هزاتها مرة اخرى و بدات تاتقرى بنفس الصوت المبحوح...: ل..أنك أكثر شخص يفه..مني بدون تكلم و يحبني بقل..ب خالص!
سرطات ريقها و هي تاترعد و بزز باش تاتنفس لان جميع الانظار عليها! سواء داخل الاستوديو ام خارجه لان هادشي كان على المباشر لان البرنامج كان مازال تايتصور..!
حلات من جديد البواطة الاخرى و مرة اخرى لقات وسط منها بواطة و ورقة..!
نور: لانني اش..عر(نزلات من عينها دمعة اخرى مما سبب فبحة فصوتها) بمشاعر لا اكاد اصفها تج..اهك!! لا ئه ئه اشعر..بها الا ..معك!!..راحة من..نوع اخ..ر!
تنهدات و حلات البواطة الاخرى و لقات وسط منها بواطة اخرى بحجم صغير + ورقة..
نور:لا..أنني اعشقك...و اعشق ضحكتك و عيناك و شعرك المجعد!...و وجناتك المحمرتان...و جنونك... و خجلك...و كل تفا..صيلك!
هزات فيه عينيها لي حمارو بالبكى و خدودها لي حمارو كذلك بالبكى و الخجل...كانت لحظة لا توصف...
حطات الورقة على جنب هي و البواطة و هزات البواطة الصغيرة...و حلاتها بتردد و هي كاتسرط ريقها...و كان وسط منها خاتم بالدهب الابيض نرصع بالاحجار الكريمة و فالداخل ديالو مكتوب"im yours you're mine" هزو اياد بيدو و شاف وسط من عينيها بحب...
اياد:على قبل كاع ديك الهضرة لي كتبت ليك!!! بغيت نكمل حياتي معاك! (خنزر بجدية و حب موهيم شلاضة)قدام هاد الناس كاملين لي هنا و حتى لي تايتفرجو فينا!!! واش تقبلي تكوني مراتي و تعيشي معايا ماتبقى من عمري!
كانت نور مهزوزة فوق السماء كاتحس براسها كاطير حسات بمشاعر حب قوية بزاف فوق من طاقتها!! كانت لقطة تساوي اضعاف لقطة الاعتراف هادي كانت اكثر رومانسية !! حسات بشعور انا و ماقدرتش نوصفو....ما قدرات دير حتى حركة من غير انها تعنقو ..
.تحنات عليه عنقاتو بيديها بزوج و هي كاتردد..: مواااافقة اه انا مواااافقة!!!!
بادلها اياد العناق و هزها و ى تابدور بيها !...كان عناق من نوع اااااخر نساو فيه المكان و الزمان نساو بان العالم تايتفرج فيهوم على المباشر نساو راسهوم تمااما و عاشو اللحظة الرومانسية على حقها و طريقها..!
...
امام التلفاز كانت جالسة غيتة و احمد و نهال...
كانت غيتة متاترة و جامعة يديها تاتشوف فالتلفازة بحب..!
اما احمد فحتى هو كان داير نصف ابتسامة لانه رتاااح من جهة بنتو..!
فمكان اخور كانت جالسة صوفيا مربعة رجليها و تاتشوف بتأثر رفقة عائلتها...كانت لقطة مؤثرةيال بصح اثرات فكلشي... و طبعا كانت حتى مروة تاتفرج بتحسر و كانت كاتبكي و مخنزرة...و كاتكمي...اه ولات كاتكمي اصلا كااانت كاتكمي غير قطعات...و عاودات رجعات ليه...حطات الكارو و ناضت حتى لالتلفازة دفلات عليها و طيحاتها و طاحت فالارض كاتبكي...
اما فالاستوديو فتعلاو التصفيقات الحااارة و طلقو الكوبل من بعضهم...شد اياد وجهها بين يديه و بدى كايتأمل فعيناها السعيدتين المليئتين بالفرحة و السعادة
و باس جبهتها بحب و هنا دموعها نهامرو بقوة....طلق منها و هنا دوات المقدمة...
المقدمة: كيف ماشفتو مشاهدبنا لحظات عفوية و طلب زواج خرافي مباشرة فبرنامجكم ماشاخير دوت كوم!
⏳عودة للحاضر⌛
بعدما خرج اياد من الدوش و لبس حوايجو هز التليفون و صونا على نور ابيل فيديو!
هاد الاخيرة غير شافت اسمو جاوبات فالبلاصة..بعينين كايلمعو بالسعادة و الحماس...
نور: ايااااد!!
اياد:نور عيني!!! صباح النوووور!
نور(ابتاسمات):كيصبحتي لاباس؟
اياد:مادام مانعست حتى شفت عينيك نعست بيخير و مادام فقت و شفت عينيك انا بيييييخير و ماكرهتش نبقى نشوفهوم كل صباح و كل ليلة بقربي!
نور(ابتاسمات و شافت بقوة): حلمي من شحال هادا!
اياد(ابتاسم تا بانو سنانو):كانبغيك!
نور: كانموت عليك
اياد: 😘 يالاه انا غانمشي للخدمة دابا!
نور: واخا يالاه بسلامة عليك !!!
قطعو على بعضهوم...و ناضت نور فرحانة هبطات من جديد لقات مها تادوي فالتيليفون فرحانة...
نور(قربات عندها بتساؤل و نص ابتسامة):ماما؟!! شنو؟!
غيتة (بحماس و فرحة): بنتي قاليا باباك غايجي يدينا!!
نور: (بنفس الملامح)فين؟!!
غيتة: باش نشوفو الفيلا!!
نهال(حطات الطابليت و جات تاتجري):واش شراها؟!!!!
غيتة: اه!!!
نور:(هزات يديها و حطاتها على فمها و بدات تاازغرت شي تزغريت عوج😂)لولولولولولولولووووووووي
غيتة:حمدتك ياااااا ربي و شكرتك على سلاااامتنا !!!!
نور(بفرحة):زوج فرحاااات دقة وحدة!!!!
✨✨✨✨
ريم: صافي ساليت😅 اوفففف سخفتيني و لكن بيناتنا الماكياج جاك كيوت
عمر:ساعة و متي تمسحي راه تعطلت على الخدمة !
ريم: هههه وا لبس انا نمشي نوجد ليك الفطور!
عمر: يالاه انا غانلبس فيساع!!
تمات غادا ريم و هو يها من يدها و دورها لعندو و جمع ليها فمها و باسها..
ريم(شدات فمها و خنزرات):احح حيدو تا كاع راك كاضرني!
عمر: ايلا كان تايتحيد نحيدو! نبقى كل شوية نبوس فم مراتي(هز عينو الفوق بحالا تايفكر بعدما هز الفوطة) اممم خاصني نفكر فهاد البلان
تم غادي جهة الدوش و هي ضربو لضهرو...
ريم: ماعندك عقل و الله!!!!
هبطات ريم لقات عكوزتها فالكوزينة وجدات معاها الفطور لي كان عبارة عن مسمن و واحاد كيكة شايطة من البارح و الكومير(الباريزيان) و الزبدة و العسل واك التخربيق😅 و اتلي و القهوة...زوقو الطبلة و هبط عمر شاف مرات تاتكب اتاي و هو يتبسم و جى لجهتها في حين كانت امو فالكوزينة...
عمر: هاي هاي على تيتيزتي الخادمة وينووو😍
ريم(تبسمات بتحدي):ايوا شتي شكون بحالك زوينة و ححادكة و رومانسية!! و عاد كاتبغيك!!(قربات لوجهو و هي شادة فالكرافاط ديالو و كادير بفمها شي حركات😂)شكون بحالووو؟!
عمر:(تفاجئ من زعامتها و قربها)احم احم ديري هادشي ملي نكونو بوحدنا الواليدة!!
"طلقات منو و ضحكات"
دخلات مو للصالون و جلسات و بداو تايفطرو مجموعين فجو مرح...
عمر: أاا؟! كيفاش؟! راه انا عندي سكريتيرة ماجاتش نجري عليها بحجة مرتي بغات تخدم معايا!! واايلي تالهادي لا!
ريم:و مراتك تبقى كالسة فالدار و يجيها الملل ياك !! و زايدون من ديك نهار مارتاحيتش لديك السكرتيرة!
نادية: مافيها باس اولدي منها تكونو بزوج فالخدمة و تعاونو! خدمها اولدي!
ريم(شدات فدراع نادية و تكات عليها):😍
عمر: احم...دبا نشوف!
ريم:(خنزات بغنج) والاااا ا عوماااار دبااا (ناضت) انا غانمشي نلبس حوايجي باش مشي معاك.."ناضت و مشات كاتجري"
عمر: ا..ا
نادية(خنزرات فيه): مراتك حسن ليك!! راها تاهيا قارية!!
عمر(خشى ندغة ففمو): تا و الله ماعفت
✨✨✨✨
في الشركة...
اياد:صباح الخير...
السكرتيرة:صباح الخير مسيو اياد!
اياد:وجدو لي كاطالوك دهاد الشهر؟!
السكرتيرة:اه وجدو..!
اياد:جيبي ليا نشوف انا فالبيرو!
..
دخل اياد و حيد الفيستا حطها فوق الكرسي و بقى غا بالقاميجة وقف ام الشرجم الكبير و بدى تايشوف..!..دخلات السكرتيرة حطات الكاطالوط و خرجات..دار ايا هزو و هو واقف و بدى تايقلب فالصفحات و تايتفحصهوم...
"ظق ظق"
اياد:دخل!
تحل الباب دخل عمر و تبعاتو ريم...
اياد:(و هو بتقي شاد الكاطالوغ) اهلاااا ريم لاباس!!!
عمر:انا غير مرئي يمكن!!
اياد:هههه تانتا راه وجهك مؤلوف فالشركة هي لا..!
ريم:من اليوم غاتولي تشوفني كل نهار!!(بدات كاتشووووف فالكاطالوغ)اوووو الكاطالوغ خرج!! ياك ديال ديك النهار انشوف كيجى!!(تمشات باتجاه اياد و خطفات الكاطالوغ من يدو)
اياد بدا تايشوف فعمر و هاد الاخير حط يدو على راسو
ريم:( حانية راسها كتشوف فلكتالوغ .. حواجبها مقرونين .. لقات البنات لي رفضتاهم هي ونور يكونو مترشحين .. هوما نفسهم كاينين طلعت عينيها فعمر لي بدورو كان شاد على راسو خوفا من أي قصف جوي 😂😂 "الله يعز لحكاام"): .. بغيت نفهم اش هاد الشي .. جاوبووني!! ..😡😡 انا ونور اش قلنا.. شنو دبا رديتونا قرداات يااك ..
اياد: ريم..احم.. تهدني الغوات ماغيفيد بحتى حاجة !!..
ريم: (لاحت لكطالوغ على لبيرو .. وشافت فعمر لي كان واقف مقابل معاها) ..دبا انا شنو بالنسبة ليك امم؟!! لي ماتدرتيش بكلامي وتجاهلتيه و درتيني بحال شي حمقة!! .. ماشي حشوومة عليك اعمر؟!!..(شافت فاياد)..و حتى نتا ا اياد!! دبا انا و نور رديتونا كيدارات؟!! (ضحكات باستهزاء و هزات يديها)كلتو هادو غاهبيلات مكلخات دغيا ندوزو عليهوم دكاكة!!!...صافي دبا عرفت قيمتي ! نقدر نمشي...!!!
( هزت ساكها من فوق الكرسي ودارت متاجهة للباب ..)
عمر:(تفاجئ من رد فعلها القوي و قرم حواجبو و تبعها): ريم .. تسنااي رييم ..!!!
اياد(شاف فالكاطالوك و هو معوج فمو): ماعارت رد فعل نور كيغاتكون!
⭐⭐⭐⭐⭐⭐عند نور⭐⭐⭐⭐⭐⭐
واقفين بثلاثة .. نور،غيتة، نهال ...قدام دارهم الجديدة ... هه بغيت نقول لفيلاا 😂😂.. مبهورين بجمالها .. فعلا كانت رائعة و راقية تليق بمقام نور و واليديها .. احم احم ..
نهال: بدات تتنقز فرحااانة .. يااااااااااي 😍😍😍😍😍 دبا انا غنعيش هنا .. 🙇🙇🙇🙇 كتدور راسها فالمكاان.. يااه شوفو الجردة قدااش .. زويينة بزااف..! غانبقى نجيب هنا صحاباتي و نلعبو فالجردة واااو!! واااو ماما لابيسيييين!!! دابا غانولي نعوم فيه وقت ما رشقات ليا!..
نور: احح على الواليد عندو الذوق .. (ضربت كتف ماماها بكتفها) هينااا على الواليدة حتى هيا نعاماس .. لفيلاا .. والجردة .. ولابيسين .. الناس عاد بدات تتعيش الحيااة ..
غيتة:( كتضحك فرحاانة .). ايوا قالو اللوالا الله يجعل آخرنا حسن من أولنا .. انا كنحمد الله وكنشكرو على هاد النعمة لي عطاني سيدي ربي!!
نور:( جات حتى لوذنها) .. قولي الواااليد .. امم هو النعم غمزت ختها ...
نهال: ههه الواليد ..
غيتة: سيري الله يمسخك (ضربت نور )..
نور:(حكات الضربة و خنزرات بشكل طفولي) وا ماما واش انا قربت نتزوج ونتي باقة كتضربيني !!
غيتة : سيري لمك قلبتي عليها ..!!
نور(هضرات فودنها باستهزاء و هي حابسة الضحكة): هاهو تاج راسك وصل.
باان ليهم احمد جاي تيفرنس بوسامة ..تاهو ماتحكروهش راه التيتيز تايولد التيتيز!!😂😂
أحمد: وصل لعندهم .. مالكم واقفين هنا كتسناو لعراضة .. مرحبا بيكم الدار داركم ..
نهال: 😒 ومالها دار من ..
غيتة: دفعاتها .. زيدي قداامي الهيشة من هضرتك العوجة ...
أحمد ونور : ههههههه
دخلو لدار ..
غيتة:(كادور وجهها و تاتشف بانبهار) يا باسم الله .. تباارك الله تبارك الله .. بسم الله ماشاء الله الله يجعلنا ندخلو ليها بالصحة و السلامة يااااااربي...! هاد الشي زين الله يعطيك الصحة ..!
نور: هههه حمقة..!!(غوتات باش تسمعها)اماتخافيش راه تصلا ماغانجلسش معاكم بزاف هنا غاختاري البيت لي بغيتي!!
دورات عندها غيتة وجهها باسف و رجعات شافت قدامها..
بقات غادة نور ورا مها وباها كتستكشف معاهم قنات الفيلا .. وفنفس الوقت منباهرة بالتصميم والديزااين ديالها .. كتباان أنيقة و راقية .. كتمزج ما بين العصري والبلدي الأصيل .. عجباتها بزاااف .. وماشي غير هي كلهم بالطبع..
ختارت بيت لي يكون بيتها .. بيت مهوي ومشمس .. انيق وانثوي يليق بيها وبشخصيتها .. كيدمج ما بين لوني البيج والغووز بااارد .. كيتوسطو سرير دائري بنفس اللونين .. ودريسينغ مفتوح .. فيه ممكن تحط ثيابها .. وحمام .. وحتى بالكوون .. المهم بيت متكامل من جميع الجواانب .. واخا هي ما بقى لها والو و تنتاقل لبيت راجلها لكن اصرو واليديها تختار!
⭐⭐⭐⭐⭐⭐ريم&عمر⭐⭐⭐⭐⭐⭐
ريم غادة بخطوات سريعة معصبة و مخنزرة!! شدها من يدهه حتى دارت...!
عمر(بعصبية): ريم اش هاد الشي؟!!
ريم:(هزات فيه حجبانها)لا و كاتسولني من الفوووق؟!!راك ضحكتي عليا ا عمر و كيما درتي هادي دير وحدة اخرى!
عمر(خنزر و زير على دراعها):ريم!! ماتعصبينيش!! ماظيريش ليا فيلم ميكسيكي!! راني ديجا شرحت ليك انني ساني عقد معاهوم مايمكنش يتفسخ بحال عقد الزواج لي بيني و بينك مايمكنش يتفسخ!!!
ريم(خصرات وجها بتساؤل و عينيها و ساعو و حجبانها تلاقاو):لا بلاتي!! واش بغيتي توصل ليا انكم تزوجتو؟!!!!
عمر(ماقدرش يتمالك نفسو و وسط هاد الدراما تفرشخ بالضحك قدامها و و جرها من دراعها و عنقها و هو مازال تايضحك):هههه!! نتي اكثر مخلوقة كيوت عرفتها فحياتي!!!(طلق منها و شدها من ذقنها و ى تايشوف بحب)اححح على البرائة كيف تاتقطر من عينيك!! اما راه كانبغييييييييييييك و الله و ماباغيش نتخاصم معاك!!!...كون كنت شي وحداخور كون خليت الموضوع يكبر و نزيدو نتخاصنو و لكن انا لااا!!! انا ماسوقيش واش غاتفهميني ولا لا!! ولكن انا ماغانتهاصمش معاك...و حتى ايلا بغيتي تخاصمي معايا غانتصالح معاك!! يالاه!😉
ريم(تسمات ابتسامة خفيفة و هي هازة حاجب و منزلة حاجب و مربعة يديها و واقفة باستقامة):دبا شنو بيدوخني بزوج كليمات!!!
عمر(رجع شد حناكها بين يديه و هادشي قدام الغادي و الجاي بلى حشمة بلا حيى):اه و مية كاع ماسوقيش فهميها كيما بغيتي حنا واحد الكوبل لي عمرو غايتخاصم!!ايلا تقلقتي مني غانراضيك و ايلا تقلقت منك غاتراضيني!!!..و هادا موضوع تافه انا كانبغي بنت وحدة سميتها ريم!!! و مرى وحدة سميتها نادية!!
ريم(عوجات فمها و هي مخنزرة):ماماك ياك ماشي ضي حد اخور!!
عمر:هههه ماتخافيش!!!
ريم(ضحكات ر خشات يدها وسط دراعو و تمات غادية و كاتفرنس):فراسك رومانسي بزاف!!! الصراحة سعداتي بيك ماكاينش بحالك فهاد العالم نتا راك نادر!!
عمر(و هو هاز راسو الفوق و غادين باتجاه الباركينغ):ههههه حنا ماشي بحالهوم ابيبي!!!!
ريم:تشهيت شي كلاص بارد!!!!
عمر:يالاه نشريه لحبيبتي!! توحمي عليا كيما بغيتي!
ريم:ههه نتوحم؟!! اويلي!! من نيتك!
عمر:هاااححح امتى يوصلاك النهار!!(شاف فيها بشهوة😂)
ريم(حنات راسها و بدات تاتشوف فالارض):احم عمر حدر عينيك كاتخلعني و حنا فالزنقة !!!
ضحك عليها و جبد الكونطاكط حل الطوموبيل....
داز النهار و جى الليل و نور و واليديها رجعو لدارهوم و جلسات نور فبيتها تاتجمع اغراضها المهمين...كانت جالسة فطرف الناموسية تاتفكر ذكرياتها فالدار لي كبرات فيها و عاشت فيها ذكريات زوينة...دارت شافت فواحاد الحيط وراها مسبوغ بالباج...و جرات واحاد المخدة و هي تحني راسها بحالا تاتقلب على شيحاجة...لمحات شيء كتباتو قبل سنتين بقلم رصاص و نساااااتو...و لكن ليوم تذكراتو...كان مكتوب:" يوما ما سيتحقق حلمي " و طبعا كان حلمها المستحيل عندو اسم الا و هو اياد!!! و فهاد الايلم احلامها كلها بداو تايتحققو اهمهم اياد و طبعا نجاحها فموهبتها الرقص...
تبسمات و هي تاتشوف فالحيط...شوية سمعات الخبيط فالسرجم دارت منزاعجة حتى كاتبان ليها ضربات حجرة مع الشرجم و هي لي كانت دايرة الصوت...خنزرات و ناضت طل تشوف شكون مصدعها...غير طلات و هي تفاجئ بيه شاد كومة ديال الحجر و تايلوح...!
اياد(كايهمس هو الاخر و كايشير لساعة):طناش دالليل ماقدرتش نمشي للدار بلا مانشوفك!!!
نور(ضحكات عليه):واش تسطيتي!!
اياد:(كايهمس)وااا اااه سطيتيييني!!
"تحل الباب"
غيتة:نور!!!! مالك تاطلي من السرجم؟!
نور(خرجات عينيها و دغيا دارت عند مها متوترة):ا...ا...و..والو غاسمعت بحال شي مدابزة!!...
فهاد اللتناء ضحك اياد و ركب فطوموببلتو و ديمارا....
دازو الايام بهاد الشكل العلاقة كل يوم تزيد تزيان و تحلى!! و لي كوبل غامايزيدو يتباغاو!!! بقات ايام قليلة على العرس...و التحضيرات قائمة قررو يديرو العرس فقاعة افراح كبيرة و غايلبسو العرائس فقط الكسوة البيضة لانهم ماعزيزش عليهوم دوك التقاليد ديال سبعة اللبسات بلا فائدة!.. بقات بضبط يومين...! العروسات ولاو كل نهار يمشيو للسبا كايتهلاو فجسمهوم و بشرتهوم استعددا ليومهن!...
"مع جوايه الطناش دالليل متكية نور و ريم و صوفيا فبيت ريم و تايشوفو فالسقف...."
صوفيا:(تنهدات)دوزت معاكوم احسن صيف فحياااتي!! خسارة غاتزوجو و نتفارقو!!
ريم:علاه مالنا فين غانمشيو راه اوف كورس غانبقاو نتلاقاو!!!
نور:و اللهيلا ههه مالنا غانمشيو للصحراء😂😂
صوفيا: ههههه نتوما راه تزوجتو و تعفيتو انا راه بحال والو يسيفطوني لداك تجنيد الاجباري و ديك الساعة انا ليغانمشي للصحراء😂😂
*ضحكات نور و ريم بالجهد*
صوفيا: هههه اختي الله ياتينا بشي رجال بحال دياولكم و شي قصة حب بحالكم!!...فراسكم قصتكم بحال دوك القصص لي كايحطو فالفايسبوك!
ريم:هههههه لا فالفايس تازيدو فيه فيخرات
صوفيا:هههه وارا تقصتكوم موحااال يتيق شي حد ايلا قلناها ليه!!
نور:ههههه علاش؟!!
صوفيا: خيت فهاد الزمان من سابع المستحيلات انك تلقاي ولد زوين و رومانسي وعاد غني و كايمووووووت عليك!!! هادا راه بطل مسلسل تركي!!!😂
نور(ابتاسمات بحب):احححح دبا انا واش فحلم ولا فحقيقة؟!!
"انا: نتي فحلم الراقصة الصغيرة😂"
صوفيا:اجي نكوليكم اش بان ليكوم نقول قصتكم لشي كاتبة من دوك الكاتبات ديال القصص و تكتب قصتكم على شكل رواية فايسبوكية!
ريم شافت فنور باعجاب:اممم بصح؟!
نور:زعما؟!! اواه تالهاد الدرجة قصتنا زوينة؟! تي راه غايضحكو علينا!!
صوفيا:لا اويلي و الله حتى نتوما محظوظات لأن قصتكم ولا في الخيال...الصراحة كنت ديما كانبغي نقولها ليكم و كانتردد!! غاندوي مع شي كاتبة فالفايس و نشرح ليها و كدى و تكتبها اش بان ليكم
نور(شافت فيهوم بزوج):اممم ههه ماعرفتش موافقة غير بدلي سميات و شي تفاصيل باش مانبانوش حنا مية فالمية
ريم:اه تاهادا نظر!!
صوفيا(ناضت و شدات التيليفون):ياااااااي انا متأكدة غاتكون قصة واااعرة!!!! شنو نسميوها؟؟!
بداو البنات تايشوفو بتساؤل و نطقات ريم:كلشي بدى بسبب حلم هاد الساطة(على نور) كانو عندها زوج احلام فهاد الدنيا تولي راقصة فري ستايل مشهورة...و تلاقى باياد و دبا تحققو ليها بزوج فدقة!!...ديري شي عنوان بحال هاكا!!
نور(تبسمات و ناضت): تي مالي كلت شي حاجة!! راني غانكون غاتعطلت عليه!! انا راه ماطال عليا غاامتى نتزوج بيه!! سعداااااااتو غايتزوج بوحدة بحالي ناوية نبرعو!!!😌
صوفيا(كاتشوف فيعا بتشكيك):هاهي هاي هاي تبرعيه من انا ناحية!!!!
نور(خرجات عينيها و ربطات ححبانها و دارت عندها):اويلي الشهيوات اكيد الشهيوات!!!
ريم و صوقيا: و الشهيوات انواع😂😂😂😂
هربات نور و دهلات لطواليط....اما البنات فغسلو وجاههوم فلافابو و هبطو للصالون لقاو كلشي مجموع العائلة دنور و ريم..!
صفية(لي كانت جات قبل طناشر يوم):توما عاد فايقات؟!!! عيطي لنور تهبط دغيا!!!!
ريم:أَو علا شحال فالساعة؟!!
صوفيا(هزات راسها فلمكانة لي معلقة فالصالون):اويلي طناش و نص!!!
ريم:اوااااه!!!
صفية:يالاه جريو جيبو نور لابسة مقادة راه خطيبها من الصباح و هو تايسناها باش دير العقد!!!
البنات:واخا...
طلعو تايجريو حلو الباب لقاوها تاتمسح فوجهها بشوييييييية عليها...
ريم(كاتهضر بزربة):اويييييلي تي نوضي جمعي الوقفة راه الوحدة هادي(ضروري من ديك الزيادة😂)راجلك المستقبلي تايتسنى!!!
نور(لاحت الفوطة و ناضت متفاجئة):الوحدة؟!!! اويلي!
ريم:واااايه يالاه....
طارت صوفيا للماريو و جبدات سروال دجين و قاميجة...و لاحتهوم فوق الناموسية...
صوفيا:يالاه لبسي دغيا!!!
يالاه نوات نور تلبسهوم و هو يتحل البلب..!
غيتة(دخلا و هي هازة فيدها جلابة و بلغة):نور!!!...(لمحاتها و وساعو عينيها بتفاجئ)اوييييييلي مازال ماوجدتي راسك؟!!!(شافت فالحوايج لي هازة)اويلي ناوية تلبسي هادشي؟!!!(لاحت ليها الجلابة و البلغة فوق الناموسية)هالي كايتلبس!! احيااااااني عولت على المزوجة تقريك ساعة الحمدالله غاملي طلعت عتقت الموقف!!!
غيتة(خنزرات):غاتلبسييييه!!! يالاه و سربي قصمااااين تهبطي عندي!!!
شافت نور فدوك الحوايج باستسلام و بدات كاتلبس....
بعد دقائق هبطات نور لابسة الجلابة لي كانة فالغوز بارد و مخيطة خياطة زوينة ...كانو من وراها ريم و صوفيا بلباس عاااادي...غير لمحوها العيالات و بدلداو تايصليو على نبي...
*الصلااااااا و السلاااااااام على رسول الله...الا الجاه الا جاه سيدنا محمد الله معااااااك فالجاه العالي لولولولولولولولولولوووووووي*
نور كانت حانية راسها و مبتاسمة بخجل...حتى حسات بيد شدات فيدها دورات راسها لقاتو اياد!..شافت فيه بابتسامة خجولة و رجعات حنات راسها....تمو غادين بزوج
بعدما خرجو من الدار بالصلاة و السلام ركبو بزوج فالطوموبيل...و بداو يقادو فالسمطة!
اياد(كايشوف فيها بابتسامة تبعث الراحة فالانفس..! و نفس ديك الشوفة لي ايلا مادارهاش فيك غاردي زمر لمو😂):مستاعدة تكوني مراتي؟!
نور(بابتسامة بحال ديالو و عينيها تايشوفو بعينيه بدون خجل):اه!!! و من شحال هادي!!
زاد كبر ابتسامتو و بدى تايطلع و يهبط فيها بابتسامة: هاي هاي على الجلابة!!
اياد(ضحك عليها):لا لا و الله تا زوينة جاتك..!ملي غانتزوجو غاتبقاي تلبسي غاجلالب!!!
نور:اويليييي؟! من نيتك ا اياد هادشي مازال كاعما تزوجنا و تاتكول هاكا!!!
اياد(ضحك عليها تابانو سنانو):هههههه صافي صافي خلي تانتزوجو و نشوفو!!
[💍]بلاما مانطول عليكم[💍]
خارجين من مكتب العدول كايفرنسو و معانقين من الجنب...
اياد(شد ذقنها بيديه و هو فرحااان):مرااااتي!!
شافت فعينيه بغنج و هي غاطير بالفرحة: رااااجلي!!!!
اياد: هههههه يالاه نركبو لا نسدق داير شي فضيحة فالزنقة و انا وياك خاصهوم غاعلاش يخرجو علينا شي اشاعة!
ركبو فاللوطو كلهوم سعادة...ديمارا اياد اللوطو و زاد اما نور فشعلات الراديو و هي تخرج ليها اغنية "داني..ديتو" و هي ظحك بجهد و بدات تاتغني معاها...
نور(تاتشوف فاياد بحب و سعادة و هاد الاخير عين فالطريق و عين فيها😂 حاط يدو على يدها اما هي فكاتغني بحماس و كاتغوت):راجل ماكابن بحالو! فالقمة الصف اللول!! ماعندي مانتساااااااالو!!! فالشداااا عليه نعااااوااال (هزات يديها بحالا تاتوريه الخاتم)دانيييييي دييييتو و الله ماخليتو!!! ديتو و دانييي و الله ما خلاني!! داني داني!! ديتو!!!(بس: راكاتغوت!😂)
نور( كاتنقز فوق الكوسان بحماس و فرحة و هي تاتغوت ):والاااااااا هههههه انا فرحاااانة
اياد: ههههههه وا تانا فرحان !!!!
نور(جلسات متبتة و شدات تيليفونها و قادات شعرها و سكتات راديو و طلقات اغنية داني ديتو فتيليفونها و جبدات انسطا سطوري و بدات تاتسجل و هي مبتايمة و كاتحرك شفايفها على الكلمات و كاتشوف فاياد بحب لي كان تايظحاااك عليها حيت دغيا تسيفات...سالات الفيديو و هي توريه ليه)واااااو شوف شحال جينا كيوت!!!!
اياد(كايضحك):لا لا نتي بزاااااااف!!!! ساليتي معايا!!!دغيا تسيفتي!!! كان خاثنا نديرو ديك اللعيبة ديال
😂😂😂(\\\real life *VS* instagram ///)
نور:(كاتبتاسم)واراه خاصنا نبانو بعقلنا راه انفلونسرز حنايا!!!خاصنا نعطيو صورة زوينة!
اياد(باس يدها و تنهد): ااااه فيا الجووووووووووووووع!(طولها)
نور: اممم تانا!!(شافت فالطريق)واش غادين لدارك ولا كدبت !!
اياد:(شاف فيها بابتسامة مع غمزة في نهاية الجملة) دارك بغيتي تكولي ياك!!!
نور: بلاتي ! بلاتي واش ناويني نطيب؟!!!
اياد: لا لا هاد الاكلة طايبة من شحااااااال هادي كنت كانتسنى غير وقتاش نتزوج بيك باش ندوقها!!!
بتاسمات نور ببرائة: كيكة ديال الزوااااااج!!!
اياد(ضحك و شاف فيها و جمع فمها بطريقة مضحكة): نتي نتيييي!!! غاناكلك!!!
نور: ههههههه(ترخات فوق من الكوسان) الحمد الله غاملي صاوبتيها حيت انا بيني و بين هادشي ديال طياب غالخير و الاحسان!!! كانعرف شوية و لكن كيكا هاهاهاها أُولْمَااااصْ! (مايمكنش) و لكن سربي حيت خاصنا نرجعو
ضحك عليها اياد و كسيرا....ماهي الا دقائق حتى وصل للفيلا ديالو او بالاحرى ديالهم!....نزل اياد حل ليها طوموبيل و مد يدو...
اياد: مرحبا بيك فدارك الجديدة!!!.
نزلات نور من الطوبيل شافت فالفيلا هاد المرة شوفة اخرى!!!كانت دايمان تاتشوفعا و لكن دابا ملي قال ليها ظارك ولات تاتشوف و تاتمعن و تاتبسم...
نور: اياااااااد!!!واش غير انا وياك غانشكنو هنا بوحدنا!!
اياد(كايشوف فيها هازا عبنيها تاطلع و تهبط فالفيلا كانها اول مرة غاتشوفها....و انا اول مرة غانوصفها....عي فيلا كبيييييرة اكبر من فيلا امها و باها...تصميمها عصري و زوين فجنابها كاينين اشجار و عاد كايدورها سور و كاين باب ابيض كبيييير ديال الدخول بجانبو بزااااف ديال الشراجم..! و عاد حدى الفيلا كاين بحال واحاد البيت ديال 60 متر مربع او 50 هو الكاراج لي كانو تايجيو ليه!....كانت الفيلا كلها بيضة مع يعض التفاصيل بالفضي و البيج فونصي!...) اه انور عينيا! غانسكنو غير انا وياك مملكتنا!!! و اصلا واحاد العام مور زواجنا غانديرو الوناسة!!!
نور:(علات فيه عينيها و هي تاتشوف فيه بحب و عينين مغرغرين) اياد!!! واش انا كانحلم؟!! واش هادا غير خيال؟!! انا باقي تالدبا ماستوعبتش اننا تزوجنا!!! انك كاتبغيني!!واش تالهاد الدرجة انا محظوظة؟!! واش بصح ا اياد هادشي لي كايوقع دبا؟! انا كانستحقك؟!
اياد(شد وجهها بيديه): اه انور !!! انا بغيتك و حبيتك من قلبي قلتها و غانعاود نقولها كان قلبي حجرة!! نتي زعزعتيه و حركتيه خليتيه يدق ملي يشوف عينيك و شوشتي ليا تفكيري خليتيني نولي كانساين غير النهار وقتاش نتلاقاو ....و ايلا هزيت تيليفون كانساين غير وقتاش تجاوبيني او تسيفطي ميساج!! باختصار انور !! دخلتي لحياتي و نورتيها و شعلتي فيها الضو سحرتيني بجمالك الداخلي اكثر من الخارجي!! روحك زوينة!! و قلبك بيض عتابرتك صديقتي قبل مانتأكد من حبي ليك كنتي انسانة وفية بزاااف!! عاودت ليك حوايج ماعمرني عاودتهوم لتاشي حد!! تيقيني ماشي غير جيت سو خديت قرار انك تولي مراتي!! راه تافكرت مزياااان و لقيت انه ماكاينش شي انثى بحااالك فوق الارض و انك نتي الوحيدة لي تستاهلي نحبك بكل جوارحي و نكمل معاك حياتي!!!انا لي خاصني نتسائل واش كانستاحقك ولا لا!!! لأنك انسانة مميزة و فريدة و ماكاينش بحالك!! تيقي فراسك و تيقي بيا انا كانبغيك!!! و غانطير بالفرحة لانك وليتي مراتي و مانقدرش نوصف ليك كمية الحب و السعادة لي غانعيشك فيهوم!!!
نور(و كالعادة كموعها بحال الشلال نازلين قلبها غايسكت ما صبراتش و هي تلاح عليه عنقاتو بحرقة و زيرات عليه مزياااااان شدات فقميجتو و خشات و جهها فعنقو ):ايااااد ئهئهئه انا وليت كانتسطى عليك!!! ئهئه مانقدرش نعيش بلا بيك ئهئه عنري بغيت شي حد من غيرك!!! نتاااا احسن البشر فعبنياا!!!!
باظلها اياد العناق و هو مبتاسم و فرحان حيت اختار المرأة المناسبة لي غاتكمل معاه حياتو..!!!....شدها من خصرها و هزها بحال شي بنيتة صغيرة ختر رجليها بداو تايفركلو تحت منزو و تحولو شهقاتها الى ضحكات...!
نور: اياااااد هههههه نزلني ههههه
كان اياد تااايضحااااك جبد السوارت و حل الباب و دخل سدو و حطها..!
نور:هههههه واش انا خفيفة تالهاد الدرجة؟!!
اياد(ضحك اياد و بدى تايتبوحط عليها):اححح اضهري احح ايدي!!(قرب ليها و شاف بتحدي و هز القاميجة حتى بانت كرشو و مع الهزة مع الحلة دفم نور😂😂)اري يدك!!! (كانت نور مصدومة و حالا عينيها فخير ربي و داكشي قداااامها مبااااشرة و الواعرة انها بعد قليل غاتقيسو(عن العضلات السداسية تحدث 😌) شد يدها و حدها على كرشو و بدات تاتلمس و هي حالة فمها )هههه شفتي هادو ماكاينينش غاهاكاك!!!
بقات نور حالة فمها و كاتقيس فتقاسيم كرشو لي قاصحة اول مرة غاتقيس لي زابدو بيديها..عجبووها😂
نور(حالة فمعا و عينيها و هي مزال تاتشوف فكرشو):احم!! دباا!! واش عادشي فيك هاكا(هبط القاميجا و هي تهز عينها فيه لي كانو بحال المبوقين 😂 بعدما شافت الهضبات)ز..عما ماملصق والو؟!
ضحك اياد تا بانو سنانو:هههههههه كيفاش؟! مالي دنيا باطما😂😂 تي اش بيتيني نلصق راه هادشي غا حيت من صغري و انا كانتريني..! تي اش غانلصق!!
هزات نور حجبانها كدليل على انها فهمات:ااااه! احم..!!!وا خيوورااات تباركالله
اياد(ضحك و قرب ليها حتى ولات بيناتهوم سنتمترات قليييلة و هو راسم على فمو ابتسامة خبيثة): حيدي الجلابة خليني حتى انا نشوف خيورات مراتي!
نور(تفاجئات بهاد الجملة الاخيرة اااااااخر حاجة كانت تتوقعو يقولها!! سرطات ريقها و هزات راسها بشووييية باش تشوف فيه حتى التنفس ماقدراتش تنفس نظرا لقربو الشديد و نفسو لي كاتخبط فيها): ك..يفاش ع..علاش؟!
اياد(بنفس الابتسامة): حيدي الجلابة و نهضرو!!
نور(رجعات باللور و هو تبعها و ماحدها تاترجع اللور و هو تايتبعها تالصقات على الحيط..): اياد حظر عقلك مازال ماكاملاش تاساعة لاروب باش تزوجنا!!!! خلي غاتاناكلو الكيكة بعدا!!!
اياد:(ضحك على هاد الجملة الاخيرة و هو يحط يديه بزوج على الحيط و حاصرها)الكيكة قدامي واجدة من شحااااال هادي و جى الوقت باش ندوق منها!!
هزات نور عينيها الفوق و بدات تاترد السينتا للوراء كاتفكر الهضرة لي كال ليها فاللوطو و هي كيفاش جاوباتو و فهاد اللحظة بالضبط كتاشفات كم هي كيدارة و مكلخة😂و بليدة و زليجة و خبيز ربي فطبكو...سرطات ريقها و دوات باستسلام: قصدتيني انا ياك!!
ضحك اياد و زاد هبط راسو عندها حتى ولات نفسو كاتخبط فنفسها و صوتو تايدخل ليها مع العضام:هادشي علاش كانبغيك!!لانك بريئة!! و بحالك ماكاينش...(هزات نور عينيها تاتلاقاو مع عينيه)فراسك نتي اول وحدة!!!!
نور(انوصفلكوم شعورها..!! بحالا محبوسة وسط شي غرفة فيها الاكسجين قليل و عاد الموت ديال الصهد...بحال هاكا كانت ...كانت سخونة بزاااف بخالا راكباها الحمة و حناكها ولاو بحال ماطيشة و عاد قلبها لي ولاو دقاتو كايتسعو و مع كل دقة كايدق جسمها كلو كايرجف و قاطعة فيها النفس نظرا لقربو ليها..سرطات من جديد ريقها لي نشف و حركات فمها بصعوبة)ش...شنو لي انا اظ..ول وحدة!
شد وجهها بين يديه و نزل راسو حتى تلاقاو شفاههم و...
📺📺📺🚫🔞🔞🔞
طنننن طفات الكاميرا😂😂 صافي خلي هادشي بين الراجل و مرتو تايساليو و نمشيو عندهم....
عمر: اجي لهنا اديك المشاكسة غاتبقاي غاهاربة(شدها من يدها و قربها لعندو تاتلاصقو و شد خصلات شعرها كايلعب بيهوم)
ريم(هزات فيه عينيها بغنج): بعد مني راه خاصني نمشي نجلس مع العيالات!
عمر:(وهو مبتاسم و باقي شاد خصلات شعرها) هادشي كلو على ودنا!!! و انا بسباب عرسنا مابقيتش نقدر نستفرد بيك!!
عمر:(كايقيس فشعرها و وجهها و هو قريب منها بزاف)عمرك ماطلعي ليا فراسي...!ر(شم عنقها)ريحتك...(لوى خصلة من شعرها)شعرك (هز راسها و شاف فعينيها)عينيك!!
سرطات ريم ريقها و توترات و سي عمر مع شدها فواحاد القنيتة مضلمة فالدار و بالظبط فالسطح😂 خدى رااااحتو و بقى غادي و كايقرب من وجهها حتى تلاصقو شفاهوم و الخبار فراسكم!
🚫🚫🚫🚫📺📺📺📺
اووفففففف فين غانمشي انا فيييين!!! مشيت عند نور و ايااااااد مايديرو المسخ مشيت عند عنر و ريم تاهوما كتر منهوم!!!
اوفففففف😣😣😣كون غانازوجتهومش ضسرو ضسرو!!!اجينمضيو عند داك اياد و مرتو كوراه طلق منها..
✨✨✨✨
بعد اياد وجهو من نور و هو كايتنفس بزربة بعد قبلة طويييييييييييييلة نيت فدى فيها القديم و الجديد و برد فيها غدايدو اما هي فتنفسات الصعداء غاملي طلق منها شدات فمها لي تخدر و نزلات دمعة حارة على خدها ما عرت ديالاش😂...بقاو تايشوفو فبعضهم لثواني...
اياد(بابتسامة صغيرة هلى شفتيه لي حمارو و هو مازال تايتنفس بالزربة): اول مرة و احسن مرة!!
نور(حيدات يديها على فمها و دوات بصعوبة): ا...اياد!!
اياد(حط يدو على فمها و رجع قرب ليها) :شششششش...نتي مراتي و حلالي خودي معايا راحتك و ماتحشميش و ماتوتريش تقدري نتي تاخدي المبادرة وقتما بغيتي!! ماعمرك تحشمي امراتي!! انا ماغاناخدش عليك انطباع خايب!! و ماغانشوفكش شي شوفة خايبة!!! بالعكس غايعجبني الحال و غاتكبري فعيني!!نور!!! انا وياك دبا مزوجين و عاظي يكون بيمي و بينك هادشي!!!(شاف فعينيها لي هزاتهوم فيه مغرغرين بحناااان و نظرة تبعث الراحة في الانفس)انا قلت ليك هاد الهضرة باش تاخدي راحتك معايا انور ماشي باش تبكي!
مازادت نور معاه تاكلمة و عنقاتو من جديد....
العناق شي حاجة زوينة بزاااف كايعطي شحنات ايجابية للطرفين...و كايحسسهوم بالراحة و الإطمئنان و السعادة...!! العناق كايزيد يقوي و يمتن العلاقة بين الطرفين !!
بعد هاد العناق الطويل...خرجو الازواج ديالنا من الدار في اتجاه دار ريم...
يوم العرس...
التحظيرات على قدم و ساق...
البنات مشاو للصالون باش يوجدو من دبا...حاجزينو خصوصي ليهم... الدراري كانو واقفين على تلحفلة و هوما لي تكلفو بالقاعة و تجهيزاتها...اما الامهات و باقي الهائلة فهم مجموعين ففيلا عائلة نور لانها الاكبر و كانو في تستقبال ضيوفهم و ضيوف عائلة ىيم...العرس ماغايبدى تالتسعود دالليل مور اذان العضاء و ماغايسالي تالصباح...
تعالوا لنظرب طليلةً عند الفتشايات...
ريم(متكية فوق البلياص تايديرو ليها مساج عشان الاسترخاء و الاستعداد و داكشي و كادوي مع نور لي تاهيا متكية فالباياص لي حداها و واااخدة راحتها فالهضرة لان البمات لي تايديرو الماساج اجنبيات): نور! دابا ملي غانديرو العرس..صافي انا وياك ماغانبقاوش نخرجو و نتلاقاو كل نهار و كدى اه؟!
نور:(خنزرات)اويلي لااا امبوسيبل اصلا رجالنا خدامين بزوج و فشركة وحدة سو هوما يمشيو للخدمة و مرة نجي عندك مرة تجي عندي!!
ريم:اااه تاهادا نظر!!...اجي كال ليك اياد على شهر العسل؟!
جاوباتها البنت بالايجاب و نتاقلو لباياصات خرين و هنا بداوتايديرو ليهوم فالزيوت و الماسكات لوجههوم باشتكون بشرتهوم نضيفة و مستاعدة للميكاب...
🕗بعد ساعات و ساعات🕣
*وصلات التسعود دالليل*
كانو لبنات اولريدي سالاو الميكاب ديالهوم لي كان خفييييف كامو غير موجود دارو ليهوم ماكياج لي هتم فقط بابراز ملامحهوم الجميلة ماشي داك الماكياج لي عاما كايزيد يخصر الفصادة موهيم كان ماكياج رااااقي!!!...
بداو تايلبسو كسواتهم البيضات لي كيما خبرتكوم غايلبسوهوم غير هوما..!..
بعدما لبسو و دارو بعد الاكسسوارات كلمسات اخيرة ....وصلات الليموزين لي فيها العرسان ...
نور:(شادا فيد نور و على وجهها كل علامات الفرح و الحماس)اوففف متوترة بحالا غانشوفو لاول مرة!
ريم(بنفس ملامح نور ممزوجة بابتسامة عريضة): وا تي طلقي مني حالتي ماشي احسن منك!! اوفف
تمات غادا صوفيا قدامهم كاتمختر بقفطان ابيض ممزوج بالفضي و مكياج لي كان أوضح من مكياجهم..
تبعوها البنات مشادات و ماقادراتش يخفيو مشاعر السعادة!! غير وقفو قدام اللبموزين تحل الباب و هونا يبانو ليك قمرييين مبندين حاطين رجل فوق رجل واحد ينسيك فلاخور التوتوز يما توتوززززز!!! الكوستيمات فاللون الاسود القاتم داخو البنات و ركبو بعدما لتاقطو اتفاسهم بالزز...كل وحدة جلسات حدى راجلها و صوفيا جلسات بعيدة عليهوم شوية..دايرة خدمة الباباراتزي كل شوية تصور و تلوح فالباج ديال الفانز لي نصاوباها زعما دايرا داكشي حصري...
عمر(شاد فيد نراتو و عينيه فعينيها): جيتي كاتحمقي!!
ريم(كانت حانية راسها عاملة فيها دور الحشمانة):شكرا تانتا😳
اياد(كايتفحص وجهها و كسوتها و شعرها و كل تفاصيلها بابتسامة خفيييفة):بحال لون قلبك!!
نور(هزات فيه عينيها لي كانت حانياهون بتساؤل):الكسوة!!!...(قرب لوجهها و حنى راسو باس جبهتها)كانبغيك..!!!
نور(هزات عينيها بابتسامة بريئة و هي تاتنفس بسرعة و دقات فلبها تاهوما كايجريو..هادا حالها ملي كاتكون معاه): اكثر منك...!
وسط هاد الرومانسية كااملة حنحن شخص كان جالس قدامهم تايشوف فالمنظر بحرقة!!
صوفيا: احم احم معاكوم واحاد العازبة هنا شوية التقدير😇!!
شافو فيها بربعة و تفرشخو بالظحك😂😂...
ماهي الا دقائق قليلة و وصلو للقاعة لي كان صوت الشعبي مسموع على بعد امتار...!سطاسيونات الليموزين امام القاعة و هنا حلو الحراس الباب و نزلات صوفيا هي اللولة حاملة تيليفونها و تاتصور...ثم نزلو العرسان ديالنا على ضوء فلاشات الكاميرات لي كانو تايصورو و اغلبهم كانو صحفيين...كل عريس شد فعروستو لي كانت متوترة و هادشي باين من يديهم لي كانو تايترعدو..و تمو غاديين فداك الريد كاربت لي مفرش فالدخلة...حتى وصلو للدخلة ديال القاعة...و هنا مان كايستقبلهوم التمر و الحليب و الزغاريت ديال العيالات(مافيش نكافات ماعندهوم ماينكفو كسوة وحدة راه شاريينها) كانو بلايصهوم تايتسناوهوم تمو غاديين بخطوات صغيرة و موسيقى الاعراس خدامة حتى وصلو لمقاعدهوم وجلسو تقادو فالجلسة و الكاميرات كلهوم موجهبن نحوهم...كانو الشباب راسمين ابتيانة على فمهم اما الفتشايات فدهشرو حسو براسهوم بحالا واقفين قدام بزااااف ديال الجمهور فحفلة كبيرة كان شعورهوم ب"الضهشير" واااضخ و طاغي على شعورهم بالفرحة...!
بعد دقائق من جلوسهم وشوش اياد لنور فودنها...
اياد(و هو محافط على الابتسامة و تاشوف قدانو موهيم تايدوي بلاما يعيق..): واش مرتاحة؟!
نور: شوية ماعرفتش حسيت شوية بتوتر!
جمع اياد يديه مع بعضهوم و بدا تايحمبهم...و شد يديها بزوج و حط عليهم يديه الدافيين...
اياد: (هاد المرة دور راسو و شاف فيها بحب) و دبا؟
نور:(دورات راسها هي الاخر و شافت فيه بحب كانها رتاحت)اه شكرا! الله يخليك ليا!!!
ابتاسم ليها و رجع شاف قدامو...
ريم هي اللخرى كانت مدهشرة و مصدومة و وجهها خالي من التعابير...لاحظ عنر هادشي و قرب لودنها غير معيق..ونطق بسخرية و لمحاولة اضحاكها..
عمر: ني فردي غوباشتك لا يسحاب ليهوم خاطفك و مزوجك بزز!!
ابتاسمات ريم شوية: وا راه هاد القوم كلو كايشوف فينا و الواعرة غانبقى مبندة هنا شحال من ساعة تقاليد دالمرض!!
ضحك عمر بسخرية: نتي شفتي غاهاد التقاليد و ماعجبوكش انا راه عاودات ايا الواليدة على عرسها (تنهد)شي تقاليد!! وا بربي و تعرفيهم تايضرك خااااطرك اساطة!!
غلبات على ريم الظحكة و مابغاتش طلقها حفاظا على البريستيج: هههههه صافي عارفة عارفة بلا ماتكمل نحمد الله و نشكرو ملي تحيد داكشي!
عمر(ضحك و هو تايشوف فيها غير مبالي لعباد الله): ههه واشتشيي الحوب!
دارت ريم شافت فيه بابتسامة وحاحب طالع ولاجر هابط: تا شفت هضرتك بدات تشرمل ديزاكتيفي عليا هاد المود و خدم مود لافخونص!
ريم: (ضحكات و هي تاتشوف فيه) اويلي!! ههه كانبغيك مي(حنات عينيها و بدات تلعب بضفارها) نتا لي بغيتيني اللول!!
عمر(هرج فيها عيتيه و هو مبتاسم):ايااااه زعما ماكنتيش طايحة فولد خالتك لي ساكن ففرتنسا من شخااال هادي!
ريم(سرطات ريقها و خرجات عينيها):شكون كلها ليك!
عمر: هااااا هههه هي بصح!! بغيت غانجربك و نتي تفرشي راسك!!
ريم(ميقات و بتاسمات كانها غير نبالية): هاااء وا راك راجلي دبا وليتي و عاااادي...و نزيدك كاااع!! كانت ماماك كاتصيفط لماما تصاورك فالواتساب و كنت كاندخلهوم لتيليفوني و كانبقى نشوفهوم قبل مانعس (خرجات فيه عينيها بلى حشمة بلا حياء)ايااااه اسيدي كنت كانبغيييك!! و كانحماق عليك و نهار عرفت انك غاتخطبني كنت غانطير بالفرحة!! واخا نهار بقيتي كادوي عليا داك النهار(خنزرات فيه)تفقصت...مي نتاقمت و بردت غدايدي ملي كليتي الصلصة الحارة هاهاهاها و عاد خليتك نتا تقرب مني و تقنعني نبغيك !! واها انا راه كنت باغاك غير عايشة دور سمكة التونة العجيبة و صافي!! احححح و هانتا دبا كالس حدايا فالبرزة و وليتي راجلي بعد كل شيء !!...و في الختام جوطيم راجلي العزيز!!(خدات نفس عميق بعد كل ها د الهضرة لي كالت)
عمر(كان غاكايشوف و حال فمو و الابتسامة مرسومة على شفتيه):هادشي كلو!! طيرتي البلاكة !! صافي ههههه زيدي عتارفي لا باقا شي حاجة اخرى!
ضحكات ريم بسعادة: هههههه صافي فشيت قلبي!!
عمر: ههههه تانا كانبغيك !! و بزاااف !!(زاظت وساعت ابتسامتو)تيقيني غاندير جهدو كلو باش نفرحك غير بقاي بحال هاكا ببرائتك و طفوليتك كاتحمقيني هاكا ماتخيليش ملي غانتجمع انا وياك فبيت واحد اش غاندير ليك(خنزر و هو محافظ على الابتسامة)غاناكلك!!!
ريم(خنزرات):ايواااا ناشي كلت ليك هاكا تغمق عليا تكايس على زوجتك راه صحتها قلييييلة و عضيماتها راشييين و علمني داكشي بشوية بشوية راني عمرني درتو!
ريم(صغرات فيه عينيها):احيااااني عليك!! عليا انا؟!! شوف و كان؟!
عمر:هههههه الصراحة فايت مصاحب فيامات المراهقة و الطيش يامات سطاش و سبعطاشر عام مي ماعمري درت لي على بالك!!
ريم:اياااااه و كاتكولها هاكا طايطاي بلا حشمة بلا حيى!!!كون كنت انا علم الله اش كنتي غادير
عمر(حط يدو على يدها):واراه يااامات الطيش و المراهقة انا دبا كانبغيك نتي و نتي هي مراتي لي غانعلمها كلشي و نعيش انا وياها كلشي!!
ريم:امممه دوخني بزوج كلمات على العموم(دارت و شافت قدامها مبتاسمة)ضحك باش مايحسابش للناس راك خاطفني و بزوجني بالزز
ضحك عمر و دوى فودنها:حافظي عليا...خليتك ضحكي بعدما كنتي متوترة!!
ريم(هضرات هي الاخرى فودنها):وا حافظ عليا تانتا..! راني كانبغيك!!!
ظحك عمر و باس يدها ...
اياد(شاف جهة عمر و ريم):هادوك شتهوم من قبايلة و هوما مجمعين تكول كالسين فقهوة
نور(شافت جهتهم و ضحكات):هههه و اللهيلا راه زوج حماق تلاقاو..!!!
اياد:ههههه شنو زعما نتي بعقلك؟؟!
نور(ضحكات بسخرية):و نتا زعما مطفرو؟!!!
اياد(شاف نيشان فبؤبؤ عينها و ابتاسم ابتسامة جانبية):كايمشي العقل غير ملي كانشوف عينيك!!
نور(ضحكات و عضات على شفايفها بفرحة): ولك تأبرني شو رومانسي!!!
اياد:ههههه مازال ما شفتي وااااااالو ابب😉
بقاو حتى هوما مجمعين...و جاو عندهوم واليديهوم دواو معاهم و تصورو معاهم... و كذلك جاو مجموعة ديال الناس باركو ليهم...
وصلات الربعة دالصباح و العرس اشرف على نهايتو...دخلو قالبين كيك طويييييلين عرييضين كل واحد ديال كوبل...
ريم(فودن عمر):هيييييي الحلوة الحلوة!!!
عمر:(ضحك و وشوش هو الاخر)الحاوة هي لي غاناكل انا مور العرس!
بدات كادورها ريم فراسها..
ناضو العرسان و تاجهو باتجاه قالب الكيك وقفو قدامو مبتاسمين الابتسامة لي ماحيداتش من فمهم طوال الحفلة...كانت اغنية(Perfect--by--Ed sheeran) مطلوقة و ااناس واقفين دايرين بيهم تايصورو....شدو السكين و كل و كل واحد حط يدو على يد زوجتو و خشاو الموس وسط الكيك و هبطوه تالاخير تحت تصفيقات الحظور....فرحو العرسان...و خاصة نور لي ماقدراتس تسد فمها بالظحكة من شدة الفرحة...كانو عينيها تايدورو مابين الموجودين و فجأة عينها طاحت على شخص واقف بقرب الباب...كان بقبية كحلة و عاد داير القب..! و مخنزر تخنزيرة قوية و كايشوف باتجاه العرسان بحقد واضح..!
اكيد عرفتو الشخص...كانت مروة!!!(مروة المنتظرة كلكم كلتو فيناهيا مروة فيناهيا مروة ها مروة يالاه بقاو على خاطركم😂😂 شحال تموتو فالشر😂) لمحاتها نور و لكن ماتأكداتش فعلا من واش فعلا هي او لا..! بمجرد نغرها اياد تشتت نظرها و تركيزها و تقطع حبل افمارها...و دارت شافت فيه بابتسامة حالة فمها لتستقبل القطعة دالكيك لي بغى يعطيها...حسات بنوع من الخوف و النشاعر المختلطة مارتاحتش و بقى قلبها مقبوط واخا مامتأكداش من لي شافتو(يا ترى علاش ناوية؟!! لي عرفات نصفق عليها)...تقطعات الحلوة و تفرقات و بداو العرسان تايرقصو على انغام اغاني ed sheeran الرومانسية..و عاد كل عريس كايتعنب على عروستو و صوفيا وسط هاد الحشد كاتصور و تلوح فالانستا...حتى وقف عليها *رياض*(خو سامي..ولد عم نور...على ذكر سامي..راه تاهو حاضر للعرس برفقة خطيبتو لي كان دوى لمروى عليها داك النهار الموهيب الراجل قلبو صفى..)
رياض:(شاف فيها تاهزات فيه عينيها من صبع رجلو الصغير تالراسو)سالام..!
صوفيا(مخرجة عينيها لشدة وسامتو و دوات بتساؤل ممزوج بالتوتر):سالا..م!
رياض(بنفس الابتسامة و هو خاشي يدو فجيبو):و من لا يعرفك!! كانعرفك غير من السوشل ميديا..!
صوفيا(بتاسمات بابتسامة جانبية ديال الاعجاب عرف منين يتوشيها من الوتر الحساس...*شهرتها فمواقع التواصل* خسات براسها شي حااااجة فهاد اللقطة):هاها اااه!!
رياض: صافا؟😊
صوفيا(دابت السيدة و طاحت صافي اصلا من السلام اللولة طاحت على زنافرها و بقات مبتاسمة):الحمدالله بيخير نتا؟!
رياض:الحمدلله! ..سميتي رياض!
صوفيا(عرضات ابتسامتها):مشرفين...ههه...انا صوفيا..على كل حال عارف سميتي!!
رياض(حتى هو وسع ابتسامتو): ههه وي!! فرصة زوينة ملي تلاقينا هنا الصراحة كنت ديما تانبغي نهضر معاك فالانستا مي حيت مشروك مع خويا التويمي ماكانقدش هههه !
صوفيا(حسات بنغيزة فقلبها الحب يطرق ابوابها😂😂 تا را عندها داك الشي سريع!..دورات قضية خوه التويمي فراسها و دوات بتساؤل و هي محافطة على السمايل):عند توين؟؟!
رياض(ابتاسم و دار كاينعت لخوه التوأم لي كان واقف رفقة عائلتو فالطبلة و كايشوف فالجهة المعاكسة غير مبالي):ههه اه راهو واقف لهيه..!
صوفيا(سرطات ريقها و وساعو تاني عينيها و بدات تاطلع و تهبط فيه واخا كايتشابهو نوعا ما...كاين شوية الاختلاف بحال تريحة الشعر و اللحية..و لكن بزوجهوم تيتيز..حسات براسها داخت و كتر عليها التيتيز ماعرفت فيمن تزعط😂😂😂 دوات واخيرا بعد ثواتي طويلة):ااه! كاتشابهو شوية!
رياض:هههه وي شوية كاتبغيو نخليو الاختلاف بيناتنا..فالشكل اما العقلية فكل واحد و كيف تايفكر..!
صوفيا(سرطات تاني ريقها و ابتاسمات):ااااه هه ضروري!
رياض(بابتسامة):فرصة سعيدة اصوفيا!! ماكرهتش تعطيني نمرة ديالك باش نبقاو على تواصل
شدات تيليفونها و ضحكات: افيك بليزيغ(مداتو ليه)قيد نمرتك و انا نوصل لدار و نسيفط ليك ميساج..
العرس سالا و الكل فرحان و سعيد ....تجمعو جميع البنات العازبات الحاظرات فالعرس قدام العروسات لي كانو شادين اكليل الورد بيديهوم و عاطينهوم بالظهر.....جميع الفتيات كايشوفو بترقب امتى غايرميو لان الخرافة تقول لي شدات الورد لي كاترميه العروسة غاتزوج موراها...
1...2...3
و ترمى الورد و كل البنات كايساينو يطيح فيديهم....و لي ماكانتش مادا يديها و شادا تيليفونها كاتصور...طاح عند رجليها بدون اي مجهود....ابتاسمات و حنات هزاتو...طبعا كانت صوفيا..اما البوكي لاخور فطاح عند رجل رياض لي ماهتامش لأمرو و هداه لخطيبة خوه بابتسامة.....لاحظات صوفيا هادشي و ماقدراتش تكتم الشعور بالفرحة لي راودها....كان شعور غريب....
بعد كل هاظشي انتهى العرس و الناس بدات كاتقل....تجمعو العرسان مع عروساتهوم و تشادو و تمو غادين باتجاه الباب بالصلاة و السلام و ركبو فالليموزين من جديد..
لتبدأ حياتهم بعد هاد النقطة
النهاية
😂😂😂😂😂😂😂
طبعا ماسالاتش القصة هنا غاشادا فيكوم😂😂😂😂الموهيم نكمل....
في داخل السيارة...
كانو جالسين بربعة كل عروسة مخشية فراجلها....ريم داها النعاس في احضانو...اما نور فكانت تاتفكر فالشخص لي شافتو و كاتحاول تتذكر الملامح لي مكانتش واضحة و لكن قدرات تنيز انها مروة...! ملي شافتها و قلبها مامهنيهاش كانت غاااابرة و كانو مهنيين منها و لكن ظهرات من جديد ماعرفاتش السبب...ماعرفاتش واش كان مجرد سراب شافتو بسبب قلة النعاس و السهر...!..فيقها اياد من سهوتها..
اياد:نعستي؟؟؟
نور:(هزات راسها فيه)ا ا لاا لا باقة!
عمر:ههه ريم نعسات!
اياد:وراه عيااااو دوك التحظيرات و كلشي على قبل هاد النهار لياز دغيا!
نور:فين غانمشيو دبا؟!
اياد:غاندوزو لدارنا ناخد الطوموبيل من تما باش نمشيو لداركم
عمر:واييه ماغانبقاوش ندورو بهاد الليموزين..
تحرك بيهوم السائق نحو فيلا اياد...و بعد دقائق اوشكو غلى الوصول...كايبان ليهم ضوء قوي منباعث من تما بحال شي عافية...
عمر:(خنزر و هو كايشوف فالفيلا)اياد الفيلا كاتحرق!!!!
اياد(كان تايشوف فالجهة المعاكسة غير سمع هاد الجملة دور راسو و فعلا بانت ليه العافية شاغلة فالفيلا و كاتاكل فيها!!!)ميفاش وقع هادشي!!!!!
تخلعات نور و تخربق تنفسها و ضاق قلبها و طاح عليها الضيم....اما ريم ف فاقت جراء الصداع و الريحة....
نزل ايلد من تلطوموبيل تايجري و هو هاز تيليفونو تايصوني للاطفاء و تايشوف فدارو كاتحرق قدام عينو...! كلشي جى بالزربة كلشي تصدم كان عمر و ريم واقفين موراهم مصدومين...!! نور بدات تاتبكي بحرقة..و كاتشهق يالاه نهار باش شافت هاد الدار شوفة اخرى و تخيلات راسها غاتعيش فيها مع راجلها و تخيلات بزاف دالحوايج و لكن هاهيا اليوم كاتحرق قدام عينيها...!
بعد دقائق وصلو رجال الاطفاء و بداو كايتكلفو باخماك نار الحريق لي شب فالدار كاملة و ماخلا فيها حتى قنت!..طبعا اياد بقى فيه الحال لكن ما باليد حيلة!! كايشوف بوجه هالي من التعابير و هو معنق نور المتأثرة..
بعدما قامو رجال الاطفال بشغلهم....طفات العافية و ولا كايبان غا الرماد...
نور (هزات فبه راسها بعيون حمرة جراء البكاء): ايااد!!!!شنو طرى؟!!
اياد(زير عليها مزيان فحظنو): ما وقع اوالو احبيبة كلشي غايتصلح!
عمر(حط يدو على كتف اياد باسى): واش هليتي الغاز شاعل ولا شي حاجة عندك شي فكرة على كيفاش شعل هاد الحريق..؟!
اياد:لا ماعرفتش...! صافي صافي ماوقع والو هادشي عو لي مكتاب! (ابتاسم و شاف فنور) ماتبكيش انور فيها خير!! كان بامكانها تحرق و حنا فيها و لكن ربي دار تاويل ديال الخير صفي مسحي دموعك!!
قربات ليها ريم و شدات فيديها: صافي انور مايبقاش فيك
الحال!
🌸في اليوم التالي..🌸
نور: ماعرفناش اشنو السبب اماما!...راه مشى اياد و عمر يشوفو...
صفية: الله يا بنيتي عوينة هادي صابتكم!
غيتة: من الخير ابنتي ماتقلقيش
صوفيا(جالسة حداها): صافي احبيبة كوني هانية غاتولي عندكم وحدة حسن منها!
....
في مكتب الشرطة جالسين اياد و عمر رفقة الشرطة تايتفرجو فتسجيلات كاميرات المراقبة...لانهم عرفو ان الحريق مفتعل فضروري مخاصهم يلقاو شي دليل لي يبين ليهم هادشي....فجأة ظهر شخص لابس كلشي اصود قادم بحطوات بسيطة..
اياد: هااا!!! هاهو!!!
كانو تايتفرجو بتمعن..حتى جبد الشخص البنزين و بدا تايكبو....و من بعد شعل الريكة ولاحها لتشتعل النار و هرب....
خبط اياد فالطبلة و ناض تايمشي و يجي...
اياد: مايمكنش!!! شكون هاد الانسان؟!!
الشرطي:عندك شي أعداء؟! شاك فشي حد؟!
اياد(خنزر و بدى تايضورها فراسو): انا ما باغي نظلم حتى شي واحد!!
ناظو الشباب خرجو من مكتب الشرطة و تاجهو عند العائلة باش يطمنوهوم..
بعدما وصلو دخلو لقاو كلشي مجموع عاودو ليهوم بالتفاصيل شنو وقع...و هنا كانت نور حانية راسها و كادور هضرة اياد و عمر فدماغها حول رؤيتهم فالفيديو لشخص لابس كلشي اسود و رجعات بيها الذاكرة للبارح و كيفاش انها شافت مرهة....ربطت الاحداث و خرجات باستنتاج منطقي...
نور: ا..اياد!! ا..انا واقيلا عرفت شكون!
شافو فيها كلهوم بتركيز و اذن صاغية...و هي ماكان ليها الا تحكي لي شافت عينها البارح و كلشي كان واظح و باين....!! الحقد عمى لمروة عينيها ....الحقد دمر حياتها!!!
بنادم ماخاصوش يكون هاكا..! دبا شنو ستافدات ملي ضيعات حياتها؟! بسبب حب مستحيل..!! عمر الحب ماخاصو يدمرنا!!! هادا راه ماسميتوش الحب سميتو حب التملك!! ملي ماتملكاتش اياد حاولات بشتى الطرق ماتخليهش ملك لغيرها! (هاد ملك و تملكات و هاظشي فكرني فmilka احح😂😍 ماقدرتش نكون جدية عندما يتعلق الامر بالشكلاط و الماكلة فيا الجوع😂)
الحب مشاعر رااااااقية و زوينة و لو كانت فعلا كاتبغي اياد كانت غاتبغي ليه الخير و تبغيه يعيش مع لي باغي هو!! واخا ماشي ساهلة و غاتعدب شوية لكن..! من بعد تكيد ربي غغايعوضها و يجازيها! لكن هي اختارت طريق اخر مظلم و خايب و في الاخير غايديها لمكان واحد الا و هو الحبس...!
دازت سيمانة على الحادثة اياد واقف مع البوليس حتى يتأكد من ان هاد المجرمة لي سميتها مروة تشد...واخا طلباتو مها اما باها فباري منها....لكن مابغاش حيت هي انسانة مريضة نفسيا و هو باغي يعيش مرتاح مع مراتو لي كاتستاهل تكون كذلك...امهي فراه دارت ذنوب وكاتستاهل العقوبة....
فهاد الايام كانت نور جالسة فدار واليديها...و كاتخرج هي و اياد...!
اما عمر و ريم فاستاقرو فدارهوم(فيلا تاهيا) و ساكنة معاهم تا ام عمر لكن عاااطياهم التيساع و ماكاتبانش بزاف شادة طبقة ديالها بوحدها...و لكن ماكاين لا نزاعات لا والو...غاتساؤلوا "هل عمر اكل الحلوة؟!" ساقول لكم لا اعلم ذلك الشيء بينهم ليس لي فيه دخل😂😂
ناضت ريم كاتكسل هزات يدها تالسمى و و رخاتها حتى طاحت لعمر على نيفو ناض مفزوع شاد نيفو بحر الضربة...
عمر:اححححح اش درتي؟!!!
ريم(حطات يدها هلى فمعا و هي مخرجة عينيها):ناري سوري سوري و الله ما قصدت راه غاتكلست و ماسحابليش راك حدايا ...واش مامشيتيش للخدمة؟!
عمر(باقي تايحك بلاصة الضربة):احم لا..!
ريم:(جمعات التخنزيرة و دارت يديها على جنابها و بدات تغوت بالعاني كاظحك معاه زعما)اهاه؟؟!و بغيتي تبقى مسرح ليا هنا!! نوض قلب على خدمة!! اش غاياكلو دوك البعالك ا؟!! ادوي؟!! تزوجت بيك خدام غادارت السيمانة تشومرتي!! ادوي؟!!
دار فيها عمر ديك الشوفة ديال واش من نيتك و هو راسم ابتسامة سخرية على فمو...:من نيتك؟
ريم(بسلات عينيها):غابغيت نضحك مع راجلي الزوين(جمعات فمها على شكل بوسة و بدات تقرص حناكو)الكتكوت الفن الغزال
ابتاسم عمر و شاف فيها بحب: سعداتي!! غانبقى نصبح عليك كل نهار !!
ريم(ضحكات بغنج):ايوا شتي!!!
عمر(شد يديها و تبسم):ريم!! الا قلت ليك ختاري 20 دولو باغا تزوريها من شحال هادا شنو تختاري!
ريم(شداتها الهرة ديال الفرحة و عرفات السر مورا سؤالو و جاوبات فرحااااانة): اليابان -- كوريا -- تايلاند -- جزر المالديف -- الصين اممممم اه تركيا!! -- فرنسا -- ايطاليا -- الدانمارك -- السويد -- سويسرا -- كندا -- امريكا -- اسبانيا تاهيا --هاواي -- جزر الهاييتي -- مصر دوك الاهرام اه نسقت و اليونان!! و لندن!! اوففف واش نسيت شي حاجة؟!
عمر:ههههه و ايلا قلت ليك غانمشيو ليهوم كلهم!!!
ريم(خرجات عينيها فيه بفرحة و حماس):حلف!!!!
عمر:و الله العظيم!!!
ريم:(قوصات حجبانها بتاثر و تلاحت عليه عنقاتو)لا لا انا مامتيقاش!!!!!!😍😍 (شانقة عليه و كاتغوت)كانبغيك كانبغيك! كانبغيك! كانبغيك!!! اووففف كانتسطى عليك انا ماشي غير كانبغيك نتااااا بزاف احسن حاجة وقعات فحياتي!!
عمر(خشى راسو فعنقها و حط شفايفو تما):امممم ختى نتيييي!!!!
🔞🔞و نضت انا خرجت فحالي بلش ياخدو راحتهوم داكشي بين الراجل و مرتو😂
اما نور فكانت جالسة فالشرفة تاتساين مجيء إياد بفارغ الصبر....
و اخيرا وصل!! وقف طوموبيلتو و نظل منها و بمجرد ماسدها هز راسهو فالبالكون بانت ليه واقفة مبتاسمة ليه...
نور:هانا هابطة!!!
اياد:هههه اوك!!
كانت نور غاطير بالفرحة كاتحس براسها بحال شي بنت صغيرة كاتقرى فالروض كاتساين فواليديها يجيو يديوها😂😂 نزلات تاتجري حلات الباب و طارت عليه عنقاتو...
اياد:هههههه اووووه بشوية عليااا
نور(بعدات منو و خنزرات):ياااااك ايوا تانا مابقيتش معنقاك ياااااالاه!
نور(تفرشخات تاهي بالظحك):واااااع و الله العظيم اختي غاهو ملي نبغيو نتصورو نلبسو شي حاجة زينة اما العومان تانتي باشما عمنا!
بقاو تايضحكو و تايجمعو بالزهوم.. و اساسياتهوم غادين بعراااااااام دالبالز هازين معاهوم الماريو..😂
الرحلة بعد ساعة و المطار ما بعيدش بزاف...كانو مجموعين ففيلا عمر...قبل ساعتاين تلاقاو مع عائلاتهم تسالمو معاهوم و جلسو معاهوم لان غيابهوم غايدوم شعرين على الاقل! 20 دولة مش فيومين😍( اححح فيليندرا طلقي السلوكية🐆🐆🐆😂😂😂)
عمر (كايعبط من الدروج):البناااات يالاه هبطووو ما بقى والو للطيارة!!
ريم: يالاه يالاه اصاحبتي دغيا سكنتي فالطواليط!!!
خرجات نور كاتجري: هانا هانا!!!!
ريم(جارا جوج باليزات كبار):يالاه جري باليزاتك !!!
نور:ههههه يالاه سبقيني....
✨في اليوم الموالي✨
ستيقظات نور فجو جديد...ناضت من فوق السرير الدائري بابتسامة قدامها ضرفة كاطل مباشؤة على زرقة المياة الصافية...! منظر عمرها تخيلات راسها غاتشوفو شي نهار امامها مباشرة....كان امامها مباشرة منظر ولا في الخيال!!! دورات وجهها لجهة اليسار و هنا كان منظر ااااخر منظر من نوع آخر منظر طبيعي و خلاب و اهم حاجة تيتيز😍 منظر عندو اللحية و واحاد الموسطاج فوق شفتيه الورديتين..كان مغمض عينيه و نايم بشكل بريء شعرو الطويل نوعا ما مرمي فوق المخدة بشكل مبعثر...
كانت كاتأمل كل بلاصة فوجهو بابتسامة جانبية حاملة كل معاني الحب...زوج د المناظر كانو بالنسبة ليها من سابع المستحيلات تشوفهم امامها مباشرة...هاهي ديا كاتشوفيهم بزوج فدقة وحدة...
عضات على شفتها السفلية بفرحة و حماس شداتها واحاد القشعريرة خلاتها تحرك كتافها بمين شمال..ضحكات و هبطات راسها عند اياد و ببطئ و نعومة قبلات حنكو و علات راسها بالشوية و هي محافضة على قربها من وجههو.. كاتشوف فعينيه المغمضتين تايتحلو بالشوية بالشوية...و ابتسامتو الجانبية غادا و كاتوساع...نطق بصوت مبحوح ديال النعاس...: صباح النور الازرق المنبعث من عينيك!! غاندوز احسن نهار حيت حليت عينيا و لقيت عينيك قدامي!!
ضحكات نور و رفعات حاجبها بغنج و هي مازال قريبة منو: علاش هادي فيها الشك؟!
ابتاسم ابتسامة عريضة و هو كايتأمل فعينيها بزوج....و هو يحط يدو على عنقها من اللور و هبط راسها لعندو....
و تناول فطور بنكهة مبدلة😂😅
دازو يومين فجزر المالديف!!! يومين ولا في الخيال من احسن الايام فحياتهم...كلها سعادة و حب...و هاكدا دازو شهربن...شهرين من دولو لدولة!!! شهرين شافو فيها اجمل المنلظر فحياتهم شهرين فحياتهم..!ماخلاو حتى دولة او مدينة سياحية و مازاروهاش!!!
اليوم موعد العودة!!....الان هوما متواجدين بايطاليا!..تايجمعو حوايجهوم فالاوطيل مفعومين بالسعادة تشارجاو فهاد الشهرين بسعادة كبييييرة تخليهوم يعيشو كاااامل بقية حياتهم في سعادة!...
ريم:عمووورتي!!!
و هو حاني راسو تايربط سيور اليبرديلة: اممممم
ريم(قربات منو و جلسات فوق الناموسية و حطات يديها على كتفو): ياك ملي غانرجعو للمغرب غانخدم فالشركة!!!
هز فيها راسو مبتاسم: ههههه كاضربي على راسك من دبا؟؟!
ريم( كاتشوف فيه بغنج):واراه ماغانبقاش بوحدي فالدار و زايدون تا نور غادوي مع اياد و غانخدمو معاكم هي سيمريتيرة راجلها و انا سكرتيرة راجلي ...ههه كيجاتك؟!!!
عمر(قرص حناكها):و الله مانردها فوجه مراتي الزوينة!!! واش كاينة شي حاجة حين من هاكا !!! (باس حنكها و كمل) غانولي نشوفك فكل مكان!!! احححح هادي هي الحياة!!
ريم(ضحكات): هاها هادي هي خطتي البيبي !!! تانا غانولي حاضيا ممتلكاتي الشخصية (بدات تاتقرب لوجهو) و مانخليك تشوف فحتى وحدة!!!!!!
☆☆☆☆☆
نور: يااااي بصح قبلتي؟!!!
اياد(كايضحك عليها): هههههه عارفك علاش ناوية!!
نور(بدات تادور لسانها وسط فمها و نطقات): ااااااااه بغيت نولي تابعاك غين مامشيتي و مانخلي تاوحدة تشوف فيك حلي حاولات غاتقب ليها العينين!!!
اياد(شدها من خصرها): يااااك!!! لهاد الدرجة كاتغيري عليا!
نور:نتخرش بيك و مانخلي لي يتحرش بيك!!!! احححح شحال كنت كانتسنى فهاد النهار لي نولي تانقيس فيه وجهك بطلاقة(باستو فحنكو و كملات)و نبوسك بحال هاكا!!! دبا نتا وليتي شي حاجة ديالي!! خاص بيا !! انا ديالك و نتا ديالي!! هههههه (خنزرات فشكل طفولي)و الله تا كانبغيك!!
ابتاسم اياد و ضمها فحضنو و هو تايدوز يدو وسط شعرها المتجعد...
بعد رجوعهم للمغرب ...اياد كان موجد مفاجئة لنور...شرى فيلا جديدة!..احسن! و اكبر من السابقة مانت قريبة لفيلا عمر باش مايفرقش الصديقات على بعضهم!... البنات خدمو مع ازواجهم فالشركة..! و نجحو فهادشي كانو بالنسبة ليهوم سند كبير فالخدمة....
كان حبهم يم على يوم يزيد يكبر و صفحات قصتهم يوم على نهار يزيدو يكترو..! يوم على يوم...شهر على شهر...فصل ورى فصل..سنة مور سنة!!....
و مر الزمان....
🍃 🍃
🍃مرت 6 اعوام 🍃
في حديقة فيلا اياد و نور...اصوات اطفال بريئة مالية المكان...العائلة كلها مجموعة...كبار و صغار...!
جاو باش يحضرو لعيد ميلاد تيم ! ابن نور و اياد! اليوم غايكمل خمس سنين!....
ماكاينش غير تيم!! كاينا حتى اختو شمس لي عندها تلت سنين...و عاد مادام نور حاملة فشهرها السابع... !
اما ريم فوالدة التوأم المختلف جودية و جورية لعندهم ربع سنين و عاد نسيم لي فعمرو سنة واحدة..!
و مانساوش صوفيا!!! لي تزوجات برياض قبل سنة..و يالاه حاملة بشهرين دابا..!
حتى هوما كانو حتى هوما معروضين لحفلة عيد ميلاد تيم..لان رياض ولد عم نور..!
نور: يالاه نعيطو عليه راني غانتهاوش على ديك الحلوة!!!
كلشي ضحك عليها و نطق اياد لي كان جالس حداها..
اياد:وا نتي قربتي تولدي و باقي شاد فيك الوحم؟!😅😂
نور:ولدك اخويا لي كايتشهى بينك و بينو
رياض: شوفي هادي لي حق عليها الوحم داخلة سوق راسها😂😂
صوفيا:(شافت فيه بغنج)انا مشهية الفريز احبيبي (عضات على شفايفها)عافاك بغيتو دبا!!!!
رياض(تصدم و خرج فبها عينيه خصوصا انه وقت الشتاء مزال ما وصل وقت الفريز..ندم علاش دوى): هههع الله يهديك اصوفيا!!!(شير للكيكة)هانتي هالكيكة و الشكلاط لي كاتبغي اه؟!!
صوفيا(جمعات التكبيعة ):لا الفريز ارياض راه غانحك!!!
ضحكو كاملين و نطقات نور ...
نور:هههههه راه مخلية شوية فالفريكو انا غانمشي نجيبو!
ريم:لا لا غاكلسي انا نجيبو!!
غيتة(ام نور):غاكلسي اريم! نتي راه ولدك صغير! انا نمشي نجيبو!!!
ناضت غيتة جابت الفريز من الفريكو و كان جااااااامد و جات...
غير سمعوهوم و هوما يتمو جايين تايجريو وقفو قدام الحلوة و هنا ناضو الحظور كاملين تجمعو نور...اياد...ريم..عمر..صوفيا..رياض...ام..نور..اب نور..ام عمر..و ناس اخرين...منهوم اصدقاء تيم فالروض...و آبائهم...
طلقات موسيقى اعياد العيدميلاد و الدراري فرحانين و الكل سعيد اما نور فعينيها غا على الكايك امتى غايتقطع😂😂..
الستة دالعشية...
الحفلة باقة قائمة...كلشي ناشط و فرحان و تايشطح كل كوبل تايشطحو على حدى و اياد واقف مع ولادو تايلعب معاهم... الوحيدة لي باقة جالسة هي نور حيت كرشها واصلة تالفمها و ماعندها مادير بشي شطيح...كانت شادة مذكرتها و ستيلو كاتكتب و هي مبتاسمة....
بقلم نور...
احلام بريئة...! تحققو..!
عمرني في حياتي كنت تانتخيل انني غانعيش هاد الحياة!! شي حوايج شفتهوم غير في قصص خيالية...و تفرجت فيهوم غير فمسلسلات..ماكدباتش صوفيا نهار قالتهالي داك النهار..كان حلمي نعيش وسط شي قصة ولا مسلسل!...واخا غير في الخيال!!..لكن كلشي طرى فالواقع!
هههه عاقلة على راسي كنت تانضحك ملي كانتخيل راسي بقرب اياد ولا حتى كاندوي معاه..كلشي طرى بالزربة! حبينا بعضنا تزوجنا عشنا احسن ايام تخاصيماتنا كانو قلال و حتى لا تخاصمنا الصباح نتصالحو فالعشية..بعد المرات كانبقى نتسائل(ابتاسمات و كملات)واش كاع هدا زهر عندي...ههه انا كان مدى بيا غير نتلاقاه و ندوي معاه..! هههههه كانبغيه!! اياد ايلا كنتي كاتقرى هادشي شي نهار انا كانموووووت عليك او بزااااف♡♡..ريم...هههه شكون قال غانمشيو لجزر المالديف ما مرة ما جوج ههه!! كنا كانشوفو تصاورها و نبداو نتخيلو راسنا راسنا تما و انا مع اياد و هي مع عمر ههههه!! كنا باغيين من قلبنا هادشي يتحقق! و كان عندنا ايمان انه ممكن يوم من الايام يتحقق منو واخا غاشوية!
وبسبب هاد الايمان...بشوية بشوية احلامنا بداو كايتحققو !!!
الانسان لي بغيتو!!!(هزات فيه راسها و بدات تاتأمل فبه هاز ولدو و تايلعب معاه) كايبغيني!!! عمرو كسر بخاطري او قلقني!! معيشني فالسعادة و الفرحة!!...لدرجة انني بعد المرات تانحس براسي غي تانحلم!
عن طريق تجربتي الخاصة(ماكاين لا تجربة لا ستة حمص غا السلوقية!😂 و لكن هاد الهضرة ديرو بيها)...تيقو باخلامكم و تشبتو بيها عمركم ماتستزهئو بيها مهما كان حجمها!! ماكاينش المستحيل فهاد العالم!! كلشي ممكن ايلا تقتي فراسك و تشبتي فاحلامك!!!سوى كانت احلامك متجسدة فشخص او نجاح فشي حاجة! تيقي بان القدر يقدر يكون مخبي ليك الشيء لي كاتسنايه!!!..اي حاجة كاتبغيها من قلبك و باغاها فعلا توقع !!! غاطرى!!!اه ايلا كنتي فعلا تايقة بانها غاتوقع!!
ثقي بعاد المثل "if you want you can" ايلا بغيتي الحاجة تقدري تحققيها! مهما كانت كلشي على حساب العزيمة و الاصرار...
ا..ا جاني الوجع !(حطات يدها على كرشها ولاحت القلم و خنزرات و تبدلو ملامح وجهها للالم!) ااااااااااي!!!!اامممممممم!!!! واش مايمكنش قصتي تسالي بطريقة مختالفة!!ئهئه وااا ميييي!! ضروري خاص زعما البطلة فاللخر يجيها الوجع ديال الولادة!!! اااااااي!!!!(غوتات بالجهد!)ايااااااااااد
دار اياد شاف فيها و جى عندها كايجري....
اياد:واش جاي؟!!!!!
نور:و اااااااااااااااه بغى يخرج قبل الوقت!!!!!!!!!!
تخربقو ملامحو و جى كايجري هزها...
اياد(كايشوف فيها بتوتر خايف لا يخسرها):نور نور عينيا...ش..شوفي تنفسي تنفسي بشوية!!!
نور: بلاتي بلاتي فين غادييين!!!! تقراو القصة و تهربو؟؟؟!!! راني ولدت تواااام!! بنت او ولد كلو ليا شنو نسميهم!!
اياد: (كايشوف فيها بحب و هو كايبوس يدها) هههه معامن كادوي يا هاد الحميقة ديالي!!!
نور:(خنزرات فيه بغنج و هي متكية فوق الباياص)ماتفهمش فهادشي!!
شمس: مامااا فينوا حويا و حتي!
نور: (قرصات حناكها) يا ختي على زيونات ديالي!!! ختك و خوك مازال حتى يمبرو واحد الشوية و غاتشوفيهوم!! تزادو قبل الوقت!
دخلات صوفيا كاتجري...
صوفيا:الف مبروووووك احبيييبة!!!تواالم سعداتك!!😍😍
ريم:لي درتها انا ديرها هي راه انا اختي لي ولدت التوام اللولة ههعع!!
صوفيا: العقبة ليا اختي!!
عمر:ماحدنا مجموعين اجي نديرو صورة تذكارية يالاه تقادو تقادو!!!
حلم الراقصة الصغيرة الجزء السابع والأخير
محتوى القصة
اياد: (كايشوف فيها بحب و هو كايبوس يدها) هههه معامن كادوي يا هاد الحميقة ديالي!!!
التنقل بين الأجزاء