الشقراء المثيرة الجزء العاشر

رجعات بثلاث خطوات للوراء و هي كتشوف بصدمة.. بسرعة كبيرة نزلات دمعة حارة على خدها..

فاش شافت هاديك لي بجنبو وحدة من الخادمات لفي القصر.. 

مشات كتجري لبيتها.. و سدات لباب هزات قلم و ورقة..

و جلسات على الكنباي كتكب و دموعها هواديين.. و كتشهق..

بعدما كتبات رسالة وداع فيها للعائلة.. و كتبات سبب لي غيخليها تهاجر لهو "سيف الدين" لي حطمها.. و كسر قلبها لأشلاء.. و حسات بلي معندهاش مواصفات هاديك الخادمة او البنات بصفة عامة.. بعثر انوثثها بلا سبب..

ناضت لماريو هزات فاليز صغيرة.. جمعات فيها حوايج قلال..

و هزات صاكها و اوراقها و جواز سفر..

بدلات حوايجها و لبسات عباية سوداء و فولار اسود.. 

و جرات فاليزتها و خرجات و خلات رسالة فق سرير..

مشات لباركينغ ركبات في طموبيلتها و كسيرات..

بعد مدة وقفات في لمطار.. و أي طائرة خارجة في هد لوقيتة و لأي دولة مهتماتش.. مهم تمشي من هد لبلاد..

قطعات لبيي و قامتت ببعض لإجراءات.. و جلسات تتستنى حتى سمعات نداء للمسافرين.. عاد ناضت..

صباح يوم جديد..

دخلات شامة بكل اناقتها لغرفة بسمة.. لكنها استغربات.. خطات خطوات للأمام.. و هي تلمح الورقة فق سرير..

شامة: بسمة بنتي واش راك في لحمام.. بسمـــة..

مجاوباتهاش و قربات.. لورقة بفضول و هزاتها و بدات كتقرا.. 

حتى كملات و بقات كتشوف مصدومة..

شامة: هد لمرة مغنسكتش..

شداتها في يدها كارزة عليها و خرجات.. فتحات على سيف الدين لباب..

و هي تلقاه غاطس رأسو وسط المخاد.. و نصفو الفوقاني عاري..

شامة: سيف الدييين.. سييييف

دار عندها مفزوع.. فاش لقاها هي قال بصوت ناعس..

سيف الدين: اش باغا على صباح.. فين بسمة..

شامة: نسولك نتا ؟

سيف الدين(جلس): كانت كانت معايا.. لا هي لي كانت معايا بليل..

شامة: اويلي وحدي واش نتا معاقلش معامن كنتي ناعس..

سيف الدين: انا مكنتش في وعيي..خرجي هاني جاي..

خرجات و هو شد في راسو عاطيه لحريق و كيتفكر.. حتى عقل على كلشي.. و لخدامة تغالطات ليه ببسمة..

ناض من فراشو لابس غي لبوكسور.. دخل لحمام.. دوش و خرج لبس بذلة رياضية مع حذاء رياضي.

و نزل كيجري مشا لكوزينة كيقلب على لبنت دلبارح حتى لمحها و مشى ليها شدها من شعرها..

سيف الدين: اجي زامل بوك اش دخلك لبيتي هاا 😡..

بانليه واحد لموس فق كونطوار و جرها و هزو..حطو لها على عنقها..

سيف الدين: بربي تندبحك ليووم 😤 شكون مسيفطك همم ؟ شكووون  😡

الخدامة: هئ حتى واحد حتى واحد.. انت كتعبجني هئ و ديما كنتمنى دوز شي ليلة معايا..

سيف الدين: وااش بنت لمك مخصوووص واش بنتلييك معندييش مرتي.. ولكن انا لي غندوووز على مك..

جرها خرجها من باب لكوزينة لجردة.. و هي كتغوث و تبكي لقصر كلو سمعها..

خرجو كيقلبو على مصدر صوت..

لاحها سيف الدين في الأرض.. و شدها من شعرها حاط الموس على عنقها.. و ضعط حتى سال دم..

و هي تزيد تغوث..

خرج حتى غياث الدين كيجري.. شدو و قال..

غياث الدين: سيف اش هد الحماق اش كدير..

سيف الدين: هد لقحبة ليوم ندبحها.. 

غياث الدين: ااش دارت..

سيف الدين: لبارح انا سكران و جات رمات عليا راسها.. و وقع لي وقع انا حسابلي بسمة.. تيق بيا ليل كامل و انا كنشوفها بسمة.. ولكن مغتسلكش منها..

غياث الدين(بصرامة): قلت ليك طلق منها.. راه لا قتلتيها راك رتاكبتي جريمة و مغتنفذش من لعقاب..

سيف الدين: نعرف نقتل ديلمها و ندخل لحبس و منخليهاش عايشة  😤 

غياث الدين: راك ماشي دراسك.. راك عندك ولد بعد من هد الجرثومة..

بسياسة بعدو عليها و هو كيسب.. غياث الدين عيط لرجال هزوها داوها لكوميسارية.. و عطاهم غابو كامل على فعلتها و بذون أي شهود غيتحكم عليها مباشرة لأنه العقيد بنفسه داخل في القضية..

لداخل كان كينهج و غيحماق بتفكير..

شامة: نتا سباب نتا.. سباب الا وقعات ليها شي حاجة تيق بيا عمرني نسمح ليك..

سييف الدين: سكتي نتي..خليني نفكر..

نزلات راضية و وجها اصفر لابسة جيبا فق ركبة مع سبرديلة بيضاء و قبية بيضاء..

جامعة شعرها للفوق قربات منهم.. و جلسات بجنب غياث الدين لي جالس..

راضية: اش واقع ؟

شامة: هئ هئ بسمة مشات و مغتوليش ابنتي..

راضية: كفاش ؟ علاش ميمكنش..

اسماعيل داخل من لباب و شاد في منويلا.. قرب منهم و قال 

اسماعيل: فينما نشوفكم مجموعين هاكا نعرف شي موصيبة هي.. آش كاين..

غياث الدين(شاف فيه كيف شاد في زرافة لي حداه): نتا لي آش كاين.. باشمن صفة شاد في لبنت بهاديك طريقة..

اسماعيل: هادي حبيبتي خليونا في الأهم.. 

سيف الدين: اكييد غتكون مشات عند غالية.. هي لي بقات عندها.. انا نمشي نشوفها.. ختي راضية ردي لبال لغالي..

راضية: متحتاجش توصيني عليه..

مشا كيجري خرج.. و اسماعيل جلس و جلسات حداه منويلا.. و هو حاط يدو قريبة من مؤخرتها..

غياث الدين: كيفاش حبيبتك ؟

اسماعيل: حبيبتي.. كيفك نتا و ديك شهبة لي حداك..

غياث الدين(خنزر فيه): هادي مراتي.. واش حماقتي اش غيقولو الناس.. تا شرفتي عاد جاتك المراهقة..

منويلا: و شكون قالك.. حبيبي شارف همم ؟ حبيبي انا مزال صغير و قوي..

اسماعيل: اخليلي لغزالة ديالي انا.. اش بانليك الغياث الدين نجيب لوك شي خوك صغيور.. و لا ختك صغيورة همم ؟

راضية بغات تسخف بضحك ولات كتخبط في فخاضها.. خنزر فيها غياث و هي تجمعها..

غياث الدين: لواالد واش من نيييتك كتهضر اش هدشيييي.. نتييي رجعيييي مييين جييتي ولا مغيعجبك حال..

خنزر فيهم و ناض تبعاتو راضية كضحك..

راضية: حبيبي وقاف.. تخايل معايا يولي عندك خوك قد ولدك هههههه..

غياث الدين: رااضية براكة من ضحك الباسل..

راضية: هههههههه و خليني نضحك..

سيف الدين و هو في طريقو لفيلا دعمار.. تاصل به..

عمار: آلــو

سيف الدين: صاحبي بغيت نسولك بسمة مجاتش لعندكم..

عمار: لا (بتسائل) واش واقعة شي حاجة ؟

سيف الدين: بلا متشغل بالك معانا غير خرجات و معرفتها فين مشات..

عمار: اه متخافش معندها فين تمشي دبا ترجع.

سيف الدين: نتمنى..

قطع معاه و قلب طريقو لشركة.. 

عمار قطع معاه و شاف في اتجاه غالية لي كانت ما زال ناعسة.. لابسة قميص نومي ابيض..

قرب منها و طبع قبلة فق شق صدرها.. حتى تحركات.. و دفعاتو قالت بصوت نائم..

غالية: صباح زملة..

عمار: غنهرس لمك فمك..

بتاسمات و بدات كتجبد و تفوه.. و هو حاضيها..

غالية: ليوم غنمشيو لقصر اوكي..

عمار: لا غنبقى تابعك الالة غي نتي معندي خدمة..

غالية: و انا راه حاملة 😞 زعمة

عمار: و لاكنتي اعمري ؟

غالية: خاصك تهلى فيا و دير لي خاطري..

عمار: هه واخا الالة ماشي مشكل على قبلك..مانمشيش لخدمة..

غالية: ااه صافي مزيان 😍

باستو في خدو الملتحي و ناضت للحمام.. 

بعد مدة نزلو لتحت لقاو كارلوس كيفطر و كيف ديما واقف عليه شيف .شافهم و بتاسم..

كارلوس: صباح نور وليداتي.. شوف نتا بغيت تحيب ليها طبق دلوبيا الخضرا و الخص و فلفلة و..

غالية: حاشاك مالني بقرة 😠

عمار ضحك و باشر في الإفطار.. و هي مناكرة هي و كارلوس..

غالية: اش هد لإهانة على صباح..

كارلوس: والله ابنتي مقصدت شي حاحة..

غالية: صافي..

كارلوس: احم انا فتحت لحفيدي حساب في لبنك فيه شي بركة بينما تزاد..

غالية: اوه لهلا يخطيك  😍

عمار: ها نتا قلتيها حتى يتزاد.. دبا راه مضمنينش حياتو الوالد الله يهديك..

غالية: صافي سكت نتا.. خلينا نضمنو لولدنا مستقبالو.. كارلوس لهلا يخطيك اساط..

كارلوس: هه ماشي شي حاجة ابنتي..

فطرو و ناضو و هما في طريقهم نطقات..

غالية: عمار عرفتي شنو..

عمار: شنو..

غالية: انا كنبغيك..

عمار: حتى انا كنبغيك (ستوعب) هاا شنو ؟ حلفي بالله..

غالية: نكدب في كلشي الا لي سونتيمون..

عمار: هه و انا كنموت عليك..

غالية: هه والله كنبغيك.. في خبارك وليتي نتا اغلى ما كنكملك كنقسم حتى كنبغيك.. نتا بغيتينا كيفما انا.. و نتا الوحيد لي كتخاف عليا سمحلي على تصرفاتي دشحال هذا..

عمار: هه مكيجيش معاك لأداب..

غالية: ايوا سير تقود انا لي حمارة كنعاود ليك..

مشات بزعفة و هو جرها لعندو كيضحك باسها في خدها.. و بقا كيهر في كريشتها حتى ضحكات و هي كتحبس فيه..

ركبو في طموبيل و مشاو في اتجاه لقصر..

نزلو و هي كتوصي فيه ميقول والو.. 

غالية: شوف متقولش ليهم انا حاملة عفاك..

عمار: و علاش غتحشمي.. ياك ماشي ولد حرام.. و بباه..

غالية: مغتفهمنيش..

عمار: انا اكثر واحد فاهمك.. و هدشي اعمري عادي..

غالية: صافي متقولش هي متقولش.. اه حقا لا كان ولد انسميوه لعربي و لا كانت بنت غيثة اوكي..

عمار: تيتزاد بعدا..

ضحكات و عنقاتو من دراعو حتاش مكيخسرش ليها.. جلسو في صال كيستناو شي واحد من العائلة يجي لعندهم..

عمار: و علاش ختاريتي اسم لعربي..

غالية: اسم زوين.. و انا كيعحبوني لأسماء القديمة ماشي جداد.. و لعربي اسم على مسمى كيدل على جنسيتو.. و غيثة اسم زوين حتى هو..

غياث الدين: شكون هد غيثة و لعربي ؟

عمار: هه ولادنا.. لي تزاد غياخد هد سمية..ختك حاملة..

غياث الدين: ههه واش هاضر بصح..

عمار: افكورس..

غالية عيات تقرص فيه باش يسكت.. حنات رأسها بخجل.. و هي تعاود تهزو بفخر..

قرب منها غياث الدين عنقها من جنب كيضحك..

غياث الدين: ههه البريهيشة غتولي ام.. و غتجيب لينا براهش.. كيشبهو فيها هه..

غالية: ههه قيص.. (شدات ايد خوها و حطاتها على بطنها كتمررها) هه مكتحس بوالو واحد شوية اتولي كبيرة.. كتحس بشي حاجة..

غياث الدين: هه لا مازال غي نطفة في احشائك..

غالية: هه اه فين راضية..

غياث الدين: الفوق..

غالية: انا نمشي عندها..

ناضت و خلاتهم كيهضرو.. غادة طالعة و كتلعب بخصلة من شعرها.. دازت من على غرفة باها.. و هي تسمع اهات و انين.. بلعات ريقها و لعنات شيطان.. 

و حسات بلي غا كتخايل لكن عاودات رجعات و حطات اذنها على لباب و عاد سمعات صوت على جهد.. شافت بغضب في لباب..

و نزلات لطابق الأرضي مشات لغرفة مخصصة بأدوات خشبية و نجارة لأنها موهبة اسماعيل..

دورات عينيها مزيان..

و هي تشوف عصى مرمية في الأرض.. مشات هزاتها و رجعات طلعات.. غادة بخطوات سريعة.. و هي كتوعد لالقات مع باها شي وحدة غتوكلهم ما كلا طبل نهار العيد..

فتحات لباب و هي تشوفهم مخشيين تحت لكوفرلي.. و لمحات ملابس نسائية مرمية في الأرض..

شاف في اتجاههم بخبث..و كتحلف داخلها غتقتلهم..

سمعات تأوهات و هي تجنن.. قربات منهم و هزات لعصا لفوق و نزلات عليهم.. اسماعيل لكان لفوق كلا دقة في مؤخرتو..

حتى غوث ، بتاسمات و عاودات هزاتها..

و هد لمرة بقات تضرب بذون توقف.. اسماعيل دار فق منو منويلا لي بدات كتغوث بجهد..

و دقة تجي فيه و دقة فيها و غالية طالعا فق سرير..

منويلا: اااااااه أييييييي عتقووونييي ااااااااه..

اسماعيل: ششكون نتا شكووون نتييي ااااااه ااه اه..

تفتح لباب و دخلات راضية كتشوف بصدمة..

راضية: غغالية شنووو كديرييي غالية..

غالية: تقربييي نشرك مك معاهم..

راضية: غااالية غتقتليهم.. غالية راه باك هاداك 😱

غالية: نعل الله زاني و زانية.. و اي زانيان مصيرهم ااش ؟؟

راضية: ررجم..

ضحكات و زادت في الوتيرة ديال لخبيط.. و راضية خرجات تجري تنادي لشي واحد يبعدها علييهم..

نزلات لتحت لمحات غياث الدين و عمار جالسين كيهضرو و منساجمين..

راضية: غياااث غاالية.. غالية

عمار(وقف بزربة): ماالها شنو وقع لييها..

راضية اشارت بيدها لفوق و طلعات كتجري و تبعوها..

غي دخلو و هما يتصدمو.. غياث الدين بتاسم بجنب لأنها دارت دكشي لي ماداروش و عمار خرجو عينيه..

اسماعيل: الله انن ااه..

غياث الدين قرب منها.. و شد لعصا حيدها و جرها مخرجها.. و هي كتنهج و العرق كينصب من جبينها..و عاقدة حواجبها.. كأنها خارجة من حلبة الملاكمة..

عمار(شدها): شنووو هداااك شييي اااه.. واااش حمااااقيتي راااه باااك هاداك ابناادم.. نسيتيي راسك رااك حااملة..

غالية: جيبو لي كاس دلما راه عطشت.. عاد نهضر..

راضية: لبنت مبقاش حسها عنداك تكون وقعات ليها شي حاجة..

غالية: و توقع.. بغيت كن قتلتهم بجوج.. 

عمار(بعصبية): مغدييرييش عقلللك ماا زاال 😡

غالية: كيفاااش ماالني لايحة حوااايجي في زنااقي ولا.. بغيييتيني نسكت.. رااه قالك زاني و زانية خاااصهم رجم كتسمع رررررجم😬 

عمار: اه و نتي دايرا فيها فقيه دجامع..

غالية: انا رااه بغيت نقرا شريعة و مكتابش..بلاتي بلاتي كيفاش فقيه دجامع.. مال..

غياث الدين(قاطعهم): صافي ما وقاع والو دبا..انا نقول لشي واحد يدخل يشوفهم.. غالية متبقايش تصرفي هاكا سمعتي !

غالية(هزات اكتافها): لا انا منسكتش على الفساد.. و كنقسم ليكم و نولي نشوف عاود فحال هاكا تنحرقهم..

عمار: غالية 😡

غالية: هيي دبا هما كانو كيمارسو لجنس.. و فاش بديت كنضرب فيهم سماعيل تقلب لجهة لاخرى..بزربة كاين احتمالين..

غياث الدين: الاول ؟

غالية: اللول هو نقدر يكون قضيب اسماعيل تقطع.. و ثاني لا متقطعش غيكون فرع هاديك لي تحت منو سيغتو من حوايجها كتبان رقيقة..

عمار: لا نتي طيرتي لبلاكة.. انا غنربي والديك.. زيدي قدامي 😤

دفعها قدامو و هي ما زال باغا توضح.. و غياث الدين خنزر فيها.. و راضية حشمات في بلاصتها..

و راضية حشمات في بلاصتها..

حتى سمعو لباب تحل و صوت رجلين كيتجر مع لأرض كان اسماعيل.. مقادرش يتمشى بسباب لعصى لي كلا..

و راسو فيه دم.. غالية غا شافتو بتاسمات.. و خنزر فيها و مشات كتجري و عمار تبعها كيغوث..

نزلات لتحت كتنهج.. حتى شدها من دراعها..

عمار: وااش لديلمك حمقة  😤 متبقااايش تجري نسيتي طبيبة شنو قالت ولا..

غالية: هه ناري فلقتو.. كون بقيت كون ضربني انا لي عارفاه..

عمار: انا معاك حتى واحد ميتجرأ يقيصك.. و لي دارها مغنرحموش..

غالية: شكرا 😍 ياله نمشيو عيت و مليت..

لفوق اسماعيل كان كيغوث..

اسماعيل: انا انا لي ضسرتها كوون فاش رجعت و لقيتها خرجات لطريق كون ديتها سديت عليها فشي قنت.. ولكن انا كنت حمار..

غياث الدين: نتا لي غالط و هي دارت دكشي لي خاصو يدار..و نتا عارف مزيان بلي غالية مكتسكتش .. و هادي ماشي غي إهانة ليها.. اهان لينا كاملين.. 

اسماعيل: لبنت سخفات لداخل😢

غياث الدين: مشكلتك هاديك..

اسماعيل: توقع ليها شي حاجة كنقسم ليك بلي غندعيها و منحنش فيها..

غياث الدين: غتلقاني في طريقك الوالد..صافي نسا لي وقع..و متقصحش راسك.. راه غالية ماشي بوحدها راه براجلها و انا بجنبها..

اسماعيل(باستهزاء): امم هي نتا هو المساند رسمي ديالها..

غياث الدين: و ان يكن.. عندي ختي وحدة معنديش عشرة..و انا قادر نهز هبالها 😉

شد في راضية لغي كانت كتشوف فيهم و مشاو دخلو لجناح ديالهم..

راضية: هههه غالية خطيرة.. بغيت غير تعطيني شوية من جرأتها..

غياث الدين: شخصيتها هاكاك..

راضية: ههههه خاصني من اليوم ندير ليها الف حساب..باباك و محناتش فيه ههه فصراحة عبرات عليه..

غياث الدين: هه ياله نوصلك في طريقي..

حركات رأسها بالإيجاب و هزات صاكها و خرجو..

ركبو في طموييلتو و كسيراو و هما في طريقهم شافو سيارة الإسعاف جايا في اتجاه لقصر..

راضية: و الا كان بصح و دعى غالية للقاضي..

غياث الدين: ما فجهدو ما يدير اسماعيل لكان كيضرب لو كلشي الف حساب.. كلشي ضاع من يديه..

غالية كانت في البيت كتبدل في حوايجها من بعد ما عطاها عمار محاضرةم.. حتى حسات به قبلها من عنقها.. و هي ضحكات و دارت لعندو لقاتو لابس شورط في الأحمر و عاري صدر..

حطات يديها على عضلات صدرو.. و ضحكات..

عمار: بدلي حوايجك.. و اجي نزلو لبيسين ليوم الجو زوين..

غالية: ههمم ااه.. زوين 😍 ولكن انا معنديش باش نعوم..

عمار: هه ماشي مشكل بقاي لابسة غي دوبياس..

غالية: اويلي على دوبياس..

عمار: ههه وايلي مازال كتحشمي..انا راجلك اعمري متخافيش..

بعد مدة نزلو للمسبح.. غالية لابسة دوبياس في للأسود و جسمها ابيض و انوثثها طاغية..

و كتشوف في لماء ببرائة و هو كيجر فيها..

عمار: وا زيدي غنباتو هنا ولا..

غالية(ببرائة): لا غيكون بارد..

بغات ترجع هو يشدها.. هزها بين ايديه و تلاح بيها وسط الماء.. و هي عنقاتو و طلعات كترجف..باغا تلتاقط انفاسها..

غالية: ولد حرام باغي تقتلني.. خنقتيني..

عمار: صافي غي ترخاي.. و متخافيش انا شادك..

حركات رأسها بنفي.. و بقات معنقاه هو كيسبح و هي لاصقاه.. 

حسات به غيغطس و بذون شعور دورات عليه رجليها.. و جات مؤخرتها فوق المعلم.. و شادة ليه في عنقو..

عمار: غاالية بعدي شوية.. راه مغنقتلكش..واخا تكوني جاية من ورا جبل مغديريش هد لحالة..

غالية: انا جايا من مورا شمش.. دبا كتعايرني ياك..صافي بعد مني خليني نمشي..

شافها غتبدا تبكي و هو يلصقها..مع الحيط كيضحك و يراضي فيها.. و غي بابتسامتو ذابت و نسات.. 

حتى حسات بيديه كيحاولو يفكو حمالات صدرها..

غالية: اويلي بعد مني.. شنو كدير..

غالية: اويلي بعد مني.. شنو كدير.. عمار: خلينا نذوقو لحلوة في لما 😉 غالية: هه حمق ولا مالك.. سكتها بشفايفو على شفايفها كيقبلو فيها.. و هي تطلق ليه تلقائيا.. تبسم و حط يديه على صدرها كيعصر فيه.. و هي تأوهات وسط فمو.. حطات يديها على صدرو كتحسس عضلاتو.. و بحركاتها العادية حركات شهوتو.. او انما زادت هيجاتها.. بنسبة لشهوتو تحركات ملي شافها لبسات دوبياس.. حط يديه على اردافها و طلعهم لخصرها بطريقة خطيرة.. خلاتها تبورشات.. حاولات تبعدو عليها و والو.. حتى تأوهات بألم مصطنع و حطات يدها على بطنها.. بعد عليها و قال بخوف.. عمار: غالية مالك.. كضرك شي حاجة ؟؟ غالية(كتمثل): انن مم عيت و حاسة بدوخة.. عمار: زيدي خرجي.. غالية: هزني.. عمار: نهزك و حنا في لما مالك حمقة ؟ حتى نطلعو بعدا.. طلعها و طلع هزات فوطة نشف شعرو.. و قرب منها هزها في يديه.. و هي بتاسمات و دورات يديها ورا عنقو.. و ضحكات بجهد.. حتى حسات به غيطلقها و كرزات عليه بجهدد و هي خايفة.. عمار: كنت كضحكي عليا لمك.. همم ماشي مشكل نكملو في بيتنا.. غالية: اووه انا مريضة راسي سخون قيص.. مجاوبهاش طلعها لبيت و هي كتبوحط دخل هو وياها لحمام.. و منجاتش منو هد لمرة.. لأنه كان يتوق لجسدها الأنثوي.. خرجات لابسة بينوار قصير.. و شعرها مبلول كيقطر.. و عنقها كل عامر بقبلاتو.. و شفايفها حومر و منتفختان و خدودها مزنگين.. و كدور في عينيها رماديتان.. حتى خرج هو لاوي على نصفو سفلي فوطك زرقاء و هاز فوطة صغيرة كينشف بيها شعرو.. مشا لبس حوايجو و هي تسطحات بتعب على سرير.. حتى خرج عندها ابسسروال ازرق و شوميز سوداء مع حذاء اسود.. و دايرة ساعة يدوية زرقاء.. و كيبان وسيم و انيق لأقصى درجة.. وهدشي زعج غالية.. و شعرو مازال فازگ نارل على جبينو و مخربق.. غالية(طلعاتو و هبطاتو): لفين بسلامة ؟ عمار: عندي شي خدمة.. غالية: و علاش لابس هاكا ياكما شي لقاء غرامي.. عمار: هه من نيتك.. اش بغيتيني نلبس بسلامة.. غالية: متخرجش هاكا غيشوفو فيك لبنات.. عمار: سي نورمال اونبليس كنبقى راجل.. خرج و خلاها غاضبة و جامعة شفايفها و حابس لبكية.. وقفات بدلات لبسات كسوة سوداء بسماطي و فق ركبة.. مع حداء رياضي ابيض و جمعات شعرها ديل حصان و ولات كتبان كيوت و هزات كونطاك و خرجات.. دازو ساعات و طاح ظلام.. رجع عمار لدار متأخر.. دخل كيناديها بإسمها و مجاوباتوش طلع كيقلب عليها.. و ما لقاهاش.. و نزل لتحت معصب و جلس جبد طلفونو.. و ياله غيصوني لغياث الدين.. هو يتفتح لباب وقف و مشى بخطوات ثابثة في اتجاه لباب.. هو يشوفها داخلة مبتاسمة.. شافت فيه و قالت.. غالية: انا فرحانة ليوم لأنني درت واحد لخير كبير بزاف و يقدر هو لي يدخلني لجنة 😍 (شافت في شخص) مرحبا بيك.. عمار صغر عينيه و هو كيشوف في لي بجنبها.. ضم حواجبو لبعض باستفهام.. و باين عليه الغضب.. 

عمار صغر عينيه و هو كيشوف في لي بجنبها.. ضم حواجبو لبعض باستفهام.. و باين عليه الغضب..

عمار: شكووون هذااا ؟؟ هممم 😡 واش فينما كانت شي موصيبة كتقلبي عليها..

غالية: عمار راك ما فاهم والو خلينا تا ندخلو و نجلسو و نشرح ليك..

عمار: اش غتشرحي لي الالة شكون هد المتشرد..

غالية جرات شخص لفي جنبها كان نفسو المخنث ولكن تبدل بزاف.. ولا موسخ و لابس جلابة قديمة.. و شعرو لقصير مشعكك.. و مكياجو خاسر..

جلسو في صالة.. و هو بدا يبكي بحرقة.. و قالت هي بتوتر و خايفة من عمار لا يجري عليه..

غالية: احم هذا كان خدام مع بسمة.. و مسكين ضحك عليه خطييبو و خدا لو فلوسو و انفوا مشات بسمة تشرد و جراو عليه.. و تلاقاو ليه بغاو يغتاصبوه و نجا منها.. 

عمار: اه و نتي اش دخلك.. هاا اش مشى ليك..

غالية: تلاقيتو في طريق و مقدرتش نخليه 😞

عمار: مفهمتش مالك.. وليتي دمدومة فوقاش وليتي عاطفية هاكا ؟؟

غالية(بتاسمات): هه من ديما.. و انا عاطفية..غي نتوما كتبغيو تشوفو جانب سلبي ديالي..

عمار: نتا اش قصتك.. 

المخنث: هدشي لي كاين.. ولالة غالية ماشي دمذومة انا لي اكير دمدومة عرفاتني البشرية اسيدي هئ..

عمار(شاف فيه بتقزز): انا غنعطيك فلوس لي يكفيوك لغدا و سير شوف فين تبات..

غالية: هاا لا خلييه و منها يبقى مونسني و زايدون فين بغيتيه يبات في هد ليل ؟

عمار: يبات فينما عجبو مهم مغيبقاش واحد غريب معانا في دار.. كتسمعي ؟؟

غالية: عفاك خلييه.. معندو ميدير فين بغيتيه امشي.. 

عمار: هضرة وحدة قلتها..

غالية: اوا سير تقود نتوما غي لي بغا يضراف معاكم..متوليش تهضرني..

ناضت غادة بزعفة و هو شاف في المخنث كيبكي.. و قال..

- سيدي انا ماشي بنيتي نجبد ليكم صداع انا غنمشي فحالي ولله يكثر خيركم..

عمار خنزر فيه و قال:

نوض تگعد..

ناض المخنث و تبعو كيمسح في دموعو.. داه لواحد لبيت صغير دخلو و سد لباب..

و دار هاكذا باش ميخسرش ليه خصوصا و هي حاملة و في فترة دالوحم..

دخل لبيت و لقاها جالسة في لأرض مربعة رجليها..

عمار: نوضي من لأرض.. 

غالية: ما سوقكش..

عمار: لمخنث كاين لتحت مجريتش عليه غير نوضي..

غالية: و باش غنتيقك انا ؟

عمار: غدا و غتشوفيه ياله نوضي..

ضحكات بجنب و ناضت بفخر دافعة صدرها لقدام و هازة رأسها لسما لأنها ديما كتنتاصر و كلمتها هي لي كتمشى.. و هو يشدها..

عمار: هه ماشي غتمشي عليا كلمتك.. و كلامي انا تعفطي عليه.. لا اعمري راك غالطة غي حيت راك حاملة..

غالية خنزرات فيه و عوجات شفايفها يمين شمال.. و دخلات لحمام من بعد بدلات حوايجها.. و خرجات كتمضغ في مسكة..

و تخشات في فراش.. و حتى عمار بعدما قضى روتينو ليلي تخشى حداها.. و طفى ضو بقا غير ضوء لقمر داخل من لبالكون..

غي حسات بيه نعس و بدات كطرطق في لمسكة بجهد..

حتى تقلب جهتها و انفاسو حارة بقوة الأعصاب.. 

عمار: غالية سدي فمك.. نتي كطرطقي عليا في ديك لمسكة كيف عاهرات..

غالية مجاوباتوش و بقات كطرطق حتى حسات به هز لمخدة.. و جر عليها لغطى حتى هو هزو و خرج..

و هي بقات كدور في عينيها و هزات اكتافها بلا مبالاة..

بقات كتفكر و هي طيح عليها فكرة أنه يمشي لعند المخنث.. و في عصرنا هذا كلشي ممكن..

ناضت طافجة و نار الغيرة كتشعل فيها.. و شعلات ضو و خرجات كتقلب عليه..

حتى بانليه ضوء مشعول في إحدى الغرف.. مشات قاصداها و هي تلاقاه بوحدو و تنهدات بارتياح.. و مشات تخشات حداه معنقاه و باستو في عنقو و قالت..

غالية: سمحلي..

صباح يوم جديد..

كان سيف الدين ناعس غي بشورط اسود و في جنبو ولدو عاري لابس غي كوشة فايق و طلع فق من صدرو العاري..

كيضرب فيه و يولي ينعس عليه.. و يديه كيجرو في شعرو بجهد.. 

حتى حل عينيه مفزوع و هو كينهج.. و كينطق باسم " بــسمـة"

شاف ولدو و هو يتنهد.. و غمض عينيه و عاود فتحهم.. و شد ولدو و باسو و قال و كيحاول ينسى حزنو..

سيف الدين: كود مورنينغ دادي.. اش كدير همم حصلتك.. باغي تقتلني..

هزو و خاشي وجهو في كرشو و بلحيتو الخشنة كيهروو.. و هو كيتهزز بضحك..حتى قرب يسخف..

عاد بعد عليه و ناض للحمام... بعد مدة خرج كيجري و كيحزم في سيور شورطو بعدما سمعو كيبكي..

قرب عندو بخوف و الولد غي شافو سكت..

سيف الدين: ها هو دادي مالك..توحشتيني..

دازت مدة و خرج لابس حوايجو و هازو.. داه لبيتو و خلا معاه لمربيات و نزل لتحت..

دخل لكوزينة و كلشي بقاو يشوفو فيه.. و هو كره لخادمات المنزليات.. بسباب وحدة منهم مشات بسمة.. و قال بغرور و تكبر و طغيان

سيف الدين: فاش ندخل انا هنا نبغيكم كلكم تحدرو ريوسكم.. و متهزوش فيا عينيكم.. كتسمعو..

حركو رأوسهم بالإيجاب خوفا على خدمتهم..

شرب كاس دلقهوة و خرج.. معصب لقى واحد من إحدى لكاردكور واقف كيستناه..

سيف الدين: كاينة شي حاجة ؟

- اه اخويا.. بحثنا في لماطار و وجهة الأنسة..

سيف الدين(قاطعو): المدام..

- احم مدام بسمة وجهتها كانت لخليج معرفناش اشمن دولة بضبط هما مكيعطيوش اسرار المسافرين..

سيف الدين: و فاش معارفش دولة علاش جاي كتقول فيها.. صبحنا على الله..

- دبا شنو اندير اخويا..

سيف الدين: اولا انا ماشي خوك و غدير دكشي لكيديروه عباد الله..

- كفاش ؟

سيف الدين: غتعطيهم فلوس و اتعرف لي شمن دولة و عندك ساعة باش تجيب لي شمن دولة ؟

مشى و هو كيسب ركب طموبيلتو و كسيرا..

و بقى الكارد حاير و ما عارف ميدير.. في الأخير مشى..

ما هي الا ثواني..

و خرجات راضية لابسة سروال ابيض عريض و تريكو اسود.. مع حدء اسود.. و هازة صاك جامعة شعرها..

سلمات على الحرس لي فجانب الباب و مشات لطموبيلتها نزلات منها سائق.. و ساقت بوحدها..

حتى وصلات لمختبر..

و نزلات كتمشى بثقة في نفس و كتشوف بعينيها زرقويتان غي لفوق.. لأن جميع مشاكلها علموها ثقة بنفس..

دخلات سلمات على العلماء و لبسات وزرتها لبيضاء.. و بدات كتحلل في إحدى انواع سمك..

حتى جاها اتصال على في طلفونها.. و حيدات ليگات بلاستيكية من يديها.. و جاوبات.. و هي تفاجئ..

بسمة: آلوو ؟

راضية: بسمة حبيبة😍 فين غبرتي.. علاش مشيتي الحمقى و معلمتينيش.. هاا واش هبلتي ولا مالك.. 

بسمة: هه كان عليا نديرها من شحال.. و هذا احسن حل للجميع.. 

راضية: هه توحشتك.. فاينك نتي ؟

بسمة: انا في دبي اموري مزيان..

راضية مكملاتش حديثها و طاح طلفون من يدها فاش حسات بدوخة..و كانت غطيح كون مشداتش في لكونطوار..

و جات واحد لبنت كتنادي باسمها بخوف.. و شداتها..

بسمة فاش مبقاتش جاوباتها سدات الخط و هي مستغربة..

البنت: راضية مالك ؟

راضية: حسيت بدوخة على اي انا بخير صافي غي سيري..

مشات لبنت و رجعات راضية وقفات و هزات طلفون و لقات الخط تقطع.. و بغات تولي تصوني لها ملقاتش نمرتها كانت ممطلعاهاش..

حطاتو و كملات عملها.. 

حتى سالات و رجعات للقصر..

و هي داخلا تلاقات بسيف الدين واقف وقف مستقيمية و مخنزر و خاشي يديه في جيابو.. 

راضية: اا سيف الدين.. ليوم صونات لي بسمة..

سيف الدين: سيري نقصي من لكذوب..

راضية تفاجآت من ردة فعلو و هزات حاجبها و تخطاتو.. حتى شدها..

سيف الدين: غا ضاحك معاك امرات خويا.. ههه مديش عليا قولي فين صونات ليك.. عطيني نمرتها..

راضية: مكانتش مطلعة نمرة..

سيف الدين: و علاش جايا تقولي فيها.. ملي ممطلعاش نمرة..

مشى و خلاها واقفة مستغربة منو.. و هو رجع كيستنى في الكارد.. 

سيف الدين: هد لقصر جامع غا لمكلخ على خوه ماشي بعيد حتى ولدي يعاديوه.. بففف

بــــــعــــــد مــــــــــــــــــــرور ســــتــــة أشــهـر..

في فيلا دعمار..

واقف لابس سروال اسود و تريكو صوف ابيض وجاكيط دجلد.. و لابس حداء اسود..

و نزلات غالية لابسة سروال جلد اسود و جاكيط دجلد سوداء.. و كاط و شعرها مطلوق على اكتافها..

و كرشيها خارجة و صغيورة قدامها.. و حداها المخنث شاد من دراعها معاونها..

غالية: تفف على جنس مفيقني على صباح..

عمار: و راه تعطلنا على الغونديفو ذطبيبة..

غالية: تمشي تقود..

عمار: ليل شد منها و زيدو خلاص..

ليل كيعط به عمار على المخنث طيلة ستة اشهر و هو عندهم.. كيعاون غالية.. و بينهم ليهم الوفاء و كيخدمها كأنه عبدها لكن كتعاملو عادي..

متبدل والو في علاقتهم و باقا كيفما هي و زادت اكثر..

و غالية متبدلاتش باقا كيفما هي واخا كتحاول تبدل لكن عفويتها طاغية..

ركبو في طموبيل و ليل (المخنث) رجع دخل.. 

غالية(حاطة ايدها على كرشها): قهرتني بنتك..

عمار(بتاسم): هه واش كتحرك..

غالية: ماشي كتحرك كتركل فيا..ولكن متبقاش فيها حتى تزايد و نوريها 😡 

عمار(و هو مركز على طريق): ههه غالية.. صافا با لا.. تقيصي فيها و تشوفي..

غالية(غوبشات): انا باغا ولد 😞 

عمار(غمز لها): غي تولديها.. ندير ليك بيبي اخر متافقين ؟

غالية: لا لا انا مباغاش نولد ما زال.. عييت بالحمل.. هد لمرة نموت..

عمار: الله ينجيك.. هه غتجي تشبه ليك لبنت.. 

غالية(بتاسمات): ااه بغيتها تشبه لي في كلشي..هه و مبغيتهاش تشبه ليك..

بقاو كيهضرو و مرة مرة كتقلق و تولي باغا تبكي و ينسيها.. حتى وصلو امام لعيادة دطبيبة..

و نزلو شاد ليها من خصرها و هي حاطة ايدها اسفل كرشها..

في لقصر..

بضبط في بيت راضية كانت جالسة في البالكون..و شعرها كطيرو لبرد مزالو في لونو الأسود..

للبسة كسوة صوفية في الأزرق مع ليبا موس..و في رجلها بنطوفة.. و بطنها منفوخ كانت في شهرها الخامس..

و شادة كأس القهوة مرة مرة كتجغم منو.. و كتأمل بعينيها زرقويتان الغيوم الممطرة.. 

طيلة هد المدة كانت كتجي أمها تزورها و تمشي لعند اختها..

و مبقاتش كتمشي المختبر لأن حملها صعيب و كتعيى..

اما غياث الدين فهو سافر دبا خمس شهور لحدود المملكة كيدربو القوات العسكرية و مبقاش رجع و يوميا و هو و راضية على اتصال و مازال معارفش بحملها.. و باغا ديرها لو مفاجئة..و خايفة لا ميرجعش..

ملات الجلسة و هي تخرج من غرفتها كتمشى بخطوات ثابثة.. لقات غالي مع شامة..

جلسات و خداتو من عندها كتلعب معاه..حتى دخل سيف الدين مغوبش..

سيف الدين: السلام عليكم..

راضية: و عليكم سلام..

سيف الدين: عندي ليكم شي خبار و متصدموش..

شامة: اشنوو هو اوليدي ؟

سيف الدين: غنتزوج..

راضية و شامة تصدمو بقاو غي كيشوفو فيه..

سيف الدين: بغيت أم لولدي.. 

راضية: بلا ما تعلق راسك بشي وحدة مكتبغيهاش انا هنا ووكنتهلى فيه و..

سيف الدين(قاطعها): نتي خليك غي في راسك..و قريب ايتزاد عندك حتى نتي بيبي.. 

شامة: و مرتك ؟

سيف الدين: مرتي.. مرتي.. وااش ديما غبقاي تجبدي ليا هد الموضوع.. مرتي مشات و خلاتني..

شامة: و لكن ماشي بخاطرها.. هي عيات من تصرفاتك و شحال قدها تصبر مزال.. هاا شحال قدها..

سيف الدين: و حتى انا شحال قدي نستنى الميمة..شحاال مخليت فين قلبت عليها و والو..يوميا كنقلب و فحالا كنخوي لما في رملة..

شامة: مغتزوجش.. هي مغتزوجش.. حتى ترجع بسمة..

سيف الدين زفز بغيظ و مشى رجع.. معصب و الولد بدا كيبكي كأنه حاس بباه معصب..

راضية(ضماتو لصدرها): شش صافي امامي..متخافش احبيب ديالي..

على اثر هاد الكلمات سكت و هو كيتنخصص.. 

شامة: زوين هادي.. بغا يتزوج قال..

راضية: الحاجة هو كيبغي غي يبرد على راسو بهد نتزوج.. هو كيبغيها و هد ست شهور دازو شفتيه كيف ولا كيف الحمق بلى بيها..

شامة: هئ الله يا ربي مشات ما ولات.. و مخسرات حتى تصوني..

بقات كدمع شامة و راضية كتصبر فيها..

حتى دخلات غالية بوحدها و عمار مشى لخدمتو.

غالية: هاي الحشرات..

شامة: بنتي حبيبتي.. امتاش جيتي..

غالية: دبا عاد..

جلسات حاطة رجل على رجل.. و كتشوف في غالي و كتهز حاجبها و هو كيضحك ليها.

غالية: عرفتوو.. انا غنزوج بنتي لهذا..

شامة: حتى تزيد حتى تزيد انشاءالله..

غالية: اه غنزوجها ليه.. 

راضية بقات كتشوف فيها و بتاسمات بسخرية.. 

غالية: مشيت انا و عمار لطبيبة و قالت لي من هنا لشهراين نولد.. هه غنولي مامي.. 

بقات كضحك هي و شامة و راضية شافت فيهم بحزن.. و بقا فيها الحال دائما كتمشي لطبيبة بوحدها كأن جنينها معندوش أب..

راضية: سمحولي انا غنمشي..

غالية: تي جلسي راني جيت على ودك.. باش نهضرو و ناقشو مستقبال ولادنا..

راضية: هه شنو غناقشو ؟

غالية: دبا لا ملقيتش بنتي لي يستاهلها انزوجها بولدك..

راضية: هههه انشاءالله يزدادو بعدا و نشوفو..

غالية: لا مكاينش نشوفو..

راضية: هه حمقة متبقايش تقولي هاكدا..فين شدها المخنث ؟

غالية: ليلى الله يخليك.. او ليل..

راضية: ضريف مسكين..

غالية: اه خلينا منو شوفي اينا كرش كبيرة..

راضية ضحكات و غالية بدات في المقارنة من جديد هادا حالها دائما من نهار عرفات راضية حاملة و فينما كتجي كتبدا في المقارنة..

و فاش كتشوف بلي كرشها هي الكبيرة كتفرح كأنها غتاخد جائزة..

غالية: شنو اتسمي ولدك ؟

راضية: بغيتو يسميه غياث الدين و نتي اش غتسمي بنتك ؟

غالية: ريتا.. او غيثة..

راضية: امم زوينة..

غالية ناضت مشات لكوزينة و طلبات منهم يوجدو ليها ما تاكل..

و جلسات تحدث مع الخدم.. و بداو مسكينات كيتشكاو ليها من معاملة سيف الدين القاسية لي كيعاملهم بها..

و هي كلها آذن صاغية ليهم.. كلات و من بعد ناضت..

فيها لملل و هي تلقى صوفيا و كوامي داخلين..

جا سلم عليها مؤخرا ولا كيجي لعندها بزاف.. و تزوج بصوفيا..

رتبات على كتفو و مشات جلسات هي وياه كيهضرو.. و لي قالتها خاصو يضحك عليها..

و لا مضحكش تغوبش و تبدا تسب فيه.. و هو مسايرها..

جاها الملل شديد و مشات و طلبات سائق يوصلها لمصحة دعمار.. و دكشي لي دار..

نزلات كتمشى و تخنزر في الممرضات و الموضفين لأنها عارفاهم مكيحملوهاش.. و هي كذلك..

سولات عليه و وصلوها لشومبر لي راه فيه..

كان مع شي مدمنة.. جالس حداها فق كرسي.. و كيسول فيها.. و هي كتعاود ليه..

و غالية واقفة مربعة ايديها و كتصنت..و كتعصب و نفاجرات قائلة..

غالية: تباركالله على سي عمار داير ليا فيها طبيب نفساني 😡

عمار(تلافت ليها): غالية، شجابك ؟

غالية: تجيك في راس.. 

عمار ستأذن من مريضتو و ناض لعندها خرجها لبرا و هي معصبة و كتضرب ليه في صدرو.. و لي داز كيشوف فيهم..

لصقها مع الحيط و كريشتها بيناتهم دايرا مسافة..

عمار: غالية رااه مكنلعبش..

غالية: و علاش كتسول فيها على مشاكل دارهم.. سووقك فيها.. و لا عينك عليها هاا ؟؟

عمار: باغي نعرف مشاكل لي خلاوها توصل لهد المراحل الخطيرة من الإذمان سيتو.. و هد المرة فاش تبغي تجي علميني..

غالية عينيها عمرو دموع و بداو ينزلو و بدات تبكي بجهد و تنخصص و غادة و هو تابعها.. و كلشي كيتفرج فيهم..

دخلها لبيرو ديالو و سد لباب.. جلسها و جلس حداها مسح دموعها و بدا كيراضي فيها.. 

عمار: غنشري لييك واحد الحاجة ياله سكتي.. وا سكتي..

سكتات و هي مزال كتنخصص.. و هو قلب وجهو كيضحك..

في لقصر..

توقفات امامو اودي سوداء و نزل سائق فتح لباب.. و نزلات بسمة و رأسها مرفوع في سماء و كتشوف بعجرفة.. تمشات بخطوات تابتة.. حلات لباب و دخلات صوت كعبها العالي هو لي كيتسمع.. دورات عينيها في المكان و مشافت حتى شي واحد من لعائلة.. قلبات طريق و طلعات لفوق.. و مشات لبيت "غالي" فتحات لباب و دخلات كان ناعس في سريرو.. قربات منو و حطات ايدها على خدو كتمررها.. و طبعات قبلة على جبينو..و قالت بصوت خافت.. بسمة: وينو الغزال ديالي كبر هه.. ضحكات و رجعات خرجات و هي تلاقى براضية.. لي غي شافتها بقات واقفة مشوكية في بلاصتها.. كانت اهر مكالمة ليهم قبل ست شهور.. بسمة توسعو عينيها بالفرحة و هي كتشوف في بطن راضية المنتفخ.. قربات عندها عنقاتها و حتى هي بادلاتها العناق.. راضية: بسمة امتا جيتي.. بسمة: ههه عاد اليوم.. وا واش نتي حاملة 😍 راضية حركات رأسها بالإيجاب.. و عاودات عانقاتها و قالت بفرحة.. بسمة: مبرووك مبرووك متصوريش شحال فرحت.. راضية(بتاسمات): شكرا، اجي عاودي ليا.. علاش مبقيتيش صونيتي ليا هاا ؟ متصوريش شحال كنت مشوشة عليك.. بسمة: سمحيلي ولكن كنت مضطرة.. راضية: هه اش هد لجرأة في لكلام.. نزلو لتحت و عاودي ليا.. حرمات ليها بسمة رأسها بأه.. و خرجو لجردة و جلسو و ريح قوية منعشة كضبر في وجوههم.. بسمة: كنت باغا نستقل بذاتي بغيت نكون شخصية هادي لي قدامك و نجحت هه.. راضية: ولكن ست شهور مسمعنا عليك والو حشومة عليك..شنو درتي بعدا في خدمتك و شنو درتي في هد المدة كاملة.. بسمة: حتى انا مكانتش ساهلة عليا.. خدمت في واحد دار لأزياء و عشت بوحدي و درت صديقية خليجية سيمتها اصالة من بعد و نعرفك عليها.. ضريفة بزاف.. راضية: هه مزيان.. بسمة: و تلاقيت بواحد رجل صالح مشاءالله عليه و بغاني لحلال.. و هو قطري و خدام تماك.. عجبني معاملتو و داير لي قيمة و محسسني بأنوثثي.. راضية: بصح بسمة: اه و انا كنت مترددة في لأول لأنه مزوج و مطلق.. ولكن فكرت مزيان و هد المرة بعقلي و ماشي بقلبي.. و هدشي علاش رجعت.. راضية: ولكن ابسمة.. ميمكنش عرفتي سيف الدين.. بسمة: مبقاش كيهمني بتاتا سواء كان او لا.. راضية بقات كتشوف فيها كيف كتهضر بثقة و بذون تلعتم او رجفة في كلامها.. و كيفاش كتهضر و هي هازة راسها و عينيها مفيكسين في مخاطبها.. عكس كيف كانت زمان.. و مبقاتش كتهضر بصوت منفخض و خافت.. ولا صوتها مسموع.. و جالسة و ضهرها مستقيم و حاطة رجل فق رجل بكبرياء كأنها من نساء طبقة المخملية.. طبعا لأنها ولات خدامة غي مع نساء طبقة الارسقراطية.. اما في لفوق كان سيف الدين في بيتو كيدور لاوي عليه فوطة زرقاء و معصب.. و محسن لحيتو من جهة اليمنى و ليسرى مزال مغطيها مرطب ابيض.. خرج رأسو من سرجم كيهضر مع واحد من رجال.. سيف الدين: دباا يكووون عندي الحلاق دبااا.. دور وجهو بسخط و هو يلمح فتاة محجبة عاطياه بضهر جالسة مع راضية.. و هما يخرجو عينيه حزم لفوطة مزيان.. و خرج كيجري و غير منتبه للجو البارد..

و خرج كيجري و غير منتبه للجو البارد.. وقف عليهم و جرها من كتفها و هي دارت لعندو مضهشرة.. غي شافو بعضهم كأن زمن وقف بهم.. عينيهم كيتأملو وجووه بعضهم.. نزلات بعينيه حتال لصدرو لعاري و هبطات لفوطة و هي تفيق من سهوتها.. و هو كذلك حيد ايدو من عليها و قال.. سيف الدين: ب بسمـة.. ههه هادي نتي.. بسمة: اويلي علاش نازل بلفوطة واش مكتحشمش.. سيف الدين بتاسم حتى لمعو اسنانو.. و جرها لعندو عنقها و خشاها في حضنو و بعدها و هو كيدوز ايدو على ضهرها.. و هي بعدات عليه و خدودها حومر بكثرة الحشمة.. رجعات جلسات و قدات فولارها لي عوجو ليها..و شافتو جاي قاصدها عاود.. بسمة: ماقيصش فيا الله يخليك.. سيف الدين: بسمة خاصنا نهضرو.. بسمة: لبس حوايجك كيف ناس عاد اجي نهضرو.. بلع ريقو و بلع معاه القمعة لي عطاتو قدام راضية لي حبسات ضحكة.. و حرك رأسو بأه و هو متملك اعصابو بسيف و ممتيقش انها رجعات من جديد.. مشى و هو كيقول مع نفسو بلي هاذي فرصة مخاصوش يضيعها من ايدو.. طلع لبس سروال سيرفيت في الأحمر و تريكو في للأزرق.. و هدشي بلا ميشوف فيهم.. و لبس كلاكيطة من بعدما كان ماشي حافي القدمين.. و دار طاگية صفراء و خرج كيخطي خطوات بزربة باش يوصل داغي.. لقاهم عند الباب جايين داخلين و شدها.. سيف الدين: تعالي نهضرو.. بسمة: معنديش لوقت.. سيف الدين زفر بغضب.. و راضية مشات و هي حاطة ايدها اسفل بطنها.. بسمة تنهدات و قلبات عينيها بملل و هو قال.. سيف الدين: هاديك ليلة فهمتي كلشي غلاط.. تيقي بيا لو كنت باغي وحدة مسخة مكنتش انتردد و نبقا معاك دقيقة وحدة.. بسمة: هد لكلام كيعني انا ماشي موسخة فحالهم ياك.. سيف الدين: نتي حتى شي وحدة من لبنات لي عاشرتهم و لا لي كنعرف متوصلك.. بسمة: بون حتى انا مباغاش راجل فينما كان كيخشيه و اعتذر على هد الكلمة ولكن هادي الحقيقة..

بسمة: بون حتى انا مباغاش راجل فينما كان كيخشيه و اعتذر على هد الكلمة ولكن هادي الحقيقة.. سيف الدين تصدم من هضرتها الجريئة.. و قال و هو معصب.. سيف الدين: شنوو يحسابلييك انا ز** شاايط عليا لي جااات نخشييه فيها ولاا ؟ رااك غالطة اشريفة..لمخيرة باغا تهزو.. و ديك ليلة هاذيك بنت لقحبة جاات عندي و انا سكرااان.. و تخايلتها بصفتك نت.. و هي لي رمات عليا راسها.. و انا ماشي في وعيي.. بسمة(ببرود): مكيهمنيش دكشي حسبتو مو الماضي.. و ديجا حرقتو.. مشات وخلاتو واقف مشوكي في بلاصتو.. حط ايدو على راسو.. و هو معارف ميدير.. و سب في نفسو و لعن راسو و تأكد بلي هد لمرة خسرها.. و محاولتو بائت بالفشل.. ما بقى عارف ميدير.. و لا شكون يستاشر.. مشا خرج ركب طموبيلتو و كسيرا.. بعد مدة وقف في فيلا دعمار.. و نزل مشا يخبط في لباب و حلاتو غالية.. و هي هازة في ايدها قرعة دزاج فيها شكلاط.. و كتاكل بصبعانها.. سيف الدين: بغيتك اغالية.. غالية: دخل.. دخلو و سد لباب جلسو في صالة و سرحات رجليها و خشات ايدها هد المرة كاملة في القرعة..كتجبد شكلاط و تلسحو و هو قال.. سيف الدين: و زمررر عيفتيني.. غالية: ايوا لا عفتي نوض قود.. لباب يخرج فيل.. سيف الدين: امتا غتصلحي داك لفم و تشدي لسانك عندك.. غالية: نقولييك امتا ؟ و قرب عندي نقوليك.. سيف الدين قرب عندها و جلس حداها.. و هي همسات لو في وذنو.. و بعد من عليها معصب و وجهو حمار و هي ضحكات.. سيف الدين: قسما برب الكعبة و كون ما كنتي حاملة تنهرس لمك فمك.. غالية: قول اش عندك.. اه ناري شحال فيك دلهضرة.. سيف الدين: مبقييتش باغي.. مشا نايض و هي شداتو كتضحك معاه و هو قالب وجهو و بقات حتى ضحكاتو.. سيف الدين: ههه حمقة مغديريش عقلك (حركات لو رأسها بلا) هه اوك انا جيت عندك بغيتك تقولي اش ندير غنحماق.. و لا غنولي قاتلها و قاتل راسي.. غالية: بسمة جات ؟ سيف الدين: جات ولكن مبقيتيش تعرفي تبدلات و طيرات لبلاكة.. و لا زدت معاها في الهضرة انا متأكد غنطيرها من دنيا.. غالية: و صراحة لافوت ماشي منك.. ولكن نتا خاصك دير بخاطرها.. سيف الدين: كيفاش.. ماأكد غتعاونيني و مغندمش حيت قصدتك.. غالية(تقادات في جلستها): احم و لاس غتحشم و نتا قصدتيني انا.. عرفتي انا راني مختصة في فحال هد المشاكل الإجتماعية بين رجل و المرأة..و داغي كنلقا الحل.. سيف الدين: نتمناو.. ولكن داك لحماق ديالك و داك شي مغدوزيهش عليا.. مكنرضعش صبعي.. غالية: نو نو متخافش.. نبداو خاصك تولي تغيرها جيب شي بنت و ولي تنعسها في بيتك مي ماشي تنعسو غي تنعسها.. و تبدل ستايل ديالك.. يعني تولي لي شفتيها ضحك معاها.. و سيف الدين(زفر بغيظ): عرفتي شنو نتي راك مختصة في تخرويض ما بين رجل و المرأة و خاصك على هدشي جائزة.. و كون ما كنت بنت مي و با كنت انقول هاذي بنت ابليس..

سيف الدين(زفر بغيظ): عرفتي شنو نتي راك مختصة في تخرويض ما بين رجل و المرأة و خاصك على هدشي جائزة.. و كون ما كنت بنت مي و با كنت انقول هاذي بنت ابليس.. غالية: ياك 😞 واخا سري انا لي باغا نعاونك.. بغات تبكي و هو شاف فيها بنص عين و وقف قال.. سيف الدين: كولي شكلاط ديالك حسن ليك.. والله يصبر عمار و يكون في عوانو.. خرج و هي هزات اكتافها و رجعات كتاكل..كتاكل في شكلاط حتى نزل عمار.. و قال.. عمار: شكون كان ؟ غالية: خويا الوسطاني.. عمار: علاش جا.. غالية: اويلي خويا نجري عليا ولا ؟ جا باغيني في شي حاجة سيكري.. عمار حرك رأسو بتفهم و جلس حداها.. و كيشوف فيها بنصف عين.. و هي ايدها عامرة كاملة بشكلاط.. و كتلحسها.. عمار: غالية اش لعب د دراري صغار.. جيبي الملعقة و كولي بيها.. غالية: لا كناكل بيدي كتكون بنينة.. ذوق 😍 خشات يدها و قرباتها عند فمو و هو قلب وجهو.. مباغيش و هي كتبزز عليه.. شوية جمعات شفايفها فحال بنت خمس سنين و عينيها رماديتين كتساهم غشاء من دموع.. غالية: دبا نتا عايفني ياك.. نتوما كلكم عيفيني..حتاش حاملة و كرشي خارجة هاكا.. و نتا سباب 😪.. عمار شد ايدها صغيورة و كلا منها شكلاط و قال - ههه مالك حمقة مالك..راه انا حملات بيا هاكذا الوالدة.. واش انا غنعيف فيك.. نتي راك عمري.. بقات كتشوف و ترمش في عينيها.. و هو قرب لشفايفها لي كانو مصبوغين بشكلاط..و مصهم و بعد عاد بتاسمات هي.. و حطاتها و مشات غسلات ايديها و رجعات لعندو..جلسات فق رجليه.. و دورات ايدها على عنقو و قالت.. غالية: انا عارضة عليك الليلة.. عمار(خشى أنفو في عنقها كيستنشق رائحتها): امم و لفين بسلامة.. غالية: واحد بلاصة واعرة ولكن واعدني نمشيو ليها.. عمار: قولي شنو هي عاد نقدر نواعدك.. غالية: نمشيو لبار اوفي.. عمار: لا اعمري.. غالية: عفااااك عمار: لا هي لا.. مغنعاودش لهضرة جوج مرات.. قاطعهم صوت طلفون كيصوني.. نوضها من عليه و مشى جاوب و هي تبعاتو مع لحمل ولات مشكاكة بزاف.. هو طالع في درج و هي تابعاه.. كتصنت و هو زايد في صوت.. حتى سمعات الخبر لي نزل عليها فحال صاعقة.. و لا إراديا خواو بيها رجليها و فقدات توازنها في الوقوف.. و طاحت مكركبة من درج.. و مطاكيا بي ايديها على بطنها.. و غوثاث.. و عمار وقف مصدوم في بلاصتو و طاح طلفون من ايدو.. 

يتبع