خرجات من الفيلا بخطوات متسارعة وكاتغلي من الداخل بين ما باتول كانت كاتلذذ فالأكل وكاتغمز ريحان لي كانت حابسة ضحكة اما زينب طارت ورا صونيا كاتحاول تهدنها توجهات لسيارتها وفتحت الباب......
زينب ..علاش خرجتي بديك طريق زعمة نتي لي كاتوصيني نضبط اعصابي خلتيها توصل لمبتغاها وتحرق اعصابك....
صونيا..."بعصبية" ماشفتيهاش اش كانت كاتقول عيت نصبر كنت غانهز طبلة ونقلبها عليهم بزوج "بغيض " اوووووووووف من طلعت لينا هادي
زينب...شحال فيك مالها من العائلة ولا غاتعزب عندنا
صونيا..."بغضب " ياخوفي منها هادي وحدة قارية صواريها وما ساهلاش "صغرات عينها ولوات شفاها " لكن ماشي عليا انا انا صونيا العماري حتى بنت المرا ماتلعبها عليا انا لي كانلعب الناس وعلى صبعي صغير "شافت فيها " نتي رجعي لعندهم وماتبيني والو وخلي عينيك على ديك الفلاحة...
نزلت لطابق السفلي دخلت لغرفة بوحدها وتوجهات لحمام خدات شور لقات بينوار فالاسود كبير الحجم تخشات فيه كيف الفكرونة وخرجت من الحمام توجهات لسرير وجلست تنشف لحمها من الما بان ليها واحد الكريم جنب المرايا هزاتو وشمات ريحتو عجباتها بزاف حيدات البيوار وبقات صولو وكاتدهن لحمها بداك الكريم...........
_____هولاندا_______ (امستردام )
داخل احدا اكبر القصور ف امستردام كان شاب فالثلاتين من عمرو قامة طويلة وعضلات سداسية ووسامة طاغية بعد ما خرج من الدوش هز عينيه فالبلازمة لي شادة الجدار كلو تقريبا فيكسا عينيه فالحورية لي قدامو عارية تماما وكاتدهن لكريم مسح وجهو وحك عينيه ورجع شافها فلحظة نسى غضبو وحل فمو فيها ووسع عينها لي تفحصو كل جزء من جسدها جلس فطرف السرير وبقى حال فمو فيها واخا مدوز الغرق دنسا لكن هادي حركات فيه شي حاجة لداخل حرك راسو وعقد حجبانو وزمجر بصوت ممزوج بالغضب.....
عماار..."بغضب " شكون هادي وشنو كادير فاليخت ديالي ؟!...... "توجه لجهاز تحكم عن بعد ورد الكاميرا شافها مع فراس جمع يدو على شكل قبضة ...هز تيلي وتاصل بالحارس لي اول ما شاف رقمو جلس يتفتف.....
بعد مالبست حوايجها خرجات من الغرفة ودخل فراس خدا شور ولبس حوايجو وخرجو من اليخت طلعو فالموطور وكسيرا فتجاه دارهم دقائق وكانو قدام باب العمارة طلت عليها فاطمة من البالكو شافت فالساعة توادع بلابيزز وبقات واقفة حتى غبررر عاد طلعت لطابق الثالت فتحت الباب بالمفتاح ودخلت وابتسامة عريضة على شفاهاااا وقفت فاطمة قدامها ودايرة يدها على نصها كاتخنزر فيها.....
فاطمة....اش هاد الوقتت.....!!
وئام..."رفعات حاجبها " عفوااااااا ؟؟
فاطمة....21:30 الالة ثم شكون هداك لي وصلك ؟!
وئام..."تكون حتى لوحدة انت اش مشالك هااااا ؟! ولي كان معايا ما كايهمكش اوووك ؟! دفعت فيها وتوجهات لغرفتهااا
فاطمة..."بصوت عالي " ومال داك شعرر سارد (مبلول ) بنتي ليا بديتي تعيقي بجنابك هاااااودني منك بيضي على قد عشك وداك بو موطور باين ملعق وحاجتو فلي تحتك غير يقضي الغرض غايلوحك خليها فودنك
وئام..."خرجت من غرفتها صاعرة " حترمي نفسكككك وماتفوتيش حدودك قالك لي تحتي هاديك حرفتك نتي وعندك يسحب ليك مسؤولة عليااا فييقي انا عندي ام وحدة وراها تحت تراب ديها فولدك حسن ليك
فاطمة...من خوفي عليك ابنت محمد وماتنسايش المرحومة خلاتك لحمة وعلى يدي كبرتي و....."قاطعاتها"
وئام...ياااااا سبحاااان الله من طاح عليك هاد الحنااان ؟! ولي تحت تراب ماتت بفقصتك ولا نفكرك
فاطمة...قتلها عمرها مانيش قابطة رواح وشرع عطا ربعة ولا عندك عتراض ؟! ومن هاد شي كاااااامل الدخول والخروج فالوقت هادي دار ماشي بورديل ولا خبارك غاتوصل لريحان
وئام...على اساس ريحان كاتحمل فيك الشعرةة بفففف ديها فراسك الويل......"دخلت لغرفتها ورضخت الباب وراها تلاحت فوق السرير على كرشها (بطنها ) ودخلت لغوغل كاتقلب على عائلة بنجلون كاتقراا وحالة فمها..
وئام..."بدهشة " وااااااااو مليالديرررررر هاد الشركات وهاد القصور كاملين ملكهم وااااااو واااااااو واااااااااااو اجي نشوف لافامي ديالهم "دخلت لصور وكاتشوف كانت صورة عائلية فيها بن جلون الاب جنبو شابة ثلاتينة من خلال الوقفة لي واقفة ظاهر مراتو وعلى يمنو شاب ثلاتيني وسامة طاغية حلت فمها فيه ورجعت سداتو وشافت على يسارو فراس وقدام فراس طفلة فسن 6 سنوات تقريبااا ...
بعد ما تصفحت وعرفت اسرة فراس والثروة الهائلة لي عندهم خرجو القلوبة من عينيها وبدا قلبها كايفرفر وكاتحلم بالفستان الابيض وفراس شاد يدها بعد دقائق لاحت تيلي فوق السرير وتوجهات لمطبخ لقات فاطمة مخلية ليها عشاها خشات فوجها وغسلت الماعن لي ستعملت ورجعت لغرفتها غسلت سنانها وتلاحت فسرير كاتفكررر وتفصل وتخيط حتى غفات.....
_____مكان____ اخررررررررر______
بعد ما جهزو العشا بداو كاينزلوه فغرفة الأكل حطو لكراتان بالكفته والبشاميل وكراتان بالبطاطة والفرماج وسلطة والعصير وسطيك تعشاو فجو لطيف لي لطفاتو باتول طبعاااا
ريحان...على كلشي ربي رسلك ليا فالوقت لي محتاجة لي يشد بيدي
باتول..."ضمتها " من اليوم انا يدك وعينك ورجلك وصدقيني غاتضحك ليك دنيا فوجهك طبعا ادا خدمتي هذا "اشارت لعقلها وغمزتها " يالا نخليك ماعنديش مع دراماا "دمعو عينيها وكاتضحك" هههه
ريحان..."عنقتها " كانبغيك
باتول..."بضحك " شوية وتغصتبيني هههه
ريحان.."ضربتها لكتفها بمرح " كوني تحشمي هه
باتول...يالااا باااااااي "لاحت ليها بوسة فالهوى وخرجت توجهت لسيارتها ودمارات فتجاه دار مها بين ما ريحان طلعت لغرفتها غسلت سنانها وتوضات وصلت لعشا عاد تخشات فالسرير وغفاااات...........
#اليوم #الموااااااااالي •••••••
شرقت شمس جديدة معلنة على يوم جديد واحدات جديدة تسللت اشعتها لغرفة ريحان لي فاقت وكاتكسل بحال شي قطة فالسرير ناضت ببطئ وتوجهات لحمام بتتاقل قضات روتينها اليومي وصلت الصبح من بعد توجهات لدرسينغ خدات فستان صيفي فوق الركبة ودراعو عريانين دهنت كريم الفاني قبل ماتلبسو وجمعت شعرها بشكل عشوائي ودارت ميك اب خفيف مزاجها رايق من بعد جمعت غرفتها وطرفاتها ونزلت لطابق توجهت لمطبخ وشعلت رايدو على اداعة دوزيم وبدات ف تجهيز الفطور حضرت الكيك بشوكولا والكريب ورغيفات صغار عاد جهزت القهوة فاقت زينب قضات روتينها ولبست فستان فالازرق حد الركبة بلاكمام دارت ميك اب خفيف وخلات شعرها على راحتو وخرجت من الغرفة بعد ما قلبتها سفاها على علاااها ضد ف ريحان نزلت لطابق السفلي لقاتها كاتنزل لفطور جلست ودارت رجل فوق رجل وكاتميق فيها جلست ريحان متجاهلة نظراتها فطرو فجو هادئ بعد دقاىق وقفات زينب وهزات حقيبتها ليدوية وشافت ف ريحاان.....
زينب...اييييه غاطلعي لغرفتي طرفيها ورجعي كل حاجة فمكانها وبلاصة ماتبقاي جالسة دوري بهاد دار شوية وجبدي ركاني عيالات رجالة كايشرحو القلب بتاويل ونتي كاتقرحيه بالهم ايييييخ تفوووو الويل....."لاحت ليها هاد الموشح وخرجات من الفيلا كاتمختر وراسها فسما تبعتها ريحان بعينيها وكاتعوجها ...
ريحان....ننننن ننننننن مشية بلا رجعة....
فاقت مبكرة قضات روتينها وصايبات شعرها بالبلاك ودارت ميك اب خفيف وتوجهات لبلاكار خدات من الحوايج لي شرات ليها ريحان سروال سليم اوط فالاسود مع تيشورط قصيرة فالاسود لبسات بالغين فالgري مع صاكادو ديالها عاد خرجت من غرفتها لقات فاطمة حاطة الفطور وجالسة مع عماد جلست كاتخشي فوجها بدون ماتهضرهم بعد ما كلات نزلت لطابق السفلي وخرجت من العمارة يالا وقفات فالمحطة وهي توقف حدا رجليها سيارة من نوع الفيراري فالاحمر وزاج فيمي دورت وجها نزل زاج وعيط ليها....
فراس .. بسسسس وئاموووو
وئام..."تلفتت عندو وحلت فمها " فرااااس 😍
فراس..."اشار ليها " طلعي خلاااص ......"طلعت فالسيارة وسلمت عليه بلابيز كسيرا ف تجاه الإيكول وخلا العجاج وراه دقائق قليلة كانو داخل الإيكول نزلت من سيارة تحت انظار الكل والابتسامة على شفاها
......فمكان اخررر كانت ريحان كاتجمع غرفة زينب لي قلبتها سفاها على علاها بعد ما نظفتها نزلت لطابق السفلي وضرباتها بتسيقة ومسحات زاج عاد توجهات لمطبخ كاتوجد لغدااا بعد ما كملت توجهات لجردة وجلست كاتبخشش فالتيلي ...
اول ما دخلت لقاعة جلست ف مقعدها لخاص بين ما فراس جلس مع صاحبو كايتكلم معاه وعينيه عليهااا....
ريان...صافي قضيتي الغرض ؟!
فراس..."بخبث " قريب فهاد الاسبوع غانقضيه وغانعطيها درس عمرها تنساه
باتول...اوك مابيل 😘......."قطعت لإتصال وطلعت لطابق الثاني دخلت لغرفتها وتوجهات لدرسينغ خدات سروال جينز مع عباءة مفتوحة فالgري وشال فالgري فاتح كتفت بإكخو ومرطب الشفاه بعد ماجهزت نفسها طرفت الغرفة وجلست تبخشش فالتيلي حتى وصل الوقت سمعات كلاكسون سيارة وخرجات من الڤيلا كانت باتول كاتسناها طلعت فالوطو وتوجهو لمول ..
#بعد #ساعة •••••
بعد ما جربت الغرق دالفساتين وقلبت كاع المحالات سفاهم على علاهم لقاات فستان فالموڤ سيري تحت الركبة وفيه الاغجونطي فالصدر بعد ما خلصتو شافت ف ريحان وتكلمت....
باتول..."رفعت حاجبها" علاش كنتي معولة نحضر بوحدي نووو بب غانحضرو بزوج ثم لازم تباني للناس ماتنسايش نتي مرات مليالدير مشهور ورئيسة الجمعية حماتك يعني لازم ماتحضري " غمزتها "
ريحان.."بإصرار " خطيني من الحفلات ثم انا ماباغية نبان لحد خليني مخفية احسن
باتول.."جراتها من يدها " لاااا نتي بلا شك غاتجلطيني اجي نشوفو شنو تاخدي وباركة من الهضرة...
ريحان.."نترات يدها منها " باتول واش صافااا ؟! متسحيل نحضر ثم انا ما كانعرف حد
باتول..جا الوقت لي تعرفي وتتعرفي زيدي قدامي " دفعاتها قدامها بعد اخد ورد قدرت تقنعها فضلت تلبس البلدي كيف عادتها خدات قفطان فالاسود موبرة مبرودي بالذهبي والاخضر وخدات فولار لاسوا فلاخضر وصندالة بالكعب العالي ....بعد ما دارو شوبينغ توجهو للكافي لي فالمول باتول خدات عصير ليمون وريحان خدات كافي نواغ يالا كايشربو شنو طلبو وكايدردشو حتى قاطعهم صوت شكيب لي كان فنفس الكافي تلفت بالعرض البطيئ شافت فيه كان داير الجبص ليدو ووجهو فيه الكدمات شاف فيها وتبسم.....
شكيب...ريحاااااان
ريحان..."طولت فيه شوفة عاد دكرتو " اهلا ميسيو شكيب ...
شكيب...بلا شك هددك حيت اخر مرة تكلمنا فالمساج كنتي اليز معايا وفرحانة
ريحان....شنووووووو ؟! "غمضت عينيها بعصبية ورجعت فتحتهم " بلا شك غالط "وقف " سمح لي "يالا غاتلف باش ترجع لعند باتول هو يشدها من يدها نترات يدها بسرعة وخرجات فيه عنيها ....." اش هاد الوقاحة !!
شكيب..ريحان مالك !!
ريحان...كتمت غضبها " بليييز بعد من طريقي انا عمري تكلمت معاك اش كاتخرف عليا بلييز عطيني بتساع ماناقصاش مشاكل
شكيب... بليييييز ريحااان ....."حاول يجدبها لعندو كانت اسرع منو دفعاتو بكل قوتها ونزلت عليه لوجه...... طراااااااااااااااااااخ....
ريحان...ماتحاولش تتجاوز حدودك ...."ناضت عندها باتول كاتجري وكاع لي فالكافي تلفتو ناحيتهم كرز على يدو بغضب وخرج من الكافي قبل مايرتكب شي حماقة طلع ف سيارتو وكسيرا وخلا وراه ريحان صدرها كايطلع وينزل بعصبية وكاترجف هزات صاكها وخرجات من الكافي بخطوات متسارعة دفعت باتول لحساب ولحقت عليها طلعو فلوطو وبعدو على الكافي وقفات باتول سيارة جنب البحر وتلفتت ناحيتها....
باتول...صافا دابااا ؟؟
ريحان.."شافت فيها " عاد عرفت علاش ديك اليلة ضربني ووو "سكتت " ااااااااخ انا اكبر مكلخة على وجه الكون ديك الكلبة دخلت لبيت نعاس وخدات تيلي ورسلت لشكيب المساج وكانت كاتهضر على اساس انا عليها لما دخلت لعندي كانت كاتفتف وانا كيف ضبعة بففففف
باتول ..."بعدم فهم " شرحي ليا !!
ريحان....ديك اليلة ..
باتول....بنت الكلب طلعت ما ساهلاش لكن ماشي معايا غانخرجوها من عين لبرااا انت غيرر حلي داك المخ شوية وغانعجبك فيها
ريحان...الله ياخد فيهم الحق كلهم
باتول...ادا سكتي غادير اكتر من هاكا هذا علاش خاص توقفيها عند حدها
ثورية....ربي ربي من طل عليها بغيتك تشوفيها بلامكياج واااااااع تخلعي بيها دراري صغار "هزات راسها لسما " حاشا خليقتك ياربي "رجعات شافت ف ريحان " عرفتي كي كانت من قبل دخلت لغوغل وشفتها تافورما ما كانت عندها المؤخرة مبريسية لاصقة مع ظهر من تكون كاتمشى ماتعرفيها غادية ولا جاية كي الوصلة اما واحد صدر حسو ما كانش وواحد الوجه زرg وكانت دايرة واحد الكوب قصير لشعر جاتها كي جوع نتحداها تغسل وجها وتخرج بلا مكياج ولا حتى تخلي المغاربة لايحين سراولهم ويجريو 😂 عندها دوك العينين غارقين كي موكة ملصقة شفار والعدسات فالازرق والالينر ما كايحيدش من عينها ويالا يالا كايبانو شوية لكن لي حقق فعينيها مزيان بحال الى مفاردين 😂 قالت ليك زينة من جاها نفخات حناكها بسليكون نفخت الفم نفخت الصدر نفخت المؤخرة لي من طيارة باينة صطناعية
ناري يختي بغيت غير نوريك واحد الصور من الايام الفقر الجمالي ساعة تيلي ديشارجا ليا
ريحان...هههههه صافي اباتول باركة ..."تنهدات " المشكل ماشي فيها تربح بيه المشكل فديك الحماة لي عندي قاطعة يدها من يد الرحمان......
ثورية....هاااهاااا لو تشوفي لحماة لي عطاني الله الشيطان باري منها نهار للولة كانت رافضاني قالت حقا ما حقا بغات بنت القاع والباع والشمعة من دراع غير دخلت لدارها بغات ديرني تحت الصباط قالت ليك غادوز عليا الصراط ساعة داك الصراط انا لدوزتها عليه ويلي ويلي واش درت ليها خليتها تحير عمر راجلي ماسمع عيبي خدمت معاها غير الحيلة وخدمت التشيطين ديالها كاع دوك نواعر لي كانت تنوعر ليا كنت نقلبهم عليها غير بالفن كانخليها حالة غير فمها والعائلة ديالهم دخلت ليهم هازة راسي لسما مع العايقات ومع الناس المزيانين حلاوة اللسان الالة حتى شي كلبة منهم ماقدرت تحقرني باتول هادي وجرك لله و لكن هاد شي كلو راجل كان فيدي فالنهار كانحمر ليه وجهو مع صحابو وعائلتو بالاناقة والتاويل وفاليل كانولي معاه مايا خليفة ماكاين غا لالة باتول لالة باتول دكيت الوتاد ودرت لولاد وطرطقت المرارة لعقروشة .."شافت ف ريحان وهاكا خاصك ديري الالة ريحان نوضي شمري على دراعك وحلي ودنك معايا ...." قاطعاتها "
ريحان..انا مابغيتوش واش فنظرك غانقدر نكمل معاه بعد العداب لي دوز عليا ولي مزال كايدوزو هااااا
ثورية...غير تبعيني غاتربحي
ريحان..قلبي الموضوع عافاك
ثورية..."عرفات مامنها فايدة هدا علاش جاتها فكرة رفعات حاجبها "باغية تردي عتبارك وتندميه قبل ماتفرقو ؟!
ثورية..."هوووو نوضي تهزي تابعانا الخدمة عندنا شلاة مايدار حنا راه داخلين لحرب شرسة ولازم ما نتاصرو "ضربات كفها مع كف ريحان لي مافاهمة حتى زفته وغير تابعاها......مسافة طريق كانو قدام باب الفيلا نزلت ريحان وباتول كملت طريقها لدارها اول ما فتحت الباب ودخلت لقات زينب جالسة فالكانابي وحاطة رجل فوق رجل ....
زينب...باقي الحال الالة بشوية عليك
ريحان...الصمت
زينب...."بعصبية " فين كنتي ؟!
ريحان.."كتمت غضبها " كنت مع صاحبتي تصبحي على خير " طلعت لغرفتها "
زينب..."بصوت عالي " لي شاف خليقتك غايشوف شي خييير بالحق حتى يجي لي كايعرف ليك ..."كملت ريحان طريقها وخلات زينب كاتنgر دخلت لغرفتها وحطات الاكياس جنب السرير وجلست فوق لاحت صندالة كل فردة فجيه وحيدات الشال لاحتو فوق السرير جمعات شعرها عشوائي وتوجهات لحمام توضات ورجعت لدرسينغ خدات گاندورة ولاحت شال فوق راسها وصلت لي فاتها عاد جلست ...
فاتت تسعود دليل وئام مزال مادخلت لدار كانت فاطمة كاتفرج فالمسلسل لي متبعة ومرة مرة كاتشوف فالساعة حتى وصلت لعشرة دليل عاد دخلت وئام اول ما شافتها توجهات ليها .....
ريان...بس لازم يكون فيديو نايض وبرضاها ماتنساش بلي غانشد فيه فلوس صحاح
فراس...كن هاني غير وجهي ما خاصش يبان كيف العادة
ريان...وايلي مالها اول مرة ليك يالا تلاح العود
فراس...تلاح....
دخلت لحمام وعمرت البانيو بالما ودارت ڤان دوش دالفرولة ولاحت فيه الورد الاحمر خدات ليه صورة من بعد حيدات حوايجها وتخشات فيه ورغوة مغطية جسدها باين غير صاقها وجزء من صدرها وخدات سيلفي وناضت حطات تيلي فوق الطاجيرة ورجعات لبانيو رخات عظامها وفراس فبالها فكل ماكادكر القبلة قلبها كايفرف ...
#فلااااااش #بااااااك
كانو جالسين فوق الصخر والماج كايضربو جنبهم لاحت شعرها ورا ظهرها كايطيرو الريح وشافت ف فراس لي ماهزش عينيه عليها
وئام..."كاتشوف فيه " فين ساهي ؟!
فراس..."قرب منها حتى تخلطو انفاسهم " فهاد العيون لي سلبولي العقل ....."انفاسو الحارة لي كانت كاتضرب فوجها بنجاتها وخلاتها مرفوعة وغير كاتسبل ف عويناتها حط شفاهو على شفاها رطبين ومص شفتها التحتية برفق بعد عليها وشاف فيها كانت سادة عينيها وصدرها كايطلع وينزل رسم ابتسامة جانبية ورجع حط شفاهو على شفاها وكايمص ويجر برفق بعد دقائق زاد فالوتيرة ودخل لسانو داخل تغرها يالا غايمص لسانها وهي دفعو وقفت بسرعة وبعدت عليه كاتنهج....
وئام‘...سطووووب
فراس....مالك
وئام...هاد شي لي كانديرو فيه غلط
فراس...بلييز وئام بدلي هاد العقلية "جدبها لعندو من خصرها "
وئام.."بعداتو عليها " لااا لاااا ان..."قاطعها"
فراس..انت غاتسكتي وانا لي غانهضر وئام من اول مرة شفتك قلبي خفق شي حاجة فيك جدباتني دوزت العشرااات من البنات لكن حتى وحدة حتى وحدة ما قدرت تخلي قلبي يخفق "شد يدها " احم تقبلي تكون ملكي وحلالي
ترسمت ابتسامة على شفاها حطت يدها على قلبها وتنهدت برتياح بعد دقائق شللت ولوات عليها فوطة قصيرة فالغوز والفوطة صغير لواات بيها شعرها هزات تيلي وخدات سلفي ورسلت ليه الصور من بعد توجهات لبلاكار لبست بيجامة شورط قصير ودوني ديالو نشفات شعرها وجمعاتو بشكل عشوائي وتلاحت فوق السرير ديالها وتيلي فيدها....
ريحان....اش كاتقولي ؟! فاطمة هذا ماشي وقت افلامك
فاطمة...واااحق مولانا وطعام والعشرة لي بينا مازدت عليها شي كلمة من خوفي عليها علمتك وراك عارفاه ماكاتسوقش ليا
ريحان...."تنهدت " واخا انا ماجية دابا
فاطمة...اويلي 23:00 هادي جلسي حتى لصباح
ريحان..."شافت الساعة " واخا انت ما تكلميها ما تحاديها انا غانتكلف
فاطمة..واخ
ريحان..احم شكراا
فاطمة.."تحلت " مابيناتناش اخويتي وئام راه بنتي ههه..." يالا غاتبدا تكركر وهي تقاطعها"
ريحان...تصبحي على خير
فاطمة...تلقاي الخير اخويتي......."اول ما قطعت معاها تنهدت وجلست تخمم وتدي وتجيب مع نفسها حتى قطعها رنين الفون
ريحان..."ردت " وي الوو
باتول..مزال مانعستي !!
ريحان....مزال
باتول...مالك صوتك ما عاجبنيش !!
ريحان..."تنهدت" وئام ختي
باتول...مالها !!............(حكات ليها بختصار)
باتول...ماتخافيش مراهقة وكاع مرينا منها
ريحان....اشمن مراهقة الله يهديك انا جبتها لهنا باش تقرا وتبني مستقبلها
ريحان..."ضغطت على نفسها " و واخا "قبل مايرد قطعت ولاحت تيلي فوق السرير وجلست تعض ظفارهاا ....." قالك جاي هااااه وانا مالي بففف ياربي تعفو عليا من هاد الهم ...اليل بطولو ما غمضش ليها جفن طول اليل كاتخمم فلي قالت ليها فاطمة وكيفاش غاتصرف اول ماادن الفجر ناضت نفضت العجز وتوجهات لحمام توضات وصلت الفجر ورجعت لسرير بعد دقائق غفات........
#بعد #ساعااااااات........
فتحت عينيها على اشعة الشمس لي تسللت لغرفتها وقفت بتتاقل وتوجهات لحمام قضات روتينها وغسلت وجها وتوجهات لدرسينغ خدات سروال فضفاض فالاسود مع شوميز فالgري ودارت شال خرجات من درسينغ هزات حقيبتها اليدوية فيها تيلي ديالها وكارت gيشي خرجات من غرفتها قبل ماتفيق زينب وقفات فراس الشارع وشيرت على اول طاكسي بان ليها مسافة طريق كانت قدام باب العمارة دفعت لسائق الفلوس ونزلت بخطوات متسارعة فتجاه المصعد ثواني وكانت داخل الشقة بما ان المفتاح عندها ماطرقتش الباب كانت فاطمة كانتزل الفطور وعماد جالس فصالة مونجي كايبخشش فالتيلي ديالو ....
ريحان...صباح الخير
عماد..."توجه ليها وضمها" التتيز دالعائلة
ريحان...."كاتقلب عليها ب عينيها " فين هي وئام !!
عماد...مزال خامرة
ريحان...علايش ما قارياش هاد صباح !؟
عماد...سي قارية فيقتها قبيلة وجرات عليا قالت ليك ما غاتمشيش ....."ناضت من الكرسي وطلعت لغرفة وئام فتحات الباب وتوجهت لسرير هزات عليها لغطا...
وئام..."عقداتهم " واناااا نفهم قول القضية فيها فاطمة
ريحان..."بصرامة " امكن سولتك !!
وئام...كيفاش تخليها تزنزن ليك انا زوج مرات لي تأخرت كنت كانحفظ مع صاحبتي .
ريحان..بعدم تصديق " امتى كانو عندك صحابات ؟!
وئام....مؤخرا ولاو عندي ماشي معقول غانبقى منعازلة على ناس حتى انا بشر ومن حقي نبني علاقاااات
ريحان...قولتي علاقاات نتي جيتي لهنا باش تقراي كاتسمعي باش تقراي وتبني مستقبلك ماشي باش تبني ليا العلاقات "بحدية " ديها ف قرايتك حسن ليك ولا غانتشوفي مني تصرف ما غايعجبكش
وئام..."وقفت وتكلمت بنفعال" ماشي نتي دوزتي مراهقتك كلها عقد ونعازلتي على العالم حتى انا لازم نكون بحالك باش فادك الانعزال والجدية هااااا ؟! ياك فالاخر خديتي واحد كايدبز فيك صباح وعشية و...."قبل ماتكمل كلامها نزلت عليها لوجه " طرااااااااااااااااخ ...حطات يدها على خدها ووسعت عينهااا ....ريحااااااااااااااااان
ريحان..."تحجرو دموع ف عينها" حيت خديت واخد كايدبز فيا صباح وعشية مابغيتكش تاخدي واحد بحالو وتعيشي مصيري بغيتك تقراي وتكوني من الاواائل وتبني مستقبلك بغيتك تكوني فالمستقبل مرااا ذكية واتقة من نفسها وقوية وحتى حاجة ماتكسرها وئام ماتخيبيش ضني وماتصدمنيش ماناقصاش صدمات يكفي لي عايشاه "شدت يدها " حبيبتي حنا خايفين عليك وباغين ليك غير الخير "سكتت وستأنفات كلامها " صدقيني من خوفي عليك وغايجي الوقت لي تفهمي فيه كل كلمة قلتها
وئام..."جلست فالسرير " وانا قلت ما غانمشيش هاد صباح عيانة
ريحان..."من تحت سنانها "وئاااااااااام
وئام..."تسطحات وجرات ليزار" الصمت
ريحان.."خرجات من الغرفة وزدحات وراها الباب " ياربي صبر من عندك ..
جلست فالصالة وكاتخمم بين ماعماد فطر وخرج .....
فاطمة...هضرتي معاها ؟!
ريحان...من امتى وهي هاكا ؟! واش مولفة تغيب !
فاطمة...عمرها بطلت يالا هاد صباح تي راه كاتبات هازة داك المشقوف ليل كلو بيتها شاعل فيه ضو ضربتني الفيقة مع الفجر من دخلت عندها صبتها مزااااال فايقة
ريحان..."بفقصة " عليها تحت عينيها صابح كحل كي الحشاش الله ياربي اش عاد الكارتة مابقاتش كاتسمع ليا البنت تبدلت 180 درجة
فاطمة...هزيتي بنت وحطيتي بنت
ريحان..."شافت فيها " بقاي ديما تخبريني امتى خرجت وامتى دخلت وانا غانمشي الإيكول نسول "وقفت "
فاطمة....واخ كوني هانية ........"هزات صاكها وخرجت من شقة وقفات طاكسي وتوجهات لإيكول سألت فالإدارة واش عمرها منكت قبل وواش نقطها نزلو....الخ بعد ما خبروها بلي ماعمر سبق ليها غيبت وبلي مزال فنفس المستوى رتاحت نسبيا وصلها تصال من عند باتول وتافقو يتلاقاو ف كافي ****
مسافة طريق كانت داخل الكافي طلعت لطابق الثاني جرت لكرسي وجلست قدام باتول
باتول...مال لونك مخطوف
ريحان...البرهوشة خرجات ليا من جنب
باتول...عاودي ليا ......(حكات ليها بتفصيل الممل ) رحمي نفسك ابنتي مالك على هاد الحالة كاملة شكون فينا ما بطلتش شي نهار وشكون فينا لي ماسهرتش مع تيلي وشكون فينا لي ما حباتش شي نهار خلي النت تعيش سنها "صغرات فيها عينها " بيني وبينك عمرك حبيتي قبل زواج ؟!
ريحان...هااااااء قالت ليك زواج ثم ماكاينش حب قبل زواج اصلاااا
باتول..على اساس نتي عايشة قصة حب تاريخية الله يقزدرك ههههه سي كاين الحب غير ما ذقتيهش انا قبل هشام بغيت شي ربعة المراات ههههههههه بس حب بريئ والله العظيم غامن بعيد ولكن واحد فيهم عشت معاه قصة حب عاااام على قدو فالاخر ختمناها بصلاة على نبي ودابا كانعيش لانوغ مع هشامووو نور عيني ااااااح غاصك غير ذوقي الحب والله يامك حتى تولي كي لمخورجة ااااااح امتى يجي نهار لي نشوفك كاتبكي حيت صقر ما كوا** خخخخخخخخ
ريحان...تففف تفففف الله يمسخك دابا قولي ليا شنو ندير
باتول..."دارت رجل فوق رجل " اييييه على هاد الاساس جيت قولي لي اشنو قالك
ريحان....كاضحكي عليا هو لي غايذبحني ثم علاش غاندير هاد شي كااامل واذا طاح وهادي من سابع المستحيلات فنظرك غايخليني هااااء نتي ماكاتعرفيش داك ثور
باتول...نتي غاتجلطني هاكا كانضربو ديك لاوية ترمة من غاتشوف صقر طاح فيك ولا معمي غاتلاح هي لتوش وغاتفقد الامل شكون لي غايخلي الزين والاصل ويشوف فالكوبي كولي اممم وديك العقروشة غاتجلط حيت صافي غاتهزميها وغاتشدي ولدها بين يدك والكلمة كلمتك والراي رايك "غمزتها " واخيرا هو غاتعطيه صفعة عمرو ينساها بس لازم تقوي شخصيتك بمعني لازم نفورماطيك "وقفت وجرااتها من يدها " ودابا زيدي قدامي تابعانا الخدمة والوقت كايجري
ريحان..صبرك يااارب...
خرجو من الكافي وتوجهو لمول كانت باتول لي كاتسوق وريحان غير تابعاها من لور خدات كدا شوميز دو نوي جريئين والكريمات والملابس الداخلية والميك اب من بعد خدات كدا بيجامة صيفية متيرة وكذا غوب بقصات مختلفة منهم الجريئة والعادية من بعد توجهو لكارفور تقداو الخضرة... ودسير... الخ وشمع والورد والعود وكذا عطر بعد ما خداو كلشي حطات ريحان كاع لي عندها وكملت باتول من بعد طلعو فلوطو وتوجهو الفيلا....
باتول.."كاتسوق وكاتهضر " دابا غاتمشي ديريكت لكوزينة غاتوجي المشاوي الكفتة رقديها فالعطرية وخليها والحم حتى هو وبداي توجدي سلطات عطيت لاغوسيط مانحتاج نوصيك اااه ولاناب لي خدينا هو لي تحطي فوق الطبلة والعود غاطلقيه قبل لايدخل وديك العقروشة ماتسوقيش ليها وماتخليهاش تستفزك ااااه قبل مانسى عارفاك مهبولة حتى وجدي داك شي كااامل عاد طلعي خودي دوش ولبسي الفستان لي ختاريت ليك وجمعي بشي مشيطة وميك اب وبارفان هااااا وياك تنسايه وطبلة حطيها جيهت البسين وزينيها مزيان مانخافش عليك حتى يجي وياخد دوش وينزل عندكم عاد بداي تنزلي لعشا وعاد بداي تشوي تهلاي ليا فالعقروشة اصلا غانديري ليا فيديو وغانبقى متبعاك خطوة بخطوة ودابا تلااااحي بدا العد التنازلي ههههههههه
ريحان...غانتبعك فهبالك حتى نشوف فين غانوصل
باتول..‘اااااح عليا وخلاص تلاااحي هههه
نزلت ريحان من السيارة وهازة عرمة دالاكياس فيدها بين ما باتول عفطت عفطة وحدة فتجاه دارها فتحت ريحان الباب وتوجهات لمطبخ ديريكت حطات الخضرة وكل ماتحتاج فالمطبخ عاد هزت الاكياس لخرين لي فيهم لحوايج والعطور والكريمات وما اليه لغرفة نوم حطت كلشي فالارض وجلست فطرف السرير كاتلتقط انفاسها ...
ريحان...اوووف اش هاد تامارة "حيدات شال لاحتو فالسرير وقفت " امممم نحيد بعدا هاد شراوط نرتبهم بلاصتهم عاد نزل لديك لالهم الكوزينة ...." هزات لحوايج وتوجهات لدرسينغ " ااااخ منك اباتول اااااااخ .....""رتبت كل حاجة فمكانها ولبيست بيجامة على شكل غوب فوق الركبة ودراعها عيانين جمعت شعرها وخدات زيف حياتي دارت تعصيبة (يعني جزمت شعرها بزيف على شكل عكسة 😂) هزات تيلي ديالها ونزلت لمطبخ دارت فيديو كاتهضر مع باتول وكاتغسل الخضرة فنفس الوقت باتول جلسات فالكانابي (فدارها) وحطات طاسة دالبوشار (الگلية) كاتاكل وكاتهضر مع ريحان لي بدات خدمتها....
باتول...اديك لخطية رقدي الكفتة فالعطرية هي والحم عاد بداي بشي لاخر
ريحان...نغسل بعد الدسير ونطرف دنيا قبل لاتجي ديك العقروشة وتبدا تفهم
باتول..يالا خفي يدك
ريحان...اوك شاف 😂.....غسلت الدسير الخضرة وطرفت الكوزينة عاد بدات كادير العطرية للكفتة والحم رقدات زوج سوبيرات كبار وحطاتهم جنب وتوجهات لثلاجة خدات شنو غاتحتاج وبدات كاتجهز السلطة وباتول كاتهضر بدون ماتكل او تمل بين ماريحان كاتفنن فصنع السلطات وجدات كذا نوع بدات بسلطة الرولي من بعد دارت سلطة مغربية بالخضر وسلطة بدرة والاروز بعد ما كملت من تحضير سلطات بدات فتحضر دسير بالكريما تفننت وعطات لكل طبق حقو اول ما فرغت من تحضير الدسير وجدات البريوات وبساطل صغار معمرين بالكفتة والخضر طول الوقت كانت باتول معاه فالڤيديو بعد ماكملت بدات فتحضير العصائر عصير اليمون وعصير الفرولة وعصير الحامض حطاتهم فالثلاجة يبردو وبدات كاتقلي الفريت بعد ما كملت طرفت الدنيا وغسلت الماعن لي رونت فيهم وطلعت لغرفتها وتيلي فيدها...
ريحان....الله ياربي عيت "تلاحت فوق السرير
باتول...نوضي تهزي الوقت كايجري طير لحمام وديري الوصفة لي قلت ليه النشا مع ماء الورد دهني لحمك وترخاي على الاقل 30 دقيقة عاد خودي لك دوش ااااه وماتنسايش الكريم جرجنز كايعطي نعومة خطيرة من بعد الدوش والكريم غاتخلي شعرك فازg ياك وغاتدي المبيخرة وطلقي العود لي خدينا خلي ريحة العود تدخل لشعر مع غايكون فازg غاتشد عاد لبسي شي قاندورة فوق لحمك بلا ماتلبسي شي حاجة تحتها وفرقي رجلك على المبيخرة وخلي ريحة العوذ تطلع معاك واخير فاتاخدي الفستان الاسود لي فيه لي فلوغ فالخضر غاتلبسيه وصايبي شعرك بلاش من المشيطة خليه على راحتو وديري ميك اب وركزي ليا على دوك العينين لي كايحبسو الانفاس 😜 ودوك شنايف العكر البوردو كايجيك خطير ااه والبارفان رشي فرقبتك و..."قاطعاتها"
ريحان..اوووف هاد ديسك عشرة لاف مرة قولتيه اااااخ منك هاحنا غانشوفو لين غانوصل مع هبالك
باتول...نوضي تهزي الوقت كايجري الله باركة من عند الله من داك العقروشة ما كايناش غاتصمد الزغبية 😂 "جمعت ضحكة " يالا ثلاتة ...زوج....واحد....طووووووب...
ناضت ريحان لحمام وبدات فتنفيد طبقت كاع لي قالت ليها باتول بالحرف مسبقا كانت دايرة لاصيغ لحمها كامل دارت النشا وماء الورد لحماها رترخات فالبانيو بعد نص ساعة خدات دوش وغسلت شعرها من بعد لبست البينوار وتوجهات لغرفة دهنت لحمها بالكريم ولبست العباية وطلقت العود خلات ريحتو تغلغل ف فروة رأسها من بعد فرقت رجلها على المبيخرة وخلات ريحة العود تطلع معاها من بعد نشفت شعرها بسوشوار وخلاتو على راحتو توجهات لدرسنغ خدات الغوب فوق الركبة ودراعها عريانين وقفت قدام المرايا وكاتشوف جاتها خطيرة مع طايتها طاي مانكا جمعت ابتسامتها وزيرت على يدها.....
ريحان..."جلست قدام المرايا " الله ياربي اش هاد شي كاديري اريحان كيفاش تعبي نفسك وتجهزي راسك لواحد كرهك ف حياتك وسلب منك فرحتك فيقي اريحان اش هاد الحالة !! "يالا غاتنوض تحيد الكسوة وهي تحبس " صبري صبري ياك انت باغية تردي ليه صاع صاعين ايوا لازم ماضحي باش توصلي لمبتغاك لازم ما ضغطي على نفسك "حطت يدها على رقبتها " كانكرهو وكانكره انفاسو ولمساتو كانكره قربو مني كيفاش غانسلمو نفسي وبملك ارادتي كيفاش غانقدر نمتل ااااااخ ياربي اشنو غاندير "شدت راسها بين يدها " فجميع الحالات غايمسني وبزز مني علاش نخليه يتلذذ بإهانتي وازعاجي علاش لي مانقلبش موازين حياتو ونخليه حاير ومتخبط فأفكارو "شافت فالمرايا بنظرات كلهم حقد كره رفعات راسها بكبرياء وترسمت ابتسامة خفيفة على شفاها وتنهدت تنهيدة طلعت من اعماق اعماقها خدات الميك اب وبدات كاتقاد وجها ركزت على عينها بعد ما كملت خدات عكر وعكرت حبات الكرز (شفاها) شافت شوفة مطولة عاد وقفت رشت البارفان ديالها ورتبت الغرفة رداتها كاتشعل وبخرتها بريحة العود طاح الضلام ومزال السقيل يالا كملت الهضرة مع باتول وهي تسمع الهضرة فطابق السفلي تزير عليها قلبها خدات نفس عميق ونزلت لطابق السفلي بخطوات تابتة اول ما شافتها زينب نازلة مع دروج مأنتكة وفكامل اناقتها عقداتهم وعوجاات فمها وفبالها الف سؤال شنو سر اول مرة تشوفها حاطة الميك اب ولابسة غوب معرية شافت ف صونيا لي لون تخطف من وجها وحالة فمها فيه تبسمت ريحان وتكلمت......
ريحان.."تبسمت بزز " صونيا مرحبا بيك
صونيا..."كرزت على يدها وتبسمت بزز " شكرا احم ظاهر لي خارجة "كاطلع فيها وتنزل ونسات بلي ريحان محتجبة .....
ريحان...نووو ماخارجاش تفضلي "اشارت ليها لصالون...
زينب...رفعت حاجبها " علاش هاد زواق كامل ونتي وجهك كي طعريجة
ريحان..."تلفتت ناحية الباب" اوووه صوت سيارة صقر وصل " توجهات لباب كاتمختر تحت انظار صونيا لي غاتجلط وزينب لي حالة فمها وكاترمش ف عينيها......
صونيا...ش ش شنو هاد شي
زينب....واش هادي الفلاحة !! اش كاتحاول دير ......."خلاتهم كايوشوشو وتوجهات لباب فتحاتو يالا نزل من سيارة ورفع راسو جات عينو ف عينيها طول فيها شوفة وتعابير وجهو ما كاتفسر بين ما هي بقات واقفة قدام الباب رتابكاات شوية ستجمعاات قواها وتبسمت بزز ابتسامة صفراا هز شانطة وتوجه لباب وعينيه ف عينيها....
ريحان...احم على سلامتك
صقر..."بصوت رجولي " شكراا ....."فسحات ليه طريق دخل لداخل وفداخلو الف سؤال مالقى لحتى واحد فيهم جواب شنو سر هاد الاهتمام ؟! عمرها فتحات ليه الباب وشنو سر الاناقة والميك اب ؟! عمرو شافها لابسة شي فستان مكشوف وطالقة شعرها توجه ناحية زينب ودماغو خدام .....
زينب..."وقفت " ولدي
صقر..."مرفوع تكلم بزز " احم سلام عليكم
زينب...."ضماتو " وعليكم السلام على سلامتك
صقر ...."كايشوف ف ريحان ومتجاهل صونيا" الله يسلمك
صونيا..احم على سلامتك
صقر..."شاف فيها " شكرااا
ريحان..."شافت ف صقر " وجدت ليك الحمام خود دوش ورتاح على مابديت فتنزيل لعشا
زينب..."وسعت عينيها فيها وكاتكلم نفسها " هادي ريحان لي قدامي ولا كانحلم الله ياربي اش هاد شي
ريحان..."شافت فيها وتبسمت " ماما فين شاردة ؟!
زينب..."خنزرت فيها " الغمة ان شاء الله
ريحان..."تجاهلاتها " صقر فين تبغي نزل لعشا هنا ولا فالجردة !!
صقر...."كايشوف فيها " لي بغيتي ...... توجه لدروج وجار شانطة وراه اول ما غبر من قدامهم تبسمت ريحان وتوجهات لمطبخ تحت انظار صونيا وزينب....
صونيا..."بغيض " لااا هاد شي بزاف
خدات الشمع والورد وكاع لي غاتحتاج فالتزين وتوجهات لجردة حطات سلة التزين وخدات لاناب فالابيض لاحتو فوق الطبلة لي جنب البيسين وزيناتها بالورد والشمع ورجعات لمطبخ خدات الطباسل ومعاهم منادل فالابيض حطات الاطباق بشكل راقي وقادات المنديل بطريقة محترفة من بعد حطات الفراشط والماس بعناية وكل حاجة فبلاصتها وكل كاس فبلاصتو تبعتها زينب من الور ووقفات بعيد كاتشوف فيها كيفاش كاتزين الطبلة وحالة فمها ودمها كايغلي فنفس الوقت رجعت عند صونيا وبدات كاتنغنغ......
صونيا...."بغيض " طلعت ما ساهلاش وبغات تلعب "رفعت راسها وشافت ف منحى واحد بنظرات كلهم غل وحقد " انا غانوريها لعب على اصولو مستحيل نخليها توصل لين بغات
زينب..."تبسمت بخبث" ااااااح منك ومن افكارك شيطانية هه
صونيا....من تحت سنانها " شتتت هاهي جاية
ريحان....توجهات لدروج " غانشوف صقر واش محتاج مساعدة " غمزت صونيا " دار دارك مرحبا بيك 😉
صونيا...."تبسمت بزز " هه ......"طلعت ريحان كاتمختر تحت انظارهم اول ما وصلت لغرفة وقفت خدات نفس عميق وستجمعات قواها عاد حطات يدها على لبواني دالباب فتحاتو ودخلت كان يالا خارج من الحمام لاوي الفوطة على نصو فالابيض وفوطة صغيرة فنفس الون كاينشف بيها شعرو وعضلاتو بارزين ونازل معاهم الما شافت فيه وتبسمت ابتسامة صفر وتكلمت....
ريحان....انا غانجيب ليك ماتلبس ....."يالا رمات الخطوة للولة فتجاه الدرسينغ هو يجدبها من دراعها ولصقها على صدرو وانفاسو الحارة كاضرب فوجها وعينيه على شفاهاااا....
صقر..."بصوت رجولي " شنو كاتحاولي ديري !!
ريحان....برتباك " ش ش شنو كاتقصد مافهمتش
صقر...حط شفاهو على شفاها " هاد الحركات ماشي معايا
ريحان...."تكلمت بمياعة " مزال مافهمت
..ذاب مع كل حرف خرج من فمها👄 حس بإحساس غريب وبتسارع نبضات قلبو وبرغبة جامحة فلتهام شفاها لصقها عليه اكتر واكتر وحط يدو على مؤخرتها ولصقها عليه بقوة وشفاهو لتاهمو شفاها ستجمعات قواها وجرت الشفة التحتية ديالو ومصتها بطريقة مثير زادت هيجاتو اكتر ما هو هايج دفع لسانو داخل ثغرها وكايكتشف كل قنت وكايمص رحيقها بكل شهوة دفعها فتجاه السرير حتى تسطحات وجا فوقها بعد شفاهو على شفاها وشاف ف عينيها لي زادهم الكحل جادبية رجع كايمصمص فشفاها ويدها كايتحسسو رقبتو ضغطت على نفسها وحاولات جاهدة تتقن دور شافتو سخن وسي سلطان شد ريزو وتحجر بدا قلبها كايرقص سامبا من الخوف لكن ما بينتش تحركت تحت منو بشوية بغات تنوض لكن قاطعها بعضة فعنقها خلاتها تأوه .....
ريحان..."تأوهت من ألم " اااااااه " تكلمت بمياعة " لازم نجهز لعشا قبل مايحسو بغيابي
رفع راسو شاف فيها بنظرات ما كاتفسر وقف كاينهج اول ما ناض وقف بسرعة وكاتنزل فالغوب لي طلعت الفوق وكاتقاد شعرها لي تخربق توجهات ناحية المرايا وخدات احمر شفاه وحطاتو على شفاها لأول مسحو صقر ماهزش عينيه عليها توجه ليها وعطاها شحطة لمؤخرة ......
ريحان....ااااه
صقر....بعد لعشا لازم مادفعي لفاتورة " غمزها وتوجه لدرسينغ تبعاتو بعينيها حتى غبر عاد تكلمت بصوت شبه مسموع....
ريحان...الفاتورة غادفعها انت وقريب غير صبر
خرجت من الغرفة ونزلت لطابق السفلي توجهات ديريكت لمطبخ تاصلت ب باتول وخبراتها بأخر المستجدات عاد بدات فتنزيل لعشا فالجردة بعد ما حطت كلشي وجدت الشوايا الكهربائية فين غاتشوي الكفتة والحم حطات كل حاجة مكانها يالا توجهات لصالة تعلم زينب وضيفتها ينضمو لطاولة جات عينيها على صقر كان لابس سروال كيطما فالgري مع ايكسا فنفس الون وراد شعرو لور ..
ريحان....احم تفضلو ...." تقدامات امامهم كاتمختر وزينب وراها كاطلع فيها وتنزل وكاتشوف ف صونيا لي ولات على اخرها خصوصا من شافت صقر ماهزش عينيه على ريحان وصلو لجردة كان الجو دافي وهوى خفيف كايحرك الازهار لي منتشرة فالجردة جلس صقر ترأس الطاولة بهيبتو المعتادة وعلى وانفاص معاه جلست زينب مترأسة الجهة الثانية من طاولة وعلى وجنبها فاليسار جلست صونيا بين ما ريحان كانت كاتشوي الكفتة ودخاخن طالعة ورحت تشنشيط ملا المكان وقف صقر وتوجه ليها وقف وراها وشد شواية وانفاسو الحارة كاضرب فعنقها رتبكات من قربو ومن انفاسو لي حاوطاتها تكلم بصوت رجولي وشبه مسموع ....
صقر...شنو سر هاد الوليمة امدامتي !
ريحان..."تلفت بغات تلفت لعندو مالقات كي دير لاصق عليها من لور وشواية قدامها خدودها حمارو من الخجل عمرو كان قريب منها لهاد درجة قدام شي حد واخا زينب وصونيا ما كاتهتمش بيهم لكن هاد المرة غير تكلمت بصوت شبه مسموع وبثلعتم....
ريحان....احم كحاز ليه كايشوفو فينا
صقر....زاد لصقها عليه غير مكترت لزينب وصونيا لي ولات على اخرها خشى راسو ف عنقها وستنشق عطرها لي سلب ليه عقلو " وفين هو المشكل امممممم "حط شفاهو على عنقها زاد وترها اكتر واكتر حشمت من حركاتو وخافت فنفس الوقت لاتحرق قربت تلصق على شواية...
ريحان..."بخوف " بعدددد غانتحرق ....
زينب...."بعصبية " احممممممممم
صقر..."بعد عليها " سيري جلسي انا غانشوي
ريحان...(فخاطرها ) يشوي ليك العمر " تبسمت " اوك ........ " توجهت لطابلة وجلست فالكرسي لي على يمين صقر وكاتشوف ف صونيا لي وجها كايخضار ويصفار من الاعصاب تبسمت ورجعت شافت ف زينب لي غاتاكلها بنظراتها لي كلهم شررررر ..... يالا غاتكلم وهو يقاطعها رنين الفون شافت رقم باتول تبسمات وبعدت عليهم عاد ردت ....
باتول...هاااا بلا مانوصيك الابتسامة المياعة وتقحب** و......"قاطعاتها "
ريحان.....حاضررررررررر تلاحي
باتول...يلوحك فبير ......"قبل ماتكمل كلامها قطعات ريحان وتوجهات لطبلة حط صقر المشاوي فالطبق وبداو عشاهم فجو هائج الى قليل الهيجان 😂 هائج عند صونيا لي ولات على اخرها وعند صقر لي هائج بطريقة اخرى وكايتسنى انفرادو بيها على احرر من الجمر بين ما زينب نظراتها ما كايتفسروش وماهزتش عينيها على ريحان وصقر لي كايشوف فيها كتر ما كاياكل.........نظراتو ليها خلاوها تحس بالإشمئزاز والخوف ف نفس الوقت الخوف من لمسو ليها واخا ماشي اول مرة لكن فكل مرة كاتكون هازة هم ديك الحظة رجعت تخبطت ف أفكارها ودخلت فصراع مع نفسها من جديد لاحظ شرودها رفع حاجبو وتكلم. .....
صقر..."بصوت خشن " علاش ما كاتكليش
ريحان....هااااااه
زينب....."كاتميق فيها " اسبحان الله الجتة معانا والعقل يعلم الله عند من
ريحان..."بغنج " وعندمن غايكون من غيركم "شافت فصقر لي حل فمو سرعان ما جمعو وعقد غوباشتو تلفت وشافت ف صونيا....
ريحان.....صوني علاش ما كاتاكليش ؟!
صونيا..." وحلت ليها " كح....كح...كحح ...احم انا كاناكل شكرا "هزت كاس دالما ونزلت عليه دقة وحدة وكاتشوف ف زينب ...."كملو عشاهم فجو هادئ بعد العشا توجهو لصالة وريحان جمعت طبلة......
صقر....كايبخشش فتيلي " شكراا ....."ماكلفش،نفسو ورفع راسو شي لي خلاها تزيد تتعصب خرجات من الڨيلا بخطوات متسارعة بدون ماتودع غريمتها بعدما خرجت صونيا طلعت زينب لغرفتها كاتفصل وتخيط خشى تيلي فجيبو وتوجه لمطبخ كانت كاتنشف فيدها اول ما شافتو تكركبت وتخربقت من الداخل من توتر والخوف توجه ليها بخطوات بطيئة وعينيه كايتفحصو كل جزء من جسدها المنحوت ...
عذابي مع زوجي الجزء السابع
محتوى القصة
التنقل بين الأجزاء