مهدي...تقريبا اعمي داك داوزد اللي انت داوي عليه راه خفيدك...
كارل....كندزي بلي شافت عيني لين غتوزوج بيوسف...
يوسف اول مسمع هاد الكلمة طاح ليه الما فالركابي...يوسف اللي حس بقلبو ضرب بهد سنين ...بنت بسيطة و هبيلة ببساطة سلباتو عقلو ...جا جدو .اللي كياخدها ساهلة باغي .يسلبو كلشي ..هدا اكبر...قرار ضالم...تخدا فحقو فمهزلة معندوش دخل فيها
يوسف..(بعصبية)ولكن اجدي...تسني...انت معامن تشاورتي باش تزوجني ها...غير جيتي و دبزتيها انت هارفني باغي نتزوح
كارل...متشاورتش معاك انا امرتك
يوسف...امت معدكش الحق نهااائيا باش تاخد القرار بلاصتي هدا راه قرار مصيري ..اه عندك الحق تخاف علي حفيدتك...ولكن باش تدمر حياتي..انا علي حساب سعادتها هي لا...مموافقش...
كارل...يسحاب لك ناعس علي ودني....شتي الا متزوجتيش لين ديك اللي انت فرحان بيها كنقسم لك غنصيفطها ورا الشمس..
يوسف...اكبر واحد ضالم شفتو فحياتي...هو انت.
كارل.. اخر همي..
داوود..(تعصب بدات تطلعو الجعرة) انت راك كتبان ليا تزعزع لك المخ...فينو كارل الحنين و العادل فقراراتو...انت ..انت. (درب فاز بيدو خرج..اللي جات قدامو كيشتتها)
طلع لبيتو حتي هو مخلا فيه ميتلبق و يوسف ماشي قل منو...كيشوفو فحبهم كيضيع من بين يديهم قدامهم و هما مربطين..يديهم مكبلين
وحد اللحضة داوود مبقاش صابر كتبان لين مع واحد خر هز تمتال كان مليوح فالارض شير بيه عالخيط د الجاج حابو كلو مشتت للارض لتحت....
لتحت جالسين كل واحد شاد قنت بعد ما خبرتهم سكينة بشنو وقع وقرار جدها بزواج لين مم يوسف ناضت مندي قربلت الدنيا و حد ما سمع ليها تا حد ما داها فيها بقات نبية شادة فقلبها وعارفة وعارفة بلي ولدها غيكون قلبو تكسر اكتر من اللي كان عايشو مع دنبها...
زينب حالسة و راسمة ابتسامة زائفة علي وجهها..
زينب..(ههه انا بيخير..انا سوبر...مطرا والو..ههه كلشي مزيان...انا اصلا اي وتحد كنشوفو كيعجبني كيف..ديما هدا مكان ..حمظ لله اميد ميطرا غير الخير)
حتي كيسمعو صوت التهراس مجهد...ناضو كلهم قافزين خرجو كيتجاراو كيلقاو الحاج كيطيح من الفوق و كيتخبط تا كيولي كي سانيدة...رجعو باللور...و وقفو...
نبية...ميمتي ولدي هادشي عند داووظ...(مشات كتجري نبية طالعة فالدروج كتتعكل و البقية تابعينها كيتجاراو (كدق فالباب)
نبية...ولدييييي...داوود...يرضي علييك فتح لي الباب...ولديييي انا ماماك فتح ..فتحويرصي علييك.
عيات تظق و بناتها كيجروها و والو ...و اركان حتي هو كيدق
اركان...داوود...راك بيخير..ها
لا رد.غير صوت التهراس كيتسمع فالبيت. ..حتي تفتح الباب بالحهالة و تخبط مع الحيط و طاح للارض...اتر الصدمة القوية مع الحيط و ن ل كيجري فالدروج....لوجهة غير محددة.
#####
اما يوسف فكتفا انه يجلس قدام الشرجم دبيتو و يطل علي الجردة اللي قبالتو ... كتفا يتحسر علي راسو و هو منفصل عن العالم...كيتفكر النهار اللي خرج هو وياها و هبالها بصاطتها و الطبيعية اللي فيها...روحها النقية...و حبها للناس...و خوفها من روكي😂 غير تفكر مواقفها معاه ضحك لا ارااديا ...حتي تفتخ الباب كانت هي بإبتسامتها المعهودة
زينب...سوسووف
يوسف.. (بتاسم بزز) كنقولك 100 مرة سميتس يووسف...عاوطي فمك
زينب...تعودت علي سوسوووف..سمعتهم لتحت كيقولو غتخطب لين...مبرووك عليك فرحت ليك
يوسف(هز راسو فيها)...فرحتي ليا..
زينب..اح..ههه اه.طبيعة الحال...ماشي انت سوسوووف.
يوسف..من قلبك زعما...
زينب...من قلب قلبي..
يوسف..فرحت حيت فرحتي لي...
زينب...و نوض سبم عليا باس نمشي فحالي
يوسف..غتمشي بعاد السرعة خلييك
زينب(وقفت)..نن بغيت نمشي..خاصني نرجع..وقف و عنقها
يوسف...خليك كيف انتي عنداك تتبدلي...
زينب..ههع حتي انت خليك كيف انت و الكارط بونكي...عامرة و انا غنبقا كيف انا.
يوسف..(بوطع فقلبو مكرهش يقوليها انتي البنت اللي كنبغي و انتي هي حساتي ولكن مفيدوش عارف حدو يد
# يدسرها و يقتلها...)(فنفسو...يطرا اللي طرا ...و شكون ما تزوجت غتبقاي انتي نبض القلب💓)
زينب..فخبارك ظب راك عنقتيني غير هكداك انا حالسة لك علي قلبك
يوسف.. 😂😂 عارفك كديري غير الكوارت يالله سيري.
خرحت زينب سدت وراها الباب و و خلات قلب مجروح...مكرهتش تعتارف ليه بحبها ولكن ...متقدرش...هما عائلة بعضهم...هي اش كتجيه مجرد...بنت خالتو...يعني عائلت باه مغيهتموش ليها...
مشات و دموعها فعينها و هو لداخل لا يقل اسي و حزن و الم...وحسرة عليها
بعد ما خرج داوود قلبو مكسور و الدنيا طايرة بيه معرف فين يرد الراس كلشي كيلومو كلشي كيشوف فيه نضرات عتاب واسي ولوم و حزن علي الدنب اللي ارتاكب تجاه لين...
ركب فطموبيلتو طيارة وحدة موقف حتي لحافة كطل علي المدينة كاملة ....كيبان لك غير الضواو شاعلين و الضلام مغطي المكان كامل ..جلس فالقنت د الحافة و رجليه للتحت كيلعبو فالهوا....مركز عينو فنقطة معيني ولا اىاديا كيدمعو غير بوحدهم...2دمهات كن الغين ثلبو مقبوط وكيدرب بعنف...كن لقا كيف يخرجو من داخلو و يلوحو برا ميترددش انه يديرها...مقادرش يستوعب فكرت انها تكون لغيرو...يوسف صاحبو...خوه....وخ مكانتش بيناتهم محادتات كتيرة بحكم كل واخد حدودي ومعندوش مع الاختلاط..الا ان مواقفهم مع بعض اخوية و ودودة....كيفاش غيتقبل انه ياخد ليه حب حياتو او نبض قلبو ...كيفاش غيدير ليها.....كسرة القلب خايبة...و وجعو...مؤلم...💔
##########
كان اخر همها فين غيمشي...ولا شنو غيوقع ليه....كان قرار جدها بمتابة حبل الانقاد اللي كانت كتنتاضرو...مكرهتش كو نفاه جدو لشي قنت باش تتشفا فيه نيت..ولكن ما باليد حيلة...عالاقل تهنات منو...و الباقي مكيهمش..
حتي فيقها من سهوتها صوت ختها كتعيط ليها
اسماء...(تردخت عالسرير بأسي) داوود..هرس بيتو كامل مخلا فيه حتي حاجة صالحة...
لين..همممم
اسماء...عينا ندقو غليه باش يخل الباب و والو..و مني حلو تصدمت ..عرفتي خارج حالت حالة يدو عامرة دم و شعرو مخربق..خرج جاعر من بيتو علم الله فين غيمشي.....مسكين حالتو كتشفي العدو
لين....(كتلعب فشعرها بلا مبالات ) كنت فالبالكو منين خرج و شفتو..متحتاجيش تعاودي لي😕 ومباقيش تجبديلي سميتو قدامي..حيت اخر همي..كتسمعي😡
اسماء(هزت راسها كانت كتتسنا ختها الحنينة و اللي قلبها بيض تجاوب ساع تصدمت منها) ...مسمعتكش اش قلتي..عاودي
اسماء(بقات كتشوف فيها كيف كتتصرف)(فتفسها...متوقعتهاش منك نهائيا ا لين...حقك تتصدمي و تبكي...وتنوحي علي اللي وقعلك مساهلاش اه...ولكن...ولكن...ماشي انتي اللي تكونس حقودة هكدا😣 ربي تاطف بينا وصاف)
##############
#فالصالة
جالسن كاملين علي مجمر كيتشواو بيه معارفينو تا اشمن جهة شد ما عدا الرجال اللي جالسين مبردين
نبية غير كتبكي...قلبها ممهنيهاش علي الحالة اللي وصل ليها ولدها بسباب قرارات باها الغير حقانية
نبية...(كتبكي و بناتها حداها)..انا بغيت غير نفهم ابابا...انت مناش عندك داك القلب ها..مناش..واش من حجر ولا من صخر...راهم كلهم حفادك يعني منين تحكم راعي مشاعر الناس...هوا منين كانت هي ناعسة فغيبوبة بقا 22 يوم بلا هضرة مشا ليه الصوت بمرة...وطول هاد الفترة و هو كيأنب راسو علي دنب ..قول تصف دنب انه كان خايف غلي ختو...كو كنتي انت بلاصتو مكنتيش دير كتر من هدشي ها...مجرد انه كان خايف علي..ختو و صلو ليه انها تغتاصبت فلخضت غضب تهور..تحي انت..يالي خديتي نهار بغيتي تتزوح المرة اللي بغيتي وحاربتي علي قباها الدنيا..تحرمو من البنت اللي كان كيبغي ها.....انت عارفو كيبغيها و كيموت عليها...تجي انت بكل دم بارد تقولو غتزوجها ليوسف اشمن عدل كتطبق انت ابابا ها..اشمن عدل...قانون ليهود ...الا كنتي انت باقي ساير علي مدهبهم ف حنا تخلينا عليه هدا شحال...ونسينا تا شنو طقوسهم...باش تحي طبقهم علي ولادنا لا...وكل واحد هنا عندو باه و مو اللي يقررو بلاصتو...ماشي كيف درتي هادي 14 عام حتي تحرمت انا وختي من بعض...كيف فرقتي بينا هادي شحال كتفرق بين ولادنا دب...وهادا راه ضلم ..وانا معمري غنسمح لك علي هادشي اللي كدير فولادي...اكارل دينيز...(ناضت طالعة لبيتها وتبعوها بناتها...ما عدا راجلها و ولدها اللي بقاو جالسين...وكارل اللي مبرد قلبو....
فاطمة...(بقات فيها ختها و بقات فيها بنتها...معرفت اشمن طريق تشد...غير انها تشد لارض و تجلس...)
اما وحد مندي شادة قنت ومعاجبها حال بالقرار د حماها...هي مباغاش تزوج لولدها وخدة من عائلتو باغا هي اللي تختار ليه باش تسيرها علي خطاها كيف بنتها...مريم اللي مكتتحركش من بلاصتها حتي تحركها
تناصص الليل ومكين خبار علي داوود...ما عدا هناء اللي داهلة كتعرج وحوايجها مقطعين وشعرها طالع للسما...
نتضت عندها خالتها كتجري وشاداها الضحكة..
مندي..ويلي ويلي...اش دارو فك دوك الكفرة
هناء..مكين الكافر هنا قدك امندي طلقي مني طلقي منس ولا بربي تا ننسي انك خالتي...وعاني فين قلتها لك...
مندي...(رجعت لور) هاني...وقلب علي اللي يعاود لك اش واقع فهاد القصر..
خلاتها طلعت لبيتها تخشات فالدوش تسخن عضامها وكتتفكر كلام عمر
#فلاش_باك
ناعسة مجايبة للدنيا خبار بكترة الضق اللي كلات من عند دوك الوحوش...حتي كتحس بالشتا كتصب عليها ولكن بالما سخون😉غطات وجها باش ميفزجش حلت عينيها قافزة...لقات راسها مكركبة فالارض...وجه دكلب قد الدب خاشي وحهو فوجها..سدت فمهابيدهاوكبتت الصرخة اللي كانت غتخرج تفيق امة محمد من النعاس وتخلي هاد الدب اللي قدامها يكمل عليها ما بدا داك البوليسي
هناء..اععمممممم😢😢 اس هاد الزهر عندي انا يا ربي ناقصني ساليت من اكالي اللخون البشرية..جيت لهاد الدب اهئ ممم(بدا كيلخس ليها فوجهها)
هناء..اهئ..حم باباك غير تهز من فوقي.اععع اش هاد الريحة
عمر...(صفر ) ناض الكلب كيجري مشا عندو
وخلا هناء كتنوض بزز منها عايفة راسها كرهت راسها و مندي و عمر و الطوموبيل و المغرب..كرهت العالم فديك االحضة..
عمر..(كيضحك و هاز كاس قهوة فيدو)ههههع مبروك التدويشة الصباخية
هناء..بعد منييييي فهاد الساعة ..ادعفارت الدنيا كيشطحو قدامي.
جهاد.....عرفتي شنو ضهري تقسم عليا كترت الهم كينزل ضقة وحدة نوضي...نوضي ...ديري لي مساج..تم جاي قاصدها و كينصل فالتريكو
سكينة..ها...(نقزت من بلاصتها جات فالبالكو) شتك ولفتيها احنيني لحق الباب لحق الباب هادشي مبقاش فيه اللعب راه منضمنش راسي دج دج داك النهار با هاد المرة باك و خوتي و نوليو فغسل العار...ونوليو هاربين فخال افلام التواركة فالاخر تضربني قرطاسة تسيفطني حدا جدي فالقبر..نقزقزو انا وياه الزريعة ...سير ...سير اخويا يرضي عليك خليك عزيز ضريف سير
جهاد...(مستغرب من تخربيقها) تي اش كتخربقي شتك وليتي تدخلي و تخرجي فالهدرة مالكي سافا
سكينة..سافسااافا انا غير سير حم بااباك(كتحنقز بلاصتها فحالي باغة تدخل للحمام) سير سير الميمة الحبيبة
جهاد..(كيقرب) تي احي الهنا مالكي فيك الزغلولة كتحنقزي من قنت لقنت ولا شنو
سكسنة(كترجع باللور) الزغلولة هي لي فيم يا المكبوت لاخر....وا عار ربي راه فيها تهمة انا و ياك و الشيطان تالتنا تا خرج خرج...(كتتش فالهوا) اللهم اخزيك ا شوشو اللهم خزيك اشوشو.. هش هش...سير سير عندك روبو..ليوم....تا نتزوجو و جي.. ونسنا ديك الساع هش هش
جهاد...واش من نيتك كتنشي الدبان
سكينة...الدبان..هههه وياريتو كان الدبان هدا راه اقوا بمراحل من الدبان كيدخل كي الخويط..بين زوج...و يخرج داير كارتة تهز جبل...(باقة كتنش) هش هش اللهم خزيك ا شوشو
جهاد..(دخل ليها للبالكو جات ترجع باللور كانت غتجيب الربحة وتجي مشتتة للتحت)
سكسنة(مغمضة عينيها و هيا لاسقة فالحديدة و هو جارها و صدرو عريان)
سكينة...قتليك الشيطان شاطر دب مالنا علي هاد اللسقة...غا قولي بعد بعد راه والله و يقشعونا يا حتا نوليو ف مسلسل العمر الضائع وغسل العار اععع لا لا باقي باغة نعيش ا تهز وانت لاسق فيا مال طاسيلتك محروم تهز
جهاد..والصراحة محروووووم ومحروووم جدا
سكينة...تحرم عليكوعشتك احنيني وتهز را والله و يشوفنا شي حد يا تنقوليهم كيتحرش بيا
جهاد...واخ الالة ...بان ليه الجارديني لتحت و هو يعيط عليه
جهاد...با احمد هز راسو فيه و هو مستغرب
با حمد..اش موقفك هكاك فبيت الانسة سكستة
سكسنة(بقات كتتزل مع الحديدة و هيا شادة ليه فكرشو ورجليها زلقو بين رجلو )
سكينة...علي هيا بقات فيها انسة ..اهئ ضاااع مشتقبلي
جهاد..داكشي اللي بغينا تفضل عمي بغيت غير نسول فصحتك
احمد..يرضي عليك اولدي(ودار كمل خدمتو و سوكا زلقت للارض مسرحة و هو واقف عليها كي عزرايل
سكسنة...الميييمة الحبيبة اما خرج عليا انا وياك مكنجيبوهاش هيا هاديك
جهاد..متخافيش الحب غنوليو نجيبوها غير اجي
سكينة..(كي الهبيلة ...) اش قلتي...
جهاد..اش قلت ...غير اجي
سكسنة...اللي قبل
جهاد..الخب
سكسنة..هااااا دب انا الحب..
جهاد..مممم كنبغيك في جلبي فحال با الحب😉
سكينة...ودالحراااام...
جهاد..ههه(دخل لبس تريكوه وخرج مفاقت سكينة من سهوتها الا علي صوت الباب كيتسد)
سكينة..بالمكبوت لاخر ..قالك كيبغيني في قلبو فحال باه وجهك صحيح اوادييييي
نبية جروعا للصالون و هي خالاها تبكي العدو...نزلت ختها مطاوعهاش قلبها جرتها دخلتها لبيتها غطاتها و طفات عليها الضو بلا متدوي...ورجعت جلست فالصالون مقابلة مع مندي...ونضرات شرسة كيتبادلوها بعضهم طول عمرهن مكيتخاملوش من ايامات اللي خوها مكان عايش...علاش الله اعلم ولكن اللي فيهن مكيحملوش بعضهم😕وكانت حتي ميرال حالسة هي و رحمة اما البقية كل واحد فين شدها ...
########
خرجت كوتر كتبكي كيف ديما فالجردة و مشتها فيدها كتشكي غليها....المتنفس الوحيد عندها.هو الحديقة الخلفية..فينما تديق بيها تشد قنيتة فالجردة و تجلس تبكي وتفش قلبعا
جالسة ربي اللي عالم بيها مكتبغيش تبكي قدام تا حد حتي كيتسلط غليها انيس من حيت لا تحتسب...
كوتر.(شدت راسها بين يديها محملاتوش يجي عوتاني ويبرك ليها علي قلبها)
كوتر..انيس...مناقصاكش...هوي السيكتور و خليني فلي فيا
انيس...ههه عوتاني كتبكي...اش كاين هاد المرة غير متقوليليش علي قبل خوك تاني (تردخ علي الرولاكس حداها
انيس..(تهز من بلاصتو وجرها من شعرها) شتي باقة تجبدي سيرة ختي علي فمك غتشوفي اللي ميعجبك...وعرفيني نديرها...
كوتر..طلق مني..المرض طلق...فخالي انا غير مسوقة لك لا انت ولا شنو غدير سير اعلي ما فخيلك سرجو...و وريني اش فيدك مدير اتريكت الانانية ختك كو كان فيها الخير و كوكان عندها القلب مديرش ديك الحالة فالانسان اللي كيبغيها
انيس..اهاه...كيبغيها...ياك...قلتيلي...شنو دار علي قبلها ها...شنو شقتيه دار علي قبلها...عمرو دار شي حاحة و نهار جا يدير دارعا قد راسو و دمر ليعا حياتها ولات خاسة راسها عالة غلي كلشي...
كوتر..دمر ليها خياتها حيت كان خايف علي خت و كونما لسانها مكان طرا فيها والو هي اللي حابتها لراسها
(زاد زير غليها اسفل راسها و قرب وجهو ليها كتر و كيهدر بالشوية و معصب) كيبان لي كتقلبي علي شي طرحة فحال اللي دار خوك لختي
كوتر(بنفس الطريقة كتهدر و زادت قربت ليه) جرب حضك ...وخاول تقيصني...واللي غيوقع ديك..الساع..غيعجبببببك..(زادت قربت ليه فحالي اتبوسو ودفعاتو خلاتو مغمض عينو وكارز علي سنانو و يدو علي شكل قبضة) باقي مكملتش طريقها مشا شدها قبل متدخل و جرها لوراد الدار خبطها مع الحيط و جا قدامها ولات هي بين يديه مكاليها مع الحيط
انيس .والله و جيتي بين ايدي يا قطة...
كوتر...(معصبة)اش مازال باغي انيس...خليني عليك فالتيقار راك طلعتيلي فوق راسي و جلستي
انيس...انا معندي مندير براسك انا باغي حاجة خرااااا
كوتر...بقيتي تحلم ا ابيبي...و بالكولور مازال...هداك اللي انت باغي مخداوه حتي اللي كيستاهلو تجي انت يالي درتي فالدنيا تا درتي ودوزتي فالبنات علي قد عدد شعرات راسي وباغيه بهاد السهولة تؤ😉نجوم السما اقرب لك💫
كوتر..اط اط اط...اشمن حلول جربت معايا و منفعوش ها....علي انت جربتي شي حلول باش مينفعوش اسيهم انيس...انت فالح غير فينما تشوفني تسمعني ي المخلل من كلامك و تمشي عمرك قلتيها مزيانة طبيعة الخال ..نووو .واش كتتسنا مني ها
انيس...د ب اش بغيتي
كوتر..كيف تلاقينا خوت نتفارقو خوت .
انيس...(ضحك بعلو صوتو) ههههههه ..اش قلتي..هههع ضحكتيتي....كيف تلاقينا خوت نتفارقو خوت😂😂😂 علي حنا خوت بعدا باش نتفارقو خوت مرحلة الاخوة مشااات من هدا شخاال انتي عاد جايا تدوي عليها
كوتر..اندل واحد شفتو فحياتي..طول عمرك سافل و حقير....شتي انت ......ولو تكون اخر واحد فالدنيا مغتطولش مني شعرة..يا انا يا انت لقضرتي تقيصن****بسرعت البرق سكتتب 💏💏💏💏 هي كتتنتر و هو ملسقها فالحيط لا اراديا كيف ديما نزلو دموعها مني تفكرت اش وقع فديك الليلة رغم انها كانت سكرانة و معاقلاش الا انه مقاكع متقطعة كتتفكرهم و خصوصا شنو وقع بعد دسك الليلة💔
كوتر..اهئ هممم
لا حيات لمن تنادي كان مزيرها مع الحيط حتي كمل دفعاتو بيدها و بسقات عليه
كوتر.(كتمسح فمها بالجهالة) حيوان مسخ...الله ياخد فيك...الحق كنكرهك..ا انيس..كنكرهك..اقسم بالله حتي غندمككدرب فيه بيدها اللي بالنسبة ليه دوك الدربات غير كتهرو بيهم
انيس. هههه فخبارك باقة كيف انتي سكر معقود وخ 4 سنين باثة كيف انتي
كوتر...دوك 4 سنين بغيتك دوزهم و انت فشي جايحة اللي دربك اولد الحرام كلب حمار الله ياخد فك الخق المدود
انيس ..متخافيش ..مكينش الجايحة اللي غ تدربني و غنتقصح فيها قدك كوني هانية الزين الحب ديالي...بسسسف علي اللي عندو قوقة فحالك فدار ميدودش راه يدود وخ يكون مفيهش الدود😉😉 (غمزها و مشا)
كوتر...بغيتو ياكلك داك الدود دربت رجليها مع الارض حتي بدات تنقز من للالم و هي كتدعي عليه محملاتوش يعاوظ يقيصها مرة اخرا قبلتو ليها خلاتها ترجع دكرايات بسيف حتي قدرت
تتناساهن
~~~
هناء..فحال والو متعرف الشيطان شاطر دب عطيني ما نلبس ولا غنبقا هنا
عمر..شوفي هاديك الشيطانة غتنزلي من تم ولا اقسم بالله العلي العضيم و اللي شانو كبير يا حتي نخرجك و نفرج فك اللي يسوا و اللي ميسواش كتسمعي
هناء..علي اساس مني غدي نخرج هك تا حد مغيتفرج
غمر(صاف ركبوه الهوايش ) جوج خطوات كن شدها من يدها و هي كتتنتر ليه لاحها برا وخلاها كدق كيف المجنونة و الناس كيتفرجو كلشي ضاع ديك الساع البرستيج و الغرور الكرامة كلشي تشرشم فالارض بقات غير كتبكي و تنحط حتي خرجت مرا وعطاتها كاب غطات بيه داتها و هو كيتفرج فيها من الفوق..
#اند_فلاش_باك
هناء...(حنات راسها بأسي ) بقات ساكتة كملت دوشها وخرجت تخشات ففراشها تا مبقا كيبان فيها والو...و دماغها اللي خدام اما عينيها سداتهم هدا شحال
#########
كان تناصص الليل كل واحد فبيت ساد عليه داخل داوود للدار ناوي يهدر معةها عالله تغير رايها مع انه عرفينتها تبدلت ولات وحدة اخرا دخل عليها للبيت كانت ناعسة جلس حداها فالناموسية كيلعب ليها فالشعرها بهدوء ..تفكر مني كانو صغار كان ديما كينعس خداها ويبقا يلعب ليها بشعرها حتي تنعس..
لين ديرونجات فنعاسها ممولفاس اللي يخربق ليها شعرها و هي ناعسة بقات كتتحرك حتي رماتها لفيقة كان هو يالله غتغوت سد ليها فمها..بيدو
داوود...بغيت غير نفهم..حاحة وحدة..واش قلبك موافق علي هادشي اللي انتي كديري واش مبقيتس كتحسي بوالو...فينها اينجل وقلبها الكبير..فينو حبها ليا...فينو
لين...مشغلكش..ديها فراسك.. من داك النهار اللي طرا فيه ما طرا مبقات لا اينجل ولا ملاك..ولا حبهم....مبقا والو...والا كانت علي .قلبي ولا ريتي انت شغلك...ديها فراسك..شويا..وخرج عليا..ولا بقات فك الشمتة..😂 ههه غنتزوح بسيدك..
لين...عير خليني اسيدي ..عاجبني اللعب بالنار...ومكين اللي غيتحرق هنا قدك 😉
داوود..كيبان لي الكلام معاك انتي معندو فايدة ..ماشي انتي هي
انني ماشي هي...حيت لو كنت هي...منضمنش لك ردت فعلي كيف غتكون😉
داوود...شتي شنو كنضمن لك انا...انك غتتحرقي بنارك..(نزل عندها جمع ليها وجهها بين يده وباسها بزز منها و ناض خرج)
لين..حيوان تفو ...ناضت مشات للحمام وبقات كتغسل فمها بالصابون شحال ختي طيباتو و رضاتو حمر عاد ناضت و مازتل حاسة براسها باقة فيها ريحتو
#######
#########
فاتت 20يوم...بعد داك النهار...دازت كلها .فالتجزهيزات للخطبة د لين و يوسف .... ديك الفترة د التحهيزات كان غابر لاتر د داوود من نهار اللي دهل علي لين لبيتها مبقاش دار بساحتها خلاها علي خاكرها ولكن من الداخل قلبو كياكلو و النار شاعلة فيه موحاالش تطفا
نبية زادت حقدت علي باها و قراراتو المحايدة....طول عمرو كيفصل ختها ودبا كيفضل ولاد ختها هي عمرها كرهت ختها وانما كتكره التعامل دباها و التفرقة اللي كيدير..
جات الخطبة دليوم الموعود....
حضر فيه جاااع الشخصيات المعروفة.....
ما عدا شخص واحد...كتفي انه يتفرج فيه من بعييد عبر التلفزيون اللي الاداعات كاملين...ناقلينو...
لين اللي كانت فرحان ماشي موضوع فرحانة حيت غتتزوج بيوسف.او حيت غتتزوح.....فرحانة حيت مغتتزوجش بداوود بالضبط كشخص
كان كلشي فرحان انيس فرحان داخليا برودو تجاه كوتر مشا و ولا طامع فحبها يرجع مبقاش هامو الماضي....وانما هي اللي ولات باردة تجاهو..وكلامو اللي كل ما كيجي يبغي كلمة زوينة...كيصدق جارحها فمشاعرها ..وراحع....سكينة ولاو كيخلعوها تصرفات جهاد مؤخرا ولكن فخطبتها كانت اسعد ما يكون لمجرد انها فحفلة.ااضحك و الناشاط..زينب...جالسة فالقنتة د القاعة..قلبها كيتهرس فكل لحضة كتشوفو فيها غادي مع لين وكيسلمو علي الناس..عينيها ولاو حمرين بكترة ما كتحاول تنشف عينيها من الدموع...ومتبكيش داتها كلها كتترعد عليها.. معارفة شنو دير
لين يا لين رغم انها عارفة وشايفة مشاعر زينب ويوسف قدامها كل ليلة كيبانو ليها من البالكو جالسين فالجردة كيصبرو بعض الا انها مهمهاش...خدمت الانانية ومعقلتش علي زينب ولا علي اللي غيوقع فيها...من كسرة قلب
اركان واسماء....طايرين من الفرحة ...وكيتسناو غير فوقاش يجي العرس...ويطير بمحبوبتو لاول جزيرة تبان ليه خاوية😂
###########
~~~~~~~
تعلمت من الحياة أن أكتب أحزاني وآلامي وجروحى بيدي على جدار قلبي وأجعلها كالسر المدفون بنبض قلبي لا تراها، سوى عيني لا تحفظ سرها سوى روحي، تعلّمت من الحياة أنه لا مخلوق على وجه الأرض سيحبني ويخاف علي ويحافظ علي سوى أنا فقط وليس غيري
~~~~~~~~
#ناضت زينب من بلاصتها جامعة بقايا قببها المكسور...راسمة ابتسامة زاائفة علي وجها كتعخاول تصحك بيها علي راسها قبل متضحك بيها علي الناس متوجهة تجاه يوسف و لين الي كانو جالسين فالمنصة كيستقبلو التهاني من الحاضرين وقفت عليه و جمود مدت يدها ل لين و عينيها علي يوسف
زينب...مبروك.
لين...الله يبارك فيك عقبال عندك
زينب..(شافت فيها بأسي و استغراب كيفاش قدرت تقول هكدا)
زينب...كان غيكون...ولكن للاسف مبقاش
يوسف..الله يبارك فيك ازينب شكرا😊
داز كلشي بسلام تام....القلوب اللي كتتكلم و الغينين كيبكيو....قبل متكمل الخفلة بتواتي...طارت زينب طلعت لبيتها تجمع حوايجها غير كتشد و دخل فالباليزا.و دموعها نازلين شلال من عينيها حبها الي دخل لقبها بدون علم...مكانتش حاسبة ليه حساب نهااائيا...كو كانت عارفة بلي مجيتها مع ختها غتسبب ليها هاد الاظي كانل مكانتش جات معاها...حب حياتها قظام عينيها خطب وحدة اخري و هي مبيديها مدير سوا تتفرج و وسكت الحاجة الوحيدة اللي تقدر ديرها هي البكاء..نصلت الكسوة اللي كانت لابسة حتي تقطعت خلاتها مليوحة فالارض و لبست حوايح خرين جرت باليزتها ونزلت مع الدروج خرجت من الباب اللوراني...باش حتي حد ميشوفها..
اما هناء..فمهمهاش بزاف ان داوود متخطبش ل لين ...حيت قلبها مبقاش ملكها...ولا ملك انسان خر..اللي كترو الصدف بيناتهم...و كتتوقع انها وقعت فداباديبو....وخ هوا مدايهاش حتي فيها...تغيرت تغير جدري ولات مهدنة ..ولات كتحس بالناس....و بالاخص حست بجرح داوود حيت حتي هي فنفس البلاصة....مبقات.باغا المشاكيل..وكتتمني من قلبها ان داوود ياخد حبو...اما هي فحتي هيا لخقت ختها جمعت حوايجها ومشات فطريقها للمطار يرجعها منين جات
مندي سافرت وجارة معاها بنتها كيف ديما ...محضرتش لخطبة ولدها....
دخلو مجموعين للصالة بعد ما مشاو الضياف...فيهم الفرحان وفيهم اللي قلبو كيبكي...بدل الدموع دم.....يوسف بعد ما كانت لين بمتابة ختو الصغيرة و اللي عزيزة عليه...مشات ديك المحبة مني شاف نضرة الانانية و البرود ولا مبالات فعينيها...كان كيتوقعها تتراجع علي خطبتها منو...كان كيتسنا بفارغ الصبر ترفض حيت هي اللي كانت السبب ولكن مرفضتش بالعكس زادت تشبتت بيه...وهي عارفاه كيبغي وحدة اخرا....
############
بعد ما كمل تفراج فالحفلة من التلفازة وهو غير فوقهم ...ناض وقف فالشرجم كيشوف كيف ولات تلجردة بعد ما كانت عامرة بالناس ...هو الوحيد اللي شهد علي هروب زينب...و هو الةحيد اللي حس بيها....
خرج وهو تابت نزل قدامهم خسر عليهم ملمة وحدة...
داوود...مبروووك
وخرج فطريقو للبار الشيئ اللي عمرو دارو من نهار جا للمغرب غيديرو دب...حبو ليها ..دمرو...كبمة وحدة كفيلة تشرح بزااف د الاحاسيس...دخل خدا كوان مقنت معزوول جابو ليه طلبو و نزل هالقراعي كيجغم و كيفكر شرب 4 و كان مزال زايد ..حتي تردخ حداه يوسف..
داوود.هههه عريس الغفلة
يوسف...(كيشرب و مكيجاوبوش) ..
داوود...و ديتييها اساط...صراحة بقيتي فيا...اللي بغا شي مخداهش...واللي بغا حاجة خرا..خدا حاجة خرا...و المصلوم الوحيد فهاد القصة طاااملة زينب...و انت...اش دنبكم فموضوع لا علاقة لكم فيه
يوسف..صاف سكت اداوود..كقادرش نزيد نسمع هاد الهصرة انا هربت من الدار باش منسمعهاش
داوود....مسكينة...قلبها تكسر...كانت جاية سياحة ولات غادة كتجمع بقايا قلبها من الارض.. ..وانا..انا ظنبي الةحيد انني تصدمت فلي كنبغي..هههه ..
يوسف..درتيها بيدك...حد مقالك..غتاصبها ودير فيها دسك.الحالة
داوود...شتي كو كنتي ...فبلاصتي ...كنتي غتقتلها...اما انا داك النهار..كان ظمي فاير علي ختي...هههه .ب اس حبدنا لا فختي ولا فختك ولا غهاديك الغدارة..هههه ةخر همي..يالله خليتك علي خير..ههه اعريس الغفلة...نمشي...نشوف مندير.
اكتفا يوسف يحرك راسو بالايحاب
رجع من الباب نسا تيلي فونو فوق الطبلة كان يوسف باقي كيشرب كانو عينو حمرين هز تيليفونو و غادي باش يخرج حتي وقفو يوسف
يوسف (والدموع فعينو محجرين* هز راسو فيه)..تسنا.....نسيت .. مقتلكش...اولد عمتي..
داوود..ههههه.....اشنو..نسيتي ههه
يوسف....نسيت اهم مقطع ...من نهايت قصتك و قصتي.....
داوود...(وقف وهو داير ابتسامة جنب علي وحهو و كيسمع بإهتمام....)...اشمن مقطع...
يوسف......كارل بعد ما سالات الخطبة...كان جايب العدول مخليهم فالمكتب.... بعد الحفلة دخلنا انا و لين لتم... و درنا انا وياها...العقد
داوود(بقا مدة كيستوعب اش قال كيشوف فيه و كيعاود ديك الجملة فبالو 1دقيقة صمت حتي كيجمع يدو مزيان و عطاها ليه للوجه) و ريب الدنيا حداه ولا غير كيشير بالقراعي...جاع اللي كانو حداهم هربو....
داوود..💔 يا ولد ق&** غدرتيني كتقولي خطبة...خطبة.... و انتوما تزوجتو ها.....😢.اشمن طينة انتوما..😢 اشمن طينة...علاش وافقتي علاااش..ها علااش يا ولد&*** علاااااش غدرتيني ...يا حصرة صحاااب...
يوسف..(رض ليه الكروشي و وقف قدامو شانق عليه..) اش كتتسناني ندير ها...اش بغيتيني ندير....بغيتيني نجيب اجل زينب بيدي ولا شنو ها...واقيلة راك ناسي بلي جدك مهددني بيها..اول مندير حركة بيدي يقتلها.........ماشي دنبي الا كانت لين رافضاك...كل دنبي انني كنجيك من العائلة......انا كل مكيهمني زينب...ومستعد نقتل غلي قبلها ماشي غير نتزوج...كتسمع
داوود...علاش دار هك...شنو اللي عاجبو و هو كيدمرنا شنو اللي لقا فيه راحتو فهادشي💔
يوسف...جدك تبدل قبل منجيو للمغرب..تصرفاتو تبدلو قبل ميدخل للمغرب...
داوود.(هز تيلي فونو شاف فيه بأسي و خرج خلا وراه يوسف كيشرب وروينة القلوب اللي كيتلعب بيها بكل دم بارد.....خارح..وهو و كيضحك علي شنو واقع فيهم ..واحد شارف دايز عليه الدهر... كيلعب بيهم كيف بغا..كيف الكراكيز...)💔
###########
فالدار بعد ما تفرقو و كل واحد مشا لبيتو.....
دخلو البنات عند لين اللي كانت بدلت حوايجهت... واقفة لين و والبنات دايرين بيها كل من اسماء و كوتر و سكينة...كيدويو و هي ممسوقاش ليهم
اسماء(بعصبية) علاش وافقتي...واش هبلتي...شنو واقع لك فداك الدماغ ها...شنو كيحساب لك راسك دابا درتي راك بهاد الشي لي كديري كدمري شحال من واحد معاك... ...
لين...(كتسرح شعرها قدام المرايا و معلابالهاش) اش درت...ياك مدرت تا حاجة حرام..تزوحت هدا بلاصت متباركيلي 😕 هادي هيا الاخوة
سكينة...مالكي وليتي هكدا ا لين...شوفي راسك كيف وليتي...راك غادة فطريق مكتخرجش طريق محبوس اخرها..
لين...عاجباني هاد الطريق مقتلكمش عطيوني ارائكم..
كوتر..لين...خويا ميستاهلش هادشي اللي درتي فيه كان كيبغيك من قلبو....
لين.. حتي انا كنت كنبغيه من قلبي...باش جازاني..بكسرة قلبي.... ...وحتي انا منستاهلش داكشي اللي وقع فيا...بالنسبة ليه يستاهل لي وقع فيه.. مكيهمنيش...
كوتر..شافت فختها جرتها من يدها وخىجو اسماء شافت فيها بقلت حيلة محاملاش هادشي اللي ولات كدير ختها...تبدلت بمرة البنت الضريفة الحنينة القلب البيض و الحساسة القلب الكبير...كلشي مشا...ولات وحدة اخرا الانانية هي عنوانها...دربت عرض الحايط بقلب صاحبتها..
اسماء...مبقاتش فك زينب..
لين...مبقيتش فك انا
اسماء(تعصبت) مبقيتيش فيا كنتي بقيتي فيا فالاول بعد هاد الانانية ديالك مبقيتيش فيا تأكدت انك تستاهلي اللي وقع فك..زينب اش دنبها تقطعي قلبها بيدك ها. ..يوسف شنو دار غير انك كنتي عزيظة عليك...اشمن دنب رتاكبو باش تصيعيهم.....اش دنبها. و دنبو
..ها...عرفتي شنو الين...اختي الصغيرة الي كنتي فارة الدار......كنتمني تعيشي تعاسة فتعاسة قد ما عيشتي البنت فتعاسة لا حدود لها💔(خرجت وردخت الباب وراها) وخلاتها كتشوف فإنعكاس صورتها فالمرايا..
فالوقت اللي طفاو فيه ضواو المدينة و كلشي حط راسو عالمخدة ينعس....كانو قلوب ناس كتتحرق فبلايص اخرا....كينين اللي من كترة الهم النعاس مدقش بابهم....ولا زارهم....كانت لين فبلاصتها كيف كل نهار بعد ما صنعات جدار علي قلبها جدار مكينش اللي يقد يكسرو....بعد ما ولات الشخصية القوية اللي تصنعت بعد شخصية بنت حساسة....كيف كل ليلة مخدتها شاهدة علي دموعها...اللي كينزلو رغم عنها.....شكون ميبكيش وهو تخلا علي االي كيبغي وهو قدامو و مشا عند انسان خر اللي تسبب فدمار حبو وحب انسانة خرا...االي الله اللي عالم...بيها كيف ممكن تكون بهد الصدمات اللي تلقات....
اسماء...ناعسة علي كتف اركان الللي كيف كل ليلة كينقز عندها من البالكو كيشكيو همهم علي يعض...جهاد...مغمض عينو فوق الرولاكس فالجردة ...و سكينة لفوق كطل من شباك بيتها كتشوف فااسماء و كيف كتقلب موازينها....
كوتر معنقة مخدتها هي تاني شخصية حساسة....خوتها هما حياتها ومكتبغيش اللي يأديهم...هي حاسة بالالم اللي عايشو خوها داكشي علاش مبغاتش قصتها تتعاود بشكل خر اسوء من ديالها.... نفس الشي عند انيس...كيفكر فداكشي اللي دار جدو فداوود واش صحيح ولا غالط...مهما طرا مكانش المفروض لين تتزوج بيوسف...اللي حتا هما كانو عايقين بيه كيبغي زينب....من عينيه اللي كانو فاضحينو وفاشين سرو.....
نبية حتي هيا فحضن راجلها متكية كتبكي وهوا كيحاول يطمأنها مع انها تقهرت من تصرفات باها.....
اما فاطمة...فمكانتش موافقة علي زواج لين ..من يوسف ..وحتي راجلها كان رافض... شنوعندهم ميديرو قدام الراس الكبير^^بالاحري شنو عند الميت ما يدير قدام غسالو^^
حتي ..من الطريقة باش زوجهم معحبات حتي خد....لدرجة زوج الصغار وخلا البقية...
كارل...فبيتو...حداه مرتو عاطياه بالضهر بعد صراع طويل علي داكشي اللي دار...و اللي سالات بفشلها فقررت تنعس و تحاول تبرد راسها...اما هو فواقف فالشرجم دبيتو حال عينو كي سحت الليل كيدورهم فأنحاء الدار و علي وجهو ابتسامة مغزاها مجهول😕
~~~~~~~~~~~~~~~~~~~~
اد اكتشفت يوما أنّ كل الأبواب مغلقة وأن الرجاء لا أمل فيه وأن من أحببت يوماً أغلق مفاتيح قلبه وألقاها في سراديب النسيان هنا فقط أقول لك إن كرامتك أهم كثيراً من قلبك الجريح حتى وإن غطّت دماؤه سماء هذا الكون الفسيح فلن يفيدك أن تنادي حبيباً لا يسمعك، وأن تسكن بيتاً لم يعد يعرفك أحد فيه، وأن تعيش على ذكرى إنسان فرّط فيك بلا سبب، في الحب لا تُفرّط فيمن يشتريك، ولا تشتري من باعك ولا تحزن عليه💔
~~~~~~~~~~~~~~~~~
أنا الذي ماتت أغصاني وجف ينبوعي، أنا الذي تحولت جنات عشقي مقابرَ لدموعي.
~~~~~~~~~~~~~~~
خرج من البار الدنيا كتدوور بيه...كيبان ليه كلشي كيزدح..الدنيا كتزدح راسو متابتش قلبو كيزدح...💓. الضلام سيد المكان مكيبان والو.من غير ضواو السيارات اللي مرة مرة كتبان لك وحدة جايا بسرعة من بعيد......خلا الاوطو ديالو تم و كمل طريقو علي رجلو كيضرب الحجر برجلو و يدو فجيبو.. وخ مكيشووفوش فين كيتمشي ..غير غادي عالله.....كيتفكر دكراياتهم بزوج كيضحك مرة من قلبو علي كل مقطع طفولي كيجي فبالو حتي كيجي يتفكر اش دار لا اراديا كيبكي و كيزيد يتأزم مني كيتفكرها غتتزوج بغيرو...مغيباقش عندو الخق فيها نهائيا......صاف مبقاش قارد...تضغط بزاف...كلشي تجمع عليه.هم الدنيا تلف خولين قلبو و رقبتو .....عيا يهز و يهز حتي ولاو الهموم فحال الجبل فوقو....جدو اللي ولا واحد محايد فجأءة بعد ما كان حفيدو العزيز و اللي كيبغيه من قلبو...هو المفضل ليه بين حفادو.. ...ولا هكدا...مكيكملش فيه حتي الشوفة...كفاش هادي.. باه اللي كان صاحبو قلب عليه مرة وحدة مبقاش عاقل عليه كيشوفو كيقلب الطريق.. الدراري اللي كل واحد كيلوح ليه كلمة مني يشوفو ...ما عدا يوسف و اركان اللي بقاو فجنبو.....البنت اللي كيبغي كتشوف فيه بكره..اشنو بقا ليه فالحياة جاع الناس اللي كيبغي عطاوه بالدهر و مشاو...
داوود...اش بقا..😕 ..لين....خلاتني فنص الطريق و مشات...القلب الحنين ولا بارد ومفيهش قطرت حب تجاهي..واليديا مشاو....كلشي عطاني بالضهر...اش بقا...الموت احسن لي..باش نهني العالم مني....بغيتها من قلبي....اعتابرتها الجهة النضيفة من حياتي...كانت نبض قلبي...بلا بيها دنيتي سودة💔😢.دنب مكانش دنبي نهار تعديت عليها....ولكن عندي اليد الكبيرة فيه..وخاصني نتعاقب...هما عاقبوني...باكتر حاجة ممكن تدمرني...انا غنسهلها علي راسي... و عليهم..💔 مبقا فالدنيا ميدار هههعهههه
دخل لوسط د الشانطي...غادي كيترنح اتر عليه الشراب مرا ضاحك مرة باكي...حتي كيبان ليه قدامو ولد صغير..تكون فعمرو ديك 8 سنين......تقريبا هو نفسو مني كان صغير فرق السنين.....
داوود..هههه شكون انت...اش بغيتي..اش مخرجك من داركم فهاد اليل ..ههه ولا حتي انت كينة شي لين..كاسرة لك قلبك😂
الولد... اه....لين كاسرة لي قلبي....ولكن خاصني نكون قوي...باش نرجعها لي....بغيتك ترجع لعقلك...رجع لرشد قبل ليفوت الفوت...رجع...رجع عند اينجل و خودها...متخليهاش ليه...هي محتاجاك
داوود...هههع لين..ممحتاجانيش...القطة الصغيرة...كبرة و ولات كتقمش....عهههه وهو ..هو معندوش دخل..هو الاول مجبور... هي ...هي السباب...هي اللي كانت سباب فكسرة قلوبنا بتلاتة زينب...شنو دنبها يوسف..و حتي انا...
الولد....هي كتبغيك..اينجل كتبغيك...رجع عندها...فيق...رجع رشدك....متمشيش و تخليها...ليهم...اول مغتخليها غيفرسوها الدياب..داوود...فيق...فيييقق(بقا صدا صوت الولد كيتردد فودنو و هو واقف فالشانطي رجلو مهازينوش)
داوود..هه(وقف ودموعو نازلين...و النار شاعلة فيه من داخل🔥) مكين لاش نفيق علي الم الدنيا..كترة الهموم هدتني كتر ما انا مهموم .مكين لاش..
يوسف يعد ما خرج من البار كان باقي شاد فراسو بانت ليه لاوطو د داوود تم ستغرب من الامر و بقا كيتمشي حتي هو متتبع الاتر ديالو خايف لا يدير شي حاجة فراسو خصوصا وان نفسيتو مدمرة كتر من الازم بقا كيتمشي حتي كيبان ليه داوود واقف و كيضح مع راسو فحال الحمق ...يالله بغا يقطع باش يوصل ليه...كيبان ليه كانيو جاي بسرعة فائقة تجاهو و هو واقف مكيتحركش...جاتو هو بنفسو اللقوة كان بعيد بمسافة بقا كيجري تجاهو و كيغوت ولكن كان بعيد عليه....بمسافة طويلة كيغوت و يغوت و والو جامد بلاصتو و الكاميو عاد و هو ما زايد كيقرب....
داوود..اللي كان غايص بأحلامو....(مع هز عينو للقدام ضربو الشعا د كاميو جاي فإتجاهو بسرعة قصوا... كيكلاكسوني بالجهد باش يحيد من الطريق... ووهو واقف ببلاصتو اكتفي يدير يدو علي عينو من الشعاع المجهد.. اللي ضارب ليه فعينو... و يتسني قدرو المحتوم مع ابتسامة كسرة قلب كيتسني النهاية...نهاية قصتو مع #اينجل...
و لحن الحياه بداية ونهاية ،، بسمة ودمعة ،،فلا تفرح كثيرا ،، ولا تحزن كثيرا ،، فإذا أصابك أحدهما فنصيبك من الآخر آت مع صفحات القدر..
~~~~~♡نبض~القلب♡~~~~~
اصوات بزاف مخربقين ممفرزينش....يمكن غوت يمكن بكاء يمكن ضحك معرفتش بالضبط نميزهم اللي قدرت نسمعو هو صداع مجهد.....احساسي بشي حاجة غادة بسرعة و البرد كيضرب فوجهي... يدين شخص ماسك فيدي معرفتوش شكون ولكن احساسي بيديه كيدوزو علي يدي كاين ....فتحت عيني بالشوية و بصورة مضببة كيبان لي السقف د شي بناية غالبا ما هي مستشفي ضو فيه مجهد بزاف و ضارب لي فعيني ... رجعت غمضتهم..بألم...معرفتش شحال د الوقت و انا مغمض...مني رجعت فتخت عيني...هاد المرة..كانت غرفة مضلمة و بزاف د الناس دايرين بيا ..معرفتش علاش..صوت هدرتهم كنسمعها...ولكن معارفش اش كيقولو...كنحس براسي مرخي بزاف ...مقادرش نبقا واعي...الحل الوحيد اللي كان قدامي هو انني نستسلم للنوم...وخ كنت مازال كنسمع صداعهم كيغوتو و الكلمة الوحيدة اللي كتتردد بالجهد....
#_نبض_المريض_وقف
ضحكت فسري بسخرية علي سخرسة القدر........يقدرو يكونو شافوني ههه وويقدرو لا.....كيفاش غيشوفوني و انا جتة هامدة قدامهم..هههه ....كيقولو نبضي و قف ..و.انا نبضي واقف من زمن طوييل...طويل بزاااف..من نهار اللي ضلمتها فيه....نبض قلبي وقف.....و مكنضنش انه ممكن يرجع ينبض...❤مرة تانية😊 اكتفيت نغمض عيني بسلاااام.....ونمشي...نمشي فين كاينة الرحة و السكينة....بعيدا علي ضجيج العالم وخبتو💛....
##############
بعد 6 شهر
#بالضبط_فاليونان
فايقة عجزانة. .....و مريضة كيف ديما الحزن مغطي ملامحها.....وجهها صفر. وباينة فيه اتر التعب......مرت فطريقها للشرجم دبيتها...كيف كل صباح ما ولفت تدير..كتشوف التلج اللي مغطي كلشي....المدينة...كتبان بعيدة..ولكن التلج مفىزها علي كلشي و عاطيها جمالية خاصة....الحو مغيم و كئيب ...فحال حياتها......دوزت يدها علي شعرها و حاوطت كرشها بيدها بتعب.....توجهت للحمام بخطوات بطيئة...قضات حاجتها ووخرجت لبست فستان اسود طويل...تال لتحت..لبست عليه كاب كحل...ولوات شال بإهمال علي شعرها...نازلة فالدروج بالشوية عليها....ومع كل درجة كتنزلها كيبان ليها فرد من افراد العائلة اللي كانو مجموعين عالطبلة...و حتي هما كانو لابسين...الاسود...
كان كارل مترأس الطبلة....و علي يمينو مرتو و حداها بنتها نبية وراجلها مهدي و الجهة التانية كاينة فاطمة و كمال...حداهم كينة مندي و حداها مريم...و قدامها يوسف و حداه كرسي خاوي....اما من الجهة التانية كاينة كوتر حو سكينة ..اسماء....
.كيفطرو فهدووء تام...حتي حد مكيدوي مع حد... ..الفاجعة اللي وقعت مازالة مأترة عليهم لأقصي الحدود...حتي حد مبقا كيف كان الفرحة تسلبت منهم مرة وحدة كيف كانت بين يديهم مرة وحدة.اخري بكل سهولة
لين..(ابتسامة شاحبة).صباح الخير
الكل..(نفس الابتسامة)..صباح نور...
جلست تحت عينين نبية اللي مترقباها و هي نازلة و محاملاش الوضع
لين...مكين لاش نبقا..غير خليني نمشي..توحشتهم(هزت راسها للفوق باش متنزلش الدمعة اللي فرت هاربة من عينها نازلة علي حنكها)
يوسف..(مسح ليها دموعها)..اش.. صاف...فطري و يالله...بلا بكا راك كدري راسك..
لين..واخ...☺.
مهدي... سربيو عافاكم. خاصنا نلحقو الوقت د الزيارة قبل لا تعمر المقبرة
كمال..بصح يالله حنا نوجدو الطوموبيلات بما وجدو هما و كملو فطورهم
مهدي ..يالله
خرجو كل من كمال و مهدي....ما عدا يوسف اللي بقا مع لين...واقف عليها حتي تفطر حيت مؤخرا هملت صحتها..
لين..صاف يوسف...سير .غير خليني انفطر
يوسف..فطري و سكتي..يالله...متعاوديش معايا الهدرة يزاف
لين..واخ
كملت فطورها تحت عينين يوسف اللي قبط فيدها مع ابتسامة فوجهو...كيف ما تعودت تشوفو ديما و كيف عودها عليه...
فاطمة شافت فبنتها و هي كتتمنا تبقا فهاد السلام اللي عايشة فيه...
البنات...وقفو شافو فبعضياتهم كيف ديما بعد اخر محادتة طرات بينهم ب 4 علاقتهم تدهورت...مبقاوش كيف كانو...دبا مني كيتلاقاو بالصدفة كل وحدة كتخوي للتانية الطريق ماشي مع بعض...غير مع لين...
موضوع زينب مبقاش كيتجبد هاد 6 شهر كاملة عمر سيرتها تجبدت...وكأنها عمرها كانت ولا عمرهم عرفوها من الاساس....وحتي هناء من اخر مشيا ليها للمغرب مبقاتش عتباتو ولا عتبت عند خالتها
خرجو لبرا كانو الطموبيلات واقفين كيتسناو و من بين الطموبيلات طوموبيلات الشباب اركان انيس جهاد اللي كل واحد فيهم فين مشا كيحاول يبني حياتو...كانو واقفين كيف ديما بجادبيتهم المعهودة...بعد غيبة 6 اشهر كاملة تجمعو مرة اخرا....فدكري موتهم.....
بعد ما شافو الدراري باواتهم رجعو ركبو و توجهو للمقابر قبل منهم
بعد ما خرجو البنات ركلو مجموعين و توجهو للمقابر...فين مدفونين....
بعد فترة وجيزة...من الوقت...كانو وصلو للمقبرة..اول محطو رجليهم فأراضيها.. رجعت عليهم ريح الماضي و ريح داك اليوم المشؤوم...اليوم اللي باقي لليةم مانساش ليهم....دموعهم نزلت لا إراديا....نزلت متحسرة علي القلوب اللي تحت التراب...علي حبابهم اللي مفتاقدينهم ولحد الان مقادرينش يتصورو حياتهم بلا بيهم
توجهو للقبر اللي كاين علي قبلو ...الشخص اللي جايين علي قبلو...مرت 6 اشهر كاملة علي موتو...صدمة للجميع...متوقعوهاش نهائيا.....فوقت كانو كيتسناو المساندة و النصائح ديالها..^رحمة^ الجدة الحنية ..المسالمة...الرؤوفة....المحبوبة..الخيرة.. نعمة..الام التانية..و الصديقة الصدوقة...حب من نوع خاص...سعادة خاصة و انت كتحاورها.. مشا كلشي و ولا تحت التراب...باقين لحد الان كيتفكرو يوم موتها كان بمتابة صدمة للجميع...شكون كان كيتوقع تموت بديك الطريقة...
#فلاش_باك
يوم حادت داوود فالمستشفي كلشي كيجري و سكينة جارة رحمة فالكرسي كتبكي و الدموع مغطين عينيها...و كتجري و هيا جالسة قدامها فالكرسي كتحاول تبخ بخاخ و مقاداش....كان قدامهم ممرض جار عربة د المرضي فإتحاهها جات تنزاح و هيا كتجري عكلتها رويضة د العربة طاحت للارض و الكروسة د رحمة طاحت فالدروج و هيا تحتها كتتكركب...
رحمة...ااه
سكية اللي تخبطة فراسها بالحديدة د الدروج يالله كتشد فراسها كتقلب عالكروسة لقات الناس كيتحمعو فالدروج تخلعت علي جداها و تمت تابعاهم فالدروج و هي خايفة لا تتصدم اول ما وصلت كتلقاها مليوحة فالارض و البخاخ ديالها مليوح فقنت تاني...و الدم شلال من راسها....
سكينة..(بصدمة) جدة...جدااا😢
مشات كتجري عندها هزت ليها راسها كتخاول تقيس نبض قلبها...و والو...تلفت تلف عليها كلشي.. بدات غير كتغوت تجمعو عليهم الاطباء و الممرضين هزو رحمة داوها و هزو سكينة اللي بدات كتجدب بوحدها دجو ليها برا...محيلتها لخوها اللي منشور فالسبيطار بين الحياة و الموت...ما حيلتها لجداها اللي طاحت والله لعال اش واقع فيها...
بعد ما تعطلت غليهم سكسنة مشاو كيقلبو عليها لقاوها ناعسة فالغرفة و علموهم باش وقغ كلشي تصدم الدراري تسوكاو مهم نبع حنانهم و الوحيدة اللي بلقة ليهم فالدنيا فغرفة العمليات.. بقاو شحال كيتسناو و يمشيو و يجيو ...كلشي دموعو علي خدو ناولين شلال...حتي كيجي الطبيب حاني راسو
الطبيب...عضم الله اجركم...المريضة.. توفت...
صمت قاااطع....قطعو انيس...بعد ما شنق علي الطبيب كيضرب فيه وهو كيدافع علي راسو
انيس اش كتقول يا الشماتة كين شي طبيب بلا ميشخص الحالة اللي عندو يقول ماتت ها دويي
الطبيب اسيدي يهديك الله راه المريضة جاتها سكتة قلبية ماشي بيدنا...عقمنا ليها الجروح اللي فراسنا ..و هي الجسم ديالها مكيستحملش و ديجا جاتها ازمة قبل و د قلنا ليكم رضو البال المريضة داتها مغتستحملش ازمة اخرا....وللأسف حدسنا فمحلو المريضة مستحملتش الازمة اللي جاتها و اللي زاد ازم الوضع جاتها نوبة ربو
انيس...جدة..
مهدي..شد فقلبو...اما كمال فجلس للارض و هو مفيكسي عينو فالحيط مو..نبع الحنان اخر من تبقا ليه فالدنيا..مشا...كلمو وحدة صغيرة متكونة من تلاتة الحروف كفيلة تكسر فيك بازاااف...
كانت صدمة مريعة ليهم كاملين.. مبقاوش كيفكرو جوج اراوح بين يد الله
ادطرو يخليو الجتة ديالها فالتلاجة بينما شافو تطورات حالة داوود اللي كان فمرحلة الخطر مقدروش يديرو اي حاجة ...وهما معارفينش حالة داوود....يوسف اللي كان نعاه كانت حالتو اسوء... اما سكينة بعد ما فاقت تصدمة...ولات كتقول انا اللي قتلتها و هاد الكلمة مكتحيدش من فمها...كل متفكرة جداها كتقول انا اللي قتلتها...ولات عندها مهلطة مع دم ..تأنيب الضمير علي دنب مقتارفاتوش...
و فاش بغاو يدفنوها مبغاوش يخليوها فالمغرب و هما غيعيشو ف ليونان سفرو الجتة ديالها وجابوها لليونان و دفنوها حدا راجلها فين كانت كتتمني..)
#اند_فلاشباك
وقفو كاملين قدام القبر كيقراو قران علي روح رحمة و راجلها الي دكراه مخلدة عند ولادو ...حطو الورد اللي جابو معاهم عالقبر...مقدروش مازال يزيدو يبقاو كتر..
تحنا كل من كمال و مهدي علي قبى مهم كيبوسو فيه بكسرة قلب رغم كبر سنهم الا انه الولد كيبقا ولد وكيبقا محتاج حضن الام و دفا صدرها اللي ولو تلفي الدنيا كاملة عمرك تلقا فحالو الان اللي تعبت وسهرت وربت وكبرت وكتشوف علامات التعب علي ملامحها وهي كتقدم لك و ابتسامة حب علي وجهها..كبراتك حتي شافتك قدامها راجل او بنت..قد الدنيا..كنتي كتتسني النهار اللي تكبر فيه وتعوضها بشوق كبيير..ولكن فاش كبرتي دا مول الامانة امانتو.مشات وخلاتك تواجه صعاب دنيا بوحدك..صدمة ولا اصعب منها ومكين اللي غيحس بالفراق غير اللي مجربو سوا كان فراق الام ولا لاب ولا الجد الجدة و للأمثلة كتيرة ولكن الجرح واحد {الله يرحم كل حبابنا اللي تحت التراب يا ربي 💔}سكينة اللي جاتها نفس الحالة بعد موت جداها لحد الان كتعتبر راسها قتلت جداها رغم انه ماشي بيدها...ولكن ما باليد حيلة ...جرتها مها كتصبرها وتحاول تواسيها بكاو اللي قدو ولكن دموع عمرها تفيد حيت لي مات مكيرجعش وهادي هيا اصعب حاجة يا ريت الدموع كانو يرضو لينا حبابنا💔
أينَ أَنتِ يا أمّي يا روحاً طاهرةً تهيمُ من حَولي، يا حُضناً دَافئاً كَم شَكَوتُ إليهِ هَمّي، بِفِرَاقِك يا أمّي فَارَقَني الأَمَان، أَحسَستُ بِغُربةٍ في الزمانِ والمكانِ، ذَهَبتِ وذَهَبَ مَعَكِ كُلّ الحنان، أُمّي يا رَوحاً طَاهرةً تَهيمُ مِن حَولِي، يا حُضناً دَافِئاً كَم شَكوتُ إِليهِ هَمّي، أَشعُرُ بِرَوحُكِ العَطِرَه تُظِللني في ذَهَابِي وإِيابي تَتبَعُنِي، فأنتِ يا حَبيبتي دَائِماً مَعِي، لا يَغِيبُ كَلامُك عَن سَمعي، حتّى أنامِلك أَشعُرُ بِها تَمسَحُ دَمعي بِرفقٍ، تَهمِسِين وتَقُولين: لا تَبكي، لا تَبكي، فَأنا كَما قَالَ رَبُ العَالمَينَ مِنَ الأَحيَاءِ عِندَهُ، وفي الجنّةِ أَمشِي، أمّي يا روحاً طاهرةً تَهيمُ من حَولي يا حُضنا دَافِئا، كَم شَكوتُ إليه هَمّي، اشتاق لحضنكِ ولكِ.
~~~~~~~♡~~~~~~~~~~~~
توجهو لسياراتهم و هما مخلين طرف منهم وراهم....قطعة من القلب بقات تحت التراب...ركبو مجموعين كيف جاو فالاول كل واحد متكي علي جيهة و كيبكي قلبهم باقي مجروح فحالي يالله لبارح فقدوها ....حتي الشباب فساراتهن صايجين سااهين...و مصبرين راسهم....وصلو للدار طلعات نبية بنتها للبيت شرباتها دواها لي ولات كتشرب بعد موت جداها و الحالات اللي كيجيوها....خرجت بعد مانعسات سكينة و غطاتها....اما البقية شي جلس فالصالة شي طلع لبيتو...
######
#لين طلعات لبيتها بعد ما عيات كابتة دموعها فالاهر نفةجرت سدت الباب و مشات للسرير بالزز و يدها علي كرشها اللي ولات منفوخة ..فشهرها 7 ...كدوزها بحنية علي كرشها و بلا متهدر كتشكي علي البيبي اللي فكرشها...حتي تحل عليها الباب كان يوسف...دخل و ابتسامتو الحزينة علي وجهو...جلس حظاها و يدو علي كرشها
يوسف..اش..شحال من مرة قتليك متبقايش تبكي هكدا راك كتصري راسك و كتضري بنتنا...
لين..مبقيتش قادرة ايوسف مبقيتش قادرة كل نهار الحمل كيتزاد عليا و الجبل اللي محطوط هئ فوق قلبي كل نهار كيتقال...دنبها فرقبتي...كنحس براسي مقجوجة ربي اللي عالم بيا..هئ هئ😢
يوسف..اش.اش(معنقها)..لين...استهدي بالله...انتي معندك دخل فموت جدة رحمة...بالعكس كنتي عزيزة عليك...موتها كان مقدر و الطريقة باش ماتت ربي كتبها عليها معندنا منديرو قضاء و قدر...
لين..ولكن
يوسف...اس...مكين ما ولكن استعيدي بالله ...كيداير حبيبة بابي
ناضت بالشويا عليها بدلت ومشات تخشات بلاصتها كيف ديما ....وخدياها شاعدة علي دموعها اللي كينزلو شلال من عينها....
#########
كوتر اللي كانت جالسة فالصالة اللي فالطابق التاني كتشوف فالجردة من البالكو اللي تم....و هيا فعالم تاااني..قطع سهوتها وقفتو حداها بصمت.... كيف شافتو وقف حداها تلفا...مبقات عارفة مديي ...خصوصا فترة و هما مفارقين و مراسينش علي بر يعني يا غا تصدو ولا غتهضر عادي معارفاش... حتي دوا هو
انيس(بلا ميدور جيهتها) كيف بقيتي...
كوتى..(كتفتف) ها...
انيس.(دار بهدوء و هو مربع يدو قدامو وكيشوف فيها شوفات زاظو شقلبوها)قتليك كيف بقيتي
كوتر..ها..اه...اه ..احم...انا..انا بيخير..
انيس..ضحك ضحكتو المعهودة و بتباتة)..ههه مفخباريش..سؤال واحد غيتلفك عاد التلفة كاملة...
كوتر..نعاااام..واااخ...هاني حايا اماما...مانا كتعيط باي (مشات طايرة وهلات مابعها و علا وجهو ابتسامة حزينة...نفس الابتسامة..اللي ولات علي وجهوه الشباب كاملين..)
مشا تابعها كيدير لا حول براسو .متاجه لبيتو.
.نفس الخجل اللي فيها طول حياتها باقي فيها وداكشي لاش كيبغيها كل ما غاودزلها او قال ليها شي كلمودة زوينة مني كتحشم كتجيها فاجة😂 ..
بعد ما رتاحو و كل واحد دخل بيتو جا وقت الغدا تجمعو فيه كاملين عالطبلة فصمت كلاو اللي قصم الله و ناضو تفرقو تاني ظبقاتش اللمة و الجو الحميمي العائلي عندهم ...تفرتك كلشي بسبب التفكير الرجعي عند كارل فرق شحال من قلب علي نصفو التاني...و هو جالس كيشوف تمار ما زرع قدام عينو...تفرقو عوتاني....
.طلعت اسماء لبيتها و هيا كتشوف فيه قدامها جبدت تيليفونها و هي جالسة فالبالكوا كتشوف دكراياتهم بزوج ضرها خاطرها...وخصوصا مني وصلت للفيديوهات و الصوت مجهد كيتسمع للتحت.. اللي كان اركان جالس غالجردة كيلعب كانظي كراش فالطابليك معرف باش تبلا فاش سمع الصوت هز راسو للفوق بانت ليه جالسة تم ...بعد ما سالاو الفيديوهات ناضت وقفت عالحديدة د البالكو و يدها عليها كتشوف لبعيييد حتي دورت عينيها فالمساحة الكبيرة و البنايات اللي كسبانو بعاظ بزخرفة يونانية...هبطت عينها للتحت بان ليها كيشوف فيها بطريقة غريبة ركبت فيها الرعب...اللي خلاها تجمد معرفت مدير سوا انها تحرك رجلها بزز و تدخل...
هو بعد ما سمع داك الصوت ...فكرو بماضي كيحاول يتجاهلو حيت مشكل ليه حاجز فحياتو...و هو اللي بعد ما عرف علاقاتها الكتيرة اللي كانت دايرة قبل ميبغيو بعض بعد ما جا عندو سامي و ضاربو مزيان و لاخر خوا ليه المزيودة كاملة الشي اللي خلاهم يتفارقو
#فلاش_باك
اركان كيدرب ف سامي بكل غل بعد ما قاليه اسماؤ حبيبتي حتي كيصدمو
سامي...اه اسماء حبيبتي و بزز منك با ز*** و لهلا يوريك الكرق باس كانت كتبر ليا علي حبها اححح توحشت ديك الايام. لكن باقي الحايات اكتر من الرايحات و نعوضو اللي فات
اركان ركبوه الجنون زاد كمل عليه تا تلف ليه ملامح وجهو ..يا ولد الق*** هاديك بزاف عليتدك يا ز**
سامي...هه سير سولا هههع
عطاه ضقة وحدة بالراس طيحاتو كاو ...و مشا ركب فسيارتو متاحه بأقصي سرعة للدار اللي كانت كتتسني فيه علي اساس غيخرجو
اسماء...اركاااني(جات تعنقو شنق عليها)...شحال من واحد كنتي مصاحبة معاه ها...قولي
اسماء....ءءءء..اش كتقول..؟
اىكان..اش كنقول ها...اش كنقول ...شحال من واحد قرب منك ز*** ها دويي(ضرب كروشي حدا وهها من جها لخرا
اسماء😢...اش كتقول ا اركان...انا ممصاحبة مع حد...كنبغيك انت
اركان...متبدايش عليا بداك كلام الافلام...كلنا حافضينو...😠 شحال من واحد قرب منك دوي ولا بربي بطلعت عليك شمس غدا
اسماء .تبلوكات من طريقتو الهمجية فالهضرة و الضريب...مكانتش متوقعاه منو هو بالضبط....كيف كيقولو لهلا يوريك قلبة الساكت ادا دوا....
اسماء. .. انا مكنعرف خد
اركان..ااه مكتعرغي حد وداك المز&** د سامي شكون كان مصاخب معةه انا متلا...
اسماء..مممم...سامي....مشيتي نبشتي فماضيي ا اركان ياك...اوا اسيدي عرفتي اش غيجيك مليح..ممن.كنت مصاحبة مع قشلة و واحد يتسيك فلاخر...و ماضي ديالي كلو كحل..كيف السما مني كتضلام الدنيا...عرفتي دب تهنيتي ..يالله دب...(جمعت نفسها و قلبها كيترعد و كارزة علي يدها بكترة ما عصبها وقلة تقتو فيها) قود...و مت ليوم متعرفني منعرفك
اركان...واخ ابنت خالتي...بربي لا دازت لك..هادي و وعد غندمك...و انا كنعني كلامي..(بقا حاني راسو شحال و هي تحتو...كيف هزو كانو عينو حمر كي جغمة دم ضرب الحيط بيدو واقرب طبلة ليه قلبها برجلو وخرج خلاها هيا كتقفقف و كتبكي علي زهرها تا قالت بغيت من قلبي ماضيها رجع كيخرشش ورا ضهرها
ناضت بعد الفرحة اللي كانت فرحانة و اللي تقلبت بجرح طلعت لبيتها ..
#######
فالجردة فاخر ليل بعد ما كلشي دخل لبيتو و سد عليه نزلت للجردة كيف ديما كتشوف فالقمر...و حداها كرسي خاوي جلس عليه يوسف كيف ديما.....
يوسف...جالس حداها و يدو علي ضهرها....و حتي هوا حاط راسو علي راسها كيشوف ف سما...و دوا.....كتبغيه
لين(هزت راسها و هي كتمسح دموعها)...وعلاش درتي هادشي...ضيعتيه من يدك وضيعتي قلوب خرا معاك
لين...حيت برضو كنبغيه...مقدرتش نتقبل فكرت الشخص اللي انا تسنيو عمري كلو حب الطفورة الصبا و الشباب يدير فيا هكدا..مقدرتش ..حيت كنبغيه بغيت ننتاقم منو باش يحس بأش دار ليا باش يحس بالالم اللي حسيتو فقلبي وبالكسرة اللي انا فيها و بقلبي اللي كيبكي دم بدل دموغ..... .ملقيتش اللي يوجهني...قلبي كان مكسور و كانت النار شاعلة فقلبي....كنت باغة نبردها بأي حاجة مهما كانت الوسيلة...(حنات راسها ) معندباليش غنتحرق بيها انا بدل منحرقو هو💔
يوسف ..ولكن ىاك دمرتي شحال من واحد خر معاك بدل مدمريه هو
لين...احيانا كنقول يا ليت الزمان يعود يوما...باش نقدر ولو نبدل غيى شوبا من داكشي لي وقع..كلشب وقع بسبابي...
بوسف..احيانا الندم مكينفعش....و مكيجيش فالوقت اللي خاصو يجي فيه..و هانتي كتشوفي علي عينيك...شنو وقع و اش كيوقع...حتي حاحة ما بقات بيدنا
لين..(و هيا كتبكي) ممم..هئ😢😢
###############
ناعسة فبيتعا منين جاو من المقبرة ما فاقت بسبب مفعول الدوا...دخل كيف عادتو كيتسلت للبيت جلس حداها ...بقا شحال كيتأمل فيها و هي ناعسة ما علابالهاش بالدنيا...كيلعب ليها فشعرها و مرة مرة يجر ليها حنكها بسخرية...صورها شحال من صورة و هيا ناعسة تفكر مواقفهم بزوج اللي دايما ما كيساليو بشي كلمة منها تخليه عاقل عليها حياتو كاملة حمع الوقفة شاف فيها شوفة اخيرة و خرج.........
فاقت هيا بعد ما خرج بالضبك كانت دايخة بالنعاس ولكن ريختو باقا فالبيت كتشمشم و والو الريخة مجهدة عيات تقلب بعينها مباليها حد المشكيلة انها عارفة ديالمن و ماباغاش تكون ديالو بكترة ما ولات كتخاف منو....
ناضت لبست بانطوفتعا اللي علي شكل ارنب و هي اصلا كانت لابسة كمالت الارنب لفوق...هابطة كتتسلت كرشعا كتغرغر....مشات للكوزينة كانو الضواو مطفيين ...تابعة غير شوية د الضو اللي مان داخل من الجردة...حتي كتسكح معاه علابن طيح
سكينة...ساهلة(هزت رحلها باش تركلو للمركز مي خوا و هيا الي ضربت رجلها مع البوطاجي تا ولات كتنقز كي الكنجر😂
سكينة..اح اايييي...اخ اخ تفو عليك.جهاد...اح بفلوس ا بب..(خلاها و مشا)
سكينة...الله يتبعك البلا تفو😢 دخلت مشات للتلاحة نيشان غا اللي بان ليها كدخلو ف فمعا و صافي و الدموع نازيلين علاش الله اعلم...كتبكي و صاف فالاخر وحلت ليها بكترة ما كتبكي و مكتبلعش اخ 😥😥 اح اهئ اهي..مامااا(طاحت للارض مع البوطتحي و هيا كتصرب فصدرها باش يتسرح ليها التنفس) اهئ 😢😢😢 بقات هكداك ختي ولات شوية ناضت شربت الماء و مشات غطريقها لبيتها تنعس و هي كتفكر و تبكي....
######################
#بعد 6 شهر من العداب و الالم...الخدلان....كسرة و ضلم و الندم...و انانية....حقد...كره...مشاعر مبعترة حس بيهم شخص ضلم و تضلم.....تغيرت حياتو تغير جدري....من Aحت ل z مبقاش هو هو...الحادت غير فيه بزاف..اه هو...داوود غير فيه هو ...من شخصو...لشكلو...اه الحادت غير ليه شكلو..تغير جدري...تشوه ...الكاميو اللي ضربو كان سبب فأنه يطيح وسط جرف غارق بزاف...اللي ادي لتشوه ملامحو. تشوه كبير بزاف ختي ملامحو مبقاوش.....و تشوه جسمو..حتي هو...كينين التشوهات اللي تلقا ليهم حل وكينين اللي بقاو هكداك مشوهين...كيف تشوه قلبو..💔 ..كيفكروه فالخادت و فسبب الحادت.....ولا كل ماشاف التشوهات للي فجسمو كيكفر و كيزيد يحقد....و كيتوعد باشد عداب لممن كان سباب...
كيف كل صباح...فايق هو الاول سوا كان سهران او ناعس فوقتو بعد ما الليل كلو و هو سهران معاها...كانت مريضة ...الليل كلو و هي تنازع. و تهترف....حرارتها طالعة و العرق كل ما و هو غير كيزيد يتكب منها ولات حمرة كيف مطيشة....و بعد ماحاب ليها الطبيب فالليل...
بعد ما جاب ليها الطبيب فالليل و اللي موصل بمشقة الانفس هو الاخر بسبب الدار اللي بعيدة عالمدينة....بعد ما فحصها طمئنو عليها و علي صحة الجنين اللي فكرشها
الطبيب...مستر براني...المدام صحتها مزيانة غير نزلة برد بسبب الجو المتقلب
داوود..هممم...و نزلة برد غدير فيها هاد الحالة ....عاود فحصها
الطبيب...مسيو براني هاد تقلب د الجو كفيل يمرض الصغير قبل الكبير اي واحد بسبب هاد التقلبات و الانسان مني مكيكونش لابس مزيان..و عاد هي حاملة .. و كتسخن و تبرد مكتحسش براسها...
داود...همممم اوك..مزيان و الجنين...الجنين صحتو كدايرة مزيانة
الطبيب...اه اسيدي...صحتو مزيانة ولكن ..و كنأكد علي ولاكن...مخصهاش تنسي دوايلتها مهما وقع...ماتنساش انها كانت غدير اجهاض و سوء التغدية اللي كانت متعرضة ليه..باقي ليها 4 شهر للولادة تهتم براسها مبقا قد ما فات
داوود...مممم 5 شهر
دازت عداب علينا كاملين..
الطبي ..نعام ا مسيو..
داوود..لا مديرش فبالك تفضل(مشا معاه للباب و رجع لبيتو جلس و هو عينو عليها مرة مغمضهم مرة فاتحهم خوفا لتفيق و تختاج شي حاجة....)
مر وقت قصير حتي بدات كتتحرك...مشا لعندها بالزربة
داوود...(يدو علي حنكها.)راكي مزيان...كيف حاسة راسك
*** بيخير حمد لله ولكن راسي تقيل عليا معرفتش فحالي عندي فيه شي حجرة تقيلة
داوود..اه غير مع الدوا..رتاحي بينما جبت لك الفطور...
****لا غير خليك...انا نوض نصاوبو...متعدبش راسك
داوود..(خنزر فيها) اش قلت
****صاف سير دير اش بغيتي 😆 دبر راسك😄
داوود(هكداك خربق ليها شعرها و مشا...) 😄..
مشا داوود يوجد الفطور و خلاها هي متكية علي جتبها كتشوف فكرشها..و كتتفكر...ىاسها و كيف كان داوود و كيف كانت نفسيتو قبل ميتلاقاها...
#################
فالمغرب بعد ما تفرقو كل واحد فيهم مشا لبيتو ينعس...اما فجهة اخرا من الدار بالضبط بيت كارل مع ميرال
كارل...ميرال....سمعيني سمعيني مزيااااان اش قلت ليك متبقايش تتدخلي فشؤوني انا عارف مصلاحتهم...فين جات متبقايش تعطيني حلول و اراء فارغة و اصلا رأي المرا غير مقبول بالنسبة لية كتسمعي المرا معندهاش رأي...فهاد المجتمع ..يالله سيري من قظامي تنعسي و متسمعينيش صوتك
ميرال.. شنو...اش كتقول....المرا معندعاش رأي...من امت هادشي ان شاء الله..
كارل(دوز يدو علي صلعتو بعصبية و دار عندها)...ميراااااااال(تصرفيقة) قتليييك سكتيني متزيديش معاي الهدرة متدوييييش
ميرال تسد ليها الفم لسانها تربط اكتر حاجة معمرها كانت طيحليها عالبال هي انها تتصرفق علي يد شكون حبها اللي تزوجو عن قصة عشق خرااافية كانو يحلفو بيها ..منو من كارل ...متوقعتهاش...بقات شحال كتشوف فيه دموعها محجرين فعينيها نفهمتش اش وقع ليه تا ضربها و كيفاس طاوعو هاطرو يديرها و هو يدو عمر طيفها علا عليها دب ضرب فات توقعاتها واهم شي اللي علق فدماغها...المرا معندها رأي فالمجتمع...ايااه اكارل انت اللي المرأة بالنسبة ليك شيئ مقدس..شيئ كبير بزاف لدرجة ...كتخاف من الريح الطاير يقصها...ولات المرأءة معندها رأي فالمجتمع..
نبض القلب الجزء السابع
محتوى القصة
التنقل بين الأجزاء