اروى : باسم الله عليك انااري ماماا مكيناش هناا اطط نعيط على جلال ونجي
خرجات كتجري من دار خلاتهاا ممدودة فوق فراش شادة فكرشها بقوة..
حتا رجعت ومعاهاا جلال هزوهاا بشوية عليهم وهبطوهاا فلاسنسور... طلعاتهاا اروى لور وديمرات طوموبيل يالزربة... ومريم كرشهاا صغيرة حداهاا شادة فيهاا وكتشهق دخلوهاا لسبيطار وهياا كتقطر من التحت ضربو ليهاا شوكة حتا تهذنات... السبب كولو كان بالعصب الزايد خرج ليهاا كينة تشربهاا ورجعو بحالهم ،
ملي دخلت لفراشهاا وهيا كدوز يديها على كرشهاا وتعريها تشوف فيهاا وحجمهاا صغيرة بحال الكورة فكرشها كتحس بتقل لي هازة والتقل لي هابط على رجليهاا.. تكات شوية كتخمم فلي جاي اش غدير وهياا كدعي فنفسهاا يباان عادل ولو ف احلامهاا وطفي نار الشوق لي فيهاا ، حتا داتها عينيهاا وفاقت على دقاان فالباب. ناضت بزز تحل ملقاات حد ف دار لقات اكرم واقف ف الباب كيف حلاتهااهبط عينيه لكشرهاا لي مغطياهاا بالبينوار
اكرم : مريم لباس
مريم : ببهجة وابتسامة مرسومة على وجهها ) الحمد الله على سلامة ديالك كيف نتيناا مزيان
اكرم : بخير فين اروى
مريم ؛ معرفتشي وقيلة خرجت دخل تسناهاا نداخل
دخل اكرم جلس مشبك يديها كيشوف فيهاا بلآسى : كيف بقيتي مع الحمل
اكرم : ويااه اختي قلت حتاا نجي نشوفكم عاد نشد طريق ل رباط..
مريم : واخاا اخاي مزيان اناا نعدلكم اتاي
اروى : متشقااايش امريم غاا جلسي
مريم : خصني نتحرك شتيتو عييت بالجلاس
دخلات الكوزينة وبدات كتوجد ليهم السينية وهياا كتحس بحريق غادي جاي مع كرشهاا من تحت
ستفتات كلشي فوق طبلة الكوزينة وبدات كتخرج السينية لقاتهم جالسين حدا بعضيااتهم كيوريهاا شي حاجة ف تليفون واروى حاطة يديها على فمهاا خلاتهم ومشات تخرج باقي ، جلست حداهم وهوماا كيشوفو فبعضيااتهم حست بيهم واستأذنت منهم
مريم: مهم اناا عنوض ندخل لبيت شبرو الراحة ديالكم
اكرم : لا بلعكس امريم جلسي
اروى : جلس امريم عندناا منقولولك
رجعت جلست وهياا كتشوف فيهم
مريم : شني
اكرم : سمعيني امريم اناا عييت صراحة منحاول نشوف ليك شي حل لهادشي ودرت محولات ماا مرة ماا جوج عادل طلاقيناا هادي 20 يوم كان غيساافر هواا وماماه السعودية وهضرت معاه على حسابك قلت ليه راهاا غا ضايعة ومزال مرجعتش لدارهم وراهاا محتجااك وبالخصوص فهاد المحنة وراهاا حاملة ولكن شغادي نقوليك مبغااش يتيق بياا وضار فياا وبداا علياا بهضرة ديالو المعتادة كيفماا كذبت فهادي وهادي كملتهاا بحمالة اناا مغاديش نتيق بيهاا وبكذوبهاا ،
و اناا معاك وعارف ضروفك وحاس بيك ولكن هواا مبغاا لا يتفهم ولا يحس ولا يتيق بهضرتي ملي غلق علياا ومخلا لياا حتا فرصة خليتو حتا تذهن وعاودت هضرت معاه وقلت لعلى وعسى يتراجع ويصوني ليك ولكن والو اختي مقدرت ندير والو
حذرات راسهاا الأرض وفمهاا كيترعد مهضرات ماا تكلماات جلست كتحصر على حالة لي وصلات ليها
اكرم : مبغيتش نبكيك ولا نقهرك بهاد الهضرة ولكن بغيتك تقواي وتلغيه من حساابك وتفكري فهادا لي غادي يتزاد قادر نضبر ليك خدمة لي تعاونك وتبدااي حياتك من جديد ولكن متحطيش املك غاا ف عادل حيت هواا دابا تبدل وبزاف لا فطبعو ولا عقليتو مبقاا مهتم بحتا حاجة هاكاا نتي ديري كتر من هادشي
اروى : مريم علاش كتبكي داباا قوي راسك اصحبتي وحاولي تصبري راسك وتقوي شخصيتك وتشوفي لفووق ولهادا لي غتولديه اماا الا بقيتي كتفكري تما بقيتي..
خلاتهم بجوج وناضت لبيت شدت عليهاا وتركناات كتبكي وتنتف فراسهاا وضرب فكرشهاا على حر جهدهاا وهياا كتعرعر دخلو عندهاا كيحاولو يشدو فيهاا ويهذنوهاا وهياا مغييير كتزيد تصعرر كتررر تزادو فيهاا عشرة حتا بداات دمياات هابطة كتشرشر مع فخااضهاا عاد طاحت طيحة وحدة فوق فراش كترعد وعينيهاا كيشوفو وهياا فااشلة ومن داخل ديالهاا كتزدح خرجو بلاماا يرضو ليهاا بال غطاتهاا اروى وسدت موراهاا باب
طول العشية دوزتهاا وهياا كتشهق قلبهاا غيخرج بقوة الزديح وكرشهااا كتقطع بحالا منشاار كيدوز فيهاا دحريق ،، خرج اكرم وبقاات غير اروى كتجمع الدنياا براا حتا رجعت امهاا وباهاا . خلاتهم جالسين ودخلت عند مريم
اروى : وراه حتا هواا مكيهزوش بزاف حيت فيه غير تصاور ونوامر اماا لي كيهزو راه محطوط حداهاا اطط نجيبو ليك والويفي راه مطلوق اناا نعطيك الكود
..
خرجت تعشاات ورجعت بالزربة وهياا هازة تليفون فيديهاا ورات لمريم كيفاش تستخدموا قدات ليهاا كلشي وبدات كتجبد الحوايج وتشوف لي غيجي معاهاا ومريم كتختار ليها.. لبست وتقاادت وهزت صاك صغير فيه بعض من حوايج وخرجت .. شدت مريم باب وبدات كتحاول تفتح كونط ديالهاا عياات متجرب مبغااش يتحل ليهاا،،
وبدات كتصاوب واحد جديد باسم مغاير حتا تحل ليهاا وبدات كتقلب على كونط ديالو عياات متكتب نفس الإسم مطلعش ليها رجعت كتقلب على اروى لقاتهاا وبدات كتقلب فالاعجبات د صور ديالها ويلا يكون شي تعليق ب اسمو ملقاات والو طلع ليهاا اكرم وبدات تقلب عندو نفس الشيئ مكااين حتا اسم او صورة يبين ليهاا حساب ديالو...
تفكرات هدى وصيفطاات ليهاا طلب.. مع رسالة قصيرة وكملت البحث حتا جوباتها هدى
هدى : ؟؟
مريم : كيف تيناا توحشتك
هدى : شكون نتيناا
مريم : مري اهدى مريم اختي عاد عدلت هاد الفيس باش نهضر معاك توحشتكم
عودات ليهااا مريم فرساااائل طوال بحال الجراائد وخلاتهاا كتقراا فيهم ومشاات تشوف مزال واش يبان ليها لقاات حساب بصورة الغلاف رجل ملثم باللون الأسود واسم غير مفهوم .. طلعات كتشوف اش حاط
لقات ستاتي مكتوب
Allah bir kapıyı kaparsa , öbrünü açar " A L "
شافت الأحرف الأخيرة بداا قلبهاا كيتهز توقعااتهاا يكون حساب خاص بيه طلعات كتقلب مزال حتاا شدت فراسها ملي طلعاات ليهاا صورتو حطهاا قبل يومين فوق كتفو فوطة بيضاء وخصرو مضور بفوطة اخرة ومعاه راجل كبير فالسن نفس الشيئ لابس بحالو شافت فالصورة مزياان مبين انهم فالحج وموراهم ناس
لمعواا عينيهاا واخيراا شافت صورتو فرحت من قلبهاا وبدات كتدعي فنفسهاا تحمد الله وتعاود ، حولات تهذن راسهاا ومتزربش كتر... صيفطاات ليه طلب ومعاه رسالة قصيرة
كوثر : وشغادي نقولك حتا واحد مخصو يتيق هاد زمان صعاب بزاف وانساان يخاف على راسو
مريم : بصح اخالتي عندك الحق
كوثر : هكاك اااام مهم بغيت نسولك ولكن ولكن متديهاش مني قلت صواب
مريم : لا والو اخالتي بلعكس ها ياناا قولي
كوثر : علاش مفكرتيش تمشي تعيدي مع عائلتك ولا طلي عليهم حيت لي شفت ماا كتصوني ماا كتهضري معاهم مااعطيتيني نهضر مع ماماك ونطمأنهاا عليك
مريم : خالتي سمعني الله يرحم والديك اناا معنكذبشي عليك ولا نتهرب من هضرة ديالك اناا وقعلي مشكيل وبا جراا علياا من دار واروى عونتني بزاف ودخلتني ندار ديالوم من زنقة اناا مزال خصني نصلح غلطة ديالي مع عائلة ومعرفتشي شني نعمل كنتسنى فرصة وصافي
كوثر: ااه اذن يكون خير شوية كرشك داباا قالت لياا اروى فيك القبط وكرشك منفوخة .
عشية كولهاا دوزوهاا فكوزينة كيحكو معاهاا راس وفراقش زندت المجمر وحطت عليه راس بعدماا قطعوه خلاتو كيطيب على فيخرات وجلسو كيتجمعو حتاا وصلات 11 د ليل عاد وجد ليهم وحطاتو العشاء مع شليضاتو طول ليل شدت التليفون كتسنى لعلى تلقى الجواب دخلت تاني تشوف واش حط شي حاجة لقات صورة منذ 30 دقيقة عودات صيفطااات ليه من جديد
مريم : واخاا تجاوبني يرحم والديك خصني نهضر معاك عادل
راه ضروري تجاوبي واش عرفتيني شكون يااناا
كيف حلت عينيهاا ف صباح دخلات تشوف ملقاات والو شبعاات بكااا بحرقة حتا طابو عينيهاا عاد ناضت
اسبوع بالكامل وبالهاا غير مع تليفون جالسة فالدار لا خروج لا والو كتفضل غاا تسد عليهاا كتحاول تشغل راسها بشقى ديال الدار غيررر باش متبقااش تفكر فيه ولكن من بالهاا مكيتحيدش ومكيتنساش سافر حافيظ وخداا معاه تليفونو مبقاا عندهاا لا فين تهضر ولا باش تسيفط
بدات كتخرج وضور على خياطين توريهم طرز لي خدمات شافت جوج خياطين بغااو خدمتها وخدات من عندهم تواب د جلالب مشات لدار وبدات كترشم وتخدم بالحرر لي فيهاا باغاا تشد فلوس وتاخد تليفون راسها..
كملات جلابة اللولة بعد 3 ايام وبدات فلاخر لي عامرة من الصدر والضهر دوزات فيهاا اسبوع عاد داتهم ليهم ..
عطاهاا واحد 150 درهم ولاخر 230 درهم
حمدت الله عليهم بلاماا تشطر وبلاماا تطلب كتر خذات خدامي خرين ورجعت لدار كتخدم فيهم نفس الشيئ دوزات اكثر من اسبوع عاد رجعت عطاهاا واحد 200 درهم ولاخر 120 جمعت ديك الفلوس مع فلوس خراا وجلست كطرز ف جابور وخيطاتو بالراندة شدات فيه 300 درهم
جمعت ديك الفلوس ومشات لمحل كيبيعو فيه تليفونات شافت تليفون جرباتو عجبهاا وخداتو من عندو هواا ونمرة جديدة
فرحات بالجهد ومشات شدت خدمة خراا
رجعت لدار واول ماا دارت وجدت العشاء هوا اول عاد ربعت رجليهاا كتخدم وعينيهاا مع تليفون فتحات حساب ديالهاا لقاتو قرا مسجاتهاا ،،
اناا ما بنت زنقة ماا وحدة رخيصة ، اناا وحدة بغااات وحماقت عليك والهدف لي كان عندي فالدنياا هياا نتزوج بيك وتكون شريك حياتي
انا غالطت اااه بصح حيت كذبت عليك ، وعلى راوية ، وعلى عائلتي ، عارفة كنت سبب ف اغلب مشاكيل لي دوزتي منهم اناا عارفة وكنلوم راسي براسي بلاماا تجي تقولالي .. اناا عطيتك راسي وخليتك تعمل فياا لي بغيتي حيت بصح بغيتك وربي الحبيب علياا شااهد وكان امل ديالي هواا نتزوجو ونمشي معاك ودابزناا وهانتيناا شوفتي شني عمل فياا خاي كمارة ديالي مشاتلي فمرا وكليت الدق حتا شفت الأخيرة بغارط عيني وخرجت من دارناا ومشيت تكرفص فجيهة اخراا ورجعت معاك وتكرفصت حتا وكفس وهايااناا مزالة مشيرة كنعااني وكنحصد ديكشي لي زرعتو بيدي ، اولد ناس اناا مستاعدة نعمل معاك اي حال بغيتيه غير متخلينيشي وناا هازة فبطني ترابي منك وكنمرط نهار على نهار وغنزيد نضيع ومنعرف باش تلا بياا الدنياا عائلة ديالي جراو علياا فاين عاد مزال غنعطي راس وفاين مزااال غنزيد متهربشي من الهضرة ديالي واجهني وقولي شني غنعمل راني غنحمااااق قرا مسج ديالي عملني ختك بنت خلتك بنتك يماك حس بياا شتيتو وعاوني وقف معاياا انا وحدة ضعيفة ومبقاا عندي حتا جهد ولا قدرة باش نهوز راسي مهم هانتيناا قرا مساخي ديالي وجوبني الله يسهل عليك والله يعطيك ماا فنيتك ،،
حط يديهاا على علامة زرقة " ارسال " مطلع ليهاا والو من غير بلوك وحتا مسج ممشااش من غير مسج ديالو هواا عااااد بان ليهاا حيت كانت كتكتب ومطلع ليهاا والو
عادل 💬: مغاديش تجاوبي ؟
عادل💬 : اوك
بقوة لي فيهاا رماات تليفون مع التلفاازة بدووون الشعور فالبلاااصة طلعااااات الحمورية على وجهها وناضت من جديد كتنتف فراااااسهاا وتعض فيديهاا حتاا كتبغي تقطع الجلد من بلاصتوو كتخليهاا زرقاء خرجت اروى كتجري لقااتهاا كضرب فراسهاا وتبرك على كرشهاا وتعفس بالجهددد وتشتف برجليهاا ويديهاا غيطيرو من بلاصتهم بقوة العصب زايد بغات تشدهاا اروى وهياا دفعها مع الأرض بحال ساكنها جن فالداخل ديالهاا توخرات اللور اروى وعيطاات على اكرم يجي بسرعة سمعاتهاا كتهرس وتغوت وناس فالباب كيدقوو فتحات الباب باغاا تخرج وهياا خيفانة تجي فيهاا شي دقة وطيحهاا كاو .. شافت دميات واصلين لزليج كيتجرو مع حوايجهاا وطاحت على طولتهاا حتا تزدحات بالجهد مع الأرض ودم خارج مع نيفها....
غوتات اروى على حرر جهدهاا ومشاات طايرة حلت لباب وبدات كتعيط لناس يجيبو اسعااف ... شدو الباب بلاماا يدخل حتا واحد واروى حداهم كتولو وضرب فراسهاا وخوفهاا كامل تكون مااتت حتا وصلت الاسعاف وطلعو كيجريو هبطوهاا فلاسنسور وطلعت معاهاا اروى اول حاجة ريحاتهاا هياا ملي علموهاا عايشة ولكن حياتهاا فخطر ،
... جاهاا انهيار عصبي وفقدات السيطرة على راسهاا الجنين كان ميت فكرشهاا و... خرج زرق وهادشي كاامل بسبب العصب زايد والامور لي دازت منهاا وخلاتهاا توصل لهاد المرحلة
اروى : فعلا دازت من شي مشاكيل قاصحين داباا شوية كيف دايرة صحتها ياك ماشي شي خطر عليهاا
... لي نبغي نقوليك راه خصهاا تبع مع طبيب نفسي هادي الحاجة اللولة ثاني حاجة تبعو ليها مع طبيب على حالة د عصب ديالهاا وتبع دواهاا وتحاول تبعد مااا امكن على هاد التفاهات لي كدوز منهم حيت حتاا حاجة متستاهل توصل لهادشي غدا عاد يمكن تشوفوها داباا لاا
حرك راسو وزاد وجلست حاطة يديهاا على خدهاا كتخمم وتبكي صيفطاات لأنس علماتو بهاد الخبار لي جااه بحال الصدمة كان فالمغرب " المحمدية " وشد طريق لعندهاا جلس معاهاا برا فالجردة حتا وصل عندهم اكرم كل واحد كيتحصر ف بلاصتو وممتيقينش هادشي لي كيدوزو منو
اروى : اقسم وتيقو ولا متيقوش حتاا كيجيني هادشي غير بحال فيلم عرفتوو اناا تصدمت كتر عسااك مريم !!
اكرم : مبقيتش باغي نهضر مع عادل اروى فهمي هاد الهضرة بنت باقااا صغيرة ومستقبل باقي حداهاا علاش غنعيط ل عادل علاش غنقوليه ، خصك تعرفي بلي مقلت لعادل لا مريم حاملة لا والو علاش اناا هضرت معاهاا المراا لي فاتت بغيتهاا تنسااه بغيت نقوليهاا حيديه من بالك اناا هضرت ليه على مريم رفض يهضر معاهاا نهااائيا مقلت ليه لا حاملة ولا حتا حاجة ومغاديش نقوليه علاش حيت صافي سيد شاف حياتو من جديد حتا هياا تشوف حياتهاا حسن ميبقاو طول عمرهم شدد لياا نقطع ليك وفكروو شوية بجدية دوام راه صعيب
انس : عندك الحق هياا عصبية هواا قاليهااا جلس فالطرف ابسط الأمور مغاديش يتفاهمو عليهاا
اكرم : هااانتااا فهمتي وداباا حاولو تردو لبنت عقلهاا وعرفو شغادي نقوليكم والله حتاا ربي عندو الحكمة فكلشي مزياان لي مكملش هاد الولد كون حطاتو فشي جيهة وزادت ولا كون راهاا مكرفصة بيه اماا داباا مزيان خصهاا وقت ترتاح توقف على رجليهااا وهاا دنيااا تمشي تخدم ولا دير شي حاجة وتنسى عائلتهاا وعادل وكلشي
انس : والله حتاا نموت ونعرف علاش متعاطف معاها حتا لهاد الدرجة وي حناا ختناا وصحبتناا وباغيين ليهاا خير ولكن نتاا كتر
اروى : لا والو امريم لبستي ديك سليب لي جبت ليك لبارح اناا جبت ليك داباا جوج خرين باش تبدلي وهانتي جبت ليك حتا فوطات صحين هادو مزيان ليك
مريم : ااه لبستو مكنقدرشي يااختي نوقف رجلي محشوشين على القااع مقدرا لا نوقف لا والو ف ليل مقدرتشي نمشي نطواليط حتاا عيطت لفرملية
اروى : ايواا يا الحبيبة راه ماشي ساهلة مهم خرجي لدار وترتاحي بعداا
مريم : فاينياا خالتي شعانداا مجتشي
اروى : مريم من لاخر ماماا مبغاش هادشي ومتقبلاتش واخاا شرحت ليهاا نهار الاول لي كنتي ف طبيب كناا بايتين غاا فالطوموبيل ومشيت عندهاا وهضرت معاهاا مبغاتش ومشيت بايتة غا عند صحبتي ولبارح هضر معاهم نفس الشيئ اناا منقدرش نخليك مهم هاكي كولي بعداا
مريم : شوف سمعني نتيناا خير لي عملتيه فياا كبير وبزاف اروى والله ثم والله مكان هادشي يعملو معاياا شي واحد اخور اناا غنبقاا طول عمري ندعي معاك ونحاول نعمل ماا فجهدي باش نعوضلك واخاا غير شوية
اروى : سمعيني خير والجميل لي غديريه هواا ديهاا فراسك وصحتك وحاولي تفكري فحياتك وتغيريهاا
حطت ليهاا اروى الماكلة وبدات كتوكلهاا بشوية وتعاونها جبدت ليها حويجات وبدات كتلبس ليها بشوية لحمهاا كلهاا زرقة بالطبااايع وكرشهاا مهرهة مرخيا و مخططة من جناب زيرات ليهاا كرشهاا بسمطة كتجبد دفااتها بالحوايج وبدات تجمع ليها شعرها جلساات متكية على جنبهاا واروى كتحك ليهاا فراسها حتا دخل عندهم اكرم . خرجوها فكرسي متحرك حتا لطوموبيل .. كمل اكرم اجرءات شد ورقة د الخروج عاد تبعهم وديمارا طوموبيل
اكرم : مريم شوية
مريم : ااه الحمد الله اخاي شتيتو
اكرم : على سلامتك
مريم : مجاشي انس
اكرم : راه دخل عندك لقااك ناعسة ورجع مشاا بحالو عندو شغل ،
حطت راسهاا على زاجة طوموبيل حتا داهاا نعاس وصلو لرباط ڤيلا صغيرة على شارع خارج على مدينة الرباط تحلت باب وخرجت منهاا مرا صغيرة فالسن هازة ولد فيديهاا لابسة العصري وشعرهاا اسود مطلوق تعنقاات هياا واكرم وسلمات على اروى خرجو مريم على رجليها كتمشي بصعوبة وقلبها كيضرب حتا دخلوهاا لداخل عااد قربت عندها مرا وسلمت عليهاا
.. بكل فرح دار داركم اصلاا اناا غا بوحدي معاياا غير دادا
اكرم : سمير اجي بوس عمو ولا
.. اه غضبان منك تعطلتي مجيتيش عندو ههه
اكرم : ههه هكاك عندكم شي عشاء ولا مااتمى والو
.. هاا داباا كتوجدو راه فالكوزينة من جهة لهيه سير شوفهاا باش نتعشاو الا وجدات
بعد وجبت عشاء لي تجمعو عليها كلهم فالطبلة ومريم مايلة على جنبها متكية على اروى كتاكل ببطئ ممتحملاش الوضعية لي فيهاا مكرهااتش غاا تمد فوق الفراش وترتاح قربت لوذن اروى وشوشات ليها
ناضت مريم بصعوبة مقدرتش تزيد وهياا توقف معاهاا اروى شدت فيهاا وطلعاتها لفوق بيت فيه جوح فروشة نعست مريم على واحد فيهم فبلاصة غمضاات عينيهاا خلاتهاا متكية وهبطات بحالهاا صباح مشرق والشميسة دافية داخلة مع السرجم نوضات مريم اروى من نعاسهاا كطلب فيهاا تديهاا لحمام شدت فيها بعينيها مزال مشدودين خلاتهاا حتا كملت عاد رجعت وصلتها لبلاصتها وتكات..
هدى : اوعدي شعنك امريم غير قولي فاينك وشني مشكيل لي عندك قلبي غيسكت بالسبة ديالك واش مكتخممشي فياا شتيتو وفالعائلة ديالك وكيف عاملة الحالة ديالناا
مريم : مهم شنو خباركم ماماا كيف بقاات
هدى : غتحمااق عليك يمااك حالتهاا حالة دابزت مع ياسين كتقولو والو تشوفلي بنتي وتجيبالي وهواا داباا راه كيقلب عليك اناا مشوية حالتي حالة معرفتك واش ميتة ولا عايشة حرام عليك ولاهيلا
مريم : متلومنيشي اهدى متقولشي مبغيتشي نسقسي فيك نتيناا محبة ديالك راهاا كبيرة بزاف واناا كنتعذب نهار على نهار دزت من ضروف صعيبة ومزالة سمعني اختي مهم رد بالك على يما وعلى راسك
بدات كتصاوب حساب جديد ب اسم مغاير باش على اقل يجاوبهاا ويشوف رسالتهاا ،
بدات كتقلب من جديد حتا لقاتو وصيفطات ليه من جديد ،
ساعة تقريباا وهياا كتسنى دخلات ليهاا مرا كبيرة فطور فسينية صغيرة حطتو ليها حداهاا وخرجت هزت طرف دالخبز كتاكل فيه حافي وعينيهاا مع تليفون طول اليوم .. حتا وصلها مسج
عادل : وي !
شافتو وجعمت قوتهاا كانت متكياا ورجعت جلست خافت يبلوكيهاا كيفماا دار المرة فايتة وصيفطاات ليه مسج صغير
عادل : كاع داكشي لي داز كان غلط ف غلط حناا متفهمناش لا فالأول ولا ف الأخير مغاديش نتفاهمو مرا خراا كوني على يقين ، من جهة خرا مترديش اللومة لياا وتقولي ضيعتك وسمحت فيك حيت نتي لي بغيتي هادشي وصلتي راسك ليه ماا مرة ماا جوج هضرناا وقلت ليك من اول يوم نيتي كانت صافية معاك لدرجة بغيتك لزواج وكنت مستاعد ندير اي حاجة ولكن نتي اش درتي عمرتي علياا سوارجك اناا ماشي كنفكرك ب اغلاطك اناا غير باغي نوضح ليك بلي انااااااااا ماشي مسؤول على هادشي لي كدوزي منو لو كنتي سمعتي ليا ودرتي اش كنت نقوليك كناا غنكونو فوق بخير وحتا علاقتك مع عائلتك غتقاد ساعة نتي كتهبشي وتنبشي على صدااع من الجدر خليناا من هادشي ونشوفو ف داباا ،،
داباا ابنت ناس اناا نسايني عليك مبقيتش باغي شي علاقة خرا ولا حب اخور بديت حياتي من جديد كنشوف حتا نتي بدايهاا وديري مستقبلك حسن ليك ، حيت الا طلاقيناا مراا خرا غتكون شي موصيبة كبيرة كتر من لي دازت عادي تجريبة فاشلة دازت مكملتش ماشي نهاية دنياا غلطتي وغلطت وسليناا من هادشي فكري فلي جاي وفشي حياة ترضيك وتهنيك اناا اختي مبقيتش صالح ليك يلاه تهلاي فراسك وكنشوف بلاماا تجاوبيني حيت مبقاا ميتقال،
مدارت حتا ردت فعل من غير كتقرا مسج وتعاودو وناس حداهاا كيضحو على الجهد وهوماا مجمعين شدت تليفون فيديها وناضت بشوية عليهاا طالع فالدروج شادة فالحيط حتا وصلات البيت جبدات جوج حبات من الدواء ودخلت لحمام حنات على روبيني شرباتهم وجلست كترعد كتحاول تهدن فراسهاا وتخلي بين عينيهاا كاين امل ،
داباا عاا قولي فاين نعطي راسي وفاين نمشي ومعامن نهضر وشكون عيحن فياا يماا مريطة ومعنداا جهد با جرا علياا من دار نتيناا خليتيني وزيدتي دوزت عذاب دنيا شفت الأخيرة بعيني موت مشات معاياا وجات شني هادشي يرضيك نتيناا اعادل يرضيك نبقاا مسيبااا فزناقي عملني غير ختك ولا غا وحدة يحن فيهاا قلبك اناا تخلصت فالدنياا قبل الأخيرة متعاقبنيشي كتر من هيداا سمعتيني مريطة ومجيتيشي حتا تسقسي فياا سمعتيني هازة روح فكرشي ومطوعكشي قلبك واخاا غير تخسر علياا شي 10 دراهم د كارطة تقولي ابنادم واش تيناا مزيانة ولا لاء وهايااناا مخرجت من ديك عملية حتا شفت الويل بغارط عيني وكيجيك هادشي كامل ساهل شني نقول ياناا داباا شني مصير ديالي عاد مزال نرتاح عاد مزال نشوف نهار البيض عاد مزال نعيش فوق هاد الارض ونكمل حياتي بحال هاد الخلق اناا مرطت فالصحة ديالي مبقيت قادرة لا نعس ولت نجلس معوطة ولا نخرج ولا نفرح ولا نشوف عيد ولا عواشر رجعت بحال هاداك لي دوزو الحرب فبلادو وكل مرة زمان يسيبو فشي قنت يتكرفص فيه معمرني مكنت كنضن هاداا صاحبك لي كان ديماا كيجيني مكبر وحاسب فراسو يهوزني ويعاوني ويوقف معاياا لا هواا ولا اروى واخاا نتقطع بالطروفة منساشي خير ديالوم ونتمنى من ربي الحبيب يجازيهم على قد نية ديالوم ، هادشي لي ربحت من هاد الحياة هاد ناس لي بصح بغاوني وقفو معاياا ولي بغيتو هانت عليه ومبقاشي حتاا عارف اسمي
شوفتي ياناا مسخوطة د الوليدين بالطااابع وحرامية مع ناس لي عرفت وغنفني حياتي بيدي وديك ساعة عنكون لا دنياا لا اخره نحشم حتا نشوف فسيدي ربي حياتي معملت فيهاا والو من غير مصايب وهيدااك غيتبعني هادشي حتاا لحساب وعقااب ، شعنقولك اولد ناس ويدا بغيتي غير تخليني صافي الله يعرضك سلامة مهم نيتي هاهياا معاك صافية ولي عملتو راك عارفو والله يهنيك هادا اخر مسج غيوصلك من عندي ،،
رسلات مسج وتأكدات بلي وصل تسنات حتا دخل كيقراه عاد ديزاكتيفات الكونط ديالها وجبدت ديك نمرة هرستها عاد تكات فوق فراش خاشية راسها فالمخدة كتشهق ،،
تسنات توصلها خبار من عند اروى بلي عادل يقدر صيفط ل اكرم او يكون صونى ليهاا باش يتأكد من رسالتهاا ولا يطلب منهم يعطيوها تليفون دوزت ليلة حارة كتبرد جنونهاا غاا فالبكاا ودواء نعسات بلا عشاء وصبااح جمعت قوتها لبست حوايجها تكبطات مزيان لوات شان على راسها وهبطات التحت لقاات اروى كتفطر هياا وملاك دايرين رجل على رجل قربات مريم عند ملاك سلمات عليهاا شكرتها على حسن الضيافة واروى مخرجة عينيها
مريم : عمي كيف تيناا حنات على يدو وخطفها : الحمد الله شني خصك
مريم : خصناا نهضرو معاك نتيناا وعزيزة الله يرحم باباك
فتح ليهم دارو ودخلهم لداخل كانت دار عامرة بالعائلة دخلت عند جدتهاا لقاتهاا دايرة فاصمة على عينيهاا مشات عندهاا كتخلف شافتهاا جدتهاا وبدات كترعد وهياا فاتحة يديهاا
.. بنتي بنتي مريام بنتي ديالي
عنقااتهاا مريم وهياا كترعد وتهرنن وتبوس ليهاا فيديهاا طاحت ليهاا على رجليهاا كطلب منهم مسامحة وقفت حدا خالهاا كترجاه يسمح ليهاا بقاا غير ساكت بلاماا ينطق ولا يخرح حتا كلمة
كوثر : مهم الحاجة بنت ولدك كانت عندي ملي خرجت من دار راه كانت حالتهاا خايبة ودوزت مرض خايب عندهاا العصب فالمعدة كيأتر على نفسيهااا
... اوعدي على بنتي شوف وجه ديالك كيفنواا والحالة ديالك الله يابنتي وشني هادشي تسلط عليك
.. ابنتي نعطيك حياتي اناا مرضت وتعذبت كتر منك كنقول راهاا ماتت راهاا كتخدم فشي جوطية راها عندا شي موصيبة وحلت معاك اناا يلاه عدلت العملية على عينيناا ديالي مبقيتشي كنشوف فيهاا يلاه بارح جيت من عند باباك عدلت عملية فطنجة
مريم : كيفنياا ماماا داباا وخوتي توحشتوم بزاف
... الحمد الله الصفية نوض طيب العشاء لناس ماجين على طريق
عوجت مراات عمهاا راسهاا وناضت بالنفخة تكمشت اروى فجنب مريم ولزمات الصمت .. بقاات الجدة كطلع وتهبط ف كوثر لي لابسة قميجة قصيرة وسروال توب طويل مع صباط عالي وشعرها مطلوق ومع اروى لي سروالهاا لاسق على لحمها ومقطع مع فخاضهاا وتريكو قصير كيبين كرشهاا وشعرهاا الزعر مطلوق على صدرهاا
... كا هادو لي كنتي معاهم شني هاد الحالة
مريم : عزيزا داباا متهضرشي حداهم
عزيزا : ايوا العجب عليهاا تعطلت شتاء هاد العام
مريم : اعزيزا الله يرحم يماك الا ماا سكت داباا فيواخ عنمشيو لدار
... نص ليل داباا ابنتي يصبح ويفتح ساعة نمشيو ويحن الله
استرجعت الذكريات الطفولية وحياتها كيف دوزتهاا فمدينة لي كتجي فعروقهاا ، ضربهاا الهواء د المدينة وهوماا فالدخلة ديالهاا والعم كيوري لكوثر طريق منين دوز ومنين تخرج حتا وصلو لدار وقفو طوموبيل حدا باب ،،
شدت مريم فقلبهاا لي كيضرب بالجهد ودقااتو قوية بدات كترعد من شدة الخوف وردة فعل عائلتهاا خرجو كلهم وصوناو ف باب دار تخبعت مريم مور ضهر كوثر سمعو شي حد قال شكون من لفوق كان سليم ولد امينة هبط كيجري حليهم باب عنق مريم وهواا كيبكي من الفرحة
خرجت هدى كتجري شافتهاا حاذرة راسهاا على امهاا كتبكي ومشاات جيهتهاا عنقهاا من اللور
العم : اخاي يهديك الله كلكم راعي وكلكم مسؤول عن راعيته هادشي راه معيبغيه لا ربي ولا عبدو ونتيناا لي غتسأل عليهاا حوز بنتك لعنذ ويدا كانت غالطة رودولا عقلاا والله يجعل الباركة
ضور وجهو كيتنهد جلس عاطيهاا الضهر وقال : هاا الدار تجلس ولا تخرج ضبر راسااا
الجدة : العيلة زيد عند بابااك حوبلو يذو وراسو وطلب منو السماحة
عبد اللطيف : يماا عملتلك خاطرك وصافي مااتقربني مدوز من جيهتي مراا اخراا صافي خليوني دابا
كوثر : مريم اجي
ناضت مريم وهياا مطبوخة عنقااتهاا كوثر هزت ليهاا وجهها وقالت : مهم جهدناا درناه وسمحي ليناا على اي غلط درناه معاك ردي بال لراسك صافي
حسناء : يدي كنخطر صبابع ديالي ونهوزاا شوية رجلي باقي مكنقدر نعملا حتا حاجة
مريم : وشني عتعمل ايماا ديالي
حسناء : غنتسنى الموت حتا تبلغ علياا معندي منعمل
مريم : علاش مرجعتيشي لطبيب
مريم : شكون عيرجعني باباك باقي كيمشي فالزيار قالولي على 3 شهور خصني نعدل الترويض وباياااش عنعدلو هانتيناا كتشوف خاك حتا هواا كان شبر كريدي وحل فيه مبقيناا عارفين راسناا من رجلاناا
مريم : الله يعملا للوقت ايلا معندكشي فلوس راك معيشي الله يهوناا ياا ماماا عليك كيفاش كتوضى اماماا وتنوض
حسناء : كنوض فالعذاب ونجلس فالعذاب ونعس فالعذاب ممرتاحة لا فصحتي ولا تفسية ديالي ولا والو كنموت عرق بعرق.. هناياا كنتوضى فالصالة ويهوزولي حاجتي ويخويوهالي فالطواليط ديك هدى تجبر فعالة فالاخيرة مع الله عونتي وقفت معايا راه منسلاشي ديك الخير لي عملت فياا واخاا يا بنتي منعرف شني يكون
مريم : الحمد الله فاين كتوضى عندك شي حاجة
حسناء : باباك تاقبلي كرسي وعاملي فيه سطل كنجلس عليه اووووف كون غير موت ومبقيتشي معذبة طول عمري
هزت تليفون وخرجت عينيهاا فيه ملي لقاات نفس الرقم المألوف تاصل بيهاا شحال من مرة
مريم : شعندو هاداا عوتاني ماين جاب نمرة لاحول ولا قوة الا بالله
.حطت تليفون حداهاا وهزت صبيعاتهاا كتستغفر على كل حاجة دازت منهاا صباح الحال وهياا مزال متكية ونعاس ولا جاهاا مشات لكوزينة ردات الماء يطيب ودازت كتخلط فالسميدة توجد الفطور فاقت امينة ودخلت عندهاا ببتسامة
من شوقهاا صبحت هدى مبكرة وهابطة فالدروج كتجري عنقااتهاا من اللور وتجمعو كلهم فالكوزينة كيعاودو على شوقهم وحشهم ليهاا دخل عبد اللطيف لكوزينة وهيا تهز مريم مقراج ومدتو ليه
مريم : باا صباح الخير هاك شبر كفاتيرة (مقراج ) طرف بيها
عادل : راني ف طنجة عاد وصلت ليهاا مع 6 د صباح دزت لكازا ولقيتك جيتي غير اروى لي عطاتني نمرتك راني عاد عرفت كلشي منهاا ومن داك الشلاهبي لي ولا كيدير كلشي من مور ضهري بلاماا يقوليااا والو
مريم : هداك اعادل سيد رجال وكون نجبر نطيح على رجلو ليل ونهار كون مكانشي هدااك كون راني فالزنقة كون مكانشي هداك كون راني موت كون مكانشي هدااك كون راني محبرت لا فاين ناكل ولا كيفاش غنعيش ونزيدك كون مكانشي هذاك وقف معايااا وفضل يصيفطني لكلينيك ويحوطوم صحاحين على ودي ويهضر مع ناس باش يتعااملو معايا مزياان ويتهلاو فيناا كون راني بقيت مسيبة واخاا نجمع مال دنيااا منعوضلوشي خير لي عملو فيااا
عادل : اولا اناا راه مكنت عارف والو امريم زيد عليهاا كنت مسافر وعندي ضروف كنت مريض وحالتي صعيبة راه مكنتش عارف احوالك ولا ضروف لي كدوزي منهاا وهضرتي معاياا فداك المسج وحسااب لياا غاا كتفلاي صونيت ل انس عطاني تصحيح وقالياا بصح كنتي حاملة ومن تمااا قلت ممصوني على حد جيت نيشااان نزلت فكازا ومشيت حتا لعند اروى ومن تماا جيت لهناا متلومينيييش على شي حاجة اناا معرفهااش ومداريهااش
مريم : عارف وقالالك اكرم وقولتيلو اناا غير كنكذب واش هادشي فيه كذوب الله يرزيني فصحتي ونتهنى من هااد مصايب لي كتجي علياا بحال شتاء
عادل : وانااا بالله العظيم مكاان فبالي شي حاجة ولا عارف عليك اصلا نويتك مشيتي لداركم و...
قطعاتو
مريم : سمعني قلتيلي بديتي حياتك من جديد وقلتي ن....
مكملاتش كلمتهاا حتا سمعت الباب كدق وهواا واقفة كتشير ليهاا قطعات ورماات تليفون تحت فراش حلو باب لقاو ياسين واقف
عادل : وصمممك سكتيناا ونتي بديتي فيه هاااكااا كتزيدي تمرضيني كتر داباا اش جابنااا لهااد الهضرة غاا قولي هضررت معاك المرض وقلت ليك مفخباااري والوو مكنت عارف حتاا حاجة كانت نيتي غتكوني ف دار علاش مكتفهميش ڤريمون غلطت معاك حيت كنت فلحضة هااايج فيهااا معارف راسي حتا شنو كندير مي مكاانش فراسي هادشي لي طراا ليك
مريم ؛ عودت ليك اكرم كلشي و...
عادل : وراه عاود ليك نبڭ هداااك مزال حسابي معاه طويل ينعل جد بوه اصلاا كاذب عليااا واناا فعلمي راكي فداركم وصاافي قلت مدام رجعتي الا وراكي بخير حتاا كنتصدم بهاادشي مالك مكتفهميش قسمااا بالله العضيم مفخباري هادشي كامل
مريم : عرف داباا ولا متعرفشي صافي خطيني اعادل متبقاااشي تهضر معاياا
عادل : مريم فكري شوية راه اناا غلطت ااااه ولكن هاداا مكيعنيش مكنتش باغيك ولا كان غراضي غا فدوك لياام لي دوزتي عندي خليناا نطلقااو ونهضرو ديري محاولة ولا شوفي الحل لي يرضيك اناا معاك فيه مي خليناا نوضحو الامور ونحطو النقط على الحروف
مريم : نتيناا كيجيك الحنان غاا نص الساعة وكيرجع يطير سير عند راوية راهاا كتسنااك
قطعت عليه وعينيهاا مطبووخين حاطة يديهاا على وجهها كتنخصص وهدى حداهاا ملقاات متقول من غير ساكتة وكتبوس فيهاا وتصبر فيهاا..
ياسين : كلشي فاتح دوقمو فيك وعتزيد قدامي داباا باش لي هضرك ربيه على دوقمو الا بصح مخصكشي الشوهة وقيل والقاال وفلانة عملت فلانة صنعت يلاه زيد قدامي باش شهادة ديالك عندوم حوطالهم وقفهم على حدهم باش تقدر ترجع كرامة ديالك واخاا شوية هادشي فالصالح دياالك
مريم ؛ هاناا تهنيت وهااياناا غنرتاح الله ينعل لي مطلعلو الزعف خصني نعمل شي حاجة فحياتي معنبقاشي غير هيداا خصني شي خدمة نديباني بيهاا بعدا ونضبر على ماما الا حتاجت غير شي حاجة نعااوناا بيهاا اوووف واخيرا رتحت واخيرااا
هدى : مريم معرفت منقولك صراحة
مريم : متقول والو اهدى صافي الحمد الله ربي عملي تاويل واناا هادشي لي كنت كنفتش عليه نخرج نمشي نجلس مع ماماا شتيتو
خلات هدى وخرجت عند امهاا كتعنق فيهاا
حسناء : هانتينا الله يرضي عليك خير معملتي باش حتا واحد ميشبرك من دابا ولا يقولك شي هضرة تكويك ف قلبك
مريم : اناا والله لا صيفطلو ولا هضرتو واخااا نعرف نموت يمشي يعرف راسو شني عمل فيااا وبسبة ديالو هاياناا كنتعذب اااه كنموت عليه ولكن صافي فات الفوت نخمم فراسي شوية وغنحاول ننساه ونتهنى
تكات على فراشهاا وعينيهاا مع التليفون اسبوع اخر ... كيدوز بالمكالمات الفائتة من عندو وبدون رد .. كيف كتشوف سميتو كترجع تحط تليفون ولا تخشيه تحت المخدة قلبهاا محروق ومكوياا كية فقلبهاا مكرهااتش تجاوب وتخرج لي فقلبهاا من شوق وحش ،، بغات تعطي قيمة راسهاا ولو شوية وتخليه يحس بالفارغ من جيهتهاا
وصلتهاا رسالة فيهاا
عادل : جوبتي مجوبتيش على خاطرك هانتي سمعي مزيان حسبيني كيف بغيتي ز** منسواش ولد حرام ولد ق** مقطر عادي عندك الحق تيقي بياا ولا لاا... سوقك ونتي مولاتو اناا رجعت لمغرب على ودك وجالس هناا على ودك وهدفي واحد هواا نشوفك ونديرو شي حل ..غلطت وي تصرفت معاك بالغلط وي مخليت ماادرت وندمت حيت مكانش علياا ندير معاك هكاك وهاناا هضرت معاك وقلت ليك لي يرضيك نديروه لي بغيتي هاناا مستااعد واخاا يكون لي كان ولو تكون حاجة ممنسباانيش مي نتي عندك راحة فيهاا اناا مستاعد معطيتينيش فرصة نهضرو ولا نتنااقشو ولا نتفاهمو مهم اناا هزيت يدي معنديش صبر كتر من هاكاا.. عندك فرصة وحدة غداا غنتسنى هضرتك ومن تماا الله يعاون باي.
قرات مسج ديالو وقلبهاا مقبووط ليل كامل وصباح صبحت على تليفون كتشوف اش جديد طول نهار مصيفطات ليه مهضرات معاه تسنات مكالمة من عندو موصلتهاا حتا مكالمة ولا مسج ولا حتا نمرة بريفي حتا طابت بغاتو يهتم بيهاا شوية ويحس بيهاا ومتعطيهش فرصة بالزربة كيف سبق ودارت حتا طاح الضلام بغات نكتب ليه رساائل الشوق وتخرج لي فقلبهاا حطت صباعهاا على كلافي تالفة اش غتكتب خلات ليه مسج فيه : دير لي بغيتي حتاا اناا عييت شوف حياتك حيت حتات اناا غنشوف حياتي بسلامة عليك
صيفطااتو وهياا كتقطع من الداخل ديالهااا بغااات تحمااااق بالفقصة رمات تليفون فوق الفراش جرت مخدة خشات وجهها فيهاا كتشهق فيها " ترن " وصلها مسج ومن عندو توقعاات يرغبهاا ويطلبهاا من جديد وتنازل ليه وتصلح امورهاا معاه.. تفاجئت برسالة قصيرة فيها
عادل : واخا مرة خرا مغاديش تلقاي من عندي شي مسج ولا طلع ليك هادالنمرة الله يعاون
هرنااات كتر من القيااس وطبخاات بالشتيف خلات امل قبالت عينيهاا داباا يصوني عليهاا ويهضر معاها كل نهار كتحضي تليفونهاا كتسنى شي مسج من عندو ولا مكالمة تهدي نفسهاا فينماا تبغي تصوني عليه كتراجع وكتقول ف نفسها
داز شهر وهياا فدارهم نفس الروتين اليومي كتحاول تلهي راسها بشقى ديال الدار ولا تنعس ومتبقى تفكر فوالو عطات وقتها لمها كدخلهاا الكوزينة وتجلسها فوق كرسي وتعاونها فالتدواش واللبس والوضووء ف ليل كتكى حدا راسها حاضية لا تفيقهاا ف ليل تبغي توضى .. حتا كتسمع الفجر كيأذن وتنوض تصليه ودعي وتطلب ربي ترجع ليهاا قيمتهاا واخاا غير شوية حدا عائلتها وجيرانهم وناس د عائلة لي ضيريين بيهم ،، فوقت لي ماكيكون عندهاا والو كتبداا تطرز طريزات صغاار وتحطهم وتبداا تفصل قميجات وسريولات د الخلوق وتزوقهم وتحطهم فالجنب ، مكانتش مهتمة لحملهاا فالاول ولا حتاا بعدماا اجهضت ،،،
الوقت لي كتبقى فيه بوحدهاا خلاهاا تذكر كل لحضة دوزتهاا وهيا هازة روح فكرشهاا تخيلات لو كان تكمل حملهاا ولدات وهزاتو بين يديهاا وشافت فيه شبه د واحد بغاتو وبقا ديماا بجنبهاا كتربي فيه وتقري فيه ،، حتا كيجي شي حد وكيفيقهاا من تخيلاتهاا الوهمية ،،
هدى : صباح خير منعستيشي
مريم : عاد فقت قبايلة نعست فصالون يلاه دخلت نبيت ديالي
هدى : واخا قولي مصوناشي عليك عادل
مريم : مصوناشي وموحال واش يصوني اصلا اناا مكنعنيلو والو دمو بارد من جهتي كن كان باغيني كون عاود هضر معايا
هدى ؛ كون هضرتي معاه وهنيتيناا ونتيناا عاد تعفر
مريم : هدى من لاخر مكيبغينيشي اختي خلاني مشعبطة فيه خلى قلبي غيسكت وهوا مبعد غاا قولي فاين عاد نعطي راس
حال مزال هواا هواا كدير جميع محاولات باش يهضر معاهااا باها ولا ياسين كلشي قالب وجهو عليها وملي كتهضر كيسكتو بقاات غير هياا وهدى فدار معاونين على شقى وملي يساليو يشدو ركنة حدا تلفاازة قنت والروتين وصل ليها لعضم صبرهاا تقادة ولات كترجاا وطلب غاا ايمتاا يفرج ربي همها
تليفون مكيخطاش من يديها كل مرة طل وتشوف اش جديد كتلقاا والو ، زادت فصبرهاا وعزة نفسهاا كتكتب ليه مسج وترجع تمسحو صممت وحلفت مع نفسهاا متصيفط ليه والا تهضر معاه حتاا يدير ليهاا ربي تاويل ولا تجي شي مكالمة من عندو ...
اسبوع اخر داز جابت فيه هدى صاك عامر بالخدمة جوج جلالب د طرز لمريم وحرير ليهاا تخدم سفيفة لقااو باش يشغلو نفسهم ويضبرو الحركة شوية ، خدات برادة ب 5 دراهم د الزنك وحطتهاا فبيتهاا بياسات لي خدمت وتخلص فيهم كتخبي فلوسهم فديك البرادة ..
شهر ثاني داز قلالت صحتهاا وبهاات وجهها كحالو عينيها من التحت وبداا شعرهاا كيطيح كيبانو فيه غير فرغات نفس لي فيهاا مكتهنيهاا حرقتهاا فالداخل ديالها وحتا من حلوف مهتمااتش ليه شرجات ودوزت نمرتو وهياا مرعودة ، صونى تليفون حتا سكت راسو بدون رد عوداات اتصلات مرة ثانية وثالتة ورابعة والخامسة .... ورسااائل واحد مور واحد ملقاات حتا جوااب
خلات ليه مسج وناضت كتدعي ربي يجاوبها
مريم : ندمت حيت قلتلك هيداااك سمحلي اعادل سمحلي اناا مزاوكة فيك الله يرحم يماك عادل غنحمااق عادل بلا بيك معرفتشي شني غنعمل مزال قنت فالدار ديالناا ونتيناا بعيد علياا ندمت حيتاش دابزناا وهضرت معاك هيداا عطيني فرصة الله يسهل عليك اخرة والله ثم والله منرجع فيهاا غير جوبني وهضر معايا محتاجة ليلك الله يرحن يماك لاماا حن فياا شتيتو عييت نحاول نساك ونخليه تعيش فخاطرك ولكن مقدرتشي نبقاا بعيدة عليك وحنايا مدابزين ومكنهضروشي عادل نتيناا عارف شحال كنبغيك وعطيني اخر فرصة والله منضيعها ..
ولا رد بقاات هكاك حتا كيكمل ليهاا صولد وتصيفط هدى تشارجي ليها من جديد ،، جالسين على طبلة الغدااء وهواا يهضر الأب ديالها
عبد اللطيف : هاد العام شتاء جات معطلة وزيتون عيبداو يديوه ناس مهم اليوماا جمعو حوايجكم وغداا نشبرو طريق يوصلناا ياسين ويرجع فحالو
هدى : شحال عتبقااو تماا اعمي
عبد اللطيف : ايوا مع الوقت ابنتي يلاه نسقطو ونشبرو النوبة فالمعصرة ونتسناو حتاا نحرثو ونجيو فمرا حناياا دار ديالناا تماا نمشيو نبيطوها ونجمعو ديك الحالة ونجلسو معندناا علاش نمشيو نضايفو عند الناس ودارنا كاينة
حسناء : ايه ايوا الله يعاونكم مريم ملي تكمل ابنتي شوف لي عتلبس وجمع على بكري
جمعت مريم يديهاا من الماكلة وتوخراات اللور مخرجة عينيهاا دخلت لبيتهاا تشوف حوايج لي غتلبس جبدات شي سروال بدات ترقع فيهم وتطويهم وعينيهاا مطبوخين دخلت عندهاا هدى جلست ف جنبهاا
هدى : عنتوشحك
مريم : شوفتي باا كيف كيعمل معاياا خصو تمارة كاملة يدوزاا علياا وياناا عمرو خلاني نمشي كيقولك والو يعمل الخدامة وميديناشي نتكرفيص وشوف داباا
هدى : مصاب كون مشيت معاك ايوالله بعدال نتونسوو
مريم : تكرهت اناا حق الله العضيم شني هاد القدرة طايحة علياا ،
طلعت هدى جمعت ليها حوايج وهبطاتهم ليها جمعت معاهاا كلشي وحطت حوايجها شي فوق شي خلات غا مونطو وحوايج لي غتلبس من الفوق دوشاات فليل بعدماا تعشاو ودخلت لبلاصتهاا ... صباح بكري فطرت معاهم وهبطو حوايجهم لطوموبيل باست يدين امهاا وراسهاا كطلب رضاهاا وهدى لي لقااتها فالباب د زنقة تعانقو بجوجهم وخرجت كتمسح دموعهاا ، طريق طويلة وملوية لساعات وصلاتهم لجبل توجهو نيشان لدار جداتهم لقاتها طلعت من تطوان وحتا هيا مقابلة زيتونها تعشااو معاهاا وصباح بكري مشاو لدارهم حط حوايجهم تخلعاات مريم من حفاري لي فالبيت د طوب وتقاابي د فيران وخيوط عنكبوت لي مدلية مقدرات تحط يديها ف والو شافت باهاا طلع الكدياا يشوف الزيتون وخرجت عيطات على بنات عمها جوج طلقاات معاهم الضحة وطلباتهم يعاونوهاا فتبيض وتحنيك
" معلومة "
تبيض كاين عند ناس لي ف جبل ولا بادية كاين تراب بيض ورطب تحت الارض بحال الجير كيخلطوه بالماء ويبيضو بيه بيوت د تراب
" تحناك "
هوا عبارة على زبل د بقر (حشاكم ) كيخلطوه بالماء ويزوقو بيه البيوت من التحت كيسميوه الحزام د البيت ..
وقفو معاهاا نهار كامل نفضاات حوايج لي كانو على كاندرا
" كاندرا "
هوا خشب غليظ ملي كيكونو كيبنيو البيت وكيبغيو يسقفوه من الفوق كيديرو هاد الخشب هواا كبير بحال هداك لي كيبنيو بيه فالمدينة ولا لي كيوقفو عليه ملي كيبيغيو يصبغو
كيحطوه من الطرف لطرف عاد كيسقفو بالزنك وديك كاندرا كيحطو فوق منهاا حوايج باش ميطرا ليهم والو ..
رقعو ليها تقابي وبداو ليهاا تبياض وتحناك خلاوهاا ومشاو يقضيو شغالهم دوزت نهار كامل وهياا كتبيض من سماء لحيوط فرشاات وقداات وفالداخل ديالهاا مخلوعة خايفة تشوف شي حاجة ولا دخل عليهاا شي حاجة كملت وتكمشت كضور عينيهاا وتليفون فيديهاا كتحاول تشد ريزو لي مقطووع
دخل باهاا مع وقيتة د المغرب هاز عصياات طوال ورقاق مساقط وشوارياات وحمار ربطو فالمرح برا...
شافت فيه وحذرات عينيها
عبد اللطيف ها البيضات جيبتوم قبايلة قليهم نتعشاو بيهم وغدا مع 6 د صباح خصناا نفيقو عنمشيو نكودياا لفوقي نسقطو تماا عندناا 7 زيتونات نكملوهم هاد اليوماين باش نمشيو لجهة اخرا
حركت راسها وسكات بقاات مربعة يديهاا خرج باهاا لمرح توضى ومشاا لجامع يصلي شعلت شريطة ديال الضو لي جايبينهاا من الجامع تكمشت مخلوعة كتسمع غاا صوت الضفاضع برا وموكة كتغوت تشوك لحمهاا من الخوف بدات كتقراا فخاطرهاا وعينيهاا كيسيلو بالدموع
#مشاهد_حقيقية100%
مقدراتش تحرك من بلاصتها كتحس بقلبهاا كيضرب ف 90% وبقوة الريح الضوء كيبغي يطفى كتزيد ترعد شدت عينيهاا بقوة وجلست فالقنت كتقرااا فنفسهاا وكتحاول تصبر راسهاا محمدات الله حتا رجع باهاا من جامع ودخل عندها لقاها مكمشة
عبد اللطيف : مزال معملتي والو
مريم : اناا عاد نايضة داباا
جمعت نوضة خلاتو حتا جلس وجبدت بوطة صغيرة شعلااها وحطت عليها مقلة كتقلي فالبيض من قوة الخوف فعوض مدير ملح دارت سكر . جبدت خبزة من الخبز لي عطاتهم جداتهاا وحطت فوق طبلة صغيرة كلات جوج شدوقة وتوخرت اللور ،
عبد اللطيف : اناا عنخرج عند جماعة هاهوماا برا وملي نصلي العشاء عندخل نبيت لي برا نعس فيه هانتيناا نعس هناياا ويدا حتاجيتي الغطاا نطلعولك من لتاحيت
مريم : عنبقاا بوحديتي هنااياا ؟
عبد اللطيف : وعلاش مالك هاا باب مشدودة عليك سراجم مشدودين متخاف من والو
بداو عينيهاا كيدمعو ونيفهاا كيبرد ولحمها كتزيد تشوك فرشاات فالارض وتغطات ب 3 منطات بقااو عينيها كيضورو ف بلاصتهم خرج باها وسد عليهاا باب عيااات هازة تليفون كتحاول تشد ريزو على اقل غير تهضر مع هدى ولا اروى وتونس معاهم بالخصوص ليل مزال طويل ومتقدرش تنعس فهاد السااعة مشدت والو شرطة د ريزو كطلع وترجع تمشي فالبلاصة حطت راسهاا على المخدة وبدات كتقراا فنفسهاا وشادة عينيهاا وكتستغفر حتا داهاا نعاس حلت عينيها فالضلام بدات كضور عينيهاا مقشعت والو شعلت تليفون عاد طلعت ليها ساعة 3 د ليل
حست براسها نعست كتر من قياس وجنابهاا طابو بقااو عينيهاا كيبرقوو خلات تليفون مشعول وبقاات كضور من جهة لجهة حتاا داهاا نعاس فيقها باهاا باقي ضلام ناضت مخلوعة شافت ساعة لقات 5 دصباح ناضت عندو وحلت باب وراسها مقلوب
مريم : باا هاياناا
عبد اللطيف : عدلناا فطور باش نجمعو هاذشي ونمشيو ناس راه فاقو وقضاو حاجة
مريم : واخاا اناا نعدلك الماء يسخن
عبد اللطيف : هاا الماء فالبيدونات صغار جبد منهم وغسل قشاعي وطلق راسك دغياا
دخلت ردات مااء على بوطة يسخن وبدات كتخري ماء فسطل كتغسل فبانيو وتشلل فداك السطل حتا تقوص ضهرهاا وجدت اتاي والخبز وزيت .. شربت اتاي سخون وناضت تلبس حوايجها
عبد اللطيف : قلي شي بيضاات وعملوم فالخبز باش نتغداو
مريم : واخاا اباا
وجدات وجمعات ولبست حوايجهاا هزت بيدو دالماء وديك ماكلة فشاكوش صغير وخرجت . بردعو لحمار هزو المساقط وخناش وبيشان وسطولة ركب باهاا فوق الحمار وتبعاتو هياا طلعو فواحد العقبة طويلة موصلات ليهاا حتا نشف لساانهاا من الريق .. طريق طويلة ضربو على رجليهم حتا لجنان جلست كترد نفس وباهاا كيفرش بيشاان حتا خلطو عليه دراري لي غيسقطو وبنت فالقدة د مريم تسالمو وجلست حداهاا حتا سقطو زيتونة كلهاا ومشاو لوحدة خراا عاد ناضو يلقطو تطواا ضهرهاا وهياا مقوسة كتلطق والشرقي كيقلب كاع ناس ف زيتونهم كيلقطو نهااار وشمن نهاار دوزااتوو حااار ومحااس بحروتوو غاا لي مدوزو وعاشو ... جلست كتستراح وهياا كتلهت كبت جغمة دالماء تشربهاا موصلات لمعدتهاا حتاا كانت زواتهااا وناضت كتقطع بالحريق كتبكي وصاابرة مكلاات مداقتو كملات على تلقااطهاا من زيتونة لزيتونة وشوك كيغرس فيهاا حتا كيسيل الدم قرب الضلام يطيح عاد ناضو كيجعو دوزانهم ورجعو بحالهم وهياا كتجر رجليها بزز وبنت عمها شادة فيهاا..
المشقة لي دوزاتهاا طول النهار خلاتهاا فاشلة مزيرة باغاا غا تمشي تقضي حاجتهاا ومقدرات تحرك ... عيط ليهاا باهاا وخرجت عندو لبيت اخر مفرش فيه بيشان خرين
عبد اللطيف : اجي دري معايا هاد الزيتون باش نملحوه فالخناشي
هزت بانيو وبداات كدري .
يعني زيتون مزال بالعواد والشطب ديالو كينقيوه من زبل لي فيه..
دراتو كامل معاه وبدات كتعمر معاه فالخناشي وهوماا كيدردرو الملحة
جات عندهاا بنت عمها هازة طنجرة فيديهاا
... مريم ها يما صيفطتلكم العشاء
خرجت عندهاا مريم وشدتو من عندهاا
مريم : اجي متقدرشي تبات معايا كتخاف بالليل بزاف
...اجي نتي تبات معاناا
مريم : با معيبغيليشي اختي اجي نتيناا راك عارفة ممعانة لا راجل لا والو
... اناا عنشوف يما ايلا بغات بلاتي نجي عندك
مريم : صافي اختي واخاا
دخلت مريم ديك طنجرة لداخل حلتهاا لقات فيها اللوبياا حمدات الله عليهاا وردتهاا فوق البوطة كتسخن فرشت بلاصتهاا ودخلت فيها وهياا ميتة بالنعاس حتا دخل باهاا وتعشاو وبقاات كتسنى بنت عمهاا ساعة ساعتين حتا غلبهاا نعاس فمرا ونعساات ... فاقت على دقان وعيااط ديال بنت ناضت مخلوعة حلت ليهاا وفرشت ليهاا حداهاا جمعو شوية حتتا طيبو نعاسهم ..
صباح بكري خدا ليهاا باهاا سميدة خلطاتهاا ودارت حرشة ردت براد د اتاي يتشحر عاد نوضات بنت عمهاا فطرو وناضو كيستاعدو ليوم جديذ بقية الحرشة جمعوهاا ف بلاصتيكاا وخداوهاا معاهم يتغداو بيهاا.. نفس الروتين يووم حاار وبالجهد .. خلاهم باهاا كيلقطو ومشاا لسوق تسوق خضرة والطحين وعمرليهاا بوطة د فران حط كلشي فالدار عاد مشاا عندهم لقاهم سلاو .. عمرو داكشي فشواري ورجعو بحالهم نوضهاا باهاا فداك الليل عجنات الخبز وطيباتهاا فالفران دارت تكتوكة لعشاء تعشاو بيهاا جمعت مواعن ودخلت لبلاصتها صباح بكريي مزال مبهر الحال يلاه 5 صباح صبحت كطيب فالعدس.. عمراتهاا فطاسة خداوها معاهم .. يتغداو بيهاا ملي رجعو تعشااو بيهاا هيا وباهاا عاد جات عندهاا بنت عمهاا تبات معاهاا كيف العادة ..
عياات وتهدااات ومبقاا ليهاا جهد مزال حتا توقف على رجليهاا يوم كيدوز اكفس من لاخر وهياا غتحمااق فنفسهاا خلات بنت عمهاا كتلقط ... وتسنات باهاا حتا خدا النقلة اللولة د زيتون لدار وشافتو بعد كتر عاد مشاات كتشد ريزو ومتسنياا يطلعوو ليهاا مسجات ويلا كان شي صوني... مطلع ليهاا والو من غير نمرة هدى وامينة لي تاصلو بيهاا ورسلو ليها رسائل
دوزات مكالمة لهدى جمعت معاهاا وعودات ليها على محنتهاا لي كدوز منهاا هضرات مع امهاا ومع ختهاا امينة لي كانت هياا وليداتها تماا حتا سلات ليهاا روشارج عاد خشات تليفون فجيبهاا وزادت كتكمل معاهم
دوزت 20 يوم وهيااا على نفس الحال كتبكي ليل ونهاار تخنقاات وتقهراات وحست بالضيق والضياااااااااااع.. صافي قال كلمة ودار بيهاا مشاا ومغاديش يرجع واخااا دير لي دارت ...شدت فقلبهااا كتبكي وتصبر راسهاا براسهاا كذكر كل لحضة دوزتهاا معاه شوفتو وسامتو حنيتو صرامتو غواتو كل حاجة فيه توحشاااتهاا وهياا كتمح ذموعها
حست ب فقذانو .. وفخاطرهاا كتقول يريت لو كنتي عارف ماا بيااا وهزيتي عليااا هاد المحنة وهاد الضرورة لي كندوز منهاا يريت لو كنت معاك ومهنية يريت لو قبلت بكلامك وخليتك تجي لدارناا
منفعهااا كلام لي كتقولوو بينهاا وبين نفسهاا كتحاول تخاايل الواقع جميل وتعيش حياة طبيعية ولكن ملي كتشوف راسها وحالتهاا وضروفهاا كيترون راسها كتر...
داز الشهر وهياا فديك الارض طيحت كيلوااات رجع وجهها بحال شي مراا شرفت فالعشرينات كتمشي وهيا كتماايل بقوة ماا رجليهاا دارو سفافق عامين باللقيح (حشاكم ) ملي كتوصل لدار كتجلس تنقي رجليها من الشوك ويديهاا لي عامين .. ماكتحمد الله حتا كتحط راسهاا فوق اامخدة وتستسلم لنوم..
عرضات عليهم جدتهاا لغداا ومشاو عندهاا لقاوهاا كتوجد كسكس بدجاج البلدي . لقاات عمهاا ومراتو ولادو لي من تطوان جاو لجبل ،
تغداو ورجعو بحالهم الكدياا
طلع معاهم ولد عمهاا لي جاا من اسبانياا ولد مدينة وولد خارج كلشي كيشوف فيه عاجبهم جلس مع عبد اللطيف تحت الزيتونة كيديو ويجيبو فالهضرة على الاراضي وبيع وشراء حتا ناض بحال
.. الله يعاون امريم تهلا
مريم : محسن صافي عتمشي
... اناا اليوم هواد فحالي نتطوان ديك ساعة نطلقااو ف طنجة عنمشي نشوف مرا د عمي
مريم : ايوا واخاا صافي سلم على جميع
محسن : مبلغ بسلامة...
كملت شغالهاا ودازو لجنان اخر حتا طاح ضلام ورجعو... دوزت تماا شهر و18 يوم كلهااا تكرفيص وعذاااب ومحنة عياات وتهدات عااد كملو ديك الزيتون ... عطات وقغ راسهاا تحمحماات فحمام د طوب مغلف بميكة باش يشد سخونية لبست حوايجهاا وهبطت عند جداتهاا دوزت معاهم اسبوع رتاحت فيه كان باهاا كيطحن زيت كملو شغالهم وكراو 207 تهبطهم لطنجة ... جمعو حوايجهم وامورهم سرجاو فالطوموبيل طلعت مريم اللور تجبدت فوق البوطات حتاا وصلو لطنجة
حسناء : اوعدي بنتي ديالي شعندك قولي احبيبة ديالي (عنقاتها بيد وحدة ) امريم واش شي واحد قالك شي حاجة واش شي واحد غوت عليك قولي علاش كتبكي هضر معاياا ياك اناا يماك ابنتي
هدى : مريم حبيبة وهضر شني عندك
حسناء : عبد اللطيف شعندا العيلة هيدااا شعنداا رجعت فهاد الحالة
عبد اللطيف : معندا والو جينا عادي هضرت معاها فالطريق قلتلا واش تاكل مبغاتشي سقساتني شحال باقي ونوصلو قولتلا شي ساعة هيداك من تماا وهيا ساكتة
حسناء : ايوا وشعنداا هضرت ابنتي غير قولناا مالك شوف انا يماك ومريطة كنهضر بزز عاودلي خرجلي لي فقلبك وقولي شني عندك
ناض باهاا من بلاصتو وجلس جنبهاا فوق فراش
عبد اللطيف : هاناا حداك قولي مالك وشني خصك
هزت عينيهاا شافت فيهاا ونفسيتها مدمرة كطلع النفس بصعوبة قربات عندو وعنقاااتو على حر جهدهاا وخرجاات لي فقلبهااا بالبكااااا وتنخطيط فوق صدرو هزت يدو شدتها بقوة وبدات تبوس فيهاا وفمهاا كيردد كلمة وحدة
مريم : سمحلي ابااااااا سمحلي سمحلي عمرني نعاود نعصبك ولا عمري نخلف لك شي هضرة اخرااا حسيت بيك وبالعذااب لي دوزتي عليناا ندمت علاش غلطت فحقكم ندمت علاش غيرت قلبك من جيهتي سمحلي والله منعااود غير صفي قلبك من جهة ديالي اناا مزاوكة فيك مستعدة نفني عمري كااامل حداكم وف رضى ديالكم غير نرجع تيقة ديالكم هدااك الربح
عبداللطيف : الله يسامح عمل عقلك وديهاا فشغلك وخليناا مزال كنشوفو فيك راه مخصناا والو حناا كنمرضو ونتفكرو على ودكم سنان ديالناا وصحتناا طيحناهاا عليكم ونتوماا غا كل واحد مبلانيلي فشكل نوض غسل وجهك
حسناء : لا حول ولا قوة الا بالله ، نوض ابنتي نوض شوف وجهك كيف مطبوخ مشوط كامل نوض ديهاا اهدى تغسل ديهاا ابنتي
اسبوع بالكامل دوزاتو فالفراش كترد مصاارنهاا كل مرة .. راسهاا كيترعد يديهاا كيتهزو بوحدهم صدرها كيديق حلقهاا مقجوج والكحبة ليل ونهار غير مرخية ...
فقذانو خلاهاا تحماق ضل تبكي وتصبح تبكي حتاا ولات كطلع ليهاا ضبابة على عينيها الاياام غادين كتابه نفس الروتين اليومي كيدوز ..
قررات مدام ختار حياتو ونساهاا حتا هياا تحاول تنساه وتبداا حياتهاا وهادشي بمساعدة هدى لي ترجات ياسين يخليها تخرح معاها يمشيو لجامع يقراو القرآن .. ويدوزو عند الخياطاات يشدو شغل من عندهم..
ولاو كيتعاونو على شقى دار ويخدمو وهوماا معاندين شكون اللولة غادي تسبق وتسالي شغلهاا ويتساابقو شكون لي غتراجع وتحفض وتمشي تعرض على الفقيه.. ف كل يوم كانت كطيح فالزنقة ويديهاا كيتقوصو كتهزهاا غير هدى وتوصلها لدار حتا فدار غير كيهضر شي حد ولا يقول شي كلمة ... كتبقاا واقفة واقفة حتاا كطيح على طولتهاا كتر هاذشي وكلشي لاحظ فيهاا مرض وجهاا كيزراق ويسفاار ورعدة ديماا.. كانت جالسة كتشرب حليب ف صباح بكري وهياا حازمة راسها متكية على امهاا حتا هبط ياسين هوا وهدى نوضوهاا وخداوهاا لطبيب كان حالهاا معالم بيه غير الله وخايفة يقلبوهاا من جديد ولا تفرش... شافها طبيب فحصهاا من صدرها وشاف دقات قلبها خلاها كتقادد حوايجهاا وخرج كيهضر مع ياسين شافتو مريم وبداات كترعد ويديهاا باردين خرجو هياا وهدى وجلسو حداهم
... مهم هاد الدواء خاصها تبعوو يوم بعد يوم واناا كنقوليك نفسيتهاا ماشي هياا هاديك خاصهاا تبع مع طبيب نفسي وحاولو ماا امكن متهضروش معاهاا بشي طريقة مهيااش خاصهاا راحة وخليوها على خاطرهاا
خدات ايام قليلة رتاحت فيهم عاد رجعت لطبعهاا الخروج هياا وهدى لجامع ومن تماا لدار يخدمو شوية.. طلباات هدى وترجااتهاا ميمشيوش لجامع وياخدو طوبيس ويمشيو لبحر بزز باش بغات وداتهاا ليه وخلاتهاا كضور بوحدهاا وتبكي وتنتف فراسهاا وهياا مرقباهاا من بعيد كتمسح ذموعهاا ومااعندهاا قدرة ليهاا...
من 73 كيلو نزلات ل 51 قلالت مكلتهاا وقلال نعاسها وقلالت راحتهاا تخمام تخمام ليل ونهار ومحد الايام كدوز وحالتهاا كتزيد تكفس شافوهاا على ديك الحال وقرر باهاا يكلف ياسين ياخدهاا لمدينة خراا تبدل الجو .. وفعلا شد كونجي عيطو ل امينة جلست مع امهاا وخداهم لشاون دوزو فيها 3 ايام شافها غير ساهية وعينيهاا مطبوخين ليل ونهاار ماكلة كتحط حداهاا كتنقب منهاا دغمة وتوخر اللور كيهضرهاا وكيحاول يفهم هاد السكوت ديالهاا منااش وعلاش دايرة فراسهاا هاد الحالة كيعيااا ميصبر راسو باش ميتعصبش عليهاا وميغوتش كيلقاا راسو خبط بالجهد على طبلة حتاا كتقفز من بلاصتهاا وتبداا ترعد وتبكي بحرقة.. كتهذنو غير هدى شافهاا مزالة كيفماا هياا ورجع شد طريق لفاس كراو تماا سكنة صغيرة جلسو فيهاا كل نهار يخرجهم ولي بانت ليه يشريهاا ليها ولو خرابق دراري صغار 10 ايام دوزو تماا ورجعو بحالهم بحالا عمرهم مشاو كااع ..
حارو ف امرهاا وهوماا كيشوفوهاا فديك الحالة مشاو جابو جوج فقهاء وبداو كيقراو عليهاا خافوهاا لاتكون ممسوسة .. مدارت حتا ردة فعل من غير تفواه حست براحة بعدماا دارو ليهاا رقية وجلست حداا امهاا متكية عليهاا
... فيها العين وصافي خاصهاا تبقاا دير رقية مرة مرة والله يجيب شفااء
عبد اللطيف : ولكن هياا ديماا هيداا راه 5 شهور بزاف هادشي
... مهم اشريف شوفولا شي طبيب اماا هياا ماممسوسة مافيهاا والو ولكن العين اناا قلتلك مرة مرة عملولا رقية عليهاا عين د بنادم خايبة راه تشري غاا خاتم يطويوها بالعين
عبد اللطيف : ايوا الله يرحم والديك شكرا
خرجو بحالهم وجلس باهاا حداهاا
عبد اللطيف : مالك ابنتي قولناا مالك لي خصك نجيبوهالك ولي طلبتيهاا نحضروهالك غير قول
دخلت لبيتها لبست عباية كحلة وشان حمر لبست صباطهاا وخرجت موراه .. كان خدا موعد مع طبيب نفسي جلس غير هواا وياهاا شاد ورقة فيدو كيسولهاا بلطافة على اسمها وطفولتها كيف دوزاتهاا هزت عينيهاا فيه ورجعت شافت فالارض عاود سولهاا وهواا كيحاول معاهاا تخرج لي فقلبهاا عودات شافت فيه وحذرات راسها
.. شوفي فياا شتي اناا كتاب او دفتر تقدري تكتبي فيه كل حاجة طرات فحياتك كانت زوينة ولا خايبة المهم تعاودي لياا وهاد الامور طبعاا غتبقاا بيناتناا ونحلوهاا اناا وياك .. عندك شي صديقة مقربة ليك ؟ امم جاوبيني امريم
مريم : الصمت
... سكوت مغادي يفيدك بوالو غيزيد يمرضك اكثر خصك تخرجيي هانتي غوتي دابااا على حرر جهدك ضربي هرسي خرجيي داكشي لي هااازة باش ترتاحي عاوديلي وغتلقااي راحتك
نصف ساعة وهواا كيهضر حداهاا مقالت حتا كلمة من غير سكات وحاذرة راسهاا فالارض خرج عندو كيحرك راسو بدون جدوى ،،
ياسين : مالك امريم قولي اناا مالك عاودلي شنو عندك
مريم : والو
خلاهاا بخاطرها هبطو من تماا ورجعو بحالهم لدار .. دازت يوماين ورجعو عندو نفس الشيئ دار محاولة معاهاا ولزمات الصمت ... اليوم ثالث. ونفس الشيئ ،، خلاوهاا تاخد راحتهاا كيحاولو يهضرو معاهاا بالطيبة واخاا كيكونو كيغليو من الداخل ، غير ميجرحوهاش ..
جات عندهم لمياء ف نهاية الاسبوع هياا ولدهاا بعدماا رجعاات من اسبانياا كانت استقرت تماا هياا وزوج ديالهاا وجاو عطلة للمغرب ، ملي دخلت وهياا قابلة وجهها سلمات على مريم بالنفخة وخرجات حدا امها عاودو ليها على لي طرا وجرا والاياام الصعيبة لي دوزو معاها ..
شافتهاا كتشد عليهاا باب وتبقا فالبيت نهار كامل تعياا هدى ماا دق وامهاا تعيط والو..
عمرات دار ب امينة وليداتهاا وعجوزتها لي هيا اخت حسناء وعائلة لي جاو عندهم من تطوان ونساب لمياء.. تشوكاو من مريم لي ولات كتباان كتخلع بعينيهاا مضورين بالهلات السوداء وبياض د عينيهاا حمرر وفمها ويديهاا غير كيترعدو وشعرهاا كولو مقصف
سمعاتهاا مريم من بعيد هزت عينيهاا فيها شافتها كضحك وتستهزئ بيهاا ، ناضت بخطوات بطيئة وهيااا كترعدددد قربات عندهاا وقالت : الله يعطيك هادشي لي فيهاا والله يذوقك غاا ربع ف مرار لي دوقتو وديك ساعة قول كنتكهن حسبيااا الله ونعم الوكيل فيك حتااا ليوم الدين
خلاتهاا وخرجت من الصالون دخلات لبيتهاا وزدحت الباب .. شافتهاا هدى حطت كاس د اتاي من يديهاا وناضت كتجري كدق على مريم وكحتاول تحل الباب وهياا شداه ناضت امينة كدق عليها وهياا معارفة والو وحتا ناس تخلعو ملي شافهم كيدقو عليهاا هبطت هدى كتجري لزنقة حاضية سرجم د مريم خايفة لاتمشي تنتاحر ولا دير شي حاجة فراسهاا...
سمعو عندهاا سكات ومكتحرك ماا والو تخلعو كتر وخافو تكون شربات شي حاجة.. كان ياسين متكي فالسكنة ديالو لفوق عيطو ليه وهبط كيجري وعبد اللطيف طلع من سفلي حتا هواا
كيدقو عليهاا بالجهد وهوما معارفين اش كااين ..
سمعووو غوات كيصمك الوذنين خارج من عندهاااا وزاج كيتهرس وبيبان د الماريو كيتزدحو ومرايا كتشتت فالارض شد ياسين لقااط وبانس وبداا كيفتح فاللوبة د باب حتا تفتحات ليهاا لقااهاا مهبطة وجهها بالنديب ولحمهاا كولو معضووض وحوايجهاا مقطعين عليهاا كيبانو سوتيان منو بيت مقلوب وشعرهاا منتوف وهياا مزال كضرب فراسهاا شد فيهاا بقوة كيحاول يهذنهاا تزادو فيهاا 10 شافها كتقمشوو بشراسة وهياا مغزفة ودم كيسيل من وجهها ونيفهاا حتااا طاحت طيحة وحدة على طووولتهاا وغيبت .. هزها فيدو بحال الشرويطة وهبطهاا كيجري فالدرج وكلشي مخرج عينو فهاد شي عيط عبد اللطيف لهدى لكوزينة وسولهاا اش كاين عودات ليه بلي كاين شي حاجة كتخص لمياء قالت لمريم وهياا معجبهاش الحال ..
هدى : ولكن اناا اعمي مسمعتشي شني قالت مهم هضرة هضرتها على مريم..
حرك راسو ومشاا جيهة لمياء وعينيه حومر هز صبعو وجهو لجهتهاا وقالت : غتجي تشوف عائلتك مرحبا غتجي تنوضلي المشااكيل وتمرض ختك كتر ماا هياا مريضة متبقااشي تحط رجلك عندي هناا لي فيناا كافيناا راه وحلناا معاها فالمرض ماشي بقيتيليناا غير نتيناا تجي هبلهاا فالعقل ديالهاا الا عندك شي عقدة فحيااتك تهنى منهاا عاد اجي لهنى الا مريضة متمرضش واحد اخور
عطاهاا قاصح مرضاات لا بعجوزتها ولا لويساتها لي جاو ولا خالتهاا وختها ولا هدى ولا حتا واحد... حسناء مفرقة رجليهاا فالارض كتبكي وتولو على بنتهاا وهدى كتحاول تنوض فيهاا هيا وامينة شدت لمياء ركنة كتبكي مداهاا فيهاا حد ردات راسهاا مضلومة ومعارفة والو ..
حلت عينيها بصعوبة شافت الاجهزة ضايرين بيهاا وسيروم غادي مع يديها وضلام فالغرفة من غير الضو لي داخل مع السرجم استرجعت احداث الاخيرة لي طراو فدار وشدتهاا بالبكاا تاني بدات كتنتف فدوك التيوات وتغوت دخلو كيجريو ضربو ليهاا اليبراا وشدو فيهاا حتا ترخات وستسلمات لنعاس صباح صبحت مقلوبة وراسها مرفوع لقات حاطين حداهاا صاك صغير ديال التوب فيه ترموسة د حليب والماكلة محطوطة تماا تزيرات وبغات تمشي لحمام وملقاات كيف دير دخل عندها ياسين وقرب عندهاا ببتسامة
ياسين : مريم شتيتو اليوما
حركت راسهاا وقالت : فينياا هدى
ياسين : عاد ماجين هياا وامينة فالطريق مشاو يتسخرو وتعطلو
مريم : خصني نمشي نطواليط حيدلي هادشي من يدي
ياسين : واخاا اناا نديك
هز سيروم فيديه وشدها من ضهرها بقوة وداهاا لحمام خلاها حتا جلست على لاصاش وقال : شوف بقاا تماا اناا ماجي داباا متنوضشي هاك شبر هاد سيروم
مريم : واخاا
خرج كيجري بضع دقائق ورجع هاز سطل صغير فيديه فيه الماء سخون حطو ليهاا ف الباب وقال : هاك الماء سخون هاد السبيطار مكفس حتاا ناس خصك تسعالوم. الماء بزز يعطيوهلك اناا برا كمل وعيطلي
مريم : واخاا اخاي
غسلات ونشفات بكلينكس وناضت كتحاول توقف .. شافها خارجة ورجع شد فيهاا ورجعهاا لبلاصتهاا عطاهاا تفطر ودخلو عندهاا الفرملياات
عبد اللطيف : لواه اخاي نتيناا كتشوف مرا مزالة مريطة وهياا لي خصى توقف بيداا على شغلة معنداا كيفاش نعملو نعدلو خطيبة داباا غتصبرو معاناا حتا تشفى ان شاء الله ويكون خير
حماد : حتا هاداا نضر حتا يمشي عايل نسبانياا وديك ساعة يرجع
الجدة : وحتا هادي قضية مزيانة الله يكمل بالخير حتاا العايلة توجد شوار ديالا على خاطراا حسناء مقلتي والو
حسناء : اناا بالفرحة تفافيت معنجبروشي حسن من محسن
ياسين : الله يكمل بالخير اصاحبي هه
محسن : امين العقبة نشي بزيوز ستيتو هه
ياسين : ههه ان شاء الله
تكمشت فبلاصتها وبقاات ساكتة غير كتشوف وساهية اش هاد الغرقة والوحلة لي طاحت فيهاا..
كتشوف فالسماء كتلقاها بعيدة كتشوف فالارض كتلقاا راسها فوق منهاا.. دخلت عندهاا جداتهاا كتزغرت بشوية وفرحانة جلست حداهاا كتعنق فيها
الجدة : هيي ناس حشمو ودخلو بحالوم ههه فرحتلك ياابنتي الله يجيبلك التسير باك عطا الكلمة نعمك وصاافي قالو هاد العام ويدا كتاب غتجامعو وتعدلو العرس غنعملك العرس تشهد بيه طنجة كاملة ههه وداباا تشوف عنجمعولك شوار ديالك من ديكشي شكون بحالك العايل د عمك عيطلعك معاه نسبانياا
أفتقدك الجزء 13
محتوى القصة
التنقل بين الأجزاء