عادل : اثرات فيك ههه ولا صيفطااتك تعاودي لياا هادشي.. اناا مكنبغي لا راوية لا لي كيجي منهاا فهمتي واصلا معندي مندير بهاد الهضرة.. امريم كون كانت تعرف معنى الحب.. نهار بغيتهاا وعطيتها قلبي كون حفظاات عليه.. كون احترماتني كيف كنت نحترمهاا. كون كانت دير على قبلي واخاا جزء بسيط من شي لي درت معاهاا.. كنت فضيق وضروووف صعيبة وملقيتهاااش كنت باغيهاا اماا داباا تيقي بياا الا قلت ليك مكنبغي حتاا شوفة فيهاا عفى الله واصلا ديك المحبة كلهاا متستهلهاااش ديك خيتي
عادل : ااه كتكذب وبزااف وحتاا الا هاد المرة بصح باغيااني مكيهمنيش فات الفوت.. شتي امريم.. اناا باغي وحدة نبغيهاا وتكون حتااا هياا باغياني وقدماا دابزناا ويخرج عيبناا بيناتناا ونتقاابحو حتاا نعيااو منسااليوش وحبناا يبقااا ولو منهضروش غاا وكان تهداا النفووس....
باغي وحدة تكون صادقة معاياا فمشااعرهاا وكلامهاا كولو صادق مفيه لا كذوب لا خديعة. مي هادشي مكاينش اي وحدة كتلقااا ضوسي ديالهااا خانز واناا راه كنعمم.. المهم هادشي لي كاين وصافي..
مريم : يعني حتاا اناا ممزينااشي ههه واخاا اسيدي
عادل : نتي كنضن الا واحد شوية عطيتي تيقاار لراوية غتكوني حسن من ناس ومنها
مريم : ولكن صراحة اناا مأدتنيشي وعمرني سمعت العيييب ديالاا...
رمى الذبلة د الكاارو ومشاا جيهت الكوفر جبد فراشة صغيرة بحال الزربة فرشهاا فالأرض وقال : اجي اجيي جلسي..
ابتسماات ومشاات جلست حداه طلقوو رجليهم من فوق داك العلوو لي كيطل على البحر وكتافها كيقيس كتفو كل مرة كتبعد وهواا بدون قصد ومع يديه كيتحركو بزااف كيقيسهاا.
عادل : عاشرتيهاا بزاف !! عام عامين 10..؟ ولا غاا داوية شحال من مدة ونتوماا كتعرفو بعضياتكم؟
مريم : 3 شهور من اياام الفيس بوك
عادل : هه خصك بزااف ياا بنت ناس باش تحلي عينيك.. قبل متبغي ولا تصاحبي سواا كان راجل ولا مراا. خصك توزنيه كمشاات حجباانهاا كأنهاا كتسولو كيفااش وقال :مفهمتيش ؟
مريم : ههه زعمة شحال فيه من كيلو هههه
عادل : هه نوو كتحاول تفهم عقليتو.. وشخصيتو وشكون هواا وطريقة هضرتواا.. من اول كتعرف واش انساان فيه الدغل ولا بصح غادي بنيتو فهمتي
مريم : اااه وحناا فواحد زمان فشكل عاود
عادل : سيدناا رسول الله قال.. غيجي واحد الوقت.. كذاب غنتيقوه.. وصادق غنكذبوه الخ ... حتاا حاجة مبقاات فيهاا تيقة..
كتشوف فيه وفطريقتو فالهضرة وهواا كيشوف قدامو فالبحر الهااايج مطلع حاجبو كيعبر... تعجباات ملي جبد ليه كلام فالدين وبأية قراءنية
.. قلبات وجهها كتسنت ليه ورجعت قالت بعدماا سكت..
مريم : عادل .. فاينوماا والديك فاين عايشين واش ف كازا نيت ولا
عادل : ماماا ف لندن مع خوتي كتجي الدار بيضاء ولكن هادي مدة ممشاتش هاد المرة غتجي عندي لطنجة
مريم : ااه وباك حتا هواا
عادل : معنديش بابا امريم
مريم : ااه سمحلي الله يرحمواا مسكين محسب....
عادل : مريم باباا ماشي ميت غاا اناا مباغيش ندوي عليه فهمتي اصلاا حاسبو مكااينش والله يقطع الواليدين بحاللوووو... قلبي الموضوع داباا مكاين لاش نزيدو نهضرو فيه كتر
مريم : اا..اوك الله يكون معاك..
حنات راسهاا الأرض كضور عينيهاا فناس لي مبحريين وكتسنااه شنو يقول وهواا كيسوط حداهاا ..
عادل : شبان ليك نتعشااو اناا وياك اليوم ؟ عارض عليك..
جرهاا عندو كيزيد بيهاا الوسط بحر وهياا شادة فيه كتقفقف من شدت البرودة لي ممولفااش بيها كتحس برجليها فالهواء غير هواا لي شادهاا حتاا مكتبقااش محكمة فراسهاا وتشقلبهاا الموجة كتبقاا غاا تبقبق ويرجع موراهاا يطلعهاا
عادل : وشدي فراسك مالكي ههه
مريم : اااهننن مكنعرفشي نعووم ايماا عيني كيوزوزولي يلاه نخرجو من هنايا الله يرحم يمااك
عادل : هانتي ترخاااي شوفي بحال هاكا..
طلق منهاا ورخى راسو فالبحر غادي وغاا رجليه لي كيحركهوم فالبحر حتاا كيلقااهاا تحت الماء تاني
عادل : هههههه وتهزي ولا نيت غنوصلو لاسبانياا ههههههه
شدهاا تاني وهيااا كتنهج . وقف موراهااا رخى ليهاا يديها بحال الطير وشد فيهم بجوج شبك يديه مع يديهاا وهياا خايفة طيح على وجهها
عادل : ترخااي هياا ترخااي امريم تصاحبي مع البحر باش حتاا هواا يعاونك
عادل : مالهاا شفيهاا ههه شوفي اناا لي عمت بالتقااشر ههه
مريم : ههه اوعدي شوف ناس كيشوفوو فيناا شوهة هه
عادل : مكيشوف فيناا حد غاا نتي واحلة مع راسك
مريم : انمشيي لصااك نشوف الا جبرت منلبس
عادل : هاا ريح كيصوط فيناا حتاا نشفو ههه مريم : عادل اجي !! صباط ديالك فاينواا يلاه نشوفوه ليهن
عادل : مشاا صباط نخليك حتاا تشري لياا واحد اخور
مريم : ههههه تستاهل ان شاء الله داباا نشريهلك
عادل : ههه عرفتي شنو نتي سيري من لهيه اناا غنطلع لطوموبيل ونهبط لعندك هاكي شدي صندالتك
مريم : واخاا..
شدات الصندالة بيد ويد اخراا كطلع بيهاا سروال لي بداا يزلق من الماء شداتو بيديهاا ومشاات مقملاه وعينيهاا مع عادل لي طالع فديك الحجر كيقطر مشات الواطية حتاا وصلات لشارع عاد شافتو جاي من جيهة لاخرا.. شير ليهاا بيديه ومشات عندو حل ليها الباب من داخل طلعت حداه وشعرهاا وحوايجهاا ورجليها عامرين رملة
عادل : نوو قريبة من هناا شوفي حالتناا كيف رجعاات هه
مريم : نتيناا شوية اناا لي بحالي كنت كنتحارب هه.
عادل : معليش.. شي حد كيصوني...
الو ويي انس ..
كمل طريقو وهواا كيهضر مع انس فالتليفون ومريم مرة مرة ضور تشوف فيه شوفة مسروقة وترجع تقلب وجهها .. حتاا هبط فالواحد الهبيطة صغيرة بحال لاكاب..وقف فيهاا طوموبيل .. قطع المكالمة وقال : يلاه هاحناا وصلنا.. خرجات راسهاا هوا الأول بعينين لامعين كدوزهم مع ارجاء البيت وتعلي راسهاا فالبنااية والأشجاار الصغيرة مزينة وسقااية فالوسط خارج منهاا الماء..
عادل : زيدي مرحبا بيك
مريم : ااه واخاا ..
تبعاتو حل الباب وهياا موراه ضغط على زر فالحائط جنب الباب.. تشعلو كاع الضواو دخلات وسد الباب موراها...
عادل : زيدي مرحباا...
ابتسماات وزادت جوج خطوات عينيهاا مع البيت كتقفقف شادة بولتهاا نساات راسهاا وكأنهاا فحلم ومبغااش تفيق منو ..
عادل : عرفتي طلعي لحمام راه الفوق غسلي من هاد الرملة واناا نشوف ليك الا لقيت شي حوايج تلبسيهم
تم طالع فالدروج كيخلف وهياا موراه وعينيهاا مع التحت كضور فعينيهاا حل باب بيتو الواسع لي كيطلع على جردة الصغيرة بفراش انيق مخربق باين انه كان ناعس فيه.. هز فوطة من فوق الطبيلة صغيرة وبينوار اكحل ديالو ومدو ليها
بقاات واحلة كضور فعينيهاا جلست فوق الفراش هزت ديك التيشورط لبسااتهاا بالزربة وهبطات البينوار من تحت خصرهاا لبساات داك الشورط..
مريم : شني غنعمل اناا نبقاا بلا حوايج عورياانة ايماا وكيف عنرجع ندار داباا اصلا موحال يكونو جاو من سفر.. يلاه مشاو وعيرجعواا لاا موحال.. عندااك غا هدى تمشي تقول شي حاجة ...
سهات بعض لحضاات وهياا كضور عينيهاا فبيتو
ايمااا وعلى دونياا كيف عاملة وعلاياش حناياا معندناشي فحال هاد الديور .. سعدااتكم عطاتكم الدونياا مصاب كون كنت حتاا ياناا عندي واخاا غاا بيت بوحدي وميدخل فيا تاواحد
هبطاات مع الدروج كطل وتسرط فريقهاا وتعجب حتا وصلات لمساحة الواسعة فالدار وقفاات تماا.. كلشي كيبان دخلات لبيت صغير محطوطين فيه جوج فوطوياات فالأسود.. مع زربية صغيرة فالوسط وفوقهاا طبلة د زاج عليهاا فاز صغير مزين بالوريدات ذهبيين... وفوق طبلة خراا .. آلبوم صور فاللون احمر مكتوب ف اول صفحة
Adresım burda Adley ♡
}هذا هو عنواني عادل ♡{
هزاتو فيديهاا ورجعت فوق الفوطوي باغاا تبركك. وشكوكوكهاا كاملة انهاا غتلقاا صورو مع راوية وعلى حياتو ... اول صورة طاحت فيهاا امراءة متوسطة القامة .. بشرتها بيضاء وشعر اكاجو بمكياج خفيف راسمة ابتسامة صغيرة على وجهها .. لابسة قفطاان فالبلان كاصي وعادل جالس حداهاا لابس كوستيم فالأسود... شاد فيديهاا ومعنقهاا بيد خراا.. وناس موراهم كيبان فعرس وصفحة اخراا مع جوج بنات معنقينه.. سرطات ريقهاا وهياا كتشوف فيهم... حتاا فيقهاا من سهوهاا... وهواا واقف حداهاا لابس تيشورط د صماطي وشورط فوق الركبة
عادل : شكاديري
مريم : والو عااكنشوف .. ااا. شكون هادو
عادل : عائلتي تشربي شي حاجة
مريم : لا والو مخصنيشي
عادل : انا فالكوزينة
دخل بالحفى جبد طحانة حطهاا فوق طبلة جبد الليمون من ثلاجة... بداا كيقطع وهياا توقف حداه شادة آلبوم فيديهاا
مريم : شكون هاد المراا !
وراتو صورة المراءة لي معاه شاف فصورة بشوق وقال : هاديك لي عندي فهاد الدنياا.. ماما حيااتي..
عادل : ديجاا هضرت معاك متبقاايش تسوليني عليه امريم
مريم : صافي منبقااشي نساقسيك سمحلي
عادل : يلاه نجلسو براا..
زادت قدامو رجعت جلست فوق الفوطوي وكاس فيديهاا تكى حداها شعل تليفيزيون وقال : باباك كيسافر بزااف قولتيلي
مريم : ااه كيسافر بزاف قليل فاين كنشوفوه
عادل : وكيفااش قضيتك زعمة ساكنة مع عمك حتاا نتوماا سيرو عيشو حداه وفجنبو غيحتاج ليكم وتحتاجو ليه
شافت فيه مطولا وهيااا كتفكر كلامو... مكيبغيش لي يكذب عليه تخزات مع نفسهاا وندمات علاش تحطت معاه فهاد الموقف واش تعتارف ليه ولا تبقاا ساكتة .. ولا غيتقيهاا ولا يكذبهاا واش يتصرف معاهاا شي تصرف غير لائق... سكتات بعض لحضاات حتا قال ليها : الا مبغيتيش تجاوبي على خاطرك يمكن حتاا نتوما ضروفكم بحالناا وعلاقتكم مزفتة
عادل : هه من القديم.. الصغر واناا عزيزة علياا هاد اللغة
مريم : سعداتك ولاهيلة اناا مكنتشي كتعجبني صراحة ولكن ملي سمعتاا عندك ديك نهار فطوموبيلا ديك اغنية مزييونة حتاا هياا عرفتي حق الله الا مشيت تليشارجيناا وبقين كنتسنتلا فاينماا نسمعاا نتفكرك ههه
عادل : اهااه ههه هياا لقيتي باش تفكريني بعداا هه مزياان.. غنيلي نتي شي حاجة
مريم : ههه اناا لا والو معندي لا صوت لا وجه فحال الناس هههه
ضارت كيشوف فيهاا وهواا كيغسل يدو وقال : كل واحد فيناا فهاد الدنياا صورو ربي كيف بغااا امريم.. ماشي حناا لي خلقناا راسناا براسناا ماشي حناا لي صورناا سيفتناا .. رضى براسك كيفماا نتي وعمرك تهيني براسك وطيحي بقيمتك حدا شي حد خصك هادشي تفهميه مزيان... ربي قال : من أهان بنفسه اهان به الله " وهاد الحديث سولي عليه لي عندك نتي كاين لي معندوش ربع فيه ديماا شوفي ناس لي موصلينكش وحمدي الله على لي عندك.. ونهار تبغي طلبي شي حاجة.. طلبي فيهاا خير لعلى ربي يااتيك خير فهمتي منبغيش مرة خراا تقولي هاد الهضرة
سكتات وهياا كتحرك ليه راسهاا بالايجااب... تشحرات الحشوة ديالو وحطهاا فوق الطبلة جلس حداهاا.. كيفرق شرائح دجاج يحط الحشوة ويلفهاا على شكل سيكاار... وهياا كتعاونوو وتحط حداه..
مريم : بصح عندك الحق
عادل : تمعني فهضرتي مزيان حيت هاداا هواا الواقع.. العيلة
مريم : هه تجي علمني تركية واخاا غا شويوش
عادل : امم مي تعلميني طنجااوية
مريم : ايوا مطلبتي والوو صافي واخاا نعلمالك ..
كملو لي فيديهم خلاها عادل كتحط داكشي فسينية زجااجية.. وهواا كيوجد الصلصة البيضاء كبهاا فوق داكشي زينهاا بالجبن وخرجو بجوجهم جلسو فنفس البلاصة.. حولات تفاادا النضر ليه وهزت نفس آلبوم كتعاود تشوف تصاور ف لوحاات زجاجية مرسومة بالخط العربي... وديكورات مزينة
شدات تليفون فيديها كتشوف الصورة خرجاات بالزربة ومشاات لملف الصور تقلب اش فيه .. لقاات مجموعة من الصور مع اصدقاء ديالو.. ومجموعة من الفيديواات .. نقصت الصوت ودخلت كتشوف فيهم ودوز بالزربة.. حتاا طاحت فيديو ليلة الحفل وكل مرة ضور كاميرة جيهتهاا.. وبعض الصور ديالهاا معرفااتش حتا منين جابهم.
سمعاتو جاي وهياا تخرج حطت تليفون فوق الطبلة قالت وهيا مرعودة : امم.. ريحة عندك كتشهي
عادل : ههه معرفت هاد تخليطة تعجبك ولا لااا.. اطط تليفون دار كيصوني
مريم : ااه واخاا...
مشاا هز تليفون كيهضر ويضحك
عادل : ايواا على سلامتك بعداا ملي وصلتي اناا مكانتش يحساب لياا غتجي ههه وييه المهم دار كلشي بخير... ايواا سلم عليهم ... صافي الحبيب نتشاوفو غداا ان شاء الله
قطع مكالمة ورجع عندها .. هاداا واحد صاحبي يلاه وصل المغرب
مريم : اناا مخصنيشي نتزوج اهدى معرفتشي فشكل كنحس كون حسابلي هيدا كون غير بقيت مهاودة معاه فطوموبيلا
هدى : اااه باش خاي يكون ماجي من القهوة يشوفك صدفة وينوض يقتلني اناا يقولي مجبرتي معامن تصاحب واش امريم مبقااشي عندك طنطون كيفكر.. شو سمعني هاد لبس هاد ييجامة د ماما طويلة وعمل سبنية فوق راسك ويلاه معاياا نالكوزينة نهضرو تماا
مريم : مزال متعشيتو
هدى : باقي يلاه مشاا خاي يجيبلي الحليب عنطيب روز بالحليب
مريم : واخاا صبر..
هدى : اناا عنصبقك فوقي..
طلعات هدى مع الدروج ومريم بدلات حوايجهاا لبسات بيجامة طويلة وقدات فولارها.. هزت تيشورط ديالو كتشم فيه وتفكر كل لحضة فيومها لي دوزاتهاا معاه... جمعت حوايج كلهم فصاكها حطاتهم فجنب وطلعت شادة تليفون فيديهاا كتشوف واش صيفط ليها شي مسج. سلمات على اهل هدى لي جالسين كيتفرجو ويتهاودو ودخلات عندهاا الكوزينة.. جرت كلسي جلست حداها وعينيهاا مع تليفون مرة مرة
مريم : شني قالك ياسين
هدى : والو قالي وجد راسك خطيبة هاد السيمانة وصافي
مريم : ومالك كتقولا ونتيناا معاجبك حال
هدى : معرفتشي خيفاانة بزاف وسبحان الله بحالي مترددة. بعد المرات حتاا كنكتبلو مسج نقولو اجي نأجلو هادشي ونرجع نمسحو.
مريم : ههههه شعندك الحمقة شكون بحالك طيحتي فخاي هانتيناا خالا بناوت كااملين وجاا ليلك شفتي باش تعرف راسك راك مهمة فقلب واحد بغااك
أفتقدك الجزء الخامس
محتوى القصة
التنقل بين الأجزاء