هنية: انا على قبل خالتي مسكينة عزت عليا ملي ولا غزرين إجيها حشومة نطيحو بكلمتها.
هارون:(وقف الحوار معاها بلا فايدا من احسن اكول شروطو وهني الوقت)أول حاجة باش تولي مرت هارون سميتك تبدل.
هنية: (عنيها خرجو هذا هبيل و لا مالو وقفت مقندشة) شنهوا (كتحك ودنيها) عودها نسمع.
هارون:(اديه فجيابو) من اليوم سميتك هناااء سمعتي هناااء (كيطلعها و نزلها) ممم و شكلك نشوفو حلو من بعد.
هنية:(ضحكة من الفقصة): هههههه هكاوا زيد اوااا دبا داك الحولي لدبح باا العربي امشي خلا و سمع اسي هنية هيا هنية و شلل بيها فمك.
هارون:😠نقصي صوتك وهضري مقاد و شرطي تاني مكاين لا عرس لا شهر عسال .
هنية:( جلست تستوعب ) واش تاني ههه زيد.
هارون: واخير شرط ممنوع سمعتي ممنوع دخلي فحياتي كل واحد حور فحياتو زواجنا على الوراق صافي واش مفهوم.
هنية:مفهوم اسي قارون.
هارون:😬هارون سيك هارون.
هنية :واخا واش دبا نمشي
هارون: سيري و نتي لغتعلمهم بلي مبغاش العرس و سفار تفقنا.
هنية:صافي تفقنا كولشي باين ......و هكا سلا كلامهم هنية خرجت مرتاحة و فرحانة هههه هارون عند بالو حكمها و بشروطو غدير لا ولدي نقطة ضعفو مو تمشي ليها و اصلان عطاها فرصة من ذهب فاش كليها سبقي و علميهم و ها هيا غتعلمهم.
حطت فتيحة القهوة العائلة لمجموعة فصالون كتسناو جواب هنية و هارون.
زهرة:(رشفت رشفة من طاسها )ممم هذو تعطلو
عدنان: صبري مزال مكاملة حتى نص ساعة باش مشاو.
توبة: ها هيا جات هنية.
زهرة:(بحماس )امدرا ابنتي علاش تفقتو.
هنية:(الحشمة و الوقار منها جاو همست الخالتها) كولشي مزيان.
عدنان:(فهم راسو بلي حشمت تدوي قدامو) احم مهم ابنتي غذا إنشاء الله غيوصلك شيفور الكلينك تشوفي ولديك و منها تفتحيهم فالموضوع.
هنية:(فرحت) واش بصح غذا
عدنان:اكيد غذا مالي تفيقي إديك تشوفيهم يالله تصبحو على خير .....و زاد بحالو إنعس.
توبة:احم احم وهذوك....عنيها على قيس و أكرم لمنشورين على الفوطوي.
ملاك:أكرم نود شوف زيد إمكن فاق.
أكرم:نو ناعس غير خليه و بداو فجماعة بغينا نتصنتو.
قيس: وي بصح حتى حنى بغينا نسمعو.
زهرة:نوض اولدي نتا و ياه را جماعت العيالات مفيها ميتسمع.
توبة:ههههههه وخوصوصان ديال دبا غير الله احفظ .
هنية:انا لساني مبري مني لجات نكولها ديرو بحسابها.
قيس:(حشم وقف)احم اصلا انا كنت غدي نعس ياك أكرم.
أكرم:(وقف) اه بصح نمشي نطل على زيد يالله تصبحو على خير .
ملاك:ههههه سركم غير الوجه الحمر
توبة: ههههههه صافي مشيتو
هنية غير كدور فعينها وتوجد كلمها لتكولو ....مشاو رجال و ضارو بيها زهرة و بناتها .
زهرة: لولولولولولولولولولولولولوي لولولولولولوي (كتنهج ) نزيد و لا باركة.
ملاك: الله اعطيك صحة زيدينا مزال .
بزغاريت الالة زهرة تهزت دار كاملة فتيحة جات تجري و حتى ليزا كيباركو الهنية لتقنت دور الحشمة ...من الفضول رجع قيس و أكرم فرحو معاهم و باركو ليها تجمعو على ضحك و نشاط .
زهرة: فين هارون
توبة: هههههه را إمكن حشمان.
قيس:هههههههه هارون و الحشمة .
أكرم:ههههههههه حدث يدخول تاريخ .
وصل وقت نعاس قيس و أكرم خرجو الجردة زهرة مشات تعلم عدنان ...ملاك ولدها فاق اما توبة و هنية عند فتيحة فالكوزينة.
كان كالس فكورسيه مقابل مع شرجم كيفكر فحريرتو حتى كيسمع صوت زغاريت ستغرب هدشي كامل غير علمتهم مكاين العرس و مو معرضات موالو عند بالو غير تسمعها تجي تحيح عليه ساعة وقع العكس تنهد ووقف دبا فاش عرفو قرارو غير إخرج نيت مفيه ليدخل فشي نيقاش عارف راسو غيخرج منو خاسر.
الوجهة صالون مالقا حد وايلي فين مشااو هذو واقيلة جردة ...خرج الجردة كيقلب براسو حتى كيشوف قيس و أكرم حدا لبسين مشا حداهم.
أكرم: داكشي لبالي فيه مالك اصاحبي عرسك نتا و هنية ياك هدشي علاش تفقتو.
هارون:😤حنى تفقنا على العرس واش هدشي كالتو الوليدة.
أكرم : وي هدشي لسمعنا
تجنن و دخان خرج من ودنيه مبنتلو غير طبلة صغيرة لفوقها كيسان العصير ..هزها بضربة وحدة من رجلو جابها وسط لبسين.
هارون:😬ااااع كدير غير لفراسها ماشي هدشي علاش تفقنا .
قيس و أكرم تخلعو حيت كيبان معصب نيييت .
قيس:تهدن اصاحبي مالك.
أكرم: كالم لاش هذ العصبية كاملة.
شكون سمع سيد طار زعمة اتفاهم معاها قمة الغضب شعندو ميدير دبا و علم الله اشنو كالت تاني ندم علاش صيفطها تعلمهم بوحدها كون تشجع وزاد متصمرليهش هذ القالب لصعيب إنساه.
كيف العادة جرات عليهم فتيحة من الكوزينة قلبو راسها بعووومااار مشات تنعس و زادو موها فطريقهم البيت و بضبط حدا دروج بان هارون تور هايج غير شافتو هنية طارت تخبات فدوش لكان محلول حداها تبعها بجرا ساعة كانت مزهارة طرقت الباب وتوبة تخبات تحت الدروج تفرج من بعيد ليخلطها.
هارون:(كارز على اديه صدرو كيطلع و هبط) 😤شنو مغديش تحلي.
هنية:ونتا هنا نتصحابك غ مشيتي شوف سمع هذي و ديرها فوذنيك.👐👐(كطبل فالباب) وهكااا يكونو بنات الرجال المحضيات و هكا إكونو لولولولوي.
ضرب الباب بركة و زاد مبغاش اهرسو عليها و صدق محاشم مع مو و باه زاد البيت مو القاها ناعست شنو إدير دبا اخرج و لا ادخل انعس شاف حتى عياا و دخل ادوش على الله اطفي نارو وتغمض عينو .
شافتو مشا و خرجت من تحت دروج ركبيها كيشطحو من الخلعة دقت على هنية .
توبة: ولا غير انا بوحدي والله...حلت هنية الباب كتقلب براسها مبان عاد خرجت اكملو طريقهم البيت.
توبة:😨ناري واش مخفتيش كان شوية و هرس الباب.
هنية: إعاود راسو هنية بنت العربي مكاين لخلاعها غ بلاتي مزال الخير القدام.
توبة: الله احفط منكم و صافي زيدي نعسو را تبعنا غدا نمشو البيوتي سونتر.
هنية:(تخشات فالفراش ) نشوف ما و باا عاد الحق عليكم.
توبة: (طفات ضوو) اوكي تصبحي على خير.
🌞اصبحنا و اصح الملك لله
العائلة سعيدة جمعها الفطور من بعد كولها مشاا الهمو هارون نضاراتو الهنية قرطاس و هيا ولا على بالها عونات فتيحة فالماعن و خلاتو إتشوا .
طلب مو على انفراد زعمة إشوف ميصلح ساعة والو زهرة كانت ليه بالمرصاد.
زهرة: إهئ إهئ اصلان في عمرك درتي بكلامي باغي تحشمني مع ناس كبير عائلة الادريسي ميديرش العرس خااايبة حتى فالمعاودا ضحك فيا العديان.
هارون:(بقلت حيلة ضمها الصدرو) صافي شووو خاطرك.
زهرة:(مسحت دموعها و دفعتو) حيد حيد عطالتيني على شحال من حاجة اه ومتنساش غذا الخطبة و العقد وجد متالبس.
هارون:😤😤واخاا..... وزاد الخدمتو باه مسمعو مو حتى هيا كمدها و سكت.
~~~~~~~~~~~
تابعها من اللور فين مادخلات تدخل معانداا و راسها قاصح مبغاتش تمشي معاهم ،
هنية: (حيدات ليها المخدة) والله حتى تمشي معانا
فتيحة: ولا اصاحبتي حشومة و الالة زهرة جات ناقصة.
هنية: وخالتي هيا لكاتلي جيبيها و عافك زيدي نشوفو حمامهم را كتلي توبة غيقشرونا فيه معرفت كيفاش.
فتيحة:اقشرونا و تقشير الجلد الميت الحمقة.
هنية: ودبا غتزيدي ولا لا را خصني نمشي نشوف ما و باا عاد نوصل عليكم .
فتيحة: واخا صافي واخا البس و هاني وراك .
هنية : وعنداك هذ المرا لرجعت نخرجك من شنتوفتك.
فتيحة:(كدفعها مخرجها من بيت ضياف) صافي شوية و هاني عندك.
خرجت مخلياها وراها توجد راسها قبل متخرج من الباب صوبت زيفها زرق لجاها زوين مع كسوة طويلة واسعة فنفس اللون كتبان منورة وردة من بعيد بلا مكياج بلا والو .
كانت كتسناها زهرة و ملاك و حتى توبة قدام الباب فاش وقفا اللوطو شيفورها عمااار لعيونو لمعو من تحت نضرات شمسية لداير حبيبت قلبو غتركب معاه و بوحدهم.
زهرة:(كتشوف فسعتها) يالله طلقي راسك سيري شوفيهم من بعد غيجيبك عماار عندنا راه عارف البلاصة.
ركبت اللور و زاد بيها عماار الكلينك كيف وصاه عدنان لختارو حيت هوا مغربي غيجيه ساهل إتحاور معها طول الوقت الصمت سيد الموقف هنية غير مخرجة راسها من شرجم كتفرج فالمناضير الخلابة البينايات العالية و شوارع نقية حتى داخت ورجعت تكات على الكوسان.
هنية:(شادا راسها) غ سدو سدو دوخة الله احفظ
عماار:(سد شرجم إلكترونيا) واخاا الالة.
ورجعو الصمت شوفة فطريق و شوفة فالمراية لكتعكس وجها المنور و بتيسمتها ساحرة .
مسافة الطريق وصلو قدام الكلينك لكان كبير وباينا عليه خاص غير بناس الفلوس نزل و حل ليها الباب شكرتو وتسنات ازيد باش تبعو .
كان كيدير دورتو المعتادة على المرضا ديالو و نفس الوقت عينو على تيلي كيتسنا اعلموه بلي وصلات..فاول رنة جاوب علمهم استقبلوها مسافة طريق وهاهوا عندها هوا فطاج الخامس و هيا التحت .
رحبو بيها وهيا غير كتبتاسم معاها عماار لكيترجم ليها يجلسو فقاعة الانتيضار مهيا الادقائق دخل العم عدنان بطابلية بيضة ،
عدنان:سلام معندي ميسالك جيتي فالاوقت.
هنية:😊وعليكم سلام را مسكين جا طاير بيا .
عماار غير حاضيها طلب منو عدنان اتسناها باش إوصلها على زهرة و البنات .
عدنان: يالله تبعيني...سبقها
هنية: هيا الاولى .....تبعتو من اللور عنيها غير كيدورو و بركو شحال من مرا حبس و دخلات فضهرو كتعتاذر و كملو ضاحك على عفويتها و هبالها.
فجناح من اجنيحت المشفى جناح كبير و واسع كولو بيض فيه طبالي ضغار وكراسا مفرقين من الاحديد لاسق فالارض قاع الاستيراحة هكا كيسموها.
كضم كتر من عشرين مجنونة من مختلاف الاجناس و الاعمار كولشي كالس ومتبت فالارض لباس موحد عبارة عن كسوة فزرق غامق فيتا ركبة بشوية واسعة على صدرها شيعار مستشفى المجانين.
بتضرات صقر خاضيهم زعيمة من كورسيها الملاكي لحاطة فوق الطبلة مخصص ليها غير بوحدها ...من نهار جات ولا الانضيباط و نيضام فهذ جناح كولشي المجنونات كيخافو منها سيلاحها المشطة و زيت العود سمها كباتو فيهم لعندها شي زغيبات على إدين ربيعة تنتفو حتى من الممريضات مسلكو .
هاسبولة ها الكرينات ها الفرقة مشطات متنوعة و مختليفة باش متمل كول نهار بتسريحتو .
سمعت الباب تحل بمجرد مهزة راسها دمعة عينها من الفرحة مشات كتجري عندها تعنق و تبوس شهر مشافت ضوو عنيها بنتها حبيبتها.
هنية:(كتعنق و تبوس ) ماا توحشتك امااا الله شحال توحشتك(كتقلب وجها ) ياك نتي لباس .
ربيعة: لباس ابنتي لباس اجي نشبع منك اجي.....تعناق و بوسان و ممجنونات كيتبكااو منضر موأتير غير حيدت ربيعة تكبو على هنية بحال شتاا
هنية: 😨وااااع غير بشوية.
عدنان غير كيضحك حيت هذي قعيدة فيهم منهار جات ربيعة وتولات زعامة لدرتها كيديروها وخا غير دخل الطواليط خاص كولشي ادخل الوفاء زعمة .
ربيعة:👏👏براكة حيدو عليها سلينا بوسان شدو الارض....كولشي شد الارض
هنية غير حالة فمها شهاد شي نفس البسة و نفس تسريحة كيبانو بحال دراري صغار .
هنية:😕فقيه ديالاش امي فين عمر باا قرا شي حيزب الحمدو وعند مزكلة.
ربيعة: لا بسلامتك ولا براكتو تي خلينا منو حتى تمشي تشوفيه (عنقتها)توحشتك ياهبيلتي.
هنية: حتى انا اما(هزت راسها ) 😨لالا كوليلي هم لااا..
ربيعة:😡بعدو يالهيشات بعدو قتالتوها .
وطارو عليها من جديد هذ المرا قجوها و عصروها بزز باش سلكت شاف عدنان حتى عيا وطلب تدخول الممريضات فرقهم و خرج هنية و مها من تما الشومبر خاصة باش يخدو راحتهم كتر .
هنية:(كتحك عنقها)كح كح جيفوني
ربيعة : هههه غا بغاو اسلمو عليك
هنية:(شدات اديها) ماا بغيت نتكلم معاك ونكولك واحد الحاجة.
ربيعة:كولي ابنتي كنسمعك.
هنية: 😳جاو فيا الخطاب اماا.
ربيعة:(بفرحة) 😀ربي ربي كولي وحق مولانا لبصح.
هنية: و الله اميمتي وحق مولانا لبصح .
ربيعة: يافرحي ياسعدي و شكون هذ المرضي لفزهرو ضو عينيا.
ربيعة:😡بعد الهيه متعرف تسول ولا طل من نهار جينا غبرتي غبرة وحدة.
العربي:ياك واكلا شاربة وبغيتي تبراي و انا نبرا لاش نجيك.
ربيعة:(نبرت حوزن فصوتها)العربي هنية جاو فيها الخطاب.
العربي:(تنهد بعمق) عارف اربيعة عارف طلبها مني سي عدنان.
ربيعة:وشغنديرو طفلة كبرت وصلت على زواج 😢
العربي:(قرب ليها) البكاا لاش البنت زمانها جاها فين القاو حسن من ولد سي عدنان واخا حار حتى بنتنا راها عيشورية منخافوش عليها.
ربيعة:😭ايه عندك صح تاليمتا نجروها معانا و حنى غ هبال ملعبت كيف البنات مفوجت مضحكت براكة عليها مسكينة عيبنا هرس كتافها.
العربي:(عنقها)سكتي ياالهبيلة و مسحي دموعك لتشوفهم قلبي طايب عليها تمنيت نعرسها احسن عرس ولكين الغالب الله .
ربيعة:(مسحت دموعها)نوض براكة شتي غير البرينا هذيك هيا دنيا و مافيها خلينا نعيشو معاها لبقا بعقلنا.
العربي:(وقف وقفها) يالله نخرجو نعرهوما
كانت جالس على كرسي فمكتب سي عدنان توتور باين عليها حتى كأس القهوة لجاب ليها مشربتو معندو فين إدوز تحل الباب و دخلو منو قلبها كيضرب فتسعين الحشمة الخلعة كولشي تخلط عليها.
هنية:(كتحاول تحبس دموعها) ها جيتو .
العربي:(حل دراعو)تعالي عند بوك ...مشات تخشات فيه باس على راسها مرا جوج و بعدت عنيها فالارض .
ربيعة: خصك تعرفي راحنا رضيان عليك دانيا و خرا ابنتي زواج فيه الحلوة و المرا كوني مرا و نص.
العربي:الله اسهل عليك و كمل عليك بالخير ابنتي .
هنية:(عنقتهم بجوج ) الله اخليكم ليا و طول فعمركم يارب .
عدنان:مبروك عليكم .
العربي: ومبروك عليك حتى نتا .
عدنان: ميعدنا غذا إنشاء الله را كولشي واجد.
العربي : إنشاء الله (ضحك مخبي دموعو) هههه بنتي عقدك بين المسطين.
ربيعة: ههههه ومالهم المسطين.
هنية: فين مكنتو انا معاكم مهم هوا رضاكم و خاطركم
وهكا وافق العربي و ربيعة على زواج بنتهم هنية تافقو العقد غذا إدار فقاعة الحفلات تابعاا الكلينك حيت العيلاج لمتبعين ربيعة و العربي عيلاج اساسو نيضام معليش اصبرو هذ اليام و العرس إنشاء الله احضرو مع بينتهم ودعتهم بزز عيات صابرة غير غبرو من قدامها طاحت على ركبيها تبكي و تعاود وعدنان اواسي فيها فاش تفش قلبها مسحت عنيها وراها حمام تغسل وجها
مشا معاها حتى العند عماار باس راسها و زاد اكمل خدمتو العشية و تلاقاو فدار .
عماار شاف عنيها حمرين تهز قلبو باينا شابعة بكاا واخا كتحاول تغطيها بضحكتها الدابلة تحرك بيها و حل شرجم إضرب فيها البرد.
عمااار:(عينو على طريق )ودباا مزيان
هنية:( ضرب فيها البرد و تنهدت) مزيان شكرا😊.
~~~~~~~~~~~~
الخدمة فوق راسو وماليه خاطر الوالو كولشي معصب منو لشافو إدور فيه مصعور غ بوحدو سلامة ياربي.
البنات صمت تابعين كلام قيس لمحفضهم ...داخل كيتمخطر فالمشياا جلس على كرسي و دار رجل على رجل زعمة كيختار معاه.
قيس:ممم انا بالي نواغ حسن( شاف فيه بنص عين) ولا زرق اش باليك اهارون راك نتا العريس خصك تختار.
هارون: (رمي عليه وقيدة ونفاجر بووووم )😠نوض بدل ساعة بختها منقصك( شاف فالبنات ) ونتوما الباب.
قيس: بلاتي اصاحبي غير ختار واحد و خرجو
هارون:(ضرب البيرو حتى طفج البنات) 😬الباب
قيس وقف بشوية عليه قاد تيشورتو الخضر لكان لبس بارز عضلاتو مع جينز فاتح محكوك شوية من الركابي كايبان تيتز .
قيس:احم انيساتي ممكين تفضلو كيف شتو سي العريس رافض اختار.
بداو البنات كيخرجو وحدة مورا وحدة وهو تابعهم بعينيه حاضي التريكولىلكان بارز من جيب نواغ للبسين فوق الركبة وقميجة بيضة مع بابيو فنفس اللون الجيب فالعنق..غافر على هارون لكيستنا كلمة و نقز عليه .
قيس:(سالا من تزلال) ياصحبي صدااااع هذ الاروبيات..شافو قاطع الحس دار القاه كيطوي فكمام شوميز لللابس ونضاراتو سلامة ياربي.
قيس:(راجع باللور) هانتا متكرك خليك بلاصتك و و (وصل الباب حلو ) ومبروك عليك ....رماها فوجها و هرب كون زاد شوية كان غيقتلو.
هارون:😠تخاف و ماتحشم...عاود تحل الباب طل منو
قيس:وصاحبي بغيت غ ندير الخير ...سد الباب وهرب
هارون: لا لا 😬هدشي بزاف...تبعو بجرا حل الباب القاه طار.
سكريتيرا:(مستغربا من حالتو) سي هارون بغيتس شي حاجة.
هارون:😡نو شكرا غير رجعس الخدمتك....ودخل
عند هنية لوصلها عماار البيوتي سونتر ...داخل مع الباب و فمها محلول لدازت الموت دخلها قمت الرُقي و شياكة ..من أكبر و أفخم مراكز تجميل فيويورك .
رسها مزال كيضور حتى قطعها صوت انوتي رقيق مفيقها من تباركيكها .
......:احم احم انيسة تفضلي معايا.
هنية:😕واش انا
.....:وي نتي اجي معايا...كانت بنت فمقتبل العومر باينا خدامة هنا من للبسة للابسة جيب قصيرة من توب لونها حمر وشوميز غوز بارد مطبوع على صدرها شيعار المركز.
هنية:😑ستغفر الله بحال لمعندها متلبس (سولتها) ختي واش مجاك البرد.
البنت:😕عفوا
هنية: خالتي زهرة جاتكم
البنت: اه كتقصدي مدام زهرة دبا نديك عندها.
الخدامة غادا و هنية وراها راسها كي ديما كيضور حبسو قدام الاسنسور حلتو البنت و كتسنا هنية طلع.
هنية:(سادا عنيها وكتشهد) اشهد اشهد ان واااااااع شهادا تالفت واااا حبسي ميمتي الموت واااك واااك
عيات البنت تهدنها والو هيا عاد مزايدا فالغوات موصلو طابق سابع حتى كان قلب هنية غيسكت و روح البنت غتخرج كانت قجاها.
البنت:كح كح صافي هاهوا حبس بليز طلقيني كح كح.
هنية: هاا( طلقتها وشدات راسها) الموت الموت فين اختي طالعين فين.
البنت:😒وصلنا انيسة غير زيدي..الموت انا لشفتها شهاد بنادم.
هنية: كلتي شي حاجة .
البنت : ها لا ها مدام زهرة فهذ شومبر دخلي.
كانت زهرة ناعسة على كرسي المسج لكيتحرك ودايرا ماسك خضر وحجار البوركان بين صباع رجليها حداها ملاك و فتيحة و توبة نفس شي كولشي مسطح بالبينوار فالغوز بيبي .
البنت: مدام الانيسة جات.
زهرة:(حلت عنيها) اه هنية على سلامتك.
هنية غير حالة فمها كتشوفهم كاملات كيتزعزعو المساج زعمة.
زهرة:😟مالها هي هنية
هنية:😱ويلي مالك فوجهك اخالتي على خر يامك طليتيه خضر.
زهرة:😕طليتو خضر ههههه نو هذا ماسك .
هنية: ومالك فيك بوتفتاف ولحداك مركوبين الله استر
توبة:(طلت عليها) ههههه علام والله غير حنى و هذا مساج ماشي مركوبين .
زهرة:مهم هذي هيا لدويتليك عليها شوفي خدمتك
البنت : واخا مدام كوني هانيا انيسة تفضلي معايا
هنية: الفين؟
زهرة:غير سيري معاها مخفتي والو.
هنية: الله اخرج جرتها على خير را هيا لخصها تخاف.
حلت البنت باب غرفة خاصة ومجهزة بجميع لوازيم لغتحتاج العملية إصلاح هنية كانو فيها ربعات البنات بنفس الابسة لبسين ليكات رحبو بيها بتيسمة و هيا غير كتشوف فيهم طلبو منها تكلس على سرير و كلست
شوية تقدمت وحدا فيهم هازا بلاطو فيه عصير الاناناس ..بجنبو طبسيل فواكه مخلطة وفوطة صغيرة على اساس من ورا المساج تبرد بيه هنية ....ساعة كان عندها بلان تاني بمجرد متحطو على طبلة لحدا راسها نزلت على الكأس و تبعتو طبسيل وباش ختمتها مسحت فمها بالفوطة.
هنية: اححح هدشي سخون ومالو كيبان بحال سكار ولا فنيد.
البنت: غير صبري معانا شوية ....هزت الورقة دارتها على البلاصة لعمرت ولصقتها مزيااااان وهنية غير حضياها بمجرد منطرتها طاااااااارت معها هنية و طلقتها بغوتة عالمية.
خلطتهم كاملين لجات تفك تجمعها معاهم البيت ولات خرااااب زلزال داز منها تحل الباب على جهدو دخلو منو سيكيريتي فاش سمعو صداع وزهرة والبنات مخرجين عنيهم فالمصعورة لمعاهم.
بمشقت الانفاس تفكت روينا هالي مضروبة بسشوار هالي مكبوبا لاسيغ على شعرها ....شدو هنية واحد فيهم لوا دراعها باش اسيطر عليها صدقت نازلا على مو الرأس بشانطة صغيرة ديال المكياج .
زهرة داخت و ترونت شوهة ملاك وتوبة شدو هنية خرجوها و فتيحة واقفاا مع زهرة لبزز باش فكتها مع مولات شي خلاصات كااع الاضرار و عتذرات وحيت معروفة فكوها غير تما .
هنية:(كتحول تفك) حيدو ا نجيب سروالي خليتو الداخل.
ملاك:(جاراها البرا) لا هيا لا صافي غبجيبو سروال اخور.
توبة:(شاداها من اليد تانية) رصاااي براكة مطيري...عماار حل الباب.
حل عمار الباب دخلوها ودخلو معها كولشي ضربتو فزيرو شحال تخيلو فمنضرها جديد على قبلها جاو وهاهيا دبا خارجة منو كيف دخلات.
مرا مرا طل على رجلها بلاصت لاسيغ حمرة وكتحرقها تنفخ و تسوط.
هنية:😣بغيت ليها جربة تشدها مطلقها سلختني.
توبة: (كطل عليها) رانتي لمصبرتي كانت غتبردها ليك.
هنية:😠غتسكتي لا
توبة:😯😯
ملاك ؛بفف عماار زيد بينا الدار .
هنية: وخالتي فين هياا .
ملاك:غيجيبها شيفور تاني حنى غنسبقوها.
مسافة طريق وصلو دار هنية مشات نيشان الكوزينة دارت تلج لرجلها باش تبرد
وااقفا قدام الفرمصيان كتسنا فتيحة هذي ربع ساعة باش دخلات ومزال مخرجت ....يالله كانت غدخل وشافتها جاية كتجري.
زهرة: تعطلتي اشنو لقيتيه
فتيحة: اه الالة لقيتو معطاوه ليا غير بزز كاليك ضروري من ورقة طبيب.
زهرة:(سبقتها اللوطو) اشمن ورقة هذوك غير كيزيدو فيه .
فتيحة: وصاني سيد لباعولي كالي متفوتيش جوج نقطات راه مجهد (رجعت سولتها) احم علاش بغيته الالة؟
زهرة:(نضرات شيطانية ) وي عارفه مجهد و هوا لمحتجين ...وشكون من غيرها هنية هذا تمامها.
فتيحة:😱اويلي الالة تنعسيها؟
زهرة: بفف اكيد وشنو شفتيها اليوم الفضيحة لدارت خصنا نعسوها ونديرو خدمتنا على خطرنا.
فتيحة: ياربي اشد فيها.
زهرة:غيشد والحيلة حسن من العار وخلاتلي حتى حل اخور ...يالله دينا الدار (رجعت شافت فتيحة) هدشي متجبديش سيرتو.
غير جات عينها على زهرة غمزتها وراتها الكأس بعينيها من بعيد وصلات و حطتو قدامهم ... وبدات كتفرق هذا التوبة و هذا الملاك و هذا الالة زهرة واخير وحدة هنية لغير شافتو خصرت صيفتها كان عصير الليمون تفكرت العصير لشربت صباح ورجعتو الطبلة.
زهرة:(شربت من كاسها) علاش حطيتيه شربيه ابنتي.
هنية: وحد شوية اخالتي مزال مبغيتو.
زهرة: راه غيسخن و يخياب ليمون كولو ڤيتامينات ومزيان فهاذ صهد.
هنية:شفت أكرم بلا حوايج وحشمت كان كيعوم(بنضرات شك) اجي شتك نتي و خالتي زهرة مكاين غير العصير العصير اش تما مم؟
فتيحة:(توترت ) اشنو غيكون زعمة واااالو غير عصير عادي و صافي .
هنية:ممم والله اجعلني نتيق اري نعاونك
فتيحة : ههه واخا واخا هاكي
وجد الغدا وتجمع عليه ،هنية فين مكتهز راسها كتالقا زهرة خاضياها ...هذ الاخيرة لعيات تخطط أكرم لشرب الكأس مشا كومة مسكين مكان لا قيس لا هارون لا عدنان غير نساا فوق طبلة سلاو الماكلة وتجمعت طبلة غمزت زهرة فتيحة تبعها .
زهرة:(سدات المكتب) بفف خوطتنا فشلات .
فتيحة: نعاودوها كزال نهار طويل .
زهرة: وكيفاش غنقنعوها تشرب العصير تاني.
فتيحة:(كتفكر ) اه صافي القيتها هانتي عنصيبو كأس تاني و نحطوه فوق البوطاجي (بياس) ديال الكوزينة هيا بصودفة غدوز من تما إبان ليها وغتشربو أش باليك.
زهرة:ممم صافي نجربوها ونشوفو.
فتيحة: دابا نمشي نحطو.
ودكشي ليكان عمرت فتيحة تاني كأس عصير دارت فيه دواء و خلاتو فوق البوطاجي باين زعمة بتسمت بشر وزادت عند بالها فكرتها جهنيمياا غتنجح.
جايا عيانة كتجر رجليها من صباح و هيا كتفك فبيت الخزين واخيران سلات جرت الكورسي وجلست ترتاح
مطات إدها و هزت گأس من بعيد إشهيك و معا صهد و العيا هوا لبغات الوقت دقة وحدة شربتو وسندت على الكرسي ترض نفس مكاملة حتى خمس دقائق بدا كيتسمع شخيرها تاني ضحية الافكار الفاشلة ليزاا.
جايا و كطلب من كول قلبها تكون شربتو هذي مودة باش صيفطوها تجيب الماء البارد زعمة تجي عينها على العصير و تشربو
فتيحة:😱وااااع ليزا شداك ليه....كتحول تفيقها والو شافت حتى عيات و كالت تهزها بمجرد محركت الكرسي طاح عليها وصدقو بجوج فلارض .
فتيحة:ااااع تقيلة واااع ليزا فيقي وعتقو روح كنموت.
لصيفطوها تجيب الماا يالله جايا الكوزينة تكول كتمشاا على البيض كولشي اليوما درتو بالاعكس كول مقربت كتسمع صوت شيواحد كيتوجع جرات و القات فتيحة فالارض و ليزا فوقها .
هنية: ناري ناري طاحت تاني
فتيحة: جريها جريها راني كنموت
هنية: بلاتي راها تقيلة ااااع(دفعتها) الله ياربي الله ( مدات اديها توقفها) وقفي وقفي
فتيحة:(شادا ضهرها) ضهري تقسم نااري شحال تقيلة.
هنية: مالها مسكينة فين مندور القاها طايحة.
فتيحة :منحوسة و مسكونة ماليها كيلوحوها مرا مرا الحال ميشاور.
هنية: (بقات فيها) تعالي تعالي نهزوها مسكينة خصها الروقية و لا شي فقيه اصراعها مزال نقولها الباا ادويها.
فتيحة:😕باك علاش هوا فقيه.
هنية: ايه بسلامتو ولا فقيه ويالله تحركي نهزوها را خالتي بغات تشرب.
تعاونو عليها و داوها البيتها تكمل نعاسها مغتفيق حتى الغذا .
~~~~~~~~~~~
فبيت نعاسها جالسن البنات كشوفو اش شرات الخطبة و هيا بالها غير مع هنية واش شربات الكأس لحضة فرحت عند بالها تعطلت إذن شربتو لكين غير هزت راسها فالباب لتحل كشرت وزاتها فتيحة لوجها مغطياه خيبة الامل .
توبة:(تجبدت حداها) اووف حتى انا صافي براكة رحمينا.
ملاك هزت رسها فمها لدارت ليها إشارة تحبس صافي عليهم شحفو .
ملاك: اوكي يالله زيدو ترتاحو فظل ....سبقتهم حدا مها لضحكاا مرسومة على وجها خطوات بسيطة كتفصلها على نجاح موخططها علمت ملاك لوفقت فالحين باش تعونها.
بزز باش وقفو إكمو طريقهم الظل شمس طبخت راسهم غير وصلو وكول وحدة فين تشبحت .
وهااا فتيجة جايباا كيسان العصير باانت و بان معاها الفرج إبردو غير ريق لنشف هذ المرا بلا موقديمات طاحت فالكأس عملياا من أوراها توبة اما زهرة و ملاك فبشوية كيشربو و مراقبين الوضع.
هنية:(مسحت فمها) سيري بغيتليك الخير وتسقاي فجنة إنشاء الله.
فتيحة:😀امين امين يارب.
زهرة:😁واخييييرا واخيرا شربتو.
ملاك:(همست ليها) على سلامتك تسنايه إشد فيها.
زهرة: شووو هاهيا ناضت بنتي فين غاديا.
هنية راسها تقيل وعنيها مبغاوش إتحلو مكتسمع والو فبالها غير نعاس بمجرد موقفت طاحت مجبدة على ربيع.
فتيحة عيات متسندها تقيلة و توبة دايرا كتر من جهدها ملاك مشات تجيب ناس علاش وصاتها مها.
فتيحة: اااااع تقيلة بزاف عضامي مشاااو
توبة: حطيها حطيها انا غلبتني و بزاف هدشي اوو
زهرة:طلقو رسكم هزوها انا منقدرش على تقل ضهري غيتقسم.
توبة: وماما راها تقيلة بزااااف
زهرة:بلاتي مكاين لغيفكها من غير ولد ختي.
فتيحة: ولكين الالة زهرة نااااعس.
زهرة:بفف نسيت اه كاين غيرو (جبدت تيلي ) لعندو باب واحد الله اسدو عليه😉.
~~~~~~~~~~~
فكافي قدام البحر كان جالس قيس قدامو كأس ديال القهوة لبرد ...عنيه على تيلي كيدوز تصاورها وحدة وحدة هاهيا ضاحكة شوية مغوبشة ....تصارو خداهم لحبيبتو بلا متحس حبيبتو و برهوشتو لديما مدابز معها تعجب فاش شاف أبيل من خالتو جاوب فالحين.
توبة: وغير حسلك خاف زهرة وبناتها لتفقو غير الله احفظ.
زهرة: بعدي منو لا عنداك اولدي غير طلعها البيتها و صافي.
بلاكلمة بلا جوج هزها قيس من الارض و طلعها البيتها من وراه زهرة وتوبة ....حطها فبيت توبة قبل ميخرج دخل عليه جيش مكون من خمسة ديال البنات بقيادت ملاك.
قيس:😨اشنو غديرو هنا.
ملاك: قيس درتي خدمتك الباب يالحباب
قيس: واخا هاهوا خارج ...ونساحب فصمت شعندو ميدير .
زهرة: ودبا فرجوني خمدتكم بغيتها تكون متقونة منبغي اي خطأ واش مفهوم.
البنات : مفهوم امدام زهرة اوامريك طاعة .
ملاك: موفقين و خودو راحتكم راها شاااابعااا نعاس .
خرجو وخلاو البنات إبداو شغلهم لخصو إسالي قبل ميطلع صباح .....
🌞🌞اصبحنا و اصبح الملك لله.
شميسة داخل من شرجم معنكشاا عوينتها لمغمضين ....كتجبد بحال شي مشيشة كتستاعد تفيق طلعت إديها تحك شعرها العسلي لحرير فوق المخدة شوية خسرة صيفتها ياك هيا ديما زيف فوق راسها باش بأكد عاودت قاستو لا لا والله حتى بلا زيف جمعت الوقفة مستغربا حست بالبرد فرجليها فاش هبطت راسها تصدمت اش هدشي و بلا سروال كسوة قصيرة و فوق ركباا واش رجليها نيت هاذو طات قدام المريااا .
هنية:😨ش ش شكون هادي بسم الله الرحمان الرحيم.
من الجمال ساااطيع العقل مستوعب و طاحت على طولتها 😂 .
~~~~~~~~~~~~
فبيتو و قدام المرياا كيدير أخير المسات ...قاد شعرو ولبس مكانتو هادشي غير ومعندو گانة زواج بزز كال.
بكوسترا فنواغ كيبان هارون عريس وشمن عريس وتاه اللون لختارت مو البارح كولشي ضارباا حسابو خصها غير تجمعهم و اليوم نهار الكبير نهار الخطبة و العقد.
تحل الباب و هز راسو كانت مو بقفطانها الخضر الملكي و زيفها ومنساوش البسماا لمبهجاا وجها إعطي عمرو عليها.
زهرة:😍تبارك الله تبارك الله على ولدي حبيبي الله احفضك من العين.
هارون: (باس راسها) صباح نور.
زهرة: صباح نووووور و الورد انا غنطير من الفرحة اولدي بغيت ربي إخلي يامك كولها فرح و سعادة .
هارون: امين يالله نزلو .
زهرة : سير نتا انا غنطل على العروسة ....و مشات طل على العروسة .
فبيت مبعيدش بزاف على ديال هارون بيت ديال ملاك لعيات تفيق فأكرم والو ...بقفطانها البيج المحجر من صدر و شعرها طالقاه مع مكياج خفيف ،واقفاا على راسو.
ملاك:(كتحركو) هاااااي فيق براكة عليك راك خمرتي
أكرم:(دار الجيهة تانية) ممم واسيري خليني نعس.
ملاك : نتا الكلام معاك ميجيب نفع .....دخلات الدوش عمرت كأس بالما و هزت ولدها لكان فنكوش فقيمت الاناقة بلبيستو سولوبيط جيلي فزرق غامق و قميجة فنفس اللون غير فاتحة شوية ...بتسمات بشر وهوووووب خوات عليه .
توبة: مشاء الله ههههه معندي ميسالك اماما كون ما افكارك منخرجوش هذ الجمال كامل .
هنية: 😨فهموني اش واقع دخت انا دخت.
زهرة: من بعد و تفهمي فتيحة دخليها الدوش خلاص را الرجال كيتسناونا .
جروها الدوش مزال مستوعبت التغير الجدري كولشي كديرو فتيحة و توبة لبسوها قفطان فالبيض محجر من صدر وزيف من نفس اللون بزز باش دارت شوية ديال المكياج كحلو عوينتها و كلوس رطب شفيفها ...ختاما برشات من المسك و بليغة فرجلين .
وناتيجة عروسة بأروع طلا واخا سامبل جات غايت الجمال شوفة فيها تسحرك و تسلبك مع حنيكاتها لتزنكو من شوفات الاعجاب .
زهرة:😍الله إحجبك من عين يا اجمل عروسة سعداتي بيك.
توبة:😍وااااااو طلعتي روعة و توحفة.
ملاك: 😍اليوم العقل اطير الخويا هارون.
هنية:😳وصافي حشمتوني.
فتيحة: 😍ويتك ويتك على الحشمات .
زهرة: يالله يالله نخرجو .
سبقو البنات موراهم زهرة لي لحت زيف رقيق على وجه هنية لكون صابت الارض تشق و تبلعها من الحشمة و الخلعة كولشي تخلط عليها .
واقفين قدام الباب كولشي مفركس إنهم الرجال كيتسناو صاحيبات الحسن و الجمال إشرفو ....شوية ديال الوقت كولشي هز راسو إشوف حلو فمهم جمال كاميل حتى من عدنان سهااا فمرتو حبيبتو و منساوش أكرم و قيس اما سي هارون حس برعشااا فجيسمو ودقات قلبو رتافعو فاش هز راسو احساس غريب حسو سهااا فيها واخا وجها مغطي مقدرش إهز عينو عليها.... حتى نطق مُخريب الالحظات بلا ميرد البال.
قيس:😍😍حتى انا باغي نتزوج...
الجميع:(كولشي دار كيشوف فيه)😮نعااااام!!
قيس:(كيحك راسو)احم زعمة يالله را تعطلنا غير مسمعتو مزيان.
أكرم:😒مسمعنا مزيان.
عدنان:هههه نوبتك من بعد يالله تحركو ركبو.
قيس:😦راني غير ضاحك.
زهرة: ههههه حتى حنا غير ضاحكين معاك زيد و نتا دم هرب من وجهك.
بداو كيركبو عدنان مع ملاك وزيد وأكرم و حتى فتيحة.... اما هارون هز العروسة ومو وتوبة و منساوش قيس لقبل ميركب رمات توبة كلامها فوجهو .
توبة:😒زواج وا شكون تقبل بيك بعدا.
قيس: عقلي عليها ميطلع نهار حتى نخطب😼..وسكتها بكلامو.
توبة:😷😷
سبق أكرم وتبعو هارون لمرا مرا إهز عينو فالمرايا شادو الفضول إشوف وجه عروستو غير كيشوفوه كيبقاو إضحكو.
زهرة:(كتقاد زيف هنية) هههههه غير حضي مع طريق اولدي لتقلبنا.
توبة: هههههههه حصلتي.
قيس: ههههههههه ناري ياخويا مزكلوكش.
هارون :🙅براكة من ضحك الباسل احم غير كنشوف واش شعري مقاد.
قيس: مممم غير شعرك.
هارون:😠غتسكت لا
قيس: صافي هاهوا ساكت😯.
~~~~~~~~~~~~~~
قلبها كيضرب كتر من الاقياس واش حيت اليوم عقد بنتها علاش حاساا بضيق و الغم واقيلا هذا الفراق لكيعاودو عليه صعيب إحساس اي أم فاش كتبغي بنتها تزوج .
تنهدت ناعلا شيطان على أفكارها المسوسة و جمعت الوقفة تقاد قفطانها الكري المطروز بصقلي مع زيفها الكحل وبليغة فنفس اللون زيف .
تفكرت البارح فاش جابوليها سي عدنان موصيها تلبسو حيت زهرة لمسيفطاه ليها رسمت البسمة على وجها كتحمد الله و تشكرو على عكوزت بنتها مولات القلب كبير .
تحل الباب و طل منو سي الفقيه بجلابتو البيضة و طقيتو المشبكة فالكحل وجهو منو وليحتو مقادا تسبيح فيدو .
العربي:احم احم يالله زيدي.
ربيعة:(وقفت كتقاد حزامها) سبقني هانا جايا
العربي:تالتا دالخطرات ونتي تكولي فيها جايا جايا و شي مجي مشفناه.
ربيعة:😤سمع ياهذ راجل صداع لتجبدو شاي غير يفوت هذ نهار و هنا معاك يالله سير سبقني و سكتنا.
العربي:😒هاهوا غادي.....وزاد كيعرعر و تبخ غير بوحدو حالو هذ نهار تالف و مجلي و فين عمرو كان حاظر ضيق فقلبو و الغمة فحلقو ...حتى من ربيعة لدابز معها باش إنسا ماشي فمودها الله أوما إصبر على إحساس صعيب لشادو .
وهاهيا جات مات زينت البنات كتفقد أخير تحضيرات فصالت الحفلات لتابعاا السبيطار فاش كينين ....بديكورها التقليدي تحلف عليها دار ماشي صالة.
الفكرة فكرت زهرة مدام العربي و ربيعة ميقدروش اخرجو ...وجدولهم صالة باش ياخدو رحتهم و حسبوها دارهم.
صواني اتاي و طباسل الحلوة فكل طبلة و ريحت العود عاطياا وموسيقت الاندلوس ليها الودنين صاغيا .
تحلو بيبانها بجوج لمالخشب مدخلا رجال محملين و مجملين بطيافر لونها ذهبي وسطها هدايا العروسة و خواتم الخطبة ...بزغاريت ستقبلتهم ربيعة و المرشا دالمسك فيدها بجنبها العربي لمتصنع البسمة .
مسافة طريق وصلو كولشي هبط رجال سبقو و العيلات تلاو إدخلو العروسة بصلات و سلام .
صمت كان مرافقها طول طريق دموع منزلوش غير قلبها لكتحسو قرب إخرج من بلاصتو .شدو بيديها و دخلوها صامكين و دنيها زغاريت ومنبينهم زغروتت مها لبمجرد مسمعتها هربة دمعة يتيمة من عينها بالخف محاتها .
ربيعة: مرحبا و ألف مرحبا زيدو زيدو
العربي: نهار كبير هذاا مرحباا....
كو لشي كلس من بعد سلام و ترحيب قبل كأس اتاي حنحن عدنان باش إبدا الكلام.
عدنان:احم احم سي العربي حنى جينا اليوم طلبين رغبين فيد بنتك المصونة هنية لولدنا هارون .
زهرة: بلاتي اولدي حتى البسو الخواتم ...اجي اولدي هارون هنا.
وناااض سي هارون حدا عروستو غير كيزعزع فرجلو ومسح جبينو شهدشي توتر ولا خلعة صنفها بحساس غريب و جديد .
لاحضات قليلة وتهز زيف باش مغطين زين المسرار
زهرة: هز زيف اولدي وشوف وجه مراتك.....البنات غير كيتغمزو عليه حابسين ضحك و مراقين الوان طيف لكدوز فوجهو.
صدمة دهشة روعة صقعة كولشي تخلط لدرجت بقاا مكوانسي على وجها المنور و المورد بالحشمة عوينتها فالارض مقدراش تهزهم شطارتها صاط فيها ريح وصلو المعقول مكاين لا عصبية لا تكبور لا تشيطين بنادم فالواقع و بلا اقنيعة.
حنحنو كحو عطسو و سيد مزال ساهي يإخوان شي واحد إفيقو .
زهرة:(حركتو مهبطاه من كوكب زوحل) احم احم ولدي رجوع على الله.
قيس:😉الهضرة من بعد......ديما جايب ليها تمام بسنطيحتو مكيحشم.
وقفت ربيعة و زهرة مقربين البلاطو العرسان ديال الخواتم ....لبسو الخواتم من وراها تمر و الحليب تحت زغاريت و صلات و سلام تاني توبة ممضيعة حتى لحظة كولشي كتصورو .
اما قيس شافهم لبسو الخواتم و ناد طااير مدخل العدول .
قيس: تفضل اسي العدول ها العرسان .
كولشي ضحك الهبالو ديما زربان فرق العرسان و حطو وسطهم .
العدول اب العروسة و اب العرسي كولشي ضار بيه واش قابلة اه واش قابل اه مراضين سناو بجوج وعاودو قراو الفاتحة .
العدول : سيادنا برافيه و البانين الله اكمل عليكم جمعناكم فالاحلال و سلام و عليكم ....ومشا بحالو .
ودبا ضيفو ناس بالحلوة و اتاي عاد غيحلا باركو ليهم و تسلمو معاهم عاودو نيقاش على العرس لتغير موعيدو مورا الحفلة حيت هنية بغات وليديها إبراو عاد ديرو و نيت مبقا ليهم والو هارون مزاد منقص حدو اخطف شوفة من بعيد وصافي شعندو ميكول هاااذ زين كامل و علق .
وهااا سي قيس مدازت الخطبة و العقد تحى بغا اتسطااا شي حاجة واحلا فالقرجوطة خصها تخرج اليوم قبل غذا و ربي كبير.
قيس: احم احم 😕
مكاين لداها فيه كولشي مجمعين و ضاحكين .
قيس:كح كح كح 😕
والمرا تانية وااالو اش هدشي مال هذو صماكو بلاتي .
قيس: ( بالغوات) وااااسيدنا واحد دقيقة....خلعهم ضارو قافزين.
عدنان: مالك اولدي ياك لباس.
ربيعة: ( شادا قلبها) خلعتينا مالنا شكاين.
زهرة:حالك معجبني اشنو دوي خلاص.
قيس:احم احم صافي انا غنكولها و نتوما تصنتو
هارون:(واخيرا نطق) طلق اشنو عندك.
قيس: خالتي عمي انا واحد من ولدكم ياك وعزيز عليكم ياك.
زهرة:ايه اولدي هدشي كاين.
قيس: اوا ملي كاين انا جيت طتلب راغب فيد بنتكم المصونة توبة على سنة الله و رسولو.
كانت كتشرب اتاي معليها مبيها غير سمعت كلامو وحل حجرة فحلقها صدمها كيصدم غيرها كولشي حال فمو جاهم فاص ودبا شكون إنطقهم.
قيس:انا انا عارف بلي جيتكم على غفلة غير مقدرتش نصبر مزال وحنى عائلة وحدة .
هارون:😉...غمزها ورجع إضحك وقشب مع الباقي مخليها واحلا بين ضحكتو زينا لأول مرا تشوفها و تعملو جديد.
مووودة طويلة جماعة ضحك و تقشاب جبولهم الغذا تغداو من أوراها جا وقت الوداع سلات زيارة قُلوب تقبطت و عنين دمعت .
جرت بنتها القنت توصي و تعاود وتبوس وتزاوك
هنية:(عنقتها) واخا اما واخا رجلي و عائلتو على راسي و عيني.
ربيعة:راني مفرشك برضااا و مغضياك برضااا بلاتي ....(مسحت دموعها وجبدت زيف بيض مجموعين فيه دبالج نقرة من شكلهم باينين عندهم تاريخ) هاكي هذو هنية: دبالج جدة الله ارحمها.
ربيعة:(ضحكت وسط دموعها) احيانا عليك اشيطانتي مزال تعقلي عليهم.
هنية:وكيفاش نساهم ياك كنتي ديما خزناهم للعب بيهم.
ربيعة:(لبستهم ليها) خزناهم النهار الكبير نهار لنشوفك فيه عروسة وربي محرمني منو هاهوا جا و هاهوما فيديك ..باست جبهتها و زات خشياها بين ضلوعها على الله تكمد الوجع لفصدرها.
مراقبهم من بعيد معرف ازيد عندهم و لا حتى اسالو شاف حتى عياا و زاد بنتو و بغاا اشبع منها .
العربي:وطلقيها لينا نتي سكنتيها.
ربيعة: (بعدت بزز) هنا يالله زيد.
هنية: باا ...باست ادو و راسو مكفاها و ضمها الصدرو و شحال من بوسة حط على رسها و جبينها رضا عليها وزاد مخليها .
هارون ادور ادور وقلب بعينيه تكول خايفها تهرب تسلم مع نسابو وزاد سبق قبل ميخرج رما عليها زيف باش دخلت.
هارون:غطي وجهك....وزاد خارج
هنية: 😲هاا
ملاك و توبة :😲هاا
فتيحة: هههههههه داتو و داتو والله مخلاتو غطي وجهك كال غطي وجهك.
توبة: والله حتى كالها .
ملاك:لكالها ديروها ههههه...غطاو وجها و خرجوها ليه يالله غيبداو بصلات و سلام بلوكاهم.
هارون: منسمع حتى كلمة طبل ودني تقبتوه تفهمنا.
البنات: تفهمنا 😯😯
قيس شد توبة قبل ميخرجو كلاها تاني مع الحيط.
توبة:😤بعد خطبني بلا خباري شكون كاليك انا بغيتك.
قيس:😈انا بغيتك دونك براكة ماشي مهم بتغيني المهم ديتك مم...وبدا كقرب ناوي مسكين غير إشم شعرها.
توبة: 😨بابا انا انا هوا
قيس: باباك مكاين لا باباك لا جدك درتيها بيا مرا وحدة.
عدنان:(كان وراهم) احم احم 😈
قيس ركبيه بردو بعد مصمر و توبة من الحشمة هربت دار اواجهو.
قيس: انا انا غير كنت كنسولها واش موافقة.
عدنان: مم تسولها خطبتيها و قرينا الفاتحة عاد غتسولها اخير مرا القاك معاها حتى تزوجها وديها الدارك نتا حور واش مفهوم.
قيس: م م مفهوم....زاد عدنان كيضحك على هذ الهبيل لوالد خوه.
قيس: انا انا كنت غير بغيت نشم .
أكرم:(ميت عليه بضحك حيت شاف ديكور) ههههههههه وااااع بغا يشم وشمها فداركم و حمد الله مشافك خوها اما موحال إبقاا نيف باش تشم ..وهرب
قيس:😡واخا على مك هربتي بفف زهري ديما إهودي.
ورجعو الدار من بعد نهار كولشي فيه ضاحك جوج خطبات و عقد راها كتر من فرحة العيد فدار عائلة الادريسي قيس مصبر فطريق صونا المو لي مالفرحة سخفت شوية وقتلها المسخوط جاب ليها بنت عمو لعمرها طيح على البال تولي عروست ولدها شبعو باه سبان وباركلو وبارك الخوه و مرتو ...وعلهم بزيارة قريباا إنشاء الله.
🌚🌚في المساااااء
جايا كتجري فالكولوار الوجهاا بيت مها و تيلي فيدها وشكون من غيرها توبة.
هنية:(كتشوف فيه و فيدو الممدودة مطات اديها) ش شكرا.
وهاااا اول لمسة ليهم اللحم تشوكااا و شعر الرأس وقف اش هذ الاحساس الغريب تاني تاهو فعينين بعض غافلين على توبة لحالة فمها فيهم بغات تنساحب بهدوء ساعة مكفشها طيحو ديكور صغير خرب الالحظة.
توبة:😫س سمحوليا مقصتش نقطعكم.
هارون: (طلق ادها و بعد) احم ماشي مشكيل اش كاين.
توبة: ماما بغاتك.
هارون: أوكي .....وزاد إشوف مو
هنية:😮😮شدها ياختي شدها
توبة:(طارت عليها) هههه و صباح نور اجي اجي نكملو على طريق ماما.
وجرت هنية وراها لمزال مفاقت من صدمة وهذي تالت مرة قرب منها اليوم.
~~~~~~~~~~~~~~
✊✊✊دق دق دق
زهرة: احم دخول
هارون: (حل الباب ) سلام كتلي توبة بغيتيني .
زهرة:(جاتو فاص) انا حجزت فمطعم ليك نتا و هنية سيرو تعشاو فيه حشومة اليوم درتو العقد على الاقل اول خرجة ليكم دوزوها بجوج ومنها تقربو من بعض اش باليك؟مم
بكسوة طويلة فنواغ بالدين كولها كتبري من الفوق و مزيراا على صدر جات حتى البوط و طلقت مع صميطة رقيقة مزينا اطلالتها وزيف وبوشيط فلون ذهبي ...وصالنا الرجلين حلفت للبست طالو واخا الكسوة طويلة وكتجرجر كالت تهزها و تالبس صباط حسن مرتاحة فيه.
فتيحة:(شادا راسها) الله اهديك لبسي طالو واش غتبقاي هكا جاراها.
هنية: واااالو شتي داك سلوم والله للبستو ياتعطوني صباط يابناقص من شي خروج.
توبة: اووف صافي صافي خطرك و حتى المكياج مديريهش حشومة .
هنية:ونتوما لحفرتو عيني بداك شي ولينا حتى فمشيط رموش لاش اختي انا زينا بلا بيه.
هارون:(من تحت سنانو) مفهموكش تبتي احم هذي مرتي هناء.
جوني: اووو مبروك عليك زواج
سوزي: وي مبروك واخا ماشي دوقك شنو طرا
هنية غير سمعت هناء قندشة و حطت الكأس بزعفة حتى تخوا نصو على هارون.
هنية :😡هنية سميتي هنية واااا هنية فهمتي .
هارون :(كيحاول ابرد) احم عفوا دبا نجي (همس الهنية) من بعد و نتفاهمو غير بلاتي.
نساحب هارون وخلا هنية واسطهم غير مغوبشة و ليزاد عصبها سوزي و رجلها غير كوشوشو بينتهم شوية وقفات سوزي تجاوب على تيليفونها بعدت وهنية غير حاضياها من اللور كيفاش كتمشا و فخاضها عريانين.
هنية:اخليك بالخلا حيديها كع نتي تفو الكنس (دارت عند جوني ) شتي نتا مراجل موالو تخلي مرتك تعرا فين نفس و فين العراض وعلاش انا ندوي معاك كع.
كيشرب من كأسو وحاضيها شوية زعم وكحز كرسيه حداها ...سيدا رجعت تكمل عشاها زغبو الله و حط إدو على إديها .
هنية:(كتشوف فيدو المحطوطا جرت إديها والو حكمها) وهيااا و سي تا طلق و نعل شيطان الله اهديك.
جوني:نتي زوينة بزاف نقدرو نولو اصديقاء.
هنية: وتا طلق الله اهديك و هياا .
سيد والو ساهي فعينيها زاد زعم وحط ادو على خدها مصمرها بلاصتها اش هذ قلات الحياء ومرت الراجل من الفوق .
مجات عينها غير على سوبيرة لسخونة قلبتها عليه سلقت وجهو وصدرو وحتى حجرو.
جوني:واااااع واد افاك اشنو درتي.
هنية: (وقفت)باش تعلم تحط إديك علييا يا قليل الاداب بلاتي على مك بلاتي.
وزات كضربو بالمعالق و طباسل فوق راسو تجمعو ناس إفرقو و جات حتى سوزي معصبة من تصروف هنية
مشات ليها نيشان دورتها بجهد و هزت إديها بغات تصليها معاها ساعة هنية كانت ليها واجداا تلقات لدها قبل متوصل حنكها و لواتها .
هنية:😬ومالك كتغوت عليا غوت عليه هوا لقاصني فوجهي هوا لقرب ليا لمعندكش نفس على مرتك شغلك هداك انا عندي نفس على راسي ماشي بنت العربي لتقلل عليها الحياء و تسكت .
هارون يا هارون بمجرد مسمع كلامها فرانا بجهد مشاو ورجعو و دار ماشي غير دخان من الودنين بوركان و قليلة فحقو.
هارون:(شدها من زيفها حاكم شعرها) 😬أشنو عاودي شنو كلتي .
هنية:(مقصحا و لكين العنين خارجين) ايه هوا لقلل عليا الحياء قصني هنا ....وراتو خدها .
نفضها من ادو ورجع كسيرا قالب ضورة المطعم غير وصل نزل طاير مخلي الباب وراه محلول تفكر شي حاجة و رجع .
هارون: تخرجي من هنا حسابي معاك بوحدو...ومشا داخل تور هايج.
هنية:(كتحك شعرها و تقاد زيفها) اححح شوية مطير راس والله حتى نزل نتبعو .
وهبطت المسخوطة تابعاه تشوف اش غدي إدير غير وصلات الداخل طوابل مقلوبين و ناس مجموعة وغوات مسموع هارون كان كتر من هايج شاد جوني ونازل عليه ضرابي و ركالي .
هنية:😮والله حتى سلخو 😍ياسعدي يافرحي بزماني سر بوه (كتشجعو ) زيد عطيه ليد ليد زيد المو
شوياا حبست كتقلب براسها على موتو بانتليها يالله طلعها واحد سرباي ولوي عليها فوطة وشاد بيدها وقفت عليهم كي ملاك الموت مع قراب الابسين لحتهم بجوج.
هنية:😈ودبا ابرد القلب يالله ....(.وبدات كتسوس فديها غير ضارت جمدت.)😨انا انا
هارون:😬ياك خليت......قبل ميكملها طاااارت من حداه
جالس على كرسيه الملكي بسروال سيرفيت نواغ و من الفوق عريان عضلاتو مفتولة وشم تنين الاحمر باين ..فديه شاد ماس حادين و بعنيه الغابرين كيحدد الهدف و صيفط .
كانت اديها و رجليها متبتين فقورص كبير من الخشب كيضور عيات من البكااا و سكتات سادا عنيها و كطلب الموس ميجي فيها براكة واحد جرحها فدراعها و تاني ففخضها مشرك سروالها لمن جلد .
بوص: هيا الوحيدة لعارفة وجهم غدي نطلقها اخير فرصة عندكم بغيت صباط اوكي.
صيااو:اوكي بوص
عطا الاشارة الرجالو اهبطوها مشات ختها تهزها و داويها المرا جايا مصيرهم بجوج غيكون محتوم و من نصيبهم ابشع موتا على يدين البوص الخبيت.
لكل همو صباط احضر .
~~~~~~~~~~~~~~
فشرجم بيتها واقفا و فبالها كيتعود فيلم صباح كيفاش قيس زعم و خطبها عمرو كال بغاها و لا عينو فيها ديما مدبزين متنكرش بلي لكانت قريباا ليه قلبها كيطير فرحة وباش تخبي مشاعيرها ديما كتشد معاه زكير.
خدات نفس عمييق طاردا بيه الفكار السلبية وبدا اشد فيها نعاس عيات اليوم ضحكو و قشبو داز الوقت كانت بغات تسنا هنية تجي و تعاود ليها ساعة باينا مطولين معليش .
بدات كتجبد وطلع اديها الفوق سادا عنيها و مستمعة بريح لكيضرب فوجها شوية كتجي شي حاجة قاسحة الجبينها مخربا لحطتها.
توبة:😫اااي شهد المرض ...طلت التحت القاتو قيس واقف مخنزر وفيدو الحجار .
قيس:(قرب لشرجمها) 😠دخلي الله إنعل حسك مخص مك غ تجباد و بوطك باين طالقها HD الكارد.
توبة: وديها فراسك و سير تنعس....عطاتو صبع و سدات جرشم مخلياه اتقلا فسمو.
بسم الي فيه نقز كي القرد و بدا إدق عليها شرجم من زهرها كان مسدود مزيان.
قيس:😠حلي هذ زمر.
توبة: 😈 لااااا ..وسدت ريدو مغطيا على خيالو ..تخشات فراشها ميتا عليه بضحك.
شاف حتى عياا و زاد بحالو حتى الغدا و شدها لمبان تاني باها.
هنية فالميريكان الجزء الرابع
محتوى القصة
التنقل بين الأجزاء