كوتر: لاااااااا ...ضار وهز ايديها على جهدها ونزلها بكل قوتو حبساتو هداية جات قدامو
هداية: عفاااااك امراااااد هي دابا معصبة ..
كوتر:"دفعاتها" مسوووووقكش الالا ديها فرااسك ..وشفتك غبرتي الفون ..😡زعما قلت ليك تاصلي بديك القحبة تجي ليوم نفركعو دينمها هاد الرمانة ..جرها مراد من دراعها وشعرها كايطير وهي كتفركل وكتسب باغا ترجع عند هداية حل لباب تالفيراري فاش جا لاحها وسد عليها خلاها كضرب بايديها ورجليها وكتغدد الاعصاب وصلو حدهوووم ..وقف مراد على هداية مخنز لاح ليها جوج كلمات "نتحاسبو من بعد" ومشا وخلاها واقفة مشا لرونج سدها وخلاها رجع ركب حدا كوتر مهضرش معاها دار ليها السمطة وكسيرا حتى طار الما..وصلو لفيلا ونزلات تبعها كيف دخلو لوسط دار شدها من دراعها ودورها بجهد ونزل عليها تسرفيقة بنفس القوة باش كان غايضربها فالاول ..علات راسها فيه وعينيها حمرين وعامرين بدموع ودم نازل من فمها ..
مراد: كطيييييرييييي خارجة راكبة فطوموبيل وسايكة لدينمك بحالا كاتسابقي فالرالي ..خالياني هنا كيف الحمق ماعارف اش واقع نزلت كنقلب مكانلقاكش فاش خرجت مابانتش ليا طوموبيل ضارت بيا دنيا ..الشتا والارض فازكة كون زلقو ليك روايض والله يامك حتى اهزوك فالمياكي ..
كوتر: كون تهنيت 😢...محسش مراد على راسو حتى عاودها بتسرفيقة خرا وعاود شافت بيه بنفس النظرة دموع معمرين عينيها ولكن مابغاوش انزلو ...كتافها نازلين وايديها مدليين واقفة كتحرك غير عينيها فيه
كوتر: ساليتي ...بغيت نعس ..قالت هاد جوج كلمات وضارت عطاتو بظهر خلاتو واقف كايشوف فيها بغضب ولكن قلبو من الداخل كايتحسر على حالتها عارف خيبة الامل باش حسااات ولزاااد ضرو فخاطرو انها مابكاتش واخااا هادشي كامل بقات حابساهوم ...بقا معلي راسو ومتبعها حتى غبرات ...
دوز ايديه على راسو وعلا راسو طلع نفس حارة وهبطها نزل عينيه للارض وهو اتشوك ليك لحمو من المنظر لشاف بقا مسمر ماعارف مايدير باق كاينهج كايحقق شوفة واعاود اعلي راسو ..بقع تدم كبييرة فالبلاصة فين كانت واقفة كوتر سرح عينيه مع طريق منين تمشات كايشوف نقاطي كتاار تدم فشلو عليه رجليه وقلبو كايضرب فتسعين عيط بالغوااات " كوتتتتتر" وعطاها لجرا كاينقز 3 درجات دخل لبيت لقاها مشبحة حدا ناموسية شعرها مغطي نص فوجها الكسوة من التحت رجع لونها كحل عوض الخزي بالدم لنازل من بين رجليها ركع عند راسها وهزها كايحرك فيها وقلبو بغا اسكت
مراد: كوتر هضريييي جاااوبيني ...كوتر عفااااك سمحي ليا حيت ضربتك ..كوتر والله حتى كنت خايف تجرا ليك شي موصيبة كووتر ..كاحركها وكايصرفق حناكها مابقاش واعي على راسو تخالطو عليه الاحاسيس عقلو ترفع وفلحظة حس بالضعف وبلي لا حول له ولا قوة حبيبتو بين ايديه غارقة فدماياتها وماعارف مايدير ليها ..نطق بصوت مبحوح" ياربي كون لي عوين" هزها بالخف ونزل كايجري بيها ركبها فطوموبيل ودار ليها سمطة خرج طاااير عين فطريق وعين مع كوتر حاط ايديه على اديها كايشوف فيها وقف عند اول كلينيك فطريق "تاركة" نزل وضار حلي عليها وهزها بين ايديه شعرها مدلي ورجليها كاينقطو بدم شافوه فالاستقبال جابو كرسي متحرك وقفات عليه فرملية
: المداام مغيبة وكتنزف غايصها دخل لبلوووك باش نشخصو حالتها
مراد: " كايغوت وشانق على كوتر بين ايديه خايف" بغيييت نشوووووف طبيبة
طبيبة: شنو كااين ..."شيرات بايديها " ماتخافش حطها فوق هاد البياص ...حطها مراد وبقا شاد فيديها جروها قدام عينيه بسرعة دخلوها لبلوك وضارت طبيبة عند مراد
طبيبة: مسيو من فضلك تسنا هنا نشوف شنو بيها وان شاء الله خير
مراد: ان شاء الله ...دخلات طبيبة وبقا مراد غادي جاي كايدوز ايديه على وجهو وشعرو كلمة وحدة كتردد بين شفايفو " ياربي ياربي" رجع الاستقبال وطلب منهوم مكالمة حيت باقي ماخدم حتى تيليفون فالمغرب من دوك لحيدو ففرانسا ..تاصل بامين
مراد: الو أمين اجي عندي دابا هاني فكيلينيك مراكش لفتاركة
أمين: ياااك لبااس شكون مريض
مراد: جي دابا محتاااجك ..قطع ورجع وقف قدام الزاج كايتسنى وقلبو كايزدح كامشي وارجع واقف اطل تاني ..بعد دقايق وقف عليه امين وحط ايديه على ظهرو
أمين: كيفاااااش شنوو وقع ليها يلاه جيتو وبحرا كنت كنهضر معاااك
مراد: اوووووف غانحماااق ..عرفتي أ أمين الى نيت داكشي لفبالي قسما بربي حتى ندم ليكان سباب ..
أمين: فهمني اش وقع ..
مراد: لوقت فاش كنت كنهضر معاك خليت لبيسي وطلعت ندوش هيا فاقت ونزلات معرفتش كيفاش قرات الهضرة لدارت بيناتنا هزات الرونج ومشات عند هداية انا خرجت مالقيتها نزلت نشوفها لتحت لقيت لبيسي طايح فالارض ومقلوب بقيت كنعيط مكاينحش حسا خرجت نطل برا مالقيتش طوموبيل ..طلعتها بجي بي اس لدار لكاع طوموبيلات لقيتها فطريق فاس وسرعة باش كانت غادة فوق 100 تبعتها ساعر لقيتها كتغوت على هداية غوت عليها وجبتها محسيتش على راسي صرفقتها جوج مرات طلعات فحالها هبط راسي كنلقا دم فالارض وفاش تبعتها كانت سخفانة وغارقة فدماياتها
أمين: لا حول ولا قوة الى بالله ..اش هاد المصايب
مراد: قسما بالله وتوقع ليها شيحاجة يا حتى ندفن إيمان وهي حية ...
أمين: صافي تكاااالمة ان شاء الله خيير
مراد: ان شاء الله ...ان شاء الله ..تكا أمين على الحيط وربع ايديه كايشوف صاحبو قدامو غادي جاي وكايتحسر على حالتو وكيف المشاكل لاصقينو وحدة ورا وحدة بعد ساعة خرجات طبيبة وطار عندها مراد وقف قدامها عينيه حمرين
مراد: كيف بقاااات شنو وقع ليها
طبيبة: اعوضكوم ربي ...درنا لفجهدنا باش ماتفقدش الجنين ولكن حياتها كانت فخطر ..المدام نزفات بزااف
مراد:لارد ..كايشوف فيها كتهضر وماحرك ساكن ..متبع حركة شفايفها ولكن صوت توقف عند "الجنين" حس بيد أمين تحطات عليه وتهزات وعاود تحطات بقوة شئ لخلاه ارجع لواقع المر
طبيبة: مسيو كتسمعني
مراد: بغيت نشوف مرتي
طبيبة: دابا مستحيل ..غير تفيق ونعين حالتها ديك ساعة تقدر تشوفها
مراد: بغيييييت نشوف مرتي
أمين: مراد صبر اصاحبي ..الخير فيما اختاره الله ...الحمد لله كوتر بخير
طبيبة: بليز ممكن تجي معايا بغيت نهضر معاك
مراد: واخا ..سبقاتو وتبعها من اللور جامع ايديه ومزير عليها دخلات كلسات فمكتبها وكلس قدامها وحرك ليها راسو باش تبدا الهضرة
طبيبة: للاسف غايخصها تاخد احتياطات باش متولدش حتى تبرا مزيان عندها الاعصاب فالوالدة ...
مراد: مفهمتش
طبيبة: حاولت نشرح ليك بكلمات بساط ...مدام عندك عصبية والى بقات على نفس الحالة وقتما حملات سبب بصيط انرفزها غاتعرض الاجهاض ...خاصها تبع مع اختصاصية وان شاء الله ربي غايعوضكوم ..باقي المدام صغيرة والحياة طويلة قدامكوم غير متفقدوش الامل ...بزاف تالازواج كايخصرو الجنين الاول لاسباب كتييييرة وشي مرات بسييطة
مراد: مهم عندي صحتها تكون بخيير ..
طبيبة: ماتخافش عليها ..مهم غير تفيق غانحولها لشومبر اخر وتقدر تشوفها ديك ساعة
مراد:"وقف" شكرااا ...خرج مشا عند أمين لقاه واقف ومتكي راسو على الحيط غير شافو جا عندو
أمين: شنو قالت ليك ؟
مراد: ولدي ماااات ..كوتر خاصها شحال باش تحمل مرة خرا ..هادشي كامل بسباب ديك بنت القحبة ندمت لماصيفتهاش ليها من المرة اللولة مكناش غانوصلو لهادشي
أمين: من بعد وفكر فداكشي ..خاص دارهوم اعرفو مايمكنش بنتهوم وقع ليها هادشي كامل وهوما عند بالهوم ففرانسا
مراد: باش منوجه غانشوفهوم ..شنو غانقول لباها بنتك فسبيطار مقدرتش نحافض على الامانة لعطيتيني ..شنو نقوليهوم شنو
أمين: وصافي امراد ..شد هضر معاهوم ..شد مراد الفون وركب نمرة تبابات كوتر بقا ساكت حتى سمع صوت عاد نطق بحرا مخرجات لهضرة من فمو وصل ليه الخبر ..وكيف سمعو طلع شهقة سمعها مراد فقاع ودنيه عطاه اسم لكلينيك وقطع تاصل بالام ديالو خبرها بنفس شي ماعرفات باش تبلات ...كمل ورجع الفون لامين شدو وبعد شوي تاصل بفاتي ختو ..
أمين: شوفي كوتر ناعسة فسبيطار ..
فاتي:"قاطعاتو" اويلييي مالهاااا
أمين: كانت حاملة وطاح ليها ..
فاتي: الله واكبر ..واش هي فرانسا
أمين: لا جاو ليوم صباح ..شوفي براكة من الاسئلة تاضلي ببسمة قوليها ليها تقولها لغفران وتعرف كيفاش مقادرين على اجهاض اخر وصيفطي شوفور من الاوطيل اجيبهوم حنى فكلينيك مراكش
فاتي: فينجا هاد لكلينيك باش نجي تنا معرفتوش؟
أمين: نتي غاتمشي لفيلا تجيبي ريما وبشوي عليها لاتخلع ..شدي طريق تاركة فاش توصلي رومبوا مضوريش جيهت كلينيك الاطلس كملي على اليمين غاتلقايه قدامك
فاتي: اوكي ..قطع ورجع عند مراد لقاه كالس وحاط ايديه على راكبيه ومهبط راسو التحت ..حط ايديه على كتفو كايطبطب عليه ناض مراد عطاه بالظهر وتمشا بسرعة دخل لطواليط وسد عليه طلق لما وغسل وجهو ..كايحاوي اغطي دموع لنزلو من عينيه بلا مايحس تقابل معا لمراية كايشوف وجهو بحقد حيت عند بالو تاهو شريك فحالتها ..عاود غسل وجهو وخرج رجع كلس بعد دقايق جاو دارهوم كاملين مخلوعين ريهام وماماها دموعهوم سابقينهوم شافهوم مراد ووقف ..
الاب: مال كوتر ..كيف وقع ليها وانتوما امتا جيتو
مراد: عمي ماتخافش مابيها والوو ..وحنا جينا ليوم
الاب: وكيف وقع ليها حتى وصلات لهادشي؟ ....
مراد سمع سؤال تأب كوتر وتعقد ليه اللسان ماعرف باش اجاوب وشنو اسبق ولا اوخر طلع نفس سخونة ونطق
مراد: جينا من سفر اليوم صباح طلعات تنعس بقيت انا لتحت فاش تبعتها لقيتها سخفانة فالارض ..
الاب:باااربي تنوضها على خير.. اللهم اجعلها آخر الاحزان ..وشنو قالت طبيبة امتا نقدرو نشوفوها؟
مراد: انقلوها لغرفة وحدة خرا ومن بعد نقدرو نشوفوها ..
الاب: الخير فيما اختاره الله ..ام مراد جايا وجها مافيه حتى نقطة دم ورجليها فاشلين طارت على ولدها بتعنيقا كاتواسيه وطبطب عليه بعد عليها هبط باس ليها ايديها وطلع باس راسها قرب لعند ودنيها ونطق بينو وبينها " تشويت على كبدتي باقي ماشاف دنيا" زاد على مابيها وعطاهوم بالظهر حتى باه مهضرش معاه خلاه متبع ليه لعين ضرو خاطرو على حالت ولدو القوي وكيف فلحظة كايبان ضعيف نطق بصوت مسموع " لاحول ولا قوة الا بالله العلي العظيم" ..تعانقو الامهات كايبكيو واواسيو بعضياتهوم كولشي واقف كايتسنى اشوف كوتر واطمئنو على حالتها ريهام شادة واحد ركنة كتعض فصباعها ودموعها ساردين على وجها ..دايزة طبيبة بانو ليها ووقفات ..
طبيبة: شكون ام المريضة
: انا
طبيبة: اعوضكوم ربي ..
: شحال كان عندها
طبيبة: شهر ..نزفات بزااف ماقدرناش نعتقو لجنين خفنا نخصروها هي
: امتا نقدرو نشوفوها
طبيبة: غانحولوها لغرفة خرا وتقدرو تشوفوها مهم هو كونو قويين ماشي تفيق وتشوفكوم فهاد الحالة وليبان ليا انهوم مكانوش عارفين لمدام حاملة داكشي ..
:😢 حنا حمدنا الله ناض على خيير شكراا بزاف الله اكتر خيرك ...ابتاسمات طبيبة ومشات شوي وجاو البنات كاملين فدقة وحدة حالتهوم كفس من لي سابقينهوم تسالمو وسولو على كوتر ..ريما مشات عند أمين عنقاتو كتبكي وتنخصص على حالة صاحبتها لي مالحقات تفرح براسها..سولاتو على السبب تهرب وجاوبها بلي تاهو لا علم ليه ..كلسها فكورسي وعيط على غفران كلسات حداها ..خايف عليهوم من ورا ماشاف شنو وقع لكوتر كولشي.. مربع ايديه وساكت دعاوتهوم لكتردد بالجهر
....مراد خرج ركب فالفيراري وطاااار مكايشوف والوو مزير بيديه على الفولون وعينيه مقوصين كايغزز سنيه ..كانت الوجهة ديالو قريبة لكلينيك بعد دقايق وقف جنب عمارة خرج وردخ الباب حتى كان غايقلعو ..طلع كايجري خطوة فيها 3 وصل باب شقة وبدا كايدق بجهد الباب كايتهز واتحط بعد تواني تحل وطار عليها شدها من عنقها ودفعها سد الباب برجليه ولسقها مع الحيط كتركل ودفع بايديهها
مراد: "مغزز" صافي بقيتي كتركلي حدا كري حتى قلبتي عليها هادي لخرااا لزامل بوك يالقحبة هادي هي لغالوح مك فزوبيا"عافية" تشوا ليك اللحم ..
إيمان: مرااااد طلقني قجيتيني ..خليني غير نهضر معاك
مراد: غانفني مك على الوجود ..وداك اللسان غانطيرو من جدر ونلوحو لكلاب اتتفعو بيه ..
إيمان:"كدفعو" اوووح اووح مدرت واااالو طلقني ونهضروو عفااك ..رخا اديه عليها وهزها حتى السما نزل عليها بلاثة تطرشات رجعو حناكها زرقين ..هربات بعدات عليه خايفة وكترجع النفس وجها مخلط بدموع ودم من فمها
مراد: صراحة فاش مقتلتكش يالقحبة نهار اللول خاص ليحويني عليها كنت نتهنى ومنصولش لهادشي
إيمان: كنبغييييك مغانخليكش لوحدة خرا تديك بساهل نتا ليااا ..وزايدون اما مدرت والو هي لراسها قااصج وكطير دايرة فيها واعرة فالاخير جابتها فراسها ههه ..جوج خطوات وشدها من شعرها وزير حتى كان غايطير جلدة وهي عاطياها لغوات هز اديه زادها جوج طرشات ..
إيمان: من ديما خباراتك عندي اي حركة درتيها كان كون عارفاها باش تعرف شكون كايبغيك كتر انا ولا هي لي فاول مشكيل دارت لواحد آخر ونساتك .."لاحها بكل قوتو فوق كورسي فوطوي تهزات لكسوة لكانت لابسة بان سترينغ ولحمها بيضة كتشعشع وجها لطالعاه الحمورية ومزوق بزروقية تضرب
مراد: هي بعدا بكارمتها ماشي لسقة بحااالك بعدات عليا عايراتني سباتني وفالاخير تزوجت بيها وانا لطلبتها تزوج بيا ..كنبغيييها وكنموت على تراب رجليها ولدخل بيناتنا " حط صبعو على راسها على شكل فردي" طاااخ قرطاسة وحدة نحيد لمو جدر
إيمان:"قربات ليه" مغاتكونش كتشبع ليك الرغبة بحال كيف كنت انا ..ومستحيل تنسا اش دوزنا
مراد: دوزت بيك ..هي بقات ليا لديما عمري قربت ليها حافظات على راسها ..ماشي بحالك شبعو فيك دوك زوامل لبعتيني ليهوم ..صحابك معارف والو جايا تمثلي عليا ماما زيداتني ..اييه مك "كيدات الحمار اكابري" شبعو فمك حوا وكملو بيك نتي راه كانت دايراك طعم فصنارة وصلات لداكشي لبغات ولاحتك هنا سدات ليك فمك ببارتما وطوموبيل وكتصيفط ليك كلاين لسيمانة وهي شابعة تفراق فالايمارات ولكن من اليوم انا بلمرصاد باغين تلعبو لعبووو اش خاصرين ..مخلاهاش تزيد تخرج كلمة جرها من شعرها دخلها لبيت ولاحها فوق ناموسية خرج مشا لكوزينة جاب قنبة زرجع حكمها بيديه وهي كتغوت للخلقها ربطها مع ناموسية ....
ربطها مع ناموسية وناض سد شراجم والبيبان خلا روحها غاتحرج بالغوات هز سوارت تدار خرج سد عليها ونزل طاير رطب فطوموبيلتو ورجع لكلينيك ..لقا كولشي كاين فالكولوار سرح عينيه كايقلب واش جات هداية مالقاهاش ووقف بعيد محاملش اهضر مع شيحد لمحو امين وجا عندو ..
أمين: مشيتي عندها ..
مراد: اييه ..
أمين: شنو ناوي ..راك عارف عمرنا ادينا جنس الضعيف
مراد: هاديك راه وباء خاص ندير ليه الحد الى نتا معارفهاش علاش قادة ..هاديك جمعات تشطين تنسا كامل مها قراتهوم ليها بالورقة وستيلو ..
أمين: دابا الاهم هي كوتر
مراد:"تنهد" غانفاااااجر قسما بالله حتى كنقول حليت مشكيل كنطيح فما كبر منو تخايل معايا لخدمة اتعاندو معايا واصيفطو ليديني صحاااا نخلي كوتر فهاد الحالة ..نموت ولا نديرها ..كوتر الى حلات عينيها كيف غاندير مقوليها كنتي حاملة وطاح ليك ..والله حتى تقوم دنيا غاتقلب على هداية وإيمان من تحت الارض تقتلهوم انا كنعرفها كيف دايرة ..وطبيبة قالت ليا ماخصهاش باقي تعصب ..
أمين: ربي معااااك
مراد: تقاداااو ليا ..فاش كايجيو شي ماشاكل مكاتقدر دير والو لا فلوس لا قوة لا سلطة تقدر تحلهوم ليك كتوكل امرك لله عز وجل وكتهبط ايديك باستسلام ..
أمين: متقولش هكاك ربي كبيير ان شاء الله تحل مشاكلك وتهنى
مراد: عرفتي كرهت هاد مرااكش وليت كنحس بالخنقة فيها
أمين: ابرد اصاحبي ..
مراد: مبرد شوف تاصل اوجدو ليا لاكاف بغيتو بليييل
أمين: اوكي ...خرجات فرملية وققات قدام مراد علماتو بلي حولوها من غرفة العمليات لغرفة خرا واقدرو ادخلو اشوفوها تبعوها كاملين حتى وصلو شومبر فين ناعسة دخل مراد بزربة وخلا كولشي وراه تقدم لحداها كايشوف فيها وقلبو كايتقطع وجها صفر وفمها ناشق ملامج وجها حزينين وذابلين ملبسينها لبسة تالمرضى فالبيض والبلو سيال شعرها مطلوق فجنبها ..نزل لعندها شد ليها فيديها وقربها لفمو حط شفايفو كايتحسس جلدة ايديها بقا هكاك وعينيه مغمضين حتى حس بنقطة نازلة مع حنكو سخونة خلاها مامسحهاش ..طبع قبل خفيفة على ايديها وبقا مغمض عينيه ..
مراد:"قرب وشد وجها بين ايديه" صافي احبيبة متبكيش عفاك مابقيتش قادر نشوفك فهاد الحالة كون كنت بلاصتك كان اهون عليا ..
كوتر:😢😢 الله انجيك ..ولكن علاش كضرني كرشي بزاف واش درت عملية ..
مراد:"قاطعها" شنو قلت ليك اخر مرة ..مرت مراد مكتبكيش خاصها تكون قوية وتحمل اي حاجة ..وديري إيمانك فالله واي حاجة الى وقدر مكتبو علينا الله سبحانه وتعالى
كوتر: ونعم بالله 😢غير قوليا شنو عندي
مراد: إجهاض ..قال هاد لكلمة وشدها من ايديها بجوج زير عليها وكايتسنى ردة فعلها ..بقات مسمرة عينيها فيه مكترمش
كوتر: كنت حاملة ...مات 😢 هوما سباب ...شنو درت ليهوم قوليا امراد ...عمري اديت شيحد 😢 صاحبتي طعناتني فضهري تافقو عليا ...علاش مابغاوش اخليوني نفرح ..قلت ليك مابغيتش رجع لمغرب خلينا هانيين فرحانين 😢 كنت فرحانة وغانزيد نفرح فاش نعرف راسي حاملة ..عمر فرحتي تكمل 😢😢..طلقات دموعها كتنخصص بصوت عالي وصل لبرا كانو غايدخلو ومنعهوم اب كوتر واب مراد ..كايسمعو صوتها كايقطع فالقلب "وهاهو من جديد #أنيني يقتلني.. تعبت من عثرات الحياة الى اي مدى ساتقبل مر الايام ...متى ساستبدل #أنين آلامي بقهقهاتي الفرح " ...عنقها مراد بين ايديه وخلاها تبكي على راحتها كتردد كلمات مامفهومينش ولكن هي كاتخرج معاهوم رزمات الالم من صدرها بكااات حتى ترخات وتقطع حسها طل عليها مراد لقاها سخفانة فوسط ايديه تخلع وبدا كايغوت باش اجي شيحد اعتقها تحل لباب دخل امين وتبعوه كاملين عاد جات طبيبة والفرمليات ضربو ليها نفتحة وقاداتها بلاصتها خرجات كولشي لبرا ...
طبيبة: كنا عوالين على هادشي ..حمد لله مانفاعلاتش بزاف وترجع تنزف انا عطيتها مهدئ ترتاح ليل كامل وغدا تصبح بخير
مراد: ماكلات والو
طبيبة: ماتخافش سيروم قادي لغراض ..بلا متبقاو هنا هي مغاتفيق حتى لصباح غير سيرو ارتاحو حتى نتوما ..بعد عناء طويل قدر مراد اخلي كولشي امشي وبقا هو معاها دخل كلس جنبها شاد ايديها بين ايديه ومقابل مع وجها ..ماكلة ماشرب وليل وصل ..بقا على نفس لكلسة حتى ضربات 12 تليل باس ايديها وراسها وقرب لودنيها
مراد: شوي ورجع احياتي مغانتطلش ..
غطاها وخرج تلاقا مع فرملية وقفها وصاها متغفلش على كوتر وخرج طاير وصل الاوطيل وتاصل بأمين من رسيبسو علمو بلي كولشي هو هداك ..خرج ومشا لقة تإيمان حل لباب ودخل ماكاينش حسها حل عليها باب لبيت لقاها ناعسة ومكمشة ..طار جرها من شعرها حتى قفزات مخلوعة ووجها منفوخ بضرب
مراد: نتي ليجي معاك نعاس يا بنت القحبة نوضي نوضي ..فكها وهي كطلب وترغب فيه مايدير ليها والو خرجها جارها من شعرها وهي مزايدة كترغب طلباتو اعطيها غير كاس تالما قلبها غايسكت ..متسوقش ليها ونزلها كتغوت خرجو ناس لساكنين كايشوفو حالتها ومقدرو ايديرو والو بحكم عارفين سمعتها خايبة قالو اقدر شي حسيفة هادي ..اكتفاو اتفرجو فحالتها لاحها فطوموبيل وطلع من جهة الخرا سد لبيبان وطار مخلاهاش دير سمطة شدات باديها مزيرة وكتنخض بلاصتها مع كل ضورة كايضورها مراد بجهد بطوموبيل ..شد طريق كازا العادية ظلام غير ضواو بعض طوموبيلات لكايدوزو وصل واحد لبلاصة وقلب ضورة على اليمين دخل بين الشجر وهي حداه كترعد وكترغبو وتقرب تبغي تبوس ليه ايديه ..كتشوف حالتو وكايتزاد معاها زايد عرفاتو مافيه محنة والى وصلات فيه الحد مكايبقا اعقل على والوو كطلب بينها وبين نفسها ...تحل باب تالحديد عريض ودخل مراد غادي وسط الشجر والظلاام كحل مكايبان واالو حتى وقف طوموبيل سكتها ونزل ضار حل ليها وجرها من شعرها وهي شادة فدراعو ..كطلب وترغب كتزطم فالارض حفيانة وكتبكي ..مراد رجليه لمكودينو بلا ضوء بحكم عارف وحافض طريق شبر وخوه حل باب ونزل مع دروج وهي كتعكل واجرها حتى بان ليها ضوء قوي بيض سرحات عينيها كتحلهوم وتسدهوم الاضاءة قوية وهي طول طريق جاية فظلام ...لاحها بجهد حتى جات مكركبة فالارض وبسرعة كمشات رجليها كتفتف وتضور راسها كتشوف عالم اخر غرفة فيها جميع انواع الات التعديب شوفة فيهوم تزهق الروح قلبها كاتسمعو كايضرب ودنيها صفارة قوية فيهوم ...
مراد: لدخل لهاد البلاصة مكايخرجش باقي ..هاد البلاصة دازو منها مجريمين لعبوهاا حسااااان منك وللاسف ماكتابش ليهوم اعاودو على ماجرا ليهوم
إيمان: مرااااد الله ارحم الواليدين سمح ليا عمرك باقي تشوف وجهي 😢 كنترجاااك نبوس ليك رجلييك سمح ليا
إيمان: نعاود ليك من الاول .."كتبكي" فاش تعرفت عليك قسما بالله الى حسيت بيك غاتعاوني نخرج من الوسخ علاش حليت عينيا كنت باغا نعاود ليك ولكن خفت تبعد عليا 😢 كانت ديما ماما كتهددني غاتلوحني لزنقة الى منعستش مع رجال لكاتجيب ليا كنت كنهرب ونجي عندك كنقوليك ماما مسافرة كنطفي الفون ونجي نتخبا بين دراعك كنت كنشوف فعينيك كيفاش خايف عليا ومكتبغينيش ندير شيحاجة خايبة كتنصحني على حوايجي بطريقة كنزيد نعشقك ..واحد نهار رجعت لدار وكنت عوالة على قتلة تتلعصا ولكن المفاجئة لقيت ماما فرحانة عنقاتني وقالت ليا " اول مرة طفريه" تصدمت فاش وراتني تصاورك وكانت كتعرفك فاش خدام وفين ابتاسمات وقالت ليا هو لغايدير لينا طريق للفلوس صحييحة
مراد: ايييه كملي ..
إيمان: رفض وديك ساعة كليت قتلة تالكلاب وكتحلف غاتصيفطني لشي بلاصة اتكرفسو عليا ماتعرفني نتا فين ..خفت وافقت وديك ساعة قالت ليا علاش ناوية ..
إيمان: ندمت ومستعدة نطلب سماحة من كوتر ونعاود ليها كولشي ونقوليها بلي صاحبتها مدارت والوو عفااااك غير سمح ليا 😢😢
مراد: سكتيييي كرهتك صوتك كايجيب ليا الاشمئزااااز ..انعل نهار لعرفتك فيه ..عطاها مراد بظهر غادي جهت الدروج تبعاتو بزربة شدات فيه ضار دفعها بقوة حتى جا راسها الارض طاحت مابقات تكعدات معاودش شاف فيها خرج وسد لباب توجه لباب لكبير كانو رجال طول وعرض واقفين
مراد: مايقربش شيحد لتحت واخا اوقع لوقع حتى نرجع اوكي
: والى جا سي امين
مراد: انا وامين واحد كنهضر عليكوم نتوما ..
: وخا ..رجع لطوموبيل ركب وكسيرا ماوقف حتى لكلينيك دخل لعند كوتر لقاها غارقة فنعاسها ولكن الحزن باين عليها وعلامات دموع حدا عينيها طبع قبلة خفيفة على شفايفها جر كرسي وكلس حداها شد فيديها وتكا راسو جنبها بسرعة غفا بالتعب وقوة التفكير وزائد مدايقش النعمة ..
⛅صباح جديد شميسة باردة داخلة من زاج تشراجم حل مراد عينيه وراسو كايحرقو كعدو بشوي مقوص كجبانو من الالم شاف فكوتر لقاها فايقة كتشوفيه ..
مراد: صباح نور جبيبة ..كيف بقيتي ؟
كوتر: بخير بغيت نخرج منهنا
مراد: نهضر مع طبيبة الى ممكن نخرجو نرجعو لدارنا ..
كوتر: لارد ..دخلات فرملية قلبات لكوتر سيروم وعبرات ليها الحرارة ..خارجة طلب منها مراد قهوة كحلة ..ناض وكلس جنب كوتر وجرها لعندو عنقها بذراعو ..
مراد: حبيبة مافيكش جوع؟ مكليتيش من البارح
كوتر: لا ..حاذرة عينيها وكل دقيقة طلع نفس وتنزلها بعد عليها مراد وعلا ليها راسها تقابل مع عينيها
مراد: باش كتحسي
كوتر: والو ..بغيت نخرج منهنا مكنحملش سبيطارات
مراد: ماتخافيش غير نشد موافقة طبيبة ونمشيو باش ترتاحي ..سمعو دقان هز راسو مراد شاف لباب تحل وامين كايطل
مراد: دخل دخل ..دخل امين وتبعاتو ريما عينيها مغرغرين وحابساهوم بزز
أمين: صباح نور كوتر ..حمد لله على سلامتك خلعتينا عليك
كوتر: شكرا ..ناض مراد وقربات ريما لكوتر بتعنقها وهي دفعها بجهد وخنزرات فيها كولشي تصدم وامين شد فريما لاطيح ..
كوتر: كولكووم بحال بحاال 😡😡 مابغيت نشوف حتى وحدة فيكوم ..كاع غداراات ..جايا تشفاي فيا باش تمشي تقوليها ليها ..خرجييييي 😡 خرجيييي فحااالك
: راها بخيير وهادشي عادي ونتوما يلاه قلتو بسم الله باقي الحياة طويلة قدامكوم
مراد: ان شاء الله ...تحل لباب وخرجو ريهام جارة كوتر فكرسي متحرك كالسة مكمشة لابسة جلابة فالخزي وبلغة كحلة جامعة شعرها ديل حصان تقدم مراد خدا من ريهام وكمل بيها طريق وتعمد اسبقهوم وهوما وراه ..هي حادرة عينيها مكتهضرش
مراد: مغانبزز عليك والو الى غاترتاحي فدار واليديك سيري كلسي عندهوم حتى تبغي وراه دارك كتسناك فاي وقت تةحشتيها
كوتر: لارد ..نزلات دمعة سخونة على خدها مسحاتها وزاد تكمشات خرجو الباب هزها بين دراعو وركبها فجنبو فطوموبيل طلع كل واحد فطوموبيل فاش جاو وشدو طريق لدار واليديها ساكتين حتى وصلو هز ايديها باسها من برا ولداخل شافيها فعينيها
كوتر: وخا ..خررج حل عليها وخرجات مسندة عليه دخلها لدار وهزها بين ايديه طلعها مع دروج هي حشمات من باباها لكان واقف ..دخلها لبيتها وحطها فالفراش حيد ليها بلغة من رجليها وقاد ليها المخدة تكات وتحنى باس ليها راسها وجنب فمها وخرج ..كيف سد الباب دارت ايديها على وجها وطلقات دموعها كتشهق ماعارفاش باش كتحس تخلطو عليها جميع الاحاسيس ...رجعات بها داكرة منين قرات المسيجات بين مراد وامين تفكرات كيفاش صاحبتها قدرات تآمر مع عدوتها لعمرها شافتها او قربات ليها علاش آداوها فاهم شئ لهو جنينها لباقي مفرحاتش بيه ..صوت شهقاتها كايزيد اعلى كتر وكتر نفسها تقطعات حيدات ايديها على وجها كتنفس بزز حطاتهوم على كرشها كتحسسها والم فقلبها كايحرقها ..حتى ضنات بلي الفرحة تسللات حياتها ورجعات تأزمات كتر رجعات راسها اللور كتشوف فسقف ودموعها نازلين مع حنكها سخاان ..محسات على راسها حتى نعسات ..بعد مدة حلات ريهام الباب لقاتها ناعسة خلاتها على راحتها ونزلات التحت عند مراد لكان رجع جايب دواء عطاه لريهام وصاها تعطيه ليها فالوقت المناسب ..خرج ركب فطوموبيلتو ومشا بسرعة كبيرة لمكان فين خلا إيمان مرمية دخل مخنزر حل لباب ونزل بخطوات تقيلة لقاها مكمشة جامعة رجليها شعرها مشعكك وبيض بالغبرة ورجليها مسخين قرب ليها هز ليها وجها صفر وفمها بيض
مراد: نووضي تاكلي 😡
حلات عينيها بزز شافت فيه ورجعات غمضاتهوم ..دخل واحد من رجال لبرا هاز بلاطو فيه ماكلة حطو ليها قدامها ورجع كلس فوق كورسي كايشوف فيها
مراد: تكعدي كووولي معنديش وقت 😡..قفزات وهزات ايديهت بزز اول حاجة خداتها لماء شربات حتى فزكات حوايجها كاملين ..بدات كتاكل كولشي فدقة وحدة كتهز وتخشي فوجها معلاتش فيه عينيها حتى سلات ..
إيمان: شنو ناوي دير فيا حيت الى غاتقتلني مغاتعطينيش ناكل
مراد: شتي دكااائك القوي هو لخرج علييك وصلك لهاد الحال ..جمعي كرك من اليوم تكتب ليك عمر جديد وحياة جديدة نسااي كولشي لفاات ..نووووضي
إيمان: زعما غاتخليني نمشي ؟
مراد: حتى نكون حمار بحال المرة الاولى ..منهنا غاتخرجي ديريكت غاتمشي مع واحد الشخص للعيون ..تماك غاتخدمي فدار العجزة فالكوزينة وتماك غاتعيشي عمرك تحلمي تخرجي منها ونهار نعرف بلي مكديريش خدمتك قسما بالله حتى نفنيك فشي حبس تعيشي وسط الفيران
إيمان: لهاد الدرجة كتكرهني نسيتي شحال دوزنا
مراد: ماتبقايش تقولي اش دوزنا ..حيت انا شحال هدا قتلتك من حياتي ..وبالنسبة لكره فانا كنحس بشيحااجة كتتر وفاش قربتي لكوتر حفرتي قبرك بايديك ..نووضي برااكة من جمووع ...وقف مراد وجرها من دراعها طلعها لفوق ولاحها فرونج كحلة وسد عليها لباب ودار هضر مع جوج رجال ..
مراد: هاد الامانة وصلوها لعنوان لقلت ليكوم وسلموها بايديكوم ليه غلط صغير نفركع لجد بوكوم رااس ..عطاوه اشارة بلي فهمو وركبو خرجو على الباب وجبد هو الفون تاصل بنمرة
دخل لجناح حيد حوايجو دوش وخرج لاوي عليه فوطة وشعرو كاينقط هز سماعة طلبهوم اطلعو ليك الغدا كلا علاش قدر وتكا فوق ناموسية على ظهرو هز الفيكس تاصل بريهام سولها على كوتر قالت ليه فاقت تغدات شربات دواها ورجعات نعسات قطع معاها ..سد ريدويات مابقا حتى خيط تشعى داخل وغمض عينيه بسرعة استسلم لنعاس ..
🌞يوم جديد ..ضبابة حابسة شمس تسرح ضوءها وشتاء كتنقط ..فاق مراد كايتعكز مقادرش احل عينيه بكترة سوايع لنعسهوم وقف لبس شورط وحل ريدويات كايشوف الجو وعاقد حجبانو مراضيش على الوضع لهو فيه مزوج وناعس فاوطيل مرتو ففرتش آخر غير عشهوم الزوجي ..دخل غسل وجهو وحك سنيناتو خرج حل ماريو كان فيهوم حوايج أمين خدا سروال دجين جديد وتريكو خيط فالزرق فيه تلاثة صديفات فالجهت الصدر تاهو جديد باقي بتيكتة ديالو لبس سبرديلة باش جا ونزل فطر فكافي تالاوطيل بسرعة ..خرج ركب وتاجه لاول اجونس خدا تيليفون جديد ونمرة خدمها وتاصل بصديقة فالعيون طمأنو بلي أمانتو وصلات وكولشي غادي كيف بغا ..طلع لسيارة وتكا على ضهرو طلع نفس ونزلها وتاصل بكريم ..
مراد:شوووو شوو "شدها من كتافها" هداية كانو كايهددوها وكانو غايتكرفسو عليها وخافت داكشي باش دارت داكشي ..حتى هي دابا غاتكون مضرورة كتر منك وحاسة بذنب هادشي لفيه نتي مي احبيبة قدر الله وماشاء فعل ..
مراد: حتى دابا انا معااك وعمري نخليك الحمقة ..تفكري شنو قلت ليك مرت مراد خاصها تكون قوية ومتخليش فرصة لشيحد اشوفها ضعيفة او اشفق عليها ..كنعرفك شخصيتك مكتقبليش الهزيمة كيفما كان نوعها وديما إيمانك بالله قوي شنو تغير دابا
كوتر: ولدي شكون غايرجعو ليا
مراد: الى بغيتي واحد آخر دابا نعطيه ليك احبي 😉
ابتاسمات كوتر وعينيها ساردين بدموع وحنيكاتها حمرين وشعرها مطلوق معنكش شاف ابتسامتها وجرها لعندو حط شفايفو على شفايفها ودخلو فقبلة طوييلة كل واحد كايستمد قوتو من الاخر وكل واحد كايخوي مافقلو للاخر فنفس الوقت كايخففو على بعضهوم ..بعدها حط جبهتو على جبهتها
مراد: لبسي شي مونطو ولا تجاكيط ..كتفك عريان والبرد
كوتر: وخا ..جبدات مونطو حد الفخاض زرق وفيه قب كبيير مزغب وهزات ساك صغير وخرجو بجوج نزلو تلقات ليهوم مامات كوتر والابتسامة على وجها
: مزيان تخرجي تشمي الهوا
كوتر: متسناونيش لغدا غاناكلو برا
: وخا ..الله ارضي عليكوم وانقي طريقكوم من الشوك
بجوج: أميين ياربي ..خرجو مشادين ليد دارت كوتر القب فراسها حتى طلعو لطوموبيل شدو طريق بالموسيقى وكايهضرو فمواضيع مختلفة خلاتهوم انساو جميع مشاكلهوم بسرعة مراد قدر إثر عليها واخرجها من كآبتها وترجع لشوي من حالتها لعادية ..
مراد: كتنزل منك لغيكل كتيرة؟؟
كوتر:(حشمات اول مرة اتناقشو عليها) هاا لاا حيت فاش طاح لبيبي نقاو ليا الوالدة مزيان ..
مراد: ههه وخا زيدي ..خرجو ومشاو اجونص خرا خداه ليها بنمرة جديدة وقادو عطاه ليها بدات كتصور وتصورو معاها وتضحك كيف شي بنية صغيرة ..تمشاو على رجليهوم تحت قطرات شتاء كلسو فكافي خرا ارتاحو وناضو ركبو وشد طريق الفيلا عندهوم ..كوتر سقلات ولحمها تشوك عليها جمعات ايديهت بدون متنطق وصلو دخلات كتمشى بزز
مراد: زيدي جمعي ليا حوايجي وخودي شنو خاصك
كوتر: وخاا ..مراد حس بيها ولكن تفاذى افكرها بالحادثة طلعو لبيت كان مجموع ومتسف ريحتو غزالة ..
كوتر: اويلي شكوون جا لهنا
مراد: مرتي تانية
كوتر: 😡 نقتلك نتا وياهاا ..دوي شكوون جا وجمع هادشي
مراد: يالهبيلة ..صفطهوم من الاوطيل نقاو دار
كوتر: هممم
مراد: جمعيي جمعيي وسكتينا ..جبد باليزة متوسطة حط فيها اشيائو الخاصة هوما الاولين وشوي تالحوايج من اختيار كوتر سد وضار لقاها حاطة باليزة كبيرة كاتشارجي فيها
وصلو قدام دار كوتر ..عرفات بلي وقت الوداع توثرات حابسة دموعها بزز شافيها وابتاسم
مراد: بقاي هنا نزل باليزتك نحطها ونرجع
كوتر: خليها دابا نزلها معايا
مراد:"غمزها" نو نتي غاتبقاي معايا باقي مشبعتش منك ...خرج خلاها كتفرنس بوحدها عاجبها لحال ..رجع هاز ساشية فيها دواها.. ركب وكسيرا شد فيديها جرها باسها
مراد: فين نمشيو ولا عيتي؟
كوتر: نمشيو لسنيما
مراد: ههههه يا سلام عرفتي شحال هدا متفرجت فشي فيلم
كوتر:هههه..
قلب طريق لسينما ميكاراما حيت كبيرة ومكتكونش عامرة بزااف بحكم فيها بزاف تصالات وكايكونو فيها بزاف تالافلام ..ومراد عزيز عليه لكالم وكايكره كترة الصداعات داكشي باش كايختار الاماكن ليرتاحو فيه بجوج وادير لخاطر لكوتر وتاهو ابقا أليز ..دخلو اختارو فيلم اكشن شرا لكوتر الgلية وشكلاط شدو بلايصهوم بدا الفلم كوتر تخشعات مع الاحدات مابقاتش عرفات شكون حداها هو نص عين فشاشة ونص فيها ..مامتقبلش انه غايبعد عليها وخا كايبين ليها لعكس باش متزيدش تأزم ..سلا الفلم ناضو خرجو
كوتر: جاني جوع
مراد: غانمشيو فحالنا ونتعشاو
كوتر: فين
مراد: فين غان***
كوتر خرجات عينيها فيه مصدومة وفنفس الوقت حشمانة قلبات وجها ابتاسمات بلا مايشوفها ..شد مراد طريق الاوطيل نزلو مشادين اليد دخلو ومشا مراد لاستقبال هضر معاهوم ورجع عندها طلعو فسانسور وهي ساكتة كتضور عينيها وهو متكي كايشوف فيها تحل لباب وهي توقف كوتر مصدومة حلات عينيها على جهدهوم تقدمات بجوج خطوات وضارت شافت فيه ..
كوتر: اش هادشي
مراد: كل وعام ونتي فجنبي ..كل عام ربي اقدرني ونشوف ابتاسمة على وجهك كل عام ونتي احلى واجمل بنت شافت عينيا كوتر:"دمعو عينيها" فراسك نسيتو 😢 مع هادشي لوقع
مراد: الوقت لكتت معاك هادشي كايتقاد ..ضورات وجها كتحيد مونطو وكتأمل الجناح كااامل مزين بالورد حمر وغوز ضوء خافت وريحة الورد عاطية ..بالونات كتاار على شكل قلب فالدهبي طايرين الفوق وتازلين الخيوطة مع الارض مكتوبة بالخط العريض happy birthday my wife بالغوز بيبي ومرشوشة بسقلي فالدهبي كايلمع ..كتمشا وتقيس الورد بايديها حتى وصلات طبلة مربعة تزاج فوقها اشكال من كيب كيك على شكل قلب صغير فيهوم اول حرف من اسمها ومشروبات غازية شكلاط وقليل من الفواكه مقطعة وفالوسط قالب تالحلوة دائيري راقي وكايشهي من منظرو مغطي بالشكلاط الاسود ومزوج بخيط دهبي عريض ومكتوب فيه نفس الجملة لي فالحيط ضارت لعندو كان واقف مربع ايديه وخاليها على راحتها وابتسامة على وجهو شافها جايا جيهتو وحالة ايديها تاهو حل دراعو واستقبل حضنها لكايعبر على كل الامتنان والحب والفرح لكتحس بيه بعدات علات راسها لعندو وطبعات قبلة على شفايفو
مراد: زيدي طفي شمعة وتمناي أمنية ...جرها من ايديها وقفو على طلبلة معنقها من كتفها هز بريكة شعل شمعة وجبد الفون ديالو وتصورو سلفيات من بعد صورها فيديو كطفي شمعة ..قطع طرف صغير وهز معلقة وكلها وعمر ليها فمها بشكلاط ونزل راسو باسها ومص كاع لكريم لعلا شفايفها حتى دخلو فقبلة طويلة جرها لسقها معاه بد على خصرها ويد على عنقها من اللور ..زاد فالوتيرة وتاهي تجاوبات معاه معلية رجيلاتها كتمص وتبنن فشفايفو ..عاق مراد على راسو وبعدها بشوي باس ليها راسها
مراد: غاتخلينا نعصاو سيدي ربي
كوتر: هههه انا مدرت والوو ..قلبات وجها بسرعة حشمانة وحنيكاتها مزنكين وشفايفها حمرين هزات طرف وبدات كتاكل فيه وتضحك
مراد: راه غايوحل ليك ههه كولي وبراكة من الضحك ..هز مراد لفكس وطلب لعشا طلعوه ليهوم طبلة كبيرة كتجر مع الارض فيها مختلف الاصناف وكولهوم طايبين بطريقة صحية حيد لكوتر لحلوة وكلسها تاكل ..
كوتر: تفكرة فاش كنت خدامة
مراد: واش فكرك فيها
كوتر: شفت الماكلة كون بقيت كنت نكون انا لمصاوباها ولكن للاسف 😣 قريت غير هكاك
مراد: بلا تغباان حتى تبرااي ونرصيو امورنا وديك ساعة نشوفو شيحل
كوتر: حل لاااش ..غاتخليني نرجع نخدم فالاوطيل 😍
مراد: ههه حلمي واش تسطيتي ولا شنو ..كولي دابا كولي
كوتر: عطيني دجاج مابغيتش الحوت عارفني مكاناكلوش
مراد: راه مزيان ليك
كوتر: نوووو غير عطيني دجاج ..مدو ليها وهزات خضرة مشكلة مسلوقة ودايزة فالمقلة بشوي زيت العود ووريقات من الرحان وشوي تالملح بداو فالاكل فصمت حتى سلاو وناض جاب ليها دواء ووقف عليها حتى شرباتو
كوتر: امتا غاترجعني لدار حشومة نتعطل
مراد: حشومة خارجة مع صاحبك ..واصلا غاتباتي معايا هنا راه قلتها ليهوم ..
مراد: الله امسخك هو نتي وعقلك المنحرف انا دويت على حرارة المكيف ..."قرب شدها من خصرها" وطالبة عليها تانتي
كوتر:"حشمات" تفوو كيف داير ..ضربها لترمتها وزاد خلاها واقفة حناكها حمرين وكتجر لكول تريكو مركات من الهضرة لقالت ..دخل لدوش ومشات هزات الحلوة كتاكل فيها بزربة سمعاتو خارج وحطاتها وجرات كلسات فوق فوطويات وتكات على يد ..خرج لاوي عليه فوطة وشعرو كايقطر الما ناول مع صدرو وقف قدامها كاينشف شعرو بفوطة خرا وهي ساهية فيه مرمشاتش عينيها وخا كايشوف فيها مامسوقاش
مراد: حدري عينييك الله ارحم بااك خلي ليلة دوز على خيير ..اشريفة ..
كوتر: هاا ..شكون داها فيك كنت كنشوف فداك لحيط ضوور ضوور شوفو شحال مبوكص ومفيني بطريقة خطييرة ..سبحان الله تشهى تبقا كتشووف كتشووف متملش منو
مراد:"قرب كلس حداها" واااااااو سبحااااان الله ..ضور وجهو لعندها وقلب ليها وجها عندو شدها من حناكها وبقا مفيكسي شوفة فعينيها وكايقرب وهي كتزيد تقرب حط شفايفو على شفايفها وضربها ليها لعضة حتى غوتاات
مراد: باش مرة خرا الى قلت ليك متاكليش لحاجة كوني تسمعي
كوتر:😢😢 احح قسحتيني ..دوي بفمك
مراد: والله الى هو باش دوييت ..ناض وقف جبد شورط قصير من باليزة لبسو وهي باقي كتغبن مسكتاتش كتبرد فقنوفتها تلاح فوق ناموسية وخلاها ..ناض دخلات لطواليط لقات اولويز حيدات حوايجها طرفات ولبسات دوبياس ديالها ودارت اولويز جديد خرجات كتمختر بلعاني وكتلعب بشعرها قدامها وقفات قدام لمراية هزات كلينيكس مسحات وجها ودازت شربات كاس تالما عاد طلعات فوق ناموسية وتكات بطريقة سيكسي جنبو ..هو حاضيها بنص عين وحابس ضحكة ضار تقابل معاها ونطق بطريقة مستفزة
أمين: ان شاء الله ..توادعو خرجات ومدو ليها سوارت طوموبيل ديالها ركبات دارت سمطة قادات لمراية وهي تصدم فشنو كاين فالكوسان اللور..
عاود حلات سمطة وضارت هزات بواطة كبيرة فالحمر على شكل قلب وضاير عليها سينتا عريضة فاللون الاسود حطاتها فوق حجرها وحلاتها لقات فيها ورد فالغوز دار بجنب وفالوسط بواطة مربعة دهبية جبداتها حلاتها وهوما المعو عينيها كيف لمعان التحفة لقدامها كان اونسومبل من الدهب الخالص سنسلة رقيقة كايتوسطها جوج حروف MK وسطهوم قلب صغير محجر بالالماس وبراسلي بنفس الشكل وحلقات وخاتم ..سمعات الفوت مابصوتي وجبدات شافت نمرة غريبة عرفاتو هو
هداية: عفاااك سمحي لياا على كولشي عمري فكرت ولا غانفكر نأذي شيوحدة فيكوم
كوتر: صافي نساااي وخلينا نشطو ..توحشتكوم شهر مشفتكومش ..هزات بواطة لطاحت جمعاتها ودخلات لقات دار عامرة نفاخات ومزوقة على حقها وطريقها طلقو لموسيقة وكلسو على الشطيح وخا صباح ماشي ديال لحفلات نوضوها بضحك ونشاط تنساو كولشي لطرا وبسرعة رجعات الحميمة بيناتهوم كيف كانو جابو لكيك طفات شمعة وكل وحدة عطاتها كادو لموجدة ليها عاود شكراتهوم وحدة وحدة ووراتهوم شنو جاب ليها مراد ..وصل وقت لغدا وتغداو مجموعين وطلعو كملو العشية فبيت كوتر كل وحدة كاتعاود شنو دوزات فهاد الشهر وكوتر كل مرة تسرح بعينيها فكريشة غفران وتبتاسم ..وصلات لعشية وكل وحدة خارجة غادة لدارها كوتر طلبات من هداية تبقا معاها مشاو وسدات لبيت كلسو بجوج ..
كوتر: عاودي ليا شنو وقع بتفاصيل
غفران: "عاودات ليها من الاول حتى الاخير"
كوتر: وعلاش مقلتيها لمراد اكيييد كان غايلقا لحل بلا متآداي
غفران: خفت بزاااف
كوتر: ودابا هاديك المسخة فينها
غفران: والله معرفت غبرااات بمرة ..ونتي شنو بغيتي عندها
كوتر: بغيت نعرفها غير كيف دايرة فوجها عندي فضووول
هداية: صفرة
كوتر؛ هههههه كي التبن ههههه
هداية: بحال هكااك
كوتر: تكون غبرات كتخطط لشيحاجة ..قسما بالله وتجي بين ايديا نقتلهااا بلا رحمة نوريها كيفاش تفلا على صاحبتي وتقرب لحاجتي ..
هداية: نساايها وفكري فراااسك ..كيف كتحسي ياكما باقي لحريق
كوتر: شويية تحت كرشي والى تحركت بزااف "حطات ايديها على كرشها" متصوريش باش حسيت فاش عرفت راسي حاملة ونفس الوقت مات ..بحال شيحد مد ليك طرف تالخبز ونتي فيك جوع وحتى بغيتي تاكليه وجا شي طيير خداه منك
هداية: متقوليش هكاك ..باقي العمر قدامك فاش تجيبي عشرة خرين خاص غير تهلاي فراسك ومتعصبيش
هداية: راه الحماارة الاعصاب مازيانينش لوحدة فحالتك ..
كوتر: اكون خير هاد ساعة مكاين مايعصبني من غير ان مراد سافر
هداية: فيين مشاا؟
كوتر: مشا الايمارات على ود الخدمة ومعرفتش شحال غايبقا ..وفنفس الوقت خايفة عليه بزااف
هداية: ان شاء الله غايجي على خيير غير خوي دماغك ..انا نمشي دابا هدا هو الوقت
كوتر: تسناي نوصلك بلا متمشي بوحدك
هداية: بلاش باقي الحال ودار قريبة نتي ارتاحي راك تحركتي بزاف ..
كوتر: اوكي ..متغبريش وسلمي على خالتي بزاااف
هداية: مبلغ احبي
توادعو ومشات غفران وناض كوتر دوشات بماء سخوون ريحات عضامها وخرجات لبسات دوبيس ودارت اولويز وخدات بيجامة قطنية فالبلومارين ولبسات تقيشرات بيضين وبانطوفة نشفات شعرها وجمعاتو وخرجات نزلات التحت كلسات كتعاود هي وماماها حتى دخل باباها سلمات عليه سولها كيف بقات واطمناتو نزلات ريهام وخوها تعشاو فجو عائلي ومن بعد كل واحد مشا انعس تخشات بلاصتها وهزات الفون صيفطات مسج لمراد وبسرعة تاصل بيها ابيل فيديو ..
مراد: كبيدي توحشتك
كوتر: مخاصمة معااك مشيتي بلا متقولي بسلامة
مراد: بسلامة ههه شيحاجة خرا
كوتر: معنقتكش ومابستكش
مراد: انا بغيت شيحاجة كتر ههه
كوتر: الله امسخك ..قوليا كيف وصلتي وشنو دارو معاك لخدمة مراد: كولشي هو هداك غير لبرد هنا كتر من تماك ..شفت غزال سلمات عليك بزاااف وراه عطيتها نمرتك جديدة باش تهضر معاك كوتر: مزيان ..امتا غاترجع
مراد: غدا عندي اجتماع مهم هو فين غايتقرر مصير حياتي ههه
كوتر: متخلعنيش واش زعما اقدرو اشدوك بزز تبقا معاهوم ولا تعاود دير شي عملية
مراد: كولشي ممكن ولكن متخافيش كولشي غافايت ..شربتي دواء وكيف داز عيد ميلادك
كوتر: باش عرفتيها ياكما ملسق شي كاميرة فدار
مراد: كاميرة سميتها ريهام الله اخلي ليا نسيبتي نعول عليها
كوتر: الله ايسرك ليك كنبغيك ورد عليا شنو دارو معاك
مراد: اوكي ..قطعات وتخشات شادة الفون فيديها دخلات لفايسبوك ديالها كضور لقات باج اسمها #بقلمي ودخلات كضور وتقرا كل واحد شنو كاتب وقفات عند واحد الكاتبة بدات كتقرا وتبتاسم حسات بلي عليها كتهضر بسرعة دارت ليه كوبي كولي وصيفطاتو لمراد ..
حياة بلا أنت هه
! لا يمكن ان توجد اتعلم لماذا ⁉
-لانك هدية الرحمن ، لانك الروح التي تتلاعب بجسدي ،و العينن الذي تمكناني من الرؤية ، البسمة التي تزين ملامحي ، العمر الذي أتمنى ان يطول ، و الحب الذي ارغب أن لا يزول ، الحيااة بحلوها اما المرة فلست موجود فيها ، الدنيا و نعيمها ، لانك كل شئ يسعدني ، كل شئ يضحكني و يبكيني، يفرحني و يحزنني لأنك وتيني، لأنك اللحن الشجي التي يتغنى به جسدي ،لأنك الرجل لن يكرره زمني، لأنك الذاكرة التي لن تنساها اعصاب عقلي ، نصف روحي، و عقلي كله، جزء من قلبي بل قلبي باتمه، لانك غذاء لروحي و انت مأواها.. لانك كل هذه الاشياء واكثر. 💜💖 -تتزاحم العبارات و الكلمات للخروج من عقلي لتدونها اناملي على كتبي لتقرئها، لتضحك أعينك العسلية لها، لاقربك بمدى حبي و عشقي
🌞صباح جديد ..فاق مراد بكري قبل متشرق الشمس دوش وفطر دخل لبيت حل لماريو وجبد لسبة الرسمية تالخدمة تنهد وهو كايشوف فيها لبسها بكل بطئ مشط شعرو اللور وهز سلاحو وخرج كايتتفس بصعوبة وكايحول اقوي راسو باش اتقبل اي حاجة كتسناه ..نزل من طوموببل بخطوات بطيئة ومتوازنة بلباسو لعبارة عن سروال كحل وشوميز كحلة لاسقة فكتافها نجمات خاشيها فسروال وسمطة كحلة وفرجلو صباط كحل طالع كايبري ومونطو كحل قصير خشا ايديه فجيابو ودخل مجرد مشافوه دراري كولشي جا اسلم عليه وكايسولوه على احوالوو وكيف حال لمغرب تفرف معاهوم بستين كشيفة مشا لبيرو عندو لقاه كيف خلاه خاوي بعض من الاشياء لخلا باقا بلاصتها حيد مونطو وكلس فالكورسي مسرح رجليه جبد الفون شعلو وهو واصلو مسج كوتر دخل قراه وهي ترسم ابتسامة عريضة على وجهو جاوبها بكلمة "أحبك" وحطو فوق البيرو وتكا على ايديه كايتسنا وقت الاجتماع سمع دقان قلب وجهو وهو ابان ليه كريم مدخل راسو
مراد: زييد زيييد
كريم: كتبان بحال داك تلميد كايتسنا عقوبة من الاستاذة
هشام: واش نتا ماباغي تقلب على حد فووتني طالع ليا لخراا
مراد: مالك حتى نتا
هشام: مابقيتش حامل هنا بغيت نرجع لمغرب ..غزال كتنكر مابقاتش حملات دار
مراد: كون خليتيها فالخدمة حسن ..
هشام: مورا داكشي لجرا ليها منقدرش
مراد: اجي قوليا كيفاش حتى خرجات من الخدمة بسرعة
هشام: كيف كتعرف لبنات مكايسنيوش معاهوم لكونطرا من الاول حتى كايدوزو سطاج وهي ديك العملية لصيفطوها لينا كانت غا ضمن تدريب وهي كانت كظن بدات حتى بحت ليا كريم وجاب ليا ضواسة ههه
مراد: "شاف فكريم" متشوفش ليا انا شنو اديرو معايا
كريم: نتا حاجة وحدة لمقوداها عليك ..عمرك خصرتي شي مهمة دائما كتنجح فيهوم وعمرك درتي شي غلط يعني صعيب اتخلاو عليك من غير
مراد: من غير اش؟ دوي ..
كريم: توقف قدام شي ترام هههههه
هشام: ههههههه موصيبة هدا والله ههههه ساليتي معايا
مراد: خرج تقود لنعلبوك ازاامل ..بقا كريم مطلعها عليهوم وكل مرة الوح ليهوم نويطة حتى سمعو دقان ..
: مراد تكلم ليهوم فقاعة الاجتماع ..
مراد: وخاا ...دراري هاهو الفون هنا نمشي نشوف مصيري مع هادو ...خرج مراد عاقد حجبانو كايتمشى بكل تقة فالنفس وصل لباب دق جوج مرات ودخل عطا تحية وضار سد الباب كلس فطبلة دائرية كبييرة من الخشب وسطها خريطة العالم على شكل كرة فالجنب الاخر كالسين 4 رجال كولهوم لابسين لبسة وحدة فقط شنو فاكتافهوم لمختلف كل واحد حامل على حساب الرتبة ديالو وكولهوم فسن الاربعين ولكن اللياقة البدينية وصرامة حااضرة بقوة ..كلس مراد وجمع قبضات ايديه مع بعض وهز راسو بكل احترام تقابل معاهوم وكايتسنى المبادرة تالحديث ..نطق واحد مم لكالسين ..
مراد: سمح ليا ولكن انا قبل عطيت استقالتي للقائد يعني انا مابقاتش عندي شي صلة بهنا
شخص آخر: بهاد سهولة تعطي وريقة وتزيد خلفة مع طريق ودير لبغيتي ..القائد محمد ماوافقش على طلبك ..
القائد: مراد قلت ليك فكر ..ولكن من بعد عاود قلت ليك مايمكنش نوافقو على طلبك وبضبط فوقت محتاجينك
مراد: فهموني انا دابا ولات عندي مسؤولية ..منقدرش نخلي مراتي فخطر ونغبر لا انا غانكون مركز لا نتوما غاتستافدو مني ..جيت عند لقائد محمد وبكل ترجي طلبتو اوافق على استقالتي
الشخص تالث: مراد كلنا عندنا اسر وخايفين عليهوم ولكن كايبقا واجب البلاد وسلامتها فوق كولشي ..وهادشي لدرتي تهور وعدم مسؤولية من شخص بكفائاتك
مراد: هادشي لقلتي على راسي وعينية ولكن انا حسيت براسي مابقيش قادر نعطي ..دالك باش فضلت نساحب واكييد غايكون شيحد حسن مني استاهل اكون بلاصتي
لقائد: دير فبالك بلي الفعايل لخرين لدرتي مغاتسلمش من العقوبة ديالهوم وبخصوص استقالتك ..خرج دابا حتى نقررو وغادي نعيطو ليك ولكن وياااك اعاود اقوليك راسك تلعب حيت هاد لمرة مغانتغضاوش كيف لمرة لفات ..
مراد حدر راسو بدون ماينطق احتراماا ليهوم وخوف انو ازيد اكفسها على راسو كتر ..حس بلي لقاضية حامضة ولا باغي غا سلاكة وقف وعطاهوم تحية خرج ومشا لبيرو عندو كايسوط واسب فخاطرو لقا كريم وهشام كايتسناوه
كريم: جاي كتسوط باينة قوديها
مراد: مقودة من زمااان ..شوف كريم الله احفظك شي طيارة الى نازلة لمغرب اجيبو معاهوم كوتر من مراكش الله احفظك
كرريم: اليوم واحد ليكيب غادة لكازا على ود شي اجتماع غايخرجو منهنا مع 12 وغايوصلو مع 6 تالعشية لكازا لهي 3 فالمغرب ..حيد شي ساعة عاد اشدو طريق لمراكش ساعة خرا قول ل 5 تالمغرب اكونو تماك ..
مراد: اوكي شكرا ...شكون لغايرجع معاها فطيارة ؟
كريم: على ما أظن ماغايجي حد من لمغرب يعني هي الطاقم لسايق طيارة
مراد: اوكي ..واحد شوي ونتاصل بيها توجد راسها حيت باقي لحال عندهوم
كريم: نتا غاتبقا هنا معاتمشيش
مراد: نوو غانزل لاصال نتيريني شوي ونطلع غانبقا حتى تجي كوتر باش نتلقى ليها
كريم: اوكي انا نمشي نشوف خدمتي ..خرج كريم وبقا مراد مسرح رجليه فوق لبيرو وشاد ستيلو بايديه كايلعب بيه وشبه كايحسب لوقت وكايخمم ..داز وقت وهو اهز لفون تاصل بكوتر لقاها يلاه فاقت ..
مراد: علا سلامتك مني فقتي
كوتر: واش تصطيتي راه يلاه 9 عندنا نفيق نجني لويزة مثلا
مراد: بيرزو ..قطع مراد ودخل قلب على نمرة طبيبة وتاصل بيها وسولها واش عادي كوتر الى سافرات جاوباتو بنفي وبلي مزيان تبدل لجو باش تنسى ونفسيتها تزيد ترتاح ..قطع وتاصل بابات كوتر عطاه خبر بلي كوتر غاتجي عندو وخا هو راجلها وعندو حق عليها وتاحد مايقدر اتدخل الا واي حاجة كايحاول استأذن من الاب ديالها من باب الاحترام ..سالا ونزل لاصال بدل حوايجو وبدا فلانتريما مدة ساعتين مقطعش رجع كولو عرق وعروق لحمو خارجين وداتو كتفور بسخونية دخل دوش ولبس حوايجو طلع وتاصل طلب لغدا جابوه ليه كلا وسلا وناض كايضور على دراري حتى وصل لبيرو تكريم مالقاهش وسول عليه قالو ليه مشا لمغرب على ود شي خدمة ..رجع لمكتب ديالو وهز لفون تاصل بيه
ريهام: رجووع الله ..وسير هاد لهضرة قولها لشي وحدة خراا انا منلقيش ليك اسيي كرييم ..جرها من دراعها حتى تقابل وجها مع وجهو وبدات كترمش حشمانة وكترعد اول مرة طيح فهاد لموقف زائد لبنية لجسدية ديالو كاتبان كيف نقطة قدامو
طلقات شعرها ارتاح وحتى راسها ..تحركات وقفات قدام زاج كتشوف المباني العالية والاضواء الكتيرة ..خشات ايديها فجيابها اللور وميلات راسها ومركزة بعينيها على كل تفصيل كتحاول تكتاشف المدينة الساحرة دبي ابتاسمات لا شعوريا بالفرحة حيت قدرات تجي وتشوفها وهي كانت كتشوف المشاهير كايجيو ليها ..بقات مدة ساهية على نفس الوقفة متحركاتش حتى حسات بايديه على كرشها وراسو فعنقها
مراد: توحشتك ..توحشتك وااك واااك توحشتك ..ضارت كوتر عندو كان عريان لابس سروال سورفيت كحل وشعرو فازك حنيكاتو حمرين وشفارو باقي فيهوم لما شيء لخلا عينيه المعو بطريقة مثيرة ...حطات ايديه ورا عنقو وتعلات قربات وجها ليه
مراد:"جرها من ايديها" زيدي راه حطيتو ...دخلو كوزينة كانت كبيرة ومجهزة بكولشي وسطها طبلة زاج مربعة بالكراسة قاد مراد كولشي فطباسل وعصير فالكيسان كلسو مقابلين مع بعضهوم
مراد: كتفهمي زعما اجي ترتاحي حطات الفوطة ودخلات حداه فناموسية كبيرة ومربعة بفراش فاللون الرمادي والازرق وحتى لماريو فالرمادي البيت غالب عليه طابع دكوري ..
مراد: منسيتي واالو
كوتر: فين نسييت ..فالمغرب لاا جبت كولشي
مراد: متيقنة
كوتر: وي
مراد:"ضربها لراسها بشوي" نوضي شربي دواء
كوتر: غير تلفت دايراه فبالي ..ناض شرباتو بسرعة ورجعات تخشات وعنقاتو بايديها حطات راسها على صدرو
كوتر: شحال ونتا ساكن فهاد الدار؟
مراد: من نهار تعينت هنا دابا 8سنين
كوتر: واااو بزاااف غاتكون ولفتيها
مراد: اكييد راه كنت كندوز فيها وقت كتر من المغرب ..
كوتر: وبشحال شريتيها
مراد: ماشريتهاش هادشي على حساب الخدمة هوما كيأمنو ليك سكن فالمكان لمناسبهوم
كوتر: هاا فهمت وهشام وغزال فين ساكنين
مراد: مابعادش بزااف منهنا وحتى كريم دارو قريبة ..مابغاوش اجمعونا فعمارة وحدة باش مايشكوش جيران واعرفونا فاش خدامين
كوتر: فهمت ..عمرك جبتي شيحد لهنا
مراد: بحالاش هاد لحد ولا الاثنين الى كنتي كتهضري على لبنات ..مستحيل راه وراقي وشحال من حاجة كاينة هنا ..الى بغينا نزهاو وندوزو وقت كنمشيو الاوطيل نقديو لغراض وكل واحد اشد طريقو
كوتر: همم مزيان
مراد: شي سؤال آخر ؟
كوتر: امتا غانرجعو لمغرب
مراد:"باسها فراسها" حبيبة نعسي ارتاحي انا غدا عندي لخدمة مع 6 صباح
أنين العشق الجزء العاشر
محتوى القصة
التنقل بين الأجزاء