صورة مصغرة لـقصة رفقا بي يا جلادي

قصة رفقا بي يا جلادي

qisat 9isat
رواية رفقا بي يا جلادي

شموخ. . "بصوت عالي" طلقو راسكم نبغي كلشي يكون هو هذاك "بتهديد" وياويلكم نلقى خطأ قد هاك 👌 ماتلومو غير راسكم يالاااااا.... "خرجات من المطبخ كاتجر فجلايلها وخلاتهم كايتفتفو وراها..."
الخادمة 1..ننننن ننننن يخ تفووو على سامة حك ليها بارت فهاد لقصر 
الخادمة 2. .ويلي وتسمعك غاتمسح بيك القصر بلي فيه 😂😂😂 
فوزية. ."رئيسة الخدم" طلقو راسكم ولي عندها شي لسان تبلعوو...... 
#غرفة-الجلوس 
منتصر. . وهو كذلك من هنا لشهر عرس ولادنا 
اصيل. ." أخ منتصر" لازم العرس يكون أسطوري ويتحاكاو بيه الناس
شموخ. .طبعا عمي هذا عرس أمير وعبلة كن اكيد غايكون عرس أسطوري يليق بعائلة بن يزين...
منتصر.. بنتي بغيتك تشرفي على كل صغيرة وكبيرة 
شموخ.. كن هاني بابا حبيبي 
عبلة.. بغيت فستان عرسي يصممو لي المصمم...... 
أصيل.. انت تأمري أمر غاليتي....
#فمكان-اخر
#تاركة....... 
فتحت ليها الخدامة الباب دخلت كاتجر رجليها بتعب توجهات ديريكت لغرفتها حيدات الفولار وحيدات حوايجها وتوجهات لحمام عمرات البانيو بالما ودارت جيل لاستحمام برائحة الغزامة وتخشات فالبانيو ورخات عظامها بعد يوم متعب..... 
نعمة.. صافية.... صافية
صافية.. /الخدامة/ نعام الالة
نعمة.. زمرد جات ؟
صافية.. ااه الالة عاد دخلت 
نعمة.. واخا بداي تنزلي العشا 
صافية.. هي للولة.....
#امريكا----------- ✈️
الشخص.. "كايتفتف" س سيدي سمح ليا 
امير.. "ببرود " مانعاودش نشوف خليقتك هنا 
الشخص.. حرام عليك اسيدي عندي عائلة شكون يعيلهم 
امير.. "بصوت خشن " هي كلمة ورد غطاها براااا من اليوم انت مفصول.......""خرج الشخص رجل خمسيني حاني راسو ومكسور بعد ما طردو البوص كيف كايقولو ليه"".......
سليمان.. ماكاتشوفش بلي قصيتي عليه
امير.. "نتر نترة من سيجارة" ماكاينش الخطأ ف قاموسي بسبب الغباء ديالو خسرت صفقة مهمة "بنبرة قاصية "ثم هادي شركة ماشي جمعية خيرية "شاف فيه " أوكي ؟..
سليمان.. اوك "وقف "اليوم خدمنا ساعات اضافية عيت غانمشي نعس تصبح على خير وحتى انت سير ترتاح
امير.. "وقف وهز لافيست"حتى انا غانمشي نرتاح باااي.... 
#المغرب----------- ✈️
#داخل-القصر 🏰
فوزية.. سيدي العشا جاهز 
منتصر.. "اشار ليهم " تفضلو.... 
"توجهو لغرفة الاكل لي كانت فخمة وغالب عليها الطابع الكلاسيكي تعشاو فصمت ومن بعد العشا جلوس فالصالة كايتكلمو على عرس امير .......
#تاركة-/-حي-راقي-فمراكش
نعمة.. غاتكون كملات الدوش غانمشي نكلمها
سمير.. خليك أنا غانمشي عندها.......
بعد ما جلست ساعة فالدوش شلت شعرها ولوات عليها فوطة قصيرة وخرجات منو نشفات لحيمتها مزياان ولبسات دو بياس وهزات كريم مرطب بنكهة الفاني وجلسات تدهن لحمها فتح الباب بالمهل بلا مايطرق اول ما جات عينيه على جسدها وسعهم على الآخر حس بإحساس غريب بلع ريقو وسد الباب....
سمير.. اعوذ بالله من همزات شياطين ان يحضرون..........
نعمة.. سمير.... سميرر
كان شارد عيطت بسميتو كذا مرة بدون رد""
نعمة.. "كاتحرك فيه " سميررر
سمير.. هاااااااه
نعمة.. "بلكنة شمالية" اوعدني يانا على راجل شني عندك؟.....
سمير.. "نتابه ليها "والو والو"توجه لغرفة الاكل وخلاهاا كاتبحلق فيه..... طرقت الباب ودخلت
نعمة "تبسمات"بنتي بالصحة
زمرد.. الله يعطيك الصحة.....
نعمة.. اجي ابنت تعشاي 
زمرد.. بلاتي نصلي ونجي 
نعمة.. "باست جبينها"الله يقبل زمردتي
زمرد.. "باست خدها " امين ماميتي........ 
#داخل-القصر
شموخ.. بابا عطيني قائمة الناس لي بغتيهم يحضرو وانا غانتكلف بالباقي.. 
منتصر.. الصباح إن شاء لله تكون عندك القائمة
شموخ.. إن شاء لله 
اصيل.. لازم امير يدخل المغرب فهاد الايام
منتصر.. عندو التزامات بزاف العرس باقي له شهر حتى الاسبوع لخر ويدخل ..
اصيل.. لي بان ليك..... 
#تاركة -----
بعد ما صلات حيدات الاسدال وبقات ببجامة فوق الركبة وكتافها عريانين فالغوز جمعات شعرها عشوئي وخرجات من الغرفة وتوجهات لغرفة الأكل كانت جالسة مها وباها 
زمرد.. "جلست" سمحو لي تاخرت عليكم
نعمة.. صلاة هي للولة ابنتي "اشارت ليها " بسم الله... "بداو عشاهم فصمت فكل ما كانت كاتحنى كان صدرها كايتكشف جزء منو تحت انظار باها "سمير "لي ما هزش عينيه على صدرها رجع ليه نفس الاحساس لاح المعلقة من يدو وناض بسرعة 
زمرذ.."بستغراب" بابا مالك؟
سمير.. احم والو.... "توجه لغرفتو وخلاهم كايشوفو فبعضهم..... 
نعمة.. اوعدي يانا على راجل حالو ما عاجبنيش
زمرد.. بابا مؤخرا ما بقاش عاجبني "شافت فيها " ياكما عندو شي مشكل 
نعمة.. "حطات يدها على خدها " نسولك نت لي اغلب الوقت معاه
زمرد.. ماما انا طبيبة والوقت كلو كانكون فلوبيطال عامين هادي،باش تعينت ومزال ما قادراش تفصلي بين شغلي وشغلو 
نعمة.. نت طبيبة دالعسكر وهو كلونير هااااء 
زمرد.. ولو ماما خدمتي وخدمتو لا علاقة بعضهم "دارت يدها على راسها "اوووف خلينا الاساس وشدينا فالخوا الخاوي انا غانشوف مالو.... 
نعمة.. غير خليك انا غانشوف شني عندو..... 
#امريكاااا--------✈️
منصور.. /خليجي/ ترى الغالية مشتاقة لك وايد... 
امير.."حط المشروب من يدو" حتى انا توحشتها
منصور.. لا واظح ااااه نسيت مبروك سمعت انك خطبت بنت عمك مع انك ما عزمتني مردودة لك ابن خالتي 👌
امير.. "تبسم " كانت خطوبة صغيرة بينا فقط على العموم مرحبا بيك فالعرس "غمزو"
منصور.. لا والله ما قصرت ما علينا امتى ناوي تشوف ستك! 
امير ..انت عارف هاد الايام مضغوط نشوفها فالعرس إن شاء الله 
منصور.. إن شاء الله.....

#لمحة-عن-البطل
الاسم.. امير بن يزين شاب عشرين 29 سنة ابن أغنى اغنياء المغرب منتصر بن يزين /الاسم لا علاقة له بالواقع/ امير تخلق ف امريكا وترعرع فيها من اب مغربي وام خليجية بضبط من الإمارات الأم ديالو اسمها مهرة كاتنحدر من عائلة ملكية قبل ثلاثين سنة تلاقات بمنتصر ف امريكا وحبو بعضهم توجه منتصر لدبي باش،يطلب يدها لكن لقى رفض من الاب ديالها هذا علاش طرو يهربو وتزوجو بعد سنة تزادت شموخ ولي كانت ثمرة حبهم بعدها بسنة ولدات امير زادت فرحتهم بعدما كمل امير اربع سنوات تزادت مهرة ام امير توفات اتناء الولادة هذا علاش قرر منتصر يسمي صغيرتو مهرة على اسم مها عمرو حملها ذنب وفاتها بالعكس هي قرة عينو ومدللتو بعد سنتين من وفات مهرة توفى باها وناضت مها كاتقلب على حفادها منتصر ما حرمهاش منهم كان كايبعتهم ليها فالعطل ولما كبرو ولاو يمشيو بنفسهم امير كان كايتنقل بين امريكا ودبي والمغرب بعد ما قفل عشرين سنة.دق قلبو لبنت عمو بغاها بشكل جنوني هي بدورها بغاتو ودارو علاقة فالسرر....

بعد ما قفل عشرين سنة قلبو دق لبنت عمو بغاها بشكل جنوني هي بدورها بغاتو ودارو علاقة فالسر امير كايمتاز بشعبية كبيرة فامريكا لدرجة مجلة امريكا لقباتو بالامير الخرافي نظرا للكم الهائل من المعجبات لي عندو لكن عمرو عطا الوجه لشي وحدة قلبو فيه مرا وحدة بس كيف كايقول "عبلة" بفضل الذكاء لي كايمتاز بيه قدر يوسع الامبراطورية لي بنا باه معروف بقصاوة قلبو ولي جا بين يدو ما كايرحموش بدريجة عاض الكبدة بالسنان.....منتصر نزل المغرب مع بناتو شموخ ومهرة ستقر فيه وخلى امير فامريكا لانو رفض يستقر فالمغرب بعد خمس سنوات قرر يخرج علاقتو بعبلة للعلن فرح منتصر بالخبر من ديما كان كايفكر يزوج ولدو الوحيد ببنت خوه الوحيدة وهكا غايديرو زيتهم فدقيقهم وخيرهم مايديه غيرهم...........
#نهاية اللمحة

#بعد مرور اسبوعين
كانت كاتزاول روتينها كيف ديما داخل قاعة الفحص لابسة البلوزة وكاضور على المرضة بين ما هي كاتفحص مريض وصلها اتصال من سمير كذا مرة تاصل عاد نتابهات دوزات الخط وتكلماات...
زمرد..وي بابا 
سمير..بنتي م ا ماماك هئ...هئ..
زمرد.."قلبها كايخفق بسرعة وكاترجف " ماما مالها ؟
سمير..البقاء لله ابنتي ماتت ماتت هئ..."قبل ما يكمل كلامو طاحت على وقفتها وغيبات....
#داخل-القصر🏰
شموخ ..اذا لقيت خطأ قد 👌 هاك ماتلوم غاروحك
ممون الحفلات.. تيقي فيا ا انسة العرس غايكون كيف بغيتو ديزاين مختلف واطباق مختلفة...
شموخ..ماعنديش حل اخر من غير نتيق فيك بس والله ونلقى خطأ ولو صغير شهد على روحك"شارت ليه "...تقدر تتفضل..........."خرج ممون الحفلات كايتفتف ودخل مصمم الازياء
مصمم الازياء../خليجي/انسة شموخ هذا التصميم الاخير للفستان بعتو للانسة عبلة عبر الايميل وعطتني الاوكي لازم موافقة سيادتكم
شموخ.."كاتشوف التصميم" حبيت😍
مصمم الازياء..عجبك ؟
شموخ..وااايد بس لازم الخياطة تكون بجودة عالية الفستان راح يكون من حرير التافيتا الخالص ولونو عاجي والدانتيل ويكون مرصع بالماس وابغى طول ديل الفستان حوايلي 7,60 متر اوك اه وشي ثاني لازم تصمم فستان احتياطي بنفس الجودة لكن التصميم مختلف اذا تم تسربب تصميم الاول ناخد الثاني اوك ؟
مصمم الأزياء.. اوك طال عمرك....
شموخ.. "اشارت ليه " تقدر تتفضل مشكور... 
#بعدمروراسبوع
مر اسبوع على وفات نعمة خوات دار من العزايا وبقات غير زمرد وباها طول الاسبوع وهي كاتبكي رافضة تاكل او تخرج من غرفتها موت نعمة المفاجئ خلاها تنهار مزال ما قدرت تتقبل موتها لي كان بسبب حادت سير مفجع ادى لوفاتها...

عتدلت فالجلسة ولوات عليها ليزار وكاتشوف فيه بحب مدات يدها وكاتمررها على لحيتو وعينها فعينيه.... 
عبلة.. ماتصورش شحال كنت موحشاك
امير. ."باس يدها من الداخل " نفس شيئ 
عبلة.. واخيرا غانتجمعو تحت سقف واحد بدون خوف او قيود.. 
امير.. "عض شفتها التحتية" ااااخ من هاد شفاه وحلاوت هاد شفاه فجميع الحالات نت ملكي سواء بالعقد او غير
عبلة.. شنو درتي فيا سلبتي قلبي وعقلي فقد عقلو "عضاتو فشفاهو.... 
تسطح فوق منها ورجع كايلتهم شفاهاا.....
عبلة.."بدلع "نوض حبيبي دابا يدخل علينا شي حد
أمير.. "باسها فعنقها " يمكن نسيتي بلي هادي غرفتي وحتى حد مايتجرء يدخل بلا إذن 
عبلة.. "بمياعة"باركة بب نوض 
امير.. بعد شوط الثاني "غمزها ورجع كايلتهم فمها 🔞🔞🔞🔞.........
#تاركة... 
لبسات اسدالها وتوجهات لقبلة كاتصلي بكل خشوع وكتدعي مع مها بالرحمة ودموع مالين عينيها بعد ما صلات قرات ما تيسر من القرآن وحيدات اسدالها بقات غير بشوميز دو نوي خدات كينة دنعاس باش تقدر تنعس راسها غايطرطق بسهير وتخشات ففراشها بعد 10 دقائق غفات تفتح باب غرفتها ببطئ دخل لداخل الغرفة جلس فطرف السرير وكايتفحص جسدها عينيها كان جسمها شبه مكشوف صيقانها عريانين صدرها شبه مكشوف رجع 
لي نفس الإحساس وجبينو كايقطر بالعرق حس بالحرارة فجسمو وقف بسرعة وخرج من غرفتها وتوجه لغرفتوو...... 
سمير.. "بينو وبين نفسو " أعوذ بالله من همزات الشياطين أعوذ بالله من غضب الله اشنو هاد شي "كايضرب راسو يبدو "فيق اسمير زمرد بنتك بنتك.. كاتفهم بنتك..... 
#بعدمروراسبوع
اليوم-الموعود💃
داخل القصر لي كان مزين وفابهى حلة كانو قصر الف ليلة وليلة كانت شموخ واقفة بقفطانها المخملي جنب منتصر لي كان بدورو فالهى حلة كايستقبلو ضيوف من نخبة المجتمع وزراء وسياسين وفنانين مغاربة واجانب وامام بوابة القصر كان حشد كبير من الصحافة كايلتقطو صور لضيوف الحي ولا بلان بالسيارات الفارهة ولي من نظرة الاولى غاتعرف بلي مولاها خانز فلوس واغلب السيارات كان الماطركيل ديالهم خليجي أوروبي....

بعد انتضار ليس بالهين وصلو العرسان فسيارة لي موزين فالون الابيض اول ما وقف السائق بداو الصحافة شي كايدفع شي وكل واحد فيهم باغي يكون سباق فترسيخ الحظة فتح ليهم السائق الباب بلاباقة ووقف داير يد وحدة وراه نزل امير هو الاول لابس كوستم فالاسود لونو المفضل مع شوميز بلونش و بابيو 
فالاسود مد يدو بلاباقة وشد يدها خرجات من ليموزين لابسة تكشيطة مخملية فالابيض من الحرير التافيتا الخالص مرصة بالؤلؤ وحجيرات صغار من الماس..وطرحة نازلة على وجها وتحت منها تاج👑 من الذهب الابيض مرصع بالماس شد يدها وباسها تحت انظار الصحافة لي كل واحد فيهم كايضرب بالفلاش دياالو فوجه العرسان تمشاو فوق طابي غوج منتور فوقها الورد فالاحمر والابيض ونكافة وراهم كاتصلي على نبي دخلو لداخل القصر بالدبكة البنانية والكل فيكساو عينيهم فتجاهم......... 
#تاركة --------
بعد ما صلات حيدات اسدالها وبقات ببيجانة شورط قصير مع دبلدور ديالو فالازرق دهنات لحمها بكريم مرطب نكهة الفاني وجمعات شعرها عشوائي وتخشات ففراشها حطات راسها على المخدة ونزلت دمعة حارة شقات طريق على خدها بعد 15 دقيقة تقريبا غفات تفتح الباب من جديد ولا ضابط وقت نعاسها توجه لسرير وجلس كايتفحص جسدها لي كايتفجر انوثة صدر بارز واردف مشدودة نتابو نفس الاحساس لكن هاد المرة قوي بجرعة زائدة طغا عليه احساس شهوة ورغبة جامحة هاد ليلة غير ما قدرش يتحكم فنفسو حط يدو على صدرها وخشى راسو فغنقها حسات بحال شوك كايدك فعنقها كانت لحيتو وانفاسو حارة كاضرب فعنقها فتحاات عينها ووسعاتهم على اخرهم.....
زمرد. .باباااااا 
سمير.. "جمع يديه " زمررتي 
زمرد.. "نتابها خوف رهيب " ب بابااا بغيتي شي حاجة.. 
سمير.. "كايشوف فصدرها " ااه بغيت وبغيت بزاااف "حط يدو على صدها وحاول يبوسها فمها "....وقفات بسرعة ودفعات يديها وكلها كاترجف.... 
زمرد.. اعوذ بالله من همزات الشياطين بابااا انا زمزد بنتك... 
سمير.. "كايتمشى فتجاها" حيت نت بنتي انا احق واحد بهاد الجسد "جرها لعندو وكايحاول يبوسها دفعاتو بكل قوتها ودموع ف عينيها 
زمرد.. باباااا هئ..... هئ حرام هاد شي لي كادير 
سمير.. "جدبها لعندو " خلينا نساو الروابط والدين ونعيشو الحظة"باسها فمها بقوة ستجمعات قواها ودفعاتو بكل قوتها وكلها كاترجف رجع جرها بقوة ولاحها فوق سرير ونقد عليها مدات يدها وضرباتو بفاز لراس حتى نقز دمو وقفات بسرعة لاحت عليها عبايتها خدات تيلي ديالها وبوشيط فيها الفلوس كانت جنب سرير لاحت شال فوق راسها يالا بغات تخرج وهو ينوض وجرها لعندو وراسو كاينزف رفع يدو ونزل عليها لوجه حاول يحيد ليها العباية دفعاتو بكل قوتها وخرجات من الفيلا كاتجري تبعها بخطوات متسارعة لكن ما لحقش عليها وقفات طاكسي بسرعة وقالت ليه الوجهة مسافة طريق كانت قدام القصر نزلت ورجليها كايرجفو ستغربات من الكم الهائل من السيارات والصحافة توجهات لباب ووقفوها الحراس... 
الحارس.. عندك دعوى ؟
زمرد.. "صوتها كايرجف" الله يخليك بغيت نشوف فوزية هي رئيسة الخدم فهاد القصر
الحارس.. شكون نقولها ؟
زمرد.. زمرد...زمزد بنت ختها....

تاصل بفوزية وعلمها طلبت منو يبعتها لباب الخدم بعتها لباب لخدم توجهات ليه كانت فوزية فنتظارها.....
فوزية.. "بستغراب " خير اش جابك فهاد ليل
زمرد.. خالتي محتاجاك هئ..... هئ بااباا بابا
فوزية.. "حطات يدها على فمها "مااااات؟
زمرد.. لااا هئ....هئ... 
فوزية.. "جراتها " دخلي دخلي عندي مايدار سيري لداري نعسي حتى يصبح الحال ونتكلمو يالا طلقي راسك..... "توجهات زمرد لدار خالتها لي داخل القصر وفوزية رجعات لكوزينة كاتكمكم..... " تفف تففف لي ماعندو همو تولدو ليه حمارتو... 
مسعودة.. /خدامة/لااا فوزية قولتي شي حاجة 
فوزية.. "بعصبية "ماقلت شاي قضي شغلك ونت غاراخية عليا ودنك... "كانو الخدم لي فالقصر واقفين على قدم وساق كل واحد شنو كايدير بس حدهم المطبخ خارج المطبخ كانو سرباية لي،جاو مع ممون الحفلات لبسات العروس كذا لبسة واخا ما كانتش حاملة تبدل،كل دقيقة لكن لازم تخضع لتقاليد كان العرس اسطوري كيف بغاو واخيرا وصل وقت الفستان الابيض اول ما دخلت العروس كلشي حل فمو وكلشي هز تيلي ديالو وكايصور كان فستان مخملي تصميم راقي وعمر شي عروس مالبست بحالو رقصو العرسان على انغام اغنية اجنبية رومانسية وقطعو الكاطو بعد دقائق لاحت عبلة بوكي الورد وخرجات هي وامير من القصر توجهو ديريكت لمطار طلعو فطائرة الخاصة ديالو وحلقو لجزر المالديف...... بعد ما مشاو العرسان القصر خاوا من الضيوف وعائلة بن يزين كل واحد فيهم توجه لغرفتو يرتاح بقاو غير الخدم كايجمعو الروينة ظهرهم تقسم بالعيا شرقات شمس وهما مزال واقفين على رجليهم فوزية ما حكاتش راسها كاتنقز من قنت لقنت ونسات زمرد........... لي ليل كامل ماغمضش ليها جفن الدنيا تلفت بيها مابقات فاهمة والو حياتها تقلبت مستحيل ترجع لدار باها بعد لي وقع كيفاش فكر بهاد شكل وكيفاش طاوعو قلبو هاد اسئلة طرحاتهم على نفسها ومالقاتش ليهم جواب ناضت بتتاقل توجهات لحمام قدات حاجتها وتوضات وتوجهات القبلة كاتصلي وكاتطلب من الله يلقى ليها مخرج بعد ما صلات جمعات صلاية ورجعات لحاف تكمشات فيه........ "فاقت بنت فوزية كاتكسل شافتها وماهتماتش ليها توجهات لطوليت تقدي حاجتها فهاد الاتناء دخلت فوزية لدار...

فوزية.. صباح الخير 
زمرد.. صباح النور خالتي 
فوزية.. "جلسات جنبها " خير اش واقع 
زمرد.. غير واحد المشكل مع بابا 
فوزية.. اشنو هاد لمشكل لي يخرجك ف تالي اليل؟ ياكما شاف عليك شي حاجة ؟
مزد.. "تبسمات بسخرية" ياريت كان هذا هو المشكل.. 
فوزية.. مادوخيش ليا راسي الله يرحم باك اليل كامل ما غمضت عيني ومزال تابعاني روينة طلقيني خلاص اش واقع 
زمرد.. والو اخالتي والو ماتشغليش بالك 
فوزية.. "وقفات بتعب " رااا الكوزينة كاتعرفيها الى فيك جوع نوضي ليها انا غانمشي نكمل شغالي.... 
إكرام.. نايضة نايضة وجدي ليا معاك قهيوة وسخني الخبز راه فالسلة 
زمرد.. "وقفات " واخا...... "توجهات زمرد لكوزينة وفوزية توجهات لمطبخ القصر بعد ما وجدات زمرد الفطور فطرات ولاحت الشال على راسها ووقفات..... 
زمرد.. إكرام بغيتك تمشي معايا عافاك 
إكرام.. فين إن شاء لله 
زمرد.. لدارنا نهز شي حوايج 
إكرام.. علاه ناوية طولي عندنا ههه 
زمرد.. لا لا واش تمشي معايا
إكرام.. لا احبيبتي عندي مايدار "بسخرية "هااااااء قالت ليك نمشي معاها.... 
خرجات زمرد من القصر من باب الخدم طبعا تمشات حتى لراس شارع ووقفات طاكسي عطاتو لعنوان وتوجه ليه مسافة طريق كانت قدام الفيلا ديالهم خلصت سائق ونزلت كاتقدم خطوة وترجع لخرا وقفات قدام الباب خدات نفس عميق وطرقت الباب فتحات ليها الخدامة ودخلت توجهات ديريكت لغرفتها فتحات البلاكار وحطات شانطة فوق سرير وجمعاات حوايجها توجها لواحد المجر جامعة فيه شواهيد ديالها ولاكار ناسيونال وكل وراقها فتحاتو وكانت الصدمة مالقات حتى ورقة البيت كامل قلباتو ووالو عرفات بلي باها لي خداهم شكون من غيرو نزلت شانطة لطابق السفلي وجلست فصالة كاتسناه...... 
مع ديك الوحدة جا لدار اول ما فتح الباب جات عينو عليها وتبسم....

سمير.. زمردتي ههه
زمرد.."وقفات" فين هما الوراق ديالي
سمير.. أمكن نسيتي بفلوسي درتي دوك الوراق "كايشوف فالشانطة " كنت متوقع غاتخوي دار إذا باغي وراقيك وتبقى فخدمتك بقاي فالدار ولا نساي بلي غاتاخديهم ونساي لوبيطال ونساي السيارة وحتى الكونط بنك نسايه😜
زمرد.. "غرغرو عينيها "مستحيل يكون هذا بابا هئ.... هئ.... بابا انا بنتك رجع لرشدك 
سمير.. شكون قالك بلي انا باباك؟ بما اننا وصلنا لهنا مافيها باس نحطو البيضة فالطاس
انا ماشي باباك كاتسمعي ماشي باباك انت لقيطة نعمة قبل زواجنا كانت على علاقة بواحد ملعق وكانت خدام عندو فالشركة ديالو كانت سكرتيرة وانا كنت صديقو واول ما شفتها عجباتني ولما بغيت نطلبها لزواج كتشفت بلي هي عشيقتو لما قنع منها لاحها بحال شي تنخيمة من عرف بحملها طردها من الشركة وانا لي نقدتها من العار وتزوجتها وولداتك وكبرتك عمري فكرت نوصل لهاد لحال لكن لما بلغتي ومفاتنك برزو وليت كانحس بإحساس غريب تجاهك وهاد الإحساس كبر نهار على نهار "كايقرب منها نهار على نهار كانشوف نعمة صغيرة نفس الجسد ونفس الملامح ونفس الشفاه ونفس الصدر "جرها بقوة ولصقها عليه " نت من حقي كاتسمعي من حقي انا احق واحد بهاد الجسد بعد ما عرفتي الحقيقة ما بقاش عندك علاش ترفضي "حاول يبوسها ودفعااتو بقوة" 
زمرد.. "كلها كاترجف ودموعها نازلين " كدااااااااب هئ.... هئ.... كدااااااب مستحيل نصدقك هئ....... هئ..... "طاحت على ركابيها "اااااااااااااااااااااااه هئ... هئ.... علاش اماما كدبتي عليا علاااااش هئ..... هئ..... "وقفها"
سمير.. انت ملكي كاتسمعي ملكي......
زمرد.. "دفعاتو بكل قوتها " بعددددددددددد مني هئ...... هئ...... 
سمير.. "بعصبية.. برااااااااا انا ماشي مضطر نهزك حياتك كاملة "اشار بصبعو " كوني اكيدة غايضربوك الحيوط وغاترجعي لعندي 
زمرد.. "كاتمسح دموعها " شكون هو باباااا ؟ هئ.... هئ... شكون هو ؟
سمير.. مستحيل نقول ليك مستحيل باباك قربب منك اقرب مما تتخيلي لكن لانت عارفاه ولا هو عارفك هههههههههههههههههه "خنزر فيها " برااااااااااااا........ 
زمرد.. "كاضرب فصدرو بهستيرية" شكون هو شكووووووون هئ.... هئ... شكون هو ؟
سمير.. كوني ليا ونقولك شكون
زمرد..نجوم سما اقرب لك 
سمير.. خرجي من داري براااا شواهدك وبطاقتك عندي ويري فبالك ماتحلميش ترجعي لوبيطال ومهنت طب محرمة عليك من اليوم وحتى مستشفى ما غايقبلك "كايحرك فراسو " هاحنا غانشوفو حتى لين غاتبقاي مقصحة راسك............ "جرات شانطتها وخرجات من الفيلا كلها كاترجف ودموعها نازلين تصدمات زوج صدمات فوقت واحد وقفات طاكسي ورجعات لقصر جارا وراها اديال الخيبة..... مسافة طريق كانت قدام القصر دخلت من باب الخدم وتوجهات لدار خالتها طرقاات الباب وفتحات ليها اكرام كاطلع فيها وتنزل...

دخلت لدار وجلست فوق السرير كاتشهق ودموعها نازلين... 
اكرام.. "بستغراب " مالك ؟
زمرد.. حياتي كدبة.... كدبة هئ.... هئ... شكون انا وشكون هو باباا...واش زمرد سميتي هئ... هئ..... 
إكرام.. اش كاتخرفي "قاصت رأسها " ياكما طالعة ليك سخانة 
زمرد.. هئ..... هئ... انا براسي ما عارفاش اش هاد شي 
اكرام.. "هزات كتافها" هااااء وانا مالي.... 
"توجهات لغرفتها وخلاتها كاتبكي.... بعد ساعة جات فوزية لدار وحكات ليها كلشي حلت فمها على اخرو...... 
فوزية.. سمير بغى يتعدا عليك شراف اصلا من ديما كنت عارفاه زا*ل وشنو غاديري دابا ؟
زمرد.. "شافت فيها " كنت عارفة بلي انا ماشي بنتو هئ.... هئ.... 
فوزية..ايه كنت عارفة 
زمرد.. هئ..... هئ.... شكون هو بابا شكون ؟
فوزية.. علمي علمك انا من صغري وانا خدامة فهاد القصر ماماك ختي غير من مي هذا علاش ما كنتش كانشوفها بزاف فين وفين هي كان باها ميسر وانا با كان طالب معاشو هي قرات وانا ضربت جفاف على قلبي حتى نهار لي كتاب عليها المكتوب وجرا عليها باها عاد جات لعندي..... "بعصبية "اصلا انا سعدي غا فالمصايب معرفتش شكون ضحك عليها جلسات عندي اسبوع ومن بعد جا داك وجه النحس دسمير داها وتزوجهو...... 
زمرد.. "مسحات دموعها " يعني ما عارفاش شكون هو بابا 
فوزية. .اش عرفني "حطات يدها على رأسها "اووووف راسي كايحرقني عيت.... "شافت فيها " ايوا وشنو ناوية ديري شوفي داري صغيرة يالله قاداني انا وراجلي وبنت لي طلقات وجابت ليا معاها بنتها اووووف سعدي فالهم.... 
زمرد.. غانبقى معاك غير شي اسبوع على مانلقى شي اوبيطال نخدم فيه.....
فوزية. .انا غانمشي نتكا شوية عيت ... "توجهات فوزية بغرفتها تكات وزمرد بقات فالصالة تكمشات فالحاف وجلسات تخمم...
اليوم التااااااااااالي..... 
فاقت مع أذان الفجر توجهات الحمام قدات حاجتها وتوضات وصلت الفجر وجمعات فراشها هزات تيلي ديالها وخرجات من القصر من بابا الخدم كيف ديما تمشات حتى لراس الشارع خدات طاكسي وتوجهات لوبيطال وسط المدينة اول ما عطاتهم سمية ورفضوها سمير بفضل المعارف ديالو تسحبات منها رخصة التطبيب وهكا مابقاتش طبيبة وحتى لوبيطال ما غايقبلها رجعات لقصر جارا وراها اذيال الخيبة وصدمة اخرى وقف حسابها البنكي بحكم هو لي فتحو ليها وكان كايحط ليها فلوس وقف ليها الحساب باش تجوع وترجع لعندو دنيا داقت بيها بكات حتى طاب قلبها خالتها مستحيل تقبلها تسكن معاهم بلا ريال بلا زوج خرجات ثاني من القصر وتوجهات لكاع العيادات لي فالمدينة بغات تخدم كامساعدة طبيب على ماتشوف حريرت الرخصة لكن بدون جدوى حتى عيادة ماقبلتها كلها وشنو كايقولها يد سمير واصلة ماشي غايدو يد شخص مهم فالبلاد وليه كلمة لتجأ ليه سمير باش يعاونو بما انو صديق طفولتو عطاه سمية وهو تكلف مع انو ما كايعرفهاش يكفي ان صديقو طلب منو يساعدو...... مر اسبوع وهي كاتقلب على خدمة ووالو توجهات لمستشفى العسكري فين كانت خدامة كاتستفسر علاش تسحبات منها الرخصة حتى حد ما عطاها وجه لازمها محامي باش ترفع عليهم دعوى لكن فين هما لفلوس رجعات القصر وكلها خيبة امل ويأس...

فوزية.. "دايرة يدها على نصها " شنو غاتبقاي تاكلي وتنعسي عندي هنا فندق بنت لي بنت وكاتخدم وتعطيني الفلوس باش مسكناها 
زمرد.. خالتي عرفت راسي تقلت عليك صبري عليا غير شوية غير نلقى خدامة وغانعيك الفلوس ولا نخرج لي يريحك... 
فوزية.. لي يريحني هو تهزي راسك ماعنديش هنا خيرية "حطات يدها على راسها "اووووف فين ما كانت شي كارتة طيح عليا "شافت فبنتها " ونت الحاجة شفتك هاد شهر ميكتي عليا ماعنديش هنا فنقدق
إكرام.. امي هاد شهر الخدمة عيانة صبري عليا شهر جاي نعطيك... 
فوزية.. لا مزيان والله الى مزيان نهزك نت ر
ونهز بنتك بحليبها ولكوشها اشمن ربح غاندي معاك شوفني نت وهي فهاد سيمانة الفلوس يكونو عندي الكوزينة خوات بااااح كولو لحجرررر........."خرجات من دار كاتنكر وتوجهات لمطبخ القصر......"داز نهار طويل بنسبة لزمرد لي رجليها حفاو وهي كاتقلب على خدمة ولات كاتقلب فكلشي مابقاتش باغية غير ميدانها لكن بدون جدوى رجعات لدار خالتها وجارا وراها اذيال الخيبة من جديد
داخل-القصر 
فوزية.. لالة شموخ 
شموخ.. "كاتصفح مجلة"وي 
فوزية.. محتاجين خدامة.. 
شموخ.. "شافت فيها " كانظن هادي مهمتك 
فوزية.. لالة الخدامة موجودة 
شموخ.. "وقفات " اوك تقدر من اليوم تبدا مدام محتاجينها "رفعات حاجبها"كاتعرفي شروط مانبغيش قوة لوك لوك والمشاكل والى بلاش.. 
فوزية.. ماتخافيش الالة.... "طلعاات شموخ لبيتها وفوزية توجهات لدارها... "شافت فيها " نوضي تبعيني.. 
زمرد.."باستغراب " لفين؟
فوزية..غاتخدمي فالقصر معايا ماغاديش تبقى ميمي نيني.... تبعيني..... 
زمرد.. "دارت شال " واخا...واخا... "توجهو المطبخ لقصر غير دخلو كلشي كايشوف فيها مستغربين..... 
مسعود.. لالة فوزية شكون هاد الغزالة.. 
فوزية.. هادي بنت ختي وبتداءا من هاد لحظة فاتكون معاكم 
مسعودة ..مرحبا مرحبا"كاتبتسم ...
وصال /خدامة/"كاتميق فيها " فوزية القصر كاينغل بالخدم
فوزية.. ديها فشغالك 
زكرياء.. /سائق/ أهلا أهلا مرحبا بيك معانا أش سماك الله... 
زمرد.. شكرا سميتي زمرد 
زكرياء "بإعجاب" اوووه اسم فريد من نوع غزال بحالك
فوزية ..اداك الحامض سير شوف شغالك وانت غانابت ليا هنا ليل نهار 
وصال "كاتخنزر فيه " قالت ليك صح نوض تهز من هنا.... 
زكرياء.. قصر باك وأنا ماعارفش؟
فوزية.. "بعصبية"فرقو عليا هاد سوق...

زمرد نت غاتكلفي بالغرف مع وصال 
زمرد..مافهمتش؟
وصال ..يعني الغزالة غاتبقاي تجمعي بيوت نعاس وتنظفي الحمام وتنزلي تصبين لبيت تصبين وتصبنيه....
زمرد.. احم واخا 
ناصر.. /طباخ ماشي حرام هاد الجمال كلو تجمع الغرف... 
فوزية.. أداك الشارف "فخاطرها" زا*ل ديها فطناجرك الله يخليك 
ناصر.. فوزية نت رئيسة عليهم ماشي عليا شوية الإحترام الله يخليك "قلب وجهو بعصبية"....
فوزية.. "كاتبركم"ايييخ على منفوخ كي داير...
اليوم الموااااااااااالي 
فاقت مع اذان الفجر صلت الفجر وجمعات فراشها.... وتوجهات المطبخ وجدات الفطور فاقت فوزية وفطرو بزوج وتوجهو لمطبخ القصر..... 
فوزية.. يالا بداو تجهزو الفطور 
زمرد.. انا شنو غاندير 
فوزية.. نت ماديري والو دابا حتى يفطرو مالين القصر عاد طلعي لطابق الثاني وجمعي الغرف مع وصال...... "كل واحد كايدير خدمتو فاقت شموخ مبكرة خرجات من القصر كاتجري نفس شئ بنسبة لمهرة بعد ساعة رجعو طلعو لغرفهم خداو شور ولبسو حوايجهم ونزلو لتحت فاق منتصر هو بدورو خدا دوش ولبس حوايجو ونزل لعندهم نزلو الخدم الفطور وزمرد و وصال طلعو لطابق الثاني وبداو مهمتهم..... 
وصال..نت جمعي بيت مادموزيل شموخ وعندك تنساي دوش اااااخ وتلقى شي حاجة ماشي حتى لهيه خرااات عليه "ضحكت بدلع "هههههههه "توجهات لغرفة منتصر وخلات زمرد وراها كاتبحلق فيها.... "دخلت لغرفة شموخ وكانت غرفة راقية كل حاجة فبلاصتها غرفة شاسعة وطاغي عليها لون الابيض فتحت ستائر ... وتوجهات لسرير جمعاتو ورتبات الغرفة من بعد توجهات لحمام رجعات كل حاجة بلاصتها ونظفاتو بعد ما كملت من الغرفة خرات توجهات للغرفة لي جنبها فتحاتها ودخلت كانت مقربلة بحال الى داز عليها اعصار لفساتين كل واحد مليوح فجيه وسرير مخربق شمرات جلايلها وبدات كاتجمع ساست سرير وجبداتو وتوجهات لدرسينغ لي كان مقلوب رجعات كل حاجة بلاصتها وقادات بلاصة الميكاب من بعد توجهات لحمام لي كان مقلوب سفاه على علاه طبعا هادي مهرة مدللة العائلة ديما بيتها مقلوب بدات كاتجمع الحمام وكاتبركم..... 
زمرد.. ايه ازمرد كنت راس وليتي رجلين شكون قال الطبيبة لي نجحات بدرجات متفوقة وتختارت من بين احسن الاطباء فدفعتها غاترجع خدامة..... جمعات الحمام ورجعات كل حاجة بلاصتها ماكملت حتى ظهرها كان غايتقسم وقفات بتعب ودارت يدها على خصرها..... اووووووف واخييرا.. 
خرجات من الغرفة لقات وصال يالا خارجة من غرفة منتصر كاتعوج بلعاني عصرات فيها باش زمرد تجمع غرفة مهرة لي كاتكره تجمعها بسبب الفوضة لي فيها.... 
وصال.. كملتي؟ 
زمرد.. "اشارت لغرفة " جمعت غرفة الانسة شموخ ومن بعد جمعت هاد لغرفة... 
وصال.. يالا نزلي المطبخ "كاتعوج "تبعيني... 
زمرد.. "كاتبحلق فيها "تفووو على ماركة... 
نزلو لمطبخ جلسات فوق الكرسي بتعب 
مسعودة.. وصال اجي غسلي معايا الماعن
وصال.. "كاتبرد ظفارها" شغلي درتو 
زمرد.. بلاتي نعاونك انا 
مسعودة.. سيري بغيت ربي ينور طريقك كيف ما نور وجهك 
وصال.. "عوجات فمها" اممممم....

#بعدمروراسبوووووع..... 
شموخ.. فوزية... فوزية.....
فوزية.. "توجهات ليها كاتجري " نعام الالة
شموخ ..جهزو جناح امير 
فوزية.. اووو دغية سالة شهر العسل 
شموخ.. ديها فشغالك وديري لي قلت ليك "بتحدير " ااااه ياولكم يلقى جناحو مامرتبش كيف بغى راك كاتعرفيه بلا ما نهضر... 
فوزية.. " كاتفتف "كوني هانية الالة.... " طلعت شموخ لغرفتها كاتمختر وفوزية توجهات لمطبخ.... "شافت فيهم " وصال زمرد تبعوني.. 
وصال.. لفين. ؟ 
فوزية.. لجناح داك الجنس ناقص ايخ غايرجع ثاني بصداعو وفشوشو "شافت فيهم "تبعوني خلاص.....تمشات بخطوات متسارعة ووصال وزمرد وراها طلعو لطابق الثالت كان فيه جناح كبير وطاغي عليه طابع الاوروبي داخل الجناح كان بهو شاسع وفيه بعض تماتيل على اليمين كان باب ماعرفات شنو داخلو وعلى ليسار كان صالون صغير كلاسكي وجنبو ممر طويل ماعرفات لين كايودي اونفاس معاهم الدروج لي كان واسع طلعات فوزية وتبعوها من لور دخلو لغرفة كانت كبير بزاف وطاغي عليها الون الاسود سرير دائري الشكل فالون الاسود وعلى يمينو طيراس كبير وعلى يسارو باب كايدي لدرسينغ وجنب لاطيراس كان الحمام حتى هو كبير ومنظم شافت فيهم.... 
فوزية.. نبغي الغرفة تغير من قبل كانت ديال ولد عازب دابا الولد تزوج واكيد المدام غاتبغي فراش مبهج ماشي هذا لي كايجيب لخنقة كي مولاه نبغي الغرفة ترجع كاتضوي وحس الغبرة مانلقاهش ولا ليلتي وليلتكم كحلة والحمام ياويلكم يلقاه ماشي هو هذاك خرات علينا من بعد نزلو لتحت سيقو ومسحو الغبابر وماتنساوش المكتب ديالو كلشي بغيتو يشعل 
وصال.. "وسعات عينيها "يااااااي امير جاي
فوزية.. ايه زفت جاي راك عارفاه جلاخة نقي الجناح وبلعي لسانك "حطات يدها على رأسها " اوووووف امير جاي يعني الرعب والستريس والهم الكحل جاي حتى هو اووووف "شافت فيهم "يالا طلقو راسكم..... "خرجات من الجناح وخلاتهم كاينفدو لي طلبات وصال كانت غاطير بالفرحة محبوب قلبها جاي واخا عمرو شاف ف خليقتها لكن كاتسطى عليه....

#جزرالمالديف 🏖
امير.. "بنفاد صبر" عبلة ديري عقلك 
عبلة.. "بصوت عالي" ماتهضرش معايا اليلة غانرجع المغرب وديك العاهرة شبع بيها 
امير.. "بعصبية"علاش مكبرة الموضوع مابيني وبينها والو سيدة كانت كاتصرف بشكل عادي نت لي دماغك مريض 
عبلة.. يعني انا حمقة دابا انا حمقة 
امير.. "كايحاول يتمالك نفسو " حبيبة كالما خلينا نهضرو بالعقل 
عبلة.. "كاتشير لنفسها" دابا انا ماعندي عقل "ضحكت بهستيرية ودموع ف عينيها " ههههه هئ... هئ.... "بصوت عالي ..... رجعني فحالي
امير.. "بنفاد صبر " لي بغيتي 
عبلة.. هي دابا نيت....توجهات لدرسينغ جمعات حوايجها وخلات حوايجو شاف فيها بنفاد صبر حل شانطة وجمع حوايجو بعصبية وتوجهو لمطار....... 
#المغرب........ 
بدلو فراش الغرفة وستائر كلشي كان بالابيض والبيج مسحو الغبابر وردو الغرفة كاتشعل والحمام كذلك من بعد نزلو لتحت سيقو ومسحو وردو دنيا كاتشعل ماسالاو حتى ظلم الحال زلو الطابق السفلي مهدودين فتحات التلاجة وخدات قرعة الما نزلت عليها وجلست فالكرسي بتعب.... 
فوزية.. ناصر.. ناصر
ناصر.. نعام..
فوزية.. وجد العشا وجهز الاطباق لي كايبغي سي امير دخل المغرب مسافة طريق وغايكون هنا يالا طلقو راسكم
زمرد.. خالتي انا عيت غانمشي نرتاح.. 
فوزية.. اليوم ماكاينا راحة 
زمرد.. "بعدم حيلة" واخا غير نصلي لي فاتني ونرجع 
فوزية.. طلقي راسك ماتعطليش..... "توجهات زمرد لدار خالتها خدات دوش وتوضات وصلت لي فاتها من بعد توجهات لكوزينة عتقات روحها ورجعت لمطبخ القصر كانو كلهم واقفين على قدم وساق كلشي كايزرب 
وصال.. "كاتصايب سلاطة " اييييخ تفوو ديك البعكاكة غاتسكن هنا كاتجيب ليا شلل بفشوشها.. 
مسعود.. "كاتنقي الخضرة وتمد لناصر " ايوا بنت السياد وخدات ولد لسياد لي عطاتو يامو يشالي بكمامو 
ناصر.. طلقوني خلاص من نميمة.. 
زمرد.. شنو ندير انا 
وصال.. ضربي لينا شي تصويرة ..نقي الخضرة غسلي الماعن لي ستعملنا ماشي تبقاي واقفة ايييخ على بهلة
زمرد.. ايييه حترمي نفسك وعرفي اش كاتخرجي على فمك
وصال.. اجي ضربيني حسن
فوزية.. "بعصبية "بلعو لسانك فرعتو ليا مخي 
وصال.. ماشي حيت بنت ختك ختك غاتركب لينا فوق الراس كل ساعة شنو ندير شنو ندير زعمة ما عارفاش،اش دير 
زمرد.."ببرود " ادا جاوبتك راني بحالك
وصال.. "لاحت الموس من يدها" علاه شكونك بسلامة حتى ماشي بحالي بنت بابة كبير بياع لحمير هاااااء زوينة هادي.. 
"دخل فجأة وسمعهم كايترادو الباقية غير شافوه فشلو ليهم ركابي ما عادة زمرد ووصال لي كانو عاطينو بظهر قفزو على صوتو
امير.. "بصوت خشن " اش،هاد السوق 
وصال "كاتفتف" س م سمح ليا اسيدي لكن قللت عليا الحيا
امير.. "بنبرة قاصية" ماقلتش ليك عاودي ليا قصتك "بصوت عالي" كل واحد يشوف شغلو...... "حل تلاجة خدا منها قرعة الما وخرج من المطبخ..... 
فوزية.. هاد شي لي بغيتو 
مسعودة.. "وجهات كلامها لوصال" بصحة تدويشة عطاك قمعة صانك صانك هههههههههه ...

شموخ.. اكيد مشكل كبير لي بينكم هذا علاش،عبلة ما جاتش معاك
منتصر.. حكي لينا شنو وقع ؟
امير.. "بصوت خشن" ماوقع والو هي مكبرة الموضوع 
منتصر.. اوووه بديتو بصداع من دابا شنو لي خلاها تغضب فشهر العسل 
مهرة.. هااااء كاتعرفو عبلة مفشة اكيد ماوقع والو غاتكون محيحة غابوحدها
شموخ.. مهررررة 
مهرة.. "ناضت " هاهي غادية... 
امير.. ماوقع والو البارح تصادفت مع بنت بن جلون شافتني وجات لعندي سلمات عليا بلابيز وعبلة ما عجبهاش الحال فوقت الغدا عبلة مشات لطوليت وديك خيتي جات لعندي جلسات بلا ادن دخلت ليها شي حاجة لعينها وقالت لي نشوف ليها قربت وجهي من وجها وجات عبلة وعند بالها بستها ودارت ليا حالة سيتو.... 
شموخ.. اهااااا طاحت ليها شي حاجة فعينها انا لي كانعرف ديك البايرة اش كاتسوا "ضربات اخماس فاسداس" يادي بنت بن جلون ثاني
منتصر.. غدا رجع مراتك ما قادر على فضايح يالا تزوجتو بديتو فصداع فاش كنتو مصاحبين كنتو سمن على عسل ولا الحلال ولا صعيب.... اووف اوووف 
شموخ.. بابا تهدن 
امير.. "وقف " تصبحو على خير 
شموخ.. جلس حتى تعشا 
امير.. غير بصحة... "طلع الجناح ديالو وخلاهم 
منتصر ..غانتاصل بعمك ونشرح ليه 
شموخ ..وأنا غانتاصل ب عبلة.... 
فوزية.. وصال زمرد هزو الاطباق وتبعوني.. 
وصال.. واخا.... "هزو الاطباق وتوجهو لغرفة الاكل نزلو العشا وفوزية علمت شموخ توجهات شموخ ومنتصر لغرفة الاكل لتحقت بيهم مهرة 
شموخ.. "كاتشوف فيها " نتي هي الخدامة الجديدة 
فوزية.. "نقزات " اه الالة هادي زمرد الخدامة الجديدة
مهرة.. ياااي سميتك زوينة 
زمرد.. شكرا 
شموخ.. "شافت ف فوزية" شحال من مرة كانقول ليك ماتبقايش،تنقزي على الكلام تم الخدم عندهم زي خاص بيهم ماشي تخدم لينت بعبايتها ...
فوزية.. لالة زمرد محتجبة مايمكنش ليها تلبس بحال باقي الخدم انا وصيت طايور يجهز ليها زي خاص بالمحجبات 
شموخ.. "كاتميق فيها " اممممم شوفي غاطلعي لعشا لجناح امير 
وصال.. "نقزات " انا نطلعو ليه 
شموخ..نت داك لسان شي نهار غانقلعو ليكم ديها فشغالك"شافت ف زمرد " وانت طلقي راسك... 
زمرد.. "ماحملتش راسك" اوك... 
رجعات لمطبخ بخطوات متسارعة ودموع ف عينيها قبل كانت عايشة ف فيلا بالخدم وكانت طبيبة تقلبات حياتها رأسا على عقب ولات كاتاخد الاوامر وتغسل الحماماات نزلت دمعة حارة على خدها مسحاتها بالخف وتكلمات
زمر.. احم ناصر وجد لميسيو امير عشاه باش نطلعو ليه
ناصر.. "كان عاطيها بظهر " واخا ثواني.. 
جلسات فوق الكرسي ورخفات الشال شوية حسات بالخنقة لتحقت بيها فوزية ووراها وصال كاتنتر .........
فوزية.. طلعي لجنس ناقص عشاه ايييخ على عائلة 
وصال "كاتعيب شموخ " نننننن نننننن البايرة لخرا
مسعود.. بغيتها غا شي نهار تسمعك 
وصال.. شي نهار غانتريني فيك
فوزية.. هنوني من صداع....
ناصر.. "مد ليها البلاطو "تفضلي
زمرد.. خداتو منو " شكراااا..

طلعت لجناح ديالو كان باب الجناح مفتوح دخلت ودورات عينيها ما بانش ليها ما عرفات مادير واش تحطو فالصالون ولا طلعو لغرفتو بعد تفكير قررات طلعو ليه طلعت فالدروج بخطوات تابتة وقفات قدام باب الغرفة حطات البلاطو فالارض وطرقت لباب زوج طرقات فتح الباب كان لابس غير البوكسور وصدرو عريان شاف فالبلاطو لي فالارض ورجع شاف فيا وتكلم بصوت خشن .... 
امير. .دابا انا نتحنى ونهز لبلاطو من الارض "بصوت عالي زعزعها "تحناي هزيه👇 
زمرد.. تحنات بسرعة " سمح لي 
عطاها بظهر ودخل كايتعنكر خدات نفس عميق ودخلت عينيها فالارض ما قدراتش تشوف فيه وهو عريان حطات البلاطو فوق طبلة صغيرة وخرجات بخطوات متسارعة وكاتنكرز..... 
زمرد.. ايييخ قليل لحيا "نزلت المطبخ لقاتو خاوي شربات كاس الما وتوجهات لدار فتحت ليها فوزية ودخلت ديريكت لطوليت قدات حاجتها وتوضات وصلت لي فاتها تعشات معاهم توجهات فوزية لغرفتها هي وراجلها واكرام هزات بنتها وتوجهات لغرفتها وزمرد نعسات فالصالة.......... 
اصبحنا-اصبح-الملك-لله🌞
فاقت مع اذان الفجر توضات وصلت وتوجهات لكوزينة وجدات الفطور فاقت فوزية كاتكسل فطرو بزوج كيف العادة وتوجهو لمطبخ القصر
بداو روتينهم اليومي....شموخ خرجات تجري كيف كل صباح كان امير سبقها لحقت عليهم مهرة بعد ساعة رجعو مجموعين..... نزلو الخدم الفطور فطرو مجموعين منتصر وامير توجهو لشركة وشموخ توجهات لدار عمها باش تكلم مع عبلة ومهرة رجعات لبيتها داز النهار روتيني ظلت زمرد فالمطبخ مرة تناقر مع وصال ومرة تنخلها وزكريا /السائق/ظل نابت فالمطبخ عجباتو زمرد......... 
#الشركة ------------ 
منتصر..اليوم غاترجع عبلة كاتسمع
امير.. ان شاء لله 
منتصر.. الله يرضي عليك اولدي كبر عقلك انت عارف النسا كايبغيو يتفشو مرة مرة ديها على قد عقلها وماتجرحهاش عبلة بنت عمك قبل ماتكون مراتك دير بحساب الدم
امير.. قبل ما تكون مرتي هي المرا لي بغى قلبي انا خليتها على راحتها البارح ما بغيتش نضغط عليها اليلة إن شاء الله غانرجعها...... 
---فمكان---اخر----
شموخ..عبلة كبري عقلك واااه 
عبلة.. انا غانرجع لقصر بس ماشى دابا حتى نشحفو مزياان
شموخ.. اااخ منك ههههه دلعي لبق لك الدلع 
#فالمسااااااااااااء............ 
بعد ما كمل امير شغالو توجه لفيلا د عمو طلع لغرفة عبلة حاول كلمها لكن نفخات ريشها ومارضاتش تكلمو 
امير.. "بعصبية" عبببببببببلة 
عبلة.. خرج عليا بغيت نرتاح
امير.. باركة من الفشوش يالا
عبلة.. قلت ليك خرج عليا سير عندها اكيد كاتسناك
أمير.. "بصوت عالي "عبلة زدتي فيه زيدي قدامي ...."دخل عليهم اصيل وشموخ لي كانت مزال عندهم.... 
اصيل.. امير تكالما الامور ما كاتحلش بالغوات
شموخ.. امير رجع لقصر خليها ترتاح هذا ماشي وقت الكلام "شافت فيه "انا غانبات معاها...... "خرج من غرفتها صاعر ما كايشوفش قدامو طلع فالفيراري ديالو وكسيرا فتجاه ملهى ليلي مسافة طريق كان قدام الملهى بلاصة السيارة ودخل ليه...

توجه لمكونطوار جلس فالكرسي وطلب المشروب شرب كاس ورا كاس وهو فقمة غضبو بنت بن جلون كانت فنفس الملهى اول ما جات عينيها عليه تبسمات بمكر توجهات عند واحد شخص وخدات من عندو حبوب كايبعهم فالملهى مقوي جنسي"فياجرا" خدات من عندو الحبوب وتوجهات لعند امير جلسات فالكرسي لي جنبو وتبسمات.....
ايناس.. اهلا امير 
امير.. "غير شافها قلب سيفتو " اهلا
ايناس.. اووه بهاد السرعة سالة شهر العسل
امير.. الصمت "تكا على الكاس دقة وحدة.... "طلب كاس اخر جلسات تهضر وتهضر بدون مايكترت ليها شي لي خلاها تعصب على غفلة منو لاحت الفياجرا لي كانت مدقوقة فالكاس وحركاتو بسرعة تلفت لعندها كانت حيدات يدها هز الكاس تكا عليه دقة وحدة هز جاكيط ديالو ووقف.... 
ايناس ..هه فين غادي جلس يالا السهرة غاتبدا "غمزاتو " 
امير" فهم قصدها " مراتي كاتسناني امسية سعيدة" رد ليها الغمزة" خرج من الملهى وخلاها غاتاكل جنابها......
ايناس.. "ضربات يدها مع الكونطوار " شيييت
طلع فالفيراري ديالو وكسيرا فتجاه القصر مسافة طريق كان داخل القصر طلع نيشان لجناح ديالو حس بالحرارة فجسمو وبرغبة قوية...... 
فوزية.. الجنس الناقص جا دي ليه عشاه
وصال.. انا غانديه
فوزية.. "خنزرات فيها " سيري تخمدي وهنيني"شافت فزمرد"طلعي ليه عشاه انا غانمشي نعس من تسالي لحقي عليا ...."توجهات فوزية لدارها ومسعودة ووصال توجهو لغرف الخدم هزات زمرد لبلاطو وتوجهات لجناح ديالو وكاتنكر بعد ثواني كانت قدام غرفتو طرقات الباب فتح ليها ودخل كان غير بالبوكسور شافت حتى عيات ودخلت يالا حطات لبلاطو وهي تسمع باب الغرفة تقفل وسعات عينيها وشافت فيه جاي فتجاها رجعات بزوج خطوات لور وبلعات ريقها كان عرقان وعينيه حمرين كيف جمر قرب منها بدات ترجع بلور وكلها كاترجف
كانت كاترجع بالور وهو كايتمشى فتجاها بتتاقل فكل ماكاتبعد كايقرب حتى لصقات مع الحيط حط دو على الحيط وحاصرها ستجمعات قواها وتكلمات وصوتها كايرجف.. 
زمرد.. س سي سيدي شنو بغيتي......... "ماردش عليها كان كايشوف فيها وعينيه حمرين كيف جرها من دراعها بقوة ولاحها فوق السرير يالا بغات توقف وهو يدفعها ثاني وتسطح فوق منها حط شفاهو على شفاها ولتهم فمها بعنف كانت كادفعو بكل قوتها لكن كان قوة منها وحط كل تقلو عليها قطع ليها حوايجها وخلاها صولو غوتات حتى عيات لكن صوتها ما خرجش من الغرفة كان كاتمو بيدو حتى حيد البوكسور بسرعة وطلع معاها المعلم بقوة حتى عينيها تقلبو...

ناضت من السرير كلها كاترجف وتحتها نازل الدم وقفات بتتاقل لوات عليها ليزار سترات بيه جسدها لي لطخو الوحش تمشات ببطئ ناحية الباب ودموعها على خدها فتحاتو وخرجات من الغرفة لي تسلب فيها شرفها جرات رجليها بتتاقل وخرجات من جناحو وكلها كاترجف وكاتمة شهقاتها حسات بالمساافة طويلة ما وصلت لدار خالتها ختى غفر ليها الله طرقات الباب ثواني وتفتح اول ما جات عينها عليها شهقات.... 
فوزية.. "شهقات" أويلي اش هاد لحالة.. 
زمرد.."صوتها كايرجف" ت ت عدا تعدا عليا هئ.......هئ... هئ.... 
فوزية.. "ضربات حناكها"اويلي،وحدي شكون ؟
زمرد.. ا م ي امير هئ.... هئ.... خالتي غتصبني امير... 
فوزية.. "جراتها بعنف ودخلتها" شوفي انا ماقادة على مشاكل دخلي غسلي وسخك وهزي حوايجك وخرجي عليا 
زمرد.. فين غانمشي فهاد اليل هو لي تعدا عليا هئ.... هئ.. خالت"قاطعاتها" 
فوزية.. "بحدة"ولا كلمة.. ✋هي كلمة ورد غطاها جمعي حوايجك وخرجي عليا ماعندي ماندير بيك....."توجهات لغرفتها وخلاتها منهارة وراها جرات رجليها بتتاقل فتجاه الحمام تخشات تحت رشاشة وطلقت عليها الما بارد لعلا وعسى يطفي نار لي فقلبها تخلط الما مع دم لي تحتها طلقات العنان لدموعها حطات يدها على فمها وكتمات شهقاتها بعد ما غسلت وقفات قدام المرايا وشافت جسدها كلو مطبع خلا اتر العض والمص فجسدها نزلت دمعة حارة شقات طريقها على خدها مسحاتها وخدات البينوار كان فالحمام لبساتو وتوجهات لغرفة اكرام ورجليها كايرجفو فتحات لبلاكار لبسات دوبياس وكولون وخدات عباية فالكحل لبساتها لاحت شال على شعرها جمعات حوايجها فالشنطة كلها كاترجف ودموع على خدها هزات شنطتها وخرجات من القصر وجارا وراها اذيال الخيبة وقفات فراس الشرع جلسات على رصيف تكمشات ودفنات راسها بين رجليها كانو شهقاتها مسموعين بعد دقائق وقف طاكسي صغير قدامها ونزلت منو شابة....

كانت شابة ثلاتينية قوام ممشوق بشرة بيضة عيون واسعة وشعر طويل فالاكاجو من لباسها واظح انها بنت ليل شافت فيها وتكلمات... 
....محتاجة لمساعدة ؟
زمرد.. الصمت
...."تحنات"مادموزيل واش نقدر نساعدك؟
هزات راسها وشافت فيها بعيون دامعة زادت فبكاها مدات ليها البنت يدها وساعداتها توقف فتحات باب طاكسي طلعت زمرد هزات شانطة دارتها فالكوفر وطلبت من سائق يكمل طريقو بعد دقائق وقف طاكسي فحي كليز"مراكش" نزلت البنت وطلبت من زمرد تنزل خدات شانطتها توجهات العمارة لي قدامها عطات الشانطة للعساس ودخلت لعمارة طلعو فالمصعد بعد ثواني كانت قدام باب شقتها فتحات الباب ودخلت بقات زمرد واقفة حدا لباب تلفتات لعندها وكلمات.... 
.....ماناوياش دخلي؟ 
العساس.. "حط الشانطة" لالة سوسن هاهي الأمانة 
سوسن.. "جبدات عشرين درهم ومداتها ليه" شكرا.... "نزل لعساس وزمرد دخلت لشقة لي كانت مساحتها كبيرة واتاتها فخم شافت فيها وتكلمات.. 
سوسن.. "أشارت ليها "دخلي لهاد الغرفة رتاحي حتى لغدا ونتكلمو بون نوي... "توجهات سوسن لغرفتها وخلات وراها زمزد جلسات فوق الكرسي ونزلو دموعها من جديد كلشي ضاع منها عائلتها.... خدمتها... مستقبلها..وشرفها... ياترى شنو مزال مخبية ليها الوقت هذا سؤال طرحاتو على نفسها مسحات دموعها وجراات شنطتها توجهات للغرفة فتحات الباب ودخلت كانت غرفة كبيرة كايتوسطها سرير كبير فالابيض وعلى يمينو بلاكار كبير وعلى يسارها الحمام قدامها كان يسرجم كبير كايطل على شارع دوزات الريدو على سرجم وتسطحات فوق السرير فزكات الوسادة بدموع وصلت لخمسة صباح ومزال ما نعسات رأسها حرقها بزاف وكاتحس بالألم تحتها فكل ما كاذكر شنو وقع متابغي تموت.. 
""""""""في بعض الاحيان يحتاج الانسان للنسيان... فقط النسيان..........-------- بعد تفكير طويل غفات عينها.........
#القصر.... 
وصال.. فين هي ديك خيتي ؟
مسعودة.. تي مالك حاطة نابك من نابها فرقي عليك البنت 
فوزية.. "دخلت"اش هاد صداع
وصال.. فين هي زمرد ماشى معقول حنا خدامين وهي مزال ناعسة 
فوزية.. زمرد باااح مشات يالا قضي شغالك وبلعي لسانك
مسعودة .."باستغراب "مشاات؟ وفين مشات ؟
فوزية.. "بعصبية"مشات لحال سبيلها سدو عليا هاد سيرة وكل وحدة ديها فشغالها... 
فتح عينيه ببطئ كان راسو كايحرقو جلس فالسرير وكايدور عنقو يمين وشمال حتى تسمع طرطيق تلفت يمين وشاف رقعة دم فوق السرير ستغرب لكن سرعان ما دكر ليلة البارح وقف بتتاقل وتوجه لحمام بدون ما يهتم بالموضوع...... بعد ما خدا دوش لاوا عليه لفوطة على نصو وخرج من الحمام مسح شعر ولبس حويجو ونزل لطابق السفلي كانو الخدم كاينزلو فالفطور قال صباح الخير وجلس.... 
امير.. صباح الخير 
متصر.. صباح النور "بستغراب"فين هي شموخ 
شموخ.. "دخلت"هانا ابابا حبيبي "باستو فخدو
مهرة.. وصال كبي ليا القهوة
وصال.. واخا الالة... 
شموخ.. فين هي الخدامة جديدة؟
فوزية.. مشات فحالها... 
شموخ.. "بدون اهتمام" اصلا غير زدتيها عندنا من الخدم ما يكفي...

#المسااااااااااااااااء..... 
سوسن.. "كاتشوف فيها" حكي لي شنو لي خلاك تخرجي فاليل وتجلسي على الرصيف؟
زمرد.. "شافت فيها " احم شكرا بزاف لولاك مانعرف شنو وقع لي 
سوسن.. "كاطلع فيها وتهبط"عادي بس شنو لي خلاك فهاد الحالة"تبسمات بسخرية " اكيد ورا حالتك رجل هه خودي راحتك ماشي مجبرة تحكي لي "شافت فالساعة" انا تابعاني الخدمة احتمال ما نجيش باليل تقدري تبقاي ادا ما عندك فين تمشي.. 
زمرد.. "بصوت شبه مسموع"شكرا.....
خرجات سوسن فتجاه الملهى اليلي فين كاتخدم "راقصة" اما عند زمرد توجهات المطبخ من البارح ما داقت النعمة فتحات الثلاجة لقاتها كاتصفر بحكم انا سوسن طول النهار ناعسة رفاليل خارج دارها قلبات فالبلاكارات لي المطبخ بان ليها بيسكوي هزاتو ورجعات لغرفة فتحاتو وكاتاكل......... 
#القصر------------ 
منتصر.. "باس جبينها"مرحبا بيك فدارك
عبلة..شكرا عمي 
منتصر.. فرحت بزاف برجوعك الله يهديكم ويجمع بينكم فخير إن شاء لله 
عبلة.."تبسمات"ان شاء الله "وقفات" عمي سمح لي غانمشي نرتاح... 
منتصر.. خودي راحتك ابنتي تفضلي..... "طلعت لجناح امير كاتمختر والخدامات تبعو ليها الشنط دخلت هي لدوش والخدم رتبو ليها حوايجها فدرسينغ... بعد ساعة رجع امير لقصر توجه ديريكت لحناحو اول ما فتح باب الغرفة جات عينو عليها كانت لابسة شوميز دو نوي غوج سكسي توجه ليها بخطوات تابتة وعينيه ف عينيها جدبها لعندو بلطف وخشى راسو فعنقها كايستنشف عطرها مررات يدها على لحيتو وكاتمررها بحناف هز راسو وشاف فيها 
امير.. حبيبتي
عبلة.. "بصوت خافت"حبيبت قلبك 
امير.. هادي احسن مفاجأة "طبع قبلة على شفاها برقة عض الشفة التحتية بحنية ومصها مصة خفيفة وطلع لشفة لي لفوق حتى هي عطاها حقها دفع لسانو لداخد تغرها ومص لسانها بقوة وبلع ريقها لي بنسبة ليه احلى من العسل خشى يدو تحت شوميز وكايتحسس جسدها...... 🔞🔞🔞🔞
بعد---مرور---شهرررررر........ 
فهاد الشهر كانت زمرد مع سوسن لي كانت طول نهار ناعسة وفاليل كاتخرج لخدمتها عمرها حسسات زمرد انها عبئ عليها او لمحت ليها تخرج من دارها داز شهر عند زمرد كانو سنة وشي لي وقع ليها مزال محفور فداكرتها كل ليلة كاتغوت فنومها كاتحل عينيها ووجها عرقان وصدرها كايطلع وينزل بسرعة.. اما داخل قصر عائلة بن يزين كانو عايشين فسعادة شموخ وعبلة طول النهار خارجين شوبينغ وفاليل كاتسهر مع امير وكاتخليه فعالم اخرر منتصر ولا كل مرة يلمح ليهم حتى طاب قلبو وقالها نيشان.... 
منتصر.. كانظن هذا هو الوقت باش تحمل عبلة مر شهر على زواجكم وأنا باغي حفيد... 
عبلة.. "بخجل"عمي مزال الحال 
منتصر.. هذا هو الوقت أنا بغبيت وريت العمر كايجري بغيت نشوف حفيدي قبل لانموت
امير.. بعد شر إن شاء لله قربب تشوف حفيدك"غمز عبلة"....

ناضت كاتجري فتجاه الحمام تحنات على لافابو وكاتبوع حتى خوات مسارنا طلقات الما وغسلت وجها وفزكات رقبتها وشافت فالمرايا كان وجها شاحب وتحت عينيها كحل من كترت السهر مسحات وجها بالفوطة ورجعاات لصالة..... 
سوسن.. كتر من اسبوع ونت لي كلتيه كاترديه 
زمرد.. "كاتجمع شعرها " من المعدة لكن عمرها دارت ليا هاك وليت لي كليتها كانردها... 
سوسن.. "شافت فيها " ياخوفي ماتكونش المعدة.. 
زمرد.. "بستغراب" مافهمتش
سوسن.. غدا فالصباح غانعرفو "وقفات "تعطلت تصبحي على خير "
زمرد.. "عقلها مرفوع" تلقاي الخير..... "خرجات سوسن من العمارة ومشات فتجاه الملهى اليلي وزمرد دخلت لغرفتها تسطحات فوق السرير وداتها عينيها.......... 
اصبحنا---واصبح---الملك---لله🌞
شرقات شمس جديدة وتسللت اشعتها لغرفتها وداعبات وجها فتحات عينيها ببطئ ووقفات بتتاقل توجهات الحمام قضات حاجتها وتوضات ورجعات لغرفة لبست الاسدال وتوجهات لقبلة صلت صبح ومن بعد توجهات لكوزينة كاتجهز فالفطور صايبات الكيك وجهزات القهوة وسخنات الخبز نزلتهم فصالة مونجي وحطت المربى والفرماج الاحمر وزيت زيتون دخلت سوسن وهازة معاها ساشي ديال الصيدلية.... 
سوسن.. صباح الخير 
زمرد.. صباح النور "كاتشوف فيدها" اش داك شي ؟
سوسن.. بعد الفطور وتعرفي...... "جلسو بزوج وفطرو فصمت بعد ما كملو مدات ليها ساشي
سوسن.. هذا كاشف الحمل 
زمرد.. "بسغراب " لاش جبتيه؟
سوسن ..ليك... 
زمرد.. "بعداتو عليها "ماعندي ماندير بيه 
سوسن.. حنا ما خاسرين والو ديري شنو قلت ليك "وقفات" يالا vيت......."خداتو منها وتوجهات لطوليت كانو زوج من كاشف الحمل ستعملت واحد وبعد ثواني بانت نتيجة ضربات حناكها ويدها كايرجفو وقلب تزادو ضقاتو خدات الثاني ورجعت ستعملتو وطلعت نفس النتيجة..... 
زمرد.. لاااا اربي لاااا 
سوسن.. "كادق بابا الحمام" زمرد..... زمرد... 
فتجات ليها لباب ووراتها النتيجة"...

سوسن.. كنت متوقعة 
زمرد.. مستحيل يعيش مستحيل هئ..... هئ
سوسن.. واخا ما عارفاش قصتك لكن ديري فبالك بلي البيبي ماعندو حتى ذنب.... "شافت فيها "انا غانمشي نعس....... "توجهات سوسن لغرفتها وزمرد جلسات فالارض وحاطة يدها على كرشها وكاتخمم........ 
بعد----مرور---اسبوووووع 
وقف طاكسي قدام باب القصر توجهات لباب الخدمات يالا غادخل وهي توقفها وصال لي كانت يالا داخلة القصر.. 
وصال.. اش جابك حتى قلت تهنيت منك
زمرد.. بغيت نشوف امير قصدت ميسيو امير. وصال.. "دارت يدها على نصها"خير ان شاء الله..... 
زمرد..الله يخليك كلميه ليا 
وصال.. قولي شنو بغيتي ماغانبقاش غادية جاية.. 
زمرد..شي حاجة بيني وبينو. 
وصال.. اللهم طولك يا روح سيري فحالك سيري
زمرد.. "ستجمعات قواها " قولي له الخدامة لي تعديتي عليها قبل شهر حاملة
وصال. ."حلت فمها على اخرو"شنوووووو؟ هاااااااااه قول عليها هربتي "علت حاجبها"طلعتي ما ساهلاش.. 
زمرد. .بليز وصلي ليه المساج...
وصال.. "كاتميق فيها" اوك خليك هنا وياك دخلي ولا انسة شموخ غاتمسح بيك الارض... 
دخلت وصال القصر وزمرد بقات برا بقات وصال غادية جاية فالكولوار وكاتعض ظفارها بعد دقائق تبسمات بمكر وخرجات لعندها..... 
وصال.. قاليك سيري قلبي على باه واذا شافك هنا غايغبرك ورا الشمس..... "دخلت وسدات الباب على وجها رجعات زمرد لشقة دسوسن كانت حاطة احتمال بلي غاينكرها دخلت لشقة وتوجهات لغرفتها
بعد--مرور--تسعة--اشهر......
عبلة.. اووووف عيت من الادوية ومن الفحوصات تسع شهور دازت على زواجنا ومزال ما حملت هئ...... هئ... 
امير.. "كايهدن فيها" حياتي باقي ما كملنا العام حنا ما مزروبينش
عبلة.. "كاتمسح دموعها" ماشفتيش عمي شحال ميت على البيبي امير حتى انا بغيت نجرب احساس الحمل وإحساس الامومة بغيت نهز فاحشائي قطعة منك ونولدو ليك ويكون تمرة حبنا هئ...... هئ.... 
امير.. غانمشيو لفرنسا وتما غاتعالجي.. 
عبلة.. "شافت فيه "لحد الان ما عرفناش شكون فيه المشكل امير لازم تخضع للفحص باش نشوفو عندمن المشكل....

زمرد.. اااااااااااااه ااااااااااوووف الله ياربي غانموت... 
سوسن..نوضي لمستشفى "شداتها من يدها" 
وقفات بضعوبة ودارت يدها ورا ظهرها رتمشات فتجاه الباب بتتاقل نزلو فالمصعد وقف ليهم العساس طاكسي صغير طلعو فيه وتوجهو لمستشفى مسافة طريق وكانو داخل المستشفى دخلوها لغرفة الولادة جاها المخاض صعيب لكن صبرات بعد دقائق سمعات صراخ ولدها مسحات دموعها وتبسمات حطوه ليها فحضنها... باست جبينو وتكلمات...... 
زمرد.. "بصوت تعبان" مرحبا بيك فحياتي
نقلوها لغرفة كبيرة فيها بعض النساء حتى هما عاد ولدو حطو ولدها فسرير صغير جنبها جابت ليها سوسن حوايجها وحوايج البيبي جلسات فالمستشفى نهار واحد لغد ليه رجعات لشقة وولدها فحضنها...... 
زمرد.. مهما درت ما غانقدرش نجازيك درتي معايا لي ما داروهش اقرب ناس ليا 
سوسن.. مادرت والو اي واحد فمكاني غايتصرف نفس تصرفي "رفعات راسها " اوووف ماعنديش مع دراما شنو غاتسميه؟
زمرد.. محمد رضا 
سوسن.. "شافت فيها "فين هو باه؟
زمرد.. بليز ما بغيتش نهضر عليه محمد ولدي أنا بوحدي ...
سوسن.. على راحتك...... 
بعد--مرور--تلات--سنوات..... 
غير شافها جايا فتجاهو مشى كايجري 
زمرد.. "تابعاها "يااك اولد الحمقة يااك درتيها فحوايجك ثاني... 
محمد رضا.. "تخبا ورا سوسن" حفاك ماما مادلبنيش"ماضربنيش/ هي لي نزلت ماسي انا لي دلتها/درتها/ 
زمرد.. ياك اولد الحمقة كانقولك ديرها فطواليت كاديرها بلعاني "بغات ضربو وحبساتها.... 
سوسن.. من تنوضي ونت تخبطي فيه مادارهاش بلعاني ديري حتمال ضربو البرد ....تزير... زحقات ليه... "هزاتو'" دابا هاد العسل يضربوه ناس "كادغدغ فيه"
محمد رضا.. ههههههههههههههه ههههههه طاتي بلاك هههههههه 
زمرد.. "خداتو من عندها "اجي نغسل ليك اخانز ريحة ههه"باستو فخدو...... 
#القصر -----------
فوزية.. ثاني جاتها جعرة كاع داك البيت دكدكاتو 
مسعودة.. فينما كاتكمل العلاج وما كاتكونش نتيجة كاتجعر 
فوزية.. بسيف يحسن عوانها مسكينة تلت سنين ما ولدت وسي منتصر كل مرة يلوح ليها الهضرة قالك مستعد يدفع نصف تروتو ويشوف لحفيد..... 
وصال.. "دكرات زمرد""انا جاية... 
فوزية... فين غادية اديك زرمومية.. 
وصال.. غير هنا..."خرجات من المطبخ وتوجهات لمكتب منتصر كان كايراجع شي وراق طرقات الباب ودخلت... 
وصال.. ميسيو
منتصر"شاف فيها ورجع شاف فالوراق"نعام
وصال.. بغيت نقول ليك واحد سر. 
منتصر.. "بستغراب"اشمن سر ؟
وصال.. "عطيني الامان 
منتصر.. عليك الامان كانسمع.....

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki