الحب الصامت الجزء الثامن

من تأليف سلوى شتيوي
2018

محتوى القصة

رواية الحب الصامت

صوفيا رجعات لدارها وحتى واحد معارف شنو واقع.. اما ريم هاد الصباح لبسات حوايجها ومشات عند خوها
رعد: اش بغيتي
ريم: علاش رجعتي هكا.. مالك تبدلتي
رعد: نتي واقفة مع وحدة خانت خوك وبغاني نعنقك
ريم: هي مخانتكش فهمتي مخانتكش... عطيني عشق
رعد: بنتي معندها فين تمشي
ريم: متفقصنيش.. شكون تعدب عليها وشاف الويل باش تولد هاد البنت... ماشي صوفيا... وشكون ضرب صوفيا وخلاها غارقة فدماياتها كون ماشي خوها كون ماتت هي وبنتها... ماشي نتا... وبسباب الضرب لي عطيتها الجنين مبقاش شاد بلاصتو وكان خاصها تنعس شهرين على ظهرها... عرفتي شنو هي شهرين.. سير جرب تنعس على ظهرك يومين ومتحركش وشوف واش غتقدر.... يعني صوفيا هي لي من حقها البنت سمعتي الشيطان
رعد: خرجي من داري
ريم: كطردني واخة عقل على هادشي مزياان.. وتفكر هضرتي بلي غادي تندم....... دازت سيمانة وصوفيا غير كتبكي على بنتها حتى لهاد النهار لي غادي تزيد تتأزم
صوفيا: باباتي مالك
بابا: كح كح متخافيش ابنتي.. غير عيان شوية ومكرهتش نشوف عشق عيطي لرعد يجيبهالي
صوفيا: هئ هئ بابا حتى تبرا ونمشيو تشوفها
بابا: انا حاسس بلي تقادا عمري.. غير عيطيلو يجيبها
صوفيا: لا متقولش هكا ابابا عفاك هئ هئ غادي نموت الى خليتيني
بابا: شش متبكيش احبيبتي ولا غادي نتقلق منك.. نتي عندك بنتك ومحتاجاك وهادي سنة الحياة
سيف: (جر ريم وخرجها معاه) عيطي لخوك يجيب عشق
ريم: هئ هئ واش عمي غيموت
سيف: راك سمعتي دكتور علي اش قال هو معندو والو.. ويلا كيحس هكا دونك يمكن غادي يموت
ريم: هئ هئ واخة انا نعيطلو دبا... دخل سيف من بعد مامسح دموعو وخلا ريم كتعيط
ريم: افف مكيجاوبش... صيفطات ميساج وتمنات يقراه وهي دخل عندهم.. كتشوف فصوفيا لي معنقا باباها ومسكتاتش من البكا.. ومن جهة لاخرة مامات سيف لي شادة يديه ودموعها نازلين.. وسيف لي جالس وحاني راسو.. وحداه علي كيهدر معاه....... عند رعد لي كان جالس مع بنتو حتى وصلو الميساج وهو يقراه وقف بالزربة هز بنتو وخرج ركب طموبيلتو بعد دقائق كان وصل للفيلا..... حلاتلو الخدامة وطلع... دخل لقاهم هكاك ومشات عينو نيشان لصوفيا لي معنقا باباها وحاشية وجهها فعنقو
بابا: (بصوت خافت) عشق... هزات صوفيا راسها بالزربة وشافتو... اما هو تقدم بخطوات بطيئة وحط حداه عشق.. بدا كيبوس فيه باباها وهو يشوف فرعد
بابا: قرب لعندي.. حدر عندو رعد... بنتي وحفيدتي امانة عندك اولدي... اعتابرتك نتا وختك ولادي ووخا وقع داك المشكل بيناتكم معمري حقدت عليك.. حيت معمرك ماتعديتي على بنتي كنشكرك اولدي... ودبا بغيتك تسامحها وترجعو كيف كنتو باش نكون مرتاح... تافقنا
رعد: ميكون غير خاطرك اعمي
بابا: الله يرضي عليك اولدي... اشهد ان لا اله الا الله واشهد ان محمدا رسول الله

صوفيا: (كتحرك باباها) بابا هئ هئ.. بابا عفاك فييق متخلينيش عفاك هئ هئ.. باباااا..... كتشوف كلشي كيبكي وهي تنوض مشات عند علي... علي بابا مماتش اجي شوفو عفاك... علاش خرجتيه من الكلينيك
علي: (شدها) صوفيا تهدني.. ودعيلو بالرحمة
صوفيا: هئ هئ لاا باباااااا.. مشات كتجري عنقاتو وبدات كتبكي... جا سيف كيحاول ينوضها ووالو.. ناض رعد عاونو حتى جروها
صوفيا: (شافت فرعد) كنكرهك هئ هئ كنكرهكككك... بقات كتغوت وضربو وتنتف فراسها حتى دكليها علي ابرة عاد تهدنات... هزها سيف داها لبيتها وسد عليها وخرج.. اما رعد بقا ساكت وبقات فيه صوفيا..... بقاو الليل كامل جالسين حداه حتى صبح الصباح... جات العائلة كاملة وبدات مراسم الدفن.... صلاو عليه ومشاو دفنوه... رجعو الرجال وجلسو فالصالون وسيف باين عليه الحزن غير علي لي واقف معاه ومصبرو..... صوفيا ياله فاقت غير تفكرات اش وقع بدات كتبكي شوية ناضت للحمام بقات كتشوف فالمراية
صوفيا: كلشي ضاع.. بابا مشا وبنتي حتى هي.. والرجل لي كنبغي قتلني.... علاش غنبقا عايشة هئ هئ علاش..... ضربات يديها مع المراية وبقا كتشوف شوية هزات طرف ديال الزاج وضربات يديها.... بقات كتشوف فيديها كتنزف حتى غيبات
علي: انا غنمشي نطل على صوفيا واش فاقت
سيف: واخة.. رعد بقا كيخنزر فيه حيت كان عوال يطلع عندها هو..... طلع علي دخل مبانتلوش وهو يمشي جهة الحمام... تصدم فاش شاف الحمام لي كان بيض رجع حمر.... قطع بالزربة قاميجتو لواها على يديها
علي: اش درتي الحمقة اش درتي... هزها بالزربة ونزل غير شافوها وهما ينوضو
سيف: (مصدوم) اش هادشي
علي: ختك نتاحرات... رعد كان واقف غير سمع داكشي وهو يجلس... انا غادي نديها للكلينيك قبل مانفقدوها
سيف: زيد نمشيو
ماما: الله على بنتي الله هئ هئ... شدوها العيالات كيهدنوها... اما سيف وعلي وريم ركبو طموبيل... ريم معنقا صوفيا وكتبكي... ورعد تابعهوم من اللور بطموبيلتو ودموعو نازلين... وصلو ودخلها علي نيشان للعمليات.. شوية جات ماماها هي وخالتها
سيف: علاش جيتي اماما
ماما: راه بنتي هادي.. الله ياربي مزال مبردت من جهة المرحوم وزادتني حتى بنتي
خالتي: تهدني اختي ان شاء الله تكون بخير... ريم كانت كنشوف فرعد بحقد شوية مشات عندو
رعد: (بحزن) شنو
ريم: (شداتو من يدو وجراتو) زيد معايا.... مشا معاها بدون ميهضر

دخلاتو لغرفة ديال علي وجلساتو فالبيرو
رعد: اش جينا نديرو هنا
ريم: هاد المرة انا غنهضر ونتا غادي تسمعني.... حلات البيسي وجبدات من جيبها usb... برونشاتها مع البيسي ومشات جبدات واحد الفيديو بركات عليه وهو يخدم.... بقا رعد كيتفرج فصوفيا وهي ناعسة على ظهرها
ريم: هنايا فاش ياله غبرتي نتا... كانت هي كتعاني ويلا معاونتهاش انا والفرملية متقدرش توقف ومتقدرش تمشي حتى للطواليط.... هو ساكت وكيتفرج... هنا كترش ريحتك وكتشم فقاميجتك حيت الوحم جاها عليك مي خصارة مكنتيش حداها... كيشوف فصوفيا كتشم فقاميجة وكتبكي.. هنا كانت قررات دير الحجاب وشوف هاهو اناس لي خانتك معاه جا عندها... تفرج وسمع الحوار كامل لي داز بيناتهاوم هو كيشوف فداكشي وكيتزير وعروقو كيبانو.... عندو الحق فاش قال راجلها حمار حيت كون بغات تخونك مغاديش تخونك فدارك.... شوف هنا كرشها كبرات تبارك الله.. كانت كتوحم على بزاف دالحوايج مي ملقاتش راجلها لي يجيبهوم وكان سيف ولا باباها كيخرجو يشريوليها... كان كيشوف فصوفيا لابسة دوبياس ومن فوقها قاميجة ديالو وكتاكل فالفريز... هنايا دخلات فشهرها ورجعت انا وسيف كنعسو حداها... حيت معندهاش الرجل لي ينعس حداها ويقابلها.... كان كيشوف فصوفيا لي كل مرة كتنوض فالليل تبكي بالوجع وسيف وريم حداها كيديروليها مساج... هاحنا وصلنا للولادة هاد الليلة شدها الوجع وغادي تولد تفرج... كيتفرج فاش ناضت وريم كديرليها مساج لظهرها حتى بدات تبكي وتغوت ولبسوها وهوما يخرجوها... شافها فاش كانت راكبة فالطموبيل و كتبكي وتغوت حتى دخلوها لغرفة العمليات.. هنا ماشي سيف لي كان خاصو يكون شادليها يديها لا.. كان خاص راجلها لي هو نتا للاسف..... بقا كيتفرج فيها كيفاش كتعدب وتبكي حتى ولدات وهي تغيب..... هاحنا وصلنا فاش جابوليها بنتها شوف مزيان فاش شداتها شنو دارت... شافها فاش شدات بنتها وبدات كتبكي وفاش نطقات باسمها اول مرة وفاش باباها اذنليها فودنها.. كان خاصك نتا لي تأذن لبنتك ماشي جدها..... شوف هنايا فاش دخلات صوفيا هازة عشق وكتبكي عرفتي شنو واقع... كان السبوع ديال بنتك وصوفيا سمعات بنات العائلة كيضحكو عليها حيت راجلها مكانش حداها... وهنايا خلاص فاش بنتك كانت كتفيقها بالليل.. وهنا فاش بنتك كتمرض كل مرة وتبقا سهرانة معاها الليل كاامل.. حبسات الفيديو وشافت فيه.... من هادشي كامل مشات للكلينيك وعرفات بنتها مريضة درنا كلنا التحاليل مي للاسف مكانوش مطابقين... واستاغل واحد الحمار بحالك هاد الموقف وداليها شركتها لي تعدبات عليها ورجعاتها من اشهر الشركات.... شعلات الفيديو عاوتاني... يا ترى علاش صوفيا كتبكي هكا... اااه عاد تفكرت حيت راجلها من بعد تقريبا 3سنين جا واغتاصبها ومحنش فيها... وهادي عاوتاني فاش رجعاتها حيت حصلتك اغتاصبتيها للمرة الثانية.. وكانت منهارة ولي زاد ازمها المرض ديال الاب ديالها..... وواخة درتيليها هادشي كامل معمر والديها ولا خوها ولا هي براسها نقصات مني.. وخا كان عندهم منين يهينوني حيت مكنتش كنولد مي هما مدارو والو بالعكس.. وقفو بجنبي بدون استثناء وعطاوني القوة حتى تعالجت وحملت..... فنظرك صوفيا لي داز عليها هادشي كامل وكون كان غير خانتك بعدا نقول كتستاهل... واش ممنحقهاش تفكر فالانتحار من بعد مافقدات بنتها وفقدات الاب ديالها وفقدات حتى الزوج ديالها..

رعد: (بصوت مخنوق) علاش مورتينيش هادشي من قبل
ريم: حيت كنت معتاقدة بلي نتا كتبغيها وغادي تصالحو ماشي غادي تديها لدارك وتخلي ديك القحبة ديالك تهينها... لحد الان ممتيقاش كيفاش نتا لي مكنتيش كتقدر حتى تقيسها.. وصلات بيك الوقاحة انك تغتاصبها وضربها وتجيب وحدة تخليها تهينها
رعد: (دوز يديه على وجهو) انا غادي نصلح كولشي
ريم: فاش الحاجة كتهرس مكنقدروش نرجعوها كيف كانت.. خليلها غير بنتها ورجع منين جيتي... هزات usb وحطاتهاليه فيديه... مرة مرة تفرج فهاد الفيديو باش تعرف شنو درتي لمراتك الله يعاونك.... خرجات وخلاتو حاني راسو
سيف: فين كنتي
ريم: مشيت غير للطواليط
سيف: اجي تجلسي مافيا لي توقعليك حتى نتي شي حاجة
ريم: (جلسات) قالولكم شي حاجة على صوفيا
سيف: لا مزال هاحنا كنتسناو... بقات جالسة كدعي معاها وكتصبر فحماتها حتى شافت خوها جا.. طلعات راسها وهو يشوف فيها وعينيه حومر دورات راسها بالزربة.. جلس هو حاني راسو حتى خرج علي
سيف: علي متقوليش
علي: (قاطعو) الحمد لله نقدناها كان خاصها الدم ومن حسن الحظ كانت عندي نفس الفصيلة وتبرعتليها
سيف: (عنقو) شكرا اخويا
علي: مابيناتناش المهم صوفيا تعيش
ماما: الحمد لله الله يرضي عليك اولدي هئ هئ
علي: (باسليها راسها) امين اخالتي... شوية ونرجع عندكم باش ندخلكم تشوفوها
سيف: واخة..... من بعد دقائق جا عندهم علي ودخلهم لعندها.. كانت ناعسة باستها ماماها فراسها وجلسات
علي: تقدرو تخرجوها الى بغيتو غير خاصكم تحضيوها.. باش متعاودش دير شي حاجة
سيف: (تنهد) مابغيتش نخرجها دبا والدار عامرة بالعزاية غير غادي تزيد تكفس وصافي
رعد: احم نديها عندي انا
ريم: لا.. نقدرو نديوها للاوطيل
سيف: (شاف فرعد) ياك نتوما غادي طلقو اش غادير عندك
رعد: شكون قاليك غادي نطلقها.. هي مزال مراتي غادي نديها لعندي ولا نسفرها كاع باش تتحسن
سيف: (تنهد) واخة.. ختي امانة عندك.... هزها رعد وهي ناعسة نزلها حطها فطموبيلتو وهو يديماري... من بعد دقائق وصل للفيلا وتسنا سيف دخل جاب عشق وحوايجهم خداهوم وشد الطريق.. مي هاد المرة شد الطريق نيشان للمطار لقاهم جهزولو طيارتو.. طلعها حطها فبيت النعاس وخرج جلس هو وبنتو.. تحركات الطيارة وهو طول الطريق كيفكر فشنو غيدير.... صوفيا كانت ناعسة حيت قبل ماتخرج ضربليها علي ابرة لي ماتخليها تفيق حتى للغذ...... بعد ساعات وصلو لكندا.. خذا الكارد البنت وهو دخل هز صوفيا لقا الطموبيل كتسناه ركبو.. وبعد دقائق وصل للفيلا ديالو.... دخل نيشان حط صوفيا فالبيت ومشا خدا بنتو حطها فبيتها ووصا المربية عليها.. حيت فاش كان جاي عيطليهم ووصاهم يلقاولو مربية.... عاد رجع لبيتو دخل دوش وهو يخرج مشا حيد لصوفيا حوايجها ولبسها بيجامة.. تكا حداها وحشاها فيه وتغطاو.... غمض عينيه ورجعات ذاكرتو للوراء
#فلاش_باك

خرج من الدار معصب ممتيقش بلي مراتو وملاكو خانتو... مشا نيشان للمطار وصل وهو يشد طيارة مكانش عارف فين غادي المهم عندو يهرب وخا واحد الجانب منو باغي يرجع ويشوف شنو وقع لصوفيا ويعرف السبب ديال الدم لي خرج منها...... وصل وهو فالاجراءات ديال الخروج من المطار حتى وقفو عليه جوج
الرجل1: (بالانجليزية) موسيو رعد تفضل معانا
رعد: (خنزر فيه) شكون نتوما
الرجل2: (وراه اشارة دFBI) تفضل معانا.... ملقا ميدير من غير يمشي معاهم... وصلو للمركز ديالهم ومن بعد عدة تحقيقات تحبس لمدة 30 عام... دوز عام ونص غير فالرياضة وتما فين دار داك الوشام... وكان حاقد على صوفيا مي كل ليلة ميقدرش ينعس بلا مايشوف تصويرتها..... حتى النهار فين غيجيو رؤساء ديال FBI وغادي يعرضو عليه عرض
الشخص: الى بغيتي نرجعو ماضيك نظيف خاصك تعاون معانا
رعد: (باستهزاء) ويلا مبغيتش
الشخص: غادي تكمل معانا ديك 30 سنة
رعد: شنو المطلوب
الشخص: تدخل لاكبر مافيا.. كنظن عارفها المافيا الايطالية لي مترأسها المغربي حميد
رعد: واش عارف راسك اش كطلب مني.. كتقولي سير قتل راسك
الشخص: ماشي هادشي لي كنعرفو على الشيطان
رعد: كيغاندير ندخليها
الشخص: نتا اصلا معروف وجاتنا معلومات انهم كانو باغيينك تخدم معاهم... المهم حنا غادي نخرجوك دبا واملاكك كلها باقة كيفما هي يعني عندك حرية التصرف وبغيت فاقرب وقت نسمع بلي بديتي الخدمة معاهم
رعد: (دوز يديه على لحيتو) اوكي..... خرج رعد ومشا لدارو وصيفط ناس لي يجيبولو اخبار ديال حميد.. حتى عرف بلي عندو بنت سميتها اكرام وهو يبتاسم بشر...... كانت حفلة ومشا حضرليها تما فين تلاقا حميد وتعرف على اكرام
رعد: تقبلي مني هاد الرقصة
اكرام: (بابتسامة) وي.... بداو كيرقصو وحميد باباها كيبتاسم وعاجبو الحال
حميد: تفضل تقدر تنضم لينا
رعد: (جلس) شكرا.... جلسو وبداو كيهدرو من موضوع لموضوع
حميد: دبا نتا صافي خرجتي نهائيا من عالم المافيا
رعد: الصراحة مقدرتش وكنفكر نرجع
حميد: مرحبا بيك معانا وغادي نكون سعيد حيت خدام معايا واحد بحالك
رعد: نفكر ونرد عليك..... هكا دخل رعد معاهم وتقرب من بنتو حيت واخة خدام معاهم حميد كان متحفظ على الاسرار ديالو...... مي من خلال بنتو عرف بزاااف دالحوايج... حتى النهار لي كان خاصهم ينزلو للمغرب وتلاقا بصوفيا
#الحاضر
فاقت صوفيا وهي تلقا راسها فوسط جسم ضخم.. هزات راسها وهي تشوف رعد ناعس.. نزلات دمعة من عينيها مسحاتها.. جات تنوض وحسات بشي دوخة وهي ترجع تجلس.. بقات شادة راسها حتى حسات بيدين محاوطينها
رعد: (بهمس) صباح الخير
صوفيا: الصمت
رعد: رتاحي وغادي نخليهم يجيبوليك الفطور حتى لهنا
صوفيا: (بصوت مخنوق) ممكن تحيد يديك
رعد: (حيدهم) واخة غير رجعي ارتاحي... دارت داكشي لي قاليها وناض هو دخل غسل وجهو ونزل قاليهم يوجدو الفطور ويطلعوه.. داز لبيت عشق لقاها حالة عويناتها هزها وهو كيضحك معاها... دخلو للبيت لقا صوفيا متكية فبلاصتها.. قربليها وحط عشق حداها... صوفيا مدارت حتى ردة فعل بقات غير كتشوف فيها
عشق: (كضربها بيديها) ماماا
رعد: (شدليها يديها) لا مضربيهاش
عشق: هئ هئ ماما... صوفيا دارت وعطاتهم بالظهر.. بقا كيشوف فيها رعد حتى عيا وهو يهز بنتو وخرج.... دخلات الخدامة حطات الفطور وهي تخرج.... ناضت صوفيا غسلات وجهها وجلسات قدام الطبلة بدات كتاكل وعقلها مكاينش معاها.... حتى حسات براسها شبعات وهي تنوض... حلات البالكون غير خرجات عرفات راسها فكندا... بقات جالسة كتشم فالهوا وكتفكر حتى حسات بالبرد وهي دخل.. لقات رعد جالس فالفوتوي دارت راسها مشافتوش.. بدات كتقلب وهو كيشوفها اش كدير... مشات للماريو وهي تلقا حوايجها مستفين... بغات دوش وهي تفكر الفاصمة لي فيديها.. جبدات بيجامة سخونة وبدلات تحت انظارو كتعامل بحال الى مكاينش... صدماتو بهاد التصرف
صوفيا: فين كاينة عشق
رعد: اجي نوريهالك.... خرجو وبقات تابعاه من اللور حتى دخلو لقاتها مع المربية... دخلات هزاتها وخرجات
رعد: عطيهالي نهزهاليك نتي مزال مريضة
صوفيا: (دارت راسها مسمعتوش) بغيتي منامنام
عشق: (حركاتليها راسها بالايجاب) اه... نزلات لتحت ورعد تابعها بقات كتقلب حتى لقات الكوزينة وهي دخل.. رعد حرك راسو وهما يخرجو الخدامات... مداتلو عشق شدها ومشات كتقدليها الماكلة.... جلسات فوق الطبلة وخدات عشق من عندو.. بدات كتوكلها حتى كملاتليها ومسحاتليها فمها
صوفيا: فيك النعاس
عشق: (عينيها كيتسدو) ممم... حطاتها فوق صدرها وطلعاتها لبيتها.. تكات فوق ناموسيتها وحطات عشق حداها... بقات كدوز يديها على شعر بنتها حتى نعسات.. شوية حسات بشي حد معنقها من اللور عرفاتو من ريحتو
رعد: (كيهضر فودنيها) كنبغيك... سمحيلي على كلشي
صوفيا: (نزلو دموعها) الصمت
رعد: متبكيش عفاك.. دموعك غاليين... عارف راسي جرحتك بزااف مي نتي قلبك كبير وغادي تسامحني.. دوز يدو مسح دموعها... ملاكي الصغير كيفاش عطاني قلبي نجرحك ونعاملك بديك القسوة.. انا واحد منسواش.... سمحيلي احبيبتي سمحيلي بزااف

رعد: جاوبيني متبقايش ساكتة
صوفيا: نتا مجرحتنيش.. نتا قتلتيني عرفتي شناهيا قتلتيني... دارت لعندو ووجهها ولا قريب من وجهو شافتلو فعينيه... تسنيتك تجي.. تسنيتك فاش كنت حاملة وتسنيتك فاش كنت كنولد وتسنيتك فاش بنتك كتكبر وتسنيتك فاش بنتك مرضات... مكانش كيسحابلي بلي كنتسنا مجرم.. اغتاصبتيني ومحنيتيش فيا عاملتيني بحال بنت الزنقة.. استغليتي نقطة ضعفي لي هي بنتي ودرتي مابغيتي فيا... صوفيا ماتليها باباها وظهرها لي كتسند عليه... وحتى صوفيا ماتت.. سمعتيني انا مكرهتش دبا ربي ياخذ روحي ونتهنا
رعد: (حط يديه على فمها) نموت بلا بيك... انا كنبغيك اصوفيا
صوفيا: لا.. عقلتي فاش ضربتيني حيت مفيقتش اكرام... طلعت لبيتك ولقيتها عريانة يعني نعستي معاها فبيتنا.. تما عرفتك مكتبغينيش وانا كرهتك وغنبقا كنكرهك حتى نموت... لي كيبغي مكيخونش.. ولي كيبغي مكيآديش حبيبو
رعد: منعستش معاها والله... معمري قست شي وحدة من نهار عرفتك.. صوفيا خلينا نبداو من جديد عفاك
صوفيا: لا وبغيتك ترجعني للمغرب.. بغيت نمشي عند بابا هئ هئ
رعد: (عنقها) الله يرحمو
صوفيا: هئ هئ انا منقدرش نعيش بلا بيه هئ هئ
رعد: دعيلو بالرحمة احبيبتي
صوفيا: الله يرحمو... بقا رعد معنقها وهي كتبكي فحضنو حتى سكتات... تكات وتكا حداها بقا كيشوف فيها معرف مايقوليها..
صوفيا: رجعني للمغرب
رعد: (تنهد) لا
صوفيا: دونك غادي نمشي بوحدي... وقفات.. فين باسبوري
رعد: غادي تمشي بوحدك حيت عشق ماعندها فين تمشي
صوفيا: (نزلاتليها دمعة) علاش باغي تحرمني من بنتي
رعد: انا مباغيش نبعدك على عشق.. مي الى بغيتها خاصك تبقاي معايا
صوفيا: وانا مبغاش نبقا معاك
رعد: اوكي على خاطرك... ناض جاب الباسبور وعطاهليها... ها الباسبور ديالك
صوفيا: (معصبة) اراه... خداتو من عندو ومشات خرجات هكاك بالبيجامة... حلات الباب وهو يضربها واحد الريح خلاها تجمع يديها عندها.. دارت ولقاتو كيشوف فيها.. خنزرات فيه وخرجات... خرجات من الباب الكبير وبقات غادة ومكمشة فحوايجها.... كان داك الشارع خاوي ومافيه حتى دار.. بقات غير غادية حتى عيات وهي تجلس فوق واحد الكرسي... بدات كتبكي حيت معندها لا فلوس لا تيليفون باش تعيط.. حتى البلاصة لي هي فيها معرفتهاش.. بدات كطيح الشتا كانت كثييرة.... شوية وقف عليها شي حد هزات راسها وهي تشوفو
رعد: (مد يديه) ياله
صوفيا: بعد مني وماشي سوقك فيا.. سير فحالك
رعد: (جلس حداها) صافي نبقاو هنا... شافت فيه وهي ترجع كتشوف قدامها.... رجعو كيقطرو وهو غير كيشوف فيها حتى بدات كتعطس
رعد: هانتي مرضتي تهنيتي... هزها ومشا جهة الطموبيل لي كانت كتسناه
صوفيا: (كتجبد) طلق مني... ركبو الطموبيل اللور وهز واحد الغطا كان تما لواه عليها
رعد: (مع الشيفور) تحرك بالزربة... كسيرا الشيفور وبعد دقائق وصلو للقصر

هزها ونزل بالزربة طلع لبيتهوم ودخلها نيشان للبيت.. حط الباسبور فوق الطبلة ودخلها للدوش.. بدا كيحيد ليها حوايجها
صوفيا: (كضربو ليدو باش يبعد) هئ هئ بعد مني عفاك متغتاصبنيش
رعد: (تزير) متخافيش مي خاصك دوشي باش متزيديش تمرضي
صوفيا: خرج غندوش بوحدي
رعد: (تنهد) لي بغيتي.. خرج رعد وهي شعلات الرشاشة وحيدات حوايجها... كتحس براسها تقيل.. تحشات من تحت الما وبقات واقفة وعينيها حالهم غير بزز... حسات بيدين شدوها من خصرها
رعد: (بهمس) خليني ندوشليك نتي راك مقداش.. صوفيا اكتفت بالصمت وهو بدا كيدوشليها.. ودوش لراسو فنفس الوقت كمل ولبس بينوار رجالي ولبسها حتى هي بنوارها وهو يهزها خرج وهي متكية على صدرو وكتحاول تحل عينيها..... حطها فوق الناموسية ومشا جاب حوايجها لبسها وغطاها عاد ناض لبس حوايجو وخرج لقا الطبيب فالصالون كيتسناه... طلعو بجوج وبقا واقف فوق راسو حتى كشف عليها... ودارليها فاصمة جديدة ليديها
الطبيب: عندها نزلة برد غادي تاخذ غير هاد الدوا وتكون بخير
رعد: اوكي شكرا... نزل مع الطبيب وعطا للكارد ديالو الورقة باش يشري الدوا... داز عند بنتو طل عليها عاد مشا عند صوفيا.. تكا حداها وحشاها فيه معنقها من اللور... صوفيا كانت ناعسة حتى حسات بيدين محاوطينها وهي تنزل ليها دمعة... رعد لي كان حاشي وجهو فعنقها.. هز راسو وشاف دمعتها مد يديه مسحهاليها
رعد: (كيهضر فودنيها) دموعك كتحرقني
صوفيا: الصمت
رعد: (باسها فحنكها) كنبغيك الزوينة ديالي
صوفيا: (بصوت خافت) كنكرهك حيد يديك عليا...... رعد تنهد وبعد عليها اما هي رجعات غمضات عينيها ونعسات..... وصلات 6 دالعشية عاد بدات كتحل عويناتها لقات راسها بوحدها فالبيت... بقات مغطية وحاسة بحناكها غادي يطرطقو كثر ماهما سخانين... سمعات الباب تحل دارت ولقات رعد داخل وهاز بلاطو فيديه وهي دور وجهها
رعد: نعستي بزاف كنت عوال نفيقك... ياله جلسي خاصك تاكلي باش تشربي الدوا
صوفيا: مفياش الجوع
رعد: (حط البلاطو وقربليها) ضروري خاصك تاكلي ياله جلسي.. بغا يشدها وهي تبعد
صوفيا: متقيسنيش
رعد: (تنهد) اوكي ياله نوضي... جلسات صوفيا وحطليها البلاطو فوق رجليها.. بدات كتاكل وهو حاضيها حتى كملات عطاها الدوا... ياله هز البلاطو وهو يسمع الدقان
رعد: دخل... تحل الباب ودخلات المربية هازة عشق لي كانت كتبكي ووجهها حمر
المربية: سمحولي مي عشق كتبكي ومبغاتش تسكت
رعد: (مخنزر) ونتي شنو خدمتك بالسلامة
صوفيا: ماشي مشكل جيبيهالي... خداتها وخرجات المربية حانية راسها... اجي هز البنت باش متعاداش.... جا رعد خداها من عندها
صوفيا: (شادة يدين عشق كتبوسهم) صافي احياتي عفاك.. زويونة ديالي وبراكة.. كتمسحليها دموعها.. الى مبكيتيش غادي نلعبو انا وياك كاش كاش
عشق: (سكتات) اه كاس كاس
صوفيا: هههه واخة.. ياله نوضي تخباي.... بدات عشق كتجبد حتى حطها رعد فالارض... شدات يد ماماها كدفعها باش ديرها فوق عينيها... دارتهم صوفيا وهي مبتاسمة.. ومشات عشق كتحبو ومرة كتمشى وطيح حتى تخبات.. ناضت صوفيا واخة عيانة كتقلب
صوفيا: عشقق فيينك... عشقيي.. هانا جاية... لقاتها... هانا لقيتك شنو نديرليك دبا ناكلك.. هزاتها كتبوسها وتهر فيها وعشق كضحك.. هزات صوفيا راسها وهي تلقا رعد كيشوف فيها ومبتاسم

قربات صوفيا من رعد وعطاتو عشق.. وهي تحشا فبلاصتها
صوفيا: غير ديها عند المربية تعطيها تتعشا راه 9 هادي ووقيتة دالنعاس ديالها فاتت... حط عشق فوق الناموسية وقرب من صوفيا وهي كتسنا تشوف اش غيدير... دور يديه على خصرها وتلاح على فمها كيبوس ويتبنن.. صوفيا تصدمات ومقدرات دير والو.. قلبها كان كيضرب.... رعد كان مندامج حتى سمع الغوات وشي يدين صغار كيدفعو فيه.... بعد وهو يلقا عشق معصبة وكدفع فيه
رعد: مالك
عشق: ماما دالي انا (ماما ديالي انا)
صوفيا: (بعصبية) دي البنت دبا نعاديها ونتا اخر مرة تقربلي.... ضحك رعد وناض هز عشق خرجها وهي جالسة كتهضر وتخاصم عليه.. كيفهم كلمة و10 لا هههه.... داها عند المربية ورجع هو للبيت لقاها متكية.. تكا حداها وقرب منها
رعد: خاصنا نهضرو ميمكنش نبقاو هكا
صوفيا: فياش غادي نهضرو
رعد: فعلاقتنا... انا عارف راسي غلطت معاك مي نتي قلبك كبير وغادي تسامحيني
صوفيا: القلب لي غادي يسامحك قتلتيه... عرفتي شناهيا قتلتيه... وانا معمري مغانسمحك على داكشي لي درتي
رعد: (تنهد) كلشي غادي نصلحو.. جا يهضر وهو يقطعو صونيط تيليفون شاف شكون كيعيط وهو يغوبش وناض من حداها... خرج من البيت ومشا للبيرو ديالو عاد جاوب
رعد: وي حبيبة
اكرام: توحشتك غبرتي عليا
رعد: عارف احياتي مي راك عارفة المشاكل لي عندي خلاتني نتشغل شوية
اكرام: وي عارفة.. وشنو درتي مع طليقتك
رعد: قررت نخليلها البنت.. باش متبقاش لاصقاني كل مرة تجي تشوفها واصلا انا باغي نعيش معاك بوحدنا ونولدو وليداتنا يكونو كيشبهوليك
اكرام: (فرحانة) ان شاء الله
رعد: ياله نخليك دبا احياتي.. غدا غادي نجي عندك
اكرام: واخة بونويي
رعد: بونوي... قطع معاها وهو يتنهد.. دار بغا يخرج وهو يتصدم فاش شاف صوفيا واقفة فالباب ودموعها نازلين... رجعات صوفيا كتجري للبيت وسدات الباب بالساروت
رعد: (كيدق) صوفيااا حلي الباب
صوفيا: (بصوت باكي) سير عند حبيبتك معندك مادير بيا
رعد: غير حلي خليني نشرحليك
صوفيا: لا.... تحشات صوفيا ففراشها وبقات كتبكي اما هو نزل معصب كيقلب على السوارت دالبيت وفيق الخدامات بقاو كيقلبو حتى لقاوه.. خذاه ومشا حل الباب دخل بخطوات بطيئة طل عليها لقاها نعسات ودموعها مزال على خذها... عنقها وهو ينعس حتى هو.......... صبح الصباح فاق رعد لقا صوفيا محشية فيه ابتاسم وحشا وجهو فعنقها كيبوس ويشم ريحتها... فاقت صوفيا على شي حد كيقيس فيها لقات راسها فوسط جسد ضخم عرفاتو هو
صوفيا: (دفعاتو) بعد مني
رعد: (غوبش) نتي مراتي سمعتي وعندي الحق فيك
صوفيا: اينا حق بالسلامة
رعد: متعصبنيش اصوفيا على الصباح
صوفيا: (كتحاول تحيد يديه لي شادينها) نتا لي متعصبنيش حنا غادي نطلقو وانا محاملاكش بعد مني
رعد: لا ممبعدش ومغانطلقكش غير بلا ماتحلمي
صوفيا: (دمعو عينيها) سير عند اكرام.. ورجعني انا للمطار وكنواعدك مغاديش تعاود تشوفني ومتخافش مغاديش نلصقك.... دفعاتو وناضت دخلات للحمام

خرج رعد وهو معصب اما صوفيا جلسات فالطواليط كتبكي... بعد مدة خرجات وتكات فبلاصتها وكتعاتب فخوها لي سمح لرعد ياخذها... تحل الباب ودخلات الخدامة جايبة الفطور
صوفيا: عفاك جيبولي عشق
الخدامة: واخة امدام.... بعد لحظات جابوليها عشق
صوفيا: (هزاتها) اجي احبيبة ماماها توحشتك.. بوسيني... قرباتليها وبدات تبوسها شوية عضاتها... ايي الباسلة
عشق: هههههه
صوفيا: كضحكي الخايبة... حشاتها فيها رجعات ظهر عشق لاصق مع كرش صوفيا والبلاطو قدامهم... بدات صوفيا كتفطر وعشق شادة رضاعتها بجوج يدين كتشرب الحليب.. كملات الفطور وجات الخدامة خدات البلاطو وبقات صوفيا مع عشق كيلعبو... دازت تقريبا سيمانة مشافتش رعد كاع... كانت جالسة فالجردة كتفكر فشنو خاصها دير وهي معندها لا فلوس لا تيليفون.. تعصبات ومبغاتش تبقى محبوسة هكا.. شوية سمعات شي صوت بدات كترعد ودارت غير بشوية غير شافتو وهي تعطي رجليها للريح.. بانليها رعد وهي تنقز عليه.. عنقاتو وهي كترعد وتبكي.. رعد عنقها وضرب الكلب برجليه... جا الكارد كيجري
الكارد: سمحلي اسيدي
رعد: (مخنزر) غبر من قدامي حتى لمن بعد ونهدرو.. طلع رعد للبيت.. صافي احبيبتي عفاك
صوفيا: (كتشهق) واخة... عنقها رعد وبدا كيدوز يديه على ظهرها حتى ارتاحت وهي تبعد.. ناضت من فوق رجليه وجلسات فوق الناموسية.. بقا كيشوف فيها حتى عيا وناض خرج... هي حيدات الفولار وتسطحات فوق الناموسية كتشوف فالسقف وكتفكر..... جاها العطش وهي تنزل تعجبات فاش ملقات حتى واحد.. دخلات للكوزينة وهي تلقا كاس دالما محطوط هزاتو وهبطات عليه
صوفيا: يخخ اش هاد المداق حاار مي لذيذ... ممم اش هاد العصير.. بدات كتقلب وحلات الثلاجة جبدات قرعة داقتها لقاتها هي هاديك وبدات كتشرب حتى شبعات.. راسها بدا كيدور وهي تجلس فالأرض.. بعد لحظات دخل رعد لابس غير سروال وشعرو كيقطرو
رعد: (خنزر) شكون شرب كاسي.. ياله بغا يدور يمشي للثلاجة ولقا صوفيا جالسة فالارض وفيديها قرعة دالشراب... اناري شربتي يا المسخوطة... شافتو صوفيا وهي توقف كانت غطيح كون مشدهاش
صوفيا: ممم شكون هاد البوكوص هدا هههههه.. نتا كتعرف رجلي رعد ههههههه... فخباارك بلي رعد اغتاصبني جوج مرات هئ هئ
رعد: صافي اصوفيا نساي عفاك
صوفيا: ههههههههه.. عرفتي باش حسيت داك النهار.. كنت كنتقطع قدامو مي مداهاش فيا هئ هئ.. تمنيت نموت وميوقعليش داكشي.... رعد عنقها وهو كيعاتب فنفسو.. بعدات عليه
صوفيا: صدرك زوين كيشبه لديالو هئ هئ.... (سكتات شوية) فخبارك راجلي كان خدام مع مافيا.. انا تزوجت مجرم ومن فوق هادشي كانو كيعيطولو الشيطان.. فعلا هو شيطان.. (بحزن) فخبارك اغتاصبني جوج مرات هئ هئ.. ودبا خاطفني يمكن مزال باغي يغتاصبني.. عفاك نقدني وخرجني من هنا غادي نموت الى بقيت هنا.. عفاك هربني انا وبنتي..... هزها رعد بين يديه وهو معصب من راسو.. هادشي كامل هازاه فقلبها وهو معارفش.... فخبارك شريكتي مشات هئ هئ دهالي واحد كيشبه لراجلي حتى هو شيطان.. لعب عليا ودالي شريكتي هئ هئ... حطها فوق الناموسية وبقات مدورة يديها على عنقو... نقوليك سر
رعد: اه

صوفيا: انا باغة نطلق منو.. شنو ندير عطيني حل.. خايفة بنتي ياخدهالي... كنفكر نطلق ونهرب ببنتي.. تقدر تعاوني
رعد: (حدر لعندها ودار جبهتو على جبهتها) هو كيبغيك.. عطيه فرصة عفاك
صوفيا: لا مكيبغينيش هو قالي الى بغيتي تمشي سيري مي بنتي خاصني نخليها هئ هئ... نتا فايت شايف بنتي كتشبهلو بزاف مي غادي تكون حنينة بحالي انا.. شنو ندير دبا
رعد: نعسي وارتاحي وفاش غتفيقي كلشي غيكون مزيان
صوفيا: لا انا خاصني نهرب انا وبنتي قبل مايجي.. مي هو داير لي كارد بزاف معندي كيندير
رعد: ششش ارتاحي دبا وانا غنديرلك الطريق... بقا كيشوف فعينيها لي كيبريو بالدموع ونيفها الحمر وشفايفها كيتحركو.. ماحس براسو حتى بدا كيبوسها
صوفيا: (دفعاتو) اش كدير... اا هدا نتا اووف خلعتيني... فين مشيتي وخليتيني محبوسة هنا هئ هئ
رعد: (تلف معاها) انا غير هنا
صوفيا: مشيتي عند اكرام ياك.. باش حسن مني هي ااا
رعد: متقارنيش راسك مع ديك الموسخة.. ارتاحي دبا ونعسي وكلشي غيكون مزيان
صوفيا: (بصوت خافت) انا مكنحملكش.. نتا عدبتيني.. كنكرههكك.... غمضات عينيها وكلمة كنكرهك كترددها حتى نعسات.. اما هو قلبو تقطع من كلامها وتأكد بلي جرحها بزاف.. غطاها وناض بقا كيفكر فشنو خاصو يدير.. شوية ابتاسم وناض دار اتصال... رجع للبيت هز باليزة وبدا كيجمع فحوايجو وحوايج صوفيا كمل وداز لبيت بنتو جمع حوايجها ولبسها هزها نزلها حطها فالطموبيل وطلع هو هز صوفيا من بعد ماعطا للكارد الباليزات يديوهم... جمعليها شعرها ودارليها الفولار وهو يهزها من بعد مالبسها مونطو... ركب فالطموبيل اللور وهو معنق صوفيا اما عشق كانت ناعسة فكرسيها.... بعد دقائق وقفو قدام الطيارة.. ركبو وبعد دقائق حلقات الطيارة فالسما......... بدات صوفيا كتحل عينيها بتتاقل وراسها كيزدح... جلسات وهي شادة راسها شوية وهي تهز عينيها باستغراب... كتشوف فراسها فبيت فشكل مفهمات واالو.. مي متقدرش تنكر بلي تبهرات بالمكان.. كانت فبيت نعاس فيها جوج حيوط فيهم الزاج لي كيبين برا والثلج لي كان كيطيح عطا منظر رائع.. وشوميني لي شاعل والاضاءة.. هادشي كاامل كيبعث واحد الراحة للانسان... ناضت وخا فيها الدوخة بغات تعرف راسها فين ومعامن... لقات بنطوفة لبساتها وحلات الباب وهي تخرج.. بقات غادة فكولوار متوسط الطول وفجناب كاينين بيوت مسدودين.. سمعات صوت عشق وهي تبع الصوت... تصدمات من داكشي لي شافت بقات واقفة كتشوف فيهم وعينيها مغرغرين... لقات رعد وعشق جالسين فالطبلة.. عشق دايرليها الكرسي ديالها وجالس كيوكلها فسيريلاك وقدامو طبلة دائرية عامرة بالأكل.. هز راسو شافها وابتاسم
رعد: (بحب) صباح الخير
صوفيا: (بحزن) صباح الخير... ناض فاتجاهها شد يديها باسها وجرها وهي ساكتة جلسها فوق الكرسي ومشا جلس قدامها
رعد: ياله فطري باش تشربي كينة دالراس
صوفيا: كيدرتي عرفتي راسي كيدرني وفين جبتيني عاوتاني
رعد: تهدني وكولي ومن بعد غادي نهدرو... كلات صوفيا وهي كتحاول تتذكر شنو وقع البارح مي والو بحال الى تمسحاتليها الذاكرة... كملات ومدليها كاس فيه الكينة شرباتها... ناض من بعد ماكانت عشق كملات فطورها.. عنق صوفيا من اللور وباس حنكها وبقا حاط شفايفو على خذها... غمضات عينيها ونزلات دمعة

رعد: صوفيا عطيني فرصة باغي نهدر معاك.. ممكن
صوفيا: واخة
رعد: (فرح) اوكي تسناي واحد الدقيقة... هز عشق داها لبيتها وحطها فالناموسية ديالها وحداها العابها.. خلا الباب محلول باش يرد معاها البال ورجع لعندها.... لقاها جالسة فوق الفوتوي كتشوف فالثلج لي كيطيح... جلس قدامها
رعد: (خذا نفس وبدا) كانت عندي 20 عام فاش دخلت لعالم المافيات.. كنت دكي وقدرت شوية بشوية انني نولي رئيس مافيا والكل كيخضع لأوامري لقبت بالشيطان.. وخدمت 10سنين ... صافي مليت من داك العالم ومبقيتش باغي نكمل.. خرجت واخة مستحيل تخرج... مي انا الشيطان ونقدر ندير اي حاجة باغيها.... اه بالصح قتلت مراتي مي هي خانتني وخا مكنبغيهاش مي فاش خانتني مع عدوي وجاتني الفرصة حتى لبين يدي مقدرتش نفلتها.... فاش شفتك نتي ناعسة بين يدين هداك حسيت بموس دخل فقلبي.. مقدرتش نتحمل و ضربتك... مي لي مبغاش يدخلي للراس علاش مقلتيليش بلي نتي حاملة
صوفيا: (باقا كتشوف فالشرجم) عرفت راسي حاملة نهار العرض... فرحت بزااااف وقررت نقولهاليك نتا وخويا وريم ونتقاسمو الفرحة.. مي بان هداك ومكتابش.. تما فين عرفت حوايج خايبين عليك.. خفت نقولهاليك وتقتلني مي فاش عرفت عوتاني بلي كتسناني غير نقوليك بلي انا حاملة.. قررت نقولهاليك وداك النهار المشؤوم فاش رجعت انا للدار ونتا مشيتي للخدمة كانت فيا الدوخة تكيت وكنت عوالة نرتاح غير ساعة ونوض نوجدليك المفاجأة بلي أنا حاملة... كتمسح دموعها.. مي مكتابش عوتاني
رعد: متبكيش ومتخافيش ربي خداليك حقك.. فاش غبرت شدوني البوليس وتحكمت ب30 عام يعني قولي مؤبد.. من بعد عام ونص جاو عندي 2رؤساء وعرضو عليا نعاود ندخل لعالم المافيات.. مقابل يمسحو اي حاجة كنت دايرها من قبل.. مي الى قديت نجيب وثائق ودلائل ضد واحد المجرم... قبلت وخرجت من الحبس... وبذكائي قدرت ندخل عوتاني بسهولة مي هداك قافز ومغنجيبش داكشي لي باغي منو وانا نتصاحب مع بنتو إكرام وفعلا عاوداتلي شحال من حاجة مكنتش عارفها عليه... انا مكنبغيهاش ومغاديش نبغيها... وحده لي كاينة فقلبي هي نتي ودبا تزادت بنتي.... بنتي لي معشتش معاها ومكنتش معاها فأول خطوة ليها.. بنتي لي مكنتش معاها فأول كلمة نطقاتها..... صوفيا انا عييت كثر منك.. مبقيتش باغي نزيد نبعد عليك خلينا نتجمعو ونعيشو كعائلة صغيرة ومتحدة... محتاجك تكوني بجنبي
صوفيا: واخة نقدر نسامحك على هادشي كامل حيت مكانش بالارادة ديالك.. وبالصح تصدمت من بزاف دالحوايج.. ولكن اغتصابك مكنتيش مجبر فيه هئ هئ... نتا غتصبتيني وهنتيني وحتاقرتيني.. نتا عدبتيني وانا منقدرش نسامحك على حاجة درتيها نتا.... ناضت من حداه مشات للبيت وخلاتو داير راسو بين يديه ومعصب..

دازت يومين مكيهدروش مع بعضياتهم.. رعد كيوجد الماكلة ولا نقولو تخربيق وصافي.. يا اما زايد الملحة يا اما حارقها شوية.. المهم ديما مخربقها... وصوفيا كتاكل ومكتهدرش معاه نهائيا... هاد النهار كانت صوفيا ناعسة حتى سمعات البكا دبنتها وهي تنوض.. دخلات لبيتها ولقات رعد هازها كيسكت فيها
صوفيا: مالها
رعد: يمكن فيها السخانة
صوفيا: (بخوف) واش بالصح... قرباتليها وحطات يديها على راسها... رعد شنو غنديرو
رعد: متخافيش راه غير السخانة شوية غادي تنزليها
صوفيا: لا لا انا رجعت كنخاف من السخانة
رعد: واخة تهدني انا غنجيب الطبيب... خدات عشق عنقاتها وكتسكت فيها.. اما رعد مشا عيط فالتيليفون.. ورجع لعندهم
رعد: اجي للبيت جلسي ارتاحي راه الطبيب شوية ويكون هنا
صوفيا: واخة... مشاو للبيت حطات بنتها فوق الناموسية وناضت جبدات عباية لبساتها حيت كانت غير بشورط واكس.. قدات الفولار ديالها ورجعات جلسات حدا بنتها.. رعد بقا كيشوف فيها ويبتاسم.. بعد ساعة ونص وصل الطبيب... فحصها وضربليها ابرة لتخفيض الحرارة
الطبيب: متخافوش غير مع الجو بارد مرضات
رعد: الحمد لله وسمحلينا
الطبيب: مكاين حتى مشكل هادي خدمتي
رعد: شكراا... مشا رعد وصل الطبيب للباب.. كانو لي كارد كيتسناو باش يوصلو الطبيب.. حيت ديك البلاصة فين كاينين بعيدة وخاوية.... رجع رعد للبيت لقا صوفيا متكية ومعنقة بنتها... بقا كيشوف حتى عيا ومشا لبيتو.. صبح الصباح ناض هاد المرة فشكل... لبس حوايجو وخرج من البيت...
رعد: صباح الخير
صوفيا: الصمت
رعد: (تنهد) جمعي حوايجك غادي نرجعو... خرج وهي ناضت كتجر رجليها وتنكر... جمعات حوايجها وحوايج عشق.. لبسات وخرجات.. داز من حداها هز الباليزات وخرج وهي هازة عشق وتابعاه من اللور... ركبو طموبيل وتحركو.. بعد دقائق كانو وصلو للطيارة... ركبو وحلقو فالسما... صوفيا كانت جالسة وساهية فهادشي لي واقع اما رعد كيشوف فيها غير هي... حطت الطائرة مي هاد المرة فالمغرب.. غير نزلات عرفات راسها فالمغرب... ركبو الطموبيل لي كانت كتسناهم.. بعد دقائق وقفات الطموبيل.. دورات راسها كانت دارها... رعد حرك راسو وهو ينزل الشيفور
رعد: سمحيلي... سمحيلي على كلشي... انا غادي نمشي فحالي ومتعاوديش تشوفي وجهي... كنعتادر على أي حاجة خايبة درتهاليك... عااارف راسي آديتك بزااف وصعييب تسمحيلي.. داكشي علاش رجعتك باش منزيدش نظلمك معايا... دوز يديه على وجهها... يكدب عليك الكداب الى قاليك شي حد مكنبغيكش... انا أعشقك.. عارف داكشي لي درتلك لا يغفر مي انا كنت كنحاول ننتاقم منك... داك الجرح ونتي ناعسة بين يدين شخص اخر مزال مبغا يبرا... مكنتش حاسس بداكشي لي كندير.. شخصية الشيطان كانت مسيطرة عليا... سمحيلي مرة اخرى....... المهم انا دبا وصلتك لدارك ونتمنى يجي النهار لي تسامحيني... قرب لعندها وكيشوف فعينيها لي كيبريو بالدموع... كنبغيك.. باسها قبلة وداع.. كانت مزيج بين الحب والانكسار والاعتذار... بعد عليها وكيشوف دموعها لي نزلو.. اما هو كانو دموعو نازلين بغزارة وقلبو حتى هو كيبكي... الوداااع عشقي

《وصلنا لنهاية الطريق... هل فعلا داك الحب الجميل اختفى.. هل فعلا حبنا كان كذبة.. تحول لكره؟.. هل سنلتقي مجددا》

بقات صوفيا كتشوف فيه حتى عيات وهي تنزل بالزربة.. هازة بنتها وكتبكي.. حطليها الشيفور باليزتها ومشا ركب.. بقات واقفة كتشوف فالطموبيل حتى غبرات.. مسحات دموعها وجرات باليزتها داخلة للدار... حلاتليها الخدامة لقات ماماها فالصالون مشات كتجري عنقاتها وبدات كتبكي
ماما: الله ابنتي شحال توحشتك هئ هئ
صوفيا: حتى انا اماما هئ هئ.. علاش خليتوه يديني هئ هئ علاااش
ماما: خفنا ابنتي تعاودي تنتاحري... ياك ابنتي باغية تخليني محروقة عليك مزال حتى مابردت من جهة باباك الله يرحمو هئ هئ
صوفيا: (باسف) سمحيلي اماما كلشي تجمع عليا.. ومبقيتش قادة نتحمل.. سمحيلي
ماما: الله يرضي عليك ابنتي متعاوديهاش
صوفيا: كوني هانية اماما مغاديش نعاودها
ماما: الله يرضي عليك.. فين راجلك
صوفيا: احم مشا بحالو
ماما: ماشي مشكل مي حتى تعشاو معانا عاد تمشيو راني موحشاك
صوفيا: ماعندي فين نمشي.. انا ورعد غادي نطلقو
ماما: (بصدمة) علاش
صوفيا: صافي مبقيناش مفاهمين كلها يمشي فطريقو.. انا غادة نعس شوية راني عيانة
ماما: (تنهدت) واخة ابنتي.. هزات صوفيا عشق وطلعات لبيتها.. حطات بنتها فوق الناموسية وجلسات.. حيدات حجابها وبقات كتفكر
صوفيا: صافي حنا تفارقنا دبا.. مخاصنيش نفكر فيه هو جرحني.. وهاد الجرح عمرو مغادي يبرا.. دخلات دوشات وخرجات لبسات حوايجها.. لقات بنتها فاقت
عشق: بابا
صوفيا: واخة احبيبة دبا يجي.. اجي نبدليك حوايجك.... لبساتها بيجامتها فالغوز وحطاتها فالارض.. شوية تحل الباب ودخل سيف
سيف: ختي كيبقيتي
صوفيا: حمد الله ونتا
سيف: حمد الله.. شنو داكشي لي سمعت من ماما.. واش بالصح غادي تفارقي مع رعد
صوفيا: انا لي خاصني نسولك.. شكون عطاك الحق تخلي رعد يديني هئ هئ
سيف: (بصدمة) صوفيا ختي شنو واقع
صوفيا: انا ماشي ختك هئ هئ.. كون كنت ختك متخليهش يديني.. نتا ماعرفش شنو داز عليا.. معارف والو
سيف: (شدها جلسها وجلس على ركابيه) مالك.. شنو دارليك غير قوليلي اختي
صوفيا: والو هئ هئ... دخلت ريم لقاتها كتبكي مشات نيشان عنقاتها
ريم: سيف خلينا بوحدنا عفاك... ناض سيف خرج وبقات صوفيا كتبكي فحضن ريم... شنو دارليك اختي عاوتاني
صوفيا: مدارلي والو.. صافي حنا غادي نطلقو
ريم: انا معاك فأي حاجة درتيها.. داكشي لي دار لا يغتفر
صوفيا: (تنهدت) انا كنكرهو ومعمري مغانسمحو
ريم: نساي عليك دبا هادشي وارتاحي
صوفيا: (بحزن) بغيت نزور بابا.. ديوني عندو
ريم: غذا ان شاء الله يديك خوك
صوفيا: واخة.. كيبقيتي نتي بعدا مع الحمل
ريم: (حطات يديها على كرشها) مزيان الحمد لله
صوفيا: الله يفك وحايلك على خير اختي
ريم: امييين... خرجات ريم وصوفيا بقات جالسة كتفكر.. خدات قرار لي مغاديش تراجع عليه.... دازت 3ايام كانت مشات عند باباها ترحمات علييه وبردات شوية فاش فشات قلبها عليه.... كانت خارجة من دارها ياله وصلات للباب وهو يوقف عليها واحد
...: مدام صوفيا ممكن تفضلي معايا
صوفيا: شكون نتا
...: انا صيفطني موسيو رعد وضروري تمشي معايا
صوفيا: (تنهدات) اوكي... ركبات معاه فالطموبيل وزادو بعد دقائق وقفات الطموبيل دورات وجهها

لقات راسها فغابة
...: زيدي معايا امدام... تبعاتو صوفيا وهي كتفكر فشنو باغي رعد منها حتى وصلو لواحد الكوخ صغير حليها الباب دخلات ولقات محسن مكتف ودماياتو نازلين.. غير شافها وبدا كيصدر اصوات حيت كانو سادينلو فمو
رعد: (من موراها) هانا جبتو ليك
صوفيا: (دارت شافت فيه ورجعات شافت قدامها.. قربات لمحسن وحيداتلو اللصقة) علاش درتي فيا هكا.. علاش ديتيلي شركتي لي تعبت عليها وكنت فاسوء حالاتي
محسن: سمحيلي.. انا ندمان والله.. عفاك سمحيلي.... هزات يديها حتى السما وصرفقاتو
صوفيا: ياكما كيسحابليكم انا ملاك.. غير لي قالي سمحيلي غادي نسمحلو... ونتا غادي ناخذ حقي منك غذا امام الله... لهلا يسهل عليك ونتمنا معمرك تشوف النهار الزوين فحياتك
رعد: (متوسخيش يديك فيه) هاكي ها الوراق.. وشركتك راه رجعاتليك
صوفيا: (شداتهم) شكرا.. وصلات للباب ودارت شافت فرعد لي كان متبعها فعينيه.. وشافت فمحسن لي كان حادر راسو ودماياتو نازلين... حدرات راسها وخرجات.. لقات هداك لي جابها كيتسناها... ركبات ووصلها حتى للدار... دخلات لبيتها وقرات الوراق مزيان.. حسات نوعا ما بالفرحة فاش رجعاتليها شركتها... خبات الوراق وعاود خرجات.. بقات كتقلب حتى لقات دار عجباتها وتافقات مع مولاها على السعر عاد رجعات.... دازت #سيمانة كانو إجرتءات شراء الدار سالات وولات عندها برطمة زويونة... بدات كتجهزها ودارت بيت بنتها حدا بيتها... فرشاتها كاملة......
صوفيا: ماما بغيت نقوليك شي حاجة
ماما: شنو
صوفيا: انا شريت واحد الدار غادي نمشي نسكن فيها
ماما: كيفااااش.. وعلاش
صوفيا: انا بغيت نبني حياتي... منبقاش ديك الانسانة الضعيفة.. بغيت نكون مسؤولة.. دبا شركتي رجعات الحمد لله وخديت دار.. غادي نسكن فيها انا وبنتي وغادي نبنيو حياتنا انا وياها... بعيد على كاع المشاكل
ماما: (تنهدت) نتي تعرفي ابنتي مصلاحتك.. الله يسهل عليك
صوفيا: اميين.... طلعات لبيتها كملات الجميع.... وصل الصباح نزلات هي وبنتها وسيف نزليها الحوايج... من بعد عدة محاولات عاد قدرات تقنع سيف انها تمشي تعيش بوحدها... توادعات معاهم وركبات طموبيلتها... بعد لحظات كانت وصلات.. دخلات لدارها والابتسامة على وجهها
صوفيا: من اليوم ابنتي غادي نعيشو انا وياك فهاد الدار... ونبنيو حياتنا ومستقبلنا انا وياك... بقات حاجة وحدة نديرها ونرتاح

رتبات حوايجها وحوايج بنتها فالماريو.. وهما يدخلو بجوج للدوش.. دوشو وخرجو لبسو حوايجهم وهما يمشيو للكوزينة.. حطات صوفيا عشق فالكرسي ديالها وبدات طيب الغذا... كملات ووجدات لبنتها ماكلتها... وكلاتها عاد بدات كتغذا هي... كملات جمعات داكشي... مشات نشفات شعرها ولبسات حوايجها.. لبسات لبنتها ونزلات.. مشات لشركتها لأول مرة.. لقات بعض الموظفين تبدلو.. معجبهاش الحال دخلات للمكتب.. قلبات على نماري الناس لي كانو خدامين عندها عيطاتليهم كاملين ورغباتهم يرجعو وقبلو.. اما الجداد خلصاتهم واعتادرات منهم... مشات لريسطو باش تلاقا بواحد الشخص
صوفيا: السلام سمحيلي على التأخير
...: نو مكاين حتى مشكل.. هادي بنتك
صوفيا: (بابتسامة) اه.. عشق
...: سميتها زويينة... عشق انا خالتو زينب.. الله يخليهاليك
صوفيا: امييين
زينب: المهم انا دفعت الملف للمحكمة.. وغالبا هاد اليومين غادي يصيفطو لراجلك الدعوة.. حيت الموعد الأول غيكون السيمانة الجاية ان شاء الله
صوفيا: (تنهدت) ان شاء الله.. واش من الجلسة اللولة غادي نطلقو
زينب: غالبا لا.. فالاول كيبغيو يعرفو الاسباب ومن بعد كيعطيوكم مدة تفكير.. وفالجلسة الثانية الى كنتو مصممين على قراركم غادي طلقو
صوفيا: اوكي.. ميرسي بوكو
زينب: متقوليش هكا.. حنا صحابات زعما واصلا درت غير خدمتي.. مي بغيت نقوليك الى راجلك مكانش قابل غادي تعكس القضية شوية
صوفيا: وي عارفة.. ياله نخليك دبا...... تسالمو ومشات ركبات طموبيلتها... دخلات لدارها حطات بنتها فالارض وجلسات كتبكي على زهرها.............. صبح الصباح فاقت مخلوعة من الدقان المجهد... لبسات بينوارها ودارت فولار ومشات حلات الباب... لقات وحش قدامها عينيه حومر وعروقو باينين.. شافت جهة يديه لقاتو مكمش على واحد الورقة.. طاح فيها النص مي حاولات متبينش خوفها
صوفيا: (ببرود) مالنا على هاد الدقان.. اش كاين... وكيدرتي عرفتي داري....... رعد دفعها ودخل للدار وسدها
رعد: (معصب) اش هادشي.. لاح عليها الورقة... ياله هضري
صوفيا: دعوة ديال الطلاق
رعد: (كيغوت) راني عارفها ديال الزفت... شدها من يديها.. واش بعقلك باغة طلقي
صوفيا: اه صافي مابقات عيشة بيناتنا.. كلها يمشي فطريقو
رعد: سمعيني مزيااان.. انا مغاديش نطلقك.. الى مكنتيش معايا مغاتكوني مع حد.. فهمتي

صوفيا: علاش واش داكشي لي درتيلي غادي يخليني نتيق فرجل اخر؟؟؟؟؟ غير تهنا انا مبقيتش كنحمل الرجال وانت اللول فيهم
رعد: انا مغاديش نطلقك سمعتيني... سمعو البكا وهو يطلق منها... مشات صوفيا عند بنتها كتسكت فيها رجعات للصالون ملقاتوش.. وهي تجلس كتبكي....... غسلات وجهها ولبسات حوايجها وبنتها كذلك.. قدات الفطور فطرو وهي تمشي لشركتها ودات معاها بنتها.... غير جلسات فمكتبها جاو كاع الموظفين ديالها كيسلمو عليها ويباركوليها
صوفيا: (بابتسامة) شكرا ليكم بزااف
السكرتيرة: افف واخيرا جيتي داك ولد الحرام كان قاطعها فيا
الكل: هههههههه
صوفيا: ههههه ماشي مشكل.. المهم دبا خاصنا نخدمو كيد وحدة ونوقفو على رجلينا مرة اخرى
الكل: ان شاء الله... دام الحديث على الخدمة وشنو غيديرو فالعرض الجاي لمدة ساعتين عاد كل واحد مشا لمكتبو........ وصل يوم المحكمة تلاقات بزينب وهي قلبها كيضرب
زينب: كوني قوية وكلشي غيدوز مزيان.. كيفما شرحتليك هاد الجلسة غادي يسولوك غير علاش باغة طلقي وصافي
صوفيا: واخة.. دخلو للمحكمة واذا بالعيون تلاقت... بقاو كيشوفو فبعضياتهم لمدة طويلة..... عيطو على أسماءهم ودخلو...
القاضي: علاش بغيتي طلقي ابنتي
صوفيا: (وقفات) احم مبقيتش قادرة نعيش معاه تحت سقف واحد.. لاني تعرضت لاهانات بزاف وضرب مبقيتش قادة نتحمل
القاضي: ونتا اش كتقول
رعد: انا مباغيش نطلقها وحنا عندنا بنت محتاجنا نكونو جنبها بجوج بنا
القاضي: والى بغيتيها علاش كتعنفها.... بعد نقاش طويل شوية... غادي نعطيكم 2سيمانات فكرو فيها وحاولو تهضرو وتناقشو.. الى قدرتو توصلو لحل راه مزيان.. وفكرو حتى فبنتكم........ رجعات لدارها وهي تنهار بالبكا ديك القوة لي كتبين قدامو ماهي الا تمثيل... هي اضعف مما كنتخايلو كلنا..... دوزات داك النهار غير فدارها حتى من بنتها ممشاتش تجيبها من عند ماماها...... دازت كثر من سيمانة رعد مشافتوش كاع.. داز عادي غير فالخدمة حتى لهاد النهار كانت فريسطو كتغذا هي وبنتها حتى وقف عليها علي
علي: صوفياا سافا
صوفيا: (بابتسامة) سافا حمد الله ونتا
علي: حمد لله.. فين هاد الغبور مبقيتيش كتباني
صوفيا: غير المشاكل وصافي
علي: علاش مالك
صوفيا: (تنهدت) انا ورعد غادي نطلقو
علي: (بصدمة) كيفااش
صوفيا: وصلنا لطريق مسدودة.. من الاحسن كل واحد يشد طريقو
علي: واش عارفة بلي......................... وصل يوم المحكمة مشات وهي تصدم بحالة ديال رعد... كان داير فاصمة على راسو ويديه دايرليها الحامل ومدور على عنقو.. وواحد العين زرقة.... مشات عندو بلا ماتحس
صوفيا: مالك
رعد: (بحزن) والو متشغليش بالك... عيطو عليهم ودخل خلاها واقفة فبلاصتها... دخلات وبدا القاضي كيهضر
رعد: (وقف) انا قابل بالطلاق
القاضي: ونتي ابنتي
صوفيا: اه مي قبل ماتقول القرار بغيت نعتارف بواحد الحاجة

القاضي: شناهيا
زينب: (بهمس) من الاحسن بلاش غادي تصعبي على راسك الامور
صوفيا: (مداتهاش فيها) انا.. انا حاملة....... مع هاد الكلمة هز رعد راسو والصدمة واضحة على وجهو
القاضي: (بقا كيشوف فيهم) بانليا نزيد نخليلكم الوقت.... من هنا شهر كاينة جلسة تقدرو تفضلو..... خرجو وهي كتفادى نظرات رعد
زينب: علاش قلتيها ياك واعدتيني
صوفيا: منقدرش ازينب.. اه مكنحملوش وباغة نطلق منو مي منقدرش نخبع عليه هادشي.. ماشي هادشي علياش وصانا الاسلام... منقدرش نخبي عليه ولدو ولا بنتو... انا هكا تربيت.. وشفتي كون كانت بنتي ممريضاش وبان كنت غنمشي نقولو عندك بنت.... مقادة على ذنوب....... هاد الهضرة سمعها رعد.. حدر راسو ومشا
#فلاش_باك
علي: واش عارفة بلي نتي حاملة.. كانت صوفيا كتاكل غير قال هاد الكلمة وهي تجيف.. عطاها الما شربات
صوفيا: اش كتقول.. وكيدرتي عرفتي
علي: فاش نتاحرتي وكنا فالعملية عرفناك حاملة من خلال التحاليل... والحمد لله قدرنا نقدوك نتي والجنين... مبغيتش نقولهالهم وهما فديك الحالة وكنت عوال نقولهاليك... مي ديك الساعة نتي سافرتي
صوفيا: لا ميمكنش اكيد نتا غالط
علي: زيدي نمشيو نديرو التحاليل وتأكدي.... ناضت معاه وعقلها كيدي ويجيب مقدراش تيق بلي حاملة مرة اخرى... خرجات ابتسامة مي غير تذكرات كيفاش تم هاد الحمل نزلو دموعها....... وصلو ودارت التحاليل ووقف عليهم علي حتى خرجو وجابهومليها... قراتهم وتأكدات بلي هي حاملة وعندها شهر ونص... كانت غطيح كون مشدهاش
علي: صوفيا مالك
صوفيا: (كتمسح دموعها) لا والو.. انا غنمشي وشكرا على كلشي......... رجعات لدارها هي وبنتها وعقلها دايخ غير كتفكر..... دخلات للدوش حطات يديها على كرشها وبدات كتبكي حتى ارتاحت
#الحاضر
رجعات لدارها تكات فوق ناموسيتها وكتفكر فشنو غيوقع من بعد... مي دغيا تناسات فاش تفكرات بلي رعد قبل بالطلاق.. شنو لي غير رأيو بهاد السرعة..... بقات كتفكر حتى داتها عينها ونعسات.... فاقت على الدقان.. مشات كتحك فعينيها حلات الباب وهي تلقا رعد
رعد: نقدرو نهدرو
صوفيا: وي دخل... دخل وهو كيدور عينيه فالدار عاد جلس.. تشرب شي حاجة
رعد: لا بلاش فين عشق
صوفيا: بقات عند ماما.. حتى الغذا ونمشي نجيبها
رعد: اوكي.. احم فوقاش عرفتي بلي نتي حاملة
صوفيا: (جلسات) هادي يومين.. دكتور علي لي قالهالي
رعد: (هز حاجب) كيفاش
صوفيا: المهم فاش انتاحرت تما فين عرف بلي انا حاملة.. ومع الوضع مكيسمحش مقالهاش ليكم.. وانا فاش قالهالي درت التحاليل وتاكدت
رعد: ممم اوكي.. (حك راسو) مشهية شي حاجة

صوفيا: لا شكرا على سؤالك
رعد: المهم اي حاجة بغيتيها عيطيلي وغتوصل حتى لعندك
صوفيا: شكرا... مم مالك واش درتي كسيدة
رعد: لا المهم انا غذا مسافر.. الى حتاجيتي شي حاجة غير صوني عليا نصيفطليك شي حد.. وغير نرجع نجي نشوفك نتي وعشق اوكي
صوفيا: واخة... ناض رعد جهة الباب وتبعاتو حل الباب ودار شاف فيها وعلى وجهو ابتسامة باس راسها
رعد: شكرا.... مشا وخلاها واقفة.... سدات الباب ورجعات جلسات كتفكر..... بعد مدة ناضت لبيتها لبسات بيجامتها وطلقات شعرها.. دخلات للكوزينة طيبات العشا وتعشات عاد مشات لبيتها نعسات..... صبح الصباح وهي تمشي للدار
صوفيا: صباح الخير
الكل: صباح النور
ماما: اجي ابنتي تفطري
صوفيا: غير بالصحة انا فطرت.. فين عشق
سيف: راها نااعسة ماعرفت لمن خرجات
صوفيا: ههههه لماماها
ماما: كيدرتي ابنتي مع الحمل
صوفيا: (بابتسامة) الحمد لله
سيف: كون غير رجعتي عشتي هنا حسن ليك.. علاش بعدتي علينا وحتى من المحكمة مبغيتيش نحضرو معاك
صوفيا: ماشي هكاك غير بغيت نتاخذ القرارات بوحدي.. ومعندكم مديرو فالمحكمة... وانا مرتاحة فداري الحمد لله
سيف: (دوز يديه على راسها) لي بانليك اختي
صوفيا: (بابتسامة) ايوا اريم عرفتي شنو عندك
ريم: (بحماس) غذا ان شاء الله غادي نعرف
صوفيا: مزياان.. الله يفرحك ياربي
ريم: امييين.. انا وياك ان شاء الله....... داز داك النهار عادي وشدوها تبات معاهم.. بقات مجمعة مع ريم..... صبح الصباح مشات هي لخدمتها... كانت خدامة حتى وقفات ريم عليها والضحكة واصلة ليها لودنيها
ريم: عندي ولد واااااااااع... نقزات عليها صوفيا سداتليها فمها
صوفيا: مالكي واش جعرتي سكتي راه غادي تشوهينا
ريم: (حيداتليها يديها) واا عباد الله انا حاملة وعندي ولد
صوفيا: ههههههه والله حتى حمقة.. مبروووك عليك
ريم: الله يبارك فييك اختي.. العقبة ليك حتى نتي بشي فنيكيش
صوفيا: (بابتسامة) ان شاء الله.... دازت 3سيماناات.. اليوم الاحد دخلنا لبيت صوفيا لقيناها هي وبنتها ناعسين على كرشهم وناشرين رجليهم.. كيتشابهو حتى فالنعسة... وصلات 10 وهما مزال ناعسين ومظلمين البيت... فاقت عشق كتحك فعويناتها شدات فالناموسية بيديها بجوج ودلات رجليها بغات تنزل... بقات شحال عاد نزلات.. خرجات من البيت وبقات كدور كيف الهبيلة وشعرها طالع للسما وسوفيطمتها طالعة وكرشها كتبان والعماش باقي فعويناتها.. سمعات الدقان وهي تمشي بالزربة جهة الباب وبدات كدق حتى هي

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.