صورة مصغرة لـقصة عذابي مع زوجي

قصة عذابي مع زوجي

qisat 9isat m3a 3adabi zawji m3a ma3a
رواية عذابي مع زوجي

فاطمة..ماشي حيت شديتي ديك الإجازة غاتنفخي ريشك عليا طرتي نزلتي كاتبقاي بنت دوار كاتسمعي 
ريحان..بنت دوار وحسن منك والاجازة جبتها بعرق كتافي كيت لي كايجيب دغامي(الخبز ) بعرق ك....."استغفر الله العظيم 
فاطمة..."توجهات ليها " شفتك وليتي كاتعلي صوتك عليا ياكما عند بالك خلاني المرحوم خادم عندك دغامي لي كانجيبهم بعرق ك** هما لي عيشوك ودارو ليك لكتاف "اشارت بصبعها " اشوفي ابنت الملالية يا اما غاتشدي معايا طريق ولا هزي شراوطك والباب الحباب
ريحان...انت لي غاتهزي شراوطك والله يعرضك السلامة ونساي عليك هاد دوار لي خنزتيه بفسادك وقلة حياك...."قبل ماتكمل كلامها نزلت عليها لوجه"
فاطمة...بزااااااااااف عليك كن تشوفي خنزك انتي بعدا انا درت فيك الخير نتي والملقطة ديال ختك وهزيت رجلي لي يسوا ولي مايسواش باش نعيشكم فالاخر نتعاير اما انت اش درتي هممم ياك خلتينا ومشيتي ضبري على راسك ودايرة سبة بالقرايا داك جامع لي قريتي فيه على يدي تبنا وهاد الخرقة لي دايرة فوق راسك ما غاتخبيش بيها قلة حياك
ريحان...بزاااف عليك وشرف منك وادا خليت ختي ف على قبل مستقبلي ومستقبلها كنت نكرد ليل نهار باش نجيب المعدل وناخد المنحة والحمد لله ربي ما خيبنيش وخديتها بمجهودي والاجازة شديتها بمجهودي ورجعت لهنا ماشي على قبلك على قبل ختي وخويا خويا لي اخر همك 
فاطمة...خوك ها هاااااااي يمكن نسيتي بلي عماد ولدي 
ريحان..مانسيتش كيف ما مانسيتش بلي خويا من باااا ..

بااا لي كليتي ليه دماغو ودخلك لحياتنا بحال السوسة باا لي كان بخيرو وبخميرو بقيتي حتى جلستيه على الحديدة وباع لي وراه وقدامو بااا لي مات بفقايصك وخلانا وراه يتامة 
فاطمة...باك كان واحد سكايري وقمايري نهار لي قبلت بيك كان نهار نحس غصبت شبابي مع شيباني وبلاني بزوج ملقوطات الملالية ولدات وفاطمة غرقات اشوفي لي نطولوه نقصروه ياك غاعماد والله لا دتيه معاك 
ريحان...الله يجعل ذنوبو عليك وهذا اخر كلام معاك "بصوت عالي " وئاااام 
وئام.."هازة شانطة وخارجة من غرفتها" هانا جيت 
ريحان...يالا تعطلنا......"دورات عينيها فالدار لي جمعاتها بعد موت ولديها واخا كانت دار صغير وفراشها بالي الى انها كانت عزيزة عليها شافت شوفة اخيرة فتجاه باب غرفتها ودموع تحجرو ف عينيها خدات نفس عميق وخرجات منها بخطوات متسارعة ووراها وئام جارة شانطة خرجو من دار ومن دوار وخلاو وراهم فاطمة كاتسب فيهم شدو ديبورطو (الماطر لي عندهم عربة لور ) وصلهم لمحطة لكيران لي فالفيلاج قطعات زوج وراق وطلعو فالكار و توجه بيهم لمدينة الرباط ...

______ فرنسا _____ paris 🗼
المكان ف اكبر الشركات فأوروبا مختصة ف صناعات سيارات صاحبها مغربي الاصل وعندو عدة فروع فالمغرب وفرنسا داخل الشركة كان الجو مكهرب والموظفين على اعصابهم وكلهم كايرجفو من الخوف كل واحد فيهم محني على المكتب ديالو وكايتكلمو غير بالأعين كسر صمت صوت الكعب العالي لي جاي فتجاهم .....
---الحوار بالفرنسية----
نسيم..."بنبرة حادة " عجبكم الحال دابا امممم !! ياك سبق لي وحدرتكم قلت ليكم بلي هاد الصفقة مهما وادا خسرناها البوص غايسود عيشتنا قلتها ولا ما قلتهاش ! "بصوت عالي " قلتها ولا ما قلتهاش !!! 
دانيل..."صوتو كايرجف " انسة نسيم حنا ماعندنا حتى علاقة المسؤول الوحيد هو دفيد 
نسيم..."خزرت فيه " انت غاتبلع لسانك وحسك ما نسمعوش قال دفيد قال جمعو قلوعكم من دابا لعشرة دقايق كاين جتماع...عطاتهم بظهر وتوجهات لمصعد كاتمختر وهازة راسها لسما سابعة وخلاتهم شي كايشوف فشي ......"نسيم شابة فالثلاتين من عمرها دات قوام ممشوق وقامة طويلة شعرها طويل فلأسود قاتم وعيون واسعة فالون الاسود و بشرة سمراء بالاضافة لجمال كاتمتاز بذكاء بحيت هي الدراع الايمن للبوص
بعد ما سمعات الكلام لموظفين توجهات لمكتب البوص طرقت الباب ودخلت كاتمختر..
المكان ف اكبر الشركات فأوروبا مختصة ف صناعات سيارات صاحبها مغربي الاصل وعندو عدة فروع فالمغرب وفرنسا داخل الشركة كان الجو مكهرب والموظفين على اعصابهم وكلهم كايرجفو من الخوف كل واحد فيهم محني على المكتب ديالو وكايتكلمو غير بالأعين كسر صمت صوت الكعب العالي لي جاي فتجاهم .....
---الحوار بالفرنسية----
نسيم..."بنبرة حادة " عجبكم الحال دابا امممم !! ياك سبق لي وحدرتكم قلت ليكم بلي هاد الصفقة مهما وادا خسرناها البوص غايسود عيشتنا قلتها ولا ما قلتهاش ! "بصوت عالي " قلتها ولا ما قلتهاش !!! 
دانيل..."صوتو كايرجف " انسة نسيم حنا ماعندنا حتى علاقة المسؤول الوحيد هو دفيد 
نسيم..."خزرت فيه " انت غاتبلع لسانك وحسك ما نسمعوش قال دفيد قال جمعو قلوعكم من دابا لعشرة دقايق كاين جتماع...عطاتهم بظهر وتوجهات لمصعد كاتمختر وهازة راسها لسما سابعة وخلاتهم شي كايشوف فشي ......"نسيم شابة فالثلاتين من عمرها دات قوام ممشوق وقامة طويلة شعرها طويل فلأسود قاتم وعيون واسعة فالون الاسود و بشرة سمراء بالاضافة لجمال كاتمتاز بذكاء بحيت هي الدراع الايمن للبوص
بعد ما سمعات الكلام لموظفين توجهات لمكتب البوص طرقت الباب ودخلت كاتمختر...

كان جالس فالكرسي وعاطيها بالظهر وسجارة فيدو توجهات ليه جلسات فالحاشية دالمكتب وحطات يدها على كتافو وكاتماصي ليه شوية نزلت يدها لصدرو فتحات ليه الزر الاول وخشات يدها وكاتمررها على صدرو بطريقة مثيرة يالا غاتطبع قبلة فعنقو وهو يشد يدها بقوة ولواها حتى غاتهرس...
نسيم..."بألم " اااااااااه اااااااااااي
صقر.."من تحت سنانو" بلاصة ماتبقاي كاتقحبني عليا هنا شوفي خدمتك
نسيم.."كاتحاول تفك من يدو" ص ق صقرررر يدييييي...
"دفعها حتى كانت غاطيح ووقف كيف تور الهايج وشررات الغضب كاطير من عينيه....
صقر..."بصوت عالي "غبت اسبوع والشركة تقلبات سفاها على علاها اش هاد الخدمة دالق**.... فين كنتي فاش خسرنا الصفقة امممم !! 
نسيم..صدقني كانت الامور غادية مزيان ماعرفتش كيفاش حتى خسرنا اكيد شي حد ورا خسارتنا
صقرر.."كايصفق" برااافو لااا بصح برافوو واخيرا بدا دماغك يخدم "زير على الفك ديالها" نبغي اليوم نعرف شكون كايلعب بديلو ورايا ولا غاندمك 
نسيم.."كاتفتف" كن هاني..

_______المغرب ______ maroc ...✈️
بعد اربع ساعات وصلو لرباط وقفات ريحان طاكسي صغير وعطاتو العنوان مسافة طريق كانو فمدينة تمارة وقف الطاكسي فالحي فين مستأجرة ريحان دار خلصت الطاكسي ونزلو الشانطة وتوجهو لدار فتحات الباب بالمفتاح وطلعو لطابق الثاني فتحات الباب ودخلو لداخل كانت دار صغير فيها صالة اونفاص مع الباب وامامها ممر على يمين صالة كاينا غرفة صغيرة فيها زربية وزوج بونجاات وبلاكار لاسق فالحيط وقدام الغرفة كاين المطبخ صغير وفيه بالو كايشوف فالشارع وجنب المطبخ كاين حمام صغير وفيه طوليت رومية دخلت ريحان الشانطة الغرفة وجلست فالبونجة ترتاح...
وئام..."كاتفحص الغرفة بعينيها "دار صغيرة يزااااف 
ريحان...كيف ما كان الحال حسن من وجه فاطمة
وئام...هههههههههههههه "تلاحت فوق البونجة" اوووووووف واخيييرا غانرتاح من فاطمة وصداعها ومن داك دوار الملعون لي عامر غير بهبش "تلفتت ناحيتها" واش درتي ليا الانتقال ليسي !!
ريحان...اااه درتو ليك الاسبوع الماجي غاتبدا القرايا وليسي قريبا من دار تقريبا 15 دقيقة بينها وبين دار 
وئام..."تلاحت عليها وعنقاتها "يخليييك ليييييلي واخيرا تهنيت من طريق ديك الخربة فين كنت كانقرا كنت كانضرب كتر من ساعة على رجلي 
ريحان...ديك الخربة ليها فضل علينا وبيها حنا هنا "تنهدات " اااااخ كن غير كان عماد معانا 
وئام.."تفات" تتف تففف دكرنا سمن او العسل اش بغينا بولد فاطمة كايقول لطير طير ولانطير بلاصتك تهنيت من صداعو 
ريحان...ولد فاطمة راه خوك وخويا 
وئام..عمري نعتابرو خويا بسبب مو تشتت شملنا وخسرنا املاكنا 
ريحان...وئااااام عماد صبي وماعندو حتى ذنب كيف ما كان الحال غايبقى خونا وخلاه لينا بابا امانة شنو ذنبو اذا كانت مو ماكاتسواش
وئام...ذنبو انو ولدها 
ريحان..."تنهدات" اذا بقيت كانهضر معاك غانجلسو بلا عشا ..

وئام...اوووووه فيا الجوع
ريحان.."اشارت ليها " ديري حوايجك فالبلاكار انا غانزل نجيب ما ناكلو 
وئام...واخا قبل بغيت ندوش ونحيد الغبرة والعرق دالطريق
ريحان...انا غانوجد ليك الحمام عاد غانخرج
وئام.."كاتحل الشانطة" اوك.......
____ حي الرياض _____ ( الربااط ) 
زينب..."جلسات قدام المرايا وكاتحيد الميكاب " شفتي بنت سي منصور شحال غزالة وذكية اااخ لو يوافق صقر نخطبها ليه
معتز...داك الولد غايبقى حتى يسكت ليا القلب دخل فالثلاتين ومزال مقصح راسو ورافض زواج
زينب.."تلفتات ناحيتو " وارت العناد منك 
معتز...علاش ماتقوليش منك انا قدو راه اب وكانكبر فولادي
زينب..زمانة ماشي زمانو "تنهدات " ياريت يقبل نختار ليه مراتو بغيت مرات ولدي تكون بنت ناس من نخبة المجتمع لي تليق بمقامنا وتكون كاتفتن بزين زائد تكون قارية وذكية باش نفتاخر بيها بين ناس وسارة هي المناسبة"رفعات حاجبها " اش بان ليك؟!
معتز..."تسطح فالسرير" بان ليا غانعس ...
زينب.."خزرات فيه " انا لي حمقة لي كانهضر معاك ..

بعد ما رتبات وئام حوايجها فالبلاكار خدات بيجامة صيفية حطاتها فوق البونجة وتوجهات الحمام لي كانت موجداه ليها ريحان دخلت وخدات دوش بعد ما تحمحماات لوات عليها الفوطة وتوجهات لبيت نشفات لحماها ولبسات البجامة وهزمات شعرها فزيف حياتي بعد ما دقائق وصلت ريحان كانت لابسة جلابة ودايرة الفولار وهازة ساشي فيدها توجهات المطبخ وحطات الساندويشات الكبدة فالطبسل وخدات قرعة كوكا وتوجهات لصالة فين كانت جالسة وئام
وئام...اممممم الكبدة
ريحان.."مدات ليها ساندويش ديالها " اليوم غانعديو بساندويشات غدا ان شاء الله من نجي من الخدمة غانمشيو نتقداو شنو خصنا
وئام..."كاتاكل وكاتهضر " هي غدا غانجلس غير بوحدي
ريحان..تماما مع ربعة غانجي ونخرجو نتقداو
وئام..اوك......."تعشاو فجو هادئ بعد ما كملو جمعات وئام الطبلة وطرفاات الكوزينة عاد رجعات لصالة تفرج فالتلفازة بين ما ريحان توجهات لحمام حكات سنانها ومشات تنعس...

_____ اليوم الموااااالي _____
فاقت بطلتنا مبكرة كيف العادة توجهات لحمام قدات حاجتها وتوضات ورجعات الغرفة صلت الصبح من بعد توجهات لبلاكار خدات منو فستان طويل فالاسود بالاكمام ودارت الفولار فالكري كتفت بليكخو من بعد توجهات لصاكها خدات منو 50 درهم حطاتها لوئام باش ديباني ما تاكل على ما تقدا هزات صاكها وخرجات من الدار توجهات لراس شارع وقفات فالمحطة حتى جا طوبيس طلعت فيه وتوجهت لشركة مسافة طريق وقف الطوبيس فالمحطة لي غاتنزل فيها نزلت منو وتوجهات لشركة بخطوات متسارعة بعد ثواني كانت قدام الشركة كانت شركة كبيرة وكاتكون من ستة طوابق وكلها زاج دخلت مع الباب وتوجهات لمكتب فين كاتخدم كان مكتب كبير فيه ثمنية دالبيروات خمسة البنات وثلاتة الولاد لقات سلام وجلست فالمكتب ديالها والبنات لي معاها كايتغامزو عليها
مونية.."همسات لصديقتها" ويلي شهر هذا باش بدات معانا ومزال كاتلبس هاد الكسوة الكاشفة
سمر..."همسات ليها " شفتي غير الكسوة وديك لالهم الصندالة ديال 30 درهم مابانتش ليك
مونية...هههههههههههههههه
محسن..علاش كاضحكو ضحكونا معاكم
سمر...لهلا يوريك علاش كانضحكو ههههه ...

بقاو على داك الحال حتى وصل وقت الغدا طول هاد الوقت كانت متجاهلاهم تماما هزات صاكها وتوجهات لمطعم الشركة جلسات فالمكان لي متعودة تجلس فيه ديما وطلبت غداه ......فالجهة الثانية كانت جالسة مونية وسمر وزملائهم فالعمل تقابلو معاها وكايتغامزو.....
شيماء..شحال نافخة واعجبها راسها
سمر..كن غير كان بعدا علاش تنفخ ويلي وحدي شهر وهي لابسة ديك الكسوة الكاشفة وديك الصندالة د ستمية دريال ونفخة مزال 
محسن...كسوة كاشفة وصندالة دستمية وفايتاكم فالزين والعقلية 
مونية...الله الله قالك الزين اشمن زين فيها بقات ف لي لونتي لي دايرة دعوة فالعدسات زرقين اشمن عقلية وهي معقدة وحالتها حالة
سمر...هانتي تشوفي
محسن...اشمن عدسات هادوك عينيها ومن هاد شي كامل واعرة عليكم 
مونية..نوض تهز من حدايا
سمر...ناري ناري شوفو شكون جا 
شيماء..."حلت فمها "الله سي فراس بجلالة قدرو معانا فالمطعم
محسن..."هز طبسلو وناض من حداهم" الله يعفو عليكم وخلاص هه...

تحنات ريحان على طبسيلها كاتاكل بين ما البنات حالين فمهم ف فراس ونساو ريحان
فراس.."كايشوف فتجاه ريحان"شكون ديك البنت !!
سهيل.."تلفت " اه هاديك موظفة جديدة
فراس...اهااااااه "كايمرر يدو علي دقنو "قولتي موظفة جديدة وشنو اسمها !!
سهيل..."بمكر " ريحان
فراس...اهاااااه ...."كاياكل وكايشوف فيها بعد ما كملت غداها خرجات من المطعم وتوجهات لمصعد ياالا دخلت وهو يدخل وراها فراس ............
____مكتب المدير _____
معتز..شكون خدام على المشروع ؟!
علي.."مد ليه الملف " خدام عليه صلاح الدين والانسة ريحان المنصوري.....
اول ما سمع معتز اسم المنصوري وسع عينيه وشاف ف علي....
معتز...قولتي ريحان المنصوري !!
علي.."بستغراب " ااه اسيدي الانسة ريحان المنصور وهي موظفة جديدة معانا فالمجموعة
معتز..."دابا تكون عندي 
علي..."بخوف " سيدي كاين شي مشكل !!
معتز.."بنفعال " قلت ليك دابا تكون عندي يالا طلق راسك
علي.."وقف"امرك سيدي...

فراس..احم اهلا انسة ريحان
ريحان.."بستغراب " اهلا
فراس.."مد يدو " انا فراس نائب الرئيس
ريحان.."كاتشوف فيدو "سمح ليا ما كانصافحش الرجال...
فراس.."جمع يدو وتبسم بزز" اااه ديزولي ادا حتاجيتي شي مساعدة انا رهن الاشارة
ريحان..شكراااا......"تفتح المصعد خرجات منو وخلات فراس كايطلع فيها وينزل توجهات لمكتبها وجلسات كاتكمل خدمتها بين ماهي مشغولة دخلو زملائها كل واحد شد المكتب ديالو بعدهم بدقائق جا علي....
علي...انسة ريحان
ريحان..."رفعات راسها "نعام
علي...المدير طالبك فالمكتب ديالو 
ريحان.."برتباك " علاااش
علي...علمي علمك يالا ماتأخريش
ريحان.."وقفات " واخا انا ماجية....."خرجات من المكتب وتوجهات المصعد بركات على زر رقم 6 ثواني وكانت قدام مكتب المدير ....
السكرتيرة...ميسيو معتز فنتظارك تفضلي
ريحان..شكرا...

طرقات الباب بعدما سمعات الادن بدخول دخلت....
ريحان...سلام عليكم
معتز.."كايشوف فيها" وعليكم السلام
ريحان...ميسيو خبروني بلي طلبتيني...
معتز...تماما تفضلي "اشار الكرسي" .....جلسات قدامو وكاتفرك صباعها من توتر ...." اسمك ريحان المنصوري !!
ريحان..اه ريحان المنصوري 
معتز..شنو اسمك باك !!
ريحان.."بستغراب " علاش ؟
معتز..انا لي كانسأل هنا 
ريحان...بابا سميتو محمد المنصوري 
معتز..."وجهو تبشر فتح المجر وخدا منو صورة ووراها ليها " هذا هو باباك !!
ريحان.."وسعات عينيها " اااه هذا بابا فين كاتعرفو "دمعو عينيها "...
معتز.."تنهد برتياح " واخييييرا لقيت رفيق دربي ماتصوريش شحال وانا كانقلب عليه ريحان اااخ من زمان شحال كايجري يالا البارح كنتي رضيعة اخر مرة شفتك فيها كانت عندك 6شهور تقريبا..."بلهفة " فين هو محمد!
ريحان.."مزال مستغربة" ب بابا مات 
معتز...ش شنو م ماات الله اكبر ان لله وان اليه راجعون امتى مات !
ريحان..مات قبل 10 سنين فين كاتعرفو!!
معتز .."دمعو عينيه" محمد الله يرحمو صديق طفولتي وكان رفيق دربي وبسببو انا عايش الدنيا فرقاتنا انا هاجرت لخارج وهو بقى هنا من نهار هاجرت دنيا شغلاتني عليه ونهار لي فقت بديت كانقلب عليه كنت باغي نرد الجميل لكن للأسف ماقدرتش،نشوفو "شاف فيها " تقدري ترجعي لبوسط ديالك ...

رجعات المكتب ومزال ما قدرات تستوعب بلي باه كان صديق المدير ديالها بين ما معتز كان دافن وجهو بين يديه وكايخمم بعد تفكير دام لعدة دقائق خدا قرارو . ........
______فرنسا_______paris 🗼
رشاد...امتى غاتنزل المغرب !!
صقر...غدا لكن قبل مانزل بغيت نعرف شكون كايخرج اسرار الشركة برا "زير على يدو " ياويلو ويطيح فيدي 
رشاد...انا كلفت ماركوس كن اكيد هذا ولا هادي قراب يتكشفو انت خليك مركز مع الشراكة جديدة لي اسس عمي معتز هو معول عليك خود معاك نسيم انا غانتكلف بالشغل لي هنا 
صقر...بلاش خليها معاك انا قاد بشغلي "وقف وهز جاكيط ديالو "
رشاد...اش بان ليك اليلة نمشيو لنادي خلينا نسهرو قبل ماتسافر
صقر..."بصوت رجولي " ماعنديش الوقت لسهرات وبلاصة ماتمشي لنادي قلب على الجاسوس لي بينا ....."خرج من المكتب عاقد حجبانو كيف العادة وهاز راسو لسما اول ما شافتو نسيم مشات كاتجري وراه....
نسيم...صقررر صقررررررر....
صقر..."تلفت " نعام
نسيم...سمعت بلي غدا نازل لمغرب على قبل الشراكة جديدة !!
صقر..."كايتمشى وكايهضر " وي 
نسيم..."بفرح " هي نجهز نفسي باش ننزل معاك!!
صقر.."دار نظارات شمسية " لاا نتي خليك مع رشاد......"طلع فلوطو ديالو وكسيرا خلا وراه نسيم غاتاكل جنابها فكل ماكاتحاول تقرب منو كايصدها زيرات على يدها وتكلمات....
نسيم...شحال ما هربتي مني غاتكون ليا وعد ...

-----المساااااااااء -------🌇
وئام..."كاتقلب فالأكياس "واااااو هاد شي بزاااف 
ريحان...عاونيني نستفو الخضر فالثلاجة قبل خاص نغسلوها 
وئام...انا غانقي الحوت وغانغسل الدسير وانت غسلي الخضرة ونقي الدجاج
ريحان.."ضربات فيدها "تافقناااااااااا......
_____حي الرياااض ______( الرباط )
زينب....شافية....شااااافية ....
شافية.."جات كاتجري " نعام الالة
زينب...غاتطلعي توجدي بيت سي صقر غدا غايصبح هنا غاتبدلي الفراش والستائر وتمسحو الغبرة الحمام يتنظف وياويلكم يتشكى راك عارفاه 
شافية..."كوني هانية الالة الله يجيبو على خير
زينب...اااه وقولي ل خديجة (الطباخة ) توجد شربة السمك معتز بغاها لعشا
شافية...واخا الالة...
زينب...يالا شوفي شغلك......."مشات شافية كاتجري تنفد الاوامر بين ما زينب توجهات لحديقة فين جالس معتز جلسات جنبو وتكلمت" فين ساهي ماعاجبنيش حالك 
معتز...ليقتو ازينب لقيتو 
زينب.."بستغراب " شكون هذا !! 
معتز...محمد صديق عمري 
زينب.. على سلامتك
معتز...وصلت متأخر محمد مات 
زينب..."بعدم اهتمام " كلنا غانموتو
معتز ..كنت باغي نرد ليه الجميل انا واحد ما كانسواش اول ما شفت الخارج نسيتو ونسيت بلي بسببو انا عايش
زينب...اوووف شحال فيك
معتز...لكن ريحان كاينا والجميل لي دار فيا غانردو ليه 
زينب...."بستغراب " شكون ريحان وشنو غادير 
معتز...ريحان بنتو ريحان موظفة عندنا فالشركة لازم نرد جميل محمد لااازم 
زينب...اش كاتخرف وشنو غادير !! ثم انت ماشي مجبر ترد شي جميل ...

معتز...كيفاش ماشي مجبر واش نسيتي وقفتو جنبي هااا نسيتي بلي بسببو انا عايش "شاف فيها " ياك انت باغية تزوجي صقر ايوا ريحان هي العروس المناسبة 
زينب..."خرجات عينيها " شنووووووو !! كيفاااااااش ؟؟ ولدي انا يدي وحدة موظفة عندنا واش باغي تجلطني مستحيل نقبل كاتسمع مستحيل انا ختاريت ليه وياريت تخليك بعيد
معتز..."بعصبية " كيفاش نبقى بيعد صقر ولدي حتى انا وكلامي ما غانتنيهش انا قررت ومستحيل نرجع على قراري
زينب...."وقفات " هاحنا غانشوفو اسي معتز....دفعات الكرسي برجليها وتوجهات لغرفتها كاتنكر وخلات معتز متبعها بعينيه ...

اليوم المواااالي
المساااااااااااااء •••• 🌇
زينب..."كاتشوف الاطباق" اش هاد الحالة هاكة كاتكون شربة !! خدات معلقة وداقت " ااه اااه اش هاد الويل دابا هادي شربة هادي !! لا واش هاكا كاتكون شربة الكروفيت !! "توجهات لبسطيلة وكاتقلبها بيدها " اش هاد العجينة واش هادي ورقة فنظرك "بصوت عالي " ادوي المنحوسة الى ماوقفتش انا ماكاين والو "دفعات طبسل بيدها " الله يعطيك لغصب يالا عاودي هاد الرونية "شداتها من ودنها " والله يازمومية ويتشكى صقر من شي حاجة حتى نطين عيشتك "دفعاتها وخرجات من المطبخ كاتنكر........
خديجة (كاتبرد ودنها ) اوووف على مرا دابا شنو درت انا شنو درت هئ..هءهء هاكا كايبغي سي صقر الشربة ياما طيبتها ليه ومال البسطيلة الورقة لي مولفين كانصايبوها بيها هي هادي ياك هي لي شرات الورقة بيدها "تغبنات "
شافية...ياااااه شحال فيك واش ماعارفاش لالة زينب هدا طبعها يالا طلقي راسك قبل لاتجي تاني وتعرس علينا ثاني...

" توجهات لغرفتها ومزال كاتنكر ....
معتز..."كايقاد لكرفاط " ياهاد المرا مالك ثاني
زينب...ويلي يشويني فيهم حتى حاجة مايتقنوها لالااا هاد شي بزاف "شافت فيه " وانت اسيهم معتز من صباح وانت جالس عليا قريب يوصل قريب يوصل فين هو يالا قولي فين هو ؟
معتز...ياهاد لمرا رتاحي وريحنا معاك واااه شحال من مرة قلت ليك 21:00 غايكون هنا
"شاف الساعة "بقات ليه نص ساعة ويوصل
زينب...اوعدي مزال ما جهزت نفسي .."توجهات لدرسينغ....
معتز...هذا غير ولدك لي جاي "بتدمر" ياربي تعفو عليا من هاد لمرة " شاف الساعة " اووف لهاتني على الموعد...."خدا تيلي ديالو وخرج من الغرفة....... 
____تمارة _____temara ____
وئام ..."كاتشوف الحوايج " هاد سروال ماعجبنيش قلت ليك بغيتو طاي اوط ويكون مقطع من الركبة 
ريحان...ماعرفتش اش كايعجبك فدوك لي مقطعين هذا حسن ليك منو ثم انتي غادية تقراي ماشي غادية ديري دفيلي 
وئام..بلييز ريحان يالا نبدلوه 
ويحان.."شافت الساعة " هادي 21:00 مشى الحال ثم انا خديتو من رباط ماشي من هنا زايدون مالو جينز سامبل وحسن الف مرة من دوك المقطعين
وئام...واخا نعدي بيه ولكن واعديني المرة جاية غانمشي انا وياك ‘انا لي غانختار
ريحان..."تنهدات برتياح " ان شاء الله....

____ حي الرياض ____ raba 
بعد مالبست فستانها فالون الاسود لونها المفظل فوق الركبة وكمامو قصار طلقت شعرها ودارت ميكاب خيف يالا كاتقاد الحلاقات وهي دقت الخدامة...
زينب...دخل
شافية..لالة سي صقر وصل 
زينب..."تبسمات " الله واخيييرا ....خرجات من الغرفة بخطوات متسارعة نزلت لطابق السفلي وتوجهات ليه فاتحة دراعها....." ولديييييييييييي "ضماتو بقوة "
صقر..."باس راسها " ماماا "شدها من يدها وكايدورها " اش هاد الزين كلو ناس كايكبرو ويزيانو
زينب..."ضرباتو على كتفو " يشوني فيك قال كبرت انا راه ولدتك على 12 عام 
صقر..."ضحك حتى بانو الغمزات " دابا رصي واش 12 ولا 16 ولا 18 حيت كل مرة كاتقولي ليا سن هه
زينب...."خزرات ف شافية " اديك غراب النحس طلعي الشانطات لفوق ونتي مطرطقة فيا عيينك 
شافية..."كاتفتف " واااخ الالة
صقر...غير خليك سعيد غايطلعهم (السائق)
زينب...يشويني فيك لاش مزال واقفة حدايا سيري شوفي شغلك
شافية..."كاتجري " هي للولة الالة
زينب.."شداتو من ودنو " وانت المبلوز ماتعرفش تسكت جالس تمركني قدامها الله يغصبك لاانت لا هي حيد عليا ...."جلسات فالكانابي غضبانة .
صقر..."ضمها وباس يدها " يخليلي الغضبان "كايشوف يمين وشمال " فين هو بابا !!
زينب...شكون عرف اجي نقرقبو ناب على ما جا ...
صقر...حتى يجي ونقرقبوه مجموعين ..انا غانطلع ناخد دوش ..

_____الفيلاج ____ 
فاطمة...اويلي وحدي هاد الملقوط فين زاد "جلسات فوق الحاف " سير اولدي الله يطيرك كيف ما مشحفني "لبسات جلابتها وخرجات من دار كاتقلب عليه فالدوار ...." اولد بوشعيب ماشفتيش عماد !!
محسن...الااااا 
فاطمة...والله اولدي لا بقات فيك ناس ناعسين فخيامهم وانا ندور فدوار كي حقمة........
_____حي الرياض _____ ( raba) ...
معتز..."ضمو " ولدي على سلامتك
صقر..."ضمو بدورو " الله يسلمك فين كنتي !!
معتز..."جلس فالكانابي " كنت مع سمير طلب يشوفني بخصوص الشراكة الجديدة 
صقر...اه مزيان شنو قال !!
زينب ...نساو الخدمة شوية يالا العشا جاهز
معتز...يالا نتعشاو بعدا 
صقر...اوك...." توجهو لغرفة الاكل وجلسو بثلاتة كان المائدة عامرة بكل ما لذ وطاب "
معتز..."ذاق الشربة " اممممم هاد شي لذيذ "شاف ف خديجة (الطباخة ) الله يعطيك الصحة
خديجة..."تبسمات " بصحتكم اسيدي 
زينب..امممممم يشويني فيك كن نبهتكش تعاوديها كن جلسنا بلا عشا
خديجة...لا الالة زينب هي هديك لي ذقتي
زينب..ايوا تقابحي معايا الله يغصبك
صقر..."حابس الضحة " خديجة شكرا سيري رتاحي
خديجة...بصحتكم اسيدي ....."خرجات من غرفة الاكل وخلات وراها زينب كاتخنزر فيها
زينب...كول اولدي كول شوف كي ضعافيتي "مدات ليها الطبسل " خود البسطيلة 
صقر...بشوية اماما هانا كاناكل شكرا 
معتز...بان ليك غير هو لي ضعاف 
زينب...صلى ع نبي راك دير منو زوج شوف كي ضعاف شوف كان ولدي حدايا كنت مهلية فيه وكان صحيح الله يسمح ليك وخلاص
معتز...علاه اش درت 
زينب...لا مادرتي مالو غير جلتيه عليا كول كول العشا برد "همسات " تاكل الويل
معتز..راني سمعتك اش قلتي 
صقر...ههههههههههههه...

____ الفيلاج ____ 
فاطمة ..."رجعات لدار " الله ياربي هاد الملقوط فين مشى !!......
....دق ....دق ..دق...
فاطمة..."توجهات لباب "جيتي اكحل ليام صبر والله لا بقات فبوك "فتحات الباب "...
منصف....خالتي فاطمة خالتي فاطمة
فاطمة..."دارت يدها على خصرها " اش كاين
منصف...خالتي فاطمة عماد شدوه الجادرمية
فاطمة..."ضربات حناكها " اويلي اش دار
منصف..ماعرفتش 
فاطمة.."هزات ساروت وخرجات كاتجري وتغوت " الله ياولدي الله اش دارو ليك .....
___تمارة ___ temara___
وئام...ريحان
ريحان..."كاتبغشش فالتيلي " نعااام
وئام...ختي حبيبتي 
ريحان..."رفعات حاجبها " اش كاين "غمزاتها'
وئام...حبيبت ختها اليسي مابقى ليا والو ربع ايام صافي وانا خاصني تلفون "قلبت شنايفها
ريحان..اش غاديري بيه 
وئام...يمكن نسيتي بلي هادي المدينة وكاع بنات المدينة كايكون عندهم تلفون وانا كبرت وخاصني واحد
ريحان...انت مزال ماكبرتي عندك يالا 16 سنة باغية تكبري دغية ثم حتى تنجحي فالباك ونشري ليك واحد
وئام..."تغبنات" الباك مزال ليه عامين ثم انا كبيرة مالك قديمة مالك
ريحان..."بصرامة" قلت ليك مزال الحال على تلفون حتى تنجحي فالباك 
وئام..."توجهات لغرفتها كاعية " ماخصنيش..

____ حي الرياض ____ ( raba )
بعد العشا توجهو لصالة لي كانت تقليدية مئة فالمئة .....
معتز...ولدي 
صقر...نعام
معتز ...لازم تبقى فالمغرب فمرة انا مابقيتش قادرة على المسؤولية دالشركة بغيت نرتاح" كايشوف فيه بنص عين "
صقر...والمجموعة لي ف فرنسا !!
معتز...رشاد كاين تما وهو قدها وقدود وغاتبقى تراقب الاوضاع من هنا تم نسيم معاه
زينب..."لمعو عينيها بالفرحة" والله فكرة زوينة الله يرضي عليك اولدي الى ما وافق حنا غادين وكانكبرو وبغيناك تكون حدانا ياعالم واش غدا غانكونو معاك ولا لا "كادمع بلعاني"
صقر..."رتشف القهوة " ياك قلتي مزال صغيرة وولدتيني على 12 عام 
معتز..."بزق القهوة من فمو " ههههههههههههههه الله يعطيك الخير ضحكتيني
زينب.. "خنزرات فيه " تهجرووو 
معتز...ياك تزوجتك على 20 سنة ودازت عامين على زواجنا عاد حبلتي 
زينب...بسم الله عليك ماشي دتيني بنت 16 وولدت صقر على 18 
معتز...صافي ديتك بنت 12 وولدتي هلى 14 بقاي ليا على خاطرك
زينب.."شربات القهوة "ايوا هاكا زكي راسك
صقر...هه
معتز..."شاف فيه " اش قلنا !!
صقر..."بعد تفكير " اوك راحتكم هي للولة
زينب.."ضماتو " سير اولدي الله يريحك فالجنة ونعيمها
صقر..."باس يدها " امين ..

معتز..."برتياح" ولدي
صقر...وي 
معتز...وصل الوقت لي دير فيه مراتك وولادك هذا هو القد وكتر كاع 
زينب...ايه كلام باباك صح وانا لقيت لولدي المرا لي تليق بمقامو "تبسمات"
معتز..."خزر فيها " انا لقيت ليك اولدي البنت اش قلتي 
زينب..."لااا انا لي لقيت ليك البنت وكاتعرف باها مزيان الدكتورة سارة بنت سي منصور ناس قيمة وشان والبنت كاتفتن 
معتز..."من تحت سنانو " زينبببببببب "تنهد " استغفر الله العظيم "احم ولدي العروسة لي ختاريت ليه بنت الف واحد يتمناها زين وخلق زائد ذكية 
زينب..."نقزات " لهلا يحيها ويوصل يديها لرجليها حتى يشوف فيها ولدي على خر يامي نزوج ولدي لوحدة خدامة عندنا 
معتز...مالها اشنو فيها البنت موظفة وذكية وانا عاجباني وهي لي غاياخد صلاة ع النبي
صقر..."كايشوف فيهم " شفتكم كاتقررو مصيري بدون ماتاخد رائي !!
معتز..انا خديت رائيك 
صقر...لا انت ماخدتيش رائيك ثم انا مزال مابغي عاجباني عزوبيتي ومرتاح 
معتز..لكن اولدي ال....."قاطعو بحدة "
صقر...لي عندي قولتو " ناض من بلاصتو وتوجه لغرفتو عاقد حجبانو...

معتز..."بإصرار " هاحنا غانشوفو اسي صقر
زينب...غزااا فيك وسارة هي لي غايدي
معتز..."بعصبية" انت غاتبلعي لسانك ومانسمعش صوتك ..."خرج من صالة ساخط على الوضعية وخلاها كاميق فيه وتعوج فمها
زينب...يشويني فيك ......
_____ الدرك الملاكي ____ 👮
الدركي....الالة اش هاد الصداع
فاطمة..."كاتبكي " ولدي اشاف ولدي جابوه هنا وماعارفاش اش دار هئ..هءهءهء
الدركي...اشنو سميتو !!
فاطمة... ع عماد المنصوري ...
الدركي..."شاف فالبيسي " ولدك الالة شدوه قبل ساعة هو وشي وحدين من دوار الزموري
فاطمة...علاش شدوه ولدي انا مزال صغير يالا عندو 14 عام وماكايحركش البيضة من بلاصتها
الدركي...ولدك الالة شدوه كايخون "كايشفر " هو وصحابو فالفيرمة ديال الحاج معتز وضرب واحد من العساسة بموس ..السرقة مع محاولة القتل مشا فيها 
فاطمة..."طاحت الارض كاتندب وتهلل " الله اولدي اشمن طريق تردك ليا الله ازغبية بقاو حتى داروها ليك الله اربي فين غانعطي راسي الله هءهءهءهء....
الدركي..الالة سيري شوفي ليك اش ديري بلاصة ماتبقاي تجدبي خرجي عليا "كايدفع فيها " 
فاطمة...بغيت نشوفو 
الدركي ...ممنوووع يالا خرجي عليا
فاطمة..."كاتجر ليه يدو " نبوس ليك يدك الى ماخليني نشوفو اكيد كاين شي غلط ولدي مايديرهاش اويلي وحدي مزال ما فات حتى 14 عام 
الدركي....وليني مصيبة هادي ...

_____تمارة _____ temara
الله ياربي باش غانشري ليها تلفون وانا مابقى عندي الو "دارت يدها على راسها " تلفوني اه تلفوني اصلا ماعندي ماندير بيه "توجهات لغرفة فين ناعسة وئام جلسات جنبها وحطات يدها على راس وئام
ريحان...وئام ... وئامووو 
وئام.."عاطياها بظهر " الصمت
ريحان...عارفاك مزال مانعستي دوري عندي 
وئام...الصمت 
ريحان...ياك بغيتي تلفون !! ايوا هاهو يالا نوضي
وئام..."قفزات من بلاصتها " هاااااه
ريحان..هووووه "مدات ليها تلفون " خودي
وئام..هذا ديالك !
ريحان..كان دابا ولا ديالك
وئام..."وسعات عينيها " 6بصح ولا ديالي 😍
ريحان..معلوم علاه انا شحال عندي من وئام "ضماتها 
وئام..."كاتعنق فيها "يخليك ليييييييل ياس يااااس "شافت فيها " اونتي باش غاتخدمي !
ريحان..احم انا ماكانحتاجوش خليه ليك حتى ندور الحركة وناخد واحد عادي باش نبقى نطمن عليك خلي نمرة ديالي فيه حتى نشري شي واحد وناخدها
وئام...واخا "باستها " شكرااا 
ريحان...العفو يالا نعسي 
وئام..مافيهش الانترنيت !!
ريحان...مادرتهاش فيه حتى لغدا ونقادو ليك وانسطالي فيه لي بغيتي
وئام...عافاك عافاك دابا 
ريحان..يامتبت العقل ودين مالك مزوروبة فكلشي اري لهنا....."يالا خداتو من عندها وهو يصوني شافت رقم فاطمة وسعات عينيها وبلعت ريقها...."ياربي تسمعنا خير
وئام..شكون 
ريحان..هادي فاطمة" جاوبت " الووو
فاطمة...ريحان عتقي خوك ...

فاطمة...ريحان عتقي خوك
ريحان.."قلبها كايضرب " عماد مالو !!
فاطمة..شدوه الجادرمية وحلفو لاخلاوني نشوفو 
ريحان.."خرجات عينيها " اويلي البرهوش اش دار ....
فاطمة...قالك دخل هو وشي دراري لفيرمة الحاج معتز باش يسرقوها ومن شدهم لعساس ضربو عماد بموس 
ريحان..."ضربات حناكها " اويلي الله ياربي 
فاطمة..اشنو غاندير الولد غايضيع منا
ريحان...كلو منك ومن ترابيك ناقصة دابا عاد تفكرتي بلي عندك ولد "تنهدات " انا غدا غانصبح عندك 
فاطمة...ماتعطليش الله يخليك
ريحان..."فخاطرها "تخلاي ان شاء الله.....واخا ماغانتعطلش "قطعات الاتصال وشافت ف وئام لي ما فاهمة والو " 
وئام...اش واقع ديك الموصيبة اش بغات 
ريحان...عماد شدوه
وئام‘.. سرووو بغيتها فيه
ريحان..وئاااااام
وئام...ماتقوليش ليا غاتمشي لعندها !
ريحان...غانمشي عند خونا ماشي عندها ...

____ اليوم المواااالي ____
قبل الفجر كانت ريحان ف محطة الكيران بين ما وئام رفضات تمشي معاها مع 6 صباح قلع الكار لفيلاج بعد اربع ساعات كانت قدام باب الدرك وكانت فاطمة فنتظارها 
فاطمة..كاتعنق فيها " الله اخويتي مانعرف من طاحت علينا هاد الموصيبة 
ريحان..."بعداتها عليها " اش قالو لك 
فاطمة...من شرقات الشمس وانا هنا ومزال ماهضر معايا حد العشرة دصباح هادي ومزال ما بان ليا والو...."خلاتها ريحان كاتهضر وتوجهات لمكتب فين كاينين رجال الدرك طرقات الباب وذخلت كاتستفسر شي لي قالت ليها فاطمة هو لي كاين رفضو يعطيوها معلومات على صاحب المزرعة لكن واحد منهم عجباتو وقرر يخبرها بالمعلومات باش يتقرب منها اول ما خرجات من المكتب لحق عليها 
الدركي....تسناي ا انسة 
ريحان...نعام اسيدي
الدركي...مول المزرعة سميتو الحاج معتز نصر الدين سيري لعندو وطلبيه يقدر يحن قلبو "كايشوف فيها بشهوة"
ريحان..لاحظات نظراتو " احم واخا شكرا اخويا
الدركي..عرفينا بعدا عليك اش سماك الله
ريحان..ريحان نهارك مبروك وشكرا مرة اخرى ..."قبل مايتكلم طارت من قدامو كاتجري واسم معتز نصر الدين كايتردد فمسامعها...." الله ياربي مايمكنش تكون صدفة اكيد هو المدير علاش اعماد علاش اش ناقصك حتى تشوهني "مسحات دموعها "
فاطمة..."بلهفة " اش قالو لك !
ريحان..."جلسات فوق الحجرة" بغيت غير نعرف فين كنتي نتي حتى دار هاد الكارته واش نتي ام انت !!
فاطمة.."كاتخزز عليها " علاه انا كن عرفت غانرضا يديرها 
ريحان..."عطاتها بظهر ومشات " الله يصبرني 
فاطمة.."همسات " سيري الله يطيرك...

______ حي الرياض _____ (raba )
صقر..فين هو بابا
زينب...كاتكب ليه القهوة" مشى لمزرعة تاصلو بيه العمال شي وحدين دخلو لمزرعة باش يسرقو وواحد من العمال تضرب بالموس.
صقر...الطيف 
زينب..هبش قاتلهم جوع عيا يقاد فيهم ولا بغاو يتقادو دار جمعيات خدم نسا ديال داك دوار الجيعان خدم راجلهم بنا ليهم مدراسة وجامع فين يعبدو ربي ولا بغاو يحشمو "افأفات " اوووف خلينا منهم قولي شنو بغيتي على لغدا ؟
صقر...اي حاجة من يدك "باس يدها"
زينب.."باستو "يخليك ليلي احبيب قلبي 
____الفيلاج ____ 🏜
توجهات لمزوعة لي نعتو ليها اول ماشافت سيارتو قلبها تزير عليها مارضاتش توقف قدامو وتقول بلي خوها شفار خدات نفس عميق بعد ما ستجمعات قواه وتوجهات لبوابة خبراتهم يقولو ليه ريحان المنصوري بعد ثواني تفتح الباب ودخلت لداخل المزرعة....

معتز..."بستغراب " ريحان 
ريحان..."بخجل " ميسيو معتز 
معتز..."اشار ليها " جلسي ابنتي 
ريحان..."جلست " شكرا 
معتز...خير واشو كايري هنا !!
ريحان..."بلعت ريقها " فالحقيقة انا ان..."قاطعها "
معتز..تكلمي ابنتي
ريحان..."تشجعات " فالحقيقة جيت عندك على قبل خويا
معتز.."تبسم " خوك خير ان شاء الله
ريحان..."غمضات عينيها " خويا كان مع الدراري لي هجمو البارح على مزرعة سيادتكم "فتحات عينيها " البارح شدوه الجندارم 
معتز..."بصدمة" كيفااااااااش !! خوك ! الله اربي 
ريحان...الله يخليك خويا مزال صغير يالا قفل 14 سنة الله يسمح لمو ماراضاش ليه البال وتعاشر مع ولاد خايبين لكن مع دلك خويا يدو ما خفيفاش اكيد شي حاجة ماشي هي هاديك
....."كانت كاتكلم ودماغ معتز كايفكر فحاجة اخرى بعد اخد ورد مع نفسو تكلم
معتز...انا قادر نخرجو من القضية بحال الشعرة من العجين لكن عندي شرط تقدري تحسبيه طلب....
ريحان..."بندفاع " مستعدة نفد اي طلب مهما كان المهم خويا مايضيعش
معتز...طلبي هو تكوني مرات ولدي 
ريحان.."دماغها تبلوكا " ك كيفاش ! ز زعمة انا ماكانعرفوش وحتى هو ماكايعرفنيش 
معتز .."تبسم " غاتعرفو بعضكم
ريحان..."فخاطرها " الله اربي اش هاد لكارته "شافت فيه وتكلمت " لكن ان..."قاطعها" 
معتز..."دعا الصرامة" لي عندي قولتو اذا باغية تنقدي خوك هدا هو شرطي
ريحان...غمضات عينيها" م موافقة...

معتز..."وجهو تبشر " تافقنا من دابا خوك حر غانمشي معاك لدرك نخرجوه وغدا ماتمشيش لشركة عندك اجازة مفتوحة 
ريحان.."قلبها تزير عليها " شكرا 
معتز.."وقف " تفضلي معايا..."خرجو من المزرعة وتوجهو لدرك الملكي طول طريق كاتكلم مع نفسها وماراضياش بتاتا...
ريحان.../ بينها وبين نفسها / الله ياربي كيفاش غانتزوج بواحد ما كانعرفوش علاش شرط عليا هاد شرط علاش اعماد علاش الله يسمح ليك "نزلت دمعة من عينها مسحاتها بسرعة بعد دقائق كانو قدام الدرك الملكي قدر يخرجو بسهولة اول ماشافو تبسم لكن سرعان ماجمع الابتسامة وقرر يلعب دور القاصي
معتز...وفيت بوعدي دابا دورك 
ريحان..."زيرات على يدها " وحتى انا غانوفي بيه "خنزرات ف عماد 
فاطمة..."جاية كاتجري " الله على ولدي الله "عنقاتو" 
عماد...انا مادرت والو
ريحان..."بعصبية " انت غاتسكت وحسك مانسمعوش 
معتز..يالا خليتكم على خير..

توجه معتز لرباط وخلا وراه ريحان كاضرب اخماس ف اسداس رجعات لدار مع عماد وفاطمة اول مادخلو لدار طارت عليه
ريحان...ياك البرهوش هذا ماسوينا عندك على خر يامنا نتجرجرو عند المخزن اش ناقصك هااااا ! "بصوت عالي "اش ناقصك اجيفة "ضرباتو " ولد الحاج المنصوري يتشد كايشفر "ضربات حناكها "اويلي وحدي هئ..هءهءهءهء
فاطمة..."بصوت عالي "ريحان ماطلعيش جنون فراسي وقفتي معانا الله يكتر خيرك ولكن ماطلعيش ليا فوق راسي
ريحان..."مسحات دموعها " جمعو حوايجكم 
عماد...والله مادرت شي حاجة ولد جيلالي لي ضرب العساس بالموس قال ليا يالا ناخدو المزاح من الفيرمة ومن دخلت تسيف عليا وبداو كايشفرو يالا غانهرب وهما يجيو العساسة 
ريحان .."بصوت عالي " قطع حسك الكداب 
فاطمة..."دارت يدها على نصها " علاش غانجمعو حوايجنا !!
ريحان...غاتنزلو معايا لمدينة مستحيل نخلي البرهوش هنا 
فاطمة .."ضحكات " دابا دويتي الى كنت حتى انا غانزل لمدينة ماغانعكسش ليك
ريحان..طلقو راسكم
فاطمة..."جراتها " اري داك راس نبوسو
ريحان..."بعدي مني لهيه...

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki