قاسم بقى مصدوم هز فيها راسو وهو معارفش شنو يقول لقاها حاطة ايدها على فمها ودموعها نزلو
ايمان : انا غنشرح ليك ا قاسم
قاسم : سكتي...هاد لوقت كلو كنتي نتي لي كتلعبي بيا وانا معارفش تابعك كيف لهبيل وكنقول ليك اي خطوة خطيتها عند بالي راكي كتعاونيني
ايمان : لا انا معمري بغيت نأديك اقاسم ...هدا ...هدا حسام بلعاني بغا يدير لفتنة بيناتنا باش يسهال عليه يدمرنا واحد واحد عافاك متسمحش ليه يدير هدشي....
قاسم قاطعها وهو كيغوت :انا شفت بعيني هادي نتي لي نعاه ولى ماشي نتي دوي
ايمان كتبكي : انا هئ هئ انا
قاسم : علم الله شنو كنتي ناوية تاني علاش ولواليد كان تايق فيك كتر من راسو امنك على كااع اسرارو
ايمان : كون كنت باغة نأديك مكنتش غنخرجك من الحبس ومكنتش غنخاطر براسي وبأعز الناس ليا باش ناخد ادلة ضد حسام لي نهددو بيها هدشي علاش هو مرضاش وباغي يفرق بيناتنا
قاسم : خرجي دابا من قدامي وقدمي استقالتك منبغيش نعاود نشوفك مرة خرا حيت غندير حل اخر
قاسم شاف في نور : كنتمنى متكونيش ناوية طيحيني حتى نتي فشي فخ
نور : مكنضنش انها خانتك وكنضن ان عندها سبب مقنع
قاسم : هدشي ماشي سوقك ....اول حاجة هي خصني نرد لحسام الضربة ونخليه يتلهى في شي مشكل بلش نديرو حنا خطتنا
نور جبدات ملف من ساكها : هدا فيه معلومات على استلام البضائع هاد الاسبوع اكيد هي بضائع خاصة بالشركة لكن هو محمل وسطهم المخدرات الى عطيناه للبوليس غتكون هادي هي الاخرة ليه
قاسم : لا مغاديش نعطيوه للبوليس
نور : وعلاش
قاسم : انا غنقول ليك شنو ديري
ايمان ركبات فسيارتها وعيطات لبلال
ايمان : الو بلال قاسم عرف كلشي
بلال : عرف راك ختو
ايمان : للاسف لا عرف اني تافقت مع حسام موراه واش مكنتيش عارف بلي غيسيفط ليه لفيديو
بلال : لا اكيد لا اذا هو مدام مكلفنيش غيكون
حسام موراه : بلال
بلال دار بشوية كيشوفو هو وجوج رجال حيد تيليفون من ودنو : سي حسام تأمرني بشي حاجة
حسام ببتسامة : اه شاف في الرجال جيبوه
حياة داخل قطبان السجن اخيرا ضميرها فاق وقرر يحاسبها من بعد سينيييين هي ضنات ان بنتها ماتت فعلا تخلات ليها وبدلاتها بولد لكن عمرها منساتها وكان ديما ضميرها كيأنبها هدشي اكيد ماشي عدر لكن حياة كانت بنت عايلة غنية تربات فلفشوش ومعمر ايديها قاسو لماء بارد ولكن فجأة كلشي تبدل وباها خسر كل املاكو كانت هي مخطوبة لقاسم ملي تخلى عليهم وهرب لخاريج باش ميتشدش فلحبس بسباب التخلويض لي كان كيدير كان خصها تعجل بزواجها من قاسم باش متدوقش طعم الفقر لي كتخاف منو ولفات السلطة والمال ولكن كانت كتعرف ان قاسم مكيبغيهاش وكيبغي وحدة اخرة ولي كانت حاملة بولدو وهو الى عرف مستحيل يتخلى عليه وبلاصتها مهددة في ديك الدار كان خصها حتى هي تجيب ولد باش باش تضمن بلاصتها مورا معرفات عندها بنت مشات لميتم ووصات مرأة خدامة فيه وعطاتها لفلوس باش تقابل ليها بنتها وتوجد ليها ولد يكون يلاه مزيود مفايتش شهر ودكشي لي كان نهار ولداتها بدلاتها ومن تم وهاديك لمرأة مكلفة بيها يمكن هاديك لمرأة ولفاتها وعطاتها حنان كتر من امها حيت حتى هي تحرمات من لولاد لدرجة مبقاتش هاماها لفلوس لي كتعطيها حياة ونهار خدات تقاعد قررات باش تدي معاها ايمان وعلمات حياة لي كانت ديما كتستعلم اخبار بنتها من لبعيد بلي ايمان مرضات وماتت وكان فعمرها داك الساع 16 سنة حياة تقرحات وبكات حسات انها سباب وندمات لكن سرعان منسات وكملات حياتها لكن ليوم ....ليوم لجرح حيا بغات بنتها بغات تعنقها وتشم ريحتها وطلب منها سماحة واخا عارفة راها مخاديش تسامحها ولكن لمهم تحاول ترضي ضميرها بغات تبكي عند رجليها بنتها ولات عروسة واحسن بنت يتمناها لواحد تكون عندو حققات بزاف ديال النجاحات من بينهم انها تخطات كاع عقبات لحياة لي مكانوش ساهلين وبنات شخصية قوية كتخليها واقفة صامدة قدام اعاصير الزمن لي مكترحم حتى شي حد قرات وخدمات وكونات نفسها بنفسها بدون لحاجة لشي حد هدشي فرحها ان بنتها مزال عايشة وفي احسن حال ولكن خاطرها كيضرها تخنقات وبغات غير معامن تدوي ناضت لباب وبدات كضرب فيه
حسام : ههههه واش انا حمار يحساب ليك مغنعرفش بلي هي كانت مربية معاك في نفس لخيرية ها
بلال : ك....كيفاش....انا معارفش هدشي
حسام ضربو : كضحاااك عليااااا
بلال دفل الدم : سي حسام انا معمري خنتك وكون بغيت نخونك كنتي غتكون فلحبس انا ميمكنش نعقل على بنت تربات معايا فلخيرية لي خليتها هادي 10 سنيين
في طريق كانت واقفة بسيارتها داخت بيها معرفات فين تمشي من بعد لمكالمة مع بلال سمعات حسام وعرفاتو غيكون دابا شادو خصوصا ملي قطع ومكملش معاها لهدرة ومعاودش عيط هو لوحيد لي كان كيعاونها وديما وقف جنبها دابا جا لوقت باش حتى هي توقف جنبو ولكن كيفاش غدير عيات ميمكنش ليها تعاونو وحدها كانت ليوم غتقول الحقيقة لقاسم لكن حسام سبقها وخصر ليها كلشي ضربات ايديها مع لفولون بنفاد صبر
نمشيو عند قاسم لي كان جالس في لبار كيشرب هادي تاني مرة كديرها هو ماشي من هاد النوع لكن ضاع ومعرف فين يمشي اول مرة جا لهنا كان مع ايمان ايمان لي كانت قريبة منو بزاف كيحس انو شي حاجة كتربطهم معمرو شاف فيها شوفة ناقصة عتابرها لملاك لي ضهر فجأة في حياتو وعانو باش غيرها ممصدفش انها غتكون بغات تأديه عينيها عمرهم كدبو عليه ديما كان كيحس انها اقرب شخص ممكن يأمنو على حياتو وخصوصياتو هو براسو معرفش شنو السبب لكن مكانش باغي يقسى عليها بطبعو حنين واخا كيبغي يقسح قلبو مكيقدرش خصوصا مع اقرب الناس ليه ناض مبغاش يسكر بزاف هاد المرة ممعاه حتى حد ممكن يعاونو لفقد الوعي ديالو خرج ركب في طنوبيلتو ومشى لدار مسافة الطريق ووصل كان متحكم براسو بزز شافو لحارس وجا خدا من عندو الطونوبيل وحاول يعاونو باش يدخل
الحارس شاد منو : سي قاسم نعاونك
قاسم هاز صبعو في وجه الحارس وكيهدر بشوية : تو تو تو ....انا مسكرانش ...سي...سي فحالك انت شوف شغلك
خلاه ودخل بشوية عارف مو لشافتو فهاد لحالة غادة تقلق وهي مريضة حيد سباطو وهو مرة مرة كيدوي مع راسو
قاسم مع نفسو : ششش.... مالك اصحبي ....دخل بشوييية
طلع مع دروج في الضلام وغادي لغرفتو وهي تلقاه تورية
تورية جات عندو كتجري شداتو : قاسم اش هاد لحالة لي انت فيها
قاسم ناض جلس : سيمانة وانا كنعس بوحدي فلحبس فوق الارض
تورية جلسات حداه وعنقاتو سندات راسو على سدرها : صافي انت عمرك باقي غترجع ليه
قاسم هز راسو وشاف فيها مدة وهو يشد وجها بين ايديه تسحرات بنضراتو ومقدراتش تقاوم قرب منها وطبع بوسة على شفيفها
قاسم هز راسو وشاف فيها مدة وهو يشد وجها بين ايديه تسحرات بنضراتو ومقدراتش تقاوم قرب منها وطبع بوسة على شفيفها وهي ترخات بين ايديه فرحات بزاف هدشي لي كانت كتسناه كتقول مع خاطرها اه ولى كيبغيها قاسم كان ساد عينيه كيجرب واش يقدر يكون مع تورية وينسى ليالي باش يرضي مو ويدير حد لهاد المشاكل نزل ايدو مورا ضهرها وبشوية بشوية نزلها فوق الناموسية على ضهرها وهوما مزال داخلين فقبلة مع بعضهم جا فوقها وحل عينيه كتأمل وجهها لكن ماشي وجهها لي شاف وانما وجه ليالي سد عينيه وعاود حلهم
تورية : توحشتك
قاسم : حتى انا ا ليالي
ولكن سرعان مسحى على راسو وبعد عليها
تورية غير شافت تصرفو وسمعات اسمها من بين شفايفو حسات بشي خنجر تغرس فقلبها ناضت وهي كتشوف فيها بعينيها عامرين دموع وهو معرف ميقول
قاسم : سمحي ليا مقدرتش
خرجات من بيتو كتجري ودموع على خدها دخلات لبيتها وسدات عليها طاحت حدا لباب كتنخصص هنا تأكدات وعرفات انو قاسم مستحيل يكون ليها وحتى لتزوجها غادي يبقى ينطق اسم وحدة اخرا وهو ماعاها في فراشها تفكرات كلام رضى خصها تاخد قرار ماشي ساهل تدفن راسها وتعيش لواحد مستحيل يبغيها وكل نهار تعاني من خوف انو يقدر يتخلى عليها اما قاسم هو الاخر تأكد انو مستحيل يضيع تورية ومستحيل ينسى ليالي لي صورتها مكتفارقش خيالو يكفي يسد عينيه ويلقاها قدامو هاد اليلة كانت قاسية على ابطالنا كل واحد كان في جهة ساهر كيفكر وقلبو محطم
في لجهة الاخرا ليالي لي مكتفاقش شرفتها وهي كتشوف صورتو في القمر ودموعها مكيفارقوش خدها سمعات لباب تحلات مسحات دموعها ودارت كان حسام
حسام كيقرب منها : مرتي الحبيبة مزال فايقة
ليالي غادا لفراشها : انا غنعس دابا لسمحتي خرج
حسام شدها من دراعها وهو قريب لودنها : ميمكنش كتجري على راجلك انا توحشتك
ليالي تنترات منو : طلق مني متقيسنيش
حسام شدها من فكها : ميمكنش ليا منقدرش نصبر نتي مراتي كتفهمي انا عيت من هاد لفشوش نتي ديالي وخص هاد الزواج يكمل
حسام بعد عليها كتأتر عليه بدموعها مكيقدرش يأديها واخا باغيها اكتر من اي حاجة لكن ماشي بزز منها باغيها تبغيه : واخا غادي نخليك ترتاحي ( حط ايدو على خدها ) ليالي عافاك متقسايش عليا انا كنبغيك وكندير اي حاجة غير باش تكوني ليا عطيني فرصة وحدة وكنواعدك غنتبدل على قبلك مغتندميش
ليالي بعدات وجهها : باغة نرتاح دابا احسام
حسام سكت شحال وبعد : واخا تصبحي على خير
طبع بوسة على جبينها ومشى وهي تخشات ففراشها عنقات وسادتها لي مكرهاتهاش كون كانت قاسم في هاد اللحضة وتبكي على كتفو عنقاتها وهي كتبكي فصمت حتى غفات بدون شوعور
🌞صباح_جديد🌞
قاسم كيحل عينيه بشوية وهو كيحاول يهبي بيديه اشعة الشمس لي ضاربة فوجهو ومعنكشاه ناض وهو دايخ وراسو كيضرو كيحس بيه غادي ينفاجر كيتمشى شاد فراسو بيديه دخل لدوش طلق ما سخون عليه دوش و خرج بفوطه وصدرو العاري وشعرو لي تيقطر لقا مو كالسه فجنب نموسيه كتساينو
كلتوم :بصحه دوش عيت منساينك مبارح أنا وتوريه مالك تعطلتي
قاسم باس على راسها : والوو اميمتي غير خدمه مبارح كانت بزاف
أم:ومالك مع توريه جات عندي كاتلي بغات تخرج شويه يكما دابزتي معاها
قاسم بتردد وهو كيحاول يتفكر شنو وقع لبارن :لا والو.... الوليده هبطي كلهم يصيبولي شي قهوه كحله قاصحه بينما بدلت حوايجي
أم:وخا ولدي ونيت عندويو فحفله الخطبه نتاعكم
قاسم:وخا واليده تانرجع وندويو دخل بلكار ديالو دوز زاج من قدامو وجبد قميجه فلكحل لبسها خلالها صديفها من فوق مفتوحين وسروال تجين وكاط فلكحل ساعتو ورش ريحتو رجوليه داز كيقلب على طيلي ديالو فين حطو دوز لابيل لنور نخليوهم يدويو ومن بعد نعرفو شنو غيديرو
#نمشيو_بلاصه _اخره عند نووور
نور:هاحنا عنشوفو اسي حسام كيفاش تلعب بمشاعري وضحك علي وترميني كاعاهره لبسات حوايجها دارت نضاضرها هزات صاكها قلبات ملف واش كاين وركبات فسيارة أب نتاعها وتحركات بسياره ماهي إلى دقائق وصلات لفيلا ديال سي راشيد ... لقات حراس الباب عطاتهم إسم ديالها تقدري دخلي دب دخلات وهي كتمشى بكل تقه وحطا يدها على بطن ديالها
راشيد كان جالس تيفطر في الحديقة : اهلا بنتي نور مرحبا تفضلي تفطري معايا
نور: شكرا اعمي
أب حسام:أشنووو سبب زياره لي خلاك تجي عندنا
نور:أممم إيواااا جيت على حساب إبن مصووون تاعك
راشيد بتاسم بغباء : ههه مفهمتش
نور: انا غنفهمك جبدات ملف وعطاتولو
راشيد خدا لملف من عندها : بصدمه كيقرا وكيقفقف أش هدشي لا ميمكنش تزوير ومخدرات فشركتي أنا لا هدشي مستحيل ونتي كيفاش عرفتي هدشي
نوور:حشوما اعمي الحاج تشوف دلائل ضد ولادك مصون وممتأكدش دكشي كامل صحيح ولدك كيتلاعب بناس وكيخبي مخدرات فسلعه ديالكم ونزيدك كاع أملاك كيحاول يكتبها فسميتو وينحيك من طريقو
راشيد : لا هدشي بزاف نتي زدتي فيه
نور : باقي مزدت فيه موالو كنتمنى تكون شربتي دواك ديال الصباح حيت مزال عندي ليك مفاجأة خرا اعمي
رلشيد وجهو صفار : شنو
نور : انا حاملة من حسام هو ضحك عليا وفهمني بلي غيتزوجني وخان ختي معايا منكرش اني كنت مسخة وسمحت ليه بهدشي ولكن حيت كنبغيه او ان صح القول كنت كنبغيه ولكن انا دابا بغيت غير نحل ليك عينيك حيت ولدك لبقا مزال مستمر في تصرفااو غادي تخسر انت شي خسارة كبيييرة
راشيد : لا لا حتال هادي منتيقهاش وخصوصا منك ولدي كيبغي مراتو لي هي ختك متحشميش تكدبي عليه راه راجل ختك زعما نتي وحدة طايشة ومنعرف منين جبتي هاد ولد لحرام لي فكرشك وباغة تلسقيه فيه
نور:ولدك معمرو مبغا ليالي كيتسمى تملك ماشي حب لي يهددها بأب ديالنا باش تبقا عايشه تحت رحمه واحد متوحش ولبغيتي تأكد بنفسك ان فعلا كنت طايشة ملي سلمتو راسي ولكن دابا بعقلي ولكان هدا لي فكرشي ولد لحرام راه ولدكم بغيتو او كرهتو ولدكم ولكن متحلموش تشوفوه حتي من لبعد عنداك يحساب ليك طامعة فيك باش جايا نقول هدشي ولدي غنمشي انا وهو نعيشو بعيد على مشاكلكم لكن ماشي قبل منشوف حسام متدمر
خرجات وخلاتو كيبلع ريقو هز كاس ديال الماء شربو وناض هز تيليفونو وخرج لشركة
راشيد:وليتي تلعب من مورايه هاحنا عنشوفو هد لعب ديالك وخفه ديالك فين عيوصلوك
نور:خرجات كتمشى شوية دوزات لابيل لقاسم
نور : الو وي كل شي هو هداك راه ركب فطنوبيلتووو يمكن مشا شاركه نخليك تفرج على كماله ديال مسيو حسام
قاسم : مزيان نتي ردي لبال لراسك ومتبانيش قدامو
نور بتاسمت اول مرة كتحس انها دارت شي حاجة مزيانة : واش درتي فقديه بابا
قاسم :هاني فلمستشفى قديت لغاراض ليوم غينقلوه من بعد عنمشي لشريكه
قطع عليها دخل لقا الباب مفتوح شافها وهيا حانيه راسها وناعسه كيف الملاك على جنب السرير ديال باها وشاده فيدو
قاسم وهو كيقربلها وقلبو كيزيدو نبضاتو يتسارعو مقدرش يتحكم في راسو
قرب ليها وكيدوز على شعرها بحنان هبط لحداها
قاسم : وعدتك باش نبعد منك نهار على نهار كنزيد كتر نغرق فحبك أليالي ناض سد لباب سورتو وجا عندها حيد يديها من يدين أب نتاعها كيحاول يهزها فيديه بجوج شاف فوجها باين عليه تعب كيشوف فيها شافها بدات كتململ
ليالي:وهي كتفيق بدات كتشم ريحه لي دخلالها فأجواف دقلبها كتمشها وتعاود عنقاتو وهي ناعسه على صدرو وضورات يديها مورا عنقو وكدوي كتهتهت بسميتو
قاسم:كيشوف فيها ببتسامه
ليالي:كتحاول تفيق وكتشم فريحتو حلات عينيها وهي كترمش بعويناتها وكتشوف فيه حسات بسخونية طلعات معاها
ليالي : هاااء واش أنا كنحلم كتشوف فجنابها وكتهز مابين يديه حطني اش كدير نت هنا جمعات يديها عندها حطنيييي
قاسم حطها فوق لفوطوي جلس حداها وكيلعبلها فشعرها وهي غير كتشوف مبعدة منو بحال الى غياكلها مزال كتحاول تستوعب جاها بحال الحلم
ليالي:كدوز يديها على لحيتو وكتشم ريحتووو فعنقوووو وهي معنقاه ...متسول على والو غير خليني نبكي فوق كتفك
قاسم:كيلعب بشعرها توحشتك
ليالي فجأة دفعاتو وناضت : قاسم خرج من هنا عافاك لشافك شي حد غادي ...ومكملاتش
قاسم بعصبية : غادي شنو
ليالي حطات ايديها على صدرو : قاسم عافاك سييير من هنا عافاااك غير سير
قاسم : واخا ولكن مغنبعدش عليك كتفهمي
إيمان طلع عليها نهار وهي مزال فبلاصتها مجاهاش نعاس مرة مرة كتصوووني على بلال في رقم اخر سري ولكن لا رد منو عرفات خاصها تحرك ميمكنش تخسرو : هوووف هدا خاصني نتحرك ميمكنش نخسرك
بقات متكيه على فلون وكتفكر اش دير سمعات طيلي رفم غريب جاوبات ألو وي شكون معايه
حياة بتردد : ا...ايمان
إيمان عرفاتها : اممم هدي نتي اش بغا
حياة:بغيت غير تجي عندي نشوفك وندوي معاك من مبارح ونا كنرغبهم غير باش ندوي معاك بغيت نشوفك ضروري عندي ليك بزاف حوايج ...ا ..بنتي قالتها بتردد
إيمان:وفين مشاة هد القوه ديالك تبخرت فسما وشوفي متنطقيش كلمة بنتي على فمك فهمتي
حياة:فهم..... طيط يطيط....قطعات عليها لابيل
إيمان:مشوشه مابين قاسم لي غيكون مزال مقلق هو معمرو يسمحلها وزيد عليها بلال لي مابين يدين وحش دحسام تفكيرها كل مخربق ولاش حياة بغاها تحركات بطنوبيل..
#نمشيو _عند قاسم
من بعد ماطمئن على أب ديال ليالي وكمل لخطة ديالو ركب فسيارتو مشا نيشان لشركه دخل بكل تقه وخطوات موزونه ويديه فجيوبا دخل وهو كيشوف فبيرو دحسام دخل عندو ببتسامه
حسام:شنق عليه ميمكنش تجي نت وضيعلي مستقبالي كتفهم هدشي بنيتو أنا وكل شي فسميتي انت واحد مريض اه كبرتي وعقلك مبقاش معاك وليت غير كتخرف مستحيل تقدر دير شركات بهاد القيمة
رشيد:مكنتش عارف بلي نت لهد درجه وضيع اليوم غادي تعتارف بلي نت أب ديال جنين دنور وليالي عطلقها او انا بيدي غنسلمك لبوليس
حسام خرج عينيه : هي لي جات عندك ياك وعطاتك هاد لمعلومات
راشيد : مسوقكش انت غتنفد لي قلت ليك واخر مرة تهددني ماشي انا لي نخاف منك
حسام صعرررر بدا كيهرس وكيضرب معمركم تحلمو تفرقو ليالي علي كتفهمو هيا ديالي وحتى هدشي دياااالي كلشي ديااالي اناااا
راشيد : انت لي كيبان ليا تسطيتي وخصك سبيطار لحماق
حسام دفعو وخرج كيحاول يحل كرفاطه ديالو اليوم موت نوورر ركب فسيارتو ونطلق
قاسم:عيط على محامي باش يخدلو زياره يمشي يشوف حياة ركب وديمارا رونج تاعو وتحرك...
إيمان وصلات لمركز شرطه وقفات قدامو وهيا حايره واش دخل ولا. ترجع بحالها تشجعات ودخلات اليوم عندهم زياره حطات بطاقة تعريف ديالها ودخلات تلقات عميد شرطه دوات معاه باش تلقا حياة لبيرو نتاعو بلاصه خاصه مفتش عطا إدن لشرطي باش يجيب حياة إيمان كتسنى بفارغ الصبر باش تشوف اش عندها واش دلائل
حياة جابوها دخلات وايمان جالسة عاطياها بالضهر بقات كتأملها هادي بنتها لي قداما شوف كيف ولات كانت كتفحص كل نقطة فيها حتى قفزها صوتها
حياة قاطعاتها :الحياة كتخليك تكوني اكتر وحدة شريرة في الحياة انا كان كيحساب ليا متتي شوفي انا حاسة حطات ايدها على قلبها حاسة هنا انك هي نتي ...ه....ها..ديك لوحمة لي فيك ...
إيمان:هزات رجلها لور أوووووه كدوي على هادي
حياة:بتعجب زادت هبطات رجلها إيمان لبسه صباط فكحل وصايه قصيره تحت ركبه حطات يدها على توحيمه وكتقيس فيها طلعات يدها على حناكها
إيمان: اه هادي وحمة حقيقية
حياة جبداتها عندها وعنقاتها وهي كتشم ريحتها لكن سرعان مبعداتها ايمان بتوتر
إيمان :الى مكانش عندك شي حاجة مهمة تقوليها خليني نمشي انا راه مغنسامحكش وعمري نسامك فهمتي نتي ماشي ام هاد لكلمة بزاااف عليك ومتستاهليهاااش وبلى متحاولي تقربي مني مرة اخراا حيت غنأديك كتفهمي
حياة:أنا عارفه بلي ميمكنش تغفريلي أنا مخليتكش غير هكاك كنت صغيره بنت عايلة غنية تربيت ونا مفشه ولكن فجأة كلشي تبدل خسرنا أملاكتنا وبابا هرب وخلانا ونا ميمكنش نولي فقيره و كنت مخطوبة لقاسم ملي تخلى علينا وهرب لخاريج باش ميتشدش فلحبس بسباب التخلويض لي كان كيدير كان قاسم كيبغي وحدة اخرة ولي كانت حاملة بولدو وهو الى عرف مستحيل يتخلى عليه وبلاصتها مهددة في ديك الدار كان خصها حتى أنا نجيب وليد مورا واحد دخت ومشيت نشوف نوع الجنين لقيت عندي بنت مشات دازووو أيام ومشيت الميتم ووصيت مرأة خدامة فيه وعطيتها لفلوس باش تقابلك وتوجد ليا ولد يكون يلاه مزيود مفايتش شهر ودكشي لي كان نهار ولداتك فرحت وشديتك شميت ريحتك وبقيتي معايه أيام وشفت توحيمه ومنتما عطيتك لمرا تبدلك ومن تما وديك مرا مكلفة بيك كنت مرا مرا كنجي نشوفك كنعرف اخبارك من لبعيد تال واحد نهار عرفت بلي مرضتي ومتي وكنتي داك ساعه صغيره وبكيت وندمت لكن كان خاصني نكمل حياتي ميمكنش نضيع دكشي كامل على والو أنا مكنتش عارفاك عايشه ونهار شت توحيمه فيك تصدمت ومتيقتش بلي بنتي عايشه ......
إ
إيمان مصدوووومه : صاااافي سكتيي ومزال كتبرري ليا هدشي لي قلتيه عندو فقد معنى واحد هو الطمع الطمع علاش تخليتي عليا نتي بالنسبة ليا متتي نهار ولدتيني ولمرأة لي كتدوي عليها كانت ام ليا هي بعداك مخلاتنيش على ود طمع سمحات فلفلوس لي كنتي تعطيها باش توهمك راني متت وتديني معاها
حياة نزلات عند رجليها : عافاك ابنتي سمحي ليا عافاك راه الشيطان غرني وانا ندمت ندمت بزاف ابنتي عافاااك
ايمان كتبعد منها : متقيسينيش مغاديش نتيق دموعك ابدا
خدات ساكها ومشات في اتجاه لباب باش تخرج وحياة كتبكي وتعيط بنتي بنتي حطات ايدها على لبواني وتفتح لباب هزات راسها لقات قاسم قدامها لي كان مورا لباب كيسمع
ايمان باندهاش : ق..قاسم
قاسم دفعها ودخل عند حياة : كيفاش بنتك ها دوي
حياة مزال طايحة في الارض وكتبكي
قاسم تحنى هزها من دراعها : دووووي كيفاش بنتك انا سمعت كلشي علاش تخليتي عليها وعلاش كتعتادري انا مبقيت فاهم والو دار عند ايمان بصح هاد لهدرة حياة ماماك يعني ههه يعني قاسم باباك او لا غوووت دويييو شي وحدة تدوي
ايمان : اه قاسم بابا وانت خويا...خويا من بابا
قاسم كيحاول يقاد الحدات فراسو : من ايمتى ونتي عارفة راه حنا خوت ومخبياها عليا
ايمان حدرات راسها
قاسم : ههه واااو يعني نتي لي قلبتي عليا باش تلاقيني مع الواليد ياك ...هو كان عارف انك بنتو
ايمان كتحرك راسها بلى
قاسم غوت حتى قفزات : وعلاااش كنتي مخبياها
ايمان شدات فدراعو : يلاه من هنا وغنشرح ليك كلشي
قاسم تنتر منها : ختي ووقفتي فجنبي بلى متنطقي بحتى كلمة ونتقبلها وانك تخوني تقتي وتبعيني لحسام شنو محلها من الاعراب واش نتي متافقة مع ماماك
ايمان : لا اكيد لا مستحيل هادي لي كتقول عليها ماما راها لاحتني في الخيرية وبدلاتني بصلاح باش تقدر تورت وتكون مولات الدار
قاسم : اذا علاش درتي هدشي
ايمان : غلطت محسابش ليا حسام الكلب غادي يلعب بيا انا شديت عليه ادلة وهددتو بيهم باش يبعد عليك وهو طلب مني نبعدك على مرتو باش يعطيك تيقار وانا شفت ان ليالي غادة بيك للهلاك ومغتقدرش تنصر حبها وتخلى على حسام حيت هو مغاديش يخليها قال ليا غادي غير يخوفك ويشد عليك دليل وانت غادي تبعد من طريقها
قاسم شاد فراسو : انا مبقيت فاهم والو
في هاد اللحضة دخل الحارس باش يدي حياة
الحارس : سلات الزيارة مدام حياة تفضلي معايا
حياة : عافاك اقاسم قوليها تسمح ليا انا مستعدة نعترف بكلشي ونتنارل ليك على كلشي عافاك
قاسم كيشوف فيها معرف ميقول ليها ماشي هي لي ناقصاها خصو يفكر فهدشي ويستوعبو دار وخرج بلى حتى شي كلمة إيمان هزات صاكها بزربه وتبعاتو وحياة جرها الحارس وهي كتغوت داها
قاسم وصل لطونوبيلتو حلها وطلع وتبعاتو ايمان طلعات حداه
قاسم : نزلي
ايمان : لا مغنزلش
قاسم كيحاول يكتم اعصابو : ايماان نزليييي
ايمان عنقات صاكها : الا منازلاش حتى ندويو
قاسم مسح على راسو وديمارا وهي حداه طريق كلها كان الصمت وهي كتشوف فيه غير من لمراية كايبان معصب وصل حدا لبحر نزل وخبط لباب ديال السيارة حتى تهزات من بلاصتها ومشى جيهة البحر وهي كتشوف فيه من بعيد داير يدو فجياو واقف عطيها بظهر كيشوف فلبحر خدات نفس عميق ونزلات من السيارة بقات كتمشى جيهتو بشوية حتى وقفات وراه
قاسم كيدوي وهو مازال على وضعيتو : لاش تبعاني
إيمان:تبعتك خاص ندويو
قاسم:اش غدا تكوليلي بلي ختي قدامي ونا معارفش ومشات تافقت مع مجرم باش تبعد حبيبتي علي أه دوي ودب كون مسمعتش حياة كتكولك بنتي مكنتش عنترفك وكون ماشفتش داك لفيديو كنتي غتبقاي كل نهار كتحطي عينيك في عيني ونتي كتكدبي وديري العاب مورا ضهري
إيمان نزلو دموعها : عفاك خليني نفهمك أنا كيف ماعرفتي ختك وقاسم بابنا مكانش عارف أنا تخلات عليا حياة ملي ولداتني وعطاتني لمرأة أخرا باش تربيني وهي باش متخسرش باباك بدلاتني بصلاح رماتني ونا صغيره كأني ماشي بنت كرشها كتنخصص هئ هئ وكيفاش عطاها خاطرها ونا مزاله رضيعه تعطيني لمرا أخرا لي كانت حسن من أم ديالي واش عرفتي شحال قاسيت باش تلقيت بابا كنت باغة نقول لحقيقة وشحال تعدبت باش وصلت انا معمري تافقت ولا حطيت يدي مع حياة كنت ديما كنحاول نجمع أي دليل كنلقاه ضدها باش نخليها تعفن فسجن وداك ساع ملي نلقاك حتي انت كنت غنقولها لبابا و لكن من بعد موت أب ديالنا كنت عارفه بلي حياة عدير مستحيلا باش يبقا عندها الورت وتاخدوو وكان خصني نحميييك هئ هئ وناخدو انتقامنا من لي قتلو بانا كان كيعتابرني فعلا كيف بنتو وكان في امور الشركة كيفضلني علي صلاح واخا معارفش انا خديت منو بزاف ديال الدعم والحنان ولكن فرحتي مكملاتش فاش خسرتو
قاسم كان دار عندها وهو كيشوف في عينيها لي كيشبهو عينيه كان كيقلب على راسو فيها فعلا عندهم ملامح مشتركة وبزاف دلحاوايج اخرين شاف الصدق في عينيها وكلماتها وبقات فيه قطعات ليه قلبو
ايمان : سمح ليا الى اديتك بلى منشعر لكن انت خويا عافاك متخلاش عليا وانت لي بقيتي عندي فهاد الدنيا حتى الشخص الوحيد لي كان كيساندني ويساعدني هو دابا بين ايدين حسام
قاسم جارها لعندووو وعنقها بلى حتى كلمة وهي زادت تخشات فيه بحال الى كتهرب من لعالم كلو عندو شحال زوين احساس يكون عندك اخ يكون ضهرك وسندك في هاد الدنيا خصوصا لبنت لي عندها اخ عمرها تحس بالضلم والحكرة حيت ديما غيكون فجنبها وكتستقوى بيه
قاسم وهو كيدوز يديه على شعرها :شوووش صافي سكتي أنا معاك وعنعوضك بأي حاجه صافي متبكيش
إيمان كتمسح دموعها :شدات فيديه معمرني نرخي من يديك اخويا نت هو مصدر قوتي ولكن عندنا مشكيل
ايمان كانت فدارها من بعد معرف قاسم الحقيقة كتحس انو هم ونزاح من على قلبها رتاحت ودوشات وهي كتلبس حويجها شافت تيليفونها كيصوني كان رقم بلال فرحات وجوبات
ايمان : الو بلال لباس عليك قول ليا فين كنتي غابر واش حسام دار فيك شي حاجة
بلال : لا انا بيخير شاف وجهو في لمراية لي كلو ضرابي لمهم نسبيا
ايمان : افف الحمد الله خصني نشوفك ضروري يلاه كنت كنقلب على شي طريقة باش نعاونك
بلال : مكاين لاش انا عيطت باش نطمنك عليا ملي نكمل شي شغل غادي نتلاقاو
اايمان حسات بشي حاجة غريبة : شنو هو هاد الشغل
بلال : غنشري حياتي بحياة شخص اخر
ايمان : كيفاش مفهمتش
بلال قطع عليها وهي مفهمات والو بقات مدة كتفكر حتى شهقات
ايمان : ها لاا عنداك يكون غيقتل قاسم
ناضت كتجري كملات حويجها وهزات ساكها وهي فنفس الوقت كتصوني على بلال لكن مكيجاوبش عاودات صونات على قاسم كذالك مكيجاوبش تفكرات انو قال ليها بلي غيمشي يتلقى ليالي في الدار ديال الجبل خدات سيارتها ونطالقات لنفس لبلاصة
نرجعو عند نور وليالي
ليالي : ماشي طريق المستشفى هادي
نور : اه حيت مغادينش ليها
ليالي : واش كضحكي عليا و لى شنو ياك قلتي غادين عند بابا
نور : اممم بابا مبقاش فلمستشفى
ليالي غوتات : كيفااااش وفين مشى اشنو وقع ليه دوي
نور : وصافي صمكتيني مواقع ليه وااالو لباااس عليه
ليالي : وعلاش مبقاش فلمستشفي
نور : حيت كان في خطر يحساب ليك معارفاش بلي حسام كان حاطو تحت لمراقبة
ليالي : ايييه ومن بعد دابا فين هو
نور : قاسم خداه من تم وداه لبلاصة خرا بعيدة علي حسام وفي امان كتر ونزيدك معلومة اخرا سي حسام كان مكلف طبيب باش يبقى يعطيه دوايات لي تفشلو وتخليه يتشلل ويفقد النطق
ليالي حطات ايدها علي فمها وهي كتبكي : كيفاااش ياربي انا عايشة مع وحش ومقادراش ندير حل لراسي هئ هئ
نور : صافي متبكيش دابا قاسم تكلف بكلشي باش يعاونك
ليالي تفكرات شنو شافت صباح : قاسم معندوش دخل فينا فهمتي دابا بغيت نمشي عند بابا ديني عندو
نور حبسات لفران قدام الدار : هحنا وصلنا عندو وتفاهمي معاه
ليالي هزات عينها عاد شافت الدار لي لي ديجا جات ليها معاه : اوووف منك نووور اوووف منك علااش جايباني هنا ياك كنتي مكتحمليهش اشنو لي حببكم فبعض
نور : اه بصح ولكن من بعد عرفت انو هو لي كيستاهلك
ليالي شافتو خارج من الدار ورجعت ليها صورتو مع ايمان مبغاتش تشوفو : نور رجعيني بحالي انا مبغيتش لا نشوفو ولى ندوي معاه
نور : هووووف مالك تاني ياك هدا هو لي كتبغيه
ليالي : اه كنبغيه لكن عرفت بلي مكيستاهلش
نور كتشوف فيها بنضرة غبية بينما قاسم حل باب السيارة
قاسم : حياتي نزلي ندويو
ليالي شافت نور وهي مخنزرة
نوور : اااه ياربي اش داني
ليالي نزلات من الطونوبيل : تقدر تقول ليا فين هو بابا
قاسم مفهم والو شاف لفاصمة في ايدها : مالك ياك يلاباس
ليالي : سمعني انا وحدة مزوجة ومغاديش نتفرق على راجلي فهمتي مرة خرا مباقيش تقيسني
بغات تمشي شدها من دراعها
قاسم بعصبية : ليالي صاف باراكة قلت ليييك باباك في امان دابا معندكش لاش تخافي منو ....
نمشيو عند بلال لي كان تابع نور غير تحركات من عند قاسم وليالي وصلات لواحد الطريق خاوية بدا كيعطيها الضوء باش توقف يلاه بدات كتنقص السرعة غير قرب حداها وشافتو هو بلال وعرفات انها في خطر زادت فالسرعة وهو تابعها وهي كتحاول تهرب منو زاد في السرعة كتر وهو كيحاول يقطع عليها الطريق حتى كيتساطحو طونوبيلاتهم ولات كلها كترجف ودموعها نازلين لا اراديا
نور : صافي انور متتي متتي هئ هئ
كتحوال تهز تيليفونها واي سايقة بسرعة كبيرة باش تعيط على قاسم زلق ليها وطاح تحت لكوسان تحنات تجبدو محساتش حتى هرب ليها لفولون وتقلبات بيها الطونوبيل خرجات لبيست وبقات كترولى وبلال وقف ونزل من سيارتو حتى وصل عند الطونوبيل كنت مقلوبة ونور خارجة من السرجم وراسها كينزف ومجروحة فوجها حاطة ايدها على كرشها وكتبكي وترجف
نور : هئ هئ ....عافاااك ...م...متقتلنيش
بلال جبد السلاح ووجهو ليها وهي سدات عينها كتسنا لموووووت
ايمان قربات توصل جايا بأقصي سرعة وكطلب في نفسها انها توصل فلوقت لمناسب ومرة كدوز لابيل ل بلال مرة لقاسم لكن حتى واحد مبغا يجاوبها
بدات كتنقس من السرعة ملي بانت ليها سيارة في جنب الطريق وهي كتقرب تأكدات انها سيارتو دورات وجهها بانت ليها سيارة اخرا مقلوبة وقفات ونزلات كتجري
نور : هئ هئ ....عافاااك ...م...متقتلنيش هنننن
بلال جبد السلاح ووجهو ليها وهي سدات عينيها كتسنا لموت سمعات الطلقة ديال الرصاص حتي تهز معاها قلبها من بلاصتو ولكن محسات بوالو ولات كتقول في نفسها واش لموت ساهلة لهاد الدرجة محسيت بحتى حاجة ولكن سمعات صوت ايمان وهي تحل عينيها
ايمان لي وصلات في اخر لحضة ودخلات هزات ليه ايدو قبل ميطلق الرصاصة لي ضربات غير فلخوا : شنوو كدييير
بلال دفعها وعاود وجه سلاح لنور : بعدي ايمان ماشي شغلك
بلال شاف فيها بطريقة خلعاتها اول مرة تشوفو هاكا : مسخاتش عليا روحي اي واحد فينا باش يعتق روحو وروح ناس لي عزاز عليه كيقدر يولي اي حاجة ولكن انا معندي حتى شي حد في هاد الدنيا حياتي كلها وانا كنحاول نعيش بشرف وكرامة ولكن هدشي مشفعش ليا كوني ولد لخيرية هدشي كيعني اني ولد الحراام مجرم مكنسواااش حتي خدمة مبغات تقبلني واخا درت لي في جهدي وقريت فقد الاجرام هو لي عطاني فرصة وليوم انا في صراع البقاء ملي كنت محبوس حتى حد مفكر فيا وكون مت مكان حتي شي حد غيبكي عليا قولي ليا شنو لي غادي يمنعني
ايمان كتبكي : حيت انت ماشي هاكا بلال عافاك حيد هاد السلاح وخلينا ندويو شوف لبنت راه كتموت حرام عليك ابلال عافاك كنواعدك غنديرو حل باش ميأديكش حسام قاسم راه عرف كلشي عرف راني ختو وغادي يعاوننا
بلال حطها ليها في طونوبيل ومشى رجع لطونوبيل ديال نور قطع ليها ريزيرفوار ديال ليسانص حتى بدا كيخرج وبعد شعل بريكة ولاحها عليها شعلات لعافية صرعان منتاشرات وتفجرات الطونوبيل ركب في طونوبيلتو ومشا وايمان خدات نور لسبيطار
ليالي : انا مطلبتش منك لتعاونني ولى تكون في جمبي خليك غير مع ايمان
قاسم : مفهمتش شنو لي جاب ايمان لهدرة دابا
ليالي : منعرف شوف انت اش بينك وبينها
قاسم كيدوز ايدو على وجهو بنفاد صبر : ليالى الله يهديك اشنو غيكون بيني وبينها مال تفكيرك خاسر واش انا تورية ليا جالسة في قلب داري ومكنشوفش فيها بقا غير ايمان لي ......
ليالي خرجات فيه عينيه وقاطعاتو : انا تفكري خاسر علاه شكون كانو معانقين صباح حدا لبحر ومنعرف شنو كيديرو
بغات تمشي جرها عندو عنقها وهو كيضحك وهي كتعنتت معاه
ليالي : طلق مني شنو كدير
قاسم : هههه لهبيلة ديالي راك غير نتي لي في قلبي ونتي حياتي واخا معرفتش كيفاش عرفتيها مي لي وصل ليك لمعلومة راه وصلها ليك ناقصة
ليالي : مفهمتش انا شفتك بعيني حتى حد موصل ليا كنت تما وشفتك ملي نزلتي من طونوبيل وكانت معاك ومن بعد مدويتو عنقتيها ومشيتو نفس لبلاصة لي شهدات على حبنا انت كتدي ليها وحدة اخرة وعلم الله شحال من وحدة
قاسم شد وجهها بين ايديه : ياك بعدا كتعتارفي انك مزال كتبغيني
ليالي جمعات ايدها وضرباتو على صدرو حتي بعد : انت واحد ...
قاسم سد فمها بيدو يبل متكملها : ايمان ختي
ليالي خرجات عينيها وحيدات ليه ايدو : كييفاااش
قاسم : قصة طويلة هي راه بنت حياة لي تخلات عليها نهار ولداتها وبدلاتها بصلاح
ليالي ممصدقاش : كيفاش ميمكنش كاين شي ام كتخلي على بنتها
قاسم : انا لي بقيت ليها وهي راه ختي هدشي عرفتو غير صباح وهدا واقع خص نتقبلو الى موقفتش في جمبها انا شكون غيوقف معاها واش ممصدقانيش
ليالي : انا ماشي ممصدقاكش ولكن ممصدقاش هاد الصدفة
قاسم : هادي ماشي صدفة هي كانت عارفة وهي لي وصلاتني بي لواليد قبل ميموت
ليالي : كيفاش هي كانت عارفة
قاسم جرها جلسات ودور ايدو على : دابا خليني من ايمان انا جبتك هنا باش نشوفك توحشتك هز ايدها وباسها مالك في ايدك
ليالي جمعات شنايفها وغوبشات : طحت صباح ملي شفت داك المنضر مستحملتش نشوفك مع وحدة اخرا
قاسم حاط راسو على راسها : سمحي ليا احياتي انا سباب
راشيد : حيت ديجا درنا اجتماع وصوتنا واش غتبقا انت المدير او لا وطرحنا لمشاكل ولخسائر لي تسببتي فيها لشركة وكانت نسبة تصويت لعزلك عالية يعني انت ليوم مجرد مساهم عادي ماشي مدير ومبقاش عندك حتى الحق في الامضاء على الصفقات المهمة وانا سحبت التوكيل لي كنت عاطي ليك فيه حرية التصرف في الشركة واخا لقيتك حولتي الاملاك الاخرا بسميتك ماشي مشكل
حسام : واخا ...واخا ابابا
خرج وردخ لباب حتى تهزات لقاعة ومشى لمكتب ديالو كيمشي ويجي بعصبية هز تيلفون ديالو وعيط على بلال
حسام : الو قولي خبار تفرحني من الاحسن ليك
بلال : نفدت المهمة وانا دابا جاي لعندك
حسام معرفش كيفاش يجاوبو ميحسابش ليه بهاد السرعة : احم مخليتي حتى اتر
بلال : اكيد لا كلشي بان كأنو حادت وسيارتها تفجرات وهي وسطها عرفت انها كانت حاملة وترجاتني بزاف ولكن انا محنيتش فيها ..
حسام : صافيي صافي مبغيتش نسمع كتر حتي تجي
قطع عليه وجلس فوق لكرسي حل لكرافاط ديالو وهو كيتنفس بالجهد معرفش علاش فهاد اللحضة حس بغصة فقلبو وبدا كيفكر ان هداك لي كان فكرشها ولدو هو قتل ولدو وقتل لبنت لوحيدة لي بغاتو ودلات راسها على ودو ولكن سرعان منفض هاد الافكار من دماغو وقمع ضميرو لي كان كيحاول يأنبو وناض خرج ركب في سيارتو شاف تيليفونو كيصوني كان الشخص لي مكلفو يراقب ليالي
حسام : الو كاين شي اخبار
الشخص : كاين صور غيوصلوك دابا وانا مزال فنفس لبلاصة
حسام قطع عليها وبقا كيتسنا وصلوه شي صور في لواتس حلهم وزاد شعلات فيه لعافية ملي شافهم بزووج واقفين وشاد في ايدها صورة خرا موخودة من الشرفة كانو جالسين مقابلين معاها فاش عنقها وقرب منها وباس ايدها خبط ايدو على لفلون
بين قلبين حب أعمى الجزء السادس
محتوى القصة
التنقل بين الأجزاء