الشيخة والإخواني الجزء الرابع

من تأليف Souka
2018

محتوى القصة

رواية الشيخة والإخواني

سمعت العودة صوت الصونيط وناضت حلت الباب ولقات قدامها سامية تتنهج سخفانة وهازة فايديها علبة مغلفة ب بابيي كادو 
سامية:متقوليش ليا تكاتبو 
العودة:(خنزرت فيها) لا تيتسناوك حتى تجي باش تعطيهم الموافقة تاعك 
سامية:بلا طنز الزمر تنهدر بصح 
العودة:تكاتبو ازين العقبة ليك نفرحو بيك 
سامية:(تنهدت)هذا كع زهر عندي 
العودة:دخلي دخلي وانتي جاية تجري تقول غتحضري للامضاء على وثيقة الإستقلال 
سامية:هيهيهي 😒 'دمك خفيف ازين 
دخلت سامية سلمت عليهم واخد واحد وباركت لكريمو وشاكيرا وعطاتهم الكادو اللي جابت لهم معاها فحين استأذن العدول باش يمشي و رافقو عبيقة اللي كلفاتو العودة باش يخلصوا فاش يرافقو للباب...ناضت فاتي طلقت موسيقى شعبية باش تنشط الجو على الرغم من الحساسية اللي بينها وبين شاكيرا لكن الفرح تيبقى فرح....دازت العشية زوينة نسات فيها العودة همها مع صحابها و عائلتها كيفما مسمياهم...حتى صونا التلفون لسامية وهزاتو لقات اسم '''ابو احمد''' طالع فالشاشة دالتلفون وناضت جوباتو بعيد على الصداع اللي كاين 
سامية:الو أبو أحمد شلونك 
أبو احمد:بخير يا غالية وأنتي شو اخبارك 
سامية:تمااام 
أبو احمد:و شلونها حبيبتشي 
سامية:لباس عليها اليوم كان كتب كتاب ابوها 
أبو احمد: حلو..شو يا سامية شكلك ما عملتي شئ لهلأ 
سامية:مو بالساهل يا أبو أحمد تعرف أن هي مطنشة ومو حاطة ببالها شئ يعني لازمني شوية وقت ويكون خير 
أبو احمد:بتمنى تسرعي لأني مشتااق لليوم اللي تكون فيه جنبي 
سامية:ولا عليك يا أبو أحمد يكون خير 
أبو احمد:ماشي يا غالية استأذن أنا في أمان الله 
سامية:في أمان الله 
قطعت معاه وخرجت لعندهم لقاتهم كل واحد شاد قنت من غير فاتي والعودة اللي كانو فبيت العودة تيتحتو ويخططو 
فاتي:هههه الليلة كريمو يبات ي**ي 
العودة:خليه كيتك انتي يالبايرة اللي لاصقة فجنابي 
سامية:(دخلت مع كلام العودة)شوفوا شكون تتهدر مطفراه مثلا 
فاتي:أول مرة تقولي شئ حاجة معقولة 
سامية:لاء والله يختشي على اساس انتي كلامك موزوون 
العودة:إلى غتبداو تناكرو خرجو قودو عليا خليوني نوض نلبس باش نقودو نخدمو على روسنا 
فاتي:هههه اش بان لك نخرجو ونمشيو نسهرو فشي بلاصة منها نفوجو ومنها تخلي العرسان على خاطرهم 
العودة:حتى هذا نظر يالله بدلي وبالله نمشيو 
سامية:واللهم كتحشمو بالله دايرين كثر الزوافرية يخخ على ماركة طيحني فيها الله 
العودة:إلى معجبناك نفقصوك ابب 😉 خرجي وسدي الباب هاحنا جايين متنحملش النكير دالشارفات
سامية:يااك وليتي تجري عليا 
العودة:أنا قلت وانتي فهمتي ☺ 
خرجت سامية وبقاو بجوج يضحكو ويتحتو حتى سلاو اللبس تاعهم وخرجوا لقاو غير كريمو وشاكيرا اللي واخدة سيمانة دالراحةة أما الدراري مشاو سبقوهم للكباريه...سلموا عليهم وخرجوا شدوا الطريق لخدمتهم... ومن بعدما وصلو دخلو دارو لمسات اخيرة و بداو هاك بالاك وبستكاتك اللا وستكاتك اسيدي 
سلاو البنات مع جوج دالصباح وخرجوا سالتين على الرباعة باش ميلصقوش فيهم..لقاو الطاكسي صغير تيتسناهم عند الباب غير ركبوا وديمارا شاد الطريق بيهم مباشرة لديسكوتيك ليلي معروف تيبقى تالصباح...دخلو وطلبوا فودكا وبيرات حطوهم قدامهم زائد القطعة حتى تيقشعو.....

دخلوا البنات للبار وطلبوا فودكا وبيرات حطوهم قدامهم تيشربو ويقطو بالمملحات اللي حط لهم السرفور حتى تيقشعو البوليس داخلين هاجمين والبنت اللي جات قدامهم تيديوها حتى وصلت نوبة البنات اللي مفاهمين والو 
البوليسي:تكعدو قدامي القحبات ريحتكم عطاات 
العودة:اييييه جمع فمك وعرف شنو تتخرج منه 
البوليسي:وزايداها بتخراج العينين الخامجة نوضي تكعدي فين تترباي 
العودة:و باشمن حق غتدينا اسيدي لقيتينا تنشفرو ولا تنقتلو 
البوليسي:ههه لا لقيت كم تتصليو التراويح..نوضي يا تريكة القحوب عاطيينها للشراب ومن وراه تدوزو لهزان الرجلين 
فاتي:نوضي يا لله نمشيو معاه نشوفوه اش غيصور منا 
العودة:مغنمشيو فين القل*** وأنت اسيدي عوض تحاسبو اللي تيشرب سيرو حاسبوا اللي تيصوبو وللي تيقننه ولا جات غ فالدرويش 
البوليسي:انوضي اللا مغنبقاش نتحتت مع القح*** دمك هنايا
(جرها من دراعها ومع شاربة دغيا تجرت ليه واخا عيات تعافر...أما فاتي ف تبعاتهم ب خاطرها تقول غاديا لجردة مردوخ تتفجج)
طلعهم فالسطافيط إلي كانت عامرة بالبنات دالليل هاللي سكرانة ومجيبا لدنيا خبار..واللي جالسة مقنتة وتنضغ فالمسكة ومولفة الركبة فالعمارية عاد زيد عليهم النوع اللي ماهو من البنات ولا من الذكور...جلسو وسطهم وهي تتعربط وتخبط فالباب 
العودة :واااا حوووووول يا ولد القحبة حلللللل...حل ليا يا ولد المشرعة الى كنتي راجل 
فاتي:وبراكة يا صحبتي را تقبتي لي الطبل د قلا**يا بغواتك اش عندهم ميديرو بينا كع 
العودة :وعلاش نمشيو أصلا علااااااش شوفي ولد المحلولة خلاني نترعد بالحق والله لا بقات فييييه 
بنت الليل:واسكتينا أ ديك الق*** را فرعتي ليا كري 
شافت فيها العودة مزيااان بلا متنطق وناضت تلاحت عليها تتنتف وتقول منتفت 
العودة:اععععععععع أنا قحبة يا المزمولة اااااااه بحالك إللي وصلونا لهاد الماصل الخانزة د الطرمة....بحالك اللي خلاو القحاب يتحلو علينا 
فاتي كانت راجعة اللور ولكن ماللي شافت الأخرى تاهي تتنتف فالعودة وتقمش تلاحت عليها تتعاون صاحبتها....محسوا براسهم إلا وهما مهزوزين من فوقها والبوليسي تيسب ويعرق ليهم 

دخلهم البوليسي تيسب ويعرق وهي غ مازادت تعصبت وتتغوت كي الهبيلة...وقفهم قدام باب الضابط اللي عندو الحراسة بالليل حتى بانت لها ديك خيتي مدخلينها وبغات ترجع تتلاح عليها 
العودة:تعالي عندي يا الشلوطية (تتجبد وترطى وهو شادها)طلقني اععععععع طلق مني خليني نوريها قحبة شنو تتسوى 
بنت الليل:جايا للبار تسكري فزك الليل ومعجبكش الحال تقولك قحبة هههههه والله إلى ضحكتيني..انوضي آ ماما من النعاس شتي أنا وياااك بحال بحال هناااا سمعتيي 
العودة:وا طلقنييي ازممممرررررر اليوم نقتلك الخامجة اليوم نخلي عائلتك تتعزى فييييك هدشي إلى كانت عندك شئ عائلة إ بنت الزنقة 
....: ايييييه أنتي وهي اش هاد الصداع 
بنت الليل:هي والله حتى هي الشاف اللي ضلمنتي شوف شنو دارت فيا 
.....: اش هاد الحالة مضاربين على شي كليان ولا شنو الموسخاااات 

العودة:(هزات الشعر اللي كان مغطي وجهها بقوة التحياار) لهلا يحييك و لا يطول الزمان عليك حتى نضارب مع القحاب على ود الزوامل 
ماهر:(دور راسو بالخف جهتها) ان نت ي أنتي؟ ؟ شتديري مع هادو وشنو جابك هنا 
العودة:(تطنز)جيت ناخد براكتك قالو لي عليك والي صالح ونضرب تصورات عاد نمشي 
ماهر:(موجه كلامه للبوليسي)مال هادو شنو عندهم 
البوليسي: هادو عاهرات جبناهم من ملهى ليلي الشاف وهاد خيتي (على العودة) الطريق كلها وهي محيحة وتتغوت وضاربت مع ديك خيتي 
ماهر:(شاف فيها مزيان ونطق)هممم هبطها تكلاصا شوية 
البوليسي:هي لولة الشاف 
جرها البوليسي من قدامو وهي مصدومة ضربتها اللقوة حتى فاتتهم عاد سرات معاها وبدات تغوت وتسب فيييه 

#عند_ماهر

طلب من البوليسي يهبطها للتحت ودخل للبيرو تاعو سدو عليه ومن بعد عشرة الدقايق طلب منهم يدخلو ليه فاتي وفعلا دكشي لي كان...دخلت عندو حانية الراس وتتسنى فييه ينطق...فالوقت اللي كان تيطلع ويهبط فيها وساكت...بقاو مدة وهما هكاك حتى رجليها فشلوا عليها بالخلعة والعيا وعاد شاربة حتى خبط البيرو وقفزها 
ماهر:غنباتو هنا أ للا؟؟؟ 
فاتي:ام تنن ا ب 
ماهر: أم ننت بي با بو دب عاد تتفتفي عليا و هزي رأسك وهدري مقاد را مجاينش نخطبو فييك باش تحدري الرأس وديري فيها حشمانة...شنو اسمك الكامل 
فاتي: سميتي فاطمة الزهراء البرنوصي 
ماهر:منين تتعرفي العودة 
فاتي:(وسعت عينيها فيه) منين تتعرفها 
ماهر:(خبط البيرو ووقف)أنا اللي تنسول هنا وأنتي تتجاوبي 
فاتي:وخا آ شاف العودة صاحبتي وخدامين بجووج 
ماهر:همممم (حاط يدو على لحيتو تيلعب بها) و كيفاش حتى وصلتو لهنا 
فاتي:كملنا خدمتنا وخرجنا نشطو شوية حتى دخلو البوليس وهزونا مع دوك البنات وديك خيتي هي اللي عيراتها 
ماهر:وخا أنا غنعرف حسابي معاها...صاحبتك غتبقى معانا مزال شوية 
فاتي: ولكن أ شاف 
ماهر:مكاين ما ولكن غتزيدي كلمة نهبطك تونسيها 
فاتي:(حنات راسها) غير هبطني عنظها حسن جينا بجوج نمشيو بجوج 
ماهر:(سمع الدقان)دخل 
دخل ياسر لابس صوفيطما وصندالة الصبع وشعرو مخربق وهو أصلا مخربق غوباشتو معقودة
ياسر:فين هي ديك المصيبة؟؟

دخل ياسر لابس صوفيطما وصندالة الصبع وشعرو مخربق وغوباشتو معقودة 
ياسر:فين هي ديك المصيبة؟
ماهر:كاينة التحت 
ياسر:التحت؟(شاف ف فاتي) وهادي شنو مزال تدير هنا 
ماهر:قلت ليها سيري بحالك.. (شاف فيها) ولايني هي بغات تنزل تونس صاحبتها اللي معرفناش امتى غتخرج 
فاتي:(بصدمة)اشنوووووو 😵
ماهر:كيفما سمعتي..يكما تنادم معاك الحال؟
فاتي:(بثقة تتشوف فيه)مزال على إختياري هبطوني عند صاحبتي
ياسر:ممكن تفهمني اش واقع هنا وشنو وصلهم لهاد الماصل؟
ماهر:صبر ونفهمك
هز التلفون عيط للشرطي اللي هبط العودة و تسناوه حتى جا ودخل وعطاه تحية
الشرطي:وي شاف
ماهر:هبط هادي لعند ختها دب 
الشرطي:شد يدها دار لها المينوط وهبطها جارها من ذراعها حتى وصلها لعند عشيرتها 

أما الشباب غير خرجت وجر ياسر كرسي جلس عليه 
ياسر:نطق اصحبي 
ماهر:(عاود ليه كلشي)هدشي اللي كاين 
ياسر:ولكن إلي مفهمتش هو علاش هبطتي هديك وبغيتي تخلي صاحبتها 
ماهر:حيت طاحت عليا فكرة وقلت نطرحها عليك...عجباتك دكشي لي بغينا..معجباتكش نطلقهم بحالهم 

قاليه ماهر على الفكرة اللي جات ف بالو وبقى مدة سااكت تيضورها فراسو مزياااان وملامحو ممحية تماما حتى تعصب ماهر مزيان 
ماهر:اشنو غتبقى ساكت؟
ياسر:بصراحة هدشي اللي قلتي مخصوش يدار ولكن هي ماشي من النوع المسالم ومغيليق ليها غير هكا 
ماهر:يعني موافق 
ياسر:نجربو مخسرنا والو 
ماهر:تييق بيا مكاينش حسن من هاد الحل 
ياسر:الله يخرج هدشي على خير...خاصني نهدر معاها دب 
ماهر:هاني نقولهم يطلعوها 
عيط ماهر لنفس البوليسي طلب منه يطلعها و وماهي الا دقيقتين حتى تدق الباب ودخلها لعندهم 
أما هي غييير شافت ياسر وكحلت بالعمى وركبوها العفارت السليمانية 
العودة:أنت شنو تدير هناااا؟ ؟ واش غتبقى تابعني فينما مشييييت ااااه؟
ماهر:سكتينا آ للا من الغوت راك فمركز شرطة ماشي دار باك هادي 
العودة:شكون قالك عيط لييه اسيدي أنا متنعرفوش 
ماهر:واش غتسكتي ولا نرجع مك فين كنتي؟(موجه كلامو ل ياسر) أنا على برا إلى حتاجيتي شئ حاجة عيط ليا..وأنتي أي حاجة غتديريها محسوبة عليك 
خرج ماهر وخلاهم بزووج بيهم هو تيحاول يضبط اعصابو باش ميديرش شئ تصرف يندم علييه و هي غ فمها و متتخرج منه 
العودة:شنو بغيتي عندي اااه؟باغي تلعب عليا دور الأخ ولا شنو 
ياسر:(باستهزاء)عاجباك هاد الحالة اللي نتي فيها؟
العودة:ماشي سوقك فيا حياتي هادئ وحرة فيها ندير مابغيييت 
ياسر:حياتك هكا تعيشيها؟ ؟هادي هي الحياة عندك تغني وتشطحي للي يسوا ولي ميسواش(وقف تيدور عليها ويهدر)وتسالي وتمشي لبلايص البلا ...تشربي..تضاربي مع العاهرات وتجي تقولي لي حياتي هادي؟؟ إلي بغيتي رائي الموت أرحم من هدشي تاعك 
العودة:(بغصة )شنو بغيتي عندي؟ ياك قلت لك متبقاش تقلب عليا 
ياسر:وتانا قلت لك ميشرفنيش بحالك ولكن معندي مندير أمك باغياك 
العودة:وأنا معنديش الام باش نبغيها اصلا 
ياسر:إذن خليييك تعفني فالحباسات مع راسك 
العودة:شنوووووو؟

ياسر:كيفما سمعتي 

ياسر:ايوا خليك تتعفني فالحباسات مع راسك 
العودة:شنووو 
ياسر:كيفما سمعتي هديك هي بلاصتك 
العودة:مالى قاتلة كينيدي؟؟
ياسر:لا ولكن غتشدي بتهمة الفساد زائد سكرانة وعاد البنت اللي ضربتي بوحدها تصيفط من ست شهور لعام 😈😈
العودة:(مصدومة) لا لا واش تضحك معايا؟ اشمن فساد ولا زبل على أساس لقاوني فدار دعارة؟
ياسر:(ببرود) كلشي ممكن 
العودة:(باستهزاء)خسارة...اللي يشوف اللحية يقول هنا نبات السيد ميعصاش مولاه ساعة أنت غييير شماتة وبزاف عليك ديك اللحية سير كرطها المنافق 
ياسر:(تيصبر راسو رغم الغضب اللي لابسو)معليييش قولي اللي بغيتي .. بالحق الكورة عندك دب ختاري يا غتجي تشوفي مك و تعيشي حداها... يا غتدخلي للحبس
جلس فوق الكرسي وتقابل معاها تيشوف فيها تتنفس بسرعة كبيرة ووجها ولا حمر غينفاجر بقوة ما تعصبت...لكن معندهاش حل آخر من غير تقبل وخصوصا أنها لمست الجد فكلامو و باين يقدر يديرها و يفوتها كع
العودة:(ب نفاخة) موافقة 
ياسر:اووووه مزيان بعظا ملي عندك عقل تتفكري بيييه 
ناض من بلاصتو وخل الباب باش يعيط ل ماهر خلاتو غير خرج وهي تبدى تنقز وتنتف فراسها حتى نسات راسها
العودة:هععععععععععع اععععع وربي لابقات فيك يا ولد القحبةةةةة بربي تنعيشك ف الجحيم ونذوقك المراار الزامل كلب حلوووف حماار 

ياسر:(مربع ايديه) هو اللي غيركلك إلى مسكتيش 
العودة:(قفزت من بلاصتها) أم انا مغنمشيش من هنا بلا فاتي 
ماهر:اوووه اش هاد الحب كامل اللي بينك نتي وهاد فاتي...تصدقي بالله حتى هي مكانتش باغية تمشي بلا بيك 
ياسر:غير يالله دب يطلقها تمشي فحالها 
العودة:قلت لك مغنمشي فين بلا صاحبتي
ياسر:طلع ليها صاحبتها را ضرتني فراسي بصداعها 
العودة:وحاجة أخرى نتافقو عليها من دب
ياسر:(هز حاجب وحط لآخر وربع ايديه)شنو هي اللا؟ 
العودة:غتوصلني لدارنا نهز حوايجي هما اللولين عاد نمشي لديك الدار
ياسر:تنضن باللي مغتحتاجيهمش اللي بغيتيها غتحضر لك 
العودة:وأنا مبغيت منكم حتى حاجة ومتنساش اسيدي باللي راكم مهدديني 😉
ياسر:اللهم طولك يا رووح..وخا شغلك هداك..
دخلت فاتي ومشات عنقت العودة و تتسول فيها بعينيها بمعنى "شنو واقع" أما العودة متتسوق لحد فهماتها و جوباتها 
العودة:اللي كاين آ للا هو انني بين ليلة وضحاها تفكراتني واحد العائلة وقالك أنا بنتهم وهاد السيد اللي قدامي (شيرت ل ياسر) تيكون خويا اللي ماراضيش بيا هههه ولكن أنا يا عيني ميتة ف دباديبو...أما الأخ اللي حداك رجل القانون تيكون صحيبو...فهمتي دب 
فاتي:(غير ساكتة حيت كثر عليها كلشي لدرجة وولات خايفة أي كلمة تقولها تتحسب عليها)
ياسر:اوووه (تيصفق ) صراحة عجبني هاد المشهد بزاااف...تأثرت .. (بجدية ونبرة قاصحة )تقدري تزيدي قدامي إلى كملتي 
ماهر:(غمزو)بناتنا التلفون وإلى كانت شي حاجة أنا رهن الإشارة 
شافت العودة ف ماهر بحقد و جرت فاتي المصرفقة من مرفقها وخرجوا قدام ياسر اللي فتح الطموبيل من بعيد نعت لهم على مكانها باش يطلعوا حتى يوصل عليهم 

غ طلعوا للطموبيل وهي تبدى فاتي تسرسر بحال مكانة الفرووج حتى غوتت العودة عدا سكتت 
العودة:وا القلا** سكتينا فرعتي ليا ك** من قبيلة وأنتي ساكتة وملي هدرتي مبقيتيش باغية تسكتي 
فاتي:وا فهميني كيفاش عائلتك تفكراتك؟؟و هاد البوكوص دب خوووك 😍😍 و لآخر صااحبو وأخيرا من بعد هاد العشرة كلها غنستافد منك بشي حاجة 😂😂
العودة:الناس فالناس والقرع فمشيط الرأس وخا يبقاو غ هاد الزوامل منخليك تشوفي فيهم كون سمعتي اش تيقولو علينا تدفلي على وجههم 
فاتي:عندك الصح و دب شنو غديري؟ 
العودة:(بنظرة شريرة)الكلب اللي تينبح متيعضش خليك تتشوفي بعينييك 
فاتي:نااااري يحسن عوانهم معاك 
العودة:هو اللي بغى مضربتوش على ايدو وقلت ليه ديني معاك 😈
مع آخر كلمة طلع ياسر لطموبيل دار الصمطة وضار شاف فيهم بجوجات مخشيات فبعضيات اللور و رجع دور راسو ب معنى لا حول ولا قوة إلا لله و ديمارا الطموبيل وهي تتعطيه النعت ديال البرطما تاعها باش تهز حوايجها 
وصلو من بعد 20 دقيقة و نزلت هي وفاتي باش يطلعوا حتى قشعاتو تابع هم
العودة:فين غادي الشريف؟
ياسر:ياك قلتي غتجيبي حوايجك 
العودة:وأنت لاش تابعني ؟
ياسر:باش نعاونك طبعا 
العودة:اوووه ههههه انت تعاوني اجي ميكونش شئ يهودي سلم؟؟ 
ياسر:أعوذ بالله على خليقة متخليييش بنادم يتعامل معاك مزيان 
العودة:(ضربت على كتفو )من الأحسن متتعاملش معايا مزيان 😉...ااه و مني غنسالي غنهبط 
ياسر:من هنا ل ساعة غنرجع من وراك 
العودة:ماشي أنت اللي تتقرر شحال دالوقت أنا اللي نقرر
ياسر:(تعصب من تصرفاتها) زدتي فيه وبززاف...عندك ساعة ونجي نلقاك هنا واقفة لا أقل ولا أكثر ولا غنغضب بيك الله 

قال لها دوك جوووج كلمات ومشى ركب ف طموبيلتو وكسيرا اما هي بغات تاكل جنابها حيت غوت عليها من جهة و أمرها من جهة أخرى....طلعو للدار ولقاو الصقيييل حيت كانت تقريبا التمنية د صباح يعني كريمو وشاكيرا مزااال سارحين عجول لاخرة...دخلت لبيتها وجبدت صاك دارت فيه الحوايج اللي خاصينها و المكياج تاعها و وراقيها و شوية الفلوس و بدلت حوايجها بسرعة حيت مكانش عندها الوقت اللي تدوش (تخاف متحشم 😂) 
كملت ومشات دقات على كريمو بشوية حتى خرج لها صاعر 
كريمو:صبحنا على الله مصبحنا على كمارتك اش بغيتي فيا مفيقاني فهد الصباح وكلت عليك الله
العودة:بغيت نسلم عليك قبل منمشي 
كريمو:(مستغرب)اللي يسمعك يقول غتقطعي البحور 
العودة:با سمعني أنا غنمشي نسافر شي أيام (مدات ليه الفلوس) هاك هادو باش تقدي دب حتى نرجع نصيفط لك 
كريمو:(تيقلب فالفلوس)وامتى غتجي بالسلامة؟
العودة:معرفتش أبا معرفتش..تهلا فراسك وفصحتك و براكة عليك من الشراب 
كريمو:خاصني غ الفلوس بش نتهلى فراسي 
العودة:بسلامة أبا وسلم على مرتك 
كريمو:سدي معاك الباب بالشوية باش متفيقيهاش 
دخل لبيتو يرجع ينعس و هي نزلت هازة صاكها وبجنبها فاتي 
فاتي:(مقلقة)ناااري يختي على كريمو مقدرش يسولك حتى فين غاديا همو غير فالفلوس...لا و سدي الباب بشوية باش متفيقش السلطانة هياام 😡😡
العودة:معلييش ولفت عليه ازين 
فاتي:غنتوحشك 
العودة:علاه غنمشي للموزنبيق...غير نعرف العنوان ونصيفطو لك جي عندي وقتما بغيتي وزايدون غنبقاو نتشاوفو يوميا علاه نسيتي الخدمة؟

توادعو البنات و ركبت معاه فالطموبيل بلا متهدرو ولا يهدرها...الطريق كلها وهما ساكتين حتى وصلو لحي راقي فيه الفيلات ووقف قدام وحدة فيهم...وطلب منها تنزل تتبعو ودكشي لي كان...حل الباب بالساروت تاعو ودخل وهي من وراه حتى وصل وسط الفيلا وبالضبط ف الصالة المتخصصة للأكل لقى كل من رشيد و نعمة وأحمد جالسين تيفطرو...غير شافوه تصدمو من الشخص اللي جا معاه واللي هو "العودة" لكن كل واحد وصدمتو...رشيد تصدم حيت عرفها وعرف أنه الحقيقة غتبان دب وتعرف نعمة شكون هي ديك البنت اللي قدامها واللي مخوفو أكثر هو رد فعل العودة واللي عارفو غيضر نعمة ويجرحها 
أما نعمة و أحمد ف مصدومين لأنهم ضنو أنه جايبها معاه ك صديقتو و هو معمرو هدر على شئ بنت قدامهم و خصوصا أن البنت اللي قدامهم ماشي أي وحدة... هادي العودة اللي واقفة قدامهم ب لباس قصييير بارز مفاتينها و مكياج قويي وشعر اشقرررر بالإضافة للشوفات تاعها اللي كانو شرانيين و جريئين أكثر من أي وقت فاات 
قطع رشيد الصمت إللي كان مسيطر على الكل موجه كلامه للعودة باش يلطف الجو 

رشيد:مرحبا بيك ابنتي فدارك 
العودة:اووووه صباح زيين اللي العائلة فييه مجموعة!!
رشيد:جلسي تفطري معانا (تيعيط للخدامة) رقية أ رقية 
العودة:علاه أنا ممن العائلة باش نجلس معاكم...
نعمة:(بتساؤل)ياسر شنو واقع شكون هاد البنت 
العودة:اوووبس مقلتوش ليها شكوون انا؟؟نووو حشومة عليكم بصراحة...أوكي أنا نقول ليها شكون نكوون 
ياسر:شاااامة سكتييي 
نعمة:شاامة؟؟قلتي شامة يااك 
العودة:علاااش نسكت علاااش ااه خليني نقول ليها شكون أنا..خليني نقول ليها باللي انا البنت اللي تخلات عليها..البنت اللي خلات وهي صغيرة ومبقاتش سولاات فييها..سمعتي أ مدااام أنا ديك البنت اللي سمحتي فيها على قبل عائلتك الجديدة وعلى قبل الفلوس والعيشة المرفهة عرفتي شكوون أنا دب 
نعمة:بنتيي اهئ اهئ اهئ بنتي كبدتي (جلست على ركابيها)
العودة:(تتغووت)متقولييييش ليا بنتي سمعتي أنا ماشي بنتك (تتشير ل ياسر و أحمد)ها هما ولادك هما هادو ولادك هما اللي كبروا حدااك...أما أنا..أنا مت من نهار خليتيني وانا مزال محتاجة لك ومحتاجة للحنان تاعك أنا مت وأنتي دفنتيني بايديك 
نعمة:اهئ اهئ كذوب اهئ هدشي كذوووب أنا مخليتكش ه و ههو اللي خداك منيي 
العودة:ههههه هو ااه شكوون هو 
نعمة:بااااك اهئ اهئ هو السبب هو اللي خداك مني 
العودة:سكتيييي باا بزاف عليييك متجبديييهش على فمك (باشمئزاز) المسخ 
ياسر:حدك تممم تقللي ادابك عليها مزاال غيكون حسابك معايا أنا 
العودة:وااااااو برافووو هدشي لاش جاييني آه باش ديرو فيا مبغيتووو.. هههههه فأحلامك الوردية غيوقع هدشي أما فالواااقع أنا لكم بالمرصااد مكنتحكرررررررش 
رشيد:ياسر متتخدلش..شامة مكاينش اللي غيحكرك ابنتي غير حاولي تسمعي لمك باش تعرفي الحقيقة 
العودة:الحقيقة أنا عارفاها وكبرت معايا مكاينش شي حاجة من غيرها غير تهناو 
نعمة:ولكن...
العودة:مكاين ما ولكننن...ومحدني معاكم هنا منبغي حتى واحد يصدع لي راسي ومن الأحسن ليكم تحشاوني

(وأنا تنكتب هاد تحشاوني تفكرت واحد اللبناني جالس ف لوطيل فين كنت تنسطاجي الى مداروش ليه دكشي لي بغة او تعطلو عليه تيعيط ليهم ويقولهم من الافضل اتحاشو إني انزل عندكم اتقوا شري هههه ولد الهم تيحيح)

رشيد:وخا ابنتي مغيوصلك حد غير أجي تفطري بعدا ويكون خير...نعمة نوضي عفاك مديريش فبالك هاد الحالة كل شي غيتصلح إن شاء الله 
نعمة:مسمعتيهاااش اهئ اهئ اههئ مسمعتيش بنتي اش تتقول..شفتي كي كرهها فيا عدو الله 
العودة:اووووه براكة من دموع التماسيح مجاوش معااك وياريت تسكتي شوية وتخليني نفطر بخاطري راك ضرتيني فراسي 

رشيد: نوضي تفطري وخلي إيمانك بالله قوي تيقي بيا حتى حال متيبقى على حالو 
ساعدها رشيد حتى تقادات فبلاصتها وجلست تبكي بصمت باش متصدعهاااااش...فضلت أنها تسكت باش على الأقل تبقى جالسة حداها و تمتع عويناتها اللي تحرمو سنين هادي من الشوفة فييها. ..

أما هي ولا على بالها جالسة تتفطر وتاكل من هادي وهادي و تعابير وجهها باااردين...لكن هدشي كان باين غير من خلال تصرفاتها و تعابيرها أما الداخل تاعها كاان فااير تيغلي و أعصابها على نااار بزز باش متحكمة فيييهم ...

فطرو و وصلتها الخدامة للبيت تاعها بلا متهدر حد ولا حتى يهدر معاها شئ حد...بقات تدور فالبيت اللي كان باللون الكري الغاامق وتصميمو راقي حتى كتاشفاتو شبر بشبر و مشات جبدت حوايجها ستفاتهم فالبلاكار و حطت الماكياااج فبلاصتو...كملت دكشي وجلست تتفرج حتى جات علمتها الخدامة باش تنزل تتغدى...لكن رفضت وطلبت منها تطلع لها غداها للفوق الشئ اللي قلق نعمة بزاااف أما حتى ياسر ف مشى لخدمتو الصباح ومغيرجع حتى لليل 

طلعت لها الخدامة غداها كلاتو و خرجت لها السينية قدام الباب باش ميجييش يدق عليها شي حد...دخلت خداات دووش خفييف يريح أعصابها و لبست بيجامة من اللي جابت معاها ونعست..
مافاقت غير على صوت التلفون تاعها تيصوني وكاان صونيط لالاغم اللي كانت دايرة باش تفييق...ناضت غسلت وجهها ولبست سروال د دجيين فااتح مع دجااكيييط ديالو محلولة من جهة الكتااف مع طالون فالحمر و صاك فنفس اللون ودارت ميكااب خفييف و قداات شعرها ب بابيليز ~بوكلي~ 

هابطة فالدروج وصوت طالونها مسموع حتى لباب الفيلا اللي تمات قاصدة بلا متتكلم مع الناس اللي دازت من حداااهم حتى وقفها الصوت اللي زعزعها وخلاها توقف ف بلاصتها بلا ولا حركة 
يااسر:فيين غاديين بيييك بالسلامة فهاد الوقت آ انسة؟؟
العودة:(شادة الراس د صبعها ب سنانها وطانزة علييه)اممم بصراحة كنت جالسة مع رأسي ياكا حتى قال ليا نوضي ياكا تساراي ف هواي ولا المالديف تمشي معايا؟؟؟

ياسر:بففف نكتة بااايخة..بلا لف ودوران سولتك جوبي 
العودة:قولها لراسك اللي تتسول فياا..وانت عاارف عندي خدمة و هذا وقتها 
ياسر:ههههه خدمة؟ هاديك حتى هي نسميها خدمة؟؟احمم غير نسايها من اليوم مبقيتيش غتخدمي 
العودة:و بشمن حق تقرر واش غ نحبس ولا لا 
ياسر:متنسايش راسك راك وليتي عايشة معانا هنا 

والعودة:ومن بعد يكما نسيتي الطريقة باش جييت لهنا ولا نفكرك
ياسر:عارف ميحتاجش تفكريني ونزيدك حاجة هاد الدار عندها قوانينها و مافيهاش العيالات اللي يخرجوا ويدخلو وقتما بغاو 

العودة:هانتا قلتيها بفمك العيالات ديال هاد الدار (قربت ليه)يعني مك ختك مرتك مثلا أما أنا...أنا ماعندك عليا كلمة وممحسوباش عل دوك العيالات حيت ببساطة أنت والو بالنسبة ليا ولا أنا شي حاجة بالنسبه لك 
ياسر:هاد الهدرة كلها متتهمنيش غترجعي منيين جيتي

العودة:وإلى مرجعتش؟
رشيد:ياسر صافي
ياسر:إلى مرجعتيش غنرجعك بطريقتي..وعفاك الوليد متتدخلش بيناتنا 
العودة:عرفتي شفت فحياتي بزاااف لكن معمري شفت بحالك...إنسان حكااار و مناافق مخبع ورا ديك اللحية وأنت أفعالك أفعال الشيييطان 

ياسر:متيهمنيش رأيك فيا وكلامك مهزنيش غير رتاحي ودب تقدري تمشي تبدلي(طلعها وهبطها)هاد الشوهة اللي كنتي خارجة بييها 
العودة:تيق بيا مزال غنشووف فييك يووم ونتشفى فيك...مزال ربي غياخد فييك الحق 
ياسر:(بلا مبالاة)الوليدة قولي لهم يوجدو العشا رآني جعت 

العودة:(بصوت خافت)تااكل فييه الجران الحلووف 
ياسر:عندك ملك تيقوولك ولك ذلك 😉
العودة:(فخاطرها)أستغفر الله تاكلهم غ بوحدك ياربي 

طلعت بحالها تتخبط بالطالووون كثر من الأول ك محاااولة باش تفقصو بدلت حوايجها ولبست بيجامة أخرى قصيييرة حد الركبة و فرقة صدرها باينة منها ونزلت لعندهم وغيير قشعها ياااسر ولاو العفاريت تيدورو بجنابو مكرهش ينوووض يشدها من شعرها و يرجعها تبدل دكشي...لكن تمالك اعصابو وكبح غضبه حييت فهمها وفهم شنو قصدت بفعلتها وهو كااان عياااان و معندوووش الخاطر باش يتشاد معاها مرة أخرى 

جلست حداه و حطت لها فطبسيلها و بدات تتاكل حتى قشعت أحمد جالس وسااكت وباااين من وجهه أنه بيه شئ حاجة وحتى أنها كانت تتحلم يكونوا عندها خووت صغاار منها اللي تدللهم وتفششهم وهاهو حلمها تحقق قدامها حيت فنضرها أنه مزاال صغيير ومعندو حتى ذنب فاللي واقع عكس الكباار 

فاقت على صوت التلفون تاعها تيصوني...هزاتو تشوف شكوون و لقات اسم "فاتي" طالع فالفوند اكخون و قبلت المكالمة 

العودة:مالك الويل مبكرة عندك شي بقرة خارجة تسرحيها؟
فاتي:البقرة هي اللي غتركل مك الحقيرة سري أنا اللي معيطة نسول فيك مالك ماجيتي البارح 

العودة:ومتقدريش تتسناي حتى نفيق على خاطري ولا الفضول لاعب لعبتوا 
فاتي:يخليلي اللي يفهمني أنا وطلقيني خوي المزيودة بلا سوسبينس 

العودة:اللي يسمعك يقول راني مع المخابرات و عندي أسرار الدولة 

فاتي:دكشي اللي عندك كثر من أسرار الدولة يختشيي 
العودة:الله يعطيني وجهك البريكيكة 
فاتي:و هدري خلاص مالك ماجيتي البارح 
العودة:اووووف علاش مجيتش فنظرك..را باااينة مخلانيييش
فاتي:متقوليييش ليا التيتيز تع خوك لي مخلاكش هااااااااح على الحكاام..أجي مديريش فيا اجر وتعرفيني عليييه تانا بغييت اللي يحبسني 
العودة:يشويني فيك نتي ويااه معرفت اش عااجبك فييه نهار ومطال وهو مزكم عمرك تشوفييه ضاحك 
فاتي:ونتي مالك يختشي سوقك؟ أنا عاجبني و قابلة علييه هكااك غ عرفيني بيييه 
العودة:حيدي عليا حيدي بديتي تعصبيني 
فاتي:وخا ها هي غاديا ديريها فين تجيك 
قطعت عليها فاتي فوجهها زعما راني "مقلقة منك" و بقات تضحك على هبالها...ناضت غسلت وجهها و بدلت بيجامتها وهبطت للكوزينة...لقات نعمة هي والمسؤولة على البيت تيوجدو الفطور ... قالت صباح الخير بلا متشوف فيهم و مشات للثلاجة هزت منها الحليب خوات لها كااس..وقطعت طرف من الكييك اللي كان محطووط و مشاات جلست تأكل تحت أعينهم 

وجد الفطوور و حطووه فوق الطبلة اللي كان مجمووع فيها كل شي إلا العودة اللي كانت جالسة فالكوزينة وشادة تلفونها تتهدر مع فاتي فالواتساب حتى دخل عليها احمد وجلس بجنبها 
احمد:صباح الخيير 
العودة:صباح الخيير 
احمد:علاش مجيتيش تفطري معانا 

العودة:مافياش اللي يتناكر على الصباح مع شي حد
احمد:أحم متبقايش تسوقي ليه هداك عزيز عليه يتدخل فكلشي دب تولفي
العودة:ممضطراش نصبر لهدشي كله شكون هو حتى يتدخل فيا

احمد:(تيشوووف فيها) حيت خووك الكبير وتيبان ليه باللي من حقه يتدخل فيك وحتى فيا 
العودة:أنا ما عندي خوووت 
احمد:حتى انا؟
العودة:أنت اشنو؟
أحمد:حتى أنا ماشي خوووك؟؟
العودة:احم انا من ديما وانا عايشة بوحدي صعيييب عليا بين ليلة ونهار نتقبل الام اللي تخلات عليا و لا الخووت اللي فجأة بانو فحياتي...ولكن (شدت فايديه) تيق بيا انت بالذات معندي معك حتى مشكل 
مشكلتي معا داك الحمار الوحشي تع خوووك هو اللي حسابي معاه عسيير 
احمد:ههههههه وا حاااقدة عليه ولكن بيني وبينك يستاهل مغتديري فييه 

العودة:ههههه مشاف والو (بغمزة) دب نفرجك فيييه احمد:المهم أنا عندي كووغ دب غيخصني نمشي إلى حتاجيتي شئ حاجة عيطي ليا نحضرها لختي 
العودة:هاي هاي هاي على الرويجل كبرتي زعما
احمد:راااجل كلاه رويجل خلينا زوينين هههه
العودة:يااك اسيدي يالله سير قبل متعطل 
أحمد:بسلامة اختيتو 
العودة:تهلا فراسك الخوو ههه

ناضت من الكوزينة وطلعت لبيتها دوزات فيه العشية كاااملة حتى وصلت الستة تقريبا عاد صونات عليها فاتي فالتلفون وعلمتها باللي كاينة قدام باب الفيلا وطلبت منها تتسناها...لبست كلاكييط دالصبع تاعها وهبطت تتجر فرجليها للباب حلاتو ولقاتها فعلا واقفة وراسمة ابتسامة على وجهها...طلعتها العودة وهبطتها بنظرة رضى على الحوايج اللي لابسة أو بالأحرى اللي طلبت منها هي تلبسهم واللي كانو عبارة عن شورط قصير دالدجيين و تيشورط الكول تاعو باطو مرخووووف مدرق كتف وكتف لا ناهييك على المكياج الصارخ اللي دارت...جرتها العودة من ايديها قدام نعمة ورشيد اللي كانو جالسيين شيرت عليهم فاتي بايديها قايلة لهم "السلاااام" وعينيها تيدورو على الفيلا باعجااب طلعاتها معاها للبيت تاعها ودارت عندها فاتي متسائلة 
فاتي:ممكن نعرف لاش باغية توصلي؟
االعودة:لاش غنبغي نوصل مثلا؟؟
فاتي:نسولك انتي؟تنضن مطلبتيش مني نلبس هكا غير هكاااك 
العودة:ايييه ابب حيت عرفتك غتجيني محشرة دكشي لاش تنضن شفتي الحي اللي ساكنين فيه كيف داير 
فاتي:وعلى بالك قنعتيني ابنت العبد !!رآني صاحبتك وعجينة ايدي 
العودة:بغيتي تيقي تيقي مبغيتيش شغلك هداك...عرفتي شنو برااكة من كثرة الهدرة وجلسي نشطو شوية 

العودة:عرفتي شنو برااكة من كثرة الهدرة وجلسي نشطو شوية 
فاتي:باااز لوجهك يختي تكوي وتبخي 
العودة:جلسي جلسي 
جلست فاتي وناضت هي شعلت المزيكا و بدات تتشطح وتغني...واحد اللحظة شافت ف فاتي لقاتها مقابلاها وحاطة ايديها على حنوكها..مشات غيرت الديسك دارت الشرقي وزادت فالموسيقى حتى ولات كاااسرة الدنيا وجراتها تشطح معاها...وحتى هي مكانتش من العاكزيين ههه "دارت تع اللي نوضوها تشطح دارتها بصح" بدات هز يا وز بشويييييش 😂😂😂 محسوش براسهم حتى دخل علييهم أحمد... هز فولار ولواه على راسو زعما "صعيدي" ونزل جلس على ركابيه تيصفق ليييهم و هما خدااامات على وحدة ونص وفينما تسالي الأغنية يعاودوها من مدة وجدييييد حتى حمضوووها يالله كانت شامة غتعاودها وهو يدخل عليييهم قباط الرواح فارع البااب وعينييه خارجيين وحمررييين تقول غ جمرات فبلاصة عينيييه....شافو أحمد وناض مفزوووع حيد الفولار من على راسو أما فاتي ف غرقت وسط داك نص ميترو دالتووب اللي لابسه ... أما ست الحسن والجماال حاطة يديها على جنابها و هازة حاجب وحاطة خووه تتسنى اللحظة اللي غتهجم فييها على العدووو 

بقى تيشوف فيهم ياسر وهو فقمة العصاب على والحالة اللي كانو دايرين...صفق عليهم بعصبية قبل ما يوجه كلامه لأحمد هو الأول ياسر:تبااارك الله على الراجل مخشي وسط العيالات..لا وتتصفق ليهم وعاجبك الحال من الفوق 
العودة:إلى بغيتي تهدر هدر معايا أنا وزايدون شكون عطااك الحق تدخل علينا بهاد الطريقة آسي المحترم 
ياسر:أولا مهدرتش معاك انتي وحسابي معاك هو اللخر
العودة:وأنا تنقولك هدر معايا أنا ماشي معاه هو 
ياسر:داروك عليه محامي مثلا؟؟ 
العودة:امممم مثلا مثلا...من لخر اشنو هاد الموضوع المهم الليييي خلاك جاي هاجم علينا بلا موجب شرع؟ ؟ 

ياسر:قااالبة لينا الدار بواااااط اللا وتتقولي اشمن موضوووع جاي نهدر معااك فيييه 
العودة:اوووووه شفتوني شحال أنا خايبة ومنسواااش؟؟ ساليتي ولا مزااال؟؟حيت إلى ساليتي تقدر تخرج وتسد معاك الباب ومرة أخرى متبقاش تدخل مدرم آسي المحتررم
ياسر:نهار تولي تحتارمي الناس كوني اكييييدة غيبادلووك نفس الاحترام اماااا إلى كنتي غتديري مبغيتي وتفوتي حدوودك مغيعجبك حاال 
العودة:شنو دب نسمي هدشي تهديد 

ياسر:مكنهددش أنا تنفذ...ردي البال لتصرفاتك مرة أخرى منضمنش لك شنو ممكن ندييير راك مساكناااش بوحدك باش تدري ما بغيتي وهاد الدار عمر تطلق فيها الموسيقى مزااال مناقصيناش شيااطيين الجن حتى هما (دقة ومطرقة)
العودة:اوووف جاني الملل والله... يالله سير قبل ليتسيفو علييك شيااطين الإنس وميعجبك حال 
ياسر:قليلة الاداااب 
العودة؛حقيييييير 

ياسر:أنت (موجه كلامه لاحمد) غدا تصبح عندي فالشركة حيت إلى بقيتي مع هادي مزال غنولي واحل معاكم بجوووج 

العودة:اححح عليا وعلى فعايلي 😂😂😂
طلعها ياسر بتخنزييرة دايزها الكلااام...أما فاتي ف غارقة فبلاصتها مكرهتش الأرض تنشق وتبلعها ...خصوصا أنه كان تيرمقها بشوفات قاااصحين...خرج من عندهم مكشكش أعصابه فااايرة...أما هي فالفرحة مطيراها لأنها نجحات تاني وقدرات تعصبووو 
فاتي:يا ختي باااز لك ولقلبك شحااال باااارد 
العودة:كالم ابب مالي حماقيييت نعصب رأسي نو نو غ بالصحة 
فاتي:واش مسمعتيش الهدرة اللي قال ولا الشوفات اللي دار فينا 
العودة:يقوول اللي بغى يقوول ومن بعد 
فاتي:عرفتي شنو عطني شئ خرية نرميها عليا ونمشي ن*** بحالي سري أنا لي دايرة فييك راسي 
العودة:اش غنعطيييك راك لابسة باش جيتي رجعي 
فاتي:وتقوووولي واش نخرج هكااا يختي عطيني جلابتك نخركها مقادة على مشاكل 
العودة:ههههههه والله وخا تلبسي اللحاف را لن يتزوجكي 
فاتي:من بعد هاد الفضيحة هادئ حاجة باينة عمرو يشوف جيهتي 
العودة :اصلا ميليقش لك تستاهلي سيد سيده 
جبدت لها جلابتها وعطاتها لها لبساتها وهبطت معاها ووصلاتها للباب ...سلمت عليها ووصات الشيفور يوصلها للدار ويرجع...

******************

شاكيرا:مفهمتش هاد البنت عندك فين مشاات واش ماعندك كلمة عليها غ قالت لك أنا غادية وقلتي لها مرحبا 
كريمو:رآها بعقلها الله يهدييك 
شاكيرا:اسيدي شحااال من وحدة بعقلها جابت الشوهة لدارهم العالم الله مع من جالسة
كريمو:وصافي براكة من النكير دب تجي 
شاكيرا:ايييه جلس هنا تسناها تتجي وتجيب معاها شئ كرش دالحرام وترجعنا ضحكة وسط عباد الله 
كريمو:والله وديرها حتى نصفيها ل باباها الكلب نوضي اراي دك المشقوف نعيطو لها تجي دب نييييت 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.