صورة مصغرة لـقصة تزوجتها أم لإبنتي

قصة تزوجتها أم لإبنتي

qisat 9isat zawjatoho bent tzewej
رواية تزوجتها أم لإبنتي

خرجات من بيتها شعرها طالع لسماء غدااا وكتحك فمأخرت راصها..
غدااا لحماام وكتهدر
سهام:خولة وااااخولااااااااا
خولة:يعطيييك لقوااااااا اوجه نحس صبحنا علا مولنا مصبحنا علا كمارت
سهاام:قلي قلي ليا لبيض🙄
خولة:وعنطب....منين غنجيب لموك انا لبيض ولا زمر
سهام:اطط انا جيا نوريك منين تجيبيه.... 
دخلات لحمام شافت وجهها فلمراياا بان ليهاا لكحل خارج من جنااب وعكر ديااع
سهااام:لله علا حالة كيديرا مالي انا علا حالتي اصلا اش داني نمشي لشي حفلة ولا تبي🙄
غسلات وجهها بصابون وحكات سنيناتها قدات خاجتهااا مشطات شعرها وخرجات عند ختها....
سهام:قلي ليا بيضات اوجه لفت....
خولة:اختي فوتني عليك يرحم جد بيضات لي حطوك ولا زمر 
سهام:مالك صابحا تزمري علا صباح 
خولة هزات موس وضارت عندها كتحمري بيها وجهك كتحمر بيها وجهك اوجه تقنبيل واش لمووك لبارح جياني تال تلاتت صبااح وكتسولي علاش صابحا نزمر🙄
سهاام:وعادي اصحبتي
خولة:راه خالد لباح شبعني غير هدرااا بساب موك نتي راك غدي تجيبيها فكرك وغدي تخرجي ليا علا زواجي القحبة.....
سهاام:لااهيلاااااا يحييح تااقحبة شوفيي اييه انااا راه صرفاات وجنتي مييي مني كيقجر عليا لباشاار كنولي خااااااسرااا إيميييشوون
خولة:فغيييموون اترتي فياا ودابا ياغدي تجمعييي رااصك ياغدي نضبر ليك فشي عريس يديك
سهام: لله عرييس
جلسات فوق كرسي وعنقات موص خولة حطات يديها علا حنكها 
سهام:لله يكون عندووو لحيااا لله يكون كيطرني وعندي لي زابدو 
خولة:لله لله سهاام في عاار لله....اختي خاصني نديك نزورك نوضي نوضي جيبي شي شميعات نديك لشي سيد
سهاام:نوضي تقودي بقالبا غير سيد وصالحني هوما لي منشيتش ليهم🙄
خولة:نقصي من صوتك غدي نوض لبرهوش يتبخلي مخي 
سهام:اف بغتي يتبخ مخاخنااا يه داك دري عند بحال جن..

خولة:لهلاااا يحييييك تشوفي له فعنييه دوخيييي حسن منك بالف درااجة
سهام::اوى لله يمسخك اوا لله يمسخك منين جاه زين بدووك لعويناات زرقين ليكيدوخوني بداك شعر لمسبسب بداك لوجه لبيض راه غير خضرة فوق طعام...
خولة:لا جوبتك راني بحالك...
يلاه غدي تجوبها سيهام وهيا تحس بيد شاذاها من دراعهاا شرت لقاتو اوس ولد خولة
سهام:صباحوو قريد
اوس:قرد هيا موك
سهام:تشاااا اش سير تقول🙄
اوس:(كيعبر بيديه)مخليتونييش نعس صوتك وسل ليا تال لداخل....
سهام:واني برهوش هذا كلس تحنجر بغيت ليك دقة
خولة:تصييبك دقة الغووووولة
سهام:شتي نتي خاصك تزوري مفيهاش
اوس:خالتي
سهام ضارت عندو بصدمك طريقك لي قال بيها خالتي فشكل
سهام:اش
اوس:ستي نتي واحد لحماارة
سهام:حمارك هيا موك
خولة:اييه جمعي كرك
اوس:شناهيا كرك اماما؟
سهام:هوا طب......
خولك سداا لها فمها
خولة:داا خالتك كنقول له ديك لكلمة فاش كاعصبني
اوس:تانا راه كتعصبتي خاصني قولها ليها
خولة كحلات بلعمة حيت لكلمة لي تقالت كيقولها لبااباه...
سهام كضحك عديها
سهام:قوادت 😂😂😂😂
خولة ياله بغات تماركي عليها وهيا تشوف فاوس لقاتو كيشوف فيها وهيا تسكت وخنزرات فسيهام لي ناضت كتبقشش فتلاجة....
بلسان لبطلة:
دخلناكم دخلا قاصحا انا سهام انثى هه عندي 23 سنة كنسكن معا ختي هيا ليي بقات ليا حيت وليديا ماتو بكسيدة لله يرحمهم ختي مزوجاا بولد عمي ههه كتاتب ليه وكيتشابهو هيا وياه فلعنين لي ورتهم من بابا وعمي عندها جوح وليدات اوس فعمرو 6 سنين وجيهان فعمرها 12 سنة عزاز عليا حيت ولاد ختي ولكين مكنتحملش داري صغااار وغوتهم اففف كنولي غيير نليقي فريوصة معلينا انا مكنشبهش لختي بزااف قراب غير لعنين وفرما عندي علا قد احال وصافي قاديا لغاراد😂....

هزيت لكرطونا دلحليب كتبانلي لمشعكة ديال جيهان جيا كتحك فعنيها
خولة:مالك احبيبة فيقااا داباا
جيهان: سمعت صوت هدرة ديال سهام🙄
سهام عوجات فيعم هزات كاس ومشات لصلون تقبلت مع تلفازا وبذات كتفرج فروسوم...
وكتشرب فلحليب
سهام:هل تعرفون منهوا همتاااروو جرد صغيير خلو همتاااروو.....
سهاام:جيييهاااااااان وااااجييهاااااان جيبي ليا اخالتييي داك لمسقوف....
سهام بقات كتسناا والو مجاتش عندها ...
سهااام:جيييييييييهاااااااااااااااااااان
خرحات خولة من لكوزينا هازا جنوي وحيا قاصداها
خولة:برب لعاااااااالييييي وتزييدييي كلمة تنخصر ليك لملامح ديال وجهك
سهام حطات يديها علا فمها بعنااا لدويت لله يعطينيي لقوى ....
خولة:هاودني منك🙄
رجعات خولة لكوزينا توجد لفطور...
تمات جيهان جيا عند سيهااام...
سهام خنزرات فيها.....
****نخلو سهام نمشيييو عند واحد جوج ياله خارجين من شريكة.....
وحد عنيع كرسطاليييين ولحيا عندو عامرا شويااا جسم رياضييي بخصوص لكوسطار غيطرطق عليه.....
يمكن عرفتووه هدا خالد راجل خولة.....
غدي فجنب دياالو شااب تهوا وسيييم ملمحوو سودااء بشرة حنطية عيون عسلية جسم رساضي نفس شيء.....
وقفو قدام لوذو ديال خالد....
خالد:طلع نمشيو نتغداوو
يوسف:نو صافي غدي نمشي لدار راك عارف نور كينا غير بوحدها....
خالد:ياك كنا معاها ديك لبنت لي كتقابلها وزيد راك خارج بكري ليوم
يوسف:معرفتش علاش مكنتييقش فيها 
خالد:اشغنقول ليك صافي سير ولله يخليها ليك
يوسف:امين ياله تلاح 
خالد:هانحا غدين ههه...
ركب فلوطو وزاد ويوسف دوز يديه علا لحيتو وركب فلوطو ديالو وكسيرا ...
تجاه لببرطومن داليو بعد وقت قليل وصل بلاصة لوطو ومشاا تيجاه لباب طالع متشوق يشوف بنتو توحشها...

نخليو يوسف طالع لبارطومن ونمشييو لبلاصة قريبة ليه....
فمووبل فخم كيسكن فيه غير شكون وشكون....
وبضبط فابرطمون ..
بنت عمرها نفيتش4 سنوات جالسة فوق لفوطوي ...
وقفا علبها بنت بااالغة واقفااا وشادا علبها سمطة
_شحااال من مرااا كنقوليييك منييي نكوون ناعساااا متقرقبيييييش ومتنفنفيييش 
لبنت صغيرة كتحزك راصهاا باه خوفنا بزااف ودموعهاا كيطيحو من عنبها لكرسطاليا وحنكاتها ورديين ونفها نفس شيء
_مسمعتكش؟
لبنت مقداتش تهدر 
لبنت ياله بغات تجمعها معاعا بتسرفيقااا كيفما كديير ديمااا....
حتى كتحس بيد تغرسات ليها فكتفها ومورك علا جهدهااا حسات بكتفها غدي يتنصل......
ضارت لقاتو يوسف كيشوف فيها عنيه حمريين حجبانو معقودين بنت صغيرة(امال).....
عنقاتو من رجلو كتبكي 
امال:بابي عافاك قلها تمسي فحالها .....
يوسف تخكم فراصو قدام بنتو مبغاش يعلمها لعنف اما راه يهرس ليها راصها قدامها
يوسف:براااااااا نعود نشوفك غير ترحمي علا روووحك......
لبنت خرجات كتجري وتعتر فجلايلهااا...
خافت يرجع فقرارو ويسدق مصفيها ليهااا...
يوسف تلون شويا هبط عند نور وشد ليها فيديها حلس فوق لموطوي وجابها قدامو وهيا كتبكي....
يوسف:دارت لبك شيحاجاا
نور:كنت تدربني 
يوسف تنهد :علاش كنت غدي دربك
نور:حيت هيا نعسات وانا مسيت لكوزينا نكل شي حاجا حيت ضرني جووع من صباح مكليت(يوسف طلع حاجبو)
يوسف:علاش معطاتكش تاكلي؟
نور:ناء(لا)هيا ديما مكتعطيني نتعدا تا كتقلب(كتقرب) تجي
يوسف:علاش مقلتيش ليا هدشي ابابا؟
نور:حفتها دلبني(خفتها دربني)
يوسف عنقها لييه قلبووو كيوجعو بزااف كيحس براصو مقصر من جييهت بنتوو....
يوسف كيسمع تيلي ديالو كيصوني...
جبدو بنت ليه نيمي ديال خالد...
يوسف بغا يقطع عليه مي تنهد وجوبو....
يوسف":وي
خالد:تغذيتي ولا باقي..

يوسف:حشمت نجوبك قدام لبنت منين غنجيب لغدا تهد خيتي لي كنت جريت عليها...
خالد:واايليي هيا اجي تغدا معاناا راه عردت عليك صياح وقلتي غدي تغدا معا نور وغديش نتسنا من عندك شي معاردة جيب نور...
قطع عليه....
يوسف:هه راصو قاصح
نور:سكون ابابي
يوسف :عمو خالييد
نور:بصح 
يوسف:اه غنمشو عندهم
نور:افف بابي بغيت نمشي ومبغيتش
يوسف:ممكن نعرف علاش؟
نور:دابا انا بغيت نسوف عمي حاليد وجيهان اوحالتي حولة وجيهان
يوسف:شكون سهام؟
نور:حالتي سهام شفتها ديك لمرا فاش حليتيني عند خ
حالتي حولة تاهيا ضليفة...
يوسف:ههههه معرفتهاش ولكين وعلاش مبغتيش تمشي؟
نور:ابابي هداك دري لي عند عمي حاليد كيحكر عليا
يوسف:لا ميحكرش علا بنتي...
عنذ سهام:
جالسة كتنضغ فلمسكة بنفس بيجمتها وخولة كتحط فلغدا وسهام غدا جياا حدااهاااا ...
وقفات علا لحيط ودارت لوقفاا ديال شماكريااااا دازت من حداها خولة
سهام:فين ازين منشوفوكش
جولة:تشوفك لفعة الفعة...
سهام عاقت بخالييذ غدي يخرج من لخمام وهيا تجمع راصها ردارت راصها كتخط لغدا معا خولة...
بلسان سهام:
راجل ختي ههه مسكين ماشا علا عينو ضباب كنعطيه لبرااء وكداا باش ميشكش فيا كنضل نتسركل ههههه كيساحبليه شي دريوييشااا لله يسمخ ليا منو...
لكاتبة:
سمعات سهام دقان تمات غدا عند لباب تلقات معا خاليد...
سهام:نسيبيي غير دخل انا غدي نحل...
خالد دار ليها بيديه دروزي ...
ودخل وهيا حلات لباب وحلات عوناتهااا
سهام:مهادا الدي تراه اذناي😯
يوسف كيشوف فيها ونور تاهيا كتشوف فيها
سهام جمعات راصها وبدات كتولك فلمسكة سهام:من انت🤔...

يوسف بقا كيشوف لعندها وهيا كتشوف غيها كتلوك فلمسكة تكتحس بشي حد شدها فرجليها هبطات راصها شافت نور....
سهام بقات كتحقق فيها فيتازشيفاها رلكين والو معقلاتش....
نور:حالتي سهااام... 
سهام معقلاتش عليها وفنفس لوقت مبغاتش تخلق موقف خيب هبطات لعندها...
ويوسف كيشوف فيهم...
سهام:شكون نتي....
نور:انا نور بنت بابي ....
شيرات ليوسف
سهام محبساتش ضحكتهااا ...
سهام:هدا كااامل باابي🤔😂😂😂
يوسف طلع حاجبو اش هذشي واش حابساهم فلباب وزيداها بضحك...
نور:علاش...
سهام ياله غدي تجوبها بشي كارتة مي لحمد لله خولة نقدات لموقف...
خولة:سهاام لاش حبسا نااس فلبااب سي يوسف دخل دخل مرحبا بيك...
سهام وقفات كتشوف لخولة
نور شافت خولة وهيا تجري عندها عنقتها
نور:حالتي حولة توحشتك...
سهام عضاات علا شفايفها خيفا تخرج.شي ضحكة ماشي تلهيه...
يوسف بتاسم لخولة.وشد نور من يديها ودخلو وتباعتهم.خولة كترحب بيهم وسهام شدا فلبواني دلباب وبدات كضحك...
سهام:اوووه ماي سيدي ربي😂😂ويني دريا عندو فشكال قتليك بابي ههههههه لا لا وعراا حالتي حولة راه حولااا نيييت😂😂.....
جمعات شفايفها ودارت يديها فجيوب لبيجامة وتمات داخلة...
مشات نيشان لكوزينا لقات خالد معنق خولة من ضهرها وقريب ليها....
سهااام دات يديها فنيفهااا وهرجات كتسلت مشات لبيت ديالها وتمات كتمرغ بضحك هدي هيا عادتها....
سهام دارت يديها تحت راصهااا..
سهام:اوا لله يجيب لينا لي ينغزنا بحالها..

عند يوسف:
جالس فصالون وحداه نور واوس مقابل معاها كيخنزرو فبعضهم وجهان جالسة حدا يوسف من جيها لخرة هدشس وصاهم سي خاليذ باش مينوضوش 
عند خولة:
خالد كان قرييب ليها بزااف معنقها من ضهرها وناسي راصو فين ولا شكون كين....
خولة تاهيا من صحبات لحسنات مغمضة عنيها ومشا معاه فسيستيم...
خالد:توحشتك....
خولة:عافاك ماشي دابا حشومة راجل جالس ونتا مخشي معايا فلكوزينا
خالد:يااااك
خولة:واعافا حبيبي لما سييير خالني نوجد راني فقذت تركيز ديالي
خالد:فليطوكس انا....
جمع ليها شفايفها باسهاا وخرج خلها كضحك..
سهام:
بقات كتقلب علا سرسر لفراش كمل خصراتو
سهام:ياالييلييي ويااليييلاااااا واش بشنشكيلك ياااامااااا هههههههه...
ناري معرفت مالي بحلا وكلا لمعجون ..
شويا وهيا تفكر يوسف 
سهام:لله اقلبي تزعزع كياني ياإلاهي.... نوض ناكل ونخرج نجيب ضورة معا راصي...
ناضت بنفس لبيجامة ومشات خرجات لقات خول حطات لغدا جلسو كملين علا طبلة وسهام مشافت فتاشي حد نيشان بذات كتاكل وهوما كدالك......
كلو لغدااا داري صغار بقاو كلعبو قدامهم خولة ناضت هيا وسهام كيجمعو طبلة....
ويوسف كيهدر هوا وخالييد وسهام بصدفة سمعات هدرتهم وقفات كتصنت.....
خالد:علاش جريتي علا لمربية
يوسف:لقيتها غدي دربها اخاليد متخيلش احساسي فهداك لوقت حسيت براصي مقصر من جيهت بنتي
خالد:لا ماشي نتا لي نقصر لكلبة ديال مها لي مقصرة اما نتا دير جهدك
يوسف:متبقاش تجبدها عليا كنولي كرلي كنغلي علا دلمها
خالد:وانا شحال عدي قلت ليك لحل خاصك تزوج ايوسف منها نتى ترتاح منرجيهت بنتك ومنها تكون عندك مراتك
يوسف:مبقيتش كنتيق اخالد غير مهااا اش دارت فيها خلاتها فاش دزادت ولمربيات لي كتخلصو علا خدمتهم عينهم غخويج تخرين ماشي يحضو ليا لبنت عاد غدي تصوق ليها مرت باها...

خالد:جرب مالك اش خاصر
يوسف:غدي نخسر بزاااااف اخاليييد متقدرش نعود نحط بنتي بين نار ...
سهام شدات علا قلبها
سهام:مسييكييين ....
دخلات لكوزينا ودارت يذيها علا حنكها وبدات دويا غير بوحدها
سهام:لله شحال بقات فيا بنتو وبقا فيا تاهوا راه قالوها كل زين مخطاتو لولة.....
مكرهتش نتكفل بيه هوا وبنتو ....
ناضت هد سهام كتعطيها غير دوران مكتشدش قنت واحد خرجات وهوا يبان ليها اوس شاد نور من شعرها وهيا كتبكي وحبسا غوتتهاا...
سهام خرجات عينيهاا ومشات بعدتها عليه وطلعتها معاه بقرصك من فخضو
سهام:قطع حسك تدوي ندلي موكمن يطح راك مجربها وبلاما نعود ليك دخل تكمش داسر لااخر...
اوس بغا يذخل لبيت وحابس دموعو غيير بزز مبغيهم يخرجو مرجل(،😂)
وهوا يدلعها معا سهان بركلة لضهر حيت كنت حلسات قفزي كتمسح لنور دموعهاا
سهام غوتت
سهام:عقل اولد لحولة لا بقات فيييك راني ماشي سيييهااااام....
دخل ارس كيجري وسهام ضاوت عند نور كنت كتبكي ....
سهام:وعتك احبيبة..
نور حركات راصها ودموعها كيهبطو سهام ضرها خاطرها وبخصوص فاش سمعات لهدرى ديال خالد ويوسف....
سهام قربتها ليها وخصنتها عندها ونور شادا فيها سهام ماشي من عويدها تعمل معا دراري صغار بهد طريقة حيت معندهاش معاها مي نور بقات فيها بزااف نقولو شفقات عليها.....
بقات معنقاها مرداتش لبال لخالد ويوسف وخواة مني سمعو غواتها يسحالهم غير تكركبات من دروج ولا شيحاجة ....
خولة صدمة خومااسية لا انبو سيبل تكون هدي سهااااام لا واش فغيمون هدي سهام لي تضل نهار وما طال وهيا كتضارب معا ولادها وتصنكع فيهم.......
خالد جاتو عادي حيت مالفة كتعامل قداامو بحال هاااك هههه مغشوش مسكين.....
يوسف تكا علا احيط وكيشوف لعند هم بزووج نور كيفااش معنقاها وحتى سهام كيفاش كرزا علييها...

سهام بعدت علا نور ومسحات ليها دميعاتها وبتاسمت ليها
سهام:هد لعونات مخصهمش يبكيو واخا...
نور حركات ليها راثها سهام ضارت وهيا توقف بغات تمشا وهيا تشد ليها نور فيديها ...
سهام نزلات فيها عنيها....
ونور ضحكاات ليهاا...
تمشات جيهتهم ونور طلقات منها ومدات يديها يوسف هزها عندو...
يوسف:شكون بكا بنتي همم؟
نور:ولد عمو حاليد.....
سهااام شدتها ضحكة تاني وهيا طلع خاجبها فنور
سهام:تيه متنقصيش من سميت نسيبي رااه سمييتوو خااااااااليييييييد 
نور:حاااااااليييييد
سهاااام:خااااليييد وخولة
نور:حاااالييييد وحولة
بتيسام حدات راصها وداخلات خلاتهم واقفين ..
خالد مطارق كيضربو فمخو من جوج جويه ...
خالد:خالب نور دخل عند جيهان بغيت نهدر معاااك...
يوسف خطها وخربق ليها شعرها خالد ويوف تمشاو لمكتل كان بعيييد علا لغرف كامليين.....
دخلو وخالد سد لباب...
جلسو يوسف شاف فيه بمعنا شنو
خالد:دابا غدي نهدر معاك من تالي ميمكنش ليك تبقا عيش حياتك هاك ابوسف يكفي شنو عشتي فصغرك وحتى فكبرك منبغيكش تعاني وانا بخال خوك اكبير وبغيت غيير مصلاحتك ومصلاحتك مغتكونش بوحدك خاص لي تقابلك نتا وبنت حيت بنت باقا صغيرااا وخاثها تربا فوسط مزيناا ماشي كل مراا معا مربيااا مل مرا تعامل خيب من وحدا فيهم ونتى كتجي معطل كتوصل كتجلس معاها غير شويا وانا كرلشي عارفو مكتخابهاش تكتشبع منك داكشي علاش خاصك تزوج 
يوسف: منقدرش نغامر اخلد اخر حاجا نفكر فبها زواج
خالد:متفكرش لرااصك فكر لبنتك 
يوسف:رانب كنفكر لبنتي ميمكنش نحطها بين يدين وانا متيقش فيهم.
خالد:كتيق فياااا
يووسف:اش هد سأل بيان سييغ كنتيق فيك.
خاالد:وحتى انا كنتيق فسهام 
يوسف:اش دخل سهام لهدرى..
خالد:كيف قلتي بغتي تحط بنت بيت يدين كتيق فيهم ونتا كتيق فيا وانا كنتيق فسهام ..

يوسف:مفهمتكش اخالد ميمكنش نعود نغامر
خالد:لا كنت عدي بلاصة عندك دير بهدرتي موغتندمش..
يوسف:كيفاش قلتي هد لهدرا ولا كنت لبنت نقابلاش 
خالد:علاش مغديش تقبل 
يوسف:عندي بنت اخالد مبغيتش نضيعها معايا
خالد:سهام معندها مشكل يوسف بارااك من لمبررااات صافي دويت معااك وقتليك اش كين
يوسف:مغنردهاااش فوجهك ولكييين متعول علا تاحاجا بيني وبينهاااا غدي تكون كأي مربية 
خالد:شغلك هداك مهم تكون بنت معا وحدا لي تهلا فيهاااا....
يوسف:قبل ميكون شي حاجا خاااصك تقول ليها هد لهدرااا بلي متسنا من عندي اناا والوو منغر اني غدي نوفر لبها كولشي باش تعمل معا بنتي مزياان
هوما كيهدرووو وسهاام سمعااات هدرتهم كملااا من لاول شدها لفضول فاش شافت خالد ويوسف مشاااو بغات تعرف علاش باغي يهد معااه....
بحلا صرفقتيهااا تكبت عليها هدرت خالد بحال لمااا بارد......
شدات فلحيط بدوخا لي شداتها هد دوخا ولات كتجيها ماخرااا بزااف وكتعتابر لامر عاادي مكتمشيش لطبيب....
بقات غديا وشادا فلحيط دارت لغرف ديالهااا وشدات علا رزصها كترات عليها لهدراا وهيا بدات كتفهك هدرت خالد وخا يوسف قليه راه غدي ياخد بحال مربية لبنتو مي خالد معرضش باغيها تزوج بيه يعني مكتهموش ومكيهموش احساسها وكمل انه كيقرر فبلاصتها وااش لهد درجة تقلات عليه ....
جلسات علا سرير وافكاار تديها وتجيبهاااا كرزاات علا ذلميط بشدة لعصاااب حسات بسخونيا هبدا ليها من نيفهاا....
وعنيها كيدمعووو ححطات يديها علا نيفها وشافت لقاتو دم ياله غدي تنوض لحمام بداات كتكح دم تاني ودوخا شادهااا تجمع علبها كرلشي وجهها تخلط وبيجامتها عمرات دم....
ناضت خرجات غاديا لحمام ....
تلقات معا يوسف وخالد جين من لمكتب تصدمو فحالتها...
خالد شدها من دراعها بغا يشرف مالها نطرات منو ودخلات احمام ..

يوسف طلع حاجبو فخاليد 
يوسف:مالها؟
خالد:مديرش فبالك راه غير معا لحال سخون شويا...
يوسف هز يديه بعدم هتيمام....
يوسف:مهيم انا غدي نمشي منبعد ونهزرو فهد لحريرة لي درتيني فيها..
خالد داله بيديه تفضل يوسف هدا نور كنت فلبيت معا جيهان واوس وخولة مقبلاهم لا يديرو شي كارتة...
خدا نور وخرج....
_سهام خرجات من احمام مسحات وجهها وعنيها خرين...
مشات غرفتها نيشاام مشفت فتاشي حد رغم انها دازت منحداهم مجموعين فصالون...
دخلات وسدات علبها عنقات مخدتها بدات كتبكي كتقول غخاطرها كوكانو عندي ولديااا كعاا يجي نسيبيولوحني لعدمن جاا.....
___خالد جالس هوا وخولة ....
خالد:داري دخلو لبيتكم بغيت نهدر معا ماماكم...
حركاات جهان راصها مي اوس مبغاش بقا لاصق وقاف عليهم وجهان مشات
خولة:سيري اماما لبيت 
اوس:الا خليني ....
خولة شداتو قداامها 
خولة:صافي غير ذوي راه باقي صغير...
خالد:خولة ختك شحال من عاام وهيا معانااا يااك ومخااصااها تاحااجااا ....
خولة:اه علاش؟
خالد:انا وليت باغي ناخد راحتي معا مراتي مبغيتش نكلس معاك ونخافها تشوفنا ونطيحو فموقف محرج وحتى هيا راه كبرات 
خولة:خالد بلا هد لهدراا كملا جيني من تالي؟
خالد:سهام خاصها تزوج راه تباركلله 23 عام....
خولة:وبيمن كاع لي جار خذبوها كترجعهم
خالد:منضنش هد امرا غدي ترجعو
خولة:مي شكوو؟
خالد:يوسف
خولة:شكون يوسف؟
خالد:خولة بلاما دري راصك معارقاش يرسف اب نور 
خولة:من نيتك اخالييد وباش عرفتي سهان غدي تقبل وانا منقدرش نعطي ختي لشي حد هيا رافضاها ولا كنت تقلات علييك متزبش علبها هد زربة دزوجها بلا موافاقتها لبغتها تخرج عطاا لله اش ندير لختي نكري ليها ومنفرضش عليها شي حاجا وراه هيا لي بقات ليا من ولدياا
خالد:اه ولكين باش عرفتها ترفض..

خولة:شوف اخاليد نهار جيتي خطبتينيي قلت ليك شوروطي بليي ختي غتسكن معاياا حتى تلقا لي يساتهلها
خالد:ومال يوسف ميستاهلهاش؟
خولة:بلعكس يوف علا راص ولعين منلقاش حسن منو مي ختي منقدرس نفرص عليها
خالد:اخولة نتي مغديش تفرضي علييها غدي غير تهدري معاها بغات هوا هدااك مبغاتش هاهيا معانا....خولة عضات علا شفايفها
خولة:اوووك ولكين لارفضات متعولش عليا نقنعها
خالد بتاسم ليها قرب ليها وهوا يشوف لوس هز فيهم عنيه وطالق وديناتو
خالد:بابا نتا باقي هنا
اوس:هاني عادي
هبط اوس من يد خولة ومشا كيجري
وخالد قرب لخولة
خولة:خالد غتشوفنا سهام
خالد:هدشي لي مكنحملش اخولة
ناض بزعاف خرج برا
خولة ناضت لبيتها تجبذ عليه وقت نعاس دابا
اوس مشاا دخل عند سهاام
لقاها فيقا وكتشوف فسقف وخا سمعات صوت لباب مضواتش وجهها
مشا حداها وحط يديه هلا كتفها شافت فيه وبتاسمت هوا طلع حداها عنقها وبقات كتلعب ليه بشعرو حتى غفاو بزوج
*دار نهااار وصال ليل*
وسهام ياله فيقك ملقاتش اوس حداها
ناضت بذلات هلبها ديك لبيجمة لبسات سروال ديال دار كرورات وتيشورت بيض
جمعت شعرها عاا شكل كعكة 
ومشات لحمام غسلات وججهاا وخرجااات لصلون فين كينا تلفازة شعلاتها وبدات كتفرج ...
خولا خرجات من غرفتهااا ومضات عندها عرفتها متفرج جلست حداها
خولة:سهام بغيت نهدر معاك
سهام حركات لبا راصها بمعنا هدري وبقات متشوف فتيلفازة مشافتش جيهتها
خولة طفات ليها تلفازة وسهام دات عندها
خولة:غتسمعني نال لاخر
سهام شافت فيها ومالمحها مبهومين
خولة:نتي عرفتك مبغاش تزوجي وانا بغيت غيير نقول ليك بلي تخد مجاري عليك ولا باغي يتهنا منك ولا قبلتي مزيان مقبلتييش مزيان 
سهام:شنو لي نقبل وسنو لي متقبلش؟
خولة:يوسف طلب يدك من عند خالد
سهام بضحكت ستهزاء:بغتب تقرلي بلي راجلك لي طلب يدو ...

خولة:كيفاش؟
سهام:اودي اش غنقوليك مبقا ميتقال لهدرا وقفات وحبسات لبارح
خولة مفهما والو ولات غير كضور فعنيها 
خولة:مفهمتكش ولاكين نعطيك وقت تفكري
سهام:مكين لاش وقلي لراحل بلي راني موافقة ولهوما زواجكي كان بصح كي كان فلوراق ولا هد دلونتقل علا نسيبي.....
خولة حشمات منها معرفتش كيفاش هد لهدرا وكيفاش قلت موافقة....
سهام خلات خولة جالسة غير كتشوف فيها معجبة....
دخلات وسدات عليها لبييت دمرع فعينيها ....
شدات علا قلبها
سهام:يااربي اش هدشي شحال من عام ودابا عاد عرفت راصي بلي غير لاسقة فختي وراجلها للهوما زواج وخا يكون غير نربي ليه بنتو مهيم كنتسما براجلي كيصرف عليا بحلا كيخلصني حيت مقابلا ليه بنتو...
مسحات دموعهااا ومشات لبلاكار جبدات صورة ديال وليديها فصورة كيناين وليديها ويها وخولة شدات طوف وشافت فيها ونهارت بلبكاااء .....
سهام:شتو كون كنتو دابا معايا كعما نسمع هد لهدااا لي ختارقتني كليااا ولو يقلو بلي انا قلقت راحتهم...
ولبكن بصح قلقت راحتهم انا بنت 14 سنة ساكنا معاهم وكتر ودار شحال من خاجا علا ردي صرفو عليا تكنلت قرايتي وبصح تهوماااا خاثهم ياخدو راختهم فداارهم انا معرفتش حياتي فين غادااا وفين غدي نوصلني مزال ولكين فيه خير....
بتاسمات فعز دموعهااا باست طوف وخطاتها تحت خديتها وتكات كتسنااا نعاس يجيهاا مكرهاتش تبقا غير ناعاااسة وميوصلش لغد وتشوف مصيرها فين غدي يوصلها....

✨اصبحنا واصبح لملك لله ✨
فشريكة
خالد جالس فلمكتب ديال يوسف جلس كيشوف لعندو ويسف نفس شيء
يوسف:خالد باقي مبغيش تراجع راه غدي نضلم معايا لبنت
خالد:مغدي ضلمها والو لبنت وافقات 
يوسف:وافقات!!!!؟
خالد:اه
يوسف:واش قلت ليها بلي غدي نتزوجها غبر علا ود بنتي؟!
خالد حك علا لحيتو 
خالد:وي قلتها ليها وهيا موافقة
يوسف تعجب مضنش سهام غدي توافق
يوسف:مفهمتكش انا اش باغي دير
خالد:مالك اش خاصر صافي لبمت وافقات ومغيش تلقا حسن مهنا دونك توكل علا لله
يوسف:انا لي عندي قلتو ليك موافق علا زواج بيها مي شرط راك عرفو ولا بغات من ليوم بسملله....
خالد بتاسم ليه وناض عنقو
خالد:مبروح عليك.. .خرج وخلاه 
يوسف معلا بالو لا بسهام لا بشي زوااج فبالو هدشي غير لعب ومدام سهام فبالها بلي هوا ماغيكون راحاه دبصح دونك هيا لي باغا هدشي
#عند سهام.....
سهام فقتش بكري فيقتها غير خولا كتلعب ليها بشعرها بدات كتفيق شافت فيها وبتاسمات لبها فوق اخاطر وخولة نفس شيء....
سهام جلسات وهيا تعنقها خولة بلا كلمة بلا زوج تبدااو اعناق وتحسيسهم بزووج مبعترة......
وحدة كتفكر باغا ختها تبقا معاها ومسخياش بيها وهيا امانة عندها ختى يحي راجل لي يستاهلها..
ووحدة مسخياش بختها هيا تانية ولكين كرمتها هيا لاول....
دموع فعيهم بزوج وحتى وحدا مبغات تخرجهم هوما ديمن مدابزات علا ابسط حاحا ولكين ميدوزوش بعضياتهم وخا يطرا لي طرا وحدى مبغا تخسر لاخرى.... .سهام مسحات دموعها وخولة نفس شيء وبعدات عليها
خولة:ختي كبرات وغدي تزوج
سهام:شتي هه شكون كان يقول
خولة:دغيا سختي العفيريتا
سهام وخلات ليها مقدراتش تقول ليها راحلك لي سخا بيا 
سهام:هه اش غنديرو هدي هيا دنيا
خولة:هيا غدي ديري شي عرس مطرطق ومعطوك ليه حتى يشحف هه
سهام:مبغيتش لعرس مكرهتش يدني من دابا.

خولة:
لله ياختي مالك علا هد زربة 
سهام:هه عادي 
خولة:لا ميمكنش 
سهام:خولة انا مبغيتش لعرس واش غد ينتزوج انا ولا نتي🤔
خولة:اووك ولكين خاصناا حفلة ضاروري وخا غير لخطبة ولعرس عوضيه لينا فزياداا دولدك ولا بنتك...
سهام طلعات فيها عنيها وكتق‘ل فخطرها منين غدي نجيب ليك هد ولد ولا بنتي....
سهام:واخا صافي....
خالد رجع عند يوسف بعدما سالة خدمتو ....
خالد:يرسف دابا مني بزوجكم قابلين خاصكم تلقاو وتهدرو اولاا
يوسف:هههه مالك اصحبي حطيتي عليا عد سمنا حتى زوجتيني هه 
خالد:دوي معاك خاصكم تشوفو
يوسف:يمتا 
خالد:ليوم قبل من غداااااا
يوسف:اودي اووك 
خالد:فين
يوسف:ودخول صحة هدي بغيت نمشي انا ومرتي لمستقبليا لاخر دنيا اش حرق شطاطتك اسيدي راه مهروض لواحد لحفلة وبغيت ندب معايا خطيبتي
خالد:ايييه يااك بغتها غير تربي بنتك
خالد جلس وطلع حاجبو يوسف مسح علا لحيتو مبتاسم ...
يوسف:غيرت رأي عندك شي مانع
خالد:لا ولكين اش هد تغير لي لمدة دايالو ساعتين
يوسف:هم معرفتش ولكين مبغيتش نضيع معايا لبنت غير هاكاك ونخدها مربيا ومنخليهاش تشوف حياتها مدام غدي تزوج بيا اولا وحياتها معايااا
خالد خرج فيه عنيه
خالد:وايلييي متقولش لياا خخخ ربع سنين ديال لكبت ولحرمان هه بغتي تقول مبغتيش ضيع راصك
يوسف:لا لا ماشي هاكاك تانا خاص نعطي فرصة لراصي منتوقفش عند نقطة لي وقفات فيها ديك لمسخة وهيا كملات حياتها وانا نو داكشي علاش شهر وانا كنفكر فهدشي وخا قلتي ليا ديك لهدرا لبارح كنت مشوش قلت يمكن سهام مغديش ترد لبال لنور مي تفكرت تصرفها معاها عجبني وبغت نعطي راصي فرصة ونبدا صفحة جديدة معا سهام ونور..
خالد حال فمو فيه جواااب غير متوقع منو كن كيتسناه يرفض عود مي صدمو صدمة تلاتية لابعاد..

خالد:بلاتي وللهما متيق.....ههههه واخييراا عرفتي شحال تسنيت هد لحضة....
خالد فخاطرو تيقول.....
كان يساخبلي لعب صعييب نجمعهم بزوج تعدبو فصغرهم ومنحقهم بزووح يعشو حياتهم واخا مسخيتش بسهام تغيب علينا من دار حيت وجودها كان منشط داار ولكين كنت مضضطر نقترحها علبه علا ود مصااحتهك بزووج من جنب خويا لي مولداتوش ليا مي ومن جانب بنت عمي ولقاسم لمشترك بناتهم انهم بز‘ج يتامة وذاقو من نفس لكاس......
خالد ساهي وكتنفس برتياااح بنما يوسف معجب فيه 
يوسف:لعود مابك ههه
خالد:فرحت ليك دابا اش نفول لسهام معاش غد تخرجو 
يوسف:هه علاش نوي تدينا؟
خالد:لا ولكين بغبت نعلم لبنت باش توجد راصها ...
يوسف:اسيدي معا 8 غدي نجي نديها....
خالد دار ليه بحاجبو حركت تعجب 
خالد:اووك....
خالد دوز لابلي لخولة ...
كنت جالسة كتهدر هيا وسهام وسهاما غير مسايراها فوق خاطرها....
حتى كيطلع ليها ابيل من عند خالد....
جوبات...
خولة:وي بب
خالد:قولي لسهام توجد راصها راه يوسف غدي يجي يديها معاه يمشو لواخد لصواغي. مع8...
خولة شافت فسهام:
بيان جوي اخونزا طيحتي دري فنهارو
سهام:كيفاش؟
خولة:هه اواا لالة راه سيد عارض عليك لواحد لحفلة وليوم 
سهام عاشت معا لخضة..
سهام:اربيي واش بصح
خولة:ويييه
سهام شويا تلاشة بتيسامتها وعرفاتش اش غدي يوقع فحياتها واش غدي يتبدل
سهام:مفيااش ولله....
خولة:منتك ازمراات تكعدي قلاك مفييكش ميمكنش راه حوج هدي وهوا عرض عليك معا تمنيا نوضي نوضي ياله نقادك مزيان....
جراتها مشاو تغداو موراها خولا شذاتها كتنتف فبها خولا عندها معا داكشي دلميكب ......
✨✨✨دازت لعشية كملا غبيير فلميكب ولكساوي لي ختارت لبها وسهام كان معندها نفس ولكين قررات باش تهيا تعيش كول لحضة بلحضة وتفكيرها كمل فلحفلة...
قداتها خولة جات كتفت ميكب صارج كعا عكر احمر ولبسة كحلة طويلا ومزيراا ومعريا من صهر معا سناسل....
هاد شعر بوكلي جات مختالفة...

خولة شافت فسهام وعنقات بانس كنت كتقاد ليها بيها
خولة:اوووه علا لنجازاات ديالي
سهام ضحكات لبها ومشات لمرايااا...
سهام:هااحح عليا ناري غيكون تيتيييز فديك احفلة...
خولة حطات لبانس وشدات ليها فراصها كتقيس ليها فسخانة.
خولة:نتيي فعاار لله ونبيي ياارسول لله رااه غدي معاك راحل بشلاغمو ونتي باغا ضبري علا تيتيز
سهام:عادي مالك اترمتي راه امنفعت هوح تنفع هوك 
خولة شافت لمغانة.
خولة:تمنياا وقصماين وسي لعريس باقس ماجا .
سهام:تجيه فلكونة...
خولة شافت غبها بواش من نتك ...
قلبات غيها عنيها حتى كيسمو صوت ديال كلاكصون
خولة:ها زمانك جااا
سهاام:هاا خلا داار بويااا لي جاااا🙄...
خولة:حيدي حيدي تقودي نتي منفع معا دلمك لا درامة لا حنانة كيكر فموك غريي لمعياار يخ ياله دردبي....
سهام:هاح هني غادا هني غدادا وخا حشكت يشرفي هااك
خولة:نزيد معاك دقيقة نتف راصي...
سهام هزات طالونها بكول هدووء من قدامها هزات كسوتها وتمشات جيهت لباب...
عاد ضاوت عندها...
سهام:نتفي تا كرك انا سوقي
ودربتها بجريااا لدروج نيشان لسانسور.
وخولا بقات كتعير من لبااب.
سهام كتلبس سباطها فسانسور
سهام:لله ياامولاي لله اش داني لشي موافقة نوافق اش داني لهد لقرع نمشط ليه راصو اناري ويليي نسيت لمونطوو اويلي غنخرج بحال هااك ناري تفو يضربني لبرد يخ...
سهام معكازا مقذاتش تكليكي باش ترجع تهز لمونطو نحل سانسور تا بغات تهرج بانو ليها عباد لله عاد رجات حشمت تخرج هاكاك طلعات خدات لمونطو من بعد معرقات ليها خولة وهبطات لبساتووو خرجت من سنسور.
جيهت لباب ديال لعمرة كيبان ليها يوسف واقف ومربع يديه حدر عنيه ومكي علا لوطو .سهام عضات علا شفايفها من منضرو لمغري وكيبان وسيم بداك لكوسطار لبلو مارين معا قميجة شيبية بتسامة خفيفة علا وجهو..

سهام تقدمات وصلات حداه عد هز واصو فيها هيا كتشوف لعندو ومبتاسمة ويوسف ديك لمتسمة لي كنت علا ‘جهو ولات صدمة ...
بقا كيشوف فيها شحال فلون عنيها لي كتبدل وكيتلألأو
سهام حسات بيه ختارقها بنضراتوو ليها.ضوات ‘جهها ولات حمرا
يوسف حرك راصو حط يديه علا وجهو وحكو يمن وشمال علا لافكاار سافلة لي ضربتلو فبالو
يوسف:جيتي زوينا
ياإلاهيييي اين هيا سهاام
تلفات مسكينا بقات غير كتبحلق فيه
حل ليها لباب ركبات وركب هواا من جيها لاخرا وكسيرا
بغا يكسر صمت لي كين بيناتهم وسهام ساهيا فطريق
يوسف:بتاكيد قاليك خاليد كولشي؟
سهام درت ضحكة جانبية وبغاتش طول فلهدرا خفت تنهار قدامو...
سهام:اه فخباري كولشي فخباري بلي مغديش تخدني كمراتك بل كمربية لبنتك فراصي بغتي غير دير اخاطر لصاحبك ونتا معنيك لا فزواج لا فياا وانا عرفت وفهكتك وتقد تهد لخفلة هه تكون مبزز عليك تديني معاك وحتى انا مكنتسنا منك والو مكنتسنا لا جواب لا والو نتا بغتي مربسةلبنتك حتى انا مغنخيبش ظنك غدي نكون مربية لبنتك ونتا غدي تعيش حياتك عادي كيف كنتي وانا غدي نعيش حياتي عادي كيف كنت
بتاسمت ليه وضورات راصها لسرجم
يوسف كرز علا لفلون مبغاش يجوبها حيت هوا بدا نقاش وهيا ختماتو بمضمون مقاد لا بنسبا ليها لا بنسبا ليه هوا....
يتنفس وهدر
يوسف:نجروبو هد لخرجة بعدا ونشوفو واش نقدرو نتقبلو بعضياتناا ونتصرفو مقااد ديك ساع نحكمو لا رتاحتي ورتاحيت غدي تقاد كولشي ولا مرتاحيناش غدي نكولو هدشي لي بديناه وكيف قلتي كلا يعيش حياتو كيف كان اش بانليك
سهام شافت عند شافت فعنبه ثوتر شيء ما وكيتسنا جوبها بلهفة متوقعتهاش من هدرتو لباردة لي كان كيهدرها معا خاليد.
حركات شفايها
سهام:متفقين.
يوسف تنهد برتياح وسهام ضحكت بطفولة عطاه بهدرتو شويا ديال لامال حسات بشويت نور ضوا دااك ضلمة لي حسات بيها فنهار واحد...

♥️الحفلة♥️
وصلو لحفل وسهام مباتسمة يوسف نفس شيء هبدطو من لوطو قبل ميدخو مد ليها دراعو...
سهام ضحةات وعنيه لنعو شدات فيه..
بتسام ليها ودخلو....
لحفلج كنت عمرا بزااف كنت فجردة طوابل بلبضة ورضات فوق منهم بلحمر وناس كلهم مناس شكون وشكون لبنات لمعري كتر من لمغطي وداري لباس رسمي وتيتز ينطح خوه....
كنت لحفلة غير صاحب يوسف تزوج ودار حفلة صغيرة لصاحبو بعد ما جا من شهر لعسل زعمة....
مع دهل لقا صحبو ومرات صاحبو (نزار)واقفين فلاستقبال...
نزار:اهلا ومرحباا
يوسف:شكراا ههه
نزار:شكون هد لبنت
يوسف:احم لاسئلة فلباب هدي خطيبتي سهاام
سهام بتاسمات ونزار دارفه واخد شوفا فشكل بعدم تصديق..
نزار:ارا لله يجعلنا نتيقو....يوسف شاف فمرت نزار
يوسف:مبروك عليكم ...
نزار&ندى:مغسي...تفضلو
يوسف تمشا هوا وسهام لواحذ طابلة خوياا...
وقفو فيها وسهام كضور عنيها علا لحفلك وناس لي فيها
يوسف:متعرفناش مزياان عرفني عليك كثر...
سهاام:انااا....
قبل متكما هدرتها قطعها بوسف وهوا كيشوف وراها
يوسف:سمحلي واحد دقيقة.
مشا قبل ميسمع جوابها
سهام محملاتش واثها ومحملاتش تصرفو كرهاتو حتى طرح داك سئل كون مطرحوش وقمعها تكون حسن.
ضارت تشوف فين مشاا لقاتو واقف معا بنت تعنقاتو
سهام ضوات وجها وهزات شوكتها
سهام:ونشاا شوف ليا زاامل (كتعيب فيه)نعطيو فرصة لبعضياتنا نينيني نتفاهمو نيني...تفو لعنطبون مك فهد لحضة تفو تنا لي قحبة شيطين عليا كراوعي جيا معا زامل بحالك
حطلت يديها علا حنكها وبقات شي ربع ساعة كتسنا حسات براصها بوحذها معزولا وممعاها تاشي حد ضارت لقات سي يوسف مشا هوا وديك لبنت لطابلك ومعاهم شي وحدين اخرين
هزات داك لورد شيرات بيه علا واحد لبنت كنت قدامهم
سهام دارت راصها كتشوف فسماء وكتمعن فنوجوم بنما لبنت قلبات شفيفها بعدم فهم.

سهام بقات كضور فعنيها وكتهدر بوحدها...
سهام:اودي هذ اخريات شتهم كملين مشهبين شعر هه طيحين علا شي قرعة ديال ديكابااج..ودام لعكر خلاس شي مضوق شي ديرت نفس لون بففف اش جابني مكنا تلماكلة مقاادة بففف....
ياله غدي توضر وجهها كيوقف عليها واخد لبوموص طلعات معاه عنيه وقلباتهم....
_ممكن نرافقك فهد احفلة...
سهام:ضور تقود تنتا لي بقتي لذدلمي فهد ليلة...
هزات صااكها ومشات لجيهت طبلك ديال لمئكولات كنت حدا واحد احيط ...
مشات حطات صاكها وجلسات علبع وتكات علا لحيط ودرقاتها طبلة...
سهام:لي معندو زهر معندو زهر وخا يمشي لفليبين يرحعو ديلمو كيحبو لمغريب بفف...
ولكين ميمكنش نبقا فهد احفلك غير هاكاك خاص نفرد وجودي مي ماشي دابا بلاتي شويااا اما داك تبي منتفاك معاه تنبيتو يتكلاصة..
ورجاع راصها لور وغمضات عينيها.
__سي يوسف كان واقف معا صحابو منهم داك لبنت ودوك صحابو كملبن كانو معاه فلميتم(من بغةعد وتعرفو كتر)..
تفكر سهام ضور راصو ملقاهااش خرج عنيه وبدا كيقلب فلحفلة كملة والوو ملقاش .
سيفط شي صاحبو يقلبو معاه عقلوبغا يخرج وهوا عرف هد لحفلة عمرا غير بدياب بغين غير فيمن يشدو وهيا امانا عندو خاص كيف جابها معاه كيف خاصو يرجعهاا.
وواحد صاحبو مشا كيقلب حيهت طابلة لقاها وهوا يهزها من دراعهااا وهيا كنت نعسات هه ناضت مخلوعة..
وهرا عيط علا يوسف وهوا جي عندهم..
بغا يهزها وهيا مزكرمة
واخد لبنت كنت ديزاا وشافتهم كيتناترو مشات كتجري تقولها لبوليس لي كينين قدام لباب
سهام:وااالحماار طلقني...راه غندير شيحجا تندم عليها.
_زيدي قدامي من قبلا وحنى نقلبو عليك
سهام:ناري لمافيااا ناري باقي مبغيتش نموت...
سهام هزات حجرا معا نترها معا عطاتها ليه راص سيد طاح كاو..
يوسف جيا كيجري كيبان ليه صاحبو طيح فلرض وسهام شادا احجرة غير شافتو درت حاجا وراها وباقا مقلوبك بنعاس
يوسف:اش داكشي وراك ومال هد؟؟
سهام هزات كتافها ومتشوف فدري لي طيح وكضور فعينيها..
سهام:كان غيغتاصبني
يوسف مشا نتر ليها لحجرة من يديها 
يوسف:وااش صافا با
ياله غدي تحبو وقفو لبوليس هزين سلاح علا يوسف وعلا سهام 
_اش واقع هنا ومال هداك
سهام:شوف اسيديي وحقق مولنااا مانا ها هاداا هداا(كتشير ليوسف)كانو مضاربين وهداا (كتشير ليوسف)ضرب هادا(كتشير علا دري لي طيح) وانا غيير شاهدا اسيدي وداليل راه فيدو
يوسف صدمة زيزناااتو ..

يتبع


أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki