دهاء امرأة الجزء الرابع

من تأليف حنان زهراوي
2018

محتوى القصة

رواية دهاء امرأة

الكولة شافت فياا وشهقااات: نااري تقاسيتي فكتفك
انا شادة فكتفي مقسحة وسادة عيني: اوووف سكتينا حضي مع داك الطياار 
تكيت حدا الطبيب حيدت داااك القناع دالخرا قنطني 
شافني الطبيب تصدم :هادي نتي
انا خنزرت فييه ودرت...
الطبيب قربلي ليدي:أري نشوفلك كتفك
انا:بلااش شووف غا هادييك لي حدااك 
الطبيب:رااه عندهااا غا جرووح سطحية فقدات شوية د دم ولكن ماشي شي حاجة ماجبتش الدوايات باش نضمدهوم ليها.. وراها غا فاقدة الوعي ديالها .. عطيني نتي نحيدليك الرصاص من كتفك. يلا بقيتي هاكا غاتفقدي بزااف دالدم وغاتولي خالتك خطيرة
الكولة مخلوووعة غوتات:عطيييييه يدييييك 
انا عطيتو اشارة باش يقربلي 
الطبيب:خاصني مقص نقطعليك الحوايج باش مايضركش الجرح 
انا درت شفت فيه هزييت داك الجاكيت حيدتها من يد وبقات اليد لي مجروحة فيها جريتها بالزربة و غوتت بالجهد ....
انا:ااااعع صاافي هاني حيدتهااا 
بقيت غا بالتيشورت لي كان مقطع اصلا من ديك الجهة خاصني شي مقص باش نحيد ليك الرصاصات
انا خنزرت فيه : مازدتيش فيه لا؟ طبيب غا بالفم وصافي. ؟؟
الكولة مداتليه مقص :هااك 
انا شفت فيها وضحكت: هاهاهاهاهاها عاد فهمت علاش سماوك الفيفر غيرل (فتاة الخدمات) 
الطبيب:عافاك ماتحركيش راه كاينين 2 رصاصات خاصهم يتحيدو دغيا ماكاينش البنج غايخصك تصبري شوية ...
انا:حيدلي الزمر
دخل ليا المقص فكتفي 
انا:اااعععععع (درت يدي ففمي وبقيت كنعضها باش مانغوتش)
جبد الرصاصة اللولة والثانية بقى الدم كايسييل حبسو بيديه
الطبيب:خاصنا المااا
الطيار:هاك هاد القرعة
شدها منو وخواهالي على كتفي نقى الجرح من الدم واخا باقي كايخرج حيد الطابلية ديالو قطعهاا على جوج والطرف اللول دورو على الجرح والطرف التاني دورولي على عنقي وشدلي بيه يدي...
الطبيب:صافي غا غانحبسو الدم ...تاتمشي لشي طبيب آخر
انا:صافي حيد...
هزيت السلاح باليد لأخرى.
انا للطيار:ايمتى غانوصلو. فين غادي بينا بعدا
هو : غاديين للمغرب بالضبط شاطئ سيدي ايفني قربناا 10 دقايق ونتحطو.
انا :اممم مزيان .... دير شي خطأ نقتلك...
هو دار شاف فيا وشاف السلااح بلع ريقو ودار كمل .
حسيت بالهيليكوبطير تعوجاات وكتنزل تاتحطات على الأرض وحبسات.... . حليت الباب ونقزت نيشت بالسلاح للطبيب هو و الطيار تعاونو نزلوها .. 
الكولة نزلات تاهي .... 
الطيار حيد الصمطة ورجع اللور هز الوولف هو والطبيب 
انا شديت الطبيب :كتعرف شي حد هنا
هو :لااا مكنعرف حد
انا للطيار :ونتا كتعرف شي حد هنااا 
هو:لا لا والله
انا:خخخ فاش حلفتي اكدتيلي بلي كتعرف شي أحد هنا... 
قاطعاتني الكولة: صافي غا خليه يمشي بحالو انا كانعرف واحد خونا هنا نمشيو نباتو عندو
انا:اوكي نتاا غاتمشي بحالك ماتعاودش ترجع لداك السجن حيتاش غايقتلوك ويلا بلغتي بينااا غانقلب عليك نجبدك فينمااا كنتي ونقتلك يالااه سيرفحالك

انا:تحركوو نتي عاونيه هزو ديك السيدة.. حاولو عليها
الطبيب:او ما ماتخلينيش نمشي تانا
انا خنزرت فيه:مرحبا مرحبا فين بغيتي تمشي اسيدي لجهنم؟؟ نسيفطوك دابا
هو تخلع:لا لا😰😰 
انا شفت فالكولة لقيتها كضحك خنزرت فيها وسبقتهم 
حسيت بيهم تابعيني. ...
كان الليل غا صوت امواج البحر لي كايتسمع اححح شحال توحشت هاد الجو..شفت ف السمااا كانت مغيمة شميت الهوااء وحسيت بيه بحال فيه ريحة الحوووت.. كاان الجو بااارد ولكن ماحسيتش بيه بكترة مافرحاانة اخيراا خرجت..... توحشت مالين الدار بغيت نشوفهم...
بقيت غادة كنفكر فهادشي لي جاي وشنو خاصني ندير تاوصلنااا للطريق ودرت عند الكولة
انا:منين غاندوزو 
الكولة:انا انخدم جي بي اس فالتيل دالمدير نشوف فين حنا
انا نقزت :لاااا متأكتيفيهش غايتبعونا ويعرفو فين حنااا
الكولة: شكون غايتبعنا المدير راه مات
انا:قتلتيييه؟؟
الكولة كتقلب فالتيليفون وكتهضر : ااااهه قتلتو بدم بارد
انا:مهم ماتأكتيفيش احتياطا. (شفت فالطبيب) الدكتور ديالنا ماعندكش زعما تيليفون
الكولة:اووف صدق فيه كارطة دفرانسا ماشي دهنا 
دارت الكولة عند الطبيب لي كان هاز الوولف فوق ضهرو 
بداات كتقلبليه الجياب وجبدات واحد النوكيا دالبيل
انا:هاهاهاهاهاها قالك الجي بي اس
الكولة:تفو واش باقي شي واحد عندو نوكيااا 
انا:حيدي الكارطة وديريها فلاخر وطلقينا دغيا
الكولة:اححح على داك العقل عندك
حيداتها ودارتها طلقات 3ج وبدات كتخربق فالتيل 
الكولة:صاافي عرفت الطريق يالاه 
انا : اوكي عاوني السيد هزي معاه انا تعوقت من واحد اليد...
بقينا غاديين والكولة كتنعت لينا
انا:فين جات هاد الدار
الكولة:فالبراندية واحد البلاصة را قريبة كطل على البحر
انا: ياكما فيها الشعب بزااف
الكولة:شوية فيها السياح اكتر
انا:بففف شغانديرو بهاد السلاح
الكولة:خبعييه 
الكولة:وصلنااا!
هزات التيل شافت فيه:هاهي الدار فالسفلي 
مشينا ودقينا حل لينا واحد الرجل كبييير فعمرو كولو شااايب تكون عندو ستين عام للفوق .
هو جرها لعندو وعنقهااا بالججهد :السلام ابنتي
الكولة تاهي عنقاتووو:عمي حسن لاباس عليك
العم حسن طلق منها بالزز:الحمد لله دخلوو
انا:السلآم شكراا 
هو :مرحبا
دخلنا للصالون الدار كانت صغيرة فيها كوزينة صالون متوسط و جوج بيوت
حط الطبيب الوولف فوق السداري وكلسنا. .
العم كايشوف فيا:مالها البنت
انا:والو غا طحت على يدي وصافي
هو بعدم تصديق: اااه الله يشافي ابنتي. والبنت لاخرة
الكولة قاطعاتو:عمي شي براد داتاي توحشتو بزااف
هو بابتسامة:واخا ابنتي مرحباا 
ناض خرج وبقينا حنا
الطبيب:صافي نمشي دابا
انا':شوف هادي بعداا مالها وغاتبات هنا تال غدا
الطبيب : عندها غا جروح خفيفة مامهرسة من تاشي بلاصة فاش غاتفيق غاتكون مهلوكة تحاماو عليها بزاف دالبنات
الكولة:ماشي غا بنت وحدة
انا:هه لا حرشت عليها الخيماريات تاهما ... العزية بوحدها ماغاتوصلهاش لهاد الحالة 
الكولة:وعلاش
انا:راه قلتليك مكنتيقش فيها
الكولة: اجي نخرجو شوية (وعيطات بالجهد) عميييي حاساااان هاهو هادااا هنا حضيه معاك غانرجعو من هنا
هو خارج من الكوزينة:واخا ابنتي ماتعطلوش اتاي شوية و يوجد
نضنا خرجنا وتمشينا لجيهة البحر ااااه شحال الجو زويين استنشقت الهوااء تاتنفخت ريتي. درت كنشوف فالناس كانو غا الشراف غالببيتهم سياح كانو قلال شي جار الكلب ديالو شي غادي مع مرتو 
الكولة:بغيت نقولك شي حاجة
انا شفت فيها: ههه نتي من جيهة العميد يونس
هي مصدوومة وكتشوف فيا: باااش عرفتيييهااا
انا: هه تاحاجة مكنزكلهاظ اول نهار جيتي عندي بحالا كنتي كتسنايني دغيا تداخلتي معايا وضبرتيلي فطرف دالزاج سولتك على شكون حاكمة هنا قلتيلي الوولف بلاماتفكري وقلتيلي داوها للسجن الانفرادي كايحققو معاها على شي مافيا. ومن بعد عاودتي قلتيلي داوها للسجن الانفرادي حيتاش كاتنظم قتالات. .. عرفتك غا باغة توصليلي الميساج. داكشي لاش كنت تايقة فيك
هي:صراحة كنعترف نتي ادكى وحدة شفت فحيااتي والله.. مهم انا سميتي ريحانة(هانتي اللالة صدعتينا بالكولة 😉😂) الاب ديالي هو حسن بلعاني كنت كنقوليه عمي غا قدام الطبيب بابا صاحب العميد يونس حتى هو عميد فالشرطة كان خدام مع عمي يونس اكتر من 20 عام هادي .. بجوج كانو كايقلبو على رؤساء العصابة... 

الكولة:كانو كايقلبو على رؤساء ديك المافيا من شحاال هادي... دوك الناس قتلو للعميد يونس عائلتو وحرموني انا من ماما وفعمري 4 سنين... باقة عاقلة على داك النهار بحال يلا غا الباارح 
.... جات كتجري هزاتني باستني من راسي وخباتني فواحد البلاكار الفووق فالكوزينة قالتلي بقاي هنا هاهو بابا جاي غايقلب عليك... وانا بقيت مخبعة تماك كنتسنا بابا يجي كنت فرحانة حيتاش ديما كنتخبعليه فاش كنحس بيه جاي وكايلقاني كايبقى يلعب معايا ويبوسني .... بقيت شحاال كنتسنااه شوية تحل عليا الباب دالبلاكار كان بابا خايف وكايبكي باقة عاقلة على التفاصيل دالتفاصيل هزني وبقى كيبووس فيا وكايبكييي ... من تما ماعاودتش شفت ماما رحلنا من ديك الدار فخطرة بابا لي رباني كبرني وقراني. ودخلني للبوليس قالي بلي المافيا هما لي قتلو ماما حقدت علييهم وانا لي ختاريت نتكلف بهاد المهمة واخا مابغاوش ولكن فرضت عليهم بالزز..
انا بقات فيا وعنقتها : عانيتي بزااف ماعلييش دابا نشدوهم كاملين غادي يتعاقبو عاجلا ام اجلا
ريحانة شداتلي فيدي :نتي الأمل الوحييد لي بقاليااا... نتي دكية بزااف غاتقدري ضحكي عليهم ... ايلا عاونتينا غانشدووهم انا عارفاك عانيتي فالحبس ولكن عافاك ماتخلايش على المهمة
انا ابتاسمت: ماكنفكرش نتخلى عليها
عنقاتني بالجهد:اااي يدييي بالشوية اللصقة تفوو الكولة سبيسيال
ريحانة كضحك:زيدي نمشيو ناكلو توحشت اتاي دالواليد كايصرعو
انا: اااححح واش كايديرو منعنع
ريحانة:ضروري من النعناع المساند الرسمي..
انا تفكرت:اههه باش عرف باباك راحنا هنا
ريحانة: فاش عطيتيني الكارطة سيفطليه ميساج فنمرتو وقلتليه فين حنا .
انا: و وصل بهاد السرعة
ريحانة:معاك المخاابرااات ابب.... اه اجي شغانديرو مع ديك الوولف
انا: ماعرفتش باقة كنفكر شغانديرو معاهاا 
ريحانة: هههه عبرتي على مها فاش حرشتي عليها الخيماريات اااه اجي ماعاودتيليش علييك شنو سميتك
انا:سارة 21 سنة
ريحانة:برهووشة انا عندي 25
انا:راه نتي لي شارفة الباايرة قراناتك راه ولدوو ولدهم الخامس ونتي لاصقاني هنا
ريحانة:تفو عندك الجواب فطرف لسانك... يالاه يالاه نمشيو قبل مايتعصب الواليد راه خليناليه داك الطبيب
انا: ماتخافيش داك الطبيب اكبر خواف شافتو عينيا ههههههه
بقينا كنضحكو تاوصلنا حدى الباب دقينا وحلينا العم حسن الباب:دخلو ابنتي راه وجد اتاي
دخلنا كبينا اتاي وكانت الحلوة .... 
طحنا على داكشي عمييين.... توحشت الماكلة دالواليدة 
كملنا هز العم حسن الصينية وتبعتو بالطبسيل هازاه بيد وحدة ... ريحانة بقات مع الطبيب
دخلت للكوزينة حطيت الطبسيل يالاه جيت نخرج هو يحبسني صوتو
العم حسن:سارة الكوفي
انا درت عندو درت التحية:وي شاف
العم حسن حط يدو على كتفي وبتاسم ليا: شكراا حيتاش نقدتي ليا بنتي من داك الحبس و تبارك الله علييك ماتوقعناش تخرجي راسك من داك السجن بهاد السهولة وبسرعة
انا: هدا واجبي شاااف
هو : عيطيلي عمي
انا ضحكت :ههه واخا اعمي
هو: مهم العميد يونس راه فكندا دابا هضرت معااه وقلت ليه بلي خرجتي فرح بزااف عجبو الحال وقالي كان متأكد غادي تخرجي . (مد ليا تيليفون سامسونغ سكة) هاكي هادا غادي يبغي يهضر معاك منوو.. ويقوليك على التعليمات
انا: واخا اعمي 
هو: يالاه سيري دابا تنعسي. ديك المجرمة غانضربليها ابرة فيها مخدر باش ماتفيقش كاع.. انعس انا مع الطبيب سيري نتي نعسي حدا ريحانة فالبيت وخلي هاديك فالصالون 
انا: ويلا فاقت وهربات راه مكنتيقش فيها
هو: راني ساد الباب بالسوارت وزيدي عليها المنوم لي غانديرليها غاينعسها تال 72 ساعة. غدا ونديرليها المضاد لابغيتيها تفيق
انا:لا غا خليها مزيااان ... 3 يام مزيانة علاما نفكرو شنوو نديرو
هو: حتى هادا نظر
مشيت دخلت للبيت لاخرة لقيت الكولة ههه ولفت كنقوليها الكولة . لقيتها مفرشالنا فالأرض 
ريحانة مداتلي بيجامة سخونة:هاكي هادي البرد بزااف هنا لبسيها تال غدا وندوشو
انا شديتها منها:عاونيني نلبس راني وليت معاقة
ريحانة:ههه واخا . (بقات كاتعاونني) عرفتي نهار داوك للانفرادي وكالولي دخلعليك ألما وتخنقتي عرفتك غاتكوني طلعتي من تماك وانا متأكدة انك غاتخرجينا
انا: دابا داكشي فات وسالينا معااه الموشكيلة فلي جاي
ريحانة:اشنو غانديرو 
انا كملت اللباس وتكيت بلاصتي: تال غدا ونشوفو بون نوي 
طفات ريحانة الضوو وتكات:تصبحي على خير
بقيت فايقة شوييية بداو عيني كايتغمضو بوحدهم عييييت بزاااف غفييييت ونعست.....

صبح الصبااح 
أصبحنا وأصبح الملك لله
فقت على اشعة الشمس لي دخلات من السرجم و ضرباتلي فعيني نيشان
فرحت بزاف ههه ماولفتهااش ولفت غا الظلام فداك الحبس. نااري على احساس شحال زوين هادشي كايخليني نحمد الله ونشكروو على نعمو... الشمس نعمة بحالها بحال الدار 😂😂 كون زدنا شوية فداك السجن كون غملناا
درت لقيت بلاصة ريحانة خاوية... نضت وتكسلت مزياان حتى حسيت بعظامي كايطرطقو . 
الللله على راااحة نعست مزياان شحال هادي مانعست بحال هاكة نضت دخلت للطواليط طرفت حالتي وخرجت لقيت ريحانة فالبيت
ريحانة وهي كتحط الحوايج والفوطة: صباح النور الزين دخلي دوشي دابا ولا حتى تفطري 
انا:ااه ااه ندخل دابا شحاال هادي ماحكيت غايخرج مني العجب السباغيتي
ريحانة مدات لي الحوايج:هههه وادخلي دغيا فاش تحكي وعيطيلي ندوزليك لضهرك را كولشي تماك فالدوش 
انا:اوكي بب شكراا 
ريحانة:غبري من قدامي قالاك شكرا ياكما قلتهالك انا لي خرجتيني من الحبس
انا داخلة للدوش:ايوى لاباس فاش حسيتي براسك مافيكش الصواب
سديت عليا الباب قبل ماتجاوبني
حطيت السطل فالبانيو يعمر وحيدت حوايجي درت كرسي وسط البانيو وبقيت كنخوي عليا الما لقيت الصابون البلدي الله هادا لي كايصلاحلي انا بدييت كنحك مزيان تارديت صحتي كولها حمرا دقات عليا ريحانة نضت حليت ليها الباب
ريحانة:هههههه اش هاد الفضيحة دايرة
انا:ماشي شغل مك حكيلي ولا نوضي سيتخراي 
ريحانة وهي كتحك:هههه المسوفجة لاخرة قوليلي منين نتي بالضبط
انا: من خنيفرة . ونتي
ريحانة: انا اصلي فاسية ولكن تربيت فكازا 
انا:تشي فئيئصات العامالة 
ريحانة:ههه الله يمسخك راه ماكانهضرش بال أ ولا ديك را ديالهم..
كملنا الناب وخرجات كملت التدواش خرجت لاوية عليا فوطة ليست الحوايج لي عطاتني سروال دجين مفتوح والفوق ديباردور فالبيض وفوقو تيشورت واسع في اللورونج
خرجت لقيتهم كايتسناوني فالطبلة ريحانة و باها
عمي حسن:بصحتك ابنتي كلسي تفطري
انا:الله يعطيك الصحة اعمي 
بقينا كنفطرو شوية تفطرت :فينااهو داك الطبيب
العم:ديناه للمركز باش نحققو معاه على ود داك السجن والمدير ديالو
ريحانة تزنكات فاش سمعات سميتو: ريحانة مالك تزنكتي 
ريحانة: ااا ههه لا والو ههه ماتزنكتش فيناهي الوولف
العم: حطيتها فالبيت لاخر ..ديريلها ابنتي السيروم باش ماتموتش لينا تماك..
انا :واخا غانمشي نشوفها
العم:سدي الباب ابنتي
سداتو العم بهمس: اليوم غانتلاقاو بيونس غايجي لهنا
انا:بالصح كيغايديرلها ياك هو فكندا
العم:راه غي قلتلو البارح بلي خرجتي وهو يخرج نيشان قطع البيي فرحتيه تبارك الله عليك انا كنت معارض فكرة يسيفط شخص آخر وكنت كنقلب على داك السجن شحااال على قبل بنتي و مالقيتوش هو كان تايق فيك غاتخرجي منو... واخا هاكاك مابغيتش تمشي ولكن فاش شفت لي فيديو وراقبت تحركاتك فاش كنتي كتدربي صراحة جيتيني فشكل كنتي كاتستوعبي بطريقة سريعة وقدرتي انك تغلبي احسن مقاتل عندنا فأقل من أسبوع ديال التدريب.داكشي علاش ختاريناك للمهمة. وقررنا ندخلوك فلائحة العملاء الاكتر سرية لي ماكايعرفهم حد حتى من اعضاء مركز الاستخبارات ماكايعرفوهمش.
غا الرؤسااء الكبار لي كايعرفوكم..
انا:دابا انا تاواحد ماعارفني واش عميلة سرية حتى من العملاء السريين ..د
العم: اه نتي كتعتابري من العملاء الاكتر سرية كاينين شي 100 واحد فالعالم كامل مامعروفينش يقدرو يكونو دراري صغار يقدرو يكونو شارفات يقدرو يكونو قدك فالعمر....
انا:وشنو الفرق و واش ريحانة عارفة 
العم:نتوما متميزين مامعروفينش عند المافيات وكاتعيشو عادي بحال أي واحد يقدر العميل الاكتر سرية يكون خضار ولا كسال يقدر يكون زعيم عصابة ... و حاجة أخرى العملاء الاكتر سرية ماكايعرفوش بعضياتهم كايخدمو بوحدهم باش مايتفرشوش وريحانة ماعارفة والو خاصك تعلمي ماتفشيش الاسرار ديالك لتاشي إنسان واخا تعرفي تموووتي فيها هادو هما صفات العملاء الاكتر سرية... كايكدبو على كولشي ماكايهضروش بزااف على حياتهم والأهم الأهم الأهم وكانزيد نقولها الأهم ماكايتعلقوش بشي شخص يعني مكايبغيوش و ماكايتزوجوش بالنسبة ليك نتي اول شخص غايتختار عندو عائلة الأغلبية لي كايتهزو مكتكونش عندهم عائلة باش ماتكون فقلبهم لا رحمة لا شفقة . وحتى يلا كان شي شخص كومبيطون ومحتاجينو وعندو عائلة كنوجدو شي جتة وكنديروليها حادثة باسمو وكانوهمو عائلتو بلي راه مات بموافقتو طبعا .. مهم بااقي غانشرحولك هادشي مزيان انا والعميد يونس (خرجات ريحانة من البيت) وغمزني نسكت...

ريحانة:فوقاش غاتفيق هاد السيدة
العم :غدا غانفيقوها
ريحانة:سارة انا غانلبس نوضي نخرجو نضربو شي دويرة 
انا:اهاه واخا
مشات تلبس حوايجها 
العم:ماتعاوديلها والو عليك ولا على عائلتك ماكانش عليك تقوليلها سميتك...
انا: راه قلتليها حتى فين ساكنة
العم بقسوة:ببففف مهم سدي فمك ماتعاوديلها عليك تاحاجة ويلا سولاتك عرفي كيديرها تخربقيها... واخا بنتي ولكن هادشي سري بزااف
انا:واخا
نزلات ريحانة وخرجنا

خرجنا 
انا:اه شحال توحشت الشمس 
ريحانة:وشغانقول انا لي دوزت اكتر من 4 شهور تمااك
انا:واييه بزاف
ريحانة:ايوى قوليلي شنو من بعد فاش كتفكري شنو هي الخطة لي غاديري
انا:ماعرفتش صراحة كايبانلي غاتخلى على هادشي ونمشي نكمل قرايتي حسن
ريحانة وقفات وشافت فيا: لا كاضحكي عليا يااك ههه
انا خنزرت فيها
ريحانة: لا عافاك اسارة ماديريش هاكا..راه نتي الأمل الوحيد باش تشد ديك العصابة 
انا: المهم نساي علينا هادشي عافاك وهضري لنا فشي حاجة أخرى
حسيت بيها جاتها البكية ولكن حبساتها انا حاسة بهادشي لي كتعاني منو ولكن ماخصها تعرف والو...
مشينا تسارينا شوية شرينا شي حوايج وشي تخربيق خاصنا ورجعنا قبل الغدا كانت الشمس سخونة.. مافهمتش هاد البلاد الصباح الصهد والليل البرد بزاااف
والجو ديما مغيم العجب
دخلنا للدار لقينا الغدا واجد كلينا ونضنا غسلنا الماعن انا وريحانة
دخل عندنا عمي حسن:سارة اجي معايا واحد الشوية بنتي نتي كلسي هنا حضي ديك المجرمة وقابليلها السيروم
هزيت ساكادو كحل ديالي يالاه شريتو درت فيه داك السلاح وخرجت.
انا:سمحليا نقولك واحد الحاجة
العم:وي تفضلي ابنتي
انا: مانقدرش نوهم مالين دارنا بلي انا ميتة هادي آخر حاجة ممكن نديرها ... هادا شرطي الوحيد واي حاجة أخرى من غير هادي بغيتوني نديرها مرحبا ولكن هادي لااا مانقدرش نبكي عائلتي نحزنها على شي حاجة ماكايناش...
العم:مهم تاناقشو هادشي مع يونس راه وصل كايتسنانا 
بقينا غاديين جنب البحر تابانلي واحد الشخص واقف كايتسنانا حدى واحد للطوموبيل كحلة طويلة زاج فيمي مكتبينش. كان كما العادة ملاميحو ديماا صارمين وعينيه حاديين كايعبرو على دكااء فشكل هاد السيد كايخلعني بزاف..
انا:السلام شاف
ع يونس: مرحبا ابنتي تبارك الله عليك ماخيبتينيش... وخرجتي دغيااا 
انا:درت داكشي علاش قديت اسيدي
تعانق هو والعم حسن:شحال هادي ماشفتك شرفتي اصاحبي
العم حسن:هههه خاصنا شي كومبا ونشوفو داك الساعة شكون فينا لي شرف 
ع يونس:ههههههه انشاء الله دخلو للطوموبيل ونكملو 
دخلنا للور كلست انا والعم حسن فجيهة و العميد يونس مقابل معانا 
العم ح: سي يونس هضرت مع العميلة سارة على القضية دالعائلة 
ع يونس:ااه امم شنو قلتي اسارة
انا بصرامة: سمحلي شاف ولكن مانقدرش عائلتي هما كولشي مانقدرش نحزنهم انا كنقلب غا نفرحهم مايمكنش نعيش حياتي كاملة بعيدة عليهم...
ع يونس شاف فحسن وعاود شاف فيا: اامم ولكن ابنتي غاتعرضيهم للخطر
انا: ماشي بالضرورة تاواحد ماغايعرف بلي عندي عائلة 
ع يونس:مهم مزيان المهمة ديالك الجاية هي تقنعي ديك المجرمة تعاودليك كولشي على العصابة
انا:اه كاين مشكل ديك السيدة مكنتيقش فيها ومكنرتاحش ليها كنحس بيها ناوية على الغدر
العم حسن: فاش غاتفيق ماغانكونوش حنا حضي معاها لاتهرب ولا تحاول تقتلك يلا مكتيقيش فيها ديرها
ع يونس: اليوم خاصكم تفيقوها باش نعرفو شنو نديرو. هاكي هاد الجهاز ديما خاصو يكون فودنك باش نبقى نعطيك التعليمات منو فين ما كنتي ...وراه فيه حتى جهاز تنصت 
مدو ليا وخديتو كان حلقة على شكل نجمة كتلصق فاللحم دالودن
ع حسن:ديريهم داخل الودنين باش تبقاي تسمعي مزيان
انا:واخا 
ركبت الجهاز 
ع يونس:هاكي هاد المسدس غاتحتاجيه وحضي معاه راه واخا صغيير بزاف ولكن خطييير الرصاصة كتفوت 400 متر فالثانية ماكايديرش الصوت وكيكاتشوفي صغير فالحجم مكيلقاهش جهاز تعقب الاسلحة خبعييه مزياان وحتى جهاز التنصت مايكتعقبش..
انا شديت السلاح حطيتو فساكادو
ع يونس:انا ديما غانكون معاك مانخافش عليك نتي دكية وقوية فنفس الوقت غاتعرفي تصرفيي من بعد ارتاجلي لامامشاتش الخطة كيبغينا كنتيق فيك 
انا:ميغسي شاف
خرجنا درت التحية ومشيت بعدت خليتهم كايهضرو

العم حسن: خاصنا نقنعوها باش توافق على شرط أنها توهم عائلتها بلي ماتت
ع يونس:عارف غانشوفو شي خطة 
العم حسن:ااه ديرليها كيما درتي نهار متلتي عليها فالفيلا وبكيتي وخليتيها توافق تمشي للسجن ههه المرأة كتبقى مرا وديما العاطفة غالبااهااا 
ع يونس: هي واخا دكية و قوية ولكن نية والعاطفة متحكمة فيها خاصنا نستاغلو هاد القضية لصالحنا
العم حسن: مزيااان مهم فكر فشي حاجة دغيا باش نكسبوها البنت دكية بزااف قدرات تهرب من السجن السري و هربوو موراها كاع السجناء زلزلات داك الباطو 
ع يونس:داكشي لاش ختاريتها ماللول هي لي غاتعاوننا نتاقمو من داك الحقير د سي احمد على داكشي ليدار فعائيلاتنااا حنا غاندموووه مزياان هو افراد المافيا لاخرين
العم حسن: إنشاء الله. هانا غانمشي دابا لاتعيق بشي حاجة
ع يونس:واخا بقى مراقبهاا داك الجهاز راه فيه جهاز تعقب .. باش ديما نبقاو عارفين فين كاينة 
العم حسن:مزيااان تعيا ماتكون دكية ماتوصلكش فالدهاء ديالك .. ولكن نخاف غا لاتضيع لينا الخطة و يقتلوها. .. ديك المافيا عمرهم تاقو فشي واحد ولا دخلوه شحال من مرة سيفطنا شحال من واحد وعاقو بيه ومارحموهش
ع يونس:يلا قتلوها ونشوفو شي شخص آخر كما العادة(غمزو وركب فطوموبيلتو كسيرا ومشى)

جا عندي العم ورجعنا للدار
لقينا ريحانة متكية ناعسة
العم حسن:مهم اليوم غانمشي خاصك تفيقي ديك المجرمة هاكي هاد الابرة دكيهالها غاتفيق من موراها بربع ساعة...راني داير كاميرات صغيرة فالدار باش نراقب التحركات ديالها.
انا:احسن حاجة مافيهاش الثقة ماكنرتاحليهاش.. واش غاتبقى معايا ريحانة 
العم قاطعني بلا مانكمل:لا ابدا ماغانخليهاش مع هاد المجرمة
انا شفت فيه واحد الشوفة كتعبر على انه خايف على بنتو وانا نمووت عادي
العم عاد حس ب اش قال: هي مامدرباش مزيان و نخاف تخسر لينا كولشي ماشي بحالك نتي 
انا بعدم تصديق كنشوووف فيه: امم وي كاينة 
يالاه نخليك نتي حاولي تقنعي ريحانة بلي غاتخلاي على المهمة مور ماتفيق و ماتعتارف هاد المجرمة ب سمية الرؤساء... حيتاش خفتي على حياتك... لمهم كدبي عليها فيقيها دابا انا غا نتسناها فالطوموبيل
انا: ااممم اوكي تقدر تمشي دابا علامانفيقها
العم شاف فيا واحد الشوفة بحالا حس بيا عقت بيه خايف على بنتو ومشى خرج...
بفف ماحملتوش فاش قال هاكاك بقى فيا الحال بزاف واخا راه من حقو وراه بنتو هاديك وخاصو يخاف عليها ولكن انا حسيت بلي مكنهموش .... ولاش غانهمو اصلا انا غا خدامة معاه ماشي بنتو اصلا ماخصنيش نتسنا من بنادم يدير على قبلي شي حاجة واليديا بوحدهم لي نتسنى منهم يحنو عليا ويخافو عليا والبشر لاخر طوز فييه..... الخدمة خدمة والمشاعر بوحدهم خاصني نطفي العاطفة فيا ... هاد الخدمة هادشي لي كاتبغي مايكونو عندك لا مشاعر لا مبادئ لا والو غا نتااا لي كاين .... صراحة حسيت براسي بوحدي فهاد الدوامة ماكاينش لي واقف فجنبي... كنحارب بوحدي كولشي كنبانليه قوية وكايحملوني فوق طااقتي ... بفف مهم ماعليش..
مشيت فيقتها:ريحانة نوضي ريحااانة نوضي اصااحبتي
ريحانة:اممممم شنووو
انا:ترر عولنا عليك بكري تحضي لينا الوولف
ريحانة غي سمعات سمية الوولف ونقزات:ااا لا هربات؟ ماتقوليهاش
انا:اه هربات هههه.. نوضي الله يمسخك .. خاصك تمشي 
ريحانة:فين؟
انا: غاتمشي مع الأب ديالك را كايتسناك..
ريحانة توكضات وشافت فيا:ونتي
انا: انا غانبقى تاتفيق الوولف غانجبد منها الهضرة نسجلها ونعطي التسجيلات للبوليس وننسحب بهدوء مابقيتش قادة نعرض حياتي للخطر
ريحانة: لا عافاك نتي لي غاتقدري تعاونينا نشدو دوك المجرمين وانا غانكون معاك غانعاونك
انا:مانقدرش ندخل لديك المافيا خايفة على حياتي باغا نعيش ماباغاش نموت غا هاكاك ديك المافيا خطيرة مانقدرش نغامر براسي على قبل شي حاجة كتر من طاقتي..... مهم دابا غا سيري باك كايتسناك. الوولف ماغاتيقش فيك راه كاينين كاميرات غاتبقاي مراقبانا 
ريحانة تقلقات:صافي لي بانلك 
مشات لبسات عليها وخرجات زدحات الباب بالجهد..
خليتهم تامشاو سديت البااب بالساروت درت على الدار شفت السراجم بانلي كولشي دايرين ليه الحديد مزياان دخلت للكوزينة خبعت كاع الجناوا والماس فواحد الطاسة كبيرة ومشيت درتهاا تحت ناموسيتي فالبيت فين كنعس...
جبت دورة كنقلب على الكاميرات كانو معلقين فالقنوت وبانوليا مشكييلة هادي واخا صغااار كايبانو وديك الوولف دكية بزااف شنو ندير نخبعهم؟ ولكت غايبغيو يراقبو التحركات ديالها بببف خلييهم عالله ماتشوفهمش واخا صغار يقدرو يبانو ليها يقدرو لااا... مهم هما لي ركبوهم ماشي شغلي...
هزيت ديك لبرة ومشيت للبيت فين ناعسة كلست حداها ودكيتها للولف وكلست حداها
بقيت كنشوف فيها كتبان بريئة وهي ناعسة ...
بدات كتحرك بالشوية بالشوية 


عند ريحانة كانو راكبين فالسيارة 
ريحانة:بابا فراسك سارة بغات تخلا على العملية
العم حسن:اه قالتها ليا ومن حقها راه دازت عليها فالسجن وخافت على رأسها من العصابة هي ابنتي ماعندهاش شي دافع لي يخليها تعرض رأسها للخطر
ريحانة:ماعرفتش هادشي مادخليش لراسي سارة قوية وشجاعة مكتخافش علاش غاتخلا على العملية.. ياكما قلتيلها شي حاجة
العم حسن وقف الطوموبيل وصلو : لا ماكلتليها والو
ونزل

نمشيو شوية عند البطل ديالنا ياسين ..
كان فالدار فطريقو للباب خارج للخدمة وكايهضر فالتيليفون 
ياسين: كيفاش بلاتي عطيتك سيمانة تلقاهاليا و والو مالقيتيهاش ياك قلتيلي ماتهزاتش.. 
الشخص:....
ياسين: بغيتك تلقاها دغيا ماخصناش نضيعوها شفت لي فيديو لي سيفطتيلي هي لي صالحة للمهمة الجاية انعطيك خمس يام جبدهالي من تحت الارض من السما مكيهمنيش مهم تلقاها 
الشخص:..
ياسين: راك عارفني فاش كنتعصب راه منعقلش على ربك 
قطع وخرج معصب شافو الشيفور معصب تخلع خاف منو حل ليه الباب دغيا و ركب ...

ياسين:ديني للديبو دغيااا
الشيفور: هي اللولة اسيدي
بضع دقائق و وصلو نزل البوص من بعد ما دار القناع ديالو و مغير الصوت ودخل
لقى الحراس واقفين كايتسناوه
كانو واقفين قدامو كاملين مستفين هز الفردي ديالو
تخلعوو شي كايعراق شي كايبلع فريقو عارفينو معصب
ياسين: انا شنو قلت ليكم اا......شنووووووو قلتلييييكووووم .... بااااش امرتكم هادي 7شهوور... هضروووو
بقاو الحراس ساكتين هز السلاح وتيرا فواحد فيهم نيشان فسنطيحتو طاح فالبلاصة ...
ياسيين بالغواات:جااااوبووونييي
الحراس غا ساكتين وخايفين ... قرب ليهم ياسين بقى كايشوف فيهم واحد بواحد وحط الفردي على واحد فراسو حتى حس بالما حدا رجليه نزل لقاه بال تحتو يالاه بغى يتيري فيه هو يسمع الحس من موراه
كان الشيفور داخل هو والبوديكارد دالبوص سميتو الوحش 
الوحش:سيدي لقينا الجديد
ياسين شاف فيه: هضر 
الوحش: لقااو الشرطة الدولية واحد السجن سري على شكل باطو فالمحيط الأطلسي كانو مشدودين فيه بزااف دالمجرمين وهربو... كنضن بلي الوولف كانت من بينهم..
ياسين بالغوات:كيفاش كضن خاصك تكوون متاكد بغيتكم تجبدوهاليا حية او ميتة مكايهمنيش ... سير تأكد دابا ...
الوحش:خرج كايجري.
ياسين بقى غادي بخطوات تقال تاوصل حدا الباب د الديبو و هو يوقف دار بالشوية وهز السلاح تيرا فالحارس لي بال تحتو..
ياسين:انا مكايخدموش معايا الخواافة والبوالة. ...
ومشى خرج...

نرجعو عند سارة
بدات كتحل عينيها بالشوية ... شوية تاوعات براسها وناضت قفزات
الوولف :ااااي ااهه 
انا حطيت يدي على كتفها:بالشوية عليك راك باقة مقسحة
الوولف حيداتلي يدي ودفعاتني: بعدي مني ماشي هادشي علاش تافقنا 
انا:تافقنا نخرجك من الحبس هادشي لي كنعرف انا ..
الوولف:تخرجيني من الحبس ماشي تقتليني حرشتي عليا حتى الخيماريات علاش
انا:ماكتهمش الطريقة المهم هو خرجتك من تماك
الوولف ناضت بالزز تاوقفات ورجعات طاحت:اااي 
انا ماتسوقتش ليها حاولات تنوض عاوتاني وطاحت شدات فالناموسية تعكز عليها و خوات بيها رجلها ا
الوولف:اووف نوضي عاونيني ونتي كتفرجي فيا
انا نضت خرجت وسديت عليها الباب بلامانجاوبها .. مشيت للكوزينة وكلست كنوجد لينا ماناكلو للعشا ...
غسلت الماعن ورجعت لعندها للبيت دخلت مالقيتهاش 
تخلعت قلبت فالطواليط والو خرجت لقيتها غادا زاحفة للباب.. تكيت على الحيط وربعت يدي وبقيت كنتفرج فيها. مشات كتزحف تاوصلاتليه حاولات تحلو والو .
الوولف بالغوات:حلي علياااا هااااد الباااب القحبة
انا مشيت عندها حاولت نهزها وتنترات مني وبقات كاتغوت و كتفركل:حلي الباااب دابااا حلي الزمر دغيا القحبة ولا غانقتلك ونشرب من دمك.. داباااا حليه
انا:ماغانحلوش تاتبراي وتولي مزيان.. البوليس مقربليها علينا خاصنا نتكمشو هنا ومانخرجوش ولا غايردونا للحبس
الوولف غا سمعات البوليس والحبس وتكالمات 
شديت ليها يديها وهزيتها بقات غا جارة رجليها تاوصلتها للناموسية: دابا تولي مزيان . راك غا حيت ماكليتيش يوماين هادي داكشي باش رجليك وصحتك فاشلة..
انا انمشي نجيب ليك العشا 
مشيت حطيت ليها فطبسيلها وحطيتو فبلاطو وديتولها للبيت كلات وانا كليت فالكوزينة. 
الوولف: كيدرتي تاوصلتي لهنا ولقيتي هاد الدار و كيغاندير نخرج من هنا بلامايشدوني البوليس
انا:ماتفكريش فهادشي نعسي تال غدا ونهضرو مزيان ونعاودليك كولشي. انا عيانة دابا
خرجت مشيت تكيت فالصالون مابغيتش ندخل للبيت وتخرج دير شي حاجة ...غا حطيت راسي على الوسادة وانا نمشيي لعالم اخر
ناضت الوولف بالشوية حسات براسها شوية مزيان و ركابيها مابقاوش كايخويو بيها واخا باقة صحتها مهلوكة وكترجف مشات للسرجم حلاتو لقات الحديد 
الوولف فنفسها:تفو كيغاندير نخرج من هنا والله لابقات فيك يلا ماقتلتكش ماتكونش سميتي الوولف خاصني نخرج(خرجات لقاتها متكية فالصالون) نعسي القحبة على راحتك غانعس اليوم فخطرة وحدة (دارت ابتسامة شر مشات نيشان للكوزينة كتقلب على شي موس ولا جنوي مالقات والو) واخدة الاحتياط ديالك القحبة. (خرجات ودازت من موراها بالشوية دخلات لبيتها لقات ساكادو هزات قلباتو لقات السلاح)همم هادشي جديد منين ضبرات عليه. هاها اليوم نحيك من طريقي خرجات بالشوية شيرات بالسلاح للراس د سارة وساارة خامرة غاااااااارقة فالنعااس وماسايقة للدنيااا خباار....... .. 

نيشات عليها بالسلاح لراسها وسارة غاارقة بالنعاس ...
بركااات باش تيري فيها وماابغااش يتيري تعكس ليهااا مافهمات والو عاودات بركات شوية ماحسات براسها تانزلات عليها شي حاجة للراس وغوتااات
الوولف:ااااااااايييي
سارة نقزات مخلوعة الغوتة لي دارت الوولف فيقاتها 
غي ناضت هو يتشعل الضو..... هزات رأسها لقات ريحانة لي شعلات الضو كانت هازة واحد العصااا غلييضة وطويلة و كترجف. ...
دارت للولف لقاتها طايحة فالأرض على وجهها والدمايات كايشرشرو من راسها وهازة سلاحها فيديها مافهمات واالووو 
سارة مشات كتقيس النبض دالوولف وكتعاتب ريحانة لي واقفة مصدوومة : اشنووو درتييي اريحانة شنوو درتي اوووووف..
ريحانة كتبكي:ماماتش يااك ماماتش... را كانت غاتقتلك كانت غاتقتلك بالسلاح
انا شفت فيها: لا ماماتش خاصنا نديوها للمستشفى دغيا ... عيطي على باك
ماجات فين تكمل هضرتها تادخل العم حسن كايجري وكايلهث : شنو درتووو .. (شد يد بنتو) شنو درتي علاش ضربتيها (مشى قاس النبض ديالها) باقة عايشة (هز التيليفون يعيط على لومبيلونص)معاكم العميد حسن بناني حالة طارئة فحي البراندية العنوان **** اجيو دغيا (وقطع خنزر فبنتو وكايغوت عليها) شنو درتي علاش خرجتي ياك قلتليك ماتجيش هانتي ضيعتي لينا الخطة الشخص الوحيد لي لي ممكن يوصلنا للعصابة كنتي غاتقتليه
ريحانة كتهضر و كتبكي :انا فقت نطل على الشاشات نشوف شنو كايديرو بانتلي الوولف فايقة كاتمشى وسارة ناعسة خفت عليها وجيت حليت الباب بالشوية لقيتها هازة السلاح على سارة كانت غاتقتلها ماحسيت براسي تاضربتها
انا:داك السلاح اريحانة كايخدم بالبصمات ديالي بوحدهم مايمكنش يطلق الرصاص لاماكنتش انا لي هازاه
العم حسن معصصصب: ها لومبيلونص جات دخلي نتي لداخل تانوافيوك بالجديد...
انا دخلت للبيت وبقيت كنمشي تال القنت ونرجع للقنت لاخرة.. اووف اريحانة اووف ضيعتي لينا الخطة ماخاصش الوولف تمووت هي الوسيلة الوحيدة باش نوصل للعصابة 
حل العم الباب كايهضر معصب رماليا السلاح: المرة الجااية حضي راسك و السلاح ديما معاك ماتفارقيش معاه سمعتييني.
انا: وي شاف
خرج وسد عليا الباب سمعت لومبيلونص مشات.. والبوليس كانو كايهضرو مع العميد
البوليسي:معاك الضابط ايمن من الشرطة القضائية ممكن تقولنا شنو وقع هنا
العم:معاك العميد حسن من المخابرات انا غانتكلف
البوليسي:سمحليا اسيدي ماعرفناكش
سمعت الباب تسد وحل عليا العم: خرجي
خرجت لعندو
العم:ريحانة مشات مع لومبيلومص غايخصني نتبعها. نتي بقاي هنا انا غانمشي نتكلف بالرابور غانلصق ليها شي شفار لي دخل وضربها وهرب... أي جديد غادي نصونيليك فالتيليفون لي عطاك العميد يونس بقاي هنا ماتخرجيش
انا:اوكي شاف
مشى خرج ودخلت انا لبيت سديت عليا هزيت السلاح من الأرض وحشيتو فسروالي انا خليت السلاح حيتاش عارفاه كايخدم بالبصمات ديالي واخا تهزو ماغاتقضي واالو بيه وبالعكس غانعرفها فاش كتفكر ولكن ماكنتش عارفة بلي ريحانة غاتجي اووف خرجاتلي من الجنب شنووو غاندير دابااا يلا وقعات للوولف شي حاجة ماغايكون عندي كيندير ندخل للعصابة .. بففففف
بعد ساعتين صونالي التيليفون
انا:وي شاف
العم حسن: البنت دخلات غيبوبة
انا بالغوات:كيييفااااااش لااااا مااايمكنشش
العم حسن باسف :قالينا الطبيب بلي الضربة لي جاتها فراسها غيباتهااا. وتقدر يلا فاقت غاتكون فاقدة الداكرة مهم مابقاش عندها باش تنفعنا
انا مصدومة: وشغانديرو دابا
العم ح: تسناي العميد يونس يوصيني عليك و غادي يقوليك شنوو....(وقطع)
انا لحت داك التيليفون فوق الناموسية. .. مايمكننننش انا دوزت اسوأ ايياام حيااتي فداك الحبس باش نخرجها وداباا ضيعاتلينا الخطة اوووووف
بقييت كنفكر فهاد الحريرة تاسمعت الهضرة فودني. .. تخلعت ونقزت من بلاصتي
العميد يونس:سارة كتسمعيني 
انا حطيت صبعي على ودني مصدومة عاد تفكرت جهاز التنصت: وي شاف كنسمعك 
العميد يونس...........

العميد يونس: العميلة سارة كتسمعيني
انا: وي شاف كنسمعك
ع ي: قالي حسن على شنو وقع كان علييك تردي بااالك هادي ماشي خدمة ماشي من عوايدك هادشي علاش خليتي السلااح
انا:انا رادة البال شاف السلاح خليتو باش نعرف اشنو تحت راس الوولف ولاش كتخطط كنت عارفاها باغة تقتلني وبغيت نتأكد من النوايا ديالها ... ولكن العميلة ريحانة خرجاتلي من الجنب
العميد:المرة الجاااية خودي احتياطك مانبغييش بحال هاد الخطأ يتعااود نهائيااا. .. 
انا:اوكي شاف .. شنو المعمول دابا...
العميد: دابا خاصك تمشي معايا لكندا ونشوف كيندير ندخلك للمدرسة دالمعلوميات.... راه كنهضر مع مالين دارك يومياا ولكن ماشي بزااف مكنخليش ليهم فرصة فين يسولوني شي سؤال لدرجة تخلعو عليك خاصك تهضري معاهم نتي باش مايشكو فوالو 
وحتى العميلة خولة كتسول فيك يوميا تاهي فكندا وباغة تلاقا بيك ديما كنتهرب منها ولكن حسيت بيها بدات كتشك فشي حاجة... مهم غاتجي لهنا باش نيت تكوني قريبة ليا نتجمعو ونفكرو مزياان فالخطوة الجاية وشنو نديرو مستقبلا ديك المجرمة مابقات غاتنفعنا بواالو...انا مازال مامشيت لكندا بغيتك دابا تجمعي حوايجك تشدي الطريق وتجي لعندي لمراكش باش نمشيو ماحد الشمس باقي ماطلعات
انا:واخا شاف
العميد:اه تسناي حسن يعطيك الفلوس باش غاتركبي..
انا: اوامرك 
كلست وبقيت كنفكر فنفسي ماخصنيش نبقى نفكر بالجهد هاد السيد كايسمعني تا شكانقول بفففف....
دابا غانمشي لكندااا. واخييييرااااا غانهضر مع مالين الدار وغانتلاقا بخولة اااهه توحشت صحاباتي نهااد و ليلى ... شحال صعيييبة هاد الخدمة دالزفت تفووو 

عند خولة
خولة:وي دخل
ياسر حل الباب ولقاها غارقة فالخدمة: السلاام
خولة:اهلا ياسر تفضل
ياسر: لا غانمشي جيت غاناخد داك الضوسيي ديال دوك جوج تجار المخدرات انا لي غانتكلف بديك القضية كلفني بيها العميد يونس قبل مايسافر
خولة:اه واخا ساين نجبدوليك(بقات كتقلب فلي ضوسيي تماك)
ياسر: يلا مالقيتيهش دابا نمشي تانرجع ليه ولا تاتسيفطيه ليا
خولة : لا غا تسنى دقيقة ونجبدوليك راه كاين غا هنا
ياسر جلس :اوكي... ايوى فين واحد صاحبتك ماتلاقيتيش بيها
خولة:لا مازال وبكن غالبا هاد الويكاند غانشوفها ... داك المدير دالمدرسة فين كاينة قاسح مزيرهوم
ياسر ابتاسم تلقائيا:بالصح غاتلاقاي بيها هاد الويكاند
خولة:هههه شفتك فرحتي ياااكمااا بغيتي تانتا تشوفها
ياسر: صراحة ماكرهتش والله ديك السيدة فشكل
خولة شافت فيه:امممم فشكااال هههه يلا كانت كاتعجبك غاقولهالنا نيشان ونشوفو لك معاها
ياسر عجبو الحال ولكن مابينش:هههه ايوى صاف داكشي لي بقا نيت اري داك الضوسيي
خولة مداتليه الضوسيي:هههه هاك هاك سير لاتموت ليا هنا بالفرحة 
ياسر شدو وكان غادي خارج وكايضحك حال فموو تال الجدر حل الباب وضرب فكمال كان دايز من تماك سد الباب وخرج عندو
كمال مخنزر فيه: اشنو كنتي كادير عندها
ياسر باقي ضاحك: هانتا كاتشوف جبت من عندها الضوسيي ديال دوك جوج تجار المخدرات
كمال طالع ليه الخرا ولكن مابغاش يبينليه:اااه مزيان انا نمشي نشوف خدمتي
ياسر:تهلا أصاحبي
مشى ياسر. واتجه كمال للبيرو ديالو معصصصببب شوية ويطرطق زدح فالبيرو ديالو وبقى كايهضر: اه قالك الضوسيي السيد خارج ناشط من عندهااا باينة بيناتهم شي حاااجة.... الزلال لآخر لي جات لهاد المركز كايزرب عليها ولد القحبة... وأنا ماالي اصلااا ييناتهم. ... تفووو لااش دابا تعصبت. تعاودها لراسها اه كتعرف تسيف غا عليا انا هو لاااا ولكن من هنا للقدااام غانبدل معاملتي معاهااا نورييها ديرلي فيها بنت الناااس معايااا ومع ياااسر كاتكركر ليه وماعرفت اش كايديرو فالبيرو...
بقى كايفكر هاكة وهو معصب ماحملش يشوفو خارج من البيرو ديالها ضاااحك ماكايبغيش يتخايل شنو وقع بيناتهم .... وفنفس الوقت ماحاملهاش حيتاش تسيفاات عليه قبل ودابا حالة المجال للياسر. ...

نرجعو عند سارة 
نضت جمعت شي تخربيق تبديلة وحدة فصاكادو ديالي دخلت للدوش غسلت وجهي بما بارد باش يطيرلي النعاس و خرجت بعد ماسمعت التيليفون كايصوني
انا:وي شاف
العم حسن: يلا واجدة خرجي قدام الباب 
انا:واخا شاف. 
هزيت ساكادو ديالي و تأكدت من السلاح تحت سروالي و خرجت لقيتو كايتسناني بطموبيلتو ركبت حداه ومدلي شي فلوس وشي وراق
هو:هاكي هادو غاتحتاجيهم فاش تبغي تسافري وهاكي هاد الوراق ديالك صايبتليك لاكارط ناسيونال ديالك و الباسبور باش تسافري...
انا مصدومة وحالة فمي:بهاد السرعة 
العم: مالنا كنلعبو هنا.. يالاه انا غانوصلك للمحطة تسافري

وصلني المحطة دساتيام قطعت الورقة وكلسنا كانتسناو الساتيام غايجي مع 2 ..
العم حسن: هاهو الكار جا.. بون شونص 
سلم عليا
انا:ميغسي شاف
مشيت ركبت فالكار حدا السرجم تكيت عليه وبقيت كنتأمل فالطريق ااحح شحال زوين السفر بالليل كايعجبني ... ماحسيت برااسي تاغفيت مشيييييت لعالم اخر... فقت على اشعة الشمس ضاربة حليت عيني بانتلي الشمس يالاه كاتشرق وقاسحة طليت لقيتنا يالاه داخلين لمراكش ... اووف الصهد بزااف فهاد البلاد شهر 10 دخل وباقي سخون الحال.....
حبس الساتيام فالمحطة ديالو ونزلنا خرجت من المحطة بانتلي الطوموبيل كحلة ديال العميد
العميد: اجي بلاماتعيقي وركبي 
انا حطيت يدي على ودني :وي شاف (فنفسي:اوووففف ديما كايخلعني فاش كايهضرلي فودني بفف)
مشيت لعندو عاادي وركبت 
العميد كسيراااا بالزربة كان معصب بزااااف 
العميد: مافهمتش فيك كان عقلك تاحطيتي السلاح فصاكادو ... واخا يكون السلاح بالبصمات ديالك ماخصهاش تلقاه عندك هاد السلاح متطور بزااف وحديث يالاه خرج وعطاوه نيشان من المختبر للمركز ديالناااا ماخصش يعرف أي واحد بلي راه عندك😠
انا بقيت غا ساكتة مابغيتش نجاوبو حيتاش كان معصب بزاف اون + كان عندو الحق ومالقيت مانقوليه فعلا غلطت ... 
العميد:اخير مرة يتعاود بحال هاد الخطأ سمعتيني العصابة لي راك غادخلي ليها ذكيين بزااف ماخصكش تغلطي ولا تبيني ليهم شي حاجة
انا:وي شاف..
وصلنا للمطار قبل مانزلو مدلي كاسكيط ونظاظر دالشمس 
العميد: الكاميرة لي برا المطار تغطاي منها حاولب تدخلي ونتي بعيدة عليا سيري سبقيني وكلسي فقاعة الانتظار الكرسي لي فالجنب مكتوصلوش الكاميرة تاتشوفيني دايز بقاي شوية وتبعيني.....
لبست كاسكيطة ودرت النظاظر بانتلي الكاميرة من بعييد حاولت نتجاهلها ودخلت ... مشيت نيشان لقاعة الانتظار شفت 3 الكاميرات وفعلا ماشادينش واحد الكرسي فالقنت بلاصة ديال المعاقين .. كلست فيه بقيت شي نص ساعة بانلي العميد دايز مشى نيشان لجهة واحد الكولوار بلا مايتلفت لتاشي قنت بقيت شحال موراه كانو دخلو شحال من واحد عاد نضت انا تبعتوو بقيت غادة فالكولوار هزيت راسي بانولي الكاميرات ووقفت حتى سمعتو قالي فالجهاز لي فودني
العميد: الكاميرات معطلين غا زيدي دغيا سربي
انا زدت لقيتو كايتسناني فالتالي دالكولوار خرجنا كانت واحد الساحة كبيرة وكانت طائرة خاصة... بقى غادي وانا تابعاه ركبنا فيها وكلست شديت بلاصتي انا والعميد قادينا سماطي وعطى الأمر للطيار باش يقلع... حسيت بالطيارة كتقلع تقلبو مصارني فيا الجوع كاع مافطرت... استقرت الطيارة فالجو وهو ينوض العميد مشى جابلي ساندويش ومدولي 
انا خديتو وانا مصدوومة كيدار تاعرف واش هضرت بالجهد ياكما هاد الجهاز كايقرا حتى الأفكار هه ... كولشي ممكن مع المخابرات.. خاصني نولي بروفيسيونيل دابا صافي مابقيتش متدربة ... وليت من العملاء الأكثر سرية (العمال الأكثر سرية هما دوك العملاء لي يقدر يكون أي شخص حداك ولكن ماكاتعرفوش واش عميل يقدر يكون خدام ولا كايقرا"بحال الجاسوسات خخ" باش تاواحد مايعيق بيه الفرق بينو وبين عميل عادي هو العميل العادي كايكون محسوب على البوليس فحين العملاء الأكثر سرية كايكونو بحال الاشباح تاحد ماعارفهم البوليس براسهم ماعارفينهمش وهما لي كايتكلفو بعمليات كبيرة بحال عمليات الاغتيالات دالرؤساء. .. لائحة العملاء الأكثر سرية كاتكون غا عند المسؤولين الكبار وأكبر المافيات كايقلبو على هاد اللائحة باش يقتلوهم ولا ينظمو ليهم حيتاش كايكونو معروفين بقوتهم ودكاءهم)

بقيت كناكل والعميد كايشوف فيا ولكن ماتسوقتلوش الجوووع لا دين له خخخخ
العميد فنفسو سها فيها وكايفكر (هاد البنت واخا دكية ولكن فيها واحد النوع دالبراءة.. بعض المرات كنشفق عليها هي مدخلة راسها لواحد الحاجة لي صعيبة عليها بزاف وماواعياش بهادشي.. كنتمنى تقدر تنجح كنتمنى تقدر تكسب هاد المجرمين بشي طريقة كنتمنى مايقتلوهاش.. حتى من والديها مابغاتش تخلا عليهم باش ماتحزنهومش.. انسانة كضحي من أجل الآخرين ومن أجل عائلتها ولكن مع الاسف هادشي مايصلاحش ماشي دالوقت... ماعرفتش علاش كتفكرني براسي فاش كنت صغير إنسان مزيان وطموح وكايبغي خدمتو. كنت من بين احسن العملاء ولكن خرجولي هاد المجرمين على حياتي وردوني وحش خرجو مني واحد الإنسان لي حياتي كاملة وانا كنكبتو إنسان ماعندو لا مبادئ لا والو إنسان ماعندو مايخسر .... كنتمنى من قلبي أن هاد الانسانة لي قدامي ماتحولش بحالي شي نهار كنتمنى أنها تنجح فالعملية على قبل الانتقام ديالي وعلى قبلها تاهي ... على قبل هاد التضحيات لي كادير انا غادي نحميلها عائلتها.. ولكن ماغانقدرش نحميها هي مع الاسف... خاصها تحمي رأسها برأسها انا استاغليتها لمصلاحتي وكنعترف وبالمقابل غانحميلها عائلتها صافي غانسدد الدين ديالي بهاد الطريقة ..)


كملت ماكلتي مسحت يدي وفمي بالبابيي ودرت شفت فالعميد لي كان ساهي فيا.. هاد السيد فشكل مازال ماتفهمليش ..
انا:احم شاف ممكن نسولك
العميد :ااا اه اه تفضلي
انا: ممكن تقولي بالتفاصيل على شنو غاندير بالضبط
العميد: فاش غانمشيو دابا غاتمشي دخلي نيشان للمدرسة دلانفوغماتيك .. وغاتقري عادي غاتهضري مع مالين دارك من التيليفون عادي وغاتلاقاي مع خولة من بعد غادي نبقى نتلاقاو ونخططو.(ناض وشعل واحد التيليفيزيون وهز عصا صغيرة محطوطة حدا التي في ... هز التيليكومونض وكليكا عليه طلعولي تصاور ديال شي راجل)
العميد: هاد الشخص سميتو أحمد العلمي من بين اكبر رجال الأعمال المغاربة فكندا عندو مشاريع فاغلبية الدول هو المشتبه به لحد الآن ماعمرنا لقينا شي دليل عليه ولا شي حاجة ولكن انا متأكد انه مع المافيا هاد الحيوان هو لي قتلي عائلتي انا متأكد واخا كان مغطي وجهو ولكن إحساسي مكيكدبش ...
(عاود كليكا على الروموت) هادي بنتو اشراق العلمي عندها 20 سنة الأم ديالها ماتت شحال هادي وهو رباها بوحدو. غالبا تاهي غاتكون مشاركة معاهم
(عاود كليكا ثاني) واخييرااا ياسين العلمي من بين أشهر رجال الأعمال فالعالم هو فات عمو باجيال واخا باقي صغير ولكن دغيا دار بلاصتو فمجال البيزنيس . لاحظت فبعض المقابلات ديالو انه خطير بزاف... عندو دكااء خاص كايعرف كيفاش يقنع الآخرين بلا مايبدل تاشي مجهود .. عندو قدرة خارقة فالتاتير على الآخرين كولشي كايضرب ليه الحساب. عمري قابلتو شخصيا ولكن تاهو شاك فيه غايكون رأس الحربة.. وبلاشك غايكون هو لي كايخطط
(انا بقيت كنشوف بحالا دازت من قدامي كمارتو)
انا جبتك لكندا باش نشوفو شي طريقة تقربي منهم واخا صعيب نلقاو شي حاجة ولكن غانحاولو نلقاو شي حل من بعد... بغيتك تعقلي عليهم وعلى اسماؤهم وتبحتي مزيان فهادشي (مدلي واحد الشكارة) هاكي هادي فيها بيسي وشي أجهزة دكية أخرى غاتعاونك بالبحث ديالك بغيتك تعرفي الشادة والفادة عليهم تفاهمنا؟
انا(شديت الشكارة) :واخا شاف 
العميد:رتاحيلك دابا راه مانعستيش بالليل واخا كانصحك ماتولفيش النعاس خاصك تكوني بحال شي شبح ماكاتنعسيش ديما فايقة ....
انا شفت فيه وابتاسمت ورجعت تكيت ببرودة (خخ قالك ماتنعسيش البعابع نعام السي)
غفيت شحال تاحسيت بالطيارة غاتنزل


عند ياسين العلمي
يالاه فاق من النعاس مع الخمسة ناض مشى يدير السبور شوية خرج يجري كما العادة فالغابة لي حدى القصر ديالو .. رجع لقى العصير ديالو والفطور واجد خداه شربو دقة وحدة فطر دغيا وطلع دوش .. لبس حوايجو كما العادة ومشى خرج بكري ركب فطوموبيلتو
واتجه نيشان للديبو.. ديما كايخرج بكري قبل مايشوفوه الصحافة.. (نخليكم مع ياسين هو يهضر باش تعرفو كتر على شخصيتو والطريقة باش كايفكر)
قربت للديبو حبست حتى درت الماسك ديالي ومغير الصوت حدا فمي وكملت دخلت لقيت الوحش الحارس الشخصي ديالي كما العادة ديما كايكون فالديبو مخبيه على الناس وهو لي كايتكلف بعمليات القتل لي كنكلفو بيها.
مشيت للقاعة دالاجتماعات ووقفت مقابل مع السرجم تاحسيت بيهم كايدخلو
انا بخشونة:شنو الجديد 
الرجل 1: الجديد هو انن لقينا مكان اقامة عصابة التشي التشي.. ولكن اكتاشفنا أنهم ماشي هما لي مخبيين السلاح .. روسيا لي طلقات هاد الخبر باش توهمنا تخلينا نضيعو الوقت
انا هزيت السلاح ودرت تيريت فيه نيشان فراسو حتى تزعزعو لاخرين من بلايصهم جا الوحش هز داك الحشرة بيد وحدة وخرج رجعت درت ببرودة للسرجم: مخدمكم معايا باش تبقى تضحكو عليا...كملو
الرجل2 :ااا ااه واخا احم حنا قلبنا ولقينا بلي السلاح فيد عصابة أخرى(وسكت)
انا:لي هي؟
الرجل2:😥😥😥لاجواب
انا درت عندو وهاز السلاح : لي هي؟؟؟؟؟
الرجل2:.......

انا بالغواااات:لييييي هيييي
الرجل2 بلع ريقو وخرجها بالزز وهو عرقان : عصابة ياكوزا اليابانية😥😥😥أخطر عصابة فاليابان .
انا زدحت الطبلة': كنت عااارفها .. هادوك هما لمن غايعطيوها ماعارفينش فين ممركزين دابا
الرجل2: فطوكيو اسيدي 
انا :مزيان خرجو عليا تانعيطليكم... وتاكدولي من واش عندهم السلاح(الشيطان ) ولا لااا.. ماشي وهموكم تانيي ديرو شي خطأ نقتلم براااا 
ناضو وخرجوو بالزربة ...
درت كنفكر فهادشي. ياكوزا أخطر عصابة فاليابان مايمكنش نسرقو منهم السلاح ولكن يلا خلصناهم كتر من روسياا يقدرو يسلموه لينا بلا مشاكيل ولكن كيفاش غانوصلولهم بعدااا.....
قاطع تفكيري الوحش لي دخل عندي 
انا:لقيتو شي حاجة على الوولف
الوحش:اه اسيدي تاكدنا بلي راه كانت فداك السجن وهربات منو هي وشي بنات ولكن مالقينالهاش أثر على فين مشات
انا: مهم يلا لقيتوها قتلوها خاصنا نتهناو منها فخطرة باش ماتبقاش مشكلة خطر علينا.....

عند سارة
واخيراااا وصلنا أوف ودني تسدووو حليت فميي تالجدر باش يتحلو ليا ودني والعميد غاكايشوف فيا مامسوقاليهش ...
اه والله يلا تحلو..خرجنا من المطار وهو يجمع معايا البرد اااححححح البرد بزاااف فهاد البلاااد اووف مشينا ركبناا فواحد الطوموبيل كانت تماك دغيا دخلت ليها وقلت للعميد يشعل الكليما شعلها وكسيراا وصلني تالحدا الباب دالمدرسة ... هزيت صاكادو ديالي والشكارة لي فيها البيسي وخرجت نمشي
العميد:بلاتي
انا:وي شاف
العميد:هاكي ها لاكارط كيشي ديالك لي عطاك الاب ديالك 
انا فرحت:شكراا 
العميد :هاكي حتى هاد الكارطة هي باش كنت كنصوني عليهم باش مايشكوش ... التيليفون راه كاين مع البيسي فالشكارة
انا(انا كنموت بالبرد وباغة غا نمشي ندخل) : اه واخا..(.يالاه درت باش نمشي)
العميد :بلاتي حتى نكمل... الحوايج لي غاتحتاجي غاتلقايهم فشومبر H2 هاديك هي بيتك... ودلك الصاك تماك فالخزانة راه فيه حوايجك. . تقدري تمشي دابا
انا كنقفقف بالبرد: شكرا بالسلامة.
مشيت كنجري دخلت من واخد البوابة كبيرة دالحديد كانت المدرسة مقسمة على 3 دالبنايات البناية لي على ليمن دالبنات والبناية لي الوسط هي فاش تايقراو ولي على ليسر دالدراري. ... مشيت كنطير دخلت دغياا حيتاش فرعني البردد لقيت البنات مرونينها فالكولوار شي كايضور عريان شي ضارب غا دو بياس الضحك والتكركير انا بوحدي لي خارية بالبرد تماك قلبت على الشومبر ديالي تالقيتها ... حليت الباب ودخلت مدرمة. ... اااه على راحة ... شحال زوينة هاد البيت.. مشيت نيشان لواحد البلاكار قلبت على الصاك لقيتو وحليتو هزيت شي حوايج وخرجت اتجهت للدوش بقيت كنقلب تالقيتو. . دخلت دوشت دغيا ولبست عليا.. الدوش عندهم هنا مجهز بكولشي الفوطات السوشوارات اااححح سعداتهم البنات ماخرجو من تماك تاقادو الحالة الماكياج والبروشينغ. انا غا دوشت جمعت شعري على شكل اسفنجة الفووق لويت عليا الفوطة هزيت حوايجي وخرجت مدرمة( Meryem Naciry@ ) لبست فبيتي وتكيت تكمشت فبلاصتي الله على راحة. ...دابا عاد كنحس براسي انسااان... تفكرت الكارطة وهزيتها دغيا من ساكادو قلبت الشكارة لقيت فيها تيليفون من نوع ايفون 7 وبيسي وشي أجهزة أخرى هزيت التيلي وركبت الكارطة. لقيت جوج نماري دالواليد و ديال خولة
صونيت على اللولة وقلبي كايزدح
بابا:الوو بنتي
انا غا سمعت صوتو تهز قلبي من بلاصتو وبداو دموعي كاينزلو من عيني شلال:الوو بابا لابااس عليك😭😭
بابا:مال صوتك ابنتي ياكما مريضة
انا:لا ابابا غا توحشتكم😭😭
بابا :تاحنا توحشناك ابنتي الله يرضي عليك صافي ماتبكيش دابا انشاء الله تكملي قرايتك وتوصلي وترجعي لينا... مستقبلك ابنتي هو اللول..
انا كنحاول نحبس البكية ماقديتش .. نقطة الضعف ديالي هي واليديا 
بابا:هاكي ماماك ابنتي 
انا:اه واخا😭
حاولت نجمع راسي
انا:الو ماما
ماما:ايلي لاباس ثهناا غورم ينغايي ومارك نم(بنتي لاباس عليك توحشتك بزاف)
انا:تاناا اماما توحشتكم بزاااف والله .. واش لاباس عليكم فينكم فين حسناء وندا لاباس عليهم توحشتهم بوسيهملياا
ماما:لاباس ايلي راهم مازالين قاريات ...
انا:توحشتهم... 
بقيت كنهضر مع ماما شي ساعة حتى شبعت منها وودعتها واعدتها غدا ونكملو..
سمعت واحد الجرس صونا بالجهد ونقزت من بلاصتي فكرني غا فيامات الحبس تفو خرجت نشوف اش واقع بانولي البنات خارجات سولت وحدة قالتلي الغدا لا سمعت الماكلة خرجت كنجري تابعة التيار دالبنات ههه. مهم تغديت دوزت العشية غاكندور فالمدرسة فيها بزاف دالمرافق والنوادي... داكشي زوين بزااف..
رجعت لشومبرتي وتكيت تاسمعت تيليفوني كايفيبري كانت خولة
انا:وااالخانزة لباااس 
خولة: واخبييرا جاوبتي فوقاش نتلاقاو راه توحشتك
انا: غدا انشاء الله ولكن راني مكنعرفش فهاد المدينة تابلاصة 
خولة : واصاافي انا غانجي لعندك صاافي
انا:واخا ...
بقينا مجمعات على الناب الخاوي تاجاتها شي خدمة وقطعات....

داز النهار دغيااا وصل الليل خرجنا تعشينا ورجعت نعست.. الحمد لله جيت مع الويكاند... ماكايناش القراية
وأخيرا غانرجع نقراااا اممم صدقات هاد القضية العملاء الاكتر سرية مابيهااش بيخخير كنقرا عادي بحال كاع لناس ولكن بالليل المهمات ههه الجاسوسات صافي . كنحس براسي فاش كنرجع نقرا بحالا كنولي بنيتة صغيرة .. فاش كنت فالحبس كان كايجيني راسي صافي شرفت ... شرفت فعقلي فكريااااا
جاني النعاس وطحت كومة من بعد ماسدييت الباب من طبيعة الحال ...
صبح الصبح
أصبحنا وأصبح الملك لله..
فقت مشيت للدوش طرفت حالتي ورجعت بدلت عليا لبست تريكو غليظ شوية و جاكيط دالكوير فالكحل مشطت شعري وطلقتو. .. خرجت لبرا وطلقت رجلي بقيت غا كنتمشى تاصونالي التيليفون
انا:الو وي خولة راني خرجت فين نتلاقاو
خولة:شدي طاكسي وقوليلو كافي لو ميغاج 
انا:اه واخا صافي اوكي تهلاي..
بقييت كنتمشى غا طالقة رجلي وصافي فهاد البلاد ماكاين لا خوف لاوالو شوية عييت وشديت طاكسي للبلاصة
عند خولة كانت كدق فالباب
ياسر:ويي دخل
خولة:السلام 
ياسر وقف:دخلي خولة صافا
خولة:الحمد لله بغيت غا نقولك راني درت مع سارة اليوم تمشي معايا؟
ياسر فرح دغيا هز الجاكيت ديالو لبسها: اهاه واخا يالاه
خولة ابتاسمات خرجو وهي مطوباها عليه وكضحك و تاهو كايضحك.. و واحد الشخص حاضيهم من بعيد وهما ضاحكين وكالس كايتقلى فبلاصتو.. كمال ماقدرش يصبر هز جاكيطتو وتبعهم..
ركبو ياسر وخولة فالطوموبيل دياسر وكسيراا وكمال تابعهم من بعيد بلا مايعيقو بيه.. وصلو للكافي ميغاج نزلو بجوج ودخلو. بقي كمال شوية من موراهم ودخل وهو مخبي 

عند سارة
وصلت للكافي دخلت ليها دورت عيني مزيان فالقهوة كنقلب عليهم مابانوليش. مشيت شديت بلاصة وخديت كافي نواغ بقيت شحال كنهز عيني كايبانلي ياسر داخل.. شييت جابتو الطحبة معاها تفو ماخصهمش يعيقو بشي حاجة...
وقفت وابتسمت بالزز مديت ليه يدي : السلام ياسر صافا
ياسر سلم عليا: حمد لله ونتي فين غبورك
انا : لا مع القراية وصافي
درت شفت فخولة ونقزات عليا عنقاتني وزيرات عليا
خولة: ويييععع شحال توحشتك
انا معنقاها :تانا بزاااااف 
خولة باقة معنقاني بالجهد: ناري حشومة عليك تفو مكتسولي ماوالو
انا: واصافي طلقي مني راني مامتش نعلديل اصل مك
خولة دفعتني :تفو نتي ماعند ديلمك مشاعر
انا:جلسي جلسي. ايوى صافا عاودولي شدرتو. ...
مهم بقينا كنهضرو وكنحاول نتفادا الأسئلة ديالهم مهم ماعيقتش 
حسيت بشي شخص مراقبنا من بعيد شفت بنص عين بانلي كمال مكمش فواحد القنت وحاضينا .. شي حاجة تماك مافهمتش علاش جا مهم بقيت رادة معاه البال... كلسنا شحال فالكافي
ياسر: نوضو نوضو نجيبو شي دورة نوريك لسارة مونتريال
خولة: اهاه..
مشينا ركبنا فالسيارة د ياسر وبقينا كنتساراو من قنت لقنت.. والطوموبيل د كمال تابعانا مافهمتش علاس خليه نشوفو شغايدير وصلنا لواحد الجريدة عجباتني وقلتليهم نزلو نرتاحو.. نزلنا 
ياسر : نكلسو لهيه
انا: اوكي
كلسنا وبقينا شادين الناب... هزيت راسي كنقلب على كمال بانلي فالجهة لاخرة 
انا : تشهيت شي كلاص 
خولة:اويلي فهاد البرد 
انا :هانية تشهيتو 
ياسر وقف:انا غانمشي نجيبولكم
انا وقفت وقاطعتو : لا غا كلس انا نجيبو اوكي
مشيت خليتهم باينة غايكونو حاضييني. كنت قاطعة للجهة لاخرة وبقيت غادة عادي كمال ماكانش حاضيني كان حاضي مع ياسر وخولة.. درت عندهم لقيت ياسر باقي كايشوف فيا
شوية ناض غوت وهو كايشير ليا ماجيت فين ندور تا....... 

شوية ناض غوت وهو كايشير ليا ماجيت فين ندور تاحسيت براسي طرت من بلاصتي وتدارلي شي قناع فوجهي مكنشوف والو.. دكولي شي إبرة فجنبي وترخييت حاولت نقاوم ماقديتش بديت كنحس براسي كايدور تافقدت الوعي فمرة.....

عند خولة وياسر وكمال
ياسر نقززز غوت: ساااارة عنداااك مورااااااااكككك
كمال:دار شاف جهة فين كايشير ياسر بانلو واحد الرونو صغير كحل داز طاير وطيرو سارة معاهم... كانت قريبة ليه شوية... هز السلاح ديالو وبقى كايتيري فالروايض دالرونو وفالزاج واالوو كان مضاد للرصاص... 
مشى ياسر كايجري هو وخولة تاهما هزو السلاح كايتيريو الناس تخلعو كل واحد فين كايجري ترونات القضية... لدرجة الناااس غطاااو عليهم خافو لايتيريو و يقتلو شي واحد
خولة : ألو معاكم العميلة خولة خاصنا الدعم فبارك **** وقعات عملية اختطاف وتبادل للرصاص.. سربيو 
ياسر كان كايجري تابع الرونو تامابقاش كايبانليه رجع معصصب لي لقاهااا كايزدحهاا ماحملش راسو تخطفات خاصة انهاا قدام عينيه
كمال مافهم واالووو بقى غا واااقف ومصدووم
خولة تاهي مصدووومة ومخلوعة على صاحبتها كملات الهضرة فالتيليفون
وشافت كمال ومشات لعندو كتجري وقفات كتهضر وهي كتلهت ومخلوعة بقات غا كتخربق الهضرة وهي كترجف: خطفوها اكمال. ياك شفتيهم .. خطفو سارة شفتيهم ياك 😭😭
كمال شافها كترجف جرها لصدرو وعنقها بيد وحدة
كمال:صافي ماتعصبيش راسك شوووت دابا نلقاوهاا كاالم توا
جا ياسر لعندهم وهو معصب بزااف ولا وجهووو حمر وعروقو خارجين وغي لي لقاها قدامو كايزدحها
ياسر:نااااري ونشد الزااامل بوهم مانعقلش علييهم... شكون هادو لي خطفوهااا..
شاف فخولة: واش سارة عندها شي أعداء هنااا...
خولة فصدر كمال مكمشة وكترعد والدموع نزلولها بدون سابق اندار:ما ماعر فتش مافه مت وا لووو...
ياسر: كيفاش ماعرفتيش ياك صاحبتك هادييك غا تفكري ضروري ماتكون شي حاجة
خولة بدأت كتغوت: وااامااااعرفتشششش ماااعرفتششش اناااا براسييي مااافااهمة وااالوووو 
كمال شدها كايبرد فيها: صااافي صاافيي شووت بردي بردي (عنقها وبقى كايكالمي فيها شاف فياسر وخنزر فيه) سكت خليها دابا راه معصبة 😬😠😠
ياسر تاهو معصب زدح فواحد الكرسي كان تمااك شوية ماقسمو على زوج : اووووف مافهمت واالووو شكون هادو لي خطفوها
كمال: خلي حتى يوصل الدعم ونشوفو شغانديرو
ياسر عاد رد البال بلي كمال معاهم: اجي نتا منين جيتي بعدااا
خولة حسات براسها وتنترات منو شافت فيه والدموع باقيين فعينيها :اهه اه كيدرتي تالقيتينا دغيااا . واش كنتي حاضر فاش تختاطفات
كمال توتر ولكن مابينش ليهم: اااا اه ا بغيت نقول لا.. انا كنت مكلف بواحد المهمة هنا وجيت ولقيتكم يالاه كنت جاي عندكم وهو ينوض ياسر كايغوت..... ااااه هاهو الدعم جاا. 
مشلاات خولة كتجري وبقى ياسر كايشوف فكمال واحد الشوفة دالشك بحالا عاق بشي حاجة . شاف فيه كمال ماتسوقليهش ومشى تبع خولة

جا العميد بسيارتو. ..
نزل منها ووقف علييهم
العميد يونس: ااش واقع هنا
ياسر: وقعات عملية اختطااف هنا
العميد: شكون تختطف
خولة توكضات: واحد صاحبتي كانت تدربات معانا ولكن ماتهزاتش سميتها سارة الكوفي 
العميد تصدم مافهم والو مشى معصصب بعد عليهم هز تيليفونو كايشوف فجي بي اس.... وكايهضر فنفسووو.. *تفووووو على زهر ياكما يكونو عاقو بينااا. .. ياكما عرفوها هي لي خرجات من السجن.....
ماعندهم كيغايديرو يعرفووو مايمكنش ... خاصني نشوفها فين كاينة .. ولكن المشكل مانقدرش ندير تاشي ردة فعل .... عنداك يقتلوها...* بقاو الأفكار كايتضاربو ليه فراسو كااع التوقعات السلبية طاحو لييه فالبال ولكن نفضهم دغيا... ركب فطوموبيلتو وكسيرا
هز واحد الجهاز كايهضر فيه :العميلة سارة كتسمعيني. . سارة... ساااارة كتسمعيني... شيييت. 
رجع لتيليفونو بقى كايقلب تالقى بلاصتها شوية ومابقاش الارسال 
العميد فراناااا فوسط الطريق وزدح التيليفون تماك:تفوووووو (مسع على شعرو) كيغاانديير دابااا نلقااهااا.. غايقتلوووهااا وحناا مازاال ماابدينااا والووو من الخطة ديالنااا.. ديمااا خارجييين لي فعوودي .. ديما مضيعين ليااا الخطط نااري ويطييحو فيديي.. غادي نتاقم منهم واحد واحد


عند ياسر .. جر خولة لجيهتو 
ياسر:مافهمتش شنو كان كايدير كمال تمااك ماقاليك والو
خولة:تانا مافهمتش شنو جابو سولت عليه قالولي ما كانت عندو تاشي مهمة فديك البلاصة
ياسر:زعما كاظني يكون عندو يد فهادشي
خولة كتفكر وكتشوف فيه: ماعرفتش مانظنش محال .. تقدر تكون غا صدفة
ياسر:دابا نبحث فهادشي مزيااان ونجبد هادو لي خطفوها كنوااعدك


كان كماال كايشووف فيهم من بعييد تعصب بزااااااف بقى كايفكر. ...
باينة بيناتهم شي حاجة والا ماكانوش غايخرجووو بجوج.. علاش جابتووو هو بالضبط ومشااو عند سارة... .. كون ماكانتش بيناتهم شي حااجة كاع ماتديه معاهااا. ... ماعندوو تاشي صلة بسارة... وكالسة كتمثل عليا داك النهار دور العفيفة الشرييفة وهي غي ق*بة
جا قاطع تفكيرو شي واحد من الشرطة ....


نمشيو دابا عند البطلة ديالناا
فقت بالشويية كنحس بصحتي مدكدكة ومبنجة ماقادرااش نتحرك بديت كنوعا بالشوية بالشوية... هاد تفكرت شنو وقعلي. .. حاولت نحل عيني والو مغمضينهم ليااا وفمي تاهو سادينو ليا.. ضروني يدي لي مربوطين ورجلي تااهماا يمكن رابطيني فشي كرسي .. حااولت نتحرك والووو ماقديتش.. شنو هاد الخرااا تاني شكون هادووو. زعمااا تكوون العصاابة لي خاطفيني تكوون الوولف لي وصلاتليهم شي حاجة مافهمت واالووو ..
حسي بالباب كتحل شوية كنسمع صوت دالصبااط..غادي وكايقرب ليااا... شي واحد جاي لجيهتي بخطوااات تقاال تاحسيت بيه وقف......

كنحس بخطوات شي شخص كيقربولي بالشوية بالشوية وصوتهم غادي وكايتجهد...
حتى حبس الصوت حدايااا حسيت بشي حد واقف لي فوق راسي ... نترلي السكوتش من فمي بالججهد حتى حسيت بشنيفاتي غايطيرو من بلااصتهم غوووووت بالججهد ماقديتش نكبتها. ... وحيدلي البانضة على عيني لي ضرب فيهم الضو على غفلة ماكايبانلي والوا غير الضبابة عيني بالزز باش كنحلهم ... 
بقيت كنعصر عليهم ونسدهم ونحلهم عاد بدا كايبانلي شويية .... فمي كنحس بيه كايوزوز هزيت راسي نشوف هاد المخلوق لي كايعاملني كي شي حشرة بقيت كنطلع راسي والو واش بغى يتقاضا تاضرني عنقي...
يععععع شهادي شهاد الكمارة لي كتخلع ....
كاان طويييل بزاااااف و صحيح غادي بالطول وبالعرض. .. وحش و صاافي .. وخااايب بزاااف وجهووو داير بحال الزومبي مضرووووب ماعرفتش نوصف ليكم مهم مخسسسرررر..... 
واقيلا عمري نشوف الخبز والا ندوق النعمة منين شفت هاد الكمارة.كانت باينة فييه مخزز ملاميحوو مفيكسيين على كمارة وحدة ديما مخنزر وما فيه مايتشاف باينة فيه عمرو ضحك غحياتو والا حتى بتاسم مكايتبدلش الكريماس دوجهوو...
قرب لياا بزاااف حتى عفت نشوف فكمارتو
الشخص بصوت غليييض كيقفففز : ..مرحبا بمددموزيل سارة .....
أنا كنقفقف فبلاصتي ولكن حاولت مانبينش ليه هضرت بتحدي وانا مخنزرة: شكون نتا؟؟ واشنووو بغيتي منييي لاش خاطفيني مكنعرفكش. ....
هو بصوتو الغليض المعهوود :توتو نتي دبا ضيفة عندنا ماخصكش تقلقي ولا تعصبي .. راكي ضيفة عزيزة علينا .
أنا : كيفاش ضيفة عزيزة وااش كاضحك علياااا والاااا شنووو .... شوف غادي طلقني نمشي فحالي ولا غاندمك نتا والكلب اللي رابطك على الساعة فاش تحطيتو كتسمع ولا لا
ناااري حسيت بيه تعصب شدني من عنقي بيدو لي كبيرة بزاف حسيت بيها دايرة على عنقي كامل بحالا شاد شي دجاجة: سمعيني مزيان غاتسدي درقوشك ولا ماغايعجبك حلال
.أنا مخنوقة والحرارة طالعة معايا: ط ل ق منننييييي
(حسيت بيه كايرخي يدييه حتى طللق مني غا حيد يديه وانا نزرب وتنخمت علييه وياليتنييي مادرتهااش..)
ماحسيت بيه تاجمع معايا بتصرفيقة ومع يديه تبارك الله قداااش حسييت بوجهي كامل طار من بلاصتوو وعنقي تعوووج تقسسسسحتتتت بزاااااف شوية حسيت بشي حاجة سخوونة نازلة لي من نيفي. .. ناري رعفني ولد ال*حبة تفووووو
هو:.شفتي جهدي ولا مازال تزيدي كلمة أخرى نقتل عدو ربك ... 
انا زعزعني بقيت غا ساكتة وكنحس بوجهي كايوزوز مابغيتوش يزيد يكمل علياااا قسوحية الراس مكتنفعش فهاد اللقطات هاد الناس مامعاهومش اللعب خاصني نفكر فشي بلان نديرو باش نتفك أما هادشي مانافعش... تكمشت بلاصتي وسكت ماجاوبتوش ولكن ملاميحي بااردين مامبيناليهش بلي راني خايفة ولاا. بالعكس مامبيناليه والو .. باش نوصفليكم ملاميحي مزيان كنبان كيالجتة كيشي زومبي ماتعرفينيش واش مقلقة ولا مريضة .... ....
بقى واقع كايشوف فيا بحالا ندم حيتاش صرفقني وحسيت بيه بحالا خاف شوية دار وتمشى بعد عليا غا شوية..هز التيليفون و دووز لابيل 
هو بصوت حنين وكايرجف:أاالووو وي بوص 
(انا صدمني من الطريقة باش هضر أأو هاد الوحش كامل كايخاف من شي واحد علم الله كيفاش غايكون هادا)
.الشخص:.......
هو:سمحلي بزاف البوص ولكن خاصك تحضر في أقرب وقت هاد المهمة جاتني صعيبة وخاصة انك وصيتيني مانقتلهاش وهي كتستافزني راك عارفني البوص وماكنضنش بلي غاتقتانع ايلا مكنتيقش حاضر 
الشخص:........
هو: لا اسيدي غا خفت لانقتلها ومابغيتش نكلف شي واحد اخر
الشخص......
هو:واخا كنتسنااوك اسيدي ....

عند ياااسين...
كان فالبيرو دياالو منغمس فخدمتوو وعاايش معاها مكونسونطري كان كايقاد فشي ضواسا .. حتى سمع دقان خفيف فالباب استادنات السكرتيرة ودخلات
السكرتيرة : موسيو ساليت خدمتي باقي غاتحتاجني فشي حاجة ولا نمشي
ياسين شير ليها بيديه زعما سيري
مشاات ورجع هو لخدمتو بقى كايخدم لساعاات تاسالا...
هز كارو وعمر كأس دالويسكي وقف فالسرجم وبقى كايتأمل فالخدامة لي خارجين.. كان كايطيح الظلام..
بقى شحاال وهو واقف حتى كمل الكارو ديالو حطو فالطفاية نزل على الكاس جغمة وحدة حطو فوق الطبلة
هز سوارتو و التيليفون ونزل
نخليكم معااه
كللسرجمملا خدمتي ومشيت ديريكت للسرجم كانطل بانولي الخدامة كايخرجو والصحافة كايتسناوني حدا الباب كيديما واامشكيلة هادي مع هاد الزوامل ماكايعياوش هاد الميكروبااات قلة مايداار تفو...
هزيت تليفوني ودوزت ابيل
انا:طلبلي طاكسي فالباب الخلفي للشركة
الشيفور:و و ولكن اسيدي....
انا:شنوووو؟؟؟؟
الشيفور: راه كاينة السيارة ديالك اسيدي
انا: واش كتخالف اوامري. كتحداني متلات كلتلييك طلبلي طاكسي هي طلبلي طاكسي ولا ياكما بغيتيني نقولهالك بطريقة أخرى
الشيفور:لا اسي...
قطعت عليه تفو بقاليه غايجي يكلس بلاصتي غانشوف شغاندير معاه من بعد
نزلت للباب الخلفي طليت كانو الصحافة كايتسناوني تماك.... جات طاكسي حتى لحدا الباب ركبت دغيا قبل مايشوفوني...
انا للشيفور ديالي: سير ركب فطوموبلتي وسير نيشان للقصر
الشيفور:واخا اسيدي
(سد الشيفور الباب)
انا: ديني للغابة
مول طاكسي (باش تفرقو بيناتهم): مرحبا اسيدي..
دزنا من حدا الصحافة ماردوش البال اخير حاجة ممكن طيحليهم فالرأس هي ياسين العلمي يركب فطاكسي داكشي لاش فكرت ناخد طاكسي... يمكن غاندير شي طاكسي خاصة بيااا من هنا للقدام.. باش نتجول بحرية.. وندير مابغيت😈
هزيت التيلي ودوزت ابيل آخر بقى كايصوني تعطل باش يجاوب.. 
انا:صافي كولشي هو هاداك
الشخص:مزيان الخطة راه ناجحة
انا: مهم رد بالك
مجهول:ماتخممش تهلالي فيها راه راسها قاسح عائلتها هما نقطة ضعفها
انا:هه مزياااان هادشي علاش كنقلبو نقطة الضعف .. تهلاا 
(قطع وابتاسم ابتسامة خبييييثة) ....

عند سارة
اووف فرعوني يدي بزااف ورجلي كنحس بيهم تنملو عليا... كلي دمايات نيفي يالاه حبس داك الحيواان بحالا ضربني بكلامونيط لوجهي تفوووو. ... ناري كون يطلقوني ليه... بففف صراحة ماعندي ماندير ليه باينة فيه وحش بحركة بسيطة يقطع فيا الحس.....
مافهمتش شكون هادو منين خرجولي تاني وعارفين تاسميتي ...مايمكنش يكونو المافيا.. ماعندي تاشي صلة بيهم تامن الوولف لي غاتوشي بيا ليهم فاقدة الذاكرة .... ولكن هاد الوحش ماشي هو نفسو داك لي وراني العميد فالطيارة. ... اه العميد علاش ماهضرش معايا فالجهاز. .. شنو المشكل ياك قالي غايراقبني ديمااا...

عند خولة وياسر
ياسر خرج معصب من البيرو وزدح الباااب باانتلييه خولة كتجارا فالسونطر دالمركز عيطلييها بالجهد: خووووولة 
خولة وقفاات شافتو وجات كتجري لعندووو: شنووو لقيتي شي حاجة
ياسر:ببفف داكشي لي كنت باغي نسولك
خولة: اوووووف اسارة اووف فيينك😥😥😧
شاف ياسر كمال بانليه كايهضر فالتيليفون:خولة؟ 
خولة:شنو؟؟؟
ياسر:مازاال لحد الان مافهمتش شكان كايدير كمال تماك.. دخلني الشك من جيهتو
خولة كتشوف فيه كايهضر فالتيليفون ومرتاح مامعصبش بحالهم:ماعرفتش تانا دخلني الشك ... بانلي مبراااد وماشي فهاد العاالم
ياسر: خاصنا نراقبو التحركات ديالو مزياان... معامن يكون كايهضر فالتيلي...
خولة:مانعرف... مهم خلي داكشي عليا... انا لي عارفة شغاندير معاه..
ياسر شاف فيها وابتاسم :واخا
مشات خولة قاصدة كمال لي غا شافها توتر وقطع دغيااا...
ردات البال للتصرف لي دار... 
ولكن مابيناتش
خولة:السلام موسيو كمال لقيتو شي حاجة 
كمال:لا هاد الساعة ماكاين تاشي جديد را كنديرو كل مافجهدنا باش نلقاوها ونعرفوو العصابة لي اختاطفاتها.... اا اه امم راني كلفت فرق باش تقلب عليها و اممم و. ..
خولة كتشوف ليه فعينيه شوفاتها وترووه تابدا غاكيخرج ويدخل فالهضرة قربات ليه تكات على صدرو وبدات كتبكي وكتهضر بغنج من طبيعة الحال غاتمتيل:اهئ اهئ عاااافاك لقالي صاحبتي اكماااال.. الله يعطيك ماتمنيتي...
كمال تزعزع صدمو تصرفها حط يديه على رأسها بحنيية وحس بقلبو كايضرب ف 90 جاوبهاا بصوت حنيين
:واخا صافي بلاماتبكي غاندير كل مافجهدي باش نلقاها.....

نرجعو عند ساارة. ..
بقييت شحاال كالسة كنفكر طااحولي بزاااف دالاحتمالات فراااسي ولكن ماااباانلي تاشي واحد فيهم لووجيك ... مافهمت وااالوووو بقييت كنخمم ونحاااول نتغكر شي حااجة شي تلمييح واااالووو
تاقاسني الملل بفف اللهم الحبس والا هادشي كنت عاايشة بيخييير بعدا تماااك ... اووووففف
شغاندير داباا .. كان قالي داك الحيوان بلي انا ضيفة عزيزة.. يعني 100 ف 100 بغاو مني ندير ليهم شي حاجة....
ولكن شنو هي ؟؟ وشكوون هادو بعدااا؟؟ 
شنو الحاجة لي غايبغيوها مني هاد النوع دالرجال .... ياكمااا الجنس😱😱😱😲..
لااااا موستاااحييييييل نخلي شي ولد ال*حبة يقيسني امبووسييبل نعطي جسدي لشي حماااار ...
ولا نخليه يبزز عليااا نقتلووو ونشرب من دمو واخا نعرف نمووت فيهاااا. ...
ااوووف دغياا نفاعلت حسيت بصحتي سخوونة بكترة ماتعصبت...
اعدى حاجة عندي و لي بمجرد التفكير فيها كتقززني هي نتخايل راسي كا يفرغ فيا شي زامل المكبوتات ديالووو ويردني عارهة ديالو اولا طواليط كيما مسميين البنات اعععع.... 
ولكن ويلا ماكانش الجنس شنو يبغيو مني زعما .... 
عنداك يكونووو العصابة لي تابع العميد وشافوني معاه فشي بلاصة...
لا لا مايمكنش اصلا خدينا جميع الاحتياطات اللازمة... ادن شنوووو....
أي ضرني راسي بالتفكير...
و عيييت بزااف فيااا الجووع و كنموووت بالعطش وضرني البرد جميييع العوامل تجمعوو فيا هاد النهار بببففف.....
بقييت ساهية حتى حسيت بشي خطوات كايقربو للباب...حبس الصوت شوية
تحل الباب ودخل الحيواان المجرم لي خطفني وزلزلي الجمجمة ديالي.. كان هاز معاه قرعة دالما. .
احح ابعدا فيه شوية دالرحمة بقيت فيه شاف من حالي وجابلي نشرب...
قربلي حل القرعة .. 
وبقيت كنشوف فيه مابغيتش نبين لييه بلي راني ميتة بالعطش.... 
بقى كايدوزها من حدايا وانا تابعاها بعيني كان كايستافزني ولد الكلببة شوية غفلنيي وخواهالي كاااملة على وجهي حتى حسيت بالتبوريشة طالعة معايااااا... 
ونقزت من بلاصتي.... رووووووحي ونقزااات من بلاصتهااا ..... الما كان بااارد بزاااف وانا كان ديجا فيا البرد ماتصوروش باش حسييييت....
بقيت غا مصدوومة وكنشوف فيه..... 
جبد كلينيكس وبدا كايدوزولي بعنف تحت نيفي تاقرب يطيرولي 
انا عصبني وغوت: هيييي بالشوية الحبس ضريتيني فنيفي...
الحيوان بصوت غليض بزاف:غاتسكتي ولا غانهرسو لمك فخطرة..
انا عرفتو غايديرها ويقد بيها سكت و صبرت ليه ... الحيوان لاخر كان يسحابلي جابلي نشرب ساعة هو غا بغا يمسحلي الدم.. ولكن علاااش زعما.... ضربني تا ضربني ودابا كايمسح داكشي لي دار...
العجب... مامفهومينش هاد الناس مرااااض فمخهمم...

عند ياسين 
انا:صافي حبس غاهنا 
الشيفور :فهاد الخلا اسيدي😨
انا: وشغلك ؟ نتا سووقك؟ دخل سوق كرك باش ماتجيبهاش فرااسك. ..
خرجت من الطاكسي
شفت فييه كان حاضيني فين غانمشي: اش كاتسنى غلييي من قدامي
هو كسيرااا تسنيتو تامشى كان ديجا خلصو الشوفور ديالي....
تفو الحضية مافهم والو الغابة بالليل ... ميكروووب 
بقيت غادي على رجلي مساافة ديال الطريق تاقربت للمكان المقصود هزيت القناع من جيبي ودرتو...
ركبت مغير الصوت قاديتتو على الصوت لي بغيت...
وكملت طريقي تاوصلت للديبو لقيت الحراس كايتسناوني ودخلت....

عند كمال 
دخل للبيرو فرحاان حيتاش تقربات منو خولة من نهار شافها وهو معجب بيها ولكن دابا حاس براسو كايبغيها بزااف...
تفكر المكالمة وهو يهز التيليفون
كمال:الو. سمحلي كبيلة قطعت عليك ..
الشخص:اه ماشي مشكل
كمال:مهم بغيتك تراقبهالي من بعيد وعنداك تعيق بيك راها دكية
الشخص: ولكن اموسيو كمال انا قناص ماشي مراقب
كمال:عرفتك قناص نتا الوحيد لي نقدر نتيق فقدراتك بغيتك تحضيها خفت تتعرض للاختطاف ولا شي حاجة واحد صاحبتها يالاه تختاطفات.. مهم نتا غاتحميها يوميا راني عارفك قاد بخدمتك والفلوس لي طلبتيها تحضر اشنو قلتي. 
الشخص:صافي موافق سيفطلي تصويرتها سميتها فميساج 
كمال تعصب دغيا: شبغيتي تصويرتها وسميتها؟؟؟
الشخص:باش غانعرفها انا
كمال تنهد:صافي واخا يالا بأي. (وقطع)

عند ياسين
لقيت الحراس برا عطاوني التحية ماتسوقتش ليهم ودخلت للديبووو...
مشيت قاصد الغرفة نيشااان كان الباب محلول شوية بقيت كنقرب بالشوية وانا نحلو كاامل ودخلت....
شفت فالوحش هو اللول كان واقف وباينة فيه مخلوع باينة داير شي زبلة تاني اوف هاد الحيوان ديما مزبلها بكلاخو كايعرف غا القتل والقتل شي حاجة اخرى والو...
دورت وجهي نشوف البنت واخييراااا غانتعرف عليها ....
كان باين فيها العياااا.. كانت كلها ساردة و شي قطرات دالدم فحوايجها..وجهها كايقطر بالما وشعرها فازك و نيفهاا حمر بزاااف ... هزات راسها فيا وشافت فيا وااحد الشوووفة بحالا كتحاول تعرف شكون بقات كاطلع فيا وتنزل شوية غمضااات عينيها .... حسيت براسي بحالا كنعرفها من قبل... اه يمكن غا فلي فيديووو لي تصافطولي ...
انا درت عند الوحش ......

كمل الحيوان المسيح شوية سمع شي خطوات جايين وهو يوقف دغيا بعد مني وتقاااد فالوقفة. .. 
حشا كلينيكس فجيبو بالخف... وبقى شاد القرعة فيديه 
حسييت بيه خايف من شي حاجة تحل البااب ودخل شي واحد هزيت راسي نشووف شكوون... ماعرفتوش كان داير القناع ولابس مزيان كوستيم نقي و جديد.. صباط فشكل ساعة دوغيجين 
ادن هادا هو مول الشي.. اممم خاصني شي حاجة باش نعقل علييه هوو طويل وصحيح باينة فيه سبورتيف عضلاتو بارزين واخا ضارب الكوستيم.. ولكن مزير عليه...
يديه هما لي باينين كانو بويض اكتر من ديالي صبعانو طواال ماداير تاشي خاتم ولا شي براسلي. .
كان داير غا ساعة دروليكس ..
ولكن هادشي ماكافيش خاصني شي حاجة اخرى. . ممم مانعرف كيغايكون فوجهو.. باينة فيه كايتهلا فرااسووو..كان راش بارفان زويين بزاااف دوخني. ..اححح
اااه البارفان البارفااان... يس البااارفاان غانعقل عليه ب بارفانووو يسس ها دليل لقيتووو..
غمضت عيني باش نخدم غا حاسة وحدة الا وهي حاسة الشم.. وبقيت كنستنشق فريحتووو حلييت نيفي تالجدر بقيت كنشمهاا وخليت داتي كلها تشرب بارفانووو.. خاص نخلي عقلي يعقل على ريحة هاد البارفان.... مع عجبني مالقيتش مشكل فاني نستنشقوو ونعمر ريتي بييه. ...
حسيت بيه تحرك شفت فيه كان غادي لجيهة الحيوان...
شوية تاسمعت واحد الصووت قوي...
وااش انا فايقة ولا غي كنحلم😲😲 لاا واش صرفقووو ولا غي كنحلم😨😨..ناري ترعف لا لا يمكن غا كنحلم...😵😵😱

مشيت جيهة الوحش وجمعت معاه بصقلة تارعفتوو😠
انا: ودابا خوي على وجهك الما الزامل ومسح الدم😡😡.. غا هو ماتخليش هاد المرة شي قطرة دالدم فحوايجك...مكتفهمش كلتليك ماتقيسهااش يلا ماشرشرتيش الدم مكتبقاش على راحتك
الوحش شد نيفو كان حل راسو وكايسمع ليه شوية طلب السماحة بأدب ورجع اللور .... .. 
انا درت وقربت من ديك السيدة لي كانت غا مصدومة ... كان شعرها كحل واصل حد كتافها ومبوكلي وكايقطر شوية من التحت بالماا... 
قربت ليها شديت وجهها بيدي وجريتو لعندي وبقيت كنتمعن فتفاصيلوو كنحاول نقرا شخصيتهاا مزيان .. كتبان بريئة و جريئة فنفس الوقت وجهها بارد ملاميحها مامفهومينش ماباينة تاحاجة فوجهها بحالا مطفية. .... خنزرات فيا ولكن ماهضراتش باينة فيها خافت.. 
اشنو لي مميز فهاد البنت تاقتارحوها عليا للمهمة. ماكايبانش فيها داك الدكاء كامل لي سمعت عليها. والا حتى ديك القوة كاملة واخا فلي فيديو جاتني قاسحة ولكن ماشي لديك الدرجة لي تخليها مزيانة للمهمة مهم غانجربها قبل ونشووفوو...

قربليا بقى كايحنزز فياا غا عينيه لي باينين من القناع 
عينيه كووحل بحال الفحم وصغار يعني حروفو كوحل...
بقيت كنشوف فعينيه باااش نعقل علييهممم....
. شوية شدلي وجهي بيديه بالجهد تاقرب يطيرووليااا من بلااصتوو.. ضرني ولكن ملاميحي باردين كما العادة مابينتليهش هووو بقى كايشوف فيا ماعرفت فاش كايفكر... انا خنزرت فييه ولكن صراحة خفت منوو ومانطقت بتاشي كلمة ... الحيوان وخااف منوو بقا غا انا ... يعني غايكوون قتاال مافيه لارحمة لا شفقة... خاصني نعرف كيفاش نتعامل معااه
شوية هو ينطق......

شوية نترلي وجهي هز كارو شعلو وبدى كايكمي لمحت فمو كان باين شوية .. نتر نترة مطووووولة قربلي تالوجهي و هو يسووط عليا فكمارتي تاخنقني بديت كنكح ماقديتش على ريحتو 
ياسين : كوليلي نتي اش دخلك القحبة فالخدمة الرجال اااا 
سارة ضحكات ضحكة استفزازية: هه واش تانتا حسبتي راسك معاهم يا الزامل؟
حسيت بيه تعصب هز الكارو نتر منو تاشعل مزياااان هو يطفيه ليا فعنقي بقى حاطوولي تاتكمش ولاحوو
قسسسحنيييي بزااااف بغيييت نغوووت باش ماعطاني الله ولكن ماغوتش كبتهااااا لدااخل دياليييي صبرت داااك الصبر لي عمرررني درتووو فحيااااتييي شفت فيه شوفة تحدي شوووفة خرجت فيهاااا كااع داك الألم لي حسييت بييه سديييت فمي وزيرت علييه باااش مايخونيش صوتي ونغوت بالجهد ولا نبكي ونتبتليه فعلا داكشي فاش كايفكر أن امرأة دخلات راسها فالخدمة دالرجال ....
أن المرأة ماتقدرش تصبر للتعديب لي كايصبروليه الرجال..
أن الرجل احسن من المرأة فالقدرة على التحمل... قطعت نفسي باش نكبت رااسي وخنزرت فييييه مزيااان.... ضحكت بالزز منيي 
سارة:صااافي هادااا هو جهدك ههه صدمتيني فيك كنت كنتسنى منك ماكتر 
ياسين شاف فيها شوفة شريرة : هه مازال حتى مانويت أنني نبداا... غا صبري معايا شوية. .. دابا نعجبك(وغمزها)
سارة: اه عنداك غاتعياا من كترة المحاولات وتبقى كل مرة تقولي مازال مابديت.. ( قربات وجهها لوجهو تابدات كتحس بالنفس ديالو شافت فعينيه شوفة تحدي) حيت القدرة د التحمل ديالي اقوى من اي حاجة طيحليك فبالك واخا دير لي درتي ماغانضعفش قدامك و طرقك القديمة فالتعديب ماغايديو مني والو غانخليك تمل منهم وتفقد الأمل فأنك طيح مني ولا تخليني نضعف...
ياسين بقى كايشوف فيها مصدوم من جوابها : غانخليك تمناي الموت احسن والا التعديب ديالي.. غانتبت ليك بلي التعديب غاتبان كلمة صغيييرة قدام داكشي لي غانديرليك.. مانعرفش نسميه ولكن خليك تاتكتاشفيه بوحدك
انا كنهضر بطريقة مستفزة : دير لي درتي كون اكييد داكشي لي بغيتي توصل ليه معايا عمرك غاتوصلييه.. والسبب لي خلاك تختاطفني و الهدف لي نتا راسمو فعقلك عمررك تحلم انني نحققو ليك... واخا نعرف نمووت فيها...
ياسين: هه كنتمنى تكوني قد هضرتك وماتستسلميش من اول ضربة حيت القحبات بحالك كايبقاو غا قحبات كانبوليهم ففمهم... (طلع فيا وهبط ضحك بالجهد وهضر مع الحيوان او الوحش كيما قاليه) 
الوحش؟ تبعني
انا هضرت قبل ما يخرج بالجهد : بزااف علييك انا يا الزاامل ايلا كنتي موالف كتشوفهم كايبولو ف فم مك وختك فما شي بالضرورة نكون انا بحالهن
رجع لعندي بسرعة جمع معايا بكروشية نيشان لعيني حتى زعزعني من بلاصتي وبقا عليا بالتصرفيق حتى ردني كلي دمايات
انا بالغوات: كاتستقوى عليا يالحيواان... طلقني و واجهني الراس فالراس ننشووفووو داك الساعة شكون يغلب
هو خرج دغيا فبل ماسمعني وزدح الباب

عند ياسين
خرج حيد القناع لاحو فالارض ومسح على شعرو. بقى حاط يديه على راسو : القحبة لاخرة... مشكيييلة هادي خرجاتلي من الجنب كيغاندير نقنعها دابااا تفووووو... (ضرب بيديه واحد الكرسي كان حدا الباب كايجلس فيه الوحش حتى قسمو على جوج)
ياسين كايهضر بحرقة:عصباتني هاد الميكروبة غادي ندمها على النهار لي تحداتني فيه 
شد الوحش وجرو من الكول ديالو: نتا خدملي غا يدك.. بغيتك تعدبهالي مزيان نوريها تلعب مع سيادها.. بغيتك تعطيها احسن قتلة عدبها جسديا ونفسيا لي كان مهم خليها تمنى الموت ايلا اضطريتي تعدى عليها وخلي الحراس كاملين يتناوبو عليها ردوها كيشي شيفون لي جا ويمسح فيها ولكن عنداك تقتلها واياااك عرفتي وتقتلها مانعقلش عليك هاد المرة غانحيك من الدنيا كاين فرق بين التعديب والقتل نتا غاتعدبها فهمتي
الوحش ضحك فرح بزااف ضرب فيديه وبقى كايعصر فيهم:واخا اسيدي ماطلبتي غا الموجود ...
انا: غدا غانرجع لهنا ونشوفو خدمتك كيدايرة.. 
ونشوف نيت هاد القحبة واش غاطيب عليا بحال هاكة وتحداني ولا غاتنزل كواريها للارض .... (مشى خارج معصب..)

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.