صورة مصغرة لـقصة افتقدك

قصة افتقدك

qisat 9isat
رواية أفتقدك

هذه المرة ليست ك كل مرة ، صدقني يامن تقراء قصتي كلما حاولت الترميم ماحصل لي ولي عائلتي جرحتني الشظايا ، كنت أظن أنني ك كل مرة سألصق أوصالي بشيئ من الأعذار والتبرير والأكاذيب ، إلا أن هذه المرة يبدو أن الضربة كانت أقسى من كل مرة. لقد تناثرت الى أجزاء صغيرة لا اعلم مايصيبني في هذه الايام صدمة تلو الاخرى الم ، كتمان ، ارهااق ، تفكير قاسي ، ضيق وارق المواقف تجعلني اتمنى لو قلبي يتوقف عن نبض ...

---

المنبه ⏱ 
مريم : (ناعسة ) تفووو هاد سرسار غيصوني حتا الأحد منعسوش سيمانا كاملة ودابا عوتاني كيصوني تفو (تقلبت على جهة خرا)

ماما : مريم وااا مريم ونوض براكة من نعاس نوض تسخرلي 
مريم : اننن واخاا..
ماما : ونوض ليل تبات مبرطعة عينك فالتلفازة وتليفون وصباح تصبح بحال الفيران نوض تسخر باش نخملو دار راه غمال وصل حتا لباب زنقة 

مريم : ياااربي ايمتاا نتزوج حتى اناا ونتهنى ينوضوك على نبوري ويتفكروني غير بسخرة وشغل ) 

نضت مشيت لطواليط غسلت وجهي ومشيت عند ماما لكوزينة ريحة داتاي بنعناع كتعيط منين ولين ههه ... 
مريم : اشنو 
ماما: صباح خير مكيناش فبلادكم ولا 
مريم : 😂😂 صباح الورد صباح الياسمين (كنعنق فيها من لور ونبوس ) وهيا كتلقم اتاي 

ماما: وحيد مني عوجتيلي حناكي سير زلافة ف بيترينة هز فلوس جيب صابون بلدي وحلفة د مواعن وجيب حرشة من عند لحسن وسير دغيا متعطلشي تبعنا عرام دشغال 
مريم : واخا انا ماشا نضرب شي دورة وديك ساعة نجيبلك لي خصك هههه 
ماما: والله يولديك وتعطلتي حتا نضوبلك هاد شغل 
مريم : هاني مشيت! دخلت 

لبيت لبست جلابتي وزيف وبلغتي وخرجت 
مريم : صباح الخير عمي لحسن كيف صبحتي وكيف صبحت خالتي فاطمة ؟
لحسن: الحمد الله ابنتي عاد فايقة ههه 
مريم : يلاه فقت حتا نعاس مشبعاهشي ههه عطيني بحال ديما ههه 
لحسن: واخا هيا اللولة 
مريم : خالتي فاطمة فدار ؟ خصني نمشي عندا عندي واحد جلابة مفصلة وخصني نديهالا تخدمالي براندا 
لحسن : معندا فاين تمشي ابنتي راها غير فدار (هاك قولتي 7 دراهم بحال دايماا !
مريم : اه الله يعطيك صحة نهارك مبروك...

بقيت ماشا حتا وصلت عند خالد 
مريم : خالد صباح الخير عطيني 3 داهم صابون بلدي وحلفة دسلك د مواعن سربيني دغيا (زحام دنيا عامرة ) 
خالد : غزالة عاد فايقة ههه واخا 
مريم : غزالة راها ف غابة اما انا راني انسبيكتور مريم الله يخليك احتارم راسك...
خالد: ههههه حتا ليل عاد حلم اما دابا راه نهار 
مريم : اري اري ديك شي وبراكة من هضرة دابا نوقفك عند حدك

هههه مريم 19 عام ضريفة وحشومية بلاما نقولكم ههه فرمتي زوينة شوية د الكرش ولكن معليش ولات موضة 😂 فخاض بلااماا نهضر من لاخر وافية.. شعري كحل غاامق عمرو تصبغ وطويل ملي كنطلقو كيوصل حتا لقاع ضهري وعينيا عسلية وحنيكات ماشاء الله ههه طول ديال ميتروا وكداا معبراش هه المهم قصيرة 😏 مقريتش بزاف يلاه 7 اعدادي مكملتش لضروف وحتا انا مكانت عندي كانة دشي قراية دوزت طفولة غزاالة معلينا... 

عطيتو فلوس ومشيت كنبركم بوحدي حكرتيني زعمة غير مكملتشي قراية صافي راني مغنرجعشي بوليسية دابا يسهل الله ونعاود ونوصل ونجي نطرطقلك دوك عينين. تفو على جنس صبحت عليه 
دخلت لدار جبرت ماما حطات فطور وبابا كيصلي وخاي الكبير هوا لي عندي يوسف يلاه فايق من نعس كيتكسل (ناعس فصالون ) 
حطيت حرشة فطبسيل وحيدت جلابتي ومشيت لعندهم جلسنا كنفطروا ماما يلاه كتخوي اتاي 

ماما: مريم فطر دغيا ونوض هوز ديك مواعن طلعهوم لصطح وحكهم مزياان وملي تسالي هبط نخملو صالون نهزو زربية ونسيقو هاد الحالة رجع الخنز منا كيعيط ونتي ديك تليفون تلفك على قبلة شعرك هوا تالي ولا بحال الحلفة...
مريم : ولمياء شنو غدير تبقا ناعسة وانا نضرب كورفي 
ماما : لمياء غتصاوب لغدا وتغسل كوزينة شلااا معندها حتا هيا وانا ماشا لسوق نتسخر ونجي .
فطرت ونضت جمعت ديك جقولة د مواعن كلهاا. وطلعتها لسطاح حطيتهوم وجلست على واحد كرسي حدا براكة
( دجاج 🐓) جبدت تليفون من سوتيان نضرب طليلة على فيس بوك وواتساب نشوف اش جديد. جوبت على مسجات لي جاوني فالواتساب ومشيت للفيس بوك نضرب طليلة باش نوض لهاد مواعن بقيت طالعة هابطة ندير جيم لهادي ونخلف على هادي هه لقيت 3 طلبات صداقة امم تشوف شكون هاد اخوان
(Rawya It )
(Rachid Selo) 
(Khawla Sebai )

اكسيبطيتهوم كلهم وطلقت
موسيقى شعبي حطيت تليفون ونضت حك هادي شلل هادي مسح هادي وكنغني مع داودية هه حتا سليت .....

--
للإشارة فقط.. هاد القصة لي غنحط داز عليها 4 سنين وزياادة... واقعية وبالتأكيد... كاينين شي ناس راهم عارفين صاحبة القصة شخصيااا لي عاشتهاا.. وانا من قوة ماا حبيتهاا وعجبتني الشخصية ونهااية.. ف قررت نكتبها ونشاركها معاكم كااين لي فالأول غتجيه حامضة وتافهة مي فلاخر.. تكتاشفو شي حوايج خرين. قراءة ممتعة
--

درت تليفون فجيبي وهبطت مع دروج لقيت خويا فطر وخرج ، وختي لمياء عاد كتفطر وحالة فمها فتلفازة
مريم : الله الله عروسة عاد فايقة. 
لمياء: راني مريضة مهلووكة 
انا: اييه كاينة نتي ديما ملي كيكون شغل كتصبح مريضة ومهتكة 😐 باز على كمارة عندك وبوليسية تصبح على مواعن تحك فعوض منكون فكوميسرية مقابلة شغلي الله يرزقني صبر معاكم 
لمياء: ههههههههه ههههههه الكبيدة نتي والله متجي معاك غير الكوزينة شمن بوليس الله يهديك ههههه 
مريم : 😡😡 دابا نوري موك هاد الضحك لي كضحكي دابا نهجروا ليك غير صبري حيت انا صغيرة ديالكم كتغيرو مني ولكن دابا تشوفو فين غنوصل 
لمياء : الا وصلتي لعرايش مقالها حد لحد هههه 
مريم : نوض نوض ماما دابا وهيا جات تحيح علينا عاود نوض اجي هوز معايا هاد سدادر باش نطلع نصبن زربية ونهبط نسيق هادشي 
لمياء : صحتي على قد حال ديك شي لي بقا غير نهز سدادر 😏
مريم : الله يهزني من هنا فالقريب ونتهنى منك ويبقا هادشي كامل ليك نصبح مكسلة فداري تمناي غير نجي نعاونك ومتلقايني 
لمياء: ههههه واخا احبيبة امييين امين غا سيري 
نضت لصالون كنهز داكشي بوحدي وكنتقاتل حتا ستفت مخاد شي فوق شي.. وسدادر واحد فوق خوه وجريت زربية طلعتها لسطح صبنتها نشرتها وهبطت لقيت ماما جات وكيديرو غدا هيا ولمياء كلها وشنو كيصاوب. جبت جفاف دوزت على صلون والدار كاملة وهبطت مع دروج حتا لقاع وبقيت واقفة فباب زنقة نشوف الغادي وجاي ..
سديت الباب وطلعت بحالي تجبدت حدا تلفازة وسينية دالفطور باقا محطوطة خويت اتاي هزيت الكاس فيدي جبدت تليفون نشوف لقيت صحبتنا مسيفطالي مسج لي لقيتها مصيفطاليا طلب صداقة Rawya It )

راوية 💬 : good morning Mer 
مريم 💬: صباح خير وخمير ازيك عامله ايه 
راوية 💬 : ههههه صافا ازين نتي لباس
مريم 💬: يسول فيك الخير. ممكن نعرف شكون سيادتكم ؟ هيا كتكتب وانا دخلت لبروفيلها نبركك نشوف اش تما.... فنة كتحمق كنشوف تصاورها وحدة بوحدة وتصاور فالخارج وطموبيل والحالة.. والعراا ياااه هادشي عاد جديد ههه 

اويلي شراب كاع هادي كتشرب وباينة هادي شي هاي كلاس مدام كتشرب ههخ ولا وقيلة غاا طالقاها 

تصاور بزاااف وكل تصويرة فيها كتحمق مصورا مع بنات ودراري ومعنقة هاد تيتيز اوووه شحال غزال كيحمق بففف ناري بحالو كنشوفهم غير فالفلام تبوقيصة 😍هيهي بقيت غير حالة فمي
فيهم 
رجعت نشوف اش كتبت 

راوية 💬: I'm Rawia i'm 27 years old i'm a teatcher of phisical education and i live in london

راوية 💬: Where are you from and what are you doing in your live

مريم 💬 : شقالت هادي العربية مكنسكدوهاش بحال الخلق بقاليا غير اونكلي 
لميااء واااا لمياء 
لمياء : نعاام شكاين 
مريم : اجي اجي دغيا نهضر معاك 
لمياء : واجي نتي انا راني مشغولة معندي كيف نعمل نجي 
نضت مشيت عندها لكوزينة اجي نقوليك صحبتك سمية كتعرف لونكلي ؟ كتفهم فيها
لمياء: هههههه ضحكتيني الهم هديك كتقشع غير ريفية 
مريم : هئ هئ وكيفاش هيا كانت كتقراها اولا !! حيت قالت ولد خالتها خطبها غيديها معاه لبرا 
لمياء : ايديها لجايحة لكحلة هديك غير كتكذب شمن برا الله يهديك غير كتفخم على والو 

مريم : اممن وباز على بنادم رجعت بلاصتي ... ترن (مسج) دخلت نشوف شنو كنلقا راوية مسيفطالي مسج اخور 
راوية 💬 : Where are you going
اويلي شكتخور هادي شغادي نفهم فهاد كتابة ناس قراو وصلو وانا حتا كلمة مقشعتها .
اجي ياك هادي غير فيس بوك ماشي حدايا ومكتعرفني مكتعرفاا واصلا حتا تصاوري مديراهومش ففيسبوك نهضر عادي هئ مالها شكون بغات تكون كاع زادت كلمة جوج بلوك كاين 
مريم : ختي درججججج الله يحفضك (هضر بالدريجة ) انا كنفضل العربية ولو عارفين اللغات(العياقة) ولكن مكاينش محسن من دريجتنا. احم احم
راوية 💬: ههه اوكي حبيبة مهم انا راوية من لندن 27 سنة واستاذة في رياضة 
مريم 💬: (فنفسي) ايوا الخرا كتبها من صباح ونتي حتا كتعوج وكتبقطط. جوج كلمات من اول قوليهم ،
امم مزيان احبيبة مشرفين 
انا مريم عندي 19 سنة من طنجة 
راوية 💬: بصح!! حتا انا كنجي لطنجة ديما وعندي تما عائلة وملي كيكون عندي كونجي كنجي.خلقت فطنجة ولكن كبرت فلندن 
مريم : (فنفسي) اواااه هدي من طنجة كاااع بفف سيدة قريبة ليا بحال والو نتشاوفو شي نهار ههه
مريم 💬 : مشرفين اختي وفرصة سعيدة حيت كنتعرف عليك 
راوية 💬: شكرا ازين ممكن نشوف شي طوف ديالك ؟ انا كاع تصاوري دايراهم الا بغيتي دخلي لبروفيلي وشوفيهم كلهم المهم نعرف معامن كنهضر hehe

ايوا صافي داكشي لي بقا فين كنعرفك فين كتعرفيني باش نصيفط ليك ويلاه هضرنا اليوم 

مريم 💬 : دابا احبيبة معنديش لي فوطو ف تليفون حتا لمن بعد ولا ايلا جيتي لطنجة نتشاوفو.. 
راوية 💬: Okey 

وهادي حاسبة فراسها وحتا هاد تصاور معرف واش تصورها ولا غير سرقاهم هههه المهم نتبعوا كذاب حتا لباب دار 
مريم 💬 : مهم نخليك ازين عندي شغل من بعد ونهضروا 😘
راوية 💬 : Okey Take care 
اوعدي ياانا سعدااتا هادي الزين ونخواا شكون بحالك ياا بنتي حتا الا قالو عايشة راك عايشة ضهشرت فيها يانا بالمعقول 
مريم مريم.... 
مريم : شني اما 
ماما : نوض عيط لباباك راه لتحت وجمع ديك روينة نحطو لغدا 
نضت جمعت طيفور (الطبلة ) وعيطت لبابا عونت ماما كنخرج معاها الغداا ولمياء كتقااد الشلاضة ... تجمعنا على طبلة كنتغداو و بالي غير مع هاد راوية وتصاورها لي كنعاود نشوف فيهم يد فماكلة ويد فتليفون لقيتها سادا فيس بوك وانا كندخل لتصاورها نشوف هادي وهادي وهادي اياو اياو ابابا هادشي مجهد ... 
مريم : ماما بلاتي غنمشي عند فاطمة مرات لحسن غنديلا جلابة تخدمالي براندا بحرا توجدالي على بكري نخرج بيها ف 26 (رمضان )
ماما: سالي شغلك وسير 
نضت جمعت روينة ومشيت نلبس حوايجي ونا نسمع صوني فالباب سر سرر (صوني)
ماما: مريم تكلم لهدى هاهيا كتسناك 
صيفت ليها مسج 
مريم : النحس طلع عندي انا فبيت كنلبس حوايجي 
طلعت عندي 
هدى: فاين ازيني كيف تيناا غوايب الا مجيتش عندك انا متجيش نتيناا هيداا ياك 
مريم : والله حتا كنت ماجا عندك كنت ماشا عند فاطمة ندفع ليها جلابة وندوز عندك . ولكن يلاه معايا نضربو شي ضورة 
هدى : يلاه طلق راسك دغيا لبست جلابة فالسومو وسندالة عالية بصماطي ولبست فولاري وساكي وخرجنا انا وهويدو ديالي نيشان عند فاتي لدار صونيت عليه وعاليت عيني فالسرجم حتا طللت علياا 

فاطمة: شكون
مريم : انا اخالتي
فاطمة: (بضحيكة) بوليس ديالي صباح خير انا هابطة
مريم : هه 
فتحات باب دخلنا سلمنا فالباب وطلعنا لفوق شدينا جمامع وكنشرح ليها شنو تعملي وكيف تجيني 
فاطمة : واخا ازين ديالي انا نسالي شغل لي عندي وغدا نبدالك فيها 
مريم : الله يعطيك صحة وديك ساعة قولي تمن خليتك على خير 
فاطمة: لهلا يحشمنى اشافة ديالنا ( غمزات هدى ) ههه 
مريم : (هه استهزاء) بسلامة عليك
خرجنا من عندها ونا نضور عند هدى 
مريم : ياك اوجه لفتة كتغامزو عليا نتي وهاد سلوكية 
هدى: ههههه تانتي اصحبتي عيقتي
مريم : سير تخرا غيرة قاتلاك هدى: خليك ابنتي كتحلم بلاما نفيقك هههه ايوا قولي شنو عملتي مع حب ديالك
مريم : 😐 شكون فيهم 
هدى: هههههه ههههههههه فرفرتيني كاملين
مريم : سفيان يلاه هضرنا لبارح بايتين كنتعاشقو ههه وهشام جبرتو مصيفطلي مسج وجوبتو وحمزة دابزنا من ديك نهار مهضرني 
هدى: هههه ايوا وشكون لي باغا نتي 
مريم : بغاهم كاميلن ههه لي جا لدار هوا اول نبالي بيه هانا معاهم لي زدق فيهم ههه مهم نتزوج وكيف كتقول يما الحب كيجي حتا لاخر..
هدى: هههه ايوا مزيان الله يسهل عليك... ايوا شكتعمل قولي غير دار 
مريم : هانتي كتشوف غير كلاس كلشي طلع ليا فراسي هدى: دخل اصحبتي تعلم شي صنعة وخدم على راسك ناس بوالو عملو لباس ونتينا الا معطوكشي واليديك باش تعبئ تبقا بلاش
مريم : واش انا وجه د صنعة الله يهديك فعوض منكون خدامة نعطي اومر غنمشي ندخل الخيط فالإبرة
هدى: ههههههههه نتي ابنتي خصك يزوروك راك بقيتي غير كتهترف قالك بوليس قالك هههه انا: شوف دابا نوقفك على حدك عقل شنو كنقولك 
هدى: ههه انا ديما عاقلة (وقفاتها فالشارع ) خليناا نهضرو فالمعقول ودابا شنو قلتي يلاه نمشيو انا وياك نتسجلو وملي نتعلموا نخدموا شي حاجة ونحيدو القنت
مريم : حتا نفكر
هدى: هادشي مفيه تفكير غدا نمشيو نشوفو اش كاين
مريم : اك ملي تكون ماشا دوز عليا

بقينا مجمعين وكنضورو ونقبو فزريعة حتا جيبنا المغرب فيدينا تفارقنا هيا مشات لدارهم وانا رجعت بحالي لقيت لمياء ضرباتها بنعسة وختي امينة لي مزوجة جات هيا ولادها جالسة هيا وماما كيتفرجو ف سامحيني بدلت عليا وجلست مجمعة معاهم دخلت لفيس بوك نشوف اش جديد لقيت (راوية ) حطات تصاور جداد ديالها كلهم لاطاي ولبسة مطرطقة سيكسي فلاصال درياضة. كومنطيت ليها مريم : (تباقص منورة حجوبات ) 
راوية : فالرد ( Thank you meryam your ayes are beautiful )
بشاااخ ياوليدي . انشوف شنو هنا بقيت كنقرا ليها لي كمنطير وندخل بروفيلات اصدقاءها نشوف تصاورهم ونرجع نخرج... 
طالعة نازلة كيكومنطيو غير نسارا مقشعت والو شوية هوا يكمنطي شاب زوين حروفوو كوحل حاط الصورة الشخصية ديالو وعندو فيها عدد كبير من المعجبين... Adel Azdak من خلال بروفيلو عرفت انه مغربي وحتا هوا ف لندن ..
كاتب ليها
Ohh Amazing !! 
وهيا ردات عليه 
thank u adel xx 

بقيت كنبقشش نشوف تصارو شي حاجة فوق طووب. ومصور مع بنات ومع راوية نيت تيتيز ياا لالة والحالة عيني برقوو... (تكهمت ) بقوة الشوف ههه حطيت تليفون يتشارجا وبقيت مجمعة حتا جاو خوتي وبابا بقينا مقصرين تعشينا تفرقو كل واحد مشا لبيتو. انا دخلت لبلاصتي..

كنعسو انا ولمياء عندنا بيتنا بوحدنا واكثرية هيا كتنعس حدا تلفازة فصالون خليتها وشديت بلاصتي وهزيت التليفون كنطيب نعاسي مع سفيان وهشام نجاوب هادا ونرجع لاخور واغلبية هانا ف فيس بوك كنبقشش ومرة مرة نطلل على راوية حتا داني نعاس..
(صباح الحال ) 

(صوني) فتليفون وعيااط د ماما
مريم : جوبت ) اننن الو
هدى: مزالة ناعسة 8:30 دابا نوض انا راني فباب كنتسناك خصنا 9:00 نكونو تما من قبيلة وانا كنصوني عليك 
مريم : واخا قطعت نضت مجموعة جبرت ماما وجدت فطور وكتفطر هيا وخويا هبطت فتحت باب طلعنا هيا مشات تسلم وانا دخلت لطواليط طرفت قاديت حالة ومشيت بدلت عليا لبست سروال كحل وتريكو طويل شوية واسع ويديه مزيرين وسندالة زيتية عالية وشان كحل وصاك كحل وخرجت جبرت هدى شادا جمامع مع ماما جلست حداهم هزيت بغريرة فيد وكاس د اتاي فيد خرا..
هدى: عاد غتفطر غنجبروهم شدو علينا الباب
مريم : الا سادو باب بابنا ديما محلولة ههه نرجعو بحالنا 
هدى: نوض تكعد دغيا لعلى وعسى نعملو شي طايلة وحنا مصالحين لوالو 
مريم : الا كنا غير انا وياك عمرنا مغنطفروه هههه
ماما : عارفة راسك مغطفروشي ومشي نوض لديك كوزينة راها كتسناك 
يلاه سمعت الكوزينة نضت
مريم : هدى نوض دغيا راه تعطلنا 
هدى: ههههه خالتي تقولتيها من قبايلة هه
ماما: مشي لفترينة راه فلوس تما الا حتجيتي متشري 
مريم : الله يحفضك ليا ياالحنينة
بست ليها راسها وسلمات عليها هدى | وهبطنا مع الدروج. 
هدى : مريم شنو خصك تعلم 
مريم : معرفتش الا جبرت صعوبة غنبقا نمشي غير نلاهي الوقت وصافي 
هدى: لاااا مريم حشومة عليك شوف خصنا ضرووري نعملو شي حاجة اصحبتي مغنبقاوش غير هاكا على اقل نلقاو باش نتلهاو فدار
مريم : ودابا نشوفو يكون خير 
بقينا ماشين فطريق حتا وصلنا لسنطر جبرنا بزاااف دالبنات كيتسجلو بقينا كنتسناو حتا سلاو بنات وخرجوا...
دخلنا للادارة انا وهدى.
هدى: (الابتسامة) سلام عليكم مريم :صباح خير 
المديرة: عليكم سلام مرحبا هدى: انا هدى وهاذي صحبتي مريم بغينا عفاك نتسجلو فهاد نادي 
المديرة: واخا شنو بغيتو تعلموا هدى: انا طرز ورندا صافي المديرة: وانتي ؟ 
مريم : شنو عندكم هنا المديرة: كاين تصميم الازياء خياطة وفصالة /طرز رباطي وطرز مكينة / وصوف / رندا / رسم على زجاج / فن ديكون ... لي بغيتي 
انا: امم مهم غنعمل خياطة ورسم على زجاج 
المديرة: واخا اول شيئ 50 درهم لتسجيل وجوج تصاور لوحدة وعقد ازدياد باش تسجلو وخصكم تجيبو لوازم لي غتحتاجو بالنسبة لهدى انا غنكتب ليك شنو خاصك ومريم حتا نتي. وغدا غنباداو 9:00 تكونو هنا 

عطاتنا لي خصنا وخرجنا بقيت كنشوف خاصني كاغيط دفصالة ومسطرة وقلم........ وكدا وكدا وهدى توب ومرمة.. الخ هيا هديك نيشان دزنا لسوق لواحد محل فيه كاع هاد لوازم خديناهم وزدنا مجمعين وكنخمموا فغدا كيف غيدوز اول نهار. حتا وصلنا تفارقنا انا وهدى هيا مشات لدارهم وانا جيت لدار 

دخلت لقيت الواليدة فالكوزينة كتوجد الغدا وبابا متكي فالصالون عاد جا من الخدمة يرتاح. (نعرفكم على عائلتي ) بابا نجار شارك هوا وصاحبو محل صغير كيترزقو فيه الله.. عندنا دارنا فالعروبية ديال جدود.. وشي زيتون واراضي قطعات صغاار كيفلحهم.. المهم عايشين على قد الحال تعذب معاناا بابا بزااف وفششناا وعمرو خلاناا مخصوصين الكلمة لي ديما كان يقول واخا يوصل بياا الزماان نمد يدي لنااس نسعاهاا ونجيبها ليكم ومنخلي حتا وحدة فيكم تعذب وتكرفص فشي جهة طبع بابا صعيب وقاصيي بزااف ومكيتفااهمش الا تفافيت مشيت فيها... ختي لمياء المتوسطة ديالناا فرضاات رأيهاا وبززات واسرااات ورغباات وزوكاات فباباا باش توصل لهدفهاا ودير حضاانة هيا وصحبتها ومنها يضورو الحراكة وتجمع فلووس لي تحتاجهم نهار تبغي... يوسف اخ الأكبر بوليسي شبه لباه فصعوبتو وصرامتو.. 
دخلت لبيتي بدلت حوايجي بيجاما دار مشيت لحمام طرفت ورجعت لعند ماما لكوزينة نعاونها فلي باقي ليها.. محد لمياء مزال مجات.. كملت معاها ويلاه بديت نحط على الطبلة واناا نسمع صوني فالباب هبطت مع الدروج كنلقاا ختي امينة مزوجة بولد خالتي عندها جوج وليدات سليم 7 سنين وندى عامين ونص جات هياا ولادهاا فالوجيبة .. تغديناا مع بعضيااتنا مجموعين .. 
مريم : ماما راني مشيت انا وهدى قالوليناا خصناا نجيبو عقد الازدياد وتصااور باش نتسجلو ونشريو اللوازم انا غندير الفصالة وخيااطة.. المهم خديت لي خصني 
ماما : ايوا صافي الله يسهل عشية باك يجيبلك عقد الازدياد من مقاطعة يجيبلك غاا العادين قضي بيهم وتصااور راهم عاندك يلاه تصورتي داك نهار 
مريم : اه راه يصلحو لياا هادوك.. 
ماما : ايوا عمل بالك فهادشي جاتك فرصة بلاما ضيعها .. 
كملناا الغداا وجمعت كلشي خرج بابا وبقاات ختي هياا وماما ولادها كينقزو خليتهم ودخلت لبيتي سديت علياا تكيت شوية وهزيت التليفون نشووف الجديد...

لقيت هدى مسيفطاليا مسج 
هدى : الحب يلاه نخرجو شتيتو اليوماا راني قنت 
مريم : عاد كنت غنقولالك
هدى : صافي العشية نتشاوفو 
مريم : واخا ساعة ندوز موراك .. 
ولفت الفيس بوك ومنقدرش مندخلش ليهاا واخاا جدبااتني راوية كتر وانباهرت بيها وبشكلها بحال المشااهير كتجيني... لقيتهاا مبارطاجياا صور خرين جداد... كبرت ليها شاان ومدحت فيهاا وبقيت كنتسنااهاا تجاوبني .. تعطلات حتا ندمت علاش صيفطتوو كااع.. بقيت طالعة هابطة حتا وصلني مسج من عندهاا.. 
راوية 💬 : شكرا مريم كنت مشغولة بزااف وعندي تدريب لبناات داكشي علاش مجوبتكش ومشفتش مسج ديالك.. خليلي نمرتك ملي نمشي لدار نصوني ليك... اوكي ..
شفت مسج ديالهاا وبسرعة جاوبتهاا وصيفط ليهاا الرقم ديالي..
مريم : اااااخ ااااخ... مكرهتش نيت نزيد نتعرف عليهاا كتر نيت هاد هويدو طلعتلي فراسي هه الله يسمح علياا... خليت راوية ومشيت نشوف سفياان شاب الوسيم لي ماالك قلبي هواا الوحيد لي كنحس براسي كنبغيه واخاا عيني زايغة وكنشوف لي جاا الأول هواا لي نتزوج بيه.. هشاام ضريف وعندو مع الشعر وحلاوة اللسان شديت الهضرة معاهم بجوج.. وبالخصوص هشاام لي تقول معندو لا شغل لا مشغاالة ديماا اون لاين .. حطيت تليفون حداياا يتشاارجاا وضربتها بنعسة يلاه سااط فياا ابنعاس واناا نفيق على العيااط د ماما لي جات تنوضني.. 
ماما : مريم نوض ابنتي غنمشيو عند خالتك هاد العشية 
مريم : انن غير سيرو نتوما انا خارجة فالعشية مع هدى 
ماما : نوض تكعد هدى غير صباح ونتي معاها.. 
تقلبت مريم على جهة خرا وناضت لبست سروال جينز وتريكو حمر طويل واصل لركبة واسع شوية بيدين مزيريين صندالة حمرة بالصماطي عالياا وشان فوق راسهاا ... يلاه هياا خارجة وهياا ترجع حلت المجر جبدت منو لاتخوس فيه مجموعة صغيرة من مكيااج.. كحلت عينيها كحل خفيف وعكر فالفم وخرجت...شافتهاا مهاا وهياا تخرج عينيها فيها 
الأم : ومالك على حالتك علاش مجخطنة وجهك ماشيين للعرس حناا ولا مشي مسح وجهك ولا تزدق طلاقا خاك ويوريك صبااغة .. وحتاا تزوجي ويطيح عليك السر مسختوو راسكم 
امينة : ههههههههه خليها اماما تفرح براسهاا شوية اماا عرسهاا غطلع مسرارة ولي دارتو غيجي معاهاا 
مريم : وااهااااا الهضرة فمك ياا الحبيبة سمن لهلا يخطيك علياا سمعتي يا لالة حسناء اش قالت وزيد نوض يلاه دابا .. 
خرجوا كلهم غادين عند خالة مريم ..

خداو من الحانوت اش غيدخلو فيديهم وكملو طريقهم.. حتاا وصلو لدار تسالموا وتجمعوا كلهم فالصالون .. 
خالة : ايوا اختي راه جاو الخطاب ف اكرام من دابا 10 اياام غنديرو الخطوبة .. 
الأم : الف مبروك اختي الله يكمل عليهاا بالخير 
الخالة : منكونو مع مريم ولمياء ان شاء الله 
مريم : (تحت اللسان) الله يسمع منك اخالتي مصاب نتزوج قبل بنتك ههه نيت سفياان كيتسنااني 
الأم : مريم مزاال الا مفيقتهااش من نعاس والله لا فاقت ههه حتا نديرو العرس للمياء ..
شافت فيها مريم عاقدة غوباشتهاا .. وصلهاا مسج فالرقم ديالهاا مشافتووش شوية وهياا تسمع تليفون كيصووني شافت الرقم غريب كيتااصل .. ناضت من حداهم وطلعت لسطح تجاوب .. 
مريم : سلام 
راوية : ميمي هادي انا راوية هادي نمرتي لباس عليك.. 
قلبهااا كيزدح وبقوووة ملي اول مرة كتسمع صوتها .. 
مريم : اه وي لباس ونتي وعائلة 
راوية : تري بياان... 
مريم : سليتي خدمتك وقيلة يااك 
راوية : وي سليت ودخلت لدار وقلت نهضر معاك 
مريم : اهااه مرحباا اختي نيت كنت نتمنى نهضر معاك.. 
راوية : هه مغسي ميمي شكديري فحيااتك 
مريم : انا حاليا غير دار ولكن دخلت لواحد سونطر نتعلم شوية ونتلف الوقت 
راوية : امم مزيان 
مريم : الله يحفضك اختي .. مزوجة نتي ولا غا مع العائلة عايشة تمااا وسمحيلي قويت عليك غاا فيا الفضول ...
راوية : ههه امم كنت مزوجة مي داباا لا مطلقة
مريم : الله يجيب ليك تسير اختي
راوية : شكراا ميمي.. المهم عندي كونجي من داباا 5 ايااام غادي نكون فطنجة امم مكرهنااش نتشاوفو 
مريم : (خرجو عينيهاا) لااااااا متقوليهاااش بصح امم ااا (بتوتر ) ان شاء الله الف مرحباا فبلادك وداركم الله يجيبك على خير.. 
راوية : شكرا بيناتناا الميسجاات اوك يلاه تهلاي حبي
مريم : هه الله يحفضك بسلامة.. 
قطعت المكالمة ودخلت المسج لي جاهاا قبل الاتصال .. 
هدى : 💬 ايوا شغادي نقولك الله ينعل لي مايحشم تافقناا نخرجو وقلتيلي غتجي موراياا ومجيتيش وجيت حتا لداركم ومجبرتكشي حشومة وعيب عليك على اقل صيفطلي مسج وقولي عندي شغل او خارجة ومتخلينيش نتسنى ... 
صونات على هدى شحال مجوبتهااش دارت تليفون فالجيب وهبطت تكمل كسكروطهاا .. حتا دازت عشيتهم وفاتت المغرب عاد رجعوا بحالهم لدار...

رجعناا بحالنا بدلناا حوايجناا وجدات ماما العشاء هياا ولمياء تعشيناا مجموعين .وبقيناا مقصرين على تلفازة حتا دخل خوياا معطل من الخدمة عطاتو ماما يتعشى ونعس فالصالون طاح طيحة وحدة. دخلت انا اللولة لبيت شديت بلاصتي وجدت التليفوون كولي شوق نهضر مع راوية... من واحد جهة بغيت نتعرف عليهااا وحتا اناا تكون عندي صحبتي لي تكون فيهاا المنفعة. لقيتهااا مصيفطاا لياا ميسجاات هضرناا جمعناا تعاودنا مع بعضيااتنا. رسلات لياا صور ديالها محاطاهمش حتا فالفيس كلهم كيفتنوااا شبه عاارية... وانا كذالك رسلت ليهاا بعض الصور ديالي.. نتعارفو بالوجه لي اول مرة.. وانا كنقلب ف صورهاا قشعت Adel لي معاهاا فكل صور... بغيت نجبدهاا ونسولها عليه بطريقة ممعيقااش 
مريم : سمحيلي نسولك هادا خوك 
راوية : ههه نو هادا لي هضرت ليك عليه مغريبي ولد البلاد سميتو عادل هادا لي قلت ليك كنبغي مي هواا مرة يقولي كنبغيك مرة يقولي سالينااا غا وحلة وصافي 
مريم : هكااك وداباا فين وصلتو 
راوية ؛ موصلنا فين حتا هواا كيقول غيجي لمغرب يشوف جداتو ماعرفتو ايمتاا غيجي..
مريم : داباا نتي معامن ساكنة عائلة ياك 
راوية : نوو عائلة راني قلت ليك فالمغرب اناا ساكنة غاا بوحدي هنا مرة نمشي لمغرب مرة يجيو هوماا عندي 
مريم : ااه هكاك واخاا هاد عادل خدام معاك 
راوية : عندو كلوب ديالو وهوا مدرب فيه حمل الأثقاال والملاكمة مدة طويلة وطويلة بزاااف وحناا صحاااب وقلب ميشاااور بغاااه ههه مي نطيحوو نطيحوو
مريم : ههه الله يجعلو من نصيبك 
راوية: امين 

دخلت لصورة ديالو كنكبر فيهاا ونتأمل فوجهواا وشعرو الأسود... وحجباانو المطراسيين حسن من ديالي طويل مبودر كتافو عراض وجسم منحووت ولباسو جد انيق..دوزت ليلة كلهاا بالهضرة مع راوية حتااا تغلبت بالنعاااس ونعست وتليفون طاح من يدي حتااا فيقااتني ماما فالصبااح بكري...

ناضت مريم على فياق امهاا لي كيتسمع من الزنقة وهياا كتعيط حتا دخلت عندها لبيت وقفت حدا راسهاا

الأم : مريم ونووض تكعد راه دابا 8 وربع نوض يلاه توجد راسك باش تمشي لسنطر ولا غتبقاا ناعسة. 
مريم : ااااااهئهاااا اننن واخا انا نايضة
الأم : هيااا داباا الا ممشاشي دخل لكوزينة 
مريم : لا صافي فقت 
فقت

ناضت مطفوجة كتقلب على تليفون لقاتو تحت فراش طافي من شارج درتو يتشارجا ودخلت لدوش دوشت دوشة خفيفة بزربة ورجعت لبيتها تقادت حدا مراياا كيف عادتها ... سروال مع تريكوا طويل وشال فوق راسهاا مع خصلات خارجين من جناب... شوية د الكحل فالعين... هزت صاكها وخرجت لصالون لقات امها وجدت فطور فطرت بزربة وناضت جمعت لوزم ديال السنطر لي غتاخد معاهاا وراق وفلوس د التسجيل لي طلبات منها المديرة باش تسجل ..... دارتهم فالصاك هزت تليفونهاا ولبست صندلتها عالية... وخرجت شعلت تليفون لقات راوية صيفطات ليها شحال من مسج فواتساب جوبتها 

مريم 💬: حبيبة سمحلي لبارح داني نعاس محسيتش براسي انا دابا ماشا لنادي ومن بعد نكملوا الهضرة بيزو..

صيفطات لهدى مسج

💬 صباح نور انا غادي ندوز موراك 

مشات مريم لدارهم جوباتها امها قالت ليها مشات... قبيلة. زادت مع طريق وكتشوف فتليفون شافت مسج 
مريم : شفتي المسج ومجوبتييش اوووكي الالة لهلا باش تجاوبي

زادت لسنطر دخلت نيشان لادارة دخلت عند مديرة تسجلت عطاتها وراق وداكشي عمرات ليها ملف ديالها ومشات لقاعة خاصة بخياطة تشوف استاذة وشنو غندير معاها لقات جوج بنات معاها كتوريهم بداية بقات واقفة حتا سلاو وزدت عندها
مريم : صباح نور انا يلاه دخلت اول نهار عندي ومعرفاش شنو ندير

...صباح نور اوكي جبد لوازم لي جبتي وتبع معايا -

بدات كتوريها كيفاش ترسم الباطرون ديال قميحة لي بيها كيبداو وكيف غدير تشد العبار وطبق.. مركزة معاها مريم بعدما وراتها مشات لطبلة كطبق لي وراتهاا تخطط وتمسح وتشوف فالبنات لي حداهاا وتسول باش تاخدها ليها 

حانية راسها شادة المسطرة وقلم كتعوج الكاف وهياا دوز من حداهاا هدى هيا واحد البنت حطات داكشي من يديها ومشات عندها

مريم : ياك لباس مالكي معفرة راه لبارح كنت غنصيفطلك مسج ونسيت
هدى: من اول قولالي متخلنيش مشحطة هكاك ، 

مريم : (بعصبية ) الا كنتي على سبة نتي تعرف

خلاتها ومشات تكمل شغلها حتا سلات ومشات ورات أستاذة لي دارت. وهيا كتوريهاا حاجة بحاجة ومريم كطبق

حتا وصلات ساعة استاذة: هادشي لي وريتك اليوم خاصك تعاوديه فدار وتقيديه فمجلد كبير باش ميتنساش ليك وتحتاجيه فالامتحان الله يعاونك مريم : شكرا بزاف ربي يخليك 
استاذة لي جات ف مريم كانت ضريفة وعندها الخاطر. 
جمعت جقلة ديالها فصاك وخرجت مع باب غادية بخطوات بطيئة.. حتا كتلحق موراها هدى كتجري. وتلهت 

هدى: وتسناي ازمر مالك صافي مطرا والو 

جرتهاا من حنكها باستهاا ومشاات شاداهاا من خصرهاا 
مريم : تفشيتي ايوا على سلامتك 
هدى: منقدرش نتقلق منك ايوا شدرتي كيف دوزتي هاد صباح
مريم : مزيان حتا استاذة ضريفة باينة غتعلمنا مزيان 
هدى: وي ايوا لهلا يحشمنا الله يجعلنا نديرو شي مشروع ههه دابا زيد يلاه باش نرجعو ف2

شدو طريق حتا تفارقو هيا مشات لدارهم ومريم لرجعت بحالهاا لقاتهم كلهم مجموعين وختهم الكبيرة امينة لي مزوجة فدار كتبكي وتغوت
الأم : والله حتا نوقفوه على حدو اليوم نمشي عند ختي ونشوف هاد الحالة لي دار ليك 
عبد اللطيف : مغادي تمشي لاعند ختك لا خوك انا عارف راسي اش غندير. امينة نوض دابا غسل وجهك ويلا مدرتش ليك العز منتسماش باك 

مريم مفهمت والو. بدات كتسولهم
مريم : ياك لباس
الأم : داك مجحوم ضرب ختك سخن عليه راسو وزرق ليها وجهها ولحمها وخدا ليها دري
مريم : لاحول ولا قوة الا بالله 
عنقاتها ونوضتها لحمام تغسل وجها. والأم حطات غدا تجمعوا على طبلة وختهاا غير كتبكي مريم : امينة حبيبة صافي مديريش فبالك خليه راه بابا قاد بيه الا مجاش يرغب ويزاوك دابا تشوفي

امينة .. متزوجاتش بيه عن حب. تزوجات زواج تقليدي وكل مرة كتجي تبكي وكيرجع يرغب وكيرجعوها ليه... 

تكلم الأب وقال

عبط اللطيف : دابا واخا ماشي غير يجي يرغب ولو يجيب جداه من القبر لا رجعات ليه حتا نوريه كل مرة يحط عليها يدو واش هاد بنت عندي انا شايطة كل مرة يمرمد فيها رجليه.. 

بقاو كيهضروا فموضوعهم ومريم معنقة ندى بنت اختهاا كتشوف فيهم وترجع تشوف فالارض ملقاات متقول.. . خلاتهم جالسين ودخلت لبيتها تكات وشدت تليفون... حتا وصلات 1:30

ناضت بدلت حوايجها هزت صاكها وخرجت دازت عند هدى لدار لقاتها خارجة ومشاو بجوج بيهم مجمعين

" هدى "
من اطيب خلق الله ضرافات وكلام حلو بنت ناس بمعنى كلمة ،صحبتها بمريم كانت بصدفة اول تعارف ليهم كان بنمرة غالطة حيت فواحد الوقت ومع صولد مكاينش والزلط كيعيط مريم كتكتب نوامر من راسهاا وتصيفط ابيل موا حتاا كتخرج فيهاا شي نمرة وتقول اه حقى غاا غلطت فالنمرة... وملي جات فطريقهاا هدى شدتهاا هيا وهاايا بالجمامع حتاا كانت هادي هيا بداية د معرفتهم.. وبقاو كيهضروا وعلاقتهم كطور ومع هدى اب ديالها بناي وعندو حانوت على قد الحال مقابلاه ليه هدى ولا بعد مرات امها ولا خوهاا صغير فينماا تكون هدى فالحانوت تصيفط لي روشارج لمريم بلا وقت وشحال مبغاات.. حتا سهل الله فواحد نهار مبروك وتلقاو فيه... ولحسن الحظ ساكنة قريبة ليها دنيا صغيرة بزاف وقفات مع مريم وقفة اخوة فكل مرة كانت تحتاجهااا فيهاا وعمرهاا كانت تسنى المقابل منهااا ...ولو.مريم ديما مقصرة فحقهاا...

وحتا من امهاتهم تعارفوا مع بعضيااتهم ولات وحدة تمشي عند لاخرا ومفاهمين كتر من عائلة المقربة.

وصلو لسونطر لقاو قاعة عامرة شدو بلايصهم وجلسو مجمعين مع بنات وفنقس الوقت كيصاوبو شغالهم...
حتا وصلات الساعة وخرجو هيا وهدى تسراو شوية عاد رجعو بحالهم كيف عادة كل وحدة مشات لدارهم... دخلت مريم لدار لقات خوتاتهاا لمياء وامينة كيديرو الحلوة. دخلت لبيتها غيرت ملابس ديالهاا ومشات جلست معاهم كتكور فالغريبة ويتفرجوا فالمسلسل التركي لي مبليين بيه... كل مرة تهز عينيهاا ف امينة لي كضحك غير بزز وكتبين مسكينة بلي راها مزيانة ولكن قلبها غيتقطع صعيب عليها هادشي لي كدوز منو مع راجلها دريوشة ماشي شي وحدة لي فيها قوة الهضرة وجهها ماشي ديال تكرفيص وهاد الحالة لي كدوز منها... تقربت عندها مريم كتحاول تهضر معاها وتنسيهاا شوية... دوزو ليلتهم عاادية بحال كاع الأياام... ...

بقاو هكاك يوم يشبه يوم نفس روتين لي يديروه اليوم يعاودوه لاغدا من بعد شهر وكيف ديما . صبح وعشية نادي.. ولفت مريم شوية بدات تدخل ليهاا فصالة راسهاا وهيا تخطط وتحلم تولي مصممة الأزيااء ويعيطوا ليها دوزيم... مشاات مزيان ويديهاا نقية كتصااوب كلشي محدق بالتاويل... وحتا هدى طلقات يديها وبدلت توجد موشترات للملف...

صباح نهار جديد فاقت فيه مريم على صوت مول الحوت لي جاي مبكر لحومة كيترزق الله... 

صبحت على مسج من عند راوية

راوية 💬: صباحو مري كيف حالك لباس امورك 

مريم 💬: صبااااح الورد مزيانة الحمد الله وانتي لباس كيف عامله

راوية 💬: وي طوب حبي انا هادي 2 جوغ باش جيت. الا كان عندك وقت وبغيتي نتشاوفوا..

بقات مريم غير كتمتم ومترددة غير القلب كيضرب...
مريم 💬: على سلاااامتك واخييرا انا غنشوف الا لقيت شي فرصة اليوم ولا غدا راوية 💬: همم اك بيبي 💞. 
مريم 💬: نخليك احبيية انا ماشا لسنطر دابا انا غنشوف وباش مكان نجاوبك. 
ناضت لبست حوايجهاا ومشات لكوزينة وجدت فطور.. عاذ دخلت امهاا كتكسل 
الأم : شكون مات حمار ولا قط
مريم : هههههه رشقاتلي اميمتي وصافي صباح الورد حياتي
الأم : اام صباح خير ودغيا باك غيخرج .. حطات الفطور وجلست حدا امهاا كتخوي اتااي ويتعاودو هيا وياهاا ناضت لبيتهاا جلست حدا مرايا كنشوف وتحنزز فراسهاا . وتهضر بوحدهاا وتقرب وجهها لمراياا. تقلب واش زغب ناض فوجهها ولا مزال
..هزت الخيط كتنتف ودوز عليه كريم يرطب
..
حطت كحل خفيف وناضت لبست حوايجهاا تفركست بالمعقول.. هزت دوزانهاا وخرجت كان الحال مزال مشات عند هدى صونات عليها حلات ليها ماماها قالت ليا مزال يلاه كتفطر طلع عندها لفوق ، طلعت عندها يلاه شافتها حلات فمها 

هدى: اوااااه لا كيف طراا هههههه مريم هادشي (سلمت عليها )

مريم : ايلا فطرتي نوض جمع نوضاا نمشيو نقضيو شغلنا

هدى: سبحان مبدل الاحوال ياكما عجبك استاذ انور ديال التربية الجنسية ومجهدد فداكشي ولد اللدينة شفت الحصة مكتجي فين تبداا حتا تنقزي نتي اللولة ههههه
مريم : ههههه وراه خصناا نتعلموا مينفعناا شنو نتزوجوا وحناا معارفينش اش غيكون 
هدى : الله الله غيدشنك ولي الامير جاك برادن ههخخخخخ 
مريم : ههههه جاك برادن شكون هاداا
هدى : والله ماااعرفت جات فمي قلتهاا وصافي 
مريم : هدى جوج كلمات نوض ولا نخليك ونزيد 
هدى : (جمعات الوقفة هانا احبيبة انا لبس دغيا ونجي 

مشات لمراايا كتقاد راسها وتشوف زين ديالها الرباااني عاجبهاا حالهاا حتا سلات هدى وخرجو في اتجاه لسنطر، 
كيتعاودو ويجمعوا على حبيب جديد د هدى لي كتوري لمريم تصاورو ودايرين غيتشاوفواا... مريم : احاااحح سعداتك اهدى هه
هدى : عندك سفيااان سكتيناا
مريم : نصابو غاا يجي لدار مرهت راسي مكرهتش نتزوج ونعيش حياتي مع راجلي
هدى : هههههه متلقلاايش حسن من انور
مريم : اهااه واخاا.... 

وصلو لسونطر .. دخلو كيسلموا على بنات... مريم دارت بلاصتهاا دغيااا وبفمهاا المشرك غاا كضحك دخلات فخاطر كل وحدة معاهاا.. كدخل مباشرة عند المديرة تسلم عليهاا عاد مشات لبلاصتهاا فالمكينة شادة طرف التوب كتعلم فيها الخيااطة وكيفاش تلوي الخيط وكيف تركب الابرة والاستاذة حداهاا... تسطر ليهاا الشريط بالطباشير كتبت مريم الابرة وتزيد بالماكينة مرة تجيبهاا هياا هاديك مرة تعوجهاا. حتتا كتقااددهاا.. دوزت حصة الصباحية دالخياطة وصلت الساعة الدخروج وقفت حداهم المديرة وعلمتهم بلي العشية عندهم اجتمااع بلاماا يجيو .. فرحت مريم وهدى ولقااوهاا من الجنة ونااس.. 
هدى : ههه ااح قلبي كنت كنتسنااهاا نيت بحرا نخرج نطلاقااا زوج المستقبل 
مريم : نيت حتاا اناا نطلاقاا سفياان ولا حمزة راه يكونو غاا جالسين 
هدى : داباا قلبك شكون باغي غاا هضر نيشاان متعملناشي بحال المسلسلات التركية ههه
مريم : لهلا يحييك زعمة مالي منستااهلش 
هدى : ههه عرفتي زيد يلاه تغداا معاياا نعدلو شي طورطية توجد دغياا ونوجدو راسناا نخرجواا 
مريم : اصلاا اناا كنت، ماشاا معاك غا زيد
مشات هدى هياا ومريم لدار... لقاو غا حانوت محلول ويماهاا فيه كتبيع هزت 4 بيضات وطلعت هياا ومريم لفوق دخلت نيشاان لكوزينة كتوجد الطورطية ومريم جلست فالدروج كتصيفط مسج لحمزة وسفياان تشوف فيهم شكون مسالي تخرج معااه.. جوبهاا غاا سفيان وقال 
سفيان : اناا نسالي لي ف يدي ونمشيو نضربو شي باسيو 
مريم : اوك ساعة صوني علياا...
حيدت صندالتها ودخلت لداخل عند هدى واقفة كتجمع حداهاا تغداو غاا تماا ..
مريم : هدى انا الا قلت لماما مكينش سونطر فعشية غتشدني فدار ضبر ليا شي شغل من جنب
هدى : هههههه متقولي ليها والو وهنينا
مريم : عرفتي شنو اجي مورايا وحدا ماما بقا تهضر قولي وسربي دغياا راه غنجبرو بلايصنا عمرو راحنا تعطلنا.......... كدا كدا 

هدى : امم تعلميني نكذب واصلا انا غنشوف سعد حتا 5 دعشية ويلا جيت ندوز موراك خاصني نجي عندك مع 2:30 كيف غنعملو 

مريم : هضرنا معاك هضرة وحدة اجي مورايا وخلينا نخرجو بكري نضورو انا وياك نمشيو لشي جردة نتشمشو فيها حتا يجي الوقت ونتي سيري تلاقايه
🎶
مريم : مسج انشوف........ ... اويلي هاداا سفياان قالي نتشااوفو مع 6 كيفاش غنعملاا وباباا غيجي بكري هواا وخاي 
هدى : قولو معندك كيفاش تعمل.. 
شدت مريم تليفون كتهضر معااه وتشرح ليه الوضع ديالهاا حتاا تفاهموا على 4:00 دالعشية... 
سلمت على هدى وخرجت كطير دازت عند مولات المكياج. خدات عكر وكريم وريحة وزادت لدار... لقاات غاا امينة كتلبس جلابتها تجيب بنتها من الحضانة.. حطت مريم صاكهاا ومشااات تجيبهاا... لقاتهاا بقاات بوحدهاا فالروض واستااذة كتسنى يجيو يديوها.. هزتهاا بين يديهاا ورجعت لدار.. لقاات امهاا جات ولميااء وباهاا دخلو موراهاا.. تجمعوا على طبلة دالغدا ومريم دخلت لبيتهاا كتخمم فالموعد دالعشية وتليفون فيديهاا طالعة هابطة فالفيس وراوية غا كتبرطاجي فالتصاااور مغريين ومريم حالة فمهاا فيهم.. 
مريم : راوية ههه رويتيناااا بزينك 
راوية : ههه نتي كتر صافاا بب 
مريم : بخير نتشااوفو غداا الا مسالياا
راوية : من داباا مساالياا اجي عندي
مريم : لا ليوم عندي موعد مع سفياان لي كنت عودت ليك عليه 
راوية : امم هه هكاك قوولي مسخنة القضية عندكم 
.. 
شافت مريم مسج طلعت حاجب وهبطت حاااجب وبقااو ضور فعينيهاا كتفكر اش غتقوول ليهاا حيت اول مرة يهضر معاها شي حد بهاد الطريقة... 
مريم : نو حبيبة مكااين والو غنتشاوفو غا فشي بلاصة وصافي 
راوية : اذن كيف والو لقاء ممل عندك 
مريم : ههه علاه كيف كيكون لقاء فنضرك 
راوية : ايواا داكشي خصو الوقت باش تعرفيه سير تو الا كنتي كتبغي شي حد بصح.. مخاصكومش تكونو كوم دي زامي عادي فهمتي راه ضروري تمتعي بيه ويتمتع بيك وتعيشو لافي
طلقاااتهاا مريم بضحكة حتاا طلت عليهاا لميااء 
لمياء: الله يستر الله يكتب السلامة كضحك غاا بوحدهاا مع تليفون الله يستر 
الأم : ورجوع الله امريم رجوع الله. 
بداات كتسد فمها شادة الضحكة وعينيهاا حومر بقوة الدموع دالضحك .. وصلاتها صورة د راوية فوضع ساخن .. صرطاات الريق بزز..وكتبت ليهاا 
مريم : ايه ده كولو هيا حصلت ههه 
راوية : هه عادي وانتي ! 
مريم : عمرني هه حتا نتزوج وكلشي يكون بحلاوتو 
راوية : هههههههههه زواج !! من نيتك معتامدة على زواج..اصلا عادي الا عشتي حياتك مع شي حد باغاااه اماا زواج كيجي من بعد ولا مكانش يجي سيدو 
مريم : راوية راكي حتاا نتي عارفة تقاليدناا وعداتناا بنت خاصهاا تبقاا عزبة ومحافضة على شرفهاا حتا يجي ولد الناس لي يستاهلها عااد تزوج وداكشي كيجي من بعد ماشي داباا واصلا فدينا حرام 
راوية : حرام ههه من نيتك . هادشي عادي وبزاف الله مرخص ليناا كلشي نديرو لي باغيين غاا حناا كنصعبوا الامور وتفهاات ديال شيااب لي ولدوناا هضرتهم الحااامضة مفيهاا والو الا عشتي حيااتك وتلذذتي بيهاا زواج خليه اخر همك 
سمعت مريم الصوني فالباب وعيطاات لمياء تشوف الا كانت هدى طلع عندهااا لفوق...

مريم : حتاا يجي ولد ناس اختي حتااا يجي هه 
دارت تليفون فجيبهاا وهدى دخلت عندهاا مفركسة مقاادة... شدت الباب ومشاات حلت الماريو لهدى تشوف معاهاا اش غتلبس لوناات كلشي هبطت الماريو كامل فالأرض كتقلب... لبست حوايجهاا سروال جين رجليه مطويين من التحت وقميجة طويلة كمامهاا مطويين . وبراسلي وساعة فاليد دشمال وخاتم د النقرة فاليد اليمنية منقوشة باسم مريم...خداتو ليها هدى فعيد ميلادهاا... قداات زيفهاا وتقيشرات رقاق جبدت صباطهاا لبسااتو وهدى حداهاا كتقادد ليهاا.. هزت مريم صاكهاا وخرجت هياا وهدى جلست حداهم مريم وهدى شافت فيهاا.. 
هدى : ه نتي عاااد غتجلس نوض دغيا راه تعطلناا وعاد غنزيدو نتعطلوا 
مريم : بلاتي اهدى شوية جلس حاحناا نايضيين 
هدى : مريم هاناا ماشا راه غنجبر دنياا عامرة 
الأم : حيد حوايجك ونوض غسل ديك الكوزينة الا كان باقي الحال 
مريم : هه هاناا نايضة أيما شعندك عوتاني 

غمزت هدى تبعااتها 
الأم : عوتاني تعطل خاي ايجي بكري يجبرك عوتاني كطوطح يحرم عليك الخروج 
مريم : وماما هضر معاه اناا الا تعطلت غنكون غاا مع هدى فدار وصافي 
هبطاات هياا وهدى لتحت دخلو لسفلي خاوي حيدت زيف ديالهاا وحلت الصاك كتجبد منو المكيااج وبدات طلي فوجهها وهدى كتذهن ليهاا كحلت بالزربة وهدى كتقاادد ليها الشرطة فوق العين .. حطاات عكر خفيف وقدات زيفهاا عشوائي وشعر خاارج.. وهدى حداهاا حتا هياا كتقاادد هزت صباط فيديهاا وخرجوا كيتسلتوا ..شدوها خلفة وحدة حتاا وصلو لبرادة د الطكسيااات.. شدو طاكسي كبير مداحسيين.. حتا حطهم فالمحطة لي كاينة فالمدينة... تماا كيطلقاو جميع،العشاق فالمقاهي والكبريهاات والاوطيلات الفااخرة لي كتشوف فالبحر.. بقااو غاديين مع الشاارع وفينماا يوصلو حدا شي بوتيك يوقفوا يقاادو راسهم ويشوفو المكيااج واش تخصر.. وحدة كتصور وحدة بجميع لي بوز... حتا سمعت مريم تليفونهاا كيصوني.. شافت سفيان 
مريم : سفياان 
سفيان : مريم اناا جيت انا قريب لكافي ***** 
مريم : حتاا اناا قريبة ليهاا اناا ماجاا... (قطعت ) هدى مخلووعة اختي ههه المهم انخليك داباا ملي تكون ماشاا صيفطلي مسج نجي عندك 
عدى : واخاا حتا انا انمشي يلاه نوصل .. 

مشات مريم كتقادد راسهاا ومشيتهاا حتا وصلت لكافي دخلات وهوا يشير ليهاا سفياان مشاات جيهتو بغاا يسلم عليهاا بوجهواا مدات ليه يديها وجلست قبالتو „ 
سفياان : عاش من شاف زين 
مريم : هه احم ايوا شكتعاود شنو جديد
سفيان : جديد مريم حداياا وكنشوف فيهاا ههه 
نادل : مرحبا 
سفيان : قهوة بلا سكر... 
شافت فيه مريم وبداات تمتم اش غتقوليه 
مريم : بلاتي شوية.. 
مشاا نادل وزادت عند سفيان 
مريم : قولو نتيناا عصير وباستيلي هادشي لي كنعرف 
سفيان : ههه وشنو فيها 
مريم : ايوا انا عمرني مشيت لقهوة حتاا كنخرج معاك نتينا.. مرة اخرة هادشي لي تقول 
سفياان : واخاا لالة... 
رجع نادل حط ليه قهوة وخداا طلب د مريم وهيا حناكهاا حومر.. 
سفيان : ايواا شنو تماا 
مريم : بالعربية نوض جمع راسك واجي 
سفيان : والله مااكرهت ولكن دابا مرون فشحال من حاجة ومعنديش سكنة على اقل خصني نضبر شوية واول حاجة هياا غنجي نهضر مع باك 

حط ليها نادل ومشاا بحالو.. 
سفيان : فهمتي امريم انا ناوي معاك حلال مكنتفلاش 
مريم : داباا نشوفو هاد فيلم ديالك فلين عيوصل واش بصح ولا غا الهضرة 
سفيان : تيق بيا والله حتا باغيك غير الوقت لي مرونة القاضية .. 
جرت الطبسيل عندهاا وكتاكل بلبااقة وتشوف فيه وتصنت ليه دافعة عليه الكبيير واخاا طايحة فيه ... كملت كاسهاا وخوات طبسيلهاا عاد خرجواا كيتسراو حدا بالبحر... حتا وصلهاا مسج من عند هدى 
هدى : الله يحرق جدر د باباك مسخيتيش وااانوض نووض اناا ماشاا بحالي ونخليك نهار د الزمر هاااادااا تف 
شافت مريم المسج وهزت عينيهاا ف سفياان لي كيحصرها تزيد تجلس معاه.. عطاتو موعد مراا خرا.. سلمت عليه ومشاات كطير عندهاا لقااها كتاكل جناابهاا ...

مريم : اويلي مالك خلعتينيي شكااين ياكماا شافك محمد رضاا 
هدى : هدااك وجه اللفت شحال ويااناا نتسنااه ونطوطح فالزناقي وتقوول واش جااا. صيفطلو مسج شافو ومجوبشي وملي صوونيت عليه جبرت زمرو طافي 
مريم : هههههههه زمرو حلف حتاا زمرو ههههههه
هدى : الله يخليهاا سلعة هه 
مريم : والله وكون غاا كليتي معايا باستيلي وتنوبناا انا وياك على ديك كاس د العصير حسنك من هادا ههه
هدى : زيد يلاه نمشيو بحالناا مفياا منهضر غنباتو فالزنقة 
مريم : انتيناا بعداا شوية ماماك مكتقول والو اناا لي يمااا كتحول فماا وتسد وذناا هههه 
هدى : اناا انمشي معاك لدار وديك ساعة نرجع بحالي المغرب كتوذن سمع. 
مريم : يلاه نشبرو طاكسي راهم كيعمروا.. 
هدى : ومسح بعداا كمارتك هياا اللولة.. 
طلعوا فالطاكسي وزادو لدار.. حلت ليهم لمياء وطلعواا لقاو امها واقفة فالدروج 
الأم : فاين هاد التعطيلة كاملة 
مريم : هه ها لقلناا يما جا باباا
الأم : دابا وهوا جاا 
مريم : يلاه سليناا انا وهدى خرجناا شوية طلقناا رجليناا ومشيت مع هدى لدار عدلت معاهم ميريندا مسكينة عصير والحلوة خير هههه. عاد جينا
هدى : قبل عليا اختي وصافي متماا والو يلاه نخليكم تصبحو على خير
مريم : واخاا اختي تهلالي فراسك وساعة نهضروا فالمسيجات هدى : واخاا زيني 

هبطت هدى ومريم تبعاتهاا لباب حتا مشاات ورجعت طلعت بحالهاا لبيتها بدلت حوايجها وخرجت جلست حداهم امها وامينة كيتفرجوا سامحيني ولمياء كتقري ندى مقاتلة معاهاا على حروف مكيخرجوش ليها مسكدين 
خوات مريم اتاي وجبدت تليفون لقات راوية 
مخليا ليها مسج ....

راوية 💬: وبقاي تسنى ولد ناس تمى بقيتي هيهيهي شوفي ليك شي بقوص وتمتعي يالحياااة 😋😋 ملي تكوني مساليا صيفطلي مسج نهضروا... غدا نتشاوفو! يااك؟. 

شافت مسج ديالهاا وبقاات كتفكر واش تشوفها ولا لا. كان عندها احساس فشكل 
متخوفة من هاد الشوفة ديال اول مرة ... 
صيفطات ليها مسج

مريم 💬 : ههه اهلين لباس عليك غدا الا كنتي مساليا فصباح غنتشاوفو اش بان ليك واش نجي 

شافت مسج 

راوية 💬: اكيييد غنكون كنتسنااك ازين ديالي 
مريم : غنتشاوفو 
راوية : غتجي عندي للأوطيل لي نازلة فيه ف **** نفطروت انا ويااك 
مريم : معرفتشي هاد البلاصة فاين جات المهم انا نسقسي طاكسي ونجي 
راوية : اوك.. 
دخلات عند هدى تسقسيهااا كيف بقاا الخاطر 
مريم : الحبيبة مرات خويا فينك كيف بقيتي هدى 💬: بعد مني امريم حرام واش بغات تبرد ليا هاد فقصة شبعت بكااا جاتني حرقة 
مريم 💬 : نساي زبل انا غنزوجك بولد ميمتي وغتولي مرات سي ياسين يلاه ضحكي هدى : كتسطاا علياا كنشكيلك ونتيناا كتزلل بياا 
مريم 💬 : الا تزوج بيا سفيان والله حتا نزوجك بخويا 
هدى 💬: حتا تقضي غراضك ابنت حرام الله صافي امريم ميك علياا شدت معاهاا مريم الهضرة كتحااول تنسيهاا فنهارهاا... حتا صوناا عليها سفياان وناضت دخلت الطواليط طلقت الماء وشدت الهضرة معاه حتا سمعت دقان فباب خبات تليفون وحلت لقاات ندى واقفة 
باغاا دخل الحمام شدت تليفون بين وذنيهاا وكتاافهاا كتهضر وضحك هزت ندى حطاتها فوق لاساش وبقاات غاداا جاياا حداهاا كتهضر... حتا قطعت مع سفيان غسلات ليها وخرجوا مشات لبيتهاا. وامينة كتوجد العشاء فالكوزينة وامهاا شادة ستيلو وكتاب ولمياء حداهاا كتعلمهاا تكتب .. 
حياتهم زوينة ولو ناس على قد الحال مشين مع الوقت خوها ياسين بوليسي غير خدمة خدمة نهار كيكون روبو كيعطيها غير لنعاس يفدي ماا ضاع باهاا لي ديماا كراج يخرج نقي من دارو يجي عاامر نجارة .. روتينهم يومي هادا فاش كيدوز ديما... 
دخلت مريم لبيتهاا بقاات متكية شوية حتا دخلت لمياء تكات فبلاصتها كتهضر فالتليفون بعصبية مع خطيبها قطعات عليه ورمات تليفون
مريم : مالك شكاين ياك لباس! 
لمياء: مروان باغي يدير العرس فهاد شهر. وانتي كتشوف كيف ماشين بابا مزير مع ديووون وزيد عليهاا مشكيلة د امينة مع راجلها ومحاكم طلع هبط وحنا غنوضو نعرسو دابا حتا تهذن القضية ويحن الله وهوا مبغاش 
مريم : مال هادا مكيراعيش لضروف صافي خليه ميكي عليه بلاما تحرقي اعصابك لمياء: عرفتي امريم بلاما تزوجي قراي وخدمي وعيشي حياتك حسن ليا من صداع راس
مريم : ايييه عندك الحق ولكن حتا لسفيان لا لمياء: ههه مزالين كتهضروا 

مريم : ضروري خاصو غير يجمع راسو باش يجي 
لمياء: هكاك مبقيتيش ساهلة اسليعفانة 
دخلات امينة حتا هيا امينة: ضحكونا معاكم اش تما
لمياء: كنهضروا غير على زواج مفيه نفع غير صداع راس
امينة: ااااااه (تنهدات ) زواج فيه وفيه ونتي وزهرك انا وفؤاد ديما كناا مزياانين وكنبغيو بعضيااتنا ولكن خالتي حكارة بزاف هيا سبابنا وتحرضو عليا. حتا حرماتني دابا من ولدي لي توحشتو بزاف وحتا بابا حرام واش خلاني نمشي نشوفو....

لمياء : بابا باغي يدير ليك العز ماشي ترجعي مذلولة عندو صبرتي وزيدي صبري تواحد اختي مفربح ولكن شحال مطال زمان غيتوطااا للأرض .. 
مريم : عندك الحق لمياء فالهضرة لي كتقولي دابا ربي يصاوب ليك اختي وقافي 
وهيا غير كتبكي .. حتا حلت امهم لباب
الأم : دايرين ليا الحلقة هناا وانا وباباكم مخليينا بوحدنا كنتسناوكم نوضو تعشاو وليل مزال طويل ارا متهضروا „ 

ناضو خرجوا تجمعوا على طبلة مريم دخلت مع امينة لكوزينة يحطو العشااء.. حتا دخل ياسين عندهم تعلقاات فيه ندى 
الأم : ضاربينك بمغرف اولدي يلاه كيحطو هه ياسين : يلاه كملناا.. امينة لباس 
امينة : الحمد الله اخويا لباس 
تجمعو كلهم كيتعشاو فصمت .. كملات مريم عشاهاا مشات لحمام غسلات يديها وسنانها دخلات لبيتها خلاتهم مجموعين شدات باب وجبدات ماريو تشوف اش غتلبس غدا. حتا حاجة معجباتها وكلشي ملبوس وشي موسخ وحلات وبقاات كتخمم واش تعيط لهدى ولا شنو دير.. وهيا تعيط لمياء لميااء لميااء... >> 
دخلات عندها لمياء كتشوف فالروينة 

لمياء: نعام هانا شنو بغيتي
مريم : كبيدة ياك انا ختك لعزيزة وكتبغيني لمياء: ودغيا بلا مقدمات. لي خصك جبديها من طبقتي دحوايج راني عارفاك ملي كتجيني بهاد طريقة موراها خاصك شي حاجة
طاارت عليها مريم تعنق فيها وتبوس طيباات ليها حناكهاا 
لمياء: عوجتيلي حنكي مناقس وخرجي جمعي ديك روينة دالكوزينة الا بغيتي تاخدي حوايج
مريم : ضروري مقابل هانا مشيت

جمعات مريم ديك روينة كلشي تفرق امينة دخلات لبيتها ودخلات ندى معاها كتنعسها والأم والأب مشاو ينعسوا خوها تجبد فبلاصتو فالصالون لمياء شدات تليفون ومقابلة مع مريم ف البيت. نموسياتهم مقابلين كتقلب من هاد الجهة وترجع لجيها خرا تهز تيلي تحل تشوف وترجع تحطو. وتعاود تقلب حتا داها نعاس ومريم حاطة تليفون وكتشوف غير فسقف وكتخمم. حتا تغمضو عنيها..

"صباح نهار جديد " 
ناضت مريم على بوسات ديال ندى 

عنقاااتها مريم وغطاتها حداهاا كتفرق لوسااتهاا على وجهها... حلت عينيهاا مزياان وناضت نوضة وحدة كتستوعب
مريم : نادي حتا لعشية اذن صباح غنتشاوفو انا و راوية..
شافت فلمياء لقاتها غارقة فنعاس هزت ندى وخرجت لصالون لقات امها وامينة كيفطروا . مريم : يما لمياء مغتمشيش لحضانة اليوما شفتها صبحات ناعسة! 
الأم : نوضتها قالت راسها كيحرقها ومغتمشيش... 
رجعت مريم لبيتها هزت فوطة وحوايجهاا ودخلت لدوش لي كاين فالدروج طلقت رشاش وبقات تحت منو كدوش وتخاايل والأحلام طايرة قبالت عينيها.. لبست بينوار وفوطة فوق راسها كتنشف فيهاا لبست حوايجهاا الداخلية وخرجت لبيتها دارت تليفون يتشارجا هزات حوايجها سروال جين وتريكو كحل. ويديه مشبكين
دارت كريمات لوجها وعكر خفيف وزيف فوق راسها وروايح صباط عالي كحل بحال ليبوط... جمعت صاكها وخرجت جلست كتفطر بزربة وامينة كتبدل ل ندى وكتجمع ليها ادواتها فالمحفضة ..
امينة : ماما هانا غنديها لحضانة شوية ونجي
مريم : غير خليها انا غنديها غير جلس ورتاحي. 
امينة : واخاا صافي 
خرجت مريم شادة ليهاا فيديهاا ومحفضة ديالها بيد خرا ملي قربو لحضانة شرات ليهاا من الحانوت شكلاط وسقاطة باسهاا وخلاتها حتا دخلت وشدت بلاصتهاا عاد مشاات جيهت طاكسي...

شدت الطاكسي واتصلت ب راوية .. علماتها بلي جاية وشنو تقول لمول طاكسي.. نعتات ليهاا مزيان فين توقف ... بقاا غادي طاكسي مسافة طويل حتا وصلت .. خلصاتو وخرجت كتشوف ريات ديال كاع الدول وشعار فجنب اوطيل كبير وحراس الأمن واقفين فالباب وناس خارجة داخلة ومستفين سيارات فخمة فباب الاوطيل... هزت تليفون وصيفطات ل راوية مسج.. 
مريم : ختي هاداا اوطيل ماشي قهوة مفهمت والو.. هزت راوية مسج ديالها وجوباتهاا 
راوية : فين نتي داباا
مريم : فباب اوطيل *** 
راوية : صبر.. 
هزت مريم عينيهاا كتشوف فبرا اوطيل كيف دايرة وضور وجها لكاع جوايه كتسناهاا منين غتخرج.. حتا شافت حارس كيهضر بالسمعات فوذنيه هبط فالدروج دالأوطيل وجااي كيقلب بعينيه وقف حداهاا هضر بالفرنسية... 
.... واش نتي من طرف راوية !
خرجات مريم عينيها فيه معرفاات باش تجاوبو فهمت غاا راوية...
مريم : واش هناا راوية ! 
هضر معاها بالدرجة وقال 
... اه هناا تفضلي معايا.. 
زاد فالأول وهياا موراه دخلهاا لداخل ونعت ليها لاسنسور طلع لطابق 7 خلاتو رجعت لبلاصتو ومشاات جيهت لاسنسور وقفت حداه معرفات فين تبرك ولا كيفاش غطلع بانو ليهاا الدروج وناس شي هابط شي طالع... تحل السانسور وهيا تلقاا راجل كبير وقف حداهاا 
... تفضلي معاياا 
حناات راسهاا ودخلت معاه حتاا طلع السانسور لفوق تحل ومشااو مع الكولوار حتا دخلو لمقهى كبيرة ناس فيهاا قلال حلت مريم فمهاا وطار عقلهاا فين هيااا وفين حاطة رجليهاا .. 
.... تفضلي شوية غطلع راوية من لاشومبر ديالهاا شنو تبغي تاخدي 
مريم : لا والو شكرا بزاف انا نتسنااهاا .. 
... مرحباا
مشاا وجلست فطلبة كتشوف فالناس والبالكون لي كيطل على البحر فالمنضر جميل... هزت تليفون تشوف اش فيه ويديهاا كيترعدواا وبارديين عليهاا بقوة الدهشة مخلطة مع الخلعة عقل كيقوليهاا نوضي سيري بحالك وعقل كيقوليهاا غا جلسي ... حنات راسها الأرض كتفكر كيفاش غتهضر وشنو غتقول حتا بانت ليهاا جاياا جيهتهاا بابتساامة مرسومة على وجهها...
بشعرهاا الأشقر وجهاا الأسمر وطولتهاا فصالة منحوتة لابسة تيشورط قصير نص كم وسروال جين وسندالة د الصبع... زادت عندهااا وتعانقوااا ومريم كتشوف فوجهها وترجع تعنقهااا.. جلسو كيشوفو فبعضياتهم ومريم بالهاا غاا مع جلست راوية لي دارت رجل فوق رجل وحلت علبة حداهاا جبدات منهاا كارو وهياا كتهضر
راوية : ايواا صافاا 
مريم : (بدهشة) بخير احم لباس وانت 
راوية : تري بياا ... اسماااااعيل هيه اجي .. 
... وي لالة 
راوية : مشروب بارد لمريم وقرعة باردة 
.... مرحباا
مشاا نادل ومريم حالة فمهاا فيهاا وراوية راسمة ابتساامة على جهها وهياا كتشعل كارو .. 
راوية : ايواا اخيرا تشوفناا 
مريم : الصمت 
راوية : معرفتش بالضبط شنو خلاني نهضر معاك وشنو خلاني نرتاح ليك بحالا كنعرفك ومن طبعي مكنبغيش نتعرف على ناس بزاف بالخصوص لي مكنعرفهومش
مريم : سبحان الله حتا انا نفس شيئ ولكن وقيلة القلب على القلب كل واحد وفين دفى خاطرو وكتاب وتشوفنا. ميحسابش ليا نتي زوينة هاكا بزاااف فخبااارك (بتوتر ) حسااب لياا ماشي تصاورك هادوك لي كنتي تصيفطي ولي كنشووف كتبارطاجي
راوية: حتا نتي زوينة مي علاش خانقة راسك بداك زيف حيديه خلي الهواء يضرب فيك راكي كتباني كتر من عمرك. 
مريم : ولفت نديرو من شحال هادي اولا بابا فارضو عليا ثانيا انا مرتاحة فيه الا مدرتوش كتجيني شي حاجة ناقصة
راوية : اه بون!! نن ماشي هاكا انسان خاصو ....

نادل : بصحة .....
حط النادل فوق الطبلة حل ل راوية قرعة فيها مشروب ابيض كيخويه ليهاا فوق الثلج.. ومشاا... 
هزت راوية كاس وغمزات مريم وقالت 
راوية : حتا واحد معندو الحق يفرض عليك شي حاجة ونتي مخصكش تكون هاكا حياة زوينة خصك تعيشيها ماشي تغوميها 
مريم : راوية كل واحد وكيف تربى وكل واحد وكيف عاش وانا عايشة فوسط اسرة محافضة ناس محتارمين وبزااااف وكنسمعوا كلام وليدينا ولو حنا معجبناش حال ولكن مفروض علينا منقدرش ندير شي حاجة واليدية ميوافقوش عليها 

راوية : شحال فعمرك قلتيلي!
مريم : 19 عام 
راوية : صغيرة بزاف وفهاد الفترة خاصك تمتع بحياتك وبزين لي عندك وزيف مغديش يهرب كبري وديريه 
مريم : نهار تعدلو غيعجبك بزاف ومغديش تسخا تحيدو غير ممجرباشي عليها كتقول
راوية : اويلي لاااااااااا ههههه حمقتي عمري مدرتو وجامي نفكر نديرو .. 
صونااا ليهاا تليفون هزتواا ومريم عينيهاا مع تليفون راوية اخر مكاين حشمت حتا تبين تليفونهاا حداهاا..
جوبات راوية على مكالمتهاا حوار "بالإنجليزية " 
: لباس عليك توحشتك امورك هانيااا
هه مزياان... اك ..عادل لباس عليه .... فينهوا داباا... امم اوك.. حيت شفتو مصوناش عليااا وصافي.. 

سمعت مريم اسم عادل ولو مفهمتش هضرتها عرفت الهضرة على شاب لي شافت فالصورة ولا يمكن كتهضر معاه هواا نيت... 
راوية: أنس هادا صاحبناا كيسول فياا داباا تعرفي عليه شي نهار 
مريم : اه ان شاء الله مزيان واش عندك دارك هنا 
راوية: وي مي مكنمشيش ليها اكترية كنبقا فهااد الاوطيل كنرتاح فيه وملي كنقنط كنجي لكافي نجلس....

شافت فيهاا مريم (بالارتبااك ) ربعت يديها فوق طبلة وقالت : شغادي نقولك أنا واحد بنت كبرت فوسط خوتي واليدين عندي خوتي كبار 2 بنات و ولد وانا اصغر وحدة فيهم... ههه تلفت شغادي نزيد نقولك..
راوية : نوو كملي عادي
مريم : ولا امم فدارناا تربيت مفشة ومخاصني حتا خير مكملتش قراية وحتا انا مكنتش عندي رغبة فقراية صراحة راكي عارفة عقل طيش كان عندي حلم نكون بوليسية عرفتي داك حلم مزال لحد الان كيدور ليا فراسي عشت طفولة غزالة بمينوط وفرادة وتصاور بوليس واحسن نهار فحياتي هيا ملي مشيت كوميسارية ندير لاكارط ههه وشفت بلاصتي لي خاصني نكون فيها هههه 

مريم كتهضر عادي وكتخرج لي فقلبها وعينيها كيلمعواا تغرغو فيهم الدموع وراوية هازة الكاس كتشوف فيها دايرة ابتسااامة جانبية كتصنت ليها 
مريم : ولكن الحمد الله واخا موصلتش عادي داكشي خصو قراية والاجتهاد ولكن انا كانة مكيناش.. ولكن كنفكر غندير باك حر العام جاي بااغاا وصل واكيد غنوصل عندي احساس كبير وعرفتي يريييت ربي يسهل... ايوا المهم عشت بخير لي بغيتها كيجيبوها ليا وليت غير دار وشغل فالفترة لي جلست من قراية وبقيت فدار كنت اكترية ندخل لكوزينة نصاوب حلويات ونتعلم من انترنيت الحمد الله تعلمت كلشي رجعت انا مشكورة فعائلتي واخا معيكيزة هه وملي كنسالي وكيكون عندي وقت كنخرج انا وصحباتي او كيجيو عندي او كنتلقاو عند شي وحدة نديرو عشية دوزت هاد الفترة هاكا حتا دخلت لهاد سونطر وبصدفة تعرفت على ناس زوينين وهانا جالسة معاك دابا 
راوية : اك و كيف داير حبيب قلب ههه مهضرتيش عليه 
مريم : ههه شمن حبيب الله يهديك مكاين دابا غير لي خصو يدوز وقتو وصافي معقول قلال يااختي راوية 

راوية: ههه كضحكني ماشي بضرورة يكون المعقول وزواج ، المهم هوا يبغيك شي واحد وتحس باهتمام وتجبر لي يسخنك فالبرد هيهيهيهاهاهاهااهاااا

مريم : ههه لا لا ماشي حتا لديك درجة حتا يجي وقتها 
راوية : امم وهادي وقتها ايمتا خصك نتي حتا ميبقا فيك جهد ههههه 
دابا راكي زوينة وعاطية للعين واي واحد تعجبيه ويتزعط فيك عطي الفرصة راسك ازين زمت زمت زمت كيمرض مولاه 
مريم : حتا يجي وقت نتي ديجا طلقتي كنتي قبل عايشة مع راجلك ها.. (قطعاتها ) 

راوية: مريم انا ماشي حتا تزوجت انا من قديم زمااان قولي قبل حتاا منبلغ هه عايشة حياتي كيف باغا انا حتا واحد مكيدخل لا عائلة لا طاسيلة ... 
مركزة مريم مع الهضرة لي خارجة من شفايفهاا وعقلهاا مشاا بعيد كيفاش ناس كتفكر وكيفاش ناس عايشة هاد الحياة وكيجيهم كلشي عادي.. عكسهاا هياا لي من عائلة محافضة واخاا عاطينهاا الحرية تخرج وتقراا ولكن ماشي حتاا لهاد الدرجة جاتهاا هضرتهاا تافهة او كتبغي تكهن عليهااا خلاتها كتهضر حتا كملت وقالت 
مريم : مزيااان اوك.. كتشرب ! 
راوية: امم طوا !
مريم : ههههههه كنشرب الماء واتاي وقهوة وحليب نسكفي عصير راوية : ههه ولو جيتيني معقدة ميي.... ! حلوة 
مريم : جيتك معقدة دابا، ههه 
تعارف بيناتهم كان طويل وملي كيجبدو شي موضوع حتاا كيدخلو فتفاصيل ديالو كلهاا عااد يدوزو لهضرة خرا... مريم كتزيد تكتاشف عقلية راوية... وراوية بالاستهزاء كتسنت، ليهاا وضحك.... شافت مريم فالساعة لقاات وصلت 12:00 هداك الوقت لي خاصهاا ترجع فيه لدار...
مريم : نخليك اختي وصلني الوقت والعشية عندي فصالة 
راوية : مزال شوية 
مريم : يلاه نوصل والله 
راوية : اوك 
مريم : فرصة سعيدة حيت شفتك وحيت تعرفت عليك والله نبقااو على اتصال... 
راوية : اكيد .. 
ناضت راوية تسالموا مع بعضيااتهم...وشيرات بيديهاا لسيد لي طلعهاا وقف حداا مريم وبقاا غادي معاهاا حتا هبطهاا لتحت.. تحل السانسور وهياا تشوف شاب بشرتوا بيضاء شعر كثيف زعر لابس توني بالكري... وسبادري فرجدوا وشانطاا فيدو هيا وصاكادو... وقف حدا السيد لي هبط مع مريم وقاليهاا
.... راوية لفوق 
... وي سي أنس لفوق .. 
شاف ف مريم طلع وهبط فيهاا ودخل وسد الباب د لاسنسور.. خرجاات مريم مع الباب وهياا كضور وتهز عينيهاا مع الأوطيل وتشوف راسهاا فين كانت جالسة...

وهياا غادا باش تشد طاكسي وصلها مسج من عند هدى... 
هدى : اوعدي يانااا فاينك ابنتي شعند يمااك اليوماا مبنتيليشي مراا ياك لباس ولا عوتاني مشيتي تلااقاا سفياان .. 
ضحكت وطلعت الكلافي تجاوبهاا.. 
مريم : خدتي اناا ماشاا لدار اجي عندي ملي تكون ماشا صافي.. 
صيفطت المسج ودارت تليفون فجيبهاا غاادية مع كورنيش كتفكر فاللقاء مع راوية... فجلستهااا فهضرتها فعقليتهاا.. فكلامهاا لي كيزنزن ليهاا فالوذنين.. حست بلي ناس عاايشة واصلة بلا والو... عكسهاا هياا لي موصلات لحتاا حاجة عندهاا اهداف... عندهاا احلام باغاا توصل ليهم ولكن مغاديش توصل... ولو تقراا وتجتاهد ودير كتر من جهدهااا مغادي يبغي لا باهااا لي كيشوفهاا مغتقدرش على ديك الخدمة ولا خوهاا لي فيها خدام وكيشوف غاا تمارة وقلة الراحة.. واليديهاا عندهم حاجة وحدة بنت قرات تفقهاات ولات تعرف تكتب وتقراا صافي براكة عليهاا اما خدمة فاش مكان تخدم ماشي ضروري حتاا تقرا.. ومن بعد تعلم شغل دار وفلاخر تزوج.. وزوجها من العائلة وصافي ماشي من البراني لي مكيعرفووهش.. جلست فطرف وعينيهاا مغرغريين بالدموع اش غدير تحداا واليديهاا... هادي لي عمرهاا مغتكون. تصبر وتعيش كيفماا كتب ليهاا الله مغاديش تقدر... محستش براسهاا حتا جبدت تليفون ودموع هابطين من عينيهاا دخلت المحادثة مع راوية وبقاا صبعهاا واقف ملقاات متكتب ولا متقول ليهاا ترون راسهاا حطت تليفون فصاك وقفت فالطريطوار كتسنى طاكسي رجعت بحالهاا لدار يلاه حلت الباب وطالعة مع الدروج كتسمع الهضرة كثيرة والضحك.. ودنياا مقلوبة .. حطت صباطهاا ودخلت لصالون لقاات عائلتها جالسة فصالون خالها امين جا من الرباط هوا ومراتو وبناتو جوج ولدهم مع امها وخوتهاا دخلت باش تسلم عليهم وهياا تشوف فيهاا بنت خالهاا وقالت 
نورة : ههه وهاهياا جات عمرهاا طويل... 
مشات جيهت خالهاا سلماات عليه بحرر وشوق كتحسبو بحال صديق ديالهاا كتر من خالهاا حيت ديماا كيسمع ليهاا وينصحهاا وهوا لي عطاهاا الفكرة تعاود تقراا وتوصل لأحلامهاا هوا الوحيد لي مسااندها... سلمات على مراتو وبناتو (نورة/أمل) ولدهم المهدي.. وجلست حداا أمل 
أمل : توحشنااك يا بنت عمتي بزاف 
مريم : حتاا اناا والله غبرتو علينااا حتاا كبرناا 
نورة : قولي شرفناا ههه ..
جلسو بنات كيهضروا ويتعاودو كل وحدة كتهضر على حيااتها... كل مرة تهز عينيهاا كيبان ليهاا مهدي كيشوف فيهاا ويبتااسم .. خلاتهم مريم وناضت لبيتهاا لبست بيجامتهاا الوردية...ودخلت الكوزينة عند امينة كتوجد الغداا واتاي كيتشحر حداهاا.. 
مريم : امون شو عم تسوي نعاونك 
امينة : هه ضروري نهارك هاداا خرجيليناا السينية اجي بعدااا قادد هاد الشعكوكة نحسك 
مريم : اشمن نهار كيفاش

امينة : هاك شبر هز وخرج ومشي بشويوش عليك عندك تشقلب حط السينية ورجع 
مريم : وقولي بعداا شني كاين
امينة : وهضرت معااك سير ومن بعد نقولك .. 
هدت السينية وخرجت بشوية عليهاا حطاتهاا فوق الطبلة ورجعت لعندهاا خرجت معاهاا بلاطوياات دالحلوة وكيكاات .. هزت امهاا فوطة كتكب اتاي ومريم جلست حداا خالهاا كيسولهاا على ايامهاا وكيف غادية مع حياتهاا وتشرح ليه كيف غادا مع الفصالة وخياطة وهوا بحكم عندو ديبلومات عديدة فتصميم الأزياء... لنساء ولي كومبلي لرجال .. وصلهاا مسج شافت شكون لقاات هدى 
هدى : وفاااااينك ابناادم لبس عليك اناا عندوز موراك 
مريم : خالي جاا من رباط هوا ولادو مجاتش نخليهم ونمشي ملي تخرج من السونطر اجي عندي اوك الحبيبة ديالي 
هدى : صاف وااخاا اناا ماشاا.. 
بعدماا تغدااو.. وكل واحد شد الركنة كيجمع ويتعااودو ومكااين غاا ضحكهم واصل لزنقة وصلات العشية خالهاا واب ديالها مشاو لقهوة وامها وامينة ومرات خالهاا خرجوا يتسراو.. لمياء نورة امل سدو عليهم البيت كيجمعواا فالحب وزهرهم المزفت.. خرج ياسين ومعاه مهدي .. مريم هزت تليفونهاا دخلت نيشاان لفيس بوك تشوف الجديد راوية وجديدهاا كا كل يوم... تصاور جداد لفت انتبااه مريم الولد لي مصور مع راوية هواا لي كانت شافتو طالع فلاسنسور وسول عليهاا أنس .. صيفطات ليهاا رساالة كتمدح فيهاا وبجمالها... جوباتهاا راوية 
راوية : ميمي اجي عندي الا مسالياا 
مريم : حبيبتي عندناا عائلة ودابا مشاا الحال الا لقيت الفرصة اناا نقولهاا ليك ونتشاوفوا.. 
سمعات مريم الصوني حطاات تليفون طلت فالسرجم لقاات هدى. هبطاات عندهاا كتجري حلات ليها الباب وطلعوا لصالون.. 
هدى : عتق لي كاان حطو كنمووت بالجوع مفاطرة ممغدياا 
مريم : كتجااهد فراسك ولا ههه 
هدى : تعصبت بزاف من بارح صبحت مخصرة تشدات لياا الشهية 
مريم : ايوا صافي زدتي فيه هاناا ماجا تسناني .
مشاات مريم لكوزينة حطاات ليهاا وهدى شدت تليكومند كتقلب فالتلفاازة وكتهضر معاهاا. حتا رجعت عندهاا مريم حطات ليهاا 
هدى : اجي نتيناا فاين غبرتي اليوماا 
مريم : ههه لهلا يوريك ..
بدات كتعاود ليهاا مريم على لقائها ب راوية وكيف دايرة تصرفااتهاا وطبيعتهاا هزت التليفون وبدات توريهاا فتصاورهاا 
هدى : اوعدي هادي باينة شي سلكوطة مااين قلبتي عليهاا شغتعمل بيهاا اصلا والله وجبرت يمااهاا هناياا حتا نريشهاا خليك معاياا ابنت اللدينة عندك تبدلني عاود 
مريم : ههههههههههعههه ههههههههههه ههههه صافي صافي سكتي قتلتيني بالضحك المسخوطة وخليناا ندوزو بيهاا الوقت وصافي شغنعمل بيهاا انا عنزوج بيهاا نشوفوو فين نوصلو معاهاا اماا نتي مكااين حتاا واحد يجي فبلاصتك 
هدى : ايواا الله يعميهاا لك معاياا وتشوف شي قنت اخور .. 
خرجو البنات من البيت دخلو عندهم وهوماا مناكريين سلماات عليهاا لمياء 
لمياء : اهلان هدى مرحبا
نورة : سلام 
مريم : هدى هادي بنت حبيبي نورة 
هدى : مشرفة بيك ازين 
نورة : مغسي 
هدى : فاين المياء مزياانة توحشنااك 
لمياء : ايوا ماشين ازين حتا يحن الله 
هدى : توحشت ندردك فيواخ عندك العرس
لمياء : ايلا خصك دردك نوض شكون حصرك شمن عراسية وشمن زمر غنعمل اناا تزوج غاا نتي 
مريم : هيه نتينااا جمع دوقمك العيلة هضرة معااك وصافي شهاد الهضرة د الزبل 
هدى: صافي امريم ديك ساعة دوز نعندي،صافي اناا عنمشي
مريم : علاش كتنهض فيهاا هاكاا 
هدى : مريم نخليك اختي داباا 
مريم : جلس اهدى لي معجبو حال هوا لي ينوض ماشي نتي اصلا حناياا معيطنلاشي تجي تجلس معاناا 
ناضت لمياء كتنتر وتمتم بفمهاا هبطاات لتحت ونورة تبعااتهاا وهدى كتنخصص بوحدهاا بقاا فيهاا الحال بكلام قاصح لي عطاتهاا لمياء.. 
مريم : هياا معصبة مع خطيب ديالهاا ديكشي علاش ولكن واخاا هيدااك مخصااشي تعدلك هكاا هدى دار ديالناا هياا دار ديالكم فيواخ مبغيتي تجي مرحباا بيك حتا واحد مغيحصرك اختي ديالي 
هدى : هانياا مريم صافي... 

لمياء : وليت نكره نسمع كلام على العرس وزواج جات هادي كملات علياا 
نورة : شكون هادي بعداا محملتهاش وممقبولاش 
لمياء : صاحبت مريم عزاز على بعضهم ومكيتفاارقوش
نورة : عطيتيهاا علاش كتقلب عجبتيني فيهاا المهم خرجتي لي فقلبك 
لمياء : تعاودهاا لمخهاا بنادم طالع ليناا فراس 
نورة : هه وي. احم ايواا ايمتاا غتشوفيلي مع ياسين وتهضري معاه 
لمياء : حتاا نلقاا فرصة ودوزني هاد الاياام معصبة فيهم غير مع حوايجي ويكون خير ان شاء الله 
نورة: عنداك غير يشوف شي وحدة خرا 
لمياء: هوا دابا مرون غير مع الخدمة نعاس مكيشبعوش فخاطرو بقاات ليه غاا يشوف وحدة خراا 
نورة: اجي ميكونش مصاحب او عندو شي حبيبة مثلا! 
لمياء: نو مكنضنش اصلا تليفونو بلا كود وديما كنقلبو ليه ملي كيكون ناعس او مشغول فشي حاجة ومكنلقا والو من غير مسجاتك نتي وديال العائلة ، اجي بعدا فاش كتهضرو شكتقولو! 
نورة: اويلي والله ملي كنهضر معاه كيفقصني المياء قد سؤال قد الجواب مكيزيدش والله ويلا مسولت فيه لاسول ولا قالي حتا شكون نتي. كنسيفط ليه مسج وكنبدل طوف دبروفيل باش يشوفها زعمة وهكاك مكيتسوقش 
لمياء: هكاك داير فطبعوا المهم صبري حتا ندخلو شوية بشوية ونشوف ليك معاه... بقا حوار مستمر مبين نورة ولمياء كينوعروا كيفاش يطيحوا ياسين فشبكة! هدى مشات فحالها ومريم ناضت الكوزينة توجد العشاا لمياء ولات مكدير والو عطياها غير لنكير وقوة الهضرة وامينة شغل كامل ولات هزاه بوحدهاا ...

ردات مريم العشا ورجعات لبلاصتها شعلات تلفزيون كتفرج حتا كتسمع تليفون كيصوني واسم راوية طالع... 
مريم : الوو فنون فين شداها شهاد الصداع عندك 
راوية: انا فكافي بار ديال اوطيل دنياا مقلوبة مكرهتش لو تجي تنشطي حتا نتي معايا..
مريم : ههه هيا قولي منشطة مع راسك مزيان ايوا متقويش بزاف خليك صاحية معانا ههه
راوية: ههه نن مكنسكرش . سي فري مكرهتش تجي معايا شي مراا 
مريم : صراحة مكنمشيش لدوك بلايص كيجيني منهم الخوف ههه 
راوية: علاش جنون هنا او داعش مثلا ههه عادي انساان كيجي كينسى همومو وينشط شوية جرب وتشوف اش خاسرة كاع عادي وبزاف 
مريم : هههه معرفتش دابا نشوف
راوية: فالقريب نديرو شي حيحة... غاا تسنااي 
مريم : ههه اناا غاا كنضحك معاك منقدرش اختي 
————————————
خال..... ايوا اسي عبد اللطيف شنو قلتي 
الأب : ان شاء الله يكون خير البنت ليكم منلقاش محسن منكوم وحتا المهدي تبارك الله عليه ولكن دابا راك عارف المشاكيل لي خرجات ليا من الجنب مع هاد محاكم ودعاوي طلع هبط 
خال..... ايوا نشوفو مريم ونتشااورو معاها وهاحنا ماشيين حتا تقاد الامور.. 
الأب : من بعد مها دابا تهضر معاها ويكون خير 
خال.... مهدي بلاما نحتاج نشكرو ليك خدام مزيان ودابا دافع فواحد البارطمة قريبة لينا لي خصاتها تجي عندي نكملها ليها ولهلا يحشمناا 
الأب ..... عارف لي كاين والله يلاقينا مع ماحسن منا اناا باركة عليها نشوف غا بنتي هانياا دابا يلاه نمشيو لدار...
رجعات (حسناء) الأم مريم ومرات خالها وختها وبنت خالها لدار لقاو مريم فكوزينة كتوجد دخلات عندها امل وامينة يعاونوها وجلسو كيتهاودو وفنفس الوقت كيوجدو.. سمعات مريم تليفونها فالصالون كيصوني. هزاتو وتمات طالعة لسطح وهيا تسمع الضحك فدروج طلات وهوا يبان ليها ياسين ومهدي جاو دارت (سيلونس لتليفون ) شافت فيهم واتبسمات طالعت لفوق لسطح ومهدي عاطيها العين. رجع تليفون صونا 
مريم: الوو سفيان لباس راني كنت مشغولة عاد سمعت تليفون
سفيان: وتوحشناا نسمعوا صوتك 
مريم: هههه حتا انا فين شادها 
سفيان: مع حبيبتي كنهضر مكرهتش نشوفك..
مريم: متحلمش دابا حتا دير لي قلت ليك.. 
سفيان: دابا متيقاش فيا
سمعات مريم شي حد طالع بعدات تليفون على وذنها وكتسنت كان الضلام خلات سفيان كيهضر وقطعات عليه 
مهدي : ميونسك حد!

مريم: هادا نتا هههه مهدي: هوا هادا شكيدير زين بوحدو 
تكا حداها على صور لي كيطل على الزنقة 
مريم : والو غير جالسة كنتبرد هه 
مهدي : اممم ايوا اش خبارك مكتجوبنيش فالفيس بوك مدابزة معايا! ولقيت بلوك؟ 
مريم : لاا انا مبقاش عندي الفيس بوك مشاليا مهدي : اه اوكي خليليااا نمرتك باش نسول فيك مرة مرة 
مريم : (تحت اللسان) منين خرجليا هادا ... واخا اري نكتبهاليك مهدي: اك هاكي (عطاها تليفونو.. 
مريم: هاهيا 
مهدي : انا غخلي ليك مسج فالواتساب ونبقاو على تواصل وعندي بزااااف منقولك نخليك نهبط عند ياسين 
مريم : اهاااه واخا 😊 هبط مهدي ومريم غسلات وجها فروبيني دالسطح وصيفطات مسج لسفيان وهياا هابطة فالدروج... دخلات صالون لقاتهم كلهم مجموعين مشات جلسات حدا امل 
الخال.. فرصة سعيدة ملي شفناكم نتشاوفو ساعة مبروكة ان شاء الله 
الأم : علاش اخويا غتمشي 
الأب : ويلاه جيتو هئ.! الخال: المهم جينا وشفناكم ولقيناكم على خير غدا فصباح غنشدو طريق لرباط. 
الأب : معندك فين تمشي حددنا موعد العرس ديال لمياء 

(لمياء غير سمعاتها قفزات من بلاصتهااا بقات غاا حالة فمها )
وحتاا دوزو معانا العرس وتوصلو ليا البنت لدارها عاد تمشيو ههه 
الخال: اوااه خبار زين هادا الله يكمل بالخير ايمتا حددتو الوقت ! 
الأب : من دابا 15 يوم 
الأم : مقلتي ليناا والو ومزال موجدنا كيفاش غنديرو 

لمياء غير كتشوف وكتسمع تخلطت عليها الفرحة من بكياا حشمات من باهاا لي جالس ونااضت براا وطالقة الوذن كتصنت... 
الخال: وكلشي سهال اختي حتا حاجة مصعيبة فيومين يوجد كلشي.. 
الأب : كلشي غيفكوا الله الخال: المهم انا منقدرش نبقاا حتا 15 يوم. عندي خدمة بزااف المهم لمرا هاهياا معاكم تعاونكم هيا وامل ونورة وانا ومهدي غنمشيو حتا يبقا شي 2 جوغ ونجيو.. 

الأب : لي بان ليك ان شاء الله .
الأم : مزال موجدناا والو خصنا شحال من حاجة من غدا خاصنا نبداو 

بقاو العائلة كيهضروا فموضوع العرس وشنو غيوجدو .... مريم ممسوقة بالهاا غاا مع تليفون وميسجااتهاا مع راوية... 

راوية 💬: مريم بغيت ندير حفلة سيمانا الجاياا وخصك ضروري تجي حتاا نتي 
مريم 💬 : بصح نجي علاش منجيش. انا لولة هههه شنو نجيب ليك... راوية 💬: متجيبي والو هه 
مريم 💬: ايمتاا بالضبط عندك هاد الحفلة ! 
راوية 💬: نهار الاثنين مريم 💬: صافي مشااات واخاا 
ناضت نورة طلعات لطابق لي الفوق
بقاات امل كتهضر مع لمياء ولمياء كتجاوبها غاا بزز معندهاش معاها.. شي مكيحمل شي هادشي لي مكفسة فبعض العائلة... 
امينة: يلاه نوضو تعشااو العشا وجد 
خال: ومالك ابنتي عدبتي راسك اجي غير جلسي معانا حنا الحرشة مزال مشبعاناا حا لدابا ههه
امينة : مدرت والو هه مريم بدات وانا كملت. 

تجمعوا على سفرة الاكل كل واحد وشنوو شااغلو كلها وفاش كيفكر كلها وهموا كيتعشاو وكيهضروا .من بعد مسلاو ناضت مريم هيا اللولة مشات لبيتها ..

دخل عبد اللطيف لبيتو كيبدل حوايجو كانت حسناء كتغسل المواعن فالكوزينة شافتو ومسحت يديهاا دخلت لعندو وسدت الباب.. 
لأم : كيفاش هاد الشغل عندك حددتي وقت العرس بلاما تقولهاا لحتاا واحد وكيفاش غتعمل وحنااياا ماشيين بالتقرطيط غاارقين بلا والو عسااك العرس شوف غير شحال من حاجة تبعاناا بلا هاد العرس .. 
قطعهاا عبد اللطيف وقال 
الأب : شوفي انا هضر معايا مروان وقالي بلي هوا مزروب على العرس وحنا معندنا منقولو صافي انا راني مشيت نسلف فلوس من البانك ومن بعد العرس غنرد طرف بطرف. 
الأم : اويلييييي غنزيدو نغرقوها كريديات. حنا مطفرينو غير مع فلوس ناس وديوون لي عندك غا خاي امين عندك 8000 درهم ديالو فقاش عترودالو شحال عنبقااو هيداا عا قولي حتا منبقااوشي نجبرو حتا مناكلو بقالناا غا البانك. 
الأب : حسناء شغلي كنديرو وعارف ليه خرجي هاد السوق نتي 
الأم : يييه عندك الحق عندك نهار تغرق كريديات ترجع عندي انا والله لا بعت ذهبي ولا سلفت من عند خوتي هانتيناا زيد غرق كتررر .. 

خلاتو غير كيشوف وخرجت مع الباب

امل: مريم مفهمتش علاش لمياء معصبة غير وكتهضر معايا غير بزز مفهمتش 

مريم شادا تليفون طالعة نازلة ف فيس بوك وفنفس الوقت كتهزز راسها لأمل.. 
مريم : ميك عليها خليها حتاا تفش. راها عامرة على خوا 
امل: ايوا شغنديرو فبروكرام غدا 
مريم: انا غدا عندي نادي صباح وعشية. ملي نجي نخرجو انا وياااك 
امل: واخا.. عااوديلي 

بقاو سهرانين حتا مشا الحال نعسو حداا بعضياتهم 
صباح نهار جديد الشميشة صبحات ضاربة لمريم فوجها وهيا مغمومة ف المانطة. حتا سمعات صوني وبدات تفتف بيديها على تليفون فتحات الخط وعينيها مشدودين 
مريم: انن الو 
هدى: باقا ناعسة ههه نتينا لي عبرتي 
مريم: وييه نعسنا معطلين فينك 
هدى: انا يلاه جيت من نادي مشيت جبرت استاذة ديالك مكيناش تهرسات ومشات دير عملية... 
رمات مريم غطاا فالارض وناضت 
مريم : اويلي مسكينة الله يكون معاها مغتبقااش تجي دابا هدى: قالت ليا المديرة حتا تشافى شوية وترجع. 
مريم: وانتي اش درتي هدى: استاذة ديالي مشاات تشوفها فالطبيب ملقيتهاش ورجعت بحالي ههه وبابا قالي خصنا نسافرو عند عزيزة (الجدة ) ف شاون شي يومين ونرجعوا. 
مريم: سعداتك بصحتك هدى: الله يعطيك صحة كبيدة نخليك نمشي ندوش ونجمع حوايجي نهضروا من بعد 
مريم: بيزووو حبي تهلاي وطريق سلامة 

قطعات مريم وصونات على راوية.. 
راوية: اهئهاااااا الو 
مريم: ههه مزال ناعسة راوية: وييه مزال مغيسة فبلاصتي 
مريم: كيفااش ياكما بولتي ههه 
راوية: تقريبا ههه بايتة مصفياا صبحت مهلوكة.. 
مريم ملقات متقول حشمات فبلاصتها وغلبااتها الضحة 
مريم: هعهههه ههههههه. بصحتك نتي لي جات معاااك 
راوية: الله يعطيك صحة عقبة لعندك 
مريم : امين امين ههه راوية: يحسن عوانك محرومة هه جامعة بزااف فخاطرك ههه 
مريم: بحال داكشي. ايوا فين منتشاوفوش! 
راوية: انا فداري اجي عندي 
مريم: دارك فين جات! راوية: اناا نصيفط ليك لادريس فميسج اجي متلفيش 
مريم : واخاا صافي... 
قطعات و ناضت مريم وقفات وقفة وحداا وخرجت جيهت الباب لقات خالها فطر وخرج هوا والمهدي سافرواا وباها مشا لكراج وماماها ومرات خالها جالسين. كيقيدو لي خاص يجيبو. ولمياء كتفطر هيا وبنات خالها بجوج 

لمياء: وسربيو دغيا باش نمشيو نشوفو نكافة ونشوف لباسي لي غنلبس... وندوزو القسارية ناخد لي غنحتاج راه عندنا نهار مشحط 
نورة : انا موجودة غير نوضو 
امل: مريم سيري لبسي دغياا ويلاهي معانا لمياء: نوض انورة يلاه واش حنا غنبقاو نتسنااو بنادم حتا يزعتر على خاطرواا عاد نقضيو غراضنا 
مريم: غير بشوية عليك اختي نتي فعار الله انا مغنمشيشي غير برد لاحول ولا قوة الا بالله لي يعيش مع زمر بحال هادو غير سيري امل انا ماشا لنادي احبيبة ديالي 
ناضت لمياء كدرمج بوحدها خلاتها مريم ودخلالت لدوش دوشات وخرجات بالبينوار وزيف حياتي فوق راسهاا جامعاه حدا صلعتها. جلسات تفطر بزربة وماماها ومرات خالها مزالين كيقيدو اش غيحتاجوا وامينة خرجات دات ندى لروض ورجعت جلسات حداهم. 
دخلات مريم لبيتها سدات عليها لبساات حوايجهاا وقداات زيفهاا مع مكيااج خفيف و خرجات من بيتها هزت تليفون وصاكهاا وتمات هابطة مع الدروج 
الأم : مريم فين ماشا عاود نتي كيف سمعتي ختك عندها العرس وحنا كنوجدو وخاصك تعاوناا مريم : ماما ماعندي فاش نعاونكم بنتك حتا لهضرة مكتهضرهاش معايا مسكدة غير معصبة تبرد غدايدهااا فيها دير العرس ولا طهارة مسوقيش. اصلا انا عندي شغل بزاف فنادي. وحتا فالضهر مغديش نجي 
مريم خلات مها كتهضر معاهاا وتعيط ليها متسوقااتش وهابطات دزحت الباب خرجات من حومتهم شدات طاكسي جبدات تليفون رجعت تشوف عنوان لي صيفطت ليها راوية..عطاتو لمول طاكسي. وكل ساعة كطل على ساك فيه مراية كتقاد راسها حتا وصلات لواحد البارطمة كبيرة وجميلة من برا بجردات وعمال كينضفوا الدنيا حدا باب ..

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki