رعد: لبسيها حوايج الخروج.. ولبسي حتى نتي... بغيت نفطرو برا الى ممكن
صوفيا: واخة... خداتها غسلاتليها وجهها وبدلاتليها مشطاتليها شعرها.. وهي تخرج كتجري مشات عند باباها... اما صوفيا لبسات حوايجها وقدات حجابها وخرجات عندهم
رعد: (بابتسامة) مشينا
صوفيا: ويي... تسنا نهز عشق
رعد: نو بلا ماتعدبي غادي نهزها انا
صوفيا: اوكي... هبطو وركبو فالطموبيل اللور.. كان الشيفور لي سايك... كانو جالسين وعشق بيناتهم... صوفيا كانت كتلعب بيديها بتوتر... ورعد حاضيها... وقفات عشق على رجليها... جات صوفيا تحط يديها على ظهر عشق باش مطيحش.. وتلقاو يديهم بجوج شافو فبعضياتهم وهي تحيد يديها بالزربة... بقات عشق كتلعب وتغوت غير بوحدها خالقة السعادة مع راسها..... بعد دقائق وقفات الطموبيل وهما ينزلو.. كانت ريسطو جلسو فواحد القنت طلبو شنو بغاو.. جابليهم السيرفور داكشي لي بغاو.. بداو كيفطرو والصمت حاضر من غير عشق لي كل دقيقة تصدر صوت... هزات صوفيا راسها وبانتليها مراة حاملة كرشها لفمها وشادة فراجلها مسندة عليه وهو كيهضر معاها ويضحكو.. محسات حتى نزلات دمعة منها مسحاتها بالزربة وحدرات راسها كتاكل... رعد كان حاضي الفيلم وبقا فيه الحال.. دبا تالف معرف ميدير
رعد: صوفيا
صوفيا: (هزات راسها) وي
رعد: احم نقدرو غذا نمشيو لشي طبيبة باش نطمأن عليك
صوفيا: اوكي لي بغيتي.... كملو فطورهم وخرجو
رعد: بغيت ندوزو هاد النهار مجموعين ممكن
صوفيا: انا نرجع للدار وخلي عشق معاك
رعد: بغيتك حتى نتي معانا.. عفاك
صوفيا: (تنهدت) واخة... ركبو الطموبيل وتحركو ماوقفو حتى وصلو للملاهي ونزلو.... دا بنتو ركبها وركب معاها فالطموبيل وهي عاجبها الحال.. اما صوفيا جلسات فوق واحد الكرسي وحاضياهم... حتى حسات بشي حد جلس حداها
علي: صوفيا سافا
صوفيا: (شافت فيه ورجعات شافت قدامها) حمد الله ونتا
علي: بيخير هاد الساعة.. كيغادة مع الحمل
صوفيا: مزيان حمد الله.. اش كدير هنا
علي: جبت بنت ختي تلعب.. شنو درتي فقضية الطلاق
صوفيا: (تنهدت) معرفتش.. تلفت والله
علي: انا معارفش بالضبط شنو واقع بيناتكم مي باينة فيه كيبغيك.. شوفي غير شوفاتو دبا..... هزات راسها شافت فيه كان وقف من اللعب وكيشوف فيهم
صوفيا: مقادراش نسا اعلي
علي: متنسايش كلشي كيستاحق فرصة ثانية.. وبغيت نقوليك واحد السر مي متقلقيش مني
صوفيا: شناهو
علي: فاش جبتي راجلك وريتيه بنتك.. ديك الساعة نتي سخفتي.. فاش خرج من عندك جا نيشان لعندي.. وطلب مني يدير التحاليل مي مكان باغي حد يعرف.... وفعلا دارهوم كانو خرجو مطابقين مي مكانش يقدر يتبرع
صوفيا: (بصدمة) كيفاش
علي: راجلك مريض.. ووخا هكاك اصر انه يدير العملية رغم خطورتها على حياتو.. مي الحمد لله نجحات وموقعلو والو
صوفيا: باش مريض
علي: عندو الكليتين مراض.. والصراحة خاصو يزرع كلية والا غيمشي فيها.... انا معرفتش شنو دارليك حتى خلاك طلبي الطلاق.. مي لي عارف انا بلي كل واحد يستحق فرصة ثانية.. (مدليها ورقة) هادي كانت رسالة ليك فحالة مات فالعملية كان باغيني نعطيهاليك.... شداتها من عندو بغات تقراها وهي تشوف رعد جاي مخنزر وهي تخبعها بالزربة فالصاك
صوفيا: واخة.... مشاو تغذاو ودازو للمول تساراو فيه وشرا رعد حوايج بزاف لبنتو.. حتى عيات صوفيا بالدوران وبانت فوجهها
رعد: عييتي
صوفيا: اه شوية... رعد عيط على الكارد جا هز عشق وهو هز صوفيا.. اويلي اش كادير هبطني
رعد: مالي اش درت هازك فيها شي حاجة
صوفيا: راه يديك مزال مريضة
رعد: نو مزيانة غير ارتاحي.... هبطو للطموبيل ركبها وركب حداها وعاد شد عشق...... كانت عشق جالسة فوقو ومتكية على صدرو وصوفيا حاطة راسها على الزاج ودموعها فطرف عينيها شادهم غير بزز...... وصلو للدار وهو هز عشق والكارد تابعهم هاز داكشي لي شراو.... حلات صوفيا الباب ودخلو حط الكارد داكشي ومشا
صوفيا: تقدر تبقا شادها شوية على مانصلي ونبدل حيت مكتبغيش ترصا
رعد: وي سيري انا شادهاليك
صوفيا: اوكي.... جلس رعد هو وبنتو وصوفيا دخلات بدلات وتوضات صلات صلاتها عاد خرجات عندهم لقاتهم ناعسين... رعد حاط راسو على الحيط وناعس وعشق ناعسة فوق صدرو... نزلو دموعها بلا ماتحس... مسحاتهم ومشات هزات بنتها بشوية داتها للبيت حطاتها فوق الناموسية وحيداتليها صباطها.. رجعات عندو لقاتو مزال ناعس قربات لعندو.. حدرات حيداتلو الصباط وجبداتو عندها بشوية تكاتو فوق المخدة وهزات رجليه حطاتهم عاد مشات جابت الغطا غطاتو وهي تجلس بجنبو... حطات يديها على شعرو وكتشوف فوجهو.. دوزات يديها على وجهو وهي تنوض دخلات لبيتها.. مشات نيشان لصاكها جبدات الورقة وبدات كتقرا
《صوفيا حبيبتي وملاكي.. أعتذر عن كل دمعة كنت سببها... أعتذر على اغتصابي لك... أردتك أن تكرهيني فقط.. فأنا لا أقوى على حزنك.. لم أرد أن تحزني بعد موتي... خيانتك لي سببت جرح في قلبي لا زال ينزف... أردت الانتقام منك لكن يبدو أني انتقمت من نفسي.. عندما تقراين هذه الرسالة سأكون ودعت الحياة... رغم أنه من الاصل ليس لدي حياة... أي حياة هذه بدونك.. بدون عطرك.. بدون لمساتك وابتسامتك... صغيرتي أعتذر مرة أخرى منك.... تمنيت أن نعيش معا.. عائلة صغيرة نربي أبناءنا.. لكن القدر كان له منظور آخر... أحبك》
دارت يديها على فمها وبدات كتبكي... بقات هكاك حتى ضرها راسها... خبعات ديك الورقة وتكات فبلاصتها كتفكر حتى نعسات.... صبح الصباح فاق رعد.. جلس وهو كيشوف راسو فين كاين عاد عرف بلي نعس عند صوفيا... ناض كيقلب على الحمام حتى لقاه دخل غسل وجهو وهو يخرج... دخل للبيت لقا صوفيا وعشق ناعسين.. ونفس النعسة ابتاسم بحب... هز تيليفونو وصورهم.. شاف عشق كتحرك وهو يقربليها... هزات راسها لقات باباها حداها وهي تمد يديها... هزها وهو كيضحك خرجو من البيت
رعد: (دوز يديه على شعرو) كيفما قلتليك انا رجعت للمافيا.. ولكن كجاسوس والحمد لله لقيت كاع الدلائل... والبوليس تمكن يشدو على الرئيس وخلال ديك المداهمة تقاسيت فكتفي.. وكان غادي يهرب كون مشديتوش ودبا راه معفن فالحبس...... قربات لعندو قاست كتفو
صوفيا: مزال كيضرك
رعد: (بحب) من بعد هاد اللمسة مبقيتش كنحس بيه.... المهم فاش تشد انا مشيت للطبيب جلست يومين ومشيت للمركز عطيتهم كاع داكشي لي عارف وحتى من اكرام تشدات حيت كانو دلائل ضدها حتى هي... وانا رجع الماضي ديالي نظيف او تقدري تقولي تولدت من جديد.... خلال ديك 3دالسيمانات لي غبرت فيها.. كنت فكندا حيت التحقيقات طولو وكانو محتاجيني والصراحة انا مكنتش باغي نبزز عليك انك تبقاي معايا.. المهم كملت داكشي معاهم وتحكم عليهم بالمؤبد.. وقبل مانمشي طلبت منهم طلب... انني نتلاقا اناس
صوفيا: (بصدمة) علاش اش بغيتيه
رعد: منقدرش نسا اش دار.. المهم وقفو معايا وقادولي الطريق باش نتلقاه.. وهادي يومين باش رجعت للمغرب ومشيت تلاقيتو
#فلاش_باك
اناس: اووه شكون جا عندي
رعد: (باستفزاز) كيجاك الحبس.. تربيتي شوية ولا مزال
اناس: الصراحة من بعد ديك **** مع مراتك خلاتني حاس براسي فوق السما... كانت حلوة بزاااف اصاحبي...... قدر يستافز رعد..... ناض بدا يضرب فيه
رعد: (بعصبية) انا عارف الحقيقة الحمار... كيضرب فيه... هاديك اشرف منك الكلب.. ولعلمك دبا عندنا بنت ومراتي حاملة.. انا وياها بنينا حياتنا وبقا نتا هنا حتى تعفن...... اناس غير سمع هادشي تعصب ومحملش راسو....
رعد: (دفعو) ياله بسلامة
#الحاضر
رعد: (تنهد) هادشي لي كاين.. هانا قلتليك كلش
صوفيا: متأكد
رعد: (بتوتر) اه
صوفيا: (تنهدت) شنو غنديرو باش منطلقوش
رعد: (بفرحة) غادي تهدري غير مع المحامية ديالك.. وهي غادي تكلف
صوفيا: واخة.... قرب ليها كثر وجبدها لعندو عنقها وحتى هي بادلاتو العناق.. بدا كيسمع شهقاتها ونزلو دموعو حتى هو بدون ميحس
رعد: صافي احبيبة.. نساي داكشي لي فات عفاك
صوفيا: غادي نحاول
رعد: اعظم هدية فحياتي هي نتي.. باس راسها.. توحشتك صغيرتي..... عنقاتو وتكات على صدرو.. غمضات عينيها وبقا هو كيدوز يديه على راسها ووجهها... مافيقهم غير الغوات ديال عشق وهي كضرب ماماها بيديها وتجبدها من درتها
رعد: (بعد عشق على صوفيا) بعدي من ماماك الباسلة... عشق رجعات اللور وبقات كتخنزر فيهم شوية وهي تبدا تغوت.. جات صوفيا تنوض عندها وهو يرجعها رعد
رعد: خليها تبكي حتى تعيا وتسكت..... عشق شافتهم مداوهاش فيها وهي تمشي جهة الباب كدق وتغوت
رعد: هههههه بغات تخرج كاع.. ايي هاد البنت غادي تخرج قاصحة
صوفيا: (عوجات فمها) معرفت لمن خرجات
رعد: هههههه ياك كتعايريني دبا
صوفيا: حيد يديك خليني نشوفها دبا دير شي كارثة.... ناضت لقاتها مزال حدا الباب ودميعاتها فوق حناكها
صوفيا: (حدرات عندها) حبيبة ماماها... شافت فيها عشق ودورات وجهها.. هزاتها صوفيا وهي كترغب فيها.. جلسات فوق الفوتوي
صوفيا: عشق يااك غضبتي من ماماك.. انا غادي نتقلق منك حتى انا... قرب عندهم رعد
رعد: (باس يد عشق) الزويونة دباباها تقلقات منا
عشق: (دميعاتها كينزلو) ماما هئ هئ
صوفيا: (عنقاتها) صافي احبيبة سمحيلي.... بقاو يرغبو فيها بالسيف باش سمحاتليهم... ناضت صوفيا بدلات ولبسات بيجامتها طاحت عينيها على الرسالة تنهدات.. قطعاتها ولاحتها فالطواليط... وقفات قدام المراية وعرات على كرشها.. كاين انتفاخ صغير.. دمعو عينيها... ابتاسمت وهي كتفكر بلي عندها توام.. معاقت حتى لقات راسها بين يدين رعد وهو حاط يديه على كرشها
رعد: (بهمس) عاارف طريقة حملك.. كانت خايبة وكاره راسي على داكشي لي درت
صوفيا: لا غير خليها معايا.... دخلات للبيت.. جلسي ومتحركيش خليني نصلي... حطاتها فوق الناموسية.. لبسات حوايج الصلاة بدات كتصلي وهي تنزل عشق من الناموسية وقفات حداها كتشوف اش كدير.. صوفيا كانت كدعي حتى لقاتها حداها كتجبد.. بدات كضحك عليها
صوفيا: اجي الخايبة ديالي نبوسك.... شداتها كتبوس فيها وتركشها وعشق كتمووووت بالضحك..... خرجو من البيت مشاو للكوزينة حطات الغذا وعيطات على رعد... بداو كيتغذاو حتى ناضت صوفيا كتجري للطواليط ترد حشاكم.. تبعها رعد وهو مخلوع
رعد: (بخوف) مالك
صوفيا: متخافش.. غير الوحم هكا كيديرلي
رعد: اجي ارتاحي.. جرها تكاها فوق الناموسية... تبغي تاكلي شي حاجة نجيبهاليك
صوفيا: لا مقديتش غير سير كمل ماكلتك وشوف فين عشق.. انا غادي نتكا شوية
رعد: (دوز يديه على شعرها) واخة احبيبة غير رتاحي.... خلاها غمضات عينيها.. ورجع للكوزينة لقا عشق مزلعة عليها الما... تيشورت ديالها كلو فازك ووجهها موسخ بالماكلة
رعد: اش هاد الحالة دايرة... شافتو وبغات تهرب ساعة هزها من تيشورت ديالها بيد وحدة ومشا دخل لبيتها.. حيدليها البيجامة بزز حيت مخلاتوش.. حشاها فوسط ناموسيتها عاد دخل لعند صوفيا بشوية حيت كانت حاطة حوايجها عندها فالبيت هز بيجامة جديدة... ورجع هزها غسليها وجهها.. مسحليها ولبسها بيجامتها رجع للكوزينة وعطاها تاكل بيديه.... كملات ومسحليها بداو عينيها كيتسدو وهو ينوض داها لبلاصتها.. بعد دقائق نعسات عشق... رجع هو غسل دوك الماعن حتى كمل وهو يعيط للكارد يجيبلو حوايجو..... بعد ساعة كانو وصلو دخل دوش وخرج لبس بيجامة... دخل عند صوفيا لقاها مزال غرقانة فنعاسها... مشا جلس قدام التلفزة شد فيلم وجلس كيتفرج....... بعد ساعات سمع خطوات جايين... كانت صوفيا ياله فاقت وكتحك فعينيها
صوفيا: (نزلو دموعها) وانا تشهيتها اش بغيتي نديرليك هئ هئ..... عشق شافت ماماها كتبكي وبدات كتبكي حتى هي.. دارولو جنازة وهو جالس كيشوف فيهم ومطرطق عينيه
رعد: (ناض) صافي سكتي انا غنوجدها غير تهدني... كان كيسكت فيهم ويمسح دموعهم وهو يسمع الدقان.. ناض حل لقا سيف وريم... ياله بغا يهدر وهو يسمع سيف البكا.. دفع رعد ودخل كيجري لقا ختو وبنتها كيبكيو
رعد: (باس راسها) مغاديش نخليكم غير ارتاحي... عنقها وغمض عينيه.... ياله نوضي نمشيو للبيت... وقف وهزها بين يديه وهي محشية فيه... مشاو للبيت داز من حدا عشق لي كانت جالسة كتلعب غير شافتهم وهي تنوض تابعاهم بالجرا... حطها فوق الناموسية وتكا حداها وهي مزال محشية فيه... مشافوش الفارة لي كتعلق باش طلع عندهم
صوفيا: (شافت فيه) توحشت ريحتك
رعد: انا توحشتك كلك... قربليها وانغامسو فقبلة محسوش بعشق لي وصلات عندهم وعوجات راسها كتشوف اش كيديرو... صوفيا حلات عينيها وهي تلقاها كتشوف فيهم وهي دفع رعد بالزربة.... هز راسو وهو يلقا عشق غمض عينو بعصبية
رعد: اش كديري هنا الباسلة
عشق: (عنقات ماماها) ماماا
صوفيا: (حابسة الضحكة) نعام احبيبة ماماها.... تكات هي وبنتها وكتشوف فرعد كيعض شفايفو بعصبية.. اما عشق معنقة ماماها ومغمضة عينيها
صوفيا: مالك
رعد: والو انا غادي نشرب ونرجع.... خرج مشا للكوزينة جبد الدوا من جيبو شربو ورجع لقا عشق مزال حالة عينيها ومعنقة صوفيا
رعد: هادي مغاديش تنعس
صوفيا: علاش مالك... هاهيا البلاصة باقية نعس حتى نتا ارتاح
رعد: واخة.... حدرات باستو فحنكو وناضت بقا متبعليها عينيه وهو مبتاسم حتى خرجات من البيت... دار شاف فبنتو ناعسة على كرشها وكل رجل مليوحة فجهة.. قرب عندها عنقها ونعس....... صوفيا مشات نيشان للكافي تلاقا بزينب
صوفيا: سلام كيدايرة
زينب: بيخير ونتي
صوفيا: سافا حمد الله هاد الساعة.. انا بغيت نلغي قضية الطلاق شنو خاصنا نديرو
زينب: اوكي ساهل حالها.. دبا نقاد داكشي
صوفيا: واخة ميرسي بوكو.. ايوا عاوديلي على حياتك نتي راه من الباك ماتلاقينا وتعاودنا
زينب: مكاين ميتقال من بعد الباك درت القانون وهانتي كاتشوفي وليت محامية
صوفيا: وبالنسبة لحياتك الشخصية
زينب: سينجل هههه مكاين حد هاد الساعة
صوفيا: حسن والله هههههه.. هادشي فيه غير فريع الراس
.....: دبا نقولهالو... دارت وهي تلقا علي بدات كضحك
علي: (قاطعها) دونك قبل ماتمشي عطيني نمرتك.. مدليها التيليفون بقات كتشوف فيه مصدومة اما صوفيا قربات طرطق بكثرة ماهي مزيرة الضحكة
علي: 06.. كملي مالك ساكتة...... بقا مادليها التيليفون وهي كترمش بعينيها
صوفيا: بعد من البنت
علي: ونتي سوقك
زينب: احم انا غادا... هزات صاكها ومشات بالزربة
علي: عجباتني
صوفيا: هههههه نتا مسطي والله... زيد قدامي
علي: اش بيني وبينك باش نمشي معاك
صوفيا: راني كنت عوالة نجي عندك ياله زيد......... كملات شغلها ورجعات للدار ياله دارت السورات فالباب باش تحل وهو يتحل.. هزات راسها لقات بنت دايرة يديها على جنبها وكتشوف فيها
صوفيا: (باستغراب) شكون نتي
.....: نتي لي شكون... صوفيا دفعاتها ودخلات... الالة فين داخلة
صوفيا: (معوجة فمها) والو.... ضحك رعد عليها وبدا كياكل... بدات كتوكل بنتها.. هزات راسها لقاتها كتخنزر فيها
صوفيا: مالك
....: (حدرات راسها) والو
صوفيا: (مخنزرة) شنو سميتك
....: سعاد
صوفيا: اوكي جلسي تغذاي..... تغذاو وهي حاضياها.. كانت كتشوف فرعد لي هو مجايبليها خبار وكيلعب مع بنتو... كملو وناضو للبيت وبقات سعاد كتغسل الماعن.... صوفيا مشات جلسات فوق الفوتوي وبنتها حداها ورعد من جهة الاخرى
رعد: (كيلعب فشعرها) تعطلتي اش درتي هاد الصباح
صوفيا: والو بقيت مع المحامية شوية ودزت للشركة
رعد: ممم اوكي
صوفيا: نتا مخدامش
رعد: هاد الساعة عاطي لراسي كونجي.. مكاين غير النعااس
صوفيا: كسوول
رعد: (حشا وجهو فعنقها) اححح على هاد الريحة وشحال كتحمقني
صوفيا: (مبتاسمة) غير الريحة
رعد: كلك.. كتسالي معايا... هزاتلو راسو باستو ففمو ورجعاتو كيف كان
رعد: شنو نفهم من هادشي دبا
صوفيا: نوض عليا وبعد مني
رعد: (وقف وهزها) واخة هي لي متعاودش
عشق: ماماا هئ هئ
رعد: (غمض عينيه) الله يعطيك الغمة ابنتي
صوفيا: (غوبشات) علاش كتدعي عليها واش حماقيتي نزلني
رعد: لا ممنزلكش وغادي نمشيو لبيتنا دبا
صوفيا: (توترات) ك..كيفاش اش غنديرو تما.. نزلني وبلا بسالة... عشق كانت كتبكي وهي تجي سعاد لقاتهم هكاك وبقات كتشوف فيهم
دازت 2سيمانات وصوفيا كتهرب من رعد وخا بعد المرات كتشهاه مي كتحبس راسها وهو فهمها وخلاليها الوقت حتى تكون جاهزة... اليوم كانت فالخدمة رجعات معطلة مع عندها عرض قريب.. حلات الباب بشوية.. حيدات صباطها وحطات سوارتها... داخلة كتحيد فمونطوها دخلات لبيت بنتها هي اللولة لقاتها ناعسة... رعد بزز عليها تنعس فبيتها بوحدها ومزال مولفات غير كتفيق كتجي كتجري عندهم.... باستها وغطاتها مزيان عاد مشات لبيتها دخلات وهي تصدم طاح صاكها ومونطوها من يديها... كان رعد وسعاد ناعسين حدا بعضياتهم..... مقداتش تغوت وحاسة براسها فاشلة.. بقات مصدومة حتى طاحت غيبات... رعد قفز وهو يلقا هاديك ناعسة حداه تصدم ياله ناض يغوت عليها وهو يتصدم بصوفيا طايحة... مشا كيجري عندها
رعد: (كيحركها) صوفيا فيقي.. صوفيا حبيبتي نوضي عفاك..... شافها مبغاتش تفيق وهو ينوض معصب.. لقا الاخرى واقفة كتشوف فيها وكضحك... محس براسو حتى صرفقها
رعد: اش كديري هنا ال*حبة
سعاد: (قاست صدرو) نتا كتعجبني.. وندير اي حاجة غير تكون ليا شحال من مرة بينتليك مي والو مفهمتيش...... رعد كيسمع ويزير على يديه.. سالات وناض جرها من شعرها
رعد: انا غنوري لمك الكلبة.... دخلها لبيت اخرى وسد عليها.. رجع هز صوفيا وحطها فوق الناموسية... ورجع عند الاخرى عطاها قتلة دالعصا حتى خرج دمها... عاد رجع عند صوفيا
رعد: حياتي فيقي عفاك... صوفيااا...... وقف تالف ومعصب.. هز الريحة دارها فيديه وبدا كيشممها.. شوية عاد بدات كتحرك
رعد: حياتي كتسمعيني... صوفيا حلات عينيها وبدات كتبكي... حبيبتي سمحيلي والله مخنتك.. انا كنت ناعس والله معرفت فوقاش جات ديك المصيبة... صوفيا تيقيني عفاك
صوفيا: بعد مني هئ هئ
رعد: حبيبتي تيقيني والله مخنتك
صوفيا: خرج عليا مبغيتش نشوف كمارتك هئ هئ... بعد مني لا نتا ولا هاديك منشوفكومش
رعد: غير سمعيني
صوفيا: سكككت وخرج.... تنهد وخرج من البيت مشا عند هاديك جرها من شعرها خرجها ومشا جلس فالصالون كيفكر اما صوفيا ناضت بدلات حوايجها وتكات فبلاصتها نعسات..... بعد ساعة دخل رعد لقاها ناعسة تنهد ومشا لبيت بنتو ونعس حداها فناموسيتها..... صبح الصباح فاقت صوفيا راسها ضارها وفيها الدوخة... دخلات دوشات وخرجات صلات صلاتها.. دازت لبيت بنتها وهي تلقا رعد ناعس تما جابليها الضحكة... رجعات لبيتها وبقات جالسة شوية سمعات الحركة.. كان رعد لي فاق دخل لقاها جالسة
صوفيا: حسيتي دبا بيا.. فقتي ولقيتي حداك شخص اخر كيفاش وفوقاش معارفش... واش حسيتي جاوبني
رعد: اه
صوفيا: ايوا انا داك النهار هادشي لي وقعلي... مخلتيليش فرصة نشرحليك.. علاش غنعطيهاليك
رعد: (تحشا فحضنها الصغير وحط راسو على صدرها) عارف راسي حمار ومتسرع.. مي نتي ماشي بحالي.. سمحيلي عفاك
صوفيا: (تنهدات وعنقات راسو) مسامحاك.... ضمها كتر وتحشا فيها بقاو مدة هكاك حتى جات مفسدة اللحظات بعداتهوم
عشق: (عنقات صوفيا) منامنام
صوفيا: واخة احبيبة
رعد: (جبدها وحطها فالارض) بيتك
عشق: هئ هئ مامااا
رعد: (مخنزر) قلتليك بيييتك
صوفيا: رعد حرام علييك بعد منها
رعد: ماشي سوقك.. ياله نتي اش كتسناي بيتك... مشات عشق كتبكي ورجع رعد كيف كان معنق صوفيا
صوفيا: راه بنتك هاديك علاش كدير معاها هكاك
رعد: اي واحد بغا يفرقني عليك راه عدوي.. ودبا عشق عدوتي
صوفيا: (دفعاتو) والله حتى تسطيتي نتا... ناضت صوفيا وتبعها رعد دخلات لبيت عشق وهي تلقا الروينة... عشق كانت حالة المجورة لي فيها حوايجها كتلوح فالارض.. مع سي رعد جا حوليها حوايجها كاملين لبيتها ودار حوايجو هو
صوفيا: (شدات راسها) لا نتوما غادي تهبلوني.. شكون دبا غادي يجمع هاد الفضيحة.. دارت عند رعد.. نتا لي غادي تجمعهم طيبتونييييي... خرجات وخلاتو كيشوف
رعد: اش هادشي كنشوف الباسلة.. باغا تخرجي من الدار زعما ولا شنو
عشق: اعععععع... بغات تخرج وهو يجرها من حوايجها
رعد: شي يدير الروينة وشي يحصل فيها.. شدي الارض عاونيني...... جلسات ودميعاتها فوق حناكها... مسحليها عينيها.. صافي سمحيلي احبيبة...... بقا جالس كيطوي وهي زعما كتعاونو حتى كمل..... داز #شهر اخر اليوم عندهم الطبيبة واخيرا غادي يعرفو جنس التوأم.. كانو متحمسين بزاااف
صوفيا: مممم.. لا صافي براكة.... اجي جمع هادشي.... ناض جمع داكشي وداه للكوزينة وهي ناضت بشوية غسلات يديها وفمها لي وسخاتو.. خرجات بشوية عليها وهو يشدها رعد
رعد: تقولي كلمة دبا منعقلش عليك
صوفيا: انا دبا فيا النعاس.. ولادك هلكوني
رعد: (باحباط) صافي ارتاحي... دار بغا يخرج وهي تشدلو يديه
صوفيا: وخا هكاك مافيها باس نبرع حبيبي شوية
رعد: (بابتسامة ماكرة) عقلي نتي لي هدرتي....................
صوفيا: صافي عييت بعد خليني ندوش
رعد: وانا مزال مشبعت وهاد الكرة مخلاتنيش ناخذ راحتي
صوفيا: دبا كرشي رجعات كرة... نستااهل انا لي شادالك هبالك.... ياله بعد خليني نوض
رعد: (باسها فعنقها) يخليلي الغضبانة... راني غير كنضحك راكي عارفاني.... ناض وهزها... انا ندوش لحبيبتي غير رتاحي مع راسك....... دارليها كرسي فوسط البانيو جلسات عليه.. وهو مشا من موراها دوشليها وشحال لعب بكرشها حتى ضرباتو... غسليها شعرها وحاس بيها مرخية يعني عاجبها الحال... طل عليها لقاها مغمضة عينيها ومبتاسمة
رعد: (باسها فحنكها) مرتاحة
صوفيا: بزاف.. الله يخليك ليا
رعد: ويخليك ليا يا ربي.. باسها ونوضها شلليها.. جاب بينوار لبسوليها وخرجها عاد دخل هو دوش... مسحات ودهنات كريمات لبسات شورط وديباردور.. نشفات شعرها غير بالفوطة.. مشات للصالون جلسات فوق الفوتوي وحاطة رجليها فوق الطبلة... شادة التليكموند كتقلب حتى لقات فيلم وجلسات كتفرج.... عند رعد دوش وخرج لبس حوايجو شوية شداتو الدوخة وهو يجلس..... بقا شوية حتى فاتو الدوخة وهو ينوض شرب دواه... اصطنع الابتسامة رغم خوفو.... لقاها منشورة نزلات دمعة من عينو مسحها بالزربة وتلاح حداها
رعد: اوكي.. سيف ايوا نخليك دبا حتى الغذا ان شاء الله
سيف: واخة.... مشا هز عشق وشد يد صوفيا ومشاو
صوفيا: (حطات يدها على وجهو) مالك بنتيلي عيان
رعد: (باس يدها) لا غير حيت مناعسش مزيان
صوفيا: اوكي.... ديمارا رعد ومشاو... صوفيا مرة مرة كتشوف فيه والخوف متملكها.... وصلو للدار وهما يكملو نعاسهم....... صبح الصباح كان رعد كيدوش... كمل وخرج لبس حوايجو... تقابل مع صوفيا لي كانت غارقة فنعاسها.. باس يديها وراسها وهو يخرج.... بعد دقائق كان وصل للكلينيك.... مشا نيشان عند ختو لقاها كترضع ولدها
رعد: (باسها فراسها) كيبقيتي
ريم: (فرحانة) بيخير اخويا ونتا
رعد: (بابتسامة) مزيان حمد لله... كيداير الفنيكيش ديال خالو
ريم: بييخير.. شفتي شحال صغيور
رعد: (شد يدو) وي بزااف... دبا واش انا كنت هكا
ريم: لا نتا تولدتي كبييير ههههه.. معلوم كنتي هكا
رعد: هههههه... فين سيف مبانليش
ريم: راه خرج يجيبلينا الفطور ويجيب حتى خالتي
رعد: اه اوكي
ريم: وفين صوفيا
رعد: خليتها ناعسة.. راك عارفة لي كاين
ريم: ويي الله يعاونها ويفك وحايلها على خير.. راه هازة جوج انا غير واحد وقهرني
رعد: ايوا الله يدير لي فيها الخير
ريم: اميين........... صوفيا فاقت على تيليفون
صوفيا: الو..................... طاح التيليفون من يديها وهي كترعد ودموعها نازلين...... طاحت للارض كتبكي بصوت مرتفع حتى حسات بالوجع.... بقات هكاك والوجع كيتزاد تكمشت فالارض كتبكي.. والعرق كينزل من جبينها وشفايفها كيترعدو..... عشق جات شافت ماماها هكاك وبدات كتبكي....... تحل الباب ديال الدار سمع غوات عشق وبدا كيضحك مي غير ميز بلي صوت حبيبتو حتى هو كاين... وهو يمشي كيجري.... دخل للبيت وهو يتصدم فاش شاف مراتو فالارض كتبكي وكلها فازكة كتقطر ومن تحتها الما
رعد: ميمكنش نشوفوهم دبا.. راه حطوهم فالقرعة حيت النمو ديالهم مزال مكمل
علي: هادشي عادي بلا ماتخلعي.. غير تبراي شوية ويديك رعد تشوفيهم
صوفيا: (بحزن) واخة...... دخلات ماماها كتجري
ماما: بنتي كيبقيتي
صوفيا: حمد الله اماما متخافيش
ماما: الله ابنتي.. ياك مزال الحال على الولادة
صوفيا: المكتاب هو هدا..... بقات ماماها حداها اما رعد خرج يطل على ولادو... وصل وراتو الفرملية فين كاينين.. بقا كيشوف فيهم شحال صغار محس حتى نزلو دمعو شوية حس بالدوخة... خواو بيه رجليه وطاح.... داك الشخص لي كيبان قوي وصعيب ينهزم هاهو طايح وضعييف... جات الفرملية كتجري فاش شافتو طايح حاولات تفيقو ووالو.. وهي تمشي كتعيط على الطبيب.... علي كان دايز وشافهم هازينو مشا كيجري
علي: خليوه ليا هدا المريض ديالي..... دخلوه للغرفة ديالو ومشاو.... فحصو ودارلو شي تحاليل............. رعد حل عينيه شد راسو بيديه وكيحاول يعرف فين هو
علي؛ (وقف حداه) غذا غادي دير العملية
رعد: ك..كفاش
علي: انت صافي الى مدرتيش العملية فاقرب وقت غادي تودع.. والكلية الحمد لله لقيناها
رعد: فوقاش لقيتوها
علي: اليوم كنت غادي نعيطليك نقولهاليك مي نتا جيتي وكنتي حاصل مع مراتك
رعد: منقدروش نأجلوها شوية.. كيف كتشوف مرتي عاد ولدات
علي: اي تاجيل فيه خطورة على حياتك.. ومن الاحسن ديرها غذا
رعد: امين ويخليك ليا... باسها ففمها وباس بنتو.. حطها حدا صوفيا وخرج....... صبح الصباح كان رعد فقاعة العمليات.. متوتر نوعا ما خايف متنجحش العملية وميرجعش عند مراتو وولادو.... دخل علي عندو بابتسامة
علي: متخافش كلشي غيدوز بيخير ان شاء الله... وزرع الكلية شي حاجة ساهلة خاص غير جسمك يتقبلها وصافي
رعد: اوكي شكرا بزاف
علي: هادي خدمتي..... دارلو هاديك ديال الاوكسجين.. بقا مدة وهو يغمض عينيه.................. بدات العملية كلشي كان غادي مزيان حتى لواحد اللحظة تقلبات موازين العملية.... علي توتر وبدا كيعراق
الفرملية: المتبرعة غادي تموت.. دقات القلب بداو كينخافضو... كانو هاد الجمل كفيلة باش تزرع الخوف والندم ف علي
علي توتر ومعرف ميدير تلف.... خدا نفس وتذكر نضراتهم لبعضياتهم ميمكنش يتفارقو..... كمل وحاول كل جهدو ينقذ المتبرعة.... استغرقت العملية اكثر من ثلاث ساعات... رعد نجحاتلو العملية وخرجوه.. اما المتبرعة فكانت كتصارع الموت نتيجة ايموراجي جاتها فوسط العملية........... خرج علي حادر راسو
سيف: (بخوف) فين صوفيا.. ياكما وقعاتليها شي حاجة
#فلاش_باك1
صوفيا: زيد معايا بغيتك
علي: اش بغيتي
صوفيا: وغير زيد ياله نمشيو للكلينيك... شدو الطريق.. فالصراحة انا باغة ندير التحاليل باش نتبرع لرعد
صوفيا: وخا هكاك بغيت غير نعرف.. على الاقل يكون عندي امل انني نساعدو فحالة مكانش متبرع
علي: اوكي لي بغيتي.... وصلو دارت التحاليل ورجعات لدارها... بعد يومين جاها اتصال من علي كيخبرها بلي مطابقين فرحات ومقداتها فرحة
#فلاش_باك2
فاقت صوفيا على التيليفون
صوفيا: الو
علي؛ صباح الخير صوفيا سافا
صوفيا: حمد الله ونتا
علي: حمد الله.. بغيت نقوليك شي حاجة
صوفيا: شنو
علي: رعد مغايقدرش يزيد يصبر حالتو تكفسات.. واحد الكلية مبقاتش خدامة والاخرى الى كترات سيمانة.... حالتو متدهورة بزاف راه غير كيكابر..... صوفيا مستحملاتش هاد الخبر و........
#فلاش_باك3
صوفيا: (دارت فولارها) عفاك اخويا عيطلي لعلي
سيف: وخا.... دخل علي وسيف مشا يجيب ماماه
علي: مبروك عليك
صوفيا: الله يبارك فيك.... انا بغيت نتبرع لرعد
علي: وخا تبراي وتبرعيلو
صوفيا: لا غذا غادي يدير العملية
علي: واش حمقة.. باغة تقتلي راسك راك ياله ولدتي
صوفيا: غادي نكون حمقة الى خليت راجلي يموت قدامي وانا قادرة نساعدو
علي: ميمكنش اصوفيا حاولي تفهميني نتي ياله ولدتي... وولدتي بكري كاااع العوامل كيقولو لا ميمكنش
صوفيا: هدرة وحدة راني قلتها.. غذا العملية ولا معمري نسامحك الى وقعات شي حاجة لرعد
علي: (تنهد) واخة....... صبح الصباح جا سيف يطل على ختو حتى لقاها حاطينها فكرسي وبغاو يخرجوها..
سيف: واخة..... مشا سيف عند ريم لقاها متكية وماماه جالسة فوق الفوتوي وشادة عشق لي ناعسة
ماما: فين غبرتي اولدي... واش دزتي عند صوفيا
سيف: (حدر راسو) صوفيا كانت كدير عملية
ماما: اويلي اينا عملية
سيف: تبرعات لرعد بكلية
ريم: (بصدمة) اش كتقول
سيف: هادشي لي كاين.. رعد كان مريض وخاصو زراعة كلية ومخبي علينا كاملين حتى من صوفيا مقالهاش ليها... هي عرفات عن طريق علي ودبا فاش ولدات اصرت تبرعلو هي.. علي حاول يمنعها مي والو داكشي لي فراسها راه فراسها... وفوسط العملية جاوها مضاعفات.. راها دبا فالعناية المشددة
ماما: الله على بنتي ديني عندها
سيف: غير صبري شوية على مايجي علي ويدينا نشوفو فين كاينة هي ورعد
ريم: حتى انا بغيت نشوفهم هئ هئ
سيف: (تنهد) واخة...... دازت شي ساعتين عاد جا علي عندهم
علي: سلام تقدرو تجيو تشوفهم دبا..... ناضت ريم وشد فيها سيف... دخل واحد الكارد من دياول رعد بقا حدا عشق وجهاد الصغير..... مشاو طلو عليها غير من الزاج كانو دايرين بيها الالات... ريم وماماها مقدروش يحبسو دموعهم
رعد: (خنزر) عنداك تكون قلتيها حتى لصوفيا وهي ياله ولدات.. راه مزال مريضة
ريم: (مشات عنقاتو وبدات كتبكي) صوفيا هئ هئ هي لي تبرعات ليك
رعد: (تصدم) كيفااااش... كضحكي عليا ياك... سيف فين صوفيا
سيف: كتصارع الموت... هاد الجملة كانت كفيلة باش تزرع الخوف فرعد.. لحمو تشوك عليه
رعد: اش كتخربق... علي شنو واقع
علي: (حدر راسو) صوفيا هي لي تبرعات ليك... حاولت نمنعها مي مقبلاتش... ونتا كنتي غادي تودع الى متدارتش ليك العملية
رعد: من فوقاش وهي عارفة بلي انا مريض
علي: منين رجعتو لبعضياتكم.... وكانت كتسنا غير تولد وتبرع ليك... دفع ريم وحاول يوقف... نتا مزال مريض خاصك ترتاح
رعد: بربي تزيد تقول كلمة وحدة حتى نقتلك.... ناض وهو شاد فجنبو حاس براسو فاشل مي مغاديش يرتاح الى مشافش حبيبتو وروحو
رعد: (كيغوت) فين كاينة
علي: فالعناية المشددة.... دفعو وهو معصب شاد بجنبو وغادي كيقلب.... حاسس بالضياع... ميقدرش يعيش بلا بيها.. عقلو مغاديش يتقبلها
♧الحب ليس كما تراه على التلفاز... هذا مايبدو عليه الحب... هذا هو واقعي.. إنه ليس ساحرا كما يصورونه في أفلام ديزني .. هو الكثير من الألم والتضحية.. فأنت تستمر بالدفع بعيدا حتى تنزف♧
وصل وبدا كيطل من الزاج باغي يشوف فين كاينة.. للحظة حس بقلبو وقف فاش شاف السلوكة والالات دايرين بيها... مداها فحد.. دخل عندها بلا مايسول.. اهم حاجة يشوفها ويقيسها ويشم ريحتها.. هادشي فاش كيفكر... باغي يشوف ضحكتها وهبالها.. باغيها تقيسو ويحس بلمستها..... وصل عندها ودموعو كينزلو جلس فوق الكرسي ومد يديه وهما كيترعدو... شد يدها بيديه بجوج وحطها فوق فمو.. بقا هكاك كيبكي ومقادرش يشوف فوجهها.. حس بيديها تحركات وهو يهز راسو بالزربة
صوفيا: انا انانية عندك الحق... الموت اهون ليا من انني نعيش بلا بيك
رعد: وانا مفكرتيش فيا هئ هئ.. مفكرتيش فولادك لي مزال حتى مشفتيهم.. مزالين قطعة لحم صغيرة... مفكرتيش فعشق لي غير كتغيبي عليها دقيقة كتبدا تقلب عليك وتبكي.... مفكرتيش فهادشي كامل فكرتي غير فراسك نتي........ هاد الهضرة خلاتها تفكر فولادها... فالصغار لي مزال حتى مشافتهم كيدايرين وفالحمقة ديال عشق لي غير كتغبر كتبدا تبكي وتقلب عليها.. وفولدها الكبير لي جالس حداها كيبكي وضعيف.... رجعات الاوكسجين ودورات وجهها كتبكي.... حاسة بألم فظيع كانت باغة تودع باش ترتاح... مي لا خاصها تقاوم كاينين ناس مزال محتاجينها... مشات عينيها للزاج وشافت ماماها كتشوف فيها وتبكي.... قلبها تقطع.... بعد لحظات شهقات.. طيط طيط طيط طيط
علي: (شد وجهو) راك نتا دبا لي غادي تقتلها.. بعد خليني ندير خدمتي.... قرب ليها علي ودار يديه بجوج فوق صدرها وبدا كيضغط... كرر العملية كثر من مرة مي مكانت حتى نتيجة
علي: غنديرو الصعقات الكهربائية.... جابتهوملو الفرملية بالزربة ورعد واقف مصدوم حاس بقلبو غادي يوقف.. بدا كيكرر فالعملية مرة وجوج وتلاتة.. مملش حتى لواحد اللحظة وهو يرجع النبض... شاف فالالة كان نبض ضعيف مي المهم كان
رعد: (خنزر فيه) مزال منسيت داكشي لي درتي حتى تسالي ونتفاهم معاك..... خرج وعلي كمل خدمتو وهو يخرج... غير وصل الباب ونقز عليه رعد بالعصا.. بقا كيضرب وعلي كيحامي على راسو.... سيف جا جبد رعد عندو
سيف: رعد صافي اصاحبي تهدن... واش نتا معارفش صوفبا كيدايرة راه لي كدير لي فراسها
رعد: راه مراتي هاديك لي كتموت واش فاهمين شناهيا... راه روحي هاديك نمووت بلا بيها
علي: (كيمسح فمو من الدم) كنواعدك صوفيا غترجع كيف كانت وحسن... حدر وشاف جنبو فيه الدم... زيد معايا راه الجرح تحليك
رعد: خليني عليك.. انبقا حدا صوفيا
علي: معندك فاش تنفعها.. زيد نشوفليك الجرح والا خدمتنا اتمشي...... مشا رعد معاه وهو شاد جنبو... وصلو للمكتب جلس رعد وحيد تيشورت ديالو... جاب علي داكشي لي غادي يحتاج وبدا كينظفلو الجرح.. كمل وناض نظف الجىح لي جهة فمو
رعد: احم سمحلي
علي: حتى انا سمحلي.......... علي جبر رعد يمشي ينعس حيت خاصو الراحة.. مشا وجابولو بنتو عشق
عشق: (مدلية شفايفها) بيت(بغيت) ماما
رعد: (تنهد) واخة اباباتي... اجي نعسو دبا والصباح غادي نشوفو ماما.. اوكيي..... تكا وحشاها فيه بقات كتلعب فلحيتو حتى نعسات.. اما هو مقدرش ينعس... خايف ومعصب من راسو حيت محسش بيها وعرفها اش كتخطط........... صبح الصباح كان رعد ناعس... حيت تقريبا حتى بدا الظلام كيمشي عاد داتو عينو............. فاق على حركة بنتو شاف الساعة لقاها 12... دخل غسل وجهو وخرج هز عشق ومشا لفين كاينة صوفيا
رعد: (تخلع) فين صوفيا.. شاف واحد الفرملية وهو يشنق عليها... فيين مراتي.. فيييين صوفيااااا
الفرملية: معرفتش... طلق منها ومشا عند علي... دخل عندو بلا مايدق.... فين صوفيا
علي: (بابتسامة) زيد معايا..... تبعو حتى دخلو للغرفة لي حدا غرفتو... دخل لقا صوفيا ناعسة وماماها جالسة فالفوتوي كتقرا القران نزلات دمعة من عينيه... فرح فاش شافها فغرفة عادية
علي: البارح كان خطر على حياتها والحمد لله هاد الصباح زال الخطر وهاهيا قدامك بصحيحتها.. غير مزال خاصها تبقى فالكلينيك باش تاخذ الرعاية الكافية
رعد: (بابتسامة) ضروري.. تبقا حتى شهراين معنديش مشكل..... مد عشق لجدتها ومشا قرب من صوفيا.. جلس فالكرسي حداها... باس يديها وهي تحل عينيها
صوفيا: (بابتسامة) رعد
رعد: روح رعد.. حبيبة رعد.. حيااااة رعد
صوفيا: ههههه كح كح اووه اش هادشي
رعد: (دوز يديه على شعرها) بشوية عليك متجهديش راسك.. رتاحي براكة عليا غير الشوفة فيك
الحب الصامت الجزء التاسع
محتوى القصة
التنقل بين الأجزاء