ثغرة الماضي الجزء التاسع

من تأليف Wiam ounissi وHajar hb
2018

محتوى القصة

رواية ثغرة الماضي الفصل الثاني

بقات كتشوف فلبرية لي بين يديها وكتقرا وتعاود مزال مستوعباتش ..طالبينها لبيت طاعة ..كيفاش وفوقاش وشكون ..فيقها من سهوتها صوت مها كيغوت بسميتها
خديجة:همس..وا ديك لبنت ..شكون جا؟
همس خبات لبرية فصدها وبلعات ريقها ودخلات كأن شيئا لم يكن:دوك صحاب الاشهار..خوذي صابونة وخوذي ثانية فابور ودونتيفريس ..تقول لبارا خلات شي حد فلخلا ..معرفتش علاش كيحفيو رجليهم مساكن فهاد شمس 
خديجة:وكلها وفين ربي مكتبليه لخبيزة ..الله يجعلنا ناخذو غير رزق لحلال 
همس تنهدات:اميييين ..(شافت فجنابها) فين ذكرى 
خديجة:هاهي فسطح كتلعب مع لقنيات ولفلالس ديالها ..اييه راه جابت ليها سمر فكيرينة صغيرة كانت كتزوق ليها ظهرها 
همس:داك شي لي بقات شوية ونلقاها مطلعالي بقرة وجمل لفوق ..يا خوفي غير تجيب ليها شي لفعة راه حمقة وديرها ...
خديجة ضحكات:لمن طالعين ميخفاوش عليك ..ونتي متتفضلي عليهم ..اييه جربي يا بنتي تربية ضنا شحال صعيبة 
همس باست ليها يدها:الله يحفظك لينا...والله يسمح لينا من عذابك ...
خديجة:يرضي عليك يا لمرضية
همس كدور فعينيها:ماما غنخرج عندي واحد شغل ونجي منتعطلش 
خديجة :وغير باتي كيف ديك ليلة برا ونتفاهمو 
همس:راه ديك ليلة جاني سفر على غفلة ولمشروع راكي عارفة ..وراه كان معايا علي مكنتش بوحدي ..ولكن دبا لاا راه الا كانت شي حاحة نعلمك ..(باستها فراسها) دعي معايا اميمتي 
خديجة:سيري الله يفتحها فوجهك وينقي طريقك من شوك ..ويبعد عليك ولاد لحرام ..يا لمرضية ديال ميمتك 
همس طلعات وهي كتردد امين فخاطرها لبسات لباس قصير حمر ويديه مع بوط طالعين فالاسود ودارت فورير فوق كتافها طلقات شعرها بوكلي مع ميك اب خفيف وهزات ساك شانيل اسود مربع ودارت لبرية فيه مع تيليفون ولبوخط فوي ديالها خرجت من باب ديال درج مبانتش لمها شدت كاكسي واتاجهات لشركة ..دخلت لمكتب الاستقبال وسولات على المكتب ديالو ..مخلاوهاش تطلع حيتاش معندهاش موعد مسبق ..تنهدات وسولات على مكتب سمر نعتو ليها فين هو ومشات عندها ..دخلت ساخطة خلعات سمر لي كانت محنية كترسم فشي وراق 
سمر بصدمة:همس ..اش كديري هنا 
همس رمات لفورير ديالها فوق الكرسي هو وساك وجلسات كتهزز فرجلها :سمر خاصني نشوفو دبا ضروري 
سمر ناضت عندها بخوف:اويلي باغية تمشي لعندو برجليك ..راه هذا مفيه رحمة ..كيخلع غير من شوفة 
همس بعصبية:يخلع ولا يموت ..انا مكياخذ مني لا حق ولا باطل ..غتزيدي توريني فين نلقا داك زفت لمزفت ولا نقلب بوحدي 
سمر تنهدات:وغير قوليلي علاش بغيتيه وناخذك 
همس طلعات لبرية فوجها:سيفطلي استدعاء
سمر خذات منها لبرية:استدعاء شنو ؟؟ (حلاتها وشهقات) اويلي فوقاش تزوجتيه..واش حماقيتي 
همس بقات كتمشي وتجي ويدفخصرها ويد كتشالي بيها:وهذا لي بغيت نفهمو انا ..فوقاش تنيلت وتزوجت بيه ..
سمر بقات كتشوف فيها مفهمت حتى لعبة:دبا اش كتقصدي
همس بعصبية:كنقصد وريني طريق لجهنم فين كاين داك شيطان ..بغيت نمشي نتحرق ونحرق جد اصلو معايا ..على الله غير نتهنا (غلبوها دموعها كتحس بالحكرة وظلم) عييت اختي والله مكفاهش لي داز عليا مزال غير مازايد فيه
سمر عنقاتها:صافي اختي ..دبا كلشي يتصلح ..ربي مناسيكش ..صبري دبا يفرجها ربي..خلي ثيقك فالله وعمرك تخيبي 
همس بعدات عليها مسحات دموعها وخذات نفس عميق وخرجتها متقطعة:وريني مقر سيادتو ..
سمر خذاتها حتى لبيروه ملقاوش سكريتير ديالو فبلاصتها ..ربتات على كتفها:حاولي متعصبيش وهدرو غير بلعقل ..فكرو قبل كلشي فذكرى اوكي ..بلا مديرو شوهة ويتفرجو فيكم الموظفين 
همس ابتاسمات ليها بزز:الا مدارهاش هو انا غنتصرف بحضارية غير ميدقش بابي منتعوشرش ..وذكرى هي لي جابتني لهنا اما انا كاع منتسوق لحد بوه لكلب
دقات 3 المرات ومجاوبهاش ..دخلات بلا احم ولا دستور
همس بصوت مرتافع:كاع لتج...اا.اوب...
بلعت ريقها وقفت مصدومة كدور فعينيها وتزنكت مجاتها ترجع ولا تزيد تدخل ...اما هو فكرز على سنانو وعروقو تنفخو ...

إباء شاف فرجال لي معاه كيشوفو فبعضهم ويشوفو جيهتها ..وقف معتذر منهم وجرها من يدها خرجها كيسوط وسد لباب جرها لحمام الخاص ديالو دخلها وكرازاها مع الحيط عينيه حومر
إباء:واش نتي متتربايش اج جايا ديري هنا ..عند جدك فاتح كوري داخلة مدرمة 
همس كتحاول تبعد يدها لي وجعها فيها:حيد الهيماج ..مكنتش عارفة عندك اجتماع ..لعيب فيك دقيت ومجاوبتش ..ومجاياش حبا فيك ..جايا نلقا حل معاك ..حل على وديت بنتي 
إباء بعد عليها وضرب يدو مع لحيط ورجع كيطلع وينزل فيها:جايا تلقاي حل ولا تلقاي حاجة اخرى ..اااه (شد لباسها بطرف صباعو) اش هاد لبس ..حيديه نتي وخرجي بلاش ..
همس بعدات عليه بغات تفتح لباب رجعها لعندو كارز على سنانو 
إباء:غتمشي عند ختك نسالي شغالي ونعلمك ..ويا ويلك يقولك طنطون ديال راسك تلعبي معايا ..مندوزهاش ليك امدام 
همس نفضات يدها منو:فهمنا ابنادم ..غير هو ناس كتهدر بفمها ماشي بيديها ..دخلها لطنطون ديال راسك اسي 
خرجت كتتعوج قدامو هو تبعها بعينيه حتى بانت ليه دخلت لعند سمر ...دخل لبيروه مبتاسم بزز فوجه العملاء لي معاه اعتاذر منهم ووكملو فين وقفو دازت ساعة ونص كمل وخرج عاقدهم وقف عند بيرو سمر غير شافتو مزادش الهدرة هزات ساكها والفرور ديالها وخرجات سابقاه كتتعوج قدامو شافها زادت فيه جبدها لعندو وشدها من خصرها زير عليها وهمس فودنها:تقاظي تمشيتك ولا نعوج مك نيشان 
همس طلعات فيه عينيها مطلعة حاحب ومنزلة الاخر :تمشيتي هكذا دايرة وشكون نتا باش تعوج ما ولا تقاد با ...اوه نسيت كاع لي فالمقبرة دازو علي يدك 
إباء زير عليها ودفعها دفعة خفيفة مبغاش يزيد يتشاد معاها هي لسانها متبري منها وهو اعصابو فمناخرو هههه ..فتح ليها طوموبيل طلعت كتبين القوة وهي كتشطح ركادة لداخل وكتهزز فرجلها طلع هو كسيرا ويدو دايرها فزاجة وكيدوز بيها على لحيتووومرة مرة يدور يشوف فيها وهي بداك الوضع رجعاتو لسنين لور اول مرة تطلع معاه كانت بنفس المنظر ..ابتاسم جنب وحرك راسو يمين وشمال ..هي ملي كلعات سرطات لسانها كلما تبغي تهدر تتلف ليها الهدرة ..بقات حاضية طريق حتى شافت راسها خارجة علىىلمدينة وشادين طريق الحدود ..فين كاينين قهاوي بعادين على ضجت لمدينة وكالم وتاخذي راحتك ..وصلو لاخر مقهى مقهى كارتينغ لي جاي فنهاية طريق على حدود زوج بغال(بس كلما كنمشي تما كنموت بضحك على هاد سمية سبحان الله معتارفين من زمان بالواقع 😂)..دخلو كانت خاوية تقريبا طلعو لطيراس لفوق جلسو جا سرباي طلبو اش بغاو وهنس عينيها غير على 2 طوموبيلات كيتسابقو ..ابتاسمات لمنظر فكرها بذكريات عمرها نساتهم ..كانت كتجي معاه لنفس هاد لبلاصة وهو لي علمها كيفاش تلعب ..تنهدت من الاعماق وهو عبنيه غير عليها نفس ذكرى زارت تفكيرو ..شافت فيه وبلا هواها نطقات
همس:عقلتي اخر مرة كنا هنا 
إباء شد يدها لي كانت فوق طبلة:علاش انا فوقاش نسيت باش نعقل 
همس جبدات يدها ودورات وجها هو رجع تكا على كرسيه كيلعب فلحيتو
إباء:قولتي نهدرو ..كنسمعك 
همس شافت فيه بص عين وجبدت لبرية حطتها حداه:ممكن تفهمني اش كاين هنا ؟
إباء كيطنز عليها:اش نفهمك ..(هز لبرية فتحها) مكتوبة بالعربية ..وصراحة انا ولعربية ماشي حتا لتما ..ممكن تقرايها ليا 
همس زفرات بضيق:إباااااء ...ماشي وقت خفت دمك زايدة ...فهمني ..(بلعات ريقها) كيفاش طالبني لبيت طاعة ..فوقاش تزوجنا اولد ناس

إباء:لاااه لاااه لااااه ..همس..مزويناش منك احبيبة ..زواجنا ومعاقلاش عليه ..صراحة فيغيمون تقلقت ..(حط يدو بين عينيه) لدرجة دموع غيطيحو ..(شاف فيها مطلع حاحب ومنزل الاخر وابتسامة جنب على محياه) شنو قلتيلي ..ااه(فرقع صباعو) باشمن حق خذيتك داك نهار..باش جاوبتك انا ..(شافها ساكتة) سولتك جاوبي ..باش جاوبتك 
همس بصوت خافت ممتيقاش:بجميع الحقوق..
إباء:اووه فوااالاا..مبروك امدام ..على سلامتك احبيبة ..دبا فهمتي ..(حط صبعو وسط جبهتها) دخلي لهاد راس صغيور عندك ..إباء مكيقولش شي كلمة من فراغ..(مبتاسم) نوضو احبيبة نمشيو نجيبو بنتنا ونرجعو لدارنا 
همس بقلة حيلة :هاد زواااج باطل ..انا مموافقاش عليه ..اسيدي فوقاش اصلا وقعت على عقد زواج ..هاد شي تزوير ..ميمكنش..واشمن بنت كتهدر عليها ..بنتنا ..بنتي ..بنتي بوحدي ..سمعت..(نزلو دموعها)...لو كان كنت تفكر فبنتك مكنتش غدير هكذا...مكنتش غتبقى غير زايد فظلمك وكذوبك ا إباء 
إباء كيلعب بصباعو فنجان القهوة :كملتي ..نوضو دبا 
همس بترجي:علاش كدير هكذا ..باش غلط معاك ..فاش أذيتك ؟
إباء شاف فيها :يرضي عليك امدام..فاش..غلطي معايا ف ربع سنين حرمتيني من بنتي ..اذيتيني فبنتي لي مسمياها بكنية داك لي ميتسما ..ربع سنين شفت لويل فيهم ربع سنين مخليت فين قلبت..ربع سنين محيلتي لمصائب لي نزلت علىىراسي وماحيلتي نلقاكم ..ربع سنين رجعتني فيها انسان بلا قلب ..ربع سنين كيف ليلي كيف نهاري 
همس بانفعال:بقات فيك ربع سنين ..ياك ..اش نقول انا لي بسبابك 7 سنين ا إباء سبع سنين..تغربت فيها تعذبت سخطو عليا واليديا ..تحرمت من حياتي ومن بلادي ومنك نتا...تحرمت من لهنا وراحت لبال ..ومكفاكش هاد شي..زدتي عليا بكذوبك وخيانتك ..رجعتني خطافت رجال ..رجعتني ...ق** ديالك ..حملت فلحرام ...ديك لبنت ..بنت لحرااام فهمت ..
إباء زير على صباعها حتى تأوهت:هاذيك بنتي انا وياك ..ويا ويل وياك نسمعك مرة اخرى تقولي عليها هاد لكلام..واي واحد قبل مينعت فيها ندفنو واقف 
همس ضحكت بسخرية وجبدات يدها بجهد:شحال قدك ..بلاصة متشكر شخص الوحيد لي رد ليها لبال وعاملها بحال بنتو وكتر ..مشيتي تشاديتي معاه كنتس غتقتلو ..للعلم فقط علي ارجل واحد شفتو فحياتي ..هذاك الانسان مكانش بحالو ..لقيت فيه الخير لي ملقيتوش فيك وفعائلتي ....ولكن اش نستنا من هيماجي ومصعور بحالك ...غير ضرب ولغوات ..بهاد شكل باغي تربي بنتك ..نزيدك ديرهادي فبالك ذكرى الا عاشت معاك كون متأكد غتكرهك ..كيف كرهتك انا 
إباء ناض ساخط حط فلوس فوق طبلة وجرها من يدها مبغاش مزال يسمع اش كتقول وبضبط كتشكر فهذاك حداه ضبط اعصابو بزز كان غيقلب ليها وجها..رجعو فجو يسوده صمت ..غير صوت زفير ديالو لقوي لي كيتسمع ومرة مرة يسب فطريق الا كان زحام ولا لفيروج مضارب غير مع راسو وصلها قدام بابهم بغات تنزل وجبدها من يدها 
إباء:غنزل معاك نسلم على نسيبتي وندير الواحب نعزيها ..ونتي غطلعي تجمعي قشاوشك عندك 10 دقايق سمعتي (همس بغات تجاوبو مخلاش ليها المجال)الا مبغيتيش شوهة ديري لي قولت ليك بغيتي حاجة اخرى مستاعد 
نزلو وهمس كتشوف فيه بحقد وعينيها مدمعين دقات ودور كتشوف فيه عكسو هو لي عينيه غير على لباب فتحات خديجة لباب كتشوف فهمس وفشخص لي طول وعرض وشخصية حداها سلمات عليهم ودخلاتهم وهي عينيها غير على همس باغية تنطق وتقوليها شكون هذا لي معاها مجات فين تنطق حتى سمعت صوت غوتة من موراها وجايا كتجري وتنقز فرحانة 
ذكرى رمات طابليط من يدها:بااااباااا...بابي جااا..بااباا..بابا حبيبي .بااباااا..(تعلقوت فيها وعنقاتو كتبوس فيه هو اكتفى غير دور يديها عليها وخشا وجهو فعنقها كيشم وبدون سابق انذار دموعو نزلو وشد وجها بين يديه كيبوس فعينيها وحناكها ونيفها ويشد يديها بين يديه يبوسهم ..همس كتحاول تكتم شهقاتها ..تنادم معاها لحال حيتاش فرقاتهم على بعض ..ولكن كان عندها اسبابها..اما مها فقالت غير اب وتوحش بنتو ..من بعد مهز بنتو باس لخديجة يدها وراسها ..دخلو لصالون وهمس اعتاذرات منهم وطلعات دير لي قالها مباغياش تتفرش قدام مها ..اما هو فقدم تعازيه ليها واعتاذر لي مجاش وتحجج بالخدمة ..من تعامل خديجة معاه عرف همس كذبات عليها ..وهذا ساعدو حتى هو ..اما ذكرى فغير مخشيا فيه وهو مرة مرة يبوسها ويدلعها ..معاها رجع إباء لي كان زمان ..إباء لحنين ..غير مع بنتو..نزلت همس جارا ليفاليز فيدها ومخنزرة فيه خديجة شافتهم وهي تشهق
خديجة:الله يا بنتي وهادو لاش؟

همس بغصة:خاصني نرجع لداري اماما ..و ..و (شافت فإباء باش ينقذها )
إباء فهم راسو:جيت ناخذ امانتي من عندك ..ولكن هاد لمرة مغنبعدوش غنكونو غير حداك..(شاف فهمس) قررنا انا وهمس نرجعو لبلاد حسن ..اولا اهمس ..هكذا حسن من لغربة 
همس كتفات باتسامة بزز
خديجة:الله يا ولدي جيتي وجبتي معاك خبار لخير ..مكانش ما حسن من لبلاد ..ولكن والله متخرجو من هنا حتى تتعشاو معانا..عمررك ماجيتي ونهارتجي منضيفش وليدي 
إباء باس ليها يدها:الله يكتر خيرك اخالتي نتي مولات لخير ..بلا منعذبوك ..مرة اخرى
خديجة باصرار:والله متخرج منها ..حتى تتعشا معانا 
همس:نبقاو وفليل نمشيو (بلعت ريقها)...عفاك (خنزر فيها شافت فذكرى) بيبا نبقاو مع جدة شوية 
ذكرى:وبابا؟
همس :حتى بابا غيجلس معانا الا طلبتيه نتي مغيقولش لا 
إباء عايق بيها بابتسامة جنب:منردهاش فوجه نسيبتي ..نجلسو نتعشاو 
خديجة:يرضي عليك والله يكبر بيك
همس خنزرات فيه ودورات عينيها ...جلسو شوية وناض استأذن منهم مشا لكارفور وجاب تقضية معاه ...ورجع ..خديجة غير شافتو داخل محمل بقات كتنهيه هو كتفى غير بابتسامة ..مبغاش يثقل عليهم ..وهو عارف مزيان ظروفهم ...اما همس غير جامعة يديها عندها وكتاكل فظفارها كتشوفو كيفاش كيتسيف قدام ناس ومعاها كيكون شيطان بذاتو...

خرج هاز ذكرى فيدو ولحقات عليه همس لونها مخطوف 
همس:هيييه فين غادي ..
إباء طلع حاجب ومنزل الاخر:خارج مع بنتي عندك شي مانع؟
همس كتشوف فذكرى مبتاسمة مباغياش تبين نقاشها معاه:لاا حتا نمشيو كلنا ..هههه...باغي تاخذها ومنرجعش نشوفها 
إباء شدها من قردافتها وزير عليها جبدها باسها فجبهتها وكيهدر كارز على سنانو :ماشي شماتة باش نديرها امدام..(شاف فعينيها) لغدر فيك نتي اما انا لا 
همس دفعاتو بلطف:متعطلوش اوكي ..روروتي هاف فان بب 
ذكرى:بيزو مامي ..
خرجو وهي متبعة ليهم لعين شافتو طلعها لور وقاد ليها لحزام و طلع عينو فهمس مخنزر دار ليها حركة براسو باش تدخل دخلات وسدات لباب كتنهج سمعت صوت طوموبيلتو كسيرات ..دخلت عند مها كتعاون فيها وجدو دجاج بدغميرة ولحم مبخر بالاناناس ولبرقوق ولوز ولكركاع ..وديسير مشكل من لي جاب إباء وهمس قادت ديسير ديال فلون كراميل واوريو ..وطلباتها مها تعيط لعلي حتى هو بما انو خوه فيكبرو بيه حتى هو همس بلعات ريقها وطلعات معاها رجفة من صباع رجليها 
همس بصوت خافت:الله اميمتي بغيتي ترجعي دارنا مسرح الجريمة 
خديجة دارت شافت فيها:قلتي شي حاجة ؟
همس فنفسها:يعطيني لحلاقم لباقي هرت ولا تكلمت ...كتحرك راسها بنفي بزربة وجها رجع صفر وبدات كتنهج..مها شافتها ماشي حتى لتم وضحكات 
خديجة:الله الله كاع من دبا بديتي ترجفي..ولكن عندك الحق ترجفي تخافي على روحك منو طول وعرض ونتي قد لقمة 
همس بغيض :ماااماااا..اويلي اش كتقولي 
خديجة كتضحك وتحرك فراسها: احياني عليك ...عيطي لوسك ..عيطي..
همس:علي راه ..راه مسافر 
خديجة ضيقات عينيها:مسافر..محشمتيش تكذبي ..راه داز عندي صباح كان باغيك على وديت المحامية ونتي مكنتيش تجاوبي ..نتي غوتي لدري يتعشا معانا 
همس بلعات ريقها وصونات لعلي علماتو يجي يتعشا ومنطقات بحتى كلمة على اباء لانو خديجة كانت عند راسها ..وجدو ما لذ وطاب من الشهيوات وخديجة فرحانة براجل بنتها ..لي غير من هيئتو باين شخصية ..وزاد كبر فعينيها منين دار معاها صواب ومنين طلباتو مرجعهاش فوجها ..ولكن لي بقاتليها فبالها كيفاش هو وعلي خوت وعلي لبناني وهو مغريبي ..طلعات لبسات قميص ابيض من جوهرة ودارت شالها لبيض وهمس بقات بلباسها حتى انتهضات فيها مها 
خديحة:نوضي الله يقلل حياك ..اش هاد شي لابسة ...اجي شفتك قبيلات كنتي جاية من زنقة بيهم ..واش محشمتيش نتي براجلك وتخرجيلي بهاد نص ميترو ..اويلي على غدايد ..ونتي نوضي ستري روحك لوسك جاي 
همس:وماما راه عادي ..كسوة نورمال اش فيها 
خديجة زفت عليها بنعالة كانت فرجلها:نوضي تكعدي بدلي ديك لحالة حسن منوض نوري لبنتي العادي كيف جاي 
همس ناضت كتدي وتجيب بحدها طلعات لبسات بيجامة ديال دار كولون وتريكو حد ركبة فالبيج والاحمر ظفرات شعرها جنب ظفرية خفيفة .. هبطات لقات سمر داخلة غير شافتهت جراتها رجعاتها لفوق 
سمر:اش وقع ..شنو قلتو ..اش قالك ..مدار ليك والو ..فين ذكرى؟ 
همس:اواااه يا ختي ..شدي لفران ..ونهجي وبدلي وعدلي ..حيتاش راجل ختك لمصون..غيتعشا معانا...وحسك عينك ماما تعيق بشي حاجة...
سمر مفهمات والو :نتي اش كتقولي شكون راجل ختي وشكون ختي ؟
همس خنزرات فيها:راجلي انا ..ومديرك المحترم...لي بغيت ربي يهزني من هنا ونتهنا 
سمر:اويلي على راجلك..نتي فوقاش تزوجتي؟
همس سهات شوية وسمر حداها كتبدل لبسات بيجامة سروال وتريكوه فشيبي وزاد بينوار فشيبي والابيض 
همس غوتات:اهااااا نتي يا بنت لحراام (شنقت عليها)لوراق لي عطيتيني نوقع اش فيهم ؟
سمر معرفت باش تبلات:ها ..اشمن وراق ..ونتي طلقي ..مال مك تسطيتي ..اويلي بعديني خنقتيني ا
همس :سمر بلا متزيدي تجنيني ..لملف ديال لمشروع كنتي قاريا وراقيه كلهم 
سمر بقات كتفكر:ااا لمشروع ..لملف ..صراحة كيف عطاهني اياد من بعد متناقشنا عليه مفتحتو ..

همس ضربات ففخاضها:اويلي وحدي..منين مفاتحاهش علاش مخلياني نوقع بلا منقرا ها...شفتي ها هو ربطلي يديا ورجليا ..ها ولد لحرام دارها بيا..وخذالي لبنت وخذاني معاها 
سمر:راه..والله مكنت عارفة ..اصلا عمري شفتو ولا سمعت سميتو ..كنت كنعرف غير اياد ..
همس بدات كتندب:اويلي وها فقصتي ..شحال وانا هاربة وفتالي مشيت عندو برجليا ..ها هو خذالي لبنت وربطني حداه ..اش ندير اختي ..ها ..غير قوليلي اش ندير 
سمر جلسات حداها كتحاول تهدنها:همس ..عار الله لما سكتي ماما غتسمع ..شوفي جربو تهدرو وتتناقشو ومعرفتي عسى ان تكرهو شيئا وهو خير لكم ...معرفتي ربي دار هاد لحلية وسباب باش تربيو ديك لبنت وسط عائلتها 
همس:عائلتها ..نتي مكتعرفيهش ..راه هذاك مكيتعاشرش ...كذاب وغذار ...
سمر:عطيه فرصة ..
همس:فرصة....وراه مبقيتش غير انا خايفة على بنتي من هاد العلاقة ...
سمر:بنتك كتحماق على باباها من قبل متشوفو ..
همس تنهدات:تما فين بقات ...سمر ..كاين مشكل اخر 
سمر :الله اختي جاية من صداع شركة لصداعكم ..قولي قولي ..نهار باين من صباحو 
همس:علي جاي لعشا..وإباء حتى هو ...وماما عند بالها خوت ..وهما واحد مكيقبل ريحة الاخر ..يا خوفي غير يتشادو كيف ديما 
سمر:طلبيه يدوز غير هاد ليلة على وجه ماما وعلي انا نهدر معاه ونطلبو مغيرجعهاش فوجهي 
همس:علي ساهل حالو ..لمصيبة فصعصع لي ميتفاكش 
هبطو لبنات جلسو مع مهم حتى سمعو دق مشات همس فتحات كان علي سلمات عليه بلبيز ودخلاتو لصالون جلست كتاكل فظفارها ومرة مرة تشوف فسرجم لي كيطل على برا حتى شافت طوموبيلتو..خلاتو جالس مع سمر ومها وبينهم طبلة ديال اتاي مشكلة...فتحات لباب وخرجات عندو كان هاز ذكرى ناعسة ..همس شداتو من ذراعو وسبلات فعينيها 
همس:إباء الله يخليك علي لداخل ...(غير سمع علي طلعولو لقرودة يشطحو فراصو)
إباء:هاد لق***اش كيدير عندكم (جا باغي يدخل وهي توقف فطريقو)
همس:عار الله لما سمعني ..بلا شوهة الله يحفظك ..ماما مريضة ا إباء ..الله يخليك(شاف فيها ودور وجهو كارز على سنانو )إباء على وجها ووجه ذكرى ..شوف انا مكنسوا مكنصلح اسيدي ..غير عليهم هما ..دوز هاد ليلة على خير ..غير نتعشاو ونمشيو والله منعند معاك ..غير متشوهنيش قدامها (تنهد وشاف فيها طلعها وهبطها وبغا يدخل وقفاتو)عند.بالها نتوما خوت ..تصرف على هاد الاساس 
سمر لي كانت خبرات علي باش واقع وهو نفس شيء محاملش اباء بصح على وجه خديجة غيسرطها ويجلس معاه ويمثل دور خوه 
إباء دخل نيشان طلع مع همس حط ذكرى فبيتهم كرازا همس مع لحيط وبدون سابق اذار هبط على شفاها كيبوس ويعض كيبرد فيها اعصاب نهار كولو وهي كيف كل مرة مكتقدرش تمنعو سالا وحط جبهتو على جبهتها كينهج ..
إباء:يا ويلك ونشوف شي منظر ميعجبنيش نقلب على مك طابلة نتي وياه 
همس:غير مدير والو نتا ..الله يخليك انا غنجلس حداك..مغنتحركش ..والله منتحرك ..غير ماما ..ماما ..
إباء قاطعها:غنشوفو..(دار ضحكة جنب) قولتي خويا ..مزيااااان ...

علي كان شاد لحديث مع خديجة على لورث واش قالت ليه سلسبيل لمحامية وسمر حطات ليهم اتاي ولمقبلات معاه ...اما همس فنازلة مع درج وترغب وتعاود فإباء وهو شادها من خصرها مخنزر ومكيجاوبهاش حتى وصلو لدرجة الاخيرة فرعات ليه راسو وهي كتهدر بحال سي كاسيط خاسر ...
همس:ها نتا عنداك تنسا راه خوك ...و.وتعامل معاه مزيان وضحك شوية بلاش من تغوبيشة..عار الله لما بين دوك سنادر عندك ..وإباء والعمالة ونتا معاك كنهدر ..شوف انا مش متفألة فيك ...هاد سكات عندك كيخوف والفامبير تفووو معامن داوية انا ..(بصوت خافت)... ولقوة لحلاقم تفو على تريكة لقنب تريكة لكوا بلا دوا ...
إباء سمعها لسقها مع لحيط حتى حست بضهرها تقسم وكرز على سنانو اصلا هو على سبة وهي مبغاتش تسكت:غادي تزميه و تبارك الله..ساخية بضروسك زيدي شي كلمة (بعد عليها ومسح على راسو بيدي بعصبية) مالنا على هاد لقرع نظيرولو لبروشينغ حنا ..غنق**فحالتنا مكان لا عشا ولا ستا حمص ...
همس بترجي :صافي هاه والله حتى نسكت(كتضرب فمها ضربات خفاف) هاك افمي ..والله لباقي حليت خربتي ..غير ساعة الله يخليك ظوو غير ساعة ونمشيو ..سمحلي والله..والله 
إباء تنهد وشاف فيها باس ليها جبهتها وجبدها شاد ليها فيدها وجارها حداه بلا ميزيد حتى كلمة قربو لصالة فين جالسين شاف فيها ودورها حداه 
إباء:بربي وتمدي يديك ليه نقطعها لجد مك من جدر وها انا علمتك ..اييه ولا يقولك طنطون ديال راسك تفرنسي ليه نقلب عليكم طبلة و ديك ساع ميهمني حد 
همس شاف فيه وهبطات عينيها كتلعن وتسب فيه وتدعي فخاطرها :سيير الله يلقيها ليك كحلا زحلا ..فين ما عتبت يا وليدي تلقاها غير جربة 
إباء:سمعتي ولا نعاود 
همس شافت فيه:سمعت وفهمت وراه قلت ليك غنجلس حداك وغير خلي هاد ساعة دوز على خير 
دخلوهمس مطلعتش عينيها مشات جلست فطرف بعيدة على ريحة علي وخلات ليه لبلاصة هو يدخل حداه اما هو فقصد خديجة سلم ليها على راسها ومد يدو لسمر وبابتسامة جنب مد يدو لعلي غير علي مد يدو جبدو لعندو بجهد جابو واقف 
إباء باستهزاء:لكيدار هكذا تسلم على خوك لكبير اجي نبوسك 
كرز على سنانو وعنقو كيخبط فظهرو بجهد وعلي صابر ليه وبدورو كيخبط فظهرو وهادي لي تتسمى لحرب لباردة ..والحمد لله تم اعلان الحرب بنجاح ..همس غير عاضة على شنافتها وكتصبر فراسها وتشوف بص عين وتتغبن بلا صوت كتشوف فسمر لي حابسة ضحكة بزز ..جلس حداها وحط يدو من موراها جالس باريحية وكيطلع ويهبط فعلي لي غير مخنزر وشوكتو طالعة
خديجة:اديك سليعفانة كبي لراجل ختك كويس اتاي ..ومدي ليه دوك لمسيمنات يدوق منهم 
سمر كبات ومدات ليه وسولات همس واش تشرب كتفات غير دير حركة براسها رافضة سرطات لسانها ..ولكن يا فرحة متمت نطق علي 
علي:هموس غذا غندوز عليك صباح ..شفتك سهيتي على القضية 
همس طلعات عينيها فيه مخرجاهم ودورات شوف فإباء وشدت ليه يدو لي حداها تحت طبلة زيرات عليها ..زعمة كتقوليه الله يرحم ليك واليديك لما سكت
إباء باستهزاء:نتا معندك شغل ...يبالي طولت هنا اخويا لعزيز 
علي:هنا عندي ناس اهم من شغل يكفي نتا مكفي و موفي فلخدمة .. 
همس بلعات ريقها ونطقات باش تحد من نقاش بيناتهم :اييه المحامية ..على وديت لورث ياك اخويا ..وااه صافي ..غنشوف مع إباء وندوزو عندها انا وياه (شافت فإباء)كيهدر على لمحامية لي شادة القضية مع عمامي ...
خديجة:عندك صح ابنتي ..خوذي راجلك معاك 
إباء كتفى غير شد على يدها كتر ورخف عليه شوية ..شربو داك لكاس فسكات تحت انظار والابتسامة صفراء لعلي وإباء ..اما سمر فعايشة مع تيليفونها ومرة مرة تتبسم ..ناضت خديجة كتجمع طبلة ونغز إباء همس لي كانت ساهية شاف فيها مخنزر 
إباء بصوت خافت:نوضي جمعي على مك 
همس ناضت بلا متزيد معاه الهدرة جمعات وغسلات لماعن وشدات مها معاها فالكوزينة معندهاش ثيقة غرام فدوك زوج يقدرو فاي لحظة يقلبوها صباط .. حمرات مها دجاج وعسلات لبرقوق ولمشماش وشادة لحديث مع همس 
خديجة:تبارك الله ابنتي ربي شاف من حالك وعوضك براجل ما شاء الله عليه..كامل مكمول ولكمال لله 
همس فنفسها:الله لا يوريك اميمتي اشمن كمال كتهدري عليه...غير خليك مع كمال محمد كوزان ..(بابتسامة)الحمد لله اماما مسكين ضريف وحنين وعسل 
خديجة:اجي شفتو كيهدر دارجة مزيان ..ونتي قلتيليل بناني 
همس وحلات ليها وبدات تكحب:كححخخ كححح(هزات كاس عمرات فيه لما من روبيني نزلات عليه دقة وحدة)اييه هو مو ..ماماه ..الله يرحمها لبنانية ..وباباه مغريبي ..هو وعلي خوت غير من ماماهم ..ماشي خوت شقاق (دورت وحها بصوت خافت)الله ياربي غير ساعة دوز على خير..مغيكمل هاد لعشا حتى روحي تزهق 
خديجة:زيدي نوجدو طباسل ونحطو ..(ضحكات وكتميق فعينيها)تلقاي راجلك مزروب مسكين 
همس:مااامااا ..اويلي مبقيتيش تحشمي 
خديجة طلعات معاها بقرصة فذراعها:علاه نتي كتحشمي منين نازلة وشنافتك مطبعة ههههه 

همس حطات يدها على شنافتها وشافت فمرايا ديال لفيترينة لقات شنافتها معضوضة غمضات عينيها وفنفسها:الله يلقيها ليك يا لمصعور شوهني ..الله يشوهك ربي من عندو يا وليدي يا إباء يا لمعفن وجدات هي طبسيل ديال ديسير وخلاتو فوق لبوكاجي ومها حطات دجاجات فطبسيل بدغميرتهم ولحامض من لفوق فوسطو لهريسة وهمس كتتحسر على طبسيل لي متأكدة مغتفرحش بيه ..تنهدات ووقفات مها 
همس:ماماتي الله يخليك بغيت ناخذ معايا شويا دجاج ..نتي عارفة كنحماق عليه 
خديجة:اييه يا كبيدتي راه خليت ليك دجاجة بدغميرتها درتها ليك فسوبيرة ..(كطنز عليها)عارفاك اكبيدتي وحلات ليك كتفكري فليلتك مع داك لخير 
همس حطات يدها على جبهتها فقدات الامل فمها نهائيا هههههه..دخلات همس هازة شبكة فيها لخبز وناضت سمر جابت لبلاطو فيه زيتون ولمونادا وخديجة جابت طبسيل ديال دجاج حطاتو ..همس جلسات جنب إباء طلعات نصف عين فعلي تصدمات جنب فمو مورم دورت عينيها لإباء تحت عينو حمر تنهدات وعضات على شنافتها ..

خديجة جلسات كتعرض وتقدم ليهم وتفرتت دجاج وتحط حدا علي وإباء وفرحانة بيهم وفخاطرها كتتمنى سمر لعلي وتتهنى عليها حتى هيا ..اما سمر فكتاكل ومرة مرة تجبد تيليفون تشوف فيه وتبتاسم ..وواحد همس حتى توصل شدق لفمها وتشوف فإباء لي عينو على علي مخنزر فيه وعلي ممسوقش كياكل جاه داك شي بنين قليل نفس هو لي عارف كيف يلعب وقت لماكلة رمي كلشي مور ظهرك باش تعقل على شدقك هههه.. سلاو دجاج وناضت همس هزات هي وسمر وقادو طبسيل ديال لحم بالبرقوق ولوز والاناناس وجنبو طباسل ديال لفريت صغار وسلاطة ديال لخص وخيزو مشرملة ومشحرة مع المعدنوس وتوم (لا تقولو منعرفش لكوزينة ..زوجوني منحشمش بيكم 😂) بداو ياكلو .. شوية وهما يسمعو صوت لبكا وذكرى نازلة ناضت همس كتجري وإباء عينيه على لباب لونو مخطوف اما علي فابتاسم حتى تسدو عينيه شاف همس هازة ذكرى والاخرى مخشية فيها كتنخصص 
علي بمزاح:حوبينو لخوافة ..همس باينة كنتي كافية عليها ضوء (شاف فإباء لي مخنزر فيه) مئة مرة كنوصيك خلي لفيوز مشعول عليها 
إباء بعصبية ناض خذا منها ذكرى كيطبطب عليها ويحاول يتمالك اعصابو ذكرى غير صوت شهقاتها مرة مرة كيتسمع ومخشية فحضن باباها وهمس على اعصابها خايفة لتزيد تكملها بنتها لي باقي وهي كتشوفو على نغزة ويتفرقع ..شوية وذكرى طلعات عينيها كتشوف فيهم ونزلات من عند إباء قصدات علي لي غير وصلات عندو عنقها وبدا كيدوز يدو على ظهرها وشعرها بحنان وداير ضحكة جنب كيشوف فإباء
علي:بنوتي لغزالة ..ششش وصافي ..ماماك لخايبة مكتحشمش 
ذكرى كتتغبن:كنت بوحدي وظلام ابابا ..
إباء جمع قبضة وقفة وخنزر فهمس:تعطلنا ..همس نوضي نمشيو 
خديجة:الله يا ولدي مزال مكملتو عشاكم ..
اباء تنهد:عيان الميمة ..ومزال تابعانا طريق ...(شاف فهمس لي واقفة كتشوف فيه طلعها وهبطها) ياله امدام مزال تابعانا طريق
همس بلعات ريقها مبغاتش تهدر وهي كتشوف ديك شوفة نتاع تهدري نخلي عشتك ونتي واقفة طلعات لبسات كاب فوق لبيجامة وجمعات شعرها بمقبض مهمل بدات كتشوف راسها فلمرايا ودير شهيق وزفير باش تنزل نورمال حتى تفتح عليها لباب كانت سمر لي غير دخلات وهي تنفاجر بضحك 
همس:تهجريه يا تريكة لبق ..ضحكي .راني نشطح لقرودة حداك 
سمر كتحاول تحبس ضحك:ناري ..وتشوفي اش دازك ..بففف ..الله (شادة فجنابها) ناري راجلك عالاااام ..اجي نتسامح معاك اختي ..شكلك مش حطولي ...
همس خزرات فيها:تفووو على لمجرابة ..لسانك لاحسو كلب مصعور يا لحمارة ..(جلسات على طرف ناموسية ) ناقصاك انا ..(طلعات فيها عينيها) اجي اش وقع منين كنا فلكوزينة 
سمر :وداك شي علاش جيت نقوليك ..ناري غير خرجتي نتي وماما وهو يطير عليه مخلاش ليه لفرصة بقا فيا علي مسكين كلا دق ديال لكلاب بصح حتى هو نسويهلش مخلاش من خاطرو ..ولي قتلني بضحك كيدابزو سيلونص باش ماما متسمعش ..انا حدي بعدت عليهم طبلة وخليتهم يديرو اش بغاو ..خفت ندخل يخمجولي لكمارة ...كانو بحال زوج ديوكة مقاتلين ههههه..غير سمعوك نتي وماما جايين تقادو فلجلسة كأن شيئا لم يكن هههههه....بحال دراري فالمدرسة وشافو لمديرة ععععع
همس:اويلي على جلستي تتفرجي فيهم 😲😲
سمر:وليه بغيتيني ندخل بيناتهم باش هاد ليلة ندوزها فالانعاش وغذا تقبروني وتصليو عليا ..لااا اختي ...بصح والله حتى زوينة تلقاي لي يدابز عليك ..سعداتك 
همس:سعداتي ..والله يعطيك حالتي ...ميمتي اليوم يقتلني ولا يفدعني من شي جنب ..وزادت ديك بنت لهم طالعة ليه ..اويلي شراتها ليا فلكحل ملقات فوقاش تفيق ...ربي لما هبطي وقلي ليهم ماتت 
سمر:لا يا شيخة ههههه قولي والله ..راه الا (سمعو إباء كيغوت من لتحت بسميت همس )
خديجة:ودييييك فضييييحة كرشي نزلي راجلك راه يستناااا

سمر:ها لي قلنا ...نزلب اماما قبل ميجي يجرك من قرفادتك ..
همس:الله اكبر ..اشهد ان لا الاه الا الله واشهد ان محمدا عبده ورسوله ...يا ربي خرج حريرتي على خير ...
سمر ميتة بضحك عليها :زيدي اماما زوجك قرة عينك في الانتظار 
همس:وعلي؟
سمر:مسكين مشى ...خفت يزيد دقيقة راجلك يغتاصبو بتخنزيرتو ...فكرني غير فقضية فانتا كانيط ...ناري تخيلت المنظر 
همس:ههههه تفو عقلك منحرف ..اجي نبوسك قبل منصدق انا لي مفركعني بكوكا ديال زاج 😂
سمر :لا وانتي صادقة ..غيفرع ليك لوالدة بحاج اخرى ..لحاج بو طربوش مثلا 
همس قرصاتها ونزلات كتولول فخاطرها توادعات مع ماماها وطلعات فطوموبيل فين كانت ذكرى كتلعب بطابليط اما إباء فجلس مع خديجة توادع معاها ودار براسو نسا شي حاجة فصالون دخل وحط برية تحت لوسادة وخرج طلع فطوموبيل وكسيرا بلا ميشوف فيها ...لوجهة مدينة سعيدية ..فطريق اتاصل بإياد وهي غير رامية لودن جيهتو 
إباء:لعشير فين؟
إياد:فلفليبين ..فين يا تريكة ناقصة ..فدار بين لوراق 
إباء:لااه لاااه لاااه ..الله يعينك ...
إياد:يا ترا اشمن مصيبة مصونيلي عليها؟
إباء:توحشتك الحب منتوحشكش 
إياد:مصاحب ابب ..
إباء:مهم الز..(شاف فزاجة وسكت) الخوادري غنغبر واحد الايام 
إياد:حق مولانة لعيب عليك واحد عايش وواحد شادو لولف ...سلم على لمدام ..و دير عقلك اصاحبي ..تكايس 
إباء:كملتي اماما ..الله يعينك ..ورد لبال حداك 
إياد رقق صوتو:يرضي عليك ابب بيزو ...اححححح
إباء قطع كيحرك فراصو وداير ايتسامة جنب :لا حول ولا قوة الا بالله
همس سهات فيه كيفاش تسيف وهو كيهدر مع إياد شافت اباء لقديم ...دور وجهو شاف فيها وخنزر فيها جمعات ابتسامتها ودورات وجها كتشوف فطريق ..واححح على طريق سعيدية فليل عشق ثاني 😍😍😍

وصلو و أخيرا .. من مور مادوزو طريق كاملة و هما شوفيا نشوف فيك ا طاجين الحوت.. و بطبيعة الحال تخنزيرات اللي كايديرو ف بعضياتهم.. 
تحل لباب الكبير اللي كان د الحديد و خرج راجل كبير فالعمر .. توجه ل عندهم كايبتاسم و اباء بادلو الابتسامة.. قاليه شي حاجة ف ودنيه و مشا راجل بحالو يعاود يسد الباب ... 
حط اللوطو ف الغاراج و نزلات همس قبل منو كاتخبط... حلات ل باب ذكرى و قبطات ليها ف يديها و بقات واقفة كاتسناه.. 
اباء: كوليني...(خنزر فيها ) راه طريق كاتعرفيها.. راه جيتي لهنا قبل واقيلة.. 
ميقات فيه و دازت جارة ذكرى موراها.. حلات الباب و تشعلو الضواو كاملين.. عاد بانت ليها دار ف شكل آخر.. مع كانت تقريبا كاملة زاج كايطل على جردة و البحر .. و مع الليل كايبان كلشي مظلم و ثريات صغار مضويين وسط دار .. ذكرى واقفة حداها و كاتشوف ب عويناتها.. ذكرى: مامي .. (كاتحرك فيها) 
همس: وي ماما .. 
ذكرى: علاش جينا هنا 
همس: (نزلات على ركابيها و حطات يديها على وجهها ) تنهدات: جينا لهنا حينت هادي هي دار د باباك.. و تما كنا غي عند الميمة.. 
ذكرى: عويناتها كايلمعو: واااو.. غادي نبقاو ف هاد دار الكبيرة .. غادي تكون فيها جردة نبقا نلعب فيها.. 
همس: اييه و عرفتي كاين حتى البحر .. هانتي سمعي صوته.. هادو الأمواج ديالو كايوصلنا صوتهم.. 
ذكرى: عنقاتها: انا فرحانة بزاف ا ماما 
همس: باستها : و يخليك ديما فرحانة ا حبيبة ماما 
سمعات الحس و هي تهز راسها و شافتو واقف قدامها كايشوف ف علاقتهم كيدايرة.. و حداه ليفاليز محطوطين.. 
وقفات همس و ذكرى طلقات منها و مشات ل عند اباء .و نطقات بعفوية: بابا .. 
باقي ل دابا مامصدقاش.. كان ضارب حسابو ل حاجات خرين .. مي ماكانش معول أنها تكون معاودة ل ذكرى عليه و تكون كاتعرفو و كاتسناه امت يجي .. حتى انها كاتعيط ليه بابا .. و اااه من هاد الكلمة و اش كادير.. فيه .. بصوتها طفولي العذب و عويناتها اللي كايلمعو و كايشعو بالبراءة.. كاتخلي قلبو يتهز و صوته يتخنق و لسانو يتربط.. بين نهار و ليلة ولا مسؤول.. و عندو بنية صغيرة.. خسو يحميها و يوفر ليها اي حاجة حلات عليها فمها .. يربيها احسن تربية و يعوضها على هاد سنين اللي دازو.. 
فاق من سهوتو مللي حس ب يدياتها الرطبين كايحركو يديه.. و هز عينيه ف همس اللي كانت قبالتو.. بقا مركز فيها الشوفة و حتى هي ... كلام كثير مخبي من مور دوك نظرات.. كلام كثير عند كل واحد فيهم خس يقولوه و خس يحطو نقاط على الحروف.. 
نزل راسو ل عند ذكرى و هزها بخفة بين يديه و باسها ف راسها من بعد ما شم ريحتها: عيون بابا .. 
ذكرى: ماغاديش تمشي و تخلينا عاوتاني بوحدنا ياك 
اباء: شد يدياتها و قربهم ل شفايفو: مستحيل نخليكم باقي ا بنتي حتى نهار يلوحو تراب على وجهي.. 
نطقات همس بلا ما تشعر: الله يطولك فالعمر.. 
حتى قالتها عاد خرجات عينيها و حطتت يديها على فمها ساداه و ماحملاتش راسها.. 
اباء: بغيتي تشوفي دار ؟؟ سيري شوفيها و ختاري البيت اللي عجبك يكون بيتك .. 
مشات ذكرى كاتجري فرحانة.. و قرب هو ل عند همس: ماكنتش عارف باللي معاودة ليها عليا.. 
همس: جمعات نفس مزيان و نطقات ببرود: ماشي كلشي بحالك ماعندهومش ضمير... 
شافت نظراته اللي ولاو كلهم مظلمين و تخنزيرة اللي عقد.. ماداتهاش فيه و كملات: نهار هزيت رأسي و مشيت فحالي من تما.. مافكرتش فيا انا و لا فيك نتا.. فكرت ف الروح اللي عايشة ف كرشي.. ماكنتش باغياها تزاد وتعيش بين ناس مافقلبهم حتى ذرة ديال الرحمة.. تزاد و تعرف انه واليديها ماكانوش متزوجين و ماعمرهم تزوجو.. (ضحكات ب استهزاء) لا و باها مزوج إمرأة أخرى و هي غي بنت الحرام... 
هاد الكلمة فيضات الكاس و خلاتو يغوت بجهد حتى قفزات و ضربات كم
اباء: ( بصوت مرتفع ) .. من صباح و نتي دودودودو.. اااخر مرة تقولي عليها بحال هاد الكلمة.. ذكرى عندها باها سمعتي .. و سميتها ذكرى بن يوووسف.. و واليديها مزوجين.. و عمرهم باقي غايتفارقو.. و غادي تعيش وسطهم و ف بلادها حياة عادية بحال أي بنت ف عمرها سمعتي ... حلي وذنيك مزيان و دخلي هاد الكلام ل راسك .. 
همس: ههه لا يا شيخ.. اشمن زواج كاتدوي عليه هااا؟؟ ..زواج باطل .. حينت انا ماقابلاش... يعني هاد زواج باااااطل ا سي .. و عمرني اصلا سمعت شي حد تزوج ب هاد طريقة .. .. زور الأوراق و خلاني نسني على شيحاجة غاعما عارفاها ديالاش.. عمرك شفتي شي زواج بلا موافقة المرأة الاولى ها؟؟ 
اباء: الكلام مور الميت خسارة .. دابا وليتي مراتي و سالينا. و حتى قوة ف هاد الارض ماغاتقدر تبدل هادشي.. يعني بلا ماتحاولي راك ماغاتصوري مني والو .. حنا مزوجين على سنة الله و رسوله.. و هادي دارك.. و هذا اللي قدامك راجلك.. و من واجبك طيعيه و تسمعي الهضرة.. و نهار باقي ترفعي عليا صوتك غادي تحسبي سنانك قدامك.. فهمتي كلامي ا مدام و لا نعاود نشرحو ب طريقة أخرى.. حينت اباء ديال شحال هادي مشااا.. مابقاش.. بااااح.. و نتي(كايدوي و يضربها على صدرها ب صبعو) .. نتي.. السبب باش وليت اباء وحدة اخر.. و نتي السبب ف أنني نولي هاكا.. تحملي نتيجة أفعالك.. 
ضرب فيها و طلع هاز ليفاليز.. مخليها وراه كاتغزل و تفقس غي بوحدها..

شافت حتى عيات و طلعات حتى هي ... و واخا معصبة التبركيك عاطياه قتلة .. كاتشوف الدروج اللي كانو عراض و عليهم زربية طويلة راقية.. طابلوياات معلقين و ديكوراات كثار.. 
وصلات للاطياج الفوقاني..و بانو ليها بيبان بزاف.. من غير واحد جوج اللي بيبانهم محلولين.. 
سمعات صوتهم و ضحك ذكرى و هي تبتاسم بلا ما تحس و مشات عندهم.. كان بيت كبير شويا و خاوي مافيه والو ... فيه شرجم كبير كايطل على البحر و البيت مصبوغ فالغوز بارد... 
تلفتات عندها ذكرى: ماما ماما .. شوفي بيتي زوين ياك..
همس: زوين بزاف .. 
ذكرى: عرفتي قاليا بابا انا اللي غادي نصايبو راسي و ندير فيه اللي بغيت.. ياك ا بابا 
اباء: اييه..غدا ان شاء الله نمشيو و تختاري كيفاش بغيتي يكون بيتك 
ذكرى بدأت كاتصفق بيديها: هييييي.. غادي نديرو ديال بلونش نيييج.. 
همس: إلى ساليتي تنقازك.. يالاه باش تنعسي.. عرفتي شحال هادي و لا لا .. عمرك ف حياتك سهرتي حتى لهاد الوقيتة.. 
ذكرى: ولكن.. 
قاطعاتها: ماكاين ما ولكن. يصبح و يفتح و ديك الساع شوفي دار كاملة و لعبي و ديري اللي بغيتي١.. اما دابا كاين غي دودو.. (هزات عينيها مخنزرين ف اباء ) ورينا فين غادي نعسو 
اباء: و مالكي منطرة.. قوليها غي بشويا
مشا قبل ما تجاوبو و تبعاتو كاتبرغم و هازة ذكرى .. 
دخلو البيت قريب من هداك الأول.. البيت اللي فاش جابها لهنا اول مرة لقات راسها ناعسة فيه .. بقات واقفة و كاتبلق ف عينيها ... 
همس: فينهم ليفاليز ؟؟ 
اباء: رآهم ف دريسينغ.. 
همس: واخا شكرا .. صافي تصبح على خير ... حنا غادي نعسو هنا.. 
اباء : كيفاش مافهمتش 
همس: قلت ليك غادي نعس انا و ذكرى هنا .. صافي غي سير حتى نتا تنعس... 
اباء: ههههه و الله إلى إلا.. جاو من ورانا و بغاو يورثونا ف بانا.. ا شريفة راه بيتي واقيلة هذا ... 
همس: و إلى بيتك لاش جايبنا ليه ... 
اباء كايدوز يديه على شفايفو: امم هو الصراحة كان بيتي . دابا و لا ديالنا بجوج 
همس : كيييييفاش. حتى ل هنا و بس .. ياك جيت معاك اوا ا خويا عطيني شبر ديال تساع و خليني نعس ب خاطري... 
اباء: همس الله يرحم باك.. راه حوايجكم لهيه و ها البيت فين غاتنعسو و حتى بيت آخر ما فيه الفراش.. و لو كانو مفرشين.. راك غاتنعسي حدايا ا مدام فهمتي.. باش نوريك نيت هاد خويا اللي من صباح كاتقولي فيها بشحال كاتقام.. و ذكرى اليوم غاتبات معانا.. غي حينت بيتها باقي ما وجدش.. باقي بيتي تسولي على شيحاجة؟؟ 
خنزرات فيه و مشات ل دريسينغ اما هو .. مشا هز حوايجو و دخل الحمام.. من بعد ما زدح الباب 
همس: طيرو نتا غاااع. اييخ على مرض.. 
هزات فيها ذكرى عويناتها: ماما اشناهو المرض.. 
همس: هاااا والو والو.. عنداك تقوليها راه خايبة
ذكرى: اوا و علاش نتي كاتقوليها.. 
همس: تقااااليا انا ان شاء الله اللي هبيلة و متبعاه ف هبالو و جاية معاه تال هنا ب رجليا.. 
هزات الحوايج و خرجات.. جلسات ف طرف السرير و بقات ذكرى واقفة بين رجليها كاتلبس ليها بيجامتها.. حتى تحل الباب و خرج منه .. هاز فوطة كاينشف شعرو الفازك و عينيه مسدودين بفعل رموشو طوال و اللي كانو فازكين و كايبان غي لونهم الازرق.. لابس تيشورت كحل لاصق عليه و سروال فيه كارويات فالابيض و الكحل.. و رجليه حفيانين. 
عيات ما تبعد عينيها ولكن شوقها ليها كبر من طاقتها.. كل شويا كاتلقا راسها حاضياه ب نص عين... 
كملات ل ذكرى و طلقات ليها شعرها.. دهناتو ليها ب زيت ديال الصغار و مشطاتو ليها .. عاد باستها ف حنكها بوسة كبيرة: اااااح على بنوتي انا شحال زوينة.. يالاه سيري ل حمام و اجي تنعسي ... 
سمعات صوت من وراها: و حنا من حقناش بوسة باش نعسو.. 
حسات ب حناكها توردو و الدم تجمع ف وجهها.. عطاتو مشي و ناضت تجبد حوايجها.. 
دخلات للحمام حتى لبسات بيجاما بالكمام و سروال... غي ضد فيه واخا كاين الصهد.. دارت ل شعرها ضفيرة عاد خرجات.. 
كان ناعس فوق ناموسية و مخلي غي ضو خفيف ف جنابها عاطي منظر زوين .. و ناعسة على يدو ذكرى..اللي كانت غافية و هو كايلعب ليها ف شعرها.... 

تنهدات و تخشات ف بلاصتها حداهم.. و ذكرى هي اللي مفارقاهم.. 
اباء: غي اليوم الي غاتنعس حدانا.. غادي نصايب ليها بيتها كيفما بغاتو يكون... 
همس: اباء .. بلا ماتحاول درق الشمس بالغربال.. انا و نتا عارفين اش واقع مزيان .. متجيش دابا و دير راسك ماعارف والو و تلعب دور الأب الحنون اللي كان في مسافر و رجع ل عائلتو و كايحاول يعوض معاهم اش فات عليه و هو بعيد عليهم. حينت ماجاش معاك هاد دور .. و الهضرة بيناتنا باقي طويلة.. حينت اللي داز ماشي ساهل .. داكشي باش كل واحد يشد تيقارو.. إلى ماشي على قبلنا.. غي على ود هاد الملاك الصغير اللي ماعندها حتى ذنب ف انه واليديها تكون علاقتهم تسالات و مابقا عندها حتى أمل باش ترجع كي كانت ... انا جيت معاك و عفست على قلبي .. ماش محبة فيك . لا حينت كانفكر ف مصلحة بنتي و راحتها و سعادتها قبل من ديالي.. هي اللي عندي ف هاد دنيا و على ودها عايشة .. و نفديها ب حياتي ماشي غي بانني نجي نسكن معاك هنا .. يعني غي خوي راسك .. و ماتبقاش تعيش ف أحلام اليقظة .. اللي وقع ما ساهلش نجيو و نساوه دغيا و نرميوه مور ظهرنا و نكملو بحال ما وقع والو ... نتمنى تكون فهمتي هضرتي مزيان.. و دابا تصبح على خير ... عطاتو ب ظهرها و طفات ضو اللي من جهتها و غمضات عينيها.. و حاسة ب دقات قلبها مجهدين بحال كانت ف سباق .. و راه نيت كانت ف حرب بين عقلها و قلبها و الحمدلله قدرات تقول ليه هاد جوج كلمات و ماتخليش شوقها و سحر عينيه يأثرو فيها ... 
اما هو حط يدو تحت راسو و بقا كايشوف فالسقف.. همس اللي ناعسة حداه دابا لا علاقة ب همس حبيبتو.. همس اللي عرفها مللي كانت مراهقة صغيرة .. عارف عليها أبسط حاجة .. عاش معاها اللي ماعاشوش مع أقرب ناس ليه .. اما همس ديال دابا.. حاس بيها بعيدة عليه بزاف .. واخا بيناتهم غي ذكرى و ناعسين ف سرير واحد إلا أن البرودة اللي بيناتهم مخلية الجو و العلاقة تكون متوترة.. 
🌇🌇🌇🌇🌇 
صباح جديد و نهار جديد .. شميسة دافية شرقات و علنات على بداية نهار جديد.. الجو زوين .. و ريحة البحر وصلات ليهم حتى البيت ... 
حل عينيه مبعدهم على شعا ديال الشمس .. و هو يلمحها ف ركن البيت .. ساجدة كاتصلي ... ل لحظة ماصدقش راسو .. كلشي وقع بزربة .. كيفاش دغيا خضعات ل كلامو و جات معاه .. و هاهما دوزو اول ليلة ليهم ف دارهم و مع بنتهم تحت سقف واحد كيفما اربع سنين هادي و هو كايتمنا.. 
بقا متبعها حتى كملات صلاتها و ختماتها ب دعاء.. عاد ناضت.. طوات سجادة و حيدات العباية و هي ضربو ل نيفو ريحة طيبة .. ريحة مخلطة مابيت العود و المسك.. اللي كانو ف عبايتها.. 
غمض عينيه و بقا كايستنشقها.. اما هي .. هزات شي حوايج و دخلات للحمام... 
دازت نص ساعة و خرجات منه كاتقرق ب طالون و ريحة هاد المرة ديال امرأة مثيرة.. ريحتها اللي عمرو قدر ينساها .. ريحة خاصة بيها عمرو شم بحالها ف شي بلاصة خرا .. فيقو من سهوتو صوت كعبها العالي اللي كايضرب ف رخام الابيض.. و هز عينيه يشوفها اش لابسة و يا ريتو ما دارها. 
تنفض و ناض طافج من الفراش و عينيه حمرين و حجبانو معقودين... 
كانت لابسة دجين مقطع شويا و تيشورت كحل خفيف و طالون بيج .. و شعرها مخلياه على راحتو... 
ماوعات ليه حتى كان شادها من مرفقها بجهد: اش هاد الحالة الآلة.. و فين غادية مع هاد الصباح.. 
همس: رخي يديك.. باش من حق ... سوقك فيا نخرج و لا نجلس انت ايييييه.. اش مشا ليك 
اباء: واش اللي قلناه اليوم نعاودوه غدا .. امت داك رأس عندك غادي يرطاب و يولي كايسمع الهضرة ... 
همس: شوف الله يرحم بيها الوالدين.. جبتينا ل هاد الخلا و صبرت و سكت و جيت معاك.. تزوجتيني بلا خباري و دوزتها بجغيمة ديال الما. ولكن باش تحبسني مانخرجش هاديك هي اللي ماتكونش ليك ... بنتك هاهي معاك.. و انا خليني نمشي نشوف خدمتي و اش تابعني... 
اباء : (كايحاول يبرد راسو): .. صباحة لله.. ماتخليش الواحد يفيق على خاطرو.. و ماكاين خروج بهاد اللباس ..و حتى ديك الخدمة غادي نلقاو ليها الحل .. 
همس: واش جهلتي .. فين عمرك تدخلتي ليا ف لباسي 
اباء: ايييه حينت ديك الساع كنتي محتارمة راسك .. و كاتلبسي محتارم.. اما دابا...ناس كايكبرو و يديرو عقلهم و نتي غي ماكاتزيدي تكفاسي... و لا هادي هي ديال صلاة عكو و الخرا ف زكو.. قبيلة حاطة جبهتك فوق السجادة و دابا مقزبة... 
يالاه بغات تجاوبو و هي تسمع صوت تيليفونها.. 
طلق منها بنترة و تبعها ب عينيه حتى هزاتو و كاتحاول ماتشوفش فيه .. 
همس: الو .. اححم.. هااا اااه واخا.. وصلتي.. اوكي صافي هاني نازلة عندك ... 
قطعات و دارت كاتشوف فيه ب نص عين 
حتى هو ماكانش من العاكزين.. مشا سد الباب بالساروت و رجع عندها مربع يديه 
اباء: و شوفي دابا منين تخرجي .. و داك صحيبك.. قوليه ماباقيش يدور ب ساحة العيالات المزوجات... 
بقات همس واقفة و عنقها ولا لونو حمر بالاعصاب .. ماعرفات مادير معاه.. و علي كايتسناها التحت و خسها تمشي تشوف المشروع فين وصلو فيه .. 

دخل لدوش وخلاها واقفة كتغلي جلسات فطرف ناموسية كتهزز فرجلها ..هزات تيليفون وسيفطات ميساج لعلي بلي غير يمشي غتلحق عليه من بعد حطت يديها على ذقنها ورحليها كيشطحو ..شوية وهي تتبسم بشر 
همس:وخا ابب ..ها متلومنيش نتا لي بديت غنشوفو واش غتصبر حتى لخر ..بغيتي غير تبرهيش جيتي عند مولاتو ..
وقفات مشات لدريسنغ روم جبدات كريم شعر ديالو خوات فيها طالك ديال لبيبي وجبدات غبرة بحال اسبيجيك من فاليزتها وخواتها فيه ومن حسن حظها ديك لغبرة الا تقاست مع جلدة كدير لحكة خلطاتها ببروس ديال لميك اب حتى مزجاتو مزيان مبقاش كيبان و رجعات لبيت بقات واقفة حيدات صباطها شداتو فيدها كتحك لفردة مع ختها وهي عاطة لباب دوش بظهر غير سمعات لباب تفتح لاحتهم مور ظهرها وحدة جات فالحيط وحدة بضبط على رجل إباء قرماتو ههههه سرطها وخنزر وزاد لديريسنغ روم بدا فروتين ديالو لبس سروال كيطة كرويات بين رمادي ولبض والاسود.مع تريكو رمادي وبقاليه غير شعرو غير فتح لكريم ودهنو فيديه وبسرعة دوزو على شعرو ورجعو لور رش برفانو وخرج كيطلع ويهبط فيها وهي مغوبشة بدا كيحز بوخز فراسو ويديه كيزنزنو وحمارو ولكن مسر تركيزو صوتها
همس:ممكن تتكرم علينا سيادتكم وتفتح هاد زبل تخليني نوض ننترك نوجد جغديد نرهجوه ..شوية وذكرى تفيق تبغي فطورها
إباء كيحس بجلدة ديال راسو غادي طير وسخونة ويديه شاعلة فيهم نار فتح لباب بلا ميهدر ونزل لثلاجة جبد ثلج بدا كيدوزو على يديه وهو مفاهمش اش واقع ..اما همس نزلات كتتمختر ومبتاسمة جنب دخلات لكوزينة لقاتو على لبوطاجي عاطيها بظهرو خاشي شعرو تحت روبيني وكيدوز عليه بيدو يفركو ويوحوح 
همس:يكما شعلات فيك لعافية نعيطو لبومبيا يطفيوك 
إباء دار عندها شعرو كينقط على وجهو وظهرو وكيحس براسو شاعلة فيه لعوافي جبدها من يدها بنتير:نتي مولاتها ..اش درتي هدري 
همس كتسبل فعينيها:اش غندير ابب ..انا مدرت والو ..(كتبوحط) ايي يدي طلق مني ..احح ..شوف شوف عفستي ليا دنيا اووف 
إباء بعد منها وخذا لخنشة ديال ثلج وخرج كيسوط جلس فصالون مرة يحط ثلج على يديه مرة على راسو ..بلحريق عروقو تنفخو ويحس بجلدة ديال يديه وراسو كتقلع من بلاصتها وكتخبط غير بحدها ...اما همس فجلسات كدندن اغنية من تاليفها لحظي هههه
همس:بيا ولا بيك يا لحادرة عينيك ..وهيا ويييين ..وحالفة حتى نشعل نار ونكويك ...واااااه يا هاااه ...وااا بيا ولا بيك يا تكويني يا نكويك...وعاد عادا مي دااادااا...ولي مزال جاي الله لا يوريك ...اش طاري فيك..غنطير زغبك ونوريك ...غنتف طاسيلت جدك ونخبيك ...ياااه يا هاااه .. وشداتو لحكة ..وطارت ليه جلدة ..وحرقاتو زغبة ..وبرد ..ها برد...وتا برد يا لغزااال ها برد..بشوية ثلج وثليج ...ضحكات لراسها ..اححح يرضي عليك يا هموس ..صافي قررت ندخل لمجال تلحين (كتغوت باش يسمعها) بب تغي توسط ولا غير كافي نواغ (إباء مجاوبهاش ورجعات كتهدر بنفس نبرة حابسة ضحكة) احح غنوجد ليك على ذوقي فيضات لحليب ودارتو فتيرمو وخذات زلافة دارت فيها لكونفليكس لذكرى وهي خذات ساشي نيسكافي خلاتها على جنب وقلات ليها لبيض مع شوفان ولفرماج ..

..ولسي سيد ضحكات حتى بانو ضروس لعقل ليها وهي كتدعي ربي يحفظ ليها عقل الاجرام دياله..خذات لما غلاتو ودارت معا قهوة معطرة حتى غلات وحيداتها من نار وخذات قرعة ديال جافيل دارت ليه قريب معلقة كبيرة وشوية من تيد وخلطاتهم بشوية باش ميرغويوش ..وشدات طوسط ديالو دهناتو بفيري الاول وزادت عليه لفرماج قبل متحط طلعات بجرى فيقات ذكرى ونزلات حطات لفطور فطبلة مبتاسمة غوتات عليه جا وجهو مزنك ومعصب غير بوحدو حريق مبغاش يهدى عليه وشاك 95% هي لي دارت ليه شي حاجة ذكرى لي غسلات وجها ونزلات كتحري وتضحك مشات تعلقات فيه باستو وباست همس وجلسات عطاتها لكونفليكس ديالها وهو مدات ليه فنجالو وطوسط العجيب ديالو وحطات حداه لكاشير وزيتون هو رجع غير كيدور فعينيه من لطف زائد لي فيها 
إباء بتحذير:الا كنتي عوالة على شي حاجة راه غتجيبيها غير فعظامك ها انا علمتك ..وقد اعذر من انذر
همس باستهزاء:سير سير على اساس كاع لي فلمقبرة نتا صاحب دعوتهم ..(طلعات حاجبها وشافت فذكرى ابتاسمات ليها ودرات وحها لعندو) رهج الافيك مترهج ولا نوض قضي شغالك يديك منين مكتيقش 
بدات كتاكل ومرة مرة ترمي ليع لعين وكتدعي من الله غير فوقاش ياكل باش تتشفى فيه شوية وهي متأكدة مغيقدر يدير والو قدام ذكرى 
عيا ميكشوف وهز لقهوة شرب رشفة الاولى جاتو فشي شكل دوزها بسيف ومبغاش يحكر شافها مداياهاش فيه وهي راه كتسكانيه غير من لتحت لتحت وحابسة ضحكة هز طوسط نفس شي مذاقو ونسمتو تعيف ..غمض عينيه وعرفها دارتها بيه وبزز على راسو وبقا كيشرب وياكل ومع كل قضمة وكل رشفة كيحقد عليها ويتحلف يخرجها منها مقال باش سالاهم وعينيه حومر كيخنزرو فيها وهي مبتاسمة ليه فوجهو وكتشوف فيه وفخاطرها كتموت بضحك ..فيقاهم من نظرات تحدي وتهديد غير ذكرى لي جات كتنقز حداه
ذكرى:بابيطو انا ساليت فطوري ..امتى غتاخذني نجيبو بيتي ونقادوه كيف قلتي ليا 
إباء هز كاس ماء لي شربات منو همس جغمات قليلة نزل عليه دقة وحدة ..كان شحفان ومأمنش ليها يشرب حتى تشرب هي ..شاف فذكرى وصوتو مبحوح وكيحس بحرقة فلمعدة وزيادة على راسو ويديه لي كيحرقوه 
إباء كيهدر وينهج:شوية...فلعشية نمشيو ...دبا(شاف فهمس وموجه هدرتو لذكرى) خرجي شوفي جردة ولعبي فيها ..غنهدر انا وماماك شوية ...باسها فراسها وخرجات كتجري فرحانة ..اما هو ناض مخنزر فهمس عروقو خارجين ورجع بحال شي بركان منفجر قلب طبلة خلاها كتشطح فبلاصتها ...

بقا مطول شوفة وهبط لكاف فين داير لصال غير دخل خدم لموسيقى على جهدها دخل لدوش رد كاع لي كلاه واتاجه لثلاجة صغيرة تما خذا بنان وبيرلي كياكل ويتجنن.. سالة ورجع كيتريني بدا بطابي كيجري باقصى سرعة وكل مرة تجي فبالو ذكرى من ذكرياتو طول هاد سنين وما شاء الله متسلطو عليه غير ذكريات سوداء ..ضغط لي كان عليه زواجها ..هروبها ..اسماء إسلام وخططهم ..قلب لوجهة لساك ديال لبوكس كيضرب ويقول مضربت ويغوت باعلى صوت عندو ..كيحاول ينفس على لغضب ديالو وميطلعش يخلط ليها عظامها ..قلب الاتجاه لبارات بدا كيهز ويحط ومنظرها معنقة علي مبغاش يتحيد من عينيه وزيد منظر ذكرى منين خلاتو هو ومشات تمخشات فعلي ..حط لبارة وجلس كينهج وكارز على سنانو طلع عينو فلمرايا وهي تبان ليه فانعكاسها مخبعة بطرف لباب وتتفرج فيه وتضحك 
إباء غوت:ههههههمممممسسس
همس من بعد مقلب طبلة ومشى قلبها كان غادي يسكت تخيلات راسها ملوية فلجبص كيف لمومياء ولكن غير شافتو قلب دورة ونزل تتفسات صعداء وناضت طلعات لبسات شورط قصير فلبيسطاش مع صدرية بيضاء وقبية ديالو بيسطاش هبطات كتجمع روينة وتدعي فيه 
همس:يعطيك لاوي ولمرض فلكلاوي ...يعطيك عطية وراسك في وطية ..الله يسلط عليك لعذاب وتمارة كيف لحمار نهار ومطال ونتا هاز الاثقال ..بغيتليك بو شويكة وبوحمرون ..بغيتليك زغب فسنان ولحكة فيه وقلت ظفران ...(كتهز وتاخذ لكوزينة وجابت شيفونة وبيدو فيه جافيل وسانيكروا كتجمع اش تزلع فالارض ) الله ياخذ الحق واحد مصعور يرون وحدة مسكينة يتيمة تجمع من موراه .يجمعوك فكفن ويهنيوني منك يا وجه لغبينة ...بغيت ليك غير حبس تازمامارت يجليك جلية مترجع منها ...(كتسمع فالاغاني ودار مقلوبة بيهم) بغيت ليك صمك ان شاء الله ...ديرها نتا وانا نوحل فيهم ..الله يا ربي من نهار شفتو مطفرتو ...(جمعت كلشي ودخلت لكوزينة قادت طاجين دجاج وجلبانة وخيزو ..وفتحات ثلاجة كتشوف اش تزيد لمقبلات وهي تلمح سوبيرة ديال دجاج ودغميرة لي سيفطاتليها ماماها بفرحة) دجااااااااجتيييي 😍😍..(جبدات سلاطة ديال لخص ولفجل ومطيشة قادتها و ديكوراتها بلبسباس من جناب ) 
طلات على ذكرى لقاتها كتلعب فالفناء لخلفي ..ونزلات كتتختل على رؤوس اصابعها فوجات لباب شوية وبقات كتفرج فيه وتضحك كيفاش كيبان مغوبش وكيلعب بعصبية ..كيحمقها بداك شكل ويعجبها تعصبو ..وفرحات حيتاش تمكنات منو شوية ومزال كتتوعدو باشياء احلى واجمل ..شافتو غوت وعينيه عليها نترات خيط لباف سكتات ليه لموسيقى ونترات معاه حتى لكابلي ديال ضوء ظلماتها عليه وطلعات كتجري خرجت جلست حدا ذكرى كتنهج وتشوف موراها شافتو جاي منيير جيهتها هي عنقات ذكرى وعينيها عليه واقف ساخط ..
إباء بعصبية ومزال كيضغط على راسو مباغيش يخلع ذكرى:فزي تكعدي قدامي
همس بترجي:ه.ها..انا ك.كن..كنلعب مع.. 
مخلاهاش تكمل جبدها من يدها بنتير شاف فذكرى كتفرج فيهم ونظرتها مستغربة ابتاسم ليها بزز

اباء:حبيبة غنخليوك تلعبي هنا وغنوجدو ليك انا وماماك واحد سوبريز ..ديل 
ذكرى :غتجيبولي اميرات ديزني كبار ياك ابابا 
إباء كيحاول يصبر راسو:وااه ابابا ..غتبقاي هنا اوكي 
ذكرى:ديل بابا ...اوكي 
رجع لدار كيجندل فهمس من موراه وهي كتحاول تفك راسها منو..مطبعها لفوق 
همس:و طلق ..وااا العمالة ...وبنادم ..ولكيدار ..وزبل ..وااا اباء....واااا ولد لحاج ..طلق ...طلللق مني 
اباء دخلها لبيت دفعها جات طايحة سد لباب وجا قاصدها معمي لعينين ...
همس كترجع بلوري زحفا على مؤخرتها اليابسة من الالم ههههه:ااييه شوف ..غير بلعقل ..راه والله وتقيسني حتى..حتى ..مهم شوف ...
إباء كيهدر كارز على سنانو و كيخطو لعندها بالعد البطيء حتى تكرازات مع لقنت دال ناموسية نزل على مستواها كيشوف فيها :دبا اش ندير فديلملتك ...باغية نخلي عشت جدك لكلب ..اااه ..هدري ..واش باغياني نقتل طاسيلتك ونتهنا (همس بلعات ريقها وسرطات لسانها ضرب جنب ناموسية بعصبية بضبط حدا وجها غير انش واحد كان يخصر ليها لفيكورة غمضات عينيها خايفة من ضربة قرب لوجها كيغوت ) واش كتقلبي على ديلمي ...راه برب لمعبود وتزيدي دقي عليا حتا نعطيك علاش كتقلبي ..تقااااي شري ا همس ... تقاااي شري
همس بصوت خافت:سير فحالك ..اش درت ليك انا ..كنت ..كنت(كتغوت) ..نتا اصلا اش مشى ليك راه لغلاط منك ماشي مني ..قوتلك خليني نمشي فحالي لخدمتي وشغالي... 
اباء خنزر فيها وسكتات وقف غادي جاي فلبيت وهي مكمشة فبلاصتها:لاا واش من نيتك ..باغية تخرجي مع داك ز*** وبهاد لحالة ..وانا خاصني نطيع ونخليك تخرجي..(رجع جلس حداها جلست القرفصاء) لا وااش من نيتك ..صراحة معنديش لكانة لنكت احبي ..
همس:اش بيني وبينك حتى نكَّت معاك هااا..خليني نمشي نقضي شغالي ..لاا متقوليش تيقتي بلي مزوجين ...لااا ابب هذا راه زوااج بااطل ..باااااطل .. (وقف غادي فحالو وجبداتو من يدو ووقفت كتضرب ليه فصدرو وهو مغمض عينيه وكارز على سنانو) ..اجي لهمافينغادي...من نيتك نتا باغيني نقبل نكون عشيقتك ..مراتك زاوجة...جايبني لثلت لخاوي ..وباغيني نقبل بيك ههههه..لا صراحة براافو(كتصفق) براااافوووو..فيق ابابا فيق ...عمرها تكون ليك ..عمري نكون معااااك ولا تحلم نخليك تقيس مني شعرة ..ولا نخلي مرة اخرى مراتك ومك يتشفاو فيا وينعتو فيا وفبنتي فهههممت
إباء شدها من ذرعانها بزوج ودورها مكاليها مع لحيطوداخل فيها شد فكها زير عليه وكيشوف ليها فعينيها بالم وغضب نطق:غتزمييييه غنشتت ليك معالم وجهك سمعتي ...
دفعها و خلاها مصدومة من نظرة لي شاف فيها وعينيه لي تغرغرو بدموع ونبرة صوتو لي تبح فجأة خرج وجبد لباب بنتير من موراه حتى تسمع صوتو دخل لبيت اخرى دوش ورجع لبيتو لبس عليه وخرج خلاها غير كتشوف فيه هي وذكرى ...

بعد مرور شهرين .....بين مجموعة من لملفات خاشية وجها ومرة مرة تهز فنجان لقهوة تشرب غايبة على اش جاري حداها دخل عليها بلا حس محست غير بيدين على عنقها بحالي خانقينها دورت وجها مفزوعة وغفلها بوسة خلا خدودها رجعو كيف جمر حوومر وخشات وجها بين يديها مبتاسمة 
إياد باس ليها راسها وعنكش شعرها:اححح يخليلي لي يحشم 
سمر:احمم ..امتى جيت ؟
إياد:منين كانت الحب ديالي غافلة عليا (دوز يدو على شفايفو) احح سكر عسل حر اعباد الله
سمر بغنج:إيااااااد..براكة كتحشمني 
إياد دور ليها لكرسي وجبدها لعندو حط يدو على خصرها وكلاها مع لبيرو نزل لعنقها طبع عليه بوسة بورشها وكيهمس فودنها:بلاتي غتمشي معايا ..بلا ..نقاش 
سمر شافت فيه هايمة فيه:ماما..
إياد:قولي ليها مسافرة لخدمة ...ليلة وحدة احبيبتي ..مغنجلسوش بزاف ..توحشتك 
سمرعنقاتو وحطات شفاها على عنقو كتهدر وتحركهم حتى بورشاتو:وخا ...منقدرش نقوليك لا ...
إياد كمش عنقو وشحطها لمؤخرتها:هدااي راه غنتكيك هنا ابنت لحرام 
سمر كتفات بضحكة وميلات راسها لور هو استغل لفرصة وعضها حتى قفزت بعد عليها مبتاسم 
إياد:نخليك تكملي شغالك احبي لي ساكن في قلبي ..عندك ساعة وندوز عليك ....
💗بين جروح الماضي البعيد ..ونزوات من ماض قريب ..فرصة ذهبية وسفينة بشراع من نصيب ...نصيب حب طاهر ورزق من الله العلي الجابر ...من كان يعتقد انه لم يكن حبا قط ..بل كان مجرد تعلق واجتياح حنين ...لحظات ضعف اليم ..واشتياق لمن لم يكن معنا ولو بعد حين ..#بسمة_الحياة..💗
خرجت كتجمع فساكها وكتحاول تلتاقط انفاسها كتحاول تستوعب انو تاصل بيها هو وكيطلب يشوفها من بعد اخر لقاء بينهم ...اتاجهت لطوموبيلتها شادة طريق لمقهى لي قالها يشوفها فيها ..وطول طريق كتهز فتيليفونها وتشوف الاتصال واش حقيقي ولا غير كيتهيئ ليها ..وثغرها مقدراتش تجمع ابتسامتو ..معرفتش فوقاش ولا حتى كيفاش مدة جد قصيرة عشقاتو فيها وهي من طبعها مكتخبيش احساسها ..وقفات سيارتها جنب رصيف لمقهى كتلتاقط انفاسها وتحاول تبعد من توتر لي اجتاحها فجأة كأنها على ضفاف اجتياز امتحان الباكالوريا... تفكرات درت فعلو وكيفاش تعصب عليها منين اعتارفات ليه بحبها وفرج فيها خلق الله بغواتو ..دخلات لكافي هازة راسها وكتتمشى بكل ثقة شافتو جالس وهاز كارو فيدو كيكميه وعاصر على كافي نواغ ..جلست حداه بلا احم ولا دستور وتحلف عليها ماشي هي لي كانت ياله دبا كتفتف وتقفقف وباغية غير امتى تشوفو وتسمع اش غيقول ..شافها وابتاسم طفى لكارو وشاف فيها 
علي:اول شيء كنعتاذر على لي وقع قبل 
سلسبيل بانفة:ممكن تدخل فصلب الموضوع ..مزال تابعني شغالي 
علي:سبيل ..كنضن انو الاعتذار كيشفع لي بشوية ديال الوقت 
سلسبيل :اول شيء ممنحقكش تقولي سبيل هذيك للمقربين فقط ..ثاني شيء متشفعلي منشفعلك ..اسيدي اش بيني وبينك مزيان تبارك الله ..(هزات صبعها فوجهو وقفات عاقفة ضهرها وكتهدر بجهد) زبل فيا كيف قاليك راسك وفرج فيا خلق الله وتجي دبا تقولي كنعتاذر ..داك الاعتذار سير بخر بيه وديرو تفوسيخ على الله يقضي ليك ...يا لباير 
علي شاف فجنابو وشاف بعض من لي جالسين كيشوفو فيهم:وها نتي كتخلفي ضربتك ..
سلسبيل عاد عاقت براسها رجعات جلسات بكل برستيج قادت فولارها وهزات ساكها كتشوف وجها فلمرايا وهو حابس ضحكة :اوووف بريستيجي ضاع ينعلديلمي ...هيهيهيه..(شافت فيه وكتشوف فناس مبتاسمة زعمة راه مواقع والو ) اش كنت كتقول اميستر علي عبو 
علي حط يديو على فكو ورجع بظهرو على لكرسي بمبتاسم:لك تأبريني ما احلاكي ..دخيل اسم الله عليك شو مهضومة...(بدريجة معكلة ) سنطيحتيك اكبر من جبال الهملايا حبيبتي 
سلسبيل:حبك حمار مصعور ومجراب يا لمعفن ...بغيت ليك تجيك لحكة فيها نهار ومطال مكوزها لحيطان تحردها معاهم يا بن لمبجوقة لوخرا ..يا واسع لمناخر ..يا فم لفقمة لمزغبة ..
علي:شو هاد لك انتي عم تعرفي منيح انو انا ما بفهم بحكياتكم كتير لهيك ..بلا من حكياتك لي ما الهم طعمة 
سلسبيل :مكلخ الاخر ..شحال ونتا فالمغرب اش خذيت منو خير شحمة لي تكدسات ليك فالكرش ...عار الله اش خذيت (جمعات لوقفة ) نيت اش انا مجلسني معاك الله يعاونك (بغات تمشي وهو يشدها من يدها )...

علي بعصبية:سبيييل جلسي الارض بلاها هالولدني خلص ..اعتذرت منك شو بدك اكثر ..لك بحبك يا مجنونة شو بدك اكثر ...(وقف وجبدها لعندو معنقها خلا لي نا شرا يتنزه كاين لي غار منها وكاين لي عصباتو قلة هاد لحيا فمكان عام) لك ما بعرف كيف ولا امتى ولا حتى شو بيصير معي وانتي بعيدة عني ..بس هالشهرين وانا بعيد عنك صار في فراغ رهيب عندي ..(بعد مها وشد وحها بين يديه باس جبهتها ) لك والله اشتقت موت لجنانك وحكياتك لي ما بفهمون ..وحتى لعصبيتك وكلامك الي ما بيخلص ..انتي احلى مصيبة الله لقاني فيها 
سلسبيل بصدمة:اوعدي نتا اش كدير ..لا واش من نيتك كتبغيني ..علي نتا كتبغيني ..حلف ..(بدات كتضحك وتمع فضحكة) ربي لما حلف ...الحمد لله مغنبقاش عايشة فالجفاف ...غنبدا حتا انا نحط فلجروبات بوركابي دارليا بوركابي جاب ليا ...ونحط يدينا ورجلينا ونقوليهم العود احمد وبوركابي الله ينصرو ليا ويجمع لينا رجلينا فلحلال ..بغيت نقول يفرقهم بما يرضي الله ..عار الله لما حلف ...(جبداتو من يدو) خلص ..خلص ...خلينا نوضو نبداو راه من زمان وانا موحدة لبروجرامات رومنسية باش نعيشهم 
علي غير كيضحك نصف كلامها مفهموش وهي منين تقلع ودير مارش اش جاب ميدير ليها سطوب ...خلص علي وخرج هو وياها شافت فيه طارت عنقاتو وكتتمشى ودور تشوف فيه وتشوف فناس لي دايزين وتطلعليهم يديهم 
سلسبيل:مبقيتش بايرة ...هااا ( كتوريهم يديهم) شوفو ها هو ..جبتو لبناني ( كتغوت) ولبناني اعباد الله وتشيتشيز اختشي ..اححح اقلبي ..لا للجفاف العاطفي بعد الان وهلا ومرحب بسفالة الحلالية ....
ناس شي كيشوف وشي كيدور وجهو ويقول الله يعفو ....داز نهارهم بين لكافي وخدمتها نساتها وخدمتو حلفات لخلاتو يعتب ليها وهي متيقات ربي جاب ليها سعدها بين يديها ..ونيت الواحد هو لي يحضي رزقو هاد الوقت ..دنيا خيابت هههه وبركابي مطلوب دوليا 😂
.. فبلاصة اخرى او نقولو عالم اخر معزول ..شهرين دازت ودازو شلا صوالح معاها ..فمدينة وجدة ونفس لفيلا لي فيها اسماء ...واقفة كتشوف فيها من زاج ديال لبالكون وهي ملهية كتلعب بزوج عرائس وحدة لراجل وحدة لمرأة وهي فابهى حلة ليها تحلف عليها ما حمقى وكدندن اغنية لزفة العروس مقابلة مع مرايا كبيرة وحداها لماكياج على الارض وفساتين منشورين فالبيت كلها واحذية عالية وغير كتلبس وتقاد وتضحك ..عزات عليها بزااف وندمات على لهدرة لي قالتها لي وتعامل لي تعاملات معاه طول هاد المدة ...شافت فلباب وكتتمنى انو يدخل منو خلاص...مستعدة غير تشوفو تتلاح فحضنو ..وتطلب منو سماحة على سنين من عمرهم لي مشات هباءا منثورا ..فيقها من سهوتها صوت ذكرى كتغوت وتضحك وكلب كبير من نوع هاسكي كيجري من موراها شبيه بذئب وكيخلع ومع المدام همس غير مكتخافش من لكلاب كلقات رجليها لريح وكتغوت يحي شي حد.يشدو والكلب كيدور وينقز كيحساب ليه كتلعب معاه تلاح عليها جات طايحة فالارض كتفركل وتغوت ربي لي خلقها وذكرى كتموت عليها بضحك ...شافتها غتسخف وهي تشد.لكلب عنقاتو وكدوز يديها على ضهرو وشداتو من سمطة 
ذكرى:متفوليليش مامي خفتي من سيزار ...(كتعرف لكلب على ماماها) سيزار هادي مامي ..فريند.ديالك ...بحالي ..مامي هذا سيزار ..دوغ ديال بابا ..شفتي شحال زوين 
همس كترجع نفسها وخايفة كتقفقف:يحرق طواسل جدك ..بعدي زبل لهيه ..اويلي بقالي غير لكلاب ..عار بنتي لما بعديه عليا ...غيعضك اماما
ذكرى كتبوس سيزار:ولااا الهبيلة سيزار زوين ..مكيعضش غير كيبوس بحال بابا 
همس:ذكرى بعدي لمرض عليا...اويلي نيت هذا لي ناقصني تفاكيت معاه باش يزيدني كلب من لفوق ....كيقوليك ميربي لملب غير كلب بحالو 
سيزار بدا كينبح ومشى كيجري منين شم ريحة إباء..إباء لي سمع اش قالت همس بالاخير خنزر فيها وجر سيزار معاه كيداعبو متعلق ليه برجليه كيدور من هاد جيه ويرجع ليه من جيهة الاخرى حتى نزل بسه لكاف ..بلا ميشوف فيها وتبعاتو ذكرى كتجري ..غير دخل لبيروه ومعاه سيزار مشا قنت فالقنت كيلعب بذيلو وذكرى دخلات كتنقز هزها باسها وجلس كيلعب معاها ويهرها وهي كتموت بضحك وتفركل بين يديه اما همس فدخلات جلسات فبيتها كتندب حظها لي غير مكيزيد يتقاد معاه عرفاتو سمعها ولكن هي مكانتش قاصدة ديك لهدرة ..ولكن لمن تقوليها هو دبا كيعرف غير نيشان نيشان واي شيء منها كيضن بلي مقصود..شهرين لي دازت حاول فيها ما امكن يقرب منهم و يضبط اعصابو معاها على تصرفاتها لي وصلات بيها انها تغامر بحياتو باش تحس بانتقامها ومع ذلك حاول ما امكن ميفقدش اعصابو معاها ...شهرين في ثناياها احداث قلبات جزء من حياة كل واحد فيهم ...

همس: وجهها لونه مخطوف و يديها كايرجفو.. بلعات ريقها و تشجعات.. هاد المرة ماغاتهربش..هاد لمرة غاتواجه و غاتشوف اخرت هادشي فين غايوصل... 
وقفات مورا الباب و سمعات صوتهم ...
اياد: انا عييت معاها.. هذا الله.. عطيني ا خويا نتا شي حل .. 
جلس اباء و حط راسو بين ايديه و تنهد ب ضيق : واش مشاكل ختك ماغانساليوش منهم ... كل مرة أسماء أسماء... 
اياد: اللحم إلى خناز كايهزوه مواليه.. و ماتنساش باللي هي حتي قبل ماتكون مراتك... 
بلا ماتفكر مرة خرا .. دفعات الباب بكل جهدها و دخلات ل عندهم .ه هز اباء عينيه فيها مصدوم.. اش وصلها ل هنا .. اما هي كانت ف عالم آخر.. كاتشوف الزمن كايتعاود من جديد .. اسماء و اباء و إياد كلهم قدامها و هي الطرف الخايب و الدخيلة عليهم ...
🌷🌷🌷🌷
علي حط يديو على فكو ورجع بظهرو على لكرسي بمبتاسم:لك تأبريني ما احلاكي ..دخيل اسم الله عليك شو مهضومة...(بدريجة معكلة ) سنطيحتيك اكبر من جبال الهملايا حبيبتي 
سلسبيل:حبك حمار مصعور ومجراب يا لمعفن ...بغيت ليك تجيك لحكة فيها نهار ومطال مكوزها لحيطان تحردها معاهم يا بن لمبجوقة لوخرا ..يا واسع لمناخر ..يا فم لفقمة لمزغبة ..
علي:شو هاد لك انتي عم تعرفي منيح انو انا ما بفهم بحكياتكم كتير لهيك ..بلا من حكياتك لي ما الهم طعمة 

↔↔ قبل شهرين (فلاش باك ) 
غادي جاي فالبيت و ف يديه تيليفون ... عينيه حمرين و الأعصاب لعبو ليه على الأوتار... كل شويا كايطلق تنهيدة سخوونة... و حجبانو مقرونين.... 
سمع الباب تحل عاد رجعات فيه روح ... نزل بخطوات كبيرة كاينقز درجات و كايشوف كلشي كحل ... كان معصب لأبعد حدود ... 
وقفات مسمرة ف بلاصتها.. مللي لقاتو قدامها كي شي ثور ... حركة وحدة منها يخلطها.. بلعات ريقها و زيرات بيديها على ساكها.. و رجعات خطوة اللور و قبل ما تكمل هروبها كان شادها من مرفقها بجهد و جبدها عندو... قربها ل وجهو و شافت ملامحه الساخطة.. و عرفات راسها زبلاتها.. جمعات شويا من القوة اللي بقا عندها و نطقات ب صوت متوتر: م..مالنا ياك لاباس .. 
اباء زلزلها بصوتو: لا بااااقي كاتسولي اش واقع... واش كاتسرهطي على ديلمي و لا كيفاش... 
همس: راه نتا اللي شاد ليا ف يديا و مزير عليا.. و بيتي طرطق بحال ماعرت اش واقع .. 
اباء: غوت ليها ف وسط وجهها: وااااااش هادشي كامل ماكفاااكش هااااا؟؟ ولفتي دوران ف زناقي.. ماكاين اللي يجمعك و لا يحكمك.. كاتخرجي ديعي و تلوحي بنتك... هااااا.. هادي هي آخرتك.. ماترجعي تال آخر الليل .... 
همس: حتى هي بدأت كاتغوت: رخي.. رخي يديك و بسع مني ... بااااااش من حق ا سيدي كاتدخل فيا.. ندخل نخرج.. نمووووت غاع.. اش مشاا ليك .. نتا مااالك . 
اباء: مااايلة ليا معاك.. مللي ولا راجل كايدخل و المرأة دايعة ف زناقي... مللي ولينا خسنا نديروك ف مختفون باش نلقاوك... و بنتك ماعرفتيها كيدايرة و نتي خارجة كادوري.. 
همس: بنتي ماخليتهاش ف زنقة .. بنتي خليتها عند ماما ... 
اباء: واش هادشي جاك عادي ... نخرج انا صباح و نخليكم ف دار .. نرجع نلقا يديا و ريح... 
همس: و انا نبقا محبوسة ف دار حتى تجي سيادتكم.. 
اباء: رااااه راجبك.. و ابسط حاجة تسيفطي مساج و لا نتي هاد راجل قدامك ماكايعني ليك والو.. لهلا يقلب بديلمو... دايراه ديكور ف دار .. 
همس:راني مامشيتش ندير شيحاجة خايبة .. مشيت غي شفت الخدمة فين وصلات 
اباء: هااااااد الموضوع بذات كايدير ليا الأعصاب... هاد الخدمة خسنا نلقاو ليها حل ..
همس: نسكت ليك على كلشي إلا خدمتي سمعتي .. ماشي طموحي كامل و تضحياتي و سهير الليالي باش نقرا و نخدم و فاللخر تجي نتا ببرودة تحبسني منها .. مازال ماتخلقش اللي يدير شيحاجة بحال هادي.. 
اباء: ايييه ا مدام .. دابا نشوفو شكون راجل فينا و شكون كلمتو مسموعة... 
همس: اااه دابا نشوفو .. و زايدون بنتي خليتها عند ماما و انا كنت غي خدامة يعني مادرتش شيحاجة خايبة .. و دابا حيد من طريقي خليني نطلع فحالي .... 
اباء دفعها عليه بجهد حتى كانت غاطيح.. و طلق منها.. تحدرات هزات ساكها اللي طاح و مشات من حداه كاتبركم و تسب معصبة 
اباء كايدوز يديه على لحيته بعصبية: راااااه سمعتك.. راه دابا نجي نخلط ل جدك يد مع رجل باش تلقاي نيت سبب باش تحطي طرمتك ف دار و ماباقيش تخرجي.. استغفر الله العظيم... ماكاتهناي حتى تعصبي الواحد و تجبدي الصداع... 
خرج يبدل ساعة بخرا.. و جبد تيليفون كايدوي فيه ... 
... فالفوق.. طلعات همس كاتعاير فيه.. و كل شويا كادور تشوف ياكما تبعها.. دخلات لبيتها.. و لاحت ساكها و سباطها.. حلات يديها و بدأت كاضحكك و دغيا مورالها تقلب .. تلاحت فوق ناموسية الكبيرة مسرحة يديها و كاضحك و عينيها كايلمعو.. علاش لا و هي أخيرا حلمها تحقق و المشروع كمل .. بقا ليهم غي تجهيزات بسيطة و غادي يدرو الافتتاح... 
ناضت فرحانة ل دريسينغ.. حيدات بيجاما .. و دخلت الحمام.. دار روتينها العادي و لبسات و توجهات ل بيت بنتها ... كانت ذكرى جالسة كاتلعب.. غي شافتها و هي تلاح عندها .... 
ذكرى: مااااامي... فين كنتي 
همس: باستها: هاني جيت .. كانت عندي خدمة كثيرة.. قولي ليا اش درتي عند الميمة.. 
ذكرى: صايبت ليا بزاف ديال الماكلة.. 
همس: ههههه ماما اللي جلس معاه شهر يرجع طبووز.. و امت جا ليك باباك 
ذكرى: جا ليا و قالت ليه ميمة غادي يجيو عندنا غدا 
خرجات فيها همس عينيها: شكون اللي غايجي 
ذكرى: ميمة و طاتي... 
ناضت همس صونات على أمها ف تيليفون و قالت ليها بايجيو غدا ياكلو عندهم كسكس حينت الجمعة و منها نيت تشوف دارها.. 
تنهدات همس و رجعات تخشات حدا ذكرى كاتلعب ليها ف شعرها و تعاود ليها قصة .. حتى نعسات بين يديها .. 

رجع اباء لدار و طلع ل بيتهم .. دخل مبتاسم و ناوي يتصالح معاها. مابقاش كايبغي يجبدو صداع واخا هي اللي كاتعصبو و كادير علاش.. مي مالقاهاش.. عرفها غاتكون عند ذكرى .. مشا ل بيتها و حل الباب بشويا . طل عليها و بانو ليه ناعسين بجوجهم معانقين و الغطا طايح .. واخا باغيها تنعس حداه .. ماسخاش يفيقها و يخسر ليها نعاسها و من ملامحها كاتبان قداش مرتاحة و ذكرى ف حضنها ... قرب عندهم او غطاهم مزيان .. باس كب وحدة ف جبهتها و طفا عليهم الضو و مشا ينعس حتى هو ... 
.. نهار جديد و شميسة ساطعة و مدفية الجو ب خيوطها الذهبية... كانت واقفة فالكوزينة ... شعرها جامعاه ب إهمال... لابسة بيجاما خفيفة و دايرة طابلية.. كاتقطع الخضرة .. و حداها الكدرة و الكسكاس فيهم كسكس كايفور... 
و عينيها مع ذكرى اللي كاتلعب ف جردة حداها و خايفاها لا تمشي طيح فالبيسين ..
سمعات الباب تحل و عرفاتو غايجي عندها ... 
ماتلفتاتش و بقات مشغولة ف داكشي اللي كادير .. وقف قريب ليها و داير يديه ف جيابو... 
اباء: امممم.. شكون قال حتى نتي كاتعرفي للشهيوات.. 
همس دارت كاتشوف فيه بنص عين: على مالي كيجيتك.. و عاد انا عييت هاد دار كاملة بوحدي مالي من الحديد.. 
اباء: انا داري مايدخلوش ليها الخدامات سمعتي.. بغيت نعيش مع مراتي و بنتي. 
همس: و انا ا سيدي ماشي خدامة جبتيها من الموقف.. بغيتي تعيش فهاد الدار الي قدها قد سخط بوحدك.. كفض على يديك و عاون..ماشي تبقا غي واقف كاتآمر.. 
دارها ليها على قد فمها .. و حيد لافيست اللي كان لابس .. طوا كمام الشوميز و جا عندها.. 
اباء: هاني موجود.. اش ندير 
همس: امممم صافي غي سير.. غادي غي ترونني و تخربقني و مشا الحال على الغدا..و ماما دروك تجي .. 
اباء: ماعرفنا منين نشدوك.. ياك ياله كنتي كاتشكاي.. 
همس: حتى دابا راه باقي عند هضرتي.. حتى ل مورا لغدا و غاتعاونيي فالماعن و الجميع.. اما دابا غي سير كمل خيرك و عيط ل اياد قوليه يجي يتغدا معانا... 
خنزر فيها: و لاش اياد.. 
همس: ويلي حشومة.. اليوم الجمعة و عاد كسكس كايبغي الجماعة.. 
جرات عليه من الكوزينة و رجعات تكمل شغلها اما هو مشا يعيط ل اياد و يدوش ...

غسلات يديها من داكشي و طلعات للفوق.. دخلات البيت.. و سمعات حسو ف دوش .. مشات جبدات ماتلبس و بقات جالسة كاتسناه يخرج.. 
حل الباب و ضرباتها ريحة العود مخلطة بريحتو الرجالية... هزات فيه عينيها و عاودات نزلاتهم دغيا .. و ماقدراتش تصبر.. عاودات ركزات فيه الشوفة و بلعات ريقها .. كان شعرو فازك و مرجعو اللور.. لابس كاندورة ف رمادي ديال الحرير .. و بلغة كحلة ف رجليه .. اول مرة كاتشوفو لابس شيحاجة بلدية ... ماحساتش براسها و بعينيها اللي كلاوه.. حتى لقاتو واقف قدامها و كايضحك باستهزاء.. 
اباء: ماكنتش عارف رأسي زوين ل هاد درجة 
كاتشوف فيه ب بلاهة: هااااا 
اباء: بدأ كايضحك: هههههه .. قربتي تغتاصبيني بعينيك.. 
ميقات فيه و كاتلعن ف راسها: سير سير من زيناااتك.. راه غي جاني ف شكل انك لابس هاكا 
اباء: على مالي كيجيتك.. راني مغربي بحالك.. و اليوم جمعة و ضروري نلبس هاك باش نمشي للصلاة.. 
همس: شلا.. بحالك بحال هدوك اللي عمرهم حطو جبهتهم على الأرض حتى ل رمضان و كاتلقاهم كايتسابقو على الصفوف الاولين ف جامع .. 
اباء : لا حول و لا قوة إلا بالله.. ماغانديرش فيك راسي😑 .. 
ماجاوبهاش باقي و خرج فحالو.. اما هي دخلات دوشات.... 
↔↔ داز شويا ديال الوقت... و كانو كلهم مجموعين التحت ... طبلة ديال الماكلة محطوطة فيها قصرية كبيرة د كسكس ب سبع خضاري.. و التفاية قدام كل واحد ف جبانية.. مجموعين و كايضحكو.. و همس و اباء كايحاولو مايبينوش قدامهم باللي واقعة شيحاجة ... 
خديجة: اول ا بنيتي ا همس ... هادي هي الوقيتة 
شافت فيها همس : ديالاش ا ماما 
خديجة: ويل شيطان على ماناوياش تخاوي ذكرى .. راه العمر كايجري.. و وليداتك يكبرو معاك حسن .. 
همس وجهها لونو ولا حمر .. و كاتسمع اباء جالس حداها كايضحك... 
اباء: اوا قوليها ليها نتي الحاجة... 
خديجة : نحج ف حياتك ا وليدي... راه حسن عوانك معاها .. انا اللي بنتي و كانت محمقاني.. راسها قاسح.. شهماتني ماكبرات حتى خرجات فيا شيب ... 
همس كاتخنزر فيها: واش وقت هاد الهضرة ا ماما .. ربي واش انا اللي بنتك و لا هو 😑
ذكرى: هههه ميمة ماما كانت كادير البسالة.. 
دارت يديها على راسها و بدأت كاتولول: لهلا يوريييكم.. كانت كل نهار كاتجيب ليا التبرية.. ديما ناتفة البنات .. و غاع المعلمات كايتشكاو منها .. و باها الله يرحمو كان صعيب ... و كانخاف غي يفوت فيها شي دقة.. ماتهدنات حتى كبرات... 
همس: ماماااا وا صافي... 

ذكرى: لا كملي ا ميمة ... 
اباء: صافي ا بنتي .. ماحد جداتك هنايا.. غادي نوضو نوريكم شيحاجة ... حينت ماماك راسها قاسح و ماكاتقد عليها غي جداتك.. 
همس: ماعندي مانشوف 
اباء: نوضي و لا نهزك بزز ... 
همس: اووووووف ناضت و دفعات الكرسي بجهد.. 
قربات عندها أمها و ضرباتها ف يديها
خديجة: واش باقي مابتي تعلمي.. راه رضاة راجلك أهم من رضاتي.. نهار كاتزوجي كايولي يخسك تطلبي رضاتو عليك ... باش ربي يرضي عليك .. و نتي جالسة كاتسوطي عليه 
قرب عندهااباء كايضحك و باسها ف راسها: الله يبارك فيك و يطول ليك فالعمر الحاجة.. فهميها و شرحي ليها .. انا هزيت يديا... 
خديجة: رآها بنت كرشي و عارفاها.. غي سلك معاها ا وليدي... 
سبقهم كايضحك قابط ف ذكرى و تبعوه هما .. خمس كاتخنزر و خديجة كاتخاصم و توصي فيها.. 
خرجو من دار و هما مافاهمين والو .. غي تابعينو.. حل الباب الكبير ديال برة.. و خرجو من دار .. و توجه ل حدا طوموبيل حمرا صغيرة ... 
اباء: و هادي ديال مراتي همس .. كيجاك الكادو.. 
همس باقي واقفة كاتشوف فيه مصدومة.. 
اباء: عمرني ماقدرت نسا اش كايعجبك.. و من ديما مللي كنتي صغيرة كاتمناي تخدمي باش تشري ميني كوبر حمرا بحال هادي .. و انا قلتها ليك و غانعاود نقولها قدام الحاجة . . طلباتك أوامر.. غي آمري و اللي بغيتيها نحضرها ليك ... 
قرب عندها و عطاها ساروت ف يديها .. 
هزات فيه عينيها مغرغرين: و..ولكن 
اباء: شششش ماكاين ما ولكن.. هادي حقك.. فلوسي هما فلوسك .. و نتي ماشي رخيصة عليا ... 
قرب ليها كثر و دوا في وذنيها.. : عتابريها صداقك.. باش مايبقاش زواجنا باطل كيفما كاتقولي.. 
همس: ولكن راه بزاف .. و عاد غالية 
اباء: آخر مرة تقولي هاكا .. حتى حاجة ماتغلى عليك .. 
خديجة: الله يحفظكم من العين و يخليكم ل بعضياتكم.. 
همس: ولكن .. انا نسيت السوكان.. مللي دوزت البيرمي فاش شديت الباك ماباقي سكت طوموبيل.. 
اباء: و انا اش كاندير هنا .. باش مانعلمكش.. 

همس: لا راه باقي عاقلة في خسني نطلق يديا ... 
اباء: و انا معاك حتى تعلمي ... 
عاودات هزات فيه عينيها مزيان.. كاتشوف نظراته ليها . . كانو بحال نظرات اباء ديال شحال هادي . .كيفما كان كايشوف فيها مللي كانت مراهقة.. يالاه كاتذوق معنى الحب ... نظرات صادقة.. كلهم شوق و حب .. عينيه الزرقين.. كايخليوك تحس كأنك ف شي بحر كبير و منا وسط منه و عارف راسك ماغاديش تعتق.. هاكا حاسة دابا .. كلما تلاقاو عينيهم .. كاتغرق ف عشقه كثر . واخا تعيا ماتكابر و تكذب.. مشاعرها أقوى منها .. غي الغضب اللي باقي مسيطر علها.. اما زمان ماقدر يغير حتى ذرة من الحب اللي كاتكن ليه ف قلبها.. بالعكس الشوق و الفراق خلا قلبها يدق ليه كثر من قبل ... 
ماعرفات مادير.. ماكرهاتش تعنقو و ترما فحضنو.. تسمع دقات قلبو اللي كايدقو غي ليها.. تحس بأنفاسه اللي كايتنفسهم غي على قبلها.. ماكرهاتش ينساو كلشي و يبداو صفحة جديدة... فيها غي هما و بنتهم.. يعوضو سنين اللي ضيعو.. ولكن عمر البكا ماكايرجع الميت من القبر ..و هاكا حالتهم هما .. واخا تبكي و تمنا حتى تعيا.. ماتقدرش تنسا اش داز.. الماضي هو اللي كايتبنا عليه المستقبل و هما ماضيهم إسود.... 
ابتاسمات ليه بامتنان و شكر و مشات كاتقلب فيه و تشوف .. مامصدقاش ان احد أحلامها تحققو.. 
🌇🌇😋😋 
صباح جديد .. يالاه شمس بدأت كاتشرق و صوت طيور كايتسمع... ستة ت صباح بالضبط ... ناعسين مكرشخين ف بيتهم ..و بيناتهم ذكرى اللي حلقات حتى تشاركهم سرير و دوزو ليلة زوينة .. بقاو كايتفرجو ف افلام كارتون و ديزني حتى قرب يصبح الحال.... 
بدأ تيليفون ديالو كايصوني ولكن ماتمسعش حينت داير ليه فيبرور...ولكن بدأ كايتحرك فوق طبلة الي حدا ناموسية ... 
حس اباء بالحس و حل عينيه مخنزر و باقي فيه نعاس... 
تقاد ف بلاصتو بزز و هز تيليفون يشوف شكون مصدعو.. لقا بزاف ديال ليزابيل من عند اياد ... و مساج.. حلو دغيا و لقا فيه 
🖋🖋 أسماء حالتها خايبة ... اجي دغيا قبل مادير شي حاجة فراسها.. 🖋🖋 
لاح عليه الغطا و ناض بزربة .. و كايحاول مايديرش صداع باش ماتفيقش همس و تبقا عليه ب سين و جيم و فين غايكون غادي يمشي مع الصبح بكري و اليوم السبت ماكاين خدمة.. 
هز حوايجو من دريسينغ و دخل الحمام.. ديك السدة د الباب خلاتها تفيق ...حلات عينيها كاتقلب عليه .. و سمعات الحس فالحمام .. دورات وجها و بأن ليها تيليفونو كايصوني.. قرباتو عندها و هو يقطع.. و طلع آخر حاجة كان حالها اللي هي المساج.. قراتو و عينيها خرجو .. بلعات ريقها و هي كاتعاود سمية أسماء و و حالتها خايبة ... الحاجة الوحيدة اللي كانت هاد المدة كاملة كاتهرب منها و عمرها قدرات تسولو عليها .. مابغاتش تصدم و تعرف باللي باقي مزوج بيها .. كانت كاتسكت غي باش ماتسمعش كلامو و باللي باقي معاها.. يعني هاد المدة كاملة و هما بجوج .. شكون عرف يمكن ولد معاها حتى هي .. و هي دابا مزوج بيها غي على ود ذكرى .. و اللي كانت خايفة منه طاحت فيه .. هاهي دابا تزوج بيها و جابها المرأة الثانية ... سمعاتو حل باب الحمام و رجعات تخشات تحت الفراش و دموعها غطاو خدها.. سمعات الحس تقطع و عرفاتو خرج من البيت.. و هي تنوض لاحت الغطا و مشات كاتجري تقلب ف حوايجها...

❣كيف لم أصدق.. ان ضريبة الحب هي الألم.. 
كيف لم أصدق أنهما توأمان.. 
لما انفطر قلبي ألما لفقدانك.. أيقنت حقيقتهما.. 
اكتشفت أن كلمة احبك لا تكفي ... 
تذكرت ذكرياتنا المريرة.. علني أقتلع حجر غرامك من اعماقي.. 
فكل هذا كان خطئي.. انا من ادخلتك حياتي.. و جعلتك نبضا ل قلبي .. وتوجعت.. يا ليتني استطعت إعادة الماضي .. لأمحي ذنبا لازلت أتلقى عقابه.. ألمه.. 
مهلكة انا .. بين طيات حبك .. حب خاضع له قلبي .. حب لا أستطيع العيش بدونه.. و لا معه .. ارحمني يا مهلكي.. ❣ 🖋

لبسات عليها عباية طويلة ... و بلا ماتسدها نزلات كاتجري تابعاه.. 
بلا ماتفكر هزات سوارت اللوطو و حلات الباب ... شافتو كسيرا ب طوموبيلتو... مسحات دموعها اللي غطاو خدها و ركبات حتى هي ... تجمع عليها كلشي صدمة.. خوف .. متوترة و ماعرفاش اش دير ولكن خسها تبعو.. خسها تفركع هاد رمانة اليوم .. مابقاتش قادرة تصبر و تسكت... غمضات عينيها و تنهدات.. مسحات وجهها من دموع .. واخا باقي كاتبان ليها الرؤية مضببة.. دارت امارش و سمات الله و تبعاتو.. لحسن حظها طريق خاوية و دغيا لمحات سيارتو اللي كانت كاتختارق الهوا ب سرعتها.. حتى هي ماخلاتش من جهدها و كسيرات.. يا ذبحة يا ربحة.. ماكايهمهاش راسها قد ماكايهمها تعرف اش كايدور ورا ظهرها.. 
وصل اخيرا ل فيلا ديال إياد وسط وجدة ... حط اللوطو حدا دار و نزل زربان... وقفات همس قريبة ليه شويا ... جمعات نفس مزيان و نزلات... ماكاتشوف والو قدامها .. و خايفة تلقاهم ف شي وضع ماشي هو هذاك 
. قلبها ماغايتحملش باقي ... ماتقدرش تشوفو مع وحدة خرا و خصوصا صاحبتها اللي خداتو منها و اللي كانت شباب ف اي حاجة وقعات ليهم حتى ل دابا ... 
دقات بشوية فالباب و يديها كايرجفو... حلات ليهت خدامة و دفعاتها و دخلات بلا ماتسوق ل غواتها.. احساسها و صوت كلامهم خلاو رجليها يوصلوها ل بيت فين كانو .. بابو مسدود ولكن صوتهم مسموع.. بلعات ريقها و طلقات شهقة من أعماقها.. خايفة تحل الباب و تحل معاه أبواب الجحيم.. و هي بحرا مالقات راحتها و شافت كيفاش بنتها فرحانة بلمتهم جنبها.. خايفة تحل هاد الباب و تدمر كلشي .. و ترحع ل نقطة الصفر .. و توسخ صورة اللي باقي محتافظة بيها ف قلبها ديالو..
همس: وجهها لونه مخطوف و يديها كايرجفو.. بلعات ريقها و تشجعات.. هاد المرة ماغاتهربش..هاد لمرة غاتواجه و غاتشوف اخرت هادشي فين غايوصل... 
قربات وذننيها كثر الباب و سمعات صوتهم ...
اياد: انا عييت معاها.. هذا الله.. عطيني ا خويا نتا شي حل .. 
جلس اباء و حط راسو بين ايديه و تنهد ب ضيق : واش مشاكل ختك ماغانساليوش منهم ... كل مرة أسماء أسماء... 
اياد: اللحم إلى خناز كايهزوه مواليه.. و ماتنساش باللي هي ختي قبل ماتكون مراتك... 
بلا ماتفكر مرة خرا .. دفعات الباب بكل جهدها و دخلات ل عندهم .ه هز اباء عينيه فيها مصدوم.. اش وصلها ل هنا .. ياك خلاها ناععسة ف دار و كي دارت حتى وصلات ..اما هي كانت ف عالم آخر.. كاتشوف الزمن كايتعاود من جديد .. اسماء و اباء و إياد كلهم قدامها و هي الطرف الخايب و الدخيلة عليهم ... 
جميع الانظار توجهات ليها .. اما هي ركزات شوفتها ف شخص واحد .. ممدد فوق سرير طبي ... غرفة باااردة و أول ما كاتدخلي كاتحسي بقشعريرة غريبة .. ريحة السبيطار و الدوايات و صوت دقات قلب ... 
كان جسد هزيل ممدد فوق الناموسيةالبيضا ... شعرها مخربق و عينيها ذابلين.. وجهها صفر و ضعيفة بزاف .. ملامحها تبدلو.. و فمها ناشف.. حدا راسها جالس اياد ..و ف جهة خرا كان جالس اباء.. اللي اول ما شافها وقف ... 

جا لعندها كايجري و شدها من يديها بجهد... 
اباء غوت بصوت مرتافع: اششش جاية كاديري هنا؟؟ و كييي درتي تاوصلتي 
كاترطا فييديه و تبكي: طلق مني .. وااا طلق . هئ هئ وا واش اسماء ولات هاكا .. هئ هئ ... 
اباء: واش بغيتي تحمقيني.. واش حنا ف اسماء دابا .. شكون جااااااابك.. علاش خرجتي بوحدك.. فييين خليتي بنتك.. لاش تابعاااااني لاش.... 
دفعاتو عليها و مشات قاصدة أسماء كاتجري.. وقف إياد دغيا خايف من ردة فعلها ولكن كانت عكس توقعاتو.. جلسات فالارض على ركابيها و ضمات يدين أسماء الباردين و الرقاق ل يديها ... و بدأت كاتبكي... وقفو بجوجهم كايشوفو فيها و ماعرفوش علاش دارت هاكا..
حتى نطقات من بين دموعها: هئ هئ علاش درتي فينا هادشي ... علاش اذيتينا و اذيتي راسك ب درجة الاولى.. من صغرنا و حنا بجوج .. كنا كثر من الخواتات.. علاش خنتيني و خنتي ثقتي و غدرتيني و طعنتيني ف ظهري ... اليد اللي كانت كاتمد ليا المساعدة و تمسح ليا دموعي .. الحضن اللي كان كايضمني ليه وقت حزني .. هو اللي ذوقني المرار.. صاحبتي اللي كنت حاسباها كثر من نفسي.. دارت فينا هاد الحالة.. شوفي كي وليتي ..فينها أسماء الطموحة.. اسماء اللي كان همها هو تلبس و تخرج و تدور.. علاش ظلمتي راسك و ظلمتينا معاك ... 
قرب عندها اياد و تحنا بغا ينوضها 
همس: لا هئ هئ خليني .. خليني نصفي قلبي من جهتها ... دقة القريب صعيبة بزاف ..و اسماء كانت كثر من نفسي.. واخا غاع هادشي .. عمرني قدرت نحقد عليها و لا نكرها حينت كلشي كان مكتوب و مخطط و القدر لعب لعبته و فرق طرقانا و مللي رجعنا تلاقينا كانو الأدوار تبدلو و هي خدات بلاصتي.. هي ماذنبها والو ... كلشي بسبابو هو هئ هئ... كلشي هو سبباااااابو... 
ناضت كاتبكي و مشات ل جهتو.. بدأت كاضرب ف صدرو بكل قوتها و كاتغوت و تبكي و كلامها نصو مامفهومش 
همس: هئ هئ الله ياخد فيك الحق.. نتا اللي لعبتي بينا ... بديتي بيا انا و كملتيها ب أسماء.. نتا اللي تزوجتيها و كاتجي عندي انا كل ليلة و كاتخونها معايا هئ هئ نتا اللي مامزياااانش... نتا السبب نتا هئ هئ 
شد ليها يديها معصب و أنفاسه سخووونة كاتوصلها ل وجهها.. جرها بجهد مخرجها من البيت .. و خرجو ل جردة .. عاد طلق منها .... 
بعدات عليه معصبة و باقي كاتبكي... جهدها تقادا و مابقاتش قادة.. جلسات على ركابيها و ضامة وجهها بين يديها... 
نزل عندها و جلس قبالتها 
اباء: همس ... همس ... 
همس:ماااااتقولش سميتي على فمك ... همس ماااااتت نتا قتلتيها... قتلتي براءتها نهار خديتي شرفها .. قتلتي أحلامها نهار غدرتيها و طلبتي تزوجها ب تخبية ... طعنتيها ف ظهرها نهار تزوجتي و كذبتي عليها ... عقلتي مللي كنتي كاتجي عندي و كاتشوف ف عينيا و تقولي كاااانبغيك و من بعد تمشي لعند مراتك... كيفاش كنتي كاتحس.. كيفاش كنتي كاتحط راسك على المخدة و تنعس مرتاح و نتا مخلوضها... عمرني قدرت نفهمك و عمرني غانقدر ... ضيعتي ليا حياتي و خرجتي عليا .. و باقي عندك الوجه و جاي مزوج بيا ب تخبية... اااه حينت شمااااتة و فعايل شماتة هما هادو.. ديما كايلعبوها ورا ظهر ماشي كايجيو يواجهو... 
اباء دوا بجهد حتى قفزها: لححححححد سااااعة بااااقي صابر ليك و سااااكت.. تزيدي كلمة خرا غادي نتفاااااهم معاك 
همس: هاااني قدامك ضربني.. قتلني و هنيني من همك و من مشاكلك.. عيييت منك و من كلشي.. بسبابك انا وليت هاكا و بسبابك أسماء مرمية الفوق ... و علم الله بسبابك اشنو وقع آخر.... 
اباء كايحاول يضبط اعصابو: غووووتي.. غضبيييي تقلقييي ضربيييني... ولكن عمرني ماغادي نخللليك سمعتي ... انا ماشي خااااائن ... انا ماشي خااااااايب تال هاد الدرجة .. كيفاش الإنسان غادي يخون نفسه .. كيفاش غايقدر يآذي روحه ... كيفاش يقدر يبيع ارضو و موطنو و اصلو.... اللي هما نتي و بنتي ... كيفاش قادرة تخلي فمك يقول عليا هادشي.. علاش قلبك قساح من جيهتي.. قلبك اللي خلاني نرجع للطريق و خرجني من الأوهام فين كنت عايش.. كيفاش بغيتيني نخليك و نتفارق معاك .. و انا عاد قدرت نرجع نعيش من جديد .. بغيتي تقتليني... بغيتيني نرجع بلا قلب ...كيفاش عطاك خاطرك تقولي عليا هادشي ا همس ... و نتي أكثر وحدة كاتعرفني.. و نتي الوحيدة اللي بقات ليا فهاد دنيا... عائلتي و حياتي كاملة.... 
قاطعاتو كاتبكي: ااااه نتا أكثر واحد آذاني و باقي كايآذيني... و مستحيل تكون عشتي ولو الربع من اللي عيشتيتي فيه ... 
شاف فيها بنظرة وراها معاني كثير... ضعف .. عتاب .. حزن عميق.. و لا يمكن خوف .. خوف كبير .. ذكريات حاول فهاد اربع سنين يتعايش بلا بيهم.. و ينساهم ولكن مايقدرش و هاهو دابا خسو يتشاركهم معاها ... و ترجع ذكراهم تحيا و تحرقه من جديد كأنهم وقعو غي البارح ... 
اباء بصوت مكسور :...... 
❣ إذا نسيت عهود القلب . . تذكّر أنك من أساء
جــــاء إليّ معتـــذراً . . . ولكن بعد هذا جــاء
عشقت هواك فاعلمِ . . كفاك هجراً ياظالمي
تباريح ثغرك في دمي . .
عاشقٌ قد خان الهوى . . وحبيب وعد وغدر
إلى أين ياقلب أجب . . إلى متى سنبقى ننتظر
حالنا حـال الغــريـب . . . .حقائب همّ و وهم سفر
نخفي نار الشوق فينا . . ونبكي ذكريـــات صـــور 
جمييعنا في البداية رائع. . و في الختااام الكل انكسر..❣ 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.