"برك على زر ووقف المصعد ورجع شاف فيها وكايقرب منها ف نفس الوقت رجعات لور حتى لصقات على المرايا لي فالمصعد قرب منها حتى تخلطو انفاسهم وحاصرها بيديه حسات بالخطر وولات كاترجف لدرجة نتابه لخرفها شي لي خلاه يبتسم ابتسامة جانبية
جود..."بغرور " اوووه ما كنتش عارف بلي عندي تأتير لهاد درجة عندك " كايشوف ف شفاها "...
سوسن...."برتباك "علاش باب المصعد مزال ماتفتح شنو درتي وكف....."قاطعها بقبلة عنيفة قطعات فيها نفس بدات كاتضرب بيدها على صدرو بقوة باش يبعد لكن كان حاكمها وتعمق ف قبلتو ماتجاوباتش معاه بالمرة شي لي خلاه يعض شفتها التحتية بقوة باش تحل فمها اول ماعضها صرخت بألم وفتحات فمها كان كاتم صرختها بفمو لي كايلتهم فمها اول ماسمحت ليه الفرصة خشى لسانو داخل تغرها وكايكتشف كل قنت فيه وفنفس الوقت كايمص لسانهاورحيق تغرها وسعات عينها ويدها كايضربو فصدرو ماطلق منها حتى حس بيها كاتخنق بالمعقول بعد عليها وكاينهج حطات ديها على صدرها ورفعات راسها الفوق كاتلتقط انفاسها ثواني وتلفتات لعندو والغضب متمكن منها رفعات يدها لفوق ونزلت عليه لوجه بكل قوتها.....
جود..."حط يدو على خدو وعينيه حمرين كيف جمر " اشنو درتي ؟!!" بعصبية"......حلال على غيري وحرام عليا ؟!
سوسن .."تحجرو دموع ف عينها " بزاف عليك اقليل ترابي هاديك مك لي كاتحلل فمها لرعاوين بحالك...."ماشعرش براسو حتى نزل عليها لوجه اكره حاجة عندو ولي مايمكنش يتسامح فيها هي يجبد ليه شي حد مو بسوء حطات يدها على خدها....
سوسن...الله ياخد فيك الحق الحيوان...
جود..."بعصبية"باش حسن مني زا** دوسام
سوسن..."بستفزاز" راجل عليك...
جود.."زير على الفك ديالها " دابا داك زا** راجل عليا ؟! "كايمرر يدو على خصرها " ماشي ظلم هذا كيفاش تحكمي بلا ماتجربي اممم " همس فودنها" كانأكد ليك اول ماتجربي غاتغيري رائيك "بسخرية "وبما انك للجميع ف منحقي ناخد نصيبي "طبع قبلة ف عنقها بعنف ماطلق منها حتى خلا اتر همجيتو بعد عليها وكاينهج وولا على اخر ومتحكم فنفسو بزز رجعات لور بزوج خطوات ونزلو دموعها على خدها مسحاتهم بالخف وتوجهات لباب المصعد كاتبرك على زر مابقاتش قادرة تستحمل كلامو جرحها وهانها بزاف فضلات انها تلتزم صمت على انها تجاوبو بدات كاتبرك على الازرار بعصبية لكن ما تفتحش الباب حسات بالخنقة وبنفسها غاتقطع لاحت صاك من يدها وبدات كاضرب الباب بيدها بكل قوتها ودموعها نازلين
سوسن....حلوووووو...حلوو البااااب...واش كاتسمعوني !! هئ..هءهءهء حلوووو..." وقف وراها وانفاسو حارة كاضرب فعنقها ستنشقات عطرو وتغلل داخلها حسات بالإشمئزاز كحازت منو بدون ماتلفت زاد قرب منها حتى لصق عليها طول يدو وحطها على احد الأزرار ثواني وتفتح الباب خرجات من المصعد بسرعة اول ما خرجات الهواء داعب وجها خدات نفس وتمشاات فتجاه الباب بخطوات متسارعة بدون ماتلفت وراها كان وسام ف نتظارها طلعت فلوطو بدون ماتكلم طلع جنبها وسام وبدا كايسألها على سبب تأخيرها ماشعراتش حتى نهضات فيه....
سوسن..."بصوت عالي " بلييز رجعني لشركة باش ناخد سيارتي وبلا كترت الكلام...
وسام...سوسن مالك !!
سوسن..."كاتقاوم دموعها" بليز وسام ماقادراش نهضر
وسام...اوك على راحتك رتاحي "خدا قرعة الما صغيرة ومدها ليها شداتها من عندو ونزلت عليها خواتها ولاحتها من نافدة سيارة بعصبية مسافة طريق كانو قدام باب شركة نزلت من لوطو شكراتو وطلعت ف سيارتها وكسيرات ف تجاه شقتها وخلات وراها وسام مستغرب من عصبيتها .......
#بعد #مرور #اربعة #ايام
خرجات مدام الينا من المصحة ورجعات لفيلا والفرحة ما سايعاهاش بعد ما سترجعات بصرها نفس الشيئ عند جلنار كان فرحان بزاف بشفاء الينا طول هاد الاربعة ايام كان جنبها وكايتبع الخدمة من الدار جود ومروان كانو قايمين بالواجب خصوصا مروان لي كان حاط تركيزو على الكولكشن دالشتا وفنفس الوقت كايجهز للحفل لي غايكون من هنا لومين غايحتافلو بالشركة لي جمعت بين جلنار وجود وأمير وبتوقيع العقد مع سوسن لي قدمات كل ماعندها فجلسة التصوير وبهراتهم من النهار لي والقبلة لي خدا منها جود مابقات شافتو زمرد كانت فرحانة بنجاح العملية وطول النهار مع أمير ف تيلي مهرة ولا مرة فارق جلنار فارق بالها فرحت بالصداقة لي بينو وبين جود هاكا غاتكون قريبا منو على قولتها...
وفنفس الوقت فرحات حيت زمرد لي دارت العملية والفرحة الاكبر لما وصلتها دعوة حضور الحفل الفرحة ما ساعتهاش طول هاد الاربع ايام كانت كاتقلب فالأنترنيت على فستان سهرة يكون واااو عكس شموخ لي وصلتها الدعوة بدورها لكن ماهتمتش ليها كانت مرة مرة كاتفكر ف بدر وفلا كمياء لي مابينهمش فكل ما كادكر المشاحنات لي بينهم كاترسم بسمة على شفاها لكن سرعان ما كاتجمعها وتزفر بعصبية مع طرد الافكار ...
زمرد...انا ثاني على ناس ولاو مهمين وكايتنضمو حفلات على شرفهم ههه
سوسن..."بتدمر " اووووف انا فين ونتي فين
زمرد...ثاني وسام يابنتي قلت لك اذا كنت مرتاحة له وفكرتي مزيان توكلي على الله ثم انا سبق لي شفتو شاب غزال طولة وتجريدة وتبوكيصة ومدير من الفوق شكون بحالك 😂
سوسن...كاطنزي عليا يااااك🙄 !!
زمرد... اوووف منك اوف اش وصلنا لشي طنز
سوسن.."لوات معاها بقرصة " لا نتي ظهر لي توحشتي قريصي ...
زمرد..."كاتلوا بين يدها " رساي البقرة رساي تفوووو عليك هههههههههههههههههه
سوسن.."بعدت عليها كاتنهج" والله هيلا قالت ليك مدير وطولة وتجريدة همممم ...
دردشو لمدة ساعة ونصف بعد ماشبعو هضرة توادعو وتوجهات زمرد لشقتها وفطريقها خدات معاها محمد رضا من الإيكول دارو لكوطي وفتحات البيسي كاتبحت وجنبها فنجان القهوة مرة مرة كاترتشف منو فالجانب الاخر جالس محمد رضا وخاشي راسو ف طابليت كايتفرج ف فلم كارتو وكايضحك بصوت عالي ومن قلبو فمكان اخر كانت سوسن غادية جاية كاتفكر ف عرض وسام لي رجع فاتحها فالموضوع بعد تفكير طويل توجهات المظبخ وخشات راسها فالثلاجة كاتخشي فوجها متجاهلة التفكير ف وسام وف غيرو ......
#بعد #يومين ••••••
#اليوم #الموعود ••• الحفل 💃 •••
ف فيلا جلنار وبضبط فالجردة لي كاطل على البحر كانو ناس من نخبة المجتمع منهم وزراء وفنانين ومنهم مغاربة واجانب كانت الجرد كبيرة ومساحتها شاسعة مزينة بطريقة رااائعة وراقية كانو الحضور كايدردشو مع بعضهم وهم فأبهة حلى وشي كايبان على شي رفضات زمرد تحضر للحفل ودارت محمد رضا سبة اما عند مهرة كانت فغرفتها وواقفة قدام المرايا كاتوضع المسات الأخيرة وكاتزرب ف نفس الوقت بعد ما وضعات المسات الأخيرة وقفات كاتشوف ف شكلها وكيف طلعات...
بعد ما وضعت المسات الأخيرة هزات حقيبتها اليدوية وخرجات من القصر فمكان اخر كانت سوسن قدام المرايا وكاتزرب وقدام باب العمارة كان وسام متكي على لوطو ديالو وكايتسناها وهو على اعصابو بعد دقائق كملت من وضع الميكاب رشات بارفانها وشافت فالمريا للمرة الأخيرة هزات حقيبتها اليدوية وخرجات من شقة توجهات لمصعد اول مابركت على زر دكرات جود وكلامو الجارح كرزات على يدها وخدات نفس عميق ثواني كانت قدام وسام لي اول ما شافها بدا كايصفر وكايطلع فيها وينزل بإعجاب تبسمات بزز فتح ليها باب الوطو وطلعت مسافة طريق كانو قدام باب الفيلا قدام الباب كان بلان بسيارات الفارهة وحشد كبير من الصحافة والبودي كارد دالوزراء لي حاضرين اول ما وقفت سيارة وسام مشى احد حراس الفيلا كايجري حل ليه الباب نزل نافخ ريشو والدنيا ما سايعاهش نزلت بعدو سوسن حالة فمها فالسيارات الفارهة لي قدامها ومن الكم الهائل دالصحافة توجه ليها وسام وفتح دراعو فنفس الحظة وصلت سيارة مهرة ووراها سيارة جود نزلو فنفس الحظة اول ما جات عينو على وسام وسوسن كرز على يدو توجهات ليه مهرة لي ما على بالها بوالو وشدات فدراعو دخل جود ومهرة هما للولين والصحافة شي كايصور فيهم وشي كايجري باش يتكلم معاهم البودي كارد تكلف بالصحافة وجود ومهرة كملو طريقهم ووراهم وسام هاز خنافرو لمسا سابعة دخلو لداخل وكاع الاعين تسلطو عليهم ..
توجه جود لعند الينا وجلنار ومهرة شادة فيه وعينها على جلنار ووراهم وسام وسوسن لي توجهو بدورهم لعند جلنار .....
جود.."باس يد الينا" اووووه القمر طل علينا
الينا....اااخ منك اااخ جاي تاكل دماغي بزوج كلمات باش نسمح ليك
جود...كلو من جلنار غرقني وخلاني ادا كان لابد من العقاب فلازم يتعاقب هو هه
الينا...الله يسامح ههه
جود...اهاااا القضية فيها جلنار
الينا..."ضماتهم بزوج " الله لا يحرمني منكم
جود / جلنار ... "باسو يدها " امين
وسام..."باس يدها بلاباقة " منورة مدام
الينا...شكرا
سوسن..."سلمت عليها بلاباقة " فرحة بشوفتك مرة ثانية
الينا...شكرا ابنتي
مهرة...احم وانا نفس شيئ فرحانة بشوفتك
الينا...صوتك ما غريبش عليا انت .....
جود..."ضم مهرة " هادي مهرة بنت عمي والمدللة دالعائلة هه
الينا..."باستها فخدها " اهاااا واخيرا شفت ملامحك غزالة ما شاء الله
مهرة.."بخجل " عيونك
بين ماهما كايصبغو بعضهم كانت سوسن كاتعوج فمها حيت نساوها وفنفس الوقت كاتخنزر ف جود لي ماهزش عينيه عليها وجودو قربها كايخنقها شافت ف وسام وتكلمت ....
سوسن...وسام بغيت الحمام
وسام...اه اوك " شير على وحدة من سرباية جات لعندهم بخطوات متسارعة ..لو سمحتي خودي لانسة لحمام ...
.....اوك ميسيو "شافت فيها '" تفضلي
سوسن..شكرا ...."نساحبات بدون ماتلفت الانتباه تمشات ورا البنت دخلو لداخل الفيلا كانت كاتمشى وراها وكاتبركك فنفس الوقت الأتات وديكور عجبوها بزاف ....
....انسة ...انسة
سوسن.."عاد نتابهات" هااااه....
...."اشارت ليها " هذا الحمام
سوسن..."تبسمات " شكرااا. .......
دخلت لحمام كان كبير بتصميم اوروبي قضات حاجتها وغسلت يدها وتقابلت مع المرايا كاتعاود لعكر من بعد رشات بارفانها عاد خرجت منو...
جلنار...فين هي سوسن ؟!
وسام...فالحمام
مهرة...هاهي جاية
الينا....هاد البنت شحال زوينة دخلت ليا لخاطري
وسام..."كايشوف فجود " سوسن عندها سحر خاص ودغية كاتسلب القلوب
سوسن...سمحو ليا تعطلت
مروان.."عاد لتحق بيهم " جلنار... مدير شركة *** باغي يتعرف على سوسن
جلنار ...اها بزاف الناس باغين يتعرفو عليها عن قرب "فتح دراعو " ادا سمحتي غانخطفك هه
سوسن..."حطات يدها فدراعو وتبسمات" هه "توجه جلنار لعند الحضور ومعاه سوسن عرفها على بعض الوزراء ومدراء الشركات والينا توجهات لعند صحباتها كايتكلمو بين ما مروان لتحق ب جلنار اما مهرة توجهات لحمام تعاود الميكاب والغيرة والغضب متمكنين منها بقى غير جود ووسام وواحد ما حامل لاخر يالا غايمشي وسام لعند سوسن وهو يوقفو جود بصوتو ....
جود..."همس فودنيه " ياإما غاتفوت ساحة سوسن ولا غانخليك تندم...
وسام ..ضحك بستفزاز " لا والله وشنو لي خلاك تمنعني اممم !! مراتك لااا خطيبتك كذلك لا "بتحدي " سوسن ماشي ديالك وعمرها تكون ديالك كاتسمع
جود..."يلا بغى ينزل عليه وهو يحبس " كانقسم ليك عمرها تكون ليك انا عارف علاش لاصق فيها باغي ترد ليا صرف "بستهزاء " هه شنو ذنبي انا اذا ماريا خلاتك ولاحت راسها عليا اممم "غمزو "
وسام....ماريا كنت قنعت منها ولحتها ليك بما انك متعود تاخد شياطة ديالي غانلوح ليك حتى سوسن مي ماشي دابا حتى نشبع مزال ما شبعت اااااخ لو تعرف شحال حلوة ونااار فالفراش هه ....
...كرز على يدو وسنانو فنفس الوقت وعروق رقبتو برزو وصدرو كايطلع وينزل تلفت وشاف ف تجاه سوسن شاف فيها بغضب ورجع شاف ف عينين وسام لي راسم ابتسامة صاخرة على شفاهو ......
جود...."من تحت سنانو " عندك الزهر الحفل جلنار لي منضمو اما كن دفنتك وانت واقف لكن مزال الوقت غير صبر عليا "ضربو بالكتف وتوجه لبلاصة فين كاين المشروبات شرب كاس ورا كاس وعينيه مراقبين سوسن وفين ما صافحات شي راجل وضحكات كايزير على الكاس حتى تهرز بين يديه ودمو نزل شافو السرباي ومشى كايجري شد يدو..
.....سيدي يدك كاتنزف
جود...بعصبية" ديها فراسك
....لكن كاتنزف لازم تخيط
جود...الى ماطرتيش من قدامي انت لي غاتخيط ...."حمر فيه ورجع شاف ف سوسن لي ملهية مع الناس لاحظو بعض الحضور يدو كاتنزف وبداو كايتهامسو خرج من الجردة وتوجه لحمام حط يدو فلافابو وطلق عليها الما كان الجرج غارق شوية ودم ماحبسش خرج من الحمام وفطريقو صادف وحدة من السربايات هازة شي مناديل دالمطبخ خدا منها واحد ولواه على يدو يالا غايخرج وهو يشوف سوسن جايا ف تجاهو كانت باغية لحمام غير شافتو كحلات بالعمى لكن ما بيناتش ليه كملت طريقها كأنه ما كاينش تجاهلها ليه زاد عصبو جدبها من دراعها بقوة ولصقها مع الحيط وحاصرها بيده ...
سوسن..."بعصبية " طلق مني طلللللللق.....
جود...باش حسني مني باش
سوسن...قلت لك طلق مني البشار ولا قسما بالله حتى نجمع عليك الناس
جود..."بحدة" انا لي كانقسم ليك اذا شفتك مزال مع داك الكلب دوسام غانيحك
سوسن...باش من صيفية باااااش ثم كيفاش تمنع عليا وسام وهو خطيبي وقريب عرسنا "ماشعراتش حتى قالتها وكاتشوف فيه بحدة"
رخف من يدها ورجع بزوج خطوات الور مرر يدو على شعرو بعصبية واليد لخرا مزال كاتنزف شاف فيها وتكلم....
جود...مايمكنش كاتكدبي
سوسن...علااااش غانكدب ثم شكون انت حتى نكدب عليك "زفرات بعصبية" بعد من طريقي وماتبقاش توريني خليقتك فالطالعة والنازلة..."ضرباتو بكتافها وكملت طريقها وخلاتو حال فمو ومزال ماستوعب شي لي قالت بعد دقائق رجل للحفل وكلام كايتردد فمسامعو غسلت وجها بالما بارد وبقات شحال وهي كاتفكر خدات نفس عميق وتكلمت
سوسن...هذا احسن قرار اصلا هاد شي لي خاصو يكون ...مسحت وجها من الما ودارت الميكاب ورجعات للحفل كانو عينين مهرة عليها وكاترمقها بنظرات ماكاتفسرش توجهات سوسن لمكان فين واقف وسام لي غير شافها بدا يتبسم وقفات قبالتو ستجمعات قواها وتكلمت.....
سوسن..موافقة
وسام..."بستعباط " مافهمتش
سوسن...احم سبق ليك وطلبتيني لزواج وانا موافقة بس قبل لازم تعرف شكون انا .."شافت فالحضور ورجعات شافت فيه " جل الناس هنا عارفين بلي كنت فيوم من الايام راقصة فأحد الكبرهات و..."قاطعها"
وسام...شششششت ماكايهمنيش شنو كنتي الماضي ملكك والحاضر ملكي
سوسن..و واش م ماغاتخجلش فيوم من الايام من الماضي ديالي
وسام...."شد يدها ووقف الوسط بعد ما خدا كاس ومعلقة وضرب فالكاس باش يلفت انتباه الحضور بما انا الموسيقى كانت هادئة كلشي تلفت ناحيتو .....
وسام...احم احم كانتأسف على المقاطعة اليلة كيف كاتعرفو ليلة احتفال بشراكت اخي وصديقي جلنار مع زوج الرجال لي ولاو رقم صعب طبعا كانقصد ميسيو جاد "ضحك ضحة صفرا " وميسيو أمير بن يزين لي ماكاينش بينا زائد الاحتفال بالعارضة المتألقة ديما سوسن .....الفترحة من المفروض فرحتين لكن اليلة استسناء الفرحة ثلات فرحات...
اليلة كانطلب يد الانسة سوسن بن عمران بغيت نشارك فرحتي معاكم وبغيت نقول ليها بلي كانبغيها بزاف وحبي ليها كايكبر يوم بعد يوم "باس يدها " ....اول ما باس يدها بداو الضيوف كايصفقو شي فرحان وشي غيران اما عند جود وصل للحد ومابقاش قادر يستحمل هو الوحيد لي عارف شحال منافق وكداب عاد من شوية كان كايهضر عليها بسوء ودابا كايعبر على حبو كان باغي ينوض ويهرس ليه وجهو قدام الناس لكن ضغط على نفسو اما مهرة كانت ف غاية سعادة قبل دقائق كانت غيرانة منها وخايفة تاخد منها جلنار لكن وسام ريحها بهاد الخبرة مع دلك حسات بالغبطة وتمنات كن جلنار قال ليها نفس الكلام لي قالو وسام لسوسن سوسن كانت مرفوعة ومتخبطة فأفكرها ولسانها تعقد تحت تصفيق الحضور حيد وسام خاتم من يدو ولبسو ليها تحت انظار الكل ..... بداو ناس كايتقدمو فتجاهم وكايباركو ليهم واولهم جلنار كاع الحضور بارك ليكم والصحافة ماقصروش خداو ليهم صور و فيديوهات بعد دقائق لقى جلنار الكلمة وعبر على سعادتو بشراكة مع صديق عمرو جود وأمير كما عبر على سعادتو بتعاقد مع سوسن بارك ليهم واخا ما كانش راضي فكل مرة كايشوف فجود لي الغضب ظاهر عليه بعد دقائق تعشاو وبداو الناس كاينساحبو ....
سوسن...وسام يالا
وسام...كانت كايتكلم مع شخص مد ليها لكونطاك " عمري سبقيني لسيارة
سوسن..احم اوك ....ودعات الينا وتوجهات لبارك يالا غاتفتح سيارة وهي تحط يد على فمها وكتمات صوتها طاح لكونطاك من يدها من كترت الخوف يالا بغاتشوف شكون شدها لكن منعها وجرها لسيارتو فتحها من بعيد اول ماوصل دفعها اداخل وجلس جنبها غير شافتو الجنون بداو يشطحو فوق راسها
طول الطريق كانت كاتغوت وكاتسب فيه لكن ماهتمش وكمل طريقو والابتسامة على شفاهو اكتر من ساعتين وهو سايق عيات وحطات راسها على زاجة ديال نافدة وغفات بين ما وسام كان قالب دنيا عليها وبلغ الشرطة وشكم بجود خصوصا من لقا لكونطاك دسيارة مليوح فالاوض زاد تأكد بلي تخطفات بعد ساعتين بلاصة سيارة قدام دار فوق الجبل ومعزولة على السكان يالا غايهزها بين دراعو وهي تفتح عينها ووسعاتهم ......
جود..."جدبها لعندو وهزها بين دراعو "...مرحبا بيك ف مملكتك "رسم على شفاهو ابتسامة صاخرة"....
سوسن..."كاضرب صدرو " نزلني ...قلت لك نزلني ........"كمل طريقو فتجاه الباب وهي كانت كاتتفركل بين يديه وكاضربو لصدرو وصوتها واصل لاخر دنيا فتح الباب بالمفتاح ودخل لدار شعل ضو وهي مزال بين دراعو...طلع فالدروج ودخل لأول غرفة جات قدامو حطها فوق السرير ورجع بلور...
جلنار...."بنفاد صبر " وساااااااااام.....
وسام..."بعصبية " شنو غاتغطي عليه امممم "بصخرية " اكيد غاتغطي عليه طبعا هو صاحبك لكن خليك اكيد مستحيل ندوزها ليه عندي يقين بلي هو ورا اختطاف سوسن
مروان...‘سااام ماتزيدش فيه علاش غايخطفها
وسام ..انا لي عاررف واخااا غاتغطيو عليه غانفضحو وغانخليه يعفن فالعرجات ../احد السجود / ..."خرج ورضخ الباب وعلى شفاهو ابتسامة خبيثة وكايقول فداخلو واخيرا ليقت من نشدك اجود ........
جلنار..."غادي جاي " الله ياربي اش هاد الحالة وسام ما غايتهنا حتى ينوض شي كارته
مروان...على اساس مانوضهاش راه علم الشرطة واكد بلي جود لي خطفها
جلنار...اعلا مافخيلو يركب عليه زائد ماعندو حتى ذليل
سوسن..."وقفات ودفعاتو " غاندمك كاتسمع غاندمك عند بالك سايبة والبلاد ما فيها قانون
جود .."بستفزاز " انا هو القانون "غمزها "
سوسن.."بنفاد صبر " بعد من طريقي بعدددددد "توجهات لباب الغرفة جرها من دراعها ورجعها لسرير" ....
جود...ماعندك فين غاتمشي سمعي الكلام ازوينة وخليني زوين معاك "شاف ف عينها " اوكي ؟!!!... "خدا ليها تيلي من يدها لي كان طافي دارو فجيبو وبعد عليها " بون نوي وفالصباح تقدري طرحي الاسئلة لي بغيتي ...."خرج من الغرفة وسد الباب بالمفتاح وخلاها كاتركل وكاتغوت غوتات عيات وضرباات الباب بيدها حتى تقادة جهدها عاد رجعات لسرير وتكماش عاقدة حجبانها... والغضب مسيطر عليها نزل لمطبخ فتح التلاجة كانت كاتصفر سد بابها وتوجه لمكان الاواني خدا كاس وتوجه لصنبور شرب الما وخرج من المطبخ توجه لصالة تسطح فوق الكانابي وحاط يدو تحت راسو وكايخمم....
جلنار ...نوض تهز
الحارس... " قفز على صوتو " س سمح ليا اسيدي " وقف كايتفتف "
جلنار...رد ليا التسجيل
الحارس 2 ..اشمن تسجيل اسيدي ؟!
جلنار...الكاميرات لي فالبارك بغيت تسجيلاتهم
الحارس 1 ..امرك سيدي ...."توجه الحارس للحاسوب وفتحو بدا كايقلب حتى لقاهم تحنى جلنار ومروان وكايشوفو كانت الامور هادية بعد ثواني بانت سوسن متوجهة لسيارة وسام لحظات وبان جود جاها من لور وسد فمها وجرها معاه بعد ماكتم صوتها خرج مروان عينيه كان مصدوم عكس جلنار لي كان متأكد 100% بلي جود ورا ختفائها المفاجئ...
جلنار...نبغي هاد التسجيل يولي فخبر كان كاتسمع "بتهديد " وياويلك يشوفو شي حد دابا غاتخلصو منو وقدامي
الحارس...امرك سيدي ...."بدا خدمتو تحت انظار جلنار ومروان " بعد تخلصو من التسجيل رجعو لفيلا ومروان ماسكتش من الاسئلة .........
#اصبحنا #واصبح #الملك #لله🏜
فاقت على اشعة الشمس كاداعب وجها كمشات عينيها ودارت لغطاء فوق راسها هربا من اشعة الشمس بعد دقائق ناضت قافزة جلسات فطرف السرير ووسعاات عينها .....فمكان اخر كانت زمرد كاتوجد الفطور وعقلها كلو مع أمير لي توحشاتو توجهات لثلاجة خدات منها الحليب #ماشي #سنطرال #حتى #هي #مقاطعة😂😂 وكباتو فالكاسرونة ودارتو يسخن وجلسات كاتشوف فيه كايسخن فوق النار وقلبها شاعلة نارو كتر من النار لي تحت الحليب نزلت دمعة على خدها مسحاتها بالخف وتنهدات حسات بإحساس غريب وشمات عطرو لي تغلغل وتخلط مع انفاسها خشا راسو فعنقها وضمها من لو قلبها تهز ماحساتش بالخوف كانت متأكدة بلي هو حطات يدها فوق يدو وغمضات عينيها.....
أمير..."همس " توحشتكككككك...
زمرد..."تسلات من يدو وتلفات ليه " أمييير
وقفات وتوجهات لباب يالا غاتبدا تخبط وهو يتفتح لباب كان هاز بلاطو فيدو فيه القهوة وعصير ليمون والخبز المحمص ولأومليط مع الفرماج وسلاد فخوي واخيرا كاس الما سد لباب برجلو وعينيه ف عينيها حط لبلاطو فوق الطبلة الزجاجية ورجع شاف فيها
جود.."بصوت رجولي " صباح الخير
سوسن.."بعصبية " صبحاتو للله ...
كان جالس فالمكتب ديالو وهاز فيدو الجريدة وعينيه على العنوان لي مكتوب بالبند العريض
#تألقت #كل #من #الجميلة #سوسن #بن #عمران #وهي #عارضة #ازياء #وسيدة #الأعمال #مهرة #بالفستان #الاسود #فمن #الاجمل ؟!!.....وتحت العنوان ناشرين صورة سوسن ومهرة وبزوج بيهم لابسين نفس الون وكاتبين فوق الصورة بعض الاسطر ركزة على صورة وشاف ف مهرة شوفة مطولة وماكاتفسرش بعد دقائق رما الجريدة من يدو ووقف كارز على يدو بعصبية وصدرو كايطلع وينزل توجه لبالكو كايحاول يلتقط انفاسو حس بالخنقة......
جلنار..."بصوت مبحوح " كلكم بحال بحال كلكمممممممم........"ضرب يدو مع الحيط
أمير..."كايشوف ف عينيها " نفهم ماتوحشتنيش ؟!
ماحساتش براسها حتى ترمات عليه وعنقاتو بقوة وابتسامة عريضة على شفاها ضمها بدورو وزير عليها وخشى راسو ف عنقها كايشم عطرها لي فتاقدو لمدة اسبوع بعدات عليه وشافت فيه....
زمرد....امتى جيتي ؟!...وكيفاش دخلتي بلا ما نسمعك ؟!... وعلاش ما علمتنيش من قبل ؟! وكيفا......."قاطعها بقبلة طويلة على شفاها قطع فيها نفس بعد ما تفنن فمص شفاها بعد عليها والابتسامة على شافهو " ....
أمير...وحدة وحدة...هه جيت هاد الصباح من المطار لعندك مابغيتش ندق واش نسيتي بلي المفتاح عندي دخلت بشوية مابغيتش ندير لحس قلت غاتكوني مزال ناعسة لكن طلعت غالط مراتي الغزالة حادكة "كايقرب منها
رجعات بزوج خطوات لوراء وشهقات "...
زمرد...ويلي ويلي "حطاات يدها على شعرها " شعري عريان "ورجعات حطات يدها على فمها ودكرت القبلة"الله ياربي "رفعات راسها لسقف" ياربي تسمح ليا...."دفعاتو ومشات كاتجري فتجاه الغرفة والحليب لي كان فوق النار فاض خلات امير كايتشتت بالضحك من منظرها
أمير..."ضحكة غالبة عليه " زمرد بليييز ههههه
سوسن...اداك قليل لحيا واش عارف اش درتي هادي راه جريمة ومستحيل نسمح ليك غانشكي بيك لبوليس كاتسمع
جود ..الجريمة هي لي غاتقترفي فحقك ادا قبلتي بداك الشماتة انا نقدتك منو ولازم تشكريني "كايقرب منها "
سوسن..."كاترجع بلور" قال نقدني قال " الخوف بدا يسيطر عليها " غاندمك كاتسمع "تخلطو انفاسهم وبدات كاترجف " بعد بعددددددددددد...
محمد رضا..."عنقو بحرارة " باباااااااااااا
أمير..."ضمو بدورو " حبيب بابا "طبع قبلة ف جبينو وجلسو فوق رجلو " شنو دار البطل ديالي ف غيابي
محمد رضا...مسيت الإيكول
أمير...وشنو اخر ؟!
محمد رضا...اممم ولعبت لفوت بول مع مع زياد صاحبي
أمير...اهااااا مزيان بزاف وشنو اخر
محمد رضا....او مسيت انا وماماتي للألعاب او صافي
زمرد.."كاتنزل لفطور " اجيو تفطرو الحليب غايبرد امحمد رضا "شافت فيه " أمير قهوتك غاتبرد ....
أمير..."هزو وتوجهو لصالة مونجي" يالا قبل ما ماما تعصب علينا هه .....
جلسو بثلاتة فصالة مونجي كايفطرو فجو مرح محمد رضا وأمير ما سكتوش من الهضرة كانت غير كاتنقب وكاتشوف فيهم والفرحة مالية قلبها .........
فمكان اخر كانت شموخ لابسة سورفيت فالأسود وجامعة شعرها ديل الحصان ونظارات شمسية فالأسود والكيت فودنها وكاتجري فالكرنيش وقرعة الما صغيرة فيدها فنفس المكان كان بدر لابس شورط فوق الركبة فالأسود وتيشورط فالأبيض مزيرة على صدرو وبارزة عضلاتو سداسية والكيت فودنيه ...
كان كل واحد فيهم كايجري وما شافوش بعضهم بين ماهي كاتجري وصلها تصال يالا خدات تيلي غاتجاوب وهو يجرو ليها شخص من يدها ....
شموخ..."بصوت عالي " شفاااااار ...شفااااااااار عتقووووووووو......."كاتغوت وتابعاه كاتجري كلشي نتابه ليها من بينهم بدر لي جات عينو عليها وهي كاتجري ورا شاب لي سرق ليها تيلي مشى كايجري ورا الشاب هي عيات جلسات فأحد الكراسي لي فالشارع وكاتحاول تلتاقط انفاسها بين ما بدر كان كايجري ورا الشاب دخل ليه بين زناقي وكايحاول يدوخو لكن طاح ف داهية قدر يشدو
جرو من القب دسورفيت ودخل فيه براس حتى تنشر قدامو تحنا عليه وهز ومن القب ثاني وعطاه لكمة لوجه .....
بدر...كاينهج" كترتو اشمايت "مد يديه " طلع لق**ي هنا ....
الشخص...."كايمسح دم من نيفو" سمح ليا الخوادري والله غير قلت شي و.."قاطعو"
بدر.."بنبرة حادة " طلع لمشقوف هنا ماقلتش لك عاود ليا قصة حياتك......."جبد تيلي من جيبو ومدو ليه ويديه كايتفتفو خداه منو وضرب ليه واحد تخنزية ورجع لمكان فين جالسة شموخ فقدات الامل كانت يالا غاتنوض من الكرسي وهو يوقف عليها بدر ومد ليها تيلي...
تسلل الخوف لقلبها وكلها كاترجف قرب منها حتى لصق عليها وتخلطو انفاسهم يالا غادفعو بيدها وهو يشد يدها بين يديه وحط نيفو على نيفها وهمس بصوت شبه مسموع وانفاسو الحارة كاضرب فوجها لي تخطف لونو من كثرت الخوف .........
جود..."بصوت خافت " ششتتت كالما انا اخر واحد يأديك هذا علاش خليك اليز وماتخافيش مني ...."طلق يدها ورجع لوراه
سوسن..."ستجمعات قواها " ش شكون انت حتى نخاف منك اصلا اش كاتخرف انا ما خايفاش "كاتشوف فيه بتحدي
جود....احم اوك "اشار ليها لفطور " فطري بعدا هو للول عندك نهار بطولو ارا ماتهضري "غمزها وخرج قبل ماتوصل ليه سد الباب بالمفتاح ونزل لطابق السفلي ضربات الباب برجلها بقوة حتى توعتات.....
سوسن..."شادة رجلها " اااااااي ياااا يااي شيييت......"تلفتات لناحية البلاطو توجهات ليه كاتجر فرجليها جلسات فوق الكانابي وحطات وبدات كاتخشي فوجها بحال الى كانو رابطينها بعد ما فطر خرج من الدار وسد الباب بالمفتاح وطلع فلوطو ديالو..
شموخ...."بمتنان " ش شكرااا
بدر ..."بصوت رجولي " المرة الماجية ردي لبال ماشي ديما غاتلقاي لي يساعدك "قبل ماترد مشى وخلاها كاتبحلق فيه وفمها محلول
شموخ.. "كاتعوجو " نننن نننن مغرووووور ....
أمير...سمحو ليا هاد الشهر تشغلت مع الخدمة وخليتكم
زمرد...ماعليش ماشي لخاطرك
أمير...يسلملي المتفهم "غمزها "
زمرد...اميييييير
أمير..."ضحك " هههه "شاف ف محمد رضا ' بابا فين بغيتي نمشيو اليوم ؟!
محمد رضا ... لحديكة
أمير...اشنو ؟!...
زمرد...لحديقة قال هه
أمير...امتى غاتولي تنطق مزيان غير قولي هه اوكي يالا جهزو نفسكم اليوم غانخطفكم
محمد رضا ..."بفرح " يااااااااااااااااس
زمرد...غير سير انت وياه انا مشغولة شوية
أمير..."خدا تيلي ديالها وطفاه " ماكاين خدمة اليوم اوكي يالا جهزو نفسكم
زمرد..امري لله ...
خرج من الفيلاج بعد ساعتين وصل ولوسط المدينة توجه لسوبر ماركت خدا الخضر والفواكه واللحم والاسماك والمشروبات الغازية والعصائر والشوكولا لي من النوع الفاخر وكاع لي غايحتاجو من مواد غدائية من بعد توجه لمول خدا ليها كدا فستان وبعض سروال جينز مع طوب ديالهم وحتى من الملابس الداخلية خداهم والاحدية من بعد شد طريق العودة للفيلاج فطريقو شاف شاب كايبع لورد وقف سيارة وشير ليه بيدو جا عندو شاب طلب منو باقة ورد فالون الاحمر عطاها بعد ما خلصو توجه لدار فين كاينا سوسن .......
فمكان اخر كانت زمرد كاتجهز نفسها وولدها اما امير كان فالصالة كايتكلم ف تيلي بعد ما سالات خرجو من الشقة وتوجهو لحديقة الحيوانات لي ف تمارة بلاصة لوطو ونزلو دارو محمد رضا وسطهم وشدوه من يدو ....
كانت جالسة فلاطيراس وكاتفكر ف بدر مرة مرة كاتبسم لاحظة مهرة شرود شموخ صغرات عينيها وقربات منها
مهرة...شوشو ...شوشو
شموخ....الصمت
مهرة..."كاتمرر يدها قدام وجها " ايهووووو
شموخ..الصمت...
....."خدات القرعة لي جنبها كبات شوية دالما فيدها ورشات بيه وجه شموخ .....
بلاصة سيارة ونزل منها وتوجه لكوفر خدا منو الاكياس وحطهم قدام لباب ورجع هز الاكياس لي باقية فالسيارة فتح باب الدار دخل الاكياس لي خاصة بالمطبخ للمطبخ وهز الاكياس لي فيهم الحوايج وباقة الورد وطلع لطابق الثاني فتح الباب بالمفتاح ودخل كانت جالسة فالبالكو اول ما سمعت لباب تفتح توجهات ليه وهي صاعرة.....
سوسن.."دارت يدها على نصهاا" عند بالك غاتاكل ليا دماغي بهاد زوج كلمات
جود..غاناكلك كلك ماشي غير دماغك لكن ماشي دابة فالوقت المناسب "طبع قبلة جنب فمها على غفلة منها وسعات عينيها وحلت فمها على الاخر قبل ماترد خرج من الغرفة وسد بابها بالمفتاح توجهات لباب وبدات كاتخبط فيه بيدها وكاتغوت تجاهل صراخها وتوجه المطبخ كايقاد شي لي جاب ...
بعد ما دارو جولة فالحديقة وخداو كذا صورة ودارت ليهم زمرد فيديو خرجو من الحديقة وتوجهو لبوزنيقة وجلسو فأحد المطاعم كايطل على البحر وطلبو الحوت منوع وسلطات منوعة ....
زمرد...ياهاد الولد نقص من الخفة لي فيك
أمير...خليه يدير لي بغى
زمرد...لا والله يدير لي بغى باش يطلع مفلس
محمد رضا...مابغيتس الحوت
زمرد.."حمرات فيه "غاتكمل غداك لاااااا
أمير..مدام مابغاهش ماتبزيهش عليه "شاف فيه " شنو بغيتي تاكل ابابا
محمد رضا..بغيت لاكلاص بشوكولا
زمرد..كليتي بعدا بقى ليك غير لكلاص "بصرامة " كمل غداااك
محمد رضا..."كايتغبن " مابغيييييتس
أمير...زمرررررد....
زمرد...انت حسابي معاك من بعد وياريت تخليني نربي ولدي مزيان ونقص ليه من الفشوش "شافت فمحمد رضا " اذا ما كملتيش غداك ما كاينش لكلاص
محمد رضا.."قلب شنايفو " اوكي"تحنى على طبسيل وكاياكل
أمير..."رفع حاجبو " وشنو درت انا بسلامة
زمرد.."حطات الفورشيط من يدها " لا والو غير خلتينا واقفين فشمس وصهودات ومشيتي تصور لي البنات لا وكاتكركر معاهم من الفوق لا والواعرة كااااع هي فاش قالت ليك واش عندك الفيس
أمير..."عاد دكر " اااااااااااه كاتقصدي البنت لي شفنا فالحديقة شنو فيها كانت بغات تصور مع صحباتها وطلبت مني نصورهم عادي جدا
وسام...كيفاش ماعندكم حتى دليل واش تيلي ديالها لي طافي وهو لي ما كايجاوبش ف تيلي ديالو هذا ماشي دليل
الشرطي ..نو ماشي دليل تم ميسيو جود رجل اعمال مشهور بالاضافة من عائلة راقية ويستحال يدير هاد العمل شنيع ثم حنا شفنا تسجيلات وما لقينا حتى تسجيل كايدل على انه هو الخاطف زائد شكون قال الانسة سوسن مشات لشي مكان ترتاح فيه ؟!.........
وسام.."ضرب بيدو على المكتب بعصبية" دابا عائلتو العريقة كاتشفع ليه ؟! اممم واش اسمو العائلي فوق القانون " بتهديد "كانقسم ليك اذا مادرتوش خدمتكم غاندمك كاتسمع غاندمك
الشرطي 2 ..ميسيو وسام تهدن حتى حد ما فوق القانون وحنا دايرين خدمتنا
وسام.."وقف " عندكم 24 ساعة وادا ما بانتش ماتلومو غير راسكم "خرج من المكتب ورضخ الباب .......
#فمكان #اخرررررر........
جلنار...جود ماتعصبنيش قول فينكم
جود..جلنار بليز خليك بعيد على الموضوع
جلنار...واش عارف اش درتي داك سيدهم وسام رفع عليك شكوى
جود...هههههههههههه وليتي شاعر احم ماتخافش على عشيرك شاد زمام الامور يالا نهضرو من بعد
جلنار..احم اوك ..
قطع الاتصال مع جلنار وحط تيلي فوق الطبلة وتوجه لثلاجة خدا منها الكفتة حطها ف اناء ودار ليها توابل وخلاها ورجع لثلاجة خدا المطيشة والخيار والخص غسلهم وقطهم قطع صغيرة وحطهم فسوبيرة وخدا البطاطة نقاها وقلاها ومن بعد شوى الكفتة وصايب عصير الليمون مع الفريز (قولو ما حادكش 😂) بعد ما كمل غسل الاواني لي ستعمل وطلع لطابق الثاني فتح الباب دخل راسو وكايقلب عليها بعينيه لقا الغرفة فارغة توجه لباب الحمام حط ودنو عليه سمعاها كاتحرك لداخل تبسم وخرج من الغرفة بعد ما خدات دوش خرجات من الحمام لاوية عليها الفوطة توجهات الاكياس خدات سروال جينز سليم فالكحل وطوب فالبيض بالكم وكرشها عريانة شوية نشفات شعرها رجع لغرفة طرق الباب ودخل ....
جود...الغدا واجد
سوسن.."كاتجمع شعرها " الصمت
جود...كايقرب منها " علاش مالبستيش الفستان لي قتارحت عليك ؟!
سوسن.."تلفتات لعندو " لا والله لبس على ذوقك هاااااء
جود ..احم ماشي مهم تلبسي على ذوقي المهم تلبسي لي يريحك
سوسن...اوووووه فغيمو ميغسي "كاطنز عليه
جود ...دوغياه "غمزها "
سوسن.."دفعاتو بيدها " فين هو الغدا ؟!
جود .."كايتمشى وراها " التحت ....خرجات من الغرفة كاتمختر وهو وراها نزلو لطابق السفلي اشار ليها لجردة كانت جردة كبيرة كلها شجر واحواض الورد وطابلة من الخشب بشكل دائري ستة دالكراسة جلسات فالكرسي ودارت رجل فوق رجل وكادور عينيها فالمكان وفنفس الوقت دماغها خدام بين ما جود توجه المطبخ وهز الاطباق وتوجه لجردة بدا كاينزل لغدا تحت انظارها رجع ثاني للمطبخ باش يجيب باقي الاطباق تحنات على طبسيل وكاتنقب بعد ثواني رجع لعندها ونزل باقي الاطباق وعينيه عليها...
مهرة.."جلسات فالكانابي " هااااااااه قولي لي شنو لي خلاك شاردة امممممم
شموخ...وانت مالك هاااااااء زائد انا ما كنتش شاردة
مهرة..عليا انا هاد لكلام "صغرات عينيها " شكون هو واش واحد من الشركة ؟! ولا من العائلة 🤔 امممم مانظنش من العائلة اكيد من شركة "رجعات شافت فيها " يالا يالاااا gري
شموخ..."بنفاد صبر " لا إله الا الله اش كاتخرفي نتي ؟!
مهرة.."هزات تيلي ديالها وعوجات فمها " على راحتك ......
#فمكان #اخرررررر.......
أمير.."شد يدها وباسها " مال أميرتي مقلقة
زمرد..."شافت فيه " انا مامرتاحاش ضميري كايأنبني
أمير...علاش شنو درتي "رفع حاجبو
زمرد...هاد لحالة لي حنا فيها عاجباك ؟! ماخاصش نكونو مع بعض حتى تكمل العدة لي من المفترض لازم نحترموها "زائد عبلة ان....."قاطعها "
أمير..حنا ما كانديرو حتى حاجة حرام فاليل كانبات معاك فدار ؟! الاااا عمري مسيتك بعد ماعرفنا الحقيقة؟؟! الااااا اذا شنو لي حرام !!! طول الوقت بعيد عليك حتى من ولدي هملتو حنا كاندوزو وقت قليل مع بعضنا وعبلة بيلز ماتبقايش كل مرة تلومي راسك بسببها انتي ماعندك حتى دخل فالموضوع انا لي عندي دخل هذا علاش ماتبقايش تفكري بهاد شكل "تنهد " صدقيني عبلة ماتستاهلش تأنبي ضميرك عليها "شد وجها بين يدو " نساي الماضي وخلينا فالحاضر ....
زمرد..."تنهدات تنهيدة حااارة" احم بغيت نشوف ب ا باباا
أمير.."تبسم " اوك ...
حنات راسها وبدات كاتخشي فوجها غير آبهة ولا مكترتة لنظرات جود كان كايشوف فيها كيفاش كاتاكل والابتسامة على شفاهو بعد ما شبعات رفعات راسها وشافت فيه.....
سوسن...نقدر نعرف علاش خطفتيني ؟!
جود..احم بصحة
سوسن.."قلبات عينيها " راني سولتك
جود...شكون قالك انا خاطفك
سوسن.."رفعات حاجبها " لا والله وشي لي درتي شنو كايسميوه ناس ؟!
جود..ما كايهمونيش الناس لي كاتهمني جالسة قدامي "شاف ف عينيها " تقدري تقولي نقدتك بدل كلمة الخطف
سوسن.."بسخرية " والله !! ....قال نقذني قال ههه "حمرات فيه " منهاش غاتنقذني ثم شكون عطاك الحق دخل فحياتي وتقرر بدالي هاد شي كامل حيت وسام طلب يدي لزواج ياك ؟!
سوسن..."توجهات ليه " غانصيفطك فين تربة ظاهر لي ناقصاك تربية...
مسافة طريق كانو قدام فيلا داصيل بلاصة الوطو ونزلو منها هز محمد رضا وتوجهو لبوابة فتح ليهم الحارس الباب والابتسامة على شافهو....
الحارس...مرحبا بسي أمير
أمير...اهلا با العربي كاين عمي ؟!
الحارس ..ايييييه كاين تفضلو....
دخلو من البوابة الكبيرة وتوجهو لباب لاخر كانت زمرد متلخبطة ومتوترة بحكم مزال ما تعودت عليه طرق امير الباب فتح ليه رئيس الخدم راجل فالأربعين من عمرو لابس زي الخدم سروال فالاسود مع قميجة فالأبيض وجيلي فالأسود وبابيو فالأسود اول ما شافهم تبسم ....
الشخص...مرحبا ميسيو
أمير...شكرا علي قول لعمي ينزل
علي...تفضلو ميسيو أصيل جالس فالجردة
أمير...اوك شكرااا ......."توجهو لجردة كانت جالس أصيل فأحد الكراسي وعاطيهم بظهر وفيدو رواية فرنسية كايقرا فيها جاه أمير من لور وباس راسو ....
أمير..."باس راسو " مساء الخير عمي
"اول ما سمع صوتو غمض عينيه بعصبية وفتحهم تلفت لناحيتو يالا بغى يقول ليه شي كلام وهو يسكت ورد الكلمة من فمو بسرعة نسى شنو غايقول وترسمات ابتسامة على شفاهو وقف وتوجه لزمرد باس جبينها وضمها
أصيل..."تبسم برضى " الله لا يحرمني منك "شاف ف محمد رضا " حفيدي الغالي " نزل لمستواه وباس جبينو ...
جود..."من تحت سنانو " سوسنننننننننن "مرر ديدو على شعرو بعصبية " ماتختابريش صبري
سوسن..."غمضات عينيها بعصبية وفتحاتهم" ما غانسمحش ليك تحبسني عندك ماشي من حقك
جود..."شاف فالساعة" زيدي قدامي "جرها من دراعها "....
سوسن.."كاتنتر " بعد عليا بعدددددددددد....رفضات تمشى هزها فوق ظهرو رجليها فوق صدرو وراسها فوق ظهرو بدات كاضرب فيه بكل قوتها فظهرو وكاتغوت كمل طريقو وطلع لطابق الثاني دخلها لغرفة ‘لاحها فوق سرير " هنا غاتبقاي حتى ديري عقلك ....خرج وسد الباب بالمفتاح "
سوسن..."بصوت عالي " الله ياخد فيك الحق
توجه لجردة جمع الماعن وداهم لمطبخ حطهم ف آلة غسيل الاواني خدا تيلي ديالو وتاصل ب مروان تكلم معاه بخصوص شي صفقة بعد ما تغسلو الماعن رجعم لبلاصتهم وخرج من الدار..............
#المسااااااااااااااااااء 🌇
كانو مجموعين على طاولة العشاء وكايتعشاو فجو هادئ لاحظ أمير عدم هتمام أصيل بيه عرف بلي مقلق على قبل عبلة وقرر مايفتحش الموضوع بما انا زمرد معاهم زمرد حيد منها توتر وبدات كاتقبل أصيل كا أب حسات بالفرحة وهي معاه نفس شيئ بنسة لأصيل كان فرحان بوجود زمرد ومحمد رضا شاف فيها وتكلم.....
أصيل...بنتي
زمرد..."رفعات راسها " نعام
أصيل...احم بعد لعشا بغيت نتكلم معاك فواحد الموضوع
زمرد..."بهتمام " اوك...
جود.. العشا جاهز
سوسن..ماخصنيش "توجهات ليه " واش عند بالك غاتقدر تحبسني هنا ديما " بصوت عالي " هادي ماشي فعايل رجال كاتسمع
جود..انت لازم تشكريني حيت بعدتك على واحد بحال وسام
سوسن..حتى حد ما طلب منك تبعدني ولا تقربني هادي حياتي وانا حرة فيها ثم شكون انت حتى دخل ليا فحياتي
جود..العشا غايبرد
سوسن.."بعصبية " ماتستهبلش عليا
جود..نفهم بلي ما باغياش تعشاي اوك على راحتك "غمزها وخرج " هاد المرة خلا الباب مفتوح نزل لطابق السفلي وجلس فصالة مونجي بهدوء وعلى شفاهو ابتسامة ثواني ونزلت لعندو جرات الكرسي بزعف وجلست كلشي تسمح فيه الى كرشها 😂 خدات الفورشيط وجرات طبسيل عندها وبدات كاتخشي فوجها بدون ماتشوف فيه طول الوقت كان مراقبها والابتسامة على شفاهو نقب شوية وجلس مراقبها بعد دقائق وصلو تصال من جلنار خرج لجردة كايهضر معاه وكايكمي فنفس الوقت ...
------قصر بن يزين -----
كانت جالسة فالجردة وكاتشوف فالسما وكاس القهوة فيدها جلسات جنبها وكاتشوف فيها وحابسة الضحة .....
مهرة...لا لااا حالتك صعيبة 😂
شموخ..."بنرفزة " مفسدة الاوقات الجميلة
مهرة..صغرات عينها " يعني لي فبالي صح ؟!
شموخ.."بتلعتم " ش شن شنو لي. فبالك اش كاتخوري
مهرة..عليا ابنت با ومي قري قري شكون هذا ؟! وشنو كايدير ؟! !شنو سميتو ؟!
شموخ.."بدون شعور " بدر "حطات يدها على يدها ووسعات عينها
مهرة..اهااااااه قلتي بدررررر....
#فمكان #اخررررر ••••
شافتو طول فالمكالمة ستغلت الفرصة خصوصا كان بعيد عليها شوية وعاطيها بظهر وقفات بهدوء توجهات لباب وكاتمشى على صباعها ومرة مرة كاتلفت ناحيتو اول ما حطت يدها على لبواني تلفت ناحيتها ووسع عينه .....
جود...سوسننننننننننننننن ....تلفتات ناحيتو وشافت فيه بغضب فتحات لباب وطلقت رجليها لريحه لاح تيلي من يدو وتوجه ليها كايجري ...
توجهو لصالة الجلوس جلس فوق الكانابي واشار ليها تجلس جنبو تقدمات ناحيتو وجلست جنبو شد يدها وتكلم....
أصيل..انا ما غانتكلمش على علاقتك ب أمير وما غانفرض عليك حتى حاجة لكن عندي طلب وكانتمنى من الله يتحقق
زمرد.."بتوتر " كانسمع
أصيل ..بنتي خوك مزال ما بغى يسامحني ورافض يتكلم معايا وعبلة سافرات لأمريكا وهي بدورها واخدة مني موقف بقيت غير بوحدي بنتي العمر كايجري وانا ما ضامنش راسي من هنا لغدا بغيت نحس بجو الأسرة والدفئ ديالها "شاف ف عينيها " بغيتك تعيشي معايا هنا نتي وحفيدي احم غير مؤقت على ما تكمل العدة مزال ربع شهور كاملة علاش ماتعيشيش معايا هاد المدة ؟!
زمرد..ب بابا ان......."قاطعها "
أصيل...ماترديش عليا دابا فكري هو الاول
زمرد..."تنهدات " ان شاء الله...
خرجات من الفيلا كاتجري وجود وراها كايجري وكايعيط بإسمها رفضات تستسلم كملت الجري ديالها خرجات لطريق وزادت فالسرعة .....
جود..."كاينهج " سوسننننننن وقفييييييي
سوسن.."كاتجري وكاتهضر " والله لا كانت ليك اذا عندك شي ركابي بينهم هاهاهاههههههه
جود..."كايجري وراها " وقفي ياهاد الحمقة راه المنطقة خطار باليل
سوسن.."كاتجري وكاتنهج " ما كاينش شي حد خطار قدك كاتسمع .......كملت الجري ديالها
جود...سوسن حبسيييييي وقفي وخلينا نهضرو بالعقل
سوسن...والله لا كان ليك البغل باش نوريك تحبس بنات ناس عندك انا من هنا غانمشي نشكي بيك .....يالا غاتلفت لعندو وهي تلوا ليها رجلها " بألم " ااااااااااااااي...
رفقا بي يا جلادي الجزء 14
محتوى القصة
التنقل بين الأجزاء