ف : مكنبغيكش ابنادم ... واش معندكش النفس ... و عييت منك ... وامبقيتش باغاك ...
ج : (صاعر ) غتبغيني بزز منك
ف : مغنبغيكش ... حيت قلبي معمرو واحد آخر ... عمري نبغيك ... غير كتعذب راسك ... ولا كنتي بصح كتبغيني طلقني .... خليني نعيش حياتي أش ذنبي أنا ... نعيش مغ واحد مباغاهش ...
ج : غتبغيني مع الوت
ف : ههه كتكذب على راسك ... دير نفسك و فرقني عليك ... واش مكتفهمش ا بنادم
ج : بغيتي غير طلاق واخا أ لالة ... هو لي غيكون ... نتي مطلقة ...
ف : شكرا ... يالاه سير الله يعاونك ...
دار فيا واحد الشوفة لي عمرها تنسى ليا ... و خرج ... خلاني غارقة في دموعي ... كنبكي و نقول مابكيت ... مبغيتش نقوليه شفتك ... بغيتو يتعذب كيف لي تعذبت ... بقيت كنبكي حتى سخفت ...
أصبحنا و أصبح الملك لله
فقت ....راسي كيدرني تفكرت اش طرا البارح ... حاولت منبكيش و لكن قلبي طايب ... جات عندي الطبيبة ...
طبيبة : مادام فايزة صباح الخير
ف : صباح النور
طبيبة : كيف كتحسي بيخير
ف :حمد الله
طبيبة : اليوم إن شاء الله ... اتخرجي ...جروح سطحية براو ... و حتى جروح لي فوجهك نقصو و خفافو ... و لكن مزال موعتة من داخل ... يعني رخفي على راسك ... و الراحة تم الراحة ... اوك ؟
ف : إن شاء الله ...
طبيبة : خليت ليك الراحة ...
خرجات و جات الفرملية ... جايبة ليا حوايجي ... عاوناتني نلبس ... و قاتليا الحوايج جابهم جاد و خلص الفاتورة البارح ...
ف : ممكن طلبوا ليا طاكسي
ممرضة : اوك
مشات و تبعتها هازة سويك خفيف فيه تيليفوني ... و بزطام ... خرجت و لقيتو واقف كيسايني قدام الباب ... تفتحوا جروحي من جديد ... درت راسي مشفتوش ... و مشبت ركبت فطاكسي خليتو ... علامات الدهشة على وجهه
سائق : فين نديك أ لالة
اول حاجة فكرت فيها ... عمر ... إلا مشيت لدارنا ... غادي يزيدو يمرضوني ... غادي يعتابروني ... جبت ليهم العيب و العار ... عطيتو لادريس د الفيلا ديالهم ... طوال طريق و انا كنفكر فيه غير هو ... كيفاش عطاتو خاطرو يخوني ... كيفاش ... اهئ حمار ميستاهلش ... و لكن انا لي مني لا فوت غير يقوليا كلمة جوج و كندوب ليه فيديه ... جففت عينيا حيت وصلنا ... دفعت البوابة و دخلت محبسونيش الحراس باينة موسيهم عمر علي ... لقيت ماماه جالسة فالجردة كعادتها ... شافتني رسمات ابتسامة على وجهها لي بدات كتخفاف فاش شافت وجهي و الحالة لي فيه ... مبغاتش تبين ... و وقفات ... سلمت عليها ... و عنقاتني
الأم ؛نهار كبير هادا ابنتي فايزة منين طليتي علينا .... نورتينا
ف : ربي خليك ا خالتي ... هي توحشتوني
الأم : والله حتى توحشناك ا بنتي ... سكينة اتشوفك طير بالفرحة ... ديما كتسولني عليك
ف : هههه فين هي الفوق ؟؟
الأم : اه ا بنتي كاينة الفوق
ف : ههه نمشي نطل عليها
الأم : هههه واخا ... راه حتى عمر كاين غا فبيتو
ف : صافي واخا ...
طلعت بالشوية ... كنحس بالحريق ... و لكن كنحاول نتمشى مقادة ...وصلت لبيت عند سكينة لس غير شافتني ... نقزات و جات عنقاتني ...
ف : طحت ا حبيبة فالدروج ... انا نمشي نطل على عمر و نرجع عندك
س : واخا
مشيت و أنا ناشطة شوية شحال زوينة تشوف شي حد سعيد حيت شافك... مشيت لبيت عمر ... لقيتو مهبط لخوامي و مضلم الدنيا ... ماشي من عوايدو ... كنفيق فيه ... ملابس والو من الفوق ... لحمو زوين ... داير بحال دفتر الوساخ كلو طاطوات اودي اشمن دفتر الوساخ هو وجهو نقا من وجهي انا لي بنت ... كنحرك فيه و والو مشيت عند ودنو
ف : عمرر النعاس ... وا عمر النعاس فيق راني جيت
حل عويناتو بثثاقل ... و وسعهم كأنوا ممتيقش ... جرني عندو ... معنقني
ع : توحشتك ا الشويطينة
ف : حتى أنا توحشتك
ع : بلاتي بلاتي (طلع ريدوات ) مالك ؟؟ شكون دار ليك هاد الحالة ... داك ال*امل ياك ... انقتل دين مو ...
ف : (جلساتو حداها) تكالما ... راحنا انطلقوا غير تهنا
ع :(معرف واش يفرح و لا يكعا ... ) مزيان ...غتهناي منو ... و تشوفي حياتك دابا ...
ف : (كتشوف فيه بعينيها مدمعين )
ع : (عنقها ) هاد العوينات ميستاهلوش هاد الحزن كامل
تعنيقتو هي لي كانت خاصاني ... لتنهمر دموعي ...الواحدة تلو الأخرى .... شلال ... محبسني ماوالو بلعكس ... بقا كيطبطب على ضهري ... حتا بردت ...
ف : (عويناتها حمرين ) واخا نبكي حتال غدا مغنبردش على النار لي شاعلة فيا ...
ع : و حتال إمتى ... غتبقاي فهاد الحالة ؟؟
ف : معرفتش معرفتش ...
ع :اجي معايا ...
ف: فين ؟؟
ع : اجي معايا و صافي ...
جرني من إيدي ... هابطين فالدروج ... مدوا مع حد دخلني للوطو ... ديريكت ... و ديمارا
ف : فين غادين ؟؟
ع : هانتي اتشوفي ...
بقينا ساكتين ... الصمت سيد الموقف ... دامت الرحلة لمدة ربع ساعة تقريبا... وقفنا قدام واحد المستشفى
ع : هبطي
نزلت بلاما نجاوبوا أصلا الجهد معنديش ... تبعتو و أنا ساكتة ... دخلنا كلشي كيسلم عليه ... دخلنا عند وليدات صغار .. جاو كيتجاراو عندو كيعنقو فيه ... كأنهم كيعرفوه مزيان .... و أنا مثل الأطرش في الزفة مفاهمة والو ... أثارت انتباهي واحد البنوتة ... جالسة راسها شادة لعبة ... زوينة بزاف ...داوني رجلي عندها ...
ف : علاش جالسة بوحديتك
البنيتة : حيت حتى واحد مكيبغي يلعب معايا ... و كلهم كيعايروني
ف : (لمساتها البريئة ... كانت سبب في أن دموعي يهبطو بغزارة )
مريم : مالك ا ماما ياكما ضريتك ... سمحيليا
ف : (كتحاول تكالمي نفسها ) لا ا حبيبتي ماشي نتي ... ماشي نتي ... تسنايني انا انرجع عندك ...
مريم : واخا
خرجت لواحد البالكون لي فالغرفة ... و بقيت كنبكي كنبكي ... يمكن دموع يبردو ليا الجوف مع الوقت ... جا عندي عمر ... شميت غير ريحتو عرفتو بلاما ندور
عمر : عرفتي هاد الوليدات علاش هنا ؟
ف : نن
عمر :فيهم سرطان ...
ف : (حالة عينيها ) كلهم ؟؟
عمر : اه كاملين ... كاين لي العلاج ديالة غادي مزيان و كاين لي موتهم مترقب
ف : (مصدومة) و لكن باقين صغار بزاف
ع : المرض مكيعزلش ... شفتيهم كيفاش ضاحكين واخا كيسارعوا الموت ... و نتي لي بصحتك ... عاطياها البكاء و كتحصري ...إمتى غتفيقي و تعرفي بلي غير خاصك تحمدي الله على صحتك و تحافظي عليها ماشي تهلكيها ... كاع عاد الوليدات كيتمناو حياة عادية ...بحال ديال الناس كاملين و لكن للأسف ملقاوهاش ... و لكن نتي محظوظة ... عيشي حياتك ... و استغلي كل لحظة فيها ... حيت مغتعاودش ...
ف : (كلامو كيدور فدماغها ) إن شاء الله
ع : إن شاء الله اخنا انشوفو ... قبيلة كنتي مع مريم
ف : وي حمقاتني ديك البنيتة
ع : واليديها ماتو فحادثة ... و عائلة مها فاش عرفوها مريضة تخلاو عليها ...
ف : ناس بلا قلب و لا ضمير ...
ع : تماما
ف : و هي كيف غادة فالعلاج ديالها
ع : كتستاجب ليه ... و قريب تبرا ...
ف : نقدر نطلبك ؟؟
ع : غير تكمل العلاج ديالها و نصايب ليك اوراق التبني
دخلنا عند وليدات ودعناهم و واعدت مريم غنرجع ليها ... ركبنا فاللوطو و طلبت من عمر ...يديني الفيلا د يال جاد ناخد البيسي ... استغرب لطلبي .... و معارضنيش ... غادة و خاسة بغصة فقلبي ... و لكن هاداك الكومبيوتر مهم بالنسبة ليا ... و بغيت نكمل فيه كتابتي ... طول الطريق و أنا كنفكر...اش غندير من هنا القدام ... انا عندي شهادة د المحاماة ... اندير بيرو ديالي... انطلب عمر يساعدني ...تحمست لفكرة أنني سأصبح مستقلة بذاتي... وقفنا فدام الفيلا ذكريات... تمر بمخيلتي ... تشجعت ... و خرجت طلب مني انه يرافقني ... رفضت ... دخلت من باب اللوراني مبغيتش نتلاقا معاه ... لقيتو محلول لي حسن الحظ ...
داخلة كنتسلت من بعد ما كنت مولات الدار... شافوني الخدامات ...درت ليهم بفمي زعما سكتو ...جاو عندي
خ 1: مالك ا ختي فايزة دخلتي من باب اللوراني ... كن صونيتي نحلوا ليك
خ2 : لا خرج هو و لالة سارة غير دابا ....مشاو ل أ كادير 5 أيام عاد يجيو
ف :(انا نبكي عليه و هو مسافر ) صافي ... هبطي ليا معاك حوايجي ... ماشي كاملين هزي ليا 3 بيجامات ... و كسيوات خفاف ... و مجكياجي
هبطات ليا البيسي ... و فاليز .. سلمت عليهم و خرجت ... مشيت عند عمر لي كايسايني ...
ع : (شاف فيا بحنية ) كلشي مزيان
ف : اه مزيان ... بغيت نطلبك إلا كان ممكن نمشيو نجلسو فالفيرمة بغيت نصفي ذهني شوية ...
ع: اوك يالاه ناخدو داكشي لي خاصنا و نمشيو
ف : اوك
مشينا ل ماركت خدينا ...شيبس شكلاط ... عصير كلشي داكشي لي تشها ليك خاطرك ...و تحركنا ...غنحاول نأسس حياتي من ذا وجديد ... غنعيش من أجل نفسي ... غندير كاع لي بغيت انا ... و منخلي حد يسيرني ... حاولت نصفي ذهني ... ذامت الرحلة ساعتين تقريبا و صلنا نفس المنظر د أخر مرة ... كتعحبني هاد البلاصة ... استقبلنا سي مربوح بحفاوة ... علمو عمر اننا سنمكت لمدة هاد المرة...مشيت ديريكت للجردة ... جلست و حطيت حدايا البيسي... كان مشارجي ... او يكون جاد شعلو ...اممم ولا ديك السفريطة ...كلشي ممكن ...جبدت كتاباتي و بديت كنزيد عليهم ... اعبر بكل أحاسيسي حتى حسيت بصباعي عواجو ...
ساليت كتابتي حسيت براحة داخلية ... كان حالس حدايا عمر لي كان هادئ ... لدرجة ملاحضتش وجودو ... غادي نديرو تسريع فالأحذاث .... هههه ولا غنبقاو جالسين هنا بحال مسلسل د سامحيني 😂😂...
بعد 60 يوما :
مريم : ماما فين غنمشيو
ف : غنمشيو ل سينديباد ندي بنتي تلعب ...فكاع الألعاب لي بغات ...
مريم : (عنقاتها ) كنبغيك ا ماماتي زوينة
ف : كون تشوفي انا
مريم : ايمشي معانا عمو عمر ؟
ف : لا أنمشيو غير أنا و ياك ا حبيبتي ... يالاه سيري تلبسي
مريم : واخا ...
تلفتكم ياك ههه ... اجي نقوليكم أش طرا فهاد الشهرين ... عمر عاوني حتى درت مكتب ديالي ... و تشهرت فوقت قصير ...بسبب خدمتي المتقونة ... شديت قضايا و ربحتهم... خدا ليا عمر سيارة كهدية ... و تقاديت أجر جد مرتفع ... خديت قرض من البانك و خديت أبارطومون فحي راقي ... و مريم تشافات الحمد الله و عاوني عمر حتى تبنيتها ... اما جاد فتزوج بسارة ... و دابا عندو 2 عيالات انا وياها ... تكلمت معاه و رفض يطلقني ... خليتو حتى نشوفو عنادو فين غيوصلنا ... نكذب عليكم إلا قلت ليكم نسيتو ... للأسف مزال فقلبي و عقلي كنحاول ما أمكن نطردو منهم ولكن بلا جدوى ...
هاد فليفلة كتدير ليا النشاط فحياتي ... ركبنا فاللوطو ... مشعلين أغاني و محيحين ... وصلنا ... شادة ليا فإيدي ... كنشوف واحد البريق د السعادة فعينيها ... كيردني إلى الحياة ... دخلنا ... و بقينا نلعبو حتى سخفنا ...
مريم : ماما فيا الجوع
ف : يالاه ا كبيدة نتغداو .... كلينا و حنا ناشطين عندها فضل كبير على حياتي سعداتني بدون متحس ... عي و عمر لي واها نعيا نشكروا مغنوفيهش حقو ... كن مكانش هو ... كن نتاحرت ولا درت فراسي شي حاجة ... كنحمد الله انه جابو فطريقي ...
مريم : ماما هاداك راجل من قبيلة هو كيشوف فيك .... واش كتعرفيه
درت تلفت هو و الله حتى هو ...شحال توحشتو ... كانت معاه ديك المونيكة .... ضعافت بزاف و صفرااااء خلعاتني ... باينة شي ريجيم ... هادا ... هو بقا كيشوف فيا ... حسيت بالحنان مكرهتش نعنقو نقوليه شحال توحشتو ... نقوليه راني كنبغيه ... دورت راسي ...
ف: نو زين ديالي مكنعرفوش .... كملي غداك
م : واخا
كملنا أكلنا ... كنحس بثوثر تلفت ملقيتوش ... حمد الله ... كنحس بدموعي على حافة الانهيار ... استجمعت نفسي ... مخصنيش نضعف ...
م : ماما أنا انمشي لطواليط ....
ف : واخا متعطليش ...
م : واخا
نضت خديت قرعة د الماء ... لمريم و غادة عندها لطواليط ... لقيتو جالس مقفز(جاد) ... و كيضحك معاها ... شحال كيبان زوين .... و ضريف و لد الحرام ماعما تقول راه غدار و مزوج علي ... ضرنس راسي معرت شكيقول ليها ... عيطت ليها من بلاصتي ... مبغيتش نقرب ليه ...
ج : غير كتقولي ... غدا غنجي عندك لدارك .... خاصنا ضروري ندويو ...
ف : اوك ...
ج : (باس مريم ) بسلامة ا مشيشة
م : باي باي عمو
مشا ... و هلاني تالفة عاوتاني ... تفو حتى بدات حياتي تقاد ... عاد تسلط علي هاد الزبل عاوتاتي ... صراحة توحشتو ... اويلي ا فايزة راه مزوج ... بالصح غدار مخاصنيش نسمح ليه ... كملت نهاري أنا و حبيتي غيؤ دوران رجعنا لدار في وقت متأخر ... دخلتها تنعس و مشبت تكيت شادة بيسي ديالي قدامي ... تقريبا قصتي كملات ... حطيت راسي على الوسادة و صورتو مفارقاتش مخيلتي ... استرخيت و خليت النوم يسافر بيا لأرض الأحلام ....
أصبحنا و أصبح الملك لله
فقت كعاداتي ... كنحس براسي عيانة ... مساهلش علي ف شهراين ... ندير هاد الثورة كاملة ...نعيش راسي ... واخا كنت فواحد الوقت كنفضل نموت على نعيش بلابيه ... كيفاش ولات عندي حياتي الخاصة بنيتة و شقة ... طوموبيل ... مسؤولية بدلاتني ... بديت كنحس بنفسي متزنة ... حتى حاجة مبقات تأثر فيا بحال شحال هادي ... حيت ببساطة مبقيتش كنعيش لنفسي فقط ... حيت أي خطوة درتها إلا و راني حاسباها ... نضت لطواليط ... قضيت روتيني اليومي ... و مشيت طليت على مريمة لقيتها كتشخر خههه نعاسة ... فيقتها غير بزز ... خليتها كتلبش و مشيت نوجد ليها الفطور ... لبست حتى أنا حوايجي لي كانوا عمليين اليوم عندي جلسة فالمحكمة .... لبست بدلة أنثوية ... و طلقت شعري جيت كنبان جد أنيقة مكياخ خفيف ... هزيت شانطة ديالي لي فيها كل ما أحتاج و هبطت أنا و مريم وصلتها للمدرسة و مشيت للمكتب ديالي ... طليت على الملف لآخر مرة ... و خرجت توجهت نحو المحكمة ... لابسة زي لي أفتخر به ... حميع الأعين علي كنحس بالقوة ... كنحس براسي المرأة الحديدية ... قدم كل منا محاضرته ... عطينا دلائل لي عندنا و شهود ....
القاضي : حكمت المحكمة بالإفراج عن السيد عماد القاسم ...
عينيا غرغرو ربحت القضية عاوتاني جات زوجة المتهم متعنق فيا و تبوس ... حسيت بالتبوريشة شكراتني جزيل الشكر ... حسيت بالفخر ... خرجت من المحكمة راسي مرفوع ... توجهت لعند عمر لمطعم نتغداو بزوج .... لقيتوني كيتسناني ...
ع : مضرا ؟؟
ف : ههه ربحت القضية بالطبع
ع : (عنقها ) هههه كنت عارفك ... يالاه ا لالة الغداء على حسابي
ف : هههه و راه ديما الغداء على حسابك مكتخلينيش نخلص فاش كنجي هنا ... داكشي علاش اليوم على حسابي انا ...
ع :هههه اوك ا لالة
طلبنا وجبة اليوم لي كانت عبارة عن مزيج من فواكه البحر ... مقدم بطريقة طرو كلاص ...
كملنا غدانا و مشيت جبت بنتي من مدرسة ... و دابا غنمشي لصالون ...
م : ماما واش مغادينش للدار؟
ف : لا حبيبتي أنمشيو لصالون ندورو بحالتنا شوية ...
م : (متحمسة ) بغيت نقطع شعري ...
ف :هههه واخا أ لالة
وصلنا عند كوافور .... درت لي صوان لوجهي ... و مينيكير بيديكير ... و حيدت لي بوانت من شعري ... و مريم قكعت ليها شعرها كاري ... خلصنا و مشينا للمول ... تقدينا داكشي ديال دار و ماكلة و دخلنا فحالاتنا كنحس براسي مخلوعة ... مخاصنيش نضعف ... مخاصنيش نضعف ... هادي هي الفكرة لي كانت كتدور ليا فبالي ... حطيت كاسكروط ... كلينا و دخلت مريم لبستها قتليها منخرجش تخرج تمارينها و تفرج شوية و مشيت لبيتي لبست كسيوة كنيديرة ديال دار سوداء و مع أنا بيضاء منعاودش ليكم ... بدلت العكر درت كلوص لامع ... و لبست سنيديلة د صبع حتى هي سوداء و خلخال فرجلي كنبان *حبة مكلمنة 😂😂 عحبني راسي غروري تزاد و تقتي بنفسي حتى هي مشيت جلست فالصالون كنقاد الحوار لي غنقول فدماغي ... سمعت دقان فالباب نسيت كولشي نضت كنحل و كنحس برجلي بحالا ماشي ديالي... كان لابس بدلة سوداء ديال الخدمة ... كيبان سو هوت ... شفتو حسيت بالسخانة طلعات ليا ... مبغيتش نبين ... استجمعت نفسي ... و دخلت و خليتو قدام الباب ...جلست ... فالصالون ... تبعني جالس مقابل معايا ...
ج : صافا ؟
ف : دوي أنا كنسمعك
الجو جد متوتر ... كنحس بأنفاسنا كيتسمعو
ج : بغيتك ترجعي معايا الفيلا ...
ف : (باستهزاء) هههه ضحكتيني مالي شايطة حتى نرجع معاك
ج : غترجعي بزز منك ... نتي مراتي و عندي الحق فيك
ف :كنت مراتك ...
ج : و باقة مراتي
ف : و لكن مغنبقاش أنا باغة طلاقي كتسمع
ج : كتحلمي واقيلة
ف : مكنتش كنسولك ... و لا كنطلب رأيك ... من نهار تزوجتي حرامت العيشة بيناتنا ...
ج : ماجيتش و تزوجت بيها ...
ف : ههه كانت حاطة سيف على رقبتك ؟
ج : سارة فيها كونصير ... داكشي علاش كانت جالسة معايا ... و ديك النهار تجهد عليها الصداع فراسها مشينا طبيب قاليها ...تقدر تدير واحد العملية غتعطيها ... وقت إضافي مغتعالجش و لكن غتزيدها أشهر فحياتها .. و طلبات مني نكمل معاها أشهرها الأخيرة ...
تصدمت معرفتش واش نشفق عليها ولا نزيد نحقد عليها حيت خرجات لينا على حياتنا ....
ف : سوقك هاداك ... انا بغيت طلاقي انا ماشي ريزيرف ... وقت لي تبغيني تردني .. و الوقت لي تبغيني تسيفطني ... حتى أنا عندي حياتي كتفهم ...
ج : أنا شرحت ليك كلشي ... و واخا قلتي ليا مكتبغينيش بقيتي فبالي صباح و ليل و متبع خطواتك ... و دابا بغيتك ترجعي معايا ... مريم انديرها بحال بنتي ...
ف:مريم ممحتاجاش ليك كتسمع ... كيفما أنا ممحتاجاكش ... خرج من حياتي باراكة لي دوزتي علي ...
ج : هادا اخر كلام عندك ؟
ف : اه
ج : اوك ... خلي فبالك بلي كنبغيك ... و مغنبغي حتى وحدة من غيرك ... أي وقت حتاجيتيني انا رهن الإشارة
ف : (باستهزاء) امممم باينة بحال لي كنتي كتعاوني ... اوك تقدر تمشي فحالك دابا ...
نضت حليت ليه الباب ... و خليتو كيشوف مصدوم مني ...
ناض بشوية و خرج ... دار شاف فيا نظرة ترجي أنني نقول شي حاجة ... انني نطق و لو بحرف واحد غير نحبسو ... و لكن تجري رياح بما لاتشتهي السفن ... سديت الباب و راسي كيدور علي تفكرت جمؤع الأحداق لي كنت كندير كامل جهدي باش نساهم ... طحت ... معقلتش على راسي .... فقت كيضرني راسي كنشوف فالبيوضية ... عرفت راسي فشي كلينيك عاوتاني ... كنشوف فالسقف سيروم معلق فإيدي ... اش هاد الحالة عاوتاني .... كانت الغرفة خاوية ... بقيت كنشوف فالباب ... على الله يدخل شي طبيب ولا شي حد ... سمعت صوت مريم كتضحك تحل الباب كانت جاية هي و جاد شاري ليها شكلاط ... و كيضحكو ....
ج :(عنقها و مزير عليها ... عيات تعاقر معاه و والو ) شوت تكالماي مخاصكش تعصبي شوت ...
ف :بعد مني راه نت لي كتعصبني ... اهئ بعد مني اهئ
ج : (غوت عليها ) هنينا ...
ف : علاش كتغوت علي سير غوت على مراتك سمعتيني ....أما أنا بعد مني ...
ج : نتي هي مراتي ... و دابا تكالماي راك خلعتي البنت ...
شفت فمريم لقيتها مخلوعة ...و كتبكي
ف : اجي عندي اماما اجي
جات عندي و دميعات نازلين ... تكيتها حدايا و عنقتها ...
ف : متبكيش ا حبيبتي ... راه مافيا والو ... غير ماماتك بوحاطية ههه و صافي ...
م : بصح ؟
ف :هههه و على أنا غنكذب عليك ...
م : (كتمسح عويناتها ) هههه صافي و إمتى غنمشيو لدارنا ؟
ف : غير يكمل هادا ( نعتات فالسيروم و نمشيو )
فهاد اللحظة كيصوني طياي د جاد ...
ج : آلو سلام عليكم ا عمي ... لباس الحمد الله اه هاهي اندوزها ليك
خديت عندو طيلي ناري بابا هادا ... (للإشارة عائلة فايزة معارفين والو كانت كتمشب تزورهم مرة مرة و لكن مكتخبرهم بوالو حيت هما أصلا ممسوقينش ليها ... المهم عندهم أنها مزوجة )
ف : كيفاش مرحبا بيهم ... نسيتي راحنا كل واحد ساكن فدار ... نسيتي هاديك السفريطة لي غندك تما و لا شنو ...
ج : منسيت والو سارة غادي تفهم الوضعية و نتي غتجي غدا لدار ...
ف : و مريم ؟؟؟
ج : اتكون فمدرسة ... ياك ؟
ف : وي بصح ...و لكن مخاسش يفوتو 4 كتخرج ...
ج : (فرحان حيت غترجع معاه و مبغاش يبين ) صافي دابا نلقاو الحل ... يالاه دابا نمشيو ...
ف : غير سير انا غنبات فداري حتال غدا و نجي عندك
ج : اش غتخصري لا مشيتي من دابا
ف : انخسر كرامتي و عزة نفسي حيت غادة لدار لي ساكتة فيها ضرتي ...
ج : (مصدوم من جوابها ) اوك انا غنوصلكم ...
ف : شكيت عليك
ج : راني دويت
ف : حتى أنا دويت طاكسي غنشدو راسي ممحتاجاكش تدير فيا الخير
ج : مكندير فيك لا خير لا والو مبغيتكش تعذبي نتي و مريم
ف : (طليت عليها لقيتها نعسات فوق الكرسي ) اوك
سالا سيروم جا طبيب عطاني ورقة الأدوية و خرج ...
خرجنا من الكلينيك ... هو هاز مريم لي كتشخر حطها فاللوطو و ديمارا طريق كاملة مدويناش تفكرت خويا أيمن لي غبر فخطرة ... علم الله اش طرا فيه ... و اش داير فحياتو ... بقيت فكرة تديني و فكرة تجيبني حتى وصلنا ... طلعت أنا الأولى و خليتو هو هاز مريم ... دخلها البيت ... و دخلت أنا لبيتي تكيت ... حتى جات عندي ... لابسة بيجامتها و مبدلة ....
خرجت من البيت ... و تبعاتني مريم .. مشات عندو عنقاتو و جلسو كيضحكوا ... زعما يكون هو محرشها دغيا كلا ليها دماغها ... خليه اليوم ندوز عليك العذاب الأليم ...
ج :(مشا عندها الكوزينة) بلاما تعذبي راسك أنا غنعيط على مطعم يسيفطوا لينا بيتزا ...
ف : اوك انا غنصيب العصير
ج : اوك
خرج من الكوزينة عاد بردات فيا النفس شحال توحشتو و توحشت ريحتو و تعنيقتو و كولشي و لكن مغنسمحش ليه ... مشيت ثلاجة جبدت الحليب وخديت أفوكا و جميع المكسرات لي عندي و عصرتهم ... اليوم تكفت اوليدي يا جاد ... جا ثقيل متعرفو عصير و لا قنبلة نووية ... جات بيتزا ... خرجت و تجمعنا على طبلة ... خويت ليه واحد الكاس فيا 1 لتر 😂😂 كبير ... و أنا شربت غير غصير د بنان أنا و بنتي .... طحت فديك البيتزا عمية كناكل و حاضياه ... غير شربو عينيه وساعو 😂😂 اليوم نعذبك غير بلاتي ... كملنا الأكل و هو حلف لا كمل داك الكاس
ف : كمل عصيرك و لا معجبكش ؟؟
ج : لا عجبني و عجباتني لي مصيباه ...
ف : (ها المفعول بدا يعطي) عي لا كملتيه
معاودش معايا الهضرة ... شربوا فتكركيرة وحدة ... فليبدأ الشر
نوضت مريم لفراشها تحت أنضاره مع هو بيض تزنك ... و نضت انا لبيتي بالزربة دخلت زربت على راسي بدوش خفيف ... دهنت لحمي بواحد كريم خطير .. لبست ملابس داخلية مشبكة سوداء و درت فوقهم بينوار كيبين ... كلقت شعري و خرجت غير شافني نعرف باش تبلا ... كيبان ليا سيد عروقو غيخرجو من وجهو ... مشيت الكوزبنة نغسل كيسان لي شربنا فيهم و هو محيدش عينيه علي فينما ندور كنلقاه حاضيني كملتهم و مشيت طليت على كبيدتي لقيتها ناعسة غطيتها و خرجت ... مشيت عندو لصالة ... ضربت على مولاي السلطان بان ليا واقف و هاز العلام ... خخخ داكشي لي بغيت ...
ف : تقدر تنعس فالبيت لاخر راه محطوط الفراش تما ...
ج : اوك شكرا
ف : العفو
مشيت لبيتي و أنا كنتسناه إمتى أيرجع ماهي إلا دقائق معدودة حتى سمعت د قان ... نيهاهاها 😈😈 نضت حليت و رخيت البينوار ... لقيتو كيشوف فيا نظرات شهوة ...
مشا بالزربة لبيت مريم على مدخل لبيتو و تبعتو بشوية ... سديت عليه الباب من برا بالساروت 😈... و رجعت لبلاصتي.... يالاه دابا سوف أش دير ..
رجعت لبيتي و انا فرحانة براسي ... خبيت شيك ... و تكيت ... هو يبدا يصوني طيلي ... كان هو مجاوبتوش ... جاتني الضحكة ... محبستهاش بل استمتعت بيها ... وصلني ميساج من عندو ...
ج : واخا عليك ا الشويطينة درتيها بيا حتال غدا و نتفاهموا ...
ههه كيصحاب ليه غنخاف منو .... سديت علي الباب بالساروت حتى أنا خوفا من أي تسلل 😂 و تخشيت فبلاصتي ... استرخيت ... و لأول مرة مند زمن نعست و أنا في قمة سعادتي .... ❤❤
أصبحنا و أصبح الملك للله
فقت ناشطة ... طفيت لألارم ... تفكرت أش درت البارح شداتني الضحكة .... مشيت كواليط قضيت روتيني اليومي ... و حليت الباب بشوية ... حيت هاداك السيد شيرير ... ملقيت حد ... خرجت كنشم ريحة الماكلة زوينة ... مشيت لكوزينة لقيتو جالس هو و مريم كيفطروا ... تعجبت للأمر ... كنت منقول غنفيق غنلقاه واقف ليا فوق راسي بي جنوية ...يسفطني نغرز دابا لقيتو مصيب الفكور و كيضحك معايا ... لا لا هادا هدوء ما قبل العاصفة ...
ج : صباح الخير
ف :صباح النور
م :ماماتي عرفتي بابا جاد سيب واحد اومليط بنينة ...
ف : بصحتك ا حبيبتي ...
ج : اجي تفطري باش نمشيو ...
شفت فطبسيل لقيتو حاط ليا فيه ... دخلني الشك زعما يكون دار ليا السم لا لا محالش ... ماشي حتال هاد الدرجة ...قلت بسم الله و بديت ... و الله حتى بنينة حسن من اومليط ديالي ... كليت و شربت قهوتي ... هزيت فراشتي من البيت باش نلبسها فاش يجيو و خرحنا ... صقيل و ضحكة جاد مكطمأنيش ... حطينا مريم فالمدرسة و توجهنا للفيلا ... كنحس بقلبي مقبوط علي ...مكنتش باغة نرجع ليها كتفكرني ف جروح لي مزال طرية ... و لكن للضرورة أحكام ...آخر حاجة لي نبغي دابا هي واليديا يسخطوا علي... مدويناش طوال الطريق ... حتى وصلنا ...
ج : سيري نتي دخلي انا غنمشي الباتيسري نتقدا ...
ف : اوك ...
خرجت من اللوطو هي تبانليا سارة جاية ... المرض باين فيها ... بقيت كنشوف فيها ... حسيت بالشفقة اتجاهها ... كن عمر ماداواش كن راه حتى هو بحالها ... تلاشى الحقد ديالي اتجاهها ... ابتسمت فوجهها شيئ لي خلاها مستغربة و دخلت لفيلا و هي ركبات مع جاد ... مع دخلة تلقاو ليا خدامات بحليب و تمر... حسيت براسي كنت فالحج هههه ... شكرتهم و طلعت لبيتي ... لمتبدل فيه والو ... شي حوايج دياولي لي باقين هنا ... و حوايج ديال أخت سارة ... بيت مجموع ... بانوا ليا أغراضها ... حسيت بالخنقة خرجت منو و توجهت لغرفة ثانية ... مجرد أنني كنتخيلوا كينعس حداها كنحس بقلبي تزير علي ... لبست بيجامتي و هبطت عند البنات لي كانوا خدامين كيطيبوا فأشهى المأكولات ... بقيت حداهم شوية كندوب من كل حاجة حتى حسيت براسي تنفخت ... رجعت لبيت خديت دوش سريع حيدت بيه ريحة د الأكل ... و خرجت لبست فراشتي لي كانت فيها ألوان صيفية جميلة كنبان فيها سو كيوت... و درت مكياج خفيف ديال الدار ... طلقت شعري و لبست بليغة و هبطت لتحت ... شعلت تلفازة و جلست ملاهية معاها على ما جاو ...
سمعت صونيت د الباب ... وقفت نستقبلهم رفقة البنات لي هازين الحليب و تمر ...
ماما :(عنقاتني ) توحشتك ا بنيتي كيدايرة لباس
ف : (بادلاتها العناق ) الحمد الله ا ماما و نتي
ماما :الحمد الله ...
درت عند بابا لي داير بحال محقق ا كيلاحظ ... سلمت عليه و دخلنا للصالون ... و هو يجي جاد الحمد الله عتقني كنت خايفة نجلس معاهم راسي ... هههه راهم واليديا زعما و لكن للأسف مكنحسش بحبهم اتجاهي الشيئ لي خلا علاقتنا علاقة غرباء ... جامعهم سقف واحد ... سلم عليهم جاد بحفاوة و جلس حدايا ... جاو البنات جايبين اتاي و الحلوة ... كان الجو هادئ قبل ما يبدا الأب العزيز في طرح أسئلته ...لي كان كيجاوب عليهم جاد ... لقيت راسي ساهية فيه كنشوف ففمو ... طريقة كلامو ... كيبان جدي فاش كيكون كيهضر اححح عليك ... كنت كنتمنى كن تلاقينا في ظروف احسن ... كن متزوجش علي ... كن على الأقل علمني ... علاقتنا ليست لها مستقبل ... استأذنت منهم بحجة غنمشي الطواليط ... كنت كنحس براسي بحالا كيديروا ليا استجواب ... رشيت الما على وجهي و مشيت طليت على الماكلة و رجعت عندهم ... جات حدايا ماما ... زعما الحديث بين الأم و الابنة ...
ماما : كيدايرة مع راجلك ا بنتي كتهلاي فيه ... ياكما كتقلقيه
ف : و مكيهمكش لا كان هو كيقلقني ؟
ماما : واخا يكون يقلقك هاداك راجلك و خاصك تصبري ليه ...
ف : (باستهزاء ) و هو ميصبرش ليا ؟
ماما : شفتك بدا يتحل ليك اللسان ... حمدي الله عايشة بيخير علة خير ... و هاد الكرش مزال مناوية تعمريها ؟
ف : (فهمات قصدها و لكن بغات تبين سداجتها )يالاه عمرتها بالخلوة و اتاي
ماما : هاد الهبيلة كندوي على الولاد ... راه كتر من 3أشهر و نتوما مزوجين ... و الفام غيبداو يتحلوا
ف : اش هاد العقلية اماما .... راه حياتي هادي ماشي حياة الناس ... انا لي نتحكم فيها ... و مزال مناوية نحمل حتى دوز شي عاماين و لا كثر
ف : يقولوا لي بغاو كلامهم هو أخر حاجة كتهمني ...سمحيليا نمشي نشوف بنات فين وصلوا ...
نضت من حداها و مشيت الكوزينة حيت نقاشنا مغاديش يكمل على خير ... جا وقت الغداء ... حطينا اللحم بالبرقوق موراه بسطيلة د دجاج .... و جميع أنواع الديسير بقيت ناكل حتى تكهمت د المعقول ...شفت كرشي منفوخة و انا نتفكر هضرة د ماما علاش حنا مجتمع لي كتهمنا هضرة د الناس ولو تكون على حساب راحتنا ... علاش مكنسمعوش لأنفسنا قبل منسمعوا ليهم ... قاطع تفكيري جاد ...
ج : فايزة اجي عافاك بغيت ندوي معاك
ف : واخا
تبعتو للبيت المجاور
ف : اش كاين ؟
ج : 3 هادي واليديك مباينش فيهم غيمشيو دابا ... غنمشي نجيب مريم و نخرجوا أنا وياها حتى يمشيو .
ف : ناري اتخليني معاهم بوحدي 😵😵
ج : راه داركم هادوك ا الهبيلة
ف : واخا واخا ... سير و نعيط ليك جيو اوك ...
ج : اوك ...
خرجنا عندهم .... لقيتهم تحولوا للصالة ...
ج : نسابي العزاز سمحوليا خرجات ليا شي خدمة ضروري نمشي ...
الأب : خدمتك هي الاولى اولدي ... شكرا على حسن الضيافة
ج : العفو دار داركم فأي وقت ...
سلم عليهم ... و نضت معاه الباب زعما انا باغة غنفلت من الأسئلة... وصلنا عند الباب ،... خرج و هو يدور شاف فيا واحد النظرة جميلة مفهمتش معناها عينيه فيهم واحد اللمعة لا تقاوم ... رجع بخطوة لعندي بكل انسيابية ... قبلني على خدي و مشا ... سديت الباب موراه بالزربة و تكيت عليه ... قلبي كيفرفر من بلاصتو ... فقدت توازن ... سلام الداخلي ديالي كلو تحطم بسباب قبلة ...
جبروت امرأة الجزء السادس
محتوى القصة
التنقل بين الأجزاء