جلساات فالدرجة وعينيهاا محجرين بالدموع مقدراااش تخايل انه عطاهاا سوارت غير اصليين... عياات تحاول تفتح دون جدوى... حطااات يديهاا على راسهاا مصدومة صدمة عمرهاا لي عمرهااا فكرات طيح فيهاا
وفين غمشي وفين غترد الراس...واش لدارهم لي مبقاا ليها فيهاا حتا بلاصة ولا لزنقة لي عامرة ديااب وفنهاار كتخوف عسااك بالليل .. خرجت من تماا وهياا مدمرة قلبهاا كيتقطع ودموع هابطين شلال من عينيهاا طول اليوم وهياا كضور فزناقي خيفاانة من الغادي والجاي كرشهاا كتلواا بجوع شحف فمهاا بقوة العطش والحال مغيم وضلام بداا يطيح وقفت حداا واحد القهوى حداها زير دالماء شربااات ودخلت لمطعم شعبي خدات سوندويتش بدات كتاكل فيه وعينيهاا مع ناس صرفاات 100 درهم خلصاات منهاا وردت صرف لصاك لي محرفة بيه.. حطت يديهاا على خدهاا كتخمم حست بدموع هابطين حاريين مع عينيهاا.. من شوقهاا ليه توحشااتو بحنانو بخصاامو بنضراتو ليهاا كل حاجة فيه... حست بفراااغ كبير حرقهاا فقلبهاا حطت يديهاا على جبهتهاا كتبكي بحرقة على فقذانو . . .
كان يقهرني محيطي وتتعبني نفسي فكنت أهرب منهماا إليك ،،،
كنت وجهتي الوحيدة كنت مأنسي كنت حبي الوحيد ولا تزال ~
لم أكتب عن نفسي منذ مدة لأنني دخلت في دوامة سوداوية جوهرهاا الانعزال والغرق في العالم الوهمي اردت الخروج منهاا بالاحتكاك مع البشر والابتعاد عن هادا الحائط لكنني فشلت ،، أفتقدتك يامن أصبح موطنك القلبي
أفتقدتك يامن ملكت الفؤادي
أفتقدتك يامن أصبحت لي كل الوجود
يادماً يجري في عروقي
يامن له شوقي وإشتياقي
أتعلم ياا من احببت ..؟
أتعلم أنك ملكتني
ملكت مشاعري
ملكت قلبي
ملكت كل شيءٍ بداخلي
يانفسي وأنفاسي ( أفتقدك )
ياسعادتي وشقائي ( أفتقدك )
يامن أصبح غذاءك روحي
يامن أصبحت بلسما لكل جروحي اقسم بالذي خلقني وخلقك احبك من قلبي
أفـتـقـدتـك كـثـيـراً
خرجت من تماا وهياا مخلوعة فين غتبات وعندمن غتمشي حرقهاا راسهاا بقوة التخمام ،، شافت بيت الله وناس متوجهيه لهيه مشات حداه وجلست فدرجة دواحد باب كتشوف فالمسجد... شوية أذناات العشاء وعينيهاا مع الناس لي كيصليو خاشعين ساجيدين لله ، دمعو عينيهاا وهياا كدعي فنفسهاا يفتح عليهاا الله مفتح الخير ويصااوب ليهاا شي تصويبة مزياانة ، خرجو رجال ودخلو دراري صغار هازين كتب صغار فيديهم جلسو مصاافين حداا شاب فالعشريناات من عمرهم فسن مريم او اكبر... بداا كيقري دوك الوليدات بصوت عالي ومريم عينيهاا معاهم وهياا كتردد كلمات الله فنفسهاا ، اذا جا نصر الله والفتح ورأيت ناس يدخلوناا فدين الله افوجاا فسبح بحمدك ربك واستغفره انه كان توباا... قراتهاا معاهم بخشوع حتاا دمعو عينهاا وبقاات ديك الكلمة لاخر واحلة ليهاا فمها " واستغفره " هزت صبعانهاا وبدات كتستغفر لله وطلب متبااتش فالزنقة ويدير ليهاا تاويل د الخير ... تأخر الحال ودراري بداو كيخرجو وشاب طويل قامة نحيف عندو لحية خفيفة فوجهو خارج بجلابتو ناضت عندو مريم وقفات فوجهو : سلام عليكم اخاي
الشاب : عليكم سلام
مريم : الله يرحم والديك اناا عندي مشكيل خلاني نخرج نزنقة ونبقاا هناياا وداباا غنباات فالزنقة وخيفااانة بزااف بزااف تقدر تعاوني الله يرحم والديك
الشاب : انما المساجد لله وهوا بيته سير اختي راه امام تماا هضر معاه والله يعملك شي تاويل د الخير
مريم : امين يااربي الله يرحم يماك
زاد الشاب وتقدمات هياا وقفاات فالباب دقت جوج دقاات تلفت الامام حرك ليها راسو وناض عندها
مريم : شريف الله يقبل واخاا نبات هناياا اناا معندي فاين نمشي ويداا قدرتي تخليني هناياا الله يرحم الوالدين
.... والمهم اجي كاينة واحد سدة صغيرة مشي نعس فيها ولكن بكري خصك تفيق حيت غيجيو ناس يصليو الفجر
مريم : واخاا الله يرحم والديك ويسهل عليك
.... الله يفرجاا عليك وعلى الأمة الإسلامية ابنتي
دخلات هازة صباطهاا فيديهاا دخلات لسدة صغيرة حطت صباطهاا وطلعات فوق الفراش واخيرااا لقاات الدفئ تكات تماا وهياا تسمع الباب تسد وضواو طفااو غير الضلام دخلهاا الرعب بداك الضلام قوي حتاا حاجة مكتباان وكانهااا فشي مقبرة شعلات تليفونهاا بغات ضوي بيه وهياا تلقى مكلماات فائتة من عند هدى بلا حسااب .. وهياا الوحيدة لي متصالة بيهاا حيت كانت بدلت الرقم ديالهااا وعطاتو فقط لهدى واروى هوماا لي عاارفينه حطت تليفونهاا فالجنب وبقاات كتخمم ف يوم د غداا وبالهاا كولو مع دارهم مكرهااتش ترجع ليها بقوة التعب والعياء لي دوزات نهار الكامل محسااتش براسها ايمتا نعساات فاقت مخلوعة على أذان صلاة الفجر حلت عينيهاا وقلبهاا كيضرب شافت الضووء مشعول براا وداخل عليهاا من شقة باب جمعت راسهاا وناضت لقاات رجال كصليو .. دخلت لحمام حداهاا قضاات حاجتهاا وتوضاات وخرجت كتهبط كمامهاا.. تاجهات للقبلة وصلاة الفجر والصبح مشات تهز تليفون بغات تشعل تشوف شحال الساعة لقااتو طافي من شارج.. خشاتو ف صاكها وقدات زيفهاا هابط على جبهتهاا وطالع على لحيتها كيبانو غير عينيهاا خرجاات بخطوات بطيئة شافت كل واحد مقنت ف جهة كيقراا لقاات سلام من بعيد وعيطاات لسيد لي بيتها تماا كان امام...
جبدات 100 درهم ومداتها ليه
مريم : شريف هادي لجامع صدقة لله . والله يرحم والديك هزو معاياا فاتحة ربي يسر علياا ويفك همي راني كندوز من حالة صعيبة بزاف
.. الله يهز عليك الضرورة ابنتي ان شاء الله ااربي ..
دخل السيد وقفاات فالباب كتلبس صباطها وهيااا تسمعهم كيدعيو معاهااا وخرين كيقولو اميين.. فرح قلبها ومشاات بقلب مرتاح.. كان مزال ضلام ودنياا خاوية قليل د ناس لي واقفين ف شارع كيتسناو الطرونسبور د خدمة... وشي كيجري لطاكسي خشات يديهاا فجيب ومشاات بشوية عليهااا
كتشوف ف ناس فالغادي والجاي مرة ضحك مرة تحزن.. بانت ليهاا ملبنة كتحل مشاات ليهاا وجلست حتا جا السيد حط ليهاا فطور .. عمرات كرشهاا خلصااتو وبقاات جالسة تماا حتا يطلع الصبااح... بداو كيدخلو ناس تماا يفطرو.. ولي دخل كيبقى يشوف فيهااا ويطلع ويهبط فوجهها وعينيهاا زورق وحناكهاا المنفوخين...
خرجت من تما ومشات الفرمسي خدات دواء حمر ولسقة وقطن.. وقفت تماا حدا مراياا وبدات كتصاوب وتغطي الجرح لي عندهاا تقدمات وحدة من بنات كتشوف فيهاا ب الآسى سولاتهاا على حالهاا سكتات مريم بدون رد هزت البنت قطن وبدات كتنضف ليهاا وتساعدهاا لسقااات ليهاا لسقة كبيرة على لحيتهاا ولسقة خراا على جبهتهاا حداا شعر قدات زيفهاا وخرجات ... كان السوق الأسبوعي كيجيو ليه ناس من الجبال ومن كل بلاصة ف طنجة.. لقاات مجموعة دراري كيلعبو فواحد القنيتة وقفاات حداهم كتأمل فيهم وفالكورة لي كضور بين رجليهم حتاا قلبوهاا دبااز وسب ودين والملى وهوماا مشادين باليدين جرات مريم عندهم وبداات كتفاارق فيهم وتوقفهم حتاا بعدوو وبداو كيتحلفوو ف بعضيااتهم .. خلاتهم ودخلت السوق كتشوف فالبياااعة وشراياا لي تماا شافت مراا لابسة جلابة وشاشية فوق راسهاا وفوطة حمراء شمالية مخططة بالبيض متزرة بيهاا على خصرهاا....جالسة حداا مجموعة د نساء كتقلب بعينيهاا بحالا تالفة ليهاا شي حاجة
.... اوعدي العايل كان هناايااا فاين مشااا اوعدي على بني فاين عيكون مشااا محموووووود اولدييي محموووود اعععهئ اهئ اهئ اهئ
بداات كتقلب وهياا كتغوت ناضت من تماا ف داك سوق كتقلب كاع ناس كيقلبو معاهااا تروناات الدنياا تماا توخرات مريم اللور مشاات عند دوك مجموعة د دراري كتقلب
مريم : العيال شكون فيكم محمود هناياا
شي بقاا كيشوف فشي وهواا ينطق واحد ...
مشاا ليهن حلفاان فواحد عايل
شير بيديه لمكان ومشاات مريم طايرة لتماا واحد الدخلة خاوية عامرة بالقراعي د شراب مهرسين لقااتهم مشاادين ويديهم فيهم حجر بدات كدفع فيهم وهياا كتغوت معاهم . كان واحد الولد كيسب فيهاا وكيهدد فيهاا الا ممشاتش غيضربهاا شدتو من ذراعو ورماتو فوق داك الزاج
مريم : جمع راسك حسن منجمع مع ولديك مزياان تبارك الله
ضارت لعند ولد لاخر : نتيناا محمود
شاف فيهاا وهواا عاقد حجبانو : شكون نتيناا
مريم : مشي تكلم لماماك ونتيناا هنااياا كدابز زعمة قضيتيهاا امشي زيد عند يماك
فين مدوز عائشة من حدا شي حد تقوليه سلام وتسولو على احوال وناس كيشوفو فمريم ب استغراب براني عندهم مفهموا والو دراري كيلعبو وناس شي غادي يسقي شي غادي يجني عجبهاا مريم الجو وضرباات فيهاا الهواء د جبل النقية وريحة التراب حتا وصلو لدار ،، تقدمات عائشة ومريم موراهاا حشماانة كدوز عينيهاا مع دار متكونة من بيوت وحدة لاسقة فخرا و(المرح) عبارة عن ساحة كبيرة فوسط مستفين فيه الحجر باش ميزلقش بيهم فالشتاء والغيس كاع البيوت مبنيين بالطوب ومزنكين من فوق مصبوغة بالازرق وغراسي دالعنب والكرموص والتوت وغراسي صغارين فيهم شيبة نعناع مرددوش ازير منضر. ولا أ روع فعلاا جنة الدنياا
عايشة: فاطمة واا فاطمة فينك
خرجات مراا خرا باينة صغيرة فالسن كرشها على فمها طللات عليها من باب : وهايانا فكانون
عايشة: وجري يااجي هوز معانا
هبطاات عندهم كتمسح يديهاا ف بيجامتهاا وعينيهاا مع مريم
عايشة : زيد امريم زيد دخل متحشمشي
تقدماات لعندهم طلقااتهاا فاطمة ببتسامة كتسلم عليها
تقدمات مريم فوق ديك الدكانة حدا باب بيت مفرشة فيهاا حصيرة ومانطاات باليين ومخاد جلست تماا كتمنضر فالخضورية وعينيها مع دالية دالعنب لي مضورة بالدار ومدلي عليهاا وريحة حبق فايحة من من كل جهة كتمنضر
شافو الباب تحلت دخلو منهاا جوج رجال ونفس الولد لي كان مع عايشة فالسوق... وبنيتة صغيرة
عايشة: هاا ولادي جاو جمعت مريم رجليهاا وهبطاات شانهاا غطات راسها حاذرة راسها حشمانة من رجال لي دخلو مفاهمين والو ... غير كيشوفوو وحاذرين راس ناضت عندهم عايشة كتفسخ معاهم الشواري من فوق حمار وفاطمة ناضت هزت مقراج وبانيو فيديهاا مشات تمد ليهم يغسلو يديهم وهياا كتعاود ليهم على مريم بصوت منخفض..
لقاو السلام من بعيد ومشاو لجهة خراا كيتغداو هزت مريم تليفون شعلاتو لقاات عدد كبير من boite vocal من عند هدى . ياسين .امينة .عادل .اروى ورسااائل كتيرة ،،
دق قلبهاا ملي شافت نمرتو ورساااائل ديالو دخلت كتقراهم واحد مور وااحد ..
فينك
جاوبي
علاش طافية تليفون
ملي تلقااي مسج ديالي صوني لياا
خلاتو بدون رد... وصيفطاات لهدى مسج كتسولهاا على احوال دار وشنو طراا ،، ختماتهاا ب : اناا لباس علياا بلاماا تشطن وهاداك لي ضحك علياا وخلاني ملوية فالزناقي وعاطيني سوارت ماشي حتا د دار قولو يمشي عند راوية ديالو اناا صافي غنزطم على هاد القلب لي بغاااه والله يجيبالو من غيري تهلالي فراسك اهدى كنموووت عليك واخاا مغنسمحلكشي علااش تعطي نمرة ديالي واناا عطيهالك غير نتيناا ملي بدلتاا الله يعاونك...
خرجات ليهم فاطمة اتاي منعنع من داكشي جلسو عليه كيجمعو ويتعاودو بيناتهم حتاا طاح الضلام وناض راجل فاطمة كيجري مور ديك.. شدو وذبحو دخلات فاطمة كتريش فيه ومريم حداهاا كتعاونهاا نصبو عشاهم وجلسو حداا بعضيااتهم .. كانت فاطمة زايدة عامين على مريم وحتاا هياا تزوجت عن حب كتعاود لمريم على حياتها ولي دوزاات . طاب عشاهم وتعشاوه مجموعين فدكانة وتلفازة مشلوعة حداهم كانت 10 ليل وكل واحد فيهم مشاا لبيتو ينعس دخلو مريم لواحد بيت خاوي ومضلم عطاوهاا غطاا وحوايج باش تبدل فرشو معاهاا وشدت بلاصتهاا كضور عينيهاا فسواد االيل حتا داهاا نعاس..
صباح منور غير معتاد .. فاقت بكري بلاماا يفيقهاا حتاا واحد... الهدنة والراحة نعساات وغرقاات ف نعاسهاا حتا طابو جنابهاا فاقت كتكسل وتفوه.. قدات زيفها وحوايجهاا طوات فراشها وخرجات عندهم لقااتهم فالكانون ودخان خارج منو دخلات عندهم لقااتهم كيخبزو الملوي على العواد.. سلمات عليهاا ومدات ليهاا عايشة مقراج د ماء وراتها بيت الماء (طواليط زعمة) دخلات ليه لقااتو مرون وريحتو كريهة عامر كيطلع القلب غاا واطية عادية ربعات رجليهاا قضات حاجتها توضات وهزت بالة كبيرة د حديد كتغطي داكشي خرجات عندهم لقاتهم كيفطرو كبو ليهاا حليب خاااتر سخون مع الجبن وملوي فطرات معاهم وجمعات معاهم الدار... هزو المقوصة ومواس وشواكش بردعو الحمير (حشاكم ) وخرجو ومريم معاهم حتاا وصلو لغرسة كبيرة عامرة بالخضرة طرية بحال الخص ، خيار ، الفول ، جلبانة ، خرشوف ، بدات عايشة كتوري لمريم ومريم كتحفض منهاا وبدات كدير بحالهاا رجعات فاطمة لدار توجد الغداا ومريم خدامة مع عايشة حتا خلطو عليهم رجال من جبل عالي جارين تراكتور كانو كيحرتو فجيهة خراا ،، وبداو كيجنيو معاهم تغداو وكملو نهارهم تماا،، فوقيتة د نعاس بغات مريم تشوف جديد وتعرف اخبار هدى ولا شنو كاين .. خوفهاا من ياسين يطلع نمرة ويعرفهاا فين هياا جبدات كارطة هرسااتهاا عاد شعلات تليفون وفصباح كيف ناضت صيفطاات ولد عايشة جاب ليها نمرة جديدة اتصلات ب هدى طول النهار دون رد ....
دوزات 3 اياام على نفس الحال فقماا تصوني لا جواب ولا خباار ... طول نهارهاا كدوزو فالغرسة تجني معاهم وفالعشية كتعاونهم فشغل الدار نفس الشيئ يوم كيتكرر تشطناات وراسهاا داخ علاش هدى مبقااتش كتجاوب حتاا ولات كتصوني ليهاا وكتلقاا تليفون مطفي...
فيوم الموالي كا كل يوم كتفيق بكري وتمشي معاهم فينماا تهز عينيهاا كتلقاا عبد السلام راجل فاطمة كيشوف فيهاا يلاه كتقشعو كيبداا يشتت النضر ويقلب وجهوا.. وصلات وقيتة دالغداا وجلسو يستراحو قطعات مريم خصلة من الجلبانة كتخوي حباتهاا حلوين الطريين كتاكل فيهم وعينيها كل مرة كضور تشوف ف عبد السلام لي مزال عينيه معاهاا..
اسبوع دوزات عندهم حست براسهاا لحم ديالهاا بدات تفصل بقوة الخدمة والعياء رجعات ل تليفونهاا لي طفى ومعوداتش شعلاتو.. وهياا متكية كطيب نعاسهاا يلاه شعلاتو بداو مسجات كيوصلوهاا د العلبة الصوتية من عند هدى ورقم غريب عودات صونات ومجوبهاا حد... ضنات ان تليفون يكون مشاا ليهاا يمكن طاح يمكن تسرق يمكن شي حد لعب فيه داخت حطاتو حداهاا كتسنى لعلى وعسى يرجع يصونيو عليهاا.. حتا داتهاا عينيهاا ،، وهياا تسمع صوني د تليفون
ناضت مفزوعة هزاتو سمعات صوت خافت كيهضر معاهاا
مريم : الوو كنسمعك واش هدى يااك نمرة د هدى هادي
هدى : مريم !! هادي نتيناا اختي معرفتشي نمرة ديالك
مريم : وييه بدلتاا حرام ولا جوبتيني وكنجبر تليفون مطفي علاش كطفيه علاش توحشتك بزاف وتوحشت نسمع صوت ديالك فاينك داباا كيف عاملة ماماا وخوتي كلشي مزيااان
هدى : مريم سمحلي اختي قسماا بالله ماااعملتاا بلعااني حق الله العضيم ونترزااا ف روح ديالي معملتاا بلعاني
مريم : علاش كتدعي فراسك مالك اهدى شني عملتي ما عملتي
هدى : ساروت لي عطاني عادل راه تخلطلي مع ساروت د بيت ديالي عطيتك ديالي واخور بقااا عندي وعييت نصونب عليك عييت نسقسي فيك ولا جاتني خبارك وحتاا عادل ملي عرف شحال وهواا كيصوني عليك ومكتجوبوشي حرام عليك كون غير هزيتي علياا تليفون نجي عندك فاين ماا كنتي ونعطيهملك اناا حتا بغيت نطلع لسكنة ديالي نفتح باب واناا نجبر ساروت د عادل عرفتي تشوييت
مريم : ربي كبير اختي اناا اصلا مبقيتشي خصني نسمع اسم د هداك خليتلو الله هواا ياخد فيه الحق اناا الحمد الله بخير فينياا ماما شنو قالو عودلي كلشي
سمعااات شهيق فالتليفون تشميرة د بكااا بغا قلبهاا يخرج من الخلعة ناضت من بلاصتهاا وهياا كتهضر : اوعدي هدى مالك شعندك كتبكي اختي ديالي ياك لباس مالك قولي شني
مريم : اناا عاد غنرجع لهداااك اناا عاد مزال غنمرمد راسي اناا اصلا صافي قدمااا بغيتو وحمقت عليه غنجبد هاد القلب ونعفس عليه صافي اهدى صافي اناا هناا وقفت حيااتي اناا هناا غندفن راسي...
هدى : ماشي وقت الهضرة الخاوية جمع راسك وشوف مستقبل ديالك يماك العمر ديالناا وديالا فيد الله دعي معاهاا وطلب ربي يسمحلك على كاع ديكشي الله يعدلالك من عندو اختي هادااا منقولك جااوب عادل الله يرحم يمااك اناا غنعطيه نمرة ديالك
مريم : الا صيفطتيهالو متبقااشي تهضرني صااافي يميك عليااا ويعطيني بشبر تيسااع اصلا هدشي كامل بالسبة ديالهم كرهتووو وهواا ويااخرااا يعطيهم موصيبة فالقلب شوف ملي تكون بوحدك صوني عليا خصني نعرف خبار د ماماا الله يسهل عليك
هدى : بلاماا تقولالي امريم كون هانيااا اناا جبرتيني هادي يوماين واناا كنبات ف دار ديالناا وغداا على صباح وقت زيارة خصني نمشي نشوفاا وساعة نشوف شني الجديد واش جبرو شي حل باش يعملو العملية ولا شكاااين دعي امريم دعي ربي يسهل اناا جبرتيني توضيت وعنصلي غير باش ندعي معاهاا فهاد وقفة د الفجر وندعي معاك حتتا نتيناا يعوطاللك من عندو
مريم : الله يشفع فيك سيدناا رسول الله ،، الله يفتح عليك بيبان الخير اختي
شافت حتاا عياات وعاد عرفت ان داك الصرامة وداك الزيار لي كانت ماشاا فيه .. تربية وتقوية اماا كون فشووهاا وعطاوهاا كلشي يعلم الله اش كانت غدير عاد فهمات علاش امهاا كانت كتوصيهاا... عاد فهمات علاش باهاا كان كيغوت عليهاا ملي كان كيشوفهاا مع بنت غريبة عاد فهمات وتوضحاات ليهاا الصورة د معاملة عائلتهاا معاهاا ... وهياا كان يحساب ليهاا غاا كره منهم غاا معطينهاش اعتبار غير ممهتمينش بيهاا شافت ان عندهم
محنة زايدة ... احترام ... الوقر ... موفرين كاع الاحتيجات لي كيتمناوهم ناس خرين ولكن هياا مكانتش كتشوف هادشي صبح عليها الحال وهياا مزال كتبكي وتفكر كاع الامور لي دازت ف حياتهااا استسلمات لنوم عمييق محساات براسهااا ايمتاا غمضااتهم ، فاقت على صوت تقرقيب باب د براا.. حلت عينيهاا المنفوخين طايبين شافت شمس شارقة وناش برا كيهضرو شافت فالساعة لقاات الوحدة د نهاار ناضت مخلوعة كيفاش نعساات هادشي كولوو هزت جبادتهاا لوات شعرهاا ونااضت كتقاتدد زيفهاا يلاه بغاات تحل الباب وهواا يفتحو عبد السلام
عبد السلام : فقتي
مريم : ااه صباح الخير اخاي كيف صبحتو اناا محسيتشي بيكم فيواخ فيقتو سمحولي
عبد السلام : لاااء بالعكس شبر راحة ديالك
مريم : واخاا اخاي الله يرحم والديك فاينياا فاطمة وعايشة
عبد السلام : راهم فالغرسة يلاه وجدت عايشة الغدا وداتولوم تماا. رتاح نتيناا معندك علاش تنوض
عادل : اوك اذن اطط شدي طاكسي اناا غنمشي موراك ونتسنااك قريب من طبيب
ضار موراه شير لطاكسي وقف حداهم وخلص
عادل : طلعي قوليليه فين يوصلك اناا تابعك
هدى : صاافي واخاا الله يكتر خيرك
طلعات لور وعينيهاا ف مراياا كتشوف ف عادل لي تابعهم حتا وصلات لسبيطار وطلعات كتجري فالدرجة لطابق ثاني دخلات عند حسناء لقاات كاع عائلة مجموعين عليهاا جاو يطلو عليهاا سلماات عليهم كلهم وقفت حداهم كضبر فشي حيلة باش ترجع تخرج... طللات ف سرجم بان ليها عادل واقف بعيد على سبيطار فواحد طلعة.. صونات على ياسين لقااتو مزال فالخدمة وغيخرج حتا 11 د ليل.. قطعات المكالمة ومشاات لجهة الطبلة صغيرة لي فوقهاا الوراق د طبيب..
بدات كتجمع ديسير ودانون وحليب لي جايبين ناس فطرف كدير سبة بيهم حتا سمعات تليفون كيفيبري ف جيبهاا سلتات الورقة بلاماا تبين وخرجات من تماا كتخلف هبطاات مع الدروج كتجري يلاه بغاات تخرج من باب وهياا طلقااه داخل
هدى : متعطليشي بيهاا الله يرحم يمااك عندك يردو البال
عادل : كوني هانياا صايي غاا سيري ..
طلعات لطابق فوقاني وحنات راسهاا كطلل عليه مبانش ليهاا كيضور تماا طلعات كتجري لقااعة لي مسطرين فيهاا لي شومبر دالمرضى وكل شومبر فيها 6 د بلايص.. دخلات عندهم ومشاات لسرجم كطل بان ليهاا التحت كيهضر ف تليفون وعينو مع باب ....
توخات اللور خوفهاا يشوفهاا وترجع ترج راسهاا طل حتا شافت طوموبيل دخلات وهواا هابط جيهتهاا.. خرج شاب وجهو ماشي غريب عليهاا داير نضاضر وكسكيط فوق راسو .. دخلو هوا وعادل لداخل رجعت خرجات هابطة فالدروج كتجري بدات كتقلب بعينيهاا عليهم بجوج مبنوش ليها خرجت براا من باب رئيسي وهبطت لباب اخراا د المستعجلات وعطات العين من بعيد حتا بانو ليهاا بجوج هابطين ومعاهم راجل كبير فالسن ب طابلية خرجو من جيهت الباب...
رجعت طلعت بحالهاا حتا لاشومبر وبقاات حاضية باب وقلبهاا كيضرب لا تفرش شافت ناس بداو يتسالمو خارجين بحالهم سلمات عليهم وخرجت معاهم لبراا.. بقات غير لمياء وعجوزتها وامينة وخالتهم وهدى وصلات المغرب وساعة 6 كيوقفو الزيارة كيبقاا فقط واحد مع المريض بداو كاع ناس يخرجو وامينة مركنة كتجمع لمهاا روينة لي حداهاا ولمياء شادة ولدهاا كتوكلو ف دانون عياات هدى مطل فسرجم مبانش ليهاا ضلام حال وتشعلو الضواو سمعات تليفون كيصوني خرجت قبل ميردو ليها بال عاد فتحات الخط
عادل : فين نتي
هدى : انا فوقي تعطلتي اعادل بزااف
عادل : هبطي عندي اناا تحت
هدى : واخاا صبر
قطعات المكالمة خشات تليفونهاا فالجيب يلاه بغات تهبط وهياا تشوف سي عبد اللطيف طالع معرفت راسها باش تبلات وشمن خلعة شداتها
قلبت وجهها بالزربة ورجعت لاشومبر وقفت حداهم حتا دخل عبد اللطيف جلس وهواا ساهي
لمياء : با شني عملتي ماماا غتبقاا هيدا
عبد اللطيف : معندي جهد اناا عاد صونيت على خالك امين (باه مهدي) الا قدر يصيفطلي شي براكة نلقطوهاا ونجمعو نصاوبولا غاا رجليهال بعدا
امينة : اوعدي على ماما مسكينة الله يكونلك ف عون
هزت هدى عينيهاا فالباب لقاات السيد لي كان بالطبلية معاه الشاب لي كان مع عادل وهوا اكرم هاز فيدو غشاء غلييض وبواطة كبيرة فيهاا مجموعة د الآت داخلين مع باب عقلات عليه هدى من نهار لي كانو ف ريسطو ،،،
وقف عبد اللطيف سلم عليهم وقال راجل : واحد سيد تكلف ليكم بالعملية ومصاريف د طبيب من راديو والعملية ونعاس فالسبيطار ودوياات (شار بيدو ) ومن حديد لي غتعمل السيدة مراتك ... وراه هضر مع مدير وعجل ليكم العملية بعد غدا ان شاء الله مع 8 د صباح 7:00 غيهبطوهاا لبلوك باش توجد راسهاا والله يجيب شفاء
اكرم : مهم اشريف ها لي طلبو ليكم للعملية جبناه وكاين شي حديد اخور خاص حتا يعقموه عاد يجيبوه ف ساعة د العملية هوماا غيجيبوه ليكم
حل عبد اللطيف فمو مصدوم شد بيديه بجوج على يدين اكرررم : الله يجازيك اولدي الله يجعلو ليكم فالميزان مقبول
اكرم : اناا مدرت والو اناا غاا دخلت مع راجل خالتي على حساب يعجلو ليكم العملية حيت كانت عندكم مأخرة بزاااف
عبد اللطيف : هاد سيد لي وقف معاناا الله يوقف معاه فكل محنة ونتاا كيفماا دخلتي الله يجازيكم بالخير .. رضات الوالدين وقفاات معاناا
اكرم : وشغاادي نقولك ضروري ربي ميجيب ليناا شي واحد ف طريق كيهز عليناا شي حاجة الحمد الله
عبد اللطيف : واش كتعاونو بزاف دناس هناا ولا كيفاش
تردد فكلامو ملقاا باش يجاوبوو وقال وااش غاا صدفة شفناا الحالة وقلناا نساعدوك
عبد اللطيف : الله يجازيك اولدي الله يرحم ليكم الواليدين
هزت حسناا يديهاا كتشير ليه بعدماا سمعات حوار لي ضار بيناتهم زاد عندهاا وشد فيديها كتهضر بصوت خافت : الله يرضي عليك ويكون منك اولدي الله يجازيك سمحلي سمحلي
اكرم : لواه الحاجة الله يجيب شفااء بكل فرح..
جرت يديه باستهاا ليه بفرحة.. خطفهاا وباس ليها جبهتهاا استأذن منهم وحرك راسو لهدى حذرات راسهاا منو خرج خلاهم فرحانين بهاد الخبار مشات هدى جيهت الطبلة كتشوف داكشي لي جاب لقاات معاهم ورقة د طبيب عاد تهناات ومشاات لسرجم كطل مور الزاج وشتاء كتسب خيط من سماء وهوماا غاديين فيهاا طلع اكرم فنفس الطوموبيل لي جاا فيهاا وعادل ف طوموبيل ديالو ومشاو بجوجهم واحد مور اخر .. ضارت عندهم لقاتهم مجموعين على حسناء لي كتهضر بشوية وعينيهاا كيدمعو من الحالة لي وصلات ليهاا لمياء : هدى مشي لدار اناا اليوم عنباات مع ماماا
مكملاتش كلامهاا وهياا واقفة خارجة بعيدة على دار ف ضلام كتسمع غاا صوت كلاب كينبحو حست بشي حد شدهاا بقوة وكلاهاا مع شجرة كيبوس فيهاا وريحة شراب مخلطة مع ريحة الكيف قااابلة فمو
عبد السلام : اااه كتحمق غزالة بزاف ازييبن
مريم : دفعاتو ) مشي بعد مني السلكوط الله ينعل اصلك مشي فرقني عليك
رجع شدهاا وطيحهاا فالأرض شاد ليهاا فمهااا بقوة باش متغوتش وهواا كيتحكحك معاهااا فداك الربيغ والغيس حست بتقلو كامل هبط عليهااا مقدراتش تنفس حتا بدات كتخنق وهياا كتفرطط فالارض خطوات جاية جيهتهم من بعيد سمعهااا وناض مطفووج من عليها مجعاات النوضة ديالهاا وهياا فرعب شافت جارة وقفاات حداهاا كتشوف حالتها المرمدة
مريم : الا كنت عزيزة عليك خطيني من عادل رجع كيهضر معااياا معنطز تقول ماانعرف شني ويقطع فالبلاصة
هدى : من عضرو عيااا صابر معاك ونتيناا غير ماا زايدة فيه شني كتسنى مزال اناا غنعس داباا غدا نهضرو
قطعات عليهاا وخلاتهاا مزال كتشهق ف بلاصتها وخوفهاا من عبد السلام لي ولات تشوفو بحال الكابوس ف اي لحضة يقدر يدخل عليهاا تنهداات وتكاات على فراشهاا حاضية باب حتا داتها عينيهاا...
صبحات على تمارة معاهم فالجني وصل كاميو كبير شرجااو فيه كاع الخضرة مشا معاهم عبد السلام عااد رجعت فيهاا الروح دوزو نص نهار ديالهم تماا ورجعو بحالهم بعدماا تشاركو فوجبة الغداء كل واحد تكاا على فراش نعسو من شدة العياء
ناضت مريم عمرات برمة كبيرة د ماء من بير لي حدا دار ودخلات طيبهاا فالكانون هزت مراياا مهرسة ومشاات كلاتهاا مع شجر وبدات كتحاول تحيد اللسقة لي فجبهتها ولي فلحيتهاا حست بلي عينيهااااا غيخرجوو من قوة الحريق ضربة قاصحة مزال طرية ومنفوخة خلاتهم هكاك ومشاات كتمشط شعرهاا بشوية حتاا سرحاتو ودخلات لبيت الماء ديال التدواش مضورة كلهاا ب ميكة كتشد السخونة...
حيدات حوايجهاا وبدا كدير شمبوان على اطراف شعرهاا وبعيدة على جبهتهاا شعرهاا حتا كملات الدوش لوات عليهاا بينوار وزيف حياتي وهياا تشوف باب تحل وداخل معاه عبد السلام ،
عبد السلام : تبعني فوقي محدوم ناعسين دغياا ولا اناا غنهبط عندك
خلاهاا تماا وخرج بحالو جمعت يديهاا على وجهها مصدومة ف قصااوة لي كدوز منهاا ومشات لداك البيت وهياا كتمسح دموعهاا لبساات حوايج لي جات بيهم مسحات صباطهاا وقدات زيف فوق راسها .. هزت الحصيرة وجبدات منهاا الفلوس لي كانت مخبعاهم تماا حسبااتهم لقاتهم مزالين خشاتهم ف صاك جمعات تليفونهاا مخلات حتاا حاجة تماا وخرجت كتسلت وعينيهاا مع البيوت يخرج شي حل ويلقااهاا خرجت على باب وهياا كتخلف .. كتخلف ... كتخلف... هبطاات فالعقبة لي طلعات منهاا هيا وعايشة كان قريب يطيح الضلام كتجري باش تلحق شانطي وتشد شي كار ولا 207 ولا شي حاجة توصلهاا لطنجة...
كانت دنياا بدات تخواا حتاا سمعات الجري موراهاا بالضورة باش ضارت لقاات عبد السلام كيجري جيهتهاا ...
شافتو كيجري ضورات عينيها مباان ليهاا حد من غير ناس لي كيبانو فواحد الشفق عاالي كيقولو ليه (كوديا) وناس لي فالشانطي مقدراتش تجري حست بالفشل ودوخة قلبااها بغاات طيح تماا هزت يديها فالسماء كتشير وبداات كتغوت على احرر جهدها وهياا كتحاول تجري تهرب منو لحقهاا ودفعها فالأرض وطلع فوقهاا بحال الوحش بارك ليهاا على فمها باش متغوتش وهواا كينتف ليهاا ف حواايج وكيدخل يدو فصدرهاا بدات كدفع فيه وهياا كتغوت وهواا غير كيزيد يلسق فيهاا حلت فمها وعطااتو بعضة ليد حتاا خلاتو كيبقطط تماا من الحر د العضة هز يدو كيضرب فوجهها وينتف فشعرهاا ويد خراا كيحل السروال فشلوو يديهاا مبقااتش متحكمة فراسهاا كتر حتاا شافتو هبط سروالو وبداات كتململ حداه وكازة على راسهاا هزت رجليها بداات كدفع فيه وحاااسة بقلبهاا تروع كتر مقدراش تصبر مزال يلاه قرب لفمها غيبوس وهيا تقيا ليه فوجهوو خطف وجهو وبدا فيهاا بتسرفيق وكيزع ليهاا فصدرهاا وشعرهاا لي تحيح كولوو عودات تقيات مرة خرا يلاه هز راسو كيمسح بكمو وهيا دفعو على حر جهدها وسروالو طايح مشات تجري وهياا كتغوت وتعيط بالعداو ناض تابعها مغزف عليها رجع شدها مرة خراا كيركل فيهاا وكيهبط ليهاا حوايجها كتعرعر لربي لي خلقها
شافت ولد ومراا كبيرة هابطين من ديك العقبة كيجريوو تزوات مبقااتش قادرة مزال تهضر ولا تزيد تغوت راسهاا داخ مبقااات كتقشع والو ،، شافت نفس الولد جر عبد السلام من فوقهاا وجلس فيهاا باللكمات لوجه مراا زادت عند مريم كانت مرا كبيرة فالسن ك
هزت مريم من بيطانها وبدات كتحاول معاهاا توقف على رجليهاا شافت الجماعة (ناس الدوار ) جايين كيجريو جرااتهاا المراا ومشاااو كيخلفوو كتر حتاا بعدو من تماا وهياا تقول لديك المرا
مريم : حبابي (كلمة كيقولوها ناس شمال مثلا بحال خالتي،، جارتي) واخاا تبلغني نشانطي خصني نمشي فحالي قبل متوقع شي فضيحة ولا يرجع ليلي هادا
المرا : واش نتيناا لي كنتي مع عايشة
مريم : ااه اناا كنت معاهم فالدار ولكن هاداا كيتعدى علياا وخرجت من تماا خفت على راسي بزاف
دخلاتها مرا جلست سلمت عليهم مريم وربعت رجليها ومرا كتعاود على لي طرا كلهم بقااو مصدومين من عبد السلام لي ملقبينه ف تشر ديالهم (فريوح د بنات )عودات ليهم مريم على لي كان كيوقع معاها فاش كيجي عندهاا مبقاو مشوكيين تعارفو بيناتهم وجلست فوسطهم خيفانة سمعات تليفون كيصوني جبدااتو من صاك لقاتو غيطفى 2% ورساائل ومكلمات بلا حساب قطعات المكالمة وعطات لواحد البنت تشارجيه ليها ضيفوهاا عندهم وطعموها من مكلتهم واخاا فالداخل ديالها خيفاانة يخرج ليها شي عبد السلام اخر من نفس الدار لي عامرة عزارا وصل وقت نعاس وكانت ديك الساعة 10 د ليل دخلات مريم مع بنات لبيت صغير وضيق فرشو ليهاا ونعسات معاهم شدت تليفون فيديها لقات مكلمات من عند عادل و هدى اتصلات ب هدى
هدى : غتخليناا نبقاو مشحطين تبعينك اولا فاين قيالة نهار كامل عينا نصونيو عادل طلع حتا لديك الجبل وعيا يصوني عليك باش تنعتلو ولا تمشي عندو ولا كتجاوب كنحاولو نصلحو الامور ونتينا ممسوقاشي
قالت بصوت خافت وهياا خاشية راسهاا تحت المانطة :سليتي بالهضرة ولا باقي
هدى : ا مريم هود فحالك من تماا
مريم : اناا غدا على صباح غنهبط عندي بزاف منقولك وخصني نجي نشوف ماما
هدى : فيااش غتجي ومعيااش غتركب
مريم : ومنعرف انا غنشوف ولكن يمكن نجي فالكار
قطعات مريم مكالمة مع هدى فالبلاصو عاود صونى تليفونها لقات نمرتو وبدات كتمتم واش تجاوب ولا لاا حلت خط وحطت تليفون على وذنهاا
هضر بكل عصبية وجدية وقال : غدا تكوني هنا راه تبرهيش ديالك وتقزقيز غيصفي ليك
مريم : اناا غدا غنجي
عادل : فاش !
مريم : نشوف الكار لي كيدوز من هنايا ديك 8
عادل : اوك هاحنا غنشوفو
قطع عليها مكالمة وحطت تليفون حدا راسها نعساات بعد تخمام وسهر طويل فاقت وقلب ديالهاا طالع رداات مصارنهاا حتاا تجرح ليهاا الحلق ..غسلات وجهها ومشاات تودعات مع ناس عيااو يحصرو فيهاا تفطر مبغاتش وخرجت ولد ديك المراا موراهاا .. هبطهاا حتا لشانطي وبقاا واقف معاهاا وعينيها فالارض حتا شاف الكار جاي عاد ستأذن منهاا ومشاا بحالو.. طلعات تماا خلصاات بلاصتها وحطت راسهاا على زاج ساهية داتهاا عينيهاا لقاات التقية واصلة ليهاا لحلق عياات حاطة يديهاا على فمهاا وتسد عينيهاا والو هبطاات كلشي على حوايجهااا وناس كتغوت ويشيرو جيهتهااا مدات ليها مرا خنشة د الشتب وقرعة د ماء ..شرباات وبدات كتمسح حوايجهاا وهياا مقدراش حتا تهز راسهاا هوء طنجة ضرب فيهاا وهياا مع الدخلة ترسماات ابتساامة على وجهها وقف كاار فالمحطة خلات ناس حتا خرجو عاد خرجات موراهم بلاماا داحس هبطاات مع دريجاات كار وهياا تلقااه وااقف قبالتها
مريم : نتيناا مكترعيليشي لضروف مخممتيشي فياا واش لباس عليااا ولا لاء علاش زعمة كتحرقني فقلبي بحال هيدا وتقولي عملت شي حاجة اناا معملتااشي اناا كنت قريبة نموت فديك الخلة عقل ديالي كااامل مرون بديتاا ب قتلة د هراوة من عند خاي ويما وخوتي وكملتااا فجبل مع ديك المسخوط بقااو ضورو حتاا تعيااو وقولو اناا ممزيناشي اناا مصلحااشي اناا منسواشي اهئ اهئ اهئ ااااهئ اااعخهئ
عادل : هادشي كولو درتيه راسك نتي لي طيحت راسك مهادشي ماشي واحد اخور... نتي لي بديتي هاد النواعر وهاد الزباايل اماا من اول... نهار تقدمت لعند باك ومبغااش وكن كان راسي خاوي من خرااا وتفليااا كن راني تزوجتك من ديك ساعة واليديك نحطوهم امام امر الواقع تقبلوه ولاا لااا فلاخر يقتانعو ويلا مبغاااوش بلاش مهم مغنوصلوش لهاد المواصل كاملة
ضور وجهوو كيسوط دخل مع باب كبير وقف الطوموبيل حدا طوموبيلات لي تماا وخرج ... بلاصة غريبة عليها هزت عينيهاا شافت راسهاا ف سبيطاار
مريم : شني غنعمل هناايا
عادل : زيديي دغياا
جرهاا فيدو ودخلو لداخل نعت ليها كرسي مشات جلساات فيه وهواا كيهضر مع راجل كبير راسو صلع وخارجة ليه الكرش لابس طبلية بيضاء وكتاب فيدو وستيلو كيهضرو بجوجهم..
شير لمريم وحل الباب د بيرو دخل هوا ويااهاا لعند الطبيب بقاا كيشرف فوجهها وكيسولهاا على كيفاش ضرباات ... بداا كيشرح ل عادل على خياطة خافت وبدااات كتقفق فبلاصتهااا خرج الطبيب وناضت عند عاادل
قلبهاا كان غيخرج من بلاصتو وهياا كترعد كترعد تطبخو عينيهاا بقوة البكاا هبطاات فالدرج بخطوات بطيئة مع الخرجة د باب وهياا طلاقاا ياسين هاز شاكوش فيدو فيه الغداا يلاه قشعهاا رماه من يدو ومشاا جيهتهاا شد ليهاا شعرهاا وهواا كينهج
جمع معاها بتسرفيقة حتاا زعزع ليهااا فمهاا هابط كيشرشر بالدم. جوقة لي كانت الفوق هبطو كيجريو التحت وناس كتفك ...
من بعيد شافو عادل ومريم فيدو جا كيجري وقف فوجهو ونترهاا من عندو
ياسين : شكون نتيناا
عادل : اناا لي غنقرض لمك هاد اليد شحاسب راسك كتقتل فالحيواان ولا جمع ك** حسن ليك
حكم قبضة يدو وعطاهااا ليه الفم حتاا ترمى عادل فالارض يلاه بغاا ينوض يعاود ليه الضربة وهوما يشدوهم البوليس لي جااو كيجريو
عادل : حيدو مني متشدوش فيااا راه هواا لي ضرب
ياسين : والله يااا كلب لاا بقاات ف د** د يماك غااا بلاتي هانتيناا معروف
عادل : الخيل لي عند ز** بوك ركبو العيفة
شدوهم البوليس بجوج هبطوهم لسطافيط كان رايس تماا عطى انذار ل ياسين كونو شرطي. مرة خراا ميضرب ما يتعدى... خرجو عادل ورجع كيجري للباب ملقهااش وبدا كيسول ناس لي تماا عليها كلشي قاليه خرجات... مشاا لطوموبيل كيجري طلع وخرج من باب لاخر وعينيه مع الطريق حتتا شافهاا مع طريطوار وفمهاا هابط منو الدم وعينيهاا مطبوخين شد شمااال خرج كيجري عندهاا يلاه شد ليها فذراعهاا وهياا ضور عندو مطبوخة
رج شد فيها وهياا تنتر يديهاا منو.. شدهاا من ذراعها بقوة ودفعها قدامو حل ليهاا باب طوموبيل طلعات فيهاا وهيا شادة راسها كتبكي وتهرنن ديمارا طوموبيل ومشاا نيشاان لدار..
حل باب دخلهاا وشد باب موراهم
جلست على طرف فوطوي وهياا كتشهق قطع ليهاا طرف د كلينيكس مدو ليها تمسح فمهاا ودخل لكوزينة عمر كاس د الماء وجابو حطو حداهاا جلس قبالتهاا طالق رجل وطاوي رجلي غير ساكت وهياا حداه الروح ديالهاا غتخرح بقوة البكا
هزت طبسيل من بلاطو وفورشيط فيديهاا كتشم فريحة زوينة لي عاطية من داك الطبق ، كان طبق المعجنات مع اللحم بالصلصة البيضاء و خبيزات صغار د الخضر شدت الفرشيط وبدات كتلوي فيهم
مريم : كتعرف طيب !
عادل : كنديبااني راسي وصاافي شغل زربة هواا هاداا يمكن معجبكش
مريم : لااا لااا فنيون الله يعطيك الصحة
بدات كتااكل وكتشوف فالتلفاازة وهياا مزيرة مقدراش حتا تاكل فخاطرهاا ولا يتسمع مضيغهاا كتاكل ببطئ وكتحاول تشتت النضر بالاخص ملي كتلاحض كيشوف فيهاا كملو مكلتهم في صمت كل واحد كيشوف فجهة.. توخر اللور وحطت طبسيلهاا حتاا هيا وبدات كتجمع الطبلة
عادل : لاا غير جلسي اناا نجمعهاا كملي مكلتك
مريم : لاء صافي شبعت مخصنيشي
عادل : اوك اناا غداا غنفتح نادي رياضي وغنبداو الخدمة فيه لي خصك تعرفي هواا من داباا الفوق متبقاايش تخرجي بوحدك ولا ضوري ب عائلتك ، حتاا نشوفو شي حل لهادشي عطي راحة راسك
مريم : وماماا !
عادل : مامااك امريم براسها خصهاا راحة وخصهاا وقت باش يفوتهاا هادشي ومن هناا لتماا يحن الله ديك ساعة سير عندهاا
حركت راسها وقالت : واخا صافي اناا خصني نعس
عادل : ااه واخاا دخلي لبيت ورتاحي فيه
مريم : واخاا
ناضت بخطوات بطيئة دخلات لبيت وجرت عليهاا الغطى تجلجو عينيهاا مبغااش نعاس يجيها كتسمع غاا صوت التلفاازة لي مشعولة وصوتو وهوا كيهضر فالتليفون عياات كتحاول تصنت باش تفزز اش كيقول ماافهمت والو فاللغة لي كيهضر بيهاا ورجعت تكات وعينيهاا مع السقف فينما تشوفو دايز من حداا بيت يتشوك لحمهاا وتشد عينيهاا بالزربة لسعاات وهياا على نفس الحال حتا تطفى الضو والتلفاازة .. غير السكاات حست بنفسهاا مضيقة وقلبهاا طالع عياات شادة فراسها وهياا كتململ وناضت مطفوجة للحمام كترد مصاارنهاا تبعهاا عادل لحمام لقااهاا واقفة غطيح وهياا كترعد شدهاا بيديه بجوج وهوا كيغسل ليهاا وجهها
عادل : اوك ها فطور وبغيتي شي راه غتلقاايهاا فالكوزينة انحاول منتعطلش
حركت راسهاا وناس دخل البيت لبس حوايجو .. وخرج كيلبس فالمونطو ديالو.. حناا على جبهتها باسهاا وخرج ،، بقاات بوحدهاا ملقاات مدير شعلات التلفاازة وناضت كضور فالدار وتقلب وتشوف اش كاين.. هزت بتيبانة من فوق الطبلة ومشات البالكون كتاكل فيها وطل .. حست بقلبهاا غيطلع تاني
تكات حداا تلفاازة حتا تهذناات عاد ناضت دخلت البيت هزت تليفونهاا لي كانت قاطعة ليه الصوت... مكالمات بلا حساب لقاتهم من عند هدى صونات عليهاا مرة اللولة بدون رد... يلاه بغات تحط التليفون وهيا تعاود تصوني .. عودات ليهاا مريم شطرا ملي رجعت الطنجة.. وهدى كتعاود ليهاا اش طرا فالدار وفالسبيطار ..
دخلت مريم تليفون معاهاا الكوزينة لقاتهاا عامرة بالمواعن فلابابو حطت تليفون فوق بواطة د ملح وبدات كتغسل فيهم وهياا شادث الهضرة معاهاا
هدى : ايواا يلاه رجعت نطبيب وهياا تبداا ماماك تعاودلي وقلباا طايب كتقولي واالور منعاود نشوفا متهضرني مطلل علياا باباك كيف ساق الخبار قالك عمراا دخل لدار ديالي واخااا يوقع لي وقع اناا خرجتاا من قلبي وغنخرجاا حتا من وراق ديالي عرفتي صدموني عائلتك عييت نهضر مع ياسين وكنحاول نقنعو زعمة يحن قلبو ويوقف ف الصف ديالك جبرتو كفس منهم
مريم : هدى عرفتي شنوو شي نهار غتلا بيااا غتجبروني رامياا راسي من شي حافة. عالية وغير راسي مفرشخ ولا تسمعوني رماني البحر فشي جاايحة انااا مقتلتشي اعباااد الله مشركتشي ب ربي معملتشي شي موصيبة لي مكتغفرررررش انااا وحدة ممعصووماشي من الغلط نقدر نغلط غداا وبعدو وندم ونطلب ربي يسمحلي علاااش اناا كلشي عاطيني بالضهر علاش زعمة حتاا لهاد الدرجة كرهيني عارفة ماشي ساااهل هادشي لي داز وعارفة راسي غلطت وندمااانة وبزااف واش هادشي غيتبعني حتاا لقبر ديالي واش هادشي غيبقاالي مكتوووب فالسنطيحة طول عمري واش غير اناا لي كذبت ! واش غير اناا لي بغيت واحد وخرجت بالسبة ديالو اناا اكثر واحد ضااع وتكرفص ومزال غنتكرفض ونقسملك بربي الحبيب لااا عمر حياة ديالي تقداااات ولا تيسرااات ولا ربحت ولا وصلت وهاانااا قلتلك وعقل عليهااا... اناا غنطلب الله يسمحلي ليل ونهااار واليدين ديالي الا بقاااو هيدااا متعرفشي شني نعمل ف راسي حتاا تجيكم غير خبااري
قطعااات المكاالمة وهياا كترعد كترعد وقلبهاا كيزدح طاحت فالأرض وبداات تنتف فراسهااا وتندب فوجهها وفينماا تقيص جبهتها ولا لحيتهاا لي مزال طايبة من خياطة جديد كتصعرر بقوة الحريق كحالت الدنياا فعينيهاا وقنطاات حساات براسهاا ضايعة ومعندهاا زهر فالحيااة.. املهاا كامل 0% ولات كتباان ليهاا غاا الزنقة تخرج ليهاا برداات قلبهاا بالبكاا وتمرميد وهياا حاطة راسهاا على تلاجة كتنهج عياات وجمعت نوضة ديالهاا كملت مواعنهاا وهياا كتشهق ستفاات كل حاجة ف بلاصة وخرجت بحالها براا تكات حداا تلفاازة كتفرج غير عينين لي كيشوفو اماا عقلهاا ساهي فلي داز حتاا غمضاات عينيهاا وغرقااات ف نعاس سمعات باب كيدق بالجهد ناضت مخلوعة شافت فالبالكون لقاات ضلام طايح شعلات الضو. وقرباات لباب كتسنت
مريم : شكون
... انا من ** صيفطني سي عادل على حساب العشاء
خلاتو ومشاات لتليفون باش تصوني عليه.. لقاتو مصيفط ليها مسج ومصوني عليهاا جوج مرات
عادل : غيجي واحد دري من ريسطو د اكرم غيجيب ليك العشاء حليليه الباب من داباا ساعة عاد نجي
عادل : كانت نيتي نجي بكري مي غالب الله ملقيتش كيف ندير مي كملناا كلشي واخاا تمارة دازت عليناا حارة
مريم واخاا الله يعاونك وتعشى نتيناا انا خليتلك حقك
حرك راسوو وناض بدل حوايجو لبس تيشورط قصيرة وشورط ديالهااا غسل يدو وعينيها معاه فينماا تحرك جلس حداهاا وهواا كيشوف فيهاا ومرة مرة يدوز يدو على يدهاا المحطوطة على الفراش...
مريم : اناا غنعس عياانة بزاف
عادل : مي مزال الحال
مريم : لا اناا شوية مريطة خصني نرتاح حتا لغدا
حرك راسو ودخلات لبيت ردت عليهاا الباب وهياا كطل من الشقة شافتو كيتعشى وعينيه مع التلفاازة ربعت رجليهاا فوق الفراش وبقاات كتخمم وعينيهاا مع رساائل د هدى لي كيوصلو متاابعين خشاات راسهاا فالمانطة وبدات كتجاوبهاا بالكتبة وعينيهاا مع عادل لا يحصلهاا...
4 ايام وهياا على نفس الحال كيخرج فالصبااح ويرجع حتاا العشية نهارهاا كامل كدوزو غاا جلاس ونعاس وتليفون مع هدى كتسول على احوال عائلتهاا ومرة مرة كتنوض تغسل المواعن وتخمل دنياا.. ملي كيرجع عادل كدير سبة بالنعاس او كتحاول تغطي بشي حاجة باش ميزيدش يحكر عليهاا..
اليوم الخامس ،،
يلاه فطرات وهياا كتخمل الروينة لي مزالة عندهاا فالكوزينة سمعاات باب كيتحل خرجاات وهياا مخلوعة شافت عادل دخل وهاز صيكان فيدو مدهم ليهاا
مريم : شني جيبتي ممشيتيشي لخدمة ولا
عادل : نوو ممشيتش شوفي واش يعجبووك
حطاتهم مريم على طبلة وبدات كتجبد لقات مجموعة من الحوايج وشيلان وصباط عالي وصباط ارضي شافتف صاك اخر لقاات ملابس داخلية حماار وجهها حداه وهواا كيشوف فيهاا ومطلع حاجبو
مريم : اا.. ع..عادل شني جيبتي علاش هاد الحوايج
عادل : جبتهم ليك تلبسيهم ولا مسخيتيش بحوايجي ههه راه غير كنت هاد اياام مرون داكشي علاش مخديت ليك والو متقوليش نسيتك ام
مريم : ولكن اعادل هادشي بزاف
عادل : مهم لبسيهم وتمرحي فيهم اليوم غنخرجو اناا ويااك شوية و نتعشااو براا اش قلتي
مريم : معرفتشي
عادل : غمزهاا) اذن غنخرجو وجدي راسك
حركت راسهاا ونيت محتااجة لشي خرجة تفرح فيهاا وتنسيهاا دخلات فرحانة بدوك الحوايج كتلبس فيهم وتشوف راسها كيف جاوهاا.. جربات لي سوتيان جاوهاا فنين موالفة كتاخد غير العاديين د 12 دراهم دغياا كيتهرهوو عجبوهاا بزاف بدات كتقيص حوايج خرين..
كانت لبسة متناسقة من ليبوط طويل ومونطو د جلد سخون من الداخل وسروال د جين لوات زيفهاا وحولات تهبط خصلات من شعرهاا باش متبانش ليهاا الضربة ولا لسقة لي فجبهتها درقاات عيوب وجهها بكريم مرطب وكريم ف لون البشر وخرجات عندو لقاتو فالبالكون هاز كارو فيدو كيكمي فيه ضار عندهاا وقال
عادل : كتحمقي
قرب لوجهها طبق قبلة حداا فمهاا خلات سخانة طلع معاهاا
عادل : نمشيو داباا
مريم : لي بغيتي
لبس جاكيط ديالو من الفوق وهز تليفون وكونطاكط وخرج هوا وياهاا.. طلعو ف طوموبيل لي واقفة ف باب ومشاا بسرعة خرج على طنجة ومزال كيبعد..
أفتقدك الجزء 11 (الفصل الثاني)
محتوى القصة
التنقل بين الأجزاء