعصبية) تفوووووو
ىيم(شداتو بيديها و بدات تاتقلب فيه):وااااععع نااااري و الله تا بقى فيا!!!....موهيم تالمن بعظ و صايبيه
نور:(خنزرات)تي اشمن من بعد !من نيتك راه مانعيشش بلى تيليفون!!
ريم:واش نتي فحريرة الفيديو ولا فالتيليفون!!!!
نور(نفخات بعصببة و شدات راسها):اوفففف فورماطيني!!! فورماطيني !!راه غانتبلوكا!!!!!!!
ريم: دابا ماعندك ماديري تشوهتي!!! دبا تقريبا كلشي ولى عارفك!!! يعني واليديك غايعرفو
نور:(خنزرات فيها)فين مشى التفائل و الزمر لب تاتنصحيني بيه اه؟؟؟!....حاليا ماتانضنش واليديا غايغرفو ...(جبدات التابليت ديال نهال) الحاجة لي كانت غاتخليهوم يعرفو جبتها و ماما و بابا ماعندهومش مع التيليفونات و داكشي بزاف...! اوفف ماعىفتش شنو غاندير واش نعتارف ليهوم ولا شنو!!!
ريم:(حنات راسها)امم واقيلا خاصك تعتارفي!!!
نور:تفوووو لي سمعتي يكول قاتلة روح!
ريم:وا الزمر راه هاظشي لي خاصك ديري لا بغيتي تبقاي بيخير حيت دابا ملي تعرفتي دوك الزبل ديال الصحافة الالكترونية غايبقاو تابعينك راهوم كايقلبو غا على الهوتات بحال هاكا...!!!
نور:اوف راسي غايتقسم نوضي ...نوضي نمشي نصاوب هاد الزمر(على تيليفونها)
ريم:تفو كاتعصبيني والله !!! يالاه نوضي!!!
ناضت ريم لبسات حوايجها و خرجات هي و نور لعند مول التلفونات باش تصاوبو...
وقفو عندو و شرحو ليه المشكل و شدو و بدى تايقلبو..
مول التيليفونات:(تايشوف فالتيليفون و تايشوف فيها بالتشكيك نور شافت فريم بتساؤل)ختي...سمحي لي نسولك!....واش نتييي هي ديك البنت لي...تشهرات تاتشطح الفري ستايل؟؟
نور(بتاسمات ابتسامة جانبية و حضات على شفايفها بحشمة حبت عجبها الحال نوعا ما):اممم ههه اه ههه ولكن صراحة ماكنتش باغا هاد الفيديو يتشهر ...صوروني عللى غفلة....!
الولد(مول التيليفونات):نقدر نعاونك ايلا بغيتي اختي...او بالاحرى تانعرف واحاد صاحبي تايفهم فهادشي الموهيم ايلا كنتي مهتمة!

ريم شافت فنور بنظرة معناها ماتوافق...لذلك ترددات
نور:اممم...ماعرفتش الموهيم حتى نشوف ....(شيرات لتيليفونها)دبا هدا بشحال تصاوبو...و امتى نرجع ليه؟؟؟
الولد(تايدور فالتيليفون و تايقلبو):وا التيليفون مشخشخ لافيشور مشات ليك....و كاتباع شوية غالية..!
نور(حركات راسها بتساؤل):و بشحال تادير؟؟؟
الولد:(عوج فمو)امم 2000 درهم
نور:اويلي الفين درهم تشري ليا تيليفون جديد!
الولد هز كتافو بمعنى"هادشي لي كاين"
شافت نور تاعيات و وافقات...و قاليها بلي ترجع ليه الغد ليه فالعشية..
خرجو نور و ريم من عندو...
ريم: (وقفاتها زسط الطريق)حبسي...!!!(شافت فيها نور بتساؤل)بيناتنا!...عجباتك الشهرة؟؟؟!
نور دارت ابتسامة قد لا ترى بالعين المجردة و نطقات :وا ماعرت بففف.. الصراحة!! نرتاح غير من جهة واليديا و ديك الساعة غاتعجبني!
ريم:(شافت فيها بنضرة ساخرة )هاي هاي هاي على العفيريتة !!!
نور:وا نتي قلتي بغيتي الصراحة(تمات غادية بعدما خشات يدها فيد ريم)
ريم:وا دابا اش غاديري؟
نور:بففففف ماعرفتش!! شنو الطريقة لي تخلي بحال هاد الموضوع يوصل لبابا بطريقة تخليه مايتعصبش....(بدات تاتهضر و تعبر بيديها)دبا هو...ماكانش كايهليني نمشي حتى لدروس الرقص!...شرحي ليا كيغايدير يتقبل فكرة انني انا هي البنت لي تنشر فيديوها شحال هاظي!!....و انني درت كتر من فيديو مع اياد و عاد الفيديو ديال الخفلة!!!
ريم:(خنزرات)يااااه اويلي تايديرو اختي كتر منك و واليديهوم ماتايكولو ليهوم والو!! نتي ماتعريتي ما سطحتي شطيح الشيخات!....راه حتى شطيحك محترم
نور:(ضربات حجرة برجلها دازت من حداها)تفو ناغرفت كيغاندير....الصراحة فبالي واحاد البلان و لكن لا ايلا درت هاكا غانخصر حوايج خرين...
ريم:ههه...اياد ياك!
نور:(دارت شافت فيها بعينين خارجين)باش عرفتيها!!
ريم:بااااينة اصاحبتي!! و زايدون تا انا طاحت ليا فبالي...! بما انه هاد الفيديوات عندهوم علاقة باياد....و اياد تايعرف باباك و خدام معاه كاااع! سو غايقنعو بشكل ما و غايتحل المشكل! ....هدا هو الحل غلوحيد غيرو مافيش
نور(وقفات و خنزرات فيها):و نسيتي الالة سي اياد اش دار !!! هادي غير من الصباح و هي تقريني(بدات تاتعيب فيها)اه حكا تعفري اه حكا دفعي كبير!!....نمشي انا بدم بااااارد ندل راسي!!!!
ريم:(شافت فيها بسهرية و طلعات فيها و هبطات)سرك غاشي شحطات فاعلات تاركات ينسيوك فاياد و ما يجي منو(ضربات فيها و زادت)
زادت نور فوتيرة مشيها باش توصل على ريم.. و نطقات بقلق:اوففف ماتبقلش تخلعيني!!!...و زايدون بابا ماعمرو ضربني!! مايديرهاش(خصرات وجهها و هزات عينيها لفوق تاتفكر و يدها ليمنى تاتلعب باصابع الاسرى)دبا باب ضريف....كايتعصب شوية ولايني دغيا تايرجع!
ريم:و الله ماعرفت !! انا بان ليا مافيها باس لا طلبتي يد المساعدة من اياد...تحت شعار ""الصداقة"" و اصلا باش ماتعيقيش..!!!
قولي ليه خويا ملي طلبيها منو!!! باش تفقصيه
نور(بعينيها مهزوزين تااتفكر):اوففف واخا!! و لكن واش نقولها ليه دبا؟؟
ريم زيدي حتى نمشيو للدار...

✨✨✨✨
بعدما خرجات نور عطات غيتة لنهال تيليفونها باش تسكت..
نهال(كانت جالسة فالسالامونجي حدى مها لي تاتصاوب العشى...جابدة ليوتيب و تادوز فالفيديوات....حتى جبدات فيديو نور و خرجو عينيها و تصدمات):ماما ما ماما اجي تشوفي!!!!
جات غيتة تاتجري شافت الفيظيو حققات فيه مزيااااان
غيتة(هرجو عينيها و شهقات):اويلي هادي نور!!!
نهال:اه اماما!!!بلاتي...!(جبدات الفيديوات الاخرين ديالها مع اياد حتى هوما كانو تما)ويلي ماما كاينين بزاف!!! هي هادي عاوتاني هاد الشي لي كاتبين
غيتة(خرجات عينيها):بنت الحرااااام بغات تخرج على باقيتي!! ...حكلها خرجات !!
نهال:(خنزرات)و دات ليا طابليت ديالي حيت عارفاني غانشوف الفيديو!!!
غيتة:(خنزرات)الحمارة الاخرى اري اري التيليفون نصوني عليها!!
مدات نهال لمها التيليفون و هي دايرة نضرة شر حاسة بالافتخار حيت دارت هادشي...
✨✨✨✨
بعدما وصلو لبنات للدار لقاو ام ريم نصاوبة العشى...و جلسو تعشاو معاها...و تايدويو فمواضيع عادية على القراية و خطوبة ريم لي غاتم بعد ايام...شوية صونا تيليفون ريم لي كانت فيه الكارط سيم ديال نور...
ريم(مدات ليها التيليفون):نور ماماك
نور(حطات يدها على راسها):اوففف نسيييت ماصونيتش عليها!!..
شدات التيليفون و مشات لبيت ريم و جاوبات....
نور:الو ماما!
غيتة:(شادة مزس بيدها و كاتدوزو على الطبلة بالغدايد):الو فينك الحمارة يا لي مشوهاني!
نور(خرجو عينيها و جلسات):ك..كيفاش!
غيتة:(كاتغوت و كاضرب الطبلة بالموس)اش ديك الشوهة !!!اه؟!! اليوتيب عامر غا بكمارتك يا مسخوطة الوالدين!!!
نور(قاتقلبها تسارعو و بدات تاترعد):ب...بلاتي غانشرح ليك اماما!
غيتة(كاتغوت):اش غاتشرحي لمك!!! كولي ليا انا!! اش غانشرح لباك و اش غانشرح للعائلة!! اه؟!!!
نور:م...ماما راه مادرتش شي حاجة خايبة!! و زايدون راهوم صوروني على غفلة فديك ابحفلة ديال العيدميلاد!!!
غيتة:و الفيديوات لخرين اه؟؟!!! تسحابي غير مدرقة كمارتك ماغايعرفك حد!!! و معامن كنتي كاتشطحي؟!
نور:م..ما هاداك هو اياد! راه بابا تايعرفو!
غيتة:اه؟!...و واش اياد لي خدام مع باك؟!!

نور:واييه اماما راه بابا عارف اننا صحاب! و الله اماما ما درت شي حاجة خايبة!!راه حتى هو تايرقص بحال الرقص ديالي...و هاد الرقص عادي!!! مافيه عرى مافيه حركات مخلة مافهمتش علاش هادشي كلو(كاتهضر و تعبر بيديها)راه عادي و ظاك الفيديو صوروني على غفلة و الناس عرفوني انني هي البنت المجهولة لي كانت تاتشطح مع اياد حيت هو مشهور فالسوشل ميديا !!
غيتة(بداو ملامحها تايبردو و حطات الموس):نكولو انا فهمت هادشي!! باباك غايفهم؟
نور:ماتخافيش اماما نتي غير فهميني و بابا انا عارفة كيفاش غانقنعو..!
غيتة:قطعي دابا تالمن بعد و نتفاهم معاك!!!
قطعات نور...و دخلات ريم..
ريم:مالك تعطلتي؟!
نور(عوجات فمها):ماما عرفات و سمعاتني الهضرة و لكن تانضن قنعتها فاللخر
ريم:وايلييي منين عرفات؟!
نور:ماعارت (خنزرات)ولكن باينة غاتكون غاديك البرهزشة شدات تيليفونعا ولا شي لعبة ...موهيم صافي قررت!
ريم:شنو؟!
نور:غانقولها لاياد!!!
ريم:ايوا مزيان ملي عرفتيها!!هضري معاه دابا نيت صوني عليه!
نور:اوفف دابا راه الليل
ريم: تي مالك مكلخة دبا عاد غايكون مسالي!!
نور:(نفخات)بفففف واخا!
دوزات لابيل لاياد و بعد ثواني جاوب
اياد:نور؟! فين غابرة ؟
نور:راه خسر ليا التيليفون و دابا دايرة السيم ديالي فتيليفون ريم..
اياد:ااه.(سكت شوية)شفتي الفيديو؟!
نور(عوجات فمها و ميقات):بفف هاد الشي لاش صونيت عليك!
اياد:بففف ماعرفتش شكون لي صورك فالحفلة و دغيا ستنتجو انك نتي هي البنت المجهولة!
نور:اه و راك عارف بابا الا شاف الفيديو ماغايعجبوش الحال!!!
اياد:ماتخافيش من ناحية باباك
نور(حركات يديها بمعنى)كيفاش؟!!💁
اياد:....

⌛فلاش باك⏳
احمد: صدفة زوينة ...الصراحة كون كان شي حد اخور صديق بنتي مكاتش غايعجبني الحال!...و لكن ملي عرفتك نتا عجبني الحال حيت نتا شخص واعي و ولد الناس (ضرب فكتفو)و ما شاء الله مسؤول نوقف شركة على قدها!
اياد(ضحك):ربي يخليك اسي احمد...حتى نور ماشاء الله ضريفة و موهوبة!
احمد:اه كاتعرف ترسم...و عنظها مع الرقص غير ماكانخليهاش تزاولو حيت عارف سمعة الرقص عندنا مازويناش فالمغرب ههه
اياد: لا بالعكس الرقص لي تادير هي سبيشل و كاتقنو و مافيهش شي حاجة عيب! حتى انا كاندير هاد النوع من الرقص..! مرة مرة تانلوح فيديوات فالانستاكرام...
احمد(هز شفتو السفلة باعجاب):مزيان مزيان! ههه الصراحة تاهيا تاتقول ليا هاد الهضرة و لكن مم معاها الصرامة باش ماتضسرش هههه
اياد:باينة فيها و نعم التربية! كنت قتارحت عليها تولي دير معايا فيديوات و لكن ماوافقاتش!
احمد:حيت عارفاني ماغانخليهاش هه
اياد: طبعا! داكشي علاش بغيت نقتارح عليك الفكرة...مع العلم ان وجهها ماغايبانش و غايكون داكشي محترم ماعندك مناش تخاف
احمد:(ضحك) هههه ماعرفتش! ولكن مادام معاك ماعندي مناش نخاف !
ضحك اياد و قال مع نفسو: ههه واخا صورنا زوج فيديوات و لكن الموهيم دبا ولات فراسك!
⌛نهاية الفلاش باك⏳
نور(خرجات عينيها و خرجو ليها ضحكات متقطعة):اوهااا!!! مايمكنش(حطات يدها على فمها)دبا بابا فراسو!!
اياد(ضحك):هههه اه يعني ماعندك مناش تخافي!
نور:(شافت فريم و خي كاضحك)و الله حتى ....م..ماعرفت مانقول !!
اياد:هههههه ماعندك ماتقولي انا قلت نقولها لبلباك باش ملي تخرجي معايا تكوني مرتاحة 
نور: و علاش ماكلتيهاش ليا شحال هادي؟!
اياد:ههههه غا ماجابتهاش لهدرة و صافي هههه الموهيم دبا كوني مرتاحة غاندوي مع باباك بخصوص الفيديو لي تنشر من الحفلة..باش يكون عارف انك دبا وليتي مشهورة و ضروري مغايبغيو الصحافة يتعرفو عليك
نور: شكرا شكرا اياد بزاااااف!!
اياد(ببشاشة):ما بيناتناش كلمات الشكر انور...!(سكت لثواني)نور بغيت ندوي معاك ....! نقدرو نتلاقاو غدا فالكافي لي كاتلاقاو فيها ديما؟؟!
نور(دارت نصف ابتسامة و قلبها دق )امم واخا معاياش؟!
اياد:مع العشرة دالصباح غاتكوني فايقة؟؟!
نور:(خرجو عينيها حيت العشرة كاتلقاها يالاه تقلبات لجهة الاخرى)اه اه طبعا طبعا !
اياد:واخا يالاه ادومان نشاء الله و ماتخافيش من جهة باباك كلو تمام
ضحكات نور بجهد:هههه شكرا شكرا ا اياد 
قطعات نور التيليفون و هي كاضحك....
ريم(لي كانت حالة فمها طوال هاد المحادثة مافاهما والو):تي اش تما؟!
ناضت نور كاتنقس و مرسونة على فمعا ابتسامة حماس: هههه ماغاتيقيش(عاودات ليها)
ريم:اوااااااه!! يعني دبا ماعندك مناش تخافي(رشقات يديها بزوج مع بعضياتهوم)و الله تا هاد اياد ماكاينش بحالو !!!
نور(عنقات التيليفون):احححح و الله حتى كانبغيه!!!! غظا غانتلاقاو(عضات على شفايفها)
ريم:و ماتنسايش ازين اياد لي كاتبغيه خاطب!
نور:(دارت نضرة تحدي)ههههه ايلا ماكانش ليا و الله لا كان لشي وحدة...! انا لاياد و اياد الي!!!
ضحكات ريم : معاك!!انا تانشجعك و تانشد على يديك...! هادي هي نور لي بغيت نشوف نور لي ماماتستسلمش!!
ضحكات نور و هي دايرة نفس نضرات التحدي...:و الله حتى ننتاقم

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.