التوأم المختلف الجزء الثالث

من تأليف Elinesaidie
2018

محتوى القصة

رواية التوأم المختلف

دازت تقريبا نص ساعة و هبة بدات كتحل عينيها و كتحس براسها مربوطة 
هبة:فين أنا واااش كاااين شي حد هنااااا (كتحاول تحرك يديها و حسات ب شي ضهر موراها بقات كدور راسها تشوف شكون ولكن الشخص لي ملاصق معاها فوق الكرسي حادر راسو بقات كتحرك فيه بعنف تا فيقاتو )
جاد:أش هادشي آي رااااسي غينفاجر 
هبة:(الصوت مغريبش عليها)شكوون نتا و شنو كندييير أنا هنا و علاش أناااا هناااا مربوطة معاااك 
جاد:غير بشوية متكمليش عليا 
هبة:جاد 
جاد:اه هو و كيفاش حنا هنا ولا علاش منعرف لي عارفو هو أنك تخطفتي و أنا تبعتك و منين دخلوك منعرف شكون ضربني ل راسي و الكمالة من عندك 
هبة:أي مصيبة كطرا ليا إلا و عندها علاقة معاااك 
جاد:سمعي الخرا لا طلعي ليا فوق ك..ي ماشي تبعتك باش نعاونك و نتي كتلصقي فيا مصائبك دابا غتسكتي و تخليني نفكر و لا غتشوفي شي حاجة مغتعجبكش 
هبة:ديك الهضرة زيدها فيك نتا السباب عوتاني نتاااااا شمن خطة جديدةة هادي ثاني هاااا شنو باغي مازااال 
جاد:يا رب صبرني معا هاد المخلوقة شي نهار ندفن مها حية 
هبة:من شحال هادي و واحد الطوموبيلة كتبعني 
جاد:ديك الساع علمي البوليس 
هبة:ماشي من عادتي نستاعن بالقانون حقي كنردو ل راسي بيدي 
😳😳😳😳جاااااااد أويييليييي فيراااااان حدااا رجليا 
جاد:غير سكتي راك خلعتيهوم مساكن 
هبة:(بالغوااات)وااا ماااامااااا فاااار ياااربي مياكلونيش (كدمع)عافاك أجاد راه كنخاااف منهم إيلى هادي شي تمتيلية منك خرج عليا هاد الزبل من هنااا الله يخليك 
اووووف كيقربو لياااااا 
جاد:ههههههههههههههه 
هبة:تهجرووو واااااكوااك رجليا 
جاد:باراكا متبقااي تركلي نسايهوم واش كاينين و مغيقربوش ليك 
هبة:علاش أي حاجة خايبة ف حياتي عندها علاقة بيك علاااش 
جاد:هبة عتادرت منك بزاف على اللي فات و نتي ما باغاش تنساي و تسامحيني 
هبة:ننسى شنو ننسى الضرب الحرق و الجلد كاع أنواع التعديب دوزتيهوم عليا واخا نكون قتلت باك مغادير ليا هكاك و باغي نسمح ليك واخا تنطابق السما مع الأرض مستحيل نسامحك نتا مثال لاي حاجة خايبة ف حياتي و دابا شوف كي دير نخرجو من هنا راه تخنقت 
جاد:نزار خالك فعلا ماشي الواليد ديالي مربييني آه عندك الحق مي الحقيقية باعتني ب ثمن قليل بزاف خالك تهلا فيا من صغري عمرو خسر ليا خاطري لي طلبتها كتحضر رباني كبرني و قراني و أهم من هادشي كامل عمرو خبا عليا الحقيقة و فنفس الوقت عمرو جرحني بيها من نهار كونت راسي و وليت من رجال الأعمال المشهورين قطعت وعد على راسي الناس لي وصلوني لهنا عمرني نآديهوم ولا نخلي شي حد يآديهوم منين تاصلو بيا و قالو بلي حماق متيقتش عاود ليا جدك كلشي درتيه غسل ليا دماغي كنت كنشوف الواليد ديالي كيضيع مني بسبابك كل نهار هارب من الدار كل نهار مصيبة جديدة كرهتك و بزاف و زدت كرهتك فاش شفتك نتي و ختك سهرانين بالليل و كنتي فرحانة بحالا عمرك آديتي شي واحد متقدريش تصوري باش حسيت و الباقي راك عارفاه لي معارفاهش هو أنك عمرك كنتي السباب ف هاد الشي كامل الدنيا لعبات بينا ب زوج و كتاب لينا نتعارفو بهاد الطريقة الخايبة عارف بلي صعيب تسامحيني ولكن بغيتك تعرفي بلي عمري كنت راضي على اللي درتو فيك ماشي ضربتك هيا لي خلات الواليد يخرج ليه عقلو ولكن جدي هو السباب باغي ينتاقم من باك عن طريقك نتي بغا يرجع يضربو بنفس السلاح لي كان ضربو بيه باك كثر من 30 سنة هادي 
هبة:اغتاصبتيني طعنتيني ف شرفي لي عمري خليت شي واحد يقرب مني غير من خوفي نفقد شرفي و جيتي نتا خديتي أغلى ما عندي ب أبشع طريقة مرحمتينيش و لو ل ثانية وحدة و دابا جاي كتقول بلي معندي تا دنب ف لي طرا ل باك هههههه هاد الهضرة كان خاصك تأكد منها من شحال هاادي أما دابا فات الفوت و بزاف عمرني نسامحك واخا يبقى غير عرق واحد كيضرب فيا مستحيل ننسا الجحيم اللي دزت منو بسبابك

دازت مدة و أبطالنا ب زوج ساكتين تا تحل عليهوم الباب و كيسمعو صوت خطوات كتقرب ليهوم 
جاد:هبة متخافيش هانا معاك 
هبة:هههه متأكدة بلي مغيوقعش ليا كثر من اللي وقع فاش نتا خطفتيني 
الشخص:مرحبا ب حفايد السي بن جلون عندي 
جاد:شكون نتا و شنو باااغي 
الشخص:عرفتي هههههه معدبتينيش معاك كنت موجد ليك خطة بوحدك ولكن هانتا جيتي برجليك 
هبة:شكون نتا و شنو علاقتنا بيك 
الشخص:مممم نعرفكوم براسي سيف معنديش علاقة معاكوم ولكن تقدرو تعتابرو راسكم طريق لجدكم 
الشارف 
جاد:من اللخر علاش كتقلب 
سيف:اوووه البطل ديالنا كيهدر 
المهم نخليكوم شويا تكتاشفو المكاان نتمنى تقبلو على ضيافتي و تعجبكم حيت غطولو هنا شويا 
جاد:بز منك غنخرجو من هنا 
ويلى كنتي راجل فكني و غتشوف 
هبة:(بشوية)هههه سبحان الله ليام دوارا علاه نتا كنتي كتفكني فاش كنتي خاطفني 
جاد:هبة راااه سمعتك 
هبة:و من بعد 
جاد:سكتيني 
سيف:عصافير الحب مناكرين 
(عيط على واحد من رجالو)فك هادي 
هبة:و علاش أنا 
جاد:(ميل راسو ل جيهت ودنيها )متخافيش 
سيف:فكها دغيا 
قرب ليها الراجل و بقا كيفك فيها بشوية غير هيا حسات براسها تحلو رجليها كاملين هزات رجليها و ضربات بيها الراجل ل نيفو خلات دماياتو سايلين 
سيف:(كيصفق)ممممم شجاعة واحد و هانتي طيحتيه دابا نوبتي 
جاد:غتبعد منها الحقير ويلى بغيتي معا من تقاتل هاني قدامك راااااجل ل رااااجل 
سيف:(تجاهلو)واجدة ألالة هبة 
هبة:(لاحت الدجاكيط ديالها )متكونش تايق فراسك بزاف 
سيف:هههههههه 
ما جا سيف فين يكمل ضحكتو تا كانت هبة ولات فوق شي برامل محطوطين تما نزلات ليه على راسو تا طاااح على طولو 
هبة:ماشي غير جيت و سماوني الديفا ت wwe 
خلاتو مليوح فالارض و طارت لعند جاد فكاتو أما البطل ف شد سيف ربطو فبلاصتهم و هز ليه سلاحو 
جاد:هادي غير بنت و شوف شنو دارت فيك ههههههههه 
سيف:مغتخرجوش من هنا حيين كنواعدكوم غنتاقم منكوم كاملين غندوقكوم المرار غير صبرو عليا 
جاد:(كيشوف ف هبة)نتي واش بنت ولا عزري الدوار بغيت غير نفهم منين ليك هاد القوة كاملا 
هبة:منفعاتني ف والو منين كنتي كتعدبني 
خلينا نخرجو من هنا خلاص
سيف: هيهو احم احم كينين بزاف تالرجال على برا مغتقدرووووش تفلتو منهوم و نتي (كيشوف فهبة)غتندمي بزاف على هادشي 
هبة:خلعتيني 
جاد:هبة عندك شي تيليفون نتاصلو بالبوليس و غنشوفو قضية هاد الكلب من بعد 
هبة:هزوه ليا 
جاد :يالاه نخرجو من هنا بعدا 
مشا ل جيهت سيف و هبط عليه بجوج ضربات للوجه خلاوه سخفان

جاد:شنو غنديرو دابا الرجال لي برا كثار و 100% غيشدونا 
هبة:معرفتش ولكن يالاه نخرجو معندنا تا حل 
جاد:اوكي خليك مورايا 
***يالاه دفع جاد الباب و ضارو الرجال لي كانو قدامو كيشوفو عند بالهم سيف لي خارج ساع تصدمو منين بانو ليهوم جاد و هبة 
غير قربو ليهوم بدا التفرشيخ ولكن كيف كيقولو الحمية كتغلب السبع مدازتش حتى 5 الدقائق و رجعات هبة و جاد لبلايصهوم و سيف هزوه رجالو باش يداويوه 
جاد:هبة واش نتي بيخير 
هبة:يدي عاطياني الصداع بزاااف ختي غتكون مشطونة عليا ممولفاش نخرج و نتعطل بلا متكون عارفاني فين غادا 
جاد:نتوما مختالفين بزاف ههه فراسك فاللول كان صعيب عليا نفرق بين هبة و وهيبة واخا الفرق واضح إلا انه كنتو كدوخوني منين كتلبسو بحال بحال 
هبة:أه عندك الحق كاين فرق و فرق كبير بزاف فيا الجوع والله 
جاد:صبري شويا غنلقاو شي حل نخرجو من هنا 
هبة:جاد واش باقيين الفيران 
جاد:هههه لا متخافيش مغيقربوش ليك 
بقا جاد وهبة نهار كامل لا ماكلة لا شراب و منين خرج سيف من تما مباقي رجع لعندهوم دوخهوم الجوع و قهرهوم العطش و كاع محاولاتهوم باش يحلو الحبال فشلات 
سيف:سلام هانا جيت هههههههه مالكوم صفرين هاكا تقول شفتو جن (قرب من هبة)البطلة ديالنا باش كتحسي بنت فقوتك متوقعتهاش تكون كتخاف من الفيران(كيدوز يديه على فخادها)
هبة:حيد عليا يديك الموسخ ....ماااتقيسنيش بعد مني 
جاد:شوف الزا** والله و تقرب ليها تا نمحي خلي** مك من هاد الدنيا سمعتي 
سيف:بدات الغيرة هههههه خايبة ليك بزاف خصوصا رجل أعمال مشهور بحالك مخاصش قلبو يحكم على عقلو 
جاد:شنوو مشكلتك معانا هضرررر ....و إيلى عندك شي مشكل حلو معا الرجال أولد الق*** ماشي تقوى على البنت 
سيف:(بجدية ناض و بعد لجؤهت جاد و بقا كيشوف فيه)معنديش مشكل لا معاك ولا معاها المشكل عندي معا جدكم 
هبة:و حنا شنو دنبنا 
سيف:هههههههههههههههههه و أنا شنو دنبي إيلى جدك عندو مشكل معا عائلتي علاش دخلني أنا معاهوم و خرج ليا على حياااتي هاااا نتوما كلكم بحال بحال حشرات محملة ب ميكروب قاتل لي قستوه و لي قربتو ليه كتعدبوه 
هههههههه ولكن أنا غنقضي على مكم كاملين مغنخلي فيكوم تا واحد عايش بيخير كيفما خليتو حياتي جحيم دابا وصلات نوبتكوم 
(هز الفردي ل جيهت جاد)و نبداو بيك نتا اللول فين بغيتي الرصاصة عينيك ولا جبههتك

جاد:هههههه واش عند بالك كتخلعني ازا** ايوا راك غير كضيع فوقتك حيت مكنخافش و هاد التخربيق غيسالي و ديك الساع سير لأقرب غار و تخشا فيه حيت ايلى شديت مك منرحمكش 
هبة:جاد سكت راك كتستافزو واش مشايفش حنا فين دابا 
سيف:ههههههههههههههه لا لقيت بلاصة حسن من هادو كاملين مغنقولهاش ليكوم حسبو ل ثلاثة و غنتيري 
هبة:باراكا من التخراف راه نقدرو نتفاهمو قول ليا شنو بغيتي الفلوس أنا نعطيك المبلغ لي خاصك 
سيف:شششش باقي الحال عليك نتي البوكوصة (ضار لجيهت جاد)وااجد 1 
هبة:لا عافاك الله يخلييك شوف غير متآديناش و كنواعدك مغنعلمو لا بوليس لا والو 
جاد:(غوت عليها) هبة سدي فمك 
سيف :2 ...... ههههه.....3 
***بااااااق 
تسمع صوت الرصاص و تبعاتو غوتة من عند هبة مقدراتش تهز راسها و تشوف ف جاد حتى سمعاتو كيتنفس بسرعة و كيتأوه من الآلام 
علات عينيها فيه و بانو ليها الدمايات فالارض بقات كدقق باش تعرف فين جاتو الضربة ..
هبة:جاااد ..... نتااا...بيخير....واش ضربك ...جاوبني مالك ساكت 
سيف:خليت ليكوم الراحة نتلاقاو غدا انشاء الله 
هبة:(مركزة معا جاد)عاافااك جاوبني ...فين تضربتي 
جاد:ف.....رجلي....الحقير ضربني ف رجلي 
هبة:(مضاربة معا الحبال لي فيديها باش تحلهوم)حاااول تخليك فايق غير صبر .....جاااد....واااش كتسمعني 
جاد:آه ....اوووفففف هادشي بزاف رجلي...
هبة:صبر هادشي ماااابغااااااش يتحل ....ناري الدم خارج بزاف خاصنا ضروري نخرجو من هنا 
.... جاد خليك داوي معايا باش متسخفش أنا غنشوف كي ندير 
جاد:(لارد)
هبة:جاد.....جااااد..حل..... عينيك ..ياااربي عاوني ... تحلي خلاص ...
بقات هبة مدة طويلة و هي مضاربة معا الحبل باش يتحل ولكن والو فقدات الامل و كلسات اللرض كتفكر ف شي حل آخر....... .تا بانت ليها حديدة خارجة من الحيط بقات كتنقز تا وصلات ليها و بقات كتحك معاها القنبة باش تحل ....عيات و سالا جهدها و الحبل مبغاش يتحل 
هبة:يا ربي ...........عاوني ...
لا خاصني نحل هاد الزمر دابا (عاودات ناضت و بقات مدة كتكرر نفس العملية)و اخيرا حسات بالقنية ترخات من يديها شويا و عرفات بلي بدات كتحل ضاعفات مجهودها تا تقطع الحبل كولو رجعات يديها القدام و فكاتهوم و مشات كتجري عند جاد 
هبة:جاد...جااد...حرارتو طالعة بزااف (كتحرك فيه و تصرفقو تا رجع كيحل عينيه) هانتاا واش كتسمعني .......غير خليك قوي حنا غنخرجو من هنا أنا راني كنواعدك ....(شافت الجرح)اففف غتعفن ليك رجليك ايلى مخرجناش من هنا دغيا 
جاد:الما ...... بغيت نشرب 
هبة:منين غنجيبهوم ليك ..... بلاتي 
(حطات برامل كبار و طلعات كطل من السرجم الوحيد لي عندهوم)كاينين زوج رجال ..... منقدرش عليهوم بوحدي ....اووووف يا ربي 
جاد:(بصوت ممسموعش)هبة........هبة 
هبة:وي شنو بغيتي ....يا ربي من نهار شفتك ما شفت نهار زوين .. أشنو 
جاد:راه كتقلبي عليا .... قلبي سروالي .....آه.....
هبة:شنو فيه ...الما 
جاد:متعيينيش 
هبة :اوكي

****هبة
بقيت كنقلب ف السروال ديالو تا لقيت فردي ف ضهرو 
أنا:شنو هادا 
جاد:الصمت 
أنا:فردي 
جاد:كتعرفي ليه 
أنا:لا 
جاد:عاونيني نوقف 
هبة:اوكي عطيني يديك 
بقيت معدبة معاه تا وقفتو بقا واقف على رجل وحدة لونو مخطووف و شفايفو ولاو صفين بحال وجهو 
أنا:جاد ..............حالتك معاجبانيش ......واش تقدر تمشى 
جاد:آه.... عطيني السلاح 
أنا:مبغينا يموت تا واحد واخا 
...اففف شحال تقيل بغيت غير نعرف آش كتاكل 
جاد:الصمت 
هبة:كي غنديرو نحلو هاد الباب دابا بلاتي 
(مشات خدات حديدة )جاد تيري فالقفل باش يتحل و كي يتحل غيهجمو زوج رجال معرفتش واش عندهم السلاح ولا لا أنا واحد غنضربو بهاد لحديدة لرجلو و نتا واحد ضربو بالسلاح فوق راسو واياك تيري فيه غير ضربو و كااابر شوياا....واخا رجليك ضاراااك ..... هادي فرصتنا الوحيدة ولا غيصفيها لينا داك الشماتة ...جاد راه كلك عرقان شنو غنديرو دابا نتا 100% مغتقدر دير والو فهاد الحالة 
جاد:واجدة غنتيري فالباب 
هبة:اوكي 
جاد:1 2 3 باااق 
هبة:مبغاش يتحل 
جاد:خليك اللور 
باقي مكملش جاد هضرتو تا بان ليه الباب بدا شي حد كيحلو بالمهل غير هوما دخلو رجال سيف هبة ضربات واحد للركبة و تبعات ليه دقة للمعلم خلاتو كيتركل و جاد هبط على لاخر للراس طاح سخفان فالبلاصة 
هبة:تسند عليا باش نخرجو من هنا 
****بقا جاد مسند عليا تا خرجنا من داك الغار لقيت ليه عصيا طويلة و عطيتها ليه يعكز بيها بقينا مدة غير كنتمشاو و هو سخفان مرة ندوي معاه و يجاوبني و مرة كيبقا ساكت و أخيرا وصلنا لطوموبيلتو لقيتها محلولة 
جاد:تقدري تصوكي 
أنا:آه أكيييد بلاتي نعاونك دخل 
جاد:شكرا بزاف و سمحي ليا عدبتك معايا 
أنا:طلع خلينا نمشيو من هنا دغيا 
جاد:اوك 
***طلعتو للطوموبيلة و ركبت بلاصتي و تحركنا 
أنا:جاد خليك فايق متنعسش عافاااك راه خصك تقاوم شويا 
جاد:بقاي تهضري معايا باش نبقا مصحصح 
أنا:علاش غنهضر 
جاد:عاودي ليا عليك 
أنا:راك عارف كلشي اجاد عاود ليا نتا باش متنعسش تاني 
جاد: منين جبتي هاد الشجاعة كاملة ....هبة فيا العطش وقفي و جيبي قرعة تالما من شي بلاصة 
هبة:آه بلاتي أنا غنوقف هنا 
نزلت و خديت الما و معاه فوطات حطيتهوم ليه على الجرح سروالو ولا كولو دمايات 
أنا:جاد واش تقدر تزيد تصبر راه فقدتي كمية كبيرة من الدم 
جاد:تحركي دغيا للكلينيك قبل منفقد رجلي كاملة 
أنا:(مجاوبتوش اكتافيت ب أنني نحرك ليه راسي ب أوك)
وصلنا للسبيطار و كي دخل دغيا هجمو عليه الممرضات دخلوه لغرفة العمليات و طلبو مني نتسناه

دازت ساعة و نص و أنا مرة نوقف و مرة ندوخ بالجوع و نشد لرض تا خرج الطبيب لعندي 
أنا:دكتور كيف بقا جاد 
الطبيب:حالتو مستقرة غير هو نزف بزاف تالدم و خاصنا نعلمو الشرطة بهاد الشي لي واقع 
أنا:آه عندك الحق ولكن واش هوا مزيان دابا رجليه كيف بقات 
الطبيب:الحمد لله السي جاد إنسان قوي و عندو قدرت تحمل كبيرة و حتى جسمو تجاوب مع الضربة ب طريقة قوية بحيث أن الجرح متعفنش والرصاصة مدخلاتش للداخل 
أنا:شكرا دكتور ممكن نشوفو 
الطبيب:منين يفيق غنعلموك باش دخلي 
أنا:شكرا 
الطبيب :مرحبا ألالة كتباني صفرة واش تبغي نفحصك 
أنا:لا غير من قلت النعاس و الماكلة غنولي بيخير
الطبيب:لي بغيتي 
******&&من نهار اللي تعرفت فيه على جاد تبدلات حياتي وليت كل مرة ف مشكل كل نهار مصيبة جديدة فوق راسي شنو مازال مخبي ليا القدر و شنو علاقة سيف معا الجد ؟؟؟؟بقيت سؤال يديني و سؤال يجيبني تا غفيت فوق الكرسي معرفتش شحال بقيت ناعسة واش ساعة ولا ساعتين و لا كثر حسيت بيدين شي حد فوق خدي يدين حنينة بزاف و منين حليت عينيا لقيتو الطبيب كيشوف فيا و راسم ابتسامة هادئة على وجهو غير شافني حليت عينيا دغيا جمعها 
الطبيب:المريض راه فاق و بغا يشوفك 
أنا:واخا 
الطبيب:الغرفة 34 
أنا:شكرا 
***دق دق دق 
جاد:تفضلي
انا:كيف بقيتي شويا 
جاد:الحمد لله مال لونك مخطوف 
انا:والو غير بالجوع و الخلعة 
جاد:علاه نتي كتخافي
انا:واش بان ليك بالسلامة
جاد:مكليتي والو ...راه غتمرضي خصوصا جسمك رياضي كيطلب بزاف تالماكلة و المقويات 
انا:جاد غنمشي لداري دابا عافاك....عطيني شبر تالتيساع ....من نهار دخلتي لحياتي و هيا مرونة .....
جاد:منقدرش قبل متسمحي ليا 
انا:اسيدي المسامح كريم 
جاد:ماشي من قلبك 
انا:والله تا من قلبي سامحتك غير بعد مني اش بيني و بينكوم واش ما حيلتي ليك ولا لاعداء جدك 
جاد:جدك نتي اما انا راك عارفة 
انا:جدي ولا جدك فحال فحال المهم انا غنمشي نبدل عليا و ناكل و نجيب ليك معايا حوايج نقيين غنخليهوم ليك معا الممرضة رد البال ل راسك 
(يالاه بغات تنوض تا شد ليها جاد فيديها)
جاد:متأكدة بلي سمحتي ليا 
انا:اه متأكدة 
جاد:مزيااان هههههههه فرحتيني هيا كتساليني شي خرجة 
انا:لا لا شي حد داعي فيا مفيهاش واااااش انا كنقول ليك غير من حياتي و نتا كتقول ليا خرجة عرفتي شنو معنديش الجهد تاللي يتصادع معاك بسلامة

خرجت من عند جاد و خديت طاكسي للدار وصلت بقيت كنقلب على وهيبة مبانتش ليا هزيت التيلي كنتاصل بيها مكاتجاوبش 
.......طلعت لبيتي دوشت و نزلت كليت غير بالفوطة(الجووووع و ماااا يدييير )عاود طلعت لبست(الصووورة)و جمعت شعري كوب شوفال و مشيت للمول خديت منو الشكلاط و شي حوايج تالرجال و ديتهوم للمستشفى 
أنا:بلاتي واحد الدقيقة ايلى سمحتي
الممرضة:تفضلي الالة 
انا:شكون لي مكلفة بجاد بن جلون 
الممرضة:المريض لي فالغرفة 34 
يالاه بغيت نجاوبها تاسمعت صوت الطبيب مورايا 
الطبيب:صافي نتي غير سيري انا نتكلف 
الممرضة:واخا دكتور سمحو ليا
انا:سلام 
الطبيب:نورتي الكلينيك 
انا:ممم شكرااا ..... بغيت الممرضة لي مكلفة بجاد عافاك 
الطبيب :علاش واش كين شي مشكل 
انا:لا غير بغيت نعطيها شي حوايج تعطيهوم ليه 
الطبيب:و علاش مدخليش نتي تعطيهوم ليه
انا:و نتا مالك اش مشااا ليك انا بغيت الممرضة لي مكلفة ب جاد و قبل متجي و تقاطعني كنت كنقلب عليها 
الطبيب:تهدني أ آنسة هبة مقصدتش غير زعما بغيت نفهم كيفاش نتي لي جبتيه و مباغاش دخلي لعندو و زيدي عليها جاو البوليس و ملقاوكش
انا:شكرا حيت علمتيني و دابا قول ليا شكون لي مكلفة ب جاد هنا 
الطبيب:الممرضة لي لهيها شفتيها كدوي فالتيلي
انا:شكرا 
&&&&&&&&&&&&&&&&&&
تحركت من حداه عطيت للممرضة الحوايج و الشكلاط و طلبت منها دخلهوم ل جاد خلصت تكاليف الكلينيك و خرجت لعند بابا 
كيف وقفت بان ليا الباب تحل كانت وهيبة و كريس و بابا كيشوفو فيا 
وهيبة:فين كنتي 
انا:علاش كتسولي 
وهيبة:يوماين و نتي غابرة واش بعقلك كيفاش مبغيتيش نسول 
*****بابا يالاه بغا يهضر غمزتو باش يسكت و درت ليه بصبعي اشارة من بعد 
وهيبة:راني داوية معاك 
انا:بابا غنبقى فالباب راني عيانة 
وهيبة:مغدخليش قبل متجاوبيني فين كنتي واااش نتي وقتما قالها ليك داك الراس كتغبري و وقتما بغيتي ترجعي ترجعي حماقيتي 
انا:(بالغوات)وهيييبة 😡😡😡😡باااارااااكااا عيقتي حيدي من قدامي خليني غير ندخل نرتاح بعدا 
بابا:البنات صافي باراكا من المخاصمة و الغوات و دخلو للداخل

وهيبة:بغيت غير نفهم فين كنتي خلييتينا غنحماقو 
انا:اووووووف صافيي هاني رجعت دابا شنو المشكل 
وهيبة:تاصلي ...خلي ميساج....شعلي مشقوفك باش منين نتاصل تجاوبي ...ماشي تقطعي خبارك ف مرة عند بالي غير تخطفتي تاني 
انا:لا الحمد لله غير سافرت حيت بغيت نبدل الجو و صاف 
وهيبة:هبة انا ماشي صغيرة ....متحاوليش تستحمريني اختي باراكااا...... 
أنا:بابا ممكن نهدر معاك 
بابا:اه ابنتي نوضي نطلعو للفوق كريس خرجي وهيبة تشم شوية الهوا 
********طلعنا انا و بابا ل بيتو و بعدما تأكدت بلي وهيبة خرجات بدست الهدرة 
انا:بابا شكون سيف 
بابا:سيف ....مممم ..... لا مكنعرف تا حد بهاد السمية 
أنا:بابا ....نسولك 
بابا:شنو 
انا:عندي احساس انك مخبي عليا شي حاجة ...بابا ... فين قبر ماما ؟؟؟؟ فين دافنها 
بابا:كييفاااش ....ابنتي ماماك راه تدفنات فالروضة لي عطيتك سميتها غيكون غير جدك بدل ليها السمية باش ميتفدحش و الصحافة متعرفش بلي بنتو ماتت....حيت اكيد غيبقاو ينبشو باش يعرفو سبب الوفات 
أنا:هبة هااادي ...هببببة ماااشي وهيبة باش ضحك عليا ب زوج كلمات علاش كدوي معايا و نتا يديك مزكاوش بالتوتر منين بديتي هضرتك و نتا كتضور ف داك الخاتم لي فصبعك و مشفتيش ف عينيا ب صفة نهائية ....(تحدرات على ركابيها لجيهتو و شدات فيديه بزوج)بابا حبيبي شوف فيا و قسم ليا بلي راك ممخبي عليا والو .... عافاك متصدمنيش من بعد ب شي حاجة ...ايلى كنتي مخبي عليا شي حاجة قولها دابا هانا كنسمعك احساسي عمرو مخيبني غير قول ليا شنو مخبي 
بابا:هبة...حلي ودنيك مزيان و سمعيني ...مبغيتش نعطيك أمل على والو و فنفس الوقت نتي بنتي لي مباغي نخبي عليها والو .... ماماك معارفش شنو طرا ليها نتوما متوادعتوش معاها ولا حتى أنا .... كانت كتعالج و فاش صيفطناها لمستشفى مرضى السرطان ...واحد النهار مشيت عندها فالصباح نشوفها قالو ليا بلي راها خرجات .... تصدمت كيفاش تخرج بلا خباري و انا عاد قلت انها بدات تبرى و تجاوب مع العلاج .... لقيت أنها فعلا مضات ورقة الخروج .... مخليت فين قلبت عليها فداك النهار المشؤوم ملقيتهاش مكان ليها تا أثر .... فاش دخلت للدار سولتوني كيف بقات ملقيت باش نجاوبكوم ....اسبوع و انا كنقول ليكوم بلي هيا بيخير و لكن الطبيب مانع عليها الزيارات كنت مخبي هادشي أسبوع كامل على أمل نلقاها و من بعد قلت ليكوم بلي ماتت 
أنا: 😨
بابا:هادشي لي وقع من بعد راك عارفة الكمالة (نزلو دموعو)أنا معرفتهاش علاش تخلات علينا ....خلات ليا زوج بنات عندهوم 18 سنة و خلاتني كاع فلوسي صرفتهوم على علاجها .... ولكن مزيان منين ربي رزقني ب بنت قوية بحالك تقدر تغلب على أي حاجة

انا:عييت ... تا دازت 5 سنين عاد كتقولي هاد الهضرة ... واش انا من مشكل ل مشكل و من صدمة .........لصدمة علاش خبيتي عليا ابابا علاش وهمتينا بلي الام ديالنا ماتت اه كانت عندي 18 عام و لكن كنت كنفهم ديما كنسول راسي علاش مخليتيناش نودعوها 
بابا:ماشي لخاطري أبنتي عدريني كنت خايف عليكوم 
أنا:(مسحات دموعها و بقات كتشوف ف باباها)دابا شنو واش تخلات علينا .... راه متقدرش ديرها هيا كانت كتموت عليك و علينا 
بابا:معندي تا معلومة .... لي عرفتو راني قلتو ليك ... و نتي ا هبة باراكااا الله يرضي عليك باراكا متبقاي تنبشي فالماضي راك غتجبدي علينا مشاكل لا تعد ولا تحصى 
انا:زعما يكون جدي لي خرجها من المستشفى .... ولكن ايلى كان هو ف علاش باغي ينتاقم منك مفهمتش 
بابا:بعدي من الماضي .... باراكا عليك انا مباغيكش تزيدي تكتاشفي حوايج لي يصدموك كثر .... صافي وضعي حد لهاد الشي و خلينا نرجعو لحياتنا العادية 
انا:اينا حياة ا بابا .... علا اينا حياة كثهضر ...(كتبكي)مدوزتش طفولة كيف الناس ولا مراهقة كيف الناس و دابا تا شبابي هانتا كتشوف كيف كندوزو ..... من صغرنا عمرنا لعبنا برا الدار بحال الصغار لي بحالنا ....ديما ماما خايفة علينا .... كانت خايفة منو ياك
بابا:جدك صعيب بزاف و حنا تحديناه.... مكناش عارفين بلي بنتنا لي غدفع الثمن 
انا:متأكد بلي هادشي كامل هو لي وقع .... ما مخبي عليا والو ..... 
بابا:هادشي لي كاين 
انا:ادن كاين امل ان ماما عايشة 
بابا:لا .... سمعتيني .... معايشاش ....كون ماماك عايشة كون لقيتيها دابا معاك .... 5 سنين و هي غابرة .... كون كانت عايشة فعلا كون بانت ...هبة شوفي فيا ..واعديني عمرك متقلبي عليها .... خسرتها و مغنخسركش تا نتي 
دق دق دق 
انا:اتفضلي 
وهيبة:ايلى كنتو ساليتو من اجتماعكوم يالاهي راني عيانة 
انا:واخا هاني تابعاك 
(سدات وهيبة الباب و رجعت شفت ف بابا) مغنواعدكش .... ولكن ايلى كانت حية كانت فالسما ولا فالارض غنلقاها (بستو فجبهتو)متخافش عليا بسلامة 
******خرجنا انا و وهيبة من دار بابا الطريق كاملة مدواتنيش حسيت بيها مقلقة مني ولكن مكانش فيا لي يهدر معاها خصوصا راسي فيه الف مطرقة و مطرقة 
وصلنا للدار *******
انا:وهيبة مالك 
وهيبة:والو 
انا:واش مقلقة مني 
وهيبة:لا من راسي 
انا:وعلاش اختي شنو دار ليك راسك 
وهيبة:انا غير زايدة عليكوم ياك 
انا:علاش كتهضري
وهيبة:فين كنتي غابرة ..... و شنو لي بقيتي نتي و بابا كتعاودوه و كنتي كتبكي ..... هبة انا ماشي درؤة صغيرة باراكا متبقاي نافياني من حياتك باااراااااكاااا انا عييت منك و من بااااك و منكم كاملين .... كتعاملوني بحال شي غريبة بحال لي انا ماشي ختك و ماشي بنتو ..... 
أنا:تهدني 
وهيبة:شمن موصيبة جديدة واقعة ليك هااا..... جاوبيني ...شنو مخبيين عليا شنووو .... علاش طارديني من حياتكوم راني توأمتك انا اللولة خاصني نعرف كلشي كيطرا ليك ....كنحس براسي غريبة عليك كنحس براسي مكنعرررفكش عييت و تقهرت من تصرفاتكوم نتي و ياااااه 
انا:وهيبة ختي حنا كلشي كنديروه راه لمصلحتك تيقي بيا 
وهيبة:اينا مصلحة علاش كتهضري .... نتي هيا بنتو المصونة القوية لي ديما مفتاخر بيها قدام الناس و انا فاش كيسولوه الناس عليا كيقول ليهوم توأمت هبة ... شنوووو اناااا شنووووو تال ايمتا غتبقاااااو هاكااااا تال ايمتا غنبقا منبوذة 
انا:سكتي ...باراكا ...مسحي دموعك ...نتي راك ختي و حياتي و روحي متقوليش هاكا .... كنبغيوك بزاف .... عافاك كلشي غتعرفيه فوقتو كنواعدك

أنا:يالاه نعسو خلاص راني مهلوكة باغا غير نتساراح 
وهيبة:نعسي نتي انا مفياش 
انا:لي بغيتي ليلة سعيدة 
*****طلعت لبيتي دوشت لبست بيجامة تالنعاس و هزيت الالبوم كنشوف فيه تصاورنا انا و وهيبة فالصغر معا ماما و بابا رجعت كاع دكرياتي لي عشت معاهوم بزوج 
بكيت و بكيت تا خويت الغضب لي فقلبي دعييت ل ربي ايلى كانت باقا عايشة يعاوني باش نلقاها ... هزيت البيسي ديالي باش نتكونيكطا شويا حيت هادوك داو ليا التيلي ... تا وصلني مسج فالفيس 《<من ديما عارف بلي الناس نوعين الحقود و المسامح و نتي النوع الثاني شكرا ليك على كلشي >》
أنا:هادا منين جاه هاد الفيس ديالي 😕 قريت الميساج و ماجاوبتوش 
يا ترى كيف غتكون بقات رجليه ؟؟؟
اكيد غيكون بيخير مممم غدا نمشي عندو ل دارو نطل عليه افففف اهبة اش بغيتي فيه و بإينا صفة تا تمشي عندو .... كيفاش ب اينا صفة عادي بزاف نقول ليه تشغل بالي عليه و جيت نسول .... اش هاد التناقض واش نتي قايلا للسيد يعطيك بالتيساع و مازالا كدوي
*******بقيت مدة طويلة و عقلي و قلبي مضاربين بأفكارهوم تا كنقرر نمشي و يعاود عقلي يمنعني ولكن العاطفة و لأول مرة تغلبات عليا قررت غدا انشاء الله نمشي لعندو
*****اصبحنا و اصبح الملك لله 
فقت الصباح مشابعاش نعاس غسلت وجهي لبست سيرفيت ديالي و جمعت شعري للفوق و بقيت كنجري فالجردة ديال داري 
دخلت ل لاصال ترينيت كرشي شويا و شوية تالسكوات و طلعت لبيتي دوشت لبست كسيوة صيفية سميطات فالبيج معاها بوشيط ديالها و صباط طالون شعري ردستو للجنب و خليتو مطلوق درت مكياج بارد 
نزلت فطرت وهيبة بانت ليا باقا ناعسة خليت ليها وريقة فيها بلي خرجت و توكلت على الله ... اول حاجة درتها هيا مشيت شريت تيليفون جديد تاني رجعت النيم ديالي و مشيت ل جيهة البحر بقيت غير كالسة و كنخمم شحال فالهضرة لي دازت بيني و بين بابا 
أنا:المشكلة تا ايلى بغيت نبدا البحث منين غنبدا ...منين ....اه من المستشفى ... خاصني نقلب فالارشيف و هادي غتكون نقطة بدايتي ...نتمنى تكوني عايشة ا ماما و لكن 5 سنين ماشي قليلة عارفا بلي صعيب نلقاك ولكن يكفي انني شفت بصيص امل و غنتمسك بيه 
****بقيت مدة كنفكر تا تفكرت جاد جمعت الوقفة و دغيا مشيت للمول تقديت كاع لي غيخصني السيد بوحدو فالدار اكيد غيبغي لي يطيب ليه و يعاونو حيت مضروب ف رجلو ...افف اهبة كيفاش قدرتي تخليه بوحدو و هو ف ديك الحالة....(لحت المياكي من يدي)و مالي انا خدامة عندو .... هبة شفتك نسيتي لي دوز عليك داك السيد و دغيا باغا توجدي ليه مياكل و بقا فيك بزاف هادشي ..... اصلا هو من شحال هادي و هو كيعتادر شنو زعما ماشي كافي هاد الوقت كامل لي كنت كنقمعو فيه و زيدي عليها كون ما هوا منحلمش نخرج من البلاصة فين كان خاطفنا سيف ...اووووف غنمشي و لي ليها ليها 
*****وصلت ل باب الفيلا ديال جاد بقيت واقفة قلبي كيقول غير دقي و عقلي كيقول رجعي فحالك منين جيتي
و أخيراااا زعمت و قررت ندق عليه و اللي غيوقع يوقع دقيت المرة اللولة و الثانية و الثالثة تا تحل الباب
الصفريطة:هااادي نتي 
أنا:شنو كديري هنا 
الصفريطة:(كتعوج )نسولك نتي احبيبة هادي داري نتي لي شنو كديري هنا 
انا:جيت .. بغيت ...زعما جاد فين هوا .... 
الصفريطة:جاد... حبيبي ناعس و قال ليا متفيقينيش 
انا:ماجيتش ضاربة هاد الطريق كاملة باش منشوفوش ...عيطي عليه 
الصفريطة:واش نتي بعقلك هاجما عليا ف داري و باغاني نفيقو مسيكين من النعاس و هو عاد ما رتاح شويا ...خلي ليه معايا لي بغيتي و انا غنعلمو كي يفيق 
انا:حيدي من قدامي غندخل 
الصفريطة :هيييه حدك تما منسمحش ليك دخلي لداري 
انا:دارك منين جاتك تا تكون دارك 
الصفريطة:واش نتي حمقة لا .... هادي داري بغيتي ولا كرهتي و جاد راجلي ...(هزات يديها وراتني خاتم تالزواج)شفتي راجلي يعني انا مرتو يعني هاد الدار داري

انا:ايمتا هادشي 
الصفريطة :شوفي احبيبة بعدي من جاد مزوج ..... متحاوليش تدخلي بيناتنا راه مغتدي منا والو ... يمكن يكون دارك نزوة فحياتو بحال اللي قبل منك .... ولكن انا الاصل ... اناااااا لا غير واخا يدور تا يعيا غيرجع لأحضان مرتو حبيبتو و ام ولادو انشاء الله 
****مخلاتهاش هبة تكمل هضرتها حطات ليها التقدية 
هبة :قولي ليه الحمد لله على سلامتو بسلامة 
******آش داني نمشي آش داني هاد الكلمات هوما لي نطقت الطريق كاملة تا وصلت للدار 
لقيت وهيبة بغات تخرج تسالمت معاها و طلعت لبيتي قلبي مقبوط عليا 
أنا:أويلي اهبة مالك حماقتي ..... لاش معصبة .... عااادي شنو كنتي ناوية مورا ما فرعك يتزوج بيك... علاش مشيتي شوهتي راسك(بداو دموعها كينزلو)لا بردي لاش غتبكي ...متبكيش(كتمسح دموعها ب كمامها *)صافي مغنبكيش على ودو مكيستاهلش...حمار... و انا لي قلت بلي ولا كيهتم بيا ساع هوا غير بغا يرضي ضميرو و يتهنى من عدابو ...انا لي حمارة سامحتو ...سامحت ليه واخا كلشي لي دار فيا .... كنكرهك ا جاد الله ياخد فيك الحق بغيت ربي ينتاقم ليا منك يا المجرم ...المريض 
***تكات هبة على مخدتها و دموعها سايلين قلبها مخنوق بزاف حاسة ب غصة كتحاول تنسى لي طرا ليها اليوم و منين شافت راسها ....... عاطاها لبكاوات و الشمتة لي حسات بيها مبغاتش تنسى ليها لبسات مايو ديالها معا كولون و سبادري كحلين جمعات شعرها على شكل كعكة مهملة و نزلات ل لاصال دارت الكيت فودنيها و خدمات الآلة تالجرى و زيدات من سرعتها و بقات كتجري .... دماغها مسدود مقادراش تفكر بقات كتجري تا سخفات و ولات غير كتنهج طفات الآلة و مشات لجهة الحديد ترينات مزيان و هزات تقل كثير على كتافها ...... طلعات لبيتها باش دوش غير دوشات و عضامها ترخاو عليها من العيا ....جهدات على راسها بزااف و عياات بزاف ولكن فنفس الوقت كتحس براسها حسن من قبل لبسات شوميز فالغوز بارد بلا سوتيان ولا سليب كي حطات راسها على المخدة غفات و دخلات ف نوم عميق 
جات وهيبة بالليل كتعيط على ختها منين مجاوباتهاش طلعات لعندها ...لقاتها ناعسة غطاتها و باستها و نعسات حداها 
نهار جديد.......احداث جديدة ...
فاقت هبة ... كتكسل و تجبد ف عضيماتها شافت الساعة لقاتها 11 تالنهار تصدمات من المدة لي نعسات .... لقات الفطور حداها و وهيبة مخليا ليها وريقة فوق البلاطو 
《حبيبتي وجدت ليك فطورك ... انا غادا ل wwe منين تفيقي خلطي عليا عندي ليك شي خبار 》 
******نخلي ليكوم هبة تهضر 
أنا:شنو باغا وهيبة و علاش باغاني نمشي لعندها افففف حاسة براسي بحالا كنت كنجاهد 
نضت على سعدي و وعدي شربت عصير و لبست سروال جينز فالبلو طاي هوت و معاه تيشورت خفيف فالبيض و مكتوبة فيه fearlees بالبلو شعري سرحتو و لبست سبادري فالبيض و كاسكيط ديالي هزيت طوموبيلتي (ميني كوبر فالبيض) و توجهت ل عند وهيبة ...طالقة موسيقى مجهدة الارض كتزدح كنحاول نمنع عقلي من التفكير ف داك الحمار الطريق كاملا و انا كنغني واخا صوتي كيخلع ولكن عااادي الاهم هو نسى ...

وصلت للwwe دخلت ل غرفة التبديل بدلت عليا لبست حوايجي ديال ديما و طلعت للحلبة لقيت وهيبة كدرب معا بنت جديدة 
انا:ممم بان ليا توحشتي المصارعة 
وهيبة:بزاف متصوريش قداش ... 
انا:اش بان ليك ف شي ماتش 
وهيبة:بشرط 
انا:اما هوا 
وهيبة:إيلى ربحتك غتعاودي ليا كلشي عليك 
انا:كيفاش ..... مفهمتش شنو خاصني نعاود 
وهيبة:داكشي لي مخبياه عليا نتي و بابا و اي حاجة خرا مكنعرفاش ... مثلا علاش مخدتك لبارح كانت فازكة بالدموع و الماسكارا كاع رونتيها 
أنا:مممم لا ... اشمن دموع راه كنت فالجردة كنوري للجاردينيي شنو يدير و دخلات لي ناموسة 
وهيبة:علاه جا لبارح 
انا:اه جا 
وهيبة:باراكا من الكدوب دابا شنو ايلى ربحتك غتعاودي ليا كلشي 
انا:(مديت ليها يدي)موافقة 
وهيبة:اوكي صيييفطوو لينا شي حكم لهنا 
****جا الحكم و بدات المباراة بيني و بين ختي الصراحة صعيبة بزاف حيت هي حافضة حركاتي و انا نفس الشي يعني الحركة قبل منديرها هيا كتكون عارفاها و كتفلت منها قبل منطبقها و تا انا نفس الشي بقينا شي نص ساعة و حنا غير مضاربين معا أفكارنا كل وحدة بدات كطبق حركة جديدة 
واحد اللحضة جريت وهيبة من يديها و دفعتها لجيهت الحبال تضربات معاهوم و رجعات لجيهتي معا الرجعا ديالها ضربتها برجلي لكرشها الحكم حسب 1 2 و هيا تحرك 
وهيبة:كرشي الخرية راه غير ختك انا واش باغا تقتليني 
انا:لعبي و باراكا من الهضور الخاوية 
وهيبة:نن حبسي مبغيتش نكمل راه مقصحة ف كرشي صافي لتعاوديش ليا 
انا:لي بغيتي يالاه نبدلو و نخرجو نتغداو 
*****مشينا أنا و وهيبة دوشنا و بدلنا علينا انا لبست كسوة بيضة سمطة من العنق و صاوبت مكياج لي ركزت فيه على فمي اما عينييا كتفيت ب ماسكارا بوحدها و خليت شعري مسرح على كتافي وهيبة لبسات سروال جينز مقطع جمعات شعرها كوب شوفال مع مايو و شوميز فالحمر و كارووات كحلين ربطاتها على خصرها 
خرجنا تغدينا و بقينا عاطيينها للدوران فالمول و الشوبينج تا وقف علينا واحد السيد كان صديق وهيبة من زمااان 
وهيبة:ايريك هادا نتا وااااو داز وقت بزاف
ايريك:5 سنين تقريبا كبرتي و زيانيتي 
وهيبة:هههههه تا نتا ولكن فين غبرتي هاد المدة كاملة شحال و انا كنسول عليك قالو ليا بلي مشيتي للميكسيك 
ايريك:وي حليت عيادة خاصة بيا تما و استقريت فيه 5 سنين كاملة و دابا رجعت توحشت بلادي 
وهيبة:و انا لي سحاب ليا رجعتي حيت اتوحشتيني 
انا:احم احم 
وهيبة:آه نسيت ايريك هادي ختي هبة عقلتي عليها 
ايريك:اه عقلت فرحت حيت تلاقيتكوم ب زوج مرا خرا 
انا:شكرا وهيبة يالاه هادي هيا لوقيتة 
ايريك :فصراحة واليديا دايرين حفلة بمناسبة رجوعي نتمنا تشرفوني فيها غنكون فرحان بزاف وهيبة واش غتجيو 
وهيبة:ايمتا 
ايريك :هاد الليلة نيت 
وهيبة:واخا حنا اصلا الليلة معندنا ميدار منها نبدلو الجو شويا 
ايريك:هادا رقمي سيفطي ليا باش نوريك العنوان و كيف توصلي تاصلي بيا نخرج لعندكوم 
وهيبة:اوك شكرا بزاف على الدعوة 
ايريك:فصراحة كون ما غتكونو كون كانت الحفلة مملة بزاف راك عارفة واليديا عارضين على رجال الاعمال و الحفلة باينة غيبقاو يدويو غير على الخدمة اللهم نتلها معاكوم و منها تعاودي ليا شنو درتي فهاد المدة كاملة 
وهيبة:واخا اسيدي يالاه نخليوك دابا تهلا فراسك 
ايريك:تا نتي تهلاي فراسك بسلامة هبة 
انا:باي 
وهيبة:يااااااااي مغندوزوش هاد الليلة فالدار لقاااني مليييت بزاف و هاد الروتين طلعلي فراسي 
انا:ههههههه تحركي للدار باش نوجدو راسنا مبقا والو 
وهيبة:نتاصل بالكوافورة باش تقادنا مزيان خاصنا نبانو طوب

انا:وهيبة زدتي فيه هادي كتبقا غير حفلة عادية شكون غيتسوق لينا 
وهيبة:دوي على راسك و فمك لاحسو بوبي يخخخخخ مترحمي متخلي رحمت ربي تنزل مالكي على هاد الفالات الخاوية مالك 
انا:نساي شنو غتلبسي 
وهيبة:نمشي للدار و نختار و نتي 
انا:بحالي بحالك 
وصلنا للدار مع 6 تالعشية الحفلة غتبدا معا 9 
بقات هبة مصرة باش نمشيو للمنتجع بااش نتصاوبو مزيان درت ليها خاطرها مشينا غسلونا مزيااان بقاو يديرو برودوي مورا برودوي مدرناش لا صيغ حيت ديجا محيدين زغبنا ب الليزر كملو لينا من الكريمات تاللحم تا وليت حاسة ب جسمي مراية نقي بزاااف و رطب دارو لينا ماساج لي فالصارحة رخا ليا عضيماتي مكرهتش كون غير نعست...... مور الماساج بقاو مقابلين وجوهنا بالماسكات و دارو لينا مكياج .....
الحاصول يا لالياتي خرجنا كنشعلو 
وصلنا للدار مع 8 ونص كل وحدة طلعات ل بيتها طلعت لبيتي حيدت عليا حوايجي بقيت غير بالدو بياس و دخلت لبيت حوايجي حليت الماريو و طلعت فالسلوم كنقلب لي شفتها مكتعجبنيش تا شفت واحد الغوب طووووووووب و مثيرة بززااااف هي بيضا من التحت تال الركبة و محلولة من واحد الجهة و الفوق كولو شبكة حمقاتني هزيتها لبستها و لبست معاها صباط و هزيت صاك درت فيه اللوازم و خرجت من بيتي وهيبة كانت لابسة غوب قصيرة فالكحل و معرية من الكتاف هزينا الرونج فالكحل و تحركنا ل بلاصة الحفلة 
******ما هي دقائق تا كنا وصنا تسالمنا مع ايريك و عرفنا على البعض من عائلتو الحفلة كانت مخلطة نوعا ما رجال كبار مع مراواتهوم و شباب معا حبيباتهوم كانو دايرينها فالجردة و كانت مزوقة بطريقة واعرة كلها ضوااااااو و مع الليل واااوو ....... دازت شي نص ساعة و ايريك مشا يتسالم معا ضيافو و جر معاه وهيبة يعرفها على شي صديق قديم ما دازت تا دقيقة تا كنحس بيدي تنطرات من بلاصتها شي واحد جارني ب قوة و مدارش لجيهتي كيتمشا بزربة لدرجة انا وليت كنجري دخلنا للداخل نطرت منو يدي و تصدمت 
أنا:شنووو بغييتي يااك لاباااس لاش جااارني هاكا كتسالني شي حاجة 
جاد:آش هاد الحالة باااش جااايااا لهناااا واااش عاجبك هاد الصدر لي كولو باااين راه شي نهار نشوطووو لمك ولا عاجبك الحال حيت الزوامل كاملين حاليين فيك فمهوووم 
انا: و بصفتك اسيدي شكون تدخل فيا خووويا و لا والدني شكووون ولا ياكما مطيح عليا العقد و ما فراسيش واش انا فينما درت نلقااااك عطيني بالتيساااع ا جاااد القنت لي انا نكووون فيه خويه نتااا ياااك سااامحتك شنو مازال باااغي
جاد:شكون دوا ليك على شي سماحة و بصيفتي شكون متنسايش انني ولد خااالك 
انا:بالتبنييي عنداااك نتااا لي تنساااا رااااسك

جاد:(زير ليها على فكها بيد و شد شعرها بيد خرا )سمعيني... حلي ودنيك مزيان..... قسما بالله و تعاودي تجبدي على فمك فكرة التبني ... و لو غير بالغلط .... كنقسم ب ربي تا ندمك عليها ...سمعتي .... راه واقيلا ضصرتك و رخيت ليك الصمطة شويا .... و لكن نتي ل د**مك غير ديال العصا الخاطر مكينفعش معاك و دابا تحركي لبسي شي حاجة فوق هاد الخرا او تقاودي ل دارك ..
انا:شفتي هاد اللبسة لي نتا معاجباكش هيا لي غنلبس و هيا لي غنبقى فيها عجبك الحال تبارك الله معجبكش راه الحيوط كثار ... و ماشي نتا لي غتقول ليا شنو ندير و شنو منديرش با لي ولدني و مكيحكمش فيا و تجي نتا الكلب و تبغي تحكم شكون عطاك الضو الخضر لهاد الشي هاااا 
جاد:(حيد الفيست ديالو )لبسي هادي 
انا:مبغيتش 
جاد:بالخاطر ولا بزز 
انا:جرب 
****يالاه شدني من يدي بقوة باش يدخلها فاليد ت لا فيست تا طارت عليه وهيبة ب قجة من اللور يالاه بغيت نضحك تا بان ليا دار لعندها و حمر فيها عينيه نطر يديها و بقا شادها من جهت كتفها
انا:طلق من البنت 
وهيبة:اي كتفي 
جاد:علاش كتقلبي ابنت عمتي الثانية 
وهيبة:شنووو 
انا:جاد طلق منها المشكل بيني و بينك خليها عليك ..... راه معاااك داااوية طلق منها 
جاد:(دفع وهيبة تا جات على الطبلة لي وراها) هبة تبعيني 
انا:وهيبة تقصحتي الحمار خلا ليك يدك زرقا هانتي خودي السوارت تالطوموبيل و سبقيني شويا و نلحق عليك 
وهيبة:مفهمت والو والله (كتنخصص)
انا:وا صافي و تقولي نتي عندك بونجة فازكة فدوك العينين خاصاك غير السبة سبقيني للدار و ردي البال ل راسك شويا و نخلط عليك ديري ليديك الثلج و واحد المرهم راه محطوط فالمجر الفوقي 
وهيبة:اهاه و نتي 
انا:متخافيش عليا غير سبقي 
*****بقيت غادا معا وهيبة تا وصلتها للباركينك لقيت جاد متكي على الاودي ديالو و هو عاقد غوباشتو طلعات وهيبة للطوموبيلة و تحركات عاد مشيت انا عندو 
انا:آخر مرة تقرب من ختي ولا حتى من عائلتي
جاد:طلعي 
انا:مغنزيد معاك تا خطوة زوج كلمات لي عندي قلتهوم و دابا سمح ليا شي ناس كيتسناوني فالحفلة باااي 
(عطيتو ب ضهري يالاه تحركت زوج خطوات تا كنسمعو عيط عليا بالغوات)
جاد:هبببببة ....... تزيدي خطوة وحدا نقطع لمك رجليك 
انا:شناهوا هههههههه واش نتا لاباس 
جاد:زيدي معايا ربع ساعة و نردك فحالك 
انا:وا ماااغااااداااش فهمهااا 
جاد:لبسي الفيست 
انا:ملابسااهااش 
جاد:غتلبسيها بزز اري يديك لهنا ....(جر يدي باش يدخلها فالفيست و نطرت منو )
انا:شنو باغي من عندي شنووووو .....وااااش سوقك فيااااا ....ولا خايف على سمعة عائلتك مكاااين لاش تخاااف تا حد هنا معارفني من عائلة بن جلون فهمتي سمعتييييهاااااا داااباااا عطيني التيساع و كلا يشد طريقووو نتاااا عندك حياااتك و انااا عندي حياااتي لاش تا غدخل فياااا علاااش ب صفتك شكوووون و شنووو السبب 
(بس راه بزوجنا كنغوتو)
جاد:(تزير تا بانو عروق عنقو و يديه خضرييين )حيت نتي دياااالي .... فهميها ديااالي بوووحدي و اللي غير حاول يشوف فيك ولا يقرب ليك نقتل مووو... 
انا:ك..كيفااااش ...(رجعت الداكرة للور و تفكرت الصفريطة) و شحال من وحدا خراااا ملكك و ديااالك بالسلامة 10 ولا 20 وحدة واش البنات عندك لعبة يصلاحو غير للاغتصااااب و التعدييييب 
جاد:سمعي انا براااسي معارفش شنو هادشي لي واقع ليا ... كنحس بشي حاجة من جيهتك شي حاجة عمري ما حسيتها لأول مرة (ابتاسم )منين كنتي كتقاوميني بكل قوتك و منين لقيتك بنت و بتصرفااتك كاملة شجاااعتك .......حبك للناس لي قراب ليك..... واستعداادك للتضحية على قبلهوم كاملين ..... كنحماق علا طريقتك فالهضرة و فالماكلة و فكولشي (بدا كيقرب ليا بخطوات تقال عينيه مرة مركزين ف عينيا و مرة ف شفايفي ) انااا .... عمرني توقعت الامور بيناتنا توصل لهاد الحد...مبقيتش كنقدر نعس بلا منشوف تصاورك ..... بلا منفكر فيك....بلا منلوم راسي حيت أديتك 
(زاد قرب ليا و حدر شفايفو لعند شفايفي يديه بزوح هزهوم لعند عنقي كيبوش فااشنوفة التتحتانية بحنان و رقة خلاوني ندوب و نساجم معاه تا أنا دخلنا ف قبلة عميقة كل واحد عبر فيها على أحاسيسو هز راسو و بقا كيشوف فيا )
جاد:كنبغيك بزاف 
انا:ههههههههه لا نتا والله تا بزاف و مراتك 
جاد:اينا مرا 
انا:الصفريطة ...ممم زعما البنت الشهبة الطويلة لي كانت داك النهار ف المطعم معاك نهار جرحتك 
جاد:كدوي على كارمن 
انا:واقيلا ...ياك ما ناوي تنكرها 
جاد:ولكن هاديك غير مكلفة بالديكور تالدار كتبدلو 
انا:😨 ولكن .... هيااا ...المهم نسااا انا غادة فحالي بسلامة

يالاه ضرت تا شدني تاني من يدي 
جاد:مغتمشيش من هنا .. فهميني شنو قلتي دابا...
انا:والو طلق مني ...
جاد:(مزير على سنانو)هضري 
انا:هاديك كارمن 
جاد:مالها 
انا:جيت عندك للدار و منين هي حلات الباب قالت ليا بلي مراتك و كانت دايرا خاتم ف يديها تالزواج 
جاد: و نتي لاش جيتي عندي 
انا:اه عندك الحق مكانش عليا نجي ....غير هو قلت نتا ولد خالي و حشومة منين تعرضتي لداكشي ب سبابي منسولش فيك 
جاد:مممم متأكدة غير هادشي 
انا:اه 100% 
جاد:يالاه نمشيو 
انا:فين ...
جاد:تيقي فيا غي هاد المرة ... مغتندميش 
انا:اوكي 
جاد:غنوقفو حدا شي بوتيك تبدلي عليك هاد اللبسة 
انا:دوينااا قبييلة و قلت ليك ممبدلاهاااش واش مباغيش تفهم 
جاد:داك الصدر و الفخاد لي عاجبينك شي نهار نشعل فيهوم العافية 
طلعي للطوموبيلة يالاه 
انا:(حليت الباب اللوراني)
جاد:فين غادا 
انا:بغيت نكلس هنا 
جاد:كيخلصني باك فالشهر و مفراسيش زيدي القدام 
انا:هنا مرتاحة كثر
جاد:اوكي خليك تما
يالاه تحركنا ة بان ليا السيد مكسيري كيوصل للدورااات و كيجيب دورة عالمية بقيت كنتزاف فاللور من جنب ل جنب تا طيب ليا جنابي 
انا:جااااااد وا الزمر بشويااا راااه غتقتلنااا واااش حمااقتي صبر ندير الحزااام و سير كي بغيتي 
يالاه بغيت نجر السمطة تا زف بيا تاني لحدا الزاج تا تضربت ف جبهتي 
انا:صافي حطني هنا بغيت نزل عاافاااك وقققف 
جاد:نن باااقي الحاال بااش منين نهضر معاك تسمعي ليا ماشي هضرتي تكون زايد ناقص عندك 
من اللول قلت ليك زيدي القداام و مكتسمعيييش عييت معاااك 
انا:واخا وقف هانا غنجي للقدااام غير وقف .....
****خلاني شي 10 الدقايق و انا كنتكركب ف داك اللور عاد وقف فالخلا 
جاد:زيدي القدام 
انا:(حليت الباب نزلت و كلست فالارض)بلاتي راه دخت 
جاد:(خرج قرعة الما)خودي شربي 
و نوضي باقي تابعينا شلا شغالات 
انا:اينا شغالات هادو لي جامعيني بيك
جاد:😑 زيدي خلاص 
***طلعت على سعدي و وعدي و حاسة راسي داايخة باغا غير ايمتا نوصلو 
وصلنا لواحد الفيلا كبيرة بزاااف خرج جاد الريمود و حل بيه الباب اوتوماتيك تحل الباب و دخلنا على جردة كبيرة بزاااف و زوينة واخا كانت كتبان كتخلع حيت الليل 
دق جاد فالباب و حلات لينا واحد المرا كبيرة فالعمر باس ليها راسها و دخلنا 
انا:جاد فين حنا 
جاد:كلسي بعدا رتاحي 
انا:واخا 
جاد:تشربي شي حاجة 
انا:نن شكرا 
جاد:هادي داري كيف جاتك 
انا:زوينة بزاف 
جاد:جبتك باش نوريك سري الكبير لي مفراس تا حد 
انا:سر إينااا سر 
جاد:بلاتي .... مااامااا ...... الواليدة ..... جبت معايا واحد الضيفة 
شويا بانت ليا واحد السيدة كبيرة شويا ولكن كتشبه ل جاد بزاف ملامحهوم متشابهين لواحد الدرجة مكتصورش 
جاد:هبة هادي ماما .... (سكت شويا و بقا كيشوف فيها )اه ماما الحقيقية

انا:ماماك ولكن ياك هي لي 
جاد:احم (خنزر فيا)
انا:اه متشرفين الالة 
جاد:ثورية سميتها 
خ ثورية: الشرف ليا ابنتي جاد عاود ليا عليك بزاف زوينة تبارك الله 
انا:(تزنكت منين شفت راسي شنو لابسة)الله يبارك فيك غير عدريني على هاد الحوايج ولكن كنت ف حفلة 
خ ثورية:لا ابنتي مكين لاش تحرجي راك كابرة هنا و هادشي عاادي بزاف انك تلبسيه تبارك الله مشاء الله زوينة الله يحجبك ...
انا:آمين 
جاد:ماما هبة غتبات معاناةهاد الليلة قولي للخدامة توجد ليها دوش و حوايج تلبسهوم 
خ ثورية:مرحبا بيها و الف مرحبااا 
انا:ترحب بيك الجنة 
جاد:هبة تبعيني عافاك 
****تمشا جاد و بقيت انا تابعاه من اللور كنشوف فدارهوم لي كلها أثاث مغربي من الداخل صالوناتها و البيباان و كلشي وصلنا ل باب خشبي كبير دفعو جاد تا تحل و كان مكتب كبير شكلو تقليدي بزااااف ولكن فنفس الوقت راقي 
جاد:زعما وليتي كتحشمي 
انا:كيفاش هادي ماماك راه مفهمت والو 
جاد:منين كبرت و كونت رااسي قلبت على ماما و لقيتها شنو لي مفهمتيهش 
انا:كيفاش درتي حتا لقيتيها و كيفاش سامحتيها و هيا ديجا سمحات فيك 
جاد:عندك الحق سمحات فيا و لكن ضروفها ديك الساع مكانتش تسمح باش تربي ولد كيف بغات توفا الواليد ديالي و خلانا بوحدنا الدار جراو عليها منها خوتو تعدبات بزاف دوزات ليالي فالزنقة كدور بيا و كطلب الناس يعطيونا مناكلو منين شافت هاد الحياة قاسية بزاف و مناوياش ترحمها قررات تخليني لعائلة غنية باش يتهلاو فيا و يكبروني احيانا اسباب الواحد كي كنسمعوها كنغفرو ليه دنبو و انا هادشي لي درت 
انا:وااو و كيف درتي تا لقيتيها
جاد:قلبت عليها 
انا:(تفكرت ماما)ممم مزيان 😢
جاد:مالكي 
انا:حتا انا بغيت ماما 5 سنين مشفتهاش توحشتها 
جاد:ياك ماتت 
انا:لا هي خرجات من المستشفى لي كانت كتعالج فيه 😢😢😢 و خلات كلشي موراها و مشات 
جاد:و شنو السبب
انا:معرفتش بابا مبغاناش نعرفو الحقيقة ديك الساع داكشي باش خباها عليا و معرفتها تال دابا 
جاد:باغا تقلبي عليها 
انا:مكرهتش
جاد:انا نعاونك 
انا:نتا 
جاد:اه انا 
انا:و شنو المقابل .....
جاد:يا ربي اش هاد البنت تي مال عقلك ديما معفن ما باغي منك والو غير نفرحك 
انا:مكنفهمكش 
جاد:شنو مكتفهميش 
انا:مرا قاسي بزااف و عندك قلب فولاذي و مرة خرا حنين طيب و قلبك صافي و بيض واش عندك انفصام فالشخصية 
جاد:ههههههه نن بالعكس شخصيتي بحال اي واحد ايلى كنت معصب كنفرغ غضبي كنت فرحان كنعبر على فرحتي 
ممممم هبة 
انا:وي 
جاد:مجاوبتينيش
انا:علا آش 
جاد:واش مستاعدة تبداي معايا صفحة جديدة و كنواعدك عمركي متندمي 
انا:منقدرش 
جاد :جربي غير جربي 
انا:شنو المطلوب مني 
جاد:عطيني فرصة ....غير وحدة 
انا:عيانة بزاف بغيت نعس
جاد:مغتهربيش هاد المرة تا نتي كنعجبك 
انا:شناااهواااا كتحلم لااااا 
جاد:باراكا متخرجي ف دوك العينين كلشي باين من نهار الحادث كنتي كتغوتي فحال شي حمقة شادا ليا فيدي و كلك كترعدي و كتغوتي كون مكنتش عندي مكانة فقلبك مغتحرك فيك تا حاجة

انا:لاش باغي توصل 
جاد:تيقي فيا مرة وحدة .... و كنواعدك كنقسم ليك عمرك تندمي 
انا:قلت ليك بلي سامحتك 
جاد:و انا قلت ليك ولاو عندي مشاعر خاصة تجاهك 
انا:و كارمن 
جاد:هاديك حسابي معاها بوحدو والله ما بيني و بينها شي حاجة 
انا:اوك نقولو تيقتك 
جاد:المهم نوضي نوصلك لبيتك بدلي عليك و نزلي نتعشاو واخا 
انا:اوكي نتاصل ب وهيبة غتكون مشطونة عليا 
****انا:الو ختي 
وهيبة:هبة تعطلتي من قبيلة وانا كانساينك واش داك الحمار آداااك دار ليك شي حاجة فينك 
انا:عندي شي شغل متشطنيش عليا غير سيري تنعسي احبيبتي 
وهيبة:ردي البال ل راسك بزاف 
انا:تباتي ف راحة الله ... اه واخاا ...بسلامة 

جاد:يالاه مشينا 
انا:واخا 
*****بقيت تابعا جاد تا حل ليا الباب تواحد البيت دخلت ليه و سديت الباب كان بيت زوين بزاااف فالبيج و المااارووو فيه الحيط لي مقابل معا السرير كولو زاااج و مرسووم من الجنااب ناموسية كبيرة فالوسط و بلاكااار فالجنب لقيت بيجامة فالكحل فيها باندا فالبيض كيتوسطها جاتني مزيرة بزااف مطلعت السروال تا شحفت طلقت شعري و دخلت للحمام غسلت يديا و وجهي من المكياج و خرجت بقيت متكية شويا قلت مكاين لاش نطفل عليهوم اللهم نتسنا تا يعيطو و فعلا ما هي الا دقائق تا كنسمع الدقان فالباب كانت المرا لي حلات علينا الباب قالت ليا بلي العشا واجد 
و نزلت لعندهوم لقيت الطبلة عامرا شكال و نواع تالماكلة مغربية واااااوو بقيت غير حالا فمي فيها 
خ ثورية:قلت معا راسي غتكونو توحشتو ماكلت بلادكوم داكشي باش وجدتها اليوما 
جاد:اي اكلة من يديك بنينة 
خ ثورية:هبة بنتي كولي متحشميش 
ابتاسمت ليها و بدينا الماكلة كنت كناكل بيخير تا حسيت ب شي حد كيشوف فيا هزيت راسي لقيت كل واحد مركز ف طبسيلو مدايها فيا حد نزلت راسي و نعلت الشيطان يالاه بغيت نبدا الماكلة تا حسيت بالكرسي لي حدايا تجر شويا بحالا غيكلس فيه شي حد و عاود رجع كي كاان 
انا:(اويلي شهاد الشي تهدني ا هبة تهدني مكاين والو غير جاب ليك الله منعستيش مزيان و وليتي غير كتهلوسي )
****حاولت نبين ليهوم انني كناكل و انا عقلي ممعايااااش ب مرة كل مرة كنحس بلي شوفات شي حد كتختارقني و فالحقيقة تا حد مكيشوف فيا 
شفت تا عييت و انا نغمز جاد باش يفهم راسو و يقول ليا نوضي ساع انا كنغمز فيه و هو كيشوف فيا و يحنجر متسوق ليا كاااع 
ياااربي دوز هاد الليلة بيخير 
و أخيرا سالاو الماكلة و حطو سالاد فخوي كياكلو فيها و انا غير كندوق غير هوما كملو و انا نطق 
انا:جاد عافاك بغيت نخرج 
جاد:(علا حواجبو باستغراب )
انا:للجردة فصراحة بغيت نشم شويا تالهوا 
جاد:راه 12 و نص هادي تالليل اشمن هوا فهاد الوقت 
خ ثورية:معليش اولدي دير لضيفتنا خاطرها انا اصلا غنعس و نتوما خرجو كلسو برااا وايلى حسيتو بالبرد هزو شي حاجة لبسوها باش متمرضوش 
انا:شكرا اخالتي 
****كي قلتها ليها شفت خيال شي حد داز من وراها يالاه بغيت نغوت ساع منين تحركات مكان تا حد 
انا:(اويلي صافي حماقيت مشيت فيها)
جاد:وا العاااام الجاااي فين ساااهية 
انا:جاد نسولك 
جاد:سولي 
انا:يالاه نخرجو بعدا 
خرجنا للجردة لي كان فيها بلاصة مفرشة فالارض و عامرة بالخدياات زوينة و مريحة بزاااف للي بغا ينعس و كاينين كرااسااا كبااار على شكل يد فاللواان للي بغا غير يكلس 
كلست انا فوق الكرسي و جاد تا هوا 
جاد:سولي 
انا:واش داركوم مسكونة 
جاد:كيفاااااش اينا داار 
انا:كيفاش اينا دار باغي تصطيني هااادي هااد الدااار فيها شي حاجة ماشي هيا هاديك اجي ياكما قتلتي فيها شي حد و بقات روحو معدبة و ساكنة فالبلاصة اللي قتلتيه فيها 
جاد:هاد الساعة مقتلت حد ولكن يمكن تكوني اللولة 
انا:مكنتفلاش منين كلسنا نتعشاو و شي حد كيشوف فيا 
جاد:هاداك غير انا 
انا:علاه نتا عليتي بعدا راسك من الطبسيل لا مكنتيش نتا هادا شي حد آخر زيد عليها الكرسي لي حدايا تحرك بوحدو و ماماك كان وراها خياال انا متأكدة بلي كاين شي حد آخر معانا فهاد الدااار 
متقولش ليا لا ..... متأكدة 
جاد:هههههههههه واش من نيتك كتآمني بهاد الخرافات 
انا:جاد هادو ماشي خرافات هادي حقيقة و سواءا عليميا و لا دينيا كاينين حاجات خرين عايشين معانا فهاد العالم من غير الحيوانات و النباتات 
جاد:شرفتي قبل الوقت ولا يمكن مناعساش مزيان داكشي بااش موسوسة غير ل راسك 
انا:والله مكنكدب و مموسوساش اللي قلت ليك راني شفتو
كنت باقا كندوي معاه تا بان ليا شي حد لابس البيض طويييل داز مور الشجرة و معا ضو القمرة بان ليا مزيان شي حاجة طويلة و كتمشا بطريقة عجيبة 
انا:جاد شوف الهيه 
جاد:شنو
انا:كان شي حد دايز لابس البيض والله داز مورا الشجرة
جاد:شوفي داك التسرهيط ديالك باش تنسيني ف موضوعي بلاش منو الليل هادا 
انا:نوض بغيت نعس مغنبقاش هناا
جاد:اوكي نوصلك لبيتك ولا عاقلة عليها 
انا:شوف مستحيل نعس بوحدي خصوصا مورا لي شفت دابا تأكدة بلي معانا شي حد آخر 
جاد:و شنو باغاني نعس معاك 
انا:حداااياااا ماااشي معايا 
جاد:بحال بحال 
انا:يالاه

طلعنا انا و جاد لبيتو هواا بيت طاغي عليها طابع رجولي فاللون الاسود و الرمادي زوينة بزااف 
جاد:انا غندخل نبدل حوايجي و ندوش
انا:اوك
دخل جاد و بقا فالدوش 15 دقيقة تقريبا عاد خرج و يا ريتو ما خرج كان لابس شورط و دوك العضلات عندو باقي فيهوم قطيرات المااا شعرو فازك كيمسحو بالفوطة و كاع عضلاتو كيتحركو فاش كيمسح 
جاد:سبحان الله
انا:هاا. .. شنو 
جاد:واش نتي لي راجل ولا انا 
انا:فين غنعس 
جاد:ديما كتبدلي الموضوع فينما بغيتي نعسي 
انا:اوكي غنعس فالفوتوي 
جاد:ديري لي بغيتي ولكن راه غتنعسي معدبة 
انا:نن هانيا عطيني غير مخدة و غطا 
جاد:هاهوما تصبحي على خير 
انا: تصبح على خير 
******* بقيت مدة و انا غير كنتقلب ف داك الفوتوي تا دروووني جنااابي تا كنسمع التخرشيش تحت البالكون 
انا:اويلي اشهاد الصوت نن راني غير كنتخايل 
****بقا الصوت مرا كيتجهد و مرا كيتقطع خرجت راسي من تحت الغطا و بانو ليا شي يدين عامرين بالدم كيحاولو يتعلقو فالبالكون و يطلعو بقيت كنسد عينيا و نحلهوم و انا مزيرا على الغطا كنقول معا راسي غير كنتخيل ساااع داكشي بصح 
انا:جااااد .....جااااااااااااادد ........ وا الزمر نوووض ..... يا ربي اش هادشي .... 
جاد:واش شي حد مسلطك عليا اش بغيتي من عندي 
انا:شوف البالكون 
جاد:(معا الدورة لي غيدور اختفا داكشي ) شنووو مكين والو 
انا:(تصدمااات)والله تا كاين انا عارفة شفت ...ش ..هادوك ...لا صااافي تسطيت ما فيهاش 
جاد:هبة نعسي الله يستر عليك ولا عرفتي شنو اجي نعسي بلاصتي انا غنعس تما حدا البالكون 
انا:ولكن 
جاد:ولكن تعاودي توصليني و لا تعيطي غنعسك فيه وا خلي هاد الليلة دوز بيخير واش انا بزز باش عاطيك التيساع و بزز باش داني النعاس و نني عاد جاك هاداك التبوهيل ديالك 
انا:اه واخا سمح ليا 
********تبادلنا البلايص و جاااد نعس و انا بقيت كنبقلل ف عينيا الليل كامل تا بدا يصبح الصباح عاااد....نعست ...... و طحت دووودة مااا فقت تال 1 تالنهار فايقا خاسرة مناعسااش بخاااطري تا نعاسي كنت مخلووووعة فيييه ....... مبانش ليا جاد فالبيت خرجت كنقلب على شي حد و ملقيت تا واحد ...تفكرت شنو طرا البارح بالليل و قررت نمشي لتحت البالكون نضرب طليلة هزيت معايا الملحة من الكوزينة حيت كنت كنسمع بلي كتنفع معاهوووم .... و خرجت للجردة بقيت كنقلب تا شحفت ما بان ليااااا تا جن 
انا:الله يهديك ا هبة واش كاين شي جن ف عز النهااار 
مشيت للزعلوولة لي عندهوووم فالجردة كانت كبيرة بزااف يكلسو فيها زوج او تلاثة و الحبل داير بيه الورد كلست و بقيت كنتمرجح غير بشويا و ساهية فالباب حيت كلشي خرج كنتسناهوم يرجعو 
بقيت ساااهية شحااال ................... تا سمعت خطوات شي حد مورايا سرطت ريقي بالخلعة ما حد الخطوات كتقرب ليا و انا الدم كيجمد ف عروووقي تا تحطات شي يد فوووق كتفي ... يالاه بغيت نضور تا كيبان ليا جاااد جاااي مخنزر و باينا بلي طالعا عليه غير شفتو و هي تحيد ديك اليد من ورايا ضرت كتبان ليا تاني هاديك غادا و عاطاااني بالضهر و لابسة كلشي بيض و منقط بالدمايات ولكن كتمشى عاادي 
معا بغيت نقول ل جاد يشوف لقيتها غبرات تااني اووو هااادشي بزاااف 
انا:جاد شفتي لي شفت 
جاد:اشنو شفتي
انا:معرفتش المهم شفت شي حاجة و صاف 
جاد:طلعي بدلي حوايجك غنديك لدارك و هاكي هادو (مد ليها بلاستيكات)لبسي منهوم شي حاجة متلبسيش داك المسخ تالبارح 
انا:ممم اوووكي واخا توصلني للبيت 
جاد:اللهم طولك يا روح واخا يالاه 
**********وصلني جاد للبيت دخلت لبست سروال جينز و شوميز فالكحل سامبل هزيت صاكي و لبست صباط بلا فالكحل
نازلا معا الدروج تا بان ليا جااد كيدق فالبيت لي فالجردة و كيهدر بحالا شي حد باش يحل ليه الباب

باش يحل ليه البااب 
و منين دااك الباب مبغاش يتحل ضربو برجليه تا تفرع
غير هوا دخل بان ليا كيغوت و ردخ الباب مورااه و انا ضربتها
بجرية تال ورا ديك البيت فيها سرجم و معا زهري كان محلول بقيت كنتسنط 
جاد:واش ل دي* مك ماعندك عقل ما تكسابيهش (شدها من الشعر المستعار لي كانت دايرا تا نطرو ليها)اش هادشي كتخلعي فالبنت محشمتيش شنووو دااارت ليك 
البنت:شنو دارت لياا .. من نيتك كتسول كيفاش شنو دارت ليا ...شكون هاديك اصلا...و علاش عرفتيها على خالتي ثورية ياك المفروض تا حد ميعرف ب وجودها هناااا 
جاد:ياسمين لتخرجينيش على طوووعي مااشي سوقك فيا ... ندير لي بغيت هادي داري و انا لي كنحكم هنا 
ياسمين:و انا شنو .... شنوهوا محلي من الاعراب .... كتعرفني غير بالليالي يااك .. غير منين كتبغي ت*وي كنبان ليك فالبلان ... ولا انا ماشي منوطبقتك انا غير بنت الخدامة ياك 
جاد:تا حد مضربك على يديك ...متنسايش اول مرة نتي لي جيتي عندي و بقيتي كتحلوني زائد انك مكنتيش بنت يعني راك حافضة طريق الغابة البرهوووشة ... (جرها من شعرها و ردخها معا المراية تا شرشرو دماياتها) شوفي رااااسك ... عندك غير 19 سنة و مدوزة العجب اش كيسحاب ليك غنتسوق ل قحبة بحاااالك 
ياسمين:نتا عارفني كنبغيك ا جاد والله تا كنموت عليك عافاك مديرش ليا بحال هاكا (كتحلون عليه)شوف شحال و نتا غابر عليا و فاللخر كترجع جار معاك وحدة من وراك .....متصورش شحال توحشتك ... 
جاد:ياسمين حلي ودنيك مزياان ..مابقيتش باغيك ...صافي
عفتك
وليتي كتجيني موسخة كثر من القيااس و بلا متعصبيني و تخرجي على راسك وعلى خدمت مك ...
جمعي عليا هاد الحبس لي لابسة و تحركي نقي بيتي كاملة من داك الدن لي لصقتي فالبالكون و يا ويلك و نلقا نقطة وحدة منو مفهوم 
ياسمين:(غرغرو عينيها)واخا 
جاد:هاكاك حرفية 
ياسمين:واخا اسيدي 
جاد:مزيان من اليوم غتولي هنا غير بنت الخدامة لا غير و المساعدة ديالها فنفس الوقت و عنداكي تحلمي ب كثر من هاكا 
(كيقيس الجرح لي ف وجهها) تحركي داوي هاد الكمارة قبل متبداي شغالك
**********************
خرج جاد من عند ياسمين و بقات هبة مصدومة من الشي لي سمعاتو و فنفس الوقت مشمائزة من هاد البنت و واخا هكاك بقات فيها بزاااف 
كانت ياسمين كتحل ليزار البيض لي لايسة تا دخلات عليها هبة 
ياسمين:اااممم ... نتي ...... نعام اختي خاصاك شي حاجة 
هبة:ههههه نتي هيا لي خليتيني بلا نعاس ليلة البارح 
ياسمين:لا...هوو... انا....
هبة:(قربات منها و شداتها فوجهها لي كانت اثر الضربة
باينا فيه مزيان ......) غنعطيك نصيحة بحكم اني كبر منك و تقبليها 
ديري العز لراسك متسنايش لي يديرو ليك 
بسلامة 
********&&&**********خرجات هبة من عند ياسمين و لقات جاد عاد خارج من الدار باينا كان كيقلب عليها فالداخل 
جاد:فين كنتي 
انا:كنت كنتسناك حدا الباب ساع مبنتيش ليا 
جاد:نمشيو 
انا:واخا 
جاد:مسخيتش بيك ف صراحة 
انا:عندي كومبا غدا و ضروري نوجد ليها 
جاد:و علاش مباغاش تدربي فلاصال لي فالدار 
انا:نن حيت كاينا انا و ناتاليا و ختي وهيبة غنلعبو ب 3 ضد 3 و خاص ندربو مجموعين 
جاد:غنجي نتفرج 
انا:مرحبا على الراااس و العين 
جاد:غدا لبسي شي حاجة مستورة ماشي نتي كلك باينة تخلي اللي يسوا و اللي ميسواش يتفرج فجسمك 
انا:هاداك لباسي و مغنبدلوش و على فكرة تا بابا غيجي يتفرج غدا

جاد:اوكي غنجي تا انا و اش بان ليك نخرجو من بعد ل شي بلاصة زوينة ايلى ربحتي 
انا:انشاء الله انا لي غنربح 
جاد:اوكي يالاه باش توصلي بكري حيت هنا بعيد شويا على دارك 
انا:اوكي 
*****ركبنا فالرونج البيضة ديالو و مباقيش دوينا معا بعض غير الموسيقى لي خداامة و هو كيصوك و مركز معا الطريق و باينة فيه كيفكر فشي حاجة 
وصلني للدار .... و توادعت معاه ...دخلت لقيت وهيبة باقي ناعسة ..طلعت لبيتي دوشت لبست مايو و كولون كحلين فيقت وهيبة و طلعات لبسات نفس الشي تقريبا فاللول درنا تسخينات و من بعد بدينا كنتدربو على حركاتنا 
سالينا و حنا مهدودين خرجنا كلينا برا و تقدينا و رجعنا تفرجنا ف فيلم تا دانا النعااس 
#نهار_جديد_احداث_جديدة 
فاقو البطلات دياولنا معا العشرة تالصباح
فطرو مزيان و مشاو ل wwe كل وحدة ختارت لباسها وهيبة لبسات الحمر و دارت باندا وسط شعرها اما هبة لبسات لبسة كحلة وجدو راسهوم تافقو على الخطة معا ناتاليا لي غتكون معاهوم هاد المرة المباراة غتكون 3 ضد 3 و غالبا فاش كيكونو المصارعات متعددين كيكونو المشاكل بزاف و صعيب الفوز 
كانو البنات ب 3 واقفين مجمعين تا دخل الاب ديال هبة تسالم معاهوم و تمنى ليهوم التوفيق و خرج لجيهت الجمهور كانت هبة حاجزا ليه بلاصة فالصف الاول .
دخل الجمهور و كولشي واجد وقف المقدم و بقا كيعيط على كل مصارعة بسميتها و اي وحدة دخلات كتطلق معاها الموسيقى الخاصة ديالها بدا فالاول ب هبة و وهيبة لي عندهوم موسيقى وحدة دخلو تسالمو مع الجمهور لي كان فالممر تالدخول
و طلعو للحلبة .
تبعاتهوم ناتاليا و تا هيا دخلات تحت تصفيقات الجمهور و بموسيقاها الخاصة هادا هو الفريق الاول 
ندوزو للفريق الثاني لي تاهوا فيه زوج صحابات لي سبقو و دخلو ب موسيقى وحدة و هوما ايج لي و تامينا 
ايج لي بنت صغيرة فالعشرينات من عمرها و لكن قويا و فنفس الوقت مبرهشة بزااف عكس صاحبتها تامينا لي هيا مرا فالتلاثيتات من عمرها مرا قوية تا هيا ملامحها رجولية جسد ضخم بزاف و عندها خبرة كبيرة ف مجال المصارعة اي انها كضرب و كتعرف فين ضرب اماكن كتخلي بنادم يفشل 
بعدما سالا المقدم من تقديم هاد الزوجات داز للعضوة رقم 3 فالفريق 2
و لي هيا اليشيا فوكس و غالبا كيعيطو ليها فوكسي بنت طويلة بزاف سمرا و معروفة بالنفاق و المكر ديالها اي انها اليوم معاك و غدا ضدك و من قبل كانت صديقة للتوأم ديالنا .
هبة فاش دخلات شافت جاد قريب بزاف من باها بتاسم ليها شويا و بادلاتو الابتسامة .
الحكم عطا اشارة البداية دخلات وهيبة هيا اللولة و من الفريق الثاني دخلات تامينا بدات المبارات و كانت تامينا هيا لي غالبة بحكم الثقل ديالها ب أي حركة كديرها وهيبة مكتنفعش معاها .
بعدما كانت وهيبة مهدودة و سالا جهدها تامينا قاست يد صاحبتها ايج لي باش دخل و لكن وهيبة دغيا استغلات الفرصة و عطاتها للوجه برجليها و قاومات باش تقيس ختها هبة لي كانت غاتحماق منين شافت الدق لي كلاتو ختها الشيء لي عطاها قوة كبيييرة خلطات اللي داخل الحلبة واللي فالخارج (زعما تامينا و اليشيا )و كيف بغات تنفد حركتها طلعات تامينا و عطاتها ضربة ل نيفها ب رجليها واخا تدخلات وهيبة و ناتي و طلعو دوك الزوجات ف ايج لي سترجعات قوتها و عاود ضرباتها لنيفها و حسب الحكم 1 2 3 و هبة مدارت تا ردة فعل غير شادا نيفها و ساكتة تا طلعات عندها وهيبة و ناتي و ردو البال بلي مقصحة بزاف ف نيفها سالات المبارات ب ربح ايج لي و جا الاسعاف هزو هبة للكلينيك بالزربة وهيبة ركبات حدا ختها و جاد تبعهوم من اللور و تا باها

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات