فادي.(وزاد قرب ليها تاهو)حييديي من قدااامي قبل مانرتاكب فيك شي جريمة ونوريك حبيبك ديال بصح كيف داير
هدى.(بعدات منه وبعدها جبدات صورة صفوان لي كانت مخبياها فصدرها)شوفو هذا صفوان يعني انت
فادي.(الصمت ومخرج عينو)
هنادي.(من كثرة الصدمة حطات يدها على فمها وكتشوف فالصورة)
هدى.(طاحت على رجليها وكتبكي بهسترية وشادة فرجل فادي لي بقى غير واقف وجامد بلاصته بلا اي حركة وحرف)
هدى.(بالدموع)علاش مابقيتيش عاقل عليا أهئ أهئ علاش (زادت عنقات رجلو) شنو دارو لك!! علاش نسيتيني بهذ السرعة أهئ أهئ علاش خليتيني نتيق انك بصح متي علاش أهئ أهئ خليتيني كنتعذب فغيابك وكل يوم كنتمنى الموت باش الله يديني لعندك ودبا كنتصدم انك باقي عايش أهئ أهئ علاش درتي فيا هكذا علاااااش واش مبقيتش فيك هئ هئ...
فادي.(وحييد ليها الصورة)بصح هذا أنا ولكن امتى صورت هنا!!
هنادي.(ونوضات هدى من الأرض)صافي انتي سيري من هنا خلاص يلااااه ترحكي
فادي.بلاتي انتي منين جبتي هذ الصورة
هنادي.غتكون ندى هي لي عطاتها ليها وجات دبا باش تدير علينا هد الفيلم
هدى.اشمن فيلم!!
هنادي.(وجراتها لبرا)سيري من هنا ولدي مابقاش باغيك تقابلي ليه بنتو
هدى.(الصمت، وكتشوف ففادي لي حاط يدو على راسو وكيغمض عينو ويحلها .. (هناظي جراات هدى لبرا وبعدها لاحتها فالرض)
هي.جمعي حوايجك وسيري من هنا حنا مابقيناش محتاجينك
هدى.(ناضت ويلاه بغات تدفع الباب وتدخل تاني وهي تسدو هنادي ودخلات قفلاتو وبقات مع فادي)
هدى.(ويدها على راسها)واش أنا كنحلم!! هدشي مايمكنش (شافت فالباب) هذا صفوان أنا متأكدة بلي هو .. ولكن علاش مابقاش كيعرفني علاش نساني ومابقاش عاقل عليا (نزلات دموعها) هدو شنو دارو ليه!! .. (هبطات للتحت ومشات لغرفتها لي عطاتها ليها هنادي باش ماتبقاش تمشي وتجي كلا نهار .. هزات تليفونها ويلاه بغات تتاصل بندى باش تفهم منها شنو واقع وهي تشوف هنادي هبطات فالدروج وكتجري للكوزينة .. حطات هدى تليفونها فجيبها وبعدها وخرجات بخطوات مهيلة وتاجهات للكوزينة .. وقفات فالعتبة وبقات كاطل على هنادي لي لقاتها هازة كاس ديال العصير وكتخوي فيه واحد القرعة صغيرة والسائل لي فيها احمر وكترعد .. هزات راسها وهدى سربات تخبات ورا الحيط وهنادي خرجات وجرات للفوق وهي طايرة فالدروج)
هدى.شنو واقع هنا!! .. (دخلات لكوزينة .. ولمحات القرعة لي خلاتها هنادي ونساتها من كثرة التوتر .. هزاتها هدى وبقات كتقرا داكشي لي مكتوب فيها وغير عرفات اسم الدواء وهي تصدم!! ومشات كتجري بالزربة للفوق وتاجهات ديريكت لغرفة فادي ويلاه بغات تحل الباب ودخل وهي تسمع)
هنادي.وخا مافيكش العطش غير شربو غيريحك
فادي.لا مابغيتوش اصلا الصداع لي فراسي رجع تاني غير غيزيد عليا
هنادي.غتولي بخير غير شربو
هدى.(ودفعات الباب ودخلات)صفوااان
هنادي.(ودورات كتشوف فيها)نتي شنو رجعك تاااني ياك قلت لك سيري من هنا
هدى.(ومشات لصقات وجهها مع وجه هنادي)شنو واش خفتي مني!! (هزات القرعة وحطاتها بين عينيها) شنو هذا!!
هدى.(بكل ثقة)غنعييط على البوليس .. ((ومازال گاع ماكملاتهاش وهي تسمع طرااااق فوق راسها ولاحت القرعة والتيليفون .. وبعدها طاحت فالأرض وفقذات الوعي))
[بعد مرور ساعة ونصف]📺
هدى.(وكتحل فعينيها)أاااي راسي صفوااان
الشخص.على سلامتك الالة
هدى.(ونقزات من بلاصتها)فيين أناااا
الشخص.نتي فالمستشفى ألالة واحد السيدة جابتك وقالت لقاتك فالطريق مضروبة
هدى.(وكتحاول تفكر كولشي)مراا!!
الطبيب.اه لكن الضربة كانت خفيفة وبإمكانك تمشي دبا وعلى سلامتك مرة اخرى .. (ومشا خرج)
هدى.(وناضت من بلاصتها)صفوااان حي (كتبسم) ااااه حي الحمدلله ياااااربي الحمدلله حمدتك وشكرتك .. (بقات كضحك وتنقز تاتفكرات حالة صفوان وهنادي لي كتعطي ليه سيرو باش مايبقاش عاقل على والو وكيفقذ ذاكرته يوم بعد يوم)
ندى.وخا الطبيب خدا النص لكن هذو يكفيونا حياتنا كاملة ومازال يشيط الخير
رامي.انا بقات فيا غير هدى مسكينة لي احساب ليها حبيب القلب مات
ندى.اودي أرامي ااه بغيت نقول عمر هاديك أنا مابقاتش فيا راها بزينها غدا تلقى واحد اخر..
Flash_Back🎬
منال.صفوان ماكيبغينيش ماكيبغينيش يعني وخا نتهنى من هدى هو ماغيكونش ليا داكشي علاش انا لي غناخد روحهم بجوج ويلا جاب الله تشديت قبل مايموتو هما نتوما عارفين شنو غديرو
ندى.صافي غير كوني هانيا
منال.انت أ عمر رد بالك عنداك تنسى شي مرة وتخرج شي حرف بالدارجة راك غضرب لينا كولشي فالزيرو
عمر.ماتخافي انسة منال لك رامي هون وقدها وقدود
منال.يلاه سيرو رجعو منين جيتو وغدا فالعرس نتلاقاو
[الآن]📺
ندى.دينا ثروة منال وتا ديال هنادي ورجاء
عمر.لكن هنادي لي عجباتني كثر حيت هي لي عطات فلوس صحاح عاشت عمرها كله بلا ولاد ودبا جاب ليها الله ولد ومن الفوق كيقول ليها ماما متيق راسو ههههه
ندى.هي راها ضربات عصفورين بحجر واحد وتاديك الصفريطة لي تبناتها احساب ليها صفوان هو باباها وهنادي جداتها
عمر.وعلاش لا وهما كلهم كتشربهم داك السم تاينساو اصلهم
ندى.دبا بقاو غير شهور قلال وينساو كولشي
عمر.الايام دازو بالزربة
ندى.(وعنقاتو)هدشي كامل ربحت منه حبيبي
عمر.وربحنا تا التسافيرة لسوريا لكن خصنا نرجعو
ندى.(بخيبة أمل)ولكن علاش خلينا هنا راني درت صحابات جداد فالعرس وخا كان غير تمتيل لكن عرس حقيقي شرينا غير الاهل والحباب هاهاها
عمر.شتك ولفتي هدشي مهم انا خصني نرجع راكي عارفة هنادي لي كانت خدامة معانا انا وصفوان راه بقات بوحدها خصني نرجع لخدمتي
ندى.علاش صفوان زعمة بغيت نقول فادي علاش هو مايخدمش معاها
عمر.واقيلة بغيتينا نتفضحو راه كولشي كيعرفو فالخدمة ويلا البوليس عرفو انه حي غيبحثو فالقضية وديك الساعة غيجبدونا كلنا منال ورغد وانا ونتي وهنادي والطبيب وتا رجاء لي عترفات بموته وأكداته وتافقات مع هنادي بلي ماعمرها غتسول فيه حيت أصلا ماشي ولدها
ندى.اه عندك الحق
[في مكان اخر]📺
هدى.(وكتقلب الشقة ديال رامي لي هو نفسه عمر شبر شبر)
هي.اكييد غتكونو تانتوما عارفين شي حاجة لكن قبل مانتاصل بيكم ونسولكم خاص هذ الشقة نفتشها قنت قنت .. (بقات كتقلب ورجعات الدنيا مرونا وماوقفات تالقات ورقة مخبية تحت الماتلة)
هي.(وجبداتها)شنو هدشي .. (حلاتها وهي تصدم .. لقات شك من منال لعمر)
هدى.عمر؟؟ شكون عمر!!..
((جلسات فوق الناموسية وأفكارها مشتتة ومابقات فاهمة والو)
هدى.كنظن شحال من حاجة غفلت عليها .. لكن خصني نتحرك ودبا نيت صفوان خصو يخرج من ديك الدار ولي كان ورا هدشي خاصو يتشد ويتعاقب لكن الا واجهتهم انا بوحدي يقدرو يديرو ليا شي حاجة باش يتهناو مني فمرة داكشي علاش خصني نتسلح بالبوليس .. (هزات صاكها وخرجات من الدار كتجري .. شدات طاكسي وتاجهات لمركز الشرطة وتفكيرها كله عند صفوان لي دوخوه ونساوه فراسو .. بقات كتحاول تلقى حلول للألغاز لي فراسها .. بغات تعرف هنادي شنو علاقتها بندى وكيفاش صفوان وصل لعندها وعلاش لارا كاتقول ليه بابا مليون سؤال وسؤال فراسها .. لكن فاش وصلات للمكان المقصود وقفات تفكيرها ونزلات كتجري للمركز بقات كتسول على لي يعاونها تالقاتو)
[بعد 9 دقائق]
هدى.هدشي لي وقع
المحقق.صافي انتي ماتشغليش بالك منال وشادي ورغد غانعاودو معاهم التحقيق وغنصيفط لي يتكلف بهنادي وكيبان لي الطبيب لي دخل صفوان داك النهار تاهو خصنا نبحثو عليه
هدى.زعمة يكون معاهم؟
المحقق.فهذ الحالة كولشي ممكن واكيد غتكون عندو يد حيت هو لي عطاكم خبار وفاته مهم انتي دبا غاتجي معايا
هدى.واش الا مشينا لتما صفوان غيرجع معايا؟
المحقق.ان شاء الله .. (مشا هز الجاكيط ديالو وخرج هو وهدى وتبعوه الرجال ديالو ولي كلفهم يحاصرو الڤيلا بينما يوصل)
هدى.(وهبطات من الطموبيل)انا بوحدي لي عارفة شنو واقع هنا وهديك اكيد غتكذب عليك وتصدرك
المحقق.عارفين خدمتنا مهم زيدي دبا بلا مانضيعو الوقت.. (يلاه بغاو يدخلو وهو يوقفهم العساس)
هو.مدام هنادي مابغات تشوف تاواحد
المحقق.(وهز بطاقة ديالو)انا المحقق زياد وعندنا أمر بالتفتيش .. (ومشا دخل بعدما حييد ليه العساس من الطريق .. ومازال گاع ماوصلوش للجردة وهما يشوفو هنادي خارجة وجارة جوج باليزات)
هدى.التبارك الله هي شي سفار زوين هذا امدام هنادي؟
هي.(الصمت، ومن كثرة الصدمة ضربات الطم، ورجليها مابقاوش هازينها)
المحقق.كنعتذرو منك الا جيناك فوقت غير مناسب لكن غتعطينا شي 5 دقائق من وقتك
هنادي.ماعنديش الوقت الطيارة بقى ليها غير نص ساعة ويلاه يلاه نلحق عليها
هدى.رجعي امدام هنادي ماغنعطلوكش وزايدون الا مشات الطيارة كاين الصاروخ
عمر.عندك الزهر حيت مابقى عاقل على والو اما كون دفنك فأرضك
هنادي.هذ الهضرة خليها لراسك وقول ليا شنو غندير معاه .. لارا راه رجعتها للخيرية وبقى غير هو
عمر.مازال ناعس؟
هنادي.اه البنج كان قوي لكن الا بقى كثر من نص ساعة فالكوف غيتخنق
عمر.علاه شحال بقى لك باش توصلي لتما
هنادي.انا فالطريق دبا لكن الا فاق شنو غنقول له
عمر.ماتقولي ليه والو و الا فاق رجعي بنجيه وحبسيه فداك الكوخ لي قلت لك تا تهدن الأوضاع دبا داك البوليسي غيسحاب ليه هدى واحدة مريضة ومسطية حيت ماغيلقى تا أثار لصفوان
هنادي.انا غندير كيما قلتي ليا ولكن الا وقعات ليا شي حاجة كونو متأكدين بلي غنجركم معايا .. (وقطعات)
ندى.شنو المعمول دبا؟؟
عمر.خصنا نرجعو للمغرب
ندى.ولكن....
عمر.(وقاطعها)ماكاين ماولكن اصلا نتي السبب فهدشي كامل ماعرفتش فين كان عقلك تادرتي غلطة بحال هذي
هي.الله ياربي الله شنو غندير هئ هئ ياربي تحفظه من كل سوء وماتحرمنيييش منه .. يااااربي يلقااااوه بالزربة راه قلبي محروق عليه
[في مكان آخر]📺
ندى.ماشي مهم تعرفو شكون أنا مهم انا لي عليا راني درتو والباقي عليكم نتوما خصكم توقفو هذ الجريمة لي غتوقع وتشدوهم بجوج حيت من زمان وهما كيخططو يقتلوه ... (وقطعات)
ندى.ههههه بسلامة أمدام هنادي وتا انت أراجلي العزيز سمح ليا لكن بلاصتك فالحبس انا مايمكنش ليا نتورط معاك .. تقتل صفوان وبعدها تهرب وترجع لعندي البوليس اكيد ماغيدوزوهاش لك بمرور الكرام .. هما غيلقاوك وغيجبدوك وخا تكون تحت الأرض ديك الساعة غتجرني معاك لكن لا .. أكييد لا حيت رابح واحد كيكون وهو انا .. ونتوما الى الجحيييم
[في مكان آخر]📺
زياد.العنوان لي وصلنا هو هذا وبما أن سيارة مدام هنادي كاينة هنا اذا الخبار صحيح دبا خصنا نتسناو سي عمر تايوصل
الظابط.وخا أسيدي
زياد.(وتاصل بهدى)ألوو
هدى.(بصوت مبحوح)نعم... واش عرفتو شي حاجة
زياد.مع الأسف مازال... لكن كانبحثو
هدى.وخا شكرا ... (وقطعات وهي غارقة فالدموع .. ماعرفات صفوان واش حي ولا ميت ندمات علاياش دخلات البوليس فالموضوع دبا مابقات عارفة مادير والأسواء من هذا ان صفوان فاقذ الذاكرة وخا يشوف الخطر قدامه ماغيدير والو)
[في مكان آخر]📺
الظابط.سي زياد راه وصل
زياد.صافي نتوما شدو بلايصكم تاندير ليكم إشارة ديك الساعة دخلو
الظابط.وخا أسيدي
عمر.(هبط من الطموبيل ديالو وتاجه للكوخ لي كاينة فيه هنادي وصفوان .. لكن قبل وجد الفردي ديالو وبعدها عاد دق الباب ودخل)
هو.(وجلس على رجلو وعنقها)انا عارف باش كتحسي سمحي ليا ولكن كان خصني ندير هكا باش نتهناو منهم للأبد
هدى.(وكضربو فصدرو ضربات خفيفة)كنت غنموووت هئ هئ كنت غنمووووت
صفوان.(وكيحاول يهدئها)هدشي ماغيتعاودش كنواعدك .. (وبقى كيتبطب على راسها تاتهدنات وبعدها وقفها قدامو)
صفوان.(وكيمسح ليها دموعها)صافي كولشي سالا
هدى.(ومعقدة حواجبها من كثرة البكاء والحزن)كيفاش وقع هدشي كامل!!
صفوان.(وكيشوف فبلاصة اخرى)مورا العرس انا بقيت فالمستشفى 20 يوم وكان رامي لي هو عمر كايجي لعندي كل يوم وكنت ديما كنسولو عليك وكنقول ليه فين هدى وعلاش ماجاتش لكن ماعمرو جاوب كيقول غير تاتخرج وتشوفها .. بعدها بقات هنادي كتجي بلاصته لي كانت خدامة معانا فالشركة ولي ماكانش احساب لي انها كانت مريضة وعندها مرض نفساني وفنفس الوقت عندها هوس بالولاد اي ولد شافتو كتقول عليه ولدها وفاش عرفات ان رامي وندى كيخططو يتهناو مني بعدما تافقو مع الطبيب يقول انني مت هي عطاتهم ثروتها كلها والمقابل هو أنا وتافقات مع الطبيب يبقى يدير ليا واحد البرا لي غتخليني ننسى كولشي ومن حسن حظي سمعت لكلامهم فالوقت لي هوما احساب ليهم انا ناعس .. مهم بعدما تافقو وخرجات هنادي انا فقت ديك الساعة وقلت للطبيب انني سمعت كولشي وغنبلغ بيهم البوليس غير باش يخاف وفعلا خاف على حياته ومهنته وبعدها درت اتفاقية انا وياه وهي انني مانبلغش بيه البوليس لكن المقابل هو يقول لهنادي ان كولشي غادي مزيان وكانفقذ ذاكرتي يوم بعد يوم..
((وبعد اسبوع الطبيب قال ليها بلي بإمكاني نخرج ومع هي ذكية شوية قالت ليه والبرا لي متبعها كيفاش غيكملها ديك الساعة الطبيب عطاها واحد السيرو وقال ليها تبقى تحطو ليا فمشروبي باش نفقذ ذاكرتي للأبد ومانبقى عاقل على والو ومن نيتها تيقاتو وخدات السيرو لي حنا درنا فيه غير عصير . انا والطبيب تافقت ان مورا مانخرج غنبلغ بهنادي وعمر وهو غنخليه فأمان وبعدها نرجع لعندك (شد لبها فيديها) ونقولك انني باقي حي .. لكن قبل مانخرج من المستشفى ديك الليلة عمر جا عند هنادي حيت عرف انني غنخرج قال ليها بلي الا انا هربت ولا تفكرت شي حاجة غيقتلها هي ونتي وهنا فشلات خطتي بعدما فكرت انني غنخلي عمر وندى وهنادي يتبعو منال وشادي للحبس .. عمر كان ذكي او ربما هذو خطط منال وشادي حيت عمر وندى كيمشيو يزروهم فالحبس ومنهم كياخدو التعليمات .. مهم بعد ديك الليلة السوداء عرفت انني الا بنت حياتك غتكون فخطر داكشي على كنت مضطر نكمل معاهم فالخط ومشيت مع هنادي اوهمتها انني بديت نفقذ ذاكرتي ديال بصح وبينت ليها انني مابقيت عاقل على والو وفاش وصلنا للدار جابت واحد البنت وقالت هي بنتي وانا باش نخليها تييق انني فاقذ الذاكرة درت لارا فعلا بنتي وهنادي ماما وفالوقت لي مشات للخدمة فاليوم الموالي انا تاصلت بالمحقق زياد وعاودت ليه كولشي من الأول لكن قال بلي فهذ الحالة غير هنادي لي غتشد والطبيب وعمر وتا ندى لا هما ماغيتشدوش حيت ماعندهم تاشي علاقة وقلت ليه أن هما لي دارو هذ الخطة كلها باش يبعدوني عليك وخططو يقتلوني لكن قال خاص دليل ولي حاول يقتلني راه تشد وماعندي تا اثبات ان الباقي متافقين معاهم .. صافي قال غيتعاون معايا تانشدوهوم متلبسين ومن داك الوقت وانا كنمتل على هنادي وبقينا كنتسناو امتى عمر وندى غيجيو للڤيلا ويشدهم بعدما يجبدو موضوعي اكيد وحطينا اجهزة التنصط فالڤيلا كلها لكن كل ديك المدة ماعمر شي واحد منهم جا وكنت غننساحب ونجي لعندك لكن خفت لايعرفو انني هربت وبعدها يقتلوك .. رجعت فكرت فالموضوع وقلت نكمل ونصبر واصلا ماكنتش كنعرف عمر وندى فين داوك حيت المحقق زياد بعد شهر مشا عندكم للڤيلا وقال لقى غير رجاء وهنا خفت عليك بزاااف وقلت خصني نكمل التمثلية ديالي وخا كنت كنتعذب فكل دقيقة كاتمر عليا بدونك...
((وبعد مدة هنادي صيفطاتني لواحد الإجتماع فدبي وماعرفتش علاش دارت هكاك مهم شرحات ليا شنو خصني ندير وبعدها مشيت لكن بقيت على تواصل انا وزياد وحط حراسة على هنادي باش يعرف لاياش كتخطط لكن طلع الاجتماع بصح كاين وماكانتش اي خطة .. لكن فاش رجعت تصدمت فاش لقيتك فالڤيلا وكولشي تخلط عليا ديك الساعة كنت مواحشك وخايف عليك وفنفس الوقت كنتسأل شنو وقع فغيابي .. ومافهمتش انتي كيفاش وصلتي لهنادي وجيتي للڤيلا لكن بعدما هضرات هي فهمت انك كتخدمي عندها وكتقابلي لارا ولسوء حظها ماكانتش كتعرفك اصلا ودخلاتك للدار لكن فاش قلتي ليها انني صفوان وبلي انتي مراتي تصدمات ومابقات عارفة مادير وبعدها جرات عليك باش تهنا منك وفرحات كثر فاش انا قلت لك ان اسمي فادي ماشي صفوان ولي هو الاسم لي سماتني بيه .. مهم من بعد عرفت منها انتي كيفاش وصلتي لعندها فاش كانت كتهضر فالتليفون مع ندى وقالت ليها بلي كانت خاصاها خدامة تقابل لارا فغيابي وقالت تجيب ندى لكن ضربة حظ لي كانت هي ان ندى مشات ومن كلاخها خلات لك التليفون وراكي عارفة التتمة
هدى.(بالصدمة)مستحيييل هدشي كامل يكون وقع لينا حنا
صفوان.بحال شي نكتة ياك
هدى.(وكتشوف ليه فعينيه وهي متدمرة)علااااش هدشي كيوقع لينا غير حنا
صفوان.السبب فهدشي كامل هو منال وشادي حيت كون ماكانوش هما هنادي وعمر وندى ماكانوش غيكونو تاهما ويديرو هدشي كامل
هدى.(وكتبلع فريقها)انا هدشي ماكيهمنيش (لصفات معاه) انا لي كيهمني هو انك باقي عايش عرفتي حاسة براسي فهذ اللحظة أنني بحالا كنحلم
صفوان.(الصمت، وكيتبسم)
هدى.ياريت كون المحقق زياد قال ليا كولشي
صفوان.يمكن الا قال لك كولشي انا ماكنتش غنكون معاك دبا
هدى.ضيعنا سنين وحنا كنحاولو نكونو مع بعضياتنا
صفوان.وخا هكاك حبنا كان قوي وقدرنا نتغلبو على كولشي
هدى.(وعنقاتو بقوة)ماتخلينييييش مرة أخرى..(بقاو فنفس الوضع اكثر من 6 دقائق وبعدها مشاو ركبو فالطاكسي لي صيفطها ليهم المحقق زياد)
هدى.فين غنمشيو دبا؟
صفوان.(كيتبسم وشاد ليها فيدها)غنمشيو لدارنا
هدى.ولكن رجاء كاينة تما
صفوان.الڤيلا ديالي أنا ماشي ديال رجاء...
((وهكا أبطالنا رجعو تجمعو من جديد وبعد فراق طويل ومشاكل كثرة وصراعات مالهاش نهاية فالاخير قدرو يتغلبو على هدشي كامل، وتجمع شملهم مرة آخرى .. (صفوان وهدى بعدما وصلو للڤيلا عند رجاء لي كانو حاطين فبالهم انهم غيجير عليها .. لقاوها فحالة لا يرثى لها كانت كتعاني من السرطان فمرحلة متأخرة .. صحتها فشهر واحد رجعات اللور وبقات ملازمة الفراش .. وعلى حسب هذ الوضع صفوان وهدى خلاوها عندهم وبقات هدى هي لي كتقابلها وكتوكلها وكتشربها وتلبسها وكولشي هي لي كديرو ليها .. تالليوم لي قربات فيه رجاء من الموت .. وحالتها ولا سيئة بزاف قررات تعتارف ليهم بسر ولي كيخص صفوان .. السر لي كانت مخبياه وكاتماه حياتها كلها .. وهي حقيقة اهل صفوان وفاش هضرات صدمات صفوان وتاهدى .. رجاء قالت ليهم ان صفوان فعلا ماشي ولدها وغير مربياه لكن ماجابتوش من الخيرية انما خطفاتو ومن حظن امه ولي هي فنفس الوقت صحبتها الواحيدة .. رجاء فاش كانت مازال فشبابها كانت ليها صديقة وهي ام صفوان ولي اسمها جميلة .. هي ورجاء ماكانوش كيتفارقو كانو صديقات ديال الصح وفوقت الشدة والضيق تلقاهم واقفين مع بعضياتهم .. وفيوم من الأيام جميلة تزوجات قبل من رجاء .. وهنا بدات الغيرة والحگرة ديال الصحابات وخصوصا ان جميلة بعد شهرين من زواجها حملات بولدها لي هو صفوان .. رجاء ماتحملاتش ان صحبتها تزوجات ودارت الولاد .. وبسبب هدشي دخلها الشيطان وبلاصة المحبة دارت الحقد والكره خصوصا بعدما ولاو الجيران كيهضرو عليها وسيرتها ولات فكل لسان .. كيقولو جميلة تزوجات ورجاء بقات بايرة وغتبور فدارهم .. اولاو يشكو فشرافها وخدشو حيأها وكرامتها .. وراكم عارفين بنادم الا حطك فبالو كيبقى يألف ويخطط فراسه كيف بغا .. رجاء ماتحملاتش هدشي كامل .. وبلاصت ماتجلس فدارها وتسنى رزقها ومكتوبها تايجيها هي قررات تحرم الفرحة على صحبتها .. والنهار لي مشات جميلة للسبيطار باش تولد صفوان رجاء مشات معاها لكن فاش ولدات رجاء خطفات الولد ومشات لمدينة ثانية وكبرات صفوان بحليب ام غير امه .. وبعدها رجاء تزوجات لكن راجلها ماعارفش بلي الولد لي عندها تخطف انما قالت ليه بلي الولد ولد وحدة من عائلتها ولداتو وهو غير شرعي .. وماكانتش باغاه وعطاته لرجاء وكبراتو وهنا راجلها زاد بغاها من قلبه حيت فعينو كتبان ملاك بداك التصرف لي دارت .. وتافقات هي وراجلها يقولو لصفوان انهم غير رباوه حيت الا عرف انه ماشي شرعي ماغيتقبلهاش وأكيد غيتعقد فحياته .. وبعدما وصل صفوان لسن 20 سنة مات باباه ولي هو راجل رجاء .. وبعدها كملات حياتها هي وصفوان .. دارت منه راجل وهمة وشان لكن ماعمرها صارحاته بالحقيقة لي مخبياها تال هذ اليوم فاش شدات الفراش وكتسنى الموت تديها...
((صفوان بعدما سمع كلام رجاء لي نزل عليه بحال السخط تصدم وتدمر فنفس الوقت .. وحاجة وحدة قالها هي فين الأم ديالي .. (( رجاء فاش قالت الحقيقة قررات تقول كولشي وكما هو .. قالت ليه ان والديه باقي عايشين لكن فمدينة ثانية وقالت ليه انه عندو جوج خواتات تانيين .. وهنا ماترددش صفوان يمشي يقلب على الأم ديالو .. رجاء عطاتو العنوان ومشى هو وهدى وخلاو رجاء لواحد الخدامة تقابلها .. لكن فاش كان صفوان باقي فالطريق لعند والديه وصلو خبار موت رجاء لي ماتت مباشرة بعد خروجهم من الڤيلا لكن ماحزنش ولا ضرو خاطره من جيهتها قدما فراقو على للأم ديالو وأهله وجعوه فقلبو) .. (وبعد فراق طويل ولي خدا عمر صفوان بالكامل قدر يوصل لعائلته وتجمع شملهم لأول مرة .. وصفوان فرح من كل أعماق قلبه ولي عائلته تاهي دخلات السعادة والبسمة لقلوبهم ورحبو بصفوان بصدر رحب بعدما كانو فاقذين الأمل انه يقدر يجي يوم ويلقاوه .. وبعد شهرين زادت الفرحة اولات فرحتين .. صفوان وهدى تزوجو ودارو عرس وكملات فرحة صفوان فالوقت لي هدى كانت مشتهية تلقا عائلتها باش يحضرو لعرسها لكن الغالب الله ماخلات فين قلبات عليهم جهدها كامل دارتو هي وصفوان لكون بدون جدوى فالأخير استسلمات للأمر الواقع وتقبلات انها مقطوعة من شجرة وان صفوان هو عائلتها كلها .. فعرسها عرضات على جميع الناس لي كتعرف ولي ماكتعرفش بغات كولشي يشاركها فرحتها مع حبيبها صفوان .. ودوزات احلى ليلة فعمرها معاه وكانت البسمة والفرحة مافارقاتش وجهها .. وخلات جميع الناس يذكرو عرسها ولي كان عرس أسطوري .. صفوان دار كثر من جهدو باش يغطي الجزء الأسواد لي محروق من قلب هدى ولي كان بسبب فراق عائلتها .. صفوان قدر ينسيها حزنها من جيهتهم وعيشها احلى يوم فحياتها ولي كانو باقي ايامها بحال يوم عرسها .. صفوان بحبه ليها دار منها ملكة متربعة على عرش قلبه .. اولاو الدموع لي كتنزلهم دموع فرح وسعادة .. وماعمرها مازال عرفات عنوان الحزن والغم والمشاكل وتا المصايب .. تهنات فمرة بعدما ولاو أعدأهم داخل قضبان السجن ولي تبعاتهم ندى تاهي لي مكملاتش فرحتها فسوريا ودوزات باقي ايامها بين أربع حيطان محبوسة))...
هدى.(وكتحاول تهرب منه)واقيلة خاصك شي نهار تحمل وتولد باش تعرف مناش كندوزو فنهاية 9 شهور
صفوان.كتعذبي ياك
هدى.ايوة شوف انت .. واقيلة نسيتي النهار لي نزلتي دموعك على قبلي فاش كنت كنولد لين
صفوان.حاس بك لكن بغيت ولد تاني
هدى.باش يتحاماو على لين
صفوان.مهم فكري ويلا مابغيتيش راه الشرع عطى 4 (تاجه للباب باش يخرج) فاش تسالي من التفكير انا فالصالون
هي.(وجرات وقفاتو)صافي أحبيبي صافي نولد لك تا 10 غير التعدد لا
صفوان.(وضربها فوق راسها)هبيييلة انتي علاه لي عندو بحالك يقدر يشوف فوحدة اخرى
هدى.يااااربي تحفظو لياااا وتجعلو زوج لي فالجنة
صفوان.آميييين ودبا سيري وجدي راسك
هدى.(بإستغراب)لفين!!
صفوان.هذ الليلة غنديك لأجمل مكان هنا فاليونان
هدى.(تبسمات وبعدها تقربات منه وبقاو مع بعضيانهم)
[في مكان آخر]
الشخص.(وخرج من بوابة السجن وهز راسو للسماء)الله على الحرية وآخيرااااا)..
النهـــــايــة
هذي كانت قصة صفوان وهدى الأبطل لي واجهو بزاف ديال العراقيل فحياتهم لكن فالآخير تجمعو وكانت نهايتهم سعيدة وخا كانت ناقصة من بعض الجوانب لكن تاواحد مالقاها كيف بغاها وكيبقى الكمال لله ☺
نتمنى قصتي تكون خفيفة على قلوبكم وماشي ثقيلة .. ولقائي بيكم كيتجدد في قصة اخرى ان شاء الله
ثاني اوكسيد العشق الجزء الرابع والأخير
محتوى القصة
التنقل بين الأجزاء