عذابي مع زوجي الجزء العاشر

من تأليف Sahar Kawtar
2018

محتوى القصة

رواية عذابي مع زوجي

دفعاتو بكل قوتها وحاولت تفتح الباب لي كان مسدود رجع جرها من شعرها ولاحها فوق السرير وجا فوق كايحاول يقطع ليها لفستان ..
وئام .. "دموعها نازلين " ف فرااس هئ..‘هئ.. فرااس حرام عليك بعدددد
فراس .. "شافها بنظرات كلهم شرر " كيفاش غانبعد وانا كانتسنى هاد نهار من زمان "حاول يبوسها عضاتو من دراعو حتى زراق دفعاتو برجلها بقوة وحاولت تهرب رجع جدبها لعندو هاد المرة شدها بإكحام بعد ما عطاها بصقلة لوجه حتى نقز دم من فمها خشى راسو فعنقها وكايعض بشراسة نزلو دموعها وقلبها غايوقف من كترت لخوف رفعات راسها وشافت فسقف وكاطلب ربي ينقدها من بين يديه رجعات ميلات راسها ليمين جات عينيها على قرعة دزجاج كانت محطوطة فوق الكواڤوز جبدات يدها حتى شداتها مزيان خدات نفس عميق وغمضت عينها بعد ثواني نزلت عليه راس بكل قوتها حتى شرشر دم من راسو وصرخ بصوت عالي ......
فراس .."حط يدو على راسو ودايخ " ااااااااااااااااااااه اش اشنو درتي الق***....
دفعاتو بيدها وقفت بسرعة بدون ماتلفت وراها او ترد عليه هزات المفتاح كان مرمي فالقنت فتحات الباب بسرعة وخرجات من الغرفة كاتجري ودموعها نازلين ....خرجات من الباب لوراني دالڤيلا كانو اعين مراقبينها عن بعد اول ماخرجت توجهات جولي لغرفة شافتو جالس فالارض وشاد راسو بيدو ودمو سايح اول ماشافها جلس يغوت ....
فراس ... "بألم " كاتفرجي فيا ااااااااه شيييييت "حاول يوقف ماقدرش بدا كايفقد وعيو " ع عاونيني بديت كانفشل 
جولي ... "بحقد " مزال ماشفتي الفشل دبصح الخاين 
فراس .. "رفع راسو بصعوبة وتكلم " ا ا ش اشنو كاتقولي ساعديني جولي... ج و لي ....
.. "هزات القرعة لي كانت مهرسة وتوجهات ليه بخطوات بطيئة ونظراتها كلهم شرر وحقد فكل ما كانت كاتقرب كان خوفو كايزيد ....
جولي .."بشر "انا فعلاا غانساعدك وغانقطع ليك تيكي لقبر ههههههههه "قبل مايفتح فمو وينطق نزلت عليه بديك القرعة لراس بكل قوتها حتى دمو نقز على وجها وشكل فيه طابلو دموي فقد وعيو بسرعة جلست على ركابيها وكاتضحك بهستيرية .....
جولي.. قلت ليك مستحيل نفوتها ليك قلت ليك ماشي جولي لتلاح لتوش لكن ماتيقتنيش ومشيتي وراها وهادي نهاية اي واحد غاينقص من جولي ههههههههههههههههههههههههههههههه
انت باااااح بحال الى عمرك كنتي وهي غاتعفن فالسجن هههههههههه هههههههههههههههه ..."وقفات توجهات لحمام غسلت وجها ويدها وخرجات من الغرفة بخطوات متسارعة ...... خارج الفيلا كانت وئام جالسة على طروطوار ودموعها نازلين وكاترجف من الخوف بعد دقائق وقف طاكسي حدا رجليها نزل زاجة وتكلم ....
السائق .. ايييه مادموزيل "طيييط ...طيييط (كلاكسونا عليها ) 
وئام .. "رفعاات راسها وجلست تبكي " ديني من هنا هئ....هئ...هءهءهء ديني ......"وقفات بتعب وفتحت باب سيارة الاجرة وتلاحت لور كاتبكي كان كايشوف فيها فالمرايا وكايتحصر
السائق ..."بصوت شبه مسموع " الله يطلف بينا ياربي اش هاد المنكر وردة مزال كاتفتح خرجت ليها الله يطلف بينا الله يطلف بينا ... تنهد وديمارا فتجاه العنوان لي عطاتو كانت بداك الفستان شبه عاري كاتبان بحال بنات اليل خصوصا ديك صفعة لي خلات اترها على خدها وشفاها لي تورمو مسافة طريق وقف طاكسي فحي رياض بضبط قدام باب العمارة دفعت ليه الفلوس ونزلت كاتجر فرجليها وهازة جلايل الفستان بيدها توجهات تحت دروج وجلست كاتبكي وتنخصص....
وئام ..صافي قتلتو قتلتو هئ..هئ.. انا قتالة غانمشي لحبس هئ.. هئ... ريحاااان ..ريحاااان ختي هئ....هئ....هءهءهء "بعد دقائق حيدات الفستان ولبست حوايجها وجمعت شعرها عشوائي ومسحت الميك اب دارت صكادو على ظهرها وهزات الفستان لاحتو فلابوبيل خارج العمارة عاد طلعت لشقة فتحت لباب بشوية ودخلت كاتسلت على طراف صباعها ..شعلت فاطمة ضو وشافت فيها من لتحت لفوق كانت وئام عاطياها بظهر .....
فاطمة ..اش هاد لوقت الالة 00:00 هادي !
وئام ..الصمت .......
فاطمة .. واش ماباغياش تقادي وتشدي طريق 
وئام .."مزال عاطياها بظهر تكلمت بصوت مبحوح" ماشي وقتك هذا افاطمة ماشي وقتك " لاحت ليها هاد لكلمات وتوجهات لغرفتها بخطوات متسارعة دخلت لداخل وسدت لباب بساروت ..

وقف بسيارتو امام اوطيل صانك طوال وبارك ديالو مسطوكي بسيارات الفاخرة وحشد كبير من الصحافة والبودي كارد منشورين فكل مكان الحفل كانو فيه زوجات الوزراء والسفراء وسيدات اعمال اجنبيات كانت ريحان هي اخر الحضور شي لي زعج بعض الحضور اغلبهم سيدات اعمال كيفاش تدخل ريحان بعدهم وشكون هي اصلا كاع ما معروفة اول ماشافو صقر جا وشد يدها عاد عرفو بلي زوجة المليالدير الشاب لي داع صيتو فأوروبا وامريكا كانت ريحان مرتابكة من الحضور ومن عدسات الكاميرا لي لفلاش ديالها كايضرب فوجها بزاف دالمرات ف ثانية وحدة زير على يدها وشاف ف عينيها وحرك ليها راسو زعمة خليك اليز انا معاك رتاحت نوعا ما وحاولت تتبسم توجهو لداخل الحفل كانت زينب واقفة وهازة راسها لسما بكبرياء وجنبها باتول لي اول ما شافت ريحان تبسمات وتوجهات ليها ..
باتول .. "باستها فخدها " واخييرا جيتي خوفتيني قلت ما غاتجيش 
ريحان .. "همسات ليها " جيتي غزالة 😍
باتول .. عويناتك "كاتشوف فيها بإعجاب " اووو هووووه حلفتي حتى تخطفي الانظار للمرة الثانية على توالي مايسالكش 😉
ريحان .. "برتباك " اش غانخطف الله يهديك شوفي كولشي كايشوف فيا بحال ادا مطلسة لخرا حشاك بفف مامرتاحاش 
باتول .. خليك اليز وتبسمي اااه والهضرة بالكرام ونفخي ريشك انت مرات شخص مشهور وليه مكانة فالمجتمع ...
صقر .. "تلفت عندها " اجي نعرفك على شي ناس 
باتول.. "غمزاتها "لي قلت ليك ........"شدها فيدها توجه لاحد الطاولات كان فيهم وزير مغربي حرمو ورجل اعمال وعشيقتو وقف صقر بهيبتو المعتادة ومشابك صباعو مع صباع ريحان لي توتر قتلها واخا عيات ما تشجع نفسها قدمها ليهم بدون ماطلق يدها بين ما اعين زينب ختارقوها كانت كاتسب وتلعن فيها فخاطرها ......
زينب " فالجهة الثانية " الفلاحة بنت دوار كيفاش تحضر لحفل انا منظماه وباشمن صيفة هااااااه قالت ليك القفطان كاتخايل راسها بخانسيس سلمى ااااااخ غير صبري عليا اخطافة رجالة الانتهازية بنت دوار .....
باتول .. "وقفت عليها " مدام زينب معامن كاتكلمي "رفعت حاجبها بستفسار " 
زينب .. "تبسمت بزز " هاااهه غير كانشوف ف ريحان جات غزالة والبلدي وتاها 
باتول .. ريحان لي لبساتو كايواتيها اااااح طيور الحب شحال جاو مواتين الله يحفظهم من العين وخلاص ...
زينب .. "فخاطرها " الله يطيرها عاجل غير اجل / شافت فيها وتبسمت / امين هه...
_مكاان_ اخرررررر_______
كانت مكمشة فوق السرير ودموعها نازلين فكل ما كادكر الحادت قلبها كايبغي يوقف من كترت الخوف ....
___مكاان_اخرررررر_____
الحاج محمد .. "بصدمة " شنوووووو !! الله ياربي ولدي ولدي ... "ناض من سرير كايجري هز سروالو لبسو بالخف وتبعها القميجة كايسد ازوارها وعقلو مرفوع ناضت رانيا تلوات فليزار وكاتسول فيه بخوف ..
رانيا .. عمار وقعات ليه شي حاجة !!
الحاج محمد .. فراااس فراااس نقلوها لمصحة فحالة خطيرة. ......"خرج من الغرفة كايجري بلا عقل بين ما رانيا رجعات تسطحات ف سرير غير مكترته جا عمار فبالها هزات تيلي وتاصلت بيه والابتسامة على شفاها اول مارد جلست تبكي ......
عمار .. "بصوت رجولي " الوو
رانيا .. عماار ..عماااار هئ ...هئ... فراس خوك فراس نقلوها لمصحة فحالة خطيرة هئ...هئ..هءهءهء...
عمار .. "بصدمة " كيفاااااااااتش...

طول الحفل ماطلقش يدها وفين مايبغي يصافحو شي حد كايرجع يشدها باليد الاخرى شي لي زعج زينب ونرفزها باتول كانت فرحانة ليهم وكل مرة كاتغمز ريحان وكاتهمس ليها باش تكون مرتاحة وتبسم قدام الكاميرات بعد ماستجمعت زينب شجاعتها توجهات فتجاه صقر وكاتبسم فوجه الحضور اول ما وقفت حداه تكلمت وكاتشوف فيه بحب ....
زينب .. ولدي الحبيب 
صقر .. "من تحت سنانو " خليك بعيدة منا يكون احسنننننننن 
زينب .. بليز ولدي ماشي هنا ولا الناس غايلاحظو 
صقر .. باش يكون فعلمك انا هنا ماشي على قبل على قبل ريحان هذا علاش خليك بعيدة من صداع وماتحاوليش تلوحي ليها شي كلمة غاتلقايني فوجهك 
زينب .. "بلعت ريقها " ماتزيدش تجرحني كتر انا مك واش كاتسمع انا لمرا لي هزاتها فكرشها تسع شهور وتعدبات حتى ولداتك 
صقر .. والمرا لي قتلت ولدي بيدها وبدم بااارد "شاف فيها بشمئزاز وتوجه لعند ريحان لي كانت واقفة مع باتول وكايتكلمو تجمعو دموع ف عين زينب بلعت ريقها كاتحاول تزول لغصة لي فحلها شافت ف ريحان بحقد كبير وتكلمت
زينب .. مستحيل نخليك تنتاصري عليا وتاخدي مني ولدي واخا نعرف ندير يدي فيدك شيطاااان "قاومات دموعها ورفعات راسها بكبيريا وتوجهات فتجاه فتجاه صحاباتها...
____مكاان_ اخرررررررر______
#المصحة 🏥
الحاج محمد .. كايجري فتجاه ريان " شنو وقع لفراس فين هو ولدي ؟!
ريان .. عمي فراس فحالة خطيرة واحد البنت ضرباتو لراس لما دخلت لغرفة لقيتو غارق فدمو وفاقد الوعي 
الحاج محمد .. اشمن بنت شكون هادي ؟! 
ريان .. "شاف فجولي لي غمزاتو وبلع ريقو " و وئام ...وئام المنصوري .....
الحاج محمد .. "لمح الدكتور خارج " دكتور كيف بقى ولدي؟!
الدكتور ... ميسيو فراس فحالة خطيرة عندو نزيف فدماغ وفقد بزاف ددم غايخضع لعملية دابا نتمناو من الله يشوف فيه وفينا دعيو معاه "ضرب على كتافو ومشى كايجري فتجاه البلوك طاح الحاج محمد على ركابيه وشد قلبو والدمو على طرف شفارو بين ما جولي كانت كاتشوف ف ريان بنظرات كلهم تهديد .......
بعد 15 دقيقة وصلت رانيا جات كاتجري فتجاه محمد لي كان واقف وكايهضر مع واحد من امن المصحة وكايعطيه اسم وئام ومعاهم ريان كايعطيهم العنوان ......
رانيا .. "دعت الخوف " شيغي كيف بقى فراس ....
محمد .."ضمها " ولدي فخطر فراس غايضيع مني هئ..هئ..هءهءه 
رانيا .. "طبطبت عليه " كالما فراس قوي وغاينقزها 
الحاج محمد .."مسح دموعو وشاف فلامن " بغيت ديك بنت زناقي تكون اليلة فالسجن مستحيل نغفر ليها فعلتها ...
رجل الامن .. امرك سيدي المجرمة غاتنال عقابها والقانون غاياخد مجراه ...

#بعد #نصف #ساعة ••••••
ساعة كاتشير ل 1:30 تقريبا كانت مكمشة فالسرير وطافية ضو ودموعها نازلين فين ما كاتسمع تقرقيب كاتقفز وفاطمة ف غرفتها غارقة ف سابع نومة بين ما عماد مسطح فالصالة وكايتفرج فالكاتش وطافي الضواو بعد دقائق سمع صونيط وقف بتتاقل وتوجه لباب يالا فتحو وهي تجي عينو على زوج رجاا من الشرطة .....
الشرطي .. هنا فين كاتسكن وئام المنصوري !
عماد .. "بخوف " وي علاش ؟!
الشرطي .. "دفعو ودخل " فين هي 
عماد .. "جرو " ايييه فين مدرم شنو دارت ثم عندك شي ورقة باش تدخل لدار ؟! 
فاطمة .. "خارجة من غرفتها مخلوعة " شنو وااقع اش كاين " كاتشوف فيهم " وشكون نتما ؟!
الشرطي.. حنا البوليس ومعانا امر بتوقيف الانسة رئام المنصوري .....
فاطمة .. "ضربات حناكها " اويلي اش دارت !
الشرطي .. حتا المركز وتعرفو " دفعها بعدي من طريق " اشار لزميلو " انت فتش هنا وانا غانطلع لفوق .... 
طلع لطابق الثاني بخطوات متسارعة وعماد وراه كايجري توجه لغرفة وئام هي للولة بما انها على دروج جات عينو عليا فتح الباب ودخل كانت جامعة رجليها عندها ومخرجة عينيها ولونها نخطوف .....
الشرطي .. انت هي وئام ؟!
وئام .."كاتفتف " هئ...هئ... هو لي تهجم عليا انا ما درت والو هئ....هئ..هءهءهء ......"جرها من دراعها ووقفها توجه ليه عماد ودفعو بكل قوتو .....
عماد ..بعددد من ختي بعدددددددددد.... "جرها ودارها وراه ....
وئام .."شادة ف عماد " خويا ماتخلنيش هئ...هئ... ماتخليهمش يديوني هءهءهءه
فاطمة .. "دخلت عندهم كاتجري " اتي اش درتي الزغبية اش درتي .......
الشرطي .. "دفع عماد " جمع راسك ولا غانديوك معاها "جرها لعندو " هاد لهضرة ماشي هنا حتى لمركز وقوليها ........"جرها ةبقوة وخرجها من الغرفة بين ما عماد كان كايتفركل بين يد الشرطي ثاني وكايحاول يجدب وئام عندو وئام لي كسرت دنيا بالغوات 
وئام ..عمااااااااااد هئ...هئ... خويا ماتخلنيش هئ...هئ... خويااااااا هءهءهءهءه.....
عماد .. "بصوت عالي " ختيييييييي وئاااااام
انا ما غانخليكش ماتخافيشششش ......
فاطمة .. "ضربات حناك " الله ياربي اش دارت البرهوشة فين غانعطي راسي ........
"خرجوها من العمارة بالبيجامة دنعاس وحفيانة ووراها عماد هاز صندالة ديالها وكايجري بين ما فاطمة لبست جلابتها وجمعت شعرها عشوائي وهزت تيلي ديالها كاتاصل بريحان وكاتجري مع دروج .....اول ماطلعوها ف سيارة الشرطة جرات عماد وتوجها لراس شارع كاتجري باش توقف طاكسي وتليفون فودنها ....تاصلت كدا مرة ب ريحان بدون رد وقفت طاكسي وتوجهات لولاية الامن وعماد معاها رجع كايتاصل بريحان........
___مكان_اخرررررررر______
كانت داخل الجناح جالسة فالارض كاتشوف البوم صور وكاتبكي وجنبها علب حبوب مضادة للإكتئاب ....
يمنى ...صقرر ...صقررررر هئ..هئ...مانقدرش نعيش بلا بيك مستحيل هئ..هءهءهءهءهءه 
_____مركز_الشرطة_____👮
فاطمة ..فهموني شنو دارت !! 
الشرطي ..واش بنتك !؟
فاطمة ..اييه بنتي شنو دارت ؟!
شرطي ..كن كنتي مرا كاع ماتخلي بنتك دايعة فالڤيلات بنتك الالة متهمة بمحاولة القتل والضحية فخطر احتمال يموت 
فاطمة .."ضربة حناكها " اويلي وحدددددي امتى هاد شي ؟!
الشرطي.. قبل ساعتين تقريبا 
عماد .."بعصبية " مايمكنش وئام ماخرجاتش كانت ناعسة ف بيتها هاد شي كدوووب...

___مكان__اخرررررررر_____
ريحان .."شافت تيلي ديالها " فاطمة تاصلت بيا اكتر من عشر مرات "بخوف " الله اربي شنو واقع " دوزات الخط وحطت تيلي على ودنها وكاتسنى رد......" ردي رديييييييييي...
فاطمة .."بلهفة " ريحااان عتقي 
ريحان ..بخوف " اشنووو وقعععععع؟!
فاطمة ..وئاام وئااام شدوها لبوليس حنا دابا فالكومسيرية (ولاية الامن ) 
ريحان .."بصدمة " شنووووووووووو؟!
"حطت يدها على فمها " الله ياربي اش هاد لكارتة "نزلو دموعها وكلها كاترجف " 
صقر .."شد فيدها " شنو واقع ؟!
ريحان ..وئااام هئ...هئ ...ختيييييي هءهءهء
صقر .. شتتتتت كالما فهميني شنو واقع 
ريحان .."شدات القفطان بيدها ومشات كاتجري فتجاه البوابة " وئااام عند البوليس هئ...هئ...".......خرجات من الحفل كاتجري ركاع الانظار توجهو ليها ووراها صقر كايجري وزينب من بعيد حالة فمها وما فاهمة والو اما باتول اول ما لمحتهم كايجريو تبعتهم كاتجري غير مكترتة بالحفل والحضور طلع صقر فلوطو وطلعت جنبو ريحان وكسيرا فتجاه مركز الامن ووراهم باتول بلوطو ديالها وكاتاصل بريحان باش تفهم منها فين غادين وشنو واقع مسافة طريق كانو داخل الولاية
___مكان-اخررررررر______
#المصحة•••••🏥
الحاج محمد .. "شد فدكتور " طمني ولدي كيف بقى ؟! 
الدكتور .."بأسف " للأسف المريض دخل ف غيبوبة 
الحاج محمد.. "شد راسو " الله اربي الله اربي ولدي ....ولددددددي "شنق عليها " مايمكنش ديرو شي حاجة مستحيل ولدي يضيع مني 
الدكتور .."كايحاول يهدنو " ميسيو بن جلون تهدن حنا درنا لي علينا والكمال على االله دعي معاه 
الحاج محمد ..امتى غايفيق ؟!
الدكتور.. ماعنديش فكرة يقدر غداا ولا بعدو ولا الاسبوع الماجي ولا شهر الماجي ولا العام الماجي ولا...."سكت " 
الحاج محمد .."شنق عليه "ولاا شنووو هاااا ولاااا شنوووووو!!!
الدكتور ..طبطب على كتفو وتنهد " انت دعي معاه ......"خلاه حال فمو ومشى ....
رانيا .."جاية فتجاهو كاتعوج" شيغي عمار خدا طيارة وجاي فطريق ...
الحاج محمد .."طاح الارض وشد راسو بيدو ودموعو نازلين ... عماااار اجي شوف خوك هئ...هئ..الله ياربي ولدي غايضيع مني عماار ولدي انا محتاجك جنبي هئ..هئ..هءهءهء 
__اوطييل_الفررررح_____🏙
فام دوميناج "توجهات للإدارة كاتجري " عتقوووو ...عتقوووووو
السكريطي..اشنو واقع مالك ؟!
فام دوميناج .. واحد الجناح فالطابق الثاني فيه شابة فاقدة الوعي وجنبها علب من الحبوب فارغة ظاهر نتحرت 😱
.....قبل ماتسكت مشاو سكريطي كايجريو لطابق الثاني لمحو جناح يمنى مفتوح وتوجهو ليه كانت ممدودة فالارض وفاقدة الوعي تحنى واحد من السكريطي على ركابيه وقاس نبضها وسع عينيه وشاف ف زميلووو..
السكريطي 2 ..واش عايشة ؟!..

ريحان.. "توجهات عند فاطمة " فين هي شنو دارت !!
فاطمة .. نزلوها لسيلون (الزنزانة ) ومنعو علينا نشوفوها 
صقر .. اشنو دارت !!
فاطمة ..ض ضربت شي واحد وقالك راه كومة 
ريحان .."ضربات حناكها " اويلي وحدي شكون هذا "حطت يدها على فمها " الله ياربي اش هاد الكارته هئ...هئ..هءهءه....
."توجه صقر لعند واحد من الامن وسألو اول ما شافو رجل الامن عرفو وجلس يتبلحس ليه ويصاوب ليه فالهضرة خبرو شنو كاين وداه لمكتب ضابط الشرطة لحقت عليه ريحان كاتجري ولون وجها مخطوف ......
طالع على كلشي وعرف شكون الضحية شاف ف ريحان وتنهد ....
صقر .. انا غانتاصل بالمحامي كلشي غايتحل ماتخافيش 
ريحان .."شدات ف يديه " بغيت نشوفها هئ..هئ..هءهءهء....
صقر .."تلفت لعند الضابط " ممكن تشوفها !
الضابط ..طبعا ميسيو نصر الدين ....."وقف واشار ليها تقدم قدامها ولحقت عليه بخطوات متسارعة بين ما صقر كان كايهضر مع المحامي ف التيلي .......اول ما شافتها وئام جلست تبكي تنادي بإسمها .....
وئام ..ريحاااان هئ..هئ..ختي ماتخلنيش هئ..هئ...هءهءهءهءهء.....
ريحان .."ضماتها " شنو درتي شنو درتي الله ياربي شنو درتي اوئام 
وئام .."كاتشهق " س سمحي ليا هئ..هئ..انا دافعت على راسي كان باغي يتعدا عليا هئ..هئ..هءهءهءهء...
ريحان .."شدات وجه وئام بين يدها ومسحت دموعها " حكي ليا شنو وقع بتفصيل ....
وئام .."حنات راسها " قبل اسبوع ريان قالي بلي كاين حفل..............
_مكان_اخررررررر______
#بعد ساعتين ••••••
عمار ..بصوت رجولي " فين هو بابا !!
رانيا .."عضات شفاها " عاد دخلنا دابا من المستشفى الحاج عيان وحالة فراس مزال ماستقرت 
عمار .."الغصة فحلقو " شكون هادي لي ضرباتو !!
رانيا ..شي وحدة من العشيقات ديالو امكن مادفعش ليها مزيان راك فاهم "حطات يدها على صدور وعضات شفاها بطريقة سكسية "
عمار .."لوا ليها يدها ودفعها بقوة حتى جات مليوحة على كانابي " يدك ولا غانهرسها " خنزر فيها تخنزيرة كانت كفيلة تخليها تبلع لسانها طلع لطابق الثاني بخطوات متسارعة وتمشى فتجاه غرفة باه .....
رانيا .. "شدات يدها " غايجي النهار لي طيح فيه اسي عمار غييييير صبر عليا اولد راجلي "ضحكت بمياعة " ماشي رانيا لي تستسلم 
___مركز -الشرطة_____
باتول ..ماتخافيش كولشي عندو الحل 
ريحان ..حكات ليا كولشي هئ..هئ...كان باغي يتعدا عليها اباتول اااااااااخ ياربي عيت نقولها تبعد منو وماسمعاتش كلامي 
باتول ..الحمد لله ربي حفظ وان شاء الله تستقر حالتو باش يسهل علينا شي لاخر 
ريحان ..وادا مااات !! هاااا وادا ماااات سمعتي صقر شنو قالت قاالك دخل ف غيبوبة 
فاطمة .."هزات راسها لسما "ياربي راك عالم ومطالع على كولشي حن فينا وبين الحق...

#بعد #ثلات #ساعات 
فاطمة ..نهار طلع ياربي دير شي تاويل الخير 
ريحان ..ياااااااااااااارب ...
فاطمة ..هاهو صقر جاي مع المحامي 
ريحان .."ناضت وتوجهات ليه " شنو قالو ليكم !
صقر ..القضية صعيبة شوية مي غانحاول ما امكن باش تخرج بكفالة 
ريحان .."شدات فيديه " عفاك ماتخليهمش يحبسوها 
صقر ..ماتخافيش حتى حاجة من هاد شي ما غاتوقع 
المحامي ..مدام نصر دين تيقي فيا غاندير مافجهدي وغانحاول ما امكن نخرجها بكفالة على الاقل 
ريحان .."شافت ف صقر " والولد هاااااا ! واش مزال فخطر 
صقر ..تاصلت بشخص فالمستشفى وخبرني بلي مزال ف غيبوبة 
ريحان .."حطت يدها على فمها " الله ياربي 
صقر .."شدها " لازم تقوي نفسك وتيقي فيا ختك غاتخرج "شاف فالساعة " انا غانمشي نتكلم مع ميسيو بن جلون ونعرف شنو تحت راسو 
ريحان .."بلهفة " نمشي معاك 
صقر ..لااا غير خليك.
ريحان .."بإصرار "الله يخليك "تجمعو دموع ف عينيها 
صقر .."تنهد " واخا 
ريحان .."شافت ف باتول وفاطمة " نتما سيرو رتاحو شوية انا شوية غانجي لهنا 
باتول .."شافت الساعة " 7:00 دصباح انا غانمشي نرتاح شوية ونرجع "شدات فيدها " خليك قوية 
ريحان .."بمتنان " شكراا بزاف 
فاطمة.. انا غانمشي نجيب ليها ماتلبس وما تاكل "شافت ف عماد " انت تابعاك قرايتك زيد قدامي 
عماد ..لاااا انا غانبقى هنا حتى تجي نتي ونمشي 
ريحان ..جلاسك هنا ماعندو فاش ينفعها سير لمدراستك 
عماد.. لا ان...."قاطعاتو بحدة " 
ريحان ..هي كلمة ورد غطاها زيد قدامي 
عماد ..طأطأ راسو " واخاااا ........."خرجو كاملين من مركز الشرطة باتول وصلت فاطمة وعماد اما عند صقر توجه لفيلا دبنجلون ومعاه ريحان مسافة طريق كانو قدام باب الفيلا بلاصة سيارة ونزلو منها بزوج بعد ثواتي فتحت ليهم الخدامة .....
الخدامة ..وي اش حب الخاطر !
صقر .."كاين ميسيو بن جلون !
الخدامة ..وي الحاج كاين شكون نقوليه !!
صقر ..قوليه صقر نصر الدين 
الخدامة ..واخا ثواني ......" بعد ثواني رجعت فتحت لباب وطلبت منهم يدخلو كان الحاج محمد جالس فالصالة وجنبو رانيا لابسة فستان صيفي فوق الركبة وصدرو عريان اول ما شافو الحاج وقف وصافحو ...
الحاج محمد ..اهلا ميسيو نصر الدين 
صقر .."بصوت رجولي " اهلا ميسيو بن جلون"شاف ف ريحان " كانقدم ليك حرمي مدام نصر الدين ..
الحاج محمد .."حرك راسو "مرحبا 
رانيا .."مدات يدها وكاتشوف فيه بإعجاب " وانا مدام بن جلون حرم ميسيو بن جلون 
صقر ..متشرف ...
الحاج محمد .."اشاار ليه " تفضلو ......."جلسو فالصالة وكايشوف فيهم بستغراب وكايسأل شنو سبب زيارة .......
صقر ..احم بلا شك كامتفاجئ من زيارة 
الحاج محمد ..لااا مرحبا بيك فأي وقت 
صقر ..شكرا كانتأسف بخصوص ولدك ان شاء الله يتشافى 
الحاج محمد ..بتعابير حزينة" ان شاء الله
صقر ..غاندخل فصلب الموضوع فالحقيقة انا هنا بسبب الحادت لي وقع لفراس البنت لي ضرباتو خت مراتي وجيت.با...."وقف وصرخ فوجهو " 
الحاج محمد ..شنووووووو !! ديك المجرمة من عائلتك ؟! هذا علاش جاي وانا كانقول اشنو جااابك 
صقر .."قاطعو " تهدن الحاج انا مقدر شعورك وعارف بلي صعيب عليك كيف ما حتى حنا صعيب علينا و..."قاطعو بحدة " 
الحاج محمد ..اهااااا جاي باش تقولي نسمح لديك المجرمة بنت ليل مستحيل نسمح والقانون ماغايسمحش لي كايصارع الموت ولدي واش كاتسمع ولدييييييي
ريحان .."بنفعال " ختي ماشي مجرمة وماشي بنت ليل ختي من عائلة محترمة ومربية احسن تربية ولدك لي كان باغي يتهجم عليها هي دافعة على نفسها ...
الحاج محمد ..خرجوووو عليااا خرجي علياااااا الله ياخد فيكم الحق لو عرفتي تربي ختك صح ما كانش ولدي كاينازع دابا "شد قلبو " خرجووو علياااااااا 
عمار .."نازل مع دروج " اشنو واقع هنا !
الحاج محمد ..لي واقع انا هادو من عائلة المجرمة لي ضربت خوك وجاين بكل وقاحة كايكدبو وكايدافعو عليها 
صقر .."كايحاول يتمالك نفسو " الحاج ما طيحش الهضرة البنت مزال صغيرة ومزال ماكملت 18 سنة حتى هي ضحية وحنا هنا باش نلقاو حل يرضي جميع الاطراف 
عمار ..وطبعا الحل لي يرضيكم هو بنت ليل تطلع من القضية 
ريحان .."صرخات فوجهو " ايييييييه حترم نفسكككككككك
عمار .."بنبرة حادة " ماتهزيش صوتك فوجودي وفقلب داري وديك المجرمة غاتنال جزائها 
صقر.. "من تحت سنانو " ماتقللش حترامك على مراتي 
عمار .."بتحدي " والى شنو 
صقر .."دخل فيه براسو حتى رعف " ولا النتيجة غاتكون هاكا 
رانيا .."حطات يدها على فمها " اووووه نوووو
عمار .."مسح دم من فمو وشنق على صقر ونزل عليه لوجه ....
الحاج محمد .."كايدفع صقر " خرج ليا من داري خررررررج ما كفاكمش فراس بين الحياة والموت 
عمار .."كايقاد حوايجو " هادي باش تعلم تمد يدك 
صقر .."خنزر فيه " حسابي معاك من بعد خليها فبالك 
عمار ..وانا كانتسناك 
ريحان .."جراتو من يدو " يالا من هنا يالاااا ...

خرجو من عندهم كان صقر فقمة غضبو وريحان الخوف غايقتلها طلع فلوطو وكسيرا ف تجاه مركز شرطة بين ما عمار والحاج محمد توجهو لمستشفى ......
#بعد #مرور #ثلاتة #اياااااااااااااام .........
فهاد ثلات ايام كانت ريحان كاظل ف مركز شرطة وبما انا صقر عندو نفود حطو وئام ف زنزانة خاصة ووفرو ليها جو مريح واخا المركز هذا حال هاد البلاد عندك الفلوس غاتكون مرتاح ماعندكش غاتلاح لتوش وبما انا صقر بوكو حبة مالقاتش حتى مشكل من غير الخوف قتلها وخلاها ضعافت وتحت عينيها كحل بسهير من كترت تخمام باتول خرجات من المغرب وتوجهات لدبي باش تحضر للمؤتمر عمار فكل مرة كايمشي لمستشفى وكايسأل على حالة فراس لي مزال ف غيبوبة توجه لعند ريان ورجع كايسألو ريان لي خبا تسجيل الكاميرا ومزال كايغطي على جولي صديقتو خبرو بلي وئام المسؤولة وبلي شاف كولشي ب عينيه زاد كرهو وحقد وحلف حتى يخليها تتعفن فالحبس بعد ما سأل ريان توجه ليخت ديالو وكايخمم بين ما صقر كان منهك وكايدير ما فجهدو باش تخرج بكفالة وصل معتز لمغرب وتوجه ديريكت لمركز الشرطة يطمن عليها اول ما شافتو ريحان جاي ف تجاها مشات لعندو ترمات فحضنو وكاتبكي ......
ريحان ..عمي ...عمي هئ...هئ...هءهءهءهءه..
معتز .."طبطب عليها " شتتتتتت ابنتي ماتبكيش ان شاء الله غاتخرج براءة
ريحان..تلت يام دابا ومزال ماقدر المحامي يخرجها هئ..هئ..مستقبلها ضاع وحياتها ضاعت هئ...هئ... وئام كاضيع من بين يدي وانا المسؤولة لو كنت رادة بالي ليها ماكانش هاد شي يوقع 
معتز .."تنهد " استغفر الله العظيم ماتقوليش هاد لكلام هدا مكتاب وتيقي فيا وئام غاتخرج مستحيل تبقى هنا "بصوت شبه مسموع "واها نعرف ندير يدي فيد شيطان 
ريحان .."رفعات راسها " هاااااه شنو قولتي !
معتز.. "باس جبينها " قولت تيقي فيا ...

#اليوم المواااااالي•••••••
صقر .. شنو درتي !
المحامي ..رجعت دفعت طلب باش تخرج كفالة احتمال تخرج اليوم 
صقر .."بعصبية " مابغيتش احتمالات بغيت تنفد شنو قولتي 
المحامي.. "كايتفتف " سي سيدي انا داير ما فجهدي ان شاء الله اليوم نسمعو خبار زوين 
معتز .."دخل لعندهم " انذرااا شنو تماك !
صقر ..مزال ماكاين حتى جديد 
معتز .."جلس " من زهر العوج الولد مزال غيبوبة كن غير ناض كانت القضية غاتسهال 
صقر .."زير على يدو " هذا هو المشكل 
المحامي .."وقف " بعد ادنكم انا غانمشي لمركز ونشوف شنو كاين 
صقر ..وقف " انا غانمشي معاك 
معتز ..علمني بكاع المستجدات .......
__المركز_______👮
بلاصة الفيراري لونها كحل ماط ونزل منها بهيبتو وبوسامتو طاغية توجه لداخل المركز بتقة اول ماشافوه خوتنا بداو يتملقو ليه ويلحسو ليه الكابا وبعض منهم تلفو مابقاو عارفين لمن يلحسو لكابا واش لصقر ولا لعمار كل واحد فيهم صيتو دايع وخانز فلاوس توجه ديريكت لمكتب الضابط وبدا كايسقسي فيه من بعد طلب يشوف وئام دهن ليهم جيوبهم بعومار (الفلوس ) وخلاو ديك ساع يدخل عندها كانت جالسة فالارض ومكمشة رجليها عندها وشعرها مغطي وجها شاحب غمز الحارس يخليهم بوحدهم سد الباب ووقف قدامها داير يدو ف جيابو وريحة بارفانو تغلغلت داخلها رفعات راسها بشوية وركزت فيه شوفة بعيون دامعة .....
وئام .."مسحت دموعها وتكلمت بصوت مبحوح " ش شكون انت !!
___مكان_اخرررررر_____
معتز .. ماكايهنيش شحال غاطلب قد ما كايهمني وئام تطلع من القضية 
الشخص .. حتى هي ماكاتهمهاش حريتها قد ما كايهمها عائلتها يكونو عايشين عيشة كريمة 
وحتى انا لازم ناخد نصيبي "غمزو " 
معتز ..شنو كاطلب البنت ؟! 
الشخص .. طالبة شقة لعائلتها فاحسن حي وتكتب بإسم مها + خوها يخرج خارج المغرب ويخدم زائد مبلغ 20 مليون مليون يتحط فحسابها مليون ينطح مليون طامع فكرم سيادتكم 
معتز .. احم تافقنا انت دير لي عليك وانا جاهز 
الشخص .. داك الشاب لي اسمو ريان حالو ساهل وعندي من نشدو وسيناريو غايكون محبوك وبجودة عالية من الفوق 
معتز .."تنهد برتياح " مزيان بزااف بغيت اليوم تخرج وئام وانا غاندفع ليها كاع لي طلبت حتى لاخر فلس ..........
____مركز_الشرطة______👮
اول ما رفعت راسها تصعق وسع عينيه ورجع كايدكر نهار شافها فاليخت بلع ريقو وعقد غوباشتو وتكلم .......
عمار .."بصوت رجولي " انت هي الرخيصة لي حاولة تقتل فراس ....
وئام .."نزلو دموعها من الخوف " انا مظلومة هئ...هئ...مظلومة مادرت والو... 
عمار .."شدها من الفك ديالها وزير عليها " 
"بعدم تصديق "واش عند بالك غانصدقك وحدة رخصية بحالك قادرة دير اي حاجة على قبل الفلوس اكيد ثمن لي عطاك ما قنعكش عليها ضربتيه "اشار بصبعو " كوني اكيدة ماغانرتاح حتى نشوفك كاتعفني فالحبس تيقي بيا ........"لاح ليها هاد الجملة وخرج من عندها كاعي وساخط ماكانش متوقع الملاك لي شاف فاليخت هي لي حاولت تقتل خوه يالا هو خرج وصقر دخل مع المحامي ..........
_مكااان_اخررررررر_______
الشخص .. امل سي معتز وافق على كاع شروطك الكرة عندك دابا 😉
امل .."رفعت حاجبها " مستحيل ندير شي خطوة قبل ماناخد كاع مستحقاتي 
الشخص.. كلمة وحدة قلناها سيد وافق على كاع شروطك "مرر يدو على دقنو " وحتى انا عندي نصيبي من هاد البيعة وشرية 
امل .. "تنهدت ورجعت شافت فيه " اول مانشوف عقد الشقة واول مايسافر خويا لخارج فين بغى ويتحول مبلغ 20 مليون لحسابي غانفد لي عليا سي نو نسى 
الشخص.. "تنهد " هووووف منك هوووف "وقف " انا غانتاصل بيه 
امل .."شافت فيه " ماما فأمانتك وحسك عينك تقول ليها شنو كاين "بتهديد "ويااااك
الشخص .."ضرب فكتافها " وااايلي ا امل واش انا حمق نفقص لالة رحمة 
امل .."بشمئزاز " جمع يدك الويل وشوف شغلك 
الشخص.."غمزها "مقبولة منك والكفة ديالك عليا تهلاي فيا نتهلا فيك 
امل .."دفعاتو فتجاه الباب " مامحتاجاش ليك دير شغلك وبعد من ساحتي ...

يالا وقفت وهي تشدها دوخة حطات يدها على راسها ورجعت جلست فالكانابي ....
ريحان ..الله ياربي اش هاد الشي 
فاطمة .. الدوخة من الماكلة لي ماكاتاكليش 
ريحان .."رجعت وقفت " خاص نمشي عند وئام 
فاطمة ..كولي بعدا ونمشيو بزوج 
ريحان .."هزات صاكها"ماعندو منين يدوز ....
___مكان_اخررررر______
داخل اليخت ديالو وجلس كايخمم فالشي لي وقع عقل كايقول ليه بلي ورا داك الوجه الملائكي شيطان وعقل كايقول ليه لااا شي حاجة تما خصوصا هو عارف فراس حق المعرفة ماشي واحد ساهل جبد سيجارة ونتر نترة منها وتكلم بصوت رجولي ممزوج ببحة
عمار ..مهما كان لازم ماناخد لفراس حقو ماشي ولاد بن جلون لي يتحقرو "رجع نتر نترة وخرج دخان من نيفو وعينيه حمرين كيف جمررررر .........
__مركز_الشرطة_____👮
صقر .."غادي جاي " دير شغلك ولا نشوف محامي اخرر 
المحامي ..سي صقر صدقني داير ما فجهدي من دابا شوية غانشوف واش وافقو على سراح المؤقت 
صقر ..انا ما غانبقاش باني امل على تكهناتك تقن خدمتك ولا خوي ساحة 
المحامي .."كايتفتف " ي يكون خير اسيدي صقر يكون خير ....
______حي تقدم_____
كانت غادية جاية وكاتخمم فشي لي غادير وكيفاش غاتقدر تقنع مها بالكدبة بعد اخد ورد مع نفسها رصاات على بر رفعات راسها لفوق وخدات نفس عميق .....
امل ..لازم مانضحي ونخلي ماما تعيش مرتاحة باركة عليها من ذل والتهميش لي عايشة اصلا انا غير زايداها بهمي وبمصاريفي وصل الوقت لي نعوضها فيه ووصل الوقت لي نحقق فيه لمراد حلمو من زمان وهو كايحلم يعيش برا ويخدم ويولي من الجالية المغربية انا اصلا مالايقة لوالو لا قراية لا زهر علاش غانبقى غير جالسة ناكل الخبز ونزيد ماما هم على هم باركة عليا من تجفاف طواليطات ومن هاد العيشة دلويل حتى هي تستاهل تعيش عيشة نقية وتلبس لبس نقي وترتاح من تامارة "تنهدات " سمحي ليا اماما كاع هاد شي لي غاندير على قبلك وعلى قبل خويا ....

الشخص.. هضرت معاها لكن راسها قاصح بغات تسلمها كاع لي طلبت عاد تنفد 
معتز .."مد ليه العقد " هذا عقد الشقة لازم توقيعها بخصوص خوها سلمني الوتائق وغانطلع ليه جواز السفر وعندي ليه عقد عمل فوحدة من شركاتي لي ف امريكا والمبلغ لي طلبت غايتحول لحسابها اول ما تقدم نفسها 
الشخص ..مزيان بزاف وريان قطعت معاه الكلمة طلب حتى هو نصيبو قدرت نشدو من يدو لي كاتوجعو غايشهد بكاع لي بغينا ...
معتز ...هي دابا نيت 
الشخص .. عطينا 24 ساعة والبنت غاتخرج 
معتز ..ولا ساعة 
الشخص ..امل لازم ماتكلم مع مها وتقنعها بالكدبة لي غاتنسج 
معتز ..ماكايهمنيش بغيت وئام تخرج دابا فالحين 
الشخص .. سيدي ادا ضغطنا على امل كتر تقدر ترفض هاديك انا لي كانعرفها راسها ناشف كلها 24 والانسة وئام غاتخرج 
معتز .."تنهد " 24 ساعة ماتزيد حتى دقيقة
الشخص.. "تنهد برتياح " ايه 24 ساعة ...

جمعات شعرها عشوائي ولبست فرجليها صندالة دالميكة صبع وخشات تيلي فصدرها وخرجات من الخرابة لي كارين فالسطح نزل مع دروج ضيق وكاع مشكودر بعد ثواني كانت فالطابق السفلي لي عامر بالجيران كل وحدة حاطة كرسي دالميكة وجالسة حدا باب البيت لي كارية هزات راسها وماشافتش فيهم خرجت من الدار وتوجهات لراس الزنقة بخطوات متسارعة نوعا ما وراسها فالسما والشمكار لي دازت من حداه يطلق ريوgو وقف تيكانا اكبر بزناز فيك يا تقدم قامة طويلة وبينة جسيدية قوية وكاع مخرط وواشم .......
تيكانا .. "شد قلبو "اااااااااااح حني فيا ابنت رحمة يحن فيك ربي 
امل .. "قلبات عينيها " بعدد من طريق صباح الله ثاني 
تيكانا .. "شدها من دراعها " مزال منشفة راسك شفتي طيري سما وتنزلي نتي ديالي خليني زوين معاك 
امل .."زفرات " بعددددددد مسينا على الله "دفعاتو وكملت طريقها والغضب متمكن منها .
بقى متبعها بعينيه حتى غبرات وصلت لراس شارع قطعات شانطي وكملت المشي على رجليها بعد 30 دقيقة كانت قدام كافي شعبية عامرة بالعاطلين والمتقاعدين كل واحد فيهم شاد كارو وعاصر على كاس داتاي من صبحية ربي تخطاتهم وكملت طريقها لداخل القهوة وعينين رجالها فتارسوها جات عينيها على رحمة محنية على لكراطة وكاتسيق طوليط تنهدت تنهيدة حااارة وحطت يدها على كتف رحمة وتكلمت ...
امل ..ماما اري نكمل ليك 
رحمة .."تلفتت عندها " اش جابك هنا ياك كانقول ليك ماتبقايش تجي لهنا 
امل .." خدات منها لكراطة وتحنات كاتكرط زليج " جيت نعاونك وباش نتكلم معاك 
رحمة .."مسحت العرق من جبينها " الله يسمعنا خير اش كاين !
امل ..ماشي دابا حتى نخرجو على براا "شافت فيها وتبسمت واخا قلبها عالم بيه غير الله ...
رحمة ..واخا ابنتي الله يرضي عليك انا غانطلع لسدا نسيقها وعاد نمشيو 
امل ..غير خليك دابا نسيقها من صباح ونتي ف تامارا كن غير كان شي سلير مقاد بعدا كايحرتو عليك سيمانة كاملة على قبل 200 درهم بففف 200 درهم لي ما كاتقدكش فالبلية دمراد 
رحمة .."تنهدت " ايوا اش غاندير ابنتي مكتوب الله كايتصرف الحمد لله لي لقيت 200 لسيمانة ولا نموتو بجوع وراك شفتي مراد مسكين ماعندو زهر الباك والاجازة ومالقا حتى خدمة عيا يتجلوق ماجاب الله ااااااح ياقلبي يانا كانشوفو مهموم والبلية لي تبلا قلبي كايتقطع عليه 
امل .."تنهدت " كلشي غايتحل تيقي فيا 
رحمة .."تنهدت " يصاوب الله ابنتي يصاوب الله ........
____مكان_اخرررر_____
زينب .. بغيت غير نعرف علاش هاد لهيلالة كاملة وحدة قتالة تستهل الحبس ااااااخ ياربي على اخر يامي نتناسب مع عائلة مجرمة 
معتز .."بعصبية " بدينا ثااااني 
زينب ..ثاااني وثالت ورابع وعاشرررر حتى لإمتى غانبقاو حاضين العروبية ومشاكلها حتئ لامتى !!
معتز .."لاح جورنال من يدو ووقف " انا الى بقيت كانسمع لتفهاتك غايطلع ليا سكرر ....
زينب .."خرجات عينيها " دابا انا تافهةةة لاا انا تافهة ايوا الله يخلف عليك ...

ريحان ..سمعتي شنو قالو هئ..هئ.. وئام مريضة ورافضة تاكل البنت كاضيع مني هءهءهء الله ياربي شنو غاندير 
صقر .."تنهد " الدكتور كشف عليها قال غير ضغطها نزل عطاها الدوا وليفتامين حنا كانتسناو رد القاضي تقدر تخرج اليوم بصراح مؤقت 
ريحان ..اليوم تلت ايام وهي هنا ومزال ما كاين حتى تغير "شدت راسها بيدها " 
صقر .."تنهد " تيقي فيا مسألة وقت وصافي وئام غاتخرج براءة 
ريحان .."رفعاات راسها لسما " ياااااااااارب
صقر .." وقت لغدا خلينا نمشيو 
ريحان ..انا غانبقى هنا حتى نشوفها 
صقر .. ماكاين لاش تبقاي هنا سمعتي دكتور شنو قال خليها ترتاح غدا ان شاء الله ونشوفوها يالاااا 
ريحان .."نترات يدها منو " طللللللللق ...
صقر .."كتم غضبو " شوفي حالتك كيف ولات وئام محتاجاك قوية ماشي ضعيفة 
ريحان ..وئام صافي مشاات هئ..هئ..نهار على نهار كانفقد الامل ......."جدبها لعندو وخشاها فحضنو وكايمرر يدو على راسها تنهد تنهيدة حارة بدون ماينطق بعدات على حضنو ومسحت دموعهاا ........... 
__مكان_اخررررررر_______
بعد ما دارت لميناج لبست رحمة جلابتها وتكلمت مع مول القهوة عاد خرجت كانت امل كاتسناها قدام باب الكافي ودماغها كايدي ويجيب كيفاش غاتقدر تقنعها بعد دقائق خرجات عندها رحمة وتمشاو فتجاه الحي ديالهم حي شعبي بمتياز ديور مبنين بشكل عشوائي وازقة ديقة وعامرة بالبزنازة والشفارة وداري صغار كايجريو ومنوضين لهرج طول طريق ودماغها مرفوع والغصة فحلقها ....ماحساتش براسها حتى دخلت لوسط دار ورحمة كاتحرك فيها ....
رحمة ..ياهاد لبنت فين سارحة 
امل .."شهقت "هااااااااااااه 
رحمة ..استغفر الله العظيم اش عندك طريق كلها وانا كانهضر بوحدي 
امل .."تنهدت " والو الو يالا نطلعو لبيت بغيت نهضر معاك 
رحمة .."بقلق " الله يسمعنا خير ......."طلعو مع دروج وفتحات امل باب البيت بساروت ودخلت تلاحت رحمة فوق السداري وحيدت درا ديالهاا ومسحت وجها وعنقها من العرق 
رحمة ..جيبي معاك ابنتي شي قرعة دلما شحفت 
امل ..واخا اماما ........."توجهات لثلاجة لي كاتصفر وعامرة غير بقراعي دلما خدات قرعة دزاج وهزات كاس دطين وتوجهت لرحمة كبات ليها لكاس ومداتو ليها نزلت عليه دقة وحدة عاد شافت فيها ...
رحمة ..الحمد لله "مسحت فمها " كانسمع اش عندك البارح واليوم حالك ماعاجبني 
امل .. ماما شحال هدا كنت قلت ليك وصيت واحد السمسارة تقلب لي على خدمة فالخليج 
رحمة ..ايوا !! 
امل .. تاصلت بيا البارح ولقات ليا خدمة فواحد ريسطو كبيرة وكايمشي ليها غير شكون وشكون وثمن طالع "كادور ف عينيها "
رحمة .. "بعدم ارتياح " لااااا لااا خليك غير حدايا مانسخاش بيك تبعدي عليا 
امل .. وااااه اماما انا راه كبرت وعندي 24 سنة حتى لين غانبقى جالسة حداك واش هاد لحالة لي حنا فيها عاجباك هاد لبيت لي كارين ومجموعين فيه بثلاتة عاجبك 
رحمة .. معلوم ما عاجبنيش ولكن شنو فيدي ندير مكتوب الله كانصرف فيه انا مادا بيا تكوني عايشة مزيان ولابسة مزيان بحال البنات ونشوفك فدارك ولكن الله غالب 
امل ..صافي حنا غانبقاو دايرين يدنا على خدنا ونقول الغالب الله ماما واش داك لباسبور لي موجدة ثلت سنين هادي امتى غانستغلو كانت جاتي خرجة وماسهلش الله ولكن فهادي ربي غايسهل ونزيدك شفت حتى لمراد غير يوجد لوراق ديالو ويكون خير 
رحمة .."وسعت عينيها من الفرحة " ربي ربي شفتي لخوك وشكون لي توسط وفين غايمشي وامتى و....."قاطعتها " 
امل ..حبة حبة هه "ضحكت بزز " هاد سمسارة كاتخرج الناس لخارج وكاطلب 2 المليون انا تسلفت من عند واحد البنت تما فالخليج تعرفت عليها فالفيس وغير نوصل تما ونخدم غانبقى نرد ليها شفتي كنتي تقولي ليا ظلي خاشية راسك فداك المشقوف بلا فايدة هاهو المشقوف دار فايدة هه
رحمة ..هي غاتخويو عليا الدار "غرغرو عينيها " 
امل .."ضماتها " لازم مانضحيو شوية باش نعيشو بحال الناس انا غانخلي مراد يصيفط ليك من يستقر وتعيشي معاه وغاناخد ليك شقة هنا ونبقى نصيفط ليك لفلوس من اليوم غاتنساي خدمة القهاوي والديور صافي باركة عليك من تامارة 
رحمة ..سيري الله يسgم سعدك ويرضي عليك اااااااااح ياقلبي كيفاش غانصبر على بعادك 
امل .."تحجرو دموع ف عينيها " احم نوض نوجد لغدا ومن بعد غانمشي نقطع تيكي ونتي تاصلي بمراد باش يبدا يجمع لوراق ديالو ويكون خير 
رحمة .."تنهدت " ان شاء الله ...

طلعت ديريكت لغرفتها وحاسة بالعيا والدوخة تسطحات فوق السرير والغصة فحلقها فكل ماكادكر وئام كايتزير عليها قلبها بين ما صقر جاه تصاال من رقم غريب اول ماسمع بلي يمنى فالمستشفى من تلت يام وحاولت تنتحر طلع فلوطو ديالو وكسيرا فتجاه االمستشفى مسافة طريق كان قدام مستشفى ابن سينا بالرباط بلاصة سيارة توجه للإستقبال كايسأل عليها .........
____امريكاااااااااااا_______🛬

أوس .. "قلب طبلة وصدرو كايطلع وينزل بعصبية " مستحيل ندوزها ليها مستحيييييييييييل غاندفعم ثمن غالي ماشي أوس صقلي لي يتلاح لتوش "رفع راسو وعينيه حمرين كيف جمرررر...
معاد ..(صديقو ) اكيد مشات عند صقر الكلب دابا غايكون شمتان فيك اووووه شحال صعيبة" ضحك بستهزاء ) قبل مايسكت نزل عليه أوس بلكمة لوجه حتى نقز دمو هزو من الكول دالقميجة ونزل عليه مرة اخرى 
معاد ..اااااااااه "حط يدو على نيفو كايمسح دم 
أوس .."شنق عليه " شنو قولتي هممممم "من تحت سنانو " شنوو. قولتييييييييي هااااااااه
معاد .."كايتفتف "كالما اصاحبي غير ضحكت معاك 
أوس .."دفعو حتى طاح " خرج قو** عليا خرررررررررررررررج ........."جمع معاد الوقفة وخرج من عندو كايجري قبل مايخلطو ثاني هز اوس رجليه وقلب البيرو وهرس الزاج واي حاجة جات قدامو دكدكها طاح على ركابيه وصرخ بصوت عالي ..........
أوس ..اااااااااااااااااااااااااااااااااااه .....
___المغرب__________ 🛩
#السويسي 🏥
.."فتح لباب ودخل عندها كانت مسطحة فوق السرير ومعلقين ليها سيروم ووجها صفر اول ما شافتو جلست تبكي وتتنخصص ....
يمنى... صقرر ...صقرررررررر هئ...هئ..هءهءهء
صقر .."كايشوف فيها بملامح جامدة " علاش درتي هاد شي فين باغية توصلي ؟!
يمنى .. قلت ليك ماغانقدرش نعيش بلا بيك صعيب عليا صدقني صعيب هئ...هئ..صقر سمح ليا ماكانش بيدي كنت مجبورة صقر انا رجعت لهنا على قبلك 
صقر .."تنهد " يمنى ديري عقلك باركة افعالك صبيانية ماغاترجعش المياه لمجريها صعيب القلب لي بغاك واحد نهار نساااك وخداتو ريحان 
يمنى.. لاااااااا لاااااااااااااا ..هئ..هئ..هءهءهءهءه مستحيل نقدر نكمل بلا بيك مستحيل صقر رحمني 
صقر .."بنرفزة رحميني نتي ورحمي نفسك يمنى رجعي لرشدك وفيقي واش عند بالك ادا حاولتي تنتحري غانرجع معاك نووو غالطة 
يمنى ..انت باقي كاتبغيني ودليل جيتي كاتجري اول ما عرفتي صقر خلينا ننساو لي فات ونشوفو فلي جاي بلييز صقر بليز هئ..هئ..هءهءهءء بليييييز .....
صقر ..جيت باش نتكلم معاك ونخليك ترجعي لرشدك مهما درتي عمرك تقدري تاخدي مكان ريحان سطوب بارك شوفي لقدام اكيد غايجي نهار لي تنسايني فيه وتعيشي حياتك 
يمنى .. صقر الله يخليك خلينا ننساو لي فات "مسحت دموعها " انا ما غانقولش ليك طلقها ماعرفتش شنو دارت حتى قدرات تنسيك فيا انا يكفيني نكون معاك واخا مزوج قابلة هئ..هئ..بليز صقر ماتزيدش تجرحني....
صقر .."فتح لباب كايستعد يخرج " نساي هاد تخربيق وخوي راسك منو ادا باغية نكونو اصدقاء على رحب وسعة شي حاجة اخرى نووو صعيب صدقيني صعيب 
يمنى.. اااااه اااااه اصدقاء "كاضحك وتبكي " هههههه موافقة هئ ..هئ...موافقة ههه...

اول ماخرج من عندها مسحت دموعها وحسات بطاقة اجابية وشافت بصيص امل ...
يمنى.. ماكايهمنيش شنو نكون بنسبة ليك قد ما كايهمني نكون قريبة منك تيق بيا اصقر غايجي اليوم لي نرجعك فيه تيق بيااااا....
__مكاااان___اخررررررر______
بعد ما رتاحت وحست براسها لاباس توجهات لحمام خدات شور خفيف بعد دقائق لبست بينوار دالحمام خرجت منو جلست فطرف دسرير والكريم فيدها دهنات لحمها ونشفت شعرها ولبست بيجامة شورط قصير مع طوب ديالو وجمعت شعرها عشوائي بعد ما لبست بيجامتها نزلت لمطبخ كاتجر فرجليها فتحت ثلاجة وخدت منها عصير الحامض عمرت الكاس ونزلت عليه دقة وحدة من بعد توجهات لجردة جلست فالكرسي وعقلها مع وئام نزلت دمعة على خدها مسحاتها باالخف ورفعات راسها لسما كاتدعي فسرها وكاتطلب من الله يفك سراح وئام.......فالجهة الثانية وبضبط فحي تقدم بالرباط كانت امل واقفة فراس الشارع مع الوسيط لي بينها وبين معتز وكايتافقو على الخطوة لي غاتخطي غدا سلمها تيكي دطيارة باش تخلي رحمة تيق 100 % من بعد وراها عقد الشقة وخلاه معاه حتى تسلم نفسها عاد يسلمو ليها بعد ما تافقت معاه على كلشي رجعات بأدراجها لسطح فين كاين البيت لي كارين كانت رحمة جالسة فوق الحصيرة وحاطة صينية داتاي والخبز ددار وطبسيل صغير فيه زبدة جلست امل قدامها وشافت فيها ....
امل ..ماما 
رحمة .."كاتكب ليها اتاي " نعام ابنتي 
امل .."وراتها تيكي دطيارة " هانتي شوفي قطعت التيكي 
رحمة .."حطت البراد وشافت فيها " انا هاد شي ديالك مابغاش يدخل ليا لراسي بين ليلة ونهار طلعتي الوراق وقطعتي تيكي "صغرات فيها عينيها " شنو تما ابنت كرشي ؟!
امل .."برتباك " شنو غايكون الله يهديك قلت ليك البنت سلفتني الفلوس وكي نخدم غانبقى نرد ليها 
رحمة ..اااااااخ لو تعرفي ماداز عليا وماقاصيت هاد شعر ما جاش وشاب غير هاكاك مابغيتكش تقاصي لي قاصيت وتعيشي لي عشت "رجعت بيها داكرة لقبل 24 سنة ... 
#فلاااش #بااااااااااك••••••
رحمة .. بغيت نشوفو قوليه رحمة 
العساس.. سيري الالة عطيني تساااع واااه عشرة لاف مرة قلت ليك سي المنصوري مابغاش يشوفك وماكايعرفكش يالا خوي عليا هنااا 
رحمة ..كيفاش ما كايعرفنيش هاااا كيفاش وشي لي فكرشي ؟! "ضربات حناكها " اويلي وحدي كيفاش ماكايعرفنيش 
العساس .."دفعها " وسيري قلبي فيمن تلصقي بلاك كترتو يييييخ تفوووو سيري قلبي على بات لحرامي لي فكرشك سي محمد المنصوري مزوج وعندو بنتو ومراتو اش بغى يدير بوحدة بحالك "غوت فوجها " يالا خوي عليا هنا 
رحمة .."جرات ليه يدو كاتبوسها " انا فعارك اخويا خليني ندخل نشوفو هئ ..هئ...خليني ندخل اكيد كاين شي غلط مايمكنش سي محمد ينكرني وينكر لي فكرشي 
العساس ..وتي سييري لبسي قدك يواتيك قالك سي محمد ..."شاف سيارة ديال محمد خارجة من الفيلا دفعها حتى طاحت وغوت فوجها " ....نوضي تكعدي من هنا سيري فحالك غاتخرجي ليا على خدمتي ...
رحمة .."مشات كاتجري فتجاه السيارة " سي محمدددددددد وقفففف وقففففف هئ..هئ..انا فعارك اسي محمد حرااام عليك اشنو درت ليك حتى ضحك عليا حراام عليك هئ...هئ...____________ "كاتحرك فيهاااا
امل ..ماماااا ..ماماااااا فين مشيتي 
رحمة .."شهقات " هااااااااه "شافت فيها بعيون دامعة " انا معاك ابنتي معاااك ....
امل .."بقلق "مامااا مالك ؟!
رحمة .."تنهدت " والو ابنتي والو 
امل.. ثاني كاتفكري فيه هااااااه 
رحمة .."بستعباط " فيمن نتي فعار الله 
امل ..راك عارفة فيمن شتي ماغاتقدريش ضحكي عليا عيتي تقولي ليا اااه حقااا بابا هاجر اااه حقاا ماااات فالمهجر وتدفن تما واش عند بالك مزال كانرضع صبعي انا عارفة بل متأكدة بلي انا بنت لحرام هاد شي علاش دنيا خارية عليا 
رحمة .."غوتات " سكتييييييي اش كاتقولي عيت نقول ليك بلي باااك مااات ماااااات 
امل ..درب يسد مايرد ان شاء الله "شافت فيها "شفتي راه والله ماتقدري ضحكي عليا انا بنت لحرام ضحك عليك ولاحك بغيت غير نعرف واش ماستافدتيش من علاقتك للولة بات مراد حملك وطلقك قبل ماتولدي وبا انا "ضحكت بحرقة" لاحك قبل مايتزوجك و..."نزلت عليها لوجه قبل ماتسكت .....
رحمة ..سكتيييييييييييي ..سكتي سكتي حرام عليك هئ..هئ...علاش كل مرة كاتفتحي الجرح وديري عليه الملح علاااااش 
امل .."حست بتأنيب ضمير وبالغصة فحلقها " م ماماا ماماا سمحي ليا ان...."قاطعتها " 
رحمة .."توجهات لحاف وتسطحة فيه " ضرني راسي بغيت نرتاح 
امل ..ماما ان...."رجعت قاطعتها " 
رحمة ..الله يرضي عليك ابنتي قلت بغيت نرتااااح ..............
امل .."طأطأت راسها " و واخ...

#المساااااااااااااء______🌇
بعد ما بدا كايطيح ظلام رجع صقر لفيلا ودماغو مرفوع وكايخمم فالاقتراح لي قتارح على يمنى طلع ديريكت لطابق الثاني حط يدو على لبواني دالباب ودماغو كايدي ويجيب بعد ثواني فتح لباب ودخل كانت جالسة فلاطيراس وعاطياه بظهر سد لباب بالمهل وتوجه ليها بخطوات تقيلة ويدو فجيابو وقف ورا ظهرها دفن راسو فعنقها وغمض عينيه كايستنشق عطرها لي تغلغل داخلو حسات برعشة واحساس غريب احساس بالامان وراحة راحة لي فتقداتها من زمان لكن سرعان ماطردت الاحساس لي حساتو تلفت عندو بسرعة وبعداتو عليها .....
ريحان .."رجعات بزوج خطوات لور " احم 
صقر .. "غمض عينيه بضيق ورجع فتحهم " بون سواغ
ريحان ..بون سواغ 
صقر .. رتاحيتي شوية !
ريحان .."حست بالغصة فحلقها " ما غانرتاح حتى نشوف وئام حرة 
صقر .."مرر يدو على شعرو " ان شاء الله انا غاناخد دوش 
ريحان ..شنو بغيتي على لعشا ؟
صقر .. نو مابغيت والو "عطاها بظهر وتوجه لحمام متقل بالهموم ودماغو كايدي ويجيب تبعاتو بعينيها حتى غبر تنهدت تنهيدة طويلة طلعت من اعماق اعماقها ......
ريحان .."حطات يدها على قلبها " الله ياربي اش هاد شي علاش وليت كانرتابك من قربو !وكانرتاح فنفس الوقت شنو هاد شي هووووف "شدات راسها بيدها " زعمة يكون ..."حركات راسها يمين وشمال بعصبية "لااااا لاااااا مستحيل مستحيل يكون هاد شي ومستحيل ننسى ما داز عليا معاه "حطت يدها على قلبها " ااااااخ يااااربي اااااااخ عيت وتهديت ......
___امريكاااااااااا_______🛩
أوس .. الاسبوع الماجي غاندخل المغرب "كرز على يدو" هاحناا غانشوفو الالة يمنى وسيهم صقر 
كريم ..صاحبي خليك منهم واش غير يمنى لي مرا امريكا كاتنغل بالبنات فين تبان يمنى قدامهم انت أوس صقلي والف وحدة تتمناك
أوس .."رفع راسو " يمنى غير "شاف فيه بغضب " يمنى غيررررر 
كريم ..انت غير حطتيها فبالك صدقني ماكاتبغيهاش غير عناد وتحدي 
أوس ..حسبها كيف بغيتي "عقد حجبانو وجمع يدو على شكل لكمة وضرب فوق المكتب بقوة " لازم مانرد الاعتبار لنفسي ونشفي غليلي لااااازم ....."من تحت سنانو " لااااازم......
______المغرب_______🛩
خرجات امل من لبيت وجلست فالارض كاتشوف فالنجوم حسات بضيق فصدرها وتجمعو دموع ف عينيها طلعت تنهيدة من اعماق اعماقها وتبعتها دمعة حارة نزلت على خدها ....
أمل ..ششششت امل شتتتتتت ماتبكيش انت كاديري صح ولي لازم يدار باركة على ماما من تامارة يكفي سنين لي ضيعت على قبلي جا الوقت لي نعوضها فيه مراد غايخوي هاد لبلاد لي ماعطاتو والو واغايخدم وماما غاتلحق عليه وغاتمشي لحج كيف كاتحلم والشقة غانكتبها بإسمها باش نهار لي تعيا من الغربة تدخل لبلادها وتلقى دار تليق بيها ماشي هاد لخرابة اصلا انا ما لايقة لوالو علاش غانجلس ونزيدها بهمي علااااش "مسحت دموعها " اااااااااااااخ ياربي تصبرني غانتوحشها هئ...هئ...وغانتوحش نسمع صوتها ونعنقها وغانتوحش نكير مراد والمخاصمة معاه "دورات عينيها فالسطح " غانتوحش حتى هاد لخرابة لي عمري حملتها ياربي تصبرني ياااارب "وقفت وردت شعرها ورا ظهرها وخدات نفس عميق عاد دخلت للبيت كانت رحمة جالسة فوق السداري وكاتشوف فالتلفازة لكن العقل غايب .........
#فلااااش #بااااااك 
رحمة ..محمددددد.... محمد وقف الله يخليك وقف هئ...هئ....هءهءهءهءه..
وقف سيارة ونزل زاج ديالها وشاف فيها بعضب ...
محمد ..اش جابك ثاني سبق لي وقلت ليك ماتورنيش وجهك 
رحمة ...يااااااااه يااااه امحمد اش هاد لقسوة صافي قضيتي حاجتك وقنعتي فين هو الوعد لي عطتيني والعشم لي عشمتيني هئ..هئ...حرااام عليك ياهاد رجال شنو ذنب هاد لمخلوق لي فكرشي !
محمد ..سيري شوفي فيمن تلصقي بلاااك مستحيل يكون مني زائد نتي لي بغيتي ومن هاد شي كلو مالقيتكش عزبة راك مخرجة راس الالة وبولدك نهار كنت كانميزي فيهم كان عاجبك لحال ياااك ومن هاد شي كلو انا مزوج وعندي مرتي وبنتي الله يخليهم ليا سيري عطيني بتساع وماتبقايش توريني وجهك يالااااااااااا .....كسيرا وخلاها حالة فمها ودموعها نازلين ..... الله ياخد فيك الحق الله ياخد فيك الحق امحمد هئ..هئ... الله ينتقم منك ضحكتي عليا دعيتك الله ....." جلست فوق الحجرة تحت شمس كاتحرق وجلست تبكي وتندب بعد دقائق مسحت دموعها وشافت فتجاه الفيرمة ....." والله مانسمح ليك كيف مادمرتيتي غاندمرك ...."وقفت وتوجهت لباب لحسن حظها كان العساس خاوي لبلاصة دخلت كاتجري فتجاه باب الفيلا طرقت لباب وكاتلفت وراه واش العساس شافها بعد ثواني فتحت ليها شابة عشرينية طويلة وزوينة وباين عليها الخير وهازة بنت فعمرها عام كاتشبه ليها طبيبزة وعينيها فالرمادي طلعتها الشابة ونزلتها عاد تكلمت 
لطيفة ..اش حب الخاطر !!
رحمة .."نتي مدام المنصوري ؟!
لطيفة .."نزلت بنتها لي كانت كاتبكي بغات تنزل " ايه انا شكون اانت !!
رحمة ..كاتشوف فالبنت " انا انااااا...

لطيفة .."بستغراب " نتي شكون ؟!
رحمة .. انا كنت ".....لما طاحت البنت سكتت وتبعت لطيفة بعينيها .....
لطيفة ..ريحااان "هزتها " هوووف هانتي طحتي شفتي "كاتسكت فيها " الله اربي صافي ابنتي صافي "شافت ف رحمة " فاش نقدر نعاونك ؟!
رحمة .."ستجمعت قواها انا كنت كانعرف راجلك ميسيو المنصوري ضحك عليا وستغلني ولما حبلت منو تخلا عليا 
لطيفة ..شنوووووو ؟! كيفااااااااش اش كاتخرفي مايمكنش محمد يخوني خرجي عليااااا خرجييييييي.....
رحمة ..تيقي بيا والله ماكدبت انا حاملة منو هئ..هئ... انت ولية بحالي بحالك وام الله يخلي ليك بنتك حسي بيا ولي فكرشي غايكون خو بنتك ولا ختها 
لطيفة.."بصوت عالي " العربيييي ..العربي..
العربي ..(العساس ) نعام الالة لطيفة 
لطيفة ..خرج عليا هادي 
العربي ..تي كي درتي حتى دخلتي " جرهااا " زيدي قدامي خرجي عطينا تساع ......
_الحااااااضررررر_____
امل ..ماماااااا وااا ماااااااماا
رحمة .."تنهدت وحبست دموعها " هااااه 
امل ..فين سهيتي ؟ 
رحمة ..غير مع الخدمة غدا عندي مناج كبير هاد شي علاش 
امل ..ماغاديري بو مناج صافي جلسي من ديك الخدمة دلويل 
رحمة ..اييه ومن نجلس اش ناكلو ؟!
امل ..قلت ليك غانسافر لخليج وغانتكلف بيك اش باغية مزال ؟!
رحمة ..انا دورتها فراسي مزيان هاد لخليج مادخلش ليا لمخي اووو عيت نبرر مالقيت ليك حتى تبرير بين ليلة نهار قطعتي تيكي وغاتمشي ...
امل .."بنفاد صبر " اوو هووووووه رجعنا ثاني لنقطة صفر 
رحمة ..ثاني وثاالت سمعي ليا وجلسي لارض ماخصنا بو خليج 
امل .."بنرفزة " لاااهي لاااا نتي لي سمعيني "تنهدت " ماما تيقي فيا وخليني نمشي وانا مرتاحة 
رحمة ..وانا شكون يريحني اممم ! كيفاش غانرتاح ونتي بعيدة عليا زائد هاد روينة ديالك مامريحانيش بالمررررة...

#اليوم #الموااااااااالي _______
شرقت شمس جديدة معلنة عن يوم جديد واحدات جديدة لابطالنا فتحت ريحان عينيها مع الساعات الاولى لصباح توضت وصلت ودعات ربي يكون اليوم غير الايام ثلات لي عاشت ويفك سراح وئام بعد ما صلت لبست حوايجها عبارة عن قاميجة فالابيض مع سروال دروا ابيض وجاكيط جيز ديلافي حد ركبة وفولار فالابيض لبست صبرديلة وكتفت بإكخو ونزلت لطابق الثاني كاتجهز لفطور لصقر بين ما صقر كان خارج الفيلا كايمارس رياضة بحال كل صباح فالجهة الثانية كانت امل كاتحاول تسكت رحمةمن البكى ماسخاتش تفرفق بنتها خصوصا قلبها مزير ومامرتاح (الله يسمح لينا من الولدين ) ......بعد اخد وعطى وضم وتقبيل خرجات من الحي الشعبي وفيدها صاك فيه حوايجها وجواز السفر ....إلخ اصرت رحمة تمشي معاها لمطار خداو طاكسي وتوجهو لمطار سلاا الدولي طول الطريق كانت امل كاتقاوم دموعها وكاتحاول ماتشوفش ف عينين رحمة باش ماتضعفش مسافة طريق كانو داخل المطار ..
امل ..ماما صافي رجعي 
رحمة .."نزلو دموعها" صافي ابنتي سخيتي بميمتك هئ...هئ‘‘...
أمل .."تحجرو دموع ف عينيها " ماما الله يخليك ماتزديش على مابيا "شدات يدها وباستهم " اي حاجة درت وغاندير على قبلكم 
رحمة ..اشنو كاتقصدي "جراتها من يدها " يالا ابنتي من هنا يالاااا 
امل .."شدات يدها "قصدت غانتغرب باش نعيشو بحال ناس انا ماشي اول وحدة ولا اخر وحدة "تلفتات وراه ورجعت شافت فيها " ضحكي ارحومتي وفرحي باب سعد غايتفتح لينا وغانخرجو من داك سطح لي عششنا فيه حياتنا كاملة "ضماتها بقوة وحابسة دموعها " دعي معايا 
رحمة ..انا مفرشاك برضى ومغطياك بيه بغيتك فينما حطيتي يدك تربحي الله يخليك ديما الفوق الفوق و...."قاطعتها بقبلة على الجبين 
امل .."باست جبينها " هادو كافيني هه يالااا سيري الرحلة مزال ليها 30 دقيقة 
رحمة ..خليني جالسة معاك 
امل ..عفاك ماما سيري ولا غانبكي ليك هنا 
رحمة .."ضمتها كانها اخر مرة تشوفها " الله يرضي عليك وينقي طريقك من شوك كي توصلي تاصلي بيا ماتخلنيش مهولة عليك 
امل ..واخا "رحعت ضمتها " غانتوحششششك .........."بعد ماضمو بعض خرجات رحمة من المطار ودموعها على خدها وقلبها مزير ومامرتاحش بين ما امل توجهات لحمام وجلست تبكي وتشهق بعد دقائق غسلت وجها وشافت فالمرياااا ...
امل ..شششت علاش كاتبكي شكون بحالك ربحتي شقة فحي راقي وخوك غايسافر لاوروبا ومبلغ 20 مليون فحسابك عمرك كنتي تحلمي بهاد شي اصلا ماغانجلسش حياتي كاملة فالحبس الولد عايش شحال غايحكمو عليا كاع ربع سنين ست سنين جنافو عليها المهم نخرج من داك سطح وداك الحي دالويل "خدات نفس عميق وخرجات من الحمام ومن المطار وقف طاكسي صغير وتوجهت لمركز شرطة مسافة طريق كانت داخل المركز 
___مكااان_اخر________
رانيا .."توجهات ليه كاتمختر " عمار الفطور جاهز "كاتشوف فيه بإعجاب وكاتلعب بشعرها...تجاهلها وكمل طريقو فتجاه الباب خرج من الفيلااا وخلاها متبعاه بعينيها ....
رانيا ..مغرور متكبر "لوات فمها بغيض " 
رياض .." كايحرك فيها " مامي مااامي 
رانيا .."صرخات فوجهو " اش بغيتي !!
رياض .."قلب شنايفو " هئ..هئ..هءهءهء
الحاج محمد ..علاش بكتيه ارانيا الله يهديك 
رانيا ..هاد الولد ولا مفشش بلا قياس "خنزرت ف رياض " سير عند دادا ديالك 
الحاج محمد .."بعصبية " رانياااااااا 
رانيا .."هزات صاكها بزعف " هاهي خاارجة رتاح مع راسك ...."خرجت من الفيلا دمها كايغلي فكل ما كاتبغي تقرب من عمار كايقمعها طلعت فلوطو وكسيرات ف تجاه لكلوب بين ما عمار توجه لمركز الشرطة .........
_____المركز__________👮
المحامي.. المجرمة الحقيقية عترفت بجريمتها وقدمت نفسها ليكم 
الضباط .. تماما عترفت ووقعت على المحضر وتم حتجازها بخصوص الانسة وئام غاتخرج اليوم بعد ما نكملو الاجراءات ....
المحامي .."صافحو " تبارك الله عليكم ...
"خرج من المكتب فرحان وماهازاه فرحة بعد ما كان كايتقاتل على الصراح المؤقت سدت طلعت براءة يالا غايتاصل بصقر يعلمو وهو يلمحو داخل لمركز برفقة ريحان ....
صقر.. خير كاين شي جديد !!
المحامي .."تبسم "كاين كل خير الانسة وئام طلعت براءة هه
ريحان .."حطت يدها على فمها " اااااااالله واش بصح هههه "شافت ف صقر " واش طلعت براءة ؟!
صقر .."شاف فيه " شرح لينا شنو وقع .
المحامي ..لي وقع انا واحد الانسة قدمت نفسها وعترفت بلي هي لي ضرباتو 
ريحان .."تنهدت برتياح " الحمد لله ياربي 
صقر ..ادا وئام غاناخدوها معانا دابا
المحامي ..تمامااا غير تكمل شي اجراءات 
ريحان ..اشمن اجراءات !!
صقر ..اجراءات روتينية المهم طلعت براءة "تبسم " مبروك 
ريحان .."الفرحة ما سايعاهاش " الله يبارك فيك ...

بعد ساعة تقريبا خرجت وئام لعندهم توجهات لريحان بخطوات متسارعة ترمات فحضنها وكاتبكي ومزال ماصدقتش بلي خرجت براءة
وئام ..ريحاان ...هئ...هئ..ريحان ختيييييي
ريحان .."ضمتها " الحمد لله واخيييييييراااا
معتز .."توجه ليهم كايضحك "اللله اللله اللله مبروك علينا البراءة 
صقر .."تلفت لعندو ومستغرب من الفرحة لي فرحان " امتى جيتي وكيفاش عرفتي بلي طلعت براءة !!
معتز .."رتبك " هه عاد وصلت الامر مايحتاجش تفكير شفتها معاكم "مرر يدو على شعر وئام " على سلامتك ابنتي 
وئام.. "مسحت دموعها " الله يسلمك اعمي 
صقر .."شاف ف ريحان " يالا نحيدو من هنا 
ريحان ..غاتكوني عيتي يالا لدار ترتاحي 
وئام..اووه بزاااف "ضمتها وخرجو مجموعين من المركز والفرحة ما سايعاش ريحان لكن وئام دماغها متلخبط كيفاش براءة وهي ضرباتو وشكون هاد لبنت لي قدمت نفسها طلعو فلوطو وديمارا صقر فتجاه الفيلا ريحان فطريقها تاصلت ب فاطمة وباتول وبشرتهم مسافة طريق كانو فالفيلا دصقر ...فالجهة الثانية كان عمار داخل المركز وكايسول على وئام اول ماعرف بلي طلعت براءة تعصب وماصدقش خرج من المركز وهو فقمة غضبو كان متأكد مية فالمليون بلي وئام عندها يد فالحادت وبلي البراءة لي خدات وراها شي حد
____بعد ماوصلت لفيلا خداتها ريحان لغرفة ضيوف ووجدت ليها الحمام وحطت ليها واحد من فساتينها لي كانت خدات مؤخرا بعد ما خدات وئام شور لبست فستان فالابيض فوق الركبة وجمعت شعرها على شكل كعكة عاد نزلت لعندهم كانو مجموعين فالصالة اول ما شافتها فاطمة ناضت كاتعنق فيها وتبوس حتى خنقتهاا.....
فاطمة ..على سلامتك اخويتي على سلااامتك وسلامتنا 
وئام .."بعدت عليها " شكرا "جلست جنب ريحان وكادور ف عينيها 
معتز ..بغيت ناخد رئي وئام وريحان طبعاا 
ريحان .."بهتمام " خير اعمي 
معتز ..بعد شي لي وقع وئام غاتلقى صعوبة فالدراسة قصدي مع الزملاء ديالها فالايكول يقدرو يدايقوها بكلامهم هذا علاش كانفكر نرسلها الامريكا تكمل تما دراستها اصلا كان من المقرر العام جاي تمشي لكن فهاد ضروف يستحسن تمشي دابا 
ريحان ..لااا لاااا من الاحسن تبقى حدا عيني ماغانقدرش نبعد عليها بعد لي وقع 
معتز ..عارف بلي خايفة حتى انا كانخاف عليها وئام من ريحة المرحوم وانا فمقام باها غاتدخل لمدرسة داخلية خاصة ماشي اي واحد يمكن ليه يقرا فيها وتما كاينين ناس كانعرفهم شخصيا غايهتمو بيها ولعام الجاي بحول لله يلحق عليها عماد اش قولتي !!
فاطمة .."نقزت كاتحلون عليه " قالت صلاة ع النبي اسيدي معتز 
معتز .."شاف فيها ونزل عينو " احم
ريحان .."كاتشوف ف وئام " شنو قولتي ؟!
وئام .."سكتت شوية وتكلمت " موافقة 
معتز .. مزيان بزاااف من غدا غانبدا فالاجراءات 
فاطمة ..الله يكتر خيرك ولهلا يخطيك علينا "ناضت كاتمختر " اش تبغي على لغدا اسي معتز "كاتشوف ف عينيه وتبسم " 
معتز .."رتبك من نظراتها "احم لي كان 
ريحان .."وقفت " انا غانعاونك 
صقر .."شاف فالساعة " انا عندي شي شغل بلا ماتسناوني لغدا 
معتز ..فين غادي اولدي ؟!
صقر ..عندي شي شغل خارج شركة يالا سلام عليكم ..

توجهات فاطمة لمطبخ برفقة ريحان وبداو فتحضير لغدا بين ما معتز كان كايتكلم مع وئام وعماد فمكان اخر وبضبط فمركز الشرطة كانت امل داخل الزنزانة .
غادية جاية وبالها كلو مع رحمة وكيفاش غاتقبل غيابها 
الحاجة الوحيدة لي كانت مصبراها هي مها غاتعيش مرتاحة وفبيئة نقية
__مكاان__اخرررر_______
بلاصة سيارة قدام باب الفيلا دريان ونزل منها بهيبتو المعتادة ونظراتو الحادة توجه لباب وحط يدو على صونيط1ض ثواني وتفتح الباب كانت مرا فالخمسين من عمرها ولابسة زي الخدم .....
عمار ..بون جوغ 
السيدة ..بون جوغ ميسيو 
عمار ..بغيت نشوف ريان 
السيدة ..شكون نقول ليه ؟! 
عمار ..عمار بن جلون ....
السيدة ..ثواني ...."دخلت لداخل وتوجهات لجردة فين جالس عمار وجولي ....."
السيدة ..احم سيدي 
ريان.."تلفت عندها" وي 
السيدة ..ميسيو بن جلون كايتسناك
ريان.. "وجهو خضار وصفار" ب بن جلون احم "وقف " انا غانشوفو 
جولي .."كاتفتف " انا غانمشي "هزت صاكها ووقفت بعد ما شافت فيه شوفة دالموت " بلا مانوصيك 
ريان.." سيري خلاص انا ماناقصكش ....."خرجات جولي من الباب لوراني ساخطة على الوضعية ومزال ماتفهم ليها لبلان دالمتهمة جديدة بين ما ريان توجه لصالة فين كان واقف عمار وداير يدو فجيابو 
ريان .."دعى الفرح " اهلااا اهلااا سي عمار نهار كبير هذا "صافحو "
عمار .."بصوت خشن " اهلاا
عمار.."اشار ليه "تفضل 
عمار ..بصرامة "انا ماجيتش نتفضل "شاف فيه بنطرات حادة ؟! المحكمة ديال المتهمة جديدة من هنا لثلت يام 
ريان.."بلع ريقو " اه ديجا عارف وانا الشاهد الوحيد 
عمار ..وحيت انت الشاهد الوحيد بغيتك تعترف بلي وئام لي ضرباتو 
ريان .."كايتفتف " ك ك كيفاش غانعترف بشي حاجة ما كايناش 
عمار .."شنق عليه "اهاااا قولتي ما كايناش قبل ثلت ايام شنو قولتي هااا ؟ كنتي قولتي بلي وئام المتهمة الوحيدة ودابا رجعتي قولتي بلي ماشي هي علامن كاضحك " من تحت سنانو " علاااامن !!
ريان .."دفعو ورجع لور " انا ماكانضحك على حد 
عمار .."رجع شنق عليه " اشنو بان ليك نقدم الفيديوهات لي كاتاجر فيه لشرطة ونخليهم يهجمو على وكر دعار لي داير انت وباك اممم ونخليهم يعرفو بالمخدرات لي كاتروج فالايكول كيف ما غانخليهم يعرفو شكون قتل االبرلماني *** طبعا باك وانت مشارك فالجريمة الى جمعنا هاد لجرائم كاملين شحال غاتاخد ؟!امممممم مؤبد ولا اعدام "دفعو ورجع شاف فيه بحدة وكايسوس فيديه" طلق راسك كانسمع 
ريان ..انا ماعندي حتى دخل صدقني " كايتفتف " هاد شي كلو سبابو فراس هو لي وصل نفسو لهاد لحالة 
عمار .."شنق عليه وتكلم بعصبية " اشنو كاتقصد هااااا ؟! اشنو كاتقصددددد
ريان.. فراس اول ما شاف وئام فالايكول عجباتو ولما حاول يكلمها صداتو من تما وهو حاطها فبالو وحلف حتى ياخد منها لي بغى وينتقم منها حيت رفضاتو " سكت ورجع شاف فيه " 
عمار ..اي !!
ريان ..بعد مدة قدر يكسبها كاصديقة ووراها الوجه البريئ بعد فترة وهمها بالحب وقدر يخليها تعجب بيه لكن عمرو قدر يوصل لشي لي بغى واخا حاول معاها كانت كاترفض تسلمو راسها هذا علاش جاتو فبالو خطة منها ياخد لي بغى ومنها يشوها تافق معايا باش ندير ليه حفلة عيد الميلاد ومتل انو ماعارفش انا نضمت الحفل وفرقت دعوة على كاع طلاب لي معانا من بينهم وئام وقلت ليها بلي داير ليه سوبرايز رحبت بالفكرة وقررت تحضر الحفل كان هنا فالفيلا وفالغرفة ديالي ركبت كاميرا باش من يكون مع بعض كاع شي لي غايديرو يتسجل وانا غانبيع الڤيديو وهاكا غاتفضح وتشوه سمعتها نهار الحفل كانت دنيا عامرة والموسيقى عالية قترح عليها يبعدو من ضجيج مشات معاه الطابق الثاني اول مادخلو لغرفة حسات بالخوف وطلبت منو يخرجو لكن رفض وبدا كايتقرب منها من بعد ما رفضت تهجم عليها هزات قرعة ونزلت عليه لراس وهربت الجرح ما كانش عميق كان جرح طفيف واخا حس بدوخة ماشي شي حاجة كراف بعدها بثواني دخلت جولي وهي لضرباتو على راسو بقوة حتى فقد الوعي وجاه نزيف حاد 
عمار .."بغضب " شكون هاد جولي ؟ 
ريان ..جولي صديقتنا كانت كاتبغي فراس من زمان ولما خلاها على قبل وئام قررت تنتقم منو ومنها فنفس الوقت وهي لي طلبت مني نعطيها الڤيديو ...

بعد ماسمع من ريان بقى غادي جاي وكايخمم شنو غايدير شاف ف ريان وتكلم ......
عمار ..غاتعطيني عنوان هاد جولي وغاتجي معايا تشهد بلي لي قدمت نفسها ماشي هي المجرمة بس ماتدكرش اسم فراس 
ريان .."بلع ريقو " مافهتش !
عمار .."بصوت رجولي " سمعني.........
___مكان__اخر________
بعد ماجهز لغدا توجهت لصالة كاتمختر والابتسامة على شفاها....
فاطمة ..سي معتز الغدا وجد 
معتز .."رجع رتبك من نظراتها "احم واخا 
ريحان ..عمي فين تبغي نتغدا هنا فالصالة ولا فالجردة 
معتز.. بحال بحال ابنتي 
وئام ..فالجردة حسن الجو زوين 
معتز .."وقف "مدام وئام ختارت على بركة الله هه ........."توجهو لجردة وجلس كل واحد فمكانو بين ما فاطمة توجهات لمطبخ وهزت طاجين الملوخية بالحم من بعد حطت سلطات منوعين والعصائر ...
فاطمة ..بسم الله "حيدات لغطا دطاجين" 
معتز .."ذاق منو " اممممممممم هاد شي بنين
ريحان ..طاجين فاطمة لي وجداتو 
فاطمة .."كاتشوف فيه وتسبل ف عينيها " بصحتك اسي معتز 
معتز ..احم الله يعطيك الصحة .....
___مكان_اخر_______
مراد.. واش سافرت سيمانة جيت لقيت دنيا مرونة فين مشات هاااا فين !
رحمة .."كاتفتف" بشوية اولدي جيران غايسمعونا راه قلت ليك جاتها خرجة على برا باش تخدم وانا بنفسي وصلتها لمطار وحتى انت غاتصيفط لخارج اش بغيتي 
مراد .."كايعلي صوتو " تصيفطني لخاريج عندها سوارت القنصلية وتي علامن كاتسطاي علاامن ديك بنتك خرجات ليها طاي طاي ولله يامها حتى ندبحها من الودن لودن انا ضحك فيا رعاوين 
رحمة .."كاطلب فيه " الله يرضي عليك اولدي نزل صوتك غاضحك فينا ناس "جبدت 20 درهم من جيب طابلية " هاكا اولدي نرل لقهوة وبدل ساعة بخرا 
مراد..تي والله لابدلت شي ساعة الق*** ضحكت عليك بزوج كلماات مشات لخليج تهز رجلين بغيت غير نعرف منين جابت لفلوس تا والله حتى شي حولي فالقضية بالحق من اليوم الله يرحمها ورب العبود ماترجع لهاد دار ثاني ونهار توريني وجها غاندبح مها من لودن لودن ......"خرج ورضح لباب "
رحمة ..'"طاحت وكاتندب "" اويلي وحدي اش هاد لكارتة هئ..هئ...الله امل اش درتي فيا هءهءهءهءهءه......
___مركز__الشرطة_____
عمار ..ريان عترف ليكم بلي كاين والڤيدو عند جولي الادريسي 
الضابط ..الاعتراف ماكافيش لازم دليل زائد هاد ريان كل مرة كايطلع لينا بعتراف فشكل هدا علاش غايتم توقيفو بتهمت عرقلة سير القضية والمدكورة غانرسلو ليه استدعاء للولاية وغانشوفو قضية الڤيديو 
ريان.."بحال الى تكب عليه سطل دالما "لله يحفظك الشاف انا ماعليا والو كيفاش غانتوقف
الضباط .."اشار لرجل لامن " خرجوه عليا من هنا 
ريان.. عمااار تقت فيك ماتخلاش عليا انا مادرت والو 
عمار .."رجع شاف فالضابط " لو كنتو دايرين خدمتكم صح ماكانش غاتكون هاد روينة كاملة لي محتجزينها وحدة كدابة المسؤولين هما وئام المنصوري وجولي الادريسي لازم ماتوقفوهم 
الضباط .."تنهد " مستحيل نوقفوهم بلا دليل "تكلم مع المساعد " طلع ليا امل بوعرفة 
الشرطي.. امرك سيدي .....
___مكان__اخر______
.."حست بترويعة وقفاات بدون ماتلفت الانتباه وتوجهات لحمام باش ترد بين ما فاطمة كانت كاتشوف ف معتز بإعجاب وكاتحاول تخليه يتكلم معاها نظراتها وتروه وخلاوه متلخبط وماشي على بعضو بعد ماردر رجعت لعندهم وكتفت بسلطة فقط ...
معتز ..فين مشيتي !!
ريحان .."اشارت لتيلي" مشيت جبت تيلي 
فاطمة ..سي معتز ماكليتي والو 
معتز.. "مسح فمو بالمنديل " الحمد لله وتبارك الله عليك طجين دايزو لكلام
فاطمة ..انت غير شرفنا بزيارتك وانا عليا كل نهار نوجد ليك طاجين فشكل وتاكل عليه صبيعاتك "ضحكت بمياعة 
ريحان .."لاحظت نظراتهم لبعض" احم عمي المخطط كملتو بعد لغدا شوفو وعطيني رئيك
معتز .."وقف " دابا نيت 
فاطمة ..وقفت " انا غانوجد ليكم كاس دتاي منعنع تهضمو بيه "تحنات اسبغي حتى بان صدرها وهزات طجين وعينيها ف عينين معتز لي بلع ريقو وحس بالحرارة طالعة معاه توجهات لمطبخ ماتمختر وشعرها المموج ورا ظهرها ...

___المركز_____👮
امل .. لي عندي قولتو ماعندي مانضيف 
الضابط ..واش شي حد مهددك او رغم عليك تلبسي القضية !
امل .."بإصرار " مارغم عليا حتى شي حد وما كانعرف حتى شي حد 
عمار ..شحال عطاوك هااا ! شحاال !!
امل .."تجاهلت كلامو " الصمت 
الضابط ..ميسيو بن جلون تهدن "شاف فيها " بنتي واش عارفة بلي ادا بانت الحقيقة غاتعاقبي بتهمت تظليل العدالة عترفي دابا احسن وانا غانوقف معاك 
امل ..سبق لي وعترفت ووقعت على المحضر من الفوق ماعندي مانضيف 
عمار .."ضرب الكرسي برجلو حتى تقلب " علامن كاضحكي شحال عطاوك واش حريتك ماعندها قيمة عندك عترفي وخلي دوك الشمايت يترباو 
امل ..شافت فالضابط " اذا ساليتو ممكن نمشي
عمار .."شدها من دراعها بقوة " انت ماعندك فين تمشي عترفي خلااص
امل ..ايييه بعد يدك بعدددددددد
الضابط .."توجه ليه وبعدو عليها " ميسيو بن جلون تهدن الله يخليك "شاف ف رجل الامن " نزل الانسة لجيرون 
عمار .."بعصبية " اوووف اووووووف فين ماكانشد راس الخيط كايرجع يضيع من يدي
____مكان___اخر___________
معتز ..اووه المخطط طلع اجمل من ماضنيت تبارك الله عليك ابنتي 
ريحان ..غاتكون قرية سياحية فائقة تكنلوجيا ومستقبلية جديدة والقرية غاضم كذلك فندقًا كايتكون من 400 من الأجنحة الفندقية، وفيه 50 مصعدًا كهربائيًا القرية غاتشمل كذلك مسابح ومساجد ومطاعم فخمة ومرافق رياضيةومدينة الالعاب وغاضم 30000 منزل ومول كبير ...
معتز .."بفخر " كيف كنت كانحلم تماما تبارك الله عليك 
فاطمة .."حطت صينية داتاي وطبسيل فيه المكسرات وطبسيل فيه الحلوة مشكلة جلست جنبو وتعمدت تحتك عليه شافت فيه وتبسمت
خليو عليكم الخدمة وشربو ليكم اتاي بقوامو يرد ليكم لمزاج "ضحكت بدلع " 
معتز ..لله ريحتو كاتشرح القلب شحال بيني وبين اتاي بقوامو 
فاطمة .. "شافت فيه وسبلت عينيها " انت غير امر وانا غانشبعك شهيوات واتاي منعنع بقوامو اسيدي ههه 
ريحان .."لاحظت بلي كاتحاول ترمي شباكها عليه " احم فاطمة " من تحت سنانها " سيري ترتاحي ياك مولفة تنعسي مور لغدا 
فاطمة .. اويلي على نعس وسي معتز هنا حراااام مانسخاش "شافت فيه وتبسمت " 
___مكان_اخررر_______
زينب .. هاي هااي هااي على سيد نهار ومطال ماشفتو من سولتو قالك عند مرات ولدي سيري يالعروبية الله يشتت شملك تلفت ليا الولد وباه 
رقية ..وخلاااص زدتي فيه وااه اش فيها الى تغدا فدار ولدو 
زينب ..الله يغصبها انا لي عارفة داك الجنس الحار فاش كاتفكر بالحق الهضرة ماشي دابا حتى يجي سيهم معتززز
رقية .."بتدمر " من جيت وانت تنكر تنكر تنكر وااه ما كاتعيايش باااز 
زينب ..ماكايحس بالمزود غير المخبوط بيه نكمدها فقلبي حتى لعند ربي 
رقية .."بزعف "وهي الى نقطتينا بسكاتك ...
___المساااااااااء______🏙
فاطمة ..والله سي معتز عمر علينا هاد نهار كن غير جلس يتعشا معانا
ريحان .."رفعت حاجبها "اش كايدور ليك فداك راس 
فاطمة ..انت فعار الله اش درت ثاني 
ريحان ..راني حافظاك وعارفاك اش كاتسواي فوتي عليك الراجل ما ناقصاش مشاكل 
فاطمة .."كاتغبن " اش درت انا اش درت ماشي حرام عليك تهميني ااااح ياقلبي انا نحلب عليكم الحليب وانتما تحلبو عليا سم 
ريحان .."ناضت " انتي ماكاتقاضايش الجبال يتهدو وانت ماتهديش ....."طلعت لطابق الثاني وخلاتها متبعاها بعينيها حتى غبرت 
فاطمة .."تبسمت بمكر " غير نتي تزوجي وديري راجل تحت باطك وانا لااا ماالي اش خصني زين زينة الحداكة حادكة الصغر صغيرة والف راجل يمناني بالحق معتز لي فبالي وماغانمشي حتى نديرو تحت باطي "ضحكت بمياعة " هاها هااااي ...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.