مراد وفاتي كالسين فطبلة جنب بيسين وجا عندهوم أمين بعد مطلع بدل حوايجو ..كلس معاهوم وهي ضور فاتي وجها خايفة تشوفيه ..طلب أمين لفطور عمرو ليهوم طبلة وبدا أمين كياكل اما مراد خدا قهوة وفاتي كتشرب عصير ..بعد مدة قصيرة وقف عليهوم زهير فكاامل اناقتو لابس دجين وشوميز فالغري لاسقة على عضلاتو وسبرديلة بيضة كتشعل ..مرجع شعرو اللور ووجهو منفوخ بضرب لعطاه أمين ..ريحتو الرجولية عاطية ..علات عينيها فاتي فيه وشافيها من بين شفارو وعويناتو الخضرين لضاربة فيهوم الشمس ..ابتاسم ليها وهي تقلب وجها بزربة ...
زهير:"جر كورسي وكلس" بصحة الفطور ...
مراد: فطر نتا لباقي بجوع
زهير:هااانيااا ..صبرنا لضرب مانصبرو لجوع ..
أمين: خشي فوجهك ..
زهير:"شاف فمراد" متعارفناش ..
مراد: هههه انا مراد خوت هاد جوج
زهير: كيفاش ..انا فراسي كاين أمين وفاتي صافي
مراد: ماشي بضروري جامعانا الكنية ولا دم ..مهم خوهوم
زهير: مشرفين ...
مراد: نتمنى تستاهل هاد الشرف لعطيناك "غمزو" أمين انا غانمشي فحالي ..تهلا فراسك فاتي في أمان الله بيناتنا الفون
فاتي: ..منطقاتش فقط ابتاسمات ليه وعينيها كايطلبوه ابقا ...
خدا زهير طبسيل عمرو وحدر راسو كاياكل ومرة مرة اخطف شوفة ففاتي وهي كتقلب وجها وتعصر ايديها بتوثر ..
أمين:"سالا وتكا على لكورسي كايشوف فزهير مقوس حجبانو" شفتك مأنتك منين جاوك لحوايج ..على علمنا جيتي طويل
فاتي:منيين ..د دخلتي .."خنزرات وزاد فنبرة صوتها" شكووون عطاك لحق تدخل لعندي ..كان زهير واقف كايشوف فيها وابتسامة ساحرة على فمو لابس شورط والفوق عريان ..وكلاكيطة صبع فرجليه وشعرو كايبري بالماء مرجعو اللور ووخا وجهو عامر كدمات مخفاوش وسامتو ..قرب منها ..
زهير: بصراحة شيطان لجابني ..بصدفة سمعت هضرة حليت الباب وانا لقا شومبر لقدامي محلول ..والحب ديالي عاطياني بظهر كتهضر فالفون وهوما كايحطو ليك لعشا ..مقدرتش نصبر خليتهوم حتى خرجو وبمهاراتي والخفة لقفت الباب قبل مايتسد
فاتي: هاد لهضرة مسوقيش فيها ..خرج فحااالك والله وشافك أمين حتى اقتلك ..
زهير: ومن الحب ماقتل .."قرب ليها بزااف حتى لسق معاها وريحت جيل دوش عاطيا من لحمو سقلات حادرة عينيها وبضبط كتشوف لزابدو والوشمة لفجنب كرشو طالعة مع تحت كتفو ..
زهير: عجباتك ..نزل شد فيديها وهزها بالعرض البطئ وحطها على الوشمة واليد الخرا هز ليها وجها وركز شوفة فعينيها ..بدا كايحرك ايديه لفوق اليد لعلى الوشمة بالعرض البطئ ..كايحرك بؤبؤة عينو يمين وشمال شي لخلاها تبعو فنفس الحركة ..خلا الوشمة وجر ايديها حطها على ليزابدو حتى تبورشات ابتاسم بجنب فمو وبقا كايقرب كايقرب حط شفايفو على شفايفها ..فاتي غمضات عينيها فاشلة ..حل فمو ببطئ وشفايفها تابعينو عاود سدهوم ومع كل حركة كايحرك فيها شفايفو كايقود شفايفها لكانو ملاسقين ..بعد وجهو شوي علا عينو فيها كانت مغمضة عينيها وابتسامة واضحة على ملامحها ..طلق من ايديها وشدها من خدودخا ورجع لشفايفها قبلها قبلة حنينة بطيئة ...بعد راسو وباسها فراسها عاد حلات عينيها شافت فيه حشمات ومارضاتش ..
زهير: هادي اول قبلة ليك ...كانت معايا ..مع الشخص لغايبقا معاك حياتو كاملة ..مع شخص غايعيش باش افرحك ..وعمري نخلي شيحد اقلقك
فاتي:لارد
زهير:كنقسم بالله ..حتى بغيتك من نهار اللول ولكن لهضرة لسمعت من بنت خالتي هي لخلاتني نكدب مشاعري ..ضحكتك كانت كتنسيني فكولشي ..فاش كنكون معاك كنسى لاش انا تقربت منك ..كانزيد نتقرب منك باش انا نفرح ماشي باش نخليك تعلقي بيا ..كنبغيك افاتي
فاتي:"ساكتة كتسمع ليه ولحمها كتشوك من كل كلمة كايقولها ..فمها تشلل مقادراش تجاوبو او تعاتبو ..
زهير:بغيتك غير ترجعي تيقي فيا وتعطيني فرصة ..ماتخافيش من خوك انا غانتكلف ..
فاتي كلمة خوها ركبات فيها الرعب ..رجعات جوج خطوات اللور ومشات لباب حلاتو وحدرات راسها مكتشوفش فيه ..هو فهم قصدها وتم خارج حتى قرب ليها ووقف كايشوف فيها
زهير: تصبحي على خير احبيبة ..خرج وهي تسد الباب بزربة ومشات كتجري دخلات ادوش وقفات قدام لمراية كتغسل وجها وتنفس بجهد ...علات عينيها فالمراية ودمعو عينيها ...فاتي بنت منصور الله ارحمو واخت أمين منصور ..المال والجمال ..النفود والشخصية القوية ..الف وحدة تمنى تكون بلاصتها ..فعمر 25عام ..جربات إحساس القبلة ..حسات براسها ضعيفة ..بحركة بسيطة قدرات تستسلم ليه ..عاود حدرات راسها كتغسل وجها بعدات حيدات حوايجها ودخلات تحت رشاشة كتخوي عليها لما مغمضة عينيها وكتفكر فاش شافتو واقف جسمو المنحوت ..الوشمة لشادة جنب كرشو كامل ومقدراتش تفرز شنو فيها..حسات بقلبها رجع كايضرب بجهد ..رجعات لواقع كملات دوش وخرجات لبسات سوميز خفيف نشفات شعرها وتخشات عنقات مخدة ونعسات ...
===>..دازو تلاثة أيام ..كوتر كل نهار كتمشي لدارهوم كايوجدو لخطبة ..كولشي متول وحتى حاجة مناقسة فرشة صالون بفراش جديد وراقي ..وجدو حلوة ..وقائمة بالمؤكولات لغايحطو نهار الخطبة ..فاتي من نهار لواقعة كتفادى تبقا فالاوطيل ورجعات كتبات عند خوها أمين حتى نهار وصل مسج من زهير بلي رجع لكازا ..متسوقاتش وكتلهي الوقت مع البنات وكتخرج بزاف مع بسمة عاودات ليها تاهي كولشي ..وصل نهار قبل نهار الخطبة ..كانت الجمعة ريهام قارية غير صباح ..جات لقات كوتر فدار كتسناها ..جات حتى فاتي وخرجو بتلاثة فاتي مشات جابت بسمة وكوتر دازت على هداية وغفران ومشاو لسونطر بيوتي فوسط المدينة معرووف وكبيير بزاااف ..دخلو استقبلوهوم حيت الحجز باسم فاتي منصور ..كولشي ضارب ليها لحساب ..خلطات عليهوم ريما متقلة بكرشها وسخفانة
بسمة: ناري يا ريماا وليتي كيف شي قنبولة ..
ريما:بعدي لانفاجر على مك ..
غفران: هههه مابقا ليك وااالوو
ريما: فينها إيناس فين خليتيها
غفران: ديتها عند ماما ..جاتني فرصة نضور بحالتي راه من قبل لحمالة وانا هاملة راسي
كوتر: سبحان الله ريهام عكسو ..كولشي باغا ديرو وغير كتريطا من بلاصة لبلاصة ههه
مراد: هو صافي دار عقلوو ..ودخلاتو المسؤولية ههه
كوتر: غدا غايتقداو ليه هههه حبيبي كايعيطو ليا بيزو كنبغيك ...قطعات وناضت توضات صلاة ونزلات لقات كولشي مجموع كايضحكو ناشطين شادين فريهام وحتى هي كتجاوبهوم وصل لعشا تعشاو ومن بعد تشتتو انعسو بكري باش افيقو بكري ....
🌞...صبح صباح ..الوحيدة فايقة كتحرك هي مامات كوتر ..كضور فدار وتقاد شحال من حاجة ..اي ام كتكون فرحانة كتر من بناتها ..كتبغي كولشي اكون متول وماتكون تاحاجة ناقصة وصلات 9 فاقت كوتر ومن بعدها فاقو خلاتها وجدة ..وجدو الفطور عاد نزلات ريهام مشعككة لابسة بيجامة مقزبة ومخسرة وجها ...
كوتر: دغيا فطري ازمرة راه تابعنا شحال من حاجة ..
ريهام: صبريي ناكل ..وانرتاح
كوتر: ترتاحي بايتة كتهزي الرملة ..
ريهام: بايتة كنحلم شي احلام خايبة سخفت ...
كوتر: الله استر ..مهم دركينا ...(طن...طن) شكون لجاي ...
بقاو كابشوفو جهة الدخلة تالكوزينة حتى وقف عليهوم مراد لابس سورفيت كحلة وكاسكيط على راسو وهاز بلاستيكات عامرين ...
مراد: صباااح نوور ..تسالم مع كوتر وريهام وماماهوم
الام: مرحباا بيك اولدي ..لاش معدب راسك
مراد: لاتقوليش هكااك اخالتي ..ريهام مالك مخسرة وجهك
كوتر: فايقة سخفانة ...كانت كتلعب لمراطون
الام: كلس اولدي تفطر
مراد: نووو فطرت الواليدة غاتخليني نخرج بلا منفطر ههه
الام: كون غير جبتيها من دابا ضل معاناا ..
مراد:غاتجي بكريي غير تهناي ..ريهام سمعينا صوتك
ريهام: روووووورووووووووي روووووورووووي ..
مراد: سكتي شكتيي ...صوتك اهرب الملايكة ..."غمز كوتر" ...خرج من كوزينة وطلع مع دروج مخبي من ناس لكتار وطلع دخل لبيت كوتر تبعاتو وسدات مع ضورة قنتها مع الحيط وهبط كايبوس فعنقها واطلع لوجها اخلطو كاامل بوسان وهي كضحك وتلوى ..مطلقها حتى عنكشها ..
كوتر: هاهوووووماا ...زيدو البنااات نزلو .."شافت فريهام"نتي بقاي هنا متحركي حتى نجي عندك ...
ريهام: غير سيرووو غاتبقا معايا إكرام ..نزلو البنات وققات كوتر مع الام ديالها فالباب وباباها ومراد فالجهة الاخرى ..سبقات ام كريم مرأة آية فالجمال وخا كبيرة الحروف باقي واضحين ..لابسة تكشيطة راقية وشال فوق راسها وابتسامة على وجها ..كريم من وراها هاز بوكي الورد لابس كوستيم فالكحل كامل وشعرو مرجعو اللور واللحية مطراسية ومع عينيه الخضرين بان غزال ..عاد دخلو جوج بنات لابسين قفاطن وطالقين شعرهوم وحدة كتشبه لكريم بزااف ..المرأة خرا كبيرة شوي عاد تلاثة ترجال فقياس كريم وسامتهوم سابقاهوم ..عاد دخل هشام وغزال وتبعوهوم رجال هازين صنادق صغار منبتين بالحجر ومزوقين بالنحاس معطيين دخلوهوم وحطوهوم وسط دار ..بداو زغاريت وصلاة عالنبي كلسو كايرحبو بيهوم ...وكريم كايخطف شوفات اشوف واش تبان ليه ريهام ..كلسو وبدا تعارف وتحطو صواني تآتاي وطباسل كبار تالحلوة مشكلة ..كريم حادر راسوو مرة مرة اجاوب شيحد الى هضر معاه ..جبد الفون ديالو كايشوف فيه ..بقا شادو وكاس على اعصابو ..حتى وقف وكولشي شاف فيه تحرج وتزير ..
كريم: نجاوب على واحد الاتصال ..قالها وخرج زربان ..خلا مراد وهشام ميتين عليه بالضحك ..قرب للباب دار وعينيه على الفون حل لباب وخرج وضار جهة اليمين وبقا غادي وعينيه على الفون حتى وقف وعلا عينيه ...لقاها قدامو بقفطانها وشعرها نازل على ظهرها ..وخا عاطياه بظهر عرفها كايشوف خيال قدامها ميل راسو بشوي بان ليه شاب واقف قدامها ..زير على الفك ديالو وقوس حجبانو ..
كريم:"بالغوات" ريهااااااام ...
كريم: ريهااااااام ..ضارت ريهام بالخلعة وجها صفر بقات كتشوفيه وهو مركز بعينيه على الشخص لتوضح ليه مزيان ...بدا كايقرب وهي ميتة خلعة وواقفة مسمسرة فبلاصتها بقفطانها وشعرها لمسبس وريحتها ...وصلها وتخطاها ومشا وقف مقابل مع الولد ..
كريم: شكون نتااا ..."غوت" شكوووون نطق ..
: برد اصاحبي ونتا وجاي شاعل ..كريم هز ايديه على شكل قبضة باغي انزلها ليه لوجهو حبسو صوت ريهام من وراه
ريهام: لاااا عفاااااك ..."قربت هازة جلايلها" بلا متعصب ..ومايمشيش بالك بعيد
كريم: "خنزر فيها طلعها وهبطها" وشنو هادشي اشريفة خارجة وخاليا ناس ومقنتة مع ولد فظلام
ريهام: الله اديك واجيبك على خير ..باسها جنب فمها وخرجو رجعو كلسو مع كولشي كايضحكو حتى وصل الوقت وناضو خرجو ومن بعد مشاو واليدين مراد ..والبنات حتى هوما خرجو ومشات معاهوم إكرام وصلوها خوات دار وبقاو المقربين ..كوتر وقفات باب صالون ونسلات شال قدام كولشي ..ونزل شعرها الفضي كايبري على ظهرها بتقطيعة على شكل V حد ترمتها والقصيصية من القدام حد حجبانها ..كايبري ورجع رطب كتر من الاول ..كولشي شاف فيها ومراد فيكسا عينيه ...
ضورها وهزها من بيديه وطلع بيها ديريكت لبيت نعاس وهي كضحك عاجبها لحال ولقصيصة نازلة على وجها ..ومع لحنيكات كضحك كايتسدو عينيها ومراد مقابلها بشهوة ومايبتاسم تاهو ...
🌞....اشرقت شمس نهار جديد ..فاقت كوتر عيانة مدكدة ولحمها نص حمر ونص زرق ..تكات على ظهرها عريانة مغطية بايزار بيض ..وهو حداها ناعس على كرشو وخاشي وجهو فالمخدة لابس شورط والفوق عريان ...بقات مركزة كتشوف فسقف وكتفكر السفر والرحيل ..مدينة جديدة وناس جداد ..واش غاتقدر تولف ولالا ..غاتعاود تكون عش زوجي جديد ..بقات مدة طويلة على نفس لحال حتى تحرك مراد ولاح ايديه عليها تقلبات لعندو ..وهو اشوفيها من بين شفارو وشعرو مخربق ...حطات ايديها على حنكو وقربات باستو فشفايفو كايصبحو منفوخين بنعاس ...
كوتر:"بصوت خافت" بليييز حبيبة شوف لينا بارطما فطنجة وتكون وسط لمدينة ..مابغيت فيلا ..نسكن فعمارة نصبح ونمسي على صوت ناس وشي خارج وشي داخل نطل من سرجم ونشوق الطوموبيلات ..عفاااك
بعد مدوشو وصلاو نزلات كوتر وجدات لفطور بزربة ونزل مراد فطر من بعد طلعات لبسات كسوة طويلة مفتوحة من القدام ..وجمعات شعرها ولبسات شال هزات صاكها ونزلات بزربة كان مراد كايتسناها ...خرجات هي وياها حطها فدار ومشا هو الخدمة ..دخلات كتعيط لقات ماماها فالكوزينة ...
كوتر: صباح نور ..
الام: اهلا ..كيف صبحتو ..
كوتر: بخيير ونتي كيف درتي مع روينة لبقات ..
الام: لالا ..دوك لجاو من الاوطيل مامشاو حتى خلاو دار كتشعل ..بحالا مكان والوو حتى من لماكلة لشاطت جمعوها فتلاجة
ريما: ههه غادية جاياي ..عييت انمشي نكلس مع خالتي وريهام ونتي تكلفي ارحم لواليدين رجليا تنفخو مابقيتش قادرة ..آدم سير الجردة الى بغيت تلعب غير بعد على لابيسين اخويا ..
كلسو مجمعين ..وكوتر مرة تجي توقف عليهوم مرة تشوف واش كولشي هو هداك ..جات فاتي والبنات ..وشدات فاتي على كوتر جات مامات مراد وخوتو ..قرب وقت الغدا ..جا أمين ومراد ..عاد جاو طوموبيلات كتار ..طلات كوتر من شرجم على لباب ...
كوتر: هاهوما جااو ..
أمين: نووض امراد نستقبلو الناس ..وقفو ومشاو حلو الباب وخرجو نزلو جوج درجات لفسحة لكبيرة فين وقفو طوموبيلات ..نزل كريم ومشا حل لباب لمو شد فيها وجاي بضحكة كيف ديما ومن وراه عائلتو وهشام وغزال ...
مراد: مرحبا بالعريس .."باس يد ماماه" مرحبا بالحاجة نورتينا
الحاجة: ترحب بيك الجنة اولدي
أمين:مرحباااا بيكوم "باس يديها" انا أمين صاحب مراد وكريم
الحاجة: ربي اخليك اولدي والله اكبر بيك شكرا على العراضة
أمين: دار داركوم .دخلوو ..دخلو وجاو العيلات لكبار استقبلو مامات كريم ..كلسو ودخلو الجميع كايتسالمو ..وصل كريم لعند ريهام وبقا واقف حداها ..رجعو حناكها حمرين حشمانة مكتهضرش وغير كتبتاسم ..انفاردو رجال فصالة والعيالات بوحدهوم وكلسو لبنات مع بعضهوم ...كايهضرو واضحكو حتى ولفو على بعضهوم
مراد: "نفخ ليها على شعرها" وهو صراحة شي اوقات كتكوني فرااعة ..ولكن فريعك حلووو ..
كوتر: صافي طلعت ليك فرااسك ..
مراد:"وقف هازها بين دراعو" وحتى دابا فرعتي ليا راسي زيدي تنعسي راه حبيبك هاد الايام راسو كايضور كيف مولينيكس ...
كوتر: نزلنيييي ...طلع بيها دروج كاملين وهي كتركل بلعاني بين يديه ..اما عاجباها الهزة وكايعجبها تغبن وتبوحط عليه مرة مرة ...دخل لاحها فوق ناموسية حتى تقصحات فظهرها وغوتات ...نزل عليها مسند بيده
مراد: عرفتي هاد لون لدرتي ومع نتي سمرة ..شبهتي ليا لريهانا
نزل عليها مراد بالبوسان ..كايزير على ايدها وهي كتبعد وجها وشعرها تخربق ..ومراد كاتزيد رغبتو فيها ..وانتاقل من البوسان ...لتحياد الحوايج وغرق فممراسة حنينة ...خلاها تنعس بابتسامة على شفايفها وحنيكاتها حمرين ...
...دازو أيام قليلة كوتر كتحاول تشبع من واليديها وصحاباتها ..كتستاغل اي وقت فين تمشي عند كل واحد تكلس معاه شوي ..وترجع لدارها تبقا كالسة كتفكر ..رجع لتفكيرها لموضوع لديما كتحاول تفداه ...كتقول كون حملات كون راه ولدات ليونسها واعمر عليها ...ليدير ليها الحس وسط دار ..هاد المشكيل ديما كتهرب انها تفكر فيه او تجبدو ..وحتى مراد عمرو لمح ليها ..بلعكس كايتعامل معاها عادي ..ولكن هي لاا هي لوقتما مشات عند غفران كتبقا تشوف فيها وقلبها كايتقطع ..وقتما شافت كريشة ريما ..كتقطع من لداخل ..وعمرها بينات لشيحد جرها لعميق ..لكل نهار كاينزف ببطئ ..شحال من مرة فكرات تمشي تشوف طبيبة خرا ..ولكن خوفها من انها تسمع شي خبر ازيد على مابيها كايخليها تراجع وتكمدها فقلبها وتبقا دعي فكل سجود ...وقتما انفاردات براسها كتدخل الانترنيت وتزيد تقرا وتبحث على مشكيلتها ..شنو لمعطل عليها لحمالة ...كتبقا تفكر حتى كاينزلو دموع سخان على خدها وتمسحهوم ..وفاش اجي مراد كتستقبلو بابتسامة بحالا مكاين والوو ..
كيف كل ليلة سمعات صوت الباب وهي تنوض باش تستقبل حبيبها ..شافت بواطة فيديه ..قربات سلمات عليه وعطاها ليها ..
مراد: هاكي ..بصحتك
كوتر:" كتشوف فبواطبة ..كحلة ومرشوشة بدهبي مافيها حتى كتابة ..فقط شريط فالحمر فجنب " شنو هادشي
مراد:زيدي كلسي حليها وتعرفي ..سبقاتو كتحرك فيها بشوي كلسو وحطاتها فوق فخاضها كتحل فيها بشوي ..فتحات وهي تصدم ..كانت عامرة بطبقات من شكلاط منظرو كايشهي وتصميمو راقي ...وريحتو وصلات نيفها ..
كوتر: الله ياربيي ..منين شريتيه هادشي غزاااال
مراد:مشريتوش ..واحد السيد كان بيني وبينو شي خدمة ليوم جا عندي زيارة ..وجابو ليا ..وقاليا من سويسرا ..
طبيبة:ولاد ..تبارك الله اترباو فعزكوم ..مشات طبيبة ودار أمين عنق مراد وراجل غفران بالفرحة عنق حتى نسيبتو وهزها من الارض هي دموع لفرحة مغطيين وجها ..كولشي بارك ليه فرحااان معاه ..كلس كايتسنا حتى نقلوها لغرفة خرا ولبسوها عاد دخلو عندها طار عليها أمين كايعنق وابوس ليها راسها وايديها وهي كضحك وباين عليها تعب ...باركو ليها كاملين ..سمعو لباب تحل داخلين جوج فرمليات جارين وليدات فناموشيات ..غاسلين ليهوم وملبسينهوم لبيسات فالبيض قرب ليهوم أمين وايديه كايترعدو احساس جامي جربو فحياتو ..نزل باس ليهوم راسهوم بجوج وبقا كايشوف وعلى شوي كان غايبكي غير قوة راسو ..قرب ليهوم اب ريما وكبر ليهوم فودنيهوم ..بعد ما كولشي اطمئن عليها وعلى لبيبي خرجو وخلاوها مع أمين ..تسد لباب وقرب شدها من حناكها ونزل لشفايفها قبل بحراااارة ..كايبعد واعاود انزل اقبلها وهي كضحك فاشلة وسخفانة ..
أمين: متصوريش فرحتي قدااش ..عطيتيني جوج فدقة وحدة
ريما: سخفوني فالولادة ..كنزحم ولد الاول وبدات طبيبة كتقوليا متحبسييش زيدي زحمي ..وانا مابقاش عندي جهد كنشوفيها مفاهمة والوو ..حتى قالت ليا باقي واحد آخر ..معرفتش منين جاتني لقوة باش بديت كنتعصر ..
...دوجوغ دوزات ريما فالكلينيك حتى ولات بخير كتقدر توقف وتمشى عادي ..كانت تحت عناية مركزة من طرف طبيبة لكانت من اشهر اطباء التوليد فمراكش ..فاقت فصباح لقات أمين عند راسها وليداتها فجنبها شافت فيه بابتسامة نزل قبل راسها
فاتي: واش تصطيتي ههه عدابهوم راحة ..."جبدات بواطة صغيرة من بوشيط وحلاتها" كادو ديال كبيداتي ...جبدات جوج كورميط دهب الابيض بنفس الستيل ..ومحفورة عليهوم اسم كل واحد من توينز ولبساتهوم ليهوم ..
أمين: داكشي باش خليتك منك ليها الى قدرتي تكسبها مانزيدك لخير والاحسان ..
زهير: نتا مقريها مدير ..شيباتني ندمت على نهار لفكرت نكدب عليها
أمين: سوقك هدا ههه "تسالم معاه زهير ومشا "
ريما: شكون هدا
أمين: هدا يالالا كايبغي فاتي ..فالاول كدب عليها وكان باغي ادوز بيها لوقت
ريما: مفهمتش
أمين: حتى لمن بعد ونفهمك ههه..زهير وقف كايقلب بعينيه على فاتي مبانتش ليه توجه لفيلا دخل بان ليه واحد من سربايا ووقفو
زهير: مبانتش ليك مدموزيل فاتي
: وي راه لداخل فلاكويزين ..خلاه ومشا تبع سربايا منين كايجيو حتى وصل ووقف فالباب كانت عاطياه بظهر معصبة وكتغوت على سرابا وكتعطيهوم آوامر ..ضارت خارجة وهي تلقاه ووقفات مخنزرة
زهير: لافاش كيري صافي .."باسها فحنكها" حبيبتي نتي ..عطاها طريق دغيا سلتات وخرجات كتقاد شعرها مشات ديريكت لطواليط قادات عكرها وكتبتاسم قدام لمراية ..خرجات ديريكت كلسات بين البنات بقاو كايضحكو عليها ودارو ليها استنطاق ..قربات تسالي سهرة ووقف أمين وبجنبو ريما ..توينز طلعوهوم لمربيات ..شدها من خصرها وعطا إشارة توقف الموسيقى ..كولشي الانظار توجهات ليهوم ..
أمين:"شد ميكرو" ..كنشكرو اي واحد حضر ليوم باش اشارك معانا فرحتنا ..اليوم بغيت نبلغكوم بشخص جديد ضمن اعمال منصور ..مرتي "شافيها" مدام ريما منصور صاحبة 63% من اسهم اوطيل *** فطنجة ..تسمع صوت الحظور "مبروك" "سعداتها" "باقي صغير" "63% كاملة" ..ريما باقي مصدومة مامتيقاش شنو كتسمع كتشوف فأمين وهو كايبتاسم ليها ..
مراد: وبركة اكوتر ..سيمانة وحنا كنهضرو فهادشي ..ومكنتش غانخليك تمشي توادعي مع حد باش متبقاي عاطياها لدموع
كوتر:"كتشهق" ليوم غانشميو ..معرفت علاااش هاد تجرجير كامل
مراد: وصافي بلاش كل دقيقة نفس الموال .."شدها من حناكها" انا معاااك ..ياك انا حبيبك
كوتر: ايه
مراد: اوا صافي ..فكري بحالا مسافرين غاندوزو عطلة ونرجعو ان شاء الله
كوتر: عطلة مفتوحة هادي ..
مراد: وي الحب "باسها فشفايفها" يلاه دغيا جمعي شنو باقي غانشدو طريق مع 9 و6 هادي
كوتر: جمعت كولشي ..بغيت غير نرتاح شوي فقت بكري
مراد:"جرها من ايديها" زيدي نعسو باش تبقاي سهرانة تونسيني فطريق ..طلعو بجوج تكا وخشاها فحضنو كايلعب فشعرها حتى نعسات بقا شحال كايشوف فيها ..قبلها جنب فمها "على ودك هادشي كامل" ..زير عليها ونعس حتى هو ...
فاقو على صوت رنات الهاتف ..دخلو توضاو وصلاو لبسات كوتر سورفيت طويلة ونايك وشال ..ومراد تاهو سرفيت وكاسكيط هزات سكادو ونزلو كتشوف فدار ..نظرات وداع خرجو وسد مراد الباب ..ركبو فلومبرغيني فالكحل زاج فيمي ..وخرجو شدو طريق طلقات كوتر لموسيقى باش تلهي لوقت ...بعد 4سوايع وقفو فقنيطرة نزلو قدام ريسطو تعشاو وارتاحو ..ورجعو شدو طريق ..كوتر غفات ..بقا مراد شاد طريق وكل مرة ازيد فسرعة وعاود انقس ..حتى دخل على مدينة طنجة ..نزل شوي من زاج دخل نسيم بااارد من الهواء تصباح ..خيوط الضوء بداو كايبانو شوارع شبه خاوية ...ونقية ..ضواو باقي شاعلين ..مد ايديه مراد لكوتر حركها بشوي
مراد:كوتر ..الحب فيقي ..فيقي شوفي طنجة
كوتر"كتحك عينيها" وصلنا .."علات راسها" صبح صباح
مراد: المرا لعولنا عليها تونسني..نعستي وخليتيني
كوتر:"كتشوف من زاج" زوينة طنجة ..اول مرة نجي ليها ..
مراد:قلت ليك غاتعجبك ...
كوتر: ستيلها فشكل ..شوف لعمارات كيف مبنين
مراد: بحال اسبانيا ..باقي احبيبة نخرجك ونوريك كل شبر فيها
كوتر: ان شاء الله ...بقاو غاديين فشوارع وتعمد مراد اطول طريق واخليها تمنظر على راحتها ..حتى وقف طوموبيل جنب باب العمارة ..نزلو بجوج ..هزات سكادو فيديها وقربات حدا مراد ..معليا عينيها كتشوف فالعمارة ..وتهندس بعينيها
كوتر:تاصل نتا بخالتي ...دوزات هي نمرة ماماها ومراد نمرة مو ..هضرو معاهوم وتبادلو الفون كل واحد هضر مع الاخر ..من بعد قطعوو ..
كوتر: عرفتي شنو غانديرو دابا اشريف
مراد:شنوو الحاجة؟
كوتر: غانمشيو ..نشوفو لفراش لداار وشنو ناقصنا
مراد:"حط راسو بين ايديه" كون غير شفتي من الانترنيت ..راه كنكره دوران وتقلاب
كوتر؛ لااااا برجلينا نشوفو كولشي ...
مراد: ربي معايااا ..يلاه منين نبداو
كوتر: شوف فالانترنيت شي محل كايبيع الاثات كامل ..نشوفو عندو كولشي
مراد: وخااا صبريي ...هز الفون كايقلب من بعد وراها محل كبير عجبها وناضو شدو طريق ..دخلو استقبلهوم شاب فالعشرينيات ..بداو كايضورو حتى عيا مراد وكلس ..وخلا كوتر باقي كتقلب ...من بعد جات عندو .
كوتر: صافي ..نوضي نوريك اش عجبني ..شدات فيديه وداتو لبلاصة فيها اثات المطبخ ..ختارت كوزينة كاملة فالبوردو
مراد: هادشي بايخصو وقت فاش انستاليو كولشي
كوتر: اجيو غدا صباح واركبوه ..عجباتني بزااااف ومع كوزينة مصبوغة بالبيض غايجيو مزيونين العايل
مراد: تعلمتي هههه
كوتر: اجي نوريك ..عجبني هاد صالون كلاسيكي ..
مراد: ناوية تعيشي حياتك كاملة فطنجة
كوتر: علاش
مراد:هادشي راه غالي بزاااف ..وحنا اكيد غايجي نهار نرجعو
كوتر: وياك دار شريتيها
مراد: اييه شريتها ..وتاهي خسرت ليها زبالة تالفلوس
كوتر: اوا صافي ..تبقا وقتما رشقات لينا نجيو نكلسو هنا
مراد:"شدها من ودنيها حتى غوتات" باقي زايدة فيه ..شنو كياكلك دابا نبردو ليك هضري
كوتر:"نزلو دموعها شلال" مابقيتش حملت نبقا بوحدي ..غانتسطى ولا توقع ليا شيحاجة "كتشهق" جايبني هنا مكنعرف حد نتا تخرج ونبقا انا كيف لهبيلة من قنت لقنت ..
مراد تصدم من حالتها لتقلبات دغيا طلق من ودنيها وجرها لصدرو وحاوطها بدراعو
مراد: شووو غير ضحكت معااك ..خرجي احبيبة فينما عجبك غير كانخاف عليك
كوتر: نخرج بوحدي ..علاش انا حتى لامتا غانبقا بوحدي
مراد: صافيي احبيبة ..غانبقا معااك الخدمة مغانمشبش ليها غير بقاي ليا على راحتك ..وسكتي ونتي دموعك رجعو على سبة
كوتر:لارد ..كتشهق وتبكي بحال شي بنية صغيرة ..خرجات كاع لكانت حابسة ..بقا معنقها كايطبطب عليها حتى تهدنات تكا على ظهرو ونعسها فوق صدرو كالعب فشعرها وفالقصيصة حتى حس بيها تهدنات طل عليها لقاها نعسات وباسها فراسها..
مراد: كون بيدي شيحاجة ..منخليكش هكا ..يااربي يسر ولا تعسر ...
دااازت أيام كتيرة ..ومراد فجنب كوتر ماكيفرقهاش حتى دقيقة ..دار تفرشات وتقدات ..خرجو شراو لوازم كاملة ولشيرات عليها بايديها كياخدها ليها ...كل نهار كايخرجها اتساراو واعرفها على المدينة ..عمرو باقي غوت عليها وشاد ليها لخاطر كتر من لقياس ..حتى حس بيها بدات كتأقلم مع الجو جديد ..وكتولف لمدينة ..ولاحظ بلي مابقاتش كتدكر رجعة لمراكش ...
اليوم ..فاقت كوتر بكري خلات مراد باقي ناعس تسلتات دخلات لدوش غسلات خرجات لبسات سورفيت طويلة وسبرديلة هزات صاك وكونطاكت طوموبيل قدات ريدويات باش مايدخلش الشعا ...وخرجت على صباع رجليها نزلات وبزربة ركبات وجبدات الفون تابعا جيبي ايس ..حتى وقفات فالمكان علاش كتقلب ...نزلات بزربة ودخلات لباتيسري كبير وراقي وهو لوحيد كايحل فوقت مبكر ..دخلات ووقفات ..
كوتر: سلام
: صباح الخير اش خب لخاطر
كوتر: بليز بغيت حلوة عيد ميلاد ..وبغيتها ليوم
:اييه مرحباا "عطاها كاطالوغ" تفضلي شوفي شني عجبك والا كان عاندك شي حاجة سبيسيال مرحبا
كوتر: "كتبات ليه لعنوان" بلييييز فاش تأذن العشاء" من بعدها ب 15 دقيقة جيبها ليا ..بليز متنقس متزيد ..باغيا نفاجئو ومعنديش شي وقت من غير فاش كايمشي لجامع ..
: صافي كون هانيا ..الوقت لقلتيلي تجبري الكاطو عندك
كوتر: أكيييد ومؤكد انا وياك الحب ....سلاو غداهوم وناضو جمعو دار كاملة فجو من ضحك طالقين مزيكا وكايشطحو ..وصلات لعشية ولبسو خرجو ....
دازو أيام على نفس لحال بين مراد وكوتر ولا شئ كايعكر مزاجهوم او كايبرزطهوم ..معظم الاوقات برا دار ..بلغ أمين مراد بلي دوجوغ وغايجيو عندهوم باش ريما تشوف الاوطيل وبلغو بلي خاصو اوقف على لخدمة واكوم بديل ليهوم فالاوطيل قالها لكوتر ورجعات تاني كتعصب على والوو ورجعات فكرة رجوع لمراكش على لسانها ...وصل نهار لغايجيو فيه امين وريما فاقت كوتر وجدات الفطور وكايتسناوهوم حتى سمعو صونيط فالباب ...حل مراد لقاهوم واقفين وكل واحد هاز فيديو واحد من توينز ..
مراد: زااارتنا لبركة "شد من عندو عيسى" البطل ..دخلو واستقبلاتهوم كوتر لابسة كسوة فالبلو مارين بالكميمات طويلة حتى التحت وشال مورد
كوتر:"عنقات ريما" تووووحشتك ...كون غير جريتي مراكش كامل جبتيه معاك
أنين العشق الجزء 15
محتوى القصة
التنقل بين الأجزاء