ريم: (ناعسة على صدرو) حنا تزوجنا قبل من صوفيا ومعمري شربت كينة دمنع الحمل.. وقلت زعما ياكما كاين شي مشكل ومكرهتش نمشيو لعند شي طبيبة
سيف: واخة احبيبة لي بغيتي نديروها.. وحتى الى كانت شي حاجة ماشي مهم... المهم هو انا وياك مزوجين معندي مندير بالولاد
ريم: (باستو فصدرو) الله يخليك ليا.... ناضو يدوشو باش ينزلو يتعشاو..... اما صوفيا فكانت فاقت ملقات حد وهي تلبس حوايجها.. نزلات لتحت ومشات للكراج خدات نفس وهي تركب فالطموبيل... فاللول جاتها صعيبة مي قدرات تتغلب على الخوف ديالها وكسيرات... موقفات حتى لواحد الريسطو خدات طبلة وجابوليها الموني... داكشي لي تشهات طلباتو وبدات كتاكل حتى شبعات وعمرات كرشها.. خلصات وركبات فطموبيل كسيرات فاتجاه البحر... نزلات بقات كتمشا وقررات انها ترجع للخدمة وفنفس الوقت تحاول تنسا رعد لي مهموش الامر ديالها وخلاها غارقة فدماياتها وكاع مسول.... رجعات للدار دخلات لقاتهم كيتعشاو
سيف: اجي تعشاي
صوفيا: غير بالصحة انا تعشيت برا
سيف: شكون وصلك
صوفيا: مشيت بوحدي
ريم: هي صافي تغلبتي على خوفك
صوفيا: وي الحمد الله.. ياله نخليكم دبا بونوي
سيف/ريم: بونوي..... طلعات لبيتها حيدات الحوايج بقات بدوبياس وهزات تيشورت ديال رعد لبساتو ودارت ريحتو... جلسات فوق البيرو ديالها وجبدات المذكرة لي منين تفارقات هي ورعد بدات الكتابة.... بقات كتكتب حتى حسات بالراحة وخوات قلبها عاد ناضت نعسات....... صبح الصباح فاقت توضات وصلات صلاتها لبسات حوايجها..
هبطات فطرات وهي تركب طموبيل وديمارات لشركتها..
#ريم
فاقت كتكسل دخلات للحمام قضات حاجتها وخرجات.. سيف فاق باسها فحنكها ودخل للحمام...... لبسو حوايجهم ونزلو فطرو وهما يشدو الطريق للكلينيك
الطبيبة: (من بعد مافحصاتها) دبا نتي محملاش غنديرو شي فحوصات ونشوفو واش كاين شي مشكل ولا لا
ريم:(بخيبة امل) اوكي.... داروليها شي تحاليل وفحوصات عاد خرجو
سيف: (معنقها بجنب) متقلقيش احبيبة عفاك.. يقدر غير مزال مكتبلينا الله الولاد... انا كنبغيك نتي براكة عليا اش بغيت بشي ولاد
ريم: الله يخليك ليا احياتي... غذاها برا عاد مشاو لخدمتهم وهي عقلها مكاينش معاها.. كتفكر غير فالتحاليل
دازت يومين واليوم مشاو يشوفو التحاليل
الطبيبة: (من بعد ماقرات الوراق) معندي منخبي عليكم.. نتي عندك مشاكل ومغتقدريش تولدي
ريم: (بصدمة) كيفاش
سيف؛ (شدليها يديها) شش... مكاينش شي علاج
الطبيبة: كااين بطبيعة الحال مي خاصكم تصبرو حيت غياخد الوقت شوية
سيف: اوكي فوقاش نبداو
الطبيبة: دبا غادي نكتبليها شي دوايات وتاخذهم بانتظام ومن هنا 3شهور ترجع لعندي
سيف: اوكي... خذا من عندها الورقة.. ووقف شد فريم وجرها.. هي غادا ومصدومة دخلها للطموبيل ومشا لفرمسيان كان حدا الكلينيك شرا الدوا ورجع
سيف: (شاف فيها وتنهد) حبببتي
ريم: (غير هضر بدات كتبكي) هئ هئ
سيف: (عنقها) ششش علاش دبا البكا.. هادشي كيوقع وشحال من وحدة تعالجات وولدات
ريم: مغاديش طلقني ياك
سيف: واش انا تزوجتك على قبل الولاد... كون كان هكا كون تزوجت اي وحدة تولدلي وصافي.... مي انا تزوجتك حيت كنبغيك ويلا مكانوش ولادي منك ماعندي مندير بيهم.... عنقاتو وحشات وجهها فعنقو وهو كيدوز يديه على ظهرها حتى حس بيها ارتاحت
سيف: (باسها ففمها) كنبغيك
ريم:(عجبها الحال) كنموت فيك
سيف: هكاك نبغيك احبيبة ديما تكوني فرحانة اوكي
ريم: اوكي.... ديمارا سيف وهو شاد يديها ماوقف حتى وصلو للبحر... نزلو وشدليها فيديها بقاو غاديين كيهدرو ويضحكو.. فرح فاش شافها فرحانة... صيفط ميساج وهو يرجع تيليفونو للجيب وهزها
ريم: (لوات رجليها عليه) شنو احبيبة
سيف: شفتك عيانة وقلت نهزك
ريم: ميرسي😍😍😍..... داها للطموبيل ركبو وديمارا.. فين غاديين
سيف: هانتي شوية وغاتعرفي.... بعد مدة وصلو لواحد الاوطيل كبير
ريم: اش جينا نديرو هنا
سيف: نااري شحال فيك دالاسئلة.. نزلي وغادي تعرفي.... نزلو وشدها من يديها دخلو تعرضولو لي خدامين تما
سيف: (بجدية) واجد داكشي
مسؤول: وي كلشي هو هداك بامكانكم تفضلو
سيف: شكرا... جرها من يديها ومشاو.. بقاو غاديين حتى خرجو للجردة اللورانية ديال الاوطيل.. كانت طبلة مجهزة فيها الماكلة والشمع.. ومع كان الظلام.. كان داكشي رومانسي غير شافت داكشي بدات كتبكي
سيف: (وقف قدامها وحط يديه على وجهها) مبغيتش دموعك مرة اخرى... انا كنبغيك الخايبة ونتي مراتي حبيبتي.. بغيت نقوليك بلي هاد المرحلة دالعلاج غادي نكونو فيها بجوج ونساندو بعضياتنا.. وغتلقايني ديما حداك وبجنبك وفاش ضعفي انا غادي نقويك
ريم: (عنقاتو) كنبغييك والله يخليك ليا.... جلسو كيتعشاو وطول العشاء كيلوحليها كلمات غزل خلاها دايبة ونسات كلشي... كملو وطلعو للجناح ديالهم كملو رومانسيتهوم.. الجناح لي كان مزين بحال الى عرسان جداد... ريم تأكدات بلي مغاديش يتخلا عليها وهادشي خلاها تحس بالراحة وتحمد الله
#صوفيا
رجعات للدار ملقات حتى واحد.. حطاتليها الخدامة العشا كلات وطلعات لبيتها دوشات وخرجات لبسات دوبياس ومن فوقها قميجة ديال رعد... بقات كدور فبيتها وحاسة بالملل تفكرات رعد وبدات كتبكي.. حتى نعسات فوق الفوتوي..... صبح الصباح فاقت وظهرها كضرها... مشات تسرحات فوق الناموسية وشادها شي وجع.. بقات كدور يديها على كرشها حتى حسات بالراحة.... ناضت توضات وصلات صلاتها... لبسات بيجامة ونزلات لتحت لقاتهم كيحطو الفطور بدات كتفطر بشوية عليها حتى شبعات جات تنوض وهو يتحل الباب ودخلات ريم وسيف
صوفيا: اش كتخربقي نتوما مزال صغار وماشي مكاينش امل ان شاء الله دبا تحملي غير تبعي داكشي لي قالتلك الطبيبة اوكي
ريم: (تنهدت) والديك مغيعجبهومش الحال
صوفيا: فخبارك ماما جلسات 4سنين عاد ولدات سيف.. حتى هي كان عندها مشاكل وهاهي ولدات.. ومنظنش ماما ولا بابا غيقولو شي حاجة... ونزيدك هادشي كيخصك نتي وسيف وحتى واحد ماسوقو اوكي
ريم: شكرا اختي على كلشي
دازت 4شهور وصوفيا دخلات فشهرها التاسع.. حبسات الخدمة وجلسات فالدار وكل ليلة كتقول رعد غادي يجي حتى فقدات الامل..... اما ريم راها متبعا ادويتها ومامات صوفيا داتها عند طبيب حسن.. وواقفة معاها وهادشي لي خلا ريم تكون مرتاحة...... صوفيا فاش كيجيها الوحم وكتشها شي حاجة فالليل كيديها خوها ولا باباها.. دايرين النوبة... اليوم فايقة والوجع شادها حسات بيها ريم لي كانت ناعسة حداها
ريم: ختي مالك
صوفيا: شادني شي وجع.. هئ هئ مقداش نتحرك.... ناضت ريم فيقات سيف لي كان ناعس فالفوتوي حيت منين دخلات لشهرها رجعو كينعسو حداها
ريم: سيف فيق عاون صوفيا تجلس راه شادها شي وجع
سيف: واخة... ناض وجلس صوفيا وريم جلسات موراها كديرليها مساج لظهرها وبالاخص لتحت اما سيف شادليها يدها وجالس على ركابيه
سيف: حياتي كيبقيتي دبا
صوفيا: (مزيرة يدها على الفراش) سافا متخافش... سكتات شوية.... سيف هئ هئ صافي مقداش نصبر غنموت ايي
صوفيا: اف اف.. ااااااااا..... بقات كتعصر وتبكي وسيف حداها كيمسحليها دموعها وكيشجعها وخا تخلع عليها فاش شافها رجعات حمرة والروح كتبغي تخرجليها..... ريم لي كانت واقفة بعيد شوية كتبكي وتصورها حتى خرجات البنت وغيبات صوفيا عاد حبسات التصوير
سيف: (تخلع) مالها شنو وقعليها
الطبيبة: متخافش راه غير مع العيا... تقدرو تفضلو على مانحولوها لبيتها... ريم عطات للفرملية صاك فيه حوايج البنت وصوفيا عاد خرجات
ماما: ولدي كيبقات بنتي
سيف: حمد الله متخافيش.. راه ولدات وشوية غادي ندخلو عندها
ماما: (ارتاحت) الحمد الله.. جلسو كيتسناو حتى جات عندهم الفرملية دخلاتهم عندها كانت ناعسة
بابا: (باس راسها) تعدبات ياك
سيف: بزاف ابابا.. زعما باز ليكم العيالات والله...... بقاو كيهدرو حتى فاقت صوفيا
ريم: حبيبة كيبقيتي
صوفيا: (بصوت خافت) حمد الله
ماما: مبروك ابنتي
صوفيا: الله يبارك فيكم.. فين بنتي
سيف: هانا غادي نقوليهم يجيبوهاليك... خرج ورجع مع الفرملية هازة البنت ملبسينها الغوز... تعاونات ريم مع ماماها حتى جلسوها وخدات بنتها... غير هزاتها بدات تبكي... كلشي بقات فيه
صوفيا: اوكي شكرا.... كلات حتى شبعات وهي تنعس... مشا كلشي وبقا سيف معاها.. مي قبل ماتمشي ريم هزات تيليفونها ليكانت حاطاه فواحد الجنب كيصور....... دازت يومين واليوم خرجات من الكلينيك لقاتهم بدلوليها فراش بيتها ودارولها ناموسية ديال بنتها.... مشا خوها هز عقد الزواج لي كان عندها ومشا قاد الوراق ديال بنتها........ وصل السبوع دارليها باباها سبوع مطرطق فرحان باول حفيدة.... طلعات صوفيا هازة بنتها وعلامات الحزن واضحة على وجهها.... حطات بنتها فوق الناموسية وحيدات قفطانها وتلاحت فوق ناموسيتها كتبكي
صوفيا: علاش ارعد علاش هئ هئ... كان كيسحابلي بلي كتبغيني كيف كنبغيك هئ هئ... مي صافي حتى انا غنساك كيف درتي... من اليوم غادي نعيش على قبل بنتي وصافي
دازت #عامين صوفيا رجعات من اشهر المصممات فالمغرب وحتى خارج المغرب.. كتصمم للمحجبات والغير محجبات... عايشة على ذكريات رعد مي لي مصبرها بنتها عشق لي كبرات تبارك الله... وكل ويكاند كتسافر هي وياها لشي مدينة.... اما ريم مزال متبعة الدوا ديالها وداها سيف لامريكا وقالولها بلي قريب غادي تعالج وغير تكمل على الدوا لي متبعة.....
صوفيا: اديك الخايبة فين مخبية
عشق: (جات من موراها) ما..ما..ما..ما..ما
صوفيا: (هزاتها) وينو على الزوينة ديالي.. شداتها شبعاتها بوسان عاد جلسات فوق الناموسية وهي لابسة شورط قصير مع اكس وشعرها لي طوال ووصل لخصرها... زادت غلاضت شوية ومعالم الانوثة واضحة عليها... صدرها كبر وياله فطمات بنتها... مؤخرتها حتى هي برزات.. الكرش مكايناش
صوفيا: (كتحيدليها الحوايج) بغيتي نعومو
عشق: (كتلعب برجليها) با...با...با...با..با..
صوفيا: (تنهدت) حتى انا توحشتو بزاف... هزاتها ودخلو يدوشو.... صوفيا فاش كانت بنتها مزال صغيرة.. كانت كتفرشليها قاميجة ديال رعد وكتنعسها عليها باش تعرف ريحتو.. وديما كتوريها تصارورو.... خرجو من الدوش لبساتها بالزربة ونشفاتليها شعرها بالسيشوار.. عاد لبسات هي حوايجها هزات بنتها لي كانت كتفوه ونزلات لتحت... مشات للكوزينة وجدات بالزربة ماكلة ديال بنتها
صوفيا: عطيهالي
الخدامة: (مداتليها عشق) هاكي اختي
صوفيا: بنوتي الخايبة فيها النعاس... اجي ناكلو ونمشيو نعسو...... جلساتها فحضنها وبدات كتوكلها حتى كملات طبسيلها مسحاتليها فمها وطلعاتها... ماهي الا دقائق حتى عشق نعسات... حطاتها فبلاصتها وغطاتها عاد نزلات هي لقاتهم كيحطو العشا ووالديها مجمعين مع سيف وريم... مشات انضامت ليهم
ماما: نعسات الخايبة
صوفيا: (بابتسامة) اه
سيف: (عنقها بجنب) شكون يقول هاد البرهوشة غادي تولي ام
صوفيا: (ضرباتو ليدو) وكيجيتك منصلاحش نكون ام
سيف: (باسها فحنكها) يخليلي الفنون ديالي.. احسن ام فالعالم هي نتي.... بقاو يهضرو ويضحكو حتى تعشاو وطلع كل واحد لبيتو........ فاقت صوفيا على بكا بنتها
صوفيا: (هزاتها وقاستليها راسها) عاوتاني جاتك السخانة.... عطاتها الدوا لي مولفة كتعطيهلها.. وبقات كتراري بيها حتى نعسات..... هاد المرة نعساتها حداها... وكل مرة تقيس حرارتها واش نزلات.... فاقت مع الفجر ناضت صلات وهي ترجع قلبات عشق لقاتها سخونة بزاف.. تخلعات عليها.. بدات كديرليها كمادات ووالو... شرقات الشمس وهي غير كتبدل ليها فالكمادات... ودموعها على طرف عينيها
صوفيا: (كتحرك فيها) عشق.. حبيبتي فيقي... عشق متخلعينيش هئ هئ... مشات لعند خوها كتجري بدات كدق الباب.. ناض حل الباب
سيف: صوفيا مالك
صوفيا: خويا عفاك اجي معايا.. معرفتش عشق مالها
سيف: متخلعيش ياله زيدي.... رجعو للبيت حاول سيف يفيقها مي والو... لبسي حوايجك وياله نديوها للطبيب
صوفيا: (بخوف) واخة.... لبسات حوايجها بالزربة ولبسات بنتها وهي كتبكي.... هزاتها ونزلات لقات سيف كيتسناها ركبات اللور ومعنقة بنتها كتشوف فيها..... بعد دقائق وصلو للكلينيك..... دخلو عند الطبيب وبقاو كيتسناوه وهو كيفحص فيها
صوفيا: عفاك ادكتور مال بنتي
الطبيب: شوية غتفيق متخلعيش مي بغيت نعرف شحال من مرة كتجيها السخانة فالشهر
صوفيا: هاد الشهر هدا جاتها بزاف دالمرات.. تقريبا 2مرات فالسيمانة
الطبيب: (بصرامة) السخانة راه ماشي مرض عادي.. حنا كنتجاهلوها مي راه تقدر تكون خطيرة
صوفيا: ان شاء الله.... بقاو جالسين كيتسناو حتى كمل الطبيب التحاليل لي باغي.. عاد خديت عشق ومشينا... حتى دوز يومين عاد غيخرجو التحاليل.... رجعنا للدار وانا هازة بنتي وكنشوف فهاد الملاك لي عطاني الله توقعليها شي حاجة نموت.. منقدرش نعيش بلا بيها
صوفيا: (فخاطرها) يارب حميلي بنتي وحفظها.. براكة عليا غير فقدان باباها....... وصلو للدار طلعات لبيتها نيشان مقدات تهضر مع حد... وسيف هو لي شرحليهم اش كاين..... صوفيا كانت فبيتها وجالسة حاضية بنتها حتى بدات كتحل عويناتها
ماما: متخافيش احبيبتي الدراري الصغار راه عادي يمرضو.. ان شاء الله مغيكون عندها والو... كون تشوفي نتي وسيف شحال من مرة مرضتو وهانتوما دبا صحة سلام الحمد الله
صوفيا: (تنهدت) ان شاء الله اماما.... جلسات وهزات عشق وكلاتها...... هكا دازت يومين وصوفيا غير فالدار حدا بنتها.... اليوم فاقت لبسات حوايجها
ولبسات بنتها عاد نزلات
ريم: نمشي معاكم
سيف: اوكي ياله...... ركبو ب3 فالطموبيل وبعد مدة وصلو للكلينيك.... دخلو عند الطبيب لقاوه كيقرا التحاليل
صوفيا: (بخوف) امضرا شنو خرج فالتحاليل
الطبيب: احم غادي نصيفطكم عند واحد الدكتور لي مختص فهاد الحالات هو يشرحليكوم مزيان.. المهم هاهي لكارط فزيط ديالو
سيف: وعلاش نتا نيت متشرحش لينا
الطبيب: هو اخصائي غادي يشرحليكم حسن مني... راني هضرت معاه وشديتلكوم موعد من هنا نص ساعة...... خدا سيف الكارط من عندو وناضت ريم هزات عشق وسيف جر صوفيا لي كانت كترعد وخايفة
سيف: شش متبكيش اختي عفاك.. يكون خير ان شاء الله ياله زيدي نمشيو عندو
بعد دقائق وصلو للكلينيك فين كاين داك الطبيب... دخلو لعندو كان شاب فالثلاتينات وسيم... فاش سمع الباب تحل هز راسو وهو يشوف ملاك داخل وعينيها حومر... نسا راسو وبقا كيشوف فيها
سيف: احم عفاك حنا جينا على...
الطبيب: (قاطعو) وي عارف تفضلو جلسو
صوفيا: (بنفاذ صبر) تقدر تقولي بالزربة شنو عند بنتي
الطبيب: (تصدم حيت شاف ريم لي هازة البنت مسحابلوش غتكون بنتها هي) احم نتا هو باباها
سيف: لا خالها تقدر دبا تشرحلينا الوضع ديال البنت
الطبيب: اوكي... على حساب الوراق لي بين يدي لقيت بلي بنتك عندها نقص فواحد المادة فنخاع العظم... ولي من اعراضها الجانبية هي السخانة المتكررة...
صوفيا: (بخوف) مفهمتش عفاك زيد شرحلي وواش كاين علاج
الطبيب: بعبارة اخرى بنتك عندها لوكيميا.. وبطبيعة الحال كاين علاج.. بالاخص انه مزال في البداية.. دبا خاصنا نديرولك نتي وراجلك التحاليل وحتى الاقارب بحال الخال او العم ويلا كان تطابق تقدرو تبرعوليها.... وخاصنا نبداو من دبا باش متزيدش حالتها تسوء
صوفيا: (حابسة البكية) صافي واخة الى ممكن نديرو التحاليل دبا
الطبيب: وخا زيدو معايا..... دخلات لواحد الغرفة وبقاو معاها كثر من ساعة.. تبعاتها ريم ومن موراها سيف
الطبيب: التحاليل غادي ياخدو شوية دالوقت.. من هنا 3ايام عاد غادي يخرجو وبامكان راجلك يجي بالعشية يدير التحاليل
صوفيا: اوكي ميرسي.... هزات بنتها لي كانت ناعسة وخرجات... تبعها سيف ومرتو ومشاو للدار.... فاش عرفو والديها اصرو يمشيو يديرو التحاليل... داهم سيف فالعشية دارو التحاليل....... دازت ديك 3ايام طويلة عند صوفيا واخيرا وصل النهار... مشاو هاد المرة كاملين كانت ريم لي هازة عشق حيت صوفيا كانت مخلوعة وخايفة دخلو كاملين عند الطبيب..... الطبيب كان ياله وصلوه التحاليل قراهم كاملين
الطبيب: (تنهد) مزال راجلك مدار التحاليل
صوفيا: (معصبة) قولي واش شي واحد مطابق ولا لا
الطبيب: للاسف لا داكشي علاش سولتك على راجلك حيت يقدر يكونو مطابقين.... غير كمل هضرتو وهي طيح صوفيا للارض سخفات
ماما: اويلي بنتييي
سيف: صوفيا فيقي... صوفياا
الطبيب: بلاتي نهزوها..... هزها سيف وداها لغرفة.. دخل عندها الطبيب فحصها
الطبيب: متخافوش راه غير الضغط نزليها
سيف: اوكي دبا شنو المعمول فوضع البنت.. مكايناش شي طريقة
الطبيب: مع الاسف لا.. مي دبا غادي نشدوها هنا حيت حالتها غادي تسوء.. وكنعاود نقولها غالبا الاب ديالها غادي يقدر يتبرع ليها
سيف: باباها مكاينش هنا وحنا معارفينش فين كاين باش نهضرو معاه
سيف: (تنهد) واخة.... عند صوفيا لي فاقت غير تفكرات هضرة الطبيب بدات كتبكي... تحل الباب
تحل الباب وهو يدخل الطبيب
الطبيب: (بابتسامة) لا البكا مبغيناهش
صوفيا: هى هئ عفاك نقدلي بنتي هي لي عندي.. الى وقعاتليها شي حاجة
الطبيب: (قاطعها) اوكي غادي نديرو جهدنا غير تهدني.. مي كان من الافضل انه يكون راجلك حيت غالبا مادام نتي ماشي مطابقة مع بنتك دونك هو غيكون قادر يتبرعليها
صوفيا: حتى انا تمنيت يكون بجنبي هئ هئ... هو قوي عليا كان غادي يصبرني وغايدير المستحيل باش بنتنا تشافا.. مي هو مكاينش ومعارفش حتى واش عندو بنت هئ هئ
الطبيب: صافي امدام تهدني ورتاحي... بنتك غادي تبقا هنا فالكلينيك حيت تقدر تسوء حالتها وهنا حسن من الدار
صوفيا: (بحزن) واخة.. شكرا ادكتور
الطبيب: انا سميتي علي
صوفيا: وانا صوفيا
علي: متشرفين... ياله نخليك ترتاحي دبا............ دازت 2سيمانات وصوفيا مبقاتش دايها فالخدمة... جالسة غير فالكلينيك وحتى من بنتها مكيخليوهاش دخل عندها بزاف.... عشق حاطينها فبيت معزول ونقي حيت رجعات عرضة للمرض من اي جرثومة... وفاش كتبغي صوفيا تشوفها كيلبسوها اللباس الطبي مع الكمامة عاد تقدر دخل.... عشق حالتها كتسوء يوم بعد يوم.. وصوفيا كتنهار يوم بعد يوم حتى هي... كتشوف ففلذة كبدها كضيع منها وهي مقادرة دير والو...
علي: (مدليها كاس دالقهوة) سافا دبا
صوفيا: الحمد الله.. جلس حداها فالكرسي لي مقابل غرفة بنتها
علي: اعتابريني صديقك وخوي قلبك باش ترتاحي... حيت لحد الان مفهمتش كيفاش راجلك معارفش بلي عندو بنت
صوفيا: الى مشات بنتي غير بلا مايرجع حيت نقدر نقتلو
علي: متقوليش هكا حنا دايرين جهدنا كامل باش ننقدو بنتك وحتى الى بغيتي نهضرو مع اطباء كبار ومختصين فهاد المجال.. نهدر معاهم
صوفيا: ويي عفاك
علي: اوكي غادي نهدر معاهم ونشوف فوقاش مساليين باش
يجيو
صوفيا: اوكي شكرا بزاف
علي: مابيناتناش....... داز شهر الاطباء كانو مشغولين وعاد غيجيو... اما لي زاد كفس الوضع على صوفيا هي ان شركتها مشاتليها
#فلاش_باك
كانت جالسة فالكلينيك كيف العادة حتى جا واحد من المصممين لعندها
محسن: مدام خاصك تسنيلي هاد الوراق باش نصيفطو السلعة
صوفيا: اوكي... خدات الستيلو من عندو وبدات كتوقع.. وفوسط الوراق كانو تحويل الملكية لمحسن... والشركة لي تعبات عليها باش طلعها ورجعاتها من اشهر الشركات والماركات... مشات مابين يديها فلحظة.... فاش عرفات زادت انهارت..... صوفيا هاد الاونة الاخيرة اصبحت جثة كتمشا.. تمنات يكون حداها رعد الصدر لي تحتمي بيه... ولي يعطيها القوة.. مي الامنيات كيبقاو امنيات للاسف
#الحاضر
علي: صوفيا سافا
صوفيا: حمد الله على كلشي
علي: بغيت نقوليك راه دوك الاطباء غدا عندهم مؤتمر هنا.. واليوم راهم جايين اش بانليك نمشيو نتعرضوليهم
صوفيا: (بفرحة) واخييرا جاو.. اوكي ياله نمشيو..... ركبات معاه وانطالقو للمطار... علي كان كيسوك ومرة مرة كيشوف فيها... كيشوف ملاك حداه كدوز اصعب ايام حياتها مي مزال محافظة على جمالها... يمكن بغاها بلا مايحس وباغي يدير جهدو كامل باش ينقد بنتها ويفرحها..... وصلو وماهي الا
لحظات حتى تلقاو ب3 دالاطباء.. 2رجال وامراة
علي: (بالانجليزية) مرحبا بيكم
جاك: شكرا على استقبالكم
علي: نو عادي كنعرفكم صوفيا ام الطفلة لي هضرتليكم عليها
جاسمين: سمحيلينا مقدرناش نجيو قبل
صوفيا: المهم جيتو وهادشي فرحني
جاسمين: نتمنا نقدرو نقدو بنتك
صوفيا: ان شاء الله..... ركبو وهما ينطالقو فاتجاه الاوطيل لي غيجلسو فيه..... ماهي الا دقائق حتى وصلو... دخلو معاهم وكانو الاطباء ديجا حاجزين بيوت.... بقاو معاهم شوية وهما يخرجو.... كانت صوفيا خارجة حتى لمحات شي حد داخل.. بقات مصدومة نفس المشية.. نفس الحركات.. مي نظراتو تبدلو.. زادو قصاحو.. وعضلاتو تزادو رجع اضخم من قبل... تصدمات ومقدراتش تزيد خطوة... مي لي زاد صدمها البنت لي معاه وغاديين دخلو للاوطيل وداز من جنبها... مي موقفش مهدرش معاها عاد تفكرات بلي هي دايرة الحجاب داكشي علاش يمكن معرفهاش
علي: صوفيا ماالك.... رجعات صوفيا دخلات للاوطيل قلبات عليه بعينيها مبانليهاش وهي تمشي لريسيبسيو
صوفيا: عفاك واش كاين رعد العلمي
المسؤولة: وي راه حاجز جناح وعاد دخل... شكون نقولو
صوفيا: من فوقاش وهو هنا
المسؤولة: هادي يومين
صوفيا: شكرا..... خرجات وعلي لي كان واقف حداها مي مفاهم والو... كانت غطيح كون مشدهاش
علي: صوفيا خلعتيني عليك
صوفيا: جا اعلي جا... رعد هنا وانا كنتعدب... مي هو مع بنت اخرى صافي نساني هئ هئ
صوفيا: ممم تسنا نفكر....... لقيتها غدا غادي نمشي لواحد المؤتمر ومن بعد دايرين حفلة وطلب مني علي نغني تما شي اغنية... اش بانليك نغنيلكم ونتا ديك الساعات تخبرها
سيف: صافي مشااات
صوفيا: اوكي.... مشا سيف وهي بقات جالسة كتشوف فبنتها ودموعها نازلين....... وصل الليل رجعات للدار ودخلات للدوش.. واقفة من تحت الرشاشة وكتنهد... صورتو مبغاتش تحيد من عينيها.... كملات تدواش ولبسات حوايجها وهي تنعس........ صبح الصباح مشات طلات على بنتها عاد رجعات توجد راسها على حساب المؤتمر.... وصلات العشية وهاهيا غادة مع خوها وريم للاوطيل... لقاو علي كيتسناهم تسالمو ودخلو.. حضرو لداك المؤتمر حيت دوك الاطباء عرضو على صوفيا حتى هي........ كملو ونتاقلو للقاعة لي بجنبها ولي كانت فيها الحفلة وبامكان حتى الناس لي جالسين فالاوطيل يحضروليها..... مع الدخلة شافتو ارتابكات وقلبها بدا كيضرب... كان جالس فواحد الطبلة وحداه بنت لابسة نص ميترو....
صوفيا: انا شوية ونجي عندكم
سيف: اوكي.... دخل سيف وريم.. لمحات خوها جالس مشات كتجري عندو.. لي هاد الاخير غير شافها وقف وهي تلاح عليه عنقاتو وبدات كتبكي
سيف: وحتى انا ماقلت ليك والو... هاكي هاد الوراق قرايهم.... خداتهم كتقرا وهو يتطلق لحن happier-ed sheeran وبدات صوفيا فالغناء
ريم: هئ هئ واش بالصح هادشي... دبا انا حاملة
سيف: اه احبيبتي قريب غادي تجيبي لينا شي فنيكيش
ريم: ممتيقاش هئ هئ واخيرا حلمي تحقق
سيف: الحمد لله.... جرها لعندو عنقها... وبداو كيرقصو..... عند رعد لي غير سمع الصوت بدا قلبو كيضرب حاول يشوف شكون كيغني مي كانت بعيدة مبانتلوش فوجهها.... شاف غير وحدة محجبة وصافي....... كملات الاغنية ومسحات دموعها.... خدات نفس ومشات تبارك لريم... لي كانت حدا خوها
ريم: خويا انا حاملة
رعد: (فرح) مبروووك عليك.. هي غادي نرجع خال.... تمسحات ديك الابتسامة فاش شاف صوفيا قربات لعندهوم... بقا كيطلع فيها ويهبط
صوفيا: (جبدات ريم عندها وعنقاتها) مبروك عليك
ريم: الله يبارك فيك... العقبة ليك حتى نتي باش تكمل فرحتنا
علي: (جا من مور صوفيا وحط يديه على ظهرها) قريييب ان شاء الله غنفرحو كاملين
صوفيا: (بابتسامة) ان شاء الله.... رعد لي كان مزير على يديه وهو كيشوف فيد هداك لي حاطها على ظهر صوفيا... ومستغرب فنفس الوقت من لباسها ومتيقش بلي راها محجبة
علي: غادي نسرقليكم صوفيا هاد الليلة
سيف: هههه خودو راحتكم.... مشا علي وصوفيا عند الاطباء جلسو معاهم فالطبلة
ريم: عفاك نجلسو مع رعد
سيف: (مابغاش يقلقها) اوكي.... جلسو ورعد مفيكسي عينيه على صوفيا لي كانت كتهضر ومرة مرة كتهز عينيها فيه وتعاود تنزلهم...
جاس: غذا الصباح غادي نجيو نشوفو حالة بنتك
صوفيا: ميرسي بوكو... ياله نخليكم دبا وامسية سعيدة
علي: صافي غتمشي
صوفيا: وي خاصني نمشي نطل على بنتي راه من الصباح مشفتها.. حتى الغذا ونتلقاو
علي: اوكي ان شاء الله.... ناضت صوفيا ورعد متبع حركاتها حتى شافها جاية جهتهم
صوفيا: (حدرات عند خوها) حبيبي انا غادا دبا اوكي
سيف: (وقف وبعدها عليهم) فين غادية تسناي نمشيو كاملين
صوفيا: نو غير بقا مع مراتك... اليوم خاصكم تفرحو وهي توحشات خوها خليها معاه... انا غادي نمشي عند عشق شوية وعاد نجي للدار
سيف: (تنهد) اوكي حبيبتي.. حضي راسك
صوفيا: اوكي.... مشات صوفيا غير خرجات من الاوطيل طاحت دمعة من عينيها... مكرهاتش دير داكشي لي دارت ريم... غير شافتو مشات عنقاتو.... عياااات وبغات شي حد فجنبها لي يقويها.... شدات طاكسي ومشات طلات على بنتها بقات شي ساعة عاد رجعات للدار
صبح الصباح مشات للكلينيك من بعد شي ساعة جاو الاطباء ودخلو يكشفو على بنتها... دارو شي فحوصات ووقفو عليهم باش يخرجو.... وصلات العشية وصوفيا مكلات والو.. كتسنا النتائج ومخلوعة.... خرجو قراوهم الاطباء وجاو عندها
جاك: مدام صوفيا.. للاسف بنتك ماعندها حتى حل من غير التبرع... وضروري الاقارب لي يتبرعوليها
صوفيا: (فرحات) اوكي..... شاف فيها لقاها مبتاسمة... ناضت وتبعها من اللور ركبات طموبيلتها وركب حداها وهو مستغرب انها قدرات تسوك... ديمارات وهي منتابها مع الطريق... اما رعد بقا غير كيشوف فيها... تبدلات بزاف زادت كبرات وزيانت وغلاضت شوية.... محسش بالطريق حتى وقفات وهو يدور راسو بالزربة... خرجو من الطموبيل وهو غير تابعها حتى وصلات للغرفة... شاف من الزاج لقا ملاك ناعس
صوفيا: ندخلو عندها
رعد: اه.... مشات عند الفرملية جات عطاتهم اللباس لبسوه ودخلو عندها... رعد غير قرب ليها بدا قلبو كيضرب.. كانت كتشبهلو وتأكد بلي عندو بنت.. اصلا هو تيق الهضرة لي قالت ليه صوفيا مي مبغاش يدخلها لراسو... مبغاش يأنبو ضميرو حيت خلا بنتو.... مي دبا كيعاتب نفسو... سمع صوت شهقات دار وهو يلقا صوفيا كتبكي... دور وجهو وناض بغا يخرج حتى حس بشي حد معنقو من اللور... نزل راسو وهو يلقا يديداتها
الفرملية: تبعني.... دخلاتو لواحد الغرفة ومشات كتجري تعيط للطبيب... رعد بقا كيدوز يديه على وجهها وكيتنهد... شوية دخل علي وباينة فيه الخلعة.. غير شافو رعد وهو يخنزر
علي: مالها شنو وقعليها
رعد: راه خدمتك هادي... علي خنزر فيه ومشا كيقلبها ويقيسليها الضغط... ورعد محاملوش كيفاش كيتلمس فيها... دارليها السيروم وبقا واقف كيتسناها تفيق
رعد: مالها
علي: مكلاتش هاد النهار داكشي علاش سخفات
رعد: اوكي بامكانك تمشي
علي: نو كنتسناها تفيق.... رعد تعصب مي حاول يتمالك نفسو... بعد لحظات فاقت صوفيا
صوفيا: اوكيي.... خرج علي وجا رعد جلس حداها... غادي تبرع لبنتنا ياك
رعد: وانا شكون قالي هادي بنتي انا
صوفيا: والله حتى بنتك.. وهانتا غادير التحاليل وتأكد
رعد: ممم نتبرعليها بشرط
صوفيا: شناهو
رعد: (دوز صبعو على وجهها) ندوزو ليلة انا وياك
صوفيا: (بصدمة) كيفاش
رعد: نديرو ليلة رومانسية وتبرعيني
صوفيا: واش عارف راسك اش كتقول
رعد: متلعبيش فيها الشريفة العفيفة.... الى بغيتي تنقدي بنتك هدا هو شرطي ياله نخليك الله يعاون........ خرج وخلا صوفيا غارقة فدموعها.... بقات هكاك كتبكي حتى نعسات...... صبح الصباح فاقت ذبلانة... دخلات للطواليط غسلات وجهها و خرجات غادا فاتجاه بيت بنتها.. وكرهات رعد على الهدرة لي قاليها... مي دغيا تناسات فاش شافت الاطباء مجمعين على بنتها..... بقات كتسنا ومخلوعة حتى خرج علي
صوفيا: (بخوف) مال بنتي
علي: ماعندي منخبع عليك.. بنتك اصلا استحملات بزاف ومغتزيدش تقدر تحمل الى زادت شوية نقدرو نفقدوها... خاصها ضروري العملية
صوفيا: صبري ساعة دوز بالزربة واصلا راه مزال راجلك يعني ماشي حرام هادشي لي غاديري.... وصلات للريسيبسيو هضرات معاها وقاتليها بلي كيتسناها الفوق... طلعات لعندو وقلبها كيضرب بالجهد خايفة وحزينة ومنكسرة.... وصلات وهي تلقا الباب محلول دخلات
رعد: سدي الباب من موراك... سرطات ريقها وسداتو وهي دخل لقاتو ملوي غير فوطة على نصو وكيمسح شعرو بالفوطة
قربات صوفيا وهي خايفة منو.... وصلات لعندو مد يديه حيدليها الصاك ولاحو... جرها من خصرها ولاحظ بلي كترعد مابين يديه.. مهتمش للامر..... حيدليها الفولار ومد يديه حيدليها الباندة وهو يتطلق شعرها.... لي طوال ولونو كحل كيلمع.... بقا كيشوف فيه باعجاب... حشا وجهو فعنقها كيشم ريحتها لي متبدلاتش... وكيشم فشعرها بقا كيوزع قبلات حتى وصل لفمها... وبدا كيبوس وهي سادة فمها وجامدة حتى عضها عاد حلات فمها..... بقا مدة وهو كيبوس عاد بدا كيحيدليها فالحوايج... مقدراتش تصبر وبدات كتبكي... خلاها كيفما تولدات وهي كتحاول تغطي راسها.... لاحها فوق الناموسية وهو كيشوف باعجاب وشهوة.... غاب عن الوعي وتلاح عليها مهتمش لبكاءها ولا صراخها لي ملا البيت.... كان عنيف معاها بزاف ومداهاش فيها وفحجم الالم لي كتحس بيه.... ماوقف حتى سخفاتلو بين يديه.. ناض دخل دوش وخرج لبس حوايجو وهو كيشوف فيها... مشا جلس فوق الفوتوي وبقا كيتسناها تفيق.... بعد مدة حلات عينيها دورات عينيها منتابهاتش ليه راه جالس كيشوف فيها... سحابليها راسها بوحدها فالبيت.. بدات كتبكي بقهرة وظلم
صوفيا: هئ هئ ياربي اش درت انا فحياتي باش نتعاقب هكا هئ هئ... ياربي ديني عندك باش نتهنا من هاد العذاب هئ هئ...... ناضت وشعرها طايح على وجهها بدات كتلبس حوايجها وكتبكي وكتحس بالالم.... جمعات شعرها ودارت فولار غير دارت وهي تشوفو جالس كيشوف فيها... تخلعات وهي تقفز... حدرات راسها وهزات صاكها... قربات لعندو
صوفيا: نتمنى تمشي للطبيب باش دير الفحوصات... خرجات قبل ماتسمع جوابو ركبات طموبيلتها... مشات نيشان للدار طلعات لبيتها وطاحت فالارض كتبكي بالجهد... ريم كانت دايزة وهي تسمع البكا دخلات بالزربة... شافت صوفيا بديك الحالة وهي تخلع... جات بالزربة لعندها
ريم: صوفيا مالك اختي
صوفيا: هئ هئ رعد قتلني للمرة الثانية اريم... خوك كيقتلني هئ هئ.... مكفاهش العذاب لي عشت من شحال هادي جا باش يكملو دبا هئ هئ..... كنكرهو... (كتغوت) رععععععد كنكرهك كنكرهك هئ هئ
ريم: (كتبكي) هئ هئ صافي اختي براكة والله حتى ناخذليك حقك غير صبري وغتشوفي...... نوضاتها وهي كتبكي جلساتها فوق الناموسية
ريم: (خنزرات فخوها ودارت) الله يعاونك اخويا علي ويسهل عليك
علي: درت غير خدمتي... ريم ابتاسمات فوجهو وشدات صوفيا من يديها... جراتها وخرجو.. رعد واقف كيشوف فيهم حتى دازو من حداهم... واكرام بقات كتخنزر فصوفيا.... مشات طلات على بنتها وريم بقات حداها.. جا رعد حتى هو
ريم: اش جاي دير هنا
رعد: جاي نشوف بنتي
ريم: عاد فقتي وعلاش جايب معاك هادي
اكرام: مالكي اختي معايا.. اش درتليك
ريم: محاملاكش ومبغاش نشوف كمارتك فهمتيها
اكرام: ا...
رعد: (قاطعها) سيري رجعي... اكرام خنزرات فيهوم وهي تمشي اما صوفيا كانت واقفة كتشوف فبنتها من الزاج ومداتهاش فيهم... حتى حسات بشي حد وقف حداها عرفاتو غير من ريحتو
رعد: انا قلت لي عندي ياله شنو غديري دبا..... دارت صوفيا يديها على وجهها وبقات كتبكي
صوفيا: (شافت فيه وعينيها حومر) اوكي غير تكون عشق بخير هادشي لي باغة انا
رعد: الهدرة تبقا بيناتنا ولا نساي العملية... ناض وخلاها كتبكي.. سكتات وناضت مشات للحمام غسلات وجهها وحاولات تتهدن عاد مشات عند ريم
ريم: شنو بغا
صوفيا: والو هضرنا غير على العملية وقالك بغا بنتو تبقا معاه شوية فاش تبرا.. عادي راه باباها
ريم: وي بالصح... المهم ان شاء الله غدا دوز العملية بخير هادشي لي بغينا
صوفيا: ان شاء الله.... بقاو شوية وهوما يرجعو للدار........ وصل الغذ بالزربة مشات صوفيا هي اللولة للكلينيك.. دخلات عند بنتها كتبوس فيها وتعنقها حتى وصلات وقيتة دالعملية.. خرجات وخلاتهم كيوجدو بنتها للعملية... لقات والديها وخوها وريم كيتسناوها... مشات عنقات باباها وتحشات فيه
بابا: (كيدوز يديه على ظهرها) مال اميرتي
صوفيا: خايفة ابابا
بابا: كلشي غيدوز مزيان ابنتي غير دعي الله وربي مغاديش يخيبك
صوفيا: ان شاء الله... بعد لحظات خرجو بنتها بقات تابعاهم حتى دخلو لغرفة العمليات.... جلسو كيتسناو وصوفيا هازة مصحف كتقرا ودعي فنفسها مع بنتها تنجحليها العملية وترجع صحة سلام.. حسات بشي واحد وقف عليها وهي تهز راسها
اكرام: الى وقعات شي حاجة لحبيبي رعد متلومي غير راسك فهمتي
صوفيا: ههههههه خرجتي لماماك الجيعانة..... تحل الباب ودخلات عائلتها شافوهم وفرحو... باسو عشق لي كانت كضحكهم وتفوج عليهم فالدار..... بقاو مجمعين انساحبات ريم بهدوء... قلبات على بيت خوها حتى لقاتو وهي دخل لقات هاديك جالسة حداه
ريم: كيبقيتي
رعد: حمد لله.. كيدايرة عشق
ريم: الحمد لله راها فاقت دبا
رعد: مزيان
ريم: ياله نخليك دبا... خرجات قبل مايجاوب ورجعات عندهم
وصل الليل ومشاو عائلتها رجعو.. بقات غير هي متكية حدا بنتها فالناموسية... بقات كتشوف فيها وهي ناعسة ومحشية فحضنها حتى نعسات..... عند رعد لي كان متكي بوحدو فالبيت... ناض بشوية عليه خرج لقا واحد الفرملية سولها ووراتو البيت... حل الباب غير بشوية.. دخل لقا صوفيا ناعسة وعشق محشية فيها.. نزلات دمعة من عينيه مسحها بالزربة.. قرب عندهم حدر وهو يبوس صوفيا فحنكها وبقا حاط شفايفو على حنكها ومغمض عينيه... شوية حس بشي يديدات تحطو على وجهو هز راسو بالزربة.. لقا عشق فاقت وكتشوف فيه
صوفيا: واخة احبيبة دبا يجي ان شاء الله.. ياله نعسي
عشق: (مدات يديها) بابا... دارت صوفيا من موراها وهي تلقا رعد وعينيه كيبريو بالدموع
رعد: احم جيت نشوف عشق
صوفيا: واخة... ناضت وجلسات فالفوتوي وهو جلس فوق الناموسية.. شد عشق عنقها وحتى هي تحشات فيه.. حشا وجهو فعنقها نفس الريحة ديال صوفيا.. باسها وبقا كيدوز يديه على شعرها حتى نعسات... هز راسو لقا صوفيا نعسات فالفوتوي.. حط بنتو وغطاها وهو يقرب من صوفيا لقا واحد الدمعة على خذها.. مسحها وهزها رجعها لبلاصتها.. غطاها وطبع قبلة صغيرة ففمها وهو يخرج...... دازت سيمانة خرجات عشق من الكلينيك اما رعد كان خرج قبل منها....
#عند_رعد_فاش_خرج_من_الكلينيك_ومشا_نيشان_للفيلا
دخل لقا داكشي كيف خلاه كيف باقي... طلع لبيتو وهو يشوف الدم يابس على الزربية... تعاود الفيلم قدام عينيه.. بحال الى كيعاود يعيش نفس الحاجة... زير على يديه وهو معصب لاقصى درجة..... عيط على شركة تصيفطلو لي ينظف الدار وهو يمشي للاوطيل
#الحاضر
وصلات صوفيا هي وبنتها للدار والحزن باين على وجهها حيت عارفة رعد غادي يديها.... طلعو للبيت دخلات هي وبنتها دوشو بجوج وعشق عاجبها الما ومبغاتش تخرج منو وحتى صوفيا خلاتها على خاطرها ولعبات معاها حتى عيات عاد خرجو لبسو بيجامات بحال بحال ونزلو لقات ماماها وجدات الماكلة ديال عشق... وكلاتها وحطاتها فالارض كتلعب وهي تكات على رجلين ماماها
صوفيا: واخة... وصلات العشية وتوادعات مع عائلتها خرجات وهي تلقا رعد كيتسناها... شافها وجا هز الباليزات حطهوم فالطموبيل وهي ركبات اللور مع بنتها لي كانت ناعسة ومجايبة للدنيا خبار...... ديمارا رعد غادي وكيشوف فيها من المرايا... بعد دقائق لقات راسها فالفيلا لي كانو فيها شحال هادي... نزلات دمعة من عينيها مسحاتها بالزربة وهي تحني راسها.. رعد شافها وهو ينزل.. جاو لي كارد هزو الباليزات ودخلوهم.. ورعد غادي وتابعاه صوفيا من اللور.. غير دخلو وهي تجي اكرام لابسة شوميز دونوي... عنقات رعد وباستو ففمو.. شافت فصوفيا ودارت عند رعد
رعد: تبعيني... تبعاتو صوفيا وهو طالع وصلو لواحد البيت دخلو كانت مصبوغة بالغوز
رعد: هادي بيت ديال عشق وبامكانك تنعسي فيها حتى نتي
صوفيا: اوكي ميرسي
رعد: ياله حطيها وبدلي حوايجك ونزلي وجدي العشا... خرج بالزربة وسد الباب... حاولات تقوي راسها حطات بنتها وبدلات لبسات بيجامة مستورة مع فولار وهي تنزل..... دخلات للكوزينة وبدات كطيب العشا.. كملات وبدات كتحط فالطبلة شوية شافتهم نازلين... رعد لابس غير سروال فالكري وهاز عشق لي كضحك وحداه اكرام لابسة ديباردور وشورط قصير.... جلسو فوق الطبلة.. صوفيا كانت راجعة للكوزينة
عشق: ماما
رعد: رجعي... رجعات ومدليها البنت.. جلسي وكليها.... خداتها بدات كتوكلها وضحك معاها.. شوية ناضت اكرام جلسات فوق رجلين رعد وبدات كتحلون عليه وكتشوف فصوفيا بنص عين.... بقاو هكاك وصوفيا حانية راسها وكتلف الوقت مع بنتها... شوية قاست عشق كاس دالما وخواتو على راسها وترشات حتى صوفيا
صوفيا: (كتغوت) اش هادشي درتي الباسلة
عشق: هئ هئ هئ
رعد: (ضرب يديه فوق الطبلة حتى قفزات صوفيا) علاش غوتي عليها... اخر مرة تغوتي ولا غادي نتصرف معاك تصرف اخر.. خداها من عندها وطلع وطلعات اكرام كضحك.. مسحات دموعها لي نزلو... جمعات ديك الطبلة وغسلات الماعن وهي طلع للبيت حلات الباب لقات رعد هاز عشق كيراري بيها.. وهي تنتابه للوشم لي داير كان مكتوب *The Devil* (الشيطان)...
دار رعد شاف فيها ولقاها من جهة كرشها فازكة
رعد: دخلي بدلي حوايجك مافيا لي تمرضي ونحصل فيك
صوفيا: واخة... دازت من حداه وهو كيشوف فيها بنص عين.. هزات من باليزتها بيجامة وملابس داخلية خبعاتهم فوسط الحوايج.. وهي دخل للحمام لي فالبيت دوشات بالخف ولبسات حوايجها نشفات شعرها غير بالفوطة عاد دارت فولارها.. خدات كريم ديالها دارتو عاد خرجات لقاتو جالس فوق الفوتوي وعشق ناعسة بين يديه
صوفيا: (بهمس) راه نعسات عطيهالي نحطها بلاصتها
رعد: واخة... خداتها من عندو ومشات حطاتها فناموسيتها غطاتها وباستليها يديها.. دارت ولقاتو كيشوف فيها
صوفيا: تصبح على خير... خرج بدون مايجاوبها... غير خرج ناضت صلات ودعات الله.. حيدات الفولار وطلقات شعرها وناضت جبدات شورط حيدات البيجامة ولبسات غير شورط وبقات بديباردور... نعسات فوق الفوتوي حيت مكايناش شي ناموسية... تغطات وبقات كدعي الله حتى نعسات....... رعد كان واقف حدا الباب حتى شاف الضو تطفا وبقا جالس كيتسنا شوية عاد دخل... لقاها ناعسة فوق الفوتوي وباينة عليه معدبة.. شعرها طايح مد يدو وبدا كيدوزها على وجهها... حيد الغطا وشافها اش لابسة... قرب حتى وجهو ولا قريب من وجهها.. بقا مدة وهو كيتنفس الهوا ديالها..
رعد: مزال صورتك ونتي بين يدين هداك فعيني.. علاش درتي هادشي فينا.. علاااش.. تنهد وطبع قبلة على فمها وناض مشا لبيتو نعس.... صبح الصباح فاقت صوفيا وظهرها ضارها.. دخلات للحمام توضات وخرجات لبسات حوايج الصلاة... صلات وهزات بنتها لي كانت فايقة دخلاتها غسلاتليها وجهها... بدلاتليها ليكوش وحتى من حويجات.. شدات شعرها دارتليها كرينات
صوفيا: (هازة المعلقة وكتلعب بيها) عم عم... عشق حالة فمها وكضحك بقات صوفيا كتقربهاليها وتبعدها حتى شداتليها عشق يديها وجبداتها حتى تحشات المعلقة ففمها... بقات صوفيا كضحك حتى تسدوليها عينيها
عشق: بابا... دارت صوفيا بالزربة لقاتو واقف ومبتاسم غير شافها وهو يعقد غوباشتو
رعد: نعام احبيبة باباها... جا جلس فالكرسي لي حداهم وكيشوف بنص عين فصوفيا لي حادرة راسها... ياله كولي ابابا باش نخرجو.... بدات صوفيا كتوكلها وهو حاضيها حتى كملاتليها... خداها رعد من عندها وناض
رعد: انا خارج وجدي الفطور لاكرام وطلعي فيقيها
صوفيا: (حابسة البكية) واخة.... خرج رعد مع بنتو وهي ناضت وجدات الفطور وطلعات بقات كتقلب عليها فالبيوت ملقاتهاش بقاتليها غير ديال رعد.. خدات نفس وحلات الباب... لقاتها ناعسة فوق الناموسية قربات ليها وهي تلقاها عريانة ودوبياس طايحين فالارض مقدراتش تصبر وخرجات بالزربة.. وقفات حدا الباب وسادة فمها وكتبكي.... نزلات لتحت غسلات وجهها وبقات جالسة كتفكر.. كيقوليها راسها ترجع لدارها وترفع دعوة طلاق منو وتاخذ بنتها.. مي خافت متنجحش وبنتها تعيش بعيدة عليها... دخل رعد شاف فيها لقا عينيها حومر
رعد: فين اكرام
صوفيا: (بصوت مبحوح) راها ناعسة
رعد: مفيقتيهاش
صوفيا: لا... قربليها وهز يديه حتى السما وهو يصرفقها
رعد: سيري من قدامي.. مبغيتش نشوفك.... طلعات كتجري دخلات للبيت سدات عليها وجلسات كتبكي... بقات هكاك حتى نعسات مافاقت غير على سطل دالما بارد بالخلعة غوتات.. لقات قدامها اكرام كضحك ورعد جا كيجري فاش سمع الغوات... لقا اكرام هازة سطل خاوي وكضحك.. وصوفيا فازكة وكترعد شافت فيه ودموعها نازلين.. بحال الى كطلبو ياخذليها حقها... دور وجهو شاف فاكرام
رعد: اجي احبيبتي نخرجو.. ونتي جمعي هاد الحالة...... خرجو وبقات صوفيا مصدومة وحتى الدموع مبقاوش بغاو ينزلو..... ناضت للدوش دوشات بالما دافي وخرجات لبسات بيجامة دافية.. جففات وملقات مدير للفوتوي حيت فزك خلاتو هكاك... وفرشات الصلاية بدات كتصلي ودعي الله كملات وخرجات للبالكون... بقات جالسة كتفكر دازت ساعات وظلام الحال عاد نزلات وجدات كاسكروط كلاتو ورجعات للبيت... سمعات صوت الطموبيل طلات وبانوليها نازلين وعشق هازها رعد..... دخلات للطواليط بالزربة وسدات عليها سمعات شي حد دخل... بقات الداخل حتى سمعات الباب تسد وهي تخرج... لقات بنتها ناعسة تنهدات وبقات كتفكر فين غتنعس حيت الفوتوي مزال فازك... هزات ديك الملاية باش كتغطا فرشاتها فالارض تكات وتغطات بالبينوار ديالها.......... وصل منتصف الليل دخل رعد للبيت وهو يلقاها ناعسة فالارض ومكمشة... حدر لمستواها وبقا كيشوف فيها وهي كترعد.. تكا حداها وحشاها فحضنو قاستو بيديها وهو يقفز حيت كانو باردين..... شدهوم بجوج بدا كيسخن فيهم وهي ناعسة فوسط صدرو..... بقا هكاك حتى نعس... صبح الصباح فاق رعد لقا راسو نعس تما وهو ينوض بالزربة... شاف فيها لقا حنكها زرق ولطراس ديال يديه باينة.......... هكا دازت 2سيمانات وصوفيا كتعرض لاهانات حتى لهاد النهار كان غير رعد وصوفيا وعشق فالدار حيت اكرام سافرات... دوشات لبنتها خرجات لبساتليها حوايجها ونعساتها... حطاتها بلاصتها ودخلات دوشات ولوات عليها الفوطة.. خرجات وهي تضرب فرعد... رجعات بالزربة للطواليط مي قبل ماتسد الباب تعرضليه رعد ودفعو وهو يجبدها لعندها
صوفيا: (بخوف) طلق مني
رعد: (كيشوف فيها بشهوة) ششش.... حدر لعندها وبدا كيبوس فيها وهي كدفعو بيديها ووالو... هزها رعد بين يديه وداها لبيتو ولاحها فوق الناموسية
صوفيا: متقيسنيش عفاك... ناضت مي رجعها لبلاصتها
رعد: (بهمس) متوحشتينيش.. انا بعدا توحشتك
صوفيا: هئ هئ انا كنكرهك سمعتيني كنكرهك
رعد: (صرفقها) انا غادي نوريك الكره كيداير... اغتاصبها للمرة الثانية وهاد المرة واخة سخفات مهتمش كأنو كيعاتبها.. بقا هكاك حتى عيا وهو ينوض اما هي كيتسمع غير صوت الانين ديالها........ تحل باب الغرفة وهو يغطي راسو بالزربة بالغطا
رعد: اش كديري هنا
ريم: (مصدومة) نتا لي اش كدير واش تسطيتي.. اش دارتليك غير قولي... قلت غادي تكون اعتاذرتي منها وتسامحتو مي كنت غالطة
رعد: هي لي خاصها تعتاذر هي لي خانتني ماشي انا
ريم: (كضرب فيه) غادي تندم على هادشي لي درتي فالبنت... مشات كتفيق فصوفيا لي غير شافتها بدات كتبكي
صوفيا: هئ هئ ريم
ريم: شش صافي اختي متبكيش نوضي معايا... دارت لعندو.. خرج منشوفكش هنا... هز حوايجو وهو يخرج.. عاوناتها ريم حتى ناضت ولبساتها حوايجها وهي تجرها معاها
صوفيا: فين غادا بيا
ريم: انمشيو من هنا
صوفيا: ريم منقدرش نخلي بنتي
ريم: غير تبراي ونجيبلك بنتك هذا وعد مني ياله زيدي.... هبطاتها تحت انظار رعد لي كان باين الندم فعينيه... ركباتها فالطموبيل وهي ديماري نيشان للاوطيل... خدات غرفة وطلعو بجوج داتها نيشان للدوش دوشاتليها ولواتها غير فالبينوار ديال الحمام.. غطاتها وخرجات مشات شراتليها حوايج ورجعات عطاتها لبسات بيجامة... وبقات معاها حتى تعشات
الحب الصامت الجزء السابع
محتوى القصة
التنقل بين الأجزاء