رافائيل:(كتيشووف فمنحة واحد وكيفكر... بينو وبين نفسو: واقييلااا جا الوقت بااش نسلم ... اقتنعت بالاسلام بلي هو دين الحق ... ماكين لاااش نزييد نطول كتر من هاااكااا ....)
خرجو من أفكارو صوت خالد
خالد:ولدي الطبيب ماقاال تا شي جدييد على قضية ريمان؟
رافائيل:مازاال حالتها هي حالتها ... تا واحد ماعرف امتى غاتفيييق ...
خالد:هاي هاي هاي على البجغوووط ولا يهضر فبلاصتي هههه ...(حط يديه على كتف كريم كايداعبو) كبرتي ولييتي راااجل ...
كريم:ايوا ا بابا ... ماقال مايصلاح
رافائيل:(حاني راسو بخجل)عااارف ... كنا غانجييو موراهااا بيوماين ونخطبها رسمي ... لولا هادشي لي وقع ... بغيت نقول الاكسيدون لي وقعات
خالد:اييلاا بنتي ريمان بغااتك انا من عندي غا الله يكمل بالخير ... ولكن تاا تفييق ان شاء الله ومن هنا لتما خااصنا ندعييو معاها ...
مديحة تصدماات صدمة اعممر منين شافت احمد ... طبعا تبدل على آخر مرة شافتو فييهاا ولكن ملامحو ماتبدلووش ... وتا أحمد بحاالها أو أكتر ... منين سمع الخبار ماتهنا تاا جا يشوفها ...
أحمد:مديحة اش كاديري هنا !!
ليلى:(بحال الاطرش في زفة)خالتيوكاتعرفي هاد الراجل؟؟؟!
مديحة:ءءءء (توترات)اه كانعرفووه ... ليلى(دفعاتها تاا وصلو حدا الباب باش مايسمعش احمد) دخلي ا بنتي عند ريمان نهضر مع هاد الراجل ونرجع ... ايلا سولك عمك خالد قولو هاهي جاااياا ... وياااك تقوليلييه على هاد الراجل (جات تجاوب ليلى وهي تقطعها)واااياااااك ا ليلى تاا نعاود لييك ... وايااك تجبدي سيييرتو
ليلة دارت حركة السنسلة على فمها بمعنى ماغانقول والو ودخلات من بعد ماطلعات وهبطاات فأحمد والفضوول غاينهشو مرارتها
أحمد:غيير بشوية ا مديحة ... أناا غادي نشرح ليييك اش واقع ... (تنهد ) منين وقع داكشي راكي عاارفة وخرجت من الخدمة....
فلاش ياك 🔙🔙🔙
أحمد كان كوميسيغ فقسم مكافحة الجريمة عن جداارة واستحقاق ... مامعاهش مع تخرخييش ... كان معروووف فندينتو بالعدل والنزاهة ... وياخد حق المظلووم وخا على حساب حياتو... وذكي بزاااف ... تعرف على مريام (طبعا عرفتووها) ولاتوحب حيااتو وهي لي كايشووف... حطها فعينيه واخا عرفها يهودية ... ولهاد السبب فالأول عاملها خايب ... ولكن من بعد لمس فييهاا الكيبوبة والقلب الكبير .. وبغاها ... من بعد علاقة دامت عام ونص قرر يخطبها ... ماكنش عارف بلي جاكوب متشدد نوعا ناا فيما يخص الدين .. خير عرفهم مسلمين قلب عليهم الدار ... جرا عليهم هو وماماه .. ولكن مريام حلفات علييه لا تفرقات... كاتلقااه فالخف ... تا وقع لي وقع منو حملات ... ولكن ماكنتش عارفة تا تزوجات ... (ورقوولي القافية عااوتشااني 😁 راني خطااار كانلعب بالنار 💃🏽💃🏽) عمير كان جيراهم ودييما تابعهاا ومنها مابغا يتفاك ... جاا خطبها باها قبل وهي ماقبلاتش ... وخلفات ايلا زوجوها من غير احمد دير شي موصيبة فراسها ... جاكوب خااف على بنتو ودار ليها الخااطر... ولكن عمير ماتهناااش ... بدا يدوور للجاكوب ويلعب لييه بعقلو ... تا تفقو يحيدو احمد من طريقهم ... دارو ليه خطة ... عيطو ليه فدار دوخوه تا داااخ مابقااش عاقل على راسو ... وجابو بنت عريانة حدااه ... وعيطو للشرطة ... ولبقو ليه قضية رشوة... دخل بعام للحبس وحيدو ليه الكسوة
وزوجو مريام بزز للعمير ... عمير كان كاايحمااق على مريام وحبو ليها عمااه ... وماشكش فرافائيل يقدر يكون ماشي ولدوو ... وهادي قصة أحمد كيفاش خرج من خدمتو ...
منين خرج من الخدمة سمع مريام تزوجات وولدات وليد ... فقرر يبعد من المدينة إلى اشعار آخر ...
🔜🔛🔛🔛🔛🔛
أحمد:منين وقع داكشي ...والواليدة ماتت فاش دخلت للحبس... قررت نمشي للمدينة الجنوبية ... تما استقرييت ولكن عمري نسييت تزوجت مراتي ماتت وهي كاتولد ريهام بنتي ... وهادي عامين تقريبا قررت نرجع لمدينتي فااش النوت تاني قرر يخطف بنتي ريهام بسبب طلقة خاطئة من زميلها فالعمل ... وأسست منظمة سرية أنا وشي درااري ... باش نحااربو الفسااد لي فالبلاد ... تا بانتلي ريمان واحد النهار كادابز بكل احترافية مع شي شماكرية ... وتعرفت عليهاا ودخلتها للمنظمة منين شفتها تستحق الثقة ...
أحمد:تهدني ا مديحة ... راكيوعارفة بنت رااحل ونص ...
مديحة:والله اوو ماتسد فممنك تانوريييك راجل ونص بااش كاتقاااام ... بنتي قرن وغزاالة وهي تكدب علييااا وانت كاتقووولي راااجل ... زيييظ كمل هااد الحريييرة نشووفو فييين غاتوصل ... الله يغصبك
أحمد:ماتبدلتييش
مديحة:شناااهووووووااا
أحمد:وااالو واااالو ... لمهم كانت عندنا مهمة فإسرائيل ... وهاد المهمة ماكنش لي يقدر عليها من غير ريهام .. احم بغيت نقول ريمان ... لمهم سيفطناها (وسكت منين شااف مديحة حلاات عينيها وفمها ونيفها واي تقبلة فجسمها حلاتها بقوة الصدمة)
مديحة:(كاتشوف فيها وكاترمش عينيها) هادا وقت الضحك اوجه اللفت ... كضحك معايا ياااك ؟؟ بنتي جاات التركية على قبل رحلة يااااك؟(ماسمعت تا ردة فعل من أحمد ليةغاكيشوف بعينيه وهي طلق حلووقها تا مولشي ظار كايشووف فيها وأحمد كايطلب الشرع معاها) احممممممددددد ماااتجعرنييييش وقووولي بلللي كاااتكدب
مديحة:واااش كاين شي شيطان قدك ... اش مزاااال غاتكمل ليييييياااا ... الله على بنتي الله فعز شباابها سيفتييها لاسرائيل ... الله يا رب الله اسرائيل ا بن ليهووودي اسراائيل ... ماسيفتييها لسوريا ناسيفتيها لكوريا الشمالية ... اسرائيل يا صهيوووني بن صهيوووني ... ياا شدالشاارف الهارف يا شيبووووووووب ... عاااويييلي حاااااي على اسراائيل (كاتندب وجها جابت لأحمد الضحكة ولكن كتمها باش مايجييش فييه داك الكاس دالقهوة ) اسرااااائيييييييييل ا ولد الحراااااااام
أحمد:صاافي سليييتي نكمل كلاامي
مديحة:بغييتوعمرك لي يتساااالة .. ياا شااارف ... بغيييت لييييك عداب القبر فالدنيا قبل لاخرى ... كمل يكملو علييك جنوووون
احمد:باسم الله الرحمن الرحيم ... يا رب السلامة وانا كانقوول ريمان لمن كتشبه ...
أحمد:احم ... لمهم منين سيفطتها على ود شي ملفات تجيبهوم ليياا ... ميلفات خطيريين على القدس... خااصك تفتااخري بييهااا ا مديحة ... دخلاات لقلب الجحر بلاا ناتخاف ... ولعبات دور الصماء البكماء ... وقدرات تجيب الميلفات لولا تدخل العدو فآخر لحظة ...
مديحة:نفتااخر بيييهاااا !!! أناا نفتاااخرة ببنتي من نهااار هزييتها بيين يدي ... فدمفتاخرة ببنتي نهاار داارت اول خطوة ... نهااار قاالت اول كلمة ... اول مرة قالت ماما ... اول مرة كتبة حرف .... مفتااخرة ببنتي وغانبقا مفتااخرة بييهااا تاانموووت .. (تنهداااات بعمق ) لوكان ا احمد وقع ليها شي حااجة ؟؟ كوون ماتت ا احمد؟؟ واااش عارف حيااتيوكي غادي تكووون ؟؟ ريمان معزتها بووحدها فقلبي واخا كاين كريم ولكن هي ... هي حالة خاااصة ... هي حياااتي ... (مسحت دمعة تمردات من عينيها) وانا نفتااخرة حييت عنظي بنت بحااالهااا
أحمد:اقسم بالله ماكان انتقاام ... كاان خدمة فقط ... ماغادييش نخااطر بحيااة أهم عضوة فالمنظمة من اجل انتقام تاافه ... نتي كاتعرفييني كوون بغيت نتااقم غانمشي گووود ماكنتخبا مور حد
نمشيو عند عصافير الحب الجداد... ليلى وعمار... جاوعندها للغرفة يتفقد ريمان ... او بالأحرى يتفقد ليلى ... ولا معجب بيها وصارحها بإعجابو ... ولكن ولاا مؤخرا بااغييه ... وحس بلي هي لي باغي يكمل معاها حياتو ... وتاهي ولكن مابغاتش تعطييه فرصة وخصووصا ريمان فهاد الحالة ... يعني مزالة حازنة على صاحبتها ....
عمار:ليلى فاش كاتفكري ؟؟
ليلى:غيير فهادشي لي وااقع... واحد راجل جا عند خالتي مديحة ... و شوشني ... عمري شتو معاهم وانا وريمان كي قلت لييك صحابات من صغر .. تا راه ماعمري شتو أصلا فحيااااتي ... والموشكيل مغراابي ... بفففف شكوون هو واش يكون بااغي !!
عمار: امممم بغييت نعاونك ولكن للأسف قريت الطب مااشي علم الغيب هههه
ليلى:استغفر عليها كلمة ... ماكتحشمش ... أنا غيير كانفضفض لييك ... ساعة وجهك مااشي ديال تفضفيض 😤
عمار:هههه مالك ماكتعرفيش الضحك ... دابا تعرفي كولشي ...
مديحة:اووف كون مااكنت كانعرفك صاادق تا نشنق علييك هنااا نخرج لييك عينيييك من بلاصتهم ونعطييهم للقطوط...
أحمد:نوود بحاالي قبل لاديريها بصح ... نمشي نشووف ريمان
مديحة:سيير وحضي لايشوفك خالد ...أنا خاصني نمشي نشووف رافا ونهضر معاه نجييه نيشااان بااش يجيني نيشاان ... وايلا هو لي دار هاد الحالة فبنتي ... غاانسا بلي ولد صااحبتي وغادي نقتلو بيدييياا
داكشي لي كان يلاه واقفيين باش كولها يمشي للوجهة ديالهم ... تا وقف عليهم رافائيل ... ماعرفوه منين خرج... شافو أحمد وقال كايخاطب نفسوو
أحمد:سبحان الخالق الناطق ... غير مريام
بقا يشووف فرافائيل وحاضييه ... عقلو وقلبو وجل جوارحو داوه للماضي ... تفكر مريام وحوبو ليها ... حوبو لي كان أكبر جريمة تعاقب علييهاا ... بقا حاضي كل تحركات رافائيل وكل كلمة كايقوولها ... تا خرجو من تفكيرو صوت مديحة
مديحة:احم أحمد ...أحمد...
أحمد:ءءء نعام
مديحة:(كتغمزو زعما عيقتي) تقدر تمشي تشوف ريمان ...
أحمد:اه ... عندك الحق ... سمحوولي
مشا أحمد وجلس فبلاصتو رافائيل
رافائيل:وي خالتي مديحة ... فااش بغيتي تهضر معايا
مديحة:(بينها وبين نفسها: خاالتي !! كاايقتلني غا بصوااااب ما شاء الله مريام رباات وعرفت اش ربات)احم ... بغيت نسولك ... اشناهوما أصلوك ؟؟
رافائيل:احم ... أنا باغي نسلم غدا ان شاء الله
مديحة:كنظن فهمتي سؤالي مزيان
رافائيل:اشنو غايغير ايلا قلت أصولي ؟؟ اممم
مديحة:ماغيوقع وااالو ... غير باش نعرف لاااش كاتكدب
رافائيل:فاش كدبت ؟؟
مديحة:علااش قلتي أصولك مسيحية وانت يهوودي ءءءء؟؟؟ علاااش قلتي ريمان دارت كسيدة وهي كانت فمهمة فقصر باك بيرتس ؟؟ علاااش كدبتي ؟؟؟ ااااش بااغي من بنتي ! ايلا هي جات دمر باااك لاش بااقي معاها لدابا
رافائيل:(حنا راسو ومسح على لحيتو)بقيت معااها وغادي نبقا معاها حييت بغيتها ... وأناا ماشي كدبت ... غير خبيت الحقيقة ... أه انا يهودي ... وريمان وجات باش تدي شي ملفات تانا كنت كانقلب عليهم
مديحة:علاااش كاتقلب عليهم وهوما عند باك ؟؟
رافائيل:احم... علاقتي بالواليد ماشي تالهييه ... او انا كنت ضد داكشي لي كايديير ..
عاودلييها كولشي ... ايلا حااااجة وحدة أن عمير ماشي باباه ... هاد السر مايقدرش أي واحد يقولو ... لأنه سر غير مشرف ... فخااف مديحة تفهم أن مريام كانت بائعة هوى وأنه ولد الحرام ... تا واحد مايقدر يعرف الأخرون كيفاش كايفكر ... فخبااا هاد سر لحين اشعار آخر ...
مديحة:الله على بنتي الله اش دااز عليييهااا ... الله ياااخد فيك الحق يا شيباااتي ياا شيبووووووب ... الله على بنتي آش داااز عليييك
وكلات أمرها لله سبحانه وتعالى ... وناضت تكات على رافائيل وهي منهارة ودموعها على خدها ...
فالجهة الأخرى من المستشفى ... كريم برك على خالد باش يبقا يدير الترويض ... حيت كان كايديرهم فالمغرب ... فااش وقع هادشي نساااو خالد ... لكن كريم قريب لباباه بزااااف مشا سول واش كاين الترويض فالمستشفى ... وجاوبوه بالاجاب ... هضر مع خالد وبرك علييك يبقا يديرهم وقنعو بااش هادشي غادي يزيد يقوي ريمان منين تعرف راه ولا يمشي ... لمهم لعب لييه بعقلو وعرف يقنعو ... وداه لطبيب وديك ساعة بداو الحصة ...
وجا اليوم المهم لرافائيل ... يوم الجمعة ... فاق بكري ... معنوياتو طالعييين وفرحااان ... دوش وتوضى لبس جبادور بالبيض ... تعطر
رافائيل: ليووم أسعد يووون فحيااتي من. بعد نهار لي عرفت فييه ريمان ا فيسطون… ليوووم غاادي نبدا حياااتي من اللول…
خرج لقاهم فاقو تاهوما من غير مديحة لي كاتبات مع ريمان ... فطرو مجموعين كايهضرو ويضحكو ... وكولشي فرحان لرافائيل وكايسولو على احساسو ... وهو بقلب رحب وابتسامة كايجاوبهم ...
سلاو مشاو جميع للمستشفى ... طلو على ريمان وبقاو معاها تاا ودن الجامع لي حداهم ... ناضو بثلاتة رافاييل وكريم وخالد ... مشاو للجامع ...
صلاو صلات الجمعة بحال أيتها الناس ... ولكن رافائيل كان غيير الناس ... الخطبة كانت على موضوع حب الناس وحب الخير للغير ...
سلاو الخطبة ولكن قبل مايخرجو الناس قال الإمام
الإمام:لو سمحتم ... معنا شااب يهودي في المسجد ... تقدم يا بني ... تعااال
تقدم رافائيل وسط ذهوول الناس لي دايرين بيه ... جار خالد بالكروسة وكريم معاه .. تا وصلو عند الامام ... جلسو حدااه ... بدا قلب رافائيل كايضرب بشدة ... ولكن فرحاان ومرتااااح ... أول مرة كيحس براسو مرتااح نفسيا لهاد الدراااجة كوولها ...
الإمام:قل وراائي يا بني حسناا ...
رافائيل:حسنا
الإمام:بسم الله (شد فيد رافائيل) أشهد
رافائيل:أشهد
الإمام:أن
رافائيل:أن
الإمام:لاا إله
رافائيل:لا إله
الإمام:إلا الله
رافائيل:إلا الله
الإمام:وأشهد
رافائيل:وأشهد
الإمام:أن محمدا
رافائيل:أن محمداا
الامام:رسول الله
رافائيل:(تغرغرو عينيه بالدمووع وقال بصوت باكي )رسول الله
كانت اجمل واسعد لحظة فحياة رافائيل ... شعووور لا يووووصف ... فرحاان بحال لي يلاااه تخلااق من جدييد ... وكأنه عمرو عاااش وعمرو كاااان عاايش ... شعوور جديييد تولد لييه فقلبو… إحسااسو بخاالقو… إحساس بلي كاين رب يحي ويميت وإليه النشور… رب الكون والحياة والنار… حقا شعوور رافائيل كالشعور بالولادة… ولادة حياة. جديدة قلب جديد…
الجامع كولو عمر بالتكبيير… كوولشي. كاايردد الله أكبر… سلم عليه الفقيه وهنأو ودعا معاااه… وناض خالد تاهو عنقو … رافائيل ولات اسمو سعد… ولات عندو حياة. جدييييدة… مااقدرش يحبس دموعو… ورجال لي تما حداه كولهم. كحزو عندو سلمو علييه… ودعاو لييه بالتبات… كولشي تأثر مع سعد (من. دابا لفووق غانبقا نكتب سعد فعاوط رافائيل)) كولشي. دمعو عينيه معااه .. أما سعد كان كايفكر فمريام لي تمناها كون كانت معاه… أكييد. كاتت غافرح لييه… وأكييد كان غادي يدخلها تاهي للإسلام… دعا ليها بالرحمة فسرو…
خوا الجامع من المصالين وكان آخرهم سعد وعائلتو الجديدة… لي قرر يمشي يزور ماماه لي كايزورها كل سيمانة 3 مرات… مشا بوحدو للمقبرة… وكييف ديما دا معاه الورد لي كانت مريام كايعجبها فاش كانت على قيد الحياة…
حيبانات ليوم خاصني نعس بكري حيت لبارح مانعستش… ماوعدنا غدا ان شاء الله… كيما شتو مابقا والو على النهاية 🤤 يلااه تصبحون على ألف خير الحيباان 😍😘
وصل للقبر ديال ماريام… حط الورد على راسها وگلس حداها… كايدوز يديه على التراب …
سعد:حبيبتي توحشتك (بلا سابق إنذار صوتو تحجر ودموعو على حافة عينيه) توحشت هضرتك وصوتك الحنين… توحشت ابتسامتك لي كاتريح… كلامك الحلو… توحشتتتت حنانتك عليا وخوفك… (بداو دموعو تهبط بغزااارة) مازاااال الوليدة مااتقبلت فرااقك… كنحس بحاال ايلا نااقصانا شي حااجة فحيااتي… فاش كانجي نعس كانحس بالنقص… فاش كانجي .ناكل كنحس بالنقص… تا فاااش كانجي نتنفس كانحس بالأوكسجين ناقص… الوليدة منين مشيتي حسيت بقلبي نقص منو نص… حياتي كاملة نااقصة من دوونك احبيبتي… الحمد لله حاجة وحدة لي صبراتني هو الاسلام… هو لي عمرلي هاد نقص… الحمد لله دائما وأبدا… (دوز طراف صباعو على عينيه مسح دموعو) ولات اسمي سعد… سمية زوينة… كاتعجب ريمان… وكون.كنتي معانا كون عجباتك تانتي… كون تانتي دخلتي للاسلام… أكييد غاتي طلقاي فيه راحتك.لي تحرمتي منها حياتك كولها… (سكت شوية وكمل كلامو) الواليد الحقيقي مازاال ماعرفتو شكون هو… أكييد غيير نوصل للمغرب غاادي نقلب علييه تا لقااه… عندي فضوول عارم نتعرف علييه… عرفت داك نهار من.جدي بلي هو لي فارقكم حيت مسلم… اذن تا هو ماذنبو والو… غايكون تعدب… يعلم الله كييف غادي يكوون !! واش نكون كانشبه ليه !!… دخلني الفضول نشوفو ومتحمس…
سكت شوية وبدا يقرأ سورة الملك ولكن.ك بصوت غير مسموع يلاه كيف كاايحرك شفايفو… أول سورة. حفض كااتعجبو بزاااف وكايرتاااح منين يقراها… وكاايحس بقوة خفية كاتجبر قلبو وتريحو… وهو محتاااج لهاد القوة دابا ..
سعد:صدق الله العظيم… عاارف بلي الترحم على ميت كافر لا يجو ولو ذو قربى… (سكت… وبدا يجهش في البكاء تا صوت الشهقة ديالو بدات تسمع من لين ولين ) اااه الوليييدة… لا يجووووز الترحم علييكي هئ هئ هئ… لاحول ولا قوة آلا بالله العلي العظييم… اسأل الله الرحمة… ولكن الله رحيييم… الله رحيييييم… الله رحيييييييم…
تنهد على حال أمه… ماكرهش كون باقا عايشة وتدخل للإسلام… لأنه فلإسلام لا يجوز الترحم على الغير مسلم مهما يكن… بقا شحاال غيير گالس كايفكر وسااهي… مرة يتفكر يحاتو كييف كاانت… ومرة.يتفكر فعظمة الله… ويهز عينيه للسما… ويردد سبحان الله .. ومرة.يتفكر فاش كان كايردد الشهادة… لمهم فكرة 💡.تديه لفكرة .. طبعا بين افكارو لي ساكنة قلبو… ريمان
ناض سعد من مقامو كايمسح عينيه… باس على راس القبر د مريام… وخرج من المقبرة… ركب فسيارتو عيط لخالد باش يطمأنهم عليه ويقولهم بلي جااي .. حيت.لقا لي زاپيل ديالهم… ولاو حاسبينو بحال ولدهم… ايلا غاب عليهم يسولو عليه… وخاصهم اصلا يشوفوه خصوصا مديحة لي غاطير بالفرحة… وعااجبها الحال… كل دقيقة تقولهم عيطو ليه…
وصل للسبيطاار غيير شافتو مديحة طارت عنقااتو…
مديحة:الحمد لله… الله وأكبر… (شدات ليه وجهو بين بديها ) شتي وجهك سبحاااااان الله كي تنور… نوور الله بان على وجهك…
*ترجم سعد* ومشا عماار بعدما ابتسم.لليلى ابتسمامة دوختها
خالد:الحمد لله ياااا رب… الحمد لله
مديحة:(جمعت يديها وشافت فالسما)اللهم لك الحمد حتى ترضى ولك الحمد بعد الرضى…
سعد:الحمد لله والشكر لله…
دخلو تاني للغرفة دارو حلقة… وبقاو شاديين فيها…
أحمد شد غرفة فلوطيل… جا طل غيير من بعيد شافتو مديحة… خلاتهم ملهيين ومشات عندو… قالت ليه مستجدات حالة ريمان .. ومشا تاني بحالو…
وهكاا داازت ليااام… سعد كايحفظ القرآن مع التجويد… ومرة مرة كايجود لريمان… دازت تقريبا أسبوع… واليوووم مااشي بحال ليام لووخرين
احمد كان مرة مرة كايجي يطل ويشووف حالة ريمان… ومديحة كاتلقااه فالسر… تا وصل لهاد نهاار…جا احمد للمستشفى طلاقاتو كيما هي العادة مديحة… خلات خالد وكريم مشاو للترويض… وليلى ماكيناش وغالبا مشات عند عمار وسعد كايقرا القرآن عند راس ريمان… خرجات كاتسلت هابطة لتحت تا شاافها كريم… مانوا فيها وااالو بدا يعيط بصح ماسمعاتوووش… قرر يتبعها… تا وقف منين شافها كاتسلم على أحمد تصدم… بقا مبلق عينيه… داك راجل عمرو شااافو ولا كايجييه… وأصلا راه فتركيا ماشي المغرب… بقا بالو مشطووون شكون دااك الراجل لي شافو مع ماماه… رجع عند خالد وهو مرفوع… واخا جاامي يشك فماماه واخا يشوفها مع 100 راجل… ولكن باش طلاقا راجل هنا فتركيا كاتجيب الشك وكتجييب بزااااف دالأسئلة…
واخا هكاك قرر مايجبدش معاها الموضوع… ولكن الأمر تكرر معاها فاليومين المتتاليين… كاطلاقا مع نفس الشخص .. فقرر يجبد الموضوع فاليم الثالت… مديحة مالقات تا مخرج من غيير تعاود لييه على ريمان وقصتها مع المنظمة…
مديحة:احم.منين عرفت تا تفيق ريمان ايلا بغات تقولك .. لأنه راكشي سر خااص بيها… لمهم لي بغيت نقولك… انت عارف ماماك كانت فالمغرب… وو… هي كانت صااحبتي روووح .للروووح
سعد:لا لا غيير .. (كي غادي نديير نقوولهاا !! واش نصاارحها بلي مريام ماشي ماما !! ولكن بلاااتي… مزااال ماتأكدت من DNA !! بففف حرت والله تاا حرت من الاحسن نقلب بوووحدي على الحقيقة وتا نتأكد لاا يكون غااا طالقها علياا عمير… ونمشي للمغرب ونقلب بووحدي… دا نلوح ليها غا الطعم وشووف باش غاتفيدني ) احم جدي كانا جبدنا موضوع وقالي كانت باغا شي واحد مسلم وهو رفض .. وبقات فبالي هاد القصة وصاافي
مديحة:اااه… احمد .. كان تاهو خدام معانا بغااو بعضياتهم… ولكن جدك الله يسمح لييه ايلا سمح ليه الله… دار لي مايداار بااش يفرقهم
سعد:(يعني الواليد تقدر تكون سميتو أحمد 😦) اش دار!
مديحة:اش غانقولك .. تافق مع عمير ردارو فخ لاحمد دخل بعام.ونص للحبس… غيير خرج كنتس انت تزاااديتي… واحمد هز قلوعو وبات ماصبح…
سعد:😰😰
حس بقلبو كايضرب بالجهد… شي حااجة فشكل حس بييهاا… حس بالحنين للأب ديالو… عذر باااه الحقيقي وزااد كره باه المزور… كوولشي من عميير… وگالس كايكدب عليه ويصولو كااان بريئ ومريام لي رداتو شرير…
هادشي فاش كان كاايفكر سعد وهو ساااهي وكيشوووف فمنحى وااحد…
مديحة:(مديحة.ماعلا بالهاش بلي احمد بات سعد لذلك.ماعطاتش للموضوع اهمية) خلينا دابا من هادشي فاات ومااات… بغيت نمشي نزور قبرها اييلا بغيتي ا ولدي… سعد .. ولدي سعد… سعععد
سعد:احم .. ءءءء سمحيلي سهييت… نعاام اش قلتي
مديحة: بغييت نزوور قبر مريام
سعد:اه طبعا اخالتي غانديك..
الطريق كووولها وهو كااايغكر فهضرة مديحة… تا كاايبغي يسولها على احمد ويسكت… خااف لا تشك فشي حااجة… داكشي لاش قرر يلتزم بالصمت ويخلي الدجيج فقط فراسو… تا تفيق ريمان ويمشيو للمغرب وديك ساع يتكلف…
وصلو للمقبرة هبطو بقاو غاديين تا وصلو للقبر ديال مريام… كلست مديحة كااتفكر أيام المااضي وتحسر على صااحبتها لي كتر من 30 عام ماشافتها… اعتذر سعد بحجة غايدير اتصال .. وبعد شوية وعيط لدوك محمد (صاحبو طبيب الكلام بالعبرية وانا غانتكلف ونطرجم ليكم)
سعد:السلام عليكم
محمد:وعليكم السلام… كي داير
سعد:الحمد لله… وانت كي دايرين مالين دار
محمد:ولله الحمد .. بغييت نشكرك نيااية على حسين .. رااه وصل لديارو سالم غاانم وديما كاايعيط كاايسلم عليك ويشكرك
سعد:الله يا ودي… درت غيير الواجب… محمد وااحد التحليل ديال الحمض عندك
محمد:امهيلني دقيقة…(صلب بين شي ملفات تا لقا برية طبية)اه هاهو خرج.شحاال هاادي
بقا يضحك 😆 علييها ويسايس.معاها باش يرااضييها… ارل مرة يتعامل مع شي وحدة هاكا .. صحيح فايت تعامل مع شلا بنات ولكن ليلى غيييرهم… قد مابرييئة وعفوية قد مادكية فالنقشات ديالهم .. تا ليلى لقااات علاامن تفشش… كانت باغا غيير راجل تا لقاااتو ولقااتو كاايفششها… عااجبها الحااال معاااه وبغااتو من قلبها…
بقاو هكاك.تا رضاات علييه الاخت الكريمة… وبداو يضحكو شوية عبسات ليلى… هذا هو طبعها… بادر عمار وسولها على السبب…
عمار:مااالنا تاااني على تعباااس… الله شااهد ماادرت ليك والو المفششة
ليلى:لااا مااشي هككاك .. تفكرت ليووم عيد ميلادي… موالفة كل عاام منين كنت صغييرة كانحتاافل مع ريمان فييه… اووووف اول عاام غاندوزو بلاا ختي… مابغييت أصلا نقوولها لتا وااحد ..
سكت عمااار .. ماالقا مايقوول اصلا جميع كليمات المواساة ماغاديش تفييد معاها… ولكن قرر فعاوط الكلام غاايدير شي حاجة… دار يديه تحت دقنو وبدا يفكر… ولكن مابغااش يبين لييهاا تاا يفاجأها…
تا وصلات العشية كالسين عاادي .. خالد مع كريم كاايلعبو سطرانج… مديحة كاتقرا القرآن عند راس ريمان… سعد شاد كتاب 📗 ديني^ جواهر البخاري^ ليلى حدا شرجم مكونيكطيا تااا جاها اتصال ققزات من بلاصتها… بقات كتشووف فجنابها بحال شفاار… تسلتاات كان عمار جاوباتو…
عمار:هبطي راني فالجردة
وقط عليها خلاها حالة فمها باغا تجاوب… حييت هو خدام دابا… لمهم دارت داكسي لي طلب منها وهي معااافرة عااود باغا تخاصم معاااه حيييت قطع عليها… ماخلاش ليها الوقت غيير شافها عااقدة حواجبها زرب عليها دخلها للسيارة وشد الباب باش.ماتقدرش تحلها… ومشا ركب ديمارة الطوموبيل وكسيرة…
ليلى:هييييهووو وااااش انت خاااطفني ولا شنو… فيين غاادي بييا… لاااااش صطعتي علييا طيلي .. رااني.مااقليت لييهم واالو دابا يتشطنووو عليييااا… عماااااااااار واااا عمااااااار… صمك ان شاء الله
عمار:الله يستر
ليلى:هاادي سمعتيها ياا بوو رااااس ..
بدااات تركل وتغوت وتعاير و عمار مااهوااش هنا… خلااها على خاااطرها .. تا وصلو للوجهة ديالهم خرج حل ليها الباب… وبقا يساسنها تهبط
داكشي لي كان عيطات علمتها بلي خرجات مع عمار… طبعا ماسلماتش من نصائح مديحة
مديحة:حضي رااسك… عنداااك تولي كي الزواق تقلي وتبتي ورزني افلييفلة… وخلي طيليفونك .ديما معاااك .. واهم حاااجة حرسي المرمى دياالك مزياااان هاااني كانقووولك حضي التقييبة راها هي لي تكساابي ايلا ضيعتييهااا والله حد مايعقل علييك……… .
سلات الاتصال خرجات عند عمار لي صفر باعجاب على جماال ليلى… كانو وصلو لبيت العذراء… دخلو شدو طبلة ديالهم وگلسو يتحتتو… تاا جاو شي ندلاء .. هزيين حلوة دعيد ميلاد كبييرة مع فرقة موسيقية كاايغنييو اغنية عييد الميلااد… دارت ليلى بدهشة كاتشوووف وكاااتفرنس بووحدها… بداات تسفق بيديهاا مع الأغنية… تا نتابهات لشي جسم دارت.كاتشووف كان جسم عمااار… تحنا على ركابيه قبالتها وجبد علبة حمرة فيهاا خااتم… وقاااال بعدما الموسيقى وقفات
عمار:تقبلي تزوجي بييااا
ليلى:😨😨
وعلاه هي قاادة تهضر… شدات يديها فمها لي تحل على آخرو… هبطو ليها الدموووع بكترة الفرحة… ليلى من طبعها حنييينة ورومانسية لأقصى الحدود… لهذا تأثرات بزااااف… وقلباتها بكااا… ناض عمار مسح ليها دمووعها وعنقها عندو وزير علييهاا
ليلى:(كحزت عليه شوية كتمسح خناينها )تانا كنبغييك… ولكن بشرط عاود تحنى وقولها لييا بالتركية بااش نقوولك قبوليت بالتركية
عمار:هههه هبيييلة… طلبااتك اوامر ليلى هانم
عاوت تحنا وقال ليها…
عمار: Benimle evlen (تتزوجيني?)
ليلى:إڤيط قالبوووولييييييت
لبسها الخاتم وناض باسها فحنها وجبهتها وعنقها… تحت تسفييقات لي حااضريين تماااك قطعو الحلوة . وليلى كل ساعة تشووف فالخاتم وتضحك… مااطاحتش لييها على باالها كاااااع… عوضها عمار على غياب ريمان… واخا مكانتها بوووحدها ولكن كيما كان الخال ماادوزاتووش مغبوونة كيما كانت كاتعتااقد…
دااز هاد نهاار ورجع تااني الايام إلى سباتها .. كسبات ريمان ففراشها… دازت 15 ليووم أخرى .. سعد ولا كايمشي مرة مرة للشريكة حيت ضرووري من الامضاء ديالو…
صبح نهار الخميس .. خابد بداا يتحسن وليووم عندوو آخر حصة… ماقالووها لتا واحد .. يلاه هو وكريم لي عارف… كايفطرو وكريم كاايفرنس ويغمز خالد… وليلى وسعد متعجبين مافهمين واالو… سلاو فطورهم.ومشاو للسبيطار
مشاو للسبيطار… ليلى مشات طلاقا عمار تسلم عليه وتجي… خالد وكريم.مشاو على أساس حصة الترويض… مديحة مشات طلاقا أحمد بلا خيارهم طبعا… أما سعد گلس حدا ريمان بعدما باس يديها ويدا يصرا عليها ما تيسر من القرآن الكريم…
مديحة:واش كل نهاار فاتبقا تجي لهنا آ احمد !! رانس صلت ليه ماكين تا شي تحسين ..
أحمد:ريهام .. احم ريمان راها بحااال بنتي امديحة ماغايهنا لي باال تاا تفيييق… ضمييري مأنبني… والله ماكنعس بقوة تفكيير فييهاا كنحش برااسي انا سباابها بهادشي لي وصلات لييه…
مديحة:(بقااا فيها لان صوتو كان كولو حزن وأسى وتا عينيه دباالو وتحتهم زرق بقلة النعاس)احمد مااديرش فرااسك هااد الحاالة… هادا مكتااب الله مااعندك تا شي دخل… بنتي بعقلها مااشي بززتي عليياا… وهذا ابتلاء والمؤمن مبتلي… داباا واش انت لي خاصصك تصبرني ولا أنااا ههه
أحمد:الحمد لله… ولكن بصح كاتفكرني فبنتي الله يرحمها… ماانبغييش نضييعو تا فيها
مديحة:غااتفيييق… اتا متأجدة غاتفيييق
احمد:إن شاء الله .. أش خبار ولد مريام ! اش ولات سميتو بعدا موور ماسلم
صوت الألات فيق سعد من تفكيرو... وسكت گاااع لي كانو تما... الغرقة كوولها كتسمع فيها طيط طيط طيييط... ماعرفو بااش تبلاااو.. كوولشي تشوووكااا فبلاااصتو...
سعد وقف كاايشووف فآلة القلب لي بدا يجي منها الصووت... وكيشووف فريمان قلبو بغاا يوقف... حس بالدوووخة خفييقة... زير على يديين ريمان لي حس بلي تاا يديها بداات تحرك... شوية زيرااات على يدييه...بحااال ايلااا خاايفة... حل سعد عينيه على اخرعم بصدمة واندهاش... كايشووف فيديها... ولا شااف فييها كان صدرهاا بدا يطلع ويهبط بسرعة بحاال ايلا كاتجري وقلبها بااغي يوقف... حااول ينطق باسمها
سعد:ريييماااااااان
كوولشي جاا كاايجري يشووف اش واقع... كريم مشاا يعيط للطبيب... ولي باقي كوولهم وقفو عند راااس ريمان كااايشووفو فيها بتخوف وبترقب...
قبل ماايستوعبو الأمر جا عماار وشي فرمليات... بالصدم تا وااحد مااهضر ولا قدر يتكلم... كريم كتيسولهم بحال شي مصطي وهوما غيير حاليين فمهم وعينيهم كايشووفو فلاشيء... تاا هضر سعد
سعد:حح... حلااات عيينيييهااا... ياك حلتت عينيها ولا غيير تهيأ لي!!
بدا كريييم كااينقز قبلاصتو وكاايضحك... خالد عنق مديحة لي هبطو دموعها كيف ديما... أما ليلى شدات فمها وبدات تبكي تا كحز عندها عمار عنقها عندو كيواسيها... أما سعد كتااافة بتردييد الحمد لله 🙌🙏 ...
فااقت ريمان ورجعاات ليهم... فاقت بحال ايلا كانت فعاالم آخر... فااقت غيير ريمان لي نعسات... غيير ساكتة فغاالب الأحيان وساااهية فأحيان أخرى وغيير كتشووف بعينيها وقلييلة الكلام... طمنهووم عمار بلي عاادي المريض يفيق هاكا... وكاينين حالات كتر منها... خااصها غيير تولف عاوتاني ... وداكشي لي كان بعد مودة رجعات كيماا كانت غيير هي حريييصة على الصلاة..
بداو يعاودو لييها اش وقع فدااك الوقت.. وهي هادشي كولو لي كايعاودو بحال ايلاةحلمت بيه ولا سامعله... المهم گااع الأحدااث لي سبق وتقال ليها كأنهم متهيئين ليها... سعد ماكفاارقهاااش نهااائيا... تا الماكلة كاايشرب معاها صوبة مسوسة... تا واحد ماعلق علييه لأنه محتاااج لييييها... وتقدر كتر منهم كامليين... لذلك خلاوه على خاطرو... وتا هو ولا عارف دينو ماقربش لييها حدها كتيبووس ليها يديها وحنكها (خخخخ هادشي غيير عارف الدين الله يمسخو)
الحمد لله ماكان عندها تا كسور وقفات على رجليها بثدرة القادر غيير هوو بحكم شهراين مااتحركات كان ضروووري من شي تمرين وترويض بااااش تولي توقف مزيااان علييهم...
دازت 2سيمانات ... ليوووم غادي يخرجو ريمان من سبيطاار...
ريمان:وا أخييرا غاادي نشووف سميشة...
مديحة:واا اخيييرا هي لي غاتشووفك ههه توحشااتك بزااااف كانت شوية وتهبط طمأن عليك كوون مااشدهاش القمر
ريمان:هادي ماشي سلوگية اماماتي
مديحة:وشنوهي؟؟
ريمان:هادا دوڤيرمان امديحة 😑
مديحة:كيييتك سحاابو كانكدب عليييك
ليلى:خلي علييك عديمة المشااعر والاحساااس... هادي مااينفع معاها لا مجاملات لا يديك لا يخلييك...
ريمان:سكتي اوجه اللفتة قبل لانووض لييك ...
دق سعد فالباب دخل سلم عليهم... كان هازساك ديال الحلد فيديه حطو وقال مخاطب ريمان
سعد:ها الحوايج لي قلتيلي نشري لييك... هاني مشيت ندير شي إجراءات قانونية... على ماتلبسي حوايجك اح... احم احم(بغا يقول حبيبة ولكن مابغااش يعيق حدا مديحة وليلى)
مديحة:ومن هنا لتما هاكي خشي هادو... وطوي ديك الپيجاما..
كملو جميع الحوايج... على ماسالات ريمان لباسها... وخرات عندهم بالحجاب... لي جاها زوييين بزاااف... مادرت تا قطرة مكياج... ريمان زوينة بيه ولا بلا بيه... خلااتهم غيير حالين فمهم فيها
مديحة:مااشاء الله على بنتي... جييتي فنة الله يحمييك
ليلى:ريييمووو جيييتي تهبلي والله ... الله يحميك من شر الخلق
ليلى بقات غيير حالة فمها فهااد التغيير الكبيير لي طرا على صديقة عمرها... هزات طيليفونها وبداو يتعوجو ويتسيلفااو ... جات تا مديحة تاهي كااتصور وصط منهم.. بقاو هاككاك تاا جا سعد وراهم... كيعلمهم بلي سالا الاجراءات وخاصعم يمشيو دابا.. هز سيكان لي تماك وسبقهم للطوموبيل... خلطو علييه... كريم وخالد بقاو فالڤيلا ماجاوش داك الصبح...
شدو طريق للڤيلا... مديحة لي گلست حدا سعد أنا لور گلسات ليلى مع ريمان... وبطبيعة الحال لطريق ماخلاتش من غمزات ونظرات الحيبان دياولنا... وليلى كتشوف فيهم وضحك وتفكر عمار لي توحشاتو واخا غير صبح طلاقات بيه...
وصلو للڤيلا لقاو كريم حدا الباب شاد الويفي وحاني راسو على الطيلي آيفون لي شراوه ليه... تا يانو ليه مشا لجيهتهم كاايحنقز ويقلب على ريمان
ريمان:ماتبدل وااالو غادرت الحجاااب ...(مشات شداتو من عنقو ولواتو ليه وظارت ليه راسو تحت كرشها) مزاااالة عزري الدوار هههه
بقاو كيضحكو ودخلو للڤيلا ... طلقاو محمد خارج باش يهز لي ڤاليز
محمد:على سلامتك مدموزيل ريمان...
ريمان:الله يسلمك خويا محمد... بارك الله وفيك
دخلو لبيت الگلاس لقات خالد گالس شاد طيليكوموند كايتفرج فاامتش غير شافهم طفا طيلي ووقف كاايبتااسم مع ريمان لي باست يده وراشو... عجبو الحااال منين شافها بالحجاب... لأنه شحال تمنى تحجب... گلست معاهم شوية من بعد ستأذنات بحجة باغا ترتاح شوية... وقف سعد باش يديها ولكن هي صداتو بلا ماتحرجو
سعد ابتسم أما ريمان خنزراات فييها تاا بغاات تاكلها بعينييهاا... طلعو لبيت... بدااو يتهاودو وليلى مااكتسكتش على الهضرة فعمار.. عمار جا عمار مشا عمار قال عمار دار😏
ريمان بقوة العيا نعست وخلات ليلى كاتهصر بووحدها على عمار طبعا... تا عيات تاهي ونعست حداها... مافاقو تا العصر... ناضت ريمان دوشات توضات وخرجت صلات صلاتها...لبسات بيجامة ديال الدار مترمة وظارت فولار على راسها...
ليلى:(بتعجب)عاااوييلي نتشي ماالك على هاد الحجاب؟؟ خارجة
ريمان:لا دااخلة... سعد ماكتربطني بيه تاااا علاقة وخاصني ندير الحجاب حداه فالسبيطار ماكنتش دايراها أما دابا لا.. يلاااه نوووضي ونتي حالة فييا فمك وعينيييك بفووو الله يحفظك فهمك شحااال تقييييل... نوووضي كرشي كاتشطح عييساوة المرض
هبطو للتحت لقاوهم مجمعيين فالجردة كايهضرو... خلاوهم ومشاو للكوزينة كلاو ماكتب الله... ومشاو عندهم تاني... طبعا كوووولشي متفاااجأ من الحجاب لي دايرة ريمان ولكن تا واحد ماسولها...
داز نهار عاادي غيير فالقصر بين مديحة وليلى. أما سعد واخااا توحشاتو تاهي ولات تفاداااه ماا أمكن... وهضرتها معاه قليييلة ماكتبغييش تبقا هي وياااه فبلاصة وحدة... ضرووري مايكون معاهم شي حد... فاش سولها قالت لييه
ريمان:إثنان تالثهما شيطان
عجباتووو إجاابتها بقدر مااحزناتو حييت مابقااش كايقد تا يقيس ليها يديها... وهضرتها معاه قلييلة وهادشي كايعدبو ويعدب قلبو الولهان... ولكن فااش كايفكر بلي غاتكوون لييه وااحد النهااار كاايبرض قلبو شوية... المهم أنها حدااه كايشووفها وكيشووف عينيهاا... أما تا العطر متبقااتش كاديرو... وتاهو ولا عاارف هادشي... كايمشي ياخد دروس بما أن ريمان رجعات للدار دابا... وظايرين بسها عائلتها... ومابقاتش كاتقرب ليه استغل الفرصة وولا كايمشي ياهد درووس عند كبار علماء الدين فتركيا... تا ولا عارف الشاادة والفادة والكبيرة والصغييرة والحرام والحلال فدينو...
أنا ريمان ولا كاايعجبها كتر وكتر... كاتبقاا حاضياه من بعيييد كيفاش كاايتحرك كيفاش كاايهضر كيفاااش كايحني رااسو فاش يحشم... شخضيتو جدييدة زاادت غرقااتها حباا وعشقا فييه... كاادعي لله يجمعهم تحت سقف واحد...
ولاو كاايخرجو هي وليلى ومديحة... تا حفدو استنبول كوولها... ماخلاو تا قنت ماظاهم ليه الشيفور... تسارااو وتصورو وشراو شلا حوايج... وكأنهم عمرهم داازو من ديك المحنة... حييت هادس هي الدنيا مرة حزن مرة سعادة... ضرووور من الحزن بااش نعرفو قيمة السعادة...
مديحة كاتحاول تجبد مع ريمان الهضرة على أحمد ولكن كاترااجع فآخر دقيقة... كاتقوول خليها من بعد... أحمد لي طمناتو مديحة على ريمان وشافها من البعييد رجع بحالو مرتاح البال والضمسر للمغرب ... على أمل يطلاقا بيها تمااك
وهاكا داازت 15 اليوم وحدا اخرى فتركيا... فاقت ريمان كيما العادة فالفجر... توضات صلات دييما كاتسمع تقرقيييب فنفس الوقت فاش كاتفيق... ولكن لتحت... حييت الفوق كاين غيير بيوتة ديال عائلتها...وتا بيت سعد ماعارفاش فين جا بالضبط... ماعطاتش الأمر أهمية كبيرة... رجعات لفراشها... وبدات تشوف فالسقف دالبيت لي بدا يتسلل ليه شوية ديال الضو... كاتفكر فسعد وتغييرو... والخاجة لي شااغلة باالها هي
ريمان:(بصوت خاافت) كييفاااااش غانقووليه بلي عمير ماشي باباك وبلي أحمد هو باك الحقيقي؟!! بففف كوون غااا فقدت الذكرة بفف... كيي غانديير نقوولها لييييه!! اه اخالتي مريام نتي نعستي ورتااحيتي وانا خليتيني نوااجه هاد العبأ لي حطيتي عليا بووحدي... اخخ الله يسمحلي أعووذ بالله من الشيطان الرجيم اش كانقووول تانا... الله يغفر ليها...
بقات تهضر مع راسها تا شحف حلقها... نتفضت من فراشها باش تشرب... لقااات القعة لي عند الكوافوز خوااات... أفأفت قبل ماتنووض وتلبس بينوارها الطويل ودير الدرة على راسها وتخشي رجليها فكلاكيطة وتحل الباب... بدات تمشي على صبعان رجليها بااش ماتصدر تا صوت... هبطات للكوزينة شعلات الضو مشات للتلاجة نيشاان... هزات قرعة دالما... وطويسة ديال صلاد فخوي... ريمان تبدل كوولها إلا كرشها والنعاس عمرهم يتيدلو فيها... گلسات على صالامونجي كاتكل وتبنن كييف دييما... تا صمعلت صوت وراها
سعد فاق يصلي الفجر تاهو... موااضب عليه من نهاار سلم... بيتو كان تحت بيت ريمان وفوقما يقيث يصلي كايسمع تقرقيب خفيق كايبتاسم وتاهو كايقرقب بلعاني باش تسمعو... الحب بالإشارات وداكشي😆 صالا صلاتو ولبس كيطمتو بااش يخرج يدير لاماغش لي موالق يديرو... تا شاف الضو ديال الكوزينة محلول... سحااب لييه محمد تا طل ولقا ريمان كااتينن بداكشي لي كتكل... بقا شحااال كايشووف فيها...وتفكر الأيام لي جمعاتهم... ونهار لي خلعاتو وعتارف ليها بحوبو... ابتسم غيير بوحدو ونحنح بااش تعرف بلي راه جاا باش ماتخلعش... داارت شاافت فييه.. عااد نتبهت للحية لي كبرات لييه وزادتو هبة وجمال على جمالو
سعد:صباح الخير
ريمان:احم صباح النور.. واش انت لي كنتي كاتقرقب قبيلات؟؟
أحبني صهيوني الجزء 13
محتوى القصة
التنقل بين الأجزاء