🖊....كل واحد فينااا عندوو قصتووو و ضروري ماتكون خايبة وزوينة فيهااا ناس مشاو وفيها ناس بقاو و فيهااا ناس معندهم غراض بيك موت ولا عيش وهداا هو حال الدنيااا مرة ليك ومرة عليك هاد المرة غادي تعيشووو معايااا قصة مختالفة بزاف بلامااا نحرق المراحيل تبعووو معايااا وتعرفووو كولشي...📙
ماما : انوضي براكة عليك من النعاس وزعمة هدااا هو اول نهااار ليك فالخدمة بغااا من نهارك يجريو عليك
انا : ماما عافاك خليني نزيد غير شوية راه البارح نعست معطلة
ماما : اااه عرفت ديتي ليااا التيليفون ديالي وبقيتي تهضري نتي و خوتك اش كتكونووو تقولووو الله اعلام
اااه سمحو ليا نسيت معرفتكم على راسي انا سميتي نتاليا ديغو 23سنة من اب ارجنتيني و ام مغربية وعندي جوج خوتي توآم صغر مني عمر و عمير عندهم 20سنة نوصف ليكم راسي سمرة عينية كبار و وخوضر شعري حرير من عند الله و طويل وبنسة لطولة طويلة نصلاح نكون عارضة ازياء ههه ولاطاي حوتة كيفما كيقولو ليا الاصدقاء ديالي ههههه بنسبة لشخصيتي نية ونقدر نتق اي حاجة ماما و بابا طلقووو ملي كان فعمري 3 سنين وماما من بعدهاا داتني و رجعنااا المغرب بضبط لوجدة بلاد ماما خوتي توآم داك الساع كان عندهم عام بابا رفع على ماما دعوة وداهم ليهااا و بقاو عايشين معاه فالارجنتين ملي بديت نكبر شرحات ليا ماما كولشي وبلي بابا عائلتووو الي مابغاوش ماما ...(من بعد وتعرفووو علاش ) ولكن ديمااا كايصوني علينا و يسول فينااا و كل عام كيصيفط لينااا توآم لعام الي فات ڭلسو غير 15 ليوم و مشاو وهاد العام غادي يڭلسوو خير ربي طبعاً عندي الونيس من غير ماما كاينة صاحبتي نعمة قريبة ليااا بزاف و حتى من خوهااا الي هو خويااا تالت من بعد خوتي ديماا كنكونووو مع بعضياتنااا واخاا يكون شي واحد فينا مسافر ميرتاح حتى يهضر معانا وكاينة حتى شيماء كانت علاقتي بيهاا زوينة حيت كنت خاطيبت خوها عام ديال لحب و تضحية جات وحدة فرمشت عين دات معاها كولشي وهاد الايمات غادي يدير العرس صافي هاد الدقة كمدتهااا ف قلبي و ختاريت نسكت بنسبة لشيماء واخا سالات الخطبة ديالي بخوهاا بقيت نهضر معاها عادي ولكن حسيت بيها هي بدات تتهرب مني ... المهم خليكم معايا شلا اسرار مخبعة يجي وقتهااا وتبااان ....
ماما خرجت من البيت وانا دخلت لدوش قديت حاجتي غسلت وجهي وحكيت سناني وخرجت من الدوش شفت ف ساعة لقيتها عاد ضربت 08:00
نتاليااا : اووووه اماما وراه حتى ل 09:00 عاد الخدمة ماشي مع 08:00 المهم نقاد فراشي بعدا
قاديت الفراش ديال النموسية ديالي و هبطت عند ماما لصالون ااه حنااا عايشين ف حي شعبي نقي بزاااف وزوين انا وماما كنحسو براسنااا عايشين ف وسط العائلة ديالنااا ڭاع ناس الدرب كايحتارموناا ويبغيونا من صغير لكبير حيت عمرهم سمعوو شي عيب منااا وخاا هاد البلاصة تقصحت منها بزاف حيت الولد الي كنت مخطوبة بيه جاري هو ف الزنقة التانية و ان شاء الله شوية بشوية النسااا كولشي .....
انا : الله الفطور ديال الصباح شحال زوين
ماما : ايوا بقاي تفيقي بكري عاد لفطور ديال 06:00 واعر على هداا
انا : لا الالة نواال ا لا حتى ل 06:00 وممعناااش
ماما : ايوا خصكي توالفي راكي غادي تبداي تخدمي دبا واخا انا مبغيتش ولكن على خاطرك و نتي عندك الباك كون دفعتي لشي حاجة حسن ليك من سرباية
انا : ماما عاود وراه سرباية ف أكبر اوطيل فالمغرب وراقي وكيدخلو ليه غير الناس الكلاص وشحال من واحد فحالنا كيتمناا غير يدخل يشوفو و يخرج اصلاً معايا نعمة و شيماء كولشي غادي يكون مزيان تقي بيااا عافاك
ماما : ايوا واخااا ابنتي الي فيها لخير الله يجيبها ليك
انا : امين العمر يلاه كبي ليااا قهوة واش معصرة
ماما : ايه الي كتعجبك
انا : هههه مرسي ماما اااه البارح عمير قال ليا غادي نجيبلك التيليفون وقالي الا كنتي محتاجاه دبا نصيفطو ليك
ماما : ايوا ؟؟
انا : قتلووو لا حتى تجيو نتومااا وعاد جيبوه ليا
ماما : يعني غير مزال بغااا تشاركيني فمشقوفي
انا : ههههه واخا نجيب التيلي جديد هداك ڭاع مانفرط فيه 😂😂😂
ماما : (الدقان فالباب) نوضي حلي الباب ولا نشير على بنتي بهاد الكاس
....قبل مانكملو قصتنااا نعرفكم على نعمة العادل هي و نتاليا قد قد فالعمر غير نعمة دايزاهااا بشي شهورة عايشة مع واليديها باها عندو قهوة فالدرب وداير حتى الي يعاونو حاط رجل على رجل وغير يأمر وخوها تجي نوبتو ونتعرفو عليه كتر المهم قبل ماتخدم فالاوطيل كانت كتقرا هي ونتاليااا داو الباك و خرجو بقات شحال وهي غير الدار حتى بغات تخدم وخوهاا هو الي ضبرلهاا الخدمة فاللأطيل المهم نوصفها ليكم وجهااا بيض شعرهاا كحل وقصير شوية عينيهااا كوحل وكبار بنسبة لطولة ماطويلة ماقصيرة بين بين وحتى هي عندها حقهااا فالزين و الشخصية ديالهااا عزيز عليها ضحك بزاف و الي ضربهاا ضربهاا على التيتيز وكل نهار تعشق فواحد😂😂
نمشيو نكملووو مع البطلة ديالنااا
نتاليا ✅✅
خرجنااا انا و نعمة من الدار كانت لابسة تيشورت نص كوم شبعتهااا قريص فيدهااا حتى خليت ليها لحمهاا زرق 😂😂
نعمة : واااااااع زرقتي ليا لحمي اشداني نتصيف
انا : عبرت عليك تستاهلي كتر
نعمة : اااه اجي ندوزو عند صباح (الكوافورة) نقادو شعرنااا
انا : (وقفات) واش منيتك ماشي قلتي تعطلناا ؟؟
نعمة : لا من طرمتي استغفر الله راه ولد عم مول الشي....
اجيو نديكم لبلاصة اخرة وبضبط فوجدة عاد نرجعوو لدوك الجوجاات
عند عائلة العمراني...قصر ولا نقولوو يدير من القصر قصورة غير من برة كيدوخ وجردة ف جردة كلهااا عمرة ورد و كاينين 10 ديال الناااس الي يضلووو يصقيو فداك الورد خلي عاد البوديڭارد الي ضايرين بالقصر كامل وداخل القصر 23 لخدام كلها ومن دولة وكل واحد (ة) وباش مكلف عائلة العمراني معروفة فالمغرب وخارج المغرب بالمشارع الي كايديرو و بنجاحاات الي حقووو احمد العمراني رجل اعمال كبير وماكبير غير الله كتب لاطيل لولدو لكبير وخلاه هو و لد خوه يتكلفو بيه وهو مقابل مشاريع اخرة شخصيتو طيب القلب وكيدير الخير بزاف....ندوزو لمدام نصيرة العمراني مكادير والوو من غير انهااا كتهلا فراسهاا الي تبغيهاا توصلهااا حتى لقصر الشخصية ديالهاا مراا ممكبراش وحتى هي طيبة وحنينة .......
هومااا دبا ڭالسين فصالون اجيو نشوفو فاش كيهضرو
أحمد : هداك الولد مزال ناعس ؟؟؟
نصيرة : خليه مسكين ينعس مزال الحال
أحمد : انصيرة الله يهديك
نصيرة : ياك هدي هضرتك انت ديما نهضر تقولي مزال الحال غير خليه ناعس فشاحتناااا الي وصلاتو لهاد لحالة لوكان حكمناااه كيف خوه يكون دبا راه معاه ولا مع ولد عمو صغر منو و شاااد الاطيل قدو قداش غير بوحدوو ولدي تايق فولد عمو حيت عارف خوه منافع لوالووو
احمد : سيري الله يرضي عليك نوضيه وهضري معاه بلاتي هي احسن انا الا جيت نهضر معاه حتمال نضربو حيت والله عصبني بزاااف ونتي عارفة انا صبري ليه حدود
نصيرة : راه كبير اش وصلنااا معاه الشي ضرب صافي انا غادي نمشي عندو (ناضت) شرب بعدا غير القهوة ديالك راها غادي تبرد
أحمد : بغيت نفطر عاد نشرب القهوة غير خليهااا ملي تهضري معاه قولووو يجي يفطر معانااا
نصيرة : واخااا اسيدي لحاااج هي لولى (مشات) ...
نصيرة طلعت البيت ولدهااا ولا نقولوو لملعب ولدها ههه بصح بالكبر الي فيه تلعب الكرة لقاتووو ناعس فوق الناموسية على ضهرو مكان لابس والو من الفوق بقات واقفة شحال كتشوف فيه و مشات علات عليه الريدوو
أغيد : اوووووووه مااامااااا (تقلب لجيهة اخرة)
نصيرة : أغيد نوض بغيت نهضر معاك
أغيد : ماشي دبااا بلاتي ونهضرو
نصيرة : لا انا بغيت دبا (قربت لعندو وجبداتو من يدو باش ينوض)
مشااا أغيد لدوش و نصيرة كتقد ليه ف فراشووو..خرج من الدوش و مشااا الماريو جبد تيشورت و لبسوووو وهي كانت ڭالسة فصالون ديال بيتووو عرفهااا تماااا ومشااا عندهااا
نصيرة : هدي هي الحقيقة اولدي الموت علينا حق سمع غادي نقولك الرأي ديالي ولكن غادي دير بيه فهمتي ؟؟؟
أغيد : (تنهد) واخا قولي كنسمع
نصيرة : عارفة بلي تبليتي بصهير اليل وصحاب لي خرجوو عليك المهم شوف غادي تبقا تمشي غير الاربعاء صافي والايمااات الاخرة كولها خدمة و فالاطيل فهاد السيمانة ويجي خوك حاول فهاد الايام تبدل حيت راك عارفو علاش قاد بلاما نقولك
أغيد : ياك غير هاد الشي ؟؟
نصيرة : اااه غير هاااد الشي ايوا اش قلت ؟؟
أغيد : اوك موافق و من الاربعاء لاربعاء نصهر
قبل مانكملووو اجيو نعرفكم على أغيد العمراني 25 سنة هو الصغير و المفشح عند واليديه مقابل غير البيران و صهير اليل وكل نهااار مع بنت غير الي لباس عليها طبعاً نوصفووو ليكم نقولوو عليه الزين السمر العينين كوحل و شعر كتيف وكحل شفايفووو حومر طوله هي هديك والفورمة خطااار كل مايعجب البنات فالدراري عندو هو ااه نسيت وكولشي على اللحية مقادة هي هديك بنسبة الشخصية ديالووو مكبر وحاس براسووو بزااف عكس واليديه
نمشيو نكملووو معاهم .....
نصيرة : يلاه نهبطووو نفطرو باباك كيستنانااا
أغيد : واخااا سيري دبا نلحق عليك
هبطات نصيرة عند راجلها ولقات الفطور محطوط فوق الطبلة ....
نصيرة : محطوط حداك الفطور وماكليتي والو ؟؟
أحمد : كنت نستناكم على هكدا تافقنااا فين هو أغيد؟؟
أغيد : (جااا) ها اناااا (جر الكرسي وڭلس)
أحمد : دبا نقدرو نفطرو اااه اغيد هاك هاد التيليفون وراه فيه النمرة جديدة وهداك الي عندك اراه
أغيد : دبا علاش هاد الشي كامل ؟؟؟
أحمد : مافياا الي يزيد يتناقش معاك كتر ارا هداك وهاك هدا صااافي
أحمد : هكدا مزيان وداك التيلي راه مراقب غير باش نديرهالك فبالك باش ماتقولش من بعد خبعت عليك اااه و حاجة اخرة هاد السيمانة مغاديش تمشي للأطيل حتى يجي خوك وبدا معاااه
أغيد : اهاااه واخااا صافي انا شبعت
نصيرة : انت ماشربت حتى القهوة ديالك و شبعتي كيف درتي ليهااا
أحمد : معليش خليه دبا غادي نمشيو انا وياه نجريو شوية يلاه طلع لبس عليك السبور و نتلاقاو فجردة
أغيد : (كيهضر تحت سنانو) رجعت لعبة بين يدكم دبا حرم عليا ديني حتى كرهت
احمد : حتى نرجعو عاد هضر كيف بغيت يلاه نوض
أغيد : (ناض) بصح بغيت نقولك بلي تفقنا انا و ماما كل الاربعاء نصهر برة (جااا ماشي ووقف) اااه و حاجة اخرة مزال الخميس نهار كلو نعاس حتى لربعة ولا الخمسة عاد نمشي للأطيل (مشااا)
أحمد : عرفتي ا نصيرة انا حاس هاد المحنة كولها غادي دوز ولدنااا دبااا يرجع حسن من هكدااا غير نصبرو معاه معندنااا مانديرو
نصيرة : اااه حتى انا حاسة ان شاء الله كولشي غادي يكون مزيان ......
نرجعوووو دبااا عند نتالياااا
نتاليا ✅✅
دوخت نعمة بجوج كلمااات عاد تحركااات لياا هههه مشينااا لبلاصت الطوبيس غير حنا وقفنااا وهو جااا ركبنااا ومشينااا ديريكت للأطيل غير من برة دوخني بقيت غير حالة فومي فيه عالي بزاف اما الباااب ديالووو كبيرة والناااس شي داخل شي خارج وجوج رجال وقفين حداا الباب واحد على ليمن و اخور على الشمال و غير دخلنااا لقينا واحد اخور كيستقبل الناااس اول مرة نشوف شي اوطيل فيه السانسور ديال الدروج اما ملي عليت عيني لصقف دخت اصلاً بالعلو الي فيه مبان ليا صقف حتى لهداا واخااا نعية نوصف ليكم مغاتفهوني ولا انا فاهمة اصلاً والله نحس روحي فدنيااا تانية (انا اصلاً ماعنديش مع الوصف بزاف تخيلووو من راسكم😂)
نعمة : نتي بعدا عمرك مشيتي لبورج خليفة بقاا لبوك غير تحسي(😂😂😂) يلاه دبا نمشيو عند الصديق ديالي هو الول
انا : ياك صافي تكلفتي ليا بكولشي علاش نمشيو عندو
نعمة : نمشيو نسجلووو الحوضور ونعرفكم على بعضياتكم واصلاً توحشتوو هاحححح عليه
انا : ياااربي عمرهااا دير عقلهااا
نعمة : ودباااا زيدي
انا : يلاه يلاه
طلعنااا انا و نعمة فالسانسور ديال الدروج غير الطبقة لولى و مشينااا كملنااا فسانسور واسع بزاف يدخلو فيه مية ويشيط لخير هههخخخخ يمسخني تكات نعمة فالرقم 15 ....
انا : واش عندو المكتب تمااا ؟؟
نعمة : وايه شحال مرة قلتها ليك شوفي هاد الرقم عدبتووو مسكين بكترت كنتكي فيه بزاف شوية مغاديش يبقااا يبان ههههههه
وصلنااا لطبقة الي فيهاا السي رياض اااه ولد عم مول الشي كيفمااا كاتقول ديك الحمقة سيمتووو رياض انا دبا عاد غادي نشوفو واخا هو صاحب خوو نعمة عمرو جااا لدرب ونعمة ديما كتعاود ليا عليه بقينااا شحال كنتمشاااو و الخدام (ة) ديال الغراف حتى هوما داخلين خارجين حتى و صلنااا المكتب عرفتو ديالو غير من السمية الي كانت على الباب وحداه واحد البيرو...
انا : هدا هو المكتب وهاد البيرو ديال من ؟؟
نعمة : شحال فيك ديال الاسئلة هداا الالة ديال السكرتيرة شيماء اااه الناس فين وصلووو ولاو سكرتيرات و حنااا سربايااات
نتعرفووو على السي رياض ونكملووو كنااا هضرنااا عليه المهم نقرب ليكم كتر رياض العمراني 24 سنة رغمة صغر العمر ديالو عقلو كبير بزااف لأوطيل قدو قداش هازو غير بوحدو ولد عمو كيتق فيه بزاف وكلفوو بأي حاجة كتخصو ياتيم الاب و موو سمحت فيه ملي كان فعمرو 10 سنين نقولو بلي باه كان ميت داك الساع قتلوه...(هدي قصة بوحدهااا مع لوقت نعرفوها) خلاتوو لعمو أحمد ومشات لكندا تزوجت و ستقرات تمااا هو اصلا حاسبهااا ميتة حاااقد عليهااا ديال الصح كايقول بلي عندو غير باااه و عمووو اصلاً عمرها سولت فيه ولا قالت راه عندي ولد نفكر فيه نوصفوو ليكم وجهو بيض عينيه قهوين الشعر كحل وفيه زغيباات قهوين و حتى من اللحية فيهاا شوية دالقهوي وحتى من الحجبان نقولو زعيعر شوية وحتى هو الفورمة عندووو واعرة بنسبة لشخصيتووو انسان غزال بمعنى الكلمة قلبووو صفة من الحليب.....
نرجعوووو عند نتاليااا
نتاليا ✅✅
القهوة جااات ف طبقة التالتة غير دخلت دوختني بالوسوعية الي فيهاااا مغلب عليهااا الذهبي و تريااات ديال الالماس هاد الشي الي قالت ليا نعمة وهاد الشي كانت ديمااا تعاودو لياااا ليوم عاد راني نشوف بعيني
دخلت انا ونعمة الغرفة نبدلووو حوايجناااا المهم حتى هي زوينة لبسنااا قميجة بيضة و سروال كحل
نعمة : شوفي دبا غادي نخرجووو نخدمووو وراه هاد القهوة غير ديال العائلة والناس المحتارمة كيفمااا كنت قتلك
انا : هاااد الشي كلووو عارفاااه عليهااا تشجعت و جيت اصلاً عارفة خوك غادي يضبر ليك خدمة زوينة ولكن الي لحد الان معرفتش علاش هو سمح فالخدمة هنااا وبقااا يدور فزناقي
نعمة : اااه فكرتيني شحال من مرة كانسولو انا وماما وبابا وكايبقااا يتلفنااا فالموضوع كاينة شي حاجة تمااا انااا متأكدة
انا : ايه باينة وشحال مابقينااا غادي نعرفووو
نعمة : واه المهم خلينااا نخرجووو يلاه .....
خرجنااا من الغرفة ديال التبدال ومشيت تعرفت على الي غادي نخدم معاهم كاانو 4 ديال البنات بلا بينااا انا و نعمة و تلاتة ديال الدراري وقالك جوج عندهم العطلة ليوم غدا عاد يجيو المهم كل واحد وباش مكلف بنسبة لسرباية كاينة انا ونعمة و واحد الولد سيمتو حمزة هاد الخدمة ديال السرباية بقيت شهرين نتعلم فيهااا ههههه نعمة و خوهااا كانووو يعلمووو فيا دغية دغية نساجمت معاهم وبديت خدمتي عااادي اللهم هكدااا ولا غير الدار
مشينا لصالون عند صباح لقيناهااا غير بوحدها و جوج بنات خدامين معاهااا بقينا شحال مجمعين معاهم نعمة كل ساع تسولهااا ايمتااا يجي خوك ههههه
نعمة : ناري تعطل اصباح و انا راني عيانة
صباح : ايوا مبانش ليا بلي راكي عيانة ههههه
نعمة : مغاديش تحسي بيااا من غير الله سولي نتاليا شحال خدمناااا ليوم
صباح : ااه نتاليااا مبروك الخدمة
انا : الله يبارك فيك شكراً
نعمة : نتاليا نوضي نمشيو حتى لغداا ونشوفو
انا : هههههههه صافي ايوا يلاه زيدي
صباح : غادي تمشيو يلاه بسلامة
نعمة : ااه ماشين و قولي لخوك عمرك ترجع دير هاد روطااار ولا مغاديش نبقااا نبغيه فحال خوتووو لاخرين فهمتي
كاملين : هههههههههههههههه
صباح : واه فهمتك ههههههه
جينااا خارجين من عند صباح و حنااا نتلاقاو بخوهااا نعمة بقااات حالة فمهاااا فيها اصلاً هداك الشي الي كادير كتبقااا غير حالة فمهاااا هههههه وصلنااا لديورنااا هي دخلت لدارهااا وانااا دخلت لدار لقيت ماما ڭالسة كتفرج سلمت عليهااا و ڭلست معاها شوية عاد طلعت لبيتي دوشت و لبست بيجامتي و هبطت عندهاا
انا : (عنقاتهااا) بلاش من دموع كولشي غادي يتحل ان شاء الله واصلاً قريب يجيو (حتى هي دمعو عينيها) صافي هاد الشي الي بغيتي هانتي بكيتيني معاك
ماما : لا لا انمسحلك دموعك و مسحي ليا دموعي ههههه
انا : هههه واخاااا (مسحووو الدموع البعضياتهم) كيفما كان لحال واخا لبوعد الي بيناتنااا عمرنااا نتفارقو
ماما : داكشي الي مصبرني انا نيت ابنتي واخا من العام لعام بعدااا كنشوفهم وكايرتاح خاطري شوية
انا : وايه اميمتي (التيلي كايصوني) هدي نعمة هههه
انجاوبهاااا
انا : الو!!!
نعمة : باااك طاحلووو سروالوووو
انا : هههههههههههههه مسخوطة
نعمة : خرجي وقفي حدا الباب يلاه
انا : هي دباااا (قطعات) ماما غادي نخليك دبااا
ماما : غير سيري ابنتي انا نوض نوجد العشة
انا : واخاااا
ماما دخلت الكوزينة وانااا خرجت حداا الباب انا ونعمة من اليل اليل كانخرجو هي حدا بابهم وانا حدا بابنااا و شادين التيليفونااات على حساب الويفي كايكون مطلوق من القهوة ديال باباهااا
نعمة : واخا ها انا داخلة نتاليااا حتى لصباح تصبحي على خير (مشات)
انا : إياس خويا كتبان ليا ماشي هو هداك بيك شي حاجة يلاه ندخلو لدار وعاود ليااا
إياس : لا لا والله عادي غير ليوم عيت بزاااف شحال وانا ندور هاد النهار داز عندي مرون
انا : ايوا سير ضربهااا بدوش ونعس على الله ترتاح
إياس : داكشي الي لقيتيني غادي ندير يلاه دخلي لدار و سلمي على خالتي نوال
انا : واخااا موبلغ تصبح على خير (دخلت لدار)
ايما✅✅
دبااا جا الوقت الي نتعرفوو فيه على الاخ ديال نعمة إياس العادل 27 لاخدمة لا والووو عاطيهااا غير لدوران كان قبل خدام ولكن وقعو ليه المشاكيل هدي قصة بوحدهااا...(من بعد ونعرفو اش وقع) نوصفو ليكم حتى هو غزال بيض و عينيه زرق مغلوق شعرو قهوي مغلوق شوية و اللحية حتى هي قهوية بنسبة لطولة طويل شوية شخصيتووو كل مرة وكيفاش كايكون ماتعرف منين تشدو ههههه .....
دبا ملي تعرفنااا على إياس نرجعو عند نتاليا
نتاليا✅✅
سديت الباب و دخلت لدار لقيت ماما فالكوزينة كطيب فالعشة عاونتهااا وجدنااا العشة ديالنااا حطيناااه وبقيت نهضر انا وماما عاودت ليهااا على النهار ديالي كيف داز ولكن ماقلتش ليهااا راه جاتني الدوخة خصني نقولهااا حتى لنعمة حيت كاتبقااا غير تهضر والو ماتعرف تسكت... سالينا جمعت طبلة غسلت لماعن ماما طلعت لبيتهااا تنعس و حتى انا دخلت لبيتي نعست فوق نموسيتي غير حطيت راسي على المخدة دازت بيااا عيني 😴😴😴
~أصبحناااا وأصبح الملك لله~🌷🌷
فقت شفت فساعة لقيتهاااا 07:00 صافي وانا نوض مشيت قديت حاجتي ورجعت لبيتي بدلت عليااا بعداا ملي يجي وقت الخدمة نكون موجودة من بعداا دخلت لباركووو بقيت نطل وشافي اياس ودار ليا باي باي كان خارج من دارهم شوية وهي تبان ليا شيماء صافي جااا الوقت الي نصفيو لحسابااات. ....
انا : شيماء تسناااي ماتمشيش بغيتك
شيماء : واخااا يلاه غير هبطي بزربة
هبطت لقيت ماما فالكوزينة ولكن مادخلتش لعندهاا خرجت عند شيماء لقيتهاا واقفة قدام الباب
شيماء : (سلمت عليها) اهلاً صافا عليك كولشي بيخير
انا : الحمدلله انتي ؟؟
شيماء : حتى انا الحمدلله شنوو بغااا تقولي شي حاجة راني مزروبة راكي عارفة خدمتي اااه ومبروك عليك الخدمة معانااا
انا : سولي راسك انتي نيت راكي تبدلتي عليا بزاف ماشي كيف كنااا قبل انا عتابرتك ختي قبل مانكون خطيبت خوك واخااا تفرقنااا انا وياااه بقيت نتعامل معاك عادي مانقصت منك ماا حتى حاجة .....
شيماء : (قطعاتهاا) بلاتي بلاتي قبل ماتزيدي تكملي راه والله اختي الا غير سطريس ديال الخدمة والله مكانلقااا فين نحك راسي وراكي عارفة مول الاوطيل مابقالو والو ويجي وخاص كولشي يكون هو هداك حتى حاجة ماتكون ناقصة ولا راه ريوسنااا يتقطعو
انا : اواااااه هاد الشي كامل؟؟؟
شيماء : ياودي راه كتر وحق الله نتي مزال مشايفاهش كيف داير غير خليه يجي وتشوفينا كولنااا كيفاش غادي نبقاااو نديرو حتى من نعمة معارفاش اش تبعهاا مزال ملي دخلت هي شافتو غير مرة وداك النهار نيت كان ماشي يسافر قبيح اختي بزاف وكلمتو هي الي تكون
شيماء : (باصتهاا فحنكهاا) الله وشحال معزك عليااا والله احبيبتي ماتبدلت عليك وعمري نديرهاا غير الخدمة صافي ماديري فبالك والو بليل نتجمعوو حدا الباب ماتخميش صافي !!
انا : واخا صافي هههه
شيماء : يخليلي الضحيكة هههه بسلامة (مشات)
ايما✅✅
نتعرفووو على شيماء اليماني 24 سنة الصديقة ديال نتاليا و نعمة نخليو اسرارهااا نكشفوهم مع الوقت نوصفهااا ليكم البشرة ديالهااا حنطية يعني مابيضة وماسمرة بين و بين عينيهااا خوضر شعرهااا قهوي و طويل نقولو هي ونعمة قد قد فالطولة بنسبة لشخصيتهااا كتعصب دغية واخا هكداك حنينة وحتى هي مقابلة غير التيتيز كفس من نعمة😂😂
نكملووو مع نتاليا
نتاليا ✅✅
ملي مشات شيماء دخلت انا لدار الصراحة بقيت غير نخمم فالكلام الي قاتلي على هااد مول الشي زعمة يكون بصح قبيح حتى لهااد الدرجة وكيف غادي يكون واش راجل كبير و لا مزال صغير اووووه وانا مالي دباا ...دخلت عند ماما لكوزينة صدمتهااا ههههه
ماما : فوقاش فقتي و فين كنتي و اش درتي واش بصح فقتي بعدااا و بكري ولابسة حوايجك واش نتي ولا ماشي نتي 😦
كملنااا فطورنااا جمعنااا الطبلة ونعمة غسلات الماعن و طلعت انا وياهاا لبيتي قاتلي دوك الحوايح الي لابسة ماعجبوهاااش هههه وبغات تلبسني على دوقهااا بغات تجيب الوقت بيا وصافي هههههه لبست الي ختارت لياااا و هبطنااا انا ويهااا ودعنااا ماما و خرجنااا لبلاصت الطوبيس تسنيناااه شوية وجااا ركبنااا وديريكت للأوطيل تصدمت من الي شفت ڭاع الي تمااا مكاين غير جري عليااا نجري عليك
انا : نعمة مال هدوو ؟؟
نعمة : امممم شي حاجة كاينة المهم سيري نتي بداي خدمتك وانا نمشي نجيب الخبار من عند رياض
انا : واخاا سيري
نعمة مشات عند رياض وانااا مشيت لقهوة حتى تماا الدنيااا مرونة وكاينين غير الي خدامين تمااا كل واحد واش كايدير و شي رجاال دايرين سلوم قدووو قداااش وكايمسحووو فتريااات دخلت لغرفة بدلت عليا وخرجت عندهم بقيت غير واقفة ماعرفت ماندير حيت اصلاً الناس الي غادي ياكلوو مكاينينش بقيت واقفة فبلاصتي ونشوف بعيني وحد مجاا هضر معايااا و لا ڭاع عبروني هههه حتى جات نعمة
نعمة : بس بس اش واقفة كديري عاوني الشعب
انا : ممكن تفهميني اش واقع ؟؟؟
نعمة : رياض قالي بلي مول للاوطيل قريب يجي غير يدير واحد المؤتمر ف سويسرة و يجي المهم فهاد السيمانة
انا : مول الشي اااه قالتهااا ليااا شيماء
نعمة : علاه فوقاش تلاقيتي ب شيماء
انا : قبيلة فصباااح وعاودات ليااا على هاد الشي كامل
نعمة : المهم تسنايني نمشي حتى انا نبدل ونجي عندك وهااد الشي الي وقع بينك وبين شيماء وانا مفخباري والو غادي تعاوديه ليااا كامل ملي نخرجووو فحالنااا واش كتفهمي
انا : هههه صافي بلامااا تبداي فهمتك اشاااف
شكون هااد السيد الي دايرين عليه هااد الشي كلووو نقولووو بلي ااه هو مول الاوطيل ومن حقوو يجي ويلقاا كولشي هو هدااك ولكن الي ستغربت منوو علاش خايفين مرعوبين كيوجدو ومعارفيش اصلاً فوقاش جاي بضبط 100 سؤال فعقلي ومالقيتلووو جواب.....
جات عندي نعمة و مشيناااا عند الي خدامين معانااا جابو لينااا طبالي جداد و كراسة حتى هومااا واخرين داوهم وحنااا بقينااا نستفوووو فالجداد كل طبلة حطوهااا فجيهة حتى من الديكور الي كان بدلوه وجابو كااضر كبير لصقوووه فالحيط كانت واحد الرسمة للاوطيل مرسوم من برة وعليهااا السمية ديال الرسم والامضاء ديالووو بقيت غير نشوف فيها عجبتني و انا عزيز عليااا الرسم وخااا مكانعرف منين نبداه هههه
حمزة : خيتي نتالياااا ممكن تختاري معايااا شمن لون نفرشووو على الطبالي شوفي فهاد الكتاب كاين الصفر ومعاه البيض و هداا الزرق وحتى هو معاه البيض
انا : ضروري نقولك انا ؟؟؟
حمزة : لقيتك واقفة وتشوفي فصورة حتمال كبير يكون عندك الدوق واصلاً انتي الي بتني ليااا مكاديري والو غير واقفة ههههههه
انا : هههههههه ضحكتيني وراه ستفت الطبالي وقاديت الكراسة المهم مدام القهوة فيها شي بلايص ذهبين وكاين حتى القهوي كاندن الصفر والبيض وحتى من الطبالي الجداد قهوين يجي الصفر غزال
حمزة : اوك اجي نفرشوهوم ونصورهم لسي رياض حيت هو عندو الشغل بزاف مايقدرش يجي عندنا والا قالناا زوينين نخليوهم
انا : اااه واخااا يلاه نبداو دباااا
فرشنة انا وحمزة الطوابل و صور ل السي رياض و قالو بلي جاااو زوينين و حطينااا فوقهم الطباسل و المعالق و الفراشط وغير انا وياااه يدي بقاو يحرقوني حيت ماموالفااش اما هو وتقول واش شكااا من شي حاجة
انا : بازلك اخويااا وتقول واش عيتي و لا قلتي يدي ولا رجلي كيحرقوني
حمزة : هههههه هاد الشي ماشي جديد علينااا موالفينوو
انا : مافهمتش ؟؟؟
حمزة : الباطرون الكبير ولا نقولو مول هاد الاوطيل فوقاش مكايجي من السفر ديالو خاصو يلقا كولشي مبدل
انا : اجي شنووو سميتووو ؟؟؟
حمزة : سميتووو ××××××× (نتومااا من بعد وتعرفوها)
انا : امممم سميتووو زوينة و انا اول مرة نسمعهااا
حمزة : وي غابرة فحال سميتك حتى انا اول مرة نسمع بيهاااا
انا : ههههههه بصح قليلة
حمزة : وبزااااف ههههه......
ملي سمعت سميتووو حسيت باحساااس غريب بزاف وهاد الشي عاد غير السمية اما ملي نشوفووو حتمال يغمة عليا ههههه بقينا نهضرو انا وحمزة حتى شفت نعمة هازة فيدهااا المكينة ديال القهوة وانا نمشي عندهااا
انا : بس بس فين ماشيااا بالمكينة
نعمة : زوينة يااك غادي نديهااا
انا : فين غادي تديها ؟؟؟
نعمة : الدار مالكي ؟؟
انا : واش حماقيتي ؟؟؟
نعمة : انا غادي نمشي نحطها لول راه يدية كيتقطعو تقلية عاد نجي نشرحلك المكلخة (مشات)
انا : يلاه دبا
نعمة : ها انا راه جات مكينة من باريس واخا حتى هدي من تماااا ولكن بغاو يبدلوووو وهاد القديمة غادي غير يرميوهااا اللهم نديهااا انا ولا يرميوهااا
انا : ههههههه حتى حاجة ماتفلتيهااا الالة
نعمة : وي بب 😌 شوفي دبا غادي نمشيو نتغداو و من بعدهااا غادي نفتووو القهوة لناس يعني مزال مسالينااا من الخدمة قولي عاد غادي نبداو
انا : اووووووه عيت والله
نعمة : ماتكونيش قدي ملي دخلت لديك الكوزينة ماخرجت منهااا وباقي الروينة فيها شي ندخلوه وشي نخرجوه راسي غادي يطرطق يلاه بعدا نعمرو الكرش ويكون خير
انا : ههههه اوك يلاه
......تغديناااا ورجعنااا لخدمتناااا جاو الناس بلا عداد كانو غير على سبة ههه والحمدلله الطوابل كانووو موجودين العشية كاملة وحنااا هكداك قرب الوقت و خرجنااا فحالناااا تلاقيناا ب شيماء و شدينا طاكسي نيشان للدار
شيماء : البنات انا غادي نمشي لدار نبدل عليا و ونرتاح شوية و مورة لعشة نجي عندكم نقرقبووو الناب
نعمة : غادي تنعسي ڭاع ؟؟
شيماء : الا غير ندربهااا بدوش خفيف ونوركلي شوية
انا : حتى انا محتاجة لدوش المهم نتلاقاو مورة لعشة
نعمة : اوك يلاه باي باي عليكم
كل وحدة فينا دخلت لدارهااا لقيت ماما فالكوزينة بصتهااا و طلعت ضربتهااا بدوش خفيف كيفما قالت شيماء ورجعت لبيتي نشفت شعري و لبست البيجامة ديالي و هبطت عندماااا طيبنااا مع بعضياتنا و جااا عندنا إياااس تعشة معانا سالينا وجمعت الطبلة و غسلت الماعن و صايبت قهوة لينااا و مشينا نشربوها فصلة بقينا ڭالسين نهضرو شوية و اياس مشاا فحالو وجات عندي شيماء ونعمة و خرجنااا حداا الباب ...
نعمة : شيماء يلاه نمشيو نجيبوو الزريعة من الحانوت
شيماء : اااه بصح ضروري الزريعة فهاد المجمع يلاه يلاه
انا : هههه سيرو انا نستناكم هناااا
نعمة : اوك بب
شيماء و نعمة مشاو وانااا بقيت نستناهم حتى جاااو جاابو الزريعة وبقينااا نقمرووو فيهااا و ضروري هاد الجوجااات مايهضرو على الدراري 😂😂
شيماء : نعمة شفتي داك الولد الي كاين فالاستقبال
نعمة : هاححححح الي جااا جديد شفتوو شفتووو يهبل يااااجدك
شيماء : بزاااااف ڭاااع عاد ملي تشوفو مول الشي هاححححح احتمااال قلبكم يسكت من جمااالووو
نعمة : شفتو مرة وحدة ملي كان خويااا دخلني للاوطيل باش نخدم ومن بعدهااا مازدت شفتووو حيت كان يجي و يمشي واخا كنت نمشي عند رياض عمري تصدفت معاااه
انا : صافي ماتبقاوش تعاودو ليا عليه خليوني حتى نشوفو خليتوني نضربلو 1000 حساب من دبااا هنيونااا بدلو علينااا الموضوع على الدراري
نعمة : نقلبوهااا شطيح متلاً؟؟؟
شيماء : نغنيو
انا ونعمة : اوك
شيماء : ااه قبل منبداو غدا انا غادي نخرج شوية بكري من الاوطيل على حساب نعرض لناس بعد غداا العرس ديال خوياااا غادي تجي ا نتاليا ؟؟
فهاااد الاتناااء كان واحد الشخص واقف بعيد وكيشوووف ف شيمااء بكل حب ...(دبا نعرفووو شكون) .......
نتاليا ✅✅
نعمة و شيماء سالاو لغنة و قلبوهااا شطيح الجيران يطبلووو وهومااا فالوسط يشطحووو شبعناااا عليهم ضحك خالتي فوزية مامات نعمة دخلت هي وماما لدارها ودارو اتاي و خرجوه لينااا شربناه و بقينا شحال مجمعين قولو حتى لديك 3 عاد تفرقنا مع الصيف عليها بقينا مقصرين برة انا غير دخلت الدار ضربتهااا بنعسة 😴😴
~أصبحنااا و أصبح الملك لله~
فقت مع الساعة ديال التيلي حيت نعسنااا معطلين وخفت نبقا ناعسة ويدوزني الوقت مشيت قديت حاجتي ورجعت لبيتي بدلت عليااا و نزلت عند ماما لقيتهااا ڭالسة على الطبلة كتفطر فطرت معاهااا و بصتهااا و خرجت دقيت على نعمة وفتحت ليا الباب
نعمة : هاي هاي على النشااااط
انا : ايوا والفي هاد الشي الي غادي يكون
نعمة : نتمناااا تسناااي نجيب صاكي
انا : اوك الالة
دخلت نعمة تجيب صاكهااا وانا بقيت نتسناهااا وهو يخرج عندي إياس
إياس : صباااحوووو
انا : صباااح النور العزيز
إياس : علاش واقفة دخلي
انا : لا معليش
إياس : واخااا.. بغيت نقولك شي حاجة ولكن خليها بيني وبينك
انا : وعد غير قول
إياس : لا غير بغيت نسولك على شيماء علاش مكاتمشيش معاكم للاوطيل ؟؟؟
انا : راك عارف بلي هي سكرتيرة ماشي سرباية يعني شغلهااا مبدل عليناااا
نمشيو عند شيماء هي كتجي قبل البنات للاوطيل خاصهااا تكون تمااا قبل من رياض واخا رياض عندو الدار ديالووو تمااا فاللاوطيل حيت مابغاش يسكن فدار عمووو وهي كتبغي ملي يهبط المكتب ديالو يلقاهااا فبلاصتهااا بقات شحال ڭالسة فالبيرو ديالهااا و هي تمشي عند رياض دقت عاد دخلت عندووو
شيماء : السي رياض
رياض : وي شيماء ؟؟؟؟
شيماء : ماعرفت منين نبدا والله حشمانة منك
رياض : اممم يعني هدي شي مسألة خاصة
شيماء : لااا المهم تقريباً
رياض : ڭلسي بعداا وقولي اش عندك مكاين لاش تحشمي
شيماء : (ڭلست) شكراً السي رياض المهم غداا عرس خويااا وبغيتك تحضر الا مكان عندك حتى مشكل
رياض : الصراحة انا .....
شيماء : (قطعاتو) عافاك ماتقولش الا حيت ماما وبابا قالولي عرضي على المدير ديالك وانا قلت ليهم واخا يعني حنااا دايرين بحسابك عافاك اجي (كتشوف فيه بترجي)
رياض : ههههه انا مرتاااح هناا والله المهم غدا ويكون خير داك الساع نشوف
نعمة : المهم راك من المعروضين اجي كنت قلت ليا بلي عندك ولد عمك من غير مول الشي عندو شي خوه علاش مكايجيش للاوطيل و علاش مكاتخرجش انت وياه
انا : ودبا شكون الي فيه الاسئلة بزاف انا ولا نتي ؟؟؟
نعمة : نتي المهم خليه دبا يجاوبني
انا : ههههههه و ميمتي
رياض : هههه ااه الالة كاين عايش حياتو كيف بغاها هو و مرة مرة كانمشي لدار عمي الا كان تمااا كنتجمع انا وياه والا مكانش ها انا مع عمي ومرت عمي المهم انا صاحب خوك و ولد عمي لكبير
نعمة : وعلاش مكاتجيش عند خويا ملي انت صاحبو؟؟
رياض : والله غير مع الوقت والووو وصافي ملي تجيبها الفرصة نجي (التيلي ديالو كايصوني) احم احم خاصني نجاوب الشاااف نكمل معاه ونرجع لعندكم (مشا)
الصراحة رياض ضريف بزاف كانت تعاود ليا عليه نعمة ولكن ملي شفتووو اي حاجة قلتها عليه راه كاينة مكاينش فحالو ومتواضع بزاف وغير يضحك بقينا شحال مجمعين معاااه ...
رياض : المهم نخليكم دبا تكملوو شغالكم (ناض)
نعمة : ااه شوف اليوم غادي نخرجو شوية بكري حيت غادي نمشي نعرض لناس مع شيماء
رياض : حتى هي طلبت الإدن مني واخا تقدرو تمشيو
مشاا رياض وانا ونعمة مشينا نكملوو خدمتناااا جا الوقت باش نمشيو جات عندنا شيماء القهوة تسناتنااا حتى بدلنااا وخرجنااا مع بعضياتناااا شدينا طاکسي ديريكت لدار نعمة مشات معاها لدارها وانا دخلت لدار لقيت ماما كتفرج وكضحك
انا : هدااا شي مسلسل كيضحك ؟؟
ماما : هههه واه بزاف ديال عادل امام من صباح وانا نضحك
نعمة : واه ولكن غير الصباح نقولها لرياض مايقولش ليا لا
اياس : ااااه فكرتيني والله شحال متلاقينا انا وياااه توحشتوووو
انا : حتى هو غدي يجي لعرس غدا
اياس : وايلي بصح ؟؟
نعمة : واه عرضاتو شيماء
اياس : ايوا مزيان فرصة باش نتشاوفووو
شحال بقينااا مجمعين برة شوية تفرقناااا و كل واحد دخل لدار انا طلعت لبيتي ديريكت نعست فوق نموسيتي و انااا يجي فبالي مول الشي ههههه نعمة مسخوطة دبا صافي طلعات عليه مول الشي
انا : اوووووووف مالي انا دباا واش مجاااا فبالي غير هو وهاد الشي وقع معايا غير ملي شفتوو فالتلفازة اما ملي نشوفو مباشرة اش غاندير صافي هبلت راني نهضر وحدي دبااا صافي خرج من راسي خرج اش وصلني ليك اصلاً شوف هو فين وانااا فين ....
بقيت نفكر كيف لحمقة دخت وبزاااف شحال واناا نتڭلب ففراشي شوية و فاتت بيا عيني 😴😴
~أصبحنا وأصبح الملك لله~
فقت وحسيت براسي كايدور
انا : (حطات يدهاا على راسهااا) يااااربي دير شي تويل ديال لخير يااااربي ااااي راسي
حيدت عليا ليزار لي كنت مغطية بيه وقفت جيت خارجة من بيتي واناااا نطيح .......
ايما ✅✅
نمشيو عند مامات نتاليااا ..... فاقت قبل من بنتهااا وكيف ديماااا كاتمشي لكوزينة توجد لفطور وجدات فطورهااا و بقات تسنااا فنتاليااا الا دازت الوقت تمشي تنوضهااا هي شافت فساعة ديال الكوزينة ولقات بلي فات الوقت ....
نوال : يااااا بنتي واش لأوطيل ديال باااك اش هااد الشي نمشي نفيقهاااا غادي تحمقني هاااد البنت وشحال من مرة كانقولهااا متبقااايش تقصري الله يهديهااا .....
طلعت لبيت نتاليااا و هنااا كانت الصدمة ليهااا لقات بنتهاااا طايحة سخفااانة فالارض ..
نوال : (هبطت لعندهاا وبقات درب ليها فوجهاا باش تفيق) نتاليااا بتني نوضي ابنتي نوووضي نتالياااا واش كتسمعيني ابنتي (بكااات) هئ هئ ميمتي على بنتي ....
هبطات لكوزينة دات المااا و طلعات دارت شوية فيدهاا و رشااات عليهاااا ......
نمشيو عند نتاليااا .....
نتاليا ✅✅
كيفمااا قالتلكم ماعقتش ڭاع براسي حتى طحت كنت كنسمع ماما اش كاتقول ولكن باش نحل عيني و باش نجاوبهاااا والووو ماقدرتش ڭاااع رشات عليااا المااا عاد حليت عيني
ماما : غادي يكون برد دباااا من فوقاش وجدت وبقيت نستناااا فيك
انا : يلاه نهبطووو نفطر عاد نطلع لبس حوايجي
ماما : واخااا يلاه دبا شوية وتجي عندك نعمة .....
هبطنااا انا وماما فطرناااا غسلات هي لماعن وانا طلعت لبيتي بدلت و هبطت قبل مانمشي عند ماما سمعت الدقااان ومشيت نفتح كانت نعمة
نعمة : انا مغاديش ندخل وملي راكي واجدة زيدي نمشيو
انا : ههههه وانا قتلك دخلي ياك نتي اصلاً كدخلي بلامااا يقولهااا لك حتى واحد
نعمة : وعلاه انا نتسناااا حتى تقولولي يلاه تحركي قدامي غادي نخدمو غير نص نهار وزايدينهااا بتعطال
انا : واخااا هاني ...
قلت لماما بلي غادي نمشيو وسديت الباب و خرجت مع تعطلنااا شوية قلنااا نمشيو فطاكسي حسن شدينااا طاكسي و ديريكت لأوطيل غير وصلنااا انا مشيت لقهوة و نعمة قالت غادي تمشي عند رياض باش تقولو بلي غادي نخدمووو غير نص نهااار ....
ايما✅✅
نمشيو عند نعمة .... طلعات فالسانسور وصلات لطبقة الي فيهااا رياض مشات ديريكت المكتب ديالووو لقات شيماء فالبيرو ديالهاااا
نعمة : (ڭلست) بغيت نقولك بلي غادي نخدم انا ونتاليت غير نص نهار راك عارف كاين العرس بليل و بغينااا نوجدو راسنااا
رياض : واخا معليش سيرو حتى شيماء غادي تمشي
نعمة : حيت عرس خوهااا
رياض : وااه وااه عارف
نعمة : رياض كتبان ماشي هو هداك كاينة شي حاجة ؟؟
رياض : والله اخيتي شوية مرون مع الشاف غدا جاي انا كان على بالي منهنااا 3 ايام ولكن صونا ليوم وقالي غدا غادي يكون هنااا
نعمة : ومالووو على هاد الزربة كاملة ؟؟
رياض : هو الى جااا على بالو يجي ليوم يجي بعدا مزيان الي خلا حتى لغداا
نعمة : دبا واش غادير اتجي العرس ليوم ولا لا ؟؟
رياض : عندي شي وراق خصني نخدم عليهم ضروري حيت غير يجي يسول فيهم الى سليتهم بكري نجي مسليتش ها انااا هنااا
نعمة ايوا الله يعاونك ونتمااا تحضر معانا تبدل غير الجو شوية وترتاح من الروتين ديال الخدمة
رياض : ان شاء الله يكون خير ...
غير حطيت رجلي فالقهوة بديت خدمتي جاو الناس خير الله و غير انا وحمزة ديك المصيبة ديال نعمة تعطلت علينااا بقينااا شحال عاد جات
انا : تعطلتي الصحبة
نعمة : كنت مجمعة مع حوباااي
انا : هههه معرفتش انا واش كتجي تخدمي ولا كتجمعي
نعمة : بجوج 😌
انا : هههههه اجي واش بغااا ؟؟
نعمة : معلوم يبغي
انا : ولكن ليوم الناس بزاف و راه حمزة غير بوحدو
نعمة : رياض غادي يتكلف بكولشي كوني هانية
انا : واخا ادان يلاه نكملووو خدمتناااا
نعمة : اوك يلاه
دبا ملي جات نعمة غادي نسهلووو علينااا القدية يد وحدة مكاتصفقش ضروري من المعاونة سربينااا الطلابات ديال الناااس جا وقت لغدا لينا حنا مشينا كليناا غير شوية و خرجناا من الاوطيل شدينا طاكسي ديريكت لدربنااا قلنا ليه يدخلنااا لدرب لداخل و صلنااا ونزلنا من الطاكسي
نعمة : اجي يلاه نمشيو عند صباح نقولو ليها تشد لينا بلاصتنااا
مشينا لبلاصت الطوبيس ركبنااا و حطنااا شوية بعاد على المول شحال وحنااا نتمشاااو عاد وصلنااا من برة كان الشكل ديالوو زوين المهم هو غير صغير دخلنااا ملي شفت دوك الدروج ديال السانسور اول حاجة طاحت فبالي هو الاوطيل هههه دخلنااا لواحد البوتيك تماا فيه الميك آب نعمة ڭاع متسوقت بقات تقلب غير على المراية العكس ديالي انا كاتحمقني شي حاجة سميتهاااا ميك آب لقات نعمة مراية شراتهااا بفلوسهااا وعنقااات خوهاا وطلبت منو السماحة .....
اياس : انا لي خصني نطلب منك السماحة ماشي نتي حيت انا لي هرستلك المراية ديالك
نعمة : وانا عدبتك معايا وعارفة معندكش الفلوس غير لي كيعطيك الواليد
اياس : زيدي غوتي را مسمعوكش مزيان
انا : ههههههههههههههه
نعمة : سكتي مضحكيش 😑
انا : هههههه واخااا صافي
اياس : ههههه صافي نمشيو فحالناااا ؟؟
نعمة : لا اجيو نكتاشفووو المكان بعدااا
اياس : واخاااا نكتاشفوه اش خاصرين
هدي هي نعمة ماتفلت حتى حاجة وكولشي بغااا تكتاشفووو هههه مخلينااا حتى قنت فداك المول فيه جوج طبقات تساريناهم كاملين انا واياس عينااا و نعمة وتقول واش عيات مزال بغااا دور
انا : رجلي مابقيتش كنحس بيهم بالحريق والله
اياس : صافي يلاه نمشيو فحالنا
نعمة : لا لا غير شوية ها نتومااا غير علامة يقرب الوقت لي دايرين مع صباح عافاكم
اياس : نعمة نتاليا عيات بلامااا تخليني نتعصب عليك
نعمة : حرام عليك 😢😢
انا : هههههه ها هي غدي تبدااا
اياس : ههههه نتاليا تصبري معانا واحد الشوية ؟؟؟
انا : ههههه واخااا معليش
نعمة : هههه شكراً شكراً يلاه زيدووو
رجعنااا نتمشاو وبقينااا ندورو غير فنفس لبلاصة هههه
قصة أحببته
محتوى القصة
التنقل بين الأجزاء