بعد المشادات الكلامية لي دازت بين بدر وشموخ خرجات شموخ من شقة وهي فقمة غضبها وواعدات زمرد غاتعاود زيارة طلعت فلوطو ديالها وكسيرات فتجاه القصر وخلات بدر عاقد خوباشتو وكارز على يدو ....
زمرد....اوعدي فهمني فين كاتعرف شموخ وعلاش هاد شي كامل غير حيت خرجات فيك " رفعات حاجبها " ....
بدر..."بعدم اهتمام" خليك منها انا جيت نطمن عليك اول ما بعتي لي العنوان جيت باش نشوفك انت ومحمد رضا لكن ديك الغبية لوتات الجو وعكرات ليا مزاجي "جلس فوق الكانابي " حكي ليا.........
جلسات فالكانابي لي قبالتو وبدات كاتحكي ليه شنو وقع ف غيابو بين ماهي كاتحكي ليه دخل أمير وشاف فيه بستغراب وقفات وقدامتو ليه ......
أمير..."كايطلع وينزل ف بدر " سلام عليكم
بدر ..."بصوت رجولي " وعليكم السلام
زمرد...احم أمير كانقدم ليك بدر سبق لي وحكيت ليك عليه
أمير..."تبسم مد يدو " اهلا مرحبا بيك
بدر..."صافحو "شكرا ....." خلاتهم جالسين ونساحبات لمطبخ كاتوجد الكوطي خرج محمد رضا من غرفتو وجا كايجري عند أمير تعلق فيه وفرحان .........بعد ساعة تقريبا خرج بدر من عندهم ......
أمير..."كايشوف فيها " اوووف امتى تكمل هاد العدة مابقيتش قادر على بعادك
زمرد .."بخجل "هاحنا كانشوفو بعضنا
أمير..ماكافيش
زمرد..."بجدية" أمير سبق لينا وتكلمنا فهاد الموضوع ماحد العدة مزال ما كملت ف بلا ماتحلم بشي حاجة ماتنساش هاد المجية لي كاتجي لعندي ماشي حتى لهيه
أمير...او هوووه علاش هاد العصبية كاملة "شاف ف عينيها ....خايف على ولدي وعلى لي هازة فأحشائها ولدي "باس يدها "
زمرد..."تبسمات " احم
أمير...اموت فالأحم ...بدا كايقرب منها ومحمد رضا مرة يشوف ف زمرد لي كايخرجو من عينيها القلوبة مرة فأمير لي كايقرب منها رويدا رويدا يالا غايطبع قبلة على شفاها وهي تفطن بعدات عليه بسرعة ووقفات .....
زمرد .."بحدة" سبق وتكلمنا
أمير.."حيد لافيست ولاحها فالكانابي "اوووف من عنادك وقصوحية راسك "نتابه ل محمد رضا لي كايبحلق فيهم .....بابا مالك
أمير.."وقف " تصبحو على خير "لحق على جود بخطوات متسارعة .....
جلنار..."تبسم" انا لي عارف مالو......"رجع شاف ف مروان" فكرتك رائعة غدا ف صباح غانتاصل بيها ونشوف رئيها
مروان..علاش صباح دابا نيت
جلنار...دابا ليل خلي فالصباح احسن.....
طلع جود ف سيارتو وكسيرا ف تجاه البار وأمير وراه بسيارتو مسافة طريق كانو قدام بار كبير وسط المدينة بلاصاو سياراتهم ودخلو بهيبتهم المعتادة وكاع الاعين عليهم خداو طاولة معزولة على الناس وطلبو المشروب
أمير...علاش هاد الانفعال كامل شنو بينك وبينها ؟!
جود..."بعصبية" شنو غايكون بيني وبين وحدة بحال هاديك بليييز
أمير...سوسن بنت غزالة والف واحد يتمناها يكفي انها وقفات مع زمرد فوقت الشدة وماتخلاتش عليها
جود..."بنرفزة " جيت نتصنت لدماغي ماشي نهضر عليها
أمير..."شاف ف عينيه" واش كاتحس بشي حاجة من جيهتها !!
جود .."يالا شرب من الكاس وهي توحل ليه " كح....كح ...كح "حط الكاس من يدو وكايلتقط انفاسو " بصوت مبحوح " بلا شك خرج ليك لعقل انا نحس بشي حاجة من جيهت هاديك ..
جود..."كايتحلف عليه بعينيه" باي "جلسات فمكان امير بعد ما خرج من البار وكاتشوف ف عينين جود بطريقة مثيرة وكاتلعب بخصلات شعرها ...
اسيل...ماتصورش شحال كنت متشوقة لشوفتك خويتي امريكا فجأة وبدون سابق انذار
جود ...علاش لازم نصرح بسفر ديالي ؟!
اسيل..."جراتو من الكول دشوميز وطبعات قبلة فمو " كانظن لازم نفكر بيا ظاهر لي نستيني
جود..."وقف ودفع لحساب وجرها من يدها وخرجو من البار وهي فقمة سعادتها اما هو بالو كولو مع سوسن طلعو فلوطو ديالو وكسيرا فتجاه الفيلا ديالو خارج المدينة ...
#اليوم #المواااالي ••••••••🏜
شرقات شمس جديدة وتسللت اشعتها لغرفة زمرد ناضت بتتاقل كاتجر فرجليها فتجاه الحمام خدات دوش وتوضات وصلت من بعد توجهات لبلاكار خدات فستان طويل بالاكمام فالابيض مع جيلي طويل فالاسود دارت شال فالاسود مع صندالة عالية فالاصفر كتفات بواقي الشمس ومرطب الشفاه تاصلت ب مسعودة وعلمتها تجي لعندها باش تجلس مع محمد رضا بعد ما قطعت الاتصال فيقات محمد دوشاات ليه ولبساتو حوايجو وجمعات الغرفة وتوجهو لمطبخ كاتهز لفطور وفنفس الوقت فتحات البيسي وكاتشوف واش البروفيسور جاك در عليها فعلا رد عليها قرات الايميل وطارت بالفرحة خصوصا انو كايتواجد فالمغرب بعتت ليه ايميل اخر وبدات كاتفطر مع ولدها بعد دقائق وصلت مسعودة خلاتهم وتوجهات لفيلا دجلنار اما عند سوسن صابحة ناعسة بحال كل صباح فيقها من نعاسها رنين الفون حلت عين وسادة عين ردت بدون ماتشوف الرقم وصوتها مدعدع بالنعاس
سوسن..الو
جلنار..الو بون جوغ مادموزيل سوسن
سوسن.."بتدمر " بون جوغ شكون معايا؟!
جلنار...احم ميسيو جلنار
سوسن...قفزات من مكانها ووسعات عينيها شافت الرقم رجعات تكلمات " اااوه ديزولي ميسيو مانتابهتش
جلنار ..."تبسم" ماعليش عادي اذا كان ممكن تجي لشركة
سوسن..."بستغراب " اه معلوم
جلنار...اوك حنا ف نتظارك باي ...."قطع الاتصال وجلسات كاتحك فشعرها وكاتسأل نفسها شنو غايكون باغي منها ناضت بتتاقل كاتجر فرجليها ف تجاه الحمام هزات شعرها ودارت البوني باش ماتفزكوش خدات دوش خفيف ولوات عليها الفوطة وخرجات نشفات لحمها وتوجهات لبلاكار ...لبسات كسوة فوق الركبة فالابيض دراعها عريانين دارت ميكاب خفيف وخلات شعرها على راحتو رشات بارفانها ولبسات صباط بالكعب العالي فالاسود هزات صاكها وتوجهات لمقر الشركة
فتح عينيه ببط وراسو كايحرقو يالا غاينوض وهو يحس بشي حاجة تقيلة مسطحة على جنبو الايسر دور عينيه بالعرض البطيئ ووسعهم على الاخر ثواني عاد دكر بلي اليلة الماضية جاب معاه اسيل دفعها عليه بزعف وتوجه لحمام ناضت كاتكسل لوات عليها ليزار ووقفات كاتمشى على صباعها وتوجهات لحمام حطات يدها على البواني بغات تفتح لباب لكن كان مسدود من الداخل عضات شفاها وعوجات فمها ورجعات لسرير....
اسيل...ياك اسي جود اوك انا بالي طويل هه
مسافة طريق كانت قدام باب الشركة بلاصات السيارة وتوجهات لطابق الخامس ثواني وكانت فالمكتب يالا غاتوقفها سكرتيرة وهو يتفتح لباب....
جلنار...سماح جيبي معاك الكافي "شاف ف سوسن " تفضلي
دخل لمكتب وتبعاتو سوسن من لور كاتمختر وخلات سماح كاتميق فيها وماحاملاش وجودها فالمكتب كان جالس مروان اول ما شافها وقف ومد يدو ...
مروان...بون جوغ
سوسن..."صافحاتو" بون جوغ ميسيو
مروان..ياريت نشيلو الالقاب سوسن هه.
سوسن.."تبسمات " اوك مروان
جلنار ..بلا شك مستغربة من اتصالي ندخلو فالموضوع ديريكت ...
ندخلو فالموضوع ديريكت شركتنا كاتوجد كولكشن لموسم الشتاء وبغينا وجه جديد لي يعرض الكولكشن مروان قتارح علينا تكوني انت الوجه الجديد لهاد الموسم طبعا القرار الاول والاخير كايرجع ليك ....
سوسن...."حالت فمها على اخرو" بصراحة تفاجأت احم كانشكركم على تقتكم فيا وختياركم ليا لكن انا عمر سبق لي درت شي دعاية كانظن بلي ما غانكونش فالمستوى المطلوب و..."قاطعها"...
جلنار..."مد ليها العقد " جهزت العقد بسرعة هه قراي قبل ماتوقعي
سوسن.."خدات ستيلو ووقعات بدون ماتقرا"ماكاين لاش نقرا انا واتقة فيك
جلنار.."مد يدو " مبروك وشكرا على تقتك
سوسن.."صافحاتو" الله يبارك فيك هه
مروان..."صافحها بحرارة "مبروك
سوسن..الله يبارك فيك ...
بعد ما خدا دوش لبس بينوار وخرج من الحمام اول ما شافتو توجهات ليه وحاولات ضمو لكن بعدها عليه ....
اسيل..."تقرصات " صباحووو شيغي
جود.."بصوت رجولي " صباح الخير ...."توجه لدرسينغ وخلاها وراه توجهات لحمام وهي مصممة توقعو وتخليه يموت فيها تخشات تحت الرشاشة وبالها كلو مع جود وكيفاش تخليه يبغيها بعد ما لبس حوايجو حط ليها شيك فيه مبلغ مهم وخرج من الفيلا بعد دقائق خرجات من الحمام لاوية عليها فوطة صغيرة وشعرها مطلوق على راحتو وكايقطر دوراات عينها فالغرفة لكن ما كاينش خلا عطرو وراه ستنشقاتو وقلبها كايرقص سمبا توجهات لسرير هزات الفستان ديالها يالا غاتلبسو وهي تلمح شيك هزاتو وكمشاتو بيدها وكرزاات على سنانها........
زمرد ...يلا البروفيسور ف نتظارنا
الينا..."كاتقلب على يدها " فينك.
زمرد ..."شداات يدها " انا هنا صافي مشينا ؟!
الينا..."خدات نفس عميق " اوك ...."شدات فيدها وخرجو من جناح الينا نزلو فالمصعد لطابق السفلي وخرجو من الفيلا فتاح الوطو من بعيد وتوجهو ليها طلقت من يدها وفتحات باب الوطو ساعداتها تجلس بعد ما جلست مدام الينا جلست جنبها زمرد وديمارات فتجاه الكلنيك......بعد ما وقعو العقد خرج مروان وسوسن من الشركة وتوجهو لاحد المطاعم باش يحتافلو كانت فكرة مروان بعدهم بدقائق جا جود لشركة وخبرو جلنار بلي.وقعو معاها العقد مادار حتى ردت فعل لكن لما خبرو بلي خرجات مع مروان يحتفلو جنون بداو كايشطحو فوق راسو كرز على يدو وعروق رقبتو برزو حس بيه جلنار بلي غار تبسم بدون مايلفت الانتباه...
#بعد #مرور #اسبووووووع•••••
فهاد الاسبوع كانت زمرد مشغولة مع مدام الينا فكل مرة كاتاخدها من الفيلا وتديها لمصحة والبرفيسور جاك كان طول الاسبوع مع زمرد وكايدرسو الحالة بزوج جلنار كان عندو يقين بلي زمرد غاتكون سبب ف شفاء مو وبدا كايتشافى من غدر جنان طول الاسبوع هالك نفسو بالخدمة والصفقات فنفس الاسبوع كانت سوسن كاتمشي لمقر الشركة وكان ف ستقبالها كل يوم فريق كبير كل واحد شنو كايعلمها مروان ما فارقهاش ولا لحظة شي لي كايخلي جود معصب طول الوقت لدرجة خوا الشركة ثلات ايام ما مشى كايحاول ما امكن يتفادة شوفتها أمير وجلنار لاحظو تصرفاتو وعصبيتو زائد وزادو تأكدو بلي سوسن داخلة لدماغو أصيل بدا كايتشافى تدريجيا وبدا كايسترجع عافيتو اما عند عبله توجهات الأمريكا ومانساتش لي وقع ليها وحالفة حتى دمرهم وتحرق قلبهم كيف حرقو قلبها على قولتها......
#الحوار #بالفرنسية
جاك...بعد ما درنا تحليل كانقول من الاحسن غدا تكون العملية
زمرد..."تفاجأت " بهاد السرعة !!
جاك...كل ما سرعنا كل ما كان احسن
زمرد.."تنهدات " اوك لي بان ليك
جاك....اذا تافقنا غدا ان شاء الله غاتكون العملية مع 00: 9 صباحا انا غانعلم الطاق باش يكونو جاهزين ومن نت علمي المريضة اليلة غاتنعس فالمصحة باش فالصباح تكون جاهزة
زمرد.." وقفات " وهو كذلك...
كانت داخل قاعة كبيرة ولابسة فستان قصير معري من صدر وظهر ولابس صندالة عالية وكاتمشى كانها عارضة ازياء محترفة وفالكرسي كان جالس مروان وجنبو شخص كايشوف ف سوسن بإعجاب وكايتكلم بالفرنسية.....
وسام..."كايشوف فيها" اوووه من ضبرتو عليها ؟!
مروان....سر المهنة "غمزو "
وسام...واش وقعتو معاها العقد؟!
مروان...وي قبل اسبوع
وسام...بغيت رقمها
مروان..."شاف فيه " نسى
وسام.."رفع حاجبو " وعلاش بسلامة ؟!
مروان...اذا بغيتي تفادة صداع مع جود فوت ساحتها
وسام...علاش بينهم شي غولاسيون ؟!
مروان...نو
وسام..خاطبها ولا عاقد عليها !!؟
مروان نو مي ...
وسام..."بتهكم " مي شنو واش لي شافها سي جود ديالو "بإصرار " هو لي غاينسى قال ننسى قال .."وقف وتوجه ليها بخطوات تابتة ويديه فجيب اول ما وصل ليه صفق بلاباقة ...
سلطانة...نتي لي منشفة راسك كن خبرنا ميسيو جلنار كن كاع ماتخسري ولدك زائد لازم يكون معاك خلي ايمانك قوي
جنان...اش غايدير بوحدة على حافة الموت "بهستيرية...هئ....هئ ..شوفي حالتي كيف ولات شوفي شوفي شعري كلو طاح ووجهي كي ولا صفر "كاتفحص جسدها بيدها " شوفي حالتي ولاو فيا غير العظومة اش غايدير بيا انا مجرد شبه كاتسمعي شبحححححح...
سلطانة..."تنهدات بحرقة" استغفر الله ياربي تشوف من حالها ..."خرجات من الغرفة وخلاتها كاتبكي ...جلسات فالدروج ودارت راسها بين يدها وكاتخمم ف جنان وشنو الحل...
وسام..."كايصفق" فغيمو بغافووو
سوسن..شكرا
مروان ..باركة عليك هاد النهار سيري رتاحي ومن غدا ان شاء الله غايبدا الصح هه
سوسن.."تبسمات " ان شاء الله
وسام...مد يدو " انا وسام العلوي مدير شركة *** وصديق ميسيو جلنار ومروان
وسام...بعد ما تغيري حوايجك غانتغداو انا ونتي طبعا ادا كان ممكن
سوسن..."مابغاتش تحرجو واخا مارتاحتش ليه " اوك
وسام.."رسم ابتسامة جانبية"تاااانكس انا كانتسناك برا "غمزها " ......خرج مروان ووسام من القاعة وسوسن توجهات لغرفة تغير الملابس لبسات حوايجها عبارة عن سروال بوفو فالاسود مع شوميز فالأبيض خشاتها فالسروال خلات شعرها على راحتو ولبسات صندالة عالية فالاسود وهزات صاكها وخرجات من القاعة وتوجهات لبوابة الرئيسية كان وسام متكي على رونج ديالو وكايتسناها اول ما شافها فتح ليها لباب يالا غاطلع وهو يوقف جود بسيارتو نزل من سيارة كايخنزر فيهم تجاهلات نظراتو وطلعت فرونج مع وسام لي اول ما طلعت سوسن كسيرا فتجاه احد المطاعم وخلا وراه جود غاينفاجر ...
دخل لشركة وهو فقمة غضبو فطريقو تصادف مع مروان لي كان خارج بدورو....
مروان...اهلا جود
جود.."بعصبية "اهلااا
مروان..."لاحظ غضبو " ياك لاباس ؟!
جود...شنو كايدير داك خينة هنا ؟!
مروان..كاتقصد وسام !!
جود..ايه
مروان...وسام زبون مهم واش نسيتي
جود...اهااااه زبوم مهم وبما انو زبون مهم لازم نوفرو ليه كل وسائل الراحة من بينها نقدمو ليه العا....."رد لكلمة من فمو " ..... "مرر يدو على شعرو بعصبية" شنو كادير ديك خيتي معاه ؟!....
مروان...بيلز جود اش هاد الكلام سوسن ماشي بنت زنقة باش توصفها بالعاهرة ثم شنو علاقتك بيها تخرج مع من بغات واش عاقد عليها "بأسف " بلييز ....
جود..."بغضب " حيد من قدامي قبل ما نعصى فيك ربي حييييييد.....
مروان..هاهو محيد "كمل طريقو وخلا وراه بركان علاين وينفاجر طلع لطابق الخامس ودخل المكتب ديالو والغضب متمكن منو ضرب الكرسي برجليه حتى تهز دخلت سكرتيرة على صوت الخبيط وكلها كاترجف
السكرتيرة...ميسيو واش صافا ؟!
جود.."بصوت عالي " خرحي تقو** ....
خرجات من المكتب بخطوات متسارعة بدون ماتلفت وراها سد الباب بل رضخو ورجع جلس فالكرسي ...
الينا..."ببرود " مابغيتش نبني امل فالتالي نتصدم كيف تصدمت قبل
جلنار ..فين عمر الإعلامي والممتلة المشهورة الينا ** كانت ضعيفة ؟! اممم فين هي ديك القوة والعزيمة ؟! فين هي الينا الواتقة من نفسها ولي عندها ايمان قوي ؟! "شد يدها " ماتخليش حادت يهزمك ويزعزع ايمانك عندي يقين وامل فالله وف زمرد وفالبروفيسور جاك ان شاء الله ربي ماغايخيبناش وغاتنجح العملية عقلي مزيان على كلامي ....
الينا..."ببتسامة باهتة " اوك ......
وسام...فالحقيقة ابهرتيني ختيار مروان كان احسن ختيار
سوسن..."ببتسامة صفرا " شكرا
وسام...احم بغيت نتعرف على سوسن اكتر سوسن الانسانة .....
سوسن.."بهتمام" شنو باغي تعرف عليا ؟!
وسام...كلشي
سوسن.."عتدلت فالجلسة " احم لي قدامك سوسن بن عمران عندي 29 سنة تزاديت وترعرعت ف فاس "حسات بالغصة ف حلقها وتحجرو دموع ف عينها دورات راسها هربا من نظراتو وتنهدات بعد ما خدات نفس عميق رجعات شافت فيه " قريت فالمدارس الخاصة خديت الباك وتكلاسيت انا للولة على المستوى الوطني فرحت بزاف ونجاحي ماجاجش غاهاكاك جا بعد سهر ليالي وتعب "نزلت دمعة من عينها " فنفس النهار لي تعلنو فيه نتائج توفاو ولديا و....و هئ...هئ ومشاو وخلاوني ..."مسحات دموعها وخدات نفس عميق ".... بعد موت ولديا عرفت بقيمة الولدين وبقيمة العائلة موتهم خلاتني نشوف ناس خبيثة ومارحمونيش وكانو اقرب ناس ليا "ضحكات بسخرية " هه "شافت فيه " بعد موت ولديا ماتت معاهم سوسن البريئة وتزادت سوسن اخرى سوسن لي قدامك "سي تو "...مابغاتش تزيد تحكي ليه " ...
وسام..."شاف ف عينيها " سوسن البريئة مزال عايشة وهي لي قدامي ماعرفتش شنو وقع ليك لكن لي متأكد منو ان سوسن البريئة مزال عايشة هنا "اشار لقلبها ورجع شاف ف عينها" ورا النظرات الصارمة والغامضة فنفس الوقت حكاية وكانتمنى تيقي فيا وتحكي ليا "مد يدو " ما غانقولش ليك من اول نظرة طحت فيك ونتي واااو و ما ئليه لكن صدقيني شي حاجة فيك جدباتني بحال شي ميغناطيس احم انا بطبعي انسان صريح ودغري ومع الوقت غاتأكدي غانكدب عليك الى قلت ليك سحرك ما أترش فيا "عتدل فالجلسة " ما غانقولش ليك كانتمنى تكون بينا غولاسيوون ولا شي حاجة بحال هاكا انا قصدي شريف وكاندخل من الباب
سوسن.."بستغراب " مافهمتش ؟!
وسام..سي فهمتي غرضي واظح انا وسام العلوي كانطلب يدك على سنة الله ورسوله وكان...."قاطعاتو "....
سوسن...واش واعي لكلام لي كاتقول ؟! "هه كيفاش كاتطلب يدي وانت ما كاتعرفنيش وهادي اول مرة تشوفني فيها !! "بسخرية " ههه زعما الحب من اول نظرة .....
وسام...علاش لا ؟! واش ما كاتأمنيش بالحب من اول نظرة الى اذا كان شي حد ف حياتك
سوسن.."بجدية " ماكاين حتى حد ف حياتي ومزال ما مستعدة يكون و..."قاطعها "
وسام..هذا هو القد 29 سنة كانظن باركة من العزوبية هههه "بجدية " فكري مزيان قبل ماتردي عليا انا مازبانش
سوسن..."بعد تفكير " احم اوك ...
شموخ...شنو هما الاطباق لي كاتحب زمرد؟!
فوزية..."بستغراب " نعام ؟!
شموخ.."غمضات عينها بعصبية وفتحاتهم " قلت شنو هما الاطباق لي كاتحب زمرد "كاتكلم من تحت سنانها وكاتورك على كل حرف " .....
فوزية..."بتلعثم " ك ك كاتبغي الرفيسة كاتحماق عليها و والبسطيلة بفواكه البحر وكاتموت على سلطة المحار "بوزروك" .....
شموخ...امممم ااااخ من الرفيسة عشقي الابدي اوك اليلة غاتجهزي البسطيلة بفواكه البحر مع سلطة المحار وضيفي سلطات اخرى "بتعب " اووف شوفي شنو ديرو العشا المهم يكون عشا فالمستوى والبسطيلة لابد منها مع سلطة المحار "خارجة من المطبخ وكاتكلم"وياااكم من الاخطاء ونقصو من بلا بلا
وصال..."كاتعوجها " نننن نننن نننن ايييخ على كمارة شحال دالاوامر فيها
انتصار..."كاتعوج " لي عطاتو يامو يشالي بكمامو عشنا وشفنا هاااء الخدم ولاو يديرو عشاء خاص على شرفهم
فوزية..."بنبرة قاصية " ظاهر لي زمرد غلطات من دخلت فيك ومنعاتهم يطردوك لكن مزال الحال غاندير لي ما دارتش ياإما تبلعي لسانك زفر ولا غاتلقاي راسك خارج القصر "بحدة " مفهوووم ؟! "بصوت عالي " مفهووم .......
انتصار.."بغيض " مفهوم
فوزية ...يالا لي عندها شي شغل تشوفو ...
بعد ما جابو الينا المصحة جلسات معاها شوية ومن بعد رجعاات لشقة كان امير طول لنهار مشغول فالاجتماعات خدا استراحة وتاصل بيها وعلمها بلي غايتعشاو فالقصر مجموعين بعد اصرار منو وافقات قطعات الاتصال وتوجهات لمحمد رضا كاتلعب معاه عند سوسن نص النهار لخر كامل دوزاتو ف شقتها وف تفكير بعد تفكير تاصلت ب زمرد وخبراتها بعرض وسام .......
زمرد....وشنو رائيك انت ؟!
سوسن..."تنهدات " مامرتاحاش ليه
زمرد...شنو لي خلاك ماترتاحيش ليه !!
سوسن...ماعرفتش احساس
زمرد .."تنهدات "احم لي نقول ليك صلي صلاة الاتسخارة وماتسرعيش خودي الوقت الكاااافي وفكري مزيان عاد ردي عليه
سوسن...."تنهدات برتياح " وهو كذلك
زمرد..."بفرح " فرحت ليك والله ويارب يكوون انسان صالح ويطلع عند حسن ظنا
سوسن..."كاضحك" اوهووووه دغية عشتي دور اخت العروس انا مزال مانفكر على فكرة هههههه "بجدية" ثم مامرتاحاش ليه كيف قلت بون من تما لتما يحن الله انا غانوض ناخد دوش بوسي لي الخنفوش
زمرد...الله يدير لي فيها الخير وكيف قلت ليك صلي صلاة الاستخارة وفكري على مهلك باي عمري
سوسن...باي روحي موواااه...
بعد ساعات خدات دوش وبدات كاتجهز نفسها لبسات فستان طويل فالصابلي مزخرف بالغوز بارد مع فولار فالغوز بارد دارت ميك اب خفيف ولبسات صندالة فالباج عالية وبدات كاتلبس لمحمد رضا حوايجو لبساتو قاميجة فالابيض وسروال كحل مشطات ليه شعرو ودارت ليه لبارفان ديالو وجلسو فالصالة مع مسعودة كايتسناو قدوم أمير بعد دقائق سمعات لكلاكسون دسيارة خرجو من الشقة وطلعو فالسيارة ديال أمير مسافة طريق كانو فالقصر كانت ف ستقبالهم شموخ ....
شموخ..."بفرح " مساااء الخير
أمير..."تجاهلها " مسااؤ بابا
منتصر...مساء الخير
شموخ.."تقرصات " احم مساؤ محمد رضا
محمد رضا...عميتو "تعلق فيها "
زمرد...احم مساء الخير
شموخ..."باستها فخدها " هلا والله بنت عمي تفضلي هذا بيتك ههه .......توجهو لغرفة الجلوس يالا غايجلوس وهي تدخل مهرة كي العجاجة جات كاتجري ف تجاهم ....
مهرة..."تلاحت على منتصر " باباا حبيبي
منتصر."تصدم " بنتي الله ههه اش هاد المفاجأة
مهرة..":كاتبوس يدو " كيف جاتك هه
منتصر...اروع مفاجأة
مهرة.."ضمات امير " خويا حبيبي
أمير..."باس جبينها " أميرتي
مهرة.."ضمات شموخ " شوشو
شموخ.."باتس خدها بحرارة" روحي انت والله وسوتيها
مهرة...ثاني خليجي ههه
شموخ...ههه لابد ما تزهق لي شي كلمة ثم للهجة ماما الله يرحمها ولا نسيتي
مهرة.."تنهدات " الله يرحمها "شافت ف زمرد ومشات ضماتها " مرات خويا وبنت عمي
زمرد...على سلامتك "ضماتها
مهرة..الله يسلمك ..."تحنات عند محمد رضا " روح عميتوووو
محمد رضا...هااااااه
مهرة...اوعدي نسيتي عميتو الخايب اجي لمك اجي "كادغدغ فيه
محمد رضا...ههههههههههههههههههه سطوب بليز
منتصر..."تنهد برتياح " اوووه هذا احسن مساء
شموخ...ولله ...
بعد ما حكات ليهم مهرة عن مغامراتها ف فأمريكا توجهو لغرفة الأكل كانت طاولة عامرة بكل ما لذ وطاب وكاع الاطباق كانو مفضلين عند زمرد لي كانت كاتاكل بشهية وكاتبنن
زمرد...امممممم ياسلام
شموخ..عجبك العشا
زمرد..."فمها عامر " اوووه بزاف
شموخ..."بفرح " صحى وهنا
زمرد ...شكرا
فوزية..."كاتسكب الشربة لمنتصر "على فكرة انسة شموخ سألت على الاطباق لي كاتحبي وهي لي امرتنا نجهزوهم على قبلك
زمرد..."شافت فيها " شكرا "تحنات كاتاكل بحال الى كانت مربوطة
أمير..."كايشوف ف زمرد " روحي بشوية هه
زمرد..." وحلت ليها " كح....كح...كح...
مهرة...هههههه وحلتيها ليها حرام عليك.
شموخ..."مدات ليها كاس الما " أميييير اش بغيتي عندها ثم ماشي هي لي كاتاكل ولدك لي فجعان ههه
زمرد..."خدودها حمارو من الخجل " احم شبعت " خدات كاس الما ونزلت عليه
منتصر...كولي مزيان قال شبعتي ماتديش عليه ضحكو باسل
تعشاو فجهو مرح بعد العشا خرجو لجردة وجابو ليهم اتاي مهرة طلعات لغرفتها ترتاح من طريق طاحت كاو جلسات معاهم زمرد شوية ومن بعد طلبات من امير يرجعها لشقة وخدات معاها مسعودة باش تهتم بمحمد رضا ف غيابها مسافة طريق كانو قدام العمارة...
أمير..وصلنا "غمز زمرد "
زمرد..."مدات سوارت لمسعودة" "مسعودة سبقيني نتي ومحمد رضا انا غانجي
مسعودة..هزاتو " واخا "شافت ف أمير "تصبح على خير اسيدي
أمير...تصبحي على خير ....بعد ما مشات مسعودة تلفتات عندو زمرد....
زمرد...غدا ان شاء الله عندي العملية
أمير..."باس يدها " انا واتق انت قدها وقدود
زمرد.."تنهدات " دعي معايا
أمير..يارب تسهل عليك ماصعاب وكيف قلت ليك انت قدها
زمرد...ماتصورش شحال متحمسة وخايفة ف نفس الوقت
أمير...احم كاتوقع انت خليك هادية وبشوية ثم انا واتق انك قدها وقدود "باس يدها " زمردتي غدا غانسافر لأمريكا لمدة اسبوع تقريبا على قبل واحد المشروع
زمرد.."غرغرو عينيها" اسبوع كامل وانا لي قلت غاتكون جنبي غدا
أمير..."ضمها لصدرو " اااااخ يااااريت كان بيدي صدقيني هذا مشروع مهم بس اذا بغيتي نسمح فيه راحتك هي للولة
زمرد...اهاااااه زعمة "رفعات حاجبها
أمير..."بغضب مصطنع " عندك شك ؟!
زمرد..."ضماتو" ابدااا
أمير..."سرق قبلة من فمها " ااااخ منك نزلي نزلي قبل ما نخطفك صدقيني مابقيتش قادر نصبر
زمرد ..."كاتحيد حزام السلامة بسرعة " اوعدي تصبح على خير "نزلت " هههه
فاقت بطلتنا مبكرة صلت خدات دوش وصلت الفجر وزوج ركعات ودعات ربي يوقف معاها ومايخيبهاش بعد ما صلت بعتت رسالة لبروفيسور من بعد لبست حوايجها سروال جينز فالأبيض مع شوميز طويلة فالكري فولار بيضة دارت واقي شمسي ومرطب الشفاه وتوجهات لمطبخ وجدات ليها قهوة كحلة قاصحة ومسوسة شرباتها ووجدات الفطور لمحمد رضا ومسعودة وصات مسعودة على محمد عاد خرجات توجهات ديريكت لمصحة جلسات مع الينا ساعة تقريبا عاد جا جلنار تكلم معاها قبل العميلة بعد نص ساعة بداو كايجهزوها خداوها لبلوك وزمرد لبسات لباس خاص بغرفة العملية الدكتور لمختص فالتخدير خدر الينا وبدات كاتعد لعشرة قبل ماتوصل لرقم عشرة تخدرات وغابت عن الوعي شافت زمرد ف عين البروفيسور جاك وخدات المشرط يالا غاتحطو عليها وبدات يدها كاترجف والعرق كاينزل منها شاف فيها جاك وتكلم معاها بالعين وعطاها الاشارة ستجمعات قواها وغمضات عينيها ثواني من بعد فتحاتهم وبدات العملية...
بعد اربع ساعات خرجات زمرد من غرفة العمليات ووراه البروفيسور جاك توجهات لغرفة تغير الملابس زولات ليgو من يدها وتوجهات لمغسل غسلات يدها بالصابون وحيدات الكمامة من وجها وتقابلات مع المرايا وداخلها الف سؤال واش العملية نجاحات ؟! ولا فشلت ؟! ..بعد اخد ورد مع نفسها توجهات لبلاكار حيدات الحوايج لي مخصصين لغرفة العمليات ولبساات حوايجها من بعد توجهات لمكتب جاك كان جالس معاه جلنار اول ما شافها وقف وتوجه ليها بخطوات متسارعة
جلنار....زمرد
زمرد...اهلا جلنار
جلنار...اهيلن "كايشوف فيها" واش العملية ناجحة؟!
زمرد..."تنهدات " كانتمنى حنا دابا مزال ما عارفين والو حتى تفيق مدام الينا عاد نقدرو نتأكدو.......
ناضت كاتكسل فوق السرير كي شي قطة وقفات ببطئ وتوجهات لحمام بتتاقل كاتجر فرجليها خدات دوش خفيف وخرجات لاوية عليها الفوطة نشفات لحمها ودهنات كريم لجسمها من بعد لبسات فستان قصير صيفي فالأبيض خلات شعرها على راحتو كتفات بواقي شمس ومرطب شفاه ودارت خط الإلينر فوق عينها رشات بارفانها "شانيل " من بعد لبست صباط بلا فالكحل هزات تيلي ديالها ونزلت لطابق السفلي وخلات غرفتها مقلوبة سفاها على علاه بحال كل صباح ...
فوزية...ونتي مالك على الفضول اممم؟! "نهضات فيها " نوض جمعي غرفتها من لهضرة الخاوية.....
انتصار...اكره حاجة عندي هي نجمع بيتها لي ديما مرون
فوزية...امكن كانخلصوك على الروينة "زفرات " ياربي تصبرني ".......
كانت جالسة فالجردة وكاتهضر ف تيلي....
مهرة..."وسعات عينيها " واااااااات ؟! واش كاتهضري بصح مدام الينا دارت العملية اليوم شكون قالها ليك ؟! وفإنا مصحة هي ؟!......
راضية ...ويلي كاع المواقع كايهضرو عليها شفت الخبر فالانستغرام قالو دارتها هاد صباح ف مصحة ***
مهرة..."وقفات " الله ياربي كيفاش انا اخر من يعلم شكرا بزاف انا لازم نمشي نزورها باي ...."قطعات الخط وشافت ف وصال لي هاز بلاطو صغير فيه فنجان القهوة وكاس الما
وصال...امرك ..."حطات لبلاطو وطلعت لغرفتها خدات مهرة الفنجان رتشفت منو وحطات فوق الطبلة ثواني ورجعات وصال مدات ليها لكلي شكراتها وخرجات من القصر مسافة طريق كانت قدم مصحة...
بلاصات السيارة ودخلت لداخل توجهات الاستقبال وسألتهم عليها نعتو ليها مكانها شكراتهم وتوجهات لمصعد بركات على زر ثواني وكانت فالطابق السادس توجهات لغرفتها ديريكت وقفات قدام باب الغرفة خدات نفس عميق من بعد طرقات لباب
جلنار...دخل " حطات يدها على البواني وفتحات الباب بشوية ودخلت يالا هزات عينيها وهي تشوف زمرد ......
مهرة..."بستغراب " زمرد !!!
زمرد..."تلفتات " مهرة
جلنار .."كايشوف فيهم " احم
مهرة..."تلفتات لعندو " احم بون جوغ ميسيو جلنار
جلنار.."ماعقلش عليها " بون جوغ
مهرة...بلا شك مادكرتنيش ؟! ماعليش انا مهرة بن يزين
جلنار..."صغر عينيه " بن يزين يعني "قاطعاتو
زمرد.."حطات يدها على كتف مهرة" تماما اخت أمير بن يزين وبنت عمي "تبسمات"
جلنار..."مد يدو " متشرف مادموزيل مهرة "عاد دكر " وي سبق لي شفتك ف امريكا
مهرة..."القلوبة كايخرجو من عينها" وي كنت زرت مدام الينا "تلفتات لناحية سرير فين مسطحة الينا " كيف بقات ؟!
جلنار...مزال ما فاقت
مهرة...ان شاء الله خير " شافت ف زمرد" واش نت لي درتي العملية لمدام الينا
زمرد..تمامااا...
داخل استيديو كبير ومعروف عند المشاهير كانت جلسة تصوير والعارضة طبعا سوسن لي لبسات بزاف الموديلات وخداو ليه صور بعد ساعات من العمل وصل الوقت لي ترجع فيه لدارها.....
مروان...اوووه تشغلت عليه كاع...... مدام الينا مامات جلنار كانت عندها اليوم عملية "شاف الساعة " هذا وقت الزيارة لازم نمشي دابا
سوسن..الله ياربي اشمن عملية ؟!
مروان...مدام الينا دارت حادت ف امريكا وفقدات البصر واليوم كانت عندها العملية
سوسن...لازم نزورها يالا نمشيو
مروان..اوك ف سيارة وحدة ولا تبعيني ؟!
وسام..."دخل " لا غير سبقنا سوسن غاتمشي معايا "شاف فيها وتبسم
مروان..."بعدم اهتمام " اوك....
خرج مروان وخلا سوسن متخبطة ف أفكارها يالا بغات ترد على وسام هو يسبقها ....
وسام..مشينا !!
سوسن.."قلبات عينها وكتمت غضبها " اوك
خرجو من الاستديو وطلعو فلوطو ديال وسام فطريق خدا وسام بوكي فلوغ وشكولا مسافة طريق كانو قدام المصحة بلاصة سيارة ونزلو بزوج بيهم توجهو ديريكت الاستقبال عطاوهم نعت وطلعو لطابق السادس طرق وسام الباب وحط يدو على البواني وفتحو تقدم بزوج خطوات ووراه سوسن كانت الغرفة عامرة ف يمين السرير كان جالس جلنار وجنبو مروان والجهة الأخرى كانت زمرد واقفة مع البروفيسور جاك وجنب السرير فالجانب الأيسر كان جالس جود لي اول ما جات عينو عليهم عقد غوباشتو وكرز على يدو .........
وسام..."حط البوكي فوق الكوفوز " مساء الخير....
الكل ما عاد جود / مساء النور
سوسن...توجهات لجلنار " ميسيو جلنار لاباس عليها
جلنار ..."ناض وعطاها مكانو " ماتشوفي باس تفضلي
سوسن...لا لا خليك مرتاح
جلنار ...ولا كلمة تفضلي
سوسن..."تبسمات " شكرا
زمرد..."جلسات جنب سوسن وكايوشوشو " كي داز تصوير ؟!
سوسن.."همسات ليها "وااااعر حتى نمشيو ونوريك صور
زمرد..اوك هه...
كانت الينا جالسة على اعصابها وكاتسنى بفارغ الصبر امتى يزولو ليها الضمامة من عينها وقف تلفت البروفيسور جيهت زمرد وغمزها وقفات وتوجهات لسرير وشافت ف جلنار......
زمرد...على بركة الله ...."تقدمات ناحيتها وحطات يدها على ضماضة قالت بسم الله وبدات كاتزولها ويدها كايرجفو وقلبها كايضرب جلنار كانت متبع كل حركة من حركات زمرد وقلبو غايوقف والبروفيسور جاك ما حيدش عينيه على زمرد لي يدها كانو كايرجفو والتوتر ظاهر عليها مروان كان حاط يدو على كتف جلنار وكايحاول يهدنو سوسن واخا اول مرة غاتشوف الينا الى انها كانت كاتدعي معاها فخاطرها ومتوترة كأنها كاتعرفها من زمان وهي بدورها ماهزاتش عينيها على زمرد اما جود كان مقسوم بين الينا وسوسن كل مرة كايخطف نظرة وكايخنزر ف وسام لي لاصق جنبها ..
ثواني مرو عليهم كأنهم سنوات خصوصا عند زمرد وجلنار حتى جود واخا شغلاتو سوسن لكن قلبو كان مع الينا بعد ما زولت ليها زمرد ضماضة طلبت منها تفتح عينها ....
زمرد...."ثلاثة ...زوج ....واحد....مدام فتحي عينيك ...."الكل كايشوف فتجاه الينا ومتلهفين يعرفو نتيجة جلنار لون تخطف من وجهو وولا على اخرو زمرد كانت كارزة يدها وكاتدعي الله فسرها بقات الينا مغمضة عينها لدقائق حتى بداو يفقدو اعصابهم...
جلنار...ماما فتحي عينيك بليزززز......"بعد انتضار لي دام لدقائق ستجمعات قواها وبدات كاتفتح عينها بشوية فتحاتهم ووجها خالي من اي تعبير.....
جلنار..."بلهفة " ماماااااا .....
زمرد.."قلبها كايضرب " مدام لينا واش كاتشوفينا ؟!
الينا ...الصمت
جاك..."بالفرنسية "مدام الينا واش كاتشوفينا ؟!
جود..."شد يدها وباسها " خالتي " تكلمي بليزز
جلنار..."فقد اعصابو " مامااا بليز تكلمي
نزلت دمعة حارة على خدها وتبعاتها دمعة اخرى كتمات شهقتها بيدها وكادور راسها يمين وشمال جلنار كأن سطل الما طايب تكب عليه فهم من حركتها انها مانجحاتش العملية ضرب الكرسي برجلو حتى تلاح ناض جود بسرعة وقف جنبو وشد يدو بين ما الكل مصدوم نطقات الينا بكلمات متقاطعة ....
وسام..اوكي انا فالسيارة "شاف فالكل " سيادنا امسية سعيدة ....."خرج من الغرفة نافخ ريشو وهاز خنافرو فالسما وحد ما عاجبو توجه لمصعد برك على زر ونزل لطابق السفلي خرجات سوسن وزمرد من الغرفة كايوشوشو تحت انظار جود لي غير ما كايزيد يتعصب بسبب وسام وتصرفاتو المستفزة خرج وراهم بخطوات تابتة وعينيه على سوسن لي واقفة قدام المصعد مع زمرد وكاضحك من قلبها فلحظة نسى غضبو وسها ف ضحكتها بعد ثواني تعانقات هي وزمرد زمرد توجهات لمكتبها الخاص وسوسن تلفتات ناحية المصعد وبركات على زر يالا دخلت وقبل ما تسد الباب دخل جود وفأخر لحظة شافتو ووسعات عينها...
رفقا بي يا جلادي الجزء 13
محتوى القصة
التنقل بين الأجزاء