صورة مصغرة لـقصة أتعبني قدري

قصة أتعبني قدري

qisat 9isat 9adari qadari
رواية أتعبني قدري

كانت كتقرا القرآن ومتخشعة فكلام الله سبحانه ..قرات اخر اية من سورة يوسف وشدات المصحف وهي كتقول :صدق الله العضيم
ناضت صلاة لفجر موراها صلات الصبح وشي ركيعات ديال الاجر وحيدات شال من فوق راسها شافت فساعة وتنهدات:اووف تعطلات
مشات طلات من شرجم كما على الله تبان ليها تنهدات فاش ماشافتهاش.رجعات جلسات فوق النموسية وهي كطلب من ربي يدوز هاد ليلة على خير ماكانش عليها تخليها تمشي..شوية سمعات صوت خطوات قدام لباب قلبها ولا كيضرب فلمية خافت يكون عمها عرف انها مابايتاش فدار ..تحلات لباب تنهدات براحة وناضت طايرة لعندها:تعطلتي ندمت لي خليتك تمشي
دخلات وجلسات فوق النموسية:اجي جلسي أنعمة 
نعمة جلسات:عاوديلي اش وقع
تنهدات وحنات راسها نزلو دموعها:مابغاش باقي كيهددني اختي 
نعمة عنقاتها:صافي ماتبكيش غنلقاو شي حل
بعدات عليها وهي كتمسح فدموعها:ماكاين تاشي حل هو عندو تصاور غيوريهم ليه ويوريهم حتى لبابا.عرفتي غيقتلوني..ومصطفى ايسمح فيا..كون غير سمعت لهضرتك .انا لي هبيلة متبعة الطيش ديالي وزاطمة على الهضرة دبابا وغادة كنغني فلكباري وييلي ويسيق لي لخبار يدبحني
نعمة تنهدات كتحاول تلقة شي حل:ودابة شنو قالك
مريم:قلتلو انا غنتزوج وانحبس لغناا بقة كيضحك قاليا فسخي لخطوبة ولا غنفسخها بطريقتي قالك الكبري خدام مزيان بفضلي اناا ولكليان كيجي غير على ودي مايمكنش نمشي ونخليه..قالي غيصيفط تصاوري لخطيبي ولبابا..
سكتات وهي كتبكي
نعمة:عرفتي شغا ديري نوضي نعسي ورتاحي دابة نشوفو شغا نديرو 
مريم:ياربي ماسمح ليا يا ربي مافاجيها عليا
نعمة:امييين
مريم ناضت بدلات عليها وتخشات فبلاصتها..نعمة ماجاهاش النعاس بقات كتفكر شغا دير تا صبح الصباح عاد نعسات

نهضرو شوية على نعمة ومريم...نعمة بنت عم مريم وليديها ماتو ودابة هي عايشة معاهم ..ومخطوبة لولد عمها لي هو خو مريم..المهم ..هوما عائلة ملتزمة من صغير لكبير..ونعمة تربات معاهم على نفس الريتم دايرة حجابها ومحافضة على صلاتها وكلام الله ماكايحيدش من فمها..من غير مريم لي بعيدة عليهم كل البعد مامقتانعاش بهاد الالتزام ..حلمها تولي مغنية ولكن المحيط والجو لي عايشة فيه ماكيسمحش ليها تحقق حلمها..خصوصا الاب والاخ ديالها متشددين بزاف مستحيل يرضاو يشوفها كتغني يفضلو يدبحوها..عليها قررات تغني فواحد الكباري ماشي حبا فلفلوس لاا ..غير باش تحقق حلمها واخة بطريقة غير لائقة ..بما انه باها فارض عليها دير لحجاب فكضطر ديرو وملي كتخرج كتحيدو عايشة علامها الخاص..ولكن دابة تنادم معاها لحال فاش تخطبات وولات كتبغي خطيبها..بغات تبعد على هاد المهنة المسخة ولكن طاحت فمشكل كبير هو انه مول هاد الكباري هددها بتصاور وفيديوهات وهي كتغني خاص تبقة خدامة ولا يصيفطهم لعائلتها..

صبح صباح 

حلات عويناتها زريرقين كتحس براسها كيضرها حيت مانعساتش مزيان ..ناضت غسلات وجها لبسات عليها وقدات شالها فوق راسها هبطات لتحت للقاتهم مجموعين كيفطرو صبحات عليهم جلسات شافت فمريم كي حانية راسها وباين على وجها الخوف تنهدات ماعرفاتش باش تعاونها 
محمد (عمها):بنتي فطري
نعمة:واخة اعمي
بدات كتاكل واخة مافيها لي ياكل بالها مع مريم..بتاسمات بدون شعور فاش سمعات صوتو ضارت لجيهتو وهي مبتاسمة ..شاف فيها تاهو وبتاسم وجلس وعنيه عليها..
محمد:غير نساليو عرس مريم نفرحو بيكم تانتوما
نعمة نزلات راسها لتحت كتحشم من هاد المواضيع خصوصا من عمها
مراد بابتسامة:ان شاء الله الواليد
علات راسها بشوية وشافت فيه وبتاسمات كتبغيه وكيبغيها واخة عايشين فدار وحدة عمرو تجرأ وحاول يتقرب منها بشي طريقة ماشي هي هديك محتارمها حيت باغيها للحلال كزوجة ..صابر حتى يكتبو كتابهم وتولي ديالو..وهي هدشي لي زاد خلها تبغيه احترامو ليها وفنفس الوقت كيبين لليها شحال كيبغيها بدون اي جرأة ..
مراد شاف فالساعة:خاص نمشي لشريكة نوضو نوصلكم فطريقي للجامعة
مريم:واخة
ناضت هي ونعمة طلعو للبيت هزو سيكانهم ونزلو طبعا مريم كتركب لقدام ونعمة اللور . وصلهم للجامعة
مراد:الشيفور دابة يجي موراكم
نعمة:واخة
مراد:اجي نتي
مريم بلعات ريقها:نعام اخويا
مراد:هاد ليام بنتيلي ماشي هي هديك
مريم:غير توتر ديال زواج راك عارف قرب لعرس
مراد:متأكدة
هزات راسها باه
مراد بتاسم:كلشي غيكون مزيان ان شاء الله
مريم:ان شاء الله يلاه بسلامة
نزلات ..شاف فنعمة وبتاسم:بسلامة
نعمة بدلاتو الابتسامة:بسلامة
دخلو للجامعة كيقراو بجوج فنفس التخصص القانون .تاسن ديالهم متقارب ...كيتشابهو بزاف..خصوصا فلون دلعنين زرق مفتوح جداب..نعمة زايدة فلوزن على مريم شعرها زعر وبشرتها بيضة بزاف.عويناتها كبير ومرمشين .فيم صغيور وشفايفها منفوخين مع حنيكات واقفين..زوينة وزادها جمال حجابها ولباسها المحتشم .. مريم طويلة شوية على نعمة بيضة وضعيفة شوية..عويناتها متوسطين مع فيم صغيور ..مختالفين في الطباع نعمة مهدنة وتقيلة فتصرفاتها .مرزنة ..ومريم خفيفة وطايشة متهورة ومتفاهمين.. فعمرهم 22 سنة متفاوتين بشي شهورة

سلاو الحصص ديالهم وخرجو وقفو كيتسناو شيفور..
مريم:ماعرفتش شغا ندير 
نعمة:ماكانضنش يقد يدير شي حاجة هو حس بيك خايفة وبغة يزيد فيه..شوفي تجاهليه وبدلي النمرة نسايه عليك صافي 
مريم:نخاف يدير شي حاجة ويكون عند كلمتو
نعمة تنهدات:المهم حنا نطلبو من الله يكون خير
مريم :ان شاء الله
شافت طليفونها كيصوني طفاتو وجبدات نمرة هرساتها ورماتها:تانشري وحدا خرا جديدة 
نعمة:هاشيفور جا.خوي راسك من هادشي لاكط بقالو سيمانة خاص تكوني مرتاحة
مريم بتاسمات:ان شاء الله باش تجي نوبتك😉 ماشي غا بوحدي لي ناكل الحلوة
نعمة ولات حمرة:سكتيي حشمي شوية
مريم:ههههه اححح فوقاش يجي نهار لي نكون فيه الراس فالراس انا وحبيبي
نعمة:ركبي ركبي نتي تسطيتي
ركبو فطوموبيل ومريم كضحك وتقشب على نعمة عارفاها كتحشم ..وصلو لدار دخلو طلعو لبيت وجلسو يرتاحو
مريم:واخة كتشوفيني كنضحك راني مامرتاحاش مازال كنحس بالخوف فلداخل ديالي
نعمة:عرفتي شغا ديري نوضي صلي صلاتك راكي هملتيها وطلبي من ربي يفكها من عندو
مريم:عندك لحق
نعمة:تبتي طريقك وخلي حجابك فوق راسك وكتري الاستغفار وقراي القرآن وربي غيعاونك .ربي الوحيد لي قادر يخلق ليك معجزة من عندو ويخرجك من هاد المشكل
مريم تنهدات:ماكنتش كنفكر فهدشي بعدت على ربي بزاف ومشيت تابعة طيشي وتهوري حتى طحت طيحة خايبة ..وندمت على كلشي تافات الفوت
نعمة:لا باقي مافات لفوت إن الله غفور رحيم..مهما ندمتي وقررتي ترجعي للطريق المستقيم فراه غيغفرليك كوني متأكدة..التوبة عند الله مغفرة .ويكون خير ام شاء الله
مريم:والنعم بالله نوض نتوضة ونصلي
نعمة:تا اناا
ناضو توضاو ووقفو كيصليو بجوج مستسلمين لطاعة الله سبحانه ..سلاو صلاتهم ونزلو يتغداو ..
دازت سيمانة طايرة 
كان نهار لي قبل من لاكط..كانو كيوجدو فرحانين..
كانو مجموعين فصالة كيتافقو على غدا كي غيكون كاين حتى خطيب مريم مصطفى حاضر ..قررو باش يديرو لعرس من دابة سيمانة حيت مراد مزروب باغي تاهو يتجمع مع البنت لي كيبغي..شوية سمعو صوت لجرس...
نعمة شافت لخدامة تعطلات :انا غنحل
ناضت حلات لباب بان ليها راجل وفيديه شي غلاف:ختي وصلكم هدا فالبريد
نعمة خداتو ماعارفاش ديالاش..شدات لباب قرات سمية دمريم..حسات باحساس فشكل..شافت فيهم كانو مشغولين بالهضرة..حلات لغلاف كانو شي تصاور هزاتهم وبدات كدوزهم وحدة بوحدة وهي مصدومة كانو تصاور مريم وهي كتغني بلباس معري ولمكياج وشعرها مكشوف..تخيلات لا عمها ومراد شافو هدشي شغا يديرو اكيد ايقتوها تفكرات ان مصطفى كاين قلبها ولا كيضرب فلمية . قفزات فاش سمعات صوت مراد من موراها:نعمة شنو داكشي اري نشوف
نعمة بلعات ريقها:ااه شي بحوت صيفطاتهم لي صاحبتي خدامين عليه مجموعين
مراد:وفلباريد عمري شتها
نعمة ظارت بتسامة صفرة:هه هاد صاحبتي هبيلة شوية 

مراد:اه ايوا اجي تجلسي
نعمة:واخة خليني غير نطلع هدشي لبيت
مراد:واخة

طلعات لبيت وشدات عليها ..وقلبها كيضرب فلمية لقات شي ورقة وسط لغلاف هزاتها وقراتها مكتوب فيها شي كلام وعاد شي نمرة( زعمة لا طفيتي طليفون ماغانوصلكش هاد لمرة صيفطت تصاور بسميتك لمرة جاية بسميت خوك..وحاجة وحدا خرا واش هدي نمرة دخوك حيت بانليا نصيفط ليه تصاور فالواتساب حسن ونزيدك عندي تا الرقم دمصطفى حبيب القلب . نبغيك غدا تجي للكباري ولا راكي عارفة اش كيتسناك ماغنترددش)
نعمة حافضة الرقم دمراد ولات كترجف فاش شافت رقمو مسجل..مهما قدر يوصل للرقم دمراد قادر يدير اي حاجة..خبات تصاور تحت لمخدة فاش سمعات لباب تحلات كانت مريم
مريم شدات لباب:اش واقع
نعمة:مصيبة
جبدات تصاور ورسالة ووراتهم ليها :شوفي 
مريم تصدمات ولات كترجف غير بوحدها نزلو دموعها خافت بزاف :صاافي غيدمرلي حياتي انا مشيت فيها الراجل لي كنبغي ايسمح فياا .غيقتلووني انعمة...صافي غنهرب باش نتهنة
كانت كتهضر بحال شي حمقة وفنفس الوقت كتبكي نعمة غير كتشوف فيها تاهي خايفة مصدومة
مريم :نعمة ربي كيعاقبي على سوء أعماالي..ربي كيعاقبني حيت خنت تقة دوالديا وخويااا .حيت ختاريت طريق لحرااام .صافي حياتي دمرات..انا مانستاهلش راجل بحال مصطفى غنهبط نقولو سالينا 
تمات غادة جيهت لباب وهي تشدها نعمة غوتات ليها فوجها:فييين غدااا ..سكتي شوووية 
مريم بقات كتشوف فيها فتالي تلاحت عليها عنقاتها وبدات كتبكي بحررقة وتشهق كتحس بانها كتشوة من لداخل:نعمة انا خااايفة بزااف.غنموت بالخلعة ..
بعدات وشافت فيها:انا كنبغي مصطفى وخايفة نخسرو..خايفة من ردة فعل بابا ومراد ماغايرحمونييش..وغدا لاكط صافي انا ضعت انعمة ضعت
ورجعات عنقاتها وهي كتبكي ..نعمة عنقاتها تاهي..نزلو دموعها راه كتر من ختها ترباو بجوج وكبرو جنب بعضهم متفاهمين بزاف فيها ختها وصاحبتها وكلشي..كيفاش ماتبكيش معاها..بقات كتفكر بعدات عليها:اجي جلسي
جلسو فوق النموسية 
نعمة مسحات ليها دموعها:شوفي انا معاك ماتخافي من والو ماغانخليهش يدمر ليك حياتك
مريم:وشنو لحل راه ماكاين تاشي حل
نعمة بقات ساكتة شحال عاد هضرات:انا غنمشي غدا لهاد الكبري ونهضر معاه .نحاول نقنعو يبعد منك ولا عرفتي شنو ..غنعطيه لفلوس بحال هاد النوع كيشوفو لفلوس كيسكتو
مريم بدا كيرجع ليها شوية دالآمل: ولكن نخاف يطلب شي مبلغ كبير منين انجيبوه
نعمة:امم انا عندي شي فلوس فلحساب ديالي عاد الدهب لي خلات ليا ماما انبيعو ونزيدهم على لفلوس نعطيهم ليه وهكا غنحلو المشكل 
مريم:كيفااش واش نتي حمقة انا عارفة شحال داك الدهب عزيز علييك حيت ذكرى من المرحومة بقيتي محافضة عليه واتجي دابة تبيعيه لا سمحيلي ماغانخليكش ديريها
نعمة:سمعيني لاكان هو لحل لوحيد باش نحلو المشكل انا مستعدة نبيعو ماتفكريش دابة فهادشي صافي غسلي وجهك ونزلي عندهم
مريم:ولكن
نعمة:مريم صافي هضرناا نوضي باش مايحسو بوالو 
مريم عنقاتها:ماتصوريش شحال كنبغيك اختي ..شكرا بزااف اتغامري على قبلي 
نعمة :راك ختي من الواجب عليا نعاونك..انا متأكدة كنتي اديري نفس شي لا طحت فنفس المشكل
مريم باستها على خدها:اكيييد
نعمة:ونووضي نزلي
مريم ناضت غسلات وجها وهبطات لعندهم لتحت
نعمة حلات لبلاكار وجبدات صندوقة فيها المجوهرات ديالها حلاتو وجلسات فوق النموسية كتشوف فدهب لي خلات ليها ماماها بتاسمات وهي كتفكر مها الله يرحمها فاش كانت كديرهم ..هزات واحد سنسلة رقيقة فيها قليب ❤ كلها دهب ماسخاتش تبيعها .دارتها فعنقها اول هدية من عند باباها الله يرحمو ..جمعات دهب لاخور فمنديل ودارتو فميكة وخشاتو فساكها باش تبيعو ..تنهدات ونزلات لتحت دخلات للمطبخ هزات بريكة ورجعات للبيت هزات دوك تصاور ودخلات للحمام حرقاتهم وخرجات نزلات للعندهم لتحت جلسات معاهم ..شافت مصطفى ومريم شحال مواتين والحب تباين فعنيهم خسارة يتفارقو واعدات راسها باش دير المستحيل باش يبقاو مجموعين..من بعد مصطفى مشى بقاو غا هوما
مراد:نعمة
نعمة ساهية 
مراد رجع عيط ليها:نعمة
نعمة والو مرفوعة..مريم زعزعاتها:نعمة مراد كيدوي معاك
نعمة عاد حسات على راسها شافت فيه:سمحلي كنت ساهية واش بغيتي شي حاجة
مراد كيحقق فملامحها باغي يعرف مالها:مالكي وجهك مخطوف
نعمة:والو غا عيانة شوية
مراد:نمشيو لطبيب لا بغيتي
نعمة:لا بلاش عية خفيف وصافي
ماجدة (ام مراد):طلعي ابنتي للبيت رتاحي وشربي دوة
نعمة:واخة اخالتي ..ولكن قبل بغيت نخرج ناخد شي دوة هو لي كيوافمني تقدا لي
مراد:غير جلسي انا نجيبو ليك
نعمة:لا بلاش بغيت نشم شوية دلهوة نيت ندوز عند واحد لبنت ساكنة غير قريبة لينا على ود شي وراق
مريم:صافي اخوايا انمشي انا وياها يوصلنا شيفور 
مراد :واخة وماتعطلوش
نعمة:واخة
ناضو طلعو لبيتهم قادو لبسهم..
مريم:نعمة ماشي بضروري تبيعي دهبك
نعمة:زيدي دابة نمشيو
مريم كانت دايرة واحد الخاتم حيداتو:زيدي تاهدا
نعمة؛واش حمقة خاتم دلخطوبة 
مريم:ماشي مشكل انقلهم طاح لي
نعمة:رجعي لخاتم للبلاصتو وزيدي راه تعطلنا..
مريم:نعمة دابة غا سمعيني

نعمة:اووف شحال فيك دلهضرة ماغانبيعوش كلشي. صافي غير هدشي كاافي..زيدي نمشيو
ماخلاتش ليها الفرصة فين تجاوب خرجات وخلاتها واقفة..مريم تبعاتها خرجرو ركبو مع شيفور قالولو فين ايديهم لوسط لمدينة عند واحد كيبيع الدهب..مدة قصيرة وكانو حداه نزلو ودخلو كان خاوي..نعمة جبدات داك الدهب وعطاتو لو:بغيت نبيع هدشي
مول دهب:مرحبا
خدا داك الدهب تأكد من انه بصاح دهب..وبدا كيعبرو فالميزان لخاص بالذهب شاف فيها:هاد الذهب قديم وتقيل فلمزان ومن النوع الناذر.. باينة من عند شي شخص عزيز عليك غا من شوفاتك
نعمة تنهدات:من عند ماما الله يرحمها 
مول الذهب الله يرحمها..وعلاش باغة تبيعيه
نعمة:الضروف وصافي
مول الذهب:الله معين..جاك فالمجموع 3دلمليون أبنتي 
نعمة تنهدات تلاتة دلمليون ماشي قيمتهم هي كتعتابرهم قييمة عاطفية كتر من قيمتهم بلفلوس ذكرى زوينة لي بقات ليها من عند ماماها :صافي واخة 
مول الذهب مد ليها لفلوس
مريم:عفااك بغيت نطلبك واحد الطلاب
مول الذهب:اه تفضلي ابنتي
مريم:غالبا غدوبو ياك
مول الذهب:اه ابنتي كاين فيهم لي موضيلو قديم غنضطر ندوبو وكاين لي موضيلو واخة قديم جاي على الموضة..غنبيعو
مريم:عفاك واخة تصبر غير هاد اليوماين تخليهم عندك .كي شتيها ماباغاش تبيعهم غير ضروف ..هدو ذكرة من المرحومة.قلت زعمة يقدر فهاد اليوماين تحل الاومور وتقدر تجي ترجعهم طبعا لا سمحتي
مول الذهب بقة ساكت شحال :غير على وجه هاد لبنت باينة فيها بنت ناس وطيبة وباين على وجها شحال متعلقة بهاد الذهب..غنصبر عليها كي قلتي يقدر تجي ترجعهم
مريم:شكرا بزااف..حنا انمشيو دابة اسيدي
مول الذهب:الله يعاونكم ابنتي
خرجو من المحال 
نعمة:علاش قلتيلو ديك لهضرة
مريم:ماتعرفي مايبغيش لفلوس 
نعمة:كاين شي حد ايقول للفلوس لا
مريم:هداك توقعي منو اي حاجة زيدي دابة نمشيو
ركبو مع شيفور
نعمة:عفاك دوزني للصيدلية
الشيفور:واخة ابنتي
وقفهم حدا واحد الصيدلية نزلات خدات دوة دحريق راس وكملو طريقهم لدار ..طلعو نيشان للبيت صلو صلاتهم وقراو ما تيسر من القرآن 
نعمة:انا غنتكا شوية
مريم:واخة انا غنزل لتحت شوية 
نعمة تكات فبلاصتها وغمضات عنيها ونعسات 

جا نهار جديد

كانو كيوجدو للاكط ..مريم ونعمة فلبيت..
نعمة بتاسمات:الله يكمل بالخير اختي جيتي كتحمقي ماشاء الله
مريم:شكرا احبيبة عقبالك تانتي راه مابقة والو
نعمة بتاسمات :ان شاء الله ياربي

مريم جات بحال شي اميرة زوينة بزاف بكسوة فلزرق طويلة سامبل واسعة ملتحت وملبوسة عليها ملفوق طبعا بلكمام .مع فولار فللموف مقاد بطريقة زوينة ومكياج خفيف ناسب شكلها ولون بشرتها لبيض جات زوينة

نعمة شافت فساعة:ماحدهم ملاهين انمشي دابة عند داك الحقير ندير معاه شي حل صافي
مريم شدات ليها فيديها:نتي ماملزوماش ديري هدشي اختي 
نعمة:صافي حنا ما انبقاوش نعاودو نفس الهضرة..انلبس عليا ونغطي وجهي مابغيتوش يشوفني..نهضر معاه ونرجع دغيا 
مريم:اه حسن 
نعمة خرجات من لبيت هبطات تفقدات الاحوال ..مشغولين ومراد ماكاينش وهو وعمها..طلعات بالخف لبسات عليها وهزات لتام فيديها خرجات من دار شدات طاكسي نيشان للعنوان لي عطاتها مريم قبل توصل دارت لتام وتأكدات من لفلوس لي فساكها ..شافت فمول طاكسي وقف:هو هدا لكباري
مول طاكسي مخنزر فيها:هو هدا
نعمة مارضاتش يشوف فيها بدوك الشوفات عرفاتو فهم غلاط :عفاك تسناني شوية انخرج
مول طاكسي:واخة
نزلات وهي تسمع صوتو كيتمتم:قالك لحجاب .بهدلتو بينا😡
تنهدات مافيها لي يشرح ليه دخلات و هي كترجف قلبها كيضرب فلمية ماحاملاش تدخل جات فبالها صورة دمراد لا عرفها داخلة لبحال هاد لبلايص ايقتلها وتفكرات حياة مريم لي غدمر تشجعات ودخلات سمعات صوت الموسيقى بالجهد هدشي قبل تا ما توصل لداخل شافت قدامها جوج دلبيادر حنات راسها وبغات تدخل وهوما يحبسوها:فين غادة بسلامة
نعمة كتشوف فالارض من غير هاد الموقف .عندها واحد الطبع ماكاتهزش عنيها فرجال :بغيت ندخل
سمعات صوت ضحكتتهم
واحد فيهم:ههههه باغة تحفضيهم القرآن..اجي ياك ما تغالطو عليك لبلايص يحسابلك هاد لبلاصة هي دارك القرآن ههههه سمعي ازين هاد لبلاصة لما كنتيش لابسة نص سانتيم ممنوع دخول هههه
لبيدور لاخور:الا اصاحبي هادي راها من هادوك لي تا كيوصلو للكباري عاد كيتعرااو
نعمة ماهتاماتش لكلامهم عندها غراض جاية على قبلو اتقضيه وتمشي وماتوليش ترجع:بغيت نشوف كمال قولو مريم المغنية بغات تشوفك
بقاو واحد كيشوف فلاخور:ختي مريم هدي نتي 
نعمة:ماشي سوقك قولو هاد الهضرة
البيدور:اجي معايا راه فالمكتب
تبعاتو دخلو وسط الضجة دنيا مقلوبة بشطيح والموسيقى ولكيسان دشراب كيدورو شمأزات من هاد المكان وصلو للمكتب دخل هو لول بقة شحال عاد خرج:دخلي
دخلات وهو خرج وشد لباب موراه ..بان ليها واقف وعاطيها بالضهر عريض وطويل لابس تيشير مبين عضلاتو وعاد دراعو كلها وشام واصل تا لعنقو ..دار لعندها وهي تحني راسها حسات بيه جاي فتجاها تا وقف اونفاص معاها بلعات ريقها سمعات صوتو:شكون نتي
نعمة بقات ساكتة شحال عاد دوات:انا بنت عم مريم
بتاسم مد يديه باش يحيد ليها لتام:حيدي هدشي بعدة
رجعات اللور:لااا 
كمال خشا يديه فجيابو:اه ولاش جاية وعلاش ماجاتش مريم كتلعبو معايا ولا شنو 
نعمة:مريم عندها ليوم لاكط ماتقدرش تجي وعمرها اتجي لهنا هي بغات تعيش حياتها بعيد على هدشي واصلا قالتهالك ونت لي مابغيتيش تفهم هي كتبغي راجلها وباغة تنسة لماضي 
وسكتات حلات ساكها جبدات لفلوس :هادو باش تبعد منها وتخليها عليك 
كمال خدا لفلوس حسبها هزات عنيها فيه بغات تشوف ملاميحو كيف دايرين لقاتو كيشوف فلفلوس وكيحسبها.وقلبها كيضرب فلمية..كمال بتاسم وشاف فيها جات عنيه فعنيها دغية نزلات راسها لتحت بتاسم وقرب لعندها:ربعة دلمليون هههه تبارك الله عليكم فكرتو وخيطتو وفصلتو غا بحدكم واش فخبارك انه فاش كتغني هي كنجمع ربعة دلمليون غير فطبلة وحدة دسواعدة..حسبي معايا ربعة طبالي دسواعة بربعة دلمليون..هدا نهار لعيان ..حسبي 10 طبالي بربعة دلمليون..وزيدي عليها لغرامة لي كيلوحو عليها كااع من 5000 درهم لفوق وعاد شي لاخور كل واحد وشحال كيحط عليها راه لملاين فليلة وحدة .ههههه 
خدا ليها ساك وخشا ليها لفلوس فيه:هدا ماشي حل 
نعمة:كيفاش
كمال :كيفاش وعلاش ولو لو بلا بلا بلا هدشي ماشي وقتو يا اما تجي هي ولا راها عارفة 
نعمة:ولكن هي غتزوج
كمال:ماكايهمنيش من اول مرة جات قلت ليها صعيب تمشي من لهنا بسهولة كانت طايشة قالتلي اه غنبقة ديما هنا كان عليها تفكر فهاد شي قبل تجي لعندي .
نعمة:نت ادمر ليها حياتها حرام عليك
كمال كيشوف فيها كي منزلة راسها وكتشوف فالارض تفكر عويناتها قرب لعندها كتر زرب عليها ونز ليها لتام بغات تبعد وهو يشد وجها بين يديه وبتاسم وهو حاكمها مزيان وعنيه كتسارا على وجها باعجاب ماهتمش ليديها لي كضرب ليه دراعو :لاش مخبية هاد الزين كامل .صدقتي حسن من مريم بزااف
طلع ليد لوخرا وحيد ليها لحجاب بالخف تا ترمة شعرها على ضهرها ووغطا ليها وجها كان طويل بزاف وحرير
كمال بلع ريقو ماقدرش يبعد عنيه عليها .نعمة دفعاتو على حر من جهدها ورجعات اللور تحنات هزات شالها من الارض غطات بيه شعرها :حقييييير ماكتسوااش

بتاسم وهو كيشوف فيها ببرودة شافها هزات ساكها واتخرج سبقها ووقف حدا لباب:باقي ماكملنا هضرتنا
نعمة:مابقاات تاحاجة تقال حيد من طريقي انمشي بحالي 
جبد طليفونو ودوز النمرة دمراد ووراها شاشة دطليفون:اش بان ليك دابة نوضحو الامور 
نعمة :صافي صافي شنو بغيتي
قطع : باختصار كاينين تلاتة دالاختيارات ..مريم تجي داابة وتكمل خدمتها بلا ماشاكيل..اولا ماتجيش وانا غنصيفط هدشي لخوها ولخطيبها هدا مشكل
وسكت وشاف فيها 
نعمة:والخيار التالت
كمال:الخيار التالت غيحمي بنت عمك من الفضيحة وايخليها تزوج وتعيش حياتها مع رجلها وعمري نجي فطريقها
نعمة:اه وشنو هو
كمال قرب لعندها:نتي
رجعات اللور:كيفاش
كمال:بغيتك نتي تخدمي فبلاصتها ونتي اندير معاك مزيان انعطيك 6شهور دلخدمة علامن نلقة لباديل حيت صراحة صعيب نلقة شي وحدة زوينة بزااف بحالك.
نعمة بحاليلا تكب عليها لما بارد مصدومة من هضرتو:نت شكا تخربق واش حمق مستحييييل واخة تحلم ..أنمشي بحالي
تمات خارجة وهو يوقفها صوتو:اووكي ادن انصيفط تصاور لمصطفى ولمراد فنفس الوقت وفبلاصة لاكط نديرو الجنازة انا عارف شحال مراد صعيب يقدر يقتلها ويشرب من دمها هو وباها وعاد لفضيحة وشوهة قدام نااس تصوري فيديواتها فليوتوب كتغني اكييد باها ايموت غا بلفقصة ههههههه...
نعمة كان كيهضر وهي كتخايل حسات بلحراة طلعات معاها بلخلعة 
كمال قرب لعندها وضغط على (envoyer) :صاافي تصيفطوو
نعمة غوتاات :لااا عفاااااك لااا غدمر ليها حياتهاا
كمال بتاسم:من حسن الحض ما مخدمش لويفي هههههه . دابة موافقة ولا شنو
نعمة بقات ساكتة كتحس براسها فكاابوس وغتفيق منوو حاسة بقلبها غيوقف ولات كترجف كلهاا.سمعات صوتو:جاوبي
نعمة بلعات ريقها مريم كتر من ختها لا ماوافقاتش اتدمر ليها حياتها ..وايلا وافقات غدمر حياتها هي شنو غتقول لمراد لاساق لخباار..ولعمها لي رباها ودار فيها التيقة..حسات براسها بين نارين رااسها وبنت عمها ...فكرات فمدة 6شهور..اه ست شهور وهي فهاد الكباري مكان مسخ.ماشي ديالها..هي وحدة قريبة من الله عمرها دارت شي حاجة خايبة ..تنهداات ولكن ماتقضرش ضحي ببنت عمها ختها وكلشي فهاد الدنياا .اتعيش فتأنيب الضمير لا دمرات ليها حياتها وخلاتو يصيفط التصاور .ماغاتعيش هانية وهي كتشوفها كتعدب..قررات تصبر هاد 6شهور على قبل مريم جاوباتو بصوت محطم:موافقة
كمال:مزيان دابة نهضرو فالمهم
نعمة:انا ماكانعرفش نغني 
كمال:ماشي مشكل..المهم تكوني فلكباري..اتكوني سرباية لكليان كتفتح ليهم الشهية فاش كيشوفو شي سرباية زوينة كيحطو لفلوس باش تكلف بيهم هي وتجيب ليهم هي بنفسها داكشي لي باغين ..وانا متأكد غير ايشوفوك ايتسطاو عليك بحالي تماما
شافتو كيقرب ليها بعدات:وحاجة وحدا خرا..انخدم سرباية اه ولكن تاشي حد مايقيسني ولا يقرب مني اندير خدمتي ونمشي بحالي 
كمال:واخة..الخدمة اتبدا من 12 دليل ل3 دصباح بحال مريم اوكي ازين وغداا اتبدا لخدمة😉
نعمة خنزرات فيه قدات شالها ودارت لتام وهزات ساكها وخرجات وخلاتو واقف..كانت كتمشة بزربة باغة تخرج من هاد لبلاصة تبعد حاسة براسها مخنوقة خرجات من لكباري ضرب فيها ريح بارد وقفات وهوما ينزلو دموعها دورات وجها مالقاتش الطاكسي عضات على شفايفها وهي كاتمة شهقاتها بقات كتمشة وهي كتبكي على زهرها فين طيحها علات راسها تشوف شي طاكسي مابانتش ليها هاد لبلاصة خاوية طاكسيات ماكايبغبوش يجيو ليها من ..كانت مهدودة ومافيها لي ييتمشة باغة فوقاش توصل لدار طلع لبيت وتلاح فوق النموسية وتبكييي تا تديها عنيها .تفكرات مراد وعمها نسات انها طافية طليفون حلات ساكها شافت لفلوس تفكرات دهبها ..لي باعتو على والو قررات ترجعو خدات طليفون شعلاتو لقات بزاف ديال الاتصالات من عند مراد وعمها ومريم ومرات عمها ..داك ساع عيط ليها مراد مسحات دموعها وحاولات تبين ان صوتها عادي:وي مراد
مراد:فين غابرة ولاش طليفونك طافي من صباح وانا نعيط واش واقعة ليك شي حاجة 
نعمة:انا بخير شوية ونكون فدار كنت عند واحد صاحبتي خدمنا على شي بحت 
مراد:ولاش طافية طليفون
نعمة:مانتابهتش ليه ..عفاك صيفطلي شيفور
مراد تنهد:انا غنجي موراك فينك
نعمة كتشوف هي فين مايمكنش تخليه يجي لهاد لبلاصة :اجي حدا سينيما لي فسونطر 
مراد:واخة شوية ونكون عندك
نعمة:واخة
قطعات وزادت فخطواتها باش توصل قبل منو ..سمعات شي اصوات من موراها مابغاتش الدور كملات طريقها حتى كتحس بشي حاجة حادة على جنبها نغزاتها :وقفي بلا فرطة
نعمة وقفات وهي غتموت بلخلعة وجنوي على جنبها مقصحها..
الشخص:اري سااك 
نعمة تفكرات لفلوس باش اترجع الدهب دمها:ماغانعطيكش ساكي بعد مني
الشخص زاد نغزها بلموص حتى شهقات بلحريق وفكو ليها من يديها بسيف عليها ودفعها تا طاحت فالارض ومشا كيجري 
نعمة شادة فجنبها وكتبكي بحرقة كلشي تجمع عليها فدقة وحدة هزات يديها لقات الدم جرحها فجنبها ..صافي مشاو لفلوس مشا الدهب خسرات كلشي وخافت تزييد تخسر ..

ناضت بصعوبة نفضات حوايجها وهي كتبكيي تفكرات مراد زادت فلبكة كملات طريقها حيدات داك لتام ورماتو ومسحات وجها ..كتحس بدوخة شداها ..وصلات لبلاصة فين دايرة معاه شافت طموبيلتو مسحات دموعها ومشات لعندو خلات طوموبيل وركبات:سلام عليكم
مراد شاف فيها:وعليكم السلام كنت كنصوني عليك باش نقولك هنا وصلت ولكن ماجاوبتيش
نعمة بقات غير ساكتة
مراد ديمارا طوموبيل وتنهد حاس بيها ماشي هي هديك طريق كاملة وهي ساكتة حابسة دموعها 
مراد شاف فيها:نعمة شنو واقع راك شوشتيني قولي شي حاجة
نعمة ماقدراتش تصبر نفاجرات بلبكة بقات كتبكي بصوت مرتافع وتشهق ..مراد تخلع عليها وقف طوموبيل فجنب طريق :نعمة واش شي واحد قلقك غير قوليلي شكون .
نعمة غير كتبكي ..مراد بلا مايحس شد ليها فيديها ماستحملش يشوفها كتبكي:نعمة ماتبكيش وقوليلي اش كاين انا معاك
نعمة غير كتبكي 
مراد:نننعمة هضريي شنو واقع
نعمة مستحييل تقوليه اش وااقع هضرات بصوت بااكي:تعرض ليي شفااار دالي السااك وهرب
وسكتات وهي كتبكي
مراد بقة كيشوف فيها شحال فتالي بتاسم :صاافي هادشي لااش خلعتييني..انا غنجيب ليك هاد شفار تا لعندك وغيندم حيت دار فيك هاد لحالة صافي غير ماتبكيش
نعمة مزال كتبكي
مراد فسر لبكى ديالها انها مزال مخلوعة .نزل من طموبيل شرا ليها قرعة دلما ورجع:هاكي شربي لماا وماتخافيش انا معاك
خدات داك لقرعة دلما شربات منها 
مراد:وا مسحي دموعك
مسحات دموعها 
مراد:انا غنرجع ليك ساكك 
هزات راسها بااه تفكرات لفلوس لي فيه وعاد فين تكريسات بلعات ريقها
مراد دور ساروت ودوز شي نمرة ودار لهوط باغلور هضر مع شي كوميسير كيعرفو . سمعاتو شكا يقول هو وياه 
مراد شاف فيها:فين تسرق ليك
بلعات ريقها:غير حدا سينيما ملتحت
مراد:وكي داير لون دساك ديالك وشنو كان فيه
نعمة تفكرات لون دساك باج :لونو كحل او فيه غير طليفون وشي تخربيق شوف امراد بلاش ماشي شي حاجة مهمة انا غير تخلعت وصافي
مراد ماجاوبهاش كمل لهضرة مع لكوميسير عطاه لمعلومات وقطع شاف فيها:باقي ماخلاقش هدا لي يبكيك ويخلعك سمعتيني
نعمة بقات كتشوف فيه نزلو دموعها خايفة تخسرو حيت هي كتبغيه بزاف..مراد بتاسم وهز كلينيكس ومسح ليها دموعها:وصافي بلاش لبكة 
بتاسمات وهزات راسها باه
مراد كمل سوقان نيشان لدار 
مراد:طلعي وجدي راسك راه جا لعدول مريم مابغاتش توقع تاتجي نتي
نعمة:واخة
مراد:وماديريش فبالك 
نعمة:ونت ماغاتنزلش
مراد:انا جاي نمشي نقضي شي غراض ونجي دغية 
نعمة:واخة ماتعطلش
مراد:واخة
نزلات دخلات من لباب لوراني ديال لكوزينة طلعات لبيت نيشان شدات عليها لباب وجلسات فوق النموسية كتبكي اول مرة فحياتها اطيح فهاد الموقف اول مرة اتدخل لشي كباري او يتعرض ليها شي شفار.وعاد مابقاش عندها لفلوس باش ترجع دهبها ..وعاد لخدمة لمسخة لي اتولي تخدم كلشي تقلب فمرة وحدة .ناضت بشوية عليها دخلات لحمام حيدات حوايجها شافت فجرح ماشي شي حاجة..غير جرح بسيط..وقفات تحت رشاش دوشات وهي كتسترجع احدات هاد نهار كان بالنسبة ليها طويل.وتفكرات الهضرة دكمال تنهدات بصوت مرتافع طفات لما من بعد ماسالات تحنات توضات و لوات عليها فوطة وخرجات وقفات قدام لمراية كتنشف شعرها بسوشوار وجمعاتو سفنجة لبسات لملابس الداخلة ودارت فوقهم لباس صلاة طلقات الصلاية فالارض وبدات كتصلي وهي متخشعة وفلداخل ديالها كتطلب من الله يعاونها..سلات صلاتها مع جوج ركيعات دالاجر ..ناضت شافت فساعة تعطلات .حلات لبلاكار جبدات كسوة فلباج وكلها ورادي بالالوان طويلة وبلكمام مستورة وشكلها زوين لبساتها كتجي واسعة ملتحت وقفات قدام لمراية شافت وجها صفر وعنيها منفوخين بلبكة تنهدات دارت لونتي سيغ تحت عنيها مع شوية دلكحول بين اللون دعنيها لزرق ..هزات لفولار ديالها قداتها على راسها لبسات صباطها ووقفات كتشوف راسها فلمراية وسهات وهي كتفكر مامرتاحاش ..فيقها صوت دقان فلباب:دخل
كانت لخدامة:كيستسناوك لتحت
نعمة:واخة هنا نازلة
شافت راسها فلمراية جات زوينة وأنيقة ..نزلات كانو مجموعين كيتسناوها صطانعات الابتسامة فاش شافت مريم كتشوف فيها وهي مبتاسمة قربات لعندهم:سمحولي خليتكم تسناو
مريم:ماشي مشكل اهم حاجة تكوني حاضرة
نعمة بتاسمات ليها..علات عنيها فيه لقاتو كيشوف فيها وهو مبتاسم ..باعجاب ..بدلاتو الابتسامة ونزلات عنيها..كانو كيسمعو صوت لعدول وهو كيلقي كلمة ..نعمة كتشوف فيهم وفالفرحة لي فعنين مريم.. ماندماتش حيت غضحي على قبلها فاش شافتها فرحانة ماتقدرش تدمر ليها حياتها بتاسمات لا اراديا فاش شافتهم وقعو بجوج وكلشي ناض كيبارك ليهم كلشي فرحان ..قربات تاهي :مريم حبيبة مبرووك والله يكمل بالخير
مريم عنقاتها:الله يبارك فيك اختي عقباليك 
نعمة :ان شاء الله
باركات لمصطفى ورجعات اللور كتفرج فيهم حتى كتحس بيه وقف حداها شافت فيه كان هاز فيديه بوكي دلورد وشي بواطة
مراد:هادو ليك
بتاسمات وهي فرحانة خدات لورد وشماتو كتحمقها ريحتو:شكرا بزاف
مراد:تستاهلي كتر أحياتي
نعمة وجها ولا حمر :احم شنو كاين فلبواطة

مراد:حليها
حلاتها لقات طليفون شافت فيه وهي مبتاسمة
مراد:باش مايبقاش فيك لحال ماكانحملش نشوفك مقلقة 
نعمة كل نهار كيزيد حبها ليه وعلاش لي ماتبغيهش وهو كيحسسها انها شي حاجة ثمينة وان قمتها غالية وعاد كيحتارمها وكيبغيها ماعرفاتش شنو تقول ليه:شكرا بزااف أمراد
مراد:راك اتولي جزء مني بلاش هاد شكرا
بتاسمات:هدا هو الغراض لي قلتي عندك
مراد بتاسم ودوز يديه على راسو:احم فلنا زعمة نديرو شوية درومانسية ياك ما كحلتها
نعمة:هههه لا زوين هدشي جبتي الورد لي كيعجبني وأيفون 8 راه فتي الرومانسية لهيه
مراد بتاسم:خليك ديما ضاحكة بحال هكا 
بادلاتو الابتسامة
مراد:دابة انحددو موعد لاكط تاحنا شنو بان ليك فهاد السيمانة..ومور لعرس دمريم ومصطفى نديرو تاحنا العرس
نعمة بقات كتسوف فيه عاد نطقات:مراد عندي واحد الطلب لا سمحتي
مراد:اه طلبي لي بغيتي
نعمة خايفة من ردة فعلو : بقالي اخر عام دلقراية بغيت نركز فيه قلت زعمة نأجلو الزواج علامن تسالا لقراية بقاو سبع شهور داك ساع يكون بالي هاني وساليت قرايتي نضربو لاكط ونديرو العرس فنهار واحد .عفاك امراد تفهم طلبي 
مراد بقة غير ساكت وكيشوف فيها
نعمة خافت يكون بقة فيه لحال:مراد صافي دير بحاليلا ما قلت ليك والو
مراد:عارفاني مانقد نرفض ليك تا طلاب واخة انا باغي غير فوقاش تولي ديالي غنصبر هاد السبع شهور 
بتاسمات:شكرا بزاف
مراد:اجي نمشيو عندهم
نعمة عيطات لخدامة:طلعيلي عفاك هدشي لبيت وديري لورد فلفاز
ولحقات على مراد ..تجمعو على لعرسان ولخدامات كيفرقو المشروبات ولحلوة كيحتافلو تبيهم كلشي كان فرحان ولعرسان كتر اخيرا تحقق حلمهم باش يتجمعو ويوليو لبعضهم..تنهدات وهي كتشوف فيهم فرحانين..باغة تفرح معاهم ولكن لي فبالها وفقلبها ماهانيش مشوشها..وخالعها.صطانعات الابتسامة باش ماتبينش 
دازو ساعات 
مصطفى:احم سب محمد واخة تسمح لي ناخد مريم نخرجو نتعشاو برة
محمد:دابة لات مراتك من حقك اولدي
مصطفى شاف فمريم:نمشيو
بتاسمات وهي فرحانة:ااه
شافت فلخدامة:عفاك جيبيلي ساكي
وقفو كيتسناوها حتى رجعات ومدات ليها الساك 
مريم:هنا مشيت
خرجات هي ومصطفى حل ليها باب طوموبيل ركبات وركب تاهو دور ساروت وديمارا 
مصطفى مد يديه وشد ليها فيديها وباسها:أسعد نهار فحياتي
بتاسمات:تا انا حاسة تلراسي غير كنحلم
رجع باس ليها يديها:بقات سيمانة وتولي معايا فنفس الدار
جرها لعندو حطات راسها على كتافو ويديه فيديها 
مصطفى:كنبغيك
بتاسمات:وانا كنموت عليك
باسها على راسها كمل السوقان وهوما بجوج فرحانين

نرطعو عند نعمة
محمد:كيفاش أجلتو الزواج
مراد:نصبرو هاد السبع شهور نييت نعمة تسالي قرايتها 
محمد تنهد:ايوا على خاطركم حياتكم هديك اولدي 
نعمة:سمحولي عيانة شوية غنطلع لبيت نرتاح شوية
زهرة(ام مراد):طلعي ابنتي ترتاحي بنتيلي عيانة
نعمة وقفات:تصبحو على خير
وطلعات لبيت بدلات عليها لبسات بيجامة خفيفة شورط قصير وديباردور ودخلات توضات وخرجات لبسات لباس مستور صلات. وتخشات فبلاصتها ماقدراتش ماتفكرش فأحدات هاد النهار ..نزلات دمعة حارة من عنيها ماتنكرش خوفها من داكشي لي جاي..داتها عنيها ونعسات

دازت هاد الليلة وجا نهار جديد

فاقت على صوتها:نعمة فيقي احبيبة
حلات عنيها بشوية شافت فيها وهضرات بصوت نعسان:شحال فالساعة
مريم:هادي 9
نعمة تنهدات:نعست بزاف
مريم:اه مالفة كتفيقي بكري وتفيقيني
نعمة :كنت عيانة..
مريم بتاسمات:لبارح دوزت ليلة زوينة مع مصطفى اول مرة ايكون قريب ليا 
نعمة :الله يخليكم لبعضكم
مريم:اميين
مريم بقات ساكتة:جيت معطلة ماقدرتش نفيقك فليل باش نعرف اش وقع فداكشي
نعمة تنهدات:ماتفكرينيش
مريم:عاوديلي
نعمة تقداتات فالجلسة وعاودات ليها كلشي من غير ان فلوس الدهب مشات ليها عارفاها اتقولها تبيع خاتمها والدهب لي جابو ليها مصطفى فلاكط
مريم مصدومة:ننعمة شهادشي درتي نتي حمقة واقيلة
نعمة ناضت ومريم تابعاها:مريم لي وقع وقع دابة
مريم:ماغانخليكش تخرجي على حياتك بسبابي
نعمة:نتي دابة وليتي مزوجة وعندك راجلك حياتك ولات مرتابطة بشخص اخور ادن هدشي خليك بعيدة عليه
مريم:ونتي
نعمة:انا غنصبر هاد ست شهور 
مريم طارت عليها وعنقاتها:انا متأكدة كون كانت عندي ختي ماكانتش ادير على قبلي هدشي لي درتيه نتي شكراا بزااف عمري نسى خيرك أختي
نعمة عنقاتها تاهي :راك ختي مايمكنش نخلي حياتك تدمر
بعدات عليها:فكري فعرسك من دابة سيمانة ماتفكريش فهادشي
مريم بتاسمات:الله يخليك ليااا 
نعمة:وليا تا انا
نعمة:ندخل نتوضة باش نصلي 
داكشي لي دارت دخلات توضات وصلاة.من بعد نزلو فطرو ومشاو لفاك

دازو ساعات طوال 
كانو فلبيت ..دارت شال على راسها :خاص نمشي
مريم:واش متأكدة
نعمة:وصافي راه هضرنا..نزلي شوفي واش كلشي نعس
مريم تنهدات بحزن:نتي لي كنتي كتنزلي وتشوفيلي واش كلشي نعس..انا لي كنت كنخرج وكتبقاي نتي تسنايني دابة تقلبو الادوار

نعمة:هادي هي الدنيا..ونزلي راه تعطلت
مريم نزلات لتحت مالقات تاشي حد كلشي نعس حتى من لخدامات..رجعات طلعات:كلشي نعس
نعمة:واخة يلاه هنا مشيت
تمات خارجة وهي توقفها مريم:سمحيلي اختي
نعمة شافت فيها وبتاسمات:ماتبقايش تعتادري هدشي مكتااب 
دارت للتام على وجها وحلات لباب وخرجات خرجات من لباب دلكوزينة على جردة ..حلات لباب الاحتياطي لي كاين فالجردة عندها ساروت ديالو لقات طاكسي كتسنة ركبات فيها ومشات ..قلبها كان كيضرب فلمية خايفة بزاف وكلها كترجف.وصلات للكباري ..نزلات فلحضة جا فبالها تهرب وماترجعش لهاد لبلاصة ولكن فاش تفكرات مريم تشجعات ودخلات هاد لمرة لبيدورا خلاوها تدخل تبعها واحد فيهم دخلها للمكتب من جيهة لوخرا..دخلات ماشافتوش بقات كتسناه وهي كتلعب بصبعانها متوترة ومخلوعة ..حتى كتسمع للباب تحلات علات راسها شافتو داخل وكاس دلويسكي فيديه وشي وحدة معاه لابسة كسوة معرية كتر من ما مغطية وشعرها صابغاه حمر وحالتها حالة 
كمال بتاسم وهو كيشوف فنعمة قرب لعندها:مرحبا 
ماجاوباتوش نزلات راسها لتحت
كمال تنهد والابتسامة مزال مرسومة على وجهو مد يديه ونزل ليها لتام قفزات ورجعات اللور :ماتقيسنيش
كمال كيشوفها واخة معصبة ماعلاتش فيه عنيها :نعرفك بسعاد..غتكلف بلبس ديالك 
نعمة باغاه غا فوقاش يمشي من قدامها:صافي هي لي غتكلف ماشي نت 
كمال شاف فسعاد:تكلفي بيها بغيتها تكون زوينة بزاف
سعاد قربات لعندها نترات ليها شال من فوق راسها فوق راسها وفكات ليها شعرها 
نعمة:شكاا ديريي نتي
سعاد:هههههه ياك ما يحساب ليك اتبقاي بالحجاب ازين 
وشافت فكمال:سي كمال هادي مافيهاش بزاف دلخدمة زوينة دوريجين منين ضبرتي عليها
كمال خنزر فيها:ديري خدمتك ونتي ساكتة
سعاد جمعات راسها:واخة اسيدي ..اجي معايا
نعمة :فين
سعاد:للشمبر ازين فين انبدلولك اللوك
شداتها من يديها وجراتها معاها 
كمال كان حاضيا عنيه مانزلاتش عليها حتى ختافات من قدامو..هبط على لكاس فدقة وخرج يتفقد الاوضاع على برة 

عند نعمة
كانت ساهية كتفكر وسعاد كتقاد ليها فشعرها بلبابيليز كديرو ليها بوكلي..من بعد دارت ليها ماكاياج شوية مجهدة (اوفر) ركزات ليها على عنيها..
سعاد:جيتي كتحمقي ياختي ..تسناي نجيب ليك الكسوة لي اتلبسي
حلات لبلاكار وجبدات كسوة كحلة:هاكي دخلي لبسيها راه تعطلنا
نعمة خداتها:كيفاش ..شوفيلي شي وحدة خرا شهاد لبااس
سعاد:تي سييري .. هادي هي لي غتلبسي راه كلهم نفس شي ازيين ..لعرة فيه فيه..شوفي هادي 1 سي كمال غيجري عليا وعليك راك باقي ماشتيه وهو معصب خلينا ندوزو ليلة على خير
نعمة خدات لكسوة ودخلات لبساتها وخرجات وهي مصدومة من لكسوة كلها معرية ولكرش كتبان وقصيرة ولاصقة عليها ..ولمكياج لي زاد بين ملاميحها ولون عنيها لزرق
سعاد لاحت ليها صباط طالو:هااكي..جيتي سيكسيي يا المسخوطة خطييرة .كتحمقييي
نعمة وقفات قدام لمراية وهي مصدومة من شكلها لا علاقة مع نعمة بلحجاب ولباس محتشم..ماحملاتش راسها بهاد الحالة 
سعاد:زيدي نخرجو راه تعطلناا..ناري غيولي طايح كتر من نايض
نعمة:لا مانقدش 
سمعو دقان
سعاد :هدا ايكون سي كمال
نعمة قفزات:ماتحليلوش لباب مابغيتوش يشوفني هكا
سعاد بقات غير كتشوف:واش من نيتك 
نعمة يلاه اتهضر وهي تحل لباب قفزات فاش شافتو داخل وعنيه عليها كيشوف فيها بكل اعجاب وقف وهو كيطلعها ويهبطها..نعمة حسات بشوفاتو كيحرقووها ولات كلها كترجف كارها هاد الموقف لي هي فيه طلعات معاها ساخنة تمنات الارض تفتح وتبلعها..كمال كان مبلوكي وهو كيشوف فيها 

سعاد بقات غير كتشوف:واش من نيتك 
نعمة يلاه اتهضر وهي تحل لباب قفزات فاش شافتو داخل وعنيه عليها كيشوف فيها بكل اعجاب وقف وهو كيطلعها ويهبطها..نعمة حسات بشوفاتو كيحرقووها ولات كلها كترجف كارها هاد الموقف لي هي فيه طلعات معاها ساخنة تمنات الارض تفتح وتبلعها..كمال كان مبلوكي وهو كيشوف فيها قرب لعندها وعنيه عليها ساهي فيها فيقو صوت سعاد:سي كمال كي جاتك
نعمة رجعات الاور وهي كتشوف فالارض باغة تفيق من هاد الكابوس ..
كمال :لالة نعمة 
نعمة ماجاوباتوش
كمال بتاسم:ماتصوريش شحال جيتي زوينة
نعمة هضرتو كتزيد تكمل عليها شافت فسعاد وهضرات بلا ماتجاوبو او تشوف فيه:واش انبقاو هنا
كمال شاف فسعاد:خرجي
سعاد حنات راسها وخرجات
كمال:انا لي كنحكم هنا وانا لي كنقول شنو ديري وشنو ماديريش.وانا لي كنعطي لاوامير ونتوما كتنفدو سمعتيني
نعمة ببرودة عكس نار لي شاعلة فيها:هدشي عارفاه ومن بعد
كمال:باش تحيدي هاد قصوحية راس لي فيك وايلا كنتي ماكاتعرفينيش مزيان سولي مريم تعطيك لخبار ودابة زيدي قدامي
نعمة مانطقات تاشي كلمة ماحاملاش تبقة معاه بحدها شافتو حل لباب ووقف فهمات انها خاص تلحقو زادت جوج خطوات لقدام وهو باقي واقف خرجات من لبيت سمعات صوتو:الابتسامة اول حاجة ماتفارقش وجهك هاد الغوباشة لي دايرة ماشي دلخدمة
شافتو سبقها تبعاتو وهو مزال كيهضر:تاني حاجة مانبغيش لمشاكيل كيف مابغاو يكونو .لكليان من حقو يقول لي بغة المهم يبقة على راحتو ستحملي هاد تلاتة دسوايع وخلي الوقت يدوز على خير
ووقف وضار بكامل جسمو لعندها هي كانت حانية راسها وتابعاه ماحساتش بيه فاش وقف وضار لجيهتها دخلات فيه حتى تضربات على صدرو كانت اطيح دور يديه على خصرها وشدها جات عنيه فعنيها وكمل هضرتو بهمس وهو ساهي فعويناتها:هضرتي مفهومة
نعمة تنترات منو ورجعات اللور وهي كترجف:ماتبقااش تقييصني سمعتيييني اخر مرة تحط يديك عليااا 
كمال بتاسم:حتى ونتي معصبة زوينة
نعمة كتغلي وعنيها فالارض ماكرهاتش تقتلو وتهنة منو 
كمال:زيدي
وكمل طريقو تنهدات وهي تتستغفر ربي وتطلب من ربي يغفر ليها ..دخلو للقاعة لكبيرة دلكباري وقف ووقفات حداه وهي كتشوف فهاد لعالم لي دخلات ليه..هي بعيدة على هدشي كامل..بلاصتها ماشي هنا..دابة خاص تكون ناعسة كتسنة لفجر يودن باش تفيق تصليه..حاسة بقلبا كيضرب بالجهد حطات يديها عليه وزيرات كتحس بيه بحاليلا ايوقف منعات دموعها باش ماينزلوش ماباغاش تبكي..بلعات ريقها فاش سمعات صوتو:مرحبا بيك معانا أنعمة
هضرات وهي كتشوف لبعيد:ماشي نعمة هاد سمية نقية على هاد لبلاصة مابغيتش نوسخها 
كمال:وشنو بغيتي
نعمة:لي عجبك
كمال بقة ساكت شحال عاد نطق:ميرا
نعمة بقات كتفكر فسمية دميرا
كمال:اجي
تنهدات وتبعاتو دخلو وسط ناس علات راسها شافت كلشي كيشوف فيها رجعات نزلات عنيها حاسة براسها غادة عريانة وشوفاتهم كياكلو فيها...شوفاتهم ماصافينش كيشوفو فيها بحال شي ذياب باغين يفتارسوها كيطلعوها ويهبطوها ..وقف ووقفات حداه دار اشارة لوحدة من لبنات لي كتسربي جات للعندو وعنيها على نعمة:نعام اسي كمال
كمال:من ليوم هدي اتولي تخدم معاكم من سوء حضك اتاخد بلاصتك ..
كريمة:كيفاش
كمال:لكليان المهم هي لي اتبدا تسربيه طبالي لي فلقدام اونفاص مع لخشابة هي لي اتكلف بيهم 
كريمة:ولكن
كمال:ولكن شنو
كريمة :واخة اسيدي كلامك مفهوم
كمال:مانبغي تاشي مشكل هنا علمتك
كريمة:كون هاني اسيدي
كمال:سيري شوفي خدمتك
مشات وضار شاف فنعمة حانية راسها قرب وهز ليها راسها لفوق:ديما خلي راسك مرفوع وكي قلت الابتسامة
رجعات اللور:وديما كنقولك ماتقيصنيش
كمال تنهد:ماغانديرش راسي فيك حيت اول مرة..دابة سمعيني مزيان وركزي معايا..طبالي لي فلقدام كلهم كيكونو خاصين بلي كيدفع كتر يعني صحاب لفلوس ..حيت ماشي اي واحد.كيجلس فالواجهة ..هادو تكلفي بيهم وعطيهم الوقت خلي عنيك عليهم وقبل ينويو يعيطو ليك كونتي نتي قدامهم سمعتينيي ..وكاينين كليان مهمين كيديرو اجتماعات مهمين عندنا فلكباري عندهم بلاصو خاصة بيهم
وراها بلاصتهم بيديه:هادو اغلابهم صحاب لبزنس وتجارة ..لمافيات .ردي بالك معاهم ..ومزال تزيدي تعرفي بزاف ..دابة سيري ديري خدمتك كي قلت ليك 
نعمة:وكي قلت ليك مايقيصني تاشي حد اندير خدمتي وصافي
كمال:لبنات ديال هادشي بحدهم طبعا لا بدلتي رأيك وبغيتي تطوري قدراتك هدا كلام اخور😉
خنزرات فيه:مستحيييل
كمال:انا غير قلت يلاه سيري بداي أميرا😉
نعمة بقات واقفة ماعارفاش كيف غتبدا وشغا دير..كمال فهمها:عمرك مشيتي لشي قهوة شفتي سيرفور كي كيخدم
نعمة:ماكانلاحضش
كمال بقة كيضحك:ههههه مشكيلة معاك ..شوفي لبنات كي كيخدمو
علات راسها شافت فوحدة فيهم كي كتمشة وكي كتحرك والابتسامة على وجها وصنية فيديها ..كتوقف حدا لكليان وتبتاسم ليه وترحب بيه عاد تسولو اش باغي طبعا بطريقة محلونة ومرة مرة تحط ليه يديه على كتافو بطريقة متيرة حتى كيبقة يجبد لفلوس بلا مايحس ويمدها ليها

كمال:فهمتي..هزي ورقة وستيلو باش تسجلي الطلبات مع الوقت اتبداي تعقلي ماغاتحتاجيش للورقة وستيلو
تنهدات ومشات نيشان للكونطوار قدام لبارمان خدات صنية وهي كترجف يلاه اتمشي وهو يوقفها صوت من موراها:جديدة هنا
كان البارمان جاوباتو:اه
ومشات حاسة بريقها نشف وقلبها غيوقف خايفة بزااف ..كتمشة بخطوات تقال وشادة صنية ومزيرة عليها شوية وتهرسها ..كتزيد توتر فاش كتشوف رجال كيشوفو فيها ..وصلات لطبالي لقداميين ووقفات تنهدات عاد قربات لاول طبلة كانت قدامها كانو جوج رجال كبار فالسن وجالسين حداهم جوج دلبنات فسن العشرين كيضحكو بصوت مرتافع ويشطحو ليهم ...
واحد فيهم :زيين جديد هنا اول مرة نشوفك 
تاني:صراحة كتحمق 
نعمة شمئزات منهم قدهم قد باها وعمها دايرين هاد لحالة هضرات ببرودة:شنو بغيتو تشربو
ضحكو كامليين 
الاول:ههههه من حقك دفعي كبيير ازين مقبولة منك حيت تستاهلي قراااطسة..شوفي لي جات من يديك مرحبا 
التاني:اجي جلسي نعيط ليهم هوما يتسخررو عليك هادي ماشي بلاصتك 
نعمة بنفاد صبر:انا كندير خدمتي هنا ماشي جيت نجلس
الاول:صافي ازين ماتقلقيش..جيبيلنا خمسة دلقراعي دلويسكي ووحدة دلفوطكا مخلطة بشي مشروب على دوقك ياك البنات
وحدة من البنات:ااه وفينا الجوع شي بيتزاا فخوي دمييغ 
التانية:تا اناا
الاول:بنات لقحااب عمركم تجيو وماتاكلوش
بقاو لبنات كيضحكو
نعمة مصدومة من هاد الحقارة لي فيهم..والذل لي كتشوفو قدامها
نعمة قلبات الدورة ومشات وهي كتستغفر ربي مشات عند لبارمان وقفات وهي كتفكر شنو قالو ليها تجيب:جوج بيتزات فخوي دمييغ اوو ..
نسات شنو نوع المشروبات لي بغاو
لبارمان:وشنو تاني
نعمة :اووف نسيت
لبارمان بتاسم:اول مرة ااتخدمي هاد الخدمة.
هزات راسها باه
لبارمان شاف فطبلة لي كانت فيها وبتاسم:لويسكي ولفوطكا
نعمة:اه اه هدو خمسة ديال لويسكي ولفوطكا 
لبارمان:واخة
دخل للمطبخ وصاهم على بيتزا ورجع كيوجد المشروبات شاف فيها:ختي سيري شوفي طبلة لي حداهم علامن يوجد هدشي
نعمة:واخة 
مشات داكشي لي دارت وقفات كان شخص باقي شاب يكون عندو داك 28 27 زوين ولابس مقاد عضلات المهم كلاس طلعها وهبطها مزيان حنات راسها :احم شنو بغيتي تشرب
هضر بصوت باين فيه لغرور:هدي ماشي طريقة كيهضرو بيها مع لكليان..وماشي تعامول 
تنهدات مافيها ماتسمع شي هضرة تفكرات لهضرة دكمال..علات راسها وشافت فيه رسمات بتسامة على وجها بالسيف عليها:اش حب لخاطر اسيدي
تقاد فالجلسة وعنيه مفيكسين عليها :اول مرة كنشوفك هنا
نعمة:اول نهار دلخدمة
الشخص علا حاجبو:ومالقيتي غير هاد الخدمة
نعمة:ماقلتيليش اسيدي شنو بغيتي
الشخص :جيبي الشيشة دنعناع مع جوج دلفوطكا سييك
نعمة:واخة
ومشات لطبلة لي حداه وهو حاضيها عنيه مانزلاتش عليها ..جبدات ورقة وستيلو قيدات داكشي لي باغين باش ماتنساش عاد مشات عند لبارمان مدات ليه لورقة :قيدتهم
البارمان:حسن باش ماتلفيش
مد ليها صنية فيها طلبات:هاكي اختي دي هدشي ورجعي مور لمشروبات
خداتها منو ومشات حطات داكشي ورجعات مور لمشروبات قدات ليهم داكشي فوق الطبلة 
يلاه اتمشي وهو يمد ليها ربطة دلفلوس:هاكي ازين حلاوتك ..من اليوم بغيتك نتي لي تسربيني😉
بقات كتشوف فديك لفلوس عارفة ماشي ليها فلوس لخدمة ومستحيل تاخدها ليها .. مدات يديها وخداتها وتمات غادة
حتى كيوقفها صوتو:على واجب
ضارت بكامل جسمها بتاسمات:شكرا
وكملات طريقها وهي كتسمعهم كيضحكو وقفات قدام للبارمان:فين اندير هاد لفلوس
لبارمان :اريها
خداها وحسبها بتاسم:جوج دلمليون 
نعمة كتشوف لفلوس فين كتمشي
لبارمان:هاكي هدشي ديال طبلة التانية بشوية عليك باش ماطيحليكش الشيشة 
خدات داك الصنية وهي كتمشة بوشية وصلات للطبلة حطات ليه شيشة والمشروب :شي حاجة خرا
الشخص:طلعيها
نعمة:كيفاش
الشخص:طلعيلي الشيشة زنديها زعمة 
نعمة مافاهماهش شكا يقول:مافهمتش
كانت دايزة وحدة من السربايات سمعات هضرتهم وقفات:سمحلينا اسيدي هي باقة جديدة
خدات شيشة وبدات كطلعها..كتنتر منها نترات طوال حتى طلعات وزندات الجمرة وبدات كتفوح الريحة دنعناع:تفضل اسيدي
مداتها ليه وهي كتبتاسم وتحلون فالهضرة خداها منها :صافي سيري
مشات .نعمة بغات تمشي تاهي حتة كيوقفها:ماقلتلكش سيري
وقفات وهي حانية راسها كتسناه شغا يقول
الشخص:لاش كتخدمي فشي حاجة ماشي ديالك وماكتتعرفيلهاش
نعمة:حيت بغيت..شي حاجة خرا اسيدي 
الشخص:لا 
ومشات تكمل خدمتها وهي كارهة راسها وكارهة كلشي فهاد اللحضة مشمأزة من هاد الكباري
داز الوقت عيات بلمشي ولمجي وملات من داك الابتسامة المصطانعة لي على وجها حاسة براسها غتنفاجر فاي لحضة ..كانت واقفة وساهية من بعد ما عطات لكليان اش بغة ..حتى مكتحس بشي حد وقف حداها كان كمال
كمال ملي بدات خدمتها وهو مراقبها ومراقب كل واحد كي كيشوف فيها ..كانت الانضار كلها عليها كيزيدو فطلبات غير باش تجي وتسربيهم ..
كمال:راكي غادة مزيان واخة بنتيلي مزيرة
ماجاوباتوش بقات ساكتة

كمال كيشوف فيها حس بيها مختالفة على كاع لبنات شخصيتها فشكل هادئة ومرزنة .فارضة نفسها ..عمرو ستحمل شي حد يدوي معاه بنفس الاسلوب لي دوات معاه هي او يعاملو بنفس طريقتها ..ولكن هادي ستحملها ماعرفش علاش عندها هيبة خلاتو يتجاهل تصرفاتها معاه 
شافها تحركات من حداه ومشات عند واحد من لكليان وقفات حداه
الشخص حط ليها شي فلوس كانو بزاف ومعاهم كارط فيزيت:اتاخدي كتر من هدشي فليلة وحدة 
نعمة غير مصدومة:شكا تخربق
الشخص دار بتسامة جانبية:شنو زعمة نتي شريفة مهما جيتي تخدمي هنا راك قادرة ديري هدشي
نعمة دورات وجها وشافت فكمال ورجعات شافت فالشخص تحكمات فأعصابها:راك غالط اسيدي انا غير سيرفوررا هنا 
الشخص وقف:المهم نمرتي عندك لا بدلتي رأيك..
بتاسم:ميرا نتسنة تيصالك 😉
ومشا وخلاها واقفة تنهدات وهي كدوز يديها على شعرها شافت فداك لفلوس هزاتها وعطاتها للبارمان 
لبارمان:6دلمليون ..نزيدوها على 10 دلمليون اتولي 16 لمليون فأول ليلة ليك دلخدمة وباقي لخير برافو ههه
ماهتاماتش لكلامو ومشات كتكمل الخدمة 

داز الوقت جات الوقت لي تمشي فيه بحالها
شافت فالساعة 3دصباح تنهدات شافت فيه لقاتو كيشوف فيها قربات للعندو:غنمشي
كمال:سيري 
قلبات الدورة وطلعات للشمبر دخلات وشدات عليها حسات بالهدوء عكس الضجيج لي كانت فيه بدات كتسمع بحال شي صفارة كتصفر فودنيها والصخونية طالعة معاها تكات على الحيط ونزلات دمعة حارة من عنيها قربات للمراية وهي كتشوف فراسها بحاليلا ماشي هي نعمة ..مبدلة بزاف كتبان بحال شي وحدة مسخة ..دموعها كترو مسحاتهم وخدات نفس عميييقة وهي كتصبر راسها ان هدشي ايسالي وخاص تصبر على ود مريم..مسحات الماكياج وبدلات عليها ودارت حجابها وغطات وجها هزات ساكها وخرجات من لباب لوراني شافت دنية مضلامة وكتصفر ماكاين تاشي حد تا مول طاكسي ماكاينش بقات كتمشة وهي خايفة تفكرات داك شفار ..بنهاار وكريساها لاحراك دابة ليل..بقات كتقرى القرآن فنفسها حتى كتشوف شي ضو ديال الطموبيل موراها زاد خوفها وزربات فالمشية حسات بالطموبيل وقفات كملات طريقها حتى كتقفز فاش حسات بشي يدين على كتافها بغات تغوت وهي تشوفو قدامها رجعات اللور:خلعتيييني لاش تابعني
كمال بتاسم:ليل هدا ماغاتلقايش طاكسي جيت نوصلك 
نعمة:لا بلااش
بغات تكمل طريقها وهو يشدها:فييين غادة
تنترات منو:واش متكاتفهمش ماتقييصنييييييش سمعتيني حقيير
كمال تعصب مد يديه باش يضربها وهو يحبس:كنقسم ليك بالله وتولي تقولي هاد الكلمة ندبحك سمعتيني ندبحك
نعمة :بصااح زيد فبالك واحد الحاجة ماكانخافش ..وحاجة وحدا خرا انبقة ديما نقولها لا وليتي قصتيني فهمتي
كمال تنهد ماباغيش يزيد يتعصب:ركبي دابة 
نعمة:لااا قادة براسي
كمال:هاد الطريق لي دايزة منها مامزياناش ازيين يقدر تخرجي منها بلكريشة 😉شنو بان ليك
نعمة بلعات ريقها بقات كتفكر:واخة غير ماتقيصنيش
كمال حل ةلها باب طوموبيل:ركبي 
ركبات وركب تاهو وكسيرا طريق كاملة وهي معنقة الساك وكتشوف فالطريق ..كان غادي فتجاه دارهم تفكرات فاش صيفط التصاور اكيد عارف العنوان تنهدات حتى كتشوفو وقف فلباب لورانية ديال دار شوية:نزلي على سلامتك..هنا كنت كنحط مريم ملي كنوصلها شي مرات 
حلات لباب ونزلات بلا تاشي كلمة زدحات الباب بالجهد ودخلات بقة حاضيها تا مابقاتش تبان قدامو عاد تحرك
نعمة طلعات بشوية فدروج تا وصلات لبيت حلات لباب ودخلات لقات مريم باقة فايقة وكتسناها غير شافتها ناضت بالزربة عنقاتها..نعمة كانت محتاجة لشي حد يعنقها عنقاتها تاهي بقاو شحال هكا
نعمة بعدات عليها كتحاول ماتبكيش قدامها:مالك مانعستيش
مريم نزلو دموعها:كي بغيتيني النعس وانا مصيفطاك للوسخ بيدي عارفة شحال صعيبة عليك سمحييلي بزااف انا اناانية ماكانسوااش اختي سمحيلي
نعمة بتاسمات:عوتاني لبكة مريم سمعيني هدشي درتو حيت انا باغة مابززتيهش عليا انا لي بغيت نعاونك نتي ماعندك تاشي دخل فهادشي ماتبقايش تبكي شنو فيها لاصبرت 6شهور ..المهم ماندمرش زواجك داك الساع انساو هدشي كامل صافي مسحي دموعك..انا غندخل ندوش مابقة والو ويودن لفجر 
قربات وباستها على خدها:واصافي ماتبكيش 
مريم مسحات دموعها :الله يخليك ليا اختي
نعمة بتاسمات ليها ودخلات للحمام كتحس براسها مسخة حيدات حوايجها ودوشات وهي كتبكي كتفكر شنو كانت لابسة وشعرها ..عمر شي حد شاف شعرها او لحمها..جاتها قهرة كتمات شهقاتها بكاات حتى تفشات ..غسلات داتها مزيان وتوضات وخرجات لاوية عليها فوطة شافت فمريم:نوضي توضاي باش تصلي
مريم:واخة
نعمة نشفات شعرها ولبسات عليها شافت فالساعة بقات ربع ساعة على لفجر لبسات لباس صلاة وهزات المصحف وجلسات كتقرى فالقرآن علامن يودن ...مريم توضات وخرجات جلسات حداها تاهي كتقرا فالقرآن حتى كيسمعو صوت الادن بقاو كيرددو معاه تا سلا عاد ناضو صلاو الفجر والصبح من بعد كل وحدة تخشات فبلاصتها وكل وحدة وتفكيرها فين مشا
مريم:نعمة
نعمة:نعام
مريم:سمحيلي
نعمة تنهدات:مسامحااك غي سكتينا
مريم ناضت:واخة نجي نعس حداك

نعمة بتاسمات:اجي
مريم ناضت وتخشات حداها عنقاتها وغمضو عنيهم نعسو جنب بعضهم 

دازو ستة دليلات قرب لعرس دمريم 

مريم دخلات لدار لقاتهم مجمعين فالصالة سلمات وجلسات
مريم:ماما نعمة مزالة ناعسة
زهرة تنهدات:مزال ل1 هادي.بالي مشوش عليها مابقاتش عاجباني
مراد:مريم شنو واقع 
مريم:والو غير عيانة شوية 
مراد:طلعي قلها توجد راسها انمشيو لطبيب مايمكنش نخليها هكا
مريم:لا مايحتاجش راها لاباس خاص غير ترتاح شوية
مراد:كيفاش لاباس..وهي تا لفاك مابقاتش تمشي لها كتقيل ناعسة 
مريم يلاه اتجاوب وهي تسمع صوتها ضارت لجيهتها شافتها جاية فتجاهم:انا لاباس غير كنت عيانة شوية
جلسات حداهم:غير شوية دلعية وصافي
محمد:لاباس عليك ابنتي
زهرة:وجهك ولا صفر تا لماكلة ماكاتاكليش مزيان واش مقلقة من شي حاجة راني انا لي مربياك هاد لحالة كتوقع ليك فاش كتكوني مقلقة من شي حاجة ولا واقعة ليك شي حاجة ابنتي راحنا عائلتك 
نعمة تنهدات تغرغرو عنيها بالدموع بصاح هي كتحس بيهم عائلتها عمرهم فرقو بينها بين مريم ولا حسسوها بالنقص كيعاملوها مزيان ولي بغاتها كيعطيوها ليها قراوها فأحسن المدارس لبسوها أحسن لبس .حتى من السفر خارج لبلاد سفروها سافرات لفرانسا. امريكا ..اسبانيا وبزااف..وهدشي علاش تاهي بغات ترد ليهم هاد لخير بهادشي لي كدير مع مريم كتحس بهدشي والو قدام داكشي لي دارو معاها :خالتي ماكاين والو بلا ماتشطني راسك انا بيخير غير عيانة دابة وليت مزيان بعد لمرات كينزل عليا الوحش لماما وبابا الله يرحمهم ماكانقضش نصبر
سكتات وهي كتبكي ماقدراتش تحبس دموعها
زهرة نزلو دموعها تاهي ناضت جلسات حداها وعنقاتها:الله يرحمهم ابنتي ماديريش هاد الحالة فراسك صافي ماتبكيش حنا معاك لي ضراتك ضراتنا تا حنا 
نعمة غير ساكتة وكتبكي
محمد:اجي عندي ابنتي اجي
ناضت جلسات حداه حطات راسها على صدرو ..كترتاح كتحس انها حاطة راسها على صدر باها الله يرحمو 
محمد :واليديك مامحتاجينش لدموعك ابنتي هوما محتاجين لدعواتك دعي معاهم بالرحمة والجنة كي قالت زهرة حنا عائلتك اي حاجة ضراتك حنا معاك صافي ابنتي
هزات راسها باه
محمد:نوضي ابنتي غسلي وجهك واجي كلي ليك شي حاجة
نعمة:واخة
ناضت مشات لحمام غسلات وجها ووقفات كتشوف فالمراية مابقاتش كتحمل تمشي لداك الكباري كيدوزو عليها دوك ربعة دسوايع تقال بحال شي جحيم كرهات صوت الموسيقة وريحة دشراب كرهات بنادم ولبنات ولفلوس وراسها تاهو..مابقات كاتنعس لا بليل لا بنهار كتجي من لكباري كتصلي وتبقة فايقة من غير لا داتها عنيها شي شوية و ترجع تفيق كتبقة شادة عليها فلبيت حتى من لافاك مابقاتش عندها ليها لكانة ماكاتمشيش ليها تنهدات مسحات وجها و خرجات لقات الخدامة حاطة ليها لماكلة جلسات وبدات كتاكل بشوية غير باش دير ليهم خاطرهم 
مراد:نعمة الكوميسير باقي كيبحت على داك الشفار مالقاش شخص بالمواصافات لي قلتي
مريم:شمن شفار
مراد:نهار لاكط ديالك تعرض ليها شي شفار خدا ليها الساك وهرب
مريم شافت فنعمة:ماقلتيلييش هدشي
نعمة:مابغيتش نشطنك وصافي.
مريم تفكرات الدهب رجعات شافت فيها باستفهام
مراد:نعمة لا بغيتي نخرجو نبدلو الجو شوية
نعمة:لا بلاش انطلع نتكة شوية 
مراد:واخة لي بغيتي
نعمة:سمحولي انطلع للبيت
طلعات ومراد حاضيها
مراد:خاطري ماهانيش شي حااجة هادي
مريم:صافي اخويا راه ماكاين والو راه انا لي كنقيل معاها 
مراد:مخبين شي حاجة
مريم:لا والو بلا ماتشطن راسك
مراد هز سوارت الطموبيل:هنا مشيت للشريكة 
زهرة:سير اولدي..الله يعاونك ويرضي عليك
مراد:امين
وخرج
مريم:انطلع نشوف نعمة 
طلعات عندها لقاتها متكية فوق النموسية وكتشوف لبعيد جلسات حداها:نعمة صافي سالي من هادشي شوفي حالتك كيف ولات
نعمة:غير باقي ماولفت وصافي خاص غير شوية دلوقت 
مريم:راسك قاصح
نعمة:ونتي فيك الهضرة بزاف
مريم:هاد شفار خدا ليك تا فلوس الذهب ياكي
نعمة:مرريم صافي لي وقع وقع
مريم:انا سباب دخلتك لمشاكيلي وخليتك واحلة..
نعمة:مريم خليك من هاد الموضع حيت نسيتو راني هضرت مع مول الدهب يعطيني شوية دلوقت علامن نلقة لفلوس ونرجعو
مريم:غنحاول نجمع هاد لفلوس 
نعمة:نتي فكري غا فعرسك صافي
مريم بقات كتشوف فيها:مراد مامتيقش
نعمة تنهدات:صافي امريم خليني نعس بحرة نقد نمشي فليل 
مريم:واخة رتاحي..انا غنزل انخرج انا وماما نشوفو شي تكاشط
نعمة هزات راسها باه بلا ماتنطق تاشي كلمة 
مريم خرجات وشدات موراها لباب
نعمة زيرات على الخدية وهي كتبكي خايفة تخسر مراد مابقاتش كتقدر تشوف فوجهو ..غيكرها لا شافها فديك الحالة لباس معري والشعر مكشوف والماكياج ورجال كياكلوها بعنيهم ..غتفقد التيقة ديالهم لا شافوها فديك الحالة بقات كتطلب من ربي يعاونها ويسترها

دازو ساعات طوال

كانت هابطة فالدروج من بعد ماكلشي نعس كي لعادة خرجات من باب الكوزينة تا وصلا للباب اللوراني لقاتو كيتسناها تنهدات حلات لباب وركبات
كمال دور الساروت ماعندها مادير الطاكسيات ماكايبغيوش يمشيو لداك لبلاصة خاوية 
كانت غير ساكتة
كمال شاف فيها:لاش داك لتام غا حيديه
ماجاوباتوش
كمال:مالكي
نفس الشي ماكاتجاوبش
وقف الطوموبيل ودار لجيهتها:كندوي معاك واقلة
نعمة وهي كتشوف لبعيد :وانا ماباغاش نجاوبك حيت ماعندي فاش نهضر معاك بيناتنا الخدمة وصافي ياك اسي كمال ملي تبغي تدوي معايا دوي على الخدمة وانا غنجاوبك 
كمال:لا بقيتي هكا غتشوفي وجهي التاني
نعمة بتاسمات:خبث من هاد لوجه ماكانضنش
كمال:كتر كااع الالة ميرا
نعمة:تعطلنا على الخدمة اسي كمال
كمال دور الساروت وكسيرا :غا زيدي عصبيني
سكتات ماجاوباتوش وصلو للكباري نزلات ودخلات بلا ماتسناه مشات نيشان للشمبر لقات سعاد كتسناها ماكاتحاملش هي وياها 
سعاد:عاد جاية
نعمة ماداتهاش فيها .دخلات للحمام توضات باش تصلي ..فاخر لحضة غدراتها عنيها وماصلاتش العشاء..خرجات لبسات عبايتها ودارت شالها..ووقات كتصلي على الارض
سعاد كتعصبها بهاد البرود ديالها كتخليها كتهضر كي شي حمقة ماتسرطاتش ليها ..مشات وهي كتمشي وتجي قدامها بحاليلا ماكاتصليش..كديرها ليها بلعاني كتخطاها..وكملاتها خدمات لاغاني فطليفونها 
نعمة كملات صلاتها ماداتهاش فيها خلاتها بينها وبين الله ..سلات صلاة وجلسات كتدعي وتطلب من ربي يعاونها ويغفر ليها
سعاد:بقالك غا صلاة والعبادة نوضي تهزي حساب ليك راكي فجامع
نعمة شافت فيها:سعاد عمرك صليتي
سعاد:ونتي مالك
نعمة:حيت بان ليا عمرك صليتي ووقفتي فتجاه القبلة عليها كديري هاد التصرفات .
سعاد:اجي ضربيني حسن
نعمة وهي كتحيد العباية:راكي مضروبة 
سعاد:تفو على بشار ماعرفتش سي كمال لاش مخدمك هنايا زيدي نقاد ليك اوجه لويل
كمال دخل على اخر جملة:ماعرفتش علاش لحد الان باقي مخليك خدامة هنايا.جمعي بكاجك وخرجي تقودي عليا تحركي
سعاد تلونات:سي كمال انا..
غوت ليها فوجها:تحركيييي ماتزيديش تعصبي دلمي
سعاد بدات كتبكي:سمحلي عفاك انا ..
قاطعها:سعااااااد
سعاد عارفة لازادت كلمة وحدة غيخدم يديه سكتات وهي كتبكي
مشات كتجمع حوايجها
كمال:دغية مابغيتش نشوف وجهك قدامي 
سعاد:واخة اسيدي
نعمة تنهدات:صافي سمح ليها هي ماقصداتش ماتجريش عليها 
كمال شاف فيها:نتي ماشي سوقك
نعمة:عفااك اسي كمال مابغيتهاش تخسر خدمتها بسبابي وقع بيني وبينها سوء تفاهم وصافي مايستاهلش نكبروه الله يخليك 
كمال حسها كترجاه من نبرة صوتها شاف فسعاد:أخر مرة يتعاود هاد التصرف سمعتيني
سعاد مسحات دموعها:واخة اسي كمال كون هاني
كمال خرج وشد لباب
نعمة :اجي قاديلي راه تعطلت
سعاد قربات وهي كتقاد ليها شعرها وساكتة مانطقات تاشي كلمة سلات ليها ..نعمة ناضت لبسات الكسوة وخرجات دير خدمتها شافتو جالس وحاضيها ملي بدات الخدمة وهو كيجلس فداك الركن وكيبقة حاضيها ولا كيجي كل نهار عكس كي كان..كيجي جوج مرات فالسيمانة يشوف الخدمة كيغادا ويمشي.. كلشي لاحضها ..

نعمة كتسربي لكليان وكترجع برباطي دلفلوس كتعطيهم للبارمان يجمعهم ..ولاو كيطلبوها غا هي تسربيهم يحطو اموال كتيرة على قبلها ولاو عارفين طبعها الحاد وشخصيتها القوية ..محضوض لي بتاسمات ليه او عطاتو وقت واخة ماكاتكونش داك الابتسامة من قلبها ..وقفات حدا البارمان:خويا سعيد مد ليا داك القرعة دلما عفاك
سعيد:واخة اختي
مد ليها لقرعة شربات منها ورجعاتها ليه
سعيد:لاحضت واحد الحاجة..ماكاتاكليش وماكاتشربيش من الكباري..كتجيبي قرعتك دلما معاك علاش زعمة
نعمة:كون نصيب انا براسي مانجيش لهنا ..مابغيت تاشي حاجة من هاد لبلاصة
ومشات تشوف واحد من لكليان يلاه جا..سعيد بقة غير كيشوف مافاهم والو 
نعمة دازت عليها ليلة تقيلة بحال لي سبقوها سلات مشات بدلات حوايجها باش تمشي خرجات لقاتو فطوموبيل كيتسنة ركبات وكسيرا وقع الصمت حتى كتحس بيه حط ليها بين يديها شي غلاف حلاتو لقات لفلوس رجعات شداتو ..ورجعاتو ليه:ماعندي ماندير بهاد لفلوس
كمال وعنيه على الطريق:فلوس خدمتك ماشي صدقتهم عليك
نعمة:واخة لخلاص كيكون بالشهر وانا باقي مادوزت تا جوج سيمانات مقادين ..وتانياا انا ماكانخدمش عندك انا غير كنعاون بنت عمي وصافي مامحتجااش لهاد لفلوس غتسالا هاد 6شهور وانمشي بحالي فمرة ما اتعاودش تشوف وجهي..
كمال :ماعرفتش علاش لسانك طويل
نعمة:كانكون ساكتة نت لي كتجبدني 
كمال:صافي غير خليك ساكتة
تقادات فالجلسة ودورات وجها للشرجم ..ساكها مال وطاحت منو شي تصويرة..كمال قشعها:طاحت ليك شي حاجة
تحنات وهزات تصويرة وعنيه عليها:ديالمن داك تصويرة
نعمة:خطيبيي
كمال برك على لفران ووقف الطموبيل فالجنب بالجهد:كييفاش خطييبك .هدشي مافراسيش
نعمة:اووه سمحلي اسي كمال ماعلمتكش واش من نيتك هادي حياتي نت ماشي سوقك فيها
كمال خدا ليها التصويرة وشاف شكون:هدا مراد.

خدات ليه التصويرة:او من بعد ..راني عيانة وصلني لدار بغيت نرتاح 
كمال بقة غير كيشوف:عايشة معاه فنفس الدار 
نعمة:ونت مااالك خطيبي وغنتزوج بيه ..وليتي كتدخل فاي حاجة
كمال دور الساروت وهو كيفكر مانطق تاشي كلمة وقف قدام لباب
نعمة:احم بغيت نطلب منك واحد طلب
شاف فيها بمعنى شنو
نعمة:واخة تعطيني هاد اليوماين مريم غدير لعرس بعد غدا خاص نوجد معاها 
كمال:واخة
كان كيحساب ليها غيتعكس ستغربات..حلات لباب ونزلات بلا تاشي كلمة ودخلات بقة حاضيها عاد كسيرا ومشا 

دازت هاد ليلة وجا نهار جديد 

خرجات من دوش نشفات شعرها وحلات لبلاكار جبدات كسوة فرمادي طويلة خفيفة لبساتها ودارت فوقها تجاكيط دلكوير وصبادرين طالعة فرجليها وشال فوق راسها ..هزات ساكها ونضادرها هبطات لقاتو كيتسناها بتاسمات:يلاه نمشيو
مراد:ها حنا مشينا
خرجو حل ليها باب طوموبيل ركبات وركب تاهو 
دور ساروت وكسيرا :فين نمشيو لول
نعمة كتفكر:دينا لداك لكافي لي حدا لبحر بغيت نشربو قهيوة تماك..من بعد عاد نمشيو للمول
مراد بتاسم:واخة
وصلو للكافي خاص بجميع انواع دلقهوة كيطل على لبحر طلبو النوع دلقهوة لي باغيين وخرجو جلسو فلاطيراس كيطلو على لبحر . كان الجو بارد 
نعمة:كنحماق على ريحة دلقهوة
بتاسم ليها وهو كيشرب من قهوتو بقاو ساكتين شحال عاد نطق:نعمة مالك
نعمة:والو علاش
مراد؛عنيك دبلانين واخة كتحاولي تبتاسمي وتخبي علينا...انا كنعرفك مزيان..عاوديلي
نعمة تنهدات وهي كتشوف فالبحر مستحيل تقولو شي حاجة:مراد كو كانت شي حاجة غنقولهالك راك عارف ماكانخبي والو
مراد:صافي واخة..المهم خليك ديما مبتاسمة كنكره نشوفك مبيونة صافي
بتاسمات وهزات راسها باه:واخة
وقف عليهم واحد كيبيع لورد:خود ليها وحدة حمرة باش تعرف شحال كتبغيها
مراد بتاسم:ارا الحومر كاملين
جمعهم ليه كاملين:تفضل اسيدي
مراد جبد لفلوس ومدها ليه
البائع:ماعنديش الصرف
مراد:بصحتك 
البائع:شكرا بزااف.والله يخليكم لبعضياتكم
نعمة ومراد فدقة وحدة:امييين
بتاسمو بجوج
نعمة :شكرا
مراد:تستاهلي كتر ..شنو بان ليك نبدا نجيب ليك الورد كل نهار
ضحكات:هههه ماكرهتش والله
مراد عجباتو ضحيكتها
نعمة بقات كتشوف فدوك لوريدات علات راسها وهي تشوفو اونفاض معاها شاد القهوة وكيشرب منها وفنفس الوقت كيكمي وعنيه مفيكسين عليها..بلعات ريقها وقلبها بدا كيضرب فلمية تلفات شافت فمراد:يلاه نمشيو 
مراد:واخة نمشي نخلص ونجي
مشا يخلص وهي بقات واقفة غتموت بلخلعة خصوصا فاش شافتو جاي لعندها وقف حداها:شتك كترومانساي مع حبيب القلب
نعمة كترجف:كمال سير من لهنا هاهو غيجي دابة
كمال:خفتي يعرف شي حاجة ويسمح فيك
نعمة:كماال سير
كمال خدا ليها وردة من بين بين لورادي:كتبغيه
نعمة شوية وتبكي بلخلعة عارفة مراد ماكايتفاهمش:الله يخليك اكمال اتجبدلي الصداع معاه
كمال:جاوبيني واش كتبغيه
نعمة:اه كنبغييه او بزاف..وسير عفاك
كمال بتاسم:خايفاه يسمحح فيك
نعمة كتشوفو مهدن مامسوقش :كمال غتجبد لي الصداع
قفزات فاش شافتو جاي ولا قلبها كيضرب فلمية وقف حداها وعنيه على كمال مخنزر فيه:شنو واقع هنايا
كمال بابتسامة وبهدوء:اول مرة انجي لهاد لكافي شريت قهوة وماعجباتنيش..قلت زعمة نسولها على النوع دلقهوة لي فيديها ناخدو تا انا..شكرا اختي غناخد هاد القهوة لي قلتي ..وهادي لوردة ديالك طاحت ليك..وسمحولي لا صدعتكم
ومشا وهو مبتاسم
نعمة:يلاه نمشيو
مراد:واش قلقك.
نعمة:لا ماقلقنيش غير سولني وصافي
مراد:صافي يلاه نمشيو 

مشاو للمول 
شرات داكشي لي غتحتاج باش تحضر للعرس دمريم تسراو شوية ورجعو لدار ..عاونات مريم ومرات عمها فتوجاد ..وداكشي لي خاص للعرس مشا ليهم النهار غير فهادشي

جا نهار جديد .(نهار العرس)

كانت دنيا عامرة وناس جاو صالون خاص بلعيالات واونفاص معاه صالون خاص بالرجال وفالوسط كاينة لكوشة دلعرسان جالسين والانضار كلها عليهم..طبعا مريم لابسة قفيطين فلباج ملبوس عليها مع لحجاب فوق راسها مقاد بطريقة زوينة ومكياج خفيف..جات فنيونة ومصطفى حداها بكامل اناقتو بكوستيم فرمادي..كانت الفرحة باينة فعنيهم وكل شوية كيجي شي حد يبارك ليهم..وصوت زغاريت وصلاة على نبي مسموع كلشي كان فرحان 

نعمة كانت واقفة بكامل اناقتها مع زهرة كيستقبلو الضياف لي كيجيو...كانت لابسة كسوة طويلة كلها ورادي ملونين غالب عليها اللون زرق مغلوق مع شال فلزرق ومكياج خفيف جاي معاها ومبين ملاميحها جات زوينة
زهرة:بنتي سيري جلسي مع لبنات راك من قبيلة ونتي واقفة معايا اصلا كنضن ضياف كلهم جاو
نعمة:واخة
مشات وجلسات مع لبنات هزات راسها وهي تلقاه كيشوف فيها باعجاب بتاسمات ليه وكملات هضرتها مع لبنات وهي حاسة بيه مزال كيشوف فيها رجعات شافت فيه كتوتر فاش شي حد.كيبقة حاضيها..بتاسم فهمها ونزل عنيه عاد كملات هضرتها

دازت مدة كانت واقفة وكتشوف فلعرسان شحال متواتين وهي مبتاسمة حسات بشي يديدات صغار كيجروها من لكسوة نزلات عنيها وبتاسمات كانت بينتة صغيرة وفيديها بوكي دلورد تحنات لعندها:شنو بغات لاميرة
لبنيتة:عمو مراد صيفط ليك هادو
بتاسمات وخداتهم شماتهم ريحتهم زوينة:شكرا احبيبة
مشات لبنيتة كتجري..نعمة علات راسها وهي تشوفو مبتاسمة دارت ليه اشارة بأنهم عجبوها بتاسم ليها ودخل عند رجال ..

جا وقت لعشا..قادو سربايا الطبالي وحطو لناس لعشا ..من بعد جا وقت لكاطو..طلعات لعروسة بدلات لقفطان لبسات كسوة فلبض ولبلووند كاصي بكلمام طويلة وواسعة ملتحت بطريقة زوينة وعاد لحجاب وبوكي دلورد فيديها جات زوينة ..وقفو قدام طبلة لي فيها لقاطو دلعرسان وناس ضايرين بيهم

مريم كتقلب على نعمة:فين هي نعمة
نعمة:ها انا
مريم:اجي قربي نتصورو حدا الحلوة
نعمة قربات لعندها خدات تصويرة هي وياها قدام الحلوة ..مريم جراتها لعندها وعنقاتها:شكراا بزاااف
نعمة :تستاهلي تكوني فرحانة الله يكمل عليك بلخير
مريم:أميين
طعو لكاطو وتصورو لعرسان جلسو شوية من بعد جا الوقت باش تمشي لعروسة مع راجلها

كانت حدا طوموبيل وعنيها دامعين ماسخاتش بعائلتها وعاد غدا اتمشي لفرانسا دوز شهر العسل غتوحشهم

مريم معنقة ماماها:غنتوحشكم بزاااف
زهرة تاهي كتبكي:تا حنا ابنتي ولكن هادي هي الدنيا
مريم سلمات على خوها وباباها وشافت فنعمة وتلاحت عليها عنقاتها:ماغانسخاااش بيك انتوحشك اختي يزاف
نعمة بتاسمات:اتخوة عليا الدار انبقة نعس بووحدي 
مريم بعدات وشافت فيها:صافي انبقة معاك
نعمة:هههه سيري ونتي على سبة..ياك كنتي كتخلمي بهاد النهار
مريم:اه ولكن جا دغية 
نعمة:فرحت ليك من قلبي الله يخليك ديما فرحانة
مريم بتاسمات وسط دموعها:امييين وعقبتلك نحضرو ليك تانتي
نعمة:امين..سيري مصطفى كيتسنة
رجعات سلمات عليهم:غدا قبل نمشيو للمطار اندوزو عندكم عاد نمشيو
زهرة:واخة ابنتي
ركبات فطوموبيل ومشات 
نعمة تنهدات ودخلو لداخل ضياف بقغو كيمشيو شوية بشوية تا مابقة تاشي حد..جمعو لخدامات روينة
زهرة:نوضو نعسو راه عيينا
نعمة:ااه يلاه 
مراد:تصبحو على خير
طلع كل واحد لبيتو 

نعمة دخلات البيت جلسات جاها لبيت فشكل بلا مريم حسات بالقنطة بقات جالسة شحال تقريبا نص ساعة حتى كتسمع طليفونها كيصوني ..شافت رقمو ستغربات.شافت فساعة 2ونص.جاوبات:الو لاش معيط لي
كمال بصوت تقيل :خرجي داابة هنا حدت لباب
نعمة :واش من نيتك ياك قلنا تا لغداا
كمال بلغوات:خرجيييييي
نعمة من صوتو عرفاتو سكران بلعات ريقها:كماال شوف غدا نجي دابة راه
قاطها بصوت تقيل بالسكرة:اتجي دابة وغدا وبعدو وديييما سمعتيني واخرجي قبل نزل ندير ليك لحيحة ونفيقهم كاملين خرجيييي بغيت نشوفك 
نعمة خافت يديرها:واخة واخة هنا جاية
قطعات حطات طليفون وناضت بشوية حلات لباب مابان ليها تاشي حد أيكونو نعسو ..نزلات بخطوات تقال خرجات من جردة وماشافتش لعنين لي حاضينها من لبالكون..لقاتو واقف بطموبيل حلات لباب وركبات :اش بغييتي دوي دغية خاص نرجع 
كمال شاف فيها :جيتي زوينة
نعمة جالسة على اعصابها:كماااال غنزل 
كمال دور الساروت وحرك الطموبيل:يلاه معايا
نعمة :اويلي فين غادي نزلنيي اكمال هادي 2ونص
كمال غير سايق وساكت مخليها كتغوت

كان فلبالكو ماجاهش النعاس وخرج يضربو شوية دلهوة حتى كيشوفها خارجة كتسلت ومع كيبان ليه تا شانطي لي على برة شافها فاش ركبات..نزل بالزربة يشوف فين غادة لقا طوموبيل مشات ..جبد طليفونو يصوني عليها بقة كيصوني تا شداتو لبواط فوكال ولا كيغلي وداتو كلها كترجف..ماعارفهاش فين مشات ومعامن مشات فهاد الليل..حس براسو غيطرطق

كان فلبالكو ماجاهش النعاس وخرج يضربو شوية دلهوة حتى كيشوفها خارجة كتسلت ومع كيبان ليه تا شانطي لي على برة شافها فاش ركبات..نزل بالزربة يشوف فين غادة لقا طوموبيل مشات ..جبد طليفونو يصوني عليها بقة كيصوني تا شداتو لبواط فوكال ولا كيغلي وداتو كلها كترجف..ماعارفهاش فين مشات ومعامن مشات فهاد الليل..حس براسو غيطرطق..مشة دغية ركب فطوموبيلتو كسيرا بالجهد وهو كيقلب فالطرقان يقدر يلقاها..ماخلا فين مشا او والو غبر ليهم الاتاار...ضرب فدريكسوون بالجهد فاش تخايلها مع شي واحد بوحدهم...

عند نعمة

نعمة كتشوف فالطريق ماعارفاش فين دايها:كماااال فين داايني رجعني لداااار 
كمال شاف فيها ورجع شاف فالطريق:انديك لداري 
نعمة بلعات ريقها:كيفااش..لا ماغانمشيش معااك سمعتيني حطنييي..
كمال ماجاوبهاش..بحاليلا ماكايسمعش صوتها هي كتغوت باش ينزلها..وصلو للدار حل ليهم واحد من رجالو لباب لبارانية دخلو وحبس الطموبيل:نزلي
نعمة:لا ماغانزلش
تنهد ونزل حل ليها لباب:نزلييي راه شاداني طياارة ماتزيديش تجعرينيي نزلي
نعمة:لاااا قلتلك لا رجعني لدااار 
كمال تحنو لعندها وشدها من يديها وهي تقفز تنترات منو:ماتقيصنيييش
كمال رجع اللور:وانزلي بلا صداع باش مانهزكش راه نديرها
نعمة:كماال زدتي فيه او بزاااف ياك تافقنا تا لغدا عاد انجي نخدم لاش هاد لفضيحة كلها..واش باغي تجبدلي الصداع..خاطيبي لاصاق لخباار غيقتلنيي..رجعني لداار أكماال
كمال:قلتي خطييبي
نعمة:اااه
كمال جرها بالجهد من يديها خرجها من طوموبيل وهي كتغوت وقفها اونفااص معاه وهضر وهو عاض على سنانو وريحة لويسكي كتضرب فوجها:ادخلي لداار بالتي هي أحسن ولا غنقلبوها هزان وداكشي لي ماكايعجبكش وتبداي عليا ماتقيصنيييش ماتقربليييش حقيير
كان كيقلدها فاش كتقولها خخ
كمال:يلاه ختاري
نعمة تنترات منو:رخي مني بعدة هنا داخلة
رجع للور:يلاه تفضلي
تمات غادة وهو موراها وهي عنيها كتسارا على لبلاصة فين هي..حتى كتلمح لباب محلولة ديال زنقة من جيهة لوخرا..تشجعات ودفعاتو ومشات كتجري ليها ..
كمال بقة واقف. تنهد وهو كيشوف فيها وهي كتجري بقة حاضيها حتى كيشوفها وقفات وراجعة لعندو كتجري بتاسم وهو خاشي يديه فجيابو ...كان لكلب دلحراسة تابعها ..نعمة كتجري وهي كتغوت ولكلب موراها كان شكلها كيضحك تخبات مور كمال:بعدووو علياا غيعضنييي..كمااال...وااااااع..ماامااا..كماال
جا واحد من رجال وبعد لكلب عليهم .. 
كمال ضار لجهتها:راسك قااصح
نعمة خنزرات فيه:شنوو باغي منييي بغيت نمشي بحاالي
كمال جرها من يديها ودخلها لدار وسط غواتها عاد رخة منها
يلاه ايهضر وهو يسمع صووت مو من موراه:اش واقع هناا
كمال:والو الواليدة غير جاونا الضيااف سيري تنعسي 
جميلة (الام):ياك ما خطفتيها
نعمة قربات لعندها:خاالتي قولو يخليني نمشي بحاالي ولدك تسطة جايبني فهاد ليل معاه بالسيف علياا 
جميلة شافت فكمال:لا نت زدتي فيييه رجع البنت لدارهم هاد الزعامة لي فيك شي نهار اتجيب ليك التمااام 
كمال مشى بخطوات تقال عمر كاس ورجع عندهم:نتي طلعي تنعسي صافي ونتي سكتي و اجي قربي لعندي
جميلة:لا حول ولا قوة الا بالله شهاد المصيبة جابها ليا الله الناس ولدو لولاد وانا ولدت الجن لكحل ماكايخاف ماكايسخط واش ماكاتعياش من المشاكيل وصداع الراااس رجع البنت لدارهم خلينا ندوزو هاد ليلة على خير
كمال غوت :واااا ماشي سوووقك طلعييي تنعسي
جميلة يلاه اتجاوبو وهي تسمع صوتوو داخل كيغني وكيمييل
رشدي(الاب):عندوو الزييين عندو لحماااام دايرو في داارو
جميلة:هدشي لي بقة تجمعولي غا سكايرية فهاد الدار تفووو 
رشدي بالسيف باش شاد راسو ولسانو تقيل بالشراب:ولدي كمال راك هنااا..كنشوفك غا من ليل ليل ههههه 
كمال هبط على كاسو فدقة:انا ماولد حد
ومشا عند نعمة:اجي نتي معايا
رجعات اللور:بعد منيي 
شدها من يديها وتم طالع بيها لفوق وهي كتغوت :رخييي منيي فين دايني
جميلة تابعاه:رخييي منهااا يا المووصيبة 
رشدي طالع تاهو فدروج كيمييل:أخلييييه يفرعكع لبشونة هههههه ولدي كيشبهلييي 
جميلة :اربيي شهاد لعائلة عطاني الله ولد حمق مصرفق والراجل ضارب دنيا بركلة
رشدي:ونتي بنت القحبة بلورااق ههههههه شلاهبية يا نصااابة بقيتي عليا تا كتبت ليك كلشي بسميتك
جميلة:كون كنتي كتبقة صاحي كي سيادك كاع مانديرها بيك اسكايري 
رشدي كيغوت:واارجعيلي فلوووسيي بغيييت فلوسي
جميلة خلاتو كيهضر وطلعات لبيت كمال فاش سمعات لغوات بقات كدق بتلجهد فلباب مبلعة بساروت:حلللل لبااب بعد من لبنت حل لبااب

لداخل
كمال كان كيعمر لكاس بلويسكي ونعمة كتحاول تحل لباب:حل علياااا بغيت نمشي بحاالي
كمال هبط على داك لكاس فدقة وقرب لعندها:واش ماكاتعرفيش تسكتي
نعمة:واش نت حمممق ولا شنوو لاش جايبني لهناااا 
كمال تنهد:كون هانية ماجايبكش باش نغتاصبك ولكن لا بقيتي هكا غنسرح مك فوق النموسية وناكلك لحلييوة اش بان ليك لا سكتيي ودرتي عقلك 😉

نعمة:ايوا غير جرب وقربلي كنقسم لييك حتى نقتلك والله تانديرهاا

كمال يلاه ايهضر وهو يسكت مشا حل لباب صدعو دقان وصوت مو كتغوت:اش وااقع شنو بغيتي
جميلة:بعد من لبنت 
كمال:ونتي سوقك سيري قابلي راجلك
جميلة:شربتي دوااك
كمال ضرب يديه مع لباب:سييييري تنعسيييي 
جميلة:وزايدها بالسكرة .واش باغين تحمقوني
كمال :غنشد لباب كنقسم ليك ورجعتي دقيتي حتى نشعل فهاد الدار كلها لعافية
وزدح ليها لباب فوجها وشاف فنعمة:راني نديرها وبقاي كتشوفي فيا
نعمة مصدومة مافاهمة والو فهاد العائلة 
كمال مشا وجلس فوق النموسية:قربي اجي تجلسي
نعمة شافت فساعة 4 هادي:كمال خليني نمشي بحالي
كمال:اجي نهضرو وسيري داك ساع بحالك كون درتي عقلك كون مشيتي هدا شحال 
نعمة جلسات اونفاص معاه فوق واحد الكرسي:دوي كنسمع
كمال بقة كيشوف فيها شحال:عنيييك بحال شي بحر كيلمع
نعمة نزلات عنيها لتحت:هدشي لاش جايبني
كمال:لا 
نعمة:كمال لوقت كيمشي هضر دغية
كمال:انا مستااعد نخليك تمشي بحالك ولكن..
نعمة:ولكن اش
كمال:تكوني معايا 
نعمة بتاسمات كتستهزأ بيه:واش تسطيتي كيفاش نكون معاك
كمال:ماعرفتش نحس بيك ديااالي بوحدي ماشي بضاروري نقيسك او داكشي لي فبالك..بغيت نشوفك كتبتاسميلي وتهضري معايا مزيان بحال كي بتاسمتي لمراد.داك النهار وديري فيا نفس الشوفات لي شفتيهم فيه..نشوف فعنيك الحب وداك اللمعة ديال الفرحة ..نحس بيك معايا نعمة انا باااغييك ..لبارح فاش ماجيتيش للكباري حسيت بالخنقة بحاليلا ناقصاني شي حاجة لدرجة وليت كنشوفك كدوري فلكباري ونتي ماكايناش وليت كنتخايلك غادة جاية قدامي 
نعمة كتشوف فيه وهي مصدومة
كمال:شوفي ماعارفش اش هادشي واقع لي واش حب ولا مانعرف شكا يقولولو مافاهمش هادشي ..هاد الاحساس فايت لي حسيت بيه شحااال هدا فاش كنت يلاه بديت نبغييها حتى تحول هاد الاحساس لعشق ولكن هي ماتت ومات معاها داك الاحساس ضلامت دنيا فعيني وليت بحال داك لحمق بلا بيها لا انا حماقيت..ولكن دابة رجع داك الاحساس بدا كيتسلل لقلبي شوية بشوية فاش دخلتي لحياتي ..ماكانضنش هادشي غيدوز على خير لا رفضتيني..واش كتعرفي شنو معنة يموتو احاسيسك مع واحد الشخص كونتي كتعشقيه ويرجع يحيى من جديد دابة.. هادي راها معجزة ..نعمة نتي رجعتي روحي لبلاصتها ادن نتي خاص تكوني معايا..باش ما يوقعوش شي حوايج خايبين ..حيت انا حمق..شوفي بغيت نرجع نعيش هاد الاحساس واخة غير ففترة محدودة ماعنديش مشطل نعيشو غير ف6شهور المهم نرجع كيف كنت.. 

نعمة كتشوف فيه كيف كيهضر..مبدل عليها ماشي كمال لي كتشوفو فالخدمة صاارم وصعيب..لا دابة كيبان ليها حمق ومصرفق ..فشكل فهاد اللحضة خافت منو كتر ملي كيكون معصب وصاارم..بان ليها دابة بحال شي واحد حمق ومهووس خارج من طبيب 
كمال:جاوبيني
نعمة غير ساكتة كتحاول تفكر كيغاتصرف معاه:كمال ماشي وقت هاد الهضرة..نت دابة سكران وماعارفش راسك شكا تقول راه يلاه بديت لخدمة ماكاملاش جوج سيمانات
كمال:جوج سيمانات كافيين باش دخلي لحياتي ..
نعمة:واخة دابة راه مشا لحال خليني نمشي وغدا نهضرو صافي
كمال بقة كيشوف فيها شحال:واخة
نعمة ناضت بالزربة:يلااه
كمال؛سبقيني هنا جاي
خرجات طايرة وهبطات لتحت لقات فصالة جميلة غير شافتها مشات عندها:ياك ما اداك داك لمسطي
نعمة:خالتي كمال مالو
جميلة تنهدات:كمال ابنتي مريض نفسي ..كان كيبغي واحد لبنت دارت حادثة وماتت .تصدم ولا معصب بزاف لدرجة كبيرة ماتصوريهاش ..يقدر تجيه سكتة قلبية من هاد الاعصاب يقدر يدير اي حاجة ويفقد الشعور الطبيب عطاه دوة خاص بحالتو النفسية راه متبعو.بنتي حاولي تبعدي من طريقو 
نعمة بقات غير ساكتة
جميلة:نقولك واحد السر
نعمة هزات راسها باه:باه هو لي صيفط باش يقتلوها دخلو فيها بطوموبيل..هدشي لي زااد خلا كمال يدخل فصدمة نفسية خلاتو يخرج على طوعوو
نعمة شهقات وهي مصدومة
جميلة:باه واحد لحقيير .دمر حياة ولدو بيديه..حيت لبنت كانت فقيرة ..لي قالييك لفلووس رحمة يجي عندي نرمييها عليييه لفلووس هي سباب المشاكيل ابنتي ..حمقات ليا ولدي وراجلي ولا سكايري زهوااني ..ولكن انا صدقت فشكل هههه لعبت عليه حتى كتب ليا جميع املاكو بسميتي حيت عارفاه يقدر يرميني لزنقة ويجيب وحدا خراا..دابة بلا بية مايقدرش يمشي تا من لهنا لهييه ..كلشي فيديي 😉
سكتات فاش شافتو هابط
كمال شاف فمو:كتعاودي ليها قصة حياتي 
جميلة:بعد من البنت اولدي يهديك الله
كمال بتاسم:الواليدة هدي هي لي اتولي تشوفيها معايا ..زيدي نتي نوصلك
خرجو ونعمة غير ساكتة كتشوف راسها معامن طاحت فواحد مسطي هو وعائلتو 

ركبو فطوموبيل بلا ماينطقو تاشي كلمة..نعمة كتفر فهدشي لي هي فيه تنهدات بصوت مسموع خلا كمال يشوف فيها:ماتعدبيش راسك بالتفكير كلشي واضح ..
نعمة وعنيها على طريق:خلينا ساكتين 
كمال:باش مانساش باش تعوضي هاد ليوماين لي ماخدمتيش غدا اتجي بكري مع داك 12 دصباح اجي للكباري
نعمة:كييفاش ياك لخدمة بليل
كمال:بليل بنهار..هدشي انا لي كنقررو صافي 
كمال سكت وقفو قدام لباب حلات لباب ونزلات ودخلات بلا تاشي كلمة وهو حاضيها تا دخلات عاد كسيرا ومشا
نعمة داخلة بشوية ماباغاش الدير لحس يلاه اتطلع فدروج وهما يتشعلو الضواو حسات بقلبها وقف غمضات عنيها سمعات صوتو:نعمة
ضارت لجهتو وهي كترجف:مراد
مراد قرب لعندها وهضر بهدوء عكس لبركان لي فلداخل ديالو:ياك لاباس
نعمة كتحقق فملاميحو مابان ليها والو:والو واش عاد فقتي
مراد كان هاز فيديه كاس دلما:نزلت نشرب ونتي شكا ديري فهاد ليل 
طلعهاو نزلها:ماسخيتيش بحوايجك ولا شنو
نعمة تلفات بقات غير كدور فعنيها ماحملاتش راسها فهاد اللحضة:لا غير ماجانيش النعاس بقيت سهرانة ونزلت جلست فالجردة شوية ودابة غنطلع النعس
مراد بتاسم"واخة يلاه تصبحي على خير 
نعمة:تصبح على خير
وطلعات فالدروج ودموع محجرين فعنيها كدبات ليه فوجهو شافت فعنيه وكذبات عليه...شغا يدير فيها لاساق ليها لخبار كانت مع واحد اخور فدارو وفوسط بيت نعاس ديالو ..دخلات لبيتها شدات عليها لباب وبدات كتبكي ..كتحس بهادشي غير لبداية حاسة باحساس خاايب كيقتل فيها ملداخل...ناضت دخلات لحمام دوشات وتوضات وخرجات جلسات كتقرا فالقرآن وهي كتبكي وتطلب من ربي يعاونها حتى كتسمع صوت ادان الفجر..رددات موراه عاد ناضت صلاة وتخشات فبلاصتها وهي مزال كتطلب من ربي يعاونها..تا داتها عنيها ونعسات 

جا نهار جديد 
فاقت وراسها كيضرها شافت فالساعة 11ونص كانت ديما كتفيق بكري تنهدات فاش تفكرات خاص تمشي لداك لكباري..ناضت بدلات عليها قدات شالها فوق راسها حتى كتسمع طليفونها كيصوني كان هو جاوبات:صبحنا على الله
كمال:صبحنا على الاصوات الزوينة
نعمة:طلقني اش باغي
كمال:اتلقايني كنتسناك حدا لباب لوراني
نعمة:ولاش محن راسك راه نهار هدا طاكسيات موجودين
كمال:فهاد ساعة ماعندي مايدار وقتي كلو ليك
نعمة:شلااا .سير ديها فراسك
كمال:المهم هنا كنتسناك 
وقطع
تنهدات بعصبية ونزلات شافتو جالس فصالة ماشي من عوايدو:مراد ماخدمتيش
شاف فيها شوفات مافهماتهمش:لا
نعمة:واخة.اه لقيتك معيط لي بليل واش كنتي باغي شي حاجة
مراد:اه ولكن دابة لا
نعمة ماعجبهاش حالو تنهدات:.هنا مشيت عندي شي بحت
زهرة:واجي تفطري
نعمة:دابة ناخد شي حاجو فالزنقة 
زهرة:ابنتي بعدي من الماكلة دزنقة 
نعمة:ان شاء الله
محمد:اجي ابنتي
قربات لعندو:نعام اعمي
محمد جبد شي فلوس من جيبو:خودي هادو لاحتاجيتي شي حاجة
نعمة:لا اعمي عندي مامحتاجة والو شكرا
دارها ليها فجيبها:سيري ابنتي الله يرضي عليك
باست ليه يديه وخرجات وهي كتحس بتأنيب الضمير مشات من الجردة نيشان للباب اللوراني وهو حاضيها كي غادة كتسلت خرجات وركبات معاه ..خلاهم تا ديمراو عاد مشا بالزربة ركب فلوطو ديالو كان حطها على برة كان موجد كلشي..يلاه ايديماري طوموبيل وهو يشوفو ركب حداه:الواليد
محمد:شتك ماشي هو هداك قلت نتبعك نشوف مالك ماسمعتينيش فاش كنت كنعيط ليك.ولكن كتاب نشوف هاد المنضر.دابة ديماري نشوفو شكون هداك لي رككبات معاه
مراد بقة كيشوف فباه:متأكد
محمد:متأكد
مراد كيسوق وهو كيحس بنار شاعلة ليه فقلبو كتحرقو واخة هكاك باغي يتأكد ماباغيش يضلمها ماباغيش يفقد التيقة ديالو فيها

عند نعمة

كانت ساكتة
كمال:شحال كتكوني زوينة ونتي ساكتة مهدنة
نعمة:شحال كتولي بهل ملي كتقول بحال هاد الهضرة لباسلة
كمال بتاسم وشاف فالطريق :فطرتي
نعمة:ماشي سوقك
كمال:انا باقي مافطرت خاص ناكل شي حاجة
نعمة:تاكل فيه السم ان شاء الله
كمال:انا وياك ازين
نعمة سكتات وهي كدعي فيه فنفسها شافتو وقف ونزل حدا واحد المطعم دازت مدة حتى كتشوفو راجع وفيديه لفطور وليد لوخرا بوكي دلورد ..طلع لطوموبيل:هادو ليك
نعمة خداتهم :اووو زوينين
وحلات الشرجم ورمات لورد:الورد كنشدو من عند شخص واحد لي هو خطيبي مراد الراجل لي كنبغي
كمال حل لعاصير وبدا كيشرب منو وياكل فلبيسكوي عاد جاوبها:اوووه هاد مراد شتو ساكن ليك فالدم
نعمة:اه كنبغيه
كمال مد ليها لعاصير:شربييه ماشي تلوحيه على الشرجم راه غالي ديال لفريز
نعمة خداتو يلاه اتلوحو على الشرجم وهو يشد ليها يديها:شتك ضسرتي بغيتي نبدل التعامول هانية 
تنترات منو:ماتقيصنيييش
رخة منها ونزل من الطوموبيل مشا لجيهتها هز داك لورد ومدو ليها من الشرجم:اقسم بالله وتولي تلوحيه ندير فيك داكشي لي ماكايعجبكش هنا وقدام الناس راني حمق ونديرها

ماجاوباتوش دورات وجها لجيهة لوخرا حط ليها لورد بين يديها:ديري عقلك
ورجع ركب فبلاصتو وديمارا الطوموبيل وهي غير ساكتة تاوصلو للكباري نزلات وهو يعيط ليها:هزي لورد
نعمة مافيها مايتصادع معاه هزاتو
نزل ووقف حداها:شمي ريحتو زوينة ..النرجس من احسن نوع دلورد ختاريتو على قبلك..شمييه وبتاسمي كي بتاسمتي داك نهار لمراد
نعمة تأكدات انه حمق بلوراق 
كمال:شكا تسناي
شمات لورد:زوين
كمال:عجبك
نعمة:انبقاو واقفين هنا ولا شنو
كمال:زيدي ندخلو
دخلو لداخل ...كان واقف بطوموبيل وكيغلي كيحس براسو غينفاجر الاعصاب كيلعبو ليه فوق راسو .محمد كيشوف وهو مصدوم دخلات للكباري ومع واحد اخور تنهد بحصرة شاف مراد نزل نزل معاه تاهو ..بجوج مصدومين ...

لداخل 
لبسات كسوتها ضطرات تقاد شعرها بحدها حيت سعاد ماكايناش كتافات بماسكار وشوية دلعكار وتنهدات حلات لباب وهي تلقاه فوجها خنزرات فيه وكملات طريقها دخلات لصالة ماشافت تاشي حد ستغربات حسات بيه وقف حداها:مال دنيا خاوية
كمال:جبتك باش غير دوزي معايا نهار وصافي لخدمة تا ليل
نعمة :واش باغي تحمقني انخدم انا بنهار وليل ولا شنو فوقاش ما رشقات ليك تخرجني من دار زدتي فيه او بزاف
كمال بابتسامة:قلت ليهم يوجدو لفطور عارفك مافاطراش
نعمة:ماباغااش ناكل 
كمال كيشوف فالطبلة لي وجدو :لماكلة واجدة ماخاصش نرميوها حيت نتي ماباغاش تاكلي.ضياع مامزيانش..
نعمة:كلها نت
كمال:ناكل انا وياك😉
شدها من يديها وتم غادي بيها يلاه اتنتر منو وهي تشوفهم واقفين وكيشوفو فيها وهما مصدووميين ..حسات بالدنيا ضارت بيها ورجليها مابقاوش هازينها
كمال بتاسم وهو مازال شاد فيديها:مالك سكتي درتي عقلك..شتي ياك كنقولك كتولي زوينة نتي ساكتة 
وبعد خصلة من شعرها كانت على وجها نعمة من الصدمة مادارت تاشي ردة فعل غير كتشوف تاعنيها مارمشاتهمش تبلوكات
كمال حس بشي حاجة ماشي هي هديك دور وجهو يشوف فين كتشوف تصدم هو التاني

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki