صورة مصغرة لـقصة أنين العشق

قصة أنين العشق

qisat 9isat 3ichq 3ich9 al3ich9 anin
رواية أنين العشق

اصعب حاجة هي الرحيل وسيرتو من مدينة لمدينة 😣😣 تلفت واديا بوحدي ماكاين ليعاوني طاح عليا ضيم مي الفرحة انني راجعة لمدينتي وحدا عائلتي هي ليخلاتني نستحمل العداب والنكير ديال مراد 😏 مراد: وا كوتر الله اهديك اجي شوفي هادشي ليمحطوط هنايا
كوتر: مد اديك وعاوني مابقاش تعطي فالاوامر راني عييت والله مابقيتش قادرة نتحرك مراد:اوا نتي ليمصدعاني نرجعو المراكش دابا عيتي وقلت ليك نجيب ليتكلف بكولشي مابغيتيش عزيز عليك العذاب وهانتي فيه وشنو بان ليك نبقاو هنا نيت انا هاد المدينة تعلقت بيها .
كوتر:شوف تعلق ولا تنشر سوقك هداك انا بغيت رجع لمراكش صافي مليت هنايا وخا ولاو عندي صحابات جداد ولكن ماقدرتش توحشت دارنا وحبابي وصحاباتي لنفرح معاهوم ونتقلق وانا وسطهوم 😣😣
مراد:صافي براكة تاني جمعي دموعك وطلقينا غايجيو لينزلو رحيل باش حنا نشدو طريق بليل ان شاء الله
كوتر: لا خاصني نسلم على جاراتي ونمشي لعند مامات هاجر نقوليها بسلامة عاد نتسنا هديل تجي من الخدمة نشوفها 
مراد : كوتر عيقتي والله هادشي ديريه البارح ماشي تالساعة بساعتها .... خليتو كايهدر ومشيت دخلت البيت درت راسي كنجمع صيفط مسج لهديل وقلت ليها ملي تخرجي من الخدمة جي نشوفك اليوم غانشدو طريق.. جاوباتني وسباتني مي عرفتها غاتكون كتبكي حيت غانبعدو تاني 😣لبست حوايجي (عباية كحلة وشالها) وخرجت عندو لصالة مراد:فين الالة غاديا 😡
كوتر: نسلم على مامات هاجر وخواتاتها دغيا غارجع 😉 هزيت سوارت طوموبيل بستو وخرجت شديت طريق حمد الله ماكانوش بعاد عليا وصلت دقيت حلات ليا هدى الباب دفعتها ودخلت كنقلب على خالتي وكنعيط عليها خالتي (مامات هاجر) :غابشويش عليك العايلة مالك على هاد الصداع شني عندك
كوتر:جيت نقوليك هي بسلامة هانتي غاتهناي مني 😣😣
خالتي :من نيتك ابنتي باغا تخلي طنجة وتمشي صراحة غايبقا موطعك كبير كنتي كتعملي لينا الحس فالدار 😢
كوتر:اهئ اهئ والله اخالتي الى كنتي فبلاصت ماما فهاد المدينة ماتصوريش معزتك عندي ولكن صافي خاصني رجع مادام مراد وافق.. توادعت معاهوم بالبكا البنات وخالتي صراحة غانتوحشهوم بزااف حمد الله هاجر مكايناش فالمغرب انا كون درنا عزا تماك (هاجر:بنت شامليةاصلها من طنجة بنت بيوضة كيف قلبها دايرة الحجاب وطبيعية بزااف عايشة فاسبانيا مع راجلها وبنتها وليدها الله اخليهوم ليها) تعارفت انا وياها وهديل فالواحد الموقع كنا كنعلقو ونتناقشو على واحد الموضوع ومن بعد جمعاتنا صداقة قوية وقفو معايا فبزاف تالمحاين غانتوحشهوم حيت غانبعدو 😭😭 كانو هما عائلتي فهاد المدينة ماعمرو حسسوني بلي وحيدة ديما فجنبي ) (هديل:الفنكوشة ديالنا كانت صغر منا ب 3سنين غزالة عوينات خضرين وكبار الشعر زعر طبيعي لاطاي كيف الحوتة حميقة وكادير ليقاليها راسها ديما انيقة وغاديا على الموضى )😍 رجعت دغيا حيت نهار مابقا ليه والو وانا شلا عندي مايتقدا .... دخلت لقيت راجل فين خليتو فين باقي متحركش تعصبت 
كوتر: حشومة عليك امراد والله عل الاقل غير جمع شوي 
مراد: صراحة انا نجمع والمدام تخرج تسركل هادشي لبقا 
مجاوبتوش ضربت بواحد الكارطونة محطوطة وشيرت بسوارت ومشيت الكوزينة خليتو من ورايا كايتمتم بالهضرة ومخنزر دخلت الكوزينة نشوف شنو باقي كنسمع صونيط تالباب ......

مراد:غابشوي عليك جاية بعجاجتك
هديل: شوف تينا هادي تحيد من قودامي ولا ماهديشي يعجبك الحال فاينيا ديك مراتك.... عيط ليها من الكوزينة تجي عندي وقفات عليا مخنزرة وعينيها حمرين طرت عليها بتعنيقة
كوتر: ماتخافيش غاتجي عندي نتي وراجلك المراكش ونا غانبقا نجي كل عطلة .... قالت ليا بصوتها وهدرتها ليكاتحمقني
هديل: نتيناك عارفة بلي الوحيدة لي قريبة ليلي و حتى تينا هادي تمشي و تخليني و حتى هاجر راهي فاسبانيا مكتجيشي بزاف حشومة عليك والله و كان يبغي محمد(راجلها) نمشيو لمراكش حتى حنايا 
كوتر:ياه احسن حاجة والله تكوني قريبة...( ونا نبوسها وقلبت الهدرة ):نوضي عاونيني بلا هدرة ونتي جاية كيف ضيفة عاوناتني مسكينة وكنبكيو ولكن فرحات ليا حيت عارفاني كنت باغيا امتا رجع فحالي .. بغات تمشي توادعنا بدموع ساليت انا تكيت رتاح ضرني راسي برواين وبكترت البكا غمض عينيا كنحس بمراد جا تخشا ورايا ووجهو فعنقي 
مراد:عيتي الحب... مكانجاوبوش درت راسي ناعسة بقا كايلعب ليا فشعري وكيبوس ليا عنقي وكتيتحسس المعلم بترمتي واديه طالعة لصدري ..انا بكترت العيا متحركتش خليتو على راحتو حيت الى عرفني فايقة غايبغي العب شوي .. فاللخر استسلم وتكا ارتاح حيت عارف غايشد طريق 😆 فاق مع 7تالعشية فيقني نض لبست حوايجي (كابيتشو طويل فالغوز بارد سروال دجين غري وشال خزي وسبرديلة لون كابيتشو ) عرفت تابعانا طريق اللهم حاجة موريحة سبقني هو دار لي فاليز فالكوفر خرجت انا دقيت على جاراتي ليمعانا فالعمارة صراحة ودعتهوم وحدة وحدة ماسخاوش بيا بحكم انا المراكشية الوحيدة بيناتهوم كنت كنجمعهوم ونبقاو على الضحك مي صراحة ماتأترتش حيت غانخوي داري وخا عندي فيها ايام زوينة ولكن في لهفة نرجع لمدينتي ليعندي فيها دكرايات كتييييرة 😍 نزلت لقيتو كايتسنا عاقد غوباشتو ديال ديما ركبت شدينا طريق والفرحة مقاداني عكس مراد ليماعرفتش سبب تعلقو بهاد المدينة ليخلا مشروع الحلم ديالو اقابلوه ليه الموضفين ودارهوم غير باس نستقرو هنا 😕 قاليك كايلقا فيها راحة والهوا ديالها كايهدنو سبحان الله حيت عارف راسو ديما جاهل الله استر ولكن بعد اصراار مني وتزنزين كل ليلة قرر نرجعو لمراكش 😍..... طاح ظلام سكاات تا من الموسيقى سكتها جامع حجبانو وصايك بيد وحدة واايد الخرا حاطها فسرجم ومركز مع طريق بقيت شحاال كنشوفييه وفلحظة تفكرت قصتي انا ويااه وكيف بداات وشحال واجهنا تاوصلنا لهاد اللحظة لحنا فيها دمعو عينيا ولكن معرفتش ديالاش دوك دموع واش سبابهوم الفرحة بلي حب حياتي حدايا او سببهوم الايام لفاتو .... طلعت نفس ونزلتها بحالا كنت هازة جبل فوق كتافي كنا قربنا لرباط ولكن قلبي كنحس بيه وصل مراكش وفلحظة كنشم ريحة نسيم دفئ شمييت ريحة دكرياتي ....

^قبل 6 سنوات^
كوتر بنت 19 العام فعطلة الصيف كانت يالله شدات الباك وباقي تالفة شنو دير شخصية قوية همها الوحيد تعيش وتضحك وتجرب اي حاجة جاتها فبالها واليديها دايرين فيها تقة عمية بحكم هي الكبيرة فدار ختها صغر منها بخمس سنين اسمها ريهام واخ ب 15 العام اسمو ادم نمشيو لشكل مافيهاش شي مميزات خارقة على البنات الخرين جد طبيعية سمرة ماطويلاش ومقصيراش بزاف بين البينات طاي انثوية عندها حقها فالمنحنيات شعر اسود طويل عوينات ماغو ومشفرين فيمها منفوخ واهم حاجة كتمتاز بيها ضحيكة بريئة .....هداية:نوضي نخرجو الله ارحم ليك باك اصاحبتي 
كوتر: فين فشي حيط خلينا مقصرين 
هداية: ونتي شادا داك البيسي فيديك مساخياش بيه واش مجمعة مع شي فيكتيم 
كوتر: نو كنقرا واحد الموضوع كبيير عليك الحب هه..
هداية: صافي مليت غاتخرجي ولا والله نرجع لدارنا ومنباتش معاك واش حنا شدينا ااعطلة وصيف ونبقاو فدار 
كوتر: صافي نوضي بغيت لمك الحكة تفوو ..
هداية صاحبتي من الاعدادي ساكنة قريبة ليا بنت مطيبزة وسميرة كدير الفولار عكسي انا قلبها حنين ولكن شخصيتها ضعيفة وكاتسامح فحقها انا لوحيدة لكاتعاود ليا مشاكيلها وتشاركني همومها 
كوتر: فين نمشيو راك عارفاني كنكره نخرج فهاد الوقت كتكون المدينة عامرة فينما مشيتي بنادم كيف دبان
هداية: خلينا نفوجو ونتي غير كتغبني ماتعارفي لقاو فارس احلامك اليوم 
كوتر: الزمر ومسخوط احلامي باقي مكاينش ليه الآثار ولا كنظن نقارض مع ديناصورات ...
ضرنا شوية على رجلينا وفاللخر كلسنا فكافي انا خليت نضاضر فعينيا باش نبركك مزيان كنشوف هداية غير كضور فعينيها عرفتها كايتصيد تيتيز البراني ههه 
فمكان آخر..."دبي"
كريم : نووض وجد لينا العشا اليوم 
مراد: سير غيب عليا ولا جيب خدامة طيب ليك 
هشام: قلب عليه انضومونديو شحاجة من ريسطو اصيفطوها لينا كريم: صافي شنو بغيتي امراد 
مراد: لا رد (هاز البيسي وسارح بعينيه فشيحاجة )
هشام: واشرييف وطلقنا لفراجة راه جانا جوع 
مراد: لارد (نفس البوزيسيو) 
ناض كريم احركو شاف فشاشة تالبيسي تصويرة ديال شي بنت كضحك (حرك مراد مم كتفو) : شكون هاد تيتيزة 
مراد: (سد البيسي بزعفة) وسوق مك نتا لاش خاشي وجهك وتشوف شيحاجة بعيدة عليك 
هشام: وراه نتا لكنتي مغيب كنهضرو معاك مكاينش هنايا اش بغيتي غانتاصلو بريسطو نطلبو العشا
مراد: لجبتو جيبوه ليا معاكوم ماعنديش مشكيل 
تاصل كريم وجابو ليهوم العشا وبكترة حيت تبارك الله كاياكلو كتر من القياس 
مراد شاب فالعمر ديالو 27 مغربي ولكن خدام فدبي صاحب بشرة دهبية طويل فصالة ريااضية بامتياز بحكم خدمتو من بعد تعارفوها عوينات مشفرين وعسليين وديما جامعهوم ومغوبش ونهار كايضحك كاتبان عندو تقيبة تزين فجهة وحدة سنينات مستفين واللحية مطراسية شعر رطب وقوي ...
خلا دراري ودخل لبيتو هز عاوتاني بيسي وجبد نفس الصورة ونفس ضحيكة معرفش سبب تمعن ديالو فيها مع العلم مكايعرفها ماوالو شافها غير بصدفة وهو كايبقشش فالفايسبوك 
مراد: شحاال ضحييكة بريئة والعوينات مسدودين (تنهد) شكون نتي يا كوتر .... قرر اصيفط ليها مسج 
مراد 💬 Hi 
بقا شحال كايتسناها تجاوب وزعف حيت من طبعو ماعندوش مع هاد فعايل دراري صغار وتعارف فسوشل ميديا ... سد البيسي وناض نعس حيت تفكر فارق الوقت بين المغرب والايمارات واكيد هي غاتكون ناعسة

فقت انا اللولة هداية باقي جابدة عليه كتشخر غسلت وجهي مشيت لقيت ماما فالكوزينة كتعجن (حنا اسرة ماعندناش وماخصناش عايشين وحامدين الله بلي قسم ) كوتر: ماما فيا جوع 
ماما: تسناي تفيق صاحبتك وفطري نتي وياها غير نتوما ليبقيتو كولشي فطر 
طلعت فيقت ديك الغولة لي ناعسة ناض غسلات وجها ومشينا فطرنا فالكوزينة باش منرونوش دار سالينا شفنا لكان شي شغل تدار قديناه ورجعنا البيت هزيت صديقي وحبيبي الحضن دافئ عندي البيسي ديالي ....
كوتر: اديك آآه واحد الحولي مصيفط ليا مسج 
هداية: شنو قاليك (هالا حبيبتشي شلونك بعطيك 100 الف دولار بس رقيصي لي) 
كوتر: قاليا الحبس والله لدينمو تانغرق ليه نخليه احير فشرح الكلمات 
هداية: هههه ديرها abizika واش قاليك 
كوتر: مصيفط Hi 
هداية: كتبي ليه Ha Ho Han هههه
كوتر : خلي مو بلاكة اتنشر تمااك مساليا ليه انا 
داز نهار عادي مع قليل من الملل هداية مشات لدارهوم وانا بقيت مخشية فبيتي صراحة كنبغي غير نبقا متكية عاد رجع ليا العيا ديال بريباراسيو تالباك ...داز اسبوع على نفس الحالة اليوم قررت نتاصل باابنات صحاباتي ونخرجو شي خريجة نبدلو الجو 
غفران: والله الى احسن حاجة درتو انا بعدا طلع ليا سطاج فراسي 
ريما: انا مليت الخدمة تقولي ماشي صيف والعطلة كولشي كايفوج وحنا قربنا نتعوجو ..لمصبرني داك البوكوص مول الشي
بسمة: وااه شحال كنحماق على طبيعة وبزااف الى كان فيها تيتيز 
كوتر: الله اسمح ليك تيتيز لاحس ليك دماغ خليونا نفوجو .. انوصف ليكوم البنات وحدة وحدة ريما( هي الكبيرة فينا طويلة حروفها كحلين بيوضة شعرها قصير ورطب وكحل عويناتها مجبدين وعندها شفار كتار طاي ديالها زوينة دغيا كتعصب ولكن من الداخل حنينة بزااف خدامة مديرة تتفيدية لمجموعة من الفنادق ) (بسمة قدي قدها شعر زعر حروفها صغار وتاهي بيضة كان عندها وجه بريئ وخا هي راس الحربة ولكن ماعمرها تآدي شيحد وخا اضرها ) 
...... غفران هادي هي صديقة الطفولة من نهار حليت عنينا ماماها وماما صحابات وهي كتشبه ليا لدرجة كولشي كايقولينا توينز غير هي غليوضة عليا شوي وفايتاني فالمنحنايات الانثوية ااعام لفات خدات ديبلوم فادارة الاعمال وكتسطاجي فواحد الشركة تالاثات المنزلي ....
داز نهار بزربة ماسخيناش بضحك وليجا قدامنا خاصنا نيبوه بالهضرة 
هداية: البنات كوتر صيفط ايها واحد الخليجي 
بسمة: زويين ... ريما: ماعندك ماديري بييه غير زو***ل 
كوتر: ابردو هاديد غير صبعها جن ونتوما طرتو عليا بالهضرة اصلا غير صيفط وانا مجاوبتوش 
غفران: وريه لينا 
جبدات كوتر الفون ودخلات الفايسبوك للمسج ليجاها من الخليجي وتصدمات هي نهار صيفط ليها كان داير تصويرت راية دولة خليجية ودابا لقات تصويرتو ...
بسمة: ومبووووقص يا صاحبتي صارووووخ 
غفران: باينة ملقم مو ولا باه من شي جنسية خرا 
ريما: عادي ماشي شيحاااجة 
هداية: جاوبيه عفااك غير نضحكو شوي 
رجعات الفون لبلاصتو وقلبات الهضرة ...وصل الوقت تحركو فحالهوم كل وحدة مشات لدارهووم كوتر دخلات بدلات كلسات شوي مع ماماها وختها حسات بنعاس سمحات فالعشا ومشات تخشات بلاصتها وطاحت ليها صورة الخليجي فراسها 
كوتر💭 وصرااحة مبووكص داكشي كايعجبني سمييمر والعوينات حرشين ومغوبش باينة شخصيتو قوية احح.. ولكن باش غانهضر معاه ماعنديش مع ديك اللغة الحامضة ديالهوم نجابو بالانجليزية ونشووف ... صافي بلاش غايكون من صحابنا لكايسمعوها مراكشية كايمشي بالهوم لتمانياتون سيري يا ابيضار الله اغصبك 
بقات كوتر تدي وتجيب فافكارها فاللخر صيفطات جاوباتو وبقات كتسنا الرد

تررن ... مراد💬على سلامة مني جاوبتي 
كوتر💬مغربي ...
مراد💬وشنو بان ليك 
كوتر💬مابان ليا والو ومالك دخلتيني ديك دخلة سخونة 
مراد💬خليتيني كنتسنا بزااف باش تجاوبي 
كوتر💬 ياك اسيدي اوا تادابا دير بحالا مجاوبتك 
مراد💬 هههه غير ضحكت معااك ازين عرفيني على راسك 
كوتر💬 ضحكك باسل .. كوتر 19 السنة ساكنة فمراكش ونتا 
مراد💬 مراد 27 سنة تنا ساكن فمراكش 
كوتر💬 وعلاش كنتي داير ديك الراية ملي ولد البلاد 
مراد💬 فضولية مع راسك ههه انا خدام فالايمارات 
كوتر💬 سيكيوريتي ههههه حيت كتشبه ليهوم (فخاطرها 1-1)
مراد💬 جبتيها لاسقة هاديك هي خدمتي مهم نخليك راه مشا الحال بغيت نعس 
كوتر💬 بونوي 
مراد تعصب من طريقة هضرتها معاه باسلة وفيا الخفة وهو مكتيحملش اعطي وقت الجنس اللطيف اتحاكر معااه ديما مخلي مسافة بينو وبينهوم السبب تاحد معارفو ولكن لخلاه انجادب لكوتر ضحكتها خلاتو بلا هواه اصيفط ليها مسج ولكن ندماتو وهجراتو ليه حيد الافكار من راسو ونعس حيت قرب اصبح الحال عندهوم 

ريهام: كوتر فيقي اختي براكة من نعاس 
كوتر: شنو بغيتي وقريني عليك راه يالله كنشبع نعاسي 
ريهام: نوضي نمشيو الحمام نضربوها بشي غسلة 
كوتر: فهاد الصهد سيري دوشي وهنينا 
ريهام: لااا بغيت الحمام .... فرعات ليها راسها وناض غسلات فطرات هزات الفون صيفطات لبنات مسج فالواتساب فكروب كانو مجموعين فيه 
كوتر💬 زين الصافي طلع مغريبي ولد مراكش غير خدام فالايمارات ههه خليكوم ضاركوم راسكوم تانجي من الحمام هههه.... خرجات وخلاتهوم دايرين عجاجة من وراها كل وحدة شنو كتقول ولكن متافقين على حاجة وحدة بلي هو بوكوص 

حليت عينيا وطاحت ليا ضحكتها فبالي ديريكت لدرجة دخلني شك فراسي بنت شفت تصويرتها غانبقا نفكر فيها بهاد طريقة ولكن لسانها ماضي والى طولت معاها الهضرة غانغلط فيها شينهار 
دوش فطر وخا ولا محسوب غدا حيت مفاقش بكري لبس حوايجو خرج الخدمة لقا كريم وهشام سبقووه 
كريم: صغر من مراد بعماين بيض شعرو زعر والعوينات ماخضرين ما غري فيه ضحك بزاااف جسمو منحووت ..... هشام قدو قد مراد فالعمر سمر عينيه كحليين بزااف ومشفرين نضراتو جدية وعزيزة عليه ريااضة ....
رجعت لدار مهلووكة سخفانة بحالا كنت كندير العدو الريفي تزنكو حنوكي عايطرطقو دخلنا لقينا ماما موجدة الغدا طحنا عميين انا الحمام كادير ليا جووع ساليت نضنا جمعنا روينة ومشيت لبيتي هزيت الفون لقيتو غايطرطق بالميساجات ..
كوتر💬 كالما كالما اناس مالكوم على هادشي كامل حررتو فلسطين ولا باقي 
بسمة💬سيري بيت ليك الجربة يالخانزة طلقيتي الهضرة وغبرتي
هداية💬 حسيتو من اللول ماشي خليجي داك زين ماديالهومش
ريما💬 جينا من اللخر وعاودي شنو قلتي نتي وياه
كوتر💬 والو حدنا تعارفنا وصافي ....عاودات ليهوم الحوار لجرا 
غفران💬باينة تقلق فاش جاوبتيه هكاك 
كوتر💬 مقصدش انا كيف نواها هو وزايدون مال سيكوريتي ماشي خدمة مهم راجل ومعول على راسو 
هداية💬 مافيها باس هضري معاه نتي هاد المرة 
كوتر💬 ان شاء الله يالله نخليكوم غانعس شوي دخت فالحمام

دازو الايام عادية ومملة قربات تسالي العطلة وانا مقررتش شنو ندير واشمن تخصص نكمل فيه وبالنسبة لمراد مرة نهدرو مرة منجاوبوش حيت مدخلش ليا الخاطري واحد ليلة جاني لملل ونا نصيفط ليه بقينا كنهدرو قاليا كنجمع حوايجي غانزل المغرب قلت ليه مزيان الله اجيبك على خير قاليا الى ممكن تخلي ليا نمرتك فعلا كتبتها ليه ومعرفتش علاش 
واحد العشية كالسة فدارنا كنتفرح تا جات عندي العجاجة ديال هداية حلات ليها ريهام ودخلات مدرمة : الحب الزين ديالي الفن نطلبك طليبة 
كوتر: هي قولي بلا زواق
هداية: شفت واحد الوصفة ديال واحد الحلوة وبغيت نجربها كوتر:ونا مالي اش دخلني فحلوتك سيري لداركوم وخوضيها هداية :خاصيني مقادير وبغيتك تمشي معيا نتقادا عفاك 
شفت فيها ونض ماعندي مندير لبست سروال دجين وتركو بيض وفوق قميجة دجين وصندالة تجلد جمعت شعري الفوق على شكل كعمة مخربقة درت عكر ماسكارة من طبعي كنت بعيدة على المكياج وخرجت مشينا تقدينا راجعين قلت ليها فيا جوع مشينا اقرب سناك كلينا سالينا كيف خرجنا شفت فيها: غاتديني لدارنا منين هزيتيني 😑 فعلا معاوداتش معايا الهدرة ههه حنينة وعزيزة عليا ....كانتمشاو تا سمعت الفون كايصوني جبدو شفت نمرة جديدة ماعرفتهاش قالت ليا هداية جاوبي وجاوبت كوتر:الو 
المتصل:اهلان لالا كوتر
كوتر:شكون معايا عفاك
المتصل :انا معجب بيك
كوتر:هاد البسالة ماعنديش معاها 
المتصل: واه انا جاي شاد طريق غي باش نسمع صوتك وكتقولي هكا
كوتر:اهه مراد ياك.. وانا معرفتش واش نتا وزايدون ماعمري سمعت صوتك
مراد:واخا الا الا سامحتك سافا عليك
كوتر:بخير ونتا كيف وصلتي ومرحبا بيك فمدينتك 
مراد:لهلا اخطيك كيف جيت تاصلت بيك باش تعرفي معزتك... عندي درت معاه صواب وخا هو تقيل على القلب وكاتجيني هدرتو حامضة وباسلة قطع درت لقيت الهبيلة حالة فيا فمها 😦 كوتر: مال اوا مك كاتشوفي فيا هكا 
هداية:واش داك تيتيز.. هو ياك . ربي واش قاليك نتشاوف.. غاتخرجي معاه.. شنو غاتلبسي.. ديري عقلك وسيري شوفي دري .. درت فيها واحد التخنزيرة : اهياتا مالكي واش تخطيتي شيحاجة فطريق شفتك كدخلي وتخرجي ولا مخلصك باش تحامي عليه راه تقيل ماغانخرج معاه ماوالو غانبلوكيه ونتهنا 😏
هداية:عفاك اكوتر مخاصرة والو هي خرجي شوفيه والى معجبكش قلبي عليه .... قلبت الهدرة ونا نصدرها لدارهوم :هي سيري غانمشي بوحدي بلا متوصليني فيك هي صداع ... مشيت دخلت بدلت غسلت وجهي كلست كنسمع ترن ترن تررن الميساجات تالواتساب 
بسمة💬:هاديك خرتها غاتبقا بايرة 
كوتر💬سمعتك الصوبيصة 
غفران💬 تي خرجي مع سيد اش خاصرة غير عراضة وصافي
كوتر💬 اولا هو قاليا غير جا وتانيا مجبدش هضرة شي عراضة.. 
ريما: مهم الى جبد معاك الهضرة خرجي جاك باسل كيف قلتي قلبي عليه 
قطعت معاهوم الحديت حيت ماعحبنيش الحال باغيني نخرج معاه وانا مامرتاحاش تكيت كنطيب نعاسي حتى كايصوني الفون 
كوتر: اهلان مراد 
مراد: ياكما فيقتك من نعاس 
كوتر: نوو باقي منعستش يالله نويت 
مراد: مهم ديري فبالك بغيت نشوفك فاقرب وقت 
كوتر: ان شاء الله ... مهم نخليك دابا بغيت نعس 
مراد: (معصب) بسلامة 

مراد ضرب بالفون مع الارض وزايد كايتحلف على كوتر بغاها تكون بين اديه فاقرب وقت باش احد ليها البسالة ناقصة ديالها بقا كايفكر وبرد وقرر شنو غادير 
مراد💬 : بعد غدا نتلقاو ازين كانتسنا بفارغ صبر نشوفك 
كوتر : (قرات امسج) اوكووووك شحاال باسل وكتزييد توسخ صورتك باغي تشوف زين غاتشوفو وتشووف شيحاجة كتر .....

وصل نهاار المنتظر لغانشوف فيه مراد فقت الصباح وبقيت كنفكر كيف ندير نصبر لداك زمر ونخرج معاه بقيييت نهار كامل نفصل ونخيط ونخطط انا كنشقا وعقلي داير اجتماع مع ابليس قالآخيير جاتني احسن فكرة وقررت والله لا مشيت يلاه ههه وصلات العشية كايتاصل مكنجاوبوش كايصيفط ميساجات كنقراهوم ونضحك ضحكة الانتصار وكنتفرج مامسوقاش ههه تالوصلات 7 تاصل وقت تطبيق الخطة....
كوتر:( بصوت ضعيف ومخنوق) الو مراد لاباس 
مراد: مالك ياك لاباس من قبيلة كنتاصل لهاد الرجة مابغيتيش تشوفيني
كوتر :نو ماتقولش هكاكا راه هي صاحبتي مرضات ومن صباح ونا معاها فااسبيطار 
مراد: مايكون باس عندها كيف بقات دابا وياكما كاين فاش نعاون ؟
كوتر: شوية بحرا جيت من عندها سمح ليا على اليوم والله تا حشمانة منك 
مراد:هانيا ايام الله طويلة وغانتشاوفو يلاه نخليك ترتاحي وغدا الى مساليا نعوضو ليوم 
كوتر: اوكي ان شاء الله وقطع... تفو على علكة كيداير معندوش القلب الله استر....
مراد: الو امين فينك بغيت نشوفك دابا
امين: هاني فالاوطيل باقي عندي شي خدمة جي نتا 
مراد: اوكي 10 دقايق هاني عندك....

وصل ليل قلت نهضر مع العصابة كيف صيفط مسج بانو كيف جراد
هداية هي اللولة : كيف دازت الخريجة زوينة كيف جاك عاودي لينا
كوتر💬:مامشيتش دوزت نهار فسبيطار 
غفران💬:اويلي مالكي 
بسمة:💬اش بيك ومالكي ماتاصلتي بينا 
ريما :💬صبرو نعرفو اش كاين 
كوتر :💬صاحبتي مرضات وضلليت معاها يلاه جيت من دارهوم بتلاتة :💬شكون صاحبتك 
كوتر:💬 هداية مسكينة راه مريضة بزااف
هداية:💬😡 امرض عدويا الموصيبة تفو على بنت كيدايرة
كوتر💬 اوا احبيبتي ماعندي ماندير ليك نتي مريضة وماقدرتش نخرج ونخليك
غفران💬 ههه والله الا حشومة عليك درتي سبة بيها ونشرتي دري ماكاينة معنا والله 
كوتر:💬وصافي غدا غانخرج معاه هي تهاناو ويلاه تلاحو انعس عييت ضليت فسبيطار ههههه

امين : مالك طالع ليك زعف شكون جا فطريقك 
مراد: والو غير باقي مولفتش الجو طلب لينا شيحاجة نشربوها
امين: بغيتي التقيل ولا الخفيف 
مراد: جيب التقييل هو لبغات الوقت 
امين طلب منهوم انزلو ليه احسن مشرووب حس بصاحبو شاطناه شيحاجة وخلاه على راحتو ...
مراد: (شد فسنسلة دهب ديما فعنقو) امين بغيت نسولك نقدر نعاود نحب ولا مرة وحدة القلب كايضرب 
امين: بنسبة ليا نتا باقي محبيتيش اصلا لكايحب مكايتخلاش على حبيبو ...امين فعمرو 27 صديق مراد من ايام دراسة وهو اقرب واحد ليه معاه كايقدر اهضر على راحتو طويل وانيق بزااف صاحب اوطيل معروف فمراكش وسلسلة فنادق فبزاف تالمدن اللحية مطراسية وعندو ضحيكة زوينة واي وحدة شافتو كتحبو...
مراد: اميين غانوض دابا نتقاشعو مرة خرا 
امين: ان شاء الله اصاحبي وخلي قلبك اتنفس مرة خرا 
شير ليه بايديه وعطاه بضهر وخرج ركب فرونج ديالو موقف الدارو مابغاش ادخل على وليديه فديك الحالة ...
وصل الصباح فقت غسلت وجهي فطرت عاونت ماما شوية كلست كانغكر فداك الزمر ليغانشوف وقلت ليليها ليها نخرج ونصبر ونجي ندير بحالا ماعمري شفتو.. ومن زهر دغيا داز نهاار ووصلات الوقت لبست تقاديت تاصلت بيه نعرف فين غانشوفو مكايجاوبش جربت مرة خرا والو وانا نحبس بقييت كنفكر كيفاش زعما ممكن اكون دارها بلعاني .. بقييت شي نص ساعة نض بدلت ونا نهز الفون ماشي باش نتاصل بيه لا .... كوتر:شوفي اوجه الحبس باقي تقولي ليا ندير ليك خاطرك نقتل ختي وندير فعزاك شيخات 😡😡😡
هداية:مالكي اش واقع شنو درت ليك؟ 
كوتر :داك زين المسرار بغا العب معايا كنتصل بيه مكايجاوبش هداية: اويلي ياكما وقعات ليه شيحاجة الغايب حجتو معاه 
كوتر :سيري هي فحالك تلاحي انا غانمشي نبات عند الميمة اليوم.....لبست سروال سورفيت وتريكو بيض جمعت شعري كعكة مخربقة وخرجت..... وصلت دخلت سلمت على خالاتي والميمة كلست مجمعة معاهوم فرحو حيت دار ديما ساكتة الى مجينا حنا مكايكون عندهوم الهراج ..ترن ترن الفون كايصوني لقيت مراد
كوتر: اهلان سي مراد دابا تيقنت بلي نتا تربية مراكشية ههه.. برافو عليك 
مراد (ومعصب) كنت فاكادير جاتني خدمة على غفلة وتعطلت ومجاوبتكش كنت سايق ماسمعتوش
كوتر:هانيا اسيدي مهم 1-1 تعادلنا ..ياك هي بخير 
مراد:بخير مهم غدا نتشاوفو واخر كلمة 
كوتر:ان شاء الله اكون خير
مراد: ان شاء الله نخليك دابا وسمحي ليا 
☺ ماعرفتش علاش تيقتو ...حسيتو هاد المرة مكاصطانعش الهضرة وجدي فالموضوع ... 
مراد فداك الوقت يالله دخل لمراكش هو والاب ديالو كانو فاكادير نهار كامل عندهوم شي اراضي تماك واكتاشف مراد بلي نصب عليهوم فشي سلعة وفاش ساق الخبار ركبوه جنون .. 
مراد: شوف الوليد كنقسم بالله وباقي داك الزفت دار شيحاجة من رحمو وخا اكون من عائلتك
الاب: برد اولدي رااه طمع عما ليه العينين 
مراد: مهم آخر انذار ولا غانشوف ليبقا واقف عليهووم ...

اليوم صباح جديد ..نض غسلت فطرت قلت ليهوم غانمشي الدار طلبوني نبقا ولكن ماجبتش معايا حوايجي وانا خارجة مع هداك ... مشيت الدار دخلت البيت ديريكت درت ماسك (نوتروجينا) غسلتو وتكيت بيما توصل الغدا (اعز حاجة عندي هي نعاس ...) فيقاتني ماما تغديت ونض نشوف اش لبس كيف كاتعارفو اول لقاء كايكون صعيب فيه كاتدرس الشخصية 😂 جبد سروال دجين مقطع شوي طالع حد الخصر شوميز بيضة خشيتها فيه ودرت معاهوم بوشيط بييج وسندالة فنفس لون بوشيط درت كريم اساس شوي بودرة ماسكارة عكر حمر طلقت شعري سامبل تاصل قاليا انا كانتسناك.... قريب الدار حيت قبل فاش تعارفنا قلت ليه الحي فين كانسكن خرجت تمشيت شوي حيت فعلا قرب ليا كايبان ليا الولد حدا رونج كحلة عجبني انه نزل كاتسناني برا ماشي الداخل بديت كنقرب كان هو خاشي وجهو فالفون لاحظ وقفتو رجولية بزاف كتافو عرااض وعويناتو جامعهوم مغوبش .. وقفت عليه قلت سلام وهو اهز راسو وحيد نضارات تالشمس وياريت ماهزو ياريت ماخرجتش ياريت كون نعست ياريت كون ماجاوبتوش داك نهار على الميساج 
مراد:سلام.... انا سهيت فدوك العينين العسليين واما ضحيكة ياسلام صافي بديت كنسب راسي هادشي كولو نشرتو داك نهار انا بنت الحرام مقطرة لاعلاقة بتصاور الحقيقة شئء آخر 😭 (العسل كيتقطر) 
كوتر: ديزولي الى خليتك تسنا بزااف
مراد: على ود هاد الضحيكة نتسنا حياتي كولها 
حشمت بزااف ولاو حنيكاتي حمرين انا ليكانت هضرت دراري كاضحكني كتر مكاتأتر فيا
كوتر :شكرا (كترمش عينيها حشمانة) فتح ليا باب طوموبيل طلعت وقلت ليه شكرا تحركنا وكل شوي كنشوفو بنص عين كايضور اشوفيا وهو انطق صوتو تقييل الحرف وخوه كاتسمع قاليا نختار ولا تختاري فين نمشيو قلت ليه ليعجبك ماعنديش موشكيل بقينا غاديين شوي وقف حدا واحد الاوطيل كبير اسمو the pearl انا تلفت كنقول اويلي اش جينا نديرو هنا عقلي موسخ مشا بعييد ونا نتفكر بلي فيه واحد الريسطو نزل جا حل ليا الباب تاني ونا نقول واه بزاف على صواب دخلنا طلعنا الفوق كلسنا وخديت انا المبادرة نهضر باش منبانش من نوع ماعندو تقة هههه :كيف دوزتي طريق سافا
مراد: عادي اصلا ولفتها بكترت سير وجي
كوتر: هي كاتسافر بزااف
مراد : ضروري مكنطولش على دار كايبقا بالي معاهوم خاص وقتما جاتني فرصة نزل
كوتر: الله اخليهوم ليك هي نتا الكبير 
مراد : بحال هكاك كاينة ختي كبيرة ولكن دري الكبير فدار 
كوتر :اهه المسؤولية عليك ؟
مراد : كاين الواليد الله اطول فعمرو ولكن كنبغي نطمأن عليهوم راسي 
كوتر : الله اخليك ليهوم ماقلتيش اوا كيف غادي مع الخدمة؟
وهو اوقف السيرفور بحال ملك الموت (ماشي وقتك اصاحبي) : مرحبا تفضلو القائمة 
مراد : بليز واحد كابوتشينو دار شاف فيا شنو بغيتي 
كوتر : واحد عصير اناناس .....مشا داك وجه الحبس وهو اضور مراد وقاليا 
مراد: اوا الالة شنو كتفكري ديري ولا غاتبقاي فدار ههه 
كوتر: نو كننسنا هي نجمع افكاري ونشوف تخصص فاش نقدر نرتاح ونعطي ليعندي 
مراد : الله ايسر ليك ولا اجيك شي راجل اكلسك كاع فدار كوتر : وعلاش انا شحال قريت وفالآخر نكلس مانقبلش 
مراد: ماشي بضروري نقراو باش نخدمو اهم حاجة نكونو واعيين ومتقفين نعارفو نتاخدو قراراتنا ومصير حياتنا والى جاك راجل مايتقبلش تكوني خدامة
كوتر : متفقة معاك ولكن علاش ليمايقبلش مدام خدمة شريفة ومحتارمة انا راسي
مراد : اوا هو بغاك ليه بوحدو ومابغاكش تحاكي مع تا راجل... مابغيتش نطول معاه فهاد نقاش حيت غانتعصب وغايمشي البريستيج ونا نقلب الموضوع وقلت ليه ..
كوتر : دابا تايجي عاد نشوفو وحنا مسبقين الفرح بليلة ههه مراد : يااك وخا ههه.... بقينا كنهدرو عاود ليا على العيشة فالغربة وعلى دارهوم وتنا كدالك صراحة عجبني بزااف شخصيتو حمقاتني راجل مسؤول هضرتو مسخيتش بيها صوتو كولشي كولشي ... وتفكرت هداية مسكينة كون صبت نبوسها....بعد مدة قلت ليه خاصني نمشي مكنبغيش نتعطل على دار ماعاضرش بلعكس ناض وقاليا يالاه نوصلك داني فاش غانزل قلت ليه شكرا وفرصة سعيدة مراد: هاد الهدرة مابقاتش بيناتنا 
كوتر: اش من هدرة 
مراد : ديال شكرا وفرصة سعيدة صافي حنا ولينا اصدقاء.. كوتر: اهه اوكي آخر مرة... فخاطرها ( اش من اصدقاء الله اهديك قول احباء ) وصلني تاني حتى لدار...دخلت لقيت ماما فالكوزينة كاتوجد العشا قلت سلام 
ماما : شوفي راه غاندير هي الصوبا (الشربة) العشا جي ديري ماتاكلي ...
كوتر : تي اش من عشا ولا سحور انا صايمة 
ماما: صايمة بليل اهه نسيت نتي من صحاب الحال مسلمين طالبين تسليم 
كوتر: بحال هكاك اشريفة
ماما: فين كنتي بعدا ماقلتي ليا والو..
كوتر: كنت فواحد الحلقة من مسلسل تركي كاع ماخلاوني نجي هي هربت ليهوم..
ماما: ومالكي ماتجيبيهوم معاك مافيك صواب..
كوتر: اوا كايقولو قلب البرمة على فمها تخرج البنت لمها هزات اقرب حاجة زفات عليا ونا نهرب وخليتها مشيت لبيتي بدلت غسلت ودخلت الواتساب بغيت نعاود العصابة....

ريما: امدرا خرجتي ولا اليوم مشيتي دفنتيني انا ..
كوتر: الله انجيك احبيبتي عدوك ان شاء الله فينها هداية
بسمة: خير وسلام ماهادا الصواب ليجاك 
كوتر ويلي عادي توحشتكوم 
هداية: شوفي الى غاتسبيني بداي انا كنسمع
غفران: اهياوينا هادي ماشي طبيعية 
كوتر: وباز ليكوم والله مهم راه خرجت وهي شوي هدا جيت ريما: اوا كيف جاك الباسل والزمر ليخرجتي معاه 
كوتر: مانسمحش ليك تعايريه ..
البنات ب 3 : 😨😨😨😨😨 
كوتر: مالكوم راه نعايرو ومانخلي ليعايرو
غفران : وما سبب هاد التغيير الحبيبة 
كوتر: منقوليكومش على طول وعلى عوينات والضحيكة والادب سيد شخصية وكيتكلم بكل تقة حمقني وانييق واحد الرونج جاي بيها صداااع .. معرفتش فين زرعو هاد العينة نجيب ليكوم منها 
هداية: مسكينة حمقك كاع سبحان مبدل الاحوال
كوتر : فرق كبير بصور وتا طريقة تالهدرة شئ آخر
ريما: سيكيوريتي وعندو رونج كيف دار ليها 
كوتر: ياختي تنا جاتني غريبة وجبد معاه هضرت الخدمة ولكن ... 
بسمة: وسوليه اش فيها ؟ 
كوتر: راه سولتو يلاه بايجاوبني وقف سرباي فاش رجعنا لهدرة نسيت ماعاود سولتو وتاهو بحالا قلب الموضوع
غفران: صافي خدام كايبيع الحشيش هههههه 
كوتر: ممكن اصلا ااشخصيتو غامضة بحالهوم ....قلبنا الهدرة وكل وحدة عاودات كيف دوزات نهار وبقينا مجمعات شوي صونا الفون لقيتو .. مراد: مساء النور كوتر..
كوتر: اهلا سافا ..
مراد : بخير ونتي كيف وصلتي ياكما خاصمو عليك دار
كوتر: لا عادي حيت متعطلتش بزاف نتا بخير
مراد : بخير فاش وصلتك مشيت نشوف واحد صاحبي هاني باقي معاه 
كوتر: مزيان 
مراد : يلاه نخليك تصبحي على خير وتهلاي فراسك 
كوتر : شكرا بسلامة... حطيت الفون وصورة تعينيه وضحيكة مابغوش اتحيدو من بالي عجباتني شخصيتو طريقتو تالهضرة محترمة ومافيهش البسالة تعامل معايا زوين عقلي كيدي ويجيب .. حتا تلفت ونا نقول صافي ا كوتر وكضي نتي ماعندكش معا حب ولا زمر نض صاوبت عشايا درت كغاتان صغير كليت تخشيت بلاصتي نعست ....، فقت صباح لقيت ميساج (صباح نور لاحلى كوتر فالعالم ) من مراد.. شيحاجة منعاتني منجاوبوش ماعرفتش شنو هي .. نض غسلت فطرت صبنت شي حوايج ديالي ونا نسمع الفون كايصوني وااه شكون مشيت لقيتو روميو ..
مراد: صباح نور نعاسة 
كوتر: صباح الخير الحادك 
مراد: هي يلاه كاتفيقي المعكازة
كوتر : نو فقت قبيلة علاش 
مراد: اه مزيان قلت هي باقي مافقتي حيت ماجاوبتيش على مسج
كوتر: فقت ماشفتش الفون علاه صيفطي شيحاجة 
مراد: اوا تاتشوفي مهم الى مساليا اش بان ليك نتشاوفو اليوم كوتر : معرفتش مهم غانرد عليك اوكي
مراد: اوكي نهارك مبروك
بقيت كنصبن وكنفكر واش نخرج ولا لا الى وافقت غايقول هادي مساليا راسها وخفيفة اللهم نقوليه مامسالياش ونهني راسي ،كملت داكشي ليكاندير دخلت دوشت وسرحت رجيلاتي وصلات وقت الغدا جات ختي وخويا من سونطر تاللغات كايديروه فالعطلة ...تغدينا وتكيت ضربتها بنعيسة فقت لقيت 7 ليزابيل واعع ماجاوبتوش واش خارجة ولا لا تفو حشومة غانبان برهوشة 😣 ويلي مالي كانلوم راسي ونا شفتو مرة وحدة مافيها باس نعست صيفط ليه مسج (ديزولي مراد راه كنت ناعسة حيت عيانة شوي).. مكاملاش دقيقة حتا كايتاصل.. مراد: مالكي اش بيك واش عيانة بزاف مشيتي عند طبييب.. (فخاطرها) اويلي مال هدا راه هي صابون اوجه الحبس
كوتر: وهانيا ماشي شيحاجة هي اقدر حيت صبنت ضراتني شمس 
مراد: اوا حظي راسك باقي بغيناك 
كوتر: شكون نتوما ؟ 
مراد: انا وراسي هههه قلبت الهدرة وطلبت منو السماحة على اليوم قاليا مافيها باس نعوضوها من بعد نض درت انا وماما الكوتي (كاسكروط).... لبست حوايجي مشيت عند غفران الدار قلت ليها يلاه نجيبو دويرة ماعتارضاتش دغيا ههه لبسات خرجنا نشمو الهوا كلسنا فكافي وهي تجبد مراد... غفران: اوا كيف جاك مراد ؟... كوتر: صراحة عجبني بزااف شخصيتو جدبتاني اما الشكل داكشي ليبغيت فرجل احلامي ههه
عفران: ويتي ويتي من نيتك نتي ليكتقولي هادشي.. 
كوتر: والله تنا مامتيقا ولكن عينيه كايهبلو مابغاوش اتنساو ليا
غفران: انا لينقوليك حضي هي راسك لايكون كيف كاع دوك المهاجرين كايجيو غايدوزو وقت
كوتر: متوصيش اصلا ماغانعمرش بيه راسي بقينا كالسين شحال من بعد نضنا كلا مشات لدارهوم دخلت لقيت ختي وماما كيتفرجو كلست حداهوم ولكن عقلي فيه هو ماعرفتش سبب ليخلاني نفكر فيه بزااف

دازت 3ايام عادية وروتينية مي حاجة وحدة غريبة هي مراد ماباقيش تاصل ولا صيفط مسج وتنا ماعبرتوش خليتو على راحتو اقدر لقا لتفوج علييه كتر مني ...
وصل الليل ومجمعة معا العصابة تاني ونانطق كوتر: البنات نقوليكوم واحد الحاجة ولكن ماتسبونيش 
هداية: غاقولي مالكي
كوتر: توحشت مراد. ولا اقدر توحشت هي عينيه شكون تمشي تحيدهوم ليه وتجيبهوم ليا كادو
غفران : حبيبة نوضي تنعسي اقدر طلعات ليك سخانة 
ريما: والله ماكدبتي اغفران ولا اقدر شمات شيحاجة
بسمة: حبيبتي انا نمشي نجيبو ليك هو كاع هي قولي ليا فين ساكن 
كوتر: نتي ليكاتفهميني ماشي بحال هادو
بسمة: تاصلي شوفي مالو مافيها تا مشكيل
هداية: وي ديري هي صواب سيد غبر ممكن مريض
كوتر : ماعنديش صولد
غفران: فين عمر مك كان عندك بغيت نعرف هي لاش دايرة داك المشقوف
ريما: باااز يا صحبتي تا روشارج مكاديريها تفو على تريكة هزي فون ديال ريهام وتاصلي بيه داكشي ليدرت طلب ختي تعطيني مكالمة واخا عطاتني محاضرة البرهوشة صبرت ليها على ود العوينات العسليين 😍😍 ركبت الرقم وداز الخط ... مراد: الو صفاء فينك
كوتر: ديزولي غلط فالرقم.. مراد عرف الصوت ديال كوتر ولكن ماقالش هي حيت الرقم غريب
مراد: كوتر سمحيلي ماعرفتكش
كوتر: نو هانيا وسمح ليا الى برزطك ...وقطعت عليه
مراد حس بغصة فقلبو معرفش ديالاش زير بيديه على الفون وحطو زاعف فوق طابلة .. امين: مالك ياك لباس شكون ليتاصل مراد (بعصبية) : ماشي سوقك مهم هاك عاود تاصل بصفاء انا بغيت نمشي فحالي
امين: برد اصاحبي قوليا هي مالك شنو وقع... خنزر فيه مراد ومد ليه الفون بلا حتا كلمة شدو اتصل بالبنت ورجعو ليه خداه وخرج خلاه وتاجه لسيارة ديالو دخل وبقا كيضرب فالفولون... تفو دابا غاتقول انا مولف بالبنات وعلم الله اش غاتفكر معا راسها براكة غير غبرت عليها 3جوغ ..كيف غانفهمها هادشي وهي شخصيتها باينة مكتيقش دغيا بقا ساكت شحال.. وهو اتتفكر ضحكتها ليحمقاتو من اول مرة شافها وكيفاش دخلات القلبو دغيا ليكان بارد وكيضرب غي باش اعيش صافي... علاش بقا فيه الحال لا تقلق علاش مابغاش اخصرها هز الفون دوز الخط ليها باش افسر ليها كاتقطع عليه كايعاود والو وهو اصيفط مسج فيه (كوتر جاوبني غي نقوليك شيحاجة).. عاود دوز الخط وهاد المرة جاوباتو
كوتر: نعم شنو بغيتي 
مراد : شوفي مايمشيش عقلك بعيد راه هي صاحبي تاصل ب ختو من نمرتي حيت الفون ديالو نساه فالبيرو تاصلتي نتي صحابني هي ..
كوتر: ومن بعد لاش كتشرح ليا سوقك هداك.. هنا مراد تعصب وبزااف ولعن راسو علاش اشرح ليها كاع
مراد: اوكي مهم غي وضحت ليك تصبحي على خير.. وقطع اول بنت كايتعامل معاها بالادب ومكايقللش منها من الاول و محتارمها فاللخر تهدر معاه هاكا .. بقا كيفكر ولكن علاش هي اصلا تاصلات شنو سبب مادام فبها هاد الكبرياء كولو....
كوتر كتفكر ومتكية كتشوف فسقف ...كيف تخايلتك اسي مراد جاي دوز الوقت ولكن ماشي معايا حمد الله بنتي من اللول اش كاتسوا ، هزيت البيسي بقيت مكونيكتيا شحال ماجانيش نعاس شوي وهو اطلع مراد كيهدر 
مراد: باقي منعستيش 
كوتر: لا
مراد :علاش
كوتر: هكاك 
مراد : ماقلتيش ليا علاش تاصلتي قبيلة 
كوتر: كنت بغا نسول فيك شفتك غبرتي قلت ياكما بيك شيحاجة ولكن كنت غالطة نتا هي مامساليش
مراد: وي مامساليش ولكن ماشي كيف نتي كتفكري سافرت عاوتاني مع الواليد الاكادير كان عندي مانقضي
كوتر: مزيان الله ايسر 
مراد تعصب ومصبر راسو وكيقول مال هاد خيتي كادير هكا اصلا انا ليعطيتها قيمة كتر من القياس داكشي باش كاتعامل هكا اصلا تاوحدة ماتستاهل كولهوم بحال بحال سلعة وحدة مراد: اوكي شكرا نخليك غانعس
كوتر: اوكي بسلامة...

نض تنا نعست وخرجتو من بالي قفت نهار الاخر ولكن بكري غسلت وجهي لبست سورفيت فالزرق وسبادري فالغري هزيت ا م ب 4 درت موسيقى وخرجت ندير شويي ديال سبور حيت مولفة فاش كنتعصب كانبغي نبقا بوحدي تانتهدن كنجري بسرعة كبيرة بغيت نخرج الافكار لكاضور ليا فراسي معرفتش علاش كنفكر فيه...علاش تعصبت مجرد سمعت سميت بنت خرا .... دازت شي 3سوايع عاد رجعت فطرت تاصلت ب البنات اش بان ليكوم نتغداو برا كولشي وافق بدون تردد نض درت ماسك طبيعي الوجهي (دانون مسوس+الخرقوم) خليتو شوي دخلت دوشت خرجت نشفت شعري درتو بوكلي خديت تريكو غري قصير شوي سروال دجين طالع لحد السرة زرق بالغين فيها الغوز والغري وهزيت صاك غوز صغيور وجهي درت واقي شمس عكر وماسكرة الينر رقيق ...خرجت مشيت عند هداية كانت قريبة ليا خدينا طاكسي اما البنات الخرين غانتلاقو فين تافقنا اختارينا النتغداو غدا تركي فمطعم isnatbul kabab house ..لقينا غفران كتسنا دخلنا جات بسمة ولكن ريما كيف العادة هي اللخرة كلسنا طلبنا اش بغينا وبقينا مجمعين ضاحكين شوي وهي تنطق.. بسمة: امدرا شنو باقي قاليك مراد البارح فين كان غابر ..
غفران: ايه ماباقيش رجعتي قلتي لينا 
كوتر: نساو عليا الزمر 
هداية: رجع زمر تاني وباز ماعرفنا كينشدوك... عاود ليهوم كولشي ليوقع بتفاصيل المملة وشنو قاليا وفين كان غابر.. ريما: انا ماتيقتوش باينة كدبة زرقة هادي 
بسمة: ان بعض ظن اثم
هداية : انا بعدا تيقتو مكاينش علاش اكدب متلا مابينك وبينو والو فقط اعجاب وباقي هو ماتعداش حدودو 
غفران : انا ماعرفتش استسلم 
كوتر: اكون ليبايكون اصلا كيما قلتي مابيني وبينو والو.. لاحظو البنات بلي تعصبت وتبدلو ملامح وجهي..
غفران: انا لينقدر نقوليكوم راهو اتر فيها بزااف وطاحت فيه بسمة: وآخيرا كوتر غاتحب هههه طرتي تا عييتي وطحتي
كوتر: سيرو سيرو هي كايبان ليكوم هو عجبني ولكن ماشي لديك الدرجة تاع نحبو صافي.... نضنا قلت ليهوم نتمشاو شوي ونشوفو شنو الجديد فالبوتيكات داكشي ليدرنا توجهنا لمول دخلنا ماخلينا تاشي بوتيك ماشفناه عينا طلعنا الكافي الفوق خدينا كلاص نرتاحو صونا ليا الفون جبدو لقيتو مراد قلتها لبنات قالو ليا جاوبي 
كوتر: اهلا مراد
مراد: سافا كوتر؟ 
كوتر: بخير ونتا مزيان
مراد: بخير كنسمع ااصداع كاينة فزنقة 
كوتر: وي كاينة مع صحاباتي ...سولني فين بضبط وقلت ليه ودعتو رجعت نهضر مع البنات... لقيتهوم كايشوفو فيا 
هداية: عينيك مالهوم كايبريو 
كوتر: رشيت فيهوم الما وزوينة هادي خشي فوجهك الكلاص بسمة: حب من اول نظرة ههه
كوتر : هدرتكوم حامضة بحال هاد الكلاص تفو ... رتاحينا شوي ونضنا نرجعو فحالنا براكة من دوران يلاه.. غانخرجو على المول كايبان ليا مراد واقف وكايتسنا تبلوكيت بلاصتي البنات كالسين عليا مالكي وقفتي اش كاين جاوبتهوم بصوت ممسموعش
كوتر: مراد قدامنا ليحدا ديك البورش الكحلة 
بسمة: واش لابس شوميز بيضة وفوقها كويرة كحلة
كوتر: اييه هداك 
غفران: بوكوص اصاحبتي طول والاناقة يا سلام واش البورش ديالو مقودة وياك قلتي عندو رونج 
كوتر: اش ندير نمشي عندو ولا اش..
هداية: اييه سيري ..
ريما: فين غاتمشي تانتي تسناي هو اجي اش هاد الخفة فيكوم.. شفت فيه وابتاسمت تاهو كدالك وتم جاي عندنا 
كوتر: هاهو جاي الميمة البنات ماتحشموش بيا .. جا وقف سلم علينا عرفتهوم على بعضهوم عجبهوم بصواب والادب ليفيه مراد: وخا نخطف ليكوم كوتر 
هداية( بزربة) : هانيا هي ديها ..
انا خنزرت فيها: كنت متقلة عليك احبيبة
ريما: خودها وتهلا فيها ...ودعتهوم وقلت ليهوم ميعاد الليل ونهدرو مشيت معاه حل ليا الباب وانا نوقف تسمرت مقدرتش نتحرك قرب حدا ودنيا ونطق بصوت بورش ليا لحمي: تستاهلي ماكتر .. كانو جوج بوكي دوفلوغ مقادين بطريقة غزالة وفيهوم الوان كايحمقو وزاد كمل ليهوم المنظر لون لكوسان تطوموبيل كانو بيضين ....ضورت وجهي بحركة بطيئة وكان قريب ليا بزاف 
كوتر: ولكن شنو المناسبة ..
مراد: اعتابريه اعتذار على اول سوء تفاهم وقع بيناتنا..خديتهوم فيدية كنشمش وتقاجئة بواحد فيهوم شكلاط على شكل ورد حمقوني ...هزيت عينيا فيه ..
كوتر: اصلا ماكينش علاش تعتذر حيت مادرتي ليا والو 
مراد: شوفي اكوتر راه مكدبتش عليك ومابغيتش تقولي فبالك جاي باش ندوز بيك الوقت 
كوتر: اصلا ماغانعطيكش فرصة تدوز بيا الوقت كنعرف راسي مراد: تا دابا ممكن نساو ليفات ونبداو من اليوم... ماجاوبتوش حدي ضحكت ليه ضحكة فيها الحشمة وشوي تالقبول ..
قاليا : وخا تعطيني راسك هاد العشية ومتسوليش فين غاديين بغيتك تيقي فيا
كوتر: اوكي فيد الله ههه

تحركنا وشد طريق صراحة حسيت بالامان للحظة نست داكشي لوقع ماخفتش ومافكرتش فين غايديني فقط كنت بغيت نبقا معاه بقا ساكت وهو مركز فطريق لاحظ انه خارج على المدينة وغادي بسرعة كبيرة وهو ادخلني الفضول نعرف اش واقع.. كوتر: مراد فين غاديين
مراد: بغييت نشوف واحد الحاجة وبغيتها ماتفوتنيش 
كوتر: واش غادي عند شيحد كايتسناك 
مراد: نو شيحاجة بغيتك تشاركيني فيها 
كوتر: اوكي ولكن هي بشوي بلا سرعة 
مراد: راه خفت نتعطلو وماتخفيش راه مولف سرعة ...غمزها وزاد فالسرعة ديالو...ظ انا مامولفاش كانخاف حيت عزيزة عليا السوكان بهاد طريقة ولكن الفضول ديال فين غاديين لوثرني شوي بانو ليا جدارمية واقفين وكايشيرو ليه باش اخف سرعة حيت انتابهو لشحد جاي طاير برادار ....وقف مراد وجا عندو واحد منهوم بان ليا خايف منو قلت لقدر حيت شاف طوموبيل ...
الدركي: سلام راك فتي سرعة القانونية.
مراد: زربان داكشي باش 
الدركي: الى كولشي زربان ودار بحالك غاتولي الفوضى
مراد: (كايهضر بالغوات) ماتعطينيش محاظرة شنو بغيتي...
الدركي: (باستغراب) وعلاش هاد طريقة تالهضرة 
مراد: مغانهدرش معاك دابا من بعد شد هاك الوراق وطلقني مشا الحال ...
انا هي ساكتة وكنقول مال هدا علا هاد النفخة داير الغلط وكايخرج عينيه غاتمشي فيها اوليدي...
الدركي : سمح ليا بزاف الى عطلتك تفضل وراقك وطريق سلامة كنعتدرو منك ومن المدام ... اويلي اش هادشي علاش طلب منو السماحة علاش مايقيدش ليه مخالفة مالو ولا كايهدر معاه بالادب...
مراد: هانيا مهم بلغ الخرين ليفطريق مايقفونيش حيت زربان الدركي: ماتخافش وخود راحتك طرق سلامة.... 
مراد:( هدر مع كوتر) : استسمح ..... كمل طريقو وانا مصدومة او بمعنى آخر تالفة وسؤال واحد كايضور ليا فراسي هدا اش اكون فاش خدام وعلاش تعامل مع جدارمي بهديك طريقة بقيت كنفكر ونا نسولو
كوتر: مراد فاش خدام؟
مراد: كانتسناك تسوليني من بعد هادشي ليشفتي ..من بعد ونجاوبك اوكي (غمزها) 
كوتر: نو بغيت نعرف دابا؟ 
مراد: منقدرش نجاوبك مهم هي تيقي فيا ..سكت ماقدرتش نزيد نسولو لساني تعقد وعقلي وقف حاجة وحدة بغيت نعرفها هاد ساعة هي فين غاديين مابقيتش حسيت بخوف.... كملنا طريقنا وقف فوق واحد الجبل نواحي مراكش نزلني وشدني من اديا جرني لجيهت الحافة صافي غايلوحنيي ...ومودعتش البنات ومابستش ماما وبابا لمن غانخلي خوتي....
مراد : شوفي هاد المنظر شحال زوين 
كوتر: ماتقولياش جبتينا هادشي كولو باش نشوف غروب الشمس
مراد: واش مايستاهلش؟
كوتر: كون لحتيني من نهنا كان استاهل
مراد (كيضحك): ياك الى لحتك غانضيع هي انا 
كوتر (وهي ساهية فالضحكة ديالو): علاش
مراد: والو سكتي وشوفي هادشي..... الله سيد صدق رومنسي وعندو مع المناظر الطبيعية والنشاط العلمي يا سلام ويكون عندو مع التوالد عند الانسان 😍😍 بقيت كنشوف المنظر لفجنبي ماشي ليقدامي حيت ضوء ضارب ليه فعينيه ولاو كايهبلو كتر دبت انا فيهوم كتر ماني دايبة بقيت كنقارن الشخص لكان كايهضر مع جدارمية ومع هدا لواقف كايسرح عويناتو فغروب شمس دغيا تقلبات الشخصية ولا انسان آخر .. بقينا تا غابت ااشمس على خاطرها تصورنا تماك ورجعنا فحالنا داني الدار ومسخيتش بيه دخلت هازا الورد والشكلاط 
ماما: شكون جايا تخطبي ابنيتي 
كوتر: جايا نخطب راجلك قالو ليا طلعتي ليه فراس 
ماما: اطلعو القرودة فوقك ان شاء الله 
كوتر:غرتي اشعيبية راني هي بنتك
ماما: ودابا قولي منين جاك هادشي... عاود الماما عليه من نهار تعرفت عليه وشنو وقع وفين مشينا حيت مولفة مكنخبي عليها والو
ماما: غانقوليك ليكانقوليك ديما حضي راسك وعارفي راسك فين كتمشي ومعامن
كوتر: ماتخافيش الحب... مشيت حطيت داكشي بدلت غسلت وجهي وتكيت كنتفكر المنظر تاليوم ماشي الغروب لا لا عويناتو كان احسن منظر فين ابان شي غروب ولا شروق 😍 بقيت سارحة فافكاري تا جاني مسج .....( رفقاً بِي يا سَيدة ، فَـ جمالُكِ الفَاتن افقدنِي عَقلي !) جاوبتو ( ماكنتش عارفاك عندك مع الشعر) مراد( باقي غاتكتاشفي حوايج خرين) كوتر(ان شاء الله ههه) بقينا هكاك مجمعين وكنضحكو ماحسيتش بالوقت تانعست ونا شادة الفون.......

الايام كاتمشي بسرعة ونا ومراد كنتلاقاو تقريبا كل نهار كانضحكو نشطو ماكاناش كنحسو بالوقت كيف كايدوز جامي قلل الاداب ولا تعدى حدودو مي علاقتنا مامفهوماش ولا طبيعتها شنو حيت ماعمرو اعترف ليا بلي كايبغيني ديما هي اعجاب كان كايعجبني انه كايحتارمني وكدير ليا قيمة وانا معاه بديت كنتعلق بيه بزااف... البنات لاحظوها وقالوها ليا وصراحة بيني وبين راسي كنبقا نقول صافي اقدر وليت كنبغيه ولكن كنترضض فاش كنفكر انني مكنعرف والو عليه
عند مراد.. امين: اهيا نتا شفتك رجعات ليك الضحكة لداك الوجه شنو سبب 
مراد: والو اصاحبي هي البلاد والجو صافي 
امين: هاد الهدرة ماشي عليا هي قول اش كاين انا صاحبك ماتخبيش
مراد: صراحة ديك البنت ليقلت ليك داك نهار بديت كنتعلق بيها امين: وشنو فيها مافغيرها ليخلات الديب اتحرك فيه الروح
مراد: ماعرفتش كاتجيني طبيعية مافيها لا كدوب لا زواق كيف شي كتاب تقدر تقراه وتفهمو دغيا
امين: وخا غي بغيتك ماتنساش خدمتك واش غاتقدر تحميها ونتا بعيد عليها
مراد: راه اصاحبي داكشي باش باقي ماعمري صارحتها كانحاول نخلي حدود بيناتنا
امين: وهي كتبغيك عمرها قالت ليك شيحاجة
مراد: آخر حاجة نتسناها هي تعتارف وخا انا عارف كنعجبها وليت كنقرا حركاتها ونعرفها فاش كتفكر كنحس بحالا كنعرفها سنيين
امين :لينقوليك الله ايسر ليك اصاحبي وراه مابقا ليك والو وتمشي الى كتبغيها عنداك طير من اديك....
مراد : ايكون خير نخليك دابا انمشي نرتاح فدار غدا مسافر انا وياها ندوزو نهار فشي بلاصة ... ناض خرج ركب فطوموبيلتو وجملة وحدة كاتعاود ليه فراسو (عنداك طير من ايديك)💭 زعما اجي شيحد اديها مايمكنش تعلقت بيها وكنحسها بحال شي ملاك ضحكتها عينيها ملي كايتسدو فاش كاتحشم ماكرهتش نسد عليها فشي بلاصة مايشوفها حد كنبغيها اييه كنبغيها ولكن خايف عليها مني ومن كولشي.... اصبح وافتح ونشوف شنو ندير...
رجعو لكوتر.... هزيت الفون نهضر مع البنات ونسولهوم اش لبس على ود الخرجة تغدا
كوتر: شنو لبس غدا البنات راه تلفت
ريما : لبسي تكشيطة ومنها نيت دوزيه العدول وزربي على راسك 
غفران : ههه سمعي لريما وديري اش قالت ليك
بسمة: شوفي احبيبتي ليلبستي كايجي معاك شوفي هي فاش ترتاحي
كوتر: اصلا انا لحمارة كانسولكوم 
هداية: ليبسي حاجة ليتقدري تحركي مرتاحة حيت معارفاش غين غاديين...
كوتر: اوكي انا غانشوف يلاه خليتكوم نوض رتاح راه فايقة... بكري فقت كولي نشاط وحيوية بحال دري صغير اول مرة غادي المدرسة غسلت وجهي فطرت مشيت نشوف اش لبس خديت ديباردور كحل من ااصدر معري شوي وسروال كحل مفتوح من ركبة ومن الفوق قاميجة مينيتير وهزيت صاك كحل خليت شعري سامبل درت واقي الشمس شوي بودر صاوبت الايلينر ماسكارة وعكر نيود وخرجت لقيت البوكوص كايتسناني جاي لابس سبور 😍 تريكو بيض لاسق بين ليه عضلاتو وسروال سورفيت كحل وسبادري نايك فالكحل سلمت عليه وركبت .....شاف فيا وقوس عينيه 
مراد: كاتباني زوين شيحاجة زايدة فيك 
كوتر : عادي شنو بان ليك نتا ؟
مراد: مامولفش نشوفك دايرة ماكياج كتير بحال اليوم ولابسة بحال هاد اللباس..
كوتر: مدايراش بزاف ولباس عادي 
مراد: همم مزيان ولكن طبيعية حسن .... قلبت الهدرة ونا نسولو : فين غانمشيو ؟
مراد: لاحظ بلي عزيز عليك الطبيعة والجبال داكشي باش غانمشيو الايمليل
كوتر: يااااي كنحماق على ديك البلاصة شكرا بزاااف ....شدينا طريق بالموسيقى والضحك ونشاط ومع كان الصهد طريق غزالة والخضورية كنت فرحانة بزاااف وصلنا طريق شوي صعيبة كيف نزلنا قلت ليه فيا العطش مشا بايجيب ليا قرعة تالما بقيت انا كانتسناه
مراد: داغيا سخفتي ودختي وهادشي تا ساعة ماكملة 
كوتر: اصاحبي راه طريق خايبة ونتا كاتسوك بزربة معدي تحركات من بلاصتها
مراد(وهو كيقرب ليها) : ماباقيش تقولي ليا هاد كلمة صاحبي كوتر (كتفتف فالهدرة وحشمانة حيت قرب ليها بزاف): وا خا سم ح ليا (وهبطات راسها)..
مراد(طلع ليها راسها تاجاو عينيه فعينيها وصدرو عند وجها) : هكاك نبغيك تصنطي لهدرة...حسات برجلبها فشلو وقلبها غايخرج من بلاصتو وعينيها مابغاوش ارمشو فاي لحظة تسخف ريحتو وصلا حلقمها عتقات راسها دغيا كوتر (وهي كتبعد) : يلاه ننحركو ولا داير بيا سبة باش ترتاح طلعنا لشلال لفوق مرة نوقف مرة هو ادير بلعاني سخف و نضحك عليه دوزنا طريق كولها نشاط تا وصلنا كان المنظر غزاال ناس كتار والما بارد ودراري صغار كايتراشو انا شفت اقرب حجرة رتاحيت فيها هو دخل الما وبغا وقرب لشلال بقيت مقابلاه من بعيد شوي كاتبان ليا بنت قربت ليه كتهدر معاه حسيت بسم والغيرة ولا ماعرت اش داك الويل ولكن مابغيتش نبين بان ليا خدا الفون وصورها هي وصاحبتها وردو ليها وهي ماحيداتش عينيها عليه .. تعصبت وقلبت وجهي تا حسيتو واقف عليا ...مراد: باقي سخفانة ههه؟
كوتر: نو هي كانتسناك تجي
مراد: ودخلي بللي هي رجليك كوتر( نتا ماكايجيكش الوجع داكشي باش) : نو هي بصحة البرد ورجليا كانو سخان فسبرديلة ☺

خدينا سيلفياات بجوج كنت طايرة بالفرحة بقينا كالسين عاد رجعنا نزلنا تاني ومع طريق بديت كنحس بجوع والسخفة 
كوتر: مراد ماجاكش الجوع ؟ 
مراد: اكييد راه كانتسنا هي شي بلاصة زوينة فين نتغداو 
كوتر: شوف تزيد شوي ناكل هاد الربيع راه غانسخف 
مراد: بقرة صافي وكون هي باين فيك.. صافي اجي ناكلو عند هادا ...كانت قهوة على شكل تفريشات فالارض داكشي تقليدي وسط الربيع والما قدامنا كايزيد افتح شهية ..شد لينا مراد طجين بلحم المعزي والفريت وسلاظ غي جابوه دخلت فداكشي ماكانهدرش معاه وكاناكول ..... مراد حاظيها فحركاتها وكيف كتصرف ماعدنهاش مع البروتوكول الخاوي واخدة راحتها لاقصى درجة .... كوتر: مالك كاتشوفيا راه عرفت ضاع البريستيج وماكاينة انوثة ولكن الجوع كافر ..
مراد: بصحتك انا كانشوف الزين كاياكول وهي تسد ليا الشهية كوتر: هاد الشهية ماعندهاش الساروت باش تحل الباب ههه سلينا بقينا مجمعين حتى جاني نعاس كون غير اسكت نغمض عينيا ونخلي الماكلة تاخد مجراها 😏 كايعاود ليا طرائف ليكايوقعو ليه فالغربة ونا كنتصنط ليه مابقيت كانسمع والو (انا لينعست ماشي هو) 
مراد: خليناه واحل وحنا كنضحكو ميتيين عليه وهو غايبكي ..كوتر كوتر......سكت بقا سارح فيها كيف دغيا نعسات وهي حاطة ادياتها تحت راسها ومغمض عويناتها وحال فمهها جاه ضحك من المنظر وكلس كايصورها شي ربع ساعة عاد فاقت ....حليت عنيا لقيت مراد كيشوف فيا اويلي فين انا وهادا شا كايدير قدامي الله نعست وهو كيهدر معيا...تفو على شوهة
كوتر: شحال نعست هي قول
مراد: ماشي بزااف
كوتر: ونتا مالك ماتفيقنيش 
مراد: بقيت كنشبع عويناتي بشوفات فيك
كوتر: نوض نوض حنا ماجايينش نعسو جايين ندوزو وقت زوين.. نضنا وبقينا كنضورو فدوك المحلات زوين داكشي بزااف خديت البنات قراعي تزيت اركان وماما خديت ليها فاش كايدار الكحل تالعينين و ريهام سنسلة اما آدم ماعرفت ماناخد ليه وهو ياخد ليه مراد واحد ديكور على شكل راجل آلي ...غاديين شوي وهو اقوليا مراد هاني جاي تسنايني هنا.
كوتر: فين غادي باش نعرف ..
مراد : هاني جاي مغانهربش هي تسناي متحركيش من بلاصتك مشا... تبعتو بعيني لقيتو مشا لواحد الكافي وبان ليا كيوسول فهمتو بغا طواليط ولايني مكنحشم كنسولو كانتسناه ...وهو اجي واحد الولد قاليا ممكن تصورينا اختي كانو هوما 3 خديت الفون صورتهوم جا بغيت نرجعو ليه قاليا شكرا ومد اديه مابغيتش نحشمو سلمت عليه وقلت ليه هانيا تاحسيت بشيد جراتني بجهد...
مراد:(عاقد حجبانو كتيخلع) اش واقع هنا شكون هادو ولاش كاتسلمي ..
كوتر( وهي حشمانة ) : مراد مكاين والو ولد صورتهوم وشكروني مالها شنو فيها
... مراد (كيهدر مع الولد) : واش كاع ليصورك كاتسالم معاه جديدة هادي
الولد: اسمح ليا اخويا الى تعديت حدودي مع المدام كانعتاذر انا هي بغيت نشكرها وصافي
مراد: هانيا... وجر كوتر من اديها ومعصب
كوتر( نترات اديها وغوتات): طلق ليا اديا مالنا اش واقع تا درتي هاد الفيلم وجارني انا هكا 
مراد: ماتغوتيش هدري بشوي ومرة خرا مابقاش تمدي اديك لمن ماكان
كوتر: اولا انا عارفة راسي معامن كانتعامل تانيا شكون نتا ليتدخل ليا فحياتي ... تعصب بزاف من طريقة هضرتها معاه كانغايضربها جمع اديه وزير الفك ديالو (تفكر هدرت امين غاطير من ايديك) وهو ازيد تعصب كتر
مراد: زيدي نمشيو فحالنا... ماعاودش معاه الهضرة ركبت وردخت الباب حيت ماعندوش الحق اتعامل معايا هكاك واحرجني قدام الولد بقنا غاديين ساكتيين ماهضرناش وكانشوفو عاقد واحد الغوباشة كاتخلع شوي وقف طوموبيل فبلاصة خاوية مال هادا كوتر: مالك وقفتي ياك لاباس ؟ دار شاف فيا وهو مخنزر شدني من عنقي ورك تا نفس مابقاتش بغات طلع وحسيت باللخرة ليا صافي هدا مريض
مراد: كنبغيك اكوتر كانبغيك وبغيتك ليا بوحدي...
كوتر(بصوت مخنوق): كاتبغيني وغاتقتلني ...شادة ليه ايديه لمحاوطة عنقها 
مراد: واعديني ماعمرك تكدبي عليا ماعمرك تفلاي عليا حيت مغانرحمكش غانفنيك من دنيا
كوتر: (بخوف بغات تفك راسها) كنبغيك تنا غي طلقني هانموت...جرها بسرعة وخشاها بين ضلوعو وتلاح على فمها ماخلاش ليها وقت فين ترجع نفس خاشي صباعو وسط شعرها وكايجرها عندو كايمص ليها فمها بلهفة واعض كل شارب عطاه حقو بوحدو واديه لخرا كتلعب ليها فحنيكاتها مطلقها حتى حس بدم وسط فمو بعد شوي ورجع باسها جنب فمها بوسة حنينة وابتاسم ليها...انا دنيا ضارت بيا شنو هادشي فاش دخلت راسي هادا ماشي طبيعي واش حيت خفت داكشي باش تنا قلت ليه كنبغيك ولكن راني فعلا كنبغيه شنو هادشي ياربي..باس ليا راسي ورجع كمل طريق انا بقيت غي ساكتة مكاندويش وصباعي كنتحسس بيهوم شواربي حت كايحرقوني وتخلطو الافكار فراسي قاطعني
مراد: نتي ديالي من اليوم نشوفك كاتفلاي مانعقلش عليك كوتر: هاا ايهه وخا
مراد: مالكي تالفة
كوتر: والو هي دوخة تطريق
مراد : اش من دوخة قولي شنو بيك
كوتر: بغيت دارنا..مراد كايضحك من تصرفاتها ونفس الوقت كايلوم راسو حيت اعتارف ليها بهاد الطريقة

داز الايام بسرعة وانا ومراد علاقتنا تطورات واكتاشفت بلي مرة كايكون حنين ومرة خرا وحش وكايخلعني ماعمري عاود سولتو على حياتو الخاصة خليتو على راحتو .... كانتلقاو كل نهار البنات مابقيتش كانشوفهوم وتالهدرة قليلة ولاحظ بلي فرحو مني دخلت فعلاقة وحسو بيا فرحانة بزااف معاه وخا كانت كاتخنقني الغيرة ديالو حيت كاتوصل الشك وديما كانتخاصمو على هاد الموضوع وكنت ديما كانبقا نفكر علاش هو هكا مشكاك علاش كابقا ادقق فكولشي..اليوم انا وياه كالسين فواحد الكافي ونا نقول والله تانسولو ....
كوتر: مراد علاش فيك هاد الشك راه كنتقلق منو والله..
مراد: انا ماكانشكش فيك هي كانبغي نعرف كولشي وصافي كوتر: ولكن راه تنا كانبغي شوي ديال الخصوصية راه مايمكنش نعاود ليك تفاصيل 
مراد: اوا انا الالة بغيت نعرف كولشي كولشي وسديناا على هاد الموضوع
كوتر: متعصبنيش انا كنهضر بالمعقول الى غاتبقا هكا ماعمرنا نتفاهمو ومغانكملوش 
مراد:(هز راسو ومخنزر) عاودي الكلمة اللخرة 
كوتر: مغانكملوش يعني غانتفرقو... شدها من يديها وزير عليها تاغايترتقها وهي كتغوت اطلقها كضرها وهو غي مخنزر
مراد: آخر مرة تقوليها ولا والله تانقتلك هاني قلت ليك 
كوتر: حماقيتي والله براكة كضرني طلق مني..
مراد: نوضي يلاه منهنا.. خلص داكشي.. وجرها من اديها ماوقف حتى الباب ديال طوموبيل لاحها وهي كتوجع حيت ضرها ولكن محنش فيها.... ركب شد طريق وحدة كاتبان ليه قدام عينيه غادي بسرعة كبيرة كيسمعها كطلبو انقس السرعة والو بحالا مكاين حداه حد .....كوتر كتمتم مع راسها ...طلبت منو غي اعطيني شوي تالحرية شخصية ماقلت تاحاجة لتوصلو لهاد الحالة تخلعت بزااف منو حيت وجهو وتصاروفاتو مكايبشروش بالخير مافكرتش فين دايني قد مكانفكر واش غانبقاو حيين ...بقيت كندعي فخاطري وكنقول اش داني لهادشي من داك الاعتراف ديال الهمج كنت نفرق جوقة كنتسامح معا راسي شوي وقفنا حدا واحد الفيلا ..
مراد: نزلي 
كوتر: فين غانزل وفين هنا... 
مراد: قلت ليك نزلي ولا غانزلك بطريقتي
كوتر (بكل شجاعة) : انا ماشي عبدة عندك سمعتي اوا مانازلاش لي فجهدك ديرو ...قلبي غايسكوت بالخلعة ومعرفتش فشنو كتيفكر حيت ماعمري قدرت نتصور ردة فعلو كيف غاتكون ...
كوتر: مراد فين دايني هدر ماتبقاش هكا مالك شي مرات كتصرف كيف... 
مراد: كيف الحيوان يااك هي قوليها عارف راسي.... جرني بجهد حسيت اديا غاتقطع انا والله منويتها كيف هو نواها..دخلت كانلقا فيلا خاوي تاحاجة تالفراش مكاينة وقفني الوسط وبقا كايشوف فيا وعينيه غايخرجو وحمريين ..
مراد: شفتي هنا كنت غانعيش مع اول بنت حبيتها فحياتي او كنت كنظن بلي كانبغيها كنت كانبني هاد الفيلا باش نتجمع فيها انا وياها كنت غانتخلا على كولشي على ودها ماعمري خصرت ليها الخاطر كانبغي نشوفها فرحانة كتر مني...
كوتر: وفينها 
مراد: معرفتش
كوتر: لا رد 
مراد: كنت كاندير فيها تقة العمية فاللخر عرفت بلي كانت معايا على ود مصلحة ماعمرها بغاتني كانت غير كتنافق فيا ..
كوتر: وشنو درتي ليها
مراد: الى قلت ليك مدرت ليها والو تيقيني 
كوتر: معرفتش حيت كيف كانشوفك دابا نقدر نتخايل شنو درتي فيها ... 
مراد: هي سببي حتى رجعات شخصيتي هكا مابقين كنتيق فتاحد ماعمري خرجتها من بالي...
كوتر:يعني باقي كتبغيها 
مراد:(تعصب) كنقودها نبغي وحدة رجعاتني حمار واستاغلاتني كوتر: والى شفتيها مرة خرا شنو دير..
مراد: (ضحكة جانبية) نقتلها 
كوتر: (مخلوعة) ك فاا ش
مراد: حيت هي لعبات مع الشخص الغلط....
كوتر : وليت كانخاف منك ..
مراد :(قرب ليها وشدها من كتافها بجوج) خاصك هي تفهمي طبيعتي وماتبقايش تخراي فالهضرة وماعمرك اتخافي مني.. ماتكدبيش عليا وماتخبي عليا والو..
كوتر : ان شاء الله تواعدني نتا بواحد الحاجة
مراد : اما هي آمري الحب
كوتر : تبيع هاد الفيلا وتسمح لديك البنت ماعرفتيش ظروفها شنو ...

مراد : الفيلا اصلا كنت غانبيعها وديك خيتي آخر مرة تجبديها صافي نسايها صافي...نسولك نتي وجاوبيني (كيقرب منها) واش كتبغيني..
كوتر: (حسات بسخونية حيت قريب ليها بزااف وقلبها كايضرب بجهد) ...كنبغيك بزاف ومعرفتش علاش وخا كتخلعني بتصرفاتك وديما غامض .
ضور ايديه على الخصر ديالها وجرها حتى لسقات معاه بقا شحاال كايشوف فيها هز ليا راسها بجوج صبيعات.... سمحي ليا احبيبة ...قبل متهضر حط فمو على فمها وبقا كايبوسها بحناان واديه كتلمس حنكها هاد الحركة خلاتها ترخا وتنسا كولشي وتنساجم معاه لاول مرة علات رجيلاتها وضورات ايديها على شعرو حس بيها وهزها عندو لوات رجيلاتها على خصرو وتقلبات من قبلة حنينة لقبلة مشحونة بالمشاعر والاعترافات هو كايجر واعض هي فقط متبعا قلبها وغريزتها جيهتو كل واحد فيهوم كايعبر على ما فقلبو بطريقتو الخاصة طلع ليها تريكو بكترة الاتكاك بينهوم وحس بملمس كرشها نزل اديه لترمتها كايعبز واعجن واورك فيها عاقت بيه سخن والمعلم وقف تحتها حسات بلي موقفها عليه حيت كان هازها ... وبعدات راسها وعوينات معسلين...حطني خلينا نمشيو 
مراد: حشومة عليك خليني يالله بديت باقي مشبعتش منك 
كوتر: غير خلينا نمشيو حسن لينا بجوج ...خطف بوسة ونزلها وهو كابتاسم حيت عرفها عاقت بيه 
خرجنا بجوج معنقني من كتفي داني الدار ، وصلت دخلت سلمت عليهوم مهضرتش مشيت البيت بدلت حوايجي دخلت دوشت حيت حاسة باحساس غريب تخلطو عليا المشاعر ..خوييت عليا الما بارد باش نتوكض خرجت هزيت الفون بغيت نهدر مع هداية بوحدها
هداية : توحشتك يا صاحبتي غبرك علينا سي سيد
كوتر : الله اغبرك تانتي سمعي بغيت نقوليك شيحاجة... عاود ليها شنو وقع اليوم مع مراد بتفصيل الممل وكون غير سكت السيدة مات خلعة
هداية : واش كاتهضري بالمعقول ولا هي طالقاها عليا 
كوتر: بغيتهوم اطلقو عليك 10 تالكلاب الزمرة راه بصح
هداية : سمحي ليا اختي مي لينقوليك المسامحة طرتي وجا ليغايساليهوم ليك 
كوتر : مانفعتيني بوالو انا بغيتك تقولي ليا اش ندير 
هداية : والله ماعرفت لينقوليك طلقيها فيد الله وخلي الوقت ابين ليك اش كاين الى نتي نيت مرتاحة ليه وكتحسي بقلبك باغيه
كوتر : تفو سيري هي فحالك انا غانعس ...قطعت معاها ونض صيفط لمراد تصبح على خير ( وليت كانشارجي على ود الحب) جاوبني وقاليا مع صاحبو كايتعشاو خليتو على راحتو ونعست حيت كنت عيانة بزااف...
امين : اوا فين وصلتي مع كوتر 
مراد : اليوم ديتها الفيلا وعاود ليها على هاديك
امين : عاودي ليها كولشي 
مراد : نص صحيح ونص كدوب
امين : فاش كدبتي
مراد: فلي خاصني نكدب هي سمعات غير نص وتخلعات وكون عرفات الحقيقة شنو دير 
امين: امتا اصاحبي غاتقوليها على خدمتك راه خاصها تعرف مراد: راني خايف عليها الى فات دخلات فداكشي غاتولي حياتها فخطر وهي ماديالش ديك روينة بغيتها تعيش حياتها طبيعية... امين: شوف نتا ليبان ليك وقلتي ليها امتا غادي ولا هي بلاش مراد: تانهار نكون غادي ونقولها ليها 
امين: ماعمرك ماغاتبدل هههههه.. الله ايسر ليكوم وندير انا وياك عرس واحد
مراد: اولا عرفتني معندي مع عراسات تانيا لقيتي العروسة بعدا 
امين: لقيتها ولكن باقي كندرس الوضع 
مراد: انا غانخليك نوض الدار نرتاح شوية ..خرج ركب وطريق كاملها وهو كايفكر فاش باس كوتر وفاش تهدنات دغيا بين ايديه وزاد تقن بلي تاهي كتبغيه بزااف وخا كاتخبي مشاعرها وكتبغي تبان قوية بحركة بسيطة منو رجعات بنية صغيرة ترمات فاحضان حبيبها تفكر عويناتها فاش كانت خايفة وفاش باسها ورجعو كايبرييو نطق بصوت مسموع وكل تقة ...كانواعدك ا كوتر ماعمري نخلي شيحاجة تآديك طول ما انا عايش غاتكوني ليا ومنخليكش لشيحد... مشا هاد المرة لفيلا تالعائلة دخل ديريكت لبيتو مهضر مع حد فقط صورة كوتر وضحكتها وحتى فاش كتعص كولشي كايتفكرو وكايضحك بقا هكاك حتى نعس ....

حليت عينيا وبقيت مركزة شوفة فسقف وعقلي كايرجعو ليه الاحداث البارح باقي مستوعبتش داكشي باقي خايفة من البارح ومن لجاي ..وخا حالتو كاتزيد تخوفني منو وزائد باقي معارفة علييه والوو غامض ... علاش انا باقي معاه.....بغييت نبقى معاه.... ومستعدة نكمل معاه حياتي.... واش لهاد درجة كانبغييه ومستعدة نتقبل كولشي فيه واش هدا هو الحب لكنت غير كنسمع بيه دابا كانحس بيه شبه عايشاه ولكن مامتقبلاهش بكل احاسيسي ..... يااربي ايسر من عندك ياربي.... نض غسلت وجهي فطرت مع الدار كان الاحد اليوم بابا مكايخدمش وكيبغينا كولنا نكونو فدار ومعاه.... خليت الفون فالبيت داك نهار مارجعتش شفتو ولا سولت فيه بحالا باغيا نهرب ونراجع افكاري وخا غير مدة قصيرة ....دوزت نهار كل معاهوم حتا العشية عاد مشيت هزيت الفون لقيت فيه 20 مكالمة و 16 ميساج كولهوم من مراد شداتني الخلعة قلبي كايترعد غايخرج من بلاصتو حلقي نشف ماعرفتش علاش اول مرة فحياتي اوقع لي هكا ضرت زبايل حتى عييت وماعمري خفت لهاد درجة ...بغيت نتاصل بيه خفت منو غير نبرة تصوتو وهو معصب كدير فيا بوهزاز ونا نصيفط مسج حسن (سمح ليا كنت مع الدار وخليت الفون فالبيت ) كيف صيفطو هاهو كايتاصل جاوبت بصوت غالب عليه الخوف .. كوتر: الو..مراد 
مراد: مكاين لا مراد لا حبس اش هاد الفعايل ...
كوتر: مالك راه قلت ليك اش كاين 
مراد: وزايداها بالهضرة ونا باش غانعرف مخلياني تالف ماعارف اش بييك 
كوتر: الله اهديك امراد راه غير الفون بقا فالبيت و متليتش رجعت هزيتو ..
مراد: آخر مرة ديري هاد الجيست هاني حدرتك مرة خرا قجقالك حداااااااك سمعتيها حدااااااك حيت ماتوقعيش اش نقدر ندير..
كوتر: واخا ونتا حيد دوك الافكار من راسك 
مراد: الى مساليا بغيت نشوفك...
كوتر: خليها الغدا اليوم جايين عندي البنات شحال هادي ماشفتهوم
مراد: واش غاتخرجو ولا تبقاو هي فدار
كوتر: ماعرفتش 
مراد: مهم الى غاتخرجو قوليها ليا صافي 
كوتر: اوكي ان شاء الله.... تفو على جنس كيداير مكايعرف اقول تا كلمة زينة هي الغوات والأوامر.. بغا اشوفني صحابو معقتش بيه متاقش بلي غير فداار اوا بيا ولا بيك امراد تاتحيد داك الشك منك...... نض دخلت الكوزينة صاوبت كيكة والكريب لهيت فيهوم الوقت وبداو البنات ..كايجيو وحدة وحدة تا تجمعو كلسنا حطيت داكشي لصاوبت عمرت طبلة كنضحكو شوي اقتارحات علينا ريما نخرجو نشمو الهوا..
غفران: وي يلاه اليوم الاحد كايكون الجو غزال دنيا عامرة تيتيز
بسمة: يا سلاام نوضي لبسي دغيا
كوتر: وخا صبرو نقولها لبابا عرفتو اليوم الاحد موحال اخليمي...وشوفو انا مامعاكومش فشي تيتيز.....مشيت قلتها ليه وافق لبست صايا حد ركبة وديباردور بيض خشيتو فيها وكونفيرس بيضة وخليت شعري سامبل صيفط مسج لمراد قلت ليه خارجة جاوبني وقاليا حضي راسك وبلا بسالة.. تفوو هضرتو كاتستافزني بزاااف كنكره ليعاملني بحال درية صغيرة... خرجنا تمشينا وحنا كانضحكو قالت لينا هداية اجيو نكلسو فهاد ااكافي يلاه حلات starbucks coffe دخلنا زوينة ولكن عامرة بزاااف وفيها البشر مخلط شدينا بلاصة ريحنا خدينا اش بغينا وبقينا مجمعين...
ريما: اهياوينا واحد ااكليكة مقابلانا متضوروش 
بسمة: وي تنا شفتهوم نتوما هي ماضوروش راه كايشوفو فينا ويضحكو ....هوما كايهضرو ونا قلبي كايضرب وجاتني خلعة دنيا والدين بحالا دايرة شي جريمة وكنتفكر هي هضرة مراد 
هداية: واش زوينين استاهلو الى ضرت نشوف
ريما: ضوري نضرب مك راه كايشوفو فينا منين دخلنا 
كوتر: صافي حدرو عينيكوم وديروهوم مكاينينش
بسمة: انا عجبني واحد مكاين ما نحدر ولا نهز ياربي اجيو اهدرو معانا 
كوتر: واش بغيتو تسببو ليا فاعاقة جسدية 
غفران: نتي ماتهضريش مابزز عليك حد 
ريما: وييه نتي عندك مراد.... شافت فيا هداية حيت هي ليعاود ليها اش طرا آخر مرة وحسات بيا كتر منهوم وبغات تعتق ااموقف
هداية : يلاه نمشيو بغيت نتقدا شي حوايج خاصيني
ريما : يلاه كلسنا وباقي الحال
هداية : هي يلاهو نضورو بشوية باش نشوف على خاطري... هداهوم الله وناضو وانا عاد ارتاحيت نضنا خارجين شوي كنحس بشي حد حط اديه عليا تخلعت ضرت لقيت واحد الولد 
الولد: سمحي ليا واحد دقيقة
ريما وبسمة: ناري اغفران واحد من هادوك
هداية: اش كتقولو 😨😨 (تخلعات)
غفران: ولاش وقف كوتر بضبط 
كوتر: وي اخويا تفضل
الولد: من قبيلة وحنا كانشوفو فيكوم عجبتونا بزاف والى كان ممكن تجيو تكلسو معانا شوي ونتعارفو.... حسيت بالما وقف ليا فركابي وقلبي كنسمعو فودنيا كيضرب ايديا كايترعدو وفمي وصوت باش نجاوبو تقطع فياا ...زدت سمعت ...

مراد: سلام فاش نعاونك اخويا (شد ليا فيدي وزير على صباعي جمعهووم فيديه وكايزير مابقيتش حاسة بيهوم )
الولد: كنت كانهدر مع الانسة نتا شكون هضر معاك ...
اابنات سكتو وبقاو كايتفرجو فالموقف ليوقع وليماعرفوش هو مراد منين جا ومنين عارف حنا هنا؟؟
مراد:حسيتو جهل واديه كترعد بالعصاب وخفتو ادير شيحاجة ... انا راجل هاد الانيسة (كايغزز سنيه) لينتا دويتي عليها فهمتي ولا نزيد نفهمك..
الولد : سمح ليا اخويا ماكنتش عارف (شاف فكوتر) ديزولي مرة خرا مدام.. الولد مشا وانا هي كنشوف بعينيا وكنتسنا اش غايوقع قلبي غايسكت صافي هدا منين جا وباش عارفني انا هنا راسي كايدي ويجيب دخت حسيت برضان 
مراد: حبيبة صافا 
كوتر(متعجبة) : صافا شكون قاليك انا هنايا 
مراد: قلبي هو ليجابني بلاتي نديرو صواب ونسلم على صحاباتك .....سلم عليهوم وهدر معاهوم عادي وهوما كي لهبيلات مافاهمين والو انا كنقول شنو سباب هاد الهودوء ليجاه ياكما كايتسنا نكون انا وياه يااربي راه كايزيد غير اخلعني حيت عارفاه مايدوزهاش هو صباعي شوي كان غايطرطقهوم .. صافي هادا هو لكايقولو عليه الهدوء قبل العاصفة.... سولنا واش غاديين فحالنا باش اوصلنا نطقات هداية
هداية: وي لقيتينا خارجين نشدو طاكسيات نمشيو لدار.... شافو فيها البنات معجبيين من جوابها 
ريما: مابقيتيش باغا تشوفي داكشي ليخاصك
هداية : نو تالمرة خرا مازرباناش
غفران : وابااز نوضينا وزربتينا على والو
بسمة : دابا علاش تافقتو طلقونا ....اقتارح اوصلنا ركبنا معاه وصلنا البنات وحدة وحدة بقيت انا معاه ولكن ماشدش طريق دارنا ونا نسولو
كوتر: فين غاديين
مراد: دابا تعارفي...... سكت وجهت امري لله الى كان دايني باش اغوت عليا علا هادشي لوقع ماعندي مناش نخاف مادرت والو بقا غادي ساكت تاوقف طوموبيل فواحد البلاصة خاوية ودار كايشوف فيا وساكت مكايهدرش وتنا بقيت كنشوف فيه ماحدرتش عينيا قويت راسي واجهتو ....
مراد: مابقاش عاحبني هاد الوضع 
كوتر: شمن وضع علاش كادوي تاني 
مراد:(طلعها وهبطها) اولا هاد اللباس ليلابسة تانيا اتبسلو عليك دراري اليوم انا كاين غدا ولا بعدو مغانكونش 
كوتر: مراد واش عارف اش كتقول مايمكنش تمنعني مانخرجش مراد: ماشي قصد هكا 
كوتر: وشنو قصدك فهمني مزيان
مراد: نجي نخطبك ونديرو العقد 
كوتر: واش تصطيتي شحال كاع باش كانعرفك وامتا غانديرو هاد الخطبة ...نتزوجو ونتا عايش فدولة خرا كيف غايكون مصير حياتنا 
مراد: مالكي كدخلي وتخرجي فالهضرة وكديري عصا فرويضة ؟
كوتر: مراد زواج ماشي كلمة تقولها بفمك و انا بعدا باقي مكنعرف عليك والو
مراد: بحالاش شنو باغا تعارفي .. اهم حاجة هي اني كنبغييك كوتر: كتبغيني وي ولكن راه باقي مكملنا تا شهر وكتقوليا الخطبة منقدرش 
مراد: (جرحاتو برفضها ليه) اوكي ديري بحالا ماقلت ليك والو
كوتر: ماتعصبنيش حنا كانتناقشو وزايدون منين عرفتيني انا والبنات كاينين تماك 
مراد: عرفت وماسوقكش وكيف غانعرف اي حاجة بغيت 
كوتر : هي كنتي حاضيني وكاتبعني فين غاديا يعني مكاتيقش فيا وباغينا نتزوجو كيف درتي ليها
مراد: (غوت عليها حتى ققزان) ماباقي باغي والو نساي الموضوع.....مراد حرك طوموبيل ساكت وهادئ ولكن لداخل بركان كايفور....فكرة رفضو ليه مابغاتش دخل ليه لدماغو هو منين شافها امتالكها ليه بوحدو سكناتو عششات تفكيرو قبل قلبو فكرة انها متكونش ليه مامتقبلهاش ورافض اي فكرة انها متكونش من ممتلكاتو بغنى على انه مخبي عليها اسراارو....
كوتر كتمتم فخاطرها ...ماعرفتش علاش زرب عليا بهاد الموضوع انا مانقدرش نتزوج واحد ماعارفة والو عليه خاصو اكون واضح معايا ماشي كولو اسرار...زايدون منقدرش نتفاهم انا وياه هو عصبي ومشكاك وموضوع ديك خيتي باقي كايضور ليا فبالي نخاف شي نهار تنا ادير ليا بحالها .....
كوتر: مراد ماباغيش تهدر معايا 
مراد(لا رد)
كوتر: جاوبني راني كنهدر معاك 
مراد(لا رد)
كوتر:(استافزها بسكاتو وهي تهضر بالغوات) هدا من الاسباب ليخليني مانوافقش طبيعتك كي زمر ماكاتبغيش تفاهم وهضرتك ديما هي ليتكون وخاصني انا مانخبي عليك والو ولكن نتا ماتقدرش تقوليا كولشي وتا دابا لينطولوه نقصروه ونحدو حنا هادشي كولو ... كوتر انفاجراات وماباقيش قدرات تصبر هي بطبعها عصبية بزاااف ومتبغيش لينزل من قيمتها او مايعطيهاش اهمية 
وقف طوموبيل على ديك الكلمة (نحدو هادشي) شدها من دراعها ودورها عندو بسرعة وصرفقها حتى خرج ليها دم من نيفها .. وعينيه حمريين و بكترت ماعاقدهوم مابقاوش كايبانو 
مراد: تعاوديها مرة خرا غاتشوفي وجهي تاني 
كوتر: نتفرقو ..تخلطات عليها الخلعة وحسات بالحكرة 
شدها من شعرها وزير عليها وجرها عندو لسقها مع وجهو وحط قمو على حنكها ..كتحس بنفس خارجة من نيفو سخونة : كوتر ماتستافزينيش 
كوتر: نتفرقو ..
اودليها تسرفيقة قوى من الاولى حتى نفسها بدات كتقطع وعينيها كايتسدو غابت وترخات ودم نازل بقوة البيض لكانت لابسة ولا حمر وهو باقي كارز ليها على شعرها ....

مراد شافها سخفات تخلطات عندو الدعوة ماعرف مايدير بقا مدة على نفس الوضعية هي سخفانة وهو مطلقش من شعرها كايشوف غير عينيها لتسدو ورموشها لمبليلين بشوي تدموع...فلحظة توكض على راسو شنو دار رخا ليها شعرها ورجعها لور دار ليها سمطة وهز كلينيكس مسح ليها نيفها ولكن دم متقطعش وحرك طوموبيل بسرعة للفيلا ديركت وقف نزل حل الباب وجا حل عليها وهزها بين دراعو دخلها وداها ديركت البيت نعاس بوحدو باقي فيه الفراش حيت كايجي انعس هنا مرة مرة تكاها ودار ليها مخدة تحت راسها ورجع كايفيق فيها والو مشا جاب شوي تالما قلب على فوطة صيغرة وسط حوايجو ليبقاو تماك مسح ليها داك دم وغسل ليها وجها .. والو واش باتفيق زاد توقر حيت ماعندزش باش افيقها ... تاصل بأمين عاود ليه كولشي شنو جرا 
امين : اولا اصاحبي درية ماعندهاش صحة ديال تصرفيقة من عندك تانيا خاصها شي ساعتاين باش تفيق ..
مراد: مايكمنش خاصها تفيق دابا حيت غاتعطل على دارهوم امين : كنتي تفكر قبل ماتضربها واش كايصحاب ليك هي بحال دوك الوحوش معامن كاتقاتل شوف شي حل باش تقدر تبقا معاك 
مراد: راه تاصلت بيك تعاوني ماشي تعطيني محاضرة
امين: علاه مولف كتاصل بيا فاش كاتكون فشي مهمة ولا دابا حصلتي 
مراد: صافي سير تقاود اصلا معصب وكملتي ليا...قطع عليه وتاصل بهداية بحكم هي ليساكنة حداهوم .. هز الفون ديال كوتر خدا نمرت هداية وتاصل بيها من الفون ديالو 
مراد:الو هداية معاك مراد كوتر ..(قاطعاتو مخلوعة) 
هداية: فينها كوتر اشنو وقع ليها متخلعنيش 
مراد: مابيها والو غير بغيتك تعاونيني موجد ليها مفاجئة وقلت نقولها ليك باش مايوقعش ليها مشكيل مع دارهوم
هداية: وفينها هي دابا علاش ماشي حداك 
مراد:انا خديت نمرتك من الفون بلا متعيق وقلت هاني جاي 5 دقايق خليتها فطوموبيل وخرجت نهضر معاك
هداية: اوك اوكي بلييز تهالا فيها راه امانة عندك انا غانهدر معا خالتي ونقوليها بايتة عندي ..
قطع بعد ماخنقاتو بالاسئلة كلس حدا كوتر كايشوف فيها كيف ناعسة عاد حس بدنب وكايلوم راسو واعد راسو احافظ عليها صدق هو اول واحد آذاها... ناض سد عليها البيت وسد دار ومشا اشري شنو خاصها فاش تفيق العشا باش تاكل وتوكض راسها والحوايج حيت ليلابسة عمرو دم ومنساش شي برودويات ..مضيعش وقت بزااف ورجع قبل ماتفيق وتخلع ماتعرف فين كاينة.... رجع لقاها فنفس الوضع زاد على حدو خاف حيت غير تسرفيقة غيباتها شافها كترمش عويناتها واديها كتحركهوم
مراد: حبيبة فقتي كيف كاتحسي جاوبيني 
كوتر: بعد مني فين انا شحال فساعة ؟ 
مراد: ماتخافيش انا معاك ونتي فالفيلا وساعة شي 10 اقدر كوتر: تعطلت على دار خاصني نمشي ...هزات راسها نايضة وهو احبسها 
مراد: ماعندك فين تمشي غاتبقاي وداركوم راه هدرت مع هداية غاتكلف هي رتاحي ...
تكعداات وقدات الكلسة وشافت فيه معصبة
كوتر: بغيت نمشي فحالي مابغيتش نبقا معااك ...
مراد: هنيني ومتزيديش تعصبي دينمي ماعندك فين تمشي غاتبقاي هنا ودابا غاتاكلي وتسكتي
كوتر : ماغاناكولش وبغيت نمشي فحالي....غوت عليها بصوت مزعز تسمع صدى ديالو فالفيلا كاملة: قلت لييييييك هنينيييييي سمعتي ....تكمشات وجمعات رجليها وعينيها دمعو ..
مراد: مكانبغيش نتعصب عليك ولكن راسك قاصح كون غي كاتصنطي ليا ماكاناش نوصلو لهادشي 
كوتر: كاتزيد تخوفني منك امراد ....جرها خشاها بين دراعو وكايتلمس شعرها 
مراد: ماتخافيش عفاك احبيبة غي تيقي فيا والى كتبغيني ماتبقايش تشدي معايا العكس
كوتر: مانقدرش ندير كولشي ليبغيتي ونتا مخبي عليا نص من حياتك
مراد: فاش غايجي الوقت غاتعارفي كولشي وغاتقولي كون هي ماعرفت 
كوتر:بعدات راسها وشافت فيه بعصبية وعويناتها مدمعين ماعمر شيحد قاصني ..من بابا لولدني تجي نتا تصرققني باش من حق 
مراد: درتي عالاش احبيبة ..ومن اليوم اما باباك تاني وحبيبك اللول واللخر....ودابا غاتنوضي تبدلي باش تاكلي سمعتي (قرب وباسها فااحنك فاش صرفقها وخرج خلاها قبل متهضر )
بقات كضرب بايديها مع ناموسية وكتغدد غير بوحدها استسلمات وناض بدلات حوايجها ..شرا ليها سورفيت فالغوز شكلها انثوي فاش لبساتها ابتاسمات بلا متحس..سمعاتو دخل مشافتش فيه حتى جرها تلاح عليها بتعنيقة وكايجبد ليها حنيكاتها ويشعكك ليها شعرها بغا احزرها وانسيها ولكن بطريق لمتخليهاش تضسار عليه
مراد: نتي بنتي وحبيبتي وكولشي راك ديتي ليا قلبي وعقلي من نهار شفتك
كوتر:(كتبعد عليه) بعد عليا كون بنتك مضربنش..مجاوبهاش هزها وحطها فناموسية وكلس حداها حط ليها ماكلة وكلها جمع داكشي وجا بومادة وقرب ليها باس حنكها بوسة طويلة ولكن حنينة استنشق ريحتها ودخلها لجوفو بعد وبقا كايدهن ليها ..
كوتر: اي ضريتيني 😡 بشوية ولا عطيني زمر نديرو راسي 
مراد: (قرب بحالا غايبوسها) غانضربك احبيبتي الا مسكتيش سمعتي 
كوتر:اووووف صحابك خلعتيني (قرب ليها وعضها من فمها حتى خرج دم ودمعو عينيها حيت تقصحات بزااف) 
مراد: (كايتبنن دم) عاودي اففي عليا وتشوفي ....
سمحو ليا تعطلت يالله ساليت كتبت هادشي وهاني كنكتب مانعس تانحط ليكوم 😉😉

سكتات كتشوفيه وكتخنزر وادياتها على بلاصة العضة كتبرد بيها ..كمل ليها وتكاها وتخشا حداها عنقها وخشاها بين اديه كيف ش تربية يالله تزادت مدرت حتى ردة فعل بقات كاتصارع مع كيانها وكبريائها وكتفكر كيفاش قدر احط اديه عليها ...هزات راسها ببطئ وشافت فيه 
كوتر: علاش باغي تزوج بيا 
مراد: صافي نساي الموضوع ونعسي ارتاحي 
كوتر: بغيت نعرف ...مراد:كنبغيك وماعنديش شرح آخر هاد الكلمة بالنسبة ليا كافيا ماعنديش مع كترت تالتعبير فقط انني كنبغيييك فهمتي.. بقات كتشووف فيه شحال كتمعن تفاصيل وجهو كيف نطق ديك الكلمة وملاميحو متبدلوش متحركش باقي رجولتو ضاغيا متقدرش تشوف فعينيه الاستسلام حتى لو كان الامر الحب لفقط مجرد متنطقي الكلمة العينين كايلمعو هو بقا مخنزر كتحس بلي ورا هاد الغمووض انسان آخر انسان اكيد حنين كايحس كايتأثر ...رجعت حطات راسها على صدرو وكتحس بنفسو كضرب فشعرها وريحتو حاوطات المكان كتاستنشقها كتر من الاكسجين لكاين فالبيت ....فقت صباح حليت عينيا على احسن منظر فالعالم 😍 عويناتو العسليين ضحيكة الغزالة عاود سديت عينيا ياكما كانحلم باسني فنيفي بوسة حنينة ضحكت وعاود بوسة فمي مابغيتش نفيق تمنيت نبقا ناعسة باش منرجعش نتفكر الليلة المشؤومة ..بغيت نبقا نحس هاد الاحساس الجميل .... تقلب فوق منها 
مراد: نوضي النعاسة براكة عليك
كوتر: خليني نعس وبعد مني 😡
مراد: هم نخليك تنعسي ولكن نبعد لا ؟...ضحكة شريرة 
كوتر: كدفعو وهو كيف جبل وراب فوق منها..بعد بعد ....نزل عليها بالبوسان ماخلا تا قنت حنيكاتها نيفها نزل لعنقها راسها واوقف اجر ليها فمها بعضات خفااف ..قاومات فالاخير استحلاتها اقدر اهليها تستسلم بقبلاتو كايدخل المعسلين بقا عليها بالمصان حتى نفخ ليها شنايفها وخرج لسانو كايلعب بيه فوقهوم هي مغمضة عينيها وحالا فمها مستمتعا .. فاﻻخير حس قاضية غاتحماض ناض وهزها كاتغبن...غسلو وجهوم وسنيناتهوم داها لكوزينة
كوتر: من اين لك هدا؟
مراد: انا ليوجدو
كوتر: كاتفلا عليا كاع هادشي 
مراد: ماتنسايش راني عايش فالغربة بوحدي
كوتر: شحال باغي فصداق خفت اطيرو بيك
مراد: الله امسخك زيدي
كوتر : شفت الكوزينة باقي فيها كولشي بحال بيت نعاس 
مراد: حيت كانجي مرة مرة نكلس بوحدي كايخصني فين نعس وفين ناكل
كوتر: مزيان يلاه ناكلو ريحة شهاتني ...كلينا فجو رومنسي كايوكلني بيديه وحسيتو بغا اكفر على شنو دار ليا البارح وتنا حاولت نتناسا شوية وخا حنكي باقي كيضرني واتر صباعو باقي باينين شوي كملنا نض انا جمعت الماعن وغسلتهوم قلت ليه بيت نمشي ماترددش هزيت حوايجي ليبدلت لبارح وخرجنا داني الدار قبل ماندخل طلقت شعري باش مايبانش الاتر تسرفيقة ليفحناكي
كوتر: ماما توحشتيني 
ماما : مالكي غبرتي عام هي ليلة ومنين جاتك هادشي ليلابسة ماخرجتيش بيه
كوتر: فاش خرجت معا البنات عجباتني وشريتها 
ماما: ماموالفاش ليك هاد الالوان
كوتر: اوا نغيرو شوي كاين شي مانع
ماما : سيري قدي حاجة لراسك مامسلياش ليك ....مشيت البيت سديت عليا وتاصلت بهداية ..
كوتر:الو الحب
هداية: ناري كان غايسكت ليا القلب ونا كنتسناك تاصلي شنو واقع 
كوتر: قولي ليا اش قاليك بعدا فاش تاصل بيك
هداية: قاليا داير ليك شي مفاجئة وبغا باخدك اشي بلاصة زوينة 
كوتر (وهي كاضحك) : وصراحة مفاجئة دار ليا مانعاودش ليك هداية: تلقينا الهدرة اش كاين.... عاودات ليها كولشي منين وصلوهوم حتى تاليوم 
هداية: تفو حمار لاش اضربك ؟ 
كوتر: ناري ماعمرني نسا هاد الضربة 
هداية: شوفي آخر مرة تخليه اضربك الى ولفها غايبقا ديما اديرها تفوووو عصبني
كوتر:صافي بردي ماوقع والو يالله نخليك بسلامة راه كنت بغيت غي نعاود ليك ...بدلت حوايجي دخلت دوشت خرجت تكيت شوية حيت وخا هكاك مارتاحيتش فنعاس البارح صدقت ناعسة ساعتين ..فقت لقيت 4ليزابيل من مراد غايكون تعصب تاني هزيت تاصلت بيه 
كوتر: واش نتا مايمكنش نغبر عليك شوي
مراد: غانحيد ليك راسك من بلاصتو ونوريك تغبري
كوتر: واخا اصعصع شنو بغيتي
مراد: واش كاينة شي وحدة كاتقول لحبيبها شنو بغيتي
كوتر: اييه كاينة هي انا اسيدي 
مراد: الله اصبرني معاااك شوفي غدا ضروري ندوزوه بجوج اوكي
كوتر: ان شاء الله 
مراد: كنبغيك الحمقة ديالي
كوتر: كنكرهك ☺

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki
قصة أعطتني شمسا من تأليف سندس الدحماني
قصة أعطتني شمسا سندس الدحماني