كوتر: باش من حق غاندير داكشي سمعني نتا مزيان عندك 10دقايق يا تهضر يا غانزيد فحالي
مراد: 😡😡 (وهو كايغوت) كوتر ماتجهلينيش حياة تمي غانوض و غانتعامل معاك تعامل آخر....خلاتو كايهضر ناض غاديا لجيهة الباب باش تخرج مابقاتش قدرات تصبر الخوف سرح ليها مع دم....حتى حسات براسها طايرة فسما لاحها مراد فوق كتافو كيف ريشة غادي بيها لبيت نعاس كتغوت وضرب بايديها ورجليها وهو مامسوقش دخل ولاحها فوق ناموسية جا فوق منها واقف على ايديه وكايشوفيها مغزز سنيه .... مد ليها الفون ديالو
مراد: شدي هضري معا ماماك
كوتر: والى قلت ليك لاا لااا
مراد: (وهو كايقرب) غاتهضري بزز اش بان ليك
كوتر:(تخلعات) سير جيب ليا الفون ديالي باش متخلعش وغانهضر معاها
مراد: هكاك الحب من اللول ونتي عزيز عليك صداع ..تحرك من قدامها بقات متبعا ليه العين كتشوف الاختلاف فالجسد ديالو ولا قوي بزااف والعضلات زادو كبرو كتر من قبل مايمشي وبسرعة كبيرة وملامح وجهو ولاو قاصحين كتر من الاول .....جابو ليها هضرات مع ماماها وكدبات عليها سولاتها على الوراق وقالت ليها كوتر تقول لباباها غدا تعمرهوم واديهوم ... مراد مراقبها وابتسامة على وجهو ...زاد عصبها بهاد الحركة لدار....
كوتر: اش بغيتي دابا هضر ياك درت داكشي ليقلتي
مراد: اجي قربي ليا هو اللول .....تصدمات من تصرفو هو تبعد عوض تقرب كاتزيد تعاكس معاه قرب ليها وجرها من ايديها بقوة كبيرة خشاها بين ضلوعو عنقها بقوة كبيرة عصر ليها سنسور ظهرها...مقدراتش تمنعو صافي دوخاتها ريحتو لكانت متوحشا بزال ....رجع دفعها حتا طاحت على الارض وتقصحات فمرفقها..
كوتر: واش حماقتي ولا مالك اش هاد تصارفات تالخرا
مراد: (دار خطوة جهتها) سمعيني ازين ...
كوتر: تفوو كيدااير هضر اش بغيتي
مراد: غانتزوجو دابا وتاحد مايعرف تانسالي الخدمة والرجع وغاتبقاي فداركوم ماتخرجي ماولو ونساي عليا نادي ولا اي حاجة خرا كتفكري فيها... انا موجد كولشي وهانتي شفتي فرشت دار باش نسالي ونجيو نستاقرو فيها سمعيني أنا عندي 48ساعة خاصها تلقاني فالمقر خدام داكشي باش ماتعطليناش كوتر: (وهي كضحك) واش عارف راسك اش كاتقوول ولا راك كتحلم ...مستحييل هادشي ليكاتقوول
مراد: راه مكنتفلاش غاديري اش كانقوليك ونزيدك مغاتخرجي منهنا الى ونتي مرتي
كوتر: قلت ليك كتحلم ولا راك تصطيتي شوف والله هادشي لكان ليك سافرتي ومابقيتيش كتهضر تبدلتي ودابا جاي تفرض عليا داكشي ليقاليك راسك.... مخلاهاش تكمل جرها من شعرها لكان مطلوق وزير عليه حتى غمضات عينيها من الالم قرب ليها وعينيه كايخلعوو ..
مراد: وعلاش حيت عاجبك الحال تقحبني بهاد اللباس تالقلاوي ودوري فزناقي مع زوامل وتحاكي معاهوم عاجبك الحال ونتي غاديا جايا مع داك زامل ليكنتي معاه صباح ...
كوتر: احتارم راسك وعرف اش كتقوول صبرت لييك بزااف ولكن باش تغلط فيا هي ليماتكونش ليك دفعاتو بكل قوتها وهربات منو حيت تخلعات من حالتو ....يالله غاتحل لباب رجع جرها من شعرها بقوة متر من الاول حتى نزلات دمعة من عينيها وغوتات بحر جرا لجرها لعندو....
مراد: شوفي كنقسم فمي بالله تانردخ دينمك مع الارض ومتبتي شوفي ماعندك فين تمشي حل قدامك هو غاتزوجي بيا
كوتر: (بالغوات حتى عروقها غايطرطقو) هدااك بزااف علييك وهو بعدا رااجل عليك ماعمرو قلل احترامو معايا ولا غلط فيا او قالياش شي كلمة تضرني وهداك ليكاتهضر عليه ماشي بحاااك ولا كايفكر هي فراسو هو كايعرف اتعامل وماعمرو حط ايديه على شي بنت ....
كوتر: (كتغوت) راااااجل اييه رااااجل رااااجل ماشي بحاااك شماتة..... طلق ليها شعرها ودار بان ليه الحيط خشا فيه اديه بقوة كبيرة هي تزعزعات من ردة فعلو وعاد فاقت على راسها شنو قالت ليه رجعات باللور لسقات فالحيط وكتشوف فيه كايضرب وكايغوت بصوت ازعز الصخر ماحبس حتى كان شوي اتقب الحيط و ايديه كتشرشر بدم ضار شاف فيها وعاقد حجبانو والعرق نازل كايتقاطر من جبهتو وبدا كايقرب ليها..
مراد: اليوم تعارفي شكوون راجل فينا واش انا ولا هو
كوتر:(كتبكي حيت تخلعات بزاف من المنظر) مرااد عفاااك خليني نمشي فحالي الله اخلييك عفااااك امراد عفاااك
مراد: (وهو كايقرب) مغاتمشي تا تشوفي شكوون راجل فينا ...
كوتر: (وكتزيد تبعد منو) عفاااك امراد خليني نمشيي بلا مانكبرو الموضوع وخوي راسك من هاد الافكار ليمغاتنفعنا بوالو سير لخدمتك وخليني انا.. الله اخليك
مراد: (شدها من عنقها وزير) واحد يالاه عرفتيه ولا راجل عليا انا لدرتك فعينيا وماعمري قللت منك....(لسقها مع الحيط وكايضرب بديه الخرا الحيط....كدوز من حدا وجها كيف ريح) دابا شنو ندير فدينمك غير قولي نشتتك ولا ندير فيك شي عاهة تركني الارض ....كوتر تجيفات وقربات تقطع فيها نفس صفارة كتسمعها فودنيها وكتركل ودفع فيه ...
امين: اوكي ... ناض خارج وصل لباب وضار شاف شوفة آخير فالمكان فين تجرح اول مرة ومن الانسانة لحب من قلبو وخرج ...وصل حليه امين دخل وعطاه بظهر ومايشوف قطرات تدم تابعينو تخلع
أمين: مالك فايديك اش واقع ياكما درتي لبنت شيحاجة
مراد:(كانت طبلة قدامو ضربها تقسمات وضار شاف فيه وعينيه حمرين) كون غير درت كنت نطفي العافية لشاعلة فيا..
أمين: صافي هي برد اخويا ورتاح شوي
مراد: خاصني نمشي فحالي مابغيتش نتعطل
أمين: صبر نجيب ليك هي باش داوي اديك ودير ليها شي فاصمة ماتخليهاش هكاك
مراد:(ضحكة استهزاء) ههه عادي مولفين بماكتر من هادشي الله اهديك ...متسوقش ليه امين مشا جاب البواطة ديال اسعافات الاولية مسح ليه ودهن ليه ببوماضة ولوا ليه فاصمة ...ومراد متكي راسو لور ومحاس بواالو باقي ديك الكلمة كتردد ليه فودنيه...جمع الوقفة
مراد: غانمشي مابغيتش نتعطل
امين: (مابغاش احكر عليه) اوكي طريق سلامة وبيناتنا الفون خرج ركب فطوموبيل تاصل بيهوم فالمطار واعلمهوم جاي اوجدو كولشي ....وصل بسرعة كبييرة بحالا هارب من شي طيف كايحس بروحو غاتخرج ....ركب فطيارة وحط راسو على زاجة كايشوفها كتقلع
....ساضل احبك اعشقك اهيم في عالمك لن اتوب من حبكي حتى يؤمن ابليس....
دقيت خرجات مشعرتش عنقتهاا وبقيت كنبكي كنت محتاجة شيحد احس بيا شيحد نخوي عليه قلبي هي تخلعات معرفات اش واقع كاتسولني واش تلقا ليا شفار واش شيحد بيه شيحاجة انا غير كنبكي ونتنخصص وشعري مغطي ليا نص وجهي وفزك بالدموع ودم ابس حدا فمي .... دخلاتني والو واش بغات تخرج ليا شي كلمة جاتني سخفة بكترت البكا والخلعة ليدازت عليا بقيت كنتنخصص حتى مابقيتش عقلت على راسي....هداية شداتها لاطيح دخلاتها لبيت عندها تخلعات معرفات مادير ومكاين حد معاها جابت الريحة كتفشفش عليها والو مجات جابت كاس تالما وكترشها وتسرفقها غير تفييق ..حتى كاتبات ليها كتحل عينيها شوي بشوي...دموع فعينين هداية من الخلعة على صاحبتها بقات كطلب فيها غير تهضر تقوليها شنو بيها
هداية: عفااك هي قولي اش واقع اول مرة نشوفك فهاد الحالة
كوتر: مرااد مرااد
هداية: مالو واش واقع ليه شيحاجة ولا تاصل بيك هضري راه عصبتيني
كوتر: مراد جا المغرب وكنت معاه دابا.. هداية تلفات وماتيقاتش بقات حلا عينيها فيا وعاود ليها كولشي شنو وقع بتفاصيل منين شفتو حتا خرجت من فيلا وخليتو
هداية: كنحس بهادشي كيف شي فيلم والله العظيم ..
كوتر: صافي كولشي مشاا ضيعت مراد(كتبكي وضرب فوجها)
هداية: براكة جمعي عينيك من البكا راه غاتمرضي شوفي حالتك كتقطع فالقلب
كوتر: راه قلبي غايخرج ندمت ندمت اهداية علااش نقوليه ديك الكلمة انا حمااارة حمااارة
هداية: صراحة بجوج غلطو وبجوج سباب هادشي فين وصلتو هو مكانش عليه اتعامل هكا ونتي اش داك تقوليه ديك الكلمة راه أخيب حاجة هي تقللي من رجولتو حمدي الله ليمادار فيك شي مصيبة
كوتر: فراسك دابا تمنيت كون دار ليا شيحاجة كان غاتكون خفف من الهضرة ليقال ماحملتش راسي 😣
هداية: دابا ليعطا الله عطاه فاات الفوت وديري فبالك حاجة وحدة الى كنتو مكتابين لبعضياتكوم وخا تبعدو غاتجمعو تاني
هداية : هي رتاحي شي أيام وخوي دماغك والأيام غاتنسيك وحنا راه معاك ماعمرنا نخليوك
كوتر:(كتمسح وجها بلور تيديها كيف شيحمقة) بليز مابغيت تاوحدة من البنات تعرف شيحاجة وماباقيش بغيت هاد الموضوع اتجبد صافي مراد صفحة وغانطويها دابا غانحاول نساااه ونخرجو من قلبي وعقلي ...
هداية: وخا أحبيبة يلاه نوضي غسلي حالتك.... نض غسلت وجهي ورجعت كلست شوي نرجع أنفاسي ويبردو عينيا من دموع باش الى مشيت لدار متخلعش ماما جابت ليا هداية تلج كانكمد بيه حناكي باش تبرد ليا ضربات لعطاني مراد ..... قرب اطيح ظلام خليت هداية وخرجت مشيت لدارنا كيف وصلت أول حاجة درتها دخلت توضيت وصليت جوج ركعات بكييت فيهوم وخففت شوي على خاطري طلبت من الله اهديني ومابابقيش نقطعها واكون ليا عويين واقويني....ساليت طويت صلاية واعد راسي مباقيش نقطع صلاتي الله اسمح ليا... ساليت وهزيت بيسي مسحت تصاوري انا وياه وتصاورو لي فالفون حيد اي حاجة تفكرني فيه او تجمعني بيه مرة خرا ودخلت لعقلي واحد الفكرة انا ويااه جامي نتفاهمو مستحيل نكونو لبعضياتنا... نض قلت لماما تعطيني وراق المدرسة نعمرهوم باش نعطيهوم لبابا ونحاول نبدا فأقرب وقت نعمر وقتي باش مانبقاش نفكر فيه..... فقت صباح تنهار الاخر عطيت لبابا دوك الوراق وطلبتو احاول فأسرع وقت ممكن مشيت دخلت مع ماما الكوزينة عاونتها وهي استغربات علاش ماغادياش لنادي قلت ليها عيانة ومافياش ولكن لمخلانيش هو الخوف من مراد كان عندي إحساس غانمشي ولقاه تاني كايتسنا كيف داك نهار وليت متشائمة وخا هو مابقاش بغا اشوفني ولكن تصرفاتو ماعمري كنتوقعهوم داكشي باش فكرت نغيب على نادي شي أيام ....كوتر غابت ايام كتيرة على نادي واحد الشخص نتابه لغيابها كان غايحماق ماعارف مايدير كل نهار اتسناها ومكاتجيش ...كايفكر اتاصل بيها وكايتردد...اليوم وكيف كل نهارات سالا الحصة وخرج طاير لدار دخل من الباب كايعيط
شهاب: ابتسام ابتسام ...
ابتسام:هاني ماالك ياك لبااس
شهاب: تبعيني لبيتي بغيتك دابا
ابتسام: تابعاه والخلعة راكباها من ملامح وجحو لمكايتفسروش ...
شهاب:(مد ليها الفون) تاصلي بابتسام دابا سوليها علاش ماجاتش لنادي
ابتسام: واش تصطيتي نتا ولا مالك علاش غانسولها
شهاب: مسوقيش سوليها وصافي...داكشي لدارت هضرات معاها وسدات عليها كوتر بانها مكاتساليش مع المدرسة وبغات حتى تولف ...شافت فخوها وضحكات ليه ...وقالت لكوتر تجي عندها لدار واعيطو على البنات لقراو معاهوم واتجمعو ...سلات معاها ...
ابتسام: الى قدرتي باش نيت كوتر ماتجيش ههه ضربها لراسها وهي تهرب كاتغوت عند ماماها الكوزينة ليكانت مشغولة فتوجاد العراضة
مامات ابتسام: مالكوم اش واقع حشمو شوي
شهاب: راه بنتك ليبسالة بلا قياس
ابتسام: ياك اوا انا انقوليها شنو واقع وديك ساعة هي تعرف اش كاين... خنزر فيها وخرج خلاهوم طلع كلس فبيتو كايتسنا تجي ..... وصل الوقت وبداو كايجيو البنات وكوتر تاهي جات وتلقات بنات ماتشاوفو من ايام الاعدادي فرحات شوي وحاولات تدوز وقت زوين وتنسا ولاو شوي من داكشي ليشاطنها
كوتر: فينها خالتي بغيت نشوفها
ابتسام: يلاه معايا راه كاينة فالكوزينة غاربة فشغال
كوتر: كولشي بخير لهلا اخطيك اخالتي ... دخل شهاب كايعيط على ماماه زعما صدفة كان لابس شوميز زرقة وحال صدف الفوقانيين وسروال بيج لقا كوتر فالكوزينة وهو ليكان حاضيها منين دخلات وكايقلب على الوقت ليهضر معاها
شهاب: اهلا كوتر زارتنا البركة
ابتسام: مالك هاجم علينا وكتعيط ياك لباس
شهاب:😡 شكون هضر معاك نتي كنت جاي باغي شوي تالما ومزيان ملي شفت كوتر نسول عليها
كوتر: ☺ لباس حمد الله ونتا اش خبارك
شهاب: بخيير نتي ليغبرتي على نادي وخليتي بلاصتك
كوتر: هي مع شي مشاكل غانرجع وقريب ان شاء الله
شهاب : هي غدا ان شاء الله وراه رياضة غاتخفف عليك ستريس تاع مشكيل لعندك
ابتسام: الاستاد كاينصح تبارك الله
مامات ابتسام: اهياتا حشمي من خوك
شهاب: غير خليها ختي وضحك معايا كيف بغات
كوتر: الله اخليكوم لبعضكوم .. خالتي واش نعاونك فشيحاجة ابتسام: ماما راه كوتر غاتولي شاف كبيرة ان شاء الله
مامات ابتسام: الله ايسر ليك ابنيتي لا هي سيرو كلسو انا راه ساليت ....خرجو البنات وتجمعو مع الخرين وبقاو على الضحك وكايتغكرو دكريات ليدوزو أما شهاب كان مقنت ومقابل كوتر من بعيد ..... وصل وقت كل وحدة غاديا لدارهوم وكوتر تاهيا كانت خارجة وطلبات من ابتسام غدا اطلاقاو فنادي مابغاتش تمشي بوحدها ماشي خافت تقنط باقي هوس مراد لاصقها وخافت تاني تشوفو ولا فيها رعب من جيهتو ....خرجت مشيت لدار هدرت مع البنات وهنا كانت مفاجئة ليهي غفران غاتخطب شهر داخل ومسكينة فيها الخلعة فرحت ليها بزااف وطلبتها الى بغاتني نعاونها فشيحاجة انا مستعدة فديك اللحظة تمنيت كون تنا بحالها نوجد لاي خطوة كيف خاصها تكون مع شخص ليبغيت فحياتي كنت غانكون اسعد وحدة فالعالم حسيت بدموع نازلين تقاال نض نعست على آمااال صباح جديد وحياة جديدة
كوتر: راه اليوم غانمشي لنادي شحال هادا ماحضرت لشي حصة بسمة: لسمعك اقول غاتشدي البطولة نوضي العام طويل
كوتر: سيري هي الحبس هاني نايضة فين غاتلقاو
بسمة: نتي لبسي وسيري عند هداية وانا غانجي مع ريما ونتلقاو عندها
كوتر: وخا يلاه بسلامة.... بسمة كيف قطعات مع كوتر صيفطات مسج البنات وعلماتهوم بلي كوتر غاتجي واحاولو ما أمكن تاوحدة ماتجبد ليها مراد هادو طبعا كانو تعليمات هداية من نهار وقعات الواقعة المشؤومة .. نض غسلت وجهي توضيت وصليت فطرت وتفكرت ابتسام ليطلبتها تجي لنادي على قبل باش تونسني ونا نتاصل بيها واعتاذرت منها وتاهي مسكينة تفهاماتني ودرت معاها غدا أكيد غانجي ونتلقاو لبست سروال كحل قصير وسبرديلة نايكة فرجلي وتجاكيط خفيفة الفوق وخليت شعري سامبل وخرجت عند هداية .....نشوفو شهاب كان حدا ابتسام فاش تاصلات كوتر وسمع كولشي تعصب وتاهو تاصل بنادي قاليهوم مامساليش مغايجيج وفضل امشي لشركة ديالو حسن ليه...
هداية:(نازلة مع دروج) ماتعطليتش ماعندي مايتسالك
كوتر: وراه بسمة فيقاتني بكري تقول واش غاديين نحصدو هداية: هههه أحسن حاجة دارت اما كون راك ناشراني
كوتر: زيدي تانتي بلا صداع.... خرجنا باش نمشيو عند غفران وصراحة شعوري ماعرفتوش واش حزن ولا فرحة ولا حسد فرحانة بزااف حيت صاحبتي غاتزوج وتستاقر وتمنيت البنات كاملين نفرح بيهوم حزن حيت باقي قلبي ضارني من داكشي لوقع ...حسد حيت تمنيت تنا نعيش هاد اللحظة مع...
هداية: مالكي سهيتي
كوتر:(ابتسامة مصطنعة) والو هي باقي فيا نعاس ههه
هداية: اوا لوااه نتي مكاتشبعيش نعاس
كوتر: شنو اكون كايدير مراد دابا واش اكون رجع ولا بقا هنا
هداية: كوتر عفااك خرجيه من بالك احبيبة صافي ختارتو تفرقو وتبعدو بمرة يعني خاصك تولفي وتشوفي حياتك وتفكري فمستقبلك وان شاء الله ربي غايجيب ليك ماحسن
كوتر: مساهلاش انني نخرجو من بالي مراد ماشي اي شخص تعرفت عليه فحياتي هو كنحس بيه مالكني
هداية: ديري ايمانك فالله والى كنتو مكتابين غاتجمعو ان شاء الله كوتر: ان شاء الله
وصلنا عند غفران ليكانت الفرحة فوجها شفتها وفرحت كتر منها فاللول مكانتش باغيا خطيبها ودابا بغات غير امتا اتجمعو فدار وحدة هدا هو الحب كايجي على الغفلة كي الموت ..
غفران: لهلا اخطيكوم والله اخليكوم ليا والعقبال نفرح بيكوم تانتوما وحدة ورا وحدة
كوتر: خليوني انا اللخرة هههه
هداية: ليعجبك امهم انا نتبعها
كوتر: هي سيري الله ايسر ههه بقينا مجمعين وضاحكين تاوصلات الوقت وخرجنا كل وحدة شدات طريقها وانا وهداية حيت ساكنين فحي واحد مشينا بجوج وفضلنا نتمشاو على رجلينا نشمو الهوا حتى وقفات حدانا طوموبيل تخلعنا بجوج نزل جاجة ونا نتصدم
كوتر: شهاب سافا
شهاب: (نزل زاج تطوموبيل) اهلا كوتر بنتي ليا وكنقول واش نتي ولا هي تشابهتي ليا
شهاب: اش كاتقولو ...مهم ركبو نوصلكووم راه ليل بلا ماتمشاو بوحدكوم
كوتر: مابغيناش نعدبوك راه دار قريبة
شهاب: بدون اعتراض ركبوو ...شفت فيها وكتغمزني زعما ركبي حليت الباب طلعت حداه وهداية لور حرك طوموبيل وكنشوف هداية كتغمزني من مراية ...
شهاب: مشيتي اليوم لنادي
كوتر: لا راه كنت غاديا ولكن مشينا عند صاحبتي راه تاصلت قلتها لابتسام
شهاب: تنا مامشيتش كانت عندي خدمة كتيرة فشركة لدرجة ماخرجتش بكري ولكن مزيان نيت اما كون مانشوفكش.... سكت ماعرفت باش نجاوبو وبانت ليا الموصيبة من المرايا كتشوف فيا وضحك
كوتر: مابغيتش نبزطك ونطول عليك طريق سمح لينا
شهاب: باقي تقولي هكاك نتقلق منك عدابك راحة.... سقلت تاني وكنشوف فزاجة حتى وصلنا حدا دار هداية نزلات ضرت غانقوليه بسلامة...حلف اكمل بيا تايقربني سكت وتكمشت بلاصتي
كان كالسة فغرفة شبه مظلمة لابس شورط كحل سبرديلة نفس اللون والفوق عريان ...كايهز و يحط فالكيلوات رابط جوج قنبات غلاض وصحاح وكايلعب بيهوم... محاسش بداتو كايتريني بجهدو وكتر من جهدو لحمو غاطرطق عروقات كايشرشو وعينيه مكايبانوش بالغوباشة لراسم فجبهتو ..جاه اتصال
مراد: (كايلهت من تعب) الو شنو كاين
الشخص: بغيت نقوليك آخر الاخبار
مراد: هضر اش عندك
ااشخص: مكاين والو كولشي نقي ..كنضن غير تشابه اسماء وصافي
مراد: نتا غير كضن انا رااه متيقن من داكشي لقلت ليك ..
الشخص: شنو المعمول اسيدي
مراد: المعموول هو اي تحرك بغيتو لقااه مسجل نهار نبغيهوم لقاهوم من هاد اللحظة حتى نهار نتاصل بيك انا متوقفش الخدمة ونتا مابابقيش تاصل بيا سمعتي .....نلقا شي غلط عرفيتيني شنو غاندير
الشخص: مايكون غير خاطرك اسيدي....قطع الاتصال وضرب بالفون مع الارض وبقا كيفكر..كايفصل واخطط رجع كمل شنو كايدير حتى مابقاش قادر اتحرك خرج من تماك مشا لدارو دوش وكلا وتلاح فوق ناموسية ...هز البيسي اخدم فيه كيف شعلو ...طلعات ليه تصويرة كوتر فامليل كاضحك ..بقا شحال مركز شوفة ومشعرش هز ايديه وكايدوز بيها فوق شاشة وبضبط جيهة فمها .... جميلتي اشِـتاااااااقك حد الوجع واكثر.......
جمع اديه ورجع غووبش...سدو حتى كان غايهرسو دار بناقص من الخدمة ورجع تكا على كرشو خشا راسو وسط المخاد ونعس .....
...بعد شهر....
شهاب: الو كوتر واش وجدي راسك ندوز ليك ولا باقي
كوتر: عفااك هي شوي واجي بلييز
شهاب: وناري نتي كيف ديما معطلة باينة نتي اللخرة غاتوصلي كوتر: وبراكة هي البنات من قبيلة مصدعيني فالمسيجات انا راه بقا ليا هي لبس ونخرج
شهاب: يلاه 10 دقايق تلقايني كانتسناك..... كنت ديجا مقادة شعر وميكاب لبست غير قفطان غوز وفيه طرز بيض على شكل غوب من التحت جاني مع طاي غزال بقيت كنشوف راسي فالمراية وفرحانة ... ...شهاب وصل وصونا على كوتر خرجات عندو ...
كوتر: استسمح سي شهاب تعطلت
شهاب: ياك بعدا عرفتيها قلت ليك 10 دقايق نجي وليت 30 دقيقة ونا هي كانتسناك
كوتر: وصافي دابا هاني جيت مقلتيش ليا كيف جاني لقفطان شهاب: غزاال وحتا لون جا معاك اصلا نتي زوينة ماتحتاجيش هادشي
كوتر: براكة حشمتيني العقبال نتبوكص فعرسك
شهاب: (تعصب) كون فراسي كون خليتك تمشي فطاكسي حسن
كوتر: صافي صافي الى طاكسي لهلا اخطيك عليا
شهاب: واش القفطان شريتيه ولا خيطيه
كوتر: خيطاتو ليا واحد صاحبتي كاتقرا تصميم قلت ليها كيف بغيتو وصراحة حمقني بزااف ...
شهاب: اوا صافي تالعرسك وقولي ليها تخيط ليك حوايجك
كوتر: أكيد هي ليغانعتامد عليها .... وصلت وقاليا شيهاب غايجي ارجعني انا وهداية حيت غانتعطلو شكرتو بزااف ودخلت الدار لقيت كولشي كاين وكايتسناو غفران تجي من الكوافورة واجيو عائلة عبد الله (خطيب غفران)
بسمة: جاك القفطان غزاال بزااف
هداية : واش هدى ليصاوباتو ليك
كوتر: وي هي صراحة الله اعطيها الصحة
هداية: جابك شهاب ..
كوتر: وي وشكون من غيرو ..
هداية: صراحة مابغاتش تفهم ليا علاقتك بيه والله ..
كوتر: مايمشيش بالكوم بعيد شهاب فقط صديق قريب ليا وبزااف من بعد ما تعارفنا مزيان هاد المدة لفات وكنتلقاو ديما فنادي اكتاشفتو قلبو الحنين واقدر اخليني نعاود ليه كولشي وشنو سبابي حتى وصلت لديك الحالة وعاود ليه على مراد وشحال كانبغيه وهو واعدني انه غايدير المستحيل باش انسيني فيه وبلي ماعمرو اخليني وتنا ارتاحيت ليه بزاف وليت كنعتمد عليه فأي حاجة بغيت نديرها حسيت بلي ولا عندي راجل نقدر نلجئ ليه وانا فأشد ضعفي...ومسكين صابر ليا لحماقي وكايدير اي حاجة بغيتها وخا شي مرات كنحس براسي ضالماه حيت كانحس بمشاعيرو ليا ولكن مانقدرش نبعد عليه كانحس بخوف كبير من شبح الماضي لقريب.. وخا دبجا اعتارف بلب كايبغيني ولكن مقدرتش نبغيه ونعطي فرصة ليا وليه خايفة نضلمو معايا ومانقدرش نعطيه حقو
بسمة: معرفت منقوليك راه تاهاكا ظالماه وبحالا كتستاغليه ...قلبي ضرني من الهضرة لقالت بسمة ..قطعاتنا ريما طالعة كتغوت
ريما: اجيو راه وصلات غفران نزلو نزلو .. نزلنا كولنا استقبلناها كانت لابسةتكشيطة فالبيج ودايرة مشيطة واكسسوارات كاتبان فنة كاتحمق طلعناها لبيتها تايجيو ناس ... كلسنا كنتصورو ومكاين هي سيلفيات حتى سمعنا الهدرة كتيرة وزغاريت عرفناهوم وصلو نزلنا حنا سبقناها وندرسو الوضع كيف داير عاد جات هي دخلناها بزغاريت كلسات حدا خطيبها لبسو الخواتم شربو الخليب وكلاو ثمر كان جو الزوين كولشي فرحان وناشط دازت العشية بخير هوما مشاو وبقيناا حنا معاها شوي عاد كل وحدة خرجات فحالها مشيت انا وهداية جا لينا شهاب كنبرزطو بزاف ماحيلتو لخدمتو ولا لنادي ولا ليا ولكن تاهو مكايعطينيش فرصة فين نرفض حطينا هداية حدا دارهوم وكمل بيا انا طريق كنت دايخة بالعيا ونعاس بغيت امتا نوصل لبلاصتي ونتلاح نغيب
شهاب: كيف دازت العشية
كوتر: غزالة فنة وغفران كاتبان زويييينة وفرحانة وحتا عبد الله الارض مقداهش وعينيه كايبريو
شهاب: (شاف فيها وابتسامة على وجهو) العقبال عندي مع البنت ليكانبغي وتكون ليا فأقرب وقت...كوتر تلفات ليها الهضرة حيت ديما كايلمح ليها وكدير راسها مكتفهمش ..غ
كوتر: صافي تيقتك الحب ومزيان نيت منين جيتي تونسيني من قبيلة ونا مقابلة هاد المشقوف وكنتفرج فشي برامج (ضورات البيسي وراتو ليها)
ابتسام: مزيان منها نيت تشدي معلومات جداد وياك الاثنين غاتبداي ليهو غدا
كوتر: ان شاء الله وفراسك مخلوعة وفيا الفرحة بزااف آخييراا غانحقق حلمي وندخل هاد المجال
ابتسام: الله ايسر ليك احبيبتي فرحت ليك بزاف ولكن ماباقيش غاتجي لنادي ولا شنو ؟؟
كوتر: نو غانجي مرة مرة ولكن ماشي كيف كنت ودابا خاصني حتى نشوف توقيت وديك ساعة نقاد بروكرام ديالي
ابتسام: ولكن مهما كان ردي عليا.. باش تنا نبقى نجي هي الوقت ليكاينا نتي
كوتر: وخا احبيبتي كوني هانا.... فكرت نجبد معا ابتسام حقيقة مشاعر خوها ونشوف شنو غاتقول ولكن خفت تحسس من الموضوع وماتبغيش اكون كايبغيني حيت هي ديما كتشوفنا كنتناكرو ونتخاصمو على اساس اصدقاء معارفاتش الحقيقة تلفت والله وماباقي عرفت ماندير ....نفس الوقت ابتسام تاهي كاتفكر واش تجبد معاها هضرت شهاب وتقوليها هو ليصيفطها باش تشوفها واش بخير وتجيب ليه خبارها بغات تقوليها تعطي فرصة لخوها وبلي كايبغيها بزااف وحبها من نهار شافها ولكن خافت تخصر صاحبتها كل وحدة فيهوم كتفكر فنفس الموضوع وتاوحدة مابغات تبدا
شهاب: تانشوفك ونقوليك يلاه ماتعطلش تلاح.... انس صاحب شهااب او بمعنى ضل ديالو هو وياه كايتشاركو كولشي منين كانو صغار علاقتهوم كتقوى نهار على نهار ....لبس...وخرج ركب فطوموبيل ديالو ..وصل لقا صاحبو كايتسناه
أنس: تفو يا صاحبي طيحتي ليا الما فركابي
شهاب: علاه الما كايوصل ركابيك بعدا هه
أنس: قول اش كاين لاش مخرجني فهاد الوقت
شهاب: بغيت نهضر معااك على نفس القضية ..
أنس: شهااب من نهار اللول عارف طبيعة هادشي ماشي... اتنادم معاك الحال دابا ...
شهاب:(تقلب الوجه البريئ لوجه كولو غضب) متنادمش معايا الزمر... أنا هي كانبغيها ومغانصبرش بغيتها تكوون ليا فهمتي دياااالي انااا بوحدي
أنس: نتا متيقن كتبغيها بزااف ولا ياكما غير إعجاب...
شهاب: متقين 100% كنبغيها بزااااف وفاش كانكون معاها كانسا كولشي داكشي باش بغيت شي حل اخليها تعلق بيا وتنسا داك زامل...(جمع اديه وضرب بيها فوق طبلة)
أنس : مكايناش شيحاجة تخليها من غير الا ماهي بغااتك او بغات تعطي فرصة لعلاقتكوم حيت من اللول جاتك الصراحة ...
شهاب: وشنو دابا نبقا هكا كنشوفيها حتى ضيع من ايديا ولا شنو ..
أنس : والله ماعرفت مانقوليك ولكن غانفكرو فشي حل كون هاني ونتا زيد قرب منها وخليها تولفك بزااف ولكن كصدييق ماتبقاش تبين ليها شيحاجة ...تقل راسك وبرد قلبك
شهاب: وخا انا ندير هادشي وخا صعيب وغدا هي غاتجي لنادي وكون هي جيتي عندي بحالا غاتشوفني ونعرفك عليها شنو بان ليك
أنس : ان شاء اللهغدا ندوز الشركة نحط شي ضواسا فالخدمة وندوز عندك مع 11 ونص صافي
شهاب: صافي مشاات يلاه نوض نمشيو فحالنا ..خرجو كل واحد ركب فطوموبيلتو ومشا لدارهوم..وشهاب طريق كاملة كايفكر فاحسن طريقة تخلي كوتر تقرب ليه وتبغييه . ...
فقت اايوم بكري باش منولفش نعاس الى مكنتش قارية غسلت وجهي توضيت ونض صاوبت الفطور وصلات وقت نادي لبست سوفيت اديداس كحلة عبارة على كابيتشو وسروالها درت شعري سبولة من الفوق وخرجت كيف وصلت لقيت شهاب كايتسناني ونفس ضحيكة على وجهو كان لابس شورط كحل ومايو تالمينيتير فالخزي ومن الفوق كابيتشو كحل ....سلمت عليه ...
كوتر: شفتك نتا لي كاتسناني
شهاب: حيت ماعمرك جيتي نتي فالوقت ديما معطلة
كوتر: زيد براكة من الفهامة ديالك ...محساتش حتى لوات اديها مع اديه بحركة عفوية وبريئة منها ...كل واحد مشا لحصة لعندو سلاو وخرجو تلقاو وكلسو فكافي ديال نادي اشربو عصير..وقف عليهوم ....
شهاب: أهلان انس اش هاد المفاجئة
أنس : كنت دايز وقلت ندخل نشوفك ونمشي نتا بخير
شهاب: أحسن حاجة درتي توحشتك يا أخي ماشفتك من ديك سيمانة
أنس: (كايشوف فيه مستغرب) اوا داكشي باش جيت نسلم عليك ....كوتر بقات حاضياهوم كايهضرو ومتبعا ليهوم العين كيف شي بنية صغيرة حتى حسات براسها غير زايدة وقفات بغات تمشي ....حبسها شهاب تاعرفها على صاحبو ..وطلبها تبقا حتى اوصلها ولكن هي اعتادرات مابغاتش تبرزطو ....
أنس: راه غاتكون فالويكاند يعني غاتكوني كالسة وباباك هي طلبيه وشوفي عالله مهم ماتفلتيهاش حيت غزااالة والله وغاتبقى ليك تجربة ماعمرك تنسايها
شهاب: وي اكوتر مهم منهنا لتماك غايكون خير وحاولي
كوتر: تمشي معانا ابتسام تاهي؟ ...
شهاب: اكيد غانقولها ليها مهم غير فكري وردي عليا الخبار كوتر: وخا اكون خير حتا تصيفط ليا مسج فيه ثمن والمعلومات كاملة انا غانمشي باش يلاه رتاح قارية فالعشية
شهاب: واخا يلاه تهلاي وبيناتنا الفون اوكي ...تسالمات معاهوم وتحركات بقا انس متبع ليها العين بشوفات غريبة حتى ضربو شهاب لكتفو وخنزر فيه عاد جمع عينيه وضحك ليه ضحكة خبييثة ..
أنس: ههه وقول صاحبك مكايعاونكش بهاد طريقة غاتضرب عصوفرين بحجر واحد ...
شهاب: الله اسمح ليك زيد زيد راه غانتعطل على الخدمة وسير تانتا قابل خدمتك
أنس : شكرا اسيدي هادشي لينسوى فاش خليت خدمتي وجاي نعاونك هاهو مشا فحالو...خرجو كل واحد مشا لخدمتو ..
...كوتر....
دخلت مشيت عند ماما وقلت ليها على الرحلة ولكن تاهي هدمات ليا الآمال وقالت ليا موحال بابا اخليني حيت منطقة بعيدة راه كتر من 8سوايع هي طريق
كوتر: شنو زعما غير نسا هاد الرحلة وخا انا منيمتة باغيا نمشي لهديك المنطقة نشوفها
ماما: اوا ماعندي مندير ليك جربي حظك وشوفي اش غايقول كوتر: تانجي من المدرسة ونقولها ليه ونشوف ردة فعلو الى مابغاش صافي بلاش ...مشيت تكيت شوي بينما توصل وقت هزيت الفون نهضر مع البنات ونقولها ليهوم نشوف عالله تكون عندهوم شي فكرة اعاونوني بيها
غفران: واش عرفتي فين جات راه بعيدة راه تفوتي زاكورة بسمة: على اساس حنا عارفين هاد زاكورة تا فين جات
هداية: مهم هي بعيدة ولكن كايعاودو بلي منطقة رائعة بجهد كوتر: وييه ومنيمتا باغيا نمشي ولكن مجابتهتش فرصة ودابا ختصني لقا حل باش نقنع بابا
غفران: بابا كان مشا ليها وقالينا زوينة
بسمة: صحراء كولها زوينة (تحية كبيرة لصحرويات❤)
كوتر: مهم فكرو معايا فشي حل دابا غانخرج وفاش نجي غانقولها ليه ونشوف شنو قاليا ونرد عليكوم الخبار
بسمة/غفران/هداية: اوكي الله ايسر لبست وخرجت دازت العشية زوينة ولكن انا عقلي مع الرحلة.... وخاصني نقنع بابا باش اخليني و كنفكر شنو نقوليه ومعامن غاديا حيت اكيد مغانجيش ونقوليه راه غاديا مع جوج دراري غايقطعني من الحالة المدنية وصلات وقت الخروج مشيت لدار لقيت بابا كاين جا بكري دخلت سلمت عليهوم وجريت ختي معايا لبيت قلتها ليها عالله تجيب ليا شي فكرة ولكن للاسف فشلاتني كتر من ماما قلت نصلي عاد نمشي نهضر معاه ....
صليت وجمعت قوتي ومشيت كلست حدا بابا ليكان كايتفرج فتلفازة بقيت كالسة وكل مرة لوح ليه كلمة نسول كيف داير مع الخدمة وتاهو سولني على المدرسة جات ختي كلسات قدامي وبقات كتغمز فيا زعما هضري ونا كنفكر كيف نطلقها بقيت شحاال ونا نطق وكنتمنى مايتعصبش
شهاب: بصحتك يالله تصبحي على خير ....صراحة شهاب دار بلاصة كبيرة فحياتي وبسرعة... مكايخليش ليا الوقت فين نفكر فشيحاجة تقلقني وكايدير ليفجهدو باش مانحاولش ...وليت كانطلب من الله نسا مراد ونولي كنبغي شهاب .. بديت كنتغرم بشخصيتو ولا عزيز عليا لدرجة منتخايلش حياتي بلا بيه كليت ونعست وانا كانحاول نفكر فشهاب باش نسا مراد...
"يا...شين مس الشوق في كبد مشتاق مثل الجمر لا شب من تحت ظله يبطي به العاشق من الشوق مافاق ويحط في كبده ثمانين علة"
...فقت بكري..جمعت شنو غايخصني مافطرتش حيت انا من نوع الى غانسافر مكنحملش ناكل نفضل نبقا بجوع ولا ندوخ فطريق ورد خرجت لقيت جوج طوموبيلات وحدة فيها انس والاخر فيها شهاب وابتسام تسالمت معاهوم وركبت اللور ...شدينا كريق وكل شوية لقا شهاب كايشوف فيا من المرايا وكايخنزر فيا معرفتش مالة ...وصلنا فين كاينين طوموبيلات الخرين لغاديين معانا اكترية لي كوبل والحديد آخر مكاين بقيت كنشوف بعويناتي من زاجة ...شدينا طريق شي ورا شي والجو والنسيم تصبااح طريق خاوية وشميسة يالله كطلع حطيت راسي على زاجة وبقيت كنشووف حتى قفرزني....
شهاب: ماخفتيش اجيك البرد فدوك الحوايج
كوتر: (علات فيه عينيها لقاتو كايخنزر) نوو راه الجو سخون ابتسام: جيتي تيتيزة الحب
كوتر: اخليك ليلي زين ديالي ...
رجعت حطيت راسي على زاجة ماباقيش عقلت ...
شهاب: (بصوت خاافت) غانوقف وغاتنزلي تركبي مع انس
ابتسام: حماقيتي لا 😡
شهاب: (وقف ودرب ضوء لانس باش تاهو اوقف) نزلي لغانزف بمك 😡
ابتسام:(حلات الباب ونازلة كضرب بايديها) تفو على بشار كيداير يييخخ
نزلات ابتسام ..وحل شهاب الباب ونزل ضار وحل على كوتر هزها بشوي وجابها حطها حداه ودار ليها سمطة وحيد ليها جوج زغبات على وجها بقاا شحاال كايشوف فيهاا ...يالله غايبوسها وهي ضور وجها لجهة الاخرى...رسم ابتسامة على وجهو وسد عليها ورجع ركب وكمل طريبق ....بعد ساعة حلات كوتر عينيها وتصدمات ضارت ولقات شهاب حداها
كوتر: راه انا مولفة هكا والى كليت والله العظيم حتى نمرض شهاب: مولفة فسفر ديال 4تسوايع ولا 5 ولكن حنا راه اقدر نوصلو 10 تسوايع 😡
كوتر: شهاب الله ارحم الواليدين فوتني مغاتعرفش كتر مني وزايدون صحتي وانا حرة فيها مغاتبقاش تدخل ليا فكواشي وتلصقني عطيني تيقار
شهاب: وخا سمحي ليا ....مشا شهاب وخلاني وعاد حسيت على راسي شنو قلت تفو انا حمارة الولد خايف عليا وانا كنتعفر عليه (وهيا المعفر تعفر بشويا اوهيا واهيا) بقا فيا وبغيت نعتذر منو ولكن مابغاش اهضر من حقو... رجعو باش ركبو تاني وهو اقوب شهاب لابتسام رجعي بلاصتك راه كوتر بغاتك فشيحاجة وجات باتركب تعصبت من الحركة لدار وانا نخليها تركب القدام وانا طلعت اللور
كوتر:بغيت نجمع معاك حنا بنات مع بعضياتنا ....بقينا على داك الحال وكل مرة كنشوف فشهاب كنلقاه مركز مع طريق ... حسيت بسخفة رجعت راسي اللور وغمض عينيا حيت مابقيتش قدرت نحلهوم او نحرك اديا جوع بدا كايديرها...نعست تا كاتفيق فيا ابتسام بلي وصلنا كانت العشية ديك ساعة نض ولكن حاسة براسي ماشي بخير بداو نزلو هوما حليت غانزل كاتبان ليا ضبابة قدام عينيا قلت اقدر حيت كنت ناعسة مديت رجليا وكانت آخر حاجة تفكرتها حيت غيبت وصلنا... شهاب كان عاطيها بظهر ومعصب واصلة فيه الحد من الهضرة لقالت ليه كوتر حتى سمع ابتسام غوتاات....
شهاب طار هزها وعينه خارجين بالخلعة وكايطلع النفس بزز ...دخلها الاوطيل لغاينزلو فيه حطها فوق واحد الفوطوي قريب من الاستقبال ..كايفيق فيها والو زاد تخلع حيت ولات صفرة وفمها بيض وناشف اديها مرخييت وداتها كولها باردة عرفها طاح ليها طونسيو حيت مكلات والو....جابو ليه الما كايرشها عاد بدات كتحل عينيها ولكن دابلين وراسها كتهزو ببطئء ..بقا كايسولها با غير تهضر واعرفها باش كاتحس ...
كوتر: اش وقع فين حنا
شهاب: واش بخير باقي فيك دوخة نعيط على طبيب
كوتر: شوي بغيت غي نشرب ريقي ناشف
شهاب: غاتنوضي دابا تاكلي وبلا قسوحية الراس حيت قسما بالله تقولي لا غاندير فيك شرع ايديا.....هزيت راسي كان كايحرقني تسند على شهاب ومشيت معاه ونا ساكتة وحادرة راسي حيت شفتو مخلوع عليا وتفكرت آخر هضرة قلت ليه وقارنتها بتعاملو معايا دابا لقيت راسي حمارة كبيرة وقررت انني نطلب منو سماحة ولكن ماشي دابا من بعد مشيت انا وياه لريسطو ديال الاوطيل جابو لينا الماكلة هي انا اما هو مقابل معايا وعاقد حجبانو .. وكيشير ليا براسو زعما كولي حتا انا منطقت بتا كلمة وخشيت فوجي حيت كان فيا جوع دنيا ودين ساليت نوضني ومكيهضرش داني لشومبر فين غانعس انا وابتسام قلت ليه سمح ليا... وجاوبني : هانيا بحااك بحال ابتسام أمانة وخاصني نتهالا فيها .. ومشا متلفتش شاف فيا بقا فيا الحال معرفتش علاش تقلقت وبقا فيا الحال من ديك الكلمة وانا ليديما كنت كنطلب منو اعاملني كيف ختو او صديقة ولكن علاش فاش دار بهضرتي ضرني خاطري دخلت وهي طير عليا ابتسام كتعنق فيا وشوي قلباتها ضريب مسكينة خلعتها... قلباتها ضحك تاني...
ابتسام: كون متي منين نجيب انا بسمة وختها باش نكملو الكدبة ديالك؟
كوتر: الى مت لاش غاتحتاجو لكدبة صافي ليعطا الله عطاه ابتسام: ياك باغيا تصيفطي خويا الحبس وتخليني وحيدة
ابتسام: تانتي عزيزة عليه بزاااف كان قلبو غايسكت فاش شافك سخفتي
كوتر: بصح واش هو ليهزني
ابتسام: وشكون من غيرو..تحول سوبر مان ماشي خويا ....حسيت بيها فرحانة فاش كاتعاود كيف خوها تخلع علي و قررت نعاود ليها شنو كاين ...وحتا علاقتي بمراد وبسوء تفاهم لوقع بيني وبين خوها فاش كنا جايين
بتسام: وآخيراا سمعتها من فمك كنت خايفة نجبد معاك الهضرة ونخسرك داكشي باش سكت وراه شيهاب من نهار شافك وهو بايحماق كايبقا اهضر عليك واسول فيك
كوتر: راه عزيز عليا والله ولكن راني عاود ليك اش كاين
ابتسام: ولكن هو عارف كولشي ومهما دالك باغيك
كوتر: وي وخا عارف مابغيتش نضلمو معايا
ابتسام: عطي لراسك فرصة وماتبقايش كاتسناي شيحاجة معرفتيها واش كاينة ولا لا
كوتر: ودابا خوك مقلق مني كيف ندير هي نتصالح معاه... ابتسام: ساهلة واحد شوي حنا خارجين والباقي ضربيه على حسابي فكري نتي هي اش غاتقولي ليه...... بدلنا حوايجنا وخرجنا بقينا كنضورو قنت بقتت...تعرفنا على الاوطيل كان صغير ولكن فيه ديكور صحراوي وحتى الفراش كان كولو تقليدي عجبنا بزااف سالينا ومشينا عند دراري دقينا حل لينا انس ودخلنا قلنا ليهوم بغينا نخرجو...ابتسام ليكاتهضر انا هي ساكتة
ريما: ورااه ديالووو هدا ..راه عندهوم فرووع فجميع مدن المغرب وبزااف تدول تبارك الله وخا باقي صغيير قدر هو وختو احققو هاد نجاح ...وكايعاودو عندو واحد ختو زوييينة بزااف وعندها شخصية قوية كتحرك غير صبعها كولشي كايوص تالعند رجليها ...
كوتر: تبارك الله سعداتها وفينو هو دابا
ريما: ماعرفتش حطني فريسيبسيو وزاد وغير مخنزر مكايضحك مكايهضر اييخ ....ريما منتابهاتش لشكون واقف حدا راسها وهي كتهضر وتعبر ...كوتر لعلات عينيها وتصدمت من العظمة والاناقة والرجوولة ...ضارت ريما وتلون ليها وجها وبقات غير كتفتف
كوتر: وخا هاني مشيت وراه مغانعسش هي نحط راسي ارتاح خليت ابتسام ومشيت لطوموبيل طلعت لور وتكيت راسي ولكن عينيا تقالو عليا بزااف غمضهوم ومن بعد مابقيتش عقلت على راسي ... معرفتش شحال تالوقت حتى حسيت بشيحد كايلعب ليا فشعري ... حليت عينيا تصدمت شهاب حدايا وانا متكية على صدرو وهو كايلعب ليا فشعري ومكاين تاحد فطوموبيل من غيرنا هزيت راسي وكنضور فجنابي كاينين وسط الصحراء تخلعت ...
كوتر: كنحلم ياك هي قول بلي شمس ضرباتني لراسي
شهاب: وخا اعتابريه حلم وعيشيه معايا
كوتر: براكة من تفليا اش كانديرو هنا وكيف وصلت انا لهنا شهاب: نزلي من طوموبيل ونعاود ليك كولشي
كوتر: وخا هاني نازلة
شهاب: ديري الشال على وجهك حيت اارملة كاطير لادخل ليك لفمك اوكي.... نزلنا وكانت الشمس شوي وتغرب الجو رائع وسبحان الله الرملة كايتغير ليها اللون على حساب الاشعة تقول لوحة فنية متحركة .. جا شهاب جرني من ايديا وقفنا قدام طوموبيل وتقابلنا مع الشمس
شهاب: سكتي وخليني نهضر ماتوقفينيش حتى نسالي هضرتي.... نبدا ليك فاش كنا جايين وتخلعت عليك وقلتي ليا ديك الهضرة لي لا محل لها وبقا فيا الحال وقلت نبعد عليك ونخليك على راحتك ولكن فاش سخفتي وشفتك فديك الحالة تخلعت عليك بزاف ونسيت ااهضرة ليقلتي ليا ونسيت كرامتي وبقيت معاك حتى رجعتي بخير من بعد اكتاشفت بلي تنادم معاك الحال وبغيتي تعتاذري ولكن كنت بغيتك تعرفي غلطك مزيان ونهار قلتو لينا نخرجو وانا رفضت كنت غانعس ولكن رجعات عندي ابتسام وعاودات ليا الحوار لدار بيناتكوم مابغيتش نشوفك فديك الحال وتبعتكوم ونرجعو ليوم... انا ماسخفت ماوالو كنت بغيت غير نشوف واش كنسوا عندك شيحاجة ولكن دموعك بينو ليابزاف تالمشاعر لينتي رافضهوم بسبب تجربة دازت فحياتك وكتقولي بلي اي واحد قرب ليك راه غايآذيك لا اكوتر انا كنبغييك بزااف وكانواعد نبقا معاك حتى تنساي واكون قلبك ليا ونزيدك راه ماشي نعستي نو راك دختي... الحلوة ليحمقاتك طلبتهوم ايديرو فيها عشبة ليتخليك تنعسي ومتحسي بوالو باش نجيبك الهنا ونهظر معاك
كوتر: ولكن ...
شهاب: (قاطعها) مكاين ولكن انا تيقنت بلي كتحسي بشيحاجة من جيهتي... انا بقيت ساكتة ولكن تلخطو عليا الافكار تفكرت مراد تفكرت آخر حوار كان بيناتنا كنشوف شهاب شنو كايدر علا قبلي وبلي كايبغيني وخا عارف قلبي مع واحد آخر معرفتش باش نجاوبو خفت اي حرف اخرج من فمي نتحاسب عليه من بعد واي خطوة غانديرها غاندم عليها ..
شهاب: مالكي ساكتة وكتشوفي فيا
كوتر: معرفت مانقول والله
شهاب: متقولي والو خليك دابا ساكتة وشوفي هاد المنظر ديال غروب شمس...قلبت وجهي وبقيت كنشوف قدامي ولكن كنشول احدات خريين كايدوزو قدام عينيا كيف شريط تالافلام لقدام ... فلحظة رجعات بيا ذاكرة ونفس اللحظة هي ديك الوقت كنت مع مراد وكنت فرحانة وعوض نشوف فغروب شمس كنشوف عينيه ودابا مع شهاب للعكس مقادراش نشوف ليه فوجهو وقلبي بغا اخرج من بلاصتو معارفة مندير واش نوافق ونعطي فرصة لراسي ولا نرفض واخا متقنة غانخصر الشخص ليبغاني وباغي افرحني حسيت بدموع نازلين معرفتش دياولاش..... شهاب: مالكي علاش كاتبكي
كوتر: معرفتش ولكن خاصني نهضر معاك وبغيتك تحس بأي كلمة غانقولها ليك
شهاب: وي قولي اي حاجة فخاطرك وكوني متيقنة بلي غانحتارم قرارك كيف مكان
كوتر: سمعني حتى اللخر .. انا مغنكرش بلي كانحس بشيحاجة من جيهتك ولكن واش حب او فقط معزة معرفتش واش حيت كتهتم بيا وكتخاف عليا او فاش كنكون معاك كنحس براحة ومكنبقاش خايفة من شيحاجة ومكانبقاش نفكر ... منكدبش عليك كنبغي تكون معايا تكون فجنبي وتعاوني وتشجعني ولكن خفت مع الوقت منقدرش نبغيك كيف نتا تستاهل وخايفة الى معطيتش فرصة لعلاقتنا نكون خسرت أحسن راجل فالعالم لاي بنت تمنى اكون معاها
شهاب: يعني اش
كوتر: بغيتك تبقا معايا ديما وتحميني من اي حاجة غاضرني شهاب: شنو نفهم بلي غاتعطي فرصة لعلاقتنا
كوتر: (حادرة راسها) وي
شهاب: كنبغيك اكوتر وكانواعدك ماعمري نقلقك ومانخلي تاحجة تقيسك. ظ جرني شهاب وعنقني حتى نفسي كانت غاتقطع عرفتو فرح بزااف وحتى انا حسيت بشوي تراحة طلقني ورجع شد ليا وجهي وبقا كايشوف فعينيا انا تخلعت وقلبي بدا كايضرب بزاف خفتو ادير الحركة لاي شاب كايدرها فاش كايشد حبيبتو من وجها وفعلا داكشي لكاين بقا كيقرب حتى وصل فمي وانا نبعد وعطيتو بضهري وحاولت نقلب الهضرة
كوتر: شوف على منظر كيف داير اجي نتصورو وتبقا لينا ذكرى شهاب:(وهو كيضحك) كانواعدك ماعمري نتعدى حدودي معاك وغانبقا صابر حتى قلبك ارجع ديالي بوحدي
كوتر: شكراا بزااف اشهاب نتا الوحيد ليكاتفهمني وكنرتاح وانا معاك الله اخليك ليا
شهاب: الله اخلينا لبعضياتنا يلاه اجي نتصورو ماتعرفي نوريوها لولادنا ونقول ليهوم هنا ماماكوم وافقات عليا
كوتر: اش وصلنا لشي دراري الله اهديك هه
شهاب: ويتي علا حبيبتي كتحشم بقينا كنتصورو وكنضحكو وتفكرنا شنو دار ليا وبقيت كنضرب فيه دوزنا وقت غزال وحنا بجوج حتى طاح ضلام ورجعنا وتافقنا نديرو مقلب على ابتسام وأنس ونقولو ليهوم تخاصمنا وماباقيش غانهضرو وداكشي لكاين كيف وصلنا دخلنا وحنا بعاد على بعضياتنا كانو هوما كايتسناونا فريسطو ديال الاوطيل شافونا مافهمو والو وصلنا عندهوم وقلت لابتسام انا غانرجع فحالي تصدمات
ابتسام: كيفاش وعلاش شنو واقع
كوتر: مباقيش حملت نبقا هنا غانشد طريق دابا ونصبح فمراكش أنس: كوتر بردي راه مافهمنا والو شهاب هضر اصاحبي اش وقع بيناتكوم
أنس: شهاب اش وصلكوم لهادشي كون فراسنا مانعاونوك فوالو حيت قبل كنتو كتهضرو وبخير ..شهاب جاه ضحك من هضرة أنس وهو اجرني عنقني وباس ليا راسي وتنا ضحكت خنزرو فينا وانس ضرب شهاب شكرناهوم حيت عاونونا نقربو لبعضياتنا ابتسام ماقداتها فرحة حيت وآخيرا شافت خوها فرحان ومع صاحبتها كلسنا حتى تعشينا فجو كولو ضحك حتى وصل وقت نعاس مشينا وخلينا دراري بوحدهوم ...كانو كالسين بعد ماطلعو لبنات كايضحكو حتى وقف عليهوم واحد طوييل وعامر وجهو مافيهش الملامح
: مسيو شيهاب ممكن تفضل معانا الادارة باغيينك
انس: وشنو سبب ممكن نعرفو
شهاب: (وقف ) برد اانس هانيا ممكن شيحاجة متعلقة بالحجز هاني جاي ...مشا هو وداك كوسطو هو سابق وشهاب وراه حتى وقف قدام واحد المكتب حليه الباب ودخل شهاب وتسد من وراه الباب شاف قدامو شخص لابس تيشيرت كحل وسروال سورفيت غري وكايبان غير من ظهرو ..تقدم جوج خطوات عاد نطق..شهاب: شنو باغي لاش مسيفط ليا
كوتر: (كتحقق فيها شوفة) نتي شنو قضيتك مع هاد المدير دركتو ليك وليتي كترعدي وتفتفي وكتقولي صعيب غير كايصوت ومخنزر ..جيني من اللخر وعاودي شامة ريحة شيحاجة..
ريما: عرفتي لمدة لكنت مكانشوفكومش بزااف ومكنهضرش معاكوم ..
كوتر: وي فاش كان مراد هنا (حدرات عينيها)
ريما: وي ياختي.. الخدمة كانت كتيرة تخيلي كل صبااح كنلقا ضواسا معرمين عندي فالمكتب كنخدم خدمة ت عام ..واعيطو ليا لمكتب تالمدير وابقا اخنزر فيا واغوت وخا مدرت ليه والو (دمعان عينيها) شحال من مرة كنفكر نقدم الاستقالة وكنتراجع ..وآخر حاجة هي هاد المجية لهنا من دوون الموظفين كاملين بنت ليه غير انا ..
أنين العشق الجزء الثالث
محتوى القصة
التنقل بين الأجزاء