شموخ.."وقفات كاتعوج " دابا هاد لاطاي قطيب لوتعرف شحال دالفلوس كايخسرو باش تكون طايتهم بحالي هااااء "نفخات شنايفها ....
منتصر..هههههههههه عارف بنتي مابحالها حتى وحدة لكن اليوم مميز
مهرة.."بهتمام" شنو لي مميز فيه ؟!
منتصر..واخيرا شمل العائلة تجمع زمرد ستقرات مع أصيل ماتصوروش شحال فرح هذا علاش قررت نتعشاو مجموعين اليوم ونفرحو عينا بالفراق اليلة غايجي عمكم وبنت عمكم وحفيدي لعزيز "تنهد " اااااااخ لو يقبل جود يجي حتى هو
مهرة..مايكونش قلبك كحل شموخ ختك مهما وقع كلنا كانغلطو وهي حست بغلطها وطلب سماح باركة ماتقصى عليها بليز خليوني نمشي وانا فرحانة شوية على الاقل يكفي الجرح لي فقلبي ...
......... فمكان اخرررر .........
زمرد..بابا حبيبي
أصيل..."باس راسها "بنتي صباح الخير
زمرد.."جرات ليه لكرسي يجلس "صباح النور اليوم غاتاكل من تحت يدي
زمرد.."تفكرت عبله ودمعو عينيها " ان شاء الله ربي كبير وقادر على كلشي
أصيل..."بغى يلطف الجو " فين هو حبيب جدو
زمرد..فاق بكري وفطرتو كاين فالحديقة مع سكينة "الخدامة " كايلعب
أصيل..اه اليلة غانتعشاو عند عمك
زمرد...عارفة قالها ليا أمير يالا بسم الله القهوة غاتبرد
أصيل..بسم الله.......
............فمكان اخررر ............
فاقت مبكرة قبلو نزلت المطبخ كاتعرج فتحات ثلاجة خدات منها الحليب وبدات كاتجهز لكريب من بعد جهزات الكيك بشوكولا حطاتهم فطبسيل وجهزات القهوة بالحليب وجدات كذلك عصير الليمون حطات كلشي ف صالة مونجي وضافت الفرماج وزيت زيتون مع الخبر محمص والبيض اومليط بالفرماج شافت فالطبلة وتبسمات طلعت لطابق الثاني قبل ماطرق الباب جبدات احمر شفاه من صدرها ضرباتها بتعكيرة حارة رجعات لعكر لصدرها عاد طرقت الباب
جود.."بصوت مدعدع بنعاس " دخلي
سوسن.."دخلت راسها " صباح الخير الفطور جاهز
جود.."ناض من سرير صدرو عريان لابس غير البوكسور وكايتكسل" اوك .......نزلت لتحت وهو توجه لحمام قدا حاجتو وغسل وجهو من بعد توجه لدرسينغ لبس شورط فوق الركبة كحل وبقى من الفوق عريان عاد نزل ..
جلس فالكرسي لي قبالتها والابتسامة على شفاهو ....
جود..."بصوت رجولي " اوووه هاد شي كايشهي
سوسن.."كاتفادة تشوف ف عينيه " احم بصحتك
جود..ماكنتش عارف واش حادكة "غمزها "
سوسن..واش يسحاب ليك معلوم حادكة هااااء
جود..سعداتي
سوسن.."برتباك " نعام
جود.."هز قطعة من الكيك وحطها فمها " فطري تابعنا شي شغل
سوسن.."كاتاكل وكاتهضر " اشمن شغل ؟!
جود...بلا شك باغية ديري جولة فالفيلاج قبل مانرجعو لرباط
سوسن.." وحلت ليها "كح...كح....كح...
جود.."بخوف وقف وتوجه ليها ومد ليها الما " بشوية عليك
سوسن..قربو ليها وانفاسو لي تغلغلت فيها زادو ربكوها خصوصا صدرو عاري تارها اكتر " احم احم انا لاباس
بعد ما سمع كلام منتصر ومهرة طلع لطابق الثاني ومهرة وراه طرق باب الغرفة ودخل كانت جالسة فطرف السرير ودموعها على خدها جلس جنبها وجرها لحضنو ضمها بقوة وباس جبينها
أمير.."زير عليها اكتر " دموعك غالية لي فات مات وحنا ولاد اليوم حتى نتي سمحي ليا جرحتك بزاف صدقيني لما كايتعلق الامر بزمرد ما كانبقاش نشعر
شموخ.."ضماتو "الله لا يحرمكم من بعض
مهرة.."ضماتهم بزوج " ولا يحرمني منكم هههههههههه
شموخ..شوف لك القردة عاد قبيلة كانت عاقداهم "كاتمسح دموعها وضحك.
مهرة.."شافت الساعة " ويلي ويلي طيارة بقات ليها عشرين دقيقة ....خرجات من الغرفة كاتجري ووراها شموخ وامير تلاحت على منتصر كاتعنق وتبوس بزربة من بعد ضمات امير وشموخ مع بعض وخرجات من الفيلا كاتجري
شموخ..ياهاد الحمقة بشوية المطار غير هنا
مهرة.."كاتجري وكااتهضر " تهلاو فراسكم كانبغيكم
شموخ..وانا كانبغي شوكولا الفرنسي عندك تنسايني ههه ....."طلعت مهرة فالسيارة معر سائقة وكاتشير بيدها عليهم وكاتصنع الفرح اول ما بعد سائق من القصر نزلو دموعها وحسات بالغصة فقلبها مسافة الطريق كانو قدام المطار نزل السائق كايجري فتح ليها الباب ونزل الشانطة خداتها من عندو وغادية كاتجري داخل المطار ودموعها على خدها
مهرة..."مسحات دموعها وعلت راسها " ياهاد البغل حيد من قدامي
.....اهااا قول مغربية عليها كاتكدمي فالناس
مهرة..."جرات شانطة " انا ماعنديش الوقت لي نضيعو مع واحد فحالك تفووو صبحنا على ملائكة رحمان ماصبحنا على خليقتك ....فاتو كاتجري وهو وراها كايعاير بالفرنسية والمغربية مهرسة كملت الاجراءات بسرعة اول ماسمعت نداء توجهات لطائرة يالا جلست فمكانها وهو يجلس جنبها نفس الشخص
مهرة..."بعصبية " انتتتتت
......انتي.....
مهرة...نوض من حدايا
.....على اساس طائرة بإسمك ثم هذا مكاني واذا ماعجبتكش نوضي انت
بعد ما خرجات مهرة من القصر توجه امير لعند زمرد مسافة طريق كان قدام الفيلا بلاصة سيارة ودخل داخل كايقلب عليها بعينيه اول ما جات عينو ف عينها توجه ليها بخطوات متسارعة شد يدها وباسها
زمرد.."بفرح " أمير
أمير..روح امير
زمرد.."بخجل " احم بابا فالصالة شششت "حطات صبعها على فمو
أمير..صبرني يارب ...."شدها من يدها وتوجهو لصالة فين كان أصيل وجنبو محمد كايلعب اول ما شافو مشى كايجري تعلق فيه
مسافة طريق كانو قدام اكبر مصحة ف نيويورك مختصة فأمراض السرطان بلاصة سيارة ونزلو ويدو فيد جنان لي كانت مرتابكة على خايفة على فرحانة بوجود جلنار جنبها توجهو الاستقبال من بعد توجهو لمصعد وطلعو لطابق الاخير ثواني كانو قدام باب مكتب الدكتورة لي كان جلنار ديجا واخد موعد معاه ستقبلهم ببتسامة بعد ماصافحو بعضهم جلسو كايتكلمو .....
جلنار...مدو ليه "تفضل ......"بعد ما طلع على تقرير تكلم....
الدكتور...لازم تخضع لمدام لفحوصات ومن بعد عاد نقدر نتكلم
جلنار...كانتمنى تكون عند حسن ضني
الدكتور..."تبسم " ان شاء لله ..
جنان.."برتباك " امتى غانبداو !!
الدكتور..من دابا
جلنار..مزيان بزاف كل ثانية زايدة فينا
الدكتور..تمامااااا...
بعد ما جهزات نفسها هي ومحمد رضا خرجو من الفيلا بثلاتة ويدهم فيد بعض تحت انظار أصيل لي تلخبط ماعرف يفرح لبنتو لي عاد عرفها ولا يحزن لبنتو الثانية تنهد تنهيدة حارة وطلع لغرفتو دازو لعيادة هي للولة زمرد كان عندها موعد مع الدكتورة دخلو لغرفة تسطحات زمرد فوق البياص وأمير واقف جنبها هو ومحمد رضا والدكتورة كاتفحصها.
الدكتورة...اشارت لأمير" شفتي ديك نقطة
أمير.. وي
الدكتورة...ايوا هاديك النقطة هي الجنين
أمير..قلبو ضرب وحس بالفرحة " دابا هاديك النقطة هي بنتنا
بعد ساعتين حطات طائرة فالثراب الفرنسي نزلت مهرة ووراها الشخص لي تناقشات معاه فالمغرب كل واحد فيهم هز شانطتو وخرجو من المطار هو كانت سيارة من نوع رونج روفر فالاسود فنتظارو وهي وقفات طاكسي صغير...
............ الفيلاج ............
بعد مافطرو جمعو الماعن وكل واحد فيهم طلع لغرفتو بدلو حوايجهم ونزلو لطابق سفلي خطرة وحدة....
سوسن..انا جاهزة
جود.."شدها من يدها " يالا اليوم خاطفك
سوسن.."قلبها كايرفرف " احم ......"خرجو من الفيلا وطلعو فلوطو ديالو ونزلو لفيلاج بلاصة سيارة ونزلو كايتساراو بزوج كان الفيلاج اكتر من رااائع بناسو وبساطتو والجبال لي دايرين بيه من كل جيه شد يدها مع يدو وكايتمشاو بشوية بحكم انها موعتة فرجليها طول طريق كانت فرحانة وقلبها كايرفرف لكن ما كانتش مبينة ليه بعد ما دارو جولة فالمحلات وخداو شحال من حاجة تدكار من المنقطة توجهو لأحد المطاعم الشعبية باش يتغداو.....
-----------الرباط------------
بعد ما خرجو من العيادة توجهو لقلب المدينة دارو ف سويقة وكانت هادي اول مرة أمير يشوف هاد المكان شعبي عكس زمرد لي كانت كاتجي ليه هي ومها دارو جولة من بعد طلعو لشالة دارو فيهم وصل وصل وقت الغدا توجهو لاحد المطاعم شعبية وطلبو لغدا..
زمرد..واخا شكرا ....."هزات البوشيط ديالها وشدات محمد رضا من يدو وتوجهو لسيارة من نوع الكاتكات فالاسود فتح ليها السائق الباب وطلعت جنب أصيل كانت لابسة فستان سهرة طويل بالأكمام فالباج والغوز بارد مع فولار غوز بار ومحمد رضا كانت ملبساه سروال كري مع قاميجة نص كم بيضة وفوقها جيلي كري وبابيون وماشطة ليه شعرو جنب مسافة طريق كانو فالقصر وكانت فستقبالهم شموخ لابسة قاندورة خليجية فالاسود محجرة بالأحجار الكريمة وطالقة شعرها على راحتو وميكاب خفيف وقدامها منتصر
جود."كايبغشش فالتيلي رفع راسو وحل فمو " اووووهووووه ...
سوسن..بخجل " احم
جود.."وقف وتوجه ليها وعاقد غوباشتو " علاش هاد المبالغة كاملة "جبد المشوار من جيبو ومسح ليها فمها
سوسن..."عقدت حجبانها " علاش مسحتيه من صباح وانا نقاد ثم غادين غير لدار عمك "رفعات حاجبها " واصلا علاش تمسحو باشمن صفة "دارت يدها على نصها .....
جود...طبعا نمسحو اصلا ماكاين لاش تزوقي ثم اش هاد الفستان لابسة يمكن راك غاتمشي مع راجل ماشي مونيكا
سوسن.."بعصبية " ايمكن هاد الفستان انت لي شريتيه ليا نهار خطفتيني ولا نفكرك
جود.."برتباك "اه شريتو لك لكن ماشي معناه تلبسيه برا " غمض عينيه وفتحهم " يالا يالاا تأخرنا......"قبل ماترد جدبها من يدها وتوجهو لوطو طريق كلها وهما مرة يتناقرو مرة يسكتو بعد ساعتين دخلو لوسط لمدينة وقف فالشارع الرئيسي وطلب منها تسناه غاب اكتر من 15 دقيقة عاد رجع هاز فيدو بعض الاكياس طلع فسيارة وجبد وشال من الحرير فالاسود من احد الاكياس ولاحو ليها على كتافها ......
سوسن..."كاتضحك "زوين شكرا
جود...بصحة
سوسن.."حيداتو من كتافها " لكن صهد
جود..."خزر فيها " شريتو باش تستري راسك
سوسن..وانا جاني صهد وما غانديروش ثم خايب ياكما تيقتي راسك حيت شكرتك "عوجات فمها "
جود.."بنبرة حادة " ديريه فوق كتافك ولا غانرجع جود لقديم
سوسن.."حسات بلخوف " اصلا انا لي حمارة لي جاية معاك "يالا غاتحل باب السيارة باش تنزل وهو يجدبها من يدها ووقفها بقبلة فمها..
منتصر..كانظن غايكون جاكم الجوع
زمرد ..لااا لااا مزال هاحنا جالسين
أمير...حياتي لكن محمد رضا لازم ينعس فوقتو اصلا سهر اليوم
زمرد...انا غانعشيه دابا ونعسو
أصيل..علاش مايتعشاش معانا
زمرد ..بابا حبيبي مزال ماجاني جوع ثم امير عندو صح لازم ينعس فوقتو اصلا سهرناه اليوم
شموخ...انا غانجي معاك ازمرد
زمرد..وقفات " اوك يالااااااااااا.....
توجهات شموخ وزمرد لمطبخ ومعاهم محمد رضا عشاو وكايدردشو فنفس الوقت بعد ما عشاوه كلفو وصال بيه طلعت معاه لجناح امير ونعساتو فغرفتو بين ما شموخ وزمرد توجهو لصالة فنفس الحظة وصل جود برفقة سوسن اول ما جات عين زمرد عليها توجهات ليها كاتجري عنقاتها...
زمرد.."بفرح " سوسننننن.....
سوسن..زمرد "عنقاتها
زمرد..وانا لي كانسأل فين غبتي اتاري كنتو بزوج
سوسن.."حشمات " احم "همسات ليها " سكتي الحقيرة
شموخ.."بفضول "ماعرفتوناش على الانسة
زمرد..."بحماس "هادي سوسن صاحبتي بل اكتر ختي
شموخ ..اهاااه متشرفة ومرحبا بيك عندنا
سوسن..شكرااااا .....
أصيل..."بفرح " ولدي
جود..."تجاهلو "اهلا عمي
منتصر...واخيرا شفناك تفضلو...
توجهو مجموعين لغرفة الاكل وجلسو حول المائدة لي كان فيها كل ما لذ وطاب تعشاو فجو هادئ اصيل كان فرحان بوجود جود واخا الاخر ما كانش مهتم بيه هتمامو كلو كان لسوسن لي كانت مشغولة مع زمرد كاياكلو وكايتكلمو وشموخ دخلت راسها معاهم ونساجمو فالحديت بين ما أمير كان كايهضر مع جود بعد العشا توجهو لحديقة كايشربو اتاي وكايدردشو فنفس الوقت ستغل جود الهدوء لي كان وقف وجبد علبة من جيبو وتوجه لسوسن لي كانت واقفة مع شموخ وزمرد تحنى على ركابيه ومد ليها لخاتم
جود...احم واش تقبلي تكملي حياتك معايا وتكوني مراتي وام ولادي ......"الكل تصدم وحلو فمهم من بينهم سوسن لي تفاجأت وتعرمو عليها الاحاسيس حلت فمها على اخرو ووسعات عينيها وقلبها كايضرب
جود.."مزال على نفس الوضع " سوسنننن
سوسن.."مدت ليه يدها كاترجف " مم م موافقة ....ركب ليها الخاتم تحت تصفيقاتهم ووقف باس جبينها.....
زمرد.."عنقاتهم بزوج " مبرووووووووووك
سوسن.."مزال تحت تأتير صدمة " الله يبارك فيك
أمير.."عنق جود " واخيييييرا مبرووووك
جود..."تبسم " الله يبارك فيك
منتصر.."ضمو " برفاه والبنين
جود.."باس يدو " ان شاء الله
أصيل...احم مبروك عليكم
سوسن.."تقدمت لعندو وباست يدو " الله يبارك فيك اعمي
أصيل..باس جبينها " الله يرضي عليك ابنتي ....فهاد الاثناء وصل وسام ومعاه زوج من رجال الشرطة اول ما فتحت ليهم لخدامة دخلو لداخل وتوجهو لحديقة بعد ماخبراتهم الخدامة...
وسام..."اشار ليه " هاهو المجرم لي خطفها
الكل تلفت لناحية وسام لي كان كايتكلم بصوت عالي واول ما شافو جود توجه ليه ونزل عليه لوجه.....
جود...اش جابك لهنا
وسام.."مسح دم من فمو " كنت عارف ومتأكد بلي انت ورا ختفاء خطيبتي وقدمت بلاغ ضدك وخليت الحراس قدام باب القصر اول ماعرفت بوجودك جبت البوليس معايا ودابا انتما ديرو خدمتكم
اصيل..."بخوف " اشمن ختطاف وشكون انت
زمرد..الله ياربي اش واقع هنا
شموخ..بلا شك طلعت ليك سخانة خرج علينا
سوسن.."بنبرة قاصية " من امتى كنت خطيبتك ؟! اممم ياك ما صدقتي راسك ثم شكون قالك جود خطفني راك غالط انا كنت مسافرة معاه باش نرتاحو وزايدون حنا مخطوبين
وسام.."بحال الى تكب عليه سطل دالما " شنووووووووو............
جود..سمعتيها ايوا دابا خرج علينا قبل ما دير فيك يدي وانا لي غانقدم بلاغ ضدك ادا بقيتي كادور بساحتي
وسام..انا مامصدقش مستحيل اكيد كاينا شي حاجة متأكد بلي هددك ولا خوفك
سوسن...انت غالط وياريت تفوت ساحتنا
وسام.."بتهديد " غاندمكم ماتسمعو غاندمكم مستحيل ندوزها ليكم مستحييييييييل...."خرج من عندهم مكشكش وتبعوه البوليس بعد ما عتاذرو ....
منتصر...شرحو لينا شنو واقع ؟
جود.."شد سوسن من يدها " ما واقع والو اعمي يالا تصبحو على خير وشكرا على لعراضة
منتصر...اجي لهنا فين غادي
أمير...خليهم يحتافلو مزال الحال ههه
زمرد..انا مزال مامصدقة شنو وقع واش سوسن غاتولي مرات خويا هههه الله ياربي اتاري كانو من زمان كايبغيو بعضهم وكايضحكو علينا بخصامهم
أمير...كنت متأكد بلي كايبغيها حتى جلنار كان حاس
شموخ..فهموني بلييز
زمرد...هههه اجي حدايا ونعاود لك...
بعد ما خرجو من عندهم توجهو لبحر بلاصة سيارة فالكورنيش ونزلو كانت دنيا كاصفر غير هما والقمر مضوي عليهم شد يدها وباسها
جود...كانواعدك غاتكوني أميرة فمملكتك وانا ملكك
سوسن..واعدني بلي عمرك تشوف فشي وحدة من غيري وتكون مخلص ليا كيف ما انا غانكون مخلصة ليك
جود..."طبع قبلة فجبينها " وعد
سوسن..وعمرك ما تهز يدك عليا وضربني
جود...تقطع ايدي قبل ماتهز عليك
سوسن.."ضماتو " بعد شر اوعدي على القطيع
جود...اوووه خفتي عليا
سوسن..هااااء علاه اش بغيتك بلا يد
جود.."جدبها لعندو " حتى نتي لازم تواعديني بلي ممنوع تحطي الميكاب فوجهك وممنوع تلبسي هاد البس "هز شال من كتافها وحطو فوق راسها وياريت شعرك مايشوفو حتى حد من غيري احم طبعا ما غانفرضش عليك دريه لكن غانكون فرحان اذا وافقتي
سوسن .."هزمات شال على شعرها " طبعا مدام راجلي حبيبي طلبها مني اصلا كنت كانقول مع راسي غايجي النهار لي نتحجب فيه والحمد لله جا
جود.."باس جبينها " الله لا يحرمني منك "حيد الجاكيط ولبسها ليها " فين تبغي نمشيو ؟!
سوسن..طبعا لداري توحشتها
جود..من اليوم مكانك معايا
سوسن..اووو هوووه قالك مكاني معاه حتى نتزوجو
جود...اه حقا عندمن غانطلب يدك واش عائلتك هنا فالرباط ؟!...
سوسن.."تحجرو دموع ف عينها" عائلتي الله يرحمهم
جود..."ضمها لصدرو " من اليوم انا هو عائلتك
سوسن..."رفعات راسها " جود لازم تعرف بلي انا ماشي بنت ليل وبلي ان...."قاطعها بقبلة طويلة فمهاا.....
جود..قطع لسان لي يقولها بليز نساي لي فات
سوسن..قبل ما نبداو حياة جديدة لازم تسمع قصتي
جود..."جلس فوق الصخر وجلسها فوق رجليه " كانسمع
سوسن...انا بنت عائلة بابا الله يرحمو كان لاباس عليه وكنت انا وحيدتهم درست فمدارس خاصة وكنت ديما متفوقة حتى لنهار لي ماتو عائلتي فحادت بعد ما ماتو كان عمي هو الواصي عليا بما اني كنت قاصر طلع كلب وما كايسواش ستولا على الاملاك ولاحني لشارع ما كان عندي حتى خيار من غير اني نكون راقصة باش نعيش لحسن الحظ ديك اليلة لي جرا عليا فيها تلاقيت بواحد السيدة كانت بنت ليل وهزاتني من طريق وفتحات ليا باب دارها كنت مشيت معاها واحد المرة الملهى كان كلشي كايضرب ليها الف حساب حضرت لواحد الراقصة وعجبني رقصها شافت ديك السيدة فيا وقترحت عليا نخدم كاراقصة وبما اني صغيرة غانكون وجه جديد للملهى وافقت ومن تما علمتني الرقص ووليت راقصة محترفة لكن عمر شي ولد لمرا ما مسني كنت فارضة شخصيتي وكلمتي حتى لنهار لي تلاقيت فيه بزمرد بعد ثلات سنوات قررت نعتزل الرقص وكان خاصني شي مشروع باش نعيش قترحت عليا زمرد نفتح مدرسة درقص درست الفكرة وقررت نفتحها "شافت فيه " حتى لنهار لي جيتي وسديتيها ليا "عوجات فمها...
جود..بسبب ختي عرفت اجمل وارق واطهر مرة فالكون "باس يدها " سمحي ليا
سوسن..شنو لي خلاك تبغيني ؟!
جود ..قوة شخصيتك جدباتني ليك والوفاء ديالك اخلاصك بالإضافة لجمالك "قرب من فمها حاول يسرق قبلة لكن هربت فأخر لحظة ....
سوسن...ايييه ممنوع حتى لنهار لي نكون فيه حلالك .....
#بعد #مرور #اسبوووووووع • • • • •
فهاد الاسبوع لي مر كانت سوسن كاتوجد لعرسها هي وزمرد وشموخ بما انا جود مزروب على زواج وهو كان مكلف بوراق العقد والفرحة ما سايعاهش كان ضغط على البنات نهار كامل وهما كايجريو من قنت لقنت زمرد مع الحمل كانت كاتحس بتعب وسوسن بالفرحة طول النهار مخربقة اما شموخ كانت كاتحاول تشغل نفسها اكتر واكتر باش تنسى بدر وتحيدو من دماغها .....
سوسن..."شدات فيها " واش عيتي يالا نرتاحو فشي كافي
زمرد.."حاطة يدها على جنبها " لا لااا غير يالا راه مابقاش عندنا الوقت
شموخ..ياريت لو تسمعي لكلام وترتاحي انا وسوسن غانكملو الباقي ثم جود لاش يليق انا غانكلفو بالحوايج صعاب
زمرد...لا لاا انا بخير يالا نكملو شغلنا خلاص
شموخ...امرنا لله هههه......."كملو طريقهم وهما كايهضرو ويضحكو بين ما فالجهة الاخرى كان شخص متخبط فأفكارو وحاير فكل نهار كان كاينزل لكورنيش على اساس يشوفها ولو من بعيد لكن من نهار بكات قدامو مارجع شافها بعد تفكير وتفكير خدا تيلي وتاصل بزمرد...
كانو داخل المول كايشريو الحوايج بين ما سوسن وشموخ مشغولين فالاختيار كانت زمرد كاتكلم مع بدر .....
بدر...كان وقع بيني وبينها سوء فهم ونقاش صغير بعد نقاش شفنا بعضنا كدا مرة بصدفة كأن القدر مصمم يجمعنا بعد اخر لقاء حسيت براسي ضايع بلا بيها.واخا كان كلام سطحي بينا حتى اننا تناقشنا اخر مرة الى اني كانحس بشي حاجة ناحيتها
زمرد.."فرحات " ماتصورش شحال فرحت "بحيرة " لكن واش شموخ عندها نفس الاحساس ؟!
بدر..وهذا علاش طلبت رقمها انا غرضي شريف ادا كانت كاتحس بشي حاجة من جيهتي غاتقصد دارهم
زمرد...لكن ن....."قاطعها "
بدر...فهمت اش باغية تقولي ادا قصد تجارة فالحشيش شحال هذا خويت راسي ديك طريق عمرها كاتوصل فتحت مشروع صغير وخرجت من داك الحي
زمرد..."بفرح "اللله واخيرااااا ماتصورش شحال فرحتيني اشمن مشروع درتي !!
بدر...مطعم صغير على قد الحال وان شاء الله مع الوقت غانكبرو
زمرد..الله يسخر ليك يااااااارب.....
بدر...ان شاء الله
زمرد...عطيني من هنا لعشية نرد عليك لازم نسألها الاول ووعد ان شاء الله خير
بدر..نعول عليك !!
زمرد..."تنهدات برتياح " طبعاااااااا...
بعد ما قطعت الاتصال توجهات لبنات ....
شموخ.."تلفتت ناحيتها " معامن كنتي كاتكلمي
سوسن..اكيد مع حبيب القلب أمير ههه
زمرد.."كاتشوف ف شموخ " كملتو
شموخ..وي شوفي اش خدينا
زمرد...غزااااال "شافت ف سوسن " الله يكمل عليه بالخير امرات خويا
سوسن.."باستها فخدها "امييين الوستي العزيزة ههه
زمرد..شكون قال عندي اخ ونتي غاتكوني مراتو ااااه يا دنيا "تبسمات
سوسن..فعلا شكون قال غانكون مرات خوك وتكوني لوستي ههه
زمرد..اهوووه اتاريك طايحة اكتر منو من كنا فالمول تاصل بيا وخبرني كان باغي رقمك لكن رفضت قلت حتى نسولك "شدات يدها " صدقيني بدر شاب شهم وتمناه اي وحدة عرفتو فمدة قصيرة لكن كأني كانعرفو من زمان وقف معايا وكان سندي فداك الوقت هو شاب دغري وحنين واخا كايبان قاصي احم انا ماغانزيدش نشكر ليك فيه فكري مزيان وردي عليا
شموخ...واخا عطيه رقمي ويكون خير
زمرد..تبسمات وضماتها " الله يجمع بينكم فخير يارب
شموخ.."قلبها مايضرب " امين...
-_____فرنسااااا_____-
ابتهال ... على سلامة
مهرة.."باست راسها" الله يسلمك
نرجس ..الله يسلمك اماما
ابتهال..اش هاد الوقت نهار كامل وانتما دايعين مع انكم عارفين اليلة جاي ضيف عندنا ولازم تساعدوني فتوجاد لعشا
نرجس.."طالعة مع دروج " كأن هاد الضيف اول مرة غايجي ثم راك عارفاني انا الكوزينة لا كمياء بيننا هههههههه
ابتهال...ايوا الله ينعلك الملعونة المخموجة والله وماتنزلي تعاونيني حتى نطلع نشتف عليك
مهرة.."تلاحت فالكانابي " حتى هاد ضيف ما لقا امتى يجي غير اليوم لي الخدامات شادين اجازة
ابتهال..."لوات معاها بقرصة " نوضي تهزي من حدايا اييخ من بنات اليوم ماتفهمو لا فصواب ولا فالادب ولا فالطبخ حتى حاجة ما فالحين فيها "وقفات " نوض نوجد لعشا وربي عويني
مهرة.."ضماتها من لور " انا غانساعدك اعميتو
ابتهال.."تبسمات " لهلا يخطيك عليا ...
بعد ما بعتت لبدر الرقم خدات محمد رضا وتوجهات لفيلا دأصيل بين ما شموخ طلعت لغرفتها كادردك والفرحة ما سايعاهاش بعد دقاىق وصلها تصال من بدر جاوبات بسرعة وقلبها كايرقص السامبا.....
بدر..."بصوت رجولي " الووو
شموخ.."بدلع " الووو
بدر...اهلا انسة شموخ
شموخ..احم اهلين
بدر..بلا شك زمرد فاتحاتك فالموضوع !!
شموخ.."بخجل " وي
بدر..اذا ما عندكش مانع نتعشاو اليلة برا ونتكلمو
شموخ.."بعد ثواني من الصمت " واخا
بدر...اذا مع 8:30 ندوز ناخدك
شموخ.."برتباك " لا لااا بلاش ماتعدب راسك عطيني العنوان
بدر..احم اوك سجلي عندك..............
"بعد ما قطعاات الاتصال تلاحت فالسرير على ظهرها وعينها فالسقف والفرحة ما سايعاهاش عند زمرد اول ما وصلت لفيلا لقات امير ف نتظارها وفيدو بوكي دالورد الشوكولا من النوع الفاخر ...
زمرد.."خدات من عندو الورد وكاتشم فيه" اوووووه شحال زوين شكرا
أمير...بصحة "تحنا لعند محمد رضا ومد ليه شوكولا ولعبة امر الخدامة تاخدو لغرفتو بعد ما خدات الخدامة محمد رضا لغرفة تكلمت زمرد....
زمرد..."رفعات حاجبها " وفين هو شوكولا ديالي !!!
أمير..جهزي نفسك غانتعشاو على برا وبعد لعشا وفطريق غاناخدو شوكولا هه
بعد ما جهزات نفسها خرجات هي وأمير من الفيلا وتوجهو لاحد افخم المطاعم فالرباط طلعو لطابق الثاني لي كان حاهزو أمير ومزين بالورد الاحمر والشموع جر ليها الكرسي بلاباقة وباس يدها جلسات والابتسامة على شفاها والفرحة ما سايعاهاش شد يها وباسها مرة اخرى...
أمير..كيف جاك المطعم !!
زمرد.." كاتفحص المكان بعينها " زوين بزاف لكن علاش حجزتي المكان انا ماعنديش مشكل ادا كانو معانا الناس
أمير..لكن انا عندي المشكل بغيت ننفارد بزمردتي وناخد راحتي يكفي عمي لي واقف لينا على طالعة ونازلة
زمرد ..مابقى قد ما فاات ونكونو مع بعضنا
أمير...كانتسنى داك النهار بفارغ الصبر...........
_____ مكان اخررررر_____
بعد ماوضعت المسات الاخيرة رشات عطرها وهزات البوشيط وخرجات من القصر بخطوات متسارعة طلعت فلوطو ديالها وتوجهات لمطعم مسافة طريق كانت قدام المطعم فين كاين بدر بلاصات سيارة وتوجهات لداخل كاتقلب عليه بعينيها اول ما شافها شير ليها بيدو توجهات لعندو كاتقدم خطوة وتوخر لخرا وقلبها كايرقص على ايقاعات احيدوس😂 جرات الكرسي وجلسات......
شموخ.."برتباك " مساء الخير
بدر..."بصوت رجولي " مساء النور
شموخ..ياكما تعطلت !!
بدر..لااا شكرا حيت قبلتي الدعوة
شموخ.. "بخجل " العفو..
كانت عاطياه بظهر وكاتوجد لعشا جاها من الور وضمها وخشى راسو فعنقها وكايستنشق عطرها....
ابتهال.."بحيرة " هذا انس لي حكيت لك عليه "شافت ف أنس " ولدي هادي مهرة بنت خويا
انس ..."مد يدو والابتسامة على شفاهو" متشرف "غمزها "
مهرة..صافحاتو بزز " الشرف ليا ..
-______المغرب _____-
بعد ما تعشاو فجو هادئ شاف فيها وتكلم
بدر..غاندخل فالموضوع نيشان سبق ووقع بينا سوء فهم ومشاحنات غانكدب عليك الى قلت ليك ما كنتش مهتم بيك من اول مرة شفتك عجبتيني كان فالاول اعجاب ونفضتو لكن مع الوقت الاحساس طور هذا علاش كنت كانحاول نكون قاصي معاك باش نقمع احساسي لكن ماقدرتش من نهار لي مشيتي كنت كانجي يوميا لنفس لمكان باش نشوفك لكن ماكنتيش كاتجي من تم زاد شوقي ليك بعد اخد ورد مع قلبي وعقلي فاز قلبي وقرر يصارحك بإحساسو انا غرضي شريف اذا قبلتي غانجي لداركم
شموخ.."تخلطو عليها الاحاسيس بعد تفكير تكلمت " تكلمت ليا زمرد عليك وشكراتك حتى انا كانحس بشي حاجة ناحيتك ماعرفتش شنو هي لكن شي حاجة كاتشدني ليك "شافت ف عينيه " احم مدام غرض شريف موافقة لكن عطيني يوم على الاقل باش نخبر بابا
بدر...تبسم " خودي الوقت لي يكفيك
شموخ..قبل بغيت نعرف عليك كلشي
بدر.."تقاد فالجلسة "سألي وانا نرد...
-______فرنساااااا_______-
جلسو حول طاولة الاكل كانو البنات كايتعشاو فجو هادئ عكس ابتهال وانس لي ماسكتوش من. الهضرة وطول الوقت ماهزش عينيه عليها فكل ما كايدكر لقاء المطار كايتبسم لاحظة نظراتو ليها وخزرت فيه .....
انس ...الله شحال لذيذ هاد طاجين "باس يد ابتهال " الله يعطيك الصحة
ابتهال .."تبسمات " الله يعطي الصحة لمهرة انا غير ساعدتها هه
انس.."شاف فيها " اهااااه هي الانسة مهرة كاتعرف طبخ !
مهرة..الصمت
ابتهال ..طبعا بنت خويا تبارك الله عليها "كاتلمح ليه " وهذا مرضي الوالدين لي غاياخدها
رفقا بي يا جلادي الجزء 16
محتوى القصة
التنقل بين الأجزاء