خرج جبل من الحمام وهو ملوي فوطة على خصرو وكايتمايل بصدرو الموشوم .. ماعرفش لبارح فقتاش نعس ولا شكون لي هزو من الشرفة ودخلو لغرفتو فقط عاقل على تبهديلة لي كلاها من عند أسية ..
اFlash back
تمشى أسد وهو يرمي مع كل خطوة خيبة أمل.. كان قاصد غرفتو باغي يجمع حوايجو ويشد أول طيارة للمغرب يمشي يقلب على مرتو ويشوف كيف يدير يصالحها لكنه شاف جبل كالس فالشرفة وفيديه قرعة ديال شراب وكايدنين بكلمات لأغنية وبلاما يشعر توجه لعندو يشاركو نفس الهم ..
- قولو لهااا أننييي لازلت أهواهاااا ... مهما يطول النوى لا أنسى ذكراها .. هي التي علمتي كيف أعشقهاااا... هي التي سقتني شهد رياااها.... روح من الله سواها لنا بشرااااا ... كسااها حسنا وجملها وحلاهااا .. ليلي لييييل يا لييل يااااا لييل ...
دخل لعندو أسد وكلس فجنبو خطف ليه القرعة من يديه وقلبها على فمو كايشرب ويشرب ويشرب وهو كايتصنت لكلمات الأغنية من صوت جبل وبدا حتى كايشاركو فالكلمات بقلة حيلة :
- قولو لهاا انني .. لازلت أهواهااا ماهما يطول النواااا لا أنسى ذكراها ... هي التي علمتني كيف ااااععشقهااا ....هي التيي سقتني شهد رياااهااا .... ليليلي ياااا ليلييييل .ليييييل يااا ليييل
إستمرو على ديك الوضع تقريبا ساعة حتى إنتبهت ليهم أسية لي كانت كاتمشى فالممر وشادا فدراع بهجت باش توصلو لغرفتو .. بعدما قتل باتريسيا جاتو أزمة قلبية وسخف بقوة لي تعصب و عايش الويلات اليوم بسببها ... عيطو الرجال للدكتور ياسين وأسية وبسرعة تدخل ياسين وعطاه الأدوية ديالو وبقى مدة حتى قدر يتوكد شويا وطلب من أسية توصلو لغرفتو ..
دخلاتو وعوطات ليه لفراش وبقات معاه حتى وضغ راسو على الوسادة بتهالك وقال :
- غدا غادي ننهي هاد الرواية كولها ... وبوحدي
تنهدت أسية وردت عليه بهدوء :
- رتاح دابا اسي بهجت وماتفكر فحتى حاجة .
رفعت الغطاء على صدرو وقبل ماتسحب يديها تمسك بيها بهجت وقال:
- دفنو جثة باتريسيا ... وخليو راسها
عقدت أسية حواجبها بإستنكار وقالت:
- اشنو غادي دير بيه اسيدي ؟؟
طلق من دراع أسية وهمس بصوت تعبان وهو كايغمض عينيه:
- باتريسيا واعدتني بلي غادي تجيب ليا شاهين
تنهدت أسية بغير إهتمام وقالت مع راسها بلي بلا شك هذا غير تأثير الدواء لكنها مضطرة تنفد اوامرو وغادي تقول للرجال على طلبو الغريب ... غطاتو مزيان وفاش بغات تطفي الضوء قالها بهجت بوهن:
- خليه .. وخرجي .
إمتثلت لطلبو وخرجات ولكن غير سدات الباب ضارت وتوجهات لعند هادوك لي كانو طالقين حلقهم وكايغنيو ... وقفات قبالتهم وتكات على باب الشرفة وقالت بإستهزاء:
- ماشاااء الله .. حزنانييين
على جبل عينيه الحومر فيها وقال بصوت ملتي:
- اااه حزنانيييين أسية ..
وغوت بجهد حتى كان غادي يطيح من فوق الكرسي:
- يرضييك هييييييييك !!..
إعتدل فجلستو بإهمال وكمل وهو كايبعتر شعرو بيديه:
- يرضيك تخليني لوحدي وتمشي هالحمارااااا .. قلتلها والله بحبك والله بحبك عطيتها شركتي عملت لها كل شي بدها ياااه بس هي تركتننننني .
طلعت فيه أسية وهبطت من راسو لرجليه وقالت بإزدراء:
- كاتكرهها دابا ياك ؟.
أومأ جبل براسو وقال بلسان تقيييل :
- اي... اي بكرهها لأنها تركتني .. وبكره الوحدة من دونها .. بكره هالعالم كلو إذا هي ماكانت فييه .. إخص علييييها ... بدي العن اليوم الى عرفتها فيه بس بدي اشكر التاريخ الى شفتها فيييه ... بدي ... بدي اصفعها على وجهها بس بدي كمان بوس تراب اجريها
سكت جبل وتكى براسو على الكرسي بتثاقل بينما كمل عليه أسد لغناء:
- لييل يا لييل يالييل .. قولو لها انني لازلت أهوااهاااا .. قولوها لنورسييين
تأففت أسية بضجر ثم شافت فأسد وقالت :
- كاتعبر على لحزن ديالك بلغناء اسي أسد.
إبتسم أسد ببلاهة ورد عليها وهو كايمد ليها القرعة ديال شراب خاوية:
- ااه .. تشربي شي كويس ؟
قلبت أسية عينيها بملل وقالت بفضاضة:
- زيدو فراسك
إبتسم أسد وهمس بصوت متقطع :
- شـ شـ شكرا
لكن صدمة جبل كانت قوية فاش شاف لقرعة خاوية طار عليها خداهالو وغوت بغضب وهو كايشوف فأسد:
- شربتيها كوولها اصاحبييي ... ماخليتيليييش !!
شافت أسية بلي القضية غادي تكبت وتحماض بيناتهم وهي تتدخل بسرعة قالت :
دار ليها جبل جيم بيديه ولاح القرعة الخاوية فالأرض وهو كايقول :
- يتووب عليك 👍 .. و ماتعطليش .
خرجت أسية وهي كاتخبط الأرض برجليها .. هادشي لي كان ناقصها غير جوج سكايريا طير ليهم شراب لعقل ماقالت باش تفكات من كبيرهم .. وصلات لصالة لي فيها طاولة المشروبات وهزات جوج قراعي ماهتماتش لأنواعهم وفتحتهم ثم رجعت لعندهم وقلبها كايغلي ومعصبة .. بما انهم سكرانين غادي تبهدلهم كيما بغات...دخلت لعندهم للشرفة ووقفت قبالتهم كاتشوف فيهم بشر ثم حطات قرعة فالأرض وقرعة بدات كاتخويها عليهم وتغوت بغضب :
- نتوما رجااال نتوما اسكايرياااااا
هشق أسد بصدمة وبدا كاينوض ويولي يطيح على الكرسي ويغوت
- باراكااااا .. اااه باراكاااا
إنتقلت من أسد لجبل هزت لقرعة ثانية خواتها عليه وهو كايشهق حيت المشروب بارد والجو أصلا بارد وهو كايغوت ويضرب بيديه فلخوا
كانت باغيا تقتلوو فديك اللحظة لكن حتى تشوف جواب سكايري لاخور .. شافت فجبل وقالت:
- ونتا اجبل علاش ماتبعتيش مرتك ؟؟
رمش بعينيه بغباء ورد عليها وهو كايغمض عينيه ويفتحهم:
- أنا ... أنا مكانعرفش نعووووم .
تهالكت اسية وكلست حداهم على الكرسي كاتشوف فيهم وفحالتهم .. هوما لي فاش كايكونو فوعيهم كايكونو رجال لا فالمواقف ولا فالأفعال لكن دابا ماعرفتش واش تتحسر على حالتهم ولا تزيد تتعصب... وعلاش غادي تتعصب على جوج سكرانين ماعارفين حتى شنو كايقولو ولا مستوعبين شكايديرو .. غايتهم هي يهربو من الواقع لي اصبح امام عينيهم قبيح وفابشع صورة .. غير فصبح كانو كولهم مجموعين وضاحكين وفلعشية تشتت كولشي وضهرت بعض الحقائق لي معضمهم ماقدرش يستحمل قساوتها وهرب .. مكانش ساهل على روعة تشوف خيانة جبل مع ان أسية اليوم كانت فالغرفة ديال المراقبة وسمعت بودنيها وشافت باتريسيا فاش كانت كاتترجى بهجت مايقتلهاش واعترفت بلسانها بلي هي لي خططت لكل شئ وبلي جبل برئ من هاد التهمة وماعمرو خان روعة .
تصدمات فالأول وتصدمت اكثر من حقارة ديك السيدة لي بغات تفرق بين رجل ومرتو بكدبها لكن روعة صديقتها واكيد ماغاديش تخليها فدار غفلون .. لكن الحقيقة لي بالفعل صدمتها هي أن جبل وصخر أولاد بهجت ماشي أحفادو واخا ماعرفاتش باقي التفاصيل والحقيقة من لسان باتريسا مشكوك فيها الى أن ردت فعل بهجت كانت كاتأكد الأمر برمته ...
جبدت تلفونها وتاصلت بجوج رجال طلبت منهم يطلعو يوصلو جبل واسد لغرفهم بدال مايبقاو يتجمدو تحت السمرة وهوما فازكين وماهي الى دقائق وطلع دانيال وارولف خدا دانيال أسد بينما تكلف أرولف بجبل لي كان كايتمايل بسكر ويغني .
- شعراتو ولوو ... عيونو ولوو .. قلبو ولوو.. عقلاتو ولوو.. ولولولولولولووووو .. بصدفة شفته لقييته .... لا حكياتني ولا حكااايته .. خلتني فيها ماغروووم .. سحرتني ويخرب بيتااااااااااااا...
العودة الى الواقع
توقف جبل على تجفيف شعرو بالفوطة فاش جات عينيه على السرير ... تفكر غير لبارح فنفس الساعة كانت حبيبتو ناعسة معاه على داك السرير وراسها على حضنو .. واليوم أصبحت سراب ... كلس على السرير ولمس الوسادة لي كانت ناعسة عليها وبالصدفة لمح خصلة من شعرها .. مد يديه هزها بين اصابعو وهمس بوهن :
- كل شي فهادنيا إلك منو ذكرى ياعمري.
لوا الشعرة على صبعو وناض باش يلبس حوايجو لكن إستوقفو صوت رنة تلفونو .. مد يديه بسرعة هزو وهو على أمل أن المتصل هي روعة لكنه شعر بالإحباط فاش لقاه الرقم ديال الدون ماركيز .. تأفف بضجر وبغا يقطع عليه لكنه كان محتاج يعرف أخبار تاليا .. فتح الخط بعد تردد وبسرعة تسرب صوت داوود لودنيه :
- ألو .. ولد ختي لعزيز .
تنهد جبل وقال:
- فين راكم ؟؟
- فالمغرب .. هزيت تاليا لبارح وجبتها لعند خوالاتها ويالاه وصلنا هادي واحد الساعة
تنفس جبل الصعداء ورتاح أن ختو مابقاتش فزنقة ولا مشات مع لي مايتسمى رافاييل .. كان عارف أن شاهين واخا شويا طايش إلا أنه كايعرف يتصرف فاش كايتعلق الأمر بتاليا ..
جبل- أحسن حاجة درتيها ..
دون ماركيز- هاديك راها بنتي وربيتها على يدي اجبل ماتحتاجش توصيني عليها ... اجي فخبارك بلي صخر صبقني لهنا ... لبارح بعدما خرج من عندكم ، خدا بنتي صوفي وداها معاه للمغرب بلا خباري اللعين نتاقم مني حيت خبيت عليه وماقلتش ليه الحقيقة .. ودابا راه مازال ناعس بلمسخوط لاخور .. بلحق غير غادي يفيق غادي نتفاهم معاه هو و ديك لبرهوشة وغير غادي نقاد الأمور هنا غادي نشد أول طيارة لإبيزا نجي لعندك ... يعني إحتمال غدا نكون فالكونتيسا اولد ختي
دلك جبل راسو بألم بقوة لي دون ماركيز ملي كايحل فمو مكايسكتش .. ناض متوجه لغرفة الملابس وهو كايقول :
- بلاما تجيش اداوود عندك مهمة تما .
- أما هي اولد ختي ؟؟.
توقف جبل أمام حوايج روعة لمعلقين وبقا كايتأمل فيهم وفاش حدر عينيه لمح الشوميز دونوي الأسود لي كانت لابساه على قبل ليلتهم الأولى .. هزو بيديه الرجولية وقربو من أنفو إستنشق ريحتها لعالقة فيه وهو مغمض عينيه ومخلي ريحتها تبرد نار إشتياقو ليها ثم فتح عينيه وقال :
- روعة جات للمغرب .. غاتكون حتى هي وصلات هاد صباح ..
شد جبل التلفون بكتفو ثم رد عليه وهو كايطوي شوميز دونوي ديالها بعناية :
- الأمر أكبر من ماكاتصور .. بيني وبينها سوء فهم كبير وكلام جارح .
قال داوود :
- بإمكانك توضح ليها .
تنهد جبل ورد عليه وهو كايحط السوميج فالدرج بعناية :
- ياريت لو كان الأمر بهاد السهولة ... على العموم ماتشغلش بالك بهاد الأمور .. سفر روعة لصالحي ... من الأفضل أنها تبعد على هاد العالم وترتاح شويا من صداع .. غانخلي ليها هاد الفترة باش تفكر شويا وتراجع نفسها
تأفف داوود بغيظ وقال بزعاف:
- ماكاتسمعش بالمثل لي كايقول البعيد عن العين .. بعيد عن القلب .
قلب جبل عينيه بملل ثم جبد علبة كانت فيها ساعة يد فخمة زولها ولاحها بإهمال ثم فك الشعرة ديالها من صبعو ودارها فديك العلبة وقفل عليها وكأنه كايخبع شي كنز ماباغيش يفقدو .. وقال :
- مكانأمنش بهاد المثل اداوود لي كانعرف هو أن روعة ديالي سواء بعدت ولا قربت وماعمرها غاتكون لشي حد من غيري.
إبتسم داوود خلف السماعة وقال بطريقة شاعرية:
- يمة الحب يمة .. وما الحب إلا للحبيييب الأولى
ظهرت إبتسامة صغيرة فعيون جبل وقال بسرعة باش يبدل الموضوع :
- بلا مسخرة هلأ .. المهم .. قبل ساعة اتصلت بمرزوق الكلب .. غادي نسيفط ليك نمرتو و حدد ليك موعد معاه .. طلاقاه وعطيه 5 دلمليون وماتفوتهالوش
رد عليه داوود بإستفهام:
- واش كاتقصد مرزوق لي جيتو معاه من المغرب لعام لي فات ..
جبل - ايه هو
داوود- وعلاش غاتعطيه 5 دلمليون ؟؟
تأفف جبل وقال بزعاف:
- راه هو لي هرب روعة ونورسين من إيبيزا للمغرب وداك ولد لكلبة مكايديرش شي حاجة فابور .. طلاقاه وعطيه 5 دلمليون وماتزيدوش حتى ريال عليها .
حط السوميج وهز سروال كذالك فالأسود ورد عليه جبل بحدة :
- مكاين لاش خليها على خاطرها .. غادي نسيفط ليك العنوان ديال الدار لي مشات ليها هي ونورسين وسيفط شي حد يحرسهم وبلاما يعيييق ، وصيه يبقا بعيد عليهم ويعلمك بكل جديد
همهم داوود وقال :
- واخا .. وفقتاش غادي تجي نتا ؟ .
هز جبل حوايجو فيديه وخرج للغرفة لاحهم على السرير وقال :
- أنا مازال مطول شويا .. ماغادي نجي حتى نحل مشكل شاهين وجماعتو
- لخير لي غاديرو فيا هو إلى حرصتي على سلامة مرتي ولباقي غادي نتكلف بيه أنا
- جبل خلي عليك داك الويل أجي بحالك عيش مع مرتك فسلام وولد وليداتك
كلس جبل على السرير وتنهد وهو كايقول :
- ماحد شاهين عايش .. ماعمري غادي نعيش فسلام مع ولادي لي مازال ماشفتهوم .. وماغاديش نفوت ليه الألم لي عاناتو مرتي بسببو .. حتى نهرس ليه رجليه بجوج مع يديه ونحقن فيه مئة حقنة هيرويين ..
- هادشي لي ناوي عليه ماشي ساهل اولد ختي
كان مستوعب كلام داوود إلا أن روح الإنتقام مازالة كاتغلي فالداخل ديالو :
- مابيهمني إنشالله موت وأنا عم حاول .. لكن راح أخد حق مرتي منو قبل كل شئ ..
في المغرب :
كان الوقت ضحى حيث الشمس بقرصها الدائري المتوهج نورا تعلو كبد السماء الصافية .. فاق أخيرا صخر وغير فتح عينيه شاف فالساعة لقاها 12:56 دقيقة .. تململ في فراشه .. أخد نفسا عميقا وإستقام واقفا .. أخد دوش سريع وخرج وهو كايحس بشعور مامفهومش .. كان كايضن بلي الى رجع للدار لي عاشت فيها ليليا غادي يرتاح فاش يحي ذكراها ، لكن كان العكس تماما .
وهو كايشوف فجدران هاد الغرفة وكايتخيلها طفلة صغيرة كاتلعب بألعابها بكل هدوء تاركة اللعبة كين ياخد قبلة من عند باربي بينما هي كاضحك بخجل على عملتها المنحرفة .
ولا وهي طفلة مراهقة كاتكتب فرسائل الحب لأول شاب أعجبت به .. ولا وهي كاضور وتغني وفرحانة أنها وسط عائلتها الصغيرة قبل مايتحطم كل شئ وتزول البسمة من شفايفها للأبد بعدما إغتصبها بهجت .
طول الفترة لي عاش معاها ولي هي 6 سنوات عاقل منهم فقط على سنتين لخرين ، ماعمرو شافها كاضحك من قلبها .. وهو صغير كان كايحسابلو بلي إبتسامتها صادقة لكن فاش كبر وولا كايعطي لكل موقف قدرو وحجمو تذكر إبتساماتها وستوعب أنهم كانو إبتسامات لغرض مجاملة الناس فقط .
ليليا مكانتش سعيدة فحياتها وفاش مشات ودات جبل وهو خلاتو .. بكى بزاف ومرض وكان كايضل يناديها ويبكي باش ترجع ليه لكن مكانش كايلقاها .. فاش تخرج من الإبتدائي طلاقاتو الخالة مريم بالتهاني وفاش تخرج من الإعدادي بهجت عمل ليه حفلة كبيرة جمع فيها كل أصدقائو باش يفرحو ويعلي راسو قدام زملائو وفاش تخرج من الثانوية والجامعة كان كايتمنى يلتقط معاها صورة بالباس التخرج .. لكن كل ديك اللحظات الجميلة فحياتو مكانش كايلقاها .. هذا علاش كان حاقد عليها وكايلومها هي وكره خوه لأنها فضلاتو عليه ...
مضت السنوات وكبر صخر وولا قادر يتخد قراراتو بعيدا على رغبة بهجت .. كانت ليليا كاطلبو باش تلتقي معاه وتشوفو وكان كايرفض .. وشحال من مرة عرضت عليه لبعض المناسبات والأعياد ورفض بجفاء تحت عذر نتي تخليتي عليا فصغري وأنا غادي نتخلى عليك فكبري .
لكن فاش سمع الحقيقة من لسان بهجت وجبل إستوعب شحال ضلمها ... وإستوعب أن سم بهجت وتحريضاتو ضد لييليا كانت خدامة فيه مزيان لدرجة حقد عليها هي وجبل حقد أعمى .
لبس حوايجو وتوجه للطابق السفلي لكن وهو فدروج سمع الهرج والهضرة بزاف والمصدر كان جاي من داك صالون المغربي الكبييير .. تمشى لعندهم وغير طل براسو تمتم بمسبات غير جات عينيه على عينين الدون ماركيز ..
- صبحنا على وجه النحس.
قال دون ماركيز بسخرية وإستهزاء:
- اجي .. اجي اولد ختي لعزيز لغدا واجد كايتسناوك غير نتا تنوض باش يحطوه الالة لعروسة .
جمعت معاه الخالة "بهية" بضربة لكتفو وغوتت:
- بعد على ولدي جبل .. أنا لي خليتو يرتاح ويفيق على خاطرو انشالله يفيق حتى لليل غانتسناوه وناكلو مجموعين
دلك داوود كتفو بألم ومارضاش أن ختو لكبيرة ضربو حدا بنتو صوفي لي كانت حابسة ضحكة غير بسيف وتاليا لي كانت كاتشوف فيهم بهدوء وعينيها منفوخين بقوة لي بكات بزاف فالأمس .. لكن داوود فكر أن اللعين ديال صخر رجع لعوايدو لقديمة وتقمص شخصية خوه جبل .. تسناه حتى كلس تحت ترحيبات بهية وقال :
- قولي اسي جبل شخبار مرتك روعة
شهقت بهية وقالت بهتاف :
- هااا ... جبل إمتى تزوجتي ؟؟ وبمن تزوجتي ؟؟ .. وفين هي مراتك ؟؟
شاف فيه صخر وتحلف فيه بعينيه كيما بادلو هو التحدي بعينيه واليوم يفركع ليه هاد رمانة ويعلمو كيفاش ياخد ليه بنتو بلا خبارو ويتقمص شخصية خوه....
قاطع نظراتهم دخول "جميلة" أخت داوود لكبر منو بأربع سنوات فقط ( كاين فالترتيب بهية لكبيرة وليليا لمتوسطة وجميلة موراها داوود هو صغير فيهم ) .. كانت هازا طبق ديال الخبز فيديها ومبتسمة إبتسامة ودودة محبة وغير دخلات حطات طبق وكلسات حدا صخر ... طبطبت على ركبتو وقالت :
- قول بسم الله احبيبي .. أنا عارفاك كايعجبك دجاج مفور بالشعرية صينية هذا علاش طيبتهم لحبيبي جبل بيدي ... يالاه واكوووول
تنحنح صخر بإحراج من لطافة خوالاتو عكس خالو لي كان مضيق فيه عينيه وباغي ياكلو هو بدل دجاج لمفور لكنه تجاهل وجودو بالمرة وهز الفورشيط وأكل أول دغمة ومايقدرش يكدب أن جبل ماشي ببساطة حب هاد الطبق إلا وحيت لذيذ بزاف ومصوب من صبيعات خوالاتو لي كايشبهو لليليا فكولشي ... بالخصوص الخالة جميلة حتى رنة صوتها كاتشبه ليها .. ماكرهش صخر يبقا يسمع ليها النهار كامل غير باش يشبع ودنيه من صوت ليليا لي شتاق ليه ..
غلبوه دموع وهو كايشوف فخالتو جميلة وكايسمع لهضرتها وهي كاترحب بصوفي وتاليا وكاتلح عليهم باش ياكلو لكن بسرعة رمش بعينيه باش يخفي عواطفو ودموعو وخدا نفس كبير باش يضبط نفسو حداهم ..
قالت جميلة بصوت عذب وهي كاتخاطب صوفي:
- كولي الحبيبة ديال عمتك .. كولي مزيان باينا هاد باباك مامهليش فيك .. شوفي كيف ضعيفة ولحمك على عضمك
إبتسمت صوفي وشافت فصخر ولقاتو حتى هو كايشوف فيها ودار ليها إشارة بعينيه باش تاكل وماتخصرش الخاطر لخالتو جميلة .. فقالت صوفي وهي كاتبتاسم ليها :
- واخا أعمتي .. بارك الله فيك .. أنا كاناكل علاياش قديت .
إنتبهو أخيرا للشهقات المكتومة لي كانت غير قبالتهم وماجايبين ليها خبار .. وغير شاف صخر مصدرها قال بريبة :
- خالتي بهية .. علاش كاتبكي ؟؟!.
مسحت بهية عينيها من دموع وقالت :
- والو اولدي ... غير توحشت ماماك وفاش كانشوفكم لكبدة ديالي كاتشوا عليها .. الله يرحمها وينور عليها ضلمة القبر
- أمين .
همس بها صخر بحزن وحنا راسو حتى كايسمع ضربة نزلت على داوود فجأة وهي نفسها بهية غوتت بغيظ:
لكن فاش جا نايض لمح إبتسامة شماتة عريييضة على وجه صخر خلاتو يرجع يكلس فمكانو بهدوووء وهو حالف يرد ليه الصاع صاعين .. هز الفورشيط ديالو ثم دخل لقمة ففمو تحت إستغرابهم كاملين وقال بهدوء:
- واش عارفين بلي هاد لكداب نصاب خطاف الأطفال راه ماشي جبل ...
أشر ليه لفورشيط وكمل:
- هذا راه صخر .. توأم ديالو وكايمثل عليكم بلي هو جبل .. هه جبل مازال فإيبيزا ومازال ماغايجيش دابا.
شهقت بهية بصدمة وقالت:
- صاااااخر !!!. واش بصاااااح ؟؟؟
إبتسم صخر إبتسامة متوترة كان بحال داك الفار لي حصلو القط فالزاوية وقال وهو كايتصنع الضحك:
- هه ااه هو أنا
طارت عليه جميلة لي كانت كالسا حداه وقالت وهي كاتعنق فيه :
- ولد ختييييي ... أجي لعند خالتك عنقها ...
بينما طلقت بهية حلقها كاتبكي وتنوح وتقول:
- شحاااااال تكوات عليك ليليا مسكينة وبكااااات الدم على فرااااااقك هئ هئ ... الله ياخد الحق فلي كاااااان حيلة وسبااااااااااب هئ هئ
بينما كملت جميلة وهي مكومة وجه صخر بين يديها وكاتبكي :
ايه واخا عجباتو جميلة ودخلات ليه لخاطرو ولكن دابا ولات شويا مزعجة وهي معصراه بين دراعها .. لمح صخر إبتسامة تشفي على وجه داوود وفهم بلي باش يتهرب من موضوع رؤية قلب ليه كولشي لراسو وفضحو ... شاف فيه بغيظ وتمتم :
- الله ياخد فيك الحق
توسعت إبتسامة داوود وقال بمكر :
- ختي دجاج غادي يبرد
بعدت جميلة على صخر وقالت وهي كاتمسح دموع من عينيها :
تأفف داوود ولاح الفورشيط من يديه بغيظ وهو كايتمتم :
- ياربي كرامتي كاتتهان قدام بنتيي .
وكمل فنفسو وهو كاينوض من على الطبلة :
- معدرهم بقاو بايرات .. ماعمر شي راجل يكبرو ليهم لابقاو على هاد لحال .. ديما قامعيني حيت أنا صغير عليهم .. تفووو تريكة لبايرات ..
خرج داوود للزنقة كااع وتكى على سيارتو كايدخن سيجارة وكايستمتع بهدوء الحي .. على الأقل مافيهش أصوات بهية وجميلة .. مرت بعض الدقائق وخرج صخر باش يدخن سيجارة لكن فاش شاف داوود إبتسم بتسلية وهو كايتفكر البهدلة لي كلاها من عند خواتاتو .
وقف بجنبو وتكى على السيارة لكن مابغاش يهضر معاه .. بقى ساكت وكذلك داوود واخا كانت لهضرة كاتاكل حلقو وباغي يبهدلو حيت خداليه بنتو بلا خبارو .
نفث صخر الدخان من أنفو وقال :
- كنت باغي نلومك حيت خبيتي عليا الحقيقة ديال ليليا لكن فاش كانضورها فعقلي كانلقاك اوسخ من بهجت ادون ماركيز.
شاف فيه داوود بغضب وقال بإندفاع:
- أنا علياء ماغتاصبتهاش .. كونا كانبغيو بعضياتنا وهي لي ختارت تتزوج وسمحت فيا وداتلي بنتي .
ضحك صخر بقلة حيلة وقال بإستهزاء :
- هه يعني عيلة وسخة من أولها لأخرها ... ختي علياء ولدت فلحرام .. انا وجبل تولدنا فلحرام .. كبرنا وتاجرنا وعشنا فلحرام .. وطلع بهجت أكبر قتال وسفاح عرفاتو البشرية مخبي خلف قناع العدالة ... كايغتاصب عادي و كايقتل عادي بلاما يقدر شي حد يحاكمو وربانا على مفهوم ان القتل عند الضرورة لازم ...
سكت شويا وكمل وهو كايشوف فبعض الأطفال راجعين من المدرسة هازين شنطهم :
- إكسكيوووزمي يا الله ... عفوااا .. نحنا رجااال ومابيحقلك تحاكمنا على الزنا .. الرجل بيضل رجل ... وكمااان عفوا منك نحنا بنضل رجال و إذا سكرنا عااادي هاااه .
تنهد داوود وهو كايفكر فكلام صخر المنطقي بينما كمل الأخر :
البارون الأعظم الجزء 88 سأموت وأنا أحاول
محتوى القصة
التنقل بين الأجزاء