صورة مصغرة لـقصة المربية الجميلة

قصة المربية الجميلة

qisat 9isat lmorabia ljamila
رواية المربية الجميلة

.بحال كل صباح فقت على صوت المنبه نضت توضيت و صليت ولبست حوايجي لي عبارة على سروال الدجين و تريكو بيض سامبل و سبرديلة بيضة وزيف زيتي و درت ميكاب خفيف فطرت و خرجت للمعهد
.نعرفكم براسي انا اروى عندي 20سنة انا بنت عادية ما طويلة ما قصيرة سمرة شوية و عيني كبار و عسليين و فمي متوسط و كرزي شعري طويل و اسود و كندير الحجاب. انا من عائلة متوسطة كتكون من ام و اب و اخ اصغر و بحكم الدراسة ديالي فانا كنسكن فمدينة اخرى فالدار البيضاء كارية برطمة صغيرة 
.مؤخرا وليت كنفكر نخدم حيت المصاريف كتزاد و العائلة ديالي على قد الحال براكة غير فلوس الكرا لي كيسيفطو ليا 
.وصلت للمعهد دخلت تلاقيت مع ميساء هاد البنت ضريفة بزااف ماشي بزااف باش تعرفت عليها , هي من عائلة ميسورة نوصفها ليكوم هي بيضة و حروفها كحلين و عينيها خضرين و كدير الحجاب
?ميساء:(حركاتني) مالك ساهية فاش كتفكري 
انا:واالو غير كنفكر كيفاش غنديباني راسي
?ميساء:علاش مالك شنو عندك
انا:راكي عارفة المصروف تزاد مع البروجي لي خاصنا نقدمو و البلية ديال الشوبينغ هههههه خاصني نقلب على خدمة 
ميساء:اااه بصح عندك الحق
انا:غنقلب فالانترنيت
ميساء:(كتفكر) عرفتي لقييييتهاااا

انا:هههههه فاجئتيييني و الله
ميساء:ههههههه المهم بالنسبة للوقت فانا غنقول لماما و خويا بلي غتبقاي تجي غي العشيات حيت هوما لي عندك خاويين
انا:(عنقتها)شكراا بزاااف احبيبة
ميساء:مبناتناش ازيين
انا:ااه واش مامات مرام خدامة?
ميساء:(بحزن) لا ماتت 
انا:اااه مسكينة الله ارحمها
ميساء:دارت حادتة سير,لمهم نساي هادشي
انا:اه وخا
ميساء:يلاه نمشيو ناكلو راه جاني جوع
انا:هههههه واخا الهيشة
مشينا الكوزينة كانت واحد المراة تما
ميساء:سلام دادا انا و صاحبتي غانكلسو فالجردة جيبي لينا شي حاجا ناكلوها
دادا:واخا ابنتي
مشينا للجردة كلسنا حدا البيسين كبيير و جابت لينا دادا الغدا كلينا و سالينا
انا:(شفت الساعة) الزين تعطلت خاصني نمشي
ميساء:بلاتي نوصلك حدا الباب
انا:وخا 
وصلاتني الباب
ميساء:يلاه بسلامة و متنسايش غدا من المعهد غنجيو انا وياك لهنا
انا:وااخا ازيونات 
سلمت عليها و مشيت شديت طاكسي وصلت لدلر بدلت حوايجي و راجعت شوية وصلات h22 تكيت فبلاستي مبغاش يجيني النعاس بقيت كنفكر فغذا حتى داني نعاس
اصبحنا و اصبح الملك لله
اليوم فقت معطلة حيت منعستتش بكري غسلت وجهي و لبست حوايجي و درت ميكاب و خرجت كنجري للمعهد وصلت تلاقيت ميساء
ميساء:صباح الخير 
انا:صباح النور 
دخلنا قرينا و خرجنا

قرينا الحصة ديالنا و خرجنا
ميساء:اشنو بان ليك نمشيو نضورو شوية
انا:لا لا يالاه للدار راني متشوقة نشوف مرام
ميساء:ههههه واخة الالا
ركبنا مع شيفور و صلنا لدار مني بغينا نهبطو من الطموبيل تعكلت وطحت 
ميساء: ههههههههههههههه
انا:كضحكي عليا وااخااا البقرة
ميساء:ههههه مقدرتش نحبسها و الله ههههههه
انا:ههههههه وااخا وااااخا
دخلنا للدار و حنا كنضحكو مع هزيت راسي لشرجم ديال واحذ الغرفة تسد بجهد 
انا: ميساء شنو كين فديك الغرفة
ميساء:هاديك الغرفة ديال خويا جابر
انا:ااه واخاا لمهم انا غنطلع عند مرام
ميساء:واخا
طلعت للغرفة ديال مرام لقيتها فايقة
انا: الزييين دياالي
مرام:(كضحك) غهغغغغ
هزيتها دوشت ليها و لبستها كسيوة مخططة و مشطت ليها شعرها و هبطنا التحت للكوزينة
انا:سلام دادا
دادا: و عليكم السلام ابنتي
انا:فين كاين سيريلاك ديال مرام
دادا: هاهو ابنتي
انا:شكرا
صايبت ليها الماكلة و مشيت لجردة كنوكلها
ميساء:شي ناس نساونا

انا:هههههه على لي شاف هاد الفنون مايتلفش
حطيت مرام فالارض و بقينا كنتحتو انا و ميساء و نسيناها شوية كنسمعو صوت الفران ديال الطومبيل درنا لقينا مرام كالسا حدا طومبيل كحلة كبيرة شوية مضربها نضت كنجري هزيتها عنقتها
انا:اوووف الحمد لله موقع والو
خرج الشخص لي كان فالطومبيل (طويل و مكضر البشرة ديالو سمرة و حروفو كحلين و عندو اللحية)ذ
الشخص:(كيغوت)ااش هاد التبرهيش ديال والو
ميساء:(كترعد) خويا جابر ااا راه بقينا كنهضرو و مشفناهاش كتحبو
جابر:و هادي لاش جيبينها باش تبداي ضحكي ليا نتي و ياها
انا:انااا اا
جابر:(خنزر)صاافيي
عطانا بالضهر و مشا
ميساء: شوفي متديش عليه راه ذيما هاكا
انا:(الصمت) 
ميساء:اروى واش تقلقتي 
انا:لا صاافي موقع والو
طلعت مرام للبيت ديالها غسلت ليها ايدها وبدلت ليها حوايجها و كلست كنلعب معاها حتى تحل الباب بجهد درت لقيتو جابر جاي جيهتي تخلعت و بلعت ريقي
جابر:(شد ليا ايدي بجهد) سمعيني ا هاد البرهوشة
انا:طلق الزبل راك وعتيني
جابر:عرفتي و توقع شي حاجة لمرام غادي نتعامل معاك بطريقتي او ديك الزبل تعاودي تقوليها نهرس ليك فمك فهمتي
انا:(بشوية) يخخخ على حمار
جابر:نعام
انا: ااا قلت ليك اه
جابر:اوا ماعرت
خرج جابر
انا:تفو على حيوان
هزيت مرام بدلت ليها الكوش و حطيتها فناموسية كتلعب و هبطت نجيب ليها الماكلة مني رجعت مالقيتهاش 
انا:(مخلوعة)اويلي فين هيا
خرجت كنجري

خرجت كنجري كنقلب فالغرف ملقيت تاواحد هبطت التحت تلاقيت مع دادا
دادا:اروى بنتي مالك
انا:ااا اناا
دادا:الى كنتي كتقلبي على مرام راه خرجها باباها
انا: اوووف تخلعت و لكن علاش مقالهاش ليا
دادا:ابنتي هو داير هاكا كيدير داكشي لي كيقول ليه راسو
انا:اناني بففف
دادا:(كتخرج فيا عينيها) مم
انا: و قبييح
جابر: اهاه و شنو تاني
انا:(وحلات ليا) كحكحح
جابر: دادا انا غنطلع للبيت جيبي ليا قهوة ديالي و مرام غنحطها فبيتها( كان لابس سورفيت نايك زرقة) 
مشا جابر
انا: دادا فين هيا ميساء
دادا:رااه خارجة مع ماماها
انا:ااه صافي
طلعت لبيت مرام يلاه حليت الباب لقيت جابر 
انا: ااا قبيلة رااه 
جاي جيهتي
جابر:انا قبيح
راجعة لور
جابر:انا اناني هاه
انا: اه ااا لا زعمة بغيت نقول نتا ضريف و زوين و بوكوص
جابر: اححم عارف راسي زوين منحتاجش تقوليها ليا
خرج وسد الباب موراه 
انا: (كنعيب فيه)عارف راسي زوين يخ على متكبر
هزيت مرام حيدت ليها حوايجها و دخلت ندوش ليها

دخلت دوش ليها و خرجت لبستها و رجعت نجمع الدوش مني بغيت نخرجت زلقت 
انا:(كنبكي) وا ماما عهعهه
تحل الباب
جابر: هههههه و انا كنقول اش هاد الخبطة نوضي على سلامتك البقرة
خرج و سد الباب
انا:(نضت كنعرج) اححح اميمتي
طليت على فخضي لقيتو زراق هزيت مرام و هبطت كنعرج لقيت ميساء وجابر و خالتي
خالتي: اويلي ابنتي مالك
انا: زلقت 
ميساء:هههههههههههه
جابر:(حابس الضحكة) احم
خالتي:كلسي ابنتي
انا: واخا 
كلست حدا ميساء شوية صونا تيليفون ديالي 
انا:الو
ماما:الو بنتي توحشتك 
انا:حتى انا توحشتك بزااف
ماما:غتجي غذا ابنتي
انا:ااه غنجي ان شاء الله
ماما:يلاه ابنتي بسلامة
انا: كنبغيييك ببيزو
قطعت معاها لقيتهم كلهم كيشوفو فيا
ميساء: معامن كنتي كتهضري
انا: معا ماما
ميساء:مممم
انا:خالتي هاد اليومين غنمشي نشوف دار و غنجي نهار الاحد فالعشية
خالتي:اه ابنتي سيري
ميساء: غتخليني بوحدي 
انا:يلاه معايا
ميساء: يااي بصح
جابر: معندك فين غادا

ميساء:علاش اخويا
جابر: بغيت
خالتي: غخليها تمشي الله ارضي عليك اولدي
بقيت كنشوف فيه و كيشوف فيا
انا: عافاك
جابر: واخا و لكن غي على وجه الواليدة
ميساء: ياااي
جابر طلع فحالو
خالتي: اروى سيري ابنتي لدار جيبي حوايجك باش غدا نمشيو من هنا
انا: ااه واخا اخالتي
مشيت انا وميساء لدار وصلنا الشيفور جمعت حوايجي و هبطنا درناهم فالكوفر و ركبنا
ميساء: عمي مبارك وصلنا لماكدو و سير حنا غنرجعو راسنا
مبارك: واخا

عند جابر
عيط ليا صاحبي مراد درنا نطلاقاو انا وياه فواحد الكافي وصلت لقيتو كيتسنا
مراد:تعطلتي عليا اصاحبي
انا: راه الطريق عامرة
مراد:اوا مافيها باس 
انا: ااحم المهم قوليا لاش معيط معنديش الوقت
مراد: ناري اصاحبي مبغيتيش تبدل
انا:لا
مراد:و الزواج بلاما تقوليا لا
انا: شوق غراسك بعدا
مراد: و راه داكشي لاش عيط ليك العرس السيمانا الجايا
انا:اوا مبروك
مراد: و راك معروض نتا و خالتي و ميساء
انا:اهاه واخا
مراد:اجي هاديك ماشي ختك
درت لقيتها غادا هي و اروى و كيضحكو
مراد:و شكون هاديك لي معاها
انا:المربية ديال مرام
مراد: مممم جيبها العرس حتى هي
انا:(خنزرت فيه) المهم نخليك انا غادي
خرجت من الكافي مشيت لدار ديريكت

نرجعو عند اروى
مشينا لماكدو كلينا و خرجنا كنضورو و نسينا راسنا
انا:(شفت الساعة) ويلي تعلطنا 
ميساء: ويلي
بقينا كنتسناو الطاكسي مجا حتى غفر لينا الله الذنوب غير وصبلنا للدار لقينا جابر حدا الباب
جابر:لا كون غبقيتو مزال راه باقي الحال;فين كنتو بعدا
ميساء:(كترعد) مشينا غير لدار جبنا الحوايج صافي
جابر: و زيداها بالكذوب
انا:لا راه
جابر:(بالغوات)صافي طلعو قبل ما نضرب شي وحدة فيكم
طلعنا كنجريو

طلعنا لغرفة ديال ميساء بدلنا حوايجنا و مشيت طليت على مرام لقيتها ناعسة و رجعت جمعت معا ميساء حوايجها وتلاحينا نعسنا,مع ديك 3درباتني الفيقة دخلت لطواليط مني خرجت سمعت مرام كتبكي لويت عليا زيف و مشيت لقيت الباب ديال بيتها محلول مني دخلت لقيت جابر هازها
جابر:صافي صافي ابابا
انا: اراها ليا 
جابر:واخا
عطاها ليا هزيتها كنراري بيها و كنقرى عليها القران حتي نعسات و حطيتها فبلاصتها مني ضرت لقيت جابر متكي على الباب و كيشوف فيا و كيضحك
انا:احم
جابر:تصبحي على خير
انا: ليك حتى نتا
كل واحد فينا مشى لبيتو دخلت تلاحيت كملت النعاس
ميساء: اروى
انا: اممممم
ميساء: نوضي راه 9هادي
انا: واخا
نضت غسلت وجهي و حكيت سناني و لبست حوايجي و درت الميكاب و مشيت لديك المشيشة دوشت ليها و لبستها حوايجها و هبطت التحت لقيتهوم عاد غيفطرو
انا: صباح الخير
الكل: صباح النور:
خالتي:اري ليا مرام ابنتي باش تفطري على خاطرك
انا:لا غي خليها ليا
ميساء:فاش غنمشيو
انا: فالتران
جابر: لا انا لي غنديكوم
خالتي:مزيان 
جابر: من هنا لنص ساعة نلقاكم واجدين 
ميساء: واخا
مشا جابر خرج و انا مشيت صايبت لمرام الرضاعة و خرجت لجردة بينما وصل الوقت 
شوية هبطات ميساء
ميساء:نوضي جيبي حوايجك را جابر جا
انا:اه واخا
مشيت عطيت مرام لخالتي و سلمت عليها و طلعت جبت حوايجي و هبطت لقيت ميساء كالسا لور 
ميساء: نتي ركبي القدام باش توري لجابر الطريق
انا: اححم واخا

ركبت القدام وشدينا الطريق ميساء نعسات و انا بقيت مبلكة عيني و مرة مرة نشوف فجابر اااح شحال بوكوص
جابر: شتي راه ديك المرة قلت ليك عارف راسي زوين
انا:(تزنكت) ااا لا غير
جابر:ههههههههه
حشمت و دورت وجهي لشرجم حتى وصلنا لرباط
جابر:ها حنا وصلنا فين كينا الدار
انا:اه واخا
وريتو الطريق حتى وصلنا
انا:صافي غير هنا
وقف حدى العمارة لي ساكنة فيها
انا: ميساااء نوضي راه وصلنا
ميساء:(كتكسل) ااام
هبطنا من الطومبيل هزينا حوايجنا
انا:شكرا
ميساء:بسلامة اخويا
جابر:بسلامة و داك الدوران نقصو منو شوية
ميساء:واخا
جابرمشا و حنا طلعنا لدار دقيت و حلات لينا ماما
انا:(عنقتها)ماما حبيبتي
ماما:توحشتك
انا:ماما هادي صاحبتي ميساء
ماما:(سلمات عليها)مرحبا بيك ابنتي
ميساء:ربي اخليك اخالتي
دخلت كنقلب بعيني
انا:ماما بابا و سليمان مكينينش
ماما:لا ابنتي مشاو اجيبو شي سخرة
انا:اه واخا
مشينا انا و ميساء للبيت ديالي بدلت و خرجت نعاون ماما
انا:كين فاش نعاونك اماما
ماما:لا ابنتي انا قربت نسالي
انا:هههه واخا
سكتنا شوية 
ماما:(حطات داكشي اي فيدها)بنتي بغيت نهضر معاك
انا:ياكما كين باس
ماما: باباك تزادوه الكريديات و بغيت نقول ليك شوفي شي بنت ولى جوج يتقاسمو معاك الكرا
انا:(عنقتها)صافي كوني هانيا اماما
فنفس اللحظة كانت ميساء جايا عندهم و سمعات كولشي و طاحت عليها واحد الفكرة

مني سمعت ميساء الهضرة رجعات لبيت حتى جات عندها اروى و تلاحت فناموسية
انا:اووف عيييت 
ميساء:ههههه مالك اش كنتي كديري 
انا:ههههه والو غا عيت و صافي
ميساء:هههههه، اجي عندك صولد بغيت نعيط لجابر نشوفو واش وصل مزيان
انا:ااه هاكي
عيطاات ميساء لخوها و لكن مجوبهاش
ميساء:مكيجاوبش خلي حتا لشوية و نعاود نعيط 
انا:واخا
ميساء:انا غادا لطواليط
انا: هههه سيري سيري البوالة
مشات ميساء لطواليط و هو يصوني تيليفون
انا:الو
جابر: الو شكون معيا
انا:اروى، راه ميساء عيطات ليك و مجوبتيهاش بغات تسولك واش وصلتي مزيان
جابر:مممم ميساء و مالها معيطاتش من عندها 
انا:لا راه و الله حتى هي
جابر:امم تيقتك المهم قولي ليها راه وصلت مزيان 
انا: اه واخا بسلامة
قطعت معاه و هي دخل ميساء
انا:راه خوك عيط و جاوبتو راه قال ليك بلي وصل مزيان
ميساء:اه صافي واخا
دقات علينا ماما 
ماما:نوضي ابنتي راه الغدا وجد 
انا:واخا
خرجت لقيت بابا و خويا سلمت عليهم و جلسنا نتغداو
ماما:كولي ابنتي مرحبا بيك
ميساء:انا كناكل اخالتي 
انا:ماما انا و ميساء غنخرجو فالعشية نضورو شوية
ماما:وااخا ابنتي غي ماتطلوش راه خالتك جايا فالعشية
انا:واش سمية؟؟ 
ماما:اه ابنتي 
انا:ياه توحشتها
تغدينا و جمعنا الطبلة و مشيت غسلت الماعن 
انا:(كنمسح ايدي) ميساء يلاه نلبسو حوايجنا باش نخرجو
ميساء: واخا
مشينا لبسنا حوايجنا و قادينا ميكاب خفيف و خرجنا
انا:تبغي نمشيو لقصبة الوداية ولا صومعة حسان؟ 
ميساء:الوداية 
انا:واخا 
شدينا طاكسي و نزلنا حدا الوداية دخلنا القصبة درنا فيها و شبعنا تصاور و ضحك و مشينا ڭلسنا فواحد الكافي حتى وصلت الوقت و رجعنا الدار دخلنا كنسمعو الهدرة بزاف فالصالون

سمعنا الهضرة بزاف فالصالون مني دخلنا لقينا خالتي سمية و ولادها امين(10سنين) و ادم(27 عام) دخلنا سلمنا عليهم و ڭلسنا
انا:توحشتكم بزااف
ادم:تا انا احبيبة
انا:ههههه الله امسخك
امين:هههههه، اوا متعرفيناش على تيتيزة لي معاك
سمية:كون تحشم البعلوك
انا:هههههههه هادي صاحبتي ميساء ضوماج كبر منك اما كون شفت ليك معاها 
ميساء:هههههههه
ادم:و انا؟ 
ميساء غير سمعاتو تزنڭات
ميساء:احم 
انا:هايا ماماك حداك قول ليها تمشي تخطبها ليك
ادم:(كيشوف فميساء) اهاه علاش لا
ماما:نوضو تعشاو راه العشا وجد
نضنا تعشينا فجو لا يخلو من الضحك و مرة مرة كنشوف ادم حال فمو فميساء 
تعشينا و سالينا و جمعنا الطبلة و ڭلسنا كنتحتو
ادم: اوا كيف غادا مع شي قرايا؟ 
انا:بيخير و انت كيف دايرا امورك مع الخدمة
ادم: مزيانة الحمد لله، امتى راجعة لكازا
انا:غدا فالعشية انشاء الله 
ادم:بصااح تا انا غادي ليها غدا انوصلكم معايا 
انا:بصاح مزياان نيت مافيا لي يتسنا شي تران
ادم:المهم مع ديك 4 غنجي عندكم نلقاكم واجدين
انا:صافي واخة
ادم:الواليدة يالاه راك 11 هادي 
سمية:واخا اولدي
ناضو سلمو علينا و مشاو 
و مشينا انا وميساء لبيتي بدلنا حوايجنا و تكينا 
ميساء:هاد ولد خالتك ادم شحال فعمرو؟ 
انا: هههههه 27 و خدام مسير شركة فكازا 
ميساء: ممم مزيان
انا:تيتيز ياك
ميساء:احم مابيهش
انا:احياااني علييك
ميساء:(درباتني بمخدة) صافي سكتي خلينا نعسو
انا:هههههه
بقينا كنتحتو شوية و نعسنا

فقت صباح انا لولة غسلت وجهي و سناني و مشيت نفيق ميساء
انا:الزيين
ميساء:اممم
انا:التيتيز
ميساء:اممم
انا:و نوضي شتك تيقتي راسك
ميساء:(ناضت) و مالك راني تيتيزة راه ولد خالتك قالها البارح
انا:اممم ولد خالتي
ميساء:اححم زعما بغيت نقول
انا:صاافي راه عقت بيك ابنتي، عجبك ياك
ميساء:صراحة اه
انا:هااي هاي على ناس
ميساء: و صافي
انا:اوا الالا راه حتى نتي عجبتيه
ميساء:(حالا فمها) باش عرفتيها
انا:سر المهنة ههههه
ميساء:هههههه
خرجنا فطرنا و دخلنا نعونو ماما فالغدا جا بابا من الخدمة تغدينا و نضنا غسلنا الماعن
انا:يالاه نلبسو حوايجنا و نجمعو شغلنا
ميساء:وااخا
لبسنا حوايجنا و قادينا ميكاب ديالنا و هو يصوني تلفون
انا:الو
ادم:واجدين
انا:اه
ادم:يلاه هبطو انا التحت
انا:واخا
مسيت سلمت على بابا و خويا و ماما
ماما:تهلاي فراسك ابنتي
انا:و حتى نتي احبيبتي المهم مني نقاد الأمور راه غنعيط ليك نقول ليك
ماما:واخا يلاه بسلامة
هبطنا لقينا ادم فطموبيل كتسنا ركبت القدام و ميساء لور و شدينا الطريق انا درت راسي ناعسة باش نخليهم يهضرو على خاطرهم
ادم:ميساء لاباس
ميساء:(بخجل) لاباس الحمد لله
سكتو شوية
ادم:تقدري تعطيني نمرة ديالك الى مكان عندك حتى مشكل 
ميساء:(بقات ساكتة شوية) اححم واخا
ادم:(عطاها التلفون) هاكي قيديها
ميساء:(قيداتها) اشنو نكتب عليها
ادم:كتبي ميساء و ديري حداها قلب ❤
ميساء:(تزنڭات) اه واخا
عطاتو تليفون و بقاو ساكتين طريق كلها حتى وصلنا للفيلا
ادم:اروى نوضي راه وصلنا
انا:ممم واخا
هبطنا من طومبيل و هبط ادم جبد لينا الحوايج 
ادم:(عنقني) يلاه بسلامة و تهلاي ليا فراسك و فميساء
انا:ههههه و تهلا فراسك و متغبرش علينا
ادم:ههه انشاء الله، ميساء بسلامة
ميساء:(بتاسمت) بسلامة
عند جابر
كنت واقف فالغرفة ديالي حتى كنشوف واحد الطموبيل وقفات قدام الفيلا و هبطات منها اورى و ميساء و واحد خونا كيعنق فاروى
انا:(معصب) اهاااه مزيان هادشي
نرجعو عند اورى
دخلنا لفيلا و حنا نلقاو جابر واقف

ميساء:(عنقاتو) خوياا
جابر:لاباس؟ 
ميساء:الحمد لله
جابر:شكون جابكوم
انا: ولد خالتي
جابر: سكتي نتي مهدرتش معاك
(ضار عند ميساء) علاش معيطتيش ليا انا نجيبكوم
ميساء:راه كنت غنعيط ليك و لكن ولد خلت اروى قال لينا هو جاي لكازا يجيبنا معاه
جابر:(كغوت) انا لي ديتكوم نجيبكوم 
ميساء:لا راه 
جابر:صافي سالينا سيري
مشينا انا و ميساء و هو يعيط
جابر:اجي نتي باقي مساليناش الهدرة 
ميساء طلعات و انا رجعت عندو مخلوعة
انا:نعام
جابر:اشنو داكشي شفت؟ 
انا:اشنو شفتي؟ 
جابر:(كيغوت) واش كتسطاي عليا 
انا:اا هاداك راه غولد خالتي وو اصلا ماشي سوقك
جابر:مم ماشي سوقي ياك؟ 
انا:اه ماشي سوقك
جابر:اوا انا غنوريك واش سوقي
صرفقني حتى ضرت 
انا:(كنبكي) اه اه اه حراام عليك علاش ضربتيني
ركب فطموبيلتو و مشى
انا دخلت لطواليط غسلت وجهي
انا:الله اعطيك الڭرض
طلعت لبيت
ميساء:اويلي مالك
انا:لا والو 
ميساء:كيفاش والو
انا:و صافي، انا غنمشي نشوف مرام راه توحشتهاا
دخلت لقيت مرام فايقة كتلعب
انا:الفنوون دياالي
مرام:ههغغ غغ
هزيتها بدلت ليها لاكوش و مشيت جبت ليها الرضاعة رضعتها و مشيت عند ميساء
ميساء:اشنو رأيك نهبطو نعومو فالبسين
انا:اويلي لا
ميساء:واتي غا زيدي راه مكين تا راجل غا خويا جابر راه خرج مغيجيش دابا
انا:اه واخا، نعومو معانا مرام؟ 
ميساء:اه واخا
مشيت لبست لمرام مايو و لبست انا و ميساء مايوات ديالنا و هبطناا

هبطنا عمنا فالبسين و ضحكنا مع راسنا و عومت مرام عجبها الما بقات غي كضحك
انا:عجبك الما
مرام:ههغغغ
انا:ميساءاجي تشوفي الفنون ديالي 
ميساء:يختي الفنون ديال عمتها
انا:مكرهتش تكون عندي شي بنية بحالها
ميساء:و مالها راه بحال بنتك
انا:هههه هانتي قلتيها بحال بنتي ماشي بنتي و راه غيجي واحد النهار لي غادا نتفرق عليها واخا ولفتها بزاااف
ميساء:اوا تزوجي بخويا باش تولي بنتك نيت
انا:اهيا ناري انا نتزوج و بداك المتكبر
ميساء: لا راه ضريف وخا كيتعصب دغيا
انا:لا ابلاش اختي
ميساء: ههههههه كتخافي منو
انا:نتي نيت كتخافي منو
ميساء:هههه ولاهيلا
انا:يالاه نطلعو راه تحرك البرد
ميساء:واخا
طلعنا لدار دوشنا و لبسنا بيجامات سخان
انا:ميساء انا خصني نمشي لدار قبل مايضلم الحال
ميساء:لا غتباتي معايا
انا:هههه واخا
ميساء:لمهم انا غنمشي عند ماما 
انا:واخا سيري
عند ميساء
ميساء:ماما بغيت نهضر معاك
سلوى:اش كاين ابنتي
ميساء: اروى عندها مشكل باباها عندو الكريدي بزاف و بغات تكري غي بيت مع البنات و مجاتش حنا عندنا بيوت خاويين اشنو بان ليك
سلوى:اه بصح عندك الحق
ميساء:هضري معانا نتي 
سلوى:صافي كوني هانيا
نرجعو عند اروى 
كنت ڭالسة فالبيت حتى دخلات ميساء
ميساء:هبطي تعشاي
انا:واخا
لبست بنوار فوق البيجاما و درت زيفي و هبطت لقيت طابلة موجودة كانت خالتي و جابر و ميساء بدينا الماكلة
سلوى:بنتي اروى اشنو رأيك تڭلسي معانا فالفيلا هنا منها نيت تڭلسي معا مرام و تونسي ميساء
جابر:(وحلات ليه) كح كح
انا: اا لا لا مكين لاش.. 
خالتي:لا ابنتي هادشي مافيهش نقاش
انا:واخا اخالتي شكرا
ميساء: ياااس 
جابر بقا غير كيشوف تصدم مسكين

تعشينا و طلعنا طليت على مرام لقيتها ناعسة بستها و مشيت لبيت لبست بيجامة نص كم و سروال مزير تلاحيت فوق ناموسية و لكن مدانيش نعاس قلت نوض نشوف مرام دخلت عندها لقيتها كتهتهت مني قست ليها راسها لقيتو طايب انا:اويلي شنو غندير اول حاجة طاحت ليا فبالي هيا نمشي ندق على جابر بقيت كندق بجهد جابر:(حل الباب كان لابس غي سروال د بيجاما) مالنا اش كاين انا:اا مرام معرفتش مالها جابر:(دفعني) حيدي نشوف مشى كيجري و تبعتو دخل قاس ليها راسها جابر:(هزها) اول مرة غيوقع ليها هاكا اشنو درتو ليها انا:اا والو غي عمنا فالبسيين جابر:(كغوت) دابا واش بغا تسطيني ولا شنو كاين شي عومان فهاد البرد انا:(كنبكي) راه مكانش كيسحابلي غيوقع هاك جابر:حيدي من قدامي حتى نجي من سبيطار و نتفاهمو هبط كيجري و تبعتو انا:تسنا نمشي معاك جابر:(طلعني و هبطني) سيري ستري غا راسك مشى جابر و انا عاد شفت راسي لابسة ديك البيجامة و شعري مطلوق انا:ويلي ويلي ذلعت لبيت لبست بينوار و درت زيف و هبطت، بقيت كنتساه حتى جا، نضت كنجري عندو انا:اشنو قالو ليك جابر:راك عطاوها واحد الدوا انا:اراها ليا عطاها ليا انا:(عنقتها)الحبيبة د ماماها خلعتيني عليك جابر:(بقى غير كيشوف) احم دخلو حيدو من البرد طلعنا لغرفة حطينا مرام فلاصتها و بقينا مقابلينها حتى نعسات و كل واحد مشى لبيتو في الصباح سلوى:شفت اروى و جابر صبحو ناعسين ميساء:وياه راه فيقت اروى باش نمشيو المعهد قلات ليا غي سيري راني عيانا سلوى:العجب ميساء:يلاه امامتي انا غنمشي لمعهد سلوى:واخا ابنتي بسلامة عند اروى فقت حتى ل11 نضت غسلت وجهي و حكيت سناني و مشيت طليق على مرام لقيتها ناعسة و هبطت التحت لقيت خالتي سلوى انا:صباح الخير خالتي سلوى:صباح النور ابنتي جا جابر ڭلس حدانا سلوى:شفتك صبحتي ناعسة ابنتي ياكما مريضة انا:لا اخالتي غي بقيت صهرانا مع جابر:اححم شاف فيا و قال ليا سكتي بعينيه انا:بقيت سهرانا مع ممولفاش البلاصة سلوى:اه اوا دبا تولفي ابنتي

سلوى:امتى غتجيبي حوايجك من دار ؟؟
انا:اليوم انشاء الله 
سلوى:اوا صافي ها هو جابر ايمشي معاك
انا: احم واخا
جابر:نوضي فطري بعدا و من هنا لساعة نلقاك واجدة
انا:واخة
مشيت فطرت و صايبت الرضاعة لمرام و طلعت عندها وكلتها و بدلت ليها و حطيتها تلعب، مشيت لبيت لبست حوايجي و درت ميكاب خفيف و رجعت هزيت مرام هبطتها لخالتي سلوى 
سلوى:سيري ابنتي راه جابر كيتسناك 
انا:واخة اخالتي
كنت خارجة تلاقيت مع ميساء جايا من المعهد سلمت عليها و خرخت لقيت جابر كيتسنا ركبت معاه فالطومبيل
جابر:فين جات الدار
انا:فشارع.... 
جابر:واخة
وصلنا لدار و طلعنا،حليت الباب
انا:دخل
جابر:واخة
مشيت لبيت النعاس جمعت الباليزا الدولة درت فيها الملابس الداخلية و البيجامات
انا:جاابر
جابر:نعاام
انا:عفاك اجي هز ليا هاد الباليزا و لاخرى غنهزها انا
جابر:واخة
هزها و معا مسديتهاش مزيان طاح داكشي لي فيها 
انا:ويلي ويلي
كابر:احم انا برا حتى تخمعي كلشي و عيطي ليا 
انا:اا واخا
جمعت كلشي فتلاثة دالباليزات و صاك ، خرجت عندو 
راه جمعت كلشي 
جابر:واخا
دخلنا يلاه بغيت نهز باليزا 
جابر:هزي غي ذاك الصاك و داكشي لاخور خليه انا غنهزو
انا:واخا
هزيت صاك و هبطت و جابر هز جوج باليزات و لاخرة خلاها حتى يرجع 
انا:هاك الساروت سد معاك الباب
جابر:احم واخا
طلع هز الباليزة و سد الباب و هبط ركبنا فطموبيل و بقينا غادين حتى وقفنا حدا واحد الكافي 
انا:علاش حنى هنا
جابر:هبطي و سكتي

دخلنا الكافي ڭلسنا فواحد القنت
جابر:(عطاني الموني) ختاري شنو بغيتي
انا:(كنقلب) بغيت كاب كيك بالشوكولا و كابوتشينو
جابر:واخا
مشا عطا لا دموند ديالو و جا
جابر:ايوا
انا:راه انا ليخاصني نڭول ليك اوا، اجي بعدا علاش جيبني هنا
جابر:(كيشوووف فيا) بغيت 
انا:اوا الله استر جايبني باش تبقا تشوف فيا
جابر:بحالا علمك الله 
جاب لينا السرباي داكشي لي طلبنا بديت كناكل كنهز راسي كنلقاه كيشوف فيا
انا:متبقاش تشوف فيا هكا 
جابر:علاش؟ 
انا:هاكاك مكنحملش شي واحد ابقا يشوف فيا 
جابر:اولا انا ماشي اي واحد تانيا كيعجبني نبقا نشوف فيك عندك شي مشكل؟ 
انا:اه
جابر:اوا الى مبغيتيش نبقا نشوف فيك حتى نتي متبقايش تشوفي فيا (وقف) واخا عارف متقدريش تقاوميني
انا:حاس برايك ااه
جابر:نوضي يلاه 
مشا خلص و خرجنا ركبنا فطومبيل وصلنا لفيلا هبطت من طومبيل هزيت صاكي و خليت ليه الباليزات 
سلوى:بنتي خودي البيت لي حدا بيت مرام باش تبقاي قريبا ليها
انا:واخا اخالتي شكراا
سلوى:مرحبا بيك ابنتي على الراس و العين
طلعت لداك لبيت كان مصبوغ بالرمادي حطيت الصاك و خرجت عند ميساء دخلت لقيتها كتهضر فالتلفون

لقيت ميساء كتهضر فتلفون 
انا:كتهضري مع ادم؟ 
حركات راسها ب اه خطفت ليها تلفون 
انا:الو الحب
ادم:حبيبة لاباس؟ 
انا:بيخر اوا شتك مبقيتيش سولتي فيا
ادم:يلاه لقتيني غنعيط ليك، لمهم سمعيني فالعشية نتلاقاو فشي كافي و جيبي معاك ميساء 
انا:واخا تلقاو فكافي... مع ال5
فهاد اللحظة كان دايز جابر و سمع هادشي 
جابر:اهاه مزيان هادشي 
ساليت الهدرة مع ادم 
انا:فالعشية غنخرجو 
ميساء: واخا غير هو خصنا نتشاورو مع جابر
انا:اه واخا
خرجت من عند ميساء مشيت لبيت قاديت الحوايج و طليت على مرام لقيتها ناعسة هبطت التحت لقيت ميساء و جابر و خالتي و ڭلست حداهم
ميساء:جابر انا و اروى غنخرجو فالعشية
جابر:اه واخا سيرو 
ميساء:يااي شكرا
طلعنا بدلنا حويجنا و درنا ميكاب و خرجنا شدينا طاكسي حسنا حدا الكافي دخلنا لقينا ادم كيتسنا 
ادم:سلام كلسو 
كلسنا طلبنا داكشي لي بغينا و بقينا كنهضرو شوة نضت باش نمشي لطواليط و هو يبان ليا جابر يلاه غيدخل الكافي 
انا:ناري مخصوش يشوف ميساء مع ادم
مشيت كنجري شديت ليه ايدو خرجتو برا
جابر:تي مالك 
انا: ااا اش كدير هنا
جابر:جاي نشرب قهوة، اجي بعدا فينا هيا ميساء؟ 
انا:اا راه فطواليط يلاه لقيتينا خارجين 
جابر:يلاه حيدي خليني ندخل
انا:اا لا (شديت ليه فايدو لاخرة) ا زعما بغيت نقول خليك معايا 
جابر:(كبتاسم) ممم دغيا توحشتيني
شوية بانت ليا ميساء جايا هي و ادم غير شافت جابر و هي ترجع تخبات
ادم:مالك
ميساء:راه خويا واقف برا شوف انا غنخرج انا لولة حتى نمشيو عاد خرج نتا 
ادم:واخا
ميساء:يلاه بسلامة
ادم:بسلامة
خرجات ميساء و طلقت لجابر ايدو
ميساء:خويا اش كدير هنا
جابر:والو، اجي بهدا نتوما معامن كنتو
انا:غير مع واحد البنت صاحبتي درنا معاها هنا 
جابر:(بشك) اممم
ميساء:يلاه نمشيو 
جابر:واخا

ركبنا مع جابر فالطموبيل و مشينا يلاه غنهبطو من طومبيل و هو يهضر
جابر:هيه شوفو نتوما داك دوران و القهاوي نقصو منو شوية 
انا و ميساء:واخا 
دخلنا الدار لقينا خالتي سلوى ڭالسة فالصالون دخلنا
سلوى:كيف دازت الخرجة 
انا و ميساء:زوينة
سلوى:اوا بصحتكم ابنياتي
دخل جابر
جابر:اه حڭا قبل مانسى راه هاد الويكاند كين عرس مراد راه عارض كليكم
سلوى:اوا مبروك
انا:احم انا غنبقا مع مرام 
جابر:لا حتى نتي معروضة
انا:على فين كيعرفني بعدا
جابر:مالك فيك الأسئلة بزاف 
ميساء:مزيان نيت نفوجو و نشطو شوية
انا:ههه المهم انا غنطلع نشوف مرام
طلعت عندها بدلت ليها و هبطتها معايا لجردة لعبنا شوية و دخلنا ، مشيت لكوزينة صابت ليها الرضاعة و طلعتها لبيت عطيتها الرضاعة فايدها طيحاتها 
انا:الخايبة انا انمشي نجيب شي حاجة نمسح هادشي 
هبطت جبت شيفون مني طلعت لقيتها واقفة شادة فالقنت ديال الناموسية و كتحاول تمشي مع الفرحة بقيت كنغوت
انا:جابر ميسااء
جايين كيجريو 
جابر:امالك كتغوتي
انا:شوف شوف مرام
جابر:(بفرحة هزها) الله على حبيبة باباها
ميساء:هاي هاي على الفنون 
المهم ديك الليلة نعسنا فرحانين
فصباح فقنا انا و ميساء لبسنا حوايجنا و مشينا المعهد مني خرجنا لقينا السائق كايتسنا و طلعنا
ميساء:عمي دينا لشركة
انا:اشمن شركة؟ 
ميساء:ديال جابر
انا:اشنو غنمشيو نديرو تما؟ 
ميساء:والو غنشوفوها و صافي
وصلنا لشركة طلعنا لطابق الخامس 
ميساء:هنا فين كاين البيرو ديال جابر
انا:امم مزيان
السكرتيرة:اش حب الخاطر
ميساء:كاين خويا؟ 
السكرتيرة:اه و لكن راه مشغول
شوية سمعنا الغوات ديال جابر و شي بنت و دخلنا
جابر:و بعدي مني واش مكتفميش راه مكنبغيكش
البنت: و لكن 
جابر:(شافنا و جا عنقني) ها هي البنت لي كنبغي، شفتيها مزياان، يلاه خرجي و متعاوديش ترجعي
خرجات البنت كتبكي
انا:صافي التمتيلية سالات تقدر طلق مني
جابر:(زاد جرني لعندو) و شكون قال ليك كنت كنمتل
انا:ااا اش كتخربق نتا
ميساء:احم احم
جابر:(باسني فخدي) المهم سيرو لدار دابا من بعد و نهضرو
جراتني ميساٱ و انا مصدومة

يتبع