مراد: لا ماقلت ليها والو وتا سفر مافراسهاش تالغدا عاد غانقوليها
امين : الله اديك واجيبك على خير ولكن خاصها تعرف كولشي عليك
مراد: اش غاتعرف الله اهديك واش هي قد هاد روينة كولها وتش هي غاتشرح ليها وتفهم وتصرف طبيعي وزايدون منين غانبدا ليها واش من مراد كيف كان وكيف ولا او نقوليها على مراد لسباب باه دخل لهاد المعماعة وفرط شخصيتو القديمة باش اتحول لوحش مافيهش لا رحمة لا شفقة اقتل احرق ومايتحركش فيه ساكن فنظرك الى قلت ليها هادشي باقي غاتبغيني واترتاح ليا....
اميين: كون هي تصنط ليا وتخلي كولشي وتجي تعيش فالمغرب وبراكة من هادشي
مراد: ههه منقدرش الى رجعت غانبقا نقتل اي واحد جا قدامي تماك كنقدر نبرد على الغضب كنتلدد وانا كنعدب وكنفتارس ...
امين: الله اجيب سلامة ههه وامتا غاتقدر تحكم فراسك
مراد: ماعرفتش ياك شفتي البارح شنو درت لكوتر
امين: بزااف اصاحبي على كلمة درتي ليها ديك الحالة
مراد: ماحسيتش براسي
امين: الله اهديك شوف انا كيف قدرت نحول شخصيتي وليت كنعرف نتحكم فراسي
مراد: دابا نشوف نهار طيح على زنافرك واش غاتحكم ولالا
أمين: ديك لحطيت عليها العين غانعرف ليها بلاتي غير تجي بيم اديا .. ودابا نوض نخرجو نتعشاو راه باقي انا ماكليتش
مراد: انا كليت ولكن الى غاتعرض عليا ماشي مشكيل نتعشا جوج مرات
امين: هههه نوض نوض هههه ....خرجو بجوج ومشاو لاقرب ريسطو راقي دخلو وجاو سربايا كيرحبو بامين بحكم الفنادق لعندو وصحافة كضل تكتب عليه كولشي كايعرفو.. البنات كولهوم كايشوفو فيهوم ..امين لا يقل عن مراد فالهيبة والتبوكيصة غير هو ديما ضحيكة فوجهو عكس لاخور عينين ديما معقودين ومكايركزش شوفة فبنادم عندو بحالا مكاينينش .. كان عقلو مع كوتر والخوف من انها تآدى الى عارفو اعدائو بلي كاينة .... عائلتو مكايخافش عليهوم حيت الاب ديالو كان كولونير كبيير لدالك مكايتحركوش بلا حراسة والفيلا ديالهوم ديما مراقبة وتحت اعين جيش قوي .....ولكن كيف غادير احمي حبيبتو بدون ماتلاحظ... لدالك سلم المسؤولية لامين ليقدر اعوض مراد فغيابو حيت تاهو مساهلش .....
مراد: اخخر هدرة 20 دقيقة (وقطع) ...نض غسلت وجهي وسناني لبست بسرعة فائقة كابيتشو كحل وسروال دجين كحل مقطع من ركبة وجهي درت كريم الشمس ماسكارة وعكر وخرجت لقيتو كتيتسنا... ركبت غانسلم عليه وطار عليا بوسة عنيفة جمع فيها حناكي وشواربي انا حشمت وخفت اشوفنا شيحد حيت قريبة الدار
كوتر: مراد حشومة
مراد: توحشتك كاين شي مانع
كوتر: توحشتيني ولكن بلا بوسان.... عاود طار عليا بوسة كتر من اللولة شاد وجهي بين اديه وانا كانتنطر منو والو حاكمني مزيان بحرا ماطلقني ودار شد طريق بحالا مادار والو ..تنا درت ااسمطة وبقيت ساكتة وهو مرة مرة اشوف فيا ويضحك
بقا غادي ماعرفت فين الوجهة هو ساكت وتنا هكاك مقابللاه بنص عين شنو كايدر.... شوي وقف حدا واحد العمارة كبييرة وراقية بزاااف خصر عليا جملة (تسناي هنا وماتخرجيش وماتحليش طوموبيل) ...خرج بقييت انا شوي وتفكرت المسج عاد غانشوفو جبد الفون قريت المسج صراحة خاصو اتعصب وتفكرت ميساجاتي مع دراري ودخلت بيت نمسحهوم الاحتياط واجب حيت الاكترية هدرتي معاهوم كيف مع ياسين ولكن مابيناتنا والو انا في طور المسيح حل مراد الباب بسرعة كبيرة مد اديه الفون وخداه ليا قلبي غايسكت ماعرفتش كيف دار ليها.. مراد: شنو كاديري جاك مسج آخر
مراد: ومالكي على الغوات من حقي نعرف اش كاديري..... شاف لقاني داخلة الميساجات وبقا كايقرا وداكشي كتير والمشكيلة الكبيرة هي انني هادرة عليه انا وياسين فاش يلاه تعرفنا كان سولني عليه وقلت ليه (راه بحالو بحال الخرين لسبقووه وعرفتيني مكنعمرش راسي بهادشي الحامض ) ....هنا وقف القراية وعطاني الفون بكل هدوء تنا خديتو ولكن كولي خلعة من ردة الفعل حيت اي واحد بلاصتو غايتعصب ولكن واحد بحال مراد علم الله اشنو غايدير..
كوتر: شوف ماتفهمش غلط داكشي كان فاش يلاه تعرفت عليك
مراد: (بهدوء) ساهلة عندك هاد الكلمة ههه كل مرة كاتقوليها يااك هه... سمعي مزياان ودخليها لدماغك مدااام تحرك ليك هدا (حط صبعو على قلبو) وبغاااك صعيييب اخلييك نقتلك حسن ومانخليكش ودابا سكتي ومنسمعش حسك باقي ... تزير عليا قلبي بزاااف وجاتني البكية والخنقة ..ولكن للاسف انا من نوع ليمكايخرجوش ليهوم دموع... بغيتو غير اتيق فيا واعرف بلي تنا حبيتو من نهار شفتو تنا مابغيتش نتفلا عليه وماعمري فكرت فيها وجامي نفكر فيها حيت فاش صارحتو بحبي يعني كولشي حقيقي ولكن علاش ديما كايخلعني علاش بايخلي هاد العلاقة تكون مبنية على اساس كولو قتيل وعصا علاش متكوونش كيف كاع ليكوبل لكانشوفو فالافلام ولا الواقع حاجة خرا .. بقيت ساكتة وكنشوف من زاج ومقابلة طريق تاحسيت بيه جر ليا اديا وباسها ماشعرتش تا نزلات دمعة من عيني حرقاتني فحنكي.... مراد: نمشيو لفيلا ؟
كوتر: علاش باغي تاخد شيحاجة
مراد: نو نمشيو نكلسو تماك شوي ماباقيش قادر نشوف البشر ... حركت راسي بالايجاب.. ولكن خايفة اضربني تاني باش ابرد العصبية ديالو مشينا ليها كيف وصلنا نزلت دخلنا وحيت مافيهاش الفراش مشينا لبيت نعاس كلسنا هو كايتعامل بكل برودة
مراد: كوتر جبتك هنا بغيت نهدر معاك فشي حاجة
كوتر: شوف الا على داكشي بليز تيق فيا والله مابيني وبينو والو والمسج فاش يلاه هدرت معاك...
مراد: ساليتي ..هادشي نسايه صافي وسمعيني مزيان
كوتر: خير وسلام خلعتيني
مراد: واش غاتسكتي وتسمعيني
كوتر: صافي قول
مراد: شوفي تاصلو بيا الخدمة وخاصني نمشي ضروري واليوم ان شاء الله بليل غانشد طيارة
كوتر: مزيان شحال غاتبقا
مراد: ماعرفتش اقدر شهر ولا ستة شهور اقدر عام اقدر مارجعش.... حسيت بقلبي وقف او بمعني كانسمعو فودنيا كايضرب بشوي فشلو عليا رجليا وايديا تقالو ...كيفاش ماراجعش
مراد: مالكي شوفي بغيتك تكوني قوية كيف عرفتك نهار الاول وتحضي راسك وبعدي على الاذى بغيتك ديريني بحالا كاين حداك ومعاك
مراد: انا عميل سري فالمخابارات..... كيف قال ديك الكلمة بقيت كانتفكر جميع الافلام الاكشن ليتفرجت فيهوم كاين هي القرطاس والقتيل وكايخدمو فسرية وكايمشيو احاربو العصابات
كوتر: شنو كتعني هاد عميل سري
مراد: (كيضحك) حميقة ديالي ماعندكش لا تعارفي اهم حاجة دابا واعديني تحظي راسك ومتعدبينيش معاك ..
كوتر: ان شاء الله وخا مامتيقاش انك غاتبعد عليا وانا يلاه ولفتك وياك غاتبقا تهدر معايا كل ساعة يااااك؟ (كتهضر بحال شي بنية صغير حابسة البكية )
مراد: شوفي احبيبة الا لقيت كيف ندير والا مهضرتش معاك عارفيني خداام .....هزيت راسي شفت فيه وبقيت مركزة شوفة فعينيه ماشعرتش تا قربت ليه غمض عينية وحطيت شفافي على شفافو بغيت نشبع منو بقيت كنحركهوم على حساب باش كنحس مابغيت نفكر فواالو كانت اول مرة انا ندير المباردة وهو خلاني على راحتي مدار تا ردة فعل ..رجعت شوي لور شفت ليه فعينيه لقيتو كايشوف فيا وكايضحك
كوتر: مالك
مراد: والو هي زعزعتي ليا المشاعر
كوتر: كنبغيك وغانتوحشك بزاااف
مراد: تنا كنموت فيك ونتي روحي دابا ....جمع ليا حناكي بجوج بشدة وحدة وزير حتى خرجو شواربي لبرا ورجع غبوشة ديال قبيلة
مراد: شوفي كنقسم باللي خلقني وخلقك وباقي تهضري مع شي برهوش كيف مكان نوعو نتفاهم مع حبيبة بربي نشد طيارة نجي نحيد ليك عينيك وتركني فداركووم ماباقي تشوفي ماتحركي
كوتر:وصافي كتخلعني بهضرتك راه والله مابيناتنا شيحاجة وداكشي فاش يالله عرفتك اما دابا كانبغيك وكنموت علييك
مراد: مهم انا عطيتك انذاار .. بقا على نفس شدة تحناكي وعينيه كايشوفو فمي عرفتو غايتلاح عليهوم ماحاولتش نبعد خليتو حيت تنا باغيا نشبع منو ومن لمساتو وريحتو لسكانت فجهازي التنفسي قرب بقا كيمص ويجر بطريقة احترافية كايتبنن كايخرج لسانو وادوز بيه عليهوم وارجع امص واعض حسيت بحناكي ضروني رجعت راسي لور شوي... دفعني رجعت بلور فوق ناموسية قلع تريكو بالخف وجا فوق مني كايشوف شوفات خطيرة وكايبتاسم سرح بايديه فالجسم ديالي من ترمتي طالع كايتحسس وصل لكرشي وطلع كابيتشو وخشا اديه كايحرك صباعو حركات دائرية فوق كرشي طلعاتني تبوريشة...نزل لعنقي كيمص ماشي كايبوس قصحني كنحس بلحمي كتقطع سخونية طلعات من صبعي صغيير وبديت كندفعو هز راسو شاف فيا زعما رساي ورجع لفمي كمل عليه وايديه مزاكيينش طلع بيهوم لصدري كايعصر بحناان.. حسيت بنفسو زاد سخنات كتخرج من نيفو وزاد زير على صدري وتقلبو بوسات لعضان المعلم وقف وكنحس بيه مع كل مرة كايتحاك معايا غايخرج من سروال وتنا ماباقيش قدرت بديت كنتخدر من لمسات ديالو عينيا مقدرتش نحلهوم.. ونا نبعد عليه لوا اديه على عنقي بحالا غايخنقني وبقا كايشوف ليا فعينيا وهو اصرفقني بشوي فحنكي
مراد: كنبغيه وماعمري نآديك كوني هانيا
كوتر: وهيا لارجعتي اللور بشوي وطلقتيني
مراد: خليني نشبع منك راني غانتوحشك
كوتر: خفت ماتشبعش وتطمع
مراد:(كيضحك) ياك الحمقة
كوتر: حمقة وكتبغيها وكتموت فيها
مراد: وبزااف.. شفتي كون تزوجنا كون خليتك حاملة
كوتر: نوض الله امسخك ....باسني بوسة آخيرة خلا دم خارج من شاربي تحتاني وطلع باس ليا راسي وناض وااو تقول جبل وطاح عليا ياربي سلامة وحش ...ولكن كتهبلني طريقة تعامل ديالو كيف كايقدر املكني واخليني نتهدن بين ادييه كيف كايكون سيد الموقف كتحمقني طبيعتو القاصحة وكيف كايرجع حنين فلحظة
كوتر: واش الا مشيتي غاتبقا عندك هاد نمرة
مراد: كنقوليك مكلخة ولا كتبوهلي عليا
كوتر: حشاك دابا سولتك جاوبني
مراد: نو عندي نمرة ديال تماك بوحدها
كوتر: باش غانعرفها انا
مراد: غينوصل نتاصل بيك احبيبة
كوتر: عنداك تنساني
مراد: ونا نقدر قلبي عندك كيف غانعيش
كوتر: بالماكلة .... جرني وعنقني بقا كايعنكش فيا وكنضحكو حاولنا ما امكن نتفاداو فكرة الودااع وصلات وقت خاصني نمشي وتزير عليا قلبي بزااف فيا الخوف ماعرفتش مناش واش خايفة نخصرو خايفة ابعد وانساني معرفتش ماحسيت تا بديت كنبكي شافني وهو اخنزر فيا
مراد: جمعي دموعك
كوتر: خايفة امرااد بزااف
مراد: حيدي دوك الافكاار من بالك حاجة وحدة عاوينيني بالدعاء
كوتر: الله اديك واجيبك على خير وتهالا فراسك وماطولش عفااك مراد: تانتي منوصيكش تهالاي فراسك واي حاجة غاديريها نعرفها اول باول وعاودي ليا تفاصيل
كوتر: واخا احبيبي... عنقني وزير عليا وتنا هكاك بقينا شي 5دقايق عاد قاليا يلاه نديك الدار باش متعطليش وصلني تسالمت معاه ودموع فعينيا نزلت مشيت الدار دخلت ديريكت البيت سديت عليا وبقييت كنبكي اول مرة نحس بدمووع لكايخرجو من قلب ماتقبلش فكرة اكون بعيد بغيتو ابقا وخا اضربني كل نهار اتعصب كل دقيقة غير نعرفو بجنبي ونشوف عينيه ونشم ريحتو ...بدلت حوايجي دخلت بلاصتي وغطيت وجهي بمخدة وبقيت كنسترجع الايام ليدوزنا وكيف دغيا حبيتو ودغيا غايمشي بقيت هكاك تاسمعت ريهام كتعيط عليا جاوبتها وانا مغطية وجهي
كوتر: شنو بغيتي
ريهام: سولات عليك ماما امتا جيتي
كوتر: شي شوي باش دخلت
ريهام: عري وجهك وهضري مالكي
كوتر: شوفي راسي ضارني خليني بغيت نعس
ريهام: ماغاتعشايش ؟
كوتر: اوووووف فيك الأسئلة بزااف لاا لاا بغيت نعس
ريهام:وخا تصبحي على خير
كوتر: خرجي وطفي ضوء وسدي الباب
مراد حط كوتر ومشى بسرعة كبيرة لدار جمع حوايج ديالو هز وراقو توادع مع دارهوم بطريقة باااردة خالية من المشاعر ..خرج مشا عند امين حيت طريق المطار وصل الفيلا ديالو كانت فحي هادئ بزااف وتاصل بيه
مراد: خرج عندي هاني فالباب
امين: وخاا هاني جاي ....خرج وركب معاه فطوموبيل
مراد: هاك هاد نمرة باش كنت خدام هنا فالمغرب خليها عندك واحتافظ بيها حتا نقوليك بغيتها انا غادي دابا ...
امين:وخا اخويا طريق سلامة ...
مراد: شكرا ا امين والله اخويا منسا خيرك تانتا تهالا فراسك وكيف وصيتك... والله ايسر ليك
امين: بلا متوصي كولشي فعينيا وتانتا الله اجيبك على خير توادعو بعنااق رجاليي علاقتهووم قوية بزاااف كتر من تصوير .. مشا مراد المطار لقا باقي شوي الحال كلس اتسنا وخدا الفون مشا لتصاور كوتر لكان كايصورها بلا ماتناتبه ليه بقا شحال ساهي فملامحها ومركز عاقد حجبانو ومزير على ادييه.... فيقو من سهوتو آخر نداء من أجل صعود الى طائرة جمع الوقفة وطلبب من الله تيسير ...
¤¤ الفراق من امام اعيننا الاحلام ومن حبنا اوصلنا الحب الى الفراق ومن نبضات انين اعتلت القرار ومن قصة حبنا التي تجبر على الاحتظار هكذا ابتعدنا واصبح كل منا للآخر ذكرى يغتالها الغياب ¤¤
اصبحنا واصبح الملك لله .. فقت راسي كيحرقني وعينيا تقاال عليا لدرجة مقاداش نوض من المخدة نعست على ضهري وبديت كنحل عينيا وكنشوف فسقف تفكرت مراد ليمشا ماباقيش غانشوفو وقت ليبغيت مابقيتش غانشم ريحتو غانتوحش عينيه ليكايهبلوني.. بداو دموعي تاني كينزلو غي بوحدهوم وقلبي ولا كيحرقني دوزت ايديا على وجهي وطلبت من الله ارجعو ليا على خير...نض غسلت وجهي ونزلت باش نفطر ونحاول نتعايش مع هاد التغيير..
ماما: على سلامتك مني فقتي باقي الحال
كوتر:(بصوت مبحوح) والله اماما الى فايقة غي بزز بغيت نبقا هي ناعسة
ماما: مالكي ياك لاباس واش عيانة
كوتر: غي راسي كايحرقني
ماما: غايكون سبابك غي كدوشي وتخرجي
كوتر: ممكن اكون هاداك هو سبب..... فطرت بقيت كالسة كنتفرج عينيا كايشوفو تيفي ولكن عقلي فبلاصة خرا ومقابلة الفون كانتسناه اتاصل بيا قلبي مشوش وماعندي ماندير ماعندي نمرة لا والو تعصبت وتلفت بقيت هكاك حتا وصل الغدا جا بابا من الخدمة ونض نتغدا معاهوم
بابا: كوتر باقي مقررتي شنو ديري العطلة سالات..
كوتر: بحالاش ابابا
بابا: شوفي نتي ليباغيا حنا معااك ولا ولفتي راحة
كوتر: والله ابابا مهاكاك خاصني غير نفكر مزيان ومابغيتش نزرب وممكن نبقا هاد العام غير دار وندير سونطر نزيد نتعلم اللغات
بابا: اوا غير فكري مزيان لسلكك انا معاك فييه بغيتي ترتاحي مافيها باس ..تنهد .. فاش غانفكر ابابا بنتك عقلها دابا هي مع الحيوان ليسافر وماسول ماقاليا كيف وصل .. بنتك عقلها دابا مبلوكي كيف غادير تفكر
كوتر: اكون خير ابابا انا نغكر ونرد عليك الخبار ...كملنا الغدا ونض لبيتي تكيت بقيت كنفكر فيه تعصبت بزاااف بقيت هكاك حتا نعست مافيقاتنيش ماما حتا ظلام الحال نض قلبت الفون هو اللول ولكن والو مكاينش شي ابيل ضرني راسي علاش دار هكا تفووو نض غي نبدل ساعة كلست انا وماما مجمعين ريهام مكايناش يعني سكاات فدار هي لكاديرة ضجييج ..ماما:مالكي نتي مهمومة اش عندك
كوتر: والو راه قلت ليك صباح راسي كايحرقني
ماما:لا لا شيحاجة خرا حيت هي ساهية... ضراتتي بالاسئلة قاللخر قلت ليها مراد سافر حيت عيطو عليه الخدمة عاود ليها داكشي ليبغيت وخبيت عليها شي حوايج
ماما:شوفي احسن حاجة تفكري فلي قاليك باباك وتشوفي شيحاجة تلهاي فيها بيدما ابدا تسجيل فالمدارس وديك ساعة اختاري تخصص ليبغيتي
كوتر:ايكون خير اماما انا غانوض البيت نتكا شوية خليتها ومشيت البيت سديت عليا والفون مافرقتوش عليا بغيت نتسطي قرب اكمل 24ساعة وماتاصلش واخا اكون غادي للقمر غايكون وصل هزيت بيسي حليت الفايس بغيت هي نتلها باش مانفكرش حيت راسي غايطرطق وفيا الخوف .... لقيت بسمة اولين
كوتر:حبيبة سافا
بسمة:عاش من شافك يا صحبتي غبرتي توحشناك
كوتر: مشا مراد
بسمة: اوااه امتى هادشي
كوتر: البارح بليل شد طيارة
بسمة: الله اديه ويجيبو على خير ..كيف وصل؟
كوتر: وكون هي عرفت تنا بغيت نتسطى باقي ماتاصلش بسمة: علاش شحال من ساعة بينا وبينهوم وشحال غايدير فطريق
كوتر:بيناتنا 4سوايع وشحال غايدير فطريق معرفتش
بسمة:صبر احبيبتي ياكما وصل عيان ونعس دابا اتاصل غي تهناي
كوتر: هاني صابرة ولكن تشوشت عليه بزااف والله
بسمة: وصافي خوي راسك من دوك الافكار ونعلي شيطان كوتر:الله انعلو ويخزيه... قطعت معاعا جبد فيلم فاليوتيب نتفرج فيه ونسا شوي ولكن والو هي كانشوف شي لقطة فيها لبطل والبطلة كانتفكرو طفيت داك الزمر شربت كينة تراس ونعست..
أشتاق لك شوقا لا تستطيع الكلمة أن تكتبه ، ولا يستطيع الصمت أن يكتمه ..
نزل مراد من طيارة عاقد غوباشتو لابس مايو كحل وكاسكيط كحلة وفيها الحمر حيت الحرارة قاصحة.. كتافو العراض والهيبة ديالو حاضريين فينما كان كابتمشى بخطوات تقال وكاره هاد تسافيرة لجاتو على غفلة ...كانت ديك ساعة شي 12ونص تنهار بتوقيت الايمارات خدا طوموبيل ديالو كانت فالباركينغ تالمطار ديريكت الدار باش ارتاح وياكل حيت مكلاش طول رحلة ... دخل الدار لاح حوايجو دخل دوش هو اللول حيد العيا ديال طريق خرج مشا الكوزينة ولكن والو واش لقا مايتكال مع العلم عاطي دوبل تسوارت لكريم وهشام كايجيو ليها مرة مرة وخا كل واحد عايض بوحدو خرج لاقرب ريسطو خدا شنو بغا وعمر كرشو ..تفكر دار وكوتر مهضرش معاهوم خشا اديه فجيبو اجبد الفون وللاسف نساه فدار حيت دخل لاح كولشي وجوع عما ليه العينين ..رجع فحالو لدار كايضور سوارت فالباب سمع الفوت كايصوني طار هزو...
مراد:الو شاف
قائد: كيف وصلتي بخير
مراد:حمدالله كيف ديما
قائد: جي دابا ضرووري كاين واحد الاجتماع
مراد: 5دقايق نكون عندكوم ...دخلت البيت نعاس حليت البلاكار وعندي واحد الخزنة صغيرة فيها وراق الخدمة والسلاح ديالي واي حاجة مهمة خديت غي سلاح وخرجت بسرعة البرق وصلت دخلت طلعت الغرفة الاجتماعات دخلت بانو ليا دراري كولهوم يعني الفرقة كاملة كنت خاص غي انا سلمت عليهوم غير بالعينين وكلست ناض القائد ليمكلف بالقريق ديالنا وكان شخص هندو هيبة كبييرة داكشي لدوز فهاد الميدان خلا شخصيتو وقلبو قصح من صخر مكايحن مكايرمش الى دار شي هدف قدام عينيه خاصو اجيبو اجيبو توجه لواحد شاشة كبيرة وبدا كايشرح لينا العملية ليكاتسنانا
القائد:سمعوني مزيان وبغيتكوم تحلو دماغكوم وتحفظو اي كلمة غاتخرج من فمي وتعقلو على هادشي ليغاتشوفو حيت هادي اقدر تكون اصعب عملية واجهاتكوم من نهار بديتو الخدمة الوجهة هاد المرة اطياليا وبضبط نابولي كيف كاتعارفو هي تالت اكبر مدن ايطاليا بغات منكوم تركيز كبير باش تحفظو جميع الاماكن المهمة ...هاد الشخص لكاتشوفو فشاشة هو الهدف ديالنا هاد المرة بغينا نجيبوه حي سمعتوني حي ...هاد السيد جامع جميع المصايب تدنيا كايبيع سلاح كايصدر الكوكايين واكتاشفتا بلي كايتاجر فالاعضاء البشرية .. (ضرب بايديه فطبلة) بغيتووو عندي هنا سمعتوني
مراد:وبالنسبة الخطة غاتعطيها لينا ولا ...
القائد: ولا شنوو (خنزر فيه) الى وصلتي هاد المرحلة وكتسنا مني نعطيك الخطة غير رجع لداركوم
مراد: (جامع ايديه وفك فمو كايترعد ) كنضن الاجتماع سلا ولعندك قلتيه غير نبداو الخدمة
القائد: هدا هو مراد لكنعرف وهكا بغيتك تبدا بعزيمة كبيرة يالله نوضو فحالكوم ميعادنا بعد غدا ان شاء الله.. ونسيت قبل متخرجو خودو شي ملفات غايكونو فالمكاتيب دياولكم
دراري: حاضر اشاف ..دراري ناضو غايخرجو حتى سمعو ... القائد: شوفو فاش تمشيو غاتنساو هوياتكوم الحقيقية واي صلة وصل بينكوم وبين عائلاتكوم ..
مراد: ولكن اشاف ديما كانديرو عمليات وكنهضرو معاهوم عادي القائد: نتا هو نتا ديما كايخصك تهضر وتجاوب معايا فكولشي😡😡
مراد: استسمح اشاف هي حيت جاتني فشكل
القائد: منبغيش شيحد اتعرض لخطر من جيهتنا وهادوك الناس ليغاتعاملو معاهوم الى عارفوكوم وخا كاع نشودوهوم اقدرو انتاقمو وهوما فالحبس
مراد: كولشي بخير اصاحبي لهلا اخطيك المغرب توحشكوم هشام: متفكرنيش والله الى بغيت امتا نزل نشوف مالين ..هشام ولد اكادير وكريم ولد سلا بقينا مجمعين واحد الوقت قلت ليهوم غانمشي لدار صافي جاني نعاس والعيا مشيت وخليتهوم كيف دخلت الدار هزيت الفون نتاصل بالواليدة وكوتر.. هضرت مع الواليدة سولاتني كيف وصلت عاود ليها شوي طفا الفون ديشارجا زهر كيف داير درتو اتشارجا قلت شوي ونتصال بكوتر ولكن للاسف نعست ماعقلتش بالعيا
ماما: اناري يابنيتي واخا تكوني ميتة من 8تالبارح مجاك جوع ما دروك جنابك نوضي براكة
كوتر:(كتغبن)شحاال فساعة دابا ؟؟
ماما:10ونص نوضي راه نعاس بزاف كايضر فراس
كوتر: واش من نيتك اماما ولا هي بلعاني باش نوض
ماما: را الفون ديالك شوفي راسك هاني انا نزلت تبعيني فكراتني فالفون اكيد مراد تاصل وماسمعتوش.. تفوو انا حماارة غايكون تاصل تاعيا البارح واليوم صبااح هزيتو قلبتو كانت صدمة بالنسبة ليا مايمكنش تا مكالمة مكاينة .. صافي غانحمااق ياربي بغييت نعارفو هي واش بخيير صافي مابغيت والو جاني الوسواس هزيت البيسي دخلت الاخر الاخبار نشوف ياكما شي طيارة طاحت ولا شيحاجة .. مالقيت والو سديتو ونض نغسل وجهي وراسي كايفكر فمليون حاجة ليتخليه مايتاصلش غسلت دخلت الكوزينة حطيت الفوطور ولكن والو واش بغا اتسرط ليا كانبزز علا راسي واالوو شوي سمعت الفون كايصوني طرت بسرعة البرق
ماما: غي بشوي آديك لبنى سريعة ....مجاوبتهاش طرت نشوف شكوون هزيتو وكانت نمرة فشكل وكبيرة عارفتو هو غانطير بالفرحة بقيت شحال كانشوف ونبوس فالفون عاد جاوبت مراد: حبيبتي
كوتر: وجي والله تا انا ليغانسلخك حيت خليتني غانحمااق ماعارفاك واش وصلتي ولا لا ركبني الخوف مافكرتيش فيا ولا هي مشيتي لقيتي حبابك ديال تماك نسيتيني
مراد: ساليتي ولا باقي
كوتر:😡 تفوو على ولد كيداير
مراد: واخا قولي ليبغيتي كانبغييك وتوحشتك وراه ماشي نسيتك راه كيف وصلت خرجت تغديت نسيت الفون رجعت تاصلو بيا الخدمة مشيت خرجت انا وشي صحابي رجعت هضرت مع دار ديشارجا الفون درتو اتشارجا نعست وخليتو هادشي ليكاين كوتر: واخاا ولكن راه تخلعت عليك والله ماعرفت ماندير بغيت نحماق
مراد: سمحي ليا احبيبتي آخر مرة ندير هكا عاودي ليا كيف داز البارح ؟ ..عاود ليه بتفاصيل كيف داز نهار
مراد: ماتبقايش تفكري وتبكي راه خدمة تحبيبك ماعندهاش وقت محدد زائد ديما هي اللولة على كولشي
كوتر: مانبغيش تكون شيحاجة اهم مني عندك من غير داركوم هوما رقم واحد ونا تانية الخدمة 3
مراد: واخا اكبيدي هي كوني ليا على خاطرك مهم انا نخليك دايا خاصني نخرج نتقدا شي حوايج الدار فالعشية نهضرو اوكي حبيبة
كوتر: اوكي حبيبي كنبغييك
مراد: انا كتر.. كف قطعت معاه حطيت الفون طلعت دخلت فالفطوور طول وعرض كلييت كولشي وكون كان شيحاجة خرا ناكولها عاونت ماما فشغال دار كاملة جاني نشاااط من نوع خاص (نشاط سميتو مراد) .....
ساليت مع كوتر وتفكرت هضرت الشاف بلي خاصنا نقطعو علاقتنا بعائلاتنا كيف غاندير مع كوتر هيا هي نهار وبغات تحماق اما لا غبرت عليها كتر شنو غادير ياربي تعاوني وتيسر الاوموور ورجعو بدون اي اضرار لينا ولا لشيحد آخر خرجت الاقرب سوبر مارشي تقديت كاع داكشي لبخاصني لدار ولينقدر نحتاج هاد الايام رجعت ستفت كولشي فبلاصتو تاصلت بكريم
مراد: الو اصاحبي
كريم: افين اخويا
مراد: هي دار اش بان ليك دوز عند هشام وجي نتا وياه عندي نقصرو شوي
كريم : هي اللولة نجيب معايا الغدا ولا واكل
مراد: جيو هي نتوما كولشي كاين.... مكامللاش نص ساعة دراري جاو
هشام: عرفتي امراد فيا الموت تجووع عتقنا
مراد: الله اجيب سلامة كرشك هي اللولة هه
كريم: عطييه اياكول باقي مكلانا حنا ههه ...حطيت الغدا كلينا وحنا مجمعين وكانتناقشو فهادشي ليكايتسنانا وتدريب ليغايدربونا ولكن الحاجة لماتقبلناهاش هي نقطعو الاتصال بواليدينا
كريم: هي سكت ماعرفتش كيف غاندير والمدة شحال ونتوما عارفين الوليدة وخويا بوحدهوم
مراد: نتمناو نساليو دغيا ورجعو بخير وعلى خير
هشام: انا كنفكر من ورا هاد العملية غانرجع المغرب بصفة نهائية عيت بالغربة وبغيت ندير داري وليداتي
مراد: كاع هكاك
هشام: همم هي قريب غانفرحو بيك
كريم: ماتقولياش صافي نويتي
مراد: الى بغا الله ورا هاد العملية غانرجع المغرب ونتزوج هشام: الله ايسر ليك اخويا فرحنا لييك
مراد: لهلا اخطيكوم
كريم: شنو بان ليكون نخرجو ليوم نسهرو
مراد: انا والله اخويا باقي فيا العيا ديال طيارة وراه كايتسنانا تدريب هي سيرو رتاحو وجدو ريوسكوم
هشام: عندك الصح نووض اكريم نمشي هي نشبع نعاس هه خرجو دراري نض جمعت ديك روينة دخلت دوشت خديت بيسي هدرت مع كوتر شوية بغيت نشبع منها باقي ماعرفت كيف غاندير فالايام جاية .....
القائد: هاد التلاتة تناس غايكونو معاكوم مدة شهر مغايفرقكوم بيهوم غير نعاس ..مدرب اللياقة البدنية وتعليم اللغة الاطالية وهاد الشخص غايغير مظهركوم فالآخير بغيتكووم تعاونو وتصنطو حيت معندناش وقت بزااف وخاصكوم تكونو واجديين ودابا تفضلو لاصال هو اللول وبنسبة توقيت الحصص غاتلقاوه فالمكتب فاش تساليو... حنا غيكانشوفو مهضرنااش كولشي جانا عادي الا انه نبدلو من شكلنا كيفاش تاني مافهمناهاش ولكن ماعدنا اعتراض خاصنا نوافقو ... خرجنا لاصال بدلنا حوايجنا كيف دحلنا القاعة لقيناها مغيرة كولها جابو شي الات واجهزة الاكترونية حديثة جدااد صراحة ماعمرنا شفناها ولا عرفناها كيف كاتخدم لقا علينا تحية ..
المدرب: نقدم ليكوم راسي انا محمد وغاندوزو شهرمع بعضياتنا بغيت اكون تفاهم وتصبرو الى قسيت عليكوم ولكن كولو داخل فالمهمة لكاتسناكوم.. كاتشوفو هادو آلات اول مرة تشوفوهوم ولكن من بعد غايجيوكوم كيف شريب الما وغاتكتاشفو بلي من بعد غاتبدل البنية الجسدية ديالكوم تقدرو تحملو اقوى العدابات
كريم: سمح ليا ولكن اقدر هوما احتاجو لهادشي حيت غايكون تواصلهوم مع العصابة ولكن انا لا يعني لاش غاندخل معاهوم فهاد تدريبات
هشام: باغي تخرج راسك وتخلينا فالعداب بوحدنا
المدرب: سؤالك كنت كانتسناه بحكم نتا اختصاصك غير فمجال تكنولوجيا ولكن معرفناش ظروف اش تجيب فهمتي ..
مراد: عندك الحق حنا واجدين وقتما بغيتي تبداا
المدرب : اليوم فقط غانعرفكوم على الخدمة ليتابعنا وتقربو شوي من الآلات ونكتافيو بعض تسخينات ليمولفين بيهوم صراحة جانا كولشي غريب وزاد فينا شوي تالثوتر ولكن حاولنا نخفيو ونعكسوه فالخدمة ... سالينا كل واحد مشا المكتب ديالو لقينا البروكرام غايكون عندنا لاصال مدة 5ساعات فنهار و3سوايع لتعلم اللغة وخاصنا كل نهار نحفظو معلومات كتعلق بناس ليغادين عندهوم يعني الوقت ليبقا يلاه اكفي لنعاس مشيت لدار دوشت كليت مقدرتش ندير شيحاجة مشيت نعست وعرفت كوتر غاتقلق ولكن الجهد مكاينش ومزيان نيت تولف منهدرش معاها كل نهاار ...
بقيت نهار كامل كنتساناه اتاصل والو من المسج ديال الصباح مابانش وكنتاصل بيه مكايجاوبش قلت اقدر مشطون بالخدمة وحاولت منفكرش بزااف حطيت راسي على المخدة وفكرت فهدرت بابا صراحة خاصني نشوف ماينفعني ومانبقاش مقابلة هي مراد حيت انا ليغانمرض واكيد غايجيني اكتئاب بقيت كنفكر حتى نعست معقلتش...
; أنا والصباح... وسماه ...وشمسه... وشعاعه .. نشتاقُك ...
فقت اليوم وكلي عزم نشوف راسي ومانبقاش هي دار وتفكير نقلب ونشوف فاش غانرتاح هزيت الفون لقيت مسج من مراد نفس الوقت ديال البارح جاوبتو تنا ودعيت ربي ايسر ليه غسلت وجهي فطرت بزربة
ماما:بشوي عليك مالكي زربانة
كوتر: خارجة عند غفران بغيت نسولها على شيحاجة ماما:بحالاش هاد الحاجة على الصباح
غفران: واخا نشوف خالتي ونطلبها الى كتعرف شيحد راه مشكيلة عندك هي الباك لا ديبلوم لا تجارب
كوتر: ولكن عقلي خفييف دغيا نتعلم
غفران: وخا يلاه نوضي نعاونو ماما فالغدا ....
بدينا تدريبات ومن نهار اللول عيينا بزااف والمدرب كان قاصح ومكيرحمش دوزنا دوك 5تسوايع بحال عام ديال لاطريما سالينا دزنا لتعليم اللغة كانت ساهلة بحكم كولنا عندنا ميوول كبير لمعرفت لغات العالم مكانش كايلقا معانا شي صعوبة .. سالينا مشيت لدار كلييت وجبة 5الناس هزيت الفون نتاصل بحبيبتي توحشتها
مراد: حبيبتي توحشتك بزااف
كوتر: وعلاش كاتغبر عليا حشومة عليك
مراد: والله ماعندي وقت الخدمة كتييرة بزااف
كوتر: الله ايسر ليك احبيبي
مراد: اوا كيف داز نهاار شنو درتي فييه
كوتر: دوزت نهار مع غفران
مراد: فدار ولا زنقة كوتر: غي غدار اصلا مشيت باش نطلبها تشوف ليا خدمة
مراد: كيفاش خدمة منين خرجتي بهاد الخرا تاني
كوتر: وي بغيت نشوف شي حاجة ندوز فيها الوقت ونتعلم مراد: هانتي قلتيها تعلمي ديري مدرسة قراية خدمة نساااايها سمعتي نساااايها (كايغوت)
كوتر: مراد متعصبنيش واش انا غانبقا هي دار راه مايمكنش مراد: هادي آخر هضرة عندي
كوتر: ونا راه هانخدم ماعندكش الحق تمنعني
مراد: ياك وخا يلاه بسلامة وديري ليعجبك.. قطع عليا باقي مهدرتش ماخلانيش نعطي رأي ديالي عصبني تا تخنقت وحابسة البكية حيت ماحسش بيا اناني كيفكر غي فراسو ونا ليكنت باغياه اشجعني ويوقف فجنبي وينصحني افرح ليا ويبغيني نكون مستقلة بذاتي ولكن طلعت غالطة نعست وقررت غانحقق داكشي ليبغيت انااا ماشي كيف بغاني هو نكون كيف هو عزيزة عليه خدمتو تنا غانختار شنو بغييت ...
....نهاار جديد فاق مراد معصب وغوباشتو مرسومة فوجهو بات كايفكر فهضرت كوتر...دوش لبس حوايجو فطر وخرج بلا مابصيفط مساج لمولف اصيغطو لكوتر كل صباح ولسببين اولا اعاقبها واخليها تعرف غلاطها وتانيا عرف الى هضر معاها وهو متوثر من الموضوع غايزيك اكبر المشكيل ...هو نهار بايسافر شرط عليها اي قراار حتى اتفاهمو واقررو بجووج عاد اطبقو .. ماشي واحد اقرر والآخر ماعلابالوش.... وصل الخدمة.. التدريبات هي اللولة..مهضر متكلم لبس حوابجو ودخل مايطحن فليماشين... اهز الكيلوات تالسما واخبطهوم... فرغ العصبية كولها.. المدرب لاحظ ولكن دراري عارفينو وحافضين طببعتو الى كان معصب .... سلاو دوشو وبدلو دازو الحصة تعلم اللغة كلس ولكن رجله كيف ديما مزكااتش كايحركها بسرعة وشاد ستيلو ومزير عليه غايطرطقو ..مجرد مكايفكر بلي كوتر معكااسة والى قررات غاطبق ومغااتراجعش ...
المدرب: استسمح على تدخل انا اليوم عندي فالحصة ماعدبنيش بالعكس قام بجميع تمارين وخا صعااب ومعتاردش عكس الخرين دغيا عياو
القائد: اش غانقوليك مراد نهار جاني اول مرة كان كتر من هكا مكايتفاهمش نهائيا بسبابو عنادو داز من شي عقابات مايصبرش ليهوم شيحد والوو واش تغير بالعكس كان كايتزاد غير قوة نهار على نهار وشخصيتو كاتقصااح كتر من قبل ..ولكن دكي بزاااف بفضلو هو قبضنا اخطر المجرمين فالعالم العربي وتعاون مع نااس من دول خرين فعمليات صعااب ....
كوتر: صافي هاني سكت هي خليك عفااك والله الى احسن حاجة انك دوزتي معايا اليوم ....كوتر منين حلات عينيها وهي مفقوصة من جيست لدار ليها مراد واخا جات وبسمة ضلات معاها عقلها كان كايفكر فشنو غادير والخطوة باش غاتبدا وليزاد حفزها فقرارها هو تصرف مراد لماعطاهاش فرصة تفاهم هي وياه واشوفو حل وسط ارضيهوم بجوج....بقات كتقارن شخصيتها وشخصيتو وكتاشفات بلي جامي اتفاهمو حيت تواحد فيهوم مكايبغي اتتازل ...كل واحد شخصيتو خيب من تاني ..خاص هضراو هي لتكون ..ولكن هادشي ماعمرو اعاونهوم ازيدو لقدام ... كوتر قررات وعرفات منين غاتبدا ..
كوتر: بابا عفاك غدا بغيتك تقيدني فداك نادي ليكنتي قلتي ليا بابا: ان شاء الله ولكن واش متقنة راه هما كاتخلصي عام ديال الاشتراك
كوتر: اييه داكشي ليبغيت وعجبني حيت قلتي فيه كولشي يعني اي رياضة بغيت نديرها والوقت ليبغيت
بابا: تماما هو كبيير بزااف وزوين غايعجبك
كوتر: بغيت نسولك واش مخلط ياك ؟؟
بابا: وي مخلط معازلينش ...
كوتر: ماشي مشكيل يلاه تصبح على خير وشكرا بزااف
بابا: تصبحي على خير ... رجعت لبيتي فيا الخلعة والفرحة معرفتش علاش ..... الله اجيب سلامة
بسمة: مالكي نتي اليوم عصبتيني وجهك مكايتفسرش
كوتر: قلت لبابا ادخلني لداك نادي تسبور ليحل جديد
بسمة: 😍😍 زوين كايعاودو وفيه تيتز
كوتر: عقلك فيه هي تيتيز وبااز
بسمة: ونتي عقلك فيه مراد
كوتر: فراسك مراد مغايبغيش هادشي ليكاندير اللول الخدمة ودابا زد ليه تا لاصال 😂😂
بسمة: اقدر تباني فمبتسمون رغم الاعاقة
كوتر: الله انجيني هو لبدا وانا غانكمل ليه كون تاصل بيا اليوم كنت معول نعتاذر ولكن تنفخ خلييه ...نوضي نعسو ولا باقي مسخيتيش بالكلسة
بسمة: واش فراسك آخر الاخبار
كوتر: اش قوليي خير وسلام
بسمة: غفران تعرفات على واحد الولد
كوتر: امتا هادشي وفين انا هي البارح كنت عندها فدار مقالت ليا والو ونتي شكون قالها ليك ؟؟
بسمة: الوقت ليكان مراد هنا ومكانتشاوفوش بزاف كنت خرجت انا وياها كلسنا فكافي وجا هضر معاها وتبادلو نوامر
كوتر: وعلاش مقالتش ليا انا مالها كاتخبي
بسمة: صبري على رزقك هي ماعجبهاش فاللول جاها متكبر وخا انا جاني ضريف وزوين وباينة فيه ولد الناس داكشي...اقدر داكشي باش مقالت والو خليها تا تجي وتعاود لينا علا خاطرها كوتر: الله ايسر ليها يااربي ونفرحو بشي وحدة منا
بسمة: اميين واجيب ليا الله شي بوكوص تنا
كوتر: نوضي هي تنعسي وحلمي بيه صافي ..ههه طفينا ضو باش نعسو تخشينا فبعضياتنا هي نعيات ولكن انا فينو نعااس قلبي كايشطح وراسي خدام ..كنربط الافكار مع بعضها وكنفكر مراد شنو غاتكون ردة الفعل ديالو واش غايرجع اهضر معايا ولا غايتفرق عليا ولا اشد طيارة اجي افرشخني وارجع كولشي ممكن ولكن انا عارفة راسي مدرت حتا غلط ولا حاجة خايبة بلعكس عارفة حدودي مع كولشي هاهو لي سبحان الله عقلو فيه حجرة مكتحركش .. بقا عقلي ادي ويجيب تا نعست مابقيتش عقلت ....
اليوم نهاار جديد عند كوتر كاتحاول تشغل راسها وتنسا الفراغ لخلا مراد كتر من سيمانة مهضرش معاها وهي غرورها منعها دير مبادرة ....
ماما: فطري غي بشوي نادي ماعندو فين اهرب
كوتر: مكانبغيش نتعطل
ماما: وخاا الالا حمد الله لقيتي فاش دوزي الوقت وتا صحتك تغيرات
كوتر: كاع لهاد درجة يالله بديت وبان الفرق ......طلعات بدلات لبسات سورفيت كحلة الفوقاني نص كم وسط تاعو شعار تاديداس وكولون داز فيه خطوط بيضين من جناب وسبرديلة اديداس كحلة وخلات شعرها مطلوق ونزلات....خرجات وتمشات على رجليها حتى وصلات ... نادي كان كبير فيه جميع رياضات وعندو مرافق كتيرة وفيه جناح مختص بصونا وماساج بالمختصر سونطر دبيوتي ...فيها كافي كبييرة بجنب بيسين تحت الشمس وكاين واحد آخر فقاعة مغطاة .....
مدرب: صباح نور كوتر
كوتر: صباح الورد مدرب ديالي العزيز
مدرب : اليوم غانبدا معاك حصة دفاع عن النفس اش بان ليك كوتر: واه داكشي ليبغيت مستعدة واكتر
مدرب: على بركة الله 💪💪....دوزت حصة زوينة تعلمت فيها حركات انفعوني ونقدر ندافع على راسي .... سالينا الحصة بزربة وماسخيتش كنت غانمشي نعوم شوية فلابيسين ولكن مقدرتش اديا كايحرقوني بزاف...مشيت دوشت حيد العرق ولبست جمعت شعري كعكة كان فازك ونخرجت...كنتمشى و سمعت الفون كايصوني جبدو بغيت نجاوب ....شيحد دخل فيا حتا طاح ليا الفون من ايدي وتحل كولو بياسة بياسة تعصبت بجهد
كوتر:(كتهضر وحانيا راسها تجمع الفون لتشتت) بنادم كيف داير شووف قدامك
شخص: سمحي ليا والله ماقصدت كنت كنشوف فالورقة..... هزيت راسي نشوف ولكن داكشي طويل بزااف من حقو مسكين مايشوفنيش انا يلاه واصلة ليه حزام سروال رجعت بلور باش يلاه نقدر نزكي فيه شوفة مزيان
كوتر: كون كاتشوف التحت شوي كنت غانبان ليك
الشخص: (وهو كايضحك) ماشي كاع لديك درجة متحكريش راسك بلي قصيرة
كوتر: ماشي انا ليقصيرة نتا لسيادكوم طويل بزاف
الشخص: اوا ديري بحالي وطوالي
كوتر: ماغانجمعش معاك الله اعاون...تحركت وخليتو قبل مايهضر وزد فحالي كاندابز مع داك الزمر ديال الفون اشعل والو عصبني كنت غانرميه فأقرب بركاصة تزبل لقاها ولكن لعنت شيطان بقيت كنفكر شكون ليغايكون تاصل بيا .. رجعتو لساك وكملت طريقي لدار ...
أمين: سولتهوم نفس سؤال قاليك كان عاطيهوم بظهر مشافوش وجهو.... مجاوبوش ضربب بالفون مع الارض مابقا فيه تا طرف صحيح وبدا كايغوت وكايضرب فالبيرو .. الله انعلبو شي خدمة ولا شي غربة تفوووو كون كنت دابا فالمغرب كون طيرت ليدينمو اديه من بلاصتها .. وفرشخت خليقة مها عزيز عليها تعاند معايا تفوو اكوتر تفووووو....
ماما: حتى دابا حطي من ايديك وسيري حتى تعرفي شنو كاين ...قتلني الفضول غسلت ايديا من الماعن ومشيت كلست قدامو ...جمعت رجليا وتقابلت معاه ..لزاد وترني هو شوفاتو جيدين بعني موضوع مهم قلت ليه بعينيا شنو كاين ....
كوتر:نعم ابابا شنو كاين
بابا: سمعني اش بغيت نقوليك هو اللول وفكري عاد تجاوبيني حيت كاتبقا حياتك ونتي تعارفي....
كوتر: خير وسلام ابابا واش باغي تزوجني ولا شنو 😦
بابا: الله اسمح ليك هادشي ليداي ليك العقل
كوتر: وا قوليا ولاه الى شوشتيني
بابا: واحد صاحبي اليوم قاليا دار افتتاح لمدرسة تكوين اطر فمجال الطبخ .. وقلت الى بغيتي نهضر معاه تدخلي تعلمي نتب هوايتك تخلطي وتروني فالشهيوات ودابا كالسة مكاديري والو
كوتر: واااو أحسن حاجة سمعتهاا فرحت اصلا من الهوايات ديالي بابا: داكشي باش تنا اقتارحت عليك تعلمي راه غاتكون دورة تكوينية فيها 6أشهر ومن بعد هو غايشوف ليك شي شاف عندمن تستاجي والى مابغيتيش تكملي اختاري نتي من بعد
كوتر: هي توكل عالله ابابا وقوليه بغيت
بابا: صافي ان شاء الله غدا انا غانهضر معاه ونجاوبك.... نقزت من الفرحة حيت من الحوايج ليكانرتاح فيهوم وعزيز عليا نتعلم أي حاجة جديدة فهاد المجاال ولكن ماعمري فكرت نتعلم او نزييد نطور راسي... حيت كانت مجرد هواية وصافي ولكن بابا شجعني وعلاش لا نقدر نولي شاف كبيييرة ومعرووفة كولشي ممكن هههه د..خليتهوم مشيت عند ماما الكوزينة طلبتها تسلفني الفون ديالها نهضر معا البنات خاصهووم افرحو معايا وأنا متيقنا هداية غاتحسدني هه حيت هي كتر مني فحبها لطبخ ...دخلت لبيت وتاصلت بغفران قلتها ليها وقلت ليها تنسى فكرة ااخدمة حاليا تبعتها بسمة وريما وخليت هداية هي اللخرا باش نفقسها الله اسمح ليا
هداية: الو خالتي
كوتر: جداك هادي سافا حبيبة
هداية : الله اعطيك الحكة نسيت مابقاش عندك قجقال
كوتر: ضحكي على خاطرك غانشري فون هي تهنااي
هداية: بصحتك مسبقا ما سبب هاد الاتصال
كوتر: عندي ليك خبر غايفرحك وافقسك هههه
هداية: تصالحتي مع مراد وجاي باش اسلخك
كوتر: تفو نساي عليا زمر ماتبقايش تجبديه😡
هداية: سمحي ليا اوا قولي اش كاين
كوتر: بابا بغا ادخلني مدرسة نتعلم الطبخ مدة 6أشهر
هداية: سعداااك يا الموصيبة 😍 حسداك والله
كوتر: حسييت بيك حاسداني ولكن ماتخافيش فاش نولي شاف غانجيبك تخدمي عندي زعما بيت نقول معايا
هداية: ياك الالا نسيتي فاش كتسوليني على شي وصفة
كوتر: كولشي غايتبدل تولي تستاشري معايا فكولشي
هداية: الله ايسر ليك احبيبتي
كوتر: أميين ياربي والله الى فرحت بزااف
هداية: صافي خرجتي من راسك فكرة الخدمة
كوتر: هاد الساعة اييه نادي وهادشي صافي وغانخرج مراد من دماغي
هداية: متيقنة تقدري تنسايه
كوتر: عادي نسااه ونسا عشرة بحالو ورااك عارفاني
هداية : حيت عارفاك داكشي سولتك واش متيقنة تقدري تنسايه باش نتي ماعمرك حبيتي وهادي أول مرة
كوتر: ومن بعد كيف حبيتو غانكرهو ونساه وغايرجع بحالا ماعمرو كان فحياتي
هداية : وخاا اكوون خير مهم الله ايسر ليك احبيبتي 😘
كوتر: أمين ياربي الله ايسر لينا مجموعيين ونفرحوو ياربي....قطعت معاها رجعت لماما الفون ديالها وفلحظة تلاشات الفرحة والابتسامة غير كنسمع سميتو ....مشيت بخطوات تقال لبيتي دخلت سديت وكلست ساهية وكنفكر ... واش متقنة اكوتر غاتقدري تنساي شخص ليبدل فيك شحال من حاجة شخص ليبغيتيه من قلبك شخص ليكنتي متقدريش تبعدي عليه ... ولكن هو ليختار كولشي جا منو هو من نهار عرفتو قررت منقلقوش هو اول واحد كانخليه اتدخل ليا فحياتي واقرر معايا الخطوات ديالي ولكن للاسف فاول غلط ولي بدون قصد مني نساني ومابقاش دار جهتي حسيت بحالا كان باغي غير سبة والحمد لله لمن الاول فعلاقتنا ...نفض عقلي ونض جمعت حوايجي قلت نبدل الجو فلاصال وخا مولفة الى مشيت صباح منشميش فالعشية ولكن احسن ولا نبقا كنفكر لبست تريكو بيض نص كم وكولون كحل وسبرديلة بيضة وكولشي من ماركة اديدياس .... غاندير جهدي وكتر باش نسااه خرجت خديت طاكسي باش منتعطلش وصلت دغيا يلاه غانزل من طاكسي بان ليا داك طويل ليخرج ليا على الفون قلبت وجهي وغاديا داخلا تاكانسمع :سلاام مبغيتش نضور نشوف وعاود قالها بجهد وهو كايضحك عصبني ونا نضور شفت فيه وعينيا غايخرج منهوم القرطاس..
ابتسام: وخاا وخاا هي بشوي عليا تانتي غاتعاودي ليا شنو درتي .....فهاد الاثناء كانو جوج تالاشخاص مراقبين كوتر ولكن كل واحد ونيتو كل واحد والسبب ليمخليه اراقبها من بعييد الاول هو الشخص ليمكلفو أمين اتبع خطواتها بتفاصيل المملة باش اوصلها لمرااد واعرفها اش كاتخطط من ورااه ... الثاني هو شهااب اييه شهااب ماتستغربوش ولكن هو من نهار جات عينيه فيها وهو مقابلها من بعيد لبعيد وكايحاول اتقرب ليها وليزااد فرحو اليوم أنها صديقة ختو حس بلي الحظ لاعب جيهتو وغايقربها ليه بزااف نرجعو لعند ثاني ليكاينقل الأحدات لأمين وهو بدورو لمراد ليمعصب لواحد درجة مابقا تاحد اقدر اسيطر عليها ولا كايتدرب كثر من الأول ولا عدواني وبغا امتا ابدا المهمة باش افرغ فيها سلبيات ليفيه وباش ارجع المغرب لعند البنت ليبغاها ليه بوحدو ومابغاهاش تكون قريبة لأي جنس ذكري آخر ....
.....;لانعرف ماتخبئه الأيام من أحدااااث .....
ساليت ااهدرة مع ابتسام ليماطلقتها تا عاودات ليا كولشي وتنا حاولت نعاود ليها ولكن محيت فترة ليفها مراد ليتمنيت كون كان بيدي نمحيها تا من عقلي وقلبي ولكن مابي اليد حيلة ... فرحات ليا فاش عرفاتني غانتعلم الطبخ وتمنات ليا حظ موفق وصلات وقت الخروج وصلنا الباب لقيت خوها كايتسناها تسالمت معاهوم ومشيت فحالي كيف دخلت الدار عاود لماما شنو وقع اليوم قالت ليا حمد الله تلقاي معامن توانسي ....
....الذكريات لا تموت. هي تتحرّك فينا، تخبو كي تنجو من محاولة قتلنا لها. ثمّ في أوّل فرصة تعود وتطفو على واجهة قلبنا، فنحتفي بها كضيف افتقدناه منذ زمن بعيد، ومرّ يسلّم علينا ويواصل طريقه....
فدار عند ابتسام ..
شهاب عيط لختو وداها لبيت عندو
ابتسام: خير وسلام شنو باغي خلعتيني
شهاب: توحشتك ههه
ابتسام: هي قول اش باغي بلا دوران
شهاب: شوفي غانسولك وجاوبيني بجواب ماشي سؤال
ابتسام: علا حساب سؤال هه
شهاب: والله تانضربك مك ..ديك صاحبتك كوتر واش كاتعرفيها مزيان
ابتسام: وي كنعرفها قرات معايا فالإعدادي وكون مارحلنا كون قرينا تا فثانوية علاش
شهاب: بلا ديك (علاش) نتي هي جاوبي واش مخطوبة ولا مزوجة ولا عندها شي علاقة
ابتسام: ماتقولش ليا عجباتك اامسخووط
شهاب: احتارمي خوك الكبير وجاوبي
ابتسام: علاه خويا احتارمني ليجاي كايهضر معايا فهادشي مهم سمع اسيدي هي عاودات ليا وقالت ليا مكاين تاحد فحياتها شهاب: صافي سلات ساعتك يلاه خرجي فحالك وسدي الباب وراك
ابتسام: صافي سلات وقتي سمعني الى غاتفلا ولا دوز وقت شوف ليك شي وحدة خرا وفوتها هي راه عزيزة عليا وماديالش هادشي
شهاب: سيري فحاالك وديري بحالا مقلت ليك والو ناري وتمشي تهضري معاها فهادشي نقتل ختي ....خرجات ابتسام وخلات شيهاب راسم ابتسامة على وجهو وسنينات مستفين بيضين كايشعلو ...كايخمم وكايدوز بديه على شعرو دهبي لفنس لون لحيتو الخفيفة العوينات صغاار ومشفرين والحجبان مقوصين بشكل رجوولي لون بشرة سمييمرة كتبريي ......
نرجعو نشوفو مراد لهاد الأيام ولا شخص آخر شخص عدواني غير عاقد غوباشتو وعلى ابسط حاجة كايشعل كيف الفتيلة... سبب الخدمة ول تدريب و الأخبار ليكايوصلوه على كوتر ولأي وحد غايفسرهوم كيف بغا وبزااف هو الغيرة كاتعمي ليه العينين وماقادرش ادير شيحاجة فهاد الاثناء قرر كريم وهشام امشيو عندو الدار عالله وعسا اقول ليهوم مشكيلتو وكيف دخلو تصدمو من روينة ليكاينت وشحال من حاجة مهرسة وهو لدارو ديما مجموعة ومتولة وخا عايش فيها شاب ولكن عزيز عليه نظام وابغي كولشي اكون بلاصتو ....
كريم: مراد الله احفظك اصاحبي قولينا اش عندك
هشام: حنا راه خوت هي قوول واش عندك شي مشكيل نحلووه جميع ونتعاونو
مراد: بغيت نمشي لمغرب
كريم: ياك لباس ياكما داركوم عندهوم شيحاجة
مراد: بغيت نمشي وماتسولونيش علاش مهم بغيت نمشي هشام: مستحييل اخليك القائد تفوت تدريبات او تمشي لشي بلاصة هاد المدة
القائد :مرااد نتا عارف الخدمة قبل حياتنا الشخصية فاش كتحط رجليك هنا نساااا اش كاين برا
مراد: عندي امر طارئ... تيق فيا كانواعدك مغانتعطلش
القائد: مراد نتا اكتر واحد عارفني كيف صارم فالخدمة وهادشي ليكاطلب راه مستحيل حيت معاندناش وقت باش نزيدو نضيعوه مراد: وي عرفت وكون مكان موضوع مهم مغانخالفش القوانين ...
القائد: منقدرش نواعدك خليني نفكر ونهضر مع المدريبين ليمكلفين بيكوم ونشوف واش الى غبتي مغايوقع تا خلل
مراد: شكراا بزااف ...خرج مراد من المكتب كايغزز سنيه وجامع اديه مزير عليها ...كايدرس فاش كايفكر القائد واش غايوافق ولا لا ولكن ماقدر اعرف والو حيت القائد عارف موهبة ديال مراد انه بحركات شخص لقدامو كايعرفو فاش كايفكر وشنو الخطوة لغادير ...مشا عند دراري خرجهوم ومشاو لكافي بغا ابدل الجو واخفف على دماغو من كترة التفكير...دخلو كلسو وقاليهوم على الحوار لدار بينو وبين القائد...
كريم: على ما أظن غايخليك تمشي
هشام: ماعمرك توقع ردة الفعل ديالو
مراد: والله ماكدبتي اقدر اقوول لا..
كريم: ان شاء الله تفائلو خير وحتى لا عكس ليك كانواعد انا نعاونك ...
مراد: دابا خليونا نساو ونضحكو شوي راه راسنا غاينفاجر ههه هشام: هادشي باقي كاع مابدينا المهمة وحنا حالتنا حالة
كريم: هضرو على ريوسكوم انا بخيير والحمد لله ...بقاو مجمعين من موضوع لموضوع مراد هضرتو قليلة وغير كايخمم حتى صونا الفون ديالو جبدو شاف نمرة وبعد على...
مراد: والله العظيم مامتيق ...بهاد السرعة كنت كانتسناه اشحفني...
كريم: راه تاحنا فاش جانا لاتصال .. حيت لقا الخط عندك مشغول تفاجئنا
مراد: ماعمري نسا ليه هاد الجيست لدار معايا
كريم: من الاحسن تنوض دابا تجمع حوايج وتشد طيارة باش غدا صباح تكون فالمغرب ..راه تكلفت ليك بكولشي غاتوصل تلقا طيارة كاتسناك
مراد: الله احفظك .. 48ساعة وهاني عندكوم
هشام: في أمان الله اخويا ومتنساش تهضر مع القائد الى وصلتي لدار
مراد: أكيد مغانساش يالله بسلامة...خرج بسرعة البرق معرفش كيف دار الطريق وصل لبس حوايجو وهز شيحاجة قليلة تاصل بالقائد شكرو وخرج مشا المطار لقا طيارة كاتسناه حيت كريم دار اتصالات مع ناس كايعرفهوم وجدو لصاحبو كولشي باش امشي واجي مرتاح ومايضيعش الوقت .....
ماما: سيري شوفي اش خلا ليك باباك
كوتر: جاب ليا وراق المدرسة
ماما: لا جاب ليك فون جديد
كوتر: من نيتك اماما.... مشيت طايرة خديتو والفرحة هي كان حسن من القديم دعيت مع شهاب فخاطري كون ماهو ماعمري نبدل داك القجقال لكان عندي.. خديتو مشيت لبيتي درت فيه كارط ديالي ودخلت فيه الواتساب وكاع ليزابليكاسيو جداد وصيفط لبنات مسيجات بالفرحة وصيفط لحتا ابتسام حيت كانت خلات ليا نمرتها .... في دار ابتسام.....
مامات ابتسام: شكون صيفط ليك مسج وفرحتي
ابتسام:هادي صاحبتي كوتر شرات فون وصيفطات ليا مسج شهاب ليكان جالس معاهوم سمع سميت لبنت ليخدات قلبو وهو اهز راسو فابتسام وهو كايبتاسم
شهاب: اوا مبروك عليها سلمي عليها وقولي ليها مبروك ابتسام: الله اسمح ليك بحالا نتا ليشريتيه ليها
كوتر: مزيان الله ايسر أنا نخليك سلم على ابتسام وخالتي شهاب: مبلغ اعتابريه وصل ...خليتو ورايا وخرجت غاديا حادرة راسي كيف غانوصل الباب الكبير غانتفاجئ بآخر شخص كانتوقع نشوفو وفين قدام النادي صافي رجليا فشلو وقلبي غايسكت كنفكر رجع بلوور ونهرب ولا نسخف وندير موتة حمار هي مهم مانقرب ليه مايقرب ليا .... بقيت مسمرة بلاصتي ماقدرتش نتحرك ونا نسمع صوت شيهاب ورايا
شهاب: واش كاتسناي شيحد الى بغيتي نوصلك.... شفت فيه وكنقول فخاطري عفاااك لما سير هي فحالك نتا ليكنتي خاصني فهاد الوقت جاتني البكية بكترت الخلعة شوفاتو كايقتلوني 1000 مرة
كوتر: لا شكرا هي سير
مراد: سلام وعليكوم شهاب: وعليكوم سلام
مراد: كوتر يلاه راه مشا الحال... اويلي اكييد كانحلم فين مشا الحال وفين غانمشي ياربي شيحد اصرفقني شيحد افيقني كنت شوي ونبوول فسروالي وخفت تكون حلمة ونلقا راسي مفزكة حوايجي
شهاب: كوتر نخليك تهلاي فراسك شدني مراد من ايديا وجرني معاه ونا كيف الهبيلة مكانهضر مكانجاوب ماعرفتش اش وقع ليا بغيت نغوت نقوليه لا ولكن مقدرتش كانحس بلحمي باردة ودم وقف
كوتر: ماعندي فين نمشي ومغانركبش معاك ومابغيتش نشوفك مراد: يا تركبي بخاطرك يا بزز مهم فآخيير غاتركبي اللهم بلا متعطلينا بقيت كنشوف فيه شحال وعرفت انني ماقادرة على والو وكلت أمري لله وركبت معاه معارفاه فين ناوي اديني قلبي كايترعد ايديا باردين حلقي نشف ... ...وصلنا لفيلا كنت حاسة غايجيبني ليها
مراد(غوت قفزها من بلاصتها) : نزلي دغيا
كوتر: بشوي ماتغوتش عليا غانزل بخاطري
مراد: وخاا نزلي دابا.... دخلت مع مراد الفيلا و تصدمت كولها مفرشة ومقادة مزياان مابقا خاصها والو ولكن امتا قادها وآخر مرة كان هنا كنت معااه ...يعني هو فالمغرب من شحال هدا بقيت مسرحة عينيا كنشوف فديكور كايحمق متقوونة بزاااف ...شفت فيه لقيتو كايخنزر فيا معرفتش سبب ...كلس فوق واحد الفوطوي هز راسو فيا وانا باقي كنشوف فيه مصدومة مراد: كلسي بغييت نهضر معاك😡
أنين العشق الجزء الثاني
محتوى القصة
التنقل بين الأجزاء