زينب...."مايمكنش مستحيل نقبل بيها "بعصبية" واش باغي تجنني انا عطيت الكلمة لمامات سارة وسارة هي لي غاتدخل كنة لهاد الدار وديك المزلوطة عمرها تحلم تكون مرات ولدي كاتسمع
معتز...هاحنا غانشوفو الالة زينب شكون لي غايمشي كلامو
صقر..."نازل مع دروج " اش واقع اش هاد صداع
رينب...قال......"قاطعها بحدة "
معتز...اجي اولدي معايا لمكتب باش نهضرو فراحتنا
صقر...واخا تفضل " اشار ليه
زينب...رجلي على رجلكم......"توجه معتز لمكتب ديالو لي داخل الفيلا وصقر وراه اول ما دخلو سد معتز الباب على زينب
صقر...بابا فهمني اش واقع
معتز...ولدي سبق ليا وفاتحتك فموضوع الزواج واش ماكاظنش وصل الوقت لي دير فيه عائلتك
صقر..."زفر " سبق لينا وتكلمنا فهاد الموضوع وسديتو
معتز ...ولدي ف...."قاطعو "
صقر..."بنفعال " من بعد خولة ماغانشوف فحتى وحدة الوحيدة لي كان ممكن تحمل اسمي هي يمنى من بعدها حتى وحدة ما تحلم تاخد مكانها
معتز...يمنى...يمنى....يمنى يمى مشااااات واش كاتسمع مشاااات تشوف حياتها وخلاتك عايش على الاطلال لو كانت كاتبغيك ماكانتش تمشي وتخليك
صقر..."بعصبية " بااابااااااا انت عارف شنو سبب وشنو وقع فابلا ما تحاول تخسر صورتها قدامي وزاج نساه ثم شكون هادي لي فارع ليا مخي بيها
معتز...انا باك وعارف مصلحتك صدقني لو ما شفتهاش المرا المناسبة ما كنتش نطلب منك تزوج ريحان هي لي غاتكون مراتك وسدينا هاد الموضوع الاسبوع الماجي غانمشيو وطلبو يدها...
صقر...كاتحلم ومستحيل تفرضها عليا
معتز...ولدي سمع....."قاطعو "
صقر..."بعصبية " مابغيت نسمع حتى كلمة "يالا عطاه بظهر باش يخرج وهو يسمع معتز مايتألم تلفت بسرعة ووسع عينيه
وئام..."نقزات " بيتك الالة هي صالة كيف شفتي دار صغيرة وفيها غير زوج بيوت صالة وبيت نعاس والبيت ديالي انا وريحان فهمتي
"رفعات حاجبها"
فاطمة...اديك البرهوشة شفت من وصلت ونتي تعوجي عليا فقمومك ياك لاباس !!
وئام...برهوشة وواعرة عليك كيتك اشارفة
فاطمة..."من تحت سنانها " ريحااااااااااان
ريحان..."دخلت لعندهم " اش هاد صداع مالنا
يالا بغات تهضر فاطمة وهي تقاطعها""""
وئام..شفتك ما مشتيش الخدمة!!
ريحان..."تزيز عليها قلبها " خ خديت كونجي ...
_____ المصحة _____ Clinique 🏥
دخلوه لغرفة الفحص وسدو الباب بسرعة وخلاو زينب كاتولول وصقر غادي جاي على اعصابو
زينب..الله اربي قولي شنو وقع كيفاش حتى جاتو الازمة عمرو ماتشكى من شي حاجة
صقر...معرفتش كنا كانتناقشو حتى طاح
زينب ...كلو من ديك قليلة الاصل مانعرف كيف دارت حتى كلات ليه ناري وطيح بين يدي الطماعة
صقر..."زير على يدو " بغيت غير نعرف علاش مصر عليها هي بضبط
زينب ...اكيد ضحكت عليه وكلات ليه دماغو بتمتيل وقال هادي لي غاتكون مناسبة غاتوريني فالموظفات العاهرات اخ لونشدها
---داخل غرفة الفحص ---
معتز...جلس " شكرا ادكتور لكن واش غانقدرو نضحكو عليهم
الدكتور...ظاهر لي متلتي الدور مزيان صقر كان ظاهر عليه الخوف لا هو لا مدام زينب
معتز..."تبسم " على الله نقدر نأتر عليه
الدكتور...انت دابا تسطح وكمل اللعبة ديالك وخلي الباقي عليا
معتز...شكرا..."تسطح فوق البياص...وامر الممرضات ينقلوه العناية ...خرجو من الغرفة كايجريو اول ماشافهم صقر تبعهم كايجري دخلو لعناية وخلاه برا ...بعد دقائق كتيرة خرج الدكتور من العناية اول ماشافوه مشاو كايجريو لعندو
معتز..بصحتكم ثم هذا معتز يعني ساهل نعرف واحتى حوايجك كاينين والعشا غايجيك جاهز من المطعم يعني غير رتاحي
ريحان..."بعدم ارتياح " شكراا ميسيو
معتز...ياريت تشيلي الالقاب من اليوم قولي لي عمي
ريحان... و خ واخا شكرا اعمي
معتز...بصحتك ابنتي يالا نخليك تجهزي نفسك النهار دغيا كايطير في امان الله "قطع"
جبدات الفستان لي بعت ليها ومهاه الفولار ديالو كانو حوايج زوينين وكلهم لمارك خلات وئام وفاطمة كايتسألو من جا هاد شي دخلت لغرفة وسدات الباب بالمفتاح وجلست كاتبكي فصمت ومتجاهلة تماما الدقان لي فباب الغرفة بعد دقائق من البكى نعلت الشيطان وناضت توضات وصلت صلاة الاستخارة عاد جلست فالصالة مع خوتها ومرات باها ....
ريحان..."نزلو دموعها " غير شوية الخوف عادي احبيبتي ههه
وئام..."ضماتها" غاتكوني اجمل عروس
_______المسااااااء ______🌇
بدا يطيح الظلام وريحان خوفها كايزيد ومتخبطها فأفكارها ياترى كيف داير شكلو ؟؟ وكيف داير طبعو واش هادي ولا عصبي !! واش وراضي على زواج ولا مامهتمش اسئلة كتيرة كانت كادور فراسها ومالقاتش ليهم جواب ستغفرات الله وناضت كاتجهز نفسها لبسات الفستان لي بعت ليها معتز ودارت الفولار ورفضات تحط الميكاب واخا اصررت عليها وئام بين ما وئام لبست فستان فوق الركبة ودراعو عريانين وفيه دونتيل فالصدر وفاطمة لبست قفطان فالبوغوا مخدوم باليد عجبها بزاف وماحيداتش من حدا المرايا بين ما عماد لبس سروال كلاسيكي فالكحل مع قاميجة بيضة والبابيو معاها ومشط شعرو لور عجبو شكلو الجديد اول ماكملو لبسهم وصل العشا عبارة عن سلطة غويال مع البسطيلة وسوشي سلطة مشكلة مع جمبا وسيجالا واللحم مشوي والمشروبات والمقبلات واخيرا اطبسل كبير دالحلوى مشكل كلها بالوز فاطمة عينها خرجو وريوكها طاحو يالا قادات ريحان كل حاجة فمكانها فالمطبخ وهما يوصلو كانت زينب لابسة فستان فوق الركبة فالنواغ لونها المفضل وجامعة شعرها مشيطة سامبل مع ميكاب خفيف اول ما حطات رجلها فالعتبة عوجاات فمها وكاتشوف فيهم بحتقار ووراها معتز فكامل اناقتو وجهو مبشور وهاز فيدو علبة من شوكولا الفاخر والورد بما انا صقر رفض يهزو وراه صقر لابس كوستار فالاسود وراد شعرو لور وعاقد حجبانو واخيرا السائق طلع الكراطن ديال السكر الحليب وطبسل دالتمر معمر بالجوز بعد ما سلمت عليهم فاطمة لي مصدومة من العريس لي جا لريحان كان عند بالها شارف دخلو لصالة وجلسو ...
فاطمة.."كاضحك بالفقصة" هه مرحبا بيكم
معتز...شكرا فين هي الريحان
فاطمة...وئام نوضي كلمي ختك
معتز...عماد صافا !
عماد ..الحمد لله شكرا
فاطمة...الحاجة اش سماك الله
زينب.."من تحت سنانها " تحجي على كلب عما "شافت فيها بتعالي "انا لالة زينب نصر الدين
فاطمة.."حابسة ضحكة" ايوا امولاي السلطان سمعنا صوتك
معتز ..هه صقر كايحشم انا كافي او لا الالة فاطمة
فاطمة ..."كاتشوف فيه بطريقة مثيرة "الله اودي انت الخير والبركة "هزات البراد وكاتكب اتاي وكاتحاول تبين صدرها لمعتز لي عجبها وبدات كاترمي شباكها عليه ...
طول الوقت كان صقر ساكت وكايشوف فيها بحتقار وساخط على الوضعية اما زينب مارداتش لسانها طول الوقت كانت كاتلوح ليهم كلمة وكاتنقص منهم عيا يغمز فيها معتز ولا بغات تحشم فاطمة ماسوقاتش ليها تركيزها كلو كان على معتز بين ماريحان ربي لي عالم بيها والغصة فحلقها بعد ما تعشاو تكلم معتز.
معتز...كيف كاتعرفو جينا طالبين يد المصون ريحان لولدي الوحيد وبما انك الالة فاطمة فمقام مها فاكانطلبها منك لولدي
فاطمة.."فخاطرها " يطيح ليك نجمة ان شاء الله " هههه ايوا الله يكبرنا على طاعت الله ورسولو وريحان راه ختي وصاحبتي وخت ولدي وكل ماعندي وماغانلقاش ماحسن منك
معتز ..اش قولتي اريحان...
ريحان..الصمت
معتز.."قهقه" هاهاههه السكوت علامة الرضى سيادنا نقراو الفاتحة
فاطمة.."هزات يدها " بسم الله الرحمان الرحيم الحمد لله.........."بعد ماقراو الفاتحة طلب معتز من صقر يركب لخاتم لريحان رفضات يمس يدها شي لي صعرو لكن ضغط على اعصابو احتراما لبا خداتو منو وركباتو راسها وهو بدورو ركبو راسو بعد ماركبو الخواتم طلقات فاطمة واحد تزغريتا حارة وخلات زينب كاتعوج فمها وكاتميق فيها وف ريحان...
معتز...ايوا مابقى خير نتافقو على العرس
ريحان..عمي انا مابغيتش العرس
معتز...كيفاش ما...."قاطعاتو "
زينب ...ماعندنا مانديرو بشي عرس ولا صداع "بينها وبين نفسها " على خر ايام نتفضح قدام صحباتي
فاطمة..ايوا لاواه العرس هو كلشي
ريحان...انا مابيغتش العرس وياريت تحترمو رغبتي
صقر..."بصوت رجولي " وحتى انا رافض
معتز.."تنهد " لي يرحكم الاسبوع الماجي العقد ان شاء الله
فاطمة...ان شاء الله والله يجعل كلشي مبارك ومسعود........." بعد ماتافقو رجعو لدارهم وريحات توجهات لغرفة وسدات عليها وكاتبكي بين ما وئام وعماد كايتخاطفو علئ الماكلة لي شاطت...
_____ حي الرياض _____ (الرباط )
زينب..."كاتحيد المجوهرات " اويلي وحدي على خر يامي يضحك فيا العادي والبادي ولدي مومو دعيني دا وحدة خدامة عندنا لا مستوى لا اناقة اييييخ الله يعطيها الغصب
معتز....زينببببببببببب
زينب ..."تلفتات لعندو "ماكاين لا زينب ولا باكور كلشي منك وعمري نقبلها كاتسمع عمري
معتز....الله يرد بيك وخلاص.
زينب...مالي حمقة
معتز..."لبس بيجامة دالنعاس " انا لي حمق تصبحي على خير
زينب...لهلا يصبحني
_____بعد مرور اسبوع ______
فاقت ريحان مبكرة خدات دوش وتوضات وصلت من بعد لبسات فستان طويل مع الفولار ديالو بعتو ليها معتز فالون الابيض كتفت بالكحل فقط بعت لعائلتها سائق خداهم الفيلا كانو العدول فنتظارهم جلسات فالصالة لي كانت تقليدية محضة وكاتفرك يدها من توتر وقلبها كايضرب جلس جنبها صقر بدون مايشوف فوجها بعد ما سألهم العدول وقعو والخدامات كسرو دنيا بزغاريت زينب شوية وغاطرطق بالفقصة وبدات كاتبرد جنونها فالخدم.......
زينب ...سكتي الحلاقم الله
شافية..غير زغرت الالة
زينب لوا ان شاء الله حيدي من خليقتي
فاطمة..."توجهات لمعتز " مبروك اسي معتز
معتز ...الله يبارك فيك
فاطمة..."بمياعة" والله الى شرف كبير لينا ولينا عائلة
معتز...الشرف ليا" توجه لريحان وباس جبيها " مبروك عليكم ابنتي
ريحان..."بصوت شبه مسموع " الله يبارك فيك اعمي
معتز .."خدا براصلي من ذهب مرصع بالالماس وركبو ليها "
ريحان...علاش عدبتي راسك
معتز...تستاهلي اكتر
ريحان...شكرا
فاطمة..."خرجات عينيها " ذهب "ضحكت بزز " زعمة بصحتك هه
صقر..."شاف ساعة " بابا انا عندي شي شغل
معتز..."من تحت سنانو " ما كاين شغل اليوم غاتبقى مع مرتك هه
صقر..."همس ليه " خليني نبدل الساعة بأخرى حسن ليك ..
معتز.."شاف فيهم " ههه صقر عندو جتماع مهم هذا علاش لازم يمشي تفضلو تفضلو "اشار لبوفي "
فاطمة..."كادور عينيها فالفيلا وكاتهضر بينها وبين نفسها " هاي هاي هاد الخير كامل غاتعيش فيه والله وضحكت ليك الدنيا ابنت الملالية
معتز..."اشار ليها " تفضلي الالة فاطمة
فاطمة.."عجباتها كلمة لالة " زاد فظلك اسيدي معتز "
بعد ما تغداو مجموعين ما عادة صقر لي كان خارج الفيلا كانت زينب طول الوقت كاتخنزر ف ريحان وما حاملاش وجودها وكل مرة تلوح ليها كلمة من غير معتز لي كان كل مرة كايحاول يلطف الجو ويخلي ريحان مرتاحة بعد ما تغداو طلعات الخدامة ريحان توريها بيت صقر لي ولا بيتها حتى هي بعد ما كان الفراش فالون الاسود والستائر كذلك غيرو كلشي ولا الون الابيص هو لي طاغي ودارو ليها مكان فين تاقد الميكاب بأمر من معتز جلسات فطرف السرير وكاتفحص الغرفة بعينيها كانت كبيرة وفيها طيراس كبير كلو زاج وكايطل على البسين تسطحات فوق السرير وحاولت ترتاح وخا قلبها مامرتاحش بين ما فاطمة وعماد ووئام رجعو لدارهم...
معتز..."جلس فالكانابي " اوووف واخييرا رتاحيت
زينب.."دخلت " ييخ ييخ على همج تقول عمرهم شافو الخير اش هاد الويل بلتينا بيه ديك مرات باها كي شي وحش زيد عليها داك ولدها لي كايسرط كتر من ناس لا والزوينة هي ديك البرهوشة لي باغية دير فيها راقية وهي غير بنت الفقر وجوع الله يسمح ليك امعتز
معتز..."بنفاد صبر " زينب مالاحظتيش بلي زدتي فيه اش دارو ليك ثم من اليوم هادوك عائلتنا
زينب...لهلاااا يحيحهم قالك عائلتنا هادو اكرف خدامة عندي رقى منهم كلو منك كلو منك "لاحت العقد من يدها بزعف وتوجهات لحمام كاتنكر...طول النهار وصقر غايب على دار بعد ما فاقت منعاس توجهات لحمام خدات دوش ولبست بينوار وخرجات منو توجهات لدرسينغ لي وراتها الخدامة لقاتو عامر حوايج ديال صقر وغير لمارك نسات راسها وبدات كاتقلب فحوايجو بلاصة لقوامج بوحدها ومكلاسين بالوان وبلاصت سراول بوحدها لكلاص بوحدو والسبور بوحدو وفالجهة الاخرى بلاصة الاحدية من بعد توجهات لمكان الساعات اليدوية كلها فخمة وثمنها باهض واخيرا مكان العطور خدات عطر واحد وشمات ريحتو عجبها بزاف خداتو فيدها وتوجهات لمكان فين كاينين حوايجها حلت فمها من الكم الهايل وكلهم واعرين ولي عجبها كتر كترت الفولارات وغير الاوان الواعرة خدات فستان حجابي فالباج ودارت معاه الفولار ورشات البرفان فيدها وكاتستنشق رحتو من بعد رجعاتو مكانو وخرجات من درسينغ توجهات لاطيراس فتحاتو وخرجات كاتشوف قدامها حوض دالازهار من كل نوع البسين كبير هزات راسها وكاتشوف فالكمرة (القمر ) تنهدات تنهيدة طويلة وجلسات كاتفكر فحياتها لي جاية وكيفاش غاتكون خرجها من سهوتها طرق الباب تلفتات وتكلمت
ريحان...دخل
شافية...لالة العشا جاهز
ريحان.."تبسمات "واخا شكرا...
نزلت لطابق السفلي وتوجهات لصالة الاكل كانت طاويلة طويلة وكايترأسها معتز بهيبتو المعتادة وعلى يمينو زينب لي غير كاتميق فيها لقات سلام ويالا غاتجلس
زينب...ايه تهزي من تما هداك مكان صقر
ريحان..تزيرات "
معتز.."من تحت سنانو " زينببب "شاف فريحان " جلسي ابنتي جنب مكان صقر يالا ابنتي بسم الله
ريحان..."جلست فالجهة الاخرى " احم شكرا تحنات على طبسيل وكاتشوف فزينب غير بنص عين داقت ورجعات لور
معتز..بنتي ماكليتي والو
ريحان...الحمد الله شبعت بصحكتم " يالا غاتوقف وهي تنهض فيها "
زينب ...واش نتي ما كاتفهميش فالبرتكول من ضمن قواعد هاد دار ماتنوضيش من طاولة الاكل قبل ما نوضو اووووه سيطخوو هاد شي
معتز..."ضرب المعلقة مع طبلة " زينبببببب
زينب...اش قلت انا مانعرف اش عجبك فيها وعلاش كادافع عليها شوف على حالة ماتعرف لا تلبس ولا ادب الاكل ولا والو كي البقرة
ريحان..."لاحت المنديل من يدها " عمي تصبح على خير " خنزرات ف زينب وطلعت لفوق
زينب..."بصوت عالي " اجي ضربيني اقليلة الترابي ...
صقر..."دخل على غواتها "ماما اش كاين
زينب...لي كاين وليت نتهان فقلب داري ديك الفلاحة لي جاب باك لاحت المنديل على وجهي وكاتخنزر فيا عرفتي كن ما معتز جالس كن ضرباتني "جلسات دمع"هئ...هئ...هءءهءهءه بناقص من شي عشا
ماحد زينب كاتهضر والجنون كايشطحو فوق راسو عروق يدو ورقبتو برزو طلع مع دروج كايجري وتبعو معتز بين ما زينب جلسات فالكرسي وخدات كاس العصير كاتشرب فيه وكاضحك...دفع الباب كيف التور الهايج وتوجه ليها جرها من شعر حتى طاحت ليها الفولار ونزل عليها لوجه...."طراااااااااااااااخ
ريحان..." تصدمات " ااااااااااه
صقر..."مزير عليها من شعرها " انا تلوحي المنديل على ماما وتعلي صوتك عليها
معتز..."كايحاول يبعدو عليها " طلق منها طلققققققف
صقر.."دفعها على الحيط حتى ضلوعها تهزو " بابا خليك بعيد هاد نوع انا لي كانعرفو
توجه ليه بين ماهي تكمشات فالركنة ومخبية وجها جرها من شعر الثاني ولواه على يدو ..." عندك يصحب ليك غاتقدري تلعبي علينا "بصوت عالي " الكلمة كلمة ماما الشوار شوار ماما وهاد دار دار ماما ونتي غير زايدة فيها كاتسمعي "دفعها
معتز.."دارها وراه كايحميها منو " صقررر زدتي فيه البنت ما دارت والو ثم كيفاش ضربها ماشي عيب عليك...
صقر..."بعصبية " بابا خليك بعيد
معتز ..خرج بدل ساعة بأخرى الله يهديك
صقر...بابا بليز خرج خليني مني ليها
ريحان..."شدات لمعتز فحوايجو وكاترعد من الخوف "
ريحان... عمي ماتخلنيش معاه هئ...هئ.هءهء
معتز...ماتخافيش ابنتي "فكل ما كايحاول معتز يبعدها عليه باش يخرج صقر كاتزيد تزير عليه بين ما صقر كايترعد عليها وباغي يبرد جنونو فيها بقاو على داك لحال دقائق عاد خرج وخلاها تبعو معتز كايغوت عليه بين ماهي سدات الباب بالمفتاح ورجعات تكمشات فالسرير ودموعها نازلين ....خرج صقر لحديقة وجبد سجائر كايكمي واحد ورا واحد ودمو كايغلي ...
معتز...بقيتي على خاطرك ماشي عيب عليك طيحي على البنت الباطل كان غايقتلها
زينب ..حلال عليه تستاهل ياك انت لي دخلتيها لينا ايوا تحمل العواقب ...."طلعات لغرفتها وخلاتو كايضرب اخماس فأسداس تبعها لغرفة وتخشى نعس وخلاها جالسة فالبالكو وكاتخطط كيفاش تخرج ريحان من الفيلا وتخليها طلب الطلاق..
زينب...غير صبري عليا الى مادوزت عليك صراط وخليتك طلبي شرع قبل طلاق راني ماشي زينب "تبسمات بخبت "
بعد ما دخن كتر من خمسة لكوارو طلع الطابق الثاني دفع لباب لكن كان مسدود زير على يدو وضربو برجلو
صقر....اييييه حلي ......"غير سمعات صوتو الما طاح ليها فركابي وولات كلها كاترجف رجعات لور وتكمشات رجع طرق كذا مرة لكن ماقدراتش تفتح بدا كايفقد اعصابو ضرب الباب بقوة وتكلم ....
صقر...."من تحت سنانو " كانقسم ليك ادا ماحلتيش الباب غانهرسو فوق راسك وديك ساعة قلبي شكون يفكك مني ...."ناضت من مكانها كاترعد فتحات الباب ورجعات لور بزوج خطوات ضرب فيها ودخل لداخل سدات لباب وبدات دور فعينيها وقف قدامها وكايحيد فحوايجو دورات وجها بسرعة وقلبها كايضرب
بعد ما حيد حوايجو بقى غير بالبوكسور تلاح فالسرير وتسطح على ظهرو ماقدراتش تشوف فيه طفات ضو وتوجهات لكانابي وتكمشات فيه وكلها كاترجف من الخوف...
#اليوم المواااااااالي _______
فاقت مع ادان الفجر قدات حاجتها وتوضات وتوجهات لدرسينغ لبسات عباية الصلاة ورجعات الغرفة صلت الفجر ودعات ربي يفرج همها بعد ما صلت رجعات لكانابي وتكمشات بعدها بنص ساعة فاق من النعاس توجه لحمام قدا حاجتو ولبس شورط وتيشورط وخرج كايجري بعد ساعة رجع عرقان طلع ديريكت لغرفة خدا دوش بين ما ريحان جبدات السرير وجمعات حوايجو لي مرمين فكل جيه خرج. من دوش لاوي الفوطة على نصو وعضلاتو بارزة التخنزيرة ما مفارقاش وجبهتو اول ماشفتو عريان خرجات من الغرفة بسرعة ماردش ليها البال كأنه غير هو لي فالغرفة بعد مالبس حوايجو دور عينيه فالغرفة ماعجبوش الديكور جديد نزل لطابق السفلي وهو كاعي
صقر...شافية....شافيييية
شافية..."جات كاتجري " نعام اسيدي
صقر..."اشار بصبعو" غاطلعي لبيتي وغاترديه كيف كان كاتسمعي
شافية...ولكن اسيدي انت دابا تزوجتي والديكور والوان لي درنا على قبل المدام
صقر..."بعصبية " غاتبقاي لوك لوك لوك "بصوت عالي " ديري شنو قلت ليك بلا كترت لكلام
شافية..."كاتفتف " امرك سيدي
توجه لغرفة الاكل فين كانو مجموعين عرفاتو غير من ريحة عطرو بدون ماتهز راسها جلس جنبها بدون مايشوف فوجها جنب لي من جيهتو حساتو ركد عليها من الخلعة بلعت ريقها وماهزاتش راسها..
_____ المطبخ _____
شافية...ويلي وحدي اشمن زواج هذا البارح قتلها عصا واليوم قالك نرد الفراش لي كان ويلي بيت العروسة كلو كحل فال خايب هذا
خديجة...شفتي غير البيت ماشفتيش لالة زينب خاصها غير من دوز ليها يحسن عواااانها زغبية غاتشيبها قبل الوقت
شافية...الله غدا الحد راحة غانتهنا من نقير ذيالها وصداعها
خديجة...اووووووف واخيرا غدا ودني غايرتاحو من صداعها اوووف كاتهلك
"جرات الكرسي حطات رجل فوق الكرسي ورجل فوق البوطاجي جبدات يدها يالا شداتو ويهي ضربها بطيحة وطبسيل تشتت"بصوت عالي ...... واااا رسول الله اااااييييييي يااااي هئ...هءهءهءهء
شافية...ارسول الله نوضي نوضي
خديجة "بألم " ماقدرتش رجلي رجلي اااااه
مشات شافية كاتجري دخلت عليه لغرفة الاكل
شافية...سيدي سيدي
معتز...خير اشافية
شافية..سيدي خديجة طاحت يمكن تهرسات
معتز..."ناض " الطيف " توجه ليها بسرعة
ريحان.."جرات فاطمة من يدها " اش كاتحاولي ديري
فاطمة...اويلي اخويتي بسم الله عليك هادي هي شكرا كبرت بيك
توجهات المطبخ تاصل معتز بالاسعاف ونقلو خديجة الكلنيك مشى معاها معتز وفاطمة رجعات لدارها اما ريحان عاونات شافية فالماعن واخا رفضات شافية بحكم ريحان كنة العائلة لكن ريحان كانت مصرة اما عند زينب توجهات الجمعية لي هي رئيستها.....
____اكدال ____ (الرباط )
زينب..."ضحكت بزز " هه كانو غايمشيو لجزر المالديف لكن صقر عندو شي شغل اول مايرصي الخدمة غايمشيو لشهر العسل
عالية...كاع ما قولتي لينا شكون هي وبنت من
زينب..."بدات تفوح" هه خريجة الهندسة وباباها رجل اعمال مشهور علاه انا غاناخد لولدي وحدة عادية
زينب...حيدي من قدامي "شربات دوا وجلسات تبركم " اويلي اويلي قالك ما قالك يجيو ويشوفوها يشوفو العمى ان شاء الله اويلي وحدي غانتشوه ولدي واخد وحدة لا اصل ولا مفصل "جات فبالها فكرة " اييه هادي هي فرصتي لازم نرفزها وينوض صداع بينهم باش تهز شراوطها وتخوي عليا اياااااه هذا هو تبارك الله عليا هههه.....
معتز..."دخل " على سلامة
زينب..على سلامة انت فين كنتي
معتز..عاد جيت من الكلنيك خديجة طاحت وتهرسات من رجلها بعد ما دارت الجبص ديتها لدارها وعطيتها اجازة شهر مع شي بركة
زينب.."بخبث " ااااللله "دعت الحزن " مسكينة
معتز...انا غانمشي لشركة بلا ماتسنايني لغدا والله يخليك خلي عليك البنت فالتقار
زينب...اش وصلني ليها هااااء سير شوفك لك شي شغل قضيه ...."طلعت لطابق السفلي كاتمختر
_____ المسااااااااء ______
جا معتز وصقر قد قد جلسو فالصالة كايهضرو على الخدمة نزلت لعندهم زينب باست صقر وجلسات جنبو
زينب....ولدي كيف داز نهار
صقر..الحمد لله
معتز...فين هي ريحان
زينب..."كاتبوحط " عيت فيها تجلس معايا مابغاتش ظلت شادة تلفون وكاتهضر شافية مشات لدارها غدا عندها روبو وانا وجدت لعشا واخا مريضة
معتز...الله يرضي عليك اولدي الى ماحن فيها شوية البنت مزال جديدة فالدار ثم ماشي مجبرة طيب وااااه
زينب..علاش لي ماشي مجبرة مجبرة وبزاف عاد ادا ماهتمتش براجلها بيمن غاتهتم وهي نهار ومطال مخشية فداك البيت وماراضياش حتى تجلس معايا الله يهديها الله يهديها
صقر..."باس راسها " توحشت ناكل من تحت يدك
زينب..حبيب قلبي يالا نوضو نتعشاو
صقر...يالا ......"توجهو لغرفة الاكل بين ما زينب توجهات لغرفة ريحان طرقات الباب ودخلت ....
زينب...نوضي تهزي العشا وجد
ريحان.."ضغطت على اعصابها " شكرا شبعانة
زينب..لهلا يطيحو فيك" نزلت لغرفة الاكل وجلست.....
معتز....فين هي ريحان
زينب...عيت فيها قالت ليك ماخصهاش
صقر...اووووه شحال لذيذ هاد طجين
زينب...بصحتك احبيب قلبي ...."بعد العشا كل واحد طلع لغرفتو شعل ضو وحيد حوايجو بقى غير بالبوكسور كيف العادة وتلاح فسرير بين ما ريحان تكمشات فالكانابي...
______اليوم المواااالي_____
فاق قبل منها خدا دوش ولبس حوايجو وخرج بعدو بدقائق فاقت ريحان توضات وصلت وجمعت الغرفة ونزلت لطابق السفلي لقات غير زينب كاتفطر يالا بغات ترجع من جات وهي توقفها بصوتها....
زينب...اشوفي معاك كانهضر
ريحان..نعام
زينب...صحباتي غايجيو يتغداو عندي وحطيت ليك فالمطبخ شنو غاتطيبي لازم تسرعي ومن بعد تجهزي نفسك من يجيو خاص تكوني فأبهى حلى وياويلك تحشميني
خلاتها كاتبركم وتوجهات لمطبح فتحات ثلاجة وشي لي ناقصها كتباتو لسائق فالورقة وكلفاتو يجيب شي لي ناقصها شمرات على كتافها وبدات توجاد بعد ساعة جا صقر شداتو زينب فالباب وبدات تعمر فيه وتكدب
زينب ....هئ..هئ....
صقر..ماما مالك !!
زينب...وليت ضحكة بين صحباتي قالو ليا زوجتك لوحدة ماشي من مستوانة وقالو ليا بلي اكيد ضحكت علينا وداخلة على طمع واياك تغرك هديك شيطانة ضحكت على باباك زائد ما كاتحترمنيش هئ...هءهءههء
صقر..."تعصب " فين هي
زينب..." فالمطبخ "كاتمسح دموعها "
كانت كاتجهز لغدا وحاطة كل تركيزها على طبق لي كاتجهز وخايفة لاتغلط فشي حاجة وتسود ليلتها زينب فجأة حسات بإيد تحطات فخصرها وزيرات عليها يالا بغات دور تشوف وهو يخشي راسو فعنقها وغرس نيابو فيه حسات بالألم وبدات كاتلوا بين يديه....
ريحان.."بألم "ااااااه
صقر.."عضها عضة فعنقها حتى لون وجها تخطف وهمس فودنها بصوت رجولي " غاندمك على نهار لي ضحكتي فيه على بابا وجبرني نتزوجك.....
ريحان..."كاتحاول تفك من بين يديه " ا ن انا ماضحكتش عليه هو ل...."قاطعها "
صقر ..دورها لعندو بالخف ولصقها مع الحيط وحاصرها بيديه وانفاسو الحارة كاضرب فوجها " ...بما انك تجرأتي ولعبتي معايا غانكمل العبة لي بديتي "عضها فشفاها بقوة حتى حس بطعم دم كايجر شفاها بقوة حتى كايتعصرو وكايمصهم وخشى يدو تحت البيجامة وكايورك على فخدها حتى خلا اتر صباعو فيه "...مرحبا بيك فجحيمي
"دفعها بقوة وخرج من المطبخ والغضب عامي عينو وخلاها وراه كاتبرد العضات لي خلاو الاتر فجسدها...
عذابي مع زوجي الجزء الثاني
محتوى القصة
التنقل بين الأجزاء