طريق الجنة الجزء الثاني

واقف على حافت جبل مبتاسم كيربط لحبل على خصرو ويتأكد من إحكامو مزيان ومن موراه عريب وفاتي كيقومو بالمثل غير هما دامجين حبالهم مع بعض تحسبا لأي طارئ اما زكرياء كيف عادتو كيبغي يكون مستقل طرق مسمار خاص فالقنت دالحافة وربط بيه جزء من لحبل وخطى اول خطوة لنزول وتبعوه عرب وفاتي كينقزوبلمهل وشادين توازن وحاضيين معاه هو لي نازل بسرعة غافل على لحبل لي كيتحك فالقمة مع الحافة وبدا كينسل شوية بشوية مع كل تنقيزة وتأرجيحة قوية كيديرها ... كان نزول اسهل من صعود مياخذش نفس الوقت ..لكن مكانش اسهل عليه ..كان باقيلو امتار قليلة ويوصل للاسفل وهنا لحبل تفك اخر خط ليه شي لي خلى زكرياء يتهاوى فسقوط مسرع مختزل دقائق لي بقاتلو فثواني معدودة ومتزجت صرخات فاتي وعريب لمصدومة مع غوتت زكرياء لي حاول يتشبت ولو بقشة ويحد سقوط او يطيح بأقل الخسائر ولي تمثلت اصطدام ركبتو مع صخرة ادت لكسر ماشي بالهين فيها ..هرول عريب وفاتي فنزول متاجهين لعندو ..ويا لا روعة المنظر ..رجل زكرياء مهشمة.. عظم ساقو مكسور كسر خايب لدرجت انو جزء منو شق طريقو ووظهر للخارج مخلي نزيف حاد بدون توقف حاول ما امكن يعض فصبر لاقصى حد فاتي اتاصلات على وجه سرعة برقم طوارئ طبية لي عطاوهم ففترة الندوة وعريب كيحاول يسعفو اسعافات اولية ..خذا زوج خشبات ..وسكراف من عند فاتي 

عريب بتوتر :زاكي ..غنحاول نرجع لعظم لبلاصتو غتصبر معايا اوكي ..

زكرياء بحدة وباينة بلي كيكبح جماحو وميغوتش بلحريق ولوجع لي فيه: غير طلقنا ..دير لي خاصو يدااار اصااحبي ..

بدون سابق انذار عريب رجع لعظم لبلاصتو وتزامنا للوضع وشدة الالم طلق زكرياء غوتة من اعمااق القلب وقلب وجهو لجنب شاد شعرو بيد مزير عليه واليد الاخرى ووجه بيها لكمات متتالية للارض كنوع من تخفيف حدة الالم ..عريب قاد دوك زوج خشبات على جناب ساق وطلب من فاتي تربط بشال مزيان وبضبط فمركز الجرح باش يحد من نزيف ويثبت رجل مزيان لكسب الوقت بينما وصلت الاسعاف .....لاحظ بلي زكرياء بدا كيغيب نتيجة لدم لي خسر والألم لي كينهش فيه قوتو بدات كتتهد وكان خاصو يخليه واعي بأي وسيلة بدا كيلهيه باي موضوع مرة كيجاوبو ولسانو ثقيل ومرة كيحاول يفتح عينيه بزز حتى غفى فمرة كيسمع غير صوت اسعاف بعييييد كأنو فعمق كهف فقلب الارض...

فنفس الوقت كانت الحاجة يامنة جالسة مع عليا وعصام ومامات عصام لي جات عندهم ضيفة سهرو هاد ليلة حتى ل 12 ليلا .. كيهدرو على زمان لي داز كيف كان والجلسة مع الحاجة يامنة ميتسخاش بيها ..حتى كتحس بقلبها تعصر ومبقاتش هي هاديك ..شافت فعليا سولاتها 

الحاجة يامنة:هدر معاك زكريا اليوم ..ولا مقطوع خبرو 

عليا:اليوم لا مهدرش ..راه لبارح هدر معايا وقالي غيخرج مع صاحبو لفلسطيني لشي بلاصة مغاياخذش تيليفون معاه يدورو شوية تما 

الحاجة:دوري ليه هدري معاه قالك مياخذش معاه تيليفون ..خاطري مامهنينيش عليه...شوفي راه..(شافت فعصام) شحال اولدي يكون عندهم فساعة 

عصام شاف فساعة لي فيدو:دبا عندنا 12 وهما سابقينا ب 7 سوايع ...غتكون عندهم 7 ديال صباح ..الحاجة راه ميكون عندو والو 

ام عصام:احياني عليك يا يامنة ..نتي خلي لولد يتهنا بخرجتو راه ما عليه والو وميكون عندو باس..راه مع قرانو وصحابو يبدل الجو شوية وهو بين دوايات والمرضى راه نفسو ضاقت ..غير نعلي شيطان ..الله يحسن العون الكبدة متهنيك ولكن راه راجل مبقاش صغير ...

الحاجة يامنة:لاا يا الحاجة ..قلبي ما مهنيني وخاطري مقبوض جيهتو نهار كامل وانا نكابر ونقول غير ساعة شيطان ..يعيا يكبر ويتجبر وانا مزال نشوفو قد لقمة بين حجري يتعافر..راه الكبدة مشوية عليه وراك مجربة حرقة غياب ضناك عليك ..وهو فبلادات الغير معرفتو بخير ولا بيه عالة الله ينجيه وينجيك ..

ام عصام:نوضي يا الحاجة صلي جوج ركعات ودعي معاه ..ومتنسايناش حتى حنا من دعاء ... وراه غيرجع ليك صحة سلام بإذن الله ..

عليا:ااه اماما خالتي عندها صح نوضي صلي ورجعي ترتاحي راه ماموالفاش تسهري غير لعيا كيهيأ ليك هاد شي...راه زكرياء بمية راجل يبات مع الحية وما طالو زغبية ..وانا غنخلي ليه ميساج غير يشوفو غيجاوبني ...

ناضت علياء قادت لمها بلاصتها وعاونتها خذاتها لبيتها ..وهي نعسات مع حماتها فبيت لجلاس ..اما عصام فهو واحمد محتلين بيت زكرياء ..دازت ايام وزكرياء خبارو مقطوعين والحاجة بحال ديك الحية لي مقطوع ليها راس وخا عاليا كتكذب عليها وتقوليها "راه هدر معايا ..راه جاه شغل مامساليش..راه ريزو عندو مامزيانش .."اعذار كثيرة ولكن قلب الام كيحس بولادها ..وخا العالم كامل يطمنك عليهم كتبقى الحاسة سادسة والغريزة الأمومية كتغلب جميع الاحتمالات ومكتكذبش ...

زكرياء حل عينيه كتبان ليه دنيا ضباب شوية عاد وضاحت ليه رأية هو فغرفة ميلونج بين الابيض والمارون ..بغى يتحرك مقدرش كيحس بذاتو ثقيلة ..شافت فيه فرملية كانت كتقاد ليه سيروم ..غير شافتو حل عينيه ضعطات على زر باش تعلم طبيب ..تكلمات معاه بصينية بقى غير كيشوف فيها ..عرفاتو مفهمش اش كتقول وهي تهدر معا بالانجليزية (غنعرب العرب ما فيا لي يترجم 🤣 اصلا القصة دينية وهاديك لغة الكفار ..حنا مسلمين الاخوان ...نحن نتكلم العربية لغة القرآن🙄(

...:واش كتسمعني اسيدي ؟(زكرياء بقى غير كيشوف حلقو ناشف مقدرش يخرج صوت) الا كتسمعني غمض عينيك مرة وحدة (داك شي لي دار هو)

دخل طبيب مبتاسم فحصو فحص شامل وتأكد بلي رجع فكامل وعيو تمنى ليه شفاء وخرج خلا عريب وفاتي يدخلو عندو هاد زوج لي مرتاحو حتى تأكدو من سلامتو بالكامل وخذا عريب فسيل من تأنيب ليه ..يومين وهو غايب عن الوعي من بعد منقلوه لمشفى كان خسر كمية كبيرة ديال دم وضغط عندو نازل خذا منهم وقت باش يضبطوه ليه عاد دخلوه لعمليات دارولو لحديد لرجلو ..وباش يرتاح مزيان عطاوه مهدئ مفعولو مدوزي باش ميرهقش راسو كتر...

جلس فالمستشفى اسبوعين بزز منو وطول هاد المدة قاطع اي اتصال بدارهم وعلم لكلينيك لي خذام فيه الا سولو عليه يقولو ليهم متطوع مع شي بعثة فبلاصة مقطوعة ويطمنوهم عليه ..من بعد ما رجع كيقدر يتحرك شوية ..متعطلش عليه الحال خذا اول طيارة مع توصيات طبيب ليه باش يرد لبال ..كان معاه عريب وفاتي لي وصلوه لشقة ديالو مبغاش يمشي لدارهم ويتخلعو عليه ..بزز باش قنع عريب ياخذ مرتو ويمشي حتى هو لدارو يكفي لي داروه معاه ..بستين كشيفة باش وافق ..اتاصل بعليا بالفيكس ديال دارو ..هاد الاخيرة لي غير شافت الاتصال قلبها كان غيسكت ناضت من حدا الحاجة كتعفط فجلايلها دخلات لبيت وسدات عليها ..

عليا:اوعدي نتا هنا ...علاش مجيتيش لدار..فين غبرتي هاد المدة يا خويا ..الله يا خويا ما حشمتي ما ستحيتي خسر غير ميساج طمنا عليك 

زكرياء تأفف من هاد لكاسيط لخاسر لي كيوزوز عند ودنو بعد تيليفون على ودنو وخلاها تنكر على خاطرها حتى سمعها كتغوت بسميتو ...:دبا كملتي دروس الحسنية نقدر نهدر

عليا بغصة بحال باغية تبكي:والله اخويا لا مخلوعة عليك ..راه..

قاطعها:عارف احبيبتي ..ولكن جاتني فوق جهد ..مهم لي غنقولو ليك ديريه بالحرف ..مبغيتش الحاجة تعرفني رجعت اوكي..واجي عندي لدار دبا شوفي كيف ديري راني باغيك ومتعلمي حد ..حتا احمد بلا ما تجيبيه معاك 

عليا خلعها:الله يا خويا اش عندك ..زدتي بردتي ليا الماء فركابي ..اوعدي يانا ..صوتك ماهواشي وزيد هاد لكلام ..اش عندك ازكرياء؟!

زكرياءة:عليا حتى تجي اختي ..وتقضاي شي حاجة معاك راه هنا ما كان والو حتى تجي وندور مع ختي...

داك شي لي دارت عليا لبسات جلابتها ودارت فولارها خرجات عند الحاجة قالت ليها الخياطة صونات ليها دير ليسياج لواحد لقفطان دافعاه..

خذات طوموبيلتها دازت على سوق ديال لحومة خذات كيلو كيلو من لحاجة وعلى لجزار خذات شوية كفتة وصوصيص وطريف ديال لغنمي وقصدات تجزئة فين ساكن ..كان عندها ساروت فتحات بحكم مخليه ليها باش تجيب مرة فسيمانة لي تنقي ليه دار ..دخلات تقضية لكوزينة ومشات لبيتو لقاتو مجبد فوق ناموسية ناعس داير يدو تحت راسو وشاعل تلفازة داير فيلم ..الممثلين كيتفرجو فسي زاكي لي ناعس هههه ورجلو داير تحتها وسادة مسرحها فوقها... عليا انتابهات لسلوكة لي فرجلو وهي تغوت فيقاتو مفزوع ..غمض عينيه بسباب لحريق لي عطاتو رجلو وهدر من تحت سنانو

زكرياء:صبر يا ربي صبر 

عليا جلست حداه كدوز يدها على وجهو وتشوف فرجلو وتبكي :اويلي يا خويا اش هاد شي ..تهرستي ..هرسوك تريكت روز مسلوق ..كرضوك تريكت لفار مشوي وسراق زيت مقلي ..الله يا ربي على مجبدين لعينين بغاو يرزيوني لخويا بغيت ربي يرزيهم فجاكي شان وبريسلي ان شاء الله ..(بغى يهدر) سكت خليني نكمل ..خليني نبرد قلبي ..الله يا ربي سيفطناك صحيح جيتينا مسودي ..الله يا ربي عوينة وحدة بغاو يعميوها لينا ..يعمي ليهم ربي البصيرة ويسيفط ليهم نصارا ياكلوهم بحال لبيصارة 

زكرياء حط يدو على جبهتو:لا حول لله يا رب ..وعاليا وا ختي يهديك الله ..غير تنفسي راه غادي تجيفي 

عليا عنقاتو كتبكي وهو مبتاسم كيمسد على راسها بحنو :وا صافي موقع والو علاش كتبكي دبا ..وا عليا..واا خونا علي ترجل معانا ..

عليا شافت فيه وجها مجلخ بدموع ضرباتو لكتفو:علي يا زكية ..

زكريا غزر فيها:ها نتي بديتي تضسري..راه ما تشوفيني هكذا تقولي نحكر عليه نوض نقز على ختى نرميك من البالكون انص ميترو 

عليا:بنادم كيف داير ..اوعدي قولي اش وقع كيفاش حتى تهرستي وفين كنتي هاد المدة ..ناري لحاجة غتحماق منين تشوفك ..يا لحنينة كانت حاسة بيك مراكش مزيان 

زكرياء:لحنانة الله يسمح لينا مم الولدين ....(حكالها كيفاش وقع ليه ) ودبا بلا متبخيلي راسي نوضي وجديلي ما نحنجر والله بعرضك السلامة غذا ورجعي عاود 

عليا دارت يديها على خصرها:فلبينية مراتك انا ...والله متحشم بالله 

زكرياء كيضحك عليها:بابا يابي أكل ماما ...روح على المطبخ حضر أكل لبابا ...

عليا:الله يا ربي لي يشوف لقد هو هذاك ولعقل مشبر طريق بغداد 

مشات وجدات ليه الماكلة ورجعات فحالها 

.شهر وهما على نفس روتين عليا الوحيد لي خبراتو هو عصام نهار لي مشى عند زكرياء سمعو لمنقي خيارو ولكن لا حياة لمن تنادي كيموت على المغامرات وطابع يغلب التطبع ...

حيد لحديد وبقى غير بالعكاز مزال ففترة نقاهة واغلبية وقتو كيخرج مع عصام ولا عريب ..وفليل كيجلس فجردة لي مقابلة لعمارة فين ساكن كيهبط معاه طابليط ولا كتاب يدوز بيه الوقت ..وطول هاد الفترة لاحظ بلي عندو صديقة فالمكان تقريبا كل ليلة مع 12 كتنزل تجلس فجهة لمقابلة ليه حتى يأذن لفجر ..وتطلع ....

واقفة مع المديرة كتشوف فيها مصدومة ممتيقاش اش كتسمع ...

سماح:كتضحكي معايا ياك ..ميمكنش ديرو فيا هكذا ..علاش غير انا علاش 

المديرة:سمحيلي ابنتي ولكن القرار ماشي عندي ..لي فوق مني هما لي دارو القوانين جديدة ..بلا ميكوم عندك ماستر مغيخدموكش ..والاغلبية ديال الاساتذة هنا بالماستر والاجازة ديالهم ..نتي ابنتي راه خدمناك غير بالباك ...وللاسف استغناو على الخدمات ديالك ..

سماح بغصى فحلقها:عفاك انا راه محتاجة لهاد الخدمة ..مكاين حتا حل اخر ..ميقدروش ..

المديرة ربتت على كتفها:قرار تاخذوه وكيطبق ..الله يجيبلك ما احسن ان شاء الله ...

سماح هزات ساكها ..مسحات دموعها.. تشكرات المديرة وخرجات كتتمشى وتفكر اش هاد المصيبة لي نزلات عليها..كانت مسخنة ظهرها بهاد الخدمة ودبا حتا هي طارت من يديها ...

علاش يا زهري كافر وعريتلي ظهري شويا بشويا ..علاش يا دنيا غذارة ومورياني لويل وغير ما كتزيدي عليا..بغيت غير لقمة حلال ونتي لحرام كتجريني كل شويا ..لحلال طريقو سدرة وشوكها تغرس فذاتي غرسة قوية....وانا صابرة وخا صبر ضبرني ومبقالي قوة وتهديت بعد كل ضربة بمية سنة ضوئية ..نعيا نشكي وحتى حد ما غيحس بآش طاري ليا .لكلام كثير وسكات حسن حيت حتى حد مغيحس بلي بيا..حمداتك يا ربي ولي جات من عندك مرحبا بيها وانا كلي نية..طامعة فرحمتك وعلى يقين عمرك تتخلى عليا ...ومزال لخير موجدو ليا..غير لحرام لي منزطم فيه وخا نموت بجوع ويلقاوني جثة مرمية...ما نرضى لحمي ينهشو فيه الكلاب وانا نشوف بعينيا...

رجعات لدار يطو لقاتها دايرة جفنة فسطح كتصبن سلمات عليها ومشات لبسات بجامتها ورجعات لعندها يطو تصبن وهي تشلل ..ومهاودين عاودت ليها اش طرا وبقات فيها ولكن صدمتها لي زادت عليها وعرفات بلي دنيا مزال كتعصر فيها وباغية تخرج منها زيت الحر ..

يطو:اش غنقولك ابنتي ..معرفت منين نبدا ليك 

سماح:خير اخالتي راك خلعتيني ..ياك لباس؟!!

يطو:هو غير الخير ..عقلتي نهار محمد ولدي سافر لطنجة ؟

سماح:اييه اخالتي عاقلة

يطو:ايوا ابنتي هو مشى يحوس ويفوج وغير بضحك دفع سيفي ديالو فواحد شركة تما ولبارح ردو عليه والحمد لله ربي فتحها فوجهو ..وشركة قبلوه وسيمانة جاية غيبدا الخدمة ..وقالك والو نمشي انا وباه معاه ..عطاوه دار تما ومبغاش يمشي بوحدو ..وانا منقدرش نخليه يمشي يتمرمد تما ..ما كان لي يطيب ليه ولا لي يصبن ليه ويدو بحالتو ويشوف لي ليه..

سماح:اييه اخالتي عندك صح ولا بد تمشيو معاه ...مبروك عليه والله فرحتلو ربي فتحها عليه حتى هو صبر بزااف ..وها ربي مخيبوش 

يطو:شوفي ابنتي انا ماشي كنجري عليك ..راكي بنتي ..انا غير منقدرش نخليك مع عبد الصمد بحدكم فدار نخاف عليك ..عارفاتو عينو زايغة ..وهو راك شفتي كل مرة جايبلي كمارة د الحبس جديدة ..وصحابو غير لي قاطعين رحمتهم من الله ونتي بنت وموالك غزبة ..نخاف يغره شيطان ويقطع يدو من يد رحمان ويآذيك

سماح ناضت باست ليها يدها وراسها:عارفة اخالتي وانا عمري ننسى خيرك نتي لي دخلتيني لدارك نهار لي رماني لي من لحمي ودمي ...وحنيتي فيا نهار لي تخلا عليا كلشي ..وصبرتي عليا خمس شهر مسكناني معاك وما شفت منك ومن ولادك غير كل خير 

يطو:هذا واجب ابنتي ..وبعزت جلال الله لا كنشوفك بنتي لي مولدتهاش ..ولكن جاتني فوق جهد ملقيت ليك قدر...غير يكون فعلمك راه مغنخليكش فزناقي ..جات بنت فتيحة الخياطة هي ومها صباح عندي وبنتها ساكنة بحدها مع لبنات ..وراه هدرت معاها قالتلي هي تسكنك معاها ...صبري ابنتي حتى ربي يحن من عندو 

سماح:واش حياة..لي كانت تقرا معايا ..؟!

يطو :ايييه ابنتي فين رجعات حياة يا حسرة ..ناس لي حن عليها الله ..رجعات بطوموبيل وقادت دار لمها وشرات برطمة ليها ...قاتلك خدامة كتجيب سلعة من مليلية و تبيع وتشري فيها جملة..

سماح:حسن ليها حتى تجارة زوينة ..الله يزقها ويرزقنا لحلال ان شاء الله ..نتي اهالتي ف قاش عازمين تسافرو 

يطو بحزن:بعد غذا الا كتاب ..راه حياة غذا غتجي باش تاخذك لدارها 

سماح:ان شاء الله ...

دازت ديك ليلة وسماح مخبية غصتها فقلبها ..كتحس بلي دنيا كلها ضدها والمصائب نزلو عليها جملة ..واش تواسي راسها على مها لي خسرات ولا على دار لي منها خرجوها ولزنقة ترمات..ولا من جيهة الخدمة لي منها تجلات ..ودبا ها خالتها يطو حتى هي دنيا عليها بعدات ..ورجعات تتلاوح بين اليدين ها لي يشد بيديه وها لي يرميها برجليه ..خايفة غير يجي نهار وتلقى راسها فزنقة لا حنين ولا رحيم تناحيه ..ويا خوفها من زنقة وذيابها طاغيين وللحمها يغززو فيه..

نعسات وعلى الله توكلات ودعاتو ليها يعين ويبعد عليها ولاد لحرام ولطريقها ينقيها من شوك ويكون ليها من الحافظين ..كتحارب باش شرفها تصون وعمرها لحرام دور العين ولا تفكر ليه تكون من داخلين ...فاقت صباح عاونات يطو فشقى ديال دار وجلسات هي وياها مور لغذا كيتفرجو وحالين باب زنقة مخليين دار تتهوة ولي جات قاصدة من جارات تسهال عليها باش تدخل ..حنى كيسمعو صوت بنت كتعيط بسمية يطو ..تكلمات ليها يطو ورحبات بيها كتسلم وتعاود اما سماح غير كتشوف بعينيها مبتاسمة كانت بنت قد سماح تقريبا غير فرق هادي متهليا فراسها لابسة ليبا كحلا مشبكة مع لباس حد ركبة فزيتي لاسق على طايتها فيه فتحات عد لكتاف وكول فالعنق طالقة شعرها الاسود طويل ولابسة كونفيرس كحلا وهازة سكادو بحكل على كتافها وميك اب نود سلمات عليها وناضت توجد براد اتاي باش تحلا الجلسة..وجدات وحطات لي كتاب وجلست ساكتة كتشوف فيهم ..

حياة بحزن:الله يعظم اجرك اختي سماح ..سمحيلي راه مكنت فالمغرب عاد كيف رجعت..غير قالتهالي ماما وعاودتلي اش وقع ليك عزيتي على خاطري بزاف جيت انا وياها لبارح نشوفوك سعا لقيت غير خالتو يطو ..وقلت والو نرجع نشوفك اليوم 

سماح:ما نشى معاك شر ..والله يعشر خطواتك ان شاء الله ويجعلهم لميزان حسناتك ..مكتاب الله قدر وما شاء فعل ..وما يصبنا غير الخير ان شاء الله 

حياة:ونعمة بالله ..(شافت فيطو) خالتو مبروك على محمد سمعت بلي ترسم فطنجة 

يطو:يبارك فيك يا بنتي ..ولعقبة لعندكم بخير ما حسن ان شاء الله 

حياة:هي غتسافري معاه ..منها تفوجي ومنها تونسيه 

يطو:وظتك شي لي كاين ..ولكن غادية بحالي مجرورة من قفايا ..عزات عليا بنتي سماح نخليها بحدها 

حياة:لاواه يا خالتو الا مكنتيش نتي راه كاين حنا وسماح راه منا وفينا كبرنا مع بعضنا والا مهزتها كفوفنا نهزوها فوق راسنا ..علاه شحال عندنا من سومي 

سماح ابتاسمات بزز:ربي يخليك اختي ويكثر خيرك

حياة:مبيناتناش احبيبة ..اصلا انا جالسة غير بوحدي نتوانسو انا وياك 

يطو:الله يكمل ليك بعقلك ..وتهلاي فيها راه درويشة حسها متسمعيهش 

حياة:ميحتاش توصني اخالتو ..واش عاد اليوم غنعرف سماح 

سماح خلاتهم ودخلات لبيت جمعات صويلحاتها ولبسات عبايتها وفولارها وجلست حدا صاكها دموعها نازلين ..وخا كلامهم زوين وما فيه حتى تجريح بصح كتحس بنقص ..لو كان كان عندها ظهر علامن تتسند عمر تسمع هاد لكلام ..لو كان باها كان اب وقاد بالمسؤولية كان هو لي يحن فيها وياخذها لعندو ماشي لبراني ..ولا خالها لي حاشة واش يكون انسان لو ما هو رماها لزنقة كانت غتكون مستورة تحت حيوط ديك الخربة ومتنذل لحد ...وما تجلس هاد لجلسة ..دخلات عندها يطو شافتها فديك لحالة عزات عليها عنقتها كتخفف عليها ..توادعت معاها ومسخاتش بيها ولكن للقدر كلمة ..وما عرفنا هاد الخرجة تعود بنفع عليها ...ركبات مع حياة فطوموبيل كانت من نوع "داسيا" كرونة ..وتاجهو لدار حياة فطريقهم صونات لحياة وحدة من صحاباتها دازت عليها خذاتها معاهم ..دخلو وسماح غير كتشوف بعينيها ..كانت دخلة صالة مفرشة بالاسود والغوز وحيوطها بالغوز بارد بصباغة العنبرة ..مقابلة مع لباب مراية نحاسية على طول لحيط لي مقابل للباب خذاتها لبيت لي غتجلس فيه كان متول فيه ناموسية وماريو وطابل دو نوي صغيرة ..حطات صاكها ووراتها دوش باش الا بغات دوش تخفاف ..داك شي لي دارت خلاتها هي وصاحبتها جالسين فبيت لحلاس يتفرجو حاطين عصير ومقبلات حداهم وهي دوشات لبسات لباس ديال دار ودارت شدة وفوقها شال وجات جلسات حداهم ..مقارنة معاهم كتبان جداهم ..بقاو كيشوفو فيها ويتغامزو حتا نطقات صاحبة سماح 

....:اوعدي مالك ملحفة تقولي يا ختي مكفنينك ..راحنا غير بنات بيناتنا مالك مطقمة 

سماح:لا اختي غير دوشت وخفت لا نتروح 

حياة:نوضي نوضي معايا ...مالك خانقة راسك لفولار فزنقة ودار ..راه شوية وتقراعي ..

ناضت سماح مع حياة جبدات ليها بجامة شورط ودوني سماطي ...وجبدات سيشوار نشفات ليها شعرها ودهناتو ليها ببديل زيت مع شعرها رطب جاها مموج عطاها اطلالة زوينة ..غير روتوش بسيط بينها ..طايتها مزيانة ما سميناش وما رقيقاش بنت عادية خيرها على قدها ما محتاجاش ومتتسلفش هههه ربي مهنيها من هم الكرش هذا هو المفيد ...جلسات معاهم حشمانة ..غير شوية شوية كتحاول تزل شورط

...:اويلي يا ختي متقوليش حشمانة منا ..شوية وتقطعي داك شورط بكثرية تجباد ..(ناضت جلسات حداها وحطت يدها على فخضها)احح اقلبي هاد لبيوضية وغبراها ...نتي راه وتعري يتهافتو عليك نسا و رجال 

سماح بعدات رجلها:مكانش اختي خير من لحلال ..اما باش نوسخ لحمي بطايع يدين لكلاب ..نموت ولا نوصل ليها 

حياة خزرات فصاحبتها:جيهان بعدي من البنت ..داك شي لي فبالك كاع متفكري فيه 

جيهان تجاهلت حياة و شافت فسماح عاضة على شنافتها:نتي راك زبدة فرماج ..غير بدلي ديك العقلية تعيشي فين وفين ..على ما حكاتلي حياة تقطع بيك لحبل ..بصح وديري برايي راه متحتاجي حبل نتي راه دخلي فليلة لي ميدخلوش لوزير فعام 

حياة غوتت:جيييهاااان ..بدلي ساعة باخرى...سيري قضي اش عندك ما يتقضى ...(جيهان ناضت كتتعوج هزات ساكها وخرجات ..حياة شافت فسماح) شوفي متديش على هدرتها راه كتخرف ..الا بغيتي شي حاجة دار دارك متحشميش خوذي راحتك ..

سماح حسات بناقوص الخطر وقلبها ما مهنيهاش وهدرت ديك البنت كتتعاود فراسها ..فهمات وما فهمات ...

دازت ايام وهي مع حياة كتتعامل معاها مزيان اليوم صونات ليها لمرأة لي كانت كتمشي تعاونها فالمناسبات مع سخن الحال وصيف دخل المناسبات لعلك ترضى ..كتمشي تغسل لماعن وتجيب ناصيبها وتعاون فالمصروف ديال دار وخا حياة مكتبغيش ولكن سماح مبغاتش تعيش عالة عليهم..تهنات من كريدياتها ورجعات كتقدر تخبي شوية لدواير زمان مرة خمسين ردهم مرة مئة مرة عشرين لي تخبات كتنفع على الله درهم كيشكل فرق ...اليوم مخدماتش جالسة هي وحياة دايرين بيناتهم قرطاس زريعة وكيتهاودو 

حياة:عاجبك شقى اسماح ؟

سماح:شكون غتعجبها تمارة اختي ..ولكن ملقيتش البديل ..لا مستوى دراسي كيف ناس باش نتوضف ولا ظهر صحيح لي يتوسطلي باش نشد بوسط زوين ..فبلاد باك صاحبي وشحال عندك شحال كتسوى هذا هو حالنا 

حياة سكتات شوية :علاش لي متزوجيش ...راه كاين ولاد ناس قالتلي خالتو يطو خطبك عادل ولد خالتي الوازنة ومبغيتيش

سماح ضحكات:مئة يخطبو وواحد ياخذ ..والا كنتي غتعيشي معاه حياتك كاملة متزربيش وخا تكوني كتبغيه ..وعادل ما هو من سهمي ما انا من سهمو اللهم نتكرفص بوحدي ولا نجيب معايا تريكة نكرفصهم معايا ..صابرة صابرة شحال وانا صايمة ونفطر فاخرتي على بصلة حارة ...

حياة تنهدات:عندك الحق..(شافت فيها) زعمة اسماح ممتعرفي حتى حد زعمة تكوني تبغي شي حد ولا كنتي معاه ..حيتاش عمري شفتك مع شي ولد 

سماح ضحكات:ههه اش خصك العريان خاتم امولاي سلطان ..واش اختي حياة انا فوسط هاد لحريرة نفكر فالبسطيلة ...اولاد اليوم لغذر من سماهم وانا على نيتي ما نعرف نزوق كلام مانعرف نعسل نغام ..زوج كلمات يضحك عليا بيهم ونصدق غارقة فبحر لسقام ..وديك ساعة غيبقالي طريق واحد وانا منصيبش على لحرام 

حياة دمعو عينيها وبصوت خافت:فين كنتي من زمان نتي وهاد لكلام...

سماح :علاش اختي كتقولي هكذا ..اش ناقصك

حياة:مكرهتش اختي لو كان كنت براجلي ..بزاف صوالح كانو مغيكونوش

سماح: اش ناقصك اختي .. نتي هازة راسك بلا راجل ..خدامة وعايشة حسن من مليون مزوجة ..دارك بوحدك طوموبيلتك ..ماكان لي ينغصها عليك 

قاطعهم دق فالباب ..ناضت حياة تشوف شكون وهي تتسمر فبلاصتها ما كانتش ضاربة حسابها لهاد الموقف ..دخلت جيهان هي الاولى ودخل من موراها راجل خمسيني ..ولكن لي يشوفو ميعطيهش داك القد مزال شاد فراسو وباين عليه الخير 

جيهان سلمات على حياة كتضحك:وها حنا يا لالة جينا وجبناه معانا ..ها حبيب لقلب شرف ..دخل برجلك ليمن مرحبا بيك فدارك اسي عبد المالك 

حياة تبسمات بزز سلمات عليه من لوجه وخذات لفيست ديالو علقتها:مرحبا احبيبي طولت الغيبة هاد المرة 

عبد المالك:ها انا جيت ..وريني حنت يديك ..(شاف فجيهان) سمعت بلي عندك ضياف 

حياة:ااه بنت خالتي جبتها تونسني ..كتقرا غير قريب من هنا 

عبد المالك:بنت خالتك ..مزيان ...عيط ليها ترحب براجل بنت خالتها ..راه نسيب بمقامو 

حياة خزرت فجيهان :سمااااح غطي راسك واجي احبيبة 

جيهان:علاش داك الخير يتغطا علاش داك الفرماج تحرمينا منو 

حياة:جييهاااان عيقتي اصاحبتي ..فرقي عليك البنت ..راه مغتوضليش لا نتي ولا غير معاها لداك شي ..مكفاكش غرقتيني انا من قبل ..بعديها ولا مغيعجبك حال 

عبد المالك غوت عليهم:براكة ..اش هاد شي وقدامي عاد ..مزال ما سخنت حتا بلاصتي ...

سماح دخلات تصمرات كتسمع فلغوات شافها عبد النالك طلعها ونزلها كانت لابسة عباءة طويلة وعريضة على شكل فراشة فالاحمر مع شال بيج وجها خال من اي ميك اب ...

حياة:سمحلي ..ها سماح جات ..هادي ينت خالتي(شافت فسماح وكتركز على كل حرف باش تفهمها) اجي احبيبة هذا راجلي 

سماح تصدمات خرجات عينيها فيها معرفت باش تبلات وزادت شافت ديك جيهان من ديما مكترتاحش ليها :متشرفين اعمي 

عبد المالك :كنبان كبير حتا لديك درجة 

سماح:شوية وصافي ..

حياة شافت فيها :سماح كنتي كتوجدي للامتحان ..حبيبة خوذي كتابك ونزلي لجردة حتا نغوت عليك 

جيهان:علاش غتنزل ..خليها تجلس تفوح معانا

سماح خزرات فيها:تفواج معاك باسل ..خاصني ندري عليه لعسل ..ولعسل كيجيب نحل..وانا لحمي عزيز عليا منبغيهش يتقرص على لباطل 

كانت 12 ديال ليل جالسة كتقرا القرآن تحت ضوء خفيف..وهكذا توالت الايام كل ليلة كترجع تجلس فجردة ونهار لي تخدم كتجلس فيها حتى تنقر شمس وتشوف عبد المالك خرج عاد كتدخل لدار ..وهاد المدة كلها شفقات على حياة لي عايشة عيشة قوم لوط وخا عرفت بلي هي زوجة ثانية لعبد المالك ولكن كيجبرها تعاشرو هي وجيهان ..سكيزوفرين ديالو هذا ما كيبغي ..وهي بزز منها تلبي ليه رغبتو الا بغات تعيش لعيشة لي راها فيها ..جربات الفقر وحرقها ورضاة عيشة ذل معاه ..جيهان كانت ليزيبانة ميولها لبنات ورجال على حد سواء...

على طول زمان .. لينا عبرة وحكمة من الخالق الرحمان ..فكان يا مكان او في حاضر الوقت والآوان ..فناس هاد الوقت او فناس زمان ..وقصتنا هاد المرة عبرتها كبيرة فالكون ..وبالاخص فوقت رجع فيه لحرام مباح وحرية شخصية بلا موجب حق وبلا نكران..فزمان رجع المثلي والإسحاقية عندهم حقوق الانسان ..فزمان رجع زواج راجل من راجل ثقافة وزواج المرأة من المرأة تفتح فكري ..قصة قوم لوط اعاذنا الله من اشباههم ..

بعد هجرة نبي الله ابراهيم من العراق الى فلسطين كان مصاحبه نبي الله لوط عليه سلام في رحلته ..فلما وصلا الى فلسطين ارسله ابراهيم الى قرى اسمها "سدوم" يقع اليوم محلها البحر الميت...هذا البحر الذي يقصده اليوم ناس للاستجمام ..اكثرهم لا يفقهون انه كان في زمن من الازمان موطن لقوم من الامم .. كانت قرى كثيرة متسلسلة يعيش بها عشرات الالوف من بني ادم ..يعيشون بتلك البقعة ..دمرهم الله عز وجل وجعل مكانهم ذاك البحر ..وامطر عليهم الإلاه سبحانه مطرا..فما قصة قوم لوط ..؟!

بعد ان اشركو بالله عز وجل وكفرو به ..عبدو الاصنام وبجلوها ...بعد ان اجرمو جرما عظيما في حق خالقهم ..لم يكفهم ذلك...بل اعتو فسادا في الارض ..اخذتهم الفاحشة والمنكر ..ارتكبو اثما عظيما..اجرمو دينيا واخلاقيا ..الجريمة الاخلاقية بلغت بهم الى ان وصلو الى مرحلة الشذوذ الجنسي ..الرجال يأتون الرجال والنساء يأتون النساء ....كانت كارثة لم يأتها احد من قبل ..فهم من سن هذه السنة ..فعليهم وزرها واثم من سلك مثلها الى يوم القيامة..فارسل الله اليهم لوطا ينصحهم ويدعوهم الى الكف عنها ويطلب منهم عبادة الله عز وجل وتوحيده ثم قال لهم :"اتأتون الفاحشة ما سبقكم بها من احد من العالمين.. أأنكم لتأتون الرجال شهوة من دون الناس " فعلتم فعلا لم يتجرأ على فعله اي احد من قبل ..طغات اذنبو في حق الله لكن ما اجرمو جرمكم ..حتى الحيوانات لم يسبق ان اخذو بعضهم بعضا عنوة ..الله عز وجل جعل ببني آدم غريزة فطرية الرجال يشتهون النساء والنساء تردن الرجال ..لكن قوم لوط كسرو فطرة بني ادم واخذهم شذوذهم الى الفاحشة العظمى فاحشة يهتز لها عرش الرحمان ..كانو يمارسون شذوذهم علينا اما انظار غيرهم بلا خجل او خوف ولا هم يحزنون على فعلتهم ..بل يتكلمون بأقبح الكلام مع بعضهم البعض ..البذاءة ..الجنس واي جنس يا بني ادم ..جنس بسفاهته وحقارته ودناءته لم تصل إليه الحيوانات الغير العاقلة حتى ..اثم ارتكبه اعقل خلق الرحمان الإنسان ...قال تعالى:"اولئك كالأنعام بل هم اضل" ....في هذا المكان ..في البحر الميت كانو يعيشون قوم لوط ..دعاهم الله الى عبادته وتوحيده والكف عن الفاحشة ..وانار لهم الطريق ان الرجل يراود المرأة ..ولا يراود مثيله ..ارادهم ان يكفو عن شذوذهم ويحذو على خطا بني آدم من قبلهم وهذا ما دعى اليه لوط عليه سلام ..دعاهم ان يبقو على الفطرة السوية ..لكن رغبتهن كانت غير ذلك ..لم يأخذو به شيئا بل تأمرو عليه ...قالو بأنه يعكر عليهم صفوة جنسهم وفاحشتهم وشهواتهم ...اتفقو على ان يطردوه من القرية ان يخرجوه منها .."اخرجو آل لوط من قريتكم انهم اناس يتطهرون"..في نظرهم كان لوطا ومن اتبعه مجرمين لأنهم حذو على خطا اسلافهم يدعون الى العفة والفظيلة ..وعقابهم ان يبعدوهم عن بلد المتعة والشهوات والرذيلة بلد الجنس والفاحشة والمنكر ..بلد كهذا لا يستحق ان يعيش فيها رجل يدعو الى الطهارة والإيمان والتوحيد ..مثل لوط ومن آمن معه ..كان حلهم هو ترحيلهم من موطنهم ..هذا ما يسمى بسكر الشهوة ..ونا ادراك كما سكر شهوة ..تأخذ بصاحبها الى الهلاك المبين ..استمر القوم بفحشهم وشذوذهم الجنسي ..ولوط لم يمل ولم يكل بل ظل يدعوهم الى الله ...لم يأمن بقريته وتلك القرى المجاورة الا ابنتاه حتى زوجته لم تأمن به كانت خبيثة كافرة ..

...وكان لوطا اذ جاء ضيوف للقرية من رجال يخفيهم ويحذرهم من الدخول الى البلد فكانو يقولون له قومه :أولم ننهك عن العالمين ..لما تخذر رجال وتمنعهم من الدخول الى قرانا ..ان لم تمتنع فسوف نفعل ونفعل واستمر تهذيذهم حتى انهم اقرو بأن يخرجوه هو وكل من امن معه ..يعني ابنتاه...زوجته كانت ظالمة ..كانت اذ علمت بخبر تذهب تزفه للقوم ..ان جاء ضيوف وهم بهم لوطا محذرا إياهم..همت هي على قومها تخبرهم بفعلته ..لكن لوطا ابدا لم يبالي بقولهم ..بلا كان مستمرا في دعوته رغم كل شيء ..حتى وإن عدد المؤمنين معه قليل لكنه لم ييأس وظل يدعو دعوته ...في هذه الاحيان كانت الملائكة يزورون الله نبي الله ابراهيم في فلسطين ..يبشرونه بالولد ..ثم قالو له انهم ذاهبون الى قرى ابراهيم ليدمروها ..فإذا بإبراهيم يجادلهم ..كان هليه سلام حليما رحيما..قال ربما يكون بها ثلاثمئة بيت من المؤمنين ..قالو ليس بها ثلاثمئة..فقال ربما يكون بها مئة بيت من المؤمنين ..قالو ليس بها مئة بيت ..قال ربما يكون بها اربعون بيتا ..قالو ليس فيها ..قال اثنى عشر بيتا ..قالو ليس فيها ..في نهاية قال الخليل لملائمة الرحمان يجادلهم..قال:"إن فيها لوطا " قالو:"نحن اعلم بمن فيها ان ارسلنا الى قوم مجرمين لنرسل عليهم حجارة من طين مسومة عند ربك للمسرفين فأخرجنا من كان فيها من المؤمنين فما وجدنا فيها غير بيت من المسلمين " وجدنا بتا واحدا ..كل القرية كافرة معاندة استحيت الفاحشة ..والعياذ بالله رجالها يأتون بعضهم ..امة قذرة لم يسبق لامة ان اتت مثل فسقها ..انهم قرى لوط عليه السلام ..يهددونه وهم لا يعلمون بالعذاب الذي سيحلو عليهم ..لا يدرون ان ملائكة الرحمان قد نزلت بالعذاب لهم وانهم على مقربة منهم في فلسطين على بعد.طفيف من البحر الميت ..يسأتون عليه بعذاب يدكهم دكا وهم لا يشعرون ..ولوط عليه سلام يدعو الى الله حتى اخر لحظة ..وان كان قومه قوما ظالما فاسقا غارقا في الفاحشة والمنكر يحاربون دعوة النبي الى الفضيلة ...جاءت الملائكة على هيئة بشر الى قرية لوط عليه السلام ..لما رآهم لوط سلم عليهم وردو عليه السلام ...سألهم وهو يجهل ماهيتهم

قال:ماذا جاء بكم ؟

قالو: نحن ضيوف عندك يا لوط...

ثلاثة على شكل بشر كل واحد منهم حسن صورة رجال دخلو على قرية لوط ..ولوط لا يريد ان تفضح قريته على ضيوفه ...هو يعلم ان قومه شاذين ..شذو اخلاقهم وشذو نفوسهم ..وهو لا يريد ان يضيف ضيفه بمحل كهذا ..ملئ بالمنكر وانعدام الاخلاق..

قال :ابحثو لكم عن قرية اخرى 

قالو:لما؟

قال:لا اعلم قرية اخبث في الارض من قريتي ..ابحثو عن قرية اخرى 

قالو:بل نحن ضيوف عندك يا لوط 

"ولما جاءت رسلنا لوطا سيئ بهم وضاق بهم ذرعا وقال هذا يوم عصيب "

لم يجد مع اصرارهم حلا غير ان يضيفهم فاخذهم الى بيته وهو مكره ..ادخل الملائكة الى بيته وهو لا يزال يجهل بأنهم ملائكة من ربه .."جبريل؛ ميكائيل واسرافيل" الثلاثة تصورو بصورة شبان حسان ..لما دخلو البيت علمت بهم زوجته ..اسرعت خارجة لبيت تنذر القوم ان هناك شبابا رجالا ذكورا عند لوط فاسرع القوم يهرولون اليه يطرقون الباب يريدون اقتحام البيت ..يريدون ان يحصلو على اولئك الرجال ..قال تعالى"وجاءه قومه يهرعون اليه "

قال: ماذا تريدون 

فأجابوه:نريد من معك ..يالوط الم ننهك عن العالمين ..الم نمنعك عن اخفاء الرجال عنا 

قال:"يا قوم هؤلاء بناتي هن اطهر لكم فاتقو الله ولا تخزوني في ضيفي اليس منكم رجل رشيد "

طلب منهم ان يتزوجو من بنات القوم والكف عن ما يفعلون ..كيف يفكرون بذلك الشكل ..حتا انه لا يوجد بهم رجل عقله سوي ..او لا احد منهم يدري بأنهم غارقون في اقبح النجاسات ..

قال له عن ذلك القوم :"لعمرك إنهم لفي سكرتهم يعمهون" لما ضاق صدر لوط ويأس من قومه ذهب الىى مكان قصي بعيد عنهم اخذ يرفع يديه الا الله ويدعو .."يا قوم لو أن لي بكم قوة او أوي الى ركن شديد "..لما علم جبريل بيأس لوط قال له "يا لوط إن رسل ربك لن يصلو إلك ..قال انتم ملائكة ..قالو نعم ..يا لوط قضي الأمر نحن ملائكة الله عز وجل جئنا بأنفسنا لنعاقب القوم الفاسقين يا لوط سيبدأ العذاب الآن لقومك الذين وصلو قمة الفحشاء والبذاءة ..اخبث من قوم لوط في الفحش لن تجد ..خرج جبريل إليهم لبدأ أول العقوبة بقوم لوط ..خرج إليهم وهم فرحون يضنون ان احد الرجال الوسيمين خرج اليهم استجابة لهم وما يعلمون ما الذي ينتظرهم ..نظر إليهم جبريل عليه سلام فإذا به بطرف جناحه يمر عليهم مرة واحدة وإذا بالقوم جميعا عميت ابصارهم ..لم يبقى لاحد منهم عين تطرف.."ولقد روادوه عن ضيفه فطمسنا اعينهم فذوقو عذابي ونذر " هناك من يقول انهم قد فقدو أعينهم لم تعد عين مكانها وهناك من يقول انه قد فقدو البصر فقط ..من تجمعو امام باب لوط كلهم صار عميانا ..وهذا فقط اول العذاب بقوم لوط ..الى الآن لم ينزل بهم عذاب الله الحق ..الأببصار قد ذهبت والعيون قد طمست لكن انتظر عذاب الله عز وجل بقومك يا لوط انه قادم لكن الى صبح ..قال لما تنتظرون الصبح ..قال جبريل عليه سلام او ليس صبح بقريب ؟!

خرج لوط عليه السلام مع ابنتيه المؤمنيتين في ليل في صحر تحت امر من الملائكة ..رأتهم زوجته الكافرة فتبعتهم ..أحست انه شيء رهيب قادم بقريتهم تبعتهم فأمر الله عز وجل لوطا عليه سلام وابنتيه ان اذا سمعو عذاب الله نزل وصياح الناس ان لا يلتفتو ..وانه اذ التفتو فإن العذاب سيصيبهم ..ولكن من سمع العذاب فالتفت ..إنها زوجته الكافرة صمعت العذاب و الصراخ فالتفتت فلما التفتت لحق بها ما اصاب قومها ..قال تعالى:"ولا يلتفت منكم احد الا مرأتك انه مصيبها ما اصابهم ان موعدهم الصبح اليس صبح بقريب " كان القوم عازمون على قتل لوط ومن امن معه في صبح ولكن الله اصابهم بالعذاب في موعدهم ..بدأ امر الله ينزل والعذاب يحل بهم حملهم جبريل عليه السلام سيد الملائكة بطرف جناحه ..حمل القرى سدوم كلها الى سماء حتى سمعت الملائكة نباح الكلاب وصياح الذيك ..خرج ناس من بيوتهم يصرخون ويصيحون فنزلت عليهم حجارة من السماء..فجاءهم العذاب ..كل حجر يصيب صاحبه الذي سمي به ..كانت حجارة مسومة ..قال تعالى:"فلما جاءهم امرنا جعلنا عاليها سافلها وامطرنا عليها حجارة من سجيل منضود مسومة عند ربك وما هي من الضالمين ببعيد والمفتئكة اهوى فغشاها ما غشى"..رفعت الملائكة المفتئكة فتهويها على الارض فقلبت عاليها سافلها والحجارة تقصد اصحابها فتذميهم ..اين من توعدو لوط ومن آمن معه ..اين مفرهم من عذاب اليم ..اين فاحشتهم تنجيهم الآن اين من كانو يدعون الى الحرية والانحلال الاخلاقي ..اين هم ؟!...قلبت الارض ودمدم الله عليهم مطرا غزيرا ..قال تعالى:"فأمطرنا عليهم مطرا فساء مطر المنذرين" فصار محل القرى بحيرة ملعونة ..بحر ميت ملعون ...اي امة هذه الأمة التي قلبها الله عز وجل فجعل اسفلها اعلاها ودمرها بحجارة ثم امطر عليها مطرا خانقا ...انها قرى لوط ..البحر الميت اليوم ..هذا البحر الذي يمر عليه الناس صباحا ومساءا واغلبهم لا يدرون قصته ..ويا لها من معجزة تلك القصة ..قصة عاقبة الفاحشة

قصة عذاب حق على من تعدى حدود الله ..عبرة لمن لا يتعبر ..كانت امة بذاك المكان تعاند الله ..فمكرو فمكر بهم وإن الله احسن الماكرين ..انه لا يفلح من كفر وتجاوز حدود الله...دمرهم عز وجل والحق بهم العذاب ..كانو شواذا وكافرين ..فدمرهم الله وحد نسلهم جله .....ايها الأمم الا تعقلون قد نص الله لنا عبرا عبر الازمان لكن هيهات لا نزال في طغياننا وخبثنا المعهود ..لا نعرف الله الا في المصائب نتضرع ونرجوه لكن عندما تفرج نعود الا اثمنا غارقين ..في زمننا رجع فيه الحرام حرية اخلاقية ..ولم نأخذ من اهل لوط درسا ..قوم بأكمله مسح اثره لم يترك ولو معلمة له ..ونحن نحذو على خطاه بل جمعيات كبرى تدعو الى ذلك الاثم مسيرات شعبية وجمعيات انسانية تدعو الى ان نساند المثليين وشاذين ..اي غباء هذا ..اندعو الى هلاكنا ..ونقول ما به الزمان قد صار جحيما لنا ..ما بال المصائب كثرت ما بال القوي اكل ضعيف..ما بال البركة قد خلت من الرزق...وغيرها من الإشارات تدل على ان الله يعاقبنا على اثمنا ..من لم يفعله شارك بسكوته فيه ..الساكت عن الحق شيطان اخرص..متى نستفيق ..متى نعود الى ديننا ..في وقت صار المسلم مسلما بالفطرة ..مسلم عقيدتا ولكن ان سألته عن دينه يجهل ابسط اموره ....

خارجة من دوش لاوية فوطة عليها وفوطة كتنشف بيها شعرها ..اليوم مخدماتش جلسات غير فدار ترتاح ..واستغلات الوضع دار ليها بحدها حياة مسافرة مع عبد الله يتبحرو ..دايرة شعبي وكتشطح على انغام ستاتي "شهبة" بغات ترتاح شوية وتفرح راسها ..وخا فعز ازمتها الا وكتستاهل تنشط وتنسى الهم شوية ..غافلة على لباب لي تفتح ولي دخل كيعبر فيها طول وعرض وعينيه كلهم شهوة ...كانت لابسة بيجامة سماطي حد ركبة كحلة فيها ودينات غوز وجامعو شعرها كرينات مضفورين سبولة ...كتشطح وتضحك بحدها حتى حست بشي يد دازت على مأخرتها ضربها ضوء ودارت مخلوعة تشوف شكون ..لقات جيهان ويرقها سايل عليها 

شماح معصبة:نتي فو ولا فيماك ديفو 

جيهان:احح على لهبرة ..علاش مخبيا هاد زين كولو علاش ...

سماح دفعتها وجات تهز عباءتها:تفو و جنس قصيف ..هي لي ناقصاني دبا ..تريكة هزان لعلام لور ولقدام ..

جيهان:علاش ميبسة راسك ..وعاجبك تمارة ..نتي راه والله ما ديال شقى ..غير وافقي تعيشي مبرعة ما ينقصك حتى خير ..تبقاي نتي الكل فالكل 

سماح خزرات فيها:تمشي تلعبي مع قرانك لا ..ديك لكاسيط عاوديها لمخك ..الالة نشقى ونموت كاع نتي مالك ..اش مشى ليك 

جيهان قربت ليها كتتبحلس عليها وتحاول تقرب ليها هنا سماح وصلات معاها لطوب ديال طوب وصبر مبقاش ليها شتفات عليها كتنتف وتسب وتعض 

سماح جالسة كتنتف فجيهان: يا بنت الفاق ولكوى فوق لوسادة ولحاف مبغيتيش تفرقيني عليك واش متحشمي ما تخلي لي يحشم ..عيت عاضة فصبر ويا لواسعة صبر يضبر ...عار الله لما قوليلي واش عندك باش ..ولا غتسلفيه ..ولكوى بلا مكواة ماهواش كوى يا بنت لمعوقة ..خشي صبع وخور تسميه كوية ..نتي راه خاص يخشيو معاك جرار الا برد ليك داك صندوق عيساوا لي كيتك فيه من عام الفيل ..نتي را تخورك اناكوندا الا عاد قضاة فيك شي لعيبة ..اويلي على قلة رجال نجيك نتي ..يعطيك مصيبة تصيبك فعظامك ..اويلي على غذايذي ما تفكيت من رجال زادني هم بونسوان ..واش دود لي فيك هاج وملقيتي ليه فراج ..جيتي عندي نفك ليك لبراج ..وعوجت ترمة نتي راه ميليق ليك غير ترياش فالبرمة ..يا حامضة لفشلوق بغيت ربي يرزيك فيه وتشوفيه مغلوق ..ديك ساع قلبي فين تخوري ..يا تريكة العادة سرية قبيلة تكفايتية..راه نتي راه ترمتك وفشلوقك يدوز معاه ديناصو ويشيط لخير ..غزاوا ماع دازو فيك ..يا تريكة لبق ونقش ما يزهق ما تبليني ما نبليك ..را والله وميكون راجل وسيد رجال ماشي عباس لخضار لا خليتو يشوف طرف مني نتي بغيتيني نحل ليك لكار ونخليك تركبي وتسوقيني وسط دار ..نخليك نتي يا رجلين نعامة تخوري فيا بلعبار..نخور لاصل جد بوك لي ما عرف يربيك لعينين ونلعب بيهم نيبلي..نشطحك كيف صفارة الكوكوط..(هزت سمطة كتشحط فيها ومع كل شحطة كتقول ليها فكلمة ) ها تخوار ...ها قلة ترابي ...ها متسواي يا قليلة لعفة ...ها دود لي مابرد فيك ..ها سكيزوفرين ...والله يماك نخليك طلبي شرع ..منطلقك حتى تخرجي من هنا كارهة حس لكوة وطلبي غير سلاكة ومتلقايهاش لدوا..مزال باغية تخوار ..هااا يا تريكة ابيدار ولكوى بلعبار ..ها لكوى ...ها غذايذي (شدتها بعضة) عنننننننننن ..ها زمل***... ها لقح***..ها حلان رجلين ..توالفتي كل نهار فاتحة زاوية ..نتي راه الهندسة طلبت مع رجليك شرع يا طير ابكر ...ها دوا لبرد يا بنت لواسعة ..يا لفاجرة ...يا قبيلة حلان رجلين والاكتفاء ذاتي ...على قلة زراوط غير مزلعين ...ياك شعبنا شعب مكبوت غير طلبي تلقاي صفوف تبرد ليك الجوف ..يشركو ليك لقدام مع لور بلا حلوف ....اويلي على يامي باش لقاتني ..بصح ابنتي ربي جابك بين يدي نستأجر فيك نردك لطريق المستقيم ...(جيهان بضرب لي كلات سخفات وسماح مزال ما برد خاطرها) احححح يا بنت العبد الله على راحة ..وغير جربي مرة اخرى تقلبي على ساحتي ونتعوشر على جدك بالمعقول ...متخليو حد ضريف تفوووو..بريستيجي ضاع ابنت العبد...(جلسات مقابلة ليها كتنهج)....ها حجر لعافية لما فرقيني عليك ..واش نتي منك للبرمة وبغيتي تحشريني معاك يا مستشارة فرعون ..وزيرة ابو لهب ..وها دبا قلبي رتاح ..الله يا ربي عييت ..اففف 

ناضت سدات لبيت ودخلت لبيت لجلاس نعسات شوية فاقت دارت الكوتي لقات جيهان غبر ليها الاثر ..لبسات عباءتها صلاة الاوقات لي دازوها ..هزات قرعة دالماء وتيليفونها ونزلت لجردة لمكانها المعتاد كتقرا مرة فالقرآن مرة تتفرج فطالع ونازل وتقلبها تكلع وتهبط فالفايس من قصة لقصة ...

اليوم وكيف عادتو صبح وجد فطورو خفيف وجلس كيحاول يحرك رجلو شوية خذا عكازاتو.. نزل خذا دورة فتجزئة وهبط لسوق لي قريب صلى ظهر فجامع وخرج تقضى لي خاصو ورجع تيك تيك نحلة ابو رجيلة وحدة وجد سباغيتي بطون والفرماج تغذا بيه ودخل لبيتو شغل لبيسي كيشوف الجديد فندوات طبية والدراسات العالمية محسش كيفاش غفى حتى كينقزو سرسار ديال لباب شاف فجيهت لبالكون كيباليه ظلام بدا ينزل ..ناض ساخط حل لباب وهو يتحل عينيه معاه .. الحاجة واقفة عند الباب وعليا واحمد من موراها ...

دور عينيه بين الحاجة وعاليا لي كتحرك راسها وتشير بيديها كتقوليه غير يسكت حتى تفهمو ..

بغا يسلم على الحاجة منعاتو ودخلات شد عليا عند لباب كيتحلف عليها

وجاوباتوبالهمس :راه الحاجة سمعات كلامي مع عصام وحلفات تسخط عليا الى مجابتهاش لعندك ..اش ندير ..نخليها تسخط عليا 

زكرياء كارز على سنانو:لا تسخط عليا انا ...(طلع راسو لسما تنهد ودخل مبتاسم جلس حدا الحاجة لي كتخنزر وطلع معاه وتزل عينيها على رجلو) متنخلعي ما تندهشي..مزال فبلاصتها 

الحاجة:نعمة الله شايطة عليك اولد كرشي ..بايع روحك رخيص ..ما عزت عليك تسع اشهر فكرشي ولا عامين دلحليب لي رضعتي ..رجعتي وما جيتي لعندي ولا فعينيا شفتي ..ما شاء الله مرتاح ومبتخ وانا لي نوم جافاني وقلبي لي من بلاصتو تقول حيدتيه ورميتي ...ليل ونهار كناجي ربي ونستناه يتقبل ادعيتي ..وولدي ولد كرشي لاهو هنا ولا عليا رجف قلبو ولشوفتي لهفتي ..هادي هي ميميتي حبيبتي ..هادا هو رضايا عليك يا ضنايتي (زكرياء غير مهبط راس من صغرو مكيقدرش يتجاوب معاها ميحتاش تضربو ولا تغوت عليه يكفيه زوج كلمات تخليه يحس بذنب وخا يكون مدايرش علاش ..كيحتارمها ويقدرها فوق لقياس شد يدها عندو وباسها بحرارة ..تنهدات ومسحات ليه على راسو) عاجبك الحال فين وصلتي ..برضايا عليك اولدي بعد من الخطر ..راه غير نتا لي عندي عوينة وحدة بغيتي ترزيني فيها ..شوف فيا منين نكون نهدر معاك (زكرياء طلع راسو فيها)باغي تحرمني منك ..شكون يسندني ويسند ختك ..ظهر واحد لي مكاليين بيه بغيتي تردمو علينا ..

زكرياء:مزال لعمر طويل الحاجة الا كتب الله ..وراه خرجات طريفة الحمد لله ..غير شي يمات ونتهنى من العكاز ..ويا لالة اخر مرة لعينيك يا جنتي ..غير متبقايش هازة فخاطرك من جيهتي 

يامنة:هي الا هزيتي راسك وزدتي معايا لدار ..كيتهناش خاطري ونتا معلول وبعيد عليا 

زكرياء:ليلة ندوزوه هنا وغذا يحن الله ..جيتي جيتي جلسي هنا شوفي دار كيف دايرة من نهار شريتها جيتي غير طليتي وزدتي فحالك 

يامنة:منصيبش نبات فمحال غير داري

زكرياء سبل عينيه فيها:علاش هادي ماشي دارك ؟!

يامنة:هادي دارك اوليدي ودار لي غتعمر دارك ..انا ضيقة اليوم وغنكون ضيفة طول لعمر ..اما داري لي بناها الحاج الله يرحمو وخلاها أمانة فرقبتي ..

عليا:صافي غنوض نوجد لعشا ..كاين تقضية ولا نخرج نجيب 

زكرياء:كاين راه كلشي فالكوزينة ..

احمد:ماما غننزل لعب لبالون فجريدة لتحت شوية ...

زكرياء:صبر غنزلو كاع ..حتا الحاجة معانا تتحرك شوية ..

عليا:صافي نزلو نتوما وانا ننصب لعشا ونلحق عليكم 

زكرياء:وا عليه..مهم انا غنتاصل بعصام يجي بلا متقوليها ليه نتي ..

نزلو زكرياء والحاجة خذاو دويرة خفيفة فالأنحاء وأحمد جلس غير حظا لموبل كيلعب ..حتى كيلمح احب ناس على قلبو استاذتو لي خلات المدرسة خلا عليهم هز كورتو ومشا كيجري لعندها وقف كيلهت..

احمد:ميس..ميس سمااح ...

سماح بفرحة ودهشة سلمات عليه وعنقاتو بحرارة:أحمد ....اش كدير هنا ؟!

احمد:جيت لعند خالو(كيشير بيديه) كيسكن لهيه...

سماح مشات هي وياه جلسو فواحد لكرسي قرصاتو من حنكو احمد كان دبدوب :امممم لفنون ديالي ..اش خبارك ؟؟

احمد:توحشناك ااستاذة علاش مشيتي علينا ..تعرفي جابو لينا واحد الاستاذ كرشو قد سخط وغير كيغوت ..توحشت حصص وحي من القرآن..

سماح ابتاسمات:ههه صافي بقى تجي عند خالك ونزل عندي نديرهم ليك هنا ..انا راه كنسكن غير لهيه ..والا جيت وملقيتنيش اجي صوني عليا ننزل عندك..

أحمد شاف عاليا نازلة:ها ماما نزلات ..غنعرفها عليك من ديما باغية تشوفك ...

عليا جات قاصداهم ابتاسمات فوجه سماح وسلمات عليها باليد وتوجهة بلكلام لأحمد

عليا:دغيا درتي صحاب يا العفريت ..مغتعرفنيش على لغزالة لي معاك 

احمد حمارو حنوكو حشماتو ماماه حدا استاذتو بإستياء:عاااليااا..

عليا ضرباتو لقرفادتو:ماما..دبا كون جونتي وعرفني على دوموازيل 

احمد:ماما هادي الميس سماح ..استاذتي فالمدرسة 

سماح مدات يدها :سماح ..كنت المعلمة ديال احمد فالمدرسة 

عليا سلمات عليها مرة اخرى:متشرفين ..احمد كان متعلق بيك بزاف سيرتو غير عليك ..صراحة شكرا بزااف على لي كنتي كديريه مع لوليدات 

سماح:كنت كندير غير الواجب امدام 

عليا:خسارة كبيرة لي مبقيتيش فالمدرسة ..عساه خير ان شاء الله 

سماح لمحات حياة نازلة من تاكسي وحالتها حالة ..راسها مدور عليه فاسمون بيضاء ويدها مهزوزة ببوندة طبية وكتعرج برجلها اعتاذرات من عليا بزربة:سمحولي غنشوف ختي مالها ...متسناتش الجواب ومشات كتجري لاحقة على حياة فدخلة ديال لموبل...

رجع زكرياء هو والحاحة كيتمشاو بلاتي عليهم وهدرة تجيب هدرة شادين بيها طريق ..لحقو على عليا لي جالسة كتستناهم واحمد كيلعب لكورة ومحمق واحد القط معاه كيلعب هو وياه ..عليا والحاجة كيهدرو وموضوعهم لموبل عجبهم الجو لي فيها والحراسة لي عليها من كل جيه باش سكان يكونو مرتاحين ..اما زكرياء فغير كيدور راسو لناحية لموبل لمقابل ليه ومرة مرة يهز تيليفون ويرجع يحطو حالتو بحال داك لحنش لي مقطوع ليه راسو ..معرفش علاش ..موالفة كل يوم بحال داك الوقت كتشاركو الجلسة وخا كلها وفجيهة ولكن كتبقى رفيقتو سرية ..معرفش علاش حس بنقص منين اليوم غابت ..غريبة عليه مكيعرف لا سميتها لا شكون هي مجرد انها انيس الوحدة ديالو فديك الفترة صعيبة عليه ....استغفر الله على الافكار لي ملات عقلو ..رجع لوعيو مشا بعينيه على طول لبناية حتى كيلمحها حالة سرجم كتنفض يزار وطواتو حطاتو على جنب ورجعات كطل مطلعة راسها لسماء ..ابتاسم وتنهد كأن روح رجعت ليه...معرفش اش بيه من غير انو فرح منين شافها ..فيقو من سهوتو صوت هصام لي جا سلم عليهم وعليا لي وقفاتهم يطلعو باش تشوف عشاها قبل ما يتحرق ..سبقوه وهو كيتمشى بلاتي عليه ومرة مرة يدور يشوف فيها ..دار عصام يشوف مالو وهو يلمحو كيشوف فيها ابتاسم وخفف تمشيا حتى وصل عليه

عصام:بنت جيران زينها يهبل ..طلات من سرجم خلات قلبي طار بلا عقل ..وانا فقيه عابد وشيطانها غواني وجابني لبين يديها كنقتل ..كيف طرا وجرا حتى لفقيه نزل ..وليها قصد ووصل ..ولشوفتو سلبات وبعينيها ليه قتلات بلمهل 

زكرياء:سكت يا صاحبي وبلا مضرب لنا طربلا عقل ..لفقيه مزال فصومعتو عاكف وعمرو ينزل ..ولا عاشت من طيح كواريه وتجيبو ليها يغزل ..غير نظرة ودوز بلا كلمة ولا نغمة ليها توصل

داز شهربالكمال وتمام...جالسة كتفكر فحالة حياة لي منهار رجعات وهي محبوسة فبيتها ..لا جيهان دارت بيها ولا عبد المالك رجع بان فساحتهم ..ناضت عوالة دق فبيت حياة ورجعات مترددة جلست حدا تلفازة ..قريب ساعة وهي غير كتقلب فالاذاعات شافت حياة دازت لطواليط وجات جلست حداها 

سماح:كيف بقيتي ؟!

حياة حركات راسها وهزات كاس اتاي كتشرب فيه:صافا ..علاش كتسولي 

سماح:شفتك مبقيتيش كتخرجي وحتا حد ما بقى كيجي لعندك 

حياة:تعلمي فهاد دنيا نهار صلاحيتك كتكمل حتى حد ميرجع يدور بيك ..منين ترجعي خطار على الواحد كاشي كيقلب عليك فمرة ..

سماح كستغربة:مفهمتش؟!

حياة:حسن ليك متفهميش..

سماح:حياة ختي نسولك ..

حياة تنهدات:سؤالك باين ..بغيتي تعرفي اش وقع(سماح حركات راسها بالايجاب).. الالة غنعاودها ليك بحال لخرافة ..حياة لي عرفتي فليسي ..لا تمد بصلة لحياة ديال دبا ..انا تعرفت على جهان فالباك وعرفاتني على شلا بنات اخرين كنا نخرجو ونضحكو ومل مرة شادين سفر لقنت..حتى بداو كيعلموني كل مرة حرفة ..وكل حرفة كرف من لي قبل ..سكرت شيشت كميت تبوقت ضربت ليكسطا وعاشرت رجال ..نعست مع عدااد وكل واحد كان يقضي غراضو يحط لي غراضي لي هو لموني لبينغاا لفلوس ..بعت راسي باش نعيش كيف كتشوفيني ..كان همي هو يكون عندي لفلوس ..بزااف ديال لفلوس نعيش كيف بغيت وندير لي بغيت بلا ميمن عليا شي حد ..حتا نهار تعرفت على عبد المالك ..هو مزوج وبولادو كبار ...صاحب ملك كبير ..يعني ملعق ..كان كيصرف عليا تصاحبت معاه ولي حليت عليها فمي كتحضر ..منين شفت راسي رجعت بحال لادروغ ليه ميستغناش عليا طلبت منو يتزوجني ..ولكن هو رفض يدير معايا عقد ..تزوجني غير بالفاتحة...وكان كل مرة فشهرين يجي يرتاح عندي ...نسافرو ..ميخلي ميديرلي عندي شهر ديالي نعيش فيه اميرة ...ولفلوس كتترش عليا بحال روز ..ايوا وهاد المرة خلا دار عشتي ..غواني شيطان ولعبت بديلي تصاحبت مع واحد ..وطلع سي المحروص ولدو ..تصاحب معايا غير باش يجيب خباري وصدقت طابة علينا مرتو فهاد سفر ...ريشتني هي وبناتها ترياش ومنين حط ولدو وراقيه كلهم وحكا لباه بلي تصاحبت معاه ووراه تصاوري معاه كمل عليا حتا هو ..وخرجت من هاد لحكاية غير بهاد لحيوط وديك لحديدة لي لتحت صافي ..ومعرفتي فوقاش تجي مراتو تبغي تجلقني برا عليهم..

سماح غير حالة فمها كتسمع وممتيقاش ..واش دبا حياة بنت ليل ...حياة لي كتعرف طلعات عكس لي كانت كتشوف فيها ..فعلا المظاهر خداعة..هي لي دازت عليها دكاكت دنيا كلها ومفرطاتش فراسها ..حياة باعتو فساعة طيش ..ماكان ناقصها والو واليديها خدامين ومعاها ودارت فيهم هاد شي..ناضت دخلت لطواليط مصدومة كتشوف وجها فلمراية طلعات معاها صهدة بدات كتغسل فوجها وعنقها ..خرجت لبسات عباءتها وصندالتها وهبطات جلسات فجردة هاد لمرة مشات لكرسي لي مقابل مع لموبل فين ساكنة كتشوف فيها وتفكر فكاع لي داز عليها غايبة على لي جلس حداها فطرف الاخر من الكرسي ..مدة وهي ساهية حتى فيقها صوت جهوري

....:سهو من علامات شيطان ..حاولي تخلي راسك ديما واعية باش ميغفلكش ويديرها بيك ...

سماح:دنيا ماخلات للواعي فين يعيش ..كنتمنى نبقى ديما فلاوعي ..بعدا تما كنعيش احلام عكس الواقع ..الواقع صعاااب بزااف 

...:مزال صغيرة على هاد لكلام ..مزال مديتي وجبتي فزمان..اش خليتي لشايب ميقول ..الا فهاد لعمر وقنطتي من رحمة الرحمان 

سماح:ههه زمان علمني لي علمو لشايب فسبع ايام والباقي عطاهني دروس دعم فشكون يقدر يصبر على قدر الرحمان واش شايب ولا ولد الوقت لغذار بلا زمام

....:واش تعلمتي ولا داز على عقلك مرور الكرام

سماح تنهدات:تعلمت ..حتى عقلي مبقاش كيشتوعب كيف رجع بينا زمان ..لحلال صعيب طريق مشوكة ولحرام ساااهل وطريق ورد وريحان ..اااخ من زمان لي داره فعباد الرحمان ..اخخ من دنيا لي تقلبات علينا وزينات لينا لحرام وكرهات فينا لحلال ..اخخ من دمعت ليتيم لي لقريب ولبعيد فيها استهان ..حتى رجع لقوي ياكل ضعيف ويفرس فيه فرسان

....:كيف كاين لي يفرس فيه كاين لي يكَافي عليه ..مزال الخير فدنيا ..ماشي كاع ولاد لحرام ..كاين صالح وطالح ابنت ناس ..غيري تفكيرك ..كيف لقاك ربي بكحل راس عليك داس ..غيلاقيك بلي حسن وليك يرفع راس 

شافت فيه سماح عينيها بدمعتها فيهم لمعة خاصة لمعة يأس وتفاءل فنفس الوقت:فرأيك مزال الخير موجود...مزال باقي الأمل فناس 

ابتاسم الولد ليها وحرك راسو بالإيجاب:كل الخير ..شحال ما ضياقت غتوساع ..والا شديتي على العقدة غتتفك ...هي تتخنق وفعز خنقتها الاوكسجين كيتسرب غير بشوية ..هذا هو حال دنيا ..فهمتي 

سماح ابتاسمات وفهمات المقصود:فهمت شكرا بزاف ..سمحلي متشرفتش بيك

زكرياء:زكرياء جارك فهاد الموبل .

سماح شافت فين كيشير:متشرفين ...انا سماح جارتك من داك الموبل ....

🌿ورأت في عينيه جسرا للنجاة..ونهرا يروي عطش الجفاف والمعاناة..عسل عينيه ساحر ومقلتيه تتمتع بعدة ميزات ..شاب بعرض وطول اسمر المعالم ذو لحية متوسطة طول ونظرات هالكات..لوهلة !!نظرة واحدة اخذت منها سنوات ...وهو الغارق في شهد عسلها يخطف النظرات..ويمجد الخالق في سره على تلك العلامات..لوزية العينين منمقة الأنف وثغرها الصغير وتلك الحسنة بالذقن بنسبة له انها نهاية الحياة ..لون عينيها قهوة مسمومة ارتشفها وصار على ضفاف العشق يبحث عن انواع ترياقات ...ااخ من لوعت العشق المحرم لرجل عنيد وامرأة بكبرياء العظيمات..سيد شرقي بكل ما للكلمة من مرادفات ..وامرأة شرقية لا تعرف للحدود مسافات ..العناد هوايتها والاستقلالية مذهبها في الحياة..رجل السيادة بيده والأنفة مطلبه والعشق في قاموسه مجرد تفاهات..فأي حب ولد بين كل هذه المتناقضات؟؟!!....🌿

جلسو مدة سكات بيناتهم هي كتشوف فجيه وهو كيشوف فجيه ..مرة مرة كتلعب بصباعها متوترة اول مرة كتكون قريبة من شي ولد بحال هكذا ومعرفتش اش لي مخليها فداك الوضع ولا حتا كيفاش لقات راسها كتسترسل معاه فلكلام..وهو نفس شيء كيحاول يبعد نظرو عليها ولكن مكيعيق براسو حتى كيلقى راسو غارق يشوف فيها ..بنسبة ليه هي مخدر قوي مغناطيس كيخليك تحت تأثيرة الهالة ديالها..بلا ادنى محاولة منها كتخليه باغي غير قربها ..ناض بلا كلام خلاها جالسة ورجع كيعرج لدارو كيستغفر الله على الافكار لي كيخالجوه ..وكينعل فعقلو لي رجع سفيه لدرجة مبقاش فيه ذرة تعقل ..ماشي من الخصال ديالو يقرقب ناب مع بونسوان ..ولا حتى يقرب منهم بأي طريق من غير ضروف العمل لي كيكون واجب عليه ..كيفاش حتى طاوع شيطانو ومشى عندها وبدا معاها لغى ولكلام..دخل من لباب بدا كينصل فحوايجو دوش وخرج تعشا ودار فيلم ..مبقالوش بزاف ويرجع لخدمتو ..فترة نقاها باقيلها اسبوع وتسالي وهو على ما يبدو توالف راحة ..من بعد ما ناض ديك نوضة لفزعية خلاها قفزة من بلاصتها دارت متبعاه بعينيها معرفت باش تبلات ..كان جالس في أمان الله ..واش دارت شي تصرف لي معجبوش..ولا كلامو سلا معاها...زادت جلسات شوية وناضت طالعة وقلبها مقبوض عليها .. رجعات كتمقت ديك دار ..ولكن ابدا مكرهاتش حياة كتبقى البنت لي عاوناتها ودخلاتها دارها وعاملتها البحسنى ومستغلاتهاش كيف استتغلوها صحاباتها ..كانت تقدر تآذيها وتربح من موراها فلوس ولكن هي مدارتش هكذاك دارت بأصلها معاها...دوزت اربع ايام كانت جاتها خدمة مع ربيع صاحبة مها فواحد لفيرمة برا على مدينتهم وصاليرها مزيان مشات بلا متفكر ..سيقو ونقاو فيرمة على قدها ..اللهم تمارة ودرهم حلال ولا تعلاق رجلين والف درهم حرام.....رجعت لمدينتها مع ظهر شمس كتحرق تفارق مع لمرأة لي معاها ورجعات كتتمشى ملقات حتا تاكسي فداك الوقت ..وقريب لسكنتها كاين مساحة كبيرة فارغة ..دارتها فيد الله وتمشات والا ربي مكتب عليها شي حاجة راه وخا طير وتزل تصيبها تصيبها...تمشات حتى قطعت نص طريق وهي تشوف هوندا جاية كطير بدات كتدعي الله فسرها وخوفها كيرعدها ..ولي خافت منو وقعات فيه وقفو عند رجليها هبطو ثلاثة ديال لبغال قاطعين يدهم من رحمة الله واحد وجهو بحال الخريطة وباينة من كمارتهم ديال لحبس عشرين درهم يفك بيها قطعتو يقتل على جالها ..قصدوها وهي تكمشت على راسها ومعنقة ساكها خايفة ..ملحقات فين تتكلم نزلو عليها بلعصا ..وهي كتغوت ربي لي خلقها وكتحاول تخبي وجها خايفة ليخصروه ليها سمحات فصاك هزو واحد فيهم ..شقى اربع ايام مشالها بسباب ولاد لحرام ..مطلقوها حتى سمعو صوت من موراهم...

جيهان:حبسو صافي ..(قربات منها وجلسة جلسة القرفصاء كدوز على شعرها) تو تو تو ..يا حرام ..لغزالة هلكوها عصا..ميحشموش ..هاد لفرماج يجلخوه بالكاتشب ...بغال والله (سماح غير كتأن دموعها نازلين) كان يحساب ليك غندوزهالك بساهل..لا احبيبة حقي كنجيبو ثاني ومثني ..معرفتيش معامن كتلعبي ...وداك شي لي مخليتينيش نوصلو ..غنخلي لوسخ ديال دنيا يوصلو ليه ..مساكن تمحنو فهاد شمس خاصهم يتجازاو ..ونتي مولات دار لكريمة مغتبخليش عليهم تمتعيهم شويا ...(شافت فدوك لبغال) بصحتكم ...

طلعات فطوموبيلتها وزادت خلفة ...اما دوك لقطاطعية واحد كيشوف فالاخر ومتلهفين شكون يبدا وحتا واحد مصابر..فالاخير قررو يختازلو الوقت ويقضيو غراضهم مرة وحدة ..حست بالخطر بدات كتزحف وتحاول تهرب منهم اللهم وجع عظامها ولا المنكر لي باغيين يديروه فيها ...جبدها واحد فيهم من رجليها ..بدات كتفركل وتتخبط وتحاول ما امكن متخليهمش يوسخوها ..يقتلوها وميديروش فيها لي ناويين عليه الكفرة بالله ...حست بلي صافي نهايتها قربات الا قدرو يديرو لي فبالهم تموت من بعدها ولا تعيش بذل لاحقها..هي كتقاوم وكل واحد فيهم منين كتجيها ضربة منو ..حتى كيسمعو صوت كلاكصون كيقرب ...طلعو فهوندتهم وعفطو عفطة وحدة خلاوها مليوحة تما ونص كسوتها مقطع ودماياتها بفعل العنف لي تعنفات مغطيين معالم وجها .....

بعد ثلاثة ايام واقفة فالاستقبال كدور فعينيها وتعض فشفتها تحتانية بتوتر ....تحت عينها زرق وشنافتها مورمة معصم يدها ملوية عليه فاسمة ...ويد حطاها على خصرها لي مزال كيعطيها صداع بفعل ضرب لي تعرضات ليه ..

موضفة الاستقبال:ختي راه ساعة وحنا كنستناو ..خاصك دفعي تكاليف العلاج

سماح بغصة وخوف:غير صبري اختي راه ..راه ....

موضفة الاستقبال قاطعتها:الا مخلصتيش دبا غنضطر نتاصل بالبوليس ...

سماح شادة لبكية بسيف:علاش اختي لبوليس راه غنخلص غير صبري شوية ...

جلست فواحد لكرسي حاطة يدها على خذها كتفكر فحريرتها ..الفلوس لي كانو عندها رزاوهم فيها دوك ولاد لحرام ..وحتى راجل لي جابها غير دار الخير عتقها ..جابها حطها فلكلينيك ومشى ..بحسن عوانو خاف على راسو لا تتلبق فيه شي تهمة ..فوقت رجع فيه الخير بوليسي يسوط مولاه ....ودبا ها هي هنا لا تيليفون تتصال بشي حد ولا فلوس تخلص بيهم لكلينيك ..للحظة بغات تدعي فراجل لي جابها ليه ..كان يقدر ياخذها لسبيطار عمومي كاع ما تحصل حصلت لكلاب لي فيها دبا..عظامها ما فيهم مايصلح مقادين على برودية سيلون...شوية ووقفو عليها زوج ديال ناس علات راسها لقات موظفة الاستقبال وراحل من كسوتو باين واحد الحارس

موظفة الاستقبال:خوذها لديك لبيت بيلما وصلو ..ما بغيتيش تخلصي ها هما جايين لي يعرفو لأمثالك تفوو يا شفارة كثرتو فلبلاد 

سماح طلقت حلوقها:متقييييسش فيااااا نتااا...ونتيي عرفي اش كتخرجي من داك لكابين ديالك قالك شفارة ...راه نتوما لي رجعتو تعبدو درهم ..واحد نايض من الموت وحتى صحتو يا دوب واقف على رجليه ونتوما همكم غير تحلبوه ...(شافت فناس لي اجتمعو عليهم)... اعيباد جايبيني هنا غايبة ورزقي تسرق مني ..منين نجيبلك باش نخلص انا ..وحتا زوج دورو هي تالية مبقاتش ليا ..وتيليفون لي نصوني بيه لناسي حتا هو طار ..ما لقيتها من ولاد لحرام لي ربي ودعوة لخير نجيت منهم..دبا جيت لما كفس برجليا...

ناس شي بدا يشوف فشي وكتر الهرج شي كيقول لا حول لله وشي كيسب فانعدام الانسانية لي رجع عليها الوقت وشي كيعطي الحق لفرملية ..تسمع لغوات فالمستشفى وجاو زوج اطباء يشوفو اش واقع ومنهم لي كان متكلف بحالة سماح ..شاف ناس كثرو وخافو على سمعة لكلينيك خذاها من وسطهم لمكتب ديالو وهي دمعتها على خذها كتحس بالكحرة وتشوف فيهم ذياب تحماو عليها وهي كيف نعجة فوسطهم لا حول ولا قوة ليها ...

طبيب:شوفي اختي ..راه البنت كدير غير خدمتها ..عطينا نمرة شي حد من عائلتك نتاصلو بيه 

سماح كتشهق بلبكى:ما عندي حد ..والله اخويا لفلوس لي مانو عندي خذاوهم ليا وتكرفصو عليا ..ها نتا كتشوف حالتي ..

طبيب:انا معندي مندير ليك القانون هذا هو لي تهرب من تكاليف ..كيديرو معاه الاجراءات اللازمة

سماح:انا مكنتهربش غير يصبرو عليا نخرج ونخدم ونخلصهم والله منهرب ..

وهما هكذاك تحل لباب وسمعو صوت وضحك من موراه 

...:الغذا العميم ..(انتابه صاحبو مراهش بوحدو جالسة نرا عاطية بظهر لباب) اووبس..سمحلي كان يسحابلي بوحدك 

طبيب وقف عندو فاتح يديه:زيد مرحبا ..اسيدي على سلامتك (عنقو وسلم عليه سلام رجولي)ممشغولش ..(شاف فسماح لي مزال عاطية بظهر) ختي انا لي عليا درتو ..

وقفت حاطة راسها الارض غير دارت شافتو كأنها لقات طوق نجاة قشة وسط لبحر ...محساتش مشات عنقاتو كتبكي هو واقف مبلوكي معرف باش تبلا صدمت شوفتو ليها فديك الحالة ولا دموعها لي معرفش سبابهم ولا شهقاتها لي قطعو القلب ..بكات بحال شي بيبي كيشكي همو لشي حد ...ولا يصنف داك الاحساس لي خالجو فرحة لي شافها بعد هاد المدة لي غبرات فيها ..كان كيعتاقد خذاوها لبوليس فالمداهمة لي دارو فالعمارة ديالهم..وسمع بلي خرجو لبنات لي كانو فطابق الاخير فين ساكنة هي بتهمة الفساد..مقدرش يعنقها بقى واقف مصمر ..حتى حست هي على راسها وبعدت ..

طبيب مستغرب:علاش مقلتيش بلي كتعرفي دكتور زكرياء (زكرياء شاف فيه بمعنى اش واقع استرسل زميل ديال فلكلام) الاخت تعرضات الاعتداء وجابوها هادي ثلاثة ايام كنا خايفين ليكون عندها ارتجاج دماغي داك شي علاش شديناها(سماح غير كتسمع وتبكي وتدعي فزهرها لكافر) ..واليوم كان خاصها تخرج ..قالك معندهاش باش تخلص ..قالو ليها عيطي لشي حد من العائلة ..قالتلك ما عندها حد وكانو ..(سكت منين شاف زكرياء كارز على سنانو ومخنزر) ..مهم راك عارف القانون

زكرياء بعصبية:القانون ديال..ل..(سكت شاف فيها شدهها من يدها جارها موراه خذاها لقسم المحاسبة)عطيني سميتك الكاملة

سماح بصوت خافت نوض فيها رعدة:سماح ..سماح العامري 

قاد الأمور مع المحاسبة وخلص لي عليها خذاها معاه لبيروه جلس هو فبلاصتو وهي جلست مقابلة معاه..كيطلع وينزل فيها وترها كتر ما هي متوترة ...

طال سكاتو وهي جمر صبر كاويها ووجع عظامها زاويها ..وشوفتو ليها زادت على ما بيها ..كتكابر متخليش دمعتها تنزل وقدامو تعريها..بلي ضعيفة وزمان وقهرتو ظارو حقهم فيها ..اخيرا نطق ورحمها من سكاتو لي نخر فعظمها ونهش فيها ...

زكرياء هاز ستيلو كيلعب بيه بين صباعو وكيهدر وعينيه عليها شوفتو معرفت كيف تصنفها غموض لي فيه وتعابير وجهو لي جامدين وهو كيهدر خلاوها تحط راسها فالارض وتشوف غير بين رجليها

▶️زكرياء:فزمان غير هاد زمان ..فوقت كانت فيه نية وحكم الأمثال ..غندرج ليك باش تفهميني ولمغزى بين لكلام ..كان فزمان راجل من اليهود راس مالو عبادة الرب المنان ..بغلط بسيط تجلات بيه الايام ..ورجع فنظر الناس من احسن الخلق لأحقر لخلق بسباب غذر زمان ..*قصة جريج العابد*

رجل من زمن الماضي حقنا النبي بذكره في احاديثه..كان اسمه جُرَيْجْ رجل عادي من عباد الله اشتغل بعبادة الله عز وجل فترقى فيها حتى صار اكثر الناس عبادة في قومه ..بنى هذا الرجل مقربة من بيته صومعة من طين مقرا لعبادته يختلي فيها مع نفسه لذكر الله وتبجيله 

الأم:يا جريج ..يا جريج..

لكنه كان يصلي فاحتار في امره ايلبي نداء امه ام يتم صلاته..

قال:أمي وصلاتي ..

اي ماذا اقدم هل يلبي نداء والدته ام يتجاهله ويتم صلاته الى ان ينتهي ويذهب اليها ..والأم لا تزال تنادي وهو لا يجيب نداءها ..امي وصلاتي..فاختار صلاته ..وترك امه ..امه في حاجة اليه لكنه للاسف غض سمعه عنها ..إن كانت نافلة ..كان في استطاعته قطعها لأن الإستجابة للأم اولى وإن كانت فرض كان يستطيع الإسراع وتخفيف فيها ..ويلبي حاجة امه ..لكنه اختار صلاته على والدته..أفرط في تعلقه بالعبادة وما علم أن الإستجابة لأمه ايضا عبادة ..بل من اعظم العبادات عنده عز وجل ..انكسر قلب الأم ثم رجعت لبيتها محملتا حزنا شديدا ..ومع ذلك لم يأت اليها..في اليون ثاني عادت امه تناديه ..فجاءت اليه تنطق بإسمه كما في سابقتها..وجريج لا يرد عليها ..لا يزال معتكفا يصلي ويردد في نفسه" أمي وصلاتي" وكما سابقتها اختار صلاته..وكذلك رجعت امه منكسرتا حسيفة..تقول لما لم يستجب اوليست طاعتي من عبادة الرحمان؟؟!!...ثم رجعت في اليوم ثالث ..تناديه وكذلك لم يستجب ..قدم صلاته وترك امه ..فلما رأت انه لم يعرها اهتماما غضبت ..ودعت عليه بصوت جهوري مسموع:"اللهم لا تمته حتى تجعله ينظر في وجوه المومسات"..يا لا عظمت الدعاء..اي فعل هذا الذي جعل امه تدعي عليه بأن لا يجعله الله يموت حتى ينظر في وجه العاهرات بائعات الهوى..دعت عليه غضبا..ان ينظر فقط في وجوههن ..لم تدعو عليه بزنى ولا بالفاحشة فقط ان ينظر اليهن ...بنسبة لهم كان دعاءا خطيرا ..اشد انواع الدعاء ...هذا كله فقط لأنه تجاهل نداءها وفضل صلاته على حاجتها ..ماذا عنا نحن نتأفف ونصرخ ونتجاهل حاجيات امهاتنا بدون عذر يذكر ..ويا ويلتنا من دعاء الأم علينا ..كثير من الأمهات يدعون على اولادهن بشتى انواع الادعية ولا يعلمن انه من الممكن ان تستجاب..ويا لها من طامة اذ كانت ساعة استجابة ..لن يفلح ابدا ...دعاء الأم مستجاب لا شك حتى ولو بعد حين ..كان العابد في استطاعته ان يحضر بين يدي امه ويعتذر على ما بذر منه ..لكن لعل هذا تلبيس من شيطان في عبادته إذ غره ان صلاته اولى من الاستجابة لأمه ..لكن الله اصانا بعد توحيده بالوالدين ..#وبالوالدين_احسانا ..لكن جريج لم يفهم هذا ..بالغ في عبادة ونسي الحقوق الأخرى ..حق امه ..وكم من انسان في زماننا هذا يبالغ في عبادته وينسى حق زوجته او حق اولاده ..او حق عمله أو عائلته ..أو حتى نفسه .."لربك عليك حق ولأهلك عليك حق ولزورك(ضيوفك) عليك حق ولنفسك عليك حق فأعطي كل ذي حق حقه"...جريج ما قسم الحقوق حق الله وحق الناس وحق نفس ..جريج لم يعمل بهذه المتطابقة فاستعصى عليه فتح المعادلة ..إذ نسي حق أمه ..دعوة امه عليه لا تعني بأنها تكرهه ..لا بل أحيانا من شدت حبنا لأشخاص عتابنا عليهم يكون قاسيا وغضبنا اقسى ...فيبذر منا أشياء نحن بحد ذاتنا نتعجب منها فيما بعد ...كثير من الأمهات تدعو على اولادها بالمصيبة او العمى او الفقر او اللعنة ..ولا يعلمن انه من المكن ان يستجاب دعائهن ..حبذا لو تدعين بالهداية ..والمغفرة ...او اي دعاء حميد بدل دعاء مذموم مسموم ...مرت الأيام نسيت الأم دعاءها وجريج العابد ما درى تقصيره الذي قصره تجاه امه ..بل لا يزال معتقدا انه عمل عملا حسنا ..والناس يمدحون في جريج وعبادته ..يقولون ان لا احد مثل جريج في العبادة ..من يستطيع ان يترك الفتن والذنوب ويعتكف مثل جريج..ضربت به الأمثال وتناقل الناس صيته..والكل بدأ يتكلم عن جريج كأنه أسطورة من الأساطير

...إنه جريج العابد الذي طلق الدنيا وترك ملذاتها ...

سمعت بجريج إمرأة من قريت جريج فقالت لهم 

...:ماذا تعطوني إن فتنت العابد ..بجمالي بدهائي ومكري ..

ويا ويلك يا بني آدم إذ استغل الشيطان المرأة لفتنة الصالحين ...جاءت وباشرت في اغواء جريج تكشفت له وهو يصدها ..توالت المرات وهو مستعص عنها ..اي رجل هذا تراوده امرأة ذات منصب من جمال ويصدها ..لكن جريج كا يردد "إني أخاف الله..ما عاذ الله بيني وبين زنى ...أنا تركت دنيا لأجل الله عز وجل لن اقع في الحرمات"...حتى اصابها بضجر من جموده وبرودته ..شكت انه صخر يستحيل ان يكون انسانا ...لكن هيهات ...تلك المرأة رأت راعيا كان يتردد حول الصومعة وقبلا كانت كلما حاولت اغواء جريج ولم تستطع تذهب وتكلم ذلك الراعي فمكرت مكرا ..راودت الراعي عن نفسه فاختلا بها ثم زنى ووقع عليها ..مرت الأيام فإذا بها حامل ..مِن من ؟!..من الراعي ..ارادت ان تمكر بمن ؟ ..بجريج العابد؟؟..كيف ذلك المكر.. .وماذا صنع تلك المومس؟ ما الذي حل بجريج؟؟..وهل استجابة الله لدعاء امه ؟؟ 

مرت الايام وشهور وجريج في روتينه المعتاد ..لا يعلم شيئا مما جرى ...والعاهرة الحامل ولدت ..علم الناس وهم على درايت بأنها مومس ..سألوها من والد غلامها ...فأجابت من ليس في قلبها دين ..وبمكر شيطاني قالت:"جريج العابد"..المرأة تستطيع ان تغوي اي رجل بالكون كله اذ ارادت ..وإن لم تستطع مكرت به ..حقا إن كيد النساء عظيم ...ثار الناس وصاحت الجموع بعد ان جهرت باسم من وقع بها ..كيف ذلك ..العابد الزاهد يعاشرها وتحمل منه ثم تنجب غلاما وطوال هذا الوقت يستغفلهم ويرتدي قناع العفة و الوقار ويستغفلهم باسم الدين!!! ..اي منكر هذا ؟؟!!..احيانا الشخصيات الكبيرة ذات صيت العالي والقدوة لناس اذ اهتزت تهتز مبادئ الجماهير..الدعات الكبار الحكام ..رجال دين..رجال السلطة..او كبار العائلة ..إذ شابتهم شيبة رآها صغار انها تلك هي الوجيبة..فيكثر اللغو ويصير الكل له الحق في المحاسبة..لذلك قيل "زَلَّةُ عَالِمْ زَلَّةُ عَالَمْ "...حملو الناس معاولهم وفؤوسهم واتجهو لصومعة جريج وهو بها في غمرة عبادته ..همو عليه يضربون في صومعة وهو بها سمع ضجيجا فخرج عليهم مذهولا ..جماهير القوم تريد هدم الصومعة الطينية وهو بها ..لا يعلم ما اصبهم حول الاستفسار ما بالهم ...فأجابوه:"ايها الكاذب المخادع ..يا من تتظاهر بالعبادة..(صدم وذهل من كلامهم فاسترسلو) انت زنيت بتلك المرأة وانجبت منك ..

اقسم لهم ولم يصدقوه تجمعو حوله الناس يضربونه ثم قيدوه ساحبين إياه خلفهم يريدون اعدامه وسط القرية ..نظر الى صومعته هدمت كلها صارت خرابا..حاول الدفاع عن نفسه لكن بدون فائدة شياطين الجن ضده وشياطين الإنس ومعهم العاهرة الماكرة ..ذل العابد ذلا مهينا حامو به حول القرية هذا يضرب وهذا يرجم وهذا يقذفه سبا ..اي جرم اجرمه هذا العابد حتى ادى به الى هذا المآل..انه ابتلاء ..والله يبتلي عباده ليكفر عنهم سيئاتهم او ليرفع بهم درجات التقوى ..حار العابد بما اجرم حتى وقع بما هو عليه ..لكن لم تطل حيرته حتى طل على بيت سيء صمعهة كان ماخورا للمومسات ..فإذا بهن يطللن عليه ويناظرنه ويناظر هو وجوههم ..فتذكر دعوة امه عليه ..فضحك ..علم ان الله عز وحل قد استجاب لها ..يعلم انه مظلوم لكن دعوة امه قد اصابته والآن فقط علم انه قد قصر في حق امه ..وصلو به الى وسط القرية ..فسألهم قبل ان يعدموه 

جريج:اين الغلام الذي تزعمون انه ابني 

نادو العاهر فسألوها هل جريج من هم بها فأجابتهم بالإيجاب ثم سألوها هل الغلام منه ..فكذلك اجابت بالإيجاب...فتكلم جريج :هل لي بطلب قبل موتي ..(أجابوه) قال اصلي ركعتين ..

صلى جريج لله عز وجل ودعى ربه ا من يجيب المضطر اذا دعاه ..ثم بعدها طلب منهم ان يأتوه بالغلام ..جيء بالغلام والناس تناظرهم من كل مكان ..فإذا بجريج يطعنه باصبعه..وسأله..تكلم مع الغلام الصغير الذي في المهد:ايها الغلام ..من ابوك؟

فإذا بالله عز وجل ينطق الغلام الصغير وإذا كل الغلام ينظرون ويستمعون عم سكون في المكان والغلام يحرك رأسه يمنة ويسرة فلمح الراعي بين الجموع فأشار اليه هو واقف بين الناس ..وقال : هذا ابي .. اراد الراعي الهرب لكن الناس مسكوه ..فإذا بجريج ينقذه الله عز وجل ويظهر الكاذبة والزاني بها امام جمع الجماهير ..قال تعالى:"أمن يجيب المضطر اذا دعاه ويكشف سوء "..دعا جريج الله واستجاب له واظهر براءته امام الناس ...كن مع الله في الرخاء يكن معك في شدة ...جريج كان عابدا لله لذا الله لم يتركه في غمرة شدته ..علم جريج ان الله منجيه لكن علم ايضا انه عز وجل معاقبه على تقصيره في حق امه مهما بلغت في العبادة الا وان حق امك عظيم ..فلا تقصر فيه .. اليوم نحن معتكفون على الهواتف والحاسوب والايباد والشاشات التلفاز او متإكون خاملين بلا عمل وإذ نادت نبع الحنان نتأفف ويتعكر ميزاجنا ..لا نعلم ان رزقا من عند الله ودعوة خير قد اتت بين يدينا..اللهم اطل في عمر امهاتنا وجعلهم من سيدات الجنة وغفر اللهم ورحمهم واهدنا واهد شبابنا ..⏯

سماح بهدرتو قلب عليها المواجع وتفكرات ماماها...بقات كتنخصص وكتحاول تكتم شهقاتها..مشفعش ليها منظرها عندو وبجدية نطق

زكرياء:غنجيك من الاخر ..زوج حوايج مكنحملهمش فالواحد ..لكذوب وكثرة لكلام..

سماح:مكذبت فوالو والله شاهد عليا..دنيا وزمان لي داروها بيا..وجابوني بزز مني لهنا ما جيتش برجليا ..

زكرياء:فهمي كلامي قصدي باين وواضح يا آمة الله...مبغيتش نضن بيك سوء وناخذ ذنبك ..

سماح وقفت كتترعد:انا غنمشي شكرا بزاف ليك اخويا وكنواعدك غير نخدم ونرجع ليك أمانتك وعمري ننسا خيرك 

زكرياء كرز على سنانو:غتجلسي مزال مسالات الهدرة ..(سماح بقات غير تشوف فيه .اشار للكرسي) رجعي كيف كنتي 

سماح جلست كتبلع فريقها وفخاطرها كتدعي:يا ربي الا عندي شي دعوة خير عندك فكني من هاد لحريرة 

زكرياء تنهد ووقف رجع فالكرسي لي مقابل معاها مسح على وجهو بيديه بزوج بصوت خافت:استغفر الله ..طريقي كيبالي طويلة معاها (شابك يديه مع بعضهم متكي بيهم على ركابيه وطلع عينيه فيها) فين باغية تمشي 

سماح:لدار 

زكرياء ميق فيها :لدار ...(دور عينيه ورجع شاف فيها) ممكن نسولك ؟(سماح هزت راسها بالايجاب) شنو لي كان مخليك كل ليلة تجلسي حتى لفجر فزنقة 

سماح بلعت ريقها وتوترت رجف صوتها:ص.صهد 

زكرياء:لكذوب ..كنمقتهم ..غنقولك زوج كلمات وهذا اخر كلامي معاك ...انا باغي نستاجر فيك ..وخا طريقك واضح وكاع لي حولك و بين يديك ..وكننعل شيطاني ونعذرك غير بسبت شوفت عينيك..لهذا قولي لي عندك وصارحيني مدابيا ومادابيك

سماح سكتت شوية وقالت لي ليها ليها تجرب مرة وحدة وتفش خاطرها:كنت بنت بنوت بين عائلتي ويما لعزيزة قبل متموت ...دارها بيا زمان من بعد مكنت من الحامدين شاكرين حتى رجعت نتلاوح بين لبيوت ..وزهري الكافر وبنادم الغذار حرمني من خدمة كنت عليها عوالة وباغية عليها نموت ..ورجعت نتكرصن لفلان وفلاتان ونقول سيدي ولالة لشلا خوت ..حتا قلت تقادت وضحكات ليا دنيا ولكن هيهات لقيت فات لفوت ...ساكنة وسط لوسخ ولحرام لي كنت عليه كنهرب وحالفة فيه منشوف ...نهار عرفت ملقيت باش نعتق راسي غير نهار فشقى وليل مقابلة لقمرة نشكي عليها ونتمنى نعيش فنقى..صاينة راسي وحالفة منضيع فشرفي ولا نضحك عليا عباد الله حتى لنهار مولانة نلقى ..ونتبع ميمتي ومنخلي مورايا هدرة ولا لي يقول عليا بنت زنقة ...

زكرياء شاف فيها مدة تنهد ووقف حيد طابلية ديالو هز تيليفونو وسوارتو وهي غير متبعة ليه العين 

زكرياء:نوضي معايا ...وفطريق مزال نكملو لهدرة 

ناضت سماح مسلمة امرها لله اش بقى ما يوقع ليها كتر من لي صرا قبل وجرا ..وهاد ولد ناس على ما كيبان ما شافت منو غير الخير وسترة ..وعلى حساب هدرتو وشكلو ولد لخيمة لكبيرة ...

طلعو فطوموبيل من نوع Bmw كحلا ...وصلو لمجمع سكني بقات كتشوف لموبل فين ساكنة شاف فيها وقف جنبها كيشوف 

زكرياء:قبل ثلاثة ايام خرجو زوج بنات وراجل من تما فوضع خايب ..بتهمة الفساد ..(سماح شهقت وشافت فيه مصدومة وكمل كلامو)مبغيتكش تفهميني غالط غطلعي معايا لدار وتما نكملو كلامنا وقفتنا هنا مصالحاش (سماح تبلوكات كتشوف فيه بغات تنطق وتسب فيه وتعاير ولكن لسانها تربط وصوتها تخنق لاحظ العصبية فعينيها)قلت ليك متفهمينيش غلط ديري نية وربي يجازيك عليها 

طلعت معاه مترددة دخلو وهو خلا لباب مفوج مسدوش رتاخت نسبيا لديك الحركة جلس فطبلة ديال لكراسة مقابلة مع لباب وجلست مقابلة معاه

سماح :شنو وقع ..كيفاش خذاوهم البوليس ؟؟!

زكرياء: العلم لله ..لي وقع وشفتو قلتو ليك ..نتي لي خاصك تفسريلي شنو وقع 

سماح:انا مكنت عارفة والو ..نهار تقطع بيا لحبل خالتو يطو وصات عليا ختي حياة هي لي جابتني معاها وسكناتني الله يجازيها بالخير ..

زكرياء طلع حاجب ونزل الاخر:مزيان ..بديتي كتنطقي نص صراخة ..حسن من الاول 

سماح:تقت فيك نص تيقة ..غنقولك نص صراحة..نهار نتيق فيك كل تيقة 

زكرياء ضحك لهدرتها:هههه كوميم....مهم نتي غتجلسي هنا (خزرت فيه)بلا شوفات لقرطاس الله يخليك نكمل ملاكي وديك ساعة حكمي واش تخنزري ولا تفرحي ..غتجلسي هنا..انا عندي دار الوليدة غنمشي ليها ..

سماح:منخرجكش من مكانك ..انا ..نقلب فين نمشي الله يجازيك بالخير 

زكرياء:مكنشواركش كنعلمك ..نتي غتجلسي هنا ..ماشي فابور طبعا نتي غتستافدي واتا غنستافد وحتا الوليدة غتاخذي من عندها دعوة الخير الالة غترجعي ليها ولدها 

سماح:مفهمتش .كيفاش

زكرياء:نتي غتقابليلي دار ..وانا غنعطيك نصيب شهريا ..هاديك الخلصة ديالك ..ومصاريف دار عليا ..كل سيمانة نجيب ليك تقضية ديالك كلها .. اش قلتي 

سماح بفرحة وقفت ناسية وجع جنبها:دبا كتهدر من نيتك ..حلف ..(زكرياء كيشوف فيها خلعاتو) حلف ونقز لميمة ..عار وحلف ..حلف حتا كتهدر بصحة

زكرياء ببلاهة مسايرها:والله حتا معاك بصح

سماح بفرحة: سير يا وليدي بغيت ربي لي فسما ينزلو ليك ولي فالارض يخرجو ليك ..بغيت ربي يرزقك بحور العين ...الله يجازيك كل خير ...احح والله يا سماح واخير ترمتك غتتحط الارض ...

زكرياء ناض بلا ميشوف فيها حط ليها سوارت دار فوق طبلة وجبد من جيبو فلوس حطهم فيها:خليت ليك راحة.. (وصل لباب وشاف فيها) ديك دار متوصليش ليها اي حاجة عندك تما نسايها ..وانا لعشية غنرجع ونجيب ليك لي خاصك ..وديري عفلك الله يرضي عليك ..

خرج وخلاها طايرة بالفرحة ..كدور فدار وتكتاشف ..

رجع لخدمتو ستأنف لي فاتو وفلعشية رجع لدار الحاجة دخل لقا عليا حطات اتاي كيشربو بعد سلام 

زكرياء:نتي معندك دار ..شفتك ترسمتي هنا 

عليا بغيظ: زاكي بعد مني ..ونتا مالك سير لدارك ..

زكرياء:وسيري نتي لي براجلك وولادك اما انا ديال راسي مكنبرزط حد

عليا:ماما ...شوفي اش كيقولي 

يامنة:متكبروش نتوما ..(شافت فزكرياء بتمعن) بحصت لكلام تخلي لعينين يزغدو ..فكها قبل ميزهقو 

زكرياء رشف جغمة اتاي وحط الكاس فوق طبلة:الحاجة واش قراية لعينين معطيا لينا سلالة من العمة للخالة 

يامنة:لعنين بحر ولي غرق فيهم عمرو يهدر ..

عليا:يما اش عندو هذا غير كيتنهد ...اويلي يا زاكي جاتك سخفة ولا جاك صهد

زكرياء زف عليها بتكاية ديال سدادر دوخها وجلس يضحك عليها:دبا تنهدي يا ختي على خاطرك ..(بجدية) الحاجة انا غنجلس هنا شي يامات عندي شي ظروف 

عليا بخفة:شنو هما هاد ظروف سعادتكم ؟!

زكرياء شدها من قفاها داها وجابها:حيدي منك لفضول ..ديها فراسك 

يامنة:اش عندك اولدي هاد دخلة لي درت مطمنتنيش ..

زكرياء:صراحة معرفت واش لي درت عقل فطين ولا عقل هبيل ..مهم انا درت لي ملاه عليا ضمير وخا عاونت غير بلقليل ...

يامنة:فهمني الموضوع ونشور عليك ؟

زكرياء حكالها على سماح لي عارف ..عزات عليها وخا مزال مشافتها ومزال ما سمعت حكايتها كلها ..يكفي يتيمة وما عندها حد وزاد تكرفيص وضرب لي تعرضات ليه

يامنة: الله يرضي عين لعقل ..رزين يا ولدي وعقلك فطين ..كريم وحاجتك ماشي ديالك الا شافتها العين ..وسعدات من كفل ليتيم وأواه وكان معاه كريم ..ويا فاعل الخير ديرو ونساه وخلي اجره لعند رب العالمين ....غير هو بنت صغيرة ومزال عزبة طاهرة متبقاش بحدها فدار لا حنين لا رحيم غتحس بالقهرة ..جيبها لعندي تجلس تونسني ونديرها بنتي وما يعرف لمرأة غير لمرأة ..ونتا يرتاح بالك ..عارفة يا ولدي مشطون وخايف لا تصيبها ليمارة ...

زكرياء:غنجيبها ان شاء الله غير مزال نجربها ويتهنى خاطري جيهتها ..كتبقى غريبة ما عرفت معدنها نحاس ولا نقرة ..لا نيتها واش صافية ولا ناويا على الغذرة ..(جمع الوقفة وشاف فعليا) علي تيتيز محتاجك اخويا نشوفو واش عندك شي ذوق ولا بلا منستناوك ترجع عليا ..نوضي عتقي خوك ناخذو للبنت ما تلبس 

عليا:شفتي على هاد الهدرة غير خليني علي ..والله حتا حشومة عليك كيعجبك تفقص فيا 

زكرياء باس ليها راسها:وصافي ونتي شحال خاطرك ضيق ..الالة نتي راك تيتيز ..الأناقة ولباقة..غير عصام لي مزوج..عندو زين ولحمام ولقوابع وطياب لعنب فدار (عليا تشرع فمها كيف لبولفار حلها ليها) دبا نوضي عاوني خوك 

عليا كتبعكك:هي صراحة ..تعرف شنو..صافي غنمشي معاك بصح بعمولتي لي شريت ناخذ حتا انا حاجة 

زكرياء:غير زيدي طماعة مديريش فابور 

عليا:فابور مينفعنيش ..خاصني نستغل الوضعية 

خرجو خذاها لبوتيك ديال نساء خلاها فيه وهو مشا لمحل الالكترونيات خذا تيليفون وكارط قادلها الامور فيه وروشارجالها ورجع عند عاليا لقاها سخط الله هازة ومثقلة هز عليها

زكرياء:عليا ختي الكارط بقا فيها شي صريف ولا خليتي خوك على ضس ..يا جدك واش غير طرشة وقالولها زغرتي 

عليا:زيد ونتا كتر من عصام شحال زقرام ..

زكرياء حل طموبيل عليا ركبت وهو حط تقضية فالكوفر وركب ساق لموبل وفطريقهم داز لواحد ريسطو خذا بيتزا..طلع هو وعليا لقاو لباب مفتوح وريحت سانيكروا مجهدة ودار كتشعل حطو صبابطهم عند لباب ودخلو هو حط تقضية فالبيت وجلس كيجمع كسوتو لي ياخذ ولوراق ديال خذمتو لي يحتاج وعليا دخلات لكوزينة لقات بنت عاطية بظهر كتغسل لماعن لابسة جلابة ودايرة شال على شكل شدة ريحة الماكلة كتشهي تنحنحت حتى قفزت لبنت وطاح ليها طبسيل من يدها 

عليا:سمحي(مكملتش كلامها تصدمت من لي شافت معلمة ولدها ) نتي ؟

سماح تفافات:انا وحق الله الا انا ..نتي لي اش كديري هنا ..

عليا تلف ليها لكلام :هادي دار خويا ..نتي هي ..زعمة(انتبهات لوجها)..اويلي اش وقع ليك 

سماح بأسى:والو غير الخير ..دخلو فيا واحد ثلثة لبغال مصعورين ..وانا نبيكيهم ..وبيكاااااوني ..طيحوني كاو 

عليا:جلسي اختي وعاودي ليا ...ناري ولاد لحرام كيف رجعوك ..

سماح:جيتي بوحدك ؟!

زكرياء دخل عليهم:لا جابها عزرائيل ...(سماح قادت شالها عادي وحطت راسها الارض)نتي يمكن اليوم عاد خرجتي من سبيطار وخاصك راحة ..

سماح بخوف:وخا غنرتاح من هنا وهاك ما كان غير راحة وسياحة 

عليا:اويلي ازاكي خوفت لبنت ..شوف كيف صفارة...هههه ..حتا نتي هذا ناس تخاف منو 

زكرياء بجدية:عليا نزلي سبقيني الحاجة كتستنا..( هبطت عليا من بعد متوادعت مع سماح وهو شاف فسماح) متعاوديش تخلي عليك لباب مفتوح..سدي لباب وبساروت مراكيش فمكة ناس سادين لبيبان ودخلو عليهم ..

سماح:وخا ..اخر مرة اسيدي 

زكرياء:سميتي زكرياء ..اوكي اسماح ..(جبد تيليفون من جيبو) هذا ديالك ..منبغيهش يطفا .ومنين نصوني ليك تجاوبي تافقنا ..

سماح:وخا ا زكرياء ..صبر صبر..والا مجاوبتش زعمة نكون راك عارف نرتاح وانا فبيت راحة كينزل عليا الإلهام حق مولانة كنبدع بالافكار وكنتعطااااال ...(حكر راسو بلا خول لله وجا خارج وغوتت باش يسمعها ) صافي نسيفط ليك ميساج قبل مندخل ...اويلي نمرتك ونتواتسابا انا وياك ...راه شفت لويفي كاين الله يرحم من رباك مخليتنيش مقطوعة ...بسلامة .. نزل وهلاها كتهدر بحدها(بصوت خافت) احح ايما على تيتيز وحنين ..تفو الله يمسخني سيد داير فيا خير وانا كنتغزل فيه 🤦‍♀️

مشات طفات لبوطة على ماكلتها وكملات لماعن لي كانت كتغسل دخلت لبيت وهي تحل عويناتها بالفرحة ناموسية عامرة خناشي مشات بدات كتفتح وتضحك 

سماح: الله يا ربي واش انا فحلم ولا علم ...واش هاد شي كولو ديالي ..(كتشم فيهم ) والله حتى ريحتهم ريحة جديد .. تيكية ..فيهم تيكية وحق الله حتا فيهم ... (جبدات بيجامة كانت عبارة على كولون وتريكوه لبساتهم كتشوف فلمرايا) الله على ترامي ..راه زين زينة غير زهري زهر دفينة ..(جبدات غوب طويلة فالاسود وفيها وريدات فالاحمر والاصفر) هاي هاي هاي غير بنعمان وسط نوار ...تقولي غير جنان فوسط قاحلة عمان ...(كدور وشافت تصويرة زكرياء فالحيط معلقة) احح عليا غير نحيلة..ويلي يا ختشي على تيتيز(قربات لصورة) شفتي زين شفتي لحمام شفتي لاطاي ..شوف راه عطيني سيمانة ديال راحة والماكلة ونرجع غير ترمة كيم كارديشيان ..وصدر عبلة ...احح عليا ..(كتسبل فعينيها وتتحلون) ويلي با لقح**صوبا ..ايوا لا اسيدي زاكي ..ويلي هدا ..ناس كيشوفو ..(وقفت كتشوف فلمرايا) ايوا الله يمسخني صبا صبا شوية ونغتاصب راجل فكريا ...(قلزات صبع لراسها) ها متسواي سيد داير فيك خير ونتي "بسيكوحواندو" فدماغك طاسيلت لمكابيت ..(جلست على طرف ناموسية لمحة تريكو كايح هزاتو كيبان طاي كبر منها بأضعاف وريحة بارفان شماتها فزاكي عرفاتو ديالو ابتاسمات واستنشقات ريحتو)..الله بترد الروح يا روحي ..اربي لعسل كيتقطر ..لوتس يا عباد الله توربيد هذا ...(فاقت على راسها حطت تريكو جنبها) ويلي يا سومي نتي الجفاف وصل بيك لذروة رجعتي كتقضي فكريا..طيبا لعنب صافي ..(حطت يدها على خذها كتتفكر موقف الكوزينة وشحال كان غزال) دبا زعما زهري فاق من سبات اهل الكهف لي كان فيه ..زعمة دنيا تكون ضحكات ليا ..وربي حط ليا هاد ولد ناس فطريقي ..واستجاب لدعوتي وبعدني من طريق لحرام ...

ناضت جمعات لبيت وخرجات ترمي زبل رجعات وهي تلمح لبيتزا محطوطة فوق طبلة بقات تشوف فجنابها هادي شكون حطها تما دخلها شك وشعلات ضوء فدار كلها ودارتها قنت بقنت كتقلب مور لبيبان ليكون شي حد مخبي ليها ..ملقات حد حتا بدات كتسمع صوت جاي من لبيت مشات كتجري هزات تيليفون وهو يقطع لقات اربع مكالمات من نمرتو وهو قيدها رجع صونا 

سماح مخلاتوش يهدر زربت عليه:لا سلام ولا كلام حق سيدي ربي ونبي رسول الله ما سمعتو ..قبل متسولني فين كنت..نزلت نرمي زبل اعزك الله 

زكرياء تنهد بصوت خافت:(الله يا ربي اش هاد المصيية طيحت راسي فيها) (بصوت مسموع) بغيت غي نعرف واش عندك شي عقل

سماح بكل ثقة:عندي ويوزن بلاد 

زكرياء:لا باينة لدرجة لبلاد ثقلات عليه ومفهمش شنو كتعني متعتبيش عتبة لباب ..عادي ما شي مشكل نشرحليك (بعصبية وكيحاول يهدن راسو بزز) متخرجيش الله يرضي عليك 

سماح:مخرجتش والله غير لحت زبل ..خفتو يخنز دار ..راه صهد هذا غيجمع ناموس ويجيب نمل وذبان

زكرياء: وخا الالة سماح ..شوفي غير ديري لي قلت ليك الله يرضي عليك..وها ودني منك تفكري تمشي لدار لي كنتي فيها قبل نسايها ديفينيتيفمون..وراه عشاك محطوط فوق طبلة ..غذا وغندوز نجيب ليك المصروف لي خاص ..اوكي 

سماح:اوكي.. طاكير ..كولدن ..ريالطو..طونغو

زكرياء شاف فتيليفون وقطع عليها داز عندو نهار صعيب وباغي غير ينعس وهي غير لي جات يا فم قول مباغيش يزيد على وجع راس ..هي شافت فتيليفون لقاتو قطع عليها 

سماح:تفو على قليل الأدب ..لا صواب لا مجي بكري ..قول غير تصبحي على خير .. 

ناضت دارت لعشا لي طيبات فثلاجة باش ميضيعش ليها 

سماح كتهدر بوحدها:الخير منين يجي يتدفق دقة وحدة ..عشا بالبيتزا ..وعشايا نخليه لغذايا ..احح راحة رااحة ...جلست كتاكل بحدها تفكرات حياة كانت متوانسة هي وياها وعمرها تنسى خيرها..جات فبالها والهدرة لي قالها ليها زكرياء بدات كتهدر بوحدها كتحلل وتناقش:دبا حياة مسكينة شدوها لبوليس باينة غتكون ديك البنت لي معاها ديك لمدودة ديال جيهان ..وباينة راجل داك شيبة لعاصية ديال عبد المالك ..اش يكون وقع زعمة ...شكون لي جاب ليهم البوليس ..مجابتهاش الخيمة لكبيرة نكر خير حياة ..نقدر نعاونها ..راه دبا خدامة عند طبيب ما شاء الله ..وخلصتي راه ديالي متابعني كرا ولا ماء ولا ضوء ولا مصروف ..ندير ليها محامي ونخرجها ..وااه علاش لا والله حتا فكرة ..ايوا صافي نوض ننعس وغذا يصبح ويفتح ...

من بعد مخرج من عندها قاطع الأمل فداك لسان لي عندها ..فراناتها مقطعين ..مشا لعند لعساس لمكلف بجيهة فين ماين لموبل ديالو وصاه وأكد عليه يرد لبال مزيان المدام عندو بحدها والا خصاتها شي حاجة هو يتكلف بيها ..عطاه لي كتب الله وزاد وصل عليا لدارها ورجع هو لعند الحاجة تعشاو و كلها شد بلاصتو صونا ليها وندماتو علاش هدر معاها مكتتقاضاش ..قطع عليها وجلس يضحك غير بوحدو نقيض متناقض لي يشوفها من بعيد يحلف عليها صم بكم لا يفقهون ..وهي الا قربتي منها قنبلة موقوتة الا انفاجرات تفرع ليك راس ....

فصباح فاقت سماح حتى لظهر سكات ولهنا وما تبعها لا شقى ولا خدمة تجبدات فبلاصتها على راحتها وجلسات مدة كتطلع وتهبط فتيليفون ناضت فطرات ووجدات سوندويتش دارتو فصاك (جوع يهودي متعرفي كاع فين يتسلط عليك الاحتياط واجب) لبسات سروال دجين مقطع وشوميز طويلة يديها فيهم فرفارات فالغوز دارت شال رمادي وصندلة رمادية ودرقات زروقية وجها بالفونديشن والكونسيلر..فرحتها بوسع الكون كولو من بعد ما كانت غير كتحلم بهاد شي رجع حتا هي عندها وكتستعملهم ..خرجت واتاجهات لدار مامات حياة تستفسر فين هي باش تقدر تعاونها ..داك شي لي كان مشات هي ومامات حياة عند واحد المحامي وحكاو ليه لي وقع طمنهم غيدير لي فجهدو قبل القضية وعرضهم سلامة ...وهي توادعت مع مامات حياة مشات لواحد لبارك جلسات كتاكل فسونظويش ديالها وشرات زريعة كتاكل وتتفرج فناس ودراري صغار يلعبو شافت دنيا بدات كظلام شدات تاكسي رجعات لدار وصلت لقات بابهم محلول دخلت كتتختل تشوف شكون لقاتو جالس مقابل مع لباب وحاط يديه على طبلة مخنزر ...

🔙 قبل اربع ساعات.. 

خرج من واحد العملية كيتنفس صعداء ..ككل مرة كيبنج شي حد كتشدو رهبة يخاف ليكون عندو مضاعفات مكيتهنى حتى تسالي العملية والمؤشرات كلها تدل على ان المريض فصحة جيدة ..جلس كيرتاح فمكتبو هز تيليفونو كيصوني لسماح يتأكد منها اش خاصها ولا الا بغات شي حاجة معينة يجيبها ليها معاه ..المكالمة الاولى ما من مجيب.. ثانية.. وثالثة.. والعشرين كيصوني فالبورطابل وفالفيكس ..مسح على وجهو بعصبية وهز الفيست ديالو داز الاستقبال علمهم الا سول عليه شي حد يقولو ليه راه خرج ومغيرجعش ..مشا كيطير لدار عيا مكيدق والو ...هبط عند العساس سولو قالو مخرج حد ..بدا الشيطان كيوسوس ليه غير بالخايب ..يقدر تكون واقعة ليها شي حاجة ..الغاز ولا تكون مريضة ..وهي بحدها ما معاها حد طلع وبقا واقف عند الباب متردد ..فالاخير تشجع ودخل خلا الباب محلول عليهم بقى كيقلب ويعيط بسميتها والو مكانش ليها الاثر ..وقف وسط دار فارق رجليه و داير يديه على جنابو ومعقودة ل 111 فجبهتو ..استعاذ من شيطان ونزل كيقلب فلحوانت لي قراب لدار ..جا فبالو جامع زعنة تقدر تكون مشات تصلي مشا على اخر يامو رجع كيوقف بحال سعاي عند باب جامع ..كيستنا فشي حد يبان ليه ووالو قطع الامل ورجع لدار جلس كيستنا وهو اعصابو بركان كيغلي ..دازت ساعة بلحساب عاد جاية صاحبة صون والعفاف ضاربة الحطة والميك اب مقادة لفترينة مزيان داخلة مبتاسمة ابتسامة صفرة

🔚

سماح شافتو مخنزر بلعات ريقها ووقفات كدور عينيها فالارض بقا مدة كييشوف فيها هز سوارتو وتيليفونو من فوق طبلة وزاد خلفة مشافش جيهتها ..تبعات ليه لعين غير بشوية غير خرج وهي تتنفس صعداء

سماح:اربي سيدي غير ثور ..تراكس داير بارفان داز من حدايا ..(دخلت كتهدر مع راسها) اش درت كاع ..هو قالي متخرجيش ماشي متبعديش ..راه كاين فرق (وقفات حدا لمرايا كتحيد كسوتها) وهي صراحة مدرت فيها ما يصلح ..ولكن الواحد كيجلس ويتناقش (شافت فراسها) ايوا الله يمسخك شفتك تيقتي راسك ..سيد مخدمك عندو قالك تتناقشو ..هو يآمر ونتي تنفذي ..تريكة ناقصة تتناقشي معاه صاحبتك هو ..(بدلات وجلست كتشوف فراسها فلمرايا) اويلي دبا الا جرا عليا اش ندير ..يا ربي ميجريش عليا ...شفتو ما هدر ما تكلم غير خنزر ودرَّم..زعما يكون على خلا عشتي نوى وعزم ..وانا كيف لبهيمة جالسة نحنزز فيه ونتبسم ..تقولي غير بقرة وجالسة كتفهم..على ديك لخرجة لي دار غيجي يخرجني من هنا وديك ساعة باش ينفعني ندم ..اويلي على قلة عقلي وخفتي لي ديما جايبالي ما ليس لي به علم ..

جبدات تيليفونها مترددة لقات راسها عاملاتو سيلونص وهو كالي راسو بليزابيل والميساجات كتقرا وتولول وتقول هادي لخرا ليا وعمري عليه نعول ..ولخير لي دار ليوم شرا ليه يحول ..

سيفطات ليه ميساج

🗨عفاك اسي زكرياء غير سمحليا..نفهمك عاد حكم عليا ..عارفة غلطت ومسمعتش لكلامك ونستاهل تجري عليا ..ولكن غير نشرح ليك وديك ساعة نتجلى برجليا..

دازت ديك ليلة عليها غير كتفكر فالاخير شربات دواها ونعسات ما فاقت حتى لظهر ..ناضت بلا متفطر طرفات دنيا ودارت كوتي خفيف صبحت شهيتها مبلعة جلست كتتفرج وتشوف واش جاوبها حتا كتطلع ليها زوج شرطات زورق تبسمات وفرحات منين لقاتو كيكتب ولكن دغيا ضحكتها كرمات منين قرات

🗨جمعي اي حاجة كتخصك فدار ...لعشية غندوز عليك ....

زاكي خرج ساخط سمع لعساس زوج كلمات نقيين وزاد طلع فطوموبيلتو سايق راجع لدار وكيستغفر ولسانو كيردد غير ذكر باش يتهدن..طيراتها منو خلعة ..عمرو جرا ولا قلب على بنت لمرأة ..حتى جات فنهار خلاتو مقطوع راس فزنقة ..معارف يشرق ولا يغرب ولا فين ليها يلقا..ولي عصبو كتر جاية كتبتاسم تقلي ليه فسم وهدرتو خضرة فوق طعام مستفة...غير حشم اما ينوض يسلخها سلخة لكلاب ويخليها تحلم دوق غير المرقة ...

وقف حدا باب دار وهو يصوني تيليفون كيعلن على وصول رسالة نصية ..قراها وزاد تعصب طفا تيليفون ودخل نيشان لبيت دوش توضا صلى صلاتو وهبط لعند الحاجة لقاها حاطة لعشا ..تعشا معاها وجمع هو طبلة عاونها غسل لماعن ورجع عندها توسد رجلها وهي كتحك ليه فراسو كيتفرجو بزوج ..حتا قاطع سكاتهم ..

زكرياء:الحاجة مزال باغية نجيب ديك البنت تونسك ؟

الحاجة:اش غير رأيك ..دغيا أمنتيها ..بين ليلة ونهار ثقتي فيها...

زكرياء:ما زال مثقت فيها ولكن قلت هنا حدا عينيك حسن ما هي لهيه بحدها 

الحاجة:غير كلامي ديال لبارح رجعتيه ليا ..ههه...يا ولاد اليوم متسمعو لكلام حتى يدوز عام ..جيب لبنت مرحبا بيها ..ونتا يا ولد كرشي نعرفك رجعتي مترتاح غير فداك لقفص ديالك..

زكرياء ناض باس يدها كيضحك:يطولي فعمرك يا لحنانة غذا نجيبها ان شاء الله ..ردي ليها لبال وعقليها ..مزال صغيرة ومحتاجة لي يكَيديها 

طلع لبيتو جبد كتاب قرا فيه شوية طيب نعاسو محاول ميفكرش فنهارو لمكفس كيف داز ..فصباح مشا لخدمتو حتى لعشية من بعد العصر ..جالس كيفكر هاد الوحلة لي وحل فيها راسو ..من الاول قلبات ليه راسو وخلاتو كيف لهبيل يقلب عليها ..مبقاش كيشوفها بنت رجع كيشوفها جنية فصيفة بنادم ..كيوصي ويعاود وهي دير غير لي فراسها ..كأنها ديك كلمة متخرجيش كتسمعها خرجي..خذا قرارو نهائي اللهم حدا عينين الحاجة ولا بحدها دير ما بغات وهو كيعتابرها أمانة من عند الله فرقبتو ...هز تيليفون وسيفط ليها ميساج ..حيتاش الا مشا حتا سمع صوتها وداك لخوا لخاوي ديالها غادي يسمعها لي عمرها سمعاتو ..كيحاول ما امكن يبقى متحكم فأعصابو وميغلطش مع اي كان ..من عادتو كاع طاقة سلبية كيخرجها فتمارين رياضية وفهاد الوقت حتا رجلو مامساعداتوش مزال خاصو خمس اشهر اخرى عاد يقدر يفورصي عليها ..فهاد الوقت كيعدي بالكتب واي حاجة فكرية تشغلو على الاشياء لي تعصبو ..جا وقت خروجو ومشا ديريكت عندها دق فالباب وحلت عليه كانت لابسة عباءة ودايرة شال هلى راسها وعينيها منفوخين عرفها كانت تبكي 

زكرياء بجفاء:واجدة؟!

سماح بصوت خافت وفيه بحة:وااه..

سكتت شوية وبقات واقف طلعها وهبطها

زكرياء:الا واجدة كيف قلتي جيبي صوالحك مزال تابعنا طريق 

سماح بعدات من لباب:مغنسولكش فين غتاخذني ..ولكن الا بغيت نقدرو نهدرو واحد ل خمس دقايق عفاك 

شاف فيها مدة ودخل هي سدات لباب جات تدخل 

زكرياء جالس بخيلاء فصالة ورامي يديه على لمخاذ بأريحية :فتحي الباب 

سماح :سمحلي راه مقصدت فيها حتا حاجة(فتحات لباب وجات جلسات مقابلة معاه كتفرك فيديها متوترة)

زكرياء:كنسمعك ..تقدري تهدري 

سماح بتوتر:احممم..انا..فصراحة..(مسحت بيديها على وجها تنفسها غير منتظم وشاداها الخنقة وصدرها ضيق عليها تقول غدوز امتحان هو كيشوف فيها وساكت مبغاش يهدر وتزيد تتوتر كثر مخليها على راحتها ..خذات نفس عميق وزفرات)مهم انا ..بغيت نقوليك هاد الهدرة غير باش متاخذش عليا نظرة خايبة ..ماشي باش تشفق عليا وتخليني عندك ..

زكرياء تبسم جنب:غير دخلي فالموضوع وديك ساعة نشوفو واش يحتاج شفقة بعدا 

سماح خزرات فيه:مامحتاجة شفقت حد اسي ...صافي مبقيت باغية نقول والو ..نقدرو نمشيو الا بغيت (وقفات)

زكرياء طلع حاجب ونزل الاخر ببرود مشافش فيها بل شاف غير عند رجليها :جلسي وكملي اش بديتي 

سماح جلست بلهلا يطريه ليها:ممكن..الا جات على خاطرك بلا متخلعني ..والله حتا حرام هاد شي راه انا لي فيا كافيني ...(شاف فيها مستغرب منها) ااه هاد شوفة بذات بلاش منها..راه كتبرد ليا الماء فركابي وتجيب ليا هشاشة العظام ولماء فرية وتفتت ليا لكبدة وطيحان (خنزر فيها كضرب فمها)هاك افمي هاك افمي لي دينا مشوهني ..سكت يسكت لجد بويا الكلب لحس ..

زكرياء ضحكاتو وكتم ضحكتو بزز تنحنح:شوفي راه مزال تابعني شلا ميدار ..قولي اش عندك

سماح:وخا انقول ..غنقول ..(بصوت خافت)...لي تنقل صحتي ..اش داني انا نخشي ترمتي فهاد لبرمة تشوطني وكاع متبردني ..اللهم فقه قولي ..يا ربي منزيدش نكحلها كتر ما هي كحلا معاه بغيت غير نقطة بيضاء يتفكرني بيها خيرا ما شي كلشي شرا 

زكرياء بدات كتطلعلو لقردة لراس :سماح طلقينا..مبقاليش الوقت لي نضيعو فدفيش ديالك 

سماح:هاه ..هاه والله حتا نهدر ..ياك نتا لي باغي تعرف قصتي وانا قلت ليك نهار نتيق فيك غنعاود ليك ..وبيما انه داك نهار مغيجيش بعد مدة طويلة ..جا بعد نهار واحد ..الحمد لله حنا فزمن سرعة ..دغيا ربي فرجها عليا ودغيا انا جريت على رزقي بيديا..كلشي ثقيلة فيه ما شاء الله الا لمصايب كندخل ليهم بسرعة ضوء ..زهري كافر من اصل بني قريضة 

(زكرياء صافي وصلات بيه لحد ديالو لو كان مسترسلتش كلامها كان غيخلي عشتها بالمعقول ويدير ليها عقلها ويلجم ليها لسانها لي خاصو لقطيع )

سماح:واحد نهار كيف ديما موالفة كنطلع وننزل فالفايس والانستا ومن فيديو لبوسط كندور..تصادفت مع واحد المذيع خليجي كيحط الخواطر على شكل فيديوهات..سمعت ليه نص فهمتو ومص دزت عليه مرور الكرام ..ولكن دبا فهمت كل حرف قالو وحسيت بيه ...

سماح:واحد نهار كيف ديما موالفة كنطلع وننزل فالفايس والانستا ومن فيديو لبوسط كندور..تصادفت مع واحد المذيع خليجي كيحط الخواطر على شكل فيديوهات..سمعت ليه نص فهمتو ومص دزت عليه مرور الكرام ..ولكن دبا فهمت كل حرف قالو وحسيت بيه ..قال"احيانا كيقولو "المصائب لا تأتي فردا وفكثير من الاحيان كتحس بلي المشاكل هي غير امتحان ليك واش غتصبر ولا غتأفف وضيق بيك دنيا ..كتحس بلي مبقيتش قادر تتحمل والكابوس لي نتا عايش فيه طال ..كتفتح عينيك وطول نهار ونتا كتعاني ومنين تمشي تحط راسك تنعس كتحس بخنقة كتحبس تنفس عليك ..كأن معاناتك طول نهار مزال مستمرة كتشوف بلي دنيا ضدك فكل شي كتحرمك راحة حتى فنعاسك كتحرمك قوة تحمل وطاقتك الايجابية ..كتحرمك من اي حاجة زوينة مزال فحياتك ..كأن دنيا باغية تشوف نتا من اي صنف واش المستسلم لي من اول خطوة يطيح ولا لي كيتمشى معاهت مرة عليه ومرة عليها او داك لي كيقاوم وكيحاول يكون عكسها متمرد ..شحال ما قساة عليك هونها وهزها منين خفافت لانو شحال ما تأثرت سلبيا غتزيد تأزم نفسيتك ..لأي واحد كيعيش مشاكل متخليش مشاكلك تكون عنوان لحياتك وتعيش قصة البأساء ..لانو شحال ما كنتي مع دنيا ضدك شحال ما كال الوقت غتوصل لمرحلة الانهيار ..ويا ويلك من الانهيار..احيانا الانهيار كيكون بسيط مشاكل طفيفة اجتماعية او عملية او عائلية..ولكن طامة الكبرى عندما يكون اللنهيار على شكل فقد ..فقدان ناس عزاز عليك ..ناس هما صرح من صروح لحياتك اعمدة كتكء عليهم ..ناس مكتتخيلش صباح تفيق ومتشوفهمش ..ناس لي الا سافرت كتحس بنقص بلا بيهم..فما بالك تكمل حياتك وهما مكاينينش ...هاد ناس لي ونتا فعز ازمتك وقفو معاك سمعوليك خففو عليك ..ناس من عائلتك يقدرو يكونو واليديك خوتك صحابك زوجك ولادك ..ناس لي كيخليوك تحس انك ماشي بوحدك ..ماس لي ليهم الفضل فنهار او فنصيحة او فأي حاجة نفعاتك وفرحاتك فواحد الوقت ..لأي انسان كتوم لأي واحد كيضن انه المشاركة عيب او ضعف او انها جرم فحق الكبرياء..كنقولك بلي ابدا ماشي هكذاك ..بل هي قوة انك تجلس وتحكي اش ضارك ولا تواحه مشكلتك بانك تعتارف بيها فهذا بحد ذاتو جرأة وقوة كبيرة ..ماشي اي كان يقدر يديرها او اي كان يقدر يبكي منين يحتاج يفرغ كاقة سليبة فأي بلاصة كان فيها ومعامن ما بغا يكون وسط ناس ولا بوحدو ..لبكاء احيانا قوة ..الحزن احيانا فرج ..ولكن ديما دير فبالك بلي بعد كل ضيق فرج من رب العالمين ..بعد كل حزن فرح غاامر ..بعد كل بكاء ابتسامة بريئة ..واحيانا ضحكات وقهقهات من اعماق القلب "

(سكات لقاتو كيشوف فيها مبتاسم)لحد الآن عطيتك غير مقدمة مزال مدخلتش فصلب الموضوع..

زكرياء:احيانا المقدمة كتكون اختصار للموضوع..

سماح:وغالبا الموضوع كيكون فيه مفاجآة غفل عليها الكاتب فالمقدمة..مهم..كانت واحد لبنت يتيمة الاب وهو في الحياة ..غافلة على فين هو معرفاتو حي ولا ميت ..عايشة مع مها مقاتلين مع زمان..كان كل همها هو تحصل على المعدل وتنجح غير باش متسمعش لكلام من عائلتها ويتشفاو فميمتها(بح صوتها كتخنق لبكية) اصلا العائلات فهاد زمان رجعو غير شكليات وعلاقات مصلحة ..الام كانت كل مرة تشقى فبلاص قهوة؛ دار ؛مناسبات.ههه..لي جا باسم الله ..ولبنت كانت كتحاول ما امكن تديها فقرايتها لكن تأتي رياح بما لا تشتهي السفن..قدر الله تحبس من لقرايا بعد ما خذات لباك..بعذر نو موني ..مكانش عندهم لفلوس لكافية باش يصرفو وتقرا ..الا قرات غيجلسو بجوع والا كلات غتجلس من لقرايا..حاولت وحاولت تلقى خدمة على قد مستواها ولكن فبلاد باك صاحبي معندكش فرصة..حتا لنهار لي لقات ليها صاحبتها خدمة مؤقتة فواحد المدرسة ..فرحات هي ومها فرحة العمر لكن وخا هكذاك اوقات الفراغ كانت تمشي تشقى فيهم اي درهم زايدة تنفع ...لحد الان الامور غادية فسليم ..حتا جا نهار لي قسم ليها ظهر اغلى ما عندها فهاد دنيا ميمتها مرضات وشدت ركنة ..وكثر لحمل على ديك زغبية ..ولكريدي غرقها ..وكلشي يهون فسبيل لي رباتها وكبرتها..خدمة ليل ونهار مرتاحت غير ساعة لي تحط راسها على لوسادة ..وعمرها تشكات ولا يجي نهار وتتشكى من لي داز ..خذات رضاة ميمتها ..لي غفلتها وبلا متعلم مشات عند الله وخلاتها وحيدة لا حنين ولا رحيم ..حتا من خالها لي تحط عليه راس ويغمدها تحت جناحو جناحها قطعو ليها ولاحها لزنقة..خذالها حقها وغير لبراني لي هزها وبدات تتلاوح من دار لدار ..وطاحت فيدين حنان ولكن زمان كان بيهم لعب وليهم وسخ ومرمد..وخا هكذاك لبنت حماتها ودافعت عليها وحسباتها منها وفيها...ايوا حتى لواحد نهار بسباب لحرام لي هاربة منو طول هاد الوقت ربي بين يديك طيحها ..ولبارح خرجت باش نمد يدي ليد لي آواتني ومن لحرام حماتني ..انا ماشي قليلة اصل باش نسمح فختي لي ولداتها ليا دنيا وحرام واش ننسى خيرها ..ولو نتا تحطيت فموقف خايب وقدرت نعاونك غنعاونك حيتاش كنت معايا ولد ناس وانا بدوري نكون معاك بنت ناس ..كنقولك هاد لهدرة باش منين ندير لباب من مورا ظهري تذكرني غير بالخير ..ومنقولش خرجات لشي غرض خايب ولا هادي فليفلة غير كطير ...انا من طبعي نية وكنتوكل على الله ولي وقع مرحبا بيه ..دبا الا بغيت نقدر و نمشيو هدرتي سالات

زكرياء مسح على وجهو هدرتها قلباتو 360 درجة لو كان يشد لي آذاها يجيب خبرو وقف قاد حالتو وهز بورطابلو وسوارتو دارهم.فجيبو وهز صاكها ببرود:ياله نمشيو ..

سماح غمضات عينيها وتنهدات جمعات لوقفة وصلت لباب وشافت فدار لاخر مرة وشافت فيه:بغيت نقولك عمري ننسا خيرك الله يحرم من رباك

يتبع