صورة مصغرة لـقصة ثاني اوكسيد العشق

قصة ثاني اوكسيد العشق

qisat 9isat 3ichq 3ich9 al3ich9 sayid
رواية ثاني اوكسيد العشق

يريدون مني أن اموت !!
في هذه الحياة يوجد الكثير من المشاكل التي تجعل الانسان غير قدر علي العيش عندما يوجه تلك الاشياء الصعبة في الحياة، وهذه القصة تحكي عن فتاة في الثالثة والعشرون من عمرها تدعى هدى، دخلت السجن ظلما بسبب صديق الرجل الذي كان سيكون زوجها، وقبل 3 أشهر من زواجها تآمر مع الجميع عليها إلى أن دخلت السجن وفي نفس اليوم الذي القي القبض عليها تخلى عنها خطيبها وحكم عليا بعدها بعشرون سنة سجنا، وبرغم من كل ظروفها فان هدى تظل مبتسمة دئما ولا تستسلم أبدا🖐
وهنا يبقى السؤال ماذا سيكون مصيرها!!
وهل بإمكان هاته المعانات أن تعطي أكلها؟
وهل ستنجح هدى في اظهار برئتها وتأخذ نصيبها من السعادة ام ان كل محاولتها ستبوء بالفشل!!🎬

🔸🔸نتأسفو لراسنا شوية، على كل واحد دخلناه لحياتنا غلط! على كل دموع نزلناهم على ود ناس مكاتستاهلش، على كل كلمة زوينة قلناها لغيرنا وهما أوسخ ناس على وجه الأرض" على تقصيرنا مع ربنا .. على الاهتمام الزائد الي جبنا وراه غير اكتئاب وحزن لقلوبنا .. على تنحيتنا لراسنا باش نخليو شي أمور دوز بزز مننا، على كل معتابة تقالت لناس كان من المفروض منعرفوهمش أصلا: نتغيرو .. وماشي شوية انما كليا حيت حنا كنستاهلو أحسن من هكا.. 🍂
المديرة.بغيت غير نعرف نتي اشكتكتبي فداك الدفتر شهور هذي!!
انا.(صمت مع ضحكة خفيفة)
المديرة.يا حارسة؟
الحارسة.نعم سيادة المديرة؟
المديرة.حلي هذ الباب وجيبي ليا داك الدفتر من عند ديك الحقيرة واياك تجي بيديك خاويين انا كنتسناك فالبيرو .. (مشات والحارسة دخلات بكل سرعة وزولات ليا الدفتر، وحاولت نقاومها دفعتها وشديت دفتري لعندي)
هي.كدفعيني اليومة نندمك على حياتك
أنا.أسماء وأمل
هي.شنو
أنا.وسي اسحاق
هي.نتي شنو بغيتي من عائلتي
انا.(ونضت من أرضي)سميات زوينين وصراحة ماكرهتش بناتك يجيو يونسوني بين هذ اربع حيطان
هي.دوي شنو بغيتي
انا.دبا مزيان .. طلبي منك هو تقربي ليا موعد المكالمات مابغيتش نتسنى اسبوع أخر بغيت نستعمل الهاتف اليوم بالليل
هي.ولكن نتي عارفة بلي المديرة كتمنح لكل وحدة اتصال مرة فالشهر بلا ماتحلمي دبا
أنا.مدرسة الإنبعاث
هي.(بخوف)صاااافي غنعطيك تليفوني
انا.دبا عجبتيني يلاه أراي
هي.وخا هاكي ولكن خصني الدفتر باش نديه المديرة دبا قبل مايجن جنانها
انا.بكل فرح (مديتو ليها مع إبتسامة كبيرة)تفضلي
هي.نرجع نلقاك ساليتي الاتصال عندك غير 5 دقائق ..(مشات وانا دخلت للحمام ٠٦٨٧٣٢.... تاصلت .. الهاتف كايرن ودقات قلبي كتزيد تنبض بسرعة)
الشخص.ألو
أنا.(الصمت)
الشخص.ألووو
أنا.(الصمت)...

الشخص.(بصوت عالي)ياتهضر يانقطع.. (ومكانتش الا ثواني معدوده وهو يقطع وفي هذ الأثناء سمعت صوت باب الحمام كيتطرق.. حليتو وخرجت .. كانت الحارسة .. خشيت ليها تليفونها فجيبها)
أنا.بلا ماتبدلي مدرسة بناتك حيت وخا تديهم يقراو فالمريخ غنعرف، وتمت غادة لناموسيتي.)
هي.(بعصبية) المديرة بغاتك
انا.واش أنا غنبقى مقابلاك غير نتي ومديرتك
الحارسة.الدفتر خاوي
أنا.بصح ماكنتش عارفة
هي.(جبداتني من يدي وخرجاتني)دبا غتعرفي
سجينة1. بست ثعلبة اشدايرة هذ المرة ثاني
سجينة2. دارتها فحوايجها
السجينات كاملين.هاهاهاهاها
الحارسة.زيدي خلاص تحركي .. (وصلنا للبيرو دقات الباب)
المديرة.(بالغوات)دخلي
الحارسة.(ولاحتني قدامها)هاهي سيادة المديرة عدباتني فالطريق
هي.عوايدها وعرفاهم . (شدات الدفتر وحطاتو بين عيني)فين الكتبة؟؟؟
أنا.اشمن كتبة؟
هي.(بعصبية)داكشي لي كنتي كتكتبي
أنا.اه حروفي خافو منك وختفاو
الحارسة.هههه
المديرة.سكتي نتي وخرجي عليا .. (خرجات وانا شداتني من يدي بقوة)
هي.هضري فين داكشي لي كنتي كتكتبي
أنا.يامديرة الأقلام ممنوعة داخل السجن حيت كتعتبروها ادات تقدر تقتل الإنسان واش نسيتي؟
هي.(بعصبية)يااااحارسة
هي.(ودخلات)نعم
المديرة.دي عليا هذي من هنا .. (مازال گاع ماكملاتهاش وهي تجرني من يدي وداتني لغرفتي وقفلات عليا مع 3 زاميلاتي لي كانت نوبتهم يدوشو وجاو)
هند.واش هذو مازال مبغاوش يعطيوك بالتيساع؟
سلمى.من تعابر وجهك كايبان بلي تاصلتي!
خلود.وأكيد مثل كل مرة ماهضرتيش؟
أنا.هذ المرة كان معصب بزيادة على كل المرات لي سمعتو فيهم
هند.وأكيد كتظني بلي واقعة شي حاجة؟
أنا.(وكنشوف فيها)ماشي كنظن! إنما متأكدة!..

سلمى.ظلموك بزاف أختي
أنا.مكتوب الله وكيتصرف
خلود.عشت وشفت وماعمري شفت بنت قوية وصبورة بحالك صفوان ماعرفش شنو خسر
سلمى.لا عارف شنو خسر لكن شادي كرهو فيها
هند.عفاك أختي جلسي كملي لينا باقي الحكاية
أنا.وخا...)📖

🔙🔹#Flash_Back🔹🎬
الشخص.ممكن ندخل؟
أنا.شادي هذا انت أكيد تفضل
هو.الصراحة صفوان كيشكر خدمتك بزاف
أنا.ايوة علاش حنا هنا الا ماكناش غانخدمو؟
هو.فعلا فعلا .. مهم انا جيت بغيت نطلب منك واحد الطلب وكنتمنى ماترفضيهش ليا
أنا.الا كان بإستطاعتي تفضل قول
هو.ممكن تقبلي تعشاي معايا هذ الليلة
صفوان.(ودخل)مع الأسف كاين واحد الشخص سبقك
انا.ههه هذا انت
شادي.ايوة صافي مرة اخرى إن شاء الله
صفوان.أنسة هدى ممكن تمشي لهذ للإجتماع بلاصتي؟ هو كاين في فندق رياض
أنا.وخا اسيدي (شديت من عندو الملف وخرج وشادي بقى ساهي فبلاصتو)
انا.سي شادي شي حاجة آخرى؟
هو.اه لا لا صافي غنمشي دبا تالمنبعد .. (مشا خرج وانا راجعت الملف مزيان وبعدها مشيت للفندق حضرت للإجتماع وفاش ساليت مشيت ديريكت لداري خديت دوش خفيف لبست حوايجي وقاديت حالتي وبقيت كانتسنى صفوان .. ومكانتش غير 6 دقائق وهو يجي بالظبط فالوقت لي درنا ركبت معاه فطموبيلتو وسلمت عليه وتمينا غاديين لريستورون هاماي)
🌍(في مكان آخر وبالظبط في منزل شادي)🌇
هو.تفو على زهر
منال.بغيت غير نعرف مالك من لما جيت وانت معصب ياك لباس شنو واقع ومازال ماولاتش فحساباتي
هو.ايوة غير زيديها لحساباتك هدى أي حاجة نديرها مكتصدقليش معاها
هي.ايوة صافي تانت احسابلي شي سفينة هذي غرقات
هو.(بعصبية)مناااال
هي.صافي صافي غير ضحكت معاك..

هو.انا بغيت غير نعرف كيفاش قبلات العراضة ديال صفوان ورفضات ديالي مع العلم انها هي وياه يبيناتهم الرسميات بزاف
هي.وفيق بسم الله عليك واش مفراسكش
هو.اشناهي؟
الأنسة هدى رمزي رآها خطيبة سي صفوان الراضي
شادي.(وناض من بلاصتو وأثر الصدمة على وجهو)كككفاااش!!!!؟
هي.مهم انا دبا خصني نمشي عندي واحد السوجي مع واحد خينا
هو.ماعندك فين تمشي جلسي للأر�� وعاودي ليا على هذ الخوانة كيفاش هما مخطوبين وأنا مافراسيش وبيناتهم مكاين غير سي صفوان و أنسة هدى؟ علاش ماكانتش فخباري
هي.ايوة باش تعرف أن هذ الناس مطورين علينا حنا لي كناكلو الشياطة بعدما ياكلو هما الوليمة 
هو.من إمتى؟
هي.هذ الجوج قصتهم طوييييلة مايقدني لا نهار لا جوج باش نعاودها ليك
هو.تكون تا قرن عاودي ليا كولشي من الديپار
هي.مهم صفوان بعدما مات باه خلا ليه بزاف ديال الأملاك وطبعا صفوان مخسرهومش على والو بحال شي بعضين هو أسس راسو ودار شاركات على قدهم أولا سيد معروف وحجرتو ثقيلة وكولشي كيحترمو حيت ولد الأصل ومعقول وكولشي باغي يخدم معاه حيت كيعرف غير ديريكت
هو.وخا وهذ هدى كيفاش تعرف عليها؟
هي.أنا لي عرفتو عليها
هو.(بعصبية)كككفااش؟ يعني نتي لي تسببتي لينا فهدشي دبا
هي.صبر اولد خالتي رآه كون ماكنتش أنا لي عرفتو عليها گاع ماتعرفها تانت مهم هدى ديك الساعة بغات تدفع وراقها لشي شركة باش تخدم فيها وأنا قتارحت عليها شركة صفوان
هو.ولكن بلاتي نتي فين كنتي كتعرفي صفوان
هي.هذي قصة اخرى
هو.اليوم غتعاودي ليا كولشي
هي.مهم ماما هي صاحبت أم صفوان وكانت مو كتجي عندنا للدار دئما وكانت كتشوفني وعجبتها وقالت ليا واحد النهار غنعرفك على ولدي ماكرهتش تكوني عروستي وانا من كلاخي مشيت قلتها لهدى وطلبت منها تمشي معايا باش تعطيني رايها فزوجي المستقبلي بحكم هي صاحبتي انا كنت شفتو من قبل حيت كانو كيهضرو عليه فالصحافة كنت عارفة كيفاش داير فوجهو كانو گاع الدريات كيتسطاو عليه وفنفس الوقت كنت بغيت نحرق قلب هدى بغيت نفقصها وكذبت عليها قلت ليها أنا حشمانة نتلاقى بيه وطلبت منها باش تجي معايا وفنفس الوقت نفوت عليها المقابلة لي عندها مع شركة صفوان بعدما بغات مو تخطبني ليه قلت أكيد ديك الحقيرة مايمكنش نهار وماطال تدوزو قدام راجلي لكن مول النية دئما يربح...

مهم ديتها معايا وصلنا للدار لقينا مو بقينا كنهضرو مع بعضنا وبانت ليا عجباتها هدى كثر مني تعصبت وقلت نفكر هدى فالمقابلة لي عندها باش تخوي ليا المجال حيت في كلتى الحالتين صفوان مغتشوفوش غيكون خرج من الخدمة دبا والمقابلة أصلا مشات ليها)
أنا.هدى نسينا المقابلة
أنا.اه ياربي كيف درت تانسيتها
منال.جري أهدى مازال الوقت
أنا.خالتي بسلامة عليك تالشي نهار آخر وتشرفت بمعرفتك
هي.ولكن بالتي أبنتي .. (ماخليتهاش تكمل كلامها وخرجت كنجري وماعقلتش على راسي طرت بسرعة فالطريق)
منال.خالتي رجاء واش صفوان مازال ماغيجيش؟
هي.(وشافت فساعتها)هذا وقتو، قولي ليا أبنتي شحال فعمر صاحبتك
منال.(أممم واقيلة بغيتي تخطبيها لولدك فبلاصتي ولكن هذي لي عمرها ماتكون لك)عندها 32 سنة أخالتي
هي.وااايلي 32 وهي كتبان صغر منك
منال.(ؤوجهها كيتحمر)ايوة كل واحد وداكشي لي عاطاه الله
هي.مكاين باس المهم باقي ماتزوجات ياك؟
منال.لاواه أخالتي البنت رآها مطلقة وعندها ولد وراجلها نهار وماطال تابعها
هي.واقيلة صفوان هذا لي جا غانمشي نشوف
منال.(هههه أخالتي رجاء رآه والله ولدك مايدي غير أنا هافين قلتها ليك تا انا شحال حمقى جبتها معايا وخا عارفة أن هدى زوينة عليا اشداني نجيبها اصلا مهم الحمدلله نقذت الموقف وعرفت كيفاش نتصرف قبل ما يفوت الفوت ويشوفها حبيب القلب ويطيح على زنافرو تاهو)
رجاء.(بالغوات)ولديييي اشهدشي شنو واقع 
هو.ماما سيري حلي الباب ديال بيتي راه البنت كتنزف بزاف
انا.(بصدمة)هدى!!! صفواااان!!! (مابقيت عارفة باش تبليت ومشيت تبعتهم للبيت بالزربة)
رجاء.كيفاش وقع هدشي أولدي
صفوان.تالمنبعد ونشرح ليك أماما دبا خصني نسعف البنت
أنا.رااااسي أاااي المقاااابلة
هو.شتت ماتحركيش .. (مشا جاب علبات الاسعافات الأولية وبقى كيداوي ليا الجرح لي فراسي ورجلي)
منال.واش غتموت
رجاء.بعد الشر عنها ياربي .. (خرجات منال ورجاء وبقيت انا وصفوان داوا ليا جروحي وبعدها خرج وخلاني ناعسة)
هو.ماما فيينك
هي.هانا اولدي
هو.عفاك صوبي ديك الشربة الخفيفة للبنت بحال هديك لي كتصوبي ليا وانا غنمشي نجيب ليها واحد الدواء ونجيب الطبيب يشوفها ويتفقذ حالتها
هي.واش ضربتيها بالطموبيل اولدي؟
هو.مع الأسف اه كانت كتجري بالزربة وانا مع الدورة ديال الڤيلا ضربتها
هي.مسكينة هدى...

هو.سميتها هدى؟ شنو كانت كدير هنا؟
منال.(وخرجات من الحمام)انا لي جبتها
هو.كتصنطي علينا؟
منال.لا مع الحلا ديال الباب سمعتكم مهم هدى خصها تمشي حيت راجلها تاصل وكيقلب عليها
هو.راجلها؟
رجاء.اه اولدي ؤولدها تاهو غيكون كيقلب عليها
هو.اه يعني هي مزوجة مهم البنت مايمكنش تمشي دبا حيت حالتها صعيبة شوية على الاقل خاصها تبقى هنا تالغدا مهم نتوما تاصلو براجلها وجيبو ولدها تاهو وقولو ليهم بلا مايتخلعو هي غاتولي بخير و انا لي غنتكلف بيها وهدى ماغتخرج من هنا تاتصح وترجع بخير وعلى خير .. (ومشا خرج)
رجاء.سمعتيه أبنتي
منال.(بصدمة)سمعتو أخالتي
هي.ايوة ديري كيما قال ليك
منال.وانا هذ راجلها منين غنجيبو نصنعو ليها مثلا؟
هي.(بإستغراب)ياك قلتي تاصل بك
منال.اه اه وها هو نيت ثاني كيتاصل . ( مشات رجاء ومنال جاوبات)
هي.ألو
أكرم.منال فينك
هي.جابك الله أعشيري نقذني راني مشيت فيها
هو.شحال تعطيني باينة هذ المرة كحلتيها مزيان
هي.نعطيك لي بغيتي هالعار غير نقذني وجيب ولد ختك هاجر معاك عفاك انا غنصيفط ليك العنوان والسيناريو فرسالة وخا
هو.تم باي .. (كتبت لأكرم داكشي لي مطلوب منه ومكانتش غير نص ساعة وهو يجي ونوض القيامة كيما قلت ليه)
رجاء.صفوان قال مايمكنش تمشي دبا
أكرم.هذاك حسابي معاه هو اللخر ويلا ماعطيتوش ليا مرتي دبا غنصيفطو يتربى فالحبس
رجاء.هالعار لا اولدي صافي ديها
منال.اجي نوريك فين كاينة اسي أكرم ... (مشاو هزوني من بلاصتي وداوني ديريكت للطموبيل ركبو وديماراو .. وخلاو رجاء جامدة بلاصتها وكتفكر كيفاش تشرح لي وقع لولدها وبعد 6 دقائق جا صفوان والطبيب ولقاو رجاء مازال فبرا)
صفوان.(ونزل من الطموبيل كيجري)واش فاقت أماما
هي.ولدي باللتي رآه وقعات واحد الحاجة
هو.تاللداخل ونهضرو الطبيب خاصو يشوف هدى
هي.ولكن هدى مشات
هو.(بضحكة مصدومة)كيفاش مشات
هي.راجلها داها جا نوض البلبلة وماقدرت ندير والو اولدي، سمح ليا
هو.ولكن كيفاش يديها وهي فهذ الحالة اشهاد الراجل هذا
هي.ماعرفتش اولدي مهم السيدة رآها قادة براسها مابقااش صغيرة رآه عندها 32 سنة .. دبا دخل راك من لما جيتي وانت كتجري وماكليتي والو رآه العشاء موجود دخل

هو.بعد هدشي ماعندو فين يدوز ليا أماما انا غنمشي نقلب على البنت
هي.لا من الأحسن تبعد عليها لايمشي الراجل يفهم غلط باينة عليه صعيب وانا مابغيتكش طيح فشي مشكيل بسبابه
هو.صافي وخا أماما عندك الحق السيدة عندها راجلها مهم غنصيفط الطبيب ومن بعد ندخل سيري نتي دبا شوية ونلحق عليك .. (دخلات رجا وصفوان عتذر من الطبيب وطلب منه يمشي وبعدما مشا بدا تليفون صفوان كيصوني)
هو.ألو شادي ياك لباس
شادي.اشهد الاستقبال واش زعمة مايمكنش نتاصل بك ونسول فيك هكاك حبا في الله
صفوان.بعدا عارف أن سيادتك كتتاصل غير فاش كاطيح فشي مشكيل مهم دوي اشكاين
هو.خاصك تجي للشركة دبا باش تسني شي وراق حيت فالصباح بكري خصنا نصيفطهم
هو.وخا صافي هانا جاي .. (خرج صفوان شد الطريق ديريكت للشركة وقف طموبيلتو ودخل لقى غير العساس وشادي)
شادي.سمح ليا نسيت ماوريتش ليك الوراق قبل ماتمشي
صفوان.ماشي مشكيل جيبهم ليا للبيرو وانت غير سير رآه فات الحال
شادي.وخا هاني جاي دبا .. (مشا صفوان للبيرو ديالو وجاب ليه شادي الوراق وبعدها مشا كيما طلب منه صفوان.. وصفوان وقع على الوراق ويلاه بغا يمشي وهو يلقى ملف فوق البيرو ديالو حلو ولقاه ديال أنسة هدى رمزي وغير شافو وهو يبتسم . على صدفة وتفكر فاش كيسعفها وكانت كتقول المقابلة لي كانت عندها مع 4 قلب فالمعلومات ديالها لقى بلي عندها 23 سنة وعزباء ويلاه تخرجات وكتقلب على خدمة وبقى مستغرب داك الراجل شكون؟ وعلاش كذبو عليهم؟ ولحسن حظه لقى رقم تليفونها وتاصل بيها ولكن الخط كان مقفول خدا العنوان ديالها ومشا عندها لدارها بقا كيدق وتاواحد ماكيرد صونا ليها ثاني فتليفونها وهذ المرة جاوبات)
هو.ألوو هدى وآخيرا جاوبتي
الشخص.سمح ليا اسيدي أنسة هدى رآها بالمستشفى دبا انا الممرضة ديالها ويلا كنتي من عائلتها خاصك تجي عندها حيت ماعندها تاواحد الناس لي جابوها حطوها ومشاو
صفوان.قولي ليا العنوان باش نجي دبا .. (قالت ليه الممرضة العنوان وبعدها مشا عند هدى كيجري وصل ولقى الممرضة كاتسناه فالإستقبال) 
هي.سي صفوان واش انت لي تاصلتي؟
هو.اه فين البنت
هي.اجي نوريك البيت ديالها اسيدي .. (مشا معاها للبيت ولقى هدى ناعسة)...

هي.سي صفوان البنت لباس عليها لحسن حظها سعفوها من قبل والنزيف وقف ليها ولكن من كثرة الحركة اليد لي تضربات فيها تهرسات حيت شي حد هزها بقوة مهم حنا درنا اللزم البنت شوية وتفيق الا حتاجيتي شي حاجة انا رهن الإشارة
هو.وخا شكرا .. (خرجات الممرضة وصفوان جلس فالناموسية حدا هدى لي ناعسة)))
شادي.صافي بلا ماتعاودي ليا هذ الجزء
منال.لا خاصك تسمع هدشي لي كتحس بيه رآه والو قدام داكشي لي حسيت بيه انا طول هذ الشهور
هو.شحال كنت بليد اشداني نعيط ليه ديك الليلة حيت بسببي لقاها ثاني
منال.الحمدلله ماشي بوحدي لي مسؤولة..)
🔙🔹 #الحاضر🔹🎬
خلود.صافي ماتكمليش
أنا.(وكنمسح دموعي)فقت ولقيتو حدايا😔
هند.هدى براكة عليك حنا ماتهونش علينا دموعك باش نعرفو باقي الحكاية تاترتاحي وكملي لينا
الحارسة.(وضربات الباب)هسس شنو واقع هنا؟؟
سلمى.كنبكيو على موتك مسبقا تجي تبكي معانا شوية
هي.هيييي نتي سدي فمك
هند.سيري من هنا قبل ماتندمي (خنزرات فيها ومشات)
خلود.دبا أختي شنو غديري كيفاش غتقدري تخرجي من هنا؟
أنا.بغيتو تعرفو باقي الحكاية ايوة سمعو
سلمى.متأكدة تقدري تكملي؟
انا.اه انا بخير غير تواحشتو داكشي علاش بكيت..)
🔙🔹#Flash_Back🔹🎬
(بعد 12 ساعة)بديت نفيق وحاسة براسي غيتفرگع ولقيت واحد الشخص جالس فكرسي وناعس باينة داه نعاس حققت فيه مزيان ولقيتو خطيب منال
أنا.سي صفوان
هو.(بسرعة)هدى فقتي نتي بخير
أنا.بغيت نشرب .. (هز قرعة دالماء وعاوني تاشربت وبعدها جلس حداية)
هو.هدشي كامل وقع بسببي سمحي ليا
أنا.لا اشكتقول الغلط مني انا لي كنت طايرة فالطريق على قبل المقابلة ولكن فيها خير
هو.علاش راجلك ماجاش؟
أنا.(وكنضحك)راجلي؟ فين راجلي
هو.السيد لي جابك من عندنا لهنا
أنا.ماعقلت على والو
هو.باللتي أنا غانتاصل بماما باش تجي وغنفهمو منها شنو واقع حيت باينة صاحبتك لاعبة عليك ومخبية عليك شحال من حاجة .. (بعد نص ساعة جات خالتي رجاء)
هي.(ودخلات)الله يابنتي اشهاد الحالة واش نتي بخير
انا.دبا بخير أخالتي شكرا
صفوان.ماما ممكن تعاودي لينا شنو وقع البارح...

هي.(وجلسات فكرسي)اولدي انا عرضت على منال باش نعرفها عليك وجابت معاها هدى وقالت بلي صاحبتها
صفوان.تعرفيها عليا ولكن أماما حنا شنو قلنا؟؟
هي.عارفة أولدي ولكن انا باغة نشوف ولادك
هو.ماشي دبا أماما ماشي دبا انا مازال مامستعدش للزواج مابغيتش نجيب شي وحدة ونظلمها، هذ المسؤولية كبيرة عليا ونتي أصلا مالقيتي فمن تفكري غير فمنال شوفي دبا فين وصلات البنت
هي.انا مايحسابليش دايرة هكا مازال گاع ماتيقت أنها خلات البنت هنا ومشات وهداك لي كيقول راجلها فين مشا؟ زادو هرسو للبنت يدها وهربو الله ياخد فيهم الحق
هو.ماشي راجلها أماما البنت كذبات علينا وهدى رآه مازال مامزوجاش وماعندها تاشي رااجل ولا ولد
أنا.(بصدمة)واش منال قالت عليا هكا؟
رجاء.اه أبنتي نتوما فاش جيتو نتابهات أنني كنشوف فيك بزاف ويمكن فكرات بلي تقدري تعجبي ولدي وخافت يديك نتي وماشي هي وقالت لك سيري المقابلة باش مايشوفكش وفاش سولتها عليك قالت ليا مزوجة وعندك 32 سنة ومطلقة وعندك ولد، هدشي لي فهمت
أنا.الله ياربي الله كيفاش قدرات دير هدشي
هي.ايوة فاش شافتك مع صفوان بغات تبعدك منو وجابت واحد الراجل هو لي خرجك من الدار فالوقت لي كان صفوان مشا يجيب الطبيب ونتي كنتي ناعسة
أنا.داكشي علاش ماعقلتش عليه حيت كنت ناعسة
صفوان.انا نكمل الباقي . بعدما وقع هدشي واحد السيد خدام معايا تاصل بيا باش نمشي نوقع شي وراق وفاش مشيت بالصدفة شفت ملفك فالبيرو عندي هزيتو وعرفت الحقيقة ومشيت بالزربة كنقلب عليك ولحسن حظي لقيتك
انا.(وكنبكي)مستحيل هدشي كيفاش قدرات تحسدني فحياتي هي فالأول قالت ليا ندفع لشركتك باش نخدم وفاش قالت ليها ماماك بغيتك لولدي فكرات مع راسها وقالت غتلاقى بيا فالشركة كل يوم ايوة باش تفوت عليا المقابلة داتني معاها وفاش عرفاتك قربتي تجي وماماك كتشوف فيا والمقابلة فات عليها الحال قررات تصيفطني ولكن القدار تاواحد مايقدر يمنعو
رجاء.فعلا أبنتي وسمحي ليا حطيناك فهذ المشكيل مكانش عليا نطمعها فولدي .. (شوية سمعت صوت تليفوني .. هزيتو من فوق الكوافوزة بيدي اليسرى)
انا.هذي منال كتاصل بغيت غير نعرف واش هذ السيدة مازال عندها شي وجه
صفوان.جاوبي وديري مكبر الصوت نشوفو علاياش ناوية
أنا.ألو؟
هي.وآخيرا جاوبتي شحال وانا كنتاصل
انا.ياك لباس
هي.سمحي ليا أحبيبة ماقدرتش نجي حيت انا مع صفوان دبا...

أنا.في هذ الوقت؟
هي.ايوة الحب ؤواش يدير اجي قولي ليا كيف بقيتي بعدا
انا.بخير غير واحد اليد مهرسة عندي
هي.ايوة مايكون عندك باس شوفي رآه لقيت لك خدمة فواحد الشركة فمكناس اووف تواحشتك من دبا أصحبتي ماسخيتش بك تخوي المدينة
انا.خصني نقطع دبا تالمنبعد أختي بسلامة عليك (وقطعت عليها)
رجاء.لاااا مايمكنش بغيت غير نعرف واش هذي صاحبتك ولا عدوتك
أنا.باينة شكون هي . بغات تهنا مني فمرة وايني هي وحدة خبيثة وماعندها علاياش تحشم ، مهم ماشي مشكيل انا قادة براسي وسمحو ليا صدعتكم معايا بإمكانكم تمشيو دبا
صفوان.من نيتك؟ نتي ألالة غتمشي عندنا للدار وماكاينش لا حنا مرضناك وخصنا نداويوك
رجاء.اه صفوان عندو الحق
هو.ودبا تاصلي بعائلتك علميهم
أنا.(وعيني غرغرو)ماعرفتش فين كاينين
هو.(ومد ليا التليفون)هاكي تاصلي دبا وغتعرفي أكيد غيكونو مشوشين عليك
أنا.(وكنضحك بزز مني)عائلتي ماعنديش والسيدة لي رباتني ماتت فاش كانت عندي 19 سنة
صفوان.ششنو؟
أنا.عندي غير الله
رجاء.ولدي هانا برا تاتساليو . (خرجات خالتي رجاء ومافهمتش علاش خرجات، شوية لمحت يد صفوان كيمسح ليا دموعي وتاهو كايبكي)
هو.صدفة زوينة هذي تا انا قصتي بحال قصتك غير هو كنختالفو فواحد الحاجة وهي أن السيدة لي رباتني باقة عايشة وهاهي شفتيها
أنا.(وهنا فين نفاجرت بالبكاء قدامو وماعقلتش على راسي)واش تاأنت كتحس بنفس داكشي لي كنحس بيه؟
هو.أه داكشي لي كتحسي بيه هو لي كانحس بيه تا أنا داكشي علاش مابغيتش نبدا شي علاقة ومانكونش قدها خايف نعطي وعد ونخونو خايف نتزوج وندير الولاد وتوقع ليا شي حاجة ويكونو مضطرين يعيشو نفس داكشي لي عشتو أنا
أنا.كون غير متنا حسن ياك؟
هو.فاش كنطلبو من الله يختار لينا داكشي لي كيشوفو خير لينا كنرتاحو
أنا.فعلا عندك الحق ويمكن يجي شي نهار ونحظنو عائلاتنا تا حنا ياك
هو.أه أكيد (مسحلي دموعي ومسحتلو دموعو وكأننا حطينا الدواء على الجرح، هااااه هذي الدنيا وهكا دايرة كاين لي بحالنا فالجروح وكاين لي قل منا وكثر منا بزيادة، وفاش كتعرف بلي كاين شي واحد بحالك كاتحس بالراحة كاتحس أن المشكيل ديالك تحل والجرح برا وخا هو باقي بلاصتو مامشا فين ولكن وليتي متعود يعني وصلتي لواحد الدرجة انه "عادي" هذي أنا وهذي نص حكايتي وقصتي مع صفوان هنا بدات)...

شاذي.ومن بعد فاش داها معاه شنو وقع؟
منال.اشغايوقع كثر من لي وقع السيد داها ولصق فيها وتقول واش بغا يفارقها يفطرو مع بعضياتهم ويتعشاو مع بعضياتهم وأنا سقت الخبار من شي مصادر عندي أنها عندهم فالڤيلا ومشيت عندها نزورها ونيت نعرف السيدة اشكدير تما وباشمن حق كاينة فديك الدار .. دقيت الباب وحلات ليا الخدامة)
منال.خالتي رجاء كاينة؟
هي.اه بلاتي هنا نعيط عليها
منال.لا انا غندخل راني ماغريباش عليهم انا هي منال
هي.و لكن سي صفوان وصانا ماندخلوكش نهائيا لهذ الدار .. اه ها لالة هدى جات
منال.اشهدشي كتقولي وكفاش؟ لالاك هدى
أنا.(ومشيت عندهم)نجلاء صافي سيري انا غنتكلف
منال.ختي هدى تواحشتك وجيت نشوفك .(وعنقاتني)
أنا.تا أنا كثر منك وكنت نيت باغة نشوفك
هي.اووه كاتبان ليا يدك باقة كضرك داكشي علاش مازال جامعاها يا خسارة
أنا.علاش خسارة؟
هي.حيت الكسر جاك على مستوى اليد اليمنى يعني ماتقدريش ديري شحال من حاجة (ضحكات) وكيما كيقولو يد واحدة مكتسفقش
أنا.اه فعلا يد وحدة مكتسفقش ولكن كتسرفق الحقيرة (هزيت يدي اليسرى وعطيتها ليها للوجه وخليت كمارتها تزدح مع الباب)
أنا.غتخرجي من هذ الدار ومنبقاش نشوف كمارتك قدامي ولا غتشوفي صاحبتك هدى على قلبك وماعمرك تنسايها وعنداك يحسابليك أنا ماعرفتش داكشي كامل لي درتي فيا وحمدي الله وشكريه حيت أخلاقي ماتسمحش ليا نتورط مع وحدة بحالك دون مستوى أما كون وريتك وجهك فالقمر
هي.(بصدمة)واش هذي هدى البهلة لي كتهضر؟
صفوان.(ودخل)هذي لالاك هدى مرت سيك صفوان الراضي ودبا خرجي قبل ماتشوفي مني شي حاجة لي ماتعجبكش..)
شاذي.(وميت بالضحك)عبرو عليك هاهاها
هي.ضحك ضحك انت لي واتاك الضحك بغيت غير نعرف شنو فيها هي ومافياش أنا
شاذي.كثرة الهضرة واش نتي غاتعاودي ليا على راسك ولا عليهم
هي.صافي ماتعصبش مهم هما تعرفو على بعضياتهم كثر فاش ولاو تحت سقف واحد تعلقو ببعضياتهم لوحد الدرجة ماتصورهاش بقا مقابلها تابرات
شاذي.ومن بعد مشات ياك مابقاتش معاه
هي.لا الغبي البنت سكنات تم للأبد وبعد شهرين تخطبو وخدمها عندو فالشركة وتاواحد معارفش بلي هدى نفسها هي مرات سي صفوان وهو شرا ليها ڤيلا وسكنها فيها على مايوصل موعد العرس باش يسكنو فيها بجوج
هو.وامتى هذ العرس؟
منال.بعد 3 شهور)!..

هو.وعلاش أجلوه تال3 شهور
منال.هدشي لي مازال ماتفهمش ليا لحد الآن مهم بلا ماتحلم وتبني وتعلي قصور فالهوى حيت كيما وقع ليا غيوقع لك هدى مشات وصفوان تاهو مشا حسن لينا نتجمعو أنا وياك
شاذي.هاااا كتحلمي عرفتي وخا ينقارضو بنات هذ الدنيا كاملين وتبقاي فيها نتي ماغنشوفش فيك
منال.وأنا وخا يشرفو رجال هذ الدنيا كاملين وتبقى انت شباب مانتلفتش لك انا الغبي قصدت نتجمعو باش نفرقوهم قبل مايتزوجو ونحرمو عليهم العيشة ونحولو العرس الأسطوري لمجلس عزاء ولكن انت تفكيرك عوج بحالك
هو.دبا عجبتيني مهم انت بعدي من هذ الموضوع انا غنتكلف
هي.لا بلا ماتخاف عليا قادا براسي
هو.قصدت بعدي باش ماتخسريش ليا البلان ماشي خايف عليك الغبية
منال.انت باغي هدى وانا صفوان يعني خصنا نتعاونو وخا
هو.صافي متافقين.)
🔙🔹 #الحاضر🔹🎬
خلود.تجمعات العافية مع البارود
هند.تفو ماحملتهوم ماقبلتهوم
سلمى.باينة الحكاية قربات تسالي
أنا.أه فعلا قربات وبعدما خرجنا تعشينا داك النهار أنا وصفوان رجعت للدار ولغد ليه مشيت للشركة وهذاك كان أخير يوم ليا فشركة وايضا أخير يوم ليا مع صفوان وأخير يوم لحريتي وضحكتي لي تسرقات مني...)
🔙🔹#Flash_Back🔹🎬
شاذي.صباح الخير اليوم جيتي بكري
أنا.صباح النور أنت لي جيتي بكري أنا هذا وقتي وكنظن كاين غير أنا وياك الباقي مازال ماجاش
شاذي.اه وتا صفوان باقي ماجاش
أنا.أنا كانهضر على باقي أفراد العمل أما صفوان راهو فالطريق
شاذي.(بتوتر)كاينين شي وراق خاصك توقعيهم
أنا.ديالاش؟
هو.ديال السلعة لي غنصيفطو للخارج
انا.ولكن هذي خدمتك أنت
هو.لا رآه صفوان لي قال ليا توقعيهم انتي
أنا.صافي جيبهم ليا للبيرو
هو.وخا . (مشيت للبيرو يلاه جلست فكرسي وهو يدخل وفيديه عرام ديال الملفات)
أنا.(بإستغراب)هدشي كامل؟
هو.أه
أنا.ولكن مغايكفينيش الوقت باش نقراهم
شاذي.ولكن أنا قريتهم مكاين لاش تانتي تقرايهم
أنا.وبما أنك قريتيهم علاش ماوقعتيهومش مهم أرا نشوف .. (مدهم ليا شديتهم وبديت نقرا ورقة بورقة وعاد كانوقع عليهم حيت هذي طبيعة عملي ممنوع شي غلطة توقع)
شاذي.و اش بصح انتي ماعندكش عائلتك؟...

أنا.(الصمت)
هو.تقدري تعاودي ليا
أنا.وقت الخدمة هذي أسي شاذي ومن بعد أنا أصلا ماكنهضرش فخصوصياتي ما للناس
هو.بغيت غير نقولك أنك ساهل تلقاي عائلتك وأنا نقدر نعاونك
أنا.وكيفاش غتعاوني
هو.انتي دبا غير عطيني معلومات عليهم وفي خلال اسبوع واحد غانجبد لك عائلتك وخا تكون تحت الأرض
أنا.واش كضحك عليا
هو.لا مكانضحكش انتي غير ثقي بيا
أنا.صافي وخا غير نسالي هدشي غانعاودلك عليهم
هو.وخا يلاه سربي حيت تابعاني الخدمة..)
🔙🔹 #الحاضر🔹🎬
هند.غيكون بصح باغي يعاونك
خلود.أكيد يمكن ضرو قلبو من جيهتها وقال يعاونها حيت بقات فيه
أنا.ماعمركم ثقو فالبشر حيت لي كيغدر مرة قادر يغدر آلف مرة والعقرب لي فات لدغك، الزمن ماغيبدلوش باش يولي حمامة سلام! بقاو متذكرين هذ الهضرة
سلمى.فعلا كلامك صح باينة شاذي ومنال خططو لشي حاجة
أنا.مع الأسف نعم بين دوك الوراق كاينة ورقة ماخصنيش نسنيها ومع هو طمعني فأهلي دوزت الوراق بالزربة سنيت كولشي فدقة
هند.ولكن ديك الورقة ديالاش
خلود.أكيد فيها شي حاجة خطيرة
أنا.الشركة تعرضات للنصب والاحتيال وديك الورقة كاتثبت أنني مولاته وبسببي صفوان دار السيزي وحجزو على جميع املاكه من بينهم الشركات ديالو والڤيلاات والطموبيلات كولشي مشا ليه..)
🔙🔹#Flash_Back🔹🎬
شاذي.صافي خليهم يديوها ماضيعش معاها وقتك
صفوان.خسارة فيك حبي لك وخسارة فيك أيامي لي ضيعتهم معاك انتي كنتي عدووي في صفة صديقي صدمتيني فيك
أنا.مادرت والو هئ هئ مادرت والو
صفوان.بقيتي معايا على ود الفلوس كنتي طماعة ماكنتيش كاتبغيني ومن الأول كنتي متافقة مع صاحبتك ودرتو هدشي كامل غير باش توقعوني ففخكم أنا شنو درت فحياتي باش نستاهل هدشي شنوووو (ضرب يدو مع الحيط) انا مابقاش فيا هدشي لي وصلت ليه بسبابك مابقاش فيا تعابي لي ضيعت والسيزي أنا بقات فيا خيانتك ليا انتي غير وحدة رخيصة ومكاتسوايش ودبا غتمشي للبلاصة لي كاتستهليها
أنا.صفوان لا عفاك
هو.صافي ديوها
الشرطي.وخا أسي صفوان (حط ليا داك البوليسي المينوط فيدي بحال شي مجرمة وجرني معاه للبرا)...

شاذي.(ويدو على كتف صفوان)عارفك مصدوم على ود هدشي لي وقع ولكن الله كان معاك وكشفها قبل ماتتزوجو وتعقد الأمور ديك الساعة كانت الفضيحة غتكون كبر
هو.وأنت باش عرفتينا كنا غنتزوجو
شاذي.هدى كانت كتقرب مني فهذ الفترة
صفوان.(بصدمة)شش شنو!!!
شاذي.كيما سمعتي وكانت كتهضر عليك خايب وقالت بلي وخا تعرف تموت ماغتزوجش بواحد بحالك وطلبات مني نعطيها فرصة باش تبين حبها ليا
صفوان.(وشنق على شاذي)وأنت علاااااش ماجيتيش عندي وقلتيها ليا
شاذي.ماكنتيش غتيقني حيت كنتي كتبغيها بشكل ماشي طبيعي داكشي علاش قررت نتبع كل خطوة ليها وبالصدفة عرفت أنها كاتنصب على الشركة وتقريبا نص لي خدام هنا رآهم فصفها وكانو كايعاونوها وأي صفقة كاتربحها الشركة هما كانو كياخدو 90 فالمئة وكيخليو 10 فالمئة فالخزان وكيديرو الكريدي بإسم الشركة وبسبابهم تعرضتي للسيزي ومشا لك كولشي ولكن الا بغيتي أنا غنعاونك
صفوان.واش أنت كضحك عليا كيفاش غتعاوني وداكشي لي ضاع مني كيسوى حياة 10 لي بحالك وخا تجمع ثروتك كلها مكاتبان والو قدام داكشي لي مشا
شاذي.فعلا عندك الحق مهم انا صاحبك وتقدر تلقاني فجنبك الوقت لي بغيتي أنا ماغنتخلاش عليك حيت من ديما وأنت كنتي كاتوقف معايا
صفوان.شاذي سمح ليا خصني نبقى بوحدي شوية وخا
شاذي.اه اه وخا هاني مشيت .. (خرج شادي وخلا صفوان فالبيرو ديالو منوض القيامة كولشي قلبو سفاه على علاه ماخلا تاحاجة فبلاصتها)
🔙🔹#الحاضر🔹🎬
خلود.و لكن صفوان كيفاش قدر يظلمك بحال هكا
أنا.الدليل كان فيدو وكولشي رجع عليا أنا، والشركة كانت كتعرض للنصب والاحتيال من قبل أصلا، وهديك مكانتش أول مرة وبطبيعة الحال بالتوقيع ديالي تثبت بلي أنا هي العقل المدبر للعمليات لي كيوقعو داخل داك الشركة وغيرها
سلمى.تفو وايني داك شاذي طلع حقير ومكيسواش
أنا.هو ومنال هما بجوجهم خططو لهدشي
هند.وكفاش عرفتي الكلام لي دار بين صفوان وشادي؟
أنا.واحد البنت كانت خدامة معايا سميتها رغد هي لي كاتجيب ليا الخبار الصغيرة والكبيرة وتخيلو صفوان من بعد هدشي خوا البلاد هو وعائلتو وماكلفش راسو تايجي يشوفني ويعرف شنو وقع بالظبط موقف واحد وقع زعزع ثقته فيا هو خان وعده ليا ماطلعش قد الثقة...

خلود.صافي أختي صافي هدشي فات فكري دبا فلي جاي
هند.صفوان ماعندو تاذنب هادوك لي عمروه وشوفي شنو قاليه شادي عادي أي واحد قادر يدير هكاك وكثر هو بعدا قرر الانسحاب وينسا فمرة اما كون كان شي واحد آخر كون جا وسمعك لي ماعمركم تخيلتي راسك تسمعيه
سلمى.أنا كانعرف أن لي كيبغي كيتحدا الظروف ؤوخا تكون قتلات كان عليه يبحث ويسول وخا يكونو الأدلة ضدها
خلود.واش داك الحقير ماجاش هو يزورك
أنا.جا أختي جا وياريتو ماجاش عتارف قدامي انه خطط لهدشي هو ومنال عاودو ليا كولشي من أول نهار وتمنيت كون كان صفوان معايا باش يسمع أنني مظلومة والباطل طاح عليا وان هادوك هما راس الحربة ماشي أنا
هند.ااااه ماكرهتش نشدهم بيدي ونقتلهم ونهنيك فمرا
أنا.صافي هدشي فات دبا والندامة ماعندها باش تنفع دبا أصلا الغلط مني مكانش عليا نوقع بلا مانقرا ولكن شنو ندير نص كبدتي لي ضاعت دارتها بيا
خلود.(وعنقاتني)أنا حاسة بك أختي صافي كولشي غايرجع كيف كان
الحارسة.أنسة هدى رمزي عندك زيارة
أنا.(بإستغراب)زيارة؟؟ ولكن شكون غيكون جا باش يشوفني ماعندي تاواحد من غير رغد وأكيد داك الحقير ديال شاذي ماغيرجعش 
الحارسة.لا ماشي رغد ودبا خرجي خلاص أنا مغانقابلكش غير أنتي .. (حطات ليا المينوط وداتني للغرفة الخاصة بالزيارات دخلت ومع الدخلة وانا نوقف بلاصتي وجمدت من الصدمة)
الشخص1.سررت بلقائك
الشخص2. أجي جلسي مالك جامدة
الشخص1.واقيلة ماعجباتهاش المفجاءة على العموم جينا غير نتشفاو فيك شوية ونمشيو ماغناخدوش بزاف من وقتك
أنا.نتوما شنو جيتو ديرو هنا من بعد هدشي؟
منال.واش هكا كاترحبي بضيوفك
شاذي.خليها واقيلة باقة مصدومة
أنا.شنو باغيين؟
منال.نهضر انا ولا تهضر أنت؟
شادي.لا من الأحسن نهضر أنا مهم الغزالة جيت نقتارح عليك واحد الإقتراح ولي غيبدل مجرى حياتك ونتمنى ماترفضيهش حيت فالأخير نتي لي غاتخسري
أنا.مابقى عندي مانخسر وإقتراحاتك خليهم لراسك ودبا سيرو من هنا
منال.واش مابغيتش حريتك؟ مابغيتيش تهناي من هذ الحبس فمرة؟
أنا.وضحو شنو باغيين مافهمتش
شاذي.أنا دخلتك لهنا وأنا لي غانخرجك .. (وأنا غير سمعت كلامه ضحكت بلا مانحس وأول حاجة فكرت فيها هي صفوان)
أنا.واش بصح؟ يعني أنك صافي قررتي تعترف
منال.هاهاها عجباتني طريقة تفكيرك غبية واش كاين لي كيمشي للموت برجليه حنا عندنا لك طلب...

انا.وشنو هذ الطلب؟
شاذي.تزوجي بيا
أنا.فأحلامك سيرو من هنا حسن ليكم
شاذي.انتي دبا عندك 23 سنة
منال.كانت 23 سنة دبا رآها ف 24 سنة دوزات هنا 8 شهور
شاذي.ايوة شفتي العمر غادي والأيام كاتجري هما حكمو عليك ب 20 سنة حيت داكشي لي درتي ماشي قليل وكون رجعتي الفلوس لي سرقتي كانت غتكون غير 10 سنين ولكن كيفاش ترجعيهم وهما أصلا ماشي عندك وماسرقتيهومش هاهاهاهاها
أنا.(بصدمة)واش دخلتيني لهنا غير باش نتزوج بك؟
شاذي.هدشي لي كيعجبني فيك ذكية ولكن لسوء حظك كاين لي أذكى منك ودبا فكري مزيان فإقتراحي مابغيتش الجواب دبا فكري فحياتك وفكري انك ماغتخرجيش من هنا تاتولي عندك 44 سنة ياعني ديك الساعة الحياة غاتكون ضاعت منك
منال.هدشي الا مانتحراتش فهذ السجن الجميل حيت مستحيل تصبر 20 سنة
شاذي.فكري مزياااان وماتسرعيش وحطي فبالك أنك الا موافقتيش الحرية مشات وللأبد
منال.يلاه أزوينة جاتك فرصة (غمزات ليها) ستغليها وبسلامة عليك دبا .. (مشاو والحارسة داتني للغرفتي وانا باقة مصدومة منهم دخلت عند البنات وبقيت ساعة ماهضرتش بقيت غير كانفكر)
خلود.ختي مالك؟
سلمى.شكون جا عندك؟
هند.واش صفوان داكشي علاش نتي مصدومة ياك؟
أنا.كولشي كان لعبة
سلمى.شنو؟
أنا.لعبو عليا هدشي كامل داروه باش يخليني نتزوج بيه بزز مني
هند.ختي رآه مافهمنا والو شرحي لينا شنو كتقصدي؟
أنا.شاذي لسق فيا التهمة ودخلني للحبس غير على قبل هذ النهار
سلمى.كيفاش زعمة؟
أنا.حطني أمام أمر الواقع وطلب مني الزواج مقابل حريتي
البنات.(بصدمة)ككفاااااش؟؟؟
خلود.مامتيقاااااااش
هند.نتي أكيد ماغتقبليش عرضه
سلمى.أكيد لا انا كنعرف هدى وخا هادي غير 8 شهور باش تلاقينا ولكن كانعرفها مزيان هي تفضل تموت على أنها تعيش تحت سقف واحد مع داك الحقير ديال شادي...

خلود.ياك أهدى؟
أنا.شنو كتعرفو على ثعلبة؟
سلمى.ثعلبة كتفكر فصفوان قبل راسها
هند.ثعلبة كتفكر فراحتها
خلود.ثعلبة كتفكر فمستقبلها
أنا.بالظبط
هند.يعني؟
أنا.عندك الحق
سلمى.أنا
خلود.معلوم أنا راه المستقبل هو كل شئ
أنا.البنات صافي سكتونا انا غانفكر
هند.فاش غتفكري
أنا.فيكم
سلمى.كيفاش فينا؟
أنا.نتوما 3 اختيارات الراحة، صفوان، المستقبل، وجوابي كاين بيناتكم وغدا ان شاء الله غتعرفوه...]
📍في مكان آخر وبالظبط في منزل شادي📍
منال.(وكتلعب بشعر شادي)زعمة ديك الحشرة غتختار حريتها؟
شادي.وباقي عندك شك!!
منال.اه حيت انا لي عارفاها راه كانت صاحبتي هي تفضل تموت على انها تزوج بواحد ماكتبغيهش وخصوصا ان الشخص انت، السيد لي خرج عليها وغرقها وفرقها على خطيبها وفوق من هدشي خلاها تسجن ظلما
شادي.(وبعدها عليه بعصبية)وياك تعاودي تقولي خطيبها من جديد، انا هو خطيبها وماكاين تاشي واحد من غيري فهمتي
منال.ماتزربش خلينا تالغدا ونعرفو ودبا أجي....)
📍بعد مرور 14 ساعة📍
سلمى.البنات نفيقوها؟
هند.لا من الأحسن نخليوها مسكينة غتكون عيانة
خلود.ولكن هكا ماغيبقاش عندها الوقت باش تفكر
سلمى.تالشوية ونفيقوها مازال ماوصلش وقت الزيارات
الحارسة.(بصوت عالي)أنسة هدى رمزي عندك زيارة
أنا.حاضرة
سلمى.(بإستغراب)كنتي فايقة؟
أنا.(الصمت نضت من بلاصتي عطيت يدي للحارسة وحطات ليا المينوط)
الحارسة.شتك اليوم هادئة لاش كتخططي تاني
أنا.واش ماعمرك سمعتي بهدوء قبل العاصفة؟
هي.لا ولكن سمعت أنا العواصف ماكتكونش داخل السجون ودبا زيدي تحركي معايا
السجينة1.ثعلبة غادة للمشناقة
السجينة2.نديرو تصويت شكون غيشد مانصيبها بعد موتها هاهاها ... (دزت وسط هذ القهقاهات، وعقلي مامعاياش وصلنا للغرفة الخاصة بالزيارات دخلت ولقيت شادي كايتسناني وهذ المرة جا بوحدو بلا ديك الخائنة
هو.(ؤوقف)مرحبا أحياتي (جا يسلم عليا وانا تخطيتو وجلست فالكرسي بعصبية)
هو.(وكيضحك)تصروفك هذا كايبشر بالخير...

انا.(الصمت وتمنيت الأرض تشق وتبلعني فبلاصة مانبقى واقفة كنشوف فكمراتو)
هو.ومن بعد!
أنا.موافقة
هو.(بألامبالات)عارفك موافقة انا قصدت ومن بعد مانتزوجو؟
أنا.بعدما نتزوجو غتلقاني كل ليلة جالسة نتسناك تدخل من الخدمة تحت اضواء الشموع وتلقى عشاء رومانسي فإنتظارك
هو.كاننصحك تنحيي فكرة الهروب من بالك
أنا.خاصك تحط فبالك واحد الحاجة
هو.لي هي؟
أنا.عرفتي وخا تخرجني من هذ السجن ويحن قلبك عليا وتديني لصفوان بنفسك وتقول ليه الحقيقة انا ماغنشوفش فيه، حيت هدى ماعمرها كاترجع للناس لي تخلاو عليها وفقذو فيها الثقة بدون سبب قوي وخصوصا بعد عشرة طويلة معاهم
هو.بمعنى؟
أنا.بمعنى أن لي كيبغي كيتحدا الظروف وكيسول وخا تكون قتلتي روح، ماشي كيتحدا الأشخاص على قبل الظروف
هو.دبا عجبتيني
أنا.امتى انخرج من هنا؟
هو.اليوم
انا.(بصدمة)اليوم!
هو.اه ودبا نيت
الحارسة.انسة هدى رمزي تفضلي (مدات ليا ورقة)
أنا.شنو هدشي؟
هي.هذا إذن خروجك من مديرة السجن، انتي دبا حرة
انا.كضحكو عليا؟ كيفاش وقع هدشي بهذ السرعة، امتى بديتو إجراأت خروجي
الحارسة.(الصمت وكتشوف فشادي)
شادي.(وشد الورقة بالزربة لعندو)هدشي باش تعرفي أن سي شادي قد كلمته ؤوفا بوعده
الحارسة.عندك 15 دقيقة باش تجمعي حوايجك
انا.(الصمت وحاسة براسي بحالا ناعسة وكنحلم)
الحارسة.يلاه تحركي (داتني للزنزانة ديالي ولقيت البنات واقفين كيتسناوني)
الحارسة.ماتنسايش عندك غير 15 دقيقة
خلود.واش عطاوك هذ المدة باش تفكري؟
سلمى.ماكاينش فاش تفكر هذاك راه بغا يديرها تحت رجليه
هند.اه بصح نتي الا وافقتي هدشي كيعني انك غتولي ملك لشادي وغيتحكم فيك كيف بغا وغيعفط عليك مزياااان
أنا.البنات سمحو ليا (وعنقتهم)
خلود.حبيبة مالك؟ علاش كتقولي هكا
أنا.على قبل راحتي ختاريت مستقبلي لي هو مع صفوان
سلمى.لا مستحيل
أنا.مضطرة البنات، هذي فرصة جاتني وخصني نستغلها حيت كتجي مرة فالعمر وانا وافقت على طلب شادي
هند.(بصدمة)كيفاش قبلتي تكملي حياتك معاه وانتي كتبغي صفوان
أنا.واقيلة مافهمتوش، انا غير غنخرج من هنا غنهرب لبلاصة بعيدة وغنقلب على حب حياتي، وغنعاود ليه الحقيقة كلها...

خلود.(كضحك وعينيها مدمعة)هذي هي ثعلبة لي كنعرف
سلمى.سيري اختي رجعي حقك
هند.الله معاك اختي
انا.غنتواحشكم بزااااف .. (توادعت مع البنات على أمل اللقاء بيهم عن قريب، أكيد فاش نقاد اموري ان شاء الله حيت هما عائلتي الثانية وماعمري غنساهم، فوقت الشدة هما لي لقيت، صبروني ؤوقفو معايا والله يطلق سراحهم تاهما وفالقريب العجيل .. خديت حوايجي فرقتهم للبنات كاذكرة مني وخرجت مع الحارسة وهذ المرة بدون مينوط)
السجينات.نتي فين غادا؟؟؟
أنا.غادا للنعيم وخليت ليكم الجحيم مع حبي لكم ثعلبة (ضحكت من اعماق قلبي، وفرحت فرحة مانقدرش نوصفها، وصلنا للباب الخارجي وقبل مايتفتح وقعت على ورقة كانت بإنتظاري مع الحارس وبعدها تفتحات البوابة وخرجت)
الحارسة.عندك الزهر ولكن ماشي قدنا غمزات ليا وبعدها دخلات والباب تسد، وانا باقة مافهمتش كلامها وشنو كتقصد، لكن فرحتي بعد خروجي نساتني كلامها، هزيت راسي للسماء وتبسمت،
انا.(بصوت خفيف)مابقى قد مافات كولشي غيرجع كيف كان
شادي.حياتي مشينا
انا.(ونقزت من أرضي)فين غنمشيو؟
هو.بطبيعة الحال لدارنا
انا.لا انا بغيت نمشي للداري
هو.اشمن دار باقة عندك وهما حجزو عليها واش نسيتي ألالة هدى ولا نفكرك
انا.الله ياخد فيك الحق (ودفلت عليه)
هو.(شدني من شعري)واقيلة نسيتي انني غنكون راجلك، كننصحك تبدلي هذ التصرفات ولا بكلمة وحدة مني غترجعي فين كنتي! راه مازال مابعدناش!!
أنا.أااااي شعرررري بععععد منيييي
هو.يلاه تحركي قدامي .. (جرني من يدي وداني للسيارة ديالو ركبني فيها وديمارا بالزربة وعينو مابغاتش تحيد مني، (يخ على بشر دبا خصني نفكر كيفاش غنقدر نتفك منه، باينة غايرد معايا بالو لأقصى درجة، ولكن كيفاش نقدر نفكر وانا باقة مامتيقاش انني خرجت من داك الجحيم، الحمدلله ربي حول 20 سنة ل 8شهور فقط، ماعرفتش اشمن خير درت تاربي خفف عليا العقوبة، ولا حيت انا اصلا بريئة ودخلت للسجن غير ظلما، ولكن دبا كل شي تبدل، هذ الحثالة شوية ونتهنى منه عطا الله الطرق، وخا نعرف نحبسو فشي بيت ونهرب اه هههه والله الا هكا غندير ولكن خصنا نوصلو للدار هي الاولى وبعدها اراك للخطط)
هو.مابغيتيش تعرفي شنو وقع لسيهم صفوان؟
أنا.(يلاه بغيت نقول شنو وانا نتفكر انه غير كايختبرني واش فعلا كرهتو ولا غير كنمثل عليه)...

انا.مابغيتش نعرف وماكيهمنيش نعرف ويلا بغيتيني نبغيك، ماعمرك تجبد سيرة داك الحقير قدامي وخا
هو.(وحال فمو كيضحك)هدشي لي بغيت نسمع
انا.واش مازال ماوصلناش؟
هو.مابقا والو قربنا .. (بعد 5 دقائق وصلنا لواحد الڤيلا ؤوقف السيارة ديالو)
هو.يلاه هبطي .. (خنزرت فوجهو وبعدها نزلت وبقيت كندور فعيني، على ڤيلا كيف دايرة اكييد هدشي كامل دارو بفلوس صفوان الله ياخد فيه الحق)
هو.(وشدلي فيدي)يلاه زيدي
انا.(تبسمت ابتسامة زائفة وتمينا داخلين، حل الباب ودخلنا)
هو.نورتي دارك
انا.(الصمت وكندور عيني فالمكان)
هو.الا ماعجبكش الديكور نبدلوه اصلا هدشي كله درتو على قبلك
انا.لا زوين غير خليه (يلقيك بعزوك)
هو.يلاه نخليك ترتاحي عارفك عيانة وبغيتي تدوشي باش تنعسي
انا.(على زهر عندي واخيرا غنكون بوحدي باش نعرف كيفاش ننفذ خطتي)
هو.اجي معايا نوريك بيتك، (تبعتو وانا غنطير بالفرحة، طلع للفوق وجرني معاه ومشا ديريكت لواحد البيت بابه كحل حلو ودخلنا ومع الدخلة كنتصدم صدمة ثلاثية الأبعاد)
هو.مرحبا بك فجحيم سي شادي
انا.(وكنترعد)شششنوووو هددشي
هو.ماعرفتيش شنو هدشي؟ وخا ماشي مشكيل انا غنقولك شنو هدشي، هذي غرفة مصممة خصيصا لك، متكونة من اربع حيطان بلا شراجم وباب حديدي عندو 4 دالقفولة وناموسية معلقة بسلاسل وهدشي كله على قبل أميرتي الحلوة
انا.واش كضحك عليا؟
هو.شنو احساب ليك؟ غنخرجك من تما باش تبقاي دخلي وتخرجي كيفما بغيتي اكيد لا، انا خرجتك من سجن دولي لسجن شادي التازي وكنتمنى المفاجأة تنال إعجابك وفكرة الهروب غير حذفيها من بالك انا ماشي غبيي كبري عقلك شوية الغزالة ديالي
انا.(وضربتو)تفوووو مريييييض الله ينتاقم منك
هو.اه عارف ودبا زيدي دخلي، (لاحني داخل الغرفة وخرج ضرب بالباب موراه وبعدها قفلو من برا)
المكان.(الصمت، والصدمة خلاتني نضرب الطم، بقيت غير كنرمش وكنحاول نستوعب لي وقع تادازت مدة قليلة وانا ننفاجر فمرة وحدة)
انا.(وكنغوت)ششنو هدشي درت أهئ أهئ شنووو هدشي ياااربي، علاش ماسمعتش لكلام البنات علاش كنت هبيلة وغبية وفكرت انني ممكن نديرها فهاذ الحثالة، (هزيت راسي وكندور عيني فالغرفة)لاااا مستحيييل أهئ أهئ صافي وضعت حد لحياتي بصفة نهائية، لا حرية لا صفوان لا حس البشر لا هواء...

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki