تسللت أقدام شخص من فوق سطح البيت المهجور وهبطات وسط الدروج كاتختل وبين يديه مسدس "ماكاروف" عيار 9 مم ... مغطي راسو بقناع أسود كاشف فقط عيونو الحادة ... تسلل بين الممرات وختبأ في الغرف في كل مرة كايلمح واحد من رجال جبل دايز .. فتش كل الغرف حتى وصل للغرفة لي عليها حراسة مشددة وتأكد أن الهدف موجود تما ..
جهز مسدسو بكاتم الصوت واستعد باش يبدا يقتلهم لكن لحسن الحظ الرجال جاهم اتصال من أسد وبلغهم بلي غادي يجيو باش ينقلو إيزيك للإنتربول .
فديك اللحظة معضم الرجال أنسحبو وهبطو للأسفل بينما ضل رجل واحد .. كان واقف وكايشوف عبر النافدة وبين أصابعو سيجارة كايدخنها بتوتر .. فديك اللحظة شعر بالحركة خلفو فأخد نفس اخر من سيجارتو ثم نفثها بسرعة ورما عقب السيجارة فالأرض وغير ضار لقا مسدس مصوب بين عينيه لكنه ماخاف مادهش بل إبتسم بمكر وقال :
- تسنيتك بزاف فين تعطلتي ؟؟
إبتسم الشخص خلف القناع وقال :
- فين هو إيزيك اعلي مورو ؟؟
بادلو علي مورو الإبتسامة وقال وهو كايتقدم لعند الباب ديال غرفة الإحتجاز :
- لداخل .. مكانضنش واش تلقايه عايش هلكوه عصا .
إبتسم الشخص تحت القناع وتقدم عند الباب وهو كايقول :
- يستاهل .
فتح الباب ودخل ، تفحص المكان بعينيه الحادة، وتأكد بأن الغرفة خاوية متوسطها إيزيك لي كان منشور فالوسط وفحالة يرثى لها .. دماياتو فالأرض ،وعينيه منفوخين، وكدمات فكل جسمو ، كان بسيف باش كايتنفس ، رأسو مدلي بألم ويديه عليهم أثر الشد .
تقدم لعندو بخطى متثاقلة لكن إستوقفو علي مورو وهو كايقول بحذر :
- مدام باتريسيا .. خصك تسربي قبل مايوصلو الشرطة
تجاهلت باتريسيا كلامو ثم تقدمت عند إيزيك وزولت القناع من فوق رأسها فإنسدل شعرها الأصفر على أكتافها .. مدت أصابعها رفعت بيهم دقن إيزيك وقالت بخبث:
-إيزيك .. "لقد إقترب حكم الله" هذا كلام من الإنجيل لي كاتأمن بيه .
رفع إيزيك عينيه المنفوخين وشاف فيها بوهن فكملت باتريسيا بصوت واثق :
-حنا في كل تاريخنا ماعمرنا تسامحنا مع رجل فاشل أبدا ونتا كاظن بلي حنا عطيناك القوة والمال باش فالأخير تحتجز هنا وكأنك فار جربان ..
نزلت المسدس من وخدو لتحت دقنو وكملت :
-القوة حاجة الله هو الوحيد لي كايعطيها للي هو كايختارهم .. عارف لمن كايعطي الله هاد الامتيازات
حرك إيزيك راسو بالنفي وهمس بصوت ضعيف:
- لا !.
إبتسمت باتريسيا بمكر وقالت :
- للناس لي كايعرفو يستخدمو القوة .
فديك اللحظة سمعو صوت إنذار سيارات الشرطة وبحركة سريعة غرزت باتريسيا حقنة السم فعنق إيزيك وتراجعت للخلف وهي كاتقول:
- علي مورو خرجني من هنا .. ودوز فلعشية للمحفل تاخد مكافأتك من عند حراس المعبد .
العودة إلى الواقع :
حتى شي واحد فيهم مكان قادر يصدق الشئ لي شاف وسمع ، كولهوم كانو مصدومين من حد حتى بهجت لي مستحيل شي حد يقدر يديرها بيه جات باتريسيا ضحكت عليه بكل بساطة ... كان متوقعها من اي حد فرجالو لكن مكانش كايضن أن مرتو لي وثق فيها ولي كان حاضيها ومراقبها ومكاتفلتش من عينيه طلعت جاسوسة ماسونية .
ماقدر حتى شي واحد يتكلم فأمر باتريسيا كانو كولهوم كايشوفو فيها ويرجعو يشوفو فردة فعل بهجت لي كان بدورو كايشوف فيها بينما هي كانت كاتفرك فصبعانها من شدة التوتر والخوف .. ولات قادرا تشوف نهايتها بين عينيها واخا تكدب واخا تنكر التسجيل فضح كولشي .
- باتريسيا .!!
قالها بهجت فإبتلعت باتريسيا ريقها وقالت وهي كاترجف :
- حبيبي .. ماتصدقش هادشي .. هاد التسجيل مفبرك ومزور داكشي غير فوتوشوب . انا مستحيل نقتل شي واحد .
قاطعها صخر بصراخ وغضب :
- اذن .. إذن نتي لي فتحتي الطريق للكاريبي .. نتي لي تسببتي فالحريق لقلعة ميخور .. كونتي باغيا تقتلينا كاملين اشيطانة .
بلغ السيل الزُبى بأعصاب رافاييل فناض بإندفاع لعندها جرها من دراعها بعنف وغوت:
- علي مورو !.. تقتل نهار الهجوم ... صفيتوه وتهنيتو منو باش مايكشفش شكون قتل إيزيك هااااه ؟؟ .. باش التهم كلها تلاح على جبل وتتهناو منو وتزولوه من طريقكم الشياطين .
تأوهت باتريسيا من قبضت رافاييل كانت كاتحاول تفك نفسها منو لكن بدون فائدة .. شافت فبهجت لكن ملامحو كانت ماتفسرش . شيطانية غاضبة ومخيفة :
- أنا مادرت والووو .. ماتصدقوووش احبيبي
إستقامت نورسين من جلستها تقدمت عندها وهي كاتقول بحدة:
- بلاتي .. نهار ديال الهجوم فين كنتي قبل العشاء اباتريسيا ؟
توقفت باتريسيا على المقاومة و ضارت لعندها .. شافت فيها بتوتر وتمتمت:
-كـ كيفاش ؟.. كنت معاكم .. بغيت نقول كنت فالكوزينة كانراقب الخادمات.
ردت عليها مدام علياء بسرعة:
- كدابة .. الخادمات أنا أشرفت عليهم بيدي حتى تحط لعشاء على الطبلة وعاد كلست .. ولكن ماشي مشكل نقدرو نعيطو لهاد لخدامات الأشباح لي كنتي مراقباهم ونسولوهم ؟.
- باراكا ماتغبني عليه .. ماشي بهاد الطريقة غادي تكسبي تعاطف سي بهجت ... انا مازالة عاقلة مزيااان فاش قلبو عليك فوقت لعشاء ومالقاوكش وفاش بدأ الهجوم توجهنا انا وأسد للغرفة ديال التموين باش نتخباو من رصاص طايش ولقيناك مخبعة تما بوحدك .
وافقها أسد وقال:
- نورسين عندها الحق .. فالأول استغربت انك مخبية تما بوحدك ولكن دابا عاد توضحات الصورة قدام عيني .. نتي اباتريسيا لي فتحتي الطريق للكاريبي وكشفتي ليهم ثغرات ونقاط الضعف لي فالقلعة باش قدرو يختارقوها بديك السهولة وهي كاطيح وتنوض بالحراس .. قلعة ميخور عدد حراسها اكثر من عدد سكانها ....
حاولت باتريسيا تفك دراعها من يد رافاييل لكن فاش ماقدراتش تأففت بغضب وقالت وهي كاتشوف فأسد بإستهزاء:
- هه شاااطر فنظريات المؤامرة والبارانويا ياعميل الأسياد ( البارانويا هي : جنون الإرتياب او الوهم والاعقلانية) .. حياني الله حتى وليت نشوف قاتل ومجرم بحالك كايحاسب فيا أنا .. بلاتي واش نورسين عارفاك كاتخدم فصالح منظمة المجرمين ومتنكر فلباس المخابرات .
لكن لي بقاو حايرين فيه كاملين هي باتريسيا كيفاش حتى عرفت بموضوع المنظمة!! .. قلبت باتريسيا عينيها بطريقة باردة استفزت علياء فقالت بغيظ وغضب:
- من أول يوم فكر أبي يتزوجك كنت متأكدة أنك شيطانة بس قلت أنك نزوة وراح تفوت وراح نخلص منك .. لكن انتي فقتي كل توقعاتي ... إنتي كنتي راح تتسببي فموت بنتي وسط الحريق يالكلبة .
كانت باتريسيا باغيا تقتلها فديك اللحظة لكن علاش غادي تخليها تستفزها وهي عندها اسلوب فتاااك لي غادي يقضي على حياة علياء بالمرة .. إبتسمت بتهكم وقالت:
- اووه شوفو عاود شكون كايهضر .. قبل ماتنعتيني بالكلبة سيري شوفي ديك البنت الحرام معامن ولدتيها بعدا .. على الأقل انا ماهزيتش كرش من زنقة ونسبتها لراجلي حبيبي .
تبلوكاو كاملين من شدة الصدمة والأنظار كلها توجهت لعلياء لي كانت مسمرة فبلاصتها .. ولا رؤية لي نزلت عليها ديك الهضرة بحال الجبل .
وقف برهان وقال بصراخ:
- اشنو كاتقولي نتي ؟.
إلتفتت باتريسيا شافت فيه وقالت ببرود:
- اووه سي برهان .. نسسييت أنك موجود فهاد العالم ، الرجل المنسي .. لا ولاد لا وتاد لا قيمة ... واش مافخباركش بلي ختك ولدات رؤية فلحرام ..
ضحكت بخبث وكملت:
- تصور معامن كانت كاتخون راجلها .
إندفعت ناحيتها علياء وهي كاتغوت وباغيا ضربها:
- سكتييي .. سدي فمممك ..
ناض جبل جر علياء بسرعة وتكلف رافاييل بسحب باتريسيا لكن الهيستيريا لي تملكت علياء كانت قوية .. كانت كاتضرب بيديها ورجليها باغيا تقتلها وهي غادي تحماق وكاتفكر كيفاش حتى عرفت هاد الشيطانة ان رؤية نتيجة الخيانة الزوجية .. توتر الجو وتكهرب .. كولشي كالس على أعصابو روعة صوفي أسية ياسين و بهجت لي ماقدرش يستوعب داكشي لي سمع وكايحاول يكدب ودنيه .
- طلق منييي ... طلقني اجبل خليني نقتلهاااا
غوتت بيها علياء لكن جبل مستحيل كان يطلقها وهيا فديك الحالة والجنون ... إستقامت رؤية قربت من علياء وهمست بغير تصديق :
- ماما ... اشنو هادشي ؟؟
شافت فيها علياء وقالت وهي كاتحاول ماتبكيش فاش كاتفكر انها ممكن تخسر بنتها الوحيدة:
- رؤية ... حبيبتي ماعندكش فضول تعرفي شكون هو باباك الحقيقي ؟ .
فهاد الحالة مابقاش قادر دون ماركيز يصبر مازال فغوت بغضب:
- اشنو كاتخربقي نتي ؟؟ .
ضحكت باتريسيا ثم قالت وهي كاتشوف فرؤية بتسلية:
- ڤوالا .. خاف لايتفرش وبدا كايهجم حتى هو .. سي دون ماركيز .. كانضن بنتك من حقها تعرف بلي نتا هو باباها الحقيقي ... يعني نتا هو الرجل لي علياء خانت راجلها مسكين الله يرحمو معاه
ماخلاتش ليهم فرصة فين يهضرو وضارت عند صوفي وكملت :
- صوفي حبيبتي .. رؤية هي ختك لكبيرة ماغاديش تنوضي تعنقيها ؟؟
تبادلت صوفي ورؤية نظرات الإستنكار لكن قطعها بهجت وهو كايقول :
- الحراس كولهوم يتحركو لخدمتهم .
إمتثلو الحراس لطلب بهجت وخرجو واحد مور واحد حتى بقاو غير العائلة والأصدقاء من حد حتى عصام خرج وهو حاني راسو ... ثم ضار بهجت عند باتريسيا وقال :
- شنو هادشي لي كاتقوليه على بنتي اباتريسيا ؟؟.
إندفعت باتريسيا وقالت بصراخ:
- يابا لا تصدقهاااا .
ضرب بهجت بعكازو للأرض وقاطعها بسخط :
- خرسي إنتي ولا كلمة .
فكت باتريسيا يديها من رافاييل اخيرا وقربت من بهجت وهي كاتمسكن :
- حبيبي .. أنا ماكنتش باغيا نخبي عليك حاجة بحال هادي خفت ينوض شي مشكل .. لكن ملي شفتها كاتتاهمني بدون حق ماقدرتش نصبر وكشفت حقيقتها .. أنا سمعتها بدون قصد هي وسي داوود كايهضرو على رؤية .. وسمعت سي داوود كايقول بلي رؤية بنتي ومن حقها تعرف أنني باباها .. وسمعتو كايقول ليها نتي خنتي راجلك معايا وهي كانت كاتهددو باش يخلي الأمور فسرية وكاتهددو بلي الى قال الحقيقة لرؤية هي غادي تكشف الماضي لموسخ ديال ختو ليليا .
توسعو عيون بهجت من شدة الصدمة .. بل صدمتو مكانتش فالهضرة لي قالت على رؤية ولا خيانة علياء لراجلها صدمتو كانت فماضي ليليا .. وماشي غير هو لي تسعق كووولهووم بالخصوص جبل وصخر كان أكككككثر صدمة .
- اشمن ماضي ؟
قالها صخر بلسان ثقيل وهو كايقرب من باتريسيا لكنها جاوباتو بكل برود :
- أوبس .. نسيت أن ليليا ماماك .
تسمر صخر امام لمسة جبل على كتفو وعلى كلمة خويا لي سمعها منو بعد سنوات لكن باتريسيا كانت كاتشوفو مشهد ممل .. تنهدت بملل وقالت:
- اووه باراكا .. مليت من هاد الدرامة الرخيصة .. كاتحسسوني بلي نتوما هوما الأبطال ديال شي رواية وأنا هي الشريرة لي كاتحاول تفرق عائلة على قدها .
تجاهل كلامها المستفز وإلتفت عند علياء وقال بحدة:
- عمتي .. شرحيلي شنو هادشي لي قالت هاد الموصيبة؟
طلق منها جبل أخيرا .. أصلا كل مقاومتها فشلت فاش قالت باتريسيا ديك الهضرة .. ماعرفتهاش واش قالتها عن قصد باش تستفزها !! ولا قالت غير داكشي لي سمعات بالحرف !!.. لكن ديك الشيطانة مستحيل تقول شي حاجة الى مكانش خلفها معنى مبطن .
شاف فيها جبل وحرك راسو بالنفي بمعني " عنداك تنطقي بشي حرف " لكن للأسف صخر شافو وتأكد مزيان أنه كاين شي حاجة هو ماعارفهاش على لمرا لي ولداتو وبراكين الفضول إنفجرت فعقلو .. سحب علياء لعندو وغوت بغضب :
ناضت تاليا بسرعة جرات جبل لعندها وهي كاتقول بصرامة:
- خويا جبل طلق منها .
لكن جبل رفض الرفض التام أنه يطلقها واخا كانت تاليا كاتجر فيه بكل قوتها .. كان باغي يقتلها ويهني البشرية من خبثها .. بنت لحرام أكيد درست خطتها مزيان قبل ماتدخل لعندو لبيتو ودير عليه دوك الحركات ديال العاهرات .. كانت مقصدة تخرب زواجو من روعة .. من بعد هادشي كامل لي وقاع وداكشي لي سمع من فمها الخبيث ولا متوقع اي حاجة منها ...
ضحكت باتريسيا بألم وهي كاتحاول تفك وجهها من يد جبل وقالت بإستهزاء :
- ااه اااااه غير جرييه الالة تااليا حتى نتي ماسويهلاش مع راسك مازالة لاصقا فالأرض وكاديريها من سطااش .
فديك اللحظة دفعها جبل بقوة وجمع معاها بصفعة لوجهها حتى ضار عنقها وكانت غادي طيح لكن يد رافاييل لقفتها ورجعت وقفتها ... تصدمت روعة بزاف واستغربت كيفاش سيد غير شي ساعة هادي كان معنقها ودابا ضربها بديك القوة غير مهتم أنها مرأة وأضعف منو .
غوت جبل بغضب من الجحيم :
- بقات ليك غير ختي ابنت لـ.. ( شتيمة)
كانت باتريسيا شادا فخدها بألم وكاتشوف فيه بحقد وعينيها مغرغرين بالدموع ، باغيا تبكي لكن ماراضياش .. ضارت شافت فبهجت ، كانت متوقعة انها غادي تلقاه منفعل على الصفعة لي ضربها بيها جبل .. لكن النظرة لي لقات على عينيه كانت بمثابة صفعة أخرى ... كانت نظرة البارون الأعضم ماشي نظرت بهجت بيك الجد الحنون والزوج المخلص .. نظرتو خلاتها تتأكد وتتيقن أن بهجت غادي يقتلها على الفور غير يساليو هاد الحوارات التافهة .
لكنها مستحيل تموت بهاد السهولة .. أكيد موتها يعني الراحة ليهم ، لكنهم ماغاديش يرتاحو منها حتى وهي تحت الأرض غادي تشتتهم كاملين وأقسمت على ذلك .
إعتدلت فوقفتها وزولات يديها من على خدها لي تورم وولا أحمر حتى أن أصابع يدين جبل تطبعات عليه .. شافت فتاليا وقالت بمكر :
-خوك ضربني بسببك اتاليا فقط حيت قلت دوك الكلمات التافهين فحقك ... اشنو بان ليك نقوليه على حقيقتك كانضن بلي الصفعة الثانية غادي تستقر فوجهك احبيبة
عقدت تاليا حواجبها بإستنكار وقالت :
- مافهمتكش علاياش كاتهضري !!
تفكرت باتريسيا اليوم لي وصلها من حراس المعبد تسجيل صوتي لمكالمة بين صخر والجاسوس لي كان دايرو باش يتبع تاليا بلا خبارها .. سمعات فالتسجيل شخص كايقول لصخر ان ختو صغيرة مصاحبة مع هاري وبلي علاقتهم عميقة بزاااف والمكالمة كانت طويلة بين غضب صخر لي كان اول مرة كايتلقة الخبر وبين هدوء المخبر المتخفي وباش تتأكد أكثر سرقات تلفون صخر وقرات الرسالة النصية لي كاتأكد الخبر :
دفعت باتريسيا شعرها الأصفر للخلف وقالت :
- واش غادي تقدري تنكري احبيبة أنه كانت عندك علاقة جنسية وجسدية مع هاري بلاك .. عندي فضووول نعرف واش كان جسمو مثييير بحال جسم الرقيب رافاييل ديموورو وقبلاتو واش كانو سخونين بحال بوسات رافاييل ...
تصدم رافاييل صدمة عمرو فاش سمع ديك الهضرة من فمها .. هو واخا كان عارف بالموضوع ولكن كان كايضن بلي هو الوحيد لي عارف ، هذا علاش تستر على الموضوع بقوة حبو لتاليا حتى كايسمع الحقيقة المرة على لسان الخبيثة باتريسيا .. لكن صدمة تاليا كانت بوحدها ، كيفاش حتى كشفت هادشي على علاقتها السرية بهاري .. كانت غادي تحماق بالتفكير .
إلتفتت باتريسيا براسها عند حبل لي كان كايشوف فيها حتى هو وماقادرش يستوعب الشئ لي سمعو والأسماء لي تدكرات ومن بينهم رافاييل .. صاحبو وعشيرو لي داير فيه كل الثيقة
- سي جبل واش مافخباركش ان رافاييل كايقيل يبوس فختك ... اوووه ماتقوليش انك ماعارفش ان ختك صغيييورة لفنيكيشة لكتيكيتا فقدت عذريتها على يد هاري بلاك العميييل المزدووج والجاسوس الأسطوري الفاااشل وصاحبك رافاييل كايفرغ فيها الكبت ديالو فكل مرة ينفرد بيها بعيد على عينيك بحال شي دمية جنسية يسالي منها ويحطها فالقنت
تصدم رافاييل بينما حركت تاليا راسها بالعنف وغوتت فوجه باتريسيا وهي كاتبكي:
- اشنو .. اشنو كاتقولي .. خويا ماتصدقهاااش .. أنا مازالة بنت كانقسم ليك بالله اخويا .. ماتصدقهاااش .
فعلا جبل كان مشوكي ماعارفش شكون يصدق .. شاف فصخر ولقى ملامحو هادئة وتفكر نهار لي عيطلو قبل ماتخطف روعة وهضر ليه على تاليا ومسؤوليتها ومراقبتها ، ودابا كايشوف البرود على وجهو وهذا إن دل على شئ فهو كايدل على أن باتريسيا كلامها صحيح وصخر عارف بالموضوع.
- وحتى نتا اسي جبل ماااسويهلش مع راسك ..
ضارت عند روعة وكملت :
- ملي تجمعنا كاملين فالكونتيسا وراجلك لعزيز كل نهار كايجي لعندي فالليل نشبعو ونعطيه داكشي لي ماقديتيش عليه نتي
توسعو عيون جبل بصدمة وهو كايسمع الباطل كاينزل عليه بكل وقاحة . ضار شاف فروعة ولقاها مسعوقة من داكشي لي سمعات ووجهها حمر بينما كملت باتريسيا:
- .. مانقدرش ننكر أن بوساتو أحسن من بوسات جدو .. وفينما كان كايطلع فوق جسمي كايمطرني بكلمات الحب والغزل ويعترفلي بحبو ليا قبل ماينتهك حرمة جسمي لي نتي مكاتملكيش حتى ربع جمااالو .
مابقاش جبل قادر بصبر مازال وجرها من شعرها وهاد المرة مابغا حتى شي واحد يتدخل ينقدها من بين يديه .. جمع معاها بطرشة طيحها للأرض وهو كايغوت :
- كذابة .. علاش كاتكذبييي ابنت لـ.
رفعت باتريسيا رأسها من الأرض ثم لمست شفايفها وشافت فإصبعها لقاتو عامر بالدم وهادشي غير مازاد زرع الكره والحقد فقلبها .. رجعت علات راسها شافت فروعة لقاتها مصدومة وعينيها عامرين بالدموع المحجرة وقالت:
- ماتقلقيش احبيبة لي خان جدو غادي يخونك حتى نتي
- غادي نقتلااااك الـ...
غوت بيها جبل و تحنى عندها بقوة الأعصاب .. جرها من شعرها لكن إستوقفاتو روعة بصراخ :
- باراكاااا .. طلق منها .
رفع جبل راسو شاف فيها وهو كايتنفس بسرعة وغضب وزاد تعصب فاش لمح الدموع فعينيها وقال :
- روعة .. حياتي .. هي غير كاتكدب .. أنا مستحيل ندير حاجة بحال هادي تيقي فيا انا ماتيقيش فيها .
أومأت روعة وقالت وهي كاتحاول تخلي صوتها موزون وماتنهارش على الأرض باكية :
- أنا كانتيق فراجلي اباتريسيا .. هو مستحيل يدير حاجة بحال هادي .. مستحيل يخوني ويخون جدو .
دفعت باتريسيا يد جبل من شعرها بغضب وغوتت :
- كيفاش !!.. وداكشي لي شفتيه بعينيك قبيلة واش غادي تنكريه حتى هو !!
حاولت روعة بل أجبرت نفسها أنها تتحلى بالقوة وغوتت بانفعال :
- أنا ماشفت والو .. أنا ماشفت والو ... ونتي غير كاتكدبي ومن الأحسن تسدي فماااااااك
إنهار جبل كالس على الأريكة فاش سمع شنو قالت روعة رغم انها شافت كل شي بعينيها واخا ماشي صحيح هي مابغاتش تفضحو قدامهم وتخلي باتريسيا تكسب هاد الجولة حتى هي عليه .. إستغرب كيفاش تحكمت فأعصابها قدام كل داكشي لي سمعت .. كان متيقن أنه لو كان مكانها مكانش غادي تكون ردت فعلو بنفس الشكل بقوة حبو ليها وغيرتو الفتاكة لي كاتخلي لسانو ينطق بأقسى الكلام فلحظة الغضب .. وهو ما طالها قبل ساعات فاش رجعو للكونتيسا ، سمعها السم ديال الهضرة والإهانات وفالأخير طلعت بريئة وغايتها كانت مساعدتو فقط .. ماكرهش فهاد اللحظة تنشق الأرض وتبتلعو وتطعنو وتدعقو ولا يتحط فموقف بحال هذا .... لكن كل لي كان كايقولو فنفسو فديك اللحظة "أصيلة يابنت .. أصيلة ياعمري "
لكن المود عند باتريسيا كان غير .. انهزمت شر هزيمة على يد روعة لكن ماغاديش تخليهم يربحو الجولة أكثر من مرة عليها ... هي ميتة ميتة ولكن غادي تدمرهم قبل .
إستقامت واقفة من الأرض ثم قالت وهي كاتمسح فمها من الدم :
- علاما تسالي من تمثيل دور الزووج الوفي اسي جبل خليني نوضح لخوك صخر واحد لحاجة مهمممة ..
إنتقلت للنقطة الفتاكة وهاد المرة مستحيل يتغلب عليها شي حد فيهم ...شافت فصخر وكملت :
ضارت باتريسيا عند بهجت شافت فيه هاد المرة بنظرة كره ونفور وقالت :
-فين هو الخطأ الى تعلق الغريق بلوح خشب أو عود أو قشة؟ فين هوالجرم الى بغا يصنع لنفسه قنديل مزجج وملون باش يتحمل اتهماتكم الباطلة؟
ضرب بهجت بعكازو الأرض ورد عليها بصوت كالرعد في حدته :
- نتي كاتعومي وسط ماء موسخ اباتريسيا.. ولي كايغامر وسط الماء الموسخ كايغراق أو كايفلت بأعجوبة لكن غاالبا يقدر يجرفو الواد لموسخ جثة للبحر .. واش هدا غرور ولا استعراض عضلات ولا تنفيد اوامر فرسان الهيكل
بقات مسمرا حداه فاش ذكر بهجت "فرسان الهيكل" فكمل بهجت بهدوء متصنع تعلمو عبر سنوات وسنوات من التهور فشبابو:
- السيف ... السيف لي غادي يغرسوه فقلبك فرسان الهيكل هو لي مخوفك .. واش ماشي هادي هي قوانينكم ؟؟ ... ماشي هدا هو القسم لي كاترددوه قبل ماتنضمو للماسونية ؟؟... نتي كشفتي سرهم والتسجيل شفتيه بعينيك ونتي كاتقولي لشريكك علي مورو دوز عند "حراس المعبد" باش تاخد مكافئتك ..... حتى الى قدرتي تصنعي قنديل كيف قلتي وحلقتي فالسماء هربا من عقابي غادي يرجموك الملائكة كما ترجم الشياطين وترجعي طيحي فنفس الماء لموسخ وماغاتلقاي لا قشة ولا عود ولا قناديل تتشبثي بيهم من الغرق فبحر دم الماسونية اباتريسيا
كل كلمة كان كايقولها بصوتو المخيف كانت كاتزرع فقلبها الخوف .. هي عارفا ومتأكدة ان داكشي لي قال بهجت هو مصيرها المحتوم .. ضارت شافت فيهم واحد بواحد .. تفحصت ملامحهم الحاقدة والكارهة تفصيلة بتفصيلة وحتى شي تفصيلة ماكانت فيها شويا من رحمة ولا تعاطف عليها ادن مافيها باس تحاول تصيد وسط هاد الماء العكر لي غادي تموت وسطو .
ضارت عند صخر شافت فيه بحقد ... تفكرات كل ديك السنوات لي كانت كاتحاول فيهم تكسب حبو وقلبو لكنه كان انسان جاحد كل همو هو جسمها وفشلت كل محاولاتها معاه ومالقات غير جدو داك شارف المكبوت كايقلب على لحم الشباب ينتهكو كيف بغا .. حست بالكره تجاههم كاملين حتى قاطعها صوت برهان وهو كايهضر فالتلفون مع واحد من الحراس كايطلب منهم يجيو باش ياخدوها يديوها فين تتربا فقالت بسرعة فاش حست بساعتها قربت :
- اااوووه ام سو سوووري بب .. أنا فيا شويا ديال لفضوول ونهار لي لقيت مذكراتك محطوطين على المكتب ماقدرتش نتحكم ففضولي وقريتهم من اول صفحة لأخر صفحة حبي ..
- الى كنتو كاضنو بأنكم غادي تقضيو عليا بداك تسجيل التافه .. أنا غادي نقضي عليكم كاااملين .. نتوما مجرد براغيييييت سخيييفة كاتمصو دم الأسود وكايحسابلكم بلي وصلتو لقوتها وشراستها ونتوما فالأصل مخبين خلف كتيبة من الحراس الفاشلين .. لكن البرغوت كايبقا غير برغوووت تاافه كايخاف من الماء .. وغير هاد لقطيرات لي رشيت عليهم كااافيا باش تحطمكم واحد وراء الثاني ..
تمسكو بيها جوج الحراس بعنف وبداو كايجرو فيها باش تخرج لكن مع كل خطو كانو كايخطيوها كانت باتريسيا كاتقول بصراخ مستفز :
- صخر غادي نختاصر عليك الأمر وغادي نقول ليك ماضي ماماك العاهرة لي كانت كاتخون راجلها المسكيييييين مع جدك بهجت قولهوم يطلقوني ..
فتح صخر فمو باش يهضر لكن جبل صبقو وغوت :
- ديوها من هنااا
رغم انهم قربو يوصلو للباب الى ان صوتها كان قادر يختارق طبول ودنيهم كاملين :
- صخريرووووووو نتا وجبل ماشي حفاد بهجااااااات لااااااا نتومااااااااا ولااادو من دمووووو ولاحموووووو وصلبوووو .. يعني برهان ماشي عمااااااك .. برهان خوووووووك وبركاااااات ماشي باباااااااااااك كيف كاضن بركااااااااات خووووووووووووك ... و علياااااااء ماشي عمتاااااااااك .. علياء ختااااااااك .. ورؤية ماشي بنت عمتااااااااك بل بنت ختاااااااك ونتاااااااااا ... نتا خالهاااااااااا ... نتا وجباااااااال اخواااااااااااال رؤية ديك البنت المسكينة لي عااد دابا كتاشفت أن ماماها عاااااااااااااااااهرة وباباها الحقيقي هو دااااااااااااااااااوود خالك ..... نتااااااااااااا خالهاااااااا .
ثم اختفى صوتها تارك خلفها اجساد أصنام مصعوقة وعيون متوسعة على حد الغير معقول .
__________________
نهاية الجزء
ايوا شكون فيكم توقع ان جبل وصخر ولاد بهجت ماشي أحفادو .... ااااخخص عليك يابهجت كنت كانحتارمك 😢😢
البارون الأعظم الجزء 82 تصطاد في ماء عكر
محتوى القصة
التنقل بين الأجزاء