صورة مصغرة لـالشيخة والإخواني الجزء الثاني

الشيخة والإخواني الجزء الثاني

tani alchi5a l2i5wani
رواية الشيخة والإخواني

أصبحنا وأصبح الملك لله....فااق بطلنا من بعد ما نعس من ورا صلاة الفجر...دخل للدوش غسل وجهو وحك سنانوو وخرج لبس تريكو فالكحل وسروال فنفس اللون مع طجاكييييط كحلة حتى هي و مشط شعروو ولحيتو و رش ريحتو اللي موااالف تيدير وهز الصورة و تلفونو وسوارت طموبيلتو وهبط للتحت صبح عليهم بالخيير و فطر شوية بإصرار من نعمة و استأذن منهم وخرج للطموبيل ودوز النمرة د ماهر قبل ما يديماري ياسر:صباح الخير خويا
ماهر:صباح النور اصحبي شفتك مزال مبغيتي تحيد هاد القاعدة 
ياسر:(فهم قصده وضحك)ههه الفياق بكري بالذهب المشري نوض توكل على الله
ماهر:أخويا بصحتك بالذهب أنا بغيت غ نشبع نعاس
ياسر:وا نوض اصحبي را لقيت دكشي لي طلبتي مني 
ماهر:(تيتكسل)يالله حيد خليني نوض نغسل ونفطر...من هنا لساعة نتلاقاو فالمقر
ياسر:وخا يالله بصحتك الفطووور وعنداك ترجع تنعس وتخليني نتسنى فييك 
ماهر:هاني نايض دب نيييت 
ياسر:في أمان الله
ماهر:الله يحفظك اصحبي ديمارا ياسر وشد الطريق للمقر د الكوميسارية لي خدام فيها ماهر..وصل وسطاسيونا طموبيلتو وهبط قاصد واحد القهوة صغيرة جلس فيها وطلب قهوة كحلة يدوز بيها الوقت...دازت خمسة وربعين دقيقة بالحسااب و بان ليه ماهر وقف بطموبيلتو وناض خلص السرباي وخرج قاصدو أما ماهر غير قشعو وقف يتسناه حتى وصل لعندو وتسالموو مع بعض عاد دخلو للمكتب تاعو 
ماهر:جلس مرحبا بييك
ياسر:ياا بسم الله ...سمح ليا فيقتك بكري ولكن راك عارف عندي ميتقدى وسط النهار وإلى مخطفتش فهاد الوقيتة مغنجبهاش لك
ماهر:ماشي مشكل فيها خييير 
ياسر:ربي يحفظك (جبد الصورة)ها هي الصورة هادي اللي هنا لواليدة تاعي و هادي بنتها و هادي هي السيدة اللي قلت لك علييها هاد الراجل هو راجل الواليدة الأول ماهر:مزيان وخا قديمة شوية غتنفعنا (عيط فالتلفون لشئ واحد)ها هو غيجي الدري اللي غيتكلف (دق فالباب وطلب منه يدخل) دخل ا سمير
سمير:مون شاف (عطاه التحية) 
ماهر:سمير هاك العنوان دالحي وها الصورة را فيها المعني بالامر نبغييك تحل عينييك مزيان وتجيب ليا شي خبار زوينة سبق وشرحت لك كلشي ميحتاجش نعاود 
سمير:ميكون غير الخير أ شاف غندير كثر من جهدي ماهر:تايق فييك وكلفتك أنت حيت عارفك قدها وقدود...تقدر تبدا خدمتك من دب 
سمير:(فرح بالمدح اللي مدحو ماهر)تحياتي مون شاف (وانساحب متوجه للحي المعلووم)
ماهر:صافي دب تكون شي خبار غنعلمك بييها ياسر:نتمناو من الله غيير الخير...يالله منعطلكش على خدمتك (وقف) نشوفك من بعد متغبرش علينا 
ماهر:أنا عند الله أ صديقي ضروري نتلاقاو ياسر:السلام عليكم
ماهر:وعليكم السلام ورحمة الله تعالى وبركاته وخرج ركب فطموبيلتو وكسيرا للشركة....

واقفة فالكوزينة ب بجامتها لابسة عليها طابلية...تتجمع فالروينة اللي دار باها فاش كان تيوجد العشا و مقابلة الغدا اللي تيطيب فالطنجرة والفريت اللي تتقلي فالمقلة فنفس الوقت وتتغني بصوت عالي مع أعز أغنية عندها اه يا دنيا... اه يا دنيا... اه يا دنيا ... الدنيا دي بتحترم بس اللي عندو فلووس أما اللي يحتاج لها بتذل فيه وتدوس أصل الحياه مدرسة ياما خدنا فيها دروس والدنيا حالها كده..الدنيا حلها كده ماشيالنا بالمعكووووووووووووس

لفي بينا يا دنيا دوخينا يا دنيا خدينا شمال شوية هاتينا يمين شوية ادينا ساكتييين يا دنيا لفي بينا يا دنيا مرجحينا يا دنيا ضحكتي لنا ماشي ضحكتي علينا ماشيي ادينا عايشين يا دنيا متوهانا ومغلبانا ومواريانا المر فيينا تعبنا يابا علشان غلابة ماترحمينا حرام عليكي لفي بينا يادنيا... دوخينا يادنيا... خدينا شمال شوية هاتينا يمين شويه... ادينا عايشين ادنيا....
نازله طحن يادنيا فينا وليل نهار ملطشين.... 
نفسي تدي بدال ماتاخدي وم ايدينا تنتشي.... مظلومين كدا عيني عينك وانتي كاشفه علينا وشك دانتي زوديتها خالص عيب عليكي بقي اختشي... كل يوم بتلاعبي فينا وتجرحينا وبافتري... دانتي حتي ممشيانا بالقلم والمسطرة.... كل مابتظبط معانا ونمشي قدام خطوتين.... تلفي وترجعينا الف خطوه بقي لورا.... اه يادنيا .. الله .. اه يادنيا .. الله .. اه دنيا .. الله اه يادنيا .. الله .. اه يادنيا .. الله .. اه دنيا .. الله لفي بينا يادنيا دوخينا يادنيا... خدينا شمال شوية...
هاتينا يمين شويه ادينا عايشين ادنيا...
سالات الأغنية ويالله جات تعاودها دخل باها زاعف عليها
كريمو:صابحة مقصرة يا بنت الشايطة مخصك خيير شبعانة خبز 
العودة:الصباح لله ابا مالك صابح على الصداع كريمو:مرجعة ليا الدار كازينو يا بنت القحبة 
العودة:على اسااس أنت مرجعها جااامع تبات على قيام الليل وتصبح على العمل والعبادة
كريمو:تتزايدي معايا فالهدرة دب دايرة ليا قحبة تتبكي عليا ااه يا دنيا قااالك وا الدنيا مخورة دلمك كثر منها 
العودة:ايوا لبااااس اللي قلتي كلمة معقووولة كريمو:تكعدي جبدي ليا حوايج الحمام من حلان الفم واراي باش نحسن را غووفلت
العودة:باش تتعجبني بعدا المعيوووور 10 ل 0 واخا تبغي حااجتك تعاير خاطيييك النفاااق الوليييد 
كريمو:وطلقيني من الفهامات اللي كثرث فيييك راني زربان
العودة:(بتعجب) فييين غادي أبا ماشي عوايدك كرييمو:سوووق مك؟ العودة:(دارت فيه شوفة د الله يستر وخرجت للبيت جمعت ليه حوايجو و دخلت للطواليط جبدت سطل وكل ما يقدر يحتاج فالحمام و خرجت بزطامها جبدت منه 50 درهم مداتها ليه ورجعت للكوزينة...أما هو هز دكشي وخرج مع الباااب و تلاقا مع واحد المرأة تالفة و....

خرج كريمو وتلاقا مع واحد المرا تالفة و غير شافتو قصداتو تسولو المرأة:الله يخلييييك ممكن نسولك كريمو:اييه آ للا مرحبا اش حب الخاطر
المرأة:عفاك بغيت الدار د الشيخة العودة قالو ليا تتسكن هنا كريمو:اااه ايه ايه ها هي الدار غي سيري دقي وغتخرج ليييك المرأة:شكرا اسيدي براكة الله وفيك (ومشات دقات فالباب) العودة:(سمعت الدقاان) شكوووون اشكووون فالباب المراة:قرييييييب 
العودة:(غسلت ايدها وخرجت حلت الباب وشافت فالمرا بتساؤل)نعم أ للا؟ المراة:بغيت العودة عفاك اختي العودة:أنا هي اللا
المراة:ااه متشرفيين بغيت نهدر معاك عندي واحد السبووع وبغيتك تخدمي ليا العودة:دخلي من الباب المراة:(دخلت)بسم الله ندخل عليك بالربح إن شاء الله العودة:مرحبا بيك جلسي نمشي نعمر اتاي ونجي 
المراة:لا لا بلا متعدبي راسك مزروبة خلينا نتفاهمو 
العودة:ايييه مرحبا امتى عندك السبوع؟
المرأة:عندي نهار السبت ياكما شادة شئ حاجة
العودة:لا ماشادة والو فهاد الويكاند المراة:وخا أنا بغيت غييير العيالات اللي يلعبوا حيت جامعة غير العيالات
العودة:فهمتك اللا...و شنو بغيتي نلعبو بالماطرييل ولا عادي
المراة:مفهمتش شنو الفرق العودة:تنقصد زعما واش بغيتي نخدمو بالميكرو والبيفان ولا نغنييو عادي 
المرأة:اااه لا بغيت غير العادي.. بشحال تتخرجو؟ العودة:شنو عندك السبت بالعشية ولا فالليل حيت كل حاجة وثمنها المراة:لا ماشي الليل غير العشية مع 2 دالنهااااار
العودة:غير فالدار نيييت ولا دايرة الحفلة
المراة:هه غيييير فالدار معنديش الناس بزاف باش ندير الحفلة والدار قادة العودة:وخا المهم حنا تنخرجو ب 1500 درهم وليني حيت غنكونو ناقصين غنخدمو لك ب 1200درهم المراة:قصحتي معايا نقصي شوية العودة:بالعكس درت معاك ثمن مناسب و خدمتنا تستاهل كثر راك غتجربينا وغتشوفي بعينيك المراة:وخا تافقنا
العودة:ولايني عطيني العربون دب باش نعرف راسي من رجلي
المراة:اييه شحال تتشدي فيه
العودة:را باين عطيني النص دالثمن ولا كثر إلى عندك المراة:غنعطييك 500 درهم هي لي هازة دب اش قلتي
العودة:وخا على منعكسش معاك اللا المراة:(مدات ليها الفلوس)هاهما أنا تنسكن فالحي xxxx وهاهو رقمي دالتلفون 06xxxxxxxx عطني رقمك باش نتاصل بيك
العودة:وخا (ناضت لبيتها هزت كارط فيزيت تاعها وخرجت عطاتها ليها)ها نمرتي هنا دب اتافقنا نهار السبت اتاصلي بيا ولا نتاصل بيك باش يخرج عندنا شي حد يورينا الدار 
المراة:مقلتي عيييب أ للا يالله بسلامة عليك
العودة:بسلامة خرجت مع المرأة حتى مشات فحالها وسدت الباب وفطريقها للكوزينة عاود سمعت الدقان العودة:شككون؟
المراة:العودة هادئ أنا العودة:هادي اش نسات تاني؟! رجعت حلات الباب حتى...

سمعت الدقان تاني ورجعت حلات الباب ولقات قدامها سلمى و إبراهيم واقف من وراها الشى اللي خلاها تتعجب.... ابتاسمت ليها سلمى وتقدمت سلمت عليها من الحنك إلى الحنك سلمى:سلام شامة اشخبارك العودة:بخير وانتوما سلمى:حنا بخييير...أكيد تفاجئتي برجوعنا العودة:الصراحة دالله متوقعتش مزال نشوفكم سلمى:(بابتسامة)عارفة لكن حنا فكرنا فشرطك وقبلنا بيه العودة:ممكن نعرف اشمن شرط تتهدرو عليييه حيت أنا مزال مشرطت
سلمى:(شافت فابراهيم وضحكت )ااه انا تنقصد الشرط د فرقتك تخدم معاااك العودة:اااااه ايوا آ للا هدا كي قلت لك ماشي شرط هدا شي عادي بالنسبة ليا ومدام رجعتو إلا وغتكونو موافقين
سلمى:أحم حنا معندناش مشكل لكن خاص نتفاهمو على شئ حوايج العودة:بالطبع غيخص نتفاهمو ونحطو النقط على الحروف سلمى:(شافت فالباب)ولكن نهدرو فبلاصة حسن من هنا أولا؟!
العودة:ااهه دخلو مرحبا بيكم سلمى:ترحب بيك الجنة اختي العودة:(دخلتهم لبيت الجلاس)غير قبلو عليا الدار على قد الحال سلمى:معلييييش (تتشوف فالبيت) اللهم هكا ولا بيت مع جيران
العودة:الله يحسن عواان كل واحد..قولي لي تشربو اتاي ولا قهوة؟ 
ابراهيم:لا مبغينا والو متكلفيييش على رأسك ندخلو فالموضوع مزال عندنا ميتقدا العودة:(جلست طالبة عليها وتتقول فبالها هنيتوني)ايه مرحبا سلمى:كي سبق قلت لك بغيناك تخدمي معانا فالبواااط وطلبتي تخدمي بفرقتك وحنا معندناش مشكل غيير هي غتكون بيناتنا واحد الكونطرا تضمن حقك وحقنا ومن جهتنا ميخصك غير الخير العودة:ممكن نعرف اشمن حقوق تتهدري عليييهم؟
سلمى:باش نكوون معاك واضحة كثر الخدمة تاااعك غتولي غيييير معانا يعني فالبواط تاااعنا هدا شرط من شروط الكونطرا وإلى خالفتي الشرط اتخلصي واحد الدعيرة.. أما شئ لآخر غير مسائل عادية وصافي...وإلى وافقتي غنعطوك ابارطومون قريبة للمحل عندنا باش تاخدي راحتك
العودة:ههه دب هدرتي غير على شنو غنخلص إلى خالفت دكشي لي فالكونطرا مهدرتييييش على بشحال غنتخلص ابراهيم:الخلااص مبدئيا غيكووون مزيان غنعطوك ×××× ومني تتحرك الخدمة غنزيدوك يعني انتي وشطارتك 
العودة:ههه نووو بغيت ×××× وراكم عارفين مكايناش لوحدي 
سلمى:على بركة الله دب بقى لك غير تعلمي الفرقة تاعك ونسنييو العقد هذا رقمي مني تتفاهمو تاصلي بيا ونوجدو الكونطرا
العودة:إن شاء الله باشما كان نعلمكم 
سلمى:(وقفت)يالله خلينا ليك الراحة 
إبراهيم:نشوفوك عما قرييييب 
العودة:بسلااامة علييييكم وغير خرجو هما عيطت للفرقة كلهااا علمتهم باللي عندها موضوع جد مهم وخاصهم يتجمعو كامليين عندها...

طيبت شامة غداها وجلست تتفرج وتتسنى باها حتى رجع من الحماااام سخفاااااان مقادرش لا يزيييد ولا يتكلم...تلقات ليه شدات من عندو السطل والصاك دالحواايج و دخل جلس فالبيت كريمو:الغدا طاب ولا مزال العودة:طاااب تنتسنى فيك غير أنت
ككريمو: اراي ليا نشرب راني شحفت...
العودة:(مداتو ليه) بصحتك الحمام عاد بنتي وتنقيتي درتي خير فراسك 
كريمو:يعطك صحة وخا مافيييك خير العودة:مالي تاني اشدرت كريمو:ماقلتي با مسكين جاي سخفان من الحمام نشري ليه شئ لويمنات ما قلتي نشري ليه شي بينينات نصاوب ليه عصيييير والو العودة:علاه فين ساليت أنا باش نخرج بعدا ياك شفتي بعينيك المرا جات لعندي نخليها ونخرج نتسخر لك؟
كريمو:عرس ولا ختانة؟ العودة:سبوع ا با سبووع كريمو:مزيان.. علمتي رباعتك؟ العودة:عيطت ليهم قبيلة باش يتجمعو عندي هاد العشية كريمو:لااااش غيتجمعو لاش عندي دار الضيافة أنا 
العودة:واش أبا غنجريو على عباد الله وااه لعن الشيطان كون ما الموضوع مهم مغنعيطش ليهم
كريمو:ياك موالفة تتعلميهم غ فالتلفون منين تتكون الخدمة اشمن موضوع ولا زبل لي معيطة ليهم عليه غ من سعد ماكلة الخبز غيتجمعو 
العودة:سبحااااان الله الوليييد اللي يسمعك يقول فينما تدخل تدخل معاك نعمة مولانا كريمو:(قلب الموضوع)عيطتي ل شاكيرا...جاية؟
العودة:جاااية تجيها فالراس غير رتاح كريمو:وانوضي حطي لنا منحنجرو العودة:(وقفت)هاني نايضة.. كريمو:ومحدها جاية اليوم هدري معاها 
العودة:(حطت الطاجين)العار إلى ما خلينا نتغداو دب ومن بعد نهدرو فهدشي متسدش ليا الشهية أنا مزاوكة 
كريمو:ها هو ساكت آ للا هاك افمي (تيضرب فمو) معليييش الكبير يسكت ويحشم من الصغير بقات تتشوف فيه وتقول فخاطرها لا حول ولا قوة إلا بالله العلي العظيم...شامة كانت ضانة باللي موضوع الزواج غير هدرة ودايزة لكن دب عرفت باللي السيد فعلا تيهدر من نيتو والمشكل بالنسبة ليها انها متقدرش ترفض او بالأحرى ماشي من حقها ترفض...

وصلت الخمسة دالعشية وبداو تيتجمعو عندها فالدار...دخلت عمرت ليهم اتاي منعنعع و حطت ليهم الشفنج كانت صيفطت عليييه وجلست معاهم 
شاكيرا:ياك لباس ا شوشو شفتك جامعانا اليوم ممولفاش ليك
العودة:را قلت ليك عندي ليكم موضوع تيخص الخدمة فاتي:ومن امتى تنتجمعو على الخدمة ياك اللي جاه شئ كليان تيعلم غير فالتلفووون اشنو الجديد هاد المرة 
العودة:إلى سكتوا و سمعتوا اش غنقول را غتفهمو شنو كااين
بوبكر:سكتوا خليو نسمعو الحب اش غيقول 
العودة:يعطيك حبة ف الحلاقم اللي بين فخادك... بوبكر:ومنبقاش فيييك زعما هدا كله كره
فاتي:وا سكتنا ولا غنوض نتقود فحالاتي...هدري البشار را ركبتي فيا السكر
العودة:المهم أول حاجة نهار السبت عندنا سبوع مع جووووج نبغيكم تكونوا موجودين و الخدمة غتكون غير بين العيالات..يعني أنت وأنت ما لكمش مكان بيننا...أما الموضوع الثاني واللي هو أهم....جانا عرض فكباري كبييير ومشهووور وبثمن زايييد على دكشي اللي تتشدو حتى فوقت الخدمة أنا هدرت مع السيدة التفاصيل خاصني غير الموافقة تاعكم و نسني معاهم الكونطرا شاكيرا:كباريييه هههههه هدشي لي بقى لينا
فاتي:ومالنا يختي منستاهلوش ولا منستاهلووش؟ ياك غير غنى وشطيح لا فالدار ولا فالكباريه كله حرااام يا روح أمك على الأقل غتدخلنا شوية الفلوووس على الله نولييو كيف الناس
عبيقة:ايه وشنو زعما هدشي دايرينو لله فسبيل الله العودة:ف سبيل الله 😏 العقرب احبي اللي تتقرص فابور....هما سامعين بينا...وراك عاارف الشعب غير حط ليه حك جر ورجع اللور...بمعنى غيدخلو الصرف من ورانا 
بوبكر:ايه والاعراس والدجاج محمر والحلوى؟
العودة:غير نسى دكشي اوجه الربعمية مكمشة وانت لي ضاربك ضاربك على كرشك 
فاتي:اش تعرفي على الكنس المجوعف..خليك منو دب غنخدمو معاهم غير هما ياك العودة:وي غير معاهم وهدشي لي شارطين فالكونطرا يعني مكينش اللعب فهدشي وإلا نخلصو الخطية....اش قلتو؟؟؟

العودة:شنو قلتو؟ 
فاتي:إلى عليا أنا هادي فرصة متتعودش عبيقة:وأنا اللي يبغيه الزين تاعي منعكسش فيييه
العودة:ونتوما؟ 
بوبكر:اشغنقول ليكم كلنا محتاجيين ومدام موافقين أنا معاكم العودة:ايوا آ شاكيرا مزال مسمعنا صوتك ؟
شاكيرا:معرفتش أنا هدشي مداخلش ليا لدماغي يالله بغات تجاوبها العودة وهي تقاطها فاتي:انتي ماشي مداخلش لك هدشي فراسك انتي خاصك غير تعكسي والسلااام....من لخر الخوت اللي بغا يكون معانا مرحبا واللي مبغاش شغلو هداك.. شاكيرا:غير بشوية عليك مالك تتنقزي...أنا فعلا ممرتاحاش لكن ميمكنش نخرج منها 
العودة:صافي حبسو من الصداع ولا كريمو غيجري على دلمنا كاملين اليوم...المهم غدا غيكون آخر نهار نخدمو فيه مع الكليان...وهانا غنعيط للسيدة نعلمها دب...هزت تلفونها الصغييير باش تتخدم ودوزت النمرة تاع السيدة...بقى مدة تيصوني عاد تفتح الخط.. 
العودة:الو سلمى هادي؟
سلمى:هي هادي شكوون معايا؟ 
العودة:معاك شامة سلمى:ااه شامة كيديرة لباس عليك
العودة:لاباس لاباس عيطت لك باش نقولك باللي هدرت مع صحابي وراهم موافقين سلمى:ايوا مزيان...نهار التنين نتلاقاو ان شاء الله باش نسنيو الكونطرا ونوريك فين غتخدمي وغتسكني
العودة:وخا صافي تافقنا 
سلمى:يالله نخليك دب عندي شئ خدمة خصني نديرها العودة؛اوك بسلامة عليك قطعت الخط معاها وبقاو مجمعين على تقرقيب الناب حتى طاح الليل عاد تفرقوا وكل واحد مشى لدارو...

خرجو وناضت شامة جمعت الدار وطرفاتها وجلست تتفرج حتى دخل كريمو لي كان فالقهوة تع التيرسي مقصر مع صحابو...مشى جلس فالسداري لي حداها وتيتفرج زعما معلى بالوش أما هو معالم بيه غير الواحد القهااار...العافية شاعلة فيييه والفضوول تياااكل فيييه باغي يعرف شنو وقع....صبر حتى عيا ومني شافها مهدرتش هدر هو كريمو:القحاب تاع صحابك امتى مشاو العودة:(تتشوف فتلفازة) مشاو قبييييلة كريمو:شفتك تتهدري بالغرام مغتقوليش اش كاين العودة:ضرك راسك متقدرش تتكالما ولا تدخل سوق رأسك كريمو:جات شكيرو؟ العودة:جاااو القحاب دصحابي كاملين كريمو:القحبة هي مك لي ولداتك ومرباتك أما هديك للاها وللاك العودة:(ناضت تتخبط وتسب) الله يلعن جد بوها حالة معاك هاد الدار أنا غنقود ونخليها لك كرهتيني فحياتي كريمو:هي دب إلى سميييتك مرا خرجي قودي منها العودة:ها هي غاديا وزرع فبلاصتها مطيشة كريمو:مطيشة غلا من دلمك البايرة دخلت هزت جلابتها بالزعفة لبسااااها وخرجت مشات لعند فاتي اللي كانت واقفة قدام باب دارهم وغير شافتها عرفت باللي بيها شي حاجة فاتي:مالك ياك لباس اصحيبتي العودة:والو غير قربلتها مع سي كريمو فاتي:تاني مدابزة مع الشارف الله يعطيه تلافة كتر ما هو تالف العودة:وشنو دب غنبقاو واقفين فالباب فاتي:ويلي نسيت دخلي اصحبتي دخلو البنات للدار...وسلمت العودة على جدة فاتي أمرا كبييرة شادة الفراش وهي لي هازاها وهازة خوها الصغير حيت مها توفات من بعد زيادة خوها بعام...أما باها غير ماتت مرتو وولى تزوج بوحدة لباس عليها وكبيرة فالعمر باغيا غير لي يسترها

حيدات العودة جلابتها و جلست مع جدة فاتي تتحتت هي وياها وتضحك حييت فيها الزهايمر...وتتنسى شكون هي وشكون لي معاها..حتى عيطت ليها فاتي من الكوزينة هزت برمة صغييرة عامرة بالحريرة...وجلسو عليها حتى كملوووها العودة:فخبارك بغاوني نخدم معاهم غير أنا ولايني معطاتنيش خاطرى نخليكم من ورايا فاتي:عارفاك بنت الخير وقلبك كبييير الحب العودة:ولكن مغنبقاش ساكنة هنا غيعطوني برطما فين نسكن فاتي:ايوا شنو بغيتي كثر نييت تتهناي من السكايري لي عندك فالدار العودة:من نيتك آ فوفو عارفاني غنخليه يبقى ساكن بوحدو...يكون كيفما كان رآه تيبقى با وهزني بسنانو منقدرش نفرط فيه دب فاتي:شتي أنتي راك وجه الهم ربي جاب لك الفرج حتى لعندك وانتي تتقلبي على الخطية...سيري حتى يدير ليك شي شوهة عالمية عاد حمدي مولاك العودة:هدشي أنا عارفاه ومفيهش شك ولايني ما باليد حييلة..عرفتي شنو يالله نخرجو نجيبو الزيعة ونقلبو فاليوتيوب نشوفو إلى كان شي أغاني جداد باش نخدمو عليهم فاتي:اييه فكرتيني را صنهاجي خرج واحد الديسك ناااااايض صدااااااع العودة:وعاد تتقولي فيها البايرة فاتي:اللي يسمعك يقول مزوجة وعندك التوام العودة:يختي متتقدايش جوابك على نابك فاتي:زيدي زيدي نشدو ف الحسن (مول زريعة)وسكتي....

خرجات العودة وفاتي من بعد مطلعوهااا مزيانعلى مول الزريعة ودازوااا عند مول السيديات جابوااا السيدي دحجيب والصنهاجي قلسو ااكيسمعوااا ويحفضوااااا....فاتي؛ناري اصحيبتي اغنية مطرطقة...العودة ويه صافي هادي االي غنوض بها الحيحة فالاسبوع اللي غنخدم فيه...فاتي ويه الساطة غطيحي الغرامة على الجهد الحب....العودة:يالاه اخيتي نوضوااا نعسواا نرتاحواا راه عدنا الخدمة غدا نترزقوااا الله نمشي نوضوا نعسوا لينا شوية ....مشات العودة وفاتي كل وحدة تجيدات فسداري.....طاحواا كاواا حتى الصباح مفيقهم غاصوت جدة فاتي كتقرقب فالدار...العودة؛فاتي نوضي راه صبح الحال...فاتي وخا هانا نايض صباح الخير...العودة:صباحواا الزين ناضوا البنات فطرواا فجوا ديال الضحك مع الجدة لبسواا جلالبهم وتوجهوااا لدار العودة وصلواا حلات العودة الباب غيدخلواا حلواا عينيهم لقاوا كريمواا كيفطر مع شاكيرا وعطينهاا للضحك والتكركير...العودة هاي هاي على الواليد وانت الجيفة جالسى تبحلسي عليه وجالسا هنا بلا خباري وفدارنا.. شاكيرا كتبحلس على كريمواا ويلي شوف بنتك شكتقول ....كريمواا؛اداك الشيخة بريكا بعدي من الييدة وانتي مصبحا علينا تفواا الصباحاتوا للله جنس قصيف درب الطبلة برجليه وناض كيزعف وشاكيرا بغات تنوض وهي ضربها للعودة لكتافها.....دوي الخانزة بقالك غابا دوزيه كون جيتي تحشبي شحال من واحد دوزتي يوصلواا للسينيغال الي وروتور وميتقاداوش....شاكيرا:اهيا ديك خيتي خلينا زوينين صبحي على اللي خلقك اه جيتي لقيتيتني دماغي عامر اما نوري لختي طريق السينيغال بصاح فين جات وتلاحي من حدايا....فاتي :والحبس والرباط والعاملة نعلوا الشيطان الصباح هدا خليونا نقديوا للغراض ونوجدواا راسنا راه تبعانا الخدمة....العودة:والله كن ماكانت الخدمة حتى نوري اختي الشغال وخا العوجة ديريها فين تجيك.....من بعد داك الروينة جلسواا واحد مكيهضر للاخور كلها شكيدير تعاشات العشية وكلها كتوجد راسها لبسواا جلالبهم وهزات العودة بنديرهاا والبنات متريال ديالهم اللي كان عبارة على طعارج والدربوكة نزلاوا لتحت حتى جاا الطاكسي عطاوه العنوان...الطاكسي؛هي شي زردو هادي..فاتي؛ هههه ياكما تمشي تشد لينا الميزان..شاكيرا؛ولا نعطيه تعريجة وانا نوض نحزم ستك ستك...العودة؛ههه والله حتى مسطية...مول الطاكسي:ههه نزلواا هاحنا وصلنا الله يسهل عليكم...العودة:مزال شاد حتى فالليل...الشيفور؛ايه مزال غنطلق حتى ل 6hدصباح....العودة؛ صافي مشات جي مورانا فش نساليوااا شفت هاد القنت خاوي...الشيفور؛وخا هاكي 0614******يسحبلكم غنكملكم النمرة دمول الطاكسي وخا صراحة راه بيقيص البنات هههه😉😉😉😉...

خداو البنات نمرة مول الطاكسي ك احتياط فحالة ما يبقاو معطلات ونزلوا هزو المطريال لي كان فالمالة ووقفوا بجنب واحد الحانوت....جبدت العودة تلفونها الصغير ودوزت نمرة السيدة اللي غيخدمو عندها...هدرت معاها وعلماتها باللي غتصيفط ليها دري صغير يجيبهم للدار ...دازت خمسة الدقايق تقريبا ووصل داهم للدار...طلبو من المرأة تدخلهم لشي بيت ودخلاتهم..قادو حوايجهم ودارو مايكاب سموكي خاص بالمناسبات...وخرجوا جلسوا فالصالة اللي فيها الضياف فاتي:بان ليا الصالة عامرة غير نبداو العودة:يالله على براكة الله....مرحبا بيكم العيالات...يالله اللي عندها شئ هم تنساه واللي مشطحات اليوم تبقى بايرة بداو البنات القصارة وعطاوها للشطييح والرديح مع العيالات ورجعو الصالة سخووونة...مخلاو علامن غناو ها اللي غناو عليها...واللي غناو على راجلها...واللي غناو على ولادها..ناهيك على الغرامة اللي دارت تع بصح...وصلت الربعة دالعشية و حطوا الماكلة للناس وحتى للبنات ومن وراها سرباو اتاي...ومحلا ليهم إلا بالنكت مكاين غير -18 وزيد للقدام..كملو مع التسعود تقريبا واتاصلو بمول الطاكسي..وقبل ميخرجو كملت ليهم السيدة لخلاص تاعهم وشكراتهم على امل تشوفهم فمناسبة اخرى....

#من_بعد_أسبوع داز أسبوع على آخر مرة خدمة فيها العودة وفرقتها بوحدهم...وهاد الاسبووع دازو فييه بزاف الأحداث..من بينهم إمضاء العقد بين العودة والملهى..وتحولت للبرطما الجديدة اللي عطاوها هي و باها....زائد اللوك تاعها اللي تغير باش تبان فالمستوى المطلوب واللي تيليق بالملهى... فاقت العودة الصباح على التلفون وكانت المندجر تاعها هي اللي متاصلة تتعلمها باللي شئ حد بغا يتلقاها ضروري ويهدر معاها مباشرة...ناضت لبست حوايجها وجلست قدام المراية دارت مكياجها وهزت صاكها وهبطت للمقهى اللي فالشارع دورت راسها يمين شمال وملي ملقات حد مشات جلست تتسنى...وما هي إلا ثواني حتى دخلت سامية "المندجر" وبرفقتها رجل اربعيني باين من شكله و طريقة لبسه أنه ماشي مغربي...شافتهم العودة و عرفاتو لأنها شافتو كذا مرة فالملهى شيرات ليهااا سامية بيدهااا ت تجهواا لعندها عرفتهم سامية على بعضيتهم وعرفت بانه اماراتي الاصل ومن اهم زبناء الملهى الليلي ومستتمر كبير سلمات عليه العودة بطرف صباعهااا اما هواا غير شافها تبلوكاا فبلاصتواا عجباتواا بزاف ومكرهش يطير عليها وهي ممصوقاش جالس ولا علا بالها شوية سامية جاها اتصال وخرجات لبرا تهضر وهو يزعم عليها ابو حمد:هلا بالقمر نورتي ولا ماشفت من جمالك العودة:شكراا(وقلبت وجهها) ابوحمد:شو تحبي تشربي العودة:قهوة عفاك عيط للسيرفور خداا طلباتهم وعينوااا محيداتش عليهاا باغي ياكلها بعينيه وهي مكرها ومحملاش الجلسة معاه وخا هادشي ولفات بيه ولكن هاد السيد محملاتوش...شوي جا السرباي جاب ليهم الطلب ابوا حمد؛ممكن اقول شي العودة؛تفضل خود راحتك ابوا حمد: صراحة انا جننتيني وحبيت تصير بيننا علاقة...عنجد انت صاروخ وما حدا يقدر يقاوم جمالك العودة:شنوا شنوا وش حمق وقيلا وش عارف شكتقول احنيني هه واقيلا راك غالط انا ماشي دالصحبة والتقحبين ويلا كنتي خليجي وعجبك راسك وفلوسك ماشي عليا انا ابو حمد:والله مو هيك الحكي انا حبيتك من اول نضرة خلينا ننبصط شوي مع بعض يا عيوني واللي تبيه اسويه على رأسي بس ابشري العودة:اسمعني ااقولك كلمتين إذا بتفهم العربي رح تفهمهم مزياااااااااااان.... أنا ما بتهمني لا إنت ولا فلوسك وما بدي لا ارتبط فييك ولا حتى اشووف خلقتك أبو احمد:طب ليش هيك...أوكي تمام أنا عندي اقتراح ثاني...ليش ما نتزوج عرفي واوفر لك كل اللي تحتاجينه انتي تأمري العودة:(وقفت وهزت صاكها)باين ليا مكلخ مع راسك وأنا لي حمقة دايرة راسي فيك (وزادت طالع ليها الدم خارجة ف سامية اللي جات فطريقها ومفاهمة والو حتي أبو أحمد مقال ليها والو على الموضوع)

من بعد ما خدى البوليسي عنوان الحي والصورة توجه ليه على الفور وبقى مراقب الحي مدة يومين على أمل تكون شئ نتيجه لكن داز بدونها...حتى لليوم الثالث وبضبط كان يوم الاثنين كان جالس فسيارتو وفجاءة لمح جوج دالرجال دايزين تيضحكو مع بعض وشك ف واحد منهم...ساعتها هز الصورة وشاف الشخص اللي فيها واللي قدامو وترسمت إبتسامة عريضة على وجهووو...نزل من الطموبيل و بقى حاضيهم حتى مشاو جلسو فقهوى شعبي على الشارع العمومي...ومشى جلس فيها حتى كملو ورجع لسيارتو وتبعو مع أن المسافة كانت طويلة بزاف...غير وصلو وشافو فين دخل و مشى لمقر الشرطة علم الشاف تاعووو... أول ما توصل ماهر بالخبار هز التلفون تاعو وعيط لياسر باش يتلاقاه بخصوص القضية وأن الأمر مستعجل...الشئ اللي خلا ياسر يسمح فالاجتماع اللي كان خاصو يحضر ليه ويترأسه ويمشي لعنده فين دار معاه 

نزل ياسر من سيارتوااا بهيبتواا والكوستار اللي لابس فالبلوماغين جاي واعر وداك اللحية اللي عطياه هيبة ومشيتوااا المتزنة والرزينة غادي بكل ثقة فالفنفس............. ياسر:سلام ماهر اشنواا تماا ماهر:واخيراا وصلنا ليه وعرفنا داروا وخا هادشي اخدى منا وقت ولكن خرج بنتيجة ياسر:مزيان وأخيرااا لقيناه كيف قلتي وخا خدا وقت ولكن فالتالي بنتيجة المهم اشبان لك فوقاش نمشيوا ماهر؛كيبالي نخليواا اليوم حتى لغدى إنشاء الله ياسر:اوكي غداا انشاء الله نتلقاواا المهم نخليك عندي ميتقدا غداا فالصباح نتلقاواا هنا فنفس البلاصة ماهر:وعليه بالسلامة صبح صباح نهار جديد كيف الهادة ملها فيهم شكيدير ةفش كيفكر نمشيواا عند بطلنا اللي ناض دار روتينوااا اليومي لبس حويجواا والوجهة كانت الحي.... من بعد مدة ديال الطريق وصل الحي نزل من سيارتوااا وقف شحال كيتأمل وكيشوف الناس كيف عايش كلها وكيلغي بلغاه...سارح بتفكيروااا حتى كيسمع تليفونواا كيصوني📞📞📞 لقاه ماهر ياسر:صباح الخير انا فالحي كنسينك ماهر:اوف دغياا مشيتي سبقتيني على اي انا جاي عندك ياسر:اوكي وقطع من بعد وجيزة وصل ماهر وجهوااا ياسر:سلام صافي مشينا ماهر؛اه اه اوكي يالاه مشينا من بعد توجهوااا لدار ديال كريمواا عياواا ميدقوااا ويفرعواا فالباب والواا مكيجاوب حد حتى تعصب ياسر وفرع الباب دخلوااا عياواا ميقلبوااا ملقاواا والواا مشا ماهر لواحد البيت حل واحد البلاكاااار ملقا فيه لاحوايج لحتى ايمارة باللي شي حد ساكن فهاد الدار تعصب وخرج عند ماهر....................................... ياسر:وش متأكد هادي هي الدار راه مكين والوااا حتى الحوايج ميمكنش هادشي ماهر أكيد مأكد اصحبي راه البوليسي شافوااا وماكد باللي دخل لهنا اصبر بلاتي نعيط باش نتاكد..خدا ماهر تليفونواا واتصل بالبوليسي واكد ليه باللي هداك هو العنوان اللي عطاه ولكن للأسف فداك اللحضة اللي مشى البوليسي يعلم ماهر كان كريموااا غير مشى طل على الدار وسدهااا ومشى للبرطما جديدة اللي عطاوها يعني لقاواا غير اديهم والصحراء..

رجع ياسر معصب حيت حتى قال صافي وصل لراس الخيط ورجع ل الزيرو...دخل لبيتو دوش و توضى وخرج لبس حوايجو د الدار و هز قرآنه وجلس تيقرا فيه شوية و من وراه صلى جوج دالركعات وختمهم بالدعاء وهبط للتحت جلس مع والديه شوية حتى تحط الغدا وتغداو مجموعين ما عدا أحمد اللي تغدا على برا...كملوا وطلع لبيتو جبد البيسي وبدا خدام فيييه...ياسر فضل يخدم غير فالدار تفاديا ليغلط فشي واحد حيت معصب ودمو سخووون...دوز النهار غير فالدار حتى للغد عاد مشى للشركة باش يحضر للاجتماع اللي كان لغى...وهو فوسطه طاحت فبالو فكرة يرجع للحي وفعلا غير كمل الإجتماع اللي معرف كيف دار ليييه و ركب على طموبيلتو وكسيرا للحي...هبط من الطموبيل من بعدما سطاسيوناها فراس الدرب وتكى عليها...بقى مدة طويلة وهو تيتأمل ويشوف فالغادي والجاي حتى قشع شئ دراري جالسين تيتبوقو ومشى قاصدهم.. ياسر:السلام عليكم..ممكن نسولكم الله يحفظك شمكار1:بغيتي شعيلة هاكا البريكة...أما لبغيتي نطيرة غير روول ياسر:لا لا مبغيتش نكمي..بغيت نسولكم على واحد السيد تيسكن فهاد الحي إلى تتعرفوه شمكار2:سير أخو الله يحفظك بنا لك بركاكة ولا بركاكة ااااه؟ ياسر:لا حاشا غير محتاجو فشي حاجة مسألة حياة أو موت ومني شفتكم قلت نتوما لي غتعاونوني ساعة باين لي برزطتكم سمحوليا الخوت (وحدر راسو راجع لطموبيلتو..غير شافو واحد منهم وصلها وطمع) الشمكار2:تا ضرب على الحديدة اللي عندو الروبيو الشمكار1:حيد هانا غنوض عندو قبل ما ينطح (يكسيري)ومشى يجري لعندو تابعوا الشمكار1:صبر اصحبي سخفتيني...شوف غنجيك من لخر غضبر علينا وغنقولو لك اش بغيتي تعرف بقى تيشووف فيه وحاير لأنه عمره رشى شئ واحد باش يقضي ليه مصالحه...لكن هاد المرة غييير والوضع حساس بالنسبة ليه ياسر:وخا مقلتي عيييب..تنقلب على واحد السيد(نعت بايدو) تيسكن فديك الدار..بغيت نقول كان تيسكن فديك الدار الشمكار2:عندك شئ عرس ولا سبوع ههه الله يكمل بالخير الصاط هي معروضين ياسر:(بعدم فهم)لا بغيت غير بغيتو الشمكار1:جيتي معطل اعشيري را تحولوا غير هاد الأيام..على ما سمعت ضبرو فشي همزة مقووووودة وولاو من صحاب اللعاقة ياسر:معرفتيش فين تحول؟؟ الشمكار2:تا واحد ما عارف فين اعشيري من غير الفرقة د العودة هما اللي يوصلوك ليه ياسر:العودة؟؟شكون هاد العودة الشمكار2:تأ شكووون ميعرفش العودة اصحبي...واحد الصاطة زاز لوز هي اللي كانت الشمكار1:تأ ريح خليني نهدرمع الرجال..شوف اعشيري العودة هي بنت الراجل اللي تتسول عليييه ياسر:(باستغرااب)ولكن علاش مسميين عليها العودة الشمكار1:وراها عودة اصاط طارة وطوووناج...سماوها عليها صحابها تقدر تقول إسم الشهرة وبييه باش خداااامة ياسر:كيفاش على هي فاش خدامة؟ الشمكار2:شييييخة... عونية...تخليييك تزهى...تنسيك فراسك...بيني وبينك غ تتحرك داك الطرف كلشي تيقيم ياسر:شنو هواااا 😲😲😲 

الشمكار2:شييييخة...قرطاسة...تخليك تزهى...تنسيك فراسك...بيني وبينك غ تتحرك داك الطرف كلشي تيقيم ياسر:شنو هواااا 😲😲😲 الشمكار1:وتا سكت اثبي مالك صارط كاسيطة؟شوف اعشيري إلى بغيتي أنا نقدر نعاونك ولاينييي..زيد الما..زيد الدقييق..وكل حاجة وثمنها ياسر:(بتنهيدة)وأنا مستاعد نعطيكم اللي بغيتو الشمكار1:دب متافقيين..ولكن عندااااك يقولك رأسك تخوي بينا..را بربي منعقل علييييك ياسر:غير تهنئ والراجل هو الكلمة الشمكار1:دب دويتي اصحبي..يالله تعالى معايا جرو الشمكار و تلاح عليه معنقو وريحتو خانزة مخلطة بين الشراب وريحة الحشيش ولاخر بجنبو تيتلاوح حتى تيبغي يجي للارض ويولي يشدو...بقى تالف بيناتهم ومعارف فيين غاديين بيه لكن مضطر يتبعهم في هبالهم حيت عندو الغرض بيهم...وصلو لقدام واحد الدار سفلية مغطيها غير القرمود و هزو الحجر وبداو يضربو بيه فالباب وفالشرجم وهو تيتفرج فيهم...حتى خرج منها عبيقة عبيقة:ياك لباس ا دراري اش واقع (تيشوف ف ياسر) شكون هاد السيد الشمكار1:وا فييين آ عبيقة..صافي درتو الفلوس ومبقيتوش تقولو السلام الشمكار2:مبقاوش راضيين بينا اصاط عبيقة:وا طلقوني من الهدرة الخاوية الشمكار1:عشيري هاد السيد من دوك الناس اللي هااااااي كلاس وبغى العنوان تع العودة عبيقة:ااه ولكن حنا مبقيناش تنخدمو للناس غير سمح لنا اسيدي ياسر:لا لا أنا بغيتها ف حاجة أخرى عبيقة:بحال اش هاد الحاجة نقدر أنا نعاونك ياسر:إلى بغيتي تعاوني وصلني ل سي كريم عبيقة:(جاتو الضحكة مين سمع سي كريم)وخا صبر نكتب لك عنوانه ونجي.. (دخل للدار وهما يدوروه الشمكارة) الشمكار1:عشيري بغيت نتقود فحالي طلقنا للسخون الشمكار2:(فرحاااان) البورو اليوم نحضرو البنااات 😂😂 ياسر:(جبد صدمصة دالفلووس من جيبو)ومد ليهم 200 درهم للواحد اللي كانت كفيلة باش تخليهم فوووق السمااااا ناشطييين الشمكارة:الله يحفظك اعشيري تهلا وإلى خصاتك شئ حاجة مرحبا...ومشاو فحالهم يتلاوحووو بقى هو واقف تيتسنى حتى خرج عبيقة ومد ليه ورقة صغيييرة عبيقة:هكا هاالعنوان وبلا متمشي بالليل مغتلقى حد ياسر:الله يجازيك بخير أخويا..وخا حتى لغدا..شكرا وتم غادي ورجع تاني ياسر:ممكن نسولك عفاك؟ عبيقة:وي سول ياسر:دب سي كريم هو بات شنو سميتها ممم العودة ياك ؟ عبيقة:آه باها علاش؟ ياسر:وهي شيخة ؟؟حيت هدشي لي قالو لي الشباب قبيلة.. عبيقة:وي شيخة ياك لباس فاش تيهمك ياسر:(مصدوووووم)لا غير مجرد اسئلة وصافي على اي تنشكرك بزاف

سؤال ورا خوه طاحو فبالو...واش بصح هي البنت اللي تيقلبو عليها ؟وإلى كانت هي فعلا اشنو غيكون رد فعل أمها و رشيد ؟واش غيتقبلوها كيفما هي ولا غيخليوها فحياتها القديمة ويحسبوها ميتة؟؟...ساس راسو اللي تطبخ من هاد الكم العائل دالمعلومات اللي عرف اليوم و ركب فطموبيلتو وكسيرا...وما هي إلا دقائق قليلة كان دخل للدار يرتاح 

" **************"

#عند_العودة
خرجت من الكافي وخلات سامية مشات جلست حدى أبو أحمد باش تعرف منه اشنو وقع وشنو خلاها تخرج معصبة ومشيفاش قدامها 

سامية:شو في يا أبو أحمد شو قلت لها حتى عصبت هيييك؟
أبو احمد:والله ما حكيت شئ عيب..أنا بس حبيتها وبدي يصير بيننا شئ وبس 
سامية:اااه قصدك تعمل معها علاقة!...بس ياللي ما بتعرفه يا أبو أحمد أنه هي مو من هالنووع 
أبو احمد:بعرف هالشي يا لهيك أنا بدي تكون ملكي واشيلها فوق رموش عيوني 
سامية:همم شكلك عشقان هههه (بغمزة) طيب وإذا ساعدتك شوو 
أبو احمد:(قاطعها) إذا بتساعدني عندي إلك مكافحة حلوة 
سامية:(بضحكة صفرة) بعرف انك كرييييم الله يزيدك.. (جبدت كارط فيزيت تاعها من الصاك ) اتفضل رقمي هون ابعث لي مسج عليه عشان ادون رقمك عندي و يبقى بيننا تواصل 
أبو احمد: (شد الكارط تيشوفيه) أكيد رح ابعث يا مساعدتي (وضحك) 

سامية السليماني 33 سنة بنت زوينة من الطبقة المتوسطة تتموت على شي حاجة سميتها الفلوس ..وأي حاجة تتساوم عليها ومعندها غرض بوالو وهدشي اللي خلاها ماتزوجت ما دارت علاقة....
تفرقوا كل منها وأبو أحمد وكل واحد فيهم طامع ف الآخر ... هو طامع فيها توصلوا للعودة اللي هيموت وتكون ليه وهي طامعة ف الزرقالاف 
.............................

جالسة فالدار وشادة البوب كورن (الكلية) تتاكل فيها وتتفرج ف المسلسل اللي متبعة "حب أعمى "
و ف لقطة رومانسية بين الأبطال حطت ايديها على خدها وتنهدت تنهيدة خارجة من أعماق قلبها وبدات تهدر بلا متحس 
العودة: زعما ممكن نلقى تانا شئ واحد يبغيني ونبغييه؟ايه علاش لا مالي حولة ولا ناقصاني ايد ولا رجل ؟؟ (تفكرت أبو احمد وغوبشت)مبفيتوش يكون حولي بغيت حبيبي يكون ولد بلادي مغربي (تفكرت كرشو) ومتكونش عندو الكرش بحال داك الزامل يخخخخ (تبسمت)حبيبي خاصو يكون بوكووووص طول وتجريدة وتكون عندو اللحية احححح على اللحية 
كريمو:فين بغيتيها تكون عندو ف وجهو ولا فطرمتو؟ ؟؟
العودة:(وصلاتها ريحة الشراب)مسينا عالله بقى دير الصوووت كيف الناس باش نعرفوك امتى جيتي 
كريمو:تجييك فالراس اقليلة الحيا بقى لبوك غ الحب هدشي اللي مقابلين غ المسخ هاراي ديك المشقوفة نحيد هاد قحاب الغابة و قودي من حدايا حكلك بقيتي بااايرة 
العودة:وبراكة طبختي ليا رأسي متعرفش تقول شي كلمة زوينة ياربي سلامة فمك تيخرج غ القطران 
كريمو:حيدي من قدامي (بغا يشير عليها بتلكومند) ولا نصيفطها لك للوجه 
العودة:ها هي ماشية ومخلياها لك (هزت يديها للسما)ياربي دير ليا تاويل دالخير (قريب ابنتي)
أما هو ف جلس فبلاصتها وهز ديك البوب كورن وبقى يقلب فالاذاعات حتى طاح ف روتانا كليب ومغيطيح غير ف مريام فارس تتشطح وتغني "حقلق راحتك" وعينيه غيوساعو 
كريمو:اح اح اح على كر عندها بنت الحراام ...وطيحي فيدي الجدارمية وميفكوكش مني 

صبح صبااح جديد على ابطالنا وكان صباح يوم السبت...وإذا قلت السبت ف تيعني نهاية الأسبوع تيعني نهار الفيجطة والقصارة....فاقت شامة معطلة ناضت غسلت وجهها و دخلت للكوزينة حلات الثلاجة وهزت منها الحليب كبات منه كأس حيت تتفضلو بارد وخرجت الخبز اللي دايراه ففريكو سخناتو فالميكروأند ودارت وسطو فرماجة وفطرات من وراها هزات تلفونها عيطات ل فاتي تجمع حوايجها باش تمشي معاها للحمام ودكشي اللي كان...مشاو تحمحمو و خرجو منورات ديريكت قاصدين الصالون قادات شعرها اللي صبغاتو بالصفر بوكلي و صاوبات فاتي شعرها سااامبل وخرجوا شدوا طاكسي للبرطما...دخلو ولقاو الصقيييل واستغربو حيت توقعو يلقاو كريمو فالدار ساعة خاب ضنهم...شعلو موسيقى شرقية جهدوها باش توصل للكوزينة اللي دخلو ليها باش يصاوبو مياكلو قبل ما تجي سامية تديهم للكباري بطموبيلتها الصغيرة "باليو" 
فاتي:وعيطي للباك شوفي واش عندو السوارت ليولي جاي للخدمة نوليو فالشوهة 
العودة:ياختي مانا على فالك 
(هزات تلفونها وصونات ليه حتى طلع ليها الدم عاد جاوبها)ألو با فينك 
كريمو:اش بغيتيني أنا خارج
العودة:عندك السوارت ولا نخليهم لك عند الكونصيرج؟
كريمو:عندي سوارتي غ سدي الباب وطفي البوطا و عنداك تخلي داك المشقوف شاعل "لا شين" رآه نلقاه خدام نهرس بوووه 
العودة: وصافي غ سكت وكول معاك شي حاجة فالزنقة را مطيبت والو اليوم 
كريمو:علاه فين عمرك طيبتي (وقطع عليها)
فاتي:مالك 
العودة:والله إلى قطع عليا فوجهي 
فاتي:هههههههههه هناك يختي بااااز لك صابرة لييه...شفتوا نسى موضوع الزواج 
العودة:ضحكي يختي أنتي اللي جا معك....بغيت غير نشوف شي وقيت ونهدر مع ختنا وخا جنوني محاملينهاش 
فاتي:وكي غديري مني تسكن معاك هههه اخرتك نولي ندي لك القفة للعكاكش 
العودة :غير خلي داك الجمل راكد (سمعت صونيط فالباب) ها سامية جاات نوضي تكعدي 
فاتي:قولي السامة جاات يختي ممهضوماش لياا هاد السيدة 
العودة:تحركي وسكتي تحركي 

حلت لسامية اللي جات هازة فايديها قفطان ملكي ف البلون كاصي منبت بالحجر والموزون دخلت ديريكت لبيت النعاس تع العودة وحطاتو فوق الناموسية 
العودة:اش هدشي تاني 
سامية:هدا صيفطوه لك من الخدمة قالك غتخدمي بيه اليوم 
العودة:(تتقلب فيييه)غزااال يختي 
سامية:واتحركي لبسي را باقي لك المكياج والوقت تيطيييير وانتي (موجهة كلامها ل فاتي) قادي حالتك و قفطانك غتلبسيه فالخدمة معرفتش باللي كاينة هنا 
لبست العودة القفطان ودارت مكياااج سااارخ خاص بالسهرات و دارت عدسات لعينيها تيتمشاو مع لون شعرها و لبست صندالة د الطالون ف الارجونتي و خرجو شدو الطريق للكباريه اللي خدامين فييه واللي مكانش بعييد على مكان الإقامة تاعها...طلبت سامية من فاتي تدخل تبدل فين تيبدلو الفرقة اللي معاها ودكشي اللي دارت بدلت وخرجوا مجموعين شدوا بلايصهم وطلقوا موسيقى شرقية وتيتسناو يدخل أكبر عدد من الزبائن باش يبداو اللعب 

.............................

#عند_ياسر 
فاق الصباح حالتو تشفي العدو والكافر خرج من الدار بلا ميهدر مع حتى واحد ومشى لقهوة على البحر فطر فيها و اتاصل ب ماهر باش يجي عندو يهدر معاه وفعلا متعطلش عليه 
ماهر:(شافو ماشي على برجو) ياك لباس ؟
ياسر:قول غير السلام وعليكم بعدا ماهر:وعليكم السلام مالك اش كاين
ياسر:اخخخ (تنهد) معرفت منين نبدى والله 
ماهر:بدئ من الأول ولا عرفتي بدا من المفيد 
ياسر:لقيييتها 
ماهر:و مالك مقندش اصحبي خلعتني خاصك تفرح دب 
ياسر:(ضحك باستهزاء) نفرح؟؟ كيفاش نفرح وأنا اللي سمعتوا عليها يخليك تقرح 
ماهر:ياك لباس اش سمعتي 
ياسر:قالك اسيدي البنت اللي والد داك خينة مسمين عليها العودة 
ماهر:العودة!!!!!؟؟ وعلاش 
ياسر:حيت بكل بسااطة الآنسة شيخة 
ماهر:ميمكنش واش متأكدين من هدشي لي قالو 
ياسر:إلى كانت فعلا هي بنتو وبنت الحاجة نعمة را هي 
ماهر:واشنو المعموول أكيد ماشي لخاطرها 
ياسر:عمر الفقر كان سبب باش يخرج بنادم للطريق عطى الله الخدامي 
ماهر:ودب شفتيها عندك عنوانها؟
ياسر:عندي عنوان الخدمة صافي هاهو (وراه الورقة)
ماهر:اواااه هذا كباريه كبيير تيجي ليه غير صحاب 0 والملعقين دالشعب 
ياسر:المهم أنت عارفني متنوصلش لهاد البلايص دكشي لاش بغيتك تمشي معايا لتم 
ماهر:ولكن دب مغيكون حد حتى الليل 
ياسر:وخا نوض بالله نمشيو نتغداو فشي بلاصة 
خرجو الدراري من القهوة ومشاو تغداو فريسطو فبلاصة أخرى ودوزو النهار فالدوران حيت مبغاش ياسر يمشي للدار باش ميسولوهش والديه على الجديد 
وصل الليل وتوجهوا للكباري لقاو الدنيا عااامرة شويو و وموسيقى شرقية خدامة...جلسو ف بلاصة بعيدة على الناس شوية و استأذن ماهر من ياسر باش يمشي ل طواليط حتى دخل ف وحدة
ماهر:بشوية ابنادمة يخخ على ماركة 
شامة:(تتهز جلايلها)الله يعطيك العمى (هزت رأسها فيه ونطقو)
شامة/ماهر:أنت..انتي

يتبع