اركان...(هاااا الباهية كملت) لين..اراااااس اركان..(حمار صفار جميع الوان الطيف تجمعو فيه) مشيييت فيها 😰 لين(وصلت حداها) اراس☺غبرتي اركان(اراس) (ضحكة صفرا) ههههه..حمد الله هاااا حنا ..غييير الخدمة لين..الله يسهل..عليك☺.(ركبت فالة حداه و كتحرك بالشوية )تبعتها فاتي ركبت حداها اراس اللي هوا اركاان (فنفسو:اوووف انا اش داني ندخل كوطلعت للمكتب ارحم لي) فاتي...لييين.فينها اسماء لين..راهي جاية مشات تتلقا لصاحبتي فاتي..اووه اك فاتي تواني هايا اسماء داخلة كتضحك مع سكينة و كوتر غير حانية راسها كتلعب بصباعها فاتي...فتياااات..دارو لجيهتها حيت مكانوش فنفس الاتجاه و رجعو دخلو ...اراس درب الدورة يشوف معامن كتهضر فاتي اركان(اعووود بالله من الشيطان الرجيم دب كملت بالبيان)بقا اركان ضاير عاطي بالدهر وصلو البنات تسالمو سكينة كيف ديما كتتقز و كوتر غير واقفة همها يكفيها دارت لين تعرف البنات علي اراس لقاتو غادي خارج طاير لين..اراااااس اراس غادي بلا ميضور مشات كتجري شداتو من يدو لين..مكتسمعش ولا اراس..ههه(كيحك راسو) هه لا غير احم تزيرت ..خاصني نمشي للحمام لين...اجري غير نعرفك علي صحاباتي اراس...غسر نجي و نتعرفو لين..تؤ دااااااب يالله جراتو من يدو غاديا بيه حتي وصلو عند البنات اللي بقاو حالين فمهم غيه و هو كيخنزر سكينة..ارك.. اراس...مرحبا انا اراس..صديق لين و فاتي و انتومي كوتر(شافت فسكينة) اراس اراس..(كيحمر فيهم).وي كوتر(مالو هادا مخرج عينو)...ممم تشرفنا سكينة..حتي انا اما اسماء اللي عاد ضربت الدورة حاجة خراااا هيا خرجت عينها و حتي وا بقا مخرجهم اراس(لااااا ميمكنش...منين بيتحدفو عليا 😢😢) اسماء...اااانت اراس..ههه وي ..للاسف اسماء..تا اش كدير هنا اراس..كنغني كنشطح مكنبانش لك واقف فأراضي نادي..يعني كنلعب رياضة الزوينة البنات(مفاهمين والو غير كيحركو ريوسهم من واحد لواحد مني كيهضر اسماء...لا باين علي فورمتك الزينة اراس..ان سكينة....ستووووووب دار عندها كلشي سكينة...توما واش كتعرفو بعضياتكم اراس...ممم اسماء...لسوء الحص اراس..راه غنخبطك الموصيبة.. اسماء..غير اجي و قرب ليا😑 لين...صاف عافاكم هنيونا.. اسماء..مشفتيش اش كيقول لين...ميكي سكينة..و فين كتعرف انت اسماء اراس..فايت لي تلاقيتها فالدرب و تعرفنا تعارف تاريييخي اسماء...كان يوم اسود اراس..غتسكتي و لا نجي نسودو عليك نيت اسماء...(الطيب احسن) فاتي..صافي رجوع الله يالله نمشيو برا باش تبردو اسماء...نيت را ريحت الحراق عاطية اراس..😑😑 خرجو كاملين و توخرت سكينة و كوتر اراس..تقولي شي حاجة منك ليها نحيد ليكم الضراس من بلاصتهم..وا ها وجهي سكينة...و فييسلم عندك المهم تال الدار و نتفاهمو علي هاد الفيلم ديالك اراس شاف فيهم و خرج تبعوه فاتي ..ممم اش بان ليكم نمشيو عند الخيو غيكونو جابو الخيول الجداد اراس..منضنش كين غير رعد..و جبار هما اللي تم كيدربو و الخيول الجداد غيديوهم للفيرما يشوفوهم عاد يجيبوهم فاتي...هممم لين...شكون جبار سكينة..(باندفاع).ديال خويا.. لين..هممم و يالله نشوفوه سكينة..اووك يالله مشاو مجموعين عند لخيول لقاوهم كيدربو بقاو كيشوفو من بعيد لين...يااااه داك الخيل اللي دهبي لهيه ديااالمن سكينة...هداك هو جبار..جبناه من اليونان كان كادو من جدي لخويا كتعلقين ببعضهم بزاف لين...ممم زوين سكينة..وي بزااف اراس مرة مرة يخنزر فاسماء و فاتي واقفة كتلعب فالتيلي ديالها حني كوتر شادة التيلي و كتقلب فالتصاور د هادي 3 سنين ############### #فالدار...فاطمة كتكمل فطورها و كتحتت مع كمال حتي كيسمعو الصونيط مشات فاطمة تحل لقاتو مهدي فاطمة..مرحبا مهدي..صباح لخير سمحولي علي هاد الدخلة 😀 مقدرتش نصبر كتر جست بغيت نشوفكم فاطمة..ههه الله اودي مرحبا دخل دخل مهدي سلم علي خوه مهدي...صباح النووور كمال..صباح الخير الدار نورت مهدي..الدار منورة باصحابها(عنقو) و جلسو كيتحتو موضوع يجبد موضوع.... مهدي...هادشي اللي عطا الله (شاف فاطمة فالكوزينة و قرب جيهت خوه) و متخافش من هادوك ميقدوش يقربو لينا مرة خرا كمال...يا خوووفي اخويا منضنش مهدي...تؤ برد مديرش فبالك كمال..حقا كنت بغيت ندوي معاك فوحد الموضوع ضروري مهدي..اهاه قول كمال..نوض يالله للمكتب مهدي.يالله دخلو مهدي و كمال للمكتب كمال...انيس.ولدي..الكبير عرفتيه مهدي..اه عقلت عليه ولكن هادي شحال مشفتو كمال..عارف انشاء الله تتلاقاو بإدن الله.. مهدي...امييين يا رب كمال...المهم انيس تقريبا فترة ماشي قصيرة مركز علي موضوع العملية..د رجلي...اللس كنتي ناوي ديرهالي انت هادي زمان مهدي..اااه ..بصح مزيان فرحت لك اكيد حاجة مزيانة ...ولكن طبعا مغنخليهش يدسرها لك هو بوحدو غندهل معاه ميمكنش.. كمال..متعدبش راسك انا غير علمتك..و صاف حيت قريبا انشاء الله غادي ندخل نديرها و بغيت دعا تكم و بغيتك فحاجة خرا عندها خصوصية فهاد الموضوع كنتمنا توافق عليه مهدي...اكيد طبعا الا قديت
كمال..متعدبش راسك انا غير علمتك..و صاف حيت قريبا انشاء الله غادي ندخل نديرها و بغيت دعا تكم و بغيتك فحاجة خرا عندها خصوصية فهاد الموضوع كنتمنا توافق عليه مهدي...اكيد طبعا الا قديت عليه...تفضل انت تأمر كمال..ربي يخليك اخويا..... .(من بعد و تعرفو انتوما😉😂...) كمال...المهم انت فكر و جاوبني يالله نخرجو دب حسن متجي فاطمة تخرجنا فالجورنان مهدي..هه انشاء الله يالله دب نعيط للولاد يجيو باش يشوفوك مشاو غير عند شس صاحبتهم كمال..ايه عندك الحق حتي انا نعيط للولاد بالمختصر صيفط كمال مسج لأنيس يمشي للنادي يجب خواتاتو و يعلم خوه يجي و مهدي..سيفط مسج لاركان هلمو يجيب خواتاتو و ميتعطلوش شاف انيس المسج سيفطو لخوه اللي كيف شافو كمل خدمتو و شد الطريق للدار نفس الشي عند اركان اللي كان راكب علي رعد كيف قراه هبط سيفط مسج لخواتاتو يتسناوه برا باش يمشيو ستادنو لبنات من البنات😂 ومشاو حدا الاوطو اللي كان كيتسناهم فيها اراس كدالك اسماء و لين تاصل بيهم انيس و مشاو برا يتسناوه حتي بان ليهم داخل بالاوطو متسناوهش يدخل خرجو عندو و نطالقو طالقين الزدحة وصل جهاد هو الاول للدار دخل سلم علي عمو بحرااارة و مشا بدل حوايجو بحوايج مريحين و خرج جلس حداهم بعد شويا وصلو البنات و انيس اللي مكانش متوقع بلي نفس الراجل اللي عالج ليه مو يكون عمو و اللي داز غصو فقلبو ان كوتر غتكون بنتو استقبلهم مهدي بحرارة و دموع كيف استقبل جهاد و ماااهي الال تواااني معدودة اللي عاود رن جرس الباب و ناض جهاد يحل مرة اخرا و هنا كانت صدمة تلااااااتية الابعاد للشباب بعضهم البعض جهاد....ميمكنش اسماء...اوووو ماااي كااااد لين...ماشي معقول سكينة..نووووو كوتر...😢لاااا اركاان..(هههه متصدمتش تلقيت الصدمة فالنادي😂) انيس(كنت متأكد💔) مهدي....ياك لاباس اولدي مالك تصدمتي قدام الباب جهاد(دار عندو و رجع دار للباب)...هاء ..ها انا انا ههه لا غير تصدمت و صافي هه مهدي...دخلو دخلو .. اركان...متخااافش الواليد تعرفنا 😂 مهدي...نعام اولدي اركان..لا الواليد فرحت مشا اركان سلم علي عمو و فاطمة اللي تبوس و تعاود فيهم سكينة طايرة بالفرحة حست صحاباتها طلعو بنات عمها و خالتها كوتر لا تقل فرحة عليهم ولكن الصدمة كانت قوية مكانتش متوقعة انيس كيجيها عمرها طاحت للبال جهاد.واقف و سكينة حداه مال جنب لحدا ودنها...حصلي القرف يا بنت خالتي سكينة...و انا اكتر يا ابن عمي )جهاد😞 سكين😞 مهدي...اركان ولدي.. لين...اركان..كيفاش اركان ياك انت اراس اركان...ههه يا بنت خالتي شحال فك اركان اراس فحال فحال حولي واحد مدبوح 😆 لين..حولي واحد...من نيتك ...(صغرت عينيها) كنتي كادب عليا ياااك اركان..ههه غير ضحكت معاك لين..و هادي فيها الضحك يعني كوماكمتيش ولد خالتي عمرني نعرف بلي سمك اركان ماشي اراس اركان..احم احم...الصراحة ام سوري مقصدتش هو انا ديما متسرع جاوبتك داك النهار بالغلط مني كنتضغط كنبدا غير نخربق(احيييييه عليا انا برضو😈) لين...(شافا فيه و دورت وجهها) اسماء.(جات من اللور) خبطاتو للضهر...مرحبا بولد خالتي فدارنا اركان...مرحبا ب بنت عمي..فخبارك دب عاااد الحرب اتبدا يعني راكي قدامي يوميا ..مشيييتس فيها اسماء..تقرب ليا نوريك النجوم فعز الظهر غير بقا تقلب عليا حتي تلقاني اركان..هممم اوك دب حنا فالدار و الجو مخربقا ..الله يجمعني يك فشي دريبة مكتخرجش..اححخ و اش ندير فك اسماء.(كطبطب علي كتفو) رجوع الله اولدي الرجوع الله ) جلسو كاملين محموعين الفرحة غامراهم كيف هادي شحال ما عدا شي اطراف اللي مضرورين مشات فاطمة توجد الغدا و البنات كيعاونو فيها و الرجال برا خالقينها خصوصا جهاد اللي سبق ليه تعرف علي اركان فالنادي كيقول فين شفتو ولكن ممتاكدش اما انيس وخ شافو فالكلينيك بقا صاقل كيفكر غير فكوتر و شنو المعمول فاللي جاي... وجدو السيدات الغدا و حطوه فصفرة طويييلة كل ما لد وطاب من اشهي الماكولااات ستفو فالطبلة كل حاجة فبلاصتها و جلسو جلس مهدي فالراس و كمال فالراس من الجهة التانية حدا كمال كينة فاطمة قدامها لين حدا لين كينة اسماء قدامها اركان..اللي حداه جهاد و قدامو سكينة.وحداها كوتر اللي من زهرها جا قدام انيس اللي كساكل و هوا مزير علي يدو مبقاش ديستحملها حداه عداك ما تجلس قبالتو كوتر كتشوف فيه كرة كرة ولكن هوا مدايهاش فيها مقابل غير طبسيلو اما اركان و اسماء شبعها عصا من تحت الطبلة باقي ليها غير تغوت هدا لا يخلو من نضرات سكينة و جهاد لبعض بشر و وعيد كمال...نهار كبير هدا اللي ولادي و ولاد خويا مجموعين مع بعضهم (كل واحظ شاف فاللي قدامو و جاوب) ربي يخليك😆 مهدي...فخباركم اولادي غنمشيو للدار مكم تبيتنا فالسطح اركان...عول عليها الواليد فاطمة..لبيتتكم فالسطح جيو عندي لمهزتكم الارض تهزكم عيني😍 سكينة.. ربي يخليك اخالتي...فخبارك راكي زوينة بزاف فاطمة..ماشي قد جمالك و جمال ختك احبيبة ..
كوتر(بصوت منخفض)شكرا اخالتي
جهاد.(بصوت سمعاتو غير كوتر باستهزاء) داك ااجمال ضاع من 3 سنين الواليدة😏
كوتر هزت فيه راسها لقاتو كيضحك باستهزاء.بعد مكانت كتاكل وحلت ليها مبقاتش طلعت النفس و.شدتها البكية ناضت كتجري دخلت للكوزينة كتفتف بغات الحمام فتحات كلشي البيبان تا طاحت فيه دخلت بردت قلبها فالبكي و الكحبة تا حمارو عينيها و وجهها عاد خرجت عينها منفوخة
خرجت كوتر...قلبها دارها هي اصلا عداب الضمير باقي كيراودها من ديك الساع من اخر مرة شافتو فيها وتعلمت من الخطئ ديالها ولكن هو ممتيقش.و معمرو يتيق ..ندمت عالنهار اللي ضيعت فيه راسها و حياتها بسب تهورها و طيشها اللي خلا منها بنت شبه معقدة...مبقاتش كتستحمل الصحبة حيت بسبب الصحبة ديالها .....تدمرت....
كملو البقية سهرتهم حتي للعشية عاد سلمو علي و ناضو جمعو الوقفة مشاو للدار اما نبية عيات تقلب مني جات كوتر عطاتها راس الخيط زادت كفرت و كرهت ختها و عائلتها
البقية جاو كانو عوالين عليها توبخهم سع مطرا والو حدها خنزرت فيهم و مشات
#############
#بعداسبووووع
فهاد الاسبوع اللي فات كترت زيارات مهدي لكمال ولكن ولادهم مبقاوش تلاقاو غير البنات اللي كيشوفو بعض و اركان مرة مرة كيتلاقا بجهاد و انيس رغم ان نبية حلفت عالبنات ميشوفوهمش نهائيا الال انهم دايما كيخرجو مع بعض الجدة فرحت فاس شافت ولاد ولدها فالصور من عند سكينة ......
#########
#صباح جدييييييد
فاقو ابطالنا بكري فطرو وجدو راسهم للتوجه للكلينيك لحضور عملية كمال اللي غيتولاها مهدي و انيس و طاقم طبي اللي غيشرف عالعملية......
###############
قبل ميدخل مهدي للعملية نزل لكافي لتحت تاصل بولدو اللي شحال و هو باغي يهضر معاه و مجابتهاش الفرصة او هو كيتفاداه...
مهدي...ااالو ولدي....
ادم...عمييي
مهدي...يهديك الله واش انت قارق عالتيليفون د داوود
ادم...هههه لا غير راه فالحمام
مهدي...الله يجعلو يكون كيدوش دخل ليه التيليفون خليني نهدر معاه
ادم..احم واخ العميم
مهدي...احتارم راسك هداك الولد
ادم...هه غير ضاحك اعمي
داوود...الو....الواليد..لاباس عليك
مهدي..حمد الله مني سمعت صوتك الغالي...مناويش تجي
داوود...غنجي انشاء الله الصبر ..مبقا والو
مهدي...كون عوال انك اول مغتجي للمغرب غدير العملية ديرها فبالك اولدي..حيت ماشي انت اللي تستسلم بهاد السهولة
داوود..عندك الحق..ماما كيف راها جداتي رحمة اركان سكينة و كوتر ..ديف راهم لاباس عليهم
مهدي...اه اولدي لاباس عليهم مشتاقين لك...
داوود..سلم عليهم...فالقريب انشاء الله نتلاقاو يالله تهلا فراسك..بسلامة(قطع داوود ...
مهدي..😢الله يشافيك اولدي..الله يخليك لينا
..............######
ف المستشفي عند انيس
انيس...بابا...متفكر فوالو...ورخي راسك....كون اكيد....ان العملية غتنجح بادن الله
كمال...ان شاء الله ..عمك فينو...
انيس(كيدور راسو) هاوا جاي
وصل مهدي...
كمال...قرب عندي
مهدي(لبا طلب دخوه)
كمال..داكشي اللي قتلك اخويا متنساهش....شنو ما وقع ليا
مهدي..مناسيش اخويا هاني معاك و طلبك شنو ما وقع غيتحقق...كون هاني(باس ليه راسو) وراك غتخرج ان شاء الله بيخير
كمال...ان شاء الله اخويا ..جات فاطمة و البنات كيبوسو و يعاودو الدموع فعينيهم
جهاد...صاف موقع والو...صبرو شوية..بابا..ان شاء الله غتخرج لينا سالم غانم متضغطش راسكو و رتاح 😊 عمي.. انيس ...توكلو عالله
توجه انيس و مهدي...رفقة الممرضين جرو حمالة المرضي و دخلوه للاسانسور متوجهين لغرفة العمليات....شعل🚨 المصباح الحمرا برا اللي كيعني بداية العملية .....
###################
داز النهار كامل تقريبا و اللي فالعملية باقي مخرجو دازت 15 ساعة مكينا تا شي خبار عليهم جات كوتر و سكينة و اركان باش يساندو عمهم و ولاد عمهم قررو الشباب بعضهم يدسرو هدنة ف فترة زمنية حيت الوضع لا يسمح بشجار اي واحد منهم فاتت ساعة ..ساعتين....تلاتة ..هاوا انيس خارج..وجهو حمر..و عروقو مطراسين من ملامحو...عرفو بلي مكيبشرش بالخير نهائيا...
فاطمة(بدموع) ولدي شنو طرا فات بزاف دلوقت و تا خبار مقلتوها لينا اش وقع...طمنني..اولدي طمني
انيس...(كيمسح العرق) مزيان..الحمد لله الوضع مستقر...نجحات العملية و راه تحت المراقبة لمدة24hولكن منتأكدو 100% حتي دوز 15 يوم و يبدا يتمشا .و نديرو لو الترويض ..عاد نشوفو...
فاطمة..الحمد لله اربي الحمد لله
البنات كيتعانقو و يبكيو اسماء معنقة ختها و حتي كوتر معنقة ختها فاطمة عنقات جهاد و انيس بجوجهم كانو علي شوية و يسكت ليهم القلب لولا خروج انيس فالوقت المناسب....
فاطمة..الحمد لله الحمد لله مشاو جلسو بقا انيس و جهاد كيهضرو و البنات جلسو حدا فاطمة وصلت 9 ليل
انيس..كليتو شي حاجة ..تا حد مجاوبو
انيس..وااايلي مكليتوش جاني الجوع انا و انتوما من صباح مدقتو الطعان يالله نمشيو ناكلو و نجيبو لعمي معانا راه علي لحم بطنو
فاطمة...سيرو انتوما و انا راني هنا
جهاد...ماما شوفي ...بابا راه تحت المراقبة تم يعني محاس بوجود تا حد يالله ناكلو و نرجعو راه اصلا خاصك تقوي راسك باش تقدري توقفي حداه ..و شتي شنو احسن حاجة بابا علي 24% ساعة عاد يفيق نمشيو ناكلو و نديكم تنعسو و حنا نجيو نجلسو هنا و غدا اجيو اوك يالله
سكينة..عندو الحق اخالتي يالله راه مغتفيديهش و انتي كتادي فراسك غير يالله و حنا بايتين معاك اليوم هيييح ليوما نروبلوها
فاطمة...جهاد...اش كتقول تم سكينة يالله ابنتي مرحبا بك دار دارك و اللي معجبو حال يسطح راسو بالحيط
انيس...الوالسدة راه غير حيت حنا رجال فالداؤ و هما بنات مجاتش
فاطمة...😑 راهم فحال خواتاتكم عادي
لحضات صمت....قطعاتو فاطمة ..
فاطمة...تحركو يالله راني عيت بالوقفة ...توحهو للمطعم كل واحد كوموندا اش بغا كلاو فصمت سكينة بقا فيها الحال حيت تقمعت مبقاتش هزت الراس فشي حد كلات كملت قبل كلشي مشات للاكيس خلصت داكشي دسالها و دختها و مشات جلست باش متتحسبش معاهم حيت مادام قلل منها حهاد بديك الطريقة فحالي هسا غريبة الا و غيحسبو راسهم كيتصدقو عليهم فداكشي اللي كلاو اللهم تخلص هيا ...هادشي اللي بان ليها هي
كملو البقية الماكلة كانت سكينة تاصلت بتاكسي حيت خوها مشغول فالخدمة مقدتش تديرونجيه..مشا جهاد يخلص..علي اساس كلشي حتي كيقول ليه الراجل اللي كيتخلص بلي جوح د الطلبات تخلصو مني قاليه شكون اللي خلصهم شير ليه علي سكينة ...
جهاد(بعصبية) هاد لكلبة كتقلب عليا ..😠
خلص داكشي اللي بقا و خدا ماكلة لعمو عطاها لانيس اللي غيرجع للكلينيك عاد يجي للدار...لحق عليهم حيت كانو واقفين برا...وقف مغوبش يالله غيبدا يغوت عليها
سكينة..يالله بسلامة خالتي ها حنا ماشين
فاطمة...فين ماشين فهاد الليل حماقيتي ...لا دوزي قدامي للدار
سكينة...لا اخالتي والله منقدروش..احسن لينا نمشيو للدار اصلا حنا بنات و انتي عندك دراري فالدار حشومة غدا و نرجعو عندك اخالتي يالله تهلاي فراسك
فاطمة..ابنتي واش غتدي علي جهاد راه ديما معصب..و
سكينة...لا ا خالتي مديت علي حتي واحظ انا غير قلت الحقيقة مخصناش نتقلو علي اي واحد مهما كان قربو لينا ..و نيت نرتاحو عينا هاد النهار و هاوا طاكسي وصل كوتر...الله يعاونكم(من دون متشوف جيهت حد باست خالتها و مشات)
فاطمة..دارت عند جهاد اللي لقاتو مغوبش ....هداك وجهك ولا قفاك...البنان النهار كامل واقفين..و حيت حاولو يخففو عليا قمعتيهم قد راسهم تقول غيباتو عند غريب راني خالتهم اجهاد
جهاد...عندك الحق انا اللي غريب
فاطمة(هزت يدها حتي السماء وعطاتها ليه للوجه) باش مرة خرا تقول بلي انت غريب...يالحمار 100 مرة قتلك انت ولدي..ولدي..انا ..انا اللي ربيتك...و بغستك علي اساس ولدي.. ولكن...كيبان لي انت اللي معتابرنا غير هك ...كل مرة كتجرحني بهاد الكلمة و كنصبر...ولكن..(كتبكي)...
جهاد...سمحيلي...
فاطمة...مشات ركبت فالاوطو من غير متجاوبو ...حيت تجرحت منو هي معتابراه ولدها و هو كل مرة يجبد موضوع انه ماشي ولدها كينغصها فقلبها .....
ركبت فاطمة لور حدا بناتها و جهاد لقداك و انيس صايج وصلو للكلينيك نزل لنيس هبط الماكلة لعمو و رجع للدار باش فالصباح يدخل هو بلاصتو هبط بعد ما وصاه علي البنات اللي قالو بلي مشاو للدار ...رجع للاوطو و توحهو للدار كل واحد دخل ل بيتو و نعس
######
كوتر....مالكي انتي قبايلة ...ياك كنا مقررين نبات عند دار عمي
سكينة..اوا سكتي مني مرضيتيش البال ..معرفتش اش ديسحالبلو راسو...قطع الواد و نشفو ...رجليه...زعما غير حست ولد خالتي و عمي...غينغصني...والله لكانت ليه...راني بنت مهدي...واجرك عالله
كوتر..الله يجسرنا من هاد الكلمة...مكتفناخري بهاد النسب ديالك...الا وناوية علي خزيت
سكينة...الخزيت كلو غيشوفو داك بو لحية غير بلاتي ...لما ندمتو عالنهار اللي عرفني فيه راني منتسماش سكينة براني
سكينة..ادن اماما عافاك بقاو تفكو الامور بعضياتكم و علمونا ماشي واحد يقول يالله و واحد رافض حنا شكون غنرضيو (مشاا لبيتها) كوتر بقات كتشوف يمين و شمال(تبعت ختها)
نبية...الله يحرق طواسلكم...تا ولادي قلبوهم عليا الله ياخد فيهم الحق سحارة لاخرين طلعت لبيتها كتخبط فالدروج ...اما اركان كان يالله جاي فالطريق دخل لقا السقيل قال راه هدنة مطرا والو طلع لبيتو حتي هو نعس...
###################
دازت تقريبا 5 ايام و كمال باقي فالكلينيك نقلوه لغرقة جديدة ...فاق كيضحك مقشب عادي كيحاول يوجد راسو نفسيا للاسوء مباغيش يبني امال زائفة تقدر تضرو من بعد طول هاد 5 ايام اللي هوا فالكلينيك كيحاول ميتخيلش راسو رجع يمشي باش تا لا مقدرش يمشي ميتازمش كيحاول يبقي كيف هوا كيف دخل للعملية كيف خرج خوه مساندو واقف معاه مساندو معنويا ولادو واقفين معاه و كيضحكو فوجهو مكيحسسوهش بالخوف ديالهم باش يتقبل النتيجة كيف ما كانت بصدر رحب كدالك ولاد خوه كيجيو عندو كيفوجو عليه و النهار اللي فرح فيه من قلبو فاش اركان جاب ليه الام ديالو (رحمة ) للكلينيك جارها فكرسي متحرك بحكم باقي مرجعت صحتها
كمال(كان متكي غير شاف الام ديالو تجعد بالشوية) أمي(عينو غرغرو)..توحشتك...
رحمة...ولدي..حتي انا...الله يشافيك اولدي..الله يشافيك..بإدن الله غتخرج لينا سالم غانم بادن الله ربي ميخيبكش خلي املك بالله كبير اولدي
اركان...اللي كيفرحك كيفرحني اعمي...وحسيت بلي انت دب فامس حاحة ل جدة...فقلت علاش لا نيت تبدل الجو الكئيب الي كتعيشو فغرفتها..عالاقل تشوفكم و تتتبادلو الكلام(نزل حدا جداه)اولا لا اجدة
انيس...ههه شفتيني هنا فالكلينيك اجدة...انا اللي كنت مستلم الحالة ديالك...
الجدة...ايااا الله يرضي عليك..انت هو...اللي داويتيني....الله يداويك من جراحك الحبيب(باست راسو و هوا علا عينو فكوتر مخنزر)عنقها انيس و جات نوبت جهاد اللي متوتر معرف ميدير غير انه يتقدم عندها
الجدة(عارفة الموضوع د حهاد) اكيد انت هوا جهاد...
جهاد(بابتسامة) اه انا ..
الجدة...عاودولي عليك زوين بزاف بزاف ولكن فالحقيقة انت اجمل من وصفهم ليك
سكينة..شكون هدا اللي زوين اجدة
الجدة..حفيدي...تباركالله علي خفايدي واحد ينسيك فلاخر زين و تبات ..اخلاقو شهامة وعقل و رجلة تباركالله علي حفادي الله يحميكم من العين
جهاد(كتفا يشوف فيها😑 حيت باقي مدوز ليها نهار خلصت فالمطعم)
جهاد...منجي والو قدام جمالك اجدة الله يخليك ديما تاح فوق راسنا و يطول لينا فعمرك املكة جمال الجميلات(باس يدها و هي بدورها جراتو عنقاتو عندها)
الجدة...هاوا لاخر ..توما واش كل مرة واحد يبدا يتغزل فيا او شي حد يجي يقرا عليا اية الكرسي ليعينوني و انا باقي باغة نعيش شبابي..واه
كلهم بداو يضحكو علي الجدة اللي رجعت فيها الروح بعد لمت ولادها و ولاد ولادها ....باقي حاجة و الفرحة تتم يرجع كمال يمشي و يتصلحو الخواتات👭.........
#فامريكا
#عند_داوود_و_ادم
ادم...داوود سير تبرك لهيه خليني مركز عندي خدمة
داوود...شوف كلمة وحدة قلتها لك انا غنمسي للدار نجمع حوايجي مع 6 لمكنتيش فالدار غنمشي و بقا انت ..باي
ادم..داوود.....داووووود...مصويبة مع هدا زعما تحطيت قدام الامر واقع ولا كيجيب لي الله بففف(رجع
قلب وحهو للجد مركز فخدمتو...صبحان الله ابطالنا كاااملين جدين فالخدمة غير قاباين للغلط اما فالحيات العادية كل واحد و كيفاش كيعيش و كيفاش شخصيتو )
مشا داوود للدار كيجمع حوايجو فالبالزات مع انه مكانش جايب معاه شي حاجة غير باليزة صغيرة و شانطة لوراق د الخدمة و شانطة د الكومبيوتر هبط
للتحت و حط الشانطة حدا الباب و جلس كيساين ف ادم و هو كيلعب ب رجليه و كيشوف فالساعة فيدو دوز دقيقة و يرجع يشوف حتي وصل الوقت أدم محاش ناض مشا جر باليزتو سد الباب و تم نازل فالدروج خرج يالله كيحل طموبيل هاوا ادم وثف الاوطو حتي تجرت مع الارض
دازود...غا بشوية عليك
ادم...كنت غنقتل شحال من واحد فالطريق بمسبتك اولد الحاج مهدي شي يمشي يشوف التيتيز المليح شي يشوف الحيوطة فالحبس
داوود ..كنت كنتمني ...باش نتفك منك..للاسف الحظ
ادم..متخااافش قاعد علي قلبك غير زيد قدامي...اجي و حوايجي
اول موصلو للمطار و قبل متقلع الطيارة تاصل بخوه اللي كان فغرق النعاس عاااايش الاحلام معرف باش تبلا فش لقا اتصال من داوود اللي اصلا فترة طويلة مهضر معاه جوج كلمات بالحساب قالهم لو و قطع
اركان(بصوت ناعس)الو
داوود...انا جاي...(قطع)
اركان(شاف ف التيلي فون) بسم الله الرحمان الرحيم...كيفاش انا جاي تسطا هدا و لا شنو...جاي ..مرحبا...انا مالي (تقلب للجنب لاخر و رجع نعس)😂حتي بدا كيحلم بخوه عاد رماتو الفيقة و طلع معاه القالب انه جاي للمغرب ناض بالجري شاف فااساعة لقاها 3:00 صباح بقا هكداك بالبيجامة د النعاس زاد عليها كويرة كحلة و هز معاه وحد الطابلو و قلم كحل خلا شعرو هكداك مشعكك و نزل طاير للمطار يتسنا خوه.......وصل لقا الدنيا عااامرة ببنادم تقول الكرة الارضية كلها مسافرة مشا للبلاصة الخصصة بالانتضار كانو شي حديدات جاب كرسي جلس عليه و خدا داك الطابلو كتب فيه سميت خوه حطو فوق راسو و دار يدو موسدهم و رجع نعس ......
ما هيا الا دقائق و الطيارة حطت فالمطار...ناس غادين و ناس جاين كل واحد و اش كيدسر ها الل معصب ها اللي فرحان و كينقز ها اللي كيبكي ....
نازل اركان و ادم من الطيارة بكل شموخ رافع راسو للفوق مكيشوف فتا حد تابع ادم اللي كيعرف فالمغرب بزاف بحكم خوا وقت طويل مجا للمغرب و #معاقل_علي_حتي_حاجة_فيه ....دارو الاجراءات المعروفة و دازو خداو الشنط ديالهم عاد توجهو لبرا كيقلبو علي اركان اللي وجهو مكانش نهائيا بين المنتظرين..
داوود...هاد الجنس واقيلة رجع نعس....
ادم...بففف باينة يالله نشدو طاكسي
داوود...يالله ...(بقاو غادين و كيدورو راسهم و والو مبانش ليهم حتي تفكر داوود اياماو كان كيمشي لليونان بالليل و كيلقا خوه ناعس فوق شي كرسي رجع باللور و بقا غادي جنب جنب كيشوف فالناس حتي وصل لحدا واحد مكرشخ راسو طايح للارض و فيدو طابلو فيه داوود براني شد داوود داك الطبلو بالشوية تا خداه و خبطو ليه علي راسو
اركان...(ناض مخلوع معرف باش تبلا تا طاح بيه الكرسي) ها ها وعع اش هادشي الله ينعل... ...ااااي راسي
داوود...تستاهل ماكتر (درب دورة غادي)
اركان...يا رلد حرام راني عامين مشفتك يا وجه البلوطة داوود...كانت احسن حاحة درتيها فحياتك...هانت شفتيني دب و باحسن استقبال 😉
اركان...سير حيد لهيه و انت مطلع ليا داك الدماغ للسماء دب تتقب السقف بقا بقا ...ادم خويا العشير
ادم...فييين (سلمو علي بعصياتهم و حامينها ضحك و نشاط خرجو من المطار نيشان للاوطو و توحهو للدار اللي كان ديك الساع باقي فيها السقيل بحكم يالله 5 صباح..)
اركان...شوف انت(علي داوود) راه بيتك للاسف طاح حدا بيتي معندي مندير نصبر..(دار عند ادم) و العشير
ادم..حفضاااك😂
اركان...بيتك هو الكبير راه لهيه
ادم..شكراا اخويا يالله تصبخون علي خير
اركان...و انت مناويش تتخمد
داوود..مشغلكش....سير شوف لك اش دير
اركان...انا مالي يالله جود نايت برو 😕(ضرب الدورة)هاوا المعقد جا عوتاني تقول فيه التوحد تقوليه خاجة يقنعك ما هدا
داوود...شكرااا
اركان(معرف باش تبلا ولا كيضور فجنابو مبان ليه والو هوا اللي بغا يكمل الطلوع فالدروج لقاه قدامو)
اركان😱 وااااعععععععع الواليداااااااممممم
داوود(سد ليه فمو و لاحو فبيتو)***د الاه ينعل*** مالك اصاحبي**** جمع **ك شوية ...
اركان...شني انت ناوي تقتل شي واحد فينا سمعتيني...وتش اصاحبي بعقلك مخليك ورايا لقيتك قدامي مالنا علي حالتنا راه الليل هدا الزفت خلينا سالمين
داوود...(خلاه و دار طالع) نشف شويا نشف😒
#############
شرقت شمس يوم جديييد بأحدات جديدة
#ليوم الاحد ليوم غيخرج كمال من الكلينيك يكمل الايام االي باقين ليه عال فترة الترويض
فاقو الشباب فالصباح بكري قبل متفيق مهم و تبغي تمشي معاهم و هيا عيات هاد الايام هلكت راسها مشاو نيشان للكلينيك لقاو عمهم تما تسالمو فطرو مجموعين مع باهم مني كملو خرج انيس مع عمو يتكلفو باجراءات الخروج و جهاد تكلف بباه يعاونو فالتبدال وحد الشوية رجع انيس و مهدي بعد ما كملو و توجهو للدار د كمال
بعد ما صلات فاطمة الفجر و هي كتدعي مع راجلها قرات شوية القران و رجعت تكات شوية بما وصل الوقت باش تمشي مع ولادها داتها ديك الغمضة مني رماتها الفيقة مع 8:00 مشات تفيق الدراري ملقاتهمش تصدمت كانت عوالة تمشي معاهم ولكن لقاتها من الخير توجد الدنيا باش تستقبل كمال جفضت جلايلها و تاجهت للكوزينة توجد لفطور للبنات اللي فدار عاد تبدا الشقي د المعقول وجدت الفطور حطاتو ليهم فالطبلة و عاد دخلت سدت عليها فالكوزينة توجد الشهيوات اللي كيعجبو راجلها..........
فاقو البنات حتي هما مبجقلين بدلو حالتهم و خرجو كيقلبو علي مهم و خوتهم لقاو غير مهم قاتليهم راه مشاو يجيبو باهم من الكلينيك مشاو فطرو باغاو يعاونو مهم مي رفضت بحجة بغات توجد داكشي اللي كيبغي راجلها بيدها...دارت سلاد مشكلة بسطيلة د الحوت و كوكلي مشوي فالفران و خضر فالجناب و سوب و جلاص كراميل كيف كيعجبو و العصائر الطبيعية..وجدات داكشي و غطاتو و خرجت مشات للبيت تدوش و تبدل عليها مجات فين تكمل كانو جاو مجموعين جارين كمال فكرسي متحرك و البنات كيبوسو من هنا و من هنا
اسماء...عالسلامة بابا
لين...نورتي ابابا ...
كمال(عنقهم بزوج)...دار منورة بنواراتها حبيباتي ..
لين..الله يخليك لينا بابا
اسماء..و يشافيك يا رب
جهاد...(جرهم بزوج) غا قولو ليا منين حافضين هاد الهضرة كاملة ادوك البعلوكات ها زعما وحدة تكمل هضرة لاخرا مالنا
لين..وطلق طلق طلق
اسماء..حيد يدك مالك حجار بابا هضر معاه
كمال...بعد لي من نواراتي هداك ها راه غنجي لك
جهاد...العمالة شتك نكرتيني زعما من الصباح و انت كتمدحني دغيا قلبتي عليا.
كمال...كيعجبني نجدد
انيس..ههههه خود لك قمعة سانك سانك 😂
مهدي...ههه كمال متكونش حجارهههههه
خرجت فاطمة علي اتر ضحكهم العالي
فاطمة...حمد الله علي سلامتكم
كمال...الله يسلمك ☺
فاطمة..دخلو دخلو غيتكونو ميتين بالحوع حلسو هاني نحط الغدا ..مشات للكوزينة و تبعوها البنات باش يهزو معاها ...
كمال...عيط علي ولادك ا مهدي يجيو
مهدي...غا خليهم دب تحري عليهم مهم
كمال..وا غير تاصل يبدلو الجو
مهدي...واااه اسيدس نديرو لك خاطرك
تاصل مهدي بأركان اللي كيتسناه يجاوب....
#############
فالدار عند نبية ...
فاقو معطلين تقريبا مع 12 نزلو البنات يفطرو لقاو الطبلة واجدة جلسو كياكلو فصمت متعودين بعدم لم الاسرة من شحال هادي مني كانت مهم خدامة عارضة لحتي ولات عضوة رئيسية ف بزاااف د الجمعيات من تم مبقاتش تهتم بيهم ...احيانا الناس كيبقاو يهتمو بالمضاهر الخارجية و الحفلات و الجمعيات الانسانية و التربوية و كينساو اهم عنصر فالحياة ولادهم بحد داتهم اللي خاصهم اهتمام و حب من عند واليديهم...
كانو البنات كيفطرو فصمت و شادين تيليفوناتهم كل وحدة و اش ددير نزل عليهم اركان كيف الصاعقة ا لكل وحدة خبطة لراسها خلاها كتنقز و عاد باسهم ...الخوت رغم الجفا اللي بيناتهم الا انهم كيموووتو علي بعضهم...عاد هاية نازلة الام بالشوية فالدروج
نبية...صباح الخيير
سكينة...مساء المور ماما 😊
كوتر..مساء الخير😊
اركان...صباح و مساء النور و الورد و الياسمين يا احلي ماما 😍
نبية...ربي يخليك احبيبي جلست ختي هيا كتفطر فصمت...حتي هاوا داوود و ادم نازاين فالدروج نبية و البنات شمو ريحة مميزة كان شخص واحد هوا اللي كيدسرها عارفينو مزيان مع دورو وجهم كان هو داوود بشحمو ولحمو قدامهم ... ناضو البنات كينقزو
كوتر...داووود
سكينة...الااا ميمكنش (ناضت كتنقز تابعة ختها)
داوود(بابتسامة جانبية و هو معنقهم بزوج) حتي لهاد الدرجة توحشتوني زعمة
كوتر...متتخيلش شحال توحشناك امتي جيتي
داوود...لبارح بالليل
سكينة.....بزاااف عاد ناااري كل نهار كتبوقص اش هادشي تا ناس كيكبرو و يخيابو و انت عاد مكتزيان
ادم..غا الخدمة اخالتي والله من كلينيك لكلينيك فين ما مشيت نلقا نقص و اهمال ...الله يرزقنا الصبر و صاف..
مبية...الله يقويكم احبيبي...
فطرو فجو مليئ بالفرحة كون داوود رجع من غيبة طويلة و مأساوية ....قاطع صمتهم تيليفون اركان اللي كيصوني
اركان..(باستغراب) بابا..
داوود.متقول
اركان..ااالو الواليد فخرا ك داوود رجع 😂
داوود.(بالشوية) اله ينعل ****
مهدي...واش بالصح...امتا هادشي
اركان..لبارح بالليل
مهدي..(بفرحة)صاف هاني جاي دب..
داوود...واش انا الكلب باغي نفاجؤ و انت كطير داوود جا..تفو
اركان...😂😂😂😂
#######
فالدار عند كمال
مهدي...خليتكم علي خسر ولدي داوود جا من بعد غيبة طويلة ...نتلاقاو..من بعد...دب نرجع
كماال.داوود...توحشتو بزااف والله
مهدي...قصة طويلة وراه ..دب نلقي وقت ...ونعاود ليك...
كمال ..انشاء الله
مهدي..يالله خليتكم علي خير(كيسلم عليهم)
لين..بينها و بين اسماء..عقلتي عليه
اسماء..بالعما. واش باقي مركزة معاه ولكن تقريبا ..اااااه...كنتي عزيييزة ...اه والله الا ...يالله نشوفو..فالالبوم و نتأكدو
لين(بينها و بين راسها) ناااري متثولوش ليا هوا....ميمكنش..
اسماء..(يالله يالله)مشاو البنات كيجريو طلعو للبيت د مهم هزو منو الالبوم د الصور و مشاو ديريكت لبيتهم كيبقشو فالصور صورة صورة حتي طاحو ف 4 صفاحي متابعين غير لين و ودري تقريبا كبر منها
اسماء...يا بنت حرام عمرك كلو و انتي لاسقة فيه..واي واي...مساعلاش مع راسك
لين(فحلا بداو كيرجعو ليها شي دكريات معاه و تفكرت الولد اللي قاتلسها ماماها بلي ولد الجيران ربطت الاحدات حتي تاكدت بلي هو... حنيكاتها حمارو) حشومة عليك سكتي...ا اسماء
اسماء(جرت ليها حنيكاتها) ويني ويني علي الللي كيحسم...
لين...قولي لي شتك ظاك النهار كتناحري مع اركان بزاف مالكم
اسماء...هداك لسوء حضي هو نفس الولد اللي قلت لك عليه ...(فكرتها بمقتطف من اللي كان كيدير ليها)
لين..اااه...هههه تا انتي ماشي كتر مني احبيبة ...😂
اسماء...سيري قحالك ملقيت شكون غير هداك...اتفو سيري فحالك
لين...يالله يالله عمي واقيلة مشي مسلمناش عليه
اسماء..متخافيش مغيكونش رض البال من الفرحة 😊 اصلا ههه
#########مشا مهدي طاير للدار ديالو لقا الدنيا مقلوبة و هما طالسين فالصالون شي فالارض شي فالوتويات كيضحكو علي دعابات اركان و ادم
مهدي...(من الباب) ولدي
لتافت عندو داوود و عطاه ابتسامة قبل مينوض عندو و مشا بخطوات تابتة تجاهو
داوود...الواليد ...توخشتك
مهدي...ختي انا (داوود با لباه يدو)
مهدي...الله يرضي عليك....كيف بقيتي
داوود..حمد الله بيخير ...
مهدي...(رجع عنقو...)
داوود.بدورو عينيه غرغرو ولكن جمعهم الانسان اللي كيكون فاقد الامل فالدنيا و هارف مصيرو اللي كيبقا فيه هما القلوب المكسورة اللي غيخلي موراه ....
مشاو تجمعو فالصالة و كل مرة واحد كيتهشا ف داوود حتي حس بلي فعلا الموت قريية كان باغي يموت بعيد باش ميشوفش العداب و الخوف اللي فعينين مو و باه و الكسرة اللي فعينن كوت و سكينة و اركان داوزد ناض من حداهم خرج كيجري للزنقة كيتمشي و كيحاول يكبح دموعو من النزول ....حتي وصل لوحد الخلا خاوي غوت بجااع قوتو حتي بقا كيتسمع غير الصدا د الصوت
ادم...غيكون حس بيكم...متبقاوش تخنتوه بزاف...راه كيحس بلي كتواسيوه و هوا باغيش يشوف الشفقة فعين تا حد ...
نبية...ولكن..راه خايفين عليه...
ادم...خافي اخالتي...ولكن متبينيش خوفك حيت هادشي كيطيح بيه هوا ...كيحس بلي صاف...مبقاش امل..قدامو...يعنس الموت...فهمتوني...متبقاوش تبينو ...انا من الصباخ و انا ملاحص اش كديرو و معاجبنيش الوضع..تحكمو فماشعركم...عافاكم...عالاقل...حتي تفوت العملية بيخير و علي خير
مهدي.بإدن الله...
نبية...يا ربي يا ربي تشافي لي ولدي ياااربي ...
مهدي...مغتمشيش تشوفي راجل ختك
نبية..اشنو قلتي
مهدي...راحل ختك خرج من العملية مغتشوفيهش
نبية...(بصوت منخفض) ماماتش...لا مغنمشيش
مهدي...ممم بقيتي تمشب الجمعياتةو الحفلات د دوي الطبقات الراقية حتي ولا الصواب منك كيقطر 😑
نبية...صلح فمك ا مهدي...راك كتهيني قدام ولادي
مهدي(جمع الوقفة) خاصهم يشوفو مهم علي حقيقتها..😑
خرج مهدي من الصالون طالع لبيتو كيفكر كيفاش غيهضر مع داووظ فالموضوع ...خاثو ضروري و باي طريقة يتكلم معاه و يقنعو
############
فالدار..عند كمال
مجموعين البنات حدا باهم و مهم كتقشر الديسير و توكلهم واحد بواحد....
جهاد...الواليد...انت دب مريض و خاصك الرامة..ابار خاصك تبدا دير ترويض با يشوفو التفاعل د العلاج مع الجسم ديالك.. سو عندي ليكم مفاجئة...
كمال...اما هي..
جهاد...وحد الفيلا فالشارع اللي ورانا فترة طويلة و انا حلمي نشريها ...(دار عند كمال) راك عارفها ا بابا...هاديك اللي ديكورها عريق...و تاريخسة بزااف عرفتيها ...
كمال(كيتدكر) اااه عرفتها عرفتها
جهاد..هادي شحال و انا داوي مع مولاها باش يبيعها ليا و مبغاش .و السيمانة اللي فاتت تاصل بيا و قالي بلي طراو شي مشاكيل و بغا يبيعها شريتها منو و اتتها .مبغيتش نقولها ليكم بغيت نخليها حني دخلو ليها مصلوحة...وةنيت تجي مع خروج بابا من الكلينيك باش يدخل ليها ...
كمال...تلله يرصي عليك اولدي ولكن مكاين لاش ...خليها ليك حتي تلقي بنت اللناس اللي تص نك و سكنو فيها
وصلت العشية داوود رجع للدار تعشاو مجموعين كيضحكو و يجبدو مواضيع كان داوود طلع عند جداه اللي قلبها رفرف مني شافت اول فرحة اول حفيد دخل لعائلة براني ....
جالسة حداه و مرة مرة ديرليه شي حاجة ففمو و هوا يبوس ليها يدها ....الجدة...الله يرضي عليك اولدي...متتخيلش شحال فرحت مني شفتك بيخير وعلا خير
كوتر..(بينها و بين ختها)سكينة...مغنمشيوش عند عمي نشوفوه
سكينة..دب نسلتو و نمشيو غير نلقاو الفرصة المناسبة
كوتر..اوووك...
سكينة...😉
كملو العشا و هما ضاحكين ناض مهدي و تبعو داوود
مهدي...داوود...باقي عاقل علي عمك كمال...
داوود...عمي ...كمال...امممم تؤ لا منضنش ...معتدي حتي فكرة عليه
مهدي..ولا حتي فكرة
داوود..نن للاسف
مهدي..اوا اولدي هدا عمك اللي هوا خويا الصغير ...كانو شي مشاكيل بيناتنل و تفرقنا هادي سنين و ها حنا رجعنا ماشي بزاف فاش جداك مرضت...كانت بغات تشوفو و مشيت جبتو ليها...هوا كان مشلول بسبب حادت وقع ليه من هدي سنين ...و عاد توليت انا و ولدو الكبير العملية ديالو من هادي 2 اسابيع...دب هوا فالدار....
داوود..هممم..الله يشافيه
مهدي...خاصك تمشي تشوفو
داوود...انا مكنعرفوش ...و معندي حتي فكرة عليه...مكنضنش ..غنقدر نشوفو...
مهدي...مهما يكون...راه عمك و خاصك تشوفو اولدي...غدا انشاء الله غيخصك تمشي معايا تشوفو واخ اولدي..
داوود(بززمنو) واخ
خرج ظاوود و هو معتجبوش الحال نهائيا نكيحملش اللي يتحكم فيه و خصوصا فهاد الاحيان مبقاش كيصبر ولا عصبي بزاف مبغاش ينشي عند هاد الراجل اللي معارف عليه والو ...تلاقا مع نبية فالطريق
نبية....ولدي...مالك....باينة فك معصب
داوود....والو الواليدة...غير الواليد...باغيني نمشي عند عمي
نبية...و انت عاقل عليه
داوود...لا معارف عليه والو
نبية..منصحكش تمشي لعندهم اولدي...هادوك ناس..سحارة و شرانين منهم ما كان...انا عاطياهم تيقارهم...عار ربي غير يبعدو علينا شرهم ...شحال هادي كان باك اللي غيتشل كما لطف ربي طاحو فالحفرة اللي حفروها لينا.....باك كان غيموت واش عرفتي شناهيا يموت
نبية..باك قلبو حنين ..و كيف كيشوف شي حد محتاج مساعدة مكيبخلش...داكشي علاش...عيت معاه باش يرجع عن قرارو و هو رافض قالك خويا مندوزوش و انا عارفاهم راجعين غير علي قبل الفلوس باش ياخدوعا حيت هدا شحال منعناهم ياخدو حقهم 😢
داوود(شاد يدو بعصبية) ثاف اماما يكون خير ...(باس راسها)
نبية(😀) الله يرضي عليك الحبيب
مشا داوود لبيتو معصب من الهضرة اللي قالت لو مو ..و محملش يعتب عندهم مشا بدل عليه حوايحو..و هو عاقد حجبانو داز عند ادم يشوفو فينو لقاه مغطوس فالوراق د الخدمة
داوود.(جلس فالناموسية) باقي مكملتي
ادم..تؤ باقي ..علاش
داوود.كنت بغيتك تمشي معايا..نقلبو فين زسهرو مليت ..محاملش نجلس هنا
ادم...الناس كيقلبو غير امتا يرجعو لبلادهم و انت محاملش تجي ليها 😕 لعجب ..
داوود..هادوك الناس كيكونو بحالك ...ماشي بحالي..
ادم...الله يعطينا غا وجهك ..نوض تجعد يالله نغبرو من هنا ...
فالصالون عند سكينة...اللي مخشية فالمانطة مكمشة سنانها كيقرقبو بالخلعة (الصالون كيطلل علي الجردة و سكينة ناعسة مقابلة مع الجردة ) (ادم بقا كيتسلت مشا هز يزار كان فوق زعلولة و لواه عليه بدا يدق فالزاجة )
سكينة...ويلي ويلي جا جاجا مشيت فيها مشيت فيها ليوم نموووووت ليوم نموت صااااف ضعت ضعت انا ضعت....مستقبلي ضااااااع
ادم...ليوووووووما نقتلك😈
سكينة...لا لا عافاك...باقي معشتش باقي باقي مكليت بسطيلة د المغرب بليييز خليني غير ناكلها و من بعد قتلنييي😢😢😢اهي اهي
وحد الشوية سكينة بدات كتسمع الغوت ديال كوتر
كوتر..عااااااااااا
سكينة(قفزت معرفت باش تبلات) هاء عاااااااا كوتاااااااار هئ ختييييي(ناضت بغات تجري تكربعت بالمانطة) ااااح هئ ختيييي ...تسنا غير نت ادعو و قتلهااااا
كوتر...عااااااا😢😢 مامااااا
سكينة كتحري للكولوار فين كاين القاطع تسطحات مع جسم حديدي رجعت بيه للور
سكينة..(طلعت معاها الحرارة من صبعها الصغير...)لاااا...لاااااا لااااااا ميمكنش نهاااائيا ....ما هدا...ساو فين منزلنا يا مرحبا يا مرحبااا(بق طاحت سخفانة)
كوتر..جاية كتجري و تتعكل و تغوت...هئ هئ سكينننااااااا...(تعكلت بختها) عاااااا ماماااااا.كتشوف باش تعكلت لقات جسم بنت
كوتر...ويلي ويلي ...اش هدا...سكينة..سكينة...والزبلة متقوليش ليا متتي..لااااا هئ (ناضت شدت يدها و جاراها)با شتخرج للصالون حدها وصلت للعتبة لقات اركان و ادم كيتلواو بالضحك
وصلو للبواط من برة صوت الزدحة مسموع داخلين بالشوية عليهم دافعين كبير اللي مكيعرفهمش طاح فيهم فين هما دوك اللي كانو كيتناجرو فالاوطو مشاو ولاو وحدين خرين
بعد ما توادع مع مو نزل للتحت يقرا الجرائد كيف ديما بما تجمعو عالفطور..
######
فهاد الاتناء تلقا كمال الرسالة من خوه فرح حيت غيشوف خوه و لد خوه اللي كان عزيز عليه من صغرو و باقي عاقل علي طريقتو و طفولتو كيف.كان طفل ولكن كان عندو دماغ شاب راشد كان سابق عمرو و عارف اش كيدير ماشي كسف باقي الدراري...كان هو و عمو دايما كيبقا و يتناقشو فمواضيع و كيتناقش علي اساس انه راشد مكيعجبوش اللي يقوليه انت باقي صغير...و بالضبط باقي عاقل علي الفترة فاش كانت فاطمة حاملة بلين و هوا حاكية فيه البيضة امت يشوفها و نهار خرجت للدنيا اش دار....
#فلاش_باك
فحي شبه شعبي داخل دار متوسطة الحجم كيتسمع صوت امرأة كتغوت ربي اللي خلقها من حر الوجع و الداية كتهدن فيها مرت ساعات و هي على نفس الوضعية
اركان...وااايلي اصاحبي...(شاف فداوود اللي كان كشوف فيه بنضرات د القتيلة)
اركان..هههع بصح مبقاش ياكلها من شحال هادي
كمال..(فنفسو...سبحاااان الله شوف كيف كان شحال هادي و كيف ولا...كنا عزاو عليه كتر من مو و باه شوف كيف ولا دب...معرفتش شنو غتكون ردت فعلو منين يشوف لين....)
مهدي....خويا...بغيت نتكلم معةك فموضوع مهم
كمال..واخ نوض اجي معايا (مشاو بزوجهم للمكتب ) دخل مهدي و تسنا كمال بما وصل عليه بالكرسي المتحرك و سدو الباب وراهم
كمال...خير ..اش كاين
مهدي...الصراحة مبغيتكش تتقلق لا انت لا فاطمة من داوود...ماشي لخاطرو هاد الحالة جاتو من شحال هادي كان وقعلو حادت من بعد ما سافرنا لليونان مباشرة مبقا عاقل علي والو...حنا و هو ماشي متدكرنا خنا اللي عرفناه علينا و بقينا نوريوه بالتصاور و ندكروه فمقتطفات من حياتو حتي تأقلم مع الوضع ..
كمال(بعصبية) و مني هو..فقد الداكرة علاش معلمتينيش ...ها..نقولو صعيب تعلمني ...علاااااش موريتوهش تصاورنا و فكرتيه فينا ...ولا حنا غير زايدين ناقصين دب انا الولد اللي كان معتابرني الاب التاني ليه ولا كيعتابرني غريب 😕(بسخرية)هههه غريبة والله
مهدي..كمال متنساش ديك الساع شنو كان واقع...متنساش بلي نبية كانت و باقة حاقدة و هي لي كانت كل مرة تمنعنا نعطيوه اي حاحة انا كنفكرو فالصباح و هي فالعشية تنسيه شنو بغيتيني نديرو اصلا هو خاصاه معجزة معند الله باش يتدكر
كمال...انتوما اللي دمرتو ولدكم معرفتش اشمن قلب عند ديك المرا عندك
مهدي...الله يهديها علي نفسها..اش غنقولو..
كمال..يالله نخرجو نوض....
###########
برا....
فاطمة...كول اولدي مالك ...مد يدك..
داوود.(ببرود)..مكناكلش دسم...
فاطمة..نصاوب لك شي حاجة اخرا
داوود...ممم...ماشي مشكيل الا قدرتي
اركان(بعصبية بلا ميبين)داوود...واش ز***
داوود...(شاف فيه ببرود)
اركان..ل*** من صباح و هي توجد و تصاوب علي قبلك فالاخر كتنغص فيها من الصباح و انت تقمعها مالنا
داوود...ديها فراسك...
اركان...نوض نت*** حسن منصدق جابد معاك صداع هنا
مشا اركان عند خالتو للكوزينة كيضحك فيها و هي كضحك فوق من قلبها ..و هو كيلمق ليها من المقلة..
مشات جبدت الكلاص و مهلبية من التلاجة ستفتها فبلاطو و خرجتها ...حطتها فالطبلة ..
فاطمة..هايا اولدي حتي المهلبية كنتي كتموت عليها هه
داوود..مم شكرا ..
داز شوية الوقت و داوود كيف هو مبرد و كيهضر بالجرام خرج مهدي اللي ندم علاش جابو مكانش متوقع هاد ردت الفعل نهااائيا و اركان معصب من طريقت خوه فالمعاملة ديالو..مشاو فحالهم و تكلف كمال يعاود ليهم شنو واقع ليه انيس تعاطف معاه عكس جهاد اللي مهزش فيه شعرة بسبب معاملتو لماماه
داوود...بابا ..بالضبط متعاتبني علي تاحاجة انا كنتعامل علي مزاجي ...
مهدي...نعم...واش عارف راسك معامن كدوي..راني باك..اولد الكلب...اللي ضاعت تربيتي ليك يالي كنفتاخر بك قدام الناس صدمتيني والله تا صدمتيني
داوود...(بقا ساكت و كيشوف قدامو..حتي نطق)اركان دوزني للنادي..
اركان...تا نوصل بابا...تا انا غادي لتم
وصل اركان باه و داز للنادي ....
#عند البنات...
اسماء...اوا اش درتي فالمقابلة فاش مشيتي
فاتي(اش درت صدموني و الصدمة الزوينة فاش كنت فقاعة الانتضار و لحصي الاسود قالو المدير د المستشفي غيجي علي اساس لبارح او ول بارح و انا قالو لي نجي نهار الخميس يعني غدا باش ندوز و يا خوفي يجريو عليا نموووت نموت 😢)
لين..متخافيش...غتتقبلي راك فاتي و اجرك عالله 😂😂ههه
فاتي داكشي مخصنيش نخاف...
اسماء...لين العود اللي كيعجبك راه مدوزينو
لين(دارت) فينو...اااه بصح يالله يالله نمشيو عندو
اسماء...يالله...مشاو البنات كينقزو قولها و ضحك عليها حتي وصلو للعود (جبار)
لين...شحال زوييين..كيعجبني(كان واقف بوحدو دون الخيول.. كياكل بهدوء كيهز راسو مرة مرة و يهبطو كشات لين من جيهة تانية كتمس ليه فشعرو و هو كياكل
جاي من بعيد كيشوف نيشان الطايح كتر من النايض و النايض فاتيجي
وصل حدا السايس...فينو
السايس..حادر راسو...راه اسيدي فالاصطبل مع الخيول كياكل..
داوود(شنق عليه و سم لي عصبو بيه باه كيبردو فالسايس)..واش. قايلك خرجو لز*** واش هداك..اللي نوع خاص مخرجو لس مع بقية الخيول..ق*** مباقيش نشوفك مزال قدامي
السايس.(بخوف)..لا .سيدي لا عافاك...اسيدس مضيعش رزق ولادي..فلطة غلطة و متتعاودش..
لين عيات تبقشش ولكن مشافتوش شافت غير الضهر و مقدرتش تبين الفضول ديالها فكونها تشوفو ..
اسماء(فودن لين) علامن كتقلبي😂
لين(بنفس الطريقة)...سكتينا.
قيلو البنات فالنادي كيتعاودو مرة ينوضو يلعبو رياضة رجعو ياكلو و يمشيو يتمشاو فالاخر مشاو يديرو شوبينج....
داوود مفاتش ساعتين مع الفرس دسالو و رجع فحالو للدار يقدي شغالو كدالك و متال ادم نفس اللي دارو فامريكا مشا للمستشفيات د المغرب يشوف اش كيديرو تم واش ممشين الخدمة و لا كيتهاونو...
مهدي بقا فدارو معاودش خرج و نبية جاتها الهستيرية كل مرة تقول غيديو لي ولادي صاف ولادي مشاو ...اركان كمل نهارو فالخدمة و رجع فحالو بقاو هكاك كل واحد اش كيدير حتي حطو ريوسهم هالمخدة غطو فنوم عميق .....
#########-
دازت 10 ايام
البنات عمرهم شافو داوود ولا عرفو شكلو كيف داير كيمشيو للناظي يتلاقاو بسكينة و اسماء اللي تاهما يومهم ممل المفر ديالخم هما بمات خالتهم و فاتي اللي تقبلت فالمستشفي هي و 10 ممرضات خاصهم يدوزو امتحان باش يعزلو لاكتر كفاءة منهم....
داوود قلب علي العتماني فالمغرب اللي كتاشف بلي همو جهاد ولد عمو واللي مكيحملوش من نهار مشا عندهم للدار يعني كره علي كره عرف قصتو و بلي ماشي ولد خالتو و عمو الحقيقي و قرر ينتاقم منو عن طريق الخدمة
جهاد حتي هو عرف المنافس ديالو فالخدمة بلي هو ولد عمو اللي خلاه يولي جدي اكتر فخدمتو حيت عارفو مغيدوزش الاهانة اللي هانو سالمة
مهدي و خوه كيتلاقاو دايما و دايما جايب ليه رحمة
اهم حاجة انهم نتاقلو من العمارة اللي كانو فيها و مشاو للفيلا اللي ورا الشارع اللي كانو ساكنين فيه و اللي جات فالصف المقابل لفيلت عمو كانت متال لقصر هندستو و ديكورو قديم اتتوها بأرتاء الجميع و كل واحد ديكورا بيتو كيف بغا و بطريقتو ولكن طبعا لا يخلو من اللمسة القديمة و التاريخية باش يجي مع الفيلا كاملة
نبية ولات كتتلاقا بختها كتبقا تخنزر فيها كارهاها و كارهة المستوي اللي وصلت ليه ختها (يعني ولات لاباس عليها)
#################
#فالصالة عند مهدي
مهدي(بجدية) ليوم عارضة علينا مرت خالكم بمناسبة نجاح عملية عمكم يعني غنمشيو كاملين
اركان..بصح يعني الطياب البنين عوتاني احح اقلبي..
نبية...مهاوش فحالي عمرك ما كليتي النعمة
اركان..طياب خالتي بنين ميتشبعس منو
نبية..(خنزرت فيه)
داوود..انا مغنمشيش عندي خدمة
مهدي...كلمة وحدة كنقولها مكنعاودهاش..
نبية..ولدي مباغيش لاش غتجبرو
مهدي...انا قلت كلمة وحدة ا نبية و انتي براسك غادة و تزيدي معايا كلمة غتخرجي فما لا يحمد عقباه....
سكينة و كوتر طايرين بالفرحة حيت غيمشيو عند خاالتهم...ناضو طايرين كل وحدة كتقاد و توجد فراسها و خرجو كيتسناو البقية يتجمعو...
#عند فاطمة.
كطير من هنا و من هنا توجد علي قبل كل واحد و اش كيبغي البنات كيجمعو الفيلا معاونات الخدامات كيتعاملو معاهم بتواضع ... كمال كيتفرج فالاخبار فالصالة و انيس و جهاد كيتناوبو علي سخرا لمهم الا حتاجت شي حاجةمكيبغيوش يصخرو العساس كبير و فالوقت نفسو كيراقبو خدمتهم من الكمبيوتر ...كملو البنات شقاهم و طلعو لبيوتهم يبدلو حوايجهم و حتي فاطمة مني كملت طيابها خلات وحدة من الخدامان مقابلة و مشات تبدل عليها حوايجها ...لبست كسوة نص كم فالبلومارين نفس لون عينيها طلقت شعرها و لبست طالون نواغ البنات لبسو كساوي عادين لين لبست كسوة د الوريدات فالكحل و اسماء لبست الكسوة اللي كانت شرات ليها ختها نهار خرجت الدراري ديجا لابسين انيس لابس سروال د دجين مع قاميجة كاروهات بالحكل و البيض و جهاد لابس شورط مع تيشورط فالجري كمال كان لابس سروال توب كحل مع قاميجة مدخلها فالسروال بالبيض فاتح الصدفات الاولين و مسرح شعرو اللي غازيه الشيب بإتقان ....
وصلت 12 الصونيط فالدار مشا جهاد فتح كانو مجموعين مهدي و بناتو القدام سكينة اللي كانت لابسة شورط د الدجين قصير مع تيشرط مايل فالكتف و كوتر اللي كانت لابسة سروال طالع شوية مع تيشرط قصير فوق الصرة (ناس د الخاريج 😂)و وراهم داوود و اركان اللي كان لابس ديجين و تيشرط غوز و داوود لابس سروال دجين رمادي خاشي يدو فالجياب و تريكو بيض مع كويرا كحلة و شعرو مطلعو الفوق.😍...
و اللور نبية اللي مكرهتش تقج مهدي لابسة كسوة سميطات كحلة و جامعة شعرها كعكة اللور دايرة مكياج خفيف و سنسلة فعنقها سلم عليهم جهاد و صلات سكينة دارت ليه ابتسامة صفرا و دازت وصل داوود لجهاد و بجوجهم كرزو علي يدين بعض بغا يسلم علي نبية فاتو و دخلت سرطها بزز و سد الباب و دخل جلس ..كمال.(وقف كيعكز)..مرحباا مرحبا بالغوالي
مهدي...ترحب بيك الجنة (طارت سكينة و كوتر سلمو علي عمهم و هو بدورو عنقهم) سلمت سكينة علي انيس اللي ستقبلها بابتسامة جات كوتر تسلم عليه جمع يدو و مشا عند اركان عنقو..
كوتر..(مالو هدا 😣 بفففف ...خاصني نعتادر منو ..سامح كان بها مسامحش لهلا المهم متبقاش تنغص لي قلبي عيييا 💔)
فاطمة نازلة من الدروج اللي كتتوشطهم زربية حمرة من الفوق تا التحت كيف الاميرة درجة بدرجة دارت عندها ختها هيا اللولة مني شافتها هكاك كفرت محملتش راسها شافت كيف كيتعاملو معاها ولادها و هي خسرت كلشي كيف ديما خاسرة كلشي
فاطمة...مرحبااا مرحبااا(مسلمتش باش متعطيش فرصة ل ختها ترفض و تفقصها) ناض عندها اركان
اركان...اش هادشي اش هادشي...اميرات ديزني عندي هنا..لا لا شتي كو مكنتيش خالتي ناااري كراني خطفتك شحال هادي(شد فيدها و كيدورها حول راسها)
فاطمة..ههه حبيبي انت (باستو فحنكو)
تبعاتو سكينة و كوتر كيبوسوها و مشات سلمت علي مهدي و من بعيد
فاطمة..فبيتهم شويا و يهبطو...ادم...مرحبا بك..زمان مشفتك(جا عنقها) داكشي اخالتي الخدمة و صاف(فاطمة كتعرف ادم بحكم هو ولد صاحبتهم فاليونان مجوجة مغربي)
ناضو يتغداو هايا اسماء نازلة
اركان(الله الله)
اسماء(😊)سلمت علي عمها ادم كان حداه وصلت لداوود مد يدو و سلم عادي جات لاركان مدت يدها قرصها حتي حمارت بغات تجر يدها مطلقهاش بالكشايق مني جات تمشي بلاصتها تجلس عكلها علاين تجي طايحة (طاحت حداه) ااي
كمال..بشوية عليك ابنتي
اسماء(مخنزرة فاركان)...غير تعكلت ابابا مشات عند خالتها ...(نبية بفرحة)اسماء
اسماء..ممم
باستها و عنقتها خلات ولادها تا من راجىها مستغربين اسماء محكرتش وبادلتها العناق الي خنزر هنا هي فاطمة...
فاطمة...اسماء...اجي جلسي هنا
مشات جلست حدا مها و نبية عاطياها العين
فاطمة(مع اسماء) فين ختك
اسماء..نعست عيات من الصباح و حنا كنشقاو كومفيقتنيش شعيبية( الخدامة)مكنتش نفيق...
فاطمة..خليها ترتاح مني تكملي طلعي ليها غداها تتغدا و تنزل
اسماء..واخ
كلاو فصمت من غير اركان اللي دل مرة يقول كلمة فحق طياب خالتو و كل مرة ينغز اسماء اللي كتشدها الضحكة و الاعصاب فدات الوقت
اسماء بالشوية...عرفتي و متبعد مني والله تا نغوت
اركان...غتفضحي راسك 😉
اسماء والله لبقات فك..
مهدي و كمال كيشوفو فبعضياتهم و كيدوزو رسائل لبعض بالعينين ....
مهدي اركان بغيتك وحد شوية بعد الغدا ...
اركان..حاااضر الواليد...
كملو الغدا و ناض مهدي تبعو ولدو.اركان...
مشاو للجهة التانية د الفيلا او القصر فالوسط بالضبط كاينة خصة كبيرةو مفتوحين عالجردة و عالدار سدو الباب اللي دخاو منو و خرجو دواو مع بعضياتهم بقاو شي نص ساعة و خرجو خرج اركان تابت فبلاصتو و جلس
اركان...داوود تكلم لبابا
داوود(هز راسو من التيليفون) نعام
اركان..تكلم...ناض بخطوات تابتة مشا جيهت التيراس اللي فيها باه دخل كان باه جالس .....
#لين فاقت من النعاس..مقلوبة عينيها منفوخين مشات للمراية كيبان ليها شعرها تشعكك و الكسوة نكمشت
لين...اففف يا ربي عاد غنبدل بففف..مشات للماريو هزت منو كسوة حمرة سامبل مايلة عالكتاف..طلقت شعرها تمت نازلة فالدروج و هي خايفة من المقابلة خايفة تشوف خالتها و خايفة تشوف داوود و خصوصا انها هي الاخرة يعني غتكون الاعين موجهة عليها و هي مكتحملذ هاد القدية يا تدخل مع مجموعة يا تبقا بوحدها ولكن متقدرش تخيب ضن ماماها و هي واتقة فيها ....نزلت كتضبط نفسها بزز درجة درجة و كيتسمع صوت طالونها اللي كرهاتو هي فديك اللحضة حيت مخلي عينيهم عليها وصلت لين للدرجة الاخيرة كتشوف فيهم مرة تبتاسم مرة تجمعها و هي كتفرك فصباعها
سكينة..لوليييي...الحب توحشتك
لين(بابتسامة و صوت شبه مسموع) حت انا 😊
فاطمة...قربي احبيبة سلمي علي خالتك
لين..واخ...قربت لين بالشوية و رجليها كيضربو فبعض..تحنات باش تسلم عليها و هي تمد ليها يدها (الشي اللي خلا الدموع يتجمعو ليها فعينيها تحرجت بطريقة خااايبة)
نبية...اهلا..
لين..مرحبا بيك..
كوتر..اجي حدايا
كوتر...فين غبرتي انتي و سمسم
لين..غير مع ترتيبات د الدار باش ننتاقلو و صاف
سكينة..عند بالي درتيها بلعاني و قلبتي علينا.😂
لين..حشومة عليك ..منفكرش تا انني نقلب عليكم بالعكس..
كوتر..غير ضاحكين الحمقة 😉
فاطمة..لين حبيبة اسماء نوضو ديرو القهوة و جيبوها
اسماء..واخ مشاو البنات يديرو القهوة اسماء كتصاوب القهوة و لين كتستف الفناجل فالبلاطو و المكسرات فالطبسيل د المكسرات...و البسكويت فطبسيل....و مشات تلمق حيا ممغدياش هزو داكشي حطوه فالصالة و فاطمة كتكب القهوة فرقتها و كبت جوج فناجل دارتهم فالبلاطو حطت حداهم طبيسيل فيه المكسرات و البسكويت ..اسماء نوضي...فينها اسماء...
لين..اسماء طلعت للبيت هايا جايا
فاطمة...واخ..نوضي دي هادشي لعمك مهدي و ولد عمك راهم حدا الخصة برا...
لين...واخ
مشات لين هابطة فالدريجات باش تدخل فالكولوار اللي كيدي للجهة فين كينة الخصة بقات غادية و هس كتقفقف...
لين...فففف معرفتش كيفاش غيكون دب اكيد غيكون مع عمي يالله وصلت غتفتح الباب كتسمع
داوود..(بعصبية)اكيد انت كتفلا عليا ياك
مهدي واش هاد الموضوع فيه ضحك اولدي ..يالعكس لين بنت زوينة و مأدبة و خلوقة من الصباح و انا كندوي معةك و انت ولا فهمتي
داوود ..بابا..😠.انا يستحيل نتزوج بوحدة من هاد العائلة نهائيا كيف ما كانت.. كتفهم ا بابا يستحييل و عافاك متحاولش تفرض عليا الموضوع حيت انا كنبغي هنا و يستحيل نتزوج غيرها
مهدي(بضجر) واش هبلتي ولا مالك هنا...شكون تكون هاد هنا باش انت تتزوجها ..انا..ولدي يتزوج وحدة علم الله اصلها مها جايباها معرفت منين
داوود...بنت خت مرت خالي احمد مندي و اشرف من الشرف و اشرف من هاد لين اللي انت فاضحني فيها ..واش يسحاب لك جاع ولاد الناس مزيانين و مربين و مخلقين ها...تؤ ولمجرد كونها بنت خوك راها ملاك ههههه كتفلا عليا....علم الله معامن مدوزاها...و كتقول لي ضريفة و ملاك و مأدبةمازال 😂😂😂هههههضحكتيني ابابا والله منكدبش عليك..واش الا كانت مأدبة و مخلقة..فاش غتفيدني انا..اكيد كتشبه للمجرم د باها اللي كان باغي يقتلك...كتسمع هاد الملاك ملاك...علي ابوها ماشي عليا....انا كنبغي هنا أكي ...كنبغيها و يستحيل نتزوج غيرها....علا شكون اللي وقف جنبي فاش كنت فالمستشفي ...شكون اللي كان كيعاوني حتي نخرج هادي شحال..هاد لين ديالك ها..متحاولش..قرار واحد مأخود الا كان داك الدمدومة دولدك اللي معندو رأي وافق انا مموافقش مغتفرضش عليا رأيك كتسمعني انا عارف اش كندير و يستحيل نوافق علي هاد الزواج...د مصالح ....نهااائيا(يالله غيتلافت يرجع فحالو)
كيسمعو شي حاجة كتهرس لداخل
مهدي...اش هادشي
داوود( مشا كيجري حل الباب اللي كيدخل للدار كيلقا بنت طايحة و البلاطو طايح و الفناجل كل واحد فين جا حداها ...)
مهدي...(بصدمة و بصوت خافت) لين...اكيد سمعت كلشي💔
داوود(قلبها علي ضهرها باش يشوف شكون..بقا شحال كيشوف فيها و دار عند باه) شكون هادي..
مهدي..هادي هيا اللي داير لي فيها سبع الغابة و رافض تتزوجها...
داوود(خنزر فباه و هزها غادي بيها للداخل كيف وصل تنفض كلشي من بلاصتو نايضين جيهتو
فاطمة..لييين بنتي...اش وقع مالها.....مالهااا
داوود..(حطها فوق الفوتوي و تسوخر لور)
مهدي..معرفتش..كنا كندويو انا و داوود حني سمعنا صوت تهراس جينا داخلين لقيناها طايحة فالارض معرفناش مالها...
نبض القلب الجزء الثالث
محتوى القصة
التنقل بين الأجزاء