همس لي وسط شطحة محست غير بدموعها كينزلو وكأنو داك لوجع لي فقلبها وديك الهدرة لي كدور فودنها من كل جيهة ..هدرة ماماها خالتها إلياس باباها إباء واسماء واسلام ...كلهم فراسها كيضربو بحال لمطارق...وهذا خلاها مقدراش تحبس من اش كدير ...وخلاها عينيها يعماو ومبان ليها غير فالكاس لي يقدر يسكت اش فراسها ...بقات كتشطح وديك الافريقية خلات ليها سطيج ليها وهي وسط حلقة من بنادم كلها واش كيدير ..وعينيه لي حظاوها ملي دخلات فالاول حس بيها ماشي على طابيعتها وكان مراقبها غير من بعيد بصح منين شافها طاحت على ركابيها وغطات وجها بيديها وكتافها كيطلعو وينزلو دليل على نحيب شديد ناشي بكاء عادي ...كلشي كيشوف فيها وحتى حد معرف اش بيها ..تقدم ناحيتها وركع على رجل وحط يدو فوق راسها بحنان علات عينيها فيه حومر بحال جمر غير شافتو عنقاتو ...وهو بادلها نفس العناق ..هزها وتم خارج بيها مخلي صحابو من موراه..هي حدها تمخشات فيه وخلات شهقاتها يعبرو على لي كتحس...وقف حدا طوموبيلتو ونزلها واقفت على رجليها ومتكية عليه راسها كيدور...شوية طاطات وبدات كتستفرغ على طروطوار ...خلاها على راحتها جبد ليها قرعة ديال لما من طوموبيل غسل ليها وجها وشلات فمها وتكات على طوموبيل كتنهج
علي كيشوف فيها وكيحك على لحيتو:شنو جابك هنا...اش ديك الحالة درتي؟
همس بصوت ثقيل وحروف بزز باش كتخرجهم:عيييييت ..فيا نعاس
علي حط كفو على حنكها كيدوز بحنان هي حنات وجها على كفو كأنها لقات راحة بديك لمسة ...كأنو هذا هو الملاذ لي متقلب عليه محست غير بديك اليد تنترات من حنكها فزعتها حلت عينيها على وسعهم وهي تشوف علي واباء متشادين...اباء شانق على علي من لكول ديال تريكو وعلي نفس شي ...مبغاتش نفس ظراما تتعاود واحد فسبيطار والاخر معرفت فين ..دخلت بيناتهم كتترنح بزز باش دارت بلاصة فوسطهم تمات بظهرها على صدر علي لي شدها من خصرها خايفها طيح وقفت فوجه اباء لي مصدوم منها
إباء جلس جلست القرفصاء حدا راسها وهي مجبدة فالارض مقدراش تتكعد سخفانة كتحاول تلتاقط انفاسها...الخلعة وتغراق لي كان كيغرقها فشلها الركابي...طلع فيها وهبط وهي اصلا كانت لابسة كسوة لي ماشرا يتنزه ودبا مع فزكات لسقات عليها وزادت بينات المستور.. بقا كيشوف فيها ودفل على جنبو وناض هي بهاد تصرف تقولي سكنوها جنون ناضت وقفت كتكابر وشافت حداها لقات بارفان ديالو كان عاطيها بظهر خارج وهي تلوحي جيهتو تضرب مع لباب زاجها تشتت دار شاف فيها عاقدهم
همس قربات منو ونار كتخرج منها كتغوت:لقح*** لي شاطو عليك ...ياك تربيتك ولي انا فيه دبا كلشي من تحت راسك..الحمار يا عيفت رجال ..الله يخليك بلخلا يا شماتة
همس طلقات ضحكة عالية:لا من نيتك بنت ناس ههههه اووه مقديتش ..والله حتى ضحكتيني ...شبعتي فيا ح*** وتقولي بنت ناس ..لا غير قولي واش من نيتك ...بنت ناس قالك ...(بغصة) بنت ناس قولها لديك لي جابتك نفس عليها ...بنت ناس قولها لي راها حاملة بولدك اسي جو ...اما انا غير ديال ح** و خوي
شدها من دراعها مزير عليها:غادي تسدي خربتك نريبها لجد مك
همس دفعاتو بحر جهدها: تريبها ...نتا ريبتي ليا حياتي باقي عاد مكفاكش كلشي لي انا فيه دبا منك نتا ...لو كان ما ماما عرفات لي بيني وبينك مكانوش يغصبوني على زواج سمعت ..لو كان متعرفتش عليك كنت نكون حسن ..مزال عايشة حياتي مع واليديا ماشي ساخطين عليا (إباء بقا واقف كيسمع ومصدوم من شكلها وهدرتها...بقات كتنغزو بصبعها لصدرو بانفعال) بسبابك تزوجت بإلياس...بسبابك دوزت الجحيم معاه ...باغي تعرف علاش لقيتني بنت ...ااااه راجلي مقربش مني ...مخليتوش كنت ناكل لعصى ولنخليه ياخذ لي بغا ..كلشي بسباب حبي ليك ...ينعل جد باباه هاد الحب لي وصلني لهاد شي ..اش جاني منك ومن حبك غير وجع القلب والمشاكل ..وسخط واليديا ..الله يلقيها ليك بغيت ربي يفرجني فيك وانا نشوف ..الله ياخذ فيكم الحق (طاحت على ركابيها كتبكي وتضرب ففخاضها) رجعتي بنت زنقة ...ودبا من بعد مخذيت شرفي ...غادي تتزوج بيها ..(طلعت عينيها فيه مغرغرين بدموع) لا ودايني معاك لعندهم باش نسمع بودنيا ونعرف قيمتي مزيان...حداك مخلاو مبقاو فيا هلى الاقل كنت تشوف غير لوجه دوم الايام لي دوزنا وغير تحاول دافع عليا..بصح نتا شنو ..اا شنو درت (ضحكت استهزاء) اش غادي نستنا كيفك كيفهم كيف بزاف غيركم..(وقفت تقابلت معاه هو لي مداير حتى ردت فعل غير كيشوف بعينيه..غير تلقاو عينيهم نزل عينيه مقادرش يشوف فيها) شوف فيا علاش نزلتهم ..مبقيتش ريم الميكاحيل ...اوووه سمحلي ..سمحلي بزاف ...كنغلط بعض المرات ..لي بحالي نتا دايرهم غير ل...
قبل متكمل كلاهما عنقها وزير عليها بقات واقفة حدها زوج دمعات طاحو
همس:شنو نحيد حوايجي ولا تحيدهم نتا
بعدها عليه وشاف فيها بانكسار:سكتي الله يخليك
همس حطت يدها على خذو:علاش نسكت ..ياك هذاك مباغي ..كلشي باين من عينيك ..خوذ لي باغي وخليني نمشي فحالي
إباء:انا باغيك نتي ..(شد وجها بين يديه وحط جبينو على جبينها) نتي عارفة عمري بغيت ولا غادي نبغي من غيرك
همس بعدت يديه عليها:كتبغيني؟
إباء:نتي عارفة ميحتاش نهدر
همس عاودت سولاتو باصرار:كتبغيني؟
إباء:كنموت عليك
همس:باغي راحتي ؟
إباء:اكثر حاجة كتفرحني نشوفك مرتاحة
همس:بعد مني وخليني نمشي فحالي ..هنا نكون فوق مرتاحة لهيه
إباء:منقدرش
همس:مخليتلي حتى خيار ..الا مبعدتيش مني قسما برب الكعبة حتى نمشي عند الحاج ونقوليه كلشي ...نقوليه ولدو ضحك عليا واستاغلني
إباء بلغوات:حماقيتي لا
همس:مزال مشفت لحماق كيف داير ...فرقني عليك ..سير عند اسماء ..سير عند مراتك ولدك ...واش كتوحد لعرسك ومخليني معاك ...مقنعاتكش وحدة باغي تكملها جواري ..سليمان القانوني نتا ...
شاف حتى عيا خرج وخلاها بقى كيدور بطوموبيل وكيتفكر هدرتها وكيحاول يربط الاحداث راسو بغا ينفاجر وقف وقوف اضطراري وطلق غوتة على جهدو..
●●بداية النهاية نعم ...ويالها من بداية..انبعاث روح واختفاء وجدان.. ومكر كان لهم على مر زمان .. خطط؛ مكائد؛ ونسيان..هذا حالي وحالهم في آن...ترى كيف هي ..كيف هو ..كيف اولئك الخلان...ضعف القوة ليس خذلان..بل فترة راحة وتأتي بعدها ازمنة العصيان ...تمرد ؛انتفاضة ووقوف في وجوه الغيلان...رجال ..بل على حد العلم ذكور اجسام...وهي آمة تمتاز بضعف ولكن بذكاء انشتاين ..كيد رجال ضعف..وكيدكن ذكره الرحمان...لم يسلم منكن نبي فماذا عن عبد لا يمتاز بالاسلام الا بالصلاة والصوم في آن ...فماهو حالهم هل نسيان مكتمل ام حب مدفون في غيران...مشاعر مكتومة ورغبة مقتولة كفئران...●●●
أسماء:دبا اطاتي شنو ندير...هو خرج معاها..راه حتى هي مكايناش
اسلام دارت رجل على رجل وشفات فيها بكل ثقة:خليه نتي اش خاسرة ..يدير ليبغى ويرجع ليك..نتي لي مراتو اما هي اخرتها ينعس معاها ويرمي ليها 2 دورو
اسماء:خايفة اطاتي ..لوكان يرجع معاها ويسمح فيا
اسلام طلقات ضحكة مجهدة:واش عارفة اش كتقولي ...راه إباء ..جو هذاك..وإباء مستحيل يخليك ويمشي عندها..اول حاجة لحاج وحالتو صحية مسانداك ..ثانيا إياد خوه ميبغيش يغلط معاه ونتي شرفك من شرف إياد لي إباء كيعتابر شرف إياد شرفو ..وثالثا نتوما تربيتو مجموعين يعني نتي عند امتيازات عليها..واش مشفتيش منين قلتي ليه لي وقع اش كانت حالتو ..غير تهناي ونعسي على جنب راحة..(قوست عينيها) واصلا لو كان كانت كتهمو منين جابها وسمعتها دوك زوج كلمات حداه كان يقيم دنيا وميقعدهاش نتي هارفة اباء كيف داير..ولكن هو سكت متسوقش
اسماء:زعمة غير هكذا ..انا معرفتش علاش جابها ...وعلاش مخدمينها معاهم من الاساس فشركة
اسلام:خلينا منها ماشي حتى مستوى لي تعمري راسك بيها ..نتي دبا خلينا نفكرو فالحفلة لي غادي نديرو ..بغيت عرسكم يهدرو بيه ل 10 سنين لقدام ...
اسماء:طاتي ..(سكتت شوية وطلعت عينيها) بغيت غير حفلة خفيفة دبا..خفت لنكون حاملة ولا شي حاجة ..ومن بعد ونديرو عرس كيف بغيتو ..بعدا غير نديرو العقد
إسلام:وخا كيف بغيتو ..ولكن من بعد ضروري من العرس وماشي اي عرس ..عرس لي نخلي كلشي يهدر بيه...
همس جلسات على طرف ناموسية ساهية فنقطة بعيدة حتى حسات برجفة فعظامها ناضت كدور وتقلب على شي حاجة تما تجيها حلات لبلاكار وهو يبان ليها ساكها لي خذاه ليها حلاتو لقات فيه تيليفون وسوارت دارها وشي وراق مهم كيف كان كيف لقاتو وحداه بيجامة كولون اسود وتريكو اسود فيه كتابة فالوسط بالابيض لبساتهم جمعات شعرها سفنجة مهملة هزات كسوتها لفازكة تاصلات بتاكسي جاها لعنوان ديال اباء و خرجت ركبات عطاتو فين باغية تمشي ...
وقفات حدا لباب متردة واش دق ولا ترجع ..شافت ساعة لقاتها قريب ل 1 ديال ليل ..دارت باغية ترجع وهي تشوف 3 ديال لغوال باينة سكرانين كيتمشاو ومحيحين بيناتهم وزنقة خاوية..رجعات ودارت حجرة على قلبها ودقات ..كيف ما جات هي هاديك دخلاتها فيها وفالخير مدخلاتهاش تما ربي يدير الخير ..دقت 4 المرات عاد تشعل ضوء ...
وسمعات صوتها باينة كانت غارقة فنعاس حلت لباب كتحك فعين وشعرها مخربق وبيجامتها طالعة من رجل وتريكو نصو داخل فسروال ونص خارج غير شافتها شهقات وصحصحت
مريم:راجلي(ضحكة استهزاء) ههه راجلي طارو بيه لي يعرفو ليه ...مهم خلينا منو ..(قوست عينيها) قوليلي نتي فين غبرتي من ديك ليلة مابنتي
همس تنهدات ورجعات براسها متكية على لوسادة لي من مور ظهرها:انا كنت فالمغرب
مريم تصدمات:المغرب ..لمغرب...هي صافي تصالحتي مع عائلتك ياك؟
همس شافت فيها بنصف عين :لبعابع..مريم مزال مدام سانتا مخدمت شي وحدة؟
مريم:هي جابت وحدة هادي سيمانة بصح نتي بلاصتك محفوظة ..دبا واش جاية عندي فنصاص ليالي باش تسوليني هاد سؤال...(شدت يدها بين يدها) اش عندك اختي
همس كأنو حطيتي ليها الملح على جرح نزلو دموعها ولكن لسانها تربط وضاق عليها صدرها حدها قالك:نقدر ننعس عندك
مريم:مرحبا والف مرحبا دار دارك ...نوضي نتي نعسي فبيتي انا نمشي نعس مع اسماعيل
همس:لا غير هنا(كتقصد صالون) هنا مزيان نتي غير خليك فبيتك ...
مريم :كيف بغيتي صبري نجيب ليك غطى ووسادة حادرة ..هادو لي هنا يعذبوك ...
جابتهن ليها ونعسات طاحت كاو فاقت صباح دازت هي ومريم لدارها لبسات كسوة من لي خلات تما وخرجت لخدمتها ..دوزت صباحها بين لعجين وتزواق الكيكات ..وفلعشية مشات لجامعة دوزت ساعة ونصف فإدارة الموارد البشرية...خرجت مشات جابت كافي وجلست فواحد لكرسي فالفناء ديال الجامعة كانت فديك لبلاصة غير هي وشي كوبلات متفرقين وملها واش كيدير ..حتى جلس حداها خطف ليها لقهوة من يدها بابتسامتو لمستفزة
همس شافت فيه ودورت وجها ببرود :شنو باغي ا استاذ؟
إلياس باستفزاز:لو كان نقول لي باغي تعطيهني مثلا؟!
همس قربت وجها منو وبرود نابع من القلب:حلم..ارويجل مك (ناضت وقفت عطاتو بظهر عاد هدرت)سمحلي ريحت لخنز هنا وانا مريضة متوالمنيش...
مشات وخلاتو كياكل فجنونو مربوطين يديه ميقدر يدير ليها والو وهما وسط من الجامعة...دخلت لحصة ادارت المشاريع كان لبروف مزال مدخل جلست حاطة يدها على خذها كتخمم حتى حست شي حد نغزها لكتفها دارت ملقات حد شوية وهي تسمع ضحكة على جنبها ثاني دورت وجها وهي تشوفو جالس حشمات منو وحدرات عينيها ..قلب وجهو لجدية وطلع ليها وجها قابل عينيها مع عينيه
علي:اخر مرة تهبطي راسك قدام اي كان..فهمتي
همس بخجل:انا..سمحلي..انا..نتا ...
علي ابتاسم ليها:نتي خاطيك ...المشكلة بيني وبينو ..نتي ماعليك والو
همس:ولكن بسبابي ...و..
علي:داك شي فات متفكريش فيه ...(شاف لبروف دخل)دبا ديها فهاد شي لي ينفعك واستغلي شرح مزيان ...
همس بصوت خافت:اجي نتا بعدا مكتقراش معايا
علي:عندي بروجي مع هاد لبروف وجيت اليوم باش نستافد معاكم الا معندك حتى مانع ...ودبا سكتي وانتابهي ..
دازت الحصة خفا زربا وهمس شي فهماتو وشي الله يجيب ...خرجت هي وعلي وقفو عند باب الجامع سكتو شوية هي كتشوف فالارض وبتوتر كتلعب برجليها وتفرك صباع يديها مع بعضهم وهو كيشوف فيها وحابس ضحكة
علي:دبا عاد ناخذو راحة فالحديث ..وغادي تركبي بسكات وتزيدي نمشيو ناملو شي حاجة(شافها كلعات راسها باغية تهدر زرب عليها) وهاد الهدرة غير قابلة لنقاش...حيتاش عندك الغراق ديال دروس خاصهم مراجعة وعندنا موضوع خاصنا نهدرو فيه
همس:انا..خاصني نمشي ..مرة
علي شدها من يدها بحنان:دبا نجلسو غير ساعة ونوصلك فين بغيتي ...همس الامتحانات قربو ونتي هاملة دروسك بزاف ..سو...انا هنا باش نبهك عليهم
طلعت معاه ومشاو لريسطو كالم خذاو لي يسد جوعهم ..ومن بعد خذاو كوفي ...وجبد هو شي وراق كحز كرسيه لعندها وجلس كيفهم فيها وهي مندامجة معاه وشعرها مرجعاتو جنب ومرة مرة كتلعب بصباعها فعنقها وهو كيحاول يشتت الانتباه على الحركة لي كدير عن غير قصد ...تنهد وحط لوراق من يديه مسح على وجهو ..هي شافت فيه ببرائة المعهودة
خرجو وهو كيحاول يضبط راسو وميتهورش معاها ..طلبات منو يوصلها لدار سام ..توادعت معاه فين جات دق لباب تحل وهي تتصادف مع إباء خارج وصوفي من موراه خارجة باش تودعو ...
توادعت معاه فين جات دق لباب تحل وهي تتصادف مع إباء خارج وصوفي من موراه خارجة باش تودعو ..بلعات ريقها وكتفات بشوفة فيه ودازت عند صوفي سلمات عليها والاخرى بادلتها العناق وكطبطب على ظهرها طلعت عينها فإباء لقات عينيه حومر وفيهم نظرة انكسار دارت ليه حركة باش يمشي وطمناتو بعينيها مشا فحالو ..وهي سدت لباب ودخلت هي وهمس جلسو وساد صمت مدة بيناتهم ...
صوفي حطت يدها على كتفها:بغيتي تقولي جيتي تقولي لسام مبقيتيش باغية تخدمي فشركة ..مباغياش تشوفيه..من حقك وانا معاك وعاذراك ..وحتى هو ..همس إباء حالتو ماشي حسن من حالتك
همس شافت فيها وعينيها مدمعين:إباء صفحة وطويتها من حياتي ...
صوفي:علاش...علاش لي متجلسوش وتهدرو بطريقة حضرية بلا عنادك وبلا عصبيتو ..وتتفاهمو
همس بغصة فحلقها:علامن نتفاهمو على شرفي لي ضاع ..ولا على لبيبي لي جاي فطريق ...ولا على زواجو لي كيوجدو ليه ...ولا يمكن على كرامتي لي تمرمدات قداكو وهو ساكت ..مبغيتش نقوليك على حياتي لي دمرات بسبابو(بدات كتبكي)
صوفي عنقتها:ششش ...دبا كلشي يتصلح ..كلشي يرجع حسن من لي كان غير صبري
همس:عييت منصبر عييت ...غير مزايدة وتضياق عليا تخنقت وسط من كلشي ..كلها وداير حقو ومامخليينش من جهدهم ..راه انا بنادم لحم ودم كنحس ..والله حتى عندي قلب بحالي بحالهم ..راه ماشي حجر
صوفي بعدتها عليها ومسحات ليها دموعها:بغيتي نصيحتي...واجهيهم ..برهني ليهم نتي ماشي ضعيفة ..خليهم يشوفو ناتج افعالهم ..بلي نتي قوية ماشي ضعيفة..متخليش اسماء تنجح فلي بغات ....خدمي فشركة..قراي ونجحي برهني لداركم ولإباء ولغيرو بلي نتي اشرف وحدة ..كافحي وربي عمرو يخيبك ..وصلي لأعلى المراتب بجدارتك مجهودك وخليهم كلهم يندمو على اي غلط داروه معاك..متكونيش سهلة ليهم ويهزموك فيسع وينالو مرادهم ويحطموك...لاا خليك ديما الفوق ..همسة عليلة يتمناها اي واحد وقليل لي يحظى بيها....همس نتي عزيزة عليا وانا معاك فاي حاجة درتيها بعيدا عن انو اباء حتى هو عزيز عليا وصديق مقرب واخ عزيز ولكن نتي وربي شاهد حسباك ختي ...
همس بقات كتفكر وتعاود ونوعا ما هدرت الكوتش صوفي ..اثرات فيها ولا نقولو دخلاتها لراسها بزااف مدة وهي ساكتة وصوفي كتستناها اش غادي دير
همس:ننعس عندكم معليش (بضحكة)رجعت بحال العطار من دار لدار
طلعت همس دوشات وخذات من شي كسوة كانت مخلياها تما ..وخرجت تجبدات كتفكر وخذات قرار مصيرها وغتبدا فتطبيقو من صباح ان شاء الله غمضات عينيها و طاحت كاو ....
صباح جديد..بداية جديدة ...امل ..تفائل ..ولهم شيء عزيمة ..وروح طفل ياله تزاد ...فاقت على عكس الايام لي فاتو مبتاسمة واملها فالله كبير وعارفة ربي عمرو يخيبها...دوشات لبسات سروال دجين مقطع مع تريكو بيض وكونفيرس بيضاء جمعات شعرها ذيل حصان ودارت ميك اب خفيف..مع سنسلة رقيقة على شكل قلب هزات سكادو فالاسود وفيه عينين كبار مرسومين بالابيض ...نزلت لقات صوفي وسام كيفطرو صبحت عليهم وهي كلها نشاط وهذا كان واضح وضوح شمس على وجها
همس جلسات باست نيفين لي جالسة حداها :والو غير اول نهار فالخدمة راني متحمسة بزااف
صوفي ابتاسمات ابتسامت رضا وشافت فسام لي حرك راسو عاجبو الحال:اكيد اهم شيء الواحد يبغي اش غادي يدير ..ويكون متيقن بلي اي حاحة فطريقو الا وهي خير ليه ..ولا لا احبيبي
سام هز يد صوفي :كل حرف عندك فيه الحق(شاف فهمس) ونتي غادي نتهلا فيك اليوم نخليك تحماقي على الخدمة
همس بمزاح:لا مبغيتش نحماق ..غير هكذا مزيانة
سام:راه نتي فايتة لحماق لهيه
دوزو لفطور غير ضحك واول مرة يشوفو ديك الابتسامة على وجه همس ..كأنها وحدة اخرى تولدات من جديد...خرجو كلهم تفارقو عند لباب همس ركبات مع سام متاجهين لشركة ..وصوفي خذات بناتها لحضانة ومن بعد دوز لخدمتها...
إباء من بعد ما انفاجرات عليه همس خرج بلا عقل وممتيقش بلي هي عاشت كاع داك شي ..هو كان حاس شي حاجة ماشي هي هاديك ولكن من بعد لفيديو ديال عرسها تيق لي شافت عينو وكذب احساسو ..تنادم معاه الحال ومع مل كلمة منها كيزيد يتأزم الامر عليه ..تمنى لو كان بقات ساكتة ومحكاتش ليه لي حكاتو ..كان متكي بيديه على حافت الجسر مراقب نجوم وضوء لي نعاكسو على سطح نهر ..تنهد ورجع بذاكرتو لنهار لي اضطر يوافق على خطوبتو من اسماء ..
●●فلاش باك●●
الحاج بعصبية:شحال قدك تبقى هكذا..اااااه..لي قدك بولادهم ونتا عاجبك حياة ليل وقلة لحياء
إباء مبرد كيلعب بواحد لمعلقة فيدو ومو جالسة حداه
إسلام بصوت خافت ومتساوي معاه:شوف احبيبي ..باباك عندو الحق ونتا (شاف فيها إباء بنصف عين بلعات ريقها) باباك مريض وممزيانش ليه الاعصاب ..راه يقدر يتزاد عليه الحال
الحاج:كلمة وحدة لي عندي دير عقلك وعمر دارك ..بغيت نشوف حفادي قبل منموت
إباء:بغيت لحفايد الوليد راه نجيبهم حتى بلا زواج وفريع راس..انا زواج ومرا وداك تخربيق ميصلاحش ليا بلا متعذب راسك
ناض خارج خلا الحاج كيغلي بالاعصاب ...كسيرا ياله وصل لبلاصتو ليلية كيف ديما كيبلاصي طوموبيل فالبارك ديال الاوطيل اطلس اوغيون...وهو يسمع تيليفونو كيصوني هزو ميحساب ليه صحابو لي داير معاهم لداهل وهو يلقى سميت مو مجا فين يجاوب تقطع الاتصال فين جا يرجع تيليفون لجيب رجعات كتصوني غير جاوب سمعها كتغوت وتبكي نعرف باش تبلا
إسلام:جو...الحاح عتقني راه ..راه ..عتقني ..
إباء بانفعال:اش كاين..فهميني؟؟؟...وهو هكذاك سمع صوت الاومبيلونص من جيهتها...الوليدة ..الوليدة..
قطعات إسلام عليه من بعد مدخلو 2 رجال وفرملية معاهم كيحاولو يهزو الحاج لي طايح مغيب فالارض وإسلام حداه حاطة ليه راسو على رجليها ...هزوه وخذاوه لكلينيك من بعد مخذاوه يفحصوه مبان ليهم والو دارو ليه سيروم فيه مصل مهدئ..وخلاوه يرتاح حتى لصباح ويباشرو بالفحوصات ...اسلام لي بقات جالسة تستنا الاخبار لي تريحها وهي تشوف تيليفونها كيشعل ضوء كانت بالخلعة رجعاتو صايلنت بلا متحس ..جاوبات اباء لي كان غادي يحماق كتر من 70 اتصال بلا رسائل وهي مكتجاوبش
قطع عليها اباء وقلب لفولا نيشان لكلينيك دخل لجيهت المستعجلات كيدور فعينيه حتى كتبان ليه مو جالسة وشادة كاس قهوة فيديها مشا كيخالف الخطوات جيهتها جلس جلست القرفصاء حداها ونعل نهار لي فكر يتجادل مع باه فيه وزاد شاف دموع مو لي ماليين وجها ..جلس فالكرسي لي حداها بلا ميتكلم عنقها
إسلام:ياك عييت فيك توافقو على هدرتو عييت معاك ومبغيتش تفهم...صحت باباك زايظة وكتدهور ونتا ...(طلعت وجها كتشوف فيه) علاش ىجعتي اولدي هكذا بلا قلب..علاش مبقيناش كنهموك ...كتشوف فباباك رجل هنا ورجل لهيه وكتتعاند معاه
إباء تنهد:ششش صافي الوليدة ..صافي لي بغيتوها هي لي تكون ..غير يصح الوليد و ديرو لي بغيتو ..بغيتو غير نتزوج صافي لي عجباتكم ناخذها ..غير يصح الحاج وديك ساعة ليها رب رحيم ...
دازت ليلة طويلة اسلام غفات على صدر ولدها لي معنقها ..اما هة مشافش نعاس كيف داير ...داز صباح روتيني عند الحاج بين صكانير وتحاليل ديال دم وطلع وهبط ...وفالاخر طلع بنتيجة شيميك مبقاش نافعو الادوية بحدها ....رجعو لدار ومن بعد اسبوع تصدم اباء باخر حاجة كانت ممكن تجيه فالبال ...خطوبتو من أسماء لبنت لي كيعتابرها فمتابت ختو ...بزز منو وافق صحة باباه هي الاهم عندو ..
●●الحاضر●●
هز يدو كيشوف الخاتم لي فيدو
إباء بحسرة كيهدر مع الخاتم ويدورو بصيبعو:دبا شنو ندير ..مسدودة من كل جيهة ..الوليد من جيهة ..اسماء ...إياد والخالة سامية ..وهمس...اااااخ منك يا همس ..(مسح على وجهو بتعب )اللهم اني اسألك الفرج
رجع لطوموبيلتو وطول طريق كيفكر فحل واحد بنسبة ليه هو لي ينفع يرضي كلشي ....
رجع لشقة ديالو كيتمنى يلقاها ...دخل قلب كل بلاصة فيها مكانش ريحتها دور ...عرف صافي وصلات معاها الحد لي البعد اهون ليها منو ..عاذرها لي دارو فيها مساهلش ولكن حتى هو ماشي قل منها ...حتى هو دازت عليه بسبابها يكفي انو زارو عزرائيل وزاد فحالو ..تاصل بصوفي يسولها واش هي عندهم لقا تيليفون طافي مبغاش يرجع يديرونجي شي حد..نعس كيفكر فيها وفالحل لي كيبان ليه مناسب ..فصباح فاق مدكدك..ناض غسل وجهو ودوز لماء على شعرو ورقبتو كيحاول يفيق ..لبس شميز فالاسود مع سروال اسود وفيست فالبيج دار ساعتو قاد شعرو لور وهز نظارات ديالو والكونطاكط وداز لصالون هز ملف فيه وراق الخدمة ..صباح داز ليه بين اجتماعات واتصالات لمغرب على حسا ب مشكيلتو لي فطور يفضي معاها...داز على سام لقاه غارق وسط ملفاتو وخرج قصد صوفي جلس معاها شوية وكيف عادتو هي الوحيدة لي يقدر يأمنها على اسرارو حكالها كاع اش دار بلا ميحشم منها ..سمعاتو سيري نقي حيتاش جاتها نفس على همس هة استضعفها بزاف وحكر عليها ..حتى فشت غلها عاد دات فنصائح ديالها ..جا خارج وهو يتلاقى معاها فالباب تعاملت معاه بحال شي حد غريب كان باغي يعنفها ويوريها هو شكون يفكرها بلي هو حبيبها لي وخا يوقع لي يوقع هي ملكو ديالو بوحدو لا زواج ولا غيرو يبدلو هاد الحقيقة ولكن تحكم فاعصابو المهم عندو دبا هي مزيانة وفبلاصة بنسبة ليها آمنة ...دازت عندو لعشية روتينية وسط لبلبلة ديال ماماه واسماء ومواضيعهم تافهة...شاف حتى عيا وطلع شق على الحاج جلس معاه شوية ورجع فحالو لدارو ...خدم شي وراق وراجع شي حسابات جلس فيهم حتى ل2 ديال ليل ناض شرب كنينة ديال راس ونعس ..فصباح فاق دوش روتين صباحي ..لبس سروال كحل ومع تي شرت بيضاء وكويرة فالميليتير وسبادرين بيضاء اتاجه لمقهى فطريقو فطر بوحدو شوية صونا عليه الحاج داز عليه خذاه لحصص ديال العلاج بقا معاه حتى سالة ورجعو لفيلا..عاد مشا داز لشركة لقا شي وراق كيستناو توقيعو راجعهم مزيان ووقعهم ..ناض مشا يشوف سام دخل بلا ميدق وهو يتصدم من لي شايفو ..دخل كيشوف فيها وهي مربعة رجليها فالارض وحداها كارطون بيتزا هازة مثلث خاشياه فمها واليد الاخرى فيدها مثلث اخر وسام جالس حداها سخفان بضحك..وقف عليهم طلعات همس عينيها فيه ونزلاتهم تكمل اش كدير اما سام وقف كينفض بيديه دليل على استسلامو
سام:باااز اختي ممفاكاش معاها..(شاف فإباء لي مطلع حاجب ومنزل الاخر) زيد نخرجو من هنا قبل مدور على شي حد فينا ..زيد اخويا عاضك لغذا
همس غير سمعت لغذا وقفت ويديها مزال عامرين:لميمة اسام ديني معاك مدار ليا هاد شي والو ..فيا الهيمري
إباء دور وجهو حابس ضحكة ...وفتفكيرو مزال باقية كيف هي متبدلاتش ..كيفاش قدر يآذيها بظيك طريقة وكيفاش عطاه خاطرة يظلمها
همس:يحصليك شرف نخرج معاك الكيدار ..دبا نقول لصوفي اش كدير..(شاف فيها سام مخرج عينيه)عنداك يطرطقو متلقى باش تكحل فتيتيز
إباء حنحن:احمم.احمم سام ..مهم....داك الملف لي عطيتك لبارح واجد
سام:مزال شوية ..لقيتني كنت خدام عليه...شوية ونسيفطو ليك
إباء تم خارج:اوكي انا فالبيرو..وبصحتكم
خرج وخلا همس مع سام ...رجعو لخدمتهم وكمل سام الملف بغا ينوض ياخذو هو لإباء كيحاول يخلي همس بعيدة عليه ولكن جاه اتصال مهم لي شدو وهمس طوعات تاخذو بغات تبين ليهم بلي صافي إباء صفحة وطواتها كيف وجودو كيف عدمو ..سولات على بيروه وتاجهات ليه دقت من بعد مسمعت الاذن دخلات مبتاسمة هو تفعفع كيفاش جاية عندو ومبتاسمة من لفوق مبقاش عارف كيفاش يتصرف معاها وهي كل مرة كراكتير ومل مرة شخصية ...
همس:مسيو إباء ..تفضل هذا هو الملف لي سولتي عليه سام
إباء شد الملف حطو بلا ميهدر ..همس بغات تخرج وهو يوقف زرب عليها وشدها من يدها سورت لباب عي مدارت حتى ردت فعل مجرد انها طلعت حاجب ونزلت حاجب كتشوف فيه
إباء:جلسي خاصنا نهدرو
همس جبدات يدها بلباقة من يدو وجلسات:اااه وخا ..نهدرو ....
جلس إباء فالكرسي مقابل معاها وفاصلة بيناتهم طبلة هابطة ديال زاج ..بقى كيلعب بصباعو ويهزز رجلو بتوتر معارفش منين يبدا ...همس حطات مرفقها على طبلة ويدها على حنكها كتشوف فيه
همس:اممم ..غادي تبقى ساكت ...ولا تقولي اش عندك..حيتاش فصراحة تابعاني خدمة
إباء خنزر فيها:تردميه لا ..مهم سمعيني مزيان وحلي وذنيك
همس كطنز:صراحة بغيت نسدهم من لبرد ولكن معنديش باش
إباء بنفاذ صبر دغيا كتعصبو:هممسس
همس تقادات فالجلسة دارت رجل على رجل كتشوف فيه وبجدية:مسيو بن يوسف كنسمعك
إباء تنهد:لا حول لله ..ها حنا فيها فمسيو زمر.(مسح على وجهو سكت شوية وبدا كيهدر)..مهم همس ..حنا ..انا
همس:هااا..شنو..قول لي عندك دغيا
إباء:علاش محاولتيش تقوليلي من الاول لي وقع معاك..ولا ...علاش من قبل متزوجي كنتي تقدري تجي لعندي مكنتش غادي نتخلا عليك ..كنا نكونو فحالة غير لا انا ولا نتي
همس غير كتشوف فيه ومبتاسمة جنب :ساليتي؟(شافتو ساكت غير كيشوف فيها)اخيرا تنازلتي وتواضعتي وجيت تتناقش معايا..ولكن انا مفخاطريش نهدر ..صراحة راشقالي ..فرحاااانة ..والناضي نسيتو بيه ..بلي فيه
إباء ناض وركع حدا رجليها جالس مقابل مع عينيها وشاد ليها فيديها:همس..عارف بلي جرحتك..وعاذرك وعاطيك مية حق..بصح عذريني حتى انا كان عندي اسبابي
همس:اسباااابك...ودوك الاسباب يخليوك تخرج على حياة بنت كل ذنبها انها بغاتك وختارتك نتا على حساب راحتها...اسباابك ا إباء..هاد الاسباب يخليوك تاخذلي شرفي وترميني بحال لكلاب بين يدين مك وخطيبتك يمسحو بكرامتي الارض ونتا واقف كتسمع بلا حتى ردت فعل
إباء هز يدها باسها:سمحيلي ..(ناض جلس فطبلة حداها خاشي رجليها بين رجليه وشاد فيديها)همس ..انا غلط معاك ومستحيل نتخلا عليك ..وخا يوقع لي يوقع ..خاصك تعرفي بلي انا من غيرك مبغيت حتى وحدة ..
همس قاطعاتو:داير الخاطر لحاج ...اوووه سو كيوووت...جو الحنون...حتى منين كنتي كتنعس معاها درتي لخاطر لحاج ياك ..(ضحكت استهزاء)ههه إباء بلا منضحكو على بعضنا ...قول لي عندك خليني نمشي ..طولت هنا بزاف والموضوع تافه ميستاهلش
إباء بلع ريقو وتنهد:همس خلينا نهبطو المغرب نتزوجو تما ..وترجعي حلالي ..حتى حد ميسيق لخبار(همس بحالي صرفقتيها بقات كتشوف فيه كتستوعب اش كيقول) ...نكون هكذا ريحت ضميري من جيهتك..واي حاجة بغيتيها نحضرها ليك ميخصك حتى خير
همس وقفات ووقف مقابل معاها قربات منو كأنهم على صفاف الولوج فقبلة كتهضر وشفافها قراب من شفافو:نتزوجو ..ونرجع عشيقتك سرية ياك..و..و مرة فشهر تجيني نوبة ...ولا منين تلقى الفرصة تجي عندي ..ههه..تزوجني انا لي على رف وتتزوج اسماء لوجه الاعلاني ...(بعدات عليه قاصدة لباب دارت شافت فيه بنظرة مكسورة)تعرف كان مزال عندي امل صغييييير بانو مزال إباء لي كنعرف عايش..بصح دبا تأكدت بلي ماااات ...لهاد درجة كتشوفني بلا قيمة ...شكرا اسيدي العرض ديالك كان سخي بزاف ..يكفي انو مسيو إباء بن يوسف تنازل وبغى يستر قليلة العفة ديال همس..متهبطش مستواك اسعادة المدير ..عرضك مرفوض..ومن اليوم بيناتنا بس الخدمة ..اي موضوع اخر خارح نطاق الخدمة مغاديش يعجبك الرد ديالي عليه ...
إباء:همس...
خرجت وخلاتو كيدور هدرتها فراسو...مشات لدوش بكات وخرجات ديك الغصة لي كانت خانقاها وهو كيرمي عليها كلامو لي بحال سم ..نزل منها بزاف ..همس عمرها مكانت رخيصة حتى رخصها هو ولكن هنا وحبس ...الخب لي يذلك ويخليك تحت رجلين دفنيه بيديك ودوسي على ترابو برجليك ميستاهلش يعيش ...غسلت وجها وخرجت كملت الخدمة مع سام جات 4 ديال لعشية استأذناتو تاصلات بعلي باش يجيب ليها لمحاضرات لي تراجعهم ...طلبت منو يتلقاو فشي مقهى وداك شي لي كان خرجات ومشات لقاتو كيستناها دخلات عندو سلمت عليه وطلبو اش بغاو وجلس مسكين يدير ليها دروس الخصوصية ...حتى شافها كتسهى ومبقاتش كتستوعب لهدرو جمع دوك لوراق وجلس هو وياها مجمعين على ضحك ونكت علي لي مكيساليوش ..همس كتحس معاه براحة وبسرعة كيقلب ليها الجو من كئيب لموت ديال ضحك ..هكذا دازت عدة ايام همس بين خدمتها وعلي لي كل يوم كيتلاقاو وتقربو كتر من الاول رجعات عفوية معاه واخذة راحتها..وهما فعالمهم غافلين على عينين مراقبينهم مدة هادي ......
كان جالس ف اللوطو ... داير نظاظر د الشمس .. و ف جنبه عبير .. مخنزرة و كاتسوط
عبير : اووووف ا اياد اوووف .. واش حنا جينا ندوزو شهر العسل و لا حينا نخدمو بوليس😑
اياد ماجاوبهاش حينت مقابل باب الدار...
عبير: علات صوتها: وا اياد .. اييه عطيني النخال .. بغيت نعرف غي اش كاتجيك هاد السيدة اللي من نهار حطينا رجليها هنا و تتا مقابلها
اياد: اوووف ا عبير سكتي خليني مركز
عبير: وا ماساكتتاش حتى تقوليا اش بينك و بينها
اياد: دار يشوف فيها و كايبتاسم باش يلطف الجو: شد ليها ف يديها و هي قالبة وجها: الحبيبة ديالي العمر ديالي .. شكون قاليك هدا شهر عسل .. حنا غي جينا نبدلو الجو و حينت عرس اسماء و اباء.. اما شهر العسل ديالنا باقي بوحدو و غمزها
عبير:منفخة: اهاه و شكون هادي اللي من نهار جينا و نتا تابعها .. .
اياد: تنهد:هادي ختي .. بحال ختي اسماء .. كبرو بجوج بيهم قدامي . فينما كانو مقلقين و لا دار ليهك شي حد شيحاجة كايجيو عندي ناخد ليهم حقهم .. و انا مكانساش عشرة سنين.. و خسني نعرف اش واقع ... قلنا همس غبرات و داكشي باش اسماء غاتزوج اباء ولكن باش تعاود تبان القضية فيها ان.. فين كانت هاد المدة كاملة.. اش واقع بينعا و بين اسماء اش اللي خلاهم ولاو هاكة .. علاش رحعات همس كاتلاقا اباء ... هادشي كامل خسني نعرف اش كاين من وراه.. قبل ما يكون العرس اللي زربو علينا بيه ...
عبير تنهدات: و نتا مالك ف هادشي كامل
اياد: همممس كانت ختي الصغيرة .. و من ديما كاتقوليا نتا خويا الكبير اللي ماعنديش .. و هادي ماشي همس ديال شحال هادي.. هادي بنت غريبة عليا .. تبدلات بزاف .. اش خلاها تولي هاكة .. شنو اللي جابها لبلجيكا و انا خليتها ف وجدة .. أسئلة كثيرة و اللي عندهم الجواب هما اباء و اسماء و همس ولكن حتى حد فيهم مابغا يعطيني راس الخيط ...
عبير: وا دابا ضافي هانتا شفتيها دخلات ل دار و عاد العشية هادي ماعندها فين تمشي ..
عنقاتو من يديه وبدات كاترمش بعينيها: وا عافاك ا حبيبي يالاه نخرجو ... غادي تخسر خاطر حبيبتك( و دلات شنافتها) ..
اياد شاف حتى عيا و باسها ف شفايفها ب خفة و ديمارا اللوطو و مشا من تما ..
☆☆☆☆☆ عند همس اللي يالاه جات عند صوفي من بعد نهار طويل ف لافاك ..
لاحت ساكخا فوق الفوطوي و جلسات بتعب ناشرة كل رجل ف قنت ..
صوفي: اللي شافك يقول كنتي فالحرب ماشي ف لافاك
هكس كاتسوط و ماعاجبها حال: اوووف سكتي راه راسي قرب يطرطق حاسة بسه داير كي البيضة.. ..
صوفي: مريضة؟؟
همس: لا .. غي مع الامتحانات و مابقيتش كاناكل بزاف .. مع الخلعة .. ضراتني المعدة ..
ضوفي: اممم و دابا يدوز هادشي و بقا غي تعاويد.. اححم همس ماباقيش دويتي معاه
هكس تقادات فالجلسة و خنزرات فيها: صووووفي .. شوفي هداك السيد ماااااضي و مشا و ماباقيش تجبدي ليا سميتو .. كانسمع سميتو كانحس بالخنقة ..
صوفي تنهدات: الله يهديكم و خلاض .. اش غانقوليك .. هضرت حتى عييت و بحال كانخوي الما فالرملة ..
همس: ( دغيا تقلبات و رجعات كاضحك و تقلب ف عويناتها بحال شي بنت صغيرة) صوووفي صوفي الزوينة
صوفي: يا ربي السلامة كاتقلبي كي زمان .. اش خسك تاني
همس: عقلتي ديك لمرة على داك الحوت فالفران اللي لينا
صوفي: اشمن حوت
همس: و هداك اللي درتيه فالفران و معاه الخضرة
كاتدوي و تشرح بيديها و عينيها كايلمعو و ريوكها قريب يسيلو
عنقاتها همس: يخليك ليلي .. ماعرفتش بلا بسكم كي كانت غاتكون حالتي.. معاكم مابقيتش كانحس براسي فالغربة
صوفي: يالاه نوضي طلعي عند نيفين راه لابسة و خرجو و عنداكم تعطلو انا شويا نوض نطيب
ناضت همس كاتجري طلعات ل بيت نيفين .. لقاتها لابسة كسيوة و ليبا .. زاد ليها مونطو من الفوق و جمعات ليهت شعرها ضفيرات و لبسات ليعا بوط قصير فيه ريش ... شدات فيعا و نزلو كايضحكو تقول بجوج قد قد فالعمر ..
سلمو على صوفي و خرجو .. خداو طاكسي و قصدو المول حينت الفوق فيه بارك كبير ديال الألعاب...
وصلو و دخلو و باش يوصلو للطابق الفوقاني .. دازو على مطاعم الفاست فود ..
همس عينيها حوالو و ولا كايبان ليها غي راسها غي كاتاكل الفريت هادشي علاش جاتها شهوتها ..
مشات خدات هو الاول ليها جوج موني باش يعطيوها للفريت كثير و خدات ل ايفين ديال صغار و عاد طلعو للفوق..
ختارت طبيلة قدام فين غاتلعب نيفين .. و جلسات كاتاكل فالفريت و تبنن و فمها عمر بالكيتشوب و مرو ة مرة كاتهز راسها دير باي باي ل نيفين لي فرحانة كاتلعب .. حتى هزات راسها هاد النرة و هو يبان ليها جاي قاصدها ..
طاحت ليها الفريتة من يديها و بلعات ريقها و هي كاتشوفيه جاي كايقرب ...
كان جاي قاصدها .. لابس كويرة كحلة و تحتها تيشورت بيض و دجين مخلوق و باسكيط .. دار كايسكيط و لحيته زاد كبرات .. كايبانو غي عينيه لللي شوفتهم حادة كي الصقر و مركزهم فيها .. هي تلفات مابقي عرفات مادير .. حطات داكشي من يديها و بلعات داكشي اللي كان ف فمها بزز ..
جلس قدامها و حط رجل فوق ختها .. سرح يديه فوق الكرسي و حط سوارت و التيليفون فوق الطبلة ..
هم قوات راسها و نطقات: لاش جاي
اباء مبرد و مايشةف و يتمنظر ف دراري صغار كايلعبو: زوين هنا عمرني جيت ليه
همس: بغصة: وا غي وجد راسك من هنا للقدام هادشي اللي كاين .. خسك تولف تكون اب
اباء كايحاول ما امكن ينسا هاد الموضوع و لكن كاتفكرو: همس باراك
. حراااام عليك .. عطيني تساع .. خليني هانية شويا .. واش ماكانقول تهنيت من الصداع كايخرج ليا مشكل جديد
اباء: عارف اللي داز عليك ماشي ساهل
قاطعاتو ما خلاتوش يكمل: شوووف .. ماسووقكش ف اش وقع ليا و لا ف اش مازال غايوقع ليا ... دخلها مزيان ل داك الراس .. انا وياك مابيناتنا واااااااااااالو . غلطة و دازت ... كيفما نتا عندك خطيبتك ام ولدك ... المصونة اللي ماخسش شرفها يتوسخ .. حتى انا عندي حياتي.. حتى انا باراك غي زواج اللي كان فاشل .. خليني نعيش و نبني حياتي من جديد و نشوف ليا تانا شي ولد ناس اللي يقبل عليا
اباء عينيه حمارو و كايحاول يتهدن بزز حينت كاينين دراري صغار و مابغاش يغوت يخلعهم .. خنزر فيها تخنزيرة ديال الموت خلعاتها ولكن كاتخاول تبقا محافظة على هدوءها: حاجة اباااء ماكايقيسها حتى حد ... مستحيل تحلمي تكوني مع شي حد من غيري
طلقاات ضحكة وجع .. خلات كلشي يدور يشوف فيها: لا واش من نيتك ... واش انا سلعة شريتيها هااا .. واش ضارب عليا الخط الزناتي و اما مافخباريش .. نوض ا حنيني .. نوض و فيق من الكلبة.. راك بديتي كااتخرف ..ههههخ و الله الى قاليك حاجتو .. جةج سيمانات و هو غابر و جاي يقول ليا هاد جوج كلمات
اباء: همس راه غانوض نخلط ل جدك ديك الكمارة .. راك عارفاتي فاش كانجهل ..
همس: مابقيتيش كاتخلعني .. سير تعصب و جهل على مراتك .. اما انا ماكانرفكش
اباء: و داكشي اللي وقع بيناتنا
بتاسمات ب حزن: و من بعد.. نتا ستمتعتي و انا ستمتعت .. يعني متساويين .. متعنا بعضياتنا .. و غمزاتو ..
اباء القرود كايلعبو فوق راسو .. تعصب و رمي عليه وقيدة يشعل ... كايحرك رجليه بعصبية و كايخنزر فيها: انا هاد جوج سيمانات كنت فالمغرب حليت شي مشاكل فالشركة
اباء: هدا اخر كلام عندك .. مابغيتيش نزلو المغرب نتزوجو..
همس كاضحك: هههههه واش من نيتك .. اااااه اخر كلام عندي . و نهار تولد المدام عنداك ماتعرضنيش .. عزيزة عليا الرفيسة .. و تشهيتها و راك عارف كايكيروها ف الكماطة 😉
اباء: همس فكري مزيان .. اما و تتي عارفين قداش كانبغيو بعضياتنا ..
همس: دوي على راسك .. اما انا ماكانبغي حد .. قلبي اللي جاب ليا الذل رميتو و عفست عليه ب رجلي .. و نتا راه خسك تغير مفهومك للحب . حينت الحب ماشي هو تنعس مع هادي و هادي .. الحب ماشي هو الفراش .. ولكن معامن كانهضر .. مع واحد جاهل .. مسيرو زنطيطو..
اباء ضةفي فاض بيه الكاس ... ناض جاهل بغا يضربها و هس تغطي وجهها ب يديها خايفة .. نزل يديه هو بعصبية و جبد من جيبو دعوة لاحها ليها على وجها..
اباء: الهضرة بيناتنا سالات .. و نتي اللي ختاريتي هادشي و خسك تكوني قوية و قد اختيارك و تجس تشرفينا فالعرس ..
هي باقي مصدومة غفلها ب بوسة ف شفايفها و مشا .. مخليها غارقة ف تفكريها .. مشا بحال عمرو ماكان.. دموعها مابغاوش يطيحو .. حاسة بيهم تقال كايحرقوها ف عينيها ولكن بصدمة مابغاوش ينزلو .. حلات ديك الدعوة كاترعد و يديها كايرجفو..
حاسة ب قلبها كايتعصر .. و نفسها قلال.. دنيا كادور بيها و هي كاتفكر شريط ذكرياتهم من نهار عرفاتو و هي باقي بنت صغيرة كاتقرا فالكوليج .. خرج عليها جوج مرات .. بسبابو زوجوها و بسبابو خسرات شرفها.. ولات رخيصة ماتسواش . رجعات على هضرة باها وامها .. دابا صافي ولات مبصوم على جبهتها امها عااااار .. وسخ و عالة.. حسات بالدوخةة و كرشها تزيرات عليها و ولات قاسحة بحال الحجرة..
ناضت بلا عقل شدات ف يد نيفين و مشات كاتجري جاراها موراها ..اول طكسي ركبات فيه .. و باقي ريحتو كاتشمها ف نيفها و روعات ليها خاطرها ..بغات غي امت توصل للدار ..
حطها قدام الباب و نزلات كادق بجهد .. حلات ضوفي الباب مخلوعة .. و دخلات همس كاتجري .. لاحت ليهم الدعوة فوق الطبلة و دخلات للحمام سادة عليها .. كاتقيا و خاسة بروحها غاتخرج ...
بقات صوفي واقفة فالباب خايفة على همس .. كانتسناها تخرج ..
غسلات همس وجها اللي ولا صفر نقطة ت دم مافيهش.. و تنهدات و حلفات ماباقي تنزل دمعة خرا من عينيها.
حلاات الباب و خرجات ولقاات صوفي قبالتها ..
صوفي: همس .. مالكي اش واقع خلعتيني عليك
هكس بصوت خافت و باح: ماعندي والو راه قلت ليك المعدة كاضرني
صوفي: لا اش واقع ليك .. خرجتي صحة سلام و شو كي رجعتي
بتاسمات ب استهزاء: ماشفتيش اش جبت معايا ؟؟
صوفي: لا
مشات همس بلا عكز هزات الدعوة و عطاتهها ليها ..
صوفي بلعات ريقها : منين جاتك
همس: هو جابها ليا.. راك عارفة ناس القراب كانعرضوهم ب فمنا.. و هو دار صواب و جا عرضني و حشوما مانمشيش
ضربات فيها و طلعات للبيت و سدات عليها و خشات راسعا فالوسادةة كاطيب فنعاس عالله يجي بعدا فيه كاتنسا الواقع. اما صوفي جلسات قدام داك الخوت اللي صايبات و كاتنهد.. بقات فيها همس شحال قدها ماتهز ف خاطرها و تخبي ف قلبها .. حتى هي بنادم.. اباء اذاها بزاف ..
جمعات ديك الطبلة حتى هي مابقات عندها نفس الماكلة و طلعات تشوفها ..
☆☆☆☆ عند اباء .. رجع للفيلا مرفوع و معصب خسو غي معامن.. كان باغيها تقوليه لا ما تزوجش .. كون قالت ليه لا كان غايسمح ف كلشي و يشمي هو و ياها من هنا .. كان مستاعد يسمح ف اسماء و ولدو على قبلها ولكن هي ختارت و خسها تحمل مسؤويلة اختيارها..
لقا امه و اسماء جالسين ف الصالون.. كان غادي بايدوز بلا مايهضر معاهم ولكن عيطات ليه امه
اسلام: الله يهديك .. راه مشيت معاها انا و شفت كلشي .. و ماعندك مناش تخاف البيبي و ماماه صحتهم مزيانة .. ياك ا اسماء و نغزاتها
اسماء: هااا ااه ا طاتي..
اباء مابقاش جاوبهم اصلا عقلو مع همس.. ناض خلاهم و طلع يشوف باه
اسماء: ناااري ا طاتي اش غانديرو و انا ماحاملاش..
اسلام: كي غاتزوجو غادي يخسك تحملي ف اسرع وقت
اسماء: عطاتني الطبيبة واحد دوا ديال الهرمونات كايسرع الحمل
اسلام:اوا صافي و ياك نتي ( بدات كاتميق فيها) ماشي بنت . يعني فايت ليك دايرة علاقة .. راه ماغايعيقش ..
ناضت اسلام من حداها كاتميق و بقات اسماء مخنزرة .. : غي بلاتي نتزوجو. واحد فيكم ماغايبقا هنا .. غانسيفط كلشي للمغرب و نبقا انا وياه بوحدنا.
🌸🌸🌸🏵🏵🏵
داز نهار و تبعوه ايام.. و وصل اليوم الموعود.. عرس اباء بن يوسف.. اللي وقفات عليه اسلام بدييها من a حتى ل z عرس ولدها الوحيد خسو يكون كايليق ب مقامهم..
دارو الخنة قبل ب نهار و كانت تقليدية مغربية و فيها غي النسا .. اما العرس فضلو يكون عصري .. يكتبو فيه كتابهم و عشا للمدعووين .. و اسناء تلبس غي غوب بيضا اللي صمموها خصيصا ليها ..
فاقت همس بكري.. على عكس نهارات اللي فاتو.. شافت راسها فالمرايا كاتخلع.. جسد بلا روح .. تسوط فيها طير .. تبدلات و ذبالت .. كانت وردة متفتحة و جا هو قطفها و خلاها ذبلات ... تحت عينيها كحل و وجها صفر . حسنت مابقاتش نعمة كاترصا ف جوفها اللي كلاتها كاترجعها و كاتقول غي بسباب الفقسة و الاعصاب ..
خرجات من بعد ما لبسات حوايج سبور وهزات ساكها فيه فلوس. خلات صوفي مازال ناعسة .. حينت العرس فالعشية و خسها ترتاح ..
خدات طاكسي و توجهات لاحد محلات الفاخرة دبال الفساتين..
دخلات و هي كاتقلب ب عيزيها على احسن قطعة عندهم..
طاحت عينيها على وحدة نقرية.. كاتبري .. طويلة و مزيرة .. بالكمام و لكن معرية كثر ما مغطية .. عجباتها و قيساتها وجات قدها .. واخا معرية .. راه مابقا عليها دابا حكام و ماعندها اللي يغير عليها .. خلصات واخا كانت غالية . و شافت فالفلوس اللي تسلفات من عند علي قربو يساليو..
قصدات محل ديال المجوهرات و خدات منه كادو.. و مشات كاتقلب على شي مطعم متخصص فالحوت هو اللي تشهات..
دخلات و سولاتهم على الشواية ديال السردين هي اللي كانت باغا ..ولكن ماعندهمش.. كانت غاتبكي صبراات راسها غي بزز .. و خدات غي بلا مشكل ديال الحوت..جلسات كاتاكل و تبنن و بين عينيها الشواية اللي كان كايدير باباها فاش كايسافرو للبحر فالصيف..
كملات و غسلات يديها و خرجات قاصدة صالون ...
دازو ساعات و وصل وقت العرس .. كلشي واقف .. و الناس بداو كايجيو.. اباء كان لابس طقم اسود فخم .. و ناقص من لحيته و مقاد شعرو مزيان و ريحتو كاتشم منين و لين .. واقف مع شي رجال أعمال و باين ف وجهو انه مافرحانش .. و كل شويا كايشوف الباب واش جات و لا باقي ..
اما اسلام و مامات أسماء واقفين على كلشي ب يديهم و فرحانين. فبلاصة خرا واقفة صوفي و سام اللي همهم غي مع همس اللي غبرات نهار كامل و طافية تيليفونها..
مطلوقة موسيقى ديال مبروك د رامي عياش.. و القاعة كبيرة و مزوقة بالابيض و الذهبي .. و كلشي كايتسنا العروسة اللي غاينزلها خوها و يمدها ل اباء..
وقف طاكسي قدام الاوطيل اللي في العرس .. و نزلات اميرة هاربة من رواية الف ليلة و ليلة ..
الفستان اللي برز مفاتنها.. و طالون اللي خلا قامته تزاد و تبان اكثر انوثة و نضج .. اما وجهها و ملامحها حكاية اخرى . ماكياجها البسيط االي عطاها جمالية خاصة حتى وحدة ما فحالها. و شعرها الاسود المجموع و مخلي عنقها الطويل باين .. كاملة مكمولة و عينيها كايبان فيهم قوة و عزيمة و تحدي.. بتاسمات و ستنشقات اكثر كمية ممكنة من الاكسيجين و تمات داخلة بثقة كبيرة ف نفسها..
كل خطوة كاتخطيها كاتخلي العينين يلاحقوها .. كلشي معحب بيها و بجمالها الخلاب..
دخلات على نغمات اغنية * مالك يا حلوة مالك .. هو الغرام غير حالك .. فتنو عليك عزالك .. لما رؤوك بجمالك * ديال صباح فخري ...
اباء اللي هز عينو يشوف الباب حتى لمحها داخلة و العينين كلشي مترقبينها .. حس بصدرو كايطلع و ينزل و يديه زيرهم و عروقه تنفخو .. لباسها المفضوح و جمالها .. هو بوحدو اللي من حقه يشوفهم .. ماكرهش يهزها من تما و يخبيها و يمشيو جوج من هاد المهزلة .. و لا العدول االي جاي يكتب كتابو هو وياها..
جات عينيها ف عينيه اللي كانو حمرسن كاينقطو بالغضب.. بتاسمات ليه و غمزاتو.. غمزة خلاتو سها و نسا راسو..
و مشات طالعة فالدروج و كاضحك.. و باقي كلشي متبعها ..
وقفات قدام البيت اللي مخصص للعروسة .. دقات جوج دقات و حلاتو .. كانت اسماء عاطياها بالظهر و كايسدو ليها سنسلة ديال الكسوة البيضا..
همس: اااحم واخا تسمحو ليا بغيت ندوي مع اسماء على انفراد..
اسماء غي سمعات صوتها دارت دغيا كاتشوفيها كي واقفة قدامها حبل ما يهزو ريح..
بلعات ريقها و خافت ..
دارت ليهم بديهيا باش يخرجوا و بقات غي هي وياها.. و الباب محلول و هما قراب ليه ..
اسماء: علاش جيتي شكون عرض عليك
همس: حشوما مانجيش لعرس صاحبتي الوحيدة..
اسماء: ماعندي فاش نهضر معاك .. غي سيري بحالك
همس: قربات عندها و كاضحك: و انا عندي مانقوليك.
وقفات قريبة ليها و حطات يديها فوق كرشها: جيت نقوليك مبروك البيبي .. و هادا كادو من عندي ..
كانت سنسلة ذهبية و فيها بوندونتيف مرسومة فيه عائلة.. ام و اب و ولدهم..
همس: باقي ما ساليتش هضرتي .. اااه انا حلمت و نتي حققتي .. ولكن ديري ف بالك باللي راه تزوحتي غي الجسد اما الروح و القلب و العقل كلهم عندي انا .. و راك عارفة هادشي و باللي كلامي صحيح..
اسماء: تعصبات : خرجي عليا فحالك ..
جراتها من يكيها و خرجاتها من البست و خرجات حتى هي ..
همس: كاتمشى و كاتقرب من دروج: ماتيقيش راسك حينت تزوج بيك.. كون انا وافقت كون انا اللي ف بلاصتك دابا.. ولكن انا عندي كرامة و نتي ماعندكش..
اسماء: اشمن كرامة كاتدوي عليها و نتي نعس معاك حتى شبع و لاحك..
همس طلقات ضحكة: ههههههه .. انا بعدا نعس معايا ف كامل قواه العقلية.. ماشي بحالك .. ماعاقلش علة راسو حتى واش كان معاك..
اسماء تعصبات صافي .. وصلات فيعا الحد .. بدات كادفع ف همس و تغوت بهستيرية: اباااااء ديالي .. عمرو ماكان ديااااالك. من صغرنا و هو دبياااااالي انا .. سمعتي نتي خديتيه ليا و انا رجعتو .. حينت هو ملكي انا . و بات ولدي انا ..
بقات اسماء معصبة و كاتغوت و دفع همس تمشي بحالها حتة ماعرفاتش كي وقع حتة دفعاتها من الدروج.. الي كانو الفوق قبل ما توصلي للدروج الي كايوصلو للقاعة التحت يعني هادو مخبيين على الناس اللي التحت.. نزلات همس كادردب درجة ب درجة و هي كاتغوت و اسناء لفوق كاتشوفيها كاتكركب حتى وصلات لاخر درجة .. و هي شادةف كرشها و كاتغوت ل ربي اللي خلقها بالحريق و كسوتها بدات كاتبان فيعا بقعة حمرة صغيرة و غاكية و كاتكبر.. هادشي كامل داز قدام عينين.. ولاو حمرين .. و ماعرفش كيدار تا وقع هادشي ف لمحة بصر .. بقا مصدوم كايشوف همس كاتقطع بالحريق و تغوت و صوتها ماكايتسمعش بالموسيقى الي مجهدة و اسماء اللي مصدومة واقفة كاتشوف اش دارت..
بقات همس مكركبة فالدروج حتى وصلات للنص .. كان مخبي على اللي التحت .. و ماكايبانش .. شدات ف كرشها مزيرة عليها و كاتغوت و تنين ...
اما اسماء غي واقفة مصدومة ماعرفاتش اش هادشي وقع.. كلشي طرا ف لمح البصر .. اسلام اللي كانت طالعة من التحت و فرحانة كاضحك طالعة تشوف نال العروسة تعطلات حتى لقات قدامها همس طايحة و صوتها كاسر الدنيا ولكن الموسيقى ماكاتخليهش يتسمع بجهد ...
حلات عينيها بصدمة و علات عينيها شافت اسماء واقفة مصدومة..
اسلام: اش واقع هنا ..مال هادي طايحة هنا ...
همس كاتبكي: اننننن هئ هئ اييي كرشي..
تحدرات عندها اسلام: كي وقع ليك شكون طيحك
همس حاسة بكرشها غاتقطع ماقداش تجاوبها..
اسماء اللي عاد وعات نزلات حتى هي كاتجري هازة جلايلها و وجهها صفر
اسماء: طاتي .. طاتي انا ماردت ولو .. هئ هى انا مادرت ليها والو هي طاحت راسها..
اسلام: ماشي وقت هادشي دابا.. العدول التحت كايتسنا و اباء تعصب . جاب الله ماخليتوش يطلع هو يشوفك..
اسماء: و اش غانديرو دابا
اسلام: صبري هنا حداها هاني جاية..
مشات اسلام كاتقلب بعينيها .. و بقات اسماء واقفة كاترجف حدا همس اللي عينيعا كايتلصقو و قربات تفقد وعييها ...
جات اسلام مع واحد من الكارد..
عطاتو الأمر باش يهز همس .. غي تحنا هزها و هما يشهقو مللي شافو بقعة ت دم فالارض و ف كسوتها و يديها طاحت و فقدات الوعي..
مشا الكارد كايجري خرجها من الباب اللوراني باش يديها للكلينيك اما إسلام جرات اسماء للبيت الفوقاني باش تقاد ليها وجهعا لي تجلخ ..
عطاتها هو الاول الما و السكر شرباتهم عاد تهدنات شويا و عاوناتها حتى تصايبات من جديد و شدات فيها باش ينزلو حينت مابانش ليهم اياد .. و عاد اسماء يديها باقي كايرجفو مايصلاحش يشوفهم ف هاد الحالة ...
تطلقااات لحن اغنية دقو المزاهر و تبعوها زغروتات ... و بقا ضو خفيف مسلط على الدروج و الورد كايطيح من الفوق ...
🌹🌹 عين الحسود فيها عود يا حلاوة 🌹🌹
🌹🌹 عريس قمر و عروسته نقاوة 🌹🌹
على انغام هاد الكلمات طلات اسماء بالفستان الابيض و الطرحة مغطية وجهها.. و عينيها دامعين و هي كاتحقق حلم طفولتها اللي كان شبه مستحيل مللي عرفات باللي حتى همي كاتشاركها حب طفولتها... ولكن دابا كلشي تقاد و هي بيديها حيداتها من طريقهم .. و بقاو لحظات قليلة كايفصلوها باش تكتب كتابها و ترتابط ب حبيبها و تكمل معاه حياتها...
قرب اباء بخطوات ثقيلة و كل شويا كايتنهد.. قبط ليها ف يديها حتى نزلات اخر درجة و باس ليها يديها و جاو بنيات صغار هازين حمامة بيضا و ف رجليها بجوج شريط ابيض ..
شدوها و اباء بيديهم بجوج و طلقوها فالسما و تسمعات تصفيقات فالقاعة..
حيد ليها الطرحة على وجهها و باسها ف جبهتها و توجهو ل فين غايجلسو حدا العدول...
جا حداهم الحاج و اسلام و ام اسماء.. و اباء كل شويا كايقلب بعينيه على همس و يرجع يتنهد و قال يمكن ما ستحملاتش تشوفو هاكا و خرجات..
بدا العدول كايعطيهم ف نصائح و توصيات باش يقدرو يبداو حياتهم و تكون خالية من المشاكل و اسماء بحال جالسة على الشوك بطا عليها غي امت يسنيو خلاص .. و كل شويا تهز عينيها ب قلق ف اسلام الي كاتطمنها بدورها..
حل العدول الكتاب فين غايوقعو .. و مد الستيلو ل اباء .. خداه من عندو و هو متردد و هز عينيه اخر مرة يقلب عليها و ماكانتش .. وهو يسني .. بداو الحضور كايصفقو و عطا الستيلو ل اسماء... يالاه غاتسني حتى تحبسات الموسيقى.. و تسمع صوت فالميكرو..
كلشي دار كايشوف الصوت منين جاي..
كان إياد.. كايبتاسم ب استهزاء..
اياد: مايمكنش تزوجو بلا ما نبارك ليك ا ختي لعزيزة..
اسماء: بقات كاتشوفيه...
اياد: كيفما كلشي عارف.. عندي اختي وحدة اللي هي أسماء. ولكن لا غالطين حينت كاينة ختي اخرى.. اللي كبرات قدام عينيا و عمرني فرقت بينها و بين ختي أسماء.. كبرنا مجموعين.. و من ديما اسماء كاتقول باللي صاحبتها و ختنا هي اللي غادي تشهد لي ف عرسها و لا ماغتزوجش..
اولا ا اسماء ؟؟
كلشي دار كايشوف ف اسماء و هي كاتبلع ف ريقها و خايفة لا يقول شيحاجة .. و كاتحرك راسها ب نفي
اياد: علاش ما سولتيش على صاحبتك فينها .. ياك جات العرس.. يعني خسها تكون دابا بيناتنا .. و تشهد على زواجك.. ولكن لا .. صاحبتك ف الكلينيك ماعرفتيها واش حية و لا ميتة و نتي و لا على بالك هنا ..
اباء بحاا ضربو الضو ناض وقف من بلاصتو و مشا كايجري عند اياد..
اباء بالغوات: كيفاش اش واقع ... مال همس .... اش وقع ليها؟؟ فينها ؟؟
اياد: سول مراتك المستقبلية و الوالدة ديالك..
اباء قلب الدورة عندهم و هو عيمسه حمرين و معصب ...
شد اسماء من دراعها بجهد: فييينها همس .. كانت طالعة عندك قبيلة..
اسماء غي كاتبكي و ماقاظرة تقول والو
تدخلات إسلام: اااحم ولدي .. همس راه مشات بحالها و دابا ناش كايتسناو حشوما.. خلينا نكملو هادشي و ندويو فهادشي بيناتنا من بعد..
اباء: دوييييي الخراااااا .. فينها همس ... فين درتوها .. نتي اخر وحدة شفتيها و طلعات عندك البيت ...
اسماء: الصمت 😭😭😭😭
اياد: انا نقوليك مالها.. همس فالكلينيك و حالتها خايبة ...
اباء رخا من يديها و حاس براسو غايتفركع ....
اباء: اش وقع ليها
اياد: نمشيو تما و نعرفو ...
اسماء: كاتبكي: هئ هئ اباء اباء و العرس .. غي نكملو و نمشيو
اباء: غوت عليها حتى قفزات: ماااا بقا بووو عرس ...
ضرب فيها و خرج كايجري و معاه اياد و تبعوه سام و صوفي مخلوعة على همس....
فالقاعة بقات اسماء كاتبكي و اسلام كاتسكت فيها و الناس كايوشوشو بيناتهم....
ركب اباء ف للوطو و معاه إياد .. و عقلو مرفوع كايفكر غي ف همس و اي حاجة خايبة طاحت ليه ع البال و ماعارفش حتى اش واقع ليها و لا دارت تا و صلات طبيب و هي غي شويا كانت كي شي ملاك قدامو ..
وقفو قدام كلينيك معروف و نزل كايجري و تابعينو اياد و سام و صوفي.. دخل الاستقبال و سولهم عليها و لكن ماعرفوهاش .. حتى قاليهم اياد إسلام بن يوسف حينت جابوها ب سميتها...
نزلو ل فين كاين لبلوك اوبيغاطواغ.. و بقاو كايتسناو حينت كانت فالداخل... اباء غادي جاي تما و كل شويا كايغوت غي بوحدو و لا يضرب يديه و صوفي جالسة كاتبكي و تدعي الله و اياد كايحاول يهدنو...
اباء: بغييييت نعرف غي اش وقع ليهاااااا ... كيدارت حتتتتى وصلات هنا ...
اياد: راه قلنا ليك غي طاحت من دروج...
اباء: و علااااش ما علمونيش ... علااااااش جابوها لهنا بلا خباري ...
شد راسو و غوت: اوووووووف ا اسماء اوووووف
اياد: تهدن ا صاحبي راه غي طاحت راه ماعندهاش شي حاجة خطيرة...
اباء: بربي و توقع ليها شيحاجة .. حتى نريب فوق ديلمهم هاد الخرا كامل .... كيفاش وقع هادشي كامل و انا كي الحمار جالس التحت .. كيييييفاش ...
اياد: ماغايكون غي الخير .. دعي معاها و راه الاطباء هنا واعرين...
اباء: و علااااش تعطلو هادشي كله و حتى حد مابغا يعطينا راس الخيط .. علاااش
تنهد اياد و خلاه يفوت و يخرج اللي ف قلبو ... عارف كلامه غايدخل من ودن و يخرج من الاخرى. و عاد بقا كايفكر ف ختتو كي غاتكون حالتها دابا.. و واش هادشي اللي دار صحيح و لا غالط...
داز شويا ديال الوقت و طفات البولة الحمراء اللي كانت شاعلة فوق الباب ديال البلوك.. تحل ااباب و خرج الطبيب كايحيد الكمامة من على وجهو ....
ناضو عندو كلهم كايجريو و اباء اول واحد و مخنزر : تقوليا وقعاات ليها شيحاجة عبنيك نحطهم ليك قدامك
الطبيب: قدرنا نعتقوها هي مي حالة الجنين كانت صعيبة .. درنا اللي علينا ولكن الجنين ماقدرناش نعتقوه...
كلشي تصدم من كلامه و خصوصا اباء ... حس بودنيه كايصفرو .و كلنة جنين كاتعاود و صداها غادي و كايبعد. و قبضة يديه غادية و كاتزير ... صوفي مسحات دموع نزلو من عينيها اما اياد كايشوف ف ردة فعل صاحبو كي غاتكون.. عارف هاد الهدوء ديالو موراه شيحاجة ... و تأسف هلى حالة همس .. و اخر حاجة كانت منتظرها هي هادي .. امت و كيفاش و كي جا هاد الحمل اللي ماكتبش ليه الله يكمل...
اباء: بصوت باح و لكن كايبان فيه قداش معصب: بغيت نشوفها...
الطبيب: غادي ينقلوها ل غرفة خرا ..ولكن باقي ماغاتفيق البنج باقي مأثر عليها و عاد المهدئ حتى هو ...
تمنى ليها الشفاء العاجل و مشا و خلاهم كل واحد كايشوف فلاخر و حتى حد ما قادر يدوي...
حتى قاطعهم صوت تيليفون كايصوني.. كان ديال اباء .. جبدو من جيبو و غي شاف شكون كايتاصل خنزر ب ملامح وجهه الممحية و هزو حتى للسما و ضرب بيه حتى تشخشخ و غوت: اسمااااااااااااء 😠😠
اياد عرف باللي ختو ماغايدوزهاش ليها بالساهل...و عارف باللي هي غالطة ولكن شنو هو الحل حار و تلف...
تحل باب البلوك من جديد و خرجوها جارينها ف بياص ... و ممرضة شادة ليها السيروم .. وجهها صفر و عينيها مغمضين .. و شعرها مطلوق وراها.. لابسينعا لباس المشفى.. قرب عندها اباء بخطوات ثقيلة و عينيه مدمعين.. شد ليها يديها و لقاهم باااردين ... تحنا باسها قدام كلشي و يقا قابط فيها و غادي معاهم .. حتى ركيو فالمصعد الخاص بالمرضى و دخلوها لغرفة عاد قالو ليه يخرج ...
كان قدام تما كراسة.. جلس فواحد فيهم من بعد ما حيد الكرافاط و لافيست ..و حل جوج صدافي من الشوميز .. حاس براسو مخنوق ... هو سبابها حتى وصلات لهاد الحالة .. منتاظر منها اي ردة فعل واخا تكون قاسية.. خصوصا مللي تعرف باللي دارت اجهاض.. تنهد كأنه هاز جبال فوق كتافه.. واخا مقلق على ولدهم اللي ما كتابش ليه يشوف الدنيا.. ولكن فرحان حينت حبيبتو ما وقع ليها والو .. بغا غي يشوفها لاباس و تحل عينيها و تشوفيه بنفس الشوفة .. و قادر هاد المرة يدير اي حاجة على ودها.. مابغا لا عرس لا زواج لا والو .. همس هي كلشي بالنسبة ليه .. ياخد ليها حقها و يكمل معاها حياتو .. واخا اسماء حاملة .. هو مستحيل ينكر ولدو.. ولكن مايقدرش يسمح ف همس ..
⌚⌚⌚⌚ داز ساعة و جوج .. عيا اباء بالانتظار.. و ناض ... ملامح وجهه ممحية و كايتمشى بخطى ثقيلة.. حتى وصل للغرفة .. حط يده على البوانيي و حل الباب.. دخل و شافها قدامه .. باقي كي خلاها قبيلة جثة هامدة و غي دقات قلبها اللي كايتسمعو ..
باس ليها جبهتها .. و غمض عينيه بألم.. كلشي هادشي وقع ب سبابه.. كون ماختارش يتزوج و يسمح فيعا كون دابا فرحانين بولدهم اللي سنين و هما كايحلمو بيه .. تنهد و نزل باس حتى يديها.. و بقا كايدوز على شعرها الاسود ب حنان ...
و كايتأسفو على حالتها و اش وصلها لهنا.. كانت وردة متفتحة و من نهار عاودات تلاقات ب اباء رجعات وردة ذبلانة..
بدات كاتغير ملامح وجهها و كاتبين ازعاجها.. و كاتحاول تحل عينيها... قربو لعندها كلهم...
نكقات ب صوت خافت: ا.. ال.. الما ..
مشا اباء كايجري عمر كاس كان محطوط حدا راسها و جابو ليها . هي غي حلات عينيها مزيان و شافتو قدامها و كاد ليها الكاس.. خنزرات فيه و دفعات ليه يديه حتى تكفح داك الماء ..
اباء: اش درتي دابا
همس: خرج عليا ... ( كااخاول تغوت و لكن ماعندها جهد) خررررج علي بحاااالك
اباء: ماعهدي فين نخرج...
همس: واااا خرج هئ هئ (بداة دموعها كاينزلو) خرج الله ياخد فيك الحق...
سام: قرب عنده: خرج ا ضاجبي شوف جالتها كيدايرة ...
اباء: بعصبية: كيفاش غادي نخرج كيفاش
سام: غي برد ا صاحبي خرج راها مريضة ماتزيدهاش حتى نتا ..
تلفت شاف فيها و خرج زدح الباب و تبعو سام..
بقات همس كاتبكي و عنقاتها صوفي
صوفي: ششش ا همس .. عافاك باراك.. شوفي حالتك مريضة و كاتزيدي تفقسي و تبكي ...
همس: هئ هئ علاش جا عندي .. علاش جاي برجليه تا لهنا ...
صوفي: ماشي وقت هاد الضهرة دابا
همس: هئ هئ كايقتل الميت و يمشي ف جنازته.. هئ .. الله ياخد فيهم الحق كلهم.. واحد ب واحد .. كيفما دمروني و خرجو عليا و على حياتي ..
صوفي تنهدات: ربي كبير ا همس .. و كايشوف شكون ظالم و شكون المظلوم..
همس: عيييت بغيت نموت .. علاش عتقوني علاش .. حرموني من كلشي .. غصبوني ف شبابي و زوجوني و انا باقي صغيرة .. حرموني من واليديا و من عائلتي و غربوني.. تضربت .. تكرفست .. ليالي كصار نعستهم بجوع .. و انا كانبكي .. فالبرد كانبقا عريانة .. و كانمرض و ماكاينش اللي يطل عليا .. و جا هو كمل على مابيا .... نسا كلشي و حملني مسؤولية شيحاجة مادرتها لا ب يدي لا برجلي.. خدا مني شرفي اللي سنين و انا محافظة عليه .. و سامحت ليه و خدا مني احلامي و ضحكتي .. و بلا حشمة جا بغاني نكون عشيقتو و نشهد ف زواجو من صاحبتي اللي كانت كثر من ختي.. كي بغيتيني نتحمل هادشي كامل .. رخام و بالدوام كايتشقق ... و كملوها قتلو ليا ولدي و تهناو .. قتلو ولك الموسخة .. مايرضيهمش قليلة الأصل يكون عندها ولد.. باراك غي ولد اسماء.. هئ هئ
صوفي ما عرفات ما تقول .. عارفة باللي همس هازة الدقة صحيحة و ما باليد حيلة .. كلامها ما غا يبدل والو .. و ما غايشفيش الجروح اللي ف قلبها و لا حرقة وبدها اللي مات و باقي حتى ما شافتوش.. و لا عرفاتو واش كاين.
طلات عليها و لقاتها ترخات ... قاداتها ف بلاصتها و مسحات ليعا دموعها اللي غطاو وجهها.. و يالاه غاتنوض من حداها و هي تشد ليها ايديها..
همس ب ضوت ثقيل: عافاك .. عاافك بغيت علي . صوني ليا على علي يجي عندي..
حركات صوفي راسها بالإيجاب و غطاتها.. و خرجات من البيت .. لقاتو قدامها كي شي ثور .. عينيه حمرين و ديك الشوميز لصقات عليه و صدره كايتنفخ و يتفش ب قوة الاعصاب اللي فيه ..
هز عينيه ف صوفي: بغيت ندخل نشوفها
صوفي: بلاش ا اباء
قرب عندها بغا يدخل بزز: شكوووون نتي باش تمنعيني ...
تدخل سام بيناتهم دغيا: كالم ا صااحبي كالما ..
صوفي: البنت حالتها خايبة .. غاتزيد تمرضها الى دخلتي عندها و نتا هاكا ... و عاد ماتبغاتش تشوفك .. حس بيها شويا .. راه مادازش عليها ساهل..
خنزرات فيه و بعدات عليهم شويا .. هزات تليفوننها و دوزات نمرة ديال علي .. تسنات شويا و سمعات صوته ...
صوفي: اااحم الو
علي: الو شكون معايا
صوفي: واش نتا علي .. صديق دياال همس ياك..
علي غي سمع سميتها حس ب قلبو تهز: اااه هو انا مالها اش واقع ليها؟؟
صوفي: اجي عندنا ل كلينيك*****.. همس بغات تشوفك ضروري ..
علي بخوف: مااالها .. اش واقع ليها .. واش مريضة ..
صوفي: كانت مريضة شويا و دابا الحمدلله ..
قطعات معاه و يالاه تلفتات .. لقاتو قدامها وجههو كايخلع.... عينيه حمريين كي جغمة ت دم .. و صدرو كايطلع و يهبط و كاينهج.... بلعات ريقها و عرفاتو سمعها فاش كانت كادوي..
علات فيه راسعا مخلوعة من نظراته و نفسه السخونة اللي وصلاتها..
بعدات شويا و رجعات باللور و هو يقفزها مللي غوت بصوت مرتفع حتى بح: اش درتيييييي دابا
صوفي: اااا.. وااالو
اباء مابغاش يدير شيحاجة خايبة و هي مرات صاحبو : ( بنفس نبرة الصوت ): معاااامن دويتي دابا
صوفي: خايفة: م.. مع .. مه واحد صديق
اباء: صديق و لا قل***** اش خريتي دابا اش ... بربي و يجي شي حد هنا حتى نخرج ف جدووو هاد الجنون اللي فيا كاملين ...
دفعها و داز غادي ل بيت فين كاينة همس ..
تبعاتو صوفي كاتجري توقفو .. يالاه شدات دراعو و هو يجرها بنترة: اشششش بغيتي
صوفي: فين غادي ... هي راه ناعسة
اباء: حبسيني الى قدرتي.. داااخل عندها.. نشوفو قضية هاد الز**** اللي يجيو يشوفوها و انا معنديش الحق نشوفها..
صوفي: الله يرحم ليك واليديك . راه حالتها مريضة.. حس بيها .. فكر غي ف ولدها اللي مشا .. رخف عليها شويا..
اباء ماجاوبهاش و دفعها و حل الباب بجهد و دخل مدرم.. كانت ناعسة.. جاب كرسي و حطو اونفاص معاها و جلس .. ماكايرمشش. حاضيها غي هي و عينيه و شوفته حادة.. مقابلها كي ناعسة.. و كاينهج و يسوط بالجهد..
صوفي شافت تا عيات و خرجات خلاتو معاها..
بقا جالس كايحرك ف رجليه بعصبية و عينيه ما نزلوش عليها... حتى شافها تحركات و بغات تكا على جنبها لاخر و ماقدراتش.. ناض و بغا يعاونها .. هي غي شمات ريحتو حداها و هي تحل عينيها طافجة.. خنزرات فيه و يالاه غاتغوت و هو يسبقها دوا بصوت قوي: بربي و تزيدي كلمة حتى ندير شيحاجة ماغاتعجبكش .. حسن ليك خليني ساكت..
همس مابقاتش كاتخاف منه و تهديداتو ما كايديو منها لا حق لا باطل..
همس جمعات قوتها و جهدها كامل: خسك تكون دابا ف شهر العسل علاش جاي عندي هنا
اباء: ماجاوبهاش
همس: مخلي حبيبة القلب كاتسنا و جالس كاضيع ف وقتك هنا.. مراتك ( بلعات ريقها و كاتحاول تكبح دمعة خافت تخونها و تنزل و قلبها حاسة بيه كاينزف) و ام ولدك
شاف فيها بحزن مللي ذكرات على فمها ولدو .. يالاه بغا يدوي و هي تقاطعو و حبساتو ب يديها: عارفة اش غاتقول .. مابقيتش قادرة نسمع شي كلمة .. .. عيييت و جهدي تسالا.. ( بداو دموعها كاينزلو و عويناتها حمرين) ماعندي زهر ف تاشيحاجة.. عييت و بغيت غي نرتاح .. كلشي ولا كايبان ليا كحل ..
اباء: لا ما....
قاطعاتو قبل ما يكمل كلامه: تقدر دابا تفرح .. نتا و عائلتك . حينت الموسخة ولدها مابقاش ... حينت مستحيل قليلة لأصل يكون عندها حتى هي ولد بحال الناس الاخرين.. نتا دمرتيني .. الحاجة الوحيدة اللي كنت ديما خايفة عليها و محافظة عليها و هي اللي كانكساب. سمعتي و شرفي . جيتي نتا و وسختيهم ..
اباء من تحت سنانو: اش هاد التخربيق كاتقولي.. شكون اللي قاليك هادشي . نتي اشرف وحدة..
همس بدات كاضحك بجهد تجمعات عليها الفقسة و كلشي: لا واش من نيتك ههههههه .. عاد جاي كاتقول هاد الهضرة... عاد بنت ليك شريفة.. نهار كانت امك و خطيبتك.. لا بغيت نقول مراتك.. كايعايروني.. كنتي ساكت.. مالك مادافعتي عليا قدامهم .. و لا حينت عندهم الصح ..
اباء: همس باراك
همس: لا ماغانسكتش.. خليني ولو مرة وحدة نخرج اللي ف قلبي .. ( مسحات دمعة نزلات).و حطات يديها على كرشها .. حسن اللي ماتزادش
اباء: اش كاتقولي ا همس.. راه ولدي حتى انا
همس: ههههه ولد اللي ماعندها لا أصل لا مفصل.. ولد اللي فضلتي تخليها ديما تحت الرجلين .. تخليها عشيقة.. تخوي فيها كبتك.. ماشي اللي ختاريتيها للحلال .. كيفما ظلمتيني غادي تظلم حتى ولدي .. داكشي باش حسن اللي ما تزادش..
اباء تعصب: همس راه مازال صابر ليك .. اش هاد الهضرة كاتقولي على راسك
همس: حتى حاجة ما جبتها من راسي .. كلشي راه من عند سيادتكم.. و دابا عافاك خرج عليا .. مابقا بيناتنا والو.. كنا و كنتو و صرنا و صرتو.. حتى داكشي اللي كان غايجمعنا مشا ...
اباء: من هنا ماخارجش..
همس بدات كاتبكي بصوت عالي: حراااام عليك .. واش ماكفاكش فين وصلتيني .. كانطلبك.. عطيني التساع .. كون راجل مرة وحدة ف حياتك و عطيني بالتساع ..
اباء هضرتها عصباتو و يالاه غايبدا كايهلل حتى سمعو الباب تحل و تم داخل كايجري و ف عينيه خوف كبير .. هاز ف يديه بوكي ديال الورد و متاجه لعندها.. حتى هي ماشي من العاكزين. غي شافتو و بدات كاتبكي و تنخصص و مدات ليه يديها باش يعنقها..
اباء القرود بداو كاينقزو ليه فوق راسو ..ناض بلا مايحس. قبطو من الكول ديال تريكو و ردخو مع الحيط و غوت وهو خاشي وجهو فيه: فيييين داخل مدرم
علي: حيد عليا يديك
اباء: شنشله: غاتخرج تقود عليا من هنا و لا غانسبفط تغرز كمارتك التحت..
همس: اباء .. اباء طلق منه واش جهلتي
اباء: غانجهل بالصح الى ما قوووودش عليا من هنا
همس: نتا الي غاتخرج .. نتا اللي خرج عليا فحالك هئ هئ .
همس: اباء .. اباء طلق منه واش جهلتي
اباء: غانجهل بالصح الى ما قوووودش عليا من هنا
همس: نتا الي غاتخرج .. نتا اللي خرج عليا فحالك هئ هئ .
كثر الغوات و الصداع و جا الطبيب و الممرضة كايجريو..
الطبيب: ا سيدي .. اش هادشي راحنا ف كلينيك و كاينين ناس مراض. ماشي ف السوق
علي و اباء كايخنزرو ف بعضياتهم
همس: عئ هئ خرجوه هو .. هو اللي داير الفوضى..
كثر اللغا و الصداع و حتى سام و اياد اللي يتدخلو ماكانوش.. كانت غي صوفي.. جاو السيكوريتي و خرجو اباء بزز من الشومبر .. و فحصو همس و خلاو مععاها علي بموافقتها ...
عنقها و تخشات ف حضنه كاتبكي .. كاتفكر غاع اللي داز فرمشة عين .. اللي كانت كاتحس ف حضنو بالامان ولا هو مصدر الحزن ليها ...
بقا علي كايسكت فيها و يدوز على شعرها بحنان.. و غافلين على الإعصار اللي كاين برة.. بغا يدخل يهرس على ريوسهم داك البيت ولكن كايفكر ب عقلو ماغاينفعو التهور ف والو.. خسو يسايس معاها..
همس: عافاك ماتخلينيش معاه.. عافاك ا علي ندير اللي بغيتي غي ديني من هنا .. مانقدرش نزيد دقيقة وحدة معاه ف بلاصة وحدة
علي: واخا واخا مايكون غي خاطرك و راحتك اهم حاجة عندي...
همس: شتي كي وليت .. فتات صعيب يتجمع ...
علي: حتى حاجة ما صعيبة ..
همس: ماغاتحسش بيا .. كلشي ولا ف عينيا كحل .. و مخربق مابقيت فاهمة حتى شنو واقع .. ماقادراش نعبر على اش ضارني.. عاد عرفت الوحشية ديال الحياة كيدايرة .. الناس اللي كانو معايا ف ايام عزي دابا مشاو .. اللي كنت دايرهم بجنبك .. باش تشد فيهم نهار طيح .. دابا راهم معنقين وحدين خرين .. عرفتي ا علي .. واحد الشعور .. ماكرهتش نمضغ الزاج و ندفلو ليهم على وجوهم واحد بواحد .. كرهت راسي و لمتو . على هادشي اللي واقع ليا.. و حاسة ب غصة ف حلقي.. و دمعة مابغاتش تنزل.. وصلت الحضيض و وليت جثة هامدة باردة قتلو فيها اي إحساس زوين .. و خلاوها بوحدها ماعندها تا واحد و تاحاجة .
مسح ليها دموعها و شاف ف عينيها اللي من ظيما كايسحروه: هاد الحضيض بالضبط يقدر يكون نقطة التغيير ف حياتك.. الى ختاريتي تمشي فالطريق الصحيحة.. ترجعي هيبتك و ماتبقايش مخربقة و مدمرة.. ماتبقايش داك الإنسان اللي كايتسنا الشفقة.. حينت احسن انتقام هو النجاح الساحق.. يعني خسك تنجحي صحة .. ترجعي قوية كي كنتي و لا حسن. تنساي الماضي و ناسو و ترميهم وراك.. خس تكوني شديدة و محاربة.. و عمرم تستسلمي حينت الواحد واخا يكون عندو حكم بالاعدام كايبقا متشبت بالأمل فانه يتعتق فاخر لحظة ..و حتى الى تنفد الحكم عليه .. كايموت قوي ما كايبكي ماكاينهار.. هاكا خسك تكوني و انا معاك حتى تولي قوية .. عمرني نخليك...
بتاسمات وسط دموعها و هي كاتشوف واحد الشويا ديال الضو ف حياتها المظلمة.. هداك اللي كانسميوه الامل.. اللي بلا بيه كلنا كنا غادي نموتو.. حينت هو اللي كايخلينا عايشين و متحمسين نفيقو الغد ليه و متمنيين توقع شي معجزة تبدل حياتنا...
بقا معاها و كايحاول ينسيها حتى ضحكات شويا .. و اباء برة غادي جاي و ماحاملش البلان ديال انه همس مع علي الداخل بوحدهم..
وصل الليل و اباء ضطر يمشي يشوف باه اللي قالو ليه حالتو تدهورات و مرض .. و يشوف حتى اسماء و امه و هاد الحريرة اللي باينة هما السباب فيها. وصا صوفي على همس و مشا دغيا غي يشوف الأحوال و يبدل حوايجو و يجي..
دازت ساعتين.. و رجع.. توجه ل غرفتها و هو مبتسم و ناوي يعتاذر منها و يخليها تسمح ليه و من غدا الى وافقات يكتبو كتابهم.. مابقا كايهمو حتى واحد من غير سعادة حبيبتو..
حل الباب بلا ما يدق و هو يبان ليه البيت خاوي و ريحتها ماكايناش و الناموسية خاوية. رجليه فشلو علبه و جميع الاحتمالات الخايبة طاحو ليه ف بالو.. سمع خطوات وراه و دار .. لقاها صوفي جاية و هازة كاس د القهوى ف يديها
اباء مشا عندها كايجري: فينهااااا
صوفي: شكوناهيا
اباء: كيغاش شكونها.. واش كاضحكي عليا . فينها همس
صوفي خرجات فيه عينيها: كيفاش فينها همس. خليتها هنا غي دابا شويا قبل ما نزل ل كافيتيريا..
غمض عينيه ب عصبية و غوت بجهد و ضرب يديه بالحيط .. و كاينعل و يسب فراسو و ف دقيقة اللي فكر يمشي و يخليها بوحدها...
💫💫💫 ف بلاصة خرا .. ركبات فاللوطو حداه.. و هو سايك.. جامعة شعرها بإهمال و لاوية عليها كاب.. و شادين طريق خارج مدينة بروكسيل ..
بتاسمات و هي كاتفكر ف هادشي اللي دارت و مانادما على على حتى قرار خداتو دابا و لا غاتاخدو من بعد .. غمضات عينيها تنعس شويا .. حينت عيانة بزاف..
بقاو غاديين فلوطوروت.. و السنا غاديي لونها و كايتفتح باش نهار جديد يبدا ...
طل عليها شافها مامرتاحاش ف نعاسها و كل شويا كاتحرد و تخسر ملامح وجهها .. شاف بلاكة قدامهم و هو يدور معاها ... دخل لمحطة ديال استراحة و نزل من اللوطو و دار من جهتها.. حل عليها الباب بشويا و تحدر .. بدا كايحرك يديه بشويا فوق خدها ... و كايعيط بسميتها " همس .. همس"
حلات عينيها فيه و تقادات ف بلاصتها
همس: بصوت تعبان: واش وصلنا..
علي: لا مازال لينا الطريق.. نستاراحو بعدا و تفطري نتيا راك يالاه خارجة من الكلينيك و نكملو طريق داك الساع...
تنهدتت و نزلات .. ضريها برد خفيف .. نسيم الصباح الباكر و الهواء نقي خلاوها تبتاسم و تسنشق اكبر كمية و تزفر براحة .. عاودات مرة و تانية.. كاتحاول تخوي قلبها و تنقص شويا من الحمل اللي هازا ..
شد ليها ف يديها و حتى هي زيرات عليه و شدات الكاب على حساب اابرد و دخلو للمطعم اللي كان كايطل على غابة كبيرة... و الشمس بدات كاتشرق..
جلسو و جابو ليهم الموني باش يطلبو اش بغاو..
علي كايقرا فيه و يشووف و هي في كادور ف عينيها و تشمشم ...
شافها هاكاك و هو يحطو و شافيها: همس .. مالكي.. واش كاضرك شيحاجة .. ياكما نمشيو بحالنا؟
همس: لا مرتاحة بالعكس و هنا زوين .. غي هو ( نزلات عينيها حشمانة) بغيت .. بغيت ليكخيب .. شميت ريحتهم و تشهيتهمم ..
ابتاسمات ليه بامتنان و هي كاتشوف ان شخص كان غريب و علاقتهم ماشي قوية بزاف و غي مدة هادي باش تعارفو و داير معاها كثر من حهدو باش تكون مرتاحة و وحدين خرين ولاو جزء من حياتها و عطاتهم كل ما كاتملك و هما اكثر وحدين آذاوها..
تندهات و بقات كاتشوف الشمس كي كاتشرق بين الشجر الكبير اللي لونه ليموني و اغلبية وراقه طاحو حيتت فصل الخرف قرب يسالي و الشتاء على الابواب..
وقف عليهم النادل و بدا علي كايقوليه شنو يجسب .. فطور متنووع و صحي و عاد ليكخيب اللي بغات .. قبل ما يمشي وقفاتو: عافاك و بغيت عصير ديال الحامض
خنزر فيعا علي: واش هبيلة لا .. اشمن عصير ديال الحامض و نتي مريضة.. خسك شي حاجة دافية
جمعات شنايفها ب حزن ونزلات عينيها: صافي بلاش ..
عطاه علي الاشارة باش يمشي و هي بقات مقلقة و الدمعة ف طرف عينيها..
شافها هاكاك و هو يشد ليها ف يديها: على عصير غاتبكي.. غي فطري مزيان و ديه معاك امبوخطي شربيه فالطريق.. غي مانشوفكش قالبة وجهك و مقلقة هاكا...
ابتاسمات دغيا و رجعات ملامحها كي كانو قبل ..
بقاو موضوع يجبد لاخر .. حتى تحط الفطور و بدات اول حاجة ب الكريب..عاد ا حليب بالشوكولا دافي و طوسط.. كلات حتى تكنفلات و علي كايضحك عليها..
شبعات و جابو ليعا العصير اللي بغات و خرجو ركبو فاللوطو و شدو طريقهم من جديد ...
جاها الملل و هي تقلب ف كلي يوسبي كانت تما .. خدمات اول اغنية فيها و كانت اغنية * مش فارقة كثير* بحكم علي اصوله لبنانية عندو مع هاد النوع د الاغاني....
مش فارقة كتير.. في قربك زي في غيابك
هتفرق ايه.. سنين وانا عايشة بعذابك
وقفت معاك ولا عمري ما قلبي يوم سابك
وفي الاخر ماقدرتش ولا حسيت
مسيري انسي هييجي اليوم.. ووقعت
بس هقوم.. ما هو مش انا اللي هموت من الاحزان
وماتخافش عليا هعيش
انت ماتعرفنيش
كام يوم هيرجع تاني زي زمان
هزعل ليومين..
ما انا طول عمري زعلانة
وهندم ليه.. ما انا خسرانة خسرانة
ده بعد سنين بقيت دلوقت متخانة
ياريتني ما كنت من الاول انا ضحيت
🌸🌸 كل كلمة حسات بيها كاتعنيها و تكتبات على قبلها ... حاولات ماتبكيش و بقات كاتبلع فالغصات اللي ف حلقها . هي اللي اختارت هاد الطريق و خسها تكون قدها وتممل حتى اللخر و ترجع وحدة خرا.. شافها علي كي ولات و حس بيها و يالاه حط يدو باش يطفيها .. وقفاتو و شافت فيع ب عينيها كلهم حمرين مدمعين عامرين عزم و تحدي ..
همس: بصوت باح: غي خليها .. الواحد باش ينسا خسو يواحه قدره و الماضي ديالو ماشي يهرب منهم و يبقا خايف . .. و انا اللي اختاريت الفراق و انا قادة عليه ...
وصلو و اخيرا ل مدينة صغيرة جات قريبة للحدود مع فرانسا مدينة ath .. وقفو قدام فيلات صغار مبنيين بالخشب .. وحدة حدا وحدة و قدامهم جردة كبيرة كايلعبو فيعا دراري صغار ..
نزلات همس من اللوطو و تفوهات .. تنهدات و ابتاسمات و هي كاتشوف حياتها الجديدة فين غاتكون..
تلفتات شافت ف علي و ابتاسمات ليه و حتى هو بادلها نفس الابتسامة .. مد ليها يديه و شدات فيه و نشاو بجوج لدار اللي قبالتهم .. حل الباب و دخلو...
❤❤ نهاية الفصل الاول ❤❤
يا لغبائي عندما كانت حالتي ليس لها شفاء..
كنت غارقة الى ابعد حد بين ملامحك الشرقية ..
ضائعة في ذقنك المهمل ..
كنت اهاب رجولتك اللي لا تهاب إلا خالقها ..
كنت حب طفولتي .. مراهقتي و شبابي ..
و نبض قلبي كان متوقف على نظرة من عينيك ..
ف اصبحت دائي بعدما كنت دواء ..
جمرة نار تأبى ان تنطفأ ..
ف بين طيات حبي لك .. استسلمت .. لكنني لم انهزم .. فقد بقيت ذكراك ك طيف ملاحق لي .. قطعة منك عوضت غيابك ... و كانت هدية الخالق لي
كنت اظن انك حقا رجل .. انك اسم على مسمى .. اباء .. لكن خاب ظني
اين هي عزة النفس و الشموخ ..
عندما ادعيت الصدق و انت بحر للاكاذيب..
عندما ادعيت الإخلاص و انت اصل الخيانة..
غرست جذور عشقك في فؤادي و رحلت ..
حسبتني مجرد همسة رقيقة نقية بريئة و هادئة ...
لكنك اخطئت من جديد ..
اظننت انني لك مراقبة؟؟
و في انتظارك غارقة ...
فأنا اصبحت انثى لا تهزها كلمات عابرة ..
انثى لا يملك قلبها الأنذال و الذكور مدعيي الرجولة ..
لست غبية لاترك قلبي ملكا لهاو في الحب ..
و لست والدتك لاعلمك كيف يكون الحب ..
لا تقلق .. اذهب لها .. فأنا لن أغفر لك .. لانني لست بانثى تبكي على اشباه الرجال ..
ثغرة الماضي الجزء الرابع
محتوى القصة
يتبع
التنقل بين الأجزاء