أنين العشق الجزء 16

كملو لفطور وناضت كوتر كتجمع وتبعاتها ريما كتهز معاها وخلاو توينز لدراري ...

مراد: اش خريتي نتا ..

أمين: والله مقصدت ..سموحاات اصاحبي 

مراد: راه وخا مكتبين والوو ولكن كاتقلق وتجمع فقلبها 

أمين: خير ان شاء الله ...مامشيتوش عند طبيب 

مراد: مستحيييل نديها ..او نقوليها نمشيو ..

أمين: ولكن على الاقل تعرفو واش كاين شي مشكيل ...

مراد: انا تواصلت مع واحد لبروفيسرو كنعرفو فدبي وعاودت ليه على حالتها ..وصيفط ليه آخر تحاليل دارت ودواء لكانت كتشرب 

أمين: وشنو قاليك ...

مراد: قاليا معندهاش شي مشكيل صحي وكولشي طبيعي ..اقدر اكون نفسي ..حيت فاش طاح ليها لبيبي كان بسبب صدمة عصبية ..ومن بعدها كانت كتعصب 

أمين: ودابا باقي كتعصب كيف كانت 

مراد: كيف قلت ليك مكتبينش ..ولكن كترد لقلبها وكتبقا تغدد وانا داير كتر من جهدي وكنصبر ليها وشاد ليها لخاطر 

أمين: كولشي فيد الله ...

مراد: ونعم بالله ..عندي هي اهم من كولشي والله 

أمين: نعطيك عيسى ولا موسى ..حتى اجيب ليك الله وردو ليا

مراد: الى عطيتيه ليا موحال نرجعو ليك هههه الاجتماع معاياش 

أمين: "شاف فساعة" شي ساعتين هكاك ..

مراد: ضروري نحضر معاكوم 

أمين: اكييد ..باغي نطرق كولشي حيت غانسافرو 

مراد: فين 

أمين: المانيا ..غانحيد لوشام كامل ..ونبقاو تماك حتى افوت رمضان عاد نجيو 

مراد: مزيااان ..ماباغيش نخلي كوتر بوحدها فدار

أمين: عانمشيو كاملين ..تاهي خاصها تشوف الاوطيل ومنها ندوزو العشية جميع 

مراد: اوكي ...خرجو البنات من الكوزينة ..

مراد: كوتر لبسي باش تمشي معانا حتى نتي 

كوتر: وخاا ..جرات ريما ودخلو لبيت نعاس ..

كوتر: اوا كملي ليا ..."حلات ماريو كتلبس

ريما: اش غانكمل ليك ..كولشي عاودتو ليك واصلا كاع لخبارات كنقولوها ليك فالفون 

كوتر: مكنعرف بقيمتكوم حتى كنبعد عليكوم ..

ريما: لينعلبوك الخانزة ههه عرفتي فيا لموت تالخلعة معرفت كيف غانتصرف فالاجتماع ..انا كنت مخشية فبيرو والملفات قدامي ..

كوتر: شكون قاال ههه تولي حتى نتي مديرة وتعطي الاوامر 

ريما: وييه ..فراسك لدابا شحال من مرة كنفيق بليل ونبقا نشوف فأمين وكنقول اش عجبو فيا ههه عطا الله لبنات مال وجمال وشخصية 

كوتر:"عطاتها صبع" هاكي بقاي تقولي هكاك وتنقسي من قمة راسك حتى تجي لطير ليك بيه ..مالكي اش خصك زين زينة كون كنا تاحنا من دوك لحياتهوم غير ماكياج وبرودويات وسليكون والبوتوكوس ...كون رجعنا ملكات جمال ..

ريما: والله الى كنبقا نفكر علاش منبدلوش شوي من راسنا 

كوتر: اش بينك وبين داك لويل ..تشوه الصورة لعطاك الله ..حمد لله شوي ماكياج ومرة مرة بدلي صباغة تشعرك ونقا وريحة زوينة وتباني قووقة 

ريما: انا من قبل كاع ومعنديش مع زواق ..ودابا كنتهلى فوجهي بالماسكات ولحمي بالكريمات وبراكة 

كوتر: طولي شعرك ..ونتي ديما قاطعاه 

ريما: كايجي معاياا هكا ..بغيت نصببغو 

كوتر: ديري الكحل كايكون غادي لموف مغلوق ..وليميش من التحت فالفضي مغلوق ..غايجيك غزااال مع قصيصة تشعرك

ريما: حتى نشووف ..صافي ساليتي 

كوتر: كيف جيت .."لبسات سليم دجين وشوميز بيضة حد لفخاض وكاب بيج بلا كمام طويل حتة التحت ..شال فالغوز وصندالة عالية..هزات صاك فالبيج صغير ..

ريما: جاتك زوينة ..وانا كنبان بعقلي "كانت لابسة سروال توب كحل طالع وشوميز فالغري خاشياها فسروال وفيست حد المرفق فالكحل لابسة سباط فالونتينو فالبوردو وصاك فنفس اللون ..شعرها مطلوق وماكياج خفيف ...

كوتر:بيزنو وومان ههه خرجو لعند دراري ..دخل مراد لبس سروال سروال توب فالغري وشوميز فالبلو مارين خشاها فسروال وسباط فالكحل ..مكانة فيدو رش ريحة ورجع شعرو اللور ...خرجو جميع كل واحد ركب فالطوموبيل وشدو طريق الاوطيل ..نزلو ووقفات ريما بدهشة معليا راسها كتشوف قربات ليها كوتر ..

كوتر: زويين ..وكبيير بزااف 

ريما: قلبي غايطيح ..زيدي ندخلو ..دخلو جميع وتوجهو الريسطو كلسو ..

أمين: نتاصل بالمربيات ياخدو دراري الفوق 

ريما: وي شوف فيهوم نعاس ...تاصل بيهوم أمين وبعد دقايق نزلو خداوهوم وطلعو لسويت ..

مراد: باقي مكايعرفك حد هنا 

أمين: ههه غاتكون وصلاتهوم لخباار ..راه صيفط لمربيات قبيلة 

مراد: دكر لكلب ووحد لعصا ههه ...وقف عليهوم شخص فالاربعينيات من العمر لابس كوستيم فالكحل ..هو شريك بالنسبة الاخرى فالاوطيل ...رحب بيهوم جميع وناضو جميع كايوريهوم الاوطيل كامل شبر شبر ...وأمين شاد فيد ريما كايشرح ليها بينو وبينها وكتعطي رأيها تاهي ..حسات شوي براحة وبدات كتأقلم وتفرض شخصيتها ...من بعد طلعو الاجتماع وبقات كوتر جنب بيسين حادرة راسها فالفون وقدامها كاس تالعصير

تسالا الاجتماع ..نزلو كل من مراد أمين وريما لتحت عند كوتر لقاوها فبلاصتها ..وقفو عليها تحنى مراد باسها من راسها 

مراد: تعطلنا عليك 

كوتر: لاا كاع محسيت بالوقت ..بقيت خاشية وجهي فالفون

ريما: اوا مزيان ..مراد كان كالس على اعصابو ههه 

أمين: نتغداو هنا ولا نمشيو لشي بلاصة خراا 

ريما: نو هنا ندوقو ماكلة الاوطيل وزائد معانا كوتر تعطي رأيها

كوتر: ههه انا هي شاف خديجة هه اكيد غايكون شي شاف كبيير مكلف بالمطبخ مغانوصل ماعندي غرام من لخبرة ديالو

مراد: مي راك دواقة ..

ريما: وي بصفتك زائرة وعندها علاقة بالمجال 

كوتر: انا راه قريت صافي ولكن مطبقت والوو ..مكانتش فرصة"قالتها وطلعات تنهيدة" 

أمين: مهم نكلسو نتغداو ونشوفو ...كلسو ومراد لاح ايديه ورا ظهر كوتر ..طلبو غدا مشكل من مختلف الجنسيات وكلسو كياكلو واضحكو مجمعين ...

ريما: كوتر شنو بان ليك 

كوتر: زويين ..وحتى تقديم بسيط وراقي ..غير عندي ملاحظة صغيرة ..ضريساج ..وبالضبط الاواني امشيو على حساب نوع طبق بحال الاكلات لمغربية تقدم فاواني مغربية وكدالك لخرين..حيت وخا سائح نازل فاوطيل خمس نجوم احس بلي راه فالمغرب ..

مراد: هممم فكرة زوينة حيت كاع الاوطيلات كايحطو ليك فطباسل ..غير مرة مربع مرة مستطيل مرة كحل مرة زرق 

أمين: يعني اكونو طواجل ..وطباسل فيهوم لمسة مغربية 

كوتر: وي وبحال الفطور ..شوفو شي معلم من اسفي ولا فاس اقاد ليكوم طويجنات صغار وتكوم فيهوم اسم الاوطيل ..واقاد ليكوم كسريات صغار فاش اتقدم كسكسو اكونو عصريين بلمسة مغربية ...

مراد: هادشي ولا تجارة ..اقدر اجي شي شاف او شي واحد عندو مطعم واعجو ديكور وابغي بحالهوم 

كوتر: اكيييد ..صناعة لمغربية مطلوبة فالعالم ..وبحال سبا والحمام التحت ..بدلي ليها ديكور هكاك سبا ففرانسا ودبي لشفت انا ..مكتحسبش بلي فالمغرب ..

أمين: كوتر مصدقتيش ..مالكي هادشي مقلتيهش ليا نديرو فالاوطيل فمراكش ..

كوتر: كون بقيت خدامة كون اقتارحتها عليك وحتى دابا باقي لحال مراكش عمر برياضات ..وعليهوم طلب حيت سائح كايحس براسو فضيافة مغربية 100% بدل شحال من حاجة باش لجا الاوطيل القا لبغا ..بغا الرفاهية عصرية القاها بغا رفاهية مغربية القاها ..

ريما: كون غير طلعتي بلاصتي فالاجتماع كتعرفي تهضري حسن مني 

كوتر: ههه لواه 

مراد: غاندخل مرتي شريكة معايا ههه وخا انا معندي متبدل

كوتر: داكشي مكنفهمش فيه هههه ...سالاو وطلعات ريما وأمين اشوفو ولادهوم وبقات كوتر مع مراد ..هزات الفون عاود خشات فيه راسها وماهزاتوش ..بقا مراد كالس كايشوف فيها بصمت وهي خدامة كتكتب وحسها مقطوعة بحالا محداها حد ..تعصب مراد وهز لكاس وعاود حطو بجهد حتى قفزات ..

كوتر: مالك ..بشوي 

مراد: حمد لله لعرفتي بلي واحد راجل كالس حداك

كوتر: كيفاش ..مالك 

مراد: شوفي نتي ..ناضو هوما وخشيتي وجهك فداك الشقف 

كوتر: كنشوف شيحاجة 

مراد: خلي داك لحاجة حتى لمن بعد غاطير 

كوتر:"حطات الفون" هاهو صافي ..شوف شيحاجة خرا حرمني منها 

مراد:"خنزر فيها" يااك..علاه الالا شنو آخر حارمك منو

كوتر: واالوو ...ياك بغيتي نحيد الشقف هاهو حطيتو ...

مراد:"هزو وحطو ليها وسط ايديها بجهد" شدي ..وسموحات لا برزطناك .."خنزر فيها" وضار كايشوف فلابيسين مقوس حجبانو 

حتى هي مهضراتش فقط رجعات الفون فوق طبلة وبقات كتشوف فنفس جهة فاش كايشوف هو ...حتى وقفو عليهوم امين وريما مبدلين حوايجهوم ..

أمين؛ يلاه اصاحبي مشينا ..

مراد:"وقف" فين لوجهة؟!

أمين: شوف نتا ...اقتارح علينا شيحاجة 

ريما: نمشيو لشفشاون ...بغيت نشوفهاا 

مراد: يلاه نجيبو ضورة خفيفة ولعشية نرجعوو ..ياك دراري بقاو مع لمربيات 

أمين: وي ماشي مشكيل يلاه مشيناا ...

كوتر:"نطقات" نمشي انا وريما فطوموبيل ونتوما فالخرا 

مراد:"خنزر فيها وزير على قبضة يدو" طريق خايبة ..وطوموبيلات مجهدين عليكوم ..

كوتر: نمشيو بشوي ونبقاو تابعينكوم ...

أمين:"معجباتوش لفكرة" راه طريق خايبة اكوتر 

كوتر: متخافوش .."بإسرار" 

أمين:"شاف فمراد" باقي باغيين تعاودوو ..مشبعتوش ..اوكي خودي فراري ديالي ..وسوكي نتي اكوتر 

مراد:"باغي اطرطق" يلاه مشينا ...خرجو عطا أمين كونطاكت لكوتر وركب جنب مراد ..ركبو البنات وشدو طريق ...

ريما: اش وقع خليناكوم بخيير 

كوتر: باغا نطرطق ..قلبي غايخرج من بلاصتو 

ريما: خير وسلام ؟

كوتر: دخلت لواحد كروب فالفايسبوك وندمت ..

ريما: اش شفتي تاني؟

كوتر: كاع لعيالات خدامات ..وكل وحدة دايرة شيحاجة فحياتها الا انااا ...ندمت علاش قريت ولا خريت تفووو..شوفي نتي أمين فكر وباغيك ترجعي تحركي وتفرضي راسك 

ريما: بردي اشمن خدمة الله اهديك ..قاليا نقابل كولشي من دار ومرة مرة نجي انا وياه نطل ونرجع 

كوتر: نتي فمراكش اريما ...حداك لبنات وداركوم ..الى مليتي هزي طوموبيلتك ولا غير تاصلي اكونو عندك ..انا هنا شنو ندير لا حنين لا رحيم ..مراد طول مكلس حدايا هاهو غايرجع اخدم ونبقا تاتي كيف جنية فدار ..غملت 

ريما: ديري لاصال ..لهي فيه لوقت 

كوتر: ساعة ولا ساعتين فنهار ...اش غاتزمر ليا 

ريما: بردي بردي بديتي كتعصبي ..ونتي سايكة بينا 

كوتر: مكرهتش نقلب ضورة ونطيرو لشي قنت نبقا غير انا وياك ريما: لميمة اكوتر رجعي عقلك ..والله أمين حتى اسلخني واصلا شحال هدا مدقتها من عندو 

كوتر: خوافة تفووو ...

ريما:"باغا تلطف الجو" عقلتي نهار نعسنا فلبحر فكازا ههه وخليناهوم كايقلبو ..ورجعنا كان أمين غايقتلنا ..

كوتر:"ابتاسمات وخا الحزن فعينيها" راه أمين معصب وكان مراد معصب لهيه كايقوليه جبدها دابأا هههه كان خايف اتعرض لينا شيحد ...اجي نعاودوها 

ريما: لااااا ..انا بالله والشرع معاك ...

كوتر: خوافة ..

ريما: دخليني لداك الكروب ...

كوتر:جبدي الفون ودخلي فايسبوك عندي واجوتي راسك

ريما:"جبداتو ودخلات اجوتات راسها " تبااارك الله على نساء المغربيات ..

كوتر: شفتي ..انا حشمت نقدم راسي ..اش نقول ربة بيت 

ريما: مالكي ..شنو فيها ..وزايدون ماناقصك تاحاجة ..

كوتر: مابقاتش فالفلوس الحبس ..قريت باش تكون عندي مكانة فالمجتمع 

ريما: الله ياربي منين تسلط عايك هاد لكروب قلب ليك دماغ ..

كوتر: شحال طلبت مراد اخليني نخدم ..عرفتي دوك لشاركو فماستر شاف لا ديبلوم لا خبرة كانشوفهوم حسن مني 

ريما: ديري مشروع راسك ..حلي ريسطو 

كوتر: معنديش لفلوس 

ريما:قوليها لمراد ..ماشي قلت ليك نتي 

كوتر:"خنزرات " والله لا سمعها من عندي ..هو اصلا كاره لخدمة بغاني نبقا تيتي نيني فدار 

ريما: راني بحالك ..وحتى غفرات كدالك ..راه ماشي كاع رجال عقلية متفتحة ..

كوتر: صافي قلبي لموضوع .."ضربات الفلون مجهد" 

ريما:نديرو الشعبي نفوجو على قلبنا ...طلقو اغاني طاهور وجهدو لموسيقى ..وبداو كايتمايلو وكوتر كتخفي معالم الغضب والحزن ...

مراد: شنو بان ليك فهادشي لسمعتي ..

أمين: باقي اصاحبي كتعصب ..وخا كتبين تباتة لعافية شاعلة لداخل..

مراد: غير كتخبي داكشي باش كتحس وملساقها فالخدمة ..سمعتي كتقوليها ريما راه كاع كالسين فدار ولكن هي لا كتغدد حيت هوما ملاهين مع ولادهوم وهي لا 

أمين: تخاف اصاحبي حالتها تزيد تأزم 

مراد: كنصبر راسي لا نفوت فيها شي دقة ..رجعات كتستافزني بزااف بحركاتها وهضرتها 

أمين: غيير سايس معاها ..والفرج غايكون قريب ان شاء الله

مراد: ماعارفاش راه حتى انا قلبي كايتقطع كل نهار فاش كنعرف بلي انا سباب حتى طاح ليها لبيبي ..

أمين: قضاء وقدر اصاحبي متقولش هكاك ..

مراد: صبر أيوب ياربي .....كملو طريقهوم حتى وصلو لمدينة الزرقاء ..خفف سرعة حتى وصلو باركينع ونزلو من طوموبيلات

مدات كوتر لامين لكونطاكت ..وقف حداها مراد عنقها بدراعو وباس راسها ..علات عينيها فيه وابتاسمات ليه ..دخلوو مع ازقة المدينة كايشوفو بعينيهوم واتصورو ..ضارو حتى عياو وكلسو فكافي كطل على الديور من لفوق ..شربو اتاي تالمنطقة ونزلو كلسو فكافي كلاو حاجة خفيفة ..خرجو ومشاو لبنات شراو شحال من حاجة وخداو كادويات ..وصلات لعشية ورجعو ادراجهوم وهاد لمرة كل زوجين بوحدهوم ...كوتر ساكتة وكتفدى تشوف فمراد مقابلة طريق ..حتى كسر الصمت 

مراد: نباتو فالاوطيل ولا نمشيو لدارنا 

كوتر: لا نمشيو لدار مجبتش حوايجي ...

مراد: الى بغيتي ندوزو شري شيحاجة ونمشيو ندوزو ليلة فالاوطيل 

كوتر: لاا مرة خراا ..سكت مراد وركز مع طريق مابقاش قادر اصبر ليها ..كايدير ليها لخاطر وهو كتر منها ..كايحس بالوجع مضوبل عليها هي ..دخلو على طنجة وتفرقو كل واحد شد وجهتو ..وصلو دار دخلات كوتر بدلات وديريكت لدوش رخات عضامها خرجات لبسات صلات وتكات فوق ناموسية ..

مراد: شنو نطلب لعشا 

كوتر: شوف غير نتا مابغيتش ناكل .."هزات الفون ورجعات خشات فيه وجها" بقا واقف مراد كايشوف تنهد ودخل دوش وخرج صلا وتلاح حداها عطاها بظهر وغمض عينيه ..بقا مدة حتى سمع تنخصيص وأنين خفيف حس بقلبو تزير ولكن جمد مقدرش اتحرك ..بقا كايسمع لبكاها وشهقات لخفاف كطلع من قاع نيفها فلحظة حس بدمعة باردة نازلة على وجهو لتزير وسخن ...

بقا مراد كابتسنط ليا مغزز على سنيه حتى حس بيها سقلات ..بقا مدة قليلة وضار بالعرض البطئ ..لقاها ناعسة وراسها عوج شادة الفون فيديها ..قرب ليها وقادها فالمخدة ..تكا على ايديه كايشوف فيها ..وجها حمر وشفارها ساردين بدموع ..تحنا قبلها بين عينيها ..ونزل قبل شفايفها بحنان ..ناض توجه لكوزينة باش ياكل جبد حوايج خفاف قدا بيهوم غسل ايديه وفمو ورجع لبلاصتو وجرها لعندو وغمض عينيه ...فاقت كوتر حسات بيد مراد محاوطاها ..تقلبات لعندو وحطات ايديها بجوج تحت خدها وبقات كتشوفيه شحاال ..من بعض تسلتات من بين ايديه دخلات غسلات وجها وتوضات خرجات صلات وبدلات حوايجها لبسات بيجامة خفيفة بسميطات حد ترمتها وتحتها سترينغ حيت سخن لحال ..جمعات شعرها كعكة وخرجات سدات على مراد ...دخلات لكوزينة وجدات لفطور وخرجات ضربات مسيحة خفيفة لدار عطراتها وهوات سراجم ..طلات عليه لقاتو بقاي ناعس هزات الفون ديالها وخرجات لصالون ..تكات مسرحة رجليها وكتقرا لبوسط تالبنات لكايحطو ..وجاتها زعامة حتى هي تحط تصويرتها وتعرفهوم براسها ...حطات آخر تصويرة ليها فالاوطيل البارح ..وعرفات براسها الاسم واللقب وحالتها الاجتماعية ومنين وفين ساكنة وشنو قرات وبلي كالسة فدار نشرات التصويرة وبقات كتسنى تعليقات ..بداو كايرحبو بيها لبنات وكايشكرو فيها من بعد جاها تعليق من وحدة " وعلاش مخدمتيش فالمجال فاش قريتي" جاوباتها " راجلي موفر ليا كولشي ومابغانيش نخدم" 

..تعاليق خرين ..شي كايدعي معاها بدرية صالحة ..وطنجاويات رحبو بيها فالمدينة ..عاود سولاتها وحدة نفس سؤال لقبل وجاوبتها بنفس الجواب ..وهي ترد عليها " الخدمة ماشي هي لفلوس ..خاصك تفرضي راسك" جاوباتها كوتر "ماشي بضروري نكون فشي بوسط باش نفرض راسي كاينة فارضة راسها وهي فدارها " ...حسات بنوع من تقة فنفس ..طلعات وحدة وكتبات على نفس التعليق ...وي اختي انايا بحالك مقابلة داري والعواول وبخير لطلبتهالو كايحضرهالي ....ابتاسمات كوتر وجاوباتها .." حتى انا بحالك .." ..بقات كتجاوب هي وديك لبنت ومن خلال تعاليق عرفاتها طنجاوية ..وصل كوتر مسج فالخاص من نفس البنت الشمالية ..فتحاتو 

. : سلام انا إسمي هاجر ..عايشة فاسبانيا ولكن اصلي من طنجة 

كوتر: مرحباا ..انا كوتر من مراكش ومؤخرا انتاقلت انا وراجلي لطنجة 

هاجر: كيف جاك لجو ديال طنجة ؟ انا كنحماق على مراكش وخا عندكوم قايلة بزاف 

كوتر: كيفاش .. 

هاجر:يعني الشمس الحرارة ..مكنقدرشي عليها ولكن لمدينة مزيونة 

كوتر:هههه وي الحرارة ولكن حنا مولفينها ..وسمحي ليا مكنعرفش الشمالية بزاف 

هاجر: ماشي مشكيل ..انا نعاود نبسط ليك باش تفهمني كوتر:شكراا 

هاجر: عصابني تعليق تالبنات شوف متديهاشي فهادوك لكايبقاو اقولو خاص لمرا تخدم وتشبر شي موطاع فالمجتمع و منعرف كيف تفرض راسها ..انا والله وخا يقولي راجلي خرووج تخدم نقولو لالا عاجبني راسي هيدا 

كوتر: هههه انا قريت طبخ وعزيز عليا داك لمجال .. 

هاجر: عمل مطبخ فدارك ..بقى تعدل الشهيوات ونزلوم فالباج عندك ..وعمل كوزينتك مطبخ ..وبدعي 

كوتر: والله الى ضحكتيني ..شحال عندك تدراري 

هاجر: عندي جوج عايلة اسمها سلمى ..وعويول ستيتو اسمو عبد النور 

كوتر: والله الى هضرتك زوينة .. 

هاجر: حتى نتوما هضرتكوم مرة حلوة وكضحكني .. 

كوتر: ربي اخليك 

هاجر:نتينا شحال و تينا مزوجة 

كوتر: قريب نكمل عامين .. 

هاجر: ومفكرتيشي تعمل العواول اعمرو عليك واخليواك تنسا شيحاجة اسما لخدما 

كوتر: كنت حاملة وطاح لي ..ومن بعدها مابقاش جاب الله هاجر: ربي غايعوضك غير صبر ..والله الى دخلتي لي لقلبي واصلا انا كاعجبوني مراكشيات 

كوتر: شكراا بزاااف .. 

هاجر: الى بغيتي خلي لي النمرة د تيليفون وفاش نهود لطنجة نجبر شي وقت ونتلقاو نتهاودو 

كوتر: اييه اصلا مكنعرف حتى حد فطنجة ها نمرتي ******* هاجر: انا نصردلك ميساج فواتساب وسجل النمرة ديالي 

كوتر: اوكي ..نخليك نمشي نفيق راجلي 

هاجر: بسلامة ...

دخلات كوتر طلات على تعليقات كل وحدة شنو كتكتب كتفات بجيم لكولشي حطات الفون ومشات لبيت ..طلات لقاتو باقي خاشي وجهو بين ايديه وناعس ..طلعات فوق ناموسية ربعات رجليها كتحركو بايديها وكتنادي بصوت خافت 

كوتر:مراد ..مراد ..فيق ..مراد ..تحرك حيد ايديه وشافيها عينيه منفوخين وشفارو ملاسقين بنعاس ..ابتاسم ليها نزل عينيه ديريكت لتوتو كايبان من بين رجليها 

مراد: صباح مقيم هدا ..جمعي رجليك ونتي كتحرضينا على لفساد 

كوتر:"حشمات وجمعات رجليها" وعينيك اش داهوم لتماك 

مراد: تماك كاينادي بشووق على عينيها وعلى حاجة خرا ..

كوتر:ونوض براكة ..كتر من ساعة باش فقت انا ...

مراد:"جرها من ايديها جات فوق صدرو" رعدي ليه العروق مع صباح ..قيسيه تشوفي ...

كوتر:"جاتها ضحكة" وطلقني...نوض تفطر ..راه جاني جوع بايتة اقدر بلا عشا 

مراد: وشنو ندير فهداك " باسها فحنكها" خفيف ضريب "باسها فالحنك لاخور وايديه كتحسس ترمتها"دغيا فيت vيت ..

بقا مراد كايعبز فيها واقبل وجها وشفايفها عاجبو لحال حيت فايقت مبدلة وهضرات معاه عادي ...كيف اصلا ديما كتستقبلو بوجه خالي من الالم وكتفضل تخلي احساسيها لنفسها ..بقا كايرطب فيها حتى قلع ليها لكسوة وجابها تحتو كايقبل جسمها كامل حتى وصل توتو وعطاه بوسة صباح ...طلقها سخفانة بعد ماخدا شنو بغا ..دخلو دوشو بجوج خرجات لبسات بيجامة شورط ودوني ديالو فالغوز بيبي ... خرجات كتمشى حفيانة وشعرها كاينقط على ترمتها وقفات فالكوزينة كتحط وتوجد حساب بايديه معنقينها من اللور وباسها فعنقها 

مراد: علاش تقلقتي لبارح 

كوتر: والوو كنت عيانة 

مراد:"ضورها لعندو" نو قولي ليا ..علاش قلتي حارمك من شحال من حاجة ..شنو طلبتي وقلت ليك لا 

كوتر: غير تعصبت وقلتها ..زيد تفطر ..هربات من بين ايديه وكلسات جر كورسي وتخشا فيها فطرو وناض عاونها حتى سلاو وهزها فوق كتفو كضحك خرج بيها لصالون ..كلس وكلسها فحجرو معنقها كيف شي بنية صغيرة ..

مراد: شنو عصبك لبارح وقلتي ديك لكلمة 

كوتر: والوو 

مراد: نو قولي لياا ..

كوتر: معرفتش علاش بقا فيا الحال فاش شفت ريما باغا ترجع تخدم ..حسيت براسي والوو 

مراد: هي مغاتخدمش "كايلعب فالقصيصة" هي غير غاتبقا تسني وصافي وكولشي غانتكلف بيه 

كوتر: مزيان ..

مراد: حنا دابا كنتناقشو ..بلا دوك لكلمات المتقطعة 

كوتر: كنشوف انو أمين فكر فيها ومابغهاش تبقا ديما مخشية فدار واكون عندها شيحاجة تعمر بيها دماغها ..

مراد: كتفهمي فطوموبيلات ..ندخلك شريكة معايا نص بنص ..ولا نحل شركة خرا باسمك وتكلفي بيها نتي شنو بغيتي 

كوتر: مكنفهمش انا فداكشي 

مراد: راه احبيبة من سابع لمستحيلا نخليك تخدمي عند شي حد وخا الاوطيل ديال امين ولكن لااا ..منتقبلهاش والكوزينة عامرة رجال 

كوتر: اوا صافي انا مقلت ليك والو دابا 

مراد: تخايلي معايا كون شركة عندي عامرة موظفات بنات ..كيف غاتحسي ..تجي شي نهار وتلقاي شيوحدة واقفة عليا كتشرح ليا شيحاجة 

كوتر:لارد 

مراد: غاتجنني ومتبغيش ..اوا راه حتى انا هكاك ..منقبلش مرتي اتأمر عليها شي راجل كيفما كان ..

كوتر: اوا صافي ..ماتبقاش تسولني اش معصبك ..وماتبقاش تحاور معايا مدام لحوار دايما كايسالي بنفس الكلمة ...

مراد: شنو بغيتي آخر من غير لخدمة فالاوطيل 

كوتر: والوو ..غير قلب لموضوع ..غايجي امين وريما عندنا 

مراد: لاا غايمشيو لاصيلا ..لفيلا ديالي لكاينة تماك 

كوتر: مزيان ..

مراد:"جرها وعضها فشفايفها" عصبتني بهاد مزيان مزيان ..

كوتر:اييييي ضريتيني ..واش بغيتيني نقوليك ..

مراد: هضري ماشي ..تنفخي عليا ..بحرا كان تنحنيحك كايتسمه من جبل طارق 

كوتر: جبل عادل 

مراد: همم شكون هاد عادل "خنزر فيها" واجي بعدا شنو قضية داك لقجقال هاد الايام ديما خاشية فيه عينيك 

كوتر: والو واحد لكروب زوين كنلهي معاهوم لوقت 

مراد:"حرك رجليه" نوضي جيبي نشوف 

كوتر: اش غاتشووف 

مراد: نوضي ...يلاه ..وقفات كتفتف جابتو ليه حلو ودخل ديريكت الفايسبوك ..مشا لنوتيفيكاسيو وكليكا على كومونطير فشي طوف حطاتها كوتر ..دخل لقا تصويرتها وبدا كايقرا تعاليق

مراد: كنقوليك تصاور مايتحطوش فسوشال ميديا ..

كوتر: غير عيالات ..

مراد: عالمة عليهوم ...قلبتيهوم كاملين ..

كوتر: كولشي حاط تصاورو ماشي غير انا ..وشحال من وحدة مزوجة وحاطتها 

مراد:كنهضر عليك بصفتك مرتي ..ولاش تحطيها باش تزيدي تعصبي ..شوفي قد هادو لكايهضرو على الخدمة والخرا ضوبل ديالهوم مهنيين فديورهوم بخير وعلى خير وقارين كتر من وزيرة فالحكومة ..

كوتر: قلت ليك ماتبقاش تجبد ليا لخدمة 

مراد: انا كنشرح ليك ...وحدة خدامة ومعندهاش داكشي لعندك نتي وتقدر تحسدك ..نتي مهنية لاش بغيتي تمارة ولفياق بكري عينيك فشيحاجة نشريها ليك ..بغيتي تمشي لشي بلاصة نديك ..عمري نقوليك لااا ..

كوتر: عرفت 

مراد: اوا صافي خوي رااسك ..انا كنقلي ليك على شي لاصال زوين فيه لعيالات وسيري ..

كوتر:"نطقات بزربة" خاصني طوموبيل 

مراد: على راس والعين احبيبتي ..شيحاجة خرا بغيتيها غير نشوف ضحيكتك ..ومتبقايش تعصبي 

كوتر: والو ..عرفتي شنو تعرفت على واحد طنجاوية مزوجة عايشة فاسبانيا ..وقالت ليا الى جات لطنجة نتلقا انا وياها 

مراد: ان شاء الله "باسها فحنكها" وضحكي ..ضحكي العمر ...

دوزو نهار فدار ..وتبعهوم ايام خرا قليلة ..كانت سلات زيارة تامين وريما ودعوهوم ورجعو لمراكش ..مراد عندو اسبوع وابدا الخدمة ..واحد صباخ خرج ادير سبور رجع لقا كوتر فالكوزينة دخل عنقها وباسها ..ضارت لعندو وشافت وراق فيديو كتار 

كوتر: شنو هادشي 

مراد: دياولك ..هاكي ..

مراد: دياولك ..هاكي ...شدات كوتر الوراق كتقرا وتهز راسها تشوف فمراد وتعاود تكمل قرايتها ..

كوتر:مايمكنش هههه لاش هادشي 

مراد:كيفاش لاش 

كوتر: وي شنو لفايدة منو 

مراد:مابغيتيش 

كوتر:ماشي قادية مابغيتش ..ولكن علاش شنو غاندير بيها 

مراد:مافهمتكش اكوتر ..ياك نتي هادشي لعزيز عليك 

كوتر: وي عزيز عليا ..ولكن الى عاودت قريت وتعلمت مغاينفعني بوالوو ..وانا مغانخدمش 

مراد: نتي قراااي ..وزيدي استافدي وشدي خبرة خراا ..ولعزيز عليه شيحاجة ماشي كايفكر فالخدمة ..كايفكر شنو غايعمر فدماغ ..

كوتر:وي فهمتك ..واصلا هاد لمدرسة معروفة وفيها اساتذة ودي شاف واعرين 

مراد:اوا كالسة كالسة ..سيري قراي وعمري دماغك ...وتهلاي فيا غير انا ..واي طبق اختارعتيه قسما بالله نخلصك عليه بحالا غاتقدميه فريسطو ..

كوتر:"ضحكات حتى تسدو عينيها وقربات عنقاتو" شكراا بزااف ..لهلا اخطيك عليا 

مراد:عنقتيني وانا عرقان هههه 

كوتر:هانياا احبيبة .."بعدات وتعلات باستو جنب فمو" سير دوش واجي تفطر ...

مراد:"باسها فراسها" الله ارضي عليك ..مشا ادوش ..كلسات كوتر كتعاود تقرا فالوراق ..هزات الفون بسرعة ودخلات لسيت لخاص بالمدرسة ..حسات بنغزة فقلبها وبفرحة ..جمعات كولشي وخرجات حطاتهوم فوق طبلة فالمراح ..رجعات حطات كولشي كتسنى مراد ..رجع عندها لابس شورط والفوق عريان شعرو كايقطر وجسمو كايتزاد مع المدة ..باقي لعروق بارزين شافتو كوتر وخنزرات فيه ..

كوتر: جاي سخون ودوشتي وكضور عريان ..غايضربك لبرد

مراد: نوو راه سخون لحال ..

كوتر: الله اهديك ....بداو كياكلو ..

كوتر: امتا غانبدا 

مراد: وقتما بغيتي ..هاد لمدرسة كاتعطيك حق انكي تختاري الوقت لبغيتي ونهارات لبغيتي 

كوتر: وي دخلت لسيت عندهوم شفت كولشي ..كايعطيوك دفتر صغير بحال دفتر شيكات ..وقتما قريتي شي حصة كاتمشي ورقة من لكتاب ..وكتختار وقت لبغيتي كتاصل وتعلمهوم 

مراد: وي ..ولكن الامتحانات هوما كايختارو ليك وضروري تمشي 

كوتر: ماشي مشكيل ..الوقت فاش تبغي تبدا لخدمة نبدا تنا 

مراد: اوكي احبيبة ..اليوم نخرجو نتغداو براا شنو بان ليك

كوتر: لعجبك ...كملو فطور ومشات كوتر البيت حلات ماريو ..جبدات سليم بيض وشوميز غوز وشال بيج ..حيدات حوايجها وهو ادخل عليها مراد .. 

كوتر: يلاه لبس دغيا ..

مراد:"قرب ليها" غلاضيتي .."عنقها من اللور وحط ايديه على كرشها لعريانة" مابقيتيش كتلعبي سبور 

كوتر: ولكن متزاديتش بزااف ..اصلا انا حناكي كابتنفخو دغيا ..

مراد:"شحطها لترمتها" وهادي .."حط ايديه على صدرها" وهادو مكانوش هكا فالاول ..كانو ضغيورين 

كوتر: لبركة فيك ..ههه 

مراد:"قلبها تقابل معاها ونزل باسها فشفايفها" كنبغيك بزااف ..فجميع حلاتك كنهبل عليك ..

كوتر:حتى انا ...فاش كنتفكر شنو داز علينا منهار عرفتك لدابا كنحمد الله ونشكرو ..فاش مشيتي وخليتيني كيف لحمقة معارفة عليك والوو ..كون كان لموت حلال كنت انتاحر باش منبقاش نحس بقلبي كاتمزك ..وقتما تفكرتك كنحس بموس تغرس فقلبي وكتجيني سخفة ..وخا كنبقا نضحك مع البنات لداخل الله لعالم بيه 

مراد:"عنقها بجهد" نهار شفت ضحكتك اول مرة ..حسيت براسي رجعت 10 سنين اللور ..فترة المراهقة فاش شي بنت بوكوصة كتهضر معاك ههه ...ضحكتك اكوتر هي لخلاتني نبغيك من اول نهار شفتك ..داكشي باش بغيتها تبقا حتى نتدفن تحت تراب 

كوتر: الله انجيك "نزلات دمعة من عينيها وابتاسمات" هاهي اسيدي ضحيكة ..

مراد: ضحكي ليا بوحدي ..

كوتر: حاضر ههه وخليني نلبس ..باسها وخلاها كتلبس مشا لبس سروال دجين وتريكو نص كم فالبيض وسبرديلة فالغري وكاسكيط ..هي سلات هزات بوشيطة بيضة ولبسات صندالة بلا فالغوز نضارات فعينيها ..ورشات بارفان وشوي كلوص فشفايفها خرجو مشادين ركبو فسيارة وبقاو كايضورو ..وقف بيها جنب محلات كبار لماركات معروفين ..

كوتر: متقولش ليا غانديرو شوبينغ 

مراد: وي ..خاصني حوايج جداد للخدمة ..وحتى نتي خودي 

كوتر: همم كنقول نيت كيف طرا ..نتا جاي على قبلك 

مراد: حجة وزيارة نزلي بلا فهامة ..نزلو ضارو وشراو لبغاو ورجعو لطوموبيل محملين ساشيات كتار ..

كوتر: نمشيو لماكدو فيا جوع ..

مراد:اوكي ...خداها كلاو وخرجو ..تاني وصلات لعشية وشد مراد طريق لخرجة تالمدينة 

كوتر: فين غادين ..

مراد: واحد صاحبي بغيت نشوف عندو شيحاجة ..وقفو نزلات كوتر كتشوف بعينيها وتهجأ اسم المكان ..دخلو مع ممر حتى وصلو باب كبير من زاج كايتفتح اوطوماتيكيا ..دخلو لقاو سيارات قليلة مفرقة على مكان ..بقات كتشوف حتى سمعات صوت جاي من بعيد ..

: مرحباا والف مرحبا 

مراد: ترحب بيك الجنة اخويا ياسين ..

ياسين: زارتنا لبركة .."قرب تسالم مع مراد بعناق وحرك راسو لكوتر تاهي بدلاتو بابتسامة خفيفة " 

مراد: داكشي علاش وصيتك ...بلا كترث الصواب 

ياسين: باقي كاع مدرنا صواب 

مراد: زيد زيد براكة ...سبقهوم ياسين وتبعو مراد شاد فكوتر خرجو من باب آخر لساحة كبيرة عامرة بانواع كتيرة من سيارات

بقاو غادين حتى وقف ياسين صديق مراد ..

ياسين :(شار بيديه) كيف طلبتي ...واقفة بورش رباعية الدفع دهبية مزينة بشريط كبير حمر ووردة من الفوق ..وبوكي ورد بيض فوق منها ...ابتاسم مراد ونزل عينيه شاف قكوتر لكانت كتشوف قدامها وابتسامة على فمها ..بعد ايديه لكانت شانقة عليها وعنقها من كتافها ..علات راسها فيه حيدات نضارات

كوتر: شكرااا بزااااف ..بعد ياسين وخلاهوم واقفين بجوج 

مراد:عجباتك؟

كوتر: بصراحة ..لا عجبني الورد هه

مراد: ههه غير نخليو طوموبيل ونديو الورد 

كوتر: ههه اويلي لا غير ضحكت ..زوينة حمقاتني واصلا عندك دوق حسن مني ..

مراد: بصحتك احبيبة .."عنقها وباس راسها" زيدي ..جرها من يديها حليها لباب طلعات وشدات فالفولون فرحانة بقات كتقلب وتهبش فيها ..وتقيس لكوسان ..من بعد نزلات هزات البوكي فيديها ورجعو من طريق لجاو منها لقاو ياسين واقف مع موظف كايشرح ليه شيحاجة ..

مراد: ياسين شكراا اصاحبي ...صيفطها ليا لدار 

ياسين: كلسو شوي يلاه جيتو 

مراد: مرة خراا ..تهلا فراسك وبيناتنا الفون 

ياسين: بصحة ..ومتغبرش ..خرجو ومشاو خداو عشا معاهوم ورجعو لدار ..محملين بساشيات كثار وكوتر فرحانة بالورد ..دخلو بعد ماحطو من يديهوم كولشي وبدلو حوايجهوم ..كل واحد ستف داكشي لشرا ..تسمع آدان لعشاء ..خرج مراد لجامع مشات كوتر دارت دوش خفيف ببرودويات شراتهوم جداد ..خرجات لبسات دوبياس مشبكين فالغوز بيبي وسترينغ كايبينو كولشي ..لبسات عباية صلات ..سلات وكلسات قدام مراية ..ركبات عدسات فالغري ..ايلينر جبدات عينيها مزيان ..شادو خفيف ..هايليتر جنب عينيها ..دارت عكر بوردو ماط وفاغاجو برونز ..رشات ريحة جنب ودنيها ..جبدات صباط طالون فالبوردو ..وهبشات على شريط حمر نفس كايدار فليكادو ...ضوراتو على كرشها لعريانة وقدات وردة فوق سرتها ...وقفات قدام لمراية وطلعات شعرها كامل لفوق جمعاتو عشوائي وخلات خصلات نازلين ..سرحات لقصيصة على عينيها وابتاسمات على شكلها ...سمعات لباب كايتحل وتقدمات بخطوات خرجات على باب بيت نعاس ووقفات بطريقة مثيرة ...قرب ليها مراد علا عينيه وضحك حتى بانو ضرسو لبيضين ..بقا كايطلعها وانزلها وعينيه كايلمعو

مراد: عندك شي افكار ..تزعزع جبال 

كوتر: غير نتا لتجيب كادويات (كتعزج وتلحن لهضرة) 

مراد:"قرب ليها" صراحة احبيبة كادوياتك مكاينش بحالهوم...بقا اعنقها وهي تهرب ليه كتقرب بطالون وترمتها كاملة كتبان ..كتهز وتحط من وراها 

مراد: اجي فين هاربة ..

كوتر: نتعشاو ..فيا جوووع "صيفطات ليه بوسة فالهوا"

مراد: اجي نحيد شريط ونحل لكادو بعدا ..

كوتر: ناكلوو ..وحل كادوك هربات لكوزينة كتعوج وتمايل ..وماد متبعها بعينيه باغي ياكلها وكاينهج ..قلب ضورة دخل لبيت حيد حوايجو ولبس شورط قصير بوحدو ..وخرج تاهو لعندها كايتمختر بجسمو الرياضي ..دخل لكوزينة لقا طبلة عامرة بداكشي لجابو وهي كالسة حاطة رجل على رجل ..مسبقة صدرها ومخرجا ترمتها ...وشريط لعلا كرشها بالوريدة ديالو باقي فبلاصتو ..كلس مراد قدامها جامع رجل وطالق لخرا كايطلعها من صدرها حتى لشعرها ..

مراد: بغيت نعرف منين كتجيبي هاد الافكار ههه

كوتر: والله احبيبة معرفت ..داكشي فطرة من عند الله 

مراد: كولي دغياا ..راه زغب نيفي وقف ..محاسيسي كاملين قيمو عليك ..

كوتر:ههه تفو اش هاد لمصطلحات 

مراد: لويتي عليه سينتا حمرة وتلفو عليك لمصطلحات ...

كوتر: هههههههه ..كتعوج وتضحك وتاكل بتقالة كتزيد تجهلو كتر ..وهو ضغمة ففمو وعينيه معاها ..

مراد: انا ديتك عطيتك لكادو تم تم ...ماشحفتكش ..

كوتر: وييليي شنو درت لييك ..مناكلوش 

مراد: كووووليي كووووليي ....مكملو لعشا حتى مراد مابقاش قادر اصبر ..وقف وقرب هزها بين ايديه ديريكت لبيت لاحها فوق ناموسية وطلع عليها ..كايبوس واعض فعنقها وشفايفها ..نزل براسو لكرشها حل شريط بفمو وعضها وسط كرشها حتى غوتات وخلا طبعة زرقة ..

مراد: باش مرة خراا عدبيني ..حكمها مزيان بيديه ورجليه ونزل لعنقها كايعض بقوة كايخليها تهز وتحط بالالم والنشوة ..رجع عنقها كامل زرق ...انتاقل لكرشها نفس شئ ..حتى نزلو دموع مع جنب عينيها ..عدبها ورجع ليها مادارت بيه ..مزق دوبياس على لحمها ..ورجع حمها ونزل لحلمات صدرها كايغزز بسنيه وهي كتغوت وتطلبو احبس ..

مراد: هاكا كنت كنحس قبيلة ونتي كتهزي بترمتك قدامي

كوتر: اححححح ضريتيني ...عفااك 

مراد: معافابااش ..كادو ديالي ندير لبغيت ..طلع لشافيفها نفخهوم بالعضان ..عاد داز لقاصح ...عدبها كتر خلاها كتغوت بالنشوة والالم ..مطلقها حتى غفات بين ايديه ...

...الايام دازت بسرعة كوتر تأقلمات مع الحياة ..وقتها مفرق بين لاصال والمدرسة واشغال دار ..وراحة زوجها ..كتمشي كل نهار لمدرسة باش تسالي دغيا ..تعلمات حوايج جداد واكيد كطبق كولشي فدارها ...مراد بدا لخدمة فالاوطيل ..قايم بالواجب وصارم معاهوم ..رجع كولشي كايخاف منو وكايضربو ليه الف حساب ..كوتر دايما على اتصال بعائلتها وصحاباتها كاملين ..جميع اخبارهوم كتعرفها وتاهي كتعاود ليهوم كولشي ..وكسبات صداقة جديد مع هاجر طنجاوية كايتحدثو كل نهار وكل وحدة ارتاحت الاخرى ..نفسية كوتر تحسنات مابقاتش كتعصب كيف الاول ..مرة مرة كايضرها خاطرها فاش كايدكر ليها شيحد فكرة الخلفة ...هاكا دازو الايام وجا رمضان ..كتمشي كوتر فصباح بكري لمدرسة كاتجي ترتاح وتنوض لشقا دار وتوجاد شهيوااات ..كايجي مراد ادوش وارتاح ساعة وانوض اعاونها ..العشية مكايمشي لخدمة كايمشيو اصليو تراويح ..ومع كل سجدة لمراد فكل صلاة دعوة وحدة ففمو ..ان ربي افرحهوم وارزقهوم الدرية الصالحة ..وصل لعيد صغير ..ناضت كوتر بكري فيقات مراد توضاو لبس مراد جلابة بيضة مخيطة بدهبي ..وبلغة صفرة كتشعل ..رجع شعرو اللور ساعة فيديو ..كوتر لبسات جلابة فالبلو سيال مخيطة بلونها وطروزة من اليدين ..شال فالبيض وبلغة بيضة ..خرجو لمصلى صلاو ورجعو حيدات جلابة ولبسات قميص خفيف بعقيدات نص طوق ..وجدات طبلة صالون عامرة شهيوات وحلاوي وكولشي مقاداه هي ..كلسو بجوج وشعل مراد تلفازة كايفطرو ..

كوتر: اليوم العيد كولشي كايمشي عند عائلتو 

مراد: همم

كوتر: حنا غانبقاو فدار 

مراد: نخرجو نتساراو ...

كوتر: طنجة حفضتها قنت بقنت 

مراد: نمشيو لأصيلا ...ونرجعو غدا 

كوتر: نمشيو لمراكش ونرجعو 

مراد: تصطيتي نتي ..عارفة طريق شحال كانعيا 

كوتر: نتبادلو ..الى عيتي نسوق انا 

مراد: لاا غير نساي فكرة مراكش 

كوتر: صافي ..خلينا فدارنا 

مراد: صاافي ..حسن كاع ...قلبات كوتر وجها منفخة كتصوط صونا الفون ديالها وهزاتو لقات نمرة باباها جاوبات وهضرات معاهوم كاملين ودوزات مراد هضر معاهوم..قطعات وكلسات كتنخصص حابسة البكية 

مراد:"شافيها مخنزر" حتى كنقول درتي عقلك وكترجعي تاني تغبني كيف لبنية صغيرة 

كوتر: واش عاجبك لحال هكا ..كولشي تماك مجموعين كايباركو لبعضياتهوم وحنا مكاين فين نمشيو 

مراد: هكااا انا ولفت ..عايش بعييد وبخيير ..ونتي خاصك تكوني فين انا كاين ماشي تبكي بحالا شافرك 

كوتر: مالك تقلبتي عليا ..

مراد: حيت مليت من نفس لموال كل ساعة ..ماشي بوحدك بعيدة على داركوم ..كاين لمغرب فدولة خرا حتى اجواء العيد ملاقيهوم ..

كوتر: لارد ..حدرات راسها وسقلات ..وقتما حمر فيها عينيها كتخاف وكايتنادم معاها لحال وترجع تكمش كيف لقطة ...داز نهار عادي مابقاو خرجو حتى بلاصة وحتى من لهضرة قليلة بيناتهوم ....بالاحرى من مراد مابقاش حزرها او حاول اطول معاها لحديث ..دازو يومين رجع مراد لخدمة وكوتر كتمشي لمدرسة ..تصالحو ومابقاتش دكرات مراكش على فمها ...اليوم خرجات بكري من لمدرسة ..ودازت الاوطيل عند مراد طلعات ديريكت لمكتب تاعو باغا دخل وقفاتها مساعدة ديالو ..

: فين غادية امدام 

كوتر:"طلعاتها وهبطاتها" داخلة عند راجلي ..

: سمحي ليا معرفتكش 

كوتر: ماشي مشكيل ..عطاتها بظهر ومشات حلات لباب مع دخلة سمعات ضحكة انثوية فقاع ودنيها ..علات عينيها كانت بنت لابسة مينيا وفيست ..طالقة شعرها البني غامق بشرتها بيضة وجها تغو ماكيي ..واقفة جنب مراد وشادة وراق فيديها ..خرجات تحنحين من حلقها بزز ..ارفع مراد راسو شافها ووقف ..

مراد: كوتر ...مرحباا 

كوتر:"ابتسامة بزز" ترحب بيك الجنة ...شافت فيه وشافت فالبنت لباقي الابتسامة على شافيفها لمعكرين ..

: بونجوغ 

كوتر: بونجوغ ..

: "شافت فمراد" نمشي انا حتى تسالي وعيط ليا 

مراد:وخا شكراا ..خرجات لبنت كتعوج خلات كوتر وراها شاعلة فيها لعافية وشادة راسها بزز ..تسد لباب وهي تقوص حجبانها وضارت خنزرات فمراد ..

كوتر: "مزيرة على سنانها" شكوووووون هااااديك ..ولاش دوك لحركات المقحبنين 

مراد: هييي اش كتقولي ..رجعنا لتخصار لهضرة

كوتر: سولتك جاوبني ..

مراد: كلسي ..

كوتر:"رفعات صوتها شوي" جااااوبني 

مراد: موظفة ..

كوتر:هي كاع لموظفات كتكركر معاهوم ..وكولهوم كايوقفو ملاسقين معاك ..ولحمهوم نصها معري 

مراد:كوتر ..كلسي ..ونهضروو مايمشيش بالك بعيد 

كوتر: سمعت ضحكة ..وكنفرز نوعها ..

مراد: راه مكاين والوو ..قلت ليك موظفة ..

كوتر: موظفة ..اوكي ..عقل على هادي وتفكر بلي جبتيها لراسك ..بسلامة ..."عطاتو بظهر حتى وصلات لباب" تاصل بيها راط ساليتي ...خرجات معصبة وحابسة لبكية بزز ركبات فطوموبيل وطلقات دموع شلال ..اول مرة تحس بالخوف انها تخسرو ..او ان اقدر ابدلها بوحدة خراا ...

رجعات كوتر لدار طايرة ..دخلات وجها مزير وحناكها حمرين ...لاحت صاك ولفون ودخلات لكوزينة ...كتجبد فالكيسان وتردخهوم مع الارض ..مغززة على سنيها ودموع محجرين فعنيها ...طباسل ..اي حاجة كتهرس بردات ليها جنونها مزيان ..حبسات كتنهج وترعد ..جرات لكورسي كلسات ورجعات ليها لقطة وصوت الابتسامة كايتردد فودنيها ..نزلو دموعها شلال النفس تقطعات فيها ..ناضت هكاك حالتها حالة دخلات لبيت نعاس تلاحت على ظهرها كتشوف فسقف ودموعها باقي محبسوش ..ضارت لجنب وجمعات رجليها على وضعية الجنين ..وبقات كتنخصص ..وفنفس الوقت كتعاتب راسها او كتعاتب انوثها ناقصة ..جسدها الجميل مكافيش باش توفر لزوجها كولشي ...اي حاجة كديرها ليه ..مغايوعضوش بولد من صلبو ..جميع الافكار الخايبة تملكوها ...بقات مدة طويلة معرفاتش شحال بدون حركة حتى سمعات لباب تحل ..غمضات عينيها وزيرات عليهوم ..سمعات خطوات كتقرب ليها ..

مراد: كوتر ...كوتر...قرب ليها وشاف حالتها ووجها لمنفوخ بالبكا والفراش تحت وجها سارد ..تحنى لمستواها مخلوع حيت شافت روينة فالكوزينة ..حط ايديه على راسها 

مراد: كوتر ..حلات عينيها حمرين وشافت فيه ...ناضت وبعدات عليه بلا متنطق بحرف ..وقفات كتحيد فولارا وعاطياه ظهر ..

كوتر: نبدل ونوجد لغدا ...

مراد:"وقف وقرب ليها ضورها بجهد" شنو داكشي فالكوزينة 

كوتر: لكوزينة غانجمعها .."شافت فيه ببرودة 

مراد: مالكي تاني ..لاش هاد لحالة كتسرعي وتبقاي تعصبي على والوو 

كوتر: وي حيت على والوو ..نعست شي وفقت بخير ..قلت ليك غانجمع كولشي ونوجد لغدا 

مراد:"جرها بجهد حتى لسقات معاه" هاد تمثيل خليه عندك ...هاديك موظفة كنت كنتاقشو على شيحاجة وضحكة راه عادي 

كوتر: وخاا .."شافت فايديه على دراعها" كضرني ..الى ممكن طلق مني 

مراد: "تعصب وشدها من كتافها بجوج" كوتر لتعصبينيش ...راه مكاين والوو لتستاهل هاد الفريع وتهراس 

كوتر:"ببرودة" وي ..راه تسرعت ودابا بردت 

مراد: مابردتيش ...كتهضري معايا هاكا راه دمي كايفور 

كوتر: نتا لبغيتي ..اما مكاين والوو غانمشي نجمع الكوزينة ونوجد لغدا ..كتهضر بصوت خافت وبرودة فدم كأن شئ لم يقع

مراد: واااااااااع "غوت ليها فقاع وجها حتى عروق عنقو تنفخو" غاتحمقيني .."طلقها وضار بجهد خشا ايديه فالماريو حتى بان لآثار ...ورجع شافيها وعينيه حمرين وحجبانو مقوسين ..

مراد: غانتسطى ...مابغيتش نحط عليك ايديا ولكن جهلتي جد مي ...

كوتر:"نزلو دموعها" كيف حسيتي دابااا ..حسيت كثر فاش شفتك كضحك لوحدة خراا ...فين عمرك عطيتي وجه لشي وحدة ...فين عمرك ضسرتي عليك شيوحدة ..وفاش كاع عرفتيني معجبنيش لمنظر شنو درتي خسرتي عليا جوج كلمات صافي زعما انا نطرطق ..."قربات وجها لعندو" كنت غاندير بحالك ونخليك تحس باش حسيت ..ولكن حيت كنقدرك وكانحتارمك فغيابك كتر مانتا معايا مطاوعنيش خاطري ...

مراد:قسما بالله مكاين والوو "غوت بجهد" مكاااااين وااالووووو

كوتر:اوكي ...خلاتو ودخلات لدوش سدات عليها كتنفس بزز حيدات حوايجها ودخلات تحت رشاشة وطلقات الماء سخون كمدات عظامها وترخات ...خرجات لاوية عليها بنوار صفر وشعرها مطلوق على ظهرها فازك ...لقات مراد متكي على ظهرو لابس شورط قصير ..حاط ايديه على جبهتو ومغمض عينيه ...حلات لماريو جبدات دوبياس وبيجامة لبسات ولبسات عباية صلات ..ومشات لكوزينة جمعاتها كاملة وعمرات بلاستيكات بتهراس ...جبدات دجاج شرملاتو حطاتو فطاجين وشعلات عليه قطعات لخضرة وستفاتها ..قادات عصير وشلاضة ..خرجات هزات الفون سفطات مساج لكولشي باش تعمر لوقت وماتبقاش تفكر دخلات حتى الفايسبوك مقابلة كروب كضور وتهضر وتجاوب حتى حسات بمراد خارج من البيت ..علات عينيها فيه ...

كوتر: نحط لغدا ..غايكون طاب 

مراد: وخاا ..حطات الفون ودخلات لكوزينة كتوجد ..كلس هو بلاصتها وهز الفون ديالها ..دخل ديريكت لكروب فايسبوك وبقا كايشوف ..

مراد: كنقول مال نفسيتك عوض تقاد كاتكفس ..نتي كتبقاي تشوفي هاد تصاور ...خرج وسد الفون حطو وناض الكوزينة ..تحط لغدا وكلسو كياكلو فصمت حتى سالاو ..تكعد مراد وتقابل معاها 

مراد: كوتر ..

كوتر: نعم 

مراد: نسافرو تركيا

كوتر: إمتا؟ 

مراد: نمشيو غدا 

كوتر: غدا ...مايمكنش بداو عندي امتحانات ..

مراد: هضري معاهوم اجلوهوم حتى نرجعو ..ندوزو سيمانة صافي 

كوتر: لمن بعد ان شاء الله ..نسالي ونمشيو ..وحتى نتا عندك لخدمة ...ناضت قبل مايجاوبها كتجمع فالماعن وغسلات وهو فبلاصتو كايشوف فيها ..سالات وخرجات خلاتو بلاصتو وهزات الفون تاني على نفس الحال ..تبعها شعل تلفازة كايتفرج ..هكاك دازت عندهوم لعشية ووصل ليل وكل واحد تخشا بلاصتو مكايهضرش ..

🌞صباح جديد مشمس ..فاقو بجوج فطرو لبس مراد خرج ولبسات كوتر شوميز بلوسيال مطرزة من لكمام والتحت وسليم بيض وسندالة عالية فالبيج وشال فالغوز وبوشيطة فالبيض...خرجات لمدرسة دوزات حصص تصباح ..خرجات غادية لدار سايقة حتى طلعات نمرة غريبة كتاصل بيها ...

دوزات كوتر لخط وسكتات حتى سمعات صوت انثوي 

: العايلة فين نتيناااا 

كوتر:هاجر ...متقوليش ليا جيتي لمغرب 

هاجر: آيييه انا فطنجة..فينك نتينا دابا 

كوتر: خرجت من مدرسة وغادا لدار 

هاجر:مانتلقاوشي فشي قهوة نشوفك ..

كوتر:"بالفرحة" ويي ويي قولي ليا فين وصيفطي لي العنوان فمسج ونجي عندك 

هاجر: نتلقاو ف قهوة la fuga 

كوتر: صافي عرفتها بلا متصفطي ليا العنوان ...10 دقايق ونكون عندك ...قطعات الخط وشدات طريق فرحانة ..وصلات نزلات ودخلات حيدات نضارات كتمشى ببطئ ..حتى لمحاتها كتشير ليها بايديها ووقفات ..لابسة كسيوة فالبيض طويلة بالكميمات ..وحجاب فالبوردو وسندالة طالون ..بشرتها بيضاء صافية خدود منفوخة وشفايف وردية بدون عكر ..عينيها مشفرين بحالا مكلاهوم..ابتاسمات كوتر وتقدمات عندها استقبلاتها الاخرى بدرعان مفتوحين ..تعانقو بحرارة قدام انظار ناس ...بقاو دقايق وهوما معانقين 

هاجر: فرحت بزااف ملي شوفتك ..طلعتي مزيونة كتر من تصاور

كوتر: حتى نتي ..كتحمقي .."كلسو " إمتا جيتي ؟

هاجر: هاودت يوماين هادي ..ومقلتالكش كان خسني نعملالك مفاجئة

كوتر: يااك ..احسن مفاجئة ..كنت حاسة بالقنطة والله ..فنهوم دراري 

هاجر: خليتوم لماما ..خوتي مساخينشي بيهوم ..غي كنهود كايشبروهوم عندهوم فدار ..وحتى بنتي كتحمتاق على اختي هدى..

كوتر: كون جبتيهوم غير نشوفهوم ..كيف لقيتي داركوم مزيان

هاجر: كولشي بخير ..باقي نجيبوم ليك تشوفهوم ...انا يلاه هودت باقي غانكلس مدة طويلة..

كوتر: واااااه ..ياختي تعمري عليا انا بوحدي 

هاجر: صافي انا جيت ..راه حتى واحد لعايلة تعرفت عليها تاصلت بيها تجي ..راه تكون شفتيها كتفاعل مرة مرة 

كوتر: شنو دايرة فالاسم 

هاجر: اسما هديل ..

كوتر: اييه شفتها ..وهضرات معايا واحد نهار ضريفة وحمقة 

هاجر: اوا ..اش كتعاود نتينا ولفتي طنجة 

كوتر: شوية ..حيت ولفت كولشي حدايا عندي صحاباتي الى داقت بيا كنخرج انا وياهوم كنرجع بخير ..هنا لاا انا والحيوط وراجلي ..ودابا لمدرسة لدرت 

هاجر: حتاينا كنت بحالك ..انا راه تزوجت صغيرة ومشيت لاسبانيا وراجلي مكايهضرشي بزاف ..كنتخنق ونبقا نبكي ..شحال حتى تزادت عندي سلمى ..

كوتر: انا مكاين والو ..حتى الولاد مابغاو اجيو 

هاجر: كيفاش ..واش نتينا مكتشربشي باستيات...

كوتر: كيفاش 

هاجر: زعما فانيد د منع الحمل

كوتر: لاا عمري شربتو منين تزوجت ..وفاش حملت وطاح لي قالت ليا طبيبة معندك حتى مشكيل واقدر تعاودي تولدي ولكن والوو 

هاجر: ومرجعتيشي عند شي طبيبة اخرى 

كوتر: كنت مشيت لدبي ..وشافتني طبيبة وحتى هي قالت لراجلي نفس لهضرة 

هاجر: ياكما اكون وقع ليك بحالي 

كوتر: كيفاش؟

هاجر: انا تزوجت على 16 وولد بنتي سلمى كانت عندي 20 ..بعدها مابقيتشي كنشرب فانيد مدة عام عامين ومكاين والو ..دخلني شك ..شبرت موعد عند طبيبة لكنت متبعا عندا على سلمى ...قلباتني وقالت لي الاعصاب ..مفهمتش شنو دخل الاعصاب ..وبقات كتشرح لي ..بلي الاعصاب اقدر اتصاب بيهوم الانسان فاي عضو فالجسم وانا كان عندي فالرحم ...وسقساتني واش تعرضت لشي ازمة عصبية قلت ليها ايه 

كوتر: وشنو وقع ليك نتي 

هاجر: يلاه ولدت هودت لمغرب لدار عكوزتي وسمعت النسا د لوساني ..كايهضرو عليا كايقولو انا سحرت لراجلي ..تعصبت وخرجت كنغوت عليهوم سمعتهوم شي هضرو عمروم فحياتوم غايسمعوه ..ورجعت لداري طحت كنبكي ونترعد ...

كوتر: تفووو ..بنادم مريض فعقلهوم ..وشنو عطاتك طبيبة 

هاجر: عطاتني شي فانيد عادي ولكن نبهاتني مانباقشي نتعصب ورجعت مكنتسوقشي لشيواحد ..وحتى لمغرب مابقيتشي كنهود بزاف ..

كوتر: وشحال كلستي عاد ولدتي 

هاجر: بنتي سلمى وصلات 5 سنين

كوتر:"بصدمة" اويلي غانبقا 5 سنين 

هاجر؛ ياهاد طرنونة ههه كل واحد وجسمو ..عطي راسك راحة ومتبقاشي تعصب راه رحم عندك اقدر كايبقا متشنج فاثناء الممارسة مكايدخلشي شغل لموطعو هههه 

كوتر: ههه ضحكتيني ..والله ياهاجر الى حاسة بحالا كنعرفك سنين هادي ..من هضرتنا فواتساب ولفتك ..

هاجر: حتى نتي عزيتي عليا بزااف والله ..رجعت كنهضر معاك فواتساب كثر مكندخل لكروب فايسبوك 

كوتر: داك لكروب غانخرج منو اويلي بنادم مقابل غير البوز على والو..كاع عندنا وحامدين الله مكنحطو تصاور 

هاجر: هههه شفتي شفتي ..انا والله كايضحكوني ..ديك لجاب ليها راجلها وردة ومصوراها وكتعبر 

كوتر:انا والله مكنقدر ندير بحالهوم ..حشومة كاين لمعندهومش وحشوما اشوفو داكشي 

هاجر: عندك الحق ...انا كنبقا غير نعلق ليهوم ونضحك 😂..

كوتر: شرالي راجلي طوموبيل جديدة ..ومصورتها محطيتها 

هاجر: انا سيد الرجال ديما مهلي فيا هههه 

كوتر: نتي حمقة والله ...اول مرة نعرف طنجاويات فيهوم ضحك بحال هكا ..شي مرات كنحس بحالا كنهضر مع شي مراكشية

هاجر: ياختي ملسقين لينا تهمة بلي فينا تكبر ..ولكن فالاصل كنتعاملو طبيعي وعزيز علينا الضحك "شافت فالباب" ها هديل جات

وقفات هاجر ..وتبعاتها كوتر وقفات وضارت ..شافت بنت كتقدم لعندهوم متوسطة الطول شعر زعر قصير حد كتافها عينين خوضر وشفار طوال ..مزينة ملامحها بشوي ماكياج ...وصلات عنقات هاجر وابتسامة عريضة على فمها وسنيناتها لبيضين مستفين ..

هديل: زعما ماجا بيا نهاد الموطع قريب لدارك 

هاجر: مالك فيك النكير ..هههه "شافت فكوتر" ها كوتر لقلت ليك هديل:"عنقات كوتر" وراني كنعرفها ..كنا هضرنا ياكي؟

كوتر: وي ههه سافا عليك 

هديل: بخيير احبيبة قهراتني لقراية ..بيغيت هي فوقاش نضرب كاغيط 

كوتر:مخطوبة؟!

هديل:"وراتها لخاتم وكتعوج" ياختشي مبانشي ليك هاد لحجرة قد هايدا فصباعي ...جابها لي سيد الرجال 

كوتر: ههههه تعاديتي من لكروب ههه.."كلسو عاد عيطات هاجر لسرباي خداو لبنات شنو بغاو وجاب ليهوم طلب" ..

هديل: عرفتي شحال ديال طريق باش نوصل لهنا ..

كوتر: انا هنا قريب لي لدار ..مي كنت فمدرسة 

هاجر:فين ساكنة نتينا؟

كوتر:فإيبيريا ..

هديل:وحتا هاد طرنونة ساكنة تماك 

هاجر:داري انا تماك وماما ساكنة ف فال فلوري

كوتر:انا فموبل ***

هاجر:"طلقات ضحكة" مايمكنش هههه انا تماك وبضبط تروازيام

كوتر:اولي واش ساكنة قدامي 

هديل:صدفة موقعاتشي فالافلام هههع واش نتوما كتهضرو دايمان وعمركوم عرفتو كل وحدا فين ساكنا 

هاجر: واش سمعتي لبارح ..شي صداع بزااف شي واحد كاييهرس القشوع 

كوتر: هاا ..امتا ..معاياش

هاجر:مع شي 12 ..جيت باش نهز شي حوايج ..جبرت صداع وبقيت كنسمع داكشي حتى شي وقت سكت ..

كوتر: ماسمعت والوو ..دخلت كنوجد لغدا قبل مايجي مراد 

هديل: راجلك اسمو مراد ..خطيبي اسمو محمد 

كوتر: "شافت فهاجر" ونتي سنو سميت سيد الرجال 

هاجر: اسمو يونس .."صونا لكوتر لفون" 

كوتر: دكرنا سمن والعسل "جاوبات حدا لبنات" ألو مراد 

مراد:فينك؟

كوتر: فواحد كافي قريبة لدار ..تاصلات بيا واحد لبنت تعرفت عليها وجيت نشوفها 

مراد: ومالك مقلتيهاش 

كوتر: سمح ليا نسيت كنت سايكة وجيت كلست مع لهضرة 

مراد: اوكي متعطليش ..وبلا متعدبي غانجيب معايا لغدا

كوتر:اوكي ..فيد الله 

مراد: تهلاي فراسك ...قطعات وحطاتو 

هديل: ياه شحال كتحمقني هضرة مراكشين ..فراسك انا اصلي مراكشي 

كوتر: كيفاش ؟

هديل: انا معنديشي حتى صلة بطنجة فقط كبرت فيها ..ماما من الغرب ..وبابا مراكشي ومع الخدمة ديالو صردوه لهنا واستاقرينا هنايا

كوتر:وكتمشي لمراكش؟

هديل: كتدينا ماما اما بابا مابقاشي كايمشي حيت تعادى مع عايلتو ..

كوتر: ان شاء الله تجيو عندي لمراكش كاملين ونساريكوم 

هاجر: أكيد ..غانعمل لراجلي ضجيج فموخو حتى نهودو 

كوتر: الى غاتمشي هاد الايام قوليها ليا نعطيك سوارت تداري كلسي فيها 

هاجر:موحال نمشي ..كاين بزااف ديال العراضات 

هديل: وعرسي ..مابقالو والو وغاتحضرو اكيد 

كوتر: ان شاء الله ...بقاو البنات مجميعن محسوش بالوقت حتى تاصل راجل هاجر ..وناضو وصلاتهوم كوتر وحدة وحدة ورجعات ..حلات لباب دخلات سمعات تلفازة شاعلة ..عرفات مراد كاين قربات ووقفات قدامو ..كان متكي لابس شورط قصير وتريكو بيض لاسق ..شافها وطفاها ...

مراد:تعطلتي...

كوتر: البنات معندهومش طوموبيل وصلتهوم ..حشومة 

مراد:بنات ياك قلتي غير وحدة

كوتر: جات حتى وحدة خرا ..

مراد:وباش عرفتي نتي طريق 

كوتر: جيبي اس ..عرفتي وحدة منهوم ساكنة قدامنا ..ديك لقلت ليك عايشة فاسبانيا ..دارها هاديك 

مراد:"شافيها وابتاسم " مزيان تلقاي ليونسك 

كوتر:"كتهضر وتبتاسم بدون شعور" عرفتي والله محسينا بالوقت حتى تاصل راجل هاجر 

مراد: بجوج مزوجين

كوتر:"كتحرك ايديها" لساكنة قدامنا سميتها هاجر وراجلها اسمو يونس ..والخرا سميتها هديل مخطوبة وقريب تزوج وعرضات عليا ..

مراد: ايهاااي يلاه شفتيها غاتمشي لعرس 

كوتر:الى خليتيني ..باغا نمشي نفوج شوي 

مراد:"حل دراعو" ان شاء الله ..بالفرحة تخشات فيه وعنقاتو باسها فراسها ..

مراد: نوضي راه الغدا فالكوزينة حطيه راه غانموت بجوع 

كوتر:وخا ..دخلات لبيت كتحيد فحوايجها وتبتاسم ..فجأة جمعاتها ووقفات لحركة وتفكرات فاش عنقات مراد ..وتفكرات كيف كان كايضحك مع البنت فالخدمة ..ورجعات طلعات معاها صهدة فقلبها وزيرات على فكها ..

كوتر: والله لعظيم وتفكر شي وحدة ضور بساحتو نقتلها ونمشي عليها لحبس ..اييه كايقولي ضحكي غا ليا "كتعيبو" وهو حال كراجو لوحدة اصلا باينة فيها سايحة وخاصها شي لحيسة ..ولكن غير صبري بيا ولا بيك اسي مراد ..الى منخليك تفكر 1000 مرة قبل متبين صدفة من صدف فمك منتسماش كوتر ..نبكي نهرس نغوت نتعصب منك ولكن راك ديالي ..جبدات بيجامة شورط بيض قصير حد ترمة لاسق وتريكو نص كم فالزرق طالع على السرة ..كتبان نص فالكرش ..غسلات وجها وطلقات شعرها ..دارت بونضو فيه ودينات كبار ..رشات شوي تريحة وخرجات كتعوج حفيانة ..دازت من قدامو مشافتش فيه ودخلات لكوزينة كتحط لغدا فطباسل ..حسات بيه دخل ووقف وراها لاسق معا ترمتها ...

حسات باحتكاكو الخفيف معاها ..بقات حادرة راسها خشا وجهو فعنقها..

مراد:نعاونك؟؟

كوتر: "بعدات من قدامو بلباقة مرجعة مخرجة ترمتها اللور" نوو راه قربت نسالي ..غير كلس 

مراد:"عاود جا من وراها" غاتكوني عييتي حتى نتي ..نعاونك 

كوتر:"ضارت تقابلات معاه وعلات عينيها بشوي" جبد عصير كاين فتلاجة ..

مراد:"عينيه على شفايفها" اوكي ...ضار مراد لتلاجة وتقلبات كوتر ابتاسمات بخبث ..بدات كتحرك وتعلى على صباعها بلعاني وهو كلس مقابلها حتى حطات كولشي فوق طبلة ..وكلسات مقابلة معاه ..حطات رجل على رجل وبدات كتاكل بتقالة ومكتشوفش فيه عكسو هو عينيه عليها ..

مراد: مالكي وليتي سكوتية 

كوتر:"شافت فيه ببرائة" نتا معزيزش عليك تهضر فالماكلة 

مراد:"كايتفحص ملامحها كان اول مرة اشوفها" همم وليتي كتسمعي الهضرة 

كوتر:"فمها عامر" هممم 

مراد: يلاه نمشيو لالمانيا ونرجعو مع ريما وأمين؟!

كوتر: مكاينش كيف ندير ..خاصني نسالي امتحانات لعندي باش ادخل ااصيف نكون مرتاحة ..

مراد: اوكي ..لعجبك 

كوتر: مهضرش معاك كريم على ود لعقد امتا غايجي 

مراد:مكنهضروش بزااف قاليا عندو خدمة مزيرة 

كوتر:حتى ريهام كتوجد الامتحانات ...قليل فاش كتجاوب على ميساجاتي 

مراد: كانو متافقين ايديرو كولشي فالصيف 

كوتر: وي ..هادشي علاش تافقو بجوجهوم ..

مراد: اكون خير ..كملو ماكلة وناضت كوتر كتجمع ومكملة على حراكتها لمايعة ..ومراد مقابلها بابتسامة ..وهي نسات اقدر بلي حافظها وعارف كل حركة كتصدر شنو مقصود بيها ..خرج لبراا كلس مقابل تيفي وهاز بيسي فوق رجليه ..كملات وخرجات كلسات بعيدة عليه شوي وسرحات رجليها هزات الفون كتبقشش فيه ..

مراد:فراسك وليتي كتعطاي لداك لقجقال بزاف 

كوتر:غير بان ليك ..

مراد: حتى انا غير قلت ليك ..اجي حدايا باغي نوريك شيحاجة

كوتر:"ناضت كليات جنبو رجعات شعرها لجنب " شنوو 

مراد:شوفي هاد الموديلات ديال ضريساج كيف جاوك؟ ..واش هكا قصدتي لريما وأمين داك نهار؟

كوتر:"كتوريه بصبعها" غير لهادو الالوان ..او خليهوم وجيب لوينات خرين ..

مراد:"كايشم ريحتها" همم مزيان ..وشنو بان ليك فهادو

كوتر:حتى هوما زوينين ..."كتقرب ليه" وهاد الالوان زوينين ..وريتيهوم لشاف لمكلف 

مراد:"عينيه فعنقها" باقيي ..قرب ليها وحط شفايفو على عنقها واستنشق ريحتها مغمض عينيه ..حس بلحمها تشوك وخفضات فكها لتحت ..بعد شفايفو بضع ميليمترات وعاود حطهوم وطبع قبلة خفيفة ..

كوتر:"بعدات شوي" شوف خدمتك ..

مراد: همم "شاف فعينيها" نتي أهم من لخدمة ...اهم من اي حاجة خرا ..

كوتر:"ابتسامة بريئة" ودابا نتا خدام ..بالخف مراد حط البيسي بجنبو ..وضار هز كوتر حطها فوق حجرو وكايشوف فوجها ..

مراد: علاش نتي قصيرى بزاف؟ 

كوتر:نتا لطويل بزااف..وخاصك تحبس رياضة شوف كتافك قداش رجعو 

مراد:"جرها من خصرها طاحت على صدرو" هاد لكتاف فاش كايتخيفطو عليك ..وكتخشاي وصطهوم ..وفاش كتبقاش تحسسيهوم بايديك ..ديك ساعة عينيك كايقولو لعكس 

كوتر: اناااا ..كدبتي ....شدها من فكها وتحنى لمستواها طبع قبلة سخونة على شفايفها ..خلا وجها قريب ليه ونزل بايديه لترمتها ..شدها وسط كفوفو بجوج ..

مراد:تزككتي اشريفة ..

كوتر:"طلقات ضحكة" ههههههههههه عرفتي لا مجال مقارنة بين هضرتنا وهضرت شمالين هه تزككتي منين كتجيب هاد لمطلحات

مراد:نعاود ليك نكتة ..

كوتر:هههههه قوول نسمع ..

مراد: هادا واحد راجل مشا اسول على بنتو فالمدرسة دخل الادارة قاليهوم الاسم ..وهو اقوليه حارس لعام "واش مكررة" قاليه هو لا مزككة 

كوتر:تفو هههههههههه عقلو مسخ بحالك 

مراد:دابا خلينا فموضوعنا ...

كوتر:موضوع لخدمة ..اوا رجعني وكمل 

مراد: لااا احبيبة ....نزل لشفايفها كايقبل بحنان ..خايفها تقادى ..ايديه على ترمتها حتى تجاوبات معاه وارفع ايديه لكرشها كايتحسس وكايطلع تريكو حتى حيدو ومكانت لابسة والوو ..علا ايديه لصدرها ..شبع حاسة اللمس ..رجع لترمتها كايتحسسها نزل ليها شورط وتبعو سترينغ نزلها حتى استقرات على المعلم بدا كايتحك معاها حتى حس بنفسها سخونة كتخرج وعينيها تعسلو ...قلبها ببطئ فوق سداري ووقف كايشوف فيها نسل تريكو وشورط والبوكسر وتكا عليها رافع تقلو بمرفقو ..نزل كايلتاهم شفايفها وعنقها وصوت شهقات خفيفة كتخرج ....

قدر مراد ياخد مبتغاه كيف ديما ..عمرو لقا الرفض من كوتر وهادشي لمخليه كايعشق فوق العشق .. عمرها حرماتو من شيحاجة كزوجة ..جميع متطلباتها كتأديهوم بقلبها ..كملو وهزها فوق منو وهو متكي على ظهرو ..بجوج عريانين وسط دار ..

مراد:بليييز يلاه نسافرو لشي بلاصة ..

كوتر:علاش باغي تسافر ..حتى اكون وقت ونمشيو فنما بغيتي 

مراد: باغي نفارد بيك مكاين غير لحلوة لحلوة ..

كوتر: على اساس هنا مكايناش حلوة ..

مراد:"باسها فكتفها" هنا نتي مقلقة ..وحاس بيك 

كوتر: حمد لله بعدا كتعرف ..ولكن ماباغيش تغير شوي ..الوقت لكنحتاج منك شرح ليخليني انرتاح نتا كتفضل تسكت 

مراد:اش غانشرك شيحاجة مكايناش ..

كوتر:حتى انا مابقيت قلت ليك والوو 

مراد:"علا راسها " دخلي لدماغك بلي كنبغيييك نتي وعمري نبغي او نفكر فوحدة من غيرك ..راه متزوجت بيك حتى اقتانعت بيك كزوجة ورفيقة درب ...وعطيتك وعد قدام الكعبة ..بلي غانبقا معاك كيف عرفتيني نهار الاول حتى نموت ..وتفكري شنو درت على قبلك نهار جيت من ايطاليا ..تبعتك ورجعتك ليا بزز منك ..هكا غانبقا ديما وعمري نخليك تفلتي من ايديا نقتلك حسن ...

كوتر:بغيت نصحك ليك واحد لمعلومة ..عمري نخلي اصلا شي وحدة تغكر تقرب ليك ..وداك نهار هاديك لكتعوج هكاك كون ما علا ودك قدام الموظفين ومكانتك فالخدمة كنت نشطب بدنمها الارض ...

مراد:والله معقلت شنو قلت ليها حتى ضحكات 

كوتر:نهار تشوفني كنضحك مع شيواحد كايقرا معايا غاتحس باش حسيت 

مراد:اصلا عصبتيني ..راه لماريو اعطيك البرهان 

كوتر:تعصبتي ..جرها باسها بجهد وبقا كايداعبها وهي كاضحك هزها هكاك دخلو البيت وكمل عليها ...

دازو أيام كوتر ملهية مع الامتحانات ومراد مع الخدمة ..هاجر صاحبتها مسافرة مع راجلها فجولة فشمال كامل ..هديل مرة مرة كتشاوف هي وكوتر ..ديما على صلة مع عائلتها وصحاباتها ..عمر تواصل نقص بيناتهوم او ااعلاقة بردات ..فترة بعد فترة حتى وصل موسم ااصيف ..سالات كوتر القراية ورجعات مقابلة دارها وكتمشي لاصال ..مهلية فراسها كتر من الاول ..واحد صباح فاقت نشيطة وجدات فطور لحبيبها كلا وخرج ..جمعات دار كاملة ..ووجدات وصفة منزلية حكات نص خيارة زادت عليها نص معلقة دقيق ومعلقة ماء ورد ..دهنات وجها وتكات سمعات صونيط فالباب وقفزات ..جرات لدوش مسحات وجها وبقا شوي لاسق لاحت عليها عباية وشال وتوجهات لباب قالت شكون وسمعات صوت بنية صغيرة جاوباتها "انا" ...حلات كوتر لباب بشوي لقات بنية صغيرة بيضة وضحيكة على وجها تقيبات تزين فخدودها ..لابسة كسوة بيضة وبالغينة وشعرها مطلوق كورلي 

كوتر:"بابتسامة" سلام ..شكون نتي 

: نتينا خالتو كوتر 

كوتر:ههه سلمى 

سلمى: اه اناا سلمى ...خرجات ليها هاجر من جنب لباب 

هاجر: ماخصكشي ضياف هههه 

كوتر:"تلاحت عنقاتها" حمقة ..كنقول مكاين ليجي عندي 

هاجر: كان الحبيبة ..دابا كاينة انا كول ساعة تجبريني عند بابك نعملك الصداع والفتنة 

كوتر:"تحنات هزات سلمى ودارت طريق لهاجر" دخلي والله الى نهار كبيير ..فرحت ملي جيتي "باست سلمى" حلوة عندك هاد لبنت 

سلمى: هههه "كضحك حشمانة"

كوتر:فين خليتي عبد النور..دخلو كلسو فصالون 

هاجر: بقا عند ماما وخوتي ..العشية اجيبوه لي 

كوتر:"حاطة سلمى فوق رجليها وكتبوس فيها"ياختي على هاد لبنت عندك ..والدة زين 

هاجر: كتشباه لماماها ههه 

كوتر:تقة فالنفس والله يا هاجر فرحتيني كتر من لقياس 

هاجر: اواعدي ياالعايلة ..حتى نهاد الدراجة قنطانة ..وانا كنمشي اسبانيا بوحديتي 

كوتر:"وقفات هازة معاها سلمى" وانتي ولفتي ..وهكا كان حالك فالاعوام الاولى 

هاجر:ضروري ..حتى تينا هادي يجي وقت وتسانس هنا ماتبقاش تحملي مراكش 

كوتر: كتحلمي ههه خلاتها ودات معاها سلمى دخلات كوزينة حطاتها فوق بوطاجي باستها من حناكها ..جبدات عصير من تلاجة وقادات طباسل فيهوم حلاوي ومملحات ..وعطات لسلمى بواطة شكلاط صغيرة ..خرجات كتحط ورجعات هزات سلمى وكلسو كايتحتتو واضحكو داز لوقت تسمع لباب كايتحل ..وقفات كوتر قربات لباب 

مراد:"فين كنتي 

كوتر: تافيين علاش؟

مراد: شفتك لابسة ..

كوتر: ههه نسيت وبقيت بيهوم جات عندي صاخبتي هاجر وبنتها فاش صوناط فالباب لبست عليا حيت معرفتش شكون ..

مراد: ااهه اوكي "جرها باسها فراسها" الله ارضي عليك ..بغيتي شيحاجة نخرج نجيبها 

كوتر: لا كولشي فدار ..

مراد: اوكي انا ندخل لداخل ..وخليك مع صاحبتك ..حيدات عباية وشال مداتهوم ليه ورجعات عند هاجر ..

هاجر:هاي هاي ..اللون د شعرك مزيون بزاااف ..وحتى القوصة

كوتر:شفتي زين كيف داير ونتي نافخة ريشك من قبيلة ههه

هاجر: هههه وعلاش كنتي مخشية فديك لعباية ..ومخبعة هادشي كامل 

كوتر: هاني نشرت زيتي تشوفيه ههه بقاو جهد ربع ساعة خرا عاد ناضت هاجر خرجات دخلات كوتر عند مراد لبيت كان مسرح لابس شورط وحاط بيسي فوق كرشو ..

كوتر:"تلاحت جنبو" قريب عرس هديل غاتخليني نمشي 

مراد: عرس مخلط؟

كوتر:اقدر 

مراد: إوا 

كوتر: كيفاش آوا ..غاندير فولاري عادي 

مراد: كوتر راني كنعرفك ..مغاتكلسيش الارض وتبقاي تعوجي والعينين حاضينك ..ومنقبلهاش على راسي وحتى تفكير فيها

كوتر: منشطحش ..كون هاني غانكلس ونبقا نشوف بعينيا 

مراد: حتى لديك لوقت واكون خير ..نوضي الى كاين شي غدا ولا نسيتيني؟؟

كوتر: لاا منسيتكش ..باستو فحنكو وناضت لكوزنة وجدات وعيطات ليه تغداو بجوج..بقا مراد خدام فالبيسي وكوتر كتفرج حتى وصلات لعشية مع شي 6 سمعو دقان وناض مراد حل لباب لقا سلمى قدامو ..

سلمى: مكايناشي خالاو كوتر؟

مراد:"تحنى وابتسامة على فمو" خالتك كوتر موجودة شكون نتي 

سلمى:"بصوت انثوي وطفولي" انا سلمى ونتينا ؟!

مراد:"مد ايدو شدات فيه وقرب باسها فراسها" انا عمو مراد ..دخلي خالتك كوتر لداخل ..دخلات كتمشى قدامو بسالوبيط دجين حد ركبة وشعرها مطلوق كيف لعادة مراد وراها وابتسامة على شفايفو ..

كوتر:"شافتها وكلسات" اهلا زين ..مرحبا بيك 

سلمى: صرداتني ماما لعندك قالت ليك مشي عنها 

كوتر:"ضحكات" وخا احبيبتي 

مراد: فنكوشة هاد لبنية 

كوتر:"هزاتها باستها" كتحمق ..كتهبل .."حطاتها" سيري قولي لماماك انا ماجا لعدنها 

سلمى: وخاااا ..ضارت غاديا لباب مد ليها مراد ايديه شدات فيه وصلها حتى لباب حل ليها خرجات وسد رجع عند كوتر وابتسامة نفسها على شفايفو ...

مراد: غاتخرجي..

كوتر: غانمشي عندها لدار مخارجين فين 

مراد: اوكي ..دخلات لبسات عباية سامبل فالبيج وشال فالماغو شوكولا رشات شوي ريحة وهزات الفون ديالها وخشات بلغة بيج فرجليها وخرجات ..صوناط وحلات ليها هاجر ..لابسة فراشة نص كم خفيف وشعرهت مطلوق فالاكاجو ..وابتسامة على شفايفها 

هاجر: مرحبااا ..دخل دخل 

كوتر:"سمعات لهضرة" شكون عندك 

هاجر: رجالاا هه نتينا دخلي بلا صداع ..دخلات هاجر سرحات عينيها فدار مفرشة ومقادة باين دوق هاجر ..وصلو صالون هضرة كتيرة وقفات كوتر وكتشوف عياللات وبنات بزااف كالسين مقابلين لبعضياتهوم وطبلة كبير وسط صالون مشكلة بالحلويات والمملحات وصنية مدهبة بكيسانها وبراد منقوش.. قالت سلام حشمانة حيدات بلغة ودخلات وعلى جنبها هاجر ..بدات كتسالم

هاجر: هاد سعاد جارتنا فالعمارة ساكنة فطابق الرابع....وهادي انصاف معاها فنفس طابق ..وهادي لالا جميلة ساكنة فطابق الاول ..تسالمات معاهوم كوتر حشمانة وكاملين كايرحبو بيها..دازت لجهة الاخرى من صالون ..

هاجر:اوا هاد ما خالتك نادية .."تعانقات مع كوتر بحرارة وكوتر بادلاتها نفسو "..هادي ختي ليلى وهادي نورة وهادي فاطمة الزوهرا..تسالمات معاهوم كوتر وكلسات حشمانة ..كتبتاسم

لالا جميلة: مرحبا ابنتي نرورتي لعمارة ..تبارك الرحمان مزيونة وكدخل لخاطر ..

كوتر: ربي اخليك ترحب بيكوم الجنة ان شاء الله 

هاجر: بسطو معاها لهضرة راه مكتفهمشي بزاف ههه 

نادية: بشويش عليك ابنتي حتى تعلم 

كوتر: علماتني هاجر..وليت كنفهم بزااف تالكلمات 

انصاف: قالت لينا هاجر نتينا مراكشية

كوتر: إيه مراكشية ..وعمري جيت لطنجة حتى كتاب عليا نسكن فيها ..

لالا جميلة:تبع راجلك ..فينا مشا ..كون فجنبو وشبر فيديو 

كوتر: داكشي لكاين ..تابعة راحتو ..سكنا فدبي شي مدة ورجعنا لمراكش ودابا جينا لهنا 

سعاد: تنقلتي بزاف ..شني خدمة راجلك كتجبرو اتتقل ؟

كوتر: لاا ..هو فالاصل خدام فهادشي تسيارات ..كايبيعهوم ..وخلا شركة فمراكش وجينا لهنا ..ودابا مقابل اوطيل ***** ديال صاحبو 

نادية: تبارك الله الله زيد وبارك ..وهو عاجبو الجو هنا؟

كوتر: ايه ..كايقوليا ديما الجو تطنجة كايريحو بزاف هههه 

لالا جميلة: شحال ونتي مزوجة ؟

كوتر:قريب نكمل عامين

لالا جميلة: ماعمليتشي عواول اعمرو عليك ؟!

كوتر: طاح ليا ..ومن ديك لوقت باقي مجابش الله 

نادية: خير ابنتي ..متعملشي فخاطر ..معرفتيشي لخير فين ..دروك اجيو واعملو ليك صداع وتقول ياريت هههه هاك وقع لهاجر وهاهي دابا كتهود لمغرب تحطو لعبد النور فدار وتهنا

كوتر:"شافت فهاجر" جيبيه ليا نشوفوو 

هاجر: ناعس ..افيق مجيبو ليك ..بقاو مجمعين هضرة تجبد هضرة ارتاحت كوتر ليهوم ..وتداخلات معاهوم ..فاق ولد هاجر وجابتو لكوتر لابس شورط بيج وتريكو بيض منقط ..وجهو مضور وحنيكات حمرين بنعاس عوينات مجبدين ومشفرين ..شعر كحل خفيف ورطب ..كاعض فصبيعاتو ..شداتو كوتر شبعات فيه بوسان ..محسوش بالوقت لداز حتى وصلات 9 وناضو جرات قصدو ديورهوم وحتا كوتر رجعات لدار ..دخلات لقات مراد ناعس على ظهرو مغطي عينيه بدراعو ..قربات لعندو وباستو فوق ايديه حس بيها وتحرك حيد على عينيه وشافيها ورجع شاف فساعة ..

مراد : تبارك الله ..3سوايع 

كوتر: هههه غبت شوي وحسبتي سوايع وانا كتخليني نص نهار كامل بوحديتي 

مراد: ورجعت كنخدم فدار باش منغيبش بزاف 

كوتر:"كلسات جنبو وتكات على صدرو" اخلي لي حبيبي وتاج راسي ..

مراد: صبغيني صبغيني 

كوتر: والله حتى حبيبي وتاج راسي ونور عينيا وحياتي ..

مراد: باغيا شيحاجة تاني هههه 

كوتر:"علات راسها فيه" بغيتك نتا ههه 

مراد: واش كنحلم ..باقي اقدر مافقت 

كوتر:الله اسمح ليك ..تقول عمري دلعتك ...عنقها كايضحك وباس راسها ..ناضت لبسات وخرجو تعشاو وسهرو براا رجعو ونعسو ...دازو ايام خرين وكوتر تقربات من عيالات فالعمارو وكل مرة تصيفط ليها وحدة طبسيل فيه شيحاجة ..عرس هديل بقا ليه سيمانة ورجعات كوتر كتلحلح على مراد بصباح والعشية 

كوتر: وشنو قلتي دابا ...نمشي ولالا 

مراد: الله ارضي عليك ..ديري بناقص وصيفطي ليها كادو 

كوتر:علاش مابغيتينيش نمشي ؟!..غير نفوج تنا شوي ونبدل لجو ..وزائد غايبقا فيها لحال 

مراد: والله ماعاجبني لحال ؟ ..منبغيش شيحد اشوف فيك

كوتر:واش انا بوحدي لكاينة فااعرس ..وشماليات كاع زينات فين غانبان انا؟

مراد: كل واحد عندو حقو فزين ..وكل واحد لاش كايميل ..

كوتر:"تعلات باستو جنب فمو" ربي اخليك احبيبة خليني نمشي وراه حتى هاجر غاتمشي 

مراد: اوووف ...وخاا وخاا وتبتي الارض ولا نغضب عليك دنيا وآخرة 

كوتر: الله احفظ ..صافي صافي ..سمعات الفون كايصوني هزاتو دوزات ااخط وكتسمع صوت زعاريت فقاع ودنيها ابتاسمات حتى بانو ضراسها ..

كوتر:"كتنقز" نجحتي ...نجحتي ..

ريهام: نجحت وجبت نقطة لبغيييييت ..يووووويووووووي ..

كوتر:مبرووووووك عليك ..واخييراا تهنينا من صداعك 

ريهام: واااااااااااع وااااااع ..روووووروووووي ..جبتها جبتها 

مراد:"خطف لفون لكوتر" مبرووووك عليك ..

ريهام:"كتغوت" لكااااااادوووو سمعتي لكاااادوووو 

مراد:طااعة واكلة نازلة واكلة كيف لمنشار 

ريهام:هاد لهضرة بخر بيها ..كادو كنتسالو ليك 

مراد: على راس والعين ..مبرووك عليك ..قلتيها لداك راس طارو

ريهام: هاا ..لاء باقي ..

مراد: همم ..هاكي ها كوتر ..شدات كوتر وكملات معاها لهضرة عاد قطعات ..وشافت فمراد 

كوتر:شنو نشريو ليها 

مراد: والله مكنعرف فهادشي تالكادويات ..سوليها شنو بغات

كوتر: هههه صافي حتى لعشية نهضر معاها ونسولها ..

مراد:قبيلة سولتها على كريم وتلفات ...واش واقع شيحاجة بيناتهوم 

كوتر: معرفتش كنسولها عليه كتقوليا بخير ..

مراد:اقدر غير حسيت وصافي ..

كوتر:"عنقاتو من كرشو" كنبغيك بزاااف ..

مراد:حتى انا كنبغيك ..وفاش كتكوني فرحان كنهبل عليك 

كوتر: متغضبش عليا ..كيف قلتي قبيلة 

مراد:"بعدها وقوس حجبانو" هي ناوية تلوزي وتعوجي قدام رجال 

كوتر:"ببرائة" اناا لاا مالي حماقيت ..

مراد: اوا لعلم الله ..سيري لبسي نمشيو نباتو فاصيلا ونرجعو

كوتر: هي اللولة ...طارت جبدات صاك متوسط حطات فيه اشيائها وخبات شوميز خداتها جديدة ..لبيات تريكو بيض خفيف بالكميمات طويل حتى الرجلين بفتحات طالعين بجنب وسليم فالكحل واديداس فرجليها ..نضارات تشمس وكلوس خفيف ..مراد لبس شورط دجين وتريكو زيتي لاسق وكاسكيط ..خرجو شدو طريق الاصيلا حطو اشيائهوم وخرجو كايتمشاو على رجليهوم ..لاوية دراعها مع دراعو وكايتحتتو بقاو حتى تعشاو برا ورجعو لدار دخل مراد دوش وتبعاتو كوتر خدات دوش ووجدات راسها وكأنها اول مرة ادخل بيها ..دوزو ليلة حمراء ..صبحو من بعدها كل واحد معنق الاخر...

داز الاسبوع وبقا نهار لعرس هديل ..فاقت كوتر بكري خرجات مراد لخدمة ووجدات لغدا وجمعات دار طفات عليه ولبسات خرجات دقات على هاجر ..وخرجو بجوج راس فراس ..

كوتر: والله معرفت شنو ناخد ليها فالكادو 

هاجر:أنا عارفة والله لعظيم الى كل ساعة نسقسيها هديل شني باغا فالكادو ...هديل شني ناقصك فجهازك ..تقولي والوو 

كوتر:نمشيو لشي محل تالذهب نشوفو شي حاجة على دوقها شنو بان ليك 

هاجر: زعما ناخدولا نفس لكادو ..

كوتر: ناخد انا سنسلة ونتي براسي شنو بان ليك 

هاجر:علاشي مناخدو كوليي ونقدموهلا بجوجات 

كوتر: حتى هادي فكرة 

هاجر: اوا تبع طريق لغانقولك ..نمشيو عند واحد محل عندو داكشي مزيون 

كوتر: على بركة الله ...وصلو ودخلو اختارو ليها كوليي راقي وخفيف على دوقها ..مرصع بالاحجار فالازرق غامق ..قادو ليهوم مول لمحل على شكل هدية وصطو حطو كارط فيها تهنئة منهوم بجوج ..رجعو مع طريق ..

هاجر: نمشيو صباح لسبا نعملو مساج ونضورو بالحالة شني قلتي ؟

كوتر: واااه محتاجها ..شحال هدا مدرتها 

هاجر:اوا صافي ..صباح كملي شغالك وصردي لي مسج نلبس ونلبس لعواول ..ندوز نحطهوم لماما 

كوتر:اوكي ...رجعو ودخلات كوتر لقات مراد باقي مجا بدلات وكلسات هزات الفون ديالها وصيفطات لصحاباتها وختها مساج فواتساب ..جاوباتها ريهام 

ريهام: كوتر جابك الله بغيت نسولك؟

كوتر:خير وسلام شنو؟

ريهام: واش مراد كايهضر مع كريم 

كوتر: قدامي عمري شفتو هضر معاه علاش؟

ريهام:صافي 

كوتر:كيفاش صافي نطقي شنو كاين 

ريهام:معرفتش قرب اكمل شهر معرفت عليه والوو ..وحتى ختو كنهضر معاها حشمت نسولها 

كوتر: ويلي ..وساكتة ياختي معندك قلب 

ريهام:اش ندير نشد طيارة ..وزايدون كانو عندي امتحانات كنت ملهية فالحفاضة 

كوتر: ماتخافيش ..اجي مراد نسولو ليك ..

كوتر:ماتخافيش ..اجي مراد نسولو ليك ..

ريهام: اوكي ..وردي عليا متخلينيش كنتسنى 

كوتر: نتي شهر متحركات فيك الشعرة ودابا ناضت فيك لعافية

ريهام: والله احفظك متندمينيش 

كوتر: وصاافي ..سيري مراد جا ..حطات كوتر الفون وناضت استقبلات مراد ..كيف ديما ..داخل بكامل اناقتو حيت كايلبس الكلاس فالخدمة ..لابس سروال بلو مارين وشوميز فالبلوسالي مرشوشة بشوي تالبلو ..تاني لكميمات حد لمرفق وسباط فرجليه ..باستو فشفايفو ..وعنقها بدراعو ..كتبان قدامو كيف شي بنية صغيرة مع بنية جسدو لغادة وتزاد ...

كوتر: سير دوش نحط لغدا 

مراد: وخاا ..مشات وجدات كولشي وكلسات تسناتو جا تغداو وكل واحد كايعاود كيف داز نص نهار تصباح عندو ..سالاو وجمعات ومسحات كتخلي لكوزينة كتشعل ..خرجات لعندو كلسات جنبو مخشية فيه ..

كوتر: مراد بغيت نسولك 

مراد: وي 

كوتر: واش كتهضر مع كريم 

مراد: مدة مهضرناش علاش 

كوتر:ريهام مشطونة عليه ..قالت ليا قريب لشهر مهضرش معاها

مراد: واااه ..

كوتر: وطلباتني نسولك عليه 

مراد: صبري ."هز الفون ديالو ودوز نمرة تقاد فالكلسة" 

مراد: افين اعشيري بخيير 

هشام: حمد لله ونتا اش خبارك وكوتر مالين دار 

مراد: بخييير ..كولشي سانك سانك..نتا امور مزيانة غزال والواليدين الى هضرتي معاهوم 

هشام:مزيان مزيان حنا مع الغربة ...والوحم ديال غزال ههه

مراد: صبر هه قوليا واحد كريم فين غابر 

هشام: ههه كريم تشوفو تموت عليه ضحك ..كايدوز اكفس ايام حياتو 

مراد: ياك لباس 

هشام:ياسيدي دافعها جبهة وقاليهوم باغي اتنقل لمغرب ..واشد ليهوم سيستيم من تماك ..معطاوهش راس الخيط ولكن مدوزين عليه لكرفي ..مالاقيش امتا احك راسو ..ولقرب ليه كايسوط فيه كيف زوبيا "العافية" 

مراد:يالطيف يالطيف ههه

هشام: شحال من مهمة سافر ورجع منها ..وباقي لعاطي اعطي ..وانا شاك انهم غاقبلو طلبو غير بغاو اتكرفسو عليه باش ابرد قلبهوم من جهتو 

مراد: ماعليه غير صبر ..سلم عليه وقوليه الى لقا شي وقت اتاصل بيا 

هشام: هه الى شفتو نقولها ليه ..ونضرب ليه تصويرة نصيفطها ليك تحلف ماهو ..وجهو مخنزر وكايبرد سم فرياضة كتافو رجعو كيف شي غوريلا 

مراد: بقا ضحك عليه هه كولنا دزنا من داكشي نهار تانتا تبغي ترجع غايوقع ليك ماكثر 

هشام: هاد ساعة انا ترونكيل هنا ..بخير والله 

مراد:ماتمشي فين مشاك الله ..مهم نخليك بلغ سلام لغزال ودراري كاملين 

هشام: مبلغ وتانتا كدالك ...قطع ودار لعند كوتر وابتسامة على شفايفو 

كوتر: ياك لباس 

مراد: عندو خدمة كتيرة ..

كوتر: خدمة كتيرة مايقدرش اهضر معاها؟!

مراد: عقلتي فاش غبرت عليك ديك لمدة لمشؤومة ..هكاك هو دابا واقدر كثر 

كوتر: اواااه؟!

مراد: وييه نتي هضري معاها وفهميها بطريقتك وتحاول ما أمكن تخفف عليه والى مخدم نمرة تبقا تصيفط ليه ديما ..حيت ديك لوقت نفسية كتكون محطة كتبغي حاجة بسيطة تخرجك على لمود ..

كوتر: وخااا ..انا فليل نهضر معاها ...شوف غدا صباح غانمشي انا وهاجر لسبا 

مراد:"بسرعة خنزر" لماكياج لااا ..سمعتي 

كوتر: ولا بغينا نديرو غير ندورو بالحالة 

مراد: اوكي ..اوا جيو الاوطيل ..ومنها ضاحبتك تخلي فلوسها عندها 

كوتر: اوكي ..مزيانة "زادت تخشات فيه كتلعب بدراعو وتعنكشو وهو كايتفرج مخليها على راحتها ..ومرة مرة اقربها ابوس راسها ..داز نهار عادي وصل ليل هضرات كوتر مع ختها وشرحات ليها لموضوع مزيان وقراتها وفهماتها كيف تصرف ..

🌞صباح جديد ..بعد مافطر مراد وخرج جمعات كوتر دار ودخلات لبيت نعاس جبدات احسن عباية عندها ..كانت شراتها من دبي ..فالغوز بارد ومرشوشة بالعقيقات كبار بيضين .مطروزة بطريقة راقية وخفيفة من لكمام والجلايل بشالها فنفس اللون ..هزات ساك من برادا ..فالماغو شوكولا ..ونضارات شمس ..رشات بارفان وغلوس خفيف على شافيفها ..لبسات سندالة بلا فنفس لون ساك ..وخرجات دازت عند هاجر هزو دراري وخرجو ..حطوهوم فدار مامات هاجر عاد شدو طريق الاوطيل ..

هاجر:حق الله الى حشمانة من راجلك ..كون مشينا لشي بلاصة خرا 

كوتر:مالك فيك صداع ..اصلا الاوطيل ديال صاحبتي هه 

هاجر:كيفاش 

كوتر: صاحبتي لقلت ليك مزوجة صاحب مراد ..سميتو أمين منصور ..عندو اوطيلات وهدا شرا نسبة اسهم كبيرة وهداها ليها فالسبوع تتوأم ديالها ..وفاش حنا جينا هنا طلبو مراد اوقف على الخدمة 

هاجر: ااهه مزيان ..وخا هايداك حشمانة 

كوتر: فرعتي ليا راسي ..حشمانة حشمانة ..براكة ونتي ابليس كايتسخر اشري ليك طباشير باش كتقريهوم 

هاجر: الله امسخك الملعوقة ..تفو عليك ههه

كوتر: هاحنا وصلنا نزلي نفخي ريشك ..راه ماكنرتاحش لبنات لخدامين هنا 

هاجر: الغيرة ..العايلة الغيرة كتحرق ليك الاعصاب ..نزلو من طوموبيل بعد مافتحو ليهوم لباب ..دخلات كوتر كتمختر هازة راسها لسما ..وهاجر بجنبها بشوميز فالزرق وسليم بيض وشال بيض .سندالة بلا فالالوان ..دخلو وصلات لريسيبشن 

كوتر: بونجوغ ..عندنا حجز 

: شنو الاسم 

كوتر:كوتر***

:"بابتسامة عريضة" مرحباا مدام ..نورتينا 

كوتر: شكرااا ..

: تفضلي معايا ..تقدمات البنت قدامهوم حتى وصلو لجناح لبيوتي ..مجهز بكولشي ...اي حاجة متعلقة بالعناية ..بلغاتهوم البنت لجات معاهوم بشكون كوتر كولشي رحب بيها واستقبلوها بحرارة ..سبقو حمام البخار ..رخاو عضيماتهوم عاد دازو لمساج ومن بعد لعناية بالجسم والوجه ..قادو ضفار ..صبغات هاجر شعرها لماغو اشقر وبدلات لقصيصة ..كوتر اكتافات بسوان لشعرها رجع كايلمع كتر وقاداتو سامبل على طولو ..كملو وخرجو كايشعلوو حنيكاتهوم حمرين ونيفهوم كايلمع ..توجهو لريسطو جنب لابسين ..كلسو وخداو عصير ..

هاجر: مكاينشي ماحسن من نقاوة 

كوتر: نفسية كتقاد والله 

هاجر: بازاااف ..الاوطيل مزيون ..

كوتر: وي ولكن ديال مراكش حسن من هدا بزاااف ..هداك أمين مقابلو 

هاجر: حتى هيدا غايرجع حسن مع لوقت 

كوتر: مراد صعيب فالخدمة ..هو بحالو بحال صاحبو ..ولكن شخصية أمين فشكل ..كايضحك وانشط عكس راجلي ..حدودي 

هاجر:ههه طلع طلع شوفو ..كون انا تجبر فيا دودة باغا غالوقت لنشوفو 

كوتر: الله استر ..مابغيتش نخليك بوحدك

هاجر: اوعدي طلع ونساني انا ..نشوف بعويناتي حاتا تجي 

كوتر:"وقفات" انا مشيت ..هزات الفون فيديها وخرجات خدات سانسور وطلعات ديريكت ..وقفات على لمساعدة بابتسامة 

كوتر: ميسيو مراد عندو شي اجتماع 

: لا امدام ..

كوتر: اوكي شكرا ..توجهات لباب وحلاتو طلات براسها لقاتو خدام على شي وراق وتخنزيرة بين حجبانو ..حس بلباب وطلع راسو شافها وابتاسم 

مراد: كنت كنتسناك ...

كوتر"دخلات قربات ليه وتحنات باستو فشفايفو" مكنتش غانطلع 

مراد: وماشي حشومة عليك .."قرصها غحنيكاتها" ويتي على كريديسة ديالي 

كوتر:ههه كل مرة جيب كلمة ....جرها كلسات فوق رجليها وخشا راسو فعنقها ..كايشم ريحتها وهي كضحك 

مراد: غاتمشي لدار ديريكت 

كوتر: وي ...نوجد لغدا ونتسنى حبيبي 

مراد: بلاش انجيبو معايا غير ارتاحي ..باش فليل تقدري تسهري..

كوتر: هادشي علاش كنعشقك ..وكنموت فيك ..وخا عصبي وفيك شيحوايج خايبين ولكن حنييييين .."تخشات فيه" فاش كنكون معاك كنحس بحالا بابا حدايا ..خويا ..حبيبي ..راجلي كولشي والله 

مراد: حيت كنبغيك كنتعامل معاك هكاك ..باش تعرفي بلي راك غالية عندي .."شد وجها بين ايديه وطبع قبلة حنينة على شفايفها"..اخلي ليلي 

كوتر:وليليي .."وقفات" نمشي راه خليت هاجر صاحبتي بوحدها لتحت ..

مراد: وخاا مسخيتش بيك ..

كوتر: كنتسناك فدار ...ودعاتو وخرجات ..وصلات لسانسور كتسناه اتحل ..هزات راسها لقات قبالتها نفس البنت صاحبة الضحكة لماباغاش تنسى لكوتر ..تلقائيا خنزرات فيها كوتر.. والخرا طلعاتها ونزلاتها ..ضربات فكوتر ودازت كضرب بطالون والميني قصيرة وشوميز بيضة فاتحة صدف لفوقاني ..تبعاتها كوتر حتى شافتها فين مشات ..خرجات نفس سخونة وتبعاتها بكل تقة ..شافتها دخلات لمكتب عند مراد وقفات بعيد دقيقة عاد مشات ..بلا دقان حلات لباب ودخلات وابتسامة على شفايفها 

مراد:"شافها وتوثر" حبيبة ..البنت سمعات حبيبة شافت فالباب لقات ديك لخنزرات فيها ..

كوتر:"بدلع تقدمات لعند مراد" بغيتك فشي حاجة "وقلبات وجها طلعات ونزلات فليواقفة مصدومة" 

مراد: اييه هي اللولة ...خودي هاد ضوسي خدمي عليه تفضلي

:"تلفات" حاضر ميسيو مراد ..خرجات تسد لباب وهي تقلب وجها كوتر وخنزرات فمراد 

كوتر: واش لباس هدا كايمشيو واجيو قدامك ..راه تقحبين هدا ..وزايداها خنزرات فيا وضربات فكتفي ودازت ..غير برد راسي كنت غانفسخ ليها جلدة على اللحم 

مراد:"حابس الضحكة" برد برد ههه اقدر معرفاتكش شكون 

كوتر: نكون لكنت ..متشوفش فيا بديك الطريقة ..وهاني قلت ليك مرة خرا لقاها كتمشي وتجي عليك هكاك ..انا لغانجري عليها 

مراد: وخا الالا شيحاجة خرا 

كوتر: والوو تعطلت على لبنت ..جرها مراد باسها فحنكها كايضحك وهي مخنزرة ..نزلات لعند هاجر وخرجو بجزج دازو لمصبنة جابو تكاشطهوم ومشاو لدار ..حيدات كوتر حوايجها وتكات معقلاتتش حتى كتحس بيد كتلعب فشعرها ..حلات عينيهت كان مراد ..ابتاسمات ببرائة ..ووقفات سلمات عليه وناضت غسلات وجها ..حطات لغدا تغداو ..دوزو لعشية حتى قرب وقت لعرس ..بعد ماصلات كوتر لعشاء ..صبغات ضفارها بالغوز بيبي ..تحت أنظار مراد لكايخنزر فيها ..تسناتها نشفات وناضت لبسات دو بياس فالبيض ..ومن فوقهوم تكشيطة فالفيولي ..منبتة من الصدر والجلايل اللور ..حزام رقيق وكميمات لاسقين ..من التحت عريضة بحال سندريلا ..كلسات قدام لمراية..وهو اتقاد مراد فالكلسة مقابلها من اللور ...

كوتر: مغندير والوو ..غير شوي كريم فوجهي وغلوس 

مراد: مابقاش والوو 

كوتر: ندير والى جاك معيق نحيدو ..بقات كتسايس معاه حتى كملات وقفات قدات شال وهزات بوشيطة فالصومو وسباط طالون فنفس لونها رشات شوي ريحة 

كوتر: كيف جيت؟

مراد: مزيانة ..

كوتر: غير مزيانة صافي 

مراد: مزيانة براكة عليك ..ضحكات وقربات تحنات عنقاتو كضحك

كوتر: اخليلي لمغياار .."بعدات وشافت فساعة " هادا هو لوقت انمشي ندق على هاجر 

مراد:"خنزر فيها" علاه اشريفة عوالة تمشي بوحدك؟

كوتر: كيفاش!

مراد: كيف سمعتي ..غانديك ونجي ليك ..مغانخليكش تمشي بوحدك وترجعي مع الفجر وزناقي خاوين 

كوتر: ولكن راه 

مراد: مكاين بو ولكن ..كيف سمعتي ...

كوتر: وهاجر ؟!

مراد: مرحبا بيها نوضلكوم ونرجع ..

كوتر: صبر نتاصل بيها ..هزات الفون تاصلات بيها وبعدات شوي كتهضر 

هاجر: جبرتيني كنتغاوت مع سيد الرجال قالي متمشيشي بوحديتك 

كوتر:ههه تناا ..قوليه عايوصلنا راجل كوتر 

هاجر: هههه ياك العايلة حق الله حتى نكلس فموطعي منمشيشي لبلاصة ..

كوتر: هههه وااع ضحكتبني ..اوا صافي نتلاقاو تماك ..

هاجر: لسبقات تسنا ..قطعات ورجعات عند مراد 

كوتر: يلاه نوض وصلني ..وقف لبس تريكو وبقا بشورط قصير وكلاكيطة تصبع فرجلو ..رجع شعرو اللور بيدو وخرجو ..نزلو حل ليها لباب طلاعات وشدو طريق لاوطيل فين كاين لعرس ..وصلو ونزل مراد حل ليها وكولشي لداخلين لعرس بالكلاص كايشوفو فيه ..نزلات هي ووقفات 

مراد: مغادخليش 

كوتر: نتسنا هاجر تجي ..مكنعرف حد باش ندخل 

مراد:اوكي ..وقف تكا على لباب مربع ايديه وكايشوف فيها مقوس حجبانو ..وقفات جنبهوم رونج بيضة كبيرة ..نزلات هاجر من لباب لابسة تكشيطة دهبية مطروزة من الكميمات بمضمة دهب رقيقة وشال بوشيطة نواغ وسباط نواغ ..ماكياج خفيف فوجها ...شافت فكوتر وابتاسمات ..نزل راجلها ولاول مرة تشوفو كوتر ..طويل وعامر بيض حروفو كحلين واللحية خفيفة ..قربو ليهوم تقاد مراد فالوقفة سبق راجل هاجر وقال سلام مد ايديه لمراد ..

مراد: وعليكوم السلام ..

: انا يونس ..جارك لقدامك مرحبا بيك فااعمارة 

مراد: شكراا بزااف ترحب بيك الجنة .."هاجر شدات فكوتر"

هاجر: هاني مشيت 

يونس: ملي توصل لوقت صرديلي مسج نجي وراك 

هاجر: وخااا ...مراد اكتفى بنضرة لكوتر فهمات فيها كولشي دخلو كايتمشاو حتى وصلو لطبلة قرببة لعروسة وكلسو ..دخلات ااعروسة باللبسة الاولى كولشي وقف وهي فرحانة كتبتاسم لضياف ..كلسات نقشو ليها دخل لعريس بكامل اناقتو والفرحة على وجهو عرا ليها وجها وكلس جنبها ..مسحو ليها ايديها وناضت كوتر وهاجر باركو ليهوم وعطاوها كادو فرحات بيه ومداتو اماماها تحتافظ بيه ..داز العرس رائع وخا كوتر متحركاتش ولكن فوجات ونشطات وضحكات هي وهاجر ..وصل لوقت خرجات لعروسة بااغوب ..كل وحدة تاصلات براجلها ..جاو دقة وحدة ..ركبات كوتر مع مراد ...

مراد:"عينيه مجبدين بنعاس ومخبي وجهو وسط كاسكيط" تعطلتي 

كوتر: خرجات هي وتاصلت بيك 

مراد: همم مزيان ..

كوتر:معاياش نعستي 

مراد: مع شي 1 ...بقيت مقسر مع راجل صاحبتك ..

كوتر: فين؟!

مراد: فدار عندو ..رجعنا وشدني بزز دخلني كلسنا كنهضرو ونتنتقاشو ..ماحسيناش بالوقت ..ضريف الله اعمرها دار 

كوتر: مزياان ههه ...وصلو لدار دخل مراد تلاح على كرشو ..بدلات كوتر وتوضات صلات عاد تخشات تاهي تنعس ...

دازو ايام ..سافرات فيهوم هاجر وراجلها لإفران وكوتر ومراد كل ويكاند فبلاصة ولكن حدهوم شمال ..كوتر كل نهار توسل ريهام على كريم وقالت ليها بلي مرة مرة كايجاوبها بمسج صغير ..رجعات هاجر من سفر وحات كتصوني على كوتر فدار حلات ليها دخلات 

هاجر: فاطمة الزوهرا ختي جاوها خطاب 

كوتر:"بفرحة" مبروووووك عليهااا ..

هاجر: الله ابارك فيك الحبيبة ..عقبال نشوف فرحتك 

كوتر: أمبين ..وامتا العرس ..

هاجر: ااعريس ماجي زربان ..

كوتر: الله اكمل عليها بخيير ..حتى ختي ريهام كنا عوالين فهاد الصيف لعرس ولكن راجلها خرجات ليه خدمة وباقي معارفش امتا غابنزل لمغرب 

هاجر: كل توخيرا من لخير ..متعرفشي لخير فاش 

كوتر: داكشي لكاين ..

هاجر: شوف نقولا ليك منهنا...غاتجي توحضر معانا من الاول حتى الاخر 

كوتر: اقدر نزل لمراكش 

هاجر: ماشي سوقي ..انا قولتاليك 

كوتر: ههه ان شاء الله ...خرجات هاجر وبقات كوتر فدار كتحسر على ختها ..وكيفاش غاتكون حالتها ..حيت وخا ريهام كانت باغا لعرس اتأجل غاتحس بتوثر ..داز نهار عادي عند كوتر ..جا مراد قالتها ليه وعاود تاصل بهشام سولو ولكن باقي لوضع كما هو ..رجع مراد اقتارح على كوتر سفر ..ووافقات ولكن بعد ماتحضر لعرس خت هاجر وتشوف تقاليك فطنجة كيف دايرة ..دازو ايام ووصل الاسبوع ديال العرس..كانت كوتر كل نهار كدوزو عندهوم وترجع بليل ومراد صابر ليها وهي بدورها كتسايس معاها ودير لما منين ادوز حتى سالا لعرس بخير وعلى خير ..وبداو كايوجدو لسفر ..استقرو على تركيا ..وشدو طيارة لاسطنبول ..دوزو كتر من اسبوع زارو جميع لاماكين مشاو لانقرا حتى هي دوزو فيها كتر من 10 ايام ..ورجعو لاسطنبول ..

مراد: غدا عيد ميلاد أمين معرفتش شنو نجيب ليه 

كوتر: داكشي ديالكوم مجهد عليا 

مراد:ههههه نشوف ليه شي طوموبيل تنا 

كوتر: شوف نتا ...

مراد: عرفتي والله الى كتر من شهر وانا كنفكر ..

كوتر: بقاو تبادلو فطوموبيلات ههه 

مراد: اصلا هو موصيني على واحد نوع ..

مراد: اصلا هو موصيني على واحد نوع..مكاينش فالمغرب 

كوتر: اوا صافي هانتا لقيتيها ..واحسن حاجة تجيب كادو لشيحد اكون هو باغيه 

مراد: عانعاود نتاصل بيهوم اجيبوها ليا باشما كان ..

كوتر: ان شاء الله ...دوزو نهار زوين كيف كاع الايام زينة لقبل ...بقاو تماك كتر من اسبوع عاد رجعو لمغرب ..وفنفس النهار مشا مراد استلم سيارة لتعكسات ليه ..كمل الاجرائات وصيفطها فنفس الوقت لمراكش ..رجع ركب فطوموبيل ودوز لخط لامين 

مراد: لعشير بخيير 

أمين: رجعتي لمغرب 

مراد: اليوم صباح ..غاتوصلك واحد الامانة لدار 

أمين: خير وسلام ...

مراد: حتى توصلك وتعرف ..

أمين: ههه وخا اسيدي هي شيحاجة من تركيا 

مراد: وي تركية زعرة وعينيها خضرين 

أمين: هههه لا اسيدي ..براكة مغربية على راسي وعينية ..مكاين ماحسن من بنات البلاد ..

مراد: الله اخليهوم لينا ..حادكات كايتصنطو لهضرة ودايرة ليك قيمة ...

أمين: ودابا قول اش مصيفط 

مراد: سيير سيير تسالات ساعتك ..بوس ليا توينز 

أمين:واقوليا نتوما مجايينش لمراكش 

مراد: موحال ..صيف مشا والخدمة بدات وكوتر غاتبدا لقراية ..وحسن نيت بغيتها تولف 

أمين: فيها خير ..غانجيو عندكوم حنا 

مراد: ان شاء الله سلم على كوتر

مراد مبلغ ...قطع ونزل جنب الاوطيل بسروال دجين وتريكو نص كم فالحمر كاسكيط فراسو وسبرديلة نايك ..دخل مخنزر كولشي كايعطيه تحية ..طلع ديريكت لبيرو وقف جنب البيرو ودخلات لمساعدة ديالو 

مراد: جيبي ليا بزربة الوراق لمزروبين ...ومتحولي ليا حتى اتصال ..

: وخا مسيو ...خرجات بزربة جابت ليه ملفات حطهوم وتكا بيديه حاني راسو وكتافو لعراض خارجين ..بدا كتيقرا بتفصيل ..حتى سالا ووقع ورجعهوم ليها 

مراد: صافي هادشي لكاين 

: وي هادشي لموقف 

مراد: يلاه رجعي لخدمتك ...بقا واقف دوز لخط لكوتر تقابل مع زاج وعطا بظهرو لباب ..

مراد: حبيبة ناعسة؟!

كوتر:همم وي 

مراد: شنو نجيب معايا؟!

كوتر: لجبتي ..فينك نتا دابا ؟!

مراد: انا فال...."بونجوغ" تسمع صوت من لباب ديال فتاة ..مراد دار حابس لهضرة ..وكوتر سقلات ..مراد قوس حجبانو 

مراد: كاين شيحاجة اسمها دقان 

: ديزولي مسيو مراد ..سمعت بلي جيتي وقلت نجي نشوفك

مراد: كيفاش؟

: بغيت نقول نجي نسقسيك على..

مراد:"قاطعها معصب" حتى لغدا ..انا ليوم جيت غير شفت شيحاجة ..

: اوكي ديزولي "بدلع" حمد لله على سلامتك 

مراد:شكرا ..."رجع جاوب كوتر" حبيبة ..

خرجات لبنت مكسورة لخاطر بعد متلقات ردة فعل قاصحة من مراد وسمعات "حبيبة" زادت كملات عليها 

كوتر: واش هاديك تاني ..نتا كاين فالاوطيل 

مراد:وي هاديك ..جيت نشوف شي وراق خاصني نوقعهوم وهاني خارج 

كوتر: مابقاش عاحبني لحال امراد ..هاديك عيقات بلا قياس 

مراد: حبيبة هاني جاي لدار ونهضرو ...قطعات كوتر معصبة وحلات عينيها بزز منها ناضت كتغدد بينها وبين راسها وكتفكر لحوار لسمعات ..وكتحاول تكدب راسها ..ولكن احساسها كايقوليها حاجة خراا ..ناضت دخلات دوشات ورخات عضامها من لعيا تااسفر ..لبسات بيجامة خفيفة بسميطات وجمعات شعرها كعكة مخربقة ولقصيصة نازلة ...جبدات لحوايج كترجعهوم لماريو حتى سمعات لباب تحل ..دخل عليها مراد لبيت قرب باسها فحنكها وتلاح فوق ناموسية 

مراد: عييييييت ..صافي صيفطت طوموبيل لأمين ..

كوتر:لارد 

مراد: راه جبت لغدا راه فالكوزينة ..خلي داكشي وحطي لينا بغيت نعس شوي 

كوتر:لارد ...حطات شنو فايديها وخرجات لكوزينة وجدات كولشي عاد جا مراد لابس شورط قصير صدرو عريان شعرو كايقطر ..كلس وبداو كياكلو فصمت حتى سلاو 

مراد:"طلعها ونزلها" خرجي خرجي شنو فخاطرك

كوتر:"ضارت شاعلة مخنزرة فيه" انا هاد لحالة طلعات ليا فرااسي ..وديك خيتي كتراات بلا قياس ..تبقا تبعكك حداك "كتعوج فمها" مسيو مراد جيت نسقسيك ..مسكينة ..حاضياك على دخلة ولخرجة ..توحشاتك غبرتي عليها ..شوف عاد لفريع حدو هنا غدا جري عليها تمشي تخرا فحالها ..مغانبقاش نتسا حتى نوصلو فشي مشكيل كبير ..راه كاين واحد نوع معز عليها حاجة بنادم 

مراد:"قاطعها" انا تريكو ولا صاك ..ولا اقدر خاتم 

كوتر:نتااااا ديالي ..وبربي حتى نتسيف على جد مهااا ونوريها وجهي تالخرااا كيف داير 

مراد: بلا تخصار لهضرة ..

كوتر: باأقييي مخسرتش لهضرة ولكن كايبان ليا قريب ..قرييييب مراد: واش باقي مابغيتي دخلي لدماغك مكاين والو 

كوتر: ياك مكاين والوو ..اوا صبر حتى اكون وديك ساعة تهضر نخسر معاك 

مراد:"خنزر فيها" وصافي اكوتر تاني ..

كوتر: هاهي صفاأااات ..خرجات خلاتو فالكوزينة ومشات لبيت نعاس كتكمل جميع لحوايج وكتنطر ..كملات وخرجات كتقلب بنص عين لقاتو فصالون ناعس على ظهرو جامع رجل وطالق لخرا ..وتاني ايديه تحت راسو قربت ليه بشوي وطلات عليه رجعات لبيت دخلات وسدات عليها ..هزات الفون وتاصلات بريما

ريما: الحب سافا 

كوتر:"معصبة" م سافا ماوالووو 😡..طالع ليا لخرااا

ريما: مالكي ياك لباس؟

كوتر: واحد لقحبة فالاوطيل كضور بمراد 😡 

ريما: كيفااااش شكوون هادي وباش عرفتيها

كوتر: وقتما مشيت عندو كتجي وتبقا تعوج وتقلب فعينيها وشي لباس كتلبس ديال اجي نكحني ..

ريما: شنو سميتها ؟

كوتر معرفتش احرق جدها كيف رعداتني ..عرفتي شحال من مرة كنبرد باش مندير شي شوهة ولكن صبري تقادى عارفاني عصبية ولقرب لحاجتي ناكلو بسناني ..

ريما: جيبي سميتها ونهنيك منها الى كنتي بصح متقنة كضور بيه ..ماشي نضلموها ونخرجو على بلاصتها 

كوتر: لباين بااين ..واحساسي عمرو خيبني ...اليوم جينا من سفر مشا الاوطيل ..تاصل بيا حتى كنسمع صوتها دخلات عليه بلا دقان بلا والوو ..وقالت ليه جيت نشوفك ..كون قدرت نخرج نشوف لمها لعما زرق ..

ريما: ناري ياكوتر فاش كتعصبي..كتسيفي ...

كوتر: راه معرفاتش معامن طاحت ..اقدر كتشوفني داخلة سوق راسي لابسة فولاري غاتقولي هادي غشيمة وبحال مراد مايستاهلها ..الى منعاود ليك صباغة للاوطيل بشعرها ..

ريما: ههههههه ناري ضحكتيني ..صافي جيبي ليا غير سمية ومنهنا نهنيك منها حسي مسي بلا متنوضي صداع مع مراد ..

كوتر:مراد امشي اخراااااا ..."تحل لباب مع الكلمة ..جمدات كوتر فبلاصتها كتشوفيه " 

ريما:لوااااه بردي اصاحبتي ..الو ..كوتر ..وكوتر ..

كوتر:"بصوت خافت" حتى نتاصل بيك ...قطعات وباقي متبعة بعين لمراد لدخل وحل لماريو وقف قدامو عاطيها بظهرو ..وقفات كتفتق مزيرة على الفون بالتوثر..قربات ليه حطات ايديها على ظهرو 

كوتر:م م مرااد...ضار بجهد خنزر فيها حسات بقلبها وقف ..دفعها بايديه حتى كانت غطيح ..ومشا دخل لطواليط خلاها مشوكيا فبلاصتها ...معارفة متقدم ولا متوخر ..بقات واقف حتى خرج لابس شورط كحل وتريكو فنفس اللون ..كلس كايلبس سبرديلة وهي باقي كتشوفيه ..

كوتر: مراد راه مفهمتيش شنو كنت بغيت نقول ..

مراد:لارد 

كوتر:راه غير تعصبت ..مراد جاوبني ...فين غادي ..

مراد: لارد ...لبس وقف دار كاسكيط وهز سوارت طوموبيل ودار غادي حتى وصل لباب خارج وضار رجع لعندها نطر ليها الفون من ايديها وشير بيه بقوة حتى تضرب مع لحيط ونزل مفرتت ..غوتات كوتر وبقات مكمشة مصدومة ..رجع خرج وخالاها سد لباب بجهد ..كلسات كوتر جنب ناموسية ونزلو دموعها ..بقات كتلعن فلسانها لخرج ديك لكلمة ..تكات على ظهرها كتبكي وتنخصص ..كانت معصبة وتزاد عليها لخوف وندم ..بقات مدة طويلة كتسنى بفارغ الصبر ارجع حتى طاح ظلام ..ناضت لبسات عباية كحلة وشال وصندالة بلا هزات سوارت وخرجات ركبات فطوموبيل ..ومشات ديريكت لاوطيل ..دخلات لريسيبشن سولات واش كاين وحاولات متبينش قالو ليها مجاش من صباح ..خرجات وركبات فطوموبيل تحركات كضور كيف شي حمقة ..معارفة فين ولا عند من تمشي ..نزلات جنب محل كايبيع تيليفونات خدات واحد عادي وكارط جديدة شعلاتو ودوزات نمرة كتاصل كتلقا لخط مطفي ..رجعات لدار تشوف واش رجع مكاين والوو ..بقات كالسة كتحسر وتالفة ...ناضت توضات وصلات وكدعي ربي ابعد عليهوم اي وسواس اخسر علاقتهوم ..خرجات كلسات تاني مقابلة مع الساعة ..كتحسب دقيقة بختها حتى وصل منتصف الليل ..وناضت لبسات نفس الشئ وخرجات ركبات فطوموبيل وشدات طريق وحدة ..طريق الفيلا فأصيلا ..وخا طريق خايبة والليل متسوقاتش غادة وكطلب من الله تلقاه تماك ...وصلات وقفات فالباب ضربات ضوء لرجال قرب واحد شافها وحل لباب بلا مايهضر معاها دخلات نزلات من طوموبيل ودخلات ديريكت لوسط لدار ..كتقلب بعينيها ..طلعات كتجري حلات بيت نعاس لكبير وهي توقف مصدومة من المنظر مقدارتش تقدم ..او ترجع بلور ..بقات مسمرة مبلقة عينيها كتشوف ...

يتبع