زاد خلفة بلا ميشوف فيها ..ابتاسم منين سمع خطواتها خلفو شاف فيها بنص عين
زكرياء معرفش علاش باغي يزيد يلعب بأعصابها:متأكدة منسيتي والو
سماح بغصة وعصبية :لا منسيت والو لي عندي جمعتو..علاش كتسول؟!
زكرياء:حيتاش مغترجعيش لهنا بهاد شكل
فتح لباب لخلفي حط فيه صاك وركب فبلاصتو شاف فيها كتشوف فالعمارة لي مقابلة ليهم وضحك على منظرها كتصارع دموعها باش مينزلوش ووجها حمر بكثرية مكتخنق شهقاتها ..طلعت حدا صاكها ضحك على تصرفها وكسيرا ..وهي غير كتشوف فطريق وقلبها كيضرب غادية للمجهول ..معرفت فين واخذها ..بغات تسول ولكن فسرها توكلات على الله اش غيطرا ليها كثر من لي وقع ليها طول هاد المدة ... وقفو حدا دار مغريباش عليها نزل وفتح جيهة صاكها جبدو وشاف فيها
زكرياء شافها حالة فمها وكتشوف على طول ثلاثة طبقات ديال دار عنقها عواج هدر معاها بجدية:هادي دار الوليدة من اليوم غتبقاي معاها حتى يحن الله(شافت فيه مستغربة)
سماح تنفسات صعداء بكلامو و بفرحة نطقات(فرحتها هي لي غتجيب اخرتها هاد زغبية هههه):جبتني عند مك ..اويلي حشومة ..دخلني عندها هكذا..لو كان غير جبنا فيدينا لتر حليب وقالب سكر وشوية ديال الحلوة وندوزو لمخبزة نجيبو بتيبان..وناااري اش غتقوليها ..فين كنجيك ...ما جات تقول بنت عمي ولا بنت خالي..لا لا حشومة اش غتقول عليا ..جاية غريبة داخلة مع ولدها ..راحنا فالمغرب ا بابا ماشي فرنسا ..معندناش لبنات لي يمشيو مع رجال لعند مواتهم قبل زواج ..راه رجال لي يجيبو مواتهم لديورنا ..راك عارف زعمة لخطوبة وداك شي ..(شافت فيه محنية ظهرها وميلة راسها جيهتو)....ايمتى غتخطبني ؟!
زكرياء تنهد ساخط حط ساك بزعفة فعتبة الباب ودار شاف فيها:استغفر الله صبر يا ربي صبر ...سماح راه غنهدر معاك مرة وحدة و كنقسم ليك برب الكعبة ولي خلق الكون فسبع ايام ويقولك طنطون ديال راسك تكحليها حتا نكحلها عليك ..برب المعبود نحبسك فبيت ونعمرو فيران ونخليك فيه 3 ايام لا ماكلة ولا شراب ..
سماح دارت يديها على خصرها: الله عليك يا حبيب والديك ...علاش اخويا اش بيني وبينك تحبسني ..مبقيتش لاعبة انا ..اويلي داير الخير وبغيت ترجعو عليك ب بومزوي..راه غتاخذ غير ذنوبي
زكرياء فتح الباب وشاف فيها مخنزر شافت ديك شوفة لي فهمات منها كلمة زيادة نفرع مك دخلت مبتاسمة ابتاسمة صفراء
سماح:نسبق رجلي ليمنية ولا ليسرية (دخلت هو هز زاك وجا تابعها )زيد مرحبا اسي زكرياء دار داركم
طلعو زكرياء سلم على الحاجة باس ليها يدها وراسها وسماح عملت نفس شيء وغير حاطة راسها الارض وجامعة يديها عند رجليها متحركت ومتململت زكرياء والحاجة كيهدرو وهي غير كتسمع ..ناض زكرياء لكوزينة يجيب عاصير وشي حاجة دوز معاه وخلاها مع الحاجة باش تاخذ عليها شوية
الحاجة:مالكي ابنتي ساكتة ..متحشميش راكي فداركم وحدا مك الحاجة ...وزكرياء راه بحال خوك لكبير
سماح علات عينيها كتقلب عليه وبصوت خافت نطقت:راه حلف عليا منهدرش غيجي يعلقني الا لقاني فتحت فمي
الحاجة شافت جيهت الموزينة وشافت فيها مبتاسمة:عليك الامان هنا راكي تحت حمايتي ما يقدر يقرب منك ولا يهدر معاك
سماح تنهدات:الله يطول فعمرك ..(دخل زكرياء شافها كتهدر خزر فيها )كتشوفش فيا هكذاك ..راه خالتي لي هدرات معايا
الحاجة:جلس اولد كرشي وخلي لبنت على راحتها بينها وبين مها
زكرياء هز يديه باستسلام: الا هكذا انا رفعت راية البيضاء..(سمع تيليفونو كيصوني شاف لقاه صاحبو) الحاجة انا خارج ..سماح منحتاش نوصيك ..الله يرضي عليك
سماح ابتاسمات ليه وخرج خلاها مع الحاجة مأمن عليها وحتا سماح كتحس بلي راها وسط عائلتها
جالسة هي والحاجة من بعد محلفات عليها هي تهز لبلاطو ديال العاصير ..حشمات واش صغير جالسة ولمرا لكبيرة تسخر عليها ..دخلات لكوزينة وغير مكتزيد تحس بلي سبق ليها كانت فهاد دار..كملات ووراتها الحاجة لبيت لي غتجلس فيه بدلات عليها لبسات لباس ديال دار بلكمام دارت شالها ..كانت الحاجة جالسة هازة سبحتها شافت سماح واقفة عند الباب مزاعماش تزيد عندها ابتاسمات ليها حطتها سبحتها ومسحت بيدها على لبلاصة لي حداها دخلت سماح وجلست جنبها
الحاجة يامنة:لا توقفيش فباب ميمتك تتسناي لجواب..جوابها عند عتبت لباب مكتوب بلا كلام ولا تقرقيب ناب..لبنت فحضن ميمتها مرحب بيها فكل وقت وعلى اي مكتاب ..تحط راس على حجرها وتتوسد فيها الأمان من لغراب ..حكالي ولدي على لي بيك وانا حسبتك بنتي قبل عيني متجي عليك ..والا ربي كتب وقدر فيوم لميمتك يحرم عليك..انا هنا وربي جزاني بيك..تونسيني فوحدتي ونحن فيك ...
سماح بلا ما تحس حطت راسها على حجرها ودمعتها نزلت من خذها:وانا ربي وواليديا رضاو عليا لي ربي قدر عليا وكتب حتى نجي ليوم ونكون بين يديك ..هادي غير دعوة خير خدمات عليا والفرج اخيرا عرف طريق ليا ...ومن بعد ما دنيا لعبات وقساة عليا..اخيرا ضحكات ليا واحد شوية...
الحاجة:اش لي بيك يا لبنية.. مزال صغيرة وكتهدري بحال شي وحدة شيبانية...وعايشة عيشة زغبية ..ونهارها داز على فتيلة نارية..
سماح:بنت العشرين وراسي داز عليه اش داز على مولات التسعين ..خسرت كلشي فرمشة عين ..وتلات بيا ليام وتلاحيت بين ليدين ..فيامات كنت كنقول لا رحيم ولا حنين..وحتا لي من لحمي ودمي باعوني بلا عوين ...ضحكات عليا ليام وكنت ندعي غير منرجعش من الغافلين.. وللحرام نشد طريق وديك ساعة نكون عصيت رب العالمين ..والحمد لله شديت على لحديد سخون حتى ربي فرجها وطحت بين حنانة هاد اليدين ...
الحاجة:شدت ضيق ترجع بوسع دنيا الا كان العبد من صالحين ..والا صبر على لي داز عليه ومكانش من شاقيين ..وملي ربي هونها عليك راك راك صبرتي وبالفرحة غيجازيك ...ودبا يا بنت العشرين مك كانت من صالحين وعشرتي معاها عشرت سنين نتي غفلتي عليا وانا ليك كنت من ذاكرين ..وعليك قلبت شحال وفين ..وحتا ليطو زرت ولقيتها رجعات من لمسافرين ..وربي بغاني ناخذ اجر فيك يا ليتيمة ونآويك..وها نتي دبا جيتني برجليك ومن بعد ما قلت ضيعاتك ليام ومعرفت انا طريق صارت بيك ..
سماح تصدمات وطلعات فيها العين كترجع بذاكرتها فزات قافزة كتشوف فيها ودمعتها على خذها ممتيقاش اشمن لعبة كتلعبها ليام معاها:خالتي يامنة ...
الحاجة:بلحمها وشحمها...ومن اليوم اترجعي تقوليلي مي يامنة ...انا ابنتي عرفت اش وقع لميمتك معطلة ولي داز مع خالك الله يسمح ليه ... عير عرفت قلبت عليك وسولت ناس لي عرفت عندهم علاقة بيك ولكن مالقيت ليك اثر لي يقولي سافرت مع يطو وكاين لي يقول شي هدرة الله يغفر ليهم ..حتى دخلك عليا اليوم زكرياء الله يرضي عليه وعليك ...عقلتك وما عقلتكش ولكن منين هدرتي عليا ما خفيتي ...ومن اليوم يامك من يامي ولي جات عليك تجي عليا ..وانا معاك حتى يوفى الاجل بإذن الله ..والا ميمتك رحمها الله ..انا ميمتك وعوزتك فدنيا ان شاء الله ...
#خواطر
شرقي عنيد..
قاسي بغلاف سعيد..
بين البركان عصبه وبين الجليد..
اراه خير الخلق تارة واراه شرا بوعيد..
حنانه وطن وطغيانه يتجاوز الف عيد..
تراه عاشقا لكل طفل جديد..
وماقتا لمن تتجلى امامه بخيلاء عبيد..
متكبر ،جاثم، ذو أنفة كملك عقيد..
شرقي التفكير، اوروبي المظهر مغربي ليس له تجديد
***************************
حمقاء في ثوب من الذكاء ..
تشق طريقها بالأنفة و الكبرياء..
إن أحبت تصبح خالصة الوفاء ...
وإن كرهت مع زمن تتصالح مع الأعداء...
ثرثارة هي ولصمت لا تعرف طريق إذا هي خرقاء..
لا أعرف ان كانت تتمتع بقليل من الإرتقاء..
لكنها جبل عنيد في وجه المحن تتنفس صعداء..
مصيبة هي لكنها ابدا غير متاحة للجميع لجعلهم سعداء..
تتخبط بين صعاب ولا تردخ انها العنقاء..
هي شرقية .. هي رمز للعناد وسرية..هي الغيرة المعمية.. هي رجل في وجه مئة قضية..هي شموخ العزة المحضية..هي للشرقي زوجة أبدية ...
دازت ايام وشهور ..وسماح معززة مكرمة فدار الحاجة واخيرا حسات بلي عايشة كيف ناس وعندها لي يخاف عليها ..زكرياء تكلف بقضية حياة طول هاد المدة حتى خرجات من الحبس وبفضل سماح رجعات كتخدم مع ماماها فصالون ومرة مرة كتجي تزورها ولا تخرج هي وياها وعلياء لي كتعتابر سماح فبلاصة ختها لي معندهاش وكيقول طاح الحك وصاب غطاه بزوج لعقل راح فداك شي ماكان غير المصائب اشكال وانواع ...الحاجة مومو عينيها سماح ويا ويل زكرياء يغوت عليها حداها تهديد بسخط فعين المكان ..حتى رجع يسب فنهار لي فكر يجيبها لعندها ...كتخدمها غير كحلا وتتحامى بالحاجة ..انا أحمد فرجع مقيم بدار جداه وفين ما كانت سماح يجلس يرغب تحكي ليه قصة ولا تعاود ليه عبرة وتجي علياء تستافد حتا هي ..عندهم رسمي كل ويك اند يديرو بيكنيك فشي بلاصة طبيعية ...واكيد الخرجة تحت تهديد عصام وزكرياء أي تصرف غير لائق يجمعو شطايطهم ويرجعو وديما الخرجات يتقلبو صباط بين علياء وعصام ...هاد نهار خرجات سماح وعلياء لسوق يتقضاو الخضرة وكيف اي سوق شعبي كتلقاي فلانة وفلتانة وضروري متسلمي وديري صواب مع كلشي وتجيبي اخبار وتصدري اخبار ..سوق وصالونات هما موجز الاخبار شعبية ...كتلقاي جميع فضائح واسرار الجالية المقيمة والناشئة فيه ....بنادم عايش مع ليزيسكيمو تلقايهم عارفين باش تغذا ..هذا باش المغرب مافيهش الارهاب ...نتا غير فكر دير شي حاجة تلقاهم قرقبو عليك ...شعب عندو التخاطر الفكري هذا باش يعجبوك كلشي بوليسي وكلشي طبيب ..شعب ما قاري والو وتلقايه يفهم فكلشي ...سبحان من خلقك 🤣
شافو جارتهم كتجي عند الحاجة مرة مرة شداتهم بالهدرة وتسول وتسقسي وتجبد منهم الهدرة وكيف لبهلات تلقاو بزوج حطو لمزيودة كلها عاد خلاتهم كملو اش عندهم ...رجعو دارو لغذا وتغذاو سماح كيف عادتها كدير فيلم تتفرج وعلياء شادة حداها الكونطاكط فالواتس والحاجة مشات تنعس شوية ...
سماح معلقة رجليها مع الحيط:علياء..زواج زين ؟
علياء شافت فيها بنص عين :اش جاك ابنتي دبا؟!
سماح:وغير جاوبي ازبل ..زواج زوين ..حلو وبنين ؟
علياء:على حساب الوقت لي كتهدري عليه ..واش وقت تعلاق رجلين ..ولا وقع شد ليا نقطع ليك ..فرق بين نهار وليل
سماح:نتي كيف كيجيك ...مندمتيش حيتاش تزوجتي صغيرة ؟
علياء:شي اوقات كتكرهي وتتمناي ترجعي بزمان لور ومتتزوجيش ..المشاكل واحيانا قلة صبر واخطاء مكتكونش لا على البال ولا فالخاطر كتقولي ينعل بو زواج ورجال ...وشي اوقات منين تشوفيه كيدافع عليك وخايف عليك وحنين فيك وخايف الله فيك كتقولي الحمد لله لي لقاني الله بيه ..والاكثر نهار لي كتعرفي راسك هازة طرف منو فكرشك ..حاجة كتربطكم بزوج ومنين اول مرة تشدي لبيبي بين يديك لحظة كتنساي فيها الدنيا وكتشوفيه حتا هو الفرحة مسايعاتوش ..وتشوفيه مقاتل مع زمان باش يعيشكم ومينقصكم حتا حاجة ..كترجعي متتخيليش حياتك وهو ما موجودش فيها ..
سماح:شهيتيني نتزوج ونجرب
علياء ميقت فيها:بلا رومبوان اجيني نيشان ..واش فبالك شي حد ..كتعرفي شي حد باغي يتزوجك؟
سماح قلزت ليها صبع:هذا شكل وحدة كتعرف واحد ولا زوج ...من نيتك ولا كطنزي عليا ...الالة غير كنسول وصافي ..
علياء:الله يجعلني نتيق
سماح:كاع لا تيقي ..مهم ..قوليلي داك شي لي كينتج الاطفال ..كيف داير ؟!
علياء:احممم اسرار الزوجية ..هاد شي كبير عليك ا ماما
سماح:معقلتكش ونتي لفقيه بنصالح ...تي فيدينا راه غنحتاجوه مستقبلا ولك الاجر وثواب ..ندعي معاك وسط كل حرب
علياء:نتي راه ز***عليك ضمير هاد لعشية ...شفتك سخن عليك راسك
سماح:اجي حكيت ليك على ديك لي بغات تغتاصبني ...ناري منين نتفكر داك نهار واش درت ليها كنموت بضحك
علياء:وانا لي متفهمش ليا باش غتكويك ...تتسلفو مثلا
سماح:وانا هذا لي شوط ليا لبصلة سيسائية فمخي ...لا ومن نيتها جاية عوالة سيدة طرطق ليا المسائل ...أين هي المكوات.. الله يبقيك ستر هل هناك كيواء بدون مكوات ..بغات تكويني بدعوات بنت لحرام ..
علياء:بغات دير ليك سماوي الله يداوي ...تنوض ليك لحناش وتقتلهم بمبيد الحشرات
سماح:على ذكر عملية الكواء فيما يرضي الله ..هل تحسب سروعة المكوات بالسرعة ضوئية او سرعة سلحفاة المائية ...وهل للمكواة درجات ومقاسات معينة لتعم الفائدة ..ام انها كلها نافعة ودافعة ؟
علياء:من خبرتي المتواضع لمكواتي الخاصة إنها نافعة ودافعة ورافعة كله بما يرضي الله ..والأهم انها اسهل طريقة لقبول جميع الطلبات والسفريات والقروض البنكية لوزارة الإقتصاد المنزلية
سماح:وكيف ذلك ؟
علياء:عند الذروة قومي بطرح الندوة....وشكرا على حسن تتبعكم .. نوضي نوجدو تدواز اتاي...راه لعشية غيجي زكرياء
سماح قلبها ضرب فتسعين بفرحة:حلفي
علياء لعبات بحواجبها:شوفلك كيف فرحات...لو كان مكنتش نعرفك ونشوفكم كيف القط مع الفار نقول طايحة على زنافرك ..ونتوما كيف زيت مع نار هو يشرق ونتي تغربي
سماح:اصلا داك خوك معندوش نقاش فقاموسو يخليك تغني بوحدك حتا يكملو ليك لحجار فالاخير يديرليك دازو من هنا وكلمتو هي لي تكون ..
بعد ساعات فالكوزينة وجدو كوتي وعشاء يفتح شهية ..سماح جلست كطرف الكوزينة وعلياء مشات تشوف ولدها لي داخل بعجاجتو ويا فرحتها مكانش بوحدو جا مع خالو وزوج العتيد ههه سلمات بحرارة على زكرياء لي كان جالس حدا الحاجة يحيد الاشتياق ديالو ليها طول هاد المدة لي غبر عليهم فيهة تقريبا شهر وهو فحملة تطوعية بمجموعة من القرى بالهند ...جلست كتسول وتصدع فيه وهو غير مساير فيها وكيضحك وعينيه كيقلبو على فرد من العائلة ناقص ..سماح لي سمعات الهدرة كثيرة جاية من صالون مشات لبسات اسدالها ونزلت كتترعد وحشمانة ..دخلت عليهم لقات سلام وجلست حدا عالياء فطرف سداري كتفرك فصباعها
علياء:ها هو جا قباض لرواح ...اربي سلامة ما بقى خريج على الراحة
زكرياء:خرجي شكون داها فيك نتي
علياء:انا كاع مكنتسوق ليك ..شوف لي كيبرد ليهم لماء فركابي غير بتخنزيرة منك (شافت فسماح وضحكات ولعبة ليها بحجبانها)
عصام دور عينيه بيناتهم وحبس ضحكة ..هاد الاخير لي من نهار جا لعند الحاجة تصدم بسماح عندها عرف طرح مغيخرجش على خير ...ناضت علياء وسماح حطو طبلة ديال لكوتي مشكلة ..وهما كياكلو فجو فيه شد ليا نقطع ليك بين عصام وعلياء هو كيستافزها وهي دغيا كتقلق..من بعد جبدو موضوع ولد جيران وولد صاحبة الحاجة لي دغيا دار لباس باش يحدو من صداع بين علياء وراجلها واكيد صاحبة الاخبار هي علياء ..مسميها خوها شيخ الحومة ...غير كتمشي لصالون تجيب ليهم خبار لحمارة الا ولدات..ناض عصام وزكرياء خرجو وخلاهم فحديثهم لي مكيساليش وحدة تبدي والاخرى تقولها ها اش ناقص ..بهاد سيرة نطقت الحاجة
الحاجة:وعلى ذكر صلاح راه غير هادي شي يامات جبدات معايا الحاجة الباتول الهدرة..عينهم فسماح ..
الحاجة:نتي سدي خربتك ...مازوينش ..مالها غتحطو فيترينا تتفرج فيه ومن سيمانة لسيمانة تنفض عليه لغبرة..راجل عيبو واحد هو جيبو ..(موجهة هدرتها لسماح)شوفي ابنتي فكري مزيان انا مساخياش بيك بصح لمرا شحال ما جلسات دار راجلها هي لي تسترها
سماح ضاقت عليها نفس وبصوت خافت:لي درتيه اخالتي ..انا...انا موافقة عليه ..مغنعرفش خير منك
الحاجة:غنهدر مع زكرياء هو كيعرف الولد و يزيد يسول عليه ونشوفو ديك ساعة لي فيها الخير ربي يديرها
أومأت براسها بالإيجاب و ناضت ودخلت لدوش بدات كتشوف فراسها رجعات مطيشة وصهد طلعات معاها قلبها كتحسو شوية وغيحبس حيدت شالها و بدات كتغسل فوجها وتبرد عنقها تكات على لحيط كتنهج معرفت اش وقع ليها
حطو لعشا وتعشاو سماح دخلت لبيتها وسدت عليها وعلياء وظعاتهم ومشات لدارها ..اما زكرياء حلفات عليه الحاجة يجلس معهم شوية يكفي غاب عليها شهر مزال محيدت شوقها منو ..جالس هو وياها فقولها وضحك عليها
الحاجة:كنت قلت نخلي حتا لصبح ونفاتحك فالموضوع ولكن ما قدرت نزيد نصبر ..كيقولك خير البر عاجله
زكرياء كيطنز عليها:صافي موافق قوليلهم صداقو ربعة ربعة من لحاجة
الحاجة ضرباتو لكتفو:ضحكتيني يا زغبي ..شارف ولعقل تالف ..ولكن مكنهدرش عليك نتا قطعت منك اليأس ..حتا نهار لي تبغي وقلب راسك متسالني غير نمشي نخطب ليك
زكرياء:يكما علياء نوات دير تعدد ..ديرها ديك لمسطية ..تجيب ضرة على عصام
الحاجة:الله يمسخك ...مبقيتش تحشم..اسيدي مكنهدرش على عليا ..بنتي سماح جاو فيها الخطاب
زكريا طلع حاجب ونزل الاخر :سماح ؟!!! وشكون هادو لي جاو..فين شافها هاد عريس الغفلة؟؟..غبت شهر دنيا سابت
الحاجة:لاواه اولدي عيب هاد لكلام ..لبنت شادة تيقارها ومكتخرجش بحدها رجلي برجلها ولا مع علياء هي بحدها مترضاش تعتب لعتبة راسها ...وهي مشافتو مكتعرفو فوجهو غير كتسمع عليه منا حنا ..وغير الحاجة لباتول لي جات وقالتلي عليها شافتها وتمناتها لولدها صلاح
زكرياء:صلاح ..صلاح ..وهي اش قالت ؟
الحاجة:اش غتقول بنت دار لكبيرة ..ومتتقدم قدام شوار لكبار ..قاتلك لي درناه هي موافقة عليه
زكرياء:غنشوف لبنت مشايطاش علينا..منعطيهاش لأي واحد ..ميستاهلها غير لي يقد بيها ..
الحاجة:داك شي لي قلت ليها حتا انا ..كيف زوجة علياء وتهنيت عليها ندير مع سماح
ناضت الحاجة لبيتها نعسات وهو جلس كيفكر ..هاد لخبار ما كان دايرو فحسابو ..ولكن من واحد ناحية ينفعو وما يضرو ...
صبح صباح على سماح لي نعاس جافاها ليل كولو وهي تفكر عمرها جاتها فكرة زواج لبالها..ودبا قالك هادرين فيها ..لي يتهيدرو ان شاء الله ملقاوها غير هي يعميها ليهم ... قادت البيت و مشات لكوزينة عاقدة ل 111 هاد صباح ابدا ماشي ديالها ..وجدت لفطور حطاتو ومشات دخلات عند الحاجة صبحات عليها كيف ديما وخذات رضاها وقادت ليها بيتها وخرجو يفطرو وهو ينزل سبع البرومبا لابس سورفيت كحلة وكلاكيط شعرو كيقطر بالماء وبارفانو سابقو شافت فيها ورجعت كتخشي في فمها كتبرد غصتها فالماكلة صبح عليهم زكرياء ولاحظ بلي مهياش على مودها
زكرياء:ونتي باغية تزوجي واحد مكتعرفيهش وعمرك مشفتيه
سماح:لو كان فيه شي عيب نتا والحاجة مغتوافقوش عليه
زكرياء:مالي انا والحاجة لي غنتزوجوه ..نتي لي غتزوجي ونتي لي خاصك تقرري..
سماح شاف فيه:مغاتعاونيش وتسول عليه
زكرياء كيحاول يستافزها:وانا مالي ..علاش غنسول عليه ..تعلمي تعتامدي على راسك شوية مترميش لحمل على غيرك
سماح بغصة:وخا شكرا ..
زكرياء: العفو البقرة
خلاها جمعت طبلة وخرج هو مع الحاجة تسرح رجليها شوية ومنها يخليو سماح تخدم شغلها فراحتها جالسة كتنفض وتسيق وتقول عليها كتحارب كتسيق وتبكي ومعارفاش علاش كدمع من الاساس ...اما زكرياء فطريقهم هو والحاجة كان هاد الموضوع لي خرج بقرار نهائي فيه ...من بعد مهدر معاها تأكد من شوفت عينيها بلي فيها ...
رجع لدار طلع لبيتو لبس وقاد وحلق على لفترينة لبس سروال بلونوي مع تريكو فنفس لون وسبدرينة بيضاء..خرج جلس مع صاحبو فمحالو وهدرة منا خدرة منهيه جبدو شلا مواضيع ومنهم كلام كثير على صلاح ولد الحومة ..تغذاو وعينيه غير عليها محطتش لقمة ففمها غير ساهية وكتخمم شافت فيها الحاجة
الحاجة:كولو ابنتي واش مزال مقلقة من هاد جمل لبكم
سماح نازل عليها ضيم:والله آ مَّا ما فخاطري قلبي مروع عليا
الحاجة:وهدر معاها فموضوع صلاح راه الحاجة الباتول كتسنانا نرجعو ليها لخبار
زكرياء:غير قولي ليها تشوف غيرها ..مخاصناش من نسوبيتهم
الحاجة:اوعدي علاه اش كاين
زكرياء:الولد ميصلاحش..وسلام
ناض سلم لميمتو على يدها وراسها جمع طبلة ودوز على لميعنات كيغسل فيهم ويضحك ...كملهم ومشا غسل يديه وسنانو وهز تيليفون سيفط ميساج لسماح
🗨نص ساعة ونهبط عندك نلقاك واجدة ..البقرة
سماح كانت خاشية وجها بين لوسايد كتنخصص قلبها واجعها وهو غير مكيزيد يأزم فيها كتحاول تنخلو وهو يجبد فيها ..كل مرة وكيفاش كيعاملها وبكل طرق كتزيد تغرق فعسل عينيه وفشخصيتو لي كتقلب موازين حياتها ..عمرها شافت أعند منو ولا أجلخ منو وفنفس الوقت ضريف وحنين ويدير الخاطر.. الوقات صعيب وخايب وأوقات عسل كيتقطر ...شخصيتو جامعة تناقض عيات متفهم فيه وتفك رموزو وكتلقى راسها كدور فحلقة فارغة ..
سماح كتهدر بحدها وتنخصص:الله ينعل اصل شيطانك يا سماح يا لمدلولة ..تبكي عليه يا قليلة نفس ..هو لي مبكيك تبكيه جنية شارفة وسنانها هارفة...هو لي محنك بغيت يمحنو شيطانو نهار وليل مقيم وديما واقف ..قالك باغي يزوجني بغيتو يتزوج بشارفة داخلة تسعين رجل هنا ورجل داخلة لقبر فالحين ..بغيتو يموت عزري يالله ..علاش يديرلي هكذا علاش هو لي طمعني ...يطمعو ربي بجنة ويشعل بيه فتيلة جهنم ..باش يحس بحرقت قلبي لي تعلق فيه ..علاش بغيتو وتمنيتو..علاش حن فيا ودبا تخلا عليا ...الله يعطيه مصيبة تصيبو فعظامو وما يتهنى فيامو وكلبة كحلى هو يجري وهي تجري قدامو ...الله يا ربي لباس عليه ...متستاجابش ليا اربي ...راه غير من حرقت قلبي ..وحق الله مولانا لكريم الا كنبغيه في قلبي بحال طاسيلة جدي المعطي(قرات ميساجو لي وصلها وناضت بزز منها كتلبس وهي تسب وتعاير ) ... دبا اربي مبغيتش نتزوج ..متخليهمش يزوجوني لداك لفار لمسلوق ..دجاج ضوء لكارم في سوق داك لبيض لمسلوق وجه لفشلوق ...داير كيف لبونتو لا طولة مقادة ولا لحية داير ديك لبوكلة كيف لعتروس لمجراب ..بغيت ليه ما تعطى لغراب غير ترمة مزغبة ولمعلم مجراب ...الله يعطيه لحكة وقلة ظفران ...يعطيه ضمور فيه غير يفكر فيا وهو ينقص ليه حتا ميبقاش ..الله يعطيه الإعدام فالمكواة باش يتحول عرسو لجنازة بلغوات ...ما بانت ليهم غير سماح فلبلان واش شكيت عليهم ..بغيت نجلس بايرة ..لا وزعمة ثقة العمية ..والله ومتكون لحية لا شفت فيه ..لحية ثم لحية ثم لحية ...على اخر يامي نتزوج بمكرط نجلس نحك ليه ثومة ونعصر ليه فالبصلة وندهن ليه بأزير على الله تنوض ليه ..ينوض ربي جلدو على عظمو ..ينوض ليه لحنوشة يسهروه ليالي بغيت ليه ضروس لعقل حتا يهبل ...(سمعت دق فالباب وصوتو جاي من وراه) دقيقة الله يدق ربي ليا لوتاد ..نقاد غير شال لي بغيت ربي يشنقني بيه ونتهنا ..ستنا شوية بغيت عزرائيل يستناني بكفوفو عند لعتبة ...من تما لروضة وتنهنا
زكرياء عند لباب كيسمعها غير تبركم مفاهم حتا حرف حلتعليه لباب لابسة سروال عريض اسود مع شميز قصيرة حمراء فيها فرفارات فاليد دايرة شال اسود وصندالة ميني طالون سوداء و صاك صغير فيدها ميك اب خفيف وقفت كتشوف فيه مخنزرة ...
سماح:ها انا لبست لي نلبس كفن ان شاء الله
زكرياءابتاسم جنب:قريب تلبسي الغوب العروسة ديالنا (قرصها من حنكها)
سماح كتتغبن:شفتي نتا غتموت محروق ...
زكرياء جبدها من كتفها:زيدي قدامي وعاد نتفاهمو على طولت لسان لي زادت نغزة هاد ليومين ..بصح مكانش لي ضسرك قد الحاجة
زكرياء ضرب يديه مع بعضهم بمعنى لا حول لله ضحكاتو فتمشيتها نازلة مع درج كيف لبطريق خايفة طيح بداك طالون
زكرياء:منين مكتعرفيش تتمشاي بداك لعجب علاش لابساه
سماح مرضاتش:الله يخليك احتارم راسك حاشاك كنعرف نتمشى بيه ..راه دوك عينين بوبريص لي عندك خاصني نبخر بشبة ولحرمل منهم
فتح ليها طوموبيل وطلعت وطلع هو ضاحك ومفرنس استغربات منو موالفة تفتح فمها يخنزر تجمع راسها اما اليوم لقات لجام سايب ..هو راشقة ليه وهي على نار هادية كتتحرق
شافتو ديمارا طوموبيل وهي تنطق
سماح:وا حجر العافية ..شفتك نسيتي الحاجة (زكرياء كسيرا مداهاش فكلامها ) وطير ابكر وتريكت ميستر بين وا الحاجة ..الحاجة ...مكايناش
زكرياء شاف فيها بنص عين:خارج غير انا وياك اتيتيز ...حسن داك لسان شديلو فران امان حسن منقطعو ليك من جدر ..
سماح شافتو مخنزر ومنتابه لطريق ضربة طم ...شدو طريق طويلة وباينة خارجين على لمدينة ...سكات والملل هو مركز مع طريق ومرة مرة يرمي عينو عليها وهي تقولي جالسة على شوك غير كتتحرك خدمات راديو هي تخدمو وهو يطيفيه زكاير معاها كيعجبو يعصبها ..جمعت يديها هاقدة غوباشتها هو شعل راديو وهي تطفيه تقلبات الآية فالاخير خلاه مطفي ..شافتو داير ابتسامة جنب استافزها وهي تطلق صوت العندليب لي عندها ...فلحظة غناء سماح صمك عندو حظ دنيا كلها ..
سماح:🎵
ماتفتحيش فجرح عشته زمان..
قول للزمان ارج يا زمان..
يا حلم راهنت بعمري عليه..
وطلعت من الرهان خسران..
زكرياء:وا غراب لخلا سكتينا راه سخط الله ولا سوطك
سماح مكملة غناها مظاتهاش فيه
🎶يا سمرا ياللي عينيكي كدابين..
والله لو بعشق حجر ها يلين..
اسقيكي شوق تسقيني دمع العين..
قصة و متعادة بقالها سنين..
نفس النهاية الفرق فالعناوين..
صبرت صبر لو شاله الجبل هايميل..
مالقتش منك حتي رد جميل..
انا كنتلك زاهد و كانت سبحتي شوقي..
كنتي لي سم بيجري فعروقي.
متشكرين على فرحة البديات..
و هاحاول انسي قسوة النهايات..
متشكرين على فرحة البديات..
و نهايه سابت ف القلوب علامات...#ثانكيو_سموحة_على_الكلمات😍😘
زكرياء شاف فيها وقف جنب طريق ودار مخنزر فيها:سماااح
سماح سبلت عينيها مبتاسمة:نعم يا عيوني
زكرياء تنهد وديمارا طوموبيل استغفر فسرو على شي لي كتخليه يفكر فيه مزادش دار جيهتها خدم راديو وشغل عقلو بطريق وقفو حدا كافي مقابلة مع لبحر
سماح شافت لبحر عقلها طار من ديما ريحتو كتحمقها ولجلسة حداه كتفاجي همومها ومشبعات لمجية ليه حتا جات لدار الحاجة ..اما قبل كانت بلعوام عاد توصل ليه وبنكير ينغصو عليها لجلسة ..دبا عاد كتحلا ليها شوفة فيه ..دخلو هو سابقها وهي من موراه جايين بحال عشرة 🤣 حنوكها مزنكين بلحمورية ..وعينيها عليه وقف حدا طبلة جا يدور عندها دخلات فيه ..كتتمشى وعقلها طاير شاف فيها مستغرب وهي تتسيف
سماح:دير سينيال منين تبغي توقف ..بنادم كيف داير
جلست حاطة ساكها جنبها فوق طبلة وحتا هو جلس مقابل معاها حط تيليفونو وسوارت ديال طوموبيل فجنب و هز يديه فسماء
زكرياء حابس ضحكة:شفتي حداك هزيت راية لبيضاء
سماح:سبحان الله...حلف (دورت وجها وبصوت خافت) انا حداك شعر تحتي وقف
زكرياء طلع حاجب ونزل الاخر:متهدريش تحت نيفك ..
وقف سرباي عليهم عطاوه اش بغاو وجلسو زكرياء كيشوف فيها وهي كتشوف فأي حاجة حداهم الا هو
زكرياء:علاش مباغياش تتزوجي
سماح شافت فيه حالة عينيها على وسعهم بخوف وتوتر مشاعرها مخربقة:انا وااه..زعمة زعمة..لاا...علاش..امم بغيت نقول شكون قالهالك ..انا ..انا قابلة ...اصلا زواج زين ..قالتهالي علياء ..
زكرياء ابتاسم:اول حاجة تنفسي مزيان ..وبلا متوتري ..انا بغيتك تجيني صراحة ..واش باغية تتزوجي ولا مباغياش ..متفكري فحتا حاجة غير مصلاحتك ونتي شنو باغية
سماح بلعاتي ريقها ودورت وجها ناحية لبحر عينيها دمعو وفخاطرها كتقول:اش نقوليك مباغياش نتزوج حيتاش كنبغيك نتا ..وكندعي الله يجمعني معاك فلحلال ..واش نقوليك لمواصفات لي باغياهم فيك غير نتا ...باغيني نحط كرامتي ونزطم عليها وانا معارفاش حتا نظرت عليا كيف دايرة ..(تنهدت من الاعماق وشافت فيه) الا كان ربي مكتبو عليا فكيف موافقة كيف رافضة غنكون حلالو برضايا ولا بالغصب ...كيف كيقولو مزوجين فسماء قبل الارض
زكرياء شاف فيها مطولا وهز فنجانو شرب رشفة وحطو:مبغيتش تحليل ..سولتك جاوبيني ..على قد سؤال
سماح شافت فيه بكل ثقة:لا ..ماموافقاش
زكرياء ابتاسم:هكذا مزيان ..علاش مطولة طريق ودايرة فيلم ..ساهلة
سماح:فيلم!! لفيلم دايرو نتا لي قاطع كليموترات باش تسولني سؤال سخيف بحال هذا ..كنت تقدر تسولني فدار ونجاوبك
زكرياء: بسحر عينيها انا الغريق اناجي الله العفو ومنها الوصل استبيح واجد الطريق ..
سماح شافت فيه مباشرة فعينيه:طريق الوصال قد خَطَّهُ العابد بدون انتظار ..مر الزمن والشوق يبلغ منه حد الانهيار..وانا المكلومة على ذاتي أراه أبعد من كل الانصار ..
غمزاتو وحنوكها بغاو يطرطقو معرفتش علاش معاه لسانها ميتطلق وتهدر بلا متفكر فآش كتقول ولا حتا تضرب حساب للفكرة لي غياخذها عليها ..ورجعات كتشوف فلبحر... وهو رجع تكى بظهرو على لكرسي تنهد كيدوز يدو على لحيتو وعينيه هايمين فيها:وكم اعشق حُمرة خذيها بعد ان تَخُطَّ على المحضور..وتستبيح كل ممنوع مغذور..ااه من سيدة النساء عفيفة على عرش الفجور..وااه من قلب في هواها متيم على مر العصور ..
شدتها لكحبة بسباب هدرتو مد ليها لماء غير شافت فيه رجع ليها الغمزة شربت ونطقت
سماح حابة ضحكة:على فكرة نتا راك واحد باسل..محشمتيش تقولي هاد الهدرة
زكرياء:دبا نتي واش كتحشمي من راسك لاا..طبيعي انا مغنحشمش منك
سماح:لي يشوف لحية يقول هنا نبات ..صلاة والعبادة ..وخارق سطل من لوسط
زكرياء:راه تغزل فجمال البديع عبادة فخبارك
سماح:واخذ المقولة عكسية ...تغزل فطبيعة فخلق الله ..ماشي ف
.قاطعها:تغزل في الحلال حلال ...
ناض وقف خلص وهي وقفت استأذنات منو مشات لطوالبط قادت راسها وقضات حاجتها الفرحة خلات نبولتها غطرطق 🤣..خرجت لقاتو واقف حدا باب الكافي كيلعب فتيليفونو
سماح:مشينا
زكرياء طلعها وهبطها وزاد خلفة بلا ميتكلم خلاها لحقت عليه كترابع وصنظالة معنكشاها ..مفهمتش مالو شافتو وقف حيد سبادرين ديالو ودخل لرملة سخطت وسبت فخاطرها غتمرمدها رملة وهو دايرليها بحال جاكلين(كلبة) من موراه
سماح:وهيا تا وقف ..وجراير تراكس ..ورويدات رموك ...نتا عند رجلين ولا فيتيس ..ونتا آآ طويل العجالات ..نتا راه خاصك تشارك فالعدو ريفي ...وقف دار يد فجيبو ويد شاد بيها سبادرين ظار شاف فيها وقفت كتلهت حداه
زكرياء خنزر فيها وبصوت خافت:ينعل ديلمي انا لي هدرت ..(بصوت مسموع كارز على سنانو)سماااح
سماح ماهياش هنا:ويلي با ..موافقة ..على فين نلقى حسن منو ..طولة وتجريدة بناج يا عيني هو يخدم وانا نشد لبوانتاج ..الحلاوة ..اخيرا غنفرحو بالمكوات وغنعيشو الحنان ونشبعو بنان واحتضان..الجفاف باي باي (شافت فيه) قبل كلشي لا صداق لا ستة حمص احوال المكواة صافا..منقبلوش قل من الحجم العائلي ..و نهار الاول يموت المش ولكن نتا كتبان بخيرك ...معليش على قبلك نقدرو نديرو الخصم للحجم الفردي ...و فينك يا علياء تفرحي معايا وتعطيني دروس الخصوصية فتقنية الفار الفشلوقية..(شافها مغتسكتش وبدات كتلاشي وعيباد الله كيشوفو فيها جرها من ذراعها دايها لطوموبيل حاط يدو على جبهتو مدرق بيها وجهو وهي مزال مبغات تبلع لسانها ياك كنقولكم الفرحة هي لي غتخرج عليها)ايه نعام اسي..بلاش من لعرس معنديش مع قوة البشار..ولكن نلبس ونشطح ..نديرو دجاج كنحماق على دغميرة ...و..و لكاطو اي نوع فيه شكلاط باسم الله ...وشرطي الوحيد منبعدش على الحاجة ..نتا بغيت تسكن بوحدك سير مغنقوليكش لا ..ااايه اسيدي زكرياء ونزيدك تفكر تزيد عليا ضرة ممعاناش مبقيناش لاعبين ...
طلعها فطوموبيل حاقد وطلع غير طلع سد لباب غوت عاد دارت سيلونص
زكرياء:سديييه ..(مسح على وجهو وحط راسو على لفولا)راسي فرعتيه ..واش فاطنينك على شوهة ..حرام فيك تفرحي نتي ...شفتي نساي اش قلت ليك..حتا ناخذك نتي بعدة عاد نفكر نزيد عليك وحدة اخرى..كرهت فكرة زواج من الاساس ..انا نبقى باير جد بابايا الكلب
سماح كتتغبن:ضحكتي عليا ...حرام عليك ..علاش طمعني وتخويه فيا ..بغيت نقول تخوي بيا ..ربي غيجازيك على قد نيتك ..لقيتني يتيمة وتكرفصتي عليا ..ايه لو كان عندي لي يحامي عليا كاع ما ديرها بيا ..وانا كيف ندير مع لولاد لي وصلت كنسمي فيهم دايرة نية...غتخيليني واحلة انا وزمان فيهم بلا قضية ..ما حيلتي ليهم ولا ليا ..غير الله ياخذ فيك الحق من هنا لغدوة فلعشية ..مهم متنساش ليصانة انا مغنسامحش فحقوق ولادي فهاد دنيا ..اما رزقي ومستحقاتي غير ربح بيهم انا غير الله لي ليا..تقدر تسهل الامور وقولي "نتي مطلقة" يا لولية ... باش نساليو هاد روينة ودير خير ومزية
علات راسها كتشوف فيه لقاتو حال فمو فيها وحط يدو على وجهو قاطع اي امل فيها ..زكرياء بكثرية الاعصاب من شوهة ديالها جابتلو ضحكة جلس يضحك ويضرب يديه مع بعضهم:نتي هي الباطل لو كان كيتمشى ..نزيد معاك دقيقة دخليني لحبس
عليا سمعتها وبدات تغني:وها لمحني ..جيبوليا لمبرعني ..وهااا هاا لمبرعني ..جيبو ليا ولد عمي ..سيدي زاكي ولد عمي ..هاا الحاجة بنت عمي ...الالة سماح بنت عمي ..وهيا زغبية نوضي من ورايا..وهيا لعفريتة منطلقك حتا نسمع لحكايا..ولعزيز على ميمتو عمرو ما يتخص ..اهاا ها هااه
الحاجة هزت سبحتها قاطعة منهم الامل بزوج لعقل الله يجيب وسماح فهمتها هزت مسيمنة دارت فيها لفرماج و لواتها كتعض فيها لحقات عليها
وقفت عليا دايرة يديها فخصرها:من فوقاش وكيفاش وعلاش مقولتيليش من قبل ..اي تفصيل تنسايه نحاسبك عليه ...
سماح:سيادتكم الفاضلة انا بريئة من اي تهم منسوبة ليا ..كنطالب محكمتكم الموقرة ان تفتح تحقيق مع صاحب الأمر ..لأن المتهمة زغبية ولسانها مبري منها كتجي تكحلها كتعميها ...وانا فالاصل ما تهنيت حتا سخطهااا معاه بالفرحة ..وفالاخير تنكدات على ديلمي عاد جيت عند تريكتك الواسعة
علياء:اش درتي يا زغبية ...متقوليليش عاوتاني فرانات لسانك تفوراو
سماح جلست فطبلة وسط الكوزينة وحطت يدها على خذها:بوصي كده انا وأخوكي معمول لينا عمل يا ختشي ...يا خواتشي هو انا كلما افتح بوئي معاه احكي زبااالة يا خواتشي..ايه حظ البكبورتي إلي عندي ..كنكون سلمات وهدرتي كلها حكم غير معاه كنرجع باطرونة بامتياز جميع مصطلحات تحت سمطة فوق سن رشد كتخرج من تحت لساني بطلاقة تقول كنعرض عليه فالقرآن...لا والزينة مفتاخرة براسي تقول كنعلمو دمياطي (علياء ميتة بضحك عليها)واش عمرو ما حبا ونهار حبا طاح فرحبة ...واش الجفاف لهاد درجة يديرلي هكذا ..زهري كافر عمرو ما بغيت ونهار طحت على زنافري غير مكنزيد ونكرهو فيا ..
علياء ابتاسمات ليها وحطت بدها على كتفها: نتي شكون يكره هاد تيتيز غير الا كان عمى وما عندو قلب ...(ضحكات)والله حتا طلع عصام مطااااور عليا ...مكذبش منين قالي خوك لي غيصدمك..تبركيك ديال الحومة كولو نجيبو وديال سومي وزاكي زهقلي ...
علياء كطنز:مغنقول والو الحاجة لسماح ..بهاد المقولة شهيرة فكرتيني غير فيامات الحاجة ونعالة الجزاير وشحال كانت قاصحة بصح جبرتلي لعظام ديك الوقت رجعت كنقول غير سمعا وطاعة حتا شدبت عصام وانا نفدي فيه كاع لي خرجاتو فيا الحاجة
سماح:منلقاش فمتحف الاثار تاريخية ديال الحاجة هاد نعالة دبا ...نجبر بيها لساني لي خالي داري ومحشمني مع تاج راسي سيدي واكي حفظه الله ورعاه
علياء: هاكوا على عيساوة سيدي زاكي كده حتة وحدة
سماح وقفت:أطعني حتة حتة وارميني فأي حتة انا كنت بحب ستة وهلأ بحبك انته ..اححح يا إنته..خمس مواااااه (غمزت لعلياء وسيفطت ليها بوسة فلهوى وخرجات من لكوزينة)
علياء بصوت مسموع:ايوة كده يا وديع ..سافلة يا بت ....(كتحك بظيه مع بعضهم) والله يا زماني حتى نبرعك هاد ليلة ..اححح والله وطلعتي يا لخوادري ناشي ساهل ...احياني عليك وانا كنقول كاع هادي انسانية فيك ..قولي القلب حالو حال ولي تحت سروال شكون جاب ليه لخبار
خرجت جلست مع الحاجة كتفرنس
الحاجة: مال سماح يكما عاود داك جمل شد فيها
علياء:لا غير كنت موصياها على شي حاجات طلعات تبدل عليها وتجي
رجعت سماح مبدلة لابسة بيجامة طويلة ودايرة شال على كتافها تحسبا لأي هجوم مفاجئ من الجالية ذكورية المقيمة بالمنزل(غيفهموني غير الحجابيات المعاناة) ..جلسو وعلياء تشوف فيها وتلعب بحواجبها وتغني
سماح:مسمعتيش اخر ديسك ..سدي خربتك عليا...فضحتينا ومخليتي فيها لي يبقى نية ..وبربي ونشدك نريشك يا زغبية ...خلي غير لي فيا بلا ما تزيديها عليا
الحاجة:ايوا الله يمسخك لا نتي ولا هي ..بلاصت متنوضو تحفضو سور من القرآن يشفعو ليكم ..جالسين تحفضو باش تريجو جهنم عليكم ...(شافت فسماح) ما بقيتي طيبيلي نعاسي كل ليلة بحكاية ولا تعاوديلي حديث و رواية ..حتا من جامع هاد سيمانة سهيتي عليه ....موالفة تسبقيني حتا رجعتي مقابلة هاد حجر العافية خرجات عليك
سماح شافت فعلياء كتجنن فيها الحاجة قاطعة الامل فعلياء ولكن املها فسماح عمرو يتقطع وعاجباها بتربيتها وكابرة فعينيها حيتاش دازت من اصعب الحوايج وها هكذاك بقات شادة فدينها وحجابها
الحاجة :غير سكتي لا سكون جاي ويسمعك انا ما قلت ربي هداه على سكنة بوحدو كيف جن ..راه معانا يلقى لقمة واجدة وبيت نقي ..وسماح يردي عليها حتا من كسوتو تصبنها بيدها ما ديرهاش فالماشينة ..اش بغى بسكنة بوحدو ..انا لو كان تجي عليا ديك دار نا يعمرها حتا يجيب مرا تونسو وتقد بيها
سماح خرجات عينيها فعلياء لي شافت فيها ونطقات
علياء:قريب آمَّا لن شاء الله ..نخليكم نمشي انا ..ليه غذا مغنجيش غنمشي عند خالتي نشوفها
سماح:نوضي نوصل معاك لباب نوضي
هبطو عند لباب وهي تطلع معاها بقرصة فجنب
سماح بصوت خافت مغدظة عليها:ياك احمارة طاحونة ...باغية تفضحيني يا طير يا بقر..يا سلعة شينوة مفورماطية ..يا عوجة ترمة ومنعرجة ساقين ..عارفة لحاجة مدوزش عليها ونتي ضاربالي طر غير بالفن ..بغيتيه يجي يبدا بيا ويكمل بيك ..(كضرب فمها) هاك يا فمي ..شفتي دبا الا عاودت قلت ليك شي كلمة كرطيهلي بلا ما
علياء كتضحك:ويلي وبغيتيني نفلت فرصة بحال هادي ..جيتي بين يدي نتي وداك جغل ..احححح والاستفزاز شحال زين..لا ابب وبنسبة لتكراط ..قريب نتفو ليك بيديا من جدر ..كله فداءا لإسعاد أخي ..(وهما هكذاك وقف بطوموبيل عند لباب) شفتي غير سمع حس الجنة وهو المؤمن تقي لي بين رجليه يشرف ...ذكر سبع يهدف
سماح قادت شالها كتدفع فيها:عار ميمتك سيري لدارك ..عصام يكون يستنى سيري فرحيه خليه يدخل لمؤمنين لي فالخصيتين افراجا هاد ليلة ...سيري غتخلي عشتي قبل ما تبنى ...
زكرياء وقف عليهم مغندف:متحشمي لا نتي ولا هي ..واقفين كيف لمخازينة عند لباب عاجبكم يتفرجو فيكم زوفرية لي فالكراجات
علياء:راه عاد دبا نزلنا لقيتني غاديا لدار
زكرياء شاف فسماح:نتي طلعي حتا نجي ونتفاهمو (جر علياء معاه) ونتي زيدي نوصل طاسيلت شيطانك...(كيهدر بجهد باش يوصل صوتو حتا لسماح).مليون مرة قايل لجدكم يا دخلو يا خرجو ..باش تشدو لعسة عند لباب نحشلكم رجلين من جدر ..(سد لباب)...مزيان تبارك الله دايرين ملتقى اليونيسكو عند الباب ...
شاف فعلياء مخنزر وهي حابسة ضحكة
زكرياء بزعفة:زيدي تمشاي قدامي تريكة ناقصة ...نطول ولا نقصر نباصي على جدك نتي وياها ..ما قدو فيل زادوه فيلا
علياء شافت فيه كتلعب بحاجبها:الفيلة جبتها بيديك اخويا ما جابها حد
زكرياء دور وجهو عليها داير يدو فجيبو كيتمشا ومرة مرة يشوف فتيليفون بجاوب ويرجعو لجيب وعلياء حداه كتتمشى حيتاش دارها قريبة لدار الحاجة فنفس الحومة ..حلقها واجعها الا ما نطقت غطرطق
علياء (بلهجة مصرية معلكةههه):اييه يا دنيا والله والجليد طلع عندو قلب يا يناس ..يا خواتشي كده الحجر حب واخيرا لازمني اعمل عمرة وحج ان شاء الله ..(شافتو مداهاش فيها)على فكرة البت وقعة فدباديب أهلك ..اللهم إني قد بلغت ..اللهم اجمع عصافير الحب في قفص واحد وغرقهم في عسله ..وقطرانه
زكرياء شاف فيها بنص عين :صافي لازاري ينادي...سلوكة تقطعو عندك ابنتي ..ما بقى فيا غير داك راجل وداك الولد ..يحسن عوانهم معاك
علياء:يحصليهم شرف انني معاهم ..شفتك كتغلط فيا عاين باين ..حربش لا توصلوني قالك سلوكتي تقطعو وراه نتوما لي مكلخين ممتفهموش ..ونتا بذات اكبر مكلخ ياله ..بقات فدكتور..نتا راه داك لبنج لي تعطي لعيباد الله لعب ليك على لمخ حتا تبنجتي على طول
زكرياءوقف حدا بابها:ها دارك ها بابك..وصلتك الله يعاونك ..سيري خدمي هبالك على راجلك اما انا راه اخرتك معايا نعلق فصومعة(جا غادي)
علياء جبداتو من يدو :وقف نقولك ...وها نتا كتسبق لعيب ..ولكن غنكون معاك رجولة ..الا عولت عليكم غنبقاو هنا حتا لعام لي معندو خوه..نتا تشرق وهي تغرب ..واحد مكلخ وحدة فراناتها مقطعين ..غير الله يستر مع هاد لحريرة لي ناقصة قوام
علياء:وصبر راه صبر باب من ابواب الجنة (غمزاتو) دبا شفتي بخبرتي تبركيكية وتقنية الفار الإفبئايية..لعيناي ولساني ولعقلي لي بلاني ...عرفت وبكل تواضع انك نتا والأخت سماح الشريفة العفيفة ...على علاقة عاطفية مقبلة على زواج ان شاء الله ..(جا يهدر سكتاتو) اصبببببررر..ومن هنا قد خرجت بنتيجة ..اخي الإنساني والذي بعون الله قد اعانها ليس بدافع الشفقة بل قلبو مردمد جدو الكلب ايه يا دنيا والله عشنا وشفنا لفقيه بنصالح كيحب ..اينيون عليا ...ولكن داك لمكلخ معارفش بلي مقطعة لوراق حتا هي مرمد طاسيلت والديها والجفاف العاطفي دارها بيها وغير شافتو ضحك ليها طاحت فيها بلهلا يطريه ليها ..اييه نعام اسي شفتي ديك سليعفانة وططحبك اجدك..غير هو بالفرحة بعض المرات لسانها كيخدم عكسي لا ديرش عليها مع لوقت غتفورماطة ان شاء الله ..سلعة شينوة غير سلك بيها هذا رزقك ...اللهم قدرني على فعل الخير ..وانفع واستنفع بلساني واخباري ..كيقولك توصال لخبار ماشي زين ونميمة حرام ...راه فشي مرات كتنفع ..راه لوكان ما كانو لبياعة ولحاسين لكابة كاع منوصلو لفين واصلين دبا ...(غير هي كتهدر وهو مطلع حاجبو فيها ومبتاسم جنب شافت فيه مستغربة) مالك
دورها بلا ما يتكلم وعطاها لقفاها ودفعها لدارها دخلت وهو رجع راشقة ليه من بعد ما كان ناوي يسمعها لمنقي خيارو قرر يلعب معاها بطريقة اخرى ...
عند سماح لي طلعت كتولول ديما كيوصيهم على لوقاف فالباب وديما كيجي غير فالوقت لي كيتحل فيه لباب ....وخا ميكونوش واقفين فيه ولكن كيتحسب عليهم وقاف وشياخة ونميمة وتبركيك وداز مليون ترليون واحد تبسل عليهم ...وخا هاد شي راه ما وقع منو والو ..ولكن الرجل المغربي عموما هذي هي نظرتو على لباب ..مقر الانتربول الدولي ...احح بيني وبينكم لجلسة ديال لباب كتجي فيها لهدرة حلوة كنجبدو مواضيع جد حساسة لدرجة كتكونو زوج ولكن فنهاية الحديث كتلقاو راسكم تكاثرتو جارة تجي بنت جارة..فلانة من راس درب تجيب كرسيها و تلحق عليكم كتلقاو راسكم درتو حلقة ..ولكن منغصات الحياة ميخليوكش تناقش فخاطرك .. جلست سماح كتقاد فالمقعودة وسلاطة ديال روز لعشا ..وكتتسناه فأي وقيتة يدخل يصعصع عليها كتوجد فعقلها باش تجاوبو ..الحاجة حلفت متنهيه عليها هي وعلياء والا حلفت كتوفي ..واكيد علياء خذات نصيبها فطريق وغيجي يعطيها حقها وزيادة ..لعشا وجد وهو ما ظهر ولا بان ..بدات كتصوني عليه مكيجاوبش ..
سماح:اويلي هذا مالو ..(سيفطتلو ميساج) مهم راه كنصوني عليك مكتجاوبش ..بغيت نقولك غير من قبيلات وحنا كنستناو فيك لعشا ..جيب معاك الخبز راه مبقاش
زكرباء جاوبها:مغنجيش ليلة مشغول ..سخري شي حد ولا خرجي جيبيه نتي وتعشاو
خرجت بزربة لحانوت لي حداهم جابت لخبز وفيقت الحاجة من نعاس تعشاو ..جمعت ومشات لبيتها تنعس ..
جلست كتقرا وتعاود فداك لميساج كتهدر مغزز عليه :هايهاي ..مشغول وخا اسيدي ...سيمانة ديال نهار هادي ومشغول بليل حتا باش تجاوبني ابيل مقادرش خاسر عليا زوج حروف..سوفل مبقاش ليك باش تهدر ..كتحرر القدس يا ولد لحرام .. الجندي كيجاهد ...يا تريك آي وآح ولكوى فوق سطح ..داير فيها داعشوش وهو ولد لفشوش حاضي غير ترمة ولفنتوش ...ايه يا لفقيه بنصالح كتقوم ليل ..تعبر ترمة وتقلب سوة بالميل ...وخا الا بقاتها فيك تبقى فيا يا ولد الحاجة يامنة
دازت سيمانة غبر مبقاش كيجي لدار وكيهدر مع الحاجة فتيليفونها سماح ما عاودش دار بيها ..وهاد الاخيرة طاح ضيم عليها ..وزادت كملات هاد صباح عليها صدمت اش سمعت الحاجة وعلياء كيهدرو ..كتحاول تستوعب ولكن مقدرتش كتقول راه يمكن سمعت غلط ولا وذنيها وقع فيهم شي سيركوي 🤣 ومزعمتش تسول وتستفسر كثر وحتا هما حتا وحدة ما شاركت معاها لحديث فداك الموضوع ...
داز داك صباح فروتين علياء جلست تغذات معاهم ولحق عليها عصام واحمد ..كلشي ضاحك الا هي لي كتبتاسم بزز ..سالاو لغذا وجمعات علياء وغسلات لماعن ..اما سماح فطلعت لسطح جالسة تحت واحد ضليلة كتصبن وتبرد جنونها فداك صابون وكتشتف على شميز ديالو وتتغبن ...طلعت عندها علياء لقاتها تصبن وتبكي
علياء بقات كتشوف فيها وتاضت بدات كتشلل عليها الكسوة كملو ونزلو كلها وشدت سداري ..شافت علياء الملل لا يطاق وبقات فيها سماح على ديك الحالة لي لقاتها فيها وقفت كتجبد فكسوة سماح وتحط ..وسماح متبعة ليها العين
علياء:نوضي طرفي حالتك خلينا نزلو لسوق نشوفو الجديد
سماح:والله ما فيا غير خليني ننعس
علياء بدات كتجبد فيها باش تنوض:نوضي تربحي ..غير نوضي
ناضت سماح بزز منها لبست عباءة فالأسود وسباط وشال احمر وبوشيط فيدها سوداء دارت غير الايخون لوجها
وخرجو من بعد ما علمو الحاجة خلاو معاها احمد دازو لدار علياء بدلت عليها وهزت طموبيلتها قصدو سوق كيدورو ويهدرو ويشوفو ويسولو وهما غير دايرين لبلبلة مشاريين والو ..حتا سماح فاض بيها الكاس
سماح:عليا صباح سمتتك نتي والحاجة كتهدرو على ..
قاطعتها علياء:شوفي اسموحة ..هاد الموضوع منفدرش نفيدك فيه ...الوحيد لي غتفهمي منو هو زكرياء
سماح بغضب:عرفتي شنو ..غنمشي عندو ونشوف هادشي ..انا ماشي عجينة كيف ما بغى يشكلها ..(دموعها نزلو) الا رجعت عالة عليكم والله نمشي كيف جيت وعمري خيركم ننساه
علياء خنزرت فيها:شفتي عيب عليك تقولي هاد لكلام ...نتي عارفة مزيان بلي حاسبينك منا ..ما جاتش دبا تقولي هكذا ..نصبحة متخليهش يسمع منك هاد الكلام لا هو ولا الحاجة ..انا غنتفهمك ولكن هو منضمنش ليك
سماح:واش بغيتي نفهم وهو يقولك باغي يزوجني لصاحبو ...ياك كنت موافقة وعطيتو هو يقرر فزواجي بولد الحاجة الباتول هو لي مبغاش ..علاش حتا فرحني ديك الفرحة وعلاني لسابع سما جا دبا لتخني مع الارض
علياء:نعلي شيطان وخلينا نرجعو لدار حتا تشوفيه اختي وهو يفهمك
سماح :هو خدام ليل هاد سيمانة يعني دبا غيكون فدار ..توصليني ولا نشد تاكسي
علياء:اويلي حماقيتي ..زيدي خليه حتا يجي لدار
سماح زادت خلفة:مبغيتيش صافي نمشي فتاكسي
لحقت عليها علياء كتضحك:وقفي اعوجت رجلين ..نوصلك صافي ..غير صبري
مشات وصلتها قبل متنزل سماح:غير سيري نتي انا نرجع فتاكسي
علياء:الله معاك يا ختي ..ومسامحين من دبا
طلعت سماح مغندفة وقفت كدق بجهد شوية وتهرس عليه لباب ..هو كان ناعس فيقاتو مخلوع حل لباب معنكش شافها عاد صحصح مزيان طلعها وهبط وهي دايرة يديها على خصرها شافتو طلع فيها حاجبو دفعاتو ودخلت بزعفة ..زكرياء دخل من موراها طالعالو القنديشة لراس
سماح:تقدر تفهمني اش ناوي دير ؟
دخل لدوش غسل وجهو وخلاها هي وسط دار محيحة خرج عندها كيمسح وجهو
زكرياء:ومن بعد علاش على صلاح منين شاورناك اش قلتي ..ياك بفمك قلتي لي درتوها موافقة عليها ..ونيت برهوشة بحالك فهاد المواضيع غتغرق راسها فطين
سماح بلغوات:ونتا مالك نغرق راسي ولا نموت ...ونزيدك قبل كنت قادة بحياتي وحتا دبا ممحتاجاش ليك تسير ليا حياتي على هواك ...(بغصة) باغي غير زواج تزوج نتا ..ماشي نجيك انا فلبلان
زكرياء وقف حداها مطلع حاجبو:وشكون قالك مغاديش نتزوج ..
شافت فيها عينيها مدمعين:تزوج ولا موت انا مالي ..غير بعدني عليك وخطيك من حياتي ..
زكرياء:دبا نتفاهمو ..جلسي (سماح شافت فيه مدة ورجع عاودها ليها) جلسي اسماح
جلست كتفرك يديها وتغزز فسنانها بتوتر وعصبية
زكرياء بصوت خافت مسح على وجهو:استغفر الله ..دبا شنو لي باغية تفهمي بضبط ..
سماح:علاش ؟...
زكرباء ابتاسم:علاش من بعد الهدرة لي قلت ليك قلبت عليك ..ياك ..وخا الالة نفهمك..دبا واش نتي عاجبك راسك ..عارفة الهدرة لي كتخرجي وطيرات لي فيك لو كان شي حد اخر كان يا غيهرس ليك فمك ..يا غادي يلعب بيك كيف بغى
سماح:كيفاش يلعب بيا كيف بغى ..قبل كنت محافظة على راسي وباقة لدبا محافظة على راسي ...ماشي بهلة باش يجي لي يديرها بيا
زكرياء:عارف مقلتش العكس ..لو كان معرفتكش كيف جاية مغندخلكش على عائلتي ونأمن ليهم معاك ...
سماح:علاش باغي تزوجني ..انا مباغياش نتزوج
زكرياء بابتسامة:ياك زواج زين على ما قالت ليك علياء ..حشمت نقولك الباقي ...
سماح بغنج:زواج زين راجل لي ماشي زين
زكرياء:وتفكير عندك الشعيبية..دبا من الاخر واش مباغياش تتزوجي ولا مباغياش تتزوجي غيري
سماح خنزرت فيه:على زينك وكحل عيونك ..انا مباغياش نبعد على الحاجة
زكرياء:وصافي نزوجوك ونخليوك مع الحاجة تونسيها نتي وراجلك
سماح غطرطق:وباز يا خويا مكتحسش حرام عليك والله ...لمن باغي توصل بهاد الاستفزاز اجيني نيشان
زكرياء:ترمقني بنظرة كره مليئة بحب دفين..وانا بحبها متيم ابحث عن ملجأ لقلبي اليتيم وذاك الوتين...هل هي غبية لحد لا يجعلها ترى غيرتي من اسنان تؤذي ثغرها الحزين..ولا انزعاجي من دمع قَبَّلَ خذها قبل حين ..
خرجو هو ضاحك وهي كتاكل فجنونها طلعت فطوموبيل منفخة عليه
زكرياء:اجي بعدا شكون جابك؟
سماح:علياء
زكرياء:نتي وديك لفعة متتهناو حتا نتهلا فيكم
سماح:وخا
زكرياء:معاجبك حال
سماح:واه
زكرياء:طرطقي...(سكت شوية) نتي يا تشدي لهدرة فيتيس يا تبقاي تقطريها
سماح شافت فيه:ما عاجبك حال ..طرطق
زكرياء:زعمة كترجعي صرف
سماح:لا احنيني انا بحال لبنك كنعطيه وراقي
زكرياء غمزها:شي زرقالاف فارطة بلعكر من تما
سماح:نعلقها ليك غرامة نهار عرسك
زكرياء كيطنز عليها:نهار عرسي غناخذ بريكات اما زرقالاف غير تسخينات
سماح دورات وجها كتشوف لطريق:نعطيك خلا دار شرك لا ..جيل قيمش مايحشم ما يرمش
وصلها عند لباب ووقف جات تنزل وقفها صوتو
زكرياء:اخر مرة اسماح اخر مرة
سماح شافت فيه مستغربة:اخر مرة لاش؟
زكرياء ابتاسم:سيري طلعي الحاجة تكون مشوشة عليك
نزلت وقفت عند لباب كتشوف فيها دار ليها حركة براسو باش تطلع فتحت لباب وخلاتو مفوج حتى شافت طوموبيل تحركات وفتحاتو عاود متبعالو لعين ..وصل لراس درب وخرج يدو من زاجة كيتحلف عليها وهب طلعات كتفرنس غير بحدها معارفاش علاش فرحانة ...دخلت كانت غير الحاجة سلمت عليها ومشات تبدل رجعت لقات الحاجة كتهدر فتيليفون وتبتاسم شافتها جلست حداها جبدتها من ودنها وقطعت تيليفون
الحاجة كتضحك:احياني يا شنيولة ..كاع هاد شي يطلع منك ...الالة وكيف غارت ومشات تحيح ...خايفة على رزقك لا يطير ...وغير هني بالك غيرك ما تدخل عليا كنة ...ومنك ما نطلق ..ما قلت فين جا هو بذاتو باغيك نمشي انا نجري عليك ..يا لالة وعلى عروستي لعيشورية ...قوليلي على هاد شي تغير حالك ونقصت ما كلتك وزاد فيك سهير وتخمام ...اش عجبك فداك جمل لخلا
سماح:فوقاش قالها ليك؟!
الحاحة:سيمانة هادي ملي هدر معايا نهار لي خرجك باش تتفاهمو ..قالهالي قبل ميخرجك ...وخليتك على راحتك مبغيتش نحشمك ..وراه انا لي منعتو من الهدرة معاك ولمجية لدار...حتا نكملو كلشي على خير ..كيف منبغيش الهدرة على علياء حتى نتي راكي بنتي منبغيش عليك ونخاف عليك وخا من ولدي لي ربات يدي ...
سماح باست يدها:يطولي فعمرك يا لحنينة
الحاجة:ما عرفت هاد لعجينة ديالكم لي ناقصة خميرة كيف غتجي ؟
سماح:علاه انا عرفت آمَّا لبضاض(الحب) ماليه لا دين ولا ملة ...كنبضاضيه(كنبغيه) على والو ..(شافت فيها كتتغبن) ياكي امَّا حتا نتي زدتي معاهم عليا سينانة ملي عرفتي و جالسين تضحكو عليا ..وانا وسطكم كيف لبهيمة لعمية دايرة نية ..وعليا ديك بقرة صحرا كتزيد على ما بيا وتأزم فيا ...
الحاجة دارت يد على يد:داك وجهك ولا مسلفاه ..حشمتي تسوليني ومحشمتيش درك لي جالسة تمعشقي فيه قدامي ..حشمت تسولني ومحشمتش من كلمة نبغيه ...ابيه يا بنات ليوم لحشمة عندكم بحال كسوتكم مقزبة
سماح هربت من حدا لحدا لباب كتضحك:عندي لحشمة كتتبحر بدوبياس آمَّا...وراه كنبغيه مالي كذبت ...حبي طاح على حجرة ...
الحاجة زفت علبها بسبحة:الله يقلل حياك ..تبعتي ديك حمام لخلا رجعاتك بحالها ...يحسن عوان ولدي معاكم لعقل مفقود لا عند ختو ولا مرتو
سماح بانفعال:فين هي هاد العائلة انا ما عندي من غيركم
الحاجة:لواه ابنتي نتي مولات لعقل ..وربي وصانة مانقطعو لرحام ...لي قطع صلة رحم قطع رحمة الله عليه ...ونتي انسانة مؤمنة وتعرفي لي بينك وبين الله ..
سماح:هما لي قطعوها ورماوني ..حتا حد فيهم ما سول عليا ولا بغى يعرف خباري ..ودبا منين ربي فرجها عليا بغيتيني نرجع ليهم وندادي ..
الحاجة:وخا هكذاك كوني نتي حسن منهم نتي مولات لعقل والقلب لكبير...الا ربي يغفر لعبادو ..نتي لي غير إنس متغفريش ليهم ؟
سماح شافتفيها ذبلانة:انا قلبي مكبيرش لدرجة ننسى اش دارو ونتعامل كأن شيئا لم يكن ..غنكون غير كنافق
الحاجة:مقلتش ليك نساي ..حاجة لي كتجرح وتعذب ميمكنش ننساوها الا ويجي واحد نهار زمان يرجع يفتح الماضي وترجع بينا ذكريات..كنقولك خلي لماضي فات حطيه من على كتافك غير غيفشلك ويهد صحتك ونتي مزال طريق قدامك طويلة ومزال غيجي فطريقك شلا متهزب عاد ..خلي غير الحاجة زينة معاك والخايبة زفي بيها لبعيد ...متخافيش مغتلفش عليك تلقى طريقها ونهار لي توصل ليك تفكرك بيها ..الا بغيتي تعيشي هانية ومرتاحة متخميش فلي فات خلي عقلك مع لي جاي وتفاءلي الخير تلقايه ...وتسامحي مع راسك ..نهار لي تكوني مصالحة مع ذاتك غيجيط اي تصرف من اي واحد مجرد حدث وداز ...
سماح حطت راسها على حجر الحاجة ونزلات دمعتها:معرفتش ...منين كنتفكر اش داز عليا وبلي دمي ولحمي اش دارو فيا..نفسي كتعز عليا ..وكتزيد على ما بيا ..ريحة ماما حرمات عليا ..حتا من جدة معرفتها واش ميتة ولا حية
الحاجة تنهدات سكتات شوية ونطقات:
▶️بين حكايات زمان..من قصص سمعتهم فالمساجد ودور القرآن..من سيرة نبي خير خلق الرحمان ..عليه صلاة وسلام ...
ان نبي كان له زوجة قبطية من مصر اسمها ماريا..ذات يوم في مجلس له مع صحابة قال"إذا فتحتم مصر فاستوصو بأهلها خيرا ..بالقبط خيرا ..فإنا فيهم دما ورحما" اي ان لي بيهم صلة ورابط فخذوهم بالمليحة..لم يكن نبي منهم ولا هم من اهله ونسله ولكنه تزوج منهم فحفضها لهم هكذا هم اهل العقل والدين يحفظون للأرحام حقوقها ...في احد المساجد كان خطيب يلقي خطبة..وأثناء حديثه وهو في غمرت كلامه ....كان حديثة عبارة عن موعضة إيمانية ليصلح بيها الناس ويذكرهم بصلة الرحم و بالله عز وجل ..لاحظ ان من جمعهم رجلان يبكيان ...وبعد ان اكمل درسه اي تلك الموعضة قام احدها وعانق الاخر وهما في نزلت بكاء شديد..فجاء الخطيب العجب في امرهما ..ثم قدما إليها الرجلين ..فلم يصبر على جوع فضوله حتى سألهما ليشبعه ..
الخطيب:مابالكما تبكيان ..هل بكما فاجعة؟
فأجابه احدها:نحن اقرباء ولكن بسب دنيا ومفاتنها تهاجرنا منذ سنين..لسنوات قطعت رحمي وهجرت فردا من اهلي ..ولكن بعد ان رأيته في المحاضرة ورآني وبعد ما سمعناه من حديثك رقت قلوبنا ..ولانة عصبنا وتذكرنا ما لنا عند الله عز وجل ..
وبعد حديثهم غمرت شوقهم لا تزال في ذروتها دمعت عينا الخطيب من حديثهم فأخذ ارقامهم ليتواصل معهم ..وبعد ثلاثة ايام فقط اتصل احدهما بالخطيب ..صوته اجش حزنا ..
بفضول سأله الخطيب:ماذا بك؟
قال:يا شيخ ادعوك لصلاة الجنازة
الشيخ اجاب بفضول:جنازة من؟
رد عليه:اتذكر قريبي الذي عانقته قبل ايام
قال:نعم
قال:توفي اليوم
سخر الله له هذا شيخ ليذكره بالله قبل ثلاثة ايام ..لا يحل لمؤمن ان يهجر اخاه المؤمن..كيف إذ كان قريبه او اخا شقيقا له او اي فرد من اهله وصلته صلة رحم ودم ..كيف يقطعها ..اويريد ان يقطع رحمة الله .."الراحمون مرحومون "..ثلاثة لا يدخلون الجنة ..من ثلاثة قاطع الرحم..يقول عليه الصلاة وسلام"ما من عمل صالح اجذر ان يعجل الله له الثواب لصاحبه في دنيا من صلة الرحم "
اي ان الله يجزي العبد اجر صلة الرحم في دنيا قبل الاخرة ..من أعظم الأعمال عند الله..عمل بسيط مجرد سؤال في قريب خمس دقائق من وقتك يا بني آدم ..زيارة قريب قريب..النظر في وجه الشقيق ..السؤال عن قريب بعيد ..الشق على الوالدين..كلها اعمال مجانية لكننا غافلون عنها ...صرنا في زمن البروتوكولات ..اذ زرنا احد يجب اخذ نصف السوبر الماركت ..وربع محلات الحلويات وبقرة حليب ..ومعزة جبن ..صرنا حمير في تفكير حيوانات للأكل فقط ..تزور او تقوم بإستضافت الأقارب لتباهي بكم المؤكولات على طاولة .. تحت شعار ..نعم انا شخص كريم وذو مؤونة طاولتي مليئة...احافظ على صلة رحمي ومضياف.لا وألف لا صلة الرحم ليست مشروطة بالأكل ..ليست لتباهي ..ليست بروتوكولا فارغا ..بل هي عبادة ..في استطاعتنا زيارة بأيد فارغة ..باستطاعتنا الاستضافة والتجمع على ما وُجد فقط شاي حلويات خفيفة او خبز وزيت ..ما هذا!!؟؟ كيك ومعجنات ..ومكسرات طاولة او بوفي للأعراس هذا🤔 ..كم من ابتاسمة من قلب وحكي وضحكات ..افضل من مئة طاولة مزخرفة بالمؤكولات ..كم من نصيحة وتخفيف هم عن قريب افضل من جل ما سبق ..صلة الرحم افضل من ذالك حقا ..فلنرتقي ..كم من مرة نكونو في حالة اكتئاب حزن ضياع وضيق ..نقوم بزيارة قريب احيانا نذهب غصباً ..ولكن بتلك الزيارة والأحاديث التي في صلبها نرجع كأن هما وقد انزاحة عن قلوبنا ..رحمة الله بنا ..صلة الرحم..من رحمان ..قال"وما من ذنب اجدر ان يعجل الله العقوبة بصاحبه
من البغي وقطيعة الرحم "..ما اجمل التآلف بين الأسر ..وما افضل من ان تشعر بأن لك سندا في الحياة ..ابوابا عدة تخفف عنك ..قلوب تحزن لك وتفرح معك ...قال تعالى:"واللذين يصلون ما أمر الله به ان يوصل ويخشون ربهم " هؤلاء هم من يرحمهم الله عز وجل ..هذا هو فضل صلة الرحم ...من قطعها قطع عنه رحمة الله ومن صالها أغمده عز وجل برحمته ...
كم من عبد ضعيف الآن يناظر اخاه كأنه شخص غريب..او ابوه او اي من اقاربه ..كم منا من آمة تقاطع امها اخواتها ..رفيقاتها ..قريباتها ..ولأي سبب..لأسباب تافهة امام رحمة الله ..مرات عديدة نجد قريبا قريب او بعيد تلاقينا الصدفة في سوق واي من الاماكن العامة بلا سلام او كلام كأننا اعداء ...اي زمان هذا صرنا اإليه واي أخلاق هاته التي نسموا بها .نجري وراء فتن الدنيا الفانية غافلين عن اجر الأخرة والعمل الصالح ...كم منا الآن لا يعرف النصف الكبير من اقاربه حتى لو جاءت بهم الصدفة في ممر ما لا يعرفون بعضهم ..عجيب امرك ايتها الدنيا ...تفرقيننا ونحن احياء ⏯
الحاجة:فهم يا عبد الله مغزى لكلام ..ولا تكون من عصى الخالق المنان ..وتجول طاغي قاطع الأرحام ..يجي نهار وتعوز لي يسخن كتافك وديك ساعة يكون فات زمان ..لا رحمة ربي تنزل ولا العبد ليك يكون فلعوان ..
سمعات سماح لكلام الحاجة وتمعنات فيه وقفت باست ليها يدها وراسها وتنهدات:يكون خير ان شاء الله
دوزت ديك لعشية كدور هدرت الحاجة فراسها ..خوفها من الله كيقولها نساي لي فات ولكن منين كتتفكر اش داز عليها كتقول تيقارهم حسن من قرابتهم ...جا ليل وحلف نعاس لا جاها معرفت مدير وحارت فأمرها محتاجة معامن تهدر وتخاذ شوار..حياة تكون ناعسة بسباب خدمتها وعلياء تكون مع راجلها حشومة وعيب تصوني ليها دبا ... ما جا فبالها غير صاحب دعوتها نيت هو فايق فايق بيها ولا بلا بيها وهو واعد الحاجة باش هو ميهدرش معاها ماشي هي متهدرش معاه ..صونات شحال من مرة وما من مجيب حطات تيليفون وناضت توضات وتقبلات لله كتدعي وتناجي سالات صلاتها وبقات على حالها كتسبح وتذكر الله حتى كتشوف تيليفونها كيفيبري ..شافت نمرتو وابتاسمات
سماح جاوبات:رياض الصالحين خالف عهدا ..يا أسفاه
زكرياء ضحك على كلامها:كما زليخة راودت يوسف عن نفسه..روادتني شبيهتها عن عهدي ..ان كيدكن لعظيم
سماح:كيدكم اعظم يا بني آدم ..أو لم يقع يوسف تحت براثن زليخة من تحت غذر اخوته
زكرياء:لسانك سيف ذو حذين ..إن حضر صمتي او جاذلت خاسر في كلتا الحالتين
سماح ابتاسمات:مسالي ولا مشغول
زكرياء:ساليت عاد جيت ..اش عندك مصونيا فهاد الوقت متخليش ناس تنعس؟
سماح: شاركت فخدمة قم وصلي ولنوم لا تولي ..وبغيت نستأجر فيك نتا الاول نفيقك
زكرياء مسح على عينيه كيضحك:لا مكنعرفهاش ..زيدي زيدي هدري
سماح:قالتلي اش وقع (تسيفت عليه) وغير عقل اش درتو فيا هاد سيمانة مخلوفة اولد الحاجة ...(رجعات كتهدر بصوت خافت ) قالتلي بلي خاصني نمشي نشوف عائلتي ونتصالح معاهم
زكرياء بجدية:ونتي اش قلتي
سماح كتتغبن:معرفتش؟!مقدرتش نسمح ليهم على اش داز عليا ...رماوني وحتا حد ما سول فيا
زكرياء:ونتي سولتي عليهم ؟!
سماح:انا..
قاطعها:عارف بلي عندك جداك مرة كبيرة ومعدومة ..سولتي فيها ...لا ...فين درتي صلة رحم نتي ..الا كانو هما ميسواوش متكونيش بحالهم ...
سماح:انا جدة توحشتها بزااف ولكن ...
زكرياء:ما كان ما ولكن .. خاصك تمشي عندهم اسموحة لحلوحة (ضحك باستهزاء) كنعرفك قلبك كبير ودغيا تسامحي ا دويبة
سماح كتشوف ناحية سرجم تنهدات:ان شاء الله ...غنعس دبا ..سير ونتا ما تنعس ما تخلي لي ينعس ..افف شحال فيك هدرة
قطعات عليه كتضحك ..اما هو رجع بظهرو على لكرسي كيحك فلحيتو ويضحك
زكرياء:ههه دويبة ..سليلة حديدان ...(شاف فتيليفونو كان داير تصويرتها جنب خذاها ليها نهار خرجو للقهوة بلا ماتعيق بيه) والله وجابك زمان حتى لعندي ...
دازت ايام وسماح على حالها حتا حد ما عاود جبد معاها الهدرة رمضان بقالو شهرويدخل على الابواب جالسين مجموعين على كَصعة ديال طعام (قصرية دكسكسو فوكابولير الوجدي 😂) كان نهار جمعة
علياء موجهة كلامها لزكرياء:شفتكم سهيتو على حريرتكم ..مناويين تخطبو ولا تعرسو ...عندي بلوزة وقفطان باغية ندشنهم ...
زكرياء:ونتي شكون عرضك
علياء:ما جاياش عندك جاية عند سومي ..ودبا بلا سيترون ديالك قول اش ناويبن ديرو
زكرياء:انا لي نقولكم العقد قبل رمضان شي الاخر بيناتكم ..خططو كيف بغيتو
بعد يومين ..كانت واقفة كتحط اخر لمسات لوجها متوترة فوق لقياس..لابسة شميز طويلة بالابيض والرمادي مع كولون بيض وسبادرين بيضاء شال رمادي وحزام لشميز فجون موطارد مع ساك فنفس لون ..ميك اب خفيف ..فيقها من سهوتها تيليفونها لقاتو مسيفط ليها ميساج
سماح:خلي بلا منمشيو اليوم ..كنحس براسي ماشي حتا لتما
زكرياء:غنوصل دري راه معايا وندوز عليكم ..
شوية وهو يوصلها فيديو فيه هو وصاحبو من طوموبيل كيغنيو فيه اغنية عراقية
🎶اريد اكَلك اني قافل عليك ..
وأريد اشرد بيك ..
تعال اشبعك حب اشبعك دلال..
تعال يا بني الحلال ..
بس إلك منطيه مجال..
تعاال تعاال ..تعااااال🎶
شافتو ضحكات..لي يشوفو يقول هذا معقد وهو اكبر حمق شافتو الكرة الارضية ...ولد يعرف بينو وبين والله وعايش حياتو ..دين ابدا ماشي تزمت وتعصب ..وكلشي حرااام..حراام..نطيع الله ونبعد على لحرام ونقيم صلاتي وفرائضي ..ونكون فسليم ..راني غادي مزيان ...دين يسر ماشي عسر ..ماشي بضروري نكون فاسد ولا متبرجة باش نعيش حياتي ..بالعكس بلباسك طويل وحشمتك تقدري تعيشي وتتفليباي كيف بغيتي تضحكي وتخرجي فين بغيتي ..وديري اش بغيتي فنطاق المعقول ..خلي اي واحد شافك يتمناك ماشي يشوفك واول حاجة فبالو هي يتشهاك ..مترخصيش راسك لدرجة يبقاو يشوفوك غير مجرد ثقبة يفرغ فيها كبتو ..الانثى اكبر من ذلك..خليه يشوف فيك كيان قبل ميشوفك جسد ..خليه ديما عقلو محروق علاش كتغطي راسها شنو فيها لي مخليها كتستر راسها ..متخليش راسك سلعة مكشوفة ..راه منين كنمشيو نشريو شي حاجة مكنبغيوش ناخذو لي تلمسوها ليدين حيتاش غير غتجيبيها خاصك تصبنيها ..ديما كنختارو لي مجموعة و مسدود عليها واول واحد قدر يفتحها هو نتي ...الحاجة المباحة ديما مرغوبة اما ديك لي صعيبة غير لي راجل وقد المسؤولية هو لي يزعم يخاطر ويدوز ليها ...ولي بغاك حلال يقصد باب دار..اما شي يتسلت من سراجم بحال شفار ...
طريق الجنة الجزء الثالث
محتوى القصة
التنقل بين الأجزاء